தமிழகச் செய்திகள்

தினகரனின் சீக்ரெட் கேம் - புதிய அமைச்சரவை?

Sat, 30/12/2017 - 19:20
மிஸ்டர் கழுகு: தினகரனின் சீக்ரெட் கேம் - புதிய அமைச்சரவை?
 
 

 

‘‘ஆர்.கே. நகர் இடைத்தேர்தலில் தினகரன் வென்றபிறகு ஆளும்கட்சிக்குள் குழப்பங்கள் அதிகமாகின்றன” என்றபடி கழுகார் உள்ளே நுழைந்தார்.

‘‘ஒரே ஒரு எம்.எல்.ஏ-வாக தினகரன் வென்றிருப்பதால் ஆளும் கட்சிக்குள் என்ன மாற்றம் வந்துவிடப்போகிறது? முதல்வர் எடப்பாடியையும் துணை முதல்வர் பன்னீரையும் அவர் என்ன செய்துவிட முடியும்? அவர்தான் சுயேச்சை உறுப்பினர் ஆச்சே!” என்றோம்.

‘‘சட்டப்படி இன்று அவர் சுயேச்சை உறுப்பினராக இருக்கலாம். ஆனால் ‘அண்ணன்தான் இனி ஆளும்கட்சி’ என்று அவரின் ஆதரவாளர்கள் சொல்ல ஆரம்பித்துள்ளார்கள். ஆர்.கே. நகர் இடைத்தேர்தல் வெற்றி, தினகரனுக்குப் பெரிய அளவில் நம்பிக்கையைக் கொடுத்துள்ளதாம். இதுவரை அடக்கி வாசித்தவர் இனி கிளர்ந்து எழப்போகிறாராம். ‘எதையாவது செய்து ஆட்சியைக் கவிழ்க்க வேண்டும்’ என்று முன்பு நினைத்தார் தினகரன். அதனால்தான், ‘தை பிறந்தால் வழிபிறக்கும்’ என்றெல்லாம் சொல்லிவந்தார். எம்.எல்.ஏ ஆனதும் அவரது மனம் மாறிவிட்டது. ‘எதையாவது செய்து ஆட்சியைக் கைப்பற்ற வேண்டும்’ என்று இப்போது நினைக்கிறார். அதற்கான அதிரடிகளில் அவர் இறங்கிவிட்டார்.’’

p44b_1514564205.jpg

‘‘அப்படியா?”

‘‘20 ரூபாய் நோட்டு டோக்கன், ஜெயலலிதா வீடியோ... இந்த இரண்டு அஸ்திரங்களை க்ளைமாக்ஸில் எடுத்து விட்டு ஆர்.கே. நகரைக் கைப்பற்றினார் அல்லவா? அதேபோல, மாயஜாலங்களை அரசியலில் ஏற்படுத்த ரெடியாகிவருகிறார் தினகரன். ‘எடப்பாடியை நீக்குவோம்’ என்று முன்பு 18 பேர் கிளம்பினார்கள் அல்லவா? அதே முழக்கத்துடன் இன்னும்  20 எம்.எல்.ஏ-க்கள் விரைவில் கிளம்பலாம் என்று சொல்லப்படுகிறது. அவர்களைத்தான், ஸ்லீப்பர் செல் என்று தினகரன் சொல்லிவந்தார். இந்த ஸ்லீப்பர் செல்களின் எண்ணிக்கை ஆர்.கே. நகர் இடைத்தேர்தல் முடிவுக்குப் பிறகு அதிகமாகி விட்டது. அ.தி.மு.க-வில் உள்ள 40   எம்.எல்.ஏ-க்கள் இதுவரை தினகரனைத் தொடர்புகொண்டு, தேர்தலில் ஜெயித்ததற்கு வாழ்த்து தெரிவித்துள்ளனர். இவர்களில் 12 அமைச்சர்களும் அடக்கம். ஆக, 66 பேர் டிசம்பர் 28-ம் தேதி நிலவரப்படி தினகரனின் கஸ்டடியில் இருப்பதாக அவருடைய கோஷ்டியினர் சொல்கிறார்கள். ஏற்கெனவே, 18 பேர் தினகரனை ஆதரித்தார்கள். அவர்களைத் தகுதிநீக்கம் செய்த வழக்கு சென்னை உயர் நீதிமன்றத்தில் இருக்கிறது. நீதிமன்றத்தில் தனக்குச் சாதகமாகத்தான் தீர்ப்பு வரும் என்று தினகரன் நினைக்கிறாராம். அதனால் உற்சாகமாக சில காரியங்களைச் செய்ய இருக்கிறாராம்!”

‘‘அப்படியானால் தினகரன் தலைமையில் புதிய அமைச்சரவையா?”

p44c_1514564244.jpg

‘‘கலகம் செய்வதற்குத் தயாராகும் எம்.எல்.ஏ-க்களின் எண்ணிக்கையையும் மனநிலையையும் பொறுத்து, தினகரனின் நகர்வுகள் இருக்கும். அதிகப்படியான  எம்.எல்.ஏ-க்கள் வெளிப்படையாக வரத் தயாராக இருந்தால், ‘தினகரனை முதல்வர் ஆக்குவோம்’ என்று கிளம்புவார்களாம். குறைவான எம்.எல்.ஏ-க்கள் என்றால், ‘எடப்பாடியை மாற்றுவோம்’ என்று கிளம்புவார்களாம்.’’

‘‘எடப்பாடியும் தினகரனும் ஒன்று சேர்வதற்கான மூவ் தொடங்கிவிட்டதாக சிலர் சொன்னார்களே?’’

‘‘அது டெல்லி ஆட்சியாளர்கள் செய்ய இருக்கும் காரியம் என்று சொல்கிறார்கள். ‘இன்றைய சூழ்நிலையில், எடப்பாடியிடம் ஆட்சி இருக்கிறது; தினகரனிடம் கட்சி இருக்கிறது’ என்று பி.ஜே.பி மேலிடம் நினைக்கிறது. எனவே, ‘இரண்டு தரப்பும் ஒன்றுசேர்ந்தால் எப்படி இருக்கும்’ என்ற யோசனை அவர்களுக்கு வந்துள்ளதாகச் சொல்கிறார்கள்.

ஆர்.கே. நகரில் தினகரன், மதுசூதனன் ஆகிய இருவரும் வாங்கிய வாக்குகளைக் கூட்டினால், ஒரு லட்சத்து 37 ஆயிரத்துக்கும் மேல் வருகிறது. பதிவான ஓட்டுகள், ஒரு லட்சத்து 78 ஆயிரம். ஆக, ஒன்றுபட்ட அ.தி.மு.க-வை மக்கள் ஆதரிக்கிறார்கள் என பி.ஜே.பி-யினர் கணக்குப் போடுகிறார்கள். ஒன்றுபட்ட அ.தி.மு.க-வுடன்    பி.ஜே.பி கூட்டுச் சேர்வது லாபம் எனவும் நினைக்கிறார்கள். அதற்காக ஒரு சமரச ஃபார்முலா உருவாக்கப்பட்டதாகச் சொல்கிறார்கள்.’’

p44d_1514564182.jpg

‘‘என்ன அது?’’

‘‘ஒரு முதல்வர், இரண்டு துணை முதல்வர்கள் என்பது அந்த ஃபார்முலா. முதல்வராக எடப்பாடி தொடர்வார்; துணை முதல்வராக பன்னீரும் தினகரனும் இருப்பார்கள். தனக்கு ஆதரவு அதிகம் இருப்பதாக தினகரன் பேசினால், அவரை முதல்வராக்கிவிட்டு இரண்டு துணை முதல்வர்களாக எடப்பாடியும் பன்னீர் செல்வமும் இருப்பார் களாம். இப்படிச் செய்யும் போது, தமிழக அரசு பெரும்பான்மை இல்லாததுபோல உள்ள சூழல் தவிர்க்கப்படும் என நினைக்கிறார்கள். ஆனால், தினகரன் இந்த டீலுக்கு ‘நோ’ சொல்லிவிட்டாராம்; எடப்பாடி, பன்னீர் ஆகிய இருவருக்கும் எந்தப் பதவியும் தரக்கூடாது என்பதில் தெளிவாக இருக்கிறாராம். இப்போதைய அமைச்சர்கள் சிலரும் மிரட்டப்படுவதாகத் தகவல். ‘ஜெயலலிதா உயிருடன் இருந்தபோது முன்னணி அமைச்சர்களின் செயல்பாடு, அவர்கள்மீதான குற்றச்சாட்டு குறித்து வெளிப்படையாகப் பேசிய ஆடியோ கேசட் எங்களிடம் இருக்கிறது. தேவைப்பட்டால் வெளியிடுவோம்’ என்று மீடியாக் களிடம் திவாகரன் கூறியிருக்கிறார் அல்லவா? அது, அமைச்சர்கள் மத்தியில் அதிர்ச்சியை ஏற்படுத்தி யுள்ளது. அதனால் அமைச்சர்கள் நடுங்கிக்கொண்டிருக்கிறார்கள்.”

‘‘இதெல்லாம் எடப்பாடிக்குத் தெரியாதா?’’

‘‘தெரியாமல் என்ன... பன்னீர் மீண்டும் வந்து இணைந்தபிறகு, அவரின் ஆதரவாளர்களில் பலரைத் தன் பக்கம் இழுத்துவிட்டார் எடப்பாடி. அந்தச் சாமர்த்தியம் இப்போதும் உதவும் என நம்புகிறார். அதனால்தான் அடுத்தடுத்து பலரையும் நீக்குவதாக அறிவிப்பு வெளியிட்டு, கத்தியைச் சுழற்றுகிறார். தினகரன் செல்வாக்குப் பெறுவது தனக்குத்தான் முதல் ஆபத்து என்பது பன்னீருக்கும் தெரியும். அதனால் அவரும் கூடசேர்ந்து வாளேந்தியி ருக்கிறார். இதற்கிடையே எடப்பாடி யைப் பற்றி நல்லவிதமாகச் சிலர் தினகரனிடம் பேச ஆரம்பித் திருப்பதாகவும் சொல்கிறார்கள்.’’

‘‘அதற்கு தினகரன் என்ன சொன்னாராம்?’’

‘‘தினகரன் கறாராக, ‘எடப்பாடி பழனிசாமி தனது அமைச்சரவை ராஜினாமா செய்வதாக கவர்னருக்கு கடிதம் கொடுக்க வேண்டும். என்னை சட்டமன்றக் கட்சித் தலைவராகத் தேர்வுசெய்ய வேண்டும். அதன்பிறகு யார் யார் அமைச்சர்கள் என்பதை நாம் உட்கார்ந்து பேசுவோம்’ என்று தினகரன் சொல்லி அனுப்பிவிட்டதாக ஒரு தகவல் பரவியிருக்கிறது.’’

‘‘அதை எப்படி எடப்பாடி ஏற்பார்?’’

‘‘அது தினகரனுக்கும் தெரியும். ‘என்னிடம் ஒப்படைக்காவிட்டால் எப்படிப் பறிப்பது என்று எனக்குத் தெரியும்’ என்பதுதான் தினகரனின் சபதம்.”

‘‘டெல்லி இதை ஏற்குமா?’’

‘‘எடப்பாடியையும் பன்னீர்செல்வத்தையும் ஆடிட்டர் குருமூர்த்தி விமர்சித்ததைப் பார்த்திருப்பீரே? இதை இரண்டுவிதமாகச் சொல்கிறார்கள். ‘இந்த இரட்டையரின் தலைமையை பி.ஜே.பி விரும்பவில்லை. அதன் விளைவுதான் இது’ என்கிறார்கள் ஒரு தரப்பினர். இன்னொரு தரப்பினரோ, ‘இது மேட்ச் ஃபிக்சிங் மாதிரியான விவகாரம்’ என்கிறார்கள்.’’

‘‘தினகரனைக் குறிவைத்து ஆர்.கே. நகர் தேர்தலுக்குப் பிறகு - அதாவது டிசம்பர் 26-ம் தேதிகூட ஐ.டி ரெய்டுகள் நடந்தனவே?”

‘‘இதைப் புதிய ரெய்டு என்று கருத முடியாது. பழைய நடவடிக்கையின் தொடர்ச்சிதான் இது. ‘இதை ரெய்டு என்றே சொல்லக்கூடாது’ என்கிறார்கள். பி.ஜே.பி-க்கு எதிரான எண்ண ஓட்டத்தில் இருப்பவர்தான் தினகரன் என்பதில் சந்தேகமில்லை. ஆனாலும், அவரை வளைத்துவிடலாம் என டெல்லியிடம் சில பிரமுகர்கள் உத்தரவாதம் கொடுத்திருக்கிறார்களாம். ‘இரட்டை இலை இருந்தும் எடப்பாடி தரப்பால் ஜெயிக்க முடியவில்லை; இரட்டை இலை இல்லாமலே தினகரன் ஜெயிக்கிறார். யாருடன் கைகோக்க வேண்டும் என்பது இப்போது புரிகிறதா’ என அவர்கள் டெல்லியில் கேட்கிறார்களாம். தினகரனும் தன்மீதான வழக்குகளிலிருந்து தப்பிக்க பி.ஜே.பி-யுடன் கைகோக்கலாம்.”

p44_1514564142.jpg

‘‘நீர் சொல்வது மாதிரி நடந்தால் அமைச்சரவையிலும் அதிரடி மாற்றங்கள் இருக்குமே?”

‘‘ஆளுங்கட்சியில் கொங்கு மண்டலத்துக்காரர்களுக்குத் தரப்படும் முக்கியத்துவத்தைப் பார்த்துப் பிற மாவட்டங்களைச் சேர்ந்த எம்.எல்.ஏ-க்கள் கடும் அதிருப்தியில் இருக்கிறார்கள். பசை மிக்க பொதுப்பணித் துறை, நெடுஞ்சாலை, உள்ளாட்சி, மின்சாரம், போக்குவரத்து போன்றவற்றை அவர்களே வைத்துள்ளார்கள். இந்தத் துறைகளை மற்ற சமூக எம்.எல்.ஏ-க்களுக்குப் பகிர்ந்து தருவதாக தினகரன் சொல்கிறார். தினகரன் மிகவும் கோபமாக இருப்பது எடப்பாடி, ஓ.பன்னீர்செல்வம், தங்கமணி, வேலுமணி ஆகியோர் மீதுதான். அவர்களை ஒரு வழி பண்ணாமல் விடமாட்டாராம். அதற்கு அடுத்தகட்டமாக அமைச்சர்கள் வீரமணி, திண்டுக்கல் சீனிவாசன், ஜெயக்குமார், புதுக்கோட்டை விஜயபாஸ்கர், கரூர் விஜயபாஸ்கர், சி.வி.சண்முகம், கே.பி.அன்பழகன், ஆர்.பி.உதயகுமார், காமராஜ், மணிகண்டன், வெல்லமண்டி நடராஜன், துரைக்கண்ணு, ஓ.எஸ்.மணியன், கடம்பூர் ராஜு, சரோஜா ஆகியோர் தினகரனின் லிஸ்டில் உள்ளனராம்.”

‘‘மற்றவர்கள்..?”

‘‘மற்றவர்கள்மீது தினகரன் கொஞ்சம் கருணையுடன் இருப்பதாகச் சொல்கிறார்கள். செங்கோட்டையன், எம்.சி.சம்பத், கருப்பணன், உடுமலைப்பேட்டை ராதாகிருஷ்ணன், செல்லூர் ராஜு, கே.பி.ராஜேந்திர பாலாஜி, சிவகங்கை பாஸ்கரன், ஸ்ரீரங்கம் வளர்மதி, பாலகிருஷ்ணா ரெட்டி ஆகியோரின் பதவிக்கு ஆபத்து இல்லையாம். மதில் மேல் பூனை என்கிற லிஸ்ட்டில் பாண்டியராஜன், ராஜலட்சுமி, பெஞ்சமின், நிலோபர் கஃபில் ஆகிய நால்வர் வருகிறார்கள். அவர்களுக்கும் பிரச்னை இருக்காது. தினகரனின் புதிய அமைச்சரவைப் பட்டியலில் பழனியப்பன், செந்தில் பாலாஜி, வெற்றிவேல், தங்க தமிழ்ச்செல்வன், ரெங்கசாமி, டாக்டர் முத்தையா, மாரியப்பன் கென்னடி ஆகியோருடன் வேலூர் மாவட்டத்தைச் சேர்ந்த என்.ஜி.பார்த்திபன் அல்லது ஆம்பூர் பாலசுப்பிரமணியன்... என்று பெரும் பட்டியல் வாசிக்கப்படுகிறது” என்றபடி கழுகார் பறந்தார்.

அட்டை ஓவியம்: ஹாசிப்கான்
படங்கள்: வி.ஸ்ரீனிவாசுலு

p44a_1514564046.jpg

dot_1514564067.jpg சென்னையில் பிரபலமான பாம்பன் சுவாமிகள் கோயிலின் சொத்துகள் பல கோடி ரூபாய் மதிப்புள்ளவை. இந்த நிர்வாகத்தை அரசு ஏற்க வேண்டும் என்றும், ஏற்கக்கூடாது என்றும் இரு தரப்பினர் வரிந்து கட்டிக்கொண்டு நிற்கிறார்கள். இதுதொடர்பாக, உச்ச நீதிமன்ற தீர்ப்பு வந்து பல நாட்கள் ஆகிவிட்டன. அதில் சொல்லப்பட்டதை உடனடியாக செயல்படுத்த ஐ.ஏ.எஸ் அதிகாரி ஒருவர், களத்தில் இறங்கினாராம். ஆனால், அவருக்கு திடீர் முட்டுக்கட்டைப் போடுகிறாராம் சம்பந்தப்பட்ட துறை அமைச்சர். வளைந்துகொடுக்காத அந்த ஐ.ஏ.எஸ் அதிகாரி விரைவில் தூக்கியடிக்கப்படலாம் என்கிறார்கள். ‘‘அப்படி ஏதாவது நடந்தால், திரைமறைவில் நிகழ்ந்தவற்றை மீடியாவில் அம்பலப்படுத்துவோம்’’ என்று அதிகாரிகள் கொதிக்கிறார்கள்.

dot_1514564067.jpg முதல்வர் டேபிளுக்கு வந்த மூன்று ஃபைல்களில் தலைமைச் செயலாளர் கிரிஜா வைத்தியநாதன் கையெழுத்துப் போடவேண்டிய இடத்தில், முதல்வர் எடப்பாடி கையெழுத்துப் போட்டிருந்தாராம். அதிகாரிகள் வேறு ஃபைல்களை ரெடி செய்து மீண்டும் முதல்வரிடம் கையெழுத்து வாங்கினார்களாம்.

dot_1514564067.jpg உடல்நிலை சரியில்லாமல் தலைமைச் செயலாளர் கிரிஜா வைத்தியநாதன் விடுமுறையில் இருக்கிறார். அவருக்குப் பதிலாக நிதித்துறை செயலாளர் சண்முகம் பொறுப்பு தலைமைச் செயலாளராக நியமிக்கப்பட்டுள்ளார். ஆட்சியின் நிச்சயமற்ற நிலையைப் பார்த்து மிரண்டுபோயிருக்கிறாராம் கிரிஜா. அதனால், உடல்நலம் தேறி மீண்டும் தலைமைச் செயலாளர் பதவியில் உட்கார விருப்பம் இல்லையாம்.

dot_1514564067.jpg திருப்பதியில் உயர் பதவியில் உள்ள ஒருவர் அடிக்கடி சென்னைக்கு விசிட் அடிக்கிறார். இங்கே, அவரை வரவேற்று உபசரிப்பதற்கு ஸ்பெஷலாக ஒரு பிரமுகர் இருக்கிறாராம். இவர் வைத்ததுதான் சட்டமாம். திருப்பதி தேவஸ்தான அலுவலகத்தில் அவர் தங்குவதற்கென்று அறைகள் உண்டாம். அங்கே தங்காமல், நுங்கம்பாக்கத்தில் உள்ள பிரபல ஹோட்டலில் போய் தங்குகிறார். திரும்பிப் போகும்போது, அலுவலக விஷயங்களில் ஏராளமான குறைகளைச் சுட்டிக்காட்டிவிட்டுப் போகிறாராம். அதனால், அவர்மீது கடுப்பில் இருக்கிறார்கள் தேவஸ்தான ஊழியர்கள்.

dot_1514564067.jpg 2ஜி தீர்ப்புக்குப்பின் கனிமொழியிடம் நிறைய மாற்றங்கள். அதிக உற்சாகத்துடன் தொண்டர்களிடம் உரையாடுகிறார். சமீபத்தில் டெல்லி போனபோது, விமானநிலையம் அருகில் தன் ஆதரவாளர் ஒருவரது பிறந்தநாள் விழா போஸ்டரைப் பார்த்தவர், உடனடியாக அவரின் செல்போன் நம்பரை வாங்கி, போனிலேயே வாழ்த்து சொன்னார். அந்தத் தொண்டர் நெகிழ்ந்துவிட்டார்.

https://www.vikatan.com/

Categories: Tamilnadu-news

கணவருக்கு பிடி ஆணை வழங்க வந்த போலீஸாருடன் தகராறு செய்த இலங்கை அகதி!

