தமிழகச் செய்திகள்

சசிகலா சமாதானத்துக்காக காத்திருக்கும் தினகரன்! - இளவரசி குடும்பத்தை வளைத்தாரா எடப்பாடி பழனிசாமி?

Fri, 12/01/2018 - 07:14
சசிகலா சமாதானத்துக்காக காத்திருக்கும் தினகரன்!  - இளவரசி குடும்பத்தை வளைத்தாரா எடப்பாடி பழனிசாமி?
 
 
 

தினகரன்

Chennai: 

சசிகலாவை சந்திப்பதற்காக இன்று அவசரப் பயணமாக பெங்களூரு சென்றிருக்கிறார் டி.டி.வி.தினகரன். ' விவேக்கை சமாதானப்படுத்த முடியாதது ஒரு காரணமாக இருந்தாலும், எடப்பாடி பழனிசாமி தரப்பு இளவரசி குடும்பத்தை வளைத்துவிடக் கூடாது என்பதும் மிக முக்கியமான காரணம். விவேக்கை சமாதானப்படுத்தும்விதமாக சசிகலாவிடம் சில விஷயங்களைப் பேச இருக்கிறார் தினகரன்' என்கின்றனர் அ.தி.மு.க வட்டாரத்தில். 

 

ஆர்.கே.நகர் இடைத்தேர்தல் ஆளும்கட்சிக்கு அதிர்ச்சியைக் கொடுத்த அதே அளவுக்கு இளவரசி குடும்பத்தின் செயல்பாடுகள் தினகரனுக்குப் பேரதிர்ச்சியைக் கொடுத்தன. தேர்தல் வாக்குப் பதிவுக்கு முதல்நாள் வெற்றிவேல் வெளியிட்ட ஜெயலலிதா சிகிச்சை வீடியோவும் இதனை 'கீழ்த்தரமான செயல்' என இளவரசியின் மூத்த மகள் கிருஷ்ணபிரியா விமர்சித்ததும் அரசியல் அரங்கில் உற்று கவனிக்கப்பட்டது. தேர்தல் வெற்றிக்குப் பிறகு சசிகலாவை சிறையில் சந்தித்து ஆசி பெற்றார் தினகரன். இந்த சந்திப்பில், ஜெயா டி.வி நிர்வாகம், விவேக் ஜெயராமனின் செயல்பாடுகள், இளவரசியின் பேட்டிகள் ஆகிய அனைத்தையும் விரிவாக எடுத்துக் கூறியிருக்கிறார். விவேக்குக்கு எதிரான விமர்சனம் என்பதால், இதற்கு சசிகலா பெரிதாக எந்த விளைவையும் காட்டவில்லை. சந்திப்பின் முடிவில் பேசிய தினகரன், ' தேர்தல் செலவுகளுக்குக்கூட விவேக்கிடம் சென்று காத்திருக்க வேண்டியிருக்கிறது. அவரிடம் இருந்து எனக்கு எந்த உதவிகளும் வரவில்லை. அரசியல்ரீதியாக நான் கடுமையாக போராடிக் கொண்டிருக்கிறேன். அவரிடம் இதுபற்றிப் பேசுங்கள்' எனக் கூறிவிட்டு வந்துவிட்டார்.

இந்த சந்திப்பு குறித்து பேட்டியளித்த தினகரன், ' சசிகலா மௌனவிரதத்தில் இருக்கிறார். ஜனவரி இறுதிவரையில் இது தொடரும்' எனக் கூறியபோது, அவரது முகத்தில் பெரிதாக எந்த உற்சாகத்தையும் காண முடியவில்லை. அரசியல்ரீதியான அதிரடிகளைவிட குடும்பரீதியான தடைகளைச் சமாளிக்க முடியாமல் பெரிதும் திணறிக் கொண்டிருக்கிறார் தினகரன். இந்நிலையில், ஜனவரி முதல் வாரம் சசிகலாவை சிறையில் சந்தித்தார் விவேக் ஜெயராமன். இந்த சந்திப்பின்போது உச்சகட்ட கோபத்தில் இருந்திருக்கிறார் சசிகலா. ' நீதான் பக்குவமாக நடந்து கொள்ள வேண்டும். இவ்வளவு கடுமையான சூழலிலும் வெற்றியைப் பெற்றது சாதாரண விஷயம் அல்ல. உங்களுக்குள் ஒற்றுமை இல்லாமல் போனால் எப்படி?' எனக் கூற, ' நீங்கள் சொல்லித்தான் அனைத்தையும் செய்தேன். இப்படியொரு கெட்ட பெயர் சம்பாதிப்பதை நான் விரும்பவில்லை. நீங்கள் கொடுத்த பொறுப்புகளில் இருந்து விலகிக் கொள்கிறேன்' என ஆவேசத்தை வெளிப்படுத்திவிட்டு வந்துவிட்டார் விவேக். 

விவேக் ஜெயராமன்

இந்த நிலையில், இன்று காலை அவசரப் பயணமாக பெங்களூரு சிறைக்கு விரைந்திருக்கிறார் டி.டி.வி.தினகரன். இதுகுறித்து நம்மிடம் பேசிய தினகரன் ஆதரவாளர் ஒருவர், " கணக்கு வழக்குகளை விவேக் திறமையாகக் கையாள்கிறார் என்பதில் யாருக்கும் மாற்றுக் கருத்தில்லை. இரட்டை இலைக்கு லஞ்சம் கொடுத்த வழக்கில் டெல்லி திகார் சிறையில் தினகரன் அடைக்கப்பட்டிருந்த காலத்தில், நாஞ்சில் சம்பத், புகழேந்தி உள்ளிட்டவர்கள் கூட்டங்களை நடத்தினர். இந்தக் கூட்டங்களுக்கான வேலைகளை முன்னின்று செய்தது விவேக். அதன்பின்னர், அவருடைய செயல்பாடுகள் எதுவும் தினகரனுக்கு ஆதரவாக இல்லை. ஜெயா டி.வியில் பிரசாரக் காட்சிகளை ஒளிபரப்புவதோடு நிறுத்திக் கொண்டார். வேறு எந்தவிதமான பொருளாதார உதவிகளையும் அவர் செய்யவில்லை. இதைப் பற்றிப் பலமுறை கேட்டபோதும், ' சின்னம்மாவிடம் இருந்து எந்த உத்தரவும் வரவில்லை' என ஒற்றை வரியில் முடித்துக் கொண்டார் விவேக். இதன் பின்னணியில் எடப்பாடி பழனிசாமிக்கு வேண்டப்பட்ட சில அமைச்சர்கள் இருக்கிறார்களோ என்ற சந்தேகம் எங்களுக்கு ஏற்பட்டது.

எடப்பாடி பழனிசாமி' விவேக் அமைதியாக இருந்தால் போதும்' எனச் சிலர் கூறிய வார்த்தைகளை இளவரசி குடும்பம் ஏற்றுக் கொண்டது. அதனால்தான், தினகரனுக்கு எதிராக கிருஷ்ணபிரியா கிளம்பியபோதும் அவரை சமாதானப்படுத்த விவேக் எந்த முயற்சியும் எடுக்கவில்லை. கடந்த சில நாட்களாக இளவரசி குடும்பத்துக்கும் தினகரனுக்கும் நடக்கும் மோதல்களை தங்களுக்கு சாதகமாகப் பயன்படுத்திக் கொள்ள ஆளும்கட்சி விரும்புகிறது. ஒட்டுமொத்த குடும்பத்தையும் எடப்பாடி பழனிசாமி வளைத்துவிட்டால், ஜெயா டி.வி, நமது எம்.ஜி.ஆர் உள்பட அனைத்து நிர்வாகங்களிலும் தேவையற்ற சிக்கல் ஏற்படும் என டி.டி.வி நினைக்கிறார். எனவேதான், விவேக்கை சமாதானப்படுத்துங்கள் என்ற கோரிக்கையோடு சசிகலாவை அவர் சந்திக்க இருக்கிறார். ராஜினாமா முடிவில் உறுதியாக இருக்கிறார் விவேக். சசிகலா சமாதானப்படுத்தினால் அனைத்தும் முடிவுக்கு வந்துவிடும். இன்னும் ஓரிரு நாட்களில் சசிகலாவை விவேக் சந்திக்கவும் வாய்ப்புகள் இருக்கிறது" என்றார் விரிவாக. 

" ஜெயா டி.வி நிர்வாகத்துக்குள் குழப்பங்களை உருவாக்கும் வேலைகளை தினகரன் தரப்பினர் தெளிவாகச் செய்து வருகின்றனர். அவர்களுக்கு வேண்டிய ஆட்களைப் பதவிக்குக் கொண்டு வரும் முயற்சியில் தீவிரமாக இருக்கிறார் தினகரன் மனைவி அனுராதா. ' அவர்களுக்கு நான்தான் பிரச்னை என்றால் என்னிடம் கேள்வி கேட்கட்டும். என்னால் பொறுப்புக்குக் கொண்டு வருபவர்களை வீழ்த்த நினைக்கக் கூடாது' எனக் கோபமாக பதில் அளித்துவிட்டார் விவேக். அவரை சமாதானப்படுத்துவதற்கு குடும்ப உறுப்பினர்கள் தீவிரமாக முயற்சி செய்து கொண்டிருக்கின்றனர். இன்றளவும் சில அமைச்சர்கள் விவேக்கிடம் பேசிக் கொண்டிருப்பது உண்மைதான். இதை தவறாக எடுத்துக் கொண்டால் என்ன செய்வது? அந்த அமைச்சர்கள் பழைய பாசத்தில் பேசி வருகின்றனர். இதையே துரோகிகளிடம் கைகோர்த்து செயல்படுவதாக அவதூறு பரப்புவது எந்த வகையிலும் சரியானதல்ல. சசிகலாவின் சமாதானத்தைப் பொறுத்துத்தான் விவேக்கின் அடுத்தகட்ட நடவடிக்கைகள் அமையப் போகின்றன" என்கின்றனர் விவேக் தரப்பில். 

 

" உளவுத்துறையின் துணையோடு மன்னார்குடி குடும்பத்துக்குள் பெரும் பிளவை உருவாக்கிக் கொண்டிருக்கிறார் எடப்பாடி பழனிசாமி. தினகரனை வீழ்த்துவதற்கு இவர்களே போதும் என்ற மனநிலையில் அவர் இருக்கிறார். தினகரனின் இன்றைய சிறை சந்திப்பு எனன மாதிரியான விளைவுகளை உருவாக்கப் போகிறது என்பது வரும் நாட்களில் தெரிந்துவிடும்" என்கின்றனர் மன்னார்குடி உறவுகள். 

https://www.vikatan.com/news/tamilnadu/113428-did-edappadi-palanisamy-take-control-over-ilavarasi-family.html

Categories: Tamilnadu-news

கவிஞர் வைரமுத்துவை விமர்சித்த பாஜக தேசிய செயலர் ஹெச். ராஜாவுக்கு இயக்குநர் பாரதிராஜா கடும் கண்டனம்

Fri, 12/01/2018 - 06:44

கவிஞர் வைரமுத்துவை விமர்சித்த பாஜக தேசிய செயலர் ஹெச். ராஜாவுக்கு இயக்குநர் பாரதிராஜா கடும் கண்டனம்

 

Categories: Tamilnadu-news

ஜெயலலிதா சிகிச்சை தொடர்பாக 2 சூட்கேஸில் ஆவணங்களை சமர்பித்த அப்போலோ நிர்வாகம்..!

Fri, 12/01/2018 - 05:49
ஜெயலலிதா சிகிச்சை தொடர்பாக 2 சூட்கேஸில் ஆவணங்களை சமர்பித்த அப்போலோ நிர்வாகம்..!
 

ஜெயலலிதாவுக்கு அளிக்கப்பட்ட சிகிச்சைகள் தொடர்பான ஆவணங்களை அப்போலா நிர்வாகம் விசாரணை ஆணையத்தில் தாக்கல் செய்தது.

a4b290e0-954e-459f-8577-5b0841335da0_102

 

மறைந்த முதல்வர் ஜெயலலிதாவின் மரணம் தொடர்பாக சந்தேகம் எழுந்ததையடுத்து நீதிபதி ஆறுமுகசாமி தலைமையில் விசாரணை நடைபெற்றுவருகிறது. அந்த விசாரணை ஆணையத்தில், ஜெயலலிதாவுக்கு சிகிச்சை அளித்த மருத்துவர்கள், முன்னாள் தலைமைச் செயலாளர் உள்ளிட்டவர்கள் நேரில் ஆஜராகி விளக்கமளித்தனர்.

2d9dfacc-beeb-4084-b9e5-8adbe6881e02_104

முன்னதாக ஜெயலலிதாவுக்கு 75 நாள்களாக அளிக்கப்பட்ட சிகிச்சைகுறித்த முழுவிவரங்களை விசாரணை ஆணையம், அப்போலோ நிர்வாகத்திடம் கேட்டிருந்தது.

e4d93264-3cfa-4ddf-ba2e-5185418375ca_104

இந்தநிலையில், இன்று 75 நாள்களாக ஜெயலலிதாவுக்கு அளிக்கப்பட்ட சிகிச்சைகள் குறித்த முழுமையான ஆவணங்களை விசாரணை ஆணையத்தில் அப்போலோ நிர்வாகம் சமர்பித்தது. 2 சூட்கேஸில் ஆவணங்களைக் கொண்டு வந்து அப்போலோ நிர்வாகம் சமர்பித்தது. இதற்கிடையில், சசிகலா தரப்பு வழக்கறிஞர் ராஜா செந்தூர்பாண்டியனும் ஆறுமுகசாமி விசாரணை ஆணையத்தில் ஆஜரானார். 

https://www.vikatan.com/

Categories: Tamilnadu-news

அடுத்த வாரம் ஜல்லிக்கட்டு.. முதல்வர் தொடங்கி வைக்கிறார்!

Fri, 12/01/2018 - 04:27

CM will inaugurate Jallikattu in Alanganallur  Ähnliches Foto

அலங்காநல்லூர் வாடி வாசல் தயார்.. அடுத்த வாரம் ஜல்லிக்கட்டு.. முதல்வர் தொடங்கி வைக்கிறார்!

அடுத்த வாரம் நடக்க இருக்கும் அலங்காநல்லூர் ஜல்லிக்கட்டு போட்டியை தமிழக முதல்வர் தொடங்கி வைக்கிறார். இதற்கான ஏற்பாடுகள் தற்போது செய்யப்பட்டு வருகிறது.

சென்ற வருடம் ஜல்லிக்கட்டு நடத்த கோரி தமிழகமே மெரினாவில் திரண்டது. மக்களின் அந்த போராட்டம் மிகப்பெரிய அளவில் வெற்றி பெற்று உலகமே திரும்பி பார்த்தது.

இந்த நிலையில் நீதிமன்றம் ஜல்லிக்கட்டு போராட்டத்திற்கு அனுமதி வழங்கியது. எனவே இந்தமுறை பொங்கலுக்கு தமிழகம் முழுக்க பல இடங்களில் ஜல்லிக்கட்டு போட்டி நடக்க உள்ளது.

அதேபோல் வரலாற்று சிறப்புமிக்க மிக்க அலங்காநல்லூர் ஜல்லிக்கட்டு போட்டியும் இந்த முறை வழக்கம் போல நடக்க உள்ளது. இதற்கான ஏற்பாடுகள் இப்போதே தொடங்கிவிட்டது. காளைகள் அனைத்தும் பயிற்சி கொடுக்கப்பட்டு தயார் நிலையில் வைக்கப்பட்டு இருக்கிறது.

அலங்காநல்லூர் ஜல்லிக்கட்டு போட்டி வரும் 16ஆம் தேதி நடைபெற உள்ளது. இந்த விழாவை முதல்வர் எடப்பாடி பழனிச்சாமி தொடங்கி வைக்கிறார். அதேபோல் இந்த விழாவில் துணை முதல்வர் ஓ.பன்னீர் செல்வமும் பங்கேற்கிறார்.

மேலும் அமைச்சர்கள் மற்றும் எம்.எல்.ஏக்கள் இந்த விழாவில் கலந்து கொள்வார்கள் என்றும் கூறப்பட்டுள்ளது. மிகவும் பெரிய அளவில் இந்த விழா நடத்தப்பட உள்ளது.

நன்றி தற்ஸ் தமிழ்.

Categories: Tamilnadu-news

ஜெயலலிதா வாழ்க்கை வரலாற்று நூல் பேசும் அறியப்படாத பக்கங்கள்

Wed, 10/01/2018 - 16:48
ஜெயலலிதா வாழ்க்கை வரலாற்று நூல் பேசும் அறியப்படாத பக்கங்கள்
99044410jayal03jpg

மறைந்த தமிழக முதலமைச்சர் ஜெ. ஜெயலலிதாவின் வாழ்க்கை வரலாற்று நூலை "ஜெயலலிதா: மனமும் மாயையும்" என்ற தலைப்பில் மூத்த எழுத்தாளரும் இதழாளருமான வாஸந்தி எழுதியுள்ளார். காலச்சுவடு பதிப்பகம் இந்த நூலை வெளியிட்டுள்ளது.

சில வருடங்களுக்கு முன்பாக ஜெயலலிதாவின் வரலாற்றை வாஸந்தி ஆங்கிலத்தில் எழுதி, வெளியாகவிருந்த நிலையில், அதனை எதிர்த்து நீதிமன்றம் சென்றார் ஜெயலலிதா. அதையடுத்து அந்த நூலின் வெளியீடு தடை செய்யப்பட்டதோடு, இன்னும் வெளிவராமலேயே இருக்கிறது.

இப்போது நேரடியாக தமிழிலேயே எழுதப்பட்டுள்ள இந்த நூலில், தான் நீண்ட காலமாகத் திரட்டிய தகவல்களின் மூலம் ஜெயலலிதாவின் வாழ்வை ஆராய்வதோடு, அறியப்படாத அவரது பல பக்கங்களையும் முன்வைக்கிறார் வாஸந்தி. இந்த நூலின் சில பகுதிகள் இங்கே:

எம்.ஜி.ஆருக்கு அந்த நாசூக்கான பதின் வயதுச் சிறுமியைப் பிடித்துப்போனது. மற்ற ஹீரோயின்களிலிருந்து அவள் மாறுபட்டாள். எந்த வம்பிலும் சிரத்தையில்லாமல், சதா புத்தகமும் கையுமாக இருந்த, கான்வென்ட் ஆங்கிலம் பேசும் அந்த பால்வடியும் முகம் அவரை ஈர்த்தது. ஒரு காலத்தில் எம்.ஜி.ஆர். தனக்கு ஆதர்ச மனிதராக, புரவலராக, நெருங்கிய நண்பருக்கு மேற்பட்ட உறவில் இருப்பார் என்று கற்பனைகூட செய்திருக்க முடியாது.

எம்.ஜி.ஆர் அவருக்கு தந்தை வயதில் இருந்தவர். இருவரும் சேர்ந்து 27 படங்களில் நடித்தார்கள். அவர்கள் நடித்த படங்கள் எல்லாம் வெற்றிப்படங்கள் ஆயின. ஜெயலலிதா நடித்தது நூறு படங்களுக்கு மேல், பல சூப்பர் ஹிட் படங்கள் - தமிழில் 82, தெலுங்கில் 26, கன்னடத்தில் ஐந்து என்ற பட்டியலில் மிக மோசமாகத் தோல்வியடைந்த ஒரு இந்திப் படமும் ஆங்கிலப் படமும் உண்டு.

தமிழ் ரசிகர்களுக்கு, முக்கியமாக எம்.ஜி.ஆர். ரசிகர்களுக்கு எம்.ஜி.ஆருடன் ஜெயலலிதா ஜோடி சேர்வதுதான் அதிக விருப்பமாக இருந்தது. அவர்கள் இருவரிடையே ஒரு இயல்பான ரசாயன இயைபு ஏற்படுவதுபோல இருந்தது. எம்.ஜி.ஆரே ஜெயலலிதாவை எனக்கு ஹீரோயினாகப் போட்டால்தான் நடிப்பேன் என்று சொல்ல ஆரம்பித்தார்.

நிச்சயம் அதை யாரும் ரசிக்கவில்லை. அது அசம்பாவிதமானதாகப் பட்டது. எம்.ஜி.ஆருக்கு இருந்த செல்வாக்கைக் கண்டு பயந்து வாயைத் திறக்காமல் இருந்தார்கள். ஆனால், எம்.ஜி.ஆருக்கு நெருக்கமானவரும் படத் தயாரிப்பாளருமான ஆர்.எம். வீரப்பன் அதை முளையிலேயே கிள்ளிவிட வேண்டுமென பரபரத்தார்.

