தமிழகச் செய்திகள்

இந்தியாவிலேயே அதிக வருவாய் ஈட்டும் மாநில கட்சிகளில் திமுக முதலிடம்!

Sat, 28/10/2017 - 16:54
இந்தியாவிலேயே அதிக வருவாய் ஈட்டும் மாநில கட்சிகளில் திமுக முதலிடம்!

 

 
party_leaders

 

இந்திய அளிவில் உள்ள மாநில கட்சிகளின் வரவு-செலவு தொடர்பான விவரங்களை தில்லியைச் சேர்ந்த தனியார் நிறுவனம் ஆய்வு செய்து அறிக்கை ஒன்றை வெளியிட்டது. Association of Democratic Reforms (ADR) என்ற அந்நிறுவனத்தின் ஆய்வறிக்கை விவரம் பின்வருமாறு:

இந்திய அளவில் அங்கீகரிக்கப்பட்ட மாநில கட்சிகளின் எண்ணிக்கை மொத்தம் 47-ஆக உள்ளது. இதில் 32 மாநில கட்சிகள் மட்டுமே 2015-16 நிதியாண்டில் முறையான கணக்கு வழக்கை தாக்கல் செய்துள்ளது.

மீதமுள்ள 15 மாநில கட்சிகளும் இந்த நிதியாண்டுக்கான வருமானவரி கணக்கை தாக்கல் செய்யவில்லை. இதில் உத்தரப் பிரதேசத்தைச் சேர்ந்த சமாஜ்வாடி கட்சியும், பீகாரைச் சேர்ந்த ராஷ்ட்ரிய ஜனதா தளம் கட்சியும் அடங்கும்.

வருவாய்

முறையான வருவாய் கணக்கு தாக்கல் செய்த மீதமுள்ள 32 மாநில கட்சிகளில் அதிகளவில் வருவாய் ஈட்டும் கட்சிகளின் பட்டியலில் திமுக முதலிடம் பிடித்துள்ளது.

இந்தப் பட்டியலில் 2-ஆம் இடத்தையும் தமிழகத்தைச் சேர்ந்த மற்றொரு திராவிட கட்சியான அஇஅதிமுக பெற்றுள்ளது. 3-ஆவது இடத்தை ஆந்திராவைச் சேர்ந்த தெலுங்கு தேசம் கட்சி பிடித்துள்ளது.

கடந்த 2015-16 நிதியாண்டின் நிலவரப்படி தமிழகத்தில் உள்ள திராவிட முன்னேற்றக் கழகத்துக்கு ரூ. 77.63 கோடி வருவாய் ஏற்பட்டுள்ளது. இது அந்த நிதியாண்டில் மட்டும் மொத்தமுள்ள 32 மாநில கட்சிகளின் வருவாய் கணக்கில் 35.05 சதவீதம் ஆகும்.

2-ஆம் இடத்தில் உள்ள அதிமுக அதே நிதியாண்டில் ரூ. 54.93 கோடி வருவாய் ஈட்டியுள்ளது. அடுத்து 3-ஆம் இடத்தில் உள்ள தெலுங்கு தேசம் கட்சி ரூ. 15.97 கோடி ரூபாய் வருவாய் பெற்றுள்ளது.

இதன்மூலம் முதல் மூன்று கட்சிகளின் ஒரு நிதியாண்டுக்கான வருவாய் ரூ. 148.54 கோடி ஆகும். இது மொத்தமுள்ள 32 மாநில கட்சிகளின் வருவாய் மதிப்பில் 67 சதவீதம் ஆகும்.

2015-16 நிதியாண்டில் மொத்தமுள்ள 32 மாநில கட்சிகளின் மொத்த வருவாய் ரூ. 221.48 கோடி ஆகும். இதில் ரூ. 110 கோடி செலவிடப்படாமல் உள்ளது. இது மொத்த வருவாயில் 49 சதவீதம் ஆகும்.

செலவீனம்

இந்நிலையில், வருவாய்த் தொகையில் அதிகளவில் செலவு செய்யும் கட்சிகளின் பட்டியலில் ஐக்கிய ஜனதா தளம் முதலிடம் பிடித்துள்ளது. 2-ஆவது இடத்தில் தெலுங்கு தேசம் கட்சியும், 3-ஆவது இடத்தை ஆம் ஆத்மி கட்சியும் பிடித்துள்ளது.

இதன் அடிப்படையில் 2015-16 நிதியாண்டின் அடிப்படையில் தங்களது வருவாய்த் தொகையில் இருந்து ஐக்கிய ஜனதா தளம் ரூ. 23.46 கோடியும், தெலுங்கு தேசம் ரூ. 13.10 கோடியும், ஆம் ஆத்மி ரூ. 11.09 கோடியும் செலவு செய்துள்ளன.

இந்த செலவுகளில் ஜக்கிய ஜனதா தளம் ரூ. 14.03 கோடியை தேர்தலுக்காக செலவு செய்துள்ளது. தெலுங்கு தேசம் ரூ. 8.93 கோடியை நிர்வாகம் மற்றும் இதர
செலவுகளுக்கு பயன்படுத்தியுள்ளது. ஆம் ஆத்மி ரூ. 5.116 கோடியை பிரசாரங்களுக்காக செலவு செய்துள்ளது.

மேலும் தங்கள் வருவாயை விட 14 மாநில கட்சிகள் அதிகளவில் செலவு செய்துள்ளன. அவற்றில் ஜார்கண்ட் விகாஸ் மோர்சா-ப்ரஜாதன்த்ரிக், ஐக்கிய ஜனதா தளம், ராஷ்ட்ரிய லோக்தளம் உள்ளிட்டவை வரவை விட 200 சதவீதம் கூடுதலாக செலவு செய்துள்ளது.

இருப்பினும் இக்காலகட்டத்தில் திமுக, அதிமுக மற்றும் அனைத்து இந்திய மஜ்லிஸ்-ஈ-இத்தேஹாதுல் முஸ்லிமீன் (AIMIM) ஆகிய கட்சிகள் தங்களது வருவாயில் இருந்து 80 சதவீதத்துக்கும் மேல் செலவு செய்யாமல் வைத்துள்ளன.

கட்சிகளின் வருவாய் அடிப்படை

2015-16 நிதியாண்டில் மட்டும் தெரிந்த, தெரியாத நபர்களிடம் இருந்து சுமார் 18 மாநில கட்சிகள் மொத்தம் ரூ. 206.21 கோடி வருவாய் ஈட்டியுள்ளது. மொத்த கட்சிகளும் தெரிந்த நபர்களிடம் இருந்து ரூ. 90.74 கோடி நன்கொடையாகப் பெற்றுள்ளன. மேலும் கட்சி சொத்து விற்பனை, உறுப்பினர் சேர்க்கை உள்ளிட்டவைகளின் மூலமாக ரூ. 74.86 கோடி வருவாய் பெற்றுள்ளது.

இந்த நிதியாண்டுக்கான வருமான வரி தாக்கலின் போது அடையாளம் தெரியாத நபர்களிடம் இருந்து அனைத்து கட்சிகளும் மொத்தம் ரூ. 40.61 கோடி வருவாய் பெற்றதாக குறிப்பிட்டுள்ளது. இது இந்தியாவில் உள்ள அனைத்து கட்சிகளின் வருவாய் கணக்கீட்டின் அடிப்படையில் 20 சதவீதம் ஆகும். ஆனால், இதில் ஜார்கண்ட் முக்தி மோர்சா மட்டுமே இதுபோன்று அடையாளம் தெரியாத நபர்களிடம் இருந்து நன்கொடை எதுவும் பெறவில்லை.

மொத்தம் 6 கட்சிகள் ஒருவருக்கும் மேல் அடையாளம் தெரியாத நபர்களிடம் இருந்து கட்சிக்கான நன்கொடை பெற்றுள்ளது. இதர 11 கட்சிகள் இதுபோன்று அடையாளம் தெரியாத ஒருவரிடம் இருந்து மட்டுமே நன்கொடை வசூலித்துள்ளன. இதில் தெலுங்கானா ராஷ்ட்ரிய சமிதி அதிகப்படியாக ரூ. 7.24 கோடி, தெலுங்கு தேசம் ரூ. 6.88 கோடி, ஷிரோமி அகாலிதள் ரூ. 6.59 கோடி அதிகப்படியான அடையாளம் தெரியாத நபர்களிடம் இருந்து நன்கொடை பெற்றுள்ளன.

http://www.dinamani.com/india/2017/oct/28/dmk-richest-regional-party-aiadmk-second-says-adr-2797556.html

Categories: Tamilnadu-news

எண்ணூர் கழிமுகத்தில் கமல்ஹாசன் ஆய்வு: மக்களிடம் குறைகளைக் கேட்டறிந்தார்

Sat, 28/10/2017 - 06:03
எண்ணூர் கழிமுகத்தில் கமல்ஹாசன் ஆய்வு: மக்களிடம் குறைகளைக் கேட்டறிந்தார்

 

 
kamal1jpg

எண்ணூர் துறைமுக கழிமுகம், சாம்பல்குளம் பகுதிகளில் கமல்ஹாசன் இன்று (சனிக்கிழமை) காலை ஆய்வு மேற்கொண்டார். அப்போது அவர் அங்கு கூடியிருந்த பொதுமக்களிடம் குறைகளைக் கேட்டறிந்தார்.

'ட்விட்டரில் அரசியல் செய்ய வேண்டாம் களத்தில் இறங்கட்டும்' என அதிமுக, பாஜக உள்ளிட்ட கட்சியினர் நடிகர் கமல்ஹாசனை தொடர்ந்து விமர்சித்துவந்த நிலையில் அவர் இன்று களத்தில் இறங்கி ஆய்வு மேற்கொண்டிருக்கிறார்.

முன்னதாக நேற்று (வெள்ளிக்கிழமை) இதுதொடர்பாக அவர் பதிவிட்டிருந்த ட்வீட்டில்  "தவறு நடந்த பின் அரசை விமர்சிக்காமல் இதோ வருமுன் காக்க ஓரு வாய்ப்பு. எண்ணூர் கழிமுகத்தை உதாசீனித்தால் வட சென்னைக்கு ஆபத்து. முழவிவரம் கீழே" என்று தெரிவித்திருந்தார்.

மேலும் அவர் வெளியிட்டிருந்த முழு விவரத்தில், "கொசஸ்தலையாறு சென்னை அருகே இன்னும் முழுவதும் சாக்கடையாகாமல் மீனவர்களின் வாழ்வாதாரமாக உள்ளது. அது கூவம் அடையாறைவிட பன்மடங்கு பெரிய ஆறு. அதன் கழிமுகத்தின் 1090 ஏக்கர் நிலத்தை சுற்றுச்சூழல் சிந்தனையில்லா சுயநல ஆக்கிரமிப்பாளர்களால் இழந்துவிட்டோம்.

வல்லூர் மின் நிலையமும், வடசென்னை மின் நிலையமும் தங்கள் சாம்பல் கழிவுகளை கொசஸ்தலையாற்றில் கொட்டுகின்றன. இதை எதிர்த்து சுற்றுச்சூழல் ஆர்வலர்கள் பல வருடங்களாக போராடியும் அரசு பாராமுகமாய் உள்ளது. மீனவர்கள் அப்பகுதி மக்களுடன் சேர்ந்து குரலெழுப்ப முற்பட்டதும் செவிடர் காதில் ஊதிய சங்குதான்.

பற்றாக்குறைக்கு ஹிந்துஸ்தான் பெட்ரோலியமும், பாரத் பெட்ரோலியமும் தங்கள் எண்ணை முனையங்களை நட்டாற்றில் கட்டியிருக்கின்றன. காமராஜர் துறைமுகத்தை விரிவுபடுத்துகிறோம் என்ற போர்வையில் கோசஸ்தலையின் கழிமுகத்தின் 1000 ஏக்கர் நிலத்தை சுருட்டும் வேலையும் நடப்பதாக கேள்விப்படுகிறேன். நில வியாபாரிகளுக்குக் கொடுக்கும் முன்னுரிமையையும் உதவியையும் ஏழை மக்களுக்கு கொடுக்காத எந்த அரசும் நல் ஆற்றைப் புறக்கணிக்கும் உதவாக்கரைகள் தான்.

வழக்கமாக வரும் மழை போனவருடம் போல் பெய்தாலே வடசென்னை வெள்ளக்காடாகும். வானிலை ஆராய்சியாளரின் எதிர்பார்ப்புப்படி இவ்வருடம் அதிகம் மழை வரும் பட்சத்தில் 10 லட்சம் வடசென்னை வாழ் மக்களுக்கு பெரும் பொருட்சேதமும் ஏன்? உயிர் சேதமும் கூட ஏற்படலாம் என்பது அறிஞர் அச்சம். 100 வாக்கி டாக்கிகளும், பல படகுகளும் இவ்வருடம் வெள்ளத்தில் தவிக்கப்போகும் மக்களை ஒரு வேலை கரையேற்றலாம்.

அவர்கள் வாழ்க்கையில் கரை ஏற நிரந்த தீர்வு காண்பதே நல்லரசுக்கு அடையாளம். இது நிகழ்து முடிந்த தவற்றி விமர்சனமல்ல. நிகழக் கூடிய ஆபத்திற்கான எச்சரிக்கை. அரசு விளம்பரப்படுத்தும் ஆபத்து உதவி எண்ணுக்கு கூப்பிடலாம். ஆபத்து வந்தபின் கூப்பிட்டுக் கதறாமல் முன்பே அரசையும் மக்களையும் எச்சரிக்கிறோம். மக்கள் செவிசாய்ப்பார்கள் என்று நம்புகிறோம். ஆனால், அரசு அது செவிசாய்க்காமல் மெல்லச்சாயும். அது விரைவுற நாமும் உதவலாமே!" எனத் தெரிவிக்கப்பட்டிருந்தது.

இந்நிலையில், இன்று காலை அவர் எண்ணூர் துறைமுக கழிமுகம், சாம்பல்குளம் பகுதிகளில் ஆய்வு மேற்கொண்டார். அப்போது அவர் அங்கு கூடியிருந்த பொதுமக்களிடம் குறைகளைக் கேட்டறிந்திருக்கிறார்.

அரசியல் கட்சி தொடங்குவதற்குமுன் மக்கள் மனநிலையை ஆராய்ந்துவருவதாக நடிகர் கமல்ஹாசன் கூறியிருந்தார். இன்று முதன்முறையாக அவர் பொதுமக்களிடம் சுற்றுச்சூழல் பிரச்சினை குறித்து நேரில் கருத்து கேட்டறிந்துள்ளார் என்பது கவனிக்கத்தக்கது.

http://tamil.thehindu.com/tamilnadu/article19937447.ece?homepage=true

Categories: Tamilnadu-news

ஜெ., மரண விசாரணை: மீண்டும் தாமதம் ஏன்?

Thu, 26/10/2017 - 05:35
ஜெ., மரண விசாரணை: மீண்டும் தாமதம் ஏன்?
 
 
 

ஜெ., மரணம் குறித்து விசாரிக்க, ஓய்வு பெற்ற உயர் நீதிமன்ற நீதிபதி, ஆறுமுகசாமி தலைமையில் அமைக்கப்பட்டுள்ள விசாரணை கமிஷனுக்கு, அலுவலகம் தயாராகாததால், விசாரணை துவங்குவதில் தாமதம் ஏற்பட்டுள்ளது.

 

ஜெ.,மரண,விசாரணை, மீண்டும்,தாமதம்,ஏன்?

முதல்வராக இருந்த, ஜெ., உடல் நலக்குறைவு காரணமாக, 2016 செப்., 22ல், சென்னை, அப்பல்லோ மருத்துவமனையில் அனுமதிக்க பட்டார்; டிச.,5 இரவு இறந்தார்.அவரது இறப்பில்,

பல்வேறு சந்தேகங்கள் எழுந்துள்ளன. எனவே, 'ஜெ., மறைவு குறித்து, சி.பி.ஐ., விசாரணைக்கு, அரசு உத்தரவிட வேண்டும்' என, அரசியல் கட்சிகள், பல்வேறு அமைப்புகள்,பொதுமக்கள் வலியுறுத்தினர்.

அதைத் தொடர்ந்து, ஜெ., மறைவு குறித்து விசாரிக்க, ஓய்வு பெற்ற உயர் நீதிமன்ற நீதிபதி, ஆறுமுகசாமி தலைமையில், விசாரணை கமிஷன் அமைத்து, செப்., 25ல், முதல்வர் பழனிசாமி
உத்தரவிட்டார். விசாரணை கமிஷன் அமைக்கப் பட்டு, நேற்றுடன், ஒரு மாதம் நிறைவடைந்தது. நீதிபதி, ஆறுமுகசாமி கமிஷனுக்கு, சென்னை, எழிலகத்தில் உள்ள கல்சா மஹால், முதல் தளத்தில் அறை ஒதுக்கப்பட்டு உள்ளது. அங்கு, ஒலி புகாத அறை அமைக்கப்படுகிறது.

இப்பணிகள் நிறைவடைந்து, கமிஷன் நேற்று விசாரணையை துவங்க உள்ளதாக, தகவல் வெளியானது. ஆனால், நேற்று விசாரணை

 

துவக்கப்படவில்லை.இதற்கு, அலுவலகப் பணி நிறைவு பெறாததே காரணம் என, கூறபடுகிறது. நீதிபதிக்கு, உதவியாளர்கள் மற்றும் அலுவலக பணியாளர்கள் நியமிக்கபட வில்லை. எனவே, கமிஷன், விசாரணையை துவக்க, மேலும் சில நாட்களாகும் என, கூறப்படுகிறது.

http://www.dinamalar.com/news_detail.asp?id=1882243

Categories: Tamilnadu-news

நவம்பர் 7 ல் முக்கிய அறிவிப்பு வெளியிடுகிறேன் : கமலஹாசன்

Thu, 26/10/2017 - 05:33
 
 
கமல், நவம்பர் 7, முக்கிய அறிவிப்பு
 
நவம்பர் 7 ல் முக்கிய அறிவிப்பு வெளியிடுகிறேன் : கமலஹாசன்

 

சென்னை : நடிகர் கமலஹாசனின் அரசியல் பிரவேசம் எப்போது என்பது குறித்த கேள்வி பல்வேற கருத்துக்கள் நிலவி வருகிறது. ஆனால் தான் டுவிட்டர் மூலம் எப்போதோ அரசியலுக்கு வந்து விட்டதாக கமல் சமீபத்தில் கூறி இருந்தார். இந்நிலையில் தனது பிறந்தநாளான நவம்பர் 7 அன்று முக்கிய அறிவிப்பு ஒன்றை வெளியிட உள்ளதாக கமல் தெரிவித்துள்ளார்.

