தமிழகச் செய்திகள்

தளபதி Vs தளபதி - கோபபுரம் ஆன கோபாலபுரம்!

Sat, 06/01/2018 - 06:14
மிஸ்டர் கழுகு: தளபதி Vs தளபதி - கோபபுரம் ஆன கோபாலபுரம்!
 
 

 

p4c_1515146086.jpg‘‘இப்போதெல்லாம் இரண்டு தமிழர்கள் சந்தித்துக்கொண்டால், ‘ரஜினிக்கு ஓட்டுப் போடுவாயா?’ என்றுதான் விவாதித்துக்கொள்கிறார்கள்’’ என்றபடி உள்ளே நுழைந்தார் கழுகார். போயஸ் கார்டனில் உள்ள ரஜினிகாந்த் வீட்டில் நடந்த சுவாரஸ்யங்கள், நட்சத்திர ஹோட்டலில் பத்திரிகையாளர்களுடன் ரஜினி நடத்திய கலந்துரையாடல், கோபாலபுரத்தில் தி.மு.க தலைவர் கருணாநிதியுடனான ரஜினியின் சந்திப்பு என அனைத்தையும் கவர் செய்துவிட்டு வந்திருந்தார் அவர்.

‘‘தி.மு.க தலைவர் கருணாநிதியை ரஜினி சந்தித்ததில் என்ன விசேஷம்?’’ என்றோம்.

‘‘கருணாநிதியுடனான ரஜினியின் சந்திப்பு, ‘மரியாதை நிமித்தமானது’ என்று சொல்லப்பட்டது. ஆனால், அந்த விவகாரம் பூமராங்காக மாறிவிட்டது. அந்த நிகழ்வு இரண்டு விஷயங்களை உணர்த்திவிட்டது. ஒன்று, ‘அரசியல் கட்சி ஆரம்பிப்பதற்கு முன்பாகவே அரசியல்வாதிக்கான அனைத்துத் தகுதிகளையும் ரஜினி அடைந்து விட்டார்’ என்பது. மற்றொன்று, ‘நல்ல நண்பர்களாக இருந்த மு.க.ஸ்டாலினும் ரஜினியும் அரசியல் எதிரிகளாக உருமாறத் தொடங்கி யுள்ளனர்’ என்பது.’’

‘‘அப்படியா... அந்த அளவுக்கு என்ன நடந்தது?’’

‘‘நான் சொல்வதை வரிசையாகக் கேளும். அப்போதுதான், அந்த விவகாரத்தின் பின்னால் இருக்கும் அரசியல் புரியவரும். ஜனவரி 2-ம் தேதி, கருணாநிதியைச் சந்திக்க ரஜினி தரப்பிலிருந்து அப்பாயின்ட்மென்ட் கேட்கப்பட்டது. அதை ரஜினி தரப்பு மு.க.ஸ்டாலினிடம் முதலில் கேட்கவில்லை. நேரடியாக, கோபாலபுரத்தைத் தொடர்பு கொண்டு கேட்டனர். அந்தப் புள்ளியிலேயே ரஜினிகாந்த் அரசியல்வாதியாக தன்னை வெளிப்படுத்தத் தொடங்கியிருந்தார்.’’

‘‘ஆரம்பமே விவகாரமாக இருக்கிறதே?’’

p4b_1515146112.jpg

‘‘ஆமாம். சாதாரண நாள்களில் இதுபோல் கோபாலபுரத்தைத் தொடர்புகொண்டு ரஜினி அப்பாயின்ட்மென்ட் கேட்டிருந்தால், கோபாலபுரத்திலேயே நேரம் ஒதுக்கிக் கொடுத்திருப்பார்கள். அந்தத் தகவலைப் பிறகு மு.க.ஸ்டாலினுக்கும் தெரிவிப்பார்கள். அவரும் சந்தோஷமாகக் கேட்டுக்கொள்வார். ஆனால், நிலைமை இப்போது அப்படி இல்லை. ‘தனியாக அரசியல் கட்சி ஆரம்பிக்கப்போகிறேன்’ என்று ரஜினி அறிவித்திருப்பதால், இந்த விஷயத்தில் கோபாலபுரம் ஆட்கள் உஷாராக இருந்தனர். ‘தளபதிதான் இதில் முடிவு செய்ய வேண்டும்; அதனால், நீங்கள் தளபதியிடம் பேசுங்கள்’ எனச் சொல்லிவிட்டனர்.  இதையடுத்து, ஸ்டாலினிடம் தொலைபேசியில் தொடர்புகொண்டு அப்பாயின்ட்மென்ட் கேட்டுள்ளார் ரஜினி.’’

‘‘அப்படியா?’’

‘‘ஸ்டாலினிடம் பேசிய ரஜினி, ‘அப்பாவைப் பார்த்து உடல்நலம் விசாரிக்க வேண்டும்; நாளை (3-ம் தேதி) காலை 8 மணிக்கு கோபாலபுரம் வரலாமா?’ என்று கேட்டுள்ளார். அதற்கு, ‘தாராளமாக வந்து பாருங்கள். ஆனால், காலை 8 மணிக்குத் தலைவர் ஓய்வில் இருப்பார்; அவர் இப்போது கட்சிக்காரர்கள், தலைவர்கள் என யாராக இருந்தாலும், மாலை 6 மணிக்கு மேல்தான் சந்திக்கிறார். அதனால், மாலை 6 மணிக்கு மேல் கோபாலபுரம் வந்துவிடுங்கள். நானும் வந்துவிடுகிறேன். பத்திரிகையாளர்களுக்குச் சொல்ல வேண்டாம். நிறைய கூட்டம் வந்துவிட்டால், அது தலைவருக்கும் தொந்தரவாகப் போய்விடும். வேறுமாதிரியான செய்திகளும் வரும்’ என மு.க.ஸ்டாலின் சொல்லியிருக்கிறார். ஆனால், நடந்தது எல்லாம் அதற்கு உல்டாதான்!’’

‘‘என்ன நடந்தது?’’

‘‘ரஜினி அப்பாயின்ட்மென்ட் கேட்ட விவரம் மட்டுமே கோபாலபுரத்திலும், மற்ற தி.மு.க மேல்மட்ட ஆட்களுக்கும் தெரியும். ஆனால், ரஜினிக்கு மு.க.ஸ்டாலின் அப்பாயின்ட்மென்ட் கொடுத்த விஷயம் தி.மு.க தரப்பில் ஸ்டாலினைத் தவிர வேறு யாருக்கும் தெரியாது. அப்படியிருக்கும்போது, இந்தத் தகவல் 3-ம் தேதி காலை 8 மணிக்கே அனைத்து மீடியாக்களிலும் செய்தியாக வந்தது. அதைப் பார்த்த ஸ்டாலின் அப்போதே அப்செட் ஆகிவிட்டார். ‘மீடியாக்களிடம் சொல்ல வேண்டாம் எனக் கேட்டுக்கொண்டபிறகும், ரஜினி தரப்பிலிருந்து மீடியாக்களுக்குச் செய்தி போயிருக்கிறதே’ என ஸ்டாலின் வெளிப்படையாக வருத்தப்பட்டுள்ளார். இது முதல் கோணல்!’’

‘‘அடுத்த கோணல் எங்கே ஆரம்பித்தது?’’

‘‘3-ம் தேதி இரவு 7.53 மணிக்கு ரஜினி கோபாலபுரம் வந்தார். இதற்கு முன்பெல்லாம் ரஜினி வரும்போது, கோபாலபுரத்தில் ஸ்டாலின் இருந்தால், வாசல் வரை வந்து வரவேற்பார். ஆனால், இந்தமுறை அவர் வரவேற்பறையை விட்டு வெளியில் வரவில்லை. ரஜினி வந்ததும், கோபாலபுரத்தில் உள்ள வரவேற்பறையில் ரஜினியை அமரவைத்த ஸ்டாலின், சிறிது நேரம் அவருடன் பேசிக் கொண்டிருந்தார். ‘நான் கட்சி ஆரம்பிக்கப்போவதால், நம்முடைய நட்பில் எந்த மாற்றமும் இல்லை’ என ரஜினி சொன்னார். அதைக்கேட்டு சிரித்த ஸ்டாலின், ‘அதில் ஒன்றும் பிரச்னை இல்லை. எப்போதும்போல் தொடரலாம்’ என்று பதில் சொல்லியுள்ளார். திடீரென்று ரஜினி, ‘மத்திய அரசு  சொல்வதைத்தான் தேர்தல் ஆணையம் கேட்குமா? ஆர்.கே. நகர் தேர்தலில் பணப்புழக்கத்தைத் தேர்தல் ஆணையம் ஏன் தடுக்கவில்லை’ என்று கேட்டுள்ளார். இதை ஸ்டாலின் எதிர்பார்க்கவில்லை. ஆனாலும், விளக்கமாகப் பதில் சொன்னார் அவர்.  ‘மத்திய அரசு சொல்வதைத்தான் தேர்தல் ஆணையம் கேட்க வேண்டும் என்பதில்லை. ஆனால், ஆர்.கே. நகர் தேர்தல் அப்படித்தான் நடந்தது. அவர்கள் பிரஷரில்தான் ஏப்ரல் மாதம் நடக்க இருந்த ஆர்.கே. நகர் தேர்தல் ரத்து செய்யப்பட்டது. அதன்பிறகு இரட்டை இலை முடக்கப்பட்டது. பிறகு, இரட்டை இலையை ஓ.பி.எஸ்-இ.பி.எஸ் அணிக்குக் கொடுத்துவிட்டு, ஆர்.கே. நகர் தேர்தல் தேதியை அறிவித்தனர். தேர்தல் ஆணையம் நினைத்திருந்தால், இப்போது இடைத்தேர்தலில் புழங்கிய பணத்தைக் கட்டுப்படுத்தி இருக்கலாம்’ என்று சொல்லிவிட்டு, எந்தெந்த வழிகளில் பணம் கொடுக்கப்பட்டது என்பதையும் கதை கதையாகச் சொல்லியிருக்கிறார். அதன்பிறகுதான், கருணாநிதியைச் சந்திக்க ரஜினியை மாடிக்கு அழைத்துச் சென்றுள்ளார் ஸ்டாலின். அங்குதான் இரண்டாவது கோணல் தொடங்கியது.’’

p4a_1515146145.jpg

‘‘அது என்ன?’’

‘‘மாடிக்குப் போகும்போது ஸ்டாலினிடம், ‘நான் அரசியல் கட்சி ஆரம்பிக்கப்போவதை அப்பாவிடம் சொல்லலாமா’ என்று ரஜினி கேட்டுள்ளார். ‘ம்... சொல்லுங்கள்’ என்று ஸ்டாலின் அதற்கும் அனுமதித்துள்ளார். அதன்பிறகு, கருணாநிதி-ரஜினி சந்திப்பு நடைபெற்றது. ரஜினியை அடையாளம் கண்டுகொண்ட கருணாநிதி, எதுவும் பேசவில்லை என்றாலும்... அவரைப் பார்த்துச் சிரித்துள்ளார். இதையடுத்து, கருணாநிதியின் கைகளைப் பற்றிக்கொண்டு, ‘நான் அரசியல் கட்சி தொடங்கப்போகிறேன்’ எனக் கூறியுள்ளார் ரஜினி. அதற்கு, கருணாநிதியிடமிருந்து எந்த ரியாக்‌ஷனும் இல்லை. அதன்பிறகு சிறிது நேரம் இருந்த ரஜினி, ‘உடல்நிலை எப்படி இருக்கிறது... எதுவும் தொந்தரவு இல்லையே? என்று கருணாநிதியிடம் கேட்டுள்ளார். அதற்குப் பதில் சொல்லும் நிலையில் கருணாநிதி இல்லை. ஸ்டாலின் சொல்லியிருக்கலாம். ஆனால், அவர் சொல்லவில்லை. ரஜினியின் எல்லாக் கேள்விகளுக்கும், கருணாநிதியின் உதவியாளர் நித்யாதான் பதில் சொல்லியிருக்கிறார். அதன்பிறகு கருணாநிதியிடம் விடைபெற்றுக்கொண்டு கீழே இறங்கிய ரஜினி, ‘அம்மா எங்கே இருக்கிறார்’ என்று ஸ்டாலினிடம் கேட்டு, தயாளு அம்மாளையும் பார்த்து ஆசீர்வாதம் வாங்கினார். அதன்பிறகு கோபாலபுரம் வீட்டை விட்டு வெளியே வந்த ரஜினி பத்திரிகையாளர்களிடம், ‘கருணாநிதி என் நீண்ட கால நண்பர். எப்போதும் புத்தாண்டு அன்று அவரைச் சந்தித்து ஆசி பெறுவேன். அவருக்குப் புத்தாண்டு வாழ்த்துச் சொல்லிவிட்டு, உடல்நலம் பற்றி விசாரித்தேன். அதோடு, நான் அரசியல் கட்சி தொடங்கப்போவதைச் சொல்லி ஆசீர்வாதம் வாங்கினேன்’ என்றார். அதுதான் ஸ்டாலினுக்கு உச்சகட்ட எரிச்சலை ஏற்படுத்தியது.’’

‘‘கருணாநிதியிடம் சொன்னதைத் தானே ரஜினி பேட்டியாகவும் கொடுத்தார். அதில் என்ன பிரச்னை?’’

‘‘கருணாநிதியிடம், ‘நான் அரசியல் கட்சி ஆரம்பிக்கப்போகிறேன்’ என்ற தகவலை மட்டும்தான் ரஜினி சொன்னார். அவர் பேட்டி கொடுத்ததுபோல், கருணாநிதியிடம் ஆசீர்வாதம் கேட்கவும் இல்லை; கருணாநிதி ஆசீர்வாதம் வழங்கவும் இல்லை. இதில்தான் கொதித்துப் போனார் ஸ்டாலின். உடனடியாக கருணாநிதியின் உதவியாளர் ராஜ மாணிக்கத்தைத் தொடர்புகொண்டு பேசினார் ஸ்டாலின். ராஜமாணிக்கம் என்ன சொன்னாரோ, தெரியவில்லை. ஸ்டாலினும் உடனடியாகப் பத்திரிகையாளர்களைச் சந்தித்தார். ‘கருணாநிதியை ரஜினி சந்திப்பது ஒன்றும் புதிதல்ல. அரசியல் நாகரிகம், பண்பாட்டின் அடிப்படையில் கருணாநிதி ரஜினியை இன்முகத்தோடு வரவேற்று வாழ்த்தினார். அதைத்தான் ரஜினியும் உங்களிடம் சொல்லி யிருப்பார் எனக் கருதுகிறேன். விஜயகாந்த் கட்சி ஆரம்பித்தபோது, அவரும் தலைவரிடம் வந்து வாழ்த்துப் பெற்றுவிட்டுத்தான் போனார்’ என்றார். பிறகுதான் தன் கோபத்தை வெளிப்படுத்தினார். ‘ஏதோ தமிழ்நாட்டில் இருக்கக்கூடிய திராவிட இயக்கத்தையே அழித்துவிடலாம் என்று ஒரு சிலர் திட்டமிட்டு, பலருடைய தூண்டுதலால் ரஜினி கட்சி தொடங்கியிருப்பதாக ஒரு சித்திரத்தைச் சிலர் உருவாக்கிக் கொண்டிருக் கிறார்கள். தமிழக மண் திராவிட இயக்கத்தின் மண். பெரியார், அண்ணா, கருணாநிதியால் பண்பட்டது தமிழக மண். யாராலும் திராவிடத்தை அழிக்க முடியாது. திராவிட இயக்கத்தை அழிக்க நினைப்பவர்கள் தோற்றதுதான் வரலாறு’ எனக் கொந்தளித்தார்.’’

‘‘எப்படியோ ரஜினி அரசியலில் முதல் டெஸ்ட்டில் பாஸாகிவிட்டார் என்று சொல்லும்’’ என்றதும், சிரித்தபடி கழுகார் பறந்தார்.

படங்கள்: கே.ஜெரோம்

p4_1515145945.jpg

dot_1515145976.jpg கருணாநிதியின் உதவியாளர் சண்முகநாதனுடன் மு.க.ஸ்டாலின் இப்போது சரியாகப் பேசுவதில்லை. சில நாள்களுக்கு முன்பு கோபாலபுரம் வீட்டுக்கு வந்த மு.க.அழகிரியோடு, சண்முகநாதன் அரை மணி நேரத்துக்கும் மேலாக மனம்விட்டுப் பேசியுள்ளார். இந்தத் தகவல் வேறு மாதிரியாக ஸ்டாலின் காதுகளுக்குக் கொண்டு போகப்பட்டதாம். 2004-ம் ஆண்டு அழகிரியைக் கட்சியிலிருந்து நீக்கி கருணாநிதி அறிக்கைவிட்ட பிறகு, அழகிரியுடன் பேசாமல் இருந்தவர் சண்முகநாதன் என்பது குறிப்பிடத்தக்கது.

dot_1515145976.jpg லாயிட்ஸ் ரோட்டில் உள்ள அ.தி.மு.க தலைமை அலுவலகத்தில் ஜெயலலிதாவின் அறை முதல் மாடியில் இருந்தது. அவர் மறைவுக்குப் பிறகு, அந்த அறை பூட்டியே கிடந்தது. எடப்பாடி- பன்னீர் இணைப்புப் படலத்துக்குப் பிறகு அந்த அறையை இரண்டாகப் பிரித்துள்ளனர். கட்சியின் ஒருங்கிணைப்பாளர் பன்னீருக்கும், இணை ஒருங்கிணைப்பாளர் எடப்பாடிக்கும் பிரத்யேக அறைகளாக இவை மாற்றப்பட்டுள்ளன.

dot_1515145976.jpg வடக்கே கோட்டை இருக்கும் மாவட்டத்து அமைச்சர் ஓசூர் மற்றும் பெங்களூருவில் செய்து வரும் முதலீடு விவரங்கள் பற்றி மாநில உளவுத்துறைத் துல்லியமாக ‘நோட்’ அனுப்பியதாம். அதனால், அவருக்கு ஏகக்கடுப்பாம். ஆர்.கே. நகர் தேர்தலுக்குப் பிறகு தனக்கு வேண்டிய மீடியாக்களிடம், ‘உளவுத்துறை காலை வாரிவிட்டது’ என்று ‘வீர’மாக உளறிக்கொட்டியிருக்கிறார் அந்த அமைச்சர். இந்த விஷயம் முதல்வர் அலுவலகத்துக்குப் போனதாம். அந்த அமைச்சரை அழைத்து, ‘ஏடாகூடமாக வதந்தி பரப்பாதீர்’ என்று எச்சரித்தார்களாம்.

dot_1515145976.jpg டாஸ்மாக் கடைகளையொட்டிய பார்களுக்கான டெண்டர் விடும் விவகாரம் பிரச்னையில் இருக்கிறது. டெண்டர் தொகையைக் குறைக்கச் சொல்லி பார் உரிமையாளர்கள் போராடி வருகிறார்கள். இருந்தாலும், சில ஊர்களில் பார்கள் ஏலம் போய்விட்டது. இன்றைய நிலவரப்படி, தமிழகத்திலேயே அதிக பார் ஏலம் போனது முதல்வர் எடப்பாடியின் சேலம் மாவட்டத்தில்தான்.

dot_1515145976.jpg ஜெயலலிதா உயிருடன் இருந்தபோது எடுக்கப்பட்ட வீடியோக்கள் ஐந்து பாகங்களைக் கொண்டதாம். முதல் இரண்டு பாகங்களை வெற்றிவேல் வெளியிட்டார். இவற்றையும் சேர்த்து நான்கு பாகங்களை நீதிபதி ஆறுமுகசாமி கமிஷனிடம் டி.டி.வி.தினகரன் அளித்துள்ளார். ஐந்தாவது பாகம் மட்டும் சசிகலா வசம் இருக்கிறதாம். அதில்தான், மிக ஆச்சர்யமான காட்சிகள் இருப்பதாக தினகரன் தரப்பினர் சொல்கிறார்கள்.

dot_1515145976.jpg சில நாள்களுக்கு முன்பு, திருவண்ணாமலை கோயிலுக்குப் போவதாகச் சொல்லிவிட்டு, மன்னார்குடி அருகேயுள்ள தனது குலதெய்வக் கோயிலுக்குக் குடும்பம் சகிதமாக தினகரன் காரில் கிளம்பிப்போனாராம். மன்னார்குடியில் இருந்த திவாகரனுக்குத் தகவல் போனதும், மதிய விருந்துக்குத் தன் வீட்டுக்கு வரவேண்டும் என்று அன்புக்கட்டளை போட்டாராம். விருந்துக்குப்பிறகு இருவரும் நீண்ட நேரம் தனியாகப் பேசிக்கொண்டிருந்தார்களாம்.

https://www.vikatan.com

Categories: Tamilnadu-news

ரஜினி + அரசியல் + நேர்மை + கொள்கை = 2.0 பிளாக் டிக்கெட்

Fri, 05/01/2018 - 21:59
ரஜினி + அரசியல் + நேர்மை + கொள்கை = 2.0 பிளாக் டிக்கெட்
T3 Lifeஜனவரி 4, 2018

கார்த்திக்

ரஜினி தனிக்கட்சி தொடங்கப்போகிறார், ஜனநாயகத்தில் யார் வேண்டுமானாலும் அரசியலுக்கு வரலாம் அது அவர் விருப்பம். சீமான் சொல்வதைப்போல தமிழ் நாட்டை தமிழன் தான் ஆள வேண்டுமென்றால், எடப்பாடி கூட தமிழன் தான், வைகுண்டராஜன் கூட தமிழன் தான், சின்னம்மா கூட தமிழச்சி தான் அந்த இனவாதத்திற்குள் இருந்து ரஜினியை எதிர்க்க முடியாது.காவிரி விடயத்தில் கர்நாடத்திடம் மன்னிப்பு கேட்டார் ரஜினி, அது அங்கு பிறந்ததால் அல்ல அவர் படம் அங்கும் ஓட வேண்டும் என்பதால் மட்டுமே. இங்கு இனவாதத்தை வைத்துக்கொண்டு ஒன்றும் பண்ண முடியாது. அதன் அரசியல் செல்வாக்கு ஓரளவு தான்.