99538167jeyalalithawrapperprintfinaljpg

"எல்லோரது கவனத்திலும் வராத ஒரு விஷயம் இருந்தது. ஜெயலலிதாவுக்கே நாளாக நாளாக அலுப்பூட்டும் வகையில் எம்.ஜி.ஆரின் கட்டுப்பாடு அதிகரித்தது. அவருடைய எல்லா செயல்பாடுகளையும் கண்காணிக்கவும் - அவள் அணியும் உடையைக்கூட - கட்டுப்படுத்தவும் துவங்கினார். அவருடைய பணத்தைக்கூட எம்.ஜி.ஆர்தான் தன் கட்டுக்குள் வைத்திருந்தார். செலவுக்கு அவர் எம்.ஜி.ஆருடைய சுமுகம் பார்த்துப்பெற வேண்டியிருந்தது. பல சமயங்களில் இது மிகுந்த மன உளைச்சலைத் தந்தது. மூச்சு முட்டியது. உறவை முறித்துக்கொள்ள வேண்டும்போல இருந்தது. எம்.ஜி.ஆருடன் அடிக்கடி வாக்குவாதத்தில் இறங்க வேண்டியிருந்தது".

******

91913942chandrothayamjpg

1966ல் வெளியான 'சந்திரோதயம்'   -  BBC

எம்.ஜி.ஆருடனான ஜெயலலிதாவின் உறவு எழுபதுகளின் மத்தியில் சிக்கலானது. ஆர்.எம்.வீயின் விடா முயற்சியால் எம்.ஜி.ஆர். வேறு கதாநாயகிகளுடன் நடிக்க ஆரம்பித்தார். அனால், எம்.ஜி.ஆருக்கு ஜெயலலிதாவின் மீது இருந்த பிரேமையோ மோகமோ அடிநாதமாக அவருள் இருந்தவண்ணம் இருந்ததற்கான அடையாளங்கள் மீண்டும் மீண்டும் புதுப்பித்துவந்ததிலிருந்து தெளிவானது.

... "எம்.ஜி.ஆர். ஒரு சர்வாதிகாரியாகத்தான் ஜெயலலிதாவை நடத்துவார். திடீர்னு ப்ரொட்யூசர்கிட்ட சொல்வார் படப்பிடிப்புக்கு ஜெயலலிதாவை அழைக்கனும்னு, அவங்களைக் கேட்காம. ஜெயலலிதா உடனே தன்னுடைய ஷூட்டிங்கை ரத்து செஞ்சுட்டுப் போகனும், இல்லேன்னா எம்.ஜி.ஆருக்கு கோவம் வரும். ஐயோ, ஜெயலலிதாவை அந்த ஆள் ரொம்ப இம்சை செஞ்சிருக்கார்" என்றார் பிலிம் நியூஸ் ஆனந்தன். 1972ல் எம்.ஜி.ஆர். தி.மு.கவிலிருந்து பிரிந்து புதிய கட்சி துவங்கி அரசியலில் ஆழ்ந்து போனதும் இருவருக்கும் இடையே இருந்த நெருக்கம் குறைந்துபோனது.

****

91913940venniradai1-02jpg

1965ல் வெளியான 'வெண்ணிற ஆடை'   -  BBC

தொடர்ந்து தெலுங்கிலும் கன்னடத்திலும் நடிப்பதில் மிகவும் மும்முரமானார் ஜெயலலிதா. அப்போதுதான் தெலுங்கு நடிகர் ஷோபன் பாபுவுடன் நட்பு ஏற்பட்டது. ஷோபன் பாபு எம்.ஜி.ஆரைவிட வயதில் இளையவர். அது தீவிரமான நட்பாக மலர்ந்தது. அதைப் பற்றி ஜெயலலிதாவே தனது (பாதியில் முடிந்த) சுயசரிதையில் குறிப்பிட்டிருந்தார். அவருடைய நெருங்கிய தோழிகள் சாந்தினிக்கும் ஸ்ரீமதிக்கும் இது குறித்துத் தெரிந்திருந்தது. ஷோபன் பாபுவைத் திருமணம் செய்துகொள்ள வேண்டும் என்று ஜெயலலிதா விரும்பினார். மற்ற பெண்களைப் போல இயல்பான வாழ்க்கையை வாழ வேண்டுமென்று ஆசைப்பட்டார் என்று அவர்களுக்குத் தெரிந்திருந்தது. ஆனால், அந்தத் திருமணம் நடக்கவில்லை.

ஆனால், சாந்தினி புலானி சொன்ன கதையோ வேறு மாதிரி இருந்தது. சாந்தினிக்கு அது எந்த வருஷம் என்று சரியாக நினைவில்லை. 1977 அல்லது 78ஆக இருக்கலாம் என்றார். சாந்தினியையும் அவருடைய கணவர் பங்கஜ் புலானியையும் ஜெயலலிதா போயஸ் கார்டன் வீட்டுக்கு விருந்துக்கு அழைத்திருந்தார். விருந்துக்குப் பிறகு ஒரு பிரம்மாண்டமான புகைப்பட ஆல்பத்தைக் காண்பித்தார். அதில் அவருக்கும் சோபன் பாபுவுக்கும் நடந்த திருமண புகைப்படங்கள் இருந்தன. "சரியான ஐயங்கார் பிராமண முறைத் திருமணம். சாஸ்திரிகள் செய்வித்த போட்டோவோட. அந்த ஆல்பம் எத்தனை பெரிசு தெரியுமோ? ஒரு பெரிய மேஜை முழுக்க அடைத்தது. நாங்கள் படங்களைப் பார்க்க மேஜையைச் சுற்றி நடக்க வேண்டியிருந்தது. ஜெயா ரொம்ப மகிழ்ச்சியா இருந்தா. "அவர் ஒரு அற்புத மனிதர். நா ரொம்ப சந்தோஷமா இருக்கேன்" என்றாள். மணப்பெண் மாதிரி கன்னம் சிவந்துபோச்சு வெக்கத்திலே. அவ ரொம்ப சந்தோஷமா இருந்ததை என்னால புரிஞ்சுக்க முடிந்தது".

ஆனால், அந்த ஆல்பம் ஒரு புதிராகவே இருக்கிறது. மற்றவர்கள் சொல்லும் தகவல்படி அந்தத் திருமணம் நடக்கவேயில்லை.

****

91918667jayalalitha-12jpg

ஜூலை 13-14, 1986 அன்று மதுரையில் ஒரு மாபெரும் ரசிகர் மன்ற மாநாடுக்கு ஏற்பாடு செய்தார் எம்.ஜி.ஆர். ஏற்பாடு செய்யும் பணிகளில் ஜெயலலிதாவின் ஆதரவாளர்களுக்கு முக்கிய பொறுப்புகளைக் கொடுத்தார். ஜெயலலிதாவை ஆதரிக்கும் அணிக்கும் அவரை எதிர்க்கும் அணிக்கும் இடையே நடந்துவந்த மௌன யுத்தத்தில் ஜானகி எதிரணியில் இருந்தார் என்பதில் சந்தேகமில்லை. எம்.ஜி.ஆர். மறுபடி ஜெயலலிதாவுடன் தொடர்பு வைப்பதில் அவருக்கு விருப்பமில்லாவிட்டாலும் எம்.ஜி.ஆரின் முடிவுகள் அரசியல் சம்பந்தப்பட்டவை என்று புரிந்துகொண்டு பேசாமல் இருந்தார்.

ஜெயலலிதா மிகவும் மகிழ்ச்சியுடன் இருந்தார். ஊர்வலம் செல்வதற்கு முன் கட்சிக் கொடியை அசைத்து ஆரம்பித்துவைத்தார். நிறைவு தினத்தன்று எம்.ஜி.ஆர் பேசுவதற்கு முன் மேடையில் பேசினார். தங்க முலாம் பூசப்பட்ட ஆறு அடி வெள்ளி செங்கோலை எம்.ஜி.ஆருக்குப் பரிசளித்தார். எம்.ஜி.ஆரின் காலைத் தொட்டு வணங்கினார். கடலாய் கூடியிருந்த மக்கள் கூட்டம் கைதட்டி ஆர்ப்பரித்தது. அவருக்கு எதாவது முக்கிய பொறுப்பும் பதவியும் தருவதாக எம்.ஜி.ஆர். அறிவிப்பார் என்று எதிர்பார்க்கப்பட்டது. ஆனால் எதுவும் நடக்கவில்லை. விழா முடிந்தததும் அவர் பக்கமே திரும்பாமல் எம்.ஜி.ஆர். ஜானகியுடன் புறப்பட்டுப் போனார். அவருக்கு முகத்தில் அடித்தாற்போல இருந்தது. ...தாங்க முடியாத கோபத்துடன் ஜெயலலிதா சாலை வழியாக சென்னைக்குப் பயணித்தார்.

.... அந்த அவமானத்தைத் தன்னால் பொறுக்க முடியாததுபோல இருந்தது. அதற்கு ஒரு வடிகால் வேண்டியிருந்தது. தன் புதிய தோழி சசிகலாவிடம் ஜானகியைப் பற்றி என்ன சொன்னார் என்பது தெரியாது. ஆனால், பிறகு எம்.ஜி.ஆருக்கு மன்னிப்புக் கேட்டு எழுதியதிலிருந்து ஏதோ தகாத வார்த்தைகளால் திட்டியிருப்பார் என்று யூகிக்கலாம். அதன் விளைவாக எம்.ஜி.ஆரின் கோபம் அதிகரித்ததும் தெரிகிறது.

தனது பொருமலைக் கேட்டுக்கொள்ள ஒரு தோழி கிடைத்த தெம்பில் மதுரையில் இருந்து தணியாத கோபத்துடன் திரும்பிய ஜெயலலிதா சசிகலாவிடம் வெடித்தார். யாரிடம் என்ன பேசுகிறோம் என்கிற நிதானம் இல்லாமல் ஜானகியைப் பற்றி நாகரீகமற்ற வார்த்தைகளால் திட்டியிருப்பார் என்று பத்திரிகையாளர் சோலை நினைக்கிறார். எம்.ஜி.ஆரின் செவிக்கு அவர் சசிகலாவிடம் சொல்லும் வார்த்தைகள் எல்லாம் போகக்கூடும் என்ற யோசனை ஜெயலலிதாவுக்கு இல்லாமல் போனதால் கூச்சமில்லாமல் வார்த்தைகள் விழுந்திருக்கும். எம்.ஜி.ஆரின் கோபத்துக்கு அதுதான் காரணம்.

ஜெயலலிதா பேசியது எப்படி அவர் செவிகளுக்குச் சென்றது என்று சசிகலாவிடம் விளக்கம் கேட்டாரா என்று தெரியாது.

***

91918528jayalalitha-6jpg

... தேர்தலுக்கு முன்பாக பா.ஜ.கவுக்கு நிபந்தனையற்ற ஆதரவு தருவதாக ஒத்துக்கொண்டிருந்தவருக்கு, முடிவு வந்ததும் தன் தயவு இல்லாமல் பா.ஜ.கவுக்கு ஆட்சி அமைக்க முடியாது என்ற எண்ணம் வந்துவிட்டது. கொஞ்சம் பிகு செய்தால் மண்டியிடுவார்கள் என்ற நினைப்பு வந்தது. பா.ஜ.கவினருக்கு அவருடன் தொடர்புகொள்ளவே முடியாமல் போக்குக் காட்டினார். ஏக நிபந்தனைகளை வைத்தார். தான் விரும்பும் ஆட்களையே அமைச்சராக்க வேண்டுமென்றார். வாழப்பாடி ராமமூர்த்திக்கு நிதி மற்றும் வங்கித்துறை அளிக்க வேண்டும்; தம்பிதுரைக்கு சட்டத்துறை வழங்க வேண்டும் என்றார். அவரை 'ஸ்திர புத்தி இல்லாதவள்' என்று வர்ணித்திருந்த சுப்ரமணியம் சுவாமிக்கு நிதித்துறை அளியுங்கள் என்றார். ஒரு காலத்தில் அவருடைய சார்பாக வழக்கு ஒன்றில் வாதாடியிருந்த மிக சீனியர் வக்கீல் ராம் ஜேட்மலானிக்கு ஜெயலலிதா செய்திருந்த நிபந்தனைகளால் சட்டத்துறை வழங்கப்படாமல் நகர்ப்புற வளற்ச்சித்துறை கிடைத்து அதிர்ச்சி அளித்தது.

ஜெயலலிதாவுடன் அவருக்கு சுமுக உறவு இருந்த நிலையில், சுப்ரமணியம் சுவாமிக்கு நிதித்துறை அளிக்க வற்புறுத்துவது ஏற்புடையதல்ல என (ஜெயலலிதாவிடம்) விளக்குமாறு வாஜ்பாயி ஜேட்மலானியிடம் கேட்டுக்கொண்டார். ஜேட்மலானி ஜெயலலிதாவிடம் தொடர்புகொண்டு, "என்ன பைத்தியக்காரத்தனம் இது, சுவாமி உன்னை என்னவெல்லாம் தூற்றியிருக்கிறார். அவருக்கு நிதித்துறை அளிக்க வேண்டும் என்று ஏன் சொல்கிறாய்?" என்றார். அவர் பிடிவாதமாக சுவாமிக்குத்தான் கொடுக்கப்பட வேண்டும் என்று வலியுறுத்த ஜேட்மலானிக்கு மிகுந்த கோபம் வந்தது. "இந்த மாதிரி ஒரு அசட்டுப்பேச்சை நான் கேட்டதே இல்லை, நான்சென்ஸ்!" என்று தொலைபேசியைப் பட்டென்று வைத்தார். அதற்குப் பிறகு ஜெயலலிதாவுடன் அவருக்கு உறவே இருக்கவில்லை.

99538161jayal-7-01-01jpg

****

2001ல் ஜெயலலிதா பதவியேற்றபோது ஒரு ஐ.ஏ.எஸ் அதிகாரி சொன்னார், "அவர் நிறையப் பாடம் கற்றுக்கொண்டிருக்கிறார். அவரை அணுகுவதில் சிரமம் இருக்காது. அவருடன் பணிபுரிவதும் எளிதாக இருக்கும்." ஆனால், ஒரே மாதத்தில் அந்த எதிர்பார்ப்பு பொய்த்துப்போனது. அமைச்சர்களுடனோ அதிகாரிகளுடனோ கலந்துபேசாமல் கருணாநிதியைக் கைதுசெய்ய உத்தரவிட்டார். அடுத்த இரண்டு ஆண்டுகளில் சர்வாதிகாரியாக வலம்வந்தார். .. அவருடைய அரசுக்கும் ஊடகங்களுக்கும் இடையே ஒரு இரும்புத் திரையை ஏற்படுத்தினார். அரசு என்ன செய்கிறது என்பது பரம ரகசியமாக இருந்தது. அமைச்சரவையைக் கூட்டினார். கூடவே அமைச்சர்களின் இலாகாவை இஷ்டத்திற்கு மாற்றினார். இரண்டு ஆண்டுகளில் பதினோரு மாற்றங்கள் இருந்தன. 23 அமைச்சர்கள் பதவியிழந்தார்கள். அதில் ஐந்து பேர் திரும்ப அழைக்கப்பட்டார்கள். 'அம்மாவின் கீழ் நாளை என்பது யாருக்கும் நிச்சயமில்லை' என்றார் ஒரு அ.தி.மு.க. தலைவர். 'பாதுகாப்பற்ற உணர்வை ஏற்படுத்தினால்தான் வேலைசெய்வார்கள் என்று நினைக்கிறார்'.

... எந்த அமைச்சரும் சுதந்திரமாகக் கருத்துச் சொல்வது அவருக்குப் பிடிக்காது. வாயைத் திறந்தால் கழுத்தில் கத்திவிழும் என்று அவர்களுக்குத் தெரியும். அவருடைய ஆட்சியில் வேலை செய்த பெயர் குறிப்பிட விரும்பாத ஒரு அதிகாரி சொன்னார், "அவருக்கு என்ன பிடிக்குமோ அதை மட்டுமே நாங்கள் சொல்ல வேண்டும் என்று எதிர்பார்க்கப்பட்டது. வாதத்தில் குறையிருப்பதை யாராவது சுட்டிக்காட்டினால் அவருக்கு மகா கோபம் வந்துவிடும். எல்லோரும் வாயடைத்துப்போவோம்."

***

91918755jayalalitha-5jpg

ராஜ்பவனுக்கு ஜெயலலிதா சென்ற வாகனத்தில் மூவர்ணக் கொடி இல்லை, அ.தி.மு.க. கொடி மட்டும் இருந்தது. ஆளுனர் ஸி.கே. ரங்கராஜனிடம் தான் பதவி விலகப்போவதாகவும் புதிய முதல்வர் அன்று மாலைக்குள் அறிவிக்கப்படுவார் என்றும் தெரிவித்தார். அதற்கிடையே என்னவெல்லாமோ வதந்திகள் பரவத் துவங்கின. சசிகலா குடும்பத்துடன் அவர் பல மணி நேரம் ஆலோசனையில் இருந்ததாகச் சில பத்திரிகைகள் எழுதின. சசிகலாதான் அடுத்த முதல்வர் என்ற வதந்தி காட்டுத்தீயைப் போலப் பரவியது. கடைசியில் யாரும் சற்றும் எதிர்பாராதவகையில் பெரியகுளம் தொகுதியிலிருந்து முதல் முறையாக சட்டசபை உறுப்பினராகத் தேர்வுசெய்யப்பட்டிருந்த ஓ. பன்னீர்செல்வத்தை முதல்வராக அவர் நியமித்தது எல்லோரையும் அதிர்ச்சியடையச் செய்தது.

தேவர் சமூகத்தைச் சேர்ந்த ஒரு ஏழை விவசாயியின் மகனான பன்னீர்செல்வம் ஒரு பட்டதாரி. எளிமையானவர், பணிவானவர் என்று அறியப்பட்டிருந்தார். சசிகலாவின் மருமகன் தினகரனின் நல்லெண்ணத்தைப் பெற்றவர். தினகரன் பெரியகுளம் தொகுதியில் பாராளுமன்ற தேர்தலுக்காக நின்றபோது அவருக்காக பன்னீர்செல்வம் கடுமையாக உழைத்ததில் தினகரனின் நம்பிக்கைக்குப் பாத்திரமாகியிருந்தார். தினகரன் செய்த சிபாரிசினாலேயே ஜெயலலிதா பன்னீர்செல்வத்தை தேர்ந்தெடுத்ததாகச் சொல்லப்பட்டது. நல்லவேளை சசிகலா தேர்வுசெய்யப்படவில்லையென கட்சிக்காரர்கள் ஆசுவாசப் பெருமூச்சுவிட்டார்கள்.

ஆனால், ஜெயலலிதாவின் முடிவினால் அதிக திகைப்பும் பீதியும் அடைந்தது பன்னீர்செல்வம்தான் என்பது மறுநாள் பத்திரிகைகளில் வந்திருந்த அவரது புகைப்படங்களில் தெரிந்தது.

*****

http://tamil.thehindu.com/bbc-tamil/article22412830.ece

Categories: Tamilnadu-news

எம்.ஜி.ஆரின் புதுக்கட்சியும்... லதா அளித்த பயிற்சியும்! - லக லக லக லக... லதா!

Wed, 10/01/2018 - 08:19
எம்.ஜி.ஆரின் புதுக்கட்சியும்... லதா அளித்த பயிற்சியும்! - லக லக லக லக... லதா! பகுதி-1
 
 

லதா

ரசியல் பரமபதத்தில் எந்த தாயம் போட்டால் ஏணி வரும் என்ன விழுந்தால் பாம்பு வரும் என யாராலும் சொல்ல முடியாது. எம்.ஜி.ஆர் தனிக் கட்சி தொடங்கியதும் பெண்கள் மத்தியில் கட்சியைக் கொண்டு செல்ல நினைத்தார். அப்போது அவர் மனத்தில் இருந்தவர் அப்போது அவருடன் பல படங்களில் நடித்துவந்த லதா. ஆனால் தாயக் கட்டைகளின் உருட்டலில் லதாவுக்கான இடம் அரசியலில் அமையவில்லை என்றுதான் சொல்ல வேண்டும்.

