7 replies to this topic

[கோமகன்]

http://www.spellcasting.com/wp-content/uploads/2012/04/Kostian1.jpg


நாளை மறுதினம், ஆகஸ்ட் 31 வெள்ளிக்கிழமை வானில் தோன்றவுள்ள பூரண சந்திரன் 'Blue Moon' என அழைக்கப் படுகின்றது.
இதற்காக, வானில் நீல நிறத்தில் சந்திரன் தோன்றப்போகிறது, காண்பதற்கு தயாராக இருப்போம் என எதிர்பார்த்தால் நீங்கள் ஏமாறலாம்.

ஒரு மாதத்தில் இரண்டு தடவை பூரண சந்திரன் வானில் தோன்றினால் இரண்டாவது தடவை ஏற்படும் பூரண சந்திரன் Blue Moonன் எனப்படுவது மரபு. அதாவது சந்திர நாள் காட்டியில் ஒரு சுற்று முடிந்து பூரண நிலவு அடுத்த முறை தோன்ற 29 நாட்கள் இடைவெளி உண்டு. ஆனால் ஒரு மாதத்தில் 30 அல்லது 31 நாள் இருப்பதனால் சில சமயங்களில் பெப்ரவரி தவிர்த்து (28 நாட்கள்) ஏனைய மாதங்களில் இரண்டு தடவை பௌர்ணமி அதாவது பூரண் நிலா வானில் தோன்றும் சந்தர்ப்பங்கள் வரும். அப்படி ஒரு நிகழ்வே இந்த ஆகஸ்ட் 31 இல் நிகழவுள்ளது.

ஏனெனில் ஆகஸ்ட் 2 ஆம் திகதி ஏற்கனவே ஒரு பூரண சந்திரன் வானில் தோன்றியிருந்தது. இப்படி ஒரே மாதத்தில் இரண்டு பௌர்ணமி ஏற்படும் நிகழ்வு சராசரியாக 2 1/2 வருடங்களுக்கு ஒரு முறையே ஏற்படும். இந்த அரிதான நிகழ்வே 'நீல நிலா' எனப்படும் Blue Moon என அழைக்கப் பட்ட போதும் நிஜமாகவே நீல நிறத்தில் சந்திரன் தோன்றும் சந்தர்ப்பங்கள் உண்டு. ஆனால் இவை பௌர்ணமியில் மட்டும் தான் நிகழும் என்ற கட்டாயமில்லை.

அதாவது எரிமலை வெடிப்பு, காட்டுத்தீ போன்ற அனர்த்தங்களால் காற்றில் தூசு துணிக்கைகள் நிறைந்து அதனால் சந்திரன் நிறம் மாறி நீல நிறத்தில் தென்படுவதும் உண்டு.
உதாரணமாக 1883 இல் இந்தோனேசியாவின் கிரகடோவா எரிமலை 100 மெகாடொன் அணுகுண்டுகளுக்கு இணையாக வெடித்து வளிமண்டலத்தை மூடிய புகை காரணமாக சூரியன் சிவப்பு நிறத்திலும் சந்திரன் நீல நிறத்திலும் தென்பட்டதை மக்கள் அவதானித்துள்ளனர்.

அண்மைக்காலத்தில் நீல நிற சந்திரன் தென்பட்ட சந்தர்ப்பங்களாக 1983 இல் மெக்ஸிக்கோவின் எல் சிச்சொன் எரிமலை வெடிப்பையும் 1980 இல் சென்ட் ஹெலென்ஸ் வெடிப்பையும், 1991 இல் பினாட்டுபோ வெடிப்பையும் கூறலாம்.

http://www.4tamilmedia.com/newses/world/7838-2012-08-29-17-33-12?utm_source=feedburner&utm_medium=feed&utm_campaign=Feed%3A+4tamilmedia-feeds+%284tamilmedia+%E0%AE%9A%E0%AF%86%E0%AE%AF%E0%AF%8D%E0%AE%A4%E0%AE%BF%E0%AE%95%E0%AE%B3%E0%AF%8D%29

[akootha]

அண்மைக்காலத்தில் நீல நிற சந்திரன் தென்பட்ட சந்தர்ப்பங்களாக 1983 இல் மெக்ஸிக்கோவின் எல் சிச்சொன் எரிமலை வெடிப்பையும் 1980 இல் சென்ட் ஹெலென்ஸ் வெடிப்பையும், 1991 இல் பினாட்டுபோ வெடிப்பையும் கூறலாம்.

இந்த முறை இலங்கையில் வரக்கூடாது .

http://tamilmirror.l...8-14-03-26.html

[கோமகன்]

இந்த முறை இலங்கையில் வரக்கூடாது .

http://tamilmirror.l...8-14-03-26.html

கருத்துக்கு நன்றிகள் அகூதா.

[nunavilan]

இன்று வானில் நீல நிலா காணலாம்!

