24 hours

Showing topics posted in the last 1 days.

This stream auto-updates   

  1. Past hour
  2. மெரினா போராட்டக் களத்தின் கடைசி நிமிடங்கள்: லாரன்ஸ் விளக்கம் ராகவா லாரன்ஸ் | படம் உதவி: ராகவா லாரன்ஸ் முகநூல் பக்கம். மாணவர்கள் மீது தடியடி நடத்தப்பட்டது வருத்தமாக உள்ளது என்று மெரினா போராட்டக் களத்தின் கடைசி நிமிடங்களை லாரன்ஸ் பகிர்ந்துகொண்டார். இது தொடர்பாக சென்னை மெரினாவில் செய்தியாளர்களிடம் நடிகர் ராகவா லாரன்ஸ் கூறியதாவது: ''பாரம்பரிய விளையாட்டை நாம் விட்டுக் கொடுக்கக் கூடாது என்பதே இந்தப் போராட்டத்துக்கான முக்கிய நோக்கம். இந்தப் போராட்டத்துக்கு மாணவர்கள் மிகப் பெரிய அளவில் ஆதரவு அளித்தனர். மாணவர்களின் இந்த ஆதரவு உலக அளவில் பேச வைத்தது. மாணவர்கள் கலந்துகொண்ட பின்பு அவர்களது பெற்றோர்களும் இந்தப் போராட்டத்தில் பங்கேற்றனர். அது மிகப் பெரிய மகிழ்ச்சியை அளித்தது. போராட்டத்துக்கான ஆதரவு, அதிகரிக்க அதிகரிக்க நிச்சயம் ஜல்லிக்கட்டும் நடைபெறும் என்ற நம்பிக்கையும் உருவானது. நம்முடைய முக்கிய கோரிக்கை என்ன? ஜல்லிக்கட்டு நடத்துவதற்கான தடையை நீக்க வேண்டும் என்பதுதானே.. அதற்கு முதல்படியாக அறப்போராட்டத்தில் ஈடுபட்டு நமது அரசசாங்கத்துக்கு நமது நிலைப்பாட்டை வெளிப்படுத்தினோம். வன்முறையில் ஈடுபடுவது போராட்டத்தின் நோக்கம் அல்ல. கடந்த ஏழு நாட்களாக நான் இங்கு இருக்கிறேன். மாணவர்களிடம் இந்தப் போராட்டம் இருக்கும்வரை பிரமாதமாக போய் கொண்டிருந்தது. ஜல்லிக்கட்டுக்காக மட்டுமே மாணவர்கள் கஷ்டப்பட்டு போராடினர். மாணவர்களும், அவர்களது பெற்றோர்களும் ஜல்லிக்கட்டுக்காகவே தொடர்ந்து போராடினர். அரசாங்கத்திடமும் இதையே வலியுறுத்தினோம். அரசாங்கம் நம் போராட்டத்தின் வலிமையை உணர்ந்தவுடனே மத்திய அரசை அணுகினர். அதன்பின் ஜல்லிக்கட்டு நடத்துவதற்கு அவசர சட்டம் கொண்டு வந்துவிட்டோம் என்று சொன்னார்கள். சொன்னவுடம் ஒத்துக் கொண்டோமா? மாணவர்கள் ஒத்துக் கொண்டார்களா? எங்களுக்கு அவசர சட்டம் எல்லாம் வேண்டாம். ஜல்லிக்கட்டு நடத்துவதற்கு நிரந்தர தீர்வு வேண்டும் என்று வலியுறுத்தினோம். இந்த வருடம் ஜல்லிக்கட்டு நடத்திவிட்டு, அடுத்தவருடம் ஜல்லிக்கட்டை பார்க்க முடியாமல் எங்களால் இருக்க முடியாது. என் குழந்தை, பேரன் என அனைவரும் பார்க்க வேண்டும். எல்லோரும் ஜல்லிக்கட்டை பார்க்கும்வரை இந்தக் கூட்டம் கலையாது என்று சொன்னோம் இதுதான் நேற்றிரவுவரை இருந்தது. மாணவர்களிடத்தில் போராட்டம் இருக்கும்வரை போராட்டத்தில் ஒரு கட்டுப்பாடு இருந்தது. திடீரென்று சம்பந்தமே இல்லாமல் வேறொன்றைத் திணிக்க ஆரம்பித்தார்கள் போராட்டத்தின் உள்ளே. நாங்கள் ஒரே நிலைப்பாட்டில் இருந்தோம். நமக்கு தேவை ஜல்லிக்கட்டு. அதுதான் மாணவர்கள் மற்றும் தமிழக மக்களின் ஆசையும்கூட. நேற்றிரவு எனக்கு உடல் நிலை சரியில்லாமல் போனதால் மருத்துவமனைக்குச் சென்றேன். எனினும். என் மனசெல்லாம் இங்கேதான் இருந்தது மாணவர்கள் அங்கு என்ன செய்து கொண்டிருகிறார்களோ என்று. இன்று காலை 6 மணிக்கு நான் எழுந்திருக்கிறேன். மாணவர்கள் மீது தடியடி நடத்தப்படுகிறது. மாணவர்கள் ஓடுகிறார்கள். பெண்கள் மீது தாக்குதல்கள் நடத்தப்படுகின்றன. என்ன நடக்கிறது என்று புரியவில்லை. உடனே நான் மருத்துவமனையிலிருந்து வண்டியை எடுக்கச் சொல்லி கிளம்பினேன். வரும் வழியிலேயே என் அம்மா என்னை செல்ல வேண்டாம் என்று கேட்டுக் கொண்டார். இருப்பினும் நான் சென்றேன். ஆனால் என்னை மெரினாவுக்குள் செல்ல அனுமதிக்கவில்லை. இந்தக் கலவரம், பிரச்சினைகளை எல்லாம் மாணவர்கள் செய்ய மாட்டார்கள். மாணவர்களைப் பற்றி எங்களுக்கு தெரியும். வேறு அமைப்புகள்தான் உள்ளே சேர்ந்து மாணவர்களின் பெயரை சொல்லி கலவரங்களில் ஈடுபடுகின்றனர். இந்தப் போராட்டத்தை ஆரம்பித்தவர்கள் இங்கு இருக்கிறார்கள். அவர்களிடம் கேட்டேன் இதற்கு நிரந்தரத் தீர்வு வேண்டும் என்று கூறினேன். ஆளுநரே அவசர சட்டத்தில் கையெழுத்திட்டுவிட்டார் நிரந்தர தீர்வு வந்துவிட்டது என்று கூறினர். எனக்கு மிகுந்த மிகிழ்ச்சியாகவும் இருந்தது. இதனை மாணவர்களிடத்தில் புரிய வைக்கலாம் என்று கேட்டதற்கு, அப்போது உள்ளே அனுமதிக்க முடியாது என்று கூறினார்கள். நிரந்தரத் தீர்வு கிடைத்துவிட்டது. மெரினாவில் ஏழு நாட்கள் நாம் கஷ்டப்பட்டோம். இப்போது நமக்கு வெற்றி கிடைத்திருக்கிறது இதனை நாம் மகிழ்ச்சியாக கொண்டாட வேண்டும். எல்லோரையும் வரச் சொல்லி சந்தோஷமாக கொண்டாட வேண்டிய தருணத்தில் இப்படி கலவரங்கள் நடந்து கொண்டிருப்பதை கண்டு மாணவர்களிடத்தில் இதைக் கூற வேண்டும் என்று நினைத்தேன். கடந்த இரண்டு மணி நேரமாக நானும் போராடினேன் ஆனால் முடியவில்லை. அதன்பிறகு எப்படியோ நான் உள்ளே வந்து சேர்ந்துவிட்டேன். நிரந்தரத் தீர்வு வந்துவிட்டது. நாம் வெற்றி பெற்றுவிட்டோம். இதனை மகிழ்ச்சியாக மாணவர்களிடம் கூறி, கொண்டாடுவதற்கு கேக் எல்லாம் ஆர்டர் செய்தார்கள். நான் மாணவர்களிடத்தில் இதனைப் பற்றி விளக்கும்போது அவர்கள் அதை கவனமாகத்தான் கேட்டுக் கொண்டிருந்தார்கள். திடீரென்று சிலர் சம்பந்தமே இல்லாமல் எழுந்து குரல் எழுப்பினர். இது வேண்டும்! அது வேண்டும் என்று குரல் எழுப்பினர். அவ்வாறு குரல் எழுப்பியது மாணவர்கள் அல்ல. மாணவர்களிடத்தில் ஜல்லிக்கட்டு நிரந்தரமாக நடைபெறுவதற்கு நடவடிக்கை எடுத்ததற்கு தமிழக அரசுக்கும், முதல்வர் ஓ.பன்னீர் செல்வத்துக்கும், பிரதமர் மோடிக்கும் நன்றி தெரிவித்து இதனை மகிழ்ச்சியாக கொண்டாட வேண்டும் என்று கூறினேன். இங்கு போரட்டத்தில் கூடிய அனைவருக்கும் ஒவ்வொரு கனவு இருக்கும். அவர்கள் படிக்க வேண்டும், வேலைக்குச் செல்ல வேண்டும். நமது கோரிக்கை நிறைவேற்றப்பட்ட பிறகும் தொடர்வது தவறான பாதையாகும். மாணவர்கள் ஆளுநர் கையெழுத்திட்ட ஆவணத்தைக் கேட்டனர். ஆனால் எங்களுக்கு அளிக்கப்பட்ட ஆவணத்தில் கையெழுத்து இல்லை. எங்களுக்கு கிடைத்த வெற்றியை இன்று கொண்டாட நினைத்ததே எங்களது நோக்கமாக இருந்தது. ஆனால் அதற்கு முன்னதாகவே மாணவர்கள் மீது தடியடி நடத்தப்பட்டது வருத்தமாக உள்ளது'' என்று லாரன்ஸ் கூறினார். http://tamil.thehindu.com/tamilnadu/மெரினா-போராட்டக்-களத்தின்-கடைசி-நிமிடங்கள்-லாரன்ஸ்-விளக்கம்/article9497569.ece
  3. ஓவர் எமோஜி ஆகாது! முன்னாடி எல்லாம் யாருக்காவது பிறந்தநாள்னா கேக் வெட்டுவாங்க, ஸ்பிரே அடிப்பாங்க. முக்கியமா, வெட்டுற கேக்கை நமக்கும் கொடுப்பாங்க. இப்போ அப்படியா பாஸ் பண்றாங்க? எல்லாக் கொண்டாட்டத்தையும் வாட்ஸ்-அப்லேயே முடிச்சிடுறாங்க. இல்லைனா, விதவிதமான பிளானோட கெளம்பிடுறாங்க. என்னதான் பண்றாங்கனு எட்டிப் பார்க்கலாமா? வாட்ஸ்அப்-ல ஸ்கூலுக்கு ஒரு குரூப், காலேஜூக்கு ஒரு குரூப், ஆபீஸுக்கு ஒரு குரூப்னு ஆயிரெத்தெட்டு குரூப்பை கிரியேட் பண்ணி வெச்சிருப்பாங்க (கழுத... காசா, பணமா?). ஒரு அப்பாவியை அட்மின் ஆக்கி, ‘இவனைச் சேர்த்துவிடு, அவனைச் சேர்த்துவிடு’னு குனியவெச்சுக் குத்துவாங்க. அந்த குரூப்ல ஒருத்தனுக்குப் பிறந்தநாள்னா சொல்லவா வேணும்? குரூப்ல எப்பவும் ஆக்டிவா இருக்கிற ஒருத்தன், ‘இவனை வாழ்த்துங்கள் ஃபிரெண்ட்ஸ்!’னு ஆரம்பிக்கிறதுதான், டாஸ்மாஸ்கைத் தொறந்ததும் திமுதிமுனு புகுந்து வர்ற கூட்டம் மாதிரி, ‘வாழ்த்துகள்’ வார்த்தையைக் காபி பேஸ்ட் கொடுத்துக் கொத்து புரோட்டா போடுவாங்க! ஒருத்தன் பிறந்தநாள் பேபியோட போட்டோவைத் துழாவித் தேடுவான். எத்தனையோ நல்ல போட்டோ இருக்கும். கேவலமான முடிஞ்சா, படுகேவலமான ஒரு போட்டோவை எடுத்து குரூப்புக்கு வால்பேப்பரா வைப்பான். குரூப்போட பேரும் ‘பிறந்தநாள் வாழ்த்துகள்’னு மாறிடும். ஒரே நேரத்துல நாலைஞ்சு பேருக்குப் பிறந்தநாள் வந்து, நாலைஞ்சு குரூப்புமே ‘பிறந்தநாள் வாழ்த்துகள்’னு பெயரை வெச்சுக் கொழப்புற கெரகம் பிடிச்ச அனுபவம் பலருக்கும் நடந்திருக்கும். காலையில ‘ஹாப்பி பர்த்-டே’னு ஆரம்பிக்கிற ஒருத்தன், மணிக்கொரு முறை ஹாப்பி பர்த்-டே சொல்லிச் சொல்லி நடுநிசி வரை... சம்பந்தப்பட்ட நண்பனோட நெஞ்சைப் பிராண்டுற சம்பவமும் பல இடங்களில் பரவலா நடந்துக்கிட்டு இருக்கு. ‘ஹாப்பி பர்த்டே’ மெசேஜைப் பார்த்துப் பார்த்தே வெறுத்துப்போற ஒருத்தன்தான், ‘எங்கே, எத்தனை மணிக்கு ட்ரீட்?’னு கெளப்பிவிடுவான். கூடவே, ‘கேக் வெட்டுறோம். ட்ரீட்டைத் தூக்குறோம்’னு ஒரு கோஷ்டி நோட்டைப் போட்டுக் கெளம்பி பணம் வசூலிக்கும். 500 ரூபாய் கேக் வாங்குறதுக்கு, 50 பேர்கிட்ட 1000 ரூபாய்க்கு ஊழலைத் துவக்கியிருப்பான் இன்னொருத்தன். சில நல்லவர்கள், விதவிதமா கேக் படங்களை கூகுள்ல தேடி அனுப்புறதோட சரி. என்னக் கொடுமை? ‘பர்த்டே பேபி’னு பாசமா கூப்பிடுறாங்களேனு பதட்டமாயிடாதீங்க பாஸ். காலையில டீக்கடையில கணக்கு ஆரம்பிச்சு, டிபன், டின்னர் வரைக்கும்... நீங்கதான் அன்னிக்குப் பலிகடானு அர்த்தம். எமோஜியில கேக் வெட்டி, கேக் பீஸ் எமோஜியை எல்லோருக்கும் ஊட்டிவிட்டு, மொத்த ட்ரீட்டையும் எமோஜிக்களால் முடிக்கிற வழக்கமும் இங்கே உண்டு. மோடி, டிஜிட்டல் இந்தியானு சொன்னது இதை இல்லைடா!