ரஜினி பேசிய இரண்டு விடயங்கள் இங்கு முக்கியமானது

1) கொள்கை (கொளுக ) என்னனு கேட்டாங்க தல சுத்திடுச்சு
2) போராட்டம் பண்ணறதுக்கு நிறைய பேர் இருக்காங்க

முதலில் இரண்டாம் பாயிண்டில் இருந்து செல்வோம். அதாவது ரஜினியை இழிவுபடுத்துவதாக அவர் ரசிகர்கள் கொதிக்கிறார்கள் , இது போராட்டக்காரர்களை இழிவுபடுத்துவதாக இல்லையா. நீங்கள் மரத்தை சுற்றி ஐஸ்வர்யா ராயுடன் டூயட் பாடிக்கொண்டிருந்த பொழுது. தெருவில் இறங்கி போராட்டம் நடத்தியவர்கள் பார்த்து ஏளன பார்வை. நீங்கள் பத்து பேரை அடித்து திரையில் பறக்கவிட்டுக்கொண்டு இருந்த பொழுது, போராடி பத்து போலீஸ் நடுவில் தடியால் அடி வாங்குகிறானே அவனைப்பற்றி உங்களுக்கு தெரியுமா ஆன்மிக அரசியலே? எத்தனை விதமான அரசியல் போராட்டங்கள் களத்திலே உள்ளது என்பது தெரியுமா?

1) சாதியை ஒழிக்கும் சமூக நீதி போராட்டம். இந்த காலத்துல யாரு சார் சாதி பாக்குறாங்கனு சொல்பவர்கள் மலம் அள்ளுவது எந்த சாதி, ஊரில் ரெட்டை குவளை முறை பற்றி தெரியாத மேட்டுக்குடி வகையறா….சாதியை எதிர்த்து கபாலி படத்தில் ஒரு வசனம் வைத்ததற்கு உங்கள் டௌசேrai உங்கள் ரசிகர்கள் கழட்டினார்கள். எத்தனை எதிர்ப்பு வந்தது. சாதி ஒழிப்பிலே களத்தில் யார் யார் நிற்பார்கள் என்பதாவது தெரியுமா? பெரியார் அமைப்புகள், தலித் அமைப்புகள், கொஞ்சம் இடதுசாரிகள். சாதி ரீதியாக ஒன்றிணைக்காமல் எதுவும் செய்ய முடியாது, அதாவது தெரியுமா? சமத்துவத்தை எப்படி கொண்டுவருவீர்கள். இதைத்தேட வேண்டுமென்றாலே பெரியார், அம்பேத்கர், பூலே, அயோத்திதாசர், ரெட்டமலை ஸ்ரீநிவாசன் பற்றி தெரியவேண்டும். இவர்களை எதற்கு படிக்கவேண்டும், நீங்கள் எல்லாவற்றையும் களத்தில் தான் தெரிந்துகொள்வேன் என்றால் நேரம் இல்லை அதனால்.

சரி இந்த சாதி ஒழிப்பு பற்றி எதற்கு பேச வேண்டும். அதன் தொடர்ச்சி தான் ‘நீட்’ போன்ற தேர்வுகளின் பிரச்சனைகள் . இந்த சாதி பற்றி கொள்கை ஒன்று இல்லாமல் எப்படி ‘நீட்’ பற்றி முடிவுக்கு வருவீர்கள். நீங்கள் நல்லவராக கூட இருந்துவிட்டு போங்கள் ஆனால் கொள்கை இல்லாமல் முடிவுகள் எடுக்கவே முடியாது.சாதி மதம் பற்றிய பார்வை கொஞ்சம் கூட இல்லாமல் நல்லவன் என்று சொல்வது எவ்வளவு அபத்தம். இங்கு ‘நீட் ‘ என்ற பிரச்சனை அதற்கு முடிவு எடுக்கவேண்டுமென்றால், ஒரு தலித் வாழ்வியலை பற்றி கொஞ்சமாவது தெரிந்திருக்க வேண்டும்.

rajini.jpg?w=829&h=584

இடஒதுக்கீடு பற்றி உங்கள் கொள்கை என்ன. gentle man படத்தில் வருவதை போல பேசினோமானால் சாதாரண மக்கள் உங்களிடம் விலகி விடுவார்கள் அது உங்களுக்கு தெரியுமா? உங்கள் சுயநலம் என்றாலும் கொள்கை தேவை.

கூடங்குளம் போராட்டத்தை மதத்தை கொண்டு தான் மக்களை பிரித்தார்கள். மதத்தை பற்றி உங்கள் பார்வை என்ன. குறைந்தபட்சம் கிடா விருந்தை உங்கள் “ராகவேந்திரா கல்யாண மண்டபத்தில்” செய்ய முடியுமா? வெறும் சைவம் தானே போட்டீர்கள். அசைவம் என்றால் கேவலம் என்ற நினைப்பு உள்ளிருப்பது தானே காரணம். இங்கு உழைக்கிற வர்க்கம் எல்லாமே அசைவ பிரியர்கள், அதுவும் கடுமையான உடல் உழைப்பு செய்பவர்கள் மாட்டு இறைச்சி தான். இது அவர்களை கேவலப்படுத்துவதுடன் அவர்களை உங்களிடம் இருந்து தள்ளி வைக்கும். உடல் உழைப்பு அதிகம் செய்பவன் மாட்டு இறைச்சி தான் சாப்பிடுவான்.

2) corperate சுரண்டங்கள், நம் கனிம வளங்களை எல்லாம் சில பன்னாட்டு நிறுவனங்கள் சூறையாடுகின்றன.

உதாரணமாய் ஒரு கார் தொழிற்சாலை, உங்கள் ஊரில் இருக்கும் தண்ணீர் வளத்தை எல்லாமே சுரண்டுகிறது. ஒரு கார் தயாரிக்க ஒன்றை லட்சம் லிட்டர் செலவு ஆகிறது. ஒட்டு மொத்தமாக நாட்டை நீர் வளம் இல்லாமல் ஆக்கி விடும். இங்கு ஜெயாவோ இல்லை கருணாநிதியோ வந்தால் முதலாளிகளுக்கு சலுகை தான். 600 கோடி முதலீடு போட்டால், 750 கோடிக்கு மேல் அவர்களுக்கு சலுகை தருவார்கள், நீர் மின்சாரம் எல்லாம் சல்லீசாய் கிடைக்கும். phonix மால் போன்ற இடங்களை மக்கள் போக்குவரத்துக்கு பாதிப்பு ஏற்படும் என்று தெரிந்தும், அங்கு நிலத்தடி நீர் சுரண்டப்படும் என்று தெரிந்து அனுமதி கொடுப்பார்கள். ஒரு கொள்கை என்பது இல்லாமல் அந்தத்தருணத்தில் எப்படி முடிவு எடுப்பீர்கள் தலைவா?

OMR அந்த செழிப்பான நிலங்கள் எல்லாம் corperate வேட்டைக்காடுகள் ஆகி விட்டன. தேவை கொள்ளை லாபம். அதை எல்லாம் எப்படி சமாளிப்பீர்கள்? கட்சிக்கு கொள்கை அதாவது நான் முதலாளி பக்கம் தான் பா அவன் தானே வேலை கொடுக்கிறான் என்று கூட நீங்கள் கொள்கை வைத்துக்கொள்ளலாம். நான் சொல்லவருவது தவறோ சரியோ கொள்கை இல்லாமல் என்ன செய்துவிட முடியும். அடுத்தவருக்கு கொள்கை இருக்கா? நீங்கள் கொண்டு வரப்போவது மாற்று அரசியல் தானே ஏன் அவர்களை உதாரணம் காட்ட வேண்டும் .

வளங்கள் சுரண்டப்படுவதற்கு ஊரு பட்ட உதாரணங்கள் உண்டு. இதற்கு யார் போராட்டக்காரர்கள்

1) இடதுசாரிகள்

3) நீங்கள் தமிழகத்தை பார்த்து ஊரே சிரித்தது போல சொல்கிறீர்கள். தமிழகத்தை திராவிட காட்சிகள் சீரழித்தது என்ற பிம்பம் மக்கள் மத்தியில் பதிய வைக்கப்படுகிறது. உண்மையில் இவர்கள் ஆட்சி சரியாக இல்லை தான். ஆனால் மற்ற மாநிலங்களை பார்க்கும்பொழுது இவர்கள் வளர்ச்சி மேம்பட்டதாக இருக்கிறது. கட்டுமானம், கல்வி, சுகாதாரம் என்று எது எடுத்துக்கொண்டாலும் புள்ளிவிவரங்களை பார்த்தால் தமிழகம் நன்றாக தான் இருக்கிறது. வடமாநிலங்களுக்கு செல்பவர்களை கேளுங்கள் இன்னும் அங்கு கொத்தடிமை தனம் உள்ளது.

மக்கள் அடிமைகளாக இருக்கும் ஊர்கள் உண்டு. இங்கு அப்படி அல்ல. அங்கு எல்லாம் இங்கே எழுதுவது போல எழுதினால் கையை எடுத்துவிடுவார்கள். அதனால் தான் வடமாநிலங்களில் பாரதிய ஜனதா கட்சி வலுவாக உள்ளது. அங்கே மதத்தை வைத்து ஏமாற்றுவது போல் இங்கு ஏமாற்ற முடியாது என்பதே உண்மை. நீங்கள் எல்லாம் சிரிக்கும் அளவு தமிழகம் இல்லை தலைவரே.

4) தமிழகத்தில் முக்கிய பிரச்சனைகள்

1) காவேரி பிரச்சனை
2) முல்லைப்பெரியாறு பிரச்சனை
3) கூடங்குளம் பிரச்சனை
4) கதிரமங்கலம் பிரச்சனை
5) நீட் தேர்வு
6) சாதாரண மக்கள் நகருக்கு வெளியில் தூக்கி அடிக்கப்படுவது பெரும்பாக்கம் செம்மஞ்சேரி போன்ற
இடங்கள் (காலா படப்பிடிப்பில் ரஞ்சித் இடம் கேட்டுக்கொள்ளவும்)
7) சென்னைக்கு வருடத்திற்கு 5 லட்சம் பேர் புலம் பெயர்வது.
8) நீர் மேலாண்மை, சென்னையில் பெருமழை வந்தால் எப்படி சமாளிப்பது.

இதைப்போன்று பிரச்சனைகள் உண்டு. வேறு முக்கியமான பிரச்சனைகள் கூட இருக்கலாம், இதில் எல்லாம் பார்வை கருத்தை கூட சொல்லமாட்டிர்கள் சொல்லிவிட்டால் வீட்டிற்க்கு ரைட் வந்துவிடும். கட்சி 3 வருடம் கழித்து ஆரம்பிப்பேன் என்றால் சிரிப்பு வருமா வராதா? 3 வருடம் கழித்து ஆரம்பிக்கும் கட்சிக்கு இன்றே அறிவிப்பு ஏன் உங்கள் இரண்டு படங்களுக்கும் promotion என்றே சொல்வார்கள். உண்மைதானே.

சரி election வரும்பொழுது தானே நிற்க முடியும் சரி. களத்தில் நின்று போராடலாமே . கன்னியாகுமாரி மீனவர்கள் இன்னும் வீடு திரும்பவில்லை ஆயிரக்கணக்கில் அங்கு செல்லவேண்டியது தானே. அந்த மக்களுக்காக போராடலாம் , அதுவும் செய்ய முடியாது 3 வருடம் கழித்து எனக்கு உடம்பு சரி இல்லை என்று நீங்கள் ஜகா கூட வாங்கலாமே . 3 வருடத்தில் நாட்டையே விற்றுவிடுவாரே மோடி அதற்கு என்ன செய்வீர்கள். election வரும்பொழுது நில்லுங்கள், இப்பொழுது சம கால பிரச்சனைகளுக்கு குரல் கொடுக்கலாமே ….நோ கமெண்ட்ஸ் என்றால் எவன் செத்தாலும் பரவா இல்லை என்று அர்த்தம் எடுத்துக்கொள்ளலாமா?

குறிப்பு: ரஜினி ரசிகர்கள் 1000 2000 3000 ரூபாய் கொடுத்து தானே படம் பார்க்கிறார்கள். அது எந்த நேர்மையின் கீழ் வரும். குறைந்தபட்சம் 2.0 படத்திற்கு பிளாக் டிக்கெட் இல்லை என்ற தையிரமான முடிவை தலைவரால் எடுக்க முடியுமா? பிளாக் டிக்கெட் பாக்கறது எல்லாம் அவர் வேலை இல்லை என்றால், உங்கள் சிஸ்டம் சரி பண்ண முடியாத நீங்கள் வேறு எதை சரி பண்ணுவீர்கள். 1000 2000 ரூபாய் டிக்கெட் வசூலால் தான் 250 கோடி வசூல் காட்டமுடிகிறது, அது தலைவர் 40 கோடி சம்பளம் உருவாக்குகிறது. அந்த 40 கோடிக்கு தலைவர் tax கட்டலாம் அந்த 40 கோடி மார்க்கெட் இந்த பிளாக் மார்க்கெட்டில் உருவாகுகிறது . நீங்கள் சமூகத்தை எல்லாம் மாற்றுவது ஒரு புறம் குறைந்தபட்சம் 100 ரூபாய்க்கு டிக்கெட் விற்பனை செய்யுங்கள் பார்ப்போம். நீங்கள் இது வரை நேர்மையாக இல்லாது இருக்கும் பொழுது கூட கொஞ்சம் மாறி இருக்கிறார்கள் என்றாவது ஒத்துக்கொள்ளலாம்.

கார்த்திக், யூ ட்யூப் விமர்சகர்

 

https://thetimestamil.com/2018/01/04/ரஜினி-அரசியல்-நேர்மை-கொள/

Categories: Tamilnadu-news

வெளியேறுகிறார் விவேக் ஜெயராமன்! - வீணாகிப்போனது தினகரனுக்கான சசிகலா சமரசம் #VikatanExclusive

Fri, 05/01/2018 - 12:03
வெளியேறுகிறார் விவேக் ஜெயராமன்! - வீணாகிப்போனது தினகரனுக்கான சசிகலா சமரசம் #VikatanExclusive
 
 

விவேக் ஜெயராமன்

Chennai: 

டி.டி.வி.தினகரன்-விவேக் ஜெயராமன் மோதல் கிளைமாக்ஸை நெருங்கிவிட்டது. பெங்களூரு சிறையில் சசிகலாவுடன் நடந்த விவாதத்தின் விளைவாக ஒட்டுமொத்த நிர்வாகத்திலிருந்தும் விவேக் ஜெயராமன் விலக இருக்கிறார். ‘அவர்தான் என்னைத் திட்டுகிறார் என்றால், நீங்களும் என்னைத் திட்டுகிறீர்கள். உங்களுக்காகத்தான் நான் இவ்வளவு செய்கிறேன். நீங்களே என்னைப் புரிந்து கொள்ளாமல் இருந்தால் எப்படி?’ என சசிகலாவுடன் நேரடியாக கொதிப்பைக் காட்டியிருக்கிறார் விவேக்.

 

பெங்களூரு பரப்பன அக்ரஹாரா சிறைக்குள் சசிகலா செல்வதற்கு முன்பாக, கட்சி நிர்வாகத்தை டி.டி.வி.தினகரனிடம் ஆட்சி நிர்வாகத்தை எடப்பாடி பழனிசாமியிடமும் ஒப்படைத்தார். இதுதவிர, கார்டன் கணக்கு வழக்குகள், கோடநாடு எஸ்டேட் வரவு செலவுகள், ஜெயா டி.வி நிர்வாகம், ஜாஸ் சினிமாஸ் நிர்வாகம் ஆகியவற்றை இளவரசி மகன் விவேக் ஜெயராமனிடம் ஒப்படைத்தார் சசிகலா. தொடக்கத்தில் நல்லவிதமாகச் சென்று கொண்டிருந்த தினகரன்-விவேக் உறவு, அடுத்துவந்த காலகட்டங்களில் பெரும் முட்டல் மோதல்களுக்கு வழி வகுத்துவிட்டது. “ஒட்டுமொத்த நிர்வாகத்திலிருந்தும் விவேக் வெளியேற வேண்டும் என்பதுதான் தினகரனின் நோக்கம். ஆர்.கே.நகர் இடைத்தேர்தல் வெற்றியை அதற்குச் சாதகமாகப் பயன்படுத்திக் கொண்டார் டி.டி.வி” என விவரித்த கார்டன் பணியாளர் ஒருவர், 

மருது போட்ட பிள்ளையார் சுழி! 

தினகரன்“குடும்பத்துக்குள் நடந்த மோதல்களுக்குப் பிள்ளையார் சுழி போட்டது நமது எம்.ஜி.ஆர் ஆசிரியர் மருது அழகுராஜ் விவகாரம்தான். ‘எடப்பாடி பழனிசாமி செய்திகள் எதுவும் நமது எம்.ஜி.ஆரில் வரக் கூடாது' என தினகரன் கூற, ‘சின்னம்மாவிடமிருந்து அப்படி எந்தத் தகவலும் வரவில்லை' என உறுதியாகக் கூறிவிட்டார் விவேக். இதன்பிறகு, பா.ஜ.கவுக்கு எதிராக மருது எழுதிய கவிதையை முன்வைத்து, ‘அவர் இனியும் பதவியில் நீடிக்கக் கூடாது' எனக் கொதித்தார் தினகரன். இதற்குப் பதில் கொடுத்த விவேக், ‘அவர் அம்மாவால் நியமிக்கப்பட்டவர். ஒரேநாளில் எப்படி நீக்க முடியும்?’ என விளக்கியும், ஆசிரியர் பணியிலிருந்து நீக்கப்பட்டார் மருது அழகுராஜ். இன்றைக்கு எடப்பாடி பழனிசாமி அணியில் சேர்ந்து அ.தி.மு.க செய்தித் தொடர்பாளர் பதவியையும் வாங்கிவிட்டார் மருது. ஆனாலும், ‘நமது எம்.ஜி.ஆர் ஆசிரியர்’ என்ற இடத்தில் அவர் பெயர்தான் இன்றளவும் இருக்கிறது. விவேக் மீதான தினகரனின் கோபம் தொடங்கியது இந்தப் புள்ளியில்தான்” என விவரித்தவர், 

டி.டி.விக்குப் பணம் கிடையாது! 

 “ஜாஸ் சினிமாஸையும் ஜெயா டி.வியையும் விவேக் நடத்தி வருகிறார் என்பதுதான் வெளி உலகுக்குத் தெரியும். ஒட்டுமொத்த நிதி விவகாரங்களையும் அவர்தான் கையாள்கிறார் என்பது பலருக்கும் தெரியாது. கட்சிரீதியாக யாருக்காவது பணம் கொடுக்க வேண்டும் என்றாலும், விவேக் நினைத்தால் மட்டும்தான் முடியும். மொத்த பணத்தையும் கையாள்வது என்பது மிகப் பெரிய அதிகாரம். எந்தவித சிக்கலும் இல்லாமல் மிகத் திறமையாக கணக்கு வழக்குகளைப் பார்த்து வருகிறார். ஆர்.கே.நகர் இடைத்தேர்தலுக்கு முன்பே விவேக்குடன் இலைமறை காயாக மோதலைக் கடைபிடித்து வந்தார் தினகரன். இடைத்தேர்தல் செலவுக்குப் பணம் கொடுக்குமாறு டி.டி.வி தரப்பில் கேட்டபோது, ‘சின்னம்மாவிடமிருந்து எந்தத் தகவலும் வரவில்லை’ என விவேக் கூறியதாக தகவல் வெளியானது. அடுத்ததாக, ஜெயலலிதா சிகிச்சை தொடர்பான 20 விநாடி வீடியோ விவகாரத்தில், இளவரசி குடும்பத்துக்கும் தினகரனுக்கும் இடையில் கருத்து வேறுபாடு ஏற்பட்டது. ‘கிருஷ்ணபிரியா தேவையில்லாமல் பேட்டி கொடுக்கிறார். அவரைத் தடுப்பதற்கு விவேக் முயற்சி செய்யவில்லை' என ஆத்திரப்பட்டார் டி.டி.வி. 

'போஸ்ட்மேன்' விவேக்?! 

