தமிழகச் செய்திகள்

பொட்டாஷியம்... மெக்னீஷியம் சல்பேட்...! - ஜெயலலிதா மரணத்தின் 14 ரகசியங்கள்! #VikatanExclusive

Fri, 21/04/2017 - 15:04
பொட்டாஷியம்... மெக்னீஷியம் சல்பேட்...! - ஜெயலலிதா மரணத்தின் 14 ரகசியங்கள்! #VikatanExclusive
 
 

ஜெயலலிதா உடல்

தமிழக முதல்வராக இருந்த ஜெயலலிதாவின் மரணம் குறித்த சந்தேகங்கள் எதுவும் முடிவுக்கு வரவில்லை. அ.தி.மு.கவின் இரண்டு அணிகளும் இணைவதில் முட்டுக்கட்டையாக உள்ள வாக்குறுதிகளில் மிக முக்கியமானது, 'ஜெயலலிதா மரணத்துக்கு சி.பி.ஐ விசாரணை கோர வேண்டும்' என்பது. இதற்கு எடப்பாடி பழனிசாமி அரசு தடையாக உள்ளதாக குற்றம் சுமத்துகின்றனர் பன்னீர்செல்வம் அணியினர். "ஒரு மாநிலத்தின் முதல்வருக்கு என்ன ஆனது என்ற உண்மையைக்கூட பொதுமக்கள் அறிந்து கொள்ள முடியாமல் தவிக்கின்றனர். இதன்பின்னணியில் உள்ள மர்மங்களும் படிப்படியாக விலகி வருகின்றன. எங்கள் ஆய்வில் ஏராளமான உண்மைகளைக் கண்டறிந்துள்ளோம்" என்கிறார் மருத்துவர் புகழேந்தி. 

'தமிழக முதல்வர் ஜெயலலிதா, கடந்த 2016-ம் ஆண்டு டிசம்பர் மாதம் 5-ம் தேதி அன்று இரவு 11.30 மணிக்கு மாரடைப்பால் (Cardiac Arrest) சென்னை அப்போலோ மருத்துவமனையில் காலமானார்' என்று அந்த மருத்துவமனை அதிகாரப்பூர்வமாக அறிவித்தது. அவரது மரணம் நிகழ்ந்து 60 நாட்களுக்குப் பிறகே பத்திரிகையாளர்களை சந்தித்தனர் டாக்டர் ரிச்சர்ட் பெய்ல் உள்ளிட்ட மருத்துவக் குழுவினர். மக்களின் சந்தேகத்தைப் போக்குவதற்காக கூட்டப்பட்ட இந்த சந்திப்பின் நோக்கம் நிறைவேறவில்லை. பத்திரிகையாளர் சந்திப்பில் பேசப்பட்ட விஷயங்களை வைத்தே, சில உண்மைகளை வெளி உலகின் கவனத்துக்குக் கொண்டு வந்தனர் மருத்துவர்கள் புகழேந்தி மற்றும் ரமேஷ் ஆகியோர். இந்நிலையில், கடந்த மார்ச்  6-ம் தேதி தமிழக சுகாதாரத்துறை செயலாளர் ஜெ.ராதாகிருஷ்ணன், டெல்லியில் நடந்த பத்திரிகையாளர் சந்திப்பில் எய்ம்ஸ் மருத்துவர்களின் அறிக்கையை வெளியிட்டார். " இதுவரையில் வெளிவராத முதல்வரின் நோய் மற்றும் சிகிச்சை குறித்தான பல புதிய தகவல்களை உள்ளடக்கியதாக அந்த அறிக்கை அமைந்தது. சில தகவல்கள் முழுமை இல்லாமல் முரண்டுபாடுகளுடன் இருந்தாலும் வெளிச்சத்துக்கு வந்துள்ளதை வரவேற்க வேண்டும். முதல்வர் மரணம் தொடர்பான எங்களது சந்தேகங்களை உறுதிப்படுத்திக் கொள்ளவும் வாய்ப்பாக அமைந்தது" என விவரிக்க ஆரம்பித்தனர் மருத்துவர் புகழேந்தி மற்றும் ரமேஷ் ஆகியோர். இதுகுறித்து விரிவான ஆய்வுக் கட்டுரை ஒன்றையும் வெளியிட்டுள்ளனர். 

மருத்துவர் ரமேஷ்" முதல்வராக இருந்த ஜெயலலிதாவுக்கு தைராய்டு சுரப்பி செயல்பாட்டுக் குறைவு (Hypo thyroidism), சிருசிடு குடல் உபாதை (Irritable Bowel syndrome), தோல் ஒவ்வாமை நோய் (Atopic Dermatitis) அதற்காக அவர் வாய்வழியாக ஸ்டீராயிடு (Steroid) மாத்திரை உட்கொண்டு வந்தது, மைட்ரல் வால்வில் ஏற்பட்ட ஓட்டை, அதில் ஏற்பட்ட படிமம் (Vegetation), சுருங்கும் தன்மையில் மாற்றம் ஏற்படாத இருதய செயல்பாட்டுக் குறைவு (Heart failure with preserved systolic function) எனப் பல விஷயங்கள் தற்போது வெளியில் வந்துள்ளன. டிசம்பர் 3-ம் தேதி முதல்வருக்கு தொண்டையில் சளி அதிகம் சுரந்ததால், இருமல் அதிகமானது. இதனால் அவருக்கு சுவாச உதவி தேவைப்பட்டது என அப்போலா அறிக்கையில் கூறப்பட்டுள்ளது. இதைப் பற்றி லண்டன் மருத்துவர் ரிச்சர்ட் பீலேவோ, பாபு ஆப்ரஹாம் மற்றும் பாலாஜி ஆகியோர் நடத்திய பத்திரிகையாளர் சந்திப்பிலோ எதுவும் பேசவில்லை. மருத்துவமனையில் ஜெயலலிதா அனுமதிக்கப்படுவதற்கு 5-7 நாட்கள் முன்னரே, 'விட்டுவிட்டு காய்ச்சல் இருந்தது' என்றும் 'அதிகமான குடல் ஓட்டம் கூடவே இருந்தது' என்றும் அப்போலோ மற்றும் எய்ம்ஸ் அறிக்கைகளில் குறிப்பிடப்பட்டுள்ளது. மருத்துவமனையில் அனுமதிக்கப்படும்போது அவருடைய சர்க்கரையின் அளவு 560 mg/Dl. ஏன் இந்த அளவு சென்றது? போயஸ் இல்லத்தில் சர்க்கரையை கட்டுப்படுத்த என்ன மருந்துகள் கொடுக்கப்பட்டன? ஏன் சர்க்கரையின் அளவைக் கட்டுப்படுத்த முடியாமல் போனது? சிறுநீர் தொற்றுக்காக வாய்வழியே கிருமிக்கொல்லி மருந்து எடுத்து வந்துள்ள நிலையில் சிறுநீர் தொற்றுக்கும் சர்க்கரை வியாதிக்கும் ஆரம்பத்திலேயே முறையான சிகிச்சை கொடுக்கப்பட்டிருந்தால் அவருடைய மருத்துவ பிரச்சினைகள் தவிர்க்கப்பட்டிருக்கலாம் என்ற மருத்துவரீதியான கேள்விகளுக்கும் இவர்களிடம் பதில் இல்லை" என ஆதங்கப்பட்டார் மருத்துவர் ரமேஷ். 

இதையடுத்து நம்மிடம் பேசிய மருத்துவர் புகழேந்தி, " அப்போலோ மருத்துவமனையின் முதலுதவி மருத்துவர்கள் ஆம்புலன்சில் வந்து அவரைப் பார்த்தபோது இருந்த ஆக்சிஜன் அளவு 48 சதவீதமாக இருந்தது. அனுமதிக்கப்படும்போது அவர் அரைத் தூக்க நிலையில் இருந்தார் என்றும் மூச்சுத்திணறல் அதிகம் இருந்தது என்றும் மருத்துவ அறிக்கையில் தெளிவாக உள்ளது. அனுமதியின்போது முதல்வரின் ஆக்சிஜன் அளவு ஏன் 48 சதவீதமாகக் குறைந்தது? போயஸ் இல்ல மருத்துவமனையில் ஆக்சிஜனை அளக்கும் கருவியோ, ஆக்சிஜன் செலுத்தும் கருவியோ இல்லையா? முதல்வரின் உடல் நலன் குறித்து அவரது மருத்துவர்கள் பின்பற்ற வேண்டிய விதிமுறைகள் (Protocols) உண்டுதானே? அவை முறையாக பின்பற்றப்பட்டதா? அந்த குறிப்புகள் பொது மக்கள் பார்வைக்கு வந்தால் சந்தேகங்கள் உடனடியாகத் தீரும் அல்லவா? போயஸ் இல்லத்தில் அவர் இருக்கும்போதே சிறுநீர் தொற்று பிரச்னை இருந்துள்ளபோது கடைபிடிக்கப்பட்டு வந்த மருத்துவ பரிசோதனைகள்,  மருந்து விபரங்கள், மருத்துவ சிகிச்சை குறிப்புகள், சிகிச்சை அளித்த மருத்துவர்களுக்கு அது நிச்சயம் தெரிந்திருக்கும்நிலையில், இதுபற்றி அப்போலோ மருத்துவர்களும் கேட்டுப் பெற்றார்களா? எவையெல்லாம் போயஸ் இல்ல மருத்துவமனையில் உள்ள மருத்துவர்களால் கண்காணிக்கப்பட்டது? முறையாக கட்டுப்படுத்தப்படாத சிறுநீர் தொற்றின் காரணமாகவும் கட்டுப்படுத்தப்படாத சர்க்கரை அளவின் காரணமாகவே அவருக்கு ஏற்பட்ட பிரச்சினைகளுக்குக் காரணம் எனும் வாதத்திற்கான பதிலை எப்படி அடைவது? போயஸ் இல்ல மருத்துவ குறிப்புகளையும், அனுமதியின்போது அப்போலோவில் பதிவான  குறிப்புகளையும் ஒளிவு மறைவின்றி ஒப்பிடும்போதே உண்மை வெளிச்சத்துக்கு வரும்" என்றவர், ஜெயலலிதா மரணம் தொடர்பான புதிய தகவல்களைப் பட்டியலிட்டார். 

புகழேந்தி1. மருத்துவமனையில் எடுக்கப்பட்ட ரத்த பரிசோதனையில் என்டெரெக்காக்கஸ்(Enterococcus) கிருமி ரத்தத்தில் இருப்பது கண்டுபிடிக்கப்பட்ட நிலையில் ஒருவாரம் காய்ச்சலால் பாதிக்கப்பட்ட முதல்வருக்கு ரத்த கல்ச்சர் (Blood Culture) அனுமதிக்கப்படுவதற்கு முன்னரே செய்தார்களா? ஒருவேளை அப்படி செய்திருக்கும்பட்சத்தில் முன்கூட்டியே உரிய சிகிச்சை அளிக்கப்பட்டிருப்பதற்கான வாய்ப்பை அது கொடுத்திருக்கும். 

2. சிகிச்சைக்காக அனுமதித்த நேரத்தில், முதல்வரின் ரத்த அழுத்தம் குறைவாக இருந்ததென்று எய்ம்ஸ் அறிக்கையில் குறிப்பிடப்பட்டுள்ளது. அப்போலோ அறிக்கையில் அது கூடுதலாக இருந்ததென்றும் (போயஸ் இல்லத்தில் 140/70, தீவிர சிகிச்சை அறையில் 140/100) முரண்பட்ட தகவல்கள் பதிவாகியுள்ளன. ஏன் இந்த வேறுபாடு?

3. எய்ம்ஸ் மருத்துவர்கள் முதன்முதலில் முதலமைச்சரை பரிசோதித்தது 05.10.2016 எனும்போது, அப்போல்லோ மருத்துவர்கள்தான் மேற்படி இரத்த அழுத்தம் குறித்தான தகவலைக் கொடுத்திருக்க வேண்டும். எய்ம்ஸ் அறிக்கையில் ரத்த அழுத்தம் குறைவாக இருந்தது எனப் பதிவானது? இதன் நீட்சியாக எய்ம்ஸ் அறிக்கையில் ரத்த அழுத்தத்தை கூட்டுவதற்கான மருந்துகள் (Inotropic agents) மருத்துவமனைக்குள் அனுமதித்தபோதே கொடுக்கப்பட்டது என இருப்பதும் அப்போலோ அறிக்கையில் அது விடுபட்டிருப்பதும் ஏன்?

4. அப்போலோ அறிக்கையின் முதல் பக்கத்தில் அவருக்கு ஃபர்ஸ்ட் டிகிரி ஏவி பிளாக்(first degree AV block) இருந்ததென்றும் நான்காம் பக்கத்தில் 'செகண்ட் டிகிரி ஏவி பிளாக், விட்டுவிட்டு இருந்தது' என்றும் (AV block என்பது இ.சி.ஜி.யில் இருதயத் துடிப்பில் ஏற்படும் மாற்றம்) முரண்பட்ட தகவல் உள்ளது. அப்போலோ அறிக்கையில் முதல் பக்கத்தில் ஏன் Second degree AV block பதிவாகவில்லை?

5. 'இருதயத்துடிப்பு நின்றபின் முதல்வருக்கு உடனடியாக அவசர இருதய, நுரையீரல் மீட்கும் பணி (CPR) 20 நிமிடம் கொடுக்கப்பட்டது' என அப்போலோ மருத்துவர்கள் கூறி வந்த நிலையில், எய்ம்ஸ் அறிக்கையில் 'அது 45 நிமிடம்' என பதிவாகியுள்ளது. அதே பத்திரிக்கையாளர்கள் சந்திப்பில், எக்மோ கருவி (ECMO) முதல்வரின் அறையிலேயே இருந்ததாகவும் அங்கேயே அது பொருத்தப்பட்டதென்றும் மருத்துவர்கள் கூறிவந்த நிலையில், எய்ம்ஸ் அறிக்கையில், 'அவரது உடலை குறைவெப்ப நிலைக்கு (hypothermia) கொண்டுசென்றனர்' என்றும் 'அவருக்கு தொடர் ரத்த சுத்திகரிப்பு செய்யப்பட்டதென்றும் (Continous haemo dialysis), திறந்த இருதய மசாஜ் (Open cardiac massage) அளிக்கப்பட்டதென்றும், செயற்கை துடிப்பான்(பேஸ்மேக்கர்) இருதயத்தின் வெளிப்பகுதியில் பொருத்தப்பட்டதென்றும் (External Pacemaker) அன்றைக்கு முதல்வர் இரவு 09:30 மணிக்கு அறுவை சிகிச்சை அறைக்குக் கொண்டு செல்லப்பட்டார் என்றும் கூறப்பட்டுள்ளது. 

6. டிசம்பர் 4-ம் தேதி மாலை 04.20 மணிக்கு தொலைக்காட்சியில் நிகழ்ச்சி ஒன்றை முதல்வர் பார்த்துக்கொண்டிருக்கும்போது, பணி மருத்துவரும் சசிகலாவும் அந்த அறையில்தான் இருந்துள்ளனர். அவருக்கு திடீரென்று இருதயத் துடிப்பு நின்றுபோய்விட்டதாக, பிப்ரவரி 6-ம் தேதி நடந்த பத்திரிகையாளர் சந்திப்பில் அப்போலோ மருத்துவர்கள் கூறிவந்த நிலையில், சமீபத்திய அப்போலோ அறிக்கை பக்கம் 11-ல் அவருக்கு இருதயத் துடிப்பில் சிறு மாற்றம் நிகழ்ந்ததாகவும் (Unsustained Ventricular Tachycardia) அதன் காரணமாக அவருக்கு ஊசி மூலம் மெக்னீசியம் சல்பேட் ரெண்டு கிராம் செலுத்தப்பட்டதாகவும் அதன்பிறகு சிறு இடைவேளைக்குப்பின், (நேரம் குறிப்பிடப்படவில்லை) மீண்டும் அவருக்கு இருதயத் துடிப்பில் சிறு மாற்றம் ஏற்பட்டு, பின்னர் அது மோசமான பாதிப்பிற்கு (Ventricular fibrillation) அவரை இட்டுச்சென்றது என்றும் மேற்படி அறிக்கையில் உள்ளது. அப்போது எடுக்கப்பட்ட இரத்தப் பரிசோதனையில் (Venous Blood Gas Analysis) பொட்டாசியத்தின் அளவு 6.2 meq/Dl இருந்தது தெரிய வந்துள்ளது. (வழக்கமாக இருக்கவேண்டிய அளவு 3.5 லிருந்து 5.5 meq/Dl வரை) ஆக பொட்டாசியம் அளவு கூடியதன் காரணமாக ஏன் இருதயத் துடிப்பு செயலிழந்து போனது (Cardiac arrest) காரணமாக இருக்கக்கூடாது? இருதயத்துடிப்பில் ஏற்பட்ட மாற்றம் அவருக்கு முன்னரே நிகழ்ந்துள்ள நிலையில், (அப்போலோ அறிக்கை பக்கம் 9,10) உரிய மருத்துவக் கண்காணிப்பு இல்லாமல் ஜெயலலிதா இருந்தாரா என்ற சந்தேகமும் எழுகிறது. 

அப்போலோ மருத்துவமனை

7. முதல்வருக்கு தவறான சிகிச்சை அளிக்கப்பட்டது என்ற குற்றச்சாட்டை மறுத்து சுகாதாரத்துறை செயலர் ராதாகிருஷ்ணன் பேசும்போது, சர்க்கரை வியாதிக்கு 20 வருடகாலம் அவர் மாத்திரை உட்கொண்டு வந்தார் என்கிறார். அந்த மாத்திரையின் பெயரை அவர் குறிப்பிடாதது ஏன்? உயர் இரத்த அழுத்தத்தைக் கட்டுப்படுத்த அவருக்கு பீட்டா பிளாக்கர்ஸ் (Beta Blockers) மற்றும் பிற மாத்திரைகள் கொடுக்கப்பட்டது எனக் குறிப்பிடும் அறிக்கை, 'எவ்வளவு காலம் அவர் அதை சாப்பிட்டார்?' எனக் கூறவில்லை. மாத்திரை உட்கொண்ட காலத்தை குறிப்பிடத் தெரிந்த இவர்களுக்கு மாத்திரை பெயரைக் குறிப்பிடவேண்டும் எனத் தெரியாதா? தைராய்டு பாதிப்புக்கும் தோல் ஒவ்வாமைக்கும் சிடுசிடு குடல் உபாதைக்கும் கூட எவ்வளவு காலம் மாத்திரை உட்கொண்டார் என்ற தகவல் இல்லை. 

8. முதல்வரது எடை 106 கிலோ, உயரம் 5 அடி என எய்ம்ஸ் அறிக்கையில் உள்ளது. இந்த அடிப்படை மருத்துவ பதிவுகள் கூட அப்போலோ அறிக்கையில் இல்லை. ஏன்?

9. முன்னால் முதல்வர் பன்னீர் செல்வம் அணியில் உள்ள பி.எச்.பாண்டியன் பேசும்போது, ' முதல்வரின் சர்க்கரை நோய் சிகிச்சைக்கான மருத்துவர் சந்தாராம், முதல்வர் உட்கொள்ளும் சர்க்கரை நோயைக் கட்டுப்படுத்தும் மருந்தால் (Pioglitazone, Rosiglitazone?) அவருக்குப் பக்கவாதம் ஏற்படவாய்ப்புள்ளது என்பதை தெரியப்படுத்தியதன் காரணமாகவே 2016 மே மாதத்துக்குப்பின், சிகிச்சை பெறுவதற்கு மறுக்கப்பட்டார்' என்ற குற்றச்சாட்டை வைத்துள்ள நிலையில், முதல்வர் சர்க்கரை நோயைக் கட்டுப்படுத்த 20 வருட காலம் அவர் என்னென்ன மாத்திரைகள் உட்கொண்டு வந்தார் எனத் தெளிவுபடுத்துவதுதான் தவறான சிகிச்சை அவருக்கு அளிக்கப்பட்டதா என்ற கேள்விக்கான விடையைக் கொடுக்கும். எயிம்ஸ் மருத்துவர்களின் அறிக்கையிலும் கூட சர்க்கரை வியாதிக்கு 20 வருட காலம் அவர் என்னென்ன மாத்திரைகள் உட்கொண்டு வந்தார் எனக் குறிப்பிடவில்லை. Pioglitazone, Rosiglitazone மாத்திரைகள்கூட பின்விளைவாக இருதயத் துடிப்பில் மாற்றத்தை ஏற்படுத்தும் என மருத்துவ ஆய்வுகளில் தெளிவாக இருந்தும், அது தொடர்பாக கேள்வி எழுப்பாமல் இருந்தது எதனால்?

