தமிழகச் செய்திகள்

எடப்பாடி ஆட்சியைக் கவிழ்க்கக் காத்திருக்கும் அந்த '10 அமைச்சர்கள்'!

Wed, 23/08/2017 - 10:23
எடப்பாடி ஆட்சியைக் கவிழ்க்கக் காத்திருக்கும் அந்த '10 அமைச்சர்கள்'!
 
 

எடப்பாடி

ஓ.பன்னீர்செல்வம் துணை முதல்வர் ஆனதில் இருந்து எடப்பாடி பழனிசாமி அணியில் இருக்கும் 10 அ.தி.மு.க அமைச்சர்கள் அதிருப்தியில் இருக்கிறார்கள். அவர்கள், எந்நேரமும் எடப்பாடி அரசுக்கு எதிராகத் திரும்பலாம் என்பதுதான் இப்போது கோட்டை வட்டாரத்தில் ஹாட் டாபிக். அந்த அமைச்சர்களோடும் அவர்களுக்கு நெருங்கியவர்களோடும் டி.டி.வி.தினகரன் டீம் பேசி வருகிறது.

சசிகலா குடும்பத்துக்கு எதிராகத் தர்மயுத்தம் தொடங்கிய ஓ.பன்னீர்செல்வம் விதித்த மூன்று நிபந்தனைகளில், ‘ஜெயலலிதா மரணத்துக்கு நீதி விசாரணை, போயஸ் கார்டன் வீட்டை நினைவு இல்லம் ஆக்குவது’ என்ற கோரிக்கைகளை நிறைவேற்றிவிட்டார் முதல்வர் எடப்பாடி பழனிசாமி. ஆனால், சசிகலா குடும்பத்தை நீக்கும் பிரச்னையில் எடப்பாடியால் உறுதியான நடவடிக்கையை எடுக்க முடியவில்லை. டி.டி.வி.தினகரனைக் கட்சியைவிட்டு ஒதுக்கிவைக்க தீர்மானம் போட்ட அவரால், சசிகாவை நீக்க தீர்மானம் போடமுடியவில்லை. அந்த இழுபறி காரணமாகத்தான் ஆகஸ்ட் 21-ம் தேதி இரு அணிகளின்  இணைப்புக்கு ஓ.கே சொல்ல காலதாமதம் ஆக்கினார் பன்னீர்செல்வம். 

தீர்மானம் போட எடப்பாடி ரெடி என்றாலும் அந்த அணியில் இருக்கும் மூன்று அமைச்சர்கள், அந்தத் தீர்மானத்துக்கு எதிராக இருந்தார்கள். கைத்தறித் துறை அமைச்சர் ஓ.எஸ்.மணியன், கூட்டுறவுத் துறை அமைச்சர் செல்லூர் ராஜு, பால்வளத் துறை அமைச்சர் ராஜேந்திர பாலாஜி ஆகியோர் என்கின்றனர் அ.தி.மு.க தலைமைக் கழகத்தின் உள்விபரம் அறிந்தவர்கள். அதனால்தான் அன்று அந்தத் தீர்மானத்தைப் போடாமல், இணைப்பு முடிந்த பிறகு வைத்திலிங்கம், “பொதுக்குழு கூடி சசிகலா நீக்கப்படுகிறார்” என்று அறிவித்தார். “அது தனிப்பட்ட கருத்து'' என்று கூட்டம் முடிந்தவுடன் வெளியே வந்த அமைச்சர் ஓ.எஸ்.மணியன் கூறிவிட்டார். மேலும், அவர் கூறுகையில், “ஒவ்வொருவரின் தனிப்பட்ட ஆசையை நிறைவேற்றிக்கொள்ள அனைவரும் ஒத்துழைக்க வேண்டும் என்று கட்சியில் எதிர்பார்க்கக் கூடாது' என்று தடாலடியாகச் சொன்னார்.

பன்னீர்செல்வம்

அதுபோலவே, அமைச்சர் செல்லூர் ராஜு மதுரையில் அளித்த பேட்டி ஒன்றில், ''டி.டி.வி.தினகரன் மீண்டும் கட்சிக்குள் வருவார். அவரை இணைத்தால்தான் கட்சிக்கும் நல்லது; ஆட்சிக்கும் நல்லது'' என்று போட்டுடைத்தார். மேலும், அமைச்சரவை மாற்றத்தில் தொழில் துறை அமைச்சர் எம்.சி.சம்பத், வீட்டுவசதித் துறை அமைச்சராக இருந்த உடுமலை ராதாகிருஷ்ணன் ஆகியோர் கடும் அதிருப்தியில் இருக்கிறார்கள். தொழில் துறையோடு கனிமவளத் துறையையும் கவனித்துவந்தார் எம்.சி.சம்பத். இந்தக் கனிமவளத் துறைதான், 'ஜல்லி உடைத்து எடுக்க அனுமதிக்கும். கிரானைட், கிராபைட், சவுடு மண்' போன்றவை எடுக்க அனுமதி கொடுப்பதும் இந்தத் துறைதான். இதுவும் டாஸ்மாக் துறைபோல வளம் கொழிக்கும் துறை. அதைப் பிடுங்கி, சிறைத்துறை அமைச்சர் விழுப்புரம் சி.வி.சண்முகத்திடம் கொடுத்துள்ளார் எடப்பாடி பழனிசாமி. ஒருகாலத்தில் ஓ.பன்னீர்செல்வத்தின் நம்பிக்கைக்குரியவராக இருந்த எம்.சி.சம்பத் இலாகா பறிக்கப்பட்டுள்ளதைக் கவலையோடு பார்க்கிறார்கள் அவரது ஆதரவாளர்கள்.

வீட்டுவசதித் துறை அமைச்சராக இருந்த உடுமலை ராதாகிருஷ்ணன், எப்போதுமே சசிகலா குடும்பத்துக்கு நம்பிக்கைக்குரியவர் என்று முதல்வர் எடப்பாடி பழனிசாமிக்கு போட்டுக் கொடுத்துள்ளது உளவுத்துறை. கோவை மண்டலத்தில் உள்ள மூத்த அமைச்சர் ஒருவருக்கும் உடுமலை ராதாகிருஷ்ணனுக்கும் மோதல் இருந்துவருகிறது. எனவே, பன்னீர்செல்வம் இணைப்பைப் பயன்படுத்தி உடுமலை ராதாகிருஷ்ணனை கால்நடைத் துறை அமைச்சராக்கிவிட்டார்கள். அதுபோலவே, மதுரை, தஞ்சைப் பகுதிகளில் உள்ள அமைச்சர்கள் மனது டி.டி.வி.தினகரன் பக்கம் எந்நேரமும் சாயலாம் என்று முதல்வர் காதுக்குப் போய் இருக்கிறது. டி.டி.வி.தினகரன் சொன்னதுபோல, எடப்பாடி அணிக்கு உள்ளேயே ஸ்லீப்பர் செல்கள் இருக்கின்றன. அவர்கள் எந்நேரமும் எடப்பாடி, பன்னீர் அணிக்கு எதிராகக் கிளம்புவார்கள் எனச் சொல்லப்படுகிறது. மொத்தம் 10 அமைச்சர்கள் தங்கள் பக்கம் வருவார்கள் என்று நம்பிக்கையோடு இருக்கிறார் டி.டி.வி.தினகரன்.

தினகரன்

 

தஞ்சை மற்றும் மதுரை மண்டலங்களைச் சேர்ந்த அமைச்சர்களிடம் பேசிய டி.டி.வி.தினகரன் டீம், “எடப்பாடி ஆட்சி எப்படியும் இந்த டிசம்பர் மாதத்துக்குள் கவிழ்ந்துவிடும். அதன்பிறகு கண்டிப்பாக கவர்னர் ஆட்சி ஓர் ஆண்டு நடக்கும். 2018 இறுதியில்தான் சட்டமன்றத் தேர்தல் வரும். ஆட்சி அதிகாரம் இல்லை என்றால், எடப்பாடி பழனிசாமி அரசியலைவிட்டே ஓடிவிடுவார். நீங்கள், திரும்பவும் எங்களிடம்தான் வர வேண்டும். இதையெல்லாம் மனதில் வைத்துக்கொண்டு முடிவெடுங்கள்” என்று அன்பாகச் சொல்லி வருகிறார்கள். இதையே, எடப்பாடி அணியில் இருக்கும் டி.டி.வி.தினகரன் ஆதரவு ஸ்லீப்பர் செல்கள் மூலம் அங்கு பரப்பப்படுகிறது.

http://www.vikatan.com/news/coverstory/100078-those-10-ministers-waiting-to-dissolve-the-rule-of-edappadi-palanisamy.html

Categories: Tamilnadu-news

இணைப்பு முடிந்தது! கவிழ்ப்பு ஆரம்பம்!

Wed, 23/08/2017 - 08:28
மிஸ்டர் கழுகு: இணைப்பு முடிந்தது! கவிழ்ப்பு ஆரம்பம்!
 

 

p42a.jpgழுகார் முகத்தைப் பார்த்ததும், ‘‘ஒருவழியாக ஒன்று சேர்ந்து விட்டார்களே?” என்றோம்.

‘‘ஆம்... இணைப்பு முடிந்தது! அடுத்து கவிழ்ப்பு வேலைகள் ஆரம்பம்” என்றார் கழுகார்.

‘‘அதற்குள்ளாகவே கவிழ்ப்பா?”

‘‘ஒன்று சேர்ந்தது எடப்பாடியும் பன்னீர்செல்வமும்தானே? தினகரன் இன்னமும் உறுமிக்கொண்டுதானே இருக்கிறார்! ஆட்சிக் கவிழ்ப்பு வேலைகளில் அவருடைய ஆதரவாளர்கள் இறங்கிவிட்டார்களே...” என்று பீடிகை போட்டவரிடம் வரிசையாகக் கேள்விகளை அடுக்கினோம்.

‘‘ஆறு மாதங்களுக்கும் மேலான தர்மயுத்தம் ஒரே வாரத்தில் முடிவுக்கு வந்தது எப்படி?’’

‘‘தர்மயுத்தம் தொடங்கிய ஓ.பன்னீர்செல்வம் தொண்டர்களிடமும் மக்களிடமும் நியாயம் கேட்டதைவிட, டெல்லியில் முறையிட்டதுதான் அதிகம். ஜனாதிபதி மற்றும் துணை ஜனாதிபதி தேர்தலிலும் பி.ஜே.பி வேட்பாளரை பன்னீர்செல்வமும் எடப்பாடி பழனிசாமியும் விழுந்து விழுந்து ஆதரித்தனர். துணை ஜனாதிபதியாக வெங்கைய நாயுடு பதவி ஏற்றபோது டெல்லி சென்ற பன்னீர்செல்வமும் எடப்பாடியும் பிரதமர் மோடியைப் பார்க்க நேரம் கேட்டனர். இம்முறை பிரதமர் அலுவலகத்தில் கொஞ்சம் கடுமையாகவே பேசினார்களாம். எடப்பாடிக்கு மட்டும் அப்போதே அப்பாயின்ட்மென்ட் கிடைத்தது. மூன்று நாள்கள் கழித்தே மோடியை பன்னீரால் சந்திக்க முடிந்தது. ‘இரு அணிகளையும் இணைத்து விடுகிறோம் என்று டெல்லி வரும்போது சொல்கிறீர்கள். ஆனால், சென்னை சென்ற பிறகு நிறைய நிபந்தனைகளை விதித்து முட்டுக்கட்டை போடுகிறீர்கள். அடுத்தமுறை இருவரும் சேர்ந்து சந்திக்க வாருங்கள்’ என்று கறாராகச் சொல்லி அனுப்பிவிட்டார் மோடி. அதனால்தான், இணைப்புக்கு இந்த அளவுக்கு வேகம் காட்டினார்கள். ஆகஸ்ட் 14-ம் தேதி மேலூரில் டி.டி.வி.தினகரன் நடத்திய எம்.ஜி.ஆர் நூற்றாண்டு விழாவுக்கு முன்னரே இணைப்பை நடத்த பேச்சுவார்த்தைத் தொடங்கியது. ஆனால், இரு அணிகளிலும் வைக்கப்பட்ட நிபந்தனைகள் மிக நீளமாக இருந்ததால், சற்றே தள்ளிப்போனது.’’

p42.jpg

‘‘என்ன நிபந்தனைகள்?’’

‘‘எடப்பாடி அணியினர் கூடி, ‘துணைப் பொதுச்செயலாளராக தினகரன் நியமிக்கப்பட்டது செல்லாது’ என்று அறிவிப்பைச் செய்தார்கள் அல்லவா? அதிலேயே பன்னீர் கூல் ஆகிவிட்டாராம். ஆனால், அந்த அணியைச் சேர்ந்த முனுசாமி, மனோஜ் பாண்டியன் ஆகியோர்தான், ‘நமது கோரிக்கைகள் முழுமையாக நிறைவேறாமல் நாம் அங்கு போனால் சிக்கலாகிவிடும்’ என்று பன்னீருக்குத் தடை போட்டார்கள். பன்னீர் அணி சார்பில் எடப்பாடி அணியுடன் மாஃபா பாண்டியராஜன்தான் பேச்சுவார்த்தை நடத்தினார். இணையவேண்டிய நெருக்கடி எடப்பாடி அணிக்கும் இருந்தால், இறங்கி வர அவரும் தயாராகத்தான் இருந்தார். 16 -ம் தேதி இரவு, எடப்பாடி வீட்டில் செங்கோட்டையன், தங்கமணி, வேலுமணி உள்ளிட்ட மூத்த அமைச்சர்கள் ஆலோசனை செய்துள்ளார்கள். அந்த ஆலோசனைக்குப் பிறகு  தங்கமணியை அன்றிரவே சந்தித்தார் பாண்டியராஜன். ‘வெள்ளிக்கிழமைக்குள் இணைப்பை முடித்துவிட வேண்டும்’ என்று தங்கமணி சொல்ல, ‘எங்கள் கோரிக்கைகள் என்ன ஆகின?’ என்று பாண்டியராஜன் கேட்டார். ‘அதை நாங்கள் பார்த்துக்கொள்கிறோம்’ என்று நம்பிக்கை கொடுத்துள்ளார் தங்கமணி. நம்பிக்கையுடன் பன்னீர் அணி காத்திருந்தது. 17-ம் தேதி மாலை திடீரென எடப்பாடி பழனிசாமி செய்தியாளர்களைச் சந்திக்க இருப்பதாக தகவல் வந்துமே, பெரும் எதிர்பார்ப்பு எழுந்தது. ‘ஜெயலலிதாவின் வீட்டை நினைவு இல்லம் ஆக்குவது, மரணம் குறித்த விசாரணைக் கமிஷன் அமைப்பது’ என இரண்டு அறிவிப்புகளை வெளியிட்டார் முதல்வர். இந்த இரண்டு கோரிக்கைகளும் பன்னீர் அணியினர் தரப்பிலிருந்து வைக்கப்பட்டவை. அன்று இரவே பேச்சுவார்த்தைச் சுமுக திசையை நோக்கி நகர்ந்தது. அந்த நம்பிக்கையில்தான் ‘18-ம் தேதி  அன்று இணைப்புக்கு வாய்ப்பு இருக்கிறது’ என்று சொன்னார்கள்.’’

‘‘பிறகு தள்ளிப்போனது எதனால்?’’

