எனது மகனுக்கு குடியுரிமை இல்லையா? கனடா அரசின் மீது வழக்கு தொடுக்கும் தந்தை

[பெருமாள்]

எனது மகனுக்கு குடியுரிமை இல்லையா? கனடா அரசின் மீது வழக்கு தொடுக்கும் தந்தை [ சனிக்கிழமை, 25 ஏப்ரல் 2015, 11:44.47 மு.ப GMT ] கனடா நாட்டில் வசித்து வரும் சிறுவனுக்கு குடியுரிமை மறுக்கப்பட்டுள்ளதை தொடர்ந்து, அவருடைய தந்தை அந்த அரசின் மீது வழக்கு தொடர உள்ளதாக செய்திகள் வெளியாகியுள்ளன.

கனடாவில் உள்ள Ontario மாகாணத்தை சேர்ந்தவர் பால் காம்ப்டன் (Paul Compton, 45). இவருக்கு இரண்டு ஆண் குழந்தைகள் உள்ளனர்.

கடந்த 2009ம் ஆண்டு கனடா அரசு குடியுரிமை சட்டத்தில் சில திருத்தங்களை நடைமுறைப்படுத்தியது.

இதன் மூலம், 2009ம் ஆண்டிற்கு பிறகு வெளிநாட்டை சேர்ந்த பெற்றோர்களுக்கு பிறக்கும் இரண்டாவது குழந்தைக்கு கனடா குடியுரிமை கிடைக்காது என அரசு அறிவித்திருந்தது.

இந்த புதிய சட்டம் Paul Compton குடும்பத்தை பெரிதும் பாதித்துள்ளது. பால் காம்ப்டனின் முதல் மகன் 2009ம் ஆண்டிற்கு முன்னர் பிறந்ததால், அவருக்கு கனடா குடியுரிமை கிடைத்தது.

ஆனால், காம்ப்டனின் இரண்டாவது மகனான Mateo (5), 2009ம் ஆண்டிற்கு பிறகு இரண்டாவது வாரிசாக பிறந்ததால், அவருக்கு கனடா குடியுரிமை மறுக்கப்பட்டுள்ளது.

இதனை எதிர்த்து தற்போது Ontario மாகாண அரசின் மீது வழக்கு தொடர்ந்து அதனை நீதிமன்றத்திற்கு கொண்டுவர காம்ப்டன் தீவிர நடவடிக்கையில் ஈடுபட்டுள்ளார்.

இதன் முதற்கட்டமாக, குடியுரிமை மற்றும் புலம்பெயர்தல் துறை அமைச்சரான கிரிஸ் அலெக்ஸாண்டருக்கு (Chris Alexander) தனது வழக்கறிஞர் மூலம் கடந்த வெள்ளிக்கிழமை கடிதம் ஒன்றை அனுப்பியுள்ளார்.

அதில், ’தனது இரண்டாவது மகனின் குடியுரிமை தொடர்பாக அமைச்சர் விளக்கம் அளிக்க 10 நாட்கள் அவகாசம் அளிக்கிறேன் என்றும், அமைச்சர் அதற்குள் பதில் அளிக்கவில்லை என்றால், அரசின் மீது வழக்கு தொடர்ந்து நீதிமன்றத்திற்கு வரவழைப்பேன் எனவும் அதிரடியாக கூறியுள்ளார்.

காம்ப்டனின் வழக்கறிஞரான Cecil Rotenberg கூறுகையில், இந்த குடியுரிமை விவகாரத்திற்கு உரிய பதில் அளிப்பது அமைச்சரின் கடமை.

ஒருவேளை, அவர் தகுந்த பதில் அளிக்காவிட்டால், நாங்கள் நீதிமன்றத்தில் பார்த்துக்கொள்கிறோம் எனக் கூறியுள்ளார்.

மேலும், காம்ப்டனின் மூத்த மகன் குடியுரிமையுடனும், இளைய மகன் குடியுரிமை இல்லாமல் இருக்கும் நிலையை ஏற்றுக்கொள்ள முடியாது எனவும் காம்ப்டனின் வழக்கறிஞர் திட்டவட்டமாக தெரிவித்துள்ளார்.

காம்ப்டனின் கனடிய பெற்றோர்கள் ஸ்காட்லாந்தில் இருந்தபோது, அந்நாட்டில் காம்ப்டன் பிறந்ததாலும், பணி நிமித்தமாக பெரு நாட்டிற்கு சென்றிருந்தபோது அங்கே இளைய மகன் பிறந்த காரணத்தினாலும் அவருக்கு குடியுரிமை வழங்க கனடா அரசு மறுத்துள்ளது.

இதனை தொடர்ந்து, கனடாவிற்கு திரும்பிய காம்ப்டன் தனது பெரு நாட்டை சேர்ந்த மனைவிற்கும், இளைய மகனிற்கும் நிரந்தர குடியுரிமை கோரி அரசிடம் விண்ணப்பித்தார்.

