தமிழகச் செய்திகள்

அ.தி.மு.க சண்டையில் வேட்டி கிழிந்தால் கவர்னருக்கு ஏன் வியர்க்கிறது?

Tue, 05/09/2017 - 05:20
அ.தி.மு.க சண்டையில் வேட்டி கிழிந்தால் கவர்னருக்கு ஏன் வியர்க்கிறது?
 

ப.திருமாவேலன்

 

வர்னர் வித்யாசாகர் ராவ்தான் தமிழ்நாட்டின் இன்றைய சூழ்நிலைக்கு வில்லன். எடப்பாடியும் பன்னீர்செல்வமும் தினகரனும் பாவம்... தாங்கள் செய்வது இன்னதென்று தெரியாமல் செய்கிறார்கள். வித்யாசாகர் ராவ் தெரிந்தே செய்கிறார். தவறுக்கு மேல் தவறைத் திட்டமிட்டுச் செய்கிறார். ஆடும் நாற்காலியில் உட்கார்ந்து இருக்கும் எடப்பாடி பழனிசாமிக்கு முட்டுக்கொடுக்கும் இரண்டு கால்கள் கவர்னருடையவை. ‘ஏன் இப்படி நடந்துகொள்கிறார்’ என்பதற்கான காரணங்கள் பச்சையாக வெளியே தெரிந்தபிறகும், தெருவில் நாறிய பிறகும் வித்யாசாகர் ராவ் அதைப் பற்றிக் கவலைப்படவில்லை. அவருக்கான அசைன்மென்ட் ‘அவ்வளவு’ பெரியது போல!

அ.தி.மு.க கடந்த சட்டசபைத் தேர்தலில் 134 இடங்களை வென்றது. (பிறகு நடந்த தஞ்சாவூர், அரவக்குறிச்சி தேர்தல் வெற்றிகளைச் சேர்த்தால் 136). ஜெயலலிதா இறந்து போனார். சபாநாயகரைக் கழித்தால் 134 எம்.எல்.ஏ-க்களின் ஆதரவு அந்தக் கட்சிக்கு இருக்க வேண்டும். அதில் 22 பேர் இன்றைய முதலமைச்சர் எடப்பாடி பழனிசாமி மீது நம்பிக்கை இல்லை என்று தினகரன் பக்கம் நிற்கிறார்கள். இதனால் பெரும்பான்மைக்குத் தேவையான 117 உறுப்பினர்கள் ஆதரவு இல்லாமல் ஆகிவிட்டது எடப்பாடி பழனிசாமியின் அரசுக்கு. அவருக்குப் பதவிப் பிரமாணம் செய்துவைத்த கவர்னர் வித்யாசாகர் ராவ் இதுபற்றிக் கேள்வி கேட்டிருக்க வேண்டும்; யாரும் சொல்லாமலேயே கேள்வி எழுப்பியிருக்க வேண்டும். தினகரன் அணியைச் சேர்ந்த 19 சட்டமன்ற உறுப்பினர்கள் வித்யாசாகர் ராவை ஆகஸ்ட் 23-ம் தேதி நேரில் சந்தித்தார்கள். ‘முதல்வர் எடப்பாடிமீது நம்பிக்கை இல்லை’ என்று கடிதங்கள் கொடுத்துள்ளார்கள். ‘உங்கள் மீது நம்பிக்கை இல்லை என்று 19 எம்.எல்.ஏ-க்கள் சொல்லி இருக்கிறார்கள். அதற்கு உங்கள் விளக்கம் என்ன?’ என்று முதலமைச்சரிடம் கவர்னர் கேட்டிருக்க வேண்டும். அதையும் செய்யவில்லை.

p2.jpg

‘இந்தக் கடிதங்கள்மீது நடவடிக்கை எடுங்கள்’ என்று எதிர்க்கட்சிகள் கோரிக்கை வைக்கின்றன. ‘மாநில சட்டசபையை உடனே கூட்ட வேண்டும். முதலமைச்சர் தனது பெரும்பான்மையை நிரூபிப்பதற்கு ஏற்பாடு செய்ய வேண்டும்’ என்று எதிர்க்கட்சிகள் வைத்த கோரிக்கையை கவர்னர் வெளிப்படையாக நிராகரித்துள்ளார். ‘‘இது அவர்களின் உள்கட்சி விவகாரம்’’ என்று கவர்னர் சொன்னதாக விடுதலைச் சிறுத்தைகள் தலைவர் திருமாவளவன் சொல்லியிருக்கிறார்.

‘அ.தி.மு.க-வுக்கு சசிகலா பொதுச்செயலாளராக இருக்கலாமா, கூடாதா?’ என்பது அந்தக் கட்சியின் உள்விவகாரம். ‘அவர் போட்ட கையெழுத்து செல்லுமா, செல்லாதா?’ என்பது அந்தக் கட்சியின் உள்விவகாரம். ‘சசிகலாவால் துணைப் பொதுச்செயலாளர் ஆக்கப்பட்ட தினகரனுக்கு அந்தப் பதவியில் தொடரவோ, உத்தரவுகள் போடவோ, யாரையும் சேர்க்கவோ, நீக்கவோ அருகதை இருக்கிறதா?’ என்ற கேள்வி அந்தக் கட்சியின் உள்விவகாரம். ஆனால், ‘முதலமைச்சருக்கு எங்கள் ஆதரவு இல்லை’ என்று அவரைத் தேர்ந்தெடுத்த உறுப்பினர்களில் ஆறில் ஒரு பகுதியினர் சொல்வது அந்தக் கட்சியின் உள்விவகாரமாக எப்படி இருக்க முடியும்?

எடப்பாடி பழனிசாமியைச் சேலம் புறநகர் மாவட்ட அ.தி.மு.க செயலாளர் பதவியில் இருந்து தினகரன் நீக்கியது அக்கட்சியின் உள்விவகாரம். ஆனால், முதலமைச்சரைக் கேள்வி கேட்பது எப்படி உள்விவகாரமாக இருக்க முடியும்? இது உள்விவகாரம் என்றால், எடப்பாடியையும் பன்னீரையும் மாட்டுச் சந்தையில் கைகோக்க வைத்து, பேரம் படிய வைப்பதுபோல கண்றாவிக் காட்சிகளை கவர்னர் மாளிகையில் அரங்கேற்றியது அரசியல் அமைப்புச் சட்ட விதிகளுக்குள் வருகிறதா?

அ.தி.மு.க கோஷ்டி சண்டையில் வேட்டி கிழிந்தால் வித்யாசாகர் ராவுக்கு ஏன் வியர்க்கிறது? அவர்கள் இருவரும் ஒன்றுசேருவது ஏன் இனிக்கிறது? இது வித்யாசாகர் ராவின் கனவா? அந்தக் கனவை இருவரும் நிறைவேற்றியதால் இந்த மகிழ்ச்சியா? இந்த இருவரும் மத்திய பி.ஜே.பி-க்குப் பயந்து சாகும் பூனைகள் என்பதை கவர்னர் உணர்ந்ததால் கருவாடு போடுகிறார். அதற்கு தினகரன் இடைஞ்சலாக இருப்பதால் முகத்தைத் திருப்புகிறார்.

தினகரனை ஆதரிக்கும் 19 பேர் எழுதிக் கொடுத்த கடிதங்களை ஒழுங்காகப் படித்து இருந்தாலே, ‘இது அவர்களின் உள்கட்சி விவகாரம்’ என்று கவர்னர் சொல்லி இருக்க மாட்டார். அந்தக் கடிதங்கள் பட்டவர்த்தனமாக இந்த ஆட்சியைக் குற்றம்சாட்டுகின்றன. எடப்பாடி பழனிசாமியை நேருக்கு நேர் கேள்வி கேட்கின்றன.

‘நாங்கள் எடப்பாடி பழனிசாமி ஆட்சி அமைக்க நம்பிக்கை வாக்கெடுப்பின்போது ஆதரித்து வாக்களித்தவர்கள். ஆனால், இப்போது அவர்மீது ஏமாற்றம் அடைந்துள்ளோம். அதிகார துஷ்பிரயோகம், அரசு இயந்திரத்தைத் தவறாகப் பயன்படுத்துதல், பரவலான ஊழல், சார்பு நிலை என்று எடப்பாடி பழனிசாமி தலைமையிலான அரசு செயல்பட்டதால் மிகுந்த ஏமாற்றம் அடைந்தோம். கடந்த 4 மாதங்களாக எடப்பாடி பழனிசாமிமீது பல்வேறு தரப்பிலிருந்தும் கடுமையான குற்றச்சாட்டுகள் கூறப்பட்டன. எடப்பாடி பழனிசாமியும் ஊழலில் ஈடுபட்டு பல்வேறு மட்டத்தில் ஊழலை ஊக்குவித்தது எங்கள் கட்சிக்குப் பெரிய இழுக்கை ஏற்படுத்தி உள்ளது. எங்கள் தலைவி ஜெயலலிதாவின் கனவை எடப்பாடி பழனிசாமியால் நிறைவேற்ற முடியாது. இந்தக் காரணங்களுக்காக அவரை ஆதரிக்க முடியாது. எனவே, தாங்கள் உடனே அரசியலமைப்பு சட்டப்படி தலையிட வேண்டும்’ என்றுதான் அந்த 19 பேரின் கடிதங்களிலும் இருக்கிறது. இதில் அ.தி.மு.க-வின் உள்கட்சி விவகாரம் எங்கே பேசப்படுகிறது?

அதிகார துஷ்பிரயோகம், ஊழல், சார்பு நிலை, அரசாங்கம் உள்நோக்கத்துடன் பயன்படுத்தப்படுகிறது - இந்த நான்கும் நாடு சம்பந்தப்பட்டவை. ‘நாங்கள் யாரை முதலமைச்சராகத் தேர்வு செய்தோமோ அவரே ஊழல் செய்கிறார்’ என்று நெஞ்சுக்கு நேராகக் குற்றம்சாட்டுகிறார்கள். இதற்கு விளக்கம் கேட்க வேண்டிய கடமை கவர்னருக்கு இல்லையா? இதைக்கூட கேட்காமல் இவர் ஏன் இருக்க வேண்டும்? ‘‘மாநிலங்கள் அரசியலமைப்புக்கு மதிப்புக்கொடுத்து இயங்குகிறதா என்பதைக் கண்காணிப்பதுதான் கவர்னரின் வேலை” என்றார் டாக்டர் அம்பேத்கர். அப்படி இயங்கவில்லை என்று ஆளுங்கட்சி உறுப்பினர்களே சொல்கிறார்கள். ‘‘பந்து என்னுடைய கோட்டில் இல்லை” என்கிறார் வித்யாசாகர் ராவ். ஆனால், அவரது கோட்டில்தான் பந்து இருக்கிறது. அது, தமிழக பந்து அல்ல. டெல்லி பந்து. அதனால்தான் அரசியலமைப்பு சட்டம் விதித்துள்ள கடமையைத் தட்டிக்கழிக்கிறார் கவர்னர்.

p2a.jpg

பி.ஜே.பி சில அஜெண்டாக்களை வழங்கி யிருக்கிறது. அதன்படி செயல்பட நினைப்பதால் தான் கவர்னர் நடவடிக்கை எடுக்கத் தயங்குகிறார். தங்களுக்கு வேண்டிய காரியங்களை மாநிலங்களில் பார்ப்பதற்காக மத்திய அரசால் அனுப்பி வைக்கப்படும் டெல்லி கூஜாக்கள்தான் கவர்னர்கள். எதிர்க்கட்சி ஆட்சியாக இருந்தால் கிரண்பேடியைப் போல் குடைச்சல் கொடுப்பார்கள். தங்களுக்கு வேண்டிய ஆட்சியாக இருந்தால் வித்யாசாகர் ராவைப் போல முட்டுக்கொடுப்பார்கள். இது ஏதோ இன்று நடப்பது மட்டுமல்ல. இந்தியா சுதந்திரம் அடைந்தது முதல் இப்படித்தான் நடக்கிறது.

1952-ம் ஆண்டு நடைபெற்ற முதல் பொதுத் தேர்தலின்போது நாம், சென்னை ராஜதானியாக இருந்தோம். ஆந்திரா நம்மோடு இருந்தது. மைசூர் நீங்கலாக கர்நாடகாவும், திருவிதாங்கூர் நீங்கலாக கேரளாவும் நம்மோடு இருந்தது. மொத்தம் 375 உறுப்பினர் கொண்ட சபை அது. காங்கிரஸ் கட்சி 153 இடங்களில்தான் வென்றது. சுதந்திரம் வாங்கிக்கொடுத்த ஐந்து ஆண்டுகளுக்குள்ளேயே காங்கிரஸ் கட்சியைத் தோற்கடித்த மாகாணம் இது. காங்கிரஸால் ஆட்சி அமைக்க முடியவில்லை. கம்யூனிஸ்ட்டுகள் உள்ளிட்ட மற்ற கட்சிகள் ஜனநாயக முன்னணி அமைத்து டி.பிரகாசத்தை முதல்வராக்க முயற்சி செய்தன. அன்று சென்னை கவர்னராக இருந்த பிரகாசா இதை ஏற்கவில்லை. ‘தேர்தலுக்கு முன்னால் கூட்டணி அமைத்திருக்க வேண்டும். தேர்தலுக்குப் பிறகு அமைக்கும் கூட்டணி செல்லாது’ என்று சொல்லி ஜனநாயகக் கூட்டணியை நிராகரித்தார். அதன்பிறகு ராஜாஜி உள்ளே நுழைந்தார். மந்திரி பதவிக்கு ஆசைகாட்டி, சில கட்சிகளை உள்ளே சேர்த்தார். ஜனநாயகப் படுகொலையுடன்தான் முதல் ஆட்சியே அமைந்தது. ‘காங்கிரஸ் அல்லாத ஆட்சி அமையக் கூடாது’ என்பதுதான் அன்றைய கவர்னருக்கு டெல்லி காங்கிரஸ் போட்ட உத்தரவு. ‘நமது கூஜா ஆட்சியைக் கவிழ்ப்பதா?’ என்பதுதான் இன்றைய கவர்னருக்கு டெல்லி பி.ஜே.பி போட்ட உத்தரவு.

இந்தக் கொல்லைப்புற வழிமுறைகள் அடைக்கப்பட வேண்டாமா? அப்புறம் என்ன புடலங்காய் ஜனநாயகம்?

http://www.vikatan.com/juniorvikatan/

Categories: Tamilnadu-news

“என் ஓவியங்களைப் பற்றி பிரபாகரன் அழைத்து பேசினார்!” - ஓவியர் புகழேந்தி

Mon, 04/09/2017 - 10:39
“என் ஓவியங்களைப் பற்றி பிரபாகரன் அழைத்து பேசினார்!” - ஓவியர் புகழேந்தி
 
 

pugazhedhi, புகழேந்தி

உலகின் ஒரு முக்கியமான பிரச்னைக்காக தனிநபர் ஒருவர் பல ஓவியங்கள் வரைந்து ஆவணப்படுத்துவது என்பது மிகவும் அரிதான விஷயம். ஆனால், உலகில் பலரின் கவனத்தைத் திசைதிருப்பிய தமிழ் ஈழப் பிரச்னைக்காக, 100 ஓவியங்களை வரைந்து ஆவணப்படுத்தி இருக்கிறார் ஓவியர் புகழேந்தி. தஞ்சாவூர் மாவட்டம் தும்பதிக்கோட்டை கிராமத்தில் 1967-ம் ஆண்டு பிறந்த புகழேந்தி இளம் வயதிலேயே ஓவியத்தின் மீது அதிக ஈடுபாடு கொண்டிருந்தார். ஓவியக்கல்லூரியில் படித்து பட்டம்பெற்றார். தமிழ் ஈழத்திற்காக 100 ஓவியங்கள் மற்றும் சமூகத்தின் முக்கியப் பிரச்சனைகளான மதக் கலவரம், சாதி ரீதியான, மத ரீதியான, நிற ரீதியான தாக்குதல் என அனைத்து பிரச்னைகளையும் ஓவியமாக இவர் வரைந்துள்ளார்.

இவர் வரைந்த ஓவியங்களுக்காக 1987-ம் ஆண்டு, பிரபல ஓவியர் எம்.எஃப். உசேனால் தேர்வு செய்யப்பட்டு தமிழ் தேசிய விருது மற்றும் தமிழக அரசின் மாநில விருது என பல விருதுகளையும் பெற்றிருக்கிறார். தற்போது தனது 50 ஆண்டு கால வாழ்க்கையை பதிவு செய்யும் வகையில் ”நானும் எனது நிறமும்” என்ற தலைப்பில் தன் வரலாற்றுப் புத்தகம் ஒன்றை வெளியிட்டிருக்கிறார். 'எரியும் வண்ணம்', 'உறங்கா நிறங்கள்', எம்.எஃப் உசேன் மற்றும் பிரபாகரன் வாழ்க்கை வரலாறு என பல நூல்களையும் எழுதி இருக்கிறார். சமூக அக்கறையுடன் கூடிய ஓவியங்கள் பற்றி புகழேந்தியுடன் ஒரு நேர்காணல்..

"உங்களது ஓவியங்கள் ஈழம் சார்ந்து ஈர்க்கப்பட்டதன் முக்கிய நோக்கம் என்ன?"

"1983-ம் ஆண்டு தமிழ் ஈழப் போராட்டத்தில் பல்லாயிரக்கணக்கானோர் கொல்லப்பட்டனர். அப்போது பலர் உண்ணாவிரதம், மறியல் உள்ளிட்ட பல போராட்டங்களை நடத்தினர். நான் அப்போது ஓவியக் கல்லூரி மாணவனாக இருந்தேன். இந்த வன்முறையை போராட்டத்தோடு நிறுத்தாமல், ஓவியமாக வரைந்து உலகளவில் கொண்டுசெல்ல வேண்டும் என்று எண்ணினேன். என்னுடைய ஈழம் சார்ந்த 100 ஓவியங்கள் உலகின் பல இடங்களில் காட்சிப்படுத்தப்பட்டன. சமீபத்தீல் லண்டனில் மூன்று முக்கிய இடங்களில் இந்த ஓவியங்கள் காட்சிப்படுத்தப்பட்டன".

"ஈழம் சார்ந்த ஓவியங்களில் மட்டும் தனிகவனம் செலுத்தக் காரணம் என்ன?"

"ஈழம் சார்ந்த ஓவியங்களைவிட மற்றப் பிரச்னைகளுக்காக நான் வரைந்த ஓவியம் அதிகம். 2008-ம் ஆண்டுவரை, ஈழ விடுதலைக்காக 27 ஓவியங்கள் மட்டுமே வரைந்தேன். குஜராத் பூகம்பம், மதக் கலவரம், ஜாதி-மத ரீதியான உலகளாவிய அனைத்துப் பிரச்னைகளுக்காகவும் ஓவியங்கள் வரைந்துள்ளேன். ஆனால், என்னை ஈழம்சார்ந்தவராக அடையாளப்படுத்தி விட்டனர்".