10. முதல்வருக்கான சிகிச்சையில் இரண்டு விஷயங்களை பார்க்கும்போது அது உண்மை அல்ல என்றே நினைக்கத் தோன்றுகிறது. மைட்ரல் வால்வில் ஏற்பட்ட பிரச்சினையை எப்படி கையாள்வது என்பதில் வேறுபாடு இருந்துள்ளது. அப்போலோ மருத்துவர்களிடம், அறுவை சிகிச்சை மூலம் கையாளவேண்டும் என்ற எண்ணமே மேலோங்கி இருந்தது. எயிம்ஸ் மருத்துவர்களோ, முந்தைய / தற்போதைய எக்கோ கார்டியோ கிராம் முடிவுகளை வைத்து கசிவில் பெருமளவு மாற்றம் இல்லை என்பதை கருத்தில் கொண்டு அறுவை சிகிச்சை உடனடித் தேவையில்லை என்பதை வலியுறுத்தியுள்ளனர்.  மைட்ரல் வால்வில் ஏன் ஓட்டை (Perforation) ஏற்பட்டது? இரண்டாவது, நுரையீரலின் வெளி அடுக்கில் இருக்கும் நீர்கோர்ப்பை (Pleural effusion) எப்படி சரி செய்வது என்பதிலும் வேறுபாடு இருந்துள்ளதாகத் தெரிகிறது. அதை விரைந்து வெளியில் எடுக்கவேண்டும் என்பது அப்போலோ மருத்துவர்களின் நிலைப்பாடாக இருக்க, எய்ம்ஸ் மருத்துவர்களோ, 'உள்வரும் நீர்க்கோர்ப்பின் அளவைக் காட்டிலும் வெளியேரும் நீரின் அளவு சற்று அதிகமாக இருந்தாலே போதுமானது' என உறுதியாக இருந்தனர். 

11. 'செப்டம்பர் 24 அன்று அவரது மூச்சுத் திணறல் பெரிதளவு குறையவில்லை. வேகமான மூச்சிரைப்பும் ஆக்சிஜன் தேவையும் சற்று குறைந்திருந்தன' என்றே குறிப்பிடப்பட்டுள்ளது. முந்தைய நாளில் குறைந்துபோன இருதயத்துடிப்பைக் கூட்ட டோப்பமின் ஊசி மருந்தும் குறைந்துபோன ரத்த அழுத்தத்தைக் கூட்ட நார் அட்ரினலின் ஊசி மருந்தும் கொடுக்கப்பட்டது என இருக்கையில், செப்டம்பர் 23 அன்று எடுக்கப்பட்ட நெஞ்சு எக்ஸ்ரேயில் இருபுற நுரையீரல்களின் நடு மற்றும் அடிப்பகுதிகளில் நீர் கோர்த்திருந்தது என இருக்கும்போது, 'வழக்கமான உணவை அவர் உட்கொண்டார்' என அப்போலோ அறிக்கை கூறுவதில் சந்தேகம் எழுகிறது. எய்ம்ஸ் அறிக்கையில் அவருக்கு மூச்சுக்குழாய் சுருங்கியதன் விளைவாக திரும்பத் திரும்ப மூச்சுத்திணறல் ஏற்பட்டிருக்கிறது எனக் குறுப்பிடப்பட்டுள்ளது. மேலும் இரண்டு நுரையீரல்களின் வெளி அடுக்கில் நீர் சுரந்திருந்தது (Bilateral Pleural Effusion) எனக் குறிப்பிடப்பட்டுள்ளது. இச்சூழலில் அவர் வழக்கமான உணவை உட்கொண்டதற்கான வாய்ப்பு மிகவும் குறைவு. 

12. முதலமைச்சருக்கே இரத்த சோகை இருந்தது என்பதுதான் அதிர்ச்சியளிக்கிறது. மருத்துவமனைக்குள் அனுமதிக்கப்பட்டபோது, '10 என்ற அளவில் இருந்த ஹீமோகுளோபின் அளவு, படிப்படியாக குறைந்து 6.8 grams/Dl ஆக குறைந்தது' என்று மருத்துவ அறிக்கை பக்கம்7-ல் குறிப்பிடப்பட்டுள்ளது. அவரது இருதய செயல்பாட்டுக் குறைவுக்கு இரத்த சோகையும் கூட ஒரு காரணமாக இருக்கலாம். பத்து கிராம் என்பது சற்றுக் குறைவுதான் என இருக்கையில் போயஸ் இல்லத்தில் அவருக்கு அப்பரிசோதனை  மேற்கொள்ளப்பட்டதா? அதன் முடிவு என்ன? இரத்த சோகைக்குக் கூட பரிசோதித்து, அதற்கான சிகிச்சையை போயஸ் இல்லத்தில் அளித்திருக்க முடியாதா என்ற கேள்வியும் எழுகிறது.

13. முதல்வருடைய இருதயத் துடிப்பில் மாற்றம் என்பது பலதடவை அவருக்கு வந்து போயுள்ள நிலையில், அது மோசமான நிலைக்கு இட்டுச்செல்ல வாய்ப்பில்லை என்பதை எப்படி உறுதி செய்தார்கள்? 04.12.2016 அன்று ஏற்பட்ட இதய முடக்கத்தின் முன்னோட்டமாக ஏன் அது இருந்திருக்கக் கூடாது? 29.11.2016 அன்று அவருக்கு பலமுறை (PVC) வந்து போனது பதிவாகியுள்ள நிலையில், அவரை மீண்டும் தீவிர சிகிச்சை அறைக்கு ஏன் மாற்றவில்லை?

14. இரத்தத்தில் உள்ள பொட்டாசியம் அளவின் மாற்றம், குறிப்பாக உயர் அளவு இருதயத் துடிப்பை செயலிழக்கும் தன்மை (Cardiac arrest) கொண்டது. அவருக்கு இருதயத் துடிப்பில் மாற்றம் அடிக்கடி வந்து போயுள்ள நிலையில், குறிப்பாக இரத்தத்தில் உள்ள பொட்டாசியம், கால்சியம், பிற தேவையான விஷயங்கள் அளக்கப்பட்டு, தேவைக்கேற்ப உரிய சிகிச்சை அளிக்கப்பட்டதாக, அறிகையில் இடம்பெற்றுள்ளது. டிசம்பர் 3-ம் தேதி காலையில் அது உயர் விளிம்பிற்கு சென்றுள்ளது. அதற்காக மருந்துகளில் மாற்றம் செய்யப்பட்டு உரிய சிகிச்சை அளிக்கப்பட்டதால் மறுநாள் காலை அது வழக்கமான அளவை எட்டியது. அன்று மாலை 04:20 மணிக்கு அவருக்கு இருதயத் துடிப்பு செயலிழந்த பாதிப்பு, (Cardiac arrest) ஏற்பட்டபின் செய்த இரத்தப் பரிசோதனையில் (Venous Blood Gas Analysis)-ல் பொட்டாசியத்தின் அளவு 6.2 என இருந்ததால் அதைக் குறைப்பதற்காக, கால்சியம் குளூக்கோனெட், இன்சுலின்/டெக்ஸ்ட்ரோஸ், பை கார்பனேட் சிகிச்சை அளிக்கப்பட்டது.

இவையனைத்தும் இரத்தத்தில் உள்ள பொட்டாஷியத்தின் அளவை குறைக்க கொடுக்கப்பட்ட சிகிச்சைகள். எனவே, இருதயத் துடிப்பு செயலிழந்து போனதற்கு உயர் பொட்டாசிய அளவு ஏன் காரணமாக இருக்கக்கூடாது? டிசம்பர் 3-ம் தேதி காலையில் அவருக்கு பொட்டாஷியத்தின் அளவு உச்சத்தை எட்டிய நிலையில், அவரை ஏன் தீவிர சிகிச்சைப் பிரிவுக்கு மாற்றவில்லை. இதில், மருத்துவமனையின் நடவடிக்கைகள் சந்தேகத்தை வலுப்படுத்துகிறது. பிப்ரவரி 6 அன்று நடந்த பத்திரிக்கையாளர் சந்திப்பில், இருதயத்துடிப்பு செயலிழந்து போனதற்கு பொட்டாஷிய அளவு காரணமா? என்று கேள்வி எழுப்பியபோது, அன்று காலை செய்த பரிசோதனையில் இரத்தத்தில் பொட்டாசிய அளவு வழக்கமானதாக இருந்தது என்று பாபு ஆபிரகாம் பதிலளித்தார். ஆனால், முந்தைய நாளில் வழக்கமான அளவின் உச்சத்தை அது எட்டியிருந்தது என்பதையும், இதய முடக்கம் வந்தபின் அதன் அளவு அதிகரித்தது (6.2 meq/Dl) என்பதையும் ஏன் மறைக்க வேண்டும்? 

 

http://www.vikatan.com/news/tamilnadu/87165-14-secrets-about-jayalalithaas-death-that-jradhakrishnan-has-to-clarify.html

Categories: Tamilnadu-news

எம்.ஜி.ஆர் முதல் ஈ.பி.எஸ். வரை... அ.தி.மு.க-வும், மூன்றெழுத்தும்!

Fri, 21/04/2017 - 06:17
எம்.ஜி.ஆர் முதல் ஈ.பி.எஸ். வரை... அ.தி.மு.க-வும், மூன்றெழுத்தும்!
 
 

தினகரன்

ப்ரல் 10-ம் தேதிக்கு முன்புவரை ஆர்.கே.நகர்த் தொகுதி வேட்பாளராக, மக்களுக்கு அறிமுகமானாலும், 'முதல்வர்' என்றே தினகரனின் நெருங்கிய வட்டாரங்கள் அழைத்து வந்தன. அப்படி அழைப்பவர்களிடம், 'என்னப்பா இன்னும் தேர்தலே நடக்கல, ஜெயிக்கவுமில்லை. அதுக்குள்ளேவா' என சிரித்தபடியே தினகரன் கூறிவந்தாலும், 'ரிசல்ட் என்பது மத்தவங்களுக்குத்தான். எங்களைப் பொறுத்தவரை, நீங்க எப்பவோ முதல்வர் ஆகிட்டீங்க.' என்று உசுப்பேத்தி வைத்திருந்தனர் நெருக்கமான புள்ளிகள். 

இடைத்தேர்தலுக்கான பிரச்சாரத்தின் போது பூக்களைத் தூவி வரவேற்பு, திரும்பிப் பார்த்தால் பொன்னாடை போர்த்திய வாழ்த்துரை, கலைந்த முடியை சரி செய்ய உடனே சீப் எடுத்துக் கொடுக்கும் உதவியாளர்கள், வியர்த்துப் போன முகத்தைத் துடைக்க ஓடோடி வரும் விசுவாசிகள் என தொண்டர்களின் புகழாரங்களுக்கு இடையே கலர் கலராக 'லினன்' சட்டைகளில் ராஜ பவனி வந்தார் தினகரன். ஆனால்,
ஏப்ரல் 18-ம் தேதி.... காட்சிகள் மாறின. கலர் சட்டை, கசங்கிய சட்டையானது. வியர்த்து விறுவிறுக்கும் முகத்தைத் துடைக்க துண்டு எடுத்துக் கொடுக்கும் உதவியாளரைத் தவிர, முன்பு இருந்த விசுவாசிகள் யாரும் இப்போது இல்லை. முகத்திற்கு நேராக துதி பாடியவர்கள் எல்லாம் எங்கே போயினர்...? 

வெற்றித் தொப்பியை எதிர்பார்த்த அவருக்கு 'பெப்பே' தொப்பியை மாட்டிவிட்டு அவர்கள் பறந்து விட, யாருமில்லாமல் வெறிச்சோடிக் கிடக்கிறது தினகரனின் வீடு.எம்.ஜி.ஆரைப் போல தன்னை 'டி..டி.வி' என்று மூன்றெழுத்தில் அழைப்பதையே விரும்பிய அவர், அதே மூன்றெழுத்துக்களால் வீழ்த்தப்பட்டுள்ளார். ஆம், ஓ.பி.எஸ், ஈ.பி.எஸ் என்ற மூன்றெழுத்துகளை தங்கள் பெயராகக் கொண்டவர்களால், இன்று தனிமைப்படுத்தப்பட்டுள்ளார் டி.டி.வி தினகரன். நாளை இந்த தமிழ்நாட்டை ஆளப்போகும் முதல்வர் நான்' என கனவுலகில் மிதந்துவந்த அவரை, இவ்வளவு சீக்கிரத்தில் தனிமைப்படுத்தி, ஒதுக்கி வைக்கும் சூழ்நிலை உருவாகும்  என்று கனவிலும் அவர் நினைத்திருக்க மாட்டார். 

தினகரன்


பெங்களூரு சென்று திரும்பியவர், அரசியல் மேகங்கள் தனக்கு சாதகமாக இல்லை என்றதும், ஏப்ரல் 19-ம் தேதி மதியம், 'நான் அரசியலில் இருந்து நேற்றே ஒதுங்கி விட்டேன். கட்சியையும், ஆட்சியையும் களங்கப்படாமல் பார்த்துக் கொள்ள வேண்டும். பொதுச்செயலாளர் சசிகலாவிடம் ஆலோசனை பெற்ற பின், என் ராஜினாமா குறித்து யோசிப்பேன்' என ஒரு ஞானியைப் போல(!) பேசிவிட்டு வீடு சென்றார். 

'இதுவரை எனக்கு ஆதரவு தெரிவித்த கட்சியில் உள்ள அனைவருக்கும் நன்றிகள்' என ட்வீட் போட்டுவிட்டு வீட்டில் உள்ள தனது சோபாவில் அமைதியாக அமர்ந்து விட்டார். அதிகாரத்தில் இருந்தபோது கூடிய கூட்டம், இப்போது இல்லை. சொற்ப அளவிலேயே தற்போது தினகரனை நேரில் வந்து சந்திக்கின்றனர் அவரின் சில விசுவாசிகள்.

 
 

ஆர்.கே.நகர் பிரசாரத்தின் போது உதவிய பெரியகுளம், தஞ்சை, மன்னார்குடி நட்புகள் சிலவும், புதுவையைச் சேர்ந்த கட்சியினர் சிலரும் நேரில் சந்தித்துப் பேச, அவர்களிடம் "நான் எம்.பி-க்கு நின்றபோது, எனக்காக தேர்தல் வேலைசெய்ய வந்தவர் பன்னீர்செல்வம். நான் பார்த்து அவரை ஜெயலலிதாவிடம் அறிமுகம் செய்தேன். அவர் முதல்வராவதற்கு நான் சிபாரிசு செய்தேன். ஆனா இன்னைக்கு அவர் இந்தப்போடு போடுறாரு. என்னை சார், சார்-ன்னு கூப்பிட்டவரு, இன்னைக்கு பேர் சொல்லி பேசுறாரு. எடப்பாடி பழனிசாமியை, முதலமைச்சராக நானும், சசிகலாவும்தான் நியமித்தோம். ஆனா ஏத்திவிட்ட ஏணியையே அவர் எட்டி உதைக்கிறார்" என விரக்தியுடன்  பேசியுள்ளார். தொடர்ந்து, "என்ன பண்றது, வளர்த்த கடா மாருல பாயுது. இதுகூட பரவாயில்ல, நேத்துவரை, அண்ணே நாங்க இருக்கோம், கூடவே இருக்கோம்னு சொன்னவங்ககூட இன்னைக்கு ஆள் அட்ரஸே காணோம். இன்னைக்கு தனியா இருக்கேன். எப்படி இருந்த நான் இப்படி ஆகிட்டேன் பாருங்க. என் சொந்தங்களே நான் மேல வருவதை விரும்பல. அவங்க  கொடுத்த நெருக்கடி கொஞ்ச, நஞ்சமல்ல. இன்னைக்கு அவங்களும் என்கூட நெருக்கமா இல்லை' என கண் கலங்கினாராம் தினகரன். 

வந்தவர்கள் அவருக்கு ஆறுதல் சொல்ல, 'ஆனாலும் காலம் எல்லாத்துக்கும் பதில் சொல்லும். நான் மீண்டு வருவேன்.' என்கிறார் நம்பிக்கையாக. 

எல்லா கனவுகளையும் நிஜங்களாக மாற்றிவிடுவதில்லை காலம்!

http://www.vikatan.com/news/coverstory/87066-from-mgr-to-eps-three-letters-and-aiadmk.html

Categories: Tamilnadu-news

'ஒ.பி.எஸ் இடத்தில் இ.பி.எஸ்'- பவர்சென்டரை மாற்றும் டெல்லி லாபி!

Fri, 21/04/2017 - 05:49
'ஒ.பி.எஸ் இடத்தில் இ.பி.எஸ்'- பவர்சென்டரை மாற்றும் டெல்லி லாபி!
 
 

Eda_400_02197.jpg

“கோழி குருடாக இருந்தால் என்ன, குழம்பு ருசியாக இருக்குதானு பாக்கணும்” என்ற காமெடி வரிகள் போல தான் அ.தி.மு.கவின் நிலையும் இப்போது உள்ளது. பன்னீர் இருந்தால் என்ன?, பழனிசாமி இருந்தால் என்ன? நம் கண் அசைவுக்கு சரியான நபராக இருந்தால் போதும் என்ற மனநிலைக்கு  மத்திய அரசு வந்துவிட்டது  தான் அ.தி.மு.க இணைப்பு தள்ளி போவதற்கு காரணம் என்கிறார்கள். 

தமிழக அரசியலில் காலுான்றுவதற்கு  இந்த வாய்ப்பை விட்டால் வேறு வாய்ப்பில்லை என்ற முடிவில் பி.ஜே.பி மேலிடம் உறுதியாக உள்ளது. ஜெயலலிதா மரணத்துக்கு பிறகு சசிகலாவை பொதுச்செயலாளராக தேர்வு செய்ததையே ஆரம்பித்தில் பி.ஜே.பி விரும்பவில்லை. ஆனால், அது உட்கட்சி விவகாரம் என்பதால் மூக்கை நுழைக்க முடியாமல் போனது. கட்சியில் இருந்து ஆட்சிக்கு சசிகலா தாவ முனைந்த போது, இனியும் வேடிக்கை பார்க்கக் கூடாது என்று முடிவு செய்தது மத்திய அரசு. தமிழகத்தில் தங்களுக்கு நம்பிக்கையான சில நபர்கள் மூலம் சசிகலா முதல்வராக வருவதற்கு முட்டுக்கட்டை போடும் அஜெண்டாவை கையில் கொடுத்தது. அவர்கள் மூலம்தான் சசிகலாவின் நடவடிக்கையால் பன்னீர் மனம் நொந்து போய் உள்ளார் என்ற தகவல் டெல்லிக்கு சென்றது. அதன் பிறகு, மத்திய அரசு ஆடுபுலி ஆட்டத்தை வேகமாக ஆடி சசிகலாவின் முதல்வர் கனவுக்கு முடிவுரை எழுதியது. 

“விசுவாசத்துக்கு பெயர் பெற்றவர் பன்னீர்” என்ற டெல்லிக்கும் சொல்லபட்டதால் பன்னீரை பவர் சென்டராக மாற்ற பி.ஜே.பி முடிவு செய்தது. பன்னீரை தலைமை பதவிக்கு கொண்டுவந்தால் தமிழகத்தில் நாம் நினைத்தை செய்ய முடியும் என்று கணக்கு போட்டது பி.ஜே.பி. இதற்கு இடைஞ்சலாக இருப்பது சசிகலா குடும்பம் என்பதை யூகித்து, முதலில் அந்த குடும்பத்தினரை  கட்சியை விட்டு அப்புறப்படுத்தும் வேலைகள் ஆரம்பமாகியது. சசிகலாவுக்கு சிறை, தினகரனுக்கு பெரா என  அடுத்தடுத்து சிக்கல்களை ஏற்படுத்தினார்கள். தினகரனுக்கு நெருக்கமாக இருந்த விஜயபாஸ்கர் வீட்டில் ரெய்டு நடத்தி, இனி இந்த நிலை உங்களுக்கு வரலாம் என்று அமைச்சர்களுக்கு அச்சுறத்தல் கொடுத்தார்கள். மத்திய அரசின் மன ஓட்டத்தை புரிந்து கொண்ட அமைச்சர்கள் தினகரனை ஒதுக்கிவைக்கின்றோம் என்று ஒரு வழியாக வழிக்கு வந்தார்கள். இதுவரை மத்திய அரசு கணக்குபடியே எல்லாம் சென்று கொண்டிருந்தது. ஆனால், அதன்பிறகு தான் பாதை மாறிவிட்டதாக செய்திகள் வெளியாகியுள்ளது. 

