Jump to content

உதவும் கரங்களை முறிக்கும் வல்லாதிக்கம்


Recommended Posts

  • கருத்துக்கள உறவுகள்

யாழ்இணைய செய்தி அலசல்

உதவும் கரங்களை முறிக்கும் வல்லாதிக்கம்

தமிழீழ விடுதலை ஆயுதப்போராட்டத்தினை முன்னெடுத்து அதற்கான திட்டமிடல்களை மேற்கொள்ளும் வேளையி்ல் ஆயுதரீதியான போராட்டத்தில் மட்டும் நின்றுவிடாது போரும் பொருளாதாரமும், போரும் புனர்வாழ்வுப் பணிகளும், போரும் சமூக அபிவிருத்தியும் என்று அனைத்தையும் சேர்த்துத் திட்டமிட்டுச் செயற்படுத்திய கட்டுமான பணிக்குள் 1985 ம் ஆண்டு தமிழர் புனர் வாழ்வுக்கழகம் ஆரம்பிக்கப்பட்டது.

இதன் ஒவ்வொரு அகவையிலும் நிவாரண, புனர்வாழ்வு அபிவிருத்தி, இயற்கை அனர்த்தங்களையும் எதிர்கொண்டு துன்பதுயரங்களிலிருந்து வெளியே வந்து புதிய வாழ்வினைத் தொடங்கும் அளவிற்கு பலவிதமான வேலைத்திட்டங்களை செய்து வருகின்றது.

தமிழர் புனர்வாழ்வுக் கழகம் 1985 ஆம் ஆண்டு ஆரம்பிக்கப்பட்டதில் இருந்து தனது வெளிநாட்டுத் செயற்பாட்டுத்திட்டங்களில் தன்னை ஈடுபடுத்திக் கொண்டது. தாயகத்தில் சிங்கள அரசின் பேரினவாத அரசாங்கத்தின் கண்மூடித்தனமான பயங்கரவாதச்செயல்களால பாதிக்கப்பட்ட மக்களுக்கான நிவாரண, புனர்வாழ்வு நடவடிக்கைகளுக்கு அரசு அல்லது அரசு சார்ந்த அமைப்புகளிடமிருந்தோ உதவிகளைப் பெறுவதோ இயலாத ஒன்றாக இருந்ததை நடைமுறையில் கண்ட உண்மைகள். இப்படிப்பட்ட நிலையில் புனர்வாழ்வுக் கழக ஆளுமைக்குழு தனது செயற்பாட்டினை கடல் கடந்து புலம் பெயர்ந்து வாழும் நாடுகளில் கிளைகளை நிறுவி செயற்படுத்தி வருகின்றது. தாயகத்தில் இன்னற்படும் மக்களின் துயர் துடைப்புச் செயற்பாடுகளிற்காக புலம்பெயர்ந்து வாழும் மக்களிடமும், சில மனிதாபிமான அமைப்புகளிடமிருந்தும் உதவிகளைப் பெற்று வந்திருக்கின்றன.

நீதியானதும், வீரம் செறிந்ததுமான விடுதலைப்போராட்டத்தை தலைமையேற்று நடத்திவரும் விடுதலைப்புலிகள் இயக்கத்தை பயங்கரவாத அமைப்பாக முத்திரை குத்திய அமெரிக்கா தற்போது தமிழர் புனர்வாழ்வுக்கழத்தின் சொத்துக்களை முடக்கியுள்ளமை ஈழத்தமிழர்கள் உணர்வுகளை காயப்படுத்தும் செயல்களாக அமைந்திருக்கின்றது.

