அன்னை பூபதியின் 26 வது ஆண்டு நினைவுதினம் இன்று

[தமிழரசு]

இந்திய அமைதி காக்கும் படையினருக்கு எதிராக மட்டக்களப்பில் சாகும் வரையில் உண்ணாவிரதம் இருந்து உயிர் நீத்த தியாகத் திருவிளக்கு அன்னை பூபதியின் 26 ஆம் ஆண்டு நினைவு தினம் உலகெங்கும் அனுஸ்டிக்கப்படுகின்றது.

 

மட்டக்களப்பு – அம்பாறை மாவட்டங்களின் அன்னை முன்னணியின் செயற்பாட்டாளராக இருந்தவர் தான் அன்னம்மா என்கிற அன்னை பூபதி.

 

இவர் இந்திய அமைதிப் படையினர் தமிழீழ விடுதலை புலிகளுடன் போரிடுவதைக் கைவிட்டு உடனடியாக போர் நிறுத்தத்தை நடைமுறைப்படுத்த வேண்டும்,  தமிழீழ விடுதலை புலிகளுடன் பேச்சு நடத்தித் தீர்வு காணவேண்டும். என்கிற இரு கோரிக்கைகளை முன்வைத்து சாகும் வரையிலான உண்ணாவிரதத்தை 19 மார்ச் 1988 இல் ஆரம்பித்தார்.

 

முன்னெச்சரிக்கையாக “சுயவிருப்பின் பேரில் உண்ணாவிரதமிருக்கிறேன். எனக்கு சுயநினைவிழக்கும் பட்சத்தில் எனது கணவனோ, அல்லது பிள்ளைகளோ என்னை வைத்தியசாலையில் அனுமதிக்க முயற்சிக்கக் கூடாது” எனக் கடிதம் எழுதி வைத்தார்.

 

பத்துப்பிள்ளைகளுக்கு தாயான இவர் நீர் மட்டும் அருந்தி சாகும் வரை உண்ணாநோன்பு இருந்தார். இடையில் பல தடங்கல்கள் வந்தன. உண்ணாவிரதத்துக்கு ஒத்துழைப்பு வழங்கியவர்களையும், அன்னை பூபதியின் பிள்ளைகள் சிலரையும், இந்திய இராணுவம் கைது செய்தது. ஆயினும் போராட்டம் நிறுத்தப்படவில்லை. அவர் உறுதியாகப் போராட்டத்தைத் தொடர்ந்தார்.

 

இருப்பினும் கோரிக்கைகள் ஏற்றுக் கொள்ளப்படவில்லை இந்த நிலையில் உண்ணாவிரதம் ஆரம்பித்து சரியாக ஒரு மாதத்தின் பின் 19.ஏப்ரல்.1988 அன்று உயிர் நீத்தார். அன்னை பூபதி உயிரிழந்த அந்த நாள் தான் தமிழீழ நாட்டுப்பற்றாளர் நாள் என்று நினைவு கூரப்படுகின்றது.

 

ஒரு சாதாரண தமிழ்க் குடும்பப் பெண்ணாக இருந்த அன்னை பூபதி உண்ணாவிரதமிருந்து தன்னுயிரை தாயகத்துக்காக அர்ப்பணித்த பிற்பாடு தான் அதிகளவு தமிழ்ப் பெண்கள் தமிழீழ மண்மீட்புப் போராட்டத்தில் தங்களையும் இணைத்துக் கொண்டமை குறிப்பிடத்தக்கது.

 

 

http://onlineuthayan.com/News_More.php?id=243822891120791012

[நேசன்]

தாயை  மறக்காமல்  வருங்கால எம் பிள்ளைகளும் இவர் யார் என்று கேட்கும் போது  எப்போதும் நினைவில் நிற்கும் வகையில்   நோர்வேயில் உள்ள தமிழ்க்கல்விக்கூடங்களுக்கு   அன்னைபூபதி  தமிழ்க்கலைக்கூடம்  என்று பெயர் சூட்டப்பட்டு  ஒவ்வொரு தமிழ்கற்க செல்லும் பிள்ளையும்   தாயின்  பெயரை  உச்சரிக்கும் வண்ணம்  நிலைநிறுத்தப்பட்டுள்ளது.

[இசைக்கலைஞன்]

அன்னை பூபதி அவர்களின் உயிர்த்தியாகம் போற்றுதலுக்கு உரியது. போலி காந்திகளின் முகமூடிகள் கிழிக்கப்பட்ட இரு நிகழ்வுகளுள் ஒன்று இது. நினைவு அகவணக்கங்கள்..!

[விவசாயி விக்]

அன்னைக்கு அஞ்சலி.

[புங்கையூரன்]

அன்னை பூபதிக்கு வீர வணக்கங்கள்!

 

ஈழத்தமிழன் இருக்கும் வரை, உங்கள் நினைவும் எங்களுடன் பயணிக்கும்!

[கறுப்பி]

அன்னை பூபதிக்கு வீர வணக்கங்கள்!