Pan_2_600_02219.jpg

தினகரனை கழற்றிவிட்டதில் மத்திய அரசின் பங்கு எந்த அளவோ, அதே அளவு சசிகலா குடும்பத்திலும் தினகரனுக்கு எதிராக நடந்த உள்குத்து வேலைகளும் காரணம். ஆனால், சசிகலா குடும்பமே கட்சியில் இருக்க வேண்டாம் என்று கொங்கு மண்டல அமைச்சர்கள் முடிவு செய்ததின் பின்னணில் வேறு கதைகளும் உள்ளது. தமிழகத்தின் முதல்வராக கௌண்டர் சமூகத்தைச் சேர்ந்த பழனிசாமி உள்ளார். முதல் முறையாக இந்த சமூகத்துக்கு இந்த வாய்ப்பு கிடைத்துள்ளது. இரண்டு அணிகளும் இணைந்துவிட்டால் பன்னீர் வசம் முதல்வர் பதவிபோய்விடும் என்று  கவலை அந்த சமூகத்தின் முக்கிய பிரமுகர்களிடம் ஏற்பட்டுள்ளது.“பன்னீரும் சசிகலாவை எதிர்கிறார், நாமும் சசிகலாவை வேண்டாம் என்று தான் சொல்கிறோம், மத்திய அரசும் சசிகலா குடும்பம் வேண்டாம் என்தற்காக தான் நெருக்கடி கொடுக்கிறது. மூன்று தரப்புக்கும் அஜெண்டா ஒன்று தான் , அந்த அஜெண்டாவும் கிட்டத்தட்ட முடிவுக்கு வந்துவிட்டது. இனியும் ஏன் பதவியை நாம் விட்டுத் தரவேண்டும்” என்று அவர்கள்  ஆலோசனை செய்துள்ளார்கள்.

“மத்தியஅரசுக்கு பன்னீர் மட்டும் தான் விசுவாசம் காட்டுவாரா, நாமும் விசுவாசத்தைக் காட்டலாம்” என்று புது ரூட் போட்டுள்ளார்கள். இந்த விசுவாச ஒப்பந்தத்தை மோடியிடம் கொண்டு சேர்ப்பது எப்படி என்று யோசித்த போது தான் இவர்கள் சமூகத்தைச் சேர்ந்த சதாசிவம் சீனில் வந்துள்ளார். பி.ஜே.பி மேல்மட்ட தலைவர்களோடு நல்ல உறவில் சதாசிவம் இருப்பதால்  அவரிடம் இது குறித்து பேசபட்டதாக கூறப்படுகிறது. அவரும் டெல்லிக்கு தொடர்பு கொண்டு, “பழனிசாமி உங்களுக்கு முழு ஒத்துழைப்பு தருவார். பன்னீர் தரப்பினால் எதை நீங்கள் செய்ய நினைக்கின்றீர்களோ, அதை பழனிசாமியே செய்து கொடுப்பார். சசிகலா குடும்பத்தை தள்ளிவைப்பதில் எந்த மாற்றுகருத்தும் இருக்காது” என்று பேசியுள்ளார்.  பி.ஜே.பி தரப்பில் இந்த டீலிங்குக்கு ஒத்துவந்துள்ளாதாக கூறப்படுகிறது. 

தமிழகத்துக்கு டிஜிட்டல் உரிமம் வழங்கியதன் பின்னணி இது தான் என்கிறார்கள். மத்திய அரசு  சிவப்பு விளக்குகளை காரில் பயன்படுத்துவது குறித்த அறிவிப்பை வெளியிட்டதும், முதல் ஆளாக தனது காரில் இருந்த சைரனை தானே கழற்றினார் பழனிசாமி. இதன் பின்னணியே உங்கள் கட்டளையை உடனே செய்வேன் என்பதை மத்திய அரசுக்கு சொல்லாமல் சொல்வது தான் என்கிறார்கள் கொங்கு மண்டலத்தினர். டெல்லியில் இருந்து கிரீன் சிக்னல் வந்த பிறகு தான் பன்னீர் தரப்பிடம் கெடுபிடி காட்ட துவங்கியுள்ளார்கள் அமைச்சர்கள். ஜெயக்குமார் செவ்வாய் கிழமை இரவு காட்டிய பவ்வியம், வியாழன் அன்று இல்லாமல் போனதற்கு காரணம் இதன் பின்னணியில் தான் என்கிறார்கள். இந்த தகவல்கள் பன்னீர் அணிக்கு லேட்டாக தான் கிடைத்துள்ளது. அந்த கடுப்பு தான் முனுசாமியின் பேட்டியில் எதிரொலித்தது என்கிறார்கள்.

இரண்டுஅணிகள் இணைந்தாலும் முதல்வர் பதவியை பன்னீர் கேட்கக் கூடாது என்பது தான் கொங்கு மண்டலத்தின் முக்கிய பிரமுகர்கள் வைத்திருக்கும் மறைமுக டிமாண்ட். இதை பன்னீர் தரப்பினர் ஏற்றுக்கொள்வார்களா என்பது சந்தேகம்தான். இதனால் இரண்டு அணிகளின் இணைப்பும் தள்ளிப்போகும் நிலை ஏற்பட்டுவிட்டது. ஆனால், இதை பற்றி எல்லாம் பி.ஜே.பி தரப்பு அலட்டிக்கொள்ளவில்லை. ஆட்டுவிக்க நாங்கள் தயார், ஆடுவதற்கு யார் தயார் என்ற நிலையில் தான் பி.ஜே.பி உள்ளது. அதனால் பன்னீருக்கு பதிலாக பழனிசாமி வருவதில் அவர்களுக்கு எந்த பாதிப்பும் இல்லையாம்.

பன்னீர்  இடத்தில் பழனிசாமியை வைத்து புது ரூட்டில்  பயணம் செய்ய தயாராகிவிட்டது பி.ஜே.பி. 

http://www.vikatan.com/news/tamilnadu/87093-edappadi-palanisami-in-place-of-opanneerselvam--delhi-lobby-changing-the-power-center.html

Categories: Tamilnadu-news

பெங்களூர் சிறையில் ஆங்கிலம் கற்க விரும்புகிறாராம் சசிகலா?

Thu, 20/04/2017 - 20:21
பெங்களூர் சிறையில் ஆங்கிலம் கற்க விரும்புகிறாராம் சசிகலா?

 

 
sasikala

பெங்களூர்: அடுத்த 4 ஆண்டுகளுக்கு பெங்களூர் சிறையில் நேரத்தை வீணடிக்காமல் ஆங்கிலம் கற்றுக் கொள்ள முடிவு செய்துள்ளாராம் வி.கே. சசிகலா.

மறைந்த முதல்வர் ஜெயலலிதா தமிழ் - ஆங்கிலம் இரண்டிலுமே புலமைப் பெற்றவர். அவருடன் பல ஆண்டு காலம் தங்கி இருந்து அரசியல் கற்றுக் கொண்ட சசிகலா, ஆங்கிலம் கற்கத் தவறிவிட்டார்.

கான்வென்ட்டில் படித்த ஜெயலலிதாவுக்கு ஆங்கிலம் அத்துப்படி. அவரது அரசியல் வாழ்க்கைக்கு ஆங்கிலமும் மிகப் பெரிய பலமாக இருந்தது. அவருக்கு உற்றத் தோழியாக இருந்த சசிகலா, பெங்களூர் சிறையில் தனது மொழித் திறனை பட்டைத் தீட்டிக் கொள்வது என முடிவு செய்துள்ளதாக சிறைத் துறை வட்டாரங்கள் தெரிவிக்கின்றன.

ஆங்கில ஊடகம் ஒன்றில் வெளியாகியுள்ள செய்தியின் அடிப்படையில், வி.கே. சசிகலா, சிறைத் துறை அதிகாரிகளிடம் ஒரு கோரிக்கை வைத்துள்ளாராம். அதாவது, தனக்கு ஆங்கிலம் கற்பிக்க ஒரு ஆசிரியரை நியமிக்க முடியுமா என்று கேட்டுள்ளார். இதற்கு, சிறைத் துறை நிர்வாகம் இன்னும் பதில் சொல்லவில்லை.

ஜெயலலிதாவின் உயிர்த் தோழியான சசிகலா, சிறையில் இருந்தபடியே, தமிழக அரசியலில் நடக்கும் நடப்புகளை அறிந்து கொள்ள, தமிழக செய்தித் தாள்களை படித்து வந்தார். ஆனால், தமிழ் செய்தித் தாள்களுக்கு தடை விதிக்கப்பட்டிருப்பதால், அங்கு வரும் ஆங்கில செய்தித் தாள்களை படிக்கவே, அவர் ஆங்கிலம் கற்க விரும்புவதாகவும் தகவல் அறிந்த வட்டாரங்கள் கூறுகின்றன.

http://www.dinamani.com/

Categories: Tamilnadu-news

சசி குடும்பம் நாடகம்: இ.பி.எஸ்., தந்திரம்! இரட்டை இலை சின்னத்திற்கான ஏமாற்று வேலை

Thu, 20/04/2017 - 19:57
சசி குடும்பம் நாடகம்: இ.பி.எஸ்., தந்திரம்!
இரட்டை இலை சின்னத்திற்கான ஏமாற்று வேலை
 
 
 

இரட்டை இலை சின்னத்தை கைப்பற்ற, இடைத் தரகர் மூலம் மேற்கொண்ட முயற்சி, தோல்வி அடைந்ததால், சசிகலா குடும்பம் கட்சியை விட்டு விலகுவது போல நடித்து, அ.தி.மு.க.,வினரையும், மக்களையும் ஏமாற்ற, இ.பி.எஸ்., தரப்பினர் போட்ட தந்திரம் வெளிச்சத்துக்கு வந்துள்ளது.

 

Tamil_News_large_175552820170420232331_318_219.jpg

 

தேர்தல் அறிவிப்பு


அ.தி.மு.க., பொதுச் செயலராக, சசிகலா நியமிக்கப்பட்டது செல்லாது என, அறிவிக்கக் கோரி, பன்னீர் அணி சார்பில், தேர்தல் கமிஷனில், மனு கொடுக்கப்பட்டது. இம்மனு மீதான விசாரணை துவங்கும் முன், ஆர்.கே. நகர் இடைத்தேர்தல் அறிவிக்கப்பட்டது. இரு அணியினரும், இரட்டை இலை சின்னம் கேட்டதால், அது முடக்கப்பட்டது. அதைத் தொடர்ந்து, அ.தி.மு.க., பொதுச் செயலராக, சசிகலா நியமிக்கப்பட்டது செல்லாது என்ற மனுவை விசாரிக்கும்படி, பன்னீர்
அணியினர் வலியுறுத்தினர்.

இந்நிலையில், இரட்டை இலை சின்னத்தை மீட்பதற்காக, தேர்தல் கமிஷனர்களுக்கு லஞ்சம் கொடுக்க முயன்றதாக, இடைத்தரகர் சுகேஷ் சந்தர் என்பவனை, டில்லி போலீசார் கைது செய்தனர்.அவன் கூறிய தகவல்படி, லஞ்சம் கொடுக்க முயன்றதாக, தினகரன் மீது வழக்கு பதிவு செய்துள்ளனர். இந்த வழக்கால்,

இரட்டை இலை சின்னம், சசிகலா அணிக்கு கிடைப்பது சிக்கலாகி உள்ளது.

அ.தி.மு.க., சட்ட விதிகளின்படி, சசிகலா பொதுச் செயலராக தேர்வு செய்யப்படவில்லை. எனவே, அவரது தேர்வும் செல்லாது என, அறிவிக்க வாய்ப் புள்ளது.அவ்வாறு அறிவிக்கப்பட்டால், பன்னீர் அணி கை ஓங்கும். பன்னீர் அணி கை ஓங்கினால், சசிகலா குடும்பம் கட்சியை விட்டு வெளியேற வேண்டிய நிலை ஏற்படும். இதை தவிர்க்க,தேர்தல் கமிஷன் முடிவை அறிவிப்பதற்கு முன், இணைப்பு நாடகத்தை அரங்கேற்ற பார்க்கின்றனர்.

சின்னம் கிடைத்த பின், தங்கள் ஆதரவு எம்.எல்.ஏ.,க் கள் உதவியுடன், மீண்டும் கட்சியை கைப்பற்ற லாம் என, சசிகலா குடும்பத்தினர் திட்டமிட்டுள்ள னர். எனவே, சசிகலா குடும்பத்தினர் சொல்லி தந்த படி, முதல்வர் மற்றும் அமைச்சர்கள் செயல்படுவ தாக, குற்றச்சாட்டு எழுந்துள்ளது.இதை உறுதிப் படுத்தும் வகையில், தினகரன் குடும்பத்தை, கட்சி யில் இருந்து நீக்குவதாக அறிவித்த னர். ஆனால், சசிகலா குறித்து, வாய் திறக்க வில்லை. அமைச்சர் கள் ஒதுங்கும்படி கூறியதால், கட்சி பணிகளில் இருந்து ஒதுங்கிக் கொள்வதாக, தினகரன் கூறினார். ஆனால், துணை பொதுச் செயலர் பதவியை, ராஜினாமா செய்ய மறுத்து விட்டார்.

சசிகலா, தினகரன் ஆகியோர், தங்களுடைய பதவி யில் தொடரும் நிலையில், அவர்களை ஒதுக்கி விட்டோம் எனக் கூறி, பன்னீர் அணி யினரை பேச்சுக்கு அழைப்பது, ஏமாற்று வேலை என்பது உறுதியாகி உள்ளது. மேலும், முதல்வர் பழனி சாமிக்குஆதரவு அளிப்பதாகக் கூறும் எம்.எல்.ஏ.,க் கள் தொடர்ந்து, தினகரனை சந்தித்து வருகின்றனர்.
 

நிதி நிலைமை மோசம்


சசிகலா தம்பி திவாகரன் மகன் ஜெய் ஆனந்த், 'நாங்கள் கூறியதைத் தான், முதல்வர் மற்றும் அமைச்சர்கள் செய்துள்ளனர்; சற்று தாமதமாக செய்துள்ளனர்' எனக் கூறியிருப்பதும்,

 

சந்தேகத்தை அதிகப்படுத்தி உள்ளது. தற்போதைய சூழலில், அரசு செயலிழந்து உள்ளது. 'டாஸ்மாக்' மூடலால், வருவாய் கணிசமாக குறைந்துள்ளது. அதை சரிக்கட்ட, அரசு எந்த முயற்சியும் எடுக்கவில்லை.

இன்னொரு பக்கத்தில், அமைச்சர்கள் மீது வழக்குகள் பாய்ந்தபடி உள்ளன. வருமான வரி சோதனைக்குள்ளான, அமைச்சர் விஜய பாஸ்கர், பதவியை ராஜினாமா செய்ய மாட் டேன் என்கிறார். அவரை விலக்க, முதல்வரால் முடியவில்லை. அவருக்கு, தினகரன் ஆதரவாக உள்ளார்.

அரசின் நிதி நிலைமை மிகவும் மோச மடைந்துள்ளது. வருவாயை பெருக்க, அரசு எந்தவித நடவடிக்கையும் எடுக்க வில்லை. கட்சி பிரச்னைகளை தீர்ப்பதற்கே, முதல்வர் மற்றும் அமைச்சர்களுக்கு நேரம் போத வில்லை.இந்நிலையில், கட்சி இணைப்பு நாடகத்தின் பின்னணியில், சசிகலா குடும்பம் இருப்பதை அம்பலப்படுத்தி, பழனிசாமி தந்திரத்தை, பன்னீர் அணியினர் முறியடித் துள்ளனர். இதனால், இணைப்பு சாத்தியமா என்றும் தெரியவில்லை. இதே நிலை நீடித்தால், ஆட்சி கவிழும் வாய்ப்புள்ளதாக, அ.தி.மு.க., வட்டாரத்தில் பேசப்படுகிறது.
-நமது நிருபர்-

http://www.dinamalar.com/news_detail.asp?id=1755528

Categories: Tamilnadu-news

இரட்டை இலையின் மூச்சு மூவர் கையில்!

Thu, 20/04/2017 - 19:49
இரட்டை இலையின் மூச்சு மூவர் கையில்!

 

‘சின்ன அம்மன்’ எனப் பாராட்டிப் போற்றப்பட்ட சசிகலா, பரப்பன அக்ரஹாராவில் சிறை வைக்கப்பட்டுள்ளார். `ஆர்.கே.நகரில் வென்று, தமிழ்நாட்டின் முதலமைச்சர் ஆகிவிட வேண்டும்' என்ற கனவில் இருந்த ‘திடீர் தலைவர்’ தினகரன், அனைத்தும் சிதைந்து மனச்சிறையில் p8b.jpgமாட்டிக்கொண்டுவிட்டார். யாரோ ஒரு ஜெயலலிதாவின் வளர்ச்சிக்கு 28 ஆண்டுகள் நேரடியாகவும் மறைமுகமாகவும் உதவிய நடராசனால், சொந்த மனைவிக்கு  28 நாள்கள்கூட உதவ முடியாத நிலையில் உடல்நலம் பாதிக்கப் பட்டுள்ளது. `வளர்ப்பு மகன்' என ஆராதிக்கப்பட்டு, ‘சின்ன எம்.ஜி.ஆர்’ எனத் தன்னைத்தானே உருவகப்படுத்திக் கொண்டு, கோயில் கோயிலாகச் சென்று, யாகம் யாகமாக நடத்திவந்த வி.என்.சுதாகரன் சிறையில் சிக்கிக் கொண்டார்.

தினகரன் திடீரென வீட்டுக்கு அனுப்பப்பட்டதால் அடுத்து அதிகாரத்துக்கு வந்த மகாதேவன், ஜெயலலிதாவின் மறைவுக்குப் பிறகு ராஜாஜி அரங்கிலிருந்து சைரன்வைத்த காரில் பறந்த மகாதேவன், திடீர் மாரடைப்பால் மரணம் அடைந்துவிட்டார். ‘மேடம்’ என்று ஜெயலலிதா அழைக்கப்பட்டபோது, ‘பாஸ்’ என்று அழைக்கப் பட்ட திவாகரன் இன்னமும் தஞ்சாவூரையே தாண்ட முடியாத அளவுக்குத் தடைக்கற்கள் சூழ வாழ்க்கையைத் தொடர்கிறார். ‘இது உன் கட்சியா?’ எனப் பன்னீர் செல்வத்தின் சட்டையைப் பிடித்த டாக்டர் வெங்கடேஷால், அ.தி.மு.க வேட்டியைக் கட்டிக்கொண்டு வெளியே வர முடியவில்லை. மச்சான் தொல்லை!

p8a.jpg

இப்படி... `அண்ணன் எப்ப சாவான், திண்ணை எப்ப காலியாகும்?’ எனக் காத்திருந்தார்கள். அண்ணனும் செத்தான்;ஆனால், துக்கம் கேட்க வந்தவர்கள் எல்லாரும் மொத்தத் திண்ணையையும் ஆக்கிரமித்துக்கொண்டால் எப்படி இருக்கும்? அந்த நிலைதான் சசிகலா குடும்பத்துக்கு.

எந்த ஜெயலலிதாவை யார் கண்ணிலும் படாமல் வைத்திருந்தால், கட்சியும் ஆட்சியும் நம் கையிலேயே நின்றுநிலைக்கும் என நினைத்தி ருந்தார்களோ, அந்தக் கட்சியும் ஆட்சியும் இன்று அவர்கள் கையிலிருந்து மெள்ள மெள்ள நழுவிக்கொண்டிருப்பதுதான் இனிவரும் நாள்களின் அரசியலாக இருக்கும்.

