தமிழகச் செய்திகள்

தினகரன் நகர்வுகள் - செங்‘கோட்டையன்’

Wed, 17/01/2018 - 19:47
தினகரன் நகர்வுகள் - செங்‘கோட்டையன்’

 

‘எதையோ பறிகொடுத்தது’போலவே எப்போதும் முகத்தை வைத்திருக்கும் செங்கோட்டையன், சமீபகாலத்தில் பறிகொடுத்தவை நிறைய. அதிலும், எடப்பாடி - பன்னீர் அணிகள் இணைப்புக்குப் பிறகு அவர் அடுத்தடுத்து பறிகொடுத்தது மூன்று பதவிகளை! இணைப்பையொட்டி அமைச்சரவை மாற்றம் செய்யப்பட்டபோது, செங்கோட்டையன் வசமிருந்த இளைஞர் நலன் மற்றும் விளையாட்டுத் துறை பறிபோனது. அணிகள் பிரிந்திருந்தபோது, ஆளும்தரப்பு வசமிருந்த அ.தி.மு.க பிரிவுக்கு அவைத்தலைவராக இருந்தார் செங்கோட்டையன். இரண்டு அணிகளும் இணைந்து பொதுக்குழுவைக் கூட்டியபோது, மதுசூதனனுக்கு அவைத்தலைவர் பதவியை விட்டுக்கொடுத்தார். சமீபத்தில் சட்டசபை கூடுவதற்கு முன்பாக, சட்டசபை அவை முன்னவர் பதவியை ஓ.பன்னீர்செல்வத்துக்காக விட்டுக்கொடுத்தார்.

இப்படி விட்டுக்கொடுத்த எல்லாவற்றுக்கும் ஈடாக முதல்வர் பதவியையே செங்கோட்டையனுக்குத் தருவதாகக் கூறி ஓர் அரசியல் சதுரங்க விளையாட்டை ஆரம்பித்துள்ளது தினகரன் தரப்பு. தினகரனின் இந்த நகர்வுகளில் வெல்லப்போவது யார், வீழப்போவது யார் என்பதே விடை தெரியாத பரபரப்பாக இருக்கிறது. ‘கடக ராசியில் பிறந்த செங்கோட்டைய னுக்கு, சனிப்பெயர்ச்சிக்குப் பிறகு அரசியலில் ஏறுமுகம்தான்’ என்று ஜோதிடர்கள் சொல்லிவந்த நிலையில், இப்போது அவரை மையமாக வைத்து அரசியல் ஜல்லிக்கட்டு நடக்க ஆரம்பித்துள்ளது. எடப்பாடி அரசைக் கவிழ்த்துவிட்டுச் செங்கோட்டையனை முதல்வராக்கி, கட்சியைத் தன் தலைமையின்கீழ் ஒருங்கிணைக்கும் முயற்சியில் தினகரன் இறங்கியுள்ளார்.

P42A_1516103595.jpg

சமீபத்தில் தூத்துக்குடி போயிருந்தபோது, செங்கோட்டையன் பற்றி வருத்தத்துடன் பேசினார் தினகரன். ‘‘இப்போது அ.தி.மு.க-வில் இருக்கும் அமைச்சர்கள் மற்றும் எம்.எல்.ஏ-க்களில் செங்கோட்டையன்தான் சீனியர். எம்.ஜி.ஆர் காலத்திலிருந்தே அ.தி.மு.க-வில் இருந்துவருபவர். எம்.ஜி.ஆர் மறைந்தபோது ஜா. அணி, ஜெ. அணி என அ.தி.மு.க இரண்டாகப் பிரிந்தது. அப்போது ஜெ.வுடன் வந்த ஆறு பேர்களில் செங்கோட்டைய னும் ஒருவர். திறமையாகப் பணியாற்றும் அவரை இப்போது எடப்பாடியும் பன்னீரும் இணைந்து கட்சியில் ஒதுக்கிவருகிறார்கள். அவை முன்னவர் பொறுப்பிலிருந்தும் நீக்கிவிட்டனர். ஏன் அவரை ஒதுக்குகிறார்கள் எனத் தெரியவில்லை. இது எனக்கு வருத்தமளிக்கிறது’’ என்றார்.

எடப்பாடி பக்கம் இருப்பவர்களில், தினகரன் பாராட்டும் ஒரே நபர் செங்கோட்டையன். தினகரன் சொல்வது மனப்பூர்வமாகவா அல்லது எடப்பாடியையும் செங்கோட்டையனையும் பிரித்தாளும் சூழ்ச்சியா? ‘‘எடப்பாடிக்குப் பெரும் பக்கபலமாக இப்போது இருப்பது கொங்கு மண்டல எம்.எல்.ஏ-க்கள்தான். பெரும்பாலும் கவுண்டர் இனத்தைச் சேர்ந்தவர்கள். இவர்களின் ஒற்றுமையை உடைத்து, தம்மால் முதல்வராக முடியும் என்ற நம்பிக்கை தினகரனுக்கு இப்போது இல்லை. அதனால், செங்கோட்டையனைத் தன் பக்கம் இழுக்கத் தினகரன் சதி வலை பின்னுகிறார்’’ என்கிறார் எடப்பாடியின் ஆதரவு கொங்கு மண்டல அமைச்சர் ஒருவர்.

‘ஜெயலலிதாவின் சாரதி’எனச்  செங்கோட்டையனைக் கட்சியினர் வர்ணிப்பதுண்டு. ஜெயலலிதா தேர்தல் p42b_1516103605.jpgடூர் போகும்போது, கனகச்சிதமாக ஸ்கெட்ச் போட்டுக்கொடுத்து, செங்கோட்டையன்தான் அழைத்துச் செல்வார். பிரச்னைக்குரிய தொகுதி எதுவென்று தேர்ந்தெடுத்து, அதன் தேர்தல் பொறுப்பைச் செங்கோட்டையனிடம்தான் ஒப்படைப்பார் ஜெயலலிதா.

இந்த ஜனவரி 9-ம் தேதியன்று செங்கோட்டையனுக்கு 70-வது பிறந்த நாள். வழக்கம்போல எளிமையாகவே கொண்டா டினார். அமைச்சரவை புரோட்டோகால் லிஸ்ட்டில் நான்காவது ரேங்க்கில் தற்போது இருக்கிறார். 1972-ல்   அ.தி.மு.க-வில் ஐக்கியமானவர் செங்கோட்டையன். 1975-ல் கோவையில் அ.தி.மு.க பொதுக்குழு நடைபெற்றபோது, ‘‘கட்சிப் பெயரில் ‘அகில இந்திய’ என்ற வார்த்தைகளைச் சேர்க்கலாமா,  வேண்டாமா?’’ என்கிற சர்ச்சை வெடித்தது. அப்போது செங்கோட்டையன் பொதுக்குழுவை வெற்றிகரமாக நடத்த உதவினார். இதன்மூலம் எம்.ஜி.ஆரின் நேரடிப் பார்வைக்கு வந்தவருக்கு அதன்பிறகு ஏறுமுகம்தான். 1977-ல் எம்.எல்.ஏ சீட் கிடைத்தது. சட்டசபைத் தேர்தலில் எட்டுமுறை ஜெயித்தவர். எம்.ஜி.ஆர்., 1980-ல் இவரை ஈரோடு மாவட்டச் செயலாளர் ஆக்கினார். அ.தி.மு.க-வின்  ஒன்றுபட்ட ஈரோடு மாவட்டச் செயலாளராக 19 வருடங்கள் இருந்தவர். கட்சியில் தலைமைக்கழக நிர்வாகத்தில் பல்வேறு பதவிகளை வகித்துவிட்டார். போக்குவரத்துத்துறை, விளையாட்டு மற்றும் இளைஞர் நலம், விவசாயம், வருவாய்த்துறை, ஐ.டி எனப் பல துறைகளின் அமைச்சராக இருந்து விட்டு,  இப்போது பள்ளிக்கல்வித் துறை அமைச்சராக இருக்கிறார். இனி, அவர் அமர வேண்டியது, முதல்வர் பதவி மட்டும்தான். 

சசிகலா சிறைக்குச் செல்லும்முன், ‘யாரை முதல்வராக நியமிக்கலாம்’ என்கிற பேச்சு வந்தபோது, செங்கோட்டையன் பெயரை அவர் முன்மொழிந்ததாகச் சொல்கிறார்கள். கூவத்தூரில் நடந்த நள்ளிரவு பாலிடிக்ஸில் செங்கோட்டையனைப் பின்னுக்குத் தள்ளிவிட்டு எடப்பாடி பழனிசாமி முதல்வர் ஆனார்.

இவ்வளவு விசுவாசமான செங்கோட்டையனை ஜெயலலிதா கொஞ்சகாலம் விலக்கி வைத்திருந்தார். காரணம், அவரின் நடத்தை பற்றி ஜெயலலிதாவிடம் அவருடைய குடும்பத்தினர் நேரில் புகார் கூறினர். நண்பர் ஒருவருக்காகச் செங்கோட்டையன் விதிகளை மீறி உதவினார் என்பது இன்னொரு குற்றச்சாட்டு. இதையடுத்து, அமைச்சரவை யிலிருந்தே செங்கோட்டையனை நீக்கினார் ஜெயலலிதா. இப்போது, சசிகலா குடும்பத்தினரின் ‘குட் புக்’கில் செங்கோட்டையன் இடம்பெற்றி ருப்பது காலத்தின் கட்டாயம். ஆனால், முன்பு சசிகலாதான் செங்கோட்டையனுக்கு அரசியல் எதிரியாக இருந்தார்.

இதுபற்றி செங்கோட்டையனை நன்கு தெரிந்த அவரின் நண்பர் ஒருவர் நம்மிடம் பேசினார்.

‘‘ஓ.பன்னீர்செல்வத்தைக் கட்சியில் வளர்த்துவிட நினைத்த சசிகலா, செங்கோட்டையனை எதிரியாக நினைத்தார். செங்கோட்டையன் குடும்பத்தினரைப் பகடைக்காயாகப் பயன்படுத்தி, ஜெயலலிதாவிடம் வெறுப்பைத் தூண்டிவிட்டார். ‘எனது பெயரைக் கெடுத்துவிட்டார் சசிகலா’ என்றே செங்கோட்டையன் புலம்பித் தவித்தார். ஜெயலலிதா மறைவுக்குப்பிறகு அமைச்சரவை அமைக்கப்பட்டபோது, ‘பழையவர்களே தொடரட்டும். புதியவர்கள் வேண்டாம்’ என்றே சசிகலா சொன்னார். செங்கோட்டையனைப் புதிதாகச் சேர்க்கவிடவில்லை. பன்னீர் பிரிந்து சென்றபிறகு புதிதாக அமைச்சரவை அமைக்கப்பட்டபோது, கொங்கு மண்டல அமைச்சர்களான வேலுமணியும் தங்கமணியும்தான் செங்கோட்டையனுக்காக வாதாடினார்கள. அமைச்சராக இருந்த மாஃபா பாண்டியராஜன் அப்போது பன்னீர் அணிக்குச் சென்றதைச் சுட்டிக்காட்டி, காலியாக இருந்த பள்ளிக்கல்வித் துறைக்குச் செங்கோட்டையனை நியமிக்க வைத்தார்கள். இதையெல்லாம் செங்கோட்டையன் மறந்துவிட முடியுமா? ‘செங்கோட்டையனைப் பிரித்தால், கொங்கு மண்டல அ.தி.மு.க-வினர் பிளவுபட்டுவிடுவார்கள்’ என்பது தினகரனின் கணக்கு. பெயருக்கு ஓரிரு மாதங்கள் செங்கோட்டையனை முதல்வர் பதவியில் உட்கார வைத்துவிட்டு, பிறகு அவரை ஒதுக்கி
விட்டுத் தாம் முதல்வராக அமர்வதுதான் தினகரனின் திட்டம். செங்கோட்டைய னுக்கு இதெல்லாம் தெரியாமல் இல்லை’’ என்கிறார் அவர்.

p42c_1516103624.jpg

‘செங்கோட்டையனின் மனநிலை என்ன’ என்று விசாரித்தோம். தினகரன் அணியினர் பல்வேறு வி.ஐ.பி-க்கள் மூலம் செங்கோட்டையனுக்குத் தூது விட்டிருக்கிறார்கள். ‘‘அரசியலில் நேரத்துக்குத் தகுந்தமாதிரி மாறும் பச்சோந்தியாக நான் இருக்கமாட்டேன். சசிகலா குடும்பத்திடம் அடிமையாக இருக்க நான் விரும்பவில்லை. இப்போது இங்கு நான் கௌரவமாக, சந்தோஷமாக இருக்கிறேன். இதுவே எனக்குப் போதும். இதுதான் என் முடிவு. இனி என்னிடம் யாரும் தூது வராதீர்கள்’’ என்று அவர்களிடம் கையெடுத்துக் கும்பிட்டு அனுப்பிவிட்டாராம். 

இருந்தாலும், தினகரன் கோஷ்டியினர் செங்கோட்டையனுக்கு வலைவிரிப்பதை நிறுத்தவில்லை. செங்கோட்டையன் பெயரை முன்னிலைப்படுத்தியே பல எம்.எல்.ஏ-க்களையும் தங்கள் பக்கம் வசப்படுத்த நினைக்கிறார்கள். ‘‘முதல்வர் நாற்காலியை விரும்பாத அரசியல்வாதி யாராவது உண்டா? செங்கோட்டையனுக்குக் கோட்டையை ஆளும் ஆசை இருக்கிறது. அதை நாங்கள் உணர்ந்துவிட்டோம். அவரை இழுப்போம். எடப்பாடி பக்கம் இருக்கும் எல்லோரும், தட்டமுடியாமல் எங்கள் பக்கம் வருகிற காலம் விரைவில் வரும். அதுவரை காத்திருப்போம்’’ என்கிறது தினகரன் தரப்பு. 

செங்கோட்டையன், சென்னை செயின்ட் ஜார்ஜ் கோட்டையில் முதல்வர் பதவியில் அமர்வாரா, மாட்டாரா? அவர் எடுக்கப்போகும் முடிவில்தான் அவரின் அரசியல் எதிர்காலம் இருக்கிறது.

https://www.vikatan.com

Categories: Tamilnadu-news

அரசியலில் கூட்டாக செயல்பாடு: ரஜினிகாந்தின் கருத்தை வழிமொழிவதாக கமல்ஹாசன் பேட்டி

Wed, 17/01/2018 - 18:33
அரசியலில் கூட்டாக செயல்பாடு: ரஜினிகாந்தின் கருத்தை வழிமொழிவதாக கமல்ஹாசன் பேட்டி
 

கமல்ஹாசனுடன் இணைந்து செயல்படுவது குறித்து காலம் முடிவு செய்யும் என ரஜினிகாந்த் கூறியிருந்த நிலையில், அந்த கருத்தை வழிமொழிவதாக கமல்ஹாசன் தெரிவித்துள்ளார். #KamalHaasan #Rajinikanth

 
 ரஜினிகாந்தின் கருத்தை வழிமொழிவதாக கமல்ஹாசன் பேட்டி
 
சென்னை:

நடிகர் ரஜினிகாந்த் தனது அரசியல் பிரவேசம் குறித்து கடந்த ஆண்டு இறுதியில் அறிவித்தார். தனது ரசிகர் மன்றம் மூலமாக கட்சி பணிகள் குறித்து மும்முரமாக ஈடுபட்டு வருகிறார். இந்நிலையில், நடிகர் கமல்ஹாசன் பிப்ரவரி 21-ம் தேதி கட்சியின் பெயரை வெளியிட்டு, தமிழகம் முழுவதும் சுற்றுப்பயணம் செய்ய உள்ளதாக அறிக்கை வெளியிட்டுள்ளார்.

‘புதிய கட்சி தொடங்குவதாக அறிவித்த கமலுஹாசனுக்கு எனது வாழ்த்துக்கள்’ என்று கூறிய ரஜினிகாந்த், கமலுடன் கூட்டணி வைப்பீர்களா? என்ற கேள்விக்கு, ‘காலம் தான் பதில் சொல்லும் என்று கூறினார். மேலும், எப்போது தேர்தல் வந்தாலும் சந்திப்பேன் என்றும் ரஜினி கூறியிருந்தார்.

இந்நிலையில், ரஜினியின் கருத்தை வழிமொழிவதாக கமல்ஹாசனும் தெரிவித்துள்ளார். “ஆன்மீக அரசியல் என்பது ரஜினியின் நம்பிக்கை. எனது அரசியல் வேறு. மக்கள் தங்களின் பலத்தை உணரச் செய்ய வேண்டும் என்பதே எனது ஆசை. மக்கள் பிரச்சனையை மக்களிடமே எடுத்துச் செல்வதற்கே சுற்றுப்பயணம் மேற்கொள்ள உள்ளேன்” என்று அவர் பேட்டியளித்துள்ளார்.

http://www.maalaimalar.com/News/TopNews/2018/01/17214300/1140751/Kamalhaasan-accepts-rajinikanth-comments-on-joint.vpf

Categories: Tamilnadu-news

`ஆறு மாதத்தில் தேர்தல் வந்தாலும் ரெடி!' - ரஜினி பளீச்

Wed, 17/01/2018 - 12:53
`ஆறு மாதத்தில் தேர்தல் வந்தாலும் ரெடி!' - ரஜினி பளீச்
 

நேரடி அரசியலில் தமிழ் சினிமாவின் முன்னணி நடிகர்கள் கமல்ஹாசன் மற்றும் ரஜினிகாந்த் குதித்துள்ளனர். வரும் சட்டமன்றத் தேர்தலில் இருவரும் போட்டியிடுவர் என்று எதிர்பார்க்கப்படும் நிலையில், `கமலுடன் கூட்டணி வைப்பீர்களா' என்று ரஜினியிடம் நிருபர்கள் கேட்ட கேள்விக்கு, `காலம்தான் பதில் சொல்லும்' என்று பதிலளித்துள்ளார். 