  4. வள்ளியம்மன் பாலம் g இந்த இடத்தில் இருந்து பார்த்தால் தெரியும் கதிர்காமத்தில் உள்ள ஏழு மலை
  5. பேசும் படங்கள்: மெரினாவில் உணர்வால் மிரளவைத்த பாட்டி மெரினாவில் ஜல்லிக்கட்டு போராட்டத்தில் ஈடுபட்டிருந்த இளைஞர்கள், மாணவர்களை போலீஸார் திங்கள்கிழமை காலை வலுக்கட்டாயமாக வெளியேற்றினர். இதனால் கடலுக்குள் இறங்கி போராட்டக்காரர்கள் தங்கள் போராட்டத்தை அறவழியில் தொடர்ந்தனர். கடற்கரையில் மனிதச் சங்கிலி அமைத்து போராட்டக் களத்தில் இளைஞர்களும் மாணவர்களும் அமைதி காத்தனர். மெரினாவுக்குள் யாரும் நுழைய முடியாத அளவுக்கு அனைத்து வழிகளையும் போலீஸார் அடைத்தனர். இந்தச் சூழலை அறிந்த மெரினா கடற்கரையைச் சுற்றியுள்ள குடிசைப் பகுதிகளில் வசிக்கும் மீனவர்களும் பெண்களும் உடனடியாக கடற்கரையை நோக்கி படையெடுத்தனர். சமாதானப் பேச்சு தொடங்கும் வரை, அங்கு இளைஞர்களுக்கு பாதுகாப்பு அரணாகவே அவர்கள் இருந்தனர். அப்போது, ஆவேசம் அடைந்த ஒரு பாட்டி உணர்ச்சிமயமாக வெகுண்டெழுந்து காவல் துறை நடவடிக்கைக்கு எதிராக களத்தில் இறங்கினார். அவரது உணர்வுபூர்வ செயல்பாடுகளைக் கண்டு போலீஸார் திகைத்தனர். போராட்டக் களத்தில் இருந்த இளைஞர்களோ அந்தப் பாட்டியிடம் நெகிழ்ச்சியோடு கண்ணீர்மல்க நன்றி தெரிவித்தனர். அதில் ஓர் இளைஞர் நெடுஞ்சான் கிடையாக அவர் முன்பு விழுந்து தலை வணங்கி தன் வணக்கத்தை தெரிவித்தது நெகிழவைத்த காட்சி. இந்த நிகழ்வு இங்கே புகைப்படத் தொகுப்பாக... படங்கள்: எல்.சீனிவாசன் http://tamil.thehindu.com/tamilnadu/பேசும்-படங்கள்-மெரினாவில்-உணர்வால்-மிரளவைத்த-பாட்டி/article9497493.ece
  6. ''நான் நலமாக இருக்கிறேன்.. எந்தக் கட்சியிலும் இல்லை!'' - மெரினா வைரல் பெண் (Video) ஜல்லிக்கட்டுக்கு ஆதரவாகவும், பீட்டா அமைப்புக்கு எதிராகவும் தமிழகம் முழுவதும் போராட்டம் நடைபெற்ற போது, பரவலாக கவனம் ஈர்த்தார் ஒரு பெண். ’தடை செய்... தடை செய்... பீட்டாவை தடை செய்’ என உணர்வும் குறும்புமாக இவர் பேசிய வீடியோக்கள் சகல தளங்களிலும் பரவியது. ஆனால், முதல் நாள் ஆச்சரிய லைக்ஸ் குவித்தவர் குறித்து, மறுநாள் கட்சி சார்பானவர் என சர்ச்சை கிளம்பியது. ’போராட்டத்தில் ஏன் அரசியல் தலைவர்களை விமர்சிக்கிறாய்..? 'உனக்கு ஏன் தேவையில்லாத வேலை? உடனடியாக மன்னிப்பு கேள்’ என்றும் மிரட்டல்கள் வந்ததாம். பத்தாததுக்கு, எதிர்தரப்பு கட்சிகள் அந்தப் பெண்ணின் புகைப்படத்தை அவர் அனுமதி இல்லாமல் பயன்படுத்தி, ‘இவர் எங்கள் கட்சியைச் சார்ந்தவர். எங்களுக்காகத்தான் கோஷம் எழுப்புகிறார்’ என்றும் சமூக வலைதளங்களில் வதந்திகளைப் பரப்பினர். ஆனால், அந்தப் பெண்ணோ, ''நான் எந்தக் கட்சியையும் சார்ந்தவள் அல்ல; நான் ஒரு தமிழ் பெண். என் இனத்துக்காகதான் அப்படி கோஷமிட்டேன். எனக்கும் அரசியல் கட்சிகளுக்கும் துளியும் சம்மந்தம் இல்லை. என்னைப்பற்றி சமூக வலைதளங்களில் பொய்யான தகவல்களை பரப்பி வருகிறார்கள். தமிழினத்துக்காக போராடினேன் அவ்வளவுதான். இதில் எந்த உள்நோக்கமும் இல்லை'' என தெரிவித்துள்ளார். இப்போது சமூக வலைதளங்களில் இந்தப் பெண்ணைக் காணவில்லை என்றெல்லாம் செய்திகள் காட்டுத்தீயாய் பரவி வருகிறது. அதோடு விபத்தில் சிக்கிய ஒரு பெண்ணின் புகைப்படத்தோடு இவர் புகைப்படத்தை இணைத்தும் வதந்தி பரவுகிறது. ’நலமாகத்தான் இருக்கிறாரா..?’ என்று விசாரித்தோம். மேலும் அவரிடம் கேட்க விரும்பிய கேள்விகளையும் கேட்டோம். அனைத்து விசாரணைகளுக்கும் பதிலாக ‘செல்ஃபி வீடியோ’ அனுப்பி வைத்தார். பி.குறிப்பு: அவருடைய நலன் கருதி அவரது பெயர் உள்ளிட்ட தகவல்களை வெளியிடவில்லை! http://www.vikatan.com/news/tamilnadu/78527-i-am-safe-and-am-not-in-any-political-party-says-viral-girl.art
  7. 'போராட்டத்தில் ஊடுருவிய விஷமிகள்தான் பிரச்னைக்கு காரணம்!' - களத்தில் இருந்த பெண்ணின் சாட்சி ஜல்லிக்கட்டுக்கு நிரந்தர தீர்வை பெறும் நோக்கில் தமிழகம் முழுக்க இளைஞர்கள் மற்றும் பொதுமக்கள் நடத்திய போராட்ட எழுச்சியால் தற்போது ஜல்லிக்கட்டுக்கு ஒரு தீர்வுக்களம் ஏற்பட்டுள்ளது. அதில் மெரினா கடற்கரையில் குழுமிய இளைஞர்களின் பங்கு அளப்பறியது. போராட்டம் ஆரம்பமான முதல் நாளில் இருந்து இன்று காலை வரை தொடர்ந்து களத்தில் தானும் ஒருவராக கலந்து கொண்டவர் விஜே விலாசினி. தன்னுடைய எண்ணங்களை நம்மிடம் பகிர்ந்து கொண்டார். ''மெரினாவுல தொடங்கின முதல் நாள் போராட்டத்துல இருந்து இன்னைக்கு அதிகாலை 5 மணி வரைக்கும் தினமும் 22 மணி நேரம் அங்கதான் இருந்தேன். காலையில 8 மணிக்கு மெரினா வந்தா, அடுத்த நாள் காலையில 6 மணிக்குதான் வீட்டுக்குப் போவேன். இளைஞர்களுடன் மற்றும் மாணவ, மாணவிகளோட சேர்ந்து போராட்டக் களத்துல நானும் போராடினேன். ஆரம்பக் கட்டத்துல போராட்டக் குழு சார்பா அமைச்சர்களோட பேச்சுவார்த்தையில ஈடுபட்டத்துல நானும் ஒருத்தி. முதல் இரண்டு நாள் நல்லா அமைதியான முறையில போயிட்டு இருந்த போராட்டத்தில், மூணாவது நாள்ல இருந்து அரசியல் கலக்க ஆரம்பிச்சுது. இதுதான் இப்போ வெடிச்சு இருக்குற பிரச்னைக்கு மூலக்காரணம். மூணாவது நாள்ல இருந்து அரசியல் கட்சிகள் மற்றும் பல்வேறு அமைப்புகளின் பின்புலம் மற்றும் தூண்டுதல்களால் உள்ளே நுழைஞ்ச நபர்கள் தேவையில்லாத கமெண்ட், ஆபாச வார்த்தைகள், அரசியல் கட்சிகளையும் அதன் தலைவர்களையும் அசிங்கமா பேசுறதுன்னு தேவையில்லாத வேலைகளை செய்ய ஆரம்பிச்சாங்க. நம்ம போராட்டத்துல கட்சிக்காரங்களை உள்ளே விடாத மாதிரி, எந்த கட்சி மற்றும் கட்சித் தலைவரையும், ஆபாச வார்த்தைகளை எல்லாம் பயன்படுத்த வேண்டாம். இதெல்லாம் நம்ம போராட்டத்துக்கு தீர்வா இருக்காது. நம்ம பெயரையும், போராட்டத்தின் நோக்கத்தையும் கெடுத்துடும்னு நானும் சக நண்பர்களும் சொன்னோம். இதையெல்லாம் சொல்ல நீ யார்னு கேட்டாங்க. கூடவே விஜேவா நான் இதுக்கு முன்னாடி நிறைய அரசியல் கட்சித் தலைவர்கள் மற்றும் நடிகர்களை சந்திச்சு பேட்டி எடுத்து இருக்கேன். அவங்களோட என்னை சேர்த்து வெச்சுப் பேசி, என் மேலயும் அரசியல் சாயம் பூசிட்டாங்க. இந்த போராட்டத்தோட ஆரம்பக்கட்டத்துல நான் ரொம்பவே தீவிரமா போராடினது பலருக்குமே தெரியும். இருந்தாலும், இவங்க வேணும்னே பண்றாங்கன்னு எனக்கு நல்லாவே புரிஞ்சுடுச்சு. அதனால தொடந்து நான் எதுவும் சொல்லாம, ஜல்லிக்கட்டு நோக்கம் நிறைவேறினா போதும்னு நினைச்சு, அமைதியா போராட்டத்துல மட்டும் கலந்துகிட்டு