கிருஷ்ணபிரியாஇதுகுறித்து விளக்கமளித்த விவேக், ‘அந்த நேரத்தில் நான் ஒடிஷாவில் இருந்தேன். கிருஷ்ணபிரியாவைத் தடுக்கத்தான் நான் போராடினேன். அவர்(தினகரன்) செய்தது தவறு என்றாலும், நாளைக்குக் காலையில் தேர்தலை வைத்துக் கொண்டு அவருக்கு எதிராகப் பேசினால், மக்களிடம் வேறு மாதிரியான தோற்றத்தை ஏற்படுத்திவிடும்' என கிருஷ்ணபிரியாவை அமைதியாக இருக்குமாறு வேண்டினேன். என்னை மீறி அவர் பேட்டி கொடுத்துவிட்டார். இந்த விளக்கத்தை தினகரன் ஏற்கவில்லை. வீடியோ குறித்து விளக்கமளித்த தினகரன், ‘கிருஷ்ணபிரியாவிடமிருந்து நான் வீடியோவை வாங்கவில்லை. ஒருவரிடம் வீடியோவைக் கொடுத்து அனுப்புகிறார் சசிகலா. ஒரு போஸ்ட் மேன் கொண்டு வந்து வீடியோவைக் கொடுக்கிறார். அந்த வீடியோ எப்படி போஸ்ட் மேனுக்குச் சொந்தமாகும்?' என விவேக்கை 'போஸ்ட்மேன்' எனக் குறிப்பிட்டுப் பேசினார். இந்த வார்த்தைகளால் மிகவும் நொந்து போனார் விவேக். ‘நான் யார் சொல்வதைக் கேட்பது? டி.டி.வி பணம் கேட்கிறார்; பணம் தராதே என சின்னம்மா சொல்கிறார். வீடியோவை வெளியிடக் கூடாது என சின்னம்மா சொல்கிறார்; டி.டி.வி அதை வெளியிடுகிறார். இவ்வளவும் செய்துவிட்டு என்னை போஸ்ட் மேன் எனச் சொல்வது எந்த வகையில் நியாயம்?' என ஆதங்கப்பட்டார். எல்லாம் ஒன்று சேர்ந்து பெரும் பிளவுக்கு வழிவகுத்துவிட்டது” என்றார் நிதானமாக. 

எடப்பாடி பழனிசாமியும் பேசவில்லை! 

இதையடுத்து நம்மிடம் பேசிய ஜெயா டி.வி நிர்வாகி ஒருவர், “ஜெயலலிதா சிகிச்சை தொடர்பான வீடியோ காட்சிகள் வெளியாவதற்கு முதல்நாள், விவேக் ஜெயராமனிடமிருந்து அறிக்கை ஒன்று வெளியானது. அதில், ‘அம்மாவின் மகன், மகள் என்று கூறிக் கொண்டு, அவரது பெயருக்குக் களங்கம் விளைவிக்கும் செயலில் சிலர் ஈடுபடுகிறார்கள். இனி யாராவது அவ்வாறு பேசினால், சட்டரீதியான நடவடிக்கை எடுக்கப்படும்' என எச்சரிக்கைவிடுத்திருந்தார். இந்த அறிக்கையையும் டி.டி.வி.தினகரன் ரசிக்கவில்லை. இதனைப் புரிந்து கொண்ட விவேக், ' அம்மாவின் பெயரைக் கெடுக்கும் வகையில் சிலர் செயல்படுகிறார்கள். இதற்கு எதிராக யாருமே பேசவில்லை. ஒன்று நீங்கள் வெளியிட்டிருக்க வேண்டும், இல்லாவிட்டால் எடப்பாடி பழனிசாமியிடம் இருந்தாவது அறிக்கை வந்திருக்க வேண்டும். அனைவரும் அமைதியாக இருந்ததால் நான் அறிக்கை வெளியிட வேண்டியதாகிவிட்டது' என விளக்கமளித்தார். இதனை தினகரன் ஏற்கவில்லை. கூடவே, வருமான வரித்துறை ரெய்டும் பிளவுக்கு ஒரு காரணமாக அமைந்துவிட்டது. ஜெயலலிதா அறைக்குள் நுழைவதற்கு அதிகாரிகள் முயற்சி செய்தபோது, கடுமையாக சண்டை போட்டார் விவேக். 

ஆர்.கே.நகர் வெற்றி சாமி புண்ணியம்! 

தொடர்ந்து, பத்திரிகையாளர்களுக்கு விரிவான பேட்டி ஒன்றையும் கொடுத்தார். இதனைக் கவனித்த தினகரன், ‘இவருக்கும் அரசியல் ஆசை வந்துவிட்டது போல' எனக் கமென்ட் அடித்தார். ஆர்.கே.நகர் தேர்தல் முடிவு வரையில் அமைதியாக இருந்த தினகரன், 'குடும்பத்துக்குள் நடக்கும் குளறுபடிகள் அனைத்துக்கும் விவேக்தான் காரணம்' என்பதை கடிதத்தில் விளக்கி, பெங்களூரு சிறையில் உள்ள சசிகலாவுக்கு ஆதரவாளர்கள் மூலம் கொடுத்து அனுப்பினார். அந்தக் கடிதத்தில், ‘விவேக் செய்வதை என்னால் ஏற்றுக் கொள்ள முடியவில்லை. இவ்வளவு இக்கட்டான சூழலிலும் நான் வெற்றி பெற்றது என்பது சாமி புண்ணியம். என்னுடைய வெற்றியைக்கூட உங்களிடம் சொல்ல முடியாத அளவுக்கு இடையூறு செய்கிறார்' எனக் குறிப்பிட்டு, ‘ஜெயா டி.வியை அவருக்கு நடத்தத் தெரியவில்லை. வயதுக்கேற்ற பக்குவம் வரவில்லை; நான் பணம் கேட்கும்போது கொடுப்பதில்லை. கிருஷ்ணபிரியாவைப் பேட்டி கொடுக்கவிடாமல் தடுத்திருக்கலாம்' என்றெல்லாம் விவரித்திருக்கிறார். நேரடியான சந்திப்பிலும் இதைப் பற்றி விளக்கியிருக்கிறார். தினகரனுக்கு சசிகலா தரப்பிலிருந்து எந்தப் பதிலும் சொல்லப்படவில்லை” என விவரித்தவர், 

சசிகலாவிடம் சீறிய விவேக்! 

சசிகலா

“நேற்று முன்தினம் (3ம் தேதி) பெங்களூரு சிறையில் சசிகலாவை சந்தித்தார் விவேக். அப்போது பேசிய சசிகலா, 'கொஞ்சம் அனுசரித்து நடந்துகொள். என்னதான் இருந்தாலும் இவ்வளவு இக்கட்டான சூழலிலும் தினகரன் வெற்றி பெற்றிருக்கிறார். புரிந்து நடந்து கொள்' எனக் கூற, உச்சகட்ட கோபத்துக்கு ஆளான விவேக், 'அவர்தான் என்னைத் திட்டுகிறார் என்றால், நீங்களும் என்னைத் திட்டுகிறீர்கள். உங்களுக்காகத்தான் நான் இவ்வளவும் செய்கிறேன். நீங்களே என்னைப் புரிந்து கொள்ளாமல் இருந்தால் எப்படி?' எனக் கடுகடுத்தவர், 'இனி இந்தக் குடும்பத்தில் என்னால் எந்தக் கெட்ட விஷயங்களும் நடக்க வேண்டாம். இனி நல்லது நடந்தால் சரி. எல்லா நிர்வாகங்களிலிருந்தும் நான் ஒதுங்கிக் கொள்கிறேன். அம்மா இருந்த காலத்திலேயே நான் ஒரு பிரைவேட் கம்பெனியில் வேலை பார்த்தவன். நாளையே ஒரு கம்பெனியில் வேலைக்குச் சேர்ந்தாலும் நல்ல சம்பளம் கொடுப்பார்கள். இனி நான் இந்த நிர்வாகத்தை நடத்த மாட்டேன். உங்களுக்காகத்தான் இவ்வளவும் செய்தேன். கெட்ட பெயர் சம்பாதிப்பதைவிட, ஒதுங்கியிருப்பதே நல்லது' என உறுதியாகக் கூறிவிட்டு வந்துவிட்டார்.

சிறையிலிருந்து வெளியே வந்த கையோடு, தினகரன் ஆதரவாளர்களிடம் பேசிய விவேக், 'கல்யாண வாழ்க்கையைக்கூட என்னால் நிம்மதியாக வாழ முடியவில்லை. அந்தளவுக்கு நிர்வாகத்தைக் கவனிக்க நேரமில்லாமல் உழைத்து வந்தேன். எனக்கு எதுவும் தேவையில்லை. அத்தானுக்கு(தினகரன்) என்ன தேவையோ அனைத்தையும் எடுத்துக் கொள்ளச் சொல்லுங்கள். அவர் நிம்மதியாக இருந்தால்போதும்' எனக் கூறிவிட்டார். இனி விவேக்கை யாராலும் சமாதானப்படுத்த முடியாது என்ற சூழல் உருவாகிவிட்டது” என்றார் மிகுந்த வேதனையுடன். 

'பேரழிவுகள் நிகழ்வுக்காகக் காத்து நிற்கின்றன' என்பது மேலைநாட்டுப் பழமொழி. 'சசிகலா குடும்பத்தில் நடக்கும் மோதல்களுக்கும் இந்தப் பழமொழிக்கும் ஏராளமான ஒற்றுமைகள் இருக்கின்றன' என்கின்றனர் அரசியல் விமர்சகர்கள்.

https://www.vikatan.com/news/tamilnadu/112796-did-vivek-jayaraman-exit-from-jaya-tv-management.html

Categories: Tamilnadu-news

தமிழக அரசியல் 2018

Thu, 04/01/2018 - 20:15
தமிழக அரசியல் 2018  

 

ரஜனியின் அரசியல்! BJP யின்  அவசரமா?...

JV Breaks

 

Categories: Tamilnadu-news

தேசிய குழந்தைகள் அறிவியல் மாநாட்டில் ஈரோடு பழங்குடி மாணவருக்கு இளம் விஞ்ஞானி விருது

Wed, 03/01/2018 - 17:38
தேசிய குழந்தைகள் அறிவியல் மாநாட்டில் ஈரோடு பழங்குடி மாணவருக்கு இளம் விஞ்ஞானி விருது

03edsgraward

 

தேசிய குழந்தைகள் அறிவியல் மாநாட்டில் ஆய்வுக் கட்டுரை சமர்ப்பித்த, ஈரோடு பழங்குடி மாணவருக்கு இளம் விஞ்ஞானி விருது கிடைத்துள்ளது.

குஜராத் மாநிலம் அகமதாபாத்தில் 25-வது தேசிய குழந்தைகள் அறிவியல் மாநாடு டிச.27 முதல் 31-ம் தேதி வரை நடைபெற்றது. மத்திய அரசின் அறிவியல் தொழில்நுட்பத்துறை அமைச்சகம் நடத்திய இந்த மாநாட்டை குஜராத் முதல்வர் விஜய் ரூபானி தொடங்கி வைத்தார். மாநாட்டில் 30 மாநிலங்களில் இருந்தும், 6 ஆசிய நாடுகளில் இருந்தும் இளம் விஞ்ஞானிகள் பங்கேற்றனர். தமிழகத்தில் இருந்து முப்பது ஆய்வுக்கட்டுரைகள் சமர்ப்பிக்கப்பட்டதில், 2 ஆய்வுகள் மட்டும் மாநாட்டுக்கு தேர்வு செய்யப்பட்டன.

இதில், ஈரோடு மாவட்டம் பர்கூர் மலைப்பகுதி குழந்தைத் தொழிலாளர் சிறப்புப்பள்ளி மாணவர்களின், “மலைப்பகுதிகளில் போக்குவரத்து வசதியின்மையால் ஏற்படும் ஆற்றல் இழப்பு” என்ற தலைப்பிலான ஆய்வுக்கட்டுரை தேர்வு செய்யப்பட்டுள்ளது.

கொங்காடை குழந்தைத் தொழிலாளர் சிறப்புப் பள்ளியில் 7-ம் வகுப்பு பயிலும் மாணவனும், ஆய்வுக்குழுத் தலைவருமான, எம்.சின்னக்கண்ணன் இந்த மாநாட்டில் பங்கேற்று, ஆய்வுக் கட்டுரையை சமர்ப்பித்து, இளம் விஞ்ஞானி பட்டத்தையும், பரிசையும் வென்றுள்ளார். இதைத் தொடர்ந்து, மார்ச் மாதம் மணிப்பூரில் நடைபெற உள்ள இந்திய அறிவியல் மாநாட்டுக்கும் இந்த ஆய்வுக் கட்டுரை தேர்வு செய்யப்பட்டுள்ளது. மாணவர் சின்னக்கண்ணனுக்கு இன்று ஈரோடு கலைக்கல்லூரி சார்பில் பாராட்டு விழா நடக்கிறது.

http://tamil.thehindu.com/tamilnadu/article22357052.ece

Categories: Tamilnadu-news

தினகரனுக்கு எதிராக நாளை டைம்பாம் வெடிக்கும்! - ரகசியத்தை உடைத்த ஹெச்.ராஜா

Wed, 03/01/2018 - 11:11
தினகரனுக்கு எதிராக நாளை டைம்பாம் வெடிக்கும்! - ரகசியத்தை உடைத்த ஹெச்.ராஜா
 

IMG-20180103-WA0162_15325.jpg

 

நாளைக்கு தினகரனுக்கு எதிராக டைம்பாம் ஒன்று வெடிக்கும். அது என்னவென்று நாளை வரை பொறுத்திருந்துப் பாருங்கள்" என்று ஹெச்.ராஜா பேசியிருப்பது அரசியல் வட்டாரத்தில் பரபரப்பைக் கிளப்பியுள்ளது.

புதுக்கோட்டை மாவட்டம், அறந்தாங்கி அருகில் உள்ள மேற்பனைக்காடு கிராமத்தில், தனியார் அறக்கட்டளைத் தொடக்க விழாவில் கலந்துகொள்வதற்காகத் தமிழக பாரதிய ஜனதா கட்சியின் தலைவர் தமிழிசை சௌந்தரராஜனும் தேசியத் தலைவர் ஹெச்.ராஜாவும் வந்தனர். ராஜா காரைக்குடி வழியாகத் தனது காரில் பயணித்து வந்தார். தமிழிசை திருச்சி மார்க்கமாகப் பயணித்து புதுக்கோட்டையில் பத்திரிகையாளர்களைச் சந்தித்துவிட்டுச் சென்றார். இதனிடையே, முன்னதாக, வந்துவிட்ட ஹெச்.ராஜா,அங்குள்ள பத்திரிகையாளர் சந்திப்பில் பேசினார். அப்போது, 'போகிற இடத்திலெல்லாம் எங்களிடம் அதாவது, பா.ஜ.க தலைவர்களிடம் ஆர்.கே.நகர் இடைத்தேர்தல் பற்றியே கேட்கப்படுகிறது. உங்களுக்குச் சொல்கிறேன். நாளைக்கு டி.டி.வி.தினகரனுக்கு எதிராக டைம்பாம் வெடிக்கும். அது என்னவென்று நாளை வரை பொறுத்திருந்து தெரிந்துகொள்ளுங்கள்" என்று ஒரே போடாகப் போட்டுவிட்டுச் சென்றுவிட்டார்.

அங்கிருந்தவர்கள் மத்தியில் நாளைக்கு அப்படி என்ன அரசியல் பரபரப்பு எழப்போகிறது என்று மண்டை காய்ந்துப்போனார்கள். இன்னும் சிலர், "இந்தமாதிரி அரசியல் அணுகுண்டுகளை எல்லாம்  வழக்கமாகத் தமிழிசைதானே கொளுத்திப் போடுவாங்க. இவரு எப்போதிலிருந்து இந்த வேலையைக் கையில் எடுத்தார்" என்று கேட்டார்கள்.

நாம் இந்த 'டைம்பாம்' விஷயம் குறித்து ஹெச்.ராஜாவையே தொடர்புகொண்டு பேசினோம். ``ஆர்.கே.நகர் வாக்காளர்கள் அதிர்ஷ்டசாலிகள். இந்தத் தேர்தலில் வீட்டுக்கு வீடு குக்கர் வந்தது. இனியும் ஃப்ரிட்ஜ், வாசிங்மெஷின் எல்லாம் வரும்" என்று பூடகமாகப் பேசினார். "உங்களுக்குப் புரியலையா. ஆர்.கே.நகருக்கு இன்னொரு இடைத்தேர்தல் வரலாம். அதற்கு வாய்ப்பு இருக்கிறது. எப்படின்னா, நாளைக்கு டி.டி.வி.தினகரன் மீதான 28 கோடி ரூபாய் வழக்கு ஒன்று தீர்ப்பு வருகிறது. ஒருவேளை அதில் அவர் குற்றவாளி என்று தீர்ப்பு வழங்கப்பட்டால் மீண்டும் ஆர்.கே.நகருக்கு இடைத்தேர்தல் வரும்தானே. அதைத்தான் பத்திரிகையாளர்கள் சந்திப்பில் அப்படி  சொன்னேன்" என்றார்.

https://www.vikatan.com/news/tamilnadu/112567-hraja-speaks-about-ttvdinakarans-rknagar-victory.html

Categories: Tamilnadu-news

என்னுள் மையம் கொண்ட புயல்! - கமல்ஹாசன்

Wed, 03/01/2018 - 10:31
என்னுள் மையம் கொண்ட புயல்! - கமல்ஹாசன்
கமல்ஹாசன்  
 

 

ன்னுள் மையம் கொண்ட புயலை உங்கள் கரை வரை கொண்டு சேர்க்கும் தீரா ஆசையின் முதல் அலை இது.

இன்னும் எவ்வளவு காலம் தமிழர் தம் கண்முன் நடக்கும் அநீதிகளையும் அநியாயங்களையும், மக்கள் செல்வங்கள் எல்லாம் தனியார் தம் ஆசைக் கோட்டைகள் கட்ட மண்ணெடுக்கும் மேடாய் மாறிவருவதையும் பார்த்துக்கொண்டிருப்பர்?

இந்தக் கேள்வி பல கோடி மனங்களில் எழத்துவங்கி கால் நூற்றாண்டாகிவிட்டது. என் மனமும் இதற்கு விதிவிலக்கல்ல. தானுண்டு தன் வேலையுண்டு என்று கண்டும் காணாமல் இருந்த தமிழர்களில் நானும் ஒருவன். இந்த மெத்தனத்துக்கான தண்டனையைப் பல ஆண்டுக்காலம் அனுபவித்தாயிற்று. விழிப்புடன் இல்லாமல், குற்றங்கள் நடப்பதைப் பார்த்திருந்ததுதான் நாம் செய்த குற்றம். நல்லவரெல்லாம், நாணயமானவரெல்லாம் ‘நமக்கெதுக்கு வம்பு’ என்று ஒதுங்கியதில், கள்வர்களும் கயவர்களும் நம் மண்ணில், நம் காசில், தமக்கெனக் கோட்டை கட்டிக் கொடியேற்றி கோஷமிடுவதை மந்தை மந்தையாய் வேடிக்கை பார்த்து வெதும்பி நிற்கிறோம்.

‘முன்பு ஏன் பேசவில்லை; இப்போது பேசுகிறாயே?’ என்ற இரைச்சலுக்குப் பதிலாய் உமிழ்நீர் வற்றக் கத்திப் பிரயோசனமில்லை. ‘இப்பொழுதாவது பேசுகிறானே’ என்று செவி சாய்க்கப்போவதில்லை. அவர்கள், ‘முன்பு பேசாதிருந்ததுபோல் இப்போதும் பேசாதிரு. எஞ்சியிருக்கும் வேளையில் எங்கள் வேலையை முடித்துக்கொள்கிறோம்’ என்பதாகத்தான் அவர்கள் பதற்றத்தைக் கணிக்க வேண்டியதாய் இருக்கிறது. அவர்கள் கேள்விகளின் இலக்கைப் புரிந்துகொண்டதால் அவர்கள் கேள்வித்தாளின் முன்மாதிரியை பதிலுடன் கீழே இணைத்துள்ளேன்.

12p1.jpg

கேள்வி: ``நீ யார்?’’

நான்: ``தமிழன்.’’

கேள்வி: ``ஆனால் பார்ப்பான் ஆயிற்றே?’’
12p2.jpg
நான்: ``அது என் பிறப்பு. நான் தேர்ந்த நிலையில்லை அது.’’

கேள்வி: ``பகுத்தறிவு பேசுகிறாயே?’’

நான்: ``அது நான் தேர்ந்த அறிவுநிலை.’’

கேள்வி: ``ஆக, தனித்தமிழ்நாடு வேண்டுமா?’’

நான்: ``தமிழராய் எமக்கு மரியாதை வேண்டும். கேள்வியின்றி வங்க மொழியில் தேசியகீதம் பாடும் என்னிடம் மன்றாடிக்கேட்டாலும் பயமுறுத்திக் கேட்டாலும் அன்றாடம் பேசுவது தமிழாகத்தான் இருக்கும். இந்தியாவை இணைக்கும் மொழி ஆங்கிலம்தான். ஹிந்தி அல்ல. மத்திய அரசிடம் நான் உரையாட, வழக்காட அம்மொழி போதுமானது. மற்ற மொழிகளை சாய்ஸில் விட்டுவிடுங்கள்; வற்புறுத்தாதீர்கள் என்பது 50 ஆண்டுகளுக்கும் மேலாக ஒலிக்கும் குரல். என் குரலும் அது தான்.’’

கேள்வி: ``உன் வண்ணம் காவியா என்றால் மறுக்கிறாய், காவியுடன் கலக்காதா என்று கேட்டால் என் கறுப்புச்சட்டையில் காவியும் இருக்கிறது என்கிறாய் - இது உன் தன்நிலை விளக்கமா - விஞ்ஞான விளக்கமா?’’

நான்: ``இரண்டும்தான். ஒளியியல்படி, பகுத்தறிவாளன் போல் கறுப்பும் எல்லா வர்ணமாயைகளையும் உள்வாங்கிப் பகுத்தறியும், ஒரு வண்ணம் மட்டுமே வெளித் தெரியும். தன்னிலை விளக்கம் என்று எடுத்துக் கொண்டாலும் காவியை உணராமலே வெறுப்பவனல்ல. 12 வயது வரையில் அதன் மாயைக்கு மயங்கியவன். பின் விடுபட்டவன்.’’