Sat, 30/12/2017 - 13:21
கணவருக்கு பிடி ஆணை வழங்க வந்த போலீஸாருடன் தகராறு செய்த இலங்கை அகதி!
 
 

கணவருக்கு பிடிவாரண்ட் கொடுக்க வந்த போலீஸாருடன்  இலங்கைத் தமிழ் அகதி பெண் தகராறு செய்ததால் பரபரப்பு ஏற்பட்டது.

இலங்கை யாழ்ப்பாணம் பகுதியைச் சேர்ந்தவர் கதிர்வேல் தயாபரராஜ். அவரது மனைவி உதயகலா. இவர்கள் கடந்த 2014-ம் ஆண்டு  மே மாதம் 5-ம் தேதி தங்கள் குழந்தைகளுடன் அகதியாக தனுஷ்கோடி பகுதிக்கு வந்தனர். தனுஷ்கோடி போலீஸார் இவர்கள் மீது பாஸ்போர்ட் சட்டத்தின் கீழ் வழக்குப் பதிவு செய்தனர். நீதிமன்றத் தண்டனைக்குப் பின் இவர்கள் மண்டபத்தில் உள்ள அகதிகள் முகாமில் தங்கியுள்ளனர்.

 

srilanjka

தயாபரராஜ் இலங்கையில் இருந்த போது பலரிடம் பணமோசடியில் ஈடுபட்டதாகவும், இது தொடர்பாக இலங்கை சாகவச்சேரி நீதிமன்றத்தில் வழக்கு நடந்து வந்த நிலையில் இவர்கள் அகதிகளாக இந்தியா தப்பி வந்ததாக கூறப்படுகிறது. இந்நிலையில் இலங்கை சாகவச்சேரி நீதிமன்றம் தயாபரராஜுக்கு பிடி ஆணை பிறப்பித்து உத்தரவிட்டுள்ளது. இதையடுத்து இலங்கை போலீஸார் இந்தியத் தூதரகத்தின் மூலம் தமிழக போலீஸாருக்கு இந்த பிடி ஆணையினை அனுப்பியுள்ளனர்.

 

ராமநாதபுரம் மாவட்ட காவல் கண்காணிப்பாளர் அலுவலகத்திற்கு அனுப்பட்ட இந்த பிடி ஆணையுடன் போலீஸார் அகதி முகாமில் உள்ள தயாபரராஜ் வீட்டிற்கு சென்றுள்ளனர். தயாபரராஜ் அங்கு இல்லாத நிலையில் அவரது மனைவி உதயகலாவிடம் பிடி ஆணையினை போலீஸார் கொடுத்துள்ளனர். ஆனால் அதனை வாங்க மறுத்த அவர் போலீஸாருடன் வாக்குவாதத்தில் ஈடுபட்டுள்ளார். மேலும் அவரது வீட்டில் பிடி ஆணையை ஒட்ட முயன்ற போலீஸாரிடமும், இதனை பதிவு செய்ய சென்ற தனியார் புகைப்படக்காரரிடமும் தகராறில் ஈடுபட்டுள்ளார். இதன் பின் கிராம நிர்வாக அதிகாரியின் மூலம் அந்த பிடி ஆணையை போலீஸார் உதயகலாவின் வீட்டில் ஒட்டியுள்ளனர். போலீஸாருடன் பெண் தகராறில் ஈடுபட்டது அப்பகுதியில் பரபரப்பை ஏற்படுத்தியது.

https://www.vikatan.com/news/tamilnadu/112187-a-refugee-girl-who-disputes-with-the-police-who-gave-her-a-mandate.html

Categories: Tamilnadu-news

ஆயிரம் தினகரன் வந்தாலும் எங்களை ஒன்றும் செய்ய முடியாது! - முதல்வர் 'தில்' பேட்டி!

Fri, 29/12/2017 - 19:12
ஆயிரம் தினகரன் வந்தாலும் எங்களை ஒன்றும் செய்ய முடியாது! - முதல்வர் 'தில்' பேட்டி!
 

எடப்பாடி பழனிசாமி

``ஒரு தினகரன் அல்ல ஆயிரம் தினகரன் வந்தாலும் அ.தி.மு.க-வை ஒன்றும் செய்ய முடியாது'' என்று கோவையில் முதல்வர் எடப்பாடி பழனிசாமி தெரிவித்தார்.

 

ஊட்டியில்  நாளை எம்.ஜி.ஆர் நூற்றாண்டு விழா நடக்க இருக்கிறது. அதில் கலந்துகொள்வதற்காக விமானம் மூலம் கோவை வந்த முதல்வர் எடப்பாடி பழனிசாமி, விமான நிலையத்தில் பத்திரிகையாளர்களைச் சந்தித்தார். அப்போது, "அம்மாவின் அரசு சிறப்பாக செயல்பட்டு வருகிறது. அனைத்துத் துறைகளிலும் சிறந்து விளங்கி நற்பெயரோடு இருக்கிறது. ஒரு சிலர் அரசியல் ஆதாயத்துக்காக வேண்டுமென்றே திட்டமிட்டு இந்த ஆட்சியின் மீது குறை சொல்லிக்கொண்டிருக்கிறார்கள். குறை கண்டுபிடிக்க முடியாத அளவுக்கு இந்த ஆட்சி செயல்பட்டுக்கொண்டிருக்கிறது.

நீதிமன்றத்தில் வழக்கு இருப்பதால் 18 எம்.எல்.ஏ-க்கள் கட்சிப் பொறுப்பிலிருந்து மட்டும் விடுவிக்கப்பட்டுள்ளார்கள். ஜனநாயக நாட்டில் யார் வேண்டுமானாலும் அரசியலுக்கு வரலாம். ரஜினி முதலில் கட்சி ஆரம்பிக்கட்டும். அவர் கட்சி ஆரம்பித்த பிறகு, ரஜினியைப் பற்றி கேள்வி கேளுங்கள். அப்போது தக்க பதில் சொல்கிறோம். பி.ஜே.பி கூட்டணி வேண்டும், வேண்டாம் என்று சொல்லியதுபோல் எனக்கு தெரியவில்லை. தேர்தல் வரும்போதுதான் கூட்டணி பற்றிய கேள்விகளுக்கு பதில் சொல்ல முடியும். கற்பனையான கேள்விகளுக்கெல்லாம் பதில் சொல்ல முடியாது என்றவர், ஒன்றல்ல இதுபோல ஆயிரம் தினகரன் வந்தாலும் அ.தி.மு.க-வை ஒன்றும் செய்ய முடியாது'' என்றார்

தங்கள் தொகுதிக்கு எதுவும் செய்யவிடாமல் அமைச்சர் எம்.சி சம்பத்தும் மணிகண்டனும் தடுக்கிறார்கள் என்று பண்ருட்டி எம்.எல்.ஏ சத்யாவும் திருவாடனை எம்.எல்.ஏ கருணாஸும் கூறிய புகார் தொடர்பான கேள்விக்கும் ஊட்டியில் எம்.ஜி.ஆர் நூற்றாண்டு விழா ஏற்பாட்டில் கொடிக் கம்பத்தில் மின்சாரம் பாய்ந்து இறந்துபோன தொழிலாளியைப் பற்றிய கேள்விக்கும் `அதுதொடர்பான தகவல்கள் இன்னும் என் கவனத்துக்கு வரவில்லை' என்று பதில் அளித்தார் பழனிசாமி.

https://www.vikatan.com/news/tamilnadu/112185-cm-edappadi-palanisamy-criticised-ttv-dinakaran.html

Categories: Tamilnadu-news

ஆர்.கே.நகர் எம்.எல்.ஏவாக டிடிவி தினகரன் பதவியேற்பு: வழியெங்கும் தொண்டர்கள் வாழ்த்து

Fri, 29/12/2017 - 10:19
ஆர்.கே.நகர் எம்.எல்.ஏவாக டிடிவி தினகரன் பதவியேற்பு: வழியெங்கும் தொண்டர்கள் வாழ்த்து

 

 
dinaaran123jpg

ஆர்.கே.நகர் சட்டமன்ற உறுப்பினராக டிடிவி தினகரன் இன்று (வெள்ளிக்கிழமை) முறைப்படி பதவி ஏற்றார். சபாநாயகர் தனபால் அவருக்கு பதவிப் பிரமாணம் செய்து வைத்தார்.

முன்னதாக, வழியெங்கும் தொண்டர்கள் வாழ்த்துக்களுடன் தலைமைச்செயலகம் வந்தார் தினகரன்.

ஜெயலலிதா மறைவுக்கு பின்னர் ஆர்.கே.நகர் இடைத்தேர்தல் கடந்த டிச.21 நடந்தது. டிச.24 வாக்குகள் எண்ணப்பட்டது. இந்த இடைத்தேர்தலில் அதிமுக, திமுக, பாஜக, நாம் தமிழர் கட்சி என பல கட்சிகள் போட்டியிட்டன.

டிடிவி தினகரனுக்கு தொப்பி சின்னம் கிடைக்கவில்லை. அவருக்கு குலுக்கல் முறையில் குக்கர் சின்னம் ஒதுக்கப்பட்டது. 20 நாளில் குக்கர் சின்னத்தை முன்னுக்கு கொண்டுவந்து அதை வெற்றி பெறவும் வைத்தார்.

இடைத்தேர்தலில் எதிர்பாராத விதமாக சுயேட்சை வேட்பாளரான தினகரன் 40 ஆயிரத்திற்கும் மேற்பட்ட வாக்கு வித்தியாசத்தில் வெற்றி பெற்றார்.

எதிர்த்துப் போட்டியிட்ட அதிமுகவை தவிர அனைத்துக்கட்சிகளும் டெபாசிட் இழந்தன. இதையடுத்து எம்.எல்.ஏவாக தேர்வு செய்யப்பட்ட டிடிவி தினகரன் இன்று முறைப்படி எம்.எல்.ஏவாக பதவி ஏற்றார்.

மதியம் 12 மணிக்கு மேல் கிளம்பி தலைமைச் செயலகம் வந்த அவரை அவரது ஆதரவு எம்.எல்.ஏக்கள் செந்தில்பாலாஜி, தங்க தமிழ்ச்செல்வன், ரெங்கசாமி உள்ளிட்ட பலரும் வரவேற்றனர்.

சசிகலா புஷ்பா நேரில் வாழ்த்து:

டிடிவி தினகரன் பதவி ஏற்பதை அடுத்து அவருக்கு பலரும் வாழ்த்துச்சொல்லிய நிலையில் ராஜ்ய சபா எம்பி சசிகலா புஷ்பா, தினகரன் வீட்டுக்கு நேரில் வந்து வாழ்த்து தெரிவித்தார். பின்னர் சசிகலா புஷ்பா தலைமை செயலகத்துக்கும் வந்து வாழ்த்து தெரிவித்தார்.

திறந்த வாகனத்தில் பதவியேற்க வந்தார்:

தனது இல்லத்திலிருந்து திறந்த வாகனத்தின் மூலம் தொண்டர்களின் வாழ்த்துக்களோடு பதவியேற்க தலைமை செயலகம் வந்தார் தினகரன். தலைமை செயலகத்தில் தினகரன் பதவியேற்பதை அடுத்து நூற்றுக்கணக்கான தொண்டர்கள் திரண்டு வந்து வாழ்த்து தெரிவித்தனர்.

அடையாறு, பட்டினப்பாக்கம், சாந்தோம், போர் நினைவுச்சின்னம் என வழிநெடுகிலும் தொண்டர்கள் திரண்டு நின்று வாழ்த்து தெரிவித்தனர். காமராஜர் சாலையில் வழி நெடுகிலும் தொண்டர்கள் நின்று வாழ்த்து தெரிவித்தனர்.

பதவி ஏற்ற கையோடு ஜன.2, 3-ம் தேதி ஆர்.கே.நகர் மக்களுக்கு நன்றி சொல்லும் கூட்டத்தை தொகுதியில் தினகரன் நடத்த உள்ளார்.

http://tamil.thehindu.com/tamilnadu/article22324617.ece?homepage=true

Categories: Tamilnadu-news

‘பா.ஜ.க தலைமைக்கு எடப்பாடி பழனிசாமியின் பார்ட்டி ஃபண்ட்!’ - போட்டு உடைக்கும் தங்க.தமிழ்ச்செல்வன்

Thu, 28/12/2017 - 15:59
‘பா.ஜ.க தலைமைக்கு எடப்பாடி பழனிசாமியின் பார்ட்டி ஃபண்ட்!’ - போட்டு உடைக்கும் தங்க.தமிழ்ச்செல்வன்
 
 

தங்க.தமிழ்ச்செல்வன்

Chennai: 

‘பா.ஜ.க அரசுக்கு மாதம் ஆயிரம் கோடி ரூபாய் வரையில் பார்ட்டி ஃபண்ட் என்ற பெயரில் வாரிக் கொடுக்கிறார் எடப்பாடி பழனிசாமி’ என அதிர வைக்கிறார் தினகரன் ஆதரவாளரான தங்க.தமிழ்ச்செல்வன். ‘இந்த அரசைக் காப்பாற்றிக் கொள்வதற்காகத்தான் கப்பம் கட்டுகின்றனர். இதன்பின்னணியில் குருமூர்த்தி இருக்கிறார்’ எனவும் பட்டியலிடுகிறார். 

 
 

ஆர்.கே.நகர் இடைத்தேர்தலில் தினகரன் பெற்ற வெற்றியை ஆளும்கட்சி நிர்வாகிகளால் ஏற்றுக்கொள்ள முடியவில்லை. அதைவிடக் கூடுதலாகக் கொதிக்கின்றனர் பா.ஜ.கவினர். கடந்த ஓரிரு நாள்களாக ஆடிட்டர் குருமூர்த்திக்கும் தமிழக அமைச்சர்களுக்கும் இடையே நடந்து வந்த வார்த்தைப் போர், சற்று தணிந்திருக்கிறது. ‘படித்த முட்டாள் போல குருமூர்த்தி பேசக் கூடாது. அவருக்கு என்ன முகம் இருக்கிறது?' என அமைச்சர் ஜெயக்குமார் கொதிக்க, ‘திறனற்றவர்கள் என்ற பொருளில் நான் கூறிய வார்த்தை வேறுவிதமாக அர்த்தப்படுத்திவிட்டது' என விளக்கம் கொடுத்திருக்கிறார் குருமூர்த்தி. இந்நிலையில், ‘பா.ஜ.கவின் தேர்தல் செலவுகளுக்கு எடப்பாடி பழனிசாமியும் பன்னீர்செல்வமும் பணம் கொடுத்தனர். குஜராத், இமாசலப் பிரதேச தேர்தல்களுக்கும் பணத்தை வாரிக் கொடுத்தனர். பார்ட்டி ஃபண்ட் என்ற பெயரில் மாதம்தோறும் ஆயிரம் கோடி ரூபாய் வரையில் பா.ஜ.க தலைமைக்கு இந்த அரசு கப்பம் கட்டுகிறது' என்கிறார் தங்க.தமிழ்ச்செல்வன். 

தங்க.தமிழ்ச்செல்வனிடம் பேசினோம். 

“மாயாஜாலம் செய்து தினகரன் வெற்றி பெற்றுவிட்டார்' என்கிறாரே பன்னீர்செல்வம்? 

“ஆமாம். அப்படிச் செய்துதான் நாங்கள் வெற்றி பெற்றோம். இதைக் கண்டுபிடிக்க முடியாத கையாலாத அரசாகத்தானே நீங்கள் இருக்கிறீர்கள். உடனடியாக பதவியை ராஜினாமா செய்துவிட்டுக் கிளம்புங்கள். எங்களைத் தோற்கடிக்க முடியாததற்கு, இந்த அரசின் நிர்வாகத் திறமையின்மைதான் காரணம். உங்கள் தோல்வியை ஒப்புக் கொள்ளுங்கள். டி.டி.வியின் வெற்றியைப் பொறுத்துக்கொள்ள முடியாமல்தான் கொந்தளிக்கிறார் குருமூர்த்தி. எங்களுக்கு எதிராக மத்திய, மாநில அரசுகள், தேர்தல் ஆணையம், வருமான வரித்துறை, போலீஸ் என அனைத்தையும் ஏவிவிட்டவர் அவர்தான். ‘ஓட்டுக்கு ஆறாயிரம் கொடுங்கள்' என எடப்பாடி பழனிசாமி, பன்னீர்செல்வத்துக்கு குருமூர்த்திதான் அறிவுறுத்தினார். அவருடைய வழிகாட்டுதலில்தான் இவர்கள் தேர்தலை எதிர்கொண்டார்கள். இவ்வளவு செய்தும் வெற்றி பெறவில்லை என்பதால்தான் அப்படியொரு மோசமான வார்த்தையை உபயோகித்தார் குருமூர்த்தி. தேர்தலில் எங்களுக்கு இமாலய வெற்றி கிடைத்துள்ளது. இது எதிர்பார்த்த வெற்றிதான்". 

ஆடிட்டர் குருமூர்த்திக்கும் பன்னீர்செல்வத்துக்கும் என்ன தொடர்பு? 

“அம்மா மரணத்துக்குப் பிறகு பன்னீர்செல்வத்தைக் கையில் எடுத்தது குருமூர்த்தி. அ.தி.மு.கவை உடைத்தது; தர்மயுத்தத்தை ஏற்பாடு செய்தது; இரட்டை இலையை முடக்கியது; தேர்தல் ஆணையத்தில் எங்களை நிறுத்தியது; எடப்பாடி பழனிசாமியைக் கையில் எடுத்தது; இணைப்பை நடத்தியது; இரட்டை இலையை வாங்கிக் கொடுத்தது என அனைத்தையும் முன்னின்று நடத்தியவர் குருமூர்த்தி. இவ்வளவு உழைப்பைக் கொட்டியவருக்குப் பரிசாக, ஆர்.கே.நகர் இடைத்தேர்தல் தோல்வி அமைந்துவிட்டதை அவரால் ஏற்க முடியவில்லை. எனவே, கோபம் வரத்தானே செய்யும்". 

மோடி-எடப்பாடி பழனிசாமி சந்திப்பு

முதல்நாள் கொதித்த அமைச்சர் ஜெயக்குமார், மறுநாளே ‘அவர் ஒரு பண்பாளர். இப்படியெல்லாம் பேசக் கூடாது' என மாற்றிப் பேசியதற்கு என்ன காரணம்? 

“குருமூர்த்தியை வசைபாடுவதை எடப்பாடி பழனிசாமியால் பொறுத்துக்கொள்ள முடியவில்லை. அதனால்தான் ஜெயக்குமார் மாற்றிப் பேசுகிறார். நாஞ்சில் சம்பத்மீது ஏராளமான வழக்குகளைத் தொடுத்தார்கள். ஒரு மாநிலத்தின் முதலமைச்சரை இம்பொடன்ட் என்கிறார் குருமூர்த்தி. ஏன் அவர்மீது வழக்குப் பதியவில்லை? ஒரு கண்டன அறிக்கையைக்கூட எடப்பாடி பழனிசாமி வெளியிடவில்லை. அப்படிச் செய்ய முடியாததற்குக் காரணம், இவர்கள் பா.ஜ.கவின் கைக்கூலியாக மாறிவிட்டதுதான். இந்த அரசை மக்கள் விரும்பவில்லை. இதற்கு எதிர்ப்பு தெரிவிக்கும்விதமாகத்தான் ஆர்.கே.நகரில் எங்களுக்கு இமாலய வெற்றி கிடைத்தது. தமிழ்நாடே டி.டி.வி.தினகரனை ஏற்றுக் கொண்டது. மிகப் பெரிய அரசியல் மாற்றம் விரைவில் வரும்”. 

 

 

‘குஜராத் தேர்தலுக்காக பா.ஜ.க தலைமைக்குப் பணம் கொடுத்தார் எடப்பாடி பழனிசாமி’ என்கிறீர்கள்? எந்த ஆதாரத்தின் அடிப்படையில் சொல்கிறீர்கள்? 

 

“உ.பி, குஜராத் தேர்தல் செலவுகளுக்காக ஆயிரம் கோடி ரூபாயை எடப்பாடியும் பன்னீர்செல்வமும் கொடுத்திருக்கின்றனர். பார்ட்டி ஃபண்ட் என்ற பெயரில் மாதம் ஆயிரம் கோடி ரூபாயை இவர்கள் கப்பம் கட்டுகின்றனர். மாநில அரசில் செய்யும் ஊழல் பணத்தில் பாதிப் பணம் பா.ஜ.க தலைமைக்குச் செல்கிறது. இரட்டை இலையை இவர்களுக்குக் கொடுத்தது; சின்னம்மா குடும்பத்தின் மீது வருமான வரித்துறை சோதனையை ஏவிவிடுவது என எடப்பாடி பழனிசாமிக்கு சாதகமாகவே பா.ஜ.க அரசு நடந்துகொள்கிறது. இந்த ஆட்சிக்கு எந்தவித தொந்தரவும் இல்லாமல் இருப்பதற்குக் காரணம், மாதம்தோறும் மிகச் சரியாக கப்பம் கட்டுவதுதான்’. 

https://www.vikatan.com/news/tamilnadu/112034-edappadi-palanisamy-gives-party-fund-to-bjp-leadership-says-thanga-tamilselvan.html

Categories: Tamilnadu-news

பெங்களூரு சிறையில் சசிகலா மவுன விரதம்: டிடிவி தினகரன் தகவல்!

