Blogs

Our community blogs

  1. விரல்களாலும் வியாதிகளை விரட்டமுடியும்!

    [saturday, 2013-10-26 16:12:13]

    images-health-150.jpg

    நமது பிரபஞ்சம் நிலம், நீர், நெருப்பு, காற்று, ஆகாயம் என் பஞ்ச பூதங்களால் ஆனது. அந்தப் பிரபஞ்சத்தில் ஓர் அங்கமான நமது உடலும் இந்தப் பஞ்ச பூதங்களால் ஆனவையே. இந்த ஐந்து மூலங்களையும் உடலில் இருந்து பிரிக்க முடியாது. உடலின் ஐம்புலன்களும் செயல்படுவதற்கு இந்த ஐந்து மூலகங்களே காரணமாக உள்ளன. இந்த ஐந்து மூலங்களும் உடலில் சமனநிலையில் இருந்தால் நமது உடல் மற்றும் மன ஆரோக்கியம் தொடர்ந்து சிறப்பாக இருக்கும்.

    நம்முடைய ஐந்து விரல்களும் ஐந்து மூலகங்களைக் குறிப்பிடுகின்றன.

    கட்டை விரல் - நெருப்பையும் சுட்டுவிரல் - காற்றையும் நடுவிரல் - ஆகாயத்தையும் மோதிர விரல் - நிலத்தையும் சுண்டு விரல் - நீரையும் குறிக்கின்றன.

    தினமும் காலையில் இருபது நிமிடங்கள் உங்களுக்கு உரிய முத்திரையைத் தேர்வு செய்து தியான நிலையில் அமருங்கள். நன்கு இழுத்து மூச்சை உள்ளேயும் வெளியேயும் விடுங்கள். மந்திரங்களோ வேறு சொற்களோ இதில் இல்லை.

    சிந்தனைச் சக்தி வளர தியான முத்திரை!

    தியானம் செய்பவர்கள் சுட்டுவிரல் கட்டை விரலைத் தொடும்படி வைத்துக் கொண்டு தியானம் செய்வார்கள் இதே நிலையில் இருபது நிமிடங்கள் கண்மூடி அமர்ந்தால் மூளையின் சக்தி அதிகரிக்கும். ஞாபகசக்தி, ஒரு முகப்படுத்தும் கவனம் முதலியவை அதிகரிக்கும். தூக்கமின்மை, சென்ஷன் முதலியவை அகலும். மன அமைதி கிடைக்கும்.

    மூட்டு வலி குணமாக வாயு முத்திரை!

    மூட்டுவலி, இரத்த ஓட்டக் குறைபாடு, பார்க்கின்சன் நோய், வாயுத்தொந்தரவு, செரிமானக் கோளாறு உள்ளவர்கள், விரல்களை இப்படி வைத்துக் கொண்டு தியான நிலையில் அமரவும். சுட்டு விரலைக் கட்டை விரலின் அடியைத் தொடும்படி வைத்துக் கொண்டு கட்டை விரல் லேசாகச் சுட்டு விரலை அழுத்தும்படி வைத்துக் கொள்ளவும்.

    காது நன்கு கேட்க!

    காதில் வலி என்றால் இது போலக் கட்டை விரலால் நடுவிரலை மடக்கி அழுத்திக் கொண்டு உட்காரவும். நாற்பது நிமிடங்கள் இதுபோல் அமர்ந்தால் காதுவலி பறந்து போகும். காது கேளாதவர்கள் இந்த ( shunya ) ஷன்ய முத்திரையைத் தொடர்ந்து செய்து வந்தால் காது கேட்க ஆரம்பிக்கும்.

    சுறுசுறுப்பாக வாழ பிருதிவி முத்திரை!

    மனம் மிகவும் பதற்றமாக உள்ளதா? உடலும் உள்ளமும் சோர்ந்து போய்விட்டனவா? நோய் வாய்ப்பட்ட மனிதனுக்கு உடனடியாக திடவலிமையை அளிக்க வேண்டுமா? அனைத்திற்கும் பிருதிவி முத்திரை பயன்படும். மோதிர விரலைக் கட்டை விரல் நுனியின் மேல் வைத்துக் கொண்டு இருபது நிமிடங்கள் தியான நிலையில் அமருங்கள். அவ்வளவு தான். தேவையான ஆக்ஸிஜன் கிடைத்துவிடும். உற்சாகமும் புதுப்பிக் கப்பட்டு விடும். மதிய உணவுக்கு முன்பு இந்த முத்திரையை செய்து விட்டுச் சாப்பிட்டால் அதன் பிறகு வரும் பொழுதுகள் சுறுசுறுப்பான செயல் நிறைந்த நாளாக அமையும்.

    இரத்தம் சுத்தமாக வருண் முத்திரை!

    இரத்தம் சுத்தமாகவும் தோல் நோய்கள் குணமாகவும், தோல் மிருதுவாக மாறவும் சுண்டு விரல் நுனியையும் கட்டைவிரல் நுனியையும் இது போல வைத்துக் கொள்ளவும். வருண் முத்திரை என்று இதற்குப் பெயர். இரைப்பை குடல் சார்ந்த கோளாறுகள், உடலில் நீர் வற்றால் போன்ற கோளாறுகளையும் இந்த முத்திரை குணமாகும்.

    கொழுப்பு கரைய சூரிய முத்திரை!

    உடலுக்குத் தேவையான வெப்பம் கிடைக்கவும் செரிமானம் நன்கு நடக்கவும், உடலில் கொழுப்பு அளவு குறையவும் சூரிய முத்திரை உதவும். மோதிர விரலை மடக்கி அதன் மேல் கட்டை விரலை வைத்து அழுத்திக் கொண்டு தியான நிலையில் அமரவும்.

    கண்ணாடியைத் தவிர்க்க பிராண முத்திரை!

    நம் உடலில் ஷாக் அடிப்பதை உணர இந்தப் பிராண முத்திரை உதவும். பிராண முத்திரை செய்தால் நரம்புத் தளர்ச்சி, சோர்வு முதலியன அகலும். கண்ணாடி இன்றிச் சிறந்த கண்பார்வை பெற வாய்ப்பு அதிகரிக்கும். இதற்காகக் கட்டை விரல் நுனியைச் சுண்டுவிரல் மற்றும் மோதிரவிரல் நனிகள் தொடுமாறு வைத்துக் கொண்டு தியான நிலையில் அமரவும். பார்வைத் திறன் அதிகரிக்கும்.

    காய்ச்சல் குணமாக லிங் முத்திரை!

    இரண்டு உள்ளங்கைகளையும் விரல்களையும் இதுபோல் கோர்த்து இறுக்கிக் கொள்ளவும். இடக் கைப் பெருவிரல் நிமிர்ந்து நிற்க வேண்டும். அந்த விரலைச் சுற்றி வலக்கைப் பெருவிரல் இருக்க வேண்டும். பருவநிலை மாற்றத்தால் குளிர், ஜலதோஷம், தொற்று நோய் முதலியன பரவும். வெளியூரில் காய்ச்சல் வருவதுபோல் தோன்றினால் இது போல் நுரையீரல்களுக்கு வெப்பத்தை உண்டாக்கும் சக்தியை லிங் முத்திரை கொடுத்துவிடும். சளிக் காய்ச்சல், கொழுப்பு உள்ளவர்கள் இந்த முத்திரையால் பெரிய அளவில் நன்மை அடையலாம். காய்ச்சலின் போது இந்த லிங்( ling ) முத்திரையை அடிக்கடி பயன்படுத்தவும். இதனால் விரைந்து குணம் பெறலாம்.

    நெஞ்சுவலியா? அபான் வாயு முத்திரை.

    நெஞ்சுவலி, இதயம் வேகவேகமாகத் துடித்தல் முதலியவற்றை அபான் வாயு(apan vayu) முத்திரை குணப்படுத்தும். சுட்டுவிரல், கட்டை விரலின் அடியில் இருக்க வேண்டும். அதன் பிறகு நடுவிரலும் மோதிர விரலும் கட்டைவிரல், நுனியைத் தொடுவது போல வைத்துக் கொண்டு தியானம் செய்யவும்.

    மாரடைப்பு, பதற்றம் முதலியவற்றைத் தடுக்க....

    வாயு முத்திரை, அபான் வாயு முத்திரை ஆகியவற்றுக்கு அடுத்து இப்படி விரல்களை வைத்துக் கொள்ளலாம்.

    இரத்தக் கொதிப்பா? வியான முத்திரை

    இரத்தக் கொதிப்பைக் கட்டுப்படுத்த கட்டைவிரல் நுனி மீது சுட்டுவிரல், நடுவிரல் நுனிகளை வைத்துக் கொண்டு அமரவும். வியான( vyana ) முத்திரை என்று இதற்குப் பெயர்.

    எல்லா வயதுக்காரர்களும் தியான முத்திரையை மேற்கொள்ளலாம், பிறகு உங்கள் வியாதிக்குரிய முத்திரையைச் செய்ய வேண்டும். இதனால் நோய்கள் குணமாவதுடன் உடலில் எதிர்ப்புச்சக்தி வளரும். அது மட்டுமல்ல, மனவளமும் ஆரோக்கியமாகத் திகழும்.

    http://seithy.com/breifNews.php?newsID=95805&category=CommonNews&language=tamil

    Source: விரல்களாலும் வியாதிகளை விரட்டமுடியும்!

