தமிழ்த் திங்களின் தலைமகவே !!

[ஆதித்ய இளம்பிறையன்]

பின்பனி யாமங்களின் புணர்தலில் விஞ்சிய  

மஞ்சள் மகரந்தங்கள் காற்றில் கலவி

மாந்தளிர்களையும்  பூந்தளிர்களையும்  பெற்றெடுக்கும் 

இளவேனில் இன்பமே !! தமிழ்த் திங்களின் தலைமகவே !! 

 

புவியின் சுழற்சியிலோ  பூமத்தியரேகையின் அழற்சியிலோ

மாறாது வந்து மானுடத்தை மலரவைக்கும் 

சித்திரையே !! மயங்கவைக்கும் நித்திரையே !!

 

வசந்தமே உன் வரவால் 

புஞ்சையும் நஞ்சையும் பூக்கட்டும் !!

பூமியெங்கும் வாஞ்சை பரவட்டும் !!

துயரம் ஒழியட்டும் !! இன்பம் மலியட்டும் !!

மழை பொழியட்டும் வளம் கொழிக்கட்டும் !!

தமிழ் வளரட்டும்!! தமிழர்தன் தரம் உயரட்டும் !!

 

இளவேனிலே!! இன்முகத்துடன் வாராய்!!

 

[nedukkalapoovan]

எல்லொருக்கும் இனிய தமிழ் சித்திரைப் புத்தாண்டு வாழ்த்துக்கள்.