நவனீதம் பிள்ளை போல் ஹூசெய்ன் செயற்பட மாட்டார்: இலங்கை

[chinnavan]

ஐக்கிய நாடுகள் சபையின் புதிய மனித உரிமைகள் ஆணையாளர் பக்கச் சார்பின்றி செயற்படுவார் என இலங்கை நம்பிக்கை வௌியிட்டுள்ளது.

ஐக்கிய நாடுகள் சபையின் புதிய மனித உரிமைகள் ஆணையாளராக ஜோர்தான் இளவரசர் ஸெய்ட் ராட் ஸெய்ட் அல் ஹூசெய்ன் நேற்று பதவியேற்றார்.

இந்தநிலையில் இவர் பக்கச்சார்பின்றி செயற்படுவார் என நம்புவதாகவும், நவனீதம் பிள்ளை பற்றிய அரசாங்கத்தின் நிலைப்பாடு இரகசியமானதல்ல எனவும், நேற்று கண்டியில் இடம்பெற்ற நிகழ்வொன்றில் உரையாற்றிய போது தகவல் தொழிநுட்ப அமைச்சர் மற்றும் அமைச்சரவைப் பேச்சாளர் கெஹலிய ரம்புக்வெல்ல தெரிவித்துள்ளார்.

மேலும் ஐ.நா.வின் முன்னாள் மனித உரிமைகள் ஆணையாளர் இலங்கை தொடர்பில் பக்கச்சார்புடன் செயற்பட்டதாக, அவர் இதன்போது கூறினார்.

அத்துடன் அல் ஹூசெய்னை இலங்கைக்கு அழைப்பது தொடர்பில் வௌிவிவகார அமைச்சே தீர்மானிக்கும் எனவும் ஹெகலிய இதன்போது குறிப்பிட்டுள்ளார்.

ஐக்கிய நாடுகள் மனித உரிமை ஆணையாளராக ஆறு வருடங்கள் பதவி வகித்த, தென்னாபிரிக்க வாழ் தமிழரான நவனீதம் பிள்ளை கடந்த மாத இறுதியுடன் (ஆகஸ்ட் 31) விடைபெற்றார்.

இவரது காலத்தில் இலங்கையில் யுத்த காலத்தில் இடம்பெற்றதாகக் கூறப்படும் மனித உரிமை மீறல்கள் தொடர்பில் இலங்கை பல்வேறு சிக்கலைகளை எதிர்கொண்டது.

மேலும் இலங்கையில் இடம்பெற்றதாகக் கூறப்படும் மனித உரிமை மீறல்கள் தொடர்பில் விசாரணை செய்ய நிபுணர்கள் குழுவொன்றையும் பிள்ளை நியமித்துள்ளார்.

குறித்த குழுவை இலங்கைக்குள் அனுமதிக்க முடியாது என இலங்கை அரசாங்கம் இதுவரை மறுத்து வருகின்றமை குறிப்பிடத்தக்கது.  http://www.pathivu.com/news/33576/57//d,article_full.aspx

[Iraivan]

நல்ல மணக்க மணக்க கருவாட்டுக் கறியுடன் சாப்பாடு போட்டாலே அடங்கிடுவார்.

[ரஞ்சித்]

மனிதவுரிமை ஆனையாளராக எவர் வந்தாலும்கூட, அவருக்கு மேலேயிருக்கும் அதிகாரம்படைத்தவர்கள் சொல்வதற்கேற்பவே அவர் ஆடவேண்டும். அது மகிந்த விரும்புவதுபோலவோ அல்லது தமிழர்கள் விரும்புவதுபோலவோ இருக்கப்போவதில்லை. அவர் வேண்டுமென்றால் தனது சொந்தக் கருத்தைக் கூறிவிட்டுப் போகலாம், ஆனால் இறுதியில் நடப்பதெல்லாம் அமெரிக்காவினதும் அதன் பங்காளிகளினதும் விருப்பமே. சிலவேளை அமெரிக்காவினது விருப்புக்கூட சீன ரஷ்ஷிய முதலாளீகளால் அடிபட்டுப் போகலாம்.