  2. நாடுகடந்த தமிழீழ அரசாங்கத்தின் பெண்கள் சிறுவர் முதியோர் விவகார அமைச்சர் திருமதி பாலாம்பிகை முருகதாஸ் மற்றும் அமைச்சின் நிரந்தர செயலாளர் அவர்கள் GTV யில் வழங்கிய சுகந்திர சாசனம் பற்றிய விளக்கவுரை

    http://www.vivasaayi.com/2013/05/blog-post_5871.html

  3. மௌனித்துக் கொண்டவர்களே!

    இனிமேல் மனிதத்தைப்பற்றிப் பேசாதீர்கள்.

    பேசினால் உங்கள் கருத்தைக் காவிவரும் மொழி களங்கப்பட்டுவிடும்.

    எட்ட நின்று வேடிக்கை பார்த்துவிட்டு,

    ஆதாயம் உண்டென்றால் இனவாத அரசின் செயலை ஆதரித்து,

    இந்த இனஅழிப்பிற்கு,

    'பயங்கரவாதத்திற்கு எதிரான போர்' என்று

    முத்திரை குத்திவிட்டு முறுவலித்துக் கொள்ளுங்கள்.

    இப்போது முகாரிகள் எங்கள் தேசியமொழியாகிக் கிடக்கிறது.

    வலியனை வாழ்த்துவது வழமையானதுதான்...

    நாங்கள்தான் முட்டாள்கள் போலும்.

    எங்கள் ஒப்பாரிகள்...

    உங்கள் செவிப்பறையில் மோத மானிடத் துடிப்புக் கொள்வீர்கள் என்று நம்பி,

    ஏமாந்து கொண்டிருக்கிறோம்.

    எங்கள் பிள்ளையர்தான் எங்கள் வல்லமைகள் என்பதை சில சமயங்களில்...

    பிறழ்வுக்கு உள்ளாக்கிவிடும் தவறைச் செய்கிறோம்

    தன்கையே தனக்குதவி எனும் இனம்

    பிறன் காலடியில் உயிர்வாழ, கையேந்த சபிக்கப்பட்டது எப்படி?

    காலங்காலமாக வாழ்ந்த மண்ணில்,

    எத்தனை காலமாக ஏதிலிகளாகக்கப்பட்டு,

    இனஒடுக்குமுறைக்கு உள்ளாக்கப்பட்டு சிறுகச் சிறுக சீரழிக்கப்பட்டோம்.

    எவரேனும் எங்கள் வாழ்வைப்பற்றிக் கவலையுற்றுக் குரல் தந்தீர்களா?

    இல்லையே....

    உங்கள் நாட்டில் நீங்கள் இன்னொரு இனத்தால் ஒடுக்கப்படுகிறீர்கள் என்று

    அறியவில்லை என்று எங்கள் காதுகளில் பூச்சுத்தாதீர்கள்;.

    இப்போது நாளாந்தம் எம்மண்ணில்,

    துடிக்கத் துடிக்க சாவணைக்கும் உறவுகளின் எண்ணிக்கையை,

    ஏதோ உணவுப் பயிருக்கு தீங்கு செய்யும்

    பூச்சி, புழுக்களைக் கொல்லும் கணக்கில் போட்டுவிட்டதுபோல்,

    துளியும் மனவருத்தமின்றி மெத்தனமாக கதைக்கிறீர்களே தவிர,

    அதிலும் கொஞ்சம் நிவாரணப்பணம் தந்துதவ நினைக்கிறீர்களே அன்றி,

    நாளாந்தச் சாவுகளையும்,

    கைகால் இழப்புகளையும்,

    மனநலம் குன்றுவதையும்....

    உடனடியாக நிறுத்தப்படவேண்டும் என்று

    யாரும் அறைகூவல் செய்யாமல் மழுப்புகிறீர்கள்.

    அப்படியாயின்,

    எங்கள் தாயக மண்ணில் நடைபெறும் இனஅழிப்பு என்பதை

    நீங்கள் எல்லோரும் மௌனத்தின் மூலம் அங்கீகரிக்கின்றீர்களா?

    அனைத்துலகமே! போதும்..

    உங்கள் மனித காருண்யத்தை நன்றாக உணர்ந்து கொண்டவர்கள்

    ஈழத்தமிழர்களாகத்தான் இருக்கமுடியும்.

    எங்களுக்கான தொப்புள் கொடி உறவுகள்தான்,

    எமக்காக தம் வாழ்வைக் கருக்கி நாளாந்தம் தமை வருத்தி வாழ்கிறார்கள்.

    அவர்களின் கூக்குரல் கூடவா எவருக்கும் கேட்கவில்லை.

    உலகமெல்லாம் தாவரம், பறவை, விலங்கு என்று

    எல்லாவற்றையும் பாதுக்காக்க திரளுங்கள்.

    மனிதர்களை அதுவும் ஈழத்தமிழர்களை சீ விட்டுவிடுங்கள்.

    எங்களுக்காகக் குரல் கொடுக்கவேண்டாம்.

    சரி எங்களை அழிக்கச் சிங்கள அரசுக்கு போர் ஆயுதங்களையாவது

    வழங்காமல் விடலாம் அல்லவா.

    ஐயோ..!! நாற்காலி மனிதர்களே!

    நாறும் பிணமாகவும், நாயிலும் கேவலமான வாழ்வானதாகவும்

    எங்கள் வாழ்வின்று நலிந்து கிடக்கிறது.

    எங்கள் வலிகள் உங்களுக்குப் புரியப் போவதில்லை.

    நீங்கள் எவரும் புரிய முயற்சிக்கப்போவதும் இல்லை.

    தலையிடியும் காய்ச்சலும் தனக்குத் தனக்கென்றால் தெரியும் அதன் வேதனை.

    உலகே!

    ஒரு கண்ணில் வெண்ணையும்,

    மறுகண்ணில் சுண்ணாம்பும் தடவிக் கொண்டிருக்கும்

    உன் போக்கு மாறும் காலம் வரும்.

    எங்கள் முகாரிகள் முரசுகளாக மாறும்.

    எங்கள் வலிகள் வல்லமைகளாக உருவெடுக்கும்.

    வேண்டாப் பொருளாக விலக்கப்பட்ட நாங்களே

    விலைமதிப்பில்லாத விடுதலைக்குச் சொந்தக்காரர்களாக மாறுவோம்.

    சர்வதேசம் கண்ணிழந்த கதையை,

    ஈழப்புத்தகம் வரலாறாய் வரைந்து கொள்ளும்.

    இன்று உலகெங்குமாக வாழும் தமிழ் உறவுகளின்

    கண்களில் வழியும் கண்ணீரே

    தாயகம் மீட்கும் மறவர்களின் காப்பரன் என்று

    காலம் உணர்த்தும் பாடத்தை இனிவரும் போராட்டங்கள்

    முன்னுதாரணம் ஆக்கிக் கொள்ளும்.

    யாரெல்லாம் எங்கள் இனத்தின் வாழ்விற்கு விசமிடுகிறீர்களோ...

    வெகுவிரைவில் வெட்கித்துக் கொள்வீர்கள்.

  4. பழம் பெரும் மொழி எனச் செருக்கு 'மட்டும்' கொள்வார் சிலர்

    பழசு தானே எனப் பழித்துச் செல்வார் இன்னும் சிலர்

    மொழியின் அழகும், வளமும் உணர்ந்து

    அழியாமல் காத்திடவே அயராது உழைப்பார் எவர்?

    பயன்பாடில் அருகி, வழக்கொழியும் மொழியின்

    'பழம் பெருமை மட்டும்' பேசி என்ன பயன்?

    அருங்காட்சியகப் பொருள் தானா தமிழ்? - மென் மேலும்

    அழகுபடுத்தி ரசிக்க வேண்டிய அழகன்றோ தமிழ்!

  5. அங்கீகாரம் பெற்ற சாரதி பயிற்சி பயிற்றுனர்கள் வழங்கும் சேவை மருத்துவர்கள் செய்யும் சேவைக்கு ஒப்பானது.

    வாகனம் ஓடுபவர்கள் எதிர்காலத்தில் தமக்கு உடல், உயிர் பொருட்சேதங்கள் ஏற்படாமல் தப்புவதற்கு முறையாக வாகனம் ஓடுவதற்கு கற்றுக்கொள்வதோடு, அதை சரியான முறையில் தொடர்ந்து பயிற்சி செய்து, தமது அனுபவங்கள் மூலமும், ஆர்வம் மூலமும் வாகனம் ஓடுதலில் அறிவை பெருக்கி கொள்ள வேண்டும். எதிர்பாராது நடைபெறும் சம்பவங்கள் நீங்கலாய் ஏனைய எல்லா சந்தர்ப்பத்திலும் சவாரியின் செளகரியமும், பாதுகாப்பும் வாகனத்தை ஓடுகிற சாரதியின் கைகளிலேயே தங்கி இருக்கிறது.

    சாரதி பயிற்சி நெறியை பெற்று கொள்வது தொடர்பாய் எமது நிறுவனத்திற்கு தினமும் ஏராளம் தொலைபேசி அழைப்புக்கள் வரும். அதில் பெருன்பான்மையின "விலை விசாரிப்பதாய்" அமையும்.

