நான் பார்த்த சாத்திரி!!

[sOliyAn]

ஆரம்பத்திலே சாத்திரியார் ஒரு உண்மை சம்பவத்தை சிறுகதையாக யாழில் எழுதினார்.. அதுதான் அவரது முதலாவது படைப்போ என்னமோ.. சில வசன நடைகளை தவிர்த்து பார்க்கும்போது அங்கே அவரது எழுத்தார்வம் மிகவும் தாராளமாகவே பொதிந்திருந்ததை அவதானிக்க முடிந்தது.

அதிலிருந்து அவரை அவரது ஆக்கங்கள் மூலமாக அவதானிக்க ஆரம்பித்தது. நாட்கள் செல்லச் செல்ல சம்பவங்கள் கடந்தகால அனுபவங்களாக.. நிகழ்வுகளின் விமர்சனங்களாக.. கட்டுரைகளாக வெகுவேகமாகவே அவரது எழுத்தாற்றலும் சிந்தனைகளும் விரிந்துகொண்டே சென்றன.

அவரது ஆரம்பகால விமர்சனக் கட்டுரைகள் மூஞ்சையைப் பொத்தி அடிக்கிறமாதிரி இருக்கும். மூஞ்சையைப் பொத்தி அடிச்சால் அடிவாங்கினவனும் திருப்பி அடிக்கத்தானே முயற்சிப்பான்.. அதேபோல எனக்குத் தெரிந்த எழுத்தாளர்கள் சிலர் மிகவும் சினத்துடன் 'அவர் ஒரு மனுசனா..' என்னும் போக்கில் என்னுடன் தொலைபேசியில் பேசுவார்கள். நானும் அப்போது யாழில் இணைந்து பதில் எழுதுங்கள் என்று கூறிவிடுவேன். அவர்கள் யாழில் உள்ளார்களா இல்லையா என்பதை நான் அறியேன்.

ஆனால் சாத்திரியின் அந்தக் கட்டுரைகளைப் பார்க்கும்போது எனக்கு மனதுள் சிரிப்பாக இருக்கும். ஏனெனில் 90களில் Dosல் ஆதமி போன்ற தமிழ் எழுத்துகளை பாவித்த காலத்தில் வெளியிட்ட கடல் என்ற சஞ்சிகையிலும் இப்படியான வகை கட்டுரைகளை எழுதியிருந்தோம். அதனால் திரும்ப வந்த அடிகளையும் தாங்கியிருக்கிறோம். அதற்கும் ஒரு துணிவும் அதன் தாக்கங்களைத் தாங்கும் குடும்பமும் வேண்டுமல்லவா?!

எழுத்தாளன் என்பவன் எளிதில் உணர்ச்சிவசப்படுபவன். அவன் எளிதில் உணர்ச்சிவசப்படுவதால்தான் அந்த உணர்வுகளை எழுத்தில் இறக்கிவைக்க முடிகிறது. அதுமட்டுமல்ல.. தனது உணர்வுகளை மற்றவனுடன் பகிர்ந்துகொண்டு அதை ஒரு அறிவித்தலாக அல்லது அனுபவமாக தான் சார்ந்த சமுதாயத்தில் பதிவுசெய்ய விளைகிறான். இந்த விளைவு இல்லாவிட்டால் தாக்கும் உணர்வுகளைச் சமாளிக்க மது.. போன்ற எத்தனையோ விடயங்களை நாடிவிட்டுப் போகலாம்.

ஆனால் எளிதில் உணர்ச்சிவசப்படும் எழுத்தாளன்.. அந்த உணர்வுகளை தனது எழுத்தனுபவங்களைக் கொண்டு நிதானமாகச் சிந்தித்து ஒரு சீரான முறையில் எழுத்தாக்குகிறான் என்பதுதானே உண்மை?! ஆக உணர்ச்சிவசப்படுபவன் அந்த உணர்வுகளை ஒரு பக்குவமான நிலைக்குகொண்டு வரும்போதுதானே எழுத்தாளனாகிறான். இது அந்த எழுத்தாளனது அனுபவங்களைப் பொறுத்தே காத்திரமாகிறது.

நானும் முன்பொரு முறை இதே யாழில் முற்றம் என்னும் பகுதியில் எனது ஆக்கங்களை உணர்ச்சிவசப்பட்டு அகற்றினேன். ஒரு சில தினங்களின் பின்னர் அது தவறு எனப் புரிந்து மீண்டும் நானே இணைத்தேன். இது வெறும் உணர்வுகளை கட்டுப்படுத்த தவறியதன் விளைவு.

தற்போது அதேநிலையில் சாத்திரி அவர்கள்.. என்னைப் பொறுத்தளவில் சாத்திரி ஒரு நல்ல எழுத்தாளர். இன்றைய நடப்புகளை தனது எழுத்தாற்றல்மூலம் வாசகரிடம் சேர்க்கும் வல்லமை பெற்றவர்.

உணர்வுகள் வரும் போகும்.. பெறும் உணர்வுகளை எவ்வாறு பொறுமையுடன் எழுத்தில் வடிக்கிறோமோ.. அதேபோல் எழுத்துக்கு வரும் கருத்துகளால் விமர்சனங்களால் ஏற்படும் உணர்வுளையும் பொறுமையுடன் சீர்தூக்கிப் பார்த்து செயற்படுவதுதான் எழுத்தாளனுக்கு அழகும் பெருமையும்.