ரஜினிகாந்த்

 

சென்னை நந்தம்பாக்கம் ட்ரேட் சென்டரில் ஆனந்த விகடன் சினிமா விருதுகள் விழாவில் பேசிய கமல்ஹாசன், `ஜனவரி 26-ம் தேதி முதல் களத்தில் இறங்கப்போகிறேன். பயணத்தை எங்கிருந்து, எப்படி தொடங்குகிறேன் என்பதை வருகிற 18-ம் தேதி வெளியாகும் ஆனந்த விகடனில் எழுதியிருக்கிறேன்' என்று அறிவித்து அரசியல் களத்தில் பரபரப்பைக் கிளப்பியுள்ளார் கமல்.

காரில் பறந்த ரஜினி

 


இந்நிலையில்தான் இன்று போயஸ் கார்டன் இல்லத்திலிருந்து காரில் வெளியே வந்த ரஜினியிடம் நிருபர்கள், `கமலும் தனிக்கட்சி ஆரம்பிக்கப்போவதாகத் தெரிவித்துள்ளாரே, அவருடன் கூட்டணி வைப்பீர்களா' என்று கேட்டனர். அதற்கு ரஜினி, `கமலுடன் கூட்டணி வைப்பது குறித்து கமல்தான் முடிவு செய்ய வேண்டும். இந்த விஷயத்தைப் பற்றி காலம்தான் பதில் சொல்லும். தனிக்கட்சி ஆரம்பிக்க உள்ள கமலுக்கு எனது வாழ்த்துகள்' என்று சூசகமாகப் பதில் கூறியவரிடம், `ஆறு மாதத்தில் தேர்தல் வந்தால் நீங்கள் தயாராக இருப்பீர்களா' என்று கேட்கப்பட்டது, `கண்டிப்பாகத் தேர்தலைச் சந்திப்பேன்' என்று கூறிவிட்டுப் பறந்தார். 

https://www.vikatan.com/news/politics/113809-rajini-talks-about-upcoming-tn-elections.html

Categories: Tamilnadu-news

`ஆறு மாதத்தில் தேர்தல் வந்தாலும் ரெடி!' - ரஜினி பளீச்

Wed, 17/01/2018 - 12:53
`ஆறு மாதத்தில் தேர்தல் வந்தாலும் ரெடி!' - ரஜினி பளீச்
 

நேரடி அரசியலில் தமிழ் சினிமாவின் முன்னணி நடிகர்கள் கமல்ஹாசன் மற்றும் ரஜினிகாந்த் குதித்துள்ளனர். வரும் சட்டமன்றத் தேர்தலில் இருவரும் போட்டியிடுவர் என்று எதிர்பார்க்கப்படும் நிலையில், `கமலுடன் கூட்டணி வைப்பீர்களா' என்று ரஜினியிடம் நிருபர்கள் கேட்ட கேள்விக்கு, `காலம்தான் பதில் சொல்லும்' என்று பதிலளித்துள்ளார். 

ரஜினிகாந்த்

 

சென்னை நந்தம்பாக்கம் ட்ரேட் சென்டரில் ஆனந்த விகடன் சினிமா விருதுகள் விழாவில் பேசிய கமல்ஹாசன், `ஜனவரி 26-ம் தேதி முதல் களத்தில் இறங்கப்போகிறேன். பயணத்தை எங்கிருந்து, எப்படி தொடங்குகிறேன் என்பதை வருகிற 18-ம் தேதி வெளியாகும் ஆனந்த விகடனில் எழுதியிருக்கிறேன்' என்று அறிவித்து அரசியல் களத்தில் பரபரப்பைக் கிளப்பியுள்ளார் கமல்.

காரில் பறந்த ரஜினி

 


இந்நிலையில்தான் இன்று போயஸ் கார்டன் இல்லத்திலிருந்து காரில் வெளியே வந்த ரஜினியிடம் நிருபர்கள், `கமலும் தனிக்கட்சி ஆரம்பிக்கப்போவதாகத் தெரிவித்துள்ளாரே, அவருடன் கூட்டணி வைப்பீர்களா' என்று கேட்டனர். அதற்கு ரஜினி, `கமலுடன் கூட்டணி வைப்பது குறித்து கமல்தான் முடிவு செய்ய வேண்டும். இந்த விஷயத்தைப் பற்றி காலம்தான் பதில் சொல்லும். தனிக்கட்சி ஆரம்பிக்க உள்ள கமலுக்கு எனது வாழ்த்துகள்' என்று சூசகமாகப் பதில் கூறியவரிடம், `ஆறு மாதத்தில் தேர்தல் வந்தால் நீங்கள் தயாராக இருப்பீர்களா' என்று கேட்கப்பட்டது, `கண்டிப்பாகத் தேர்தலைச் சந்திப்பேன்' என்று கூறிவிட்டுப் பறந்தார். 

Categories: Tamilnadu-news

`ஜெயலலிதா எப்போது இறந்தார்?' - திவாகரன் அதிர்ச்சி தகவல்

Wed, 17/01/2018 - 12:51
`ஜெயலலிதா எப்போது இறந்தார்?' - திவாகரன் அதிர்ச்சி தகவல்
 
 

death_long_17482.jpg

ஜெயலலிதா எப்போது இறந்தார் என்பது குறித்த அதிர்ச்சி தகவலைச் சசிகலாவின் சகோதரர் திவாகரன் இன்று வெளியிட்டு பரபரப்பை ஏற்படுத்தியிருக்கிறார்.

 

சென்னை ஆயிரம்விளக்கில் உள்ள அப்போலோ மருத்துவமனையில் 2016-ம் தேதி செப்டம்பர் 22-ம் தேதி அனுமதிக்கப்பட்டிருந்த ஜெயலலிதா 75 நாள் சிகிச்சைக்குப் பின்னர், டிசம்பர் 5-ம் தேதி மாரடைப்பால் இறந்துவிட்டதாக அப்போலோ மருத்துவமனை அறிவித்தது. இதனிடையே, ஜெயலலிதா மரணத்தில் மர்மம் இருப்பதாகப் பல்வேறு அரசியல் கட்சித் தலைவர்களும் தற்போது இருக்கிற துணை முதல்வர் ஓ.பன்னீர்செல்வமும் கூறினர். இதையடுத்து, ஓய்வு பெற்ற நீதிபதி ஆறுமுகசாமி தலைமையில் விசாரணை ஆணையத்தை அமைத்தது தமிழக அரசு. இந்த விசாரணை நடந்துகொண்டிருக்கும் நிலையில் திடீரென, அப்போலோவில் ஜெயலலிதா சிகிச்சை பெறும் வீடியோ காட்சியைத் தினகரன் ஆதரவாளர் வெற்றிவேல் வெளியிட்டு பரபரப்பை உண்டாக்கினார்.

divakaran_long_18291.jpg

இந்த விவகாரம் அடங்குவதற்குள் சசிகலாவின் சகோதரர் திவாகரன், ஜெயலலிதா மரணம் தொடர்பாக இன்று புதிய தகவலை வெளியிட்டுள்ளார். மன்னார்குடியில் நடந்த எம்.ஜி.ஆர் பிறந்தநாள் விழாவில் அவர் பேசும்போது, ஜெயலலிதா கடந்த 2016-ம் தேதி டிசம்பர் 4-ம் தேதியே இறந்துவிட்டார். அப்போலோ மருத்துவமனை பாதுகாப்புக்காக ஒரு நாள் தாமதமாக மரணம் அறிவிக்கப்பட்டது. உடனடியாக ஏன் அறிவிக்கவில்லை என்று மருத்துவமனை நிர்வாகத்திடம் விளக்கம் கேட்டபோது, எங்களது மருத்துவமனையின் பாதுகாப்பை உறுதி செய்யுங்கள் எனக் கூறினார்கள்" என்று தெரிவித்தார்.

 

ஜெயலலிதா, டிசம்பர் 5-ம் தேதி இரவு 11.30 மணியளவில் மரணம் அடைந்தார் என்பது குறிப்பிடத்தக்கது.

https://www.vikatan.com/news/tamilnadu/113818-divakaran-tells-at-what-time-jayalalithaa-was-dead.html

Categories: Tamilnadu-news

''நமது நாடு தமிழ்நாடா?, இந்தியாவா?'': தமிழ்நாடு பெயர் மாற்றத்திற்கு காங்கிரஸ் தயங்கியது ஏன்?

Wed, 17/01/2018 - 09:33
''நமது நாடு தமிழ்நாடா?, இந்தியாவா?'': தமிழ்நாடு பெயர் மாற்றத்திற்கு காங்கிரஸ் தயங்கியது ஏன்?
 
அண்ணா

சென்னை மாநிலம் தமிழ்நாடு என பெயர் மாற்றப்பட்டு, 50 ஆண்டுகள் நிறைவடைந்திருக்கின்றன. இதன் பொன்விழாவைக் கொண்டாடப் போவதாக தமிழக அரசு அறிவித்திருக்கிறது.

காலத்தில் நிலைத்துவிட்ட இந்தப் பெயரை மாநிலத்திற்குச் சூட்ட பல ஆண்டுகாலப் போராட்டத்தையே நடத்த வேண்டியிருந்தது.

1967ஆம் ஆண்டு ஜூலை 18ஆம் தேதி தமிழக சட்டப்பேரவையில் பேசிய முதலமைச்சர் சி.என். அண்ணாதுரை, "இந்த அவையிலே இன்றைய தினம் " உறுப்பினர்களாக இருக்கின்ற ஒவ்வொருவருடைய வாழ்நாளிலும் மிகுந்த மகிழ்ச்சியையும் நல்ல எழுச்சியையும் தரத்தக்க ஒரு திருநாள் ஆகும். நீண்ட நாட்களுக்கு முன்பே வந்திருக்க வேண்டிய இந்தத் தீர்மானம் காலந்தாழ்த்தி வந்தாலும் இங்குள்ள அனைவரின் பேராதரவுடன் வருகிறது. இந்தத் தீர்மானம் எதிர்ப்பு ஏதுமின்றி நிறைவேறினால் அந்த வெற்றி ஒரு கட்சியின் வெற்றியல்ல. தமிழின் வெற்றி, தமிழரின் வெற்றி. தமிழர் வரலாற்றின் வெற்றி. தமிழ்நாட்டு வெற்றி. மேலும் இப்படி பெயர் மாற்றம் செய்வதாலேயே தனி நாடு ஆகவில்லை. இந்தியப் பேரரசின் ஒரு பகுதியாகவே நம் மாநிலம் இருக்கும். அதனால் சர்வதேச சிக்கல்கள் எழாது. நாம் இப்படி பெயர் மாற்றத்திற்குப் பேராதரவு அளித்ததற்காக எதிர்கால சந்ததியினர் நம்மை வாழ்த்துவார்கள்" என்று குறிப்பிட்டார்.

சென்னை உயர் நீதிமன்றம்படத்தின் காப்புரிமைTOPICAL PRESS AGENCY/HULTON ARCHIVE/GETTY IMAGES Image captionமெட்ராஸ் உயர் நீதிமன்றம்

அதற்குப் பின் அவர் 'தமிழ்நாடு' என்று மூன்று முறை குறிப்பிட்டதும் உறுப்பினர்கள் வாழ்க என்று மும்முறை வாழ்த்தொலி எழுப்பினார்கள்.

தமிழ் பேசும் மாநிலத்திற்கு தமிழ்நாடு என்ற பெயர் தற்போது மிகப் பொருத்தமானதாக ஒலிக்கும் இந்த காலகட்டத்தில், இந்தப் பெயருக்கான கோரிக்கை முன்வைக்கப்பட்டு, அது ஏற்கப்படாத காலகட்டத்தைப் புரிந்துகொள்வது கடினமாகவே இருக்கும்.

"மெட்ராஸ் என்ற பெயரை, தமிழ்நாடு என்று மாற்றியது மிக முக்கியமானது. பிரிட்டிஷ் ஆட்சி காலத்தில் நிர்வாக வசதிக்காகச் சூட்டப்பட்ட பெயர்களையும் எல்லைகளையும் தொடர்ந்து வைத்துக்கொண்டிருக்க வேண்டிய அவசியமில்லை. நிர்வாக எல்லைகளையும் தாண்டிய அடையாளம் நமக்கு இருக்கிறது. அதைத் தான் இந்தப் பெயர் சுட்டிக்காட்டுகிறது" என்கிறார் தன்னாட்சித் தமிழகம் அமைப்பின் ஒருங்கிணைப்பாளர் ஆழி. செந்தில்நாதன்.

மெரீனா கடற்கரைபடத்தின் காப்புரிமைHULTON ARCHIVE/GETTY IMAGES Image captionமெரீனா கடற்கரை

இரண்டாம் உலகப் போருக்குப் பிறகு ஐரோப்பா முழுவதுமே இன அடிப்படையிலும் மத அடிப்படையிலுமே தனி நாடுகளாக உருப்பெற்றன. பெரும்பாலான ஐரோப்பிய நாடுகள் மொழி, இன அடிப்படையிலான பெயர்களையே தங்களுக்குச் சூட்டிக்கொண்டிருக்கின்றன என்பதைச் சுட்டிக்காட்டுகிறார் செந்தில்நாதன்.

"இதை இனவெறியாகவோ, தனித் தமிழ் வெறியாகவோ பார்க்க வேண்டியதில்லை. மெட்ராஸ் மாகாணத்தோடு இணைந்திருந்த பிற மொழி பேசும் பகுதிகள் பிரிந்துசென்றுவிட்ட நிலையில், எஞ்சியிருந்த பகுதிகள் தமிழ் பேசும் பகுதிகளாக இருந்த நிலையில் அதற்கு தமிழ்நாடு என்று பெயர் சூட்ட வேண்டுமென்பது நியாயமான கோரிக்கைதான்" என்கிறார் விடுதலைச் சிறுத்தைகள் கட்சியின் பொதுச் செயலாளர் து. ரவிக்குமார்.

ஆனால், நாடு என்று வருவதாலேயே இங்கு பலர் அதை தனி நாடு என்று புரிந்துகொண்டு பேசுகிறார்கள் என்பதையும் அவர் சுட்டிக்காட்டுகிறார். தமிழ்நாடு எனப் பெயர் இருந்தாலும் மத்திய அரசால்தான் 60 சதவீத நிர்வாகம் நடைபெறுகிறது; இதைப் புரிந்துகொள்ளாமல் பிற மொழி பேசுபவர்கள் குறித்த வெறுப்பு இங்கு விதைக்கப்படுகிறது என்கிறார் ரவிக்குமார்.

மெட்ராஸ் துறைமுகம்படத்தின் காப்புரிமைHULTON ARCHIVE/GETTY IMAGES Image captionமெட்ராஸ் துறைமுகம்

தமிழகத்தில் ஆட்சியில் இருந்தபோது, சட்டமன்றத்தில் தமிழ்நாடு என்ற பெயர் மாற்றக் கோரிக்கை எழும்போதெல்லாம் அதனை தொடர்ந்து எதிர்த்துவந்த காங்கிரஸ் கட்சி 1930களிலேயே தமிழக காங்கிரஸ் கட்சி என்ற பெயரைச் சூட்டிவிட்டது.

1956ல் மொழிவாரி மாநிலங்கள் அறிவிக்கப்பட்டு, ஆந்திரா பிரிந்துசென்றுவிட்ட நிலையில் இந்தக் கோரிக்கை மிகத் தீவிரமடைந்தது. மெட்ராஸ் மாநிலத்திற்கு தமிழ்நாடு எனப் பெயர் சூட்ட வேண்டும் என்பது உள்ளிட்ட சில கோரிக்கைகளை வலியுறுத்தி சங்கரலிங்க நாடார் 1956 ஜூலை 27ஆம் தேதியன்று உண்ணாவிரதப் போராட்டத்தைத் துவங்கினார். பல்வேறு தலைவர்கள் வலியுறுத்தியும் அவர் தனது போராட்டத்தைக் கைவிட மறுத்துவிட்டார். 76 நாள் உண்ணாவிரதப் போராட்டத்திற்குப் பிறகு, அக்டோபர் 13ஆம் தேதியன்று அவரது உயிர் பிரிந்தது.

தமிழரசுக் கட்சியின் ம.பொ. சிவஞானம் போன்றவர்கள் நீண்டகாலமாக பெயர் மாற்றத்திற்காகப் போராடிவந்த நிலையில், சங்கரலிங்க நாடாரின் மறைவு இந்தப் போராட்டத்திற்கு புதிய உத்வேகத்தை அளித்தது.