புகழேந்தி, pugazhendhi

"தமிழ் ஈழத்தில் உங்கள் ஓவியத்திற்கான வரவேற்பு என்பது எப்படி இருந்தது?"

"என்னுடைய பல படைப்புகள் நல்ல வரவேற்பைப் பெற்றன. திலீபன் உள்ளிட்ட ஓவியங்களுக்கு பிரபாகரன் என்னை அழைத்து, 'தமிழ்நாட்டில் இருந்துகொண்டு எப்படி ஈழம் சார்ந்து வரைந்தீர்கள்?' என்று கேட்டார். அதற்குப் பதிலாக, 'உடல் மட்டுமே தமிழ்நாட்டில் இருந்தது. உயிர் முழுக்க திலீபனுடன்தான் இருந்தது' என்றேன்".

"சமூகப் பிரச்னைகளில் ஓவியம் ஒரு முக்கியப் பங்கு வகிக்கிறது. இன்றைய சூழ்நிலையில் ஓவியர்களின் நிலை எவ்வாறு இருக்கிறது?"

 

"தமிழ்நாட்டில் ஓவியம் என்பது மிகவும் மூத்த கலையாகும். பெரும்பாலும் அன்றைய காலகட்டத்தில் ஒரு மதத்தை, அவர்களின் கலாசாரத்தை பதிவுசெய்யப் பயன்பட்டது. சில ஓவியர்கள் ஓவியம் வரைதலைத் தொழிலாகச் செய்து வருகிறார்கள். அது ஏற்புடையதாக இருந்தாலும், மொத்தமாக வியாபார ரீதியாக செயல்படுவது என்பது சரியானது அல்ல. படைப்பாளியானவர், சமூகத்தில் இருந்து வேறுபட்டு நிற்க முடியாது".

http://www.vikatan.com/news/tamilnadu/101266-artist-pugazhendhi-on-his-carrier.html

Categories: Tamilnadu-news

டெல்லியிலிருந்து கிடைத்த சிக்னல்; திடீர் உற்சாகத்தில் தினகரன் #VikatanExclusive

Mon, 04/09/2017 - 10:01
டெல்லியிலிருந்து கிடைத்த சிக்னல்; திடீர் உற்சாகத்தில் தினகரன் #VikatanExclusive
 
 

முதல்வர் எடப்பாடி பழனிசாமி

டெல்லியிலிருந்து தினகரன் ஆதரவு எம்.எல்.ஏ-க்களுக்கு சிக்னல் கிடைத்துள்ளதால் உற்சாகத்தில் சசிகலா அணியினர் உள்ளனர். இது, முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் அணியினருக்கு அதிர்ச்சியை ஏற்படுத்தியுள்ளது. 

அ.தி.மு.க-வில் நிலவும் உள்கட்சிப் பூசல், அதிகாரப் போட்டி ஆகியவற்றால் இடியாப்பச் சிக்கல் ஏற்பட்டுள்ளது. அதிலிருந்து  மீள முடியாமல் அ.தி.மு.க-வினர் திணறுகின்றனர். சசிகலா அணியினருக்கு நெருக்கடி கொடுத்துவந்த ஓ.பன்னீர்செல்வத்துடன் முதல்வர் எடப்பாடி பழனிசாமி சமரசமானதும், ஆட்சிக்கும் கட்சிக்கும் நெருக்கடி கொடுக்கத் தொடங்கியுள்ளார் தினகரன்.

கூவத்தூர் ரிசார்ட்டில் அதிமுக எம்.எல்.ஏ-க்கள் தங்க வைக்கப்பட்டுள்ளதுபோல தினகரன் ஆதரவு எம்.எல்.ஏ-க்கள் புதுச்சேரியில் தங்க வைக்கப்பட்டுள்ளனர். முதல்வர் எடப்பாடி பழனிசாமி மீதுள்ள அதிருப்தி காரணமாக தினகரனுக்கு ஆதரவு எம்.எல்.எ-க்களின் எண்ணிக்கை அதிகரித்துள்ளன. எம்.எல்.ஏ-க்களைத் தொடர்ந்து எம்.பி-க்களின் எண்ணிக்கையும் அதிகரிக்க தினகரன் தரப்பு முடிவு செய்துள்ளது. அப்போதுதான் டெல்லியிலிருந்து நமக்கு அழைப்பு வரும் என்று தினகரன் எதிர்பார்த்து காயை நகர்த்த தொடங்கியுள்ளது. அவர்கள் எதிர்பார்த்தபடி, டெல்லியிலிருந்து தினகரனுக்கு சாதகமான சிக்னல் கிடைத்துள்ளது. இதனால், தினகரன் தரப்பினர் உற்சாகத்தில் உள்ளனர்.

இதுகுறித்து நம்மிடம் பேசிய தினகரன் ஆதரவாளர்கள், "கட்சிக்குத் துரோகம் செய்த ஓ.பன்னீர்செல்வத்துடன் சேர்ந்து முதல்வர் எடப்பாடி பழனிசாமி, அ,தி.மு.க-வுக்குச் சிக்கலை ஏற்படுத்திவிட்டார். ஏனெனில், சிறைக்குச் செல்லும் முன் சசிகலா, எடப்பாடி பழனிசாமியை முதல்வராக்கி அவரின் கையில் ஆட்சியை ஒப்படைத்தார். அதுபோல துணைப் பொதுச் செயலாளராக தினகரனை நியமித்து கட்சியை ஒப்படைத்தார்.

ஜெயலலிதா ஏற்படுத்திய ஆட்சியைக் கவிழ்க்க ஓ.பன்னீர்செல்வம் செய்த துரோகத்தை அ.தி.மு.க தொண்டர்கள் மன்னிக்க மாட்டார்கள். வெறும் 12 எம்.எல்.ஏ-க்களின் ஆதரவைப் பெற்ற ஓ.பன்னீர்செல்வம், சட்டசபையில் இந்த ஆட்சிக்கு எதிராக தி.மு.க-வுடன் சேர்ந்து வாக்களித்தார். அப்போது, நாங்கள்தான் முதல்வர் எடப்பாடி பழனிசாமிக்கு உறுதுணையாக இருந்தோம். அதனால், இந்த ஆட்சி தொடர்ந்தது.

சசிகலாவுக்கு எதிராக நடவடிக்கை எடுக்க தயங்கிய முதல்வர் எடப்பாடி பழனிசாமி, சிலரது தூண்டுதலின்பேரில் மாறிவிட்டார். ஆனால், அனைத்தும் அவரது மனசாட்சிக்குத் தெரியும். சசிகலா இல்லையெனில் எடப்பாடி பழனிசாமி முதல்வரே கிடையாது. ஜெயலலிதா உயிரோடு இருந்தபோது சசிகலா குடும்பத்தினரின் மூலம் எம்.எல்.ஏ-க்கள் சீட் மற்றும் கட்சிப் பதவிகளைப் பெற்றவர்கள் இன்று அவருக்கு எதிராகப் பேசுவது நியாயமில்லை. 

சசிகலா, தினகரன்

அ.தி.மு.க. பொதுக்குழுவில் சசிகலாவை பொதுச் செயலாளராகத் தேர்ந்தெடுத்தவர்கள் அந்தப் பதவியிலிருந்து அவரை நீக்கத் துடிக்கின்றனர். இதற்குப் பின்னால் சிலரது தூண்டுதல் உள்ளது. கட்சிக்குத் துரோகம் செய்த ஓ.பன்னீர்செல்வம், முதல்வர் எடப்பாடி பழனிசாமிக்குத் துரோகம் செய்ய மாட்டாரா. அ.தி.மு.க-வை பா.ஜ.க-விடம் அடகு வைக்க முயற்சி செய்யும் சிலரது எண்ணம் நிச்சயம் நிறைவேறாது. அவர்களை எம்.ஜி.ஆர்., ஜெயலலிதாவின் ஆன்மாக்கள் மன்னிக்காது.

ஓ.பன்னீர்செல்வம் அணியுடன் இணைந்துவிட்டால் சின்னம் கிடைத்துவிடும் என்ற நம்பிக்கையில் டெல்லி சென்றவர்களுக்கு அதிர்ச்சியே காத்திருந்தது. சின்னத்தையும் கட்சியையும் அழிக்கவே டெல்லி விரும்புகிறது. ஆனால், தங்களுடைய சுயலாபத்துக்காக அதையும் செய்ய சிலர் தயாராகிவிட்டனர். அ.தி.மு.க-வைச் சேர்ந்த சிலர் அ.தி.மு.க-வை அழிக்கப்பார்க்கின்றனர். அதை தினகரன் தடுத்துவருகிறார்.

குறிப்பாக, மத்திய அமைச்சரவையில் இடம் கிடைக்கும் என்ற எதிர்பார்த்த எம்.பி-க்களுக்கு அல்வா கொடுக்கப்பட்டுள்ளது. அதுதொடர்பாக பா.ஜ.க-வுடன் பேச்சுவார்த்தை நடத்தியவர்களிடம், 'உங்களுடைய ஆட்சியே நீடிக்காத நிலையில் இருக்கிறது. தினகரனுக்கு தினந்தோறும் ஆதரவு அதிகரித்துவருகிறது. ஓ.பன்னீர்செல்வம் அணியின் ஆதரவு குறைந்துள்ளது என்ற மத்திய உளவுத்துறை மூலம் எங்களுக்கு ரிப்போர்ட் வந்துள்ளது. இதனால் தினகரனிடம் சமரசம் செய்து ஆட்சியைக் காப்பாற்றுங்கள். தினகரனின் ஆதரவு எம்.எல்.ஏ-க்கள் மீது நடவடிக்கை எடுத்தால் அது, தி.மு.க-வுக்குத்தான் சாதகமாக அமையும், தினகரனுக்கு ஆதரவு தெரிவித்த எம்.எல்.ஏ-க்கள் ராஜினாமா செய்து, மீண்டும் தேர்தல் நடத்தப்பட்டால் தி.மு.க வெற்றி பெற வாய்ப்புள்ளது. தி.மு.க வெற்றிபெற்று ஆட்சி அமைக்கும் மெஜாரிட்டியைப் பெற்றுவிட்டால் என்ன செய்யப்போகிறீர்கள். முதலில் தினகரனின் ஆதரவு எம்.எல்.ஏ-க்களின் எண்ணிக்கையைக் குறையுங்கள். இல்லை அவரிடம் சமரசம் செய்து ஆட்சியையும் கட்சியையும் காப்பாற்றுங்கள்' என்று டெல்லி மேலிடம் சொல்லி அனுப்பியுள்ளது.

 

இந்தத் தகவலைக் கேட்ட முதல்வர் எடப்பாடி பழனிசாமியும் துணை முதல்வர் ஓ.பன்னீர்செல்வமும் உடனடியாக ஆலோசனை நடத்தியுள்ளனர். ஆட்சியைக் காப்பாற்றவும் பெருபான்மையை நிரூபிக்கவும் எம்.எல்.ஏ-க்களிடம் ஆலோசனை நடத்த அவசர கூட்டத்துக்கு ஏற்பாடு செய்துள்ளனர்.அதோடு, தினகரன் தரப்பில் உள்ள கொங்கு மண்டலத்தைச் சேர்ந்த முன்னாள் அமைச்சர் ஒருவருடன் சமரச பேச்சுவார்த்தையும் நடத்தப்பட்டுவருகிறது. அதில் பாசிட்டீவ்வான முடிவுகள் எடுக்கப்பட்டுள்ளன. தினகரன் தரப்பு அமைச்சரவையை மாற்ற வேண்டும் என்ற கோரிக்கையை முன்வைத்துள்ளது. அதுதொடர்பாகப் பேசி முடிவெடுக்கிறோம் என்று முதல்வர் தரப்பு சொல்லியிருக்கிறது" என்றனர். 

http://www.vikatan.com/news/tamilnadu/101255-ttv-dinakaran-happy-with-higher-authorities-reply-from-delhi.html

Categories: Tamilnadu-news

2050-ல் சென்னை நகரை விழுங்க போகும் கடல்

Mon, 04/09/2017 - 07:09
2050-ல் சென்னை நகரை விழுங்க போகும் கடல்

 

உலக வெப்பமயமாதலால் 2050-ம் ஆண்டில் சென்னை மற்றும் அதை சுற்றியுள்ள பகுதிகள் கடற்பகுதிக்குள் சென்றுவிடும் என்று ஆய்வில் தெரியவந்துள்ளது.

 
2050-ல் சென்னை நகரை விழுங்க போகும் கடல்
 
சென்னை:

தமிழ்நாடு அரசு சுற்றுச்சூழல் துறையின் கீழ் பருவநிலை மாற்றம் தமிழக செயல்திட்டம் என்ற அமைப்பு செயல்படுகிறது. இந்த அமைப்பின் ஒரு பிரிவாக உள்ள தமிழ்நாடு மாநில நிலம் பயன்படுத்துதல் ஆராய்ச்சி வாரியம் தமிழக இயற்கை சூழ்நிலைகள் குறித்து ஆய்வு நடத்தி உள்ளது.

பருவநிலை மற்றும் உலக வெப்பமயமாதல் காரணமாக தமிழ்நாட்டில் ஏற்படும் விளைவுகள் குறித்து நடத்திய ஆய்வில் உலக வெப்பமயமாதலால் தமிழ்நாட்டில் பெரும் பாதிப்பு ஏற்படும் என்று தெரியவந்துள்ளது.

உலக வெப்பமயம் அதிகரிப்பின் காரணமாக அண்டார்டிகாவில் உள்ள பனிப்பாறைகள் அதிக அளவில் உருகி வருகின்றன. மேற்கு அண்டார்டிகா பகுதியில் கடலுக்கு அடியிலும், அதன் மேல் பகுதியிலும் பெரிய அளவில் பனிப்பாறைகள் இருக்கின்றன. அவை கொஞ்சம் கொஞ்சமாக உருகி வருகிறது.

இதன் காரணமாக 2050-ல் கடல் மட்டம் 4.8 மீட்டர் அளவிற்கு உயரும் என்று தெரியவந்துள்ளது. அதேபோல கிழக்கு அண்டார்டிகாவில் உள்ள பனிப்பாறைகள் மிக வேகமாக உருகி வருகின்றன. இதனால் கடல் நீர்மட்டம் 3.4 மீட்டர் உயரம் என்று கண்டுபிடித்துள்ளனர்.

இதன் காரணமாக உலகம் முழுவதுமே கடல் நீர்மட்டம் உயர்ந்து பல்வேறு பாதிப்புகளை ஏற்படுத்தும். இதனால் தமிழ்நாட்டில் என்ன பாதிப்பு ஏற்படும் என்று ஆய்வு செய்ததில் 2050-ம் ஆண்டில் தமிழ்நாட்டு கடலோர பகுதியில் 4.35 மீட்டரில் இருந்து 6.85 மீட்டர் வரை நீர்மட்டம் உயரும் என்று தெரியவந்துள்ளது.
 
201709041114548379_1_beach._L_styvpf.jpg

இதனால் சுமார் 1963 சதுர கிலோ மீட்டர் நிலப்பரப்பு பகுதிகளை கடல் விழுங்கி விடும். சென்னை மற்றும் அதை சுற்றியுள்ள பகுதிகளில் மட்டும் 144 சதுர கிலோ மீட்டர் நிலப்பரப்பு கடற்பகுதிக்குள் சென்றுவிடும். இதனால் இந்த பகுதியில் வாழும் 10 லட்சம் மக்கள் வாழ்விடத்தை இழந்து வெளியேற வேண்டிய கட்டாய நிலை ஏற்படும். அதோடு காஞ்சீபுரம், திருவள்ளூர் மாவட்டத்தில் 5 லட்சம் பேர் வெளியேறும் நிலை உருவாகும்.

சென்னையில் 144 சதுர கிலோ மீட்டர் நிலப்பரப்பு கடலுக்குள் செல்வதால் அங்கு செய்துள்ள ரூ.7 லட்சத்து 1790 கோடி பணம் வீணாகிவிடும். தமிழ்நாட்டில் உள்நாட்டு உற்பத்தி விகிதம் கடந்த ஆண்டு கணக்கீட்டின் படி ரூ.12 லட்சத்து 12 ஆயிரம் கோடி ஆகும். நிலப்பரப்பை கடல் விழுங்குவதால் இதில் 50-ல் இருந்து 55 சதவீதம் வரை பாதிப்பு ஏற்படும் என்றும் அந்த ஆய்வில் தெரியவந்துள்ளது.

அதுமட்டுமல்லாமல் கடல் மட்டம் உயருவதால் கடல் அரிப்பு இனி அதிகமாகும். இதனால் கடற்கரை பகுதி கொஞ்சம் கொஞ்சமாக அழிந்து கொண்டுவரும். மேலும், கடல் அலையின் சீற்றமும் அதிகரிக்கும். ராட்சத அலைகள் ஊருக்குள் புகும். சூறாவளி, புயல் காலத்தில் இதன் பாதிப்புகள் மோசமாக இருக்கும். கடல்நீர் நிலத்தடி நீருக்குள் புகுந்து உப்பத்தண்ணீராக மாறும்.

இதுபோல இன்னும் பல பாதிப்புகள் ஏற்படும் என்று அந்த ஆய்வு கூறுகிறது.

http://www.maalaimalar.com/News/TopNews/2017/09/04111453/1106113/Chennai-will-submerge-underwater-in-2050.vpf

Categories: Tamilnadu-news

முதல்வரை மாற்றும்வரை சட்டப்பேரவைக்கு செல்ல மாட்டோம்: எம்.எல்.ஏ தங்க தமிழ்ச்செல்வன் பேட்டி

Mon, 04/09/2017 - 06:56
முதல்வரை மாற்றும்வரை சட்டப்பேரவைக்கு செல்ல மாட்டோம்: எம்.எல்.ஏ தங்க தமிழ்ச்செல்வன் பேட்டி

 

 
DSC9917jpg

தங்க தமிழ்ச்செல்வன் | கோப்புப் படம்: எம்.சாம்ராஜ்

முதல்வர் கூட்டும் எம்.எல்.ஏக்கள் கூட்டத்தில் பங்கேற்க மாட்டோம். முதல்வரை மாற்றும்வரை சட்டப்பேரவைக்கு செல்ல மாட்டோம் என்று தினகரன் ஆதரவு எம்.எல்.ஏ தங்க தமிழ்ச்செல்வன் கூறியுள்ளார்.

