Jump to content

வணக்கம்.....


Recommended Posts

எப்பிடி ஆக்கங்களை ஆரம்பிப்பது என்று யாரும் விளக்கம் தரமுடியுமா ?


எனது சிறு நினைவு குறிப்பை இணைக்க முடியுமா

 

யாழ் இந்துவின் பெருந்தன்மை

கிரிக்கெட்டில் கொடிகட்டி பறந்த காலங்கள் 1990 நடந்த சம்பவம் ஒன்று நினைவில். இந்தியன் இராணுவ கால கட்டத்தின் பின் கிரிகெட் 19 வயது அணி சிரமத்தின் மத்தியில் மீளமைக்கப்பட்டது. பல வீரர்கள் குடாவை விட்டு பிரிந்தோ பறந்தோ சென்ற காலங்கள். தயாளன் அண்ணை அவரகள் சிரமப்பட்டு ஒரு அணியை ஒழுங்கு செயதார். அணிக்கான உபகரணங்கள் தேடி எடுக்கப்பட்டன. பல மிகவும் பாவனைக்கு உபயோகமற்றதாக இருந்தது. அத்துடன் பல காணமல் களவு போய்விடது. இன்றுவரை நினைத்ததுண்டு அந்த கனமான துடுப்பாட்ட உபகரணங்கள் எந்த வகையில் அவர்களுக்கு உபயோகபட்டிருக்கும் ?

இருந்த உபகரணங்களை வைத்து பயிற்சி ஆரம்பமாகியது, உடல் பயிற்சி, கள தடுப்பு முதலில் ஆரம்பமாகியது. 7 – 9 வீரர்கள் மட்டுமே ஆரம்பத்தில் வந்திருந்தார்கள் எனவே மாணவர் மத்தியில் மீண்டும் விளம்பரம் செய்ய பட 19 வயதிலும் குறைந்த மாணவர் சிலர் ஒன்று சேர அணி ஓரளவு நிறைவாகியது. போர் நிறுத்த காலத்தில் லொத்தர் அடித்த மாதிரி ஸ்ரீ லங்கா அரசு பல புதிய உபகரணங்களளை அனுப்பிவைத்தது. ஒரு மாதிரி ST அண்ணை பாய் தரையை ஒழுங்கு அமைத்து கொடுத்தார். அணி பாடசாலை முடிவடைந்ததும் பயிற்சியை ஆரம்பிக்கும் இது மணி 6 வரை தொடரும். மாணவர் சிலர் பிரத்தியோக வகுப்புகளை கட் செய்து பயிற்சிகளை தொடந்தனர்.

உப அதிபர்கள் சோமசுந்தரம் , மகேந்திரன் ஆகியோர் அணியை மீளமைப்பதில் மிக்க கவனம் எடுத்துக் கொண்டார்கள் . நாங்களும் பந்து அவர் வீட்டுக்குள் போனால் மதில் பாய்ந்து செல்வதில் மிக்க ஆர்வம் காட்டியது வேறு கதை. ஒருவாறாக பிரபல வீரர்கள் (சுல்தான், வரதன், நரேன், ஜெயராஜ், கோபி ) ஒன்று  சேர அணி நல்ல வகையில் உருவாக தொடங்கியது. பயிற்சி முடிவில் தரும் நடா அண்ணையின் போண்டா , தேநீர் மட்டுமே என்னை அணியில் நிலைக்க வைத்தது.

