ராஜதந்திர விவகாரத்தில் தலையிட முடியாது: தமிழக மீனவர்கள் தாக்கப்படுவது தொடர்பான வழக்கு முடித்து வைப்பு!

[பிழம்பு]

புதுடெல்லி: ராஜதந்திரம் மற்றும் அரசியல் விவகாரத்தில் நீதிமன்றம் தலையிட முடியாது என்று கூறி, தமிழக மீனவர்கள் தாக்கப்படுவதை தடுக்க கோரிய வழக்கை உச்ச நீதிமன்றம் முடித்து வைத்தது.

தமிழக மீனவர்கள் இலங்கை மீனவர்களால் தாக்கப்படுவதை தடுக்க உரிய பாதுகாப்பு அளிக்கக் கோரி அதிமுக சார்பில் தம்பிதுரையும், திமுக சார்பில் ஏ.கே.எஸ்.விஜயனும், உச்ச நீதிமன்றத்தில் தனித்தனியாக வழக்கு தொடர்ந்து இருந்தனர்.

இந்நிலையில் இந்த இரு வழக்குகளையும் இன்று ஒன்றாக விசாரித்த உச்ச நீதிமன்றம், இது ராஜதந்திரம் மற்றும் அரசியல் முக்கியத்துவம் வாய்ந்த வழக்கு என்று கூறி, மத்திய அரசின் தலைமை வழக்கறிஞரான  அட்டார்னி ஜெனரல் முகுல் ரோஹத்கி இன்று மதியம் 2 மணிக்கு நேரில் ஆஜராக வேண்டும் என உத்தரவிட்டது.

அதன்படி, மத்திய அரசின் தலைமை வழக்கறிஞரான  அட்டார்னி ஜெனரல் முகுல் ரோஹத்கி உச்ச நீதிமன்றத்தில் ஆஜரானார். அவர் அளித்த விளக்கத்தை ஏற்று, ராஜதந்திரம் மற்றும் அரசியல் விவகாரத்தில் நீதிமன்றம் தலையிட முடியாது என்று தெரிவித்த நீதிபதிகள், இரு நாடுகளும் பேச்சுவார்த்தை மூலம் தீர்த்துக் கொள்ள அறிவுரை வழங்கி வழக்கை முடித்து வைத்தனர்.
  

 

http://news.vikatan.com/article.php?module=news&aid=31746

[nedukkalapoovan]

அப்ப எப்படி கேரள மீனவர்களைச் சுட்ட.. இத்தாலிய வீரர்களுக்கு உங்கள் நீதிமன்றத்தால்.. நடவடிக்கை எடுத்தீர்கள். அது ராஜந்திரம் இல்லையோ..????!

[விசுகு]

அப்ப எப்படி கேரள மீனவர்களைச் சுட்ட.. இத்தாலிய வீரர்களுக்கு உங்கள் நீதிமன்றத்தால்.. நடவடிக்கை எடுத்தீர்கள். அது ராஜந்திரம் இல்லையோ..????!

 

 

இப்படிக்கேள்வி  கேட்கப்படாது...

பாதிக்கப்பட்டவன் தமிழனா?

அவனுக்கு வேறு சட்டம்

இது எழுதப்படாத சட்டம்

அது நீதிபதிகளுக்கும் தெரியும் என்பதை மட்டும் இதன் மூலம் புரிந்து கொள்ளலாம்

[இசைக்கலைஞன்]

அப்ப எப்படி கேரள மீனவர்களைச் சுட்ட.. இத்தாலிய வீரர்களுக்கு உங்கள் நீதிமன்றத்தால்.. நடவடிக்கை எடுத்தீர்கள். அது ராஜந்திரம் இல்லையோ..????!

இத்தாலி எல்லை சம்பந்தப்படாத நாடு ஆகையால் வேறு வகையான ராஜதந்திரம்.

தமிழக மீனவர்களுக்குச் சொல்லப்படுவது என்னவென்றால் தமிழ் ஈழம் அமையம்வரை உங்களுக்குப் பாதுகாப்பு இல்லை என்பது.