இருந்தேன். நல்ல நோக்கத்துல போயிட்டு இருந்த போராட்டத்துல எனக்குத் தெரிஞ்ச நிறைய பெண்களையும், நண்பர்களையும் போராட்டத்துல கலந்துக்க வைச்சேன். அடிப்படை பிரச்னைகளைப் பத்தி எல்லா நிலை மக்களுக்கும் புரிஞ்சிருக்குனு காட்டுனது இந்த போராட்டம். நம்ம நாட்டுல எந்த ஒரு அடிப்படை தேவைக்கும், உரிமைக்கும் நாம போராட்டம் நடத்திதான் வெற்றி பெறணும்ங்கிற ஒரு நிலை இருக்கு. இதுல நாட்டு மாடுகளின் பால்தான் தங்களோட குழந்தைகள் மற்றும் குடும்பத்தார் உடல்நலத்துக்கு நல்லதுனு பெண்களுக்கு நல்லாவே தெரியும். அதனாலதான் வீதியில இறங்கி தைரியமா போராட்டம் நடத்தினாங்க. இளம் பெண்களும் அவர்களின் பெற்றோர்களின் ஆதரவோடு போராடினது சந்தோஷத்தைக் கொடுக்குது. இப்படி நல்ல உணர்வுடன் போராடிய போராட்டத்துக்கு, ஜல்லிக்கட்டு நிச்சயம் நடக்கும்னு வெற்றிச் செய்தியும் கிடைச்சு இருக்கு. இனி தொடர்ந்து தங்களோட நியாயமான கோரிக்கைகளுக்காக பெண்களும், குழந்தைகளும், மாணவர்களும், பொது மக்களும் போராடுவாங்க என்பதுல சந்தேகம் இல்லை. ஆனா இந்த சந்தோஷத்துக்கு நடுவுல, அரசியல் பின்புலம் கொண்ட போலியான போராட்டக்காரர்களை விட்டுட்டு, நியாயமா போராடிய மாணவர்களை போலீஸ் தடியடி நடத்தி கலைச்சு இருக்காங்க. அதிகாலையில பெற்றோர், குழந்தைகள், பெண்களை கலைந்து போக சொல்லிட்டு, அப்புறம் போகாம இருந்த மாணவர்களை போலீஸார் வலுக்கட்டாயமாக அப்புறப்படுத்தினாங்க. விரட்டியடிச்சாங்க. இன்னைக்கு காலையில 5 மணி வரைக்கு கூட்டத்தோட கூட்டமா இருந்த அவங்க போலீஸ் எங்ககிட்ட பேச ஆரம்பிச்சதும் அவங்க வேலையை காட்ட ஆரம்பிச்சுட்டாங்க. போலீஸ் எங்ககிட்ட கலைஞ்சு போயிடுங்கனு சொன்னதும் நாங்க கலைய ஆரம்பிச்சுட்டோம். ஆனா தேவையில்லாத வார்த்தைகள், களத்துக்கு சம்பந்தமில்லாத டாபிக் எல்லாம் போராட்டக்காரர்கள் பேச ஆரம்பிச்சாங்க. அவங்கதான் கண்டிப்பா போலீஸ் ஸ்டேஷனுக்கு தீ வைச்சிருக்கணும். 5 நாளா கடைப்பிடிச்சிட்டு இருந்த கண்ணியத்தை, அதுவும் போலீஸ்காரங்களே வியந்து பார்த்த கண்ணியத்தை ஒரே ஒரு நாளுக்காக நாங்க ஏன் விட்டுக் கொடுக்கணும். இப்ப புரியுதா இது கண்ணியத்தை காத்த இளைஞர்களோட வேலையில்லனு. கூட்டத்துல கலந்த விஷமிகள் திட்டமிட்டே இளைஞர்களோட பேரை கெடுக்க நினைச்சிட்டாங்க. அதான் இவளோ கீழ்த்தரமாக இறங்கி செயல்பட்டுட்டு இருக்காங்க. தயவு செஞ்சு நம்பாதீங்க. எங்க போராட்டத்தோட வெற்றிதான் முதமைச்சர் அறிவிச்ச அவசர திட்டம். அது எங்களுக்கு நல்லாவே தெரியும்" என்று தன் வருத்தங்களை இறக்கி வைத்தார் விலாசினி. http://www.vikatan.com/news/tamilnadu/78516-students-are-not-the-cause-for-violence-statement-of-lady-protester.art முன்னாள் நீதிபதி ஹரிபரந்தாமன் மாணவர்களிடம் பேச்சுவார்த்தை #Liveupdates முன்னாள் நீதிபதி ஹரிபரந்தாமன் அவர்கள் தற்போது ஜல்லிக்கட்டு அவசர சட்டம் பற்றி மெரினாவில் போராடும் மாணவர்களுக்கு விளக்கி பேசிக்கொண்டிருக்கிறார்.ஆ.முத்துக்குமார் முன்னாள் நீதிபதி ஹரிபரந்தாமன், தியாகு ஆகியோர் பேச்சுவார்த்தை. ஆ.முத்துக்குமார் ஜல்லிக்கட்டுக்கு நிரந்தரத் தீர்வு கோரி தமிழகத்தின் பல்வேறு பகுதிகளில் போராட்டங்கள் தொடர்ந்து கொண்டிருக்கிறது. இன்று பல்வேறு இடங்களில் அமைதியான முறையில் போராட்டம் நடத்திக் கொண்டிருந்தவர்களை காவல்துறையினர் வலுக்கட்டாயமாக அப்புறப்படுத்தினர். இதனையடுத்து, தமிழகத்தில் சட்டம்- ஒழுங்கு நிலை குறித்து டிஜிபி, தலைமைச் செயலாளர் மற்றும் உள்துறைச் செயலாளருடன் முதல்வர் ஓ.பன்னீர் செல்வம் ஆலோசனை நடத்தினார். இதனிடையே, தமிழக அரசுடன் பேச்சுவார்த்தை நடத்த இயக்குநர் கவுதமன், ஓய்வு பெற்ற நீதிபதி ஹரி பரந்தாமன் ஆகியோர் தலைமைச் செயலகம் சென்றனர். முன்னதாக, முதல்வர் ஓ.பன்னீர்செல்வத்தை ஹிப்ஹாப் ஆதி, ராஜசேகர், ராஜேஷ், சிவசேனாபதி ஆகியோர் சந்தித்துப் பேசினர். http://www.vikatan.com/news/tamilnadu/78467-youth-denying-to-move-out-of-marina.art
  8. மாலபே தனியார் கல்லூரியை தடைசெய்யக் கோரி யாழ் மருத்துவ பீட மாணவர்கள் தொடர் போராட்டம் (ஆர்.வி.கே) மருத்துவ கல்வியை கேள்விக் குறியாக்கும் மாலபே தனியார் கல்லூரியை தடைசெய்யக் கோரி யாழ் மருத்துவ பீட மாணவர்களால் பகிஷ்கரிப்பு போராட்டம் மேற்கொள்ளப்பட்டு வருகின்றது. ஏழைகளின் மருத்துவக் கல்வியை கேள்விக் குறியாக்கும் மாலபே தனியார் கல்லூரியை தடைசெய்ய கோரி யாழ் மருத்துவ பீட மாணவர்களால் 8 ஆவது நாளாக இன்றும் வகுப்பு மற்றும் வைத்தியசாலை கல்வி பகிஷ்கரிப்பு போராட்டம் முன்னெடுக்கப்பட்டு வருகிறது. ஒரு பகுதி மாணவர்கள் மருத்துவ பீட முன்றலில் தொடர்ச்சியாக கவனயீர்ப்பு போராட்டத்தில் ஈடுபட்டு வர, ஏனைய மாணவர்கள் பல்வேறு சமூக நிலையங்களில் குறிப்பாக மாவட்ட செயலகம், பிரதேச செயலகங்கள், பாடசாலைகள், தனியார் கல்வி நிலையங்கள், பொது இடங்கள் குறிப்பாக பேருந்து நிலையங்கள், சந்தை, கடைகள் மற்றும் வைத்தியசாலைகளில் தனியார் மருத்துவ கல்லூரிக்கு எதிராக மக்களை விழிப்புணர்வூட்டும் செயற்பாடுகளில் ஈடுபட்டு வருகின்றனர். http://www.virakesari.lk/article/15711
  9. இளைஞர் குழுவால் பெண் ஒருவர் பாலியல் துஷ்பிரயோகம் : பேஸ்புக்கில் நேரடி ஒளிபரப்பு : சுவிடனில் அதிர்ச்சி பெண் ஒருவரை இளைஞர் குழுவொன்று பாலியல் துஷ்பிரயோகம் செய்யும் காட்சியை பேஸ்புக் மூலம் நேரடி ஒளிபரப்பு செய்த அதிர்ச்சி சம்பவம் சுவிடனில் பதிவாகியுள்ளது. சுவிடனின் தலை நகரான ஸ்டோக்ஹோம் நகரின் வடக்கு பகுதியில் உள்ள உப்சாலா பகுதியிலேயே குறித்த சம்பவம் இடம்பெற்றுள்ளது. சம்பவம் தொடர்பாக மேலும் தெரியவந்ததாவது பேஸ்புக் நேரடி ஒளிபரப்பில் மூன்று இளைஞர்கள், ஒரு பெண்ணை கொடூரமான முறையில் சித்திரவதை செய்து பாலியல் துஷ்பிரயோகம் செய்துள்ளனர். குறித்த சம்பவம் சில மணி நேரங்கள் நீடித்த நிலையில் குறித்த சம்பவ நிகழ்ந்த பகுதியை பொலிஸார் இணங்கண்டுள்ளனர். இதன்போது சம்பவத்துடன் தொடர்புடைய மூன்று இளைஞர்களையும் பொலிஸார் கைது செய்துள்ளனர். இதேவேளை கடந்த வருடத்தில், பேஸ்புக் நேரடி ஒளிபரப்பு மூலம், இளைஞர் ஒருவர் தற்கொலை செய்தமை மற்றும் அமெரிக்காவில் வெள்ளை இன விசேட தேவையுடையவரை நான்கு கறுப்பினத்தவர்கள் கொடுமை படுத்தும் காட்சிகள் பதிவாகியிருந்தமை குறிப்பிடத்தக்கது. http://www.virakesari.lk/article/15708
  10. மாவீரர்களுக்கு வீரவணக்கங்கள்.....
