Jump to content

இணைய வழங்கி மாற்றம்


Recommended Posts

கடந்த சில தினங்களாக யாழ் இணையத்தின் பல பகுதிகள் செயலிழந்து போனதை நீங்கள் பார்த்திருப்பீர்கள். இதனால் ஏற்பட்ட சிரமங்கள் பற்றி பலரும் பல வழிகளிலும் அறியத் தந்திருந்தார்கள்.

யாழ் இணையத்தின் செலவுகளைக் குறைக்கும் நோக்கில் அவ்வப்போது மலிவாகக் கிடைக்கப்பெறும் இணைய வழங்கிக்கு மாற்றிக் கொள்ள வேண்டிய தேவையில் இருக்கின்றோம். இறுதியாகக் கடந்த வாரம் புதிய இணைய வழங்கிக்கு அனைத்து விடயங்களையும் மாற்றினோம். எந்த ஒரு சந்தர்ப்பத்திலும் எதுவிதத்திலும் யாழ் இணையம் தடங்கலில்லாது இருக்கும் என நம்பியிருந்தோம். ஆனால் எதிர்பாராத விதமாக முதலில் முகப்பு பக்கத்தில் இணைக்கப்பட்ட script மூலம் பல சிக்கல்களை எதிர்கொள்ள வேண்டிய தேவையேற்பட்டது. அதன் பின்னர் சிலருக்கு dns பிரச்சனையால் யாழ் இணையம் சுமார் 48 மணிநேரம் வரை இயங்கவில்லை.

பழைய இணைய வழங்கியிலிருந்து அனைத்துக் கோப்புகளையும் முழுமையாக மாற்ற 2 நாட்கள் கடுமையாக வேலை செய்ய வேண்டியிருந்தது. மாற்றிய பின்னர் ஏற்பட்ட தவறினைக் கண்டுபிடிக்க மீண்டும் பல மணித்தியாலங்கள் செலவிட வேண்டிய தேவையேற்றபட்டது. இதன்படி முன்னர் பாவித்து வந்த யாழ் முகப்பினைத் தொடர்ந்து பாவிக்க முடியாத ஒரு சூழ்நிலை ஏற்பட்டுள்ளது. விரைவில் தற்காலிகமாக முன்னைய முகப்பு வேறொரு பகுதியில் சில வாரங்களுக்கு இயங்கச் செய்வோம். அங்கு சிலர் தங்களுக்கான பக்கங்களை உருவாக்கியிருந்தால் திறந்திருக்கும் காலப் பகுதியில் தேவைப்படும் விபரங்களைச் எடுத்துக் கொள்ளும்படி வேண்டப்படுகின்றீர்கள்.

இக்காலக் கட்டத்தில் ஏற்கனவே திட்டமிட்டபடி வெளியூர்ப் பயணம் ஒன்று மேற்கொள்ள வேண்டியிருந்ததால் மேற்கொண்டு எதுவும் செய்ய முடியாது களத்தினை மட்டும் இயங்க விடப்பட்டது. இதனால் பலருக்கும் பலவித அசெகரியங்கள் ஏற்பட்டதை அவர்களிடம் இருந்து வந்த பல வழியிலுமான தொடர்பாடல் மூலம் அறிய முடிந்தது. யாழ் இணையத்தில் அக்கறை கொண்டு விரைவில் அனைத்தும் சரிப்படுத்தப்பட வேண்டும் என்ற வேண்டுகோள்கள் பரவலாக முன்வைக்கப்பட்டது. அவர்களுக்கு விரைவில் யாழ் இணையம் சரி செய்யப்படும் என்ற வாக்குறுதியும் வழங்கப்பட்டது.

கடந்த சில நாட்களாக யாழ் இணையத்தினால் ஏற்பட்ட அசெகரியங்களுக்கு மனம் வருந்தும் அதேவேளை தொடர்ந்தும் உங்கள் ஒத்துழைப்பினை எதிர்பார்க்கின்றோம்.. தற்போது தற்காலிகமாக சில மாற்றங்களைச் செய்துள்ளோம். வரும் புது ஆண்டில் இருந்து யாழ் இணையத்தினை புதுப்பெலிவுடனும், சில மாற்றங்களுடனும் கொண்டு வரத்திட்டமிட்டுள்ளோம். உங்கள் ஆரோக்கியமான கருத்துக்கள் தொடர்ந்தும் வரவேற்கப்படுகின்றது.

மேலும் வரும் ஆண்டில் இருந்து விளம்பரங்கள் மூலம் யாழ் இணையத்தின் செலவுகளை ஈடுகட்ட தீர்மானித்துள்ளோம். பல உறுப்பினர்கள் யாழ் இணையத்தின் செலவில் ஒரு பகுதியைத் தருவதாகச் சொல்லியிருந்தார்கள். அவர்களுக்கு நன்றி. தனிப்பட உறுப்பினர்களிடம் இருந்த பணம் வாங்கிக் கொள்வதை இப்போது தவிர்த்துக் கொள்ள விரும்புகின்றோம். யாழ் இணையத்திற்கு உதவ விரும்பும் உறுப்பினர்கள் முடிந்தால் உங்களுக்கு தெரிந்த வர்த்தகர்களிடம் இருந்து விளம்பரங்கள் பெற்றுத் தந்தால் பேருதவியாக அமையும். விளம்பரங்கள் என்னும் போது வர்த்தக விளம்பரங்கள், அறிவித்தல்கள், வாழ்த்துகள் போன்றவை அமையும். எனினும் சில வகையான விளம்பரங்களைத் தவிர்த்துக் கொள்ளவும் தீர்மானிக்கப்பட்டுள்ளது. இந்த விளம்பரங்கள் தொடர்பான மேலதிக விபரங்களை மிக விரைவில் அறியத் தருகின்றோம்.

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.