பயிற்சி  சில வாரங்கள் பகிடியும் பம்பலுமாக சென்று கொண்டிருந்தது நானும் எனது கறுப்பு பாடசாலை சப்பாத்தில் இருந்து ஒரு பழைய விளையாட்டு சப்பாத்து ஒன்றை இரவல் வாங்கி இருந்தேன். அதை பலமுறை நய்லோன் நூல் வைத்து தைதத்தில் அதன் உருவமே மாறி இருந்தது. பதினைந்து வயது கூட முடியாத எனக்கு  கிரிக்கெட்ல் ஆர்வம் அதிகம் இருந்தாலும் இந்த ஜாம்பவான்களுடன் 19 வயதிற்கு உட்பட பிரிவில் விளையாட திறமை இருக்கவில்லை. என்னவே பத்தோடு பதினொன்றாக நானும் ஒட்டிகொண்டேன். பந்து பொறுக்குவதில் ஆரம்பித்து ஒரு சுழல் பந்து வீச்சுக்கான பிரிவில் சிறு இடம் இருப்பதை அறிந்து அதற்கான முயற்சிகளை ஆரம்பித்து ஓரளவு தேயற்சியும் அடைந்தேன். அணியில் இடம் பிடிக்க ஏற்கனவே பல முக்கிய புள்ளிகளின் பரீட்ச்சயம் பெரிதும் உதவியது. வாழ்க்கையில் கூட கதவுகள் திறபத்திற்கு அறிமுகம் அவசியம் பிறகு முன்னேற உங்கள் திறமை அவசியம்.

தயாளன் அண்ணையின் வழிநடத்தல் ரொம்பவித்தியாசம்தான். பிற பயிறுவிப்பாளர்கள் ரொம்பவே படுத்துவார்கள். அதிலும் பழய மாணவர் வந்து உதவி பயிறுவிப்பாளர்கள் ஆக இருந்தால் கதை கந்தல் நம்மை பிரட்டி ஓட உருள வைப்பார்கள். தயாளன் அண்ணை எங்களை பல வழிகளில் எம்மை தயார் படுத்தினார். போட்டிகள் தொடங்க சில வாரங்கள் இருக்கையிகல் ஜொலி ஸ்டார்ஸ் விளயாட்டு கழகம் நடத்தும் சுற்றுபோட்டியும் தொடங்க இருந்தது. Shabra நிதி நிறுவனம் உதயன் பத்திரிகை ஆதரவுடன் பல இந்து கல்லூரி மாணவர்கள் இடம் பெற்ற ஒரு அணி. இவர்கள் நாம் விளையாடுவதை அறிந்து ஒரு பயிற்சி போட்டி ஒன்றை ஒழுங்கு செய்தார்கள்.

நேரம் நாள் எல்லாம் குறித்து இந்து கல்லூரி மைதானத்தில் ஒரு சனிகிழமை போட்டி. தயாளன் அண்ணை எல்லோரையும் கண்டிப்பாக வரச்சொல்லி ஆர்டர் போட்டுவிட்டார். நாமும் PK பாலசிங்கதின் விஞ்ஞான வகுப்பை கட் செய்து வடிவேலு மாதிரி கட்டதுரை போல லோங்க்ஸ் ஒன்றை மாட்டிகொண்டு கல்லூரி மைதானத்தை நோக்கி சென்றேன்.

நேராக எமது மாற்றல் அறைக்கு சென்று உடைகளை மாறியபின் வெளியில் வந்து அழகான அந்த மைதானத்தை பார்கிறேன். மிக சிறிய மைதானம் ஒருபக்கம் மதிலாலும் மறுபக்கம் தகரதினாலும் அடைக்கப்பட்டு இருந்தது. ஆறு வயதில் இருந்து என்னோடு உறவாடிய அந்த மைதானம் எல்லோராலும் வளவு என்று பழிக்க பட்டாலும் இந்துவின் மைந்தர்களுக்கு அது ஒரு கோவில் என்றே சொல்ல வேண்டும். துவிச்சக்ர வண்டியை மதிலில் சாய்த்து விட்டு நடு உச்சி வெயிலில் மேட்ச் பார்ப்பது ஒரு தனி சுகம். மதிய போசன இடைவேளையில் துவிச்சக்ர வண்டியை வலித்து வீடு சென்று உணவருந்தி மீண்டும் ஓடி வருவது...எல்லாம் ஒரு கனா போல இப்போ

 

எமது மாற்றல் அறையில் இருந்து வலபக்கம் திரும்பி பார்கிறேன் SHABRA அணியினர் உடல் பயிற்சி செய்த படி மைதானத்தில் உலாவிய வண்ணம் இருந்தனர். அவரகளது உருவம் அந்த வயதில் என்னை பிரமிக்க வைத்தது. சரி நான் தான் விளையாட போவதில்லையே சும்மா ஓரமா இருந்து மேட்ச் பார்த்து பின் மதிய போசன இடைவேளையில் நல்ல கட்டு கட்டுவம் என்ற நினைப்பில் நான் . நினைப்பில் மண் போட தயாளன் அண்ணை  வந்து சொன்னார் சில பொடியள் பிரத்தியோக வகுப்புகள் காரணமாக வர முடியலை அதனால நீ இறங்கி விளையாடு.