இது குறித்து அவர் கூறியதாவது, நவம்பர் 7 ம் தேதி முக்கிய அறிவிப்பு வெளியிட உள்ளேன். நம் இயக்கத்தார் என்னுடனும், மக்களுடனும் தொடர்பு கொள்ள வசதியாக ஏற்பாடுகள் நடக்கின்றன. தமிழகத்திற்கு கடமையாற்ற நினைப்பவர்களை இருகரம் கூப்பி வரவேற்கிறேன். தியாகமாக நினைத்து முன்வருபவர்கள் ஒதுங்கிக் கொள்ளுங்கள். அவர்கள் என்னை கடன்பட செய்வார்கள்.

இளைஞர்களை ஒருங்கிணைக்க வேண்டிய கடமையும் தேவையும் எனக்கு வந்து விட்டது. நமது இயக்கத்துடன் இணைந்து பணியாற்ற தயாராக உள்ளோருடன் சேர்ந்து தமிழகத்துக்கு பலம் சேர்ப்போம். இவ்வாறு கமல் தெரிவித்துள்ளார். இயக்கம் என நடிகர் கமல் கூறி உள்ளதால் நவம்பர் 7 ல் தனிக்கட்சி துவங்குவது தொடர்பான அறிவிப்பை அவர் வெளியிட வாய்ப்பு உள்ளதாக கூறப்படுகிறது.

http://www.dinamalar.com/news_detail.asp?id=1882836

Categories: Tamilnadu-news

டெங்கு... மெர்சல்...

Wed, 25/10/2017 - 17:53
டெங்கு... மெர்சல்...

கையில் பெரிய ஃபைலோடு வந்த கழுகார், ‘‘நீர் ‘மெர்சல்’ படம் பார்த்துவிட்டீரா?’’ எனக் கேட்டார்.

‘‘கழுகார் சினிமா பற்றிப் பேசுவது அபூர்வமாக இருக்கிறதே?’’

‘‘ஒரு வாரமாக தமிழக அரசியலே ‘மெர்சல்’ படத்தை வைத்துதானே ஓடிக்கொண்டிருக்கிறது. நான் மட்டும் சினிமா பற்றிப் பேசக்கூடாதா?’’ என்ற கழுகார், ‘‘இவ்வளவு நடந்தும், இந்த சர்ச்சைகள் பற்றி விஜய் வாயைத் திறக்கவில்லை; கவனித்தீரா’’ எனக் கேட்டார்.

‘‘ஆம்!’’

‘‘அது மட்டுமில்லை. முதல்வரில் தொடங்கி தமிழக ஆட்சியாளர்கள் தரப்பிலிருந்தும் யாரும் இதுபற்றிப் பேசவில்லை. அவர்கள் இந்த சர்ச்சையால் ரொம்பவே உற்சாகத்தில் இருக்கிறார்கள். காரணம், இந்தப் பிரச்னையில் எல்லோரும் டெங்கு அவலங்களை மறந்துவிட்டார்களே!’’

‘‘தினம் தினம் டெங்கு மரணங்கள் தமிழகம் முழுக்கத் தொடரும் நிலையில், ‘மெர்சல்’ சர்ச்சையால் டெங்கு மறக்கடிக்கப்பட்டது என்ற கவலை சமூக அக்கறையுள்ள எல்லோருக்கும் இருக்கிறது.’’

p44a.jpg

கழுகார் கையில் வைத்திருந்த ஃபைலைத் திறந்தார். ‘‘தமிழக சுகாதாரத் துறையில் முக்கியப் பொறுப்பு வகித்த ஓர் அதிகாரி தந்திருக்கும் தகவல்கள் இவை. தமிழக அரசு எத்தனை அலட்சியத்தோடு டெங்கு விவகாரத்தைக் கையாள்கிறது என்பதைத் தோலுரிக்கின்றன இந்த விஷயங்கள். டெங்கு ஜுரத்தின் தீவிரத்தால் பலியாகும் பலரின் மரணங்கள், டெங்கு மரணங்களாகப் பதிவு செய்யப்படுவதில்லை. ‘விஷ ஜுரம்’ எனக் கணக்குக் காட்டுகிறார்கள். இப்படித் தப்புத்தப்பாகத் தந்திருக்கும் புள்ளிவிவரங்களேகூட தமிழக மக்களைப் பீடித்திருக்கும் ஆபத்தை உணர்த்துகின்றன.’’

‘‘என்ன அது?’’

‘‘இந்த ஆண்டு தமிழகம் போலவே பல மாநிலங்களை டெங்கு தாக்கியிருக்கிறது. ஆனால், தமிழகம் அளவுக்கு மரணங்கள் அங்கில்லை என்பதுதான் விஷயமே. இந்தியாவிலேயே கேரளாவில்தான் டெங்கு தாக்குதல் அதிகம்.
18,000 பேருக்கு மேல் பாதிப்பு. ஆனால், 35 மரணங்கள் மட்டுமே நிகழ்ந்தன. கர்நாடகாவில் 13,000 பேருக்கு மேல் பாதிக்கப்பட்டார்கள். ஆனால், ஐந்து பேர் மட்டுமே இறந்தனர். டெல்லியில் 5,870 பேருக்கு டெங்கு தாக்கியதாக புள்ளிவிவரம் உள்ளது. ஆனால், இறந்தவர்கள் ஐந்து பேர் மட்டுமே. தமிழக அரசு 12,000 பேருக்கு மேல் டெங்குவால் பாதிக்கப்பட்டதாகக் கணக்கு சொல்கிறது. அக்டோபர் 10-ம் தேதி வரை 40 பேர் இறந்ததாக அதிகாரபூர்வ கணக்கு சொல்கிறது. உண்மையான எண்ணிக்கை இதைவிட அதிகம். பாதிப்புகளுக்கும் மரணத்துக்குமான விகிதம் தமிழகத்தில் அதிகம் உள்ளதாக தொற்றுநோய் நிபுணர்கள் கவலை கொள்கிறார்கள்.’’

‘‘ஆனால், மத்தியக்குழுத் தமிழக அரசைப் பாராட்டியதாகச் சொல்கிறார்களே?’’

‘‘மத்தியக்குழுவில் இருந்த டெல்லி எய்ம்ஸ் மருத்துவர் அஷுதோஷ் பிஸ்வாஸ் சொன்ன ஒரு விஷயத்தைச் சாமர்த்தியமாக மறைத்துவிட்டார்கள். ‘டெங்கு பாதிப்புகளோடு அரசு மருத்துவமனைகளுக்கு வந்த நிறைய பேர் இறந்துள்ளார்கள். மருத்துவமனைக்கு வந்தபிறகு அவர்கள் ஏன் இறந்தனர் என்பது புரியவில்லை. இதற்கான காரணங்களை ஆராய்ந்துகொண்டிருக்கிறோம்’ என அவர் சொல்லியிருக்கிறார். ‘மருத்துவமனைக்கு வருபவர்களைக் காப்பாற்ற முடியாத நிலை ஏன் ஏற்பட்டது?’ என்ற கேள்விக்குப் பதிலில்லை.’’

‘‘நியாயமான கேள்விதான்.’’

‘‘பொதுவாக ‘90 நாள்களுக்குள் ஒரு தொற்றுநோயைக் கட்டுப்படுத்த முடியவில்லை என்றால், சுகாதார அவசரநிலைப் பிரகடனம் செய்ய வேண்டும்’ என்பது உலக சுகாதார நிறுவனம் வகுத்திருக்கும் விதி. தமிழக அரசு அதைச் செய்யவில்லை. இதைச் செய்தால் சர்வதேச அவமானத்தைச் சந்திக்க நேரும் என்பதுதான் தமிழக அரசின் கவலையாக இருந்தது. கடந்த மாதம் கர்நாடகாவிலும் கேரளாவிலும் விஷ ஜுரம் பரவியபோது, இரண்டு மாநிலங்களுக்கும் தலா இரண்டு மத்தியக் குழுக்கள் போய் நிலைமையை ஆராய்ந்தன. அவை பி.ஜே.பி அல்லாத கட்சிகளால் ஆளப்படும் மாநிலங்கள். தமிழகத்தில் இவ்வளவு மோசமாக பாதிப்பு இருந்தும், கடைசி நேரத்தில்தான் மத்தியக் குழு வந்தது. மத்திய அரசும் பாரபட்சம் காட்டுகிறது என்பதுதான் சமூக அக்கறையுள்ள டாக்டர்களின் வேதனை.’’    

‘‘மெர்சல் விவகாரம் பல தளங்களில் மெர்சலைக் கிளப்பியுள்ளதே?’’

‘‘ஆம். முதலில் நடிகர் விஜய்க்கும், தயாரிப்பாளர் முரளிக்கும் அது மெர்சலை உண்டாக்கியது. அதன்பிறகு, சென்சார் போர்டுக்குள் மண்டல அதிகாரி மதியழகனுக்கும் மத்திய சென்சார் போர்டு உறுப்பினராக இருந்த
எஸ்.வி.சேகருக்கும் இடையில் மோதலை உருவாக்கியது. இப்போது ஹெச்.ராஜாவை விமர்சனம் செய்ததற்காக, நடிகர் சங்கப் பொதுச் செயலாளர் விஷாலுக்கு ரெய்டு வடிவத்தில் மெர்சல் கொடுத்துக்கொண்டிருக்கிறது. பி.ஜே.பி. தேசியச் செயலாளர் ஹெச்.ராஜா ஒரு தொலைக்காட்சிப் பேட்டியில், ‘நான் மெர்சல் படத்தை இணையத்தில் பார்த்தேன்’ என்று குறிப்பிட்டார். இதனால் இயல்பாக விஷால் கொந்தளித்துப் போனார். அதன்பிறகு, தமிழ்த் திரைப்படத் தயாரிப்பாளர் சங்கத் தலைவர் என்ற அடிப்படையில் விஷால் காட்டமாக ஒரு அறிக்கை வெளியிட்டார். ‘ஒரு தேசியக் கட்சியின் தேசியச் செயலாளர் பொறுப்பில் இருப்பவர் பொதுவெளியில் ‘நான் திருட்டுத்தனமாக இணையத்தில் புதிய படத்தைச் சட்டவிரோதமாகப் பார்த்தேன்’ என்று ஒப்புக்கொண்டிருப்பது மிகவும் வேதனையளிக்கிறது. ஹெச்.ராஜா அவர்களே! மக்கள் அறிந்த ஒரு தலைவராக இருந்துகொண்டு வெட்கமே இல்லாமல் எப்படி இப்படி பைரசியை ஆதரிக்கிறீர்கள்? எனக்கு அதிர்ச்சியாக உள்ளது’ என்று அதில் குறிப்பிட்டிருந்தார்.’’

‘‘ரெய்டுக்கு இதுதான் காரணமா?’’

‘‘அப்படித்தான் விஷால் தரப்பு கருதுகிறது. இந்த அறிக்கை கடந்த 22-ம் தேதி வெளியானது. அதற்கு அடுத்த நாளே, வருமான வரித்துறையின் TDS பிரிவினர் விஷாலுக்குச் சொந்தமான திரைப்படத் தயாரிப்பு நிறுவனத்தில் சோதனை நடத்தினர். கிட்டத்தட்ட 3 மணி நேரத்துக்கும் மேல் ரெய்டு நடந்தது. அந்த நேரத்தில் விஷால், ‘பின்னி மில்’லில் ‘சண்டக் கோழி 2’ படப்பிடிப்பில் இருந்தார். ஊழியர்களிடம் பிடித்தம் செய்த பல லட்ச ரூபாய் வருமான வரியை அரசுக் கணக்கில் செலுத்தாமல் இருந்ததால்தான் ரெய்டு நடத்தியதாக அதிகாரிகள் சொல்கிறார்கள். ஏற்கெனவே சில ஆண்டுகளுக்கு முன்பு நடிகர் விஜய் வீட்டில் வருமானவரிச் சோதனை நடந்தபோது, கணக்கில் வராத மூன்று கோடி ரூபாய் பணத்தைக் கைப்பற்றினார்கள். இதற்கு முறைப்படி வரி கட்டுவதாகச் சொல்லி, ‘காம்பவுண்டிங் அப்ளிகேஷன்’ கொடுத்திருக்கிறார் விஜய். இதுபற்றி ஒரு கமிட்டி கூடி முடிவு செய்ய வேண்டும். இந்த விவகாரம் இன்னும் முடியாமல் உள்ளது. இதை வைத்து விஜய்க்கு ஏதாவது சிக்கல் கிளப்பக்கூடும் என்பதுதான் இப்போது டெல்லி வட்டாரங்களில் பேச்சு.’’ 

‘‘இங்கு எல்லாவற்றிலும் அரசியல் இருக்கிறது என்பது எல்லாரும் அறிந்ததுதானே!’’

‘‘தமிழ்நாடு காங்கிரஸ் கமிட்டி தலைவர் பதவிக்கான ரேஸ் ஆரம்பித்துவிட்டது. இப்போதைய தலைவர் திருநாவுக்கரசரை மாற்ற வேண்டும் என டெல்லிக்குக் கடிதங்கள் பறக்க ஆரம்பித்துவிட்டன. இதையடுத்து, தனது பதவியைக் காப்பாற்றிக்கொள்ளும் வேலைகளில் திருநாவுக்கரசரும் தீவிரமாக இறங்கியுள்ளார். இளங்கோவன், தங்கபாலு, பீட்டர் அல்போன்ஸ், சுதர்சன நாச்சியப்பன் உள்ளிட்ட சிலரும் இந்த ரேஸில் இறங்கியுள்ளனர். இளங்கோவன் டெல்லிக்குச் சென்று ராகுல் காந்தியையும் சந்தித்துவிட்டார்.’’

‘‘சந்திப்பில் என்ன நடந்ததாம்?’’

‘‘உள்கட்சித் தேர்தல் குளறுபடிகள் தொடர்பான ஆதாரங்களோடு டெல்லி போனார் இளங்கோவன். மூன்று நாள்கள் டெல்லியில் காத்திருந்தும், ராகுல் காந்தியின் அப்பாயின்ட்மென்ட் இளங்கோவனுக்குக் கிடைக்கவில்லை. நான்காவது நாள்தான் ராகுலைச் சந்திக்க வரச் சொன்னார்கள். ராகுல் வீட்டில் இளங்கோவன் காத்திருந்த நேரத்தில், திருநாவுக்கரசரும் அங்கு வந்துள்ளார். அவரைப் பார்த்த இளங்கோவன், அதிர்ச்சியும் எரிச்சலும் அடைந்தாராம். ஆனால், திருநாவுக்கரசர் நிலைமையைப் புரிந்துகொண்டு, ‘இளங்கோவன் முதலில் சந்திக்கட்டும்’ என்று விட்டுவிட்டார். இளங்கோவனை இரண்டு நிமிடங்கள் மட்டுமே சந்தித்துள்ளார் ராகுல். உள்ளேபோன வேகத்தில் இளங்கோவன் வெளிறிய முகத்தோடு வெளியேறிவிட்டார். அதன்பிறகு திருநாவுக்கரசருக்கு அழைப்பு வந்ததாம். அவர் பழங்களுடன் சென்று ராகுலைச் சந்தித்துள்ளார்.’’

‘‘திருநாவுக்கரசர் ராகுலிடம் என்ன சொன்னராம்?’’

‘‘புலம்பித் தள்ளினாராம். ‘தமிழ்நாடு காங்கிரஸில் எனக்கு யாரும் ஒத்துழைப்புக் கொடுப்பதில்லை. நான் என்ன செய்தாலும் அதற்கு எதிராகக் கங்கணம் கட்டிக்கொண்டு செயல்படுகின்றனர்’ என்பதுதான் அவரது புலம்பல். ‘குஷ்புகூட தலைவராவதற்கு முயற்சி செய்வதாக செய்திகள் வருகின்றன’ என்று புலம்பினாராம். திருநாவுக்கரசருக்கு ஆறுதலான வார்த்தைகள் கிடைத்துள்ளன. சந்திப்புக்குப் பிறகு உற்சாகமான திருநாவுக்கரசர், ‘வரும் நாடாளுமன்றத் தேர்தல்வரை நான்தான் தலைவர்’ என்று தனக்கு நெருக்கமானவர்களிடம் கூறியுள்ளார். திருநாவுக்கரசரின் இந்த உற்சாகம், தலைவர் பதவிக்குக் கனவு கண்ட பலருக்கும் எரிச்சலை ஏற்படுத்தியுள்ளது.’’

‘‘அப்படியா?’’

‘‘ஈ.வி.கே.எஸ் இளங்கோவன், தங்கபாலு, வசந்தகுமார், கிருஷ்ணசாமி என அதிருப்தி கோஷ்டியினர் கடந்த வாரம் முழுவதும் சிதம்பரம் வீட்டுக்குப் படையெடுத்ததற்கு இதுதான் காரணம். ராகுலின் மனதைக் கரைக்க சிதம்பரத்தால்தான் முடியும் என்பது அவர்களின் கணக்கு. அதனால், அவரைப் போய்ப் பார்த்து தூபம் போட்டனர். அப்படிச் சந்தித்தப் பலரும், ‘கட்சித் தேர்தலில் எங்கள் ஆதரவாளர்கள் யாருக்கும் பதவி கிடைக்கவில்லை. அவருடைய ஆட்களுக்குத்தான் பதவி கொடுத்துள்ளார். எங்களை மதிப்பதில்லை. ஓரம்கட்டுகிறார்’ என ஆளுக்கொரு புகாரைச் சொல்லியுள்ளனர். அதோடு, ‘தமிழக காங்கிரஸ் கமிட்டித் தலைவராக நீங்கள் வாருங்கள். நாங்கள் எல்லோரும் முழுமையாக ஒத்துழைப்பு தருகிறோம்’ என்றும் சொல்லியுள்ளார்கள்.’’

‘‘சிதம்பரம் பதில் என்னவாம்?’’