எழுத்தால் அடிக்கும்போது அடிபடுபவன் தரும் அடிகளையும் தாங்கி திரும்ப தாக்கி வெற்றிபெறுவதுதான் ஒரு ஒரு எழுத்தாளனை சமூகத்தில் நிலைநிறுத்தும். ஆகவே சாத்திரி அவர்கள் தனக்கான தடைக்காலம் முடிந்ததும் மீண்டும் யாழில் கருத்துகளை ஆக்கங்களை தொடர்ந்து எழுதவேண்டும் என எதிர்பார்க்கிறேன்.

அவர் இக்கருத்தை பார்வையாளனாவது இருந்து அவதானித்து உள்வாங்குவார் என்ற நம்பிக்கையில் எழுதுகிறேன்.

மீண்டும் சந்திப்போம்!!

[விசுகு]

ஒவ்வொரு காலத்தில் ஏதாவது ஒன்று பேசப்படும் பொருளாக இருக்கும்

தற்போது யாழில் "சாத்திரி"

[nedukkalapoovan]

சோழி அண்ணா தனது அனுபவத்தில் சாத்திரி என்ற கள உறவு பற்றி தெளிவுறச் சொல்லி இருப்பது வரவேற்கக் கூடிய ஒன்றே..!

சாத்திரி ஒரு எழுத்தாளனாக தான் சொல்ல விரும்புவதை தனது வடிவில் சொல்லக் கூடியவர். அதனால் அவர் தனது எழுத்துக்கள் மூலம் நிறைய வாசகர்களைக் கவர்ந்தும் இருக்கிறார். பிரச்சனையும் பட்டிருக்கிறார்.

அவருடைய பல ஆக்கங்களோடு முரண்படாத போதும் சில ஆக்கங்கள் மக்களது மேன்மை பொருந்திய நம்பிக்கைகளுக்கு பாதகமாக அமைந்திருந்த நிலையில் அவற்றோடு இணைந்து அவரோடு விவாதம் செய்திருக்கிறேன். என்ன அவர் இலகுவில் தனது தவறை ஒத்துக் கொள்ளமாட்டார்..! ஆனால் கோபப் படுவார். அது சோழியண்ணா சொன்னது போல.. எழுத்தாளர்களின் சுபாவம் போலும்..!

அண்மையில் அவர் கள விதிக்கு மாறாக நடந்து கொண்டதை இட்டு ஏற்பட்ட தடை என்பது அவருக்கான ஒரு வழிகாட்டலாக இருக்குமே தவிர அவரின் எழுத்தாளுமையை அது பாதிக்காது என்றே நம்புகிறேன். சோழியண்ணா சொன்னது போல தடையை + ve ஆக எடுத்து சாத்திரி தனது படைப்புக்களை இன்னும் ஸ்திரமாக உருவாக்க வேண்டும் என்று எதிர்பார்க்கிறோம்.

நிச்சயமா.. சாத்திரியோ.. எவருமோ.. அவரவரின் படைப்பளவில் நாம் தவறு காணும் போது.. அதை நிச்சயம் சுட்டிக்காட்டியும்.. மெருகு காணும் போது வாழ்த்தியும் நிற்போம்..! சாத்திரியும் வாசகர்களின் விமர்சனங்களை நக்கலாக நளினமாக நோக்காது அதனுள் பொதிந்திருக்கும் உள்ளார்ந்த கருத்துக்களை சிந்தனைகளை உணர்ந்து ஆக்கங்களில் அவற்றை பிரதிபலிப்பது.. இன்னும் இன்னும் அவர் தன்னை எழுத்துலகில் ஸ்தரப்படுத்த உதவும்.

எழுத்துக்களுக்கு அப்பால்.. யாழ் கள உறவாக.. சாத்திரி எமக்கும் நல்ல நண்பரே. அவரோடு தனிப்பட்ட முறையில் தொடர்புகள் இல்லாத போதும் பிரச்சனைகளும் இருந்ததில்லை. இருக்கப் போவதும் இல்லை..!

[Thumpalayan]

காய்க்கிற மரத்துக்குத்தானே கல்லெறி விழும். என்ட பாசையில சொன்னா வடிவான பெட்டயளத்தான் பெடியள் சுழட்டுவாங்கள் (இதுக்கு என்னிடம் ஆதாரம் இல்லை, எதோ அனுபவத்தில கண்டதை எழுதியிருக்கிறன் )

[sOliyAn]

காய்க்கிற மரத்துக்குத்தானே கல்லெறி விழும். என்ட பாசையில சொன்னா வடிவான பெட்டயளத்தான் பெடியள் சுழட்டுவாங்கள் (இதுக்கு என்னிடம் ஆதாரம் இல்லை, எதோ அனுபவத்தில கண்டதை எழுதியிருக்கிறன் )

அப்பிடியும் மரம் அந்த இடத்திலயே நின்று காய்க்கும்.. ஆனா...?? மரம் பெட்டர் என்கிறீங்க.. அப்படித்தானே?!!

[Eas]

தற்போது அதேநிலையில் சாத்திரி அவர்கள்.. என்னைப் பொறுத்தளவில் சாத்திரி ஒரு நல்ல எழுத்தாளர். இன்றைய நடப்புகளை தனது எழுத்தாற்றல்மூலம் வாசகரிடம் சேர்க்கும் வல்லமை பெற்றவர்.