ஜெயலலிதா கொடுத்துவிட்டுப்போன ‘அனைத்திந்திய அண்ணா திராவிட முன்னேற்றக்கழகம்’ என்ற உயிரெழுத்து இப்போது இல்லை. ஜெயலலிதா வைத்துவிட்டுப்போன ‘இரட்டை இலை’ என்ற மெய்யெழுத்து இப்போது இல்லை. ஜெயலலிதா காலி செய்துவிட்டுப்போன ‘முதலமைச்சர்’ என்ற உயிர்மெய் எழுத்தும் சசிகலா குடும்பத்துக்குக் கிடைக்குமா என்பது சந்தேகமே. மொத்தத் தலையெழுத்தும் சுத்தமாகக் கேள்விக்குறி ஆனது. கட்சி செல்வாக்காக இருந்தால் தான் ஆட்சியைப் பிடிக்க முடியும் என்பது அரசியல் அரிச்சுவடி. ஆட்சி நிலைத்தால்தான் கட்சியைக் காப்பாற்ற முடியும் என்பது இப்போதைக்கு அ.தி.மு.க அரிச்சுவடி.

எடப்பாடி பழனிசாமி முதலமைச்சராகத் தொடரத் தகுதியானவரா என்பது இருக்கட்டும்; பன்னீர்செல்வம் எப்போது ‘ஒப்புக்குச் சப்பாணியாக’ உட்காரவைக்கப்பட்டாரோ, அப்போதே தமிழ்நாட்டின் முதலமைச்சர் நாற்காலிக்கு மவுசு போய்விட்டது. எல்லா நாற்காலிகளும் மரத்தை உடைத்துச் செய்யப் படுபவை அல்ல... அவற்றில் சில, உளுத்து விழுந்த மரத்திலிருந்தும் செய்யப்படும் என்பது அப்போது புரிந்தது. இது, எடப்பாடி பழனிசாமி வரை தொடர்கிறது. ஆனால், `எடப்பாடி பழனிசாமியின் ஆட்சி தொடருமா?' என்பதுதான் கேள்வி. அதற்கான சூத்திரம் டி.டி.வி.தினகரனே!

எடப்பாடி பழனிசாமியின் ஆட்சிக்கு, இந்த நிமிடம் வரை எந்தச் சிக்கலும் இல்லை. 122 உறுப்பினர்களின் ஆதரவு இருக்கிறது. ஆனால், அப்படித் தொடரும் அளவுக்கு வலிமையான தலைமை அந்தக் கட்சிக்கு இல்லை. இன்று அமைச்சர்களாகவும் எம்.எல்.ஏ-க்களாகவும் இருப்பவர்களில் பெரும் பாலானவர்கள் தினகரனால் வந்தவர்கள் அல்ல. அவர்களுக்கு தினகரனையே தெரியாது. 10 ஆண்டுக்காலம் ஜெயலலிதாவால் வீட்டுச் சிறையில் வைக்கப்பட்ட தினகரன், அ.தி.மு.க-வுக்கு உதவிக்கு வந்து காலப்போக்கில் மெதுவாகத் தலைமை அடைய நினைத்திருக்க வேண்டும். மாறாக, போயஸ்கார்டன் போர்ட்டிகோவில் நிற்பதால் தன்னையே ஜெயலலிதாவாகவும், தொப்பியைப் போட்டுக் கொண்டதால் தன்னையே எம்.ஜி.ஆராகவும் நினைத்துக் கொள்கிறார் தினகரன். அவரை அப்படி யாரும் மதிக்கவில்லை.

ஆர்.கே.நகர் தேர்தல் நடந்திருந்து தினகரன் வெற்றிபெற்றிருந்தால், உடனடியாக அவர் அ.தி.மு.க அம்மா கட்சி சட்டமன்ற உறுப்பினர் களால் தலைவராகத் தேர்ந்தெடுக்கப்பட்டு, தமிழக முதலமைச்சராகத் தேர்ந்தெடுக்கப் பட்டிருப்பார். சசிகலா முதலமைச்சர் ஆவதை விரும்பாத பன்னீர், கட்சியை உடைத்து தனி அணி கண்டதைப்போல, தினகரன் முதலமைச்சர் ஆவதை விரும்பாத எடப்பாடி பழனிசாமி தனிக் கட்சி காணலாம். அந்த அளவுக்கு தனது அணியை மறைமுகமாக எடப்பாடி கட்டிவருகிறார். இதில் எடப்பாடியைவிட வேறு சில அமைச்சர்கள் தீவிரமாக இருக்கிறார்கள். குறிப்பாக, கொங்கு மண்டலம் வேகமாக இருக்கிறது. அ.தி.மு.க-வுக்கு ஆக்ஸிஜனே கொங்கு மண்டலம்தான். தி.மு.க படுதோல்வி கண்ட மண்டலம் அது.

ஆர்.கே.நகர் இடைத்தேர்தல் நடக்காததால், தினகரன் அடக்கிவாசிக்கலாம். ஆனால், ‘ஆர்.கே.நகருக்கு எப்போது தேர்தல் நடந்தாலும் நான்தான் வேட்பாளர்’ என அவராகவே ஆட்சிமன்றக் குழுவாக மாறி அறிவித்திருக்கிறார். ஆறு மாதங்களில் மீண்டும் ஆர்.கே.நகருக்குத் தேர்தல் வரும். அப்போதும் தினகரன் போட்டியிடுவார். ‘அடுத்த 89 கோடி ரூபாய்’ பங்கு பிரிக்கப்படலாம்; வெற்றிபெறலாம்; எடப்பாடி நீக்கப்படலாம். எனவே, எப்போது வேண்டுமானாலும் எடப்பாடி பழனிசாமியின் பதவி பறிக்கப்பட்டு, தினகரன் முதலமைச்சர் ஆகலாம். அதற்கு முன்னதாக தினகரனையே முடக்கிவைக்க சில முயற்சிகள் நடக்கின்றன.

‘தினகரன் இல்லாத அ.தி.மு.க’ என்பதுதான் இந்த முயற்சிகளின் தொடக்கம். பன்னீரின் எதிரி தினகரன். எடப்பாடிக்கும் எதிரி ஆகப்போகிறவர் தினகரன். இப்போது `பன்னீரும் எடப்பாடியும் இணைந்தால் என்ன தவறு?' என்பதுதான் இவர்களின் முழக்கம். அனைத்திந்திய அண்ணா திராவிட முன்னேற்றக்கழகம் என்ற பெயரை மீட்டெடுக்க, இரட்டை இலைச் சின்னம் முடக்கப்படாமல் தடுக்கப்பட இரண்டு அணிகளும் ஒன்றிணைவது என்றரீதியில் பேச்சு வார்த்தைகள் தொடங்கியுள்ளன. இவர்களின் உள்நோக்கம், தினகரனை நீக்க வேண்டும் என்பதுதான். ஆனால், பரந்த நோக்கம் இருப்பதாகப் பறைசாற்றிக் கொள்வார்கள்.

இப்படி ஓர் இணைப்பை, தினகரன் விரும்ப மாட்டார்; தனது தலைமையில் கட்சியும் ஆட்சியும் இருக்க வேண்டும் என நினைப்பவர் அவர். தினகரன் முதலமைச்சராக இருக்க, பன்னீரும் எடப்பாடியும் அமைச்சர்களாக இருக்க மாட்டார்கள். பன்னீர் முதலமைச்சராக இருக்க, தினகரன் அமைச்சராக இருக்க மாட்டார். இப்படி ஒரு முக்கோண முட்டுச்சந்தில் ஆட்சி இருக்கிறது.

தினகரன் முதலமைச்சரானால், எடப்பாடி ஆள்கள் அந்த ஆட்சியைக் கவிழ்க்கலாம். பன்னீர் - எடப்பாடி இணைந்து ஆட்சி அமைக்கும்போது, தினகரன் ஆள்கள் பிரிந்து அந்த ஆட்சியைக் கவிழ்க்கலாம். இப்படிக் கவிழத் தயார்நிலையில்தான் ஆட்சி இருக்கிறது. அ.தி.மு.க என்ற கட்சி, இரட்டை இலைச் சின்னம், இன்றைய ஆட்சி மூன்றும் நின்று நிலைக்கவேண்டுமானால், மூன்று முக்கிய முடிவுகள் எடுக்கப்பட வேண்டும்.

முதலமைச்சர் பதவியை ஓ.பன்னீர் செல்வத்துக்குத் தருவது.

எடப்பாடி பழனிசாமியைத் துணை முதலமைச்சராக வைத்துக்கொள்வது.

கட்சியின் துணைப் பொதுச்செயலாளராக இருந்து கட்சிப் பணிகளை மட்டும் தினகரன் கவனித்துக்கொள்வது. ஆட்சிக்கு வர நினைக்காமல், ஆட்சியில் தலையிடாமல் இருப்பது.

இந்த மூன்றும் நடந்தால் மட்டுமே ஆட்சி நிலைக்கும்; இரட்டை இலை மீட்கப்படும்; `அ.இ.அ.தி.மு.க' என்ற பெயர் நிலைக்கும்.  எம்.ஜி.ஆருக்கு நூற்றாண்டு விழா கொண்டாடும் நேரத்தில் அவரது மூன்று சொத்துகளையும் சிதைத்த பாவம், இந்த மூவரையும் சும்மா விடாது. ‘மூன்றெழுத்தில் என் மூச்சிருக்கும்...’ என எம்.ஜி.ஆர் பாடியது, தி.மு.க-வில் இருந்த காலத்தில். இன்று அவரது மூச்சு ‘தி-ப-எ’ என்ற மூன்றெழுத்தில் இருக்கிறது. ஆனால், இவர்கள் இதைக் காப்பாற்றுவார்கள் என்ற நம்பிக்கை இல்லை. ஏனென்றால், இவர்கள் மூவருமே எந்தத் தகுதியும் இல்லாதவர்கள் என்பதில் யாருக்கும் சந்தேகம் வேண்டாம்!

http://www.vikatan.com

Categories: Tamilnadu-news

‘டி.டி.வி.தினகரனை ஏன் விட்டுச்சென்றது டெல்லி போலீஸ்?’ - வெளிவராத பரபர பின்னணி

Thu, 20/04/2017 - 11:12
‘டி.டி.வி.தினகரனை ஏன் விட்டுச்சென்றது டெல்லி போலீஸ்?’ - வெளிவராத பரபர பின்னணி
 
 

டி.டி.வி.தினகரன்

டி.டி.வி.தினகரனிடம் சம்மனை கொடுத்த டெல்லி போலீஸார், சுகேஷ் சந்திரசேகர் குறித்து சில கேள்விகளைக் கேட்டுள்ளனர். அதற்கு டி.டி.வி.தினகரன், அவர் யார் என்று கேட்டுள்ளார். இதையடுத்து, வரும் 22-ம் தேதி விசாரணைக்கு டெல்லிக்கு வரச் சொல்லிவிட்டு புறப்பட்டுள்ளனர்.

இரட்டை இலைச் சின்னத்தை மீட்க, புரோக்கர் சுகேஷ் சந்திரசேகருக்கு கோடிக்கணக்கில் பணம் கொடுத்ததாக, டெல்லி போலீஸார் டி.டி.வி.தினகரன் மீது வழக்குப்பதிவு செய்துள்ளனர். இதற்கிடையில், சுகேஷ் சந்திரசேகரிடமிருந்து ஒரு கோடியே 30 லட்சம் ரூபாயை பறிமுதல்செய்ததுடன் அவரையும் கைதுசெய்தது டெல்லி போலீஸ். அடுத்து, நேற்றிரவு டெல்லியிலிருந்து விமானம்மூலம் சென்னை வந்த டெல்லி போலீஸார், டி.டி.வி.தினகரன் வீட்டுக்குச் சென்றனர். அங்கு, அவரிடம் விசாரணைக்கு ஆஜராக சம்மனை கொடுத்தனர். 
இதுகுறித்து டெல்லி போலீஸ் உயரதிகாரி ஒருவர் கூறுகையில், "சுகேஷ் சந்திரசேகரிடம் நடத்திய விசாரணையில், எங்களுக்கு முழுவிவரங்கள் கிடைத்துள்ளன. மேலும், டி.டி.வி.தினகரன் தொடர்பான ஆவணங்களும் கிடைத்துள்ளன. இரட்டை இலைச் சின்னத்தை மீட்க டி.டி.வி.தினகரன் தரப்பே சுகேஷ் சந்திரசேகருக்கு பணம் கொடுத்துள்ளதற்கான ஆதாரங்கள் எங்களிடம் உள்ளன. அதுதொடர்பாக டி.டி.வி.தினகரனிடம் விசாரணை நடத்த உள்ளோம். ஏற்கெனவே இந்த வழக்கில் டி.டி.வி.தினகரன் மீது மூன்று பிரிவுகளின் கீழ் வழக்குப்பதிவு செய்யப்பட்டுள்ளது.

சுகேஷ் சந்திரசேகர் வழக்கிலிருந்து தப்பிக்க, போலீஸார் சித்ரவதைசெய்வதாக நீதிமன்றத்தில் தெரிவித்துள்ளார். போலீஸ் காவலில் உள்ள விசாரணைக் கைதியிடம், சட்டவிதிகளுக்கு உள்பட்டே விசாரணை நடத்தப்படுகிறது. இதுதொடர்பான விளக்கத்தை நீதிமன்றத்தில் சமர்ப்பிக்க உள்ளோம். டி.டி.வி.தினகரனை வரும் 22-ம் தேதி ஆஜராகும்படி சம்மனில் குறிப்பிட்டுள்ளோம். இதனால், டி.டி.வி.தினகரன் மற்றும் சுகேஷ் சந்திரசேகர் ஆகிய இருவரிடமும் தனித்தனியாக விசாரணை நடத்துவதோடு, கூட்டாகவும் விசாரிக்க முடிவுசெய்துள்ளோம்.

இந்த வழக்கில், எங்களுக்குத் தேவையான அனைத்து ஆதாரங்களும் சிக்கியுள்ளன. இதனால், யாரும் தப்ப முடியாது. சுகேஷ் சந்திரசேகர் குறித்து டி.டி.வி.தினகரனை சென்னையில் சந்தித்தபோது, 'அவர் யார் என்றே எனக்குத் தெரியாது' என்று தெரிவித்தார். அடுத்து, சில கேள்விகளை அவரிடம் கேட்டோம். அதற்கு அவர், சரியான பதிலைச் சொல்லவில்லை. டெல்லியில் டி.டி.வி.தினகரனிடம் விசாரணை நடத்துவதற்கான கேள்விகளைத் தயாரித்துள்ளோம். அந்த கேள்விகளுக்கு அவர் அளிக்கும் பதிலின் அடிப்படையில் அடுத்தக்கட்ட நடவடிக்கை எடுக்கப்படும். தமிழகத்தில் தற்போதுள்ள அரசியல் சூழ்நிலை சரியில்லை. சம்மன் கொடுக்க வந்தபோது, டி.டி.வி.தினகரனின் ஆதரவாளர்கள், எங்களுக்கு கடும் எதிர்ப்புத் தெரிவித்தனர். இதனால்தான் டெல்லியில் அவரிடம் விசாரணை நடத்த முடிவுசெய்துள்ளோம்" என்றார். 

சுகேஷ் சந்திரசேகர்

அ.தி.மு.க. சசிகலா அணியில், துணைப் பொதுச்செயலாளராக டி.டி.வி.தினகரன் இருந்துவருகிறார். கட்சியில் அவருக்குரிய ஆதரவாளர்கள், தினமும் அவரைச் சந்தித்து ஆலோசனை நடத்திவருகின்றனர். அவர்களிடம் எல்லாம், 'அமைதியாக இருங்கள். ஓ.பன்னீர்செல்வம், அவருடன் பேச்சுவார்த்தை நடத்தத் துடிக்கும் அமைச்சர்கள் குறித்து எனக்கு நன்றாகத் தெரியும். அவர்கள் ஒரு முடிவு எடுத்த பிறகு, நம்முடைய முடிவை அறிவிப்போம். விரைவில் சசிகலாவைச் சந்தித்து, கட்சி நிலவரம் குறித்துப் பேச உள்ளேன். அவர், கொடுத்த பதவி இது. அவரது உத்தரவு இல்லாமல் என்னால் எந்த முடிவும் எடுக்க முடியாது. என்னைப் பொறுத்தவரை கட்சிதான் முக்கியம்' என்று டி.டி.வி.தினகரன் சொல்வதாக அவரது ஆதரவாளர்கள் தெரிவித்தனர். டி.டி.வி.தினகரன் மீது டெல்லி வழக்கின் பிடி இறுகுவதை உணர்ந்த டி.டி.வி.தினகரன், சீனியர் வழக்கறிஞர்களுடன் ஆலோசனை நடத்திவருகிறாராம். தனக்கும் அந்த வழக்குக்கும் எந்த சம்பந்தமும் இல்லை என்பதை ஆதாரத்துடன் நிரூபிக்க டி.டி.வி.தினகரன் தரப்பு தீவிரமாக ஆலோசனை நடத்திவருகிறது. சுகேஷ் சந்திரசேகர் கொடுத்த வாக்குமூலத்தில் உள்ள விவரங்களை மோப்பப்பிடித்த டி.டி.வி.தினகரன் தரப்பு, விசாரணையின்போது தெளிவாகப் பதிலடி கொடுக்கவும் முடிவுசெய்துள்ளதாக உள்விவர வட்டாரங்கள் தெரிவித்தன.

வரும் சனிக்கிழமை, டெல்லி போலீஸாரின் நடவடிக்கைகளைப் பொறுத்து டி.டி.வி.தினகரனின் அடுத்த அஸ்திரம் இருக்கும் என்று சொல்கின்றனர் அவரது தீவிர ஆதரவாளர்கள். டி.டி.வி.தினகரன், அவர் மீதுள்ள வழக்குகளை சட்டரீதியாக சந்திக்கத் தயாராகிவிட்டார். அதே நேரத்தில், அ.தி.மு.க. ஆட்சி தமிழகத்தில் தொடர வேண்டும் என்றும் அவர் விரும்புகிறாராம். அதற்காகத்தான் தற்போதுள்ள அரசியல் சூழ்நிலையில், டி.டி.வி.தினகரன் தரப்பிலிருந்து பெரிய அளவில் எதிர்ப்புகள் தெரிவிக்கப்படவில்லையாம். அமைதியாக இருப்பதால் பயந்துவிட்டதாகக் கருதவேண்டாம். எங்களது அமைதிக்கான காரணம், பிறகு உங்களுக்குத் தெரியும் என்று சொல்கின்றனர் டி.டி.வி.ஆதரவாளர்கள்.   

http://www.vikatan.com/news/tamilnadu/87031-reason-behind-delhi-police-leaving-t-t-v-dinakaran-without-arresting.html

Categories: Tamilnadu-news

முதலில் முதல்வர்; அடுத்து சட்டப்பேரவைச் செயலாளர்- விஜயபாஸ்கர் அடுத்தடுத்து சந்தித்ததால் பரபரப்பு!

Thu, 20/04/2017 - 11:11
முதலில் முதல்வர்; அடுத்து சட்டப்பேரவைச் செயலாளர்- விஜயபாஸ்கர் அடுத்தடுத்து சந்தித்ததால் பரபரப்பு!
 
 

vijaya_baskar_long_13184.jpg

முதல்வர் பழனிசாமியைத் தொடர்ந்து, சட்டப்பேரவைச் செயலாளர் ஜமாலுதீனை அமைச்சர் விஜயபாஸ்கர் இன்று திடீரெனச் சந்தித்துப் பேசினார். வருமான வரித்துறையினர் நடத்திய சோதனைக்குப் பின்னர் நடந்த சந்திப்பு என்பதால், அரசியல் வட்டாரத்தில் பரபரப்பை ஏற்படுத்தியுள்ளது.

சுகாதாரத்துறை அமைச்சர் விஜயபாஸ்கரின் வீடு, அலுவலகம் மற்றும் புதுக்கோட்டையில் உள்ள உறவினர்களின் வீடுகளில் வருமான வரித்துறையினர் கடந்த 7-ம் தேதி சோதனை நடத்தினர். அந்தச் சோதனையின்போது, முக்கிய ஆவணங்கள் மற்றும் கோடிக்கணக்கான ரொக்கம் கைப்பற்றப்பட்டதாக வருமான வரித்துறையினர் தெரிவித்தனர். இதையடுத்து, விஜயபாஸ்கருக்கு வருமான வரித்துறையினர் சம்மன் அனுப்பினர். இதைத் தொடர்ந்து, சென்னை நுங்கம்பாக்கத்தில் உள்ள வருமான வரித்துறை அலுவலகத்தில் விஜயபாஸ்கர் நேரில் ஆஜராகி விளக்கம் அளித்தார். 12 நாள்களாக தலைமைச் செயலகம் செல்லாமல் இருந்த அமைச்சர் விஜயபாஸ்கர், இன்று காலை திடீரென தலைமைச் செயலகம் வந்தார்.

