தமிழகச் செய்திகள்

பொல்லாத புதைகுழியில் பூங்குன்றன்! - சசி குடும்ப சொத்து வில்லங்கம்

Wed, 24/01/2018 - 09:44
மிஸ்டர் கழுகு: பொல்லாத புதைகுழியில் பூங்குன்றன்! - சசி குடும்ப சொத்து வில்லங்கம்
 
 

 

p42_1516712184.jpgழுகார் உள்ளே வரும்போதே சிந்தனைவயப்பட்டவராக இருந்தார். கண்களை மூடியபடி, ‘‘பெரிய இடத்து மனிதர்களிடம் நெருங்கவும்கூடாது; விலகவும்கூடாது. ‘தாமரை இலை தண்ணீர் மாதிரி பட்டும் படாமல் இருக்க வேண்டும்’ என்பார்கள். பேச்சுக்கு வேண்டுமானால் இதைச் சொல்லலாம். அது, நிஜத்தில் அத்தனை சாத்தியமில்லை. ஒரு கட்டத்தில் நெருங்கியே ஆகவேண்டிய கட்டாயம் வரும். அதனால் கிடைக்கும் லாபங்கள் அதிகம். ஆனால், இப்படி நெருங்கிச் சென்றதன் காரணமாக பிரச்னைகளுக்கு ஆளாகி, பதுங்கிப் பதுங்கி வாழ்கிற வாழ்க்கை இருக்கிறதே... அப்பப்பா!’’ என்றார்.

‘‘என்ன கழுகாரே, பீடிகை ரொம்ப நீள்கிறது?’’ என்றோம்.

‘‘வேறொன்றும் இல்லை. கடந்த காலத்தில் போயஸ் கார்டனில் ஜெயலலிதாவுக்கு உதவியாக இருந்தவர்களில் சசிகலா குடும்பத்தைச் சாராதவர்கள் வெகு சிலரே! அவர்களில் முதலிடம் பூங்குன்றனுக்கு உண்டு. ஜெயலலிதாவின் ஆட்சி மற்றும் கட்சி அலுவல் சார்ந்த பல பணிகளை ஒருங்கிணைத்துக்கொண்டிருந்தவர் இந்த பூங்குன்றன். தலைமைச் செயலாளர் முதற்கொண்டு அதிகாரிகள், அமைச்சர்கள், கட்சித் தலைவர்கள் எனப் பலருமே... பூங்குன்றன் மூலமாகத்தான் ஜெயலலிதாவுக்குத் தகவல்களைச் சேர்க்க முடியும். சசிகலா குடும்பத்தையும் மீறி, பூங்குன்றனிடம் நேரடியாகவே பேசுவார் ஜெயலலிதா. அவர் மூலமாகவே பல காரியங்களையும் செய்வார் ஜெயலலிதா. இதனால், சசிகலா குடும்பத்தினருக்கு பூங்குன்றன்மீது எரிச்சல் உண்டு. அவரை ஒழித்துக்கட்டவும் அந்தக் குடும்பத்தில் பலர் நேரம் பார்த்துக் காத்திருந்தனர். ஒரு கட்டத்தில், ஜெயலலிதாவிடம் இல்லாததும் பொல்லாததுமாகச் சொல்லி, பூங்குன்றனை ஒதுக்கியும் வைத்தது உண்டு. ஆனால், ஜெயலலிதாவிடம் தன்னை அறிமுகப் படுத்தியவர்கள் என்கிற மரியாதையைச் சற்றும் குறைத்துக் கொள்ளாமல், சசிகலா தரப்பினரிடமும் எப்போதும்போலத் தான் பழகிவந்தார் பூங்குன்றன். பிறகு, ஜெயலலிதாவே மீண்டும் பூங்குன்றனை தனக்கு உதவியாகச் சேர்த்துக் கொண்டார்.’’

p42a_1516712216.jpg

‘‘இந்தப் பழைய கதை இப்போது எதற்கு?’’

‘‘காரணம் இருக்கிறது. ஜெயலலிதாவின் மரணத்தைத் தொடர்ந்து அரங்கேறிய பல்வேறு அதிரடிகளில் சிக்கி, இன்றுவரை தவித்துக்கொண்டே இருக்கிறாராம் பூங்குன்றன். அதிகார மையத்துக்கு மிக நெருக்கமாக இருந்தபோதும், பெரிதாக எதையும் சேர்த்து வைக்கவில்லையாம் பூங்குன்றன். ஆனால், இன்று சசிகலா குடும்பத்தினருடன் சேர்த்து அவரையும் படாதபாடு படுத்துகிறார்கள். ஒரு பக்கம் தற்போதைய தமிழக ஆட்சியாளர்களின் நெருக்கடி, இன்னொரு பக்கம் வருமானவரித் துறை போடும் கிடுக்கிப்பிடி என இரண்டையும் தாங்க முடியாமல் தவிக்கிறாராம் பூங்குன்றன்.’’

‘‘எதற்காக அவரை நெருக்குகிறார்கள்?’’

‘‘சசிகலா குடும்பத் தரப்புகளிடம் கிட்டத்தட்ட நான்காயிரம் கோடி ரூபாய் சொத்துகள் இருப்பதற்கான உறுதியான தகவல்கள் ரெய்டு மூலமாகக் கிடைத்திருக்கிறதாம். ஆனால், அவற்றை மட்டும் வைத்துக்கொண்டு அடுத்த கட்டத்துக்கு நகர முடியாமல் தவிக்கிறார்கள் அதிகாரிகள். யார் யார் பெயர்களிலோ இருக்கும் அந்த ஆவணங்கள் எங்கே இருக்கின்றன என்பது தொடர்பாகவும் லிங்க் கிடைக்காமல் வருமானவரித் துறை அதிகாரிகள் திணறுகிறார்கள். இவை சிக்கினால், அந்தக் குடும்பத்தில் பலரை வழக்குகளில் வளைக்க முடியும் என்பது அவர்களின் கணக்கு. இதற்கு ஒத்தாசை செய்து, சசிகலா குடும்பத்தை முடக்கிவைக்க நினைக்கிறார்கள் தமிழக ஆட்சியாளர்கள். அவர்களின் ஐடியாபடி, பூங்குன்றனை மடக்கும் வேலைகள் இப்போது தீவிரமாகியுள்ளன. அவரை வைத்தே அந்தச் சொத்துகளின் அத்தனை விவரங்களையும் கறப்பதுதான் திட்டமாம்.’’

‘‘அவரை மடக்குவதற்காக நடத்தப்படும் முயற்சிகள் இருக்கட்டும். பூங்குன்றன் பெரிதாக எதையும் சேர்த்து வைக்கவில்லை என்று ஏதோ சொன்னீர்களே... அது நிஜமா? ஏகப்பட்ட வீடுகள், நிலபுலன்கள் எல்லாம் பூங்குன்றனுக்கு உண்டு என்று பேச்சு இருக்கிறதே?’’

‘‘நானும் அதையெல்லாம் கேள்விப்பட்டிருக்கிறேன். ஜெயலலிதா மரணம் தொடர்பாக ஆறுமுகசாமி விசாரணை கமிஷன் விசாரணை நடத்துகிறதே... அங்கு பலரும் விதவிதமான கார்களில் வந்து இறங்குகிறார்கள். பூங்குன்றன் ஒரு நண்பருடன் பைக்கில் வந்து இறங்கியதைப் பார்த்து பலரும் ஆச்சர்யப்பட்டார்கள். சமீபத்தில் சசிகலா குடும்பத்தினரின் பல இடங்களில் ரெய்டு நடத்தப்பட்டபோது, பூங்குன்றன் வீட்டிலும் ரெய்டு நடத்தப்பட்டது. அப்போது அவருடைய வீட்டில் கணக்கில் காட்டப்படாதது என்று கைப்பற்றப்பட்டது 150 பவுன் நகைகள் மட்டும்தானாம். இதுகூட, அவர் மனைவியின் குடும்பத்திலிருந்து போடப்பட்ட நகைகளாம். கல்யாணம், காதுகுத்து என்று அவ்வப்போது போடப்பட்ட இந்த நகைகளுக்கு எந்தவித ரசீதும் இல்லை. இப்படித்தான் பலரும் வீடுகளில் நகைகளை வைத்திருப்பார்கள். ரெய்டு நடத்தும்போது, அதிகாரிகளாகப் பார்த்து இதையெல்லாம் கண்டுகொள்ளாமல் விடுவது உண்டு. பெரிதாக எதுவும் சிக்கவில்லை என்றால், இதுபோன்ற நகைகளைக் கண்டுகொள்ள மாட்டார்களாம். ஆனால், இதை வைத்திருப்பது பூங்குன்றனாயிற்றே... அதனால் அள்ளிக்கொண்டு போய்விட்டார்களாம். ‘இதையெல்லாம் கூட கணக்கில் சேர்த்தால் எப்படி?’ என்று மன்றாடிப் பார்த்தாராம் அவர். ஆனால், உரிய கணக்கைக் காட்டி விட்டு நகைகளைப் பெற்றுக்கொள்ளலாம் என்று கறாராகச் சொல்லிவிட்டார்களாம் அதிகாரிகள். இந்த நகைகளின் மொத்த மதிப்பு, இன்றைய தேதிக்கு சுமார் 35 லட்ச ரூபாய் வருகிறது. இதற்கு 14 லட்ச ரூபாயை அபராதமாகக் கட்டச் சொல்கிறார்களாம். ‘இருக்கும் வீடு தவிர என்னிடம் எதுவுமில்லை. இந்த லட்சணத்தில் இதற்கெல்லாம் எங்கே போவது?’ என்று புலம்பிய பூங்குன்றனை விநோதமாகப் பார்த்திருக்கிறார்கள் வருமானவரித் துறை அதிகாரிகள்.’’

‘‘பூங்குன்றனை மடக்குவதன் மூலமாக எதைச் சாதிக்க நினைக்கிறார்கள்?’’

‘‘பூங்குன்றன் வேண்டுமானால் இப்போது சாதாரண ஆளாக இருக்கலாம். ஆனால், இருந்த இடம் பெரிய இடமாயிற்றே. ஜெயலலிதா மற்றும் சசிகலா தரப்பு சார்ந்த ஏகப்பட்ட நிறுவனங்களின் இயக்குநர், அவர்களால் உருவாக்கப்பட்ட அறக்கட்டளைகளின் முக்கியமான டிரஸ்டி என்று நிறைய பொறுப்புகள் அவரிடம் இருக்கின்றன. அவரிடம் கறந்தால் நிறையவே கிடைக்கக்கூடும். அதை வைத்தே, சசிகலா குடும்பத்தை மொத்தமாக காலிசெய்துவிடலாம் என்பதுதான் ஆட்சிப் பொறுப்பில் இருப்பவர்களின் கணிப்பு. ஆனால், ‘நீட்டிய இடத்திலெல்லாம் கையெழுத்துப்போட்டதைத் தவிரப் பெரிதாக எனக்கு ஒன்றும்தெரியாது. சசிகலா குடும்பத்தினர் என்னை எதிலுமே சேர்த்துக்கொண்ட தில்லை. அதனால், அவர்களைப் பற்றிய ரகசியங்கள் எதுவுமே எனக்குத் தெரியாது’ என்று புலம்பிக் கொண்டிருக்கிறாராம் பூங்குன்றன். ஜெயலலிதா மரணத்துக்குப் பிறகு போயஸ் கார்டன் உள்பட எங்குமே பூங்குன்றனின் தலை தென்பட்டதில்லை. சசிகலா பரோலில் வந்து இளவரசியின் மகள் கிருஷ்ணப்ரியா வீட்டில் தங்கியபோது, அங்கு வந்தார் பூங்குன்றன். ‘இத்தனை நாளாய் எங்கிருந்தார்’ என மீடியாக்களே அவரைப் பார்த்து ஆச்சர்யப் பட்டன.’’

p42e_1516712164.jpg

‘‘அந்த நேரத்தில் அவரிடம் நிறைய கையெழுத்துகள் வாங்கப்பட்டதாகக்கூட செய்தி கசிந்ததே?’’

‘‘ஆமாம். அப்போது நிறைய பரிமாற்றங்கள் நிகழ்ந்ததாகச் சொன்னார்கள். அதைத் தாண்டியும் இன்னும் ‘மாறாத’ விஷயங்கள் உண்டாம். ‘அவை என்னென்ன என்று எனக்கே தெரியாது. ஆனால், இதை வைத்து மேலும் மேலும் நெருக்கடிகளைக் கொடுத்துக் கொண்டிருப்பதைத்தான் தாங்கமுடியவில்லை’ என்று பூங்குன்றன் தனக்கு நெருக்கமான நண்பர்களிடம் புலம்பினாராம்.’’  
 
‘‘அதென்ன நெருக்கடிகளோ?’’

‘‘சமீபத்தில் ஒரு திருமணத்துக்குச் சென்றிருந்த பூங்குன்றனிடம், அங்கு வந்த மேற்கு மண்டல அமைச்சர் ஒருவர் பேசியிருக்கிறார். ‘தம்பி, அங்கே இருந்து என்ன சுகத்தைக் கண்டீங்க? பேசாம நம்ம பக்கம் வந்துடுங்க. உங்கள கண்ணும் கருத்துமா பாத்துக்க வேண்டியது இ.பி.எஸ்-ஓ.பி.எஸ் பொறுப்பு. அங்கேயே இருந்தா கஷ்டம் தொடரும்’ என்று மிரட்டல் தொனியில் பேசியிருக்கிறார். அதற்கு பூங்குன்றன் பதில் ஏதும் பேசவில்லையாம்.’’

‘‘நிறைய பேர் இப்போது ஆட்சியாளர்கள் பக்கம் தாவியிருக்கி றார்களே... இவரும் போக வேண்டியதுதானே! அதிலென்ன சிக்கல்?’’

‘‘இதை செய்துவிடத்தான் அவரும் தீர்மானித்திருந்தாராம். ‘மடியில் கனமில்லை... வழியில் பயமில்லை என்கிற ரீதியில் பயணிக்க வேண்டியதுதான்’ என்று நினைத்தாராம். ஆனால், ‘நீ சசிகலா பக்கமோ, அல்லது ஆட்சியாளர்கள் பக்கமோ சாய்ந்துவிடாதே. எந்தப் பக்கம் சாய்ந்தாலும், கடைசியில் ஆபத்து உனக்குத்தான். பயன்படுத்தும் வரை பயன்படுத்திவிட்டுக் கடைசியில் அம்போ என்று கைவிட்டுவிடுவார்கள். இப்படி மேலிடங்களுக்கு நெருக்கமாக இருந்த காரணத்தால், கடைசி நேரத்தில் சிக்கலை அனுபவித்து வாழ்க்கையையே தொலைத்த பலபேரின் கதை தெரிந்ததுதானே’ என்று அவருக்கு வேண்டிய சிலர் சொல்லி, அதற்குத் தடைபோடுகிறார்களாம்.’’

‘‘உண்மைதானே... நாம் கேள்விப்படாத சங்கதிகளா?’’

‘‘ஏற்கெனவே ஜெயலலிதாவுடன் நேரடியாகப் பேசி, அதனால் சசிகலா குடும்பத்தில் பலரின் விரோதங்களைச் சம்பாதித்துக் கொண்டவர் அவர். சசிகலா சிறையில் இருக்கும் இப்போதைய சூழலில், அவரை இந்தச் சிக்கலிலிருந்து காப்பாற்றுவதற்குத் துளிகூட அந்தத் தரப்பு முன்வரவில்லை. ஆட்சியாளர்களிடம் சேர்ந்துவிடலாம் என்றால், ‘அது ஆபத்தான பாதை’ என்று நண்பர்கள் பயமுறுத்து கிறார்கள். ‘பொல்லாத புதைகுழியில் சிக்கிக்கொண்டோமோ’ எனக் குழம்பிக் கிடக்கிறாராம் பூங்குன்றன். அவருடைய குடும்பத்தினரும் பயத்தில் இருக்கிறார்களாம். ‘எத்தனை எத்தனை ஐ.ஏ.எஸ், ஐ.பி.எஸ், வக்கீல்கள், ஆடிட்டர்கள் என்று உங்ககிட்ட வந்து பம்மிக்கிட்டு கிடந்தாங்க. இப்ப, கல்யாண சீதனமா வந்த நகைகளைக்கூட மீட்கமுடியாத நிலையில கிடக்கறீங்களே’ என்று வருத்தம் பொங்கப் பேசுகிறார்களாம். ஏற்கெனவே நெருக்கமாக இருந்த ஆடிட்டர்கள், வழக்கறிஞர் கள்கூட உதவிக்கு வரத் தயங்குகிறார்களாம். ஆட்சியாளர்களிடம் எதற்காக பொல்லாப்பைச் சம்பாதித்துக் கொள்ளவேண்டும் என்பது தான் காரணமாம்.’’

‘‘பரிதாபம்தான்!’’

‘‘ஜெயலலிதா மருத்துவ மனையில் இருந்த நேரத்தில் நிகழ்ந்த ஒரு விஷயம் பற்றி இப்போது ஒரு தகவல் கிடைத்தது. சொல்லவா?’’

‘‘சொல்லும்!’’

‘‘ஜெயலலிதா இனி தேறி வரமாட்டார் என்று உடன் இருந்தவர்களுக்குத் தெள்ளத் தெளிவாகப் புரிந்துவிட்ட நாள் அது! நள்ளிரவு நேரத்தில், சென்னை மாநகர ரோந்துப் பணி மேற்பார்வையில் இருந்த ஓர் அதிகாரி, டாக்டர் ராதாகிருஷ்ணன் ரோடு, பீச் ரோடு, ராயபுரம், காசிமேடு, எண்ணூர் ரூட்களில் ரோந்து பணியில் இருந்த போலீஸ் அதிகாரிகளை மைக்கில் அழைத்து, ‘நான் சொல்லும் இடத்துக்கு உடனே வாருங்கள். இங்கே ஒரு பெரிய பிரச்னை’ என்று சொல்கிறார். அவர்கள் அனைவரும் பதற்றத்துடன் விரைகின்றனர். ஆக, போலீஸ் கண்காணிப்பு இல்லாமல் அந்த ரூட் கிளியர். அதே நேரத்தில் போயஸ் கார்டன் ஏரியாவிலிருந்து நம்பர் பிளேட் இல்லாத ஒரு கன்டெய்னர் லாரி சீறிப்பாய்ந்து வெளியேறுகிறது. ‘அதில் என்ன இருந்திருக்கும்’ என்பதை உமது யூகத்துக்கே விட்டுவிடுகிறேன். இதையெல்லாம் கீழ்மட்ட போலீஸார் கவனித்துக்கொண்டே இருந்தனர். அவர்களை ஆச்சர்யப்படுத்திய ஒரு விஷயம்... அந்த லாரிக்கு முன்னால் பைலட் ஆக காரில் சென்றவர் ஜெயமான ஓர் அதிகாரி. பொதுவாகவே, எண்ணூர் ஏரியாவில் சரக்கு ஏற்றிக்கொண்டு போகும் கன்டெய்னர்கள் ஏராளமாக இருக்கும். அந்தக் கும்பலில் இதுவும் கலந்துவிட்டது. ‘குட்கா விவகாரத்தில் தப்பிக்க வைக்கிறோம்’ என்கிற உத்தரவாதத்தின் பேரில்தான், அவர் பைலட் ஆக மாறி கன்டெய்னரை வழி நடத்தினாராம்.’’

‘‘சென்னை மாநகர போலீஸ் வட்டாரத்தை குட்கா விவகாரம் உலுக்கிக்கொண்டிருக்கிறது. கன்டெய்னர் கதையைச் சொல்லிவிட்டீர்கள். எதில் போய் முடியும் என்று புரியவில்லையே?’’

‘‘கொஞ்ச காலம் அமுங்கிக்கிடந்த போலீஸ் உயர் அதிகாரிகள் கோஷ்டியினர் இப்போது வரிந்துகட்டிக்கொண்டு ஆக்‌ஷனில் இறங்கி விட்டனர். இணை கமிஷனர்கள் மூன்று பேர், ஒரு டெபுடி கமிஷனர்ஆகியோர் குட்கா விவகாரத்தின் புதிய கதாபாத்திரங்கள். சென்னை மாநகர போலீஸ் கமிஷனர் விஸ்வநாதனிடம், ‘என்னைப்பற்றி இன்னார் அவதூறு பரப்புகிறார்’ என்கிற ரீதியில் மாறி மாறிப் புகார்களைச் சொல்லி வருகிறார்களாம். ‘இது என்ன ஸ்கூல் பசங்க சண்டை மாதிரி ஆகிவருகிறதே?’ என்று குழம்பிப்போயிருக்கிறாராம் கமிஷனர்.’’

‘‘குட்கா விவகாரம் அம்பலத்துக்கு வர யார் சூத்திரதாரி?’’

‘‘சி.பி.ஐ-யில் பல வருடங்கள் இருந்த அனுபவசாலியான அசோக்குமார், தமிழக டி.ஜி.பி-யாக இருந்தார். பதவி நீடிப்பில் இருந்த அவர்தான், குட்கா விவகாரத்தில் கிடைத்த தகவல்களை அப்போதைய முதல்வர் ஜெயலலிதாவின் பார்வைக்கு அனுப்பினார். இந்த குட்கா கோஷ்டியினர் போயஸ் கார்டனில் கோலோச்சிய பவர்ஃபுல் ஆட்களைப் பிடித்து, அவரை ராஜினாமா செய்ய வைத்தார்கள். அந்தக் கோபம் அவருக்கு. ‘இந்த வழக்கை சி.பி.ஐ விசாரணைக்குக் கொண்டு செல்லவேண்டும்’ என்று அசோக்குமார் தரப்பினர் அதிகம் விரும்புகிறார்கள். இதில் சுகாதாரத் துறை அமைச்சர் விஜயபாஸ்கர் தவிர, வணிகவரித் துறை அமைச்சர் வீரமணி தரப்பினருக்கு இருக்கும் தொடர்பு, குடோன்கள் கண்காணிப்பில் கோட்டை விட்டது பற்றியும் மத்திய உளவுத் துறையினர் தோண்ட ஆரம்பித்திருக்கிறார்கள். இப்போதைக்கு இவ்வளவுதான் சொல்ல முடியும்.’’

p42d_1516712260.jpg

‘‘கமல், ரஜினி... இந்த வரிசையில் ‘நானும் அரசியலுக்கு வரப்போகிறேன்’ என்று விஷால் அறிவித்தார். லேட்டஸ்ட்டாக, மு.க.ஸ்டாலினின் மகன் உதயநிதியும் சொல்லியிருக்கிறாரே?’’

‘‘நானும் கவனித்தேன். ‘சினிமாவுக்கு வருவதற்கு முன்பு, அப்பாவுக்காக ஆயிரம் விளக்குத் தொகுதி, தாத்தாவுக்காக துறைமுகம் தொகுதி, முரசொலி மாறனுக்காக மத்திய சென்னை தொகுதியில் ஓட்டுக் கேட்டிருக்கிறேன். நிறைய டூர் போயிருக்கிறேன். எல்லா நடிகர்களும் அரசியலுக்கு வந்துட்டாங்க. எனக்கும் டயம் வந்திடுச்சுன்னு நினைக்கிறேன்’ என்று மீடியாக்களிடம் முதல்முறையாக அறிவித்துள்ளார் உதயநிதி. ‘அவரின் அம்மா துர்க்கா ஸ்டாலின் தற்போதைய அரசியல் சூழ்நிலைகளைக் கருத்தில் கொண்டு போட்டுக்கொடுத்த ஸ்கெட்ச்சில் பயணிக்கிறார் உதயநிதி’ என்கிறார்கள் விவரம் தெரிந்தவர்கள்.’’

‘‘திடீரென கிருஷ்ணகிரி கிழக்கு மாவட்ட தி.மு.க செயலாளர் சுகவனத்தைப் பதவியிலிருந்து எடுத்து விட்டார்களே?’’

‘‘நீர் ‘முரசொலி’ பார்த்தீரா? அதில், ‘சுகவனம் தன்னை விடுவித்துக்கொண்டதாக’ போட்டிருக்கிறார்கள். அதுதான் நிஜமும்கூட. உடல்நலத்தைக் காரணம் காட்டி இந்த முடிவை சுகவனம் எடுத்திருப்பதாக சொல்லப்படுகிறது. புதிதாக மாவட்டப் பொறுப்பாளராக நியமிக்கப்பட்டிருப்பவர் செங்குட்டுவன். இப்போதைய கிருஷ்ணகிரி எம்.எல்.ஏ. ரொம்ப விவரமானவராம். எடப்பாடியின் குட்புக்கில் இருப்பவர். அந்த வகையில், செங்குட்டுவன் அவரது தொகுதிக்கு மூன்று பெரிய பாலங்களைக் கொண்டுவந்துவிட்டார். தினகரன் கோஷ்டியைச் சேர்ந்த முன்னாள் அமைச்சர் பழனியப்பனும் செங்குட்டுவனுக்கு வேண்டப்பட்டவர்தான். கிருஷ்ணகிரியில் நடந்துவந்த திரைமறைவு பாலிடிக்ஸை கவனித்த தி.மு.க மேலிடம், திடீரென அவரை அழைத்து மாவட்டப் பொறுப்பாளராக அறிவித்துவிட்டது.’’

‘‘துணை ஜனாதிபதி வெங்கையா நாயுடுவுக்கும் தமிழக உயர் அதிகாரிகளுக்கும் ஏதோ உரசலாமே?’’

‘‘துணை ஜனாதிபதி வெங்கையா நாயுடு அடிக்கடி சென்னைக்கு விசிட் அடிப்பது போலீஸாருக்குத் தர்மசங்கடத்தைத் தருகிறது. பொங்கல் சமயத்தில் அவருக்குப் பாதுகாப்பு கொடுக்க போலீஸார் ரொம்ப சிரமப்பட்டனர். திடீரென ஒரு நாள் மதியம், அடையாரில் உள்ள ஒரு ஹோட்டலுக்கு சாப்பிடப் போகவேண்டும் என்று சொன்னாராம். துணை ஜனாதிபதி என்பதால், அவர் செல்லும் ரோட்டில் ‘ஜீரோ டிராஃபிக்’ முறையை போலீஸார் கடைப்பிடிக்கவேண்டும். அதை எப்படிச் செய்வது என்று திணறிப்போய்விட்டார்களாம். காணும் பொங்கல் தினத்தில் கடற்கரைச் சாலையில் மக்கள் கூட்டம் அலை மோதும். அந்தச் சமயத்தில் ஏதோ விழாவுக்கு அந்த ரூட்டில் போக விரும்பினாராம். ‘அதெல்லாம் முடியாது’ என்று சென்னை போலீஸார் வேறு ரூட்டில் துணை ஜனாதிபதியைத் திசை மாற்றி விட்டார்களாம். ‘ப்ளூ புக்’ என்கிற அந்தஸ்தில் ஜனாதிபதி, பிரதமர், துணை ஜனாதிபதி ஆகிய மூவருக்கும் பாதுகாப்பு அளிக்கப்பட்டுவருகிறது. கடந்த இரண்டு மாதங்களில் அடிக்கடி சென்னைக்கு விசிட் வந்தார் வெங்கையா நாயுடு. ஒவ்வொரு நாளும் பல விழாக்களில் பங்கேற்க நேரம் கொடுக்கிறாராம். குறிப்பாக, ஆந்திராக்காரர்கள் கூப்பிடும் எந்த விழாவுக்கும் போய்விடுகிறாராம். தமிழக அரசின் தலைமைச் செயலாளரில் ஆரம்பித்து போலீஸ் கமிஷனர் உள்ளிட்ட அனைவரும் துணை ஜனாதிபதிக்கு உரிய மரியாதை செய்யவேண்டியிருக் கிறதாம். இந்தத் தகவல், வாய்மொழி புகாராக ஜனாதிபதிக்கும் போயிருக்கிறது’’ என்ற கழுகார் பறந்தார்.

அட்டை மற்றும் படங்கள்: வி.ஸ்ரீனிவாசுலு

p42b_1516712100.jpg

நெருங்கும் அதிகாரிகள் டீம்!

ஜினி படு ஸ்பீடாக செயல்படுகிறார். ரஜினி மக்கள் மன்ற வேலூர் மாவட்டச் செயலாளர் உள்ளிட்ட சில பதவிகளுக்கான பெயர்களைத் திடீரென அறிவித்துவிட்டார். ‘காலா’ பட டப்பிங் வேலைகளில் பிஸியாக இருந்துகொண்டே, கட்சி விவகாரங்களையும் கவனிக்கிறார். கடந்த வாரத்தில் ஒரு நாள்... ரஜினி மக்கள் மன்றத் தலைமை நிர்வாகி சுதாகர், டெக்னிக்கல் டீம் சார்பாக ராஜு மகாலிங்கம் என்று எட்டு பேர் வேலூருக்கு விசிட் போய் ஆய்வுக்கூட்டம் நடத்தினார்கள். மறுநாளே வேலூர் மாவட்டத்தில் புது நியமனங்களுக்கான அறிவிப்பு வெளியானது. ‘ஆன்மிக அரசியல்’ என்கிற முத்திரை தன்மீது விழுந்துவிடக்கூடாது என்பதற்காக, பலருக்கும் பிரதிநிதித்துவம் கொடுத்திருக்கிறார் ரஜினி. அடுத்தகட்டமாக, கன்னியாகுமரி, நெல்லை, தூத்துக்குடி மாவட்டங்களுக்கு ரஜினியின் டீம் செல்கிறதாம். பிப்ரவரி மாதத்துக்குள் அனைத்து மாவட்டங்களிலும் நிர்வாகிகளை அறிவிக்கப்போகிறார் ரஜினி.

தற்போதுள்ள சிஸ்டத்தை மாற்றியமைக்க நிறைய ஐடியாக்களை எதிர்பார்க்கிறார் ரஜினி. மத்திய அரசுப்பணியில் உள்ள ஒரு ஐ.ஏ.எஸ் அதிகாரி உள்ளிட்ட மூன்று பேர், இளம் ஐ.பி.எஸ் அதிகாரிகள் சிலர் சென்னையில் முக்கிய ஹோட்டல் ஒன்றில் இதுபற்றி ஆலோசனை நடத்தினார்களாம். இவர்களுடன் ரஜினி மன்ற முக்கியப் பிரமுகர் ஒருவர் தொடர்பில் இருக்கிறார்.

p42c_1516712126.jpg

‘‘ஒரு கோடி மக்களைச் சந்திப்பேன்!’’