1957ல் தி.மு.க. முதன் முறையாக சட்டமன்றத்தில் நுழைந்தபோதே, அதனுடைய முதல் தீர்மானம் மெட்ராஸ் ஸ்டேட் என்பது தமிழ்நாடு எனப் பெயர் மாற்றப்பட வேண்டும் என்பதாகத்தான் இருந்தது. 1957 மே 7ஆம் தேதியன்று தீர்மானம் வாக்கெடுப்புக்கு விடப்பட்டபோது 42 பேர் ஆதரவாகவும் 127 பேர் எதிராகவும் வாக்களிக்க, தீர்மானம் தோல்வியடைந்தது.

புனித ஜார்ஜ் மற்றும் மெட்ராஸ் வரைபடம்படத்தின் காப்புரிமைHULTON ARCHIVE/GETTY IMAGES Image captionபுனித ஜார்ஜ் மற்றும் மெட்ராஸ் வரைபடம்

1961 ஜனவரியில் சோஷலிஸ்ட் கட்சியின் உறுப்பினர் பி. சின்னத்துரை மெட்ராஸ் ஸ்டேட் என்பதை தமிழ்நாடு என மாற்ற வேண்டுமென தீர்மானம் கொண்டுவந்தபோது, இது தொடர்பான விவாதத்தை முதலமைச்சர் பிப்ரவரி வரை ஒத்திவைத்தார். ஆனால், தி.மு.க. உள்ளிட்ட எதிர்க்கட்சியினர் சட்டமன்றத்தைத் தொடர்ந்து மூன்று நாட்களுக்குப் புறக்கணித்ததையடுத்து முதலமைச்சர் காமராஜர், மெட்ராஸ் ஸ்டேட் என்பதை தமிழ்நாடு என நிர்வாகக் கடிதங்களில் குறிப்பிடுவதற்கு ஒப்புக்கொண்டது.

1961ல் ஒன்றுபட்ட மேற்கு வங்க இந்திய கம்யூனிஸ்ட் கட்சியின் மாநிலங்களவையின் உறுப்பினர் பூபேஷ் குப்தா மெட்ராஸ் மாநிலத்திற்கு தமிழ்நாடு என்று பெயர்சூட்டக் கோரும் மசோதா ஒன்றைக் கொண்டுவந்தார். இது குறித்து நீண்ட விவாதம் மாநிலங்களவையில் நடைபெற்றது

1964ல் தி.மு.க. உறுப்பினர் ராம. அரங்கண்ணல் இது தொடர்பாக தீர்மானம் கொண்டுவரப்பட்டபோதும், அது தோற்கடிக்கப்பட்டது. இந்தத் தீர்மானத்தை எதிர்த்துப் பேசிய அமைச்சர் வெங்கட்ராமன், தமிழ்நாடு என்று சொன்னால் வெளி உலகில் இருப்பவர்களுக்கு எப்படித் தெரியும் அதுமட்டுமல்ல, மெட்ராஸ் என்று சொன்னால்தானே சர்வதேச அரங்கத்தில் கேட்கும்போது பெருமையாக இருக்கிறது என்று குறிப்பிட்டார்.

அசம்பிளி கட்டடம்படத்தின் காப்புரிமைFOX PHOTOS/GETTY IMAGES Image captionஅசம்பிளி கட்டடம்

அப்போது தமிழகத்தில் ஆட்சியில் இருந்த காங்கிரஸைப் பொறுத்தவரை, இந்தப் பெயர் மாற்றக் கோரிக்கையை ஏற்பதில் பெரும் தயக்கம் இருந்தது. தமிழ்நாடு என்ற வார்த்தையில் உள்ள நாடு என்பது தனி நாட்டைக் குறிக்குமோ என்ற அச்சம் இருந்தது. "தமிழ்நாடு என்பது நமது நாடா அல்லது இந்தியா நமது நாடா? எப்படி இதையும் நமது நாடு அதையும் நமது நாடு என்று சொல்வது" என முதலமைச்சர் பக்தவத்சலம் கேள்வியெழுப்பினார்.

தவிர, தமிழரல்லாதவர்கள் நிலை குறித்தும் அச்சங்கள் இருந்தன. இதனாலேயே காங்கிரஸ் இந்தக் கோரிக்கையில் பெரிதாக ஆர்வம்காட்டவில்லை. பெயரை மாற்றாமல் இருப்பதற்கே மக்களின் ஆதரவு இருப்பதாகவும் காங்கிரஸ் நம்பியது.

ஆனால், 1967ல் தி.மு.க. பெற்ற வெற்றி எல்லாவற்றையும் மாற்றியது. முதலாவதாக, தலைமைச் செயலகம் அமைந்திருக்கும் புனித ஜார்ஜ் கோட்டையில் உள்ள பெயர்ப் பலகை, 1967 ஏப்ரல் 14ஆம் தேதியன்று தமிழக அரசு என்று மாறியது.

அதற்குப் பின் 1967 ஜூலை 18ல் சென்னை மாநிலத்தை 'தமிழ்நாடு' ஆகப் பெயர் மாற்றம் செய்யும் தீர்மானம் சட்டப்பேரவையில் கொண்டுவரப்பட்டு நிறைவேற்றப்பட்டது. 23.11.1968ல் தமிழ்நாடு பெயர் மாற்ற மசோதா நாடாளுமன்றத்தில் நிறைவேறியது. 1969 ஜனவரி 14ல் மெட்ராஸ் ஸ்டேட் என்பது தமிழ்நாடு ஆக அதிகாரபூர்வமாக மாறியது.

http://www.bbc.com/tamil/india-42706047

Categories: Tamilnadu-news

நடக்குமா நடராச தாண்டவம்?

Wed, 17/01/2018 - 05:50
மிஸ்டர் கழுகு - நடக்குமா நடராச தாண்டவம்?

 

ரும்பைக் கடித்தபடி வந்து குதித்த கழுகார், ‘‘கைகளை நீட்டும்’’ என்றபடி கைகுலுக்கி வாழ்த்து சொன்னார். p45b_1516104274.jpg‘‘தினகரன் தனிக்கட்சி ஆரம்பிக்கப்போகிறார் எனச் சென்ற இதழில் எக்ஸ்க்ளூசிவ் கட்டுரை எழுதியிருந்தீர். தினகரன் அதை இப்போது வெளிப்படையாகச் சொல்லியிருக்கிறார். கீப் இட் அப்’’ என்றார்.

‘‘தனிக்கட்சி ஏற்பாடுகள் எந்த அளவில் இருக்கின்றன?’’ என்று கேட்டோம்.

‘‘இந்தச் சட்டமன்றக் கூட்டத் தொடரில் கடைசி நாளான ஜனவரி 12-ம் தேதி தினகரன் பெங்களூரு சென்றிருந்தார். இரட்டை இலைச் சின்னமும் அ.தி.மு.க கட்சியும் தங்களுக்கு  இல்லை என்று முடிவாகிவிட்டதால் அடுத்து என்ன செய்யலாம் என்று சசிகலாவிடம் ஆலோசனை கேட்டுள்ளார். கட்சி தொடங்க அவர் க்ரீன் சிக்னல் கொடுத்துவிட்டாராம். எம்.ஜி.ஆர் பிறந்த நாளில் இதற்கான அறிவிப்பை வெளியிடும் தினகரன், அநேகமாக ஜனவரி 23-ம் தேதி கட்சியின் பெயரை வெளியிடக்கூடும்.’’

p45a_1516104265.jpg

‘‘நடராசன் மறு அவதாரம் எடுத்துவிட்டார்போல?’’ 

‘‘உடல்நிலையை வைத்துக் கேட்கிறீர்களா, அரசியல் நிலைப்பாட்டை வைத்துக் கேட்கிறீர்களா என்று தெரியவில்லை. ஆனால், இரண்டிலும் அவர் இப்போது மறு அவதாரம் எடுத்துள்ளார் என்பது நிஜம். உடல்நிலையைப் பொறுத்தவரை, ஆரோக்கியமாகவே இருக்கிறார். காலையில் வாக்கிங் போகிறார். டாக்டர்கள் அறிவுரைப்படி, உணவு மற்றும் ஓய்வுக் கட்டுப்பாடுகளைக் கடைப்பிடிக்கிறார். வீட்டில் இது சாத்தியமில்லை என்பதால், ஸ்டார் ஹோட்டலில் இயற்கைச் சூழலில் தங்கியிருந்து ஓய்வைக் கடைப்பிடிக்கிறார். புத்துயிர் பெற்றுள்ளார் நடராசன். இது அவருடைய உடல்நிலை ரிப்போர்ட்.’’

‘‘அரசியலில்?’’

‘‘இதுவரை அரசியலில் அவர் மறு அவதாரம் எடுக்கவில்லை. ஆனால், எடுக்க நினைக்கிறார். அதற்கான அறைகூவலைத்தான் பேட்டிகளில் அவர் திரும்பத் திரும்பக் குறிப்பிட்டு வருகிறார். டெல்லியில் பி.ஜே.பி-யுடன் எந்தச் சமரசமும் இல்லை; காங்கிரஸ் கட்சியில் நடராசனுக்கு எப்போதுமே வலுவான தொடர்புகள் உண்டு. அவற்றைப் பயன்படுத்தி, சில காய்களை நகர்த்தியுள்ளார் என்று தெரிகிறது. அந்த நம்பிக்கையில் அவர் இருக்கிறார். நடராசனின் திட்டங்கள் எல்லாமே எப்போதும் தொலை நோக்குடையவைதானே. அந்த நம்பிக்கையில்தான், ‘வரும் ஜூன் மாதம் சசிகலாவுடன் சேர்ந்து தமிழகம் முழுவதும் சுற்றுப்பயணம் செய்வேன்’ என்று குறிப்பிட்டார்.’’

‘‘சரி... நடராசனின் இந்த அறிவிப்பை, சசிகலா குடும்பத்தினர் எப்படிப் பார்க்கின்றனர்?’’

‘‘கொஞ்சம் அச்சத்துடன்தான் பார்க்கிறார்கள். காரணம், இதுவரை அரசியலில் நடராசன் குடும்பம் ஆதிக்கம் செலுத்தவில்லை. சசிகலாவின் குடும்பம் மட்டும்தான் ஆதிக்கம் செலுத்தியது. இப்போது நடராசன் அறிவிப்பால், ‘இதென்ன புதுக்குழப்பம்’ என்று சசிகலா குடும்பத்தினர் யோசிக்கின்றனர். நடராச தாண்டவம் நடக்குமா என்பது இனிமேல்தான் தெரியும்.’’

‘‘இதைத் தினகரன் எப்படிப் பார்க்கிறார்?’’

‘‘தினகரன், ‘இரண்டு தரப்பு குடும்பங்களும் ஒதுங்கிக்கொண்டால்தான் நல்லது’ என்று நினைக்கிறார். அதைக் கணக்குப்போட்டுத்தான் அவர் சசிகலாவின் சகோதரர் திவாகரன், சசிகலாவின் அண்ணன் சுந்தரவதனத்தின் மகன் டாக்டர் வெங்கடேஷ், இளவரசியின் மகன் விவேக் என அனைவரையும் ஒதுக்கிவிட்டார். அதுபோல, நடராசனுடனும் அவருக்கு எந்தத் தொடர்பும் இல்லை. அனைவரையும் ஒதுக்கிவிட்டு இருந்தால் மட்டுமே, கட்சியை வளர்க்கமுடியும் என்று நினைக்கிறார். நடராசனின் டெல்லி தொடர்புகள் ஏதாவது ஒருவிதத்தில் எதிர்காலத்தில் தேவைப்பட்டால் பயன்படுத்திக் கொள்ளலாம் என்று நினைக்கிறார்.’’
 
‘‘எடப்பாடி பழனிசாமி தரப்பு இதை எப்படிப் பார்க்கிறது?’’

‘‘அவர்கள் சசிகலா குடும்பத்தின் மோதல்கள், நடராசனின் மறுபிரவேசம் ஆகியவற்றை உன்னிப்பாகக் கவனித்துக்கொண்டிருக்கிறார்கள். எந்தப் பிரச்னை வந்தாலும் சமாளிக்க முடியும் என்று அவர்கள் நினைக்கிறார்கள். அதற்கேற்ப டெல்லியில் வலுவான தொடர்புகளை எடப்பாடி பழனிசாமியும் தொழிலதிபர்களான அவரின் நண்பர்களும் ஏற்படுத்தி வைத்துள்ளனர். இன்றைய சூழலில், நடராசனுக்கு டெல்லியில் எந்தச் செல்வாக்கும் இல்லை என்றே அவர்கள் கருதுகின்றனர். வருவதைப் பார்த்துக் கொள்வோம் என்று நினைக்கிறார்கள். இந்த நேரத்தில், காஞ்சி சங்கர மடத்திலும் அதிகாரப்போட்டி பெரிதாக நடக்கிறது. அந்த விவகாரம், இந்த அரசியல் பரபரப்புகளுக்குள் மறைந்துபோயுள்ளது.’’

‘‘அப்படியா... என்ன விவகாரம்?’’

‘‘காஞ்சி சங்கராச்சாரியார் ஜெயேந்திர சரஸ்வதி சுவாமிகளுக்கு ஜனவரி 14-ம் தேதி உடல்நிலை சரியில்லை என்று ராமச்சந்திரா மருத்துவமனைக்குக் கொண்டுவந்தனர். அவர், இரண்டு மணி நேரமாக காரிலிருந்து இறங்கவில்லை. டாக்டர்கள் சுப்பிரமணியன், பாஸ்கரன் ஆகியோர் எவ்வளவோ வற்புறுத்தியும் அவர் இறங்கவில்லை. ‘எனக்கு உடல்நிலை நன்றாகத்தான் இருக்கிறது. இவர்கள் என்னை வேண்டுமென்றே மருத்துவமனையில் சேர்க்கப் பார்க்கிறார்கள்’ என்று சொல்லி, கடைசிவரை இறங்க மறுத்துவிட்டார்.’’

‘‘யார் அவரை முடக்க நினைக்கிறார்களாம்?’’

‘‘மடத்தில் இருக்கும் ஜெயேந்திரரின் விசுவாசிகள், ‘இளையவரும் அவருக்கு வேண்டியவர்களும் சேர்ந்து இந்த வேலைகளைச் செய்கிறார்கள்’ என்று சொல்கிறார்கள். திருப்பதியில் காஞ்சி மடத்துக்குச் சொந்தமாக இருக்கும் சொத்துகளை நிர்வகித்து வந்த ஒருவர், நிறைய முறைகேடுகளைச் செய்தார். அவரிடமி ருந்து அந்த நிர்வாகப் பொறுப்பைப் பறித்து விட்டார் ஜெயேந்திரர். அந்த நபரும் இளையவரும் சேர்ந்துதான் நாடகத்தை நடத்துவதாகக் காஞ்சி மடத்தின் பக்தர்கள் கருதுகின்றனர்.’’

‘‘டெல்லி தகவல்கள் ஏதேனும் உண்டா?’’

‘‘இருக்கிறது. அங்கிருந்து பெரிய பிசினஸ் ஆள்களின் நடமாட்டம், தமிழகத்தின் தென் மாவட்டங்களில் தென்பட்டது. அதே நேரத்தில், தொழில்துறைச் செயலாளராக ஞானதேசிகன் நியமிக்கப் பட்டுள்ளதும் சேர்ந்தே நடந்துள்ளது. தமிழகத்தின் தலைமைச் செயலாளராக ஜெயலலிதா காலத்தில் இருந்தவர் ஞானதேசிகன். பல விவகாரங்களில் சிக்கி சஸ்பெண்டு செய்யப்பட்டார்.

p45c_1516104297.jpg

ஓ.பி.எஸ் முதல்வரானதும், பிரச்னைகளிலிருந்து ஞானதேசிகன் மீண்டார். ஆனாலும், அவர் அண்ணா மேலாண்மை பயிற்சி மையத்துக்கு மாற்றப்பட்டு டம்மியாக்கப்பட்டார். திடீரெனக் கடந்த வாரம் அவர் தொழில்துறைச் செயலாளராக நியமிக்கப்பட்டார். அதே நேரத்தில், பி.ஜே.பி தேசியத் தலைவர் அமித் ஷாவுக்கு நெருக்கமான குஜராத் தொழிலதிபர் ஜெகத் ஷா என்பவர் மதுரை மற்றும் சிவகங்கை பகுதிகளில் சுற்றுப்பயணம் மேற்கொண்டுள்ளார். டெல்லி வட்டாரங்களில் விசாரித்தபோது, ‘எல்லாம் அதானியின் தொழில் சாம்ராஜ்ஜியம் தொடர்பான ஆய்வு’ என்று கிசுகிசுத்தனர்.’’

‘‘துக்ளக் ஆசிரியர் குருமூர்த்தி பேச்சு, மீண்டும் ஆளும்கட்சி ஏரியாவில் புயலைக் கிளப்பியிருக்கிறதே?’’