உணர்வுகள் வரும் போகும்.. பெறும் உணர்வுகளை எவ்வாறு பொறுமையுடன் எழுத்தில் வடிக்கிறோமோ.. அதேபோல் எழுத்துக்கு வரும் கருத்துகளால் விமர்சனங்களால் ஏற்படும் உணர்வுளையும் பொறுமையுடன் சீர்தூக்கிப் பார்த்து செயற்படுவதுதான் எழுத்தாளனுக்கு அழகும் பெருமையும்.

எழுத்தால் அடிக்கும்போது அடிபடுபவன் தரும் அடிகளையும் தாங்கி திரும்ப தாக்கி வெற்றிபெறுவதுதான் ஒரு ஒரு எழுத்தாளனை சமூகத்தில் நிலைநிறுத்தும். ஆகவே சாத்திரி அவர்கள் தனக்கான தடைக்காலம் முடிந்ததும் மீண்டும் யாழில் கருத்துகளை ஆக்கங்களை தொடர்ந்து எழுதவேண்டும் என எதிர்பார்க்கிறேன்.

அவர் இக்கருத்தை பார்வையாளனாவது இருந்து அவதானித்து உள்வாங்குவார் என்ற நம்பிக்கையில் எழுதுகிறேன்.

மீண்டும் சந்திப்போம்!!

அவரது எழுத்துக்களை யாழ்களத்தில் மீண்டும் காண்போம் என்ற நம்பிக்கை இருக்கிறது.

[விசுகு]

^{சாத்திரியாரின் கதைகளும் நாட்குறிப்புகளும் என்னை மிகவும் கவர்ந்தவை. நகைச்சுவையாகவும் இரட்டை அர்த்தத்திலும் எழுதும் திறமை கொண்டவர். அதில் எந்தவித மாற்றுக்கருத்தும் கிடையாது.}

^{அவரோடு நான் சில சமயங்களில் முரண்பட்டே வந்துள்ளேன். அதை அவருக்கு தெரிவித்தும் வந்துள்ளேன். அவரும் சில திரிகளுக்கு என் போன்றவர்களை வரவேண்டாம் எழுதவேண்டாம் என்று சொல்லியே திரியை ஆரம்பிக்கும் அளவுக்கு எமக்குள் புரிந்துணர்வு இருந்துள்ளது. இருக்கிறது.}

^{அதேநேரம் எதைப்பகிடியாக எழுதணும் எதை எழுதக்கூடாது என்ற எனது நிலைப்பாட்டையும் அவருக்கு தெரியப்படுத்தியுள்ளேன். அதைர அவரும் ஏற்றுக்கொண்டுள்ளார்.}

^{தற்போது நடப்பது சட்டமீறல் சம்பந்தமானது. அதை நிர்வாகமும் அவரும்தான் தீர்க்கணும்.}

^{அதேநேரம் காமம் என எழுதப்பட்ட திரியில் முழுப்போராளிகளையும் ஒருவித காமகளியாட்டக்காறர்கள் என திசை திருப்பியதால் அதை மட்டுப்படுத்தும்படி நிர்வாகத்திடம் நானும் கேட்டுக்கொண்டேன் என்பதை தெரிவிப்பதிலலிருந்து நான் ஒழிந்து கொள்ளமாட்டேன்.}

நான் யாழில் செலவிடும் நேரம் எவருக்கானது என்பதை என்றும் ஞாபகம் வைத்திருப்பேன்.

[Justin]

சாத்திரியால் "கலாச்சாரக் காவலர்" என்று பட்டம் வழங்கப் பட்டவர்களில் நானும் ஒருவன். கோமகன் எழுதிய ஒரு கருத்துக்கு நான் காட்டிய எதிர்ப்பு தவறாகப் புரியப் பட்டு இப்படி ஒரு பெயர் கிடைத்தது. சாத்திரி உட்பட பல தமிழ் எழுத்தாளர்கள் காமத்தை விபரித்து அல்லது முன்னிறுத்தி எழுதுவதை "முற் போக்கு" என்று நம்பிக் கொண்டிருக்கிறார்கள். கொஞ்சம் யாராவது முகம் சுழித்தாலும் "இது எல்லா சமூகத்திலும் நடப்பது தான், தமிழர்கள் விதி விலக்கா? " என்பார்கள். நான் இவர்களுக்கு எப்போதும் சொல்லும் பதில்: காமம், கலவி, ஓரினச் சேர்க்கை, பாலியல் தொழில் இவையெல்லாம் எல்லாச் சமூகத்திலும் எல்லாக் காலங்களிலும் நடப்பது, மனித இனம் இருக்கும் வரை தொடர்ந்து நடக்கும். ஒரு விஷயம் பல ஆண்டுகளாக நடக்கிறது என்பதற்காக அதை நாங்கள் அப்படியே சரி என்று ஏற்றுக் கொள்ள வேண்டுமென்பதில்லை. "பெண்ணடிமைத் தனம் கூட பல ஆண்டுகள் பழையது, அதனால் இது சாதாரணமான விஷயம்" என ஒரு "முற்போக்கு" எழுத்தாளர் எழுதி விட முடியுமா? பாலியல் தொழிலும் அன்ரி மாரோடான காம லீலைகளும் சாதாரணமான விடயங்கள் என்ற பிரதிமையை சாத்திரி உட்பட யாழில் எழுதும் எழுத்தாளர்கள் ஏற்படுத்துவதை எனக்கு ஏற்றுக் கொள்ள முடியாது. மேலும் யாழ் பல வயதினரும் பார்க்கும் ஒரு தளம். எதை எழுதுகிறோம் என்ற கட்டுப் பாடு இருக்க வேண்டும் என நம்புகிறேன்.