 

எம்.ஜி.ஆர் தனிக்கட்சி ஆரம்பித்தபோது இளைஞர்களின் அமோக ஆதரவு அவருக்கு இருந்தது. ஆனால், பெண்கள் தம் ஆதரவை எம்.ஜி.ஆருக்கு வெளிப்படையாகக் காட்ட முடியாத சூழ்நிலையில் இருந்தனர். வீட்டில் ஆண்களுக்கு கட்டுப்பட்டிருந்த பெண்களின் ஆதரவு தனக்கு ஓட்டுகளாக மாறி ஓட்டுப்பெட்டியில் விழுந்தால் மட்டுமே அரசியலில் வெற்றி பெற முடியும் என்பதை நன்கு உணர்ந்த எம்,ஜி.ஆர் பெண்களிடம் தனக்கிருந்த ஆதரவை வாக்குகளாக மாற்ற அவர்களை துணிச்சல் உள்ளவர்களாக மாற்ற வேண்டும் என்று முடிவு செய்தார். அ.தி.மு.க-வுக்குத்தான் எங்கள் ஆதரவு என்று பெண்கள் துணிந்து சொல்லும்வகையில் எம்.ஜி.ஆர் லதாவின் கதாபாத்திரத்தை முன்மாதிரி கதாபாத்திரமாக்கி அதன் மூலமாக பெண்களுக்குத் துணிச்சலை ஊட்டினார். படங்களில் லதாவின் கேரக்டர்கள் தம் மனதில் பட்டதை வெடுக்கென பேசும்படி அமைக்கப்பட்டன. அது எம்.ஜி.ஆரின் ரசிகைகளுக்குப் பிடித்திருந்தது.

லதா

எம்.ஜி.ஆர் படங்களைப் பார்ப்பதில் பெண்களுக்கு இருந்த உறுதியை வீட்டில் உள்ள மாற்றுக்கருத்துடைய ஆண்களால் சிதைக்க முடியவில்லை. இதனால் கிராமங்களில் பஞ்சாயத்துகள் நடந்தன.. ஊர்மக்கள் தம்பதிகளின் பிணக்குகளைத் தீர்த்து வைத்தன. கணவனுக்குப் பிடித்த நடிகரே தனக்கும் பிடிக்க வேண்டும் என்பதே அன்றைய பல குடும்ப கோர்ட் பிரச்னையாக இருந்தது. தங்களின் விருப்பு வெறுப்புகளை எம்.ஜி.ஆர் ரசிகைகள் யாருக்காகவும் விட்டுக்கொடுக்கவில்லை. சிலர் குடும்பச் சூழ்நிலை கருதி வெளிப்படுத்தாமல் இருந்தார்களே தவிர மாற்றிக்கொள்ளவில்லை. அதே சமயம் எம்.ஜி.ஆர் ரசிகர்கள் தாங்கள் திருமணம் செய்துவந்த பெண்களை எம்.ஜி.ஆர் ரசிகைகளாக மாற்ற முயன்றனர். இதுவும் நடந்தது. தான் ரசிக்காத ஒரு ஆணை எப்படி தன் மனைவி ரசிக்கலாம் என்ற ஆணாதிக்க உணர்வே இதற்கு அடிப்படை காரணம் ஆகும்.

லதா

எம்.ஜி.ஆரைப் பிடிக்காத ரசிகன் வேறு மாதிரி பேசினான். ஜெயகாந்தன் எழுதிய ‘சினிமாவுக்கு போன சித்தாளு’ கதையில் வரும் கணவன் தன் மனைவியின் எம்.ஜி.ஆர் ரசனையைப் பார்த்து ‘‘அவன் பொட்டம்மே... நான் சீமான் மே’’ என்று ஒப்பிட்டுப் பேசி அவளைக் கண்டிப்பான். ஆனாலும் எம்.ஜி.ஆர் பெண்கள் மத்தியில் மாபெரும் ஓட்டு வங்கியாக மாறினார் என்பதே உண்மை.

அண்ணா தி.மு.க ஆரம்பித்தபின் அவர் நடித்த படங்களில் பெரும்பான்மையானவற்றில் அவர் லதாவையே கதாநாயகி ஆக்கினார். தன் படத்தைப் பார்க்கும் தன் ரசிகைகள் துணிந்து தன் கட்சியின் கொள்கை, தி.மு.க-வின் ஆட்சியில் பரவியிருந்த ஊழல், பெண்களுக்கு பாதுகாப்பில்லாத சூழல் ஆகியவற்றைப் பற்றி பிறரிடம் துணிந்து விவாதிக்கும் வகையில் அவர்களை ஊக்குவிக்க லதாவின் கதாபாத்திரத்தை எம்.ஜி.ஆர் திறமையாகப் பயன்படுத்தினார். அதை ஓர் உளவியல்ரீதியான பயிற்சி என்றுதான் சொல்ல வேண்டும். திரும்பத் திரும்ப அவர் பெண்கள் கதாபாத்திரங்களை ஒரே மாதிரிதான் சித்திரித்தார்.

லதா

எம்.ஜி.ஆர் மக்கள் புரட்சி மூலமாக ஆட்சி மாற்றம் ஏற்படுத்துவதாகக் காட்டிய நாடோடி மன்னன், அரச கட்டளை, நம் நாடு ஆகிய படங்களில் பானுமதி, சரோஜாதேவி, ஜெயலலிதா போன்ற கதாநாயகிகளை துணிச்சல் மிக்க  பெண்களாகவே படைத்தார். அவர்கள் அநியாயம் செய்யும் ஆண்களைத் தட்டிக் கேட்டனர். திரையில் எம்.ஜி.ஆர் தொடங்கிய அறப்போருக்கு உறுதுணையாய் இருந்தனர். தனிக் கட்சி தொடங்கிய எம்.ஜி.ஆர், தன் படங்களில் லதாவை பிரசார நோக்கில் பயன்படுத்தினார். முந்தைய படங்களைவிட இந்த உளவியல் முயற்சி அதிகமாகவே இருந்தது. தி.மு.க-வினரை சாமான்யப் பெண்கள் எதிர்த்துப் பேசவும் தேர்தலில் அவர்களுக்கு எதிர்த்து வாக்களிக்கவும் எம்.ஜி.ஆரை நேரடியாக ஆதரிக்கவும் லதாவைக் காட்டி அவர்களைப் பழக்கினார் என்றே சொல்லலாம். திரைப்படங்களில் லதா தி.மு.க எதிர்ப்பு அல்லது வில்லனை எதிர்த்து எம்.ஜி.ஆரை ஆதரித்துப் பேசும்போது பெண்களும் அதை அமோதித்துக் கூடவே பேசினர்.

படங்களில் லதாவின் நேரடி பங்களிப்பு 

லதாவை எம்.ஜி.ஆர் தன் ரசிகைகளுக்கு கட்சி பற்றி பேசவும் விவாதிக்கவும் பயிற்சியளிக்கும் நோக்கில் நடனம் வசனம் போன்றவற்றை சிறப்பாக அமைத்தார். அவற்றின் செயல்பாட்டு வீச்சுக்கு ஒரு எடுத்துக்காட்டை காண்போம். 

‘உரிமைக்குரல்’ படத்தில் ‘‘ஆம்பளைங்களா நீங்க ஆம்பளைங்களா’’  என்ற பாட்டில் ஓடிவந்த படியே வீடு வீடாகச் சென்று ஆண்களைக் கேலி செய்து ஆடிப்பாடுவார். அவரது ஒவ்வொரு அசைவும் ஒரு நடன ஸ்டெப்பாக இருக்கும். 

அந்தக்கால ஆம்பளங்க போர் புரிவாங்க 

இளிச்சவாயன் பட்டம் வேறு வாங்கிவிட்டீங்க   

என்று பாடி முன்பிருந்த ஆண்கள் வீரர்கள்; இப்போது இருப்பவர்கள் கோழைகள்; அதனால் பெண்களாகிய நாங்கள் கெட்டவை அழிக்க நல்லவனை ஆதரித்து இணைந்து போராடுகிறோம் என்று பாட்டு மூலமாகத்  தெரிவிப்பார். ஆண்களே வில்லனை கெட்டவனை எதிர்க்கும் செயல்பாட்டில் ஈடுபாடு இல்லாமல் இருக்கிறீர்களே இது நியாயமா அறப்போர் நடத்தும் எம்.ஜி.ஆருடன் நீங்கள் இணைந்து நின்று அவருக்குத் தோள் கொடுக்க வேண்டாமா என்று கேட்பதாக இப்பாட்டும் டான்சும் அமைந்திருக்கும். எம்.ஜி.ஆர் பின்னால் நாம் அணிவகுத்துச் செல்ல வேண்டும் என்ற கருத்தை லதா இந்த பாட்டு மூலமாக நேரடியாகச் சொல்லிவிடுவார்.

அண்ணா தி.மு.க ஆரம்பித்த பிறகு எம்.ஜி.ஆர் படங்களில் வில்லனாக வரும் நம்பியார் நிஜத்தில் தி.மு.கவைச் சேர்ந்த ஒருவரையோ அல்லது தி.மு.க கட்சியையோ பிரதிபலித்தார். அவர் செய்யும் அட்டூழியங்களைக் கண்டு மக்கள் கொதித்துப் போய் அவரைத் தண்டிக்க வேண்டும்; அதிகாரத்தில் இருந்து அப்புறப்படுத்த வேண்டும் என்ற கருத்தை மக்கள் மனதில் விதைக்க வேன்டும் என்று எம்.ஜி.ஆர் விரும்பினார்.

‘மதுரையை மீட்ட சுந்தர பாண்டியன்’ படத்தில் லதாவின் அரசியல் ஊக்கமளிப்பு பங்கு குறிப்பிடத்தக்கது. இந்தப் படத்தில் அவர் தமிழ்நாட்டு பெண்குலத்தைப் பிரதிபிம்பமாக வந்தார். இப்படத்தில் தஞ்சையைச் சேர்ந்த சோழ மன்னனிடம் இருந்து பாண்டியநாட்டை மீட்கும் விடுதலைப் போரில் பாண்டிய இளவரசனான எம்.ஜி.ஆருக்கு உறுதுணையாக நிற்கும் கதாபாத்திரத்தில் லதா நடித்தார். சோழ நாட்டு இளவரசன் நம்பியார் என்பது கலைஞர் கருணாநிதியையும் மதுரை என்பது தமிழ்நாட்டு மக்களையும் மதுரையை மீட்ட சுந்தர பாண்டியன் [எம்.ஜி.ஆர்] என்பது அ.தி.மு.க-வையும் குறித்தது. 

லதா தன்னை பலவந்தப்படுத்தும் நம்பியாரிடம் ‘‘கொஞ்சம் பொறுத்திரு; இன்னும் கொஞ்ச நாளில் உன் அதிகாரம் பஞ்சாய்ப் பறக்கும், நீ ஒரு கொள்ளைக்காரன்’’ என்று வீர வசனம் பேசுவது விரைவில் ‘‘தேர்தல் வரும். அப்போது தி.மு.க தோற்றுப் போகும்; தி.மு.க ஒரு ஊழல் அரசு’’ என்று சொல்லும்வகையில் அமைந்தது.

அவர் ஆட்சிக்கு வந்ததும் பெண்களை அவர் தாய்க்குலம் என்று அழைத்ததும் அரசு அலுவலகம் அரசு பேருந்து என அனைத்து இடங்களிலும் பெண்களைத் தாய்க்குலம் என்றே  ஆண்கள் குறிப்பிடும்படியான காலகட்டமும் வந்தது. 

அவர் பெண்கள்மீது காட்டிய அக்கறை அவருக்குச் சாதகமாகவே அமைந்தது. ஒரு பொதுக்கூட்டத்தில் ‘‘கணவர் சொன்னால்கூட கேட்க மாட்டார்கள்; நான் சொன்னால் பெண்கள் கேட்பார்கள்’’ என்று அவர் தமிழ்நாட்டுப் பெண்களைப் பற்றி பகிரங்கமாகக் கூறும் அளவுக்குப் போனது. அன்றைய பெண்கள் அந்த வாக்குமூலத்துக்குக் கொதித்தெழவில்லை. மாறாக லதாவாக இருந்தனர் என்றே சொல்ல வேண்டும்.

 

(தொடரும்)

https://www.vikatan.com/news/coverstory/113225-the-story-of-admk-latha-and-mgr-series-part-1.html

Categories: Tamilnadu-news

திவாகரன் - தினகரன் - விவேக்: முற்றுகிறது முக்கோண மோதல்!

Wed, 10/01/2018 - 05:28
மிஸ்டர் கழுகு: திவாகரன் - தினகரன் - விவேக்: முற்றுகிறது முக்கோண மோதல்!
 

 

p44b_1515501579.jpg

திகாலையிலேயே மப்ளர் சுற்றிக்கொண்டு வந்திறங்கினார் கழுகார். சூடாக லெமன் டீ கொடுத்து உற்சாகப்படுத்தினோம். ‘‘சென்னைக் குளிரைவிட பெங்களூரில் குளிர் மிக அதிகம்’’ என்றார்.

‘‘பரப்பன அக்ரஹாரா சிறைப்பக்கம் போயிருந்தீரா?’’ என்றோம்.

‘‘ஆமாம். சசிகலா குடும்பத்துக்குள் முக்கோண மோதல் முற்றியிருக்கிறது. அதன் சுவடுகள் எதுவும் தெரியாதபடி அமைதியாக இருக்கிறது அந்தச் சிறைச்சாலை.’’

‘‘யார் யாருக்குள் மோதல்?’’

‘‘தினகரன், விவேக், திவாகரன்... மூன்று பேருக்கும்தான் மோதல். சசிகலா சிறைக்குப் போன நாளிலிருந்தே, ‘குடும்பத்துக்குள் அதிகாரத்தை யார் வசப்படுத்துவது’ என்பதில் மோதல் நடந்துவருகிறது. அரசியலைத் தினகரன் கையிலும், நிதி நிர்வாகத்தை விவேக் கையிலும் கொடுத்துவிட்டுப் போனார் சசிகலா. கோபத்தில் திவாகரன் ஒதுங்கியிருந்தார். என்னதான் அரசியலை அநாயாசமாக டீல் செய்தாலும், நிதி விவகாரத்துக்கு விவேக்கை எதிர்பார்த்திருப்பது தினகரனுக்கு உறுத்தலாகவே இருக்கிறது.   ஆர்.கே. நகர் வெற்றியைக் காரணம் காட்டி, ஒட்டுமொத்தமாக எல்லா நிர்வாகத்தையும் தன் கைக்குள் கொண்டுவர நினைக்கிறார் தினகரன். இப்போது நடக்கும் மோதலுக்கு இதுதான் காரணம்.’’

‘‘என்ன நடந்தது?’’

‘‘ஆர்.கே. நகரில் வென்றதும் சசிகலாவைப் பார்க்க தினகரன் போனார் அல்லவா? அப்போது சசிகலா மௌன விரதம் இருந்ததாகச் சொல்வது உண்மை இல்லையாம். ஜெயலலிதா மறைந்தபோது, ‘ஒரு வருடத்துக்கு அசைவம் சாப்பிடுவதில்லை’ என சசிகலா விரதம் எடுத்தாராம். அது மட்டும்தான் சிறையில் அவர் கடைப்பிடித்த ஒரே விரதம். ஜெயலலிதா வீடியோவைத் தினகரன் வெளியிட்ட கோபத்தில், தினகரனுடன் பேசப் பிடிக்காமல்தான், ‘மௌன விரதம்’ என்று எழுதிக் காட்டியிருக்கிறார். வெற்றி வீரனாக தான் போனபோது சசிகலா வாழ்த்தவில்லையே என்ற வருத்தம் இருந்தாலும், பேசியே அவர் கோபத்தைக் கரைத்துவிட்டார் தினகரன். அவர் சார்பில் சென்ற சில வழக்கறிஞர் களும் சேர்ந்து இந்தக் காரியத்தைச் செய்தார்கள்.’’

p44a_1515501600.jpg

‘‘என்ன பேசினார்களாம்?’’

‘‘அந்த வீடியோவை வெளியிட்டதால்தான் சசிகலா மீதிருந்த பழி துடைக்கப்பட்டது என்று சொல்லியிருக்கிறார் தினகரன். ‘சில விசுவாசிகளின் ஒத்துழைப்பு தவிர, வேறெந்த உதவியும் இல்லாமல்தான் ஆர்.கே. நகரில் ஜெயித்தேன். குடும்பத்தில்கூட யாரும் உதவி செய்யவில்லை. விவேக்கிடம் பணம் கேட்டுப் பலமுறை ஆள் அனுப்பினேன். ஆனால், அவர் பணமே தரவில்லை. ஜெயித்தபிறகும் விவேக் குடும்பத்திலோ, திவாகரன் குடும்பத்திலோ யாரும் வாழ்த்துகூட சொல்லவில்லை. எல்லோரும் என்னைக் கைவிட்ட நிலையிலும் ஜெயித்துக் காட்டியிருக்கிறேன்’ என உருக்கமாகச் சொன்னாராம் தினகரன். அடுத்து அவர் சொன்ன விஷயம்தான் சசிகலாவை நெகிழ வைத்துவிட்டது.’’

‘‘என்ன அது?’’

‘‘தனது அரசியல் போராட்டம் முழுக்க சசிகலாவுக்காகத்தான் என்பதை ஆணித்தரமாகச் சொல்லியிருக்கிறார் தினகரன். ‘இப்போதே 70-க்கும் மேற்பட்ட எம்.எல்.ஏ-க்கள் என்னுடன் தொடர்பில் இருக்கிறார்கள். 10 அமைச்சர்கள் வரை நம் பக்கம் வந்துவிடத் தயார். அமைச்சர்கள் இந்தப் பக்கம் சாய்ந்ததும் எடப்பாடி ஒன்றுமில்லாமல் ஆகிவிடுவார். அப்புறம் நாம் ஆட்சி அமைப்பதில் எந்தத் தடையும் இருக்காது. உங்கள் கட்டளைப்படி இந்த ஆட்சி நடக்கும். அது மட்டுமல்ல, உங்களை வெளியில் கொண்டுவருவதற்கான எல்லா ஏற்பாடுகளையும் நான் செய்துகொண்டிருக்கிறேன். உச்ச நீதிமன்றத்தில் மறுசீராய்வு மனு போடுவதற்கான ஏற்பாடுகள் நடக்கின்றன. மார்ச் மாதம் நீங்கள் சுதந்திரப் பறவையாக இருப்பீர்கள்’ என்றாராம் தினகரன். உடனே சசிகலா கனவு காணத் தொடங்கிவிட்டார்.’’

‘‘அப்புறம்?’’

‘‘அந்த நேரத்தில்தான் விவேக்குக்கு எதிராக சில விஷயங்களைச் சொன்னாராம் தினகரன். ‘நான் போன் செய்தாலும் எடுப்பதில்லை. சின்னப்பையன் அவன். குருவித்தலையில் பனங்காய் வைப்பதுபோல நீங்கள் கொடுத்த பொறுப்புகளைச் செய்ய முடியாமல் திணறுகிறான். ஜெயா டி.வி-யில் பல விஷயங்கள் இதனால் தப்புத்தப்பாக நடக்கின்றன. அதில் சில மாற்றங்களைச் செய்தால், நான் நினைக்கும் ஆட்சி மாற்றங்களுக்கு உதவியாக இருக்கும்’ என்றாராம்.’’

p44c_1515501659.jpg

‘‘அதற்கு என்ன ரியாக்‌ஷன்?’’