ன் நற்பணி மன்ற நிர்வாகிகளுடன் பரபரப்பான ஆலோசனையில் இருக்கிறார் கமல்ஹாசன். அவரது சுற்றுப்பயணத்தில் ஒவ்வொரு மாவட்டத்திலும் கூட்டங்கள் நடக்கப் போகின்றன. ஆனால், அரங்கக்கூட்டங்களாகவே அவை நடைபெறுமாம்; பொதுக்கூட்டங்கள் கிடையாதாம். அதனால்தான், ‘மதுரையில் பொதுக்கூட்டம்’ எனத் தகவல் வெளியானதும் பதற்றமாகி மறுத்தார் கமல். கமலுக்கு நெருக்கமானவர்கள், ‘ரஜினி தன் மன்றத்தில் ஒரு கோடி உறுப்பினர்களைச் சேர்க்கப் போகிறார்’ என்று சொன்னபோது, ‘‘சரி, நான் தமிழ்நாடு முழுக்க ஒரு கோடி மக்களை நேரில் சந்தித்துப் பேசிடறேன்’’ என்று சொல்லிச் சிரித்தாராம் கமல். 

p42f_1516712047.jpg

சசிகலா தொடர்புடைய மிடாஸ் மதுபான ஆலை, கடந்த இரண்டரை மாதங்களாக சரக்கு உற்பத்தியைத் தற்காலிகமாக நிறுத்திவைத்திருந்ததாம். காரணம்... வருமானவரித் துறை ரெய்டு. பொங்கலுக்குப் பிறகு, மீண்டும் உற்பத்தியை ஆரம்பித்துவிட்டதாம். ரெய்டுக்கு முன்பு, மாதம் ஆறு லட்சம் பெட்டிகளை டாஸ்மாக் கடைகளுக்கு சப்ளை செய்தார்களாம். இப்போது அதை இரண்டரை லட்சமாகக் குறைத்துவிட்டதாம் எடப்பாடி அரசு. ‘டாஸ்மாக் சப்ளையில் யாருக்கு எவ்வளவு ஆர்டர் கொடுக்கவேண்டும்’ என்பதை முதல்வரே நேரடியாக கவனிக்க ஆரம்பித்திருக்கிறாராம். 

ஜெயலலிதா முதல்வராக இருந்த காலகட்டத்தில், டெல்டா ஏரியாவைச் சேர்ந்த பவர் ஏஜென்ட்கள் சிலர் தலைமைச் செயலகத்தை வலம் வந்தார்கள். இடையில் கொஞ்ச காலம் அவர்களைக் காணவில்லை. கடந்த ஓரிரு மாதங்களாக, மீண்டும் அவர்களின் நடமாட்டம் தெரிகிறது. ‘ஆற்று மணல் கான்ட்ராக்ட் பெற்றுத்தருகிறோம்’ என்று பேரம் பேசி வருகிறார்கள்.

தினகரன் பக்கம் வந்ததால் பதவியை இழந்த 18 எம்.எல்.ஏ-க்கள் ‘‘தனிக்கட்சி ஆரம்பித்தால் தினகரனுடன் போகமாட்டோம்’’ என்று சொல்லிவருவதைக் கவலையுடன் கவனிக்கிறார் எடப்பாடி. ‘‘ஆர்.கே. நகர் அதிரடிபோல தினகரன் ஏதோ திட்டம் தீட்டிவிட்டார். அது என்ன என்றுதான் புரியவில்லை. உளவுத்துறை என்னதான் செய்கிறது?’’ என்று புலம்பிவருகிறாராம் எடப்பாடி.

தினகரனை மட்டும் தனிமைப்படுத்திவிட்டு, சசிகலா மற்றும் நடராசன் குடும்பத்து சேனல்கள் அனைத்தையும் மீண்டும் ஒருங்கிணைத்துத் தங்கள் பக்கம் கொண்டுவர ஸ்பெஷல் பிளான் ஒன்றை எடப்பாடியிடம் போட்டுக்கொடுத்திருக்கிறாராம் உணவுத் துறை அமைச்சர் காமராஜ். மன்னார்குடிக்காரரான இவரின் பேச்சை இந்த சீஸனில் தட்டாமல் கேட்கிறாராம் எடப்பாடி.

திவாகரன் மகன் ஜெயானந்த் அரசியல் ஆசையில் தவிக்கிறார். ‘இவருக்கு இளைஞரணி பதவியை வாங்கித்தரவேண்டும்’ என்று திவாகரன் ஆசைப்பட... தினகரன் தயங்குகிறார். ஜெயானந்த் சமீபத்தில், ‘சுபாஷ் சந்திரபோஸ் மக்கள் இயக்கம்’ என்ற அமைப்பைத் தொடங்கியிருக்கிறார். நிர்வாகிகளை நியமித்து, தமிழகம் முழுக்கச் சுற்றுப்பயணம் செல்லவும் ரெடியாகிவிட்டார்.

https://www.vikatan.com

Categories: Tamilnadu-news

நித்தியானந்தா பக்தைகளின் உளவியல்... மருத்துவ ஆராய்ச்சி சொல்லும் காரணம்!

Wed, 24/01/2018 - 06:41
நித்தியானந்தா பக்தைகளின் உளவியல்... மருத்துவ ஆராய்ச்சி சொல்லும் காரணம்!
 
 

நித்தியானந்தம்.

வணக்கம்.

 

"மாணவர் சரத்பிரபு மர்ம மரணம்."

"போக்குவரத்து ஊழியர் போராட்டம்."

"பேருந்துக் கட்டணம் 40% உயர்வு. அதாவது, கோயம்பேட்டிலிருந்து தாம்பரம் சென்று வர ஒரு நாளைக்கு 66 ரூபாய் ஆனது."

"பா. வளர்மதிக்கு பெரியார் விருது."

"போராளி வளர்மதிக்கு விகடன் விருது"

"ஓகி புயலில் சிக்கிய மீனவர்கள் என்ன ஆனார்கள் என்று தெரியவில்லை. மீண்டவர்களுக்கான நிவாரணம் இன்னும் சென்றடையவில்லை."

"பியூஷ் மானுஷ் மீது ஈஷா வழக்குப் பதிவு. ஜக்கியே நேரடியாக மனுதாரர்களில் ஒருவராக இருக்கிறார்." 

இந்தச் செய்திகள் எதுவும் இன்று சமூகத்தில் பெரிய தாக்கத்தையோ, விவாதத்தையோ ஏற்படுத்தியதாகத் தெரியவில்லை. தெருமுக்கு டீக்கடை தொடங்கி, சேட்டன் ஜூஸ் பார்லர் வழிப் பயணித்து, 5 ஸ்டார் ஹோட்டல் பார் வரை இன்று விவாதமாகியிருக்கும் இந்த ஒரு விஷயம் உண்மையில் பெரும் பயத்தை ஏற்படுத்தியிருக்கிறது. 

16 வயதுப் பெண் பேசும் அந்த வீடியோ முதலில் விளையாட்டாகத் தான் பார்க்கப்பட்டது, பகிரப்பட்டது. ஆனால், அதைக் கொஞ்சம் உற்று கவனித்தால் கூட அது எத்தனைப் பெரிய விபரீதம் என்பது புரியும். நித்தியானந்தாவின் இளவரசிகளாகத் தங்களைப் பிரகடனப்படுத்திக் கொள்ளும் அந்தச் சிறுமிகள் பேசிய வார்த்தைகளை பொது வெளியில் எழுதிட முடியாது. இந்தக் கொடுமையின் உச்சகட்டம், தமிழ் மொழியின் மிக முக்கிய ஆளுமைகளில் ஒருவராக இருக்கும் கவிஞர் வைரமுத்துவுக்கு எதிராக இந்தக் கொடுஞ்சொற்களை அவர்கள் பயன்படுத்துவது. மதன் கார்க்கி வரை அவர்களின் பேச்சு நீண்டது. கனிமொழி கூறிய கருத்துக்கும் அவர் இந்தக் கூட்டத்திடமிருந்து தப்பிவிடவில்லை. 

நித்தியானந்தம்

``இந்து மதத்துக்கு எதிராக இதுபோன்று பேசுபவர்களை வீட்டுக்கு வந்து வெட்டுவோம்..." என்று சொல்லும் அந்தப் பையனுக்கு நிச்சயம் 12 வயதுகூட இருக்காது. மணிக்கணக்கில் கெட்ட வார்த்தை அர்ச்சனை நடத்திய அந்தப் பெண்ணுக்கு வயது 16. இன்னும் பல சிறுவர், சிறுமிகள். கண்டிப்பாக சிவனின் பாதங்களைத் தொட்டு பூஜிக்கும் இவர்களில் எத்தனைப் பேர் ஆண்டாளை முழுமையாகப் படித்திருப்பார்கள் என்பது மிகப்பெரிய கேள்வி. குறைந்தபட்சம் இதில் ஒருவராவது வைரமுத்துவின் அந்தப் பேச்சையோ, கட்டுரையையோ படித்திருப்பார்களா என்றால், அதுவும் நிச்சயம் கிடையாது. வைரமுத்துவுக்குப் போன் செய்து பேசிய பி.ஜே.பி-யைச் சேர்ந்த கல்யாண்ராமன் ஆடியோவில் கூட அவரே சொல்கிறார், தான் அந்தக் கட்டுரையையோ, பேச்சையோ கேட்கவில்லை என்று. ஆனால், சகட்டுமேனிக்குப் பேசுகிறார்கள். வாய்க்கு வரும் வசைகளை எல்லாம் பேசித் தள்ளுகிறார்கள். வயது வித்தியாசம் பாராமல் பேசுகிறார்கள். 

"உயிர் மலர்ச்சி... உணர்வு மலர்ச்சி. இது இரண்டையும் பரமஹம்ச ஶ்ரீநித்தியானந்த சுவாமிகள் எங்களுக்கு அளித்திருக்கிறார்'' என்று ஒரு வீடியோ பதிவில் பேசியிருக்கும் அவர்களுக்கு அந்த வார்த்தை மலர்ச்சி மற்றும் ஞான மலர்ச்சியையும் அவர்தான் கொடுத்திருப்பார் என்பதில் எந்த சந்தேகமும் இல்லை. இந்த பெரும்பாலான வீடியோக்களில் பேசுபவர்களின் பின்னணியில், சிரித்த முகத்தோடு அவர்களை ஆசீர்வதித்தபடி அமர்ந்திருக்கிறார் நித்தியானந்தா. இதுவரை, இந்தச் சிறுவர்கள் இப்படி பேசியதற்கு எதிராக  நித்தியானந்தாவோ அவர் நடத்தும் அமைப்பிடமிருந்தோ ஒரு சிறு அறிக்கை கூட வரவில்லை. என்றால்... ஒன்று அவர்கள்தான் இவர்களைப் பேசவே சொல்லியிருக்க வேண்டும். அல்லது, அவர்கள் பேசுவதை முழுமனதோடு ஆதரிக்கிறார்கள்.

நித்தியானந்தா

சிறுவர், சிறுமிகள் இப்படி பேசுவது, அவர்களை இப்படி பேச அனுமதிப்பது, அவர்கள் இப்படி பேசுவதை ஆதரிப்பது எல்லாமே பெருங் குற்றம் என்றும் அந்தக் குழந்தைகளை அவர்களிடமிருந்து மீட்க வேண்டும் என்றும் கர்நாடக டி.ஜி.பி, தேசிய மற்றும் மாநிலக் குழந்தைகள் பாதுகாப்பு அமைப்புக்கு புகார் மனு அனுப்பியுள்ளார் சமூக ஆர்வலர் பியூஷ் மானுஷ். போஸ்கோ (Posco - Protection of Children against Sexual Offences) சட்டத்தின் கீழ் இவர்கள்மீது நடவடிக்கை எடுக்க வேண்டும் என்று கோரியிருக்கிறார். வேடிக்கை என்னவென்றால், நித்தியானந்தாவின் இளவரசிகளும் அதே சட்டத்தைக் காண்பித்து தங்களுக்கு எதிராக சமூக வலைதளங்களில் கருத்து தெரிவிப்பவர்களையும் கைதுசெய்ய வேண்டும் என்று தெரிவித்திருக்கிறார்கள். நித்தியானந்தாவிடமிருந்து அந்தச் சிறுவர், சிறுமிகளை அந்தச் சட்டம் கொண்டு மீட்க வேண்டும் என்று ஒரு பக்கம், பொதுமக்களிடமிருந்து எங்களைக் காத்து தங்களின் குருவிடமே தாங்கள் பத்திரமாக இருக்க வழி செய்ய வேண்டுமென்று அதே சட்டத்தை அவர்கள் கோரியிருப்பது நகை முரண் தான். 

இந்தப் பிரச்னை ஆண்டாள் குறித்தோ, நித்தியானந்தோ குறித்தோ, வைரமுத்து குறித்தோ ஆனது அல்ல. இந்தப் பிரச்னையின் ஆழத்தில் நாம் பார்க்க வேண்டியது இந்தக் குழந்தைகளின் உளவியலை. இந்தக் குழந்தைகளை இப்படியான ஓர் இடத்தில் கொண்டு போய் சேர்த்திருக்கும் பெற்றோர்களின் உளவியலை; இப்படியான குழந்தைகள் கூட்டத்தைப் பக்தி என்ற பெயரில் ஈர்த்து தவறான வழிக்கு இழுத்துச் செல்லும் நபர்களின் உளவியலைத்தான். பள்ளிக்கூடத்தில் ஒரு மாணவர் தவறான வார்த்தைப் பேசிவிட்டால்... அந்த மாணவர் பயப்படுவார். குற்ற உணர்வு ஏற்படும். ஆசிரியருக்குத் தெரிந்துவிட்டால் ஏதும் தண்டனைக் கிடைக்குமே என்ற பயம் ஏற்படும். ஆனால், நித்தியானந்தாவின் இந்த மாணவர்களுக்கு அப்படியான எந்த பயமும், குற்றவுணர்வும் இருப்பதாகத் தெரியவில்லை. அந்தக் குழந்தைகள் அப்படி பேசுவதை எல்லாம் கேட்டால், அவர்கள்மீது எந்தக் கோபமும் ஏற்படவில்லை. மாறாக அவர்களைக் கண்டு பரிதாபமாகத்தான் இருக்கிறது. 

ரஞ்சிதா

இதுமாதிரியான ஆன்மிகத் தலைவர்கள் ஏன் இப்படி நடந்துகொள்கிறார்கள்? அவர்கள் பின் எப்படி இப்படியொரு பெருங்கூட்டம் திரள்கிறது? அவர்களை இந்தத் தலைவர்கள் எப்படி மயக்குகிறார்கள்... ஏமாற்றுகிறார்கள்...தங்களின் கைப்பாவைகளாக மாற்றுகிறார்கள்? குறிப்பாக, இதுபோன்று வரும் பெண்களை எப்படி தங்களின் காம இச்சைகளுக்குப் பயன்படுத்துகிறார்கள் என்பதுகுறித்த ஓர் ஆழமான ஆராய்ச்சியை மேற்கொண்டிருக்கிறார் அமெரிக்காவைச் சேர்ந்த உளவியல் ஆராய்ச்சியாளர் டாக்டர். ஜஞ்ஜா லலிச் (Dr. Janja Lalich). 

The PsychoSexual Exploitation of Women in Cults' என்ற தலைப்பின் கீழ் இந்த ஆராய்ச்சிக் கட்டுரையை அவர் சமர்ப்பித்துள்ளார். வரலாற்றிலிருந்து பல தகவல்களைத் திரட்டி, அதை நிகழ்கால நிகழ்வுகளோடு இணைத்து பல ஆதாரங்களோடு இந்தக் கட்டுரை சமர்ப்பிக்கப்பட்டுள்ளது.

"படிப்பறிவில்லாத, நிலைத்தன்மையற்ற, மாறுபட்ட மனிதர்கள் அல்ல இதுபோன்ற தலைவர்களை நம்பிப் போவது. உலகளவில் இது போன்ற தலைவர்களைப் பின்பற்றிப் போகும் கூட்டத்தில் இருப்பவர்களில் பெரும்பாலும் நல்ல அறிவுள்ள, நிலையான வாழ்க்கைச் சூழலில் இருக்கும் மிகச் சாதாரண மக்கள்தான் அதிகம் இருக்கின்றனர்" என்று இந்தக் கட்டுரையின் ஓரிடத்தில் குறிப்பிடுகிறார், மார்கரேட் தேலர் சிங்கர் (Margaret Thaler Singer) எனும் மனோதத்துவ டாக்டர்.

அறிக்கை

ஒரு மனிதன், பிற மனிதன்மீது தன் அதிகாரத்தையும், ஆதிக்கத்தையும் செலுத்த வேண்டுமென்று முடிவுசெய்கிறான். அதற்கான முக்கிய வழி அவனுடைய/ அவளுடைய நம்பிக்கையை முழுமையாகப் பெறுவது. அது உடல்ரீதியான நெருக்கத்தின் மூலம்தான் கிடைக்கும். அதனால்தான், இந்தத் தலைவர்கள் பெண்களை உடல்ரீதியில் கவர்கிறார்கள். உடல்ரீதியில் ஒருவரை உட்படுத்திவிட்டால், அந்த நிர்வாணம் அவர்களுக்கு இடையேயான தடைகளை உடைத்து, அவர் மீதான் முழு ஆதிக்கத்தைச் செலுத்த வழிவகைசெய்கிறது. கூடவே, இதுபோன்ற தலைவர்கள் பேச்சில் வல்லவர்கள் என்பதால், இந்த விஷயங்களை மிக எளிதாக அரங்கேற்றுகிறார்கள். 

எல்லாவற்றுக்கும் மேலாக, ஆராய்ச்சியாளர் ராபர் ஹரே (Robert Hare) இதில் சில விஷயங்களை முன்வைக்கிறார். 

"இந்த ஆன்மிகத் தலைவர்கள் அனைவருமே சைக்கோபாத் (Psychopath) கிடையாது. ஆனால், இதில் பெரும்பாலானவர்களுக்கு இந்த பெர்சனாலிட்டி டிஸ்-ஆர்டர் (Personality Dis-order) இருக்கிறது. ஆம்...அவர்களில் பெரும்பாலானவர்கள் மனநோயால் பாதிக்கப்பட்டவர்கள் தான்." என்று சொல்கிறார் ராபர்ட்.. 

இந்த ஆன்மிகத் தலைவர்கள், பெண்களை தங்கள் காம இச்சைகளுக்கு ஏன் உபயோகப்படுத்துகிறார்கள்? அவர்களுக்குள் இருக்கும் இந்த "சைக்கோபாத் பண்புக் கூறுகள்" (Psychopath Traits) தான் காரணம் என்கிறார்:

1. காமக் கிளர்ச்சிக்கான தூண்டுதல் (Need for Stimulation)

2. இரக்கமற்ற குணம் மற்றும் பிறர் நிலை உணராதது (Callousness & Lack of Empathy)

3. வரைமுறையற்ற காம நடத்தைகள் மற்றும்  துணைக்குச் செய்யும் துரோகம். (Prmiscuous Sexual Behaviour & Infidelity)

4. வழவழப்பான, வசீகர பேச்சு மற்றும் ஈர்ப்பு. (Glibness & Superficial Charm)

5. தன்னைப் பற்றி தானே பெரிதாக நினைத்துக்கொள்வது. (Grandiose Sense of Self)

6. பொய் சொல்வதையே வாழ்நாள் வழக்கமாகக்கொண்டிருப்பது (Pathological Lying)

7. குற்ற உணர்வோ, கழிவிரக்கமோ, வெட்கமோ இல்லாமல் இருப்பது. (Lack of Remorse,Shame or Guilt)

இப்படியாக, அவர்களின் உளவியலை மிக விரிவாக ஆராய்ச்சிக்குட்படுத்தியிருக்கிறது இந்தக் கட்டுரை. இது இந்து மதத்துக்கோ, கிறித்துவ மதத்துக்கோ, இஸ்லாம் மதத்துக்கானதோ மட்டுமான ஆராய்ச்சி அல்ல. இது, பொதுவான அனைத்து மதத்துக்குமானதுதான். சொல்லப்போனால், மதங்களுக்கும் அப்பாற்பட்டது. இந்தக் கட்டுரை பிரச்னையை மட்டும் பேசவில்லை; அதற்கானத் தீர்வுகளையும் பேசியிருக்கிறது. குறிப்பாக, இதிலிருந்து மீட்கப்படும் குழந்தைகள் மற்றும் பெண்களுக்கு, எந்த மாதிரியான மனோதத்துவ சிகிச்சைகள் மேற்கொள்ள வேண்டும் என்பதையும், இதற்கெல்லாம் காரணகர்த்தாக்களாக இருக்கும் போதகர்களுக்கு/சாமியார்களுக்கு என்னமாதிரியான மனோதத்துவ சிகிச்சைகள் வழங்கப்பட வேண்டும் என்பதுகுறித்தும் குறிப்பிட்டிருக்கிறார்கள். 

இது போன்ற மதத்தலைவர்கள், அவர்கள் செய்யும் தவறுகள், பாதிக்கப்படும் மக்கள் எனப் பேசும்போது ஒரு வரலாற்று துயர சம்பவத்தைக் குறிப்பிட வேண்டியது அவசியமாகிறது.

நித்தியானந்தம் - நித்தியானந்தா - மதத் தலைவர் ஜிம் ஜோன்ஸ்

                     

1950களில் அமெரிக்காவில் ரெவரெண்ட் ஜிம் ஜோன்ஸ் (Rev. Jim Jones) என்ற கிறித்துவ மதத் தலைவர் "பீப்பில்ஸ் டெம்பிள்" (People's Temple) என்றொரு மத நிறுவனத்தைத் தொடங்கினார். தன்னுடைய வசீகரப் பேச்சால் பல ஆயிரம் பக்தர்களைத் தன் பக்கம் ஈர்த்தார். அவர் ஒரு கட்டத்தில் தென் அமெரிக்க நாடான கயானாவில் ""ஜோன்ஸ் டவுன்" (Jones Town) எனும் பெரும் ஆசிரமத்தை நிறுவினார். அங்கு தன்னைப் பின்பற்றும் ஆயிரக்கணக்கானவர்களையும் கொண்டு சென்று ஒரு சமூகமாக வாழத் தொடங்குகிறார். ஆனால், சில மாதங்களிலேயே அங்கு மிகப் பெரிய வன்முறை நடக்கிறது, மனித உரிமை மீறல்கள், பெண்களுக்கு எதிரான வன்முறைகள் நடக்கின்ற என சில செய்தி நிறுவனங்கள் ஆதரங்களோடு செய்திகளை வெளியிட்டன. அந்த விஷயங்களை விசாரிக்க ஒரு விசாரணைக் கமிஷன் அமைக்கப்பட்டது. ஆனால், அதற்குள் ஜிம் ஜோன்ஸ்... தன் பக்தர்களோடு ஓர் இறுதி உரை நிகழ்த்திவிட்டு அத்தனைப் பேரும் விஷமருந்தி கூட்டாகத் தற்கொலை செய்து கொண்டனர். மொத்தமா 909! பேர். அதில் 300க்கும் அதிகமானோர் சிறு குழந்தைகள்! 

ஈழப்போராட்டம் உச்சத்திலிருந்தபோது அதற்கு ஆதரவாகப் பேசிய பல்லாயிரம் பேர்மீது தேசியப்பாதுகாப்புச் சட்டம் பாய்ந்தது. இயற்கை வளங்களைச் சுரண்டும் திட்டங்களுக்கு எதிராக பேசும் சூழலியலாளர்கள் மீது தேசிய பாதுகப்புச் சட்டம் பாய்ந்தது. இதோ, 125 நாள்களைக் கடந்தும் சூழலியல் போராளி முகிலன் இன்னும் சிறையில் அடைக்கப்பட்டிருக்கிறார். கூடங்குளம் போராட்டத்தின் வழக்கு அது. தேசியப் பாதுகாப்புச் சட்டம்தான். ஆனால், இங்கு எச்.ராஜா பேசிய பேச்சுக்கு எந்தச் சட்டமும் பாயவில்லை. மேடையில் வைத்து நயினார் நாகேந்திரன் "வைரமுத்து போன்றவர்களை கொலைசெய்யலாமா, கூடாதா?" என்று கேட்கிறார். அவர்மீது எந்தப் பாதுகாப்புச் சட்டமும் பாயவில்லை. பாதுகாப்புச் சட்டங்கள் பாயாவிட்டாலும் பரவாயில்லை, என்ன பேசுகிறோம், ஏது பேசுகிறோம் என்பதே தெரியாமல் முழுமையான மூளைச் சலவை செய்யப்பட்டுக்கிடக்கும் அந்தச் சின்னஞ்சிறு குழந்தைகளைப் பாதுகாக்கவாவது நடவடிக்கைகள் எடுக்க வேண்டியது மிகவும் அவசியம். முடிந்தால், நித்தியானந்தா போன்றவர்களையும் மீட்டு, மனோ தத்துவ சிகிச்சைகளைக் கொடுத்து அவரையும் காப்பாற்றி, அவர் அடக்கிவைத்திருக்கும் பெருங்கூட்டத்தையும் காப்பாற்ற வேண்டும் என்பதுதான் அறிவியல் சொல்லும் தீர்வாக இருக்கிறது. 

நன்றி.

நித்தியானந்தம். 

https://www.vikatan.com/news/coverstory/114380-the-psychology-behind-the-cults-worshippers.html

Categories: Tamilnadu-news

சத்யசீலன் 'ஸ்பெக்ட்ரம்' ராஜாவான கதை! - 2ஜி புத்தகத்தில் ராசா உடைக்கும் ரகசியங்கள்

Tue, 23/01/2018 - 06:52
சத்யசீலன் 'ஸ்பெக்ட்ரம்' ராஜாவான கதை! - 2ஜி புத்தகத்தில் ராசா உடைக்கும் ரகசியங்கள்

மிகுந்த எதிர்பார்ப்புகளுக்கு மத்தியில் வெளிவந்துள்ளது முன்னாள் மத்திய தொலைத் தொடர்புத் துறை அமைச்சர் ஆ.ராசா, 2ஜி ஸ்பெக்ட்ரம் ஒதுக்கீடு வழக்கு குறித்து ஆங்கிலத்தில் எழுதியுள்ள `2G SAGA Unfolds' புத்தகம்.

2G Saga Unfolds Image caption2G SAGA Unfolds புத்தகம்

"இந்தப் புத்தகத்தை எந்த அரசியல் கண்ணாடியும் இல்லாமல் அணுகுங்கள். அப்போதுதான் 2ஜி வழக்குக் குறித்து முழுமையாக புரிந்துக் கொள்ள முடியும். என் தரப்பு நியாயங்களையும் உங்களால் உணர முடியும்" என்று புத்தக வெளியீட்டு விழாவில் ஆ.ராசா குறிப்பிட்டார்.

2ஜி வழக்கு குறித்த தரவுகள், சி.ஏ.ஜி அறிக்கை, அமைச்சக உரையாடல்கள் குறித்த தகவல்கள் என எல்லாம் கடந்து அவர் தன் தரப்பு நியாயத்தை வாசகர்களிடம் எடுத்துரைக்கையில், `ஜார்ஜ் ஓர்வல் முதல் கருணாநிதி வரை` பல தலைவர்கள் கூறியவற்றை மேற்கோள்களாக எடுத்துக் காட்டி இருக்கிறார்.

எட்டு அத்தியாயங்களாக பிரிக்கப்பட்டு இருக்கும் இந்தப் புத்தகம், 2 ஜி வழக்கு விவகாரங்களை எல்லாம் கடந்து, ஆ. ராசாவின் சுயசரிதையாகவும் விரிகிறது.

அது சத்யசீலன் காலம்

ராசாவுக்கு முதன்முதலாக வைக்கப்பட்ட பெயர் `சத்யசீலன்` அதாவது `உண்மையான மனிதன்`. அந்த சத்யசீலனின் காலத்தில் அப்பாவின் அருகே அமர்ந்து மெய் உருகி பூஜைகளில் ஈடுபடும் ஓர் ஆத்திகனாக, எப்போதும் நண்பர்கள் புடைசூழ இருக்கும் ஒரு சுட்டியாக இருந்ததாக தன் நினைவுகளை தூசிதட்டி மீட்டு எழுதி இருக்கிறார்.

ராஜாவென்ற பெயர் தனது பள்ளி ஆசிரியராக இருந்த அக்காவின் கணவரால் சூட்டப்பட்டது என்கிறார். பெயர் மாற்றப்பட்டாலும் தான் எப்போதும் உண்மையையும், நியாயத்தையும் இறுகப்பற்றி வாழந்தததாகவே வாய்ப்பு இருக்கும் ஒவ்வொரு வரிகளிலும் இந்த `222` பக்க புத்தகத்தில் கூறி இருக்கிறார் ஆ.ராசா.

ஐந்தாம் வகுப்பு வரை தனது சொந்த கிராமமான பெரம்பலூரில் உள்ள வெலூர் கிராமத்தில் படித்த அவர், மேற்கொண்டு படிக்க பாடலூர் பயணமானார். அப்போது அவரை வழியனுப்ப வந்த அவரது அம்மா, `திருடாதே; பொய் சொல்லாதே; பிச்சை எடுக்காதே' என சொல்லியதாக இந்தப் புத்தகத்தில் பதிவு செய்திருக்கிறார்.

திராவிட கொள்கை, பெரியார், அண்ணா, கருணாநிதி என அனைத்தும் அறிமுகமானது பாடலூரில்தான் என்றும், ஆத்திகனாக இருந்த அவர் திராவிட கொள்கைகளை பற்றி நாத்திகனாக மாறியது, அரசு ஊழியனாக இருக்க அவரின் பெற்றோர் விரும்பிய போதும் அவர் அரசியல்வாதியாக உருவெடுத்தது என எல்லாவற்றுக்கும் காரணம் பாடலூர் விடுதி வாழ்க்கைதான் என்கிறார்.

அது ராஜா காலம்

ஆ. ராசா Image captionஆ. ராசா

அரசியல் மீது ஆர்வம் இருந்தாலும், கல்லூரி காலத்திலிருந்தே திராவிடர் கழகம் மற்றும் திராவிட முன்னேற்ற கழகத்தில் இணைந்து பணியாற்றி இருந்தாலும், அரசியல்தான் தன் எதிர்காலமாக இருக்கப் போகிறது என்று தான் நம்பவில்லை என்றும், வழக்கறிஞராக பதிவு செய்து வழக்காடுதல்தான் தம் தொழில் என்று இருந்தவரை, அரசியலை எதிர்காலமாக ஆக்கிக் கொள், அதில் பணியாற்று என்று வழிநடத்தியது தனது மூத்த அண்ணன் ராமச்சந்திரன்தான் என்று சொல்லும் ராஜா, அரசியலில் தனக்கு வழிகாட்டியாக இருந்தது முரசொலி மாறன் என்று `2G Saga Unfolds` புத்தகத்தில் பதிவு செய்,.

அரசியலில் தீவிரமாக இயங்கியபோதும், தான் எப்போதும் மனித உறவுகளை மதித்ததாக சொல்லும் ராசா, பணம்தான் அனைத்தையும் நிர்ணயம் செய்யும் என்றால், மனிதர்கள் அனைவரும் எந்த உணர்வுமற்ற பணம் ஈட்டும் இயந்திரங்களாக மாறிவிடுவார்கள் என்று தன் தந்தையின் மரணம் பற்றி விவரிக்கும் ஒரு பத்தியில் குறிப்பிடுகிறார்.

மேலும், சிறையில் இருந்தபோது, துவண்டுவிடாமல் தான் உறுதியாக இயங்க காரணம் தான் பேணிய மனித உறவுகள் தமக்கு அளித்த நம்பிக்கைதான் காரணம் என்று விவரிக்கிறார்.