[நிழலி]

சாத்திரி நல்லவர், வல்லவர், வடிவானவர், நல்லா எழுதக் கூடியவர். அண்மைய கால அவரது எழுத்துக்கள் நிலாந்தன் தன் ஆறாவடு விமர்சனத்தில் சொல்லியிருந்தது போன்று யுத்தகாலங்களின் இன்னுமொரு சாட்சியாக நாளை நிச்சயம் பார்க்கப்படும். முள்ளிவாய்க்காள் கதிக்கு பின்னால் உறைந்து இருக்கும் பல உண்மைகளை துணிவுடன் எழுதி வருகின்றவர். சிலரது எழுத்துக்கள் வாசிக்கும் போது visual லாக மனதுக்குள் விரிந்து செல்லும்; சாத்திரியின் எழுத்து நடையும்இவ்வாறானதே.

எழுத்துகளுக்கு அப்பால், பல சமயங்களில் அவரது அலைவரிசையும் எனது அலைவரிசையும் ஒத்து போயிருப்பதை அவதானித்துள்ளேன். யாழுக்கு வெளியேயும் நண்பர்களாக தொடர்ந்து இருக்க இந்த அலைவரிசை தான் உதவுகின்றது என நினைக்கின்றேன்

[சுவைப்பிரியன்]

சாத்திரி நல்லவர், வல்லவர், வடிவானவர், நல்லா எழுதக் கூடியவர். அண்மைய கால அவரது எழுத்துக்கள் நிலாந்தன் தன் ஆறாவடு விமர்சனத்தில் சொல்லியிருந்தது போன்று யுத்தகாலங்களின் இன்னுமொரு சாட்சியாக நாளை நிச்சயம் பார்க்கப்படும். முள்ளிவாய்க்காள் கதிக்கு பின்னால் உறைந்து இருக்கும் பல உண்மைகளை துணிவுடன் எழுதி வருகின்றவர். சிலரது எழுத்துக்கள் வாசிக்கும் போது visual லாக மனதுக்குள் விரிந்து செல்லும்; சாத்திரியின் எழுத்து நடையும்இவ்வாறானதே.

எழுத்துகளுக்கு அப்பால், பல சமயங்களில் அவரது அலைவரிசையும் எனது அலைவரிசையும் ஒத்து போயிருப்பதை அவதானித்துள்ளேன். யாழுக்கு வெளியேயும் நண்பர்களாக தொடர்ந்து இருக்க இந்த அலைவரிசை தான் உதவுகின்றது என நினைக்கின்றேன்

அது நிலாந்தனா அல்லது சயந்தனா :rolleyes:

[I.V.Sasi]

ஆகா மொத்தத்தில் சாத்திரி எழுதுவதிலும் தவறில்லை அவரை 15 நாள்மாட்டும் தடைசெய்ததும் தவறில்லை என்ற நிலைப்பாட்டுக்கே அனைவரும் வருகிறார்கள் போல?

சோழியன் அண்ணா சொன்னது போல்:

நானும் முன்பொரு முறை இதே யாழில் முற்றம் என்னும் பகுதியில் எனது ஆக்கங்களை உணர்ச்சிவசப்பட்டு அகற்றினேன். ஒரு சில தினங்களின் பின்னர் அது தவறு எனப் புரிந்து மீண்டும் நானே இணைத்தேன். இது வெறும் உணர்வுகளை கட்டுப்படுத்த தவறியதன் விளைவு.

அந்த உணர்வுக்கு சாத்திரி ஜயா அடிமையானார் அதனால் அவர் ஆக்கங்களை நீக்கினார்

அதே போல் யாழ்கள விதிகளுக்கு நிழலி கட்டுப்பட்டு அவரை தடை செய்தார்.

தட்ஸ் ஆல்.,,

இனி சாத்திரி செய்ய வேண்டியது 15 நாள் முடியா தனது பயனத்தை யாழில் தொடரவேண்டியது தான் அந்த பயணத்தில் நானும் ஒரு வாசகனாக வருகிறேன்...

[சுவைப்பிரியன்]

என்னனைப்பொறுத்த வைரைக்கும் சாத்துக்கு நடந்தது எப்ப பிழை விடுவான் அதுவும் தேசியம் அல்லது புலி என்று பா(கா)த்து இருந்து பழி தீர்க்கப்பட்டிருக்கு.இங்கு யாரோ சொன்ன மாதிரி காய்கிற மரம் தான் எறி வாங்கும்.சாத்து தொடர்ந்தும் எறி வாங்க எனது வாழ்த்துக்கள்.

[குமாரசாமி]

வணக்கம் சோழியன் அண்ணை! கன காலத்துக்கு பிறகு கண்டதில் சந்தோசம்......ஒருசில விடயங்களை ஆணித்தரமாக சொல்லியிருக்கின்றீர்கள்.