‘‘சசிகலா, தினகரனிடம் எதுவும் சொல்ல வில்லை. ஆனால், ஜனவரி 3-ம் தேதி சசிகலாவைச் சந்திக்க விவேக் போனபோது, ஓர் உணர்ச்சிப் போராட்டமே நடைபெற்றது. தினகரன் சொன்ன எல்லா விஷயங்களையும் விவேக்கிடம் பகிர்ந்து கொண்ட சசிகலா, ‘நீ ஏன் தினகரனை மதிப்ப தில்லை?’ என்று கேட்டாராம். விவேக் உடனே பொங்கித் தீர்த்துவிட்டாராம். ‘நீங்கள் சொல்வதை மட்டும்தான் நான் செய்துகொண்டிருக்கிறேன். நீங்கள்தான் அவருக்குப் பணம் தர வேண்டாம் என்று சொன்னீர்கள். அதனால் நான் தரவில்லை. அவராக எப்போதும் பணம் கேட்டதில்லை. யார் யாரையோ அனுப்புவார். எனக்கு அத்தான் (தினகரன்) தகவலே சொல்ல மாட்டார். அவர் சொல்லித்தான் கேட்கிறார்கள் என எப்படி நம்பித் தருவது? நான் லண்டன் போயிருந்தபோது, அவர் போன் செய்திருக்கிறார். நான் வெளிநாடு போனதைத் தெரிந்து கொண்டே, அந்த நேரத்தில் போன் செய்துவிட்டு, நான் எடுக்கவில்லை எனப் புகார் சொல்கிறார். உண்மையில் ஆட்சி மாற்றத்துக்கான எந்த நிலைமையும் தமிழ்நாட்டில் இல்லை. ‘ஆட்சியைக் கவிழ்த்துவிடுவேன்’ என்றே இவர் பேசிக்கொண்டிருப்பதால், ‘பதவி போய் விடும்’ என்ற பயத்தில் எம்.எல்.ஏ-க்கள் வரத் தயங்குகிறார்கள். இதுதான் யதார்த்தம். அதோடு, டெல்லியில் உங்கள் வழக்குத் தொடர்பாக எந்த ஏற்பாடும் நடக்கவில்லை. எனக்கு நன்றாகத் தெரியும்’ என்றாராம்.’’

‘‘அதற்கு, சசிகலா என்ன சொன்னாராம்?’’

‘‘பதில் எதுவும் சொல்லாமல் அமைதியாகக் கேட்டுக்கொண்டாராம். அதன்பிறகு, ‘ஜெயா டி.வி-யில் தினகரன் சில மாற்றங்களைச் செய்ய வேண்டுமாம். அதுதொடர்பாக அவருடன் பேசு’ என்று சசிகலா சொல்லவும், விவேக் வேதனையுடன் மீண்டும் புலம்பினாராம்.’’

‘‘என்ன சொன்னார்?’’

‘‘தேர்தல் வெற்றி குறித்து ஜெயலலிதா பேசுகிறபோதெல்லாம் மறக்காமல் ஜெயா  டி.வி-க்கு நன்றி தெரிவிப்பார். ஆர்.கே. நகர் வெற்றிக்குப் பிறகு ஜெயா டி.வி-யினருக்குத் தினகரன் நன்றி சொல்லவில்லை. இதைக் குறிப்பிட்ட விவேக், ‘ஆளும்கட்சியின் பணப் பட்டுவாடாவை வீடியோ எடுத்ததால் தாக்கப்பட்ட ஜெயா டி.வி-யினரை மருத்துவமனையில் தினகரன் வந்து பார்க்க வில்லை. ஆனால், அந்த டி.வி அவருக்கு வேண்டுமா? அவர்தான் ரொம்ப நல்லவர். நீங்கள் அவரை மட்டுமே நம்புங்கள். ஜெயா டி.வி என்ன, எல்லா நிர்வாகத்தையுமே அவர் பார்த்துக்கொள்ளட்டும். நான் மொத்தமாக விலகிவிடுகிறேன்’ எனக் கோபமாகச் சொல்லிவிட்டு விவேக் வெளியில் வந்தாராம்.’’

‘‘எதற்கு ஜெயா டி.வி-க்கு இவ்வளவு மோதல்?’’

‘‘ஜெயா டி.வி நிர்வாகம் என்பது, வெறுமனே அந்த டி.வி-யைப் பார்த்துக்கொள்வது மட்டுமல்ல. அந்த நிர்வாகம் ஒரு ‘மாஸ்டர் சாவி’ போன்றது. அந்தப் பொறுப்பில் இருப்பவர்கள்தான், வெளியில் தெரிந்த, தெரியாத எல்லா நிதி விவகாரங்களையும் பார்த்துக்கொள்ள வேண்டும் என்பது எழுதப்படாத உத்தரவு. இதை நிர்வகிப் பவரின் கட்டளைப்படியே ஆங்காங்கே பரிமாற்றங்கள் நிகழும். அதனால்தான் இத்தனை போட்டி.’’

‘‘சரி, இந்த மோதலில் திவாகரன் எங்கே வருகிறார்?’’

‘‘விவேக்கை வீழ்த்த தனக்கு திவாகரனின் துணை தேவை என்று தினகரன் நினைக்கிறார். ‘தனக்கு வாழ்த்துகூட சொல்லாத திவாகரனுடன் வலியப் போய் இப்போது நெருக்கம் காட்டுகிறார் தினகரன். விவேக்குக்கு அரசியல் ஆசை வந்து விட்டது. அவர்தான் திவாகரனின் மகன் ஜெயானந்துக்குக் கட்சியில் பதவி எதுவும் தர விடாமல் தடுக்கிறார் என்பதுபோல திவாகரனிடம் பேசியிருக்கிறார் தினகரன். இதனால், விவேக்குக்கு எதிராக இருவரும் தற்காலிகமாக இணைந்துள்ளார்கள். ஆனாலும், தினகரன்மீதான கோபம் திவாகரனுக்குக் குறையவில்லை’ என்கிறார்கள் திவாகரன் ஆதரவாளர்கள்.’’

‘‘திமு.க மாவட்டச் செயலாளர்கள் கூட்டம் திடீரென்று நடத்தப்பட்டுள்ளதே?’’

‘‘ஆர்.கே. நகர் தேர்தல் தோல்வியைத் தொடர்ந்து நிர்வாகிகளை முடுக்கி விடுவதற்காக பல காரியங்களை ஸ்டாலின் செய்ய ஆரம்பித்துள்ளார். உயர்நிலை செயல்திட்டக் குழுக் கூட்டம் முதலில் நடந்தது. அதன்பிறகு மாவட்டச் செயலாளர்கள் கூட்டத்தைக் கூட்டினார். முதன்மைச் செயலாளர் துரைமுருகன்தான் கூட்டத்தைத் தொடங்கி வைத்துப் பேசினார். ‘தலைவர் எதிரில் நிறைகுறைகளை எப்படி வெளிப்படையாகப் பேசினீர்களோ, அதுபோலவே இப்போதும் பேசலாம்’ என்றார் அவர். ஆர்.கே. நகர் தோல்வி, ரஜினி அரசியல், உள்கட்சி விவகாரங்கள் எனப் பல விஷயங்கள் பேசப்பட்டதாம். ஆனால், தலைமையை யாரும் குறைசொல்லவில்லை. திருவாரூர் மாவட்டச் செயலாளர் பூண்டி கலைவாணனைத்தவிர!’’

‘‘அவர் என்ன சொன்னாராம்?’’

‘‘பூண்டி கலைவாணன், ‘தலைவர் அடிக்கடி நகைச்சுவையாகப் பேசுவார். ரயில் ஓடுவதற்குப் பயன்படும் நிலக்கரியில் கொஞ்சம் திருடியவன் மாட்டிக் கொள்வான். அவனுக்குத் தண்டனையும் கடுமையாக இருக்கும். ஆனால், ரயில் இன்ஜினைத் திருடியவன் மாட்டமாட்டான். அவனுக்குத் தண்டனையும் பெரிதாக இருக்காது என்பார். அதுபோலத்தான், இப்போது நம் கட்சியிலும் நிலை உள்ளது’ என்று பூடகமாகப் பேசினாராம். அவரது பேச்சு சலசலப்பை ஏற்படுத்தியது. ‘என்ன சொல்ல வருகிறீர்கள் என்பதைத் தெளிவாகச் சொல்லுங்கள்’ என்று பலரும் கேட்டுள்ளனர். ஆனால், ‘தலைவர் அடிக்கடி குறிப்பிடுவார். அதைத்தான் நானும் குறிப்பிட்டேன்’ என்று மட்டும் சொல்லியிருக்கிறார் கலைவாணன்.’’

‘‘அந்தப் பேச்சு பற்றி தி.மு.க-வினர் என்ன சொல்கிறார்கள்?’’

‘‘ஆர்.கே. நகர் தேர்தல் தோல்விக்குப் பெரிய ஆட்கள்மீது ஒப்புக்குக்கூட எந்த நடவடிக்கையும் எடுக்காமல், வட்டச் செயலாளர்களையும், கடைக்கோடி நிர்வாகிகளையும் பதவிநீக்கம் செய்தார்கள். பொதுவாக, அமைச்சர்களாக இருந்தவர்கள், மாவட்டச் செயலாளர்கள் செய்யும் தவறுகள் கண்டுகொள்ளப்படுவதே இல்லை. கடைநிலைப் பொறுப்பில் இருப்பவர்கள் தவறு செய்தால் உடனே நடவடிக்கை எடுக்கப்படுகிறது. ‘ஆர்.கே. நகர் தேர்தலில் வேட்பாளர் தேர்வு முதல் தேர்தல் வேலைகள் வரை அனைத்தையும் பார்த்தது மாவட்டச் செயலாளர். ஆனால், வட்டச் செயலாளர்கள்மீது நடவடிக்கை எடுக்கப்பட்டுள்ளது என்று பலரும் மௌனமாகப் புகைந்து வருகிறார்கள்’ என்பதை முன்பே சொல்லி இருந்தேன் அல்லவா? பூண்டி கலைவாணன் இதைத்தான் குறிப்பிட்டிருப்பார் என்று தி.மு.க-வில் மற்றவர்கள் பேசிக் கொள்கிறார்கள்.’’

‘‘வேறு யார் பேசினார்களாம்?’’

‘‘எம்.ஆர்.கே.பன்னீர்செல்வம், ‘ரஜினி மாயை தற்போது தமிழகத்தில் ஏற்பட்டுள்ளது. அவர் ஆட்சியைப் பிடித்துவிடுவார்; முதலமைச்சராகி விடுவார் என நம் கட்சிக்குள்ளேயே சிலர் பேசுகிறார்கள். விஜயகாந்த் வந்தபோதும், இப்படித்தான் பலர் சொன்னார்கள். ஆனால், அப்படியா நடந்தது? அதுபோல, ரஜினியை நினைத்து நாம் பயப்படத் தேவையில்லை. ஆனாலும், கொஞ்சம் கவனமாக இருக்க வேண்டும்’ என்றார். சென்னையைச் சேர்ந்தவர்கள், ‘நாம் தேர்தல் வேலைகளில் கொஞ்சம் மாற்றம் செய்ய வேண்டும். இதுவரை பகுதிச் செயலாளர்களிடம் பணம் கொடுத்துத்தான் பூத் வேலைகளைப் பார்த்துக் கொண்டிருக்கிறோம். இனிமேல், பூத் வேலை பார்ப்பவர்களைத் தனியாக ஒருங்கிணைக்க வேண்டும். அதுபோல, மற்றவர்கள் ஓட்டுக்குப் பணம் கொடுத்தபோது, நாம் கொஞ்சமாவது செலவு செய்திருக்கலாம்’ என்றனர். அதற்குக் கடுமையாக எதிர்ப்புத் தெரிவித்த மற்றவர்கள், ‘ஆர்.கே. நகர் தேர்தலில் பணம் கொடுக்க வேண்டாம் என்று ஸ்டாலின் எடுத்த முடிவு சரிதான். நம்மீதான களங்கம் துடைக்கப்பட்டுள்ளது’ என்றனர். இறுதியாகப் பேசிய மு.க.ஸ்டாலின், ‘ஆர்.கே. நகர் தேர்தலில் பணம் கொடுக்காமல் போனது நமக்குத் தோல்வியைத் தந்திருந்தாலும், நம்மீதான கடந்தகால களங்கத்தைத் துடைத்துள்ளது’ என்றார்.’’

p44d_1515501636.jpg

‘‘மாலையில் தி.மு.க எம்.எல்.ஏ-க்கள் கூட்டமும் நடந்துள்ளதே?”

‘‘சட்டசபையில் கவர்னர் உரையைப் புறக்கணிப்பதுதான் அதில் ஹைலைட். அது ஏற்கெனவே கணிக்கப்பட்டதுதானே. அதேநேரத்தில், ‘அடிக்கடி வெளிநடப்பு செய்யக்கூடாது. மக்கள் பிரச்னைகளைப் பேசி சட்டமன்றத்தில் பதிவுசெய்ய வேண்டும்’ என்று ஸ்டாலின் உத்தரவிட்டுள்ளார்.’’

‘‘கவர்னர் பன்வாரிலால் புரோஹித் சட்டசபையில் தனது முதல் உரையை ஆற்றிவிட்டாரே?’’

‘‘கவர்னர் உரை என்றாலே, அரசு தயார்செய்து கொடுத்த அறிக்கையை வாசிப்பதுதானே வழக்கம்! ஆனால், அவர் தனது உரையில் தமிழக அரசு மேற்கொள்ளப் போகும் திட்டங்களைப் பற்றி மட்டுமே பேசினார். வழக்கமாக கவர்னர் உரையில் ஆட்சியையும், ஆட்சி செய்பவர்களைப் பற்றியும் புகழ்பாடல்கள் அதிகமாக இருக்கும். இதில் ‘இந்த அரசு’ என்று எளிமையான அறிமுகம் மட்டுமே இருந்தது. அதனால் ஜால்ரா சத்தமும், மேஜையைத் தட்டும் சத்தமும் குறைந்துவிட்டது.’’

‘‘தினகரனின் சட்டசபை வரவை எப்படிப் பார்க்கிறது ஆளும் தரப்பு?’’

‘‘தினகரன் சட்டசபைக்கு வருவதற்கு முன்பாக, அவரின் ஆதரவாளர்கள் பலரும் வந்திருந்தனர். கோட்டைக்குள் தினகரன் கார் வரும்போதே, ‘மக்கள் முதல்வர்’ என்று கோஷமிட்டு வரவேற்றார்கள். தினகரனுக்கு சட்டசபையில் எதிர்க்கட்சி வரிசையில் 148-வது எண் இருக்கை ஒதுக்கப்பட்டிருந்தது. சட்டசபை நிகழ்ச்சிகள் துவங்கும்முன்பே, தனது இருக்கைக்குச் சென்று அமர்ந்தார் தினகரன். அவர் இருக்கைக்கே வந்து எம்.எல்.ஏ-க்கள் ரத்தினசபாபதி, கலைச்செல்வன் இருவரும் வணக்கம் தெரிவித்தனர். தினகரனும்  பதிலுக்கு வணக்கம் தெரிவித்தார். பிற அ.தி.மு.க எம்.எல்.ஏ-க்கள் யாருமே தினகரனைக் கண்டுகொள்ளவில்லை. கூட்டம் துவங்கியதுமே, தி.மு.க எம்.எல்.ஏ-க்கள் வெளிநடப்பு செய்தபிறகு அந்த வரிசையில் தினகரன் மட்டுமே தனிமையில் அமர்ந்திருந்தார்’’ என்றபடி கழுகார் பறந்தார்.

அட்டை ஓவியம்: கார்த்திகேயன் மேடி
படம்: கே.ஜெரோம்

p44_1515501516.jpg

dot_1515501537.jpg தமிழக அரசு எவ்வளவு செயலற்றுப்போயிருக்கிறது என்பதற்கு உதாரணம் இது... தலைமைச் செயலகத்தில் 6,000  ஊழியர்கள் பணிபுரிகிறார்கள். அவர்களுக்கு வழக்கமாக வழங்கப்படும் புது அடையாள அட்டை, ஆறு மாதங்களாகியும் இன்னும் வழங்கப்படவில்லையாம். 31.7.17 தேதியுடன் தற்போது உள்ள கார்டு காலவதியாகிவிட்டதாம். அலுவல் நிமித்தமாக வெளியிடங்களுக்குப் போகும் ஊழியர்களை நம்பாமல் கண்டபடி கேள்வி கேட்கிறார்களாம். இதனால் தவிக்கிறார்கள் பலரும்.

dot_1515501537.jpgபிரதமர் மோடியைக் குளிர்விக்க, எடப்பாடி லேட்டஸ்ட்டாக செய்தது என்ன தெரியுமா? தமிழக அரசு சார்பில் அச்சடிக்கப் பட்ட காலண்டரில் மோடியுடன் முதல்வர் எடப்பாடி இருக்கிற மாதிரியான புகைப்படம் இடம்பெற்றுள்ளது. ஜெயலலிதா முதல்வராக இருந்தபோது இப்படியெல்லாம் செய்ததில்லை. எந்தப் படம் இடம்பெற வேண்டும் என்பதை எடப்பாடியே செலக்ட் செய்து கொடுத்தாராம்.

dot_1515501537.jpg சட்டசபையில் கவர்னர் உரையில், எம்.ஜி.ஆர்., ஜெயலலிதா பெயர்களைக் குறிப்பிட்டபோது, ஆளும்கட்சி எம்.எல்.ஏ-க்கள் மேஜையைத் தட்டி ஆரவாரம் செய்தார்கள். ஆனால், தினகரன் மௌனமாக உட்கார்ந்திருந்தார். அதைப்பார்த்த அமைச்சர் ஒருவர், “இவரு எம்.பி-யாக இருந்தப்ப, டெல்லி பக்கமே போகக்கூடாதுன்னு அம்மா தடை போட்டாங்க. போயஸ் கார்டன்ல தலைகாட்டக்கூடாதுன்னு பல வருஷம் தடை போட்டிருந்தாங்க. தினகரன்மீது எழுந்த புகார்கள்தான் அந்த நடவடிக்கைகளுக்குக் காரணம். அந்தக் கோபத்துல, இப்ப கைதட்டாம இருக்கிறாரு போலிருக்கு’’ என்று கமென்ட் அடித்தாராம்.

dot_1515501537.jpg அ.தி.மு.க எம்.எல்.ஏ-க்களில் சிலரை வளைக்க    பி.ஜே.பி தலைமை திட்டமிட்டுள்ளது. கணிசமான எம்.எல்.ஏ-க்கள் சேர்ந்ததும் அவர்களை மொத்தமாக அழைத்துச் சென்று மோடி முன்பாக நிறுத்தத் திட்டம்.

dot_1515501537.jpg  ‘‘எம்.எல்.ஏ-க்கள் யாரும் தினகரனைப் பார்த்துச் சிரிக்கக் கூடாதுன்னு அமைச்சர்கள் சொல்றாங்க. இதுல எத்தனை பேர் தினகரனுக்கு போன்ல வாழ்த்து சொன்னவங்கன்னு தெரியுமா?’’ என்று கிண்டல் அடித்தாராம் ஓர் ஆளும்கட்சி எம்.எல்.ஏ.

dot_1515501537.jpg  ரஜினி மன்றத்தினர் மத்தியில் உச்சரிக்கப்படும் பெயர் ‘பிரதர்ஸ்’. வட மாவட்டத்தைச் சேர்ந்த இந்த இரட்டையருக்கு, ரஜினியின் உள்வட்டத்தில் இருக்கும் ஒருவர் நெருக்கம். தீபாவளி, பொங்கல்... இப்படி விசேஷ நாள்கள் வந்தால், ரஜினி வீட்டு செக்யூரிட்டி, வேலைக்காரர்கள், மண்டப ஊழியர்கள் என்று அனைவரது வீடுகளுக்கும் போய் பவ்யமாக தாம்பாளத்தில் பரிசுப் பொருள்கள் வழங்கி கௌரவிக்கிறார்களாம்.  அதனால், பிரதர்ஸ் வந்தால் ராயல் சல்யூட் அடித்து வரவேற்கிறார்களாம் போயஸ் தோட்டத்தில். ‘‘இந்த ஐடியா நமக்குத் தெரியாமல் போய்விட்டதே’’ என்று மன்ற நிர்வாகிகள் பலர் புலம்புகிறார்கள்.

https://www.vikatan.com/

Categories: Tamilnadu-news

இலங்கை கடற்படையினர் அட்டூழியம்: 3,500 தமிழக மீனவர்கள் விரட்டியடிப்பு

Tue, 09/01/2018 - 13:52
இலங்கை கடற்படையினர் அட்டூழியம்: 3,500 தமிழக மீனவர்கள் விரட்டியடிப்பு

 

 
fishermen

கடலில் மீன்பிடித்துக் கொண்டிருந்த 3,500க்கும் மேற்பட்ட தமிழக மீனவர்களை இலங்கை கடற்படையினர் விரட்டியடித்ததோடு, அவர்களது படகுகளை சேதப்படுத்தியும், வலைகளை அறுத்தெறிந்தும் உள்ளனர்.

சுமார் 50 படகுகளில் இருந்து வீசப்பட்ட வலைகளை அறுத்தெறிந்த இலங்கை கடற்படையினர், தமிழக மீனவர்கள் மீது கல்வீசித் தாக்குதலில் ஈடுபட்டுள்ளனர்.