இது தொடர்பாக இன்று சென்னை அடையாறு இல்லத்தில் செய்தியாளர்களிடம் தங்க தமிழ்ச்செல்வன் கூறியதாவது:

''தினகரன் ஆதரவு எம்.எல்.ஏக்கள் எண்ணிக்கை குறையவில்லை. தற்போது தினகரன் ஆதரவு எம்.எல்.ஏக்களின் எண்ணிக்கை 25 ஆக அதிகரித்துள்ளது. சொகுசு விடுதியில் எம்.எல்.ஏக்கள் இல்லை என்று வெளியான செய்தி தவறானது. ஞாயிற்றுக்கிழமை சுபமுகூர்த்த நாள் என்பதால் 10 எம்.எல்.ஏக்கள் சில நிகழ்ச்சிகளில் கலந்து கொள்வதற்காக சொந்த ஊருக்குச் சென்றனர்.

மாவட்டச் செயலாளர் கூட்டத்தை துணை பொதுச் செயலாளர்தான் கூட்ட வேண்டும். மாவட்டச் செயலாளர் கூட்டத்தை கூட்ட முதல்வருக்கு அதிகாரம் இல்லை.

முதல்வர் கூட்டும் எம்.எல்.ஏக்கள் கூட்டத்தில் பங்கேற்க மாட்டோம். கொறடா நோட்டீஸ் அனுப்பிய பிறகு எம்.எல்.ஏக்கள் கூட்டத்துக்கு அழைப்பு விடுத்தது ஏன்? முதல்வரை மாற்றும்வரை சட்டப்பேரவைக்கு செல்ல மாட்டோம். ஆளுநர் இரண்டு நாளில் அழைப்பார் என்று நம்புகிறோம். ஆளுநர் அழைக்காவிடில் 2 நாட்கள் கழித்து அடுத்தகட்ட நடவடிக்கை குறித்து முடிவெடுப்போம்.

நீட் தேர்வில் விலக்கு பெற முடியாது என்ற பட்சத்தில், நீட் தேர்வில் கேட்கப்படும் கேள்விகளை மாநில பாடத்திட்டத்தில் இருந்து கேட்க வேண்டும். அனிதாவின் இறுதிச் சடங்கில் அதிமுக அம்மா அணியின் துணை பொதுச் செயலாளர் டிடிவி தினகரன் கலந்துகொண்டார். ஆனால், முதல்வர், ஓபிஎஸ், அமைச்சர்கள் ஏன் கலந்துகொள்ளவில்லை?

திமுக கூட்டத்தில் பங்கேற்போம் என்று திவாகரன் கூறியது அவரது தனிப்பட்ட கருத்து'' என்றார் தங்க தமிழ்ச்செல்வன்.

http://tamil.thehindu.com/tamilnadu/article19618864.ece?homepage=true

Categories: Tamilnadu-news

திருச்சியில் 3 மாடி கட்டிடம் இடிந்து விழுந்ததில் 3 பேர் பலி; ஒரு குழந்தை உட்பட இருவர் உயிருடன் மீட்பு

Sun, 03/09/2017 - 08:41
திருச்சியில் 3 மாடி கட்டிடம் இடிந்து விழுந்ததில் 3 பேர் பலி; ஒரு குழந்தை உட்பட இருவர் உயிருடன் மீட்பு

 

accidentjpg

திருச்சியில் கட்டிடம் இடிந்து விழுந்து விபத்து | படம்: ஞானவேல்முருகன்

kulanthaijpg

இடிபாடுகளில் சிக்கிய குழந்தை 7 மணி நேரத்துக்குப் பின்னர் பத்திரமாக மீட்கப்பட்டது | படம்: ஞானவேல் முருகன்

திருச்சியில் 3 மாடி கட்டிடம் இடிந்து விழுந்ததில் ஒரே குடும்பத்தைச் சேர்ந்த இருவர் உட்பட 3 பேர் இடிபாடுகளில் சிக்கி பலியாகினர். ஒரு குழந்தை உட்பட 3 பேர் உயிருடன் மீட்கப்பட்டுள்ளனர். மீட்புப் பணிகள் தொடர்ந்து நடைபெற்று வருகிறது.

திருச்சி மலைக்கோட்டை அருகே உள்ளது தஞ்சாவூர் குளத்தெரு. இப்பகுதியில் உள்ள 3 தளங்கள் கொண்ட குடியிருப்பு ஒன்று இன்று (ஞாயிற்றுக்கிழமை) அதிகாலை 3.50 மணியளவில் இடிந்துவிழுந்தது. இதில், ஒரே குடும்பத்தை சேர்ந்த இருவர் பலியாகினர். பலியான சிறுவன், சிறுவனின் தந்தையின் சடலம் இடிபாடுகளில் இருந்து அப்புறப்படுத்தப்பட்டது.

இதுவரை ஒரு குழந்தை உட்பட 3 பேர் உயிருடன் மீட்கப்பட்டனர். மீட்கப்பட்ட கைக்குழந்தை அங்காள பரமேஸ்வரிக்கு சிறு காயம்கூட ஏற்படவில்லை. ஆனால் குழந்தையின் தந்தை பழனி பரிதாபமாக பலியானார்.

விபத்து பகுதியில் தீயணைப்புப் படையினர், காவல்துறையினர், மாநகராட்சி அதிகாரிகள் உள்ளனர். மீட்புப் பணிகள் துரிதமாக நடைபெற்று வருகின்றன.

விபத்து ஏன்?

விபத்து குறித்து மாநகராட்சி அதிகாரி ஒருவர், "திருச்சியில் நேற்று இரவு கடும் மழை பெய்த நிலையில் இந்த விபத்து ஏற்பட்டுள்ளது. இந்த வீட்டுக்கு அருகே இருந்த கட்டிடம் ஒன்று அண்மையில் இடிக்கப்பட்டது. அந்த கட்டிடம் இடிக்கப்பட்டதால் தற்போது காலியிடமாக உள்ளது. இடிக்கப்பட்ட கட்டிடத்தின் ஒரு பக்க சுவரும் இடிந்துவிழுந்த கட்டிடத்தின் சுவரும் ஒன்றாகவே இருந்துள்ளது. இந்நிலையில் அந்தக் கட்டிடம் இடிக்கப்பட்டதால் இக்கட்டிடம் வலுவிழந்திருக்கிறது. இந்நிலையில்தான் மழை பெய்ததால் கட்டிடம் மேலும் வலுவிழந்து கீழே விழுந்துள்ளது" எனத் தெரிவித்தார்.

http://tamil.thehindu.com/tamilnadu/article19614778.ece?homepage=true

Categories: Tamilnadu-news

திமுக ஆலோசனைக் கூட்டத்தில் ஆதரவு எம்.எல்.ஏ.,க்கள் பங்கேற்பா?- ஆம் என்ற திவாகரன் திட்டவட்டமாக மறுத்த தினகரன்

Sun, 03/09/2017 - 08:37
திமுக ஆலோசனைக் கூட்டத்தில் ஆதரவு எம்.எல்.ஏ.,க்கள் பங்கேற்பா?- ஆம் என்ற திவாகரன் திட்டவட்டமாக மறுத்த தினகரன்

 

 
diva%20dinajpg

திவாகரன் (இடது), தினகரன் (வலது)

திமுக ஏற்பாடு செய்துள்ள அனைத்துக் கட்சி கூட்டத்தில் தங்கள் ஆதரவு எம்.எல்.ஏ.,க்கள் கலந்து கொள்வார்கள் என திவாகரன் கூறிய நிலையில் அடுத்த சில நிமிடங்களிலேயே அதை டிடிவி தினகரன் மறுத்துள்ளார்.

நீட் தேர்வு விவகாரத்தில் அடுத்த கட்ட நடவடிக்கை குறித்து ஆலோசிக்க நாளை (செப்.4) சென்னை அறிவாலயத்தில் அனைத்துக் கட்சி கூட்டம் நடைபெறும் என மு.க.ஸ்டாலின் அறிவித்துள்ள நிலையில் இக்கூட்டத்தில் தங்கள் தரப்பு ஆதரவு எம்.எல்.ஏ.,க்கள் கலந்து கொள்வார்கள் என சசிகலாவின் சகோதரர் திவாகரன் கூறியுள்ளார்.

புதுக்கோட்டையில் செய்தியாளர்களுக்கு அவர் அளித்த பேட்டியில், "நீட் தேர்வு குறித்து நாளை திமுக அழைப்பு விடுத்துள்ள அனைத்து கட்சி கூட்டத்தில் தினகரன் ஆதரவு எம்எல்ஏக்கள் பங்கேற்பார்கள். மக்கள் நலன் கருதி இந்த கூட்டத்தில் அவர்கள் பங்கேற்பார்கள். நீட் தேர்வு விவகாரம், அனிதா தற்கொலை குறித்த விவகாரத்தில் முதல்வர் பழனிசாமி, சுகாதார அமைச்சர் விஜயபாஸ்கர் பதவி விலக வேண்டும்" என்றார்.

தினகரன் மறுப்பு:

ஆனால், "திமுகவின் ஆலோசனை கூட்டத்தில் எனது ஆதரவாளர்கள் பங்கேற்க மாட்டார்கள். எனது ஆதரவாளர்கள் பங்கேற்பார்கள் என திவாகரன் கூறியது அவரது தனிப்பட்ட கருத்து" என டிடிவி தினகரன் கூறியுள்ளார்.

ஏற்கெனவே எடப்பாடி, ஓபிஎஸ் அணி அவர்களுக்கு எதிராக தினகரன் அணி என்று இருக்கும் நிலையில். தற்போது ஒரே பிரச்சினை குறித்து தினகரன் ஒரு கருத்தும் திவாகரன் ஒரு கருத்தும் கூறியிருப்பது சலசலப்பை ஏற்படுத்தியிருக்கிறது.

http://tamil.thehindu.com/tamilnadu/article19614824.ece?homepage=true

Categories: Tamilnadu-news

புதுச்சேரி சொகுசு விடுதியில் ஆதரவு எம்எல்ஏக்களுடன் தினகரன் சந்திப்பு: ஓரிரு நாட்கள் காத்திருப்போம் என தகவல்

Sun, 03/09/2017 - 06:11
புதுச்சேரி சொகுசு விடுதியில் ஆதரவு எம்எல்ஏக்களுடன் தினகரன் சந்திப்பு: ஓரிரு நாட்கள் காத்திருப்போம் என தகவல்

 

 
TTV-01

புதுச்சேரி ரிசார்ட்டில் தனது ஆதரவு எம்எல்ஏக்களுடன் செய்தியாளர்களைச் சந்திக்கிறார் டிடிவி தினகரன்.   -  படம்: எம்.சாம்ராஜ்

புதுச்சேரி ரிசார்ட்டில் தங்கியிருக்கும் தனது ஆதரவு எம்எல்ஏக்களை டிடிவி தினகரன் நேற்று நேரில் சந்தித்துப் பேசினார். எம்எல்ஏக்களை யாரும் இங்கு அடைத்து வைக்கவில்லை என்று கூறிய தினகரன், இன்னும் ஓரிரு நாட்கள் காத்திருக்கப் போவதாக தெரிவித்தார்.

தினகரன் ஆதரவு எம்எல்ஏக்கள் 20 பேர் புதுச்சேரி அடுத்த சின்னவீராம்பட்டினத்தில் உள்ள தனியார் ரிசாட்டில் கடந்த 12 நாட்களாக தங்கியுள்ளனர். தினகரன் அவர்களை நேரில் வந்து சந்திக்கப் போவதாக கடந்த ஒரு வாரமாக கூறி வந்த நிலையில், அவர் நேற்று புதுச்சேரி வந்தார். சொகுசு விடுதியில் எம்எல்ஏக்களை சந்தித்துப் பேசினார்.

பின்னர் தினகரன் செய்தியாளர்களிடம் கூறியதாவது: நாங்கள் அமர வைத்த முதல்வர் கட்சிக்கும், ஆட்சிக்கும் துரோகம் செய்துவிட்டார். அதே போன்று கட்சிக்கு துரோகம் செய்து வெளியே சென்ற பன்னீர்செல்வத்தை கூட்டணி சேர்த்துக்கொண்டனர். கட்சிக்குத் துரோகம் செய்து முதல்வரான பழனிசாமி எப்படி மக்களுக்கு நல்லது செய்வார்? இதனால்தான் எங்களின் எம்எல்ஏக்கள் முதல்வரை மாற்ற வேண்டும் என கூறி வருகின்றனர்.

 

யாரையும் அடைத்து வைக்கவில்லை

தங்கள் சுயநலத்துக்காகவோ, சுய லாபத்துக்காகவோ எம்எல்ஏக்கள் இங்கு தங்கியிருக்கவில்லை. கட்சியைக் காப்பாற்ற வேண்டும். துரோகத்தை ஒழித்து ஒரு நல்ல தலைமையை உருவாக்க வேண்டும் என்பதற்காக குடும்பத்தையும், தொகுதியையும் விட்டு வந்து இங்கே தங்கியுள்ளனர். அதனால்தான் அனைவரும் ஒற்றுமையாக இவ்வளவு நாட்கள் தங்கியிருக்கின்றனர். எம்எல்ஏக்கள் அதிருப்தியில் இருப்பதால், சமாதானம் செய்வதற்காக நான் வந்திருப்பதாக சிலர் கூறுகின்றனர். அதற்காக நான் வரவில்லை. தினமும் அவர்களுடன் தொலைபேசியில் பேசி வருகிறேன். தமிழகத்தில் ஏற்பட்டுள்ள அசாதாரண சூழ்நிலையில் குடியரசுத் தலைவரும், ஆளுநரும் தலையிட வேண்டும் என வலியுறுத்ததான் எம்எல்ஏக்கள் இங்கு இருக்கிறார்கள். இன்னும் ஓரிரு நாட்கள் காத்திருப்போம். இல்லை என்றால் அடுத்தக்கட்ட நடவடிக்கை எடுப்போம்.

 

தமிழகத்துக்கு நீட் தேவையில்லை

தொடர்ந்து, அனிதா மரணம் மற்றும் நீட் தேர்வு தொடர்பாக செய்தியாளர்கள் கேள்விகளை எழுப்பினர்.

அதற்கு பதிலளித்த தினகரன், “நீட் இல்லையென்றால் அவருக்கு மருத்துவக் கல்லுாரியில் இடம் கிடைத்திருக்கும். நீட் தேர்வு தமிழகத்துக்கு தேவை இல்லை. நீட் விவகாரத்தில் அமைச்சர் விஜயபாஸ்கர் மட்டும் பதவி விலகினால் போதாதது முதல்வரும், துணை முதல்வரும் பதவி விலக வேண்டும். நாங்கள் அனைத்தையும் மாற்றி விடுவோம்.

 

மக்கள் ஏற்க மாட்டார்கள்

கடந்த காலங்களில் இங்கே மருத்துவம் படித்தவர்கள் எல்லாம். உலக அளவில் புகழ்பெற்று எப்படி இருக்கிறார்கள் என்பது அனைவருக்கும் தெரியும். தமிழக மக்கள் என்றைக்கும் தாங்கள் விரும்பாததை ஏற்றுக்கொள்ள மாட்டார்கள். நேரு காலத்தில் இந்தியை திணித்தார்கள். தமிழக மக்கள் ஏற்கவில்லை.

மத்திய அரசு வரும் ஆண்டுகளில் தமிழகத்தின் தேவை என்ன, கோரிக்கை என்ன என்பதை உணர்ந்து மாநில பாடத்திட்டத்தின் கீழ் வினாத்தாள்களை தயார் செய்ய வேண்டும். தாழ்த்தப்பட்ட, பிற்படுத்தப்பட்ட மக்களுக்கான சமூக நீதியும், 69 சதவீத இடஒதுக்கீடும் உள்ள தமிழகத்தில் இது போன்ற விபரீத சம்பவங்கள் எல்லாம் நடைபெறுகிறது’’ என்று கூறினார்.

 

சமாதானத்தை ஏற்பீர்களா?

‘முதல்வர் பழனிசாமி தரப்பில் இருந்து சமாதானத்துக்கு வந்தால் ஏற்றுக் கொள்வீர்களா?’ என செய்தியாளர்கள் கேட்டதற்கு, “அதுபற்றி பேச வேண்டிய நேரம் இதுவல்ல; எடப்பாடி வீட்டுக்கு போக வேண்டிய நேரம் இது’’ என்று கூறினார்.

‘பொதுக்குழுவை நீங்கள் கூட்டுவீர்களா?’’ என்று கேட்டதற்கு, “நாங்கள் எப்போது கூட்டுவோமோ அப்போது கூட்டுவோம். கட்சியின் பொதுச் செயலாளர் (சசிகலா) எப்போது முடிவு செய்து கூறுகிறாரோ அப்போது செய்வோம். அவர்கள் கூட்டுவது பொதுக்குழுவே இல்லை. எடப்பாடி தலைமையில் கூட்டப்படும் பொதுக்குழுவில் கலந்து கொள்பவர்கள் மீது நடவடிக்கை எடுக்கப்படும்’’ என்றார்.

முன்னதாக புதுச்சேரிக்கு வந்த தினகரனுக்கு கோட்டக்குப்பம் சந்திப்பிலும், மரப்பாலம் சந்திப்பிலும் பின்னர் ரிசார்ட்டிலும் வரவேற்பு அளிக்கப்பட்டது.

http://tamil.thehindu.com/tamilnadu/article19614391.ece?homepage=true

Categories: Tamilnadu-news

அன்று ஓபிஎஸ் 10 பேருடன் இயங்கியபோது சட்டப்பேரவையை எப்படி கூட்டினார்? - ஆளுநருக்கு ஸ்டாலின் கேள்வி

Sat, 02/09/2017 - 12:02
அன்று ஓபிஎஸ் 10 பேருடன் இயங்கியபோது சட்டப்பேரவையை எப்படி கூட்டினார்? - ஆளுநருக்கு ஸ்டாலின் கேள்வி

 

 
vidyasagar%20stalinjpg

இன்று 22 பேர் தனி அணியாக இயங்கும் போது பிளவு இல்லை சட்டமன்றத்தை கூட்ட முடியாது என்று கூறும் ஆளுநர் அன்று ஓபிஎஸ் 10 எம்.எல்.ஏக்களுடன் இயங்கிய போது ஏன் சட்டப்பேரவையை கூட்டினார் என்று ஆளுநர் வித்யாசாகர் ராவுக்கு மு.க.ஸ்டாலின் கேள்வி எழுப்பியுள்ளார்.