வைகோ திமுகவிலிருந்து விலகிய போது, ஒரு துடிப்பான இளைஞருக்கான இடம் கட்சியில் உருவானது. அப்படியான சூழலில், பெரம்பலூர் நாடாளுமன்ற தொகுதியில் போட்டியிட வாய்ப்பு 1996 ஆம் ஆண்டு கிடைத்தது. அதில் வெற்றி பெற்று 33 வயதில் நாடாளுமன்றத்திற்கு சென்றேன் என்று விவரிக்கும் அவர், துணை அமைச்சராக இருந்த போது துடிப்பாக கேள்வி நேரங்களில் செயல்பட்டதாக, இதற்காக மூத்த அமைச்சர்கள் முதல் பிரதமர் வரை பலரால் பாராட்டப்பட்டதாகக் கூறுகிறார்.

2007 ஆம் ஆண்டு மே மாதம், தயாநிதி மாறன் தொலைத்தொடர்பு அமைச்சர் பொறுப்பை ராஜினாமா செய்தபின், அதன் அமைச்சராக பொறுப்பேற்று அந்தத் துறையில் பல சாதனைகளை புரிந்ததாக தரவுகளை காட்டும் ராசா, தபால்துறையை கணிணிமயமாக மாற்றியது, கைப்பேசியை கடைக்கோடி கிராமத்தின் கடைசி மனிதரிடம் கொண்டு சேர்த்தது என அந்தத் துறை தனக்கு வழங்கிய அனைத்து வாய்ப்புகளையும் பயன்படுத்தி செயல்பட்டதாக கூறுகிறார்.

எனது செயல் பலரை கோபமடைய வைத்தது, பகையை ஈட்டித் தந்தது, பின் 2 ஜி வழக்கிலும் சிக்க வைத்தது என்று விவரிக்கிறார்.

அது ஸ்பெக்ட்ரம் ராஜா காலம்

தான் தொலைத்தொடர்பு தொழில் நுட்பத்தையும் பொருளாதாரத்தில் பின் தங்கி இருக்கும் எளிய மனிதர்களிடம் கொண்டு போய் சேர்க்க நினைத்தேன்... அதற்காக, அனைத்து சட்டத்திட்டங்களையும் மதித்து டிராய் பரிந்துரையின் பெயரில் ஸ்பெக்ட்ரம் ஒதுக்கீடு செய்தேன், சி.டி.எம்.ஏ தொழிற்நுட்பத்தில் இயங்குபவர்கள் ஜி.எஸ்.எம் தொழில்நுட்பத்தில் இயங்கவும், அதுபோல ஜி.எஸ்.எம் இல் இயங்குபவர்கள் சி.டி.எம்.ஏ வில் இயங்கவும் அனுமதித்தேன். இது பல பெரும் நிறுவனங்களை கோபமடைய வைத்தது என்கிறார்.

கார்த்திக் சிதம்பரம் மூலமாக தன்னை சந்தித்த ஏர்டெல் நிறுவனத் தலைவர் மிட்டல், டிராயின் பரிந்துரைகள் அனைத்தும் சி.டி.எம்.ஏ -வுக்கு ஆதரவாக இருக்கிறது என்று அழுத்தம் கொடுத்ததாகவும், மிட்டலுடன் மேற்கொண்ட சந்திப்பை தான் பிரதமர் மன்மோகன் சிங் கவனத்துக்கு கொண்டு சென்றதாகவும், பிரதமர் எப்போதும் தனக்கு ஆதரவாகவே இருந்ததாகவும் இந்த நூலின் மூலமாக சொல்கிறார் ஆ. ராசா.

ஆ. ராசாபடத்தின் காப்புரிமைGETTY IMAGES

பெருநிறுவனங்களின் சண்டைதான் 2 ஜி முறைகேடு என்ற குற்றச்சாட்டு எழ காரணம், அவர்களது சண்டையின் காரணமாகவே தாம் இந்த வழக்கில் சிக்க வைக்கப்பட்டதாக கூறும் ராசா, காங்கிரஸும் தன்னை காக்க தவறிவிட்டது என்கிறார்.

ப. சிதம்பரம் மீது சாடல்!

"காங்கிரஸில் பல தலைவர்கள் என்ன நடக்கிறது? 2 ஜி வழக்கு யாரை வீழ்த்த...எதனால் இந்த வழக்கு என்று புரியாமல் செயல்பட்டார்கள், புரிந்த தலைவர்களும் `ராசா` என்ற தனி மனிதனை முன்னிறுத்தி, அவனை பலிகடாவாக்கி, கட்சி மீது இருந்த அனைத்து களங்கத்தையும் போக்கிக் கொள்ளலாம் என்று நினைத்தார்கள். ஆனால், முதலில் நான் வீழ்த்தப்பட்டேன், பின் காங்கிரஸும் வீழ்த்தப்பட்டது." என்று சொல்லும் ராசா, 2ஜி ஒதுக்கீடு பரபரப்பாக பேசப்பட்டக்காலத்தில், விமான நிலையத்தில் தன்னை பார்த்தும் பேசாமல் சிதம்பரம் சென்றதாக விவரிக்கிறார்.

2ஜி ஒதுக்கீட்டால் ஒரு லட்சம் கோடிக்கு மேல் அரசாங்கத்திற்கு நஷ்டம் என்று பேச காரணமாக அமைந்த சி.ஏ.ஜி -யின் அறிக்கையையும், சி.ஏ.ஜி யாக இருந்த வினோத் ராயையும் நோக்கி ஓப் அத்தியாயம் முழுவதும் பல கேள்விகளை எழுப்புகிறார்.

உண்மைக்கு நேர்மாறாக, அனைத்து அமைப்புகளுக்கும் தாம் மேலானவர் என்ற நினைப்பில் ராய் செயல்பட்டதாக ஆ.ராசா இந்தப் புத்தகத்தில் குற்றஞ்சாட்டுகிறார்.

அதுபோல, பாரதிய ஜனதா கட்சியும், ஊடகங்களும், இடதுசாரிகளும் 2 ஜி ஒதுக்கீட்டை திறந்த மனப்பான்மையுடன் அணுகாமல், முன் முடிவுடன் செயல்பட்டதாக வருத்தப்படும் ஆ. ராசா, தான் பொறுப்பேற்றபின் கைப்பேசி பயன்படுத்துபவர்களின் எண்ணிக்கை பல லட்சம் உயர்ந்ததாக கூறுகிறார்.

இதற்கு, டெலிகாம் செயலாளர் சி.ஏ.ஜி-க்கு அனுப்பிய ஒரு கடித்தையே ஆதாரமாக காட்டுகிறார்.

"ஒரு அதிமுக நாடாளுமன்ற உறுப்பினர் என்னை கிண்டலாக, `ஸ்பெக்ட்ரம் ராஜா`" என்றார். உண்மையில் அதில் எனக்கு பெருமைதான். தொலைத்தொடர்பை அனைவரிடமும் கொண்டு சேர்த்த நான் `ஸ்பெக்ட்ரம் ராஜா`தான் என்கிறார் ஒரு காலக்கட்டத்தில் எப்போதும் பத்திரிக்கையின் தலைப்புச் செய்தியாக மட்டுமே இருந்த ஆ.ராசா.

இவை அனைத்தையும் கடந்து சிறை செல்வதற்கான முன் தயாரிப்பாக சைவம் பழகியது; காங்கிரஸைப் பற்றி தவறாக எழுதிய ஒரு பத்திரிக்கையாளருக்கு காங்கிரஸின் மூத்த தலைவர் பிரணாப் முகர்ஜி விருது அளித்தது; சாதிக் பாட்ஷா மரணம்; கலைஞர் தொலைக்காட்சி, கனிமொழி என பரபரப்பான திரைப்படத்தின் சுவாரஸ்யத்துடன் செல்கிறது `2G SAGA Unfolds' புத்தகம்.

http://www.bbc.com/tamil/india-42777323

Categories: Tamilnadu-news

பேரறிவாளன் உள்ளிட்ட 7 பேரை விடுவிக்க விருப்பமா, இல்லையா? - மத்திய அரசுக்கு சுப்ரீம் கோர்ட் கெடு

Tue, 23/01/2018 - 06:47
பேரறிவாளன் உள்ளிட்ட 7 பேரை விடுவிக்க விருப்பமா, இல்லையா? - மத்திய அரசுக்கு சுப்ரீம் கோர்ட் கெடு

 

பேரறிவாளன் உள்ளிட்ட 7 பேரை விடுவிக்க விருப்பமா, இல்லையா? என்பது பற்றி 3 மாதத்தில் முடிவெடுக்க வேண்டும் என மத்திய அரசுக்கு சுப்ரீம் கோர்ட் உத்தரவிட்டுள்ளது. #RajivCase #SupremeCourt

பேரறிவாளன் உள்ளிட்ட 7 பேரை விடுவிக்க விருப்பமா, இல்லையா? - மத்திய அரசுக்கு சுப்ரீம் கோர்ட் கெடு
 
புதுடெல்லி:
 
முன்னாள் பிரதமர் ராஜீவ் காந்தி கொலை வழக்கில் ஆயுள் தண்டனை பெற்றுள்ள முருகன், பேரறிவாளன், சாந்தன், நளினி, ஜெயக்குமார், ராபர்ட் பயாஸ், ரவிச்சந்திரன் ஆகிய  7 பேரும் கடந்த 20 ஆண்டுகளுக்கும் மேலாக சிறையில் உள்ளனர். அவர்களை விடுவிக்க வேண்டும் என பல்வேறு அமைப்புகள் தொடர்ந்து வலியுறுத்தி வருகின்றன.
 
201801231214505249_1_rajiv2._L_styvpf.jpg
 
இந்நிலையில் பேரறிவாளன் உள்ளிட்ட 7 பேரையும் விடுதலை செய்ய தமிழக அரசு முடிவு செய்தது. இதுதொடர்பாக மத்திய அரசுக்கு 2016-ம் ஆண்டு தமிழக அரசு கடிதம் எழுதியது. ஆனால், மத்திய அரசு இதற்கு எதிர்ப்பு தெரிவித்து உச்ச நீதிமன்றத்தில் வழக்கு தொடர்ந்துள்ளது.
 
இவ்வழக்கு இன்று மீண்டும் விசாரணைக்கு வந்தது. அப்போது, பேரறிவாளன் உள்ளிட்ட 7 பேரை விடுவிக்க விருப்பமா? இல்லையா? என்பது தொடர்பாக மத்திய அரசு 3 மாதத்திற்குள் முடிவு எடுக்க வேண்டும் என உச்ச நீதிமன்றம் உத்தரவிட்டு வழக்கு விசாரணையை ஒத்திவைத்துள்ளது. #RajivCase #SupremeCourt #CentralGovt #tamilnews

http://www.maalaimalar.com/News/TopNews/2018/01/23121451/1141717/SC-questioned-Centre-about-release-of-7-convicts-in.vpf

Categories: Tamilnadu-news

ஒரு கோடி உறுப்பினர்கள்... ரஜினியின் பிளான் ரெடி!

Tue, 23/01/2018 - 06:06
ஒரு கோடி உறுப்பினர்கள்... ரஜினியின் பிளான் ரெடி!
 
 

 

ஜினி மக்கள் மன்றத்தினர் பரபரவென உலா வருவதைப் பார்த்ததும் ‘என்னவோ திட்டம் இருக்கு’ என்று புரிந்தது. ‘ரஜினி எப்போது மக்களைச் சந்திப்பார்... எப்போது டூர் வருவார்?’ என்றெல்லாம் ஏகப்பட்ட கேள்விகள் ரசிகர்களிடையே எழுந்துள்ளன. அதற்கான பணிகள் அசுர கதியில் நடந்துவருகின்றன. அதற்கு முன்னோட்டமாக, சென்னை கோடம்பாக்கத்தில் உள்ள ராகவேந்திரா திருமண மண்டபத்தின் பின்பக்கம் இருந்த கெஸ்ட் ஹவுஸ் மாற்றப்பட்டுவருகிறது. சுமார் 200 பேர் அமரும் அளவுக்கு மினி ஹால் ஆக மாற்றும் கட்டட வேலை நடக்கிறது. மண்டபத்துக்குள் வராமலே, ரசிகர்கள் இனி இந்த ஹாலுக்குள் வந்துபோக முடியும். இதுதான், ரஜினியின் புதுக்கட்சி அலுவலகமாகச் செயல்படப் போகிறது.

பொங்கல் அன்று போயஸ் கார்டன் வீட்டுக்கு வந்த ரசிகர்களைச் சந்தித்த ரஜினி, எல்லோருக்கும் பொங்கல் வாழ்த்து சொல்லிவிட்டு, தலைமை நிர்வாகிகளுக்கு ஸ்பெஷல் மெசேஜ் ஒன்றையும் ‘பாஸ்’ செய்திருக்கிறார். ‘‘ஆன்லைன் மூலம் மன்றத்தில் உறுப்பினராகச் சேர்பவர்கள் சேரட்டும். இன்னொரு பக்கம் நீங்களும் ஆங்காங்கே முகாம்கள் நடத்தி, புதிய உறுப்பினர்களை முதலில் சேர்த்துக் காட்டுங்கள். வாக்காளர் அடையாள அட்டை வைத்துள்ள தமிழக மக்களில் சுமார் ஒரு கோடி பேராவது குறைந்த பட்சம் நம் மன்றத்தில்  உறுப்பினர்களாக இருக்க வேண்டும் என்று எதிர்பார்க்கிறேன். அந்த எண்ணிக்கையை வைத்துக்கொண்டு அரசியல் பயணம் தொடங்குவதுதான் சரியாக இருக்கும்.

p2a_1516356997.jpg

ஒவ்வொரு நாளும் நீங்கள் சேர்க்கும் உறுப்பினர்கள் படிவங்களை இங்கு ஐ.டி டீம் பதிவேற்றம் செய்துவருகிறது. மின்னல் வேகத்தில் அவர்களுக்கு அடையாள அட்டை தயாரித்து அனுப்புவார்கள். அடுத்தகட்டமாக, நிர்வாகிகளை நானே நியமிப்பேன். பழையவர்கள், புதியவர்கள் என்றெல்லாம் பாகுபாடு பார்க்க வேண்டாம். எல்லாம் ரெடியானதும், கட்சியின் பெயர், கொடி, தமிழகம் முழுக்க டூர்... இதையெல்லாம் மதுரையில் பிரமாண்ட மேடையில் அறிவிப்பேன்’’ என்பதுதான் அந்த மெசேஜ்.

சென்னையிலிருந்து ஒரு டீம் கிளம்பி மாவட்ட வாரியாகப் போகிறது. ரஜினி மக்கள் மன்றங்களைப் பலப்படுத்தி, அரசியல் கட்சியைத் துவக்குவதற்கான அடிப்படைப் பணிகளை இவர்கள் ஒவ்வொரு மாவட்டத்தி லும் செய்ய உள்ளனர். முதல்கட்டமாக, வேலூரில் ஜனவரி 19-ம் தேதி இதற்கான கூட்டம் நடைபெற்றது. 

உறுப்பினர் சேர்க்கைக்காக சில இடங்களில் திருமண மண்டபங்களைப் பிடித்து ஏகப்பட்ட செலவு செய்வதைக் கேள்விப்பட்ட ரஜினி, ‘‘நோ... இது எனக்குப் பிடிக்காத விஷயம். இது, வீண் செலவு. ஒரு வார்டுக்கு நான்கைந்து பேர் செல்லுங்கள். இரண்டு நாளைக்கு 20 தெருக்களில் வீடு வீடாகப் போய் விஷயத்தைச் சொல்லுங்கள். ஏதாவது ஒரு வீட்டில் அமர்ந்து, உறுப்பினர்களைச் சேருங்கள். பெண்கள் போட்டோ கொடுக்கத் தயங்கினால், விட்டுவிடுங்கள். உறுப்பினர் கார்டில் புகைப்படம் இருக்கவேண்டிய இடத்தில் காலியாக வரும் என்று முன்கூட்டியே சொல்லிவிடுங்கள். பெண்கள் போன் நம்பரைத் தரத் தயங்கினால், அவர்களின் குடும்ப உறுப்பினரின் நம்பரைக் கேட்டு வாங்குங்கள்’’ என்றிருக்கிறார். இதுபோன்ற நிபந்தனைகள் இல்லாவிட்டால், போலியான நபர்களைச் சேர்த்துவிடுவார்கள் என ரஜினி நினைக்கிறார்.

இந்தத் திட்டமெல்லாம் நினைத்தபடி முடிந்தால், தமிழ்நாட்டின் ஒரு கோடி வாக்காளர்களின் விவரங்கள், தொலைபேசி எண்களுடன் ரஜினி மக்கள் மன்றத்தில் இருக்கும். தமிழ்நாட்டில் எந்தக் கட்சியிடமும் இல்லாத ‘டேட்டா பேஸ்’ இது!

அதேநேரம், தமிழகம் முழுக்க உள்ள ரஜினி ரசிகர் மன்ற நிர்வாகிகளைத் தமிழக உளவுத்துறை போலீஸ் சல்லடை போட்டு அலசி வருகிறது. ‘முன்னணி நிர்வாகிகளின் குடும்பத்தினர் யாராவது அரசுத் துறைகளில் தொடர்பில் இருக்கிறார்களா?’ என்று தேடுதல் வேட்டை நடக்கிறது. உதாரணத்துக்கு, மயிலாடுதுறையில் ரஜினி மக்கள் மன்ற நகரப் பொறுப்பில் இருக்கிறவர் டி.எல்.ராஜேஸ்வரன். அரசுத் துறைகளில் கான்ட்ராக்ட் தொழில் செய்கிறவர். சமீப காலமாக, அவர் போகும் இடங்களிலெல்லாம் கதவுகள் சாத்தப்படுகின்றனவாம். கூட்டம் நடத்த அனுமதிக் கேட்டு போலீஸிடம் சென்றால், அனுமதி மறுக்கப்படுகிறதாம். இந்தத் தகவல்களை ரகசியமாக ஆளும் கட்சிக்குச் சொல்லி, அவர்களிடமும் கூட்டம் நடத்த அனுமதிக் கடிதம் வாங்கி வைத்துக்கொண்டு, ‘‘இரண்டு பேரும் ஒரே நாளில், ஒரே இடத்தில் கேட்டால் எப்படித் தருவது?’’ என்று இழுக்கிறார்களாம். இப்படி மறைமுகமாக ரஜினி மக்கள் மன்றத்தினருக்கு ‘டார்ச்சர்’ ஆரம்பித்திருக்கிறது. இதையெல்லாம் ரஜினியின் கவனத்துக்கு நிர்வாகிகள் கொண்டு சென்றிருக்கிறார்கள்.

p2_1516357036.jpg

முன்பு மதுரையில் ரஜினி ரசிகர் மன்றத்துடன் தொடர்பில் இருந்தவர் பாஸ்டின். திருச்சி முன்னாள் காங்கிரஸ் எம்.பி-யான அடைக்கலராஜின் மருமகன். இப்போது சென்னையில் வசிக்கும் இவர், ரஜினி மக்கள் மன்றத்தில் உறுப்பினர் சேர்ப்பில் ஆர்வம் காட்டிவருகிறார். அவரிடம் பேசினோம். ‘‘கல்வி, மருத்துவம், நிர்வாகம் ஆகியவற்றின் சிஸ்டத்தை மாற்றவேண்டும். ‘ரமணா’ பட ஸ்டைலில் ஒரு ஸ்லீப்பர் செல் போல செயல்பட்டு ஊழல்களின் ஆணிவேர் பற்றிய தகவல்களைச் சேகரித்து, வருகிறோம். யார், எங்கே, எப்படி இருக்கிறார்கள் என்பது பரம ரகசியம். உரிய நேரத்தில் இந்தத் தகவல்கள் ரஜினிக்குப் போகும். இதற்கு மேல் இப்போது எதையும் கேட்காதீர்கள்’’ என்றார்.

https://www.vikatan.com

Categories: Tamilnadu-news

`இப்பிரச்னை முடிவுற்றதாகக் கருதுவோம்!’ - ஹெச்.ராஜா வேண்டுகோள்

Tue, 23/01/2018 - 06:00
`இப்பிரச்னை முடிவுற்றதாகக் கருதுவோம்!’ - ஹெச்.ராஜா வேண்டுகோள்
 
 

ஆண்டாள் பற்றிய சர்ச்சைக் கட்டுரையை வெளியிட்ட தினமணி ஆசிரியர் வைத்தியநாதன், இன்று காலை ஸ்ரீவில்லிப்புத்தூர் வருகைதந்து, ஜீயரை சந்தித்து மன்னிப்புக் கோரினார். இதுகுறித்து ஹெச்.ராஜா தன் ட்விட்டர்மூலம் கருத்து தெரிவித்துள்ளார். 

ஹெச்.ராஜா

 

தினமணி நாளிதழ் ராஜபாளையத்தில்  நடத்திய இலக்கிய நிகழ்ச்சியில், 'தமிழை ஆண்டாள்' என்ற தலைப்பில் கவிஞர் வைரமுத்து கட்டுரை வாசித்தார். அது, தினமணி நாளிதழிலும் வெளியானது. அதில், ஆண்டாள் பற்றி வெளிநாட்டவர் எழுதியதை மேற்கோள்காட்டிப் பேசியது பெரும் சர்ச்சையை ஏற்படுத்தியது. வைணவர்கள், இந்து இயக்கங்களைச் சேர்ந்தவர்கள், வைத்தியநாதன், வைரமுத்துவுக்கு எதிராகப் போராட்டம் நடத்தினார்கள். பல காவல் நிலையங்களில் புகார் கொடுத்துள்ளனர். இதற்காக வைரமுத்து வருத்தம் தெரிவித்தபோதிலும், தொடர்ச்சியான விமர்சனங்கள் வைக்கப்பட்டுவருகின்றன. இந்த விஷயத்தில்,  பி.ஜே.பி-யின் தேசியச் செயலாளர் ஹெச்.ராஜா, வைரமுத்து குடும்பத்தை கொச்சையாக விமர்சித்தார். நைனார் நாகேந்திரன், `நாக்கை அறுப்பேன்' என்றார். இந்த நிலையில், `வைரமுத்து, ஆண்டாள் கோயிலுக்கு வந்து மன்னிப்பு கேட்க வேண்டும்' என்று ஸ்ரீவில்லிப்புத்தூர் ஜீயர், ஆண்டாள் கோயிலில் உண்ணாவிரதப் போராட்டத்தைத் தொடங்கினார். ஆனால், இரண்டாவது நாளில் முடித்துக்கொண்டாலும், பிப்ரவரி 3-ம் தேதிக்குள் வைரமுத்து மன்னிப்பு கேட்க வேண்டும். இல்லையென்றால், மிகப்பெரிய போராட்டம் நடத்துவோம் என்று அறிவித்திருந்தார். இந்நிலையில்தான் வைத்தியநாதன், ஸ்ரீவில்லிப்புத்தூர் வந்து ஜீயரை சந்தித்து மன்னிப்புக் கோரினார். 

https://www.vikatan.com/news/tamilnadu/114260-dinamani-vaidyanthan-apologizes-to-jeeyar-hraja-comments-about-the-incident.html

    ஜீயரை சந்தித்து மன்னிப்பு கேட்டார் வைத்தியநாதன்!
 
 

ஆண்டாள் பற்றிய சர்ச்சைக் கட்டுரையை வெளியிட்ட தினமணி ஆசிரியர் வைத்தியநாதன், இன்று காலை ஸ்ரீவில்லிபுத்தூர் வருகைதந்து, ஜீயரை சந்தித்து மன்னிப்புக் கோரினார். 

தினமணி நாளிதழ் ராஜபாளையத்தில்  நடத்திய இலக்கிய நிகழ்ச்சியில், 'தமிழை ஆண்டாள்' என்ற தலைப்பில் கவிஞர் வைரமுத்து கட்டுரை வாசித்தார். அது, தினமணி நாளிதழிலும் வெளியானது. அதில் ஆண்டாள் பற்றி வெளிநாட்டவர் எழுதியதை மேற்கோள் காட்டிப் பேசியது பெரும் சர்ச்சையை ஏற்படுத்தியது. வைணவர்கள், இந்து இயக்கங்களைச் சேர்ந்தவர்கள், வைத்தியநாதன், வைரமுத்துவுக்கு எதிராகப் போராட்டம் நடத்தினார்கள். பல காவல் நிலையங்களில் புகார் கொடுத்துள்ளனர். 

 

வைத்தியநாதன்

இதற்காக வைரமுத்து வருத்தம் தெரிவித்தபோதிலும், தொடர்ச்சியான விமர்சனங்கள் வைக்கப்பட்டுவருகிறன்றன. இந்த விஷயத்தில்,  பி.ஜே.பி-யின் தேசியச் செயலாளர் ஹெச்.ராஜா, வைரமுத்து குடும்பத்தைக் கொச்சையாக விமர்சித்தார். நைனார் நாகேந்திரன், `நாக்கை அறுப்பேன்' என்றார். இந்த நிலையில், `வைரமுத்து ஆண்டாள் கோயிலுக்கு வந்து மன்னிப்பு கேட்க வேண்டும்' என்று ஸ்ரீவில்லிபுத்தூர் ஜீயர், ஆண்டாள் கோயிலில் உண்ணாவிரதப் போராட்டத்தைத் தொடங்கினார். ஆனால், இரண்டாவது நாளில் முடித்துக்கொண்டாலும், பிப்ரவரி 3-ம் தேதிக்குள் வைரமுத்து மன்னிப்பு கேட்க வேண்டும். இல்லையென்றால், மிகப்பெரிய போராட்டம் நடத்துவோம் என்று அறிவித்திருந்தார். 

பிரச்னை முடிவில்லாமல் போய்க்கொண்டிருந்த நிலையில், இன்று காலை ஸ்ரீவில்லிபுத்தூர் வந்தார் தினமணி ஆசிரியர் வைத்தியநாதன்.  அவர், சடகோப ராமானுஜ ஜீயரை சந்தித்துப் பேசினார். மேலும், அவர் மனம் வருந்தி மன்னிப்புக் கேட்டார் என்று ஜீயர் தரப்பில் கூறப்பட்டுள்ளது. ஆனாலும், வைரமுத்து வந்து ஆண்டாள் சந்நிதியில் மன்னிப்பு கோர வேண்டும் என்ற நிபந்தனையைத் திரும்பப் பெறவில்லை என்கிறார்கள்.

https://www.vikatan.com/news/tamilnadu/114258-dinamani-vaithiyanathan-meets-jeeiyar-and-apologises-for-aandal-issue.html

Categories: Tamilnadu-news

தீவிர அரசியலில் ஈடுபடப்போறேன்... உதயநிதி ஸ்டாலின்.

Tue, 23/01/2018 - 04:54

வரிவிலக்கு அரசியல்

தீவிர அரசியலில் ஈடுபடப்போறேன்... உதயநிதி ஸ்டாலின் திடீர் அறிவிப்பு.

சினிமாவிற்கு வருவதற்கு முன்பு இருந்தே அரசியலில் ஈடுபட்டதாகவும், தற்போது தீவிர அரசியலில் ஈடுபடும் நேரம் வந்து விட்டதாகவும் கூறியுள்ளார் உதயநிதி ஸ்டாலின்.

திமுக தலைவர் கருணாநிதியின் பேரனும், செயல் தலைவர் ஸ்டாலின் மகனுமான உதயநிதி, திரைப்படங்களை தயாரித்து வந்தார். ஹீரோவாக ஒரு கல் ஒரு கண்ணாடி படம் தொடங்கி பல படங்களில் நடித்து வருகிறார். தற்போது நிமிர் படத்தை பெரிதும் எதிர்பார்த்துக்கொண்டிருக்கிறார்.

உதயநிதி ஸ்டாலின். தனது பெயரில் நற்பணி மன்றம் தொடங்கி பிறந்த நாளின் போது பொதுமக்களுக்கு பல்வேறு உதவிகளை செய்து வருகிறார். கடந்த தேர்தலில் சென்னை கொளத்தூர் தொகுதியில் போட்டியிட்ட தனது தந்தைக்கு ஆதரவாக பிரச்சாரம் செய்தார்.

சட்டசபையில் இருந்து திமுக எம்எல்ஏக்கள் வெளியேற்றப்பட்டதைக் கண்டித்து சென்னை ஆதம்பாக்கத்தில் நடைபெற்ற உண்ணாவிரதத்தில் பங்கேற்றார். இப்போராட்டத்தின்போது உதயநிதி முன்னிலைபடுத்தப்பட்டார். அப்போதே அவர் அரசியலுக்கு வருவார் என பரவலாக பேசப்பட்டது.

வரும் சட்டசபைத் தேர்தலில் இருந்து நேரடி அரசியலில் குதிக்க முடிவு செய்துள்ளார். அதற்கு முன்பு மாநிலம் முழுவதும் நற்பணி மன்றத்துக்கு ஆதரவாக புதிய அமைப்புகளை தொடங்கி வருகிறார்.உதயநிதியின் நண்பர் அன்பில் மகேஷ் பொய்யாமொழி எம்எல்ஏவாக வெற்றி பெற்று சட்டசபைக்குள் நுழைந்துள்ளார். இனிவரும் சட்டசபை தேர்தலில் உதயநிதியும் களமிறங்குவார் என்று எதிர்பார்க்கலாம்.

ஜெயலலிதாவின் மரணத்திற்கு பிறகு ரஜினி, கமல் உள்ளிட்ட நடிகர்கள் அரசியலில் ஈடுபட தயாராகி வருகின்றனர். இப்போது உதயநிதியும் தீவிர அரசியலில் ஈடுபடப்போவதாக கூறியுள்ளார். கருணாநிதி குடும்பத்தில் இருந்து மூன்றாம் தலைமுறை வாரிசும் களமிறங்குவதால் எதிர்பார்ப்பு அதிகரித்துள்ளது.

சினிமாவிற்கு வருவதற்கு முன்பிருந்தே அரசியலில் ஈடுபட்டுள்ளதாக கூறியுள்ள உதயநிதி, தாத்தா, அப்பா உள்ளிட்ட பலருக்கும் தேர்தல் பிரச்சாரம் செய்துள்ளதாக கூறியுள்ளார். தனது திரைப்படத்திற்கு வரி விலக்கு மறுக்கப்பட்டபோதே தான் அரசியலுக்கு வந்து விட்டதாகவும் தெரிவித்துள்ளார் உதயநிதி ஸ்டாலின்.

திமுகவில் எம்ஜிஆர் இருந்த காலத்தில் அவருக்கு போட்டியாக முக முத்துவை களமிறக்கினார் கருணாநிதி. ஆனால் அவர் வெற்றிபெறவில்லை. பின்னர் திமுகவில் ஸ்டாலின் மெல்ல மெல்ல ஏறுமுகம் காட்டினார். அழகிரியும் அரசியலுக்கு வந்து மத்திய அமைச்சரானார். இப்போது மூன்றாம் தலைமுறை வாரிசாக உதயநிதியும் களமிறங்குகிறார். இன்னும் எத்தனை வாரிசுகள் வருவார்களோ.

தற்ஸ்  தமிழ்.  

Categories: Tamilnadu-news

திமுகவில் சலசலப்பு: துர்கா ஸ்டாலின் கோரிக்கையால் உண்ணாவிரதத்தை கைவிட்டாரா ஜீயர்?

Mon, 22/01/2018 - 15:29
திமுகவில் சலசலப்பு: துர்கா ஸ்டாலின் கோரிக்கையால் உண்ணாவிரதத்தை கைவிட்டாரா ஜீயர்?
 