 

பயம்மாக இருந்தாலும் கண்ணில காட்டி கொள்ளாமல் அதுக்கு என்ன என்று சொல்லி போட்டு திரும்பி பாகிரன் சும்மா மலை மாதிரி SHABRA அணி நிக்குது. இவர்கள் எல்லாம் நான் முன்பு  மேட்ச் பார்க்கேக்க சும்மா விசுக்கி விசுக்கி அடிச்ச ஆக்கள். முருகவேள் , வித்தி, ஜெயந்தன் , இளங்கோ, விஜயகுமார், வீரா ..மற்றும் சென்ற்றலிட்ஸ், KCC என்று பல பேர்கள். ஓகே நம்மட பொடியளும் சின்ன சைஸ் என்டாலும் விடாமல் அடிப்பாங்கள் என்ற நம்பிகையில நான். சுல்தான் பந்து போட்டு சமாளிப்பான் எண்டு தெரியும். சுல்தான் பந்து போடேக ரோம்ப அருகில் கள தடுப்பு செய்யிற நான், தரை பாயில் பந்து விழுந்து வரும் போது சும்மா சீறி கொண்டு வரும். பெரிய தேனீ போற சத்தம் ஒண்டு வரும் பக்கத்தில நிக்கிற என்னக்கே வயித்த கலக்கும். வெளிநாடுகளில் உள்ள  மண் தரையில அவ்விளவு வேகமோ சத்தமோ இல்லை. வரதன், நரேன் நல்லா பந்து  போடுவங்கள் சரி மட்சை வெளியில நிண்டு பாகிறதுகு உள்ள நிண்டு பார்ப்பம் எண்டு ஜோசிதுகொண்டு நிக்கேக்க ஜெயராஜ் டோஸ் போட்டு சைகை மூலம் துடுப்பு என்று காட்ட நான் சந்தோசமா மணல் கும்பல் நோக்கி நடை போட்டேன்.

 

 

மதியம் 11.30 யாழ் இந்து 19 வயது அணி 150 / 9 கடைசி துடுபாட நான் சரி போறது தான் போறம் ஸ்டைல் ஆக போவம் எண்டு எல்லை மண்ணை தொட்டு கும்பிட்டு மூலையில தெரிஞ்ச வயிரவரை நினைத்து கொண்டு உள்ளே போனேன். வயித்தில வண்ணத்தி பூச்சிகள் பறக்க முதல் 3 பந்துகள் ஒரு மாதிரி மறிச்சு போட்டன். ஒவ்வொரு பந்து மட்டையில படவும் கை தான் ரொம்ப அதறியது. பின்னால் இருந்த வித்தி அண்ணை சொல்லி கேக்குது முந்தி தான் கடைசி விக்கெட் சும்மா விசுகுவாங்கள் இப்ப நல்ல ஒட்டி விளையடுராங்கள் என்று. நமகுதானே தெரியும் நம்ம கஷ்டம்.