மண்டபம் உள்ளிட்ட பகுதிகளில் இருந்து சுமார் 650 படகுகளில் சென்ற மீனவர்கள், கச்சத்தீவு அருகே மீன்பிடித்துக் கொண்டிருந்தபோது, அங்கே வந்த இலங்கை கடற்படையினர், மீனவர்களை அங்கிருந்து செல்லுமாறு எச்சரித்ததோடு, மீனவர்கள் மீது கற்களை வீசித் தாக்கி, வலைகளையும் அறுத்தெறிந்தனர்.

மீனவப் பிரதிநிதிகளை, துணை முதல்வர் ஓ. பன்னீர்செல்வம் சந்தித்து, இலங்கை கடற்படையினரின் தாக்குதல் சம்பவங்களை தடுத்து நிறுத்த நடவடிக்கை எடுக்கப்படும் என்று உறுதிமொழி அளித்திருந்த நிலையில், இன்று இந்த சம்பவம் நேரிட்டுள்ளது.

மேலும், ஜனவரி 7ம் தேதி, நடுக்கடலில் மீன்பிடித்துக் கொண்டிருந்த ஆயிரக்கணக்கான தமிழக மீனவர்கள் விரட்டியடிக்கப்பட்ட சம்பவம் நடந்து 2வது நாளில் மீண்டுமொரு விரட்டியடிப்பு சம்பவம் நடந்துள்ளது.

கச்சத்தீவு அருகே ஞாயிற்றுக்கிழமை மீன்பிடித்துக் கொண்டிருந்த ராமேசுவரம் மீனவர்கள் 1500 பேரை இலங்கை கடற்படையினர் மீன்பிடிக்க விடாமல் தடுத்தும், அவர்களது வலைகளை அறுத்தும் கடலில் வீசினர்.

ராமநாதபுரம் மாவட்டம் ராமேசுவரத்தில் இருந்து சனிக்கிழமை 600-க்கும் மேற்பட்ட விசைப்படகுகளில் 2700-க்கும் மேற்பட்ட மீனவர்கள் கடலுக்கு மீன்பிடிக்கச் சென்றனர். ஞாயிற்றுக்கிழமை காலையில் கச்சத்தீவு அருகே மீன்பிடித்துக் கொண்டிருந்தனர். அப்போது 7 ரோந்து கப்பலில் அங்கு வந்த இலங்கை கடற்படையினர் சுமார் 1500-க்கும் மேற்பட்ட மீனவர்கள் மீது தாக்குதல் நடத்தி மீன்பிடிக்க விடாமல் தடுத்து விரட்டியடித்தனர். மேலும் 50-க்கும் மேற்பட்ட விசைப்படகுகளில் இருந்த வலைகளை அறுத்தெறிந்தனர். 

இதுகுறித்து தமிழ்நாடு மீன்பிடி தொழிற்சங்க கூட்டமைப்பு மாநில செயலாளர் சி.ஆர்.செந்தில்வேல் கூறியது: ஒரு சில மீனவர்கள் அரசால் தடை செய்யப்பட்ட இரட்டை மடிவலைகளைப் பயன்படுத்தி மீன்பிடிப்பதால் இது போன்ற தாக்குதல் சம்பவங்கள் நடைபெற்று வருகிறது. தமிழக மீனவர்களைப் பாதுகாக்க கச்சத்தீவு அருகே இந்திய கடற்படை கப்பலை நிறுத்திப் பாதுகாப்பு அளிக்க வேண்டும் என்றார்.

http://www.dinamani.com/tamilnadu/2018/jan/09/இலங்கை-கடற்படையினர்-அட்டூழியம்-3500-தமிழக-மீனவர்கள்-விரட்டியடிப்பு-2841839.html

Categories: Tamilnadu-news

`ஆதாரங்களைக் கொடுத்தால் அப்போலோவுக்குதான் ஆபத்து!' - எம்பாமிங்கால் வெளியில் வந்த ஜெ. மரண நிமிடங்கள் #VikatanExclusive

Mon, 08/01/2018 - 06:01
`ஆதாரங்களைக் கொடுத்தால் அப்போலோவுக்குதான் ஆபத்து!' - எம்பாமிங்கால் வெளியில் வந்த ஜெ. மரண நிமிடங்கள் #VikatanExclusive
 
 

அப்போலோ மருத்துவமனை

Chennai: 

மீண்டும் சர்ச்சைக்குள்ளாகியிருக்கிறது முன்னாள் முதல்வர் ஜெயலலிதாவின் மரணம். `ஆறுமுகசாமி விசாரணை ஆணையத்தில் மருத்துவர் சுதா சேஷய்யன் கூறிய தகவல்கள், அப்போலோ நிர்வாகத்துக்குக் கூடுதல் அதிர்ச்சியை அளித்துள்ளன. இதுதொடர்பான ஆதாரங்களையும் விசாரணை ஆணையத்தின்முன் சமர்ப்பித்திருக்கிறார் சுதா சேஷய்யன்" என்கின்றனர் அரசு மருத்துவர்கள். 

 

முன்னாள் முதல்வர் ஜெயலலிதா மரணம் தொடர்பான விசாரணையைத் தீவிரப்படுத்தி வருகிறார் முன்னாள் நீதியரசர் ஆறுமுகசாமி. ஜெயலலிதாவுக்கு சிகிச்சை அளித்த மருத்துவர்கள், முன்னாள் தலைமைச் செயலாளர்கள் ஷீலா பாலகிருஷ்ணன், ராமமோகன ராவ், ஜெயலலிதா அண்ணன் ஜெயக்குமாரின் வாரிசுகளான தீபா, தீபக், இளவரசியின் மகள் கிருஷ்ணபிரியா ஆகியோரிடம் நடந்த விசாரணை நிறைவுபெற்றுவிட்டது. ஆணையத்தின் முன் ஆஜராகிவிட்டு வெளியே வந்த மருத்துவர் சுதா சேஷய்யன், `ஜெயலலிதாவின் உடல் எம்பாமிங் செய்யப்பட்டது குறித்து நீதிபதியிடம் விளக்கினேன். ஜெயலலிதா உயிருடன் இருந்தபோது மருத்துவமனையில் நான் அவரை சந்திக்கவில்லை. டிசம்பர் 5-ம் தேதி இரவு 10.30 மணியளவில் எனக்கு போன் வந்தது. ஜெயலலிதா உடல் கெட்டுப்போகாமல் இருப்பதற்கு ‘எம்பாமிங்’ செய்ய வேண்டும் என்று கூறினர். நான் இரவு 11.40 மணியளவில் அப்போலோ மருத்துவமனைக்குச் சென்றுவிட்டேன். 12.20 மணிக்கு எம்பாமிங் செய்யப்பட்டது' எனச் செய்தியாளர்களிடம் கூறினார். `ஜெயலலிதா 11.30 மணிக்கு இறந்தார்' என அப்போலோ நிர்வாகம் அதிகாரபூர்வ அறிவிப்பை வெளியிட்டுள்ள நிலையில், `10.30 மணிக்கு அழைப்பு வந்தது' எனச் சுதா தெரிவித்த கருத்துகள் சர்ச்சையை ஏற்படுத்திவிட்டன. 

மருத்துவர் சுதா சேஷய்யனிடம் பேசினோம். "ஓர் அரசாங்க ஊழியராக இருப்பதால் இந்த விவகாரம் குறித்து என்னால் எதுவும் பேச இயலாது" என்றதோடு முடித்துக்கொண்டார். அவர் தரப்பு விளக்கமாக நம்மிடம் பேச முன்வந்தார் அரசு உடற்கூறு மருத்துவர் ஒருவர். அவரிடம் சில கேள்விகளை முன்வைத்தோம். 

'ஒரு நோயாளி எதனால் இறந்தார்' என்பது சந்தேகத்துக்குரியதாக இருக்கும்போது, அந்த உடலை கிளினிக்கல் அட்டாப்சி செய்ய வேண்டும் என்பது மருத்துவ நியதி. இதன்மூலம் இறப்புக்கான காரணத்தையும் கண்டறிய முடியும். இதைத் தெளிவுபடுத்தாமல் எம்பாமிங் செய்தது சரியா? 

"நோயாளியின் ரத்த சம்பந்தமுள்ள உறவினர்கள், 'எங்களுக்கு எந்தவித சந்தேகமும் இல்லை; கிளினிக்கல் அட்டாப்சி வேண்டாம்' என வேண்டுகோள் வைத்தால், அதைச் செய்ய வேண்டிய அவசியம் இல்லை. எம்பாமிங் நடவடிக்கைகளை மேற்கொண்ட நேரத்தில், இது சந்தேக மரணம் என யாரும் கேள்வி எழுப்பவில்லை". 

ரத்த சம்பந்தமுள்ள வாரிசு என்றால், அப்போது சசிகலாவுடன் நல்ல அணுகுமுறையில் இருந்தது தீபக் மட்டும்தானே?  

"கிளினிக்கல் அட்டாப்சி செய்ய வேண்டும் என தீபக் கூறியிருந்தால் பிரச்னை வந்திருக்கும். அவர் கேட்டாரா எனத் தெரியவில்லை". 

சுதா சேஷய்யன்

உள்ளூர் காவல்நிலையத்தின் கிளியரன்ஸைப் பெற்றுக்கொண்டுதான் எம்பாமிங் செய்ய வேண்டும். இந்த நடைமுறைகள் பின்பற்றப்பட்டதா? 

"காவல்நிலையத்தில் அனுமதி வாங்கப்பட்டதா என்பது எங்களுக்குத் தெரியாது. ஒரு மரணத்தில் சந்தேகம் எழவில்லையென்றால் காவல்நிலையத்தின் கிளியரன்ஸ்(N.O.C) வாங்க வேண்டிய அவசியம் இல்லை. `டிசம்பர் 4-ம் தேதி மாலை 4 மணிக்கு கார்டியாக் அரெஸ்ட் ஏற்பட்டு மரணம் அடைந்தார் ஜெயலலிதா' என தீபக் கூறுகிறார். இதை எப்படி எடுத்துக்கொள்வது. ஒருவரின் மரணத்தில் சந்தேகம் வராவிட்டால் அட்டாப்சி தேவையில்லை.'' 

ஒரு சாதாரண மனிதனின் இறப்பில் ஏற்படும் சந்தேகங்களைத் தீர்த்துக்கொள்வதற்கு சட்டம் வழிவகை செய்கிறது. ஒரு மாநிலத்தின் முதல்வராக இருந்தவரின் மரணத்தில் ஏன் இவ்வளவு மர்மம்? 

"ஜெயலலிதா இறந்த அன்று, இப்போது கேட்கப்படும் எந்தக் கேள்விகளும் கேட்கப்படவில்லை. அப்போலோ நிர்வாகம் கொடுத்துள்ள இறப்பு சான்றிதழில் வெண்ட்ரிகுலர் பிப்ரிலேஷன்(ஏ.ஆர்.டி.எஸ்) எனக் குறிப்பிட்டுள்ளனர். அவர் இறந்து நான்கைந்து நாள்கள் கழிந்த பிறகுதான் மர்மம் எனப் பேசத் தொடங்கினார்கள். ஜெயலலிதாவின் ரத்த சம்பந்தமுள்ள வாரிசுகள், கிளினிக்கல் அட்டாப்சி மூலம் இதைத் தெளிவுபடுத்தியிருக்க வேண்டும். அன்று ஜெயலலிதாவுடன் யார் இருந்தார்கள். அவர் இறந்த 24 மணி நேரத்தில் ஒருவரும் எந்தக் கேள்வியும் எழுப்பவில்லையே...?" 

ஆணைய விசாரணையில், 'ஜெயலலிதா இறந்த அன்று இரவு 10.30 மணிக்கு அழைப்பு வந்தது' என்கிறார் சுதா சேஷய்யன். ஆனால், '11.30 மணிக்கு இறந்தார்' என அப்போலோ நிர்வாகம் அறிவித்தது. ஏன் இந்த முரண்பாடு? 

"இதைப் பற்றி விரிவாகப் பேச ஆரம்பித்தால், ஆணையத்தின் விசாரணைப் போக்கை திசைமாற்றியதாக ஆகிவிடும். அப்போலோவில் உள்ள ஆவணங்களில் மாற்றம் செய்வதற்கும் வழி ஏற்படுத்திக் கொடுப்பதுபோலாகிவிடும். எங்களிடம் சில ஆதாரங்கள் இருக்கின்றன. 10.30 மணிக்குத் தகவல் வந்தது. ஓர் ஆட்டோவில் ஏறி கிரீம்ஸ் ரோடு அப்போலோ மருத்துவமனைக்குச் சென்றார் மருத்துவர் சுதா. தொண்டர்களின் கூட்டம் அதிகப்படியாக இருந்ததால், அவரால் ஆட்டோவில் செல்ல முடியவில்லை. 11.20 மணிக்கு கிரீம்ஸ் ரோட்டில் அவர் நடந்துகொண்டிருந்தார். 'கிரீம்ஸ் ரோட்டில் நுழைய முடியவில்லை. எனக்கு வாகனம் அனுப்புங்கள்' என அப்போலோ மருத்துவர்களுக்கு அவர் அனுப்பிய எஸ்.எம்.எஸ் ஆதாரம் உள்ளது. 11.40 மணிக்குத்தான் அவரால் உள்ளே நுழைய முடிந்தது. அங்கிருந்த மருத்துவர்கள், 'முதல்வர் உடலை சுத்தப்படுத்திக்கொண்டிருக்கிறோம். சற்றுப் பொறுங்கள்' எனக் கூறினார்கள். அதன்பிறகு 12 மணிக்கு எம்பாமிங் நடவடிக்கைகளைத் தொடங்கினார் சுதா. `11.30 மணிக்கு அவர் இறந்தார்' என அப்போலோ கொடுத்த சான்றிதழ் எங்களிடமும் உள்ளது. அவர்கள் கொடுத்த சான்றிதழ்படி 11.30 மணி என நாங்கள் பேசினால், எங்களிடம் இருக்கும் இதர ஆதாரங்கள் அதைக் காட்டிக் கொடுத்துவிடும். நாங்கள் பொய் பேசுகிறோம் என்பதுபோல் ஆகிவிடும்."

அப்போலோ மருத்துவமனையின் எந்த அறையில் எம்பாமிங் நடவடிக்கைகள் மேற்கொள்ளப்பட்டன? 

"இரண்டாவது மாடியில் ஐ.சி.யு அறை என அவர்கள் கூட்டிச் சென்ற அறையில்தான் மேற்கொள்ளப்பட்டன. மருத்துவமனையின் வடிவமைப்பைப் பற்றி எங்களுக்குத் தெரியாது." 

ஒரு சந்தேகம். அடுத்த 17 மணி நேரத்தில் புதைக்கப்பட இருக்கும் ஓர் உடலுக்கு, அதுவும் டபுள் கம்ப்ரஸர் வசதி கொண்ட குளிர்பதனப் பெட்டியில் வைக்கப்பட்டிருந்த ஜெயலலிதாவின் உடலை எம்பாமிங் செய்ய வேண்டிய சூழல் எதனால் ஏற்பட்டது? 

"இந்தக் கேள்விக்கான பதில் ரொம்ப சிம்பிள். எம்பாமிங் செய்ய வேண்டும் என்பது எங்களுடைய தனிப்பட்ட முடிவு கிடையாது. நீங்கள் எம்பாமிங் செய்ய வேண்டும் என்ற உத்தரவு வந்தது. அதில் ஒரு நியாயம் இருந்தது. ஆயிரக்கணக்கான மக்கள் அவருக்கு இறுதி அஞ்சலி செலுத்தும்போது, அந்த உடலில் இருந்து வாடை வரலாம். இரண்டு மாதங்களுக்கும் மேலாக அவர் மருத்துவமனையில் தங்கியிருந்தார். பிரதமர் உள்பட முக்கியப் புள்ளிகள் வருவதால், இந்த வாடை தெரியாமல் இருக்க பதப்படுத்தும் முடிவை அவர்கள் எடுத்திருக்கலாம். பொதுமக்கள் அஞ்சலிக்கு வைக்கும்போது பதப்படுத்துவது என்பது நடைமுறையில் உள்ள ஒன்றுதான்." 

`ஆட்டோமேடிக் இயந்திரம் மூலம் அரைமணி நேரத்தில் எம்பாமிங் செய்து முடிக்கப்பட்டுவிட்டது' என்கிறார் மருத்துவர் சுதா சேஷய்யன். வலது தொடையில் உள்ள பெமோரல் தமணி வழியாக ரத்தத்தை முழுமையாக எடுப்பதற்கே 20 நிமிடம் ஆகும் என்கிறார்கள். அப்படியானால், எப்படி 30 நிமிடத்துக்குள் எம்பாமிங் செய்து முடித்திருக்க முடியும்? 

"ரத்தத்தை முழுமையாக எடுப்பது என்பது நடைமுறையில் கிடையாது. தொழில்நுட்பரீதியாக இது தவறான தகவல். கற்பனையில் சிலர் பேசுவதற்கெல்லாம் பதில் சொல்ல முடியாது. எங்களது அனாடமி துறையில் தினமும் மூன்று, நான்கு உடல்களுக்கு எம்பாமிங் செய்து வருகிறோம். அதற்கான நவீன வசதிகளைக் கொண்டு வந்திருக்கிறோம். 15 ஆண்டுகளுக்கு முன்பெல்லாம் எம்பாமிங் செய்யும்போது, கேன் ஒன்றைக் கட்டித் தொங்கவிட்டுவிட்டு இரவு முழுவதும் ரத்தத்தை வெளியில் எடுப்போம். சுமார் எட்டு மணி நேரம் செலவாகும். இதெல்லாம் மிகவும் பழைய நடைமுறைகள். இப்போது கெமிக்கல் ஆட்டோமேடிக் இயந்திரங்கள் வந்துவிட்டன. ரத்தத்தை எடுக்க வேண்டிய அவசியமே கிடையாது." 

முதல்வரின் சமூக வழக்கப்படி உடலை எரியூட்டுவது மரபு. எம்பாமிங் செய்யும்போது, எளிதில் வெடிக்கக்கூடிய ஐசோ புரபைல் ஆல்கஹாலைக் கலந்தது ஏன் என்ற கேள்வி எழுகிறதே? 

"அதெல்லாம் வெடிக்காது. ஐசோ புரபைல் ஆல்கஹால் வெடிக்கும் எனச் சிலர் பேசலாம். மெக்னீஸியத்தைக் காற்றில் வைத்தால் எளிதில் தீப்பிடிக்கும். விலை உயர்ந்த சிறிய ரக கார்களின் இன்ஜின்களில் மெக்னீஸியத்தை வைத்திருக்கிறார்கள். இந்த ரசாயனம் இன்ஜினுக்குப் பாதுகாப்பைக் கொடுக்கும் என்பதற்காகக் கலக்கிறார்கள். அதே மெக்னீஸியத்தை வெளியில் வைத்தால் தீப்பிடிக்கும். இதுதான் அறிவியல். இதேபோல்தான், ஐசோ புரபைல் ஆல்கஹாலும்."

https://www.vikatan.com/news/tamilnadu/112999-jayalalaithaa-death-mystery-new-informations-about-her-treatment.html

Categories: Tamilnadu-news

சட்டப்பேரவையில் தனி ஒருவராக அமர்ந்திருக்கும் தினகரன்!

Mon, 08/01/2018 - 05:32
சட்டப்பேரவையில் தனி ஒருவராக அமர்ந்திருக்கும் தினகரன்!
 
 
Chennai: 

சென்னை தலைமைச் செயலகத்தில், இந்த ஆண்டின் முதல் சட்டப்பேரவைக் கூட்டத்தொடர் இன்று தொடங்கியது. இன்றைய சட்டப்பேரவையில், இரண்டு முக்கிய விஷயங்கள் உள்ளன. ஆர்.கே.நகர் தொகுதி சட்டமன்ற உறுப்பினரான பின், டி.டி.வி. தினகரன் கலந்துகொள்ளும் முதல் சட்டப்பேரவைக் கூட்டம், தமிழக ஆளுநராகப் பதவியேற்றப்பின் ஆளுநர் பன்வாரிலால் புரோஹித் கலந்துகொள்ளும் முதல் சட்டப்பேரவைக் கூட்டம் இது. 