‘‘பன்னீருக்குத் துணை முதல்வர் என்பது ஆரம்பத்திலேயே முடிவாகிவிட்டது. நிதித்துறையைக் கொடுக்கத் தயாராக இருந்தார்கள். பொதுப்பணித்துறையை பன்னீர் எதிர்பார்த்தார். அதை ஆரம்பத்திலேயே இல்லை என்று சொல்லி விட்டார்கள். செம்மலைக்கு அமைச்சர் பதவி தருவதில் எடப்பாடிக்கு விருப்பம் இல்லை. ‘பாண்டியராஜனுக்கு அமைச்சர் பதவி தருவோம். ஆனால், பள்ளிக் கல்வித்துறை கிடையாது’ என்று சொல்லப்பட்டு விட்டது. ‘துறைகளை மாற்ற ஆரம்பித்தால் எல்லாமே குளறுபடி ஆகிவிடும்’ என்று சொல்லி விட்டாராம் முதல்வர். ‘கே.பி.முனுசாமி, மனோஜ் பாண்டியன், பொன்னையன் உள்ளிட்டவர்களுக்கு என்ன செய்யப் போகிறீர்கள்’ என்று கேட்டுள்ளார்கள். பன்னீர் தரப்பின் இந்தப் பட்டியலைப் பார்த்து எடப்பாடி தரப்பு சைலன்ட் மோடுக்குப் போய்விட்டது. ‘தன்னோடு இருக்கும் அனைவருக்கும் பதவி வாங்கிக் கொடுக்க நினைத்தால் என்ன செய்வது?’ என்று புலம்பியுள்ளார்கள். ‘எல்லாருக்கும் பதவி கொடுப்பது என்றால், சும்மா ஏதாவது பொறுப்புகளை உருவாக்கிக் கொடுக்க வேண்டியதுதான்’ என்று மூத்த அமைச்சர் ஒருவர் கிண்டல் அடித்து இருக்கிறார்.’’

‘‘ம்..!’’

‘‘எடப்பாடி அணியினர் மறைமுகமாகவே இதுவரை பன்னீரைச் சந்தித்து வந்தார்கள். ஆனால், 18-ம் தேதி  வெளிப்படையாக சந்திப்புகள் தொடங்கின. போரூர் ராமச்சந்திரா மருத்துவமனையில் அனுமதிக்கப்பட்டிருக்கும் பன்னீரின் தாயாரை நலம் விசாரிக்கச் செல்லும் சாக்கில் பதவிப் பங்கீடு பற்றி மருத்துவமனையில் வைத்தே, தங்கமணியும் வேலுமணியும் பேச்சுவார்த்தை நடத்தியுள்ளார்கள். அப்போது பன்னீர், ‘எனக்கு அமைச்சர் பதவியைவிட கட்சிப் பதவி முக்கியம். தொண்டர்கள் யார் பக்கம் இருக்கிறார்கள் என்பது உங்களுக்குத் தெரியும்’ என்று திரும்பத் திரும்பச் சொல்லியுள்ளார். அதாவது, ‘பொதுச்செயலாளர் அந்தஸ்தில் சின்னத்தை ஒதுக்கும் ஃபார்ம் பி-யில் கையெழுத்திடும் அதிகாரம் தனக்கு வேண்டும்’ என்பதை மறைமுகமாகச் சொல்லியுள்ளார். பேச்சு வார்த்தையில் ஈடுபட்ட அமைச்சர்களும், ‘சரி, நாங்கள் முதல்வரிடம் பேசிவிட்டுச் சொல்கிறோம்’ என்று கிளம்பிவிட்டார்கள்.’’

p42b.jpg

‘‘அப்புறம் என்ன நடந்தது?’’

‘‘முதல்வருடன் வேலுமணி, தங்கமணி, செங்கோட்டையன் உள்ளிட்டவர்கள் ஆலோசனையில் ஈடுபட்டனர். பாண்டியராஜன் மூலம் பன்னீர் தரப்பிடம் தொடர்புகொண்டு, ‘இரண்டு பேருக்கு அமைச்சர் பதவி, நெடுஞ்சாலைத் துறையும், வீட்டுவசதித் துறையும் தருகிறோம். உள்துறை தரமுடியாது. இணைப்புக்குப் பிறகு கட்சிப் பொறுப்பைப் பார்த்துக்கொள்ளலாம். இப்போது பன்னீர் வழிகாட்டுக்குழுத் தலைவராக இருப்பார். மாலையே ஜெயலலிதா சமாதிக்குச் சென்று மரியாதை செலுத்திவிட்டு முறைப்படி அறிவித்துவிடலாம்’ என்று சொல்லியுள்ளார்கள். பாண்டியராஜனும் இதை ஏற்றுள்ளார். அந்த நம்பிக்கையில்தான் ஜெயலலிதா சமாதிக்கு மலர் அலங்காரம், முதல்வர் பயணத் திட்டம் எல்லாம் ரெடியானது. ஆனால், பன்னீர் வீட்டில் நடந்த ஆலோசனையில் ஏகப்பட்ட பஞ்சாயத்தாகி விட்டது.’’

‘‘என்ன பஞ்சாயத்தாம்?’’

‘‘சசிகலாவைக் கட்சியை விட்டு நீக்குகிறோம் என்று அவர்கள் சொல்லாமல் நாம் இணையக் கூடாது. கே.பி.முனுசாமிக்கு முக்கியப் பொறுப்பு வேண்டும் என்று கிரீன்வேஸ் சாலையில் உள்ள பன்னீர் பங்களாவில் பரபரப்பு வாதம் நடந்துள்ளது. மாலை ஏழு மணிக்குச் சமாதிக்கு வருவார்கள் என்று எல்லோரும் எதிர்பார்க்க, பேச்சுவார்த்தை இழுத்துக்கொண்டே சென்றுள்ளது. முதல்வர் வீட்டிலும் பன்னீர் வீட்டிலும் செல்போன்கள் சிணுங்கிக்கொண்டே இருந்தன. பன்னீர் அணியினர் இறங்கி வரவில்லை என்பதை எட்டு மணிக்கு மேல் உணர்ந்த எடப்பாடி தரப்பு, அன்றைய இணைப்பு அறிவிப்பை ஒத்திவைத்து விட்டது. ‘இணைப்புக்கு இப்போது வழியில்லை’ என்ற கடுப்பில், ஆலோசனைக் கூட்டத்தில் இருந்து கடுப்புடன் வெளியேறிவிட்டார் மதுசூதனன். ‘எப்படியும் இணைப்பு நடந்துவிடும்’ என்று எதிர்பார்த்த பாண்டியராஜனும் நொந்துவிட்டாராம்’’.

‘‘பன்னீர் அணியில் யாரெல்லாம் எதிர்ப்பு தெரிவித்தார்கள்?’’

‘‘மைத்ரேயன், கே.பி.முனுசாமி, மனோஜ் பாண்டியன் ஆகிய மூவரும்தான். ‘இணைப்புக்குப் பிறகு சசிகலா குடும்பத்தின் ஆளுமை கட்சிக்குள் இருந்தால் சிக்கலாகிவிடும். சின்னத்தை ஒதுக்கும்  பி ஃபார்ம் பி-யில் கையொப்பமிடும் உரிமையை நமக்குக் கொடுத்தால் இணைப்பை நடத்தலாம். எடப்பாடியின் அரசியலை நாம் நம்பமுடியாது என்று பன்னீரிடம் சொல்லியுள்ளார்கள். பன்னீரோ, ‘டெல்லியில் இருந்து எனக்கு வரும் பிரஷர் உங்களுக்குப் புரியவில்லை’ என்று புலம்பியுள்ளார். வேலுமணி, தங்கமணி ஆகியோரைத் தொடர்புகொண்ட பன்னீர், ‘சசிகலா குறித்து ஒரு அறிவிப்பு வெளியிட வேண்டும். அதைச் செய்தால்தான் இங்கிருக்கும் மற்றவர்களை என்னால் சமாதானம் செய்ய முடியும்’ என்று சொல்லி இருக்கிறார். ‘இணைப்பு சமயத்தில் நடக்கும் நிர்வாகிகள் கூட்டத்தில் சசிகலாவை நீக்கித் தீர்மானம் போட்டுவிடலாம்’ என்று அந்தத் தரப்பு சொன்னது. ஒருவழியாக நிலைமை சுமுகமானது.’’

‘‘ஆனால், கவர்னர் சென்னைக்கு வந்த பிறகும், காலை 11 மணிக்கு அ.தி.மு.க அலுவலகத்துக்கு வர வேண்டிய பன்னீர், மதியத்துக்குப் பிறகுதானே வந்தார்?’’ 

‘‘18 மற்றும் 19-ம் தேதி என இரண்டு நாள்களும் நள்ளிரவுப் பேச்சுவார்த்தைகள் இரு தரப்புக்கும் நடந்தன. ஆனால், சசிகலாவை நீக்குவது குறித்து நடந்த பேச்சுவார்த்தைதான், பன்னீர் வருகையைத் தாமதமாக்கியது. அதுகுறித்து பன்னீரோடு பேசவே வேலுமணியும் தங்கமணியும் ஓர் ரகசிய இடத்துக்குச் சென்று இருந்தனர். இந்தக் பேச்சுவார்த்தைகள் நடந்து கொண்டிருந்தபோது, பன்னீர் தன்னுடைய ஆதரவாளர்கள் அனைவரையும் ராயப்பேட்டை கட்சி அலுவலகத்துக்கு விரட்டிவிட்டார். அதனால்தான் பன்னீர் வருகை லேட் ஆனது. பன்னீர் பெரிதும் நம்பும் ஆர்.எஸ்.எஸ் பிரமுகரை இரண்டு தரப்பினரும் சந்தித்துப் பேசினர். அவர்தான் சமரச உடன்படிக்கையை முடிவு செய்தார் என்கிறார்கள்.’’

‘‘இப்படியாக இணைப்பு சாத்தியம் ஆகிவிட்டது. அடுத்து கவிழ்ப்பு என்கிறீரே?”

‘‘21-ம் தேதி கட்டப் பஞ்சாயத்து ரீதியில் இரண்டரை மணி நேர பேச்சுவார்த்தைக்குப் பின்னர், தர்ம யுத்தத்தை முடித்து பன்னீர்செல்வம் ராயப்பேட்டையில் உள்ள அ.தி.மு.க தலைமை அலுவலகத்துக்கு வந்தார். இதையெல்லாம் நேரலையில் பார்த்துக் கொண்டிருந்த டி.டி.வி.தினகரன் சொன்ன வார்த்தை, ‘எட்டப்பன்கள் ஒன்றுகூடி விட்டனர்’ என்ற ஒற்றைவரி கமென்ட் மட்டும்தான். அவரைச் சந்தித்த சில எம்.எல்.ஏ-க்கள், ‘கவர்னரைப் பார்க்கப் போவோம் வாருங்கள்’ என்று அழைத்தனர். அப்போது அவருக்கு ஏதோ போன் வந்தது. ‘பொறுத்திருங்கள்’ என்று மட்டும் சொல்லி விட்டு தன்னுடைய அறைக்குள் சென்றுவிட்டார் தினகரன். மொத்தம் 19
எம்.எல்.ஏ-க்கள் வெளிப்படையாக இதுவரை தினகரன் பக்கம் வந்துள்ளார்கள்.’’

‘‘ஆட்சி நிலைக்க 117 உறுப்பினர் ஆதரவு வேண்டும். 19 எம்.எல்.ஏ-க்கள் மாற்றி வாக்களித்தால் ஆட்சி கவிழ்ந்து போகுமே?”

‘‘ஆமாம்! தி.மு.க கூட்டணியில் 98 எம்.எல்.ஏ-க்கள் இருக்கிறார்கள். இவர்களோடு தினகரன் பக்கம் இருக்கும் 19 எம்.எல்.ஏ-க்களும் சேர்ந்து வாக்களித்தால் நம்பிக்கை இல்லா தீர்மானத்தை ஆதரித்து 117 உறுப்பினர்கள் வாக்களிப்பார்கள். இந்த நிலையில் தினகரன் தரப்பில் இருந்து தி.மு.க தரப்புக்குத் தூது போனதாகவும் உளவுத்துறை ஒரு தகவலைப் பரப்புகிறது!”

‘‘அது என்ன?”

‘‘தினகரன் சார்பில், ‘நாங்கள் நம்பிக்கை இல்லாத் தீர்மானம் கொண்டு வருகிறோம். நீங்கள் ஆதரியுங்கள். பி.ஜே.பி-யை எதிர்க்கும் கொள்கையில் நாங்கள் உறுதியாக இருக்கிறோம். நீங்களும் எங்கள் நிலைப்பாட்டில் இருக்கிறீர்கள். இந்த எண்ண ஓட்டத்தில் இருக்கும் நாம் தமிழக அரசியல் களத்தில் இணைந்து செயல்படலாம்’ என்ற ரீதியில் தி.மு.க-வுக்குத் தகவல் அனுப்பினார்களாம். ‘உங்களுடன் எந்த வகையில் ஆதரவுக் கரம் நீட்டுவது என்பது பற்றி எங்கள் கட்சியின் முக்கிய பிரமுகர்களுடன் பேசிவிட்டுச் சொல்கிறேன்’ என்று ஸ்டாலின் சொன்னதாக உளவுத்துறையில் பேசப்படுகிறது. ‘ஸ்டாலின் தலைமையில் ஆட்சி அமைக்கலாம். துணை முதல்வராக தினகரன் ஆகலாம். தினகரன் ஆதரவு எம்.எல்.ஏ-க்களில் எட்டு பேர் அமைச்சர்கள்’ என்றெல்லாம் சிலர் பேச ஆரம்பித்துவிட்டார்கள்.”

p42f.jpg

‘‘இதுபற்றி தி.மு.க வட்டாரத்தில் விசாரித்தீரா?”

‘‘அவர்களைக் கேட்டால் சிரிக்கிறார்கள். ‘சசிகலா குடும்பத்தின் முதுகில் சவாரி செய்து ஆட்சியில் அமர்ந்தால், தமிழக மக்கள் எங்கள் மீது வெறுப்பாகிவிடுவார்கள். அவர்களுடன் கூட்டணி சேர்ந்தால், எங்களையும் சேர்த்தே மக்கள் தூக்கி எறியத் தவறமாட்டார்கள்’ என்று சொல்கிறார்கள் அவர்கள்.”

‘‘அடுத்து என்ன நடக்கும்?”

‘‘22-ம் தேதியன்று காலை தினகரன் அணி எம்.எல்.ஏ-க்கள் தமிழக கவர்னர் வித்யாசாகர் ராவைச் சந்தித்து, ‘முதல்வர் எடப்பாடிக்கு அளித்த ஆதரவை வாபஸ் பெற்றுக்கொள்கிறோம்’ என்று கடிதம் கொடுத்துள்ளார்கள். அடுத்து, ஸ்டாலினும் நம்பிக்கை இல்லா தீர்மானம் கொண்டுவர அனுமதிக்கும்படி கேட்கப்போகிறார். தமிழக சட்டசபையில் நம்பிக்கை இல்லா  தீர்மானத்தைக் கொண்டுவரும் முன்பு, அந்த தீர்மானத்தைக் கொண்டு வர 24-க்கும் குறையாத எம்.எல்.ஏ-க்கள் தேவை. இந்த அளவுக்கு தினகரன் கோஷ்டியினரிடம் எம்.எல்.ஏ-க்கள் இதுவரை இல்லை. தி.மு.க-வின் ஆதரவு இதற்குத் தேவை. ‘தி.மு.க-வின் உதவியோடு ஜெயலலிதாவின் ஆட்சியைக் கவிழ்ப்பதா’ என்ற தயக்கம் மட்டும் சில எம்.எல்.ஏ-க்களுக்கு இருக்கிறது. இதுவரை 19 எம்.எல்.ஏ.க்கள் ஆதரவு தினகரனுக்கு இருக்கிறது. இன்னும் பத்துப் பேரைச் சேர்த்து மொத்தமாக ராஜினாமா செய்வதும் தினகரனின் திட்டத்தில் இருக்கிறது என்றும் சொல்கிறார்கள். தினகரன் ஆதரவு எம்.எல்.ஏ-க்கள் புதுச்சேரியில் ‘பாதுகாப்பாக’ இருக்கிறார்கள். கூவத்தூர் 2.0 ஸ்டார்ட்ஸ்’’ என்ற கழுகார், பறந்தார்.

படங்கள்: கே.ஜெரோம், வி.ஸ்ரீனிவாசுலு

விஜயபாஸ்கரின் திடீர் கோபம்!