[பகலவன்]

சாத்திரியின் எழுத்து பாணி எனக்கு மிகவும் பிடிக்கும். ஒரு நல்ல எழுத்தாளர். அவர் தொடர்ந்து யாழில் எழுதவேண்டும். எங்களால் அறியபடாத பல சம்பவங்களை அவருடைய பார்வையில் மிக தெளிவாக தருவதில் அவருக்கு நிகர் யாருமில்லை. அவருடைய எழுத்துகளை மேலும் எதிர்பார்க்கிறோம்.

[ஈழப்பிரியன்]

மூத்த தளபதி சோழியானை களத்தில் கண்டது மகிழ்ச்சி.

மறப்போம் மன்னிப்போம்

தடையை எடுத்து உடனேயே ஆளை உள்ளுக்கு விடுங்கப்பா.

[உடையார்]

நானும் சாத்தண்ணாவின் எழுத்தைவிட தலைவருடன் நின்று போராடிய முன்னாள் போராளி என்பதால்தான் அதிக விருப்பம், தலைவரின் மூச்சு காற்று பட கொடுத்து வைத்தவர்,

இதுவரை அவருடன் தனிமடலில் கூட தொடர்பு கொள்ளவில்லை, அவரில் உள்ள மதிப்பு பன்மடங்கு,

பிரான்ஸ் வரும் போது சந்திக்க விரும்பும் முதல் உறவு அவர்தான்

[sOliyAn]

மூத்த தளபதி சோழியானை களத்தில் கண்டது மகிழ்ச்சி.

மறப்போம் மன்னிப்போம்

தடையை எடுத்து உடனேயே ஆளை உள்ளுக்கு விடுங்கப்பா.

ஆகா.. இந்த தள(அதி)பதி மோகன்தானே?!!

வணக்கம் சோழியன் அண்ணை! கன காலத்துக்கு பிறகு கண்டதில் சந்தோசம்......ஒருசில விடயங்களை ஆணித்தரமாக சொல்லியிருக்கின்றீர்கள்.

தொடர்ந்து எழுதுபவர்களை இழக்கக் கூடாது என்ற உணர்வுதான்...

[புங்கையூரன்]

மோகன் அண்ணாவின் இணைப்பில், சாத்திரிக்கு ஏன் முன்னறிவித்தல் கொடுக்கப் படவில்லை என்பதற்கான விளக்கம், மிகத் தெளிவாகவேயுள்ளது!

சாத்திரியும், ஒரு எழுத்தாளன் என்ற முறையில், மனத்தின் ஆதங்கத்தால், எடுக்கப்படும் முடிவுகள் நிலையானவை அல்ல என்பதை அறிவார்!

எத்தனை தடவைகள், நாங்கள் ஒரு காலத்தில் எடுத்த முடிவுகளைத் திரும்பிப்பார்க்கும் போது, நமக்குள்ளேயே சிரித்து விட்டிருக்கின்றோம்!

பதினைந்து நாட்கள், சாத்திரியார் தனது முடிவைத் திரும்பத் திரும்பச் சிந்தித்து இருப்பார்! ஒரு தெளிவையும் அடைந்திருப்பார்!

திரும்பி வருவார் என்றே நினைக்கிறேன்!!!

[தமிழ் சிறி]

சாத்திரியாரின் நகைச்சுவை எழுத்துக்கள் எனக்கு மிகவும் பிடிக்கும்.

அண்மையில்... அவரின் எழுத்துக்களில் பல மாற்றங்களை காணக் கூடியதாகவிருந்தது.

உதாரணத்துக்கு, சனல் 4 சம்பந்தமான தலைப்பு ஒன்றில்... "காந்தி செத்துட்டாரா?" என்று எழுதியதை வாசித்து முகம் சுழிக்க வேண்டி ஏற்பட்டது.

அவர் இன்னும் ஒரு கிழமையில் மீண்டும் வருவார், என்று நிச்சயமாக நம்புகின்றேன்.

[தமிழரசு]

சாத்திரியால் "கலாச்சாரக் காவலர்" என்று பட்டம் வழங்கப் பட்டவர்களில் நானும் ஒருவன். கோமகன் எழுதிய ஒரு கருத்துக்கு நான் காட்டிய எதிர்ப்பு தவறாகப் புரியப் பட்டு இப்படி ஒரு பெயர் கிடைத்தது. சாத்திரி உட்பட பல தமிழ் எழுத்தாளர்கள் காமத்தை விபரித்து அல்லது முன்னிறுத்தி எழுதுவதை "முற் போக்கு" என்று நம்பிக் கொண்டிருக்கிறார்கள். கொஞ்சம் யாராவது முகம் சுழித்தாலும் "இது எல்லா சமூகத்திலும் நடப்பது தான், தமிழர்கள் விதி விலக்கா? " என்பார்கள். நான் இவர்களுக்கு எப்போதும் சொல்லும் பதில்: காமம், கலவி, ஓரினச் சேர்க்கை, பாலியல் தொழில் இவையெல்லாம் எல்லாச் சமூகத்திலும் எல்லாக் காலங்களிலும் நடப்பது, மனித இனம் இருக்கும் வரை தொடர்ந்து நடக்கும். ஒரு விஷயம் பல ஆண்டுகளாக நடக்கிறது என்பதற்காக அதை நாங்கள் அப்படியே சரி என்று ஏற்றுக் கொள்ள வேண்டுமென்பதில்லை. "பெண்ணடிமைத் தனம் கூட பல ஆண்டுகள் பழையது, அதனால் இது சாதாரணமான விஷயம்" என ஒரு "முற்போக்கு" எழுத்தாளர் எழுதி விட முடியுமா? பாலியல் தொழிலும் அன்ரி மாரோடான காம லீலைகளும் சாதாரணமான விடயங்கள் என்ற பிரதிமையை சாத்திரி உட்பட யாழில் எழுதும் எழுத்தாளர்கள் ஏற்படுத்துவதை எனக்கு ஏற்றுக் கொள்ள முடியாது. மேலும் யாழ் பல வயதினரும் பார்க்கும் ஒரு தளம். எதை எழுதுகிறோம் என்ற கட்டுப் பாடு இருக்க வேண்டும் என நம்புகிறேன்.

