மணலாறில் தமிழர்களின் காணிகளைப் பிடுங்கி சிங்களவர்களுக்கு கொடுக்கும் அரசாங்கம்! - ரவிகரன் குற்றச்சாட்டு.

[கறுப்பி]

மணலாறில் தமிழர்களின் காணிகளைப் பிடுங்கி சிங்களவர்களுக்கு கொடுக்கும் அரசாங்கம்! - ரவிகரன் குற்றச்சாட்டு.

[Tuesday 2014-09-16 17:00]

மணலாறு பகுதியில், தமிழர்களின் காணிகள் அபகரிக்கப்பட்டு சிங்கள மக்களுக்கு வழங்கப்படுவதாக வட மாகாணசபை உறுப்பினர் து.ரவிகரன் குற்றம்சாட்டியுள்ளார். இதுகுறித்து அவர் வெளியிட்ட ஊடக அறிக்கையில் மேலும் தெரிவித்துள்ளதாவது, மணலாறு பகுதியில் ஏற்கனவே குளங்களோடு உள்ள தமிழர்களின் காணிகள் அபகரிக்கப்பட்ட நிலையில், தற்போது மகாவலி எல் வலயம் என்ற போர்வையில் வர்த்தக நோக்கத்துடன் தமிழர்களின் காணிகள் அபகரிக்கப்பட்டுள்ளன.

 

குறிப்பாக தென்னை, மாமர செய்கைக்கென 33 சிங்கள மக்களுக்கு தலா 25 ஏக்கர் வீதம் மொத்தமாக 325 ஏக்கர் காணி அபகரிக்கப்பட்டு வேலிகள் இடப்பட்டுள்ளன. இதற்காக மகாவலி அதிகார சபையால், தலா 3 இலட்சம் ரூபாய் முற்பணமாக பெறப்பட்டுள்ளதாக தெரியவருகிறது. இக்காணிகள் உப உணவுப் பயிர்ச் செய்கைக்காக ஏற்கனவே தமிழ் மக்களுக்கு வழங்கப்பட்ட காணிகளாகும். அவற்றை அபகரித்து தற்போது சிங்கள மக்களுக்கு வழங்குகின்றனர்.

 

இந்நில அபகரிப்பின் உச்சக்கட்டமாக மண்கிண்டிமலையிலிருந்து கோட்டைக் கேணியூடாக கொக்குத்தொடுவாய்ச் சந்திக்கு செல்லும் பாதையின் பகுதியும் உள்வாங்கப்பட்டிருக்கிறது. ஆளுங்கட்சியின் அமைச்சர் ஒருவரின் உறவினர்களுக்காக, இப்பகுதி நிலங்கள் வழங்கப்பட்டிருப்பதாக மக்கள் தெரிவிக்கின்றனர். தமிழ் மக்களின் வாழ்வாதாரங்களை எந்தெந்த வகைகளில் முடக்கமுடியுமோ, அத்தனை வழிகளிலும் முடக்குவதில் குறியாக இருக்கிறார்கள் என குறித்த அறிக்கையில் அவர் மேலும் தெரிவித்துள்ளார்.http://www.seithy.com/breifNews.php?newsID=116915&category=TamilNews&language=tamil