தினகரன்
 

 

தினகரன் சட்டப்பேரவைக்கு வந்தபோது வெளியே அவரது தொண்டர்கள் ’வருங்கால முதல்வர் நாளைமுதல்வர் வாழ்க’ என்று கோஷங்கள் எழுப்பினர். நான்காம் கேட் வழியாக தினகரன் உள்ளே சென்றார். அறந்தாங்கி தொகுதி எம்எல்ஏ   ரத்தனசபாபதி மற்றும்  விருத்தாச்சலம் தொகுதி எம்எல்ஏ கலைச்செல்வன் ஆகியோர் அருகில் தினகரன் அமர்ந்தார். திமுகாவை சேர்ந்த நேரு தினகரனுக்கு வாழ்த்து கூறினார். தினகரன் 148வது சீட்டில் அமர்ந்து கொண்டார்.  
 

தினகரன்

தினகரன் ஆதரவு  முன்னாள் எம்.எல்.ஏக்கள் 18 பேர் தகுதி நீக்கம் செய்யப்பட்டுள்ளதால் அவர்களை உள்ளே அனுமதிக்கவில்லை. தங்கதமிழ்செல்வன் சட்டப்பேரவை காவலர்களிடம் கடும் வாக்குவாதத்தில் ஈடுபட்டார். தகுதிநீக்கம் செய்யப்பட்ட 18 எம்.எல்.ஏக்களும் சட்டப்பேரவைக்குள் அனுமதிக்கப்படாததால் எதிர்கட்சி வரிசையில் தினகரன் தனி ஒருவராக அமர்ந்திருந்தார். 

https://www.vikatan.com/news/tamilnadu/113000-dinakarans-first-tamilnadus-legislative-meet.html

Categories: Tamilnadu-news

ஆளுநர் பன்வாரிலால் புரோஹித் உரையின் சிறப்பு அம்சங்கள்! #LiveUpdates

Mon, 08/01/2018 - 05:31
ஆளுநர் பன்வாரிலால் புரோஹித் உரையின் சிறப்பு அம்சங்கள்! #LiveUpdates
 
 
Chennai: 

ஆளுநர் உரையைப் புறகணித்த தி.மு.க-வைத் தொடர்ந்து, சட்டப்பேரவையிலிருந்து காங்கிரஸும் வெளிநடப்புசெய்தது. 

stalin

 

ஆளுநர் பேசுகையில்.. . ’ஜிஎஸ்டி வரிமுறையை சிக்கலின்றி நடைமுறைப்படுத்தியதற்காக தமிழக அரசுக்கு பாராட்டுகள். மக்கள் நலத்திட்டங்களை தமிழக அரசு முழுமையாகச் செயல்படுத்திவருகிறது. ஒகி புயல் பாதிப்புகளைப் பார்வையிட வந்த பிரதமருக்கு நன்றி’ என்றார். 

கவர்னர்

ஆளுநர் பன்வாரிலால் புரோஹித் உரையுடன் கூட்டத்தொடர் தொடங்கியது. அனைவருக்கும் புத்தாண்டு வாழ்த்துகள் எனக் கூறி, தமிழில் வாழ்த்து தெரிவித்தார் ஆளுநர். இதனிடையே, பல்வேறு கோரிக்கைகளை வலியுறுத்தி தி.மு.க அமளியில் ஈடுபட்டது. அப்போது, அமைதி காக்கும்படி ஆளுநர் தமிழில் கூறினார். பின்னர், ஆளுநர் உரையைப் புறக்கணித்துவிட்டு சட்டப்பேரவையிலிருந்து தி.மு.க எம்.எல்.ஏ-க்கள் வெளிநடப்புசெய்தனர். 

stalin

TN_Assembly_11088_09045.png

இந்த ஆண்டின் முதல் சட்டப்பேரவைக் கூட்டம் என்பதால், ஆளுநர் பன்வாரிலால் புரோஹித் உரையுடன் இந்தக் கூட்டத்தொடர் தொடங்கும். அவர், இன்று காலை 10 மணிக்கு அவையில் உரையாற்றுவார். அதைத் தொடர்ந்து, ஆளுநர் உரையின் தமிழாக்கத்தை சபாநாயகர் தனபால் வாசிப்பார். அதன் பிறகு, சட்டப்பேரவைத் தொடரை எவ்வளவு நாள்கள் நடத்துவது என சபாநாயகர் தனபால் தலைமையிலான ஆய்வுக்குழு முடிவுசெய்யும்.

அதைத் தொடர்ந்து, செவ்வாய்க்கிழமை முதல் ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதம் நடைபெறும். அப்போது, போக்குவரத்து ஊழியர்களின் வேலைநிறுத்தம், ஆளுநர் ஆய்வு, ஆர்.கே.நகர் தேர்தல், உள்ளாட்சித் தேர்தல் தாமதம் உள்ளிட்ட விவகாரங்கள்குறித்து எதிர்க்கட்சிகள் பிரச்னைகளைக் கிளப்பும் என்று எதிர்பார்க்கப்படுகிறது. ஆர்.கே.நகர் தொகுதியில் வெற்றிபெற்றுள்ள டி.டி.வி.தினகரனும் முதன்முறையாக எம்.எல்.ஏ-வாக சட்டப்பேரவை நடவடிக்கைகளில் இன்று முதல் பங்கேற்பார். அவருக்கு 148-ம் எண் இருக்கை ஒதுக்கப்பட்டுள்ளது.

தி.மு.க உறுப்பினர்கள் வெளிநடப்பு செய்தபின் செய்தியாளர்களிடம் பேசிய எதிர்கட்சித் தலைவர் மு.க.ஸ்டாலின், 'ஆளும் அ.தி.மு.க அரசுக்கு 111 எம்.எல்.ஏ-க்கள் ஆதரவு மட்டுமே உள்ளது என்று இந்தியத் தேர்தல் ஆணையமே தெளிவாகக் கூறியுள்ளது. இந்நிலையில், எடப்பாடி பழனிசாமி தலைமையில் ஆட்சி நீடிப்பதும் அதை ஆளுநர் உள்ளிட்ட அரசியல் சட்டஅமைப்புகள் வேடிக்கைபார்ப்பதும் இந்திய வரலாற்றின் விநோதமான காட்சிகள். எங்கு பார்த்தாலும், லஞ்சம் ஊழலும் முறைகேடுகளும் கொடிகட்டி கோலோச்சுகின்றன. இந்த அநியாய அவலங்களுக்கு மைனாரிட்டி அ.தி.மு.க அரசுதான் முதல் பொறுப்பு. அதைப் பார்த்துக்கொண்டிருக்கும் ஆளுநர் இரண்டாவது பொறுப்பு. ஆகவே, சகலமும் அலங்கோலமான இந்த நிலையில், ஆளுநர் உரையை தி.மு.க புறக்கணித்து, பேரவையிலிருந்து வெளிநடப்பு செய்திருக்கிறது' என்று தெரிவித்தார். 

https://www.vikatan.com/news/tamilnadu/112996-tamilnadu-legislative-meet-starts-today.html

Categories: Tamilnadu-news

பாபா முத்திரை யாருக்கு சொந்தம்? - கிளம்பியது புது சர்ச்சை

Sun, 07/01/2018 - 19:55
ரஜினிகாந்த் பயன்படுத்தும் ‘பாபா’ முத்திரைக்கு உரிமை கோரும் மும்பை நிறுவனம்
 

ரஜினிகாந்த் பயன்படுத்தும் ‘பாபா’ முத்திரை தங்களது நிறுவனத்தின் லோகோ போல இருப்பதாக மும்பையை சேர்ந்த நிறுவனம் ஒன்று உரிமை கொண்டாடி வருகிறது. #Rajinikanth #HandSymbol #BABA

 
201801080036509959_Rajinikanth-Hand-Symb
 
புதுடெல்லி:

அரசியல் கட்சி தொடங்க நடவடிக்கை எடுத்து வரும் ரஜினிகாந்த், பிரத்யேகமான முத்திரை ஒன்றை பயன்படுத்தி வருகிறார். 2 நடுவிரல்கள் மற்றும் கட்டை விரலை மடித்தும், ஆள்காட்டி விரல் மற்றும் சுண்டு விரலை உயர்த்தியும் காண்பிக்கும் அந்த முத்திரையை, தனது ‘பாபா’ படத்திலேயே பயன்படுத்தி இருந்தார்.

இந்த ‘பாபா’ முத்திரை அவரது ரசிகர் சந்திப்பு நிகழ்ச்சிகளில் மேடையில் பொறிக்கப்பட்டு இருந்ததுடன், அவரது ரசிகர்களும் அந்த முத்திரையுடன் கூடிய அட்டைகள், கொடி போன்றவற்றை தயாரித்து வினியோகித்து வருகின்றனர்.

இந்த முத்திரை, தங்களது நிறுவனத்தின் லோகோ போல இருப்பதாக கூறி, ‘வாக்ஸ்வெப்’ எனப்படும் சமூக நெட்வொர்க் செயலியை வடிவமைத்துள்ள மும்பையை சேர்ந்த நிறுவனம் ஒன்று உரிமை கொண்டாடி வருகிறது. இது தொடர்பாக ரஜினிகாந்துக்கும் கடிதம் எழுதியுள்ளதாக அதன் நிறுவனர் யாஷ் மிஸ்ரா கூறியுள்ளார்.

ரஜினிகாந்தின் பாபா திரைப்படம் 2002-ம் ஆண்டிலேயே வெளிவந்துள்ள நிலையில், இந்த நிறுவனம் சுமார் 18 மாதங்களுக்கு முன்புதான் தொடங்கப்பட்டது குறிப்பிடத்தக்கது.  #Rajinikanth #HandSymbol #BABA #tamilnews
 
 
பாபா முத்திரை யாருக்கு சொந்தம்? - கிளம்பியது புது சர்ச்சை
 
 
 
 
பாபா, முத்திரை, யாருக்கு, சொந்தம்?, - கிளம்பியது, புது, சர்ச்சை
 
 

 

 

புதுடில்லி : ரஜினி மக்கள் மன்றத்தின், 'பாபா முத்திரை' சின்னம், தங்கள் நிறுவனத்தின், 'லோகோ'வைப் பார்த்து, காப்பி அடிக்கப்பட்டு உள்ளதாக, மும்பையைச் சேர்ந்த, ஒரு நிறுவனம் கூறியுள்ளது.

நடிகர் ரஜினிகாந்த் அரசியலுக்கு வரப் போவதாக சமீபத்தில் அறிவித்ததில் இருந்தே, அவரது, 'பாபா முத்திரை' சின்னமும் பிரபலமாகி வருகிறது.
 

 

சின்னம்

அவரது மக்கள் மன்றத்துக்கு கூட, அதையே தான், சின்னமாக பயன்படுத்துகிறார். கடந்த, 2002ல் வெளியான, பாபா திரைப்படத்துக்கு பின், ரஜினி ரசிகர்கள் இந்த சின்னத்தை அதிகம் பயன்படுத்த துவங்கினர். இந்நிலையில், மும்பையைச் சேர்ந்த, 'வொக்ஸ்வெப்' என்ற, சமூக ஊடக நிறுவனம், தங்கள் மொபைல் போன், செயலிக்கு, இந்த பாபா முத்திரையை தான், 'லோகோ'வாக வைத்து உள்ளது.
 

 

பதில் இல்லை

இந்த நிறுவனத்தின் உரிமையாளர் யாஷ் மிஸ்ரா, இதுகுறித்து, நடிகர் ரஜினி தரப்புக்கு எழுதியுள்ள கடிதத்தில்,'ஒன்றரை ஆண்டுகளுக்கு முன், எங்கள் நிறுவனத்தின் லோகோவாக, இதை பயன்படுத்துகிறோம்' என, தெரிவித்து உள்ளார்.

ஆனால், ரஜினி தரப்பிலிருந்து, இதுவரை பதில் எதுவும் வரவில்லை என, அந்த நிறுவனம் தெரிவித்து உள்ளது.

 

http://www.dinamalar.com/news_detail.asp?id=1934696

Categories: Tamilnadu-news

யாரும் வாயை திறக்க கூடாது! குடும்பத்தினருக்கு சசி உத்தரவு

Sun, 07/01/2018 - 12:26
யாரும் வாயை திறக்க கூடாது!
குடும்பத்தினருக்கு சசி உத்தரவு
 
 
 

'தினகரன் தவிர, குடும்பத்தில் உள்ள யாரும் வாயை திறக்கக் கூடாது' என, சிறையில் இருந்து, சசிகலா உத்தரவு பிறப்பித்துள்ளார். இதனால், அவரது குடும்பத்தினர் அனைவரும் மவுனமாகி விட்டனர்.

 

A.D.M.K,Sasikala,அ.தி.மு.க,சசிகலா

இது குறித்து, சசிகலா தரப்பினர் கூறியதாவது:ஜெ., மரணத்திற்கு பின், அ.தி.மு.க.,வில் பல சம்பவங்கள் நடந்து விட்டன. அதேபோல், சசிகலா குடும்பத்தினரும், வருமான வரி சோதனை உள்ளிட்ட, பல நெருக்கடிகளை சந்தித்து விட்டனர்.

இதற்கு, குடும்ப உறுப்பினர்களிடம் ஏற்பட்டுள்ள உரசல் தான் காரணம் என்பதை, சசிகலா கவனத்திற்கு கொண்டு செல்லப்பட்டது.தினகரன், திவாகரன், விவேக், திவாகரன் மகன் ஜெய் ஆனந்த் என, பலரும் பேட்டி அளிப்பதும், சமூக வலைதளங்களில் கருத்து தெரிவிப்பதும், ஒட்டுமொத்த குடும்பத்திற்கும் சிக்கலை ஏற்படுத்தி விடுகிறது.
மேலும், குடும்ப பிரச்னையையும், அவர்கள் வெளியில் விமர்சிப்பதால், மோதல் வெடிக்கும் அபாயம் ஏற்பட்டுள்ளது.இதற்கிடையில், ஜெயா, 'டிவி'யில், அமைச்சர்களுக்கு எதிராக கருத்து வெளியிட்டதும், தி.மு.க.,வினரின்


பேட்டியை வெளியிட்டதும், சிறையில் இருக்கும் சசிகலாவிற்கு அதிருப்தியை ஏற்படுத்தியது. நடராஜனை பார்ப்பதற்காக, 'பரோலில்' வந்த சசிகலா, தன் குடும்பத்தாரிடம் பேசியதைத் தொடர்ந்து, அவர்கள் வெளியில் வாய் திறப்பது குறைந்தது.சென்னை, ஆர்.கே.நகர்
தேர்தலுக்கு முன், ஜெ., மருத்துவமனையில், சிகிச்சை பெறும் வீடியோவை, தினகரன் ஆதரவாளர் வெளியிட்டதற்கு, இளவரசி மகள், கிருஷ்ண பிரியா, கடும் கண்டனம் தெரிவித்தார்; தினகரனையும் கடுமையாக சாடினார்.

இது, தினகரனுக்கு எரிச்சலை ஏற்படுத்தியது. ஆர்.கே.நகர் வெற்றிக்கு பின், சிறைக்கு சென்று, சசிகலாவை சந்தித்தார். வெளியே வந்த தினகரன், 'சசிகலா மவுன விரதம் இருக்கிறார்; ஜன., இறுதி வரை, அவர் மவுன விரதத்தை தொடர்வார்; கிருஷ்ணபிரியாவின் பேட்டி, ஜெ., மீதுள்ள அன்பால் கூறியது' என்றார்.

ஆனால், தினகரன் மூலமாகவும், தன்னுடைய வழக்கறிஞர்கள் வாயிலாகவும், குடும்பத்தினர் ஒவ்வொருவருக்கும், சிறையில் இருந்தபடியே, சில உத்தரவுகளை, சசிகலா பிறப்பித்துள்ளார்.அதன் விபரம்:தினகரன், தவிர மற்றவர்கள், எந்த சூழலிலும் பேட்டி கொடுக்கக் கூடாது.குறிப்பாக, திவாகரன், நடராஜன், விவேக் போன்றோர், செய்தியாளர்களை சந்திக்கக் கூடாது.

திவாகரன் மகன் உட்பட யாரும், சமூக வலைதளங்களில், தங்கள் கருத்தையும், மற்றவர் கருத்துக்கான பதிலையும் வெளியிடக் கூடாது. வருமான வரி சோதனை, போலீசார் வழக்கு, சொத்து பிரச்னை என,

எதுவானாலும், வழக்கறிஞர் வாயிலாக, நீதிமன்றத்தை தான் அணுக வேண்டும்.
மத்திய, மாநில அரசுகளை விமர்சித்தும், மத்திய அரசுக்கு சவால் விடும் வகையிலும் பேசக் கூடாது. வழக்கு விவகாரங்களுக்கு, எவ்வளவு செலவானாலும், கட்சி சாராத, திறமையான வழக்கறிஞர்களை வைத்து வாதாட வேண்டும்.

ஜெயா, 'டிவி'யில் மத்திய, மாநில அரசுகள், அமைச்சர்களுக்கு எதிரான செய்திகளை குறைக்க வேண்டும். அவர்களை சீண்டும் வகையில், செய்தி வெளியிட வேண்டாம். மிக விரைவில், நான் வெளியே வருவேன். அதுவரை, ஆட்சி நம்மிடம் இல்லா விட்டாலும், கட்சியை தக்கவைக்கவும்.ஆட்சியை இழந்தால் அல்லது பறிக்கப்பட்டால், பழனிசாமி, பன்னீர்செல்வம் உட்பட அனைவரும் விலகுவர். 'நான் வெளியே வந்ததும், கட்சியை தக்கவைக்க, தேவையான நடவடிக்கை எடுப்பேன்' என, சசிகலா கூறி உள்ளார்.இதை ஏற்று, சசி குடும்பத்தினர் அனைவரும், அமைதி காத்து வருகின்றனர்.- நமது நிருபர் -

http://www.dinamalar.com/news_detail.asp?id=1933991

Categories: Tamilnadu-news

“மதம்” பிடிக்காமல் பார்த்து கொள்வேன் - கமல்

Sun, 07/01/2018 - 12:17
“மதம்” பிடிக்காமல் பார்த்து கொள்வேன் - கமல்

 

 
 
Kamal-speech-at-Malaysia-Event
 

மலேசியாவில் நடந்த தென்னிந்திய நடிகர் சங்கத்தின் நட்சத்திர கலை விழாவில் நடிகர் கமல்ஹாசனும் பங்கேற்றார். அப்போது கமல், நடிகர் விவேக்கின் பல்வேறு கேள்விகளுக்கு பதிலளித்தார். கமல் அளித்த சுவாரஸ்ய பதில்கள் வருமாறு...

களத்தூர் கண்ணம்மா கமல் - காதல் நாயகன் கமல் - களமிறங்கி கருத்து சொல்லும் கமல் இதைப்பற்றி சொல்லுங்க?
களத்தூர் கண்ணம்மா - சொன்னதை சொல்லும் கிளி. அது ஒரு குழந்தை.
அதன்பின்னர் காதல் மன்னன் என்ற பட்டம் கொடுக்கப்பட்டது. அதிலும் கொஞ்ச காலம் வாழ்ந்து பார்த்துவிட்டேன். மற்றபடி களமிறங்கும் கமல், அது என் குரல், உங்கள் குரல். என்னை பேச வைத்து கொண்டிருக்கும் குரல் எல்லாம் மக்களின் குரல் தான்.

வயது கூட கூட எங்காவது ஆன்மிகம் எட்டி பார்க்கிறதா?
நான் யானையாக இருந்தால் கூட மதம் பிடிக்காமல் தான் பார்த்து கொள்வேன். இப்போது அப்படி தான் வயது கூட கூட ஞானமும், அனுபவமும், அறிவும் கூடும், அதை பகுத்தறியும் திறனும் கூடியே தீரும்.

உங்களின் டுவிட்டர் தமிழ் பற்றி என்ன சொல்ல விரும்புகிறீர்கள்?
சொல்ல வேண்டியதை அழுத்தி சொல்ல வேண்டும். சில விஷயங்களை பொத்தாம் பொதுவாக பேசும்போது அது கெட்டவார்த்தை போன்று தோன்றும். அதை தவிர்க்கவே சில நல்ல தமிழ் சொற்களை உபயோகிக்கிறேன். அது சில தமிழ் அறிஞர்களுக்கு புரிந்து விடாமல் போய்கிறது. அதுவும் நல்லதே.

