தமிழகச் செய்திகள்

‘ஆளே அடையாளம் தெரியலையே!’ - சிறையில் கதறியழுத சசிகலா..! #VikatanExclusive

Thu, 06/07/2017 - 16:29
‘ஆளே அடையாளம் தெரியலையே!’ - சிறையில் கதறியழுத சசிகலா..! #VikatanExclusive
 
 

தினகரன்

பெங்களூரு சிறையில் சசிகலாவைச் சந்தித்த கட்சியினரிடம், அவர் கதறி அழுததாகத் தகவல் வெளியாகியுள்ளது. குறிப்பாக டி.டி.வி.தினகரன், டாக்டர் வெங்கடேஷிடம் ஒன்றரை மணி நேரம் ஆலோசனை நடத்தி, சில முக்கிய முடிவுகளை எடுத்துள்ளதாகவும் சொல்லப்படுகிறது.

சொத்துக்குவிப்பு வழக்கில் பெங்களூரு சிறையில் அடைக்கப்பட்டுள்ள சசிகலாவை, அ.தி.மு.க-வின் துணைப் பொதுச் செயலாளர் டி.டி.வி.தினகரன், டாக்டர் வெங்கடேஷ், புகழேந்தி ஆகியோர் சந்தித்துப் பேசினர். அவர்களுக்கு முன்னதாக, ராமலிங்கம் எம்எல்ஏ, தமிழ்மகன் உசேன், நடிகர்கள் ஜெ.கே.ரித்தீஷ், ஜெ.எம்.பஷீர் என்ற விஜய்கார்த்திக் ஆகியோர் சந்தித்தனர். சுடிதாரில் வந்த சசிகலாவைப் பார்த்ததும், தமிழ்மகன் உசேன் கதறி அழுதுள்ளார். அதைப் பார்த்த சசிகலாவின் கண்களிலும் கண்ணீர் கசிந்தது. இதைக் கண்ட ராமலிங்கம் எம்எல்ஏ, நடிகர்கள் ஜெ.கே.ரித்தீஷ், ஜெ.எம்.பஷீர் ஆகியோரும் அழுதனர். இதனால், சில நிமிடங்கள் அமைதியாகக் கடந்தன.

sasikala_sad_12244.jpg‘எல்லோரும் நல்லா இருக்கீங்களா' என்று சசிகலா கேட்டதும், ஆமாம் என்று தலையை அசைத்தனர். உடனே தமிழ்மகன் உசேன், ‘சின்னம்மா, நீங்கள் இல்லாததால் கட்சியே சரியில்லை. ஆளாளுக்கு அதிகாரம் செய்கிறார்கள்' என்று சொன்னதும், சசிகலா முகம் மாறியதாம். 'நான் வெளியில் வந்தபிறகு எல்லோரையும் பார்த்துக்கொள்கிறேன். நீங்கள், என்னை சந்திக்க வந்தது சந்தோஷமாக இருக்கிறது. இரண்டு அணிகளும் சேரட்டும். அதுவரை அமைதியாக இருப்போம்' என்று சொல்லியிருக்கிறார் சசிகலா. அதன்பிறகு, தமிழக அரசியல் சூழ்நிலை, ஆட்சி, கட்சி நிலவரம் ஆகியவை தொடர்பாகப் பேசியுள்ளனர். இதற்கிடையில், சசிகலாவைச் சந்திக்க டி.டி.வி.தினகரனும், டாக்டர் வெங்கடேஷ், புகழேந்தி ஆகியோர் காத்திருக்கும் தகவல் சொல்லப்பட்டது. உடனடியாக அவர்களைச் சந்திக்க சசிகலா சென்றுவிட்டார்.

சசிகலா சந்திப்புகுறித்து அ.தி.மு.க. வட்டாரங்கள் கூறுகையில், "சசிகலா, டி.டி.வி.தினகரன், டாக்டர் வெங்கடேஷ், புகழேந்தி ஆகியோர் சந்திப்பு, ஒன்றரை மணி நேரம் நடந்தது. அப்போது, 'அ.தி.மு.க. அழிந்துவிடக்கூடாது. எம்.ஜி.ஆர். தொடங்கிய கட்சியை நிச்சயம் காப்பாற்ற வேண்டும். அதற்காக, பிளவுப்பட்ட அ.தி.மு.க அணிகள் ஒன்றிணைய வேண்டும்' என்று ஓப்பனாகவே சசிகலா சொல்ல, அதை தினகரனும் வெங்கடேஷும் அமைதியாகக் கேட்டனர்.

அடுத்து, சீராய்வு மனு தீர்ப்புகுறித்து சசிகலா கேட்டுள்ளார். அதுதொடர்பாக நீண்ட நேரம் விவாதம் நடந்தது. அதன்பிறகு, மன்னார்குடி குடும்ப விவகாரம் தொடர்பான ஆலோசனை நடந்தது. அப்போது, 'குடும்பத்தினர் ஒற்றுமையாக இருக்க வேண்டும்' என்று அன்புக் கட்டளையிட்டார் சசிகலா. அதற்கு, தினகரனும் சம்மதம் தெரிவித்துள்ளார். அதன்பிறகு, தன்னுடைய உடல்நலம்குறித்தும் சிறையில் நடக்கும் சம்பவங்கள்குறித்தும் விரிவாகத் தெரிவித்தார் சசிகலா. குடியரசுத் தேர்தலில் பி.ஜே.பி-க்கு ஆதரவு என்று தெரிவித்ததன் எதிரொலியாக, சிறையில் நடக்கும் மாற்றங்கள்குறித்தும் கூறினார். அப்போது, மறுசீராய்வு மனு தீர்ப்பு நிச்சயம் நமக்கு சாதகமாக அமையும். அதற்காகத்தான் மும்பைக்குச் சென்ற தகவலையும் டி.டி.வி.தினகரன் தெரிவித்தார். அங்கு ஷீரடி சாய்பாபா கோயிலில் வேண்டுதல் செய்ததாகவும் கூறியிருக்கிறார் தினகரன். எல்லாவற்றையும் கேட்ட சசிகலா, 'அ.தி.மு.க. அழிந்துவிட்டால், நம்முடைய நிலைமை சிக்கலாகிவிடும் எனவே, நாம் எடுத்துவைக்கும் ஒவ்வொரு நடவடிக்கையும் கவனமாக இருக்க வேண்டும்' என்று ஆலோசனை சொல்லியிருக்கிறார்'' என்றனர்.

தினகரன்

 காய்கறிகளைக் கொடுத்த கட்சியினர்

சசிகலாவைச் சந்தித்த கட்சியினர், பலவகைக் காய்கறிகளையும் அன்பளிப்பாகக் கொடுத்துவருகின்றனர். அதைப் புன்சிரிப்புடன் சசிகலா பெற்றுக்கொள்கிறார். மேலும், கட்சியினரிடம், 'நான் சிறைக்குள் இருந்தாலும் உங்களை எல்லாம் கவனித்துக்கொண்டுதான் இருக்கிறேன்' என்று தெரிவித்துள்ளார். இதில் ஆயிரம் அர்த்தங்கள் உள்ளதாக கட்சியினர் கருதுகின்றனர். 

அமைச்சர் பதவி கேட்ட எம்எல்ஏ

 சசிகலாவைச் சந்தித்த ராமலிங்கம் எம்எல்ஏ, 'தனக்கு அமைச்சர் பதவி வேண்டும்' என்று கேட்டிருக்கிறார். அதற்கு சசிகலா, 'நான் பார்த்துக் கொள்கிறேன்' என்று சிரித்த முகத்துடன் தெரிவித்துள்ளார். அடுத்து, தமிழ்மகன் உசேன், 'தனக்கு வக்பு வாரியத் தலைவர் பதவியைக் கேட்க', 'இன்னும் அந்தப் பதவியை உங்களுக்குக் கொடுக்கவில்லையா?' என்று கேட்டிருக்கிறார். 

 வெள்ளைச் சட்டை டு கலர் சட்டை 

தினகரன்

 சசிகலாவைச் சந்திக்கச் சென்ற கட்சியினர், வெள்ளைச்  சட்டையில் சென்றுள்ளனர். சசிகலாவைச் சந்திக்கும் தகவல், மீடியாக்களுக்கு தெரிந்துவிடக்கூடாது என்பதற்காக சிறைத்துறை நிர்வாகம், கட்சியினரை வெள்ளைச் சட்டையை மாற்றும்படி தெரிவித்துள்ளது. உடனடியாக, அங்கேயே கலர் சட்டைகளை வாங்கி அணிந்துள்ளனர். அதன்பிறகே கட்சியினர் உள்ளே அனுமதிக்கப்பட்டுள்ளனர். 

 ஆளே அடையாளம் தெரியல!

 

 சசிகலாவைச் சந்தித்த கட்சி நிர்வாகி ஒருவர், 'சின்னம்மா, ரொம்பவே மெலிஞ்சிட்டார். அரை ஆளா இருக்கிறார். இன்னும் சொல்லப்போனா, ஆளே அடையாளம் தெரியல' என்றார் கவலையுடன். சிறையில் அவரது உடல் நலத்தை மருத்துவர்கள் கண்காணித்துவருகின்றனர். நீரிழிவு, ரத்த அழுத்தம் ஆகிய பிரச்னையால் அடிக்கடி சோர்ந்துவிடுகிறராம். தினமும் காலையில் சிறை வளாகத்திலேயே நடைப்பயற்சி மேற்கொள்கிறார் என்கின்றனர் சிறைத்துறையினர். டிவி பார்ப்பதைவிட, புத்தகம் படிப்பதிலேயே ஆர்வம் காட்டுவதாகவும், இதனால் அவரைச் சந்திக்கச் செல்லும் கட்சியினர், புத்தகங்களை அன்பளிப்பாகக் கொடுத்துவருகின்றனர்.

http://www.vikatan.com/news/tamilnadu/94540-sasikala-breaks-down-in-tears-on-seeing-her-party-members.html?artfrm=news_most_read

Categories: Tamilnadu-news

கேஸினோவில் சூதாடும் ரஜினி : சுப்பிரமணியன் சுவாமி மீண்டும் கடும் தாக்கு

Thu, 06/07/2017 - 12:57
கேஸினோவில் சூதாடும் ரஜினி : சுப்பிரமணியன் சுவாமி மீண்டும் கடும் தாக்கு
 
 

நடிகர் ரஜினிகாந்த்தை தொடர்ச்சியாக விமர்சித்துவரும் பாரதீய ஜனதாக் கட்சியின் தலைவர்களில் ஒருவரும், நாடாளுமன்ற உறுப்பினருமான சுப்பிரமணியன் சுவாமி, ரஜினியை அமலாக்கத் துறை விசாரிக்க வேண்டுமெனக் கூறியுள்ளார்.

தற்போது ஷங்கர் இயக்கத்தில் 2.0, ரஞ்சித் இயக்கத்தில் காலா என இரண்டு படங்களில் நடித்துவரும் ரஜினிகாந்த், தற்போது அமெரிக்காவிற்குச் சென்றிருக்கிறார்.

காலா படத்தின் ஒரு ஷெட்யூல் படப்பிடிப்பு முடிந்த நிலையில் அவர் இந்தப் பயணத்தை மேற்கொண்டுள்ளார்.

உடல்நலம் குறித்த பரிசோதனைக்காக அவர் சென்றிருப்பதாக கூறப்படுகிறது.

இந்நிலையில், அமெரிக்க கேஸினோ ஒன்றில் ரஜினி அமர்ந்திருப்பதைப் போன்ற படம் ஒன்று சமூக வலைதளங்களில் வெளியானது.

 

அந்தப் படத்தை தனது ட்விட்டர் பக்கத்தில் வெளியிட்டிருக்கும் சுப்பிரமணியன் சுவாமி, "உடல் நலத்தை மேம்படுத்த அமெரிக்க கேஸினோவில் ரஜினி சூதாடுகிறார். இவருக்கு அதற்கான டாலர்கள் எங்கிருந்து வந்தன என்பதை அமலாக்கத்துறை விசாரிக்க வேண்டும்" என பதிவிட்டிருக்கிறார்.

ரஜினியை தொடர்ந்து ஆர்கே 420 என்றே குறிப்பிட்டுவரும் சுப்பிரமணியன் சுவாமி, ரஜினி அரசியலில் ஈடுபடுவது தொடர்பாக கடுமையாக விமர்சித்து வருகிறார்.

http://www.bbc.com/tamil/india-40519606

Categories: Tamilnadu-news

‘பன்னீர்செல்வமே முதல்வராக இருந்திருக்கலாம்!’ -‘கொங்கு லாபி’யை கதிகலக்கும் தினகரன் #VikatanExclusive

Thu, 06/07/2017 - 12:07
‘பன்னீர்செல்வமே முதல்வராக இருந்திருக்கலாம்!’  -‘கொங்கு லாபி’யை கதிகலக்கும் தினகரன் #VikatanExclusive
 
 

தினகரன்

பெங்களூரு சிறையில் நேற்று சசிகலாவைச் சந்தித்துப் பேசினார் டி.டி.வி.தினகரன். இந்தச் சந்திப்பில் அரசியல்ரீதியான விஷயங்கள் பேசப்பட்டதாகத் தகவல் வெளியானாலும், குடும்ப நிலை பற்றியே சசிகலா அதிகம் கவலைப்பட்டிருக்கிறார். ‘எடப்பாடி பழனிசாமியின் செயல்பாடுகள் குறித்தும் குடும்ப உறுப்பினர்களின் நடவடிக்கை பற்றியும் சசிகலாவிடம் விரிவாக எடுத்துரைத்தார் தினகரன்' என்கின்றனர் அ.தி.மு.க வட்டாரத்தில். 

முதல்வர் ஜெயலலிதா குறித்தும் கட்சியில் தன்னுடைய செயல்பாடுகள் குறித்தும் சசிகலாவின் கணவர் நடராசன் அளித்த பேட்டி அ.தி.மு.கவுக்குள் அதிர்வலையை ஏற்படுத்தியுள்ளது. தொடக்க காலத்தில் இருந்தே கட்சிக்காக எந்த வகையில் எல்லாம் பாடுபட்டேன் என்பதையும் நடராசன் விளக்கியிருந்தார். அ.தி.மு.கவுக்குள் தங்களுக்கான உரிமை குறித்து, அவர் விளக்குவதாகவே இந்தப் பேட்டி அமைந்தது. இந்தப் பேட்டியைத் தினகரன் ரசிக்கவில்லை. கூடவே, நடராசனும் திவாகரனும் தனக்கு எதிராகச் செயல்படுத்தும் ஒவ்வொரு நடவடிக்கையையும் அவர் கவனித்தே வந்தார். 'ஆகஸ்ட் 5 ஆம் தேதியோடு நான் கொடுத்த கெடு முடிகிறது. அதன் பிறகு என்னுடைய நடவடிக்கைகளைப் பாருங்கள்' என முதல்வர் பழனிசாமிக்குச் சில நாள்களுக்கு முன்பு எச்சரிக்கை விடுத்தார் தினகரன்.

கட்சி மற்றும் ஆட்சியில் இருந்து தினகரன் முழுமையாக ஒதுங்கியிருப்பதை அவருடைய ஆதரவாளர்கள் விரும்பவில்லை. 'மீண்டும் அவர் பழையபடி கட்சிப் பணியில் ஈடுபடுவார்' என உறுதியாகப் பேசி வருகின்றனர். இந்நிலையில், நேற்று பெங்களூரு சிறையில் சசிகலாவைச் சந்தித்து நீண்ட நேரம் பேசியிருக்கிறார் தினகரன். இந்தச் சந்திப்பு குறித்து பேட்டியளித்த தினகரன், 'இரண்டு அணிகளையும் நிச்சயமாக இணைக்க முடியும். இதுகுறித்து பொதுச் செயலாளர் சசிகலா ஆலோசனை வழங்கி உள்ளார். ஆகஸ்ட் 4 ஆம் தேதிக்குப் பிறகு மீண்டும் கட்சி பணிகளைத் தொடங்க இருக்கிறேன். அணிகள் இணையும் என்ற நம்பிக்கையில்தான் 60 நாள்களாக விலகி இருக்கிறேன். பயத்தின் காரணமாக அமைச்சர் ஜெயக்குமார் எனக்கு எதிராகப் பேசி வருகிறார். விரைவில் அவர் என்னுடன் இணைந்து பணியாற்றும் சூழல் உருவாகும்' என்றார். கூடவே, நடராசன் பேட்டி குறித்து கேட்டபோதும், ‘அவர் அ.தி.மு.கவின் செய்தித் தொடர்பாளர் அல்ல' எனவும் விளக்கினார். 

சசிகலாமன்னார்குடி அ.தி.மு.க பிரமுகர் ஒருவரிடம் பேசினோம். “கட்சி அலுவலகத்துக்குள்கூட தினகரனால் நுழைய முடியவில்லை. அந்தளவுக்கு முதல்வர் எடப்பாடி பழனிசாமி தரப்பினர் உறுதியாக உள்ளனர். 'ஒருமுறை தினகரனிடம் இறங்கிப் போய்விட்டால், மலையளவு பாதிப்பு ஏற்படும்' என்பதை உணர்ந்து வைத்திருக்கிறார் முதல்வர் பழனிசாமி. எம்எல்ஏ-க்களை வைத்து எடப்பாடி பழனிசாமியை அசைத்துப் பார்க்கவும் முடிவு செய்தார் தினகரன். ஆனால், இதைப் பற்றியெல்லாம் முதல்வர் பழனிசாமி கவலைப்படவில்லை. நேற்று சசிகலாவைச் சந்தித்த தினகரன், இதைப் பற்றித்தான் விரிவாகப் பேசியிருக்கிறார். இந்தச் சந்திப்பில் பேசிய தினகரன், 'நமக்குள் சண்டை போட்டுக் கொண்டே இருப்பதால், கட்சியில் நம் குடும்பத்தினர் யாருக்கும் எந்த முக்கியத்துவமும் கிடைக்கப் போவதில்லை. உங்களையும் சேர்த்து அவர்கள் விலக்கி வைத்துவிடுவார்கள். நாம் நினைத்தது போல எடப்பாடி பழனிசாமி இல்லை. முதல்வர் பதவியில் பன்னீர்செல்வமே தொடர்ந்திருக்கலாம். நமக்கு ஆதரவாக வெற்றிவேல் பேசியபோது, எடப்பாடி பழனிசாமி ஆதரவு எம்எல்ஏ-க்களோ, நமது குடும்பத்துக்கு எதிராகப் பேசுகின்றனர். சிறைத் தண்டனை முடிந்து நீங்கள் வெளியே வந்தாலும், 'அரசியல் பணிகளில் நீங்கள் ஆர்வம் காட்ட மாட்டார்' என எடப்பாடி பழனிசாமி தரப்பினர் நினைக்கின்றனர்.