அரசிடம் விண்ணப்பம் செய்து ஒரு வருடத்திற்கு மேல் ஆகியும் எந்த நடவடிக்கையும் எடுக்கப்படாததால், தற்போது அரசின் மீது வழக்கு தொடக்க காம்ப்டன் முடிவு செய்துள்ளார்.

கனடா அரசின் குடியுரிமை சட்ட திருத்தத்தை ஆதரித்து பேசிய அரசு செய்தி தொடர்பாளரான Kevin Menard கூறுகையில், காம்ப்டனின் கோரிக்கை விண்ணப்பத்தை விசாரிக்கும் நாள் நெருங்கி விட்டதாகவும், கனடா நாட்டின் குடியுரிமை என்பது சலுகை மட்டுமே தவிர அது ஒருவரின் உரிமை அல்ல எனவும் தெரிவித்துள்ளார்.

தமிழ்வின்

[வாத்தியார்]

கனடாவில் குடியுரிமைச் சட்டம் சிக்கலானது போல் இருக்கின்றது.
இருந்தாலும் இத்தனை குடியேற்றவாசிகளை அனுமதிக்கும் கனடா
தனது சொந்த நாட்டுக் குடியானவனின் பிள்ளைக்குக் குடியுரிமையை மறுப்பது அபத்தமானது

[இசைக்கலைஞன்]

ஒரு குடும்பத்தில் இரண்டாவது தலைமுறைப் பிள்ளையும் வெளிநாட்டில் பிறந்திருந்தால் தானாகவே அப்பிள்ளைக்கு கனேடிய குடியுரிமை கிடைக்காது என்று 2009 இல் சட்டத்தை மாற்றியுள்ளார்கள்.

இந்த காம்ப்டன் ஸ்கொட்லாந்தில் பிறந்துள்ளார். இவரது பெற்றோர்கள் அங்கே படித்துக் கொண்டிருந்தபோது இது நடந்துள்ளது.. (ஹ்ம்ம்.. படிப்பை மட்டும் கவனித்திருக்கலாம்.. )

பிற்பாடு கனடாவில் வளர்ந்து ஒரு குழ்தைக்குத் தந்தையாகிவிட்ட விட்ட காம்ப்டன் பெரு நாட்டுக்கு சென்றுள்ளார்.. அங்கு ஏன் சென்றார் என்று தெரியவில்லை.. ஆனால் அங்கே ஒரு பெண்ணைக் கண்டுபிடித்து தனது இரண்டாவது பிள்ளையைப் பெற்றுள்ளார்.

இந்தப் பிள்ளையின் குடியுரிமை விண்ணப்பத்தை பரிசீலித்துக் கொண்டுள்ளது கனடா அரசாங்கம். ஆனால் இவர் குடியுரிமை அமைச்சரை ஏதாவது சொல்லு என்று அவசரப்படுத்துறார்..

[தமிழ் சிறி]

காம்டன்.... போற இடமெல்லாம், விதை போட்டுக் கொண்டு போகின்றார்.

[ராசவன்னியன்]

காம்டன்.... போற இடமெல்லாம், விதை போட்டுக் கொண்டு போகின்றார்.

 

முதல் குழந்தையின் தாயும், இரண்டாவது குழந்தையின் தாயும் வேறு வேறா?

 

அப்படி செய்தியில் இல்லையே?

 

[தமிழ் சிறி]

முதல் குழந்தையின் தாயும், இரண்டாவது குழந்தையின் தாயும் வேறு வேறா?

 

அப்படி செய்தியில் இல்லையே?

 

-----

பிற்பாடு கனடாவில் வளர்ந்து ஒரு குழ்தைக்குத் தந்தையாகிவிட்ட விட்ட காம்ப்டன் பெரு நாட்டுக்கு சென்றுள்ளார்.. அங்கு ஏன் சென்றார் என்று தெரியவில்லை.. ஆனால் அங்கே ஒரு பெண்ணைக் கண்டுபிடித்து தனது இரண்டாவது பிள்ளையைப் பெற்றுள்ளார்.

 

செய்தியை மட்டும் வாசித்து விட்டு, சிவனே.... என்று இருக்கப் படாது வன்னியன்.  

பின்னூட்டங்களையும்.... உன்னிப்பாக வாசிக்க வேண்டும்.  

இப்படியான... செய்திகளின், பின்னூட்டங்களில் தான்... சுவராசியமான தகவல் கிடைக்கும்.

[ராசவன்னியன்]

செய்தியை மட்டும் வாசித்து விட்டு, சிவனே.... என்று இருக்கப் படாது வன்னியன்.  

பின்னூட்டங்களையும்.... உன்னிப்பாக வாசிக்க வேண்டும்.  

இப்படியான... செய்திகளின், பின்னூட்டங்களில் தான்... சுவராசியமான தகவல் கிடைக்கும்.

 

நல்ல யோசனை.. !

 

நேரமிருக்கும்போது இப்படியான பின்னூட்டங்கள் அனைத்தும் வாசிக்கிறேன்.   

 

நன்றி சிறி.