 
99696041b8602f2d-2eaa-4411-9f63-bd0a616f
99696039377540f1-de53-41de-9fa7-c0e5e81f

ஆண்டாள் குறித்த சர்ச்சை தொடர்பாக உண்ணாவிரதம் இருந்துவந்த திருவில்லிபுத்தூர் ஜீயர், மு.க. ஸ்டாலினின் மனைவி துர்காவின் கோரிக்கையின் பேரில் கைவிட்டதாக முன்னாள் மத்திய அமைச்சர் ஜெகத்ரட்சகன் கூறியிருக்கும் விவகாரம் சலசலப்பை ஏற்படுத்தியுள்ளது.

கடந்த டிசம்பர் 8ஆம் தேதியன்று தினமணி நாளிதழில் வைரமுத்து எழுதிய கட்டுரை ஒன்று வெளியாகியிருந்தது. அந்தக் கட்டுரையில், பன்னிரு ஆழ்வார்களில் ஒருவரான ஆண்டாள் தேவதாசி குலத்தைச் சேர்ந்தவர் என அமெரிக்காவைச் சேர்ந்த பேராசிரியர் தெரிவித்திருப்பதாக கூறியிருந்தார்.

இதையடுத்து, வைரமுத்துவுக்கு எதிராக பா.ஜ.கவின் தேசியச் செயலர் எச். ராஜா மோசமான வார்த்தைகளில் எதிர்ப்புத் தெரிவித்தார்.

இந்த விவகாரம் இதன் பின் பெரும் சர்ச்சையாக உருவெடுத்தது. இந்து அமைப்புகளைச் சேர்ந்தவர்கள் தொடர்ந்து வைரமுத்துவுக்கு எதிராகப் போராட்டங்களை நடத்தியதோடு, எதிர்ப்புகளையும் பதிவுசெய்தும் வந்தனர்.

வைரமுத்து மன்னிப்புக் கேட்கும்வரை உண்ணாவிரதம் இருக்கப்போவதாக திருவில்லிபுத்தூர் ஜீயர் அறிவித்து, உண்ணாவிரதத்திலும் ஈடுபட்டார். பிறகு அந்த உண்ணாவிரதத்தை சில மணி நேரங்களில் கைவிட்டார்.

இந்த நிலையில் தி.மு.கவைச் சேர்ந்த முன்னாள் மத்திய இணை அமைச்சர் ஜெகத்ரட்சகன், இந்த விவகாரம் தொடர்பாக தன்னுடைய ஆழ்வார்கள் ஆராய்ச்சி மையத்தின் சார்பில் அறிக்கை ஒன்றை வெளியிட்டார். அந்த அறிக்கையில் இதுபோன்ற விபரீத ஆய்வுகள் வேண்டாம் என்றும் குறிப்பிட்டவர், "கடந்த 10 நாட்களாய் படர்ந்த வேதனையின் விளைவாய் உண்ணா நோன்பு போராட்டத்தில் ஈடுபட்டு தம்மை வருத்திக்கொள்ள முனைந்த எம் வழிபாட்டுக்குரிய ஸ்ரீவில்லிபுத்தூர் ஜீயர் சுவாமிகள், தி.மு.க. செயல் தலைவர் மு.க.ஸ்டாலின் மனைவி துர்கா விண்ணப்பித்து கேட்டுக்கொண்டதன் பேரில், தம் உண்ணா நோன்பை கைவிட்டுள்ளார்கள்" என்றும் தெரிவித்தார்.

அவரது அறிக்கை தி.மு.கவினரிடையே பெரும் சலசலப்பை ஏற்படுத்தியது. சமூக வலைதளங்களில் தி.மு.க. ஆதரவாளர்கள் இந்த விவகாரம் தொடர்பாக கடும் எதிர்ப்புத் தெரிவித்து வருகின்றனர்.

முன்னதாக இந்த விவகாரம் குறித்து அறிக்கை வெளியிட்ட மு.க. ஸ்டாலின் வைரமுத்துவும் சம்பந்தப்பட்ட நாளிதழும் வருத்தம் தெரிவித்த பிறகும், "ஒரு சிலர் தாங்கள்தான் ஒட்டு மொத்த இந்து மதத்தின் பாதுகாவலர்கள் என்ற போர்வையில் கவிஞர் வைரமுத்து மீதும், அக்கட்டுரையை வெளியிட்ட நாளிதழ் மீதும் அராஜகமான கருத்துகளைத் தெரிவிப்பது, பத்திரிக்கை அலுவலகத்தை முற்றுகையிடுவோம் என்று மிரட்டுவது மிகவும் அருவருக்கத்தக்க செயல் என்று திமுக சார்பில் கண்டனத்தைத் தெரிவித்துக்கொள்கிறேன்" என்று கண்டனம் தெரிவித்திருந்தார்.

இதற்கு அடுத்த நாள் செய்தியாளர்களிடம் பேசிய மு.க. ஸ்டாலின், தனது முந்தைய நாள் அறிக்கையில் ஒரு பகுதியை ஊடகங்கள் சரியாக வெளியிடவில்லை என்று கூறியதோடு, எந்த மதத்தையும் புண்படுத்தக்கூடாது என்பதுதான் தி.மு.க.வின் நிலைப்பாடு என்று கூறினார்.

ஆண்டாள் சர்ச்சை விவகாரத்தில் வைரமுத்து வருத்தம் தெரிவித்த பிறகும் அவர் மீது தாக்குதல்கள் தொடரும் நிலையில், தி.மு.கவின் சார்பில் இம்மாதிரி ஒரு அறிக்கை வெளிவந்தது குறித்து சமூக வலைதளங்களில் தீவிரமாக விவாதிக்கப்பட்டது.

இந்நிலையில் ஜெகத்ரட்சகனின் அறிக்கையில் துர்கா ஸ்டாலின் இந்த விவகாரத்தில் நேரடியாகத் தலையிட்டதாகக் கூறப்பட்டது, பெரும் கொந்தளிப்பை ஏற்படுத்தியுள்ளது.

தி.மு.கவைச் சேர்ந்த ஸ்ரீநிவாஸன், "எதிர்க்கட்சிகளை நாங்கள் பார்த்துக் கொள்கிறோம். திமுகவை திமுகவினரிடமிருந்து காப்பாற்றுங்கள்!" என்று கூறியிருக்கிறார்.

டான் அசோக் என்பவர் ஃபேஸ்புக்கில் இட்டிருக்கும் பதிவில், "அம்மையார் துர்கா ஸ்டாலின் குறித்து ஜெகத்ரட்சகன் கூறியிப்பது பொய் என்றால் அவர்மேல் நடவடிக்கை எடுக்கவேண்டும். உண்மை என்றால் திமுக தன்மீது தானே நடவடிக்கை எடுக்கவேண்டியது அவசியம். திமுகவுக்கு எதிராக இவ்வளவு ஊடகத்திரிபுகள், பிரச்சாரங்கள், வன்மங்கள் விரவிக்கிடக்கும்போதும் பெரும்புயலில் மரத்தைத் தாங்கும் வேரைப் போல சில கொள்கையாளர்கள் திமுகவைத் தாங்குவது அதில் இன்னமும் இருப்பதாக அவர்கள் நம்பும் கொள்கை எனும் ஒளிக்கீற்றால் தான். அந்த ஒளிக்கீற்றை ஜெகத்ரட்சகன்களைப் போன்ற காரிருள் மறைப்பதை திமுக தலைமை வேடிக்கை பார்த்தால், அவ்விருளில் அதன் பங்கும் உண்டென்றே கருத வேண்டியிருக்கும்." என்று கூறியிருக்கிறார்.

சிவசங்கரன் சரவணன் என்பவர் எழுதியிருக்கும் குறிப்பில், "இந்த விஷயத்தில் திருமதி துர்கா தனது விருப்பத்தை காட்டலாம் அதிலே நமக்கு பிரச்சனை இல்லை. ஆனால் திமுகவின் முகமாக அவர் செயல்பட்டாரா , செய்தியின் உண்மை தன்மை என்ன என்பதை திமுக தான் தெளிவுபடுத்தவேண்டும்!

இப்படியெல்லாம் செய்தால் ஹிந்துத்துவ சக்திகள் திமுக வை ஆதரிப்பார்கள் என கருதவேண்டாம். ஓபிஎஸ், ஈபிஎஸ், ரஜினி, கமல் என எதுவுமே செல்ப் எடுக்காமல் போனால் வேறு வழியே இல்லாமல் தினகரனை கூட அவர்கள் ஆதரிப்பார்களே தவிர திமுகவை ஆதரிக்கமாட்டார்கள்..!" என்று குறிப்பிட்டிருக்கிறார்.

தி.மு.கவின் தலைமைக் கழகப் பேச்சாளரான சின்னமனூர் புகழேந்தி வெளியிட்டிருக்கும் ஃபேஸ்புக் பதிவில், வைணவத்திலகம் ஜெகத்ரட்சகன் ஆண்டாளை விமர்சித்த கவிஞர் வைரமுத்துவை கண்டித்து யாருக்கோ திரைமறைவு வெண்சாமரம் வீசியுள்ளார். வைணவர்கள் மனம்புண்பட்டு விழிகளில் கண்ணீர் வழிந்தோடுகிறதாம்.!!!! அண்ணாவை திருடன் என்றபோது கண்ணிர் ஓடவில்லையோ??? இப்படி பேசியதால் தான் தொண்டையில் ஓட்டை போட்டு சாப்பாடு பேசமுடியாமல் இறங்குகிறது என்று தலைவரை எச்சை பேசும் போது கண்ணீர் வடியவில்லையோ???திருப்பதிக்கு உன் அண்ணனை கூட்டிட்டு போய் ஆட்டைய போட்டுவிடாதே என்று தளபதியை பேசும் போது கண்ணிர் வடியவில்லை ஜெகத் அய்யாவுக்கு!!! திராவிட பயிரில் விசக்கிருமி பூச்சிமருந்து அடித்தே தீருவோம்" என்று கூறியிருக்கிறார்.

இதற்கிடையில், தி.மு.கவின் சார்பில் தொலைக்காட்சி விவாதங்களில் கலந்துகொள்ளும் தமிழன் பிரசன்னா, இந்த விவகாரம் பெரிதாக வெடித்தபோது வைரமுத்துவுக்கு ஆதரவாகப் பேசி வீடியோ ஒன்றை வெளியிட்டிருந்தார். ஆனால், பிறகு அந்த வீடியோ அகற்றப்பட்டது. கட்சித் தலைமையிடம் இருந்துவந்த எச்சரிக்கையை அடுத்தே அந்த வீடியோ அகற்றப்பட்டதாக தகவல்கள் வெளியாகின.

தி.மு.கவின் சார்பில் பேசுபவர்கள் யாவரும், மு.க. ஸ்டாலினின் பெயரில் வெளியான அறிக்கையே கட்சியின் அதிகாரபூர்வ நிலைப்பாடு என்று மட்டும் கூறுகின்றனர்.

முன்னாள் அமைச்சர் ஜெகத்ரட்சகனைப் பொறுத்தவரை, எந்த விஷயத்திலும் துணிச்சலாக, வெளிப்படையாகப் பேசாதவர் என்பதால், அவர் கட்சித் தலைமையின் அனுமதியின்றி இந்த அறிக்கையை வெளியிட்டிருக்க மாட்டார் என்கிறார்கள். குறிப்பாக, துர்கா ஸ்டாலினின் பெயரைத் தனது அறிக்கையில் பயன்படுத்தப்பட்டிருக்கும் நிலையில், கட்சித் தலைமையின் அனுமதி நிச்சயம் அவருக்கு இருந்திருக்கும் என்கிறார்கள்.

தி.மு.க. தலைவர் கருணாநிதியின் செயல்பாட்டுக்கும் மு.க. ஸ்டாலினின் செயல்பாட்டிற்கும் இடையிலான வித்தியாசத்தையே இந்த விவகாரம் சுட்டிக்காட்டுகிறது என்கிறார் ஃப்ரண்ட்லைன் இதழின் மூத்த பத்திரிகையாளரான ராதாகிருஷ்ணன். "ஒரு காலத்தில் உலகில் எங்கிருந்தாலும் தினமும் காலையில் கருணாநிதியுடன் பேசுவார் வைரமுத்து. அவருக்கு பிரச்சனை என்று வரும்போது தி.மு.க. அவருடன் இருந்திருக்க வேண்டும். அவருக்கு ஆதரவாக நின்றிருக்க வேண்டும். கருணாநிதி இருந்திருந்தால் அதைத்தான் செய்திருப்பார்" என்கிறார் ராதாகிருஷ்ணன்,

இந்த விவகாரத்தில் துர்கா ஸ்டாலின் தலையிட்டது தனிப்பட்ட முறையில் என்றால் பிரச்சனையில்லை. ஆனால், அதில் அவர் தலையிட்டார் என்பதை ஜெகத்ரட்சகன் மூலமாக வெளிப்படுத்தியிருப்பது பிரச்சனைதான் என்கிறார் அவர்.

ஜெகத்ரட்சகனின் அறிக்கை குறித்து தி.மு.க. இதுவரை அதிகாரபூர்வமாக எந்தக் கருத்தையும் தெரிவிக்கவில்லை

http://tamil.thehindu.com/bbc-tamil/article22491427.ece

Categories: Tamilnadu-news

இலங்­கை­யி­ட­மி­ருந்து விடு­வி­யுங்கள்.!

Mon, 22/01/2018 - 06:21
இலங்­கை­யி­ட­மி­ருந்து விடு­வி­யுங்கள்.!

 

 

இலங்கை அரசால் கைது செய்து சிறையில் அடைக்­கப்­பட்­டி­ருக்கும் காரைக்கால் மீன­வர்­களை விடு­விக்க  வேண்டும் என    வெளி­யு­றவுத் துறை அமைச்சர் சுஷ்மா ஸ்வரா­ஜிடம்  கண்ணீர் விட்டு கதறி அழு­த­ப­டியே  மீன­வர்­களின் குடும்­பத்­தினர் மனு­கொ­டுத்­துள்­ளனர். 

Image result for மீன­வர்­ virakesari

காரைக்­காலில் 'பாஸ்போர்ட்' (கட­வுச்­சீட்டு) சேவை மையம் திறப்பு விழா நிகழ்­விற்கு வந்த மத்­திய வெளி­யு­றவுத் துறை அமைச்சர் சுஷ்மா ஸ்வராஜ், நிகழ்ச்சி முடிந்து மேடையை விட்டு இறங்க முயற்­சித்தார். அப்­போது திடீ­ரென காரைக்கால் மாவட்ட மீனவப் பெண்கள் சிலர் அவரை சூழ்ந்­து­கொண்­டனர்.

தீபா­வ­ளிக்கு முன்பு கட­லுக்கு மீன்­பி­டிக்க சென்ற காரைக்­காலை சேர்ந்த 10 மீன­வர்­களை இலங்கை கடற்­படை கைது செய்து சிறையில் அடைத்­தது அவர்­களை மீட்­க­வேண்டும். இது­போன்ற கைது சம்­பவம் இனி நடக்­காமல் இருக்க வழி­வகை செய்ய வேண்டும். மேலும், கடந்த ஆண்டு ஏப்ரல் மாதம் காரைக்­கால்­மேடு பகு­தியைச் சேர்ந்த 6 இளம் வயது மீன­வர்­களை, போதைப்பொருள் கடத்­தி­ய­தாக பொய்­யான குற்­றச்­சாட்டை கூறி இலங்கை கடற்­ப­டை­யினர் கைது செய்து சிறை­வைத்­துள்­ளனர்.  அவர்­க­ளையும் விடு­விக்­க­வேண்டும் என கோரிக்­கை­யுடன் கூடிய மனு­வைக்­கொ­டுத்து கதறி அழு­தனர்.

நிகழ்ச்­சியில் மீன­வர்களை சந்­தித்­தது திட்­ட­மி­டாத வகையில் திடீ­ரென ஏற்­பட்­டதால், அவர்­க­ளது அழு­கு­ர­லுக்கு நடுவில் பதில் எதுவும் கூற­மு­டி­யாமல் சற்று நேரம் அமை­தி­காத்து நின்ற மத்­திய அமைச்சர்  பின்னர் உரிய நட­வ­டிக்கை எடுக்­கப்­பட்­டு­வ­ரு­வ­தாக கூறி­விட்டு சென்றார்.

http://www.virakesari.lk/article/29760

Categories: Tamilnadu-news

`என் ஆயுளுக்குள் இந்தியாவைப் பெருமையடையச் செய்வேன்!' - கமல் சூளுரை

Mon, 22/01/2018 - 05:45
`என் ஆயுளுக்குள் இந்தியாவைப் பெருமையடையச் செய்வேன்!' - கமல் சூளுரை
 

சென்னையில், தான் பங்கேற்ற நிகழ்ச்சி ஒன்றில் நடிகர் கமல்ஹாசன், `என் ஆயுளுக்குள் இந்தியாவைப் பெருமையடையச் செய்வேன்' என்று பேசியுள்ளார். 

கமல்

 

சென்னை நந்தம்பாக்கம் ட்ரேட் சென்டரில், சில நாள்களுக்கு முன்னர் நடந்த ஆனந்த விகடன் சினிமா விருதுகள் விழாவில் பேசிய கமல்ஹாசன், `ஜனவரி 26-ம் தேதி முதல் களத்தில் இறங்கப்போகிறேன். பயணத்தை எங்கிருந்து, எப்படித் தொடங்குகிறேன் என்பதை வருகிற 18-ம் தேதி வெளியாகும் ஆனந்த விகடனில் எழுதியிருக்கிறேன்' என்று அறிவித்து, அரசியல் களத்தில் கவனம் ஈர்த்தார். இப்படி நேரடி அரசியலில் முழுவீச்சில் இறங்கியுள்ள கமல், வேளச்சேரியில் நடந்த நிகழ்ச்சி ஒன்றில் கலந்துகொண்டு பரபரப்பாகப் பேசியுள்ளார்.  

 

விழாவில் பேசிய கமல், `கல்வி, சுகாதாரம், போக்குவரத்து போன்றவை சரியாக இல்லை. அதை, டிஜிட்டல் முறையில் சரிசெய்யவே நான் வந்துள்ளேன். இந்தியாவின் பெருமை தமிழகத்திலிருந்து தொடங்கும். அதற்கான பயணத்தை அடுத்த மாதத்திலிருந்து தொடங்க உள்ளேன். அப்போது, பல சகோதரர்கள் கிடைப்பார்கள். என் ஆயுளுக்குள் இந்தியாவைப் பெருமையடையச் செய்வேன்' என்றார் நம்பிக்கையுடன். 
 

https://www.vikatan.com/news/tamilnadu/114170-i-will-make-india-proud-within-my-time-period-says-kamal-haasan.html

Categories: Tamilnadu-news

ரஜினி அரசியல்: -ஜெயிக்கிற குதிரை!

Sun, 21/01/2018 - 06:57
ரஜினி அரசியல்: 1-ஜெயிக்கிற குதிரை!
 
rajinijpg

ரஜினிகாந்த் | படம்: அருண் சங்கர்.

'என்னை வாழவைக்கும் தெய்வங்களான தமிழ் மக்களே!', 'என்னை வாழவைக்கும் தெய்வங்களான ரசிகப் பெருமக்களே!'. இந்த வரிகளை ரஜினிக்கு முன்னதாக யாராவது அரசியல் தலைவர்கள் பேசியிருக்கிறார்களா. பேச்சாளர்களோ, எழுத்தாளர்களோ எங்காவது எடுத்தாண்டு உள்ளார்களா? இதை வாசிக்கும் உங்களுக்காவது தெரியுமா? ரஜினியே இந்த வசன கோர்வை வாக்கியத்தை அமைத்துக் கொண்டாரா? அல்லது வேறு யாராவது வசனகர்த்தாக்கள் அவருக்கெனவே எழுதிக் கொடுத்தார்களா என்பது தெரியவில்லை. இந்த வசனத்தை அவர் எப்போது பேச ஆரம்பித்தார் என்பதை அறிவீர்களா?

இதை உங்களிடம் கேட்பது போலவே எனக்குத் தெரிந்த மூத்த ரஜினி ரசிகர்கள் பலரிடம் கேட்டுவிட்டேன். அத்தனை பேருமே உதடு பிதுக்கினார்கள். ஆரம்ப கால அவரது உரைகளை வீடியோ கேசட்டில் போட்டுப் பார்த்து விட்டுச் சொல்கிறேன் என்றும் சிலர் சொன்னார்கள். இந்த விஷயத்தை எதற்காக தெரிந்து கொள்ள ஆசைப்படுகிறீர்கள் என பலரும் கேட்டபோது சொன்ன அதே பதிலைத்தான் இங்கேயும் குறிப்பிடுகிறேன்.

ரஜினிக்கு அரசியல் தெரியாது என்கிறார்கள் பலர். ரஜினி அரசியலுக்குள்ளேயே வரவில்லை என்கின்றனர் இன்னமும் பலர். 1996-ம் ஆண்டு தமாகா, திமுகவிற்கு வாய்ஸ் கொடுத்தபோதே அவருக்கான அரசியல் சந்தர்ப்பம் முடிந்துவிட்டது என்று சொல்கிறார்கள் அதை விடப் பெரும்பான்மையோர். எஞ்சியிருக்கிற இன்னமும் சிலர் கூட இந்த கருத்தை ஒட்டியே கருத்தை தெரிவிக்கிறார்கள். அதிலும் அதையொட்டி ரஜினியையும் சமகால அரசியலையும் இணைத்துப் பேசும்போது அது கேலிக்கும், கிண்டலுக்கும், எள்ளலுக்கும், ஏளனத்துக்கும் உள்ளாவது என்பது தொடரும் சாபமாகவே மாறிவிட்டது.

சமூக வலைதளங்களில் ரஜினியின் அரசியல் வாய்ஸிற்காக உலா வந்த மீம்ஸ் போல் வேறு எங்காவது ஒரு நடிகருக்கு வந்திருக்குமா என்பது சந்தேகமே. இந்த நேரத்திலும் ஒற்றை அரசியல் வார்த்தையை ரஜினி உதிர்த்தாலும் ஏராளமான அரசியல் தலைகளின் ஏளனத்திற்கும், நக்கலுக்கும் உள்ளாகிறது. அதுவே பலரும் அவரின் பலவீனமாகப் பார்க்கிறார்கள். அதை ஒரு சிலரே பலமாக பார்க்கிறார்கள். ரசிகர்கள் நிலையில் இல்லாமல் அப்படி தலைகீழ் பார்வையில் பார்ப்பவர்களும் மேற்சொன்னவர்களின் கண்டனத்திற்கும், நகையாடலுக்கும் உள்ளாகிறார்கள் என்பதே யதார்த்தம்.

இந்த இடத்தில் ஒன்று கேட்கத் தோன்றுகிறது. ரஜினி அரசியலுக்கு வரவேண்டுமென்றால் அல்லது அரசியலுக்குள் இருக்கிறார் என்றால், அவர் அரசியலில் தன் நிலைப்பாட்டை சொல்லியே ஆக வேண்டுமா? ஒரு முறை தமாகா-திமுகவிற்கும் வாய்ஸ் கொடுத்துவிட்டு, அடுத்த தேர்தலில் பாஜகவிற்கு ஆதரவுக் குரல் கொடுக்கக்கூடாதா? அப்படி ஆதரவுக்குரல் கொடுக்கப்பட்ட கட்சிகள் தேர்தலில் வென்றே தீர வேண்டுமா?

ஒரு முறை வாய்ஸ் கொடுக்கப்பட்ட கட்சி வென்றால் அது ரஜினியின் வெற்றியாகவும், அதே மறுமுறை வாய்ஸ் கொடுத்த கட்சி தோற்றால், அதை ரஜினியின் தோல்வியாகவே கொள்ள வேண்டுமா? மறுபடி தேர்தல் வந்தால் அதில் இந்த இரு அணிகளுக்கும் அல்லாமல் நடுநிலை வகிக்கக் கூடாதா?

உடனே அவர் மாற்று அரசியல் கொள்கையை உருவாக்கி ஜனங்களின் பல்ஸ் பார்த்து புதுக் கட்சியை ஆரம்பித்தே தீர வேண்டுமா? அதற்கு அவர் தலைவராகி தேர்தலை சந்திக்க வேண்டுமா? தேர்தலில் வெற்றி பெற்றே ஆக வேண்டுமா? அதன் தொடர்ச்சியாக நாட்டை ஆண்டே தீர வேண்டுமா? அதன் பிறகு அரசியலுக்கு முழுக்கு போட்டு விடக்கூடியவர் போல் முன்னரே தெரிந்தால், 'அவர் அரசியலுக்கு வரவே மாட்டார். வந்தாலும் நிற்க மாட்டார்!' என்றெல்லாம் இஷ்டம் போல் ஏற்கெனவே அரசியலில் ஊறி திளைத்த சிகாமணிகள் அறிவுஜீவித்தனமாக கருத்து சொன்னால், அதையும் சகித்துக் கொண்டு ரஜினி அரசியல் பேசினால் அதை கேட்கக்கூடாது. கேட்டாலும் பரவாயில்லை அதைப்பற்றி கருத்து சொல்லக்கூடாதா? கருத்து சொன்னாலும் பரவாயில்லை. அவர் கருத்துக்கு ஏற்ப பாசிட்டிவாக சிந்தித்தே விடக்கூடாதா?

ரஜினி பேசும் பேச்சுகளை ஏதோ ஒரு தெருப்போக்கன் பேசியதாகக் கருத வேண்டுமா? அப்படியே எல்லோரும் போய்விட்டாலும் கூட அதையும் தாண்டி அந்த மனிதர் (ரஜினி) கொஞ்சமும் கூசாமல் மறுபடி அரசியல் வாய்ஸ் உதிர விட்டால் அதை கடுமையாகத் தாக்கித்தான் தீர வேண்டுமா? இதற்கெல்லாம் ஒரே போடாக அந்த மனிதருக்கு அரசியலே தெரியாது என்று ஒரேயடியாக மூடி முத்திரையிட்டு சமாதியாக்கி நகர்ந்து விட வேண்டியதுதானா?

இப்படியான கேள்விகளில் ஒரு பகுதியை மட்டுமே யோசிக்காமல், இன்னொரு எதிர்நிலை பகுதியையும் யோசித்து பதில்களை ஏற்படுத்தி பாருங்கள். எது புரிகிறதோ இல்லையோ? இந்த விஷயத்தில் 'சரி, தவறு; பாசிட்டிவ், நெகட்டிவ்' என வரும் இருவேறு புலன்களிலும் அந்த ஒற்றை மனிதரே ஆதிக்கம் புரிந்திருப்பதை உணர முடியும். அதுதான் ரஜினி. அதை வைத்துத்தான் 'எனக்கு அரசியல் தெரிந்ததால்தான், அதன் ஆழும் தெரிந்ததால்தான் வருவதற்கு யோசிக்கிறேன். தெரியாவிட்டால் ஆகட்டும், ஓகேன்னு போயிட்டே இருந்திருப்பேன்!' என்கிறார்.

நம்முன் இருக்கிற நூல்களிலேயே உன்னத காப்பியம் மகாபாரதம் என்பதை அனைவரும் அறிவோம். அதில் இருக்கும் அரசியல் சூதுவாதுகள், சூழ்ச்சிகளுக்கு நிகராக எந்த ஒரு காவியமும், காப்பியமும் இந்திய சரித்திரத்தில் இல்லை என்பதை பெரும்பான்மையோர் ஒப்புக்கொள்ளவே செய்கிறார்கள். அதில் எத்தனை ஆயிரம் பாத்திரங்கள். துரியோதனாதிபதிகளும், பாண்டவர்களுக்குமான நிலவுடமைப் போரில் இந்த இருதரப்பு ரத்த உறவுகள் மட்டும்தானா போர்க்களத்தில் - அரசியல் களத்தில் நிற்கிறார்கள். மற்ற அதிரர்கள் அத்தனை பேருக்கும் என்ன வேலை? அவர்களைக் கூட நம் வாக்காளர்களாக, தொண்டர்களாக, ரசிக சிகாமணிகளாக கொள்வோம்.

ஆனால் சூதே நிரம்பிய சகுனிக்கும், சூழ்ச்சிகளால் முறியடிக்கும் கண்ணனுக்கும் அங்கே என்னதான் வேலை. அத்தனை பேருக்குள்ளும் பிரம்மாண்ட அரசியல் இயங்குகிறது. அதில் பீஷ்மருக்கான அரசியலில் தொடங்கி, அபிமன்யு, அஸ்வத்தாமன் அரசியல் வரையிலான ஒவ்வொரு பாத்திரங்களை நேசித்துப் பார்க்கிறேன். அதில் நிரம்பும் அரசியல் ததும்பலை தரிசித்து மிரள்கிறேன்.

அதில் ஏதோ ஒரு கண்ணியிலிருந்துதான் சுவாரஸ்யமிக்க ரஜினியின் அரசியலை இங்கே சிந்திக்கத் தொடங்குகிறேன். அவர் அரசியல் கட்சி தொடங்க வேண்டாம். ரசிகர் மன்றங்களை உருவாக்க வேண்டாம். தானே உருவான மன்றங்களையும் கலைக்க வேண்டாம். தேர்தலை சந்திக்க வேண்டாம். கட்சி தொடங்கி, தேர்தலை சந்தித்தாலும் வெற்றியும் பெற வேண்டாம். வெற்றி பெற்றாலும் ஆட்சியில் அமர வேண்டாம். ஆட்சியில் அமர்ந்தாலும், அநியாயமாக அக்கிரமமாக, நேர்மையாக, சத்தியகீர்த்தியாக எப்படி வேண்டுமானாலும் ஆட்சி செய்யட்டும். அதிகாரம் புரியட்டும்.

இப்படித்தான் இருக்க வேண்டும் என்று முசோலினியிடமும், ஹிட்லரிடமும் ஜெர்மன், இத்தாலி நாட்டவர்கள் எதிர்பார்த்தார்களா என்ன? இந்திய சுதந்திரத்திற்கு மகாத்மா காந்தி போன்ற தனிமனித ஒழுக்கசீலர் முன்னணியில் நிற்க வேண்டும், பண்டித ஜவஹர்லால் நேரு போன்றவர் பிரதமர் ஆகவேண்டும் என்று நாம் எதிர்பார்த்தோமா என்ன? அவரவர் அவரவர் பாணியில் இயங்கினார்கள். அதை அடியொற்றி சிலர் விருப்பப்பட்டார்கள். சிலரோ அதற்கு எதிர்நிலை எடுத்தார்கள். இன்னும் சிலரோ சுபாஷ் சந்திரபோஸ் போன்ற ஆகப்பெரும் வீரரே தேசத்தின் தலைவராக கொள்ள வேண்டும் என்று விருப்பப்பட்டார்கள். ஆகப் பெரும்பான்மை என்ன விரும்பியதோ, அதுவே தேர்தலின் தேர்வாக மாறியது.

அப்படிப்பட்ட தனிமனித உன்னதங்களின் செயல்பாடுகளே அவரவரின் வரலாறாக மாறியது. அதில் ஹிட்லர், முசோலினிக்கான இடங்கள் இருக்கத்தான் செய்கின்றன. நேரு, காந்திகளுக்கான இருக்கைகளும் நிரம்பித்தான் இருக்கின்றன. அந்த நல்லது கெட்டதுமான அரசியல் வரலாற்றில் எல்லாமே சுவாரஸ்யம் மிக்கதாகத்தானே இருக்கிறது. அதற்காக இவர்களில் ஒருவராகத்தான் அரசியலும், அரசியல்வாதியும் இருக்க வேண்டும் என்று எதிர்பார்ப்பது மூடத்தனம் என கொள்ள வேண்டியிருக்கிறது.