  11. வியாலை என்ற இடத்தை அடைந்தோம் என்னுடன் வந்தவர்கள் வருவார்கள் என வழியில் காத்து இருந்தேன் வரவில்லை சுமார் இரண்டரை மணிநேரத்தின் பின்பே வந்தார்கள் வந்தவர்களிடம் நான் நடந்தவற்றை கூற திகைத்து போனார்கள் சரி வா இப்படி எல்லோருக்கும் பார்க்க கிடைப்பதில்லையென்று சொல்லி ஒரு அழகான ஆற்று நீர் ஓடிய தரையில் அமர்ந்து கொண்டோம். அந்த நேரம் தண்ணீர் இல்லை ஆற்றில் ஒரு ஓரம் மட்டுமே நீர் சலசலவென ஓடிக்கொண்டிருக்கும் நான் போன உடனேயே பொருட்களை அங்கே இறக்கிவிட்டு ஆற்றில் மிதக்க ஆயத்தமானேன் அவர்களூம் வந்த களைப்பில் நல்ல தேநீர் போட்டு குடிப்போம் பிறகு சமைக்க ஆயத்தம் செய்வோம் என்று நல்ல தேநீர் செய்து தந்தார்கள் அந்த இடத்தில் கொண்டு சென்ற பிஸ்கட் பைகள் , சிற்றுண்டிகளை சுவைத்தும் நல்ல தண்ணீரை கண்ட சந்தோசத்தில் நான் இருந்தாலும் சுட வைத்து தான் குடிங்கள் என்றார்கள் நல்ல தண்ணீராக இருந்தாலும் குடிக்க முடியாது காரணம் ஆற்றில் மிருகங்களீன்,பறவைகளின் எச்சங்கள் , மிருகங்கள் இறந்து கிடக்கலாம் என்ற அச்சத்தில் நீரை சுட வைத்தே பருகினோம் 3 நாட்கள் நல்ல சாப்பாடு நல்ல குளியல் நல்ல தூக்கம் நடந்த களைப்பு எல்லாம் கடந்து போனது இரவில் நல்ல பஜனைகள் பாட்டு கச்சேரிகள் என்று அந்த 3 நாட்கள்சென்றது கொண்டு போன பொருட்களையெல்லாம் அங்கே முற்று முழுதாக குறைத்து விட்டோம் இருப்பது தேநீருக்கான பொருட்கள் மட்டும் மற்றும் அவரவர் சொந்த சிற்றுண்டிகள் . இந்த வியால ( யால ) என்ற காட்டுப்பகுதியில் இருந்து வள்ளியம்மன் பாலம் என்ற இடத்திற்கு செல்ல வேண்டும் அந்த இடம் ராணுவ சோதனை சாவடி ( சண்டை முடிந்த பிறகு சோதனை இல்லை ராணுவத்தால் சோதனை இடப்பட்ட பின்னரே அனுமதிப்பார்கள் அடுத்த இடமான கட்ட காமத்துக்கு . யாத்திரிகர்களை மாலை நேரத்தில் நடக்க அனுமதிப்பதில்லை காரணம் அதிக கரடிகள் இக்காட்டில் இருப்பதாலும் மாலை நேரங்களில் மிருகங்கள் தண்ணீர் அருந்த வருவதாலும்) இந்த வள்ளியம்மன் என்ற பாலத்திற்கு செல்லும் போது நடந்த சம்பவம் வேறு ஒரு வருடத்தில் மாலை நேரத்தில் நாங்கள் நடையை குறைப்பதற்க்காக வள்ளியம்மன் பாலத்துக்கு செல்ல ஆயத்தமானோம் கடும் மழை காட்டுமழை கொஞ்ச அதிகமாக இருக்கும் காட்டில் போகும் போது மரம் ஒன்று முறிந்து விட்டது அதை தடையென்று நினைத்து ஒரு குழு சுமார் 50,60 பேர் கொண்ட குழு காட்டின் உள் பகுதிக்குள் சென்று விட்டார்கள் என்னுடடன் வந்தவர்களை நான் சரியாக அழைத்து சென்றேன் ஏனேன்றால் இரண்டு வருட அனுபவம் அந்த நேரத்தில் அதுவும் அந்த பாதை முடியும் வரைக்கும் ஆற்றை தொடர்ந்து கொண்டே போகவேண்டும் . போனவர்கள் இரண்டு நாளாக வரவில்லை ராணுவத்துகும் அறிவித்தும் அவர்களால் முடியாது போனது அவர்களோ இது பெரிய காடு ஹெலிமூலம்தான் தேட வேண்டும் என்று சொன்னார்கள் வந்தவர்களில் எங்களுடன் கொஞ்சபேரும் சென்றவர்களுடன் கொஞ்ச பேருமாக பிரிந்து விட்டார்கள் இவர்கள் அவர்களை நினைத்து அழுவதுமாக அந்த பயணம் மிகபயங்கரமாக இருந்தது பொருட்களை மாறி மாறி பொதிகளில் கட்டுவதால் சீனி வைத்து இருப்பவர் எங்களிடம் இருக்க தேயிலை வைத்திருப்பவர்கள் அவர்களிடம் இருக்க இப்படி எல்லா பொருட்களும் மாறி மாறி இருந்தது இதனால் அந்த நாள் மிகவும் கஸ்ரமான சாப்பாடு, தண்ணீர் இல்லாத நாளாகவும் அமைந்தது போனவர்களுள் ஒரு நில அளவையாளரும் அடக்கம் இப்பவும் வருவார் நடந்து அவர் குடும்பத்துடன் மூன்றாவது நாளாக அவர்கள் எங்களை வந்தடைந்தார்கள் எல்லோர் கேள்வியும் எப்படியிருக்கும் இருக்கும் எப்படி வழி கண்டு பிடித்தீர்கள் அவர்களோ மாறி மாறி ஆளை ஆள் பிடித்து கட்டி பிடித்து அழுது கொண்டிருந்தார்கள் . அவர்கள் சென்ற காட்டுப்பகுதியில் மழை பெய்யவில்லையென்றும் குடிநீருக்கு தண்ணீர் இல்லாத போது மலையில் ஏறி நின்றதாகவும் கடவுளை பிரார்த்தனை செய்த போது மழை பெய்ததாகவும் அந்த நீரை பொலித்தீன் பைகளை வைத்து பிடித்து தான் இரு நாட்கள் கடத்தியதாகவும் இறுதி நாளன்று சேவலும் மயிலும் கூவியும் ஆடியதாகவும் அந்த வழியில வந்து சேர்ந்த தாகவும் சொன்னார்கள் அப்போதே ஆறுதல் வந்து சேர்ந்தவர்களுக்கு நம்பினோரை கைவிடுவதில்லை இந்த கதிர் வேலன் என்ற சொல்லி ஆசுவாசப்படுத்திக்கொண்டார்கள். இந்த வருடம் வந்த வெள்ளைக்காரர்கள் வியால என் கிற ஆற்றுப்பகுதி இதன் கரையினில் தங்குவோம் அது மணல் கடல் மணல் போன்றது மணல் தரையில் மக்கள் v வள்ளியம்மன் பாலத்தையடைந்து சோதனைகள் முடிவடைந்ததும் கட்டகாமம் என்ற இடத்துக்கு செல்ல அனுமதிப்பார்கள் கட்டகாமம் என்ற இடம் அதுவும் ஒரு சோதனை சாவடி போலவே காட்சியளிக்கும் தற்போது ரானுவம் இல்லை வன விலங்கு பாதுகாப்பு பிரிவினர் மட்டுமே நிற்கிறார்கள். போகும் இடைவெளி தூரத்தில் கதிரமலை கண்ட இடம் என்று சொல்வார்கள் அந்த இடத்தில் பூசைகள் நடக்கும் அவல் பிரட்டுவார்கள் எல்லோரும் .காரணம் அந்த இடத்திலிருந்து பார்த்தால் கதிர்காமத்தில் இருக்கும் ஏழு மலை தெரியும் அந்த இடத்தை தான் கதிரமலை கண்ட இடம் என்று சொல்வார்கள். பூசை முடிந்ததும் கட்டகாமம் சென்றோம் அங்கே சென்றவுடன் வைத்திய சோதனைக்காக வைத்திய குழு அனைவரது இரத்தையும் பரிசோதனை செய்து கொண்டிருந்தது காரணம் மலேரியா மற்றும் இதர நோய்கள் ஏதாவது இருக்கிறதா என்று சோதித்து பார்ப்பார்கள் சில நேரம் காட்டுப்பாதையில் நோய் தொற்று அடைந்திருக்கலாம் என்பதற்க்காக அங்கே பரிசோதிப்பது வழக்கம். நமது சுய விபரத்தை எழுதியும் வாங்கி விடுவார்கள் கட்டகாமத்தை அடைந்து அங்கே ஒரு தேநீர் வைத்து குடித்து விட்டு நடக்க ஆயத்தமானோம் நடந்து நடந்து கதிர்காம பின்புரமா இருக்கும் வழியே சென்று (தற்போது போகும் வழியில் சிங்கள தொழிலதிபரால் உணவு வழங்கப்படுகிறது பல வருடங்களாக ) கதிர்காமத்தை அடைந்தோம் அடைந்த கையோடு அங்கு செல்ல வில்லை .செல்ல கதிர்க்காமத்துக்குத்தான் முதலில் செல்ல வேண்டும் என்று சொல்வார்கள் அங்கே சென்று மாணிக்க கங்கையில் மூழ்கி குளித்து விட்டு பிள்ளையாரை வணங்கிய பின்னரே கதிர்காமத்தை வந்து அடைந்தோம் வந்த நாங்கள் பொருட்களை இறக்கி மூடிவிட்டு கோவிலகளை சுத்த ஆயத்தமானோம் கோவில்களை சுத்தி சுத்தி எல்லாம் முடிந்த அன்றிரவு பெரகரா உற்சவ நிகழ்வு நாட்களுக்கேற்றால் போல் யானைகளின் தொகையுடனான பெரகரா நிகழ்ச்சி இரவு 10.30 வரை நடந்தது பல லட்சம் மக்கள் காண்பார்கள் வெளிநாட்டு உல்லாச பிரயாணிகள் கூட இந்த திருவிழா நேரத்தில் படையெடுத்து விடுவார்கள் அந்த நிகழ்வை கண்டு கழிப்பதற்க்காக. நடந்து செல்பவர்களுக்கு கதிர்காமத்தில் உள்ள வள்ளியம்மன் மடத்தில் ஒரு அட்டை தருவார்கள் எப்போது போனாலும் சாப்பாடு தருவார்கள் மற்றவர்கள் லைனிதான் நிற்க வேண்டும் இது நடந்து போகும் யாத்திரிகளுக்கு மட்டும் கிடைக்கும் ஒரு வாய்ப்பு ஆனால் தற்போது இந்தமுறையில்லை. இதை நடத்துபவர்கள் தமிழர்கள் திருவிழா அதாவது கொடியேறிய நாளிலிருந்து முடியும் நாள் வரைக்கும் அன்னதானம் கொடுக்கப்படும் . இந்த மடத்தில் இந்த அன்னதானம் கொடுக்கப்படுவதால் அங்கு நாங்கள் சமைக்க வில்லை நேரத்துகு போய் சாப்பிட்டு வந்து கடைகளை சுற்றி இனிப்பு பண்டங்களை வாங்கி வைத்து விட்டு மலையேற விடியற்க்காலை வரை காத்திருந்தோம். அடுத்த நாள் விடியற்க்காலை நேரத்துடன் எழும்பி மலையேறுவதற்க்காக சென்றோம் இரண்டு மணித்தியாலங்கள் எடுத்தது மலையேற போகும் வழியில் குரங்குகளின் சேட்டைகள் இருந்தாலும் தற்போது கொண்டு போகும் பொருட்களை பறிக்கிறது இந்த குரங்குகள் பழத்தட்டுகள் , உணவு பொருட்களை. கொன்டு செல்ல முடியாது துரத்தி வரும் கூட்டமாக . தற்போது மலையேற வாகன வசதிகளும் செய்யப்பட்டுள்ளது கால் இயலாதவர்கள் மற்றும் ,உடல் உபாதைக்குள்ளானவர்கள் என அவர்களூக்கு அதாவது அந்த வாகன சாரதிகளுக்கு சிறு தொகை பணம் கொடுக்க வேண்டும். மலையில் ஆரம்பத்தில் சுளகு போல ஒரு வேல் ஊண்டப்பட்டிருந்தது தற்போது அந்த வேல் இருந்த இடத்தில் விகாரை கட்டப்பட்டுள்ளது வேல் மலையில் வேறு இடத்தில் வைக்கப்பட்டுள்ளது இதன் காரணமாக நான் மலையேறுவதில்லை பல வருடங்களாக . பின்பு மீண்டும் வந்து அன்றிரரவு பெரகரா பார்த்து விட்டு பஸ் ஏறுவோம் தற்போது நாங்கள் கதிர்காமத்தை சென்றடைந்ததும் செல்லக்கதிர்க்காமம் போய் வருவது வந்து கதிர்காமம் கோவில் சுற்றுவது அப்படியே பஸ் ஏறுவது ஒரு இரவு கூட நிற்பதில்லை கதிர்காமத்தில் .மலையேறுவதும் இல்லை வீடு திரும்புவோம் இப்படி எங்களது பாத யாத்திரை இனிதே முடிகிறது வருடா வருடம்
  12. எல்லாத்தையும் விடக் கொடுமை என்ன தெரியுமே. மனிசன் புதிசா வாங்கின சீலையைக் கட்டு எண்டு ஒற்றைக் காலில நிக்குது. சொல்லவும் முடியாமல் கட்டவும் முடியாமல் பாவம் ..... சுமே. மனிசி ஹீல்ஸ் போட்டால் நான் எப்பவும் ஒரு மீட்டர் தள்ளித்தான் நடக்கிறது. எதுக்கு வம்பு.....!
