பிரிட்டன் புதிய நிலைப்பாடு வெற்றி பெறுமா..?

[akootha]

21ம் நூற்றாண்டுக்கான உலகத்தின் புதிய அச்சு உருவாக ஆரம்பித்துவிட்டது.

ஐரோப்பிய ஒன்றியத்தில் சேர்வது குறித்து பிரிட்டன் பிரதமர் டேவிட் கமரோன் பேசிய உரைக்கு அவருடைய கட்சிக்குள்ளேயே கடும் எதிர்ப்பு கிளம்பியுள்ளதாக இன்றைய காலைச் செய்திகள் தெரிவிக்கின்றன.

 

ஐரோப்பிய ஒன்றியத்துடன் புதிய பேரம் பேசல்களை ஆரம்பித்து, எதிர்வரும் 2015 ற்கு பிறகு ஐரோப்பிய ஒன்றியத்தில் சேர்வதா இல்லையா என்பதற்கான சர்வஜன வாக்கெடுப்பை நடாத்தலாம் என்று கமரோன் நேற்று பிரிட்டன் பாராளுமன்றத்தில் பேசியிருந்தார்.

 

ஆனால் அதற்கு பதிலுரைத்த லிபரல் டெமக்கிரட்டி கட்சித் தலைவர் பிரிட்டன் மக்கள் பிரதமர் கருதுவது போல ஐரோப்பிய ஒன்றியத்தில் பங்கேற்பது குறித்து யாதொரு ஆர்வமும் கொண்டிருக்கவில்லை என்று தெரிவித்துள்ளார்.
பிரிட்டனினுடன் வர்த்தகம் செய்யும் பல நாடுகள் ஐரோப்பிய ஒன்றியத்தை சேர்ந்தவை அல்ல, ஐரோப்பிய ஒன்றியத்தில் இணைந்தால் பிரிட்டன் அந்த நாடுகளின் வர்த்தகத்தை இழக்க நேரிடும், மேலும் பிரிட்டனின் வேலைச் சந்தையிலும் கிழக்கு ஐரோப்பிய நாட்டு பணியாளரால் பெரும் சிக்கல் ஏற்படும்.

 

கூட்டிக் கழித்துப் பார்த்தால் ஐரோப்பிய ஒன்றிய வர்த்தகத்தால் பிரிட்டனுக்கு நஷ்டமே அல்லாது இலாபம் ஏற்படப் போவதில்லை, என்பதால் பிரிட்டன் மக்களின் ஆர்வம் இதன்பால் தூண்டப்படவில்லை என்றும் அவர் தெரிவித்துள்ளார்.

 

மறுபுறம் இன்று வெளியான கருத்துக் கணிப்பில் சுமார் 40 வீதமான பிரிட்டன் மக்கள் இதற்கான வாக்களிப்பு நடந்தால் நிச்சயம் எதிராகவே வாக்களிப்பர் என்றும் தெரிவிக்கிறது, மேலும் 37 வீதமானவர்கள் மட்டுமே இதை ஆதரிப்பதாகவும், 18 வீதமானவர் அடியோடு நிராகரிப்பதாகவும் கூறுகிறது.

 

ஆகவே பிரிட்டனில் நடைபெறும் வாக்கெடுப்பில் பெரும்பான்மை வெற்றி பெற்று ஐரோப்பிய ஒன்றியத்தில் இணையும் டேவிட் கமரோனின் கனவு பலிக்கும் என்று கூற முடியாது.

 

ஆனால் பிரிட்டன் ஐரோப்பிய ஒன்றியத்தில் இணைய வேண்டிய காலம் வந்துள்ள இரகசியத்தை டேவிட் கமரோன் வெளிப்படையாக பேச முடியாத அவலமே இன்றைய யதார்த்தமாகும்.

 

தற்போது ஐரோப்பிய ஒன்றியத்தின் முக்கியமான நாடான பிரான்ஸ் ஆபிரிக்க மாலிக்கு படை கொண்டு சென்று பயங்கரவாதத்திற்கு எதிரான போருக்கு தலைமை தாங்கிவிட்டது.

 

இந்த அணி மாற்றத்தில் இருந்து அமெரிக்கா பின்வாங்கிவிட்டது, அமெரிக்கா ஈராக் போருக்கு சென்றபோது கேட்டுக் கேள்வியில்லாமல் கூடச் சென்ற பிரிட்டன் தனது இரண்டாவது இடத்தை அதன் மூலம் தக்க வைத்துக் கொண்டது.
இப்போது இரண்டாவது இடத்தையும் பிரிட்டன் இழந்தாகிவிட்டது, ஐரோப்பிய ஒன்றியத்தில் ஜேர்மனி பெற்றுவரும் பலம் பிரிட்டனை ஐரோப்பிய ஒன்றியத்திலேயே மூன்றாவது இடத்திற்கு பின் தள்ளியிருக்கிறது.

 

அமெரிக்காவில் ஒரு காலும், ஐரோப்பிய ஒன்றியத்தில் ஒரு காலுமாக இரண்டு தோணியில் பயணித்த பிரிட்டன் தனது தவறை சரியாக அடையாளம் கண்டு கொண்டு இப்போதுதான் விழித்திருக்கிறது.

 

அதை பிரிட்டன் மக்களுக்கு புரிய வைக்க முடியாமல் தவிக்கிறார் பிரதமர் என்பதே உண்மையாகும்.
இதே தவறை பிரிட்டன் முதலாம் உலகப் போர் காலத்திலும் இழைத்திருக்கிறது.