‘‘குருமூர்த்தி தன் பேச்சில், ‘தமிழக அரசியலில் ரஜினிக்குச் சிறந்த வாய்ப்பு உள்ளது. பி.ஜே.பி-யும் ரஜினியும் இணைந்தால் தமிழகத்தின் தலையெழுத்தை மாற்றமுடியும். நடுநிலை வாக்காளர்கள் என்று சொல்லப்படும் அந்த 16 சதவிகித ஓட்டுகளை ரஜினி பெற வேண்டும். அதைப் பெற்றுவிட்டால், ஆட்சியைப் பிடித்து விடலாம்’ என்றார். ரஜினி போகாவிட்டாலும் ‘துக்ளக்’ விழா ரஜினியைப் பற்றியே இருந்தது’’ என்ற கழுகார் பறந்தார்.

படம்: கே.குணசீலன்

p45d_1516104311.jpg

* முதல்வர் அலுவலகத்தில் பணிபுரியும் ‘கிரிவலப் பிரமுகர்’மீது சக ஊழியர்கள் ஏகக் கடுப்பில் இருக்கிறார்கள். நேரம் கிடைக்கும்போதெல்லாம் மற்றவர்கள் பற்றி ஆட்சி மேலிடத்திடம் கோள் மூட்டுவாராம் அவர். இதனால் பல அதிகாரிகளும் தேவையில்லாமல் திட்டு வாங்குகிறார்களாம். 

* பொங்கலை முன்னிட்டு, அரசு ஊழியர்களுக்கு வழங்கப்படும் பரிவுத்தொகை தற்போது நிறுத்தப்பட்டுவிட்டது. அரசு ஊழியர்களில் (தர ஊதியம் ) 4,600 ரூபாய்க்குமேல் வாங்குபவர்களுக்கு எம்.ஜி.ஆர் ஆட்சிக் காலத்திருந்து பரிவுத்தொகை என்கிற பெயரில் 1,000  ரூபாய் வழங்கப்பட்டு வந்தது. பென்ஷன்தாரர்களுக்கு 500 ரூபாய் வழங்கப்பட்டு வந்தது. ஆனால், எம்.ஜி.ஆர் நூற்றாண்டு விழா கொண்டாடும் நேரத்தில் அதை அரசு நிறுத்திவிட்டது. இதனால், அரசு ஊழியர்கள் கடுப்பில் இருக்கிறார்கள்.

* குட்கா விவகாரத்தில் தொடர்புடைய சென்னை போலீஸின் மத்திய குற்றப்பிரிவு, உளவுத்துறை ஆகிய இரண்டிலும் அந்தக் காலகட்டத்தில் கோலோச்சிய இரண்டு முக்கிய அதிகாரிகளின் வருடாந்திரப் பணி செயல்பாடு ஃபைலில் ‘சுழித்து’விட்டாராம் அப்போதைய கமிஷனர் ஜார்ஜ். அவர் சுழித்த விவரங்களைத் தீர விசாரிக்க ஆரம்பித்திருக்கிறது வருமானவரித் துறை.

* மத்திய மனிதவள மேம்பாட்டுத்துறை அமைச்சர் பிரகாஷ் ஜவடேகர், இந்திய முழுவதும் உள்ள மாநிலங்களின் உயர் கல்வித்துறை மற்றும் பள்ளிக்கல்வித்துறை உயர் அதிகாரிகளை டெல்லியில் ஒரு கூட்டத்துக்கு வரச் சொல்லியிருந்தார். பொங்கல் மற்றும் மாட்டுப்பொங்கல் ஆகிய நாள்களில் கூட்டம். பண்டிகை நாள்களைச் சுட்டிக்காட்டிய அதிகாரிகள், ‘இதை டெல்லிக்குச் சொல்லி மாற்றுத் தேதியில் நடத்தச் சொல்லுங்கள்’ என்று சம்பந்தப்பட்ட அமைச்சர்களிடம் கோரிக்கை வைத்திருக்கிறார்கள். மத்திய அரசுக்கு ‘ஆமாம் சாமி’ தலையாட்டும் அரசு இது. அதனால், அவர்கள் ‘நோ’ சொல்லிவிட்டனர். வேறு வழியில்லாமல், குறிப்பிட்ட நாள்களில் டென்ஷனுடன் டெல்லிக்கு அதிகாரிகள் சென்று திரும்பினர்.

ஏமாந்த வர்த்தகர்கள்!

2017 ஜூலை 1-ம் தேதி ஜி.எஸ்.டி அமலுக்கு வந்தது. அதற்குமுன்பு வாட் வரி கட்டி வாங்கிய பொருள்களுக்கான வரியை அரசிடமிருந்து திரும்பப்பெற முடியாமல் தவித்து வருகிறார்கள் இந்தியா முழுக்க உள்ள பல வியாபாரிகள். ஜி.எஸ்.டி நடைமுறைக்கு வருவதற்குமுன்பு வாட் வரி, நுழைவு வரி, கலால் வரி என மூன்று வரிகள் இருந்தன. இந்த மூன்று வரிகளும் ஜி.எஸ்.டி-யாக மாறியபின், ‘ஏற்கெனவே செலுத்திய வாட் வரியைத் திரும்பப்பெற ட்ரான்1 என்கிற படிவத்தைப் பூர்த்தி செய்து தரவேண்டும்’ என்று சொன்னது மத்திய அரசு. அதற்கு, செப்டம்பர் மாதம் வரை அவகாசம் கொடுத்தது. பிறகு வணிகர்களின் கோரிக்கையை ஏற்று, ‘டிசம்பர் மாதம் முடிவதற்குள் அந்தப் படிவத்தைத் தாக்கல் செய்யலாம்’ என்றது. இங்குதான் பிரச்னை வந்தது. படிவத்தைப் பூர்த்தி செய்வதற்கான கடைசித் தேதி டிசம்பர் 31 என ஜி.எஸ்.டி இணையதளத்தில் அறிவித்துவிட்டு, ‘டிசம்பர் 29தான் கடைசித் தேதி’ என நோட்டிஃபிகேஷனில் சொல்லிவிட்டது. இந்தத் தேதி குழப்பத்தால் பலரும் படிவத்தைத் தாக்கல் செய்ய முடியாமல் போனது. ‘‘பல ஆண்டுகள் கஷ்டப்பட்டுச் சேர்த்த பணம் 10 லட்சம் முதல் ஒரு கோடி ரூபாய் வரை முடங்கிக் கிடக்கிறது. ஜனவரி 18-ம் தேதி நடக்கும் ஜி.எஸ்.டி கவுன்சில் கூட்டத்தில் முடிவெடுத்து, இந்தக் குழப்பத்தைத் தீர்க்க வேண்டும்’’ என்று அமைச்சர் ஜெயக்குமாரிடம் கோரிக்கை வைத்துள்ளனர் பாதிக்கப்பட்ட வர்த்தகர்கள்.

https://www.vikatan.com

Categories: Tamilnadu-news

கமல் அரசியல் பிரவேசம்: பிப்.,21ல் கட்சி பெயர்

Tue, 16/01/2018 - 19:04
கமல் அரசியல் பிரவேசம்: பிப்.,21ல் கட்சி பெயர்  
 
 
பிப்.21 ல், சுற்றுப்பயணம், கமல், அரசியல் ,பிரவேசம்
 

 

 

சென்னை: பிப்.,21ம் தேதி கட்சியின் பெயரை அறிவிக்கும் கமல், ராமநாதபுரத்தில் இருந்து தனது சுற்றுப்பயணத்தை துவங்குகிறார்.

இதுகுறித்து கமல் வெளியிட்டுள்ள அறிக்கை: ஜனநயகத்தின் நாயகர்களை சந்திக்க சுற்றுப்பயணம் செய்ய உள்ளேன். உங்கள் ஆதரவோடு இந்த பயணத்தை துவக்குகிறேன். தலைவன் வழிநடத்தவே இருக்க வேண்டும். என்னை வளர்த்தெடுத்த சமூகத்திற்கு நன்றி தாண்டி ஆற்ற வேண்டிய கடமைகள் உள்ளன. இந்த சந்திப்பு புரட்சிக்காகவோ, கவர்ந்திழுக்கவோ அல்ல; எனது புரிதல் மற்றும் எனது கல்விக்காக மட்டுமே.

குடியரசில் குடிமக்களை உயர்த்த வேண்டும். அதை நோக்கி என் பயணம் இருக்கும். நாம் சேர்ந்து தேரை இழுக்கிறோம் என்ற எண்ணம் வேண்டும். அதுவே ஜனநாயகம். கரம் கோரத்திடுங்கள்; களத்தில் சந்திப்போம். இவ்வாறு அவர் தனது அறிக்கையில் தெரிவித்துள்ளார்.
பிப்.,21ல் தனது கட்சி பெயரை அறிவிக்கும் கமல், அன்றே ராமநாதபுரத்தில் சுற்றுப்பயணத்தை துவங்குகிறார். முதற்கட்டமாக மதுரை, திண்டுக்கல், ராமநாதபுரம், சிவகங்கை மாவட்ட மக்களை சந்திக்க உள்ளார்.

ஏற்கனவே ரஜினி அரசியல் பிரவேசம் குறித்து வெளியிட்டுள்ள நிலையில் தற்போது கமல் அரசியல் பிரவேசம் குறித்து அறிவித்துள்ளது அரசியல வட்டாரத்தில் பரபரப்பாக உள்ளது.

http://www.dinamalar.com/news_detail.asp?id=1940056

Categories: Tamilnadu-news

தி.மு.க. ஆட்சியை பிடிக்கும்: ரஜினிக்கு 17 சதவீதம் ஆதரவு: இந்தியா டுடே கருத்து கணிப்பு

Tue, 16/01/2018 - 18:53
தி.மு.க. ஆட்சியை பிடிக்கும்: ரஜினிக்கு 17 சதவீதம் ஆதரவு: இந்தியா டுடே கருத்து கணிப்பு  
 
 
தி.மு.க., ஆட்சியை, பிடிக்கும், ரஜினிக்கு, 17 சதவீதம், ஆதரவு,  இந்தியா டுடே, கருத்து கணிப்பு
 

 

 

புதுடில்லி: தமிழக சட்டசபைக்கு தற்போதைய சூழலில் தேர்தல் நடந்தால் தி.மு.க. ஆட்சியை பிடிக்கும் என்றும் அ.தி.மு.க. தோல்வியை தழுவும் என்றும் ரஜினிக்கு 16 சத ஓட்டுக்கள் கிடைக்கும் என்றும் இந்தியா டுடே நடத்திய பரபரப்பு கருத்து கணிப்பில் தெரியவந்துள்ளது.
 

 

இந்தியாடுடே-கார்வி



2016-ம் ஆண்டு தமிழக முதல்வராக இருந்த ஜெயலலிதா மறைவுக்கு பின்னர் அ.தி.மு.க.வில் பிளவு ஏற்பட்டுள்ளது. இந்நிலையில் இந்தியாடுடே-கார்வி இணைந்து 77 தொகுதிகளில் நடத்திய கருத்து கணிப்பில் கிடைத்த தகவலின்படி:

தற்போதைய அரசியல் வெற்றிடத்தை ரஜினி நிரப்புவார் என 40 சதவீதம் பேர் கருத்து தெரிவித்துள்ளனர். மேலும் அவருக்கு 16 சதவீத ஓட்டு கிடைக்கும் எனவும், 33 தொகுதிகளை பிடிக்க முடியும் என்றும் தெரிவிக்கப்பட்டுள்ளது.

மேலும் ரஜினி முதல்வராக வேண்டும் என 17 சதவீதம் விருப்பம் தெரிவித்துள்ளனர். 34 சதவீதம் பேர் ரஜினி அரசியலில் தோல்வி அடைவார் என்றும் 53 சதவீதம் பேர் வெற்றி பெறுவார் என்றும் , ரஜினி-கமல் இணைய வேண்டும் என 29 சதவீதம் பேர் கூறியுள்ளனர்.

 

 

ரஜினி யாருடன் கூட்டு ?


ரஜினி யாருடன் கூட்டணி வைக்க வேண்டும் என்ற கேள்விக்கு , யாருடனும் சேர வேண்டாம் என 28 % பேரும், திமுகவுடன் சேரலாம் என 21 % பேரும், பா.ஜ.,வுடன் சேரலாம் என 20 % பேரும், அதிமுகவுடன் சேரலாம் என 11 % பேரும், காங்கிரசுடன் சேரலாம் என 2 % பேரும் கருத்து தெரிவித்துள்ளனர்.

அதே போன்று ஆளும் கட்சியான அ.தி.மு.க வரும் தேர்தலில் 26 சதவீத ஓட்டுகளுடன் 68 தொகுதிகள் வரை பிடிக்கும் என்றும் எதிர்கட்சியான தி.மு.க. கூட்டணி 34 சதவீத ஓட்டுக்களுடன் 130-க்கும் மேலான தொகுதிகளை வெல்லும் என்றும் தெரிவிக்கப்பட்டுள்ளது.
 

 

 

யார் முதல்வர்?



யார் முதல்வராக வேண்டும் என்ற கேள்விக்கு ஸ்டாலின் முதல்வராக 50% பேரும், ரஜினி முதல்வராக 17% பேரும், ஓ.பி.எஸ் முதல்வராக11% பேரும், இ.பி.எஸ் முதல்வராக, 5% பேரும்,
கமல் முதல்வராக 4%பேரும், தினகரன் முதல்வராக 3% பேரும் கருத்து தெரிவித்துள்ளனர்.

http://www.dinamalar.com/news_detail.asp?id=1939950

Categories: Tamilnadu-news

நாளை தனிக்கட்சி அறிவிப்பு; முதல்வரை வறுத்தெடுத்த தினகரன்

Tue, 16/01/2018 - 05:42
நாளை தனிக்கட்சி அறிவிப்பு; முதல்வரை வறுத்தெடுத்த தினகரன்
 
 

புதுச்சேரியை அடுத்த ஆரோவில்லில், தனக்கு சொந்தமான பண்ணை வீட்டில் தங்கியிருந்து பொங்கலைக் கொண்டாடினார் எம்.எல்.ஏ., டி.டி.வி. தினகரன்.

dinakaramnnew_10446.jpg
 

 

இன்று, சேலம் புறப்படுவதற்கு முன் திருச்சிற்றம்பலம் கூட்டு சாலையில் உள்ள அம்பேத்கர் சிலைக்கு மாலை அணிவித்து மரியாதை செலுத்தினார். அப்போது பத்திரிகையாளர்களைச் சந்தித்த அவர், “உச்ச நீதிமன்ற தீர்ப்பின்படி  காவேரி நதி நீர் ஆணையம் அமைத்து தமிழகத்துக்குத் தேவையான நீரை மத்திய அரசு பெற்றுத்தர வேண்டும்.

காவேரி நீரை மத்திய அரசால் மட்டுமே தமிழகத்துக்குத் தர முடியும், தமிழக அரசு கேட்கத்தான் முடியும், அவர்களைக் குறைகூற முடியாது. மழை நீரை சேமித்துவைத்திருப்பதாக ஆளுநர் உரையில் பொய் சொல்லி உள்ளது தமிழக அரசு. பயிர்கள் வாடிவரும் நிலையில், காவேரி நீரை தமிழகத்துக்கு மத்திய அரசு பெற்றுத்தர வேண்டும். குருட்டு அதிஷ்டத்தில் எடப்பாடி பழனிசாமி  முதல்வரானதால் காவேரி நீரை தமிழகத்துக்குப் பெற  மத்திய அரசிடம் கோரிக்கைதான் வைக்க முடியும். 18 எம்.எல்.ஏ-க்கள்  தகுதி நீக்கம் செல்லாது எனத் தீர்ப்பு வரும். இரட்டை இலை  தவறானவர்கள் கையில் சிக்கியுள்ளது. அ.தி.மு.க-வின் சட்ட திட்டத்தின்படி பெரும்பான்மையான  தொண்டர்கள் யார் பக்கம் உள்ளார்கள் எனப் பார்க்காமல், தேர்தல் ஆணையம் சின்னம் ஒதுக்கியதற்கு  ஆர்.கே. நகர் தொகுதி மக்கள் எனக்கு வெற்றியைத் தந்து நிரூபித்துள்ளனர். ஒன்றரைக் கோடி தொண்டர்களின் எண்ணத்தை ஆர்.கே. நகர் மக்கள் பிரதிபலித்துள்ளனர்.

பணம் கொடுத்து வெற்றிபெற்றுவிட்டதாக, என் வெற்றியை ஏற்றுக்கொள்ள முடியாதவர்கள், ஆர்.கே. நகர் மக்களை தாழ்த்திப் பேசி வருகின்றனர். இரட்டை இலை  சின்னத்தை மீட்பதற்கான நடவடிக்கைகள் எடுப்பேன். தனிக்கட்சி தொடங்குவதற்கு எப்படி செயல்பட வேண்டுமோ அப்படிச் செயல்படுவேன். தனிக்கட்சி தொடங்குவது தொடர்பாக, நாளை எம்.ஜி.ஆர் பிறந்தநாளில் முடிவுசெய்வோம். தமிழகம் முழுவதும் உள்ளாட்சித் தேர்தலில் டி.டி.வி. தினகரன் அணி வெற்றிபெறும். இந்த ஆட்சி, இரண்டு மாத காலத்தில் முடிவுக்கு வரும்” என்று தெரிவித்தார்.

https://www.vikatan.com/news/tamilnadu/113665-ttv-dinakaran-announced-about-new-political-party.html

Categories: Tamilnadu-news

விறுவிறுப்பாக நடந்து வரும் அலங்காநல்லூர் ஜல்லிக்கட்டு #Alanganallur

Tue, 16/01/2018 - 05:22
விறுவிறுப்பாக நடந்து வரும் அலங்காநல்லூர் ஜல்லிக்கட்டு #Alanganallur
ஜல்லிக்கட்டு

மதுரை மாவட்டம் அலங்காநல்லூரில் காலை 8 மணிக்கு ஜல்லிக்கட்டு ஜல்லிக்கட்டி விளையாட்டு தொடங்கியது.

