இஸ்ரேலியர்களின் புதிய ஆலோசனை சிறிலங்காவிற்கு வழிகாட்டுமா?

[akootha]

இஸ்ரேலிய அடிப்படைவாதிகள் பாலஸ்தீனர்களுடன் நிரந்தரமான அமைதி ஒப்பந்தம் ஒன்றை எழுதி அதில் முறைப்படி கையொப்பமிடுவது சாத்தியமில்லை என்று தெரிவித்துள்ளனர்.

மேற்கண்ட கருத்தை இப்போதைய இஸ்ரேலிய பிரதமரான பென்ஜமின் நெட்டன்யாகுவின் அரசுக்கு ஆதரவு கொடுத்துக்கொண்டிருக்கும் முன்னாள் வெளிநாட்டு அமைச்சர் அவிக்டோர் லிபர்மான் தெரிவித்துள்ளார்.

 

நிரந்தரமான சமாதான ஒப்பந்தம் ஒன்றை எட்டுவதைவிட தற்காலிகமான சமாதான ஒப்பந்தம் ஒன்றை எழுதி அதில் கையெழுத்திட்டால் இஸ்ரேலிய யூத அடிப்படைவாதிகளை சமாதானம் செய்ய முடியும் என்று கருத்து வெளியிட்டுள்ளார்.

 

ஊல்ரா நாஷனல் கட்சியைச் சேர்ந்த இவர் கடந்த தை 22ம் திகதி தமது கட்சிக்கு அதிக ஆதரவு கிடைக்காததைத் தொடர்ந்து சிறிய மாற்றமடைந்துள்ளமை தெரிகிறது.

 

வரும் மார்ச் மாதம் அமெரிக்க அதிபர் பராக் ஒபாமா இஸ்ரேல், பாலஸ்தீனம் ஆகிய இரு இடங்களுக்கும் விஜயம் செய்யவுள்ளார், அத்தருணம் அமைதிப் பேச்சுக்களை முன்னெடுக்க விருப்பம் தெரிவித்துள்ளார்.

 

இந்த நிலையிலேயே வேறு வழியற்ற அடிப்படைவாதியான லிபர்மான் சிறிது இறங்கி வந்துள்ளார்.
சென்ற வாரம் ஐ.நா இஸ்ரேலுக்கு எதிரான காட்டமான அறிக்கை ஒன்றை முன் வைத்தது தெரிந்ததே..

 

நேற்று சனி தொலைக்காட்சிக்கு பேட்டியளித்த லிபர்மான் மேலும் கூறும்போது, இஸ்ரேல் என்ற நாட்டையே உலகப்படத்தில் இருந்து அகற்றப்போவதாக இஸ்லாமிய அடிப்படைவாதிகள் கங்கணம் கட்டி வருகிறார்கள், அவர்களால் இஸ்ரேலை ஏற்க முடியுமா..? என்று கேள்வி எழுப்பினார்.

 

அதுபோலத்தான் யூத அடிப்படைவாதிகளின் எண்ணங்களும் விட்டுக்கொடுக்க முடியாத ஓரிடத்தில் இருக்கிறது என்றும் அவர் உதாரணம் காட்டியுள்ளார்.

 

அதேவேளை இஸ்ரேல் பாலஸ்தீனப்பகுதியில் அத்துமீறிய குடியேற்றங்களை அமைப்பதை நிறுத்தாவிட்டால் அமைதிப்பேச்சை முன்னெடுப்பதில் யாதொரு பயனுமில்லை என்கிறது பாலஸ்தீன தரப்பு.

 

அதேநேரம் புதிய குடியிருப்புக்களை அகற்ற வேண்டிய கட்டாயம் தமக்கு இல்லை என்கிறது இஸ்ரேல், இப்படியிருக்கிறது இழுபறி நிலை.

 

மேலும் கடந்த 2010ம் ஆண்டு இரு தரப்பிற்கும் இடையே ஏற்பட்ட அமைதி ஒப்பந்தத்தை பயன்படுத்தி தீவிரவாதிகள் இஸ்ரேலை நோக்கி மோட்டார்களை ஏவ, இஸ்ரேல் பதிலடி கொடுக்க அந்த ஒப்பந்தம் முறிவடைந்தது தெரிந்ததே.

 

இப்படி இது நீண்ட புரையோடிய தொழு நோயாக இருப்பதால், முன்னெச்சரிக்கையுடன் இடைக்கால ஒப்பந்தம் செய்வது நல்லது என்றும் கூறினார்.

 

இதை அடியொற்றி வரும் மார்ச் அமெரிக்கா முன்னெடுக்கவுள்ள தீர்வு போல இலங்கையிலும் ஒரு தீர்வு எட்டப்பட வழி இருப்பது கவனிக்கத்தக்கது.

 

அமெரிக்கா பாலஸ்தீனத்தில் செய்வதை சிறீலங்காவிலும் செய்யும், இந்தியா குழப்ப இடமில்லை என்பது களநிலையாக உள்ளது.

 

மார்ச் மாதம் ஜெனீவாவில் நடைபெறவுள்ள மனித உரிமைக் கூட்டமும், சம காலத்தில் நடக்கவுள்ள ஒபாமாவின் இஸ்ரேல் பயணமும் அவருடைய இரண்டாவது கட்ட அதிபர் பதவியின் முக்கிய பணிகளாக அமையவுள்ளன.

 

சிங்கள இனவாதம், இஸ்ரேலிய யூத இனவாதம், முஸ்லீம் மதவாதம், கடும்போக்கு தமிழ்வாதம் ஆகிய கடும்போக்குகள் அதிர்வுகளை சந்திக்கும் என்பதும் கவனிக்கத்தக்கது.

 

http://www.alaikal.com/news/?p=122171