 

ஒருவாறாக யாழ் இந்து 160 ஓட்டங்களுக்கு ஆட்டமிளந்தது Shabra துடுப்பாட தொடங்கியது நானும் அரசமர நிழல் பார்த்து ஒதுங்கி கள தடுப்பில் ஈடுபட்டேன். போட்டி அமைதியாக சென்று கொண்டிருக்க தீடீரென்று யாரோ என் பெயர் சொல்லி கூப்பிட திடுகிட்டு திரும்பி பார்த்தேன். நம்மளை பந்து போட சொல்லி அன்பாக கேட்க ஒரு கணம் பதறி போனேன். சரி யார் தான் என்னை எதிர் கொள்ள போகிறார்கள் என்று பார்த்தல் அது வீரா (மனிப்பாய்) தாடியும் துடுப்புமாக ஒரு வைரவர் நிற்கும் போல இருந்தது. முதல் பந்து மெதுவாக விழுந்து திரும்ப சடார் என்று ஒரு சத்தம் அடிச்ச அடியில் பந்து மதிலில பட்டு திரும்பி எனக்கு  கிட்ட வந்து நின்றது. மயான அமைதி கோபி அண்ணை ஓடி வந்து சில அறிவுரை பகிர்ந்து சென்றார். இப்படி அடுத்த பந்துகளும் எல்லை கோடுகளுக்கு மேலலையும் கீழ்ழாலயும் போக அந்த ஓவர் முடிவுக்கு வந்தது. இனி மேல் பந்து போட கேட்டாலும் பந்து போடுவதில்லை என்ற முடிவுடன் நான் அரசமர நிழல் பார்த்து ஒதுங்கினேன். பிறகு பொடியள் நல்லா பந்து போட்டு SHABRA வை 190 குள் அவுட் ஆக்கி போட்டாங்கள். அப்படா என்று ஹொஸ்டல் பக்கம் நடையை கட்டினேன். அங்க தானே நல்ல மதிய சாப்பாடு பாயசத்தோட. இனி நம்ம பொடியள் மேட்ச்சை சமநிலை ஆக்கி போடூவாங்கள் என்ற நம்பிக்கையில் நான் அந்த சைவ சாப்பாடை நல்ல கட்டு கட்டினேன். வாழை இலையில் பாயாசத்தை விட்டு குடிப்பதை சிலர் விநோதமாக பார்த்த வண்ணம் கடந்து சென்றனர். நமக்கு அதுவா முக்கியம் பாயசம் தானே முக்கியம்.

 

இரண்டாம் இன்னிங்க்ஸ் யாழ் இந்து 160 / 5 நேரமும் இருட்டு பட தொடங்கியது. சரி நல்ல நாள் ஒருமாதிரி வீடு பொய் சேருவம் எண்டு நினைக்கேக்க வித்தி அண்ணையும் தயாளன் அண்ணையும் ஏதோ கதைக்கினம் சரி ஏதோ நடக்க போது எண்டு விளங்கீற்று. பார்த்தா யாழ் இந்து இரண்டாம் இன்னிங்க்ஸ் நிப்பாடி Shabra வுக்கு ஒரு 130 ஓட்டங்கள் ஒரு எட்டு ஓவரில் என்று தீர்மானிக்கபட்டது. இதை எப்படி அடிபாங்கள் அதுவும் சுல்தான் வரதன் நரேன் இருக்கேக்க. எல்லாரும் மைதானதில இறங்கியாச்சு Shabra முருகவேல் ஜெயந்தன் இறங்கி விளையாடினம். முருகவேல் அடிச்சு விளையாட பார்க்க பொடியள் ஒருமாதிரி அவுட் ஆக்கி போட்டாங்கள். அடுத்ததா பார்த்தா வித்தி அண்ணை  வாரார் என்ன இது இவர் நல்லா பின்னுக்கு தானே வாறவர் எண்டு யோசிக்க முதல் பந்துளால் மேலாலும் கீழ்ழாலயும் கதறி கொண்டு போகுது. பொடியள் வலு வேகமாக போட பந்து இன்னும் வேகமா வெளியில் போகுது. நானும் மதில் ஏறி பந்தெடுத்து களைச்சு போனேன். அடியெண்டா  மக்ஸ்வெல் / மில்லேர் கலந்து அடிச்சமாதிரி ஒரு அடி. நாங்கள் எல்லாம் கிலிச்சு போய் ஒராளை மாறி மற்றாள் பார்க்க முதல் மேட்ச் முடிஞ்சு போச்சு. நாளை உதயனில் (shabra நிறுவன பத்திரிகை ) யாழ் இந்து மானம் கப்பல் ஏற போகுது எண்ட நினைபோட வீடு நோக்கி ரொமபவே கடுப்போடு சென்றேன்.