நடனம், இசை, நடிப்பு, இயக்கம் மற்றும் தொழில்நுட்பம் சார்ந்த அனைத்து விஷயங்களையும் அறிந்தவர். உங்களின் திறமைக்கு ஏற்ற அங்கீகாரம் கிடைத்திருக்கிறதா?
தேவை என்பது மனிதனுக்கு எல்லையில்லா ஒரு விஷயம். இது போதும் என்று நினைத்துவிட்டால் அவன் ஞானி ஆகிவிடுவான். எனக்கு எது தேவை என்பதே தெரியாமல் தான் இன்னமும் வாழ்ந்து கொண்டு இருக்கிறேன். எனக்கான தகுதி என்ன என்பதை ரசிகர்களின் கரகோஷம் தான் உணர்த்துகிறது. அதை நான் பெற்றுவிட்டேனா என்பது தெரியவில்லை. அதற்கான முயற்சியில் தொடர்ந்து கொண்டே இருப்பேன். அதில் வெற்றி கிடைக்காமலும் போகலாம்.

உங்களின் எந்த படத்தின் வசனத்தை இப்போது பேச சொன்னால் பேசுவீர்கள்?
என் போன்ற கலைஞர்கள் எல்லாம் நடிகர் சிவாஜியின் வனசத்தை பேசி தமிழை புரிந்து கொண்டவர்கள். அப்படிப்பட்ட சிவாஜி, நான் எழுதிய வசனத்தை தேவர்மகன் படத்தில் பேசினார். இதை விட என்ன ஒரு பெருமை இருக்க முடியும்.

மற்றவர்கள் கட்டை விரலை கூட தூக்க பயந்த நேரத்தில் நீங்கள் கழுத்தளவு தண்ணீரில் இறங்கினீர்கள் இந்த பயணம் தொடருமா?
இந்த பயணம் நான் விரும்பி ஏற்றுக் கொண்டதல்ல, கனுகால் கூட நனையாமல் இருக்க வேண்டும் என்று தான் இருந்தேன். ஆனால் சென்னையில் எப்படி வௌ்ளம் தாக்கி, தண்ணீரில் மூழ்கடித்ததோ... அதுபோல் இந்த சமூக அவலம் தாக்கி எங்களை கழுத்தளவு தண்ணீரில் தள்ளி உள்ளது. எங்களை சுற்றி அழுக்கான சில அசுத்தங்கள் சூழ்ந்து கொண்டுள்ளன. அதிலிருந்து மேம்படுவோம் என்ற நம்பிக்கையில் உள்ளோம். இது தனி மனித ஒருவனால் செய்ய முடியாது, அதற்கு தமிழர்களாகிய நீங்களும் இணைந்து செயலாற்றுவோம்.

உங்களின் முதல் மலேசிய அனுபவம் பற்றி சொல்லுங்க?
ரஜினி சொன்னது போன்று எங்களின் இரண்டாவது வீடு என்று சொல்லும் அளவுக்கு இந்த மலேசியா உள்ளது. மறக்க முடியாத முதல் பயண அனுபவம் நிறைய இருக்கிறது.

சோதனைகள் நிறைய வந்தபோது ஜோசியம், ஜாதகம் பக்கம் போயிருக்கிறீர்களா?
எங்க அம்மா நிறைய ஜோசியம் பார்ப்பார்கள். ஆனால் அதை பொய்யாக்கி இருக்கிறேன். அதை எனக்கு கற்றுக் கொடுத்தவர்கள் நிறைய பேர் உள்ளார்கள்.

வாழ்வின் நிறைவில் நீங்கள் எவ்வாறு நினைவு கூறப்பட வேண்டும் என்று நினைக்கிறீர்கள்?
இருந்தான், வந்தான், சென்றான் என்றில்லாமல் இருக்கிறான் என்ற நிலையில் நிறைவு கொள்ள விரும்புகிறேன்.

மலேசிய மற்றும் உங்கள் ரசிகர்கள் சொல்ல விரும்புவது?
உலகத்தின் மை(ம)ய்யம் நீங்கள் எல்லாம். அதிலும் நானும் உண்டு. அதை மறந்து விடாதீர்கள். நீங்கள் தேட வேண்டியது, தலைமையை அல்ல திறமையை என்பதை நினைவில் கொள்ளுங்கள்.

http://cinema.dinamalar.com/tamil-news/65848/cinema/Kollywood/Kamal-speech-at-Malaysia-Event.htm

Categories: Tamilnadu-news

மலேசியாவில் ரஜினி பேட்டி- எக்ஸ்குளுசிவ்

Sun, 07/01/2018 - 12:14
மலேசியாவில் ரஜினி பேட்டி- எக்ஸ்குளுசிவ்  
 
 
ரஜினி பேட்டி,Rajini interview,  ரஜினி மக்கள்  மன்றம் , rajini makkal mandram, ரஜினி அரசியல், Rajini Politics,  ஆன்மீக அரசியல்,aanmeega arasiyal, மலேசியா, Malaysia,எக்ஸ்குளுசிவ், Exclusive,கோலாலம்பூர் புக்கிட் ஜலால், Kuala Lumpur Bukit Jalal, நட்சத்திர கலை விழா ,Star Art Festival,  விவேக் , Vivek, தமிழ்த்தாய் வாழ்த்து, ரஜினி  மன்றம் ,rajini mandram, Spiritual Politics,
 

 

 

கோலாலம்பூர் புக்கிட் ஜலால் விளையாட்டு அரங்கில் நேற்று பிற்பகல் 12 மணிக்கு தமிழ்த்தாய் வாழ்த்துடன் நட்சத்திர கலை விழா துவங்கியது. பின் 6அணிகளுக்கு இடையேயான கிரிக்கெட் போட்டி நடைபெற்றது. அணி கேப்டன்கள் விலை உயர்ந்த மோட்டார் பைக்கில் பின்னால் நின்று கொண்டு மைதானத்தை சுற்றி வந்தனர். இறுதிப்போட்டிக்கு சிவா அணியும் சூர்யா அணியும் தேர்வாகின. சிவாவின் திருச்சி டைகர் அணி கோப்பையை வென்றது.

ரஜினியிடம் விவேக் கேட்ட கேள்விகளுக்கு ரொம்ப இயல்பாக நேர்மையான பதிலை அளித்தார்.
முதலில் நடிகை லதா 3 கேள்விகளை ரஜினி முன் வைத்தார்.

1. கடந்த 1970 களில் இருந்து உங்களை பார்த்து கொண்டு இருக்கிறேன் நினைத்ததை ஒளிவு மறைவு இல்லாமல் பேசுபவர் நீங்கள். இவ்வளவு பேர் புகழ்கிடைத்தும் எந்த மாற்றமும் இல்லாமல் அப்படியே இருக்கும் எளிமையின் காரணம் என்ன?

எப்படினு எனக்கே தெரியலிங்க .

2. இந்த கேள்வியை தப்பாக எடுத்துக்க கூடாது. டீன் ஏஜில் காதலித்த அனுபவம் உண்டா?

எஸ். ஹை ஸ்கூல் படிக்கும் போது ஒரு லவ் வந்தது.முதல் காதல் எப்பவுமே மறக்க முடியாது. பர்ஸ்ட் லவ் நிறைய பேருக்கு இருக்கும். அதில் நிறைய பேர் வெற்றி அடைந்து இருக்காங்க நிறைய பேர் தோல்வி அடைந்து இருக்காங்க..அந்த காதலில் நானும் தோல்வி அடைந்து இருக்கேன்.

3. அவங்க பேர் நினைவு இருக்கா?

நினைவு இல்லாமல் இருக்குமா. மன்னிக்கவும் சாரி என்று சொல்லி முடித்தார்.
 

 

கஷ்டமான கேள்விகள் வேண்டாம்


அடுத்து விவேக் சில கேள்விகளை ரஜினி முன் வைத்தார் கஷ்டமான கேள்விகள் வேண்டாம் என பணிவுடன் கேட்டுக் கொண்டார் ரஜினி.

01. பைரவி டு இந்திரன் , சிவாஜிராவ் டு ரஜினிகாந்த், நடிகர் டு தலைவர் இந்த பயணம் பற்றி?

என்45 வருட சினிமா பயணத்தில் என்னால் முடிந்த அளவு என் படங்களில் நல்ல கருத்துக்களை மக்களுக்கு சொல்லி இருக்கிறேன்.

02. நீங்கள் இப்போது நடந்து வரும்போது ஆடியன்ஸ் வெறி பிடித்த மாதிரி கத்தினாங்க. கேபி சார் உங்களுக்கு நடிப்பை தூண்டினாரா இல்லை உங்களுக்குள் இருந்த ஸ்டைல் கேபி சார் மூலமாக வெளி வந்ததா?

இப்ப நான் எப்படி இருக்கேனோ எப்போதும் அப்படித்தான் இருப்பேன். நான் பஸ் கண்டக்டராக இருக்கும் போது கூட வேற பஸ்களில் அரை மணி நேரத்தில் 40 டிக்கெட்டுகள் கொடுத்தால் நான் பத்து நிமிடங்களில் அந்த டிக்கெட்டுகளை கொடுத்து விடுவேன். கர்நாடக பஸ்ஸில் நான் வேலை பார்த்த போது ஆண்கள் பஸ் பின்னால் அமருவார்கள். பெண்கள் பஸ் முன் பகுதியில் அமருவார்கள். நான் எல்லாருக்கும் டிக்கெட் கொடுத்து விட்டு பஸ் முன் பகுதியில் தான் இருப்பேன் அப்போது தலைமுடி அதிகமாக இருக்கும். காதுக்கு பின் பறக்கும் முடிகளை கையால் கோதிவிட்டு speeda டிக்கெட் டிக்கெட் என்று கொடுப்பேன் இதை கேபி சார் பார்த்து இருக்கிறார். டேய் சினிமாவுக்கு நீ போனா இந்த ஸ்டைல் புதுசு.ஜனங்களுக்கு பிடிக்கும் இதை எப்பவும் மாற்றாதே என்று அட்வைஸ் பண்ணார். அதை நான் அப்படியே மெயின்டெயின் பண்றேன்.

03. உங்களுடைய குறைந்த பட்ச ஆசை என்ன? அதிக பட்ச ஆசை என்ன?

குறைந்த பட்சம் ஒரு ஸ்கூட்டர் வாங்கனும் 2 பெட்ரூம் உள்ள அபார்ட் மென்ட் வாங்கனும் ஒரு டீசன்ட் மிடில் கிளாஸ் வாழ்க்கை வாழ ஆசை.
அதிகபட்சம்னா என்னை வாழ வைத்த தமிழ் மக்களை நன்றாக வாழ வைக்க வேண்டும் என்பதுதான்.

04. எப்ப நீ ங்க ரொம்ப ஜாலியாக இருந்திங்க எப்ப நீங்க ரொம்ப மனசு வருத்தபட்டிங்க?
படம் ஹிட் ஆனால் ஜாலியா சந்தோஷமாக இருந்திருக்கேன். படம் சரியாக போகவில்லை என்றால் வருத்தப்பட்டு இருக்கேன். நிறைய சந்தோஷபட்டு இருக்கேன்.. வாழ்க்கையில் நிறைய கண்ணீர் விட்டு இருக்கேன்.

05. பல தலைமுறைகள் தாண்டியும் ரசிகர்கள் உங்களுக்கு இருக்காங்க.. அந்த ரசிகர்களுக்காக அந்த பட்டர் பிட்டர் வசனங்களை பேசி காட்ட முடியுமா?
சாரி மறந்து விட்டேன்.

06.பொது வாழ்க்கைக்கு வரும் போது குடும்பம் சுகமா? சுமையா?

பொதுவாக சொல்லி விட முடியாது. தனி தனி நபர் வாழ்க்கையை பொறுத்தது.

07. கட்டம் சரியில்லை (ஜோதிடம்)என்று சும்மா இருக்கனுமா இல்லை முயற்சி பண்ணி பார்ப்போமே என்று உழைக்கனுமா?

ஜோதிடம் புராண காலத்தில் இருந்தே இருக்கிறது. அதையார் சொல்றாங்க என்பது முக்கியம். அதற்காக ஜோதிடத்தை கேட்டுக் கொண்டு சும்மா உட்கார முடியாது .என்ன எழுதி இருக்கோ அதுதான் நடக்கும் .என்ன கிடைக்குமோ அது கிடைக்கதான் போகும். கிடைக்கிறது கிடைக்காமல் போகாது. . ஆண்டவர் கொடுத்த தொழிலில் நாம் நாணயமா நேர்மையா செய்திட்டு இருந்தால் எல்லாமே நமக்கு கிடைக்கும்.

08. 1996 இல் உங்களுக்கு ஒரு வாய்ப்பு கிடைத்தது (அரசியல்) அதை தவற விட்டதாக நினைத்தது உண்டா?

ஒரு செகண்ட் கூட வருத்தப்பட்டது கிடையாது.

09 . முதல் முறையாக மலேசியா பயணம் செய்தது பற்றி?

1977 நினைத்தாலே இனிக்கும் படபிடிப்புக்கு நானும் கமலும் வந்திருக்கோம். எனக்கு அதுதான் முதல் முறை. அப்போது கமல் பெரிய நடிகர். நான் அப்போது தான் சினிமாவுக்கு வந்தேன். கமலை அழைத்து செல்ல தனி கார் வரும் ஆனால் ரஜினி எங்கே என்று கேட்டு என்னையும் அழைத்துசெல்வார். அரவணைத்து என்னை பக்கத்தில் வைத்துக் கொண்டார். சூட்டிங் முடிநத அன்று நானும் கமலும் இரவுகளில் மலேசியா வில் ஜாலியா என்ஜாய் பண்ணிருக்கோம். காலை நான்கு மணிக்கு வந்து தூங்குவோம். கேபி சார் வருவாங்க. என்னஇந்த பசங்க இப்படி பன்றாங்க என்று .அப்படியே பேசிட்டு போய்டுவாங்க. கமலும் நானும் இதை மறக்கவே மாட்டோம். அருமையான எக்ஸ்பீரியன்ஸ்.

10. வாழ்வின் நிறைவில் நீங்கள் என்னவாக நினைவு கூறப்பட விரும்புகிறீர்கள்?

ஒரு நடிகனாக வந்தேன் மகிழ்வித்தேன் நடிகனாக போய்ட்டேன் என்று என் வாழ்க்கை முடிந்து விட கூடாது என நினைக்கிறேன்.

11.இந்த நிகழ்ச்சியின் மூலமாக உலக ரசிகர்களுக்கு என்ன சொல்ல விரும்புகிறீர்கள்?

தாய் தந்தை குடும்பம் ரொம்ப முக்கியம். அவங்க தான் தெய்வங்கள். முதலில் நீங்கள் அதை செய்தால் உங்கள் பின்னால் எல்லாமே வரும். முக்கிய மாக இளைஞர்கள் தாய் தந்தை யை வணங்குங்கள். அவர்களை சந்தோஷ படுத்துங்கள் அவர்களை சந்தோஷ படுத்தினால் போதும். ஆண்டவர் உங்களை சந்தோஷ படுத்துவார் என்று ரஜினி பேசி முடித்தார்.

http://www.dinamalar.com/news_detail.asp?id=1934546

Categories: Tamilnadu-news

தமிழ்நாட்டில் அரசியல் வெற்றிடம் இருக்கிறதா?

Sun, 07/01/2018 - 06:01
தமிழ்நாட்டில் அரசியல் வெற்றிடம் இருக்கிறதா?

 

 
electionjpg

லகம் கதைகளால் ஆளப்படுவது என்று ஆழமாக நம்புபவன் நான். டெல்லியிலோ, சென்னையிலோ வசதியான அறைக்குள் உட்கார்ந்து புள்ளிவிவரங்களுக்குள் தலையைப் புதைத்துக்கொண்டு அரசியலை அணுகுபவர்கள் இதை ஒப்புக்கொள்ள மறுக்கலாம். ஆள நினைப்பவர்கள் முதலில் தங்களைப் பற்றிய கதைகளை உருவாக்குகிறார்கள்; கூடவே எதிரிகளைப் பற்றிய கிசுகிசுக்களையும் உருவாக்குகிறார்கள். கதைகளின் வழியாகவே அதிகாரத்தின் சூட்சமக் கயிறுகள் இயக்கப்படுகின்றன.

நரேந்திர மோடி அதிகாலை நான்கு மணி வரை உழைக்கிறார் என்று நேற்று செல்பேசிக்கு வந்த ஒரு கதை சொன்னது. ஆச்சரியம் என்னவென்றால், அவர் நள்ளிரவு மூன்றரை மணிக்கெல்லாம் எழுந்துவிடுகிறார் என்று முந்தைய வாரத்தில்தான் இன்னொரு கதையை வாசித்திருந்தேன். ஜெயலலிதாவின் மறைவு, கருணாநிதியின் ஓய்வுக்குப் பின் இப்படி தமிழ்நாட்டைச் சுழற்றியடிக்கும் ஒரு கதை, ‘தமிழ்நாட்டு அரசியலில் பெரிய அரசியல் வெற்றிடம் ஏற்பட்டிருக்கிறது!’

வாசகர்களைச் சந்திக்கையில், இப்போதெல்லாம் நான் அதிகம் எதிர்கொள்ளும் கேள்வி: ‘ஊடகங்கள் சொல்கின்றனவே, இந்த வெற்றிடத்தை யார் நிரப்புவார் என்று நீங்கள் நினைக்கிறீர்கள்?’ நான் பதிலுக்கு இப்படி ஒரு கேள்வியைக் கேட்டுவைக்கிறேன், ‘வெற்றிடமா, அது எங்கே இருக்கிறது?’ எனக்கு இந்தச் சந்தேகம் இருக்கிறது. உண்மையாகவே வெற்றிடம் வெளியே இருக்கிறதா அல்லது கதையாக உருவாக்கப்படுகிறதா?

கருணாநிதி, ஜெயலலிதா இருவருமே பெரும் ஆளுமைகள். இன்றைய தமிழக அரசியல் களத்தில் அவர்கள் இருவரின் இருப்பும் இல்லாமலிருப்பது ஒரு பேரிழப்பு; அவர்களுடைய வழித்தோன்றல்களை அவர்களோடு ஒப்பிட முடியாதது என்பது உண்மை. ஆனால், நினைவில் கொள்ளுங்கள். இன்று கருணாநிதி, ஜெயலலிதாவோடு அவர்களுடைய வழித்தோன்றல்களை ஒப்பிடுகையில் வழித்தோன்றல்கள் எப்படி பலவீனமாகக் காட்சியளிக்கிறார்களோ, அப்படியே நேற்று கருணாநிதி, ஜெயலலிதாவும் அவர்களுடைய முன்னோடிகளோடு ஒப்பிடுகையில் பலவீனமாகக் காட்சியளித்தவர்கள். அண்ணா காலத்திய அண்ணாவும் கருணாநிதியும் ஒன்றா அல்லது எம்ஜிஆர் காலத்திய எம்ஜிஆரும் ஜெயலலிதாவும் ஒன்றா?

திமுக, அதிமுக இரு கட்சிகளும் தலா கிட்டத்தட்ட ஒரு கோடிப் பேரை உறுப்பினர்கள், அபிமானிகளாகக் கொண்ட கட்சிகள். தமிழ்நாட்டு மக்கள்தொகையுடன் ஒப்பிட்டால், மூன்றில் ஒரு பங்கினர் இந்த இரு கட்சிகளோடு தங்களை ஏதோ ஒரு வகையில் பிணைத்துக்கொண்டவர்கள். இரு ஆளுமைகளோடு எப்படி இரு கட்சிகள் காணாமல் போகும்?

அரசியல் இயக்கங்களை அவற்றின் பண்புகளோடு அல்லாமல் வெறும் தலைவர்களாகப் புரிந்துகொள்ளும் அபத்தத்தின் வெளிப்பாடு இது! ஒரு கேள்வி கேட்டுக்கொள்வோம், ஜெயலலிதா மட்டும்தான் அதிமுக என்றால், எப்படி அந்தக் கட்சி இன்னும் வலுவாக நீடிக்கிறது? தங்களுக்குள் பல கோஷ்டிகளாகப் பிரிந்திருக்கும் அதிமுகவினர் அதேசமயம் ஏன் வேறு கட்சிகளை நோக்கி நகராமல் இருக்கிறார்கள்? வெறுமனே ஆட்சியதிகாரம் மட்டுமே அதிமுகவின் கடைசி தொண்டரையும் அந்தக் கட்சியோடு பிணைத்திருக்கிறது என்று நான் நம்பவில்லை.