அதிமுக அணி ஓபிஎஸ், எடப்பாடி தலைமையில் இயங்கி வந்த நிலையில் இரு அணிகளும் இணைந்தது. இதையடுத்து ஏற்பட்ட பிரச்சனையில் தினகரன் ஆதரவு எம்.எல்.ஏக்கள் 22 பேர் தனி அணியாக இயங்குகின்றனர். இதில் 19 பேர் முதலமைச்சர் எடப்பாடி மீது நம்பிக்கை இல்லை என்று ஆளுநரிடம் மனு அளித்தனர்.

 
 

22 பேர் ஆதரவை விலக்குவதால் எடப்பாடி பழனிசாமியை உடனடியாக சட்டபேரவையை கூட்டி நம்பிக்கை வாக்கெடுப்பு நடத்த உத்தரவிட வேண்டும் என்று தினகரன் ஆதரவு தரப்பினர் முதல் திமுக, காங்கிரஸ், முஸ்லீம் லீக், விடுதலை சிறுத்தைகள், இடதுசாரி கட்சிகள், மனித நேய மக்கள் கட்சி உள்ளிட்ட எதிர்கட்சிகள் வலியுறுத்தி வருகின்றன.

இன்று ஆளுநர் வித்யாசாகர் ராவை சந்தித்த திருமாவளவன், இடது சாரி கட்சித்தலைவர்களிடம் பேசிய ஆளுநர் அதிமுகவில் பிளவு இல்லை அதனால் சட்டபேரவையை கூட்டும் அவசியமில்லை என்று தெரிவித்துள்ளார்.

இது குறித்து திமுக செயல் தலைவர் மு.க.ஸ்டாலினிடம் செய்தியாளர்கள் கேட்டபோது அவர் கூறியதாவது:

ஆளுநர் அப்படித்தான் சொல்வார். ஏனென்றால் இருவரையும் கையைப்பிடித்து ஒன்று சேர்த்து வைத்து மகிழ்ந்தவர் அல்லவா, அதனால் அப்படித்தான் பேசுவார்.

இன்று தினகரன் ஆதரவு எம்.எல்.ஏக்கள் 22 பேர் தனி அணியாக செயல்படும்போது அதிமுகவில் பிளவு இல்லை சட்டபேரவையை கூட்ட முடியாது என்று கூறுபவர் அன்று ஓபிஎஸ் 10 எம்.எல்.ஏக்களுடன் தனி அணியாக இருந்த போது சட்டபேரவையை எந்த அடிப்படையில் கூட்டினார், என்று கேள்வி எழுப்பினார்.

http://tamil.thehindu.com/tamilnadu/article19586437.ece?homepage=true

Categories: Tamilnadu-news

“ஜெயலலிதா இறந்தபோது 10 பேர் முதலமைச்சராகத் துடித்தார்கள்!"

Sat, 02/09/2017 - 08:02
“ஜெயலலிதா இறந்தபோது 10 பேர் முதலமைச்சராகத் துடித்தார்கள்!"
 

சீக்ரெட் சொல்கிறார் எம்.பி. நாகராஜன்

 

ஜெயலலிதா இருக்கும்போது, ‘இவர்களுக்கெல்லாம் பேச்சு வருமா?’ என்று சந்தேகப்படும்படி இருந்த பலரும் தினம்தோறும் கொடுக்கிற அதிரடி பேட்டிகளால் அ.தி.மு.க மட்டுமல்லாது, ஒட்டுமொத்த தமிழகமும் திணறுகிறது. இந்நிலையில், ‘‘நான் உண்மைகளை வெளியிட்டால் ஆட்சிக்கு நெருக்கடி உருவாகும். என் உயிருக்கேகூட ஆபத்து ஏற்படும். அந்த அளவுக்கு உண்மைகள் என்னிடம் புதைந்துள்ளன’’ என அதிர வைத்திருக்கிறார் கோவை எம்.பி. நாகராஜன். உயிருக்கே ஆபத்து வரும் அளவுக்கு என்ன ரகசியத்தை வைத்திருக்கிறார் அவர்? கோவை கோவில்பாளையத்தில் உள்ள நாகராஜனின் வீட்டுக்குச் சென்றோம். எம்.பி என்பதற்கான எந்த அடையாளமும் இல்லாமல் தன் தோட்டத்தில் மண்வெட்டியும் கையுமாக உழவுப்  பணிகளைச் செய்துகொண்டிருந்த நாகராஜனிடம் பேசினோம்.

p22.jpg

‘‘அம்மா இமேஜ் கெட்டுவிடக்கூடாது என்பதற்காக, தன்மீது விழுந்த பழியை ஏற்றுக்கொண்டவர் சசிகலா. அம்மாவின் மரணம் இயற்கையானதுதான் என்பதற்கான எல்லா ஆதாரமும் இருக்கின்றன. வீடியோவும், போட்டோவும் இருக்கின்றன. அதையெல்லாம் வெளியிடுங்கள் என்று நாங்கள் சொன்னபோது, ‘அக்காவை அலங்கோலமாகக் காட்டித்தான் என்மேல் விழுந்த பழியைத் துடைக்க வேண்டுமென்றால், அது எனக்குத் தேவையே இல்லை’ என்றார். அப்போதுதான், சசிகலாவின் பெருந்தன்மையை முழுமையாக உணர்ந்தேன். அம்மாவுக்காகப் பல தியாகங்களைச் செய்தவர் சசிகலா. சொத்துக்குவிப்பு வழக்கு வழக்கறிஞர் குழுவில் நானும் ஒருவன் என்பதால் சிறையில் சசிகலாவைச் சந்தித்த போதுகூட தனிப்பட்ட முறையில் சொல்லிப்பார்த்தேன். ஆனால், ‘அவற்றை வெளியிடவே வேண்டாம்’ என்று மறுத்துவிட்டார் சசிகலா. அம்மா நலமுடன் திரும்பிவருவார் என்றே எல்லோரும் எதிர்பார்த்திருந்தோம். போயஸ் கார்டன் வீட்டின் மேலே அம்மா வாக்கிங் போவதற்கு ஏற்றவாறு ரூஃப் போடப்பட்டது. லிஃப்ட் வசதிகள் விரிவாக்கம் செய்யப்பட்டன. அனைத்தும் அம்மா திரும்பி வருவார் என்ற நம்பிக்கையில் அவருக்காகச் செய்யப்பட்ட வசதிகள். எல்லாம் தெரிந்தவர்கள்தான் இன்றைக்கு முதுகில் குத்துகிறார்கள்’’ என்றார் கோபமாக.

‘‘இதுதான் நீங்கள் வெளியிடுவேன் என்று சொன்ன உண்மையா?’’

‘‘எல்லோரும் இணைய வேண்டும் என்று விரும்புகிறவன் நான். அதனால், எல்லோருடைய தகிடுதத்தங்களையும் சொல்லி மேலும் பகையை வளர்க்க விரும்பவில்லை. அம்மா மறைந்தபோது திவாகரனையும், தினகரனையும் எத்தனை அமைச்சர்கள் தொடர்புகொண்டு, ‘என்னை முதலமைச்சர் ஆக்குங்கள்’ என்று கெஞ்சினார்கள் என்பது எல்லாம் எனக்குத் தெரியும். மொத்தம் 10 பேர் முதலமைச்சராகத் துடித்தார்கள். அதில் கொங்கு மண்டலத்தில் இருந்தவர்களே அதிகம். 28 பேர் பொதுச்செயலாளர் பதவியை அடைய நினைத்தார்கள். அவர்கள் பெயர்களையும் அவர்கள் நடத்திய பதவி பேரங்களையும் வெளியிட்டால் அவர்களுக்குள்ளேயே சண்டைகள் நடக்கும். பிரச்னை மேலும் தீவிரமாகும். என் நோக்கம் அதுவல்ல.’’

p22a.jpg

‘‘ஜெயலலிதாவாலேயே  இரண்டு முறை கட்சியில் இருந்து நீக்கப்பட்டவர்தானே சசிகலா?’’

‘‘எதிர்க்கட்சிகள் பொய் வழக்குப் போட்டு அம்மாவையும் அ.தி.மு.க-வையும் அழிக்க நினைத்தார்கள். அதைச் சமாளிப்பதற்காகத்தான் சசிகலா வெளியேற்றப்பட்டார். ஆனால், அப்போது இளவரசி, விவேக் போயஸ் கார்டன் வீட்டில்தான் இருந்தார்கள். அ.தி.மு.க-வின் ஓனர் மட்டும்தான் அம்மா. மேனேஜிங் டைரக்டர் சசிகலாதான். தேர்தல் கூட்டணி பொறுப்பைக்கூட சசிகலாவிடம்தான் கொடுத்திருந்தார் அம்மா. அ.தி.மு.க-விடம் கூட்டணி வைத்த கட்சிகளிடம் விசாரித்தால் இந்த உண்மை தெரியும்.

அம்மா எப்படி வேட்பாளர்களைத் தேர்வு செய்வார் என்பது எல்லோருக்கும் தெரியும். உளவுத்துறை ரிப்போர்ட்டும் ஜாதகமும் சரியாக இருந்தால் அ.தி.மு.க-வில் வேட்பாளராகிவிடலாம். திறமை என்பதற்கெல்லாம் இடமே இல்லை. அப்போது செய்த தவறுக்கு இப்போது தண்டனை கிடைத்திருக்கிறது. அம்மா அடிக்கடி தன் துரோகிகளை ‘பாஸிஸ்ட்கள்’ என்ற வார்த்தையில் குறிப்பிடுவார். இப்போதுதான் தெரிகிறது,  அ.தி.மு.க-வுக்குள்ளேயே எவ்வளவு பாஸிஸ்ட்டுகள் இருந்திருக்கிறார்கள் என்று.’’

‘‘சிறையிலிருந்து ஷாப்பிங் போவது போன்ற வீடியோக்கள் வெளிவருகின்றனவே... இது என்ன வகையான தியாகம்?’’

‘‘இந்தக் கேள்விக்கான பதிலை நீங்கள் அப்படியே போட வேண்டும். அப்போதுதான் இது முழுமையான பேட்டியாக இருக்கும். அந்த வீடியோக்கள் எல்லாம் எப்போது வெளியிடப்படுகின்றன? ஏன் இன்றைக்கு எந்த வீடியோவும் வெளிவரவில்லை? அதில் ஒரு விஷயத்தைக் கவனிக்க வேண்டும். எப்போதெல்லாம் சசிகலாவின் மறுசீராய்வு மனு விசாரணைக்கு வரும் சூழல் ஏற்பட்டதோ, அப்போதெல்லாம்தான் இந்த மாதிரியான வீடியோக்கள் வெளியிடப்பட்டன. அவை சிறையிலிருந்து வெளியேறுவது போன்ற காட்சிகள் இல்லை. சிறைக்குள் வரும் காட்சிகள்தான். இவை, சிறை சென்ற புதிதில் பதிவான காட்சிகளாகக் கூட இருக்கலாம். இந்த வீடியோ விவகாரத்தில் ஒரு சக்தி மறைமுகமாகச் செயல்படுகிறது. அந்த சக்திதான், அ.தி.மு.க-வில் நடக்கும் எல்லா பிரச்னைகளுக்கும் காரணம்.’’

- எம்.புண்ணியமூர்த்தி, படம்: தி.விஜய்

http://www.vikatan.com/juniorvikatan

Categories: Tamilnadu-news

இரட்டை இலை துளிர்த்த கதையும் துவண்ட கதையும்!

Sat, 02/09/2017 - 07:18
இரட்டை இலை துளிர்த்த கதையும் துவண்ட கதையும்!

 

 
TWO%20LEAF

திண்டுக்கல் மக்களவைத் தொகுதிக்கு 1973-ல் இடைத்தேர்தல் அறிவிக்கப்பட்டது. புதிதாகத் தொடங்கப்பட்ட அதிமுக அந்தத் தொகுதியில் போட்டியிடும் என்று அறிவித்தார் எம்.ஜி.ஆர். வேட்பாளரின் செல்வாக்கு, சாதி பலம் என்பன உள்ளிட்ட அம்சங்களைக் கணக்கிட்டுப் பார்த்த எம்ஜிஆர், மாயத்தேவரை வேட்பாளராக அறிவித்தார்.

அப்போது தனக்கான சின்னத்தைத் தேர்வுசெய்ய மதுரை மாவட்ட ஆட்சியரை அணுகினார் வேட்பாளர் மாயத்தேவர். அப்போது அவரிடம் 16 சுயேச்சை சின்னங்கள் காட்டப்பட்டன. அவற்றிலிருந்து இரட்டை இலையைத் தேர்வுசெய்தார் மாயத்தேவர். அந்த இடைத்தேர்தலில் மாயத்தேவர் பெருவாரியான வாக்குகள் வித்தியாசத்தில் வெற்றிபெற்றார். அப்போது அண்ணா கண்ட உதயசூரியன் சின்னம் மூன்றாமிடத்துக்குத் தள்ளப்பட்டது.

இரட்டை இலை அதிகாரபூர்வமான சின்னமாக மாறியதும் அதைச் சுவர்களில் வரைந்து மக்கள் மத்தியில் விளம்பரப்படுத்தினர் தொண்டர்கள். மக்களைச் சந்திக் கும் போது கைகூப்புவதுபோல இரட்டை விரல்களைக் காட்டுவதை வழக்கமாக்கிக்கொண்டார் எம்ஜிஆர். அதே வேகத்தில் 1974-ல் கோவை மேற்குத் தொகுதிக்கு இடைத்தேர்தல் நடந்தபோது, அதிமுக வேட்பாளரான அரங்கநாயகம் இரட்டை இலையில் வெற்றிபெற்று முதன்முறையாகச் சட்டமன்றத்துக்குள் நுழைந்தார். 1977-ல் நடந்த மக்களவை மற்றும் சட்டமன்றத் தேர்தல்களில் இரட்டை இலை சின்னத்தில் போட்டியிட்டு வெற்றிபெற்றது அஇஅதிமுக.

 

எம்.ஜி.ஆரையே வீழ்த்திய இரட்டை இலை

இந்த இடத்தில் இரட்டை இலை சின்னத்தின் வீரியத்தைப் புரிந்துகொள்ள ஒரு சம்பவத்தைச் சொல்வது பொருத்தமாக இருக்கும்.

சட்டமன்றத் தேர்தலில் தாராபுரம் தொகுதியில் அதிமுக வேட்பாளராக அலங்கியம் பாலகிருஷ்ணனை அறிவித்திருந்தார் எம்.ஜி.ஆர். ஆனால், அய்யாசாமி என்பவருக்கு இரட்டை இலை சின்னத்துக்கான அதிகாரபூர்வக் கடிதம் சென்றுவிட்டது. அதனால் அய்யாசாமி அதிமுக வேட்பாளராகவும் பாலகிருஷ்ணன் சுயேச்சை வேட்பாளராகவும் அறிவிக்கப்பட்டனர்.

விஷயத்தைத் தெரிந்துகொண்ட எம்.ஜி.ஆர், தனது வேட்பாளர் அலங்கியம் பாலகிருஷ்ணனுக்கு சிங்கம் சின்னத்தில் வாக்களியுங்கள்… இரட்டை இலை சின்னத்தில் வாக்களிக்காதீர்கள் என்று பிரச்சாரம் செய்தார். ஆனால் முடிவுகள் வெளியானபோது, இரட்டை இலையில் போட்டியிட்ட அய்யாசாமியே வெற்றிபெற்றார். எம்.ஜி.ஆர். நிறுத்திய பாலகிருஷ்ணன் தோற்றுப்போனார்.

எம்.ஜி.ஆரையே வீழ்த்தும் வல்லமை கொண்டது இரட்டை இலை. அதனால்தான் கட்சியின் வேட்பாளருக்குச் சின்னம் ஒதுக்கும் அதிகாரம் பொதுச்செயலாளருக்கு மட்டுமே என்று அதிமுகவின் அமைப்பு விதி கறாராக உருவாக்கப்பட்டது. இந்த விதிதான் சமீபத்தில் அரவக்குறிச்சி உள்ளிட்ட இடைத்தேர்தல்களின்போது, ஜெயலலிதாவின் பெருவிரல் ரேகையைப் பதியவைத்து, சர்ச்சையை ஏற்படுத்தியது.

நிற்காமல் சென்றுகொண்டிருந்த இரட்டை இலையின் வெற்றிப் பயணம் 1980 மக்களவைத் தேர்தலில் தடம் புரண்டது. அந்தத் தேர்தலில் கருணாநிதி - இந்திரா காந்தி கூட்டணி இரட்டை இலையை அடியோடு துடைத்துப் போட்டது. ஆம், 24 தொகுதிகளில் போட்டியிட்ட அதிமுகவுக்கு வெறும் இரண்டு தொகுதிகளே கிடைத்தன.

 

இரட்டைப் புறாவும் சேவலும்

எம்.ஜி.ஆரின் மரணத்துக்குப் பிறகு அதிமுக ஜானகி பிரிவு, ஜெயலலிதா பிரிவு என்று இரண்டாக உடைந்தது. 1989 சட்டமன்றத் தேர்தலில் இரண்டு அணிகளுமே இரட்டை இலை சின்னத்துக்குச் சொந்தம் கொண்டாடின. அப்போது இரட்டை இலை சின்னத்தை முடக்கிய தேர்தல் ஆணையம், ஜானகி பிரிவுக்கு இரட்டைப் புறாவையும் ஜெயலலிதா பிரிவுக்கு சேவலையும் சின்னமாகக் கொடுத்தது. இரட்டை இலை இல்லாத அந்தத் தேர்தலின் முடிவுகள் ஜானகி, ஜெயலலிதா இருவருக்கும் பாதகமாகவே வந்தன. அதிலும் ஜானகி அணி படுதோல்வியைச் சந்தித்தது.

எதிர்காலத்தை யோசித்து, இரண்டு அணிகளும் அதிகாரபூர்வமாக இணைந்தன. இரட்டை இலை சின்னத்தை மீட்டெடுக்கும் வகையில் தேர்தல் ஆணையத் தில் தாக்கல் செய்யப்பட்ட மனுக்கள் திரும்பப் பெறப் பட்டன. இரட்டை இலை சின்னம் மீண்டும் அஇஅதிமுகவுக்கே தரப்பட்டது. சின்னம் மீண்டும் கிடைத்த பிறகு நடந்த மருங்காபுரி, மதுரை கிழக்கு இடைத்தேர்தல்களில் அதிமுக வெற்றிபெற்றது. பின்னர் நடந்த 1991 சட்டமன்றத் தேர்தலிலும் அந்த வெற்றி தொடர்ந்தது.