முதல்வர் பழனிசாமியை முதலில் சந்தித்துப் பேசினார். இந்தச் சந்திப்பு, சில நிமிடங்களே நடந்தது. இதையடுத்து, சட்டப்பேரவைச் செயலாளர் ஜமாலுதீனை விஜயபாஸ்கர் சந்தித்துப் பேசினார். இந்தச் சந்திப்பும் சில நிமிடங்களே நடந்தது.

முன்னதாக, ஆளுநர் வித்யாசாகர் ராவை மக்களவை துணைச் சபாநாயகர் தம்பிதுரை மற்றும் அமைச்சர் ஜெயக்குமார் ஆகியோர் இன்று அடுத்தடுத்து சந்தித்துப் பேசினர். அடுத்து, முதல்வர் பழனிசாமியையும் சட்டப்பேரவைச் செயலாளர் ஜமாலுதீனையும் அடுத்தடுத்து சந்தித்துப் பேசியிருப்பது, அரசியல் வட்டாரத்தில் பெரும் பரபரப்பை ஏற்படுத்தியுள்ளது.

http://www.vikatan.com/news/tamilnadu/87024-vijayabaskar-meets-edappadi-palanisamy-and-assembly-secretary-in-a-row.html

Categories: Tamilnadu-news

அ.தி.மு.க. அணிகள் இணைப்பு: ஓ.பன்னீர் செல்வம் 3 முக்கிய நிபந்தனை

Thu, 20/04/2017 - 07:22
அ.தி.மு.க. அணிகள் இணைப்பு: ஓ.பன்னீர் செல்வம் 3 முக்கிய நிபந்தனை

 

 
 

அ.தி.மு.க. இரு அணிகளை இணைப்பதற்கு ஓ.பன்னீர் செல்வம் 3 முக்கிய நிபந்தனைகளை விதித்துள்ளார். இதையடுத்து இரு அணியினரும் சந்தித்து பேசுவது பற்றி தனித்தனியாக ஆலோசனை நடத்தி வருகிறார்கள்.

 
 
 
 
 ஓ.பன்னீர் செல்வம் 3 முக்கிய நிபந்தனை
 
சென்னை:

அ.தி.மு.க.வின் சக்தி வாய்ந்த தலைவராக இருந்த ஜெயலலிதா மரணத்துக்கு பிறகு தமிழகம் பல நெருக்கடிகளை சந்தித்து வருகிறது.

அவர் ஆஸ்பத்திரியில் அனுமதிக்கப்பட்ட போது தொடங்கிய அரசியல் பரபரப்பு 8 மாதங்களாக நீடித்து வருகிறது.

அ.தி.மு.க.வில் ஏற்பட்ட பிளவு காரணமாக எம்.ஜி.ஆர். உருவாக்கிய கட்சி பெயரை பயன்படுத்த முடியாத நிலை ஏற்பட்டு இரட்டை இலை சின்னம் முடக்கப்பட்டுள்ளது.

201704201142229527_leaf._L_styvpf.gif

இதையடுத்து அ.தி.மு.க.வின் இரு அணிகளையும் ஒன்று சேர்க்கும் முயற்சி நடந்து வருகிறது. கட்சி பெயரையும் இரட்டை இலை சின்னத்தையும் மீட்க இணைந்து செயல்பட தயார் என்று இரு அணி தலைவர்களும் அறிவித்தனர்.

அணிகள் இணைப்பு பேச்சு வார்த்தைக்கு தயார் என்று சொன்ன அ.தி.மு.க. புரட்சித் தலைவி அம்மா அணி தலைவர் ஓ.பன்னீர்செல்வம், முக்கிய நிபந்தனையாக தினகரன் குடும்பத்தை கட்சியிலும், ஆட்சியிலும் தலையீடு செய்ய விடாமல் ஒதுக்கி வைக்க வேண்டும். ஜெயலலிதா மரணம் தொடர்பாக நீதி விசாரணைக்கு உத்தரவிட வேண்டும் என்று கூறினார்.

201704201142229527_Dinakar._L_styvpf.gif

இதில் தினகரனை ஒதுக்கி வைக்கும் நிபந்தனையை அ.தி.மு.க. அம்மா அணியைச் சேர்ந்த அமைச்சர்கள் ஏற்றுக் கொண்டார்கள். இது தங்களது தர்ம யுத்தத்துக்கு கிடைத்த முதல் வெற்றி என்று ஓ.பன்னீர்செல்வம் வரவேற்பு தெரிவித்தார்.

இதையடுத்து இரு அணியினரும் சந்தித்து பேசுவது பற்றி தனித்தனியாக ஆலோசனை நடத்தி வருகிறார்கள். பேச்சுவார்த்தையில் பேச வேண்டிய வி‌ஷயங்கள், நிபந்தனைகள் பற்றி இரு அணி தலைவர்களும் ஆதரவாளர்களின் கருத்துக்களை கேட்டு வருகிறார்கள்.

ஓ.பன்னீர்செல்வம் நேற்று தனது ஆதரவாளர்களுடன் நீண்ட ஆலோசனை நடத்தினார். இதேபோல் முதல்-அமைச்சர் எடப்பாடி பழனிசாமியை அமைச்சர்கள் சந்தித்து பல கட்ட பேச்சு நடத்தினார்கள். இன்று 2-வது நாளாகவும் ஆலோசனை நடத்தி வருகிறார்கள்.

201704201142229527_edappadi._L_styvpf.gi

இரு அணியிலும் பேச்சு வார்த்தை நடத்துவதற்காக தனித்தனி குழு அமைக்க முடிவு செய்யப்பட்டுள்ளது. அ.தி.மு.க. அம்மா அணியில் அமைச்சர் செங்கோட்டையன் தலைமையிலும், அ.தி.மு.க. புரட்சித் தலைவி அம்மா அணியில் கே.பி.முனுசாமி தலைமையிலும் குழு அமைக்கப்படுகிறது.

இந்த குழுவில் இடம் பெற்று இருக்கும் நிர்வாகிகள் விவரம் இன்று அறிவிக்கப்படுகிறது. நாளை (வெள்ளிக்கிழமை) பேச்சு வார்த்தையை தொடங்குகிறார்கள். தலைமைக் கழகத்தில் இந்த பேச்சு வார்த்தை நடைபெறுகிறது. முன்னதாக இரு அணியைச் சேர்ந்தவர்களும் ஜெயலலிதா நினைவிடத்துக்கு சென்று அஞ்சலி செலுத்துகிறார்கள். அதன் பிறகு பேச்சுவார்த்தை தொடங்குகிறது.

சசிகலா, தினகரனை கட்சியில் இருந்து நீக்க வேண்டும், அ.தி.மு.க. பொதுச் செயலாளர் தேர்தலை நடத்த வேண்டும், அதுவரை 7 பேர் கொண்ட குழு அமைத்து கட்சியை வழிநடத்திச் செல்ல வேண்டும், ஜெயலலிதா வாழ்ந்த போயஸ் கார்டன் இல்லத்தை நினைவு இல்லமாக்க வேண்டும், ஓ.பன்னீர் செல்வத்தை முதல்-அமைச்சராக்கி எடப்பாடி பழனிசாமியை துணை முதல்-அமைச்சராக்க வேண்டும். மாபா.பாண்டியராஜன் மற்றும் சிலருக்கு அமைச்சரவையில் இடம், மத்திய பா.ஜனதா கூட்டணியில் இணைய வேண்டும் உள்ளிட்ட நிபந்தனைகளின் அடிப்படையில் பேச்சு வார்த்தை நடைபெற வேண்டும் என்று ஓ.பி.எஸ். அணியினர் விரும்புகிறார்கள்.

201704201142229527_poes-garden._L_styvpf

இதில் போயஸ் கார்டனை நினைவிடமாக்குவது, அமைச்சரவையில் ஓ.பி.எஸ். அணிக்கு இடம் அளிப்பது ஆகிய கோரிக்கைகளை ஏற்க எடப்பாடி பழனிசாமி அணியினர் சம்மதித்து விட்டனர்.

முதல்-அமைச்சர் பதவி யாருக்கு என்பதில் மட்டும் தான் சிக்கல் நீடிக்கிறது. ஜெயலலிதா ஆஸ்பத்திரியில் இருந்த போது அவரால் முதல்-அமைச்சராக நியமிக்கப்பட்ட ஓ.பன்னீர் செல்வம் முதல்-அமைச்சராக தொடர வேண்டும் என்று அவரது அணியினர் விரும்புகிறார்கள்.

ஓ.பன்னீர்செல்வம் முதல்வர் ஆனால் மத்திய அரசிடம் இணக்கமாக செல்லும் நிலை ஏற்படும், ஓ.பன்னீர்செல்வத்துக்கு மக்கள் மத்தியில் நல்ல பெயர் இருக்கிறது. அவரை மக்கள் விரும்புகிறார்கள் என்றும் சசிகலாவால் தேர்வு செய்யப்பட்ட எடப்பாடி பழனிசாமி நடுநிலை வகித்தாலும் அவர் சசிகலாவால் நியமிக்கப்பட்டவர் என்ற பெயர்தான் இருக்கும், எனவே ஓ.பன்னீர்செல்வம் முதல்-அமைச்சராகவும், எடப்பாடி பழனிசாமி துணை முதல்-அமைச்சராகவும் ஆட்சியை வழி நடத்தலாம் என்று கூறி வருகிறார்கள்.

ஆனால் எடப்பாடி பழனிசாமி அணியினர் இதற்கு தயக்கம் காட்டுகிறார்கள். தங்களிடம் 122 எம்.எல்.ஏ.க்கள் உள்ளனர். ஓ.பன்னீர் செல்வம் ஏற்கனவே 3 முறை முதல்-அமைச்சராக இருந்து விட்டார், எடப்பாடி பழனிசாமி முதல்-அமைச்சராகி 2 மாதம்தான் ஆகிறது.

அதற்குள் அவரை விலகச் சொல்வது சரியாக இருக்காது. எனவே எடப்பாடி பழனிசாமியே முதல்வர் பதவியில் நீடிக்க வேண்டும். ஓ.பன்னீர்செல்வம் கட்சியின் பொது செயலாளராக வழி நடத்தலாம் என்று தெரிவித்துள்ளனர்.

எடப்பாடி பழனிசாமியை முதல்வர் பதவியில் இருந்து மாற்றக்கூடாது என்பதில் பாராளுமன்ற துணை சபாநாயகர் தம்பித்துரை மற்றும் தங்கமணி உள்ளிட்ட சில அமைச்சர்கள் உறுதியாக உள்ளனர்.

அவருக்கு 122 எம்.எல்.ஏ.க்கள் ஆதரவு உள்ளது. அவர் சட்டமன்றத்தில் பெரும்பான்மையை நிரூபித்து இருக்கிறார். எனவே மாற்றத்திற்கான எந்த முகாந்திரமும் இல்லை என்று தம்பித்துரை கூறினார்.

இதுபற்றி அ.தி.மு.க. மூத்த தலைவர்கள் கூறும்போது, ‘‘கட்சியை விட்டு தினகரன் வெளியேறி விட்டதாக கூறி இருக்கிறார். எனவே முதலில் இரு அணியினரும் இணைய வேண்டும். அதன்பிறகு மற்ற நிபந்தனைகளை பேசித் தீர்த்துக் கொள்ளலாம்’’ என்றனர்.

இரு அணியினரும் தொடர்ந்து ஆலோசனை நடத்தி வருகிறார்கள். நாளைக்குள் முடிவு எட்டப்படும் என்று தெரிய வருகிறது.

http://www.maalaimalar.com/News/TopNews/2017/04/20114209/1080873/AIADMK-Teams-join-OPS-3-Important-Condition.vpf

Categories: Tamilnadu-news

ஆளுநருடன், தம்பிதுரை, அமைச்சர் ஜெயக்குமார் திடீர் சந்திப்பு!

Thu, 20/04/2017 - 07:08
ஆளுநருடன், தம்பிதுரை, அமைச்சர் ஜெயக்குமார் திடீர் சந்திப்பு!
 
 

Governor-_thampidurai-_jayakumar_11330.j

ஆளுநர் வித்யாசாகர் ராவை, பழனிசாமி அணியை சேர்ந்த தம்பிதுரை, அமைச்சர் ஜெயக்குமார் ஆகியோர் இன்று திடீரென சந்தித்து பேசியது அரசியல் வட்டாரத்தில் பரபரப்பை ஏற்படுத்தியுள்ளது.

ஜெயலலிதா மறைவுக்கு பிறகு அ.தி.மு.க. மூன்றாக பிரிந்த நிலையில், சசிகலா குடும்பத்தை ஒதுக்கிவைத்தது முதல்வர் பழனிசாமி அணி. இதனை வரவேற்றது பன்னீர்செல்வம் அணி. இந்நிலையில், இருஅணியினரை ஒன்றும் சேர்க்கும் வகையில் குழு அமைக்கப்பட உள்ளது. இந்த குழு விரைவில் அமைக்கப்பட்டு இணைவதற்கான பேச்சுவார்த்தை தொடங்கும் என எதிர்பார்க்கப்படுகிறது.

இந்நிலையியில், மக்களவை துணை சபாநாயகர் தம்பிதுரை, அமைச்சர் ஜெயக்குமார் ஆகியோர் இன்று காலை திடீரென ராஜ்பவன் வந்தனர். ஆளுநர் வித்யாசாகரை இருவரும் சந்தித்து பேசி வருகின்றனர். அப்போது, தமிழக அரசியல் சூழல் குறித்து ஆலோசனை நடத்தப்பட்டு வருவதாக தெரிகிறது.

இருதரப்பு அணியினரும் இணைய பேச்சுவார்த்தை நடத்த உள்ள நிலையில் ஆளுநருடனான சந்திப்பு முக்கியத்துவம் வாய்ந்ததாக கருதப்படுகிறது.

http://www.vikatan.com/news/tamilnadu/87006-thambidurai-jeyakumar-meets-tn-governor-today.html

Categories: Tamilnadu-news

அதிமுகவில் இருந்து ஒதுங்கினார் டிடிவி தினகரன்: பேச்சுவார்த்தைக்கு தயாராகும் ஓபிஎஸ் - பழனிசாமி - கட்சிப் பொறுப்புகள், அமைச்சரவை குறித்து விரைவில் முடிவு

Thu, 20/04/2017 - 06:21
அதிமுகவில் இருந்து ஒதுங்கினார் டிடிவி தினகரன்: பேச்சுவார்த்தைக்கு தயாராகும் ஓபிஎஸ் - பழனிசாமி - கட்சிப் பொறுப்புகள், அமைச்சரவை குறித்து விரைவில் முடிவு

 

ஓ.பன்னீர்செல்வத்துடன், முதல்வர் எடப்பாடி பழனிசாமி, மக்களவை துணைத் தலைவர் மு.தம்பிதுரை. (கோப்புப் படம்)
ஓ.பன்னீர்செல்வத்துடன், முதல்வர் எடப்பாடி பழனிசாமி, மக்களவை துணைத் தலைவர் மு.தம்பிதுரை. (கோப்புப் படம்)
 
 

அதிமுகவில் இருந்து ஒதுங்கிவிட் டதாக டிடிவி தினகரன் அறிவித்து விட்டதால் அதன் இரு அணிகளும் இணைவதில் இருந்த தடைகள் நீங்கின. இதையடுத்து கட்சி இணைப்பு மற்றும் பொதுச்செயலாளர், முதல்வர், அமைச்சர் பதவிகள் தொடர்பாக இரு தரப்பும் இன்று அல்லது நாளை பேச்சுவார்த்தை நடத்த உள்ளன.

தேர்தல் ஆணையத்தால் தற்காலிகமாக முடக்கி வைக்கப் பட்டுள்ள அதிமுக பெயர் மற்றும் இரட்டை இலை சின்னத்தை மீட்கும் வகையில் அதிமுகவின் இரு அணிகளும் இணைந்து செயல்பட முடிவெடுத்து அதற்கான முயற்சி யில் இறங்கின. ‘‘இரு அணிகளும் இணைவது தொடர்பாக யார் பேச வந்தாலும் பேசுவதற்கு தயாராக இருக்கிறேன்’’ என முன்னாள் முதல்வர் ஓ.பன்னீர்செல்வம் கடந்த 17-ம் தேதி அறிவித்தார். அவரின் கருத்தை சசிகலா அணியில் இருந்த அமைச்சர்கள் உள்ளிட்டோர் வரவேற்றதால், இணைப்பு உறுதியானது.

சசிகலா குடும்பத்தினரை ஒதுக்கி வைக்க வேண்டும் என்ற ஓ.பன்னீர்செல்வத்தின் நிபந்தனை குறித்து முதல்வர் எடப்பாடி பழனி சாமி, அமைச்சர்கள், எம்எல்ஏக்கள் நேற்று முன்தினம் இரவு அவசர ஆலோசனை நடத்தினர். அதன்பின், ‘டிடிவி தினகரன் குடும்பத்தை ஒதுக்கி வைத்துவிட்டு, இரு அணிகளும் இணைந்து கட்சியையும் ஆட்சியையும் நடத்த உள்ளோம்’ என அமைச்சர் டி.ஜெயக்குமார் அறிவித்தார்.

இந்த அறிவிப்புக்கு வெற்றி வேல், தங்க தமிழ்ச்செல்வன், எஸ்.டி.கே.ஜக்கையன் உள்ளிட்ட 9 எம்எல்ஏக்கள் எதிர்ப்பு தெரிவித் தனர். அவர்கள் நேற்று முன்தினம் இரவு தினகரனை சந்தித்து ஆலோசனை நடத்தினர். இதைத் தொடர்ந்து, புதன்கிழமை (நேற்று) மாலை 3 மணிக்கு கட்சியின் தலைமை அலுவலகத்தில் எம்எல்ஏக்கள், மாவட்டச் செயலா ளர்கள் கூட்டம் நடத்தப் போவதாகவும் அறிவித்தனர்.

இதனால், நேற்று காலையில் இருந்தே ராயப்பேட்டையில் உள்ள அதிமுக கட்சித் தலைமை அலுவலகத்தில் பரபரப்பு ஏற்பட்டது. போலீஸாரும் பாதுகாப்புக்கு நிறுத்தப்பட்டனர். இந்நிலையில், அந்நியச் செலாவணி மோசடி வழக்கில் எழும்பூர் நீதிமன்றத்தில் ஆஜராவதற்காக சென்ற தினகரன், முன்னதாக நிருபர்களிடம் கூறும் போது, ‘‘என்னை யாரும் ஒதுக்க முடியாது. எம்எல்ஏக்கள், நிர்வாகிகள் என எல்லோரும் என்னிடம்தான் இருக்கின்றனர்’’ என்றார்.

பின்னர் நீதிமன்றத்தில் இருந்து வீட்டுக்கு வந்த தினகரன் தனது முடிவை மாற்றிக்கொண்டார். ‘‘அமைச்சர்கள் ஏதோ பயத்தில் இவ்வாறு செய்கின்றனர். அதிமுக வில் இருந்து நான் நேற்றே ஒதுங்கி விட்டேன். கட்சியும், ஆட்சியும் களங்கப்படாமல் அவர்கள் பார்த்துக் கொள்ள வேண்டும். ஆனால், பொதுச் செயலாளரான சசிகலாவிடம் ஆலோசித்த பின்னரே பதவியை ராஜினாமா செய்வேன்’’ என தெரிவித்தார். தனது ட்விட்டர் பதிவில், ‘இதுவரை ஒத்துழைப்பு அளித்த கட்சி நிர்வாகிகள் தொண்டர்கள் அனைவருக்கும் நன்றி’ என பதிவிட்டுள்ளார்.

அதிமுகவில் இருந்து ஒதுங்கி விட்டதாக தினகரன் அதிகாரப்பூர்வ மாக அறிவித்துவிட்டதால், இரு அணிகளும் இணைவதில் இருந்த தடை நீங்கியுள்ளது. இதுதொடர் பாக கருத்து தெரிவித்த ஓ.பன்னீர் செல்வம், ‘‘சசிகலா குடும்பத்தினரை கட்சியில் இருந்து ஒதுக்கி வைத்தது, எங்கள் தர்மயுத்தத்துக்கு கிடைத்த முதல் வெற்றி. விரைவில் பேச்சுவார்த்தை நடத்துவோம்’’ என்றார்.

