"விறலி விடு தூது" பெண்களுக்கான திரைத் தயாரிப்பு நிறுவனம்! - விரும்பியர்கள் தொடர்பு கொள்ள முடியும்

[நிழலி]

நண்பர்களே,

பெண் இயக்குநர்கள் சிலர் இணைந்து, 'விறலி விடு தூது' என்னும் திரைத்தயாரிப்பு நிறுவனத்தைத் தொடங்கியுள்ளோம், என்பதை மகிழ்ச்சியுடன் தெரிவித்துக்கொள்கிறோம்.

மூலக்கதை ஆசிரியர், திரைக்கதையாசிரியர், திரை இயக்குநர், திரைத்தயாரிப்பாளர் இவர்களை ஒருங்கிணைத்துத் திரைப்படைப்புகளைத் தயாரிக்கும் பணியில் ஈடுபடுவது தான் இந்தத் தயாரிப்பு நிறுவனத்தின் முதன்மையான நோக்கம்.

திரைப்படம் மற்றும் தொலைக்காட்சித் தொடருக்கான தரமான கதைகளைக் ...கொடுப்பதிலும், திரைக்கதை எழுதுவதில் ஆர்வமுள்ள இளைய கலைஞர்களை இப்பணியில் ஈடுபடுத்துவதிலும், நவீன சினிமாவைக் கதைகள் வழியாக மாற்றுவதிலும் இந்நிறுவனம் தொடர்ந்து ஈடுபடும்.

இன்றைய சினிமாவில் இருக்கும் கதைப்பற்றாக்குறையைப் போக்குவதிலும், அதற்கான திரைக்கதை எழுதும் கலைஞர்களைக் கண்டறியவும் இந்நிறுவனம் பாடுபடும்.

ஒரு வரிக்கதை உள்ளவர்கள், திரைக்கதை எழுதுவதில் ஆர்வமுள்ளவர்கள், திரைக்கதை கையிருப்பில் வைத்திருப்பவர்கள் கீழ்க்கண்ட மின்னஞ்சல் முகவரிக்குத் தொடர்பு கொள்ளவும்.

viralividuthoodhu@gmail.com

(பி.கு: 'விறலி' என்றால் கலைகளை வளர்ப்பவள் என்பது பொருள்)

 

 

நன்றி : குட்டி ரேவதி

[poet]

அன்புக்குரிய குட்டி ரேவதி, ஆண் மைய இந்தியச் சினிமா சூழலில் உங்கள் முயற்சி வெற்றி பெறவேண்டுமென வாழ்த்துகிறேன். எந்த விதத்தில் நான் உங்கள் முயற்சிக்கு உதவலாம்? தோழமையுடன் visjayapalan@gmail.com

[இசைக்கலைஞன்]

ஆண்களை பால் அடிப்படையில் தவிர்த்தல் பாகுபாடு காட்டுதல் (Discrimination) இல்லையா?

[sOliyAn]

கமலஹாசன் ஒரு பேட்டியில் கூறியதுபோல, தமிழ் சினிமாவுக்கும் தமிழ் இலக்கியங்களுக்கும் உள்ள தொடர்பானது மிக மிக அரிது. இவை இரண்டும் நெருங்கி வரும்போதே பல தரமான படைப்புகள் தமிழ் சினிமாவில் உருவாக வாய்ப்புண்டு.

 

ஆகவே, தரமான படைப்புகள் தோன்ற ஆண், பெண் வேறுபாடுகள் அநாவசியமானவை.

சில்லறையே முக்கிய மூலப்பொருள் அது இலக்கியங்கள் பக்கம் பார்வையைப் பதிக்கும்வரை!!

[கிருபன்]

பாணன் என்பதற்கு எதிர்ப்பால் சொல் விறலி என்று சின்ன வயதில் கஷ்டப்பட்டுப் படித்தது ஞாபகம்.

[arjun]

சண்டைகோழி படத்தில் ஒரு வசனம் வரும் மீரா ஜாஸ்மினை பார்த்து அவர் அண்ணன் சொல்லுவதாக "குட்டி ரேவதியுடன் சேர்ந்து நீ கெட்டு போக போகின்றாய் "என்று .

அந்த படத்தில் வசனம் ராமகிருஸ்ணன் .குட்டி ரேவதியின் கவிதைகள் பல பச்சையாக இருக்கும் .அப்ப  படமும் அந்தமாதிரி இருக்கும் .

[வல்வை சகாறா]

வாழ்த்துக்கள் குட்டி ரேவதி. இன்றைய காலத்தில் ஆண் சார்பு எழுத்துக்கள் ஆண்களின் ஆதிக்கம் என்பனவே எல்லா இடத்திலும் அகன்று வியாபித்திருக்கிறது. உங்களுடைய முயற்சிக்கு என்னுடைய முழுமையான ஆதரவும் உண்டு. பெண்களுக்கான முத்திரை பதிக்கும் இலக்கியம் சார்ந்தும் திரை சார்ந்தும் சாதனைகள் தோற்றுவிக்கும் தளமாக அமையட்டும்.