ஆட்சிக்கு வந்த ஜெயலலிதா சென்னை கடற்கரையில் அமைக்கப்பட்டிருந்த எம்.ஜி.ஆர் நினைவிடத்தை மாற்றியமைத்ததோடு, அதன் நுழைவாயிலில் பிரம்மாண்ட இரட்டை இலை சின்னத்தை வைத்தார். என்ன ஒன்று, தலையைக் கவிழ்த் துப் பார்த்தால் மட்டுமே அந்த இரட்டை இலையைப் பார்க்க முடியும். இரட்டை இலை சின்னத்தில் அருப்புக்கோட்டை, மதுரை மேற்கு, ஆண்டிப்பட்டி என்று மூன்று தொகுதிகளில் போட்டியிட்ட எம்.ஜி.ஆர். மூன்று முறையும் வெற்றிபெற்றிருந்தார். ஆனால், ஜெயலலிதா இரண்டாவது தேர்தலிலேயே பர்கூரில் தோல்வியடைந்திருந்தார்.

 

எல்லா தொகுதிகளிலும் இலை

அதிமுகவின் சின்னமான இரட்டை இலையை அதிமுக வேட்பாளர்களுக்கு மட்டுமின்றி, கூட்டணிக் கட்சி வேட்பாளர்களுக்கும் ஒதுக்குவது ஜெயலலிதா காலத்தில் தீவிரம் பெற்றது. குறிப்பாக, 2011 சட்டமன்றத் தேர்தலில் சரத்குமார், தனியரசு, செ.கு.தமிழரசன் போன்றோர் இரட்டை இலையிலேயே வெற்றிபெற்றனர்.

பின்னர் 2014 மக்கள வைத் தேர்தலில் கூட்டணிக் கட்சிகள் யாருக்கும் தேர்த லில் போட்டியிட வாய்ப்பு வழங்காமல், தமிழகத்தின் அனைத்து தொகுதிகளிலும் இரட்டை இலை சின்னம் இருக்கும் வகையில் அதிமுக வேட்பாளர்களையே நிறுத்தினார். எம்.ஜி.ஆர். காலத்தில்கூட எடுக்கப்படாத இந்தத் துணிச்சலான முயற்சிக்குத் தமிழக மக்கள் பிரம்மாண்ட மான ஆதரவைக் கொடுத்தனர். 39 தொகுதிகளில் போட்டியிட்ட அதிமுக 37 தொகுதிகளில் வெற்றிபெற்றது.

 

இலைக்கு மரியாதை

அப்படியொரு பிரம்மாண்ட வெற்றியைக் கொடுத்த இரட்டை இலைக்கு நன்றி தெரிவிக்கும் வகையில், எம்.ஜி.ஆர். சமாதியில் இருந்த கவிழ்க்கப்பட்ட இரட்டை இலையை நீக்கிவிட்டு, சற்றே உயரத்தில் இரட்டை இலையை இடம்பெறச் செய்தார் ஜெயலலிதா. அப்போது அரசியல் கட்சியின் சின்னத்தை அரசு செலவில் பொறித்ததற்கு எதிராகப் பொதுநல வழக்கு தொடரப்பட்டது.

அதில் ஆஜரான தமிழக அரசின் அட்வகேட் ஜெனரல் நவநீதகிருஷ்ணன், “எம்ஜிஆர் சமாதியில் பொருத்தப்பட்டிருப்பது இரட்டை இலை சின்னம் அல்ல. பறக்கும் குதிரை. அந்தக் குதிரையின் மேம்படுத்தப்பட்ட சிறகுகளைத்தான் இரட்டை இலை என்று தவறாகப் புரிந்துகொள்கிறார்கள்” என்றார். இன்றுவரை புரிபடாத புதிர் இது.

2016 சட்டமன்றத் தேர்தலில் அதிமுகவுடன் கூட்டணி அமைக்க தமாகா உள்ளிட்ட பல கட்சிகளும் விரும்பின. ஆனால், இரட்டை இலையில் போட்டியிடத் தயங்கி ஒதுங்கின. இறுதியாக, 234 தொகுதிகளிலும் இரட்டை இலை சின்னமே இருக்கும் வகையில் வேட்பாளர்களை அறிவித் தார் ஜெயலலிதா. அந்தப் பட்டியலில் கூட்டணிக் கட்சியினரும் இடம்பெற்றனர். அந்தத் தேர்தலில் அபார வெற்றி யைப் பெற்று ஆட்சியைத் தக்கவைத்தார் ஜெயலலிதா.

ஜெயலலிதாவின் மரணத்துக்குப் பிறகு அதிமுகவுக்குள் சிக்கல்கள் முளைத்தன. முதலில் ஓ.பன்னீர்செல்வம் முதலமைச்சரானார். பிறகு சிக்கல்கள் முளைக்கவே, ஓபிஎஸ் ராஜினாமா செய்து, சசிகலா ஆட்சியமைக்க உரிமை கோரினார். திடீரென சொத்துக்குவிப்பு வழக்கில் தீர்ப்பு வெளியாகவே, சசிகலாவுக்குப் பதிலாக எடப்பாடி பழனிசாமி முதலமைச்சரானார். பின்னர் ஓபிஎஸ் தனி அணியாகச் செயல்படத் தொடங்கினார்.

ஜெயலலிதா மரணத்தால் காலியான ஆர்.கே.நகர் தொகுதிக்கு இடைத்தேர்தல் அறிவிக்கப்பட்டது. அப்போது ஓ.பி.எஸ் தரப்பினர் இரட்டை இலைக்கு உரிமைகோரினர். அதற்கு சசிகலா தரப்பு மறுப்பு தெரிவிக்கவே, கால அவகாசத்தைக் காரணம் காட்டி இரட்டை இலை சின்னத்தை முடக்கியது தேர்தல் ஆணையம்.

அத்தோடு, சசிகலா பிரிவுக்கு அஇஅதிமுக (அம்மா) என்றும் ஓ.பன்னீர்செல்வம் பிரிவுக்கு அஇஅதிமுக (புரட்சித்தலைவி அம்மா) என்றும் பெயர் கொடுத்தது. இரு பிரிவுகளுக்கும் முறையே தொப்பி, இரட்டை மின்கம்பம் சின்னங்களைக் கொடுத்தது. பின்னர் பணப்பட்டுவாடாவைக் காரணம் காட்டி ஆர்.கே.நகர் இடைத்தேர்தல் ரத்துசெய்யப்பட்டது.

 

இலைக்கு வந்த இடியாப்பச் சிக்கல்

முடக்கப்பட்ட இரட்டை இலையை மீட்க வேண்டுமானால், இரு அணிகளும் இணைய வேண்டும் அல்லது இரட்டை இலையை ஒருவர் பயன்படுத்திக்கொள்ள இன்னொருவர் சம்மதிக்க வேண்டும். இந்தச் சமயத்தில், எதிரிக்கு எதிரி நண்பன் என்ற முறையில், அதிமுகவின் இரண்டு அணிகளும் இணைந்துவிட்டதாகச் சொல்லி, இரட்டை இலை தொடர்பாக தேர்தல் ஆணையத்தில் தரப்பட்டிருந்த பிரமாணப் பத்திரங்களைத் திரும்பப் பெறத் தயாராகிவிட்டனர் ஈபிஎஸ்ஸும் ஓபிஎஸ்ஸும்.

இந்த இடத்தில்தான் அரசியலும் சட்டமும் எதிரெதிர் முனைகளில் நிற்கின்றன. இரட்டை இலை சின்னத்தை அதிமுகவுக்குக் கொடுக்க வேண்டும் என்றால், சின்னத்துக்கு உரிமை கோரிய சசிகலா, ஓ.பன்னீர்செல்வம் என்ற இரண்டு தரப்பினரும் தத்தமது பிரமாணப் பத்திரங்களைத் திரும்பப்பெற வேண்டும் அல்லது இருவரில் ஒருவர் பிரமாணப் பத்திரங்களைத் திரும்பப் பெற்று, அடுத்தவருக்குச் சின்னம் கிடைக்க வழிவிட வேண்டும்.

இங்கே சிக்கல் என்னவென்றால், ஓ.பி.எஸ். மட்டும் பிரமாணப் பத்திரங்களை வாபஸ் பெற்றால், இரட்டை இலை சின்னம் இன்னொரு பிரிவுக்குப் போகும். அந்த இன்னொரு பிரிவு, சசிகலா பிரிவு. ஆனால் அதை எடப்பாடி பழனிசாமியும் ஓ.பன்னீர்செல்வமும் ஏற்க மாட்டார்கள். மாறாக, எடப்பாடி பழனிசாமியும் அவருடைய ஆதரவாளர்களும் பிரமாணப் பத்திரங்களைத் திரும்பப்பெற்றாலும், சசிகலா உள்ளிட்டோர் திரும்பப்பெறாததால், அது முழுமையான திரும்பப்பெறலாகக் கருதப்படாது. ஆகவே, சின்னம் விடுவிக்கப்படாது. அதிமுகவின் அமைப்பு விதிகளும் தேர்தல் ஆணையச் சட்டங்களும் சின்னங்கள் தொடர்பான சட்டங்களும் தெளிவாக இருக்கும் நிலையில், இரட்டை இலை எப்படி மீட்கப்படும் என்பது பெருங்கேள்வி. இந்த இடத்தில்தான் ‘டெல்லி தொழில்நுட்பம்’ தேவைப்படுகிறது. இங்கே ‘டெல்லி’ என்று நாம் குறிப்பிடுவது இந்தியத் தேர்தல் ஆணையத்தை மட்டும்தான்!

-ஆர்.முத்துக்குமார்,
எழுத்தாளர். ‘தமிழக அரசியல் வரலாறு’, ‘இந்தியத் தேர்தல் வரலாறு’ உள்ளிட்ட நூல்களின் ஆசிரியர்.

http://tamil.thehindu.com/opinion/columns/article19600127.ece

Categories: Tamilnadu-news

சட்டசபை முடக்கம்! - பி.ஜே.பி நெக்ஸ்ட் மூவ்

Sat, 02/09/2017 - 06:02
மிஸ்டர் கழுகு: சட்டசபை முடக்கம்! - பி.ஜே.பி நெக்ஸ்ட் மூவ்
 

 

p44a.jpg‘‘மும்பை பெருமழையைவிட கவர்னர் வித்யாசாகர் ராவ் பெரிய நெருக்கடியாக நினைப்பது, தமிழக அரசியல் சூறாவளியைத்தான்’’ என்றபடி வந்து அமர்ந்தார் கழுகார். ஜன்னலுக்கு வெளியே நிதானமான மழை, சென்னையை நனைத்துக்கொண்டிருந்தது.

‘‘ஆமாம். அவர் என்ன முடிவெடுக்கப்போகிறார் என்றுதானே எல்லா அரசியல் கட்சிகளும் எதிர் பார்த்துக் காத்திருக்கின்றன’’ என்றோம்.

‘‘ஆனால், அவர்தான் ‘இது உள்கட்சி விவகாரம்’ என்று சொல்லிவிட்டாரே. தன்னைச் சந்தித்த எதிர்க்கட்சித் தலைவர்களிடம் சொன்னது போலவே, தன்னுடைய நண்பர் ஒருவரிடமும் இதே விஷயத்தைச் சொன்னாராம். வித்யாசாகர் ராவ் ஆந்திர உயர் நீதிமன்றத்தில் வழக்கறிஞராக இருந்தவர். ‘எனக்கும் சட்டம் தெரியும். அது மட்டுமில்லை. சட்ட நிபுணர்களிடம் பேசி விட்டேன். இதுபோன்ற ஒரு சூழலில் கவர்னர் தலையிட்டதாக எந்த முன்னுதாரணமும் இல்லை’ என்று அந்த நண்பரிடம் கவர்னர் சொன்னாராம்.’’

‘‘அப்படியானால் இந்த நிச்சயமற்ற நிலையே தொடருமா?’’

‘‘எத்தனை நாள்களுக்கு இப்படியே இழுத்துக் கொண்டிருக்க முடியும்? ஒரு தருணத்துக்காக எல்லோரும் காத்திருக்கிறார்கள்.’’

‘‘என்ன அது?’’

‘‘இப்போதைய தமிழக அரசியல் சூழலை வைத்து தி.மு.க-வோ, டி.டி.வி.தினகரன் தரப்போ செல்வாக்குப் பெறுவதை பி.ஜே.பி-யின் டெல்லி தலைவர்கள் விரும்பவில்லை. அதனால்தான் எடப்பாடி அரசுக்கு முடிந்தவரை முட்டுக் கொடுக்கப் பார்க்கிறார்கள். இப்போது எடப்பாடி பழனிசாமி, மாவட்டவாரியாக ஆளுங்கட்சி எம்.எல்.ஏ-க்களைக் கூப்பிட்டுப் பார்க்கிறார் அல்லவா? அது, டெல்லியிலிருந்து வந்த ஐடியாவாம். எடப்பாடி பக்கமும் சாயாமல், தினகரன் முகாமுக்கும் போகாமல் மதில் மேல் பூனைகளாக சுமார் 30 எம்.எல்.ஏ-க்கள் இருக்கிறார்கள். இந்த ஆட்சி நிலைக்குமா, கவிழுமா என்பது அவர்கள் கையில்தான் இருக்கிறது. அவர்கள் உறுதியாக எடப்பாடி பக்கம் வந்தால், தினகரனிடம் இப்போது இருக்கும் 22 எம்.எல்.ஏ-க்களில் சிலர் தங்கள் பக்கம் வந்துவிடுவார்கள் என்று எடப்பாடி நம்புகிறார். அப்படி நடக்காவிட்டால், இந்த ஆட்சி நீடிக்காது. அப்படிப்பட்ட மதில் மேல் பூனைகளின் லிஸ்ட் எடுத்து, அவர்களுக்குச் சில உறுதிமொழிகள் தரப்படுகின்றன. அதற்காகவே இந்த மாவட்டவாரியான சந்திப்பு நடக்கிறது.’’

p44b.jpg

‘‘இதனால் தினகரன் முகாமில் மனமாற்றம் நடக்குமா?’’

‘‘அமைச்சர் ஆர்.பி.உதயகுமார் ஆகஸ்ட் 31-ம் தேதி வியாழக்கிழமை ஒரு நிகழ்ச்சியில் பேசியதை கவனித்தீரா? ‘தினகரன் பக்கம் இருப்பவர்களில் அமைச்சர் பதவிக்குத் தகுதியானவர்களும் இருக்கிறார்கள். எல்லோருக்கும் படிப்படியாக வாய்ப்பு வழங்கப்படும்’ என்று உதயகுமார் சொன்னார். எடப்பாடி தரப்பு ரகசியமாகப் போடும் தூண்டிலை உதயகுமார் வெளிப்படை யாகச் சொல்லியிருக்கிறார். அவ்வளவுதான் வித்தியாசம். இதையெல்லாம் செய்துகொண்டே சட்ட நிபுணர்களிடமும் ஆலோசனை கேட்கிறார்கள். தினகரன் தரப்பும் அரசியல் சட்டப் புத்தகத்தில் இருக்கும் எல்லா ஓட்டைகளையும் பூதக்கண்ணாடி வைத்துக் கொண்டு பார்க்கிறது. தி.மு.க-வும் இதையே செய்கிறது. தினகரன் பக்கம் சென்ற
எம்.எல்.ஏ-க்களுக்கு சபாநாயகர் அனுப்பிய நோட்டீஸுக்கு ஆகஸ்ட் 30-ம் தேதி அவர்கள் பதில் தந்திருந்தனர். ஆனால், ‘இது இடைக்கால பதிலாகவே கருதப்படும். முழுமையான விளக்கத்தை செப்டம்பர் 5-ம் தேதிக்குள் தர வேண்டும்’ என அவர்களுக்குச் சபாநாயகர் தனபால் மீண்டும் நோட்டீஸ் அனுப்பியிருக்கிறார். இதேபோல குட்கா விவகார உரிமை மீறலில் சிக்கிய 21 தி.மு.க எம்.எல்.ஏ-க்களுக்கு உரிமைக்குழு அனுப்பிய நோட்டீஸ் போன்ற எல்லா விவகாரங்களையும் நினைத்துக்கொண்டு எடப்பாடி தரப்பு தெம்பாக இருக்கிறது.’’

‘‘இதையெல்லாம் தாண்டி நீதிமன்றத்துக்கு இந்த விஷயம் போனால் என்ன ஆகும்?’’

‘‘அதற்கான சாத்தியங்களும் இருக்கவே செய்கின்றன. அதை முந்திக்கொள்ள எடப்பாடி தரப்பு நினைக்கிறது. தினகரன் பக்கம்போன 19 எம்.எல்.ஏ-க்களைத் தகுதி நீக்கம் செய்துவிட்டும், குட்கா விவகாரத்தில் தி.மு.க தரப்பில்
21 எம்.எல்.ஏ-க்களை சஸ்பெண்ட் செய்துவிட்டும் நம்பிக்கை வாக்கெடுப்பு கோரும் முடிவில் அவர்கள் இருக்கிறார்கள். நம்பிக்கை வாக்கெடுப்பு முதலிலா, பொதுக்குழு முதலிலா என்ற விவாதம் இப்போது நடக்கிறது. இந்த இரண்டு விஷயங் களிலும் தினகரன் தரப்பினர் சட்டரீதியாக முட்டுக்கட்டை போடலாம் என்ற அச்சமும் அவர்களுக்கு இருக்கிறது. இதைத் தாண்டி நம்பிக்கை வாக்கெடுப்பு கோரும்பட்சத்தில் என்னென்ன களேபரங்களைச் சட்டமன்றம் சந்திக்குமோ என்ற கவலையும் சட்டமன்ற அதிகாரிகளுக்கு ஏற்பட்டுள்ளது.’’

‘‘ஓஹோ!’’

‘‘இன்னொரு விஷயம் சொல்கிறேன்... கேளும்! ‘அடுத்தடுத்து இங்கு நடக்கும் சம்பவங்கள் எல்லாமே மத்தியில் ஆளும் பி.ஜே.பி மீதுதான் மக்கள் மத்தியில் கோபத்தை ஏற்படுத்துகிறது’ என்று மத்திய உளவுத்துறை ரிப்போர்ட் அனுப்பியுள்ளதாம். இவர்கள் இங்கே நிகழ்த்தும் கூத்துகளை ஆட்டுவிப்பவர்கள் என்ற கெட்ட பெயரோடு நீண்ட நாள்களைக் கடத்த டெல்லி மேலிடம் விரும்பவில்லை. அதனால் அவர்கள் சில திட்டங்களை வைத்திருக்கிறார்கள்.’’

‘‘என்ன அவை?’’