‘‘பொறுமையாக எல்லாவற்றையும் கேட்ட சிதம்பரம், ‘நான் வரவேண்டும் என்று நீங்கள் விரும்பினால், டெல்லி தலைமைக்கு மொத்தமாகக் கடிதம் எழுதுங்கள்’ என்று சொன்னாராம்.  அத்துடன் தனக்குத் தமிழக அரசியலுக்கு வர விருப்பமில்லை என்பதைச் சுற்றிவளைத்துச் சொன்னாராம். அதைக் கேட்டவர்கள், ‘சரி, உங்களுக்கு வர விருப்பமில்லை என்றால், என் பெயரை ராகுலிடம் பரிந்துரை செய்யுங்கள்’ என ஒவ்வொருவரும் கோரிக்கை விடுத்தார்களாம். சிதம்பரத்தின் மன ஓட்டம் தேசிய அரசியலில்தான் இருக்கிறது. அகில இந்திய காங்கிரஸின் புதிய தலைவராக ராகுல் காந்தியை அறிவிக்கும்போது, சிதம்பரத்துக்கும், குலாம் நபி ஆசாத்துக்கும் துணைத் தலைவர் பதவி கொடுப்பதுப் பற்றி அறிவிப்பு வரலாம் என்ற எதிர்பார்ப்பு நிலவுகிறது. ஆனால், டெல்லியில் இருக்கும் சில தலைவர்கள் சிதம்பரம், டெல்லி அரசியல் ஈடுபடுவது தங்களுக்கு அச்சுறுத்தலாகிவிடும் என்று நினைக்கின்றனர். அதனால் அவர்கள் ராகுலிடம், ‘தமிழகத்தில் இப்போதிருக்கும் அரசியல் சூழலில் சிதம்பரத்தைத் தலைவராக்குவது நல்ல முடிவு. அவர் தலைமையேற்றால்தான் தமிழகத்தில் கட்சியை வலுப்படுத்த முடியும்’ என்று தூபம் போட்டுள்ளனர். சிதம்பரமும் இதை அறியாமல் இல்லை.’’

p44.jpg

‘‘சிதம்பரம் வீட்டுக்குத் திருநாவுக்கரசரும் சென்றிருந்தாரே?’’

‘‘சிதம்பரம் வீட்டுக்குத் தலைவர்கள் படையெடுத்த தகவல் திருநாவுக்கரசருக்குத் தெரிந்தததும், அவரும் சிதம்பரத்தைப் போய்ச் சந்தித்தார். திருநாவுக்கரசர் வருகையைச் சிதம்பரமும் எதிர்பார்க்கவில்லை. ‘எனக்கு யாரும் ஒத்துழைப்புத் தருவதில்லை. நான் தனியாகக் கஷ்டப்பட்டுத்தான் கட்சியை வளர்க்கிறேன். நீங்களாவது எனக்கு ஆதரவாக இருக்கவேண்டும்’ என்று சிதம்பரத்திடமும் திருநாவுக்கரசர் புலம்பியுள்ளார். ‘ராகுல் உங்கள் மீது நல்ல மரியாதை வைத்துள்ளார். நீங்கள் மாவட்டவாரியாக சுற்றுப்பயணம் செய்து கூட்டங்களை நடத்துங்கள்’ என்று சொல்லியுள்ளார். இந்தச் சம்பவங்களின் மூலம் ஒன்று நன்றாகத் தெளிவாகிறது. அதாவது, கோஷ்டிகளுக்குப் பஞ்சம் இல்லாத தமிழக காங்கிரஸில் ஒற்றை அதிகார மையமாக சிதம்பரம் உருவாகியிருக்கிறார் என்பதே அது!’’

‘‘இரட்டை இலை வழக்கு எப்போது முடியுமாம்?’’ என டாபிக்கை மாற்றினோம்.

‘‘முக்கிய வழக்குக்குள் இன்னும் போகவே இல்லையே! பிறகு, எப்படி அது முடிவுக்கு வரும்? தினகரன் தரப்பு அதற்காக மிக கவனமாகக் காய் நகர்த்தி வருகிறது. அக்டோபர் 23-ம் தேதி இறுதி விசாரணை என்று தேர்தல் ஆணையம் அறிவித்ததும், அதற்கு முட்டுக்கட்டை போடும் வேலைகளைத் தினகரன் அணி தொடங்கியது. விசாரணை நடைபெறும் தினத்துக்கு முந்தின இரவு அவசரமாக ஒரு மனு, சசிகலா பெயரில் தேர்தல் ஆணையத்தில் தாக்கல் செய்யப்பட்டது. அதில், ‘பிரமாணப் பத்திரத்தில் கையெழுத்திட்டவர்களிடம் நாங்கள் குறுக்கு விசாரணை செய்ய வேண்டும்’ என்று கேட்டுள்ளார்கள். இது தேர்தல் ஆணையத்துக்கும் சிக்கலைத்தான் ஏற்படுத்தியுள்ளது. அதோடு ராஜேந்திரபாலாஜி, ‘மோடி ஆதரவு எங்களுக்கு இருப்பதால், இரட்டை இலை எங்களுக்குக் கிடைத்துவிடும்’ என்று பொதுக்கூட்டத்தில் பேசியது தினகரன் தரப்புக்குச் சாதகமாகப் போய்விட்டது. அதைவைத்து அடுத்த ஆட்டத்தை ஆரம்பித்துவிட்டார்கள். தேர்தல் ஆணையத்தின் நடவடிக்கையை அமைச்சர் ஒருவர் கேள்விக்குறியாக்கிவிட்டார் என்று தினகரன் பெயரில் அடுத்த ஒரு மனுவைத் தாக்கல் செய்ய, இரட்டை இலை கைக்கு வந்துவிடும் என்று ஆவலில் இருந்த எடப்பாடி அணிக்கு இலை இப்போது எட்டாத உயரத்துக்குப் போய்விட்டது.’’

‘‘இந்த விஷயத்தில் நவம்பர் 10-ம் தேதிக்குள் முடிவெடுக்க வேண்டும் என்று உச்ச நீதிமன்றம் சொல்லியுள்ளதே?’’

“அதற்காகத்தான் தேர்தல் ஆணையமும் விசாரணையை வேகப்படுத்துகிறது. ஆனால், தினகரன் தரப்போ விசாரணையை இழுப்பதற்கான வேலையை வேகப்படுத்துகிறது’’ என்ற கழுகார், ஞாபகமாக ஃபைலை ஒழுங்குபடுத்தி எடுத்துக்கொண்டு பறந்தார்.

http://www.vikatan.com

Categories: Tamilnadu-news

இரவு முழுக்க, என் தொலைபேசி அடித்துக்கொண்டே.... இருக்கிறது. - தமிழிசை குமுறல்.

Wed, 25/10/2017 - 17:13

தவறான தகவல்கள்

இரவு முழுக்க, என் தொலைபேசி அடித்துக்கொண்டே.... இருக்கிறது. - தமிழிசை குமுறல்.

இரவு முழுக்க தனது தொலைபேசி அடித்துகொண்டே இருப்பதாக தமிழிசை சவுந்தரராஜன் வேதனை தெரிவித்துள்ளார்.

தமிழக பாஜக தலைவர் தமிழிசை சவுந்தரராஜன் மெர்சல் படத்திற்கு எதிராக தொடர்ந்து கருத்து தெரிவித்து வந்தார். இதையடுத்து அவரை சமூக வலைதளங்களில் சிலர் கடுமையாக கிண்டலடித்து மீம்ஸ்களை வெளியிட்டனர்.

இதேபோல் மத்திய அமைச்சர் பொன்.ராதாகிருஷ்ணன், எச் ராஜா உள்ளிட்டோரையும் கடுமையாக விமர்சித்திருந்தனர். தமிழிசை, பொன் ராதாகிருஷ்ணன் ஆகியோரின் விக்கிப்பீடியா பக்கத்திலும் கைவைத்து சிலர் வேலையை காட்டியுள்ளனர்.

இந்நிலையில் சென்னையில் செய்தியாளர்களிடம் பேசிய தமிழிசை சவுந்தரராஜன் விமர்சனம் செய்வது கருத்துரிமை என்றால் விமர்சனத்தை எதிர்ப்பதும் கருத்துரிமை தான் என்றார். சமூக வலைதளங்களில் தன்னைப் பற்றியும் மத்திய அமைச்சர்கள் குறித்தும் தவறான தகவல்களை பரப்பி வருவதாகவும் அவர் குற்றம்சாட்டினார்.

தவறான தகவல்களைப் பரப்புபவர்களை சைபர் கிரைம் போலீசார் அடையாளம் கண்டு அவர்களை நீக்க வேண்டும் என்றும் தமிழிசை கோரிக்கை விடுத்தார். அடையாளத்தை வெளிப்படுத்தி போராடுங்கள் என்ற அவர் இணைதளத்தில் ஒளிந்துகொண்டு போராடாமல் வெளிப்படையாக போராடுங்கள் என்றும் அவர் கூறினார்.

இரவு முழுவதும் தனது செல்போன் அடித்துக்கொண்டே இருப்பதாகவும் தமிழிசை சவுந்தரராஜன் கூறினார். ஒரு நிமிடம் கூட ஓய்வில்லாமல் தொடர்ந்து சிலர் போன் செய்து தகாத வார்த்தைகளால் பேசுவதாகவும் கூறினார்.

மேலும் போனில் கொன்றுவிடுவேன் கொளுத்திவிடுவேன் என மிரட்டல் விடுப்பதாகவும் தெரிவித்தார். இந்த சலசலப்புக்கெல்லாம் தான் அஞ்சவில்லை என்றும் தமிழிசை கூறினார். இருப்பினும் இவையெல்லாம் தவிர்க்கப்பட வேண்டும் என்று தமிழிசை கேட்டுக்கொண்டார்.

- நன்றி  தற்ஸ்  தமிழ். -

Categories: Tamilnadu-news

‘இங்கிலீஷ்ல இருந்ததால கையெழுத்து போட்டுட்டாங்க!’ - ‘இரட்டை இலை’ விவாதத்தில் நடந்த காமெடி #VikatanExclusive

Wed, 25/10/2017 - 11:37
‘இங்கிலீஷ்ல இருந்ததால கையெழுத்து போட்டுட்டாங்க!’ - ‘இரட்டை இலை’ விவாதத்தில் நடந்த காமெடி #VikatanExclusive
 
 

இரட்டை இலை

Chennai: 

இரட்டை இலை விவகாரம் தொடர்பாக தேர்தல் ஆணையத்தில் நடந்த விசாரணையின்போது, போலி அஃபிடவிட்களை ஓ.பன்னீர்செல்வம், எடப்பாடி பழனிசாமி தரப்பினர் தாக்கல்செய்துள்ளதாக தினகரன் தரப்பு வாதிட்டது. அதற்கு ஓ.பன்னீர்செல்வம், எடப்பாடி பழனிசாமி தரப்பினர், இங்கிலீஷ்ல அஃபிடவிட்கள் இருந்ததால கையெழுத்துப் போட்டுவிட்டதாகச் சொல்லியதாகத் தகவல்கள் வெளியாகியுள்ளன.

 

ஆர்.கே.நகர் இடைத்தேர்தலின்போது, அ.தி.மு.க., இரட்டை இலைச் சின்னம் ஆகியவற்றைத் தேர்தல் ஆணையம் முடக்கியது. இரட்டை இலையை மீட்டெடுக்க ஓ.பன்னீர்செல்வம், எடப்பாடி பழனிசாமி, சசிகலா, தீபா தரப்பினரிடையே கடும் போட்டி நடந்துவருகிறது. இதற்காக, ஒவ்வொரு தரப்பிலும் லட்சக்கணக்கான அஃபிடவிட்களைத் தேர்தல் ஆணையத்திடம் சமர்ப்பித்துள்ளனர். தற்போது, ஓ.பன்னீர்செல்வம் அணியும், எடப்பாடி பழனிசாமி தரப்பும் இணைந்துவிட்டதால், இருவரும் இணைந்து இரட்டை இலையை மீட்டெடுக்கும் முயற்சியில் ஈடுபட்டுவருகின்றனர். இரட்டை இலை எங்களுக்குத்தான் என்று சசிகலா தரப்பும் தேர்தல் ஆணையத்திடம் வாதத்தை முன்வைத்துள்ளது. ஜெயலலிதாவின் அண்ணன் மகளான தீபா தரப்பு வழக்கறிஞர் பசும்பொன்பாண்டியன், இரட்டை இலைச் சின்னம் தொடர்பாக அஃபிடவிட்களைத் தேர்தல் ஆணையத்திடம் தாக்கல்செய்தார். இதனால், இரட்டை இலைச் சின்னம் யாருக்கு என்பதில் இழுபறி ஏற்பட்டது.

இதையடுத்து, கடந்த 6-ம் தேதி இரட்டை இலை தொடர்பான முதல்கட்ட விசாரணை தேர்தல் ஆணையத்தில் நடந்தது. இதற்காக டெல்லி சென்ற ஒவ்வொரு தரப்பினரும், தங்களுக்குத்தான் கட்சியில் செல்வாக்கு இருப்பதாகக் கூறினர். வாதங்களைக் கேட்ட பிறகு அடுத்தகட்ட விசாரணை 16-ம் தேதிக்குத் தள்ளிவைத்தனர் தேர்தல் அதிகாரிகள். அன்றைய தினம் நடந்த விசாரணையில், இரட்டை இலை குறித்த முடிவு எடுக்கப்படவில்லை. இதனால், 23-ம் தேதிக்கு விசாரணை தள்ளிவைக்கப்பட்டது. இந்த விசாரணையில் ஓ.பன்னீர்செல்வம், எடப்பாடி பழனிசாமி, சசிகலா, தீபா தரப்பினர் கலந்துகொண்டு வாதிட்டனர்.

வாதத்தின்போது, சசிகலா தரப்பினர் கொடுத்த புகார் மனு பெரும் பரபரப்பை ஏற்படுத்தியது. அதாவது, ஓ.பன்னீர்செல்வம் அணியும் எடப்பாடி பழனிசாமி அணியும் கொடுத்த 300-க்கும் மேற்பட்ட அஃபிடவிட்கள் போலியானவை என்று குறிப்பிடப்பட்டிருந்தது. அதற்கு ஓ.பன்னீர்செல்வம், எடப்பாடி பழனிசாமி அணியினர், இங்கிலீஷ்ல அஃபிடவிட்கள் இருந்ததால் கட்சியினர் தெரியாமல் கையெழுத்துப் போட்டுவிட்டனர் என்று பதிலளித்துள்ளனர். இதைக் கேட்ட தேர்தல் அதிகாரிகள், சிரித்தபடியே, கட்சியில் யாருக்கு செல்வாக்கு உள்ளதோ அவர்களுக்குத்தான் சின்னம் கிடைக்கும் என்று தெளிவாகக் குறிப்பிட்டுள்ளனர். இது, சசிகலா தரப்பினரை வருத்தமடைய வைத்துள்ளது.

இதுகுறித்து நம்மிடம் பேசிய சசிகலா தரப்பினர், "இரட்டை இலைச் சின்னத்தை முடக்கக் காரணமாக இருந்த ஓ.பன்னீர்செல்வத்துடன் எடப்பாடி பழனிசாமி தரப்பினர் இணைந்திருப்பதை கட்சியினர் ஏற்றுக்கொள்ள மாட்டார்கள். இதனால்தான் எங்களுக்குக் கட்சியில் செல்வாக்கு அதிகரித்துள்ளது. எனவே, இரட்டை இலை நிச்சயம் எங்களுக்குத்தான் கிடைக்கும். தஞ்சாவூர், நெல்லை மாவட்டங்களில் உள்ள பொதுக்குழுவில் உள்ள உறுப்பினர்களில் பலர், எங்களை ஆதரித்து அஃபிடவிட்களைத் தாக்கல்செய்துள்ளனர். எனவே, இரண்டு தரப்பையும் ஆதரித்து அஃபிடவிட்டுகளைத் தாக்கல்செய்தவர்களிடம் தேர்தல் ஆணையம் விசாரணை நடத்த வேண்டும். அதன்பிறகே சின்னம் யாருக்கு என்பதில் முடிவு எடுக்க வேண்டும் என்று வாதிட்டோம். அடுத்தகட்ட விசாரணை 30-ம் தேதிக்குத் தள்ளி வைக்கப்பட்டுள்ளது" என்றனர்.

ஓ.பன்னீர்செல்வம், எடப்பாடி பழனிசாமி

 

ஓ.பன்னீர்செல்வம், எடப்பாடி பழனிசாமி தரப்பில் தேர்தல் ஆணைய விசாரணையில் பங்கேற்றவர்கள் கூறுகையில், "கட்சியில் எங்களுக்குச் செல்வாக்கு இருப்பது எல்லோருக்கும் தெரியும். சமீபத்தில் நடந்த பொதுக்குழு, செயற்குழுக் கூட்டமே அதற்கு ஆதாரமாக உள்ளது. சசிகலா குடும்பத்தினரின் சுயரூபம் கட்சியினருக்குத் தெரியும். தினகரனை ஆதரித்த 18 எம்.எல்.ஏ-க்களுக்கு ஏற்பட்ட நிலைமை கட்சியினருக்குப் பாடமாக உள்ளது. இரட்டை இலை யாருக்கும் கிடைக்கக் கூடாது என்பதில் சசிகலா தரப்பு தேவையில்லாத வாதங்களை முன்வைத்து வருகிறது. இதனால், சின்னம் கிடைப்பதில் சிக்கல் ஏற்பட்டுள்ளது. நவம்பர் மாதத்துக்குள் சின்னம் எங்களுக்குக்  கிடைத்துவிடும். ஜெயலலிதா மறைவுக்குப் பிறகு ஏற்பட்ட சோதனையால் கட்சி, சின்னம் முடக்கப்பட்டது. ஒற்றுமையாக அதை மீட்கப் போராடிவருகிறோம். சின்னத்தை மீட்க, கட்சியில் செல்வாக்கை நிரூபிக்க அஃபிடவிட்கள் ஒவ்வொரு தரப்பினரும் அவசர, அவசரமாகத் தயார்செய்தோம். தொண்டர்களில் பலர் குழப்பமடைந்திருந்த சமயத்தாலும் ஆங்கிலத்தில் அஃபிடவிட்கள் இருந்ததாலும் இரண்டு தரப்பினருக்கும் கட்சியினர் சிலர் கையெழுத்திட்டுள்ளனர். அதையும் தேர்தல் ஆணையத்திடம் தெரிவித்துள்ளோம்" என்றனர்.

http://www.vikatan.com/news/tamilnadu/105876-humorous-discussions-at-two-leaf-symbol-enquiry.html

Categories: Tamilnadu-news

‘ஆன்டி ஹ்யூமனாக’ இருப்பது சரியா ஹெச்.ராஜா அவர்களே..! - ஒரு சாமானியனின் கடிதம்

Wed, 25/10/2017 - 09:09
‘ஆன்டி ஹ்யூமனாக’ இருப்பது சரியா ஹெச்.ராஜா அவர்களே..! - ஒரு சாமானியனின் கடிதம்
Chennai: 

ரியாதைக்குரிய, மரியாதை தெரியாத ஹெச்.ராஜா அவர்களுக்கு,

வணக்கம். ‘என்னடா இது, எடுத்தவுடனே இப்படிச் சொல்லிவிட்டார்களே' என்று நீங்கள் வருத்தப்பட மாட்டீர்கள் என்று நம்புகிறேன். ஏனென்றால், அடுத்தவர் மனம் புண்படுமோ என்று அளந்து அளந்து பேசுபவர்கள்தான் தன் மனம் புண்படுவது பற்றிக் கவலைப்படுவார்கள். ஆனால், வெந்த புண்ணில் வெந்நீரையும் விஷத்தையும் ஊற்றுவதுதான் உங்கள் இயல்பு என்பதைச் சமீபகாலமாகப் பார்த்துவருகிறோம்.