கேள்வி: ``அப்படியென்றால் உள்ளே எங்கோ கொஞ்சம் காவி ஒட்டியிருக்கிறது என நம்பலாமா?’’

நான்: ``நம்பிக்கைதானே உங்கள் போதைப் பொருள். நம்பாதீர்கள். என்னுள் எஞ்சிய காவி மனதில் இல்லை. எப்போதாவது  வெற்றிலையைக் குதப்பினால் வாயில் இருக்கக் கூடும். அது சாதியம் மெச்சும் புராதனக் கூட்டத்தின் கொள்கை விளக்கப் பிரகடனங்கள் மீது துப்ப ஏதுவாக இருக்கும்.’’

கேள்வி: ``உனக்கு முதலமைச்சனாக வேண்டுமா?’’

நான்: ``அது என் ஆங்கிலப் பேட்டியின் தமிழ் மொழிபெயர்ப்பு. அதுவும் பளபளக்கும் தலைப்புத் தேடும் சில ஊடகங்களின் தேவைக்கேற்ப மொழிபெயர்க் கப்பட்டது. என் மையக்கருத்தைச் சிதைத்துக் கிட்டிய தலைப்பு. ஆட்சி பலத்தை அசைக்கக்கூடிய அகற்றக்கூடிய செயல் எதுவோ அதுவே என் ஆசை. புதிய தமிழ் மாநிலம் அடுத்த தலைமுறையாவது காணவேண்டும் என்ற பல தலைமுறை ஆசையை என் தலைமுறையாவது நிறைவேற்றத் துடிக்கும் தமிழனின் ஆசை. யாம் முதல்வர் என்பது என்னை மட்டும் குறிப்பிடாது. என் மக்களைக் குறிக்கும். யாமே முதல்வராக முதன்மையானவராக இருத்தல் வேண்டும். அமைச்சர்களெல்லாம் இம்முதல்வர்களின் கருவியாகச் செயல்படவேண்டும். ஜனங்களோ நாயகம் செய்தல் வேண்டும். நான் தொண்டன், அடிப்பொடியா, உச்சிக்குடுமியா என்பது முக்கியமல்ல. ஒருநாள் வெல்வோம் என்று காத்திருக்க மாட்டேன். தோற்றால் என்ன கதி எனக் கலங்கவும் மாட்டேன்.’’

70 வருட சுதந்திரத்தில் கிட்டத்தட்ட 50 வருடங்களை தமிழர்கள் நாம் கண்களை மூடிக்கொண்டு கடந்துவிட்டோம். வீட்டுக்கு மருமகளாக, மருமகன்களாக வரும் வரன்களிடம் எத்தனை விஷயங்களை எதிர்பார்க்கிறோம். ‘சம்பாதிப்பாரா, பெண்ணைக் காப்பாற்றுவாரா, நல்ல மருமகளா...’ எத்தனையெத்தனை கேள்விகள், எத்தனையெத்தனை எதிர்பார்ப்புகள். ஆனால், ‘நாட்டை நடத்தும் உங்களுக்கு என்ன திறமை இருக்கிறது, தகுதியானவர்களா’... என்று மந்திரிகள், எம்.எல்.ஏக்கள்,
A.jpg
எம்.பி.க்களிடம் அப்படி ஏதாவது கேள்விகள் கேட்டிருக்கிறோமா? ‘வரதட்சணை கொடுக்கிறேன்’ என்று சொல்லிவிட்டு, கொடுக்கவில்லை என்றால், புகுந்தவீட்டில் என்ன பாடுபடுத்துவார்கள்? அந்தப் பாட்டையெல்லாம், கொடுத்த வாக்குறுதிகளை நிறைவேற்றாத இந்த மக்கள் பிரதிநிதிகளும் படவேண்டும் என்கிறேன். வரதட்சணைக்கு வக்காலத்து வாங்கவில்லை. வரதட்சணைபோல் ஊழல் அரசியலும் நம் யதார்த்த வாழ்க்கையில் கலக்கவிடக் கூடாதென்கிறேன்.

ஆரம்பத்தில் நல்லவர்கள் பலர் மக்கள் பிரதிநிதிகளாக அரசியலில் இருந்திருக்கிறார்கள். இப்போது இல்லை என்பதுதான் எங்கள் கோபம். ‘இன்று அது சாத்தியமில்லை’ என்றுவேறு சொல்கிறார்கள். அந்த நல்ல தமிழ் அரசியல் வம்சாவளியில் வந்தவர்கள் நிறைய பேர் இன்றும் இருக்கிறார்கள். ஆனால் அவர்களில் பலர் வெளியே நிற்கிறார்கள். `சரி இனிமேலாவது நீங்கள் ஏதாவது பண்ணுங்கள். வேண்டுமானால் நாங்கள் வேலையைக்கூட விட்டுவிட்டு வருகிறோம்’ என்று சொல்லும் வெளிநாட்டு, வெளிமாநிலத் தமிழர்கள் இருக்கிறார்கள். தமிழகமெங்கும் கொதிக்கும் இளைஞர்கள் இருக்கிறார்கள் ‘செப்பனிட வேண்டும் என்று சொல்லுங்கள். பெரிய படிப்புப் படித்தவர்கள் அந்தப் பணிமனையில் மெக்கானிக்காக வேலை செய்யத் தயார்’ என்கிறார்கள்.

ஆமாம், பழைய வாகனங்களே கூடாது. புதிதாகக் கட்டுவோம் என்கிற ஆர்வத்தோடு இருக்கிறார்கள். ஆச்சர்யம் என்னவென்றால் அ.தி.மு.கவிலும் இப்படிச் சொல்பவர்கள் நிறையவே இருக்கிறார்கள். எம்.ஜி.ஆர் உருவத்தைக் கைகளில் பைகளில் வைத்துக்கொண்டு திரிபவர்கள் அல்ல அவர்கள். அவரை மூளையில் பச்சைகுத்திக்கொண்டவர்கள். ‘இன்னும் எம்.ஜி.ஆர்தான் வழிநடத்திக் கொண்டிருக்கிறார்’ என நம்புபவர்கள். ஆனால், நிஜம் அவர்கள் நம்புவதுபோல் இல்லை என்பதே நிதர்சனம்.

கடந்த இரு மாமாங்கங்களாக நிஜத் தொண்டர்கள் மனதிலெல்லாம் நிறைந்திருக்கும் எம்.ஜி.ஆர் உருவம், கட்சி போஸ்டர்களில்கூடச் சுருங்கிப் போய்விட்டதை யாரும் உணராதிருக்கவில்லை. நிறுவியவரைவிடத் தற்கால நிர்வாகியே பிரதானம் என நம்பி, கால்வருடிகளாகிவிட்டனர் சிலர். ஆனால், அஸ்திவாரத்தில் ஆதிநாதனை மனதில் பதிந்து வைத்து, பொருமிக்கொண்டிருக்கும் பல லட்சம் பேர் கட்சியில் இருக்கிறார்கள் செய்வதறியாது.

12p3.jpg

என் அரசியல் பேச்சில் மூத்த அரசியல்வாதிகள் பேச்சிலுள்ள அழகு இருக்காது. ஆனால் பேச்சு உணர்வுபூர்வமாகவும் நேர்மையாகவும் இருக்கும். என் பேச்சு வார்த்தை அலங்காரம் சரியில்லை எனில் மன்னித்துக்கொள்ளுங்கள். மொழியைச் செம்மைப்படுத்தும் பணியைத் தொல்காப்பியர் தொடங்கி ஏகப்பட்டோர் செய்து கொண்டிருக்கிறார்கள். மொழிமேம்பாடல்ல என் நோக்கம். என் அடுத்த சந்ததிக்கு வாழ்வு தேடிவைக்கும் வேலையுமல்ல என் நோக்கம். நான் இப்போது அரசியலுக்கு ஆதார வசதிகளோடுதான் வந்திருக்கிறேன். இனி வந்துதான் கார், வீடு வாங்கவேண்டும் என்பதில்லை. இன்னும் சொல்லப்போனால், நான் அரசியலுக்கு வந்தால் இப்போது போகும் காரில் போக முடியாது என்கிறார்கள். ஆனால், நான் போவேன். ஏனெனில், இது என் சினிமா தந்த கார். திடீரென இப்போது இருக்கும் பெரிய வீட்டைத் துறந்து சிறிய வீட்டுக்குப்போய் ‘எளிமை’ என்று போலி வேஷம் போட மாட்டேன். ஏனெனில், இது என் சம்பாத்தியம். இதுவும் மக்கள் பணம்தான். ஆனால், நான் மக்களை ஏமாற்றாமல் மகிழ்வித்திருக்கிறேன்; அரசையும் ஏமாற்றாமல் வரி கட்டியிருக்கிறேன்.

நான் சேர்க்க நினைப்பது தமிழ்நாட்டுக்குப் பெருமையும் வசதியையும். ‘இவனெல்லாம் பேசலாமா?’ என்று திருடர்கள் எல்லாம் என்னைப் பார்த்துக் கேள்வி கேட்கிறார்கள். சிரிப்பும் கோபமும் சேர்ந்தே வருகிறது. கேட்பவர்கள்மீது வழக்குகளே இருக்கின்றன. பொறுப்பில் இருப்பதால் செய்த குற்றங்கள், குற்றமில்லாமல் போய்விடுமா? புராணக்கதைகளின்படி பார்த்தால்கூட, சிவனே ஆனாலும் கேள்வி கேட்பேன் என்று சொன்ன நக்கீரர் எண்ணம் நமக்கு வேண்டாமா?

கடைத்தெருவில் ஒருவரின் பாக்கெட்டில் இருந்து பணத்தைப் பறித்துக்கொண்டு ஓடினால் ‘திருடன் திருடன்’ என்று கத்துகிறார்கள். அதையே ஒரு வங்கி மேலாளர் செய்தால் ‘கையாடல்’ என்கிறார்கள். கவுன்சிலர், எம்.எல்.ஏ செய்தால் ஊழல். மந்திரிகளும் அவர்களுக்கு மேல் உள்ளவர்களும் செய்தால், ‘ஏதோ பிசகு நடந்துவிட்டது, விசாரணை நடக்கிறது’ என்கிறார்கள். என்னைப் பொறுத்தவரை இவர்கள் அனைவரும் திருடர்கள்தான். இப்படிப் பகுத்து அறிய வேண்டுமே தவிர வகுத்துப்பிரித்து அவர்களை எடுத்துக்கொண்டு போகவிடக் கூடாது.

‘உங்கள் கருத்து வக்கிரமா இருக்கு. நீங்க கறுப்புச் சட்டைக்காரர்’ என்கிறார்கள். அது என் சட்டையின் வண்ணம். ஆனால், உங்கள் சட்டையை மாற்றுங்கள் என்று நான் சொல்லவே இல்லை. கோயிலில் நான் சாமி கும்பிடாமல் இருக்கலாம். ஆனால், அந்த அழகான கட்டடம் நம்முடையது இல்லையா? அதில் தெய்வம் வைத்தால் பிரசித்திபெற்ற கோயில். வைக்கவில்லை என்றால் பாழடைந்த கோயிலா? தூணிலும் துரும்பிலும் இருப்பவருக்கு ஒரு பாழடைந்த கோயிலுக்குள் இருக்கத் தெரியாதா? மீண்டும் தன்னைப் புதுப்பித்துக்கொள்ளத் தெரியாதா? அங்கு உடைந்த கல்லிலும் இருப்பார் இல்லையா? அந்தக் கட்டடங்கள் எல்லாம் அரசியல்வாதியின் பேராசையால் ரியல் எஸ்டேட்டாக மாறிவிடக் கூடாது என்கிறேன். பகுத்தறிவது என்றால் பக்தியே இல்லாமல் தொலைத்துக் கட்டுவதல்ல. பக்தி என்ற பெயரால் மக்களின் அடிப்படை உரிமைகள் பறிபோகாமல் காவல் நிற்பதே ஆகும். `கறுப்புச் சட்டைக்காரன் காவலுக்கு கெட்டிக்காரன்.’
12p12.jpg
`‘நிலையான அரசு இல்லை என்பதைப் பயன்படுத்திக்கொண்டு கமல் உள்ளே வருகிறான்’’ என்கிறார்கள். ஆமாம், அந்த நிலைத்தன்மை இல்லை என்பதால்தான் வருகிறேன். வேறு எந்தச் சமயத்தில் வருவது? காமராஜர் இருக்கும்போது ‘நகருங்கள் நான் பார்த்துக்கொள்கிறேன்’ என்று வருவோமா? அண்ணா இருக்கும்போது, ‘போதும்போதும் காஞ்சிபுரம் ஆண்டது. அடுத்து பரமக்குடி வரட்டும்’ என்போமா? அப்படிச் சொல்லத் தைரியம்தான் வருமா? ஏன் இப்போது சொல்கிறோம்? ‘இதுக்கு யார்வேணும்னாலும் ஆட்சி பண்ணலாம் போலிருக்கே’ என்கிற லெவலுக்குக் கொண்டுவந்து விட்டுவிட்டார்கள். ஆம், எனக்கான கம்பளத்தை விரித்ததே இவர்கள்தான். ‘நான்’ என்றால் நான் மட்டுமா வருகிறேன். நான் தனியாக வந்துவிட முடியுமா? இது தனியாக வரும் குரலே இல்லை. `ஓஹோ! அப்ப தேர்தலில் குதி. களத்தில் இறங்கு. கமலுக்கு எத்தனை ஓட்டுகள் விழுகிறது என்று எண்ணிப் பாருங்கள்’ என்கிறார்கள். கண்டிப்பாக எண்ணுவோம். ஆனால், அந்த ஓட்டு எனக்கு விழுகிறதா இல்லையா என்பது பிரச்னையல்ல. யாருக்கு விழாது என்பதை அடித்துச்சொல்வேன், மக்களின் கோபத்தை நானும் உணர்வதால் சொல்வேன்.

‘பிளாக் டவுன்’ என்று ஒரு மூலையில் வெள்ளையர்கள் ஒதுக்கிய  இடம்தான் பிற்பாடு, கோட்டையருகே சந்தையானது. பிற்பாடு கோட்டை தமிழகத் தலைமைச்செயலகமானது. தற்போது கோட்டையின் ஊழல் புகை படிந்து மறுபடியும் பிளாக் டவுனாகிவிட்டது நம்ம ஊர். கோட்டையைச் சுற்றி வங்கிகளின் உயர்மாடிக் கட்டடங்கள் எல்லாம் இருக்கின்றன. ஆனால், அதன் மதிப்பு குறைந்து வெகுநாளாகிவிட்டன. சொத்து மதிப்புப்படி பார்த்தால்கூட டவுனில் சொத்து இருப்பதைவிட ஓ.எம்.ஆரில் இருந்தால்தான் பெரிய விலை. இந்நிலை தொடர்ந்தால் இதேபோல தமிழகத்துக்கே வேல்யூ குறைந்துவிடும் என்பதே பலரின் கருத்து.

இப்போது எல்லா கம்பெனி களும் பக்கத்து மாநிலங்களுக்குச் சென்றுகொண்டிருக்கின்றன. அவை நம் வாழ்வாதாரங்கள். நாம் வெறும் கார் கம்பெனிகள். அவையும் பெட்ரோல், டீசல் கார் கம்பெனிகளாக இங்கு வைத்துக்கொண்டு இருக்கிறோம். ஒருவேளை அக்கம்பெனிகள் திரு.ட்ரம்ப்பின் அறிவுரை கேட்டு பெட்ரோல், டீசல் கார் தயாரிக்கும் நிறுவனங்களாகவே இருந்தால், சென்னை டெட்ராய்ட் போல் தொழிலாளர்களின் ஆவிகள் நடமாடும் இடமாகிவிடும். வேறு காரணங்களால் ஸ்டாண்டர்ட் மோட்டார்ஸ் அப்படி ஆனதை நாம் இங்கு பார்த்திருக்கிறோம். அப்படி பல தொழிற்சாலைகள் மாற ஆரம்பித்தால், தமிழகமே பாழுங்கிணறாகிவிடும். அதற்கான எல்லா ஆயத்தங்களையும்  இன்றைய அரசியல்வாதிகள் செய்துகொண்டிருக்கிறார்கள்.

 முக்கியமாக இன்று நம் வாழ்வாதாரங்கள் பலவற்றில் கைவைத்துவிட்டார்கள். குறிப்பாகச் சுற்றுச்சூழலில். உங்களுக்குத் தேவையான கறிகாயை மயிலாப்பூரில் இன்று ஓடிக்கொண்டிருக்கும் பக்கிங்ஹாம் கால்வாயில் படகில் மிதந்துவந்து ஒருவர் விற்றால் வாங்குவீர்களா? ஆனால், நான் என் சின்ன வயதில் எங்கள் வீட்டில் வேலை செய்பவர்களுடன் சென்று வாங்கியிருக்கிறேன். இன்றுபோல் அன்றும் காலில் ஈரம் ஒட்டும். ஆனால், அது சகதி நரகல் அல்ல. அந்தக் கூவம், பக்கிங்ஹாம் கால்வாய்க் கரைகள் எல்லாம் அன்று ஏழைகள் வாழும் இடமாக மட்டுமே இருந்தன. இன்றுபோல் வாக்கு வங்கிகளாக மாறாத காலம்.

கிராமங்கள் இதைவிட மோசம். முன்பு சென்னை டு பரமக்குடி பயணமானால் சாலையை ஒட்டி நீளமான நிலங்களும் மரங்களுமாக பச்சைப்பசேல் என இருக்கும். ஆனால், இன்று தரிசு நிலங்கள். அவற்றில் வெவ்வேறு பெயர்களில் ரியல் எஸ்டேட் போர்டுகள். அங்கு தரிசில் மிருகங்களைப்போல் காற்றில் நடமாடிக்கொண்டிருக்கும் பிளாஸ்டிக் குப்பை. பார்க்கும்போதே பகீர் என்று இருக்கிறது. இது நம் தவறு. நம்மை ஆள்பவர்களின் தவறு. ஆனால், கேரளாவில் விவசாய நிலங்களைப் பாதுகாக்க என்னென்ன வேலைகள் செய்துகொண்டிருக்கிறோம் என முதல்வர் பினராயி விஜயன் என்னிடம் பட்டியலிட்டார். ‘நல்ல ஐடியாவாக இருக்கிறதே’ என ஆசையாகவும், ‘ஓ இப்படியெல்லாம் கூடச் செய்யலாமா’ என ஆச்சர்யமாகவும், ‘இங்கு அப்படி எந்த முயற்சிகளும் நடக்கவில்லையே’ என ஆதங்கமாகவும் இருந்தது.

12p10.jpg

மத்திய அரசாங்கத்தார் ஸ்மார்ட் சிட்டி உருவாக்கிக் கொண்டிருக் கிறார்கள். நல்ல யோசனை. ஆனால், எனக்கு அது போதாது. எனக்கு ஸ்மார்ட் டவுன், ஸ்மார்ட் வில்லேஜ் வேண்டும். அங்கிருந்து மக்கள் வெளியே வர ஆசைப்படாத அளவுக்கு அவை ஸ்மார்ட்டாக இருக்கவேண்டும். இன்றைய தேதியில் உலகத்தொழில் நுட்பத்தின் துணையிருந்தால், அறிவுக்காக, பொழுதுபோக்குக்காக நீங்கள் கிராமங்களை விட்டு வரவேண்டிய அவசியமே இல்லை. கிராமத்தில் குடியிருப்போரிடம் எங்கு குடியிருக்கிறீர்கள் என்று கேட்கும்போது, ‘நகரத்துக்கு வெளியில’ என்று சொல்வதைப் பெருமையாக நினைக்கும் அளவுக்கான ஸ்மார்ட் கிராமங்கள் வேண்டும். ‘அன்றாடங்காய்ச்சிகள்தான் சென்னையில் இருப்பார்கள். ஓரளவுக்கு வசதியானவர்கள் கிராமத்தில் இருப்பார்கள்’ என்று நினைக்கும் அளவுக்கு எல்லாதுறைகளுமே கிராமங்களை நோக்கிப் போகவேண்டும். நான் ஒன்றும் புதிதாக எதையும் சொல்லவில்லை. ‘கிராமங்கள்தான் நம் பலம். அதை வளப்படுத்தி வலிமைப்படுத்த வேண்டும்’ என்று கிழவனார் காந்தி சொன்னதைத்தான் சொல்கிறேன்.

விவசாயம் எனக்குத் தெரியாத சப்ஜெக்ட். தெரிந்துகொள்ள தொடர்ந்து விவசாயிகளுடன் மணிக்கணக்கில் உரையாடிக் கொண்டிருக்கிறேன். என்னைவிடக் குறைவான கோபத்தில் அவர்கள் இருப்பதாகத் தெரியவில்லை. அடக்கிவைத்த கோபம் (Stored anger). அது வெடித்தால் நடப்பதே வேறு. எந்த அரசும் தாங்காது. அப்படி ஒரு கோபம்தான் ஹைட்ரோ கார்பன் திட்டத்திற்கு எதிராகக் குமுறுகிறது. ‘இனி விவசாயமே வேண்டாம்’ என்று அனைவரும் பர்கர், பீட்ஸா சாப்பிட்டுக்கொண்டு இருக்க முடியுமா? ஆறுகளை இணைப்பது பற்றிப் பிறகு பார்க்கலாம். முதலில் அதில் தண்ணீர் இருக்கிறதா என்று பாருங்கள். இருக்கின்ற நீரை பேராசையினால் பிறருக்கு இல்லாமல் பண்ணுவதைத் தடுத்து, பகிர்ந்துண்ண அரசுகள்தான் வழிசெய்யவேண்டும். தண்ணீரை உறிஞ்சுபவர்களைக் கண்டிக்கவேண்டும்.