‘‘செம்மலைக்கு மக்கள் நல்வாழ்வுத் துறை வேண்டும் என பன்னீர் தரப்பில் கேட்கிறார்கள்’’ என்று எடப்பாடி பழனிசாமி, சுகாதாரத் துறை அமைச்சர் விஜயபாஸ்கரை அழைத்துச் சொல்லியுள்ளார். விஜயபாஸ்கர் பதில் எதுவும் சொல்லாமல், பக்கத்தில் இருக்கும் மூத்த அமைச்சர் ஒருவரின் அறைக்குள் நுழைந்துள்ளார். “முதல்வர் என்ன நினைத்துக்கொண்டிருக்கிறார்? நான் அம்மாவால் இந்தத் துறைக்கு நியமிக்கப்பட்டவன். என்னை மாற்ற நினைத்தால் அதன் விளைவுகளை எல்லோரும் எதிர்கொள்ள நேரிடும்” என்று கடுமையாகச் சொன்னாராம். அதன்பின் விஜயபாஸ்கரைத் தொந்தரவு செய்யவில்லை.

p42c.jpg

நிதி தந்ததால் பறிகொடுத்த உடுமலை!

பன்னீருக்குத் துணை முதல்வர் பொறுப்புடன் நிதி மற்றும் வீட்டுவசதித் துறை ஒதுக்கப்பட்டுள்ளது. பன்னீர் தரப்புடன் பேச்சுவார்த்தை ஆரம்பித்தபோதே வீட்டுவசதித் துறையை அவருக்குத் தருவதாக உறுதி கொடுத்தது எடப்பாடி தரப்பு. இதுவரை வீட்டுவசதித் துறை அமைச்சராக இருந்தவர், உடுமலை ராதாகிருஷ்ணன். அவர் சசிகலா குடும்பத்துக்கு நெருக்கமானவர். இதனால், ‘சீனியர் மந்திரிகள் சொல்வதை அவர் கேட்பது இல்லை’ என்ற குற்றச்சாட்டு இருந்து வந்தது. உடுமலை ராதாகிருஷ்ணனோடு இருக்கும் காளிதாஸ் என்பவர் டி.டி.வி.தினகரனின் மேலூர் கூட்டத்தில் கலந்து கொண்டார் என்று உளவுப் பிரிவு நோட் போட்டதாம். அதோடு, அந்தக் கூட்டத்துக்கு உடுமலை ராதாகிருஷ்ணன் நிதி உதவி செய்ததாகவும் சொல்கிறார்கள். இதனால், ‘நேரம் பார்த்து உடுமலையைக் காலி செய்துவிட்டார் எடப்பாடி’ என்கிறார்கள்.

பறிகொடுத்த சம்பத்!

எம்.சி.சம்பத் கையில் தொழில்துறையோடு கனிமவளத்துறையும் இருந்தது. இணைப்பு பேச்சுவார்த்தை துவங்கியதுமே சம்பத்தை அழைத்த முதல்வர் பழனிசாமி, ‘‘தொழில்துறையை பன்னீர் அணியினர் கேட்கிறார்கள். நான்தான் அவர்களைச் சரிக்கட்டி வருகிறேன்” என்று சொல்லியுள்ளார். பன்னீருக்கு நெருக்கமானவர் சம்பத். மீண்டும் இருவருக்கும் நெருக்கம் வந்துவிடாமல் தடுக்க, இந்த அஸ்திரம் வீசப்பட்டது என்கிறார்கள். இணைப்பு அன்று காலை சம்பத்தை அழைத்து, ‘‘கனிமவளத்துறையை சி.வி.சண்முகத்திடம் கொடுத்துவிடலாம். தொழில் துறை மட்டும் உங்களிடம் இருக்கட்டும்” என்று சொல்லிவிட்டாராம். ‘‘தினகரனுக்கு எதிராக அமைச்சர்கள் கிளர்ந்து எழுந்தபோது, முதல் எதிர்ப்புக்குரலை ஒலித்தவர் சி.வி.சண்முகம். அதனால் அவர்மீது எடப்பாடி தனிப் பாசம் காட்டுகிறார். எனவேதான் அவருக்குக் கூடுதல் பொறுப்பு’’ என்கிறார்கள்.

p42d.jpg

பொதுக்குழுவில் குழப்பம் வெடிக்கும்!

‘சசிகலாவை நீக்கித் தீர்மானம் நிறைவேற்ற வேண்டும்’ என்று பன்னீர் அணியினர் விடாப்பிடியாக இருந்தார்கள். அந்தக் கோரிக்கையை நிறைவேற்றும் முடிவுக்கு எடப்பாடி வந்ததும், அமைச்சர்கள் சிலரே எடப்பாடியிடம் எகிற ஆரம்பித்துள்ளார்கள். ‘‘சசிகலாவை நீக்கித் தீர்மானம் கொண்டுவந்தால் அதில் நாங்கள் கையெழுத்திட மாட்டோம், இணைப்பு விழாவில் இருந்தே வெளிநடப்பு செய்துவிடுவோம்’ என்று ஓ.எஸ்.மணியன், ராஜேந்திர பாலாஜி, கடம்பூர் ராஜு உள்ளிட்ட அமைச்சர்கள் போர்க்கொடி தூக்கியுள்ளார்கள். அதனால்தான், ‘பொதுக்குழுவைக் கூட்டி சசிகலாவை நீக்குவோம்’ என்ற வைத்திலிங்கத்தை விட்டுச் சொல்ல வைத்தார்கள். ஆனால், இதையும் எதிர்த்துள்ளார் ஓ.எஸ்.மணியன். ‘பொதுக்குழுவைக் கூட்டும்போதுதான் குழப்பம் வெடிக்கும்’ என்கிறார்கள்.

p42e.jpg

செங்கோட்டையனுக்கு மூன்று அட்டாக்!

எடப்பாடி தரப்பில் சக்திவாய்ந்தவர்களாக இருப்பவர்கள் கொங்குமண்டலத்தைச் சேர்ந்த தங்கமணி, வேலுமணி ஆகிய இருவரும்தான். பன்னீர் தரப்புக்குத் தன் வசம் உள்ள பொதுப்பணித்துறை, நெடுஞ்சாலைத்துறையைத் தர எடப்பாடி முன்வரவில்லை. அதேபோல், தங்கமணி வசம் உள்ள மதுவிலக்கு தீர்வை, மின்வாரியம் ஆகியவற்றில் ஒன்றைத் தர இஷ்டமில்லை. வேலுமணி வசம் உள்ள உள்ளாட்சித் துறையைப் பெற பன்னீர்செல்வம் தரப்பினர் எவ்வளவோ முயன்றும் தர மறுத்துவிட்டனர். ஆனால், செங்கோட்டையனை மட்டும் காவு வாங்கிவிட்டார்கள். அவரிடம் இருந்த பல துறைகளைப் பிரித்து பாண்டியராஜனுக்கும் பாலகிருஷ்ண ரெட்டிக்கும் கொடுத்துவிட்டார்கள். தலைமைச் செயலகத்தில் செங்கோட்டையன் இருந்த அறையை இப்போது பன்னீர்செல்வத்துக்கு ஒதுக்கிவிட்டார்கள். சசிகலா கொடுத்த அவைத் தலைவர் பதவியும் பறிபோகிறது. இப்படி மூன்று வித அட்டாக்குகளால் கதிகலங்கிப்போயிருக்கிறார் செங்கோட்டையன்.

‘‘மதவாதக் கட்சியுடன் சேர மாட்டோம்!’’

கடந்த இதழ் கழுகார் பகுதியில், ‘பி.ஜே.பி அமைக்கும் மெகா கூட்டணியில் பா.ம.க-வும் இடம் பெறுவதாக’ வந்த தகவலை எழுதியிருந்தோம். ஆனால், ‘‘திராவிடக் கட்சிகளுடனோ, மதவாதக் கட்சிகளுடனோ எந்தக் காலத்திலும் கூட்டு சேர்வதில்லை என்பதில் உறுதியாக இருக்கிறோம்’’ என அன்புமணி ராமதாஸ் தீர்மானமாகச் சொல்கிறார்.

http://www.vikatan.com/juniorvikatan

Categories: Tamilnadu-news

‘முதல்வரை மாற்றுவதுதான் என் வேலையா?!’ - கொதி கொதித்த ஆளுநர் வித்யாசாகர் ராவ் #VikatanExclusive

Wed, 23/08/2017 - 08:27
‘முதல்வரை மாற்றுவதுதான் என் வேலையா?!’ - கொதி கொதித்த ஆளுநர் வித்யாசாகர் ராவ் #VikatanExclusive
 

ஆளுநர் வித்யாசாகர் ராவ்

மீண்டும் ஓர் அரசியல் சர்ச்சையில் சிக்கியிருக்கிறார் ஆளுநர் வித்யாசாகர் ராவ். ‘முதல்வர் மீதான நம்பிக்கையை இழந்துவிட்டோம்' என தினகரன் ஆதரவு எம்.எல்.ஏக்கள் அளித்த கடிதத்துக்கு இன்னமும் ஆளுநர் அலுவலகம் பதில் அளிக்கவில்லை. ‘என்னை தேவையில்லாமல் அரசியலுக்குள் இழுக்காதீர்கள். முதல்வரை தேர்வு செய்வது என் வேலையா?' எனக் கொதிப்பை வெளிப்படுத்தியிருக்கிறார் ஆளுநர் வித்யாசாகர் ராவ். 

சென்னை, வானகரம் பொதுக் குழுவில் கட்சியின் பொதுச் செயலாளராக தேர்வு செய்யப்பட்ட சசிகலா, கட்சி எம்.எல்.ஏக்களால் சட்டமன்றக் குழுத் தலைவராகவும் தேர்ந்தெடுக்கப்பட்டார். எம்.எல்.ஏக்களின் ஆதரவு கடிதத்தோடு கிண்டி ராஜ்பவனுக்கு விரைந்த சசிகலாவுக்கு, பதவிப் பிரமாணம் செய்து வைக்காமல் காலம் தாழ்த்தினார் ஆளுநர் வித்யாசாகர் ராவ். பெரும்பான்மை எம்.எல்.ஏக்களின் கடிதம் கொடுத்தும் சசிகலாவுக்குப் பதவிப் பிரமாணம் செய்து வைக்காதது ஏன் என்ற கேள்விகளும் அரசியல் மட்டத்தில் எழுந்தது. இதற்குப் பிறிதொரு நாளில் பதில் அளித்த வித்யாசாகர் ராவ், ‘சொத்துக் குவிப்பு வழக்கின் தீர்ப்பு எந்தநேரமும் வெளியாகலாம் என்ற காரணத்தால்தான் காலம் தாழ்த்தினேன்' என மனம் திறந்தார். இந்நிலையில், நேற்று ஆளுநரை சந்தித்த தினகரன் ஆதரவு எம்.எல்.ஏக்கள் 19 பேரும் தனித்தனியாகக் கடிதம் அளித்தனர். கர்நாடகாவில் எடியூரப்பா அரசுக்கு நேர்ந்த சம்பவம் குறித்தும் அதில் விளக்கியிருந்தனர். 

அந்தக் கடிதத்தில், ‘எடப்பாடி பழனிசாமி தலைமையிலான அரசு மீது கொஞ்சம் கொஞ்சமாக நான் நம்பிக்கை இழந்துவிட்டேன். அதிகார துஷ்பிரயோகம், அரசு இயந்திரத்தைத் தவறாகப் பயன்படுத்துதல், ஊழல் உள்ளிட்டவையால் நம்பிக்கை இழந்துவிட்டேன். கடந்த நான்கு மாதங்களாக எடப்பாடி பழனிசாமி மீது பல்வேறு தரப்பினரும் ஊழல் குற்றச்சாட்டுகளை அடுக்கி வருகின்றனர். முதலமைச்சர் எடப்பாடி பழனிசாமி ஊழலை ஊக்குவிக்கும் செயலில் தொடர்ந்து ஈடுபட்டுவருவதால், அது எங்கள் கட்சியின் நற்பெயருக்குக் களங்கம் விளைவிக்கும் வகையில் இருக்கிறது. தற்போதுள்ள சூழலில், எடப்பாடி பழனிசாமி தலைமையிலான அரசு, அரசியல் சாசனம் அளித்துள்ள விதிமுறைகளின்படி செயல்பட முடியாது.

முதலமைச்சர் எடப்பாடி பழனிசாமி மீதான நம்பிக்கையைத் தமிழக மக்களும் இழந்துவிட்டனர். எனவே, முதலமைச்சர் எடப்பாடி பழனிசாமிக்கு அளித்துவந்த ஆதரவை நான் திரும்பப் பெறுகிறேன். இதுபோன்றதொரு சூழல் கர்நாடகாவின் முதலமைச்சராக எடியூரப்பா இருந்தபோது, கடந்த 2011-ல் ஏற்பட்டது. இதுதொடர்பாக உச்ச நீதிமன்றத்தில் விரிவாக விவாதிக்கப்பட்டுள்ளது. அ.தி.மு.க-வின் சட்டமன்ற உறுப்பினரான நான், முதலமைச்சர் எடப்பாடி பழனிசாமிக்கு அளித்துவந்த ஆதரவைத் திரும்பப் பெறுகிறேன். இதுதொடர்பாக உரிய நடவடிக்கை எடுக்க வேண்டும்' எனக் குறிப்பிட்டிருந்தனர். தினகரன் ஆதரவு எம்.எல்.ஏக்களின் கடிதம் அதிர்வலையை உருவாக்கிய அதேநேரம், தி.மு.க செயல் தலைவர் ஸ்டாலினும் ஆளுநருக்குக் கடிதம் எழுதியிருந்தார். நம்பிக்கை வாக்கெடுப்புக்கு ஆளுநர் உத்தரவிட வேண்டும் என்ற கோரிக்கைகளும் வலுப்பெற்று வருகின்றன.

எடப்பாடி பழனிசாமி, பன்னீர்செல்வம், ஆளுநர்

அரசியல் கேள்விகளுக்குப் பதில் அளிக்காமல், நேற்று காலை 11.30 மணிக்கு மும்பை கிளம்பிவிட்டார் ஆளுநர். நவம்பர் மாதம் கூட இருக்கும் சட்டமன்றக் குளிர்காலக் கூட்டத் தொடரில், ஆட்சிக்கு எதிரான சவால்களை சந்திக்கும் நிலைக்குத் தள்ளப்பட்டிருக்கிறார் முதல்வர் எடப்பாடி பழனிசாமி. ஆளுநரின் மௌனத்தை அதிர்ச்சியோடு கவனித்து வருகின்றனர் தினகரன் தரப்பினர். ஆளுநர் பதில் அளிக்க வேண்டும் என்ற குரல்களும் அதிகரித்து வருகின்றன. “மீண்டும் அரசியல் சர்ச்சைக்குள் ஆளுநர் மாளிகையின் பெயர் அடிபடுபவதை வித்யாசாகர் ராவ் ரசிக்கவில்லை” என விளக்கிய கிண்டி ராஜ்பவன் அலுவலக நிர்வாக அதிகாரி ஒருவர், “அரசியலமைப்புச் சட்டரீதியாக என்ன செய்ய வேண்டுமோ அதைத்தான் ஆளுநர் செய்து வருகிறார். இதை தமிழகத்தில் உள்ள சில அரசியல் கட்சிகள் தேவையில்லாமல் அரசியலாக்குகின்றன. இதைப் பற்றி முதல்வர் எடப்பாடி பழனிசாமியிடமும் அ.தி.மு.க எம்.பி ஒருவரிடமும் நேரடியாகவே பேசினார் ஆளுநர்.

அப்போது, ‘கர்நாடகாவில் பா.ஜ.க அரசுக்கு எதிராகத் திட்டமிட்டு சதி செய்தார் அப்போதைய ஆளுநர்  பரத்வாஜ். இதனால் எடியூரப்பா அரசுக்கு சிக்கல் ஏற்பட்டது. கர்நாடகா ஆளுநர் செய்ததை நான் செய்ய வேண்டிய அவசியம் இல்லை. என்னுடைய அலுவலகத்தை அரசியலுக்குப் பயன்படுத்துவதை நான் ஒருபோதும் அனுமதிக்க மாட்டேன். பரத்வாஜின் முன்னுதாரணத்தை நான் ஏன் கடைபிடிக்க வேண்டும்? உங்களுக்கு அரசியல் செய்ய எத்தனையோ வழிகள் இருக்கின்றன. அரசின் மீது நம்பிக்கை இல்லா தீர்மானம் கொண்டு வாருங்கள். சபாநாயகரிடம் அரசுக்கு எதிராக மனு கொடுங்கள். என்னை ஏன் தேவையில்லாமல் அரசியலுக்குள் இழுக்கிறீர்கள்? முதல்வரை மாற்றுவதுதான் என் வேலையா? கட்சியின் வளர்ச்சியைக் கவனியுங்கள்' எனக் கொதிப்போடு பேசினார். இந்தத் தகவல் தினகரன் தரப்பினருக்கும் கொண்டு செல்லப்பட்டது” என்றார் விரிவாக.