தமிழர் புனர்வாழ்வுக் கழகம் விடுதலைப் புலிகளுக்கு ஆயுதங்களையும் நிதிகளையும் வழங்குகின்றது என்ற இலங்கை அரசின் பொய்ப்பிரசாரத்தை நம்பியே அமெரிக்க அரசும் தனக்கு சாதகமாக இந்த நடவடிக்கையை எடுத்துள்ளது. இலங்கைக்குள் எப்படியாவது நுழைந்து இந்தியாவின் உளவுநிலை அறிவதற்கான சந்தர்ப்பத்தை தேடிக்கொண்டிருக்கும் அமெரிக்காவுக்கு இது ஒரு வாய்ப்பாக அமைந்துவிடப்போகின்றது. இலங்கை மீதான அமெரிக்காவின் மூக்குநுழைப்பு தந்திரோபாயங்கள் நிறைந்ததாகும். சிங்கள பெளத்த பேரினவாத அரசும், எகாதிபத்திய சக்திகளும் ஒன்று சேர்ந்து விடுதலைப்புலிகளின் பலத்தை பலமிழக்கச்செய்து சிங்கள தேசத்தை தமது பிராந்திய தேவைகளுக்காக பயன்படுத்தலாம் என்ற உள்நோக்கத்துடன் செயற்படுகின்றது.

ஐ.நா. பொதுச் செயலாளர் இலங்கையின் மனித உரிமை மீறல்களைக் கண்டித்தபோதும் , அமெரிக்கா சிறிலங்காவுக்கு இராணுவத்தளபாடங்களையும், ராடர் கருவிகளையும் விநியோகித்துக் கொண்டு தான் இருக்கின்றது.

அமெரிக்காவில் தமிழர் புனர்வாழ்வுக் கழகம் ஓர் அறக்கட்டளை அமைப்பாக வேலை செய்கின்றது. தமிழர் புனர்வாழ்வுக் கழகத்திற்கு அமெரிக்க அறக்கட்டளையினால் நான்கு நட்சத்திர தகுதி வழங்கப்பட்டுள்ளது. அது மட்டுமன்றி அமெரிக்காவின் மிகப் பிரபல்யமான இரண்டு அறக்கட்டளை அமைப்புக்களும் இணைந்தே செயற்படுகின்றன.

2004 டிசம்பரில் ஏற்பட்ட சுனாமிப் பேரலை தாக்கத்தின் பின்னர் அந்த அழிவிலிருந்து பாதிக்கப்பட்ட தமிழ் மக்களுக்கு மறுவாழ்வை ஏற்படுத்திக் கொடுப்பதில் தமிழர் புனர் வாழ்வுக் கழகம் பெரும் பங்கு வகித்தது. அதன் செயற்பாடுகள் மிகச்சிறப்பாக அமைந்தன என அன்றைய ஜனாதிபதி சந்திரிகா பண்டாரநாயக்க ஒரு கேடயம் ஒன்றையும் இந்த அமைப்புக்கு வழங்கி இருந்தார். அதைவிட அந்த சந்தர்ப்பங்களில் இலங்கைக்கு விஜயம் செய்திருந்த கோபி அனான், பில் கிளின்டன் ஏனேயோரும் தமிழர் புனர்வாழ்வுக்கழகத்தினருடன் உரையாடி, அமைப்புக்களின் செயற்பாடுகள் பற்றியும் கலந்து உரையாடியுள்ளார்கள்.

புனர் வாழ்வுக் கழகம் தமிழர், முஸ்லிம், சிங்களவர் என இனம்,மதம் கடந்து பணியாற்றி வருகின்ற உன்னதமான தொண்டு நிறுவனம்.தமிழர் புனர் வாழ்வுக்கழகத்தின் தன்னலமற்ற பணியாளர்களின் சேவையாலும் மனித நேயம் மிக்க புலம் பெயர்ந்த தமிழீழ மக்களின் பங்களிப்பாலும் இன்று புனர் வாழ்வுக்கழகம் ஓர் ஆலமரமாக வளர்ந்து, அவலங்களைச் சுமந்து வாழும் உள்ளங்களுக்கு நிழல் தருபவையாக இருக்கின்றது.

tro1.jpg

tro2.jpg

tro3.jpg

பல பாரிய புனருத்தாரணத் திட்டங்களை மேற்கொண்டு எமது மக்களின் வாழ்வு இயல்பு நிலைக்குத் திரும்புவதற்குப் பெரிதும் முன்னின்று உழைத்ததும் இதே தமிழர் புனர் வாழ்வுக்கழகம்தான்.

