9 replies to this topic

[புரட்சிகர தமிழ்தேசியன்]

ஒரு நாட்டை 'ரேட்டிங்' ஏஜென்சிகள் எப்படி மதிப்பிடுகின்றன!?



இன்றைக்கு மீடியாவில் அடிக்கடி பார்க்கும் ஒரு விஷயம் ஒரு நாட்டைப் பற்றிய ரேட்டிங். என்ன அது? எதற்காக இந்த ரேட்டிங்?

விவரமாகப் பார்ப்போம்...

ஒரு மனிதனுக்கு கடன் கொடுக்கலாமா... அவனால் அதைத் தாங்க முடியுமா.. திருப்பி செலுததும் திறன் இருக்கிறதா... என்பதை அலசுவதைப் போலத்தான், ஒரு நாட்டைப் பற்றியும் அலசி பட்டியலிடுகிறார்கள். புள்ளிகள் தருகிறார்கள்.
நல்ல ரேட்டிங்கில் உள்ள நாடு அல்லது நிறுவனத்துக்கு எவ்வளவு வேண்டுமானாலும் கடன் தர உலக நிதி அமைப்புகள் முன்வரும். அந்த நாட்டில் முதலீடு செய்ய வெளி முதலீட்டாளர்களுக்கு தயக்கமிருக்காது. ரேட்டிங்கில் குறைந்துவிட்டால், எல்லாமே தலைகீழ்தான். கடன் தர முன்வரமாட்டார்கள். அப்படியே தந்தாலும் நிறைய நிபந்தனைகள், வட்டிகள் இருக்கும்.
இதைச் செய்ய உலகளவில் ஸ்டாண்டர்டு அண்டு புவர், மூடி, ஃபிட்ச் ஆகிய நிறுவனங்கள் உள்ளன.

இந்த நிறுவனங்களின் ரேட்டிங்கில் ஒரு நாடு வீழ்ச்சி கண்டால், அவர்களின் கடன் பெறும் திறன் வெகுவாகக் குறைந்துவிடும்.

உதாரணத்துக்கு, இந்தியாவின் ரேட்டிங் குறைந்த நிலையில், இந்திய நிறுவனம் ஒன்று வெளிநாட்டில் முதலீடு திரட்ட முயற்சிக்கிறது என்று வைத்துக் கொள்வோம். அப்போது, முதலீட்டாளர்கள் அந்த நிறுவனத்துக்கு கடன் தர முன்வர மாட்டார்கள். அல்லது பாதுகாப்பு கருது, ஏகப்பட்ட வட்டியைத் தீட்டிவிடுவார்கள்.
அதிக வட்டிக்கு வாங்கிவிட்டு, பின்னர் அதைச் செலுத்த முடியாமல் நிறுவனம் திணறும் நிலை வரும். இது அந்த நிறுவனத்தை திவாலுக்கு இட்டுச் சென்றுவிடும்.

இந்தியாவின் ரேட்டிங்

ஸ்டாண்டர்டு அண்டு புவர் நிறுவன மதிப்பீட்டின்படி, கடந்த 2007-ல் இந்தியாவின் ரேட்டிங் நிலையாக இருந்தது. ஆனால், கடந்த ஏப்ரலில் இந்த கடன் பெறும் திறன் பட்டியலில் சறுக்கிவிட்டது இந்தியா. இப்போது மேலும் வீழ்ச்சி கண்டு 'junk status' க்கு போகப் போகிறது என்கிறது ஸ்டாண்டர்ட் அண்ட் புவர். இந்த ஜங்க் நிலை மிக மோசமானது.

இதன் மூலம் வெளிநாட்டிலிருந்து நாம் பெறும் கடன்கள் ரொம்ப காஸ்ட்லியாகிவிடும். உலகில் முதலீட்டுக்கு ரிஸ்க் அதிகமுள்ள நாடு என்ற பெயரை இந்தியா பெறும்!

http://tamil.goodreturns.in/classroom/2012/06/what-do-rating-agencies-like-s-p-moody-and-fitch-do-000017.html

டிஸ்கி:

பொருளாதார நிபுணர் அவர்கள் இலங்கையின் ரேட்டிங்க் என்ன என விளக்க வேண்டும்

[akootha]

ஸ்டாண்டர்ட் அண்ட் புவர் நிறுவன சுட்டிகளை பார்க்க : http://chartsbin.com/view/1177

மூடி நிறுவன சுட்டிகளை பார்க்க : http://chartsbin.com/view/1175

[வாத்தியார்]

கனடா, பிரித்தானியா, ஜேர்மனி ஸ்கன்டினேவிய நாடுகள்,அவுஸ்
முன்னணியில் நிற்கின்றன.

சிறிலங்கா கடைசியில் இருப்பது சந்தோசம்.

மகிந்தா கூவிக் கூவி அழைத்தாலும்
ஒரு நாடும் அங்கு முதலீடு செய்ய வரமாட்டார்கள்.