'ரஜினி அரசியலுக்கு வருவார்; வரமாட்டார்; வரக்கூடாது; வந்தாலும் நிற்க மாட்டார்; படுதோல்வி காண்பார்; அவர் உடல்நிலை தாங்காது; 1996 ஆம் ஆண்டுடன் அவரின் செல்வாக்கு போயே போச்சு!' என கமெண்ட் பண்ணுவதில் எல்லாமே அரசியலும் சுவாரஸ்ய வரலாறும் அடங்கித் ததும்பிக் கொண்டிருக்கிறது. காரணம் இன்றைக்கும் நம் தமிழ் மக்கள் கண்டு களிக்கும் ஆகப்பெரும் ஊடகமான சினிமாத்துறையில் அவர்தான் முன்னணி கதாநாயகன். இன்றைக்கும் ஒரே ஜெயிக்கிற குதிரை. கோடானுகோடி தமிழ் மக்களின் உள்ளம் கவர்ந்த நடிகர். அவர் சினிமாவில் நடித்த படம் வெளியாகும்போது, அடித்துப்பிடித்து டிக்கெட் எடுத்து தியேட்டரில் சென்று படம் பார்க்கும் ரசிகனுக்கு, அவரின் அரசியல் நகர்வை கவனிப்பதிலும், அதில் ஆரவாரிப்பதிலும் தனி ஒரு சுகம். எதிர்பார்ப்பு.

- பேசித் தெளிவோம்

http://tamil.thehindu.com

Categories: Tamilnadu-news

ரஜினிக்காக ரெடியாகிறது தொகுதி!

Sat, 20/01/2018 - 11:06
ரஜினிக்காக ரெடியாகிறது தொகுதி!
 
 

 

‘‘நான் 25 ஆண்டுகள்தான் கர்நாடகாவில் வளர்ந்தேன். ஆனால், தமிழ்நாட்டில் 37 வருடங்களுக்கும் மேலாக இருக்கிறேன். என்னை நீங்க பச்சைத் தமிழனா ஆக்கிட்டீங்க. வார்த்தைக்கு வார்த்தை என்னை ‘கன்னடர்’ என்று பேசி, சிலர் தமிழ்நாட்டிலிருந்து பிரித்துவைக்க ஆசைப்படுகிறாங்க. ஆனால், என் பூர்வீகம் தமிழ்நாடுதான். என் மூதாதையர், பெற்றோர் எல்லாம் கிருஷ்ணகிரி மாவட்டம் நாச்சிக்குப்பத்தில் பிறந்தவர்கள். இன்றைக்கும் சிலர் அங்கு இருக்கிறார் கள். பிழைப்புத்தேடி பெங்களூரு போனதுதான் எங்கள் குடும்பம்’’ என்று முன்பு ஒருமுறை ரசிகர்கள் மத்தியில் உணர்ச்சிகரமாகச் சொன்னார் ரஜினிகாந்த்.

அரசியலுக்கு வரப்போவதாக ரஜினிகாந்த் அறிவிப்பை வெளியிட்டதும், நாச்சிக்குப்பம் கிராமத்தை உற்சாகம் பற்றிக்கொண்டது. ரஜினியின் அரசியல் பிரவேசத்தை வரவேற்கும் இந்தக் கிராமத்தினர், ‘‘எங்கள் கிராமம் இருக்கும் வேப்பனப்பள்ளி தொகுதிதான், ரஜினிக்கு சொந்தத் தொகுதி. இந்தத் தொகுதியில்தான் அவர் போட்டியிட வேண்டும்’’ என வேண்டுகோள் விடுத்துள்ளனர்.

p12b_1516366424.jpg

ரஜினியின் குடும்பத்துக்குப் பூர்வீகம், மகாராஷ்ட்ர மாநிலம் புனே அருகேயுள்ள மாவடி கடேபதார் என்ற கிராமம். அந்தக் கிராமமே இப்போதும் ரஜினியைக் கொண்டாடினாலும், இதுவரை அந்த ஊருக்கு ரஜினி போனதில்லை. ரஜினியின் தாத்தா காலத்திலேயே அவர்களின் குடும்பம் அங்கிருந்து கர்நாடகாவுக்கு வந்து, பிறகு நாச்சிக்குப்பத்தில் குடியேறியது. ரஜினியின் தந்தை ரானோஜிராவ் நாச்சிகுப்பத்தில் பிறந்தவர். பிழைப்புக்காக கர்நாடக மாநிலத்துக்குச் சென்று சோமன ஹள்ளியில் குடியேறினார். அவர், ராம்நகர் மாவட்டம், கனகபுரா தாலுகாவில் உள்ள நேரலட்டி என்ற கிராமத்தைச் சேர்ந்த ராம்பாயைத் திருமணம் செய்தார். பிறகு, பெங்களூருவின் ஹனுமந்த நகரில் ரஜினியின் தந்தை குடும்பம் செட்டிலானது.

நேரலட்டியில் இப்போதும் ரஜினியின் உறவினர்கள் பலர் வசித்து வருகிறார்கள். அந்தக் கிராமத்துக்குச் சென்றோம். அங்கு, விட்டல் ராவ் என்ற 80 வயதைக் கடந்த பெரியவரைச் சந்தித்தோம். “ஆமாங்க, ரஜினி எங்கள் உறவினர்தான்” என்று கன்னடமும், தமிழும் கலந்து பேச ஆரம்பித்தார். ‘‘இந்தக் கிராமத்தில் பிறந்த ரானோபாய், துளசிபாய், எக்கம்மாபாய், லட்சுமிபாய், ரானோஜி ராவ் ஆகிய ஐந்து பேரும் ஒரு தாய் பிள்ளைகள். நான், ரானோஜிராவின் மகன். எனக்கு நான்கு அத்தைகள். ரானோபாய் அத்தையின் மகள் ராம்பாய் என்பவரை, சோமனஹள்ளியில் ரானோஜிராவ் என்பவருக்குத் திருமணம் செய்து கொடுத்தோம். அந்தத் தம்பதிக்கு நான்காவதாகப் பிறந்தவர்தான் ரஜினி. கடைசி அத்தை (ரஜினிக்கு பாட்டி முறை) லட்சுமிபாயை நாச்சிக்குப்பத்தில் விஸ்வநாத் ராவ் என்பவருக்குத் திருமணம் செய்துகொடுத்தோம். அவருக்கு துக்காராம் ராவ் என்ற மகன் உள்ளார். இது மட்டுமே எனக்குத் தெரிந்த தகவல்’’ என்றார் விட்டல் ராவ்.

p12_1516366507.jpg

நேரலட்டி கிராமத்தில் யசோதாபாய் என்பவரைத் தேடிச்சென்று பேசினோம். ரஜினியின் தந்தைக்குச் சகோதரி மகள் இவர். ‘‘ரஜினி எனக்குத் தாய்மாமன் மகன். 2008 வரை என் அம்மா ரானோபாய்க்கு மாதம்தோறும் 5,000 ரூபாய் கொடுத்து ரஜினி உதவிவந்தார். அம்மா இறந்த பிறகு பணம் வருவது நின்றுவிட்டது. ரஜினியின் மகள் திருமணத்துக்கு நான் போயிருந்தேன்.அவர்களே என்னை அழைத்துச்சென்று, திருமணம் முடிந்ததும் பத்திரமாக அனுப்பி வைத்தனர். ரஜினி, எங்களுக்கு நிறைய உதவிகள் செய்துள்ளார்.  நேரலட்டியில் கிணறு வெட்டிக் கொடுத்துள்ளார்” என்றார் யசோதாபாய். அந்தத் தகவலை மற்றொரு உறவினரான என்.எஸ் மாதேவ்ராவும் உறுதிப்படுத்தினார்.

நாச்சிக்குப்பத்தில், லட்சுமிபாய் - விஸ்வநாத் ராவ் குடும்பத்தினரைத் தேடினோம். அவர்களின் பேரன் நாராயணராவ் இருந்தார். “ரஜினி, எங்கள் பாட்டி வழி உறவினர் என அப்பாவும், அம்மாவும் சொல்வார்கள். பெங்களூரில் ரஜினி குடும்பத்தின் விசேஷங்களுக்கெல்லாம் அப்பா போயிட்டு வருவார். அடிக்கடி சென்னைக்குப் போய் ரஜினியை அப்பா பார்த்துவிட்டு வருவார். இதோ பாருங்கள், அப்பாவும் ரஜினியும் எடுத்துக்கொண்ட போட்டோ...” என்று ஒரு புகைப்படத்தை நம்மிடம் காண்பித்தார்.

p12a_1516366527.jpg

நாரயணராவின் தாயார் சரஸ்வதியிடம் பேசினோம். “பெங்களூரு சென்றபோது, ரஜினியை நான் பார்த்துள்ளேன். ரஜினி சிறு குழந்தையாக இருந்தபோது, அவரை அவருடைய அப்பா இங்கு அழைத்து வந்துள்ளார். எங்கள் மாமனாரும், மாமியார் லட்சுமிபாயும் இருந்தவரை எங்களுக்குள் தொடர்பு இருந்தது. அதன் பிறகு, என் கணவர் மட்டும் சென்னைக்குப் போய் ரஜினியைப் பார்த்துவிட்டு வருவார்” என்றார் சரஸ்வதி. 

சென்னை வந்து புகழின் உச்சிக்குச் சென்றபிறகு ஒருமுறைகூட நாச்சிக்குப்பத்துக்கு ரஜினி வந்ததில்லை. இடையில் இரண்டு முறை அவர் இங்கு வருவதாகச் சொல்லி, ரசிகர் மன்றம் சார்பில் ஏற்பாடுகள் செய்யப்பட்டன. ஆனால், இரண்டு முறையுமே, ‘வெளியூரில் படப்பிடிப்பில் இருக்கிறார்’ என்று கூறி, நிகழ்ச்சி ரத்துசெய்யப்பட்டன.

p12c_1516366408.jpg

2009-ம் ஆண்டு இந்தக் கிராமத்தில், ஸ்ரீராகவேந்திரா பொதுநல அறக்கட்டளை மூலம் ஒன்றரை ஏக்கர் நிலம் வாங்கியுள்ளார் ரஜினி. ‘‘இங்கு தன் பெற்றோருக்கு நினைவு இல்லம் அமைத்து, ஆதரவற்றவர் களுக்கான இல்லம், திருமண மண்டபம், நூலகம் போன்றவற்றை அமைக்க ரஜினி திட்டமிட்டுள்ளார்’’ என்கிறார்கள். இப்போதைக்கு இங்கு ‘ரானோஜிராவ் ராம்பாய் நினைவகம்’ என்ற போர்டு மட்டும் வைத்து, வேலி போடப்பட்டுள்ளது. இந்த வளாகத்தில் தண்ணீர்த் தொட்டி அமைத்து, மக்கள் தண்ணீர் எடுக்கவும், ஆடு மாடுகள் தண்ணீர் குடிக்கவும் ஏற்பாடு செய்யப்பட்டுள்ளது. ரஜினியின் அண்ணன் சத்யநாராயண ராவ் இங்கு அடிக்கடி வந்து செல்வாராம்.

p12d_1516366479.jpg

கிருஷ்ணகிரி மாவட்ட ரஜினி ரசிகர் மன்றப் பொறுப்பாளர்கள் மதியழகன் மற்றும் கே.ஆர்.சீனிவாசன் ஆகியோரைச் சந்தித்தோம். “ரஜினியின் தாத்தா, பாட்டி உள்ளிட்ட முன்னோர்கள் நாச்சிக்குப்பத்தில்தான் வாழ்ந்தார்கள். இந்தக் கிராமத்தின் நினைவுகள் பற்றி ரஜினியே எங்களிடம் கூறியுள்ளார். வரும் சட்டமன்றத் தேர்தலில் எங்கள் தொகுதியில்தான் ரஜினி போட்டியிட வேண்டும். இதை அவரிடம் கோரிக்கையாக வைப்போம்’’ என்றனர்.

- எம்.வடிவேல்
படங்கள்: கே.மணிவண்ணன்

மூன்று மொழி தொகுதி!

2011
தேர்தலின்போது, கிருஷ்ணகிரி மற்றும் ஓசூர் தொகுதிகளிலிருந்து சில பகுதிகளைப் பிரித்து புதிதாக உருவாக்கப்பட்டது வேப்பனப்பள்ளி தொகுதி. தேன்கனிக்கோட்டையிலிருந்து சூளகிரி வரை சுமார் 60 கிலோமீட்டர் தூரத்துக்கு நீளும் இந்தத் தொகுதி, பரப்பளவில் மிகப்பெரியது. நகராட்சி, பேரூராட்சி என எதுவும் இல்லாமல் முழுக்க முழுக்க கிராமங்கள் நிறைந்தது. ஓசூர், தேன்கனிக்கோட்டை மற்றும் கிருஷ்ணகிரி வட்டங்களில் உள்ள 73 ஊராட்சிகளை ஒரு சுற்று வருவது என்பதே மலைப்பான விஷயம். ஆந்திரா மற்றும் கர்நாடக எல்லையில் உள்ளதால் தெலுங்கு மற்றும் கன்னடம் பேசும் மக்கள் நிறைய உள்ளனர். இஸ்லாமியர்களும் கணிசமாக உண்டு. கடந்த இரண்டு தேர்தல்களாக இங்கே தி.மு.க-வே ஜெயித்துள்ளது.

https://www.vikatan.com

Categories: Tamilnadu-news

ராஜீவ் கொலை மர்மம்

Sat, 20/01/2018 - 11:05
ராஜீவ் கொலை மர்மம் உடைக்கும் ‘தடா’ ரவி!
 
 

தனு... அனுஜா - பொய் சொன்ன சி.பி.ஐ - சிவராசனுக்கு உத்தரவிட்டது சி.ஐ.ஏ

 

‘இந்திய உளவுத்துறைகளின் கண்கள் அந்தப் ‘பொருளின்’ மீது விழுந்துவிட்டிருந்தது. ஆமாம், தமிழகத்துக்குள் இயங்கிக்கொண்டிருந்த விடுதலைப் புலிகளின் மூன்று வயர்லெஸ் கருவிகளில் இரண்டு செயலிழந்து போய்விட்டன. மிஞ்சியிருப்பது ஒன்றுதான். விடுதலைப்புலிகள் இயக்கத்தின் உளவுப்பிரிவுத் தலைவரான பொட்டம்மானுடன் நான் நேரடியாகப் பேசிக்கொள்ள கொடுக்கப்பட்டிருந்த கருவி அது. அதன் வழியாகத்தான் இருவரும் தகவல்களைப் பரிமாறிக் கொண்டிருந்தோம். பேசி முடித்தவுடன் தொடர்புகளை அறுத்துக்கொண்டு வேறு இடத்துக்குக் கொண்டுபோய் பதுக்கிவிடுவேன். அவ்வப்போது வெளிப்படும் ‘சமிக்ஞை’யை வைத்து இந்த ரகசிய நடமாட்டத்தையும் கண்டுபிடித்துவிட்டிருந்தார்கள்...’

- முதல் அத்தியாயத்தில் இடம்பெற்றுள்ள இந்த வரிகளைப் படிக்கும்போது, ‘யார் இவர், என்ன சொல்லவருகிறார்’ எனப் புத்தகத்துக்குள் தேடத் துடிக்கிறது மனம். தன் அனுபவங்களைச் சொல்லும் இரா.பொ.ரவிச்சந்திரன் வேறு யாருமல்ல... ராஜீவ் காந்தி கொலை வழக்கில் ஆயுள் தண்டனைக் கைதி. நளினி, சாந்தன், பேரறிவாளன், முருகனைப்போல் ரவிச்சந்திரனும் 27 ஆண்டுகளாக சிறைக்குள்தான் இருக்கிறார். ஆனால், மற்றவர்களைப் போல ரவிச்சந்திரனை பரவலாகத் தெரியாது.

p44d_1515146858.jpg

ராஜீவ் கொலை வழக்கில் தண்டனை பெற்றுள்ள நளினி, பேரறிவாளன் உள்ளிட்ட மற்றவர்களின் அனுபவங்கள் வேறு; ரவிச்சந்திரனின் அனுபவம் வேறு. நளினியோ, பேரறிவாளனோ இலங்கைக்குச் சென்றதில்லை. புலிகள் இயக்கத்தில் நேரடியாகப் பயிற்சி பெற்றவர்களும் இல்லை; பணியாற்றியவர்களும் இல்லை. ஆனால், ரவிச்சந்திரனுக்கு அந்த அனுபவம் உண்டு! அதுவும் விடுதலைப்புலிகள் இயக்கத்தின் பாரதி மாஸ்டர், செல்வராஜ் மாஸ்டர் போன்றோரிடம் பயிற்சி பெற்றவர். விடுதலைப்புலிகள் இயக்கத்தின் முக்கியத் தளபதிகளான மில்லர், சூசை, டேவிட் உள்ளிட்டவர்களோடு சேர்ந்து சமர் புரிந்த அனுபவங்கள் உடையவர். இந்த விவரங்கள் தெரியவரும்போதுதான், ரவிச்சந்திரனின் பாத்திர முக்கியத்துவத்தை நம்மால் உணர முடிகிறது.

ஈழத்தில் அவர் நேரில் கண்ட காட்சிகளையும், தன் பயிற்சி அனுபவங்களையும், போர்க்களங்களையும் விவரிக்கும்போது, படிப்பவர்கள் மனதில் ஈரம் கசியும். ரவிச்சந்திரனின் அப்பா பெயர் பொய்யாழி. வேளாண் துறை அதிகாரியாக இருந்தவர். இப்போது இறந்துவிட்டார். இளவயதில் ஈழம் பற்றிப் படித்த, கேட்ட செய்திகளால் உந்தப்பட்டு, ‘ஈழ விடுதலைப்போரில் பங்கெடுக்க வேண்டும்; அதற்காக விடுதலைப்புலிகள் அமைப்பில் சேர வேண்டும்’ என்ற எண்ணத்தோடு இருந்திருக்கிறார் ரவி. பதினொன்றாம் வகுப்பு படிக்கும்போது, காலாண்டுத் தேர்வு கட்டத்திலேயே படிப்பைத் துறந்து, வீட்டிலிருந்து வெளியேறி ராமேஸ்வரம் சென்றவர், அங்கு அலைந்து திரிந்து அகதிகளின் படகில் யாழ்ப்பாணம் சென்று, பல சிரமங்களுக்கு மத்தியில், விடுதலைப் புலிகள் இயக்கத்தில் பிடிவாதமாகச் சேர்ந்தார். பிறகு, புலிகள் இயக்கத்தின் நலனுக்காகவே, அங்கிருந்து வெளியேறி மீண்டும் தமிழகம் வந்து தனி இயக்கம் ஆரம்பித்தவர். புலிகளுக்கு அத்தியாவசிய பொருள்களை அனுப்பி வைக்கும் உதவிகளைச் செய்து வந்தார். அந்த நிலையில், தமிழக கியூ பிரிவு போலீஸார் இவரைக் கைது செய்தார்கள். பிறகு ராஜீவ் காந்தி கொலை வழக்கில் சிக்கி இன்று ஆயுள் தண்டனைக் கைதியாக இருக்கிறார். நல்ல ஆங்கில, சட்டப் புலமை பெற்றவராக இருக்கிறார். ஊடக வெளிச்சம்படாத மனிதராக இருப்பது குறிப்பிடத்தக்கது. ‘இரண்டு முறை ஜூ.வி-யில் தன்னைப் பற்றி வந்த செய்திகளைத் தவிர்த்து வேறெதுவும் இத்தனை ஆண்டுகளில் வெளிவந்தததில்லை’ என்கிறார். வழக்கில் சிக்கியது, சிவராசனின் செயல்பாடு என்ன, அவரின் உண்மையான திட்டம் என்ன என்பது உள்ளிட்ட பல அதிர்ச்சி, திருப்புமுனைத் தகவல்களை இந்தப் புத்தத்தில் தெரியப்படுத்தியுள்ளார். கடந்த காலங்களில் ரவிச்சந்திரன் அவ்வப்போது எழுதி வைத்திருந்ததை எல்லாம் அவரின் வழக்கறிஞர் T. திருமுருகன் உதவியோடு பெற்று, முறைப்படுத்தி, விறுவிறுப்பாகத் தொகுத்துள்ளார் பா.ஏகலைவன். ‘யாழ்’ பதிப்பகத்தின் வெளியீடாக வரும் ‘சிவராசன் டாப் சீக்ரெட்’ புத்தகத்திலிருந்து சில பகுதிகள் இங்கே...


‘ஒரு தேசத்தின் அடுத்த பிரதமர் யார்’ என்பதைத் தீர்மானிக்கும் முக்கியத் தேர்தல் பிரசாரக் கூட்டத்துக்கு உள்நாட்டு, வெளிநாட்டு ஊடகங்களைச் சேர்ந்தவர்கள் புகைப்படம் எடுக்க வருவார்கள் என்பது யாரும் அறிந்த ஒன்றுதான். அந்தச் சாதாரண விஷயம்கூட விடுதலைப்புலிகள் போன்ற ஓர் அமைப்புக்கும் அதன் தலைமைக்கும் தெரியாதா? மிக ரகசியமான ஒரு கொலைத் திட்டத்தைப் புகைப்படம் எடுக்கத் திட்டமிட்டிருந்தால், அதற்கென தனியாக ஒரு புகைப்படக்காரரைப் பயன்படுத்தி இருப்பார்களே? விடுதலைப்புலிகளிலேயே திறமையான புகைப்படக்காரர்கள் இருக்கிறார்களே? அப்படியே அந்தப் புகைப்படம் எடுப்பவர் இறந்திருந்தாலும், கேமராவை அங்கிருந்து அகற்றும் ஏற்பாட்டையும் செய்திருக்க மாட்டார்களா?

ஹரிபாபு ஒரு தொழில்முறை புகைப்படக்காரர். ஓர் இடத்துக்குப் போனால் மற்றவர்கள் படங்களையும் எடுக்கக் கூடியவர். 7 மணியிலிருந்து 10.20 மணிக்கு குண்டுவெடிப்பு நடக்கும் வரை வெறும் பத்தே ஸ்டில்கள்தான் எடுத்திருப்பார் என்பது நம்பும்படியாக இருகிறதா? இந்தச் சந்தேகங்களுக்கு வலுவான காரணங்கள் இருக்கின்றன. ஏனென்றால் அந்த புகைப்படச்சுருள் வெட்டப்பட்டு இருந்தது. கேமராவும் ஃபிலிம் ரோலும் சம்பவ இடத்திலிருந்து கைப்பற்றப்பட்டு சி.பி.ஐ-யிடம் ஒப்படைக்கப்படும் வரையிலான அந்த மூன்று நாள் நிகழ்வுகள் எல்லாமும் மர்மமாக இருந்தன.

p44c_1515146878.jpg

ஹரிபாபு எடுத்த மொத்த படங்களில் சி.பி.ஐ வெளியிட்ட படங்கள் தவிர மற்ற படங்களில் எத்தனை காங்கிரஸ் கட்சித் தலைவர்கள் அல்லது பிரமுகர்கள் இருந்திருப்பார்கள்? மற்ற படங்களைக் காட்டி அவர்களை வழிக்குக் கொண்டு வரவாவது சிவராசன் எடுக்கச் சொல்லியிருக்கலாம் அல்லவா? ‘இல்லை, பத்து படங்கள்தான் எடுக்கப்பட்டன’ என்றால், ‘ராஜீவைக் கொன்றது புலிகள்தான் என்று உலகம் தெரிந்துகொள்ள வேண்டும். கொலைப்பழி சுமக்க வேண்டும்’ என்று சிவராசன் திட்டமிட்டுச் செய்தார் என்று புரிகிறது அல்லவா?

புலிகள் தங்கள் ஆவணத்துக்காக எடுத்தார்கள் என்பது உண்மையானால், புலிகள் அமைப்பின் ரகசியம் காக்கும் தன்மைக்கே இது முரண்பாடாக இருக்கிறதே. சாதாரண போராளிகளே தடயங்களை விடமாட்டார்கள் எனும்போது, மூத்த போராளி சிவராசன் எப்படி தடயத்தை விட்டுச் சென்றார்? ஹரிபாபு இறந்தாலும் அவரது கேமராவை எடுக்காமல் சிவராசன் வந்திருக்க மாட்டார். ‘ஏன் அப்படி விட்டுவிட்டு வந்தார்’ என்பதையும், ‘அதன்பிறகு உடனடியாக ஈழத்துக்குத் தப்பிச் செல்ல அவர் ஏன் அக்கறை காட்டவில்லை’ என்பதையும் முடிச்சுப்போட்டுப் பார்க்க வேண்டும். ‘கடற்கரையே இல்லாத பெங்களூருவுக்கு ஏன் சென்றார்’ என்று என்னிடம் பொட்டம்மான் கேட்ட கேள்வியுடன் முடிச்சுப் போட்டுப் பார்க்க வேண்டும்.

சிவராசனிடம் மூன்று டைரிகளைக் கண்டெடுத்தது சி.பி.ஐ. அவற்றில் இரண்டு பாக்கெட் டைரிகள்; ஒன்று பெரிய டைரி. அந்த டைரியில் சிவராசன் எனது சொந்தப் பெயரான ‘இரவி’ என்று எழுதியிருக்கிறார். பொதுவாக இயக்கத்தினர் யாருடைய சொந்தப் பெயரையும் பயன்படுத்துவதில்லை; குறிப்பாக எழுத்தில் பதியமாட்டார்கள். வேண்டுமென்றே பல சந்திப்புகளை, தகவல் பரிமாற்றங்களை தேதிவாரியாகக் குறிப்பிட்டு டைரி எழுதியிருக்கிறார். இது புலிகளின் உளவுப்பிரிவு செயல்பாட்டுக்கு விரோதமானது. எழுத்தில் உள்ள சாதாரணத் தகவலைக்கூட உடனுக்குடன் எரிக்க வேண்டும்.

p44_1515146835.jpg

தனு போட்டோ வெளியானதிலிருந்தே பயஸ், ஜெயக்குமார், விஜயன் ஆகியோர் வேறு இடம் செல்ல முயன்றபோது தடுத்தவர் சிவராசன். மே 24-ம் தேதியிலிருந்து ஜூன் 14-ம் தேதி வரை நான்கைந்து தடவையாவது சிவராசனை ‘ஈழம் சென்று விடுங்கள்’ என்று நான் சொன்னதைத் தவிர்த்தார். ‘ராஜீவ் இறந்ததும் சிவராசன் நேபாளம் செல்லத் திட்டமிட்டார்’ என்பதை வாணன் என்ற இலங்கைத் தமிழர் வாக்குமூலத்திலிருந்து அறியலாம்.

பொதுவாக உளவுப்பிரிவு உறுப்பினர்கள், அரசியல் பிரிவு உறுப்பினர்களுடன் சேரமாட்டார்கள். அரசியல் பிரிவு ஆட்கள் வெளிப்படையாக இயங்குபவர்கள். ஆனால், அரசியல் பிரிவு திருச்சி சாந்தனுடன் இவர் வலியச் சென்று சேர்ந்துள்ளார். இருவருமே மாத்தையாவின்கீழ் பணியாற்றியவர்கள். புலிகளின் அரசியல் பிரிவு தலைவராக இருந்த மாத்தையா, ‘ரா’ உளவாளி என்று கண்டுபிடிக்கப்பட்டு உண்மை நிரூபணமாகி, மரண தண்டனைக்கு உள்ளானவர். இந்த மாத்தையாவின் ‘ரா’ தொடர்பாளராக அறியப்பட்டவர், நெய்வேலியில் இருந்த நீலன். அவரைத் தமிழகம் வந்ததும் சிவராசன் பார்த்துள்ளார். இந்த நீலனைத் தமிழக கியூ பிரிவு விசாரித்தது. ஆனால், உடனடியாக விடுதலை செய்துவிட்டது. இந்த நீலன் கைது செய்யப்பட்ட பிறகுதான் மாத்தையாவின் செயல்கள் அம்பலமாகின. இப்படிப் பல்வேறு மர்மங்கள் கொண்டவர் சிவராசன்.

1987-ல் தளபதி சூசையின்கீழ் வல்வெட்டித்துறை நகரில் நான் பணியாற்றினேன். மயிலியதனை என்ற பகுதியில் சிவராசன் இருந்தார். அப்போது இரகு அல்லது இரகுவரன் என்று அழைக்கப்பட்டார். அப்போதுதான் அவருக்கும் எனக்கும் அறிமுகம். அந்த ஆண்டு மே மாதம் வடமராச்சி பகுதி சிங்கள ராணுவத்தின் பிடிக்குள் போனது. அதன்பிறகு நாங்கள் வேறு வேறு பகுதிகளுக்குப் போய்விட்டோம். நான் 1990-ல் தமிழகம் திரும்பியபோது, ‘இரகுவோடு தொடர்பில் இருங்கள்’ என்று பொட்டம்மான் சொன்னார். 1991 மே மாதத்துக்கு முன்னதாக ஐந்து முறை சந்தித்து இருப்பேன். இவை எதுவும் ராஜீவ் கொலைத்திட்டம் குறித்தது அல்ல!

p44a_1515146811.jpg

ராஜீவ் கொலைக்கு முன்னும் பின்னுமாக சிவராசனுக்கு மும்பையிலும் சவுதி அரேபியாவிலும் வங்கிக் கணக்கு இருந்தது. பணப்பரிமாற்றமும் நடந்தது. இதனை இந்திய அரசின் நிதி நுண்ணறிவுப் பிரிவு கண்டுபிடித்தது. ஆனால், அதை சி.பி.ஐ மூடி மறைத்தது. சிவராசனுக்கு உத்தரவிட்டது புலிகள் அல்ல; சி.ஐ.ஏ. முகம் மறைத்து பல சதிகாரர்கள் இருக்கிறார்கள்.

இப்படி உருவான சதிகளில் ஒன்றுதான், அனுஜா படத்தை தனு என்று சொன்னது. அனுஜா படத்தை என்னிடம் காட்டினார்கள். நான் ‘அது அனுஜா’ என்றேன். வடமராச்்சியில் நான் அவரைப் பார்த்திருக்கிறேன். குரூப் லீடர் அவர். ‘விடுதலைப் புலிகளின் பிரசாரப் பிரிவு வெளியிட்ட காலண்டரில் அவர் படம் இருக்கும்’ என்றேன். அந்த அனுஜாவைத்தான் தனு என்று சொல்லி, ‘விடுதலைப்புலிகளால் அனுப்பப்பட்ட பெண்தான்’ என்று கதை கட்டினார்கள்.

இந்தக் கட்டுக்கதைகளுக்கு தமிழக தடயவியல் துறையும் ஒத்துப்போனது.


