14 replies to this topic

[akootha]

ஜேர்மனியில் ஈழத்தமிழ் சிறுவன் சாருஜனின் சாதனைகள்





ஜேர்மனியின் டின்ஸ்லாகன் நகரில் வசிக்கும் இலங்கைத் தமிழ் சிறுவனான சாருஜன் கஜேந்திரன் இவ்வாண்டும் ஜேர்மனியில் நடைபெற்ற மெய்வல்லுநர் போட்டியில் சாதனைகள் படைத்துள்ளார்.


இவர் 02ம் திகதி யூன் மாதம் மாநில ரீதியான போட்டிக்காக நடைபெற்ற தெரிவாளர் போட்டிகளில் கலந்துகொண்டார். இதில் இவரைப்போல் பலநூறு போட்டியாளர்கள் இவரது பத்து வயதுப் பிரிவில் கலந்து கொண்டார்கள்.

இப்போட்டியில் சாருஜன் 50மீ ஓட்டம், நீளம் பாய்தல், உயரம் பாய்தல், பந்துஎறிதல், 800மீ ஓட்டம் ஆகிய 5 விளையாட்டுகளிலும் கலந்து கொண்டார்.

இவர் :

50அ நீளத்தை 7.87செக்கன்டில்,

நீளம் பாய்தலில் 4.30மீ தூரம் பாய்ந்தும்,

உயரம்1.24மீ பாய்ந்தும்,

பந்து 40.00மீ தூரம் எறிந்தும்,

800மீ தூரத்தை 3.04.04 நிமிடத்தில் ஓடி

4 விளையாட்டுகளில் முதலிடத்தையும்

பந்து எறிதலில் இரண்டாம் இடத்தையும் பெற்றுக்கொண்டார்.

இப்போட்டி நடைபெற்ற Bottrop நகர மைதானத்தில் 1.24மீ உயரம் பாய்ந்து தனது கழகத்தின் பழைய சாதனையை முறியடித்து தனது புதிய சாதனையையும் நிலை நாட்டினார் என்பதை இதில் குறிப்பிட வேண்டும்.

இவரது சாதனையை ஜேர்மனியில் வெளிவரும் பத்திரிகைகளான NRZ, Rheinschepost ஆகியவை படங்களுடன் பெரிய தலையங்கங்களாகவே பிரசுரித்தன. ஆனாலும் இவரது குறிக்கோள் நீளம் பாய்தலில் புதியசாதனையை நிலைநாட்டவேண்டும் என்பதே.

அக்குறிக்கோள் இம் மைதானத்தில் தவறிப்போனதால் பெரும் கவலையடைந்தார். இவரது கவலையை அறிந்த பெற்றோரும் பயிற்றுவிப்பாளரும் அவருக்கு ஆறுதல் கூறி அடுத்து 30ம் திகதி யூன் மாதம் நடைபெறவிருக்கும் மாநில ரீதியான மெய்வல்லுநர் பேட்டியில் இச்சாதனையை நிலை நாட்டலாம் என ஊக்குவித்தனர்.

இதனால் இவரும் அதி கடுமையான பயிற்சிகளில் ஈடுபட்டு 30ம் திகதி Oberhausen நகரில் நடைபெற்ற இறுதிப்போட்டியில் கலந்துகொண்டார். அங்கு ஒவ்வொரு விளையாட்டிற்கும் அதிசிறந்த வீரர்களான 12 பேர் ஒவ்வொரு போட்டியிலும் கலந்துகொள்வார்கள்.

இவர்களில் எமது சாருஜனும் 5 விளையாட்டுகளிலும் பங்குபற்றினார்.

இவர் அன்று நடைபெற்ற

50மீ ஓட்ட நீளத்தை 7.71செக்கனில் ஓடியும்,

உயரம் பாய்தலில் 1.24மீ பாய்ந்தும்,

நீளம் பாய்ந்தலில் 4.48மீ தூரம் பாய்ந்து

மூன்று விளையாட்டுகளிலும் முதலிடத்தையும்

38.00மீ தூரம் பந்து எறிந்து இரண்டாவது இடத்தையும் பெற்றுக்கொண்டு

நீளம் பாய்தல், 50மீ ஓட்டம், உயரம் பாய்தல் ஆகியவற்றின் இவ்வாண்டு “Kreismeister” என்ற பட்டத்தையும் பெற்றுக்கொண்டார்.

அது மாத்திரமன்றி தனது குறிக்கோளான நீளம் பாய்தலின் பழைய கழக சாதனையை முறியடித்து தனது புதிய சாதனையையும் நிலைநாட்டி பெற்றோரையும் பயிற்றுவிப்பாளர்களையும் இன்பத்தில் ஆழ்த்தினார்.

இவரது சாதனைகளை வாழ்த்தி மீணடும் ஜேர்மன் பத்திரிகைகள் செய்திகளை பிரசுரித்தன.
இவர் விளையாட்டில் மாத்திரமன்றி படிப்பிலும் தான் சளைத்தவர் இல்லை என்பதற்கு எடுத்துக்காட்டாக இவ்வாண்டு ஜேர்மனியில் மிகச் சிறந்த Gymnasium பாடசாலைக்கு தனது 5ம் ஆண்டைத் தொடர்வதற்காகத் தெரிவாகியுள்ளார் என்பதையும் சந்தோசத்துடன் இதில் குறிப்பிடுகின்றோம்.

http://www.eelamview...arujan-germany/

[தமிழினி]

பாராட்டுக்கள் சாருஜன். நீங்கள் இன்னும் பல வெற்றிகள் கண்டு, பல சாதனைகள் படைத்து உலகப்புகழ் பெற வாழ்த்துக்கள்...! இவரின் வெற்றிக்கு துணையாக இருக்கும் இவரது பெற்றோருக்கும் மற்றும் உற்சாகம் அளித்து உறுதுணையாக இருக்கும் அணைவருக்கும் நன்றிகள்.