இணைப்பிற்கு நன்றி புரட்சி மற்றும் அகூதா

[akootha]

ஐரோப்பிய மத்திய வங்கி - வரலாற்றில் அதி குறைந்த வட்டி வீதம்

நேற்று ஐரோப்பிய மத்திய வங்கி வங்கிகளுக்கு வழங்கும் வட்டி வீதத்தை 0.75% ஆக குறைத்தது.
இது வரலாற்றில் அதி குறைந்த வட்டி வீதம்
நோக்கம் - மீண்டும் ஒரு பொருளாதார மந்த நிலையை தவிர்ப்பது
கவனம் - குறைந்த வட்டி என்று கடனின் மூழ்காமல் இருப்பது

[akootha]

ஒரு மாதத்தில் சீனாவின் மத்திய வங்கி வட்டி வீதத்தை மீண்டும் குறைத்தது

உலகின் இரண்டாவது பெரிய பொருளாதாரமும் வேகமான வளர்ச்சியையும் கொண்ட சீனா தனது முதன்மை வட்டி வீதத்தை குறைத்து பொருளாதார வளர்ச்சியை பேண முனைகின்றது.

குறைத்த வீதம் - 0.31%
இப்பொழுதுள்ள வட்டி வீதம் 6%

[akootha]

பிரான்சில் அதி உச்ச பணக்காரர்கள் மீது வரி அதிகரிப்பு

இதன் மூலம் கிட்டத்தட்ட எழுபது பில்லியன்களை ஆளும் அரசு தனது கணக்கில் பெறவுள்ளது. பொருளாதாரம் சரிந்து வரும்பொழுது வருவாயை கூட்ட எடுக்கும் இவ்வாறான நடவடிக்கைகள் சிலவேளைகளில் எதிர்விளைவுகளை உருவாக்கும்.

பணக்காரர்கள் பணத்தை சுவிஸ் வங்கியில் பதுக்குவார்கள். சில நாடுகள் இவ்வாறானவர்களை வெளிப்படையாகவே கருகின்றது, உதாரணம் பிரித்தானியா.

கனடாவின் ஒன்ராறியோ மாநிலத்திலும் 6 இலட்சத்திற்கு மேலாக உழைப்பவ்ர்களைடம் அதிக வரி அறவிடப்படும் என அண்மையில் அறிவிக்கப்பட்டது. இதனால் கிட்டத்தட்ட 30,000 பேரளவில் அதிக வரி செலுத்த வேண்டு வரும். சிலர் வரி குறைந்த மாநிலங்களுக்கு செல்கின்றனர்.

[இசைக்கலைஞன்]

ஆறு லட்சம் எனக்குக் குடுத்தால் வரிகட்டத் தயங்கமாட்டேன் என்பதை கனேடிய அரசுக்குத் தெரியப்படுத்த விரும்புகிறேன்.

[விசுகு]

பிரான்சில் அதி உச்ச பணக்காரர்கள் மீது வரி அதிகரிப்பு

சில நாடுகள் இவ்வாறானவர்களை வெளிப்படையாகவே கருகின்றது, உதாரணம் பிரித்தானியா.

தற்போது பதவி ஏற்றுள்ள சோசலிச கட்சி அரசும் அதன் புதிய ஐனாதிபதியும் தாம் தேர்தலில் முன் வைத்த திட்டங்களை செயற்படுத்த ஆரம்பித்துள்ளனர்
இந்த வகையில் அதி உச்ச வருமானம் பெறுபவர்கள் மமற்றும் பணக்காறர்களுக்கு என்று விசேச வரித்திட்டங்கள் செயற்படுத்தபட இருக்கின்றன. இதை பிரித்தானிய பிரதமர் தமக்கு சாதகமாக பாவித்து ஓரு அறிக்கை விட்டிருநந்தார். அதன்படி பிரான்சின் இத்திட்டத்தால் பாதிக்கப்படவிருக்கும் பகுதியினரை தான் சிவப்பு கம்பளம் கொண்டு வரவேற்பதாகவும் பல வரிசச்சலுகைகளை அவர்களுக்கு வழங்க தயாராக இருப்பதாகவும் அறிவித்தார். இது பிரான்சுக்கும் பிரித்தானியாவுக்குமான தொடர்புகளில் விரிசல் ஏற்பட்டுள்ளது. அண்மையில் நடந்த ஐரேராப்பிய கூட்டத்திலும் இது பிரதிபலித்தது.

இங்கு பிரெஞ்சுக்காறரின் ஆதங்கம் என்ன வெனில் ஐரேராப்பிய கூட்டமைப்பாக இருக்கலாம் ஈரோவாக இருக்கலாம் எதுவாக இருந்தாலும் தமக்கு சாதகமானவற்றை மட்டுமே அவர்கள் தெரிவு செய்து கொண்டு சுயநல அடிப்படையில் செயற்படுகின்றனர் என்பதே.

[akootha]

ஆறு லட்சம் எனக்குக் குடுத்தால் வரிகட்டத் தயங்கமாட்டேன் என்பதை கனேடிய அரசுக்குத் தெரியப்படுத்த விரும்புகிறேன்.

அதுதானே நாமும் பல காலமாக கேட்டு வருகின்றோம். சொந்த தொழிலை ஆரம்பியுங்கள்

[ஜீவா]

அதுதானே நாமும் பல காலமாக கேட்டு வருகின்றோம். சொந்த தொழிலை ஆரம்பியுங்கள்

நல்ல ஜடியா .. அப்படியே ஜேர்மனியிலும் ஒரு கிளை திறந்து என்னை GM ஆக்கிவிடுங்கள்.