எப்போதாவது நிகழும் நிகழ்வுக்கு ஆங்கிலத்தில் "ஒன்ஸ் இன் ப்ளூ மூன்´ (நீல நிலாக் காலத்தில்) என்று குறிப்பிடுவது வழக்கம்.

அதாவது வானில் வெண்மையாகத் தோன்றும் நிலா நீல வண்ணத்தில் தோன்றுவது எப்போதாவதுதான் என்ற பொருளில் இத்தொடர் அமைந்துள்ளது. அதே சமயம், இதுவும் வானியல் நிலைப்படி சரியாகவே அமைந்துள்ளது. அப்படி ஓர் அரிய நாள் இன்று வெள்ளிக்கிழமை (ஒகஸ்ட் 31) அமைகிறது. இன்றைய வானில் இரவு தோன்றும் நிலா நீல நிறத்தில் இருக்கும் என்று வானியல் வல்லுநர்கள் கூறுகிறார்கள்.

"ஒகஸ்ட் மாதத்தில் முழு நிலவு இரு முறை வானில் தோன்றுகிறது. கடந்த ஒகஸ்ட் 2ம் திகதி முதல் முறையும், வெள்ளிக்கிழமை இரண்டாம் முறையும் தோன்றுகிறது. இவ்வாறு ஒரு மாதத்தில் இரண்டாவது முறை தோன்றும்போது, நிலா நீலமாகத் தோற்றமளிக்கும்.

வாயு மண்டலத்தில் படிந்துள்ள எரிமலையின் சாம்பல் துகள்கள், புகை ஆகியவை காரணமாக இந்த நிறம் ஏற்படும்´´ என்று தெரிவிக்கப்பட்டுள்ளது.

அடுத்த நீல நிலா 2015ம் ஆண்டு ஜூலை மாதம் தோன்றும் என்று வானியல் ஆய்வாளர்கள் தெரிவிக்கின்றனர். வெள்ளிக்கிழமை நீல நிலா மாலை 6.13 மணிக்குத் தொடங்கி, இரவு 7.28 மணி வரை தோன்றும் என்று இந்திய வானியல் சங்கத்தின் இயக்குநர் என்.ஸ்ரீரகுநந்தன் குமார் தெரிவித்துள்ளார்.

(தினமணி)

[தமிழ் சிறி]

இன்று... என்று, பார்த்து... வானம் ஒரே... மப்பாயிருக்கு.

[தமிழ்சூரியன்]

தெளிந்த வானம் அழகான பால்நிலவு .........ஆனால் நீலமாகத்தெரியவில்லை........நண்பரே ........
அதே கலர் அதே சைஸ்.........இப்படி ஒரு நிலா தான் எங்க ஊரிலேயும் இருக்கு.......... .

சில வேளை என் கண்தான் பிழையோ தெரியவில்லை ............

[தமிழ் சிறி]

தெளிந்த வானம் அழகான பால்நிலவு .........ஆனால் நீலமாகத்தெரியவில்லை........நண்பரே ........
அதே கலர் அதே சைஸ்.........இப்படி ஒரு நிலா தான் எங்க ஊரிலேயும் இருக்கு.......... .

சில வேளை என் கண்தான் பிழையோ தெரியவில்லை ............

நீங்கள் எத்தனை மணிக்கு, நிலாவை பாத்தனீங்கள். பின்னேரம் 6:15 க்கு பாத்திருந்தால்... நீலமாய் தெரிஞ்சிருக்கும் .
------






சென்னை: வானில் வெண்மை நிறமாக காட்சி தரும் நிலா நேற்று நீல நிலாவாக தோன்றியது.
கடந்த மாதம் 2-ந் தேதியும், 31-ந்தேதியும் இரண்டு முறை முழுநிலவு தோன்றி உள்ளது. இவ்வாறு ஒரு மாதத்தில் இரண்டாவது முறை நிலா தோன்றும் போது நிலா நீல நிறமாகத் தோற்றமளிக்கும்.
நிலா நீல நிறமாக மாறுவதற்கு வாயு மண்டலத்தில் படிந்துள்ள எரிமலையின் சாம்பல் துகள்கள், புகை ஆகியவையே காரணம் என்கிறது அறிவியல் உலகு. வரும் 2015ம் ஆண்டு ஜுலை மாதம் மீண்டும் இருமுறை வானில் நிலவு தோன்றும்.
நேற்று மாலை 6.15 மணியிலிருந்து சுமார் ஒரு மணிநேரம் மட்டும் நிலா நீலமாகத் தெரிந்தது. அதற்கு பிறகு மஞ்சள் நிறத்துக்கு மாறியது.
நன்றி தற்ஸ்தமிழ்.

[kssson]

நீல நிலா நீதான் மயக்குவதேன்? உண்மையான நீலநிலாவின் விளக்கம்.