எடப்பாடி பழனிசாமி-பன்னீர்செல்வம் ஆகியோரது கைகளை இணைத்து ஆளுநர் காட்டிய புன்முறுவல் பலத்த சர்ச்சையை ஏற்படுத்தியது. ‘தமிழகத்தில் மத்திய அரசின் நேரடி நடவடிக்கைகளின் மையப்புள்ளிதான் அந்த இணைப்பு’ என்ற விமர்சனங்களும் அரசியல் மட்டத்தில் இருந்து எழுந்துள்ளது.

http://www.vikatan.com/news/tamilnadu/100073-did-changing-the-cm-is-my-only-job-governor-questions-in-anger.html

Categories: Tamilnadu-news

ரஜினி குடும்பத்தின் ஆஸ்ரம் பள்ளி திறப்பு

Wed, 23/08/2017 - 05:51
ரஜினி குடும்பத்தின் ஆஸ்ரம் பள்ளி திறப்பு

 

 

சென்னை உயர் நீதிமன்றத்தில் ஸ்ரீ ராகவேந்திரா கல்வி சங்கத்தின் செயலாளரும், நடிகர் ரஜினிகாந்தின் மகளுமான ஐஸ்வர்யா தனுஷ் தாக்கல் ஒரு மனு தாக்கல் செய்தார். ‘‘கிண்டி ரேஸ்கோர்ஸ் பகுதியில் குத்தகை அடிப்படையில் இடத்தைப் பெற்று எங்கள் சங்கம் சார்பில் ஆஸ்ரம் பள்ளி நடத்தப்படுகிறது. கடந்த மே மாதம் வரை வாடகை பாக்கி இல்லாதபோதும், நில உரிமையாளர்கள் ஆகஸ்ட் 15-ம் தேதி பள்ளி நுழைவுவாயிலை பூட்டிவிட்டனர். இதற்காக ரூ. 6 கோடி இழப்பீடு வழங்க உத்தரவிட வேண்டும்’’ என்று அதில் கூறியிருந்தார்.

இந்த வழக்கு விசாரணை நேற்று நீதிபதி சி.வி.கார்த்திகேயன் முன்பு நடந்தது. பள்ளி பூட்டப்பட்டுள்ளதா? என்று ஆய்வு செய்ய வழக்கறிஞர் ஆணையராக செந்தில்குமாரை நியமித்து விசாரணையை நீதிபதி மாலை 4 மணிக்கு தள்ளிவைத்தார். மீண்டும் வழக்கு விசாரணைக்கு வந்தபோது, பள்ளி மதியம் 1.30 மணியளவில் திறக்கப்பட்டு, காவலாளியிடம் சாவி ஒப்படைக்கப்பட்டதாகவும், வாடகை பாக்கி தொடர்பாக ஏற்கெனவே ஒரு வழக்கு நிலுவையில் உள்ளதாகவும் நில உரிமையாளரின் வழக்கறிஞர் தியாகராஜன் தெரிவித்தார். மனுதாரர் தரப்பில் ரூ. 6.55 லட்சத்துக்கு ஒரு டிடியும், ரூ.1.24 லட்சத்துக்கு 4 டிடியும் நீதிபதி முன்னிலையில் நில உரிமையாளரிடம் வழங்கப்பட்டது. அதை ஏற்க அவர்கள் மறுத்துவிட்டனர். இதையடுத்து, வாடகை பாக்கி குறித்த விவரங்களை இருதரப்பினரும் தாக்கல் செய்ய வேண்டும். இதுதொடர்பாக வழக்கறிஞர் ஆணையரும் அறிக்கை தாக்கல் செய்யவேண்டும் என உத்தரவிட்ட நீதிபதி, விசாரணையை நாளைக்கு தள்ளிவைத்தார்.

http://tamil.thehindu.com/tamilnadu/article19544275.ece

Categories: Tamilnadu-news

தினகரன் ஆதரவு எம்எல்ஏக்கள் அதிகரித்தால் சட்டப்பேரவையை முடக்கிவிட்டு ஆளுநர் ஆட்சி அமல்? - பாஜக போடும் புதிய திட்டம்

Wed, 23/08/2017 - 05:48
தினகரன் ஆதரவு எம்எல்ஏக்கள் அதிகரித்தால் சட்டப்பேரவையை முடக்கிவிட்டு ஆளுநர் ஆட்சி அமல்? - பாஜக போடும் புதிய திட்டம்

 

 
tnassembly

தினகரன் ஆதரவு எம்எல்ஏக்களின் எண்ணிக்கை அதிகரித்தால் சட்டப்பேரவையை முடக்கிவிட்டு ஆளுநர் ஆட்சியை அமல்படுத்த பாஜக திட்டமிட்டுள்ளதாகக் கூறப்படுகிறது.

முதல்வர் பழனிசாமியும், ஓ.பன்னீர்செல்வமும் இணைந்ததற்கு எதிர்ப்பு தெரிவித்து டிடிவி தினகரன் ஆதரவு எம்எல்ஏக்கள் 19 பேர் ஆளுநரிடம் கடிதம் அளித்துள்ளனர். முதல்வர் பழனிசாமிக்கு அளித்து வந்த ஆதரவை வாபஸ் பெறுவதாக கடிதத்தில் கூறியுள்ளனர்.

இவர்கள் தவிர அதிமுகவின் இரட்டை இலை சின்னத்தில் போட்டியிட்டு வென்ற மனிதநேய ஜனநாயக கட்சியின் தலைவர் தமிமுன் அன்சாரி, கொங்கு இளைஞர் பேரவை தலைவர் உ.தனியரசு, முக்குலத்தோர் புலிப்படை தலைவர் கருணாஸ் ஆகியோரும் தினகரனுக்கு ஆதரவு தெரிவித்துள்ளதாக கூறப்படுகிறது. இதனால், தினகரன் ஆதரவு எம்எல்ஏக்களின் எண்ணிக்கை 22 ஆக உள்ளது. இது மேலும் அதிகரிக்கும் என கூறப்படுகிறது. இதனால் ஆட்சி நீடிக்குமா என்ற சந்தேகமும் ஏற்பட்டுள்ளது.

அதிமுக அணிகளை இணைக்க பிரதமர் மோடிதான் தீவிர முயற்சிகள் மேற்கொண்டதாக எதிர்க்கட்சிகள் கூறிவருகின்றன. அதை உறுதிப்படுத்துவதுபோல துணை முதல்வராக ஓபிஎஸ் பதவியேற்றுக் கொண்ட அடுத்த நிமிடமே ட்விட்டரில் அவருக்கு வாழ்த்து தெரிவித்தார்.

இந்நிலையில், தமிழக அரசியல் நிலவரங்களை பிரதமர் மோடியும் பாஜக தலைவர் அமித்ஷாவும் கூர்ந்து கவனித்து வருகின்றனர். தினகரன் ஆதரவு எம்எல்ஏக்களின் எண்ணிக்கை மேலும் அதிகரித்தால் சட்டப்பேரவையை முடக்கி ஆளுநர் ஆட்சியை அமல்படுத்த பாஜக தலைவர்கள் திட்டமிட்டுள்ளதாகக் கூறப்படுகிறது. இது தொடர்பாக இரு தரப்புக்கும் இணைப்புப் பாலமாக செயல்பட்ட முக்கியப் பிரமுகரிடம் மோடியும், அமித்ஷாவும் ஆலோசனை நடத்தி வருவதாகக் கூறப்படுகிறது.

http://tamil.thehindu.com/tamilnadu/article19544123.ece?homepage=true

Categories: Tamilnadu-news

சென்னையையும் தாக்கியது "ப்ளூவேல் கேம்" விபரீதம் - 7வது மாடியிலிருந்து குதித்த மாணவி.

Wed, 23/08/2017 - 04:31

 College girl attempts for suicide  College girl attempts for suicide

சென்னையையும் தாக்கியது "ப்ளூவேல் கேம்" விபரீதம் - 7வது மாடியிலிருந்து குதித்த மாணவி.

சென்னையையும் தாக்கியுள்ளது "ப்ளூவேல் கேம்" விளையாட்டு. விருகம்பாக்கத்தில் கல்லூரி மாணவி ஒருவர் 7வது மாடியிலிருந்து கீழே குதித்துத் தற்கொலைக்கு முயன்ற சம்பவம் மக்களை அதிர வைத்துள்ளது.

படுகாயமடைந்த மாணவி உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளார்.

ப்ளூவேல் எனப்படும் ஆன்லைன் விளையாட்டு உலகம் முழுவதும் பல உயிர்களைப் பறித்து வருகிறது. ரஷ்யாவிலிருந்து அறிமுகமான இந்த விபரீத விளையாட்டுக்கு தொடர்ந்து இளைஞர்கள் பலியாகி வருகின்றனர். பல சுற்றுக்களைக் கொண்ட இந்த விளையாட்டின் இறுதிச் சுற்று மரணம் என்பதுதான் மிகக் கொடுமையானது, கோரமானது.

ஆனால் இந்தக் கோர விளையாட்டுக்கு அடிமையாகும் இளைஞர்கள் பலர் முட்டாள்தனமாக தற்கொலையை நாடி வருவது அதிர்ச்சி தருவதாக உள்ளது. இந்த நிலையில் இன்று சென்னையில் ஒரு கல்லூரி மாணவி தற்கொலைக்கு முயன்ற செயல் அதிர வைத்துள்ளது.

விருகம்பாக்கத்தைச் சேர்ந்த அந்த மாணவி ப்ளூவேல் விளையாட்டை பல சுற்று விளையாடியுள்ளார். இறுதியில் தான் வசிக்கும் அடுக்குமாடிக் குடியிருப்பின் 7வது மாடியிலிருந்து கீழே குதித்து விட்டார். படுகாயமடைந்த அவரை மருத்துவமனைக்குக் கொண்டு சென்றுள்ளனர். அவர் அபாய கட்டத்தில் இருப்பதாக கூறப்படுகிறது.

தற்ஸ்  தமிழ்.

Categories: Tamilnadu-news

ஜெ. மரணத்தின் மர்மங்கள்: விசாரணையில் உண்மைகள் வெளிவருமா ? | Socio Talk |

Tue, 22/08/2017 - 16:27
ஜெ. மரணத்தின் மர்மங்கள்: விசாரணையில் உண்மைகள் வெளிவருமா ? | Socio Talk |

ஒரு நாட்டின் முதலமைச்சர்கே இந்த நிலைமை என்றால் ஒரு சாமானிய மக்களின் நிலை... 75 நாட்கள் மருத்துவமனையில் இருந்த ஜெயலலிதா கடந்த டிசம்பர் 5 மரணமடைந்தார். இது இன்று வரை மர்மமாகவே உள்ளது. ஜெ. வின் மரணம் கொலையா அல்லது இயற்கை மரணமா என்று கண்டு அறிய விசாரணை கமிஷன் ஒரு அமைக்கப்பட்டு விசாரணை நடத்த முதலமைச்சர் ஆரம்பித்துள்ளார். ஜெ.வை ஏன் யாரும் பார்க்க அனுமதிக்கவில்லை, அ.தி.மு.க உறுப்பினர்களின் பொய்யான தகவல்கள் மற்றும் பல. இந்த விசாரணை கமிஷன் மூலம் என்னென்ன உண்மைகள் வெளிவர போகுது என்று பார்ப்போம்.

Categories: Tamilnadu-news

'எங்கே கருணாஸ்..?' - தேடுதல் பணியில் தினகரன் அணி

Tue, 22/08/2017 - 15:32
'எங்கே கருணாஸ்..?' - தேடுதல் பணியில் தினகரன் அணி
 

கருணாஸ்

'என்னுடைய ஆதரவு தினகரனுக்குத்தான்' என்று முதல்வர் எடப்பாடி பழனிசாமியிடமே நேரிடையாகத் தெரிவித்தவர் கருணாஸ் எம்.எல்.ஏ. தற்போதுள்ள அரசியல் சூழ்நிலையில் கருணாஸைத் தேடி வருகின்றனர் தினகரன் ஆதரவாளர்கள்.

அ.தி.மு.க-வில் அணிகள் இணைந்த பிறகு, அடுத்தடுத்த திருப்பங்கள் நடந்து வருகின்றன. முதல்வர் எடப்பாடி பழனிசாமிக்கும் துணை முதல்வர் ஓ.பன்னீர்செல்வத்துக்கும் எதிராக தினகரன் ஆதரவு எம்.எல்.ஏ-க்கள் கொடி பிடித்துள்ளனர். ஆளுநர் வித்யாசாகரைச் சந்தித்த தினகரன் ஆதரவு 19 எம்.எல்.ஏ-க்கள் தனித் தனியாகக் கடிதம் கொடுத்தனர். அதில், 'முதல்வர் எடப்பாடி பழனிசாமி மீதுள்ள நம்பிக்கையை நாங்கள் இழந்துவிட்டோம். இந்த ஆட்சிக்கு நாங்கள் கொடுத்த ஆதரவை வாபஸ் பெறுகிறோம்' என்று குறிப்பிட்டுள்ளனர். 

தினகரன் ஆதரவு எம்.எல்.ஏ-க்களின் நடவடிக்கைகளைக் கவனித்த முதல்வர் எடப்பாடி பழனிசாமியும் துணை முதல்வர் ஓ.பன்னீர்செல்வமும் தீவிர ஆலோசனையில் ஈடுபட்டுள்ளனர். 'தினகரன் ஆதரவு எம்.எல்.ஏ-க்களால் ஆட்சிக்கு 
சிக்கல் ஏற்படுவதற்கு முன் அவர்களின் செயல்பாடுகளுக்கு முட்டுக்கட்டை போட வேண்டும்' என்று விவாதித்துள்ளனர். மேலும், தி.மு.க. தரப்பில் நம்பிக்கை வாக்கெடுப்பு கொண்டு வரப்பட்டால் அதை எதிர்கொள்வது தொடர்பாகவும் விரிவாக ஆலோசித்துள்ளனர். அப்போது, தோழமைக் கட்சியைச் சேர்ந்த அ.தி.மு.க எம்.எல்.ஏ-க்கள் மூவரையும் நம்பக்கம் இழுத்துவிட வேண்டும் என ஆலோசித்துள்ளனர்.

அப்போது, குறுக்கிட்ட முதல்வர் எடப்பாடி பழனிசாமி தரப்பு, 'கருணாஸின் ஆதரவு தினகரனுக்கு என்று வெளிப்படையாகச் சொல்லிவிட்டார். அதன்பிறகு அவரிடம் பேசி எந்தப் பயனும் இல்லை' என்று குறிப்பிட்டுள்ளார். அப்போது பேசிய அமைச்சர் ஒருவர், 'பேச வேண்டிய வகையில் பேசினால் எல்லாம் சரியாகிவிடும். தமிமுன் அன்சாரியைத் தவிர தனியரசு, கருணாஸை நமக்கு ஆதரவு தெரிவிக்க வைத்துவிடலாம' எனக் கூறியிருக்கிறார். அப்போது, 'கருணாஸ் எம்.எல்.ஏ எங்கே இருக்கிறார்?' என விசாரித்திருக்கிறார் முதல்வர். ஆனால், அவரது இருப்பிடத்தைக் கண்டுபிடிக்க முடியவில்லை. அவருடைய செல்போனும் ஸ்விட்ச் ஆஃப் செய்யப்பட்டுள்ளதால் தீவிர தேடுதலில் இறங்கியுள்ளனர். 