அமெரிக்க அரசின் இந்த திடீர் நடவடிக்கையால் யுத்தம் மற்றும் கடல்கோள் போன்ற இயற்கை அழிவுகளால் பாதிக்கப்பட்டுக் கொண்டிருக்கும் மக்களுக்கான நிவாரணப் பணிகள் பாரிய அளவில் தடைப்படுவதோடு, தாயகத்தின் தமிழ் மக்களை பட்டினி போட்டு, அழிப்பதற்கான வழியாக மாறப்போகின்றது.

இந்த நிலையில் தமிழர் புனர்வாழ்வுக் கழகத்தின் பண முடக்கம் தமிழர்களுக்கு எதிரானது அல்லவாம் அத்தோடு இனப்பிரச்சினைக்கான தீர்வை சமாதானப் பேச்சுவார்த்தையின் மூலமே காண முடியுமெனவும், சிறீலங்காவிற்கான அமெரிக்கத் தூதுவர் றொபேட் ஓ பிளேக் கருத்துத் தெரிவிக்கின்றபோதும், விடுதலைப் புலிகளின் பேச்சுக்குழுவின் தலைவர் பிரிகேடியர் சு.ப. தமிழ்ச்செல்வன் அவர்கள் சிறீலங்கா அரசால் படுகொலை செய்யப்பட்டபோது எந்தவித கண்டனத்தையோ அறிக்கையையோ வெளியிடாததும் ஏனோ?

பல்லாயிரக்கணக்கான மக்கள் படும் அவலங்களை சென்று பார்க்க முடியாத நிலையில், ஏனைய ஐ.நா அமைப்புக்களும் சர்வதேச தொண்டு நிறுவனங்களும் உள்ள நிலையில் தமிழர் புனர்வாழ்வுக்கழகம் அம் மக்கள் மத்தியில் நின்று சேவையாற்றி வருவது அமெரிக்கா அறிந்திருக்கவில்லையா, அல்லது கண்மூடிக் கொண்டு இருக்கின்றதா?

அரச பயங்கரவாத நடவடிக்கைகள் மூலம் தமிழ் மக்களை அழிவுகளுக்கும் அவலங்களுக்கும் உள்ளாக்கிவரும் ஸ்ரீலங்கா அரசுக்கு அனைத்து உதவிகளையும் செய்துவரும் அமெரிக்கா மேற்படி ஸ்ரீலங்கா அரசின் நடவடிக்கைகளால் அகதிகளாக்கப்பட்ட மக்களுக்கு மனிதாபிமான உதவியளித்து அரவணைத்து வரும் தமிழர் புனர்வாழ்வுக்கழகத்தின் சொத்துக்களை முடக்குவது வேதனைக்குரியது.

தமிழர்களுடைய தலைமை குறித்து சரியான பார்வையை இதுவரை சர்வதேசம் கொண்டிருக்கவில்லை. சமாதானத்துக்கு வலு சேர்க்கின்றோம் என்று கூறிக்கொண்டு அவலமும் அழிவும் நிறைந்த பாதையை நோக்கிச் சென்று கொண்டிருக்கின்றது. தமிழ் மக்களுக்கு எதிராக முன்னேடுத்து வரும் இன அழிப்பை அமெரிக்காவின் உதவி கொண்டு மேலும் தீவிரப்படுத்தி, மேலும் மேலும் தமிழ் மக்களுக்கு அழிவுகளையும் அவலங்களையும் கொடுப்பதற்காகவே அமையப்போகின்றது.

வெளிநாட்டு, உள்நாட்டு மனிதநேய அமைப்புகள் பணியாற்ற முடியாத பல இடங்களில் தமிழ் மக்களிற்கான பணியை தமிழர் புனர்வாழ்வுக் கழகம் ஆற்றி வருகின்றது. இந்த நிறுவனம் ஊடாகவே புலம்பெயர்ந்து வாழும் மக்கள் தமது உறவுகளுக்கு உதவி செய்து வருகின்றனர். ஆகவே இதனையும் முடக்கி தாயகத்தில் உள்ள மக்களை பட்டினி போட்டு அழிப்பதற்கான நடவடிக்கையே சிறிலங்கா அரசு செய்து வருகின்றது.