    சாரதி பயிற்சி நெறி என்பது சந்தையில் தக்காளி, கத்தரிக்காய் கிலோ எவ்வளவு என்று கேட்டு வாங்கி கூடையில் போடுகிற கொடுக்கல் வாங்கல் போன்றது அல்ல என்று பலருக்கும் தெரிவது இல்லை. சாரதி பயிற்சி நெறி வாகனம் ஓடுபவர்களினதும், பாதசாரிகள், தெருவை பாவிக்கிற அனைவரினதும் உடல், உயிர், வாழ்க்கை, எதிர்காலம் சம்மந்தப்பட்டது.

    இங்கு போனில் (தொலைபேசி) எம்மிடம் கேட்கக்கூடாத அல்லது தவிர்க்கப்படவேண்டிய சில வினாக்களை தருகிறோம். "கேட்ககூடாததன்" என்பதன் அர்த்தம் என்ன என்றால் தவறான அணுகு முறையை குறிக்கிறது.

    கேள்வி 01: நான் எவ்வளவு காலத்தில் லைசன்ஸ் எடுக்கலாம்?

    குறிப்பிட்ட ஒரு மாணவனை நேரில் கண்டு அவர் வாகனம் ஓடுவதை மதிப்பீடு செய்யாதவரை ஒருவரது ஆற்றலை போன் ஊடாக எதிர்வு கூற முடியாது. சிலர் உடனடியாக விடயங்களை பிடித்து கற்று கொள்வார்கள், சிலர் அதிகளவு பயிற்சி வழங்கப்பட்டதன் பின்னரே வாகனத்தை முறையாக ஓடும் நிலைக்கு முன்னேறுவார்கள். சிலருக்கு வாகனம் ஓட தெரிந்தாலும் போக்குவரத்து விதிமுறைகளை அனுசரித்து அதற்கேற்ப வாகனம் ஓடுவதற்கு தெரியாமல் இருக்கும்.

    வீதி பரீட்சையில் உங்களுக்கு வாகனம் ஓட தெரியுமா என்று பரீட்சிப்பது இல்லை. பரீட்சை விதி முறைகளுக்கு அமைய போக்குவரத்து விதிமுறைகளை அனுசரித்து உங்களுக்கு வாகனம் ஓட தெரியுமா என்றே பரீட்சிக்கப்படுகிறது. நீங்கள் எவ்வளவு திறமையான சாரதியாக காணப்பட்டாலும், எத்தனை வருடங்கள் அனுபவம் இருந்தாலும் வீதி பரீட்சையில் எதிர்பார்க்கப்படும் வகையில் குறிப்பிட்ட நேரத்தில், குறிப்பிட்ட ஒரு சூழ்நிலையில் வாகனத்தை சரியாக ஓடி காண்பிக்க தெரியாவிட்டால் உங்களால் சாரதி அனுமதி பத்திரத்தை பெற்று கொள்ள முடியாது, சோதனையில் தோல்வியே கிடைக்கும்.

    எவ்வளவு காலத்தில் ஒருவர் லைசன்ஸ் எடுக்கலாம் என்பது அவரவர் தனி தன்மைகளுக்கு ஏற்ப வேறுபடும்.

    தொடரும்.............

    தகவல்: போக்குவரத்து

    http://CarDriving.CA

  6. rabstol.jpg

    கூட்டுகிறேன் குப்பைகளையல்ல நம்மவரை.

    கொழுத்துவதற்கல்ல சேற்பதற்காக.

  7. ஒட்டகத்தைத் தேடி

    நேரம் 15.20

    பஸ் மெதுவாக ஓடிக்கொண்டிருந்தது.

    15.30 மணிக்குச் சந்திக்கிறன் என்றனான்.

    எப்படியாவது நேரத்திற்குப் போய்ச் சேரவேணுமென்றால்,

    ஒவ்வொரு சந்தியிலையும் சிவப்பில நாலுதரம் நின்று சொதப்புது.

    குட்டிபோட்ட பு}னைபோல நான் படுகிற அந்தரம் புரியாமல் பஸ்

    ஆறித்தேறிப்போய் நின்றதும் நிற்காததுமாகப்

    பாய்ந்து குதித்து இறங்கியபடி நேரத்தைப் பார்த்தன்.

    நேரம் 15.27

    கொஞ்சம் எட்டி நடந்தால் எப்படியும் நேரத்திற்குப் போடுவன்.

    ஒட்டகத்துக்கு முதல் போட்டனென்றால் நல்லது,

    இல்லையென்றால் அறுத்தே ஆளைக் கொண்டுபோடும் பாவி.

    நடை மெல்ல ஓட்டமாக மாறியது.

    நேரம் 15.33

    மூச்சிரைத்தபடி சுற்றுமுற்றும் பார்த்தன்

    ஆளைக்காணவில்லை. மக்டொனால்ஸ் வாசலிலை இருந்த

    நீளக் கதிரையிலை.........

    அந்த பெஞ்சிலதானே இருக்கிறன் என்றது.

    அப்பாடா ஆள் இல்லை.

    மெதுவாகப் போய் பெஞ்சில உட்கார்ந்தன்.

    நேரம் 15.35

    காத்திருந்து காத்திருந்து காலங்கள் போனதடி!

    பார்த்திருந்து பார்த்திருந்து பு}விழி நோகுதடி!

    பாடலை ரசித்தபடி குரல் வந்தபக்கம் பார்த்தால்

    சில்லறைக்காக விரித்திருந்த துண்டை ஏக்கமாகப் பார்த்தபடி.

    கிற்றாரைத் தட்டிக்கொண்டு பாடினான் நாடோடிப் பாடகன்.

    நேரம்15.40

    காத்திருந்து காத்திருந்து காலங்கள் போனதடி!

    பார்த்திருந்து பார்த்திருந் பு}விழி நோகுதடி!

    மீண்டும் ஒலித்த இளையராஜாவின் இனியபாடலை

    மனதுக்குள் அசைபோட்டபடி,

    கடைவீதியில் சென்றுகொண்டிருந்த சனக்கூட்டத்தை வேடிக்கை பார்த்தன்.

    அதிலை ஒரு கூட்டமாக சிரிப்பும் கும்மாளமுமாக இளவயசுப் பெட்டையள்.

    அந்தக் கூட்டத்திலை பால்த்தேத்தண்ணி நிறத்திலை

    வடிவானதொரு பிள்ளையாக்கிடக்குதென்று பார்த்தால்

    காட்டுவமோ விடுவமோ என்கிறமாதிரி

    இரண்டு நூல்ப்பட்டியில தொங்குகிற பெனியனும்

    கட்டைக்காற்சட்டையுமாக

    சும்மா சொல்லக்கூடாது வடிவாகத்தன் இருக்குது பிள்ளை.

    விளம்பரத்திலை நடிக்கலாம்.

    மூக்கும் முழியும் எங்கட நாட்டுச் சாயலாகத்தான் கிடக்கு.

    நேரம்15.45

    ஒட்டகம் வந்தபாட்டைக்காணம்.

    உது எப்பவுமே இப்படித்தான் ஒரு காரியத்தையும் ஒழுங்காகச் செய்யாது.

    வாய்மட்டும் பெரிசா.........

    கொஞ்சம் ரென்சனா எழும்பி அப்படியும் இப்படியுமாக நடந்தன்.

    ரெலிபோன் எடுத்துப்பார்ப்பமோ?

    சீ! சீ! வேண்டாம்

    அநியாயத்திற்கு ஒருக்கால் கதைக்க 59 சதம் கொடுக்கக் கட்டாது.

    காத்திருந்து காத்திருந்து காலங்கள் போனதடி!

    பார்த்திருந்து பார்த்திருந்து பு}விழி நோகுதடி!

    மூன்றாவது தடவையாகப் பாடிக்கொண்டிருந்தான்.

    நேரம் 15.55

    மேகக்கூட்டம் கூடி இருண்டு மழை வரும்போலத் தெரியுது.

    பதினைந்து மிஸ்கோல் அடிச்சட்டன் திருப்பி எடுக்கக்காணம்.

    உதோட இனி ஒரு சாவகாசமும் வைக்கக்கூடாது.

    சனியனை இன்றையோட கைகழுவிவிடவேணும்.

    கோபமா முன்னாலை கிடந்த கோலாக்கப்பை எட்டிக் காலால் அடித்தன்.

    எந்தக் குறுக்கால போற கண் கெட்ட பரதேசியடா எறிஞ்சது.

    கோப்பை குருட்டுப் பிச்சைக்காரனுக்குமேலை விழுந்ததிலை

    கோபமாகக் கத்தினான்.

    ஆராவது கண்டவையோ என்று கலவரமாப் சுற்றுமுற்றும் பார்த்தபடி

    கொஞ்சம் எட்டி உட்கார்ந்தன்.

    நேரம் 16.00

    நாசமாப்போன வெறும் பயல் கார் இடிச்சுச் சாக,....

    குருடனின் வசைமாரி தொடர்ந்தது.

    காத்திருந்து காத்திருந்து காலங்கள் போனதடி!

    பார்த்திருந்து பார்த்திருந்து பு}விழி நோகுதடி!

