வேட்டி கட்டியோரை அனுமதிக்காத கிளப்புகளின் அனுமதி ரத்து செய்யப்படும்: முதல்வர் ஜெயலலிதா எச்சரிக்கை! Read more at: http://tamil.oneindia.in/news/tamilnadu/tn-cm-jayalalithaa-warns-clubs-on-dhoti-issue-206087.html

[புலவர்]

http://tamil.oneindia.in/news/tamilnadu/tn-cm-jayalalithaa-warns-clubs-on-dhoti-issue-206087.html

[பெருமாள்]

வேட்டி கட்டியோரை அனுமதிக்காத கிளப்புகளின் அனுமதி ரத்து செய்யப்படும்: முதல்வர் ஜெயலலிதா எச்சரிக்கை! Posted by: Mathi Published: Wednesday, July 16, 2014, 12:31 [iST] சென்னை: வேட்டி கட்டியவர்களை அனுமதிக்காமல் தமிழர் நாகரிகத்துக்கு எதிராக செயல்படும் மன்றங்களின் (கிளப்புகள்) அனுமதிகள் ரத்து செய்யப்படும் என்று தமிழக முதல்வர் ஜெயலலிதா கடுமையாக எச்சரித்துள்ளார். சென்னையில் உள்ள தமிழ்நாடு கிரிக்கெட் கிளப்பில் நடைபெற்ற நிகழ்ச்சிக்கு வேட்டி கட்டி சென்ற காரணத்தால் நீதிபதி ஹரிபரந்தாமன், மூத்த வழக்கறிஞர்கள் ஆர். காந்தி, சுவாமிநாதன் ஆகியோருக்கு அனுமதி மறுக்கப்பட்டது. இந்த விவகாரம் பெரும் சர்ச்சையை ஏற்படுத்தியது. தமிழக சட்டசபையிலும் இந்த பிரச்சனை எதிரொலித்தது. இந்த நிலையில் தமிழக சட்டசபையில் இன்று முதல்வர் ஜெயலலிதா விதி எண் 110-ன் கீழ் வேட்டி விவகாரம் குறித்து அறிக்கை ஒன்றை தாக்கல் செய்து பேசியதாவது: வேட்டி கட்டிக் கொண்டு சென்ற நீதிபதியை அனுமதிக்காத கிளப்பின் செயல் கடுமையாக கண்டிக்கத்தக்கது. வேட்டி கட்டியவர்களை அனுமதிக்காதது தமிழர் நாகரிகத்தை அவமதிக்கும் செயல். தமிழர் நாகரிகத்தைக் கொச்சைப்படுத்தும் செயல். வேட்டி கட்டியோரை அனுமதிக்கமாட்டேன் என்று அரசியல் சட்டத்துக்கு எதிரானது. ஆங்கிலேயர் ஆட்சி அகன்று 67 ஆண்டுகளான பின்னரும் வேட்டி கட்டியோரை அனுமதிக்கமாட்டோம் என்பது வேதனைக்குரியது. வேட்டி கட்டியவர்களை அனுமதிக்க முடியாது என்று கூறிய கிளப்புக்கு விளக்கம் கேட்டு நோட்டீஸ் அனுப்பி வைக்கப்படும். எதிர்காலத்தில் இதுபோன்ற சம்பவங்கள் நிகழாத வகையில் கிளப்புகள் சட்டத்தில் நடப்பு கூட்டத் தொடரிலேயே திருத்தங்கள் கொண்டுவரப்படும். இந்த பிரச்சனை குறித்து சம்பந்தப்பட்ட கிளப்புக்கு விளக்கம் கேட்டு நோட்டீஸ் அனுப்ப உத்தரவிடப்பட்டுள்ளது. தமிழர் நாகரிகத்துக்கு எதிராக செயல்பட்டால் இத்தகைய கிளப்புகளின் அனுமதி ரத்து செய்யப்படும். இவ்வாறு முதல்வர் ஜெயலலிதா கூறினார்.

Read more at: http://tamil.oneindia.in/news/tamilnadu/tn-cm-jayalalithaa-warns-clubs-on-dhoti-issue-206087.html

[sankilikkaruppu]

வேட்டி அரசியல் செய்யும் தமிழக கட்சிகள்.....?

 

வேட்டி தமிழ் கலாச்சாரத்தின் அடையாளம்....தமிழ் நாட்டில் இருந்து கொண்டு செயல்படும் தனியார் கிளப்புகள் மற்றும் இந்திய கிரிக்கெட் வாரியம் ( இது தமிழ் நாட்டில் சொசைட்டி அதாவது கூட்டுறவு சங்கம் என்ற அமைப்பின் கீழ் பதிவு செய்யப்பட்டவை...)

 

மற்றும் தமிழக கிரிக்கெட் சங்கம் நடத்தும் கூட்டங்களில் வேட்டி கட்டிக் கொண்டு தமிழன் மட்டுமல்ல வேறு யாருமே அணிந்து வரக் கூடாது....

 

மீறி அணிந்து வந்தால் அவர்கள் உள்ளே நுழைய அனுமதி இல்லை....

 

இந்த விவகாரத்தில் சமீபத்தில் சிக்கிய தமிழக நீதிபதியும் உயர்நீதிமன்ற வழக்குரைஞரும் வெளியேற்றப்பட்டவுடன்....கொந்தளித்த தமிழக கட்சிகள் காங்கிரஸ் கட்சி உட்பட...

 

இதன் தொடர்ச்சியாக தமிழக முதல்வரும் இந்த சட்டத்தை பிறப்பித்துள்ளார்....ஆக வேட்டிக்கு கொடுக்கும் முக்கியத்துவம் வேட்டி கட்டும் தமிழனுக்கு இல்லை எனலாமா..?

 

- சங்கிலிக்கருப்பு - 

[தமிழ் சிறி]

தமிழக முதல்வரின், இந்த நடவடிக்கை நியாயமானது.
வேட்டி கட்டிய தமிழன், உங்கள் கிளப்புக்கு வரக் கூடாதென்றால்....
உங்கள் கிளப்பை, தமிழ் நாட்டில் மூடி விட்டு... இங்கிலாந்தில் நடத்துங்கள்.

வெள்ளைக்காரன் வைத்த சட்டத்தை... இன்றும், கண்மூடி... பின்பற்றிக் கொண்டு இருக்கும் தமிழனை...

லைட் போஸ்டில் கட்டி வைத்து, நெத்தியில் (நெருப்பால்) சூடு வைக்கணும்.