புனர்வாழ்வுக்கழகத்தின் வேலைத்திட்டங்களை முடக்கி இடம்பெயர்ந்த மக்களுக்கான மனிதாபிமானப் பணிகளை முடக்குவதே தென்னிலங்கை அரசியல்வாதிகளின் திட்டம். அதன்படி அவர்கள் செய்கின்றார்கள். எனவே புலம்பெயர் நாடுகளில் வதியும் மக்கள் இதனைப் புரிந்துகொண்டு செயற்படவேண்டும்.

தமிழர் புனர்வாழ்வுக் கழகம் சர்வதேச நெறிமுறைகளை பின்பற்றி செயற்படுகின்றது. புலம்பெயர் மனிதர்கள், அமைப்புக்களின் கரங்கள் இணைந்த ஒத்துழைப்பு கொடுக்கும் அழுத்தங்கள், இந்த நடவடிக்கையில் இருந்து விடுபட்டு நல் வழியை காட்டும்.

தமிழர் புனர்வாழ்வுக் கழகத்தின் சொத்துகளை முடக்குவதாக அமெரிக்கா முழங்கிவிட்ட முனைப்பில், முடக்கும் முட்டுக்கட்டைகளை முறித்து புதியவழிமுறையில் முனைப்புடன் ஆக்கபூர்வமாக செயற்படுவோம்.

படங்களை பெற்றுக்கொள்ள உதவிய தளம்

http://www.itrolondon.org/tropassion.htm

Link to comment
Share on other sites

ஆக்கத்திற்குப் பாராட்டுக்கள் கறுப்பி.

வெளிநாட்டு அரச சார்பற்ற நிறுவனங்கள் தாயகத்திலிருந்து பின்வாங்கிக் கொண்டிருக்கும் தருணத்தில், பல இன்னல்களை அனுபவிக்கும் எம் உறவுகளுக்கு ஒரே ஆதாரமாக விளங்கிக் கொண்டிருக்கும் புனர்வாழ்வுக் கழகத்திற்கு அமெரிக்காவால் வழங்கப்பட்ட தடை மிகவும் வேதனையளிக்கிறது.

அதுமட்டுமின்றி அண்மைக் காலத்தில் பல உலக நாடுகளில் நடைபெறும் மனித நேயப் பணியாளர்களின் கைதுகள் பேரினவாதிகளின் சூழ்ச்சியை புரிய வைக்கிறது. உலகத் தமிழர்கள் உறுதி குலையாது ஒன்றிணைந்து தமது ஆதரவைத் தொடர்ந்தும் புனர்வாழ்வுக் கழகத்திற்கு வழங்க வேண்டும்.

Link to comment
Share on other sites

  • கருத்துக்கள உறுப்பினர்கள்

தமிழர் புனர்வாழ்வுக் கழகம் விடுதலைப் புலிகளுக்கு ஆயுதங்களையும் நிதிகளையும் வழங்குகின்றது என்ற இலங்கை அரசின் பொய்ப்பிரசாரத்தை நம்பியே அமெரிக்க அரசும் தனக்கு சாதகமாக இந்த நடவடிக்கையை எடுத்துள்ளது. இலங்கைக்குள் எப்படியாவது நுழைந்து இந்தியாவின் உளவுநிலை அறிவதற்கான சந்தர்ப்பத்தை தேடிக்கொண்டிருக்கும் அமெரிக்காவுக்கு இது ஒரு வாய்ப்பாக அமைந்துவிடப்போகின்றது. இலங்கை மீதான அமெரிக்காவின் மூக்குநுழைப்பு தந்திரோபாயங்கள் நிறைந்ததாகும். சிங்கள பெளத்த பேரினவாத அரசும், எகாதிபத்திய சக்திகளும் ஒன்று சேர்ந்து விடுதலைப்புலிகளின் பலத்தை பலமிழக்கச்செய்து சிங்கள தேசத்தை தமது பிராந்திய தேவைகளுக்காக பயன்படுத்தலாம் என்ற உள்நோக்கத்துடன் செயற்படுகின்றது