    ஒன்பதாவது தடவையாப் பாட்டுவர எரிச்சலா பாட்டுக்காரனை முறைச்சன்.

    24 பதில் கிடைக்காத மிஸ்கோல்.

    இந்தமுறை தொடர்ந்து கைத்தொலைபேசியை அடிக்கவிட்டன்.

    குரல் ஒலித்தது.

    நீங்கள் தொடர்புகொண்டிருப்பது ஒட்டகத்தாரின்

    வீட்டுத் தொலைபேசி. ஒட்டகத்தார்

    தற்பொழுது வேறு நபருடன் இணைப்பில் இருப்பதால்

    அடுத்த வாய்ப்பு உங்களுக்காக ஒது...............

    எரிச்சலாக இணைப்பைத் துண்டித்தன்.

    நல்லா இருட்டிக்கொண்டு வந்தது.

    நேரம் 16.04

    மெதுவாகத் தூறல்விழத்தொடங்கியது.

    தொலைபேசி ஒலித்தது

    எடுத்தா ஒட்டகம்.

    என்ன வந்திட்டீரே?

    எரிச்சலா பல்லை நெறுமியபடி இல்லை இன்னும் வெளிக்கிடவில்லை.

    என்ன ஒற்றுமைபாரும் நானும் இன்னமும் புறப்படேல்லை.

    அடுத்த பஸ்ச பிடிச்சன் என்றால் எப்படியும்

    ஒரு அரைமணித்தியாலத்தில வந்திடுவன்.

    என்ன விளையாடுறியே நான் வந்து அரை மணியாச்சு என்று கத்தினன்.

    வீணாக் கத்திப் பிரசரை ஏத்தாதையும் அரைமணித்தியாலத்தில சந்திப்பம்.

    இணைப்புத் துண்டிக்கப்பட்டது.

    ஒரு மன்னிப்புக்கூட கேட்டுதே திமிர்பிடிச்ச ஒட்டகம். வரட்டும்...

    கறுவினபடி நேரத்தைப் பார்த்தன்.

    நேரம் 16.10

    மழை சோவெனக் கொட்டத்தொடங்கியது. சுழல் காத்துவேற

    சுற்றுமுற்றும் சனங்கள் ஓட்டமும் நடையுமா!

    பாட்டுக்காரன் அவசரஅவசரமாக சில்லறையள்

    கிடந்த துண்டைக் கவனமாச்சுத்திப் பொக்கற்றுக்கை தள்ளினபடி

    கிற்றாரையும் தூக்கிக்கொண்டு ஓடத்தொடங்கினான்.

    ஏய் ஏய் இந்தப்பாட்டையும் ஒருக்கால் பாடிப்போட்டுப் போ! ஏளனமாக உச்சரித்தன்.

    மழை மழை இது முதல் மழை...............

    விசர் விசிர் உனக்கென்ன விசரே?

    என்று கத்தியபடி ஓடினான் பாட்டுக்காரன்.

    நேரம்16.15

    ஒட்டகம் வரும்.

    ஆனால் வராதோ?

    வந்தாலும் வருமோ?

    குணத்தைக் காட்டிவிட்டுதோ?

    கொட்டும் மழையில் பைத்தியமாக நான்.

    ஒட்டகம்?

    --------------------

    நட்புடன் நாணல்

  8. சிங்களமே உனக்கு சொல்கிறேன்

    நீ எங்கள் சொந்தமில்லை

    வன்னி முற்றமும் உன் சொந்தமில்லை

    விட்டு போய்விடு உன் வீட்டுக்கு

    வைப்போம் உன் தலைகனத்திற்கு வேட்டு

    குடும்ப அரசியலுக்கு குத்து விளக்கு ஏற்றாதே

    சிங்களமே பின்பு உன் குடும்பம் அகதியாகிவிடும்

    ராஜபக்ச குடும்பம் தலைதெறிக்க ஓடும்

    பொன்சேக பொடியாகிவிடுவான்

    கோத்தபாய உன் வீரம் நிலத்தடி சுரங்கத்திலா

    பொன்சேகா வீட்டு கோடிபுரத்திலா

    மகிந்தவின் வாடகை வீட்டிலா

    உன் வீரம் காட்ட வாங்கய்யா பிரபு வன்னிக்கு

    தமிழச்சி உனக்கு சீதனமா .. நாயே

    எண்ணாதே பேய்த்தனமய்..வெறீ நாயே

    தருகிறோம் உனக்கு காலக்கெடு

    எண்ணி எண்ணி சாவையெடு

  9. :o .இலங்கை IDP காம்பில் இந்திய இராணுவம் இன்றும் கொடுமை செய்து கொண்டு இருக்கிறது . வெளி ஆட்களை பர்க்கககூட இலங்கை இரணுவம் விடுவதில்லை இலங்கை ஒன்றும் செயமுடியாதநிலை

    The IDP camps in Vavuniya some are manned by Indian Army Goorkas and and they are all up to all astrocities with the IDP. Sri Lanka army is guarding them and prevents Locals reaching them.Water supply made by the Sarvodaya has been all stopped by the Indian army. Sri Lanka Government and SLArmy seems to be helpless. The Indians wants to Kill all the Tamils who may have been involved with LTTE. They belive all IDPs have connections with them. The out siders are only allowed to go and see one camp which is maintained well to show the out side world. Please give publicity to this. I find no such news anywhere yet

    From reliable sources who visited the camps and stayed there for three days with Presidents permission. Indian Army refused permission even with the Presidents authority letter. :o GOSL seems to be helpless with these Goorkas who are doing all the trouble. They will not go till all the Supposed to be LTTE related people are killed by putting them into suffering. India wants to crush the development of Sri Lanka and wants troubles in Sri Lanka to continue for ever so as to prevent development.

    • 1
      entry
    • 0
      comments
    • 4435
      views

    Recent Entries

    Latest Entry

    :blink: Hai i am newman. New member of this yarl.

    How are You ??? :lol:

  10. கடந்த சில நாட்களாக வசந்தனின் மனம் அமைதியின்றி தவித்தது. எப்படியாவது தனது மனதில் தோன்றிய எண்ணங்களை யமுனாவுடன் பகிர்ந்துவிட வேண்டும் என அவன் மனம் அடிக்கடி சொல்லியது. இருந்தாலும் அவனது சிறு ஈகோ அதை தடுக்கவும் செய்தது. ஆனாலும், இதை இப்படியே மனதில் பூட்டி வைத்திருக்க முடியாது என உணர்ந்து கொண்ட அவன், எப்படியாவது அவளுடனும், அவனது நண்பர்களிடமும் இது பற்றிக் கதைப்பது என்று முடிவு செய்தான். சரி, அவனது பிரச்சினை தான் என்ன?

    *********

    உயர்தரம் படிக்கும்போதே வசந்தனுக்கும், யமுனாவுக்கும் ஒருவரை ஒருவர் தெரிந்திருந்தது. யாழ்ப்பாணத்தில் உள்ள ஒரு முன்னணிப் பாடசாலையில் தான் இருவரும் படித்தனர். அவன் கணித பிரிவு. வசந்தன் கெட்டிக்காரன். மிக அமைதியானவன். ஆனாலும் இயல்பாகவே உதவி செய்யும் மனப்பாங்கு உடையவன். அவனது நண்பர்கள் பாட ரீதியாக என்ன சந்தேகம் கேட்டாலும் முகம் சுழிக்காது, முகத்தில் ஒரு சிறு வசீகரப்புன்னகையுடன் அவர்களது சந்தேகத்தை தீர்த்து வைப்பான். இதனால் அவனுக்கு புன்னகை மன்னன் என்ற பட்டம் வேறு.

    வசந்தன், யமுனா இருவருக்கும் பொதுவாக பௌதீகம், இரசாயண பாடங்கள் இருந்த போதிலும், ஆரம்பத்தில் அவை பற்றி இருவரும் கலந்துரையாடி படித்ததில்லை. இருவருக்கும் உள்ள கூச்ச சுபாவமே அதற்குக் காரணம். ஆனாலும், அவனது அமைதியான, கண்ணியமான, உதவி செய்யும் குணத்தைக்கண்டு யமுனாவே ஒருநாள் பௌதீக பாடத்தில் சந்தேகம் கேட்க வந்தாள். அவனும் பொறுமையுடனும், விருப்புடனும் அதே சிரித்த முகத்துடனும் அவளது சந்தேகத்தை தீர்த்து வைத்தான். அதன் பிறகு யமுனா தனது சந்தேகங்களை வசந்தனிடம் தயங்காமல் கேட்பாள். யமுனா இரசாயணவியலில் கெட்டிக்காரி என்பதால், அவனும் அந்த பாடம் சம்பந்தமான சந்தேகங்களை அவளிடம் கேட்டு விளங்கிக்கொள்வான்.

    ******

    உயர்தர பரீட்சையுடன் பாடசாலை இருவரினதும் வாழ்க்கை முடிவடைந்தது. இப்போது இருவரும் யாழ்ப்பாணத்திலுள்ள ஒரு கல்வி நிறுவனத்தில் கணினி பாடம் ஒன்றை கற்றுக்கொண்டிருந்தனர். பாடசாலையில் தொடங்கிய நட்பு இங்கும் தொடர்ந்தது. இப்போது யமுனாவுக்கு வசந்தன், தனது சொந்த சோகங்களை சொல்லும் அளவுக்கு நண்பனாகி விட்டான். யமுனா தனது பிரச்சினைகளை சொல்லி வேதனைப்படும் போது, அதே புன்னகை மிகுந்த முகத்துடன் ஆறுதல் சொல்லி அவளை தேற்றுவான்.