 

மறுநாள் அதிகாலை துவிச்சக்ர வண்டியை வலித்து தட்டாதெரு சந்தியில் வாழைபழ கடையில் உதயன் பத்திரிகையும் வாழைபழமும் வாங்கி கொண்டு  லுமாலாவில் நின்றபடி கடைசி பக்கம் புரட்டிபார்கிறேன். பெரிய தலைப்பில் யாழ் இந்துவின் பெருந்தன்மை .....SHABRA வென்றது. அப்போது அறிந்து கொண்டேன் இந்துவின் மைந்தர்கள் எப்போதும் தங்கள் வெற்றியில் கூட யாழ் இந்துவை முதன்மை படுத்துவர் என்று .....

 

இது நடந்து 23 வருடங்கள் இப்பொது நிலமை வேறாக இருக்கலாம் ....

Link to comment
Share on other sites

வணக்கம்.. வாருங்கள்..!

Link to comment
Share on other sites

  • கருத்துக்கள உறவுகள்

வணக்கம்.. வாருங்கள்


"அது வீரா (மனிப்பாய்) தாடியும் துடுப்புமாக ஒரு வைரவர் நிற்கும் போல இருந்தது" :lol:  :D 

Link to comment
Share on other sites

  • கருத்துக்கள உறவுகள்

குஞ்சியை.... வருக, வருக என்று வரவேற்கின்றோம். :)

Link to comment
Share on other sites

  • கருத்துக்கள உறவுகள்

வணக்கம் குஞ்சி வாருங்கள்

 

Link to comment
Share on other sites

  • கருத்துக்கள உறவுகள்

யாழ்  இந்துவின் பெருமையுடன் வரும் குஞ்சி அவர்களுக்கு வாத்தியாரின்  வந்தனங்கள் உரித்தாகட்டும் :D

Link to comment
Share on other sites

வணக்கம் தந்த உறவுகளுக்கு பதில் வணக்கம் ..

 

குஞ்சி அழகும் கொடுந்தானை கோட்டழகும் மஞ்சள் அழகும் அழகல்ல .............................கல்வி அழகே அழகு ......

 

............( மறந்து விட்டது பெரியவர்கள் யாராவது உதவி செய்யவும் )

 

இதில் வரும் குஞ்சி அல்ல ...குண்சி.....என்பதே ...அல்லது குஞ்சி என்றே தொடருங்கள்  ...உங்கள் விருப்பம்...

 

Link to comment
Share on other sites

  • கருத்துக்கள உறுப்பினர்கள்

குஞ்சி அழகும் கொடுந்தானை கோட்டழகும்
மஞ்சள் அழகும் அழகல்ல, நெஞ்சத்து
நல்லம்யாம் எனும் நடுவு நிலையான்
கல்வி அழகே அழகு".

எந்த அழகான உடைகளோ சிங்காரித்த தலைமுடியின்   அழகோ அழகல்ல
மஞ்சள் பூசி மினுக்கி வெளிக்கிட்டாலும் நெஞ்சிலை வஞ்சம் இல்லாமல் எல்லாரையும் சமனாப் பாக்கின்றவர்களின்
கல்வி அறிவே மனிதனுக்கு அழகு

 


வணக்கம் வாருங்கள்

Link to comment
Share on other sites

நாலடியாரின் கல்வி அதிகாரத்தின் முதற் பா வை பொழிப்புரை உடன் தந்த பாரியாரிக்கு நன்றியும் வணக்கமும் ..இதன் மூலம் உலகத்திற்கு ஏதோ சொல்ல வாறிங்க போல உள்ளது.....

Link to comment
Share on other sites

வணக்கம் வாருங்கள் குஞ்சி! தங்கள் வரவு நல்வரவாகட்டும் !!

 
Link to comment
Share on other sites

  • கருத்துக்கள உறவுகள்

வணக்கம் வாருங்கள் குஞ்சி! தங்கள் வரவு நல்வரவாகட்டும் !!