‘‘அ.தி.மு.க-விலும் சட்டமன்றத்திலும் நடக்கும் கூத்துகளைத் தொடர்ந்து, சட்டமன்றத்தை முடக்கிவைக்க கவர்னர் பரிந்துரை செய்வார். அருணாசலப்பிரதேசத்தில் நடந்தது போன்ற சூழல் இங்கும் நடக்கும். அதன்பிறகு பி.ஜே.பி-யின் அதிரடி ஆரம்பமாகும். கவர்னரின் ஆலோசகர்களாகச் சில அதிரடி அதிகாரிகள் நியமிக்கப்படுவார்கள். ஊழல்களைக் களையெடுப்பது போன்ற சம்பவங்கள் அடிக்கடி நடக்கும். நயினார் நாகேந்திரன் டெல்லி சென்று பி.ஜே.பி-யில் சேர்ந்தார் அல்லவா? அதுபோல இன்னும் 40 பேரைக் குறி வைத்திருக்கிறது பி.ஜே.பி. கட்சி ரீதியாக இருக்கும் செல்வாக்கைத் தாண்டி, தங்கள் சொந்த செல்வாக்கையும் பெற்றிருக்கும் இந்தப் பிரமுகர்கள் அடுத்தடுத்து பி.ஜே.பி-யில் இணைவார்கள். மத்திய அமைச்சர்கள் பலர் அடிக்கடி தமிழகம் வருவார்கள். அரசு இயந்திரம் எக்ஸ்பிரஸ் வேகத்தில் செயல்பட்டு பல நல்ல விஷயங்கள் நடக்கும். ‘பி.ஜே.பி ஆட்சிக்கு வந்தால் இதெல்லாம் தொடரும்’ என்பது போன்ற பிரசாரத்தை ஆரம்பிப்பார்கள். இதற்காக இரண்டு மத்திய அமைச்சர்கள் ராஜினாமா செய்துவிட்டு தமிழகப் பொறுப்பை ஏற்கப்போவதாகவும் சொல்கிறார்கள்.’’

‘‘அப்படியானால் அ.தி.மு.க?’’

‘‘எப்படியும் அ.தி.மு.க-வுக்கு இரட்டை இலை சின்னம் கிடைக்காது என்றே பி.ஜே.பி நம்புகிறது. இரண்டு பிரிவுகளாக இருக்கும் அ.தி.மு.க-வில் எடப்பாடி தரப்பு, பி.ஜே.பி-யின் கூட்டணியில் இணைய வேண்டியிருக்கும். இதெல்லாம் திட்டமிட்டபடி நடந்தால், அடுத்த ஆண்டு மே மாதம் நடக்க இருக்கும் கர்நாடகச் சட்டமன்றத் தேர்தலோடு தமிழகத்துக்கும் தேர்தல் நடக்கலாம்.’’

‘‘இது எடப்பாடி தரப்புக்குத் தெரியுமா?’’

p44c.jpg

‘‘அவர்களுக்குத் தெரியுமா என்பது குழப்பமாகவே இருக்கிறது. ஆனால், அ.தி.மு.க-வில் மக்கள் செல்வாக்குள்ள தலைவர்கள் யாரும் இருக்கக் கூடாது என பி.ஜே.பி நினைக்கிறது. அப்படிப்பட்ட ஒரு சூழலில்தான் அ.தி.மு.க ஓட்டு வங்கியைத் தங்கள் பக்கம் வளைக்க முடியும் என்பது அவர்களின் திட்டம். அதனால்தான் பன்னீர்செல்வத்தை கட்டாயப்படுத்தி எடப்பாடியுடன் சேர வைத்தார்கள். அந்த இணைப்புப் பேச்சு வார்த்தைகள் க்ளைமாக்ஸில் இருந்த நேரத்தில், பன்னீருக்கு ஆதரவாக இருந்த டெல்லி பிரமுகர் ஒருவர், ‘இன்னும் இரண்டு மாதங்களில் ஆட்சியே இல்லாமல் போய்விடுமே... பிறகு எதற்கு உங்களை இணைப்புக்குக் கட்டாயப்படுத்துகிறார்கள்’ என வெகுளியாகக் கேட்டாராம். அ.தி.மு.க-வில் ஓரளவுக்குச் செல்வாக்கு பெற்றவராக இருந்த பன்னீர், இப்போது கணிசமாக மக்கள் நம்பிக்கையை இழந்துவிட்டார். அந்த டெல்லி பிரமுகர் சொன்னதை இப்போதும் அவர் நினைத்துக்கொள்கிறார்.’’

‘‘பாவம். சரி, அமைச்சர்கள் சிலரும் அ.தி.மு.க நிர்வாகிகளும் டெல்லி சென்றது எதற்காகவாம்?’’

‘‘சென்னையில் கிளம்பும்போது, ‘தேர்தல் ஆணையத்தில் கொடுத்திருக்கும் மனுக்களைத் திரும்பப் பெறப்போகிறோம்’ என்று சொன்ன  மைத்ரேயன், மனோஜ் பாண்டியன், அமைச்சர்கள் ஜெயக்குமார், தங்கமணி, சி.வி.சண்முகம் ஆகியோர் டெல்லி வந்தனர். வழக்கம் போலவே இந்த முறையும் மனோஜ் பாண்டியன் டெல்லியிலுள்ள மைத்ரேயன் வீட்டில் தங்கினார். சில டெல்லி வழக்கறிஞர்களுடன் மைத்ரேயனும் மனோஜ் பாண்டியனும் ஆலோசனை நடத்தினர். ‘சசிகலாவுக்கு எதிராகப் புகார் மனுவைத் தேர்தல் ஆணையத்தில் தாக்கல் செய்திருக்கும்போது, பிரமாணப் பத்திரங்களைத் திரும்பப் பெற்றால் அது அவருக்குத்தானே சாதகமாகும். எனவே திரும்பப்பெறுவது உங்களுக்கு எதிராகப் போய்விடும்’ என்று யோசனை சொன்னார் களாம். அதனால், தேர்தல் ஆணையம் செல்லும் திட்டம் கைவிடப்பட்டு நேராக தம்பிதுரை வீட்டுக்குச் சென்றனர். அவருடன் இணைந்து மத்திய அமைச்சர் நிர்மலா சீதாராமனை அவருடைய உத்யோக் பவனில் உள்ள அலுவலகத்தில் சந்தித்துப் பேசினர். அரைமணி நேரம் ஆலோசனை நடந்தது. ‘நிர்மலா சீதாராமனைச் சந்தித்ததில் எந்த உள்நோக்கமும் இல்லை’ என்று ஜெயக்குமார் நிருபர்களிடம் சொன்னார். அதன் பின்னர் அனைவரும் நிதியமைச்சர் அருண் ஜெட்லியையும், பின்னர் மறுநாள் காலை உள்துறை அமைச்சர் ராஜ்நாத் சிங்கையும் சந்தித்தனர்.’’

‘‘அருண் ஜெட்லியிடம் என்ன பேசினார்களாம்?’’

‘‘இணைப்புக்குப் பிறகு தமிழகத்தில் இருப்பவர்களுக்குப் பதவிகளும் பொறுப்புகளும் கிடைத்துவிட்டன. டெல்லி லாபியைப் பார்ப்பவர்கள் சும்மா இருக்க முடியுமா? அதனால் மத்திய அரசில் பங்கு கேட்கத்தான் சந்தித்தார்கள். இரண்டு அணிகளாக அ.தி.மு.க பிரிந்து கிடந்தபோதே, ‘கூட்டணியில் எங்களை இணைத்துக்கொள்ளுங்கள்’ என்று பிரதமரிடம் இரு தரப்புமே வலியுறுத்தி வந்தன. பிரதமரோ, ‘முதலில் அணிகள் இணைப்புக்கு வழி பாருங்கள்’ என்று சொல்லிவிட்டார். இப்போது அணிகள் இணைந்துவிட்டதால், நம்பிக்கை யோடு சென்றனர். ஆனால், நம்பிக்கை பொய்த்துப்போனதால் வருத்தத்துடன் இருக்கிறார்கள்.’’

‘‘என்ன ஆனதாம்?’’

‘‘முதலில் பிரதமரைச் சந்திக்க முயற்சி செய்துள்ளார்கள். ஆனால், ‘அருண் ஜெட்லியைச் சந்தியுங்கள்’ என பிரதமர் அலுவலகத்தில் சொல்லிவிட்டார்களாம். அங்கு போய், ‘பிரதமர் சொன்னது போல அணிகளை இணைத்துவிட்டோம். இனி எங்களைக் கூட்டணியில் எப்போது இணைக்கப் போகிறீர்கள்?’ என்று இவர்கள் கேட்டதும், ஜெட்லியின் முகம் மாறிவிட்டதாம். தம்பிதுரை தான் ஜெட்லியிடம் பேசியுள்ளார். ‘கூட்டணியில் எங்களை இணைத்துக்கொள்ளுங்கள். நான்கு அமைச்சர் பதவிகளை எங்கள் தரப்பிலிருந்து எதிர்பார்க்கிறோம்’ என்று பட்டியலைச் சொல்லியுள்ளார். தம்பிதுரைக்கும் மைத்ரேயனுக்கும் கேபினட் பொறுப்பும், ஜெயக்குமார் மகன் ஜெயவர்தனுக்கு தனிப் பொறுப்புடன் இணை அமைச்சரும், திருவள்ளூர் வேணுகோபாலுக்கு இணை அமைச்சர் பொறுப்பும் கேட்டுள்ளார்.’’

‘‘ஜெட்லி என்ன சொன்னாராம்?’’

‘‘அவர் தீர்மானமாகப் பேசினாராம். ‘ஜெயலலிதா மேடம் இருந்தபோது என்ன உறவு அ.தி.மு.க-வுடன் எங்களுக்கு இருந்ததோ, அதே உறவுதான் இனியும் தொடரும். கூட்டணியில் இணைத்துக்கொள்வதற்கு இப்போது வாய்ப்பில்லை. பி.ஜே.பி-யைப் பொறுத்தவரை நட்பான கட்சியாக மட்டுமே, அ.தி.மு.க-வைப் பார்க்கிறோம்’ என்று தெளிவாகச் சொன்னாராம். ஆனாலும், விடாப்பிடியாகத் தொடர்ந்து அ.தி.மு.க-வினர் பேசியபோது, ‘நீங்கள் இது சம்பந்தமாக பிரதமரிடம் பேசிக் கொள்ளுங்கள்’ என்றாராம். ‘பிரதமரிடம் நேரம் வாங்கிக் கொடுங்கள்’ என்று அ.தி.மு.க தரப்பு கேட்டதும், ‘அவரைச் சந்திக்க முடியாமல்தானே என்னை வந்து சந்தித்தீர்கள்?’ என்று ஜெட்லி கேட்டாராம். அதில் அப்செட் ஆகிவிட்டது அ.தி.மு.க குழு.’’

‘‘அப்படியா?’’

‘‘அ.தி.மு.க குழுவுடன் நடந்த பேச்சுவார்த்தை பற்றி, பிரதமரிடமும் உடனடியாகத் தெரிவித்து விட்டாராம் ஜெட்லி. இந்தப் பேச்சுவார்த்தை தோல்வியில் முடிந்த பிறகு  அ.தி.மு.க குழுவினர், சசிகலா விவகாரத்தைக் கையில் எடுத்துக்கொண்டு ரவிசங்கர் பிரசாத் மற்றும் நிர்மலா சீதாராமனைச் சந்தித்துள்ளார்கள். அவர்களும் ‘கொஞ்சம் பொறுமையாக இருங்கள்’ என்று சொல்லி அனுப்பிவிட்டார்களாம். ஆனால், அமித் ஷா தமிழக விவகாரம் பற்றி விரைவில் முடிவெடுக்க வேண்டும் எனத் தீர்மானமாக இருக்கிறார்’’ என்ற கழுகார், பறந்தார்.

p44.jpg

புதுக்கோட்டையில் திவாகரனின் நிழல்!

பு
துக்கோட்டை அ.தி.மு.க மாவட்டச் செயலாளராக இருந்த வைரமுத்துவை நீக்கிவிட்டு, தன் நிழலான ‘மணல்மேல்குடி’ கார்த்திகேயனை மா.செ-வாக நியமித்துள்ளார் தினகரன். தினகரனால் அமைப்புச் செயலாளராக அறிவிக்கப்பட்டுள்ள குடவாசல் ராஜேந்திரனின் மருமகன்தான் இந்த கார்த்திகேயன். இவர், மணல்மேல்குடி ஒன்றிய சேர்மனாக இருந்தவர். திவாகரனுக்கு நிழலாக மாறியதால், மணமேல்குடி ஒன்றியக் கழகச் செயலாளர் ஆனார். 2011-ம் ஆண்டு அ.தி.மு.க ஆட்சிக்கு வந்ததும், 12 மாவட்டங்களில் மணல் குவாரிகளைக் கவனித்தார். 2011-ல் ஜெயலலிதாவால், சசிகலா குடும்பத்தினர் கட்சியிலிருந்து நீக்கப்பட்டபோது கார்த்திகேயனும் நீக்கப்பட்டார். கடந்த சில வருடங்களாக, மணல் ராமச்சந்திரன் மூலம் திருச்சி பகுதிகளில் மணல் குவாரிகளைக் கவனித்துவந்தார் கார்த்திகேயன். ஜெயலலிதா மறைவுக்குப் பிறகு, கட்சியில் இவர் மீண்டும் சேர்க்கப்பட்டார். அதேவேகத்தில், இப்போது மாவட்டச் செயலாளராகவும் அறிவிக்கப்பட்டுள்ளார். கார்த்திகேயனின் அண்ணனும் அறந்தாங்கி எம்.எல்.ஏ-வுமான ரத்தினசபாபதி, தினகரன் பக்கம் இருக்கிறார்.

http://www.vikatan.com/juniorvikatan/

Categories: Tamilnadu-news

நீட் தேர்வுக்கு எதிராக வழக்குத் தொடர்ந்த மாணவி அனிதா தற்கொலை

Fri, 01/09/2017 - 14:30
நீட் தேர்வுக்கு எதிராக வழக்குத் தொடர்ந்த மாணவி அனிதா தற்கொலை

நீட் தேர்வுக்கு எதிராக உச்ச நீதிமன்றத்தில் வாதாடிய, அரியலூர் மாவட்டத்தைச் சேர்ந்த மாணவி அனிதா, தூக்கிலிட்டு தற்கொலைசெய்துகொண்டார். பிளஸ்டூ தேர்வில் 1176 மதிப்பெண் எடுத்திருந்தும் தமக்கு மருத்துவக் கல்லூரியில் இடம் கிடைக்காது என்ற காரணதால் அவர் இந்த முடிவை எடுத்ததாக உறவினர்கள் குற்றம்சாட்டுகின்றனர்.

நீட் தேர்வுக்கு எதிராக வாதிட உச்ச நீதிமன்றம் வந்திருந்த அனிதா. Image captionநீட் தேர்வுக்கு எதிராக வழக்கில் இணைந்துகொள்ள உச்ச நீதிமன்றம் வந்திருந்த அனிதா.

அரியலூர் மாவட்டம் செந்துறை அருகில் உள்ள குழுமூரைச் சேர்ந்த சண்முகம் என்பவரது மகள் அனிதா. 17 வயதான இவர், நடந்து முடிந்த 12ஆம் வகுப்புத் தேர்வில் 1200க்கு 1176 மதிப்பெண்களைப் பெற்றிருந்தார். தாழ்த்தப்பட்ட வகுப்பைச் சேர்ந்த இவரது மருத்துவத்திற்கான கட் - ஆஃப் மதிப்பெண் 196.75 ஆக இருந்தது. எனவே தமக்கு மருத்துவக் கல்லூரியில் நிச்சயம் இடம் கிடைக்கும் என எதிர்பார்த்திருந்தார்.

நீட் தேர்வையும் அனிதா எழுதியிருந்தார். அந்தத் தேர்வில் 700க்கு 86 மதிப்பெண்களையே அவர் எடுத்திருந்தார் என்பதால், அவர் தேர்ச்சிபெறவில்லை.

இந்த ஆண்டு முதல் தமிழகத்தில் மருத்துவ சேர்க்கை எதன் அடிப்படையில் நடக்கும் என்பதில் நீண்ட காலம் குழப்பம் நீடித்துவந்தது. இந்நிலையில், விரைவில் மருத்துவக் கல்லூரி சேர்க்கையை நீட் தேர்வின் அடிப்படையில் நடத்தி முடிக்கவேண்டும் என சிபிஎஸ்சி மாணவர்கள் சார்பில் வழக்குத் தொடரப்பட்டது.

உச்சநீதிமன்றத்தில் வழக்கு

அந்த வழக்கில் எதிர் மனுதாரராக அனிதா தன்னை இணைத்துக்கொண்டார். நீட் தேர்வின் அடிப்படையில் மருத்துவ கல்லூரி சேர்க்கையை நடத்தினால், அதில் தன்னைப் போன்ற கிராமப்புற பின்னணியைச் சேர்ந்தவர்கள் பாதிக்கப்படுவார்கள் என வாதிட்டார். 12ஆம் வகுப்புத் தேர்வில் அதிக மதிப்பெண்களை எடுத்தும், தன்னுடைய மருத்துவ கனவு பாழாகிவிடும் என்று கூறினார்.

ஆனால், உச்ச நீதிமன்றம் நீட் தேர்வில் அடிப்படையில் மருத்துவ சேர்க்கையை நடத்த உத்தரவிட்டது.

இந்த நிலையில், இன்று பிற்பகல் ஒரு மணியளவில் அனிதா துப்பட்டாவால் தூக்கிலிட்டு தற்கொலைசெய்துகொண்டார். மருத்துவக் கல்லூரியில் இடம் கிடைக்காது என்ற காரணத்தினாலேயே அவர் தற்கொலை செய்துகொண்டதாக அவரது உறவினர்கள் குற்றம்சாட்டியுள்ளனர்.

அரசு மீது குற்றச்சாட்டு

தமிழக அரசியல் கட்சிகள் அனைத்தும் இந்த நிகழ்வு குறித்து அதிர்ச்சி தெரிவித்துள்ளன. மத்திய - மாநில அரசுகள் இந்த மரணத்திற்குப் பொறுப்பேற்க வேண்டுமென பாட்டாளி மக்கள் கட்சி தெரிவித்துள்ளது.

இது தொடர்பாக செய்தியாளர்களிடம் பேசிய தி.மு.க. செயல் தலைவர் மு.க. ஸ்டாலின், "கையாலாகாத மாநில அரசுதான் இந்த மரணத்திற்குக் காரணம்" என்று குற்றம்சாட்டினார்.

ஊடகங்களிடம் பேசிய சுகாதாரத்துறை அமைச்சர் விஜய பாஸ்கர், மாணவர்கள் எந்தக் காரணத்திற்காகவும் தற்கொலை முடிவை எடுக்கக்கூடாது என்று மட்டும் கூறினார்.