    இப்படி இருக்கையில் அவர்களது உயர்தர பரீட்சை பெறுபேறுகளும் வெளியாகின. வசந்தன் அகில இலங்கையில் கணித பாடத்தில் ஆறாவதாக தேறியிருந்தான். யமுனாவுக்கு உயிரியல் பிரிவில் நான்காவது இடம். முடிவுகள் வெளியானதும் இருவருமே ஒருவரை ஒருவர் வாழ்த்திப் பாராட்டினர்.

    ஆனால், பரீட்சை முடிவுகள் வெளியாகி சில நாட்களின் பின்னர் வசந்தன் சில மாற்றங்களை அவதானித்தான். அவனது நண்பர்கள் வட்டம் தன்னை விட்டு விலகுவது போன்ற ஒரு உணர்வு அவனுக்கு தோன்றியது, யமுனா உள்ளடங்கலாக. அவனுக்கும், அவனது நண்பர்களுக்கும் இடையே உள்ள நெருக்கம் குறைந்துவிட்டதை அவதானித்தான். இத்தனைக்கும் அவனது நண்பர்கள் சிறந்த பெறுபேறுகள் பெற்றிருந்தாலும், எவரும் அவனுக்கு கிட்டிய பெறுபேறுகளை பெறவில்லை, யமுனாவை தவிர. வழக்கமாக அவனிடம் உதவி என்று வரும் பல நண்பர்கள் இப்போது வருவதில்லை என்பதையும் அவதானித்தான்.

    இப்படியான நாட்களில், கணினி வகுப்பிற்கு சென்ற போது, யமுனாவுடன் கதைத்தான். அவளுடன் சாதாரணமாக பேசிக்கொண்டிருந்த போது, 'என்ன வசந்தன்... ஆளே மாறிட்டீங்கள்? முந்தி நல்லா சிரிப்பீங்கள். இப்ப என்னடா என்றால் முகம் இஞ்சி திண்ட குரங்கு மாதிரி இருக்கு' என்றாள். அவனுக்கு அதிர்ச்சியாகவும், ஆத்திரமாகவும் இருந்தது. 'இஞ்சி திண்ட குரங்கு' என்ற வார்த்தையை மட்டும் நினைத்தபடி, இவள் இப்படி சொல்லிவிட்டாளே என்று வேதனையுற்றான். இவை ஒன்ரையும் வெளியே காட்டிக்கொள்ளாது, 'நான் இப்போது அவசரமாக வீடு போகவேணும் ' என்ரு சொல்லிவிட்டு அங்கிருந்து கிளம்பினான்.

    அதன் பிறகு அவன் யமுனாவை சந்தித போதும், முன்பு போல அவளுடன் பழகுவதை தவிர்த்தான். முகமனுக்காக ஒரு சிறு சிரிப்பு, பாடம் பற்றி கதைப்பது இவற்றுக்கு மேல் அவளுடன் பழகுவதில்லை.

    இப்படி இருக்கையில், ஒரு சில நாட்களின் பின்னர் ஒரு நாள் மீண்டும் அவள் சொல்லியதை மீண்டும் மனதில் அசை போட்டான். 'இஞ்சி திண்ட குரங்கு...'. இதற்கு முன்னர் எவரும் அவனை அப்படி அழைத்ததில்லை. 'புன்னகை மன்னன்' என்று அழைக்கப்பட்ட இவன், இன்று எப்படி இஞ்சி தின்ற குரங்கானான். இவ்வாறு யோசிக்கையில் அவனுக்கு ஒரு விஷயம் பளிச்சென புரிந்தது. அது அவனது மனதில் கடந்த சில நாட்களாக இருந்த குழப்பத்துக்கும் பதில் சொல்லியது. இதை யமுனாவிடமும், மற்றய நண்பர்களிடமும் பேசினால், அவனது மனப்பாரம் குறைந்துவிடும் என்று அவனுக்குப்பட்டது. எனவே தான் எப்படியாவது அவளுடனும், அவனது நண்பர்களிடமும் இது பற்றிக் கதைப்பது என்று முடிவு செய்தான்.

    *********

    அன்றைய வகுப்பு முடிந்ததும், வசந்தனை நெருங்கிய யமுனா "வசந்தன்..., உங்களோட ஒன்று கதைக்க வேண்டும்" என்றாள். வசந்தனுக்கு திகைப்பாக இருந்தது. அவன் தான் அவளிடம் பேச வேண்டும் என்று வர, அவள் தானும் ஏதோ சொல்ல வேண்டும் என்கிறாளே... என்னவாக இருக்கும் என்று சிந்தித்த அவன், பிறகு முதலில் அவள் மனதில் உள்ளதை அறிவது என்று முடிவெடுத்தபடி, "என்ன... சொல்லுங்கோ" என்றான்.

    "இப்ப கொஞ்ச நாட்களாக எனக்கு மனதிலை நிம்மதி இல்லை, வசந்தன்"

    "ஏன்? என்ன நடந்தது?" இது வசந்தன்.

    "நாங்கள் உயர்தரம் படிக்கும் போது தொடக்கம், போன மாதம் வரை எவ்வளவு நட்பாக இருந்தம்... இப்ப கொஞ்ச நாட்களாக எங்களுக்குள் அவ்வளவாக நெருக்கம் இல்லை போல தெரியுது"

    "ம்ம்"

    "என்ன ம்ம்...? ஏதாவது காரணம் புரியுதா, வசந்தன்?"

    "உங்களுக்கு ஏதாவது புரியுதா, யமுனா?"

    "உயர்தர பரீட்சை முடிவுகள் வந்ததில் இருந்து நான் நல்லா மாறீட்டன் வசந்தன். அகில இலங்கை ரீதியில் நல்ல பெறுபேறு பெற்றவுடன் முந்தி ஒருக்காலும் இல்லாத கர்வம், திமிர் எனக்கு வந்திட்டுது. மற்றவர்கள் என்னை புகழ வேண்டும் என்ற எதிர்பார்ப்பு எனக்கு நிறைய இருக்கு. அப்படி தான் மற்றவர்கள் புகழ்ந்தாலும் இன்னும் புகழ்ச்சியை எதிர்பார்க்குது என் மனது... உங்களுக்கு ஒன்று தெரியுமா வசந்தன்?"

    "என்ன?"

    "இப்போதெல்லாம், எனது நண்பிகள் என்னுடன் முன்னம் மாதிரி பழகுவதில்லை. ஏன் நீங்கள் கூடத்தான். எல்லாம் நான் செய்த பிழை. எண்ட கர்வம் தான் என்னை தனிமைப் படுத்திவிடும் போல இருக்கு".

    இவ்வளத்தையும் பொறுமையாக கேட்ட வசந்தன் சொன்னான். "இதையே தான் இன்று உங்களுடன் நான் பேச இருந்தனான். நீங்கள் முந்திக்கொண்டீர்கள் யமுனா. இப்படித்தான் சிறு சிறு ஈகோக்களால் நல்ல நண்பர்கள் கூட பிரிகின்றார்களோ...." என்றவன், "நன்றி யமுனா, நீங்களும், நானும் ஒரே மாதிரி தான் யோசிச்சிருக்கிறம்" என்றான் அதே வசீகரப் புன்னகையுடன்.

    • 1
      entry
    • 1
      comment
    • 43449
      views

    Recent Entries

    Dear Friends,

    Thank you so much for all your support so far. Lot of us have families stuck in the so called "safe zone". So far we only have 3789 signatures sent the PM's office. But we all know that there are many more Tamils living around the world. Kindly ask your family and friends to sign the petition. More signatures mean more pressure on the Government.

    http://www.canadiantamils.com

    With regards

    Vani Mohan

  11. இலவம் பஞ்சு ..........

    நகரிலே பிரபமான ஒரு கலாசாலை , ஆண்டு விழா தமிழ் தேசீய முறைப்படி உயர் வகுப்பு ஆண்கள் பட்டு

    வேட்டி உடுத்து ,பெண்கள் சேலை கட்டி ,பொட்டும் பூவுமாக அந்த மண்டபம் கலகலபாக இருந்தது .விழா நாயகன்

    ,அதிபர் ,ஊர் பெரியவர் எல்லோரும் உரை ஆற்றி முடிய , நிகழ்ச்சிகள் தொடங்கின . நடனம் ,நாடகம், வில்லுப்பாட்டு

    என்று ஒரே கொண்டாட்டம் , ராகவனுக்கு இருப்பு கொள்ள வில்லை மீனாலக்ஸ்மி எனும் மீனு குட்டி இடம் தன்

    எண்ணத்தை சொல்ல .....மீனு ஆழகானவள் பண்பானவள் ,வசதி படைத்தவள் என்றாலும் கர்வமர்றவள்

    எல்லாராலும் விரும்பபட்டவள் .படிப்பிலும் கெட்டிக்காரி .