கருணாஸ்

 

இதற்கிடையில் தினகரன் ஆதரவாளர்களும், கருணாஸ் எம்.எல்.ஏ எங்கே என்று ரகசிய விசாரணையில் களமிறங்கியுள்ளனர். அப்போது, கருணாஸ் எம்.எல்.ஏ-வின் கார், சென்னை அண்ணா சாலையில் உள்ள ஓர் இடத்திலும், அவரது செல்போனின் சிக்னல் வடபழனியிலும் இருப்பதாக மட்டுமே தகவல் கிடைத்துள்ளது. ஆனால் கருணாஸை அவர்களால் தொடர்புகொள்ள முடியவில்லையாம். இதுகுறித்து கருணாஸ் தரப்பில் விசாரித்தபோது, 'அவர் வழக்கம்போல மக்கள் பணியில் ஈடுபட்டுள்ளார். அவரது முடிவை ஏற்கெனவே தெரிவித்துவிட்டார்' என்கின்றனர். தனியரசு மற்றும் தமிமுன் அன்சாரி ஆகியோரிடம் பேச்சுவார்த்தை நடத்த முதல்வர் எடப்பாடி பழனிசாமி தரப்பும் தினகரன் தரப்பும் முயற்சி செய்துவருகின்றன. 'இதில் பா.ஜ.க-வுடன் அதிக நெருக்கத்தில் எடப்பாடி பழனிசாமி இருப்பதால், தமிமுன் அன்சாரியின் ஆதரவு அவருக்குக் கிடைக்க வாய்ப்பில்லை' என்கின்றனர் மனிதநேய ஜனநாயக கட்சியினர். தனியரசு மற்றும் கருணாஸைப் பேச்சுவார்த்தையின் மூலம் தங்கள் பக்கம் இழுப்பதற்கு முதல்வர் தரப்பு தீவிரமாகச் செயல்பட்டு வருகிறது.

http://www.vikatan.com/news/tamilnadu/99971-ttv-dinakaran-team-in-search-for-mla-karunas.html

Categories: Tamilnadu-news

தினகரன் ஆதரவு எம்.எல்.ஏ-க்கள் ஆளுநரிடம் மனு!

Tue, 22/08/2017 - 06:27
தினகரன் ஆதரவு எம்.எல்.ஏ-க்கள் ஆளுநரிடம் மனு!
 

டி.டி.வி. தினகரன் ஆதரவு எம்.எல்.ஏ-க்கள் 19 பேர் ஆளுநர் வித்யாசாகர் ராவை சந்தித்து கடிதம் கொடுத்துள்ளனர். அதில், 'மெஜாரிட்டியை நிரூபிக்க முதல்வர் பழனிசாமி அரசுக்கு உத்தரவிட வேண்டும்' என்று கோரப்பட்டுள்ளதாகத் தகவல் வெளியாகியுள்ளது. 

ttv dinakaran
 

டி.டி.வி. தினகரனுக்கு நேற்றுவரை 18 எம்.எல்.ஏ-க்கள் ஆதரவு அளித்திருந்த நிலையில் விளாத்திகுளம் எம்.எல்.ஏ உமாமகேஸ்வரி இன்று காலை தினகரனைச் சந்தித்து ஆதரவளித்தார்.  எடப்பாடி பழனிசாமி அணியும் ஓ.பன்னீர்செல்வம் அணியும் நேற்று இணைந்ததைத் தொடர்ந்து, சென்னை நுங்கம்பாக்கத்தில் உள்ள ஒரு தனியார் ஓட்டலில் தினகரன் ஆதரவு எம்.எல்.ஏ-க்கள் இன்று காலை ஆலோசனை நடத்தினர். 

அதன் பின்னர் முத்தையா, செந்தில் பாலாஜி, பழனியப்பன், கோதண்டபாணி, ரங்கசாமி, கென்னடி மாரியப்பன்,  தங்க தமிழ்ச்செல்வன், அரூர் முருகன், தங்கதுரை, பாலசுப்ரமணியன், வெற்றிவேல், ஜக்கையன், ஜெயந்தி, ஏழுமலை, சுந்தர்ராஜ், கதிர்காமு, உமாமகேஸ்வரி உள்ளிட்ட 19 எம்.எல்.ஏ-க்களும் ஆளுநர் வித்யாசாகர் ராவை சந்தித்து கடிதம் கொடுத்துள்ளனர். அதில், மெஜாரிட்டியை நிரூபிக்க முதல்வர் பழனிசாமி அரசுக்கு உத்தரவிட வேண்டும் என்று கோரப்பட்டுள்ளதாகத் தகவல் வெளியாகியுள்ளது. 

http://www.vikatan.com/news/tamilnadu/99902-ttv-dinakaran-team-meets-tamilnadu-governor.html

      சசிகலாவை நீக்கும் முன்பே ஆட்சியை கவிழ்த்துவிடுவோம்'- வரிந்துக்கட்டும் 19 எம்.எல்.ஏ.க்கள்
 
 

ttv dinakaran

அ.தி.மு.க-வில் அடுத்தடுத்து திருப்பங்கள் நடந்துவருகின்றன. இரு துருவங்களாக இயங்கிவந்த எடப்பாடி கோஷ்டியும் ஓ.பன்னீர்செல்வம் கோஷ்டியும் இணைந்துவிட்டனர். சென்னை மெரினாவில் உள்ள ஜெயலலிதா சமாதிக்கு சென்று மரியாதை செலுத்தினார்கள். அதையடுத்து, இன்று இரவு தினகரனும், அவரது ஆதரவு எம்.எல்.ஏ-க்களும் ஜெயலலிதா சமாதிக்கு மரியாதை செலுத்த வருகிறார்கள். 
முக்கியமான முடிவுகளை அப்போது அவர் அறிவிக்க இருப்பதாக அவரது ஆதரவாளர்கள் சொல்லுகிறார்கள். தமிழக துணை முதல்வர் பதவியில் அமர்ந்துவிட்டார் ஓ.பன்னீர்செல்வம். அ.தி.மு.க.வில் சபாநாயகரை தவிர 134 எம்.எல்.ஏ.கள் இருக்கிறார்கள். சட்டசபையில் பெரும்பான்மையை நிரூபிக்க 117 எம்.எல்.ஏ-க்கள் தேவை. ஓ.பன்னீர்செல்வம் கோஷ்டியில் 10 எம்.எல்.ஏ-க்கள் இருக்கிறார்கள். தினகரன் கோஷ்டியில் 18 எம்.எல்.ஏ-க்கள் இருப்பதாக அவர்கள் தரப்பில் சொல்கிறார்கள். எடப்பாடி கோஷ்டியில் 99 எம்.எல்.ஏ-க்கள் இருக்கலாம் என்பது ஒரு கணக்கு.

இப்படியிருக்க... அண்மையில் வனத்துறை அமைச்சர் திண்டுக்கல் சீனிவாசன் மீடியாக்களிடம் பேசும்போது, 'ஓ.பன்னீர் செல்வம் தரப்பினர் எங்களுடன் சேர்ந்தால், மேற்கொண்டு இரண்டு எம்.எல்.ஏ-க்கள் மெஜாரிட்டி காட்ட தேவைப்படுவார்கள். அதுதான்... பாதாளம் வரை பாயுமே' என்று பொடி வைத்து முதலில் பேசிவிட்டு உஷாரானார்.  பாசம் பாதளம் வரை பாயுமே என்று சமாளித்தார். ஆக, அமைச்சர் சீனிவாசன் சொல்கிறபடி, எடப்பாடி கோஷ்டியில் பெரும்பான்மை எம்.எல்.ஏ-கள் இல்லை. மைனாரிட்டி அரசு என்பது தெளிவாகிறது என்று எதிர்க்கட்சியினர் குரல்கொடுத்தனர். இந்த நிலையில், எடப்பாடியும் ஓ.பன்னீர்செல்வமும் ஒரே அணியில் சேர்ந்தும், விரைவில் பொதுக்குழுவை கூட்டி சசிகலாவை பொதுச்செயலாளர் பதவியில் நீக்குவோம் என்றார் கட்சியின் துணை ஒருங்கிணைப்பாளர் வைத்திலிங்கம். இவரின் இந்தப் பேச்சு தினகரன் கோஷ்டியினருக்கு கடுங்கோபத்தை உண்டாக்கியிருக்கிறது. சசிகலாவை நீக்க விட்டால்தானே... அதற்கு முன்பே, ஆட்சியை கவிழ்த்துவிடுவோம் என்று எச்சரித்துள்ளனர். எடப்பாடி கோஷ்டியினருக்கு தங்களது எதிர்ப்பை காட்டும் வகையில், தமிழக ஆளுநர் வித்யாசாகர் ராவை தினகரன் தரப்பு எம்.எல்.ஏ-கள் நேரில் இன்று சந்தித்து கடிதம் கொடுத்துள்ளனர். முதல்வர் எடப்பாடி மீது நம்பிக்கை இழந்துவிட்டோம். அவர் மீது நடவடிக்கை எடுக்கவேண்டும் என்கிற கோரிக்கை வைத்துள்ளதாக கூறப்பட்டுகிறது. முடிவெடுக்கவேண்டிய இடத்தில் உள்ள ஆளுநர் அடுத்த என்ன செய்வார் என்பதுதான் சஸ்பென்ஸாக இருக்கிறது.

http://www.vikatan.com/news/tamilnadu/99904-dinakaran-team-trying-to-dissolve-tamilnadu-government.html

Categories: Tamilnadu-news

இரண்டு வருடங்களுக்கு பின் கருணாநிதியை இன்று மாலை சந்திக்கிறார் வைகோ

Tue, 22/08/2017 - 06:08
இரண்டு வருடங்களுக்கு பின் கருணாநிதியை இன்று மாலை சந்திக்கிறார் வைகோ

 

தி.மு.க. தலைவர் கருணாநிதியை இரண்டரை ஆண்டுகளுக்கு பிறகு ம.தி.மு.க. பொதுச்செயலாளர் வைகோ இன்று மாலை சந்திக்க உள்ளார்.

இரண்டு வருடங்களுக்கு பின் கருணாநிதியை இன்று மாலை சந்திக்கிறார் வைகோ
 
சென்னை:

தி.மு.க. தலைவர் கருணாநிதி சமீபத்தில் உணவு குழாய் மாற்று சிகிச்சைக்காக ஆழ்வார்பேட்டை காவேரி மருத்துவமனையில் அனுமதிக்கப்பட்டார். சில மணி நேர சிகிச்சைக்கு பிறகு அவர் வீடு திரும்பினார்.

201708221026558316_1_karunanidhi._L_styv

விடுதலை சிறுத்தைகள் கட்சி தலைவர் திருமாவளவன் தனது பிறந்த நாளையொட்டி கருணாநிதியை சந்தித்து ஆசி பெற்றார். அவரது உடல் நலமும் விசாரித்தார்.

ம.தி.மு.க. பொதுச் செயலாளர் வைகோ இன்று மாலை தி.மு.க. தலைவர் கருணாநிதியை சந்தித்து உடல்நலம் விசாரிக்கிறார். அவருடன் திருப்பூர் துரைசாமி மற்றும் ம.தி.மு.க. முன்னணி நிர்வாகிகளும் செல்கிறார்கள்.

2015-ம் ஆண்டு அருள்நிதி திருமணத்தின் போது கருணாநிதியை வைகோ சந்தித்தார்.

சில மாதங்களுக்கு முன்பு கருணாநிதி காவேரி மருத்துவமனையில் சிகிச்சை பெற்ற போது அவரை சந்தித்து உடல் நலம் விசாரிக்க வைகோ சென்றார். அப்போது தி.மு.க. தொண்டர்கள் எதிர்ப்பு தெரிவித்ததால் வைகோ கருணாநிதியை சந்திக்காமல் திரும்பி விட்டார்.

2½ ஆண்டுகளுக்கு பிறகு வைகோ இன்று மீண்டும் கருணாநிதியை சந்திக்க உள்ளார்

http://www.maalaimalar.com/News/TopNews/2017/08/22102653/1103727/Vaiko-meets-Karunanidhi-today-evening.vpf

Categories: Tamilnadu-news

சசிகலா மறுசீராய்வு மனுமீது இன்று விசாரணை!

Tue, 22/08/2017 - 05:57
சசிகலா மறுசீராய்வு மனுமீது இன்று விசாரணை!
 

சொத்துக்குவிப்பு வழக்கில் தண்டனை பெற்ற சசிகலா உள்ளிட்டோர் தாக்கல்செய்த மறுசீராய்வு மனு, உச்ச நீதிமன்றத்தில் இன்று விசாரணைக்கு எடுத்துக்கொள்ளப்படும் என்று எதிர்பார்க்கப்படுகிறது. 

சசிகலா மற்றும் இளவரசி

 


சொத்துக்குவிப்பு வழக்கில் நான்கு ஆண்டுகள் சிறைத் தண்டனை விதிக்கப்பட்டதை எதிர்த்து சசிகலா, இளவரசி மற்றும் சுதாகரன் உள்ளிட்டோர் உச்ச நீதிமன்றத்தில் மறுசீராய்வு மனுத்தாக்கல் செய்தனர். இந்த மனுவை உச்ச நீதிமன்றம் கடந்த வாரம் விசாரணைக்கு எடுத்துக்கொள்ள இருந்தது. ஆனால், விசாரணை நடத்தும் நீதிபதிகள் குழுவில், ரோஹிண்டன் நாரிமன் இடம்பெறுவதற்கு சசிகலா தரப்பில் ஆட்சேபம் தெரிவிக்கப்பட்டது.

இதையடுத்து, அன்றைய தினத்துக்கான விசாரணைப் பட்டியலிலிருந்து அந்த வழக்கு நீக்கப்பட்டது. உச்ச நீதிமன்றத்தின் இன்றைய வழக்கு விசாரணைப் பட்டியலில், சசிகலா உள்ளிட்டோரின் மறு சீராய்வு மனு இடம்பெற்றுள்ளது. பெங்களூரு பரப்பன அக்ரஹாரா சிறையில் அடைக்கப்பட்டுள்ள சசிகலா, சிறையிலிருந்து வெளியில் சென்று திரும்பியதற்கான வீடியோ ஆதாரம் நேற்று வெளியாகி இருந்தது. இந்த நிலையில், சசிகலா உள்ளிட்டோரின் மறுசீராய்வு மனு உச்ச நீதிமன்றத்தில் விசாரணைக்கு வர உள்ளது. இந்த மனு, உச்ச நீதிமன்ற நீதிபதிகள் அமிதவராய் தலைமையிலான அமர்வு முன் விசாரணக்கு வரும் என்று தெரிகிறது.

http://www.vikatan.com/news/tamilnadu/99899-sasikala-review-petition-to-be-heared-in-sc-today.html

Categories: Tamilnadu-news

25 தினகரன் ஆதரவு எம்.எல்.ஏக்களும் நாளை ஆதரவை வாபஸ் பெற்றால்.. ?

Mon, 21/08/2017 - 19:15

25 தினகரன் ஆதரவு எம்.எல்.ஏக்களும் நாளை ஆதரவை வாபஸ் பெற்றால்.. ?

 

 சென்னை: தினகரன் ஆதரவு 25 அதிமுக எம்.எல்.ஏக்கள் நாளை ஆளுநரை சந்திக்க உள்ளனர். இச்சந்திப்பின் போது ஆதரவை வாபஸ் பெறுவதாக தெரிவித்தால் எடப்பாடி பழனிச்சாமி தலைமையிலான அரசு கவிழும் அபாயம் உள்ளது.

அதிமுகவின் ஓபிஎஸ் அணி, முதல்வர் எடப்பாடி பழனிச்சாமி அணியும் இணைந்துவிட்டன. இதற்கு தினகரன் ஆதரவு 25 எம்.எல்.ஏக்கள் கடும் எதிர்ப்பு தெரிவித்துள்ளனர். இந்த 25 எம்.எல்.ஏக்களும் இன்று ஜெயலலிதாவின் சமாதிக்கு சென்று தியானம் செய்தனர்.

பின்னர் செய்தியாளர்களிடம் ஆளுநர் வித்யாசாகர் ராவை நாளை சந்திக்க உள்ளதாக தெரிவித்தனர்.

ஆதரவு வாபஸ்?