10.15 AM: வெற்றிபெற்றது அமைச்சர் விஜய பாஸ்கரின் காளை

 விறுவிறுப்பாக நடந்து வரும் அலங்காநல்லூர் ஜல்லிக்கட்டு

இன்று காலை 8 மணியளவில் தொடங்கிய அலங்காநல்லூர் ஜல்லிக்கட்டில் 100க்கும் மேற்பட்ட மாடுபிடி வீரர்கள் பங்கேற்றுள்ளனர்.

இரண்டாம் சுற்றில் வெற்றிப்பெற்ற ஐந்து வீரர்கள் அடுத்த சுற்றுக்கு தேர்வாகியுள்ளனர்.

போட்டியில் பங்கேற்பதற்காக தான் அழைத்து வந்த காளை முட்டியதில் காயமடைந்த அதன் உரிமையாளர் மருத்துவமனைக்கு கொண்டு செல்லப்பட்டுள்ளார்.

போட்டியில் பங்கேற்று வெற்றிப்பெற்ற தமிழக சுகாதாரத்துறை அமைச்சர் விஜய பாஸ்கரின் காளைக்கு நான்கு தங்க காசுகளும், பத்தாயிரம் ரூபாய் பணமும் பரிசாக வழங்கப்பட்டது.

ஜல்லிக்கட்டு

அவனியாபுரம். பாலமேடு ஆகிய பகுதிகளில் ஜல்லிக்கட்டு விளையாட்டு முடிந்ததை அடுத்து இன்று அலங்காநல்லூரில் ஜல்லிக்கட்டு நடைபெறுகிறது.

ஜல்லிக்கட்டு

முதல்வர் எடப்பாடி பழனிசாமி தலைமையில் வீரர்கள் உறுதிமொழி ஏற்றனர்.

முதல்வரும் எடப்பாடி பழனிசாமியும், துணை முதல்வர் ஓ.பன்னீர்செல்வமும் கொடி அசைத்து ஜல்லிக்கட்டு விளையாட்டினை தொடங்கி வைத்தனர்.

விளையாட்டினை காண உலகம் முழுவதிலிருந்தும் ஆயிரக்கணக்கான பார்வையாளர்கள் வந்துள்ளனர்.

ஜல்லிக்கட்டு

ஆயிரத்துக்கும் மேற்பட்ட போலீஸாரும், பல மருத்துவ குழுக்களும் தயார் நிலையில் வைக்கப்பட்டுள்ளது.

ஜல்லிக்கட்டு பரிசு பொருட்கள்

இந்த போட்டியில் கலந்து கொள்வதற்காக திருச்சி, தஞ்சை, புதுக்கோட்டை, சேலம், ஈரோடு உள்ளிட்ட தமிழகத்தின் பல்வேறு பகுதிகளிலிருந்து காளைகள் வந்துள்ளன

இந்தப் போட்டியில் 1000 காளைகளும், 1241 மாடுபிடி வீரர்களும் பங்கு பெறுகிறார்கள்

வெற்றி பெறும் வீரர்களும், காளைகளுக்கு கார் உட்பட பல லட்சங்கள் மதிப்பிலான பரிசுப் பொருட்கள் வழங்கப்படும்.

களத்தில் இறங்கிய முதல் காளை

ஜல்லிக்கட்டு

களத்தில் காளைகளும் காளையர்களும்

ஜல்லிக்கட்டு ஜல்லிக்கட்டு

 

http://www.bbc.com/tamil/india-42699355

Categories: Tamilnadu-news

எழுத்தாளர் ஞாநி, சென்னையில் காலமானார்.

Mon, 15/01/2018 - 04:11

Writer Gnani passes away

எழுத்தாளர் ஞாநி, உடல்நலக் குறைவால்... சென்னையில் காலமானார்.

மூத்த பத்திரிகையாளரும் எழுத்தாளருமான ஞாநி (வயது 63) உடல்நலக் குறைவால் சென்னையில் இன்று காலமானார்.

ஆங்கில பத்திரிகையாளர் வேம்புசாமியின் மகன் ஞாநி சங்கரன். 1954-ம் ஆண்டு செங்கல்பட்டில் பிறந்தவர் ஞாநி.

தந்தையைப் போலவே ஊடகத்துறையில் இணைந்து பணியாற்றியவர் ஞாநி, 1980களின் இறுதியில் போபர்ஸ் பீரங்கி பேர ஊழல் நாட்டையே உலுக்கிய போது முரசொலி நாளேட்டின் புதையல் பகுதியில் அது தொடர்பான தகவல்களை விரிவாக பதிவு செய்தவர் ஞாநி.

பத்திரிகையாளர், எழுத்தாளர், நாடக ஆசிரியர், அரசியல் விமர்சகர் என பன்முகத் தன்மை கொண்டவராக திகழ்ந்தவர் ஞாநி. பரீக்ஷா என்ற நாடகக் குழுவை நடத்தி வந்தார்.

2014-ம் ஆண்டு ஆலந்தூர் சட்டசபை தொகுதி இடைத் தேர்தலில் ஆம் ஆத்மி கட்சியின் வேட்பாளராக போட்டியிட்டு ஞாநி தோல்வி அடைந்தார். அதன் பின்னர் தீவிர அரசியலை கைவிட்டார்.

சிறுநீரக கோளாறால் சிகிச்சை பெற்று வந்த கடந்த ஓராண்டாக உடல்நலக் குறைவால் பாதிக்கப்பட்டு வந்தார் ஞாநி. சென்னை கே.கே.நகரில் உள்ள இல்லத்தில் இன்று மூச்சுத்திணறல் ஏற்பட்டு ஞாநி காலமானார்.

அவருக்கு பத்மா என்ற மனைவியும் மனுஷ் நந்தன் என்ற மகனும் உள்ளனர். மனுஷ் நந்தன், திரைத்துறையில் ஒளிப்பதிவாளராக பணியாற்றுகிறார்.

மறைந்த ஞாநியின் உடல் மருத்துவ கல்லூரிக்கு தானமாக வழங்கப்படுகிறது. ஞாநியின் உடலுக்கு மூத்த பத்திரிகையாளர்கள், அரசியல் கட்சி பிரமுகர்கள் அஞ்சலி செலுத்தி வருகின்றனர்.

தற்ஸ்  தமிழ்.

ஆழ்ந்த இரங்கல்கள்.

Categories: Tamilnadu-news

வைரமுத்து,ஆண்டாள் - ஜெயமோகன்

Sun, 14/01/2018 - 08:07
வைரமுத்து,ஆண்டாள்

ஜெயமோகன்

andal

 

வைரமுத்து ஆண்டாளின் சாதி குறித்துச் சொல்லியிருந்ததை ஒட்டிய விவாதம் இணையச்சூழலிலும் அரசியல்களத்திலும் நிகழ்ந்துகொண்டிருக்கிறது. வைரமுத்து முழுமையான மன்னிப்பு கோரியிருப்பதனால் அது இப்போது ஓய்ந்துவிட்டிருக்கும். இருப்பினும் என் எண்ணங்கள் சிலவற்றைச் சொல்லவேண்டியிருக்கிறது. வைரமுத்து சார்ந்த ஒரு விவாதத்தில் இருப்பதனால் புறக்கணித்துச் செல்வது எவ்வகையிலும் முறையாகாது.

ஆண்டாள் குறித்து மிகமிகக்குறைவான சான்றுகளே நமக்குக் கிடைக்கின்றன. பெரும்பாலும் பெரியாழ்வார் பாடல்களில் இருக்கும் சிலவரிகள். அவை அவர் பெரியாழ்வாரின் மகள் என்றும் பெருமாளுக்குத் தன்னை முற்றாக ஒப்புக்கொடுத்தார் என்றும் மட்டுமே காட்டுகின்றன. அவர் குறித்த புராணம் அவ்வரிகளிலிருந்து உருவாகி வந்திருக்கலாம்.

இவற்றிலிருந்து ஆண்டாளின் சாதி குறித்து எதையும் நாம் ஊகிக்க முடியாது. ஆகவே அதுகுறித்த ஊகங்கள் எல்லாமே தனிநபரின் சமூகப்பார்வை சார்ந்தவை மட்டுமே. மேலைநாட்டு அறிஞர்கள் சிலரும் அவர்களை ஒட்டி எழுதும்  டி.செல்வராஜ், சோலை சுந்தரப்பெருமாள் போன்ற சிலரும் பக்தி இயக்கக் காலகட்டத்தை சமூக மோதல்களின் காலகட்டமாக காண விழைகிறார்கள். ஆகவே அனைத்து இடங்களிலும் மேல்கீழ்சாதி, வர்க்கப்பிரிவினை சார்ந்த மோதல்களைக் கண்டடைகிறார்கள். அதன் விளைவாகவே எளிதாக ஆண்டாள் தேவதாசியாக இருக்கலாம் என்பதுபோன்ற ஊகங்களைச் சென்றடைகிறார்கள்

நான் பக்தி காலகட்டத்தை மாபெரும் ஒருங்கிணைப்பின் காலகட்டம் என நினைப்பவன். இந்துமதம் உருவாகத் தொடங்கிய காலம் முதலே நிகழ்ந்துவரும் தொகுப்பு – ஒருங்கிணைப்பு முறைமை அதன் உச்சத்தை அடைந்தது பக்தி இயக்கத்தின்போதுதான். ஆகவே முரண்பாட்டை கண்டுபிடிக்கும் நோக்கை நிராகரிக்கிறேன். ஆனால் அதைச் சொல்பவர்களின் தரப்பைப் புரிந்துகொண்டு, அதற்கும் கருத்துவிவாதத்தில் ஓர் இடமுண்டு என எடுத்துக்கொண்டு மறுக்கிறேன்.

இரண்டு வினாக்கள் உள்ளன. ஒன்று, ஆண்டாள் பாடல்களிலுள்ள பாலியல்கூறுகளும், ஆண்டாளின் கதையும் ஒருவகை பாலியல்சுதந்திரத்திற்கான குரல்களாக எடுத்துக்கொள்ளப்பட முடியுமா? ஆண்டாளை அக்கால சாதிய,ஆணாதிக்க அமைப்புக்கு எதிரானவராக கட்டமைக்கமுடியுமா?

இல்லை என்பதே என் புரிதல். ஆண்டாளின் கதை என்பது சங்ககாலம் முதல் தமிழ்மண்ணில் இருந்துவந்த நப்பின்னை என்னும் தொன்மக் கதாபாத்திரத்தின் இன்னொருவடிவம் மட்டுமே. தொன்மங்கள் எப்போதும் ஒரு தொடர்ச்சியிலேயே உள்ளன. சிறிய மாறுதல்களுடன் மீண்டும் மீண்டும் வெவ்வேறு கதைமாந்தர்களாக வெளிப்படுகின்றன. ஆண்டாளின் கதையை மீராபாய் வரை சிறிய மாறுதல்களுடன் காணமுடியும்.

ஆகவேதான் ராஜாஜி ஆண்டாள் என்னும் கதாபாத்திரமே பெரியாழ்வாரின் புனைபெயராக இருக்கக்கூடும் என்று எண்ணினார். ஆனால் பெரியாழ்வார் கவிதைகளை விட உணர்வுநிலை, மொழியாட்சி இரண்டிலும் மிக உச்சத்தில் நிற்பவை ஆண்டாளின் கவிதைகள் என்பதனால் அது ஏற்கத்தக்கது அல்ல

ஆண்டாளின் கவிதைகளிலுள்ள பாலியல்கூறுகளை மீறல் என்று சொல்லமுடியுமா? தமிழிலும் வடமொழியிலும் உள்ள ஒரு குறிப்பிட்ட வகையான கவிதைசார்ந்த அழகியல்தான் ஆண்டாளிடம் வெளிப்படுகிறது. தமிழின் நீண்ட அகத்துறைப்பாடல்களின் மரபில் ஆண்டாளை மிகச்சரியாகப் பொருத்தலாம். ஆண்டாளுடையது எவ்வகையிலும் மீறலோ மிகையோ அல்ல. முற்றிலும் மரபுசார்ந்த மனநிலையே ஆகும்.

கவிதையில் கவிஞர் வெளிப்படுத்தும் தன்னிலை என்பது அக்கவிதைக்குள் திகழும் ஒரு உருவகம் மட்டுமே. மரபான சொற்களில் சொல்லப்போனால் ஒரு ஃபாவம். அதை அவருடைய நேரடி உணர்வுவெளிப்பாடு என்று கொள்வதைப்போல கவிதைநிராகரிப்பு வேறில்லை. இது இன்றைய நவீனக்கவிதைக்கும் பொருந்தும். கவிதை என்பது அக்கவிஞரின் உச்சகட்ட உணர்வுநிலை ஒன்றை மட்டுமே காட்டுகிறது, அவருடைய ஆளுமையை அல்ல.ஐம்பதாண்டுகளாக நவீனக்கவிதைக்குள் பேசப்பட்டுக்கொண்டே இருக்கும் ஒரு கருத்து இது.

அதேசமயம் ஆண்டாள் உட்பட பெண்பால் புலவர்கள் அனைவரையும் தமிழ்ச்சூழலில் பெண்களின் இடம்சார்ந்து ஒட்டுமொத்தமாக ஆராய்வதும் மதிப்பிடுவதும் எல்லாம் இயல்வதே. பெண்ணியல்பு எப்படி அவற்றில் வெளிப்படுகிறது என விமர்சகர்கள் கூறலாம். புதிய அவதானிப்புகள் எழலாம்.நவீன இலக்கிய ஆய்வின் வழிமுறை அது. அந்தக்கருத்துக்கள் அக்கவிஞர்களின் கவிதைகள் இயங்கும் ஆழ்நிலையை உள்வாங்கி செய்யப்பட்டவை என்றால் இலக்கிய உலகில் ஏற்கப்படும். வெறும் சமூகவியல் அரசியல் ஊகங்கள் என்றால் உரிய எள்ளலுடன் கடந்துசெல்லப்படும்.

பக்திக்குள் பல்வேறு வகையில் வெளிப்படும் அகத்துறை உணர்வுநிலைகளை காமம் என வகைப்படுத்திப் புரிந்துகொள்வது போல அபத்தமான  வாசிப்பு பிறிதில்லை. இது ஆண்டாளுக்கு மட்டும் அல்ல நம்மாழ்வாருக்கும் ஜெயதேவருக்கும் பொருந்துவதே. செயின்ட் ஜானின் இறைக்காதல்நிலை சார்ந்த பாடல்களுக்கும் குணங்குடி மஸ்தான் சாகிபின் மனோன்மணிப் பாடல்களுக்கும் பொருந்துவதே

கவிதைக்குரிய ஓர் அழகியல்மரபு, ஒரு தரிசனநிலை இது. இதை உலகியலுக்கு அப்பால் செல்ல முடியாத மேலைநாட்டு ஆய்வாளர்கள் புரிந்துகொள்ளாமலிருக்கலாம். அவர்களிடம் அதைச் சொல்வதே நம் கவிமரபின் மனநிலையாக இருக்கவேண்டும். அவர்கள் சொன்னவற்றிலிருந்து மேலும் கீழே சென்று பார்ப்பது அல்ல. டி.செல்வராஜும் வைரமுத்துவும் கொண்டுள்ள மனநிலை என்பது அடிப்படையில் இந்த அன்றாடக் கீழ்மைநோக்கு கொண்டுள்ளது. அது ஆண்டாளின் கவிதைகளுக்கு மட்டுமல்ல அத்தகைய மனநிலையில் எழுதப்படும் அத்தனை கவிதைகளுக்கும் இழுக்கு சேர்ப்பதுதான்

ஆனால், இது சமகாலத்தின் ஒரு போக்கு. கவிதையை, வரலாற்றை எளிய உலகியல்சூத்திரங்களால், அன்றாட அரசியலால், மேலோட்டமான கொள்கைகளால் வகுத்துக்கொள்ள முயல்வது. இவர்களின் முன் கவிதை ஒருவகை சிறுமைகொள்கிறது. இங்கே கவிதையை அறிந்தவர்கள் எல்லா நிலையிலும் அதற்கு எதிராகவே போராடிக்கொண்டிருக்கிறார்கள். வைரமுத்துவுக்கு எதிரான இலக்கியவாதிகளின் ஒவ்வாமை என்பது இந்த சிறுபோக்கிற்கு எதிரானதுதான். வைரமுத்துவை ஞானபீடத்திற்குப் பரிந்துரை கடிதம் அளித்த தமிழகத்துப் பாரதிய ஜனதாக் கட்சித்தலைவர்களுக்கு இந்த எதிர்ப்பைப் புரிந்துகொள்ள இயலாது.