அதைத் தொடர்ந்து ஓபிஎஸ் தலைமையில் அவரது அணியில் உள்ள நிர்வாகிகள், எம்எல்ஏக்கள், எம்.பி.க்கள் ஆலோசனைக் கூட்டம் இன்று காலை நடக்கிறது. இதில், எடப்பாடி அணியினருடன் பேச்சுவார்த்தை நடத்த கே.பி.முனுசாமி தலைமையில் குழு அமைக்கப்படும் என கூறப்படு கிறது.

அதேபோல, முதல்வர் எடப்பாடி பழனிசாமி அணியிலும் குழு அமைப்பதற்கான பணிகள் நடந்து வருகின்றன. மக்களவை துணைத் தலைவர் தம்பிதுரை, மூத்த அமைச்சர்கள் குழுவில் இடம் பெறுவார்கள் என தெரிகிறது. நேற்று அஷ்டமி, இன்று நவமி என்பதால் இன்று இரவுக்குள் இரு தரப்பிலும் குழுக்கள் அமைக்கப்பட்டு இரவு அல்லது நாளை காலை பேச்சுவார்த்தை தொடங்கப்படலாம் என இரு தரப்பு நிர்வாகிகளும் தெரிவித்தனர்.

சென்னை எழிலகத்தில் நேற்று நடந்த ஆய்வுக்கூட்டத்தில் பங் கேற்ற வருவாய்த் துறை அமைச்சர் ஆர்.பி.உதயகுமார், ‘‘உள்ளாட்சித் தேர்தலுக்கு சின்னம் மிகவும் முக்கியம். கட்சி, ஆட்சியைக் காப்பாற்ற அனைவரும் தியாகத் துக்கு தயாராக உள்ளோம். அதற்கு வரையறை கிடையாது. கட்சி ஒன்றுபட வேண்டும் என்பதே நோக்கம். ஓபிஎஸ்சை பார்த்துதான் விசுவாசத்தை கற்றுக்கொண்டோம். அவரை எப்போதும் நாங்கள் விமர்சித்ததில்லை’’ என்றார்.

எந்த தியாகத்துக்கும் தயாராக உள்ளோம் என அமைச்சர் ஆர்.பி.உதயகுமார் கூறியிருப்பது, ஓபிஎஸ் வைக்கும் எவ்வித நிபந்தனைக்கும் எடப்பாடி தரப்பினர் தயாராக இருப்பதையே காட்டுவதாக உள்ளது. முன்னாள் முதல்வர் ஜெயலலிதா மரணம் தொடர்பாக நீதிவிசாரணை நடத்த வேண்டும் என்பது ஓபிஎஸ் தரப்பின் பிரதான நிபந்தனை. அதை எடப்பாடி தரப்பு ஏற்றுக்கொள்ள முடிவு செய்துள்ளதாகவும், ஓய்வுபெற்ற நீதிபதி தலைமையில் விசாரணை கமிஷன் அமைக்கப்பட வாய்ப்புள்ளதாகவும் எடப்பாடி தரப்பில் தெரிவிக்கப்படுகிறது.

அடுத்தகட்டமாக ஆட்சி, கட்சி யில் பங்கு தொடர்பான விவரங்கள் பேச்சுவார்த்தையில் எடுத்துக் கொள்ளப்படும். புதிய பொதுச்செய லாளர் தேர்வு செய்யப்படும் வரை கட்சியை வழிநடத்துவதற்கு மூத்த நிர்வாகிகள் கொண்ட குழுவை அமைக்க இரு தரப்பும் ஒப்புக் கொண்டுள்ளதாக தெரிகிறது.

ஆட்சியை பொறுத்தவரை, ஓபிஎஸ் தரப்பு முதல்வர் மற்றும் சில முக்கிய அமைச்சர் பதவிகளை கேட்பதாக கூறப்படுகிறது. ஓபிஎஸ் முதல்வரானால், எடப்பாடி துணை முதல்வராவார் என்றும், அமைச்சரவையில் மாற்றம் செய்யப்பட்டு கூடுதலாக உள்ள சில துறைகள் புதியவர்களுக்கு ஒதுக்கப்படலாம் என்றும் அதிமுக நிர்வாகிகள் தெரிவித்தனர்.

http://tamil.thehindu.com/tamilnadu/அதிமுகவில்-இருந்து-ஒதுங்கினார்-டிடிவி-தினகரன்-பேச்சுவார்த்தைக்கு-தயாராகும்-ஓபிஎஸ்-பழனிசாமி-கட்சிப்-பொறுப்புகள்-அமைச்சரவை-குறித்து-விரைவில்-முடிவு/article9650798.ece?homepage=true

Categories: Tamilnadu-news

தினகரன் ஓட்டமெடுத்தது ஏன்?

Wed, 19/04/2017 - 21:11
  • gallerye_235756178_1754789.jpg

 

அமைச்சர்கள் எதிர்ப்பு, பொது மக்கள் வெறுப்பு, வழக்குகள் குவிப்பு என, பல முனை தாக்குதலால், அ.தி.மு.க.,வில் இருந்து, தினகரன் ஓட்டம் பிடித்தார்.

 

Tamil_News_large_175478920170419235718_318_219.jpg

போட்டி, எம்.எல்.ஏ.,க்கள் கூட்டத்தை கைவிட்டு, கட்சியில் இருந்தே ஒதுங்கி விட்டதாக அறிவித்தார். சிறையில் உள்ள சசிகலாவை சந்தித்த பின், துணை பொதுச் செயலர் பதவியை துறக்கவும் முடிவு செய்துள்ளார். அவருக்கு கூஜா துாக்கிய, கூவத்துார் புகழ், எம்.எல்.ஏ.,க்கள், இப்போது பன்னீர் புகழ் பாடத் துவங்கி உள்ளனர்.

சசிகலா சிறைக்கு சென்றதும், அவரால், அ.தி.மு.க., துணைப் பொதுச் செயலராக நியமிக்கப்பட்ட தினகரன், கட்சியை தன் வசம் கொண்டு வந்தார். முதல்வராக ஆசைப்பட்ட அவர், பொது மக்கள் எதிர்ப்பை மீறி, ஆர்.கே. நகர் இடைத்தேர்தலில் களமிறங்கினார். பண பலத்தால் வெற்றி பெற்று விடலாம் என, கணக்கு போட்ட தினகரன், பணத்தை வாரியிறைத்தார். ஓட்டுக்கு, 4,000 ரூபாய் வீதம், வீடு வீடாக வினியோகித்தார். அதற்கான ஆதாரம், அமைச்சர் வீட்டில் சிக்கியதால், தேர்தல் ரத்தானது.
 

வெடித்தது


இதையடுத்து, இரட்டை இலை சின்னத்தை பெற, தேர்தல் கமிஷனுக்கு, தினகரன் லஞ்சம் கொடுக்க முயன்ற விவகாரம் பெரிதாக வெடித்தது. டில்லி போலீசார், அவர் மீது வழக்கு பதிவு செய்து, கைது செய்ய காத்து இருக்கின்றனர்.அவரால், தொடர்ந்து கட்சிக்கும், ஆட்சிக்கும் அவப்பெயர் ஏற்பட்ட தால், அமைச்சர்களும், மூத்த நிர்வாகிகளும் கடும் அதிருப்தி அடைந்தனர். தினகரன் தலையீட்டை தவிர்த்தால் தான், கட்சியையும், ஆட்சியையும் காப்பாற்ற முடியும் என்ற முடிவுக்கு வந்தனர்.

அதை அதிகாரப்பூர்வமாக அறிவித்ததும், தினகரன் அதிர்ச்சி அடைந்தார். எனினும், தனக்கு குறைந்தது, 20 எம்.எல்.ஏ.,க்கள் ஆதரவு தெரிவிப்பர்; அவர்கள் மூலம் ஆட்சியை கவிழ்க்கலாம் என, திட்டமிட்டார். எனவே, தன் ஆதரவாளர்கள் மூலம், நேற்று மாலை, 3:00 மணிக்கு, அ.தி.மு.க., தலைமை அலுவலகத் தில், எம்.எல்.ஏ.,க்கள் கூட்டம் நடைபெறும் என, அறிவிக்க செய்தார். ஆனால், எட்டு எம்.எல்.ஏ.,க்கள் மட்டுமே, அவருக்கு ஆதரவு தெரிவித்தனர். மேலும், கட்சி அலுவலகத்தில், அவர் போட்டி கூட்டம் நடத்த வந்தால், கடும் எதிர்ப்பு தெரிவிக்க, கட்சியினர் தயாராக இருந்தனர். இந்த தகவல் தெரிய வந்ததும்,

தினகரனை போலீசார் எச்சரித்தனர். 'நீங்கள் கட்சி அலுவலகம் வந்தால், உங்களுக்கு எதிர்ப்பு அதிகமாக இருக்கும்' என, கூறினர்.

ரத்து செய்தார்
ஒரு பக்கம் வழக்குகள், கட்சியிலும் கடும் எதிர்ப்பு, பொது மக்கள் வெறுப்பு என, பல முனை தாக்குதல் தொடர்ந்ததால், விரக்தி அடைந்த தினகரன், போட்டி கூட்டத்தை ரத்து செய்தார். கட்சியில் இருந்தே ஒதுங்கி விட்டதாக அறிவித்தார். தன்னை துணைப் பொதுச்செயலராக, சசிகலா நியமித்ததால், அவரை சந்தித்த பின், கட்சி பதவியில் இருந்து விலகுவதாகவும் கூறியுள்ளார். அவரது அறிவிப்பை தொடர்ந்து, பன்னீர் அணியுடனான இணைப்பு வேகமெடுத்துள்ளது. அதன் காரணமாக, தினகரனுக்கு கூஜா துாக்கிய, எம்.எல்.ஏ.,க்கள், இப்போது பன்னீர் புகழ் பாடத் துவங்கி உள்ளனர்.

பன்னீர்செல்வம்முதல்வராக இருந்த போதே, சசிகலா முதல்வராக வேண்டும் என, முதலில் குரல் கொடுத்த, அமைச்சர் உதயகுமார், நேற்று அளித்த பேட்டியில், ''விசுவாசம் என்றால் என்ன என்பதை, நாங்கள் பன்னீர்செல்வத்திடம் இருந்து தான் கற்றுக் கொண்டோம்,'' என்றார்.

பன்னீர்செல்வத்தை கடுமையாக எதிர்த்து வந்த, எம்.எல்.ஏ., தங்கதமிழ்செல்வன், ''தினகரன் ஆலோசனைப்படி, பன்னீர் அணியுடனான இணைப்பை ஏற்றுக் கொள்கிறோம்,'' என்றார். இப்படி, தினகரன் ஆதரவு, எம்.எல்.ஏ.,க்கள் அடுத்தடுத்து, பன்னீர் புகழ் பாடத் துவங்கி உள்ளனர்.
 

நானே ஒதுங்கி விட்டேன்!


''கட்சிக்கு இடையூறு ஏற்படும் வகையில், நான் நடந்து கொள்ள மாட்டேன். ஒதுங்கி இருக்கும்படி, என்னிடம் கூறியிருந்தால், நானே அறிவித்திருப்பேன்,'' என, தினகரன் நேற்று தெரிவித்தார்.அவர் அளித்த பேட்டி:

திடீரென இத்தகைய முடிவு எடுக்க, என்ன காரணம் என, தெரியவில்லை. ஏதாவது பயம் காரணமாக இருக்கலாம். ஏப்., 14 வரை என்னை வந்து பார்த்தனர். நான் பொதுச்செயலரை பார்க்க சென்ற போது, மாலை, 5:00 மணிக்குள் சென்றிருக்க வேண்டும். நேரமாகி விட்டதால், அவரை சந்திக்காமல் திரும்பினேன்.

சென்னை வந்த பின், செங்கோட்டையன், சீனிவாசன் வந்து பேசினர். அப்போதும், வெளிப் படையாக பேசவில்லை. என்னை ஒதுக்குவ தாக, அமைச்சர்கள் கூறிய பின், என்னை பார்க்க எம்.எல்.ஏ.,க்கள் வந்தனர். அவர்களிடம், 'பொறுமையாக இருங்கள்; ஒற்றுமையாக இருங்கள்' என்று தான் கூறினேன்.

ஒதுங்கு எனக் கூறியதால், ஒதுங்கி விட்டேன். சகோதரர்களிடம் சண்டை போட விருப்பம் கிடையாது. கட்சியை பலவீனப்படுத்த விரும்பவில்லை. அனைவரும் சேர்ந்து ஒதுக்கி

 

விட்டதாகக் கூறினர்; ஒதுங்கிக் கொண்டேன்.

நான் சண்டை போட்டு, இயக்கம் பாதிக்கக் கூடாது. இயக்கத்திற்கு எதிராக என்றும் நடக்க மாட்டேன். இவர்கள் அதிருப்தியாலோ, பயத்தாலோ செய்யும் செயல், கட்சி மற்றும் ஆட்சிக்கு எதிராக அமைந்து விடக்கூடாது. கட்சிக்கு இடையூறு ஏற்படும்படி, நான் நடந்து கொள்ள மாட்டேன்.கட்சியையும், ஆட்சியை யும் காப்பாற்றுவதற்காக, இந்த முடிவை எடுத்ததாக கூறும் நண்பர்கள், பயப்படாமல், தைரியமாக, கட்சியையும், ஆட்சியையும் வழிநடத்தி செல்ல வேண்டும்.இவ்வாறு தினகரன் தெரிவித்தார்.
 

தினகரன் ஓட்டமெடுத்தது ஏன்?


எம்.எல்.ஏ.,க்கள் ஆதரவு தெரிவிக்க மறுத்த தால், கட்சிப் பணியில் இருந்து ஒதுங்குவதாக, தினகரன் அறிவித்துள்ளார்.

ஆர்.கே.நகர் இடைத்தேர்தல் அறிவிக்கப்பட்ட தும், அமைச்சர்கள் எதிர்ப்பை மீறி, களம் இறங்கினார். தனக்கு தேர்தல் பணியாற்றுவதற் காக, அனைத்து அமைச்சர் களையும், தேர்தல் பொறுப்பாளர்களாக நியமித்தார். முதல்வர் பெயரையும், அந்த பட்டியலில் சேர்த்தார்.

தேர்தலில் வாக்காளர்களுக்கு பணம் வழங்க, ஒவ்வொரு அமைச்சரும் குறிப்பிட்ட தொகை வழங்க வேண்டும் என்றார். பணத்தை கையாளும் பொறுப்பை, தன் விசுவாசியான அமைச்சர், விஜயபாஸ்கரிடம் ஒப்படைத்தார்.அவரது வீட்டில், வருமான வரித்துறையினர் நடத்திய சோதனையில், பணம் பட்டுவாடா ஆதாரங்கள் சிக்கின. கட்சிக்கு அவப்பெயர் ஏற்பட்டதால், விஜயபாஸ்கரை, அமைச்சர் பதவியில் இருந்து விலக்க, முதல்வர் முடிவு செய்தார். அதற்கு, தினகரன் முட்டுக்கட்டை போட்டார்.

இந்நிலையில், தேர்தல் கமிஷனர்களுக்கு லஞ்சம் கொடுக்க, இடைத்தரகர் மூலம் முயற்சித்ததாக, தினகரன் மீது, டில்லி போலீசார் வழக்கு பதிவு செய்தனர். அடுத்தடுத்து, தினகரனால் சிக்கல் வருவதால், அவரை கட்சியில் இருந்து, ஒதுங்கி இருக்கும்படி வலியுறுத்த, அமைச்சர்கள் முடிவு செய்தனர்.

அதன்படி, ஏப்ரல், 14ல், தினகரன் வீட்டிற்கு சென்று, அவரிடம் கட்சிப் பணியில் இருந்து ஒதுங்கும்படி, அமைச்சர்கள் தெரிவித்துள்ளனர். ஆத்திரமடைந்த தினகரன், அமைச்சர்களை கடுமையாக திட்டி அனுப்பி விட்டார். அதன்பின், அமைச்சர்கள் கூடி பேசி, தினகரன் குடும்பத்தை விலக்குவதாக அறிவித்தனர். அப்போதும் தினகரன், தனக்கு ஆதரவாக, சில அமைச்சர்கள் மற்றும் எம்.எல்.ஏ.,க்கள் வருவர் என, நம்பினார். எனவே, எம்.எல்.ஏ., வெற்றிவேல் மூலம், நேற்று முன்தினம் இரவு, எம்.எல்.ஏ.,க்களை, மொபைல் போனில் தொடர்பு கொண்டார்; யாரும் எடுக்கவில்லை.

அதைத் தொடர்ந்து, ஜெ., உதவியாளர் பூங்குன்றன் மொபைல் போனில் இருந்து பேசி உள்ளார்; அவரது பேச்சை கேட்ட பிறகும், யாரும் முன்வரவில்லை. வெறும், எட்டு எம்.எல்.ஏ.,க்கள் மட்டுமே, தன் பக்கம் வந்தததால், தினகரன் ஏமாற்றமடைந்தார்; ஒதுங்குவதாக அறிவித்தார்.
 

தினகரனுக்குசம்மன்


நேற்று(ஏப்19) இரவு 11மணியளவில் சென்னை அடையாறில் உள்ள தினகரன் வீட்டிற்கு வந்த டில்லி போலீசார் சம்மனை கொடுத்து விட்டு உடனடியாக புறப்பட்டு சென்றனர்.

http://www.dinamalar.com/news_detail.asp?id=1754789

Categories: Tamilnadu-news

தினகரன் வீட்டில் டெல்லி போலீஸ்! தீக்குளிக்கு முயன்ற தொண்டர்!

Wed, 19/04/2017 - 18:55
தினகரன் வீட்டில் டெல்லி போலீஸ்! தீக்குளிக்கு முயன்ற தொண்டர்!
 

Dina_2_23018.jpg

சென்னை அடையாறில் இருக்கும் டி.டி.வி.தினகரன் வீட்டுக்கு டெல்லி போலீஸ் வந்தனர். தேர்தல் ஆணையத்துக்கு லஞ்சம் தர முயன்ற வழக்கில் சம்மன் கொடுக்க அவர்கள் தினகரனை நேரில் சந்திக்க வந்துள்ளனர். இரட்டை இலைச் சின்னத்தை பெறுவதற்காக தினகரன் இடைத்தரகர் சுகேஷ் சந்தர் மூலம் தேர்தல் ஆணைய அதிகாரிகளுக்கு லஞ்சம் கொடுக்க முயன்றதாக தினகரன் மீது குற்றச்சாட்டு உள்ளது. மேலும், டி.டி.வி.தினகரனிடம் இருந்து பணம் வாங்கியதாக சுகேஷ் சந்தர் ஒப்புக் கொண்டதாகவும் தெரிவிக்கப்படுகிறது.

டெல்லி போலீஸ் வந்ததை அடுத்து, தினகரன் வீட்டின் முன்னர் தொண்டர் ஒருவர் தீக்குளிக்க முயன்றுள்ளார். தீக்குளிக்க முயன்றவர் பெயர் ரவிச்சந்திரன் என்று தகவல் கூறப்படுகிறது. அவர், தினகரன் வீட்டுக்கு முன் தீக்குளிக்க முயன்ற போது, அருகில் இருந்தவர்கள் அதை தடுத்து போலீஸிடம் அவரை ஒப்படைத்தனர். டெல்லி போலீஸ் வருகை, தொண்டர் தீக்குளிக்க முயற்சி போன்ற சம்பவங்களால் தினகரனின் அடையாறு வீடு பரபரப்பாக காணப்படுகிறது.

http://www.vikatan.com/news/tamilnadu/86980-as-delhi-police-arrived-to-dinakarans-house-a-supporter-tried-fire-himself.html

Categories: Tamilnadu-news

37-வது நாளாக டெல்லியில் நடைபெற்று வரும் விவசாயிகளின் போராட்டம் தற்காலிக நிறுத்தம்

Wed, 19/04/2017 - 18:13
37-வது நாளாக டெல்லியில் நடைபெற்று வரும் விவசாயிகளின் போராட்டம் தற்காலிக நிறுத்தம்

டெல்லியில் 37-வது நாளாக நடைபெற்று வரும் தமிழக விவசாயிகளின் போராட்டம் தற்காலிகமாக நிறுத்தப்படுவதாக அய்யாக்கண்ணு தெரிவித்துள்ளார்.