‘மருந்துக்கு வேணும்னா வேப்பிலையைக் கொஞ்சமாப் பறிச்சுக்க. அதுக்காக மரத்தையே வெட்டிச் சாய்க்கிறதா’ என வைய வேண்டாமா? ‘நீரைப்பொறுத்தவரை இங்கு இலைக்காக முழு மரத்தையும் வெட்டிச் சாய்க்கும் அநியாயம்தான் நடந்துகொண்டிருக்கிறது. குளிக்கும் இடம் குளம், ஏர் உழவுக்கு உதவுவது ஏரி, கண் வழி மாயும் என்கில் அது கண்மாய், ஊருக்குக் குடிநீராய்ப் பயன்படும் இடம் ஊருணி... இப்படி நுண்ணுணர்வோடு பெயர்வைத்து வாழ்ந்தவரை நகர் நோக்கி ஓடி வரவைத்தது யார் தவறு?

இலவசமாகத் கொடுத்தால் மதிக்க மாட்டார்கள் என்று மக்களை ஏசுவது போன்ற ஓர் அவமானம் நமக்கு உண்டோ? ஒருவகையில் சரிதான். இலவசமாகக் கிடைப்பதைக் கேள்வி கேட்கவும் மதிக்கவும் கற்றுக்கொள்ள வேண்டும். நான் இதே அடையாற்றில் 2015 பெருமழையில் டிவி, கிரைண்டர், மிக்ஸி, மின்விசிறிகள் மிதப்பதைப் பார்த்தேன். இலவசமாக வந்தது இலவசமாகப் போய்க்கொண்டிருந்தது; செயற்கையாக வந்ததை இயற்கை கொண்டுபோனது என நினைத்துக்கொண்டேன். அதெல்லாம் ஓட்டுக்காகக் கொடுத்தது. ஆட்களும் அந்த இலவசங்களுமாக ஆற்றில் போனபோது காப்பாற்ற அரசு உடனே ஏன் வரவில்லை என்பதை யோசித்தோமா? அந்தப் பெருமழையைப் பற்றி ஏன் முன்னதாக எச்சரிக்கவில்லை என்று கேட்டால் ‘தண்டோரா போட்டோம்’ என்றார்கள். இந்த டிஜிட்டல் யுகத்தில் தண்டோரா போட்டார்களாம். இப்படியான ஆயிரமாயிரம் தவறுகளில் எதை நான் குறிப்பிட்டுக் காட்டுவது? அதையெல்லாம் மக்கள் மறந்துகொண்டே இருப்பார்கள் என்ற நம்பிக்கைதான் இவர்களின் மூலதனம்.

 அந்த மூலதனத்தை இவர்களுக்கு நாம் இனி வழங்கக்கூடாது!

- உங்கள் கரையை நோக்கி!

12p5.jpg

மாற்றி யோசி!

சென்னை பெசன்ட் நகர்ப் பக்கம் போகும்போதுதான் அந்த ‘ஐயமிட்டு உண்’ குளிர்சாதனப் பெட்டியைப் பார்த்தேன். வீட்டில் நாம் பயன்படுத்தும் குளிர்சாதனப் பெட்டியைப்போல் இருமடங்கு இருந்தது. ஒருபுறம் குளிர்சாதனப் பெட்டி. மறுபுறம் நாம் உடைகள் வைக்கும் தடுப்பறைகள் கொண்ட பீரோ. குளிர்சாதனப் பெட்டியில் பழங்கள், உணவுகள் என நிறைந்திருந்தன. மறுபுறம் நிறைய துணிகள், காலணிகள் அடுக்கிவைக்கப்பட்டு இருந்தன. விசாரித்தேன். வியந்தேன்.
12p4.jpg
திருவான்மியூரைச் சேர்ந்தவர் ஐஷா ஃபாத்திமா ஜாஸ்மின். பல் சீரமைப்பு மருத்துவர். தன் வீட்டில் மிஞ்சும் ஒன்றிரண்டு பேர் சாப்பிடும் அளவு உணவை தன் அபார்ட்மென்ட் அருகே நடைபாதையில் அமர்ந்திருக்கும் மூதாட்டி ஒருவருக்குத் தொடர்ந்து கொடுத்துவந்திருக்கிறார். திடீரென ஒருநாள் அந்த மூதாட்டியைக் காணவில்லை. ‘அந்த மிஞ்சிய உணவை என்ன செய்வது’ என்று யோசித்தவர், ‘நம் அபார்ட்மென்ட்டில் உள்ள மற்ற வீடுகளில் இப்படி உணவு மிச்சமானால், அவர்கள் என்ன செய்வார்கள்? நம் அபார்ட்மென்ட்டிலேயே மொத்தம் 180 வீடுகள் உள்ளன. அப்படி எல்லா வீடுகளிலும் மிச்சமாகும் உணவைச் சேகரித்து அவற்றை ஒரு பொது இடத்தில் வைத்து ஏழைகளுக்கு விநியோகித்தால் என்ன?’ என்று சிந்தித்திருக்கிறார்.. பகிர்ந்து உண்ண வழிசெய்யும் இந்தச் சிந்தனையும் பகுத்தறிவுதான்.

‘அப்படிச் சேகரித்த உணவை தன் கைப்பட விநியோகிக்காமல் தேவையானவர்களே தேவைப்படும் நேரத்தில் எடுத்துக்கொள்ளும்படி செய்யலாம்’ என வாசித்து அறிந்திருக்கிறார். முன்பு பகுத்தறிந்தார், இப்போது வாசித்தறிந்தார். அப்படி அமைத்ததுதான் ‘ஐயமிட்டு உண்’ என்ற இந்த ‘சமுதாய குளிர்சாதனப் பெட்டி’. இது அமைக்கப்பட்டு கிட்டத்தட்ட 50 நாள்கள் ஆகிறதாம். ‘இப்படி எங்க ஏரியாவிலும் அமைக்கலாம்’ என்று இப்போது 200 தன்னார்வலர்கள் ஐஷாவுடன் கரம்கோத்திருக்கிறார்கள். மேலும், ‘இப்படி ஒரு நிகழ்ச்சியில் 100 பேர் சாப்பிடும் அளவுக்கான உணவு மிஞ்சிவிட்டது. அங்கு எடுத்துவரலாமா’ என்றும் கேட்கத்தொடங்கி, இதனால் பல வயிறுகள் பசியாறி வருகிறதாம்.

குப்பை பொறுக்குபவர்கள், கிடைக்கும் வேலையைச் செய்பவர்கள்... இப்படி அந்தக் குளிர்சாதனப் பெட்டியில் இருந்து தொடர்ந்து உணவு எடுப்பவர்கள் அனைவரும் சாமானியர்களே. ‘எங்களுக்கு மாசம் 9 ஆயிரம் கிடைக்குது. அதுல முக்கால்வாசி சாப்பாட்டுக்கே செலவு பண்ணிட்டிருந்தோம். இப்ப இங்க சாப்பாடு கிடைக்கிறதால மிச்சமாகும் அந்தப் பணத்தைவெச்சு எங்க பசங்களை பக்கத்துல உள்ள கார்ப்பரேஷன் ஸ்கூல்ல சேர்க்கலாம்னு இருக்கோம்’ என்கிறார்களாம்.

18 மணி நேரம் வேலை செய்யும் ஒரு கால்டாக்ஸி டிரைவரின் கையில் அன்று காசு இல்லை. தாகம். பெசன்ட் நகர் 3வது நிழற்சாலையில் உள்ள இந்தக் குளிர்சாதனப்பெட்டியைப் பார்த்திருக்கிறார். ‘பசியோடு இருக்கும் யார் வேண்டுமானாலும் எடுத்துக்கொள்ளலாம்’ என்று சொல்லியிருக்கிறார்கள். அதில் இருந்து தண்ணீர் பாட்டிலை எடுத்துக்கொண்டவர், பிறகு ஐஷாவை அலைபேசியில் அழைத்து, ‘தாய் மாதிரி இருக்கீங்க’ என்றாராம்.

ஆம், நமக்கு ஐஷா போன்றோர்தான் தாய். அரசு செய்ய வேண்டிய வேலையை ஐஷா போன்ற உண்மையான அம்மாக்கள்தான் இப்போது செய்துகொண்டிருக்கிறார்கள். வாழ்த்துகள் ஐஷா.

12p7.jpg

வரும்முன் காப்போம்!

இளைஞர்களுக்கு ஒரு வேண்டுகோள். அம்மா, அப்பா சொல்கிறார்கள் என்று எதையும் அப்படியே கேட்காதீர்கள். மாதா, பிதா, குரு, தெய்வம்... கும்பிட்டுக்கொள்ளுங்கள். ஆனால், முடிவு உங்களுடையதாக இருக்கவேண்டும். உங்களுக்கு என்ன பிடிக்கிறதோ அதைச் செய்யுங்கள். கல்யாணத்திற்கு மாத்திரம், ‘அந்தப் பெண்ணைத்தான் கட்டிக்குவேன்’ என்று அடம் பிடிக்கிறீர்களே, அதே அளவு காதல், வாழ்க்கை லட்சியத்தில், கொண்ட கொள்கையில் இருக்க வேண்டாமா? லட்சியங்களைக் காதலியுங்கள்.
12p6.jpg
‘காதலே வேண்டாம்’ என்று சொல்லவில்லை. அதைக் கேலி செய்யவும் இல்லை. ஒரு பெண்ணுக்கும் ஆணுக்குமான காதலைத் தவிர வேறு நினைவில்லாமல் இருக்கிறீர்கள். ‘கல்யாணம் பண்ணிவைக்கலைனா, நாங்க ஓடிப்போயாவது கல்யாணம் பண்ணிப்போம்’ என்று சொல்வதில் உள்ள உத்வேகத்தை உங்களின் இலக்கில் வையுங்கள். இலக்குதான் முக்கியம். அதற்குக் கல்வி, விவசாயம், விஞ்ஞானம், சினிமா, அரசியல் என்று எந்தப் பெயர் வேண்டுமானாலும் வைத்துக்கொள்ளுங்கள்.

அப்படி தன் இலக்கில் மையல் கொண்டு அதில் உச்சம்தொட்டு சமூகத்துக்குப் பயனுள்ளவர்களாகத் தன்னைச் செதுக்கிக்கொண்ட சிலரை வாரம் ஒருவராக உங்களுக்கு அறிமுகப்படுத்துகிறேன். தன் ஓய்வூதியப் பணம் முழுவதையும் தானம் செய்த பாலம் கல்யாணசுந்தரம், மிகப்பெரிய மாற்றங்களுக்கு வித்திட்ட மாற்றுத்திறனாளி ஆயக்குடி ராமகிருஷ்ணன், தமிழகத்தில் விஷுவல் கம்யூனிகேஷன் கல்விக்கு வித்திட்ட ‘விஸ்காம்’ காட்ஃபாதர் எளியவர் லயோலா கல்லூரிப் பேராசிரியர் ராமு என... இவர்களில் உங்களுக்கு ஏற்கெனவே அறிமுகமான இப்படிப்பட்ட பெரியவர்களும் இருப்பார்கள்; அறிமுகமாகாத இளைஞர்களும் வருவார்கள். இப்படிப்பட்டவர்களை வாரம் ஒருவராக அறிமுகப்படுத்துகிறேன். வாருங்கள் இலக்கு நோக்கி நகர்வோம்...

12p9.jpg

பாருங்கள்... படியுங்கள்!
12p8.jpg
‘ஸ்பார்ட்டகஸ்’. வரலாற்றைத் தொடர்ந்து வாசிப்பவன், திரைத்துறையை நேசிப்பவன் என்ற அடிப்படையில் இது என் மனதுக்கு மிகவும் நெருக்கமான திரைப்படம். இது எடுக்கப்பட்டு 10 ஆண்டுகளுக்குப் பிறகு 1970-களில்தான் எனக்கு அறிமுகமானது. ‘ஏதாவது பழைய படம் பார்க்கலாம்’ என்று நினைத்துப் பார்த்த பழைய படம். ஆம் என்னைப் புதிய மனிதனாக்கிய பழைய படம். அந்தப் படம் பற்றிய சிந்தனை, அந்த வரலாறு பற்றிய வாசிப்பு... என்று என்னுள் வேறொரு உலகம் திறந்தது. அந்தக் கதைநாயகன், என் வரலாற்றுக் கதாநாயகன் ஆகிறான்.

ஆம். அந்த அடிமை ஸ்பார்ட்டகஸ் வென்றிருந்தால், ஜீசஸ் க்ரைஸ்ட் வேறு பேசியிருப்பார். அவர் வேறு பேசியிருந்தால், கார்ல் மார்க்ஸ் வேறு புத்தகம் எழுதியிருப்பார். அவர் வேறு புத்தகம் எழுதியிருந்தால், இது வேறு உலகம். அந்த ஓர் அடிமையின் புரட்சி தோற்றுப்போனதால், நாம் ஓராயிரம் வருடங்கள் பின்தங்கிவிட்டோம். அடுத்து அலெக்ஸாண்ட்ரியா நூலகத்தை எரித்ததனால் இன்னும் 500 ஆண்டுகள் பின்தங்கிவிட்டோம். ‘அதை எரிக்காமல் இருந்திருந்தால் 500 ஆண்டுகளுக்கு முன்பே சந்திரனுக்குப் போயிருப்போம்’ என்கிறார்கள். ஆம், இப்படி கல்வியையும் மக்களின் எழுச்சியையும் அசிங்கமாகக் கட்டுப்படுத்திவிட்டோம் என்றால், அதைவிடப் பெரிய வீழ்ச்சி வேறெதுவும் கிடையாது. அதற்கு சோக உதாரணம் ஸ்பார்ட்டகஸ். வெற்றி, தைரியம், இழப்பதற்கு ஏதுமில்லை... இப்படியான பொதுவுடமை வாசகங்களுக்கு முழுப் பொழிப்புரை ‘ஸ்பார்ட்டகஸ்’.

இந்த வரலாற்றை எழுதியவர் ஹோவர்ட் ஃபாஸ்ட். இதற்குத் திரைக்கதை எழுதியவர் டால்டன் ட்ரம்போ. இவரை அமெரிக்காவே இப்போது பெரிய ஹீரோவாகக் கொண்டாடுகிறது. என் உதவி இயக்குநர்களுக்கு நான் எப்போதும் பரிந்துரைக்கும் படம். இப்போது உங்களுக்கும். பாருங்கள், அதைப்பற்றிப் படியுங்கள்!

https://www.vikatan.com

தொடரும்.....

Categories: Tamilnadu-news

ஸ்டாலினை விமர்சித்த நிலையில் கருணாநிதியை சந்தித்தார் அழகிரி!

Wed, 03/01/2018 - 10:26
ஸ்டாலினை விமர்சித்த நிலையில் கருணாநிதியை சந்தித்தார் அழகிரி!

alagiri_1_12334.jpg

ஆர்.கே.நகர் இடைத்தேர்தலில் தி.மு.க டெபாசிட் இழந்த நிலையில், தி.மு.க செயல் தலைவர் மு.க.ஸ்டாலினை கடுமையாக விமர்சித்த மு.க.அழகிரி, இன்று தி.மு.க தலைவர் கருணாநிதியை திடீரென சந்தித்துப் பேசியது, அக்கட்சியினரிடையே பரபரப்பை ஏற்படுத்தியிருக்கிறது.

 

தமிழகத்தில் உள்ள அ.தி.மு.க அரசு, மத்திய அரசின் பினாமி அரசு என்று எதிர்க்கட்சிகள் குற்றம்சாட்டி வருவதோடு, மக்களுக்குத் தேவையான அடிப்படை வசதிகளைக்கூட அரசு செய்வதில்லை என்றும் கூறுகின்றன. ஆளும்கட்சிக்கு எதிராக மக்கள் கடும் அதிருப்தியில் இருந்துவரும்நிலையில், நடந்து முடிந்த ஆர்.கே.நகர் இடைத்தேர்தலில் தி.மு.க வெற்றிபெறும் என்றிருந்த நிலையில், யாரும் எதிர்பார்க்காத வகையில் சுயேச்சை வேட்பாளர் தினகரன் வெற்றிபெற்றார். இந்த வெற்றி, ஆளும்கட்சியைவிட தி.மு.க-வுக்கு அதிர்ச்சியை ஏற்படுத்தியுள்ளது.

இடைத்தேர்தல் தோல்வியால் பொங்கியெழுந்த மு.க.அழகிரி, தி.மு.க செயல் தலைவர் மு.க.ஸ்டாலினைக் கடுமையாக விமர்சித்தார். ``ஆர்.கே.நகர் இடைத்தேர்தலில் டெபாசிட் இழக்கும் அளவுக்கு தி.மு.க இருக்கிறது என்றால், ஸ்டாலின் என்னதான் செயல்படுகிறார்? வெறுமனே வேனில் ஏறி நின்றபடி வாக்கு கேட்டால் வெற்றி கிடைக்காது. செயல் தலைவராக ஸ்டாலின் பதவி வகிக்கும் வரை எதுவும் சரியாக நடக்காது. தி.மு.க செயல் தலைவராக ஸ்டாலின் இருக்கும் வரை கட்சி வெற்றி பெறாது. வெற்றிப்பாதையில் செல்ல வேண்டுமென்றால், தி.மு.க-வில் மாற்றம் தேவை" என்று கூறியிருந்தார்.

மு.க.ஸ்டாலினின் தலைமையைக் கடுமையாக விமர்சித்த மு.க.அழகிரி, இன்று சென்னை வந்தார். கோபாலபுரம் சென்ற அவர், தி.மு.க தலைவர் கருணாநிதியை சந்தித்துப் பேசினார். இந்த சந்திப்பு 30 நிமிடங்கள் நடந்தது. இந்தச் சந்திப்புக்குப் பின்னர் செய்தியாளர்களிடம் பேசிய அழகிரி, `தி.மு.க தலைவர் கருணாநிதி நல்ல உடல் நலத்துடன் இருக்கிறார்' என்று கூறினார்.

ரஜினிகாந்த்தை சந்திப்பீர்களா என்ற கேள்விக்கு, அவரை சந்திக்க நேரம் கிடைக்கவில்லை என்று பதில் அளித்தார்.

 

ஸ்டாலினுக்கு எதிராக அழகிரி குரல் கொடுத்துவந்த நிலையில் கருணாநிதியை சந்தித்திருப்பது, தி.மு.க-வினரிடையே பரபரப்பை ஏற்படுத்தியிருக்கிறது.

https://www.vikatan.com/news/tamilnadu/112541-alagiri-meets-karunanidhi.html

Categories: Tamilnadu-news

நகைச்சுவைக்கும் ஓர் எல்லை உண்டு: கவிஞர் வைரமுத்து திடீர் அறிக்கை!

Wed, 03/01/2018 - 06:56

 

 

நகைச்சுவைக்கும் ஓர் எல்லை உண்டு: கவிஞர் வைரமுத்து திடீர் அறிக்கை!

 

 
vairamuthu13

 

என்னுடைய பேச்சிலும் பேட்டியிலும் நான் சொல்லாத செய்திகளைச் சொல்லியதாகப் பதிவிடுவதில் சில அன்பர்கள் ஆர்வம் காட்டுகிறார்கள் என கவிஞர் வைரமுத்து கூறியுள்ளார்.

இதுகுறித்து அவர் வெளியிட்டுள்ள அறிக்கையில் கூறியதாவது:

பொது வெளிகளில் என்னுடைய பேச்சிலும் பேட்டியிலும் நான் சொல்லாத செய்திகளைச் சொல்லியதாகப் பதிவிடுவதில் சில அன்பர்கள் ஆர்வம் காட்டுகிறார்கள். அது உண்மை என்று கருதிவிடும் அபாயமும் இருக்கிறது. அதனால் என்னுடைய சுட்டுரைப் பக்கத்திலும் என் பெயரில் வெளிவரும் மெய்யான அறிக்கைகளிலும் தொலைக்காட்சியின் உண்மையான பதிவுகளிலும் நான் சொல்லியது மட்டுமே உண்மை என்று தமிழ் உலகம் நம்பும் என்று நம்புகிறேன். 

உண்மைக்கு வெளியே தங்கள் வாக்கியங்களை என் வாக்கியங்களாக வெளியிட்டுக்கொள்ளும் நண்பர்கள் நகைச்சுவைக்காக அப்படிச் செய்திருக்கக்கூடும். அவர்கள்மீது எனக்கு எந்த வகையிலும் வருத்தம் இல்லை. நகைச்சுவைக்கும் ஓர் எல்லை உண்டு என்பதை அவர்களும் அறிவார்கள்; தமிழர்களும் புரிவார்கள் என்று தனது அறிக்கையில் வைரமுத்து கூறியுள்ளார்.

 
 one or more people and people sitting
 
 

தமிழ்நாட்டை
ஒரு தேவர்தான் ஆளவேண்டும் 
ஒரு கவுண்டர்தான் ஆளவேண்டும்
ஒரு பள்ளர்தான் ஆள வேண்டும் 
என்பதை கடந்து
தமிழ்நாட்டை தமிழன்தான் ஆளவேண்டும்
என்பது உயர்ந்த கருத்து
அதை நான் வரவேற்கிறேன்!!!

நான் ரஜினிக்கு படல் எழுதவில்லை
அந்த படத்தின் கதையில் வரும் நாயகனுக்குதான்
பாடல் எழுதினேன்..!

நான் ரஜினியை ஒரு நண்பனாக மட்டுமே பார்க்கிறேன்!!