கடைசியாக, ஆண்டாளை ஏன் தேவதாசி என ஊகிக்கக் கூடாது? அவ்வாறு ஓர் ஊகம் ஓர் அறிஞருக்கு இருக்கும் என்றால் அது ஒரு தரப்பு. மறுக்கப்பட வேண்டியது. தேவதாசி என்பது அன்றைய சமூகப்படிநிலையில் தாழ்ந்த ஒன்று அல்ல. ஜடாவர்மன் சுந்தரபாண்டியன் மணந்து பட்டத்தரசியாக்கிய பெண்மணி கூட தேவதாசி மரபைச் சேர்ந்தவர் என ஆய்வாளர் சொல்வதுண்டு. அது எவ்வகையிலும் ஆண்டாளை இழிவுசெய்வதல்ல. மெய்யாகவே தேவதாசி என்றாலும் அவர் கவிதைக்கு அணுவிடையும் குறைவு வருவதுமில்லை. தேவதேவன் சொல்வதுபோல உலகியலை கவிதை மதிப்பிடுகிறதே என்பதற்காக உலகியலைக்கொண்டு கவிதையை மதிப்பிடுவது பெரும்பிழை

ஆனால் அவ்வாறு ஆண்டாளின் ஆளுமையை, வாழ்க்கையை வகுத்துக்கொள்வது ஆண்டாளின் கவிதையின் உள்ளடக்கத்தையும் உணர்வுநிலைகளையும் கண்டிப்பாக இழிவுசெய்வதே. ஆண்டாளின் கவிதைகளில் உள்ள காதல்பித்து நிலையை தேவதாசியின் வாழ்க்கைப்பின்புலத்தில் வைத்துப்பார்ப்பது அக்கவிதையை கீழ்மைப்படுத்திப் புரிந்துகொள்வதேயாகும். தேவதாசி வாழ்க்கையின் இயல்பான அம்சமாக அந்தக் காதல்வரிகளை கொண்டாலும் சரி, அவ்வாழ்க்கையை மீறும்பொருட்டு எழுதப்பட்டவையாகக் கொண்டாலும் சரி

ஆண்டாளின் மிகச்சிறந்த வாசகரான ஜெயகாந்தன் ஓர் உரையாடலில் கூறினார், ஆண்டாள் பாடும் அந்நிலை உடலில் அமைதல் அல்ல, உடலை உதறிச்செல்லுதல் என. ‘உடல்துறப்பே மெய்மைக்கான வழி’ என் அவர் கூறியதை நினைவுகூர்கிறேன். உடலெனும் காமத்தை அல்ல, உடலை எரித்து மெய்ப்பொருளாகிய எல்லையின்மையைத் தழுவும் விழைவையே அக்கவிதைகள் வெளிப்படுத்துகின்றன. அதிலுள்ள மீப்பெரும் தாபம் என்பது எந்த  மெய்யுசாவியும் கொள்ளும் பரிதவிப்புதான். இங்கு இவ்வாறு அமைந்தபடி எங்கும் எவ்விதமும் உள்ள முழுமையை அடைவதற்கான எழுகையும் ஏக்கமும்..  காதல்பித்து என்பது அதன் மொழிபுமுறை. அது மிகமிகத் தொன்மையான ஒரு ஃபாவநிலையும்கூட  .

வைரமுத்துவின் உரையிலுள்ள குறைபாடு மெய்ப்பொருள்தேடும் பெருங்கவிதைக்கு முன் சின்னஞ்சிறு உள்ளத்துடன் நின்றதே. இதே உளநிலையுடன் அவர் பிரமிளையோ தேவதேவனையோ அணுகியிருந்தாலும் அது இதேபோல கண்டிக்கப்படவேண்டிய பெரும்பிழையே. ‘மன்னிக்கவும் வைரமுத்து, உங்களுக்குரிய இடமல்ல இது’ என்பதே அவருக்குரிய பதில்.

ஆனால், இதையொட்டி வைரமுத்து மீது பொழியப்படும் வசைகளும் அவர் எதிர்கொள்ளும் மிரட்டல்களும் கடுமையாகக் கண்டிக்கப்படவேண்டியவை. இங்குள்ள மதவாதிகள் சிலர் அவர்கள் எப்படி மதஇலக்கியத்தை அணுகுகிறார்களோ அப்படித்தான் அத்தனைபேரும் அணுகவேண்டும் என்றும் இல்லையேல் தங்கள் உணர்வுகள் புண்படுகின்றன என்றும் கொள்ளும் ஆவேசமும் அதன்பொருட்டு வெளிப்படுத்தும் ஆபாசமான வசைகளும் மிகமிக ஆபத்தானவை. எதிர்காலத்தில் இங்கே சுதந்திர சிந்தனையே சாத்தியமில்லை என்ற நிலையை உருவாக்குபவை.

ஏனென்றால் இங்குள்ள இலக்கியங்களில் பெரும்பகுதி மதம்சார்ந்த இலக்கியமே. இங்குள்ள வரலாறு பெரும்பகுதி மதம்சார்ந்ததே. மதத்தை இவர்கள் வரையறைசெய்துள்ளபடியே அனைவரும் அணுகவேண்டுமென இவர்கள் சொல்வார்கள் என்றால் அதன்பின் இங்கே சிந்தனையே இருக்கமுடியாது. இவர்கள் இங்கே கொண்டுவர எண்ணுவது தாலிபானிய அரசியலை என்றால் அதை எதிர்த்து கடந்தே ஆகவேண்டும்.

ஆண்டாள் உட்பட இந்துமதநூல்கள் இலக்கியப் படைப்புகளும்கூடத்தான். ஆண்டாள் தமிழிலக்கியத்தின் உச்சங்களில் ஒன்று.மதத்தின் திருவுரு மட்டும் அல்ல.அழகியல்சார்ந்து இலக்கணம் சார்ந்து, வாழ்க்கைநோக்கு சார்ந்து அவருடைய பாடல்கள் இலக்கியச்சுவைஞர்களாலும் அறிஞர்களாலும் பலகோணங்களில் ஆராயப்படும். நாளை உருவாகிவரும் பலவகையான இலக்கியக்கோட்பாடுகள் அவர் படைப்புகள் மேல் போடப்பட்டு ஆராயப்படும். வெவ்வேறு கணிப்புகளும் ஊகங்களும் முன்வைக்கப்படும். வெவ்வேறு உலகப்படைப்புகளுடன் ஒப்பிடப்படும். கம்பராமாயணம் போன்ற அத்தனை நூல்களும் அவ்வாறுதான் வாசிக்கப்பட்டன, வாசிக்கவும்படும்.

மதநம்பிக்கையாளர்கள் அவற்றை மதநோக்கில் வாசிக்கலாம். ஓர் அறிவுத்தரப்பு என்னும் நிலையில் நின்று பிற தரப்புகளை முழுமூச்சாக எதிர்க்கலாம். அது அவர்களின் உரிமை. ஆனால் பிறர் அவ்வாறு வாசிப்பது தங்கள் மதநம்பிக்கையை புண்படுத்துகிறது என தெருவிலிறங்கி வசைபாடுவார்கள் என்றால் அவர்கள் வாழ்வது நாகரீக உலகில், ஜனநாயகத்தில் என்று அவர்களுக்கு நினைவுபடுத்தவேண்டியிருக்கிறது.

இதற்கு இன்னொரு பக்கமும் உள்ளது. இந்தியாவில் வேறெங்குமில்லாத அளவுக்கு தமிழகத்தில் மரபும்,செவ்விலக்கியங்களும் இழிவுபடுத்தப்பட்டுள்ளன. எந்த ஆய்வுநோக்கும் இல்லாமல் வெறும் காழ்ப்பைக்கொட்டும் அணுகுமுறைகள் இங்கே ஓங்கி ஒலித்தன, ஒலிக்கின்றன. இவர்கள் நாவில் இந்துமதத்தின் பெருங்கவிஞர்களும் ஞானிகளும் இழிவுபடுத்தப்படாத நாளே இல்லை. அதற்கு எதிர்வினையாகவே இன்று இந்த மறுபக்க மூர்க்கம் உருவாகி வந்துள்ளது.

இன்று ஆண்டாள் குறித்த ஒரு போகிறபோக்கிலான குறிப்பு வரும்போது ஓரளவு சமநிலை கொண்டவர்கள்கூட ஏன் பதைப்படைகிறார்கள் என்றால் இந்த ஒற்றைவரி தற்குறிகளான தமிழ் அரசியல்பேச்சாளர்களின் வாயில் எப்படி முடைநாற்றமெடுத்து வெளிவரும் என்பதற்கான அனுபவப்புரிதல் அவர்களுக்கு உள்ளது என்பதனால்தான். இப்போதே இணையத்தில் நாம் காண்பது அந்தக் கீழ்மையைத்தான். ஆனால் அதற்கு எதிர்வினையாக எழும் குரல்களில் உள்ள கீழ்மை மேலும் குமட்டல் ஏற்படுத்துகிறது. இக்குரல் இந்துக்களுடையதல்ல, இந்து மெய்மரபின் தரப்பும் அல்ல. முதல்தரப்பைப்போலவே இதுவும் தெருமுனை அரசியலின் ஓசை மட்டுமே.

இருதரப்பிலிருந்தும் எழும் வெறுப்புக்கூச்சல்களுக்கு நடுவே நின்றுகொண்டு பேசவேண்டியிருக்கிறது. ஒருபக்கம் கருத்துரிமையை ஒடுக்கும் மதம்சார்ந்த இறுக்கத்திற்கு எதிராக. கூடவே மரபையும் அறிவியக்கத்தையும் சிறுமைசெய்யும் அரசியல்கீழ்மைக்கு எதிராக. இன்றுமுதன்மையாகக் கண்டிக்கவேண்டியது வைரமுத்துவுக்கு எதிராகச் சொல்லப்படும் கீழ்த்தரமான வசைகளையே.

http://www.jeyamohan.in/105607#.WlsPAWKnyaM

Categories: Tamilnadu-news

கோபாலபுரம் இல்லத்தில் தொண்டர்களை சந்தித்தார் கருணாநிதி: ஆயிரக்கணக்கானோர் குவிந்தனர்

Sun, 14/01/2018 - 06:55
கோபாலபுரம் இல்லத்தில் தொண்டர்களை சந்தித்தார் கருணாநிதி: ஆயிரக்கணக்கானோர் குவிந்தனர்

 

 
download%203

தொண்டர்களை சந்திக்கும் கருணாநிதி   -  படம்: சிறப்பு ஏற்பாடு

பொங்கல் திருநாளை முன்னிட்டு திமுக தலைவர் கருணாநிதி கோபாலபுரம் இல்லத்தில் வைத்து தொண்டர்களை சந்தித்தார். கருணாநிதிக்கு வாழ்த்து தெரிவிக்க கோபாலபுரம் இல்லத்தில் ஆயிரக்கணக்கில் தொண்டர்கள் குவிந்துள்ளனர்.

திமுக தலைவர் கருணாநிதி கடந்த 2016-ம் ஆண்டு டிசம்பர் மாதம் உடல்நலம் பாதிக்கப்பட்டு அவரது வழக்கமான செயல்பாடுகளிலிருந்து ஒதுங்கி இருந்தார். இடையில் கடுமையான மூச்சுத்திணறல் காரணமாக அவருக்கு ட்ரக்யோஸ்டமி கருவி பொருத்தப்பட்டு மூச்சு பாதை சீராக்கப்பட்டது.

பொது இடங்களுக்கு வருவதோ, பொதுமக்களை சந்திப்பதோ அவருக்கு நோய்தொற்றை ஏற்படுத்தும் என்பதால் அவரது உடல் நலம் கருதி கோபாலபுரம் இல்லத்திலேயே ஓய்வெடுத்து வந்தார். அவ்வப்போது அரசியல் கட்சித்தலைவர்கள் கருணாநிதியை சந்தித்து வந்தனர். முரசொலி வைரப்விழாவில் கருணாநிதி பங்கேற்பார் என எதிர்ப்பார்க்கப்பட்டது.

ஆனால் அவர் உடல்நலம் கருதி மருத்துவர்கள் அனுமதிக்கவில்லை. கடந்த முறை மோடி வந்தபோது கருணநிதியை சந்தித்தார். அப்போது வெளியே வந்த கருணாநிதி தொண்டர்களை பார்த்து கையசைத்தார். பின்னர் ஒரு ஆண்டு கழித்து அறிவாலயம் சென்ற கருணாநிதி கண்கலங்கினார். சாதாரண இயல்பு நிலைக்கு திரும்பாவிட்டாலும் உடல் நலம் பெற்ற கருணாநிதியை சமீபத்தில் திருமாவளவன், வைகோ உள்ளிட்டோர் சந்தித்தனர். அப்போது அடையாளம் கண்டு பெயர் சொல்லி அழைத்ததாக இருவரும் பேட்டி அளித்தனர்.

ஆண்டுதோறும் பொங்கல் நாளில் தொண்டர்களை சந்தித்து ரூ.10 வழங்கும் வழக்கமுடைய கருணாநிதி கடந்த ஆண்டு சந்திக்கவில்லை. இந்த ஆண்டு தொண்டர்களை சந்திப்பார் என்றும் ரூ.50 தொண்டர்களுக்கு வழங்குவார் என்றும் கூறப்பட்டது. ஆனால் அவரது மருத்துவர்கள் முடிவுப்படி தான் முடிவெடுப்போம் என மு.க.ஸ்டாலின் கூறியிருந்தார்.

இந்நிலையில் இன்று காலை தனது இல்லத்தில் தொண்டர்களை கருணாநிதி சந்தித்தார். ஆனால் தொண்டர்கள் அருகில் வர அனுமதிக்கப்படவில்லை. தொண்டர்களை பார்த்து கருணாநிதி கையசைத்தார். அதைப்பார்த்து தொண்டர்கள் சந்தோஷத்துடன் கோஷமிட்டனர். கருணாநிதியுடன் டி.ஆர்.பாலு, கனிமொழி ஆகியோர் உடனிருந்தனர்.

http://tamil.thehindu.com/tamilnadu/article22440429.ece?homepage=true

Categories: Tamilnadu-news

தொடங்கியது அவனியாபுரம் ஜல்லிக்கட்டு: களத்தில் 945 காளைகள்

Sun, 14/01/2018 - 06:51
தொடங்கியது அவனியாபுரம் ஜல்லிக்கட்டு: களத்தில் 945 காளைகள்
99587880e0800d19-0c3d-49f8-95a8-ec8f7c86

மதுரை மாவட்டம் அவனியாபுரத்தில் இன்று (ஞாயிற்றுக்கிழமை) ஜல்லிக்கட்டு போட்டிகள் கோலாகலமாக தொடங்கியுள்ளன.

9958812072c5820a-cd69-4389-bcc9-d5c4c071

ஜல்லிக்கட்டுப் போட்டியை அமைச்சர் செல்லூர் ராஜு, ஆர்.பி.உதயகுமார் ஆகியோர் தொடங்கி வைத்தனர்.

9958787965f627a0-8a72-424b-b914-12fba730

ஜல்லிக்கட்டு போட்டி தொடங்குவதற்குமுன் மாவட்ட ஆட்சியர் வீரராகவ ராவ் முன்னிலையில் மாடுப்பிடி வீரர்கள் உறுதிமொழி ஏற்றனர்.

995878755baab4a3-8611-42b2-b288-87d18df9

பொங்கல் திருநாளை முன்னிட்டு நடைபெறும் இந்த அவனியாபுரம் ஜல்லிக்கட்டில் 945 அதிகமான காளைகள் பங்கேற்றுள்ளன.

இதில் கலந்துக்கொண்ட அவனியாபுரத்தைச் சேர்ந்த ராமரின் காளை பத்து நிமிட்ங்களுக்கு மேல் களத்தில் நின்று வென்றுள்ளது.

இது குறித்து ராமர், "இரண்டு பொங்கல் பானை, மிக்ஸி, பட்டுப் புடவை பரிசாக என் காளை வென்றுள்ளது."என்கிறார்.

99588113962d61e3-0e7f-4cde-9b34-685de350

இது வரை 70 காளைகள் களம் கண்டுள்ளன.

ஆயிரத்துக்கும் மேற்பட்ட வீரர்கள் களத்தில் உள்ளனர்.