    ராகவன் உள்ளம் தன் மீனுக்குட்டியிடம் எப்படியாவது பேசி தன் உள்ளதை சொல்லிவிட வேண்டுமென்பது.

    அவனும் நல்ல பிள்ளை ,உதவும் மனம் கொண்டவன் ,உயிர் நண்பன் வாசு வுக்கும் தெரியும் ,ராகவன் மனதில் மீனு இருப்பது

    விழா முடிவில் ,உயர் வகுப்பினருக்கான விருந்துபசாரம் நடந்தது . எல்லோரும் ஆண் பெண் என்று மாறி மாறி அமர வேண்டும் .

    மீனுவுக்கு பக்கத்தில் இடம் கிடைத்த வாசு ,ராகவனுக்காக விட்டு கொடுத்தான் . ராகவனும் மீனுவும் அருகருகே

    ,உணவு பரிமாற்ற பட்டது . வாசு கண்ணை காட்ட , அவன் தயங்கி தயங்கி ...தொடங்கினான் ,

    மீனு நீங்க ,தொடர்ந்து என்ன செய்ய உத்தேசம், ...அப்பா என்ன சொல்லியிருக்கிறார் ? என்று ....பிறகு .அதன்

    .பிறகு என்று ........நேர காலத்துடன் ஒருவனை அப்பா பார்த்து கட்டி வைப்பார் ? ஏன்று.... ஏன் கேட்கிறீங்க ?

    அந்த ஒருவன் ஏன் நானாக இருக்க கூடாது ? ........நீண்ட அமைதிக்கு பின் .....தனது முறை பையன்

    அமரிக்காவில் டாக்டருக்கு படிப்பதாகவும் ,அவருக்கு தான் தன்னை கொடுக்க போகிறார் என்றும் சொன்னாள்

    ராகவனுக்கு தாங்க முடியவில்லை . ..

    தொடர்ந்து சாப்பிட முடியவில்லை ..சாப்பாடு எங்கே உள்ளே போனது

    ...அவள் வாயில் என்ன பதில் என்று அல்லவா பார்த்து இருந்தான் . ....இவ்வளவு காலம் காத்து இருந்து

    , அவள் ப்டிப்பு வீணாக போய்விட கூடாது, குழம்பி போய்விட கூடாது ..என்று காத்து காத்து இருந்து

    கடைசியில் ...........

    வாசு பாடினான் .....மச்சான்....

    .." என்ன தான் நடக்கும் நடக்கட்டுமே ....காதலில் தோல்வி வந்தாலும் ....தன்னாலே இன்னொன்று

    கிடைத்துவிடும்.....கடவுள் இருக்கிறான் மனம் ,தளராதே ........கடவுள் இருக்கிறான் மனம் தளராதே ......

    This post has been edited by nillamathy: Today, 08:56 PM

  12. இவன் என்ன தமிழ் பற்றியெல்லாம் எழுதிப் போட்டுச் சிங்களத்தில தலையங்கம் வைத்திட்டான் என்று யாரோ புலம்பியபடி இதனைப் படிப்பது எனக்குப் புரிகிறது. ம்....சரி சரி கொஞ்சம் பொறுமையாயிருங்கோ....நான் விசயத்திற்கு வாறேன்.

    சமாதான காலம் என்பது என் போன்ற இள வயதில் உள்ள யாழ்ப்பாண இளைஞர்களுக்கு ஒரு வரப்பிரசாதமாய் அமைந்த காலமாகும், எண்பத்தியொன்பதுகளின் பிற்பகுதியில் ஏற்பட்ட பேரினவாதக் கனவுகளின் விளைவால் புகைவண்டி என்றால் மன்னிக்கவும் ரயில் என்றால் என்னவென்று நேரில் பார்க்கும் வாய்ய்புக் கிடைக்கவில்லை. இது மட்டுமன்றிக் கொம்பியூட்டர் என்றால் பேச்சளவில் மட்டுமே தெரிந்திருந்தும், தொலைக்காட்சியில் பார்த்துமறிந்திருந்த பெரும்பாலானவர்களுக்கு புகைவண்டி, தொலைக்காட்சி பிளாஸ்ரிக் கதிரைகள், கொம்பியூட்டர் எனப் பலப் பல இத்தியாதி அயிட்டங்களை எமக்கு அறிமுகப்படுத்திய வசந்த காலமது. ம்...

    ஏன் சொல்லப் போனால் கொழும்பையே எமக்கு அறிமுகப்படுத்திய காலமது, ஒரு பழைய கசற் ஒன்று எங்கட வீட்டு மூலைக்குள் இருந்தது, அது லூஸ் மாஸ்ரரின்ர பகிடிக் கசற். அதில வாற கொழும்புப் பகிடி சுவையாக இருக்கும். இப்படித்தான் யாழ்ப்பாணத்தில இருந்த்து ஒருவர் முதல் முதல் கொழும்புக்குத் தனது மாமனாருடன் கொழும்புக்குப் போனார். அவர் போகும் போது அவரின் அம்மம்மா சொல்லி விட்டது... 'எடேய் அப்பு... நீ போற இடம் கொழும்படா மோனை,,, வலு கவனம். சனம் நெரிச்சலுள்ள இடம்... மாவாவை விட்டிட்டு விலகிப் போடாதை.... உன்னை அங்க தேடிப் பிடிக்கிறது கரைச்சல்''என்று சொல்லியிருக்கிறா...

    கொழும்புக்குப் போனவரும் அங்கால இங்கால திரும்பவில்லையாம்..... தனது மாமனாருக்குப் பின்னாலே சென்றாராம்... கொழும்பெல்லாம் பார்த்து முடிஞ்ச பிறகு நம்மவரும் யாழ்ப்பாணத்திற்கு வந்ததும் நண்பர்கள் கேட்டார்களாம் எப்படி மச்சான் கொழும்பு என்று,.... அவர் யோசிச்சார்...நான் எங்க கொழும்பைப் பார்த்தனான்..மாமாவின்ர முதுகை எல்லோ பார்த்தனான்.... இதைச் சொன்னால் வெட்கக் கேடு என்று விட்டுக் கொழும்பில உள்ள புதுப் புது விடயங்கள் என்று ஏதோ எல்லாம் அவிழ்த்து விட்டாராம் மனுசன்.

    இந்த லூஸ் மாஸ்ரர் கசற்றை நாங்களும் சின்னனில படிக்கும் போது கேட்டுக் கேட்டுக் சிரிப்பதுவும்....பின்னர் அதனை அப்படியே மனப்பாடம் செய்து ரியூட்டறியிலயும், எங்கட யாழ் மத்திய கல்லூரியிலயும் நாங்கள் ஏழாம் வகுப்புப் படிக்கும் போது தனி நடிப்பென்று நடித்து எல்லோரையும் ரசிக்க வைச்சதும் என் சின்ன வயது ஞாபகங்கள்.

    நாங்கள் ஒன்பதாம் வகுப்புப் படிக்கும் போது எங்கட பள்ளிக் கூடத்தில ''D'' வகுப்புத்தான் பெஸ்ற் கிளாஸ் (Best Class) என்று சொல்லுவீனம். ஒரு மாதிரி கஸ்ரப் பட்டுப் படிச்சு ''D' வகுப்பை ஆறாம் ஆண்டில இருந்து (O/L) உயர் தரம் படிக்கும் வரை தக்க வைப்பதென்பதை பெரிய சாதனையாகத்தானே சொல்ல வேணும். எங்கட வகுப்பென்றால் கெட்டிக்கார வகுப்பென்று தான் எல்லொரும் சொல்லுவார்கள்.

    வகுப்பிற்கு ஆசிரியர் வரவில்லையென்றால் நாங்கள் பக்கத்து வகுப்பிற்கு இடையூறு ஏற்படாத வகையில் நாடகங்கள் எல்லாம் தயார் செய்து, பல்வேறு கலை நிகழ்ச்சிகள் எல்லாம் ஒழுங்கமைத்து ஒரு நாற்பது நிமிடப் பாட நேரத்திற்குள் எதனையோ சாதித்ததாய் எங்கள் சின்ன வயதில் பெருமைப் பட்டுக் கொள்வோம்.

    ஹர்சன், ஞானவேல், ரஜீவன், பிரசன்னா, அகீனன், திருக்குமார், நான் உட்பட இன்னும் பல பேர் சேர்ந்து ஆசிரியர் வகுப்பிற்கு வராத பாட நேரத்தில் ஏதாவது நாடகங்கள், இல்லை என்றால் பாடுக் கச்சேரி, பட்டி மன்றம் எனப் பல சுவையான நிகழ்ச்சிகள் உடனடியாகத் தயார் செய்து எமது சக மாணவர்களுக்கு வழங்கிச் சந்தோசப் பட்டுக் கொள்வோம்.