இது ஒரு தப்பான கண்ணோட்டமாகும். தமிழர் புனர்வாழ்வு கழகத்தை உலகம் முழுவதும் தடை செய்ய முழுமூச்சுடன் ஈடுபடுவது இந்தியா. இந்தியா புலம் பெயர்ந்த நாடுகளில் வசிக்கும் சில ஈழ தமிழருடன் மிக நெருக்கமா உறவாடுகின்றது.

புலத்தில் வாழும் ஈழத்தமிழர் ஒவ்வொருவரும் இதை இனங்காணல் வேண்டும்.

Link to comment
Share on other sites

  • கருத்துக்கள உறவுகள்

காலத்துக்கு அவசியமான ஒரு செய்தி அலசல். நன்றி கறுப்பி.

தமிழர்களின் விடுதலையை மட்டுமல்ல.. தமிழர்களின் அன்றாட தேவைகளைக் கூட தமிழர்கள் பூர்த்தி செய்யக் கூடாது. தமிழர்கள் தங்களின் அடிப்படைத் தேவைகளுக்குக் கூட சிங்களத்தையும் சர்வதேசத்தின் பிச்சைப்பாத்திரத்தையும் எதிர்பார்த்து அவர்களிடம் மண்டியிட்டு தங்கள் சுதந்திர வேட்கையை அதற்காக தியாகம் பண்ண வேண்டும் என்பது தான் ஏகாதபக்தியவாதிகளினதும் பிராந்திய வல்லாதிக்க சக்திகளினதும் பேரினவாதிகளின் நெடுங்கால சித்தாத்தின் வெளிப்பாடு அது இப்போ தெளிவாக அம்பலமாகிறது. இது உலகுக்கு புதிதல்ல தமிழர்களுக்கும் புதிதல்ல..!

Link to comment
Share on other sites

தமிழீழத்தின் பிறப்பை கருவறுக்க முயல்பவர் யார்? அதனால் அவருக்கு என்ன லாபம்?

Link to comment
Share on other sites

  • கருத்துக்கள உறுப்பினர்கள்

தமிழீழத்தின் பிறப்பை கருவறுக்க முயல்பவர் யார்? அதனால் அவருக்கு என்ன லாபம்?

யார் என்பது எல்லோருக்கும் தெரிந்த விடயம். அவருக்கு என்ன இலாபம் என்றால் தான் உடைந்து போகாமல் பாதுகாப்பாக இருக்கலாம். தமிழீழம் மலர்தால் அவர் உடைய சந்தர்ப்பம் அதிகம். அதற்கு பக்கபலமாக ஒரு வல்லரசு துணைபோகும் நிட்சயமாக.

இதில் மகிந்தவும் இந்தியாவும் மிக சாதுரியமாக காய்களை நகர்த்துகின்றன தமிழ்செல்வன் மறைவுக்கு பின்னர்.

தமிழ் செல்வன் மறைவுக்கு பின்னர் புலிகளுக்கும் மேற்குலக நாடுகளுக்கும் ஒரு இடைவெளி உள்ளது போல ஒரு தோற்றப்பாடு உருவாக்கபடுகின்றது.

அதாவது புலிகளுக்கும் இந்தியாவுக்கும் நெருக்கம் ஏற்படுவது போல. அதன் ஒரு கட்டம் கருணாநிதியின் இரங்கல் கவிதையா என்ற சந்தேகமும் எழுகின்றது??

ஒருபுரம் கவிதை மறுபுரம் கைதுகள்????

அதற்கு உரம் சேர்பது போல நடேசன் அவர்களின் அறிக்கை.

இது மிக சாதுரியமாக ரோவினால் அரங்கேற்றப்பட்டது போல உள்ளது.