 
37-வது நாளாக டெல்லியில் நடைபெற்று வரும் விவசாயிகளின் போராட்டம் தற்காலிக நிறுத்தம்
கோப்பு படம்
புதுடெல்லி:

விவசாயக் கடன் தள்ளுபடி உள்ளிட்ட பல்வேறு கோரிக்கைகளை வலியுறுத்தி தமிழக விவசாயிகள் 37-வது நாளாக டெல்லி ஜந்தர் மந்தரில் தொடர்ந்து போராட்டம் நடத்தி வருகின்றனர். தேசிய தென்னிந்திய நதிகள் இணைப்பு விவசாயிகள் சங்கத்தின் மாநில தலைவர் அய்யாக்கண்ணு தலைமையில் நடைபெற்று வரும் இந்த போராட்டத்தில் மத்திய அரசின் கவனத்தை ஈர்க்கும் விதமாக விவசாயிகள் தினமும் நூதன முறையில் போராட்டம் நடத்தி வருகின்றனர்.

கடைசியாக நேற்று பிரதமர் மோடி விவசாயிகளை சாட்டையால் அடிப்பது போன்ற போராட்டத்தை நடத்தியது குறிப்பிடத்தக்கது. விவசாயிகளின் போராட்டத்துக்கு இளைஞர்கள், மாணவர்கள் என பல்வேறு தரப்பினரும் ஆதரவு தெரிவித்து வருகின்றனர். இன்று சட்டையை கிழித்துக் கொண்டு போராட்டம் நடத்தினர்.

201704192227115298_farmers2._L_styvpf.gi

இந்நிலையில், மத்திய மந்திரி பொன்.ராதாகிருஷ்ணன் விவசாயிகளை சந்தித்து பேச்சுவார்த்தை நடத்தினார். அப்போது விசாயிகள் போராட்டத்தை கைவிடும்படி கேட்டுக்கொண்டார். இதையடுத்து விவசாயிகளுடன் போராட்டக்குழுத் தலைவர் அய்யாக்கண்ணு ஆலோசனை நடத்தினார்.

பின்னர் செய்தியாளர்களை சந்தித்த அவர், தங்களது போராட்டத்தை 2 நாட்கள் தற்காலிகமாக நிறுத்த முடிவு செய்துள்ளதாக தெரிவித்துள்ளார்.

இதுகுறித்து மேலும் அவர் தெரிவிக்கும் போது, எங்களது போராட்டத்தை வாபஸ் பெறவில்லை. மாறாக 2 நாட்கள் போராட்டத்தை ஒத்திவைத்துள்ளோம் என்றார். அரசின் எழுத்துப்பூர்வ உறுதிமொழி அளிக்கும் வரை காத்திருப்போம் என்றும் அய்யாக்கண்ணு தெரிவித்தார்.
 

http://www.maalaimalar.com/News/TopNews/2017/04/19222659/1080802/TN-Farmers-protest-in-delhi-temporary-halt-for-2-days.vpf

Categories: Tamilnadu-news

ஆடிய ஆட்டம் என்ன? பேசிய வார்த்தை என்ன? தேடிய செல்வம் என்ன? திரண்டதோர் சுற்றம் என்ன?

Wed, 19/04/2017 - 11:53

ஆடிய ஆட்டம் என்ன? பேசிய வார்த்தை என்ன? தேடிய செல்வம் என்ன? திரண்டதோர் சுற்றம் என்ன?

 

அதிமுகவை கால்நூற்றாண்டுகாலமாக குத்தகைக்கு எடுத்தவர்களாக ஆட்டம் போட்ட சசிகலா கோஷ்டிக்கு குட் பை சொல்லப்பட்டுவிட்டது.

சென்னை: கவியரசர் கண்ணதாசனின் ஆடிய ஆட்டம் என்ன? பேசிய வார்த்தை என்ன? தேடிய செல்வம் என்ன? திரண்டதோர் சுற்றம் என்ன? என்ற பாடல் வரிகள் அப்படியே சசிகலா கோஷ்டிக்குத்தான் கனகச்சிதமாக பொருந்துகிறது.

எம்ஜிஆர் எனும் மக்களால் நேசிக்கப்பட்ட தலைவரால் உருவாக்கப்பட்டது அண்ணா திராவிட முன்னேற்றக் கழகம். நாவலர் நெடுஞ்செழியன், ஆர்.எம். வீரப்பன், எஸ்.டி. சோமசுந்தரம், ராகவானந்தம், ஹண்டே என பழுத்த அரசியல்வாதிகள் பலரும் நிறைந்து இருந்த இயக்கம்..

இளைய தலைமுறை அரசியல்வாதிகளையும் அரவணைத்துக் கொண்டு போன மாபெரும் இயக்கம்... ஒருகட்டத்தில் ஜெயலலிதாவும் அதிமுகவின் ஒரு அங்கமாகவும் இருந்தார். எம்ஜிஆர் மறைவுக்குப் பின்னர் அதிமுக பிளவுபட்டது. ஆனால் ஜானகி எம்ஜிஆரின் விட்டுக் கொடுப்பால் ஜெயலலிதாவின் தலைமையின் கீழ் புத்துயிர் பெற்றது.

2-ம் கட்ட தலைவர்கள் இல்லை

2-ம் கட்ட தலைவர்கள் இல்லை

ஜெயலலிதா அதிமுகவில் பட்ட அவமானங்கள்... எதிர்கொண்ட ஏளனங்கள் ஏராளம்... ஆனால் ஜெயலலிதாவே அதிமுக தலைமை ஏற்றபோது 2-வது கட்ட தலைவர்கள் யாருக்குமே இடமில்லாமல் போனது. இதற்கு காரணமே சசிகலாவும் அவரது குடும்பத்தினரும்தான்.

வெறித்தனமான கொள்ளை

வெறித்தனமான கொள்ளை

1991-ம் ஆண்டு முதல்வர் நாற்காலியில் ஜெயலலிதா அமர்ந்ததுதான் தாமதம்... சசிகலா குடும்பத்தினர் அரசாங்க சொத்துகளை வெறிகொண்டு சூறையாடத் தொடங்கினர்.. இந்த வெறித்தனமான கொள்ளையாட்டம்தான் ஜெயலலிதாவை மட்டுமல்ல அதிமுகவையும் சீரழித்துவிட்டது.

ரத்த கண்ணீர்தான்

 

ரத்த கண்ணீர்தான்

அடேங்கப்பா... நினைத்துப் பார்க்க நமக்கே மலைப்பாக இருந்தால்... ஜெயலலிதா காலத்திலேயே ஒட்டுமொத்த அதிமுகவையும் கட்டுப்பாட்டில் வைத்துக் கொண்டு சசிகலா கோஷ்டி போட்ட ஆட்டங்களை நினைத்தால் நிச்சயம் அதிமுக அமைச்சர்கள், நிர்வாகிகள் ரத்த கண்ணீர் வடித்துதான் இருப்பார்கள்... அதுவும் ஜெயலலிதா மறைவுக்குப் பின்னர் சசிகலா போட்ட பேயாட்டத்தை தமிழகம் அவ்வளவு எளிதாக மறந்துவிட முடியாது.

கூவத்தூர் கூத்துகள்

கூவத்தூர் கூத்துகள்

சசிகலாவையே பொதுச்செயலராக்க 25 நாட்கள் நாடகம்.... ஜெயலலிதாவை போல வேசம் போட்டுக் கொண்டு டூப்ளிகேட்டாக வலம் வந்தது.. எதைத்தான் தமிழகம் மறக்கும்? இதன் உச்சமாக உச்சநீதிமன்றத்தின் தீர்ப்பு வரப் போகிறது என்று தெரிந்தும் முதல்வர் நாற்காலியில் ஒருமுறையேனும் உட்கார்ந்துவிட கூவத்தூரில் அடித்த கூத்துகளை நாடும் நாட்டு மக்களும் மறக்கத்தான் முடியுமா?

மறக்க முடியாத சபதம்

 

மறக்க முடியாத சபதம்

ஓபிஎஸ் தியானம் என்ற பெயரில் கலகக் குரல் எழுப்ப நள்ளிரவில் போயஸ் கார்டனில் செய்தியாளர்களிடம் 'ஒரிஜனல்' முகத்தைக் காட்டிய சசிகலாவின் குரூரம் இன்னும் கண்களைவிட்டு அகலவில்லை.. அதுவும் சொத்து குவிப்பு வழக்கில் சிறை தண்டனை அனுபவிக்கப் போகிற போது, நியாயவானைப் போல ஜெயலலிதா நினைவிடத்துக்குப் போய் சத்தியமெல்லாம் செய்து எம்ஜிஆர் இல்லத்தில் போய் தியானமெல்லாம் இருந்து...அடேங்கப்பா எத்தனை கூத்துகள்!

தினகரன் ஆட்டம்


தினகரன் ஆட்டம்

சசிகலா சிறைக்குப் போனபின்னர் தினகரன் ஆடிய ஆட்டம்... போட்ட வேடம்தான் எத்தனை எத்தனை! ஆர்கே நகரில் இவரே வேட்பாளராம்.. .ஆனால் முதல்வராகமாட்டாராம்... கொள்ளையடித்த பணத்தால் மக்களை விலைக்கு வாங்கிவிடலாம் என எத்தனை எத்தனை நூதன முறைகளில் பணப்பட்டுவாடா... ஆர்கே நகரே அல்லோகலப்பட்ட அந்த 15 நாட்கள் இந்திய தேர்தல் ஆணையத்தின் வரலாற்று கல்வெட்டுகளில் எழுதி வைத்து வருங்கால தலைமுறையினர் படித்து தெரிந்து கொள்ளச் செய்ய வேண்டும்!


சரித்திரம்....

சரித்திரம்....

காலம் எப்படியெல்லாம் மாறுகிறது மக்களே.... கால்நூற்றாண்டுகாலமாக தமிழகத்தை சூறையாடிய மாஃபியா கும்பலின் ஆட்சி அதிகார கனவுகள் அனைத்தும் தகர்ந்து போனது! நேற்று கொடி பிடித்து கூழை கும்பிடு போட்டவர்கள் இன்று போர்க்கொடி தூக்கி தரித்திரங்களை விரட்டியடித்து சரித்திரம் படைத்துவிட்டனர்!

 

நாணய சிகாமணிகள் அல்ல

 

நாணய சிகாமணிகள் அல்ல இன்று போர்க்கொடி தூக்கியவர்கள் எல்லாம் நாணய சிகாமணிகள் என உச்சிமோந்து பாராட்ட முடியாது...இவர்கள் எல்லாம் மாஃபியா கும்பலின் காலடி மண்ணைத் தொட்டு வணங்கிய குறுநில கும்பல்கள்தான்.. ஆனாலும் ஏதோ ஏதோ நிர்பந்தங்களின் பெயரிலாவது இன்று சசிகலா கும்பலை அரசியலின் பக்கங்களில் இருந்து துடைத்து தூக்கி எறிந்து குப்பை தொட்டியில் வீசியதற்காக நிச்சயம் பாராட்டுவோம்!

ஆம் கண்ணதாசனின் இந்த வரிகள் இந்த சசிகலா கும்பலுக்கு சாலவே பொருந்தும்..

ஆடிய ஆட்டம் என்ன?

பேசிய வார்த்தை என்ன?

தேடிய செல்வம் என்ன?

திரண்டதோர் சுற்றம் என்ன?


Read more at: http://tamil.oneindia.com/news/tamilnadu/admk-says-good-bye-chinnamma-family-280284.html

Categories: Tamilnadu-news

ஜெ.வின் சிறுதாவூர் பங்களாவில் திடீர் தீவிபத்து.. எதையும் எரித்து விட்டார்களா?

Wed, 19/04/2017 - 11:42

ஜெ.வின் சிறுதாவூர் பங்களாவில் திடீர் தீவிபத்து.. எதையும் எரித்து விட்டார்களா?

 

ஜெயலலிதாவின் சிறுதாவூர் பங்களாவில் தீ விபத்து ஏற்பட்டுள்ளது. தீயணைப்பு வண்டிகள் விரைந்துள்ளன.

சென்னை: திருப்போரூர் அடுத்த, சிறுதாவூரில் ஜெயலலிதாவிற்கு சொந்தமான பங்களா ஒன்று உள்ளது. இங்கு அவர் அடிக்கடி ஓய்வெடுக்கச் செல்வார். அவரது மரணத்திற்குப் பிறகு தற்போது அந்த பங்களா கேட்பாரற்று உள்ளது. இன்றைய தினம் திடீர் தீ விபத்து ஏற்பட்டுள்ளது.

Fire outside Jayalalithaa's Siruthavur home

 

தீயை அணைக்க மாமல்லபுரம், கல்பாக்கத்தில் இருந்து தீயணைப்பு வண்டிகள் விரைந்துள்ளன.

பங்களாவின் உள்ளேயும், பங்களாவிற்கு வெளியே உள்ள புல்வெளியிலும் தீ விபத்து ஏற்பட்டுள்ளதாக முதற்கட்ட தகவல்கள் தெரிவிக்கின்றன.

தீ விபத்தில் முக்கிய ஆவணங்கள் எரிந்து போய் விட்டதாக தெரிவிக்கின்றன.



Read more at: http://tamil.oneindia.com/news/tamilnadu/fire-outside-jayalalithaa-s-siruthavur-home-280281.html

Categories: Tamilnadu-news

தர்மயுத்தத்துக்கு முதல் வெற்றி! பன்னீர்செல்வம் அடடே பேட்டி

Wed, 19/04/2017 - 10:50
தர்மயுத்தத்துக்கு முதல் வெற்றி! பன்னீர்செல்வம் அடடே பேட்டி
 
 

1a_12142.jpg

'அ.தி.மு.க-விலிருந்து சசிகலா குடும்பத்தை விலக்கிவைப்பது என்று முதல்வர் பழனிசாமி தரப்பில் முடிவெடித்திருப்பது,  நாங்கள் நடத்திய தர்மயுத்தத்துக்குக் கிடைத்த முதல் வெற்றி' என்று முன்னாள் முதல்வர் பன்னீர்செல்வம் கூறினார்.

சசிகலா, டி.டி.வி.தினகரனுக்கு எதிராக அமைச்சர்கள் போர்க்கொடிதூக்கியுள்ள நிலையில், பன்னீர்செல்வத்துடன் இணைந்து அ.தி.மு.க-வையும், சின்னத்தையும் கைப்பற்றும் நடவடிக்கையில் ஈடுபட்டுள்ளனர். பன்னீர்செல்வத்துடன் பேச்சுவார்த்தை நடத்தத் தயாராகவே இருக்கிறோம் என்று பழனிசாமி அணியினர் அறிவித்தனர். இந்த அறிவிப்பைத் தொடர்ந்து, பன்னீர்செல்வம் அணியினருடன் பேச்சுவார்த்தை நடத்துவதற்காக குழு ஒன்றை அமைப்பது குறித்து முதல்வர் பழனிசாமி இல்லத்தில் அமைச்சர்கள் ஆலோசனையில் ஈடுபட்டுவருகின்றனர்.

இந்த நிலையில், கிரீன்வேஸ் சாலையில் உள்ள பன்னீர்செல்வம் இல்லத்துக்கு இன்று காலை வந்த மைத்ரேயன் எம்பி., முன்னாள் அமைச்சர் கே.பி.முனுசாமி, மனோஜ்பாண்டியன், எம்எல்ஏ-க்கள் செம்மலை, மாஃபா பாண்டியராஜன் மற்றும் ராஜகண்ணப்பன், விஸ்வநாதன், மோகன், சண்முகநாதன், நிர்மலா பெரியசாமி ஆகியோருடன் ஆலோசனை நடத்தினார் பன்னீர்செல்வம்.

இந்த ஆலோனைக்குப் பின்னர் செய்தியாளர்களிடம் பேசிய பன்னீர்செல்வம், "புரட்சித்தலைவர் எம்ஜிஆர் அ.தி.மு.க என்ற மாபெரும் இயக்கத்தை உருவாக்கினார். மக்கள் இயக்கமாக அ.தி.மு.க-வை உருவாக்கி வளர்த்துவந்தார். ஜெயலலிதாவும் 29 ஆண்டுகளாக கட்சியின் பொதுச் செயலாளராக இருந்து, கட்சிக்கு வந்த சோதனைகளையெல்லாம் வென்றெடுத்து, இயக்கத்தைத் தொண்டர்கள் இயக்கமாகவும் மக்கள் இயக்கமாகவும் எம்.ஜி.ஆர் வழிவந்த பாதையில் இயக்கத்தை நடத்திவந்தார். ஜெயலலிதா மரணத்துக்குப் பின்னால் அ.தி.மு.க சசிகலா குடும்பத்துக்குள் சென்றுவிடதைத் தடுத்து நிறுத்த வேண்டும் என்பதற்காகத்தான் எங்களுடைய தர்மயுத்தம், அறப்போராட்டம் தொடங்கப்பட்டது.

4a_12420.jpg

தொண்டர்களுடைய விருப்பம், மக்களுடைய விருப்பமாகத்தான் மாபெரும் தலைவர்களுடைய கொள்கையின்படியும் எங்களது அடிப்படைக் கருத்தாக வைத்து தர்மயுத்தம் தொடங்கப்பட்டது. அந்த தர்மயுத்தத்துக்கு இன்றைக்கு முதல் வெற்றியாக சசிகலா குடும்பத்தை விலக்கிவைப்பது என்று அவர்கள் தரப்பில் முடிவெடித்திருக்கிறார்கள். தொடர்ந்து, எங்களது தர்மயுத்தம் எந்த நோக்கத்துக்காக தொடங்கப்பட்டதோ, அதன்படி தொடர்ந்து மக்களுடைய எண்ணத்தின்படியும் தொண்டர்களின் விருப்பத்தின்படியும் இயங்குவது, அ.தி.மு.க தொண்டர்களின் இயக்கம்தான் என்பதை நிரூபித்துக்காட்டுவோம்" என்று கூறினார்.

முதல்வர் பழனிசாமி அணியுடன் பேச்சுவார்த்தை நடத்த, உங்கள் தரப்பில் இருந்து குழு அமைக்கப்பட்டுவிட்டதா என்று செய்தியாளர்கள் எழுப்பிய கேள்விக்குப் பதில் அளித்த பன்னீர்செல்வம், தொண்டர்களின் விருப்பம் எதுவோ; மக்களுடைய விருப்பம் எதுவோ அதை நடைமுறைப்படுத்துவதற்கு இரு தரப்பும் உட்கார்ந்து பேசி முடிவெடுப்போம் என்றார்.

http://www.vikatan.com/news/tamilnadu/86901-its-a-first-success-panneerselvams-victorious-interview.html

Categories: Tamilnadu-news

எடப்பாடி பழனிசாமி ஆட்சி கவிழுமா? எம்எல்ஏ-க்களின் கூட்டல், கழித்தல் கணக்கு!

Wed, 19/04/2017 - 10:48
எடப்பாடி பழனிசாமி ஆட்சி கவிழுமா? எம்எல்ஏ-க்களின் கூட்டல், கழித்தல் கணக்கு!
 

ஓ.பன்னீர்செல்வம்,  சசிகலா

அ.தி.மு.க. அம்மா அணியில் ஏற்பட்டுள்ள பிளவால், முதல்வர் எடப்பாடி பழனிசாமி ஆட்சி கவிழும் நிலை ஏற்பட்டுள்ளதாக உள்விவர வட்டாரங்கள் தெரிவித்தன. தற்போது, சசிகலா, டி.டி.வி.தினகரனை அ.தி.மு.க-விலிருந்து ஓரங்கட்ட முடிவு செய்யப்பட்டுள்ளதால், அவர்களது விசுவாசிகளின் ஆதரவு எடப்பாடி பழனிசாமி ஆட்சிக்குக் கிடைக்காத சூழ்நிலை ஏற்பட்டுள்ளது.