  13. பிரதேச மக்கள் பெரும் அச்சத்தில்கண்டி மாவட்­டத்தைச் சேர்ந்த கெலி­ஓய நிவ்­எல்­பிட்­டிய எனும் பிர­தே­சத்தில் தக்­கியா ஒன்­றுக்குப் அருகி­லுள்ள முஸ்லிம் ஒரு­வ­ருக்குச் சொந்­த­மான காணிக்கருகில் ஒதுக்­கப்­பட்­டுள்ள பகு­தியில் நேற்று முன்­தினம் இர­வோ­டி­ர­வாக பெரும்­பான்மை இனத்­த­வர்கள் புத்தர் சிலை­யொன்­றினைக் கொண்டு வைத்­துள்­ள­மையால் அப்­ப­கு­தியைச் சேர்ந்த முஸ்­லிம்கள் பீதி­ய­டைந்­துள்­ளனர்.முஸ்­லிம்­களே நூறு வீதம் வாழும் இப்­ப­கு­தியில், முஸ்­லிம்கள் அரு­கி­லுள்ள பெரும்­பான்மை இனத்­த­வர்­க­ளுடன் நல்­லு­ற­வுடன் வாழ்ந்­து­வரும் சூழ்­நி­லையில் இவ்­வாறு சிலை வைக்­கப்­பட்­டுள்­ளமை இன முறு­கலை உரு­வாக்கும் நிகழ்­வாக அவர்கள் கரு­து­கின்­றனர்.இது தொடர்பில் நிவ்­எல்­பிட்டி கிராம முஸ்­லிம்கள் முஸ்லிம் சமய விவ­கார மற்றும் தபால், தபால் சேவைகள் அமைச்சர் எம்.எச்.ஏ. ஹலீ­மிடம் முறை­யிட்­ட­த­னை­ய­டுத்து அமைச்சர் மத்­திய மாகா­ணத்­துக்குப் பொறுப்­பான பிரதி பொலிஸ் மா அதி­பரைத் தொடர்பு கொண்டு உரிய நட­வ­டிக்­கை­களை மேற்­கொள்­ளு­மாறு வேண்­டி­யுள்ளார்.பேரா­தெ­னிய பொலிஸார் ஸ்தலத்­துக்கு விஜயம் செய்து புத்­தர்­சிலை வைத்து அதனைப் பாது­காத்து வரு­ப­வர்­க­ளுடன் நேற்று பேச்­சு­வார்த்தை நடத்­தினர். அனு­மதி பெற்றுக் கொள்­ளாது ஓர் இடத்தில் புத்­தர்­சிலை நிறுவ முடி­யாது என அவர்­க­ளுக்குத் தெளி­வு­ப­டுத்­தி­ய­துடன் சிலையை அகற்றிக் கொள்­ளு­மாறும் கோரிக்கை விடுத்­தனர்.கோரிக்கை சம்­பந்­தப்­பட்­ட­வர்­களால் நிரா­க­ரிக்­கப்­பட்­ட­தை­ய­டுத்து, சிலை அகற்றிக் கொள்­ளப்­ப­டா­விட்டால் இன்று திங்­கட்­கி­ழமை நீதி­மன்ற உத்­த­ரவின் மூலம் சிலை அகற்­றப்­ப­டு­மென பொலிஸார் தெரி­வித்­தனர்.இச் செய்தி அச்­சுக்குப் போகும்­வரை சிலை அகற்றிக் கொள்­ளப்­ப­ட­வில்லை.குறிப்­பிட்ட காணியில் முஸ்­லிம்கள் பள்­ளி­வாசல் ஒன்று நிறுவ முயற்­சிப்­ப­தா­லேயே அவ்­வி­டத்தில் புத்தர் சிலை நிறு­வி­ய­தாக சம்­பந்­தப்­பட்ட தரப்­பினர் பொலி­ஸா­ருக்குத் தெரி­வித்­துள்­ளனர்.இது தொடர்பில் அகில இலங்கை ஜம்­மி­யத்துல் உல­மாவின் உடு­நு­வர தொகு­திக்குப் பொறுப்­பான செய­லாளர் லாபிர் மௌல­வியைத் தொடர்பு கொண்டு வின­வி­ய­போது அவர் பின்­வ­ரு­மாறு தெரி­வித்தார். இப்­ப­குதி முஸ்­லிம்கள் பொறுமை காக்­கும்­படி கேட்­கப்­பட்­டுள்­ளனர். இவ்­வி­வ­கா­ரத்தை சுமு­க­மாக தீர்த்து கொள்­வ­தற்கு இருவர் நிய­மிக்­கப்­பட்­டுள்­ளனர்.குறிப்­பிட்ட காணியில் கடந்த சிங்­கள புது­வ­ருட நிகழ்­வாக இசைக் கச்­சேரி நடத்­து­வ­தற்கு பெரும்­பான்மை மக்­களால் அனு­மதி கோரப்­பட்­டது. என்­றாலும் முஸ்­லிம்கள் வாழும் பகுதி என்­பதால் அது மறுக்­கப்­பட்­டது. இத­னா­லேயே இக்­கா­ணியில் புத்­தர்­சிலை வைக்­கப்­பட்­டுள்­ள­தென கரு­து­கிறோம். குறிப்­பிட்ட காணி முஸ்லிம் ஒரு­வ­ருக்குச் சொந்­த­மான காணி­யுடன் கூடிய ஒதுக்­கப்­பட்ட (Reservation) காணி­யாகும் என்றார்.அனுமதி பெற்றுக் கொள்ளாது பலாத்காரமாக எவ்விடத்திலும் புத்தர்சிலை நிறுவ முடியாதெனவும் பொலிஸார் இது தொடர்பான நடவடிக்கைகளை மேற்கொள்வதாக தன்னிடம் உறுதியளித்துள்ளதாகவும் முஸ்லிம் சமய கலாசார மற்றும் தபால், தபால் சேவைகள் அமைச்சர் எம்.எச்.ஏ. ஹலீம் தெரிவித்தார்.இதே வேளை உடு­நு­வர பிர­தேச செய­லாளர் குறிப்­பிட்ட இடத்தில் வைக்­கப்­பட்­டுள்ள புத்தர் சிலை தொடர்­பாக பேரா­தெ­னிய பொலிஸில் முறைப்­பாடு செய்­துள்­ள­துடன் அச்­சி­லையை அவ்­வி­டத்­தி­லி­ருந்து அகற்­று­வ­தற்கு நட­வ­டிக்கை எடுக்­கு­மாறு கோரிக்கை விடுத்துள்ளார்.குறித்த காணி அர­சாங்­கத்­தினால் ஒதுக்­கப்­பட்ட காணி­யாகும். இக் காணியை முஸ்லிம் ஒருவர் 2008 ஆம் ஆண்டு முதல் பிர­தேச செய­லாளர் காரி­யா­ல­யத்­துக்கு வரி செலுத்தி உபயோகித்து வருகிறார். http://vidivelli.lk/
  14. இது மேட்படியான் வேலை போல் தான் தெரியுது.
  15. Today
  16. மாவீரர்களுக்கு வீரவணக்கங்கள்.....
  17.  மானிய அடிப்படையிலான வீட்டுத்திட்டத்துக்கு 250 பேர் தெரிவு -அ.அரசரட்ணம் நாவற்குழியில் உள்ள தேசிய வீடமைப்பு அபிவிருத்தி அதிகாரசபைக்கு சொந்தமான காணியில், மானிய அடிப்படையில் கட்டிக் கொடுக்கப்படவுள்ள வீடுகளுக்கான 250 பயனாளிகள் தெரிவு செய்யப்பட்டுள்ளனர். அதனையடுத்து, இம்மாதம் 30 ஆம் திகதி வீடமைப்பு அமைச்சரினால் வீடுகளுக்கான அத்திவாரம் இடும் நிகழ்வு இடம்பெறவுள்ளதென தேசிய வீடமைப்பு அபிவிருத்தி அதிகாரசபை தகவல்கள் தெரிவிக்கின்றன. பல வருடங்களாக குடிசைகளில் வாழ்ந்து வருபவர்களின் நலன் கருதி, மானிய அடிப்படையில் வீடுகளை அமைத்துக் கொடுக்க முன் வந்துள்ள தேசிய வீடமைப்பு அபிவிருத்தி அதிகாரசபை, நாவற்குழியில் 5 இலட்சம் ரூபாய் பெறுமதியான 250 வீடுகளை அமைப்பதற்கான நடவடிக்கையை மேற்கொண்டுள்ளது. இவ்வீட்டுத் திட்டத்துக்கான பயனாளிகளைத் தெரிவு செய்வதில் ஈடுபட்ட அதிகாரிகள் , இதுவரை 220 பயனாளிகளைத் தெரிவு செய்ததுடன் அவர்களுக்கான வங்கிக் கணக்குகளையும் ஆரம்பித்துள்ளனர். அதிகாரிகளின் நேரடிக் கண்காணிப்பில் அமைக்கப்படவுள்ள இந்த வீட்டுத் திட்டம், ஆறு மாத காலத்துக்குள் பூர்த்திச் செய்யப்படவுள்ளமை குறிப்பிடத்தக்கது. - See more at: http://www.tamilmirror.lk/190198/ம-ன-அட-ப-பட-ய-ல-ன-வ-ட-ட-த-த-ட-டத-த-க-க-ப-ர-த-ர-வ-#sthash.sl7RME6E.dpuf
  18. தொலைந்துபோன நமது பழைய பாரம்பர்யங்கள்! ஜல்லிக்கட்டுக்காக இன்று தமிழகமே குரல் கொடுத்துக் கொண்டிருக்கிறது. தொலைக்க இருந்த ஒரு அடையாளம் திரும்பவும் மீட்டெடுக்கப்பட்டு இருக்கிறது. மனிதர்களும் மஞ்சுவிரட்டில் காயம்படுகிறார்கள் என்ற சிக்கல்கள் இருந்தாலும் பாதுகாப்பாக பாரம்பர்யங்கள் தொடர வேண்டும் என்பதே பெரும்பாலான மக்களின் குரலாக உள்ளது. இன்று தொலைக்க இருந்த பாரம்பர்யம் போல் நாம் தொலைத்த, மறந்த சிலவற்றை ஞாபகப்படு்த்திப் பார்ப்பாம். "டேய் என் வண்டிய இடிக்காத, பிச்சுபுடுவேன். இங்க பாரு அது தான் உன் ரோடு. இது என்னோட ரோடு. நீ எதுக்குடா இங்க வர?" எத்தனை பேருக்கு இந்த நொங்கு வண்டு ஓட்டிய ஞாபகம் உண்டு? இன்றும் கிராமத்தில் எங்கேயோ ஒரு நொங்கு வண்டி ஓடிக்கொண்டு தான் இருக்கும் என்ற நம்பிக்கை மட்டுமே பெரும்பாலானவர்களுக்கு இருக்கிறது. இந்த ஒரு வண்டியை மட்டும் நாம் தொலைக்கவில்லை, அதுபோல எத்தனையோ பாரம்பர்ய விஷயங்களை நாம் தொலைத்து இருக்கிறோம். "ஏய் காமாட்சி, அந்த மூணாவது வீட்ல இருக்கால்ல அட, அந்த அம்மணி தான்..." எனத் தொடங்கும் பாட்டிகளின் பேச்சும், "பாப்போமா, யாரு ஜெயிக்கிறான்னு..." என சிறுசுகளின் பாண்டி விளையாட்டும் ," யக்கா கொஞ்சம் தண்ணி தாஞ்சேன்..." என இளைப்பாற்றும் இடமுமாக அனைத்துக்கும் சொந்தம் கொண்டாடியது திண்ணை. ஓலைக்குடிசையின் ஒட்டுத்திண்ணை தொடங்கி மச்சுவீட்டின் வெளித்திண்ணை வரை வீடுகளில் நிறைந்திருந்த திண்ணை இன்று வண்டிகள் நிறுத்தும் இடமாக மாறி தொலைந்தே போய்விட்டது. இன்று இந்த திண்ணைகளை வைத்து வீடுகள் கட்டுவது வெகுவாக குறைந்துவிட்டது. "அதோ அது தான். அந்த மூணாவது கிளைல இருக்குல்ல அந்த மாங்கா. எங்கே முடிஞ்சா அடிச்சுக் காட்டு பார்ப்போம்" என இழுத்து அடித்து குறி தவறும்போது, "சே..." என கோபப்பட்டு தூக்கி எறிந்தும், ஒருவேளை கைக்கு கிடைத்து விட்டால் "பாத்தியா..." என தண்டோரா போட்டு கத்தும் அளவுக்கு மகிழ்ச்சியை தர வல்லது, உண்டிவில். இன்று எத்தனை குழந்தைகள் இதை பார்க்கிறார்கள்? காலத்தின் சக்கரத்தில் சிக்கி காணாமலே போய் இன்று நாம் கிட்டதட்ட உண்டிவில்லை மறந்தே போய்விட்டோம். ஒரு கால் நீட்டியும், ஒரு கால் மடித்தும் உட்கார்ந்து கொண்டு ஒரு கையில் முழுபருப்பை போட்டுக் கொண்டும் இன்னொரு கையில் மரக்கைப்பிடியை லாவகமாக சுற்றிக் கொண்டும் பாட்டிகள் பேசுவதை பார்ப்பது அவ்வளவு அலாதியாக இருக்கும். 'ஆரியக்கல்'. 'திருகை' என்பது அப்போதைய வழக்குப் பெயர். எத்தனை பேருக்கு இந்த பெயர் கூட இப்போது நினைவில் இருக்கும் என்பது தெரியவில்லை. முழு பருப்பை இரண்டாக மூன்றாக உடைக்க பயன்படும் கல் இது. இன்று எங்கோ வீடுகளில் அங்கும் இங்குமாக பயன்பட்டுக் கொண்டு தான் இருக்கிறது. "நல்லா இள ஆட்டுக் கறி குழம்பு பிசைஞ்ச சாதத்த ஒரு வெட்டு வெட்டிட்டு, அந்த வேப்பமர நிழலுல, கயித்து கட்டில்ல படுத்தா எங்கேயுமே கிடைக்காத சுகமான தூக்கம்" ஆம், கயிற்றுக் கட்டில். இன்று குஷன் பெட்களுக்கு ஈடு கொடுக்க முடியாமல் காணாமல் போய்விட்ட கயிற்று கட்டில். கயிற்று கட்டில்களை பின்னுதலே பார்ப்பதற்கு அவ்வளவு அழகாக இருக்கும். அவ்வளவு நேர்த்தியாக பின்னப்பட்டிருக்கும், "படுத்தா கல்லு மாறி இருக்கு, தூக்கமே வரமாட்டேங்குது" என குற்றஞ்சாட்ட முடியாத கயிற்றுக்கட்டில்கள் இன்று பின்னப்படுவதே இல்லை. " அஸ்...அஸ்" என மூச்சு வாங்கியபடியே ராகியையும், கம்பையும், சோளத்தையும் குத்திய ஆட்டுரலும், உலக்கையும் இன்று ஒன்றாம் வகுப்பு பாட புத்தகத்தில் மட்டுமே காண முடிகிறது. ஆட்டுரலில் உலக்கையால் குத்தி குத்தி சமன் படுத்துவது ஒரு தெளிந்த நடனம் போலிருக்கும். வீட்டு பெண்கள் அதை அவ்வளவு நளினமாக செய்வர். ராகி, கம்பை சமன் செய்வதற்கு மட்டுமல்லாமல் அது பெண்களுக்கு மிகச்சிறந்த உடற்பயிற்சியாகக்கூட இருந்தது. இவையெல்லாம மட்டுமில்லாமல் இன்னும் இன்னும் எத்தனையோ பழமைகளை நாம் மறந்தும், தொலைத்தும் இருக்கிறோம். மிச்சம் இருக்கும் சிலவற்றையும் தொலைக்க இருக்கிறோம். அரிக்கேன் விளக்குகள், சாய்வு மர நாற்காலிகள், மண் அடுப்புகள், பாண்டி, பல்லாங்குழி விளையாட்டு ஆகியவற்றை கிட்டத்தட்ட தொலைத்தே விட்டோம். அம்மிக்கல், ஆட்டுக்கல் ஆகியவை விளிம்பு நிலையில் இருக்கின்றன. கொஞ்சம் சிரத்தை எடுத்து இவற்றையேனும் காத்தால், படங்களாக மட்டுமின்றி பொருட்களாகவும் இனியேனும் காண முடியும். இன்று மக்கள் அனைவைரும் துவண்டு விட்டனர். இந்த அவசர உலக போக்கும், சுரத்தே இல்லாத வாழ்வும் மறுபடியும் அவர்களை பழமைகளையும், பாரம்பர்யத்தையைும் நோக்கி திருப்பியிருக்கிறது. அந்த வெளிப்பாடுதான் இந்த ஜல்லிக்கட்டு எழுச்சிக்கும் காரணமாக இருக்கலாம். தெளிவான சிந்தனையைும், தீர்க்கமான பார்வையும் கொண்டால் மட்டுமே பழமையான பாரம்பர்யங்களை மீட்டெடுக்க முடியும். vikatan.