ஆளுநருடனான இச்சந்திப்பின் போது எடப்பாடி அரசுக்கான ஆதரவை தாங்கள் வாபஸ் பெறுவதாக தெரிவிக்க வாய்ப்புண்டு. இந்த முடிவில் தினகரன் ஆதரவு 25 எம்.எல்.ஏக்களும் உறுதியாக இருந்தால் முறைப்படி ஆளுநரிடம் கடிதம் கொடுக்க வேண்டும்.

 

ஆளுநர் உத்தரவிடலாம்

இதையடுத்து அதிகபட்சம் 15 நாட்களுக்குள் முதல்வர் எடப்பாடி பழனிச்சாமி சட்டசபையை கூட்டி பெரும்பான்மையை நிரூபிக்க ஆளுநர் உத்தரவிடுவார். தற்போதைய நிலையில் சட்டசபையில் அதிமுகவுக்கு மொத்தம் 135 எம்.எல்.ஏக்கள் உள்ளனர்.

 

பெரும்பான்மைக்கு 117

இதில் 25 பேர் தினகரன் ஆதரவு எம்.எல்.ஏக்கள். சட்டசபையில் பெரும்பான்மைக்கு தேவை 118 எம்.எல்.ஏக்கள். ஜெயலலிதா மறைவால் 117 எம்.எல்.ஏக்கள் ஆதரவு இருந்தாலே போதும்.


ஆட்சி கவிழும் அபாயம்

ஆனால் 25 எம்.எல்.ஏக்கள் எடப்பாடி அரசுக்கான ஆதரவை விலக்கினால் 110 எம்.எல்.ஏக்கள் ஆதரவுதான் கிடைக்கும். ஆகையால் முதல்வர் எடப்பாடி பழனிச்சாமி தலைமையிலான அரசால் பெரும்பான்மையை நிரூபிக்க முடியாமல் கவிழும் நிலையே உருவாகும்.


Read more at: http://tamil.oneindia.com/news/tamilnadu/dinakaran-camp-mlas-withdraw-support-edappadi-palanisamy-govt-293429.html

Categories: Tamilnadu-news

அதிமுக அரசுக்கு தினகரன் சவாலா?: அரசியல் ஆய்வாளர்கள் கருத்து

Mon, 21/08/2017 - 18:58
அதிமுக அரசுக்கு தினகரன் சவாலா?: அரசியல் ஆய்வாளர்கள் கருத்து
 

அதிமுகவின் இரு அணிகளின் இணைப்பு மற்றும் துணை முதல்வராக ஒபிஎஸ் பதவியேற்பு ஆகியவை இன்று (திங்கள்கிழமை) நடந்துள்ள சூழலில், தமிழகத்தில் ஆளும் அதிமுக அரசுக்கு, அ.தி.மு.க. அம்மா அணியின் துணைப் பொதுச் செயலாளர் டி.டி.வி.தினகரனின் செயல்பாடு, சவால் நிறைந்ததாக இருக்கும் என்று அரசியல் நோக்கர்கள் கூறுகின்றனர்.

Twitterபடத்தின் காப்புரிமைTWITTER

இது குறித்து சென்னை லயோலா கல்லூரி பேராசிரியரும் அரசியல் ஆய்வாளருமான பெர்னார்ட் சாமி பிபிசி தமிழிடம் கூறுகையில், "தனக்கு ஆதரவாக ஏராளமான உறுப்பினர்கள் இருப்பதாக டி.டி.வி.தினகரன் கோருவது அரசியலமைப்பு ரீதியில் ஏற்புடையதாக இருக்காது. அவரது கருத்தை வெறும் அச்சுறுத்தலாகவே கருதலாம்" என்றார்.

அதே சமயம், "இந்த விஷயத்தைப் பொருத்தவரை, சட்டப்பேரவையில்தான் தனது ஆதரவு எம்எல்ஏக்கள் பலத்தை தினகரன் நிரூபிக்க வேண்டும்" என்று அவர் குறிப்பிட்டார்.

"தமிழக சட்டப்பேரவைத் தேர்தலில் "அதிமுக" என்ற கட்சிக்காகவே மக்கள் வாக்களித்தனர் என்றும் அந்த கட்சியின் தலைவர்கள் ஒருங்கிணைந்து இருப்பதுதான் அதன் எதிர்காலத்துக்கும் சரியாக இருக்கும்" என்கிறார் பெர்னார்ட் சாமி.

அதிமுக என்ற பெரிய கட்சி உடையவில்லை என்ற செய்தி, இந்த இணைப்பு மூலம் இரு அணி தலைமைகளும் வழங்கப்பட்டுள்ளது என சுட்டிக்காட்டும் பெர்னார்ட் சாமி, தினகரன் விவகாரத்தில் இனி அதிமுகவின் இரு தலைமைகளும் எவ்வாறு செயல்படப் போகின்றன என்பதை மிகவும் கூர்ந்து கவனிக்க வேண்டியுள்ளது" என்கிறார்.

மற்றொரு அரசியல் ஆய்வாளர் ஆர்.கே.ராதாகிருஷ்ணன், "எடப்பாடி பழனிசாமி - ஓ.பன்னீர்செல்வம் ஆகிய இரு அணிகளின் இணைப்பு கடந்த 19-ஆம் தேதியே நடந்திருக்க வேண்டும். ஆனால், சசிகலா விஷயத்தில் முடிவு எட்டப்படாததால் அது தள்ளிப்போனது" என்கிறார்.

Twitterபடத்தின் காப்புரிமைTWITTER

முதல்வர் எடப்பாடி பழனிசாமியை பொருத்தவரை, பொதுச்செயலாளராக சசிகலா நீடிக்கும் விவகாரம் நீங்கலாக, மற்ற விஷயங்களை பேசித் தீர்த்துக் கொள்ள கடந்த சில வாரங்களுக்கு முன்பே விரும்பினார் என்கிறார் ராதாகிருஷ்ணன்.

"அணிகள் இணைந்தால் யாருக்கு அமைச்சரவையில் பதவி, யாருக்கு கட்சிப் பொறுப்பு போன்றவை எல்லாம் ஏற்கெனவே முடிவு செய்யப்பட்டு விட்ட நடவடிக்கை என்றும், அடுத்ததாக, டி.டி.வி.தினகரனை இரு தரப்பும் எவ்வாறு சமாளிக்கப் போகின்றன என்பதைப் பொறுத்திருந்து பார்க்க வேண்டும்" என்கிறார் ராதாகிருஷ்ணன்.

"தினகரனுக்கு ஏற்கெனவே 16 எம்எல்ஏக்களும் மேலூர் கூட்டத்தில் 19 எம்எல்ஏக்களும் ஆதரவாக இருந்ததை நாம் மறந்து விடக் கூடாது" என்றும் அவர் சுட்டிக்காட்டுகிறார்.

அதே சமயம், "தினகரனுக்கு ஆதரவாக உள்ள சில எம்எல்ஏக்கள், ஆளும் அதிமுக அரசை கவிழ்க்கக் காரணமாக இருக்க மாட்டோம் என்று அறிவித்துள்ளதால், அவர்களுக்கு தினகரனால் எந்த அளவுக்கு அழுத்தம் கொடுக்க முடியும் என்ற கேள்வியும் இயல்பாகவே எழுகிறது" என்கிறார் ராதாகிருஷ்ணன்.

"சுமார் 16 முதல் 17 எம்எல்ஏக்கள் எடப்பாடி பழனிசாமி அரசுக்கு அளித்து வரும் ஆதரவை எதிர்காலத்தில் விலக்கிக் கொண்டால் இந்த அரசு கவிழும் ஆபத்தில் சிக்கிக் கொள்ளும் என்பதால் இதை மிகவும் சிக்கலான பிரச்சனையாக பார்க்கிறேன்" என்கிறார் ராதாகிருஷ்ணன்.

AIADMKபடத்தின் காப்புரிமைAIADMK

தினகரன் ஆதரவாளர்கள் அதிருப்தி

இந்நிலையில் முதல்வர் எடப்பாடி பழனிசாமியும், ஓ.பன்னீர்செல்வமும் இணைந்தது பற்றி செய்தியாளர்களிடம் டி.டி.வி.தினகரன் நேரடியாக கருத்து வெளியிடவில்லை.

அதே சமயம், அவரது உறவினர் திவாகரன், "சசிகலா சிறைக்கு செல்ல காரணமாக இருந்த இருவரும் பச்சைத் துரோகம் இழைத்து விட்டனர்" என்று செய்தியாளர்களிடம் கூறினார்.

மற்றொரு ஆதரவாளரான நாஞ்சில் சம்பத்தும் இதேபோன்ற விமர்சனத்தை இருவர் மீதும் முன்வைத்தார்.

Twitterபடத்தின் காப்புரிமைTWITTER

பிரதமர் வாழ்த்து

இதற்கிடையே, முதல்வர் எடப்பாடி பழனிசாமி தலைமையிலான அமைச்சரவையில் துணை முதல்வராக பதவியேற்றுள்ள பன்னீர்செல்வத்துக்கு பிரதமர் நரேந்திர மோதி வாழ்த்து தெரிவித்து தமது டிவிட்டர் பக்கத்தில் பதிவிட்டுள்ளார்.

"தமிழகத்தின் வளர்ச்சிக்கால முதல்வர் எடப்பாடி பழனிசாமிக்கும், துணை முதல்வர் ஓ.பன்னீர்செல்வத்துக்கும் இயன்ற எல்லா ஆதரவையும் மத்திய அரசு வழங்கும்" என்று நரேந்திர மோதி கூறியுள்ளார்.

"இனி வரும் காலத்தில் வளர்ச்சியில் புதிய உச்சத்தை தமிழகம் தொடும் என எதிர்பார்க்கிறேன்" என்றும் பிரதமர் மோதி தமது டிவிட்டர் பக்கத்தில் குறிப்பிட்டுள்ளார்.

 

http://www.bbc.com/tamil/india-41001711

Categories: Tamilnadu-news

`இதுதான் தர்மயுத்தமா?` ஓ.பி.எஸ். மீது சமூக வலைதளத்தில் கேள்விக்கணை!

Mon, 21/08/2017 - 16:33
`இதுதான் தர்மயுத்தமா?` ஓ.பி.எஸ். மீது சமூக வலைதளத்தில் கேள்விக்கணை!
அதிமுகபடத்தின் காப்புரிமைடிவிட்டர்

தமிழக அரசியலின் பரபரப்பான சூழலில் அதிமுக அணிகள் இணைக்கப்பட்டதை அடுத்து சமூக வலைதளங்களில் மக்கள் தங்கள் கருத்துகள் மற்றும் விமர்சனங்களை தெரிவித்து வருகின்றனர்.

தமிழக முதல்வர் ஜெயலலிதாவின் மறைவுக்கு பின் பிரிந்த அதிமுக-வின் இரண்டு அணிகளும் இன்று மாலை இணைந்தன. தமிழகத்தின் துணை முதல்வராக ஓ.பன்னீர் செல்வம் பதவியேற்றுக் கொண்டார். சமீப நாட்களாக மிகவும் எதிர்பார்க்கப்பட்ட அதிமுக அணிகளின் இணைப்பு இன்று நடைபெற்றதை அடுத்து சமூக வலைதளங்களில் பல்வேறு விமர்சனங்களும் கருத்துகளும் எழுந்துள்ளன.

முக்கியமாக அதிமுக இரண்டாக பிரிந்த போது, தர்மயுத்தம் நடத்துவோம் என்று கூறிய ஓ.பன்னீர் செல்வத்தின் தர்மயுத்தம் இது தானா? என்று கேள்வி எழுப்பியுள்ளனர்.

அதிமுகபடத்தின் காப்புரிமைடிவிட்டர் அதிமுகபடத்தின் காப்புரிமைடிவிட்டர்

திமுக செயல் தலைவர் மு.க. ஸ்டாலின் தனது டிவிட்டர் பக்கத்தில் பதவி, அதிகாரம், பணபேரம் அடிப்படையிலேயே இரு அணிகளும் இணைந்துள்ளன என்று குறிப்பிட்டுள்ளார்.

ஸ்டாலின்படத்தின் காப்புரிமைடிவிட்டர்

மேலும், பாஜக அரசின் திரைக்கதையில் அதிமுக இயங்கி வருகிறது என்றும் தனது பதிவில் ஸ்டாலின் தெரிவித்துள்ளார்.

ஸ்டாலின்படத்தின் காப்புரிமைடிவிட்டர்

இது ஒருபுறமிக்க இந்த இணைப்பு குறித்து டிவிட்டரில் விமர்சித்து கருத்து பதிவு செய்த நடிகர் கமலுக்கு பதிலளிக்கும் வகையில் தமிழக பாஜக தலைவர் தமிழிசை செளந்தரராஜன், `போலிக்குல்லா போடுபவர்கள் காவிக்குல்லாவை விமர்சிப்பதா?' என்று கேள்வியெழுப்பியுள்ளார்.

தமிழிசைபடத்தின் காப்புரிமைடிவிட்டர்

இதுமட்டுமல்லாமல், அம்மா ஆசையை அமாவாசை அன்று நிறைவேற்றியுள்ளார்கள் என்றும் தமிழிசை தெரிவித்துள்ளார்.

பாஜகபடத்தின் காப்புரிமைடிவிட்டர்

மேலும், தமிழக அரசியலை பாஜக பின்னாலிருந்து இயக்குகிறது என்ற விமர்சனமும் சமூக வலைதளங்களில் எழுந்துள்ளது.

மோடிபடத்தின் காப்புரிமைடிவிட்டர் பாஜகபடத்தின் காப்புரிமைடிவிட்டர்

பாமக நிறுவனர் ராமதாஸ் தனது டிவிட்டர் பதிவில் இந்த இணைப்பு குறித்து விமர்சித்துள்ளார்.

ராமதாஸ்படத்தின் காப்புரிமைடிவிட்டர்
 

http://www.bbc.com/tamil/india-41003977

Categories: Tamilnadu-news

``காந்திக்குல்லா!காவிக்குல்லா!கஷ்மீர்குல்லா!! தற்போது கோமாளிக்குல்லா``- யாரைச் செல்கிறார் கமல்?

Mon, 21/08/2017 - 11:51
``காந்திக்குல்லா!காவிக்குல்லா!கஷ்மீர்குல்லா!! தற்போது கோமாளிக்குல்லா``- யாரைச் செல்கிறார் கமல்?
கமல்ஹாசன்படத்தின் காப்புரிமைIKAMALHAASAN

அதிமுகவின் இரு அணிகளின் இணைப்புக்கான பணிகள் பரபரப்பாக நடந்து வரும் நிலையில், ``காந்திக்குல்லா!காவிக்குல்லா!கஷ்மீர்குல்லா!! தற்போது கோமாளிக்குல்லா, தமிழன் தலையில். போதுமா இன்னும் வேண்டுமா? தயவாய் வெகுள்வாய் தமிழா.`` என நடிகர் கமல்ஹாசன் டிவிட் செய்துள்ளார்.

ஜெயலலிதா தலைமையில் ஒரே கட்சியாக இருந்த அதிமுக, அவரது மறைவுக்குப் பிறகு மூன்று அணிகளாக உடைந்தது.

இந்நிலையில், சசிகலா தலைமையிலான அணியை ஒதுக்கிவிட்டு, முன்னாள் முதல்வர் ஓ.பன்னீர்செல்வம் அணியையும், முதல்வர் எடப்பாடி பழனிச்சாமி தலைமையிலான அணியும் இணைப்பதற்கான பேச்சுவார்த்தை கடந்த சில நாட்களாக மும்முரமாக நடந்து வருகிறது.

கமல்ஹாசன்படத்தின் காப்புரிமைTWITTER

மக்கள் பிரச்சனைகளை மறந்து, அணிகளை இணைப்பதிலே இரு அணியினரும் முக்கியமாக கருவதாக எதிர்க்கட்சிகள் குற்றம் சாட்டி வருகின்றன.

இதற்கிடையே நடிகர் கமல்ஹாசனும், தற்போதைய அதிமுக தலைமையிலான அரசில் ஊழல் அதிகரித்துள்ளதாக டிவிட்டரில் கூறியதுடன், முட்டை ஊழலுக்கான ஆதாரங்களையும் அம்பலப்படுத்தினர்.