இந்த விவகாரம் தொடர்பாக மத்திய - மாநில அரசுகளுக்குக் கண்டனம் தெரிவித்து சமூக வலைதளங்களில் ஆவேசமான கருத்துகள் பதிவுசெய்யப்பட்டுவருகின்றன.

அனிதாவின் தந்தை சண்முகம் திருச்சி காந்தி மார்க்கெட்டில் சுமை தூக்கும் தொழிலாளியாக வேலைபார்த்து வருகிறார். அவருக்கு அனிதாவுடன் சேர்த்து ஐந்து குழந்தைகள் உள்ளனர்.

 

http://www.bbc.com/tamil/global-41126035

Categories: Tamilnadu-news

அதிமுக பொதுக்குழுவை கூட்ட டிடிவி தினகரன் எதிர்ப்பு; சட்டப்படி நடவடிக்கை எடுக்கப்படும் எனவும் எச்சரிக்கை

Fri, 01/09/2017 - 06:04
அதிமுக பொதுக்குழுவை கூட்ட டிடிவி தினகரன் எதிர்ப்பு; சட்டப்படி நடவடிக்கை எடுக்கப்படும் எனவும் எச்சரிக்கை

 

 
28MASDRDinakaran-theni

தினகரன்.

அதிமுக பொதுக்குழுவை கூட்ட டிடிவி தினகரன் எதிர்ப்பு தெரிவித்துள்ளார். மேலும், சம்பந்தப்பட்டவர்கள் மீது சட்டப்படி நடவடிக்கை எடுக்கப்படும் எனவும் அவர் எச்சரித்துள்ளார்.

அதிமுக அணிகள் இணைப்புக்குப் பின்னர் டிடிவி தினகரனும் அவரது ஆதரவு எம்.எல்.ஏ.,க்களும் போர்க்கொடி தூக்கிவருகின்றனர். இந்நிலையில் அதிமுக பொதுக்குழு மற்றும் செயற்குழு வரும் 12-ம் தேதி (செப்டம்பர் 12) அன்று வானகரம் ஸ்ரீவாரு மண்டபத்தில் அவைத்தலைவர் இ.மதுசூதனன் தலைமையில் நடைபெறும் என அறிவிக்கப்பட்டுள்ளது.

 

இந்நிலையில் பொதுக்குழுவை கூட்ட டிடிவி தினகரன் கடும் எதிர்ப்பு தெரிவித்துள்ளார்.

இது தொடர்பாக வெள்ளிக்கிழமை அவர் வெளியிட்ட அறிக்கையில், "அதிமுக பொதுக்குழு வரும் 12-ம் தேதி நடைபெறும் என அறிவிக்கப்பட்டுள்ளது. அது தொடர்பான கடிதத்தில் தலைமை கழகம், அனைத்திந்திய அண்ணா தி.மு.கழகம் (அம்மா, புரட்சித்தலைவி அம்மா) என குறிப்பிடப்பட்டுள்ளது. மேற்படி கடிதத்தில் யாருடைய கையொப்பமும் இல்லை. மேலும் என்ன நோக்கத்திற்காக பொதுக்குழு மற்றும் செயற்குழு கூட்டப்படுகிறது என்பது பற்றியும் அந்தக் கடிதத்தில் குறிப்பிடவில்லை.

கழகத்தின் சட்ட திட்ட விதிமுறை 20 பிரிவு 6-ன் படி பொதுக்குழவையும், செயற்குழுவையும் கழகத்தின் பொதுச் செயலாளர் மட்டுமே கூட்ட முடியும்.

கழகத்தின் சட்ட திட்ட விதிமுறை 19 பிரிவு 7-ன் படி பொதுக்குழு உறுப்பினர்கள் ஐந்தில் ஒரு பகுதி என்ணிக்கையினர் கையெழுத்திட்டு கேட்டுக்கொண்டால், பொதுக்குழுவின் தனிக் கூட்டத்தை அறிவிப்பு கிடைத்த 30 நாட்களுக்குள் பொதுச் செயலாளர் கூட்ட வேண்டும். ஆகவே 12.09.2017 தேதியிட்ட கூட்டம் தொடர்பான அறிவிப்பிற்கும் நமது கழகத்திற்கும் எந்தவொரு சம்பந்தமும் இல்லை. கழகத்தின் பொதுச் செயலாளர் சசிகலா கழகத்தின் சட்ட திட்ட விதிமுறைகளின் படி கூட்டப்படும் பொதுக்குழு மற்றும் செயற்கு கூட்டங்களுக்கு மட்டுமே சட்டப்பூர்வ அங்கீகாரம் உள்ளது என்பது குறிப்பிடத்தக்கது.

எனவே, கழகத்தின் உண்மைத் தொண்டர்கள் எந்த ஒரு கூட்டத்திலும் பங்கேற்க வேண்டாம் என கேட்டுக் கொள்கிறேன். மீறி கலந்து கொள்ளும் கழக உறுப்பினர்கள் மற்றும் பொறுப்பாளர்கள் மீது கழகத்தின் சட்ட திட்ட விதிமுறைகளின் அடிப்படையில் கடுமையான நடவடிக்கை எடுக்கப்படும் என்பதை தெரிவித்துக் கொள்கிறேன்.

12-ம் தேதியன்று பொதுக்குழுவை கூட்டுவதாக சட்டத்துக்கு புறம்பான அறிவிப்பை செய்த நபர்களின் மீது உரிய சட்டப்பூர்வ நடவடிக்கையை தொடர உள்ளேன்.

கழக பொதுச்செயலாளர் சசிகலாவின் ஒப்புதலோடு இந்த அறிக்கை வெளியிடப்படுகிறது" எனத் தெரிவித்துள்ளார்.

http://tamil.thehindu.com/tamilnadu/article19600110.ece?homepage=true

Categories: Tamilnadu-news

பிறந்த நாளில் கட்சி துவக்கம்? தீவிர அரசியலில் இறங்குகிறார் கமல்

Thu, 31/08/2017 - 20:25
பிறந்த நாளில் கட்சி துவக்கம்?
தீவிர அரசியலில் இறங்குகிறார் கமல்
 
 
 

தன் பிறந்த நாளான, நவ., 7 முதல், தீவிர அரசியலில் இறங்குகிறார், நடிகர் கமல். புது கட்சி துவக்கம் குறித்த அறிவிப்பையும், அவர் அன்று வெளியிட திட்டமிட்டு உள்ளார்.

 

பிறந்த நாளில், கட்சி துவக்கம்?, தீவிர, அரசியலில், இறங்குகிறார், கமல்

'தமிழக அரசின் அனைத்து துறைகளிலும், ஊழல் மலிந்துள்ளது; இந்த ஆட்சி தானாகவே கலையும்' என, ஆளுங்கட்சியை, கமல் விமர் சித்தார்.அவரது விமர்சனத்திற்கு, அமைச்சர்கள் கடும் எதிர்ப்பும், கண்டனமும் தெரிவித்தனர். தனியார், 'டிவி'யில், கமல் தொகுத்து வழங்கும் நிகழ்ச்சி ஒன்றில், அடிக்கடி ஆளுங்கட்சியின்

அரசியலை கேலி,கிண்டல் செய்யும் கருத்துக்களை கூறி வருகிறார்.

'தேர்தல் நேரத்தில், உங்கள் கோபத்தை காட்டுங்கள்' என, 'டிவி' வாயிலாக, கமல்,ஏற்கனவே மறைமுக பிரசாரத்தை துவக்கி விட்டார். எனவே, தீவிர அரசியலுக்கு, கமல் வருவது உறுதி என, அவரது ரசிகர்கள் கூறி வந்தனர்.

இந்நிலையில், கோவையில் நடந்த திருமண நிகழ்ச் சியில், கமல் பேசுகையில், 'அரசியல் சூழலை, இப்படியே விட்டு வைக்காமல், மாற்ற வேண்டியது, நம் கடமை.'கோட்டையை நோக்கிப் புறப்படுவோம். நான், நேரடி அரசியலுக்கு வந்துவிட்டேன்' என்றார்.
இது குறித்து, அவரது ரசிகர் மன்ற நிர்வாகிகள் கூறியதாவது: ரசிகர் மன்றத்தை, நற்பணி இயக்கமாக மாற்றி, இதுவரை, 40 கோடி ரூபாய்க்கு மேல், நலத்திட்ட உதவிகள் வழங்கப்பட்டுள்ளன. ரத்த தானம், கண் தானம், உடல் உறுப்புகள் தானம் செய்வதுடன், பெண்களுக்கு இலவச தையல் பயிற்சி, கம்ப்யூட்டர்

பயிற்சிகளும் வழங்கப்பட்டுள்ளன.நவ., 7ல், கமல் பிறந்த நாள். அன்றைய தினம், வழக்கம் போல் நலத்திட்ட உதவிகள் வழங்குவதுடன், அதன் அரசியல் பிரவேசத்தையும், கமல் அறிவிக்க உள்ளார்.

அனேகமாக, அன்றே தன் புது கட்சி அறிவிப்பை யும் வெளியிடுவார் என, எதிர்பார்க்கிறோம். இவ்வாறு அவர்கள் கூறினர்.
- நமது நிருபர் -

 

http://www.dinamalar.com/news_detail.asp?id=1845651

Categories: Tamilnadu-news

‘முதல்வர் எடப்பாடி பழனிசாமிக்கு ஷாக் கொடுத்த எம்.எல்.ஏ-க்கள்!’ - ஆலோசனைக் கூட்ட களேபரம் #VikatanExclusive

Thu, 31/08/2017 - 09:09
‘முதல்வர் எடப்பாடி பழனிசாமிக்கு ஷாக் கொடுத்த எம்.எல்.ஏ-க்கள்!’ - ஆலோசனைக் கூட்ட களேபரம் #VikatanExclusive
 
 

முதல்வர் எடப்பாடி பழனிசாமி

முதல்வர் எடப்பாடி பழனிசாமியிடம் மனம்விட்டுப் பேசிய எம்.எல்.ஏ-க்களில் பலர், தங்களின் மனக் குமுறல்களைக் கொட்டித் தீர்த்துள்ளனர். மாவட்டத்தில் நடக்கும் உள்கட்சி விவகாரங்கள்குறித்துப் பேசியுள்ளனர். அதில் சில எம்.எல்.ஏ-க்கள், அமைச்சர் பதவி, வாரியம், கட்சிப்பதவி என  தங்களின் கோரிக்கைகளை விடுத்ததாகவும் சசிகலாவுக்கு எதிராக எடுக்கும் முடிவுக்கு எதிர்ப்புத் தெரிவித்தும் பேசியதாகத் தகவல்கள் வெளியாகியுள்ளன.

பரபரப்பான அரசியல் சூழ்நிலையில், முதல்வர் எடப்பாடி பழனிசாமி, அ.தி.மு.க. எம்.எல்.ஏ-க்களை இன்று சந்தித்தார். எம்.எல்.ஏ-க்களிடம் தனித்தனியாக சந்தித்துப் பேசினார். எம்.எல்.ஏ.க்களிடம் நீண்ட நேரம் ஆலோசனை நடத்திய முதல்வர் எடப்பாடி பழனிசாமி, அவர்களின் மனநிலையை முழுமையாக அறிய, சில கேள்விகளை கேட்டுள்ளார். அதற்கு எம்.எல்.ஏ-க்களும் தங்களின் மனக்குமுறல்களை முதல்வரிடம் சொல்லியதாகத் தகவல்கள் வெளியாகியுள்ளன. அதில் சில எம்.எல்.ஏ-க்கள் மாவட்டத்தில் நடக்கும் உள்கட்சி விவகாரங்களை விரிவாகச் சொல்லியுள்ளனர். அதோடு, தங்களின் விருப்பங்களையும் மனம்விட்டுக் கூறியுள்ளனர். எம்.எல்.ஏ-க்களின் கோரிக்கைகளை நிறைவேற்றுவதாக முதல்வர் எடப்பாடி பழனிசாமி உறுதியளித்துள்ளார். கூட்டத்தில்,  விழுப்புரம் மாவட்டத்திலிருந்து பங்கேற்ற எம்.எல்.ஏ., ஒருவரின் பேச்சைக் கேட்டு, முதல்வர் எடப்பாடி பழனிசாமி அதிர்ச்சியடைந்தாக உள்விவர வட்டாரங்கள் தெரிவித்தன.

இதுகுறித்து நம்மிடம் பேசிய அந்த எம்.எல்.ஏ., தரப்பினர், "எங்கள் மாவட்டத்தில் உள்ள முதல்வர் எடப்பாடி பழனிசாமிக்கு நெருக்கமானவர்கள், எங்களிடம் கட்சி விவகாரங்கள்குறித்து ஆலோசனை நடத்துவதில்லை. தன்னிச்சையாக அவர்கள் செயல்பட்டு வருகின்றனர். கட்சிப் பதவியிலிருந்து எல்லாமும் அவர்கள் தரப்பினருக்கே கிடைக்கின்றன. குறிப்பாக, அரசு ஒப்பந்த வேலைகள்கூட அந்தத் தரப்பினருக்கே வழங்கப்படுகின்றன.

மாவட்டத்தில், கட்சியினரின் செயல்பாடுகளை யாரிடமும் முறையிட முடியவில்லை. கூவத்தூரில் சொல்லப்பட்ட வாக்குறுதிகள்கூட நிறைவேற்றப்படவில்லை. தவறுசெய்த நிர்வாகிகள் மீது கட்சியில் நடவடிக்கை எடுக்க முடியாத சூழ்நிலை நிலவுகிறது. இதை, அதிகாரத்திலிருக்கும் கட்சியனர் தங்களுக்கு சாதகமாகப் பயன்படுத்திக்கொள்கின்றனர். ஓ.பன்னீர்செல்வம் அணியினரின் எம்.எல்.ஏ-க்களுக்கு கிடைக்கும் மரியாதைகூட எங்களுக்குக் கிடைப்பதில்லை என்று கட்சியின் உள்விவகாரங்களை முதல்வரிடம் விரிவாகத் தெரிவித்தோம்.

அதையெல்லாம் அமைதியாகக் கேட்ட முதல்வர், இன்னும் சில மாதங்களில் ஜெயலலிதா இருந்ததைப் போல, கட்சி ராணுவக்கட்டுப்பாடோடு செயல்படத் தொடங்கிவிடும். அதற்கான வேலைகள் நடந்துவருகின்றன. உங்களின் ஆதரவு, இந்த ஆட்சிக்கு கண்டிப்பாகத் தேவை. நம்முடைய எதிரிகளால் ஆட்சிக்கு ஏற்பட்டுள்ள சிக்கல்கள் உங்களுக்குத் தெரியும். உங்களின் மனக்குமுறல்களுக்கு விரைவில் முடிவு எடுக்கப்படும்" என்றார்.

அடுத்து திருச்சி மாவட்ட  எம்.எல்.ஏ. ஒருவர், "கூவத்தூர் ரிசார்ட்டில் சசிகலா, தினகரன் பேச்சுக்குக் கட்டுப்பட்டு முடிவு எடுத்தோம். தற்போது, ஓ.பன்னீர்செல்வத்துக்காக சசிகலா, தினகரனுக்கு எதிரான முடிவை எடுத்துள்ளோம். இதனால் ஏற்படக்கூடிய விளைவுகளை சமாளிக்க நாங்கள் உங்களுடன் உறுதுணையாக இருப்போம்" என்றவர், சில நிமிட அமைதிக்குப் பிறகு, முதல்வரிடம் மனம்திறந்து பேசியிருக்கிறார். 
“தற்போது அமைச்சரவையில், குறிப்பிட்ட சிலருக்கு மட்டும்தான் வாய்ப்பளிக்கப்பட்டுள்ளது. கட்சிக்காக பல ஆண்டுகளாக உழைத்த என்னைப் போன்றவர்களுக்கு அமைச்சர் பதவி என்பது எட்டாக்கனியாக இருக்கிறது. ஜெயலலிதா உயிரோடு இருந்த சமயத்தில் அமைச்சரவை அடிக்கடி மாற்றியமைக்கப்படும். அதில் யாருக்கு வேண்டுமானாலும் அமைச்சர் பதவி கிடைக்கும். ஆனால், இன்றைய அரசியல் சூழ்நிலை அப்படியல்ல. மேலும், தினகரன் தரப்பிலிருந்து எனக்கு அழைப்பு வந்தவண்ணம் உள்ளது" என்று கூறியிருக்கிறார்.

 

 உடனே முதல்வர் எடப்பாடி பழனிசாமி, இந்த ஆலோசனைக் கூட்டத்தில் ஆட்சியையும் கட்சியையும் காப்பாற்றவே நாங்கள் முயற்சி செய்துவருகிறோம். அதற்கு ஒன்றரை கோடி தொண்டர்களின் ஆதரவும் நமக்குத் தேவை. குறிப்பாக இரட்டை இலை சின்னத்தை மீட்டெடுக்க, மக்கள் பிரதிநிதிகளான உங்களின் ஆதரவு தேவை. ஒருவேளை மீண்டும் சட்டசபையில் பெருபான்மையை நிரூபிக்க வேண்டிய கட்டாயம் ஏற்பட்டால், கண்டிப்பாக இந்த ஆட்சியை நீங்கள் ஆதரிக்க வேண்டும் என்று அன்புக் கட்டளை விடுத்துள்ளார் முதல்வர் எடப்பாடி பழனிசாமி. அதற்கு சம்மதம் என்று பெரும்பாலான எம்.எல்.ஏ-க்கள் வாக்குறுதி அளித்துள்ளனர். 
 