 

H Raja

‘வெந்த புண்' என்று சொல்லும்போதுதான் சமீபத்தில் நீங்கள் தெரிவித்த கருத்து நினைவுக்குவருகிறது. நாளொரு மேனியும் பொழுதொரு வண்ணமும் நீங்கள் உதிர்க்கும் 'கருத்து முத்து'க்களால் கதிகலங்கி நிற்கிறது தமிழகம். ஆனால், நீங்கள் வீசிய அணுகுண்டுகளிலேயே மோசமான வெடிகுண்டு இதுதான். நெல்லை கலெக்டர் அலுவலகத்தில், கந்துவட்டியால் பாதிக்கப்பட்ட இசக்கிமுத்து தன் மனைவியுடனும் இரு பச்சிளம் குழந்தைகளுடனும் தீக்குளித்தார். அந்தச் செய்தியைப் படித்தும் அந்தப் புகைப்படங்களைப் பார்த்தும் கதறிக் கண்ணீர் சிந்தாதவர்களை 'மனிதர்' என்ற நான்கு எழுத்துகளில் அழைக்கவே முடியாது.

இதைப் பார்த்த, படித்த தமிழர்கள் இறந்துபோன இசக்கிமுத்து குடும்பத்துக்காக இரக்கப்பட்டுக் கண்ணீர் சிந்தினார்கள் அல்லது கந்துவட்டிக் கொடுமை கண்டு கொதித்துக் குரல் எழுப்பினார்கள். ஆனால் நீங்கள்...? யாருக்கும் உதிக்காத ஒரு மகா சிந்தனை உங்கள் மூளையில் உதித்தது. அதை வார்த்தைகளாக்கிக் கொட்டினீர்கள். 'இதுக்கெல்லாம் காரணம், கடவுள் பக்தி இல்லாததுதான். ஈ.வெ.ராவும் அவர் ஆள்களும் நாத்திகத்தைப் பரப்பினதுதான் காரணம்' என்றதோடு, ‘வட நாட்டில யாரும் தீக்குளிக்கிறாங்களா, திராவிடக் கட்சி ஆள்கள்தான் தீக்குளிக்கிறாங்க, தேசியக் கட்சியில யாராவது தீக்குளிக்கிறாங்களா? பகுத்தறிவு என்ற பெயரில் அடிப்படை அறிவே இல்லை' என்றெல்லாம் பொளந்துகட்டியிருக்கிறீர்கள்.

நெல்லை தீக்குளிப்பு சம்பவம்

கந்துவட்டிக் கொடுமையையும் கண்டுகொள்ளாத அதிகார வர்க்கத்தையும் பற்றிப் பேச வேண்டிய நேரத்தில் ‘நாத்திகத்தை’ப் பற்றிப் பேசுவதற்குத் தயக்கமாகத்தான் இருக்கிறது. ஆனால் அகில இந்திய அறிவாளியான நீங்களே சொல்லிவிட்டதால்தான் இதைச் சொல்ல வேண்டியிருக்கிறது. இறந்துபோன இசக்கிமுத்துவோ அவர் குடும்பமோ நாத்திகர்கள் என்பதற்கோ... அவர்களுக்குக் கடவுள் நம்பிக்கை இல்லாமல் போனதால்தான் தீக்குளிக்கும் முடிவுக்கு வந்தார்கள் என்பதற்கோ இதுவரை எந்த ஆதாரமும் இல்லை. ஆயிரம் ரூபாய் கடன் கொடுத்துவிட்டு, பத்தாயிரம் ரூபாய்க்கு வட்டி வசூலித்தும் 'கடன் அடையவில்லை' என்று கசக்கிப்பிழியும் கந்துவட்டிக்காரர்கள் அத்தனைபேரும் நாத்திகர்கள்தானா, திரு ஹெச்.ராஜா?

எந்த நேரத்தில் எதைப் பேசுவது என்பதுதானே பகுத்தறிவு, அந்தப் பகுத்தறிவுதானே வேண்டாம் என்று நீங்கள் எங்களுக்குப் போதிக்கிறீர்கள்? 'வாடிய பயிரைக் கண்டபோதெல்லாம் வாடினேன்' என்ற வள்ளலாரின் வார்த்தைகளை, 'ஆன்மிகம்' என்று நம்பும் தமிழர்கள் நாங்கள். ஆனால், நீங்களோ நான்கு மனித உயிர்கள் கருகியபோதும் நாத்திகம்தான் காரணம் என்று அடாவடித்தனமாகக் கருத்து உதிர்த்துவிட்டு, அதற்கு 'ஆன்மிக ஈடுபாடு' என்று பெயர் சூட்டுகிறீர்கள். பொதுவாக நீங்கள் பதில் சொல்ல முடியாத கேள்வியை யார் கேட்டுவிட்டாலும் அல்லது மோடியை விமர்சித்தாலும் அவர்களுக்கு 'ஆன்டி இந்தியன்' என்று பட்டம் சூட்டுவீர்கள். உங்கள் வரையறையின்படி, 'ஆன்டி இந்திய'னாக இருப்பதுகூட அவமானமில்லை. ஆனால், உங்களைப்போல் 'ஆன்டி ஹியுமனா'க (anti human) மட்டும் இருந்துவிடக் கூடாது என்பதே எங்களின் இப்போதைய விருப்பம், திரு ஹெச்.ராஜா.

உங்கள் வாதத்துக்கே வருவோம். வி.பி.சிங் மண்டல் கமிஷன் கொண்டுவந்தபோது, 'பிற்படுத்தப்பட்டோருக்கு இட ஒதுக்கீடு கொடுக்கக் கூடாது' என்று கோஸ்வாமி என்ற உயர்சாதி இளைஞர் தீக்குளித்தாரே, அவரும் நாத்திகர்தானா? 'வைகோ பிரிந்தபோது சில இளைஞர்கள் தீக்குளித்தார்கள். திராவிடக் கட்சிகளில்தான் தீக்குளிப்பு இருக்கிறது. தேசியக் கட்சிகளில் தீக்குளிப்பு இல்லை' என்று சொன்னதோடு, நாத்திகத்தையும் முடிச்சுப்போட்டிருக்கிறீர்கள். நாத்திகக் கட்சியான கம்யூனிஸ்ட் கட்சிகளும் தேசியக் கட்சிகள்தானே? அங்கே யாரும் இதுவரை தீக்குளித்ததில்லை என்பது உங்கள் மூளைக்கு எட்டாதது ஏன்?

தன் உடலைத் தானே எரித்துக்கொள்ளும் தற்கொலை முடிவு என்பது எவராலும் ஏற்க முடியாததுதான். எப்போதுமே இத்தகைய தற்கொலைகளைத் தவிர்க்க வேண்டும் என்றுதான் எல்லா அரசியல் தலைவர்களும் வலியுறுத்தியிருக்கிறார்கள். தீக்குளிப்புக்குக் காரணம் நாத்திகம் என்கிறீர்களே, ஒடிசாவில் ஸ்டெயின்ஸ் கிரஹாம் என்ற பாதிரியாரையும் அவர் குழந்தைகளையும் ஒரு மதவெறிக் கும்பல் எரித்துக்கொன்றதே, அவர்களும் நாத்திகர்கள்தானா. 2002-ல் குஜராத் பெஸ்ட் பேக்கரியில் 14 பேர் உயிருடன் எரித்துக் கொல்லப்பட்டார்களே, அவர்களும் நாத்திகர்கள்தானா. தற்கொலைக்குக் காரணம் நாத்திகம் என்றால், இந்தக் கொலைகளுக்குக் காரணம் என்ன சித்தாந்தம் என்றும் சொல்வீர்களா ஹெச்.ராஜா?

இனி 'மெர்சல்' விவகாரத்துக்கு வருவோம். 'மெர்சல்' படத்தில் விஜய் பேசிய வசனங்கள் ஜி.எஸ்.டி குறித்துத் தவறான கருத்துப்பரப்பல் என்றும் மோடி எதிர்ப்பு நோக்கம் கொண்டவை என்றும் விமர்சிக்கவும் எதிர்ப்புத் தெரிவிக்கவும் உங்களுக்கும் தமிழிசைக்கும் நிச்சயம் உரிமை உண்டு. ஆனால், ஆட்சி அதிகாரத்தைக் கொண்டு மிரட்டவும் கருத்துச் சுதந்திரத்தின் கழுத்தை நெரிக்கவும் உங்களுக்கு உரிமையில்லை.

மெர்சல்

'தவறான தகவல்கள் என்பதால் காட்சிகளை வெட்ட வேண்டும்' என்கிறீர்கள். சரி, இன்னும் சில 'தவறான தகவல்'களையும் பார்த்துவிடலாமா. 'பிள்ளையார் தலையை ஒட்டவைத்ததன் மூலம் பிளாஸ்டிக் சர்ஜரிக்கு முன்னோடியே இந்தியர்கள்தான்' என்று மோடி பேசியதை வரலாற்றுக் கவுன்சில் கண்டித்ததே! அதுவும் மோடி வேறெங்கு பேசினாலும் பரவாயில்லை, விஞ்ஞானிகள் கூட்டத்திலேயே பேசினாரே! இந்தத் 'தவறான தகவலுக்கு' மோடியை என்ன செய்வது ஹெச்.ராஜா? 

மோடி அரசு புதிய 2,000 ரூபாய் நோட்டை அறிமுகப்படுத்தியபோது, 'இந்த ரூபாய் நோட்டில் ஜிப் பொருத்தப்பட்டுள்ளது' என்றாரே, உங்கள் கட்சியைச் சேர்ந்த காமெடி நடிகர் எஸ்.வி.சேகர், எங்கே ரெண்டாயிரத்தில் ஜிப்? அதுமட்டுமா, '35 மார்க் எடுத்த தாழ்த்தப்பட்டவருக்கு டாக்டர் சீட் கிடைக்கிறது' என்று பொருமினாரே எஸ்.வி.சேகர். கடந்த பத்தாண்டுகளின் கட் ஆஃப் மதிப்பெண்களை எடுத்துப் பார்ப்போம், 35 மதிப்பெண் எடுத்த எந்தத் தாழ்த்தப்பட்டவருக்கு எம்.பி.பி.எஸ் சீட் கிடைத்தது? நோட்டு விவகாரத்திலும் சீட் விவகாரத்திலும் 'தவறான தகவல்' தந்த எஸ்.வி.சேகரை என்ன செய்வது ஹெச்.ராஜா அவர்களே. சமீபத்தில்கூட 'மோடியின் தாயார் தீபாவளி கொண்டாடும் வீடியோ' என்று தவறான வீடியோவை ட்விட்டரில் வெளியிட்ட சுஷ்மா ஸ்வராஜுக்கு என்ன தண்டனை ஹெச்.ராஜா. அவ்வளவு ஏன், 'மோடி விஜய்யைச் சந்திக்க வரவில்லை. விஜய்தான் மோடியைச் சந்தித்தார்' என்று நீங்கள் முதலில் சொன்னீர்கள். ஆனால், ஒரு தொலைக்காட்சி நேர்காணலில் 'எனக்கு அழைப்பு விடுத்த பிரதமர் மோடிக்கு நன்றி' என்று அந்தக் காலகட்டத்தில் விஜய் போட்ட ட்வீட்டை ஆதாரமாகக் காட்டிக் கேட்கப்பட்டபோது, ''அதனால் என்ன தப்புங்கிறேன்?" என்று சமாளித்தீர்களே ஹெச்.ராஜா, இப்படித் தவறான தகவல் தந்த உங்களை என்ன செய்வது ஹெச்.ராஜா?

‘ ‘மெர்சல்’ படத்தை இணையத்தில் பார்த்தேன்' என்றீர்கள். எதிர்ப்பு வந்ததும், 'இல்லையில்லை, சம்பந்தப்பட்ட காட்சிகளை மட்டும் பார்த்தேன்' என்றீர்கள். பிறகு 'வாட்ஸ்அப்பில் வந்தது. என் போன். நான் பார்ப்பேன். என்ன தப்பு?' என்றீர்கள். தமிழிசை உள்பட பி.ஜே.பி. தலைவர்கள் எதிர்ப்புத் தெரிவித்த பிறகு, சம்பந்தப்பட்ட காட்சிகள் நீக்கப்படப்போவதாகச் செய்திகள் வந்தபிறகுதான் அந்தக் காட்சிகள் மட்டும் வாட்ஸ்அப்பில் பரவின. ஆனால், நீங்களோ அதற்கு முன்பே பார்த்ததாகச் சொல்லியிருந்தீர்கள். ஒருவேளை, மொத்தப் படத்தையுமே உங்களுக்கு மட்டும் யாராவது வாட்ஸ்அப்பில் அனுப்பிவிட்டார்களா, அதற்குப் பெயர்தான் 'டிஜிட்டல் இந்தியா'வா?

ஜி.எஸ்.டி-யை விமர்சித்ததால் விஜய்யை 'ஜோசப் விஜய்' என்கிறீர்கள். மோடி அவரே விரும்பிச் சந்தித்தாரே, அப்போது விஜய்யின் பெயர் என்ன ராமகிருஷ்ண விஜயா? 'மெர்சல்' வெளியாவதற்கு முதல்நாள்தான் அவர் மதம் மாறினாரா? 

H Raja

‘கோயிலுக்குப் பதிலாக ஹாஸ்பிட்டல் கட்டச் சொல்பவர் சர்ச்சுக்குப் பதிலாக ஹாஸ்பிட்டல் கட்டச் சொல்வாரா?' என்று கேட்கிறீர்கள். 'ஜோசப் விஜயாவது' கோயிலுக்குப் பதில் மருத்துவமனைதான் கட்டச் சொன்னார். 'கோயில் கட்டுவதைவிட கழிப்பறை கட்டுவதுதான் முக்கியம்' என்று 'யங் இந்தியா நியு இந்தியா' மாணவர்கள் மாநாட்டில் பேசியவர் நரேந்திர மோடி. ஹாஸ்பிட்டல் கட்டச் சொன்னவர் 'ஜோசப் விஜய்' என்றால், கோயிலுக்குப் பதில் கழிப்பறையே கட்டச் சொன்ன மோடி என்ன 'ஜோசப் மோடி'யா, 'யூசுப் மோடி'யா... திரு ஹெச்.ராஜா அவர்களே?

'இரட்டை இலைச் சின்னம் முடக்கப்படும்' என்றார் தமிழிசை. முடக்கப்பட்டது. 'ஆர்.கே.நகர் தேர்தல் ரத்து செய்யப்படும்' என்றார், அதே தமிழிசை. ரத்து செய்யப்பட்டது. 'இணையத்தில் படம் பார்த்ததாக ஹெச்.ராஜா சொல்வது கண்டிக்கத்தக்கது' என்றார் விஷால். அடுத்தநாளே, அவர் வீட்டில் ரெய்டு நடக்கிறது. ஆணவத்தின் உச்சியில் இருக்கும் யாரும் வரலாற்றின் சிகரங்கள் ஏறியது இல்லை என்பதை உணர்ந்துகொள்ளுங்கள் ஹெச்.ராஜா.

'ராஜா' என்று பெயர் இருப்பதால், தமிழகத்துக்கே ராஜா என்று நினைத்துக்கொண்டிருக்கிறீர்கள். ஒரு தேசியக் கட்சியின் தேசியச் செயலாளர் என்ற பொறுப்பான பதவியில் இருந்தாலும் நாலாந்தரப் பேச்சாளரைப்போலவே நடந்துகொள்கிறீர்கள். பேசிப்பேசியே ஆட்சிக்கு வந்தவர்கள் தமிழகத்தில் உண்டு. ஆனால், தமிழகத்தில் பி.ஜே.பி-க்கு இருக்கும் எச்சம் சொச்சம் வாக்குகளையும் காலி பண்ணக்கூடிய 'திறமை' உங்கள் வாக்குக்கும் நாக்குக்கும் மட்டும்தான் இருக்குங்கிறேன்.

இப்படிக்கு

'ஆன்டி இந்தியன்' பட்டத்தை ஆவலுடன் எதிர்பார்க்கும்

 

தமிழன்.

http://www.vikatan.com/news/coverstory/105864-an-open-letter-to-h-raja-from-a-common-man.html

Categories: Tamilnadu-news

ரூ.33 கோடிக்கு புதிய ரூ.2000 நோட்டு சேகர் ரெட்டிக்கு கிடைத்தது எப்படி? - ரிசர்வ் வங்கியில் போதிய தகவல்கள் இல்லாததால் திணறும் சிபிஐ

Wed, 25/10/2017 - 08:38
ரூ.33 கோடிக்கு புதிய ரூ.2000 நோட்டு சேகர் ரெட்டிக்கு கிடைத்தது எப்படி? - ரிசர்வ் வங்கியில் போதிய தகவல்கள் இல்லாததால் திணறும் சிபிஐ

 

 
sekar3111180h

தொழிலதிபர் சேகர் ரெட்டி மற்றும் அவரது கூட்டாளிகளிடம் கைப்பற்றப்பட்ட ரூ.33 கோடியே 60 லட்சம் மதிப்புள்ள புதிய 2 ஆயிரம் நோட்டுகள், அவர்களுக்கு எப்படி கிடைத்தது என்பதைக் கண்டறிய முடியாமல் சிபிஐ திணறி வருகிறது.