  19. தடியடி ஏன் நடத்தப்பட்டது! தமிழக அரசுக்கு உயர் நீதிமன்றம் சரமாரி கேள்வி அமைதியாக போராடியவர்கள் மீது காவல்துறையினர் ஏன் தடியடி நடத்தினர் என்று தமிழக அரசுக்கு கேள்வி எழுப்பிய உயர் நீதிமன்றம் நீதிபதி, போராட்டக்காரர்கள் மீது போலீஸ் தவறாக வழக்கு பதிந்தால் நீதிமன்றத்தை நாடலாம் என்று தெரிவித்துள்ளார். காவல்துறையினர் மீது நடவடிக்கை எடுக்கக்கோரி வழக்கறிஞர் சங்கரசுப்பு, சென்னை உயர் நீதிமன்றத்தில் அவசர மனு ஒன்றைத் தாக்கல் செய்தார். அதில், அமைதியான முறையில் போராட்டம் நடத்திய மாணவர்கள், இளைஞர்கள் மீது தடியடி நடத்திய காவல்துறையினர் மீது நடவடிக்கை எடுக்க வேண்டும்" என்று கூறியிருந்தார். இந்த மனுவை விசாரிக்க தலைமை நீதிபதி கொண்ட அமர்வு மறுத்துவிட்டது. இதையடுத்து, தனி நீதிபதி மகாதேவன் முன்பு வழக்கறிஞர் சங்கரசுப்பு முறையிட்டார். இதையடுத்து, பிற்பகல் 2.15 மணிக்கு மனுவை விசாரிப்பதாக நீதிபதி தெரிவித்தார். அதன்படி, வழக்கு விசாரணை வந்தது. அப்போது, 'கடந்த 19-ம் தேதி வரை மாணவர்கள் மட்டுமே போராட்டம் நடத்தி வந்தனர். தற்போது, மாணவர்கள் போராட்டத்தில் சமூக விரோதிகள் புகுந்துவிட்டனர்' என்று அரசு தலைமை வழக்கறிஞர் முத்துகுமாரசாமி வாதிட்டார். இதையடுத்து நீதிபதி மகாதேவன், அமைதியாக போராடியவர்கள் மீது, ஏன் தடியடி நடத்தப்பட்டது. விரும்பத்தகாத வகையில் சம்பவங்கள் நடந்தால் காவல்துறை நடவடிக்கை எடுக்கலாம். அதே நேரத்தில் பொதுமக்கள் பாதுகாப்பை டிஜிபி உறுதி செய்ய வேண்டும். போராட்டக்காரர்கள் மீது போலீஸ் தவறாக வழக்கு பதிந்தால் நீதிமன்றத்தை நாடலாம். எவ்வித வழக்கும் பதிய வேண்டாம் என காவல்துறைக்கு உத்தரவிட முடியாது என்று கூறினார். இதைத் தொடர்ந்து வழக்கு விசாரணையை நாளைக்கு நீதிபதி ஒத்திவைத்தார். http://www.vikatan.com/news/tamilnadu/78511-dgp-should-assure-peoples-safety-says-justice-mahadevan.art
  20. காரசாரமான வாழைக்காய் மிளகு வறுவல் வாழைக்காய் வறுவல் செய்து சாப்பிட்டால் மிகவும் சூப்பராக இருக்கும். இப்போது காரசாரமான வாழைக்காய் மிளகு வறுவல் செய்வது எப்படி என்று பார்க்கலாம். தேவையான பொருட்கள் : வாழைக்காய் - 1 மஞ்சள் தூள் - 1 சிட்டிகை மிளகாய் தூள் - 1/2 டீஸ்பூன் உப்பு - தேவையான அளவு எண்ணெய் - 1 டேபிள் ஸ்பூன் பெருங்காயத் தூள் - 1 சிட்டிகை கடுகு - 1 டீஸ்பூன் அரைப்பதற்கு... தேங்காய் - 2 டேபிள் ஸ்பூன் இஞ்சி - 1/2 இன்ச் பூண்டு - 5 மிளகு - 3 டீஸ்பூன் செய்முறை : * வாழைக்காயின் தோலை நீக்கிவிட்டு, வேண்டிய வடிவில் வெட்டி கொள்ளவும். * வெட்டிய வாழைக்காயை பாதியளவு வேகவைத்து கொள்ளவும். * வேக வைத்த வாழைக்காயை ஒரு பௌலில் போட்டு, அதில் உப்பு, மிளகாய் தூள், மஞ்சள் தூள் ஆகியவற்றை சேர்த்து பிரட்டி 20 நிமிடம் ஊற வைத்துக் கொள்ள வேண்டும். * பிறகு அரைப்பதற்கு கொடுத்துள்ள பொருட்களை மிக்ஸியில் போட்டு, தண்ணீர் சேர்த்து பேஸ்ட் செய்து கொள்ள வேண்டும். * அடுத்து ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, பெருங்காயத்தூள் சேர்த்து தாளித்த பின், ஊற வைத்துள்ள வாழைக்காயை சேர்த்து 5 நிமிடம் கிளறவும். * அடுப்பை மிதமான தீயில் வைத்து அரைத்து வைத்துள்ள மசாலா மற்றும் உப்பு சேர்த்து நன்கு பிரட்டி விட வேண்டும். * பின் அதில் லேசாக தண்ணீர் தெளித்து, மூடி வைத்து 2 நிமிடம் வாழைக்காயை வேக வைத்து இறக்கினால், வாழைக்காய் மிளகு வறுவல் ரெடி!!!
  21. போராட்டக் குழுவினர் யார் சொன்னால் கேட்பார்கள்? போலீஸ் அதிகாரிகள் அவசர ஆலோசனை மெரினாவில் நடந்த ஜல்லிக்கட்டு போராட்டக்குழுவினர், யார் சொன்னால் கேட்பார்கள் என்பதில் போலீஸார் தீவிர கவனம் செலுத்திவருகின்றனர். ஜல்லிக்கட்டுக்கு ஆதரவாக சென்னை மெரினா முதல் குமரி வரை போராட்டம் நடந்தது. அமைதியாகவும், அறவழியில், தலைமையே இல்லாமல் நடந்த போராட்டத்துக்கு மக்கள் மத்தியில் அமோக வரவேற்பு கிடைத்தது. அதே நேரத்தில் மத்திய, மாநில அரசுக்கு இந்த போராட்டம் கடும் நெருக்கடியை கொடுத்தது. இதையடுத்து தமிழக அரசு, ஜல்லிக்கட்டு நடத்த அவசரச் சட்டத்தை கொண்டு வந்தது. ஆனால், இந்த சட்டத்தை போராட்டக்குழுவினர் ஏற்றுக் கொள்ளவில்லை. ஜல்லிக்கட்டுக்கு நிரந்தரச் சட்டம் வேண்டும் என்று வலியுறுத்தினர். குடியரசு தின விழா நிகழ்ச்சி ஆண்டுதோறும் சென்னை மெரினாவில் நடத்தப்படும். இந்த முறை ஜல்லிக்கட்டு போராட்டம் காரணமாக அந்த விழாவிற்கான ஏற்பாடுகள், ஒத்திகை நிகழ்ச்சிகள் நடத்துவதில் சிக்கல் எழுந்தது. இதற்கிடையில் தேசிய இறையான்மைக்கு எதிராகவும் போராட்டக்குழுவிலிருந்து குரல் கேட்கத் தொடங்கியது. இதை ஏற்றுக்கொள்ளாதவர்கள் போராட்டக் களத்திலிருந்து வீடு திரும்பினர். இதுவே போராட்டக்குழுவை கட்டுப்படுத்த சரியான தருணம் என்று போலீஸ் கருதியது. இதுதொடர்பாக ஆட்சியாளர்களுடன் ஐ.பி.எஸ் உயரதிகாரிகள் ஆலோசனை நடத்தினர். தொடர்ந்து தமிழகம் முழுவதும் ஜல்லிக்கட்டு ஆதரவாளர்களிடம் போராட்டத்தை வாபஸ் பெற வலியுறுத்தி பேச்சுவார்த்தையில் தமிழக போலீஸார் ஈடுபட்டனர். மெரினாவை பொறுத்தவரைக்கும் லட்சக்கணக்கான மக்கள் அங்கு திரண்டதால் எந்தவித அசம்பாவித சம்பவங்களும் ஏற்படக்கூடாது என்பதில் போலீஸார் அதிக கவனம் செலுத்தினர். இதனால் தொடர்ச்சியாக பேச்சுவார்த்தை நடத்தியும் போராட்டக்குழுவினர் கலைந்து செல்லவில்லை. இதனால் மெரினாவுக்கு வரும் ஜல்லிக்கட்டு ஆதரவாளர்கள் சென்னையில் ஆங்காங்கே தடுத்து நிறுத்தப்பட்டனர். இதனால் மெரினாவில் போராட்டக்குழுவின் எண்ணிக்கை குறையத் தொடங்கியது. இந்த சமயத்தில் போலீஸாருக்கும், போராட்டக்குழுவினருக்கும் இடையே நடந்த மோதலில் லத்திசார்ஜ் நடத்தப்பட்டது. இருப்பினும் போராட்டக்குழுவினர் கடற்கரையில் கூடினர். அதற்கு மேல் போலீஸாரால் போராட்டக்குழுவினரை கட்டுப்படுத்த முடியவில்லை. இந்த சமயத்தில் உடல்நலக்குறைவு காரணமாக மருத்துவமனையில் சிகிச்சை பெற்ற நடிகர் ராகவா லாரன்ஸிடம் போலீஸ் உயரதிகாரி பேசினார். ஏற்கெனவே போராட்டக்களத்துக்கு செல்ல தன்னை அனுமதிக்க வேண்டும் என்ற போலீஸாரிடம் கேட்ட ராகவா லாரன்ஸ், மெரினாவுக்குள் அனுமதிக்கப்பட்டார். அங்கு சென்ற அவர், நம்முடைய போராட்டத்துக்கு வெற்றி கிடைத்து விட்டது. இதனால் போராட்டத்தை கைவிடுமாறு பேசினார். ஆனால் அவரது பேச்சை கேட்க ஒரு பகுதியினர் மெரினாவிலிருந்து கிளம்பினர். ஆனால் மற்றொரு தரப்பினர் அங்கு தொடர்ந்து போராட்டத்தில் ஈடுபட்டு வருகின்றனர்.அதன்பின் இயக்குநர் கௌதமன், போராட்டக்களத்துக்குள் அனுமதிக்கப்பட்டார். இவர்கள் போராட்டக்குழுவினருடன் நடத்திய பேச்சுவார்த்தையிலும் சுமூக தீர்வு எட்டப்படவில்லை. கடற்கரை ஓரத்தில் தொடர்ந்து போராட்டம் நடந்து வருவது போலீஸாருக்கு பெரும் தலைவலியை ஏற்படுத்தி உள்ளது. அந்த போரட்டக்குழுவினரை எப்படி அங்கிருந்து அகற்றுவது என்று ஐ.பி.எஸ். அதிகாரிகள் உடனடியாக ஆலோசனை நடத்தினர். அந்த ஆலோசனையில் போராட்டத்தில் ஈடுபட்டவர்களின் விவரங்கள் குறித்து சேகரித்து அதற்குப்பிறகு களத்தில் இறங்கலாம் என்று ஆலோசனை சொல்லப்பட்டது. அதற்கெல்லாம் இப்போது நேரமில்லை. இன்று மாலைக்குள் போராட்டக்குழுவினரை மெரினாவிலிருந்து வெளியேற்றப்பட வேண்டும். இதனால் காலதாமதமில்லாமல் போராட்டக்குழுவினரை வெளியேற்றுவது தொடர்பாக ஆலோசிக்கப்பட்டது. இந்த சமயத்தில் போராட்டத்தில் ஈடுபடுபவர்களுடன் போலீஸாருக்கு வேண்டப்பட்டவர்களை களமிறக்கி அதன்மூலம் இந்த போராட்டத்துக்குத் தீர்வு காணலாம். இல்லையென்றால் அரசிடமிருந்து அதிகாரத்தை பெற்று போராட்டக்குழுவினரை அகற்ற வேண்டும் என்று ஆலோசனையில் முடிவு செய்யப்பட்டுள்ளது. இந்தத் தகவலை ஆட்சியாளர்களிடம் சொன்னபோது எந்தக்காரணத்தைக் கொண்டும் இத்தகைய முடிவுகளை போலீஸார் எடுக்கக்கூடாது என்று ஆட்சியாளர் தரப்பில் தெரிவிக்கப்பட்டுள்ளது. இதனால் போலீஸ் அதிகாரிகள் அடுத்து என்ன செய்வது என்ற ஆலோசனையில் ஈடுபட்டுள்ளனர். ஏற்கெனவே 6 நாட்களாக மெரினா போராட்டக்களத்திலேயே 24 மணி நேரமும் பாதுகாப்பு பணியிலிருந்த போலீஸார், எப்போது இயல்பு நிலைமை திரும்பும் என்று எதிர்பார்த்து இருக்கின்றனர். இதற்காக அவர்கள் உயரதிகாரிகளின் உத்தரவுக்காக காத்திருக்கின்றனர். இதுகுறித்து போலீஸ் உயரதிகாரி ஒருவரிடம் கேட்ட போது, " போராட்டக்குழுவினரிடம் தொடர்ந்து பேச்சுவார்த்தை நடத்தி வருகிறோம். எங்களது பேச்சுவார்த்தைக்கு வெற்றி கிடைத்து வருகிறது. விரைவில் மீதமுள்ளவர்களையும் மெரினாவிலிருந்து இன்று அகற்றி விடுவோம் என்ற நம்பிக்கை உள்ளது" என்றார். http://www.vikatan.com/news/tamilnadu/78508-senior-police-officials-on-discussion-over-who-can-convince-protesters-.art