Categories: Tamilnadu-news

திமுக கூட்டணியை கொண்டாடும் மதிமுக

Sat, 13/01/2018 - 23:18
Banner-1.jpg
 
வயது மூப்பு காணரமாக தி.மு.க.வின் தலைவர் கலைஞர் ஒய்வில் அமர்ந்து விட்ட நிலையில், தி.மு.க.வின் செயல் தலைவராக தி.மு.க.வை வழி நடத்தி வருகிறார் ஸ்டாலின். முதுமையான நிலையில் கலைஞரைச் சந்தித்த ம.தி.மு.க. செயலாளர் வைகோ நெகிழ்ச்சியானார். இனிவரும் காலங்களில் ம.தி.மு.க., தி.மு.க.வுடன் இணைந்து பணியாற்றும் இது தேர்தலானாலும் சரி, எந்த ஒரு களமானாலும், மக்கள் பணியின் பொருட்டு தி.மு.க. செயல்படும் வழியில், இணைந்து போராடும் என வைகோ அறிவித்தது. ம.தி.மு.க.வின் தொண்டர்களை உற்சாகப்படுத்தியுள்ளது. அந்தக் கூட்டணியைத் தலைமேல் வைத்துக் கொண்டாடுகிறார்கள் ம.தி.மு.க. தொண்டர்கள்.
 
குறிப்பாக நெல்லை மாவட்ட ம.தி.மு.க.வின் தொண்டர்கள் பல ஸ்டெப்கள் முன்னேறி வாழ்த்தியதோடு, கற்பனையையும் தாண்டிய வரிகளோடு கூடிய ப்ளக்ஸை சங்கரன்கோவில் நகரில் வைத்தது அரசியல் பார்வையாளர்களை மட்டுமல்ல பொது மக்களின் கவனத்தையும் வசியப்படுத்தியிருக்கிறது. புருவங்களை ஆச்சர்யத்தோடு உயர்த்துகிறார்கள்.
 
முதுமை முத்தமிட்டு.
குழந்தையாக அமர்ந்திருக்கும்.
அஞ்சுகத் தாயின் ஆசை மகன்.
அருகில் பெற்ற பிள்ளையும்!
வளர்த்த பிள்ளையும்,
பிரிந்திருக்கும் காலம்.
காலமாகிப் போய் விட்டது!
இணந்து விட்ட இந்தக் கரங்களை.
எதிரிகளால் இனி.
பிரிக்கவே முடியாது!
 
ம.தி.மு.க.வி்ன் நெருப்புக் கவிஞனான மணிவேந்தன் கூர்படுத்திய இந்தக் கவியின் வரிகளைப் ப்ளக்ஸ் போர்டாக வைத்திருக்கிறார்கள். ம.தி.மு.க.வினர்.
 
இது குறித்துச் சொல்லும் சங்கரன்கோவில் நகர ம.தி.மு.க.வின் செ.வான மாரிச்சாமி. தக்க சமயத்தில் எங்கள் பொது செயலாளர் வைகோ சரியான முடிவை எடுத்திருக்கிறார். அவரின் முடிவைத் தொண்டர்களான நாங்கள் வரவேற்கிறோம். அவரின் எண்ணப்படி நாங்கள் இணைந்து செயல்படுவோம் என்பது தான் எங்கள் உணர்வுகளின் இந்த வெளிப்பாடு என்கிறார்.
 
தி.மு.க. ம.தி.மு.க. கூட்டணி, தமிழகத்தில் மாற்றத்தையும் தாக்கத்தையும் ஏற்படுத்தும் என்கிற மன ஒட்டம், இந்த இயக்கத் தொண்டர்களிடையே காணப்படுகிறது என்கிறார்கள் பரவலாக. 

http://www.nakkheeran.in/Users/frmNews.aspx?N=204868

Categories: Tamilnadu-news

ராகவா லாரன்ஸ் vs வேல்முருகன்

Sat, 13/01/2018 - 06:58

 

ராகவா லாரன்ஸ் vs வேல்முருகன்

 

 

Categories: Tamilnadu-news

குடைச்சல் கொடுக்கும் குட்கா விவகாரம்?

Sat, 13/01/2018 - 06:27
மிஸ்டர் கழுகு: குடைச்சல் கொடுக்கும் குட்கா விவகாரம்?
 
 

 

p2b_1515753335.jpg

‘‘மீண்டும் ஒருமுறை குட்கா விவகாரம் தமிழக அரசுக்குத் தலைவலியைக் கொடுக்கிறது’’ என்றபடி வந்தார் கழுகார்.

‘‘ஊழல் கண்காணிப்பு ஆணையர் ஜெயக்கொடி அதிரடியாக மாற்றப்பட்டுள் ளாரே... அதைச் சொல்கிறீரா?’’ என்றோம்.

‘‘ஆமாம்! ‘இந்த டிரான்ஸ்ஃபரில் உள்நோக்கம் உள்ளது’ என்று தி.மு.க குற்றம் சாட்டுகிறது. சென்னை உயர் நீதிமன்றத்திலும் இதுதொடர்பாக வழக்கு போடப்பட்டுள்ளது. குட்கா விவகாரம் தொடர்பான இரண்டு வழக்குகள் தமிழக ஆட்சியாளர்களுக்கு மீண்டும் குடைச்சலைக் கொடுக்கும் என்ற எதிர்பார்ப்பில் தி.மு.க உள்ளது.’’

‘‘விளக்கமாகச் சொல்லும்...’’

‘‘பான் குட்கா விவகாரத்தில் அடிபடும் முக்கியத் தலைகள் யாரென்று உமக்குத் தெரியாதா? சுகாதாரத் துறை அமைச்சர் விஜயபாஸ்கர், போலீஸ் டி.ஜி.பி டி.கே.ராஜேந்திரன், சென்னை மாநகர முன்னாள் போலீஸ் கமிஷனர் ஜார்ஜ் ஆகியோரைத்தான் இந்த விவகாரத்தில் தி.மு.க குறிவைக்கிறது. இவர்களுக்கு எதிராக ‘மெட்டீரியல்’ எவிடென்ஸ் வலுவாக உள்ளன. 2016-ம் ஆண்டு, சென்னை அருகே செங்குன்றத்தில் எம்.டி.எம் பான் குட்கா நிறுவனத்தில் வருமானவரித் துறை ரெய்டு நடந்தபோது சிக்கிய டைரி மற்றும் வரவு செலவு லெட்ஜரில் அமைச்சர் விஜயபாஸ்கர் மற்றும் பல போலீஸ் உயரதிகாரிகளின் பதவி விவரங்களும், அவர்களுக்குக் கொடுக்கப்பட்ட தொகையின் அளவும் குறித்துவைக்கப்பட்டிருந்தன. இதையடுத்து, வருமானவரித் துறை அந்த விவரங்களைத் தமிழக அரசுக்கு அனுப்பி வைத்து, கடிதமும் எழுதியது. ‘இந்த விவகாரத்தில் பாரபட்சமற்ற விசாரணை வேண்டும்’ என்று சென்னை உயர் நீதிமன்றத்தின் மதுரை கிளையில் தி.மு.க வழக்கு போட்டது. ‘நேர்மையான ஓர் அதிகாரியை நியமித்து விசாரிக்க வேண்டும்’ என 2017 ஜூலை 28-ம் தேதி உயர் நீதிமன்றம் உத்தரவிட்டது. இதைத் தொடர்ந்து ஊழல் கண்காணிப்பு ஆணையராக ஜெயக்கொடி நியமிக்கப்பட்டார். ஆறு மாதங்கள் கூட ஆகாத நிலையில் அவரை மாற்றியுள்ளனர்.’’

‘‘எதனால் இந்த மாற்றம்?’’

‘‘குட்கா விவகாரத்தில் லஞ்ச ஒழிப்புத்துறைக்கும் உள்துறைக்கும் நடந்த கடிதப்போக்குவரத்து அனைத்தும், வலுவான ஆதாரங்களாக உள்ளன. இந்த விவகாரத்திலிருந்து எப்படியாவது தப்பிக்க வேண்டும் என்று நினைப்பவர்கள், ஜெயக்கொடியை வளைக்க முயன்றனர். ஆனால், முடியவில்லை. இந்த விவகாரத்தில் யாருக்காவது சலுகை காட்டினால் ஆபத்து என ஜெயக்கொடி கருதினார். அதனால், கறாராக நடந்துகொண்டார். அதன் விளைவாக, அவர் தூக்கியடிக்கப்பட்டார். நில நிர்வாகத்துறை முதன்மைச் செயலாளர் மற்றும் ஆணையர் மோகன் பியாரே, இப்போது ஊழல் கண்காணிப்பு ஆணையராக நியமிக்கப்பட்டுள்ளார்.’’

 ‘‘மோகன் பியாரே எப்படிப்பட்டவராம்?’’

‘‘மோகன் பியாரே, அமைச்சர் விஜயபாஸ்கருக்கு நன்கு அறிமுகமானவர். 2014 முதல் 2017 வரை இந்திய மருத்துவம் மற்றும் ஹோமியோபதி ஆணையராக இருந்தவர். அப்போது இருவருக்கும் நல்ல பழக்கம் உண்டு. ‘அந்தப் பழக்கம், இப்போது அமைச்சர் விஜயபாஸ்கருக்கு சாதகமாக இருக்குமா’ என்பதைப் போகப் போகத்தான் புரிந்துகொள்ள முடியும். இன்னொரு விஷயம்... இந்த டிரான்ஸ்ஃபர் உத்தரவைப் பிறப்பிக்கும் அதிகாரம் படைத்தவர் தலைமைச் செயலாளர்தான். ஆனால், தலைமைச் செயலாளர் கிரிஜா வைத்தியநாதன் விடுப்பில் இருந்த நேரத்தில், அந்தப்பொறுப்பைக் கூடுதலாக வகித்த நிதித்துறைச் செயலாளர் சண்முகம் இந்த டிரான்ஸ்ஃபர் உத்தரவைப் பிறப்பித்தார். இதிலும் உள்நோக்கம் இருப்பதாக தி.மு.க சந்தேகிக்கிறது. அதனால், ஆர்.எஸ்.பாரதி சார்பில் சென்னை உயர் நீதிமன்றத்தில் வழக்குத் தாக்கல் செய்யப்பட்டுள்ளது.’’

p2c_1515753370.jpg

‘‘குட்கா தொடர்பாக இன்னொரு வழக்கும் சென்னை உயர் நீதிமன்றத்தில் இருக்கிறதே?’’

‘‘ஆம். ‘குட்கா விவகாரத்தை சிபி.ஐ விசாரிக்க வேண்டும்’ என தி.மு.க எம்.எல்.ஏ-வான  ஜெ.அன்பழகன் போட்டிருக்கும் பொதுநல வழக்கு அது. தலைமை நீதிபதி இந்திரா பானர்ஜி, நீதிபதி அப்துல் குத்தூஸ் அமர்வில், அது ஜனவரி 8-ம் தேதி விசாரணைக்கு வந்தது. சி.பி.ஐ விசாரணைக்கு உத்தரவிட தமிழக அரசு எதிர்ப்பு தெரிவித்தது. தலைமை நீதிபதி அன்று ரொம்பவே கடுமை காட்டினார். ‘என் அப்பாவும் ஐ.பி.எஸ் அதிகாரியாக இருந்தவர்தான். போலீஸ் பற்றி எனக்கு நன்றாகவே தெரியும். இப்போதெல்லாம் காக்கிச்சட்டைகள் பற்றி வெளியாகும் தகவல்கள் ரொம்பவே வேதனை தருகின்றன. உங்களுக்குப் பயமில்லை என்றால் ஏன் எதிர்க்க வேண்டும்’ என்று கேட்டார் இந்திரா பானர்ஜி. எப்படியும் இந்த வழக்கில் சி.பி.ஐ விசாரணைக்கு உத்தரவு பிறப்பிக்கப்படும் என தி.மு.க  நம்புகிறது. அதனால்தான், சட்டசபையிலும் இந்தப் பிரச்னையைக் கிளப்ப முயன்றது.’’

‘‘சட்டசபை எப்படிப் போகிறது?’’

‘‘தினமும் வெளிநடப்புகளாகப் போகிறது. தி.மு.க வெளிநடப்பு ஒருபக்கம் என்றால், தினகரனும் வெளிநடப்பு செய்தார். சபாநாயகர் தனபால்தான் தினகரனைச் சமாளிக்கப் பெரும்பாடுபடுகிறார்.’’

‘‘அப்படியா?’’

‘‘ஜனவரி 12-ம் தேதி வெள்ளிக்கிழமை சசிகலாவைப் பார்க்க பெங்களூரு செல்ல இருந்ததால், ஜனவரி 11-ம் தேதி பேச வாய்ப்புக் கேட்டிருந்தார் தினகரன். நேரமிருந்தால் வாய்ப்புத் தருவதாக சபாநாயகர் தரப்பிலும் சொல்லப் பட்டுள்ளது. ஆனால், அன்று அவருக்கு வாய்ப்புத் தரப்படவில்லை. தினகரன் கையை உயர்த்தி எழுந்தபோது ‘தமிமுன் அன்சாரி... நீங்கள் பேசுங்கள்’ என்று சொன்னார் சபாநாயகர். அன்சாரியைப் பார்த்த தினகரன், ‘பேசுவதை நிறுத்துங்கள்’ என்று கூற, அன்சாரியும் அமைதி யானார். இப்படியே மூன்று முறை நடைபெற்றது.அவையில் உறுப்பினர்களைப் பேசச் சொல்லவோ, நிறுத்தச் சொல்லவோ, சபாநாயகருக்கு மட்டுமே அதிகாரம் உண்டு. ஆனால், தினகரன் அதைக் கையில் எடுத்துக்கொண்டார்.’’

‘‘ஓஹோ!’’

‘‘அது மட்டுமல்ல, அவையில் பன்னீருக்கும் தினகரனுக்கும் இடையில் காரசாரமான வாக்குவாதம் நடைபெற்றது. தினகரனை ஆதரித்ததால் தகுதிநீக்கம் செய்யப்பட்ட 18     எம்.எல்.ஏ-க்கள் விவகாரம் தொடர்பான அந்த அரை மணி நேர விவாதம் முழுவதையும் சபைக்குறிப்பிலிருந்து சபாநாயகர் நீக்கினார். முன்பெல்லாம் எதிர்க்கட்சி எம்.எல்.ஏ-க்களின் பேச்சுக்கள் மட்டும்தான் அவைக்குறிப்பிலிருந்து நீக்கப்படும். ஆனால், ஜெயலலிதா மறைவுக்குப் பிறகு, ஆளும்கட்சி உறுப்பினர்கள் பலரின் பேச்சுக்களே நீக்கப்படுவது வழக்கமாகியுள்ளது.’’

p2_1515753294.jpg

‘‘ஜெ.தீபா மீண்டும் செய்திகளில் அடிபடுகிறாரே?’’

‘‘ஆமாம். அவருக்கு டிரைவராகவும், ‘எம்.ஜி.ஆர்-அம்மா தீபா பேரவை’யில் பொறுப்பிலும் இருந்த ராஜாவை விலக்கி விட்டதாக அறிவிப்பு செய்திருக்கிறார். அமைப்பில் பொறுப்பு வாங்கித் தருவதாக, ராஜா பலரிடம் லட்சக்கணக்கில் வசூல் செய்துள்ளதாகச் சொல்லப்படுகிறது. அவர்களில் பலரும் பணத்தைத் திரும்பக் கேட்டு நெருக்குகிறார்கள். அதனால்தான் ராஜாவை நீக்கியதாக தீபா அறிவித்துள்ளார். ஆனால், ‘இப்போதும் தீபா என்னுடன் பேசிக்கொண்டுதான் இருக்கிறார்’ என ராஜா தனக்கு நெருக்கமானவர்களிடம் சொல்கிறாராம். தனக்கு வேண்டியவர்களை ஊரறியத் தள்ளி வைப்பதுபோல் தள்ளிவைத்து, அவர்களுடன் தொடர்ந்து பேசுவது ஜெயலலிதாவின் பழக்கம். தீபாவும் அதையே செய்கிறார்’’ என்ற கழுகார் பறந்தார்.