ரூ.500, ரூ.1,000 உள்ளிட்ட உயர் மதிப்பு நோட்டுகள் செல்லாது என்ற அறிவிப்பை கடந்த ஆண்டு நவம்பர் 8-ம் தேதி பிரதமர் நரேந்திர மோடி அறிவித்தார். அதன் பிறகு நாட்டின் பல்வேறு இடங்களில் உள்ள பணம் அச்சிடும் அரசு அச்சகங்களில் இருந்து புதிய ரூபாய் நோட்டுகள் அச்சிடப்பட்டு ரிசர்வ் வங்கிக்கு அனுப்பப்பட்டன. ரிசர்வ் வங்கிக்கு சொந்தமான பல்வேறு இடங்களில் உள்ள பணக் கிடங்குகளுக்கு அனுப்பப்பட்ட புதிய ரூபாய் நோட்டுகள், அங்கிருந்து பல்வேறு வங்கிகளுக்கு பிரித்து அனுப்பப்பட்டன.

இதற்கிடையே தொழிலதிபர் சேகர் ரெட்டியின் எஸ்.ஆர்.எஸ். நிறுவனத்தில் கடந்த ஆண்டு டிசம்பர் 8-ம் தேதி வருமான வரித் துறை அதிகாரிகள் சோதனை நடத்தினர். அப்போது பெருமளவு பணம், நகைகள் கைப்பற்றப்பட்டன. கைப்பற்றப்பட்ட பணத்தில் ரூ.33 கோடியே 60 லட்சம் மதிப்புள்ள புதிய 2 ஆயிரம் நோட்டுகளும் இருந்தது தெரிய வந்தது. இது தொடர்பாக சிபிஐ அதிகாரிகள் வழக்குப் பதிவு செய்து புலன் விசாரணை செய்து வருகின்றனர். எனினும் இந்த வழக்கில் 90 நாட்களுக்குள் குற்றப்பத்திரிகை தாக்கல் செய்யாத காரணத்தால், சேகர் ரெட்டி உள்ளிட்டோர் நீதிமன்றத்தால் ஜாமீனில் விடுவிக்கப்பட்டனர்.

இந்த சூழலில் புதிய 2 ஆயிரம் ரூபாய் நோட்டுகள் சேகர் ரெட்டி தரப்பினருக்கு எவ்வாறு கிடைத்தன என்பதை கண்டறிவதில் சிபிஐக்கு பெரும் பின்னடைவு ஏற்பட்டுள்ளதாகக் கூறப்படுகிறது.

புதிய ரூபாய் நோட்டுகள் பாதுகாப்பு மிக்க அரசு அச்சகங்களில் அச்சடிக்கப்பட்டு, ரூபாய் நோட்டுகளின் வரிசை எண்கள் உள்ளிட்ட தகவல்களுடன் ரிசர்வ் வங்கியிடம் ஒப்படைக்கப்பட்டன. அங்கிருந்து ரிசர்வ் வங்கியின் பணக் கிடங்குக்கு அனுப்பப்பட்டு, பின் வங்கிகளுக்கு அவை விநியோகிக்கப்பட்டுள்ளன. இவ்வாறு வங்கிகளுக்கு விநியோகம் செய்வதற்காக பல்வேறு பணக் கிடங்குகளுக்கு அனுப்பி வைக்கப்பட்ட ரூபாய் நோட்டுகளின் வரிசை எண்களை ரிசர்வ் வங்கி குறித்து வைத்துக் கொள்ளவில்லை என்ற அதிர்ச்சிகரமான தகவல் தெரிய வருகிறது.

சேகர் ரெட்டியிடம் கைப்பற்றப்பட்ட ரூபாய் நோட்டுகள் எந்த பணக் கிடங்கு வழியாக வந்திருக்க வேண்டும் என்று விசாரிப்பதற்காக ரிசர்வ் வங்கியை சிபிஐ அணுகியபோது, இவ்வாறு வரிசை எண்களை குறித்து வைக்கவில்லை என்று ரிசர்வ் வங்கி தெரிவித்துள்ளதாக தெரிகிறது.

வங்கிகளுக்கு விநியோகிக்கப்படும் ரூபாய் நோட்டுகளின் வரிசை எண்கள் கொண்ட பதிவேடுகள் பராமரிக்கப்பட வேண்டும் என்று டிசம்பர் 2-வது வாரம்தான் சுற்றறிக்கை அனுப்பப்பட்டதாகவும் தெரிகிறது. பணக் கிடங்குகளிலிருந்து வங்கிகளுக்கு அனுப்பப்பட்ட புதிய 2 ஆயிரம் நோட்டுகளின் வரிசை எண்கள் கொண்ட பதிவேடுகள் தொடக்கத்தில் பராமரிக்கப்படாதது தற்போதைய சிபிஐ விசாரணைக்கு பெரும் பின்னடைவை ஏற்படுத்தியுள்ளதாகக் கூறப்படுகிறது.

“ஏராளமானோரிடம் நடத்திய விசாரணை மற்றும் பல ஆவணங்களை ஆராய்ந்ததில், குறிப்பிட்ட காலத்தில் சேகர் ரெட்டி தரப்பினரின் வங்கிக் கணக்குகளில் இருந்து இவ்வளவு பெரிய தொகை எடுக்கப்படவில்லை என்பது தெரிய வந்துள்ளது. அதே நேரத்தில் மைசூர் உள்ளிட்ட பல்வேறு இடங்களில் உள்ள பணம் அச்சிடும் அச்சகங்களில் ஆராய்ந்ததில், அரசுப் பணக் கிடங்குகள் வரை மட்டுமே புதிய ரூபாய் நோட்டுகள் சென்று சேர்ந்த விதம் பற்றிய தகவல்கள் உள்ளன. புதிய ரூபாய் நோட்டுகள் விநியோகம் பற்றி பணக் கிடங்குகளுக்கு அப்பால் எவ்வித தகவல்களும் சேகரிக்க முடியவில்லை” என்று விசாரணை அதிகாரிகள் தரப்பில் தெரிவிக்கப்படுகிறது.

“சேகர் ரெட்டி தரப்பினருக்கு புதிய ரூபாய் நோட்டுகள் கிடைத்த விதத்தை நிரூபணம் செய்வது மட்டுமின்றி, சில வங்கி அதிகாரிகளின் ஒத்துழைப்புடன்தான் பழைய ரூபாய் நோட்டுகளை சேகர் ரெட்டி தரப்பினர் புதிய 2 ஆயிரம் நோட்டுகளாக மாற்றினர் என்பதையும் நிரூபிப்பதில் சிபிஐ-க்கு கடும் பின்னடைவு ஏற்பட்டுள்ளது” என்று மூத்த புலன் விசாரணை அதிகாரி ஒருவர் தெரிவித்தார்.

http://tamil.thehindu.com/tamilnadu/article19916327.ece?homepage=true

Categories: Tamilnadu-news

கமல்ஹாசன் மீது வழக்குப்பதியலாம்! காவல்துறைக்கு உயர் நீதிமன்றம் உத்தரவு

Wed, 25/10/2017 - 08:12
 
கமல்ஹாசன் மீது வழக்குப்பதியலாம்! காவல்துறைக்கு உயர் நீதிமன்றம் உத்தரவு
 
 

kamal_1_11125.jpg

Chennai: 

நிலவேம்புக் கஷாயம் விவகாரத்தில், மனுதாரர் புகாரில் முகாந்திரம் இருந்தால், நடிகர் கமல்ஹாசன் மீது வழக்குப்பதிவு செய்யலாம் என்று காவல்துறைக்கு சென்னை உயர் நீதிமன்றம் உத்தரவிட்டுள்ளது.

 

தமிழகத்தில், டெங்கு காய்ச்சலால் உயிரிழப்பவர்களின் எண்ணிக்கை நாளுக்கு நாள் அதிகரித்துவருகிறது. இதற்குக் காரணமான கொசுவை அழிக்கும் நடவடிக்கையில் தமிழக சுகாதாரத்துறை ஈடுபட்டுவருவதோடு, நாேய் எதிர்ப்பு சக்தியை அதிகரிக்க, பாதிக்கப்பட்டவர்களுக்கும் பொதுமக்களுக்கும் நிலவேம்புக் கஷாயத்தை வழங்கிவருகிறது. இதனிடையே, நிலவேம்புக் கஷாயம் தொடர்பாக சர்ச்சை எழுந்தது. இதைத் தொடர்ந்து, நிலவேம்புக் கஷாயம் தொடர்பாக நடிகர் கமல்ஹாசன் கருத்து ஒன்றை வெளியிட்டார். அதில், "சரியான ஆராய்ச்சி முடிவுகள் கிடைக்கும் வரை நம் இயக்கத்தினர் நிலவேம்பு விநியோகத்தில் ஈடுபட வேண்டாம். ஆராய்ச்சியை அலாேபதியர்தான் செய்ய வேண்டுமென்றில்லை. பாரம்பர்யக் காவலர்களே செய்திருக்க வேண்டும். மருந்துக்கு பக்க விளைவுண்டு என்பதும் பாரம்பர்யம்தான்" என்று தெரிவித்திருந்தார்.

 

இதனிடையே, நிலவேம்புக் கஷாயம் தொடர்பாக சர்ச்சைக்குரிய கருத்துகளைத் தெரிவித்துள்ள நடிகர் கமல்ஹாசன் மீது நடவடிக்கை எடுக்கக்கோரி, சென்னை காவல்துறை ஆணையர் அலுவலகத்தில் சமூக ஆர்வலர் தேவராஜன் என்பவர் புகார் அளித்தார். ஆனால், இந்தப் புகாரின் பேரில் காவல்துறையினர் நடவடிக்கை எடுக்கவில்லை. இதனிடையே, கமல்ஹாசன் மீது நடவடிக்கை எடுக்க காவல்துறைக்கு உத்தரவிடக்கோரி, சென்னை உயர் நீதிமன்றத்தில் வழக்குத் தொடர்ந்தார் தேவராஜன். அதில், ''நிலவேம்புக் கஷாயம் குறித்து கமல்ஹாசன் உண்மைக்குப் புறம்பான கருத்துகளைத் தெரிவித்துள்ளார். கமல்ஹாசன் மீது புகார் அளித்தும் காவல்துறை நடவடிக்கை எடுக்கவில்லை. இதனால், கமல்ஹாசன்மீது நடவடிக்கை எடுக்கக் காவல்துறைக்கு உத்தரவிட வேண்டும்" என்று குறிப்பிட்டுள்ளார். இந்த வழக்கு, உயர் நீதிமன்றத்தில் இன்று விசாரணைக்கு வந்தது. அப்போது, மனுதாரரின் புகாரில் முகாந்திரம் இருந்தால், நடிகர் கமல்ஹாசன் மீது வழக்குப் பதியலாம் என்று காவல்துறைக்கு உத்தரவிட்டது.

http://www.vikatan.com/news/tamilnadu/105865-police-can-file-case-against-actor-kamal-if-they-wish-says-chennai-hc.html

Categories: Tamilnadu-news

’எனது நாட்டுப்பற்றை சோதிக்க வேண்டாம்’ - தேசிய கீதம் குறித்து கமல் ட்வீட்

Tue, 24/10/2017 - 20:47
’எனது நாட்டுப்பற்றை சோதிக்க வேண்டாம்’ - தேசிய கீதம் குறித்து கமல் ட்வீட்
 

நடிகர் கமல்ஹாசன் சமீபகாலமாக தொடர்ந்து தனது ட்விட்டர் பக்கத்தில் நாட்டில் நடக்கும் பல விஷயங்கள் குறித்த தனது கருத்தினை ட்விட்டர் பக்கத்தில் பதிவு செய்து வருகிறார். 

kam_23403.jpg

 

திரையரங்குகளில் தேசியகீதம் இசைக்கபட வேண்டும் என்பதும், அவ்வாறு இசைக்கப்படும் போது அனைவரும் எழுந்து நிற்க வேண்டும் என்று நீதிமன்றம் உத்தரவு பிறப்பித்தது.  இந்த உத்தரவுக்கு பல விதமான கருத்துகள் வந்தன. அதன் பின்னர் தொடர்ந்து, திரையரங்கில் ஒவ்வொரு காட்சி தொடங்கும் முன்னர் தேசியகீதம் இசைக்கப்பட்டது. 

இது தொடர்பான வழக்கு ஒன்று உச்ச நீதிமன்றத்தில் நடந்து வந்தது. அண்மையில் இந்த வழக்கை விசாரித்த நீதிபதி, திரையரங்கில் தேசிய கீதம் இசைக்கும் போது கட்டாயமாக எழுந்து நிற்க வேண்டுமா? என கேள்வி எழுப்பினார்? மேலும், ”தேசிய கீதம் இசைக்கும்போது மக்கள் எழுந்து நின்று தேசப்பற்றை நிரூபிக்க வேண்டும் என்று கட்டாயமில்லை. தேசியக் கொடி விதிகளில் திருத்தம் கொண்டு வருவது பற்றி மத்திய அரசு பரிசீலிக்க வேண்டும்.” என உச்ச நீதிமன்றம் நேற்று கருத்து தெரிவித்தது. 

இந்நிலையில் நடிகர் கமல்ஹாசன், தனது ட்விட்டர் பக்கத்தில், “சிங்கப்பூரில் தேசிய கீதம் நள்ளிரவில் இசைக்கப்படும். அதேபோல் இங்கும் பின்பற்றலாம். ஆனால் கண்ட இடங்களில் எனது தேசப்பற்றை கட்டாயப்படுத்தவோ அல்லது சோதிக்கவோ வேண்டாம்” என ட்வீட் செய்துள்ளார். ஏற்கெனவே மெர்சல் படத்தில் சிங்கப்பூரை ஒப்பிட்டு வசனம் பேசியதற்கு தான் சர்ச்சை கிளம்பியது. இந்நிலையில் நடிகர் கமல்ஹாசனும் அதே சிங்கப்பூரை குறிப்பிட்டு ட்வீட் செய்துள்ளது குறிப்பிட தக்கது.

 

http://www.vikatan.com/news/tamilnadu/105836-do-not-force-or-test-my-patriotism-at-various-random-places-kamal-tweet.html

Categories: Tamilnadu-news

'2ஜி' ஸ்பெக்ட்ரம்..குற்றவாளிகள் யார்?..

Tue, 24/10/2017 - 20:24
 
 
 
 '2ஜி', ஸ்பெக்ட்ரம் ,ஊழல், வழக்கில் ,இன்று ,தீர்ப்பு ,தேதி அறிவிப்பு!

புதுடில்லி:காங்கிரஸ் தலைமையிலான ஐக்கிய முற்போக்கு கூட்டணி ஆட்சியின் போது, '2ஜி' ஸ்பெக்ட்ரம் ஒதுக்கீட்டில் நடந்த ஊழல் தொடர்பான வழக்கின் தீர்ப்பு தேதியை,
டில்லி, சி.பி.ஐ., சிறப்பு நீதிமன்ற நீதிபதி, ஓ.பி.சைனி இன்று வெளியிடுகிறார்.

 

 '2ஜி', ஸ்பெக்ட்ரம் ,ஊழல், வழக்கில் ,இன்று ,தீர்ப்பு ,தேதி அறிவிப்பு!

கடந்த, 10 ஆண்டுகளாக பரபரப்பு ஏற்படுத்திய வழக்கில் தீர்ப்பு தேதி வெளியாவதால், அரசியல் திருப்பம் நிகழும் என, தி.மு.க.,வினர் கலக்கம் அடைந்துள்ளனர்.மத்தியில் காங்., தலைமையிலான ஐக்கிய முற்போக்கு கூட்டணி ஆட்சியின்போது, 2007 முதல், 2009 வரை மத்திய தொலைத்தொடர்பு துறை அமைச்சராக, தி.மு.க.,வைச் சேர்ந்த, ராஜா இருந்தார்.

அப்போது, செல்போன் சேவைகளுக்கான, '2ஜி' ஸ்பெக்ட்ரம் ஒதுக்கீடு செய்வதில் மோசடி நடந்ததாக, சி.ஏ.ஜி., எனப்படும் மத்திய கணக்கு தணிக்கை அதிகாரி அறிக்கையில் குறிப்பிடப் பட்டது. இது தொடர்பாக, சி.பி.ஐ., விசாரித்து

வந்தது. இந்த ஊழலில் நடந்துள்ள பண மோசடி குறித்து, மத்திய அமலாக்கத் துறை தனியாக விசாரித்தது.

இந்த வழக்குகளை, டில்லியில் உள்ள, சி.பி.ஐ., சிறப்பு நீதிமன்ற நீதிபதி, ஓ.பி.சைனி விசாரித்து வந்தார். இந்தாண்டு ஏப்ரலில் அனைத்து தரப்பு வாதங்களும் முடிந்தன. அதைத் தொடர்ந்து, வழக்கின் தீர்ப்பு ஒத்திவைக்கப்பட்டது. வழக்கு தொடர்பாக அதிக அளவுஆவணங்களை பரிசீலிக்க வேண்டியுள்ளதாக, நீதிபதி சைனி கூறியிருந்தார். இந்த வழக்கின் தீர்ப்பு தேதி இன்று அறிவிக்கப்பட உள்ளது.

தி.மு.க.,வைச் சேர்ந்த முன்னாள் மத்திய அமைச்சர் ராஜா, தி.மு.க., தலைவர் கருணாநிதியின் மகளும், எம்.பி.,யுமான, கனிமொழி உள்ளிட்டோர் மீது குற்றஞ்சாட்டப் பட்டு உள்ளதால், இந்த வழக்கு அரசியல் முக்கியத்துவம் வாய்ந்ததாக கருதப்படுகிறது. கடந்த, 10 ஆண்டுகளாக பரபரப்பை ஏற்படுத்திய விவகாரத்துக்கு முடிவு ஏற்பட உள்ளது.

ஏற்கனவே, தமிழகத்தில் பல்வேறு பரபரப்பு அரசியல் காட்சிகள் நிகழ்ந்து வரும் நிலையில்,
'2ஜி' வழக்கின் தீர்ப்பால், பல அரசியல் திருப்பம் நிகழும் என்பதால், தி.மு.க.,வினர் கலக்கம் அடைந்துள்ளனர்.
 

குற்றவாளிகள் யார்?:

'2ஜி' ஸ்பெக்ட்ரம்

 

ஊழல் வழக்கு தொடர்பாக, சி.பி.ஐ., விசாரித்தது. தி.மு.க.,வைச் சேர்ந்த முன்னாள் மத்திய அமைச்சர், ராஜா, தி.மு.க., தலைவர் கருணாநிதியின் மகளும், ராஜ்யசபா, எம்.பி.,யுமான, கனிமொழி ஆகியோரை குற்றவாளிகளாக, சி.பி.ஐ., கூறியுள்ளது.