இதனாலே, கமல்ஹாசனுக்கும் தமிழக அமைச்சர்களுக்கும் இடையே வார்த்தை போர் வெடித்தது.

இந்நிலையில் கமல் தற்போது டிவிட்டரில் தெரிவித்த கருத்து ஆயிரக்கணக்கானவர்களால் பகிரப்பட்டுள்ளது.

http://www.bbc.com/tamil/india-41000217

Categories: Tamilnadu-news

அதிமுக அரசை வீழ்த்த தயாராகும் திமுக

Mon, 21/08/2017 - 06:40
அதிமுக அரசை வீழ்த்த தயாராகும் திமுக

 

 
21CHRGNSTALIN

மு.க.ஸ்டாலின்

முதல்வர் பழனிசாமியும், முன்னாள் முதல்வர் ஓ.பன்னீர்செல்வமும் இணைவதற்கான முயற்சிகள் தீவிரமடைந்துள்ள நிலையில், அதிமுக அரசை வீழ்த்துவதற்கான முயற்சிகளை திமுக தொடங்கியுள்ளதாக கூறப்படு கிறது.

ஜெயலலிதா மறைவுக்குப் பிறகு தமிழக அரசிலும், அதிமுகவிலும் அதிரடி மாற்றங்கள் ஏற்பட்டு வருகின்றன. அதிமுக பொதுச்செயலாளர் சசிகலாவுக்கு எதிராக ஓபிஎஸ் போர்க் கொடி உயர்த்த, பொதுப்பணித் துறை அமைச்சராக இருந்த கே.பழனிசாமி முதல்வரானார். அவரது அரசுக்கு 122 எம்எல்ஏக்கள் ஆதரவளித்து வருகின்றனர். 11 எம்எல்ஏக்கள் ஓபிஎஸ் பக்கம் உள்ளனர். ஆர்.கே.நகர் இடைத்தேர்தல் ரத்துக்குப் பிறகு இரு அணிகளையும் இணைப்பதற்கான முயற்சிகள் தீவிரமடைந்தன.

பாஜக மேலிடத் தலைவர்களின் நிர்ப்பந்தம் காரணமாக சசிகலா, டிடிவி தினகரன் ஆகியோரை ஒதுக்கிவிட்டு பழனிசாமியும், ஓபிஎஸ்ஸூம் இணைந்து செயல்பட முடிவெடுத்துள்ளனர். அமாவாசை தினமான இன்று (ஆகஸ்ட் 21) இரு அணிகளும் இணைவதற்கான அறிவிப்பு வெளியாகும் எனக் கூறப்படுகிறது. இந்நிலையில் அதிமுக அரசை வீழ்த்துவதற்கான முயற்சிகளை திமுக தொடங்கியிருப்பதாக தகவல்கள் வெளியாகியுள்ளன. அதனை உறுதிப்படுத்துவதுபோல திமுக செயல் தலைவர் மு.க.ஸ்டாலின் நேற்று வெளியிட்ட அறிக்கையில், “பழனிசாமி அரசு விரைவில் வீட்டுக்கு செல்வதே தமிழகத்துக்கு நல்லது என்பதால், அரசு ஊழியர்களுடன் இணைந்து இந்த அரசை ஜனநாயகரீதியில் வீழ்த்தி, அரசு ஊழியர்களையும், மக்களையும் காப்பாற்றும் பணியில் திமுக தீவிர கவனம் செலுத்தும்” என்று கூறியுள்ளார்.

கடந்த 2016 சட்டப்பேரவைத் தேர்தலில் திமுக கூட்டணி (திமுக 89, காங்கிரஸ் 8, முஸ்லிம் லீக் 1) 98 இடங்களில் வென்றது. திமுகவைவிட கூடுதலாக 1 சதவீத வாக்குகளையே அதிமுக பெற்றது. நூலிழை வித்தியாசத்தில் தொடர்ந்து 2-வது முறையாக ஆட்சியமைக்கும் வாய்ப்பை திமுக இழந்தது. இது அக்கட்சி நிர்வாகிகளையும், தொண்டர்களையும் சோகத்தில் ஆழ்த்தியது.

எனவே, ஜெயலலிதா மறைவுக்குப் பிறகு ஏற்பட்ட குழப்பமான சூழ்நிலையைப் பயன்படுத்தி ஆட்சியமைக்க திமுக முயற்சிகள் மேற்கொள்ளும் எனக் கூறப்பட்டது. ஆனால், அதற்கான எந்த முயற்சியையும் திமுக மேற்கொள்ளவில்லை. “ஜனநாயக முறையில் மக்களைச் சந்தித்து ஆட்சியமைப்பதையே திமுக விரும்புகிறது. அதிமுக எம்.எல்.ஏ.க்களை இழுத்து குறுக்கு வழியில் ஆட்சிமையக்க விரும்பவில்லை” என்று மு.க.ஸ்டாலின் குறிப்பிட்டு வந்தார்.

கடந்த ஜூன், ஜூலை மாதங்களில் துறை ரீதியான மானியக் கோரிக்கைகளை நிறைவேற்றுவதற்காக சட்டப்பேரவைக் கூட்டம் நடைபெற்றது. அதில் இணக்கமான போக்கையே திமுக கடைபிடித்தது. ஆனால், இனியும் காத்திருக்காமல் ஆட்சியை கவிழ்க்க ஸ்டாலின் ஆயத்தமாகி வருவதாக திமுகவினர் தெரிவிக்கின்றனர்.

இது தொடர்பாக திமுக நிர்வாகி ஒருவரிடம் கேட்டபோது, “அதிமுக எம்எல்ஏக்களை இழுத் தால் மக்களிடம் கெட்ட பெயர் ஏற்படும் என்பதால் ஸ்டாலின் அதனை விரும்பவில்லை. எப்போது தேர்தல் வந்தாலும் திமுக வெற்றி பெறும் நிலை உள்ளது. எனவே, இதனைப் பயன்படுத்தி தேர்தல் வரும் சூழலை உருவாக்க வேண்டும் என்ற மூத்த நிர்வாகிகளின் கோரிக்கையை ஸ்டாலின் ஏற்றுக் கொண்டுள்ளார். இந்த சூழலை பயன்படுத்திக் கொள்ளத் தவறினால் பழனிசாமி - ஓபிஎஸ் இணைந்து இரட்டை இலை சின்னத்தைப் பெற்று வலுவாகி விடவும் வாய்ப்புள்ளது. எனவே, இந்த வாய்ப்பை தவற விடக்கூடாது என்பதால் உறுதியாக இருக்கிறோம்'' என்றார்.

அதிமுகவின் இரு அணிகளும் இணைந்தால் சட்டப்பேரவையில் பெரும்பான்மையை நிரூபிக்க உத்தரவிடுமாறு ஆளுநரிடம் திமுக கோரிக்கை விடுக்கும் என்றும், அது ஏற்கப்படாத பட்சத்தில் அரசின் மீது திமுக நம்பிக்கையில்லா தீர்மானம் கொண்டு வரும் என்றும் திமுக வட்டாரங்கள் தெரிவிக்கின்றன. இத னால் அடுத்தடுத்த வாரங்களில் தமிழக அரசியல் மேலும் சூடு பிடிக்கும் எனக் கூறப்படுகிறது.

http://tamil.thehindu.com/tamilnadu/article19532864.ece?homepage=true

Categories: Tamilnadu-news

பரப்பன அக்ரஹார சிறையில் அடைக்கப்பட்டுள்ள சசிகலா, இளவரசி சிறைக்கு வெளியே சென்று திரும்பியதற்கான புதிய வீடியோ ஆதாரம்: கர்நாடக ஊழல் தடுப்பு பிரிவு போலீஸிடம் டிஐஜி ரூபா அளித்தார்

Mon, 21/08/2017 - 06:38
பரப்பன அக்ரஹார சிறையில் அடைக்கப்பட்டுள்ள சசிகலா, இளவரசி சிறைக்கு வெளியே சென்று திரும்பியதற்கான புதிய வீடியோ ஆதாரம்: கர்நாடக ஊழல் தடுப்பு பிரிவு போலீஸிடம் டிஐஜி ரூபா அளித்தார்

 

 
jailjpg

அதிமுக பொதுச்செயலாளர் வி.கே.சசிகலா மற்றும் அவரது உறவினர் இளவரசி ஆகியோர் பெங்களூரு பரப்பன அக்ரஹார சிறையின் பிரதான வாயிலில் கையில் பைகளுடன் நுழையும் வீடியோ பதிவை கர்நாடக ஊழல் தடுப்பு பிரிவு போலீஸிடம், ஐபிஎஸ் அதிகாரி ரூபா அளித்துள்ளார்.

சொத்துக் குவிப்பு வழக்கில் தண்டனை பெற்றுள்ள அதிமுக பொதுச்செயலாளர் சசிகலா அவரது உறவினர் இளவரசி மற்றும் சுதாகரன் ஆகியோர் பெங்களூரு பரப்பன அக்ரஹார சிறையில் அடைக்கப்பட்டுள்ளனர். அவர்களுக்கும், போலி முத்திரைத் தாள் மோசடியில் கைது செய்யப்பட்ட அப்துல் கரீம் தெல்கிக்கும் விதிகளை மீறி அதிக சலுகைகள் வழங்கப்பட்டுள்ள தகவல் சிறைத்துறை டிஐஜியாக இருந்த ரூபாவின் ஆய்வில் தெரியவந்தது.

இதுதொடர்பான அறிக்கை மற்றும் 74 ஆதாரங்களையும் அப்போது சிறைத்துறை டிஜிபியாக இருந்த எச்.என்.சத்தியநாராயண ராவிடம் வழங்கினார். இது தொடர்பாக தொலைக்காட்சிகளில் தகவல் வெளியானதால் பரபரப்பு ஏற்பட்டது. இதையடுத்து, ரூபா பெங்களூரு போக்குவரத்து மற்றும் பாதுகாப்பு பிரிவுக்கு மாற்றப்பட்டார்.

இந்த விவகாரம் குறித்து ஓய்வு பெற்ற ஐஏஎஸ் அதிகாரி வினய் குமார் தலைமையில் விசாரணைக்குழு அமைக்கப்பட்டு விசாரிக்கப்பட்டு வருகிறது. இந்நிலையில், கடந்த சனிக்கிழமை, கர்நாடக ஊழல் தடுப்பு பிரிவிடம், புதிய வீடியோ ஆதாரம் ஒன்றை ரூபா அளித்துள்ளார்.

சிறையில் உள்ள கண்காணிப்பு கேமராவில் பதிவான காட்சியில், மத்திய சிறை வளாகத்தில் இருந்து உயர் அதிகாரிகளின் உதவியுடன், சசிகலா மற்றும் இளவரசி ஆகியோர் வெளியில் சென்று திரும்பும் காட்சிகள் இடம் பெற்றுள்ளன.

 

புகைப்படம், வீடியோ

இது தொடர்பாக போலீஸ் வட்டாரங்கள் கூறும்போது, ‘சிறைத்துறை டிஜிபி சத்தியநாராயணா ஓய்வு பெற்ற ஜூலை 31-ம் தேதி ரூபாவுக்கு விசாரணைக்கு ஆஜராகும்படி ஊழல் தடுப்பு பிரிவு சம்மன் அனுப்பியிருந்தது. அவர் விசாரணைக்கு ஆஜராகி விளக்கமளித்த சில நாட்களுக்குப் பின், அவரிடம் சில கேள்விகளுக்கு விளக்கம் கோரினர். கடந்த சனிக்கிழமை கேள்விகளுக்கு விளக்கம் மற்றும் சில புகைப்படம், வீடியோ ஆதாரங்களையும் அவர் அளித்தார்.

இதுதொடர்பாக, ரூபாவை ‘தி இந்து’ வில் இருந்து தொடர்பு கொண்டபோது, அவர் சனிக்கிழமை ஆதாரங்களை அளித்ததை ஒப்புக்கொண்டார். மேலும், அந்த வீடியோ ஆதாரத்தில், சசிகலா, இளவரசி ஆகியோர் சில பைகளுடன், சிறையின் பிரதான வாயிலில் ஆண் காவலர்கள் முன்னிலையில் நுழைகின்றனர். அப்போது பெண்கள் சிறையின் கண்காணிப்பாளர் அவர்களுக்கு பாதுகாப்பாக உடன் செல்லும் காட்சிகளும் இடம் பெற்றுள்ளன.

இது தொடர்பாக ரூபா கூறும்போது, ‘ஆண் காவலர்கள் பெண்கள் சிறை வளாகத்துக்குள் செல்ல அனுமதியில்லை. அவர்கள் பெண்கள் சிறையின் வெளியில் பிரதான வாயிலில் மட்டுமே பணியமர்த்தப்படுவார்கள். எங்கிருந்து சசிகலா வந்தார். அவரை யார் அனுமதித்தார்கள் என்பது விசாரிக்கப்பட வேண்டும்’ என்றார்.

 

பண ஆதாயம்

தற்போது விசாரணை ஆணையத்தின் தலைவரான வினய்குமாருக்கு இந்த வீடியோ விவகாரம் தெரியுமா என்ற கேள்விக்கு, ‘சிறைத்துறையின் தரவு தளத்தில் அனைத்து ஆதாரங்களும் உள்ளன. பண ஆதாயத்துக்காக குற்றவாளிகளுக்கு சிறப்பு சலுகைகள் அளிக்கப்பட்டது குறித்து அதன் மூலம் தெளிவாகும். இது அதிகார துஷ்பிரயோகம் மற்றும் ஊழல் தடுப்புச் சட்டப்படி குற்றமுமாகும். பெண்கள் சிறையின் உள்ளும், வெளியிலும் ஆண் காவலர்கள் இல்லை. எனவே, வெளியில் உள்ள சாலையில் இருந்து சிறைக்குள் நுழையும் பிரதான வாயில் வழியாகத்தான் இவர்கள் வந்துள்ளனர்.

இது தொடர்பாக நான் அந்த அறிக்கையில் குறிப்பிட்டு, வீடியோ ஆதாரத்தை ஆய்வு செய்து, எந்த கேமராவில் பதிவு செய்யப்பட்டுள்ளது. அவர்கள் எவ்வாறு வெளியில் சென்று வந்தனர் என்பதை விசாரிக்கும்படி ஊழல் தடுப்பு பிரிவுக்கு வேண்டுகோள் விடுத்துள்ளேன்’என்று ரூபா தெரிவித்துள்ளார்.

 

சிறப்பு சலுகை

ரூபா அளித்துள்ள 12 பக்க அறிக்கையில், மற்ற கைதிகள் கம்பி வலைகளுக்கு இடையில் தங்களை காண வரும் பார்வையாளர்களைச் சந்தித்து வந்த நிலையில், சசிகலாவுக்கு பார்வையாளர்களை சந்திக்கும்போது சிறப்பு தனி அறை ஒதுக்கப்பட்டுள்ளது குறித்தும் குறிப்பிட்டுள்ளார்.

இதுதொடர்பாக ரூபா கூறும்போது, ‘கைதிகள் பார்வையாளர்களை சந்திக்கும் பகுதியில் உள்ள கண்காணிப்பு கேமராவில், சசிகலா எந்த ஒரு பார்வையாளரையும் சந்தித்த பதிவை காண முடியாது. எனவே, நான் சசிகலாவை சந்திக்க வந்த பார்வையாளர்களையும் விசாரிக்க வேண்டும் என்று பரிந்துரைத்துள்ளேன்’ என்று தெரிவித்தார்.

மேலும், வினய் குமார் தலைமையிலான விசாரணை குழுவிடம், விதி மீறல்களைவிட ஊழல் நடந்துள்ள கோணத்தில் விசாரிப்பதற்கான ஆதாரத்தையும் அவர் கொடுத்துள்ளதாக காவல்துறை வட்டாரங்கள் தெரிவித்தன. தற்போதைய நிலவரப்படி வினய்குமார் தனது விசாரணை தொடர்பான இடைக்கால அறிக்கையை கர்நாடக முதல்வரிடம் தாக்கல் செய்துள்ளதாகவும், இறுதி அறிக்கை அளிக்க கால அவகாசம் கோரியுள்ளதாகவும் தகவல்கள் தெரிவிக்கின்றன.