Link to comment
Share on other sites

  • கருத்துக்கள உறவுகள்

வணக்கம் ! வாங்கோ !! வாழ்த்துக்கள் !!!

 

யாழ் இந்துவின் பெருந்தன்மை  பிடித்திருக்கு...!!!

Link to comment
Share on other sites

வாங்கோ சந்திக்கு ,

உங்கள் பதிவில் இருக்கும் பலர் எனக்கும் பழக்கம் ,(தயாளன் ,வித்தி,சுல்தான் சற்று யூனியர் )

உதே நேரம் கொக்குவிலில் குணன் ,பாலா ,ரஞ்சிற்,உமாசங்கர் விளையாடிஇருப்பார்கள் என்று நம்புகின்றேன் .

சப்ரா சரவணபவன் பற்றி சொல்ல தேவையில்லை (வித்தியின் மச்சான் ).

சோமசுந்தரம் ,மகேந்திரன் மாஸ்டர்களை நினைவு கூர்ந்ததற்கு நன்றி .

Link to comment
Share on other sites

  • கருத்துக்கள உறவுகள்

-------

இதில் வரும் குஞ்சி அல்ல ...குண்சி.....என்பதே ...அல்லது குஞ்சி என்றே தொடருங்கள்  ...உங்கள் விருப்பம்...

 

"குண்சி" என்று நாம் அவசரத்தில் தட்டச்சு செய்யும் போது.... கடைசி எழுத்தை பிழையாக அடித்து விட்டால், வில்லங்கமாய் போய் விடும் என்ற படியால், நாங்க "குஞ்சி" என்றே கூப்பிடுகிறோம். :D

Link to comment
Share on other sites

"குண்சி" என்று நாம் அவசரத்தில் தட்டச்சு செய்யும் போது.... கடைசி எழுத்தை பிழையாக அடித்து விட்டால், வில்லங்கமாய் போய் விடும் என்ற படியால், நாங்க "குஞ்சி" என்றே கூப்பிடுகிறோம். :D

 

நன்றி தமிழ் சிறி  உங்கள் அப்ப்ரோச் எனக்கு பிடிச்சிருக்கு....

 

சரி குஞ்சிதபாதம் , குஞ்சம்மா , குஞ்சப்பு , குஞ்சாச்சி , குஞ்சு போன்றன நல்ல தமிழ் பெயர்கள் அது மாதிரி குஞ்சி யும் ஒன்று என்ன நினைகிறேன்....

Link to comment
Share on other sites

வாங்கோ சந்திக்கு ,

உங்கள் பதிவில் இருக்கும் பலர் எனக்கும் பழக்கம் ,(தயாளன் ,வித்தி,சுல்தான் சற்று யூனியர் )

உதே நேரம் கொக்குவிலில் குணன் ,பாலா ,ரஞ்சிற்,உமாசங்கர் விளையாடிஇருப்பார்கள் என்று நம்புகின்றேன் .

சப்ரா சரவணபவன் பற்றி சொல்ல தேவையில்லை (வித்தியின் மச்சான் ).

சோமசுந்தரம் ,மகேந்திரன் மாஸ்டர்களை நினைவு கூர்ந்ததற்கு நன்றி .

 

சோமசுந்தரம் ,மகேந்திரன் மாஸ்டர்களின் பங்களிப்பு அளப்பெரியது அதிலும் விளையாட்டுத்துறையில்...சில குறைகள் பல நிறைகளை விட அதிகமாக பேசபடுவது நாம் ஊர் வழக்கம் தானே .....

 

கொக்குவிலில் குணன் ,பாலா ,ரஞ்சிற்,உமாசங்கர் ..சிலர் நினைவில் உள்ளது ..

Link to comment
Share on other sites

  • கருத்துக்கள உறவுகள்

வணக்கம் குஞ்சி வாருங்கள்.