  22. அரச காணிகளை சுவீகரிப்பதில் அரசியல்வாதிகள் மும்முரம் சகோதர இனமான முஸ்லிம் இனத்தைச் சேர்ந்த அரசியல்வாதிகள் தங்களது பலத்தைப் பயன்படுத்தி, மட்டக்களப்பு மாவட்டத்திலுள்ள அரச காணிகளை விலைக்கு வாங்குவதிலும், சுவீகரிப்பதிலும் மும்மூரமாக ஈடுப்பட்டுள்ளதாக தமிழ்த் தேசியக் கூட்டமைப்பு குற்றஞ்சாட்டியுள்ளது. அரச காணிகளை இரவோடு இரவாக பெற்றுக்கொள்ளும் நடவடிக்கை தற்பொழுது இடம்பெற்று வருவதாக நாடாளுமன்ற உறுப்பினர், சீனித்தம்பி யோகேஸ்வரன் சுட்டிக்காட்டியுள்ளார். தமிழர் திருநாள் உழவர் விழா வந்தாறுமூலை அம்பலத்தடி உழவர் சிலை அருகில் அருகில் இடம்பெற்ற நிகழ்வில் கலந்துகொண்டு உரையாற்றும் போதே அவர் இதனைக் குறிப்பிட்டுள்ளார். தமிழ் அரசியல்வாதிகள் எச்சரிக்கை விடுத்தாலும் அதற்கு அஞ்சப் போவதில்லை என்றும் மக்களின் காணிகளை சுவீகரிக்க விட மாட்டோம் என்றும் அவர் குறிப்பிட்டுள்ளார். ஆனால் முஸ்லிம் மக்களுக்கோ, சிங்கள மக்களுக்கோ துரோகம் செய்பவர்களாக இருக்க மாட்டோம் என்று குறிப்பிட்ட அவர், அதற்காக அரச காணிகளை பணத்தைக் கொண்டு பெறுவது பிழையான நடவடிக்கை என்றும் குறிப்பிட்டுள்ளார். அரசியல்வாதிகள் காணிகளை சுவீகரித்தால், சொத்துக்களை முடக்கினால் அதனை பொதுமக்கள் வெளியில் கொண்டுவர வேண்டும் எனவும் அவர் கேட்டுக்கொண்டுள்ளார். http://www.onlineuthayan.com/news/23024
  23. சரியுங்கோ
  24. அதி சொகுசு காரில் கொண்டு சென்ற 35 கிலோ கஞ்சா மீட்பு தலைமன்னாரில் இருந்து மன்னார் ஊடாக கொழும்பிற்கு அதி சொகுசு கார் ஒன்றில் மறைத்து வைத்து கொண்டு செல்லப்பட்ட ஒரு தொகுதி கேரள கஞ்சாவுடன் மூவர் 3 பேர் கைது செய்யப்பட்டுள்ளனர். குறித்த சந்தேகநபர்கள் மூவரையும் நேற்று இரவு மன்னார் பொலிஸார் கைது செய்துள்ளனர். மன்னார் பொலிஸாருக்கு கிடைத்த இரகசிய தகவலையடுத்து மன்னார் - தலைமன்னார் பிரதான வீதி 2ஆம் கட்டை பகுதியில் வைத்து குறித்த கஞ்சாப் பொதிகள் மீட்கப்பட்டுள்ளது. இதன்போது, காரில் மறைத்து வைத்திருந்த நிலையில், சுமார் 35 கிலோ எடை கொண்ட கேரள கஞ்சாப் பொதிகளை மீட்டுள்ளதோடு சந்தேகநபர்கள் மூவரும் கைது செய்யப்பட்டுள்ளமை குறிப்பிடத்தக்கது. http://www.onlineuthayan.com/news/23030
  25. சினிமா எடுத்துப் பார் 89: ‘என்னம்மா கண்ணு சவுக்கியமா? எஸ்பி.முத்துராமன் ‘ராஜா சின்ன ரோஜா’ படத்தில் ரஜினிகாந்த், கவுதமி, குழந்தைகளோடு ‘மிருகங்கள் கார்ட்டு’னை இணைப்பதற்கு முன். (அடுத்தப் படம்) இணைத்த பிறகு. ‘ராஜா சின்ன ரோஜாவோடு காட்டுப் பக்கம் வந்தானாம்’ பாடல் படப்பிடிப்புத் தளத்தில் ரஜினியோடும், கவுதமியோடும் காட் டுக்கு வந்த குழந்தைகள், ‘மிருகங் கள் எங்கே? மிருகங்கள் எங்கே?’ என்று ஆர்வமாக கேட்க ஆரம்பித்தனர். ‘மிருகங்கள் எல்லாம் கார்ட்டூன்ல வரும்!’னு விளக்கம் கொடுத்தாலும் குழந்தைகளுக்கு புரியவில்லை. அவர் களுக்கு புரிந்தால்தானே பாடல் காட்சி நன்றாக அமையும் என்று நடன இயக்குநர் புலியூர் சரோஜாவை முயல் மாதிரி நடிக்க வைத்து குழந்தைகளுக்கு புரிய வைத்தோம். உதாரணமாக, ஒரு காட்சியில் ரஜினி காந்தும், கவுதமியும் இருப்பார்கள். முயல் இருக்காது. அந்த இடத்தில் கார்ட்டூனில் வரைந்த முயல், ரஜினிக்கு கைகொடுப்பதை ராம் மோகன் சேர்த்தார். அப்படித்தான் பாடல் முழுக்க கார்ட்டூன் வரும் இடங்களை நடிகர், நடிகைகளோடு இணைத்தோம். இந்த காட்சிகளுக்காக ராம் மோகன் கிட்டத்தட்ட 80 ஆயிரம் கார்டூன்களை வரைந்து எடுத்தார். அவரது உழைப்பு பெருமை படும்படியாக அமைந்தது. சினிமாவில் ஏவி.எம் நிறுவனம் முன்னுதாரணமாக பல சாதனைகளை செய்திருக்கிறது. அந்த வகையில் நடிகர்களை யும், கார்ட்டூன்களையும் இணைத்து இந்தியாவில் எடுக்கப்பட்ட முதல் பாடல் காட்சி இதுதான். கிராஃபிக்ஸ், மாடர்ன் தொழில்நுட்பம் என்று வளராத அந்த காலகட்டத்தில் மேனுவலாகவே ராம் மோகன் உதவி யோடு செய்திருக்கிறோம் என்பதை பெருமையோடு இங்கே சொல்லிக் கொள்கிறேன். இதில் ஒளிப்பதிவாளர் டி.எஸ்.விநாயகம் அவர்களுக்கும் பங்கு உண்டு. ரகுவரன், தேங்காய் சீனிவாசன், கோவை சரளா மூவரும் சேர்ந்து மளிகை பொருள் வாங்குவதில் தொடங்கி பல ஏமாற்று வேலையிலும், தவறு செய்வதிலும் ஈடுபட்டு பணத்தை கொள்ளை அடிப்பார்கள். இதை ஒவ்வொன்றாக ரஜினி கண்டுபிடிப்பார். இந்த மாதிரி சூழ்நிலையில் ஒரு நாள், வீட்டில் யாரும் இல்லை என்று ராகவி தன்னோடு படிக்கும் சக மாணவர்களை அழைத்து வந்து டிரிங்ஸ் பார்ட்டி வைப்பார். ரஜினிகாந்த் இதைப் பார்த்து மிகவும் வேதனைப்பட்டு, ‘பண்பாடு இல்லையென்றால் பாரதம் இல்லை..!’ என்ற பாட்டை உருக்கத்தோடு பாடுவார். கவிப்பேரரசு வைரமுத்து எழுதிய பாட்டு. மாணவ, மாணவிகளுக்கு நல்ல சிந்தனைகளை விதைக்கும் விதையாக இருந்தது. இன்றைய சூழலுக்கும் விழிப்புணர்வை ஏற்படுத்தும் விதமாக இருக்கிறது. ஒரு கட்டத்தில் குழந்தைகள் செய் யும் தவறுகள் ரவிச்சந்திரனுக்கு தெரியவரும். வீட்டில் வேலைக்காரனாக இருக்கும் ரஜினிகாந்த் அவர்களை திருத்தி நல்வழிப்படுத்தி வருகிறார், என்பதும் அவருக்குத் தெரியும். கடைசியில் நம் குழந்தைகளுக்கு சரியான காப்பாளர் ரஜினிதான் என்று அவரை நியமிப்பார். ரஜினிகாந்த் மூலம் நல்ல விஷயங்கள் குழந்தைகளுக்கு போய்ச் சேர்கிறது என்ற மகிழ்ச்சி யோடு படத்தை முடித்தோம். படம் வெள்ளிவிழா படமாக பெரிய வெற்றியைப் பெற்றது. மல்லிகை பதிப்பகம் சங்கர் புதுமுகங் களை வைத்து ‘ஒரு கோயில் இரு தீபங்கள்’ என்ற படத்தை தயாரித்தார். அதை நான் இயக்கினேன். அந்தப் படத்தில் முற்றிலும் புதுமுகங்களாக இருக்கட்டும் என்ற அவரது கோரிக் கையை ஏற்று அதற்கான தேர்வில் இறங்கினோம். அந்த புதுமுக தேர்வுக்கு வந்தவர்களில் ஒருவர் சத்யராஜ். அவரிடம், ‘ஏதாவது நடிச்சுக் காட்டுங்க?’ என்று கேட்டேன். அவர், ‘கட்டபொம்பன்’ படத்தில் வரும் அண்ணன் சிவாஜி கணேசனின் வசனத்தை பேசி நடித்தார். அப்போது நான், ‘நல்லா இருக்கு. ரொம்ப சந்தோஷம். இங்கே வரும் எல்லோரும் இந்தக் காட்சியையே நடித்துக் காட்டுறாங்க. அதுல அண்ண னோட சாயல்தான் தெரிகிறது. உங்க ளோட தனித்திறமை தெரியுற மாதிரி வேறெதாவது நடிச்சுக் காட்ட முடியுமா?’ன்னு கேட்டேன். அப்படியே நழுவி போய்விட்டார். அன்றைக்கு அப்படி நழுவிப் போன சத்யராஜ் இன்றைக்கு பல வித்தியாசமான கதா பாத்திரங்களை ஏற்று சிறந்த நடிகராக வலம் வந்துகொண்டிருக்கிறார். என் இயக்கத்தில் ஆரம்ப நாட்களில் பல படங்களில் சின்னச் சின்ன ரோலில் நடித்தார். பாலசந்தர் சார் தயாரிப்பில் நான் இயக்கிய ‘எனக்குள் ஒருவன்’ படத்தில் கமலுக்கு வில்லனாக நடித் தார். அதேபோல ‘மிஸ்டர் பாரத்’ படத் தில் ரஜினிக்கு அப்பாவாக நடித்து அசத்தி னார். அந்தப் படத்தில் இடம்பெற்ற ‘என்னம்மா கண்ணு சவுக்கியமா?’ பாடல் ரஜினிக்கும், சத்யராஜுக்கும் நடிப்புக்கு சவாலாக அமைந்தது. போட்டி நடனம் போல், இது போட்டிப் பாட்டு! ‘உலகம் பிறந்தது எனக்காக’ படத்தில் இரு வேடங்களில் சத்யராஜ். சத்யராஜ் நடித்தப் படங்களில் என்னை மிகவும் கவர்ந்த படங்கள், பாரதிராஜா இயக்கிய ‘வேதம் புதிது’. இன்னொரு படம் ஞானராஜசேகரன் இயக்கிய ‘பெரியார்’. இரண்டு படங்களிலும் வித்தியாசமாக நடித்திருப்பார். அதிலும் பெரியாராக நடித்து தமிழகத்தின் சரித்திரத்தில் இடம்பெற்ற பெருமை அவருக்கு உண்டு. பொருளாதாரரீதியாகவும், தொழில் ரீதியாகவும் ஒரு காலகட்டத்தில் சினிமாவில் தொய்வு ஏற்பட்டது. அந்த நாட்களில்கூட சத்யராஜ் தொடர்ந்து நாயகன், வில்லன், லொள்ளு செய்யும் கதாபாத்திரம் என்று பேதம் பார்க்காமல் நடித்துக்கொண்டிருந்தார். அதற்கு முக்கிய காரணம் அவர் சம்பளத்தை குறைத்துக்கொண்டு நடித்ததுதான். அதன்மூலமாக தான் வளர்ந்ததோடு, தொழில் நுணுக்க கலைஞர்களுக்கும் வேலைவாய்ப்பு அமையுமாறு சூழலை உருவாக்கினார். அவர் மூலம் நிறைய பேர் தயாரிப்பாளராக திரைத்துறைக்கு வந்தார்கள். அவர்களில் குறிப்பிடத் தக்கவர் அவரது செயலாளர் ராமநாதன் அவர்கள். அப்படிப்பட்ட திறமைசாலியான சத்யராஜை வைத்து ஏவி.எம் நிறுவனம் தயாரிப்பில் நான் இயக்கிய படம், ‘உலகம் பிறந்தது எனக்காக’. இதன் கதை வசனம் சித்ராலயா கோபு. நகைச்சுவை எழுத்தாளர். இயக்குநர் தரின் வலதுகரம். இப்படத்தில் சத்யராஜுக்கு இரண்டு கதாபாத்திரம். ஒன்று நல்லவர். இன்னொன்றில் தில்லு முல்லுக்காரராக வருவார். இரண்டு கதாபாத்திரங்களையுமே நல்ல முறை யில் நடித்து பெயர் வாங்கி னார். படத்தில் அவருக்கு இரண்டு ஜோடி. ஒருவர் கவுதமி. இன்னொருவர் ரூபிணி. படத்துக்கு முக்கிய பங்களிப்பாளராக இசையமைப்பாளர் ஆர்.டி.பர்மன் இந்தப் படத்துக்கு பணியாற்றினார். மெல்லிசை மன்னர் எம்.எஸ்.விஸ்வநாதன் அவர்கள் குரு என்று சொல்லும் அளவுக்கு இசை யில் வல்லமை கொண்டவர். ஹிந்தி சினிமாவில் பிஸியாக இருந்த அவரை இந்தப் படத்துக்கு இசையமைக்க ஏற்பாடு செய்து கொடுத்தவர், பின்னணிப் பாடகர் எஸ்.பி.பால சுப்ரமணியம். மும்பையில் படு பிஸியாக வேலைப் பார்த்துக் கொண்டிருந்த வேளையில் இப்படத்துக்கான பாடல்களை மிகவும் சிறப்பாக அமைத்துக் கொடுத்தார், ஆர்.டி.பர்மன். படப்பிடிப்பு முடிந்து பின்னணி இசைக்காக சென்றபோது அவர் மேலும் பிஸியாக இருந்தார். அப்போது அவர், ‘என்னோட பாணி என்னன்னு பாலுவுக்குத் தெரியும். அவரே ரீ ரெக்கார்டிங் செய்யட்டும்!’ என்றார். இப்படித்தான் பாடகர் எஸ்.பி.பாலசுப்ரமணியம் இந்தப் படத் துக்கு பின்னணி இசையமைப்பாளராக ஆனார். எஸ்.பி.பி பாடுவதில் மட்டுமல்ல; இசையமைப்பதிலும் தன் திறமையை காட்டினார். ஒரே நேரத்தில் இந்தியா முழுக்க பறந்து பறந்து பாடல் பாடக் கூடியவர். காலையில் ஹைதராபாத் மதியம் பாம்பே, மாலையில் கேரளம் இரவு சென்னை என்று இந்தியா வின் ஒருமைப்பாட்டை எடுத்துக் காட்டியவர். அவர் பாடிய பாடல்கள் உலகம் முழுவதும் காற்றில் பறந்து கொண்டிருக்கின்றன. இவ்வளவு புகழை யும் தலையில் தூக்கி வைத்துக் கொள்ளாத பண்பாளர். ஏவி.எம்.சரவணன் சார் அவர் கள், சத்யராஜிடம், ‘படத்தை ஜனவரி யில தொடங்குகிறோம். வர்ற ஏப்ரல்ல ரிலீஸ் செய்யலாம்னு நினைச்சிருக் கோம். அதுக்குள்ள முடிச்சிக் கொடுத் துடுங்க?’ன்னு கேட்டார். அதற்கு சத்யராஜ், ‘நிறைய படங்கள்ல நடிச்சிக்கிட்டிருக்கேன்.ரொம்ப டைட்டா இருக்கு சார்!’னு தயங்கினார். அதற்கு சரவணன் சார் என்ன சொன்னார்? - இன்னும் படம் பார்ப்போம். | http://tamil.thehindu.com/cinema/cinema-others/சினிமா-எடுத்துப்-பார்-89-என்னம்மா-கண்ணு-சவுக்கியமா/article9447365.ece
  26. உலக மசாலா: ஜெனி, என்னைத் திருமணம் செய்துகொள்கிறாயா? அமெரிக்காவில் வசிக்கும் டேயான் ஸ்மித்தும் ஜெனிஃபர் கெஸெலும் நண்பர்கள். ஜெனிஃபரின் அடுத்த ஆண்டு பிறந்தநாளுக்குள் வித்தியாசமான முறையில் திருமணக் கோரிக்கையை வைக்க வேண்டும் என்று முடிவு செய்தார் ஸ்மித். தினமும் ஒரு வெள்ளைத் தாளில் `ஜெனிஃபர், என்னைத் திருமணம் செய்துகொள்கிறாயா?’ என்று எழுதி, தேதியையும் குறிப்பிடுவார். பல் தேய்க்கும்போது, துவைக்கும்போது, சாப்பிடும்போது, விளையாடும்போது என்று ஒவ்வொரு நாளும் ஒவ்வொரு விதத்தில் கோரிக்கைத் தாளைப் பிடித்தபடி போட்டோ எடுத்துக்கொள்வார். 365 புகைப்படங்கள் எடுத்தவுடன், இவற்றை எல்லாம் வீடியோவாக மாற்றினார். ஜெனிஃபரின் பிறந்தநாளுக்குக் குடும்பத்தோடு கடற்கரைக்குச் சென்றனர். ஜெனிஃபர் நாற்காலிக்குப் பின்பக்கம் கோரிக்கையோடு நின்றார் ஸ்மித். குடும்பத்தினரின் ஆரவாரம் பார்த்து, ஜெனிஃபர் திரும்பினார். ஸ்மித்தின் கோரிக்கையை ஏற்றுக்கொண்டார். பிறகு அவருக்கு வீடியோ போட்டுக் காட்டப்பட்டது. `அதீதமான அன்பு இல்லாவிட்டால் இது போன்ற காரியங்களை எல்லாம் செய்ய முடியாது’ என்று உருகிப் போய்விட்டார் ஜெனிஃபர். காதலிக்கும்போது இருக்கும் இதே அன்பும் சுவாரசியமும் வாழ்க்கை முழுவதும் தொடரட்டும்! அமெரிக்காவில் வசிக்கும் ட்ரேசி கிப்சனும் அவரது மகள் ஜாரா ஹர்ட்ஸோரனும் மிக அரிய வகை நோயால் பாதிக்கப்பட்டிருக்கிறார்கள். 45 வயது ட்ரேசிக்கும் 18 வயது ஜாராவுக்கும் முகம், கழுத்து, கை பகுதிகளில் உள்ள தோல்களில் சுருக்கங்கள் விழுந்துவிட்டன. முதுமையானவர்கள் போலத் தோற்றம் அளிக்கிறார்கள். இவர்கள் இருவருக்கும் இலவச சிகிச்சையளிக்க ஒரு மருத்துவமனை முன்வந்தது. பற்கள் கூட விழுந்து மிகவும் வயதான தோற்றம் அளிக்கும் ட்ரேசி, சிகிச்சையை ஏற்றுக்கொள்ள மறுத்துவிட்டார். தன் மகளுக்கு மட்டும் சிகிச்சையளிக்கும்படிக் கேட்டுக்கொண்டார். `90 வயது முதியவருடைய தோல் எனக்கு வந்துவிட்டது. என்னைக் கேலி செய்யாதவர்களே கிடையாது. எனக்கு வந்தது ஒரு நோய்… அதை மற்றவர்கள் புரிந்துகொள்ளவில்லை என்றால் பரவாயில்லை. என் மகளுக்கும் அந்த நோய் வந்ததைத்தான் என்னால் தாங்க இயலவில்லை’ என்கிறார் ட்ரேசி. ஜாராவின் சிகிச்சைக்குச் சுமார் 50 லட்சம் செலவாகும் என்கிறார்கள். மகளின் இளமை திரும்பக் கிடைக்க வேண்டும் என்று நம்பிக்கையோடு காத்திருக்கிறார் ட்ரேசி. அடக் கொடுமையே… எப்படியெல்லாம் நோய் வருது… பல்கேரியாவில் ஜிப்ஸி இன மக்கள் `திருமணச் சந்தை’ நடத்துகிறார்கள். மிக வறுமையில் இருக்கும் மக்கள், இந்தத் திருமணச் சந்தைக்கு மணமகன்களையும் மணமகள்களையும் அழைத்து வருகிறார்கள். பெரியவர்கள் உணவருந்த, குழந்தைகள் விளையாட, இளம் ஆண்களும் பெண்களும் தங்கள் இணையைத் தேடுகிறார்கள். ஒருவருக்கு ஒருவர் பேசி, பிடித்துப் போனால் குடும்பத்தாரிடம் தெரிவிக்கிறார்கள். இரண்டு குடும்பங்களும் கூடிப் பேசுகிறார்கள். மணமகளின் அழகுக்கு ஏற்றவாறு மாப்பிள்ளை வீட்டார் வரதட்சணை அளித்து, திருமணத் தேதியை முடிவு செய்துவிடுகிறார்கள். அழகான பெண்ணை நிறையப் பேர் திருமணம் செய்துகொள்ள ஆர்வம் காட்டினால், யார் அதிகம் வரதட்சணை அளிக்கிறார்களோ, அவர்களுக்குப் பெண்ணைத் திருமணம் செய்து வைத்து விடுகிறார்கள். காலம் காலமாக நடைபெற்று வரும் இந்தத் திருமணச் சந்தை, பெரிய குதிரைச் சந்தை மைதானத்தில் நடைபெறுகிறது. அடப்பாவிகளா… பெண்களையும் ஆடு, மாடு போல வியாபாரம் செய்யறீங்களே… http://tamil.thehindu.com/world/உலக-மசாலா-ஜெனி-என்னைத்-திருமணம்-செய்துகொள்கிறாயா/article6977688.ece?ref=relatedNews
  1. Load more activity