Thu, 28/12/2017 - 12:02
பெங்களூரு சிறையில் சசிகலா மவுன விரதம்: டிடிவி தினகரன் தகவல்! 

 

 
TTV

 

பெங்களூரு: பெங்களூரு பரப்பன அக்ரஹாரா சிறையில் சசிகலா மவுன விரதத்தில் இருப்பதாக டிடிவி தினகரன் தகவல் தெரிவித்துள்ளார்.

சமீபத்தில் முடிந்த ஆர்.கே.நகர் தொகுதி இடைத்தேர்தலில் சுயேட்சையாக நின்று வெற்றி பெற்ற பின்னர் டிடிவி தினகரன், வியாழன் அன்று பெங்களூரு பரப்பன அக்ரஹாரா சிறையில் அடைக்கப்பட்டுள்ள சசிகலாவினை சந்திக்கச் சென்றார். சந்திப்புக்குப் பிறகு செய்தியாளர்களிடம் அவர் பேசியதாவது:

சிறையில் உள்ள சசிகலா மறைந்த முதல்வர் ஜெயலலிதா நினைவு தினத்தில் இருந்து மவுன விரதத்தில் இருக்கிறார். அடுத்து செய்ய வேண்டிய நடவடிக்கைகள் எல்லாவற்றைப் பற்றியும் அவரிடம் விவரித்தேன். சரி என்று தலையாட்டிக் கேட்டுக் கொண்டார்.

தற்பொழுது மீண்டும் எனக்கு தெரிந்தவர்கள் வீட்டில் நடந்து வருவது ஏற்கனவே 'சீல்' செய்யயப்பட்ட பகுதிகளில் உள்ள பொருட்கள் குறித்து கணக்கெடுப்பதற்கு மட்டுமே என்றே அறிகிறேன். மற்றபடி இது சோதனை அல்ல.

தற்பொழுது எனது ஆதரவாளர்கள் சிலரை கட்சியிலிருந்து நீககி வருகிறார்கள். ஆனால் கட்சிக்கு துரோகம்  புரிந்த ஓபிஎஸ் மற்றும் இபிஎஸ் ஆகிய இருவரைத்தான் கட்சியில் இருந்து நீக்க வேண்டும்.அவர்கள் மக்களால் புறக்கணிக்கப்பட்டவர்கள். யாரையும் நீக்கும் அதிகாரம் இவர்களுக்கு இல்லை. பொதுச் செயலாளருக்கு மட்டுமே உள்ளது.

தேர்தலின் துவக்கத்திலிருந்து சின்னம் தொடங்கி எனக்கு கொடுக்கப்பட்ட அனைத்து பிரச்னைகளையும் கடந்து வெற்றி பெற்றிருக்கிறேன். 

நீதிபதி ஆறுமுகசாமி விசாரணை ஆணையத்தில் விளக்கமளிக்குமாறு சசிகலாவுக்கு விடுக்கப்பட்டுள்ள சம்மன் குறித்து கேட்ட பொழுது, ஆதாரங்கள் மற்றும் விளக்கங்களை 15 நாட்கள் அவகாசத்தில் அளிக்குமாறுதான் கேட்கபட்டுள்ளது. எனக்கும் அது போலவே சம்மன் ஒன்று அனுப்பப்பட்டுள்ளது.

அழகிரி தற்பொழுது திமுகவின் செயல் தலைவரைக் குறை கூறுவது எல்லாம் உள்கட்சி பிரச்சினை. அவருக்கு ' 'பொலிட்டிகள் மைலேஜ்' வேண்டும் என்பதற்காக இவ்வாறு நடந்து கொள்கிறார். ஸ்டாலின் சிறப்பாக செயல்பட்டிருந்தால் கூட  நாங்கள்தான் கண்டிப்பாக வென்றிருப்போம்.

இவ்வாறு அவர் தெரிவித்தார்.

http://www.dinamani.com/tamilnadu/2017/dec/28/பெங்களூரு-சிறையில்-சசிகலா-மவுன-விரதம்-டிடிவி-தினகரன்-தகவல்-2834599.html

Categories: Tamilnadu-news

“என் குழந்தைக்குக் கல்யாணம்!”

Thu, 28/12/2017 - 06:02
“என் குழந்தைக்குக் கல்யாணம்!”

 

 

‘`என் மகள் அரித்ரா திருமண வயதை அடைந்துவிட்டாள்.  ‘என் அம்மா, அப்பா என் திருமணத்துக்கு வருவதற்கான சூழ்நிலை அமைந்தால் மட்டுமே நான் திருமணம் செய்துகொள்வேன்’ என்று பிடிவாதமாக இருக்கிறாள். நாங்களும் எங்களுக்கு பரோல் கிடைக்கும் என்ற நம்பிக்கையில் இருக்கிறோம். அரசும் நீதிமன்றமும் எங்களுக்கு உதவிசெய்ய வேண்டுகிறோம். என் மகள் திருமணத்தை நல்லபடியாக நடத்த வேண்டும், உறவினர்கள் அனைவரையும் ஒருசேரப் பார்க்க வேண்டும்’’ - நளினியின் வார்த்தைகளில் தவிப்பு மிகுந்திருக்கிறது.

ராஜீவ் காந்தி கொலை வழக்கில் ஆயுள் தண்டனைக் கைதியான நளினி, 26 வருடங்களாகச் சிறையிலிருக்கிறார். 21 வயதில் சிறைக்குச் சென்றவருக்கு இப்போது 47 வயதாகிறது. தன் மகளின் திருமணத்தைப் பற்றிய கவலை, சிறை வேதனையை இப்போது இந்தத் தாய்க்கு இரட்டிப்பாக்கியிருக்கிறது. அவர் மகளுக்குத் திருமண ஏற்பாடுகளைச் செய்ய, 6 மாதகால பரோல் வேண்டி நளினி தாக்கல்செய்த மனு உயர்நீதிமன்றத்தில் விசாரணையில் இருக்கிறது. இந்நிலையில், நளினியின் வழக்கறிஞர் மூலமாக நளினியிடம் பேட்டி கண்டேன்.

p78a_1514288786.jpg

‘`26 வருடங்களுக்கு முன்பு, நளினி என்பவர் யார்?”

‘’ஒரு நடுத்தரக் குடும்பத்துப் பெண். வில்லிவாக்கத்தில்தான் எங்கள் வீடு இருந்தது. என் தாத்தா காந்தியவாதி. என் அம்மா செவிலியர், அப்பா காவல்துறை அதிகாரி. எனக்கு ஒரு தங்கை, ஒரு தம்பி. 21 வயதில், இந்த வழக்கில் சிக்கிவிட்டேன். அந்தக் காலத்தில் ஈழத் தமிழர்களுக்குத் தமிழகத்தில் ஆதரவு இருந்தது. என் தம்பியும் அப்படித்தான் இருந்தான். அவனது தொடர்பின் மூலம் ஈழத்திலிருந்து வந்து இங்கு தங்கியிருந்த முருகனை காதலித்தேன். 1991 ஏப்ரல் 22-ல், கோயிலில் வைத்து அவர் எனக்குத் தாலிகட்டினார். அது என் வீட்டுக்குத் தெரியாத நிலையில், நான் என் அம்மா வீட்டிலேயே தங்கிவந்தேன். ஒரு மாதத்துக்குள்ளாக, மே 21-ம் தேதி ராஜீவ்காந்தி கொல்லப்பட, சூழ்நிலை மோசமானது. என் திருமணம் பற்றி வீட்டில் தெரியவந்தபோது பிரளயமே வெடித்தது. எனது 21 வயதில் வழக்கில் சிக்கி நான் கைதியானேன்.’’

‘`சிவராசனை எப்படித் தெரியும்?’’

‘` `இலங்கை அதிபர் ஜெயவர்தனேவின் தலையீட்டால் இந்திய அமைதிப்படையின் வருகை சண்டையாக மாறிப்போனது. அதனைச் சரிசெய்ய இந்தியத் தலைவர்களுக்கு மாலை அணிவித்து உறவை வளர்த்துக்கொள்ளலாம்’ என்று சிவராசன் என்பவர் இங்கு வந்திருப்பதாகவும், முடிந்தால் என்னை உதவச்சொல்லியும் என் கணவர் கேட்டார். அவர் எங்கள் வீட்டு முகவரியை சிவராசனுக்குக் கொடுக்க, 1991-ம் ஆண்டு மே மாதம் 3-ம் தேதி என்னை வந்து சிவராசன் சந்தித்தார். அப்போது அவருடன் இரண்டு பெண்களும் வந்திருந்தார்கள். அவர்கள்தான் சுபாவும் தனுவும்.

நலம் விசாரித்துவிட்டு, தனுவுக்குக் காய்ச்சல் அடிப்பதாகவும் பார்த்துக்கொள்ளும்படியும் வாசலில் நின்றபடியே சொல்லிவிட்டு சிவராசன் போய்விட்டார். நான் தனுவைக் கவனித்துக்கொண்டேன். அடுத்த நாள் வெளியில் சென்றோம். பொருள்கள் வாங்கிக்கொண்டார்கள். தனுவும் சுபாவும், ‘படத்துக்கு போலாம் அக்கா’ என்று கேட்டுக்கொண்டே இருந்ததால், படத்துக்குச் சென்றோம். முதன்முதலாக அன்றுதான் அவர்கள் திரையரங்குக்கு வருவதாகச் சொல்ல, எனக்குக் கண்கலங்கிவிட்டது. மறுநாள் காலை சிவராசன், அவர்கள் இருவரையும் அழைத்துக்கொண்டு போய்விட்டார். அப்படித்தான் சிவராசனை முதன்முதலில் சந்தித்தேன்.’’

‘`மே 21-ம் தேதி என்ன நடந்தது?’’

‘`என் கணவர் இலங்கைக்குச் சென்றுவிட்டுத் திரும்பி இரண்டு நாள்களாகியிருந்தன. ஆனாலும், அவரை என்னால் பார்க்க முடியவில்லை. நான் அப்போது கர்ப்பமாக இருந்தேன். அது குறித்து என் கணவரிடம் பேச வேண்டும் என்று நினைத்தேன். ஆனால், முடியவில்லை.

21-ம் தேதி... நான் என் அலுவலக மேலாளரிடம் விடுப்பு அனுமதி பெற்று, என் கணவரைப் பார்க்க அவர் வீட்டுக்குச் சென்றேன். அங்கு அவர் இல்லை. ராஜீவ் காந்திக்கு மாலை அணிவிக்க வேண்டும் என்று, சிவராசன் என்னை ஏற்கெனவே அழைத்திருந்தார். `சரி, அங்கு கிளம்புவோம்’ என்று சுபா, தனுவுடன் ஸ்ரீபெரும்புதூர் சென்றோம். நிகழ்வு முடியும்வரை எதுவும் சாப்பிட முடியாது என்று கூறி சிவராசன் எங்களுக்கு உணவு வாங்கித்தந்தார். நான் ராஜீவ் காந்தி போன்றவொரு தலைவரை அருகில் இருந்து பார்க்கப்போகும் ஆவலிலிருந்தேன். விழா அரங்குக்குச் சென்றபோது, அங்கிருந்த பல தலைவர்களை  சிவராசனுக்குத்  தெரிந்திருந்ததை அறிந்துகொண்டேன்.

சிவராசன், தனுவை வி.ஐ.பி-க்கள் இருக்கும் இடத்தில் உட்காரவைத்துவிட்டு, ஓர் ஓரமாக நின்றுகொண்டார். நானும் சுபாவும் அங்கு நிகழ்ந்த இசைக்கச்சேரியைப் பார்த்துக் கொண்டிருந்தோம். பின்னர், ராஜீவ் காந்தி வரும் வேளையில் சுபா என்னைத் தரதரவென இழுத்துக்கொண்டு நடக்கத் தொடங்கினார். 200 அடி நடந்த பிறகு ஒரு பெரிய வெடிச்சத்தம் கேட்டது. கூடவே ஓலங்களும் கேட்கத் தொடங்கின. என்னையும் சுபாவையும் அழைத்துக்கொண்டு சிவராசன் ஓர் ஆட்டோவில் ஏறி, யாரோ ஒருவரின் வீட்டுக்குச் சென்றுகொண்டிருந்தார்.  ‘தனு எங்கே?’ என்று கேட்டதற்கு, ‘அவள் பத்திரமாக வந்துவிடுவாள்’ என்று கூறினார். வீட்டுக்குச் சென்றதும் சுபா அழுதார். அதைப்பார்த்து நானும் அழுதேன்.

மறுநாள், முன்னாள் பிரதமர் ராஜீவ் காந்தி கொல்லப்பட்ட செய்தியை பேப்பரில் பார்த்தேன். நாங்கள் வீட்டிலேயே முடங்கிக்கிடந்தோம். என் மனதுக்குள் ஏதோ குழப்பமும் பயமும் ஓடியது. என் வேண்டுதல் எல்லாம் வயிற்றில் இருக்கும் என் குழந்தையைப் பற்றியதாக இருந்தது. அங்கிருந்து கிளம்பி, ராயப்பேட்டையில் இருந்த என் அம்மாவின் வீட்டுக்குச் சென்றேன். என் கணவரும் அங்கு வந்திருந்தார். குண்டுவெடிப்பு நிகழ்வு பற்றிக் கேள்விப்பட்டு, அங்கு சென்றிருந்த எனக்கு ஏதாவது ஆகிவிட்டதா என்று அவர் பதறிப்போயிருந்தார்.’’

p78b_1514288828.jpg

‘`சிறைக்குச் சென்றது எப்போது?”

‘`நான் ஜூன் 15-ம் தேதி கைது செய்யப்பட்டேன். அப்போது இரண்டு மாதம் கர்ப்பமாக இருந்தேன். காவல்துறை எங்களைத் தேடியதால் பல்வேறு துன்பங்களுக்கு ஆளாகி ஏழு நாள்கள் சாப்பாடு இல்லாமல் இருந்ததில், எனது உடல் மிகவும் பலவீனமாகியிருந்தது. நான் கைதுசெய்யப்பட்டு, கையில், காலில் விலங்குமாட்டி வைக்கப்பட்டிருந்தேன்.  மசக்கையில் அந்த இடத்திலேயே வாந்தியெடுத்து, அதே இடத்திலேயே படுத்துறங்கினேன். எனது துன்பத்தைச் சொல்ல வார்த்தைகள் இல்லை.’’

‘`உங்கள் குழந்தையும் சிறைவாசத்தில் தன் வாழ்க்கையை ஆரம்பித்திருக்கிறதே...”

‘`ஆம்... பிரசவத்துக்காக செங்கல்பட்டு அரசு மருத்துவமனைக்கு அழைத்துச் செல்லப்பட்டபோது, வழியிலிருந்த பிள்ளையார் கோயிலில் வேண்டிச் சென்றேன். பிரசவம் முடிந்து சிறைக்குத் திரும்பிய பின்னர், குழந்தை பால் குடிக்கவில்லை. அதைச் சரிசெய்வதற்கான கவனிப்புகள் கொடுக்க முடியாமல், குழந்தை பசியால் அழும்போதெல்லாம் நானும் என் கணவரும் சேர்ந்து அழுவோம். எனக்குப் பிள்ளையார் இஷ்ட தெய்வம் என்பதால், மகளுக்கு ‘அரித்ரா’ என்று பெயர்வைத்தேன். என் கணவர், ‘மேகரா’ என்று அழைப்பார்.

நாங்கள் அடைக்கப்பட்டிருந்த 10 x 12 அளவுள்ள அறைதான், அரித்ராவுக்கு உலகமாக இருந்தது. சில பொம்மைகளை வைத்திருந்தோம். அவற்றுடன் விளையாடுவாள். சிறையிலிருந்த கோவை சுசீந்திரன், ராபர்ட் பயாஸ், என் தம்பி பாக்கியநாதன் அறைகளுக்கெல்லாம் சென்று அவர்களுடன் விளையாடுவாள். அவளுக்கு இரண்டு வயதானபோது, பெண் காவலர்களின் வளையல், செயினை எல்லாம் வாங்கி, நகையில்லாமல் இருக்கும் எனக்குப் போட்டு விடுவாள். மாலை லாக்கப் நேரத்தில், எங்காவது மறைந்துகொள்பவளைத் தேடிப்பிடித்து என்னுடன் சேர்த்து லாக்கப் செய்வார்கள்.சில நேரங்களில் லாக்கப் கம்பிகளுக்குள் புகுந்து வெளியேறிவிடுபவளை மீண்டும் கம்பி வழியாக அறைக்குள் கொண்டுவர நாங்கள் படாதபாடு படுவோம்.’’

‘`உங்கள் குழந்தையைச் சிறையிலிருந்து வெளியே அனுப்ப எப்போது முடிவெடுத்தீர்கள்?”

‘`ஒரு முறை சேலம் சிறைக்கு என்னை மாற்றினார்கள். அங்கு சென்றபோது, சேலம் சிறையின் நுழைவுவாயிலுக்கு அருகே பசுக்களும் கன்றுகளும் கட்டப்பட்டிருந்தன. அதைப் பார்த்த என் மகள், ‘அம்மா இதெல்லாம் என்ன?’ எனக் கேட்டாள். உலகத்துக்கு எவ்வளவு அந்நியமாக அவள் வளர்ந்துகொண்டிருக்கிறாள் என்று நான் உணர்ந்த நொடியில் உடைந்துவிட்டேன். இனியும் என் மகள் சிறைக்குள் வளர வேண்டாம் என்று, இரண்டரை வயதில் அவளை, கோவைக்கு எங்கள் உறவினர் சுசீந்திரன் வீட்டுக்கு அனுப்பிவைத்தோம்.’’

‘`சிறை வாழ்க்கையில் ஏதாவது மாற்றங்கள்..?

‘`சிறையில் எனக்கு தெய்வமாக இருந்து, எனக்கும் என் குழந்தைக்கும் உதவிசெய்தவர்கள் இருக்கிறார்கள். நான் கர்ப்பிணியாக இருந்தபோது சில பெண் காவலர்கள் அவர்களுடைய வீட்டிலிருந்து எடுத்துவந்த உணவைக்கொடுத்து, ‘சீக்கிரம் சீக்கிரம்...சாப்பிடு’ என்பார்கள். அப்போது என் கருவைக் கலைக்க பல முயற்சிகள் மேற்கொள்ளப்பட்டன என்பதால், நான் அதை உண்ண மறுத்தேன். அந்த உணவை தாங்கள் சிறிது சாப்பிட்டுவிட்டு, ‘இப்போவாச்சும் நம்பு, சாப்பிடு’ என்பார்கள் கண்கலங்கியபடி. அவர்களெல்லாம் தெய்வம்தான் எனக்கு.

சிறையில் எனக்கு வேலை தருவதில்லை. அதனால் சம்பளமும் இல்லை. என் கணவர் வேலைசெய்து மாதாமாதம் சம்பாதித்து வைத்துள்ளார். எனக்குப் பார்வைப் பிரச்னை உள்ளது. சிரமப்பட்டு செய்தித்தாள் படிப்பேன். அதில் வரும் சமையல் குறிப்புகளை எனது நோட்டில் எழுதிவைத்துக்கொள்வேன். சமையலறைக்குச் செல்லும்போது என் துன்பங்கள் எல்லாம் மறந்து சமைக்க ஆரம்பித்துவிடுவேன்.’’

‘`இப்போது உங்கள் விருப்பம் என்ன?”

‘`நான், என் கணவர், மகள் மூவரும் ஒன்றாக வாழவேண்டும். நான் சமைத்து, என் மகளுக்கு ஊட்டிவிட்டபடி நாங்கள் மூவரும் ஒன்றாகச் சாப்பிட வேண்டும். என் குழந்தைக்குக் கல்யாணம். அதை நல்லபடியாக முடிக்கவேண்டும்.”

https://www.vikatan.com

Categories: Tamilnadu-news

தேர்தல் செலவு விவகாரம் தினகரன் பதவிக்கு சிக்கல்

Wed, 27/12/2017 - 20:26
தேர்தல் செலவு விவகாரம்
தினகரன் பதவிக்கு சிக்கல்
 
 
 

ஆர்.கே.நகர் சட்டசபை தொகுதியில், ஓட்டுக்கு, 10 ஆயிரம் ரூபாய் தருவதாகக் கூறி, 20 ரூபாய், 'டோக்கன்' வழங்கியதாக, நான்கு பேர் கைது செய்யப்பட்டுள்ளதால், தினகரன் எம்.எல்.ஏ., பதவிக்கு சிக்கல் ஏற்படும் அபாயம் உருவாகி உள்ளது.

