No replies to this topic

[chinnavan]

வவுனியா மற்றும் மன்னார் மாவட்டங்களின் எல்லைப்பிரதேசமானதும் தற்போதைய நிலையில் மன்னார் வவுனியா மற்றும் தென்பகுதியை இணைக்கும் மதவாச்சிக்கிடையில் கேந்திர முக்கியத்துவமானதாக கருதப்படும் பறையனாளன் குளத்தில் புதிய பௌத்த ஆலயம் ஒன்று நிறுவப்பட்டுள்ளது.

பறையனாளன் குளத்தில் மன்னார் நோக்கி அமைக்கப்பட்டுள்ள படையினரின் சோதனை; தடைக்கு எதிர் புறமாக தொடருந்து பாகைகும் புதிதாக நிர்மாணிக்கப்பட்டு வரும் தொடருந்து நிலையத்துக்கும் இடையில் இவ் நிலையும் ஆலயமும் நிறுவப்பட்டுள்ளது.

அங்கு புதிதாக முழைத்த அல்லது முழைக்கவைக்கப்பட்ட அரச மரம் ஒன்றில் கீழ் வெள்ளை நிறத்திலான கட்டம் ஒன்று நிறுவப்பட்டு அதனுள் இரண்டு அடி உயரம் கொண்ட சமாதி நிலைப் புத்தர் சிலை நிறுவப்பட்டுள்ளது.
வெள்ளை மற்றும் மஞ்சள் நிறத்திலான இவ் சிலையை சுற்றி அலங்காரங்கள் வைக்கப்பட்டு தினமும் விளக்கேற்றப்படுவதாக எமது மன்னார் செய்தியாளர் தெரிவிக்கின்றார்.

முன்னைய காலங்கில் பள்ளமடு மற்றும் கட்டையடம்பன் முன்னரங்க நிலைகளில் போர் நடந்த போது அனைவராலும் பேசப்பட்டு வந்த தமிழீழத்தின் கேந்திர முக்கியத்துவம் வாய்ந்த நிலப்பரப்பில் படையினர் தமது ஆக்கிரமிப்பின் அடையாளத்தை நிறுவியுள்ளதுடன் மூன்று மாவட்டஙகளான் மன்னார், வவுனியா, அனுராதபுரத்தை இணைக்கும் இவ் பிரதேசத்தில் எதிர்கால அபிவிருத்திகள் திட்டமிடப்பட்டுக் கொண்டுள்ள
வேனையில் இவ் ஆக்கிரமிப்பை செய்துள்ளது பல சந்தேகங்களை ஏற்படத்தியுள்ளது.

கடந்த ஒரு வாரத்துக்கு முன்னர் குஞ்சுக்குளம் ஆக்கிரமிப்பும் இவ்விட்தில் இருந்து இரு கிலோமீற்றருக்குள் அமைந்துள்ளது குறிப்பிடத்தக்கது.

இவ் புத்தர்சிலையை நிறுவியது படையினர் மற்றும் தற்போது இந்திய நிறுவனத்தின் உதவியுடன் மேற்கொள்ளப்பட்டு வரும் மன்னார் மதவாச்சி தொடருந்து தடத்தின் புனரமைப்பில் பணியாற்றும் சிங்களவர்களுமே எனத் தெரிவித்துள்ள கணேசபுர வாசிகள் அங்குள்ள அரச காணிகளையும் அவர்கள் அபகரிக்க திட்டமிட்டு வருவதாகவும் உரிய அதிகாரிகள் அதை தடைசெய்ய வேண்டும் எனவும் கோரிக்கை விடுத்துள்ளனர்.

http://thaaitamil.co...்கிடையில்-பறைய/