மேலும், தொலைத் தொடர்பு துறை முன்னாள் செயலர், சித்தார்த் பகுரா, ராஜாவின் முன்னாள் உதவியாளர், ஆர்.கே.சந்தோலியா, ஸ்வான் டெலிகாம் நிறுவன உரிமையாளர்கள், ஷாகித் உஸ்மான் பல்வா, வினோத் கோயங்கா, யூனிடெக் நிறுவனத்தின் நிர்வாக இயக்குனர், சஞ்சய் சந்திரா, ரிலையன்ஸ் - அனில் திருபாய் அம்பானி குழுமத்தைச் சேர்ந்த அதிகாரிகளான, கவுதம் தோஷி, சுரேந்திர பிபாரா, ஹரி நாயர் ஆகியோர் மீதும் குற்றச்சாட்டுகள் பதிவு செய்யப்பட்டுள்ளன.

இதற்கிடையே, '2ஜி' ஸ்பெக்ட்ரம் ஒதுக்கீடு வழங்கியதற்கு லஞ்சமாக, ஸ்வான் டெலிகாம் நிறுவனம் மூலம், டி.பி., குழுமம், 200 கோடி ரூபாயை, கலைஞர், 'டிவி'க்கு அளித்ததாகவும் குற்றஞ்சாட்டப்பட்டது.

இது தொடர்பாக, அமலாக்கத் துறை வழக்குப் பதிவு செய்து உள்ளது. அதில், ராஜா, கனிமொழியுடன், தி.மு.க., தலைவர், கருணாநிதியின் மனைவி, தயாளு அம்மாள் உள்ளிட்டோர் குற்றவாளிகளாக சேர்க்கப்பட்டு உள்ளனர்.

http://www.dinamalar.com/news_detail.asp?id=1881565

Categories: Tamilnadu-news

'கவலைப்பட வேண்டாம்... அடுத்து விடுதலைதான்!' - பேரறிவாளன் நம்பிக்கை

Tue, 24/10/2017 - 15:51
'கவலைப்பட வேண்டாம்... அடுத்து விடுதலைதான்!' - பேரறிவாளன் நம்பிக்கை
 

ராஜீவ் காந்தி கொலை வழக்கில் தண்டனைப் பெற்ற பேரறிவாளன் 26 ஆண்டுகள் சிறைவாசத்துக்குப் பிறகு, கடந்த ஆகஸ்ட் மாதம் 24-ம் தேதி முதல் ஒரு மாத காலத்துக்கு பரோலில் வெளியே விட தமிழக அரசு உத்தரவிட்டது. 

Perarivalan_15077.jpg

 


பரோலில் வெளியே வந்த பேரறிவாளன், ஜோலார்பேட்டையில் உள்ள அவரது வீட்டில் தங்கி உடல்நலம் சரியில்லாத அவர் தந்தை ஞானசேகரனை (குயில்தாசன்) கவனித்து வந்தார். ஆனால், அவருக்கு உடல்நிலையில் முன்னேற்றம் இல்லாததால், தந்தையைக் கவனித்துக்கொள்ள மேலும் ஒரு மாதம் பரோலை நீட்டிக்க வேண்டும் என பேரறிவாளனின் தாயார் அற்புதம்மாள் தமிழக முதல்வர் எடப்பாடி பழனிசாமியைச் சந்தித்து மனு அளித்தார். அதுமட்டுமின்றி மற்ற அரசியல் தலைவர்களும் பரோலை நீட்டிக்க குரல் கொடுத்தனர். அதைத் தொடர்ந்து மேலும் ஒரு மாத காலத்துக்கு பரோலை நீட்டித்து உத்தரவிட்டது தமிழக அரசு. அதன் காலம் அக்டோபர் 24-ம் தேதியான இன்றோடு முடிந்தது. அதன்படி மாலை 2 மணிக்கு வேலூர் மத்திய சிறையிலிருந்து பேரறிவாளனை அழைத்துச் செல்ல எஸ்கார்ட் வாகனம் ஜோலார்பேட்டையில் உள்ள பேரறிவாளன் வீட்டுக்கு வந்தது. மதியம் 3 மணிக்கு பலத்த பாதுகாப்போடு பேரறிவாளனை சிறைக்கு அழைத்துச் சென்றது போலீஸ். 

கண்ணீர் வடித்த அற்புதம்மாள்: 

பேரறிவாளனுக்குச் சிறுநீரக நோய் உள்ளதால் பரோலில் வந்த இரண்டு மாதமும் பேரறிவாளனை பக்கத்திலேயே இருந்து கவனித்துக் கொண்டார் அற்புதம்மாள். இந்த இரண்டு மாதகாலம் அண்ணன், ஆசைப்பட்டதையெல்லாம் சமைத்துக் கொடுத்தனர் பேரறிவாளனின்  சகோதரிகள். ஓரளவுக்கு உடல் நலம் தேறியுள்ள நிலையில் மீண்டும் அந்த இருட்டறை சிறைவாச வாழ்க்கைக்குச் செல்வதை நினைத்து கண்ணீர் வடித்தார் அற்புதம்மாள்.

மோசமான நிலையில் பேரறிவாளன் தந்தை ஞானசேகரன்:

பேரறிவாளன் தந்தை ஞானசேகரன் கடுமையான நோயால் பாதிக்கப்பட்டு சென்னை ராஜீவ் காந்தி மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுவரை அவரின் உடல் நிலையில் முன்னேற்றம் இல்லாமல் உள்ளது. இந்த நிலையில் பேரறிவாளன் சிறைக்குச் செல்வது மேலும் அவரைப் பாதிக்கும் என்று கருதப்படுகிறது.

 

அடுத்து விடுதலைதான்:

பரோல் முடிந்து பேரறிவாளன் வீட்டில் இருந்து வெளியே வந்ததும், ஜோலார்பேட்டை மக்கள் அவரைக் காண சூழ்ந்துகொண்டனர். அப்போது ஊர் மக்களைப் பார்த்து பேரறிவாளன் சிரித்த முகத்துடன் ' யாரும் கவலைப்பட வேண்டாம் அடுத்தது விடுதலைதான்’ என்று கூறினார். 

http://www.vikatan.com/news/tamilnadu/105779-perarivalan-returns-to-vellore-central-jail-after-2-month-parole-ends.html

Categories: Tamilnadu-news

உயிரோடு இருப்பவர்களின் படங்களுடன் பேனர் வைப்பதைத் தடைசெய்ய சென்னை உயர்நீதிமன்றம் உத்தரவு

Tue, 24/10/2017 - 15:51
உயிரோடு இருப்பவர்களின் படங்களுடன் பேனர் வைப்பதைத் தடைசெய்ய சென்னை உயர்நீதிமன்றம் உத்தரவு

தமிழ்நாட்டில் உயிருடன் இருப்பவர்களின் படங்களுடன் பேனர்கள், ஃப்ளெக்ஸ் போர்டுகளை, பதாகைகளை வைப்பதற்கு தடைசெய்யும் வகையில் விதிகளை உருவாக்க சென்னை உயர் நீதிமன்றம் உத்தரவிட்டுள்ளது.

பேனர் வைப்பதைத் தடைசெய்ய சென்னை உயர்நீதிமன்றம் உத்தரவுபடத்தின் காப்புரிமைGETTY IMAGES Image caption(கோப்புப் படம்)

தமிழ்நாட்டில் திறந்தவெளி இடங்களை அழகாக வைத்துக்கொள்ளும் நோக்கில், எந்த ஒரு சுவற்றிலும் அனுமதி இல்லாமல் எழுதுவதைத் தடுக்கவும், பேனர்கள் வைக்கும்போது உயிருடன் இருப்பவர்களின் படங்களை அதில் பயன்படுத்தாமல் இருக்கவும் ஏற்ற வகையில் தமிழ்நாடு திறந்தவெளி இடங்களை சீர்குலைப்பதைத் தடுக்கும் சட்டத்தை திருத்த தமிழக அரசுக்கு சென்னை உயர்நீதிமன்றம் உத்தரவிட்டுள்ளது.

மேலும் இம்மாதிரி பேனர்களை வைப்பவர்கள், தங்களை படங்களையே அதில் போட்டுக்கொள்ளக்கூடாது என்றும் நீதிமன்றம் கூறியுள்ளது. இது தொடர்பாக உள்ளாட்சி அமைப்புகளின் அதிகாரிகளுக்கு சுற்றறிக்கை அனுப்பவும் நீதிமன்றம் உத்தரவிட்டுள்ளது.

சென்னை அரும்பாக்கத்தைச் சேர்ந்த திருலோச்சன குமாரி என்பவர் சென்னை உயர் நீதிமன்றத்தில் வழக்கு ஒன்றைத் தொடர்ந்திருந்தார். தனக்குச் சொந்தமான இடத்தின் முன்பாக ஒரு அமைப்பைச் சேர்ந்தவர்கள், அந்த அமைப்பின் பெயர்ப் பலகையுடன் கொடி ஒன்றை வைத்திருப்பதாகவும் இது தொடர்பாக காவல்துறையிடம் புகார் தெரிவித்தபோது, காவல்துறையினர் தன் மீது வன்கொடுமை தடுப்புச் சட்டத்தின் கீழ் நடவடிக்கை எடுக்கப்படும் என்று மிரட்டியதாகவும் தனது மனுவில் திருலோச்சன குமாரி கூறியிருந்தார்.

ஆகவே, தனக்குச் சொந்தமான இடத்தின் முன்பாக உள்ள பலகை, கொடி ஆகியவற்றை மாநகராட்சி அதிகாரிகள் அகற்ற வேண்டும், அதற்கு காவல்துறை உதவ வேண்டுமென உத்தரவிடக் கோரி இந்த மனுவை திருலோச்சன குமாரி தாக்கல் செய்திருந்தார்.

இந்த வழக்கை விசாரித்த நீதிபதி வைத்தியநாதன், உடனடியாக மனுதாரருக்குச் சொந்தமான வீட்டின் முன்பாக உள்ள பலகைகையும் கொடியையும் அகற்றும்படி உத்தரவிட்டார்.

மேலும் நகரில் அனுமதியில்லாமல் வைக்கப்பட்டிருக்கும் பலகைகள் உள்ளிட்டவை உடனடியாக அகற்றப்பட வேண்டுமென்றும் யாராவது அதைத் தடுத்தால் அவர்கள் மீது காவல்துறை வழக்குப் பதிவுசெய்ய வேண்டுமென்றும் நீதிபதி உத்தரவிட்டார்.

http://www.bbc.com/tamil/india-41739148

Categories: Tamilnadu-news

ரஜினி... கமல்... விஜய்... விஷால் - அரசியலுக்கு யார் ஃபர்ஸ்ட்?

Tue, 24/10/2017 - 11:35
ரஜினி... கமல்... விஜய்... விஷால் - அரசியலுக்கு யார் ஃபர்ஸ்ட்?
 

 

‘வரமாட்டேன்’ என்று சொல்லி வந்த கமல், இப்போது ‘கண்டிப்பாக வருவேன்’ என்கிறார். ‘வருவேன்... வருவேன்...’ என 20 ஆண்டுகளுக்கும் மேலாக போக்குக் காட்டிக்கொண்டிருந்த ரஜினியும் இம்முறை வந்துவிடுவார் என்றே தெரிகிறது. விஜய் இப்போதைய அரசியல் கள நிலவரத்தையும், தன் சீனியர்களான ரஜினி-கமல் இருவரின் நகர்வுகளையும் கவனித்து வருகிறார். விஷாலோ தனக்கான காலம் கனியும் எனக் காத்திருக்கிறார். ‘இந்த நால்வரும் என்ன திட்டங்கள் வைத்திருக்கிறார்கள்... அரசியலுக்கு வந்தால் கள நிலவரம் அவர்களுக்குக் கைகொடுக்குமா?’ இவர்களுக்கு நெருக்கமானவர்களிடம் பேசியதிலிருந்து...

p36c.jpg

ரசிகர்களின் மனநிலையை ரஜினியிடம் தொடர்ந்து பிரதிபலிக்கும் கொங்கு மண்டலத்தைச் சேர்ந்த ரஜினி ரசிகர் மன்ற நிர்வாகி ஒருவரிடம் முதலில் பேசினோம். ‘அரசியலில் தடம்பதிக்க ரஜினிக்குத் தகுதியில்லை’ என்கிறவர்களுக்குப் பதிலாக இருந்தன அவரின் கருத்துகள். ‘‘இப்போது அரசாங்கம் தாலிக்குத் தங்கம் கொடுத்து வருகிறதே, இதற்கெல்லாம் முன்னோடியாக 1981-ம் ஆண்டே காஞ்சிபுரத்தில் நடந்த மூன்று ரசிகர்கள் திருமணங்களுக்குத் தாலிக்கு தலா இரண்டு சவரன் தங்கம் கொடுத்தவர் ரஜினி. அந்த ஒரு கல்யாணத்தோடு நின்றுவிடவில்லை. பவுன் தரும் பணிகள் தொடர்ந்து நடந்தன. ‘அருணாச்சலம்’ படத்துக்குப் பிறகு அந்தப் பெயரிலேயே அறக்கட்டளை ஆரம்பித்து மாணவ, மாணவிகளுக்கு எவ்வித சுயவிளம்பரமும் இல்லாமல் கல்விச் செலவுகள் செய்துவருகிறார்.

2005-ல் எங்கள் தலைவர் செய்த உதவி இன்றுவரை உலகத்துக்குத் தெரியவே தெரியாது. ராமேஸ்வரம் மண்டபத்துக்குப் படகில் வந்த இலங்கை அகதிகள் குடும்பங்கள், பசியில் தவிப்பதாக துயரச்செய்தி கிடைத்தது. பாய், தலையணை, உடைகள், குழந்தைகளுக்குப் பால் பவுடர், அரிசி மூட்டைகள், துவரம் பருப்பு என்று மொத்தம் 250 குடும்பங்களுக்கு ஒரு கன்டெய்னர் லாரியில் அனுப்பி வைத்தார். அதுபோலவே வேலூர், புழல் மற்றும் புதுச்சேரியில் இருக்கும் இலங்கை அகதிகளின் குடும்பங்களுக்கும் தேடிப்போய் உதவி செய்தார். அரசாங்கத்தின் அனுமதி இல்லாமல் அகதிகளுக்குத் தன்னிச்சையாக உதவக்கூடாது என்று சட்டமே இருக்கிறது. இப்போதுகூட எழிலகம் சென்று அங்குள்ள ரெக்கார்டுகளைப் புரட்டிப் பார்த்தால், இந்த வரலாறு புரியும். அவரைப் பார்த்து  ‘நீங்கள் தமிழரா’ என்று கேட்பது எந்தவிதத்தில் நியாயம். 

p36d.jpg

சென்னையையும், கடலூரையும் வெள்ளம் தாக்கியபோது நிவாரணத் தொகையாக முதல்வரிடம் ஐந்து லட்ச ரூபாய் நிதி கொடுத்ததைக்கூட சிலர் கேலி பேசினார்கள். ஒரு உண்மை தெரியுமா? சென்னையிலிருந்து கடலூருக்கு லாரிகளில் 20 லட்ச ரூபாய் மதிப்புள்ள நிவாரணப் பொருள்களை அனுப்பி வைத்தார். 2015-ம் ஆண்டு சென்னையில் வெள்ளத்தால் பாதிக்கப்பட்ட பகுதிகளைச் சீரமைக்க வந்த துப்புரவுத் தொழிலாளர்களுக்குத் தன்னுடைய ஸ்ரீராகவேந்திரா மண்டபத்தில் தங்குவதற்கு இடம்கொடுத்தார்.

ரசிகர் மன்றங்கள் ஆரம்பித்த காலத்திலேயே ரஜினிக்கு 50 ஆயிரத்துக்கும் மேற்பட்ட மன்றங்கள் இருந்தன. ‘தலைவர் அரசியலுக்கு வருவாரோ, மாட்டாரோ’ என்ற சந்தேகத்தில் இடையே தொய்வு ஏற்பட்டது என்னவோ உண்மைதான். ஆனால், ஒரேயடியாக நாங்கள் நம்பிக்கை இழக்கவில்லை. கடந்த மே மாதம் நடந்த ரசிகர்கள் சந்திப்பில் ‘போருக்குத் தயாராவீர்’ என்று அவர் அறிவித்ததும், நாங்கள் தயாராகிவிட்டோம். அநேகமாக டிசம்பரில் ரசிகர்கள் சந்திப்பு நடைபெறும். அப்போது தமிழகமே ஆவலோடு எதிர்பார்க்கும் அனைத்து கேள்விகளுக்கும் விடையளிப்பார் தலைவர்’’ என விரிவாகச் சொன்னார் அவர்.

பினராயி விஜயன், அர்விந்த் கெஜ்ரிவால் சந்திப்புகள், ‘ஆனந்த விகடன்’ தொடர் என கமல்ஹாசன் அரசியல் டேக்ஆஃப் ஆகிவிட்டது. கமல் அரசியலுக்கு வருவது பற்றிப் பேசிய பாரதிராஜா, ‘‘கமலுக்கு அரசியல் தெரியாது என்று மட்டும் சொல்லாதீர்கள். அவன் வந்தான் என்றால் முழுசா கத்துக்கிட்டு வருவான். தாங்க மாட்டீங்க’’ என்றார். இப்போது அதுதான் நடக்கிறது. பல துறை நிபுணர்களைச் சந்தித்துவரும் கமல், தீர்வுகளாக அவர்கள் முன்வைக்கும் விஷயங்களையும் கேட்டறிந்து வருகிறார். தவிர மற்ற கட்சி நண்பர்கள் சிலரையும் கமல் தொடர்ந்து சந்தித்து ஆலோசனை நடத்தி வருகிறார். தன் நற்பணி இயக்க நிர்வாகிகளிடமும் விவாதித்து வருகிறார்.

p36a.jpg

இந்த நிலையில் கமலின் அரசியல் நிலைப்பாடு குறித்து, அவரின் மூத்த சகோதரர் சாருஹாசனிடம் கேட்டோம். ‘‘அரசியலில் வெற்றிபெற ஒரு பொய்யான தெய்வ வழிபாடு தேவை. அந்த வழிபாடு இல்லாதது கமலுக்கு ஒரு குறை. தமிழக மக்கள் பொய்யிலேயே வளர்ந்தவர்கள். உண்மை பேசும் கமல், தேர்தல் அரசியலுக்கு வரும்போது அவரை ஏற்பார்களா என்பது எனக்குத் தெரியாது. மக்கள் பொய்யை நம்பா விட்டாலும், அதை விரும்பி ஏற்றுக்கொள்பவர்கள். ‘மக்கள் வரிப் பணத்தைக் குறைந்தபட்சம் 60 கோடியை யாரெல்லாம் தனதாக்கிக்கொள்ளும் திறமை கொண்டவர்களோ, அவர்களே தமிழகத்தை ஆட்சிசெய்யத் தகுதியானவர்கள்’ என்பது நம் தமிழ் மக்கள், அரசியல்வாதிகளுக்கு விடுத்துள்ள கட்டளையாகத்தான் கடந்த தேர்தல் முடிவைப் பார்க்க வேண்டியுள்ளது.

p36.jpgஇந்தியாவில் இதுவரை எத்தனையோ சினிமாக்காரர்கள் அரசியலுக்கு வந்து வெற்றி கண்டுள்ளார்கள்; தோல்வியும் அடைந்திருக்கிறார்கள். அப்படி இருந்தும் கமல் அரசியல் பேசுவதுதான் மக்களுக்கு ஏனோ புதிதாக இருக்கிறது. இதுவரை ரஜினி, கமல் என்ற இந்த இரண்டு பெயர்களைத் தவிர வேறு யாரையும் நோக்கி இந்தளவுக்கு ஆச்சர்யக் கேள்விகள் எழுந்ததில்லை. இப்போது எனக்குத் தெரிந்த கேள்வி இது ஒன்றுதான். கமலைப் பார்த்து, ‘ஏன் அரசியலுக்கு வருகிறாய்?’ என்று கேட்பவர்கள், ரஜினியைப் பார்த்து, ‘நீங்கள் ஏன் இன்னும் அரசியலுக்குள் தீர்க்கமாக நுழையவில்லை?’ என்று கேட்காமல் இருப்பதிலேயே அவர்களின் நோக்கம் தெளிவாகத் தெரிகிறது’’ என்றார் அவர்.