 

அப்போது ஜேர்மனி 36 சிறிய இராட்சியங்களாக பிரிந்திருந்தது, அவற்றை ஒன்றுபடுத்தி சக்தி மிக்க ஜேர்மனியை உருவாக்க இராஜதந்திரி வொன் பிஸ்மார்க் பாடுபட்டார். அத்தருணம் இன்று இருப்பதைப் போல பிரிட்டன் தலையிடா கொள்கையை பயன்படுத்தியது, அதைப் பயன்படுத்தி பிஸ்மார்க் ஜேர்மனியை ஒன்றாக்கியதும், பிரிட்டன் தனது முக்கியத்துவம் பறி போய்விட்டதைக் கண்டு கொண்டு அவசரமாகக் களமிறங்கியது.

அதன் விளைவுதான் இரு பெரும் உலகப் போர்களாகும், ஆகவே அன்றிருந்த அதே நிலைதான் இன்றும் ஏற்பட்டுள்ளதை ஒப்பிட்டு பார்த்தால் பிரிட்டனின் திடீர் அவசரத்தை உணர முடியும்.

 

தான் இதுவரை அடை காத்து வந்தது தனது முட்டையை அல்ல குயிலுடைய முட்டையையே என்று காகம் அறிந்து விழிப்படைவது போன்ற ஒரு பதட்டத்திற்குள் பிரிட்டன் வந்துள்ளது.

 

இதற்குள் ஜேர்மனி விழித்துக் கொண்டு தனக்கு சொந்தமான தற்போது பிரான்சிலும், நியூயோர்க்கிலும் வைக்கப்பட்டிருக்கும் 674 தொன் தங்கத்தை திருப்பி வழங்கும்படி கேட்டுள்ளது. இந்தத் தங்கத்தை விற்பனையில் விட்டு நாணய பெறுமதியை உறுதி செய்ய ஜேர்மனி விரும்புகிறது.

 

வீணான போர்களில் ஈடுபட்டு பொருளாதாரத்தை சிதைத்து குட்டிச்சுவராக்கிய பிரிட்டனும், அமெரிக்காவும் கணக்கிடாத வகையில் ஜேர்மனி பொருளாதார உறுதியடைந்து இப்போது ஒட்டு மொத்த ஐரோப்பிய ஒன்றியத்தின் பொருளாதார சர்வாதிகாரியாக மாறியிருக்கிறது.

 

என்ன செய்யப் போகிறது பிரிட்டன்…?

 

மிக நெருக்கடியான கால கட்டத்திற்குள் மேகங்கள் கருக்கட்டுகின்றன..

 

இரண்டாவது உலகப் போரில் ரோம் – பேர்ளின் – டோக்கியோ அச்சு இருந்தது போல இப்போது 21ம் நூற்றாண்டு போர்களுக்கான புதிய அச்சு உருவாக ஆரம்பித்துவிட்டது. அந்த அச்சு ஓர் அச்சு அல்ல பல தளங்களில் வடிவமைக்கப்படுகிறது, மூவரும் மூவருக்கும் எதிரிகள் என்ற நிலையில் வாளை தூக்கிக் கொண்டு களமிறங்கினால் என்ன நடக்கும்… 21 ம் நூற்றாண்டு நகர்வு அப்படித்தான் உள்ளது.

வடகொரியாவும், ஈரானும் அணு குண்டு உருவாக்கத்தை எட்டித் தொட்டுவிட்ட நிகழ்வுடன் ஒப்பிட்டால் இப்போது அருவமாக உள்ள அச்சுக்களை மனத்திரையில் தெளிவாகக் காணலாம்.

 

 

அலைகளுக்காக கி.செ.துரை 24.01.2013

 

http://www.alaikal.com/news/?p=121125

[akootha]

http://news.goldseek.com/GoldForecaster/1359061200.php

[தப்பிலி]

கமரூனின் Conservative கட்சிக்குள் எதிர்ப்பலை எழும்பியதென்பதை  ஒத்துக் கொள்ள முடியவில்லை. பொதுவாக சிறு சலசலப்பு ஏற்படுவது சகஜம். இதே வாக்கெடுப்பை நடத்தும்படி 2011 இல் பிரித்தானிய நாடாளுமன்றத்தில்  கொண்டுவரப்பட்ட வாக்கெடுப்பில் சுமார் 80 அதிகமான் Conservative எம்பிக்கள் கமரூனுக்கு எதிராகத் திரும்பியிருந்தார்கள். இன்று அந்த எதிர்ப்பாளர்கள் நிலைக்கே கமரூனும்  சென்றுள்ளார்.  

 

Liberal Democratic கட்சியினர் இதற்கு எதிர்ப்பென்றாலும் இன்று ஆளும் கட்சியுடன் கூட்டணியில் இருப்பவர்கள். அவர்கள் தங்கள் கொள்கைகளில் உறுதுணையாக நின்றதில்லை. ஆளும் கட்சியுடன் கூட்டணியில் இருப்பதற்காக கொள்கையை கைவிட்டவர்கள் என்ற கேட்ட பெயர் உண்டு. முக்கியமாக பல்கலைக் கழக அனுமதிக் கட்டணத்தில் மாணவர்களின் கெட்ட  பெயரை சம்பாத்தித்தவர்கள். இனி வரும் தேர்தல்களில் Liberal Democratic கட்சி, நாலாம் ஐந்தாம் இடத்தைப் பிடிக்கவே நிறையக் கஷ்டப்பட வேண்டியிருக்கும்.

 

எதிர்க் கட்சியாக உள்ள Labour கட்சியும் இந்தப் பொதுசன வாக்கெடுப்பொன்றை தங்கள் தேர்தல் விஞ்ஞாபனத்தில் அறிவிக்கக் கூடிய சாத்தியமே அதிகம்.