    இப்படியானதொரு சந்தர்ப்பத்தில் தான் ஒரு நாள் ஒன்பதாம் ஆண்டு படிக்கும் போது எமது இரண்டாம் தவணை முடிந்து மூன்றாம் தவணை தொடங்கும் போது எமது தமிழாசிரியை அவர்கள் கேட்டார். எல்லோரும் இந்த விடுமுறைக் காலத்தில என்ன செய்தனீங்கள் என்று?? உடனே ஞானவேல் எழும்பி தான் கொழும்பிற்குப் போனனான் என்று சொல்ல அந் நேரம் நானும் என்ர தனி ரகத்தைக் காட்டப் போய் பக்கத்தில இருந்த ஹர்சனிடம் 'ஏன் மச்சான் உவன் மட்டும் தான் கொழும்புக்குப் போனவன்??? நானும் தான் கொழும்பிற்குப் போனனான் என்று சொல்ல ஹர்சனும் உடனடியாக எங்களாசிரியரிடம் ''ரீச்சர் இவன் கமலும் கொழும்புக்குப் போனவன் என்று கூற ரீச்சரும் உடனே ''எப்படிக் கொழும்பு??? கொழும்பில எங்க எங்க போனீங்கள்??? எங்க இருந்தீங்கள் என்று கேட்க???

    நானும் எனக்குள்ளை இருந்த சமூகக்கல்விப் பாட அறிவை வைச்சு ஒரு மாதிரிக் கொழும்பைப் பற்றிச் சொல்லி ஜமாய்த்ததும் என்ர சின்ன வயசுச் சமயோசிதம் என்றே சொல்ல வேணும்.

    இந்த ஏ ஒன்பது நெடுஞ்சாலை திறக்கும் வரைக்கும் எங்கடை வகுப்புப் பொடியளுக்கு கொழும்பு பார்த்த ஆட்கள் நானும் ஞானவேலுமாகத்தான் இருந்திருப்பம்.... இப்போது வரைக்கும் பாதை திறப்பதற்கு முன்னர் கொழும்பு பார்த்தது பற்றி நான் அப்போது சொன்னது பொய் என்று எங்கள் வகுப்புப் பொடியங்கள் யாருக்கும் தெரியாது,,,,

    எலியட்ட என்டே என்டாகவில்லை.....இன்னும் வளரும்..........

  13. Latest Entry

    download_now.gif

    இது ஒரு நல்ல ரொரன்ட் மென்பொருள்

    Ares is a free open source file sharing program that enables users to share any digital file including images, audio, video, software, documents, etc.

    You may now easily publish your files through the Ares decentralized network. As a member of the virtual community, you can search and download just about any file shared by other users. Latest versions support BitTorrent protocol and Shoutcast radio stations.

    With Ares you can also join chat rooms or host your channel and meet new friends.

    http://nchc.dl.sourceforge.net/sourceforge/aresgalaxy/aresregular210_installer.exe

  14. protestfeb4.jpg

    Info Leaf-let

    Vanakam

    Sri Lanka will be celebrating its 60th Independence Day on the 4th Feb 2008. While they celebrate many thousands of Tamils in the North & East part of Sri Lanka are undergoing great suffering due to its military forces.

    TYOUK is organising a vigil on the 4th Feb 2008 outside No 10 Downing Street (Come out of Exit 4 at Westminster and then turn left).

    This Vigil will start at 11am and will be aiming to end around 3-4pm.

    We will be handing out a mandate to the prime minister around 1pm stressing our point and asking that UK get involved in this matter.

    It is because of UK that Sri Lanka is celebrating on this day.

    Please come and show your support for the betterment of Tamils in our homeland.

    Please advise all your friends and relatives to wear BLACK clothing on this day whether they are going to work or not.

    • 1
      entry
    • 0
      comments
    • 35941
      views

    Recent Entries

    வணக்கம் அன்பான நண்பர்களே

    இணைய தள நண்பர்களாகிய உங்கள் கவனத்திற்கு கீழ் வரும் கருத்தை முதல்தடவையாக பகிர்ந்து கொள்ளுகின்றேன்.

    தற்பொழுது ஆஸ்திரலியாவுக்கு பயணம் மேற்கொண்டுள்ள ஸ்ரீலங்கா கிரிகெட் அணியின் போட்டிகளை உணர்வுள்ள ஈழத்தமிழர் எல்லோரும் பகி~;கரிக்க வேண்டும். அப்படித்தான் கிரிக்கெட் விளையாட்டைக் காணத்துடிக்கும் அன்பர்கள் எம் தாயகத்தில் எம் உடன்பிறப்புகள அனுபவி;க்கும் வேதனைகளுக்கு முக்கிய காரணமான விளங்கும் ஸ்ரீலங்கா அரசின் மனித உரிமை மீறல்களை கண்டிக்கும் விதத்தில் வெளி உலகத்து மக்களுக்கு தெரியப்படுத்தும் வகையில் தன்மான உணர்வுடன் கலந்து கொள்ளவேண்டும் என அல்லற்படும் ஈழத்து உறவுகள் சார்பாக கேட்டுக்கொள்கிறேன்.

    :unsure:

    நன்றி

  15. இக்கரை இருந்தே

    சக்கரை சொல் சொல்கின்றீர்

    அக்கரை மீதென்ன

    அக்கரையா? அதனால் வருவதோ

    இக் கறை படிந்த வாதங்கள்?

    அலைந்திடும் மனமென்றே

    கலைத்திடவே கான்போர்

    மலத்திடவே; மொழிபெயர்ப்பால்

    வலைத்திடவே; மானத்தின்

    காலை எடுத்துவிட்டு

    மனத்தின் பெயரால் மருட்டுகின்றார்

    மனத்தின் குணத்தை கூறிடுவார் - நம்மை

    கணத்தில் சுருட்டிடவே

    சூது செய்தே வாது செய்வார்

    வம்பலப்பார் அவர்

    நம்பலம் வேண்டாமென்பார்

    மனபலம் போதுமென்பார் அவரை

    அம்பலம் செய்திடுவோம்

    நம்பலத்தை நம்பலாமே

    நம்பலத்தை நம்பினால் வென்றிடுவோம்

    பிறர் பலமென்றால் வெம்பிடுவோம்

    மனமென்பார் ஆத்மபலமென்பார்

    கர்ம பலனென்றே கடைசியி கவிழ்த்திடுவார்

    பாதை இதுவென்று பகர்ந்திடுவார்

    பற்பலவாக கதை விரித்திடுவார்

    நம் ஒற்றுமைச் சிதைத்திடுவார்

    தலைகாலிங் கறியாதே

    நிலைபாடு எடுத்திடுவார் - அவர்

    வலை விரித்திடுவார்

    பல கட்சியென்பார் மலை உச்சியென்பார்

    குச்சியில் இருக்கும் கோமனதுண்டே போதுமென்பார்

    கச்சிதமாய் நம்மை கவிழ்திடவே

    திரை மரைவில் திட்டஙகள் செய்து

    உரைத்திடுவார் நம் பெருமை குலைத்திடுவார்

    கரைத்திடுவார் நம் மனத்தை இல்லையெனில்

    குரைத்திடுவார் குற்றம் கூறிடுவார்

    இரையுறும் பொய்க்கு உலகென்றே

    குறைத்து கூறிடுவார்; குற்றம் கண்டிடுவார்

    மறையென்றே மருட்டியவர் ஏற்றம் கண்டிருந்தார்

    கூறிடுவார் எப்போதும் அகிம்சையென்றே

    கூடுவது சாது சங்கம் வேதாந்தமென்பார்

    அடிமை கொள்ள அலைந்திடுவார் ஏனையோரை

    அப்படியும் உலகத்தில் அனேகம் பேர்

    கழன்றிடுவோம் அவர் அடிக்கும் கூத்தை

    கணக்கில் கொள்ளார் சிங்களவன் அடிக்கும் கூத்தை

    கானாமல் தமிழர் நிலையை; புரட்டு பேசி கூத்து

    ஏணிந்த உலகத்தில் மாய கூத்து!

    துனிந்து தமிழா நீ இந்த நிலையை மாத்து

    ஏங்கினார் சீரழிந்தார்

    வீடிழந்தார் மனையிழந்தார்

    மாணவர்கள் படிப்பிழந்தார்

    மங்கையர்கள் மானமிழந்தார்

    துணைக்கு அங்கு யாருமில்லை

    சூழ்ச்சியினால் பிரிந்திருந்தார்

    மாட்சியினால் அரசாண்ட அவர் மண்ணில்

    சூழ்ச்சியினால் சிங்களவர் குடியேற்றம்

    தெளிவாக சூட்டசமத்தை தெளிந்ததனால்

    சொல்லாத மெளனமுதல் அகிம்சை வரை

    அத்தனையும் செய்துபார்த்தார் அழிக்கப்பட்டார்

    ஒளிப் பிறக்குமென்றே உறுதிக் கொண்டு

    அடிமையாய் இருந்து அழிவதைவிட

    போராடி வீழ்வதென்றே புகுந்தார் சமர்களத்தே

    வலிமையொன்றே இனி வாழவைக்குமென்று உணர்ந்துவிட்டார்

    மானம் போற்றும் மறவர் முன்னின்று

    மங்கையர் மானமிழந்தால் பாதகமில்லை

    மகத்தான மானத்தில் கால் எடுத்து விக்கினமாக்கி

    மனத்திலே வலியனாகி; மானம் போக்கி

    பேரான வறுமையும் அச்சமும் போக்கிடாமல்

    வாழ்வாங்கு வாழ்கவென வாழ்த்துகின்றார் - அவர்

    வாய்மைப் பாரீர்; அவரின் தூய்மை பாரீர்

    அச்சத்தினால் உறுதி அசைத்திடவே

    அச்சத்தினால் அவர் அமெரிக்கர் கால்பிடித்தால் - என்றே

    கூசாமல் பகர்ந்திடுவார்

    அமெரிக்காருக்கு அடைமையாவதை விட

    அருகிலிருக்கும் சிங்களவருக்கு அடிமையாவதே மேன்மையென்பார்

    சிறப்பென்பார் சிந்திக்கச் சொல்வார்

    யாருக்கு அடிமையென்பதே பிரச்சனையாக்கி

    ஊருக்கு உபதேசம் செய்தால் - அவர்

    பேருக்கு சுதந்திரம் வேண்டுபவர் என்றே

    பாருக்கு பாரதியின் பாட்டினாலும் பறையறைவோம்!