நன்றி ஜஸ்டின்,

எனது கருத்தும் இதுதான்.

நானும் சாத்தண்ணாவின் எழுத்தைவிட தலைவருடன் நின்று போராடிய முன்னாள் போராளி என்பதால்தான் அதிக விருப்பம், தலைவரின் மூச்சு காற்று பட கொடுத்து வைத்தவர்,

இதுவரை அவருடன் தனிமடலில் கூட தொடர்பு கொள்ளவில்லை, அவரில் உள்ள மதிப்பு பன்மடங்கு,

பிரான்ஸ் வரும் போது சந்திக்க விரும்பும் முதல் உறவு அவர்தான்

இயக்கத்தில் இருந்தவர்கள் எல்லோரும் தலைவரில் விசுவாசம் கொண்டவர்கள் என்று கூறமுடியாது,

முன்னையகாலங்களில் இயக்கத்தில் இருந்த இயக்க போராளிகள் தம்மை அடையாளம் காட்டிக்கொள்ளமாட்டார்கள் இவரைப்போல் சிலர் தான் இயக்கத்தில் இருந்ததாக கூறிக்கொண்டு இவர் எழுதும் தனது சொந்தகருத்துக்களை புனித இலட்சியம் கொண்ட இயக்கத்துக்கு மாசுவிளைவிக்கும் வகையில் எழுத அனுமதிக்கமுடியாது

சாத்திரியாரின் நகைச்சுவை எழுத்துக்கள் எனக்கு மிகவும் பிடிக்கும்.

அண்மையில்... அவரின் எழுத்துக்களில் பல மாற்றங்களை காணக் கூடியதாகவிருந்தது.

உதாரணத்துக்கு, சனல் 4 சம்பந்தமான தலைப்பு ஒன்றில்... "காந்தி செத்துட்டாரா?" என்று எழுதியதை வாசித்து முகம் சுழிக்க வேண்டி ஏற்பட்டது.

அவர் இன்னும் ஒரு கிழமையில் மீண்டும் வருவார், என்று நிச்சயமாக நம்புகின்றேன்.

நன்றி தமிழ்சிறி,

இவர் எழுதியதைப்பார்த்து என்னையும் ஆச்சரியப்பட வைத்தது

[KuLavi]

தீபாவளிக்கு சரவெடி இல்லாமலா? யாழ் களம் சாத்தர் இல்லாமலா? 

அவர் இன்னும் சூடா வந்து தளத்தை பிரிச்சு மேயபோறார். 

[நிழலி]

இதில் இன்னொரு விடயத்தையும் எழுத வேண்டும் என நினைக்கின்றேன்

நாம் 2008 இன் இறுதிப் பகுதியில் 'யாழ்கள கனடா உறவுகள் சந்திப்பை' நிகழ்த்தும் போது எம்மை தூற்றியவர்கள் பலர். தூற்றியதுடன் நின்று விடாமல் அதில் கலந்து கொண்ட கள உறவுகளின் மனைவிமாரையும் கொச்சையாக வேறு தளங்களில் எழுதி இருந்தனர். அந்த நேரத்தில் எம் நிகழ்வை வாழ்த்தி எம்மை பாராட்டி ஊக்கப்படுத்தியவர்களில் முக்கியமானவர் சாத்திரி !!

[கலைஞன்]

அனைவருக்கும் வணக்கம்,

 

இன்று சாத்திரியின் வலைப்பூவிற்கு சென்று சர்ச்சைக்குரிய 'காமம்' எனும் பகுதியில் எழுதப்பட்டுள்ளதை வாசித்தேன். அதில் பல விடயங்கள் பற்றி பேசப்பட்டுள்ளன. அதில் பயிற்சி முகாமில் நடைபெற்றதாக கூறப்படும் சில விடயங்களும் (காமம்) விபரிக்கப்பட்டு உள்ளன‌.

 

குறிப்பிட்ட தொடர்கதையில் காமம் பகுதியை நீக்குவதற்கு நிழலி அவர்களினால் கீழ்வருமாறு விளக்கம் கொடுக்கப்பட்டுள்ளது:

 

"பல பல கள உறவுகளின் வேண்டுகோள்களுக்கு ஏற்ப (ரிப்போர்ட் பண்ணியும் தனிமடல்கள் மூலமும் நீக்குமாறு கேட்கப்பட்டன) சாத்திரியின் கவர்ச்சி. காதல். காமம்.கண்ணியமான நட்பு . கடந்துவந்தபாதை என்ற திரியில் சாத்திரியால் பதியப்பட்ட 'காமம்' என்ற பதிவும் அது தொடர்பான பதில்களும் அகற்றப்படுகின்றன."