இந்தியா தன்னுடைய இயல்பில் ‘காங்கிரஸ்தன்மை’யை அதிகம் கொண்டிருக்கிறது என்றால், தமிழ்நாடு தன்னுடைய இயல்பில் அதிகம் ‘திராவிடத்தன்மை’யைக் கொண்டிருக்கிறது. திராவிடக் கட்சிகளின் அரசியல் கலாச்சாரமும் தமிழர்களின் அரசியல் கலாச்சாரமும் வெவ்வேறானவை அல்ல. திராவிடக் கட்சிகளின் சாதனைகள் தமிழர்களின் சாதனைகள் என்றால், திராவிடக் கட்சிகளின் இழிவுகளும் தமிழர்களின் இழிவுகள்தானே? வெறுமனே கட்சிகளை மட்டும் அவற்றுக்கு எப்படி பொறுப்பாக்க முடியும்?

ஜனநாயகத்தை நேசிக்கும் ஒருவனாக நீண்ட கால நோக்கில் இந்த ஓராண்டு தமிழக அரசியல் நகர்வுகளை ஆக்கபூர்வமானவையாகவே பார்க்க விரும்புகிறேன். கருணாநிதி, ஜெயலலிதா இருவருடைய ஆளுமையின் மறைவிலிருந்த நம்முடைய அமைப்பின் பல பலகீனங்களை இந்த ஓராண்டின் நகர்வுகள் அம்பலப்படுத்தி இருக்கின்றன. ஆளுநர் நடத்தும் ஆய்வுகள் முதல்வர் பழனிசாமி, துணை முதல்வர் பன்னீர்செல்வத்தின் பலகீனத்தை மட்டும் அல்ல; அரசியலமைப்பின் கோளாறுகளையும் சேர்த்துதானே காட்டுகின்றன?

சிக்கல்களினூடாகத்தான் தலைவர்கள் உருவெடுக்கிறார்கள். கருணாநிதி, ஜெயலலிதா இருவருக்குப் பின்னும் அப்படி இரு தலைவர்கள் உருவெடுத்துவிட்டதாகவே தோன்றுகிறது.

எண்ணிக்கை பலமற்றதும் அழுத்தப்பட்டதுமான ஒரு சமூகத்திலிருந்து வந்த கருணாநிதி இந்தச் சாதிய சமூகத்தில் இத்தனை ஆண்டுகள் திமுக எனும் பேரியக்கத்தைக் கட்டியாண்டது ஒரு பெரும் சாதனை என்றால், எந்தச் சலனமுமின்றி கருணாநிதியைப் பதிலீடு செய்து அந்த இடத்தில் ஸ்டாலின் உறுதியாக அமர்ந்ததும், கட்சியை முழுமையாகத் தன் கட்டுப்பாட்டுக்குள் கொண்டுவந்ததும் குறிப்பிடத்தக்க தொடக்கமே!

ஜெயலலிதாவுக்குப் பின் எதிரே பிரதான கட்சியான அதிமுக முழுக்க தமிழ்நாட்டின் பெரும் சாதிகளின் ஆதிக்கத்துக்குள் போய்விட்ட நிலையில், திமுக அந்த அலைக்குள் சிக்காததோடு மெல்ல எல்லாச் சமூகங்களுக்குமான பிரதிநிதித்துவத்தை அதிகரிக்கும் முனைப்பையும் வெளிப்படுத்திவருகிறது. ராசாவின் எழுச்சியும் கட்சியின் ஒரே தலித் மாவட்டச் செயலரான கணேசனுக்கு ஸ்டாலின் அளிக்கும் முக்கியத்துவமும் கட்சியின் அக்கறைகள் நகரும் திசையைத் துல்லியமாகச் சொல்கின்றன.

அதிமுக – திமுக இரு கட்சிகளுக்கும் இடையிலான எண்ணிக்கை வேறுபாடு சட்ட மன்றத்தில் மிகக் குறைவாகவே இருக்கும் சூழலிலும், “எந்தக் கட்சியையும் உடைத்து ஆட்சி அமைக்கப்போவதில்லை” என்ற ஸ்டாலினின் அறிவிப்பை முக்கியமானதாகப் பார்க்கிறேன். ‘தேர்தலில் தோற்றாலும் பரவாயில்லை; இனி ஓட்டுக்குப் பணம் கொடுக்கும் இழிவு வேண்டாம்’ என்ற அவருடைய நிலைப்பாடு இன்று அவருக்குத் தோல்வியைத் தந்திருக்கலாம். ஆனால், ஜனநாயகத்தை மேம்படுத்துவதோடு கட்சியின் கண்ணியத்தையும் வளர்த்தெடுக்கும் முடிவு அது. கடந்த கால தவறுகளிலிருந்து கட்சியை மீட்டெடுப்பதில் ஸ்டாலின் கொண்டிருக்கும் பொறுப்பை இது உணர்த்துகிறது.

வெட்டு ஒன்று – துண்டு இரண்டு என்று பேசும் ஸ்டாலினின் அணுகுமுறை கருணாநிதியினுடையது அல்ல. ஆனால், கடந்த கால அலங்காரப் பேச்சுகளிலிருந்து திமுக விடுபடுவதும் கூடுதல் வெளிப்படைத்தன்மையான மொழிக்கு அது மாறுவதும் நல்லது என்றே நினைக்கிறேன்.

மோடிக்கு எதிராகத் திரள்வது தொடர்பாக நாடு முழுக்க எதிர்க்கட்சிகள் பேசிவந்தாலும், தேசிய அளவில் ஒரு குடைக்குள் எதிர்க்கட்சிகள் இன்னும் திரண்ட பாடில்லை. பல மாநிலங்களில் எதிர்க்கட்சிகள் தங்களுக்குள் இன்னும் மோதிக்கொண்டிருக்கின்றன. ஸ்டாலினால் தமிழ்நாட்டில் ஒரு கூட்டணிக்கு வித்திட முடிந்திருக்கிறது. தன்னுடைய கடுமையான விமர்சகரான வைகோவை அவர் உள்ளிழுத்தது அவரிடம் வளர்ந்துவரும் நெகிழ்வுத்தன்மைக்கு உதாரணம்.

திமுகவுக்குள் இளைய தலைமுறையினரை வளர்த்தெடுக்கும் முயற்சிகள், சித்தாந்தரீதியிலான சரிவிலிருந்து கட்சியை மீட்டெடுக்கும் முனைப்புகள் தொடங்கியிருப்பதைக் கட்சிக்குள் பேசுகிறார்கள். திருமணங்கள், கூட்டங்களில் புத்தகங்களைப் பரிசளித்துக்கொள்வதில் தொடங்கி கட்சியின் கடந்த கால வரலாற்றை இளையோருக்குக் கடத்தும் நிகழ்ச்சிகள் வரை பட்டியலிடுகிறார்கள். இவை யாவும் நல்ல அறிகுறிகள்.

எதிரிலும் மாற்றங்கள் தெரியத் தொடங்கியிருக்கின்றன. அதிமுகவுக்குள் ஓராண்டாக நடந்துவரும் அதிகாரச் சண்டைகளின் மத்தியில், அடுத்த தலைமைக்கான அக்கட்சியினரின் தேடலுக்கு ஆர்கே நகர் தேர்தல் முடிவு ஒரு தெளிவைக் கொடுத்திருப்பதுபோலவே தோன்றுகிறது. கட்சி வேறுபாடுகளுக்கு அப்பாற்பட்டு தினகரன் பேட்டிகளையும் பேச்சுகளையும் ஒரு பெரிய கூட்டம் ரசிப்பதை இன்று பார்க்க முடிகிறது. காரணம் இல்லாமல் இல்லை. சமகால அரசியல் மொழியிலிருந்து மாறுபட்ட ஒரு மொழி அவருக்குச் சாத்தியமாகி இருக்கிறது.

பழனிசாமி, பன்னீர்செல்வம்போல பதுங்காமல் ஊடகங்களுக்கு முகங்கொடுப்பதும், அலட்டிக்கொள்ளாத உடல்மொழியோடு யதார்த்த தளத்தில் உரையாடுவதும், எந்தக் கேள்விக்கும் சிரித்தபடி அனாயசமாக பதில் அளிப்பதுமான அணுகுமுறை அவர் மீதான கவன ஈர்ப்பின் மையமாக மாறியிருக்கிறது. எம்ஜிஆரோ, ஜெயலலிதாவோ விவரிக்காத கட்சியின் கள அரசியல் நிலவரங்களை தன்னுடைய விவாதங்களின் வழி மையப்புள்ளிக்கு தினகரன் கொண்டுவருகிறார். தேவையற்ற போலி மதிப்பீடுகளையும் பிம்பங்களையும் உடைக்கிறார். “அரசியல்வாதிகளுக்கு வசதி எங்கிருந்து வருகிறது?” என்ற ஊடகவியலாளரின் கேள்விக்கு, “அரசியல்வாதி என்றால் கோவணத்தோடு நிற்க வேண்டும் என்று ஏன் எதிர்பார்க்கிறீர்கள்?” என்ற அவருடைய பதில் கேள்வியை ஒரு பதமாகச் சொல்லலாம்.

கீழ் நிலையிலுள்ள அதிமுக தொண்டர்களிடம் பேசுகையில் எதிர்வரவிருக்கும் கணக்குகள் மேலும் துல்லியமாகின்றன. “மாநில அரசாங்க இயந்திரம், மத்திய அரசாங்க துணை, பணம் இவ்வளவும் இருந்தும் பழனிசாமி – பன்னீர்செல்வம் ரெண்டு பேரும் சேர்ந்து தினகரனைத் தோற்கடிக்க முடியலை. பொதுவில பேசுறவங்க அவரு காசு கொடுத்து ஜெயிச்சுட்டாருன்னு பேசுறாங்க. நேத்திக்கு ஜெயலலிதாவும் இங்கே செலவு செஞ்சுதான் ஜெயிச்சாங்க. எம்ஜிஆர், ஜெயலலிதா ரெண்டு பேருமே எல்லாருக்கும் முன்னாடி கெத்தா நின்னவங்க. அதிமுக தலைமைன்னா அப்படி ஒரு கெத்து வேணும். டெல்லியை எதிர்க்குற கெத்து தினகரனுக்கு இருக்கு. பழனிசாமியோட ஆட்சி போனா கட்சி தினகரன்கிட்ட போயிடும்!”

மதச்சார்பின்மைப் பாதையே தன் பாதை என்றும் பாஜக நிரந்தரமான எதிரி என்றும் தினகரன் அறிவித்ததும் முன்னதாக அலைக்கற்றை வழக்கிலிருந்து கனிமொழி விடுவிக்கப்பட்டபோது “ஒரு தமிழனாக இதை வரவேற்கிறேன்” என்று சொன்னதும் அரசியலில் வேறொரு தளம் நோக்கியும் தினகரனை நகர்த்தியிருக்கின்றன.

விருப்பங்களுக்கும் விளைவுகளுக்கும் அப்பாற்பட்டு ஒரு விஷயம் திட்டவட்டமாகப் புலப்படுகிறது. ஸ்டாலினும் தினகரனும் குறிப்பிட்ட ஒரு காலகட்டத்தை நிர்ணயிப்பதற்கான எல்லா அறிகுறிகளும் வெளிப்படுகின்றன. இவர்கள் இருவரும் தமிழகத்தின் இரு துருவ அரசியல் குமிழுக்குள் பொருந்தும் சூழலில் வெற்றிடம் எங்கே இருக்கிறது?

எல்லாக் கதைகளுமே அதன் முழு இலக்கையும் எட்டிவிடுவதில்லை. ரஜினி, கமல், விஷால் எல்லோருமே அரசியலுக்குள் வரலாம். அவர்களுக்கான இடத்தை அவர்களே உருவாக்க வேண்டும். காலியிடம் என்று ஏதுமில்லை!

- சமஸ்,

http://tamil.thehindu.com/opinion/columns/article22387970.ece?homepage=true

Categories: Tamilnadu-news

தமிழ்நாட்டில் அகதி முகாம்களில் மத்திய அரசு அதிகாரிகள் திடீர் ஆய்வு- மாநில அதிகாரிகளிடையே பதற்றம்

Sun, 07/01/2018 - 05:33
தமிழ்நாட்டில் அகதி முகாம்களில் மத்திய அரசு அதிகாரிகள் திடீர் ஆய்வு- மாநில அதிகாரிகளிடையே பதற்றம்  

Sri-Lankan-Tamil-refugeesதமிழ்நாட்டில்  ஈழத்தமிழ் அகதிகள் தங்கியுள்ள முகாம்கள் சிலவற்றில், இந்திய மத்திய அரச அதிகாரிகள் குழுவொன்று திடீர் ஆய்வு மேற்கொண்டுள்ளது. இதனால் மாநில அரச அதிகாரிகள் மத்தியில் பதற்றம் ஏற்பட்டுள்ளதாக, இந்திய ஊடகம் ஒன்று செய்தி வெளியிட்டுள்ளது.

திருநெல்வேலி மாவட்டத்தில் உள்ள ரெங்கபுரம் அகதிகள் முகாமில் மத்திய அரசு அதிகாரிகள் திடீர் ஆய்வு ஒன்றை மேற்கொண்டனர்.

அவர்கள் முகாமில் தங்கியுள்ள அகதிகள் மற்றும் அதனை நிர்வகிக்கும் அதிகாரிகளுடன் கலந்துரையாடினர்.

இதன்போது, மத்திய அரச அதிகாரிகளிடம் அகதிகள் சில மனுக்களை கையளித்துள்ளனர்.

தமது உடைமைகளுடன் தாயகம் திரும்புவதற்கு, மத்திய அரசாங்கம் கப்பல் போக்குவரத்து வசதிகளை செய்து தர வேண்டும் என்று அகதிகள் தரப்பில் கோரிக்கை விடுக்கப்பட்டுள்ளது.

அத்துடன், தாயகம் திரும்பும் அகதிகள், தாம் புலம்பெயர்வதற்கு முன்பு அனுபவித்த வாழ்வாதார உரிமைகள் மற்றும் வசதிகள் மீளக் கிடைப்பதை இந்திய மற்றும் சிறிலங்கா அரசாங்கங்கள் உறுதிப்படுத்த வேண்டும் என்றும் அகதிகள் தரப்பில் கோரிக்கை விடுக்கப்பட்டுள்ளது.

இந்தியாவில் தங்கியிருக்க விரும்பும் அகதிகளுக்கு குடியுரிமை வழங்கப்பட வேண்டும் என்றும் முகாம்களில் தங்கியுள்ள அகதிகளுக்கு முறையான கழிப்பிட, வீதி, மின்சார வசதிகள் செய்து தரப்பட வேண்டும் என்றும் அவர்கள் கோரிக்கை விடுத்துள்ளனர்.

http://www.puthinappalakai.net/2018/01/07/news/28315

Categories: Tamilnadu-news

தமிழக மக்களை, நல்லா வாழவைக்க வேண்டும் என்பதே என் அதிகபட்ச ஆசை: மலேசியாவில் ரஜினி பேச்சு

Sat, 06/01/2018 - 21:02
தமிழக மக்களை, நல்லா வாழவைக்க வேண்டும் என்பதே என் அதிகபட்ச ஆசை: மலேசியாவில் ரஜினி பேச்சு
 

தமிழக மக்களை, நல்லா வாழவைக்க வேண்டும் என்பதே என் அதிகபட்ச ஆசை என மலேசியா கலை நிகழ்ச்சியில் ரஜினிகாந்த் பேசினார். #Malaysia #Rajinikanth

 
 
201801062321122077_actor-Rajini-s-speech
 
மலேசியா:
 
தென்னிந்திய நடிகர் சங்கத்துக்கு சொந்தமாக சென்னை தியாகராய நகர் அபிபுல்லா சாலையில் உள்ள 18 கிரவுண்டு காலி இடத்தில் புதிய கட்டிடம் கட்டப்பட்டு வருகிறது. கலையரங்கம், சிறிய தியேட்டர், உடற்பயிற்சி கூடம், நடனம், நடிப்பு பயிற்சி கூடங்கள், நடிகர் சங்க உறுப்பினர்களுக்கான அறைகள் போன்றவை இங்கு அமைய உள்ளன.
 
இதன் கட்டுமான பணிகள் தொடக்க விழாவில் நடிகர்கள் ரஜினிகாந்த், கமல்ஹாசன் உள்ளிட்ட முன்னணி நடிகர்கள் கலந்து கொண்டனர். கட்டிட நிதி திரட்டுவதற்காக ஏற்கனவே சென்னை சேப்பாக்கம் மைதானத்தில் நட்சத்திர கிரிக்கெட் போட்டி நடத்தப்பட்டது. மேலும் நட்சத்திர கலை விழாக்கள் நடத்தி நிதி திரட்டப்படும் என்று நடிகர் சங்க நிர்வாகிகள் அறிவித்து இருந்தனர்.
 
201801062321122077_1_malaysia%20-%20Copy
 
அதன்படி மலேசியாவில் நடிகர்-நடிகைகளின் நட்சத்திர கலை விழாவை நடத்த ஏற்பாடு செய்யப்பட்டு உள்ளது. இன்று (6-ந்தேதி) இந்த விழா தொடங்கியது. விழாவில் நடிகர் ரஜினிகாந்த்-கமலஹாசன் உள்ளிட்ட முன்னனி நட்சத்திரங்கள் கலந்து கொண்டனர். 
 
கலை நிகழ்ச்சியில் ரஜினி ரஜினிகாந்த் பேசியதாவது:
 
201801062321122077_2_malaysia1._L_styvpf
 
என்னை வாழவைத்த தமிழக மக்களை, நல்லா வாழவைக்க வேண்டும் என்பதே என் அதிகபட்ச ஆசை. நான் சிறுவயதில் ஒரு வேகப்பந்து வீச்சாளர், எனக்கு பிடித்த கிரிக்கெட் வீரர் பட்டோடி. இந்திய வீரரில் தோனியை பிடிக்கும், ஆனால் எப்போதும் எனக்கு பிடித்த வீரர் சச்சின் தெண்டுல்கர்தான்.

http://cinema.maalaimalar.com/Cinema/CinemaNews/2018/01/06225133/1138855/actor-Rajini-s-speech-I-wish-people-of-Tamil-Nadu.vpf

      மலேசியாவில் ரஜினி - கமல் சந்திப்பு

 

 
mal_rajini_kamal1999

 

மலேசியாவில் நடைபெற்று வரும் நட்சத்திரக் கலை விழாவில் ரஜினியும் கமலும் சந்தித்து உரையாடினார்கள்.

மலேசியாவில் தென்னிந்திய நடிகர் சங்கத்தின் நட்சத்திர கலை விழா பிரம்மாண்டமாக நடைபெற்று வருகிறது. இவ்விழாவில் கலை நிகழ்ச்சி, நடனம், நகைச்சுவை நிகழ்ச்சி மற்றும் புகழ்பெற்ற நடிகர்களின் பேச்சு என பல்வேறு நிகழ்ச்சிகளுக்கு ஏற்பாடு செய்யப்பட்டுள்ளது. இது தவிர நட்சத்திர கிரிக்கெட் போட்டியும் நடைபெறுகிறது.

நடிகர்கள் ரஜினி, கமல் உள்பட 100-க்கும் மேற்பட்ட நடிகர், நடிகைகள் இந்நிகழ்ச்சியில் கலந்துகொண்டுள்ளார்கள். இதற்காக தமிழ்த் திரையுலகின் அத்தனை முன்னணி நடிகர் நடிகைகளும் மலேசியாவுக்குச் சென்றுள்ளார்கள். விஜய். அஜித் ஆகிய இருவர் மட்டும் மலேசியா செல்லவில்லை என்று கூறப்படுகிறது.

இந்நிலையில் இன்று ரஜினியும் கமலும் கலை விழா அரங்கில் சந்தித்துக்கொண்டார்கள். பிறகு இருவரும் சிறிது நேரம் உரையாடினார்கள். இருவரும் சந்தித்துக்கொண்டபோது அதைப் பார்த்த பலரும் தங்கள் செல்போனில் புகைப்படம் எடுத்துக்கொண்டார்கள். அப்புகைப்படங்கள் சமூகவலைத்தளங்களிலும் வெளியாகியுள்ளன. அரசியல்வாதியான பிறகு ரஜினியும் கமலும் முதல்முறையாகச் சந்தித்துள்ளார்கள்.

mal_rajini_kamal177.jpg

mal_rajini_kamal1.jpg

http://www.dinamani.com/cinema/cinema-news/2018/jan/06/rajini-meets-kamal-haasan-2840099.html

Categories: Tamilnadu-news