 

தேர்தல்,செலவு,விவகாரம்,தினகரன்,பதவிக்கு,சிக்கல்


சென்னை, ஆர்.கே.நகர் இடைத்தேர்தலில், சுயேச்சையாக போட்டியிட்ட தினகரன், தேர்தல் பிரசாரத்தின் போது,பணத்தை வாரி இறைத்தார்.

 

தகுதி நீக்கம்



அவர் பிரசாரத்திற்கு, எவ்வளவு பேர் வந்தனர்; அவர்களுக்கு எவ்வளவு பணம் வழங்கப்பட்டது
என்ற விபரங்களை, தேர்தல் பார்வையாளர்கள், ஆதாரத்துடன் சேகரித்துள்ளனர். அவற்றை, தங்களது பதிவேட்டில் பதிவு செய்துள்ளனர். சட்டசபை தேர்தலில் போட்டியிடும் வேட்பாளர், அதிகபட்சமாக, 28 லட்சம் ரூபாய் வரை செலவு

செய்யலாம். அதற்கு மேல் செலவு செய்தது நிரூபிக்கப்பட்டால், அவர் தகுதி நீக்கம் செய்யப்படு வார்.தேர்தலில் வெற்றி பெற்றிருந்தாலும், பதவி பறிக்கப்படும். மேலும், மூன்று ஆண்டுகளுக்கு தேர்தலில் நிற்கவும் தடை விதிக்கப்படும்.


தற்போது, செலவின பார்வையாளர்கள் சமர்ப்பித்து உள்ள அறிக்கையின்படி, தினகரன், தேர்தல் கமிஷன் நிர்ணயித்துள்ள உச்ச வரம்பை தாண்டி, செலவு செய்துள்ளார். அத்துடன், தேர்தலுக்கு முந்தைய நாள், தினகரன் ஆதரவாளர்கள், வீடு வீடாக, 20 ரூபாய் நோட்டை வினியோகம் செய்துள்ளனர்.


அந்த ரூபாய் நோட்டில், பாகம் எண், வீட்டில் எத்தனை ஓட்டுகள் உள்ளன என்ற விபரத்தை குறிப்பிட்டுள்ளனர். அந்த ரூபாய் நோட்டில் உள்ள பதிவெண்ணை, தினகரன் ஆட்கள் எழுதி
வைத்துள்ளனர். ஓட்டு போட்டு வந்து, 20 ரூபாய் நோட்டை கொடுத்தவர்களுக்கு, 10 ஆயிரம் ரூபாய் வழங்கி உள்ளனர். சில இடங்களில் பணம் வழங்க முடியாமல் உள்ளது. அங்குள்ள மக்கள், பணம் கேட்டு, தினகரன் ஆதரவாளர்களை நச்சரித்துவருகின்றனர்.

இது தொடர்பாக, இரு தரப்பினருக்கும் நடந்த மோதல் தொடர்பாக, தினகரன் ஆதரவாளர்கள், நான்கு பேரை, ஆர்.கே.நகர் போலீசார் கைது செய்துள்ளனர். அவர்கள், 450 பேருக்கு, 20 ரூபாய் நோட்டை, 'டோக்கன் அட்வான்ஸ்' ஆக கொடுத்தது,

 

விசாரணையில் தெரிய வந்துள்ளது.இது குறித்த விபரங்களையும், தேர்தல் கமிஷன் கேட்டுள்ளது. இதுவும், தினகரன் செலவு கணக்கில் சேர்க்கப்பட வாய்ப்பு உள்ளது. தினகரன், இறுதி செலவு கணக்கு சமர்ப்பிக்க, ஒரு மாதம் அவகாசம் உள்ளது.


அவர் கணக்கை சமர்ப்பிக்கும் போது, தேர்தல் பார்வையாளர்கள் கணக்குடன் ஒப்பிட்டு, கூடுதல் செலவிற்கு, அவரிடம் விளக்கம் கேட்கப்படும். உரிய விளக்கம் அளிக்காமல், கூடுதல் செலவு செய்தது நிரூபணமானால், வாக்காளர்களுக்கு, அவரது ஆட்கள் பணம் கொடுத்தது உறுதியாகும்; அதன் காரணமாக, அவர், எம்.எல்.ஏ., பதவியை இழக்க நேரிடும் என, தேர்தல் கமிஷன் வட்டாரம் தெரிவித்தது.


- நமது நிருபர் -

http://www.dinamalar.com/news_detail.asp?id=1927495

Categories: Tamilnadu-news

இனி அரசியல் இருவர் கையில்!

Wed, 27/12/2017 - 18:17
மிஸ்டர் கழுகு: 2018- இனி அரசியல் இருவர் கையில்!
 
 

 

p44c_1514291012.jpgபிரமாண்டமான கழுகு ப்ளோ-அப் அச்சிட்ட காலண்டருடன் உள்ளே நுழைந்தார் கழுகார். கைகுலுக்கி, ‘‘உமக்கும் ஜூ.வி வாசகர்களுக்கும் அட்வான்ஸ் புத்தாண்டு வாழ்த்துகள்’’ என்றார். அவர் முன்கூட்டியே சொல்லியிருந்த தலைப்பை வைத்து டிசைன் செய்திருந்த ஜூ.வி அட்டையைக் காண்பித்தோம்.

‘‘ஸ்டாலினுக்கும் டி.டி.வி.தினகரனுக்கும் முக்கியமான ஆண்டாக புத்தாண்டு இருக்கப்போகிறது. ஜெயலலிதா மறைவு, கருணாநிதி உடல்நலமின்றி வீட்டுக்குள் இருப்பது போன்ற காரணங்களால், தமிழக அரசியல் 2017-ல் வித்தியாசமாக இருந்தது. இதுவரை அரசியல் பேசாத பலரும் அரசியல் பேசினார்கள். திடீர் தலைவர்கள் உருவானார்கள். ஆனால், 2018-ல் பழையபடி இருதுருவ அரசியலுக்குத் தமிழக அரசியல் போகக்கூடும். அந்த இரண்டு துருவங்களாக ஸ்டாலினும் தினகரனும் இருப்பார்கள்’’ என்று முன்னோட்டம் கொடுத்தார் கழுகார்.

‘‘ஆர்.கே. நகர் தேர்தல் முடிவை வைத்துச் சொல்கிறீரா?’’ என்று கேட்டோம்.

‘‘ஆமாம்.’’

‘‘ஜெயலலிதா இல்லை, ஆளும் கட்சிக்கு எதிரான மனநிலை, அ.தி.மு.க-வில் பிளவு... எல்லாம் இருந்தும் தி.மு.க சறுக்க என்ன காரணம்?’’

p44d_1514291026.jpg

‘‘நடக்கும் ஆட்சியைக் கலைத்து, ஆட்சி மாற்றத்தை ஏற்படுத்துவோம் என்ற நம்பிக்கையை ஆர்.கே.நகர் மக்களிடம் தி.மு.க வலிமையாக ஏற்படுத்தவில்லை. ஆனால், தினகரன் தனக்கு வாய்ப்புக் கிடைக்கும் ‘கேப்’பில் எல்லாம், அந்த நம்பிக்கையை மக்களிடம் ஏற்படுத்திக்கொண்டே இருந்தார். அதுதான், தி.மு.க கோட்டைவிட்ட மிக முக்கியமான இடம். இன்னொரு முக்கியக் காரணம், பணம். கடந்த வாரம், ‘ஓ.பி.எஸ்-இ.பி.எஸ் அணி, ஓட்டுக்கு 6 ஆயிரம் ரூபாய் கொடுக்கப்போகிறது’ என்ற தகவல் பரவியதும், தி.மு.க ஆலோசனைக் கூட்டம் நடத்தப்பட்டது. அதில், ‘இப்போது அவர்கள் 6 ஆயிரம் கொடுக்கிறார்கள் என்றால், நாம் எவ்வளவு கொடுப்பது? இது மிகப்பெரிய கமாடிட்டியாகப் போகிறது. அதனால், இந்தத் தேர்தலைப் பணம் கொடுக்காமல் எதிர்கொள்வோம்; என்ன நடக்கிறது என்று பார்ப்போம்’ என்று ஸ்டாலின் தெளிவாகச் சொல்லிவிட்டார். அதைத்தான் தேர்தல் முடிவுக்குப் பிறகு வெளியிட்ட அறிக்கையிலும், ‘தேறுதல் மடல்’ என்ற பெயரில் தொண்டர்களுக்கு எழுதிய கடிதத்திலும் அவர் சுட்டிக் காட்டியிருந்தார்.’’

‘‘ஸ்டாலின் தொண்டர்களை உற்சாகப் படுத்தியிருக்கலாமே?’’

‘‘அவர், இந்தத் தேர்தலை மிக அலட்சியமாகக் கருதிவிட்டார். கடந்தமுறை ஜெயலலிதாவை எதிர்த்துப் போட்டியிட்டபோதே, 50 ஆயிரத்துக்கும் மேலான வாக்குகள் கிடைத்தன. ‘இந்தமுறை ஜெயலலிதா இல்லை; தினகரன் புண்ணியத்தில் அ.தி.மு.க வாக்குகள் இரண்டாக உடையும்; கூட்டணிக்கட்சிகளின் தயவில், நமக்குக் கூடுதலாக 10 ஆயிரம் வாக்குகள் கிடைக்கும்; நடுநிலை வாக்காளர்கள், பொதுமக்கள் சார்பில் 10 ஆயிரம் வாக்குகள் கிடைக்கும்’ என்று கணக்குப் போட்டுவிட்டார். ஆர்.கே. நகர் தேர்தல் முடிவு வெளியாவதற்கு முந்தின நாள்கூட, தி.மு.க வெற்றி பற்றி நம்பிக்கையாக ஸ்டாலின் பேசியிருக்கிறார். ‘மூன்றாவது இடத்துக்கு யார் போவார்? தினகரனா... மதுசூதனனா?’ என்று தனக்கு நெருக்கமானவர்களிடம் அவர் கேட்டாராம்.’’

‘‘முடிவு அவருக்கு அதிர்ச்சி தந்திருக்குமே?’’

‘‘அந்த அதிர்ச்சியில்தான் ஒரு கமிட்டியை அமைத்திருக்கிறார். ஆர்.கே. நகர் இடைத் தேர்தலில் தி.மு.க-வினர் செயல்பாடு பற்றி ஆராய்வதற்காக தி.மு.க கொறடா சக்கரபாணி, தி.மு.க சட்டப்பிரிவுச் செயலாளர் கிரிராஜன், துணைச் செயலாளர் கண்ணதாசன் ஆகியோர் கொண்ட மூன்று நபர் விசாரணைக்குழு அமைக்கப்பட்டுள்ளது. இந்தக் குழு டிசம்பர்  31-ம் தேதி அறிக்கை சமர்ப்பிக்க உள்ளது. இது ஒருபுறமிருக்க, ஆர்.கே. நகர் இடைத்தேர்தல் தொடர்பாக சட்டரீதியான நடவடிக்கைகளை மேற்கொள்ளவும் ஆலோசனை நடக்கிறது.’’

p44e_1514291060.jpg

‘‘டிசம்பர் 29-ம் தேதி தி.மு.க உயர்நிலை செயல்திட்டக் குழு கூடுவதாக திடீரென அறிவிக்கப்பட்டுள்ளதே? 31-ம் தேதிதான் ஆர்.கே. நகர் பற்றிய அறிக்கை சமர்ப்பிக்கப்பட உள்ளது. அதற்கு முன்பு கூடும் உயர்நிலை செயல்திட்டக் குழுவில் வேறு ஏதும் இருக்கப்போகிறதா?’’

‘‘புரிகிறது. ‘2ஜி வழக்கில் விடுதலையாகி வந்திருக்கும் ஆ.ராசா, கனிமொழிக்கு புதிய பொறுப்புகள் கொடுக்கப்படுமா?’ என்று கேட்கிறீர்கள். ஆ.ராசா இப்போது தி.மு.க கொள்கைப் பரப்புச் செயலாளர் பொறுப்பில் இருக்கிறார். அவருக்குத் துணைப் பொதுச்செயலாளர் பொறுப்பு கொடுக்கப்பட வாய்ப்புள்ளது. தி.மு.க-வில் எப்போதும் துணைப்பொதுச் செயலாளர்களாக மூன்று பேர் இருப்பார்கள். ஒரு பதவி பொதுவானதாகவும்; மற்றொன்று, தலித் ஒருவருக்குப் பிரதிநிதித்துவம் அளிப்பதாகவும்; மூன்றாவது, பெண்களுக்குப் பிரதிநிதித்துவம் அளிப்பதாகவும் இருக்கும். இப்போது, தி.மு.க-வின் துணைப்பொதுச்செயலாளர்களாக  ஐ.பெரியசாமி, வி.பி.துரைசாமி, சுப்புலெட்சுமி ஜெகதீசன் இருக்கின்றனர். இவர்களில் வி.பி.துரைசாமி மாற்றப்பட்டு அந்த இடத்துக்கு ராசா கொண்டுவரப்படுவார் என்று தி.மு.க வட்டாரங்கள் தெரிவிக்கின்றன. கனிமொழி, புதிய பொறுப்புகள் எதையும் கேட்கவில்லை. அவர், இப்போது மகளிரணித் தலைவியாக இருக்கிறார்; தி.மு.க-வின் நாடாளுமன்றக்குழுத் தலைவராகவும் இருக்கிறார். இதுபற்றி கனிமொழியிடம் சிலர் பேச முயன்றபோது, ‘இப்போது இருக்கும் பொறுப்புகளே எனக்கு நிறைவாக இருக்கிறது. அதில், முன்பைவிட வேகமாக செயல்படுவதுதான் என் நோக்கம்; புதிய பொறுப்புகள் எதையும் நான் எதிர்பார்க்கவில்லை’ என்று சொல்லிவிட்டார். அதனால், அதில் எந்தப் பிரச்னையும் இருக்காது.’’

‘‘ஆனால், கனிமொழியும் ராசாவும் டெல்லியிலிருந்து சென்னை வந்தபோது சரியாக வரவேற்பு கொடுக்கவில்லை என ஒருதரப்பு சொல்கிறதே?’’

‘‘ஆமாம். 2011-ல் திகார் ஜெயிலிலிருந்து கனிமொழி வந்தபோது இருந்த உற்சாகம், இந்த முறை மிஸ்ஸிங்! அப்போது, விமான நிலையம் முதல் கோபாலபுரம்வரை பேனர்களும் கொடிகளும் அணிவகுத்தன. தொண்டர்களின் ஆட்டமும் பாட்டும் அதிரவைத்தன. இத்தனைக்கும் அது ஜாமீனில் வெளிவந்த விடுதலைதான். ஆனால், இந்த முறை விடுவிக்கப்பட்டு முழுமையான தீர்ப்பு வந்துவிட்டது. ஒருவகையில் கனிமொழி, ராசா மட்டும் சம்பந்தப்பட்ட பிரச்னை அல்ல இது; தி.மு.க-வுக்கும் பெரிய நிம்மதியைக் கொடுத்த தீர்ப்பு. அப்படியிருந்தும், கட்சியின் முன்னணித் தலைவர்கள், முக்கிய நிர்வாகிகள் பெருமளவில் வரவில்லை. இந்த முறை   பெரிய கொண்டாட்டம் இல்லை. அந்த வருத்தம் கனிமொழி தரப்பிடம் இருந்தது.’’

‘‘என்ன காரணம்?’’

‘‘தலைமையிலிருந்து முறையான அறிவிப்பு எதுவும் வராமல் போனதுதான் உற்சாகக் குறைவுக்குக் காரணமாம்! விமான நிலையத்துக்கு வந்த கனிமொழியை வரவேற்க அந்தப் பகுதி மாவட்டச் செயலாளர் என்ற முறையில் காஞ்சிபுரம் மாவட்டச் செயலாளர் தா.மோ.அன்பரசன் மட்டுமே சென்றுள்ளார். ஸ்டாலின், டி.ஆர்.பாலு, துரைமுருகன் ஆகியோர் காத்திருந்தனர். கனிமொழியும் ராசாவும் வி.ஐ.பி ரூமுக்கு வந்தவுடன் ஸ்டாலின் முதலில் சால்வை அணிவித்தார். தொடர்ந்து டி.ஆர்.பாலுவும் துரைமுருகனும் சால்வை அணிவித்துள்ளார்கள். கனிமொழி, ஸ்டாலினைக் கட்டியணைத்து சால்வை போட்டுள்ளார். இந்த வைபவங்கள் முடிந்த பிறகு, கோபாலபுரத்துக்குக் கிளம்பி னார்கள். வழியில் சில இடங்களில் மட்டுமே கனிமொழியை வரவேற்று போஸ்டர்கள் ஒட்டப் பட்டிருந்தன. வெளிமாவட்டத்தினர்தான் அந்த போஸ்டர்களையும் ஒட்டியிருந்தார்கள். மறுநாள் வெளியான ‘முரசொலி’யிலும் மிகப்பெரிய விளம்பரங்கள், வரவேற்புகள் இல்லை. அதே நேரம், கனிமொழியின் வீடான சி.ஐ.டி காலனியில் உற்சாகம் கரைபுரண்டு ஓடியது. அந்தப் பகுதி முழுவதும் கனிமொழியின் ஆதரவாளர்கள் ஃப்ளெக்ஸ் வைத்து அமர்க்களப்படுத்தி விட்டார்கள்.’’

‘‘ஓஹோ! கருணாநிதி நீண்ட நாள்களுக்குப் பிறகு சிரித்த முகத்துடன் போஸ் கொடுத்தாரே?’’

‘‘ஆம். கோபாலபுரத்தில் அன்பழகன், கருணாநிதி இருவருமே வரவேற்பறையில் காத்திருந்து, கனிமொழிக்கும் ராசாவுக்கும் வரவேற்பு அளித்தனர். கனிமொழிதான் விடுதலையான செய்தியை கருணாநிதியின் காதில் சொல்ல, அவரும் மகள் கனிமொழியின் கன்னத்தைக் கிள்ளி முத்தம் கொடுத்தார். ராசா விடுதலையான செய்தியை துரைமுருகன் சத்தமாக கருணாநிதி காதில் சொன்னதும் சிரிப்பைப் பதிலாகத் தந்தார் கருணாநிதி. துரைமுருகன் உணர்ச்சிவசப்பட்டதால், கண்களிலிருந்து கண்ணீர் ததும்பியது.’’

p44b_1514290994.jpg

‘‘அ.தி.மு.க தரப்பில் நடப்பதைச் சொல்லும்!’’

‘‘ஆர்.கே. நகர் ரிசல்ட் வெளியாகிக்கொண்டிருந்த ஞாயிற்றுக்கிழமை... தினகரன் உற்சாகத்தில் இருந்த அந்த நேரத்திலேயே எடப்பாடி பழனிசாமி அலெர்ட் ஆகிவிட்டார். தினகரன் என்ன செய்வார் என்பது தெரிந்திருந்ததால், அவரை முந்திக்கொள்ள எடப்பாடி திட்டமிட்டார்.’’

‘‘என்ன செய்தார்?’’

‘‘தினகரன் பக்கம் போனதால், 18 எம்.எல்.ஏ-க்கள் பதவி இழந்திருக்கிறார்கள் அல்லவா? அதில் 15 பேருக்கு போன் போனது. ‘அவரை நம்பிப் போன நீங்களெல்லாம் இப்போது பதவி இல்லாமல் இருக்கிறீர்கள். ஆனால், அவர் இப்போது சட்டசபைக்கு வந்துவிடுவார். நீங்கள் உள்ளே வர முடியாது. என்ன செய்யப்போகிறீர்கள்?’ என உருக்கமாகப் பேசினார்களாம். ‘இப்போதும் ஒன்றும் கெட்டுப் போய்விடவில்லை. கவர்னரிடம் கடிதம் கொடுத்ததால்தான், நீங்கள் பதவியை இழந்தீர்கள். மீண்டும் கவர்னரிடம் போய், பழைய கடிதத்தைத் திரும்பப் பெறுவதாக ஒரு கடிதம் கொடுத்துவிட்டால் போதும். அதன் நகலை இணைத்து, சபாநாயகரிடம் ஒரு மன்னிப்புக் கடிதம் எழுதிக்கொடுத்தால் போதும். உங்களுக்கு மீண்டும் பதவி கிடைத்துவிடும்’ என்று ஆசை காட்டப்பட்டதாம்.’’

‘‘அது தொடர்பான வழக்குதான் நீதிமன்றத்தில் இருக்கிறதே?’’