இணைப்புக்கு நன்றிகள் அகோதா அண்ணா.

[akootha]

ஈழச்சிறுவன் சாருஜனுக்கும் பெற்றோருக்கும் சம வாய்ப்புக்களை தந்த ஜெர்மனிக்கும் பாராட்டுக்கள்.

இப்படியான இளையவர்களை ஊக்குவிக்க புலம்பெயர் நாடுகளை, அங்குள்ள விளையாட்டு கழகங்களை இணைத்து ஒரு சமூக அமைப்பு உருவாக்கப்படல் வேண்டும். அதன் மூலம் திறமையுள்ளவர்களை இனம் கண்டு பணம், பொருள் உதவிகளை செய்யவேண்டும்.

இதை வேறு திரியில் இணைக்க வேண்டுகோள் (அலுப்புத்தந்த) தமிழ்சிறி அண்ணைக்கும் விசுகு அண்ணைக்கும் நன்றிகள்: http://www.yarl.com/...howtopic=106715

[மல்லையூரான்]

சாருஜன் கஜேந்திரனுக்கு வாழ்த்துக்கள்

[விசுகு]

பாராட்டுக்கள் சாருஜன். நீங்கள் இன்னும் பல வெற்றிகள் கண்டு, பல சாதனைகள் படைத்து உலகப்புகழ் பெற வாழ்த்துக்கள்...! இவரின் வெற்றிக்கு துணையாக இருக்கும் இவரது பெற்றோருக்கும் மற்றும் உற்சாகம் அளித்து உறுதுணையாக இருக்கும் அனைவருக்கும் நன்றிகள்.
அடுத்த ஒலிம்பிக் போட்டியில் ஒரு தமிழனையாவது காணவேண்டும் என்ற எனது ஆசைக்கு ஒரு வெளிச்சம் தெரியுது.

இணைப்புக்கு நன்றிகள் அகோதா.

[தமிழ் சிறி]

சாருஜன் என்னும்... ஈழத்துச் சிறுவன், அத்லேட்டிக் என்னும்... மெய்வல்லுநர்ப் போட்டியில்... பல சாதனைகளை நிகழ்த்தியுள்ளது.... எல்லா ஈழத்தமிழர்களுக்கும் பெருமை சேர்க்கக் கூடிய விடயம். அவருக்கு சத்தான... சாப்பாடு கொடுத்து, அடுத்த ஒலிம்பிக் போட்டிக்கு தயார் படுத்த வேண்டிய பாரிய பொறுப்பு... திரு,திருமதி கஜேந்திரன் கையில் தான்... உள்ளது. மெய்வல்லுநர் போட்டியில்... உள்ள, எட்டுத் தங்கப்பதக்கங்களையும் எடுத்து... ஈழத்து தமிழனுக்கு, ஒரு முகவரியை... தேடித்தர சாருஜனுக்கு நல்ல, மனத்திடத்தை பெற்றோர் கொடுக்க முன்வந்தால்... சாருஜனின் பெயர், ஜேர்மன் வரலாற்றில் மட்டுமல்ல, உலக வரலாற்றையும் தாண்டி... தமிழ் மக்களின் இதயக் கோவிலில்... வீற்றிருப்பான் சாருஜன்.

[அபராஜிதன்]

பாராட்டுக்கள் சாருஜன்....

[akootha]

வருங்கால ஒலிம்பிக் சம்பியன் சாருஜன் கஜேந்திரனுக்கு வாழ்த்துக்கள்

[புங்கையூரன்]

சாருஜன் கஜேந்திரனுக்கு வாழ்த்துக்கள்!!!

[வாதவூரான்]

சாருஜன் கஜேந்திரனுக்கு வாழ்த்துக்கள்

[யாயினி]

வாழ்த்துகள் சாருஜன்..

[தமிழரசு]

பாராட்டுக்கள் சாருஜன். நீங்கள் இன்னும் பல வெற்றிகள் கண்டு, பல சாதனைகள் படைத்து உலகப்புகழ் பெற வாழ்த்துக்கள்!
இவரின் வெற்றிக்கு துணையாக இருக்கும் இவரது பெற்றோருக்கும் மற்றும் உற்சாகம் அளித்து உறுதுணையாக இருக்கும் அனைவருக்கும் நன்றிகள்.
அடுத்த ஒலிம்பிக் போட்டியில் ஒரு தமிழனையாவது காணவேண்டும் என்ற எனது ஆசைக்கு ஒரு வெளிச்சம் தெரியுது !

இணைப்புக்கு நன்றிகள் சகோ.

[இசைக்கலைஞன்]

வாழ்த்துக்கள் சாருஜன்..

இந்த வயதில் இருந்து முறையான பயிற்றுனரிடம் பயிற்சி எடுத்துக்கொண்டால் ஒலிம்பிக் வரை செல்லும் சந்தர்ப்பம் உள்ளது.

[kssson]

வாழ்த்துகள் சாருஜன்

[நவரத்தினம்]

சாருஜன் கஜேந்திரனுக்கு வாழ்த்துக்கள்.