மாவட்ட வாரியாக எம்.எல்.ஏ-க்களைச் சந்திக்கும் முதல்வரிடம், ஒருசிலரைத் தவிர பெரும்பாலானவர்கள் நம்பிக்கை கொடுத்து பேசியிருக்கின்னர். இதனால், முதல்வரும் அவரது தரப்பினரும் மகிழ்ச்சியில் உள்ளனர். ஓ.பன்னீர்செல்வம் தரப்பு எம்.எல்.ஏ-க்களின் ஆதரவும் முதல்வர் எடப்பாடி பழனிசாமிக்கு உள்ளது. அதே நேரத்தில், தினகரன் ஆதரவு எம்.எல்.ஏ-க்களால் ஆட்சிக்கு சிக்கல் ஏற்பட்டால், அதை எப்படி சமாளிக்கலாம் என்றும் ஒவ்வொரு எம்.எல்.ஏ-விடமும் கருத்து கேட்டுள்ளார் முதல்வர். எம்.எல்.ஏ-க்களிடம் பெறப்படும் தகவலைக்கொண்டு, முடக்கப்பட்ட இரட்டை இலை சின்னத்தை மீட்டெக்க அடுத்தகட்ட நடவடிக்கைக்குத் தயாராகிவிட்டனர் முதல்வர் தரப்பினர். 

http://www.vikatan.com/news/tamilnadu/100875-mlas-gave-shock-to-edappadi-palanisamy-at-party-meeting⁠⁠⁠⁠.html

Categories: Tamilnadu-news

சசிகலா குடும்பம்குறித்து ஜெயலலிதா பேசியது என்ன? குறுந்தகடுகளை வெளியிட்டு அதிரவைத்த அமைச்சர்

Thu, 31/08/2017 - 09:08
சசிகலா குடும்பம்குறித்து ஜெயலலிதா பேசியது என்ன? குறுந்தகடுகளை வெளியிட்டு அதிரவைத்த அமைச்சர்
 
 

6_12039.jpg

2011-ம் ஆண்டு, அ.தி.மு.க பொதுக்குழுவில் சசிகலா குடும்பம்பற்றி  ஜெயலலிதா பேசியது என்ன என்பதுகுறித்த குறுந்தகடுகளை அமைச்சர் ஆர்.பி.உதயகுமார் இன்று வெளியிட்டு பரபரப்பை ஏற்படுத்தியுள்ளார்.

ஓ.பன்னீர்செல்வம் அணியும் முதல்வர் பழனிசாமி அணியும் இணைந்த பிறகு, கட்சியையும் சின்னத்தையும் மீட்கும் முயற்சியில் ஈடுபட்டுவருகின்றனர். அதே நேரத்தில், முதல்வர் பழனிசாமிக்கு எதிராக தினகரன் ஆதரவு எம்.எல்.ஏ-க்கள் 19 பேர் போர்க்கொடி தூக்கியுள்ளதோடு, அரசுக்கு அளித்துவந்த ஆதரவை வாபஸ் பெறுவதாக ஆளுநர் வித்யாசாகர் ராவை சந்தித்துக் கடிதம் கொடுத்து பரபரப்பை ஏற்படுத்தியுள்ளனர். இதனிடையே, சில நாள்களுக்கு முன்பு பழனிசாமி தலைமையில் நடந்த கட்சியின் ஆலோசனைக் கூட்டத்தில், 'ஜெயா' தொலைக்காட்சியையும் 'நமது எம்.ஜி.ஆர்' பத்திரிகையையும் மீட்போம் என்று தீர்மானம் நிறைவேற்றப்பட்டது. இது, தினகரன் தரப்பை மேலும் கொந்தளிக்கவைத்தது. அதோடு, ஜெயா தொலைக்காட்சி யாருடைய சொத்து என்பதுகுறித்து ஜெயலலிதா அளித்த பேட்டி, வீடியோவாக வெளியாகி பழனிசாமி தரப்பை அதிரவைத்தது.

இந்த நிலையில், சென்னையில் இன்று செய்தியாளர்களிடம் பேசிய அமைச்சர் ஆர்.பி.உதயகுமார், சசிகலா குடும்பத்துடன் யாரும் தொடர்பு வைத்துக்கொள்ளக்கூடாது என்றும், சசிகலா குடும்பத்துடன் தொடர்பு வைத்திருப்பவர்கள் மீது நடவடிக்கை எடுக்கப்படும் என்றும், கட்சிக்குத் துரோகம் செய்தவர்களுக்கு மன்னிப்பு கிடையாது என்றும், துரோகம் செய்தவர்களுடன் தொடர்பு வைத்திருந்தாலும் நடவடிக்கை எடுக்கப்படும் என்றும் ஜெயலலிதா பேசினார். ஜெயலலிதாவால் ஒதுக்கிவைக்கப்பட்டவர்கள், தற்போது கட்சியையும் ஆட்சியையும் கைப்பற்ற எண்ணுகிறார்கள். சிலரது சுயநலத்துக்காக அ.தி.மு.க பலியாகிவிடக்கூடாது. தொண்டர்களிடையே குழப்பத்தை ஏற்படுத்தி, சகோதர யுத்தத்தை உருவாக்க சிலர் முயற்சிசெய்கின்றனர். ஜெயலலிதாவுக்கு விசுவாசமாக இருந்தவர் முதலமைச்சர் பழனிசாமி. எடப்பாடி பழனிசாமி மீது மறைந்த முதல்வர் ஜெயலலிதா மிகுந்த நம்பிக்கை வைத்திருந்தார்" என்று கூறினார்.

udhayakumar

இதைத் தொடர்ந்து, சசிகலா மற்றும் அவரது குடும்பத்தினர் மீது எடுக்கப்பட்ட நடவடிக்கை பற்றி சென்னையில் 2011-ம் ஆண்டு நடந்த அ.தி.மு.க. பொதுக்குழுவில் ஜெயலலிதா பேசியதுகுறித்த வீடியோவை இன்று அமைச்சர் ஆர்.பி.உதயகுமார் வெளியிட்டு பரபரப்பை ஏற்படுத்தினார். அந்தப் பொதுக்குழுவில் ஜெயலலிதா பேசியது வருமாறு: "அரசியல்வாதிகளும் பலவிதம் உண்டு. கட்சிக்காரர்களும் பலவிதம் உண்டு. சிலர் தவறு செய்கிறார்கள்; குற்றம் புரிகிறார்கள். அதனால், அவர்கள்மீது ஒழுங்கு நடவடிக்கை எடுக்கப்பட்டு, கட்சியை விட்டு நீக்கப்படுகிறார்கள். அப்படி நீக்கப்படும்போது, சரி நாம் தவறுசெய்துவிட்டோம்; ஆகவே, இது நியாயமாக‌ நமக்குக் கிடைக்கவேண்டிய தண்டனைதான்; இனிமேல் நமக்கு அரசியல் வேண்டாம். இருப்பதைவைத்துக்கொண்டு அமைதியாக இருப்போம் என்று சிலர் முடிவெடுப்பார்கள்.

ஆனால், இன்னும் சிலர் இருக்கிறார்கள். தவறு செய்து, துரோகம் புரிந்து கட்சியை விட்டு நீக்கப்பட்ட பின்பும் அந்தக் கட்சியைச் சேர்ந்தவர்களை விடாப்பிடியாகத் தொடர்புகொண்டு, நாங்கள் மீண்டும் உள்ளே சென்றுவிடுவோம். நாங்கள் மீண்டும் செல்வாக்குடன் இருப்போம். இப்பாேது எங்களைப் பகைத்துக்கொண்டால், நாளை நாங்கள் மீண்டும் உள்ளே சென்ற பிறகு உங்களைப் பழிவாங்கி விடுவோம். ஆகவே, எங்களைப் பகைத்துக்கொள்ளாதீர்கள் என்று சொல்பவர்களும் உண்டு. அப்படித் தலைமைமீதே சந்தேகம் வருகின்ற அளவுக்குப் பேசுபவர்களுக்கு மன்னிப்பே கிடையாது. அதுமட்டுமல்ல, அத்தகையவர்களுடைய பேச்சைக்கேட்டு நம்பி, அதன்படி செயல்படுகின்ற கட்சிக்காரர்களுக்கும் மன்னிப்பு கிடையாது" என்று பேசியுள்ளார்.

 

அமைச்சர் உதயக்குமார் தற்போது வெளியிட்டுள்ள இந்தக் குறுந்தகடு, தினகரன் தரப்பை கொந்தளிக்கவைத்துள்ளது. இதற்குப் பதிலடி கொடுக்கும் விதமாக தினகரன் ஆதரவாளர்கள் செயல்பட்டுவருவதாகக் கூறப்படுகிறது.

http://www.vikatan.com/news/tamilnadu/100874-jayalalithaa-s-perception-about-sasikala-family---minister-released-cd.html

Categories: Tamilnadu-news

தமிழகத்தில் சில நாட்களில் ஆட்சி மாற்றம் ஏற்படும்.... எப்படி என்பது சஸ்பென்ஸ்- ஸ்டாலின்

Thu, 31/08/2017 - 08:18

சென்னை: தமிழகத்தில் சில நாட்களில் ஆட்சி மாற்றம் ஏற்படப்போகிறது என்று திமுக செயல்தலைவர் மு.க. ஸ்டாலின் கூறியுள்ளார். சேலத்தில் எம்.எல்.ஏ. ராஜேந்திரன் இல்ல திருமண விழாவில் பங்கேற்று பேசிய திமுக செயல்தலைவர் ஸ்டாலின், அரசுக்கு எதிராக கடுமையான கருத்துக்களை முன் வைத்தார். ஆட்சிக்கு எதிராக 40 எம்.எல்.ஏக்கள் போர்க்கொடி உயர்த்தியுள்ளனர். ஆனாலும் கொல்லைப்புறமாக திமுக ஆட்சி அமைக்காது. மக்களின் வாக்குகளைப் பெற்றே ஆட்சி அமைப்போம். திமுகவிடம் 89 எம்.எல்.ஏக்கள் எனும் பந்து இருக்கிறது. திமுகவிடம் இருக்கும் பந்தை என்ன செய்யப் போகிறோம் என்பது சஸ்பென்ஸ். ஜனநாயக முறையில் மக்களின் வாக்குகளைப் பெற்றே ஆட்சி அமைப்போம். திமுக கூட்டணியின் 98 எம்.எல்.ஏக்கள் என்பது 117 ஆகாதா? 200 ஆகவும் மாறும் என்றும் ஸ்டாலின் கூறியுள்ளார். ஆட்சி மாற்றம் வரும் என்று கூறும் ஸ்டாலின் அதை எப்படி ஏற்படுத்துவோம் என்று கூறாமல் சஸ்பென்ஸ் ஆக வைத்து விட்டு சென்றுவிட்டார்.

http://tamil.oneindia.com/news/tamilnadu/assembly-poll-tamil-nadu-soon-mk-stalin-294453.html

Categories: Tamilnadu-news

டில்லியில் தமிழக மந்திரிகள் ஆலோசனை அதிருப்தி எம்.எல்.ஏ.,க்கள் தகுதி நீக்கம் எப்போது

Wed, 30/08/2017 - 20:26
டில்லியில் தமிழக மந்திரிகள் ஆலோசனை
அதிருப்தி எம்.எல்.ஏ.,க்கள் தகுதி நீக்கம் எப்போது
 
 
 

எம்.எல்.ஏ.,க்கள் தகுதி நீக்கம், நம்பிக்கை ஓட்டெடுப்பு, பொதுக்குழு என மூன்று விஷயங் களும், ஒரே நேர்கோட்டில் வந்து நிற்பதால், இவற்றை எளிதாக கையாளுவது குறித்த அறிவுரைகளை, தமிழக அமைச்சர்கள், டில்லியில் பெற்றுள்ளதாக தகவல் வெளியாகி உள்ளது.

 

டில்லியில், தமிழக, மந்திரிகள், ஆலோசனை,  அதிருப்தி எம்.எல்.ஏ.,க்கள், தகுதி, நீக்கம், எப்போது

தமிழக அரசியலில் ஏற்பட்டுள்ள அதிரடி மாற்றங்கள் குறித்து, டில்லி அரசியல் வட்டா ரங்கள் கூறியதாவது:தமிழகத்தில், அ.தி.மு.க., வைச் சேர்ந்த, 19 எம்.எல்.ஏ.,க்கள், கவர்னரிடம் மனு அளித்து விட்டு, புதுச்சேரி புறப்பட்டுச் சென்றதிலிருந்தே, முதல்வர் பழனிசாமி தலை மையிலான அரசு, ஆட்டம் காணத் துவங்கி விட்டது. இந்த திடீர் திருப்பத்தை, டில்லியில் இருப்பவர்கள் கூட எதிர்பார்க்கவில்லை.
 

கலவரம் ஏற்படும்


சற்று சுதாரித்த பின், அடுத்தடுத்து நடந்த ஆலோசனைகளின் அடிப்படையில், 19 எம்.எல். ஏ.,க்களுக்கும் நோட்டீஸ் அனுப்பப் பட்டது. விளக்கம் தர, போதிய அவகாசம் அளிக்காதது உட்பட, பல சட்ட நுணுக்கங்கள், கர்நாடகாவில் நடந்த எடியூரப்பா வழக்கில் கோட்டை விடப் பட்டன.அதுபோல அல்லாமல், சரியாக திட்ட மிட்ட பின், அதிருப்தி, எம்.எல். ஏ.,க்களுக்கு நோட்டீஸ் அனுப்பப்பட்டது.

இதனால், 19 எம்.எல்.ஏ.,க்களும் தகுதி நீக்கம் செய்யப்படுவதற்கு அதிக வாய்ப்பு உள்ளது. இதை எதிர்த்து, கோர்ட்டிற்கு சென்றாலும், இந்த விவகாரத்தில், அவ்வளவு எளிதாகவோ, விரைவாகவோ தீர்வு ஏற்பட்டு விடாது; அதற்குள், ஆட்சியை நீட்டித்து விடலாம்.

பொதுக் குழுவை கூட்டுவதில் தான், பிரச்னை ஏற்படும் என எதிர்பார்க்கப்படுகிறது; அதில்,

சசிகலா வை நீக்கும் முடிவை எடுத்தால், நிச்சயம் கலவரம்ஏற்படும்.'பழனிசாமி அணியில், அமைச்சர் கள், எம்.எல்.ஏ.,க்கள் என பலரும், 'ஸ்லீப்பர் செல்' களாக உள்ளனர்' என, தினகரன் கூறுவதை, அலட்சி யப் படுத்தி விட முடியாது.எம்.எல்.ஏ.,க்கள் தகுதி நீக்கம், பொதுக்குழுவில் சசிகலா நீக்கம், நம்பிக்கை ஓட்டெடுப்பு ஆகிய மூன்று விஷயங்களையும் ஒரே நேர்கோட்டில் பார்க்க வேண்டியஅவசியம் ஏற்பட்டுள்ளது.
 

முறையீடு


இந்த மூன்றில், பொதுக்குழுவுக்கு மட்டுமே தேதி குறிக்கப்பட்டுள்ளது. மற்ற இரண்டு விஷயங்களுக் கும், எப்போது தேதி குறிப்பது என்பதில் தான், இத்தனை குழப்பங்களும், ஆலோசனைகளும். எதிர் கட்சிகளின் அழுத்தம், ஜனாதிபதி வரை முறையீடு என, பலரும் ஆளாளுக்கு கிளம்பி விட்டனர். அடுத் ததாக, கோர்ட் தலையீடும் வர வாய்ப்புள்ளது. எனவே, நம்பிக்கை ஓட்டெடுப்பை, சற்று தாமதப் படுத்தலாமே தவிர, தட்டிக் கழித்து விட முடியாது.

நம்பிக்கை ஓட்டெடுப்பை எப்போது நடத்துவது, எப்படி நடத்துவது என்ற விஷயத்தில் தான், கவர்னரின் பங்களிப்பு மிக அவசியமாகிறது. அதைவிட, நம்பிக்கை ஓட்டெடுப்பு நடத்தப் போகும் தேதியும், மிக முக்கியமானது. இந்த அனைத்து விஷயங்களுக்கும் தீர்வு கிடைக்கும் இடம் தான், டில்லி.

இதன் அடிப்படையிலேயே, அமைச்சர்கள் ஜெய குமார், தங்கமணி, சண்முகம் மற்றும் மைத்ரேயன், மனோஜ் பாண்டியன் ஆகியோர், டில்லியில் நடந்த ஆலோசனைகளில் அறிவுரை பெற்றுள்ளனர். முதல் நாள் ஆலோசனையின் முடிவுகளை தெரிவிப்பதற்காக, இரவோடு இரவாக, அமைச்சர் சண்முகம், சென்னை திரும்பினார். நள்ளிரவில், முதல்வர் இல்லத்துக்கு சென்று, ஆலோசித்து, மீண்டும்சில தகவல்களுடன், நேற்று காலை டில்லி வந்தார்.

எம்.எல்.ஏ.,க்கள் தகுதி நீக்கத்தையும், நம்பிக்கை ஓட்டெடுப்பையும் பொதுக்குழுவுக்கு முன் நடத்தி முடித்தால் தான், சரியாக வருமென கருதப்படு கிறது. எனவே, எம்.எல்.ஏ.,க்கள் தகுதி நீக்கம் நடந்த ஒருசில நாட்களுக்குள், நம்பிக்கை ஓட்டெடுப்பும் நடந்து முடிந்து விட அதிக வாய்ப்புள்ளது.

எல்லாம் முடிந்தபின், பொதுக்குழுவில் எடுக்கப்

போகும் சசிகலா நீக்கம் பற்றிய முடிவை மையமாக வைத்து, 'ஸ்லீப்பர் செல்'லில் இடம் பெற்றுள்ள, எம்.எல்.ஏ.,க் களால் ஏற்படும் பிரச்னையைத் தாண்டி, ஆட்சி நிலைத்து விடும்.செப்., 12க்கு முன், அனைத் தும் நடந்து முடிந்துவிடும். இதனால், இனி வரும் ஒவ்வொரு நாளும், அரசியல் பரபரப் புகள், உச்சகட்டத்தை தொடப் போகின்றன. இவ்வாறு அந்த வட்டாரங்கள் தெரிவித்தன.
 

திசை திருப்பிய பலே தந்திரம்


பிரமாணப் பத்திரங்களை வாபஸ் பெறுவதற் காக, டில்லி வந்தது போல, வேண்டு மென்றே செய்தி கசியவிட்டு, ஊடகங்களின் கவனத்தை தந்திரமாக திசை திருப்பி, டில்லியில், அதிரடி ஆலோசனை களை நடத்தினர், அ.தி.மு.க., வினர். இந்த உண்மை தெரியாமல், இரட்டை இலை சின்னத்திற்கு உரிமை கோரி, தினகரன் அணியின் புகழேந்தி, தேர்தல் ஆணையத்திற்கு விழுந்தடித்து ஓடி வந்தது, வேடிக்கை.

மாநில நலன்களுக்காக, அ.தி.மு.க., என்ன செய்தது என அடிக்கடி கேட்கின்றனர். இத னால் தான், மத்திய அமைச்சர்களை டில்லி யில் சந்திக்கிறோம்; முடிந்தவரை போராடு கிறோம். இன்று கூட, உள்துறை அமைச்சர் ராஜ்நாத் சிங்கை சந்தித்தோம். இறுதியில் எல்லா விஷயத்திலுமே, உச்ச நீதிமன்றம் தான் இடையூறாகி விடுகிறது.

தம்பிதுரை

லோக்சபா துணை சபாநாயகர், அ.தி.மு.க.,


-நமது டில்லி நிருபர்-

http://www.dinamalar.com/news_detail.asp?id=1844959

Categories: Tamilnadu-news