படங்கள்: கே.ஜெரோம், வி.ஸ்ரீனிவாசுலு

p2a_1515753178.jpg

dot_1515753192.jpg ஆளும்கட்சி எம்.எல்.ஏ-க்களுக்குக் கூவத்தூரில் கொடுக்கப்பட்ட வாக்குறுதிகளை நிறைவேற்ற முடியாத அளவுக்குக் கஷ்டமான நிலைமையாம். இத்தனை களேபரங்களுக்கு மத்தியில் எம்.எல்.ஏ-க்களுக்கு சம்பள உயர்வு தரப்பட்டது, அதை ஓரளவுக்காவது ஈடு செய்யத்தானாம்.

dot_1515753192.jpg ‘வாய்ப்பிருந்தால் நம்பிக்கையில்லாத் தீர்மானம் கொண்டு வரப்படும்’ என்று சட்டசபை கூட்டத் தொடருக்கு முன்பாக ஸ்டாலின் சொல்லியிருந்தார். ஆனால், தினகரனை ஆதரித்த எம்.எல்.ஏ-க்கள் தகுதிநீக்கம் தொடர்பான வழக்கிலும், பன்னீரை ஆதரித்த எம்.எல்.ஏ-க்களை பதவிநீக்கம் செய்யக்கோரும் வழக்கிலும் மார்ச் மாதத்துக்குள் முடிவு தெரிந்துவிடும் என நம்புகிறார்களாம். அதனால், பட்ஜெட் கூட்டத்தொடரில் நம்பிக்கையில்லாத் தீர்மானம் கொண்டுவரலாம் என முடிவு செய்துள்ளனர்.

dot_1515753192.jpgகடந்த ஆறு வருடங்களாக எம்.பி-க்களின் சம்பளத்தை உயர்த்தவில்லையாம். இதை, எம்.பி-க்கள் பலரும் பிரதமர் மோடியிடம் பலமுறை சொல்லியும், கண்டுகொள்ளாமல் இருக்கிறாராம். ‘‘நாடாளுமன்றத்தில் பணியில் இருக்கும் அதிகாரிகளின் சம்பளத்தைப் படிப்படியாக உயர்த்துகிறார்கள். இந்த அதிகாரிகளின் சம்பளத்தைவிட குறைவாகத்தான் ஜனாதிபதியே வாங்குகிறார். அவருக்கும் வழக்கமான சம்பளத்தை உயர்த்தவில்லை. பிறகு எங்களுக்கு எங்கே உயர்த்தப்போகிறார்கள்?’’ என்று புலம்புகிறார் தமிழக   எம்.பி ஒருவர். 

dot_1515753192.jpg புதுக்கோட்டை மாவட்டம் கீரனூரில் அரசு பெண்கள் மேல்நிலைப்பள்ளி மாணவி ஒருவர், ‘பள்ளியில் கழிப்பறை வசதி இல்லை’ என்று பிரதமர் மோடிக்கு ஒரு கடிதம் எழுதினார். இந்த விஷயம் தெரிந்ததும், தமிழக பள்ளிக்கல்வித் துறை அமைச்சர் செங்கோட்டையன் அவசர அவசரமாக அந்தப் பள்ளிக்கூடத்துக்கு விசிட் அடித்தார். மோடியிடம் புகார் போனதால் கோபமோ, என்னவோ? தமிழக அரசு சார்பாக அந்தப் பள்ளிக்கூடத்துக்குக் கழிப்பறை வசதி செய்யவில்லை. தமிழ்நாடு நர்சரி, பிரைமரி, மெட்ரிக் மேல்நிலை மற்றும் சி.பி.எஸ்.இ பள்ளிகள் சங்கப் பொதுச்செயலாளரைக் கூப்பிட்டு, ‘‘நீங்கள் கட்டிக்கொடுங்கள்’’ என்று கையைக் காட்டினாராம். ஏழரை லட்ச ரூபாய் செலவில் 10 கழிப்பறைகளை அந்த சங்கத்தினர் கட்டிமுடித்துவிட்டனர். திறந்து வைக்க வருவதாகச் சொல்லியிருந்த செங்கோட்டையன், இப்போது வர மறுக்கிறாராம்.

https://www.vikatan.com

Categories: Tamilnadu-news

சசிகலாவின் மன்னார்குடி சொந்தங்கள், 5,000 கோடி ரூபாய் அளவுக்கு வரி ஏய்ப்பு செய்துள்ளதாக, வருமான வரித்துறை கண்டுபிடித்துள்ளது.

Fri, 12/01/2018 - 19:31
சசிகலா,மன்னார்குடி,சொந்தங்கள்,வரி ஏய்ப்பு,ரூ.5,000 கோடி,A.D.M.K,Sasikala,அ.தி.மு.க,சசி

சசிகலாவின் மன்னார்குடி சொந்தங்கள், 5,000 கோடி ரூபாய் அளவுக்கு வரி ஏய்ப்பு செய்துள்ளதாக, வருமான வரித்துறை கண்டுபிடித்துள்ளது.

சசி உறவினர்கள், நண்பர்கள் மற்றும் அவர்களது போலி நிறுவனங்கள் என, 200க்கும் மேற்பட்ட இடங்களில் நடந்த சோதனையில், பல ஆயிரம் கோடி ரூபாய் மதிப்புள்ள சொத்துகளை, அவர்கள் வாங்கிக் குவித்துள்ளதும் தெரிய வந்துள்ளது. மேலும், கணக்கில் வராத சொத்து, பணம், நகை மற்றும் முதலீடுகள் என, தோண்ட தோண்ட பூதம் கிளம்புவதால், வரித்துறை அதிகாரிகள் அதிர்ச்சி அடைந்துள்ளனர்.

 

சசிகலா,மன்னார்குடி,சொந்தங்கள்,வரி ஏய்ப்பு,ரூ.5,000 கோடி,A.D.M.K,Sasikala,அ.தி.மு.க,சசி

முன்னாள் முதல்வர், ஜெயலலிதா மறைவுக்குப் பின், சுகாதாரத்துறை அமைச்சர் விஜயபாஸ்கர், கான்ட்ராக்டர் சேகர் ரெட்டி ஆகியோர், வரித்துறை சோதனையில் சிக்கியதை பார்த்து பீதியடைந்த சசிகலா குடும்பத்தினர், 25 ஆண்டுகளாக, தாங்கள் குவித்த பல்லாயிரக்கணக்கான கோடி ரூபாய் மதிப்பிலான சொத்து ஆவணங்களை, நம்பிக்கையான இடங்களில் பதுக்கினர்.

அவர்களை ரகசியமாக, பல மாதங்களாக கண்காணித்து வந்த, வருமான வரித்துறையின் புலனாய்வுப் பிரிவு, சசிகலாவின் கும்பலில் உள்ள, 'ஸ்லீப்பர் செல்' உதவியுடன், நண்பர்கள், உறவினர்கள், புரோக்கர்கள், வேலையாட்கள் பெயரிலான முதலீடுகள் உள்ளிட்ட, பல விபரங்களை திரட்டினர்.
 

'மிடாஸ்' ஆலை:


அதன் அடிப்படையில், 2017 நவ., 9 முதல், 13 வரை, தமிழகம் முழுவதும், ஒரே நேரத்தில்,

215 இடங்களில் சோதனை நடத்தினர். அதில், சென்னையில் அதிகபட்சமாக, 115 இடங்களில் சோதனை நடந்தது.

'மிடாஸ்' மதுபான ஆலை, இளவரசியின் வீடு, அவரது மகனும், ஜெயா, 'டிவி' தலைமை அதிகாரியுமான விவேக், அவரின் சகோதரிகள், கிருஷ்ணபிரியா, ஷகிலா, ஜெ.,வின் உதவியாளர் பூங்குன்றன், சசி சகோதரர் திவாகரன் உள்ளிட்ட, பலரது வீடு மற்றும் அலுவலகங்கள், சோதனை வளையத்தில் சிக்கின.

இதில், முதல் கட்டமாக, 1,450 கோடி ரூபாய் வரி ஏய்ப்பு கண்டறியப்பட்டது. பின், ஜெ., வசித்த, சென்னை, போயஸ் கார்டன் இல்லத்திலும் சோதனை நடத்தி, மின்னணு ஆவணங்கள், சொத்துப் பத்திரங்களை பறிமுதல் செய்தனர். மேலும், 20க்கும் அதிக மான போலி நிறுவனங்களை நடத்தி, அவற்றின் மூலம் நடைபெற்ற, பல கோடி ரூபாய், பரிவர்த்தனைகள் குறித்த விபரங்களும் சிக்கின. இதை அறிந்து, நாடே அதிர்ந்தது.

இந்நிலையில், சசிகலாவின் மன்னார்குடி சொந்தங்கள், பல ஆயிரம் கோடி ரூபாய் மதிப்புள்ள சொத்துகளை வாங்கிக் குவித்து, அதன் வாயிலாக, 5,000 கோடி ரூபாய்க்கும் அதிகமாக, வரி ஏய்ப்பு செய்தது தெரிய வந்துள்ளது.
 

முடக்கம்:


இது தொடர்பாக, தமிழக வருமான வரி புலனாய்வுத் துறை அதிகாரிகள் கூறியதாவது: சசிகலாவின் உறவினர்கள், நண்பர்கள் உட்பட, அவரது கும்பலுடன் தொடர்புடையவர்களின் வீடுகள் மற்றும் அலுவலகங்களில் சிக்கிய ஆவணங்களை, இரு மாதங்களுக்கும் மேலாக, ஆய்வு செய்து வருகிறோம். அதன் அடிப்படையில், விவேக், ஷகிலா, பூங்குன்றன், கிருஷ்ணபிரியா

உள்ளிட்ட, பலரிடம் விசாரணை நடந்து வருகிறது. சசிகலாவுக்கு, நெருக்கமானவர்களிடமும் விசாரித்து வருகிறோம்.

அவர்களுக்கு நெருங்கிய தொடர்புடைய, 'ரியல் எஸ்டேட்' நிறுவனங்களிலும், 2017 நவ., 28ல் சோதனை நடத்தினோம். அதிலும், பல விபரங்கள் கிடைத்தன. அவற்றின் மூலம், தமிழகம் முழுவதும், ஆயிரக்கணக்கான ஏக்கர் நிலங்களை, வளைத்துப் போட்டிருப்பது தெரிய வந்தது; அவற்றை பறிமுதல் செய்துள்ளோம்; 100க்கும் மேலான வங்கி கணக்குகளையும் முடக்கி உள்ளோம்.

ஜெ., வீட்டில் சிக்கிய ஆவணங்களில், பல முக்கிய தகவல்கள் கிடைத்தன. சசிகலா, இளவரசி, உறவினர் கலியபெருமாள் ஆகியோர் பெயரில், நிறைய சொத்துகள் இருப்பதும் கண்டுபிடிக்கப்பட்டது. இதுதவிர, மிடாஸ் மதுபான ஆலை வரி ஏய்ப்பு, போலி நிறுவன பரிவர்த்தனைகள் உள்ளிட்டவற்றை, ஆய்வு செய்தோம்.
 

உறுதி:


அதில், இதுவரை, 4,600 கோடி ரூபாய்க்கும் அதிகமாக வரி ஏய்ப்பு செய்துள்ளதை கண்டறிந்து உள்ளோம்; கணக்கில் வராத, ஏராள சொத்துகள் மற்றும் இதர முதலீடுளை கண்டறிந்துள்ளோம். இந்த சோதனையில் தோண்டத் தோண்ட, கோடிக்கணக்கில் வரி ஏய்ப்பு மற்றும் சொத்துக் குவிப்பு விபரங்கள் கிடைத்து வருகின்றன. இது, அதிர்ச்சி தருவதாக உள்ளது.

மேலும், உடல்நிலை காரணமாக, விசாரணைக்கு வராத, திவாகரன் போன்றோர், பல தகவல்களை தரக்கூடும். ஆய்வு மற்றும் விசாரணை, இன்னும் முடியாததால், 5,௦௦௦ கோடி ரூபாய்க்கும் அதிகமாக வரி ஏய்ப்பு நடைபெற்றிருப்பது உறுதி. இவ்வாறு அவர்கள் கூறினர்.

- நமது சிறப்பு நிருபர் -

http://www.dinamalar.com/news_detail.asp?id=1937772

Categories: Tamilnadu-news

குட்கா வழக்கில் ஜெயலலிதாவுக்கு டிஜிபி எழுதிய ரகசியக் கடிதம்: போயஸ் கார்டனில் சிக்கியதாக வருமான வரித்துறை நீதிமன்றத்தில் தகவல்

Fri, 12/01/2018 - 15:55
குட்கா வழக்கில் ஜெயலலிதாவுக்கு டிஜிபி எழுதிய ரகசியக் கடிதம்: போயஸ் கார்டனில் சிக்கியதாக வருமான வரித்துறை நீதிமன்றத்தில் தகவல்

 

 
download%2010

குட்கா, வருமான வரித்துறை பிரமாண பத்திரம்   -  படம்: சிறப்பு ஏற்பாடு

குட்கா வழக்கில் புதிய திருப்பமாக அப்போதைய டிஜிபி, முதல்வர் ஜெயலலிதாவுக்கு எழுதிய டாப் சீக்ரெட் கடிதம் சசிகலா அறையிலிருந்து கைப்பற்றியதாக உயர்நீதிமன்றத்தில் வருமான வரித்துறை தெரிவித்துள்ளது.

தமிழகத்தை உலுக்கிய குட்கா வழக்கில் அமைச்சர்கள் விஜயபாஸ்கர் உள்ளிட்ட போலீஸ் உயர் அதிகாரிகள் மீது குற்றம் சாட்டப்பட்டது. அமைச்சர் விஜயபாஸ்கர், அப்போதைய காவல் உயர் அதிகாரிகள் டி.கே.ராஜேந்திரன், ஜார்ஜ் உள்ளிட்ட பலருக்கும் தொடர்பிருப்பதாக வருமான வரித்துறை ஆணையர் எழுதிய கடிதம் மற்றும் சிக்கிய டைரியின் பக்கங்களை ஆதாரமாக வைத்து எதிர்க்கட்சித்தலைவர் மு.க.ஸ்டாலின் உள்ளிட்டோர் குற்றம் சாட்டப்பட்ட அனைவர் மீதும் நடவடிக்கை எடுக்க கோரிக்கை வைத்தனர்.

ஆனால் அதன் பின்னர் தான் டிஜிபியாக டி.கே.ராஜேந்திரன் நியமிக்கப்பட்டார். டிஜிபி நியமனம் உள்ளிட்ட பல்வேறு பிரச்சனைகளை வைத்து குட்கா விவகாரத்தில் திமுக சார்பில் வழக்கு தொடரப்பட்டு அந்த வழக்கு உயர் நீதிமன்றத்தில் நிலுவையில் உள்ளது.

இந்நிலையில் இந்த வழக்கில் வருமான வரித்துறை புலானாய்வுத்துறை முதன்மை இயக்குனர் சுசீ பாபு வர்கீஸ் சார்பில் பிரமாணப்பத்திரம் தாக்கல் செய்யப்பட்டது. அதில் குறிப்பிடப்பட்டுள்ள விபரங்கள் தமிழக அரசியலில் புயலை கிளப்பி உள்ளது.

வருமான வரித்துறை பிரமாண பத்திரத்தில் நாங்கள் குட்கா நிறுவன மேலாளர் மாதவ்ராவிடம் பிரிவு 132(4)-ன் கீழ் பதிவு செய்யப்பட்ட வாக்கு மூலத்தின் அடிப்படையில் எச்.எம் மற்றும் சிபி (HM&CP) என குறிப்பிட்டது ஹெல்த் மினிஸ்டர் மற்றும் கமிஷனர் ஆஃப் போலீஸ் என்பதன் சுருக்கம் ஆகுமென்று தெரிவித்திருந்தார்.

2016 ஏப்ரல் மாதத்திலிருந்து ஜூன் 15, 2016 வரையிலான காலகட்டத்தில் ரூ.56 லட்சத்தை கொடுத்ததாகவும், மேலும் பல்வேறு நபர்களுக்கு 2016-ம் ஆண்டு ஏப்ரல் 1 முதல் ஜூலை 6 -2016 வரையிலான காலகட்டத்தில் கொடுக்கப்பட்டதாக கூறுகின்றனர். இது குறித்த தகவல் வருமான வரித்துறை புலானாய்வுத்துறை முதன்மை இயக்குனர் அப்போதைய டிஜிபி அஷோக்குமாருக்கு 2016-ம் ஆண்டு ஆகஸ்ட் 11-ம் தேதி எழுதிய கடிதத்தை வைத்து அப்போதைய டிஜிபி அஷோக்குமார் ‘முக்கிய ரகசியம்’ என்று முதல்வருக்கு 2016-ம் ஆண்டு செப்டம்பர் மாதம் 2-ம் தேதி எழுதினார்.

ஜெயலலிதா மறைவுக்கு பின்னர் குட்கா விவகாரம் வெளிவந்து வழக்கு நிலுவையில் உள்ள நிலையில் கடந்த ஆண்டு நவம்பர் மாதம் 17-ம் தேதி வருமானவரித்துறை அதிரடியாக போயஸ் இல்லத்தில் உள்ள வேதா நிலையத்தில் சோதனை நடத்தியது. இந்த சோதனையின் போது சசிகலாவின் அறைகள் சோதனையிடப்பட்டது.

சசிகலாவின் அறையில்  முதலமைச்சராக இருந்த ஜெயலலிதாவுக்கு அஷோக்குமார், செப்.2-ம் தேதி எழுதிய குட்கா விவகாரம் குறித்த கடிதம் சிக்கியது என வருமான வரித்துறை உயர்நீதிமன்றத்தில் தெரிவித்துள்ளது.

வருமான வரித்துறை முதன்மை இயக்குநரின் அறிக்கையுடன் இணைத்து அப்போதைய டிஜிபி அஷோக்குமார் மறைந்த முதல்வர் ஜெயலலிதாவுக்கு எழுதிய ‘டாப் சீக்ரெட்’ கடிதத்தையும் கைப்பற்றியுள்ளதாக வருமான வரித்துறை தெரிவித்துள்ளது பரபரப்பை ஏற்படுத்தியுள்ளது.

வருமான வரித்துறை அறிக்கையை மேற்கோள் காட்டி ‘டாப் சீக்ரெட்’ என டிஜிபி அஷோக்குமார் என்ன எழுதியிருந்தார் என்பது குறித்து வருமான வரித்துறை பிரமாண பத்திரத்தில் தெரிவிக்கவில்லை. இதன் மூலம் குட்கா விவகாரம் மீண்டும் சூடுபிடித்துள்ளது.

http://tamil.thehindu.com/tamilnadu/article22430603.ece?homepage=true

Categories: Tamilnadu-news