தமிழையும் தமிழினத்தையும் முன்னெடுக்கும் அரசியல் கட்சியை நான் 
வரவேற்று வாழ்த்துகிறேன்..!

கவிப்பேரரசு வைரமுத்து

Categories: Tamilnadu-news

மோடியின் முதல்வர் வேட்பாளர்?

Wed, 03/01/2018 - 06:09
மிஸ்டர் கழுகு: மோடியின் முதல்வர் வேட்பாளர்?
 
 

 

p44d_1514891269.jpg

திர்பார்த்ததைவிட லேட்டாக கழுகார் தரிசனம் தந்தார். ‘‘ரஜினியைப் போல லேட்டாக வந்தாலும், லேட்டஸ்ட்டாக வந்துவிட்டீரே?” என்றோம். சிரித்தபடி செய்திகளைச் சொல்ல ஆரம்பித்தார்.

‘‘30 ஆண்டுகளுக்கும் மேலாக புரியாத புதிராக இருந்த அரசியல் பிரவேசத்துக்கு டிசம்பர் 31-ம் தேதி முற்றுப்புள்ளி வைத்துள்ளார் ரஜினி. 2018 புத்தாண்டுக் கொண்டாட்டங்களையும் மிஞ்சிய ஹைலைட்டாக ரஜினியின் அறிவிப்பு இருந்தது. ரஜினி ரசிகர்களுக்கு அளவில்லாத மகிழ்ச்சி; தமிழகத்தின் பிரதான அரசியல் கட்சிகளுக்குக் கலக்கம்; தமிழக மக்களுக்கு வியப்பு. தமிழக அரசியலில் போயஸ் கார்டன் மீண்டும் முக்கியத்துவம் பெறுகிறது.’’

‘‘எப்படி இருக்கிறது அந்த ஏரியா?”

‘‘ஜெயலலிதா உயிருடன் இருந்தபோது, போயஸ் கார்டன் களைகட்டியிருக்கும். ஜெயலலிதா வீட்டுக்கு அருகில்தானே ரஜினியின் வீடு இருக்கிறது! ரஜினியின் அறிவிப்புக்குப் பிறகு அரசியல் பிரமுகர்களின் நடமாட்டம் அங்கு அதிகரித்துள்ளது. கோடம்பாக்கம் ராகவேந்திரா மண்டபத்தில் ரசிகர்கள் சந்திப்பின்போது பக்கா அரசியல்வாதிகளைப் போல வெள்ளை வேஷ்டி-சட்டையில் ரசிகர் மன்ற நிர்வாகிகள் வந்திருந்தார்கள். அநேகமாக அதுதான் கட்சியின் தலைமை அலுவலகமாக இருக்கும். போயஸ் கார்டன் ஏரியாவில் கூட்டத்தைக் குறைக்க உடனடியாக இந்த ஏற்பாட்டைச் செய்யச் சொன்னாராம் ரஜினி. இதற்காக, மார்கழி மாதம் ஆரம்பிக்கும் முன்பே, மண்டபத்தில் சில மாற்றங்களைச் செய்யச் சொன்னாராம் ரஜினி. அதன்பிறகு, மண்டபத்தின் ஒரு பகுதிக்கு அலுவலகம் மாற்றப்பட்டது. நீண்ட ஹால் ஒன்றை ரெடி செய்கிறார்கள். ரஜினி அவரது அறையிலிருந்து அந்த ஹாலுக்கு வரும்விதமாக கட்டடத்தில் வேலைகள் நடந்து வருகின்றன.” 

‘‘ரஜினி வீட்டுக்குப் போயிருந்தீரா?’’

‘‘ஆமாம். புத்தாண்டு தினத்தன்று மதிய வேளையில் போயிருந்தேன். வீட்டில் ஏதோ யாகம் நடந்தது. பசுமாடு ஒன்றை உள்ளே அழைத்துப்போய் பூஜை செய்தார்கள். வெளியாட்களை உள்ளே விடவில்லை. ‘இனி இதுபோல் நிறைய நடக்கும்’ என்று அங்கிருந்தவர்கள் சொன்னார்கள்.”

p44c_1514891294.jpg

‘‘ஓ... இதுதான் ஆன்மிக அரசியலா?”

‘‘கிண்டல் செய்யாதீர்! ‘ரஜினியின் அரசியல் என்ட்ரிக்கு எங்கிருந்து ஆதரவும் வாழ்த்துகளும் வருகின்றன, எந்தப் பக்கமிருந்து எதிர்ப்புகளும் விமர்சனங்களும் வருகின்றன, பட்டும் படாமல் வாழ்த்துச் சொல்வது யார்...’ இதையெல்லாம் கூர்ந்து கவனித்தாலே, ரஜினி அரசியலின் பின்னணி புரிந்துவிடப்போகிறது. அது என்ன பெரிய விஷயமா?”

‘‘தெளிவாகச் சொல்லும்?”

‘‘ரஜினி அறிவிப்பு வெளியிட்டதும், தமிழக பி.ஜே.பி-யின் அனைத்து மட்டங்களிலிருந்தும் ஆதரவு வரத் தொடங்கியது. ‘மோடியின் மாஸ்டர் ஸ்ட்ரோக்’ என்று பி.ஜே.பி-யினர் வெளிப்படையாக வாழ்த்துளைப் பரிமாறினர். இன்னொரு பக்கம் ஆடிட்டர் குருமூர்த்தி அவரது ட்விட்டர் பக்கத்தில், ‘ரஜினியின் அரசியல் வருகை தமிழகத்தை 60 ஆண்டு காலமாக உறைய வைத்திருக்கும் திராவிட அரசியலுக்கு மாற்றாக இருக்கும். ரஜினியின் ஆன்மிக அரசியல், தமிழகத்திலும் வெளியிலும் இருக்கும் மற்ற யாருடையதை விடவும் மோடியின் அரசியலுக்கு நெருக்கமாக இருக்கிறது’ என்று குறிப்பிட்டிருந்ததைப் படித்தீரா? இவற்றையெல்லாம் வைத்துத்தான் பி.ஜே.பி-யின் கை இதில் அதிகம் இருப்பதாக பலருக்கும் சந்தேகம் வந்துள்ளது.’’

‘‘ஆனால், பி.ஜே.பி-யைச் சேர்ந்த சுப்பிரமணியன் சுவாமி எதிர்த்திருக்கிறாரே?’’

‘‘அவர் பி.ஜே.பி அலுவலகத்தில் இருக்கிறாரே தவிர, பி.ஜே.பி-யில் இருக்கிறாரா? அவர் தினகரனை ஆதரித்தார்; ஆனால், பி.ஜே.பி ஆதரிக்கவில்லையே? தமிழகத்தில் காலூன்றத் துடிக்கும் பி.ஜே.பி இரண்டு விஷயங்களுக்காகக் காத்திருந்தது. ஆர்.கே.நகர் தேர்தலில் தினகரன் தோற்றுவிடுவார் என எதிர்பார்த்தார்கள்; 2ஜி வழக்கின் தீர்ப்பு தி.மு.க-வின் கதையை முடிக்கும் என்று நினைத்தார்கள். இந்த இரண்டுமே நடக்கவில்லை. இந்த நிலையில், மக்கள் செல்வாக்குள்ள ஒருவரைக் களத்தில் இறக்காமல் பி.ஜே.பி-யை வளர்க்க முடியாது என்று புரிந்துவிட்டது. இதற்காகத்தான் டிசம்பர் வரை ரஜினியை அமைதியாக இருக்கச் சொன்னார்கள். இரண்டு முடிவுகளும் வந்ததும் ரஜினியை வெளியே அழைத்து வந்துவிட்டார்கள். இப்படித்தான் காட்சிகளை விவரிக்கிறார்கள், உள்விவரங்களை அறிந்தவர்கள்.”

p44b_1514891308.jpg‘‘ரஜினி சொன்ன ‘ஆன்மிக அரசியல்’ என்பது, பி.ஜே.பி.யின் வார்த்தைகள்தானா?”

‘‘அப்படித்தான் சொல்கிறார்கள். ‘ரஜினி தனிக்கட்சி ஆரம்பித்து முதல்வர் வேட்பாளராக ஆனால் மட்டுமே, தமிழகத்தில் மாற்று அரசியல் முயற்சிகள் தலைதூக்கும்’ என்று நினைக்கிறாராம் மோடி. அதனால்தான் ‘மோடியின் முதல்வர் வேட்பாளர்’ என்கிறார்கள் அவரை! அமித் ஷாவும் அதைத்தான் சொல்கிறாராம். ‘மத்திய அரசின் ஆசிபெற்றவர்களாக இருக்கிறார்கள் என்ற பேச்சுதான் தமிழக ஆளுங்கட்சியினரைக் கவிழ்த்தது. அதனால், பிஜே.பி-யோடு தொடர்பில்லாத தனிக்கட்சியை ரஜினி ஆரம்பிப்பதே சரியாக இருக்கும். ரஜினியின் வெற்றி நம்முடைய வெற்றிதான்’ என்று நினைக்கிறாராம் அமித் ஷா. அதனால்தான் ரஜினிக்காக மோடியும் அமித் ஷாவும் காத்திருந்தார்கள்.”

‘‘ரஜினி அரசியலுக்கு வருவதை கமல் வரவேற்றுள்ளாரே?”

‘‘கமல், ‘நான் அரசியலுக்கு வரப்போகிறேன்’ என்று சொன்னபோது ரஜினி வரவேற்றார்; இப்போது ரஜினியை கமல் வரவேற்றுள்ளார். கமல் பிப்ரவரி மாதம் தனது அரசியல் இயக்கம் பற்றி அறிவிப்பேன் என்று சொல்லிக்கொண்டிருந்தார். அவரை முந்திக்கொள்ள நினைத்த ரஜினி, டிசம்பர் மாதமே அறிவித்துவிட்டார். இந்த வகையில் ரஜினியின் அறிவிப்புக்கு கமல்ஹாசனும் மிக முக்கியமான காரணம்.”

‘‘ரஜினி அரசியலில் இறங்கியிருப்பது, மற்ற கட்சிகளில் என்ன விளைவுகளை ஏற்படுத்தியுள்ளது?”

‘‘தி.மு.க வட்டாரத்தில் பேசியபோது, ‘ரஜினியின் வருகை அ.தி.மு.க-வின் வாக்கு வங்கியைப் பாதிக்கும்’ என்கிறார்கள். ரஜினியை பி.ஜே.பி பின்னாலிருந்து இயக்குவதாகக் கருதுவதால், கம்யூனிஸ்ட்டுகள் எதிர்க்கின்றனர். தமிழகத்தில் உள்ள காங்கிரஸ் தலைவர்கள் ரஜினிக்குத் தனிப்பட்ட முறையில் தங்களது ஆதரவைத் தெரிவித்துள்ளனர். வைகோவும் திருமாவளவனும் மையமாகச் சொல்லியிருக்கிறார்கள். தினகரன் வாழ்த்துத் தெரிவித்தாலும், ரஜினியின் அரசியல் நிலைப்பாட்டைக் கேலி செய்யும் தொனியில்தான் பேசியிருக்கிறார்.”

‘‘மற்றக் கட்சிகளிலிருந்து ரஜினி பக்கம் தாவும் எண்ணத்தில் யாராவது இருக்கிறார்களா?”

‘‘முறையாகக் கட்சியை ஆரம்பித்தபிறகு முன்னாள்கள் பலரும் சேருவார்கள் என்று சொல்லப்படுகிறது. தென் மாவட்டத்தைச் சேர்ந்த மூத்த அமைச்சர் ஒருவர் ரஜினியிடம் பேசினார். முன்பு ஒருமுறை ரஜினி இவரைப் புகழ்ந்திருந்தார். இந்த அமைச்சர், தன் மகனை ரஜினியுடன் சேர்க்கும் தொனியில் பேசினாராம். அ.தி.மு.க வட்டாரத்தில் ‘ஓ’ என அதிர்ச்சியோடு இதுபற்றிப் பேசுகின்றனர். ப.சிதம்பரம், திருநாவுக்கரசர் போன்றவர்களும் தனிப்பட்ட முறையில் ரஜினியை ஊக்கப்படுத்தியுள்ளனர்.”

p44a_1514891252.jpg

‘‘ஆனாலும் உற்சாகம் குறைந்தவராகக் காணப்படுகிறாரே ரஜினி?”

‘‘மன்றங்களை ஒருங்கிணைப்பது, இணையதளம், மொபைல் ஆப் எனப் பரபரப்பாகக் காணப்பட்டாலும், ரஜினியின் ‘ஹெல்த்’ விவகாரம்தான் அவருக்கு இருக்கும் மிகப்பெரிய முட்டுக்கட்டை. கட்சி நடத்த பணத்தைக் கொட்ட ஆட்கள் இருக்கிறார்கள். ஆலோசனைகள் வழங்குவதற்கு மத்திய-மாநில அரசாங்கத்தில் உயர்  பொறுப்புக்களை வகிக்கும் அதிகாரிகள் பட்டாளம் தயாராக உள்ளது. மத்திய அரசின் பூரண ஆசியும் இருக்கிறது. வேலை செய்ய ரசிகர்கள் இருக்கின்றனர். பொதுமக்களிடமும் ஆதரவு நிலை இருக்கிறது. ஆனால், இவை அனைத்தையும் ஒருங்கிணைத்து தலைவனாகத் தமிழகம் முழுக்க வலம்வர ரஜினியின் உடல்நிலை நிச்சயம் ஒத்துழைக்காது. இப்போது அவர் நடத்தும் ரசிகர்கள் சந்திப்பையே, அவருடைய உடல்நிலையைக் கவனித்துக் கொள்ளும் டாக்டர்கள் கடுமையாக எதிர்த்தனர்.’’ 

‘‘ரஜினியின் பாட்சா டீமில் இருப்பவர்கள் யார் யார்?”

‘‘ரஜினியின் மூத்த மகள் ஐஸ்வர்யாவுடன் படித்த சஞ்சய்தான் ரஜினியின் தனிப்பட்ட உதவியாளர். தகவல் தொழில்நுட்பப் பிரிவை சாமுவேல் என்பவர் கவனிக்கிறார். ரசிகர் மன்றத்தினருடனான நிர்வாகத்தை சுதாகர் பார்க்கிறார். இவர்களைத்தவிர, ரஜினியின் கமாண்டென்ட்களாக ஆறு பேர் உள்ளனர். மொபைல் ‘ஆப்’ பிரிவு, வெப்சைட் பிரிவு, சமூக வலைதளப் பிரிவு, கன்டென்ட் கிரியேஷன்ஸ் (அமெரிக்காவில் உள்ளவர்களின் ஆலோசனையுடன்) பிரிவு, மீம்ஸ் கிரியேஷன்ஸ் பிரிவு, மார்கெட்டிங் டீம் என்று ஏராளமானவர்கள் வேலை செய்கிறார்கள். டேட்டா என்ட்ரி ஆபரேட்டர்கள் ஆறு பேர் முழு வேகத்தில் பணி செய்கிறார்கள். தவிர, ரஜினியின் அண்ணன் சத்யநாராயணா, பெங்களூரு நண்பர் ராஜ்பகதூர், மனைவி லதாவின் உறவினர்கள் ரவி ராஜேந்திரன் மற்றும் எஸ்.வி.ரமணன், ரஜினியுடன் படித்த விட்டல் பிரசாத், ராகவேந்திரா மண்டப நிர்வாகத்தைக் கவனிக்கும் முரளி பிரசாத் ஆகியோரும் ரஜினியின் உள் வட்டத்தில் இருக்கிறார்கள்.”

p44_1514891222.jpg

‘‘முதலில் ரசிகர் மன்றங்களை முறைப்படுத்தும் நடவடிக்கையை ரஜினி ஏன் செய்கிறார்?’’

‘‘ரஜினி பெயரில் தமிழகம் முழுக்கப் பதிவு செய்யப்பட்ட 22 ஆயிரம் மன்றங்கள், பதிவு செய்யப்படாத 30 ஆயிரம் மன்றங்கள் செயல்படுகின்றன. 1998-ம் ஆண்டுக்குப் பிறகு புதிய மன்றங்கள் எதுவும் பதிவு செய்யப்படவில்லை. மன்ற நிர்வாகத்தை சுதாகர் கவனிக்கிறார். சிவ.ராமகிருஷ்ணன் உடன் இருக்கிறார். இவர்களுடன் ராமதாஸ், சூர்யா, ரவி...ஆகியோர் உள்ளனர். இருந்தாலும், முழுமையான கட்டமைப்பு இல்லாமல் தள்ளாடுகிறது ரஜினி மன்றம். அதனால்தான் இந்த அறிவிப்பு. ஆனால், ரஜினியின் அரசியல் அறிவிப்புக்குப் பிறகு, புதிய பிரமுகர்களின் நடமாட்டம் அதிகரித்துள்ளது. ‘எங்கே பழையவர்களை ரஜினி புறக்கணித்து விடுவாரோ’ என்ற மிரட்சியுடன் பலர் களையிழந்து கிடக்கிறார்கள்’’ என்று சொல்லிவிட்டு கழுகார் பறந்தார்.

அட்டை மற்றும் ஓவியங்கள்: பாரதிராஜா
படங்கள்: வி.ஸ்ரீனிவாசுலு

p44e_1514891176.jpg

dot_1514891148.jpgஆர்.கே. நகர் தோல்விக்குப்பின் கட்சியை நிர்வாகரீதியாக பலப்படுத்தும் முடிவை எடுத்துள்ளது ஆளும்தரப்பு. ‘‘மாற்றங்களைக் கட்சிக்குள் கொண்டுவந்தால் மட்டுமே நம்மால் கட்சியைப் பாதுகாக்க முடியும்’’ என்று பன்னீர் சொன்னதை எடப்பாடியும் ஏற்றுக் கொண்டுள்ளாராம். புதிய வடிவத்தில் உறுப்பினர் அட்டைகளை வழங்கும் பணியை ஆரம்பிக்கப் போகிறார்கள்.

dot_1514891148.jpg வைகுண்ட ஏகாதசியன்று சென்னை திருவல்லிக்கேணி பார்த்தசாரதி கோயிலில் சொர்க்க வாசல் திறப்பு மிகவும் விசேஷம். அமைச்சர்கள் பலரும் அந்த நேரத்தில் தரிசனம் செய்ய முட்டி மோதுவார்கள். இந்த ஆண்டு நடந்த சொர்க்கவாசல் திறப்பில் ஏகப்பட்ட குளறுபடி. கோயில் துணை ஆணையராக உள்ள ஜோதிலெட்சுமிக்கும், பாதுகாப்புப் பணியில் ஈடுபட்டிருந்த போலீஸாருக்கும் மோதல் வலுத்தது. இந்து சமய அறநிலையத்துறை அதிகாரிகள், கோயில் பட்டர்கள், கோயில் மேலாளர் எனப் பலரையும் போலீஸ் உள்ளே அனுமதிக்கவில்லை. மேலும், வருடத்தின் எல்லா நாள்களும் அங்கு சேவையில் ஈடுபடும் அந்தப் பகுதி மக்களுடனும் போலீஸ் மோதல் போக்கையே கடைப்பிடித்தது. ‘‘உயர் போலீஸ் அதிகாரிகள், அவர்கள் குடும்பத்தினரை மட்டும்தான் விழுந்து விழுந்து கவனித்தனர்’’ என்று புலம்புகிறார்கள் கோயில் ஊழியர்கள்.

dot_1514891148.jpg ஆர்.கே. நகர் தோல்வி குறித்து தி.மு.க உயர்நிலை செயல்திட்டக் குழு ஆலோசனை நடத்தியது. ‘‘இரண்டு தரப்பும் பணம் கொடுத்தார்கள், நாம் கொடுக்கவில்லை, அதுதான் நமக்கான மரியாதை’’ என்று அனைவரும் சொல்லியிருக்கிறார்கள். இதை ஸ்டாலினும் ஏற்றுக் கொண்டார். ஆர்.கே. நகர் கட்சி நிர்வாகிகளை நீக்கியதைப் பலரும் விரும்பவில்லை. ‘‘இவ்வளவு பணம் விளையாடிய இடத்தில் எங்களால் என்ன செய்ய முடியும்? தலைமைக் கழகத்திலிருந்து ஒரு பாகத்துக்கு ஒரு நாளைக்கு ஆயிரம் ரூபாய் கொடுத்தார்கள். ஆனால் ஒரு பாகத்துக்கு ஒரு நாளைக்கு 6 லட்சம் ரூபாய் தினகரன் கொடுத்தார். இது தெரிந்த பிறகும் எங்களை ஏன் நீக்க வேண்டும்?’’ என்று கேட்கிறார்களாம்.

dot_1514891148.jpg ஜனவரி முதல் நாளன்று ம.தி.மு.க தலைமையகமான தாயகத்தில் ஆண்டுதோறும் செய்தியாளர்களைச் சந்திப்பது வைகோவின் வழக்கம். இந்த ஆண்டும் வழக்கம்போல சந்தித்த அவரிடம், ‘‘ஆர்.கே. நகரில் தி.மு.க தோற்றதற்கு வைகோதான் காரணம் என சமூக ஊடகங்களில் மீம்ஸ் போடுகிறார்களே?’’ எனக் கேட்டனர் சிலர். ‘‘தி.மு.க-வில் இருந்தபோதும், பின்னர் தி.மு.க-வுடனும் அ.தி.மு.க-வுடனும் கூட்டணியில் இருந்தபோதும் இந்தக் கறுப்புத்துண்டு பேசியதால் வெற்றி கிடைத்தது வரலாறு’’ என்றார் உணர்ச்சிவசப்படாமல்.

https://www.vikatan.com

Categories: Tamilnadu-news

திமுக தலைவர் கருணாநிதியை சந்திக்கிறாரா ரஜினி?- அரசியல் வட்டாரத்தில் எதிர்பார்ப்பு

Wed, 03/01/2018 - 05:45
திமுக தலைவர் கருணாநிதியை சந்திக்கிறாரா ரஜினி?- அரசியல் வட்டாரத்தில் எதிர்பார்ப்பு

 

 
rajini

ரஜினிகாந்த்   -  கோப்புப் படம்

திமுக தலைவர் கருணாநிதியை இன்று (புதன்கிழமை) மாலை நடிகர் ரஜினிகாந்த் சந்திக்கவிருப்பதாக தகவல்கள் வெளியாகியிருக்கின்றன.