ஜெயலலிதா மறைவுக்குப் பிறகு, அ.தி.மு.க-வில் சசிகலா, ஓ.பன்னீர்செல்வம் ஆகியோர் இரண்டு துருவங்களாக இருந்து செயல்பட்டுவருகின்றனர். சசிகலா அணி, ஓ.பன்னீர்செல்வம் அணி என இரண்டு அணிகள் அமைச்சர் விஜயபாஸ்கரிடம் நடத்தப்பட்ட வருமானவரித்துறை சோதனைக்குப் பிறகு, ஓரணியாக இணைய முயற்சிகள் மேற்கொள்ளப்பட்டன. இதற்கிடையில், இரட்டை இலைச் சின்னத்தை குறுக்குவழியில் மீட்டெடுக்க புரோக்கர் சுகேஷ் சந்திரசேகரிடம் கோடிக்கணக்கில் பணம் கொடுத்ததாக டி.டி.வி.தினகரன் மீது டெல்லி குற்றப்பிரிவு போலீஸார் வழக்குப்பதிவு செய்துள்ளனர். இதன்பிறகு, அ.தி.மு.க. அம்மா (சசிகலா) அணியிலிருந்த அமைச்சர்களும், எம்எல்ஏ-க்களும் சசிகலா குடும்பத்தினரை கட்சியிலிருந்து ஒதுக்குவதாகத் தெரிவித்தனர். இது, சசிகலா குடும்பத்தினருக்குக் கடும் அதிர்ச்சியை ஏற்படுத்தியுள்ளது. 

 டி.டி.வி.தினகரனின் ஆதரவு எம்எல்ஏ வெற்றிவேல், சில அமைச்சர்களைக் கடுமையாக விமர்சித்தார். அடுத்து, டி.டி.வி.தினகரனைச் சந்தித்த அவரது ஆதரவு எம்எல்ஏ-க்கள் ஆலோசனை நடத்தினர். இதனால், சசிகலா அணியில் டி.டி.வி.தினகரன் என்ற அணி உருவாகியுள்ளது. இந்தச் சூழ்நிலையில் பத்திரிகையாளர்களைச் சந்தித்த டி.டி.வி.தினகரன், தான் கட்சியிலிருந்து நேற்றே ஒதுங்கி விட்டதாகத் தெரிவித்தார். இதன் பின்னணியில், அரசியல் சதுரங்கம் இருப்பதாக அவரது ஆதரவாளர்கள் சொல்கின்றனர். 

 ஓ.பன்னீர்செல்வம்

இதுகுறித்து நம்மிடம் பேசிய டி.டி.வி. தினகரன் ஆதரவு எம்எல்ஏ, "எடப்பாடி பழனிசாமி தலைமையிலான ஆட்சிக்கு 122 எம்எல்ஏ-க்கள் ஆதரவு அளித்தனர். தற்போது, ஓ.பன்னீர்செல்வம் அணியுடன் இணைவதை கட்சியில் சிலர் விரும்பவில்லை. இதுதொடர்பாக அமைச்சர்களும் எம்எல்ஏ-க்களும் தங்களது கருத்துக்களைத் தெரிவித்தனர். ஆனால், எடப்பாடி பழனிசாமி அமைச்சரவையில் உள்ள அமைச்சர்களில் சிலர், பயத்தின் காரணமாக ஓ.பன்னீர்செல்வம் அணியுடன் இணைவது குறித்து பேச்சுவார்த்தை நடத்த முடிவு செய்தனர். இந்தத் தகவல், டி.டி.வி.தினகரனுக்குத் தெரிந்ததும், சம்பந்தப்பட்ட அமைச்சர்களை அழைத்து, பேச்சுவார்த்தை நடத்தினார். அப்போது, கடும் வாக்குவாதம் ஏற்பட்டது. ஒருகட்டத்தில் நீங்கள் ஓ.பன்னீர்செல்வம் அணியுடன் பேச்சுவார்த்தை நடத்தினால், நாங்களும் வேறு ஒரு முடிவை எடுக்கவேண்டிய சூழ்நிலை ஏற்படும் என்று டி.டி.வி.தினகரன் தரப்பில் தெரிவிக்கப்பட்டது. ஆனால், அதையெல்லாம் அந்த அமைச்சர்கள் கண்டுகொள்ளவில்லை.

ஓ.பன்னீர்செல்வம், கட்சிக்கும் ஜெயலலிதாவுக்கும் துரோகம் செய்தவர் என்று வாய்கூசாமல் சொன்னவர்கள் இப்போது, அந்த அணியினருடன் பேச்சுவார்த்தை நடத்த முயல்வதில் உள்நோக்கம் உள்ளது. ஓ.பன்னீர்செல்வம் அணியில் உள்ளவர்கள், 'சசிகலா குடும்பத்தினர் கட்சியில் இருக்கக்கூடாது' என்று கோரிக்கை வைக்கின்றனர். அடுத்து, ஜெயலலிதா மரணத்தில் நீதிவிசாரணை நடத்தப்பட வேண்டும் என்றும் தெரிவித்துள்ளனர். இதை நாங்களும் வரவேற்கிறோம். அப்படியென்றால், சசிகலாவை  பொதுச் செயலாளராகவும் டி.டி.வி.தினகரனை துணை பொதுச் செயலாளராகவும் பதவிக்கு வந்தபோது, முதல்வர் எடப்பாடி பழனிசாமி, ஓ.பன்னீர்செல்வம் அணியுடன் இணையத் துடிப்பவர்கள் ஏன் எதிர்ப்பு தெரிவிக்கவில்லை.

அமைச்சர் விஜயபாஸ்கர் வீடு, அலுவலகங்களில் நடந்த வருமான வரித்துறையினரின் சோதனையே தவறுசெய்த அமைச்சர்களுக்குப் பயத்தை ஏற்படுத்தியுள்ளது. மத்திய அரசின் ஆதரவிலிருக்கும் ஓ.பன்னீர்செல்வத்துக்காக, இரட்டை இலைச் சின்னம் முடக்கப்பட்டது. அடுத்து, வருமானவரித்துறை சோதனை, ஆர்.கே.நகர் இடைத்தேர்தல் நிறுத்தம் என ஓ.பன்னீர்செல்வத்துக்கு உறுதுணையாக மத்திய அரசு செயல்பட்டுவருகிறது. எனவே, முதல்வர் எடப்பாடி பழனிசாமி மற்றும் அமைச்சர்கள், ஓ.பன்னீர்செல்வம் அணியினருடன் இணைந்தால், அவர்களுக்கு ஆட்சி அமைக்கும் அளவுக்கு மெஜாரிட்டி கிடைக்காது. ஏனெனில் டி.டி.வி.தினகரனின் விசுவாசிகளாக 25-க்கும் மேற்பட்ட எம்எல்ஏ-க்கள் மற்றும் அமைச்சர்களும் இருக்கின்றனர். அவர்கள் நிச்சயம் ஓ.பன்னீர்செல்வம் அணியுடன் கைகோக்க மாட்டார்கள். அதையும் மீறி இரண்டு அணிகளும் இணைந்தால், அவர்களுக்குள் பதவிகளை பங்கிடுவதில் சிக்கல் ஏற்படும். ஓ.பன்னீர்செல்வம் அணியிலிருக்கும் முன்னாள் கல்வி அமைச்சர் மாஃபா க. பாண்டியராஜனுக்காக தற்போதைய கல்வி அமைச்சர் செங்கோட்டையன், அந்த பதவியிலிருந்து விலகுவாரா. அடுத்து, முதல்வர் பதவி, முக்கிய துறை அமைச்சர்கள் பதவி, கட்சிப்பதவி ஆகியவற்றைக் கைப்பற்றுவதில் நிச்சயம் பிரச்னை ஏற்படும். இதனால், அவர்களுக்குள் சண்டையிட்டு ஆட்சியைக் கவிழ்த்து விடுவார்கள். இதைத்தான் பா.ஜ.க-வும் விரும்கிறது" என்றனர் ஆவேசத்துடன்.

டி.டி.வி. தினகரன்


 இதுகுறித்து ஓ.பன்னீர்செல்வம் அணியினர் கூறுகையில், "பேச்சுவார்த்தை நடத்துவதற்கு முன்பே எங்களது நோக்கத்தைச் சொல்லிவிட்டோம். அதற்கு சம்மதம் தெரிவித்துவிட்டுதான் பேச்சுவார்த்தைக்கான முயற்சியில் அந்த அணியைச் சேர்ந்தவர்கள் ஈடுபட்டுள்ளனர். குறிப்பாக, எங்களது நோக்கமான சசிகலா குடும்பத்தினரை கட்சியிலிருந்து விலக்க, அவர்கள் சம்மதித்துள்ளனர். இதுவே, எங்களின் தர்மயுத்தத்துக்குக் கிடைத்த வெற்றியாகக் கருதுகிறோம். கட்சி, ஆட்சி எனப் பதவிகள் குறித்து பேச்சுவார்த்தையின் போது முடிவு செய்யப்படும். எங்களைப் பொறுத்தவரைக்கும் ஜெயலலிதாவால் அடையாளம் காணப்பட்ட ஓ.பன்னீர்செல்வம்தான் தமிழகத்தின் முதல்வராக இருக்க வேண்டும். எடப்பாடி பழனிசாமி, துணை முதல்வராக இருக்கலாம். அதுபோல கட்சிப் பதவிகளிலும் சிலருக்கு கொடுக்க வேண்டும் என்று முடிவுசெய்துள்ளோம். மேலும், மத்திய அரசின் ஆதரவு எங்களுக்கு இருப்பதாகச் சொல்வதில் எந்தமுகாந்திரமும் இல்லை. இரட்டை இலைச் சின்னம் முடக்கம், ஆர்.கே.நகர் இடைத்தேர்தல் ரத்துக்கு நாங்கள் காரணமல்ல. டி.டி.வி.தினகரன் மீது டெல்லி குற்றப்பிரிவு போலீஸ் வழக்குப்பதிவுக்கு நாங்கள்தான் காரணம் என்று அவர்கள் சொன்னாலும் ஆச்சர்யப்படுவதற்கில்லை. விரைவில் இரண்டு அணிகளும் ஒருங்கிணைந்து, ஜெயலலிதா விரும்பிய நல்லாட்சி தமிழகத்தில் நடக்கும். ஆட்சி கவிழ வாய்ப்புக்கள் இல்லை" என்றனர்.

ஓ.பன்னீர்செல்வம் அணியினருடன் பேச்சுவார்த்தை நடத்த அமைக்கப்பட்ட குழுவைச் சேர்ந்தவர்கள் கூறுகையில், "ஓ.பன்னீர்செல்வம் அணியினருடன் இன்று பேச்சுவார்த்தை நடத்த முடிவுசெய்யப்பட்டுள்ளது. கட்சியினரும், பொது மக்களும் சசிகலா குடும்பத்தினரை விரும்பவில்லை. இது, அந்தக் குடும்பத்தினருக்கும் தெரியும். இதனால், அவர்கள் தாமாகவே கட்சியிலிருந்து விலகிவிடுவார்கள். டி.டி.வி.தினகரன் பின்னால் செல்பவர்கள் விரல்விட்டு எண்ணும் நபர்களே. அவர்களால் நிச்சயம் ஆட்சி கவிழ வாய்ப்பில்லை. ஓ.பன்னீர்செல்வம் அணி, நாங்கள் என இரண்டு அணிகளும் இணைந்தாலே ஆட்சி அமைக்கும் மெஜாரிட்டி கிடைத்துவிடும். தி.மு.க.வைவிட டி.டி.வி.தினகரன் ஆதரவு எம்எல்ஏ-க்கள் ஆட்சியைக் கவிழ்க்க அதிகம் முயற்சிக்கின்றனர். அவர்களது எண்ணம் நிச்சயம் வெற்றிபெறாது. ஏனெனில், பெருபான்மையான எம்எல்ஏ-க்கள் எங்களிடம்தான் இருக்கின்றனர்" என்றனர். 

http://www.vikatan.com/news/tamilnadu/86904-will-this-government-be-dissolved-what-are-mlas-calculations.html

Categories: Tamilnadu-news

மீண்டும் கூவத்தூரா? மீண்டும் நம்பிக்கை வாக்கெடுப்பா?

Wed, 19/04/2017 - 07:58
மீண்டும் கூவத்தூரா? மீண்டும் நம்பிக்கை வாக்கெடுப்பா?

 

 
 
 
tn_secretariat_2_2358985f.jpg
 
 
 

மீண்டும் ஒரு கூவத்தூரா? மீண்டும் நம்பிக்கை வாக்கெடுப்பா ?

டிசம்பர் 5, 2016க்கு பிறகு தொடங்கிய அரசியல் நிலையற்ற சூழல் தமிழகத்தில் நாளுக்கு நாள் அதிகரித்துக் கொண்டே வருகிறது. அதிமுகவுக்குள் அதிகாரப் போட்டியும், குழப்பும் வரும் போதெல்லாம் உடனே எழுப்பபடும் கேள்வி இந்த ஆட்சி நீடிக்குமா? ஆளுநர் ஆட்சியை கலைப்பாரா என்பது தான்?

 

மிக சொற்பமான இடங்களிலேயே பெரும்பான்மையை பெற்றுள்ள அஇஅதிமுகவின் ஆட்சி நீடிப்பதற்கு 117 சட்டமன்ற உறுப்பினர்களின் ஆதரவு தேவை. பன்னீர் செல்வம் பிரிந்து சென்ற பிறகு சட்டமன்றத்தில் நடைபெற்ற நம்பிக்கையில்லா தீர்மானம் மீதான வாக்கெடுப்பில் 122 சட்டமன்ற உறுப்பினர்களின் ஆதரவை பெற்று வெற்றி பெற்றார் எடப்பாடி பழனிச்சாமி. அத்தோடு குழப்பங்கள் தீர்ந்தது என்று எண்ணியிருந்த நிலையில் நடந்த சம்பவங்கள் மீண்டும் தலை கீழ் நிலைமைக்கு கொண்டு வந்து நிறுத்தியுள்ளன. ஆர்கேநகர் தேர்தல், தினகரன் போட்டி, பண வேட்டை, தேர்தல் தடை, விஜயபாஸ்கர் வீட்டில் வருமான வரி சோதனை, இறுதியாக தினகரன் மீது லஞ்சம் கொடுத்ததாக முதல் தகவல் அறிக்கையும், நேற்று இரவு தினகரன் மற்றும் சசிகலாவிற்கு எதிராக அமைச்சர்கள் அனைவரும் போர்க் கொடி தூக்கியிருப்பதும் கால வரிசைப்படியிலான நிகழ்வுகள். சசிகலா ஆதரவு அணி ஓபிஎஸ் ஆதரவு அணி என இரண்டு அணிகளாக இருந்த அதிமுக தற்போது மூன்று அணியாக மாறி இருக்கிறது.

 

தற்போதைய தகவலின்படி சட்டமன்ற உறுப்பினர்கள் தங்க தமிழ்செல்வன், ஜக்கையன், வெற்றிவேல், கதிர்காமு ராமகிருஷ்ணன்,செல்வ மோகன்தாஸ்,ஏழுமலை,சின்னதம்பி ஆகிய 8 எம்எல்ஏக்கள் தினகரனுக்கு ஆதரவான நிலைப்பாட்டை எடுத்துள்ள நிலையில் எடப்பாடி ஆதரவு எம்எல்ஏக்களின் எண்ணிக்கை 114 ஆக குறைந்துள்ளது. இருப்பினும் ஓபிஎஸ் ஆதரவில் உள்ள 10 சட்டமன்ற உறுப்பினர்கள் ஆதரவு தெரிவிக்கும் நிலையில் ஆட்சியை தக்க வைக்க முடியும்.

 

அஇஅதிமுகவில் நடைபெற்று வரும் நிகழ்வுகள் குறித்து தி இந்து தமிழ் இணையதளத்திடம் பேசிய மூத்த பத்திரிக்கையாளர் மணி, “ தற்போதைய குழப்பங்களால் ஆட்சி கவிழ்வதற்கான வாய்ப்புகள் மிக குறைவாகவே உள்ளன, ஜெயலலிதா போன்ற தலைவர் ஒருவர் இல்லாத நிலையில் ஏற்பட்டுள்ள சிக்கலை தீர்க்க அமைச்சர்கள் குழுவாக இணைந்து செயல்படுவதாக எடுத்துள்ள முடிவின் காரணம் ஒன்று மட்டும் அது ஆட்சியும் அதிகாரமும், அஇஅதிமுகவில் உள்ள கடைக் கோடி தொண்டன் முதல் மூத்த அமைச்சர் வரை ஆட்சியை விட்டு விட துணிய மாட்டார்கள், அதற்கான அடிப்படையே, இரு பிரிவும் இணைய வேண்டும் என்கிற கருத்துக்கு இழுத்து வந்து நிறுத்தியுள்ளது. ஆனால் அதன் நிச்சயதன்மை என்பது கேள்விகுறியான ஒன்று தான், இப்போதைக்கு தப்பித்தாலும் அடுத்த சில மாதங்களுக்குள் மீண்டும் ஒரு புது குழப்பம் ஏற்படுவதற்கான அனைத்து உள் முரண்பாடுகளுடன் அதிமுக பயணித்து வருகிறது என்றார். கட்சியிலிருந்து ஒதுங்குகிறேன் என்று தினகரன் கூறியிருந்தாலும், அவர் அப்படியே இருந்து விடுவாரா? அவருக்கு ஆதரவு தெரிவித்த சட்டமன்ற உறுப்பினர்களின் நிலை என்னவாகும் ? என்கிற கேள்விகள் எழுந்துள்ள நிலையில் சட்டப்பேரவையை உடனே கூட்ட எதிர்கட்சி தலைவர் ஸ்டாலின் கோரியிருக்கிறார். மீண்டும் ஒரு நம்பிக்கை வாக்கெடுப்பா? மீண்டும் கூவத்தூரா? அடுத்த சில நாட்களுக்கு தமிழக அரசியல் களம் விறுவிறுப்புடன் தான் செல்லப் போகிறது….

http://tamil.thehindu.com/tamilnadu/மீண்டும்-கூவத்தூரா-மீண்டும்-நம்பிக்கை-வாக்கெடுப்பா/article9648905.ece?homepage=true

Categories: Tamilnadu-news

திடீர் அதிரடியில் இறங்கினார் மு.க.ஸ்டாலின்!

Wed, 19/04/2017 - 07:54
திடீர் அதிரடியில் இறங்கினார் மு.க.ஸ்டாலின்!
 

சட்டப்பேரவையை உடனடியாகக் கூட்ட வேண்டும் என சபாநாயகர் தனபாலிடம் தி.மு.க செயல் தலைவரும், எதிர்க்கட்சித் தலைவருமான மு.க.ஸ்டாலின் மனு அளித்துள்ளார். ஸ்டாலினின் இந்த அதிரடி நடவடிக்கை அரசியல் வட்டாரத்தில் பரபரப்பை ஏற்படுத்தியுள்ளது.

STALIN

தமிழகத்தில் அசாதாரண அரசியல் சூழல் நிலவி வருகிறது. இந்நிலையில், முதல்வர் எடப்பாடி பழனிசாமியுடன் அமைச்சர்கள் ஆலோசனைக் கூட்டம்; ஓ.பன்னீர் செல்வத்தின் தலைமையில் கூட்டம்; ஒதுங்கிக்கொள்வதாக டி.டி.வி.தினகரனின் அறிவிப்பு என பரபரப்புக்கு பஞ்சம் இல்லாமல் சென்றுக் கொண்டிருக்கிறது தமிழக அரசியல். இந்த சர்ச்சைகளுக்கு மத்தியில் இன்று காலை தி.மு.க செயல் தலைவரும், தமிழக எதிர்க்கட்சித் தலைவருமான மு.க.ஸ்டாலின், கட்சியின் முக்கிய நிர்வாகிகளுடன் ஆலோசனைக் கூட்டம் நடத்தினார். பின்னர் முக்கிய அறிவிப்பை வெளியிடுவார் என எதிர்பார்க்கப்பட்டது. 

இந்நிலையில், சபாநாயகர் தனபாலை நேரில் சந்தித்து மனு ஒன்றை அளித்தார் மு.க.ஸ்டாலின். அவருடன் தி.மு.க.வின் எட்டு முன்னணி நிர்வாகிகளும் சென்றனர். அந்த சந்திப்பில், 'தற்போதைய அரசியல் சூழல், விவசாய பிரச்னை குறித்து விவாதிக்க தமிழக சட்டப்பேரவையை உடனடியாக கூட்ட வேண்டும்' என அந்த மனுவில் கோரியுள்ளார். தொடர்ந்து முதல்வர் எடப்பாடி பழனிசாமிக்கும் இதே தொனியில் கடிதம் எழுதியுள்ளார் மு.க.ஸ்டாலின்.

http://www.vikatan.com/news/politics/86898-mkstalin-give-petition-to-tn-speaker-dhanapal.html

Categories: Tamilnadu-news