 

p44b_1515146795.jpg

பா.ஏகலைவன் பத்திரிகையாளராகப் பணியாற்றிவர். 2010-ம் ஆண்டு, ‘நாம் தமிழர் கட்சி’த் தலைவர் சீமான், தேசியப் பாதுகாப்புச் சட்டத்தில் கைதாகி சிறையிலிருந்தபோது, அவரைப் பார்க்க வேலூர் சிறைக்குச் சென்றிருந்தார். ராஜீவ் கொலை வழக்கில் கைதாகி 20 ஆண்டுகளுக்கும் மேலாக சிறையிலிருக்கும் சாந்தன், முருகன், பேரறிவாளன், ராபர்ட் பயஸ், ஜெயக்குமார் ஆகிய ஐந்து பேரையும் அப்போதுதான் நேரில் சந்தித்துள்ளார். அவர்களுடன் பேசியபிறகு, ‘இந்த வழக்கில் வெளியில் தெரியாமல், புதைந்துகிடக்கும் பல விஷயங்களை உலகுக்குத் தெரியப்படுத்த வேண்டும்’ என்ற முடிவுக்கு வந்துள்ளார். ராஜீவ் கொலைவழக்கில் முதல் குற்றவாளியாக இருக்கும் நளினியின் தரப்பு பல ஆண்டு காலமாக வெளியில் வராமல் இருந்தது. அதனால், நளினியின் தரப்பிலிருந்து முதல் புத்தகத்தை எழுதினார். அதுதான், ‘ராஜீவ் கொலை வழக்கு - மறைக்கப்பட்ட உண்மைகளும் பிரியங்காவின் சந்திப்பும்!’ அதன் தொடர்ச்சியாக, தற்போதுவரை வெளியில் அதிகம் தெரியாத ரவிச்சந்திரனின் அனுபவங்களை, ‘ராஜீவ் காந்தி படுகொலை... சிவராசன் டாப் சீக்ரெட்’ என்ற தலைப்பில் எழுதியுள்ளார். க்ரைம் த்ரில்லர் நாவலைப் போல் உள்ள இந்தப் புத்தகம், ராஜீவ் கொலையின் பின்னணியில் உள்ள சர்வதேச சதிகளை ஆதாரங்களுடன் அம்பலப்படுத்தும் ஓர் உண்மை ஆவணம்!

 

    “அந்த பெல்ட் பாம் இந்தியத் தயாரிப்புதான் என்றார் சிவராசன்!”
 
 
 

தடா ரவி அவிழ்க்கும் மர்மங்கள்

 

ராஜீவ் கொலை வழக்கில் கைதாகி 27 ஆண்டுகளாக சிறையில் இருக்கும் இரா.பொ.இரவிச்சந்திரன் எழுதியுள்ள ‘சிவராசன் டாப் சீக்ரெட்’ என்ற புத்தகம், இந்த வழக்கு பற்றிய அவிழ்க்கப்படாத பல முடிச்சுகளைக் கண்முன் நிறுத்துகிறது. வழக்கறிஞர் திருமுருகனிடம் ரவிச்சந்திரன் கூறியதைப் பத்திரிகையாளர் பா.ஏகலைவன் புத்தகம் ஆக்கியுள்ளார். ஜூ.வி-யின் சென்ற இதழ்த் தொடர்ச்சியாக, அந்தப் புத்தகத்தில் உள்ள மர்மங்கள் சில...

‘‘தமிழகத்தில்தான் புலிகள் பயிற்சி பெற்றார்கள் என்பது பலருக்கும் தெரியாது. அன்றைக்குப் பிரதமராக இருந்த இந்திரா காந்திக்கும் முதல்வராக இருந்த எம்.ஜி.ஆருக்கும் தெரிந்தே இந்தப் பயிற்சி முகாம்கள் இருந்தன. திண்டுக்கல் மலைப் பகுதியில் புலிகளின் 7-வது பயிற்சிப் பாசறையில் பெண் புலிகளுக்கான பிரத்யேகப் பயிற்சி முகாம் இருந்தது. அதில் பயிற்சிபெற்ற பெண் போராளிகளில் ஒருவர்தான் அனுஜா. 1986-ம் ஆண்டு விடுதலைப் புலிகளின் பிரசாரப் பிரிவு, அந்த ஆண்டுக்கான காலண்டரை வெளியிட்டது. அதில், பெண் போராளிகள் அணிவகுத்துச் செல்வது போன்ற படம் இருக்கும். அதில், புலிக்கொடி ஏந்தி தலைமையேற்று நடப்பவர்தான் அனுஜா.

அந்தப் புகைப்படம் உலகெங்கும் பல இதழ்களில் வந்துள்ளது. அப்போது பயிற்சி பெற்ற, வெளிப்படையாக இயங்கிய புலிகளின் புகைப் படங்களெல்லாம் இந்திய உளவுத்துறைகளிடம் உள்ளன. ராஜீவ் காந்தியைக் கொல்ல, இப்படிப் பரவலாக அறிந்த ஒரு பெண் போராளியை அனுப்பியிருப்பார்கள் என்று நினைப்பதே கேலிக்கூத்தானது. ‘சி.பி.ஐ அதிகாரிகள் காட்டிய புகைப்படத்தில் இருப்பது அனுஜாதான்’ என்று நான் சொன்னேன். ‘ஸ்ரீபெரும்புதூரில் மாலையுடன் நிற்பதும், புலிக்கொடி ஏந்தி நடந்து செல்வதும் தனுதான்’ என்றார்கள் அவர்கள். ‘இல்லை’ என்று நான் சொன்னேன். அடித்தார்கள். ரத்தம் வரும் வரை அடித்தார்கள். கையில் வழிந்த ரத்தத்தைச் சட்டையில் துடைத்தபடி விளக்கினேன்.

p30a_1515512344.jpg

சம்பவம் நடந்து ஒன்பது மாதங்கள் ஓடிவிட்டன. இன்னமும் தனுவை இன்னாரென்று கண்டுபிடிக்க முடியவில்லை. அவர் யார், எந்த ஊர் என்ற விவரங்களையும் அவர்களால் அறிய முடியவில்லை. அதனால், அனுஜாவை ‘தனு’ என்று கதைவிட்டு அதையே உண்மை என்று முடிக்க இருக்கிறார்கள். சி.பி.ஐ சொன்னதையே தடய அறிவியல் துறை ‘உண்மை’ என்று சொன்னது.

தடா சிறப்பு நீதிமன்றத்தில் விசாரணை நடந்தபோது, அரசுத் தரப்புச் சாட்சியாக அந்த தடயவியல் அதிகாரி வந்திருந்தார். அனைவரிடமும் அவர் இயல்பாகப் பேசிக்கொண்டிருந்தார். ‘‘விடுதலைப்புலிகளின் காலண்டரில் இருந்த புகைப்படத்தையும் தனுவின் தலையையும் கம்ப்யூட்டரில் ஒப்பிட்டு, இரண்டும் ஒருவர்தான். தனுதான் அனுஜா என்று எப்படிப் பொய் சொன்னீர்கள்’ என்று அந்த அதிகாரியிடம் சுசீந்திரன் கேட்டார்.

அவரும் சிரித்துக்கொண்டே, ‘‘அப்படியானால் அறிவியல் பொய் சொல்கிறது என்கிறீர்களா?’’ என்று எதிர்க்கேள்வி கேட்டார்.

‘‘அறிவியல் பொய் சொல்லாது என்பது எங்களுக்கும் தெரியும். ஆனால், அந்த அறிவியலைப் பயன்படுத்துபவர்கள் பொய் சொல்லலாம் அல்லவா?’’ என்று சுசீந்திரன் கேட்டார். அதற்கு மேல் அந்த அதிகாரி எங்கள் பக்கத்தில் நிற்கவில்லை.

போலீல் அதிகாரி இக்பால், நாங்கள் பயன்படுத்திய ‘வயர்லெஸ் கருவி’ பற்றி நிறைய கேள்விகளைக் கேட்டார். விடுதலைப் புலிகளின் பல உறுப்பினர்கள் பேசியிருந்ததை உளவுத் துறை ஏற்கெனவே ‘டேப்’பில் பதிவுசெய்து வைத்திருந்தது. அதையெல்லாம் போட்டுக் காட்டி, ‘‘இவை யார் யாருடைய குரல்கள், எங்கிருந்து யாருக்குப் பேசுகிறார்கள். இவற்றின் அர்த்தம் என்ன, அது என்னவிதமான ‘சங்கேத’ மொழி’’ என்றெல்லாம் கேள்விகளை அடுக்கினார். 
பிறகு 50, 60 புகைப்படங்களை என்னிடம் நீட்டினார். அவை, புலிகளின் பிரசாரப் பிரிவு வெளியிட்டிருந்த படங்கள். எட்டு மாதங்களாகப் பத்திரிகைகள் எல்லாம் அவற்றைப் பலமுறை பிரசுரித்துவிட்டன. அவர்களில் பல போராளிகள் ஏற்கெனவே வீரமரணம் அடைந்துவிட்டிருந்தார்கள். எஞ்சியவர்கள் பலரும் வெளியுலகுக்குத் தெரிந்தவர் களாகவே இருந்தார்கள். அவர்களைத்தான், ‘அடையாளம் காட்டச் சொல்லி’ நீட்டினார்.

பார்க்க அது பைத்தியக்காரத்தனமாகத்தான் தெரியும். ஆனால், அதனுள்ளே ஆழமான ஒரு ‘காரணி’ இருந்தது.

விசாரணை... விசாரணை... இடைவிடாத விசாரணை! உடல் மட்டுமல்ல, மூளையும் மழுங்கி சோர்ந்துவிட வேண்டும். அதுதான் ‘காரணி’. அதற்காகத்தான் மாறி மாறி வந்து அடித்துக் கொண்டிருக்கிறார்கள்.

‘‘இயக்கத்தில் சேர்ந்தபோது உனக்கு என்னென்ன பயிற்சிகள் கொடுத்தார்கள்... என்னென்ன ஆயுதங்கள், வெடிகுண்டு களையெல்லாம் கையாளப் பயிற்சி தந்தார்கள்?’’ என்று கேட்டார்கள். எதற்கோ குறி வைத்துவிட்டார்கள் எனப் புரிந்தது.

‘புலிகளின் பயிற்சி என்ன மாதிரியானது’ என்பது இந்தியப் புலனாய்வு அமைப்பு களுக்குத் தெரியாத ஒன்றல்ல. பயிற்சியே அவர்கள் கொடுத்ததுதான். புலிகளின் யுக்திகளும்கூட அவர்களுக்கு அத்துபடி தான். புலிகளே ‘சமர்கள பயிற்சிகளை’ வீடியோவாக எடுத்து ஊடகங்களில் வெளியிட்டுள்ளனர். அதுவும் புலனாய்வு அமைப்புகளிடம் இருக்கிறது. புலிகளின் நுணுக்கங்களையெல்லாம் இந்திய அமைதிப்படை ஈழத்தில் இருந்தபோது சுமார் மூன்றாண்டுகள் நேரிலேயே பார்த்துள்ளனர். ‘இவ்வளவுக்கும் பிறகு என் மூலம் என்ன கதை எழுதப் போகிறார்களோ?’ என உள்ளுக்குள் அரண்டு கிடந்தேன்.

விசாரித்துக்கொண்டே வந்து, கடைசியாக ‘‘அப்டீன்னா உனக்கு மனித வெடிகுண்டுக்கான பெல்ட் பாம் செய்யத் தெரியும்… இல்லையா?’’ என்று நின்றார் அந்த அதிகாரி.

அங்கிருந்து ஆரம்பித்தது ‘புதுக் கதை’. ‘‘பயிற்சி தரப்பட்டது. ஆனால் எனக்கில்லை. நான் அந்தப் பிரிவு கிடையாது. அதற்கென்று ஒரு தனிப் பிரிவு இருக்கின்றது. M.O (Military Ordinance அல்லது Military Office) என்றழைப்பார்கள். அங்குதான் தயாரிப்பார்கள்’’ என்றேன்..

‘‘உனக்கு அந்தச் செய்முறை தெரியுமா, தெரியாதா. கேள்வி இதுதான். கேட்டதற்கு மட்டும் பதில் சொல்’’ எனக் கையை ஓங்கினார்.

‘தெரியாது’ என்றால் விடவா போகிறார்கள். அதனால், ‘‘தெரியும் சார்!’’ என்றேன். தொடங்கியது பூஜை. கேள்விகளை அடுக்கினார்கள்.

‘‘பெல்ட் பாமைச் செய்தது நீதானே? சொல்... எப்படிச் செய்தாய்? ஆர்.டி.எக்ஸ் (RDX) எப்படிக் கிடைத்தது? எங்கிருந்து வந்தது? அதன் எடை எவ்வளவு? ஜாக்கெட் தைத்தது யார்? சர்க்யூட் இணைப்பு எவ்வாறு கொடுத்தாய்?’’

கடைசியில் நான்தான் ஏதோ அந்த மனித வெடிகுண்டுக்கு பெல்ட் பாம் செய்ததைப் போலவும், அதை அவர்கள் கண்டுபிடித்து விட்டதைப் போலவும் ஆளாளுக்கு என்னைச் சூழ்ந்துகொண்டார்கள். சுமார் 4 மணி நேரம். தொடர்ச்சியான கேள்விகள், துன்புறுத்தல்கள். அவர்களின் ஒரே ‘புலனாய்வு நோக்கம்’, எல்லாவற்றையும் என் தலையில் கட்டிவிட வேண்டும். அதாவது, சித்ரவதைகளை தாங்க முடியாமல் நானே என் வாயால் ‘பெல்ட் பாமைச் செய்தது நான்தான்’ என்று கத்திக் கதறி ஒப்புக்கொள்ள வேண்டும்.

ஒரு கட்டத்துக்கு மேல் என்னால் இந்த ‘பெல்ட் பாம்’ கதையைச் சகித்துக்கொள்ள முடியவில்லை. ‘‘பெல்ட் பாம் செய்யும் அளவுக்கு நான் நிபுணன் இல்லை. அது ஒன்றும் தீபாவளிப் பட்டாசு செய்வதல்ல. அதைச் செய்தது யார், எங்கிருந்து வந்தது என்று எனக்குத் தெரியாது. எனக்குத் தெரிந்தவரையில் அது ஓர் இந்திய வெடிகுண்டு’’ என்றபோது, அங்கே சட்டென மயான அமைதி குடிகொண்டது. அதைத் தொடர்ந்து, ‘‘சிவராசன் தாமாகவே ஒரு சந்தர்ப்பத்தில் இதை என்னிடம் கூறினார்’’ என்றபோது அவர்கள் முகத்தில் ஈயாடவில்லை. மேலும் தெளிவாக அவர்களை முகத்துக்கு நேராக ஏறிட்டு, ‘‘ரா, எம்.ஐ (Military Intelligence), என்.எஸ்.ஜி (கறுப்புப் பூனைப் படைகள்) மற்றும் இந்திய ராணுவத்தின் சிறப்புப் படைப் பிரிவுகள் (Special Forces) பிரத்யேகமாகப் பயன்படுத்தும் வெடிகுண்டு அது’’ என்றேன்.

p30_1515512364.jpg

அவர்கள் ஒருவர் முகத்தை ஒருவர் மாறி மாறிப் பார்த்துக்கொண்டனர். ‘என்ன சொல்வது’ எனப் பார்வையிலேயே பேசிக்கொண்டனர். ஓரிரு நிமிடங்கள்தான் என்றாலும், யுகம் கடப்பது போலிருந்தது அவர்களின் முகம். ‘‘டேய்... செத்தவன் மீது பழி போடுகிறாயா?’’ என ஆத்திரத்துடன் ‘பளாரென’ ஓங்கி ஓர் அறை விட்டார் ஓர் அதிகாரி.

எனக்கு ‘சுள்’ என்றது. ‘‘செத்தவனையும் இல்லாதவனையும் பற்றித்தானே எல்லாம் கேட்கிறீர்கள். அந்த செத்தவன் சொன்ன உண்மைதான் இதுவும்’’ என்றேன் சூடாக.

என்ன நினைத்தாரோ... சற்று நேரம் உற்றுப் பார்த்தபடி யோசனையில் நின்ற அந்த அதிகாரி நிதானமாகக் கேட்டார். ‘‘அது என்ன வெடிகுண்டு?’’

‘‘PE, C3 அல்லது C4. நிச்சயம் RDX ஆக இருக்காது.’’

‘‘எப்படிச் சொல்கிறாய்?’’

‘‘புலிகளிடம் RDX இல்லை...’’

‘‘அது உனக்கெப்படி தெரியும்?’’

‘‘ஆர்.டி.எக்ஸ், PE போன்றவை உலகில் பெரிய ராணுவங்கள் மட்டுமே பயன்படுத்துவது. சிறிய நாடுகளிடம் அவை இல்லை. கள்ளச்சந்தையில்கூட வாங்க முடியாது. புலிகள் பயன்படுத்துவது ஜெலட்டின் வெடிமருந்துகள்தான். சில சமயம் பென்டலைட் உபயோகிப்பார்கள்.’’

‘‘எந்தெந்த நாடுகளில் ஆர்டிஎக்ஸ், PE கிடைக்கும்?’’

‘‘சுவீடன், ஜெர்மனி, இந்தியா, இஸ்ரேல்’’ என்றேன்.

‘‘ஜெர்மனியில்தானே கே.பி இருக்கிறான்?’’

‘‘கே.பி பற்றி எனக்கு எதுவும் தெரியாது. அவரை நான் பார்த்ததுமில்லை, பேசியதுமில்லை சார்!’’

‘‘மனித வெடிகுண்டு செய்வது குறித்த அடிப்படை உனக்குத் தெரியும், இல்லையா?’’

‘‘கண்ணிவெடி பற்றி மட்டுமே நான் அறிவேன். பெல்ட் பாம் பற்றி ஒன்றும் தெரியாது’’ என்றேன்.

ஆங்கில நாவல் ஒன்றில் வந்திருந்த பெல்ட் பாம் கதையை, சி.பி.ஐ அதிகாரி கார்த்திகேயன் மீடியாவுக்குப் பேட்டியாகக் கொடுத்திருந்தார். ‘அது சரியா’ என்று கேட்டார்கள். ‘‘எல்லாவற்றுக்கும் அடிப்படை ஒன்றுதான் சார். வெடிபொருள் (Explosive), துவக்கி (Initiator) இணைப்பு (Connection) சக்தி (Power). இதுதான் அடிப்படை’’ என்றேன்.

ஒரு போட்டோவைக் காட்டினார்கள். அந்த புகைப்படத்தில் சிதைந்த சிறுசிறு டெனிம் துணித்துண்டுகள், நெருப்பில் எரிந்து புகைந்த மிச்ச மீதிகள், ஒரு தடிமனான பெரிய வெள்ளைத் தாளில் பனியன் வடிவில் ஆங்காங்கே இணைத்து ஒட்டப்பட்டிருந்தன. ‘‘இது ஜாக்கெட் ஹோல்ஸ்டர் போல உள்ளது” என்றேன்.

‘‘அப்படீன்னா?’’

‘‘துப்பாக்கி ரவைக்கூடுகள், கையெறிகுண்டுகள், ஷெல்கள் போன்றவற்றை வைத்துக்கொள்ள அணிவது சார்’’ என்று சொன்னதுதான் தாமதம். ‘சொத்... சொத்...’ என மூன்று கரங்கள் என் தலையிலும் தோளிலும் பிடரியிலும் விழுந்தன.

எதற்காக அடித்தார்கள் தெரியுமா? இந்த பெல்ட் பாமுக்குள்ளும் ஒரு கதை இருக்கிறது என்பதால்தான்!

 

 

“பெல்ட் பாம் செய்தது நான்தான் என்று தலையில் கட்டப் பார்த்தார்கள்!”

தடா ரவி வாக்குமூலம்

 

ராஜீவ் கொலை வழக்கில் கைதாகி 27 ஆண்டுகளாகச் சிறையில் இருக்கும் இரா.பொ. இரவிச்சந்திரன் எழுதிய ‘சிவராசன் டாப் சீக்ரெட்’ என்ற புத்தகத்தைப் பத்திரிகையாளர் பா.ஏகலைவன் தொகுத்துள்ளார். கடந்த இரண்டு ஜூ.வி இதழ்களில் வெளியானதன் தொடர்ச்சியாக, அந்த நூலிலிருந்து சில பகுதிகள்...

p28a_1515745490.jpg

புலிகள் தயாரித்த பெல்ட் பாமைக் கண்டுபிடித்துவிட்ட பெருமிதத்துடன் சி.பி.ஐ அதிகாரிகள் காணப்பட்டார்கள். ஆனால், ‘‘இது பெல்ட் பாம் அல்ல, ஜாக்கெட் ஹோல்ஸ்டர்’’ என்று நான் சொன்னதும் என்னை அவர்கள் அடித்தார்கள்.

புலிகளின் சிறப்புப் படைப்பிரிவு போராளிகள், ‘நடந்து செல்லும் வழியில் நிறையப் பொதிகளைச் சுமக்க வசதியாக இருக்கும்’ என்பதற்காக ‘ஜாக்கெட் ஹோல்ஸ்டர்’ அணிந்தார்கள். இது சாதாரண ஒன்றுதான். ஆனால், ஏதோ முதன்முதலாக ‘ஸ்ரீபெரும்புதூர் நடவடிக்கைக்காக’ என்றே இந்த ஜாக்கெட்டை வடிவமைத்தார்கள் என்பது போல் சி.பி.ஐ சிறப்புப் புலனாய்வுக்குழு ஒரு ‘கதை’யைக்கட்டியது. இதை நான் மறுத்து உண்மையைச் சொன்னதுதான் அவர்களது கோபத்துக்குக் காரணம்.

அவர்கள் கையிலிருந்த புகைப்படத்தைக் காட்டி, ‘‘பெல்ட் பாம் இப்படித்தான் செய்யப்பட்டது. இல்லையா?’’ என்றார்கள்.

‘‘தெரியாது. நான் எந்த பெல்ட் பாமையும் பார்த்ததில்லை’’ என்றேன்.

‘‘சரி, உனக்குத் தெரியாதென்றே வைத்துக்கொள்வோம். இந்தப் படத்தில் உள்ளவாறு வெடிகுண்டு செய்ய முடியுமா, முடியாதா?’’

‘‘ம்... தியரிப்படி செய்ய முடியும்!’’

ஒரு வெள்ளைத்தாளை என்னிடம் நீட்டி, ‘‘எங்கே... இதில் படம் வரைந்து காட்டு’’ என்றார்கள். வரைந்து கொடுத்தேன். அதை எடுத்துக்கொண்டு தியாகராஜனைப் பார்க்கச் சென்றார்கள்.

நீண்ட ஆலோசனைக்குப் பிறகு இரு அதிகாரிகளும் திரும்பி வந்தார்கள். கூடவே பென்சில், பேப்பர், ஸ்கேல், ரப்பர் ஆகியவற்றைக் கொண்டுவந்தார்கள். அவற்றைக் கொடுத்து, ‘‘முன்பு பேனாவால் வரைந்ததையே இன்னும் தெளிவாக, அழகாக வரைந்து பாகங்களைக் குறித்து வை. திரும்ப வருகிறோம்’’ என்று சொல்லிவிட்டுப் போனார்கள்.

மதியம் இரண்டு மணி வாக்கில் திரும்பி வந்தார்கள். ரமேஷ் கையில் ஒரு மினி டேப் ரெக்கார்டர். தன்மையாக என்னிடம், ‘‘இந்த பெல்ட் பாமை எப்படிச் செய்வதுன்னு நீ சொன்னது சரியா விளங்கல. அதனால, தெளிவா நிறுத்தி நிதானமாச் சொல்லு. கேட்டுத் தெரிந்து கொள்கிறோம்’’ என நீட்டினார்கள்.

‘ஓ... கடைசியில் இதுதான் திட்டமா? நான்தான் இதைச் செய்ததாக ஒப்புக்கொள்ள வைக்க நினைக்கிறீர்களா? இதற்குத்தான் இத்தனை சித்ரவதைகளா?’

p28b_1515745529.jpg

பட்டென்று புரிந்து போனது அவர்களின் திட்டம். இலங்கை, தெற்காசிய நாடுகள், வளைகுடா நாடுகள், ஐரோப்பிய நாடுகள், அமெரிக்கா என உலகின் பல நாடுகளுக்கும் சென்று கண்டுபிடிக்கத் தவறிய ‘பெல்ட் பாம்’ விஷயத்தை இப்போது என் தலையில் கட்டப் பார்க்கிறார்கள்.

என்ன செய்ய முடியும்? கோடியக்கரை சண்முகம் தூக்கில் தொங்கி இறந்ததற்குப் பிறகு நான் முரண்டு பிடித்துக் கொண்டிருக்க முடியாது என்பதே உண்மை. தவிர, அப்போது எஞ்சியிருந்த என் ‘மனநிலையே’ வேறு. படுத்துத் தூங்க வேண்டும்; அல்லது, இறந்துபோய்விட வேண்டும். இரண்டுமற்ற போதை நிலையில் பிதற்றிக் கொண்டிருந்தேன். அதனால் ‘விட்டால் போதும்’ என்ற முடிவுக்கு வந்து நின்றேன்.

அவர்கள் கேட்டபடி வரைந்து கொடுத்து, டேப் ரெக்கார்டரிலும் பேசிக் கொடுத்து விட்டேன். ‘எனக்கான தூக்குக் கயிற்றை நானே மாட்டிக்கொண்டேன்’ என்பது தெரியாமலேயே!

KP என்கிற குமரன் பத்மநாபன், விடுதலைப் புலிகளின் படைக்கலக் கொள்முதல் பிரிவுப் பொறுப்பாளர். உலகம் சுற்றிக் கொண்டிருந்தவர். 2002-ம் ஆண்டு வாக்கில் அவர்மீதான ஊழல் குற்றச்சாட்டு நிரூபிக்கப்பட்டது. அதனால் ‘பொறுப்பை’ பறித்து, புலிகள் கட்டமைப்பிலிருந்து அவரை ஓரம்கட்டியிருந்தார்கள்.

ராஜீவ் காந்தி கொலை வழக்கில் இந்த KP-யும் முக்கியக் குற்றவாளி என்றது சி.பி.ஐ. அவர்தான் பெல்ட் பாமை அனுப்பியிருக்க வேண்டும், அல்லது இந்தியாவுக்கே கொண்டு வந்து கொடுத்துவிட்டுப் போயிருக்க வேண்டும் என்று சந்தேகித்தார்கள். இதனால், ‘இந்தியாவால் தேடப்படும் முக்கியக் குற்றவாளி’ எனச் சர்வதேச காவல்துறை (இன்டர்போல்) அறிவிப்பு வெளியிட்டது. ஆனால் ‘KP’ அகப்படவேயில்லை!

2009 மே 18 அன்று முள்ளிவாய்க்கால் இறுதிச் சண்டையில், ‘விடுதலைப் புலிகளின் தலைமை’ ஏறக்குறைய வீழ்ந்து மறைந்து போனது. அதன்பிறகு ‘KP’ தன்னை விடுதலைப் புலிகளின் புதிய தலைவராக அறிவித்துக்கொண்டார். ஆனால், அப்போது அவர் ‘இந்திய-இலங்கை’ உளவுப் படைகளின் ‘முகவராக’ (Agent) இருந்தார் என்பதே உண்மை.

சுமார் இரண்டு மாதங்களுக்குப்பின் மலேசியாவில் ‘கைது நாடகம்’ ஒன்று அரங்கேற்றப்பட்டு, KP கொழும்பு அழைத்துச் செல்லப்பட்டார். இலங்கை அரசின் விருந்தினர் மாளிகை ஒன்றில் ‘வீட்டுக் காவல்’ என்ற போர்வையில் வைக்கப்பட்டார். ஆனால், இலங்கை பாதுகாப்பு அமைச்சர் கோத்தபய ராஜபக்‌ஷேவின் சிறப்பு விருந்தினராகவே இருந்தார். அங்கிருந்தவாறே விடுதலைப்புலிகளின் அயல்நாட்டுக் கட்டமைப்பை உடைத்தெறியும் வேலையை இந்திய - இலங்கை உளவு நிறுவனங்களோடு சேர்ந்து ஒருங்கிணைத்தார்.

அந்தப் பின்னணியில் 2012-ம் ஆண்டு நவம்பர் 17-ம் தேதி, கொழும்பிலிருந்து வெளியாகும் ‘டெய்லி மிர்ரர்’ என்ற ஆங்கில நாளிதழுக்கு KP ஒரு பேட்டியளித்தார். அதில் ராஜீவ் காந்தி கொலை விவகாரம் தொடர்பான சில தகவல்களையும் வெளியிட்டிருந்தார். அதன் சாரம்...

‘‘இந்திய அதிகாரிகள் என்னை 2010 மற்றும் 2011-ம் ஆண்டுகளில் இரண்டு முறை சந்தித்துப் பேசினார்கள். ராஜீவ் காந்தி கொலைச் சதி குறித்து விசாரிக்க சி.பி.ஐ தலைமையில் அமைக்கப்பட்ட பல்நோக்கு கண்காணிப்புக் குழு (MDMA) அதிகாரிகள், 2010-ல் என்னைச் சந்தித்தனர். அது ஒரு ‘நேர்காணல்’தான். விசாரணை அல்ல! இலங்கை பாதுகாப்புத்துறை அதிகாரிகளும் அப்போது உடனிருந்தார்கள். ஆனால் அவர்கள் வெறும் ‘பார்வையாளர்கள்’ மட்டுமே.

இந்தியக் குழு முதலில் தெரிந்துகொள்ள விரும்பியது, ‘ராஜீவ் காந்தி கொலை பற்றி முன்கூட்டியே எனக்குத் தெரியுமா?’ என்பது. எனக்குத்  தெரியாதென்றும், சம்பவம் நடந்தபோது நான் இந்தியாவில் இல்லை என்றும் பதிலளித்தேன். அடுத்ததாக, ‘அந்த நடவடிக்கைக்கு நான் நிதி வழங்கினேனா?’ என்பது. அதையும் மறுத்தேன்.

கடைசியில், பெல்ட் பாம் மற்றும் சிவராசன் வைத்திருந்த துப்பாக்கி குறித்துக் கேட்டனர். ‘இரண்டையும் நான் வாங்கித் தந்தேனா?’ என்பது கேள்வி.

நான் ‘இல்லை’ என்றேன். ‘RDX வெடிமருந்தை இந்தியாவிலேயே வாங்க முடியும். எனக்குத் தெரிந்தவரை பெல்ட் பாம் வெளிநாட்டில் வாங்கப்படவில்லை. அது ஓர் உள்ளூர்த் தயாரிப்பு’ என்றேன். என் கருத்தை அவர்களும் ஆமோதித்தார்கள் என்றே சொல்லலாம்.

2011-ல் நடந்த இரண்டாவது சந்திப்பின்போது,சி.பி.ஐ அதிகாரிகள் வரவில்லை. வேறு துறை அதிகாரிகள் வந்திருந்தனர்.அது ஒரு கலந்தாலோசனை!’’