‘‘அதைத்தான் அந்த எம்.எல்.ஏ-க்களில் சிலர் கேட்டார்கள். ஆனால், ‘நீதிமன்றத்தில் இருக்கும் வழக்கு சபாநாயகரைக் கட்டுப்படுத்தாது. பதவிநீக்கத்தை ரத்து செய்து சபாநாயகர் உத்தரவு போட்டு, அதை நீதிமன்றத்தில் சமர்ப்பித்தால் போதுமானது. உங்களுக்குப் பதவி கிடைத்துவிடும்’ என்றார்களாம். ‘தங்கள் தரப்பில் அதிருப்தியுடன் இருக்கும் எம்.எல்.ஏ-க்களில் சிலரை தினகரன் இழுப்பார்’ என எடப்பாடி நினைக்கிறார். அப்படி ஏற்படும் இழப்புகளைச் சமாளிப்பதோடு, தினகரன் பக்கம் இருப்பவர்களை இழுத்து அதிர்ச்சி வைத்தியம் கொடுக்கவும் எடப்பாடி திட்டம் போடுகிறார்.’’

‘‘இது எங்கே போய் முடியும்?’’

‘‘தெரியவில்லை. தேர்தல் முடிவு வெளியாவதற்கு முன்பாகவே, எடப்பாடி தரப்பில் இருக்கும் மூன்று எம்.எல்.ஏ-க்கள் தினகரனுக்கு போன் செய்து வாழ்த்து சொன்னதாகத் தகவல். இனி ஒவ்வொரு நாளிலும் இந்த எண்ணிக்கை அதிகரிக்கலாம். ‘அமைச்சர் பதவி’ என்ற தூண்டிலைப் போட்டு ஏராளமான மீன்களைச் சிக்க வைக்கமுடியும் என்பது தினகரனின் நம்பிக்கை.’’

‘‘அது நடக்குமா?’’

‘‘எதையும் நிச்சயமாக இப்போது சொல்ல முடியாது. தினகரன் தரப்பில் இருக்கும் சீனியர் ஒருவர், தனக்கு நெருக்கமானவர்களிடம் பகிர்ந்து கொண்ட ஒரு தகவலைச் சொல்கிறேன் கேளும். எடப்பாடியிடமிருந்தே நேரடியாக ஒரு தூது வந்ததாம். ‘உங்களுக்கும் எங்களுக்கும் பொது எதிரி பன்னீர்செல்வம்தான். இப்போது அவரை விலக்கிவைத்துவிடலாம். இதுபற்றி டெல்லியிடம் பேசி நாங்கள் சரிக்கட்டிவிடுகிறோம். எங்களுடன் வந்துவிடுங்கள். பன்னீர் வகிக்கும் துணை முதல்வர் பதவியை உங்களுக்குத் தந்துவிடுகிறோம்’ எனத் தினகரனிடம் சொன்னார்களாம். தினகரன் அட்டகாச சிரிப்பொன்றை உதிர்த்து, ‘இப்போதே என் கைவசம் 60 எம்.எல்.ஏ-க்கள் இருக்கிறார்கள். நான்தான் முதலமைச்சர். எனக்கு யாரும் துணை முதல்வர் பதவியை விட்டுக்கொடுக்கத் தேவையில்லை’ என்று சொல்லி அனுப்பினாராம்.’’

p44_1514290963.jpg

‘‘முரண்பட்டவர்கள் இணைவதை டெல்லி ஆசீர்வதிக்குமா?’’

‘‘தமிழக அரசியலில் எது நடந்தாலும் இனி ஆச்சர்யப்பட முடியாது. தினகரன் வெற்றியை வாழ்த்தி ஒட்டப்பட்ட சில போஸ்டர்களில், ‘வழக்குக்கும் பயந்ததில்லை... வடதிசையையும் வணங்கியதில்லை’ என இருந்த வாசகங்களை மத்திய உளவுத்துறை குறிப்பெடுத்துள்ளது. அதுமட்டுமல்ல... ஒரு நடுநிலையாளர் மூலமாகத் தேர்தலுக்கு முன்பு தினகரனுக்கு எடப்பாடி தகவல் அனுப்பினாராம். ‘ஆர்.கே. நகரில் தினகரன் தோற்றுவிட்டால் பிரச்னை இல்லை. ஜெயித்தால் அவர் ஜெயிலுக்குப்போக வேண்டியிருக்கும்’ என்பதுதான் அந்தத் தகவல். ‘ஃபெரா அபராத வழக்கில் தினகரனுக்கு நெருக்கடி விரைவில் முற்றக்கூடும்’ என்பது யூகம்.’’

‘‘தேர்தல் தோல்விக்குப் பிறகு தினகரன் ஆதரவாளர்கள் ஒன்பது பேரைப் பதவியிலிருந்து நீக்கியுள்ளார்களே?’’

‘‘ஆமாம். திங்கள்கிழமை காலை அ.தி.மு.க தலைமை அலுவலகத்தில் காரசாரமான கூட்டம் நடந்தது. அதில் துணை ஒருங்கிணைப்பாளரான கே.பி.முனுசாமி, ‘தினகரனுக்குப் பக்கபலமாக இருந்த வெற்றிவேல், தங்க தமிழ்ச்செல்வன், கலைராஜன் போன்றவர்கள் இன்னும் அ.தி.மு.க-வின் மாவட்டச் செயலாளர்களாகத் தொடர்கி றார்கள். நம்மை எதிர்த்து அரசியல் செய்துவரும் அவர்களை, கட்சியை விட்டு ஏன் நீக்கவில்லை. அவர்களை நீக்கிவிட்டு, அந்த இடத்தில் புதிய நிர்வாகிகளைப் போட்டிருந்தாலே உற்சாகமாக கட்சிக்காரர்கள் வேலை பார்த்திருப்பார்கள். நீங்கள் தலைமைப் பொறுப்புக்கு வந்தபிறகு எந்த நிர்வாகியையும் நியமிக்கவில்லை. ஆனால், தினகரன் தமிழகம் முழுவதும் நிர்வாகிகளை நியமித்துவந்தார். நாம் துரோகிகளைக்கூட நீக்க முடியாமல் இருந்தது பெரும் தவறு’ என்று பேசினார். பிறகுதான் இந்த அறிவிப்பு வெளியானது. பன்னீரும் எடப்பாடியும் எப்போதும் இல்லாத ஆவேசத்துடன் பேசினார்கள்’’ என்ற கழுகார் பறந்தார்.

படங்கள்: ப.சரவணகுமார், வி.ஸ்ரீனிவாசுலு

p44a_1514290923.jpg 

ள்ளிக்கல்வித் துறை தொடர்பான புகார் மனுக்களை அமைச்சர் செங்கோட்டையனிடம் மக்கள் தருகிறார்கள். ‘‘யார்மீது புகார் வருகிறதோ, அவர்களுக்கே அதை அனுப்பி ரிப்போர்ட் கேட்கப்படுகிறது. பிறகு எங்கிருந்து நியாயம் கிடைக்கும்’’ என்று பலரும் புலம்புகிறார்கள். அமைச்சருக்கு இதெல்லாம் தெரியுமா?

 ஆர்.கே. நகர் தேர்தலில் ஆளுங்கட்சியின் முக்கியப் பிரமுகர் ஒருவர், வாக்காளர்களுக்குக் கொடுக்கச் சொல்லித் தரப்பட்ட ஒரு ‘சி’-யுடன் தேர்தலுக்கு மூன்று நாள்களுக்கு முன்பே ‘எஸ்’ ஆகிவிட்டாராம். வாக்கு எண்ணிக்கை முதல் ரவுண்டில் வாக்குகள் கிடுகிடுவென ஆளும் கட்சிக்குக் குறைய ஆரம்பித்தது அந்தப் பிரமுகரின் ஏரியாதானாம். 

 முதல்வர் எடப்பாடியின் கிரீன்வேஸ் ரோடு வீட்டில் தினமும் பொதுமக்கள் 150 பேராவது புகார் மனுக்களுடன் வருகிறார்கள். அவர்களை உட்கார வைத்து உபசரிக்கிறார்கள். அலுவலகம் கிளம்பும் முன், அவர்களிடமிருந்து மனுக்களை வாங்கிக்கொண்டுதான் காரில் ஏறுவார் முதல்வர். முன்பெல்லாம், பார்வையாளர்களை செல்போனுடன் உள்ளே விட்டார்கள். சமீபகாலமாக, பார்வையாளர்களின் செல்போன்களை செக்யூரிட்டி அறையிலேயே வாங்கிக்கொண்டு டோக்கன் தருகிறார்கள். யாராவது செல்போனில் படம்பிடித்து சமூக வலைதளங்களில் போடுவதைத் தடுக்கவே இந்த ஏற்பாடாம்.

 ஒகி புயல் நேரத்தில் முதல்வரை உரிய நேரத்தில் விசிட் போகச் சொல்லாமல்விட்டது... ஆர்.கே. நகர் தேர்தலின்போது தினகரன் அணியினரை சரிவரக் கண்காணிக்காமல் கோட்டை விட்டது உள்ளிட்ட காரணங்களுக்காக உளவுத்துறை ஐ.ஜி-யான சத்தியமூர்த்தி மாற்றப்படுவார் என்று போலீஸ் வட்டாரத்தில் பேச்சு.

https://www.vikatan.com/

Categories: Tamilnadu-news

சசிகலா உறவினர்களுக்கு சொந்தமான இடங்களில் வருமானவரித்துறை சோதனை

Wed, 27/12/2017 - 15:39
சசிகலா உறவினர்களுக்கு சொந்தமான இடங்களில் வருமானவரித்துறை சோதனை

 

 
sasikalaa

 

சசிகலா உறவினர்களுக்கு சொந்தமான இடங்களில் 2வது முறையாக வருமானவரித்துறை புதன்கிழமை சோதனை நடத்தியது. 

படப்பையில் உள்ள மிடாஸ் மற்றும் அதன் அருகில் உள்ள ஸ்ரீசாய் எண்டர்பிரைசஸ், கோவை மயிலேரிபாளையத்தில் உள்ள தனியார் கல்லூரி உள்ளிட்ட 6 இடங்களில் வருமானவரித்துறை சோதனை நடத்தியது.

முன்னதாக, சசிகலாவின் உறவினர்கள், ஆதரவாளர்கள் வீடுகளில் வருமான வரித் துறையினர் நவம்பர் 9,10 ஆகிய தேதிகளில் சோதனை நடத்தினர். 

ஒரே நேரத்தில் தமிழகம், புதுச்சேரி, கர்நாடகம் உள்ளிட்ட பல்வேறு மாநிலங்களில் 200 இடங்களில் அதிரடியாக நடைபெற்ற இந்தச் சோதனைகளில் வருமான வரித்துறையைச் சேர்ந்த 1800 அலுவலர்கள் ஈடுபடுத்தப்பட்டனர். 

இதில், 200-க்கும் மேற்பட்ட தனியார் வாகனங்களை அதிகாரிகள் பயன்படுத்தினர். இதில், ஜெயா தொலைக்காட்சி அலுவலகம் மற்றும் சசிகலா குடும்ப உறுப்பினர்கள், நண்பர்கள் ஆகியோரது இடங்களில் இச்சோதனை நடத்தப்பட்டது.

http://www.dinamani.com/tamilnadu/2017/dec/27/சசிகலா-உறவினர்களுக்கு-சொந்தமான-இடங்களில்-வருமானவரித்துறை-சோதனை-2833996.html

Categories: Tamilnadu-news

‘உங்களைக் காலி செய்துவிடுவார் மோடி’ என்றார் குருமூர்த்தி! - வெளிச்சத்துக்கு வருகிறதா வில்லங்க வீடியோ?

Wed, 27/12/2017 - 11:39
‘உங்களைக் காலி செய்துவிடுவார் மோடி’ என்றார் குருமூர்த்தி! - வெளிச்சத்துக்கு வருகிறதா வில்லங்க வீடியோ?
 
 

ஆடிட்டர் குருமூர்த்தி

‘திறனற்றவர்கள்' என ஆடிட்டர் குருமூர்த்தி கூறிய வார்த்தைகளை வைத்துக் கொதித்துக்கொண்டிருக்கிறார்கள் தமிழக அமைச்சர்கள். 'அவர் படித்த முட்டாள்' என அமைச்சர் ஜெயக்குமார் கூற, 'திறனற்றவர்கள் என நான் கூறிய வார்த்தை வேறு அர்த்தத்தைக் கொடுத்துவிட்டது' என விளக்கம் கொடுத்திருக்கிறார் குருமூர்த்தி. 'ஜெயலலிதா மரணத்துக்குப் பிறகு வலுவாகக் கால் ஊன்ற நினைத்த பா.ஜ.கவுக்கு தினகரனின் வெற்றி கூடுதல் கோபத்தை வரவழைத்திருக்கிறது. அதைத்தான் வேறு வடிவில் வெளிப்படுத்துகிறார் குருமூர்த்தி' என்கின்றனர் அரசியல் வட்டாரத்தில். 

 

ஆர்.எஸ்.எஸ் அமைப்பின் துணை அமைப்புகளில் ஒன்றான சுதேசி ஜாக்ரன் மஞ்ச் அமைப்பின் தேசிய இணை அமைப்பாளராகப் பதவி வகிக்கும் குருமூர்த்தி, பண்பாடு, கலாசாரம் குறித்து பயிற்சி வகுப்புகளை எடுப்பதில் வல்லவர். அப்படிப்பட்டவர் நேற்று ட்விட்டரில் பதிவிட்ட செய்தி ஒன்று, அவரது பண்பாட்டையே கேள்விக்குள்ளாக்கிவிட்டது. அவரது விமர்சனத்துக்குப் பதில் அளித்த அமைச்சர் ஜெயக்குமார், 'குருமூர்த்திக்கு முகமே கிடையாது. மற்றவர்களை விமர்சனம் செய்வதற்காக தடித்த வார்த்தைகளை அவர் பயன்படுத்தக் கூடாது. அவரது விமர்சனத்துக்கு நாங்கள் கொதித்தெழுந்தால் என்ன நடக்கும் என்பதை அனைவரும் புரிந்துகொள்ள வேண்டும். தன்மானத்தை எந்தக் காரணத்துக்காகவும் விட்டுக் கொடுக்க மாட்டோம். அவர் கூறிய வார்த்தைகளைத் திரும்ப பெற வேண்டும். இல்லையென்றால் கடும் விளைவுகளைச் சந்திக்க நேரிடும்' எனக் கொதித்தார்.

அரசியல் களத்திலும் குருமூர்த்தியின் வார்த்தைகளுக்குக் கடுமையான விமர்சனம் எழுந்தது. இதற்குப் பதில் அளித்த குருமூர்த்தி, 'நான் பேசியதன் அர்த்தம் புரியாமல் என்னை அவதூறாக அமைச்சர் பேசிய தெருப்பேச்சுக்கு நான் பதில் தெரு பேச்சில் ஈடுபட்டால்தான் அவர் கூறிய பட்டத்துக்கு ஏற்றவனாவேன். இரண்டாவது, அவர்களை நான் impotent என்று கூறியது அரசியல் ரீதியாக. மற்றபடி, அவர்கள் எப்படி என்பது பற்றி எனக்கு அவசியம் இல்லை. Impotent என்றால் திறனற்றவர்கள் என்று அர்த்தமே தவிர வேறு அர்த்தம் அவர்கள் மனதில் வந்தால் அதற்கு நான் பொறுப்பல்ல. அரசியல்ரீதியாக அவர்கள் impotentதான்' எனக் கொந்தளிப்பை அதிகப்படுத்தினார்.

பன்னீர்செல்வம்

ஜெயலலிதா மறைவுக்குப் பிறகு குருமூர்த்தியின் மறைமுக செயல்பாடுகள் குறித்து நம்மிடம் விவரித்தார் அரசியல் விமர்சகர் ஒருவர், “முன்னாள் முதல்வர் ஜெயலலிதா மரணத்தால் அதிகப்படியான லாபம் அடைந்தது பா.ஜ.கதான். உதய் மின்திட்டம், ஜி.எஸ்.டி என எதையெல்லாம் ஜெயலலிதா கடுமையாக எதிர்த்தாரோ, அதையெல்லாம் எளிதாக நிறைவேற்றுவதற்கு பன்னீர்செல்வத்தையும் எடப்பாடி பழனிசாமியையும் முழுமையாகப் பயன்படுத்திக் கொண்டது மத்தியில் ஆளும் பா.ஜ.க. அப்போலோ மருத்துவமனையில் ஜெயலலிதா இறந்த அன்று பேட்டியளித்த அப்போதைய மத்திய அமைச்சர் வெங்கைய நாயுடு, 'முதல்வர் ஜெயலலிதாவுக்கு உலகின் தலைசிறந்த மருத்துவர்களால் சிகிச்சை அளிக்கப்பட்டது. இதையும் தாண்டி எதிர்பாராதவிதமாக அவர் மரணமடைந்துவிட்டார். அவரது மரணத்தில் எந்தவித சந்தேகமும் இல்லை. இந்தியாவில் வேறு எந்த அரசியல் கட்சித் தலைவர் இறந்தாலும் சர்ச்சை எழுவதில்லை. தமிழகத்தில் மட்டும்தான் ஒரு தலைவர் இறந்தால் அது சர்ச்சையாக்கப்படுகிறது' எனப் பேட்டியளித்தார். ஆனால், அடுத்து வந்த நாள்களில், 'அம்மா மரணத்தில் மர்மம்; நாங்கள் யாரும் மருத்துவமனையில் அவரைப் பார்க்கவில்லை' என ஜெயலலிதா சமாதியில் தியானத்தை முடித்த பிறகு பேசினார் ஓ.பன்னீர்செல்வம். 'அம்மா மரணத்துக்கு விசாரணைக் கமிஷன் தேவை' என தர்மயுத்தத்துக்குக் கிளம்பினார் பன்னீர்செல்வம். இந்த தர்மயுத்தத்துக்கு விதை போட்டவர் ஆடிட்டர் குருமூர்த்தி. 

'சசிகலா குடும்பம் நெருக்குதல் கொடுத்தாலும் பதவியை ராஜினாமா செய்ய வேண்டாம்' எனப் பலமுறை வலியுறுத்தியும், அவர் ராஜினாமா கடிதம் கொடுத்ததில் குருமூர்த்திக்கு உடன்பாடில்லை. அவரது ராஜினாமாவை ஊட்டியில் இருந்த ஆளுநர் வித்யாசாகர் ராவ் உடனடியாகப் பெற்றுக் கொண்டதும் இதனால்தான். அதனால்தான் பன்னீர்செல்வத்தை சில காலம் காக்க வைத்தனர் பா.ஜ.க நிர்வாகிகள். எடப்பாடி பழனிசாமி லைம் லைட்டுக்கு வந்ததும் அமைச்சர்கள் சிலர் குருமூர்த்தியிடம் ஆலோசனை பெறத் தொடங்கினர். ஆர்.கே.நகர் இடைத்தேர்தலில் தினகரன் போட்டியிடுவதில் பா.ஜ.க தலைமைக்கு உடன்பாடில்லை. இதைப் பற்றி நேரடியாகக் கூறியும் தினகரன் விட்டுக் கொடுக்கவில்லை. இதையடுத்து, ஆர்.கே.நகரில் வருமான வரித்துறையினர் தீவிர சோதனையில் ஈடுபட்டனர். அமைச்சர் விஜயபாஸ்கர் வீட்டில் நடத்தப்பட்ட சோதனையில் சில ஆவணங்கள் சிக்கின. இதை வைத்துக்கொண்டே முதல்வர் எடப்பாடி பழனிசாமி உள்ளிட்ட சீனியர் அமைச்சர்களை பா.ஜ.க தலைமை நெருக்கத் தொடங்கியது. 'விஜயபாஸ்கரை அமைச்சர் பதவியில் இருந்து நீக்க வேண்டும்' என்ற கோரிக்கையோடு போயஸ் கார்டனில் தினகரனை சந்தித்தனர் கொங்கு அமைச்சர்கள் சிலர். இந்த சந்திப்பு மிகப் பெரும் மோதலாக உருவெடுத்தது. தினகரனையே கட்சிவிட்டு நீக்கி வைக்கும் முடிவை எடப்பாடி பழனிசாமி எடுத்தார்.