பழனிசாமி உள்ளிட்ட அமைச்சர்களை நாம் மிகச் சாதாரணமாக நினைத்துவிட்டோம். கட்சிக்குள் நாம் பலமாக கால் ஊன்ற வேண்டும். நமது குடும்பத்திலேயே எனக்கு மட்டும்தான் ஜெயலலிதா எம்பி சீட் கொடுத்தார். 'சிறப்பாக கட்சி வேலை பார்த்தேன்' என்ற பெயரும் கிடைத்தது. நமது குடும்பத்தில் வேறு யாருக்கும் அவர் முக்கியத்துவம் கொடுக்கவில்லை. மற்றவர்கள் விரும்பி வந்தாலும், மக்கள் ஏற்றுக் கொள்ள மாட்டார்கள். ஜெயலலிதா மீதுள்ள மனஸ்தாபத்தில்தான் நடராசன் பேட்டி கொடுத்துக் கொண்டிருக்கிறார். இதை நான் பெரிதாக எடுத்துக் கொள்ளவில்லை. இப்போது கட்சியிலும் ஆட்சியிலும் நமக்கு எந்தப் பிடிமானமும் இல்லை. பன்னீர்செல்வம் பக்கம் இருந்த எம்எல்ஏ-க்களையும் எடப்பாடி பழனிசாமி தன்பக்கம் திருப்பிவிட்டார். இனியும் நாம் அடித்துக் கொண்டிருப்பதில் எந்தப் பயனும் இல்லை. அடுத்த மாதத்தில் இருந்து கட்சிப் பணிகளைத் தீவிரமாகக் கவனிக்க இருக்கிறேன்' என விவரித்திருக்கிறார். சசிகலாவும், 'குடும்பத்தில் ஒற்றுமை இருந்தாலே, அனைத்தும் நம் கட்டுப்பாட்டுக்குள் வந்துவிடும். எந்தக் காரியம் என்றாலும் நிதானமாகவே செய்' எனக் கூறிவிட்டு, சில ஆலோசனைகளையும் வழங்கியிருக்கிறார்" என்றார் விரிவாக. 

 

“சிறையில் சசிகலா-தினகரன் சந்திப்பு குறித்த தகவல்கள் அனைத்தும் முதல்வர் கவனத்துக்கு உடனுக்குடன் சென்றுவிட்டது. கட்சி மற்றும் ஆட்சி அதிகாரத்தில் கிடைத்துள்ள வாய்ப்பை விட்டுக் கொடுக்கவும் அவர் தயாராக இல்லை. ‘சசிகலா குடும்பத்துக்கு எதிரான நிலைப்பாடு எடுத்தால்தான், மக்கள் தலைவராக வர முடியும்' எனக் கொங்கு மண்டல அமைச்சர்கள் அவரிடம் உறுதியாகக் கூறிவிட்டனர். இதுகுறித்து, பா.ஜ.க தொடர்பில் இருக்கும் முக்கிய நபரிடம் தொடர்ந்து ஆலோசனை நடத்தி வருகிறார். ‘திவாகரனுடன் எனக்கு எந்த கருத்து மோதலும் இல்லை' என தினகரன் கூறுவதை உன்னிப்பாக கவனித்து வருகிறார். 'குடும்பச் சண்டையில் அவர்களே வீழ்வார்கள்' என நினைக்கிறார் எடப்பாடி பழனிசாமி. இருவரும் இணைந்துவிட்டால், ஆட்சிக்கு எதிராக எதையாவது செய்வார்கள் என்பதையும் அறிந்து வைத்திருக்கிறார். சசிகலா உறவுகளைத் தீவிரமாகக் கண்காணித்து வருகிறது முதல்வர் எடப்பாடி பழனிசாமி கையில் இருக்கும் உளவுத்துறை" என்கிறார் கொங்கு மண்டல அ.தி.மு.க பிரமுகர் ஒருவர்.

http://www.vikatan.com/news/tamilnadu/94546-panneerselvam-couldve-been-the-cm---ttv-dinakarans-u-turn-shock.html

Categories: Tamilnadu-news

மோடியையும், பிக்பாஸ் நிகழ்ச்சியையும், நாக்கை பிடுங்கும் விதமாக கேள்விகேட்ட - மன்சூர்அலிகான்.

Thu, 06/07/2017 - 06:57

மோடியையும், பிக்பாஸ் நிகழ்ச்சியையும், 
நாக்கை பிடுங்கும் விதமாக கேள்விகேட்ட - மன்சூர்அலிகான்.

 

 

Categories: Tamilnadu-news

சூதாட்ட கிளப்பில் ரஜினிகாந்த்... வைரலாகும் புகைப்படம்.

Thu, 06/07/2017 - 05:40

Cinque Terre

 

அமெரிக்கா சென்றுள்ள ரஜினிகாந்த்,  சூதாட்ட கிளப்பில் இருப்பது போன்ற படம் சமூக வலைத்தளங்களில் வெளியானதை அடுத்து, நெட்டிசன்கள் அவரை வறுத்தெடுத்துக் கொண்டிருக்கின்றனர்.

காலா, 2.0 படங்களில் நடித்துவரும் ரஜினி, மருத்துவம் பார்ப்பதற்காக அமெரிக்கா சென்றார். அங்கு ஒரு சூதாட்ட கிளப்பில் அமர்ந்திருப்பது போன்ற புகைப்படம் இணையதளங்களில் வெளியானது. ஜி.எஸ்.டி வரி விதிப்பால் தமிழ் திரையுலகமே ஸ்தம்பித்துள்ள நிலையில் ரஜினிகாந்த் சூதாட்ட கிளப்பில் ஜாலியாக இருக்கிறாரே என்ற கோபத்தில் நெட்டிசன்கள் கடும் விமர்சனங்களை முன் வைக்கின்றனர்.

“அமெரிக்க சூதாட்டக் கிளப்பில் பச்சைத் தமிழன் ரஜினி போருக்கு தயாரானபோது கிளிக்கியது” என்று இன்னொருவர் அந்தப் புகைப்படத்துடன் கருத்துப் பதிவு செய்துள்ளார்.

ஜி.எஸ்.டி வரியும், தமிழக அரசின் கேளிக்கை வரியும் இணைந்து 58 சதவீதம் வரி செலுத்த வேண்டிய நிலை தமிழ் திரையுலகமே ஸ்தம்பித்துள்ளது. மூன்று நாட்களாக திரையரங்குகள் இழுத்து மூடப்பட்டுள்ளன. சினிமாவை நம்பி இருக்கும் லட்சக்கணக்கான தொழிலாளர்கள் வேலை இழந்து தவிக்கின்றனர். இந்த சூழ்நிலையில் ரஜினி குரல் கொடுப்பார் என்ற எதிர்பார்ப்பு திரையுலகத்தினரிடம் இருந்தது. ஆனால் அவர் சூதாட்ட கிளப்பில் அமர்ந்திருக்கும் படம் வெளியானதைப் பார்த்தவர்கள் அதிர்ச்சியடைந்தனர். 

1-800X400.jpg

"சிஸ்டம் சரியில்லை"  என்ற கருத்து சொன்ன ரஜினியை கலாய்க்கும் விதமாக, “சூதாடுற சிஸ்டம் சரியில்லை என்று சொல்லியிருக்கிறார்” என்று ஒருவர் கூறியுள்ளார்.

சமூக வலைத்தளங்களில் அந்தப் படம் விமர்சனம் ஆனதைத் தொடர்ந்து ரஜினியிடமிருந்து ஒரு ட்விட்டர் செய்தி வெளியானது. ஏற்கனவே மோடி அறிவித்த பணமதிப்பிழப்பு நடவடிக்கைக்கு ஆதரவாக முதல் நபராக ரஜினி தனது ட்விட்டரில் வாழ்த்து தெரிவித்திருந்தது குறிப்பிடத்தக்கது.

http://www.puthiyathalaimurai.com/news/cinema/23340-rajnkanth-in-american-casino.html

Categories: Tamilnadu-news

தினகரன் திட்டத்துக்கு சசிகலா தடை!

Wed, 05/07/2017 - 21:17
தினகரன் திட்டத்துக்கு சசிகலா தடை!
 

 

 

 

spaceplay / pause

qunload | stop

ffullscreen

shift + slower / faster

volume

mmute

seek

 . seek to previous

126 seek to 10%, 20% … 60%

 

 
 

பெங்களூரு சிறையில் உள்ள சசிகலாவை, அவரது உறவினர்கள் தினகரன், வெங்கடேஷ் மற்றும் அ.தி.மு.க., - எம்.எல்.ஏ.,க்கள் வெற்றி வேல், கே.வி.ராமலிங்கம், ஜக்கையன், முத்தையா, தங்கதுரை ஆகியோர் நேற்று சந்தித்து பேசினர்.

 

தினகரன்,திட்டம்,சசிகலா,தடை!

மறைந்த முதல்வர் ஜெயலலிதாவின் தோழி சசிகலா தாக்கல் செய்துள்ள சீராய்வு மனு உச்ச நீதிமன்றத்தில் இன்று விசாரணைக்கு வரு கிறது. இந்த மனு தள்ளுபடியானால் அவரது சிறைத் தண்டனை ரத்தாக வாய்ப்பில்லை. எனவே சசிகலாவின் சீராய்வு மனு மீதான தீர்ப்பு மற்றும் ஜெ., மரணம் தொடர்பாக நீதி விசாரணை கோரிய வழக்கு முடிவுக்கு பின், இரு அணிகளின் இணைப்பு முயற்சி, மீண்டும் அதிகாரபூர்வமாக துவங்க உள்ளது.

இதற்கிடையில் தினகரன் அணியைச் சேர்ந்த 40 எம்.எல்.ஏ.,க்களில், 30 பேரை சரிக்கட்டும் முயற்சியில் முதல்வர் பழனிசாமி தரப்பினர் வெற்றி பெற்றுள்ளனர். மீதமுள்ள 10 எம்.எல். ஏ.,க்களையும் அவர் வளைத்து விட்டால் தினகரன் அணி காணாமல் போய் விடும்.
எனவே தன் அணியை தக்கவைக்க மாவட்ட வாரியாக சுற்றுப் பயணம் மேற்கொள்ள தினகரன் திட்டமிட்டார். அதுபற்றி சசிகலா விடம் விவாதிப்பதற்காக நேற்று சிறையில் அவரை சந்தித்தார்.

தன் திட்டத்தை கூறி அதற்கு சசிகலாவிடம், தினகரன் அனுமதி கேட்டுள்ளார்.அதற்கு சசிகலா, 'நான் சொல்வதை மட்டும் கேள்; எந்த காரணம் கொண்டும், நீ தனியாக சுற்றுப் பயணம் செல்ல வேண்டாம்; பொதுக்கூட்டங் கள் நடத்த வேண்டாம். ஆட்சி நீடிக்க வேண்டும். சீராய்வு மனு, தேர்தல் கமிஷன்

வழக்கு முடிவுக்கு பின் அடுத்தகட்ட முடிவு எடுக்க லாம்' என கூறியதாக தெரிகிறது.

தினகரனை தொடர்ந்து டாக்டர் வெங்கடேஷ் சசிக லாவை சந்தித்துள்ளார். பின் வெற்றிவேல், கே.வி. ராமலிங்கம், ஜக்கையன், முத்தையா, தங்கதுரை ஆகியோர் சந்தித்து பேசினர். இவர்கள் அனைவரும் தினகரனுக்கு ஆதரவாக பேசி உள்ளனர்.
 

ராஜினாமா நெருக்கடி!


சசிகலா தாக்கல் செய்துள்ள சீராய்வு மனு உச்ச நீதிமன்றத்தில் இன்று தள்ளுபடி செய்யப்பட்டால், சசிகலாவின் நான்கு ஆண்டு சிறைத் தண்டனை உறுதியாகி விடும். எனவே அவர் கட்சியின் பொதுச் செயலர் பதவியை ராஜினாமா செய்ய வேண்டிய நெருக்கடி உருவாகும்.பொதுச் செயலர் பதவியை கைப்பற்றுவதற்கு முதல்வர் பழனிசாமி தரப்பினர் திரை மறைவில் காய் நகர்த்தும் தகவலை சசிகலாவிடம் தினகரன் தெரிவித்து உள்ளார்.

பொதுச் செயலர் பதவியை தக்கவைத்து கொள்வது குறித்தும், தேர்தல் கமிஷனில் நிலுவையில் உள்ள வழக்குகளை முடிப்பது குறித்தும், தினகரனுக்கு சில ஆலோசனைகளை சசிகலா கூறியுள்ளதாக தெரிகிறது.
 

தினகரன் மீண்டும் கெடு


பெங்களூரு பரப்பன அக்ரஹார சிறையில் அடைக் கப்பட்டுள்ள சசிகலாவை, அவரது உறவினர் தினகரன், நேற்று சந்தித்து, இரண்டு மணி நேரம் ஆலோசனை நடத்தினார்.

சொத்து குவிப்பு வழக்கில் சிறைத் தண்டனை விதிக்கப்பட்டுள்ள சசிகலா, கர்நாடக மாநிலம், பெங்களூரில் உள்ள பரப்பன அக்ரஹார சிறையில் அடைக்கப்பட்டு உள்ளார்.இந்நிலையில், நேற்று முன்தினம் மும்பை சென்ற, சசிகலாவின்உறவினர் தினகரன், திடீரென நேற்று, பெங்களூருக்கு வந்தார்.பிற்பகல், 3:15 மணிக்கு, சிறைக்குள் சென்ற தினகரன், இரண்டு மணி நேரம், சசிகலாவுடன் ஆலோசனை நடத்தினார். இந்த சந்திப்புக்கு பின், சிறையிலிருந்து வெளியில் வந்த தினகரன், செய்தியாளர்களுக்கு அளித்த பேட்டி:

அமைச்சர் ஜெயகுமார், பயம் காரணமாக ஏதேதோ பேசுகிறார். விரைவில், அவரது பயம்

 

நீங்கி விடும். அ.தி.மு.க.,வின் இரு அணி களும் இணைவது குறித்து, அவர் பேசுவதாக கூறியது பற்றி எனக்குஎதுவும் தெரியாது.இரு அணிகளும் இணைவதற்கு, 60 நாட்கள் பொறுத் திருக்கும்படி, சசிகலா, என்னிடம் கூறியிருந் தார். அதன்படி, ஆக., 4 வரை பொறுத்திருங்கள். அதன்பின், கட்சியை பலப்படுத்தும் பணியில் ஈடுபடுவோம். இரு அணிகளும் நிச்சயம் இணையும்.

திவாகரன், என் உறவினர். அவரும், நானும் சந்தித்ததாக, நடராஜன் கூறுவது தவறு. அது போன்ற எந்த சந்திப்பும் நடக்கவில்லை. நடராஜன், அ.தி.மு.க.,வின் அதிகாரபூர்வ செய்தித் தொடர்பாளரல்ல. உறவினர்கள் என்ற முறையில், சமீபத்தில், சிறைச்சாலை வளாகத் தில்,திவாகரனை சந்தித்து,நலம் விசாரித்தேன்.

எங்களிடையே எந்த பிரச்னையும் இல்லை. சசிகலாவை, அ.தி.மு.க., பொதுச் செயலராக சந்திக்கவில்லை. என் சித்தி என்ற முறையில் தான் சந்தித்தேன். அவரிடம், அரசியல் எதுவும் பேசவில்லை.இவ்வாறு அவர் கூறினார்.
 

அத்தைக்கு மீசை


'அமைச்சர் ஜெயகுமார் கூறியது போல், கட்சி யிலிருந்து, உங்களையும், சசிகலாவையும் ஒதுக்கி வைத்து, கட்சி ஒன்றுபட்டால் என்ன செய்வீர்கள்' என, செய்தியாளர்கள் கேட்ட தற்கு, ''அத்தைக்கு மீசை முளைத்த பின், சித்தப்பாவா என, பார்க்கலாம்,'' என்றார்.

- நமது நிருபர் -

http://www.dinamalar.com/news_detail.asp?id=1805645

Categories: Tamilnadu-news

தமிழக சட்டசபையில் மீண்டும் நம்பிக்கை ஓட்டெடுப்பு... நடக்குமா?

Wed, 05/07/2017 - 21:13

தமிழக சட்டசபையில் மீண்டும் நம்பிக்கை ஓட்டெடுப்பு... நடக்குமா?

 

புதுடில்லி:முதல்வர் பழனிசாமி அரசு நடத்திய நம்பிக்கை ஓட்டெடுப்பு செல்லாது என,
அறிவிக்கக் கோரியும், புதிதாக ரகசிய ஓட்டெடுப்பு நடத்த உத்தரவிடக் கோரியும், 
முன்னாள் முதல்வர் பன்னீர்செல்வம் தரப்பு தாக்கல் செய்த மனுவை, சுப்ரீம் கோர்ட் விசாரணைக்கு ஏற்றது. 

இவ்வழக்கு, வரும், ௧௧ம் தேதி நடக்கும் என அறிவிக்கப்பட்டுள்ளது. இதையடுத்து, தமிழக சட்டசபையில் மீண்டும் நம்பிக்கை ஓட்டெடுப்பு நடக்குமா என்ற எதிர்பார்ப்பு எழுந்துள்ளது.

முன்னாள் முதல்வர் ஜெயலலிதாவின் மறைவுக்குப் பின், அ.தி.மு.க., வில் ஏற்பட்ட பிரச்னைகளால், முதல்வர் பதவியில் இருந்து விலகினார், பன்னீர்செல்வம். சசிகலா அணி சார்பில், பழனிசாமி முதல்வராக நியமிக்கப்பட்டார். அதனால், அ.தி.மு.க., இரு அணிகளாக பிரிந்தது.
 