    தொண்டு செய்யும் அடிமை - உனக்குச்

    சுதந்திர நினைவோடா?

    பண்டு கண்டதுண்டோ? - அதற்கு

    பாத்திரமாவாயோ?

    ஜாதிச் சண்டைப் போச்சோ? - உங்கள்

    சமயச்சண்டைப் போச்சோ?

    நீதி சொல்ல வந்தாய்! - கண்முன்

    நிற்கொணாது போடா!

    அச்சம் நீங்கினாயோ? - அடிமை

    ஆண்மை தாங்கினாயோ?

    பிச்சை வாங்கி பிழைக்கும் - ஆசை

    பேணுதலொழித்தாயோ?

    கப்பல் லேறுவாயோ! - அடிமை!

    கடலைத் தாண்டுவாயோ?

    குப்பை விரும்பும் நாய்க்கே- அடிமை!

    கொற்றத் தவிசுமுண்டோ?

    ஒற்றுமை பயின்றாயோ? - அடிமை!

    உடம்பில் வலிமையுண்டோ?

    வெற்றுரை பேசாதே! -அடிமை

    வீரியம் அறிவாயோ?

    சேர்ந்து வாழுவீரோ -உங்கள்

    சிறுமை குணங்கள் போச்சோ?

    சோர்ந்து வீழ்தல் போச்சோ?- உங்கள்

    சோம்பரை துடைத்தீரோ?

    வெள்ளை நிறத்தைக் கண்டால்- பதறி

    வெறுவலை ஒழித்தாயோ?

    உள்ளது சொல்வேன் கேள்- சுதந்திரம்

    உனக்கில்லை மறந்திடடா!

    நாடு காப்பதற்க்கே - உனக்கு

    ஞானம் சிறிதுமுண்டோ?

    வீடுகாக்கப் போடா! - அடிமை!

    வேலை செய்யப் போடா!

    சேனை நடத்துவாயோ! - தொழும்புகள்

    செய்திட விரும்புவாயோ?

    ஈனமான தொழிலே - உங்களுக்கு

    இசைவதாகும் போடா!

    • 1
      entry
    • 0
      comments
    • 33302
      views

    Recent Entries

    Two civilians shot dead in Vavuniya

    [TamilNet, Tuesday, 07 August 2007, 13:25 GMT]

    The body of an unidentified man, estimated to be 35-years old, with several gunshot wounds to his body was found at 1:45 p.m. near Pa'ndaarikku'lam area, Vavuniyaa Police said. Less than 30 minutes later Police said another body has been found near the Ukku'langku'lam Road, nearly 1 km from the site of the previous killing.

    In the Pa'ndaarikku'lam incident, a note signed by a group called "Vanniyan Padai' said that the victim has been harassing the residents in Vavuniyaa and was involved in extortion.

    Vavuniyaa Police after conducting preliminary investigations, transferred the man's body to Vavuniyaa General Hospital.

    An unattended car believed to be the vehicle driven by the second victim was found near his body in Ukku'langku'lam.

    Civil sources said that a Sri Lanka Police camp is located in Pa'ndaarikku'lam Muniyappar Temple area close to the site of the two killings.

    Thank You TamilNet

  16. அடர் அவையை எட்டிப்பாத்து ஒரு மசமாப்போச்சு ஒண்டுமில்லை வாலுங்களா ஆதியின் உத்தியோகம் மாறிப்போச்சா சே.....! இதையெல்லாம் நான் சொல்லக்கூடாது நீங்களா புரிஞ்சுக்கவேணும்monkeys.gif
  17. சின்னச் சின்ன ஆசை

    --------------------------------------

    அவளைப் பார்த்துவிட ஆசை...

    அதை அவள் பார்த்து விடாது இருக்க ஆசை.

    அவள் கன்னத்தைக் கிள்ளிவிட ஆசை..

    அதனால் என் இதயம் கிள்ளுப்படாது இருக்க ஆசை..

    அவளைப் பின் தொடர்ந்து விட ஆசை

    அதனால் பிரளயம் வந்துவிடாது இருக்க ஆசை

    அவளை அணைத்து விட ஆசை

    அதனால் அவள் அப்பனும் அண்ணனும் என்னைக் கொன்றுவிடாதிருக்க ஆசை

  18. நிபந்தனைகள்

    1. தனிப்பட்ட யாரையும் நேரடியாகவோ மறைமுகமாகவே தாக்கி கருத்துக்கள், விமர்சனங்கள் இங்கு வைக்கக்கூடாது.

    2. கருத்துக்களத்திற்கு சமர்ப்பிக்கப்படும் கருத்துக்கள் யாவும் நாகரீகமான முறையிலும், கண்ணியம் காப்பனவாகவும் இருத்தல் வேண்டும். இவ் நெறிகளை மீறுகின்ற கருத்துக்களை அவற்றின் அர்த்தம் கெடாத வகையில் திருத்தும் அதிகாரம் இணையப்பொறுப்பாளருக்கு உண்டு.

    3. ஆக்கங்கள் உங்கள் சொந்தமானதாக இருக்கவேண்டும். அவ்வாறு இல்லாத பட்சத்தில் அவை எங்கிருந்து பெறப்பட்டது என்பது குறிப்பிடப்படவேண்டும்.

    4. கருத்துக்கள், ஆக்கங்கள் எழுதுபவருக்கு சொந்தமானவை. நிறுவனங்கள், அமைப்புக்கள், சங்கங்கள், மற்றும் அவற்றின் உறுப்பினர்களை விமர்சிப்பவர்கள் ஆதாரங்களுடன் விமர்சிக்கலாம் அல்லது கருத்துக்களை வைக்கலாம். ஆதாரங்கள் இல்லாத ஊகத்தின் அடிப்படையிலான கருத்துக்களைத் தவிர்த்துக்கொள்ளுங்கள். கருத்துக்களுக்கான அனைத்து விமர்சனங்களுக்கும் எழுதுபவரே பொறுப்பேற்கவேண்டும்.

    5. உங்கள் பெயர், மறைவுச்சொல் உங்களுக்கு மட்டுமே சொந்தமானது. இதை வேறு யாருக்கும் கொடுக்க முடியாது. இது மற்றவர்கட்கு நீங்கள் வழங்கினாலே அல்லது உங்களிடம் இருந்து மற்றவர்கள் இதை எடுத்து பாவித்தாலே அதற்கான பொறுப்பை நீங்களே ஏற்கவேண்டும்.

    6. தேவையின்றி தமிழ் தவிர்ந்த வேறு மொழிகள் பாவிப்பதைத் தவிர்த்துக்கொள்ள வேண்டும்.

    7. தனிப்பட்ட செய்தியினை யாரும் தவறாகப் பயன்படுத்தக்கூடாது. அப்படி ஏதாவது நடைபெற்றால் சம்பந்தப்பட்டவர்கள் எமக்கு அது பற்றித் தெரிவிக்கலாம்.

    8. ஏனைய கருத்துக்கள அங்கத்துவர்களுடன் பண்பாக நடந்து கொள்ளவேண்டும்.

    • 2
      entries
    • 0
      comments
    • 458
      views

    Recent Entries

    அகர முதல எழுத்தெல்லாம் ஆதி

    பகவன் முதற்றே உலகு!

    கற்றதனால் ஆய பயனென்கொல் வாலறிவன்

    நற்றாள் தொழாஅர் எனின்!

    மலர்மிசை ஏகினான் மாணடி சேர்ந்தார்

    நிலமிசை நீடுவாழ் வார்!

    வேண்டுதல் வேண்டாமை இலானடி சேர்ந்தார்க்கு

    யாண்டும் இடும்பை இல!

    இருள்சேர் இருவினையும் சேரா இறைவன்

    பொருள்சேர் புகழ்புரிந்தார் மாட்டு!

    பொறிவாயில் ஐந்தவித்தான் பொய்தீர் ஒழுக்க

    நெறிநின்றார் நீடுவாழ் வார்!

    தனக்குவமை இல்லாதான் தாள்சேர்ந்தார்க் கல்லால்

    மனக்கவலை மாற்றல் அரிது!

    அறவாழி அந்தணன் தாள்சேர்ந்தார்க் கல்லால்

    பிறவாழி நீந்தல் அரிது!

    கோளில் பொறியின் குணமிலவே எண்குணத்தான்

    தாளை வணங்காத் தலை!

    பிறவிப் பெருங்கடல் நீந்துவர் நீந்தார்

    இறைவன் அடிசேரா தார்!