முதலில் நடிகர் சங்கம், அடுத்து தமிழ்த் திரைப்படத் தயாரிப்பாளர்கள் சங்கம் என்று குறிவைத்து வெற்றிபெற்ற விஷாலின் அடுத்த அரசியல் மூவ் என்ன? விஷால் ரசிகர் மன்றத் தலைவர் ஜெயசீலனிடம் கேட்டோம். “எந்த நடிகருக்குத்தான் அரசியல் ஆசை இல்லை? இதில் விஷால் சார் மட்டும் விதிவிலக்கா என்ன? தயாரிப்பாளர்கள் சங்கத் தலைவராகப் போட்டியிட்டு வென்றார். இதுவரை யாரும் தொடுவதற்குப் பயந்த ஃபெப்சி பிரச்னையைத் தைரியமாகக்  கையாண்டார். சினிமாவில் ஜெயித்த விஷால் சார், அரசியலிலும் ஜெயிக்கவேண்டும் என்பது தமிழ்நாட்டின் 16 ஆயிரம் ரசிகர் மன்றங்களின் ஆசை. டெல்லியில் நடைபெற்ற விவசாயிகள் போராட்டத்தில் கலந்துகொண்டது, ஒரத்தநாட்டில் விவசாயக் கடனைக் கட்ட முடியாததால் டிராக்டரைப் பறிகொடுத்த விவசாயிக்கு உதவியது என விஷால் சாருக்கு இரக்க குணம் இயல்பிலேயே இருக்கிறது. நிர்வாகத் திறனும் உதவி மனப்பான்மையும் கொண்ட விஷால் சார் அரசியலுக்கு வரவேண்டியது காலத்தின் கட்டாயம்” என்றார்.
 
எல்லாக் கட்சிகளும் ஒதுங்கி நின்று இவர்களை வேடிக்கை பார்க்கும் நிலைமை வருமோ?!

- எம்.குணா

மெர்சல் சொல்லும் மெஸேஜ் !

p36b.jpg

‘‘அரசியல்வாதிகள், அரசாங்க அதிகாரிகள் இனி எப்போதும் அரசு மருத்துவமனையில் மட்டுமே சிகிச்சை எடுத்துக்கொண்டால் அரசு மருத்துவமனை தரமானதாக வளரும்... அனைவருக்கும் இலவச மருத்துவமும் கிடைக்கும்’’ என்ற சமூக வசனத்துக்கு தியேட்டரில் வெடி. தமிழன் வேட்டிப் பெருமிதம், வெளிநாட்டில் தாய்மொழியில் பேசுவதன் மூலம் தமிழ்ப் பெருமிதம் எனத் தமிழர் அடையாளம் இன்னொரு பக்கம். கம்யூனிச அடையாளத்தையும், சமூகப் போராளி அடையாளத்தையும் கலந்து கட்டியுள்ளார் விஜய்.

விஜய்யின் இப்போதைய ஆர்வம் பற்றி மன்ற முக்கிய நிர்வாகிகள் சிலர் விளக்கமாகப் பேசினர். “இன்று ஒரு கட்சி கட்டமைப்பைப் போல கிளை வரை வேர் பரப்பியுள்ளன எங்கள் மன்றங்கள். கிளைக்கு 28 பேர் என 65 ஆயிரம் மன்றங்கள் உள்ளன. (விஜய் மக்கள் இயக்கம் உட்பட) நேரம் கிடைக்கும்போதெல்லாம் தம்முடைய நீலாங்கரை வீட்டருகே உள்ள அலுவலகத்தில் அனைத்து மாவட்ட நிர்வாகிகள், மன்றத்தினரை விஜய் சந்தித்துப் புகைப்படம் எடுத்துக்கொள்வார். அப்போது அவர்களிடமும் கருத்துகளைக் கேட்பார். இந்த ஆண்டு தொடக்கத்திலேயே ‘மன்ற விழாக்களைப் பரவலாக்குங்கள்’ என மாநில தலைமையிடமிருந்து உத்தரவு வந்தது. அதன்பிறகு வந்த உத்தரவுக்கேற்ப, வறட்சியால் பாதிக்கப்பட்ட மாவட்டங்களில், ஏரிகளைத் தூர்வாரும் பணிகளை ரசிகர் மன்றத்தினர் செய்தனர். மாவட்ட அளவில் மன்றக் கூட்டங்கள் நடத்தி, அதில் பேச்சுப் பயிற்சியும், எழுதும் பயிற்சிகளும் மன்ற உறுப்பினர்களுக்குக் கொடுக்கப்பட்டன. மேலும் மாநில அளவிலான ஆலோசனைக் கூட்டத்தில், மக்களை இப்போது பாதிக்கும் பிரச்னைகள் பற்றியெல்லாம் பேசப்பட்டன. இதன் தொடர்ச்சியாகத்தான் ‘மெர்சல்’ டயலாக்குகள் அமைந்தன’’ என்றனர்.

விஜய் ரசிகர் மன்றத்தின் அகில இந்தியத் தலைவர் புஸ்ஸி ஆனந்திடம் பேசினோம். “பிரபலங்களைச் சுற்றி நிறைய யூகங்கள் வெளியாகும். விஜய் சாரை  பொறுத்தவரை மக்களுக்கு நல்ல நல்ல கருத்துகளைத் தமது படங்களின் மூலம் வெளிப்படுத்துபவர். அதையே தமது மன்றங்கள் மூலமும் செயல் வடிவத்தில் கொண்டுவருகிறார். அதனால்தான் மக்களுக்குப் பல நல்ல விஷயங்களை அவரால் செய்ய முடிகிறது. அவர் நினைப்பது போல நாங்களும் செயல்படுகிறோம்’’ என்றார்.

‘மெர்சல்’ படத்தில் இடம் பெற்றுள்ள ஜி.எஸ்.டி., டிஜிட்டல் இந்தியாவுக்கு எதிரான காட்சிகளை நீக்க வேண்டும் என்று பி.ஜே.பி மாநிலத் தலைவர் தமிழிசை கண்டனம் எழுப்பியுள்ளதைக் கவனிக்க வேண்டியிருக்கிறது.

தமிழக அரசியல் வெற்றிடத்தில் தம்மை எம்.ஜி.ஆராக முன்னிறுத்தும் அரசியலுக்கு, ‘மெர்சல்’ மூலம் அடித்தளமிட்டுள்ளார் விஜய்.

- சே.த.இளங்கோவன்

‘‘விஜய்யின் முதல் மூவ்!’’

டைகளையும் டென்ஷனையும் தாண்டி தீபாவளிக்கு ரிலீஸான விஜய்யின் ‘மெர்சல்’ படத்தை, அவரின் அரசியல் பயணத்துக்கான முன்னோட்டம் எனச் சொல்லலாம். படத்தில் விஜய் தோன்றும் முதல் காட்சியின்போது பின்னணியில் எம்.ஜி.ஆர் பாடல் ஒலிக்கிறது. தொடர்ந்து எம்.ஜி.ஆரின் புகைப்படம், அவரின் திரைக்காட்சிகள்... என ஆங்காங்கே எம்.ஜி.ஆர் ரெஃபரென்ஸ்கள். ‘‘தலைமை இல்லாமல் தவிக்கும் அ.தி.மு.க-வினரைத் தன் பக்கம் நகர்த்திக்கொண்டுவர இது விஜய்யின் முதல் மூவ்’’ என்கின்றனர் அரசியல் அறிந்தவர்கள்.

அதேபோல படத்தில் மத்திய, மாநில அரசுகளைக் கலாய் விமர்சனங்கள் மூலம் குத்திக்காட்டியிருக்கிறார். கதைப்படி க்ளைமாக்ஸில் கைதாகும் விஜய், மீடியா முன் பேசுவார். அப்போது அவரின் பேட்டியை டி.வி-யில் பார்த்துக்கொண்டிருக்கும் மாநில அமைச்சர்கள் மிக்சர் சாப்பிட்டபடி காட்சி தருவார்கள். அதே பேட்டியில், ‘‘சிங்கப்பூரில் 7 சதவிகித ஜி.எஸ்.டி. ஆனால், அங்கு மருத்துவம் இலவசம். இங்கு 28 சதவிகித ஜி.எஸ்.டி, ஆனால் மருத்துவம் இங்கு மிகப்பெரிய வியாபாரம்’’ என்பார்.

முன்னதாக கதைப்படி விஜய்யும் வடிவேலுவும் ஃபாரின் செல்வார்கள். அங்கு வடிவேலுவின் பர்ஸை ஒரு கும்பல் வழிப்பறி செய்யும். ஆனால், அந்த பர்ஸில் பணமே இருக்காது. அதற்கு வடிவேலு அந்தக் கும்பலிடம், ‘‘இண்டியாவில் நோ மணி, ஒன்லி டிஜிட்டல் மணி’’ என்று பேசுவதாக டயலாக் வரும். முன்னதாக டி.வி ஒன்றுக்குப் பேட்டி தரும் மருத்துவர் விஜய்யிடம், ‘‘எப்படி 5 ரூபாய்க்கு ட்ரீட்மென்ட் சாத்தியம்’’ என்ற கேள்வி முன்வைக்கப்படும். அதற்கு, ‘‘இலவச டி.வி, மிக்ஸி, கிரைண்டர் தரும்போது மருத்துவத்தை இலவசமாகத் தரமுடியாதா’’ என்று எதிர்கேள்வி கேட்பார்.

நிச்சயம் ‘மெர்சல்’ அரசியல் வட்டாரத்தை மெர்சலாக்கியிருக்கிறது. 

http://www.vikatan.com

Categories: Tamilnadu-news

ஆன்டி இந்தியன்... தமிழ் பொறுக்கீஸ்... ஜோஸப் விஜய்... பதில் சொல்வாரா பிரதமர் மோடி?!

Tue, 24/10/2017 - 10:48
ஆன்டி இந்தியன்... தமிழ் பொறுக்கீஸ்... ஜோஸப் விஜய்... பதில் சொல்வாரா பிரதமர் மோடி?!
 
 

இந்தியா ஒரு மதச்சார்பற்ற நாடு; இந்தியாவின் பலம் வேற்றுமையில் ஒற்றுமை; இந்தியன் என்ற உணர்வால் ஒன்றுபட்டு இருக்கிறோம் என்று பள்ளிப் பாடப்புத்தகங்கங்கள் நம் குழந்தைகளுக்குப் போதிக்கின்றன. ஆனால், இந்த கொள்கைகளுக்கு முரணாக இருக்கின்றன, மத்தியில் ஆளும் பி.ஜே.பி-யின் முக்கியத் தலைவர்களின் பேச்சுக்கள். பொறுப்புமிக்க தலைவர்கள் உதிர்க்கக்கூடிய சொற்களாக அவை இல்லை என்பது வருத்தத்துக்குரியது. 

ஜோஸப் விஜய்!

 

விஜய்

‘மெர்சல்’ படத்தில், ஜி.எஸ்.டி மற்றும் பணமதிப்பு நீக்கம் குறித்த வசனங்கள் இடம்பெற்றதற்காக, நடிகர் விஜய்மீது பி.ஜே.பி-யினர் பாய்கிறார்கள். அவரை, மதரீதியான உள்நோக்கத்துடன் தாக்குகிறார்கள். பி.ஜே.பி-யின் தேசியச் செயலாளரான ஹெச்.ராஜா, ‘ஜோஸப் விஜய்’ என்று குறிப்பிடுகிறார். இதன் நோக்கம் என்ன? இது, அரசின் பொருளாதார நடவடிக்கைகளை விமர்சிக்கிற வசனங்கள் பற்றிய சர்ச்சை. இதில், எங்கிருந்து வந்தது மதம்? இந்தியாவில், 2015 ஜனவரி முதல் 2016 மே வரை, 18 மாதங்களில் 1,029 மதக்கலவரங்கள் நடந்துள்ளன. அவற்றில், 135 பேர் உயிரிழந்துள்ளனர். மத நோக்கத்துடன் பேசும் இந்தத் தலைவர்கள், ஏன் இந்த மதக்கலவரங்களைத் தடுக்கவில்லை. உலகளவில், மதக் கலவரங்களால் பாதிக்கப்படும் நாடுகளின் பட்டியலில் 4-வது இடத்தில் இந்தியா உள்ளது. இதற்கு, இந்தத் தலைவர்கள் என்ன பதில் சொல்வார்கள்?

ஆன்டி இந்தியன்!

உயர்மதிப்புமிக்க ரூபாய் நோட்டுகள் செல்லாது என்று பிரதமர் மோடி அறிவித்த பிறகு, பல வாரங்களுக்கு வங்கிகள் மற்றும் ஏ.டி.எம்-கள் முன்பாக லட்சக்கணக்கான மக்கள் காத்துக்கிடந்த துயரத்தை ஒருபோதும் மறக்க முடியாது. பிரதமரின் அறிவிப்பு வெளியாகி, முதல் 50 நாள்களில் 100-க்கும் மேற்பட்டோர் மரணமடைந்ததை மறைக்கவும் முடியாது. மக்களை வெகுவாகப் பாதித்த அந்த நடவடிக்கைக்காகப் பிரதமரை விமர்சித்தவர்களை, ‘ஆன்டி இந்தியன்’ என்று பி.ஜே.பி தலைவர்கள் முத்திரை குத்தினார்கள். காங்கிரஸ் கட்சி ஆட்சியில் இருந்தபோது எடுக்கப்பட்ட பல நடவடிக்கைகளை பி.ஜே.பி-யினர் எதிர்க்கவில்லையா? பிரதமரையும், காங்கிரஸ் தலைவர் சோனியாகாந்தி உள்ளிட்டவர்களையும் பி.ஜே.பி-யினர் கடுமையாக விமர்சிக்கவில்லையா? அந்த பி.ஜே.பி தலைவர்களும் ஆன்டி இந்தியர்கள்தானா?

மோடி

தமிழ் பொறுக்கிகள்! 

கலாசாரம், பண்பாடு, சுற்றுச்சூழல் தொடர்பான பிரச்னைகளுக்காகத் தமிழக மக்கள் போராடுகிறபோதெல்லாம், அவர்களைப் ‘பொறுக்கிகள்’ என்று பொறுப்பில்லாமல் வசைபாடுவதை வழக்கமாக வைத்துள்ளார், ‘மூத்த’ தலைவர் ஒருவர். அனைத்து மாநில மக்களுக்கும் தங்களது உரிமைகளை அரசிடம் கேட்கிற, அதற்காகப் போராடுகிற உரிமைகளை அரசியல் சட்டம் வழங்கியிருக்கிறது. அந்த வகையில், தங்களின் பாரம்பர்ய விளையாட்டான ஜல்லிக்கட்டு மீதான தடையை விலக்க வேண்டும் என்று ஒட்டுமொத்தத் தமிழகமும் கிளர்ந்தெழுந்துப் போராடியது.  இந்தப் போராட்டத்தை நடத்தியவர்களையும், அதற்கு ஆதரவளித்தவர்களையும் ‘தமிழ் பொறுக்கிகள்’ என்று குறிப்பிட்டார் பி.ஜே.பி-யின் மூத்த தலைவர் சுப்பிரமணியன் சுவாமி. 

அரசின் திட்டங்கள், மக்களுக்கு பாதிப்பை ஏற்படுத்துகிறது என்றால், அதை எதிர்த்துப் பாதிக்கப்படுகிற அந்த மக்கள் போராடுவது தவறா? கூடங்குளத்தில் அணுமின் நிலையத்தை எதிர்த்து மக்கள் போராடுகிறார்கள். விளைநிலங்கள் மற்றும் சுற்றுச்சூழலைப் பாதிக்கிறது என்பதற்காக ஹைட்ரோ கார்பன் திட்டத்தை எதிர்த்து நெடுவாசல் மற்றும் கதிராமங்கலத்தில் மக்கள் போராடுகிறார்கள். மீத்தேன் திட்டத்துக்கு எதிராக தஞ்சை, நாகை மாவட்டங்களில் விவசாயிகள் போராடுகிறார்கள். ஒரு விஷயம் தங்களை பாதிக்கிறது என்றால், அதற்கு எதிராகப் போராடாமல் என்ன செய்வார்கள்? ஜனநாயக முறைப்படி, அரசியல் சட்டம் வழங்கியுள்ள உரிமைகளின்படி, போராடுகிற மக்களை, பொறுக்கிகள் என்று சொல்வது நாகரிகமான செயல்தானா?  