மோடி-எடப்பாடி பழனிசாமி

‘அமைச்சர்கள் எதற்கோ பயந்துகொண்டு இவ்வாறு செய்கிறார்கள்' என தினகரன் பேட்டியளித்தாலும், இரட்டை இலைக்கு லஞ்சம் கொடுத்த வழக்கு, ஃபெரா வழக்குகள் என அவரைத் தூங்க விடாமல் செய்தது பா.ஜ.க அரசு. இந்த சம்பவங்கள் அனைத்துக்கும் பின்னணியில் இருந்து செயல்பட்டவர் ஆடிட்டர் குருமூர்த்தி. துணை முதல்வர் ஓ.பன்னீர்செல்வம் உள்பட அமைச்சர்கள் பலர் ஆடிட்டரிடம் அடிக்கடி ஆலோசனை பெறத் தொடங்கினர். ‘அடுத்து என்ன செய்ய வேண்டும்?' என அ.தி.மு.கவின் முக்கிய நிர்வாகி ஒருவர் ஆடிட்டரிடம் கேட்டபோது, 'அந்தக் குடும்பத்தை ஒதுக்கி வையுங்கள். அவர்களோடு எந்தத் தொடர்பும் வைத்துக்கொள்ளக் கூடாது. இதையும் மீறி தொடர்ந்தால் மோடி உங்களைக் காலி செய்துவிடுவார்' என நேரடியாகவே கூறியிருக்கிறார். இதனால்தான், திறனற்றவர்கள் என குருமூர்த்தி விமர்சித்தபோது பன்னீர்செல்வத்துக்கு நெருக்கமான அ.தி.மு.க ஐ.டி விங்க் நிர்வாகி பிரசாத், 'அமைச்சர்களோடு நீங்கள் நடத்திய பேச்சுவார்த்தை வீடியோ இருக்கிறது' என அதிர வைத்தார். ஒருகட்டத்தில் குருமூர்த்தியிடம் கலந்தாலோசிப்பதை பா.ஜ.க நிர்வாகிகள் நிறுத்திவிட்டதாகவும் தகவல்கள் வெளியானது. இந்தநேரத்தில் குருமூர்த்தி கொதிப்பதற்கு ஒரே காரணம்தான் இருக்கிறது. ஜெயலலிதா போட்டியிட்டு வென்ற ஆர்.கே.நகர் தொகுதியில் தினகரன் பெற்ற வெற்றியை குருமூர்த்தியால் சகித்துக்கொள்ள முடியவில்லை. 'ஆட்சி இருந்தும் ஒரு சுயேச்சை வேட்பாளரிடம் தோற்றுவிட்டார்கள்' என்ற கோபத்தைத்தான் பகிரங்கமாக வெளிக்காட்டியிருக்கிறார். அரசியல் தளத்தில் விமர்சகர்களாக இருப்பவர்கள் குறைந்தபட்ச நாகரிகத்தையாவது வார்த்தைகளில் வெளிப்படுத்துவார்கள். குருமூர்த்தியின் விமர்சனம் எல்லை மீறியது" என்றார் விரிவாக. 

“துக்ளக் ஆசியராக இருந்த சோவைப் போல, அரசியல் சாணக்கியனாக வர வேண்டும் என்பதுதான் குருமூர்த்தியின் நோக்கம். இதற்காக சிலமுறை அவர் ஜெயலலிதாவை சந்தித்துப் பேசியிருக்கிறார். 2006-ம் ஆண்டு தி.மு.க ஆட்சி காலத்தில் தொடர்ச்சியாக நடந்த இடைத்தேர்தல்களில் வெற்றிவாகை சூடினார் கருணாநிதி. 'ஆட்சி முடிந்து 2011-ல் பொதுத் தேர்தல் வந்தாலும் கருணாநிதியே வெல்வார்' என்ற கருத்து அப்போது நிலவியது. இதையடுத்து, தி.மு.கவை எதிர்கொள்வது குறித்து அரசியல் வல்லுநர்களிடம் கருத்து கேட்டார் ஜெயலலிதா. பத்திரிகையாளர் சோ ஏற்பாட்டின்பேரில் போயஸ் கார்டனில் ஜெயலலிதாவை சந்தித்தார் குருமூர்த்தி. தேர்தல் தொடர்பாக குருமூர்த்தி கூறிய சில கருத்துகளை சசிகலா ஏற்றுக்கொண்டார். ஆனால், அவரது எந்தக் கருத்தையும் ஜெயலலிதா ஏற்கவில்லை.

‘தி.மு.கவை எதிர்கொள்வதில் எங்களுக்கு இருக்கும் ஒரே பிரச்னை திருமங்கலம் ஃபார்முலாதான். அதை எதிர்கொள்வது குறித்து ஏதாவது கூற முடியுமா?' எனக் கேட்டார் ஜெயலலிதா. இதற்கு குருமூர்த்தி கூறிய ஆலோசனைகளைக் கேட்ட ஜெயலலிதா, ‘தேர்தலில் வெற்றியடைய இது பயன்படாது' எனக் கூறி அனுப்பிவிட்டார். இதை குருமூர்த்தியே துக்ளக் இதழில் பதிவு செய்திருக்கிறார். சசிகலா குடும்பத்தின் காங்கிரஸ் தொடர்பு, தமிழ் அமைப்புகளுடன் நடராசனுக்கு உள்ள தொடர்பு, காமராஜரை சசிகலா குடும்பம் இருட்டடிப்பு செய்வது குறித்து மோடியின் குஜராத் டீமில் உள்ள தமிழர் ஒருவரின் ஆதங்கம் என அனைத்துக் காரணிகளும் சசிகலா குடும்பத்துக்கு எதிராக வரிந்துகட்டிக் கொண்டு அணிவகுத்தன. ஒருகட்டத்தில், 'கர்மவீரர் காமராஜர்ஜி' என மேடையில் மோடி பேசும் அளவுக்குச் சென்றது. அரசியல் அதிகாரத்தில் புறக்கணிப்பட்ட பெரும்பான்மை, மொழிவழி சிறுபான்மை ஆகிய சமூகங்களை ஒன்றிணைத்து அரசியல்ரீதியாக வெற்றி பெற வேண்டும் என்பதுதான் பா.ஜ.கவின் திட்டம். இந்தத் திட்டத்தில் மண் அள்ளிப் போடும்விதமாக தினகரன் வெற்றி அமைந்துவிட்டதை பா.ஜ.கவால் ஏற்றுக்கொள்ள முடியவில்லை" என்கிறார் அ.தி.மு.கவின் மூத்த நிர்வாகி ஒருவர். 

ஆடிட்டர் குருமூர்த்தி மீதான விமர்சனம் குறித்து நம்மிடம் பேசிய அரசியல் ஆய்வாளர் ரவீந்திரன் துரைசாமி, “அரசியலில் மிக நாணயமான மனிதர்களில் ஆடிட்டரும் ஒருவர். அதிகாரத்தில் காமராஜர் இல்லாத காலகட்டங்களில் அவருடன் மிக நெருக்கமாக இருந்தவர். அவசரநிலைக் காலகட்டத்தில் சிறைக்குச் சென்றவர். அ.தி.மு.கவின் தலைமைப் பொறுப்பில் உள்ளவர்களுக்கு எதிராக அவர் இதுபோன்ற வார்த்தைகளைப் பயன்படுத்தாமல் தவிர்த்திருக்கலாம். அவர் கூறிய வார்த்தைகளுக்கு எதிராக அமைச்சர் ஜெயக்குமாரும் அப்படியொரு விமர்சனத்தை வைத்திருக்க வேண்டிய அவசியமில்லை" என்றார். 

 

அரசியல் களத்தை தனக்கு சாதகமாகப் பயன்படுத்த நினைத்த பா.ஜ.கவுக்கு தினகரனின் வெற்றி கூடுதல் கோபத்தை ஏற்படுத்தியிருக்கிறது. ‘புதிய எதிரி தினகரன்’ என்பதை உணரத் தொடங்கியிருக்கிறார்கள். ‘மீண்டும் இடைத்தேர்தல் வராமல் தினகரன் பார்த்துக்கொள்ள வேண்டும்’ என அமைச்சர் ஓ.எஸ்.மணியன் கூறுவதும் அரசியல் பார்வையாளர்களால் உன்னிப்பாக கவனிக்கப்படுகிறது.

https://www.vikatan.com/news/tamilnadu/111938-modi-will-vacate-you-said-gurumurthy-will-the-video-come-to-light.html

Categories: Tamilnadu-news

ஸ்டாலின் செயல் தலைவராக இருக்கும் வரை திமுக வெற்றி பெறாது: மு.க. அழகிரி கடும் விமர்சனம்

Wed, 27/12/2017 - 06:05
ஸ்டாலின் செயல் தலைவராக இருக்கும் வரை திமுக வெற்றி பெறாது: மு.க. அழகிரி கடும் விமர்சனம்

 

 
azhagiri


சென்னை: ஸ்டாலின் செயல் தலைவராக இருக்கும் வரை திமுக வெற்றி பெறாது என்று முன்னாள் மத்திய அமைச்சர் மு.க. அழகிரி கூறியுள்ளார்.

செய்தி தொலைக்காட்சிக்கு அளித்த பேட்டியில் மு.க. அழகிரி இவ்வாறு கூறினார்.

மேலும் அவர் பேசுகையில், ஆர்.கே. நகர் இடைத் தேர்தலில் டெபாசிட் இழக்கும் அளவுக்கு திமுக தோல்வி அடைந்தது ஏன்? இதில் இருந்தே ஸ்டாலின் எவ்வாறு செயல்படுகிறார் என்பது தெரிய வருகிறது.

ஸ்டாலின் உடன் இருப்பவர்களின் செயல்பாடுகள் சரியில்லை. திமுகவினரின் வாக்குகளை பணம் சாப்பிட்டுவிட்டதாக துரைமுருகன் கூறியுள்ளார். திமுகவினரை விலை போனதாகக் கூறலாமா? என்று கேள்வி எழுப்பினார் அழகிரி.

தினகரன் வெற்றி பெற்றிருப்பது குறித்து கேட்டதற்கு, தினகரன் தொடக்கம் முதலே களப்பணி செய்து வெற்றி பெற்றுள்ளார். சுயேச்சையாக போட்டியிட்ட தினகரனின் சின்னம் வாக்குப்பெட்டியில் 33வது எண்ணில் இருக்கும் குக்கர். ஆனால், மக்களுக்கு மிகவும் பரிச்சயமான உதய சூரியன், இரட்டை இலைச் சின்னம் ஆகியவற்றை எல்லாம் தாண்டி 33வது இடத்தில் இருக்கும் குக்கர் சின்னத்துக்கு வாக்குகள் விழுந்துள்ளன. இதற்கு காரணம், மக்களுக்கு இவர்கள் மீது வெறுப்பு இருக்கிறது என்று அர்த்தம்.

வெறுமனே வேனில் ஏறி பிரசாரத்துக்கு போய்விட்டால் வெற்றி கிடைக்காது. களப்பணி செய்ய வேண்டும் என்று தெரிவித்தார்.

பணப்பட்டுவாடா நடக்கும் போதெல்லாம் திருமங்கலம் ஃபார்முலா என்பது வழக்கமாகிவிட்டதே என்ற கேள்விக்கு, பணம் மட்டும் இருந்தால் வேட்பாளர் ஜெயிக்க முடியாது. தோல்வி அடைந்த உடன், பண நாயகம், ஜனநாயகம் தோல்வி என்று கூறுவது வழக்கமாகவிட்டது. தொகுதிக்காக உழைப்பு வேண்டும். திருமங்கலத்தில் திமுக சார்பில் எப்படி களப்பணி செய்தோம் என்று வந்து பார்த்திருந்தால்தான் தெரியும் என்றார் அழகிரி.

திமுகவின் எதிர்காலம் எப்படி இருக்கும் என்று அழகிரியிடம் கேட்டதற்கு, புதிதாக வருபவர்களுக்கு பதவி கொடுப்பதை நிறுத்த வேண்டும். கட்சியில் இருந்து வெளியேறியவர்களையும், துரோகம் செய்தவர்களையும், கட்சியில் மீண்டும் சேர்த்து பொறுப்பு கொடுப்பதை எப்போது நிறுத்துகிறார்களோ அப்போதுதான் திமுகவின் எதிர்காலம் சிறப்பாக இருக்கும் என்று பதிலளித்தார்.

http://www.dinamani.com/tamilnadu/2017/dec/27/ஸ்டாலின்-செயல்-தலைவராக-இருக்கும்-வரை-திமுக-வெற்றி-பெறாது-முக-அழகிரி-கடும்-விமரிசனம்-2833931.html

Categories: Tamilnadu-news

அடுத்த மாதம் சட்டசபை ஆளும் கட்சிக்கு சவால்

Tue, 26/12/2017 - 20:22
அடுத்த மாதம் சட்டசபை ஆளும் கட்சிக்கு சவால்
 
 
 

தமிழக சட்டசபை கூட்டம், ஜனவரி இரண்டாவது வாரத்தில் நடைபெற உள்ளது. புத்தாண்டில் நடைபெறும், சட்டசபை கூட்டம், ஆளும் கட்சிக்கு பெரும் சவாலாக இருக்கும் என, எதிர்பார்க்கப்படுகிறது.

 

அடுத்த மாதம் ஆளும் கட்சிக்கு சவால்

தமிழக சட்டசபை கூட்டம், கடைசியாக, ஜூனில் துவங்கி, ஜூலையில் நிறைவு பெற்றது. அப்போது, மானிய கோரிக்கை மீதான விவாதம் நடந்தது. ஆறு மாதங்களுக்கு ஒரு முறை, சட்டசபை கூட்டப்பட வேண்டும். எனவே, ஜனவரி, 8ல், சட்டசபை துவங்க உள்ளதாக கூறப்படுகிறது. புத்தாண்டின் முதல் கூட்டம் என்பதால், அன்று, சட்டசபையில் கவர்னர், பன்வாரிலால் புரோஹித் உரையாற்றுவார்.

முதல் முறை




அதன்பின், கவர்னர் உரை மீது, ஒரு வாரம் விவாதம் நடைபெறும். அ.தி.மு.க., அணிகள் இணைந்த பின், முதல் முறையாக, சட்டசபை நடைபெற உள்ளது.

முதல்வர் பதவியை இழந்த பின், சாதாரண உறுப்பினராக, கடந்த சட்டசபை கூட்டத்தில் பங்கேற்றபன்னீர்செல்வம், இம்முறை, துணை முதல்வராக பங்கேற்கவுள்ளார். அதேபோல், சென்னை, ஆர்.கே.நகரில் சுயேச்சையாக வெற்றி பெற்றுள்ள தினகரனும், முதல் முறையாக சட்டசபைக்கு வருகிறார்.
 

அரசுக்கு பெரும்பான்மை



சட்டசபையில், தற்போது, அ.தி.மு.க.,விற்கு, 116 எம்.எல்.ஏ.,க்கள் உள்ளனர். இவர்களில், ஐந்து பேர், ஏற்கனவே தினகரனுக்கு ஆதரவு அளித்தவர்கள். தி.மு.க., கூட்டணிக்கு, 98 எம்.எல்.ஏ.,க்கள் உள்ளனர். சுயேச்சை எம்.எல்.ஏ., தினகரன், அவரது ஆதரவு எம்.எல்.ஏ.,க்கள், ஐந்து பேர், தி.மு.க.,விற்குஆதரவாக செயல்பட்டால், அரசுக்கு எதிரான எம்.எல்.ஏ.,க்கள் எண்ணிக்கை, 104 ஆக உயரும்.
 

 

 

முதல்வர் பதில் அளிப்பார்.



மேலும், எட்டு எம்.எல்.ஏ.,க்களை இழுத்தால், அரசுக்கு பெரும்பான்மை இல்லாத நிலை ஏற்படும். சட்டசபையில், கவர்னர் உரை மீதான விவாதம் முடிந்த பின், முதல்வர் பதில் அளிப்பார். அதன்பின், கவர்னருக்கு நன்றி தெரிவிக்கும் தீர்மானம் கொண்டு வரப்படும். அன்றைய தினம், ஆளும் கட்சி எம்.எல்.ஏ.,க்களில், எட்டு பேர் வராமல் இருந்தால், தீர்மானம் தோல்வி அடையும் நிலை ஏற்படும்.அவ்வாறு ஏற்பட்டால், அரசுக்கு சிக்கல் ஏற்படும். எனவே, ஆளும் கட்சி எம்.எல்.ஏ.,க்களை இழுக்கும் பணியில், தினகரன் தரப்பினரும், தி.மு.க.,வினரும் ஈடுபட்டுள்ளனர். இதனால், அ.தி.மு.க.,வில் பரபரப்பு நிலவுகிறது.
- நமது நிருபர் -

http://www.dinamalar.com/news_detail.asp?id=1926818

Categories: Tamilnadu-news

`யார் இந்தக் குருமூர்த்தி?' - கொதித்தெழுந்த ஜெயக்குமார்

Tue, 26/12/2017 - 12:22
`யார் இந்தக் குருமூர்த்தி?' - கொதித்தெழுந்த ஜெயக்குமார்
 
 

தமிழக முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர்செல்வம் ஆகியோரை ட்விட்டரில் கடுமையாக விமர்சித்தார்  ஆடிட்டர் குருமூர்த்தி. இதையடுத்து செய்தியாளர்களைச் சந்தித்த மீன்வளத்துறை அமைச்சர் ஜெயக்குமார், குருமூர்த்தியைக் கடுமையாகத் தாக்கிப் பேசியுள்ளார்.

குருமூர்த்தி மற்றும் ஜெயக்குமார்

 

ஆர்.கே.நகர் இடைத்தேர்தலில் ஆளுங்கட்சியான அ.தி.மு.க சுயேச்சை வேட்பாளரான தினகரனிடம் தோல்வியடைந்தது. இதையடுத்து கூடிய அ.தி.மு.க-வின் மூத்த நிர்வாகிகள் கட்சித் தலைமை அலுவலகத்தில் ஆலோசனை நடத்தினர். அப்போது தினகரனின் வெற்றிக்குத் துணையாக இருந்த நாஞ்சில் சம்பத், சி.ஆர்.சரஸ்வதி உள்ளிட்ட 5 பேர் கட்சியிலிருந்து நீக்கப்பட்டனர். இதைத் தொடர்புபடுத்தி ஆடிட்டர் குருமூர்த்தி அவரது ட்விட்டர் பக்கத்தில், `ஓ.பி.எஸ், ஈ.பி.எஸ் ஆகிய பலவீணமான நபர்கள் ஆறு மாதங்கள் கழித்து நடவடிக்கை எடுத்துள்ளனர். ஆண்மையற்ற தலைவர்கள் அவர்கள்' என்று கடுமையான விமர்சனத்தை முன்வைத்தார். இதற்கு அமைச்சர் ஜெயக்குமார் எதிர்வினை ஆற்றியுள்ளார்.

 

தலைமைச் செயலகத்தில் செய்தியாளர்களைச் சந்தித்த ஜெயக்குமார், `யார் இந்தக் குருமூர்த்தி. அவருக்கு முகமே கிடையாது. மற்றவர்களை விமர்சனம் செய்ய தடித்த வார்த்தைகளை அவர் பயன்படுத்தக் கூடாது. அவரின் தடித்த விமர்சனத்துக்கு நாங்கள் கொதித்தெழுந்தால் என்ன நடக்கும் என்பதை அனைவரும் புரிந்துகொள்ள வேண்டும். தன்மானத்தை எந்தக் காரணத்துக்காகவும் விட மாட்டோம். குருமூர்த்தி தடித்த வார்த்தைகளைத் திரும்ப பெற வேண்டும். இல்லையென்றால் அவர் விளைவுகளைச் சந்திக்க நேரிடும். அவசியம் என்றால் குருமூர்த்திக்கு எதிராக வழக்கு தொடரப்படும்' என்று கடுகடுத்தார்.  

https://www.vikatan.com/news/tamilnadu/111863-tn-minister-jayakumar-criticizes-gurumurthy.html

    `அ.தி.மு.க தலைமை பலவீனமாகத்தான் இருக்கிறது!' - ஜெயக்குமாருக்கு குருமூர்த்தி பதில்!
 
 

தமிழக முதல்வர் எடப்பாடி பழனிசாமி மற்றும் துணை முதல்வர் ஓ.பன்னீர்செல்வம் ஆகியோரை ட்விட்டரில் கடுமையாக விமர்சித்த ஆடிட்டர் குருமூர்த்தி மீது மீன்வளத்துறை அமைச்சர் ஜெயக்குமார் கடுகடுத்தார். இதற்கு, குருமூர்த்தி பதில் அளித்துள்ளார். 

குரூமூர்த்தி

 

ஆர்.கே.நகர் இடைத்தேர்தலில் ஆளுங்கட்சியான அ.தி.மு.க, சுயேச்சை வேட்பாளரான தினகரனிடம் தோல்வியடைந்தது. இதையடுத்து கூடிய அ.தி.மு.க-வின் மூத்த நிர்வாகிகள் கட்சித் தலைமை அலுவலகத்தில் ஆலோசனை நடத்தினர். அப்போது தினகரனின் வெற்றிக்குத் துணையாக இருந்த நாஞ்சில் சம்பத், சி.ஆர்.சரஸ்வதி உள்ளிட்ட 5 பேர் கட்சியிலிருந்து நீக்கப்பட்டனர். இதைத் தொடர்புபடுத்தி ஆடிட்டர் குருமூர்த்தி அவரது ட்விட்டர் பக்கத்தில், `ஓ.பி.எஸ், ஈ.பி.எஸ் ஆகிய பலவீணமான நபர்கள் ஆறு மாதங்கள் கழித்து நடவடிக்கை எடுத்துள்ளனர். ஆண்மையற்ற தலைவர்கள் அவர்கள்' என்று கடுமையான விமர்சனத்தை முன்வைத்தார். இதற்கு ஜெயக்குமார், `யார் இந்தக் குருமூர்த்தி. அவருக்கு முகமே கிடையாது. மற்றவர்களை விமர்சனம் செய்ய தடித்த வார்த்தைகளை அவர் பயன்படுத்த கூடாது. அவரின் தடித்த விமர்சனத்துக்கு நாங்கள் கொதித்தெழுந்தால் என்ன நடக்கும் என்பதை அவர் புரிந்துகொள்ள வேண்டும். தன்மானத்தை எந்தக் காரணத்துக்காகவும் விட மாட்டோம். குருமூர்த்தி தடித்த வார்த்தைகளைத் திரும்ப பெற வேண்டும். இல்லையென்றால், அவர் விளைவுகளைச் சந்திக்க நேரிடும். அவசியம் என்றால் குருமூர்த்திக்கு எதிராக வழக்கு தொடரப்படும்' என்று கடுகடுத்தார்.  