 

நான் யாழ் களத்தை கடந்த கடந்த ஏழு ஆண்டுகளாக பார்வையிட்டு வருகின்றேன், ஐந்து ஆண்டுகளாக எழுதியும் வருகின்றேன். எனது அனுபவம், பார்வையின் அடிப்படையில் சாத்திரி எழுதிய தொடர்கதையின் குறிப்பிட்ட பகுதி நீக்கப்பட்டது தவறாகவே எனக்கு தெரிகின்றது.

 

1. தொடர்கதையின் தலைப்பிலேயே கவர்ச்சி, காதல், காமம், கண்ணியமான நட்பு, கடந்துவந்தபாதை என்பதில் காமம் என்பதும் அடங்குகின்றது. வாசிக்கும்போது தொடர்கதையின் முதல்பகுதியிலேயே அதன் கனதி தெரிகின்றது. அவ்வாறான நிலையில் காமம் பகுதியும் வரப்போகின்றது என்பது அனைவருக்கும் தெரியும். காமம் பகுதி எவ்வளவு கனதியாய் இருக்கும் என்பதும் நிச்சயம் தெரிந்திருக்கும். எனவே அதை ஏன் நிர்வாகம் ஆரம்பத்திலேயே கண்டுகொள்ளவில்லை? ஆரம்பத்தில் தொடர்கதையை அனுமதித்துவிட்டு இடையில் ஓர் பகுதியை அகற்றுவதை ஓர் படைப்பாளியாக என்னால் நிச்சயம் ஏற்றுக்கொள்ளமுடியாது.

 

2. குறிப்பிட்ட தொடர்கதையை ஆயிரக்கணக்கில் வாசகர்கள், கருத்துக்கள உறவுகள் பார்வையிட்டுள்ளார்கள். ஏராளம் பதில் கருத்துக்கள் வந்துள்ளன. ஆனால் சிலர் (பலர்? எத்தனைபேர்? 4? 5? 6?) தனிமடல் ஊடகவும், முறைப்பாட்டுப்பெட்டி ஊடாகவும் கூறியதன் அடிப்படையில் கதையில் காமம் பகுதியை நீக்கியது தவறாகவே தெரிகின்றது. ஒரு ஆக்கம் வந்தால் போற்றியும், தூற்றியும் கருத்துக்கள் வருவது வழமை. அதிலும் சர்ச்சைக்குரிய பகுதிகள் வரும்போது கருத்தாளர்கள் உணர்ச்சிவசப்படுவது வழமை. அதற்காக அடி, நுனி தெரியாமல் நடுவால் கத்தரித்தால் அடிப்படையில் விவாதம் என்பது பொருள் அற்றதாகிவிடும். இதை இயலாமையின் வெளிப்பாடாகவே பார்க்கவேண்டி உள்ளது. யதார்த்தத்திற்கு புறம்பான ஓர் மாயை உலகை சிருஷ்டித்து அந்த மாயை உலகினுள் கனவு காண்பதற்கே இப்படியான 'மறைப்புக்கள்' உதவும்.

 

3. சாத்திரி தனது தொடர்கதையின் ஓர் பகுதி நீக்கப்பட்டதால் மனமுடைந்து தான் எழுதிய பதிவுகளை நீக்குவதற்கு யாழ் நிர்வாகமும் நிச்சயம் காரணமாக அமைந்துள்ளது. நீங்கள் ஓர் படைப்பாளியாக இருந்தால் அதை - வேதனையை, அவமானத்தை நிச்சயம் புரிந்துகொள்ளமுடியும். யாழ் இணையம் பற்றி மோகன் வெளிப்படையாகவே கூறியுள்ளார் நேரம் இல்லை, அதிககவனம் செலுத்தமுடியவில்லை என்று. இவ்வாறே கருத்துக்களத்தை நிர்வகிக்கும் நிழலி, இணையவனின் சிரமங்களையும் நாம் இலகுவில் புரிந்துகொள்ளமுடியும். அமரர் வசம்பு அவர்களின் நினைவுப்பகிர்வு பற்றிய ஓர் பகுதியில் கருத்துக்களம் பற்றிய சில சிக்கல்களை, சிரமங்களை நான் ஏற்கனவே கூறினேன். இந்தவகையில்...

 

இத்தகைய கசப்பான அனுபவங்கள், நடந்தவை நடந்தது போக... சாத்திரிவிடயத்தில் யாழ் கருத்துக்களத்தில் விடயங்கள் சுமுகமாகவும், நியாயத்துடனும் அமைவதற்கும், கையாளப்படுவதற்கும் கூறக்கூடிய ஆலோசனைகள்:

 

1. சாத்திரியின் வலைப்பூவில் ஏற்கனவே யாழில் பதியப்பட்ட பிரதான கருத்துக்கள் உள்ளன. எனவே நீக்கப்பட்ட கருத்துக்களை யாழில் மீண்டும் அந்தந்த இடங்களில் ஒட்டியதன் பின் நிர்வாகத்திற்கு நகர்த்தப்பட்டுள்ள கதைகளை மீண்டும் கதைகதையாம் பகுதிக்கு இலகுவில் கொண்டுவரப்படமுடியும். இதற்கு சாத்திரியினதும், நிர்வாகத்தினதும் ஒத்துழைப்பு தேவை.