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • கடந்த மாவீரர் தினத்திலும் ஐயா வந்து சிறிய சொற்பொழிவாற்றி இருந்தார்.
    • 'உரையாடலின் அறுவடை' என்னும் இரா. இராகுலனின் இந்தக் கவிதையை 'அகழ்' இதழில் இன்று பார்த்தேன். பல வருடங்களின் முன்னர் ஒரு அயலவர் இருந்தார். இந்தியாவில் ஒரு காலத்தில் ஐஐடி ஒன்று மட்டுமே இருந்தது. அந்தக் காலத்தில் அவர் அந்த ஐஐடியில் படித்தவர் என்று சொன்னார். அவரிடம் அபாரமான நினைவாற்றலும், தர்க்க அறிவும் இருந்தன. இங்கு அவர் எவருடனும் பழகியதாகவோ, அவருடன் எவரும் பழகியதாகவோ தெரியவில்லை. அவருடன் கதைப்பது சிரமமான ஒரு விடயம் தான். அவர் சொல்லும் பல விடயங்கள் என் தலைக்கு மேலாலேயே போய்க் கொண்டிருந்தன. அதனாலேயே அவரை எல்லோரும் தவிர்த்தனர் போலும்.     நான் எப்போதும் அவருடன் ஏதாவது கதைக்க முற்படுவேன். அவர் அடிக்கடி சலித்துக் கொள்வார், நான் ஒரு போதும் அவரிடம் ஒரு கேள்வியும் கேட்பதில்லை என்று. அவர் சொல்லும் விடயங்கள் சுத்தமாகப் புரியாமல் இருக்கும் போது, நான் என்ன கேள்வியை கேட்பது? அவர் இப்பொழுது இங்கில்லை. இந்தப் பூமியிலேயே இல்லை. இன்று இந்தக் கவிதையை பார்த்த பொழுது அவரின் நினைவு வந்தது.  '....கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது....'  என்ற வரிகளில் அவர் தெரிந்தார். *************    உரையாடலின் அறுவடை (இரா. இராகுலன்) ------------------------- கேட்கும் கேள்விகளிலிருந்தும் அளிக்கும் பதில்களிலிருந்தும் கடைபிடிக்கும் மௌனத்திலிருந்தும் நமக்கிடையேயான தூரத்தை நாம் நிர்ணயித்துக்கொள்கிறோம் தொடர்ந்து எழுப்பும் கேள்விகள் உடைத்து உடைத்து உள் பார்க்கிறது தொடர்ந்து அளிக்கும் பதில்கள் உள் திறந்து திறந்து காண்பிக்கிறது தொடரும் மௌனம் இருவரிடமும் திறவுகோலை அளிக்கிறது பூட்டினால் திறக்கவும் திறந்தால் பூட்டவும் கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது https://akazhonline.com/?p=6797  
    • அவர் சிங்களத்துக்கு பஞ்சு துக்குபவர் இன்னும் அவருக்கு பெல் அடி கேட்கவில்லை போல் உள்ளது 😆
    • இருக்க‌லாம் பெருமாள் அண்ணா ஜெய‌ல‌லிதாவுக்கு க‌ருணாநிதிக்கு கோடி காசு அவ‌ங்க‌ட‌ கால் தூசுக்கு ச‌ம‌ம்..............ஜெய‌ல‌லிதா சொத்து குவிப்பு வ‌ழ‌க்கில் எத்த‌னை ஆயிர‌ம் கோடி  2ஜீ ஊழ‌லில் அக்கா க‌ணிமொழி அடிச்ச‌து எவ‌ள‌வு...............இப்ப‌ இருக்கும் முத‌ல‌மைச்ச‌ருக்கு தேர்த‌லுக்காக‌ 600 கோடி எங்கு இருந்து வ‌ந்த‌து என்ர‌  ம‌ன‌சில் வீர‌ப்ப‌ன் எப்ப‌வும்  என் குல‌சாமி🙏🙏🙏...................................
    • வீரப்பன் இறந்த பின்தான் அதிகஅளவான  இயற்கை வள சுரண்டல்கள் அந்த காடுகளில் நடைபெறுவதாக எங்கோ படித்த நினைவு .
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.