 

இதற்கு ட்விட்டர் மூலம் குரூமூர்த்தி, `எடப்பாடி பழனிசாமி - ஓ.பன்னீர்செல்வம் தலைமையிலான தமிழக அரசை நான்தான் வழி நடத்துகிறேன் என்று தவறாகப் பலர் புரிந்து வைத்திருக்கிறார்கள். அப்படி நடக்கவில்லை என்பதை அமைச்சர் ஜெயக்குமார் உறுதி செய்தமைக்கு நன்றி. அவர்களுக்கு நான் எப்போதும் அறிவுரை வழங்கியதில்லை. ஒரு சுதந்திரமான ஏழுத்தாளராக, அரசு எப்படி செயல்படுகிறது என்பதை நான் கூறிக்கொண்டேதான் இருப்பேன். இது அவர்களுக்குப் பிடிக்கிறதா என்பதைப் பற்றி கவலைப்படப் போவதில்லை. அ.தி.மு.க தலைமை மிக பலவீனமாகத்தான் இருக்கிறது என்பது குறித்து விமர்சனங்களைத் துக்ளக் இதழில் தொடர்ந்து எழுதிக்கொண்டுதான் இருக்கிறேன்' என்று ஜெயக்குமாருக்கு பதிலளித்துள்ளார். 

https://www.vikatan.com/news/tamilnadu/111865-there-is-nothing-new-i-have-said-now-about-how-weak-the-admk-leadership-is-gurumurthy-.html

Categories: Tamilnadu-news

’வீரம் மட்டும் போதாது.. வியூகம் வேண்டும்!’ - ரஜினிகாந்த்

Tue, 26/12/2017 - 05:54
’வீரம் மட்டும் போதாது.. வியூகம் வேண்டும்!’ - ரஜினிகாந்த்
 
 

நடிகர் ரஜினிகாந்த் சென்னையில் உள்ள ராகவேந்திரா மண்டபத்தில் தன் ரசிகர்களை சந்தித்து வருகிறார். இன்று தொடங்கி ஆறு நாள்களுக்கு இந்த சந்திப்பு நடக்கிறது. 

rajinikanth
 

 

இன்று காஞ்சிபுரம், திருவள்ளூர், கிருஷ்ணகிரி, தருமபுரி, நீலகிரி மாவட்ட ரசிகர்களை சந்தித்து, புகைப்படம் எடுத்துக் கொள்கிறார். இந்த சந்திப்பின்போது மேடையில் ரஜினியுடன் இயக்குநர் மகேந்திரன், தயாரிப்பாளர் கலைஞானம் உள்ளனர். 

நிகழ்ச்சியில் பேசிய மகேந்திரன் ”முள்ளும் மலரும் படத்தில் ரஜினியின் நடிப்பு அனைவரையும் பிரமிக்க வைத்தது. ரஜினி எடுக்கக் கூடிய முடிவு மிகவும் தெளிவானதாக இருக்கும்” என்றார்.

இதைத்தொடர்ந்து பேசிய நடிகர் ரஜினிகாந்த் ”இந்த நாளுக்காகதான் காத்துக்கொண்டிருந்தேன். கதாநாயகன் ஆக வேண்டும் என்று கனவு கூட கண்டதில்லை. ரஜினி ஸ்டைல் என்பது மகேந்திரன் அறிமுகம் செய்தது. 

என் அரசியல் அறிவிப்புகுறித்து அனைவரும் ஆர்வம் காட்டி வருகின்றனர்.  நான் அரசியலில் வருவதில் மக்களைவிட ஊடகங்களுக்குதான் ஆர்வம் அதிகம். போர்வரும் போது பார்க்கலாம் என்றேன்.போர் என்றால் தேர்தல் தானா?

அரசியலில் நான் வருவது புதிதல்ல. 1996-ம் ஆண்டு முதல் அரசியலில் உள்ளேன். வெற்றிக்கு வீரம் மட்டும் போதாது. வியூகம் வேண்டும். அரசியலில் ஜெயிக்க வியூகம் மிக முக்கியம். எனவே, வரும் 31-ம் தேதி என் அரசியல் நிலைப்பாட்டை தெளிவுப்படுத்துவேன். என்ன செய்தாலுமே ஒழுக்கமும் கட்டுப்பாடும் தான் முக்கியம்” என்றார்.

https://www.vikatan.com/news/tamilnadu/111825-rajinikanth-about-his-political-entry.html

Categories: Tamilnadu-news

ஆர்.கே நகர் தேர்தல் சீமானின் கட்சிக்கு வளர்ச்சியா ? உங்களின் கருத்து என்ன ?

Mon, 25/12/2017 - 15:00

இராதாகிருஷ்ணன் நகர் இடைத் தேர்தலில் எல்லாவற்றையும் விட மிக முக்கியமாக கருதுவது நாம் தமிழர் கட்சிக்கு கிடைத்திருக்கிற வாக்குகள். இங்கு அது வெறும் எண்ணிக்கை அல்ல. அந்த எண்ணிக்கையை அடைவதற்கு பயணப்பட்ட திசை தான் முக்கியம். தமிழகம் கொஞ்சம் கொஞ்சமாக வேறு திசைக்கு பயணிக்கிறது. நாம் தமிழர் கட்சியினரின் பிரச்சாரம் ஒரு திட்டமிட்ட தனித்துவமான பாணியில் இருந்தது. திராவிட அரசியல் பாதை வரலாற்றின் தொடக்க நாட்களை அது நினைவுபடுத்துகிறது. இப்போது அவர்களை தமிழகம் பெரிய அளவில் கண்டுகொள்ளாமல் இருக்கலாம். ஆனால் திரும்பி பார்க்கும் காலம் விரைவில் வரும். தமிழக அரசியல் அதன் அடுத்த கட்ட பாய்ச்சலுக்கு தயாராகிறது. தமிழ் தேசிய அரசியலில் இன்னும் சிலர் களமிறங்க வேண்டியிருக்கிறது. அப்போது இந்த பாய்ச்சல் இன்னும் அதிகமாகும். நமக்கும் பார்வை தெளிவாகும்.

 

நெல்சன் சேவியர் -news17 நெறியாளர்

 

3,800 வாக்குக்கள் ஏளனத்திற்குரியதே அல்ல தமிழகம் எதிர்நோக்கும் ஆபத்து வேகமாக வளரத்தொடங்கியிருக்கிறது
பரிவாரத்தினரைவிட, இஸ்லாமிய அடிப்படைவாதிகளைவிடவும் ஆபத்தானவர்கள் இந்த இனவாதிகள்
டுபாங்கூர் பேர்வழி மீது ஆங்காங்கே இளைஞர்களுக்கு மோகம் எழுந்து வருகிறது
திராவிடக் கட்சிகள் மீது நம்பிக்கை இழந்து இவர்கள் பக்கம் திரும்புகின்றனர்
இந்து/இஸ்லாமிய  அடிப்படைவாதமாயினும் சரி இன வெறியாயினும் சரி அத்தகைய சவால்களை எதிர்கொள்ளவேண்டிய கடமை சிபிஎம் மிற்குத்தான் 
சிபிஐ காலாவதியாகிவிட்டது பெரியாரிஸ்டுகள் பார்ப்பனர்களை சாடுவதைத் தாண்டி எதையும் சிந்திக்கப்போவதில்லை 

கோபாலன் - BBC முன்னாள் செய்தியாளர் 

 

Categories: Tamilnadu-news

ஜெயலலிதா பாதி... கருணாநிதி பாதி..! - இது தினகரன் ஸ்டைல்?

Mon, 25/12/2017 - 11:26
ஜெயலலிதா பாதி... கருணாநிதி பாதி..! - இது தினகரன் ஸ்டைல்?

 

 
dinakaranjpg

டிடிவி தினகரன் | கோப்புப் படம்.

மழை விட்டும் தூவானம் விடவில்லை என்பது சத்திய வார்த்தை. மழைக்கு மட்டுமில்லை. இடி, மின்னல், புயல் என சகலத்துக்கும் பொருந்தும். இவற்றுக்கு மட்டுமா? தேர்தல் தொடங்கி, பிரச்சாரம் நடந்து, வெற்றியும் அறிவிக்கப்பட்டுவிட்ட ஆர்.கே.நகர் அதகளம்... அரசியல் அரங்கில்... புதிய அத்தியாயங்களை எழுதும் போல் தெரிகிறது. இதோ... ரிசல்ட் வந்த மறுநாளே... அதிமுகவினர் வெற்றிவேல், தங்கதமிழ்செல்வனின் கட்சிப் பதவிகளைப் பறித்துவிட்டதாக அறிவித்துவிட்டனர்.

’என்னப்பா இது... இரட்டை இலை நமக்குக் கிடைச்சும் எதுவுமே நடக்கலையே... கனியலையே...’ என்கிறார்கள் அதிமுகவினர்.

‘கரெக்ட்டா... மக்கள் ஓட்டுப் போட ஆரம்பிச்ச கொஞ்ச நேரத்துலதான், 2ஜி வழக்குல குற்றவாளிகள் இல்லைன்னு தீர்ப்பு வந்துச்சு. ஆனாலும் டெபாசிட் கூட வாங்கமுடியலியே...’ என்று அலுத்துக் கொள்கிறார்கள் திமுகவினர்.

‘குஜராத்லயும் திரும்பவும் நம்ம ஆட்சிதான். எல்லாமே மோடி போட்ட பிரச்சார பிளான் தான். ஆனா, நோட்டாவை விட நமக்கு ஓட்டு கம்மிங்கறதை ஜீரணிக்கவே முடியலியே...’ என்று தவிக்கிறார்கள் பாஜகவினர்.

‘பாருய்யா... இரட்டை இலை இல்ல. போன முறை பிரபலப்படுத்திய தொப்பியும் தரல. வழக்கெல்லாம் இன்னும் நிலுவைலதான் இருக்கு. சமீபகாலங்கள்ல, எல்லாமே தோல்வி முகம்தான். ஆனாலும் சுயேச்சையா நின்னு, குக்கர் சின்னத்துல நின்னு, ஜெயிச்சிட்டாரே தினகரன்’ என சொல்லிச் சொல்லி ஆச்சரியப்படுகின்றனர் அரசியல் விமர்சகர்கள்.

அரசியல் விமர்சகர்கள், கட்சியினர், ஊடகவியல் நண்பர்கள் எல்லாவற்றுக்கும் மேலாக ஆர்.கே.நகர் பொதுமக்கள் எனப் பலரிடம் பேசியதில்... தினகரன் ஜெயித்ததற்குப் பின்னே உள்ள காரணங்களை ஓரளவுக்கு அனுமானிக்க முடிந்தது.

03CHRGNGJAYANTHITTV

மகாத்மா காந்தி பிறந்தநாளையொட்டி சென்னை கிண்டி காந்தி மண்டபத்தில் உள்ள அவரது சிலைக்கு மாலை அணிவித்து மரியாதை செலுத்தும் அதிமுக (அம்மா) துணை பொதுச் செயலாளர் டிடிவி தினகரன்.   -  படம்: க.ஸ்ரீபரத்

 

‘என்ன... பணம்தானே...’ என்று ஒற்றை வரியில் சொல்லிவிட முடியாது. அந்தப் பக்கமும் ஆறாயிரம் வரை கொடுக்கப்பட்டிருப்பதை, தேர்தல் சமயத்தில் வலம் வந்தபோது பார்க்கமுடிந்தது. ஆக, பணம் என்பதைக் கடந்து சில விஷயங்களை ஆராய வேண்டியதாகவே படுகிறது, இந்தத் தேர்தலும் வெற்றியும்!

ஜெ.வியூகம்!

எம்ஜிஆர் மறைவுக்குப் பிறகு, அதிமுகவை இரும்பு, எஃகுக் கோட்டையாக உருவாக்கி, தி.மு.க.வையும் ஆனானப்பட்ட கருணாநிதியையும் எதிர்த்துக் களமாடி, வெற்றி பெற்ற வரலாறும் அதற்குப் பின்னேயுள்ள வியூகங்களும் வியக்கச் செய்பவை. இங்கே, இந்த ஆர்.கே.நகர் தொகுதி மக்களிடம் அத்தனை வியூகங்களும் கொண்டு தினகரன் சந்தித்தார். அவரின் அபிமானிகளும் ஆதரவாளர்களும் சந்தித்தனர்.

இங்கே இன்னொரு உண்மையும் வெளிப்படுகிறது. ஒருவேளை... ஜெயலலிதாவுக்குப் பின்னால் சசிகலா மற்றும் அவரின் குடும்பத்தினர் இல்லாதிருந்தால், இந்தியாவின் மூன்றாவது கட்சி எனும் பெயரெடுக்கும் அளவுக்கு அதிமுக வளர்ந்திருக்குமா என்பதையும் யோசிக்க வேண்டியிருக்கிறது. அதாவது இத்தனை அரசியல் மற்றும் தேர்தல் வியூகங்கள் அனைத்துமே சசிகலா மற்றும் சொந்தங்களால் கட்டமைக்கப்பட்டிருக்கிறதோ எனும் சந்தேகம் ஆர்.கே.நகர் தேர்தலின் மூலம் இன்னும் உறுதிப்படுகிறது.

அட்டாக்... அட்டாக்... அட்டாக்!

ஒருவரைத் தொடர்ந்து அட்டாக் செய்து அடக்கிப் பார்க்கும் போது, ஒருகட்டத்தில் மக்களிடம் ஓர் அனுதாபமோ அல்லது ஈர்ப்போ அல்லது அபிமானமோ வந்துவிட வாய்ப்பு உண்டு என்பதே யதார்த்தம். முதல் முறை ஜெயலலிதா ஆட்சிக்கு வந்த கட்டத்தில், அவர் மீதும் அவரின் செயல்கள் மீதும் கோபம். விளைவு... திமுகவை ஜெயிக்க வைத்தார்கள். ஆட்சிக்கு வந்த திமுகவும் நன்றாகவே செயல்பட்டாலும் அடுத்த தேர்தலில் ஜெ... ஜெயித்தார். காரணம்... மக்கள் மன்னித்தார்கள்.

ஒருபக்கம் வழக்குகள், இன்னொரு பக்கம் மத்திய அரசின் கிடுக்கிப்பிடிகள், இந்தப் பக்கம் எல்லோரும் ஒன்றாகச் சேர்ந்துகொண்டு கட்சியில் இருந்து விலக்கிவைத்த நிலைமை, மீண்டும் தொப்பிச் சின்னம் கூடாது என்பதில் உறுதியாக இருந்த தேர்தல் ஆணையம், தொகுதியில் மாநிலப் போலீசே நடத்திய ராணுவக் கட்டுப்பாடுகள் என எல்லாமாகச் சேர்ந்து அவர் செய்த தவறுகளையும் செய்ததாகச் சொல்லும் தவறுகளையும் கடந்து மக்களுக்கு ஓர் அனுதாபம் ஏற்பட்டதாகவே பார்க்க வேண்டியிருக்கிறது.

பணம் தந்தாலும் ஓட்டு குக்கருக்குத்தான்!

அந்தப் பக்கமிருந்து பணம் பட்டுவாடா செய்யப்பட்டதை யார் பார்த்தார்களோ இல்லையோ தொகுதி மக்கள் கூர்ந்து கவனித்தார்கள். ‘இன்னாபா இது. போலீஸே பாதுகாப்பு கொடுக்குது. யாரும் கண்டுக்க மாட்டேங்கிறாங்கோ’ எனும் மிரட்சி மக்களிடம் இருந்தது. இந்தப் பக்கம் வாங்கு. பாவம் தனியா அந்தப் புள்ளைய உட்டுட்டாங்களே...’ என்று குக்கருக்குக் குத்தினார்கள் வாக்குகளை! சொல்லப்போனால், தொப்பி(!)க்குப் போடலாம் என நினைத்த ஓட்டுகள் இவை. நாலாபக்கமும் இருந்து போடப்பட்ட தினகரனுக்கான முட்டுக்கட்டைகளே, அவருக்கான படிக்கட்டுகளாக மாறியிருக்கின்றன என்கிறார்கள் அரசியல் விமர்சகர்கள்.

கட்சி சார்பற்ற ஓட்டு எப்படி?

முன்பெல்லாம் இரண்டு விஷயங்களைச் சொல்லுவார்கள். ஒன்று... இரட்டை இலையை யாராலயும் அசைக்கமுடியாது. அடுத்தது... திமுகவுக்கு விழவேண்டிய ஓட்டு, சிந்தாம சிதறாம திமுகவுக்குக் கிடைச்சே தீரும்! ஆனால் இந்த இரண்டுமே இந்தத் தேர்தலில் மாறியிருக்கின்றன. அவ்வளவு பலம் வாய்ந்தவரா தினகரன்?

அப்படியில்லை... காலமும் சூழலும் அப்படி பலம் பொருந்தியவராக ஆக்கியிருக்கிறது. சாலை வசதி தொடங்கி விவசாயம், கல்வி என பல பிரச்சினைகளில் இந்த ஆட்சியின் ‘கோமா’ நிலை, மக்களை கோபப்பட வைத்தது என்பதை யாராலும் மறுக்கமுடியாது. கிட்டத்தட்ட இந்தத் தேர்தலை, அந்த எதிர்ப்பை ஆட்சியாளர்களுக்குக் காட்டும் விதமாகவோ அல்லது ஆட்சியாளர்களுக்குக் கிடுக்கிப்பிடி போடுவதற்கு தினகரனை கொம்புசீவி விட்டால்தான் நடக்கும் என்று மக்கள் நினைத்தார்களோ..! அதனால் திமுகவுக்கு விழவேண்டிய ஓட்டுகள் கூட, குக்கருக்குள் விழுந்து நிரம்பின.

அதனால்தான் ஜெயலலிதா இங்கே காட்டிய ஓட்டு வித்தியாசத்தை விட, தினகரன் சுமார் அதைத் தாண்டி அதாவது நாற்பதாயிரத்துச் சொச்ச ஓட்டுகள் வித்தியாசத்தில் வென்றிருக்கிறார். வெல்லவைக்கப்பட்டிருக்கிறார் என்கிறார்கள் ஊடகவியலாளர்கள்.

திமுக ஆட்டத்துக்கே இல்லை!

சொல்லப்போனால் இதுதான் இப்போது மக்களின் மனநிலை. அதுவும் ஆர்.கே.நகர் தொகுதியில் மட்டுமான நிலைப்பாடு! பல ஆண்டுகளாக அதிமுகவே தொடர்ந்து ஜெயித்து வரும் தொகுதி என்பது ஒருபக்கம். இரட்டை இலை, தொப்பி, குக்கர் என்றெல்லாம் நடந்த கூத்துகளும் குழப்பங்களும் இன்னொருபக்கம்.

இதற்கெல்லாம் முடிவு வேண்டுமெனில், ஒன்றுபட்ட அதிமுக வேண்டும். இதுவரை ஜெயலலிதாவுடனேயே இருந்த தினகரனுக்கா, அவர்களை வளர்த்தவர்களையே முட்டிப் பதம் பார்த்த ஓபிஎஸ், இபிஎஸ்க்கா? ஒவ்வொரு அமைச்சர்களும் அவர்களின் கம்பர், சேக்கிழார், தெர்மாக்கோல் என உளறல் பேச்சுகளும் நடவடிக்கைகளும் ஏதோவொரு கோபத்துக்கு மக்களைத் தள்ளியிருக்கிறது என்பதை மறுப்பதற்கில்லை.

இதில், திமுக மீது தற்போது எந்தக் கோபமும் இல்லை. அதேநேரம் இப்போது திமுக ஜெயித்தால் கூட, ஜெயிக்க வைத்தால் கூட, சட்டசபையில் ஏதும் நிகழப்போவதில்லை என்கிறார்கள் அரசியல் விமர்சகர்கள். ஆக, ஏதோ நிகழவேண்டும் எனும் பிரேக்கிங் நியூஸ் பரபரப்பில், படபடத்துக் கிடக்கிறார்கள் மக்களும்!

சுயேச்சையா தினகரன்?

