Jump to content


Orumanam
Photo

காவியமே கண்ணுறங்கு!!!


  • Please log in to reply
No replies to this topic

#1 தமிழீழன்

தமிழீழன்

    உறுப்பினர்

  • கருத்துக்கள உறவுகள்
  • PipPip
  • 326 posts
  • Gender:Male
  • Location:புலம்
  • Interests:எவ்வழிகளினால் வீழ்த்தப்பட்டோமோ அவ்வழிகளினாலும் எழுவோம்.

Posted 21 August 2012 - 12:04 AM

Posted Image

குண்டுமல்லி தோட்டத்திலே
குவிந்திருக்கும் மல்லிகையே - உன்
கூட்டாளி நானிருக்கேன்
குவளைமலரே கண்ணுறங்கு!!

கைகொட்டி சிரித்திருக்கும்
பட்டுமேனி பெட்டகமே
யார் கண்ணும் படுவதற்குள்
காந்தள்மலரே கண்ணுறங்கு!!

ஈசானி மூலையிலே
உலையங்கே கொதிக்குதம்மா
போயி நானும் பார்த்துவரேன்
பூந்தளிரே கண்ணுறங்கு!!

பசும்பால் வாங்கிடவே
பணமிங்கே போதலியே
உலைத்தண்ணி ஊத்திவாறேன்
மாந்தளிரே கண்ணுறங்கு!!

கட்டுமரக் கப்பலோட்டி
கடலுக்கு போன அப்பா
பொழுதடைய வந்திடுவார்
பூச்சரமே கண்ணுறங்கு!!

அயரை மீனும் ஆரமீனும்
அள்ளிக்கொண்டு வருவாரடி
அதுவரைக்கும் பொறுத்திருக்க
ஆரவல்லி கண்ணுறங்கு!!

வாளைமீனும் வழலை மீனும்
வலைபோட்டு பிடித்தமீனும்
வட்டியிலே போட்டுத்தாறேன்
வாடாமலரே கண்ணுறங்கு!!

விடியலிலே போனவரு
பொழுதடைஞ்சி போனபின்னும்
வராதது ஏனடியோ
வண்ணக்கிளியே கண்ணுறங்கு!!

எல்லைதாண்டிப் போனாரோ
ஏதுமங்கே ஆனதுவோ
எம்மனசு தவிக்குதடி
கனிமொழியே கண்ணுறங்கு!!

அகல்விளக்கு ஏற்றிவச்சேன்
ஆளவந்தோன் உயிர்காக்க
அல்லும்பகலும் விழித்திருந்தேன்
அல்லிமலரே கண்ணுறங்கு!!

அண்டைநாட்டு கப்பற்படை
ஆட்டம்தான் போட்டதுவோ
அவியுது மனமெனக்கு
காவியமே கண்ணுறங்கு!!

அந்த உயிர் வந்தால்தான்
நம்ம உயிர் நிலைக்குமிங்கே
அதுவரைக்கும் பொறுத்திருக்க
புதுமலரே கண்ணுறங்கு!!

தம்நித்தம் நெஞ்சுக்குள்ளே
வேதனைய சுமந்திருக்கும்
நம் பிழைப்பு மாறுமோடி
மலர்விழியே கண்ணுறங்கு!!

நன்றி - மகேந்திரன்
  • நிலாமதி likes this

ninaivu-illam





யாழ் இணைய கருத்துக்களத்தில் எழுதப்படும் கருத்துக்கள், இணைக்கப்படும் ஆக்கங்கள், கட்டுரைகள் அல்லது செய்திகள் ஆகியவை கருத்துக்கள உறுப்பினர்களால் இணைக்கப்படுவன. எனவே, அவற்றுக்கு யாழ் இணையம் பொறுப்பல்ல + பொறுப்பேற்காது. அதே போன்று - இங்கு எழுதப்படும் கருத்துகள் அல்லது வெளிப்படுத்தப்படும் எண்ணங்கள் அதை எழுதும் எழுத்தாளரினுடையதே/உறுப்பினருடையதே - அன்றி - யாழ் இணைய நிர்வாகத்தினது அல்ல. எனவே - எழுதப்படும் கருத்துகளின்/ஆக்கங்களின்/கட்டுரைகளின்/செய்திகளின் உண்மைத்தன்மைக்கும், முழுமைத்தன்மைக்கும் யாழ் இணையம் (நிர்வாகம்) உறுதி அளிக்காது. இக் கருத்துக்களம் உறுப்பினர்களில் இருந்து தேர்ந்தெடுக்கப்பட்ட மட்டுறுத்துனர் குழுவால் கருத்துக்கள விதிமுறைகளின் அடிப்படையில் மட்டுறுத்தப்படுகிறது. யாழ் இணையத்தில் காப்புரிமை மீறல் ஏதும் இடம்பெற்றிருந்தால், யாழ் இணைய நிர்வாகத்தினருக்கு நீங்கள் அறியத்தரலாம். நாம் அது தொடர்பாக உடன் நடவடிக்கை எடுப்போம். [கருத்துக்கள விதிமுறைகள்]