மிகை யதார்த்தம் / இணைப்பு நிஜமாக்கம் (Augmented Reality)

[ஆதித்ய இளம்பிறையன்]

Augmented Reality இந்த தொழில் நுட்பத்தை தமிழில் மிகை யதார்த்தம் அல்லது இணைப்பு நிஜமாக்கம் என்று அழைக்கலாம். இதைப் பற்றி யாழில் ஒரு பதிவிட வேண்டும் என்பது எனது நெடுநாளைய விருப்பம், இப்பொழுதுதான் நேரம் கிடைத்தது ..

 

நீங்கள் சென்னையில் அண்ணா சாலையில் நின்று கொண்டு இருக்கிறீர்கள் என்று வைத்துக் கொள்வோம். அங்கிருந்து நீங்கள் புத்தக கண்காட்சி நடக்கும் இடத்திற்கு செல்லவேண்டும் வழிநெடுக விளம்பர பதாதைகள் இருந்தும் வழி தெரியவில்லை. இப்பொழுது "இணைப்பு நிஜமாக்கம்(Augmented Reality)" தொழிநுட்பம் மூலமாக விளம்பர பதாதைகளை(advertisement board) நமது திறன்பேசியில்(Smart phone) பதியப்பட்டுள்ள மென்பொருளை பயன்படுத்தி புகைப்படக்கருவி மூலம் தூழவுவதன்(scanning) வாயிலாக அந்த இடத்தைப் பற்றிய தகவல்களை படமாகவோ, எழுத்துக்களாகவோ கண்டு கொள்ளலாம்.

இது எப்படி சாத்தியம் ??

 

முதலில் திறன்பேசியில் பதியப்பட்டுள்ள மென்பொருள் விளம்பர பதாதைகளில் உள்ள படிமத்தை பிரதி எடுக்கிறது(image capture). பின்பு அந்தப் பிரதியை வழங்கனுக்கு(Server) அனுப்பி அதைப் பற்றிய தகவல்களைக் கோருகிறது. புத்தக கண்காட்சி நடக்கும் இடத்தின் அச்சரேகை அலகும் தீர்க்கரேகை அலகும் (latitude and longitude coordinates) மற்றும் அதைப்பற்றிய கானொளியும் வழங்கனில் இருந்து அனுப்பி வைக்கப்படுகிறது(முன்னரே பதிந்து வைக்கப்பட்டிருத்தல் வேண்டும்). இப்பொழுது தகவல் உங்கள் திறன்பேசியில் வந்தடைந்துவிட்டது. அதற்குப் பின்பு திறன்பேசியில் உள்ள ஜிபிஸ்(Global Positioning System) கருவி மூலம் நீங்கள் இருக்கும் இடத்தின் அச்சரேகை அலகும் தீர்க்கரேகை அலகும் கணிக்கப்படுகிறது. உங்களுடைய  அமர்வு நிலையையும், நிகழ்ச்சி நடக்கும் இடத்தின் அமர்வு நிலையையும்((latitude and longitude coordinates) கூகிள் நிலப்பட சேவைக்கு(google Map Service) அனுப்பினால் அது நீங்கள் இருக்கும் இடத்திலிருந்து நிகழ்ச்சி நடக்கும் இடம் எவ்வளவு தொலைவு, அந்த இடத்தை அடைய என்னென்ன வழிகள் உள்ளன என்பவற்றை தெரிவிக்கும்.

 

 

 

இது ஒரு சாதாரன எடுத்துக்காட்டு தான். இந்த தொழில்நுட்பத்தைப் பயன்படுத்தி இன்னும் பல விடயங்கள் செய்யலாம். நீங்கள் ஒரு அங்காடிக்குச் செல்கிறீர்கள். அங்கு ஒரு பொருளைக் காண்கிறீர்கள் அந்த பொருள் எவ்வளவு விலை ?? வாங்கினால் ஏதேனும் இலவசம் உண்டா?? இநதப் பொருளின் ஊட்டச்சத்து அளவு என்ன என்பன போன்றவற்றை உங்களது திறன்பேசியில் உள்ள  புகைப்படக்கருவி மூலம் தூழவுவதன்(scanning) வாயிலாக அறிந்து கொள்ளலாம்.

 

இதுவும் மேலே சொன்னது போல்தான். ஒவ்வொரு பொருளிலும் ஒரு அடையாள குறியீடு பொருத்தப்பட்டிருக்கும்(like bar code). அந்த அடையாள குறியீடை படிமம் எடுத்து வழங்கனுக்கு(Server) அனுப்பி அதைப் பற்றிய தகவல்களைப் பெற்று உங்களது திறன்பேசி திரையில் ஒளிரச் செய்கிறது.

 

 

 

 

 

 

[ஈசன்]

http://www.youtube.com/watch?v=P9KPJlA5yds