 

கூவத்துார் விடுதி


'சட்டசபையில், பிப்., 18ல், நம்பிக்கை தீர்மானத்தை நிறைவேற்ற வேண்டும்' என, பழனி
சாமி அரசுக்கு உத்தரவிடப்பட்டது. 100க்கும் மேற்பட்ட, எம்.எல்.ஏ.,க் களை, சசிகலா தரப்பினர், 
சென்னையை அடுத்த, கூவத்துாரில் உள்ள சொகுசு விடுதியில் அடைத்து வைத்ததாக 
குற்றஞ்சாட்டப்பட்டது.

இந்நிலையில், பிப்., 18ல், நம்பிக்கை ஓட்டெடுப்பு நடந்தபோது, ரகசிய ஓட்டெடுப்பு நடத்த வேண்டும் என, பன்னீர்செல்வம் தரப்பினரும், எதிர்க்கட்சியான, தி.மு.க.,வும் வலியுறுத்தின. ஆனால், குரல் ஓட்டெடுப்பில், பழனிசாமி அரசு வெற்றி பெற்றதாக அறிவிக்கப்பட்டது.

இதை எதிர்த்து, பன்னீர்செல்வம் அணி சார்பில், முன்னாள் அமைச்சர் பாண்டியராஜன், சுப்ரீம் 
கோர்ட்டில் வழக்கு தொடர்ந்துள்ளார். இந்த மனு, நீதிபதிகள், தீபக் மிஸ்ரா, ஏ.எம்.கன்வில்கர் 
அமர்வு முன், நேற்று விசாரணைக்கு வந்தது.அப்போது, பன்னீர்செல்வம் தரப்பில் ஆஜரான, மூத்த வழக்கறிஞர்கள், கோபால் சுப்ரமணியன், சுனில் பெர்னாண்டஸ்ஆகியோர் வாதிட்டதாவது:

பழனிசாமி அரசு மீதான நம்பிக்கை ஓட்டெடுப்பின் போது, ரகசிய ஓட்டெடுப்பு நடத்த வேண்டும் என, வலியுறுத்தப்பட்டது. எம்.எல்.ஏ.,க்கள் சொகுசு விடுதியில் அடைத்து வைக்கப்பட்டு, மிரட்டப்பட்டதாக புகார் தெரிவிக்கப்பட்டது.
 

 

ரகசிய ஓட்டெடுப்பு


ஆனால், அதை ஏற்காமல், சபாநாயகர் தனபால், ரகசிய ஓட்டெடுப்பு நடத்த அனுமதி மறுத்தார்.
இது, ரகசியம் காக்கப்பட வேண்டும் என்ற கொள்கைகளுக்கு எதிராகவும், நேர்மையாகவும், வெளிப்படையாகவும் ஓட்டெடுப்பு நடத்தப்பட வேண்டும் என்ற நடைமுறைக்கு எதிராகவும் அமைந்துள்ளது.அதனால், பிப்., 18ல் நடந்த நம்பிக்கை ஓட்டெடுப்பு செல்லாது என,அறிவிக்க வேண்டும். புதிதாக, ரகசிய ஓட்டெடுப்பை நடத்த உத்தரவிட வேண்டும்.

சுப்ரீம் கோர்ட்டால் நியமிக்கப்படும், சுதந்திரமான, எந்தத் தரப்பையும் சாராதவர் கண்காணிப்பில், இந்த ரகசிய ஓட்டெடுப்பை நடத்த உத்தரவிட வேண்டும்.இவ்வாறு அவர்கள் வாதிட்டனர்.
அதை தொடர்ந்து, இந்த மனுவை விசாரணைக்கு ஏற்பதாக கூறியுள்ள அமர்வு, மத்திய அரசின் சார்பில் ஆஜரான, அட்டர்னி ஜெனரலின் உதவியை கோரி உள்ளது. வழக்கின் விசாரணை, வரும், 11க்கு ஒத்திவைக்கப்பட்டு உள்ளது.

 

http://www.dinamalar.com/news_detail.asp?id=1805612

Categories: Tamilnadu-news

எடப்பாடி ‘அஸ்திரம்’ தினகரன் ‘திடுக்’

Wed, 05/07/2017 - 19:16
மிஸ்டர் கழுகு: எடப்பாடி ‘அஸ்திரம்’ தினகரன் ‘திடுக்’
 

‘‘ஜனாதிபதி வேட்பாளர்கள் ராம்நாத் கோவிந்த், மீரா குமார் இருவரும் தமிழகத்தின் தலைநகரை முற்றுகையிட்டதுதான் கடந்த வார பரபரப்பு’’ என்றபடி வந்து அமர்ந்தார் கழுகார்.

“பி.ஜே.பி வேட்பாளர் ராம்நாத் கோவிந்த்துக்கு அ.தி.மு.க-வின் இரண்டு அணிகளும் அமர்க்கள வரவேற்பு கொடுத்திருக்கின்றனவே?’’ என்றோம்.

‘‘ஆமாம்! அவருடைய பயணத்திட்டம் டெல்லியில் தயாரானபோதே ‘அ.தி.மு.க-வின் இரண்டு அணிகளுடனும் தனித்தனியாக எப்படிப் பேசுவது... என்ன பேசுவது’ என்பதும் முடிவானது. வழக்கம் போல, ஓ.பி.எஸ் அணிக்குத்தான் முன்னுரிமை. ஓ.பி.எஸ் ஆதரவு எம்.எல்.ஏ, எம்.பி-க்கள் அந்தச் சந்திப்பில் பங்கேற்றனர். ராம்நாத்திடம் பன்னீர் காட்டிய பவ்யத்தைக் கண்டு, அவருடன் வந்தவர்கள் ஆச்சர்யம் அடைந்தனர். ஆனால், அரசியல் திருப்பம் எதுவும் இடம்பெறவில்லை.”

2p1.jpg

“ம்ம்ம்... அப்படியானால் எடப்பாடி அணியைச் சந்தித்ததில் திருப்பம் இருந்ததா?”

“ஆம். யாரும் எதிர்பார்க்காத அதிரடி. எடப்பாடி அணியினரைக் கலைவாணர் அரங்கில் சந்தித்தார், ராம்நாத் கோவிந்த். தினகரன் ஆதரவாளர்களும் கலந்து கொண்டனர். சமீபகாலமாக, ஓ.பி.எஸ் அணிக்கும் எடப்பாடி அணிக்கும் இடையில் நடக்கும் மோதலைவிட... தினகரன் அணிக்கும் எடப்பாடி அணிக்கும்தான் அதிகமாக மோதல் நடக்கிறது. ஆனால், ஜனாதிபதி வேட்பாளராக ராம்நாத் கோவிந்த் அறிவிக்கப்பட்டதும், அ.தி.மு.க-வின் மூன்று அணிகளும்  போட்டி போட்டுக்கொண்டு ஆதரவு கொடுத்தன. ஆனாலும் பி.ஜே.பி தரப்பு அதை இரண்டு பிரிவாக மட்டுமே கணக்கில் எடுத்துக்கொண்டது. தினகரனின் ஆதரவைச் சத்தமின்றி ஏற்றுக்கொண்ட பி.ஜே.பி., அவர்களைத் தனியாக சந்திக்கவில்லை. அவர்களையும் மொத்தமாக அழைத்துவரும் பொறுப்பு எடப்பாடி தலையில்தான் சுமத்தப்பட்டது. இதனால் கடைசி நேரம் வரையில் எடப்பாடி அணி டென்ஷனிலேயே இருந்தது.”

“ஏன்?”

“கடைசி நேரம்வரை தினகரன் தரப்பில் எம்.எல்.ஏ வெற்றிவேல், டென்ஷனை ஏற்றிக்கொண்டே இருந்தார். ‘பன்னீர் அணிக்குத் தரப்பட்ட முக்கியத்துவத்தைப் போல, தினகரன் தரப்புக்கு பி.ஜே.பி முக்கியத்துவம் தரவில்லை’ என்றார்.  ராம்நாத் கோவிந்த் பயணத்திட்டத்திலும் ‘தினகரன் தரப்பு எம்.எல்.ஏ-க்களோடு தனி சந்திப்பு வேண்டாம்’ என பி.ஜே.பி மேலிடம் சொன்ன தகவலும் அவர்களுக்குக் கிடைத்தது. அது, தினகரன் தரப்பு எம்.எல்.ஏ-க்களைச் சூடேற்றியது. ‘ஏற்கெனவே எடப்பாடி பழனிசாமி பங்கேற்ற இஃப்தார் விருந்தைப் புறக்கணித்ததைப் போல ராம்நாத் கோவிந்த் வருகையையும் புறக்கணிப்போம்’ என அவர்கள் பேசிக் கொண்டிருந்தனர்.”
2p3.jpg
“பிறகு எப்படி கலந்து கொண்டார்களாம்?”

“எல்லாம் தினகரனின் அறிவுறுத்தல்தான். ‘நம் ஆதரவு ராம்நாத் கோவிந்த்துக்குத்தான் என்று ஏற்கெனவே சொல்லிவிட்டோம். கலைவாணர் அரங்கில் நடைபெறும் கூட்டத்தில் நீங்களும் கலந்துகொள்ளுங்கள்’ எனத் தனது ஆதரவு எம்.எல்.ஏ-க்களுக்கு,  தினகரன் அறிவுறுத்தியுள்ளார். அதன்பிறகுதான், அவர்கள் வருவது உறுதியானது.”

“தினகரன் அந்த அளவுக்கு இறங்கிவர என்ன காரணம்?”

“தினகரன் தரப்போ, சசிகலா உறவுகளோ, அதிகமாகக் குடைச்சல் கொடுக்கும் சமயங்களில், அவர்களைச் சமாளிக்க எடப்பாடி ஒரு புதிய அஸ்திரத்தைப் பயன்படுத்துகிறார். ‘என்னை விட்டுவிடுங்கள். நான் ராஜினாமா செய்துவிடுகிறேன். நீங்கள் விரும்பும் ஒருவரை முதல்வராகப் போட்டுக் கொள்ளுங்கள்’ என்கிறார். இது தினகரன் தரப்புக்கும், சசிகலா குடும்பத்துக்கும் அதிர்ச்சியைக் கொடுக்கிறது. இன்றைக்குக் கட்சியும் ஆட்சியும் இருக்கும் நிலையில், எடப்பாடியும் ராஜினாமா செய்தால், அடுத்து ஒருவரைப் பிடித்து, முதல்வராக்கி, ஆட்சியையும் கட்சியையும் ஸ்திரமாக வைத்துக்கொள்வது கடினம் என்பதால்தான், அவர்களும் பொறுமையாக இருக்கின்றனர். ஆனாலும், சில விவகாரங்களில் எடப்பாடி தரப்பு தன்னிச்சையாகச் செயல்படுவது அவர்களுக்குப் பிடிக்கவில்லை. ‘கைமீறிப்போகிறார் எடப்பாடி’ என்ற புகைச்சல் லேசாக அந்தக் குடும்பத்தில் எழ ஆரம்பித்துள்ளது. ‘நடப்பு சட்டமன்றக் கூட்டத்தொடர் முடியும் நேரத்தில், மிகப்பெரிய புயல் ஒன்று ஆட்சியை மையம் கொள்ள உள்ளது. அது, ஆட்சியையே அசைத்துப் பார்க்கலாம்’ என்கிறார்கள் கோட்டை வட்டாரத்தில்.’’

‘‘பி.ஜே.பி-யுடன் எடப்பாடி நல்ல உறவில் இருக்கும்போது, ஆட்சி கவிழ வாய்ப்புள்ளதா?”

“ஜி.எஸ்.டி, உதய் திட்டம், ஜனாதிபதி வேட்பாளருக்கு ஆதரவு ஆகியவற்றில் பி.ஜே.பி சாதித்துவிட்டது. இனிமேல் அ.தி.மு.க-வின் தயவு பி.ஜே.பி-க்குப் பெரிதாகத் தேவைப்படாது. ஜெயலலிதா படத்திறப்பு விழாவில் கலந்துகொள்ள பிரதமருக்கு அழைப்பு கொடுத்துள்ளார் எடப்பாடி பழனிசாமி. ஆனால், இதுவரை பிரதமர் மோடி எந்த முடிவும் எடுக்கவில்லை. அதுவரை தமிழகத்தில் ஆட்சி நீடிக்குமா என்ற சந்தேகமே அதற்குக் காரணம் என்கிறார்கள் டெல்லி வட்டாரத்தில்!’’

‘‘அப்படியா?”

‘‘இதைப் பற்றியெல்லாம் அலட்டிக் கொள்ளாமல், பிஸியாகிவிட்டார் திவாகரன். தினகரனுக்கு ஆதரவாக மன்னார்குடியில் கடந்த மாதம் 18-ம் தேதி பொதுக்கூட்டம் நடத்த ஏற்பாடுகள் செய்து திவாகரன் தலையிட்டதால், போலீஸ் தடை போட்டது. இந்தச் சண்டையைப் பயன்படுத்திக்கொண்டு, தஞ்சையில் பொதுக்கூட்டம் நடத்தினார் ஓ.பன்னீர்செல்வம். பல்வேறு கட்சிகளில் இருந்து நிர்வாகிகள் வந்து தங்களுடன் இணைவார்கள் என்று ஓ.பி.எஸ் தரப்பில் அறிவிப்பு செய்யப்பட்டு இருந்தது. ஆனால், எதிர்பார்த்தபடி கூட்டம் திரளவில்லையாம். ஓ.பன்னீர்செல்வம் தஞ்சைக்கு வந்த ஜூன் 28-ம் தேதியன்று, திருவாரூரில் முன்னாள் எம்.எல்.ஏ பாப்பா சுப்பிரமணியன் மகன் திருமணத்துக்குச் சென்றார் திவாகரன். அங்கு திவாகரனை வரவேற்று, ‘தம்பி வா! தலைமை ஏற்க வா!’ என்று ஃபிளக்ஸ் வைத்திருந்தார்கள்’’

2p2.jpg

‘‘ஓஹோ’’

‘‘நேரடி அரசியலில் இறங்க திவாகரன் ஆர்வம் காட்டுவதாக, அவரின் ஆதரவாளர்கள் சொல்கிறார்கள். ஜூலை 15-ம் தேதி எம்.ஜி.ஆர் நூற்றாண்டு விழாவைத் திவாகரனின் வலது கரமாக இருக்கும் எஸ்.காமராஜ் ஏற்பாட்டில் மன்னார்குடியில் நடத்தத் திட்டமிட்டுள்ளனர். இதற்கு டெல்டா பகுதியைச் சேர்ந்த அமைச்சர்கள், மாவட்டச் செயலாளர்கள், எம்.எல்.ஏ-க்கள்,எம்.பி-க்கள் அழைக்கப்பட்டுள்ளார்கள். அவர்களைப் போகச் சொல்லி முதல்வர் எடப்பாடி தரப்பில் பச்சைக்கொடி காட்டப்பட்டு விட்டதாம்.’’

“அ.தி.மு.க-வுடன் இருந்த உதிரிக் கூட்டணிக் கட்சிகள் பிரிந்து போய்விட்டன போலத் தெரிகிறதே?”

“கொங்கு நாடு இளைஞர் பேரவை கட்சியின் தனியரசு, மனிதநேய ஜனநாயகக் கட்சியின் தமிமுன் அன்சாரி, முக்குலத்தோர் புலிப்படையின் கருணாஸ் ஆகிய மூவரும் இரட்டை இலையில் வென்று எம்.எல்.ஏ ஆனவர்கள். இவர்கள், ஆளும்கட்சிக்கு எதிரான மனநிலைக்கு வந்துவிட்டனர். சில நாள்களுக்கு முன்பு ஸ்டாலினைக் கருணாஸ், தனியரசு இருவரும் சந்தித்து, பல விஷயங்களை மனம் விட்டுப் பேசியுள்ளனர். தமிமுன் அன்சாரியைத் தொடர்பு கொண்ட ஸ்டாலின், ஜனாதிபதி தேர்தலில் காங்கிரஸ் வேட்பாளர் மீரா குமாருக்கு ஆதரவாக வாக்களிக்கக் கேட்டுள்ளார். அவரும் அதற்கு ஓகே சொல்லி விட்டார்.”

“தி.மு.க முகாமில் என்ன நடக்கிறது?”

“காங்கிரஸ் கட்சியின் ஜனாதிபதி வேட்பாளர் மீரா குமார் வருகையின்போது, தி.மு.க தனது முழு பலத்தையும் காட்டியது. ‘கருணாநிதியைச் சந்திக்க வேண்டும்’ என்று ஸ்டாலினிடம் மீரா குமார் சொல்லியுள்ளார். கோபாலபுரம் வந்த மீரா குமாரை ஸ்டாலின் அறிமுகம் செய்தபோது, கருணாநிதி தலையை நிமிர்ந்து பார்த்துள்ளார். உடனே கருணாநிதியின் கையில், தான் கொண்டுவந்த சால்வையைக் கொடுத்துள்ளார் மீரா குமார். தலையைக் குனிந்து வணக்கம் தெரிவித்தபோது, மீரா குமாரின் தலையில் கையை வைத்து கருணாநிதி வாழ்த்தியுள்ளார்.”
2p61.jpg
“மீரா குமார் - எம்.எல்.ஏ-க்கள் சந்திப்பின்போது என்ன நடந்ததாம்?”

“தி.மு.க சார்பில் ஸ்டாலினும், காங்கிரஸ் சார்பில் சட்டமன்றக் கட்சித் தலைவர் கே.ஆர்.ராமசாமியும் பேசியுள்ளனர். அதன்பிறகு, தனக்குப் பேச வாய்ப்பு வழங்குவார்கள் என்று திருநாவுக்கரசர் பெரிதும் எதிர்பார்த்தாராம். ஆனால், அவருக்கு வாய்ப்பு வழங்கவில்லையாம். அதில் திருநாவுக்கரசருக்குக் கொஞ்சம் வருத்தம் என்கிறார்கள். ‘ஜனாதிபதி தேர்தல் தொடர்பான கூட்டத்தில் காங்கிரஸ் மாநிலத் தலைவர் எப்படிப் பேச முடியும்’ என்கிறார்கள் தி.மு.க-வினர்.”