 

இப்படி ஒருவரது மதம், ஒரு மாநில மக்களின் உரிமை, ஒரு நாட்டின் குடிமகன் என்ற விஷயங்களை எல்லாம் நீங்கள் கொச்சைப்படுத்துவீர்கள். ஆன்டி இந்தியன்... தமிழ் பொறுக்கிகள்... ஜோஸப் விஜய்... இன்னும் என்னவெல்லாம் பி.ஜே.பி தலலைவர்கள் தமிழக மக்களை விமர்சிப்பார்கள்.. இதற்கெல்லாம் பதில் சொல்ல வேண்டிய கட்டாயம் ஒரு இந்திய குடிமகனாய் பிரதமர் மோடிக்கும் இருக்கிறது. பதில் சொல்லுங்கள் பாரதப் பிரதமரே!

http://www.vikatan.com/news/coverstory/105747-bjp-leaders-continuously-attacking-tamil-people-emotions.html

Categories: Tamilnadu-news

மெர்சல் படத்துக்கும் இன அழிப்பிற்கும் என்ன சம்மந்தம்? சீறிப்பாய்ந்த குஷ்பு!

Tue, 24/10/2017 - 10:14

இலங்கையில் இன அழிப்பு போர் நடத்தியதற்கு காங்கிரஸ் துணைபோன போது ராகுல் காந்தி எங்கே போனார்? இப்பொழுது மட்டும் தமிழின் பெருமை குறித்து பேசுகிறாரே? என தமிழக பாஜக தலைவர் தமிழிசை சவுந்தரராஜன் எழுப்பிய கேள்விக்கு நடிகை குஷ்பு பதிலளித்துள்ளார்.

இதுகுறித்து காங்கிரஸ் கட்சியின் செய்தித் தொடர்பாடலாளரான குஷ்பு தனது ட்விட்டர் பக்கத்தில் தெரிவித்துள்ளார்.

மெர்சல் படத்துக்கும் இன அழிப்பிற்கும் என்ன சம்மந்தம்? சீறிப்பாய்ந்த குஷ்பு!

"ஏன் மேடம், அரைச்ச மாவே திரும்ப திரும்ப அரைக்கறீங்க. இதில் மெர்சலைப் பற்றி நீங்கள் பேசாமல் இருப்பதனால் மட்டும் எதுவும் மாறிவிடாது. அதற்கும் (மெர்சல்) நீங்கள் பேசுவதற்கும் (இன அழிப்பு) என்ன சம்மந்தம். நிஜப் பிரச்சினைகள் பற்றிப் பேசுவோம்.

எங்களிடம் மோடி இருக்கிறார், டிரம்பால் கூட எங்களை எதுவும் செய்ய முடியாது என்று சொன்ன அதிமுக அமைச்சருக்கு பதில் சொல்லுங்கள். தமிழகத்தின் உண்மையான பிரச்சினை டெங்கு. அது பலரை தினம் தினம் சாகடிக்கிறது. அது அதிமுகவின் மிகப்பெரிய தோல்வி. எப்படி மக்களைக் காப்பாற்றுவது என்று எல்லோரும் சேர்ந்து பேசுவோம்.

சட்டம் ஒழுங்கு இல்லை. தமிழகத்தில் வளர்ச்சி இல்லை. முதல்வர் ஈபிஎஸ் வளர்ச்சி பற்றி பேசுகிறார். எப்போ, எங்கே,  யாருடைய வளர்ச்சி? கண்டிப்பாக மக்களிடம் இல்லை. அதை பற்றிப் பேசுங்கள். ஒரு கட்சியாக திரைப்படத்தில் இருக்கும் 2 வசனங்களைக் கூட உங்களால் தாங்க முடியவில்லை என்றால், மன்னித்துவிடுங்கள், நீங்கள் அவ்வளவு பயத்தில் இருக்கிறீர்கள். மோடி அவர்களின் நண்பர் ஒபாமா சொன்னதைப் படியுங்கள்" எனக் கூறியுள்ளார்.

முன்னதாக, மெர்சல் படத்துக்கு பாஜக எதிர்ப்பு தெரிவிப்பது தொடர்பாக காங்கிரஸ் துணைத் தலைவர் ராகுல் காந்தி ட்விட்டரில் கருத்து தெரிவித்திருந்தார். அதற்கு தமிழிசை சவுந்தரராஜன் பதில் அளித்திருந்த நிலையில், தற்போது குஷ்பு தமிழிசையிடம் மேற்போன சில சில கேள்விகளை எழுப்பியுள்ளார்.

எவ்வாறாயினும் தமிழிசை கேட்ட இனவழிப்பு தொடர்பான கேள்விக்கு குஷ்பு எந்தவித பதிலும் கொடுக்காமல் மெர்சல் படத்திற்கும் இன அழிப்புக்கும் என்ன சம்மந்தம் என்று மழுப்பிவிட்டார் என்று சமூக வலைத்தளங்களில் பலரும் தமது கருத்துக்களினை முன்வைத்துவருகின்றனர்.

https://news.ibctamil.com/ta/internal-affairs/kushboo-said-tamil-genocide

Categories: Tamilnadu-news

இவர்தான் 10 ரூபாய் டாக்டர் ’தென்காசி’ ராமசாமி! #RealMersalDoctor

Tue, 24/10/2017 - 05:22
இவர்தான் 10 ரூபாய் டாக்டர் ’தென்காசி’ ராமசாமி! #RealMersalDoctor
 
 

``சாதாரண அழுக்கு உடையுடனும், உழைத்துக் களைத்த முகத்துடனும் கையில் இருபது ரூபாயுடன், `இவ்ளோதான் சார் இருக்கு. இதுக்குள்ள வைத்தியம் பார்த்துடுங்க'னு வந்து நிப்பாங்க. ரொம்பக் கஷ்டமா இருக்கும். அந்த இருபது ரூபாயை வாங்கிட்டு ஊசி போட்டு மாத்திரையையும் கொடுத்தனுப்பிருவேன். `எதுக்கு இருபது ரூபா வாங்குறீங்க... சும்மாவே ட்ரீட்மென்ட் கொடுக்கல?’னு நீங்க கேட்கலாம். இலவசமாக் கிடைக்கிற எதுக்கும் மரியாதை இருக்காது... அதோட அடிப்படை மருந்துச் செலவுக்கும், கிளினிக் மெயின்டெனென்ஸுக்காவது பணம் வேணுமில்லையா? அதனாலதான் அவங்களால முடிஞ்ச காசை வாங்கிக்கிறேன்...’’ மிக இயல்பாகப் பேசுகிறார் டாக்டர் ராமசாமி. தென்காசி மக்கள் ராமசாமிக்கு வைத்துள்ள பெயர், '10 ரூபா டாக்டர்.’

டாக்டர் ராமசாமி

 

தென்காசி, வாய்க்கால் பாலம் அருகில் இருக்கும் ராமசாமியின் கிளினிக் எல்லா நேரத்திலும் நிரம்பிவழிகிறது. காத்திருக்கும் எல்லா முகங்களிலும் ஏழ்மையின் அடையாளம். எவரிடமும் எந்தப் பாகுபாடும் இல்லாமல், கனிவும் கருணையும் ததும்பப் பேசி, விசாரித்து, சிகிச்சையளித்துக்கொண்டிருக்கிறார் ராமசாமி.

நம்மை அறிமுகப்படுத்திக்கொண்டதும் சிறிதும் தயக்கமின்றி, `நிறைய பேஷன்ட் இருக்காங்க... கொஞ்சம் வெயிட் பண்ணுங்க..." என்று கூறிவிட்டு கவனம் பிசகாமல் பணியில் இணைகிறார்.

உணவு இடைவேளையில் பேசினோம்.

"நான் பெரிசா என்ன பண்ணிட்டேன்னு என்னைப் பார்க்க வந்திருக்கீங்க... மருத்துவம்ங்கிறது சேவைதானே... நாங்க படிச்சப்போ, எங்க பேராசிரியர்கள் எல்லாம் அப்படித்தான் சொல்லிக்கொடுத்து வளர்த்தாங்க. கடந்த நாற்பத்தாறு வருசமா இப்படித்தான். ஆரம்பத்துல ஒரு ரூபா, ரெண்டு ரூபாதான் வாங்கினேன். இப்பதான் பத்து ரூபா. காசு பெருசில்லை... நாம பார்க்குற வேலைக்கு ஒரு மரியாதை இருக்கணுமில்லே... அதுக்காகத்தான் இது...’’

கிளினிக்

உற்சாகமாகப் பேசுகிறார் ராமசாமி.

``என்னோட சொந்த ஊர் கோவில்பட்டி பக்கத்துல நாலாட்டின்புத்தூர். அம்பாசமுத்திரம் அரசுப்பள்ளியில படிச்சேன். திருநெல்வேலி மருத்துவக் கல்லூரியில ரெண்டாவது பேட்ச் நாங்க. படிப்பு முடிஞ்சதும் கருங்குளம் அரசு மருத்துவமனையில் வேலைக்குச் சேர்ந்தேன். வேலை நேரம் போக, மீத நேரத்துல கருங்குளத்துலயே ஒரு கிளினிக் ஆரம்பிச்சேன். அப்ப இருந்தே, காசைப் பாக்குறதில்லை. இருந்தாக் கொடுப்பாங்க. இல்லேன்னா, போயிடுவாங்க. நானே சிலபேருக்கு பஸ்ஸுக்குக் காசு கொடுத்து அனுப்பிவைக்கிறதும் உண்டு. அப்படி, ஆரம்பிச்சது... இப்ப வரைக்கும் அந்தப் பாதை மாறலை..." - சிரிக்கிறார் ராமசாமி.

ஒரு மருத்துவர், குடும்ப மருத்துவராக இருப்பது இயல்புதான். ஆனால், குடும்பத்தில் ஒருவராக மாறுவது சிறப்பு. ராமசாமியை அப்படித்தான் மக்கள் நினைக்கிறார்கள். அது பற்றிக் கேட்டாலும் அதே புன்னகையை உதிர்க்கிறார் ராமசாமி.

``அது கொஞ்சம் பெருமிதமான விஷயம்தான். எவ்வளவு வேணும்னாலும் காசு சம்பாதிச்சுடலாம். மனிதர்களைச் சம்பாதிக்கிறது கஷ்டமில்லையா... நான் நிறைய மனிதர்களைச் சம்பாதிச்சுருக்கேன்.

மருத்துவத்தைப் பொறுத்தவரை, நம் மக்களுக்கு விழிப்புஉணர்வு போதலை. அதேநேரத்துல, நம்ம நாட்டுல மருத்துவத்துல ஏகப்பட்ட பாகுபாடு நிலவுது. ஏழைக்கு அரசு மருத்துவமனை, பணக்காரங்களுக்கு தனியார் மருத்துவமனைனு ஒரு நிலை இருக்கு. இது ரொம்பவே பாவம். கல்வி, மருத்துவம் ரெண்டும் அரசாங்கம் கையிலதான் இருக்கணும். அரசாங்கம் மக்களுக்கு நல்ல மருத்துவத்தை உறுதி செய்யணும்.

சிறந்த மருத்துவருக்கான சான்றிதழ்

இன்னைக்கு மருத்துவப் படிப்பு நிறையச் சிக்கல்களை எதிர்கொண்டிருக்கு. மருத்துவங்கிறது ஒரு சேவை. சேவை செய்ய ஆசை இருக்கிறவங்க மட்டும்தான் மருத்துவம் படிக்கணும். மக்கள், மருத்துவர்களை தெய்வமா நினைக்கிறாங்க. அதனால, மருத்துவம் படிக்கிற மாணவர்கள் இந்தத் தொழிலோட புனிதத்தைப் புரிஞ்சுக்கணும். நோயாளியை கனிவாக அணுகணும். அவங்களுக்கு நம்பிக்கை கொடுக்கணும். நம்பிக்கைதான் பாதி மருந்து. அதைக் கொடுக்கத் தவறக் கூடாது...’’ என்கிறார் ராமசாமி.

மதிய உணவுக்கு வீட்டுக்கு வந்தால், அங்கேயும் பத்து பேர் சிகிச்சைக்காக வந்து நிற்கிறார்கள். ராமசாமியின் மனைவி பெயர் பகவதி... வீட்டு நிர்வாகி. ஒரு மகள், விஜயா... திருமணமாகிவிட்டது.

ராமசாமி, பால்வினை நோய்களுக்கான 'டிப்ளமோ இன் வெனீரியாலஜி' (Venereology) முடித்திருக்கிறார்.

விருது

பால்வினை நோய்களுக்குச் சிகிச்சையளிக்கும் சிறப்பு மருத்துவர்களுக்கு ஏகப்பட்ட வாய்ப்புகள் இருக்கின்றன. ஆயிரங்களில் ஃபீஸ் வாங்கலாம். ஆனால், பணத்தை ஒரு பொருட்டாக நினைக்காமல், மருத்துவத்தைச் சேவையாகச் செய்து வரும் ராமசாமி போன்றோரின் வாழ்க்கையை மருத்துவ மாணவர்களுக்குப் பாடமாகவே வைக்கலாம். 

http://www.vikatan.com/news/health/105697-poor-mans-doctor-thenkasi-ramasamy.html

Categories: Tamilnadu-news

கோவை: இலங்கைப் பயணியின் வயிற்றிலிருந்து 20 தங்கத் துண்டுகள் பறிமுதல்!

Mon, 23/10/2017 - 19:50
கோவை: இலங்கைப் பயணியின் வயிற்றிலிருந்து 20 தங்கத் துண்டுகள் பறிமுதல்!

கோவை விமான நிலையத்தில், இலங்கையைச் சேர்ந்த பயணி ஒருவர், 20 தங்கத் துண்டுகளை வயிற்றில் வைத்து கடத்திய சம்பவம் பரபரப்பை ஏற்படுத்தியுள்ளது. கோவை, விமான நிலையத்திலிருந்து கடந்த சில மாதங்களாக இலங்கைக்கு நேரடியாக விமானப் போக்குவரத்து தொடங்கப்பட்டது.

d4a09cc1-0b26-416f-beb4-6a1fe142de1e_213

 

இந்நிலையில், கடந்த வெள்ளிக்கிழமை, கொழும்புவிலிருந்து, கோவை விமானநிலையம் வந்தவர்களில், இலங்கையைச் சேர்ந்த சத்தியசீலன் என்பவரின் நடவடிக்கையில் போலீஸாருக்குச் சந்தேகம் ஏற்பட்டது. இதையடுத்து, அவரைச் சுங்கத்துறை அதிகாரிகள் சோதனை செய்தனர். இதைத்தொடர்ந்து, அவரை அருகிலுள்ள தனியார் மருத்துவமனை ஒன்றுக்கு அழைத்துச் சென்று மருத்துவச் சோதனை செய்தனர். அப்போது, அந்த நபர் வயிற்றில் வைத்து 20 தங்கத் துண்டுகளைக் கடத்தியது தெரியவந்தது. ஆனால், இதுகுறித்து அதிகாரபூர்வ அறிவிப்பை சுங்கத்துறை வெளியிடவில்லை.

a98928af-ce0d-460b-a7d3-4ead22f6982a_215

 

இந்நிலையில், இதுகுறித்த அதிகாரபூர்வ அறிவிப்பு இன்று வெளியிடப்பட்டுள்ளது. அவரது வயிற்றிலிருந்த 20 தங்கத் துண்டுகள் இன்றுதான் முழுவதுமாக வெளியில் எடுக்கப்பட்டதாகக் கூறப்பட்டுள்ளது. 434 கிராம் எடை கொண்ட இதன் மதிப்பு, 13 லட்சம் ரூபாய். இந்தத் தங்கத்தைப் பறிமுதல் செய்த அதிகாரிகள், அந்த நபரைக் கைது செய்யவில்லை. 20 லட்ச ரூபாய்க்கு மேல், தங்கம் கடத்தி வரப்பட்டால் மட்டுமே கைது செய்யப்படுவார்கள் என்று அதிகாரிகள் விளக்கம் அளித்துள்ளனர். இதையடுத்து, அந்த நபர் யார் எதற்காக வயிற்றுக்குள் தங்கத்தைக் கடத்தி வந்தார் என்று தொடர்ந்து விசாரணை நடத்தி வருகின்றனர். இந்த ஆண்டு தற்போதுவரை, கோவை விமான நிலையத்தில் 12 கிலோ தங்கம் பறிமுதல் செய்யப்பட்டுள்ளது. இதன் மதிப்பு சுமார் 3 கோடி ரூபாய்.

http://www.vikatan.com/news/tamilnadu/105709-20-gold-pieces-recovered-from-sri-lanka-passenger-in-coimbatore-airport.html

தமிழகத்தின் கண்ணாடி

16mins ago
 
இலங்கை - கோவை வந்த விமானத்தில் வயிற்றில் தங்க கட்டி கடத்தி வந்த சத்தியசீலன் உடம்பின் எக்ஸ்ரே மூலம் தங்க உருண்டை வைத்திருப்பதை சுங்க வரித்துறையினர் பத்திரிக்கையாளர்களுக்கு காண்பித்தனர். படம் : அ.அருள் குமார்
Categories: Tamilnadu-news

விஷால் தயாரிப்பு நிறுவனத்தில் சோதனை நடத்தவில்லை..! ஜி.எஸ்.டி நுண்ணறிவு பிரிவு விளக்கம்

Mon, 23/10/2017 - 18:03
விஷால் தயாரிப்பு நிறுவனத்தில் சோதனை நடத்தவில்லை..! ஜி.எஸ்.டி நுண்ணறிவு பிரிவு விளக்கம்
 

விஷாலின் தயாரிப்பு நிறுவனத்தில் சோதனை நடத்தவில்லை என்று ஜி.எஸ்.டி நுண்ணறிவுப் பிரிவு விளக்கமளித்துள்ளது. 

vishal

 


விஷால் பிலிம் பேக்டரி என்ற பெயரில் சொந்தமாகத் தயாரிப்பு நிறுவனம் நடத்தி வருகிறார் விஷால். இவரது தயாரிப்பில் அண்மையில் மிஷ்கின் இயக்கத்தில் 'துப்பறிவாளன்' திரைப்படம் வெளியானது. இதற்கிடையில் இன்று வடபழனியில் உள்ள அவரது அலுவலகத்தில் ஜி.எஸ்.டி நுண்ணறிவு பிரிவைச் சேர்ந்த அதிகாரிகள் சோதனை செய்ததாக செய்திகள் வெளிவந்தது. திரைப்பட கணக்கு வழக்குகள் குறித்து அதிகாரிகள் ஆய்வு செய்து வருவதாகத் தகவல் வெளியானது.

ef20b61e-ed12-492a-87a8-9fc0ed9e9ff7_190

http://www.vikatan.com/news/tamilnadu/105682-raid-in-actor-vishal-office.html

Categories: Tamilnadu-news