சென்னை கோபாலபுரத்தில் உள்ள திமுக தலைவர் கருணாநிதியின் இல்லத்தில் இந்த சந்திப்பு நடக்கவிருப்பதாகவும் சந்திப்பின்போது நடிகர் ரஜினிகாந்துடன் அவரது ரசிகர் மன்ற நிர்வாகியும் திமுக தரப்பில் ஸ்டாலின் உள்ளிட்டோரும் இருப்பர் என்றும் தகவல்கள் தெரிவிக்கின்றன.

இந்த தகவல் இன்னும் உறுதிப்படுத்தப்படாத நிலையில், இச்சந்திப்பு குறித்து தமிழக அரசியல் வட்டாரத்தில் எதிர்பார்ப்பு கிளம்பியிருக்கிறது.

அறிவிப்புக்குப் பின்..

நடிகர் ரஜினிகாந்த் தனது ரசிகர்களுடனான சந்திப்பின் நிறைவு நாளான டிசம்பர் 31 2017-ல் தனிக்கட்சி தொடங்கப்போவதாக அறிவித்தார். வரவிருக்கும் சட்டப்பேரவைத் தேர்தலில் 234 தொகுதிகளிலும் தனது கட்சி போட்டியிடும் என்றும் நாடாளுமன்றத் தேர்தல் குறித்து பின்னர் அறிவிக்கப்படும் என்றும் கூறினார்.

அத்துடன் நின்றுவிடாமல் இணையதளத்தையும் தொடங்கினார். இந்த இணையதளத்தில் லட்சக்கணக்கானோர் பதிவு செய்து வருகின்றனர். மேலும், கட்சிக் கொடியை உருவாக்கும் பணி நடைபெற்றுவருவதாகவும் அவர் கூறியிருக்கிறார்.

ரஜினி அரசியலுக்கு வருவாரா மாட்டாரா என்ற கேலி கிண்டல்கள் ஓய்ந்து 'ஆன்மீக அரசியல்' அறிவிப்பு தொடங்கி அடுத்தடுத்த சூடுபறக்கும் அவரது நடவடிக்கைகளும் தற்போது வாதவிவாதப் பொருளாகியுள்ள நிலையில் இன்று அவர் திமுக தலைவர் கருணாநிதியை சந்திக்கவிருப்பதாகவும் தகவல்கள் வெளியாகியுள்ளன.

அவ்வாறு சந்திப்பு நிகழ்ந்தால். தனிக்கட்சி அறிவிப்புக்குப் பின் ரஜினிகாந்த் சந்திக்கும் முதல் அரசியல் தலைவர் கருணாநிதி என்ற நிலை உருவாகும்.

ரஜினி, தனது தனிக்கட்சி அறிவிப்பை வெளியிட்ட நாளன்றே திமுக ஆதரவாளர் கவிஞர் வைரமுத்து ரஜினியை வாழ்த்தி வரவேற்று பத்திரிகையாளர் சந்திப்பில் பேசினார் என்பது கவனிக்கத்தக்கது.

http://tamil.thehindu.com/tamilnadu/article22356959.ece?homepage=true

Categories: Tamilnadu-news

தினகரன் கொடுத்தனுப்பிய, 'பென் டிரைவ்' விசாரணை கமிஷனில் ஒப்படைப்பு

Tue, 02/01/2018 - 19:44
தினகரன் கொடுத்தனுப்பிய, 'பென் டிரைவ்'
விசாரணை கமிஷனில் ஒப்படைப்பு
 

 

 

 
 

சென்னை : ஜெ., மரணம் குறித்து விசாரிக்கும், நீதிபதி ஆறுமுகசாமி கமிஷனில், நேற்று தினகரன் சார்பில், 'வீடியோ' பதிவுகள் அடங்கிய, 'பென் டிரைவ்' ஒப்படைக்கப்பட்டது.

 

Dinakaran,TTV Dinakaran,டி.டி.வி. தினகரன்,தினகரன்,பென் டிரைவ்,விசாரணை கமிஷன்,ஒப்படைப்பு,இளவரசி மகள், கிருஷ்ணபிரியா,நான்கு வீடியோ


சென்னை, ஆர்.கே.நகர் இடைத்தேர்தலுக்கு முன், தினகரன் ஆதரவாளரான வெற்றிவேல், சென்னை, அப்பல்லோ மருத்துவமனையில், ஜெ., இருந்தபோது எடுக்கப்பட்டதாக கூறி, 20 வினாடி வீடியோ காட்சியை வெளியிட்டார். அதைத் தொடர்ந்து, அவருக்கு, 'சம்மன்' அனுப்பப்பட்டது.

இதையடுத்து, அவர் அந்த வீடியோவை, விசாரணை கமிஷனில் ஒப்படைத்தார். அதேபோல், தினகரன், சசிகலா ஆகியோருக்கும், சம்மன் அனுப்பப்பட்டது. தினகரன் சார்பில், நேற்று அவரது வழக்கறிஞர், ராஜா செந்துார்பாண்டியன், விசாரணை கமிஷனில் ஆஜராகி, வீடியோ காட்சிகள் அடங்கிய, 'பென் டிரைவ்' ஒன்றை ஒப்படைத்தார்.

 

பின், அவர் நிருபர்களிடம் கூறியதாவது: தினகரன் சார்பில், 'பென் டிரைவ்' ஒப்படைத்துள்ளோம். அதிலிருக்கும் பதிவுகளை பார்த்துவிட்டு, நீதிபதி ஒப்புகை சீட்டு கொடுத்துள்ளார். மேலும், வெற்றிவேல் தாக்கல் செய்த வீடியோ தவிர, வேறு என்னென்ன இருந்ததோ, அவற்றை எல்லாம் ஒப்படைத்து உள்ளோம்.

பெங்களூரு சிறையில் உள்ள சசிகலாவுக்கு, டிச., 23ல், சம்மன் கொடுக்கப்பட்டுள்ளது. அவர் எனக்கு வக்காலத்து கொடுத்துள்ளார். அதை நான் தாக்கல் செய்ய உள்ளேன். தினகரன், வெற்றிவேல் ஆகியோரை, எளிதாக சந்திக்க முடிந்ததால், அவர்களிடமிருந்த பொருளை பெற்று, ஒப்படைக்க முடிந்தது. சசிகலாவுக்கு, 15 நாட்கள் அவகாசம் கொடுத்துள்ளனர். அதன்பின், வக்காலத்து போட்டு, ஆவணங்களை தாக்கல் செய்வோம். இவ்வாறு அவர் கூறினார்.
 

இளவரசி மகளிடம் 4 மணி நேரம் விசாரணை!


ஜெ., மரணம் தொடர்பாக, இளவரசி மகள், கிருஷ்ணபிரியாவிடம், விசாரணை கமிஷனில், நான்கு மணி நேரம் விசாரணை நடந்தது.

நேற்று காலை, 10:15 மணிக்கு, அவரிடம் விசாரணை துவங்கியது; பகல், 2:15 மணிக்கு நிறைவடைந்தது. ஜெ., மருத்துவமனையிலிருந்த

போது நடந்த சம்பவங்கள், அப்போது எடுக்கப்பட்டதாக கூறி, வெற்றிவேல் வெளியிட்ட வீடியோ உட்பட, பல விஷயங்கள் குறித்து, நீதிபதி விசாரித்துள்ளார்.

விசாரணை குறித்து, கிருஷ்ணபிரியா கூறுகையில், ''விசாரணை கமிஷனுக்கு, என் தரப்பில் முழு ஒத்துழைப்பு அளித்தேன். மற்ற விபரங்களை பகிர்ந்து கொள்வது, சரியாக இருக்காது. ஜெ., சிகிச்சை தொடர்பாக, வீடியோ ஆதாரம் இருப்பதாக, நான் எதுவும் கூறவில்லை,'' என்றார்.
 

 

புதிதாக நான்கு வீடியோ!

தினகரன் வழங்கிய, 'பென் டிரைவில்' ஏற்கனவே, முன்னாள் எம்.எல்.ஏ., வெற்றிவேல் வெளியிட்ட வீடியோ பதிவுடன், மேலும், நான்கு வீடியோ பதிவுகள் இருப்பதாக, தகவல் வெளியாகி உள்ளது. அதேபோல், ஜெ., வீட்டில் வேலை செய்தவர்கள் குறித்த விபரங்களை ஒப்படைக்கும்படி, ஜெ., உதவியாளராக இருந்த பூங்குன்றனுக்கு, சம்மன் அனுப்பப்பட்டது. அதன்படி அவர், ஓராண்டாக, போயஸ் கார்டனில் பணிபுரிந்த, 15 பேர் பெயர், முகவரி, மொபைல் எண் ஆகியவற்றை, விசாரணை கமிஷனில் ஒப்படைத்துள்ளார். இந்தப் பட்டியலில், டிரைவர்கள், சமையல்காரர்கள் உட்பட, பலர் இடம் பெற்றுள்ளனர். விரைவில் இவர்களுக்கு, விசாரணை கமிஷன் சார்பில், சம்மன் அனுப்பப்படும் என, எதிர்பார்க்கப்படுகிறது.

http://www.dinamalar.com/news_detail.asp?id=1931327

Categories: Tamilnadu-news

2018-ஆம் ஆண்டின் முதல் ஜல்லிக்கட்டு போட்டி: புதுக்கோட்டையில் கோலாகல தொடக்கம்

Tue, 02/01/2018 - 07:03
2018-ஆம் ஆண்டின் முதல் ஜல்லிக்கட்டு போட்டி: புதுக்கோட்டையில் கோலாகல தொடக்கம்
புதுக்கோட்டையில் ஜல்லிக்கட்டு போட்டிகள் கோலாகலமாக தொடக்கம்படத்தின் காப்புரிமைSUNDAR

புதுக்கோட்டை மாவட்டத்தில் இந்த ஆண்டின் (2018) முதல் ஜல்லிக்கட்டு போட்டி இன்று (செவ்வாய்க்கிழமை)கோலாகலமாக தொடங்கியுள்ளது.

கந்தர்வக்கோட்டை அருகேயுள்ள தச்சன்குறிச்சியில் நடைபெறும் போட்டியை சுகாதாரத்துறை அமைச்சர் விஜயபாஸ்கர் தொடக்கி வைத்தார்.

புதுக்கோட்டையில் ஜல்லிக்கட்டு போட்டிகள் கோலாகலமாக தொடக்கம்படத்தின் காப்புரிமைSUNDAR

போட்டி தொடங்குவதற்குமுன், மாவட்ட ஆட்சியர் சு.கணேஷ், அமைச்சர் விஜயபாஸ்கர் முன்னிலையில் மாடுபிடி வீரர்கள் ஜல்லிக்கட்டு போட்டியின்போது மாடுகளைத் துன்புறுத்த மாட்டோம் என்று உறுதிமொழி எடுத்தனர்.

முதல்வர் எடப்பாடியின் அறிவுரையின்படி தமிழகத்தில் இந்தாண்டு ஜல்லிக்கட்டு போட்டிகள் தடையின்றி நடைபெறும் என்றும், ஜல்லிக்கட்டு அதிகமாக நடைபெறும் மாவட்டங்களின் புதுக்கோட்டை முன்னிலையில் இருப்பதாக அவர் தெரிவித்தார்.

புதுக்கோட்டையில் ஜல்லிக்கட்டு போட்டிகள் கோலாகலமாக தொடக்கம்படத்தின் காப்புரிமைSUNDAR

புதுக்கோட்டை மாவட்டம் சுற்றியுள்ள பகுதிகளிலிருந்து நூற்றுக்கும் மேற்பட்ட காளைகள் இதில் கலந்து கொண்டுள்ளன.

வருகின்ற நாட்களில் புதுக்கோட்டை மாவட்டத்தை தொடர்ந்து பிற மாவட்டங்களிலும் ஜல்லிக்கட்டு போட்டிகள் நடைபெற உள்ளன.

http://www.bbc.com/tamil/india-42538993

Categories: Tamilnadu-news

“எனக்கெதிராக வெறுப்புணர்வை தூண்டுவதன் மூலம் உங்களின் பயமும், விரக்தி மனநிலையும் வெளிப்படுகிறது”

Tue, 02/01/2018 - 06:43
“எனக்கெதிராக வெறுப்புணர்வை தூண்டுவதன் மூலம் உங்களின் பயமும், விரக்தி மனநிலையும் வெளிப்படுகிறது”

prakash-raj.jpg?resize=615%2C350

பெங்களூர் பிரஸ் கிளப்பில் நடந்த நிகழ்ச்சியில் பேசிய நடிகர் பிரகாஷ் ராஜ், கர்நாடகாவை கன்னடர்கள்தான் ஆள வேண்டும் என கூறியதாக தகவல் வெளியானது. இதற்கு, எதிர்ப்பு தெரிவித்தும், வலைதளங்களில் பிரகாஷ் ராஜை விமர்சித்தும் கருத்துகள் வெளியாகின.

இந்நிலையில், தனது கருத்து திரித்து கூறப்பட்டுள்ளதாக நடிகர் பிரகாஷ் ராஜ் விளக்கம் அளித்துள்ளார். இதுதொடர்பாக தனது ட்விட்டர் பக்கத்தில் பதிவிட்டுள்ள அவர், “முதலில் நான் ஓர் இந்தியன். தகுதி வாய்ந்த நபராக இருந்தால், நாட்டின் எந்த ஒரு மாநிலத்திற்கும் தலைவராகலாம் என்பதே எனது நிலைப்பாடு. கர்நாடகா, தமிழகம், தெலங்கானா, ஆந்திரா, கேரளா உள்பட எந்த மாநிலமாக இருந்தாலும், பிரித்தாளும் சூழ்ச்சியுடன் செயல்படும், வகுப்புவாத அரசியல்வாதிகளை எதிர் வரும் தேர்தல்களில் நாங்கள் வெற்றி பெற விடமாட்டோம் என்று தான் கூறினேன். ஆனால் எனது பேச்சை பேச்சை திரித்து பிரச்சாரம் செய்யப்படுகிறது. எனக்கெதிராக வெறுப்புணர்வை தூண்டுவதன் மூலம் உங்களின் பயமும், விரக்தி மனநிலையும் வெளிப்படுகிறது” எனக் கூறியுள்ளார்.

http://globaltamilnews.net/2018/58975/

Categories: Tamilnadu-news

தொடரும் சசிகலாவின் மெளன விரதம்! - ஜெ., மரணம் தொடர்பான ஆணையத்தில் ஆஜராகவில்லை

Tue, 02/01/2018 - 06:06
தொடரும் சசிகலாவின் மெளன விரதம்! - ஜெ., மரணம் தொடர்பான ஆணையத்தில் ஆஜராகவில்லை
 
 

ஜெயலலிதா மரணம் தொடர்பாக ஆறுமுகசாமி விசாரணை ஆணையத்தில் சசிகலா ஆஜராகமாட்டார் என தகவல் வெளியாகியுள்ளது.

சசிகலா
 

 

ஜெயலலிதா மரணம் தொடர்பாக அமைக்கப்பட்ட ஆணையத்தில் ஓய்வுபெற்ற நீதிபதி ஆறுமுகசாமி முன்பு தீபா, தீபக் உள்ளிட்டோர் ஆஜராகி விளக்கம் அளித்தனர். இன்று இளவரசி மகள் கிருஷ்ணபிரியா ஆஜராகி விளக்கம் அளிக்கிறார். ஜெயலலிதா அப்போலோவில் அனுமதிக்கப்பட்டபோது அவரை உடனிருந்து கவனித்து கொண்ட சசிகலாவுக்கும் விசாரணை ஆணையம் சம்மன் அனுப்பியிருந்தது. ஆனால் விசாரணை ஆணையத்தில் சசிகலா ஆஜராகமாட்டார் என்று தகவல் வெளியாகியுள்ளது.

சொத்துகுவிப்பு வழக்கில் கர்நாடக சிறையில் அடைக்கப்பட்டிருக்கும் சசிகலா தற்போது மெளன விரதம் இருப்பதால் அவரால் விசாரணை ஆணயத்தில் ஆஜராக முடியாது என கர்நாடக சிறைதுறை வட்டாரம் கூறியிருக்கிறது. சசிகலா  சார்பாக அவரது வழக்கறிஞர் ராஜா செந்தூர்பாண்டியன் ஆஜராவார்  என்று கூறப்படுகிறது. 'ஜனவரி இறுதி வரையில் சசிகலா சிறையில் மௌன விரதம் இருப்பார்' என டி.டி.வி.தினகரன் கூறியது குறிப்பிடத்தக்கது.

https://www.vikatan.com/news/tamilnadu/112428-sasikala-refused-to-appear-before-retired-judge-arumugasamy.html

Categories: Tamilnadu-news

ரஜினியின் அரசியல் பிரவேசம்: வாம்மா மின்னல்

Mon, 01/01/2018 - 20:01
ரஜினியின் அரசியல் பிரவேசம்: வாம்மா மின்னல்

ஆர். அபிலாஷ்

 Image result for rajinikanth politics

ரஜினி தான் சொன்னது போல் அதிகார பூர்வ அரசியல் பிரவேசத்தை அறிவித்து விட்டார். ஏற்கனவே நான் இது குறித்து எழுதிய போது ரஜினி, கமல், விஜய், விஷால் ஆகியோர் சரியாக தேர்தலுக்கு சில மாதங்களுக்கு முன்னர் மட்டுமே கட்சிப் பணியை துவக்குவார்கள் என சொல்லி இருந்தேன். ரஜினி இப்போது வெளிப்படையாக அதை ஒத்துக் கொண்டிருக்கிறார். என் சிற்றறிவுப்படி அரசியல் கட்சி ஆரம்பிக்கிறவர்கள் கட்சியை கட்டமைத்து, பல அடுக்கு நிர்வாகிகள், தலைவர்களை நிறுவி, கட்சியின் கொள்கையை விளக்கி, ஆளுங்கட்சிக்கு எதிராய் அறிக்கைகள் விடுத்து போராட்டங்கள் செய்து தம்மை நிறுவிக் கொண்டு ஆற அமர தேர்தலுக்கு தயாராகவே ஒரு வருடமாவது ஆகும். விஜயகாந்த் தன் கட்சியை வளர்க்க ஒரு வருடத்துக்கு மேலாகவே எடுத்துக் கொண்டார். ஆனால் ரஜினி இப்போதைக்கு தன் ரசிகர் மன்றங்களை ஒருங்கிணைக்கிற பணியை மட்டுமே எடுத்துக் கொள்ளப் போகிறார். எந்திரன் 0.2, காலா ஆகிய சினிமாப் பணிகளை முடித்து விட்டு பொறுமையாய் அரசியலில் அவர் இறங்குகிற விதத்தை பார்த்தாலே அவருக்கு வெற்றி பெற்று ஒரு சின்ன எதிர்க்கட்சித் தலைவராகும் இலக்கு கூட இல்லை எனத் தெரிகிறது.

234 தொகுதிகளிலும் ரஜினியின் வேட்பாளர்கள் போட்டியிடுவார்கள் என்றால் அதற்கான செலவை யார் பார்த்துக் கொள்கிறார்கள்? இதற்கான ஆயிரமாயிரம் கோடிகளை ரஜினிக்காக வாரி இறைப்பது யார்? இக்கேள்வியை மீடியா நிச்சயம் கேட்க வேண்டும்.

ரஜினி அரசியலில் இறங்குவதால் அவருக்கு விளையப் போகும் ஆபத்துகளைப் பற்றி குஷ்பு குறிப்பிட்டுள்ளார். அவர் தோற்றால் கடுமையான விமர்சனங்களையும் கேலியையும் பழிகளையும், அரசியல் விரோதத்தையும் சம்பாதிக்க நேரிடும். முன்பு போல் அவரால் சுதந்திரமாய் வணிக படங்களில் நடித்து வெளியிட முடியாமல் கூட போகலாம். ரஜினி வெற்றி பெற வாய்ப்பே இல்லை என குஷ்பு குறிப்புணர்த்துவதாய் புரிந்து கொள்கிறேன். ஆனாலும் அவர் ஏன் இவ்வளவு ரிஸ்கை எடுக்கிறார்?

பணம் தான் பிரதான காரணம் என்பது என் கணிப்பு. ரஜினி மூன்று நான்கு வெற்றிப்படங்களில் நடித்து சம்பாதிப்பதை விட பல மடங்கு பணத்தை இத்தேர்தல் மூலம் அடைந்து விட முடியும் என நம்புகிறார். வென்றாலும் தோற்றாலும் அவருக்கு லாபமே. பாஜக கொடுக்கும் ஆயிரமாயிரம் கோடிகளை சிக்கனமாய் செலவழித்தால் மீதும் பணமெல்லாம் அவரது ஸ்விஸ் வங்கி கணக்குக்குத் தானே பாயும்?