“திருநாவுக்கரசருக்கு விழா எடுக்கப் போகிறார்களாமே?”

“ஆமாம்! திருநாவுக்கரசர் அரசியல் களத்துக்கு வந்து ஐம்பது ஆண்டுகள் ஆகின்றன. 1977-ம் ஆண்டு அறந்தாங்கி தொகுதியில் அ.தி.மு.க சார்பில் வெற்றிபெற்று, துணை சபாநாயகராக ஆனார். காங்கிரஸ் குடும்பத்தைச் சேர்ந்த திருநாவுக்கரசரை அ.தி.மு.க-வுக்குக் கொண்டு வந்தது எம்.ஜி.ஆர்தான். துணை சபாநாயகராக இருந்தவரை அமைச்சராக்கினார். எம்.ஜி.ஆர் இறந்தபிறகு, ஜெயலலிதாவின் வளர்ச்சிக்கும் உறுதுணையாக இருந்தார். பிறகு தனிக் கட்சியைத் தொடங்கி, அந்தக் கட்சியை பி.ஜே.பி-யுடன் இணைத்து மத்திய அமைச்சர் ஆனார். பிறகு காங்கிரஸில் இணைந்து தமிழ்நாடு காங்கிரஸ் தலைவராக உள்ளார். அவர் அரசியலுக்கு வந்து 50 ஆண்டுகள் ஆனதை, வரும் 13-ம் தேதி காங்கிரஸ் கட்சி சார்பில் விழாவாகக் கொண்டாடுகிறார்கள்.”

‘‘ஓஹோ!’’

‘‘இந்த வெட்டி பந்தா எல்லாம் எதற்கு என்று திருநாவுக்கரசரின் எதிர்கோஷ்டி கொளுத்திப் போடுகிறது. திருநாவுக்கரசரின் மகளுக்கும் முன்னாள் அமைச்சர் இசக்கி சுப்பையாவின் மகனுக்கும் திருமணம் நடக்க இருக்கிறது. அதற்கான நிச்சயதார்த்தம் கடந்த வாரம் நடந்தது. ஸ்டாலினை அழைத்து இருந்தார் திருநாவுக்கரசர். அவரும் வந்திருந்தாராம். தினகரன் அணியில் இருக்கிறார் இசக்கி சுப்பையா. அவர் தினகரனை அழைத்து வந்திருந்தார். சசிகலா குடும்பத்தினர் அனைவரும் அதில் ஆஜரானது ஆச்சர்யம். திருநாவுக்கரசரின் பழைய அ.தி.மு.க பாசத்தை, தி.மு.க உன்னிப்பாகக் கவனித்து வருகிறது’’ என்றபடியே கழுகார் பறந்தார்.

படம்: கே.ஜெரோம்

நமது எம்.ஜி.ஆரைத்தூக்கியடித்த அமைச்சர்!2p4.jpg

மதுரையில் ஜூன் 30-ம் தேதி எம்.ஜி.ஆர் நூற்றாண்டு விழா நடைபெற்றது. அங்கு செய்தி சேகரிக்கச் சென்ற ‘நமது எம்.ஜி.ஆர்’ நிருபர் மோகன்ராஜு, விழாவுக்கு வந்த அமைச்சர்களிடம் ‘நமது எம்.ஜி.ஆர்’ நாளிதழின் பிரதிகளைக் கொடுத்துள்ளார். ஜெயலலிதா காலத்தில் இருந்தே மோகன்ராஜு அங்கு நிருபராக இருப்பதால், பெரும்பாலான அமைச்சர்கள் மற்றும் மூத்த நிர்வாகிகளுக்கு அவரை அடையாளம் தெரியும். அமைச்சர்கள் திண்டுக்கல் சீனிவாசன், செங்கோட்டையன் ஆகியோர், ‘நமது எம்.ஜி.ஆர்’ நாளிதழை மகிழ்ச்சியோடு வாங்கிக் கொண்டனர். திண்டுக்கல் சீனிவாசன், “ஆமாய்யா, இதப் படிச்சாத்தான் மேடையில் எதாவது உருப்படியா பேச முடியும்” என்று சொல்லிக்கொண்டே வாங்கினாராம். அமைச்சர்கள் தங்கமணி, வேலுமணி ஆகியோரிடமும் நாளிதழை மோகன்ராஜு கொடுத்துள்ளார். “இந்தப் பேப்பரை எல்லாம் எதுக்கு எங்ககிட்ட குடுக்கிற...” என அவரைத் திட்டியபடி பேப்பரை தூக்கி வீசினாராம் தங்கமணி. “இந்த நாளிதழுக்கு அம்மாதான் நிறுவனர்; அம்மா பெயரில்தான் பத்திரிகை நடக்கிறது” என்று காட்டமாகப் பதில் கொடுத்துள்ளார் மோகன்ராஜு. “அம்மா நிறுவனர் என்றால், எதற்காக மத்திய அரசைத் திட்டி எழுதிக் கொண்டிருக்கிறீர்கள்” என்று தங்கமணி கண்டபடி திட்டியதாக புகார் கிளம்பியிருக்கிறது.

2p5.jpg

புதுச்சேரியில் பி.ஜே.பி-யின் புதுப்பாதை!

புதுச்சேரி சட்டசபைக்கு மூன்று பேரை நியமன எம்.எல்.ஏ-க்களாக ஆக்க முடியும். ஆட்சிக்கு வந்து ஒரு வருடம் ஆன நிலையில், நியமன எம்.எல்.ஏ-க்கள் மற்றும் வாரியங்களுக்கான தலைவர் பதவியை நிரப்பாமல் வைத்திருந்தார் நாராயணசாமி. கவர்னர் கிரண் பேடி மூலமாகக் குடைச்சல் கொடுத்து வரும் மத்திய பி.ஜே.பி அரசு, இதைப் பயன்படுத்திக் கொண்டது. புதுச்சேரி மாநில பி.ஜே.பி தலைவர் சாமிநாதன், பொருளாளர் சங்கர், செல்வகணபதி ஆகிய மூவரை நியமன  எம்.எல்.ஏ-க்களாக்கி மத்திய அரசு உத்தரவிட்டுள்ளது. புதுச்சேரி அரசியல் வரலாற்றில் ஆளுங்கட்சியைச் சேராதவர்கள் எம்.எல்.ஏ-க்களாக நியமிக்கப்பட்டிருப்பது இதுவே முதல்முறை. இதன்மூலம் ஆளும் காங்கிரஸை பலம் இழக்கச் செய்து, எதிர்க்கட்சிகளின் பலத்தைக் கூட்டியிருக்கிறது மத்திய அரசு.

‘நாராயணசாமிக்கு, மத்திய உள்துறை அமைச்சகத்தில் எம்.எல்.ஏ-க்கள் நியமனம் தொடர்பான கோப்பு தயாரானதுகூட தெரியவில்லை. மேலும், இவர்கள் மூன்று பேரைப் பற்றிய முழு விவரங்களையும் புதுச்சேரி உளவுப்பிரிவிடம் இருந்துதான் கேட்டுப் பெற்றிருக்கிறது மத்திய அரசு. இந்தத் தகவல்கூட முதல்வருக்கு சொல்லப்படவில்லையாம். இப்போது இதுதொடர்பான வழக்கை மட்டுமே மலை போல நம்பியிருக்கிறது காங்கிரஸ்.

http://www.vikatan.com/juniorvikatan

Categories: Tamilnadu-news

தலைவர் எடப்பாடி பழனிசாமி; பொதுச் செயலாளர் பன்னீர்செல்வம்! - திருத்தப்படும் அ.தி.மு.கவின் சட்டவிதிகள்? #VikatanExclusive

Wed, 05/07/2017 - 10:14
தலைவர் எடப்பாடி பழனிசாமி; பொதுச் செயலாளர் பன்னீர்செல்வம்! - திருத்தப்படும் அ.தி.மு.கவின் சட்டவிதிகள்? #VikatanExclusive
 
 

எடப்பாடி பழனிசாமி

அ.தி.மு.கவின் இரண்டு அணிகளும் இணைவது குறித்து மறைமுக பேச்சுவார்த்தைகள் தொடங்கியிருப்பதாக நேற்று பேட்டியளித்தார் நிதி அமைச்சர் ஜெயக்குமார். இந்த அறிவிப்பு தினகரன் ஆதரவாளர்களை அதிர்ச்சியடைய வைத்திருக்கிறது. 'அணிகள் இணையாமல் இருப்பதைக் காரணம் காட்டித்தான், முதலமைச்சருக்குக் கெடு விதித்தார் தினகரன். பன்னீர்செல்வம் வந்தாலும், நிபந்தனையற்ற இணைப்பைத்தான் முதல்வர் விரும்புகிறார்' என்கின்றனர் அ.தி.மு.க அம்மா அணி நிர்வாகிகள். 

முதலமைச்சர் எடப்பாடி பழனிசாமி அணி, பன்னீர்செல்வம் அணி, தினகரன் அணி என மூன்று துண்டுகளாகப் பிளவுபட்டிருக்கிறது அ.தி.மு.க. 'இரட்டை இலைச் சின்னத்தைப் பெறுவதற்கு அணிகள் இணைப்பு அவசியம்' என்பதைப் புரிந்து கொண்டு, 'கட்சிப் பணியில் இருந்து விலகிக் கொள்கிறேன்' என அறிவித்தார் தினகரன். அதே நாள்களில் இரட்டை இலைக்கு லஞ்சம் கொடுத்த வழக்கில் டெல்லி, திகார் சிறையில் அடைக்கப்பட்டார். 42 நாள்கள் சிறைவாசத்துக்குப் பிறகு வெளியே வந்தவர், 'இரண்டு அணிகளும் இணையும் என எதிர்பார்த்தேன். அதற்கான சூழல்கள் உருவாகவில்லை. மீண்டும் கட்சிப் பணியில் ஈடுபட இருக்கிறேன்' என அறிவித்தார் தினகரன். அதற்கேற்ப, நாள்தோறும் எம்எல்ஏ-க்கள், எம்பி-க்களைச் சந்தித்து வந்தாலும், ராயப்பேட்டையில் உள்ள கட்சித் தலைமை அலுவலகத்துக்குள் அவரால் நுழைய முடியவில்லை. தன்னுடைய லெட்டர் பேடில் இருந்து அறிக்கைகளை மட்டுமே வெளியிட முடிந்தது. 'தன்னைத் தேடி எடப்பாடி பழனிசாமி வர வேண்டும்' என்பதற்காகப் பலவித யுக்திகளைப் பயன்படுத்தினாலும், சசிகலா குடும்பத்தினர் பெயரைத் தப்பித் தவறிக்கூட எடப்பாடி பழனிசாமி உச்சரிக்கவில்லை. இதனால் கொதித்துப் போன தினகரன், ‘நான் விதித்த கெடு ஆகஸ்ட் 5 ஆம் தேதிக்குள் முடிவடைகிறது. அதன்பிறகு என்னுடைய நடவடிக்கைகளைப் பாருங்கள்' என அதிர வைத்தார். 

ஓ.பன்னீர்செல்வம்எம்எல்ஏ-க்களை வைத்துக் கொண்டு ஆட்சிக்கு எதிராக ஆட்டத்தைக் காட்டுவதுதான் தினகரனின் நோக்கம். இந்த நோக்கத்தை முறியடித்து நீண்ட நாள்கள் ஆகின்றன. பன்னீர்செல்வம் அணியுடன் நாங்கள் பேச்சுவார்த்தைகளை நடத்திக் கொண்டிருப்பதை, தினகரன் எதிர்பார்க்கவில்லை. ‘எடப்பாடி பழனிசாமியோடு பன்னீர்செல்வம் கை குலுக்கினால், மக்கள் மத்தியில் கூடுதல் செல்வாக்கு ஏற்படும்' என கொங்கு மண்டல அமைச்சர்கள் நினைக்கிறார்கள். அதேநேரம், நிபந்தனையற்ற பேச்சுவார்த்தையைத்தான் முதல்வர் விரும்புகிறார்" என விவரித்த அ.தி.மு.க அம்மா அணியின் முக்கிய நிர்வாகி ஒருவர், “கட்சி அதிகாரம் பன்னீர்செல்வத்திடமும் ஆட்சி அதிகாரம் எடப்பாடி பழனிசாமியிடமும் இருக்கட்டும் என்றுதான் மூத்த நிர்வாகிகள் வலியுறுத்தி வந்தனர்.

சில வாரங்களுக்கு முன்பு இணைப்புக்கான பேச்சுவார்த்தை தொடங்கியபோது, 'முதல்வர் பதவி; முக்கிய இலாக்காக்கள்' எனப் பன்னீர்செல்வம் தரப்பினர் அதிக பேராசைப்பட்டனர். இதில், தங்களுடைய முக்கிய இலாக்காக்களை விட்டுத் தர அமைச்சர்கள் விரும்பாததால், இணைப்புப் பேச்சுவார்த்தை முடிவுக்கு வரவில்லை. ‘தற்போது தினகரன் எதிர்ப்புக்காக இரண்டு அணிகளும் இணைவது கட்டாயம்' எனப் பழனிசாமி தரப்பில் இருந்தே தூது அனுப்பப்பட்டுள்ளது. நீண்ட நாள்களாக, இந்தப் பிரச்னை இழுபறி ஆவதை பன்னீர்செல்வம் தரப்பினரும் ரசிக்கவில்லை. எனவே, தினகரன் விதித்த கெடு முடிவதற்குள் இரண்டு அணிகளும் கை குலுக்கத் தொடங்கிவிடும்" என்றார் விரிவாக. 

“அதேநேரம், கொங்கு மண்டல நிர்வாகிகளின் கணக்கு வேறாக இருக்கிறது. ‘பன்னீர்செல்வம் அணியுடன் நல்ல உறவை வளர்த்துக் கொள்வதில் தவறில்லை. சில விஷயங்களில் நாம் உறுதியாக இருக்க வேண்டும்' எனவும் அவர்கள் நினைக்கின்றனர். இணைப்பு முடிவுக்கு வந்தாலும், முதல்வர் பதவியில் பழனிசாமியே தொடர்வார். இதனால், பன்னீர்செல்வத்துக்கு எந்த லாபமும் கிடைக்கப் போவதில்லை. கட்சிப் பதவிக்குப் பன்னீர்செல்வம் வந்துவிட்டால், சட்டப் பேரவைத் தேர்தலில், ‘பழனிசாமியை முதல்வர் பதவிக்கு அவர் முன்மொழிவாரா?' என்ற கேள்வியும் எழுந்துள்ளது. இந்தக் குழப்பத்தைத் தினகரன் ஆதரவாளர்கள் பயன்படுத்திக் கொள்ளவும் வாய்ப்பு இருக்கிறது. அதேநேரம், தற்போது எடப்பாடி பழனிசாமி ஆட்சிக்கு எந்தவித இடையூறும் இல்லை. ‘பன்னீர்செல்வம் பக்கம் இருக்கும் 11 பேரும் தினகரன் பக்கம் சென்ற 34 பேரும் ஆட்சி பறிபோவதை விரும்பவில்லை. மத்திய அரசு நமக்கு எதிராக சில விஷயங்களை முன்னெடுத்தால், காங்கிரஸ் கட்சியின் எட்டு எம்.எல்.ஏக்களும் நம்மை ஆதரிப்பார்கள். பெரும்பான்மை எம்.எல்.ஏக்களின் ஆதரவு நமக்கு இருக்கிறது. எனவே, ஆட்சி முடிந்து தேர்தல் வரும்போது, எடப்பாடி பழனிசாமியே முதல்வர் வேட்பாளராகக் களத்தில் நிற்பார்' என உறுதியாகப் பேசி வருகின்றனர் கொங்கு மண்டல அமைச்சர்கள்.

 

மேலும், அ.தி.மு.கவின் சட்டவிதிகளில் திருத்தம் செய்து, தி.மு.கவில் உள்ளது போல தலைவர், பொதுச் செயலாளர் பதவிகளை உருவாக்கவும் திட்டமிட்டுள்ளனர். தலைவர் பதவிக்கு எடப்பாடி பழனிசாமியும் பொதுச் செயலாளர் பதவிக்குப் பன்னீர்செல்வத்தையும் முன்னிறுத்துவது குறித்தும் ஆலோசித்து வருகின்றனர். சசிகலா குடும்பத்தின் தயவு இல்லாமல், ஆட்சி மற்றும் கட்சியை வழிநடத்திச் செல்லும் முடிவுக்கு இருவரும் வந்திருக்கிறார்கள். இதற்கு எதிராக என்ன மாதிரியான நடவடிக்கைகளை தினகரன் முன்னெடுக்கப் போகிறார் எனவும் உன்னிப்பாகக் கவனித்து வருகின்றனர்" என்கிறார் அ.தி.மு.கவின் தலைமைக் கழக நிர்வாகி ஒருவர்.

http://www.vikatan.com/news/tamilnadu/94396-leader-edappadi-palanisamy-general-secretary-ops-are-admk-rules-being-changed.html

Categories: Tamilnadu-news

சிறைத் தண்டனை ரத்தாக வாய்ப்பில்லை

Tue, 04/07/2017 - 20:56
சிகலா, சிறை,தண்டனை,ரத்தாக,வாய்ப்பில்லை!

அ.தி.மு.க., பொதுச் செயலராக இருந்த, முன்னாள் முதல்வர், ஜெயலலிதாவின் தோழி சசிகலா தாக்கல் செய்துள்ள சீராய்வு மனு, உச்ச நீதிமன்றத்தில், நாளை விசாரணைக்கு வருகிறது. இந்த மனு தள்ளுபடியாகும் என்பதால், அவரது சிறைத் தண்டனை ரத்தாக வாய்ப்பில்லை.

 

சிகலா, சிறை,தண்டனை,ரத்தாக,வாய்ப்பில்லை!

அவர் நான்காண்டு, 'உள்ளே' இருப்பது உறுதி யாகும் என,சட்ட நிபுணர்கள் கருத்து தெரி வித்து உள்ளனர். அவர் வெளியே வந்தால், கட்சிக்கும், ஆட்சிக்கும் சிக்கல் ஏற்படும் என்ப தால், அ.தி.மு.க.,வினரும் பீதியுடன், தீர்ப்பை எதிர்பார்த்தபடி உள்ளனர்.