 

2. சாத்திரியின் கவர்ச்சி, காதல், காமம், கண்ணியமான நட்பு, கடந்துவந்தபாதை தொடர்கதையை ஆரம்பத்தில் உள்ளதுபோலவே தொடர அனைவரும் ஒத்துழையுங்கள். கதையில் கூறப்படும் பகுதிகளுடன் உடன்பாடு இல்லாவிட்டால் உங்கள் பார்வையை அங்கு கூறுங்கள், தவறுகள் காணப்பட்டால் அவற்றை ஆதாரத்துடன் நிரூபியுங்கள். இவை சாத்தியப்படாவிட்டால் கதையை வாசிக்காதீர்கள்.

 

சாத்திரியின் இத்தொடர்கதை ஏறக்குறைய ஒருவரின் (சாத்திரியின்) சுயசரிதைபோல் உள்ளது. சுயசரிதையின் ஓர் பகுதியை எங்களுக்கு சொல்லாதே என்றும் எமக்கு விருப்பமான பகுதியை மட்டுமே கூறு என்றும் படைப்பாளிக்கு கட்டளையிடுவதாகவே இங்கு நடந்த சம்பவங்களை பார்க்கவேண்டியுள்ளது.

 

நன்றி!

[சுவைப்பிரியன்]

மாப்புக்கு இரன்டாவது பச்சை குத்தியது நான் தான்.

[Volcano]

எங்களது போராட்டம் பின்னடைந்துவிட்டது என்று சொல்லுபவர்களே, அதனுடைய காரணங்கள் என்னவென்று பார்க்க விளைவதில்லை. போராடத்தில் ஈடுபட்டவர்களும் மனிதர்கள்தான் அவர்களும் பல்வேறுபட்ட நெருகடிகளுக்கூடகவே பயணித்தார்கள் என்பதையும் , அவர்களுக்கும் ஏனையவைகளைப் போல மன உளைச்சல்கள் இருந்திருக்கும், இருந்தது என்று சொன்னால் அது அவர்களை பற்றி நாங்கள் கொண்டிருந்த (மாய) விம்பத்தை தகர்த்து விடும், எனவே அப்படியான செய்திகள், கதைகள் எழுதக்கூடாது என்பதில் உறுதியாக உள்ளார்கள். அப்படி எழுதுபவர்களையும் "மாற்று" கருத்து கொண்டவர்கள் என்ற (இழிவான) பட்டத்தை வழங்க தயாராக உள்ளார்கள். சின்ன வயதில் எனது பேரனார் சொன்ன "அவை மற்ற பார்ட்டி ஆக்கள்" என்பதன் அர்த்தம் இப்போதுதான் அதன் சரியான பொருளுடன்/வலியுடன் தெரிகிறது.

ஆயுத போராட்டத்தின் முடிவில், ஆயிரம் ஆயிரம் போராளிகளும், தளபதிகளும், சரணடையும் போது அல்லது சிலரின்/பலரின் வார்த்தையாலப்படி "ஆயுதங்களை மௌனித்த" போது "செய் அல்லது செத்துமடி" என்கிறவர்களாய் எதிரியிடம் போகவில்லை, நாங்களும் உங்களில் ஒருவர் எங்களுக்கும் உங்களை போன்ற வாழுகிற, அழுகிற, சிரிக்கிற உரிமைகள் இருக்கு, எங்களையும் உங்களுடன் சேர்த்து கொள்ளுங்கள் என்றுதான் வந்தார்கள். அவர்களில் பலர்/சிலரைத்தான் சிங்களம் மனித வேட்டையாடினது, அதைதான் இன்று நாங்கள் பேசுகிறோம். அப்படி அழிந்த மறைந்த மனிதர்களுக்குத்தான் நிஜாயம் கேட்கிறோம்? அந்த பாதையை தாண்டி வந்தர்வர்களுக்குதான் வாழ்வுதேடி அவர்களும் அலைகிறார்கள் எங்களில் இயன்றவர்களும் உதவுகிறார்கள்.

இதிலே அவர்களுக்கும் இடையிடையே "மனிதகுனங்ககளும்" இருந்தது என்று எழுதினால் அதை தடை செயவேண்டும் என்று கடிதம் எழுதும் அன்பர்களும், அது காலத்தின் தேவை என்பவர்களும், ஒன்றை மறந்து விடுகிறார்கள், பிரபாகரனையும் மனிதனாக சிந்திக்க மறக்கும் கூட்டந்தான் சனல் நாலில் இருந்த எல்லாவற்றையும் அதிலே இருந்த பிரபாகரனின் இறப்பு பற்றிய பகுதியால் தவற விட்டு விட்டு இருக்கிறார்கள். காலம் இன்னும் ஓடும், சனல் நாலில் அடுத்த வெளியீடு என்னவாக இருக்கும் என்று யாருக்கு தெரியும்? அப்படி வரும் போது எங்களில் இன்னும் சிலர் மொட்டாக்கு போடவேண்டி வரலாம். அதுவரைக்கும் "மாவீரர் யாரோ என்றால் மரணத்தை வென்றுள்ளோர்கள்....."

மற்றும்படி சாத்திரி என்ன சாத்திரி, எழுதுங்கோ ஆனால் நாங்கள் எதை விரும்புவோம் என்று நாடி பிடித்து எழுதுங்கள். நீங்கள் எப்படித்தான் எழுதினாலும் எங்கடை நாலு பச்சை விழாட்டி அது உங்கடை கடைகணக்கு கொப்பியில எழுதின புண்ணாக்கு கணக்குத்தான் என்பதையும் தெரிந்து கொள்ளுங்கள்.