- KP என்கிற குமரன் பத்மநாபன் இப்படிப் பேட்டி அளித்திருந்தார்.

p28_1515745454.jpg

இந்த KP-க்காகத்தான், நான் உள்பட இன்னும் பல பேரை சி.பி.ஐ கொடூரமாக சித்ரவதை செய்தது. ஆனால் அவர் இலங்கையால் கைது செய்யப்பட்ட பிறகு, முறைப்படி அவரை இந்தியாவுக்குக் கொண்டுவந்து விசாரிக்க வேண்டும் என்று முனைப்புக் காட்டவில்லை. ஏன்? இத்தனைக்கும் KP-யைக் காவலில் எடுக்க இந்தியாவுக்குத்தான் முதல் உரிமை உண்டு. சர்வதேச அரங்கில் ‘இன்டர்போல்’ சிவப்பு எச்சரிக்கையை இந்தியாதான் முதலில் அறிவித்தது. மலேசியாவில் அவர் பிடிபட்ட தகவல் அறிந்த உடனேயே, இந்தியா அவரைத் தங்களிடம் ஒப்படைக்கக் கேட்டிருக்க வேண்டும்.

ஆனால் நடந்ததென்னவோ வேறு. கொழும்பு விருந்தினர் மாளிகையில், ஒய்யாரமாக அவரோடு உட்கார்ந்து டீயும் வடையும் சாப்பிட்டபடி ‘பேட்டி’ கண்டு திரும்பியிருக்கிறது இந்த பாரத தேசத்தின் சி.பி.ஐ. ராஜீவ் கொலை வழக்கு விசாரணைக்குச் செய்யும் பெரும் துரோகம் இது!

அது மட்டுமல்ல... நாட்டின் முன்னாள் பிரதமர் கொலை வழக்கில் தேடப்பட்டு வந்த முக்கியக் குற்றவாளியான KP-யைச் சந்தித்துப் பேசிய விஷயத்தைக்கூட இரு நாட்டு மக்களிடமும் மறைத்திருக்கிறது சி.பி.ஐ. என்ன ஒரு கள்ள மௌனம்? இரண்டாண்டுகள் கழித்து KP-யே பேட்டி கொடுத்த பிறகுதான் விஷயம் வெளியே தெரிந்தது என்றால் என்ன அர்த்தம்? அப்போது, இன்றைய பிரதமர் நரேந்திர மோடி கசப்பாக உதிர்த்த வார்த்தைப்படி ‘மா-பேட்டா’ (அம்மா-பிள்ளை) ஆட்சிதான் மத்தியில் இருந்தது.

சுமார் 10 ஆண்டுகள், வானளாவிய அதிகாரங்களைக் கை கொண்டிருந்த அந்த ஆட்சி, உண்மைச் சதியாளர்களைக் கண்டுபிடிக்க சிறு துரும்பையும் அசைக்கவில்லை, ஏன்? சி.பி.ஐ விட்ட ஓட்டைகளை இன்னும் கண்டுபிடிக்க வில்லை, ஏன்?

‘ஜெயின் கமிஷன்’ இறுதி அறிக்கை எழுப்பிய வினாக்களுக்கு இன்னமும் விடை தேடவில்லையே, ஏன்?

 

    விடைதெரியாத வெள்ளை கார் ரகசியம்!
 
 

தடா ரவி வாக்குமூலம்

 

ராஜீவ் கொலை வழக்கில் 26 ஆண்டுகளைத்தாண்டி சிறையில் இருக்கும் இரா.பொ.இரவிச்சந்திரன் எழுதியுள்ள ‘சிவராசன் டாப் சீக்ரெட்’ என்ற புத்தகம், இந்த வழக்கு பற்றி அவிழ்க்கப்படாத பல முடிச்சுகளைக் கண்முன் நிறுத்துகிறது. வழக்கறிஞர் திருமுருகனிடம் ரவிச்சந்திரன் கூறியதைப் பத்திரிகையாளர் பா.ஏகலைவன் புத்தகம் ஆக்கியுள்ளார். கடந்த மூன்று இதழ்களில் வெளியானதன் தொடர்ச்சியாக, அந்தப் புத்தகத்தில் உள்ள மர்மங்கள் சில...

ரலாறு போர்களால் மட்டுமல்ல, படுகொலைகளாலும் நிரம்பியது. அதிலும், ‘அரண்மனைச் சதி’ எனப்படும் உட்பூசல்களும் துரோகங்களும் ஏராளம். சுதந்திர இந்தியாவில் மூன்று பெரிய படுகொலைகள் நடந்துள்ளன. மகாத்மா காந்தி, இந்திரா காந்தி, ராஜீவ் காந்தி ஆகிய மூவரின் படுகொலைகளுக்குப் பின்னுள்ள உண்மையான சதியையும் அதற்கான காரணத்தையும் இந்த நாட்டு மக்கள் இன்னும் முழுமையாக அறியவில்லை. இம்மாதிரியான மூடிமறைப்பு நடவடிக்கைகள் வரலாறு முழுக்கவே நடந்துள்ளன.

‘பாவம் ஓரிடம், பழி ஓரிடம்’ என்பார்கள். ராஜீவ் காந்தி படுகொலை எனும் பாவத்தைப் புரிந்தவர்கள் அதிகாரத்தின் பலனைச் சுவைக்க, புலிகள் இயக்கமும் அதன் ஆதரவாளர்களும் பழியைச் சுமந்தார்கள்; இன்னும் சுமந்துகொண்டி ருக்கிறார்கள். ராஜீவ் படுகொலையில் குற்றச் சாட்டுக்குள்ளான விடுதலைப் புலிகள் இயக்கத் தலைமையும் கைதான 26 தமிழர்களும் இந்தியத் துணைக்கண்ட அரசியல் சதுரங்கத்தில் பலியிடப் பட்ட வெட்டுக்காய்கள் என்பதை இன்று உலகம் அறிந்திருக்கிறது. குண்டு வெடித்த நேரத்தில் வெள்ளை நிற அம்பாசிடர் கார் ஒன்று சம்பவ இடத்திலிருந்து விரைந்து தப்பிச்சென்றது. ‘அதில் இருந்தவர்கள் யார், என்ன செய்தார்கள், அதில் என்ன இருந்தது’ என இன்றுவரை இந்தியப் புலனாய்வுப் பிரிவுகளோ, உளவுப் பிரிவுகளோ விடை சொல்லவில்லை.

p28a_1516095452.jpg

ராஜீவ் படுகொலை நிகழ்ந்து 26 ஆண்டுகள் கழிந்துவிட்டபோதும், அந்தச் சதித்திட்டத்தின் பின்னணி என்ன, உண்மைச் சூத்திரதாரிகள் யாவர், ராஜீவைக் கொல்லப் பயன்பட்ட வெடிகுண்டு எது, திட்டத்தை நிறைவேற்ற உதவிய நிதியாதாரம் எங்கிருந்து எப்படி எவரிடமிருந்து வந்தது என்பதற்கெல்லாம் இன்னமும் விடை இல்லை. சி.பி.ஐ வசமிருந்த முக்கிய ஆதாரமான 7.5.91 தேதி வயர்லெஸ் செய்தியைப் புறந்தள்ளிவிட்டு, சம்பந்தமில்லாத அப்பாவிகள் 26 பேர்மீது சதிப்பழி சுமத்திவிட்டு, உண்மைச் சதிகாரர்களைத் தப்பவிட்டார்கள்.

விருதுநகர் மாவட்டம் அருப்புக்கோட்டை எனது சொந்த ஊர். ஈழத்தமிழர் போராட்டத்தால் ஈர்க்கப்பட்டு அங்கு சென்றேன். புலிகள் அமைப்பில் சேர்ந்தேன். பயிற்சி பெற்றேன். களங்களில் பங்கெடுத்தேன். தமிழகத்தில் செயல்பட வேண்டும் என்பதால், இயக்கத்திலிருந்து விலகி இங்கே வந்தேன். புலிகளின் உளவுப்பிரிவுத் தலைவர் பொட்டம்மானிடம் சொல்லிவிட்டுத்தான் வந்தேன். சி.பி.ஐ குற்றச்சாட்டு தொடர்பாக ஆய்ந்து, உச்ச நீதிமன்றம் வெளியிட்ட என்மீதான தீர்ப்புரை ‘பதினாறாவது குற்றவாளியாகிய ரவிச்சந்திரன் ஓர் இலங்கை குடிமகன்’ எனத் தொடங்குகிறது. அது, சி.பி.ஐ செய்த போலி ஆவணங்கள் தயாரிப்பில் ஒரு சிறுதுளியின் வெளிப்பாடு.

1991 மே 21-ம் தேதி ராஜீவ் படுகொலை நடந்தது. 24-ம் தேதி என்னைத் தேடி வந்தார் சிவராசன். அங்கே இருக்கும்போதே எனக்குச் சிவராசனைத் தெரியும்.

‘‘ஏதாவது பிரச்னையா?’’ என்றேன்.

‘‘ஆமாம்’’ என்றார். ‘‘ஒரே போலீஸ் தொல்லையாக இருக்கிறது. எனக்குத் தெரிந்த இயக்கப் பெண் ஒருவரை உங்களுக்குத் தெரிந்தவர் வீட்டில் வைத்துப் பாதுகாக்க முடியுமா?’’ என்றார்.

அவர்தான் சுபா. ஈழத்திலிருந்து கிளம்பும்போது, ‘‘இயக்க வேலைகளில் நீ தலையிடக் கூடாது’’ என்று சொல்லிப் பொட்டம்மான் அனுப்பி வைத்தார். அதைமீறி என்னிடம் உதவி கேட்டார் சிவராசன். இதுவே முரணானது. அன்றைய தினம்தான் தனு படம் நாளிதழ்களில் வெளியாகியிருந்தது. சி.பி.ஐ வழக்குப் பதிவு செய்வதற்கு முன்னதாகப் பத்திரிகைகளில் போட்டோ வெளியாகும் அளவுக்குத் தமிழ்நாட்டு போலீஸின் லட்சணம் இருந்தது. இதை அவர்களுக்குக் கொடுத்த அதிகாரி, துறைரீதியான விசாரணையிலிருந்து தான் தப்புவதற்காக சி.பி.ஐ சொன்னதையெல்லாம் ஆதாரபூர்வமாக நிரூபிக்கும் வேலைகளில் கடைசிவரை இருந்தார்.

‘தேவையில்லாத பிரச்னைகளில் சிக்கிக் கொண்டோம். கண்ணாடியை யார் போட்டோ எடுக்கச் சொன்னது. எத்தனை பிரச்னை தெரியுமா?’ என்று சுபா கோபம் கொண்டார். இங்கிருந்து தப்பி நாட்டுக்குச் செல்ல வேண்டும் என்பதில் சிவராசன் ஆர்வம் காட்டவில்லை. பிறகு அவர் எங்கோ சென்று தலைமறைவாகிவிட்டார். பொட்டம்மான் கட்டுப்பாட்டில் சிவராசன் இல்லை என்பதைப் பின்னர் உணர்ந்தேன். கட்டுப்பாட்டில் இருந்திருந்தால் மே 24-ம் தேதியே அவர் ஈழம் சென்றிருப்பார். அவர் யாருடைய கட்டுப்பாட்டிலோ இருந்து, இந்தக் காரியங்களைச் செய்துள்ளார். இந்த நடவடிக்கைகளை அறிய சி.பி.ஐ முயற்சி செய்யவில்லை. கைதுசெய்யப்பட்ட அப்பாவிகள்மீது கற்பனையான குற்றச்சாட்டுகளைச் சுமத்தி, போலியான ஆதாரங்களை உருவாக்கினார்கள். மல்லிகை அலுவலகத்தில் நடந்த சித்ரவதைகள் மூலமாக இந்தக் குற்றச்சாட்டுகளை அனைவரும் ஒப்புக்கொண்டதுபோல எழுதிக்கொண்டார்கள். இதற்கு, தியாகராஜன் இப்போது கொடுத்துவரும் பேட்டிகளே சாட்சிகள்.

இந்திராகாந்தி மறைவுக்குப் பிறகு, ராஜீவ் காந்தி பிரதமராகப் பதவியேற்று ஓராண்டு கடந்திருக்கும். அப்போதே அமெரிக்க உளவு நிறுவனமான சி.ஐ.ஏ., ‘ராஜீவ் படுகொலை செய்யப்படுவார்’ எனத் துல்லியமாகக் கணக்கு போட்டு அறிக்கை தயாரித்தது. 1986 மார்ச் மாதத் திலேயே, ‘ராஜீவுக்குப் பிந்தைய இந்தியா’ எனும் தலைப்பிட்டு 23 பக்க ரகசிய அறிக்கை ஒன்றைத் தயாரித்து, அமெரிக்காவின் முக்கியக் கொள்கை வகுப்பாளர்களிடம் சி.ஐ.ஏ கொடுத்தது. அதில், ‘சீக்கியத் தீவிரவாதிகள் அந்தப் படுகொலையை நடத்தக்கூடும்’ எனக் கணித்திருந்தது. ‘அப்படிக் கொல்லப்பட்ட பிறகு ராஜீவின் இடத்தை பி.வி.நரசிம்மராவ் அல்லது பிரணாப் முகர்ஜி ஆகிய இருவரில் யாரேனும் ஒருவர் நிரப்புவார்கள். விரைவிலேயே அந்தச் சம்பவம் நடந்தேறும்’ என சி.ஐ.ஏ தன் அறிக்கையில் உறுதியாகக் கூறியிருந்தது. ‘ஸ்ரீபெரும்புதூரில் ராஜீவ் காந்தி கொல்லப் படுவதற்கு ஐந்து ஆண்டுகளுக்கு முன்பாகவே சி.ஐ.ஏ இப்படி முடிவு செய்தது ஏன்? எதன் அடிப்படையில்?’ எனும் நியாயமான கேள்விகள் எழும். இதற்கான விடை, ஒருவேளை அந்த சி.ஐ.ஏ-வின் ரகசிய அறிக்கையிலேயேகூட இருக்கலாம். ஆனால், அந்த ரகசிய அறிக்கை 30 ஆண்டுகளுக்குப் பிறகு வெளியானபோதுகூட அதிலிருந்த தகவல்கள் மறைக்கப்பட்டு, தணிக்கைக்கு உட்படுத்தப்பட்டிருந்ததுதான் வேதனை!

p28b_1516095484.jpg

டெல்லியிலிருந்த தன் தூதர்மூலமாக யாசர் அராபத் ஒரு செய்தியை அனுப்பினார். ராஜீவ் காந்தியைக் கொல்ல மிகப்பெரிய சதி நடப்பதாக அராபத் சொல்லி அனுப்பினார். தனிப்பட்ட முறையிலும் ராஜீவிடம் அவர் இதைச் சொன்னார். அந்தச் சதியின் வேர், இஸ்ரேல் உளவு அமைப்பான மொசாத்திடமோ, அமெரிக்க சி.ஐ.ஏ-விடமோதான் செல்லும். இந்த இரண்டு நாடுகளும் ராஜீவ்மீது அதிருப்தியில் இருந்தவை. சந்திராசாமி, கே.பி., சிவராசன் என்ற முக்கோண விசாரணையில் பல மர்மங்கள் உள்ளன. ‘இவை விசாரிக்கப்பட வேண்டும்’ என்று நீதிபதி ஜெயின்கூடச் சொன்னார்.

என்னைப் பொறுத்தவரை, ராஜீவ் கொலை வழக்கு அதன் இறுதிநிலையை எட்டவில்லை; சொல்லப் போனால், அதன் துவக்கத்தையே இன்னமும் கண்டுபிடிக்க முடியவில்லை. எங்களோடு முடிக்க நினைக்கிறார்கள். ஆனால், முடிக்கப்பட வேண்டிய வர்கள் வெளியில் இருக்கிறார்கள்.

(முற்றும்)

 

https://www.vikatan.com

Categories: Tamilnadu-news

கை கழுவுகிறதா டெல்லி?

Sat, 20/01/2018 - 10:56
மிஸ்டர் கழுகு: கை கழுவுகிறதா டெல்லி?
 
 

 

p44d_1516364511.jpg

‘‘மேடையில் ரஜினி, கமல். முன்வரிசை யில் நான்கு அமைச்சர்கள்... எப்படியிருக்கிறது இந்தக் காட்சி?’’ என்று கேட்டபடி வந்தார் கழுகார்.

‘‘எங்கே இந்தக் காட்சி?’’ என்றோம்.

‘‘எம்.ஜி.ஆர் ‘உலகம் சுற்றும் வாலிபன்’ படத்துக்குப் பிறகு உருவாக்க நினைத்த ‘கிழக்கு ஆப்பிரிக்காவில் ராஜு’ படம், இப்போது அனிமேஷனில் தயாராகிறது. அதன் துவக்க விழாவின்போது நடந்த காட்சி இது.  பிரபுதேவா வுடன் இணைந்து ஐசரி கணேஷ் தயாரிக்கும் இந்தப் படத்தின் துவக்க விழாவில் கலந்துகொள்ள பல்வேறு அரசியல் கட்சிகளின் முக்கியத் தலைவர்களை அவர் அழைத்திருந்தார். பார்வையாளர்கள் பகுதியில் முதல் வரிசையில் ரஜினி கம்பீரமாக அமர்ந்திருந்தார். ரஜினி இருப்பதை அறியாமல் நான்கு அமைச்சர்கள் அணிவகுத்து நடந்துவர... சட்டென்று அவர்களைக் கவனித்த ரஜினி, மரியாதை நிமித்தம் எழுந்து நின்று வணக்கம் சொன்னார். ஒரு கணம் நிலைதடுமாறிய அமைச்சர்கள், பதிலுக்கு வணக்கம் தெரிவித்துவிட்டு அவசரமாக நகர்ந்தனர். ரஜினி கண்ணில் படாத அளவுக்குத் தள்ளிப்போய் அமர்ந்தனர். ரஜினியும் கமலும் மேடையைவிட்டு இறங்கிச் சென்றபிறகுதான், இந்த அமைச்சர்கள் மேடையேறினர். சுகாதார அமைச்சர் விஜயபாஸ்கர், உடுமலை ராதா கிருஷ்ணன், கடம்பூர் ராஜு மற்றும் பாலகிருஷ்ண ரெட்டி ஆகிய நால்வர்தான் அவர்கள். பிளட் பிரஷர் எகிறி வியர்த்துக்கொட்டியதாம் இவர்களுக்கு. ‘ஆட்சியைப் பற்றி ரஜினியோ, கமலோ விமர்சித்துவிடுவார்களோ’ என்று தவித்தார்கள். ஆனால், மேடையில் யாரையும் பேச விடாமல் நாசூக்காகத் தவிர்த்து விட்டார் ஐசரி கணேஷ். அதனால் அமைச்சர்களுக்கு நிம்மதி.’’

‘‘ஆறு மாதங்களில் தேர்தல் வந்தாலும் சந்திக்கத் தயார் என்று ரஜினி சொல்லியிருக்கிறாரே?’’

‘‘ரஜினி தன் மக்கள் மன்றத்தை அரசியல் கட்சியாக மாற்றுவதற்கான ஏற்பாடுகளை விறுவிறுப்பாகச் செய்துகொண்டிருக்கிறார். அதேநேரத்தில், தமிழகத்தில் அ.தி.மு.க ஆட்சியை இதுநாள் வரை தாங்கிப்பிடித்துக்கொண்டிருந்த பி.ஜே.பி., இப்போது அதைக் கைவிடுவதுபோல் தெரிகிறது. ‘துக்ளக்’ ஆண்டு விழாவில் அதன் தற்போதைய ஆசிரியர் ஆடிட்டர் குருமூர்த்தி பேசியதும், அந்தப் பேச்சையடுத்து அ.தி.மு.க-வில் எழுந்துள்ள சலசலப்பும் அதைத்தான் காட்டுகின்றன. ‘நாங்கள் சசிகலாவைச் சிறைக்கு அனுப்பி, அவரிடமிருந்து அ.தி.மு.க-வைக் காப்பாற்றி, பிரிந்துகிடந்த ஓ.பி.எஸ்-இ.பி.எஸ் அணிகளை இணைத்து, இரட்டை இலையை மீட்டுக் கொடுத்தோம். ஆனால், அதன்பிறகும் அந்தக் கட்சி வலிமைபெற முடியவில்லை’ என்பதுதான் அவர் பேச்சின் சாரம். ‘ஆண்மை யற்ற அமைச்சர்கள்’ என்று ஏற்கெனவே பேசியிருந்த குருமூர்த்தி, இப்போது கொஞ்சம் நாகரிகமாக விமர்சித்ததுடன், ஆளும்தரப்புமீது மிகப்பெரிய பழியை வெளிப்படையாக சுமத்தினார். மத்திய நிதி அமைச்சர் அருண் ஜெட்லியைப் பக்கத்தில் வைத்துக்கொண்டே அவர் அதைச் சொன்னது, மிகவும் முக்கியத்துவம் வாய்ந்தது.’’

p44c_1516364529.jpg

‘‘அப்படி என்ன சொன்னார்?’’

‘‘குருமூர்த்தி, ‘அ.தி.மு.க-விடமிருந்து ஐயாயிரம் கோடி ரூபாய் பிடிபட்டுள்ளது. அது வெறும் ஐந்து சதவிகிதம்தான். இன்னும் தோண்டத் தோண்ட வந்துகொண்டிருக்கிறது’ என்றார். அதோடு, ‘இப்படிப்பட்டவர்களும்  தினகரனும் இணையக்கூடாது; அப்படி இணைந்தாலும் அந்த அ.தி.மு.க வலுப்பெறாது. அதனால், அ.தி.மு.க தொண்டர்கள் அதை அனுமதிக்கக்கூடாது’ என்றார். இந்த இடத்தில் மிக முக்கியமாக கவனிக்க வேண்டியது என்னவென்றால், ‘சசிகலா குடும்பத்திடமிருந்து ஐயாயிரம் கோடி ரூபாய் பிடிபட்டது’ என்று குருமூர்த்தி சொல்லவில்லை. மாறாக, ‘அ.தி.மு.க-விடமிருந்து பிடிபட்டுள்ளது. இன்னமும் பிடிபடும்’ என்ற தொனியில் சொன்னார். அது தமிழக முதலமைச்சர் எடப்பாடி, துணை முதலமைச்சர் ஓ.பி.எஸ் உள்பட அனைவரையும் கதிகலங்க வைத்துள்ளது.’’

‘‘தினகரனும் அ.தி.மு.க-வும் இணையக்கூடாது என்று குருமூர்த்தி சொன்னார் என்றால், இணைப்புக்கான பேச்சுவார்த்தைகள் ஏதாவது நடந்ததா?’’

‘‘அப்படியும் ஒரு மூவ் நடந்துகொண்டுதான் இருக்கிறது. சுகாதாரத் துறை அமைச்சர் விஜயபாஸ்கர், சில தினங்களுக்கு முன்பு தினகரனைத் தனியாகச் சந்தித்துப் பேசியுள்ளார். மிக ரகசியமாக நடந்த அந்தச் சந்திப்பு, தினகரன்- அ.தி.மு.க நல்லுறவுக்கான முதல் விதை என்று பார்க்கப்படுகிறது. அந்த விஷயம் குருமூர்த்திக்குத் தெரியாமலா இருக்கும்? ‘இப்போது தமிழகத்தில் நடப்பது வசூல் அரசாங்கம். மேலே இருந்து கீழே வரை வசூல்தான் நடக்கிறது. தடியெடுத்தவன் தண்டல்காரன் என்பதுபோல, எல்லா அமைச்சர் களும் வசூல் செய்கின்றனர். பன்னீரை எடப்பாடி பழனிசாமி ஓரம்கட்ட நினைத்தார். அதனால்தான், அவர்களால் அ.தி.மு.க-வை உறுதிப்படுத்த முடியவில்லை’ என்றார் குருமூர்த்தி.’’

p44b_1516364556.jpg

‘‘அப்படியானால் டெல்லியுடன் பன்னீர் சுமுகமாக இருப்பதாகத்தானே அர்த்தம். அவரின் டெல்லி பயணத்தில் ஏதும் விசேஷம் உண்டா?’’

‘‘அவர் போனது மத்திய அரசின் பட்ஜெட் ஆலோசனைக் கூட்டத்துக்காக! ‘டெல்லியில் பிரதமர் மோடியைச் சந்தித்து, எம்.ஜி.ஆர் நூற்றாண்டு விழாவுக்கு வரச்சொல்லி பன்னீர் அழைப்பு விடுப்பார்’ என்றெல்லாம் ஆளும்தரப்பில் சொல்லப்பட்டது. பிரதமர் அலுவலகத்தில் விசாரித்தேன். ‘பிரதமரைப் பார்க்க பன்னீர் அப்பாயின்ட்மென்ட்டே கேட்கவில்லை’ என்கிறார்கள். பன்னீர்செல்வம் டெல்லிக்குப் போய் பிரதமரைச் சந்திக்காமல் வருவது இதுதான் முதல் முறை. கடந்த ஆண்டு அக்டோபர் மாதம் போனபோதுகூட, மோடியைச் சந்தித்து அரை மணி நேரம் பேசிவிட்டு வந்தார். இம்முறை பட்ஜெட் ஆலோசனைக் கூட்டத்தில் பன்னீர் வாசித்த உரையும், மத்திய அரசின்மீதான விமர்சனம் போலவே இருந்தது. நிறைய திட்டங்களுக்கு மத்திய அரசின் நிதி குறைந்ததையும், சில திட்டங்களுக்கு நிதியைப் பாக்கி வைத்திருப்பதையும் குறிப்பிட்ட பன்னீர், ‘எல்லாவற்றையும் சரிசெய்ய வேண்டும்’ என்றார். அதை உன்னிப்பாகக் கவனித்த நிருபர்கள், கூட்டம் முடிந்தபிறகு ‘மத்திய அரருடன் உங்களுக்குப் பிரச்னையா?’ எனக் கேள்வி கேட்டனர். பன்னீர் திகைத்துவிட்டார். ‘தமிழக அரசுக்கும் சரி, தனிப்பட்ட எனக்கும் சரி, பிரதமருடனும் மத்திய அரசுடனும் எந்தப் பிரச்னையும் இல்லை’ என்று சமாளித்தார். அதனால், பன்னீரின் நிலையும் குழப்பமாகவே இருக்கிறது.’’

p44_1516364489.jpg

‘‘தனிக்கட்சி ஆரம்பிக்கப்போகிறேன் என்று சொன்ன தினகரன், திடீரென்று பல்டி அடித்தாரே?’’

‘‘ஆம். அது தினகரனுக்குப் பெரிய பிரச்னையை உண்டாக்கிவிட்டது. அவருடன் வந்ததால் எம்.எல்.ஏ பதவியைப் பறிகொடுத்த 18 பேரே அதை ஆதரிக்கவில்லை. ‘தனியாகக் கட்சி ஆரம்பித்தால், நாம் என்றைக்கும் இரட்டை இலையையோ, அல்லது அ.தி.மு.க-வையோ கைப்பற்ற முடியாது. நீங்கள் தனியாகக் கட்சி ஆரம்பித்து, அப்போது நாங்கள் உங்களை ஆதரித்தால், அது வேறுவிதமாகப் போய்விடும். தகுதிநீக்கத்தை எதிர்த்து நாங்கள் போட்டிருக்கும் வழக்கு மேலும் சிக்கலாகிவிடும். அதன்பிறகு, எதையும் எங்களால் எதிர்த்துச் செய்ய முடியாது’ என்று கறார் காட்டிவிட்டனர். அதனால்தான், தினகரன் அந்த முடிவைக் கைவிட்டார். ‘அ.தி.மு.க அம்மா அணி என்ற பெயரிலேயே செயல்பட அனுமதிக்க வேண்டும்’ என நீதிமன்றத்தில் வழக்குப்போட இருக்கிறார்.’’

‘‘ஜெயலலிதா மரணம் பற்றிப் பேசிய திவாகரனும் பல்டி அடித்துள்ளாரே?’’

‘‘ஜெயலலிதா டிசம்பர் 4-ம் தேதியே இறந்துவிட்டதாக அவர் பேசியது இன்னும் குழப்பங்களை ஏற்படுத்தியது. அதையடுத்து, தினகரன் தரப்பிலிருந்து திவாகரனிடம் பேசியவர்கள், ‘நாம் வீடியோ வெளியிட்டதுடன், அந்தப் பிரச்னை ஓய்ந்துவிட்டது. இப்போது புதிதாக எதையாவது பேசி அதை மீண்டும் கிளற வேண்டாம்’ என்று சொன்னார்களாம். அதையடுத்துத் தான் திவாகரன் அதற்கு விளக்கம் கொடுத்து சமாளித்தார்’’ என்ற கழுகார் பறந்தார்.

அட்டைப்படம்: சொ.பாலசுப்ரமணியன்
 படம்: வி.ஸ்ரீனிவாசுலு

p44a_1516364467.jpg

சென்னை கிரீன்வேஸ் ரோட்டில் முதல்வர் வீடு இருக்கிறது. அதே ஏரியாவில் உயர் நீதிமன்ற நீதிபதிகளின் வீடுகளும் இருக்கின்றன. முதல்வர் வீடு இருப்பதால், பல நேரங்களில் மீடியாக்காரர்கள் திரண்டு நிற்பார்கள். ஒளிபரப்பு வேன்கள் அங்கே வட்டமிடும். ‘இந்தக் களேபரத்தால் நீதிபதிகளின் நிம்மதி பாதிக்கப்படும். எரிச்சல் அடைவார்கள்’ என்று சிலர் முதல்வரிடம் போட்டுக்கொடுக்க, மெயின் ரோட்டில் போலீஸ் செக்போஸ்ட் வைத்து மீடியாக் காரர்களை மட்டும் உள் ரோட்டுக்கு வர அனுமதிப்ப தில்லை. இயல் இசை நாடக மன்றம், லஞ்ச ஒழிப்புத்துறை தலைமை அலுவலகம்... எல்லாமே அந்த உள் ரோட்டில்தான் இருக்கின்றன. அங்கே போகவும் மீடியாக்களை போலீஸ் விடுவதில்லை.  

‘‘அவர் வந்தால் அவருக்குத் தலைமைப் பதவி தருவேன்’’ என்று தினகரன் வீசிய வலையில் இதுவரை பள்ளிக்கல்வித் துறை அமைச்சர் செங்கோட்டையன் சிக்கவில்லை. வலைவீச்சுக்குப் பயந்தோ, என்னவோ... லண்டனுக்குப் பயணமாகிறார் செங்கோட்டையன். துறைரீதியான ஏதோ செமினார் என்கிறார்கள். அடுத்த சில நாள்களுக்கு செங்கோட்டையன் சென்னையில் இல்லை. தினகரனுக்கு லண்டனில் நட்பு வட்டாரம் அதிகமாம். புலியிடம் தப்பி, முதலையிடம் மாட்டிக்கொண்ட கதையாகிவிடுமோ! 