 

dinakaran%20ttvjpg

தினகரன் | கோப்புப் படம்: ஆர்.அஸ்வின்

 

கட்சி இல்லை. அமைப்பு மாதிரியான எந்த அடையாளமும் இல்லை. தனியே சின்னம் இல்லை. அப்படியெனில் சுயேச்சைதான். ஆனால் மக்கள் அப்படி சுயேச்சையாகப் பார்க்கவே இல்லை என்கிறார்கள். தினகரனின் இத்தனை வருட அரசியல் பாப்புலாரிட்டியும் சசிகலாவின் உறவு என்கிற அடையாளமும் எம்.பி.யாக இருந்தவர் எனும் கவுரவமும் தாண்டி, ஜெயலலிதா மரணம், சசிகலா சிறைக்குப் பிறகு து.பொ.செ. பதவியும் இன்னொரு லேண்ட்மார்க்காகி விட, ஜெயலலிதாவின் மரணத்துக்குப் பிறகான இடைத்தேர்தலில் அவரே வேட்பாளராக, இன்னும் எகிறிவிட்டது பாப்புலாரிட்டி என்கிறார்கள் இந்தத் தொகுதி மக்கள்!

வெற்றி ஏற்படுத்திய கிலி!

வெற்றிவேல் வெளியிட்ட திடீர் வீடியோவைச் சொல்லவில்லை. அந்த வீடியோ, சசிகலா மற்றும் அவரின் குடும்பத்தாரின் மீதான சந்தேகங்களைத் துடைத்த மாதிரி தெரியவில்லை. வழக்கம் போல், டாக்டர் பீலே மாதிரியானவர்களின் விளக்கங்கள் எப்படி சந்தேகத்தை வலுப்படுத்தியதோ.. .இந்த வீடியோவும் அந்த ரகம்தான் என்பது மக்களின் கருத்து! அதேபோல், வீடியோவால் தினகரனுக்கு ஓட்டும் விழவில்லை. அதன் மீதான சந்தேகத்தால் மதுசூதனுக்கும் ஓட்டு போய்விடவில்லை.

அனைத்தையும் தாண்டிக் கிடைத்த தினகரன் வெற்றி... எடப்பாடி தரப்புக்குள் கிலியை ஏற்படுத்தியிருக்கிறது. வேலூரில் இருந்து ஒரு எம்.பி. போய்ப் பார்த்ததும் இன்னும் எகிறத் தொடங்கிவிட்டது ‘லப்டப்’!

நிதானம், பொறுமை, சிரிப்பு!

மக்களிடம் கேட்டதற்கு, தினகரனின் ப்ளஸ் பாயிண்டுகளாக இதைத்தான் சொல்லுகிறார்கள். ‘அந்தப் புள்ள இவ்ளோ நிதானமா, பக்குவமாச் சொல்லுது’ என்கிறார்கள். ‘யாரையும் அடாவடியாப் பேசலை. கவுரவக் குறைச்சலா பேசலை. சிரிச்ச முகத்தோட, பொறுமையா, மரியாதையா பேசுறது பிடிச்சிருக்கு’ என்கிறார்கள்.

உடல்மொழி எனும் பாடி லாங்வேஜ், வசனம் எனப்படுகிற டயலாக் டெலிவரி என்பவை சினிமாவுக்கு மட்டுமின்றி அரசியலுக்கும் வாழ்க்கைக்குமே தேவை என்பதையே இது காட்டுகிறது. உணர்த்துகிறது.

வித்தியாச பேட்டிகள்!

எல்லோரிடமும் குறிப்பாக அரசியல்வாதிகளிடம் சில டெம்ப்ளேட் பதில்கள் இருக்கும். 2ஜி வழக்கில் தீர்ப்பு வந்தபோது, அதிமுகவினரும் பாஜகவினரும் அடுத்த கோர்ட் இருக்கு. அங்கே பாருங்கா... அங்கே பாப்போம் என்றார்கள். தினகரனிடம் இருந்து வந்த பதில்... பரவாயில்லை... இதை எதுவுமாகவே நான் பார்க்கவில்லை. அவர்களுக்கு என் வாழ்த்துகள்! இந்த பதிலைக் கேட்டு மக்கள் மட்டுமல்லாமல் திமுகவினரே ஆடித்தான் போனார்கள்.

இது கருணாநிதி ஸ்டைல்!

ஜெயலலிதாவின் வியூகம் என்றே வைத்துக் கொள்வோம். ஏனெனில் நமக்கெல்லாம் இரும்புமனுஷியாகத்தான் தெரியும் என்கிறார்கள் அரசியல் விமர்சகர்கள். ஆக தேர்தலும் தேர்தல் களமும் களமாடிய விதமும் மக்களை ஈர்த்த விஷயங்களும் வியூகங்கள். இது ஜெ... ஸ்டைல்!

ஆனால் அந்த ஸ்டைலுக்குள் தினகரன் இன்னொரு ஸ்டைலையும் புகுத்தியிருப்பதாகவே விமர்சகர்கள் பார்க்கிறார்கள். எந்தக் கேள்விக்கும் சளைக்காமல் பதில் சொல்வார் திமுக தலைவர் கருணாநிதி. கேள்விகள் எவ்வளவு வீரியமாக இருந்தாலும் அதை தன் காமெடியாலும் கிண்டலாலும் தவிடுபொடியாக்கிவிடுவார் கருணாநிதி.

ஆக, ஜெயலலிதா பாதி... கருணாநிதி பாதி. கலந்து செய்த கலவை நான் என்று இந்தத் தேர்தல் மூலம் மறைமுகமாக உணர்த்தியிருக்கிறார் தினகரன்.

எது எப்படியோ... தினகரன் வெற்றி, மாநில அரசை மட்டுமல்ல... மத்திய அரசையே யோசிக்க வைத்திருக்கிறது.

யார்கண்டது... பிரேக்கிங்கே இல்லாமல், இனி பிரேக்கிங் நியூஸ் வந்தாலும் ஆச்சரியமில்லை என்கிறார்கள் ஊடகவியல் நண்பர்கள்!

தலைமை இல்லாத வெற்றிடம் இங்கே... அதற்கு விடை தேடும் ஆரம்பம்தான் இந்தத் தேர்தலும் முடிவுமா?

அந்த வெற்றிடத்தை நிரப்புவது யார்?

http://tamil.thehindu.com/tamilnadu/article22275844.ece?homepage=true

Categories: Tamilnadu-news

அதிமுகவிலிருந்து கலைராஜன், நாஞ்சில் சம்பத், புகழேந்தி, சி.ஆர்.சரஸ்வதி நீக்கம்

Mon, 25/12/2017 - 11:25
அதிமுகவிலிருந்து கலைராஜன், நாஞ்சில் சம்பத், புகழேந்தி, சி.ஆர்.சரஸ்வதி நீக்கம்
 
 
download%202

கலைராஜன், நாஞ்சில் சம்பத், புகழேந்தி, சி.ஆர்.சரஸ்வதி உள்ளிட்டோர் கட்சியிலிருந்து நீக்கப்பட்டுள்ளனர். அதிமுக அவசர ஆலோசனை கூட்டத்தில் எடுக்கப்பட்ட முடிவு அறிக்கையாக வெளியிடப்பட்டுள்ளது.

ஆர்.கே.நகர் தேர்தல் தோல்விக்கு பின்னர் அதிமுகவின் அவசர ஆலோசனைக்குழு கூட்டம் சென்னை ராயபேட்டை கட்சி அலுவலகத்தில் கூட்டப்பட்டது. இதில் அதிமுக முக்கிய நிர்வாகிகள், அமைச்சர்கள், எம்.எல்.ஏக்கள் கலந்துக்கொண்டனர். கூட்டத்தின் முடிவில் கட்சியிலிருந்து சிலரையும், மாவட்டச்செயலாளர் பொறுப்பிலிருந்து சிலரையும் விடுவித்துள்ளனர்.

அதிமுக தலைமை சார்பில் இரண்டு அறிக்கைகள் ஓபிஎஸ், இபிஎஸ் கையெழுத்திட்டு வெளியிட்டுள்ள அறிக்கையில் கூறப்பட்டுள்ளதாவது:

கட்சியின் குறிக்கோள்களுக்கும், கொள்கை கோட்பாடுகளுக்கு முரணாக செயல்பட்டதாலும், கட்சியின் கட்டுப்பாட்டை மீறி களங்கம் ஏற்படுத்தும் வகையில் செயல்பட்ட

தென்சென்னை வடக்கு மாவட்டச்செயலாளர் வி.பி. கலைராஜன், நெல்லை மாவட்டச்செயலாளர் பாப்புலர் முத்தையா, கர்நாடக மாநிலச்செயலாளர் புகழேந்தி, கட்சி செய்தி தொடர்பு குழு உறுப்பினர் நாஞ்சில் சம்பத், மகளிர் அணி துணைச் செயலாளர், கட்சி செய்தி தொடர்பு குழு உறுப்பினர் சி.ஆர்.சரஸ்வதி ஆகியோர் இன்று முதல் கட்சியின் அடிப்படை உறுப்பினர் பொறுப்பிலிருந்து நீக்கி வைக்கப்படுகின்றனர் என்று தெரிவிக்கப்பட்டுள்ளது.

இது தவிர மாவட்டச்செயலாளர்கள் வெற்றிவேல், பார்த்திபன், தங்கத்தமிழ்ச்செல்வன், ரெங்கசாமி ஆகியோர் மாவட்டச்செயலாளர் பொறுப்பிலிருந்து நீக்கப்பட்டுள்ளனர். ஆனால் கட்சியிலிருந்து நீக்கப் படவில்லை. இவர்கள் 4 பேரும் தினகரன் அணி ஆதரவு எம்.எல்.ஏக்கள் என்பது குறிப்பிடத்தக்கது. இதற்கான அறிவிப்பை ஓபிஎஸ் இபிஎஸ் ஒன்றாக கையெழுத்திட்டு வெளியிட்டுள்ளனர்.

2603803017996514633931371117763137ojpg

http://tamil.thehindu.com/tamilnadu/article22275319.ece?homepage=true

Categories: Tamilnadu-news

முதல்வர் மாற்றமா? அ.தி.மு.க.,வில் பரபரப்பு

Sun, 24/12/2017 - 19:05
முதல்வர் மாற்றமா? அ.தி.மு.க.,வில் பரபரப்பு
 
 
 

தினகரன் வெற்றி பெற்றதால், முதல்வர் மாற்றம் வரலாம் என்ற பேச்சு, அ.தி.மு.க.,வில் எழுந்துள்ளது.

 

முதல்வர் மாற்றமா? அ.தி.மு.க.,வில் பரபரப்பு


சென்னை, ஆர்.கே.நகர் இடைத்தேர்தலில், சுயேச்சை வேட்பாளர், தினகரன், அபார வெற்றி பெற்றுள்ளார். 'மூன்று மாதங்களில், ஆட்சி கவிழும்' என, வெற்றிக்கு பின், அவர் தெரிவித்துள்ளார். அவரது ஆதரவு, முன்னாள், எம்.எல்.ஏ., தங்கதமிழ்செல்வன், 'எங்கள் பக்கம், 60 எம்.எல்.ஏ.,க்கள் உள்ளனர்' என்றும் கூறியுள்ளார்.இது, அ.தி.மு.க.,வில் சலசலப்பை ஏற்படுத்தி உள்ளது.

 

இது குறித்து, அ.தி.மு.க., வினர் கூறியதாவது:

தினகரன் தரப்பினர் கூறுவது போல், அ.தி.மு.க., - எம்.எல்.ஏ.,க்கள்,

அவர் பக்கம் சாய்ந்தால், ஆட்சிக்கு சிக்கல் ஏற்படும். அதற்குள், கட்சியில் அதிரடி மாற்றங்களை செய் தாக வேண்டும்.ஆர்.கே.நகர் தோல்விக்கு, முதல் வர், பழனிசாமி அணியினர், முறையாக தேர்தல் பணியாற்ற வில்லை என, துணை முதல்வர், பன்னீர் அணியினர் குற்றம் சாட்டுகின்றனர்.


தினகரன் ஆதரவாளர்கள், தற்போதும், அ.தி.மு.க., பொறுப்பில் நீடிக்கின்றனர். அவர்களை நீக்கி விட்டு, புதியவர்களை நியமித்தால் தான், மற்றவர்களுக்கு பயம் வரும். இதை, முதல்வர் பழனிசாமியிடம் பலரும் வலியுறுத்தியுள்ளனர். ஆனாலும், அவர், எந்த நடவடிக்கையும் எடுக்கவில்லை.


அதேபோல, ஆட்சிக்கும், கட்சிக்கும் இரட்டை தலைமை இருப்பதும், பல குழப்பங்களை ஏற்படுத்தி வருகிறது. எனவே, ஜெ., காலம் போல், ஆட்சிக்கும், கட்சிக்கும் ஒருவரே தலைவர் என்ற, முறையை கொண்டு வர வேண்டும். இல்லையேல், கட்சிக்கு ஒருவர், ஆட்சிக்குமற்றொருவர் என்ற, நிலையையாவது ஏற்படுத்த வேண்டும்.


மேலும், ஜெ., செய்தது போல், தேர்தலில் சரிவர செயல்படாத அமைச்சர்களை நீக்கிவிட்டு, புதியவர் களை நியமிக்க வேண்டும். அவர்கள், இங்கே இருந்து, தினகரனுக்கு ஆதரவாக செயல்படுவதை

 

அனுமதிக்கக் கூடாது. ஆளும் கட்சியில், எப்படியாவது கோஷ்டி பூசல் வெடிக்கும்; அப்போது, தன்னிடம் வருவர் என்ற நம்பிக்கை யில், தினகரன், 'விரைவில் ஆட்சி கவிழும்' என, கூறி வருகிறார். அவர் கூற்றுக்கு வலு சேர்ப்பதுபோல்,வேலுார் எம்.பி., செங்குட்டுவன், நேற்று அணி மாறியுள்ளார்.


அத்துடன், ஆறு அமைச்சர்கள், 16 எம்.எல்.ஏ.,க் கள், தினகரனுக்கு, தொலைபேசியில் வாழ்த்து கூறியதாக, அவரது ஆதரவாளர்கள் தெரிவிக் கின்றனர். அது உண்மையெனில், விரைவில், முதல்வர் மாற்றம் அல்லது ஆட்சி மாற்றம் ஏற்படலாம்.இவ்வாறு அவர்கள் கூறினர்.

- நமது நிருபர் -

http://www.dinamalar.com/news_detail.asp?id=1925448

Categories: Tamilnadu-news

ஆர்.கே.நகர் யாருக்கு?

Sun, 24/12/2017 - 03:08
ஆர்.கே.நகர் யாருக்கு?
  •  
download%205jpg

திமுக வேட்பாளர் மருதுகணேஷ், சுயேச்சை வேட்பாளர் டிடிவி தினகரன், அதிமுக வேட்பாளர் மதுசூதனன் (இடமிருந்து வலமாக)

 

சென்னை ஆர்.கே.நகர் தொகுதிக்கான இடைத்தேர்தல் வாக்கு எண்ணிக்கை இன்று (டிச.24) காலை சரியாக 8 மணியளவில் தொடங்கியது. 14 மேஜைகளில் மொத்தம் 19 சுற்றுகளாக இந்த வாக்கு எண்ணிக்கை நடத்தப்படுகிறது.

8.10 AM: ஆர்.கே.நகர் இடைத்தேர்தலில் ஒரே ஒரு தபால் வாக்கு பதிவானது. அந்த தபால் வாக்கு திமுகவுக்கு பதிவாகியுள்ளது.

எதிர்பார்ப்பை ஏற்படுத்திய தேர்தல்..

தமிழக அரசியலில் பலத்த எதிர்பார்ப்பை ஏற்படுத்தியுள்ள ஆர்.கே.நகர் தொகுதி இடைத்தேர்தல் டிசம்பர் 21-ம் தேதி நடந்து முடிந்தது. மொத்தமுள்ள 2 லட்சத்து 28,234 வாக்காளர்களில் 33,994 ஆண்கள், 92,867 பெண்கள், இதர பாலினத்தவர் 24 பேர் என 1 லட்சத்து 76,885 பேர் வாக்களித்துள்ளனர். இதன்படி, இறுதியாக 77.5 சதவீதம் வாக்காளர்கள் தங்கள் வாக்குகளை பதிவு செய்துள்ளனர்.

24THCHENNAIjpg

வாக்குப்பதிவு முடிந்ததும், மின்னணு வாக்குப்பதிவு இயந்திரங்கள், கட்டுப்பாட்டு இயந்திரங்கள் மற்றும் ‘விவி பாட்’ இயந்திரங்கள் ராணி மேரி கல்லூரியில் பாதுகாப்புடன் வைக்கப்பட்டன.

இந்நிலையில் இன்று காலை 8 மணிக்கு, ராணி மேரி கல்லூரியில் முதல் தளத்தில் வாக்கு எண்ணிக்கை தொடங்கியது. 

14 மேஜைகளில் 19 சுற்றுகளாக வாக்கு எண்ணிக்கை:

வாக்கு எண்ணிக்கைக்கு 14 மேஜைகள் போடப்பட்டுள்ளன. ஒரு சுற்றுக்கு 14 வாக்குச்சாவடிகளின் பெட்டிகள் எண்ணிக்கைக்கு எடுத்துக் கொள்ளப்படுகிறது. அதன்படி பார்த்தால் 18 முழு சுற்றுக்கள், ஒரு அரை சுற்று என மொத்தம் 19 சுற்றுக்களாக வாக்குகள் எண்ணப்படுகிறது. வாக்கு எண்ணிக்கை முழுவதும் வீடியோ பதிவு செய்யப்படுகிறது. ‘வெப் காஸ்டிங்’ மூலமும் பார்க்க முடியும். அனைத்தும் வீடியோ பதிவு செய்யப்படுவதால், முறைகேடு நடக்க வாய்ப்பில்லை என தேர்தல் ஆணையம் தரப்பில் தெரிவிக்கப்பட்டுள்ளது.

http://tamil.thehindu.com/tamilnadu/article22270195.ece?homepage=true

#LiveUpdates ஆர்.கே.நகர் முதல் சுற்று முடிவுகள் வெளியானது - தினகரன் முன்னிலை! #RKNagar ்
 

தற்போதைய நிலவரப்படி தினகரன் 412 வாக்குகள் பெற்று முன்னிலையில் உள்ளார். மதுசூதனன் 257 வாக்குகள் பெற்றுள்ளார். மருதுகணேஷ் 93 வாக்குகள் பெற்றுள்ளார். 

தற்போதைய நிலவரப்படி தி.மு.க. மற்றும் அ.தி.மு.க.வின் ஒட்டுமொத்த வாக்குகளை விட அதிக வாக்குகளைப் பெற்றார் சுயேட்சை வேட்பாளர் டி.டி.வி.தினகரன். 

ஆர்.கே.நகர் தேர்தலில் மொத்தம் 4 தபால் வாக்காளர்கள் உள்ளனர். அதில் ஒரு வாக்கு மட்டுமே பதிவாகியுள்ளது. பதிவான ஒரே ஒரு தபால் ஓட்டும் திமுகவுக்கு கிடைத்துள்ளது. 

ஆர்.கே.நகர் இடைத்தேர்தலில் பதிவான 1,76,885 வாக்குகளை எண்ணும் பணித் தொடங்கியது.  இன்னும் சற்று நேரத்தில் முதல் சுற்று நிலவரம் வெளியாகும்.

rknagar

பெரிதும் எதிர்பார்ப்பை ஏற்படுத்தியுள்ள ஆர்.கே.நகர் தேர்தல் முடிவுகள் இன்று வெளியாகிவிடும். இன்னும் சற்று நேரத்தில் வாக்குப்பதிவு தொடங்கவுள்ளது. ஜெயலலிதா தொகுதியை கைப்பற்றப்போவது யார்? அ.தி.மு.க., தி.மு.க., டி.டி.வி.தினகரன் என்று மூன்று பேருமே வெற்றி தங்களுக்குத்தான் என்று சொல்லி வருகிறார்கள்.இந்தத் தேர்தலில் பெறும் வாக்குகள்தாம் தமிழக அரசியல் எதிர்காலத்தை நிர்ணயிக்கப்போகிறது என்றுக் கூட சொல்லலாம்!

 
 
 
 

rk nagar

ஆர்.கே.நகர் இடைத்தேர்தலில் பதிவான வாக்குப் பெட்டிகள் சென்னை ராணி மேரி கல்லூரியில் பலத்த போலீஸ் பாதுகாப்புடன் வைக்கப்பட்டது. இன்று காலை 8 மணிக்கு பலத்த பாதுகாப்புடன் ஓட்டு எண்ணிக்கை தொடங்கும். முதலில் தபால் ஓட்டுகள் எண்ணப்படும். அதையடுத்து, வாக்குப் பதிவு எந்திரங்களில் பதிவான வாக்குகள் எண்ணப்படும். வாக்கு எண்ணும் பணியில் 100 பேர் ஈடுபடுகிறார்கள். வாக்கு எண்ணிக்கைக்காக 14 மேஜைகள் போடப்பட்டுள்ளன. 19 சுற்றுகளில் வாக்கு எண்ணிக்கை நிறைவு பெறும். மொத்தம் 256 பெட்டிகள் இருந்தாலும் யார் வெற்றி பெறுவார் என்ற சாதக பாதக நிலவரம் மதியம் 12 மணிக்குள் தெரிந்துவிடும்.

https://www.vikatan.com/news/rk-nagar/111703-liveupdates-rknagar-bypoll-result-updates.html

Categories: Tamilnadu-news