இதன் பிரதிபலிப்பு அமெரிக்காவின் தமிழர் புனர் வாழ்வு கழகத்தின் மீதான தடை.

சிலவற்றை பகிரங்கமாக விலாவாரியாக எழுத முடியவில்லை

இதில் நன்மை அடைந்தது மகிந்தவும் இந்தியாவும் தான்

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • தினமுரசு ஒரு ஜனரஞ்சக பத்திரிகை என்பதில் சந்தேகமேயில்லை. அதில் அற்புதன் எழுதிவந்த துரையப்பா முதல் அற்புதன் வரை எனும் தொடர் பல நிகழ்வுகளை சொல்லி வந்தது. இதற்காகவே அந்த பத்திரிகையை வாங்கி தொடர் தொடராக வாசித்து வந்தேன். அவற்றையெல்லாம் கட்டி பத்திரமாக இன்றும் வைத்திருக்கின்றேன். கதையை வாசித்தவர்களுக்கு கொலையாளி யாரெனெ தெரிந்திருக்கும்.
    • தினமுரசு பத்திரிகையில் ஈழமக்கள் முன்னணியில் இருந்து தொடர்கதையாக எழுதி வந்த பத்திரிகையாளர் அற்புதன் எமது போராட்டம் எப்படி யார்யார் தொடங்கினார்கள்.                   எமது போராட்டம் பற்றிய உடனடி கள தகவல்களுடன் தினமுரசு பத்திரிகை வெளிவந்து கொண்டிருந்தது.துரோக கும்பலில் உள்ளவர்களால் எழுதப்பட்டாலும் ஒவ்வொரு கிழமை வெளிவந்த பத்திரிகையையும் வாங்கி வாசித்து பலருக்கும் வாசிக்க கொடுத்து சேர்த்து வைத்திருந்தேன்.                  பலரும் ஒவ்வொரு கிழமையும் எப்படா தினமுரசு வரும் என்று காவல் இருந்து வாங்கி வாசித்துக் கொண்டிருந்த காலத்தில் திடீரென பத்திரிகையாளர் அற்புதன் சுட்டுக் கொல்லப்பட்டார்.                அவரது கொலை அவர்களது இயக்கமான ஈபிடிபி யே காரணம் என எல்லோராலும் பேசப்பட்டது.டக்ளஸ் ஏற்கனவே அற்புதனை எச்சரிகை செய்தும் தொடர்ந்தும் பல உண்மைகளை எழுதியதால்த் டக்ளசால் கொல்லப்பட்டாக சொல்கிறார்கள்.                             அற்புதனின் தினமுரசு பத்திரிகையை வாசிக்காதவர்கள் எமது போராட்ட ஆரம்ப வரலாறு தெரியாதவர்கள் இந்த தொடரை பாருங்கள்.                 வரலாற்றை அறிந்து கொள்ளுங்கள்.   பாகம்1    
    • உள்ளதைத்தான் சொல்லியிருக்கின்றீர்கள். இப்ப ஜேர்மனியிலை எதுக்கெடுத்தாலும் தொட்டால் பட்டால் புட்டின் தான் குற்றவாளி.அந்த மாதிரி மக்களை மூளைச்சலவை செய்துகொண்டு போகின்றார்கள். இணக்க அரசியலுக்கு பெயர் போன ஜேர்மனி இப்படி ஆகிவிட்டது. உள்ளதைத்தான் சொல்லியிருக்கின்றீர்கள்.  
    • அத்துடன் மாவீரர் நாளில் மிகுந்த சனத்தை  பார்க்க கூடியதாக இருந்தது. (வன்னியில் என நினைக்கிறேன்)      
    • முள்ளிவாய்க்கால் அழிவிற்கு நன்றி சொல்லி பொன்னாடை போர்த்திய நிகழ்வுகளுக்கு ஊமையாக இருந்தோர் சீமான் விடயத்தில் கதறுவது ஏன்?  தமிழை விட திராவிடம் வலிமையானது என்றா?
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.