தேர்தலில் தோற்றால் உடனடியாக ஜனாதிபதி வீடு செல்ல வேண்டும் - ஐ.தே.க

[Athavan CH]

எதிர்வரும் ஜனவரி மாதம் நடைபெறவுள்ள ஜனாதிபதி தேர்தலில் தோல்வியை தழுவினால் ஜனாதிபதி மஹிந்த ராஜபக்ஸ உடனடியாக வீடு செல்ல வேண்டுமென ஐக்கிய தேசியக் கட்சியின் பாராளுமன்ற உறுப்பினர் விஜயதாச ராஜபக்ஸ தெரிவித்துள்ளார்.

ஜனாதிபதி மஹிந்தவின் இரண்டாம் தவணைக்கான ஆட்சிக் காலத்தில் இரண்டு ஆண்டுகள் எஞ்சியுள்ள போதிலும் வேறும் ஓர் வேட்பாளர் வெற்றியீட்டினால், உடனடியாக பதவியை விட்டு விலக நேரிடும் என அவர் அவர் சுட்டிக்காட்டியுள்ளார்.

எதிர்க்கட்சிகளின் பொது வேட்பாளரது காரியாலயத்தில் நடைபெற்ற ஊடகவியலாளர் சந்திப்பில் பங்குபற்றிய போது அவர் இதனைக் குறிப்பிட்டுள்ளார்.

அரசியல் சாசனத்தின் 31(4) சரத்தின் அடிப்படையில் புதிய ஜனாதிபதி ஒருவர் தெரிவு செய்யப்பட்டு 14 நாட்களில் பதவிப் பிரமாணம் செய்து கொள்ள வேண்டுமென அவர் சுட்டிக்காட்டியுள்ளார்.

சில பௌத்த பிக்குகள் ஜனாதிபதி மஹிந்த தேர்தலில் தோற்றாலும் இரண்டு ஆண்டுகள் ஆட்சி செய்வார் என பிழையான கருத்துக்களை மக்கள் மத்தியில் முன்வைத்து வருவதாகக் குற்றம் சுமத்தியுள்ளார்.

தேர்தலில் தோல்வியடைந்தால் எவ்வித பிரச்சினையும் இன்றி பதவியை விட்டு விலகுவதாக ஜனாதிபதி மஹிந்த ராஜபக்ஸ, கார்தினால் மெல்கம் ரஞ்சித் ஆண்டகைக்கு அண்மையில் வாக்குறுதி அளித்திருந்தார் என விஜயதாச ராஜபக்ஸ சுட்டிக்காட்டியுள்ளார்.

எவ்வாறெனினும் தேர்தலை எப்படியாவது வெற்றி கொள்ளும் நோக்கில் அரசாங்கம் பாரியளவில் தேர்தல் விதி மீறல்களில் ஈடுபட்டு வருவதாகக் குற்றம் சுமத்தியுள்ளார்.

 

http://www.globaltamilnews.net/GTMNEditorial/tabid/71/articleType/ArticleView/articleId/114556/language/ta-IN/article.aspx

ஜனாதிபதி மஹிந்த வென்றாலும் பதவியேற்கார்

 

2015ஆம் ஆண்டு ஜனவரி மாதம் 8ஆம் திகதி  நடைபெறும் ஜனாதிபதி தேர்தலில், ஜனாதிபதி மஹிந்த ராஜபக்ஷ வெற்றியீட்டினாலும் உடனடியாக அவர் சத்தியப்பிரமாணம் செய்துகொள்ளமாட்டார் என்று தெரிவிக்கப்படுகின்றது.

 

ஜனாதிபதி மஹிந்த ராஜபக்ஷ வென்றால், மூன்றாவது பதவிக் காலத்துக்கான பதவியேற்பு சத்தியப்பிரமாணத்தை 2015ஆம் ஆண்டு நவம்பர் 19ஆம் திகதி  செய்துகொள்வார். 

 

சல குழுவினர் கூறுவது போல இரண்டாவது பதவிக்காலத்துக்கான 6 வருடங்கள் முடிந்த பின்னர் அல்ல என அரசாங்கம்  நேற்று புதன்கிழமை கூறியது.

 

ஜனாதிபதி ராஜபக்ஷ வெற்றி பெற்றதும் பதவியேற்கக்கூடாது. அவர், ஐந்து வருடங்களுக்கு முன்னர் தனது இரண்டாவது பதவிக் காலத்துக்கான பதவியேற்ற தினமான நவம்பர் 19இலே தான் பதவியேற்பார் என அமைச்சர் டிலான் பெரேரா, ஸ்ரீ லங்கா சுதந்திரக் கட்சியின் தலைமையகத்தில் நேற்று நடைபெற்ற ஊடகவியலாளர் மாநாட்டில் கூறினார்.

 

ஜனவரி 8இல் மைத்திரிபால வெற்றி பெற்றால், என்ன நடக்குமென ஊடகவியலாளர் ஒருவர் கேட்டபோது, 'ஜனாதிபதி மஹிந்த ராஜபக்ஷ மக்கள் தீர்ப்புக்கு தலைவணங்கும் தலைவர்' என அவர் கூறினார்.

 

முன்னாள் ஜனாதிபதி சந்திரிகா பண்டாரநாயக்கவின் பதவிக்காலம் தொடர்பில் பிரச்சினை எழுந்தபோது இந்த விடயத்தில் உயர்நீதிமன்றம் ஒரு தீர்ப்பைக் கொடுத்துள்ளது.

 

நிறைவேற்று ஜனாதிபதியின் பதவிக்காலம் தொடர்பாக எழும் பிரச்சினைகளுக்கு முன்னாள் பிரதம நீதியரசர் வழங்கிய தீர்ப்பு பிரயோகிக்கப்படும் என அவர் கூறினார்.

 

http://www.tamilmirror.lk/pirasitta-seithi/136121-2014-12-18-04-27-53.html

[satan]

அளாப்பி எல்லாம் விளையாடக்கூடாது உடனடியா திடலை விட்டு வெளியேறிட வேணும். அடுத்த கதையில்லை.