ஆர்.கே. நகர் இடைத்தேர்தலில் தினகரனின் சின்னம் குக்கர். ‘அவரின் படமும், சசிகலா படமும் ஒட்டப்பட்ட குக்கரை மொத்தமாக வாங்கி, ரகசியமாக வாக்காளர்களுக்கு விநியோகித்தார்’ என்பது எதிர்க்கட்சியினரின் குற்றச்சாட்டு. கொடுக்காமல் மீந்துவிட்ட குக்கர்கள் என்ன ஆகின தெரியுமா? திருச்சி மாவட்டம் மாவட்டம் சூரியூரில் நடந்த ஜல்லிக்கட்டுப்போட்டியில் ஜெயித்தவர்களுக்குப் பரிசு தரும் வகையில், குக்கர்களை மலைபோல் குவித்து வைத்திருந்தார்களாம். இதைக் கவனித்துவிட்ட திருச்சி அ.தி.மு.க எம்.பி குமார், அந்த குக்கர்களின் பின்னணியை விசாரித்து தேர்தல் கமிஷனுக்குப் புகார் அனுப்பியிருக்கிறாராம்.

https://www.vikatan.com

Categories: Tamilnadu-news

"கார்ப்பரேட்டுகளுக்கு இடையே நடந்த போட்டியில் நான் பலியாகிவிட்டேன்" - ஆ.ராசா

Sat, 20/01/2018 - 09:41
"கார்ப்பரேட்டுகளுக்கு இடையே நடந்த போட்டியில் நான் பலியாகிவிட்டேன்" - ஆ.ராசா

a%20rajajpg

எனது அமைச்சகத்தில் மர்மமான விஷயங்கள் நடப்பதாகவும், அதிகாரிகள் என்னைத் தவறாக வழி நடத்துவதாகவும் அப்போதே காங்கிரஸ் தலைவர் சாம் பிட்ரோடா எச்சரித்தார் என முன்னாள் தொலைத்தொடர்பு அமைச்சர் ஆ. ராசா தெரிவித்துள்ளார்.

2G Scam Unfolds என்ற புத்தகத்தின் வெளியீட்டை முன்னிட்டு ஆ. ராசா விருந்து ஒன்றை ஏற்பாடு செய்திருந்தார். காங்கிரஸ் செய்தித் தொடர்பாளர் டாம் வடக்கன் இந்த விருந்துக்கு வந்திருந்தார். காங்கிரஸ் தரப்பிலிருந்து வந்திருந்தவரும் இவர் ஒருவரே.

முன்னாள் மத்திய அமைச்சர் மற்றும் முன்னாள் காங்கிரஸ் பிரமுகர் நட்வர் சிங், பாஜக செய்தித் தொடர்பாளர் சுதான்ஷு மிட்டல் ஆகியோரும் வருகை தந்திருந்தனர். ஆனால் ராசா வருவதற்கு முன் அங்கிருந்து கிளம்பிவிட்டனர்.

இந்த விருந்தில் பேசிய ஆ. ராசா, தான் கார்ப்பரேட் கம்பனிகளுக்கிடையே நடந்த துப்பாக்கிச்சூட்டில் பலியாகிவிட்டதாகக் கூறினார். "எனக்கு முன்னால் அந்தப் பதவியில் இருந்த தயாநிதி மாறன், ஸ்பெக்ட்ரம் எதுவும் இல்லை என்று சொல்லியிருந்தார். ஸ்பெக்ட்ரம் இருக்கிறது என்பதை அதிகாரிகள் வெளியே சொல்லிவிடாமல் பார்த்துக்கொள்ளப்பட்டது. நான் சாம் பிட்ரோடாவிடம் கலந்தாலோசித்தேன். அவர், அமைச்சகத்தில் மர்மமான விஷயங்கள் நடக்கிறது என்றும், அதிகாரிகள் என்னைத் தவறாக வழி நடத்துவதாகவும் எச்சரித்தார்.

நான் டாக்டர் மன்மோகன் சிங்கை எச்சரித்தேன். இது என்னோடு நின்றுவிடாது என்றேன். இறுதியில் 2014ல் என்ன நடந்து என்பதை நீங்கள் பார்த்தீர்கள்" என்று ராசா கூறினார்.

முன்னாள் சிஏஜி இயக்குநர் வினோத் ராய் தான் அனைத்துக்கும் காரணகர்த்தா என்று குற்றம்சாட்டிய ராசா, அவரை தீங்கிழைக்கும் எண்ணமுடையவர் என்றார். நஷ்டக் கணக்கை ஊதிப் பெரிதாக்கியதன் பின்னணியில் இருக்கும் அரசியல் சதியை விசாரிக்க வேண்டும் என ராசா கூறியுள்ளார்.

ஐக்கிய முற்போக்குக் கூட்டணியின் அமைச்சரவையில் அவ்வளவு வழக்கறிஞர்கள் இருந்தும் யாருக்கும் நடந்துகொண்டிருந்த அரசியல் சதி கண்ணில் படவில்லை என வருத்தம் தெரிவித்த ராசா ஸ்வான் டெலிகாமிடமிருந்து பெறப்பட்டதாக சொல்லப்படும் ரூ. 200 கோடி லஞ்சம் பற்றி பேசுகையில், "நான் லஞ்சம் பெற்று எனது அதிகாரத்தை துஷ்பிரயோகம் செய்து தகுதியில்லாத ஸ்வான் டெலிகாமை தகுதியுடையதாக ஆக்கினேன் எனக் குற்றம்சாட்டுகின்றனர். ஆனால் நான் அந்த முடிவை சொந்தமாக எடுக்கவில்லை. சட்ட அமைச்சகம் அவர்களைப் பற்றி விசாரித்து உறுதிபடுத்திய பிறகே முடிவெடுத்தேன்" என்றார்.

ஆ. ராசா வந்திருந்த விருந்தாளிகளை அன்பாக கைகுலுக்கி வரவேற்றுக்கொண்டிருக்க ராசாவின் மனைவி மற்றும் குடும்பத்தினர் தூரத்தில் உட்கார்ந்து நடப்பதை மட்டும் கவனித்துக் கொண்டிருந்தனர்.

http://tamil.thehindu.com/tamilnadu/article22478941.ece?homepage=true

Categories: Tamilnadu-news

ஆர்.கே.நகர் இடைத்தேர்தலில் வாக்காளர்களுக்கு கொடுத்த 20 ரூபாய் டோக்கன் ‘ஒர்க் அவுட்’ ஆகிவிட்டது: தினகரன் அணி மாவட்டச் செயலாளரின் பேச்சால் பரபரப்பு

Sat, 20/01/2018 - 05:23
ஆர்.கே.நகர் இடைத்தேர்தலில் வாக்காளர்களுக்கு கொடுத்த 20 ரூபாய் டோக்கன் ‘ஒர்க் அவுட்’ ஆகிவிட்டது: தினகரன் அணி மாவட்டச் செயலாளரின் பேச்சால் பரபரப்பு
 
ttvdinakaranjpg

ஆர்.கே.நகர் இடைத்தேர்தலில் 20 ரூபாய் டோக்கன் கொடுத்தோம், அது ஒர்க் அவுட் ஆகிவிட்டது என தினகரன் அணியின் மாவட்டச் செயலாளர் தெரிவித்துள்ள கருத்து பரபரப்பை ஏற்படுத்தியுள்ளது.

திருச்சி மாவட்டம் முசிறி, துறையூர், மண்ணச்சநல்லூர் தொகுதிகளில் உள்ள தினகரன் அணி நிர்வாகிகள் ஆலோசனைக் கூட்டம் முசிறியில் நேற்று முன்தினம் நடைபெற்றது. கூட்டத்தில் தெற்கு மாவட்டச் செயலாளரும், முன்னாள் எம்எல்ஏவுமான ராஜசேகரன் பேசியதாக தினகரன் ஆதரவாளர்கள் வட்டாரம் தெரிவித்ததாவது:

“ஆர்.கே.நகர் இடைத்தேர்தல் பிரச்சாரத்தின்போது, முன்னாள் முதல்வர் ஜெயலலிதாவின் மரணத்துக்கு சசிகலாதான் காரணம் என எதிர்தரப்பினர் துண்டறிக்கை அச்சடித்து வெளியிட்டனர். இதைப்பார்த்த நானும், மற்றவர்களும் தினகரனிடம் சென்று, ‘அவர்கள் தினமும் பொய்யாக பரப்புரை செய்து வருகின்றனர். நாம் தவறு செய்யவில்லை என உலகுக்கு எப்போதுதான் தெரியப்படுத்தப் போகிறீர்கள்?’ எனக் கேட்டோம். அதற்கு பிறகுதான், டிடிவி தினகரன் அந்த சிடியை வெற்றிவேலிடம் கொடுத்தார். அதைப் பெற்றுக்கொண்டவுடன் வெற்றிவேல் சற்று தயக்கம் காட்டினார்.

அப்போது, “நீ போய்க் கொடு வெற்றிவேல். வழக்குத்தானே போடுவார்கள். பார்த்துக் கொள்ளலாம்” என நான்தான் தைரியம் கூறி தட்டிக் கொடுத்தேன். அதன்பிறகு முன்னாள் முதல்வர் ஜெயலலிதா சிகிச்சை பெறும் காட்சிகள் வெளியானது. அதைப் பார்த்ததும் தேர்தலில் டிரெண்ட் மாறிவிட்டது.

 

ஓட்டுக்கு தலா ரூ.6 ஆயிரம்

அதேபோல, 2 லட்சம் ஓட்டுக்கு தலா ரூ.6,000 வீதம் பணத்தை அவர்கள் வீட்டுக்கு வீடு கொடுத்துவிட்டனர். அதைப்பார்த்த நம் ஆட்கள், அவர்கள் பணம் கொடுத்து முடித்து விட்டனர். நாம் இன்னும் பணம் கொடுக்க ஆரம்பிக்கவில்லை. எப்போது கொடுக்கப் போகிறோம் எனக் என்னிடம் கேட்டனர். அதன்பிறகு அனைத்து முக்கிய தலைவர்களும் உட்கார்ந்து ‘மாஸ்டர் பிளான்’ போட்டோம். அதைத்தொடர்ந்து, 20 ரூபாய் டோக்கன் கொடுத்தோம். அது ஒர்க் அவுட் ஆகிவிட்டது” என்று ராஜசேகரன் பேசினார்.

வாக்காளர்களுக்கு ரூ.20 டோக்கன் வழங்கியதாக எழுந்த குற்றச்சாட்டை டிடிவி தினகரனும், அவரது ஆதரவாளர்களும் தொடர்ந்து மறுத்துவந்த நிலையில், அந்த அணியைச் சேர்ந்த மாவட்டச் செயலாளர் ஒருவரே பகிரங்கமாக பேசியது பரபரப்பை ஏற்படுத்தியுள்ளது.

 

தொண்டர்களுக்காக..

இதற்கிடையே ராஜசேகரன் நேற்று மதியம் அவசரம், அவசரமாக பத்திரிக்கையாளர்களை சந்தித்தார். அப்போது அவர் கூறியபோது, “எம்ஜிஆர் பிறந்த நாள் விழா பொதுக்கூட்டம் நடத்துவது குறித்து நிர்வாகிகளைச் சந்தித்து, ஆலோசனை நடத்தினேன். அப்போது தொண்டர்களை உற்சாகப்படுத்துவதற்காக, சிலவற்றை பேசினேன். அதை உண்மைக்குப் புறம்பாக சிலர் வெளியிட்டுவிட்டனர். நான் பேசியது தவறுதலாக புரிந்து கொள்ளப்பட்டுள்ளது. தொண்டர்களை ஊக்கப்படுத்துவதற்காகவே பேசினேன். இந்த விவகாரம் தொடர்பாக தினகரனுக்கு விளக்கம் அளித்துள்ளேன்” என்றார்.

http://tamil.thehindu.com/tamilnadu/article22478241.ece?homepage=true

Categories: Tamilnadu-news

சசிகலா குடும்பத்தில் மோதல் உச்சகட்டம்

Fri, 19/01/2018 - 05:31
சசிகலா குடும்பத்தில் மோதல் உச்சகட்டம்

 

sasikalajpg
sasikala%20dinakaranjpg
 
 

சசிகலா குடும்பத்தில் ஏற்பட்டுள்ள மோதல் தமிழக அரசியலில் பெரும் அதிர்வுகளை ஏற்படுத்தியுள்ளது.

முதல்வராகவும், அதிமுக பொதுச் செயலாளராகவும் இருந்த ஜெயலலிதா கடந்த 2016 டிசம்பர் 5-ம் தேதி காலமானார். அதன்பிறகு கட்சியிலும் அதிரடி மாற்றங்கள் நடந்து வருகின்றன. ஓ.பன்னீர்செல்வம் போர்க்கொடி உயர்த்தியதால் அதிமுக எம்எல்ஏக்களால் முதல்வராகத் தேர்ந்தெடுக்கப்பட்டும் சசிகலாவால் முதல்வர் பதவியேற்க முடியாமல் போனது. அதனால் எடப்பாடி கே.பழனிசாமி முதல்வரானார்.

சொத்துக்குவிப்பு வழக்கில் தண்டனை உறுதிப்படுத்தப்பட்ட சசிகலா, பெங்களூரு சிறைக்கு செல்லும் முன்பு, தனது அக்கா மகன் டிடிவி. தினகரனை அதிமுக துணைப் பொதுச்செயலாளராக நியமித்தார். அதன்பிறகு முதல்வர் பழனிசாமி - ஓபிஎஸ் அணிகள் இணைந்ததால் சசிகலா குடும்பத்தினர் கட்சியில் இருந்து ஒதுக்கப்பட்டனர். அதிமுக கட்சியும், இரட்டை இலை சின்னமும் பழனிசாமி - ஓபிஎஸ் அணிக்கு ஒதுக்கப்பட்டது.

 

விதவிதமான கருத்துகள்

இப்படி ஒருபுறம் கட்சியிலும், ஆட்சியிலும் அதிரடி மாற்றங்கள் நடந்து கொண்டிருக்க மறுபுறம் சசிகலா குடும்பத்தில் அவரது கணவர் நடராஜன், டிடிவி. தினகரன், திவாகரன் என ஒவ்வொருவரும் ஒவ்வொரு விதமான கருத்துகளைத் தெரிவித்து வந்தனர்.

தினகரன் துணைப் பொதுச்செயலாளராக நியமிக்கப்பட்டது முதல் சசிகலாவின் தம்பி திவாகரன் அவருக்கு எதிராக கருத்துகளைத் தெரிவித்து வருகிறார். கடந்த ஏப்ரலில் ஆர்.கே.நகர் இடைத்தேர்தல் அறிவிக்கப்பட்டபோது, பிரச்சாரத்தில் சசிகலா படங்களை தினகரன் பயன்படுத்தவில்லை. இது சசிகலா குடும்பத்தில் உள்ள சிலரால் விமர்சிக்கப்பட்டன.

 

விவரம் தெரியாத பெண்

ஆர்.கே.நகர் இடைத்தேர்தல் வாக்குப் பதிவுக்கு ஒரு நாள் முன்பாக கடந்த டிசம்பர் 20-ம் தேதி மருத்துவமனையில் ஜெயலலிதா சிகிச்சை பெறும் வீடியோவை, தினகரனின் தீவிர ஆதரவாளரான பி.வெற்றிவேல் வெளியிட்டார். இதற்கு சசிகலாவின் அண்ணன் மகள் கிருஷ்ணபிரியா கண்டனம் தெரிவித்ததுடன், “தினகரனுக்குத் தெரியாமல் இது வெளியாக வாய்ப்பில்லை” என்றும் விமர்சித்தார். இதற்கு தினகரன், “கிருஷ்ணபிரியா விவரம் தெரியாத பெண்” என பதிலடி கொடுத்தார்.

இந்நிலையில் கடந்த வாரம் தனியார் தொலைக்காட்சிக்கு பேட்டி அளித்த சசிகலாவின் கணவர் நடராஜன், “சசிகலாவுக்கு பரோல் பெற்று, வரும் ஜூன் மாதம் அவரும், நானும் தமிழகம் முழுவதும் சுற்றுப் பயணம் செய்ய இருக்கிறோம். சசிகலா உத்தரவு கிடைத்ததும் முதல்வர் பழனிசாமி மாற்றப்படுவார். தினகரனுக்கு ஓரளவு மக்கள் ஆதரவு உள்ளது. தினகரனை விமர்சித்த கிருஷ்ணபிரியாவின் கன்னத்தில் அறைவேன்” என அதிரடியாக பல கருத்துகளைத் தெரிவித்தது பெரும் பரபரப்பை ஏற்படுத்தியுள்ளது.

இதற்கு தனது முகநூலில் பதிலளித்த கிருஷ்ணபிரியா, “சிறு பிள்ளைகளுக்குக் கூட மரியாதை அளிக்கப்படவேண்டும் என்ற கருத்துடையவள் நான். வயது வந்த குழந்தைகளுக்கு தாயாக இருக்கும் ஒரு பெண்ணை ஊடகத்தில் ‘கன்னத்தில் அறைவேன்’ என்று பெரியவர் என்று சொல்லிக்கொள்ளும் ஒருவர் கூறுகிறார். முதலில் அறைய முயலட்டும்” என்று கூறியுள்ளார்.

 

தனி அமைப்பு தொடக்கம்

இப்படி சசிகலா குடும்பத்தில் வெளிப்படையாக மோதல்கள் நடக்க, சமரச முயற்சிகளும் நடந்துள்ளன. இந்த நிலையில் எம்ஜிஆர் பிறந்த நாளில் புதிய கட்சி தொடங்குவேன் என தினகரன் அறிவித்தது மோதலை மேலும் அதிகப்படுத்தியுள்ளது. இந்த அறிவிப்பு வெளியான அன்றிரவே நேதாஜி பெயரில் தனி அமைப்பு தொடங்கப் போவதாக திவாகரனின் மகன் ஜெய்ஆனந்த் அறிவித்தார். தினகரன் மீதான கோபத்தின் வெளிப்பாடே இந்த அறிவிப்பு என்று கூறப்படுகிறது.

இந்த பரபரப்பு அடங்குவதற்குள் திருவாரூர் மாவட்டம் மன்னார்குடியில் நேற்று முன்தினம் நடைபெற்ற எம்ஜிஆர் பிறந்த நாள் விழாவில் பேசிய திவாகரன், “அப்போலோ மருத்துவமனையில் இருந்த ஜெயலலிதா டிசம்பர் 4-ம் தேதி மாலை 5.15 மணிக்கே உயிரிழந்தார். மருத்துவனையின் பாதுகாப்பு கருதி மறுநாள்தான் அவரது மரணம் அறிவிக்கப்பட்டது” என்றார்.

 

தனி விசாரணை ஆணையம்

ஏற்கெனவே ஜெயலலிதா மரணம் தொடர்பாக விசாரிக்க தனி ஆணையம் அமைக்கப்பட்டுள்ளது. அவரது மரணம் தொடர்பாக பல்வேறு சந்தேகங்களைப் பலரும் எழுப்பி வருகின்றனர். இந்நிலையில் திவாகரன் பேசியது தமிழகம் முழுவதும் பெரும் சர்ச்சையை ஏற்படுத்தியுள்ளது.

ஆர்.கே.நகர் இடைத்தேர்தலில் சுயேச்சையாகப் போட்டியிட்ட தினகரன் 40 ஆயிரம் வாக்குகள் வித்தியாசத்தில் அமோக வெற்றி பெற்றுள்ளார். இதனால் அவரது செல்வாக்கு அதிகரித்து வருவதை பொறுத்துக் கொள்ள முடியாமல் திவாகரன் பேசி வருவதாக தினகரன் ஆதரவாளர்கள் தெரிவிக்கின்றனர்.

நடக்கும் நிகழ்வுகளையும், குடும்ப உறுப்பினர்களின் பேச்சுகளையும் அறிந்த சசிகலா கடும் கோபமடைந்ததாகவும், ஆளாளுக்கு இப்படி பேசிக் கொண்டிருந்தால் எதிரிகள் வலுப்பெற்று நாம் பலவீனமாகி விடுவோம் என்று எச்சரித்ததாகவும் கூறப்படுகிறது. அதனைத் தொடர்ந்தே புதிய கட்சி தொடங்கும் திட்டம் இல்லை என தினகரன் அறிவித்ததாக அவரது ஆதரவாளர்கள் தெரிவிக்கின்றனர்.

குடும்பத்தில் நடக்கும் மோதல்கள் குறித்து கருத்து தெரிவித்துள்ள நடராஜன், “நீரடித்து நீர் விலகாது. உறவுகள் மாறாது” என்று தெரிவித்துள்ளார். ஆனாலும், மோதல்கள் ஓயாமல் தொடர்ந்து கொண்டுதான் இருக்கிறது.

http://tamil.thehindu.com/tamilnadu/article22469933.ece?homepage=true

 

Categories: Tamilnadu-news

வைரமுத்துவுக்கு எதிராகப் போராட்டமா?- எங்களை ஆயுதம் எடுக்க வைக்க வேண்டாம்: பாரதிராஜா ஆவேசம்

Thu, 18/01/2018 - 17:19
வைரமுத்துவுக்கு எதிராகப் போராட்டமா?- எங்களை ஆயுதம் எடுக்க வைக்க வேண்டாம்: பாரதிராஜா ஆவேசம்

 

 
bharathiraja

இயக்குநர் பாரதிராஜா | கோப்புப் படம்.

வைரமுத்துவைக் காரணமாகக் காட்டி கொல்லைப்புறமாக தமிழகத்துக்குள் வர நினைப்பவர்களின் ஆசை நிறைவேறாது. எங்களை ஆயுதம் எடுக்க வைக்க வேண்டாம் என்று இயக்குநர் பாரதிராஜா பேசினார்.

கவிஞர் வைரமுத்து 'தமிழை ஆண்டாள்' என்ற கட்டுரை ஒன்றை எழுதியிருந்தார். அதில் ஆண்டாள் குறித்து சில கருத்துக்களை வெளியிட்டார். இதையடுத்து வைரமுத்துவின் கருத்துக்கு பலர் கண்டனம் தெரிவித்ததை தொடர்ந்து, வைரமுத்து வருத்தம் தெரிவித்தார்.அக்கட்டுரையைப் பிரசுரித்த தனியார் நாளிதழும் வருத்தம் தெரிவித்தது.

ஆனாலும் எச்.ராஜா போன்றோர் வைரமுத்துவை கடுமையாக விமர்சித்துப் பேசினர். இதற்கு மு.க.ஸ்டாலின், ஜி.ராமகிருஷ்ணன், வைகோ, திருமாவளவன் போன்றோர் கண்டனம் தெரிவித்திருந்தனர்.

இந்நிலையில் இன்று ‘கடவுள் 2’ படத் தொடக்க விழாவில் இயக்குநர் பாரதிராஜா பேசுகையில், ''வைரமுத்து தனி மனிதன் அல்ல. இலக்கியத்துக்கும், தமிழுக்கும் அவர் அளித்த தொண்டு சாதரணமாதனல்ல. இந்த மண்ணோடு கலந்தவர். அவருக்கு எதிரான போராட்டத்தை தமிழர்களுக்கு எதிரான போராட்டமாகவே பார்க்கிறேன். மதம் எங்களுக்கு ஒரு போதும் கிடையாது. வைரமுத்துவுக்கு ஆதரவாக சினிமாத்துறையில் இருந்து இன்னும் பலமாக குரல் வந்திருக்க வேண்டும்.

வைரமுத்துவைக் காரணமாகக் காட்டி கொல்லைப்புறமாக தமிழகத்துக்குள் வர நினைப்பவர்களின் கனவு பலிக்காது. எங்களை ஆயுதம் எடுக்க வைக்க வேண்டாம். எங்களை குற்றப் பரம்பரை ஆக்கிவிடாதீர்கள். இந்த பிரச்சினை வழியே பிரிவினையை உண்டாக்கி அரசியல் செய்யலாம் என்று நினைத்தால் நாங்கள் ஆயுதம் எடுக்க வேண்டி வரும்'' என்றார் பாரதிராஜா.

http://tamil.thehindu.com/tamilnadu/article22466260.ece?homepage=true

Categories: Tamilnadu-news

நானும் அரசியலில் ஈடுபடப் போகிறேன், அடுத்த சட்டமன்ற தேர்தலில் மிகப்பெரிய மாற்றம் வரும் - விஷால்

Thu, 18/01/2018 - 15:20
நானும் அரசியலில் ஈடுபடப் போகிறேன், அடுத்த சட்டமன்ற தேர்தலில் மிகப்பெரிய மாற்றம் வரும் - விஷால்  
அ-அ+

ஆர்.கே.நகர் தேர்தலில் வேட்பு மனு நிராகரிக்கப்பட்ட நடிகர் விஷால், தீவிர அரசியலில் ஈடுபடப் போவதாக அறிவித்திருக்கிறார். மேலும் அடுத்த சட்டமன்ற தேர்தலில் தமிழகத்தில் மிகப்பெரிய மாற்றம் வரும் என்றார்.

 
நானும் அரசியலில் ஈடுபடப் போகிறேன், அடுத்த சட்டமன்ற தேர்தலில் மிகப்பெரிய மாற்றம் வரும் - விஷால்
 
ரஜினிகாந்த், கமல்ஹாசனை தொடர்ந்து நடிகர் விஷால். விரைவில் அரசியலில் ஈடுபடப்போவதாக அறிவித்திருக்கிறார்.
 
சமீபத்தில் நடந்த ஆர்.கே.நகர் தேர்தலில் விஷாலின் வேட்பு மனு நிராகரிக்கப்பட்டது. இந்நிலையில், ஐதராபாத்தில் நடந்த நிகழ்ச்சி ஒன்றில் பேசிய விஷால், தான் விரைவில் அரசியலில் ஈடுபடப் போவதாக தெரிவித்துள்ளார்.
 
ஆர்.கே.நகரில் நான் வேட்பு மனுவை தாக்கல் செய்துவிட்டு திரும்பிய போது, எனது வேட்பு மனு நிராகரிக்கப்பட்டதாக தகவல் கிடைத்தது. அந்த நிமிடமே நான் முழுநேர அரசியலில் ஈடுபட வேண்டும் என்ற முடிவுக்கு வந்துவிட்டேன். எனது இந்த முடிவுக்கு காரணமாக இருந்த அனைவருக்கும் நன்றியை தெரிவித்துக் கொள்கிறேன். 
 
201801181950581076_1_Vishal-Political-Entry1._L_styvpf.jpg
 
அடுத்த சட்டமன்ற தேர்தலில் தமிழகத்தில் மிகப்பெரிய மாற்றம் வரும். ஒரு அரசியல்வாதியாக இல்லாமல், மக்களில் ஒருவனாக இதை கூறுகிறேன். தமிழகத்தில் மாற்றம் வேண்டும் என்பதையே மக்கள் விரும்புகின்றனர். இதனை என்னால் உணர முடிகிறது. 
 
ரஜினிகாந்த், கமல்ஹாசன் இருவரில் சக்திவாய்ந்த தலைவராக யார் வருவார்கள் என கேட்டதற்கு, இருவருமே அவர்களது கொள்கைகளை தெரிவிக்கவில்லை. எனவே அதுவரை காத்திருக்கத்தான் வேண்டும் என்றார். 
 
இடதுசாரிகளுடன் ரஜினிகாந்த் கூட்டணி வைத்தால் அது சரியான முடிவாக இருக்குமா என்று கேட்டதற்கு, அதனை அவர் தான் முடிவு செய்ய வேண்டும். ரஜினியிடம் இருந்து இன்னமும் நிறைய எதிர்பார்க்கிறேன், அவரது அடுத்தடுத்த முடிவுகள் என்ன என்பதை அறிய நானும் ஆவலாகவே இருக்கிறேன் என்றார். 

http://www.maalaimalar.com/News/TopNews/2018/01/18195058/1140902/Vishal-announced-his-Politica-Entry.vpf

Categories: Tamilnadu-news

`இருவரும் ஏதோ திடீர் புரட்சிசெய்ய முயல்கிறார்கள்'- ரஜினி, கமலை கிண்டலடித்த வைகோ

Thu, 18/01/2018 - 09:01
`இருவரும் ஏதோ திடீர் புரட்சிசெய்ய முயல்கிறார்கள்'- ரஜினி, கமலை கிண்டலடித்த வைகோ
 
 

_MG_0758_11122.jpg

"கமலும் ரஜினியும் ஏதோ புரட்சிசெய்து, தமிழ்நாட்டில் பெரிய மாற்றத்தை ஏற்படுத்திவிடலாம் என நினைக்கிறார்கள். அவர்கள் என்ன மாற்றத்தை ஏற்படுத்தப்போகிறார்கள் என்பதை காலம் தெளிவுபடுத்தும்" என்று சிரித்தபடி, கிண்டலாகக் கூறினார் வைகோ.

புதுக்கோட்டை மாவட்டம் ஆலங்குடியில், இன்று நடக்கும் திருமண விழா ஒன்றில் கலந்துகொள்வதற்காக, ம.தி.மு.க பொதுச் செயலாளர் வைகோ புதுக்கோட்டைக்கு வந்திருந்தார். ஆலங்குடிக்கு புறப்படுவதற்கு முன்னதாக பத்திரிகையாளர்களைச் சந்தித்தார். அப்போது, டெல்லியில் மருத்துவ மாணவர் சரத்பிரபு மர்மமான முறையில் கொல்லப்பட்டு, கல்லூரிக் கழிவறையில் கிடந்ததைக் கூறிப்பிட்டு, தனது கடுமையான கண்டனத்தைப் பதிவுசெய்தார். கூடவே, 'சி.பி.ஐ இந்த வழக்கை விசாரிக்க வேண்டும் 'என்ற வேண்டுகோளையும் முன்வைத்தார்.

அதைத் தொடர்ந்து, அவரிடம் வைரமுத்து விவகாரம் உள்ளிட்ட பல்வேறு கேள்விகள் கேட்கப்பட்டன. எல்லாவற்றுக்கும் பொறுமையாகப் பதில் கூறிய வைகோவிடம், கமல், ரஜினி அரசியல் பிரவேசம்குறித்து கேள்வி கேட்டதற்கு,  உடனே நக்கலாகச் சிரித்தார். பிறகு, "எப்படி ஓட்டு போடுவதற்கு எல்லோருக்கும் ஜனநாயக உரிமை இருக்கிறதோ, அதேபோல கட்சி ஆரம்பிக்கவும் உரிமை இருக்கிறது.  என்னுடைய  54 வருட பொதுவாழ்க்கையில், 50 ஆயிரம் கிராமங்களுக்குச் சென்று, கோடிக்கணக்கான மக்களைச் சந்தித்திருக்கிறேன். பல ஆயிரம் கிலோ மீட்டர் தூரம் நடைப்பயணமாகவும் சென்றிருக்கிறேன். 5 வருடங்கள் சிறையில் இருந்திருக்கிறேன். மக்களைப் பற்றி நான் நன்றாக அறிவேன்.

கமலும் ரஜினியும், ஏதோ திடீர் புரட்சி செய்து, தமிழ்நாட்டில் பெரிய மாற்றத்தை ஏற்படுத்திவிடலாம் என்று முயல்கிறார்கள். அவர்கள் இருவரும் அப்படி என்ன மாற்றத்தை ஏற்படுத்தப்போகிறார்கள் என்பதை காலம் தெளிவுபடுத்தும்" என்று கிண்டல் தொனியில் பதிலளித்தார். ஹஜ் புனிதப் பயணம் மானியம் ரத்து, முத்தலாக் விவகாரம், ஆண்டாள் சர்ச்சை, சரத்பிரபு போன்ற பல விஷயங்கள் குறித்து பதில் அளித்த வைகோ, கமல், ரஜினி பற்றிய கேள்விக்கு மறைமுகமாக விமர்சித்தும் கிண்டலாகவும் பதில்தந்தது, அங்கிருந்த பத்திரிகையாளர்களுக்கு வியப்பைத் தந்தது.

https://www.vikatan.com/news/tamilnadu/113870-vaiko-teased-kamal-and-rajini.html

Categories: Tamilnadu-news