அரசியலில் குதிப்பதற்கான அவரது காரணங்களைப் பாருங்கள். அரசியல் நிலைமை சீர்கெட்டுப் போயுள்ளது. இந்தியாவின் பிற மாநிலங்களில் தமிழக ஆரசின் நிர்வாகக் கேட்டை கேலி செய்கிறார்கள் – சரி தான். ரஜினி குறிப்பிடும் நிர்வாக சீர்கேடுகள், ஊழல், மக்களின் துன்பம் ஆகியவை இப்போது தான் புதிதாய் நிகழ்கின்றனவா? ஏன் இப்போது அவர் அரசியல் நெற்றிக்கண்ணைத் திறக்கிறார்?

இதற்கு அவர் தெளிவான காரணத்தை ஒன்றும் சொல்லவில்லை. ”இனியும் அரசியலில் ஈடுபடாமல் இருந்தால் குற்றவுணர்வு அரித்து கொன்று விடும்” என்கிறார். அப்படி எனில் இத்தனைக் காலம் எப்படி குற்றவுணர்வில் இருந்து தப்பித்தார்? ஏன் எந்த அரசியல் சமூகக் கருத்துக்களும் தெரிவிக்காமல் லாலா கடை வியாபாரி போல் தேமேவென இருந்தார்? இப்போது அவரை சட்டென தூண்டிய நிகழ்வு எது?

ஒரு பக்கம் அவர் அதிமுக அரசின் நிர்வாக சீர்கேட்டைப் பற்றி விமர்சிக்கிறார். அடுத்து உடனே தன் நிர்வாகிகளிடமும் ரசிகர்களிடமும் “நீங்கள் ஆளும் அரசியல் கட்சி, பிற கட்சிகள் மற்றும் அரசியல்வாதிகளை விமர்சித்து பேசக் கூடாது” என்கிறார். இப்படி அறிவுறுத்தும் அவர் மட்டும் ஏன் அதிமுக அரசை சாடுகிறார்? என்ன குழப்படி பாருங்கள். இவர் கட்சி ஆரம்பித்த பின் இன்னும் என்னவெல்லாம் பிதற்றப் போகிறாரோ?

ரஜினி இப்படி தன் நிர்வாகிகள் மற்றும் ரசிகர்களை கட்டுப்படுத்துவதன் நோக்கம் வேறு. ஆளும் அரசை அவர் விமர்சித்தால் இரண்டு விசயங்கள் நடக்கும். அதிமுக அரசு கடும் நெருக்கடிக்கு உள்ளாகும். அதிமுக அரசை ஆட்டுவிக்கும் மோடி இதை விரும்ப மாட்டார். அடுத்து, ரஜினியின் கட்சி உண்மையில் வளரும் வாய்ப்பு ஏற்படும். அப்படி ஒரு ரஜினி அலை உருவாவதை இப்போதைக்கு பாஜக விரும்பவில்லை. ஏனெனில் அப்படி ரஜினி தம் கையை மீறி வளர்வதை பாஜக ரசிக்காது. ரஜினியின் அறிவுறுத்தல் ஒருவிதத்தில் பாஜகவின் அஜெண்டாவை காட்டிக் கொடுக்கிறது.

இப்போதைக்கு அவர்களின் திட்டம் சீண்டாமல் தீண்டாமல் ஒரு புது மணப்பெண்ணைப் போல் ரஜினியின் கட்சியை அடுத்த தேர்தலுக்கு சற்று முன் அறிமுகப்படுத்துவது. கூடவே கமல், விஜய், விஷால் கட்சிகளையும் பக்கமேளக்காரர்களைப் போல் இறக்குவது. ஒரு குழப்பத்தை, பரபரப்பை ஏற்படுத்தி திமுகவின் ஓட்டைப் பிரிப்பது. 

அப்படியே ஒருவேளை இக்கட்சிகளும் ஒன்றிரண்டு இடங்களைப் பெற்று இன்னொரு பக்கம் திமுக ஆட்சியைப் பிடித்தாலும் பாஜக இவர்களையும் வேறு சின்ன கட்சிகளையும் அதிமுகவின் ஒ.பி.எஸ் எடப்பாடிகளையும் வைத்து எதிர்க்கட்சிகளின் கூட்டணி ஒன்றை உருவாக்க முயலும்.

ஆக இந்த சூதாட்டத்தில் இந்த நடிகர்களுக்கோ பாஜகவுக்கோ எந்த பெரிய நட்டமும் ஏற்படாது. மீடியாவுக்கும் சமூக வலைதள போராளிகளுக்கும் தீனி கிடைக்கும். இந்நடிகர்கள் மக்களுக்கு தலைக்கு 5000 கொடுத்தால் அதன் வழி பாஜகவின் கறுப்புப் பணத்தில் ஒரு பகுதி தமிழக எளிய மக்களை அடையும். மற்றபடி தமிழக அரசியலில் எந்த மாற்றமும் நிகழாது.

 

http://thiruttusavi.blogspot.co.uk/2018/01/blog-post_72.html?m=1

Categories: Tamilnadu-news

மன்னார்குடியில் புத்தாண்டு கொண்டாட்டம்... குடும்ப அஸ்திரத்தை தனதாக்குவாரா தினகரன்?! #VikatanExclusive

Mon, 01/01/2018 - 16:10
மன்னார்குடியில் புத்தாண்டு கொண்டாட்டம்... குடும்ப அஸ்திரத்தை தனதாக்குவாரா தினகரன்?! #VikatanExclusive
 

ஆர்.கே.நகர் இடைத்தேர்தலில் வெற்றிபெற்றதில் இருந்து தமிழக அரசியலில் முக்கிய பேசு பொருளாக மாறியுள்ளார் டி.டி.வி.தினகரன். வெற்றியின் மூலம் கட்சி தன் வசம்தான் இருக்கிறது என்பது போல ஒரு பிம்பத்தைக் கட்டமைத்த தினகரன், தற்போது குடும்பமும் தன் வசம்தான் உள்ளது என்பதை உரக்கச் சொல்ல மன்னார்குடியில் புத்தாண்டை கொண்டாடியுள்ளார். 

ஒரே மாலையில் தினகரன் மற்றும் திவாகரன்

 

பொதுவாக புத்தாண்டை ஆதரவாளர்களுடன் அடையாறில் இருக்கும் தனது வீட்டில் கொண்டாடும் வழக்குமுடையவர் தினகரன். அன்று ஆதரவாளர்களுக்கு விருந்து கொடுப்பது, குடும்பத்துடன் நேரத்தை செலவிடுவது என்று இருப்பார். ஆனால், ஆர்.கே.நகர் வெற்றியால் அரசியலில் அடுத்தக்கட்ட நகர்வுக்கு அவர் தயாராகி உள்ளார். குடும்ப உறுப்பினர்களில் திவாகரன், ஜெயானந்த் ஆகியோர் தினகரனுக்கு ஆதரவாக இருக்கும் சூழலில், விவேக் ஜெயராமன், கிருஷ்ணப்பிரியா தன்னிச்சையாக செயல்பட்டு வருகின்றனர். குறிப்பாக, ஆர்.கே.நகர் தேர்தலுக்கு முந்தைய நாளன்று தினகரன் சொல்லியதற்கிணங்க வெற்றிவேல், ஜெயலலிதா சிகிச்சை பெற்ற வீடியோவை வெளியிட்டதாக தகவல் வந்தது. இதற்கு, கிருஷ்ணப்பிரியா நேரடியாக பேஸ்புக்கில் எதிர்ப்பு தெரிவித்து பதிவிட்டார். ஆனால் ஜெயானந்த், `வீடியோ வெளியிட்டதில் எந்தத் தவறும் இல்லை. இதனால், சசிகலா மீதுள்ள கலங்கம் துடைக்கப்பட்டுள்ளது' என்று கூறி தினகரனுக்கு ஆதரவுக்கரம் நீட்டினார். அதேபோல முன்னர் ஜெயா டிவியில் துரைமுருகன் பேட்டியைப் போட வேண்டாம் என்று விவேக்கிடம் தினகரன் கேட்க, `டி.ஆர்.பி ரேட்டிங்கிற்கு இந்தப் பேட்டி உதவும். அது மட்டுமில்லாமல், அவர் பேட்டியில் நமக்கு ஆதரவாக பல கருத்துகளை தெரிவித்துள்ளார்' என்று கூறி, தினகரனின் கோரிக்கை வெளிப்படையாகவே நிராகரித்தார் விவேக். இதனால், கோபத்தின் உச்சத்திலேயே இருந்தார் தினகரன். ஆனால், இடைத்தேர்தல் வெற்றி கட்சிக்குள்ளும் குடும்பத்துக்குள்ளும் தனது செல்வாக்கை உயர்த்தி இருக்கிறது என்று நம்புகிறார் தினகரன்.

கட்சி நிர்வாகிகளுடன் ஜெயானந்த்

 

இப்படி குடும்ப உறுப்பினர்களில் தினகரனுக்கு ஆதரவானவர்கள், எதிரானவர்கள் என்று இரு தரப்பு இருக்கும் சூழல் தனது அரசியல் முன்னேற்றத்துக்கு தடைக்கல்லாக இருக்கும் என்பதை கணித்திருக்கிறார் தினகரன். இதனால் புத்தாண்டை மன்னார்குடியில் கொண்டாடி, குடும்பத்தை ஒரு குடையின் கீழ் கொண்டுவர எத்தனித்துள்ளார். இதையடுத்து, இன்று திவாகரன் மற்றும் ஆதரவாளர்களுடன் மன்னார்குடியில் புத்தாண்டை கொண்டாடியுள்ளார். அப்போது, தினகரன் - திவாகரன் ஆகிய இருவருக்கும் ஆள் உயர மாலையை ஆதரவாளர்கள் அணிவிக்க, அதை இருவரும் மகிழ்ச்சியுடன் ஏற்றுள்ளனர். இதன் மூலம், குடும்பம் முழுவதையும் தனக்கு ஆதரவாக கொண்டுவரும் முதல் முயற்சியில் வெற்றி கண்டுள்ளார் தினகரன். இதே நேரத்தில், திவாகரன் மகன் ஜெயானந்த், சென்னை,  ஈகாட்டுத்தாங்கலில் இருக்கும் தனது வீட்டில், ஆதரவாளர்களைச் சந்தித்து அடுத்தக்கட்ட அரசியல் நகர்வு குறித்து விரிவாக ஆலோசித்துள்ளார். 

https://www.vikatan.com/news/tamilnadu/112394-dhinakarans-plan-to-get-hold-on-his-family.html

Categories: Tamilnadu-news

முரசொலி இணையதளத்தினுள் ஊடுருவிய ஹேக்கர்கள்

Mon, 01/01/2018 - 06:34
முரசொலி இணையதளத்தினுள் ஊடுருவிய ஹேக்கர்கள்

dmk%20head%20quarters

திராவிட முன்னேற்ற கழகத்தின் அதிகாரபூர்வ நாளிதழ் முரசொலியின் இணையதளத்தினுள் ஹேக்கர்கள் ஊடுருவினர்.

முரசொலி இணையதளத்தில் ஊடுருவிய ஹேக்கர்கள் [Hacked by .F4rhAn] என்ற குறிப்பிட்டதோடு முகப்புப் பக்கத்தில் புத்தாண்டு வாழ்த்தும் தெரிவித்திருந்தனர்.

மேலும், "இணையதளத்தை ஹேக்கர்கள் ஊடுருவாத வகையில் பாதுகாப்பாக வைத்தல் குறித்து முரசொலி இணைய நிர்வாகிகள் கற்றுக்கொள்ள வேண்டும். கவலைப்படாதீர்கள், உங்கள் பக்கத்தின் முகவரியை index.php யில் இருந்து newyear.php என்று மட்டுமே மாற்றியிருக்கிறேன். உங்கள் அனைவருக்கும் புத்தாண்டு நல்வாழ்த்துகள். என் மீது அக்கறை காட்டிய இதயங்களுக்கும் என் முதுகுக்குப் பின்னால் பேசியவர்களுக்கும் புத்தாண்டு வாழ்த்துகள்" என குறிப்பிடப்பட்டுள்ளது.

தமிழர் திருநாளான தை முதல் நாளையே திமுக புத்தாண்டு தினமாக அனுசரிக்கிறது. இந்நிலையில், ஹேக்கர்கள் முரசொலி பக்கத்தில் ஊடுருவி புத்தாண்டு வாழ்த்து தெரிவித்திருப்பது விஷமத்தனமானது என அதிருப்தி வெளியாகியுள்ளது.

இதற்கிடையில் ஹேக்கர்கள் ஊடுருவிய முரசொலி இணையதளம் தொழில்நுட்ப வல்லுநர்கள் உதவியுடன் மீட்கப்பட்டது. தற்போது இணைய பக்கம் வழக்கம்போல் செயல்படுகிறது.

http://tamil.thehindu.com/tamilnadu/article22342068.ece?homepage=true

Categories: Tamilnadu-news

’வரப்போகும் சட்டமன்றப் போரில் நம் படை இருக்கும்!’ - ரஜினிகாந்த் பகீர் #LiveUpdates

Sun, 31/12/2017 - 05:39
’வரப்போகும் சட்டமன்றப் போரில் நம் படை இருக்கும்!’ - ரஜினிகாந்த் பகீர்  #LiveUpdates
 
 
Chennai: 

ரஜினியின் அரசியல் அறிவிப்பால் அவரின் ரசிகர்கள் பட்டாசு வெடித்தும் இனிப்புகள் வழங்கியும் கொண்டாடி வருகின்றனர். 

ரஜினி

 

ரஜினிகாந்த்

”பதவிக்கு ஆசைப்பட்டவன் நான் அல்ல. அப்படி பதவி ஆசை இருந்திருந்தால் பல ஆண்டுகளுக்கு முன்னரே நான் நாற்காலியில் அமர்ந்திருப்பேன். 45 வயதில் இல்லாத பதவி ஆசை இப்போது வருமா? நான் இப்போது அரசியலுக்கு வரவேண்டும் என்று நினைப்பது ஜனநாயக ரீதியாக மக்களுக்கு நல்லது செய்ய வேண்டும். அரசியல் கெட்டு போய்விட்டது. பிற மாநிலங்கள் நம்மை பார்த்து சிரிக்கின்றன. இந்த நேரத்திலும் நான் மக்களுக்காக அரசியலுக்கு வரவில்லை என்றால், நான் சாகும்வரை குற்றவுணர்ச்சி இருக்கும்.  அனைத்து சிஸ்டத்தையும் மாற்ற வேண்டும். ஆண்டவனின் அருளும் மக்களின் நம்பிக்கையும் இருந்தால் மட்டுமே சாதிக்க முடியும். இது இரண்டும் எனக்கு கிடைக்கும் என்று நம்புகிறேன். சாதி மத பேதமற்ற ஆன்மீக அரசியலை முன்னெடுக்க வேண்டும். ’உண்மை, உழைப்பு, உயர்வு இது தான் என் மந்திரம். வருகிற சட்டமன்ற போரில் நம் படையும் இருக்கும். நான் ஜெயித்து நான் கொடுத்த வாக்குறுதிகளை நிறைவேற்றவில்லை என்றால் மூன்று ஆண்டுகளில் ராஜினாமா செய்வேன்’” என்றார் ரஜினிகாந்த். 

ரஜினிகாந்த்

ராகவேந்திரா மண்டபத்தில் ரசிகர்கள் மத்தியில் பேசி வரும் ரஜினிகாந்த் “ரொம்ப பில்ட் அப் கொடுத்துவிட்டோம் என்று நினைக்கிறேன். எனக்கு மீடியா பார்த்தால் தான் பயம். அரசியல் பார்த்தால் பயம் இல்லை.  மற்றபடி நான் அரசியலுக்கு வருவது உறுதி. இதுகாலத்தின் கட்டாயம். வரப்போகும் சட்டமன்ற தேர்தலில் தனி கட்சி ஆரம்பித்து போட்டியிடுவேன். 45 வயதில் இல்லாத பதவி ஆசை இப்போது வருமா?” என்றார். 

ரஜினிகாந்த்

நடிகர் ரஜினிகாந்த் இன்று ஆறாவது நாளாக தன் ரசிகர்களை சந்திக்கிறார். அரசியல் பிரவேசம் குறித்து இன்னும் சற்று நேரத்தில் அறிவிக்க உள்ளார் ரஜினிகாந்த். கோடம்பாக்கம் ராகவேந்திரா மண்டபத்தில் ரஜினிகாந்த் ரசிகர்கள் குவிந்த வண்ணம் உள்ளனர். ரஜினிகாந்தின் அரசியல் நிலைபாட்டை தெரிந்துகொள்ள உலகம் முழுவதும் உள்ள அவரின் ரசிகர்கள் ஆவலாக காத்திருக்கின்றனர். ரஜினி ஒரு பேரவைத் தொடங்கவே 21 ஆண்டுகாலம் எடுத்துக்கொண்டார் என்பது குறிப்பிடத்தக்கது. 

ரஜினியின் போயஸ் இல்லம் அருகே இன்று  காலையே செய்தியாளர்கள் குவிந்துவிட்டனர். ரசிகர்களை சந்திக்க காரில் புறப்பட்ட ரஜினியிடம் அரசியலுக்கு வருவீர்களா என்று செய்தியாளர்கள் கேள்வியெழுப்பினர். அதற்கு பதிலளித்த ரஜினி “மண்டபத்தில் சொல்கிறேன். பத்து நிமிடம் காத்திருங்கள்” என்றார் அவரது ஸ்டைலில். 

https://www.vikatan.com/news/tamilnadu/112307-rajinikanth-reveals-about-his-political-stand.html

Categories: Tamilnadu-news

அரசியலில் குதிப்பதாக, ரஜினிகாந்த் அறிவிப்பு.

Sun, 31/12/2017 - 04:29

Rajinikanth fans celebrating his political arrival

அரசியலில் குதிப்பதாக, ரஜினிகாந்த் அறிவிப்பு.. மாநிலம் முழுக்க ரசிகர்கள் பட்டாசு வெடித்து கொண்டாட்டம்.

வரும் ஜனநாயகப் போரில் நமது படையும் இருக்கும் என நடிகர் ரஜினிகாந்த் அறிவித்திருப்பது அவரது ரசிகர்களை உற்சாகத்தில் ஆழ்த்தியுள்ளது.

நடிகர் ரஜினிகாந்த் அரசியலுக்கு வருவது உறுதி என தெரிவித்துள்ளார். வரும் சட்டசபை தேர்தலில் தனிக்கட்சி தொடங்கி போட்டியிடப் போவதாக அறிவித்துள்ளார். 

234 தொகுதிகளிலும் போட்டியிட போவதாக அறிவித்துள்ளார். 20 ஆண்டுகளுக்கும் மேலாக காத்திருக்கும் ரசிகர்களுக்கு ரஜினியின் இந்த அறிவிப்பு பெரும் மகிழ்ச்சியை கொடுத்துள்ளது.

ரஜினி அரசியலுக்கு வருவது உறுதி என்ற அறிவிப்பை கேட்டதும் ராகவேந்திரா மண்டபம் முன்பு திரண்டிருந்த ரசிகர்கள் வெடி வெடித்தும் இனிப்புகளை வழங்கியும் மகிழ்ச்சியை வெளிப்படுத்தியுள்ளனர். ரஜினியின் அறிவிப்பால் சென்னை ராகவேந்திரா மண்டபம் அமைந்துள்ள கோடம்பாக்கம் ஏரியா விழாக்கோலம் பூண்டுள்ளது.

ரஜினியின் அரசியல் அறிவிப்பை தமிழகத்தின் பல பகுதிகளிலும் ரசிகர்கள் உற்சாகமாக கொண்டாடி வருகின்றனர்.

- தற்ஸ்  தமிழ்.-

##### ###### ##### #### ##### ###### ###### ####

 

Rajini will compete in Loksabha elections

சட்டசபை தேர்தலில்,  தனித்து போட்டி - ரஜினிகாந்த்.

உள்ளாட்சி தேர்தலில் போட்டியிட மாட்டேன். சட்டசபை தேர்தலில் கட்சி தொடங்கி தனித்து போட்டியிடுவேன் என்று ரஜினிகாந்த் தெரிவித்தார்.

ரஜினிகாந்த் கடந்த 26-ஆம் தேதி முதல் ரசிகர்களை சந்தித்து வருகிறார். அவர் முதல் நாளன்று தனது அரசியல் நிலைப்பாடு குறித்து 31-ஆம் தேதி அறிவிக்க போவதாக ரஜினி கூறியிருந்தார்.

இன்று ரஜினி பேசுகையில் 234 தொகுதிகளிலும் தனித்து போட்டி என்று ரஜினி அறிவித்தார். வரும் சட்டசபை தேர்தலில் நான் தனிக்கட்சி ஆரம்பிப்பேன்.

தமிழகம் முழுக்க 234 தொகுதியிலும் போட்டியிடுவேன். உள்ளாட்சி தேர்தலில் போட்டியிடப்போவதில்லை. நாடாளுமன்ற தேர்தல் வரும் நேரத்தில் நான் முடிவெடுப்பேன்.

பணத்திற்கோ, பெயருக்கோ, புகழுக்கோ வரவில்லை. 45 வயதிலேயே எனக்கு பதவி ஆசை இல்லை. 68 வயதில் பதவி ஆசை வருமா. அப்படி வந்தால் நான் பைத்தியக்காரன்.

நான் ஆன்மீகவாதி என கூறுவதற்கு தகுதியற்றவன். பதவி ஆசை இருந்திருந்தால் 1996லேயே பதவி என்னை தேடி வந்தது. ஆனால் நான் விரும்பவில்லை என்றார் அவர்.

 - தற்ஸ்  தமிழ்.-

Categories: Tamilnadu-news