இந்த வீடியோ ஆதாரம் வெளியானதால் கர்நாடக சிறைத்துறை வட்டாரங்களில் பெரும் பரபரப்பை ஏற்படுத்தி யுள்ளது.

http://tamil.thehindu.com/india/article19532835.ece?homepage=true

Categories: Tamilnadu-news

அ.தி.மு.க அணிகள் இணைப்பு: அதிமுக-வின் மூன்று அணிகளும் தனித்தனியே ஆலோசனை #LiveUpdate

Mon, 21/08/2017 - 06:20
அ.தி.மு.க அணிகள் இணைப்பு: அதிமுக-வின் மூன்று அணிகளும் தனித்தனியே ஆலோசனை #LiveUpdate
 

 *ஓ.பன்னீர்செல்வம், எடப்பாடி பழனிசாமி மற்றும் டிடிவி தினகரன் ஆகியோர் தங்கள் அணியினருடன்  தனித்தனியே ஆலோசனை நடத்தி வருகின்றனர். 

*முதல்வர் எடப்பாடி பழனிசாமி அமைச்சர்களுடம் ஆலோசனை நடத்தி வருகிறார்.  ராயப்பேட்டையில் உள்ள அதிமுக தலைமை அலுவலகத்தில் பலத்த போலீஸ் பாதுகாப்பு போடப்பட்டுள்ளது. 

police
 
 

*இதனிடையே டிடிவி தினகரன் சென்னை அடையாறு இல்லத்தில், தன் ஆதரவாளர்களுடன் ஆலோசனை நடத்தி வருகிறார்.  

இன்று பிற்பகல் 2.30 மணியளவில் அமைச்சர்கள் சென்னை மெரினாவில் இருக்கும் ஜெயலலிதா நினைவிடம் சென்று விட்டு, பின்னர் பதவியேற்கலாம் என எதிர்பார்க்கப்படுகிறது. 

* புதிய அமைச்சரவை இன்று மாலை 3 மணிக்கு பதவியேற்கும் என்று தகவல் வெளியாகியுள்ளது. 

அமைச்சரவையில் மாற்றம்..? அவசரமாக சென்னை வருகிறார் ஆளுநர் #

அ.தி.மு.க. அணிகள் இணைப்புகுறித்த அறிவிப்பு வெளியாகும் என்று கூறப்பட்டுள்ள நிலையில், ஆளுநர் வித்யாசாகர் ராவ் இன்று சென்னை வருகிறார். 

ஆளுநர் வித்யாசாகர் ராவ்

அ.தி.மு.க. அணிகள் இணைப்புக்குப் பின்னர், தமிழக அமைச்சரவையில் மாற்றம் இருக்கலாம் என்று தகவல்கள் வெளியாகியுள்ளன. துணை முதலமைச்சராக ஓ.பன்னீர்செல்வம் அறிவிக்கப்படலாம் என்றும், அவரது அணியைச் சேர்ந்த  இரண்டு பேருக்கு அமைச்சர் பதவிகள் வழங்கப்படலாம் என்றும் கூறப்படுகிறது. இதுகுறித்த அதிகாரபூர்வ அறிவிப்பை, சென்னை ராயப்பேட்டையில் உள்ள அ.தி.மு.க-வின் தலைமை அலுவலகத்தில் முதலமைச்சர் எடப்பாடி பழனிசாமி மற்றும் ஓ.பன்னீர்செல்வம் ஆகியோர் இன்று கூட்டாக வெளியிடுவார்கள் என்று தகவல்கள் வெளியாகியுள்ளன. அமைச்சரவையில் மாற்றம் ஏற்பட்டால், புதிய அமைச்சரவை இன்றைய தினமே பதவியேற்கும் என்றும் தெரிகிறது. அமைச்சர்களுக்குப் பதவிப்பிரமாணம் செய்துவைக்கும் விதமாக, மும்பையிலிருந்து ஆளுநர் வித்யாசாகர் ராவ் அவசரமாக சென்னை திரும்புகிறார். தமிழக ஆளுநராகக் கூடுதல் பொறுப்பு வகிக்கும் மகாராஷ்ட்ரா மாநில ஆளுநர் வித்யாசாகர் ராவ், தற்போது மும்பையில் இருக்கிறார். மும்பை நிகழ்ச்சிகள் அனைத்தும் ரத்துசெய்யப்பட்டுள்ளதாக ஆளுநரின் செய்தித்தொடர்பாளர் தரப்பில் தெரிவிக்கப்பட்டுள்ளது. 
 

அ.தி.மு.க. அணிகள் இணைப்பு... இன்று நண்பகலில் அறிவிப்பு?

அ.தி.மு.க. அணிகள் இணைப்புகுறித்த அறிவிப்பு, இன்று நண்பகல் 12 மணிக்கு இருக்கும் என்று தகவல் வெளியாகியுள்ளது. 

எடப்பாடி பழனிசாமி - ஓ.பன்னீர்செல்வம்


சென்னை ராயப்பேட்டையில் உள்ள அ.தி.மு.க. தலைமை அலுவலத்தில், முதலமைச்சர் எடப்பாடி பழனிசாமி மற்றும் முன்னாள் முதலமைச்சர் ஓ.பன்னீர்செல்வம் ஆகியோர் சந்தித்துப் பேச இருப்பதாகக் கூறப்படுகிறது. இந்தச் சந்திப்புக்குப் பின்னர், இரு அணிகள் இணைப்புகுறித்து இருவரும் கூட்டாக செய்தியாளர்களைச் சந்தித்து அறிவிப்பார்கள் என்று தெரிகிறது. அ.தி.மு.க. சட்டவிதிகள் மாற்றம் குறித்து எடப்பாடி பழனிசாமி தலைமையில் நிர்வாகிகள் கூடி ஆலோசிக்க உள்ளனர். கட்சியில், தினகரன் நியமித்த நிர்வாகிகளின் நியமனங்கள் செல்லாது என்று முதலமைச்சர் எடப்பாடி பழனிசாமி ஏற்கெனவே அறிவித்துவிட்டார். அ.தி.மு.க. அணிகள் இணைப்புக்குப் பின்னர், நிர்வாகிகள் ஒன்றுகூடி பொதுச்செயலாளர் பதவியிலிருந்து சசிகலாவை நீக்கவும் வாய்ப்புகள் இருப்பதாகக் கூறப்படுகிறது. அணிகள் இணைப்புகுறித்து, கடந்த வெள்ளிக்கிழமை அறிவிப்பு வெளியாகலாம் என்று கூறப்பட்ட நிலையில், அதிகாரப்பகிர்வு தொடர்பாக ஒருமித்த கருத்து ஏற்படவில்லை. இதனால், அணிகள் இணைப்பில் இழுபறி நீடித்துவந்தது. இந்த நிலையில், அ.தி.மு.க. தலைமை அலுவலகத்தில் அணிகள் இணைப்புகுறித்த அதிகாரபூர்வ அறிவிப்பு இன்று வெளியாகலாம் என்று தகவல்கள் வெளியாகியுள்ளன. 

http://www.vikatan.com/news/tamilnadu/99747-admk-merger-announcement-may-be-out-today-sources-liveupdate.html

Categories: Tamilnadu-news

சிதறும் துதிபாடிகள் தினகரன் அதிர்ச்சி

Sun, 20/08/2017 - 20:23
சிதறும் துதிபாடிகள் தினகரன் அதிர்ச்சி
 
 
 

இரு அணிகள் இணைப்பு பேச்சு சுமுகமாக முடிந்துள்ளதால், தினகரன் அணியிலிருந்த, எட்டு, எம்.எல்.ஏ.,க்கள் முதல்வர் பழனிசாமி அணிக்கு ஓட்டம் பிடித்துள்ளதால், தினகரன் அதிர்ச்சி அடைந்துஉள்ளார்.

 

சிதறும்,துதிபாடிகள்,தினகரன்,அதிர்ச்சி

சமீபத்தில், மதுரை மேலுாரில், தினகரன் அணி நடத்திய, எம்.ஜி.ஆர்., நுாற்றாண்டு விழாவில், 20 எம்.எல்.ஏ.,க்கள், ஆறு எம்.பி.,க்கள் பங்கேற் றனர். தன்னிடம் உள்ள, 20 எம்.எல்.ஏ.,க்களின் மூலம், முதல்வர் பழனிசாமி அரசுக்கு, நெருக்கடி தரலாம் என, தினகரன் கருதினார்.

நேற்று முன்தினம், சென்னை அடையாறில் உள்ள தினகரன் வீட்டில், அவரது அணியை சேர்ந்த, எம்.எல்.ஏ.,க்களின் ஆலோசனை கூட்டம் நடந்தது. அதில், 12 எம்.எல்.ஏ.,க்கள் பங்கேற்றனர்.இரண்டாவது நாளாக, நேற்று நடந்த ஆலோசனைக் கூட்டத்தில்,

எம்.எல்.ஏ.,க் களின் எண்ணிக்கை குறைந்துள்ளது. வேலுாரில், அரசுநடத்தும், எம்.ஜி.ஆர்., நுாற்றாண்டு விழாவுக்கான, பந்தல்கால் நடும் விழா, நேற்று நடந் தது. இதில், தினகரன் அணியை சேர்ந்த, எம்.எல்.ஏ.,க் கள் ஆம்பூர் பாலசுப்பிரமணி, குடியாத்தம் ஜெயந்தி பத்மநாபன் ஆகியோர் மட்டுமே பங்கேற்றனர். இதனால், தினகரன் அதிர்ச்சி அடைந்துள்ளதாக, கட்சி வட்டாரங்கள் தெரிவித்தன.
 

பறிபோகிறது தினகரன் ஆதரவு மந்திரிகளின் பதவி


அ.தி.மு.க.,வின் பழனிசாமி அணியும் பன்னீர் அணியும் மெரினாவில் உள்ள ஜெ., நினைவிடத்தில் இன்று மாலை இணையவுள்ளன. அப்போது ஒற்று மைக்கான உறுதிமொழியும் எடுக்கப்படுகிறது. கட்சியை வழிநடத்த நியமிக்கப்பட உள்ள, வழி காட்டும் குழுவில், முதல்வர் பழனிசாமி அணி தரப் பில், அவரும், அமைச்சர்கள் செங்கோட்டையன், சீனிவாசன், சி.வி.சண்முகம் ஆகியோரும் இடம் பெற உள்ளனர்.

பன்னீர் தரப்பில், அவரும், முன்னாள் அமைச்சர்கள், முனுசாமியும், சண்முகநாதனும் இடம்பெறுகின்ற னர்.முதல்வர் பதவியில் பழனிசாமி தொடர உள்ள தால், பன்னீர் செல்வத்திற்கு, துணை முதல்வர் பதவியுடன் நிதி, பொதுப்பணித்துறை இலாகாக்கள் வழங்கப்பட உள்ளன. அவரது அணியை சேர்ந்த செம்மலை, பாண்டியராஜன் ஆகியோருக்கு,

 

முக்கிய இலாகாக்களுடன் கூடிய, அமைச்சர் பதவி தரப்படுகிறது. பன்னீர் அணியினருக்கு, முக்கிய இலாக்காக்கள் தர வேண்டியுள்ளதால், தினகரன் ஆதரவு அமைச்சர்களின் இலாக்காக் களை பறிக்க, பழனிசாமி திட்டமிட்டுள்ளார். இதன்படி, ராதாகிருஷ்ணன், விஜயபாஸ்கர், சரோஜா, வளர்மதி ஆகியோர் மீது உள்ள அதிருப்தியால், அவர்களிடம் உள்ள இலாகாக் களை மாற்றவும் முடிவாகி உள்ளது.

இரு அணிகளிலும், அமைச்சர் பதவியை எதிர்பார்த்து ஏமாற்றம் அடையும், எம்.எல்.ஏ.,க் களை திருப்திபடுத்த, தலா, 10 பேருக்கு, வாரிய தலைவர் பதவியும் வழங்கப்பட உள்ளது.நீண்ட இழு பறிக்குப்பின், இரு அணிகளின் இணைப்பு உறுதியாகி விட்டதால், தினகரன் ஆதரவாளர் கள் அதிர்ச்சி அடைந்துள்ளனர். - நமது நிருபர் -

http://www.dinamalar.com/news_detail.asp?id=1838040

Categories: Tamilnadu-news

ரஜினிகாந்த் அரசியலுக்கு வருவதற்கு முடிவு எடுத்துவிட்டார்..! தமிழருவிமணியன் சூளுரை

Sun, 20/08/2017 - 16:14
ரஜினிகாந்த் அரசியலுக்கு வருவதற்கு முடிவு எடுத்துவிட்டார்..! தமிழருவிமணியன் சூளுரை
 
 

நிச்சயமாக அரசியலுக்கு வருவதற்கு முடிவு எடுத்துவிட்டதாக ரஜினிகாந்த் என்னிடம் கூறினார் என்று தமிழருவி மணியன் தெரிவித்துள்ளார். 

bda01574-14d2-4ce0-b51d-3d76a4fca1e5_204


திருச்சியில் காந்திய மக்கள் இயக்கத்தின் தலைவர் தமிழருவி மணியன் தலைமையில் அரசியல் விழிப்புணர்வு மாநாடு நடைபெற்றுவருகிறது. இந்த மாநாடு ரஜினிகாந்தின் அரசியல் பிரவேசத்தை முன்னிருத்தி நடைபெற்றது. அந்த மாநாட்டில் பேசிய தமிழருவி மணியன் ரஜினிகாந்த் கூறியதாக நிறைய விஷயங்களை தெரிவித்தார். அதில் பேசிய தமிழருவி மணியன், 'காவிரி நீர் பிரச்னைக்கு நிரந்தர தீர்வு வரவேண்டும் என்று ரஜினி என்னிடம் கூறினார். ஆட்சியில் வெளிப்படைத் தன்மை வேண்டும் என்பதே தனது நோக்கம் என்று ரஜினிகாந்த் கூறினார்.

ac2280de-8afe-4de9-9188-47de10282c15_200

மக்களின் பிரச்னையை தீர்க்கவேண்டும் என்பதே தனது நோக்கம் என்றும் காமராஜரின் ஆட்சியை மீண்டும் காணவேண்டும் என்பதே தனது இலக்கு என்றும் நதிகள் இணைப்பை பத்து ஆண்டுகளில் செய்து முடிக்கமுடியும் என்றும் ஊழல் இல்லாத ஆட்சி அமைய வேண்டும் என்பதே தனது இலக்கு என்றும் நிச்சயமாக அரசியலுக்கு வருவதற்கு முடிவு எடுத்துவிட்டதாகவும் ரஜினிகாந்த் கூறியதாக தமிழருவி மணியன் தெரிவித்தார்.

மேலும் பேசிய தமிழருவி மணியன், 'கடந்த ஐம்பது ஆண்டுகளாக இரு திராவிடக் கட்சிகளும் தமிழகத்தை சீரழித்துவிட்டன. ரஜினிகாந்தை தமிழகம் தவறவிட்டால் மக்கள் வாழ வழியில்லாமல் போகும். ரஜினிகாந்த் தூய்மையான அரசியல் செய்யப் புறப்பட்டுவிட்டார். அவர் தேர்தலில் வெற்றி பெற்று கோட்டையில் அமரும் நாள்வரும். இரண்டு திராவிடக் கட்சிகளையும் வங்கக் கடலில் கொண்டு புதைக்கவேண்டும் என்பதே எனது நோக்கம். வைகோ முதல்வராக வேண்டும் என்று நான் விரும்பினேன். ஆனால், தற்போது அவருக்கு போதுமான வாக்கு வங்கி இல்லை. அரசியல் குறித்த முடிவுக்கு எடுப்பதற்கு முன்னதாகவே ரஜினிகாந்துக்கு 25 சதவீத வாக்கு வங்கி உள்ளது. அவர் அரசியல் வியூகம் அமைத்தால் 45 சதவீத வாக்கு வங்கி அமையும்' என்று தெரிவித்தார். 

http://www.vikatan.com/news/tamilnadu/99726-tamilzharuvi-manian-told-rajini-told-to-him-he-will-come-to-politics.html

Categories: Tamilnadu-news