சொத்து குவிப்பு வழக்கில்,ஜெ., சசிகலா, இளவரசி, சுதாகரன் ஆகியோருக்கு, நான்கு ஆண்டுகள் சிறைத் தண்டனை விதித்து, பெங்களூரு சிறப்பு நீதிமன்றம் உத்தரவிட்டது. அதை, கர்நாடக உயர் நீதிமன்றம் ரத்து செய்தது. அதை எதிர்த்து, கர்நாடக அரசு, உச்ச நீதிமன்றத்தில் மேல்முறையீடு செய்தது.
 

சிறையில் அடைப்பு:

மேல்முறையீட்டு

மனுவை விசாரித்த நீதிபதிகள், பெங்களூரு சிறப்பு நீதிமன்றம் விதித்த சிறை தண்ட னையை உறுதி செய்து, பிப்., 14ல் உத்தர விட்ட னர். ஜெ., மறைந்து விட்டதால், அவருக்கு எதிரான அப்பீல் வழக்கு கைவிடப்பட்டது.

சிறைத் தண்டனை பெற்ற சசிகலா, இளவரசி, சுதாகரன் ஆகிய மூன்று பேரும், பெங்களூரு, பரப்பன அக்ரஹார சிறையில் அடைக்கப்பட்டு உள்ளனர்.கர்நாடக அரசுசார்பில், ஜெ.,க்கு விதிக்கப்பட்ட அபராதத்தை, அவரது சொத்து களை விற்று வசூலிக்க வேண்டும் என, தாக்கல் செய்யப் பட்ட மனுவை, நீதிமன்றம் தள்ளுபடி செய்தது.

இந்நிலையில்,சிறைத்தண்டனையை எதிர்த்து, சசிகலா சார்பில், சீராய்வு மனு, உச்சநீதிமன்றத் தில் தாக்கல் செய்யப்பட்டது.

அந்த மனுவில், 'ஊழல் தடுப்புச் சட்டத்தின் கீழ், எங்களை தண்டிப்பதற்கு, நாங்கள் ஒன்றும் அரசு ஊழியர் அல்ல. அந்த சட்டமானது, அரசு ஊழியர்களுக்கு மட்டுமே பொருந்தும்; எங்க ளுக்கு பொருந்தாது. 'எனவே, இந்த வழக்கில், எங்களுக்கு விதிக்கப் பட்டுள்ள,

நான்கு ஆண்டுகள் சிறை தண்ட னையை ரத்து செய்து, எங்களை விடுவிக்க வேண்டும்' என, குறிப்பிடப்பட்டு உள்ளது. இம்மனு மீதான விசாரணை, நாளை நடக்கிறது. இந்த மனு விசாரணைக்கு ஏற்கப்படுமா, நிராகரிக்கப் படுமா; விசாரணைக்கு ஏற்றுக் கொண்டாலும்,

 

சசிகலாவிடுவிக்கப்படுவாரா என, கேள்விகள் எழுந்துள்ளன.
 

எதிர்பார்ப்பு:


'மனு நிராகரிக்கப்படவே வாய்ப்பு .அதிகம். விசாரணைக்கு ஏற்றுக் கொண்டாலும், இறுதி யில் தள்ளுபடி செய்யப்படவே வாய்ப்பு அதிகம்' என, சட்ட நிபுணர்கள் கருத்து தெரிவித்து உள்ளனர். இந்த தீர்ப்பை, அ.தி.மு.க., வினர் பீதியுடன் எதிர்பார்த்தபடி உள்ளனர்.

ஏனெனில், சசிகலாவால் முதல்வராக்கப்பட்ட பழனிசாமி, அவரை சந்திக்கச் செல்லவில்லை. அவரால், அ.தி.மு.க., துணை பொதுச் செயல ராக நியமிக்கப்பட்ட, தினகரன் ஒதுக்கிவைக்கப் பட்டு உள்ளார்.இந்த சூழலில், சசிகலா வந் தால், மீண்டும் கட்சிக்குள் குழப்பமும், ஆட்சிக்கு சிக்கலும் ஏற்படும். அவரது சிறைத் தண்டனை உறுதி செய்யப்பட்டால், முதல்வர் பழனிசாமி அணியினர், துணிந்து தனித்து செயல்படத் துவங்குவர்.

எனவே, நாளைய தீர்ப்பை, அவர்கள் ஆவ லோடு எதிர்பார்க்கின்றனர். அவர் விடுதலை யானால், கட்சியும், ஆட்சியும், தங்கள் கட்டுப் பாட்டிற்குள் மீண்டும் வரும் என்ற நம்பிக்கை யில், அவரது விடுதலையை, சசிகலா குடும்பத் தினரும், அவரது ஆதரவு, எம்.எல்.ஏ.,க்களும் எதிர்பார்க்கின்றனர்.சீராய்வு மனு தீர்ப்பை, பன்னீர் அணியினரும் ஆவலோடு எதிர்பார்த்து உள்ளனர். - நமது நிருபர் -

http://www.dinamalar.com/news_detail.asp?id=1804794

Categories: Tamilnadu-news

இந்திய மீனவர்களின் வலையில் சிக்கிய மர்ம படகு : பொலிஸார் தீவிர விசாரணை

Tue, 04/07/2017 - 13:03
இந்திய மீனவர்களின் வலையில் சிக்கிய மர்ம படகு : பொலிஸார் தீவிர விசாரணை 

 

 

நடுக்கடலில் மீன்பிடித்துக் கொண்டிருந்த ராமேஸ்வரத்தைச் சேர்ந்த விசைப்படகின் வலையில் சிக்கிய மர்ம படகு குறித்து இந்தியப் பொலிஸார் தீவிர விசாரணை மேற்கொண்டு வருகின்றனர்.

india-fisher-man-boat.jpg

இராமேஸ்வரம் துறைமுகத்திலிருந்து 300 க்கும் குறைவான படகுகளில் மீனவர்கள் மின்பிடிக்கச் சென்றனர் தங்கச்சிமடத்தை சேர்ந்த ரொனால்ட் என்பவரது படகில் மின்பிடிக்கச் சென்ற முத்துராமலிங்கம், பாதாளம், சீனிவாசன், சேகர் முருகேசன் உள்ளிட்ட ஐந்து பேர் தனுஷ்கோடிக்கும் மன்னாருக்கும் இடையே மீன்பிடித்துக் கொண்டிருந்த போது நள்ளிரவில் மீன்பிடி வலையில் ஏதோ ஒரு மர்மப்பொருள் சிக்கியது கண்டுபிடிக்கப்பட்டது.  இதனையடுத்து மீனவர்கள் வலையை சோதித்த போது அதில் பைபர் கிளாஸ் படகு ஒன்று சிக்கியது தெரியவந்தது. 

19679813_10207686470434507_2023056538_n.

இந்நிலையில் கரை திரும்பிய படகு உரிமையாளர் சம்பவம் குறித்து மெரைன் பொலிஸாருக்கு தகவல் கொடுத்துள்ளார். தகவலையடுத்து சம்பவ இடத்திற்கு விரைந்த பொலிஸார் படகை மீட்டதுடன் மிட்கப்பட்ட படகு சுமார் 15 அடி நீளமும் 5 அடி அகலமும் கொண்டதும் இலங்கையைச் சேர்ந்தது எனவும் தெரியவந்தது.

19727180_10207684774432108_24568273_o.jp

கடலோர காவல்படை பொலிஸார் மீட்கப்பட்ட படகு மீது எவரும்  உரிமைகோராததால் 102 ஆவது வழக்கு பதிவு செய்து தங்களது கட்டுப்பாட்டுக்குள் கொண்டுவந்துள்ளனர்.

 மேலும் அண்மையில் இலங்கையில் ஏற்பட்ட சூறாவளிக்காற்றால் படகு நடுக்கடலில் முழ்கி இருக்கலாம் அல்லது கடத்தலுக்கு பயன்படுத்தப்பட்ட படகு பொலிஸாருக்கு பயந்து கடலில் விடப்பட்டதா என்பது குறித்து மத்திய உளவுத்துறை இந்திய கடலோரகாவல்படையினர்  மாநில உளவுத்துறை,கியூபிரிவு பொலிஸார் உள்ளிட்ட பாதுகாப்பு வட்டாரங்கள் தீவிர விசாரணை மேற்கொண்டு வருகின்றன.

http://www.virakesari.lk/article/21487

Categories: Tamilnadu-news

உண்மையில் எடப்பாடி பழனிச்சாமி 'CM' தானா? | Socio Talk

Tue, 04/07/2017 - 11:48

 

யார் தான் ஆட்சி நடத்துகின்றனர்? இது அரசியலே கிடையாது, ஆட்சியே கிடையாது, கட்சியே இல்லை! இப்போ இருக்கும் மந்திரிகள் யார் பேச்சை கேட்பார்கள்? தொழில் வளர்ச்சி மோசமாக போக காரணம் என்ன? உண்மையில் தமிழ்நாட்டுக்கு முதலமைச்சர் இருக்கிறாரா இல்லையா? மேலும் பல கேள்விகளும் அதற்கான விடைகளும்.

Categories: Tamilnadu-news

தினகரனை வீழ்த்திய செங்கோட்டையன்! - எம்.எல்.ஏக்களை திசைதிருப்பிய பின்னணி #VikatanExclusive

Tue, 04/07/2017 - 07:25
தினகரனை வீழ்த்திய செங்கோட்டையன்! - எம்.எல்.ஏக்களை திசைதிருப்பிய பின்னணி #VikatanExclusive

செங்கோட்டையன்

அ.தி.மு.க அம்மா அணிக்குள் நடக்கும் உள்கட்சி மோதலை முடிவுக்குக் கொண்டு வர இருக்கிறது எடப்பாடி பழனிசாமி அணி. ‘தினகரனின் ஆதிக்கத்தை முழுமையாகக் கட்டுப்படுத்திவிட்டார்கள். சொத்துக் குவிப்பு வழக்கின் மறுசீராய்வு மனுவின் தீர்ப்பும் சசிகலாவுக்குச் சாதகமாக வருமா என்ற சந்தேகமும் எழுந்துள்ளது' என்கின்றனர் அ.தி.மு.க தலைமைக் கழக நிர்வாகிகள். 

குடியரசுத் தலைவர் தேர்தலில் பா.ஜ.க வேட்பாளர் ராம்நாத் கோவிந்துக்கு ஆதரவு தெரிவித்து அ.தி.மு.கவின் இரண்டு அணிகளும் டெல்லி சென்றன. ‘எங்கள் ஆதரவை நீங்கள் ஏற்றுக் கொள்ளுங்கள்' என வலியச் சென்று ஆதரவு கொடுத்தனர். இதில், தன்னுடைய வலிமையைக் காட்ட அ.தி.மு.க எம்எல்ஏ- க்களில் 34 பேரைத் தன் பக்கம் வரச் செய்தார் தினகரன். இதனால் ஆட்சிக்குச் சிக்கல் என்ற தகவல் வெளியானது. இந்தப் பிரச்னையை மிக எளிதாகக் கையாண்டார் முதல்வர் எடப்பாடி பழனிசாமி. இதுகுறித்து நம்மிடம் பேசிய கொங்கு மண்டல அ.தி.மு.க அம்மா அணி நிர்வாகி ஒருவர், “எடப்பாடி பழனிசாமி இந்தளவுக்குத் தைரியமாக வலம் வருவதற்குக் காரணமே செங்கோட்டையனின் செயல்பாடுகள்தான். அவரால்தான், அனைத்து எம்எல்ஏ-க்களையும் வழிக்குக் கொண்டு வர முடிந்தது. கூவத்தூர் ஆப்ரேஷனில் அனைத்து எம்.எல்.ஏ-க்களும் ஆதாயம் அடைந்தாலும், அமைச்சரவைக்குள் ஆதாயம் அடைந்தது செங்கோட்டையனும் ஜெயக்குமாரும்தான். ‘நான்கு பேரை அமைச்சரவையில் சேர்க்க வேண்டும்' என சசிகலா கூறியபோது, ‘இதனால் தேவையற்ற குழப்பங்கள் ஏற்படும். மூத்தவர் என்ற முறையில் செங்கோட்டையன் இருக்கட்டும். ஜெயக்குமாருக்கு நிதித்துறையைக் கொடுப்போம்' என வழிமொழிந்தார் தினகரன்.

தினகரன்இதன்பிறகு தொடர்ந்து தினகரனுடன் வலம் வந்தார் செங்கோட்டையன். திகார் சிறையில் இருந்து தினகரன் திரும்பிய பிறகு, ஒவ்வொரு எம்எல்ஏக்களாக அவரைச் சென்று சந்தித்தனர். இதனால் அதிர்ந்து போன எடப்பாடி பழனிசாமி, எம்எல்ஏ-க்களை வளைக்கும் பொறுப்பை செங்கோட்டையனிடம் ஒப்படைத்தார். அவரும் ஒவ்வொரு எம்எல்ஏ-க்களையும் நேரில் சந்தித்து, ‘அம்மா வளர்த்த கட்சி நல்லா இருக்கனும். நீங்கள் இப்படிச் செய்வதால் யாருக்கு லாபம்? உங்களுக்கு எது வேண்டும் என்றாலும், நேரடியாகக் கேளுங்கள். செய்து கொடுக்கிறோம்' என உருக்கமாக வேண்டுகோள் வைக்க, ‘எங்களுக்கெல்லாம் நீங்கள் மூத்தவர். உங்கள் பேச்சைத் தட்ட மாட்டோம்' என எம்எல்ஏ-க்களும் உறுதியாகக் கூறிவிட்டனர். தினகரனால் அமைச்சர் பதவிக்கு முன்னிறுத்தப்பட்ட செங்கோட்டையனே, இப்படிச் செய்வார் என தினகரன் ஆதரவாளர்கள் எதிர்பார்க்கவில்லை. இதன் பின்னணியில் சில காரணங்கள் இருக்கின்றன" என விவரித்தவர், 

“துணைப் பொதுச் செயலாளராக தினகரன் பதவியேற்ற நாளில் இருந்து, தலைவராக உருவெடுக்கும் வேலைகளில் ஆர்வம் காட்டினார். ஆனால், அவருடன் வலது மற்றும் இடதுமாக இருந்த முன்னாள் அமைச்சர் ஒருவரும், அரசுப் பணியாளராக இருந்த உதவியாளர் ஒருவரும்தான் இந்தளவுக்கு வீழ்ச்சியடையக் காரணம். தலைமைச் செயலகத்தில் உள்ள ஓர் அறையில் அமர்ந்து கொண்டு, ஒவ்வொர் அமைச்சரையும் அழைத்து உத்தரவுகளைப் போட்டார் முன்னாள் அமைச்சர். ‘சார்...இதைச் செய்ய சொன்னார். இந்த வேலையை இவருக்குக் கொடுத்துவிடுங்கள்' என தினம் தினம் அழுத்தம் கொடுக்க, கொங்கு மண்டலத்தின் இரண்டு மணியான அமைச்சர்களும் தினகரனிடம் நேரடியாகச் சண்டை போட்டனர். இதன் தொடர்ச்சியாகத்தான், தமிழ்ப் புத்தாண்டு தினத்தில் கார்டனில் மோதல் வெடிக்கவும் காரணமாக அமைந்தது. ஏற்கெனவே, குடும்ப உறுப்பினர்களின் கோபத்தைத் தினகரன் சம்பாதித்திருந்தார். அவர்களும் கொங்கு மண்டல அமைச்சர்களுடன் கை கோர்த்தனர். 'இரண்டு அணிகளும் இணைவதில் எனக்கு மகிழ்ச்சிதான். கட்சிப் பணியில் இருந்து ஒதுங்கிக் கொள்கிறேன்' என தினகரனைப் பேச வைத்தனர். தற்போது திவாகரனின் கட்டுப்பாட்டில் கொங்கு அமைச்சர்கள் இருப்பதாகவும் பேச்சு அடிபடுகிறது. நேரடியாக, சசிகலா குடும்பத்துக்கு ஆதரவு தெரிவித்தால், டெல்லியில் இருந்து சிக்கல் வரும் என்பதால் அமைதியாக இருக்கின்றனர். இதை உணர்ந்து திரைமறைவில் காய் நகர்த்தி வருகிறார் திவாகரன். இனி தினகரன் தலையெடுப்பது சிரமம்” என்றார் விரிவாக. 

 

“பெங்களூரு சிறையில் மிகுந்த நம்பிக்கையோடு இருக்கிறார் சசிகலா. ‘மறு சீராய்வு மனுவை விசாரணைக்கு எடுத்துக் கொண்டாலே, ஜாமீன் கிடைத்துவிடும்' என தினகரன் தரப்பினர்தான் சட்டரீதியான வேலைகளைச் செய்து வந்தனர். இதைப் பற்றி சசிகலாவிடம் பேசிய திவாகரன் தரப்பினர், ‘பெயில் கிடைக்கும் என்ற நம்பிக்கை இல்லை. வழக்கின் மனுவைத் தாக்கல் செய்ததில் பல்வேறு குளறுபடிகள் உள்ளன. சட்ட நிபுணர்களைத் தவறாக வழிநடத்துகிறார் தினகரன்' என்றெல்லாம் கூறியுள்ளனர். ‘ஆறாம் தேதி உச்ச நீதிமன்றத்தில் நடக்கும் காட்சிகளைப் பொறுத்து, சசிகலா குடும்பத்தில் புயல் வீசலாம்' எனவும் பேசி வருகின்றனர். மறுபுறம், ‘ஆட்சி நீடிப்பதால்தான் கட்சி அதிகாரத்தில் இவ்வளவு குழப்பம் வருகிறது. அமைச்சர்களும் தன்னிச்சையாக ஆட்டம் போடுகின்றனர். ஆட்சி பறிபோய்விட்டால், கட்சி நம்முடைய கட்டுப்பாட்டுக்குள் வந்துவிடும். வழக்குகளில் இருந்து விடுவிக்க வேண்டும் என மத்திய அரசிடம் கோரிக்கை வைத்திருக்கிறோம். இவற்றின் மீது எந்த நடவடிக்கையும் இல்லாவிட்டால், அதற்கான பணிகளில் இறங்கலாம்' எனவும் குடும்ப உறவுகள் ஆலோசித்து வருகின்றனர். மறு சீராய்வு மனுவின் தீர்ப்பைப் பொறுத்தே, அடுத்தகட்ட நடவடிக்கைகளில் தீவிரம் காட்ட இருக்கிறது சசிகலா குடும்பம்" என்கின்றனர் மன்னார்குடி குடும்ப உறவுகள்.

http://www.vikatan.com/news/tamilnadu/94260-mlas-no-more-plan-to-support-dhinakaran-senkottaiyan-behind-this.html

Categories: Tamilnadu-news

சினிமாவைக் காப்பாற்ற ரஜினி ஏன் முன்வரவில்லை? டி.ராஜேந்தர் சுளீர் கேள்வி

Sun, 02/07/2017 - 13:26
சினிமாவைக் காப்பாற்ற ரஜினி ஏன் முன்வரவில்லை? டி.ராஜேந்தர் சுளீர் கேள்வி

 

தமிழ் சினிமாவைக் காப்பாற்ற ரஜினி என் முன்வரவில்லை என்று திரைப்பட நடிகரும், லட்சிய திராவிட முன்னேற்ற கழகத்தின் தலைவருமான டி. ராஜேந்தர் கேள்வி எழுப்பியிருக்கிறார். 

news_image_political_1_7_17.jpg

இது தொடர்பாக சென்னையில் நேற்று செய்தியாளர்களை சந்தித்து தெரிவித்ததாவது...

ஜி.எஸ்.டி இந்த சரக்கு - சேவை வரி விதிப்பு என்பது, இந்தியாவின் கனவென்று, இந்த மத்திய அரசு கூறிவிடும். ஆனால் என்னை கேட்டால், எல்லா துறைகளிலும் விலைவாசி ஏறிவிடும். நடுத்தர ஏழை மக்களின் வாழ்வு நாறி விடும். இதிலே நாட்டின் முன்னேற்றம் எங்கே மாறிவிடும்?

இந்த அரசு வந்ததிலிருந்தே எந்த திட்டத்தால் நாட்டிற்கு வந்திருக்கிறது. வளர்ச்சி? வரி.. வரி.. என்று மக்களுக்கு கொடுத்துக் கொண்டிருக்கிறார்கள். அதிர்ச்சி. இந்த பிரதமர் மோடி அரசு அமைந்ததிலிருந்தே மக்களுக்கு இல்லை மகிழ்ச்சி. இதிலே சரக்கு - சேவை வரி விதிப்புக்கு நடத்துக்கிறார்கள் பிரம்மாண்டமான நிகழ்ச்சி.

மத்திய அரசே - தமிழ், தெலுங்கு, மலையாளம், கன்னடம் எனும் பிராந்திய மொழி படங்களை ஒடுக்க நினைக்காதே - மாநில அரசுகளின் உரிமைகளை மீறி, உள்ளே நுழைய துடிக்காதே! மத்திய அரசே தென்னகத்தை நசுக்காதே! திரை உலகத்தை பொசுக்காதே!

ரஜினியும் மோடியும் நெருக்கம் என்று சொல்கிறார்கள். ஆனால் சினிமா கட்டணம் உயர்வு பற்றி ரஜினி இதுவரை வாய் திறக்கவில்லை. கமல்ஹாசன் ஏற்கனவே தனது எதிர்ப்பை தெரிவித்துவிட்டார். ரஜினி ஏன் எதுவும் பேசவில்லை? தமிழ் சினிமா எனது தாய் என்கிறார். ஆனால் இந்த சினிமாவை காப்பாற்ற ரஜினி எதுவும் செய்யவில்லை. எதிர்த்து குரல்கூட கொடுக்கவில்லை. பிரதமருடன் நெருக்கம் இருந்தும் சினிமாவை காப்பாற்ற ஏன்முன் வரவில்லை? சினிமாவை கூட காப்பாற்ற முடியாத ரஜினி அரசியலுக்கு வந்தால் எப்படி தமிழ்நாட்டை காப்பாற்றுவார்? அவர் அரசியலுக்கு வருவது பற்றி இதுவரை தெளிவாக பேசவில்லை. வந்தால் என்ன செய்யப் போகிறார்? சினிமாவுக்காக ரஜினி குரல் கொடுக்காதது கண்டிக்கத்தக்கது. ’ என்றார் டி ராஜேந்தர்.

http://www.virakesari.lk/

Categories: Tamilnadu-news

58% ஜிஎஸ்டி.. நாளை முதல் எல்லா திரையரங்களும் வேலை நிறுத்தம்.

Sun, 02/07/2017 - 10:42

திரையரங்கை எப்படி நடத்துவது?

58% ஜிஎஸ்டி.. நாளை முதல் எல்லா திரையரங்களும் வேலை நிறுத்தம். தீர்வை எட்டுமா?

தமிழகம் முழுவதும் நாளை முதல் அனைத்து திரையரங்குகளும் மூடப்படும். 58 சதவீத ஜிஎஸ்டியை எதிர்த்து திரையரங்க உரிமையாளர்கள் இந்த முடிவை எடுத்துள்ளனர்.

இந்தியா முழுவதும் நேற்று முதல் ஜிஎஸ்டி எனப்படும் சரக்கு மற்றும் சேவை வரி அமல்படுத்தப்பட்டுள்ளது. இதனால் கடுமையான விலை உயர்வு ஏற்பட்டுள்ளது என பல்வேறு தரப்பினரும் கண்டனம் தெரிவித்து வருகின்றனர்.

இந்நிலையில், 58 சதவீதி ஜிஎஸ்டியை எதிர்த்து நாளை முதல் தமிழகத்தில் உள்ள அனைத்து திரையரங்குகளும் மூடப்படும் என்று திரையரங்க உரிமையாளர்கள் அறிவித்தனர். அது திட்டமிட்டப்படி நாளை தொடங்கும் என்று அறிவிக்கப்பட்டுள்ளது.

இதுகுறித்து தமிழ்நாடு திரையரங்கு உரிமையாளர்கள் சம்மேளன தலைவர் அபிராமி ராமநாதன் செய்தியாளர்களிடம் கூறியதாவது: நாங்கள் ஜிஎஸ்டியை எதிர்க்கவில்லை. கேளிக்கை வரியைத்தான் எதிர்க்கிறோம்.

இதனை எதிர்த்து நாளை முதல் வேலைநிறுத்தத்தில் இறங்குகிறோம். சினிமா துறை ஜிஎஸ்டி வரி 28 சதவீதம் போடப்பட்டுள்ளது. கேளிக்கை வரி என 30 சதவீதம் வசூலிக்கப்படுகிறது.

58 சதவீத வரி என்றால் நாங்கள் எப்படி திரையரங்கை நடத்த முடியும்? எங்களுக்கு வரும் 100 ரூபாய் வருமானத்தில் 58 ரூபாயை அரசுக்கே செலுத்த வேண்டியுள்ளது. எனவே, நாளை தமிழகம் முழுவதும் சுமார் 1000 திரையரங்கள் மூடப்படும்.

கோரிக்கை நிறைவேறும் வரை படக்காட்சிகளும் ரத்து செய்யப்பட்டுள்ளன. ரூ.50ல் இருந்து ரூ.200 வரை சினிமா கட்டணத்தை நிர்ணயிக்க வேண்டும். பிற மாநிலங்கள் போன்று ஒரே வரி விதிப்பை அமல்படுத்த வேண்டும் என்று ராமநாதன் கூறியுள்ளார்.

நன்றி தற்ஸ் தமிழ்.

Categories: Tamilnadu-news

ஆகஸ்ட்-15 - “கொடியேற்ற விடுவேனா?” - சவால் தினகரன்

Sun, 02/07/2017 - 09:13
மிஸ்டர் கழுகு: ஆகஸ்ட்-15 - “கொடியேற்ற விடுவேனா?” - சவால் தினகரன்
 
 

 

‘‘ஆகஸ்ட் 15, சுதந்திர தினத்தில் கோட்டையில் முதல்வர் எடப்பாடி பழனிசாமி தேசியக் கொடியை ஏற்றுவாரா?’’ என்றபடியே வந்து அமர்ந்தார் கழுகார். எடப்பாடி - தினகரன் மோதல் செய்தியைத்தான் கழுகார் சொல்ல வருகிறார் எனப் புரிந்து கொண்டு கழுகாரைப் பார்த்தோம்.

p2c.jpg

‘‘எடப்பாடி அணியும் டி.டி.வி.தினகரன் அணியும் வெளிப்படையாக மோதி வருகிறார்கள். டி.டி.வி.தினகரன் ஆதரவாளர்கள் என்ன பேசினாலும் அதற்கு அமைதி காத்து வந்தார் எடப்பாடி. ஆனால், நடவடிக்கைகளில் தினகரனுக்கு மௌனமாக ‘செக்’ வைத்துக் கொண்டே இருந்தவர், இப்போது அந்தக் கட்டத்தைத் தாண்டிவிட்டார். எடப்பாடி அணியைச் சேர்ந்த கோ.அரி எம்.பி, ‘குற்றவாளியான சசிகலாவுக்குக் கட்சியை வழிநடத்த அதிகாரம் இல்லை. சசிகலாவும் அவரது குடும்பத்தினரும் கட்சியை விட்டு நிரந்தரமாக விலக வேண்டும்’ எனப் பேட்டி கொடுத்தது எதிர்பாராத திருப்பம்.

கோ.அரியைப் பேச வைத்ததன் மூலம் தினகரனோடு  மோத எடப்பாடி  தயாராகிவிட்டார். இது தினகரன் தரப்பை அதிர்ச்சி அடைய வைத்தது. கோ.அரியின் பேட்டிக்குத் தினகரன் ஆதரவு எம்.எல்.ஏ வெற்றிவேல் ரியாக்‌ஷன் காட்டினார்’’

‘‘எடப்பாடியிடம் இருந்து ரியாக்‌ஷன் வரவில்லையே?’’

p2e.jpg

‘‘கோ.அரி பேட்டிக்கு எடப்பாடி தரப்பில் இருந்து எந்தக் கண்டனமும் வரவில்லை என்பதுதான் தினகரன் தரப்பைக் கொதிக்க வைத்திருக்கிறது. கோ.அரியை அழைத்து தனிப்பட்ட முறையிலும் எடப்பாடி கண்டிக்கவில்லை என்ற தகவலையும் தினகரன் ஆதரவாளர்கள் உறுதிப்படுத்தியிருக்கிறார்கள். இதனால் தினகரன் காய்களை நகர்த்த ஆரம்பித்திருக்கிறார். கோ.அரி பேட்டிக்கு உடனடியாக, வெற்றிவேல் எம்.எல்.ஏ-வை வைத்துப் பதிலடி கொடுக்க வைத்தார் தினகரன். ‘சசிகலாவும் தினகரனும் இல்லையென்றால் கட்சி நடு ரோட்டுக்கு வந்திருக்கும். நன்றி மறந்து பேசக்கூடாது. எங்கள் பொறுமைக்கும் எல்லை உண்டு. சசிகலா குடும்பத்தை வெளியே போகச்சொல்ல இவர்கள் யார்? கட்சிக்கு பொதுச்செயலாளர் யார், துணைப் பொதுச்செயலாளர் யார் என்பதை எடப்பாடி விளக்க வேண்டும். அப்போதுதான் கட்சியும் ஆட்சியும் குழப்பம் இல்லாமல் செல்லும்’ எனக் காட்டமாகக் கேட்டார் வெற்றிவேல். அது வெற்றிவேலின் குரலாக இருந்தது என்பதைவிட, எடப்பாடி அரசுக்கு எச்சரிக்கை விடுக்கும் தினகரனின் குரலாகவே ஒலித்தது.’’

p2d.jpg

‘‘ஓஹோ’’

‘‘ஆட்சிக்கு எடப்பாடி... கட்சிக்குத் தினகரன் என்பதுதான் தினகரன் ஆதரவாளர்களின் கோஷம். அதையே வெற்றிவேலும் பேட்டியில் வலியுறுத்தினார். இதை வெளிப்படையாக அறிவிக்கும் வகையில் கட்சி மற்றும் ஆட்சி நடவடிக்கைகளை அமைக்க வேண்டும் என்று தினகரன் விரும்புகிறார். ‘எட்டு அமைச்சர்களின் இலாகாக்களை மாற்ற வேண்டும்; புதியவர்கள் சிலருக்கு அமைச்சரவையில் வாய்ப்புத் தர வேண்டும்’ என்ற கோரிக்கையில் தினகரன் உறுதியாக இருக்கிறார். கோ.அரி பேட்டிக்குப் பிறகு தினகரன் மீடியாவிடம் பேசியபோது ‘இரண்டு மாதங்கள் அமைதியாக இரு எனப் பொதுச்செயலாளர் சசிகலா சொல்லியிருக்கிறார். அதன்படி நான் செயல்பட்டு வருகிறேன். அந்த இரண்டு மாத காலக்கெடு ஆகஸ்ட் 5-ம் தேதி முடிகிறது. அதன்பிறகு என் செயல்பாடுகள் தீவிரமாக இருக்கும்’ எனச் சொல்லியிருக்கிறார். இந்தக் கெடு நாளை வைத்துதான் தினகரன் ஏதோ ஒரு திட்டத்தோடு இருக்கிறார்கள் எனப் பேச்சுகள் கிளம்பியிருக்கின்றன’’

‘‘சுதந்திர தினத்தில் எடப்பாடி பழனிசாமி தேசியக் கொடியை ஏற்றுவாரா? என முன்னோட்டம் கொடுத்தீரே. அதற்கு விளக்கம் ப்ளீஸ்...’’

p2a.jpg

‘‘அவசரப்படாதீர். அதைத்தான் சொல்ல வந்தேன். இரண்டு மாதம். அதாவது 60 நாள்கள் என்பதைத் தினகரன் அடிக்கடி நினைவுபடுத்திக் கொண்டே இருக்கிறார். அரசியலில் அமைதியாக இருக்க வேண்டும் என்கிற அந்த 60 நாட்களை எடப்பாடிக்கு விடப்பட்ட கெடுவாகத்தான் பலரும் பார்க்கிறார்கள். அதற்குள் தெளிவான முடிவை எடப்பாடியே அறிவித்துவிட வேண்டும் எனத் தினகரன் எதிர்பார்க்கிறார். ‘கட்சியா... ஆட்சியா?’ என்றால் கட்சிதான் முக்கியம் எனத் தினகரன் நினைக்கிறார். ‘எடப்பாடி பழனிசாமியின் மவுனம் கலைய வேண்டும். இல்லையென்றால் ஆகஸ்ட் 15-ம் தேதி கோட்டை கொத்தளத்தில் அவர் கொடியேற்றுவதைப் பார்த்துவிடலாம். ஆட்சி அதிகாரம் இருப்பதால்தானே எடப்பாடி அணியினர் ஆட்டம் போடுகிறார்கள்’ எனக் கொந்தளிக்கிறார் தினகரன்’’ 

‘‘எடப்பாடி எப்படி சமாளிக்கப் போகிறார்?’’

‘‘தினகரனின் திட்டங்களைத் தெரிந்துகொண்ட எடப்பாடி, அவசரமாக திவாகரனுக்கு ஓலை அனுப்பினார். ஆட்சிக்கும் கட்சிக்கும் இப்போது அவர்தான் இணைப்புப் பாலமாக இருக்கிறார். ஜூலை 3-ம் தேதி பெங்களூரு சென்று சசிகலாவைச் சந்திக்க திவாகரன் திட்டமிட்டு இருக்கிறார்.அதன்பிறகு சசிகலாவைத்  தினகரனும் சந்திக்கிறார். இந்தச் சந்திப்பின் போது திவாகரன் சில சமரச திட்டங்களைச் சசிகலாவிடம் சொல்ல இருக்கிறார். தினகரன் தரப்பில், எடப்பாடி அணி போடும் ஆட்டங்களைப் பட்டியலிட இருக்கிறார்கள். பெங்களூருவில் நடக்கும் சந்திப்பில் சசிகலாவை யார் சமரசப்படுத்துகிறார்களோ அவர்களது தரப்பின் கை ஓங்கும். தினகரனுக்கும் திவாகரனுக்கு இடையே இருந்து வந்த பனிப்போர் முடிவுக்கு வந்த நிலையில் இந்தச் சமரசம் பலன் அளிக்குமா என்பது பிறகுதான் தெரியும்.’’

p2.jpg

‘‘பால் கலப்படம் விவகாரத்தில் அமைச்சர் ராஜேந்திர பாலாஜி இப்போது பின்வாங்குவது போலப் பேசுகிறாரே?’’

‘‘ராஜேந்திர பாலாஜியின் அதிரடி, சுகாதாரத் துறைக்குப் பெரும் தலைவலியை ஏற்படுத்தி உள்ளது. உணவுப் பாதுகாப்புச் சட்டத்தின்படி பால் கலப்படம் குறித்து நடவடிக்கை எடுக்க வேண்டிய துறை, சுகாதாரத் துறைதான். ‘நடவடிக்கை எடுக்கிறோம். ஆதாரங்கள் கொடுங்கள்’ எனச் சுகாதாரத் துறை சார்பில் கேட்டபோதும், ‘என்கிட்ட ஆதாரம் இல்லை’ எனப் பொத்தாம்பொதுவாக ராஜேந்திர பாலாஜி பதில் சொன்னாராம்.அண்மையில், உணவுக் கலப்படம் குறித்து சென்னை டி.எம்.எஸ் வளாகத்தில் நடந்த கூட்டத்தில் ராஜேந்திர பாலாஜியின் அதிரடிகள் பற்றி சுகாதாரத் துறை அதிகாரிகள் நொந்து போய் பேசினார்களாம்’’ என்ற கழுகார், சட்டசபை மேட்டருக்குத் தாவினார்.

‘‘சட்டமன்றக் கூட்டத்தொடர், அறிவித்தபடி 19-ம் தேதிவரை நடக்குமா எனச் சந்தேகம் கிளம்பியிருக் கிறது. ஜூலை மாதம் 19 -ம் தேதி வரை சட்டசபையை நடத்த திட்டமிட்டிருந்தார்கள். ஆனால் இன்னும் சில நாட்களில் முடித்துக் கொள்ளுமாறு கவர்னர் மாளிகையில் இருந்து கட்டளை வந்ததாம். ‘ஜனாதிபதி தேர்தல் நெருங்கிவரும் வேளையில் கூட்டத்தொடரைத் தொடர்ந்து நடத்தி தேவையில்லாமல் அரசியல் பிரச்னைகளை ஏற்படுத்திவிட வேண்டாம்’ என மேலிடம் கேட்டுக் கொண்டதாம். மத்திய அரசுக்குப் போட்டி போட்டு ஆதரவு அளித்துவரும் எடப்பாடி பழனிசாமியே நொந்துபோய் ‘தமிழகத்தில் நடப்பது கவர்னர் ஆட்சி தானோ’ எனப் புலம்புகிறாராம்.

‘‘ம்’’

‘‘பான் பராக், குட்கா விவகாரத்தில் சிக்கிய டி.கே.ராஜேந்திரனுக்கும், ஜார்ஜுக்கும் சட்டம் ஒழுங்கு டி.ஜி.பி பதவி கிடைக்கும் என்ற பேச்சு இருந்த நிலையில், பொறுப்பு டி.ஜி.பி-யாக இருந்த ராஜேந்திரனுக்குச் சட்டம் ஒழுங்கு டி.ஜி.பி-யாக இரண்டு ஆண்டுகள் பணி நீட்டிப்பு வழங்கப்பட்டிருப்பதாக தகவல் வெளியாகி  இருக்கிறது. அவர் ஓய்வு பெறுவதற்கு முன்பு, அவரை டி.ஜி.பி பதவிக்குக் கொண்டு வந்துவிட்டால், அதன்பிறகு இரண்டு ஆண்டுகளுக்கு அவர்தான் நீடிப்பார். உச்ச நீதிமன்றத்தின் தீர்ப்பு அதற்கேற்ப இருக்கிறது. பான் குட்கா தயாரிப்பாளர்களிடம் லஞ்சம் வாங்கியதாகப் புகார் எழுந்திருக்கும் ராஜேந்திரனுக்குப் பதவி நீட்டிப்புத் தரப்பட்டிருப்பது மேலும் புகைச்சலை ஏற்படுத்தியிருக்கிறது. ராஜேந்திரன், ஜார்ஜ் பெயர்களைச் சட்டசபை வளாகத்தில் மீடியாவிடம் சொல்லி, அவர்கள் மீது நடவடிக்கை எடுக்க வேண்டும் என ஸ்டாலின் சொல்லியிருந்தார். இந்த நிலையில்தான் ராஜேந்திரனுக்குப் பதவி தரப்பட்டுள்ளது. டி.கே.ராஜேந்திரனுக்கு இரண்டாண்டுகளுக்கு பதவி நீட்டிப்பு வழங்கியதால் சீனியாரிட்டியுடன் காத்திருக்கும் ஜார்ஜ், அர்ச்சனா ராமசுந்தரம் உள்ளிட்ட சில ஐ.பி.எஸ்-கள் இதன்பின் சட்டம் ஒழுங்கு டி.ஜி.பி ஆக முடியாது’’ என்றபடியே பறந்தார் கழுகார்.

p2b.jpg

கோட்டையில் மூக்கை நுழைக்கும் மிலிட்டரி!

மிழக அரசின் ஸ்திரமற்ற சூழலைப் பயன்படுத்தி மத்திய அரசு எல்லை மீறிவருவதாகப் புலம்பல்கள் கேட்டு வந்த நிலையில், தலைமைச் செயலக ஊழியர்கள் வட்டாரத்திலும் இப்போது எதிரொலிக்க ஆரம்பித்திருக்கின்றன. தமிழக அரசுக்கும்  தலைமைச் செயலக ஊழியர்களுக்கும் புதுப்பிரச்னை கிளம்பியுள்ளது. தலைமைச்செயலகத்துக்கு நுழைய கடற்கரை சாலை மற்றும் கோட்டை ரயில் நிலையம் என இரண்டு வழிகள் இருக்கின்றன. கோட்டை ரயில் நிலைய வாயில் வழியாக கார், ஆட்டோ போன்ற வாகனங்களுக்கு ஒரு மாதங்களுக்கு முன்பு தடை விதித்தது கோட்டையின் ராணுவ அலுவலகம். இந்நிலையில் இருசக்கர வாகனங்களுக்கும் தடைப் போட்டுவிட்டார்கள். இதனால் அந்த வழியைப் பயன்படுத்திவந்த ஆயிரக்கணக்கான அரசு ஊழியர்கள் திண்டாட்டத்துக்கு ஆளாகியுள்ளனர். ராணுவக் கட்டுப்பாட்டில் தலைமைச் செயலகம் இருப்பதால், உள்ளே இருசக்கர வாகனங்கள் விட ஏக கெடுபிடிகளை விதித்து தங்கள் அதிகாரத்தை நிலைநாட்டுவதுபோல் நடந்துகொள்கிறார்களாம். தலைமைச்செயலக ஊழியர்கள் சங்கம் உள்துறைக்கு இதுபற்றி மனு அளித்திருக்கிறது.

http://www.vikatan.com/juniorvikatan/

Categories: Tamilnadu-news

அ.தி.மு.க., ஆட்டத்தில் அடுத்த மாதம் உச்சகட்டம்! ஜெயிக்க போவது யார்; தினகரனா... பழனிசாமியா?

Sat, 01/07/2017 - 20:36
அ.தி.மு.க., ஆட்டத்தில் அடுத்த மாதம்
உச்சகட்டம்! ஜெயிக்க போவது யார்;
தினகரனா... பழனிசாமியா?
 
 
 

தினகரன் ஆதரவு எம்.எல்.ஏ.,க்களை, தங்கள் பக்கம் இழுக்கும் பணியில், முதல்வர் மற்றும் அவரது ஆதரவு அமைச்சர்கள் ஈடுபட்டுள்ளனர்.

 

அ.தி.மு.க., ஆட்டத்தில்,அடுத்த,மாதம்,உச்சகட்டம்!,ஜெயிக்க போவது யார், தினகரனா,பழனிசாமியா?

அ.தி.மு.க.,வில், தற்போது உச்சகட்ட குழப்பம் நிலவுகிறது. ஜெ., மறைவுக்கு பின், சசிகலா அணி, பன்னீர் அணி என, அ.தி.மு.க., இரண்டாக உடைந்தது. தற்போது, சசிகலா அணியில், முதல்வர் பழனிசாமி அணி, தினகரன் அணி என, பிளவு ஏற்பட்டுள்ளது.
 

அதிர்ச்சி


முதல்வர் பழனிசாமி மற்றும் அவரது ஆதரவு அமைச்சர்கள், சசிகலா மற்றும் அவரது குடும்பத்தினரை ஒதுக்கிவிட்டு, கட்சியையும், ஆட்சியையும் வழிநடத்த, முடிவு செய்து

உள்ளனர். இது, தினகரனிடம் அதிர்ச்சியை ஏற்படுத் தியது.அவர் கட்சியும், ஆட்சியும், தன் கட்டுப்பாட் டில் இருக்க வேண்டும் என, எண்ணு கிறார். அவருக்கு, 34 எம்.எல்.ஏ.,க்கள் ஆதரவு தெரிவித்த னர். அவர்களைக் கொண்டு, முதல்வர் பழனி சாமியை மிரட்டி பார்த்தார். ஆனால், அவர் அசைந்து கொடுக்கவில்லை.

யாராக இருந்தாலும், ஆட்சியை கவிழ்க்க மாட்டார் கள் என்ற நம்பிக்கை உள்ளதால், முதல்வர் தனித்து செயல்பட முடிவு செய்து விட்டார். இப்தார் நோன்பு திறப்பு நிகழ்ச்சி, எம்.ஜி.ஆர்., நுாற்றாண்டு துவக்க விழா ஆகியவற்றுக்கு, தினகரனை அழைக்க வேண்டும் என, அவரது ஆதரவு எம்.எல்.ஏ.,க்கள் வலியுறுத்தினர்; அதை, முதல்வர் ஏற்றுக் கொள்ளவில்லை.
 

எதிர்பார்ப்பு


இரண்டு நிகழ்ச்சிக்கும், தினகரன் அழைக்கப்பட வில்லை.தினகரனுக்கு ஆதரவாக பேசிய எம்.எல். ஏ.,க்களுக்கு, முதல்வர் அணியை சேர்ந்த, எம்.பி.,க் கள் மற்றும் எம்.எல்.ஏ.,க்கள் பதிலடி கொடுத்து வருகின்றனர். முதல்வரிடம் ஆட்சி அதிகாரம் உள்ளதால், எம்.எல்.ஏ.,க்கள், அவர் பக்கம் சாய்ந்து வருகின்றனர். தினகரனை சந்தித்த, எம்.எல்.ஏ.,க் க ளையும்,தங்கள் பக்கம் இழுக்கும் பணியில்,

 

முதல்வர்மற்றும் அமைச்சர்கள் ஈடுபட்டு உள்ளனர்.இதை தவிர்க்க, ஆக., 5 முதல், தமிழகம் முழுவதும் சுற்றுப் பயணம் செல்ல, தினகரன் முடிவு செய்து உள்ளார்.

அதைப் பற்றி கவலைப்படாமல், கட்சியை கைப்பற்றும் பணியில், முதல்வர் அணி மும் முரமாக இறங்கி உள்ளது.சட்டசபைகூட்ட தொடர் முடிந்த பின், இரு பிரிவினருக்கும் இடையிலான மோதல், உச்ச கட்டத்தை எட்டும் என,எதிர்பார்க்கப்படுகிறது. இந்த ஆட்டம், யாருக்கு சாதகமாக முடியும் என்ற எதிர்பார்ப்புடன், அ.தி.மு.க.,வினர், அமைதி யாக வேடிக்கை பார்க்கின்றனர்.
- நமது நிருபர் -

http://www.dinamalar.com/news_detail.asp?id=1802562

Categories: Tamilnadu-news

தி.மு.க., பவள விழாவில் அ.தி.மு.க., மும்மூர்த்திகள்!

Sat, 01/07/2017 - 20:34
தி.மு.க., பவள விழாவில்
அ.தி.மு.க., மும்மூர்த்திகள்!
 
 
 

தி.மு.க., செயல் தலைவர் ஸ்டாலினை, அ.தி.மு.க., கூட்டணி, எம்.எல்.ஏ.,க்களான கருணாஸ், தனியரசு, தமிமுன் அன்சாரி ஆகிய மும்மூர்த்திகளும், மூன்று முறை சந்தித்து பேசியுள்ளனர்.

 

தி.மு.க., பவள,விழா, அ.தி.மு.க., மும்மூர்த்திகள்!

இந்த மும்மூர்த்திகளும், ஆகஸ்ட்டில் நடக்க உள்ள, 'முரசொலி' நாளிதழ் பவள விழாவில் பங்கேற்று, தி.மு.க., ஆதரவாளர்களாக அணி மாறுவரா என்ற கேள்வி எழுந்துள்ளது.
 

வெற்றி


கடந்த, 2016ல் நடந்த, சட்டசபை தேர்தலில், அ.தி.மு.க., கூட்டணியில், கருணாஸ் தலைமை யிலான முக்குலத்தோர் புலிப்படை கட்சியும், தனியரசு தலைமையிலான கொங்கு இளைஞர் பேரவை கட்சியும், தமிமுன் அன்சாரி தலைமையிலான மனிதநேய ஜன நாயக கட்சியும் வெற்றி பெற்றன.

சட்டசபை யில், முதல்வர்பழனிசாமி அரசு நம்பிக்கை தீர்மானம் கொண்டு வந்தபோது, மூன்று எம்.எல்.ஏ.,க்களும் ஆதரித்தனர்.

கூவத்துாரில், எம்.எல்.ஏ.,க் களுக்கு பேரம் பேசிய விவகாரம் தொடர்பாக, பன்னீர் அணி எம்.எல்.ஏ., சரவணனின் வீடியோ வெளியானதும், மூவரும் கடும் எதிர்ப்பு தெரிவித்தனர்.

மாட்டிறைச்சி விவகாரத்திலும், மூவரும் ஒரே நிலைப்பாட்டை எடுத்து, சட்டசபையில் வெளிநடப்பு செய்தனர். ஜனாதிபதி தேர்தலில், முதல்வர் பழனிசாமி அணி,தினகரன் அணியினர், பா.ஜ., வேட்பாளர் ராம்நாத் கோவிந்தை ஆதரிப்பதாக அறிவித்தனர்.

ஆனால், தமிமுன் அன்சாரி, காங்கிரஸ் வேட்பாளர் மீரா குமாரை ஆதரிப்பதாக அறிவித்து, தி.மு.க., கூட்டணிக்கு அச்சாரம் போட்டுள்ளார்.மேலும், ராஜிவ் கொலை வழக்கில் தண்டனை பெற்ற பேரறிவாளன் உள்ளிட்ட, ஏழு பேரை விடுதலை செய்யக் கோரி, ஒத்திவைப்பு தீர்மானத்தை, சட்ட சபையில் கொண்டு வருவது குறித்து, ஸ்டாலினை, மூன்று எம்.எல்.ஏ.,க்களும், இரண்டு முறை நேரில் சந்தித்து பேசினர்.
 

அழைப்பிதழ்


இந்நிலையில், மூன்றாவது முறையாக, சட்டசபை யில் உள்ள எதிர்க்கட்சித் தலைவர் அலுவலகத்தில் ஸ்டாலினை, கருணாஸ், தனியரசு, தமிமுன் அன்சாரி ஆகியோர் சந்தித்துபேசினர். அப்போது, ஆகஸ்ட்டில் நடைபெற உள்ள, 'முரசொலி' நாளிதழ் பவள விழாவில், மூன்று எம்.எல்.ஏ.,க்களும் பங்கேற்க வேண்டும் என, ஸ்டாலின் அழைப்பிதழ் வழங்கி உள்ளார்.

இந்த விழாவில், 3 எம்.எல்.ஏ.,க்களும் பங்கேற்று,

 

தி.மு.க., அணியில் இணைவரா என்ற கேள்வி எழுந்துள்ளது.இது குறித்து, தி.மு.க., வட்டாரம் கூறியதாவது:சட்டசபை நடந்த ஒரு வாரத்திற்குள், மூன்று, எம்.எல். ஏ.,க் களும், மூன்று முறை ஸ்டாலினை சந்தித்து பேசியுள்ளனர். இவர்களின் சந்திப்பு, அரசியல் முக்கியத்துவம் வாய்ந்ததாக கருதப்படுகிறது.

தென் மாவட்டங்களில், முக்குலத்தோர் ஓட்டு களை கவர கருணாஸ், மேற்கு மாவட்டங் களில் கவுண்டர் சமுதாய ஓட்டுகளை கவர தனியரசு, சிறுபான்மையினர் ஓட்டுகளை பெற தமிமுன் அன்சாரி ஆகியோரை சேர்க்க வாய்ப்புள்ளது.மேலும், அவர்களுக்கு, தேர்த லில் போட்டியிட வாய்ப்பு வழங்கி, பிரசாரத் திற்கு பயன்படுத்தவும், ஸ்டாலின் திட்டமிட்டு உள்ளார். எனவே, அவர்கள் மூவரும், சட்ட
சபையில், தி.மு.க., புகழ் பாடும் வாய்ப்பும் உள்ளது.இவ்வாறு கட்சி வட்டாரம் கூறியது.

- நமது நிருபர் -

http://www.dinamalar.com/news_detail.asp?id=1802576

Categories: Tamilnadu-news

ஆயிரம் ஓல்ட் மின்சாரமும் அண்ணாசாலையில் நடந்த பதவியேற்பும்... எம்.ஜி.ஆர் எனும் ஓட்டு வேட்டைக்காரன்!

Sat, 01/07/2017 - 06:11
ஆயிரம் ஓல்ட் மின்சாரமும் அண்ணாசாலையில் நடந்த பதவியேற்பும்... எம்.ஜி.ஆர் எனும் ஓட்டு வேட்டைக்காரன்! 
 
 

எம் ஜி ஆர்

மிழக முதலமைச்சராக எம்.ஜி.ஆர் பொறுப்பேற்ற நாள் இன்று. தமிழக அரசியல் வரலாற்றில் ஜூன் 30-ம் தேதி மறக்கவியலாத தினம். 1977-ம் ஆண்டு இதே தினத்தில்தான் எம்.ஜி.ஆர் தமிழகத்தின் முதல்வராக முதன்முறை பொறுப்பேற்றார். 

சுதந்திரம் பெற்றுத்தந்த கட்சி என்ற பாரம்பர்யத்தோடு இந்தியா முழுக்க மக்களிடையே பெரும் வரவேற்போடு தன் ஆளுகையைப் பரப்பியிருந்த காங்கிரஸ் கட்சியை வீழ்த்தி 1967-ம் ஆண்டு தமிழகத்தில் ஆட்சியைப்பிடித்தவர் அண்ணாதுரை. காங்கிரஸ் கட்சி என்ற ஆலமரத்தை ஒரே ஒரு மாநிலத்தில் விரவியிருந்த திராவிடக்கட்சி ஒன்று வீழ்த்திக்கிடத்தியது இந்திய வரலாற்றில் பெரும் சாதனை. திராவிட சிந்தனை கொண்டவர்களை ஒரு குடையின் கீழ் ஒருங்கிணைத்து அதை ஒரு பலம் கொண்ட ஓர் அமைப்பாக கட்டியமைத்து ஆட்சி அதிகாரத்தைக் கைப்பற்றியது அண்ணாவின் தனிப்பெரும் சாதனை. பெரியார் தேர்தல் அரசியலை விரும்பாதவர் என்பதால் பெரியாருடன் அண்ணாவின் சாதனையை ஒப்பிடமுடியாது. ஆனால், அண்ணா ஆட்சிக்கு வந்த அடுத்த பத்தாண்டுகளில் அண்ணாவின் அந்தச் சாதனையையே முறியடிக்கும் ஒரு விஷயம் அரங்கேறியது. அது ஒரு மக்கள் அபிமானம் மிக்க நடிகர் நாடாளும் வாய்ப்பைப் பெற்றது. அந்தச் சாதனை மனிதர் எம்.ஜி.ஆர்! 

அண்ணாவின் உழைப்பு, ஓர் இயக்கமாக திராவிடச் சிந்தனையை அவர் கட்டியமைத்தது, நிர்வாக ரீதியில் அமைத்திருந்த கட்சியின் அஸ்திவாரம், அவரைப்போன்றே திராவிடச் சிந்தனையில் ஊறிப் போராட்டக் களத்தில் முன்நின்ற பலமிக்க அவரது தம்பிகள் இவற்றில் எந்த ஒன்றையும் வெற்றிகரமாகப் பெற்றிராத எம்.ஜி.ஆர் என்ற மருதுார் கோபாலமேனோன் ராமச்சந்திரன் அண்ணா பெற்ற வெற்றியை அடைந்தது எப்படி...3 வரிகளில் உள்ளது இதன் ரகசியம்...மக்களைச் சந்தி, மக்களோடு இரு, மக்கள் பிரச்னையை பேசு என அண்ணா சொன்ன மந்திரம்தான் அது...

எம் ஜி ஆர்

தமிழர் உணர்வும் தமிழ்மொழிப்பற்றும் ஊறிய ஒரு மாநிலத்தில் ஒரு நடிகர் அதுவும் இந்த மாநிலத்தைச் சாராதவர் என அறியப்பட்ட ஒரு வெற்றிகரமாக 11 ஆண்டுகள் இந்த மாநிலத்தை ஆண்டு சென்றிருக்கிறார் என்பது ஆய்வுக்குரிய விஷயம். இந்த வித்தையை அவர் வென்றெடுக்க காரணமானவை மேற்சொன்ன 3 வரிகள்தான். கொள்கை ரீதியாக மற்ற கட்சிகள் மக்களின் பிரச்னைகளைப் பேசியபோது எம்.ஜி.ஆர், அவர்களின் அடிப்படை பிரச்னைகளையும் நடைமுறை சிக்கல்களையும் பேசினார். திராவிட உணர்வையே திரும்பத் திரும்ப அவரது பங்காளியான திமுக மக்கள் முன் வைத்து அவர்களின் உணர்ச்சியை உசுப்பியபோது வெயிலில் நடக்காதீர்கள் என செருப்பை தந்து அதைத் தணியவைத்தார். ஒரு பக்கம் திராவிடத்தைப் பேசிக்கொண்டே இன்னொரு பக்கம் அந்த கொள்கையையே அடமானம் வைத்துவிட்டு மலையாளி என எம்.ஜி.ஆரை திமுக வன்மத்தை வெளிப்படுத்தியபோது சத்துணவு அந்த விமர்சனத்தில் சத்தில்லாமல் செய்தது. ஒரு பெரும் சித்தாந்தங்களுக்கு மத்தியில் தனி மனிதராக எம்.ஜி.ஆர் இப்படித்தான் வென்றார். 

எம்.ஜி.ஆர்இலங்கையில் பிறந்து கேரளாவில் வளர்ந்து தந்தையின் திடீர் மரணத்தால் வறுமைக்கு ஆளாகி அதை வென்றெடுக்க தன் சகோதரர் மற்றும் தாயுடன் ஒரு நள்ளிரவில் கும்பகோணத்துக்கு வந்திறங்கியவர் எம்.ஜி.ராம்சந்தர். 

பாய்ஸ் கம்பெனியில் சேர்ந்து பாலபார்ட் வேடங்கள் போட்டு, தன் திறமையால் ராஜபார்ட் ஆனார் சில வருடங்களில். காந்தி, நேரு மீது அளவற்ற காதலால் காங்கிரஸில் காலணா உறுப்பினராக இருந்தவர். காரைக்குடி வந்த காந்தியைக் கண்டபிறகு காந்தியின் பித்துக் கொண்டு மதுக்கடை மறியலில் ஈடுபட்டு யானைக்கவுனி காவல்நிலையத்தில் கைதாகியும் இருக்கிறார். நாடகத்திலிருந்து 'சதிலீலாவதி' படத்தில் காவல்காரர் வேடத்தில் முதல் சினிமா வாய்ப்பு. அடுத்தடுத்து சிறுசிறுவாய்ப்புகளில் பத்தாண்டுகள் கடந்தநிலையில் 1947-ம் ஆண்டு ஜூபிடர் நிறுவனம் தன் 'ராஜகுமாரி' படத்தில் கதாநாயகனாக முதல் வாய்ப்பு அளித்தது. 'மந்திரிகுமாரி' பட்டிதொட்டியெங்கும் எம்.ஜி.ஆரை கொண்டு சேர்த்தது. அடுத்தடுத்த படங்கள் மூலம் ஒரு நட்சத்திர நடிகரை அடையாளம் கண்டது தென்னிந்திய சினிமா. 

40களின் இறுதியில் தனது 'சிவாஜி கண்ட இந்து சாம்ராஜ்ஜியம்' நாடகத்தில் நடிக்க கட்டுடலும் கணீர் வசனமும் பேசும் திறமையும் கொண்ட ஒரு நடிகரைத் தேடிக்கொண்டிருந்தார் அண்ணா. கழுத்தில் துளசி மாலையும் கதர் உடையோடும் காணப்பட்ட ராம்சந்தரை அதற்கு தேர்வு செய்த அண்ணாவின் நண்பர் நடிகமணி டி.வி.நாராயணசாமி ராம்சந்தரை அண்ணாவுக்கு அறிமுகப்படுத்திவைத்தார். முதற்சந்திப்பிலேயே அண்ணா மீது இனம்புரியாத காதல் பிறந்தது ராம்சந்தருக்கு. அண்ணா அன்பளிப்பாக அளித்த பணத்தோட்டம் நாவல் அவரது அறிவின் வீச்சை பறைசாற்ற, அசந்தும் அதிசயித்தும் போன ராம்சந்தர், அண்ணாவின் படைப்புகளை வாசிக்கவும் அவரை சுவாசிக்கவும் ஆரம்பித்தார். கதருக்கு விடைகொடுத்தார். துளசிமாலையைத் துாக்கி எறிந்தார். ராம்சந்தர் ராமச்சந்திரன் ஆனார். சினிமாவின் அடுத்தடுத்த வெற்றிகள் அவரை இன்னும் நெருக்கமாக எம்.ஜி.ஆர் என அழைக்க வைத்தது. (ஆனால் ஏனோ பின்னாளில் சிவாஜி கண்ட இந்து சாம்ராஜ்ஜியத்தில் சிவாஜி நடிக்க நேர்ந்தது.)

1951-ம் ஆண்டு திமுகவில் அதிகாரபூர்வமாக இணைந்தார் எம்.ஜி.ஆர். கட்சிக்காக தமிழகத்தில் சுற்றிவராத ஊர்களை விரல்விட்டுச் சொல்லிவிடலாம். எம்.ஜி.ஆர் கட்சி என்ற அந்தஸ்து திமுகவை அடித்தட்டுமக்களுக்கு அடையாளம் காட்டியது. கட்சியும் வளர்ந்தது. எம்.ஜி.ஆரும் வளர்ந்தார். எம்.ஜி.ஆரின் உழைப்பிற்கு எம்.எல்.சி பதவியைப் பரிசாகத் தந்தார் அண்ணா. கூடவே கழகத்தில் இரு அணிகளும் உருவாகின. கருணாநிதி - சம்பத் என்ற இருதலைவர்களுக்கிடையே ஏற்பட்ட மனவேறுபாடு கழகத்தில் பிளவை ஏற்படுத்தியது. தன் சினிமா பங்காளி கருணாநிதிக்கு ஆதரவாய் நின்றார் எம்.ஜி.ஆர். அண்ணாவுக்குப் பிறகு அவர் அதிசயித்த மனிதர் கருணாநிதி. கலகலத்த கழகம், சம்பத் வெளியேறியபின் கொஞ்சம் கலகலப்புக்கு வந்தது. அதுவும் நிரந்தரமில்லை. 

எம்.ஜி.ஆரின் பிரபல்யம் கட்சியின் மற்ற தலைவர்களுக்குக் கொஞ்சம் முகச் சுழிப்பை ஏற்படுத்தியது. கழகத்தில் எம்.ஜி.ஆருக்கு எதிரான அணி ஒன்று சத்தமின்றி உருவாகியிருந்தது. “அண்ணாவுக்கு எதிராக தீர்மானம் நிறைவேற்றவிருக்கிறார் சம்பத்” என அண்ணாவின் இதயத்திலிருந்து சம்பத்தைக் கழற்றிவிட்டவர்கள், எம்.ஜி.ஆரை பலிகொடுக்க 1964-ம் ஆண்டு நடந்த காமராஜர் பிறந்தநாளை கையில் எடுத்தார்கள். “காமராஜர் என் தலைவர் அண்ணா என் வழிகாட்டி” என அந்த விழாவில் உணர்ச்சிவயப்பட்டிருந்தார் எம்.ஜி.ஆர். 
பார்த்தாயா உடன்பிறப்பே, அண்ணா வழிகாட்டியாம் காமராஜர்தான் தலைவராம் என நீட்டி முழக்கி கருணாநிதியின் தயவில் ஓடிக்கொண்டிருந்த இதழ்களில் கட்டுரைகள் வெளியாகின. கட்சியின் 'வளர்ச்சி'யில் அடுத்தடுத்து தீவிரம் காட்டின அந்த இதழ்கள். அண்ணாவின் காலம் வரை நீறு பூத்த நெருப்பாக இருந்த கருணாநிதி- எம்.ஜி.ஆர் மோதல் அவரதுமறைவுக்குப்பின் அதிர்ச்சியளிக்கும்விதமாக கடைத்தெருவுக்கு வந்தது. இத்தனைக்கும் அண்ணாவின் மறைவினால் ஏற்பட்ட வெற்றிடத்தை இட்டு நிரப்ப பல்வேறு எதிர்ப்புகளையும் மீறி கருணாநிதியைத் தேர்வு செய்து அதை வெற்றிகரமாக்கியவர் எம்.ஜி.ஆர். ஒரு உறையில் இரு கத்திகள் உட்காரமுடியாது என்பது அறிவியல் மட்டுமல்ல அரசியலும் அதுவேதான்! 

எம்.ஜி.ஆர்

எம்.ஜி.ஆர் - கருணாநிதிக்கு இடையில் புகைச்சல் இருப்பதை பூடகமாகவோ வெளிப்படையாகவே இதை எழுதிவந்தன அன்றைய தினசரிகள். ஆனாலும், பொதுமேடையில் கண்ணியமாக இருதலைவர்களும் தங்களை வெளிப்படுத்திக்கொண்டனர். 'உலகம் சுற்றும் வாலிபன்' படத்தின் படப்பிடிப்புக்காக வெளிநாடு சென்ற எம்.ஜி.ஆரை கட்டித்தழுவி வாழ்த்துச்சொன்ன கருணாநிதி எம்.ஜி.ஆர் அந்த படத்தின் படப்பிடிப்பு முடிந்து வெளியான சமயம் பரம வைரியாகிப்போயிருந்தார். 

திருக்கழுக்குன்றத்தில் 1972 அக்டோபர் 8-ம் தேதி நடந்த பொதுக்கூட்டத்தில் முதன்முறை எம்.ஜி.ஆர் கருணாநிதி இடையிலான பனிப்போர் பட்டவர்த்தனமானது. அந்தக் கூட்டத்தில், “அண்ணாவின் மறைவுக்குப்பிறகு கட்சியின் சட்டமன்ற பாராளுமன்ற உறுப்பினர்கள் பெரிய அளவு சொத்து சேர்த்துவிட்டனர். திமுக மீது மக்கள் அதிருப்தியடைந்துள்ளனர். நடந்துபோய்க்கொண்டிருந்தவர்கள் சொகுசு கார்களில் செல்வதற்கான காரணத்தை மக்கள் கேட்கின்றனர். அமைச்சர்களின் மனைவி மக்கள் மற்றும் உறவினர்களின் சொத்துவிவரங்களை மக்கள் அறிய விரும்புகின்றனர். இதுபற்றி நான் செயற்குழுவில் பேசுவேன்'' எனக் கொதிப்பாகப் பேசினார். விளக்கம் கேட்டு நோட்டீஸ் அனுப்பியது திமுக தலைமை. “தவறு செய்தவர்கள்தான் மன்னிப்பு கேட்கவேண்டும். தவறு செய்யாத நான் ஏன் விளக்கம் அளிக்கவேண்டும்” என மத்தியஸ்தம் பேச வந்த முரசொலி மாறனிடம் உக்கிரம் காட்டினார் எம்.ஜி.ஆர். ஏதோ ஒரு முடிவை கருணாநிதி - எம்.ஜி.ஆர் இருவரும் எடுத்துவிட்டதாகச் சொல்லி பெரியார் உள்ளிட்ட சில மூத்த தலைவர்கள் ஒதுங்கிக்கொண்டனர். 

எம்.ஜி.ஆர் மீதான நடவடிக்கை குறித்து விவாதிப்பதற்காக திமுக செயற்குழுக் கூட்டம் கூடியது. பெண் உறுப்பினர் ஒருவர், திமுகவுக்கு எம்.ஜி.ஆர் பயன்பட்ட விதத்தை சுட்டிக்காட்டி, “எம்.ஜி.ஆரை கட்சியிலிருந்து நீக்குவது, முடிவெடுப்பது ஆயிரம் வோல்ட் மின்சாரத்தில் கைவைப்பதற்குச் சமம்" எனக் கண்ணீர்விட்டபடி கூறினார். 

எம்.ஜி.ஆர்

அதிர்ச்சி என்னவென்றால் கூட்டம் நடந்துகொண்டிருந்த அதேநேரத்தில் மாலைப்பத்திரிகை அலுவலகம் ஒன்றில், 'கட்சி நடவடிக்கைகளுக்குக் குந்தகம் விளைவித்ததால் எம்.ஜி.ஆர் கட்சியிலிருந்து நீக்கப்படுவதாக திமுக தலைமைக்கழகத்தில் இருந்து வந்த செய்தியை அச்சுக்கோர்த்துக்கொண்டிருந்ததாக சொல்வார்கள். திமுக கொடியை சென்சார் வெட்டிவிடுவார்கள் என்பதால் அந்த கொடியையே தன் அதிகாரபூர்வ தன் 'எம்.ஜி.ஆர் பிக்சர்ஸ்' நிறுவனத்தின் எம்பளமாக வைத்ததோடு தன் படங்களில் திமுகவையும் அதன் தலைவர் அண்ணாவையும் ஏதாவது ஒரு காட்சியிலாவது சென்சாரின் கழுகுக்கண்களை மீறி மக்களிடம் கொண்டுசேர்த்த எம்.ஜி.ஆர், கருவேப்பிலைபோல் துாக்கியெறியப்பட்டார். “ அண்ணாவிடம் இருந்துபெற்ற கனியை வண்டு துளைத்துவிட்டது. ஆகவே துார எறியவேண்டியதாகிவிட்டது" என தன் வாய்ஜாலத்தைக்காட்டிய  கருணாநிதி, "மத்திய அரசு விரித்த வலையில் விழுந்துவிட்டார்” எனப் பிரிவுக்குக் காரணம் சொன்னார். “தன் பிரமாண்ட வளர்ச்சியை விரும்பாமல் கருணாநிதி என்னை தூக்கியெறிந்துவிட்டார்” என்றார் எம்.ஜி.ஆர். 

கட்சியில் கிங் மேக்கராக இருந்தபடி இறுதிவரை ஒரு நடிகனாக புகழ்வெளிச்சத்தில் காலம் கழிப்பதுதான் எம்.ஜி.ஆரின் வாழ்நாள் ஆசையாக இருந்தது. ஆனால், ஒரேநாளில் கட்சி தன்னை கைவிட்டதை அவரால் பொறுத்துக்கொள்ளமுடியவில்லை. கலங்கிப்போயிருந்தவரை கழகம் கைவிட்டாலும் ரசிகர்கள் கைவிடவில்லை. எம்.ஜி.ஆர் கட்சியை விட்டு நீக்கிய நாளிலிருந்து தமிழகத்தில் ஒரு அசாதாரண சூழல் நிலவியது. திமுக தலைவர்களே கூட கறுப்பு சிகப்பு கொடியுடன் காரில் பயணிக்க அஞ்சினர். அந்தளவுக்கு நிலைமை மோசம். அரிதாரத்தின் மீது எம்.ஜி.ஆருக்கு இருந்த ஆசையை ஆட்சி அதிகாரத்தை நோக்கி மடைமாற்றினர் அவரது ரசிகர்கள். தனக்கு எழுந்த தன்னிச்சையான வரவேற்பு எம்.ஜி.ஆரை ஒரேநாள் இரவில் கட்சியைத்துவக்கும் சிந்தனையை ஏற்படுத்தியது. 

1972-ம் வருடம் அக்டோபர் மாதம் 17-ம் தேதி அதிமுக உதயமானது. கட்சியின் கொடியில் அண்ணா. கட்சியின் கொள்கை அண்ணாயிஸம். இப்படி எங்கும் எதிலும் அண்ணாவை முன்னிறுத்தினார் எம்.ஜி.ஆர். கட்சி சந்தித்த முதல் தேர்தலான திண்டுக்கல் இடைத்தேர்தலில் கட்சியின் வேட்பாளர் மாயத்தேவர் பெற்ற வாக்குகள், எம்.ஜி.ஆருக்கு கட்சியின் எதிர்காலம் குறித்த நம்பிக்கையை அதிகப்படுத்தியது. சினிமாவில் எம்.ஜி.ஆர் ஏற்றுநடித்த வேடங்கள் ஏற்படுத்தியிருந்த பிம்பம் எம்.ஜி.ஆரின் அரசியல் வெற்றிக்குப் பக்கபலமாகி நின்றது. 
ஆளும் கட்சியான திமுகவினரால் அதிமுகவினர் பெரும் தொல்லைகளுக்கு ஆளாகினர். எம்.ஜி.ஆர் மன்றத்தைச் சேர்ந்தவர்கள் மீது வழக்குகளும் கைது நடவடிக்கைகளும் எடுக்கப்பட்டன. 

எம்.ஜி.ஆர்

“நான் இறக்கும்வரை அண்ணாவின் கழகத்தில்தான் இருப்பேன். நான் இறக்கும்போது என் உடலில் கழகத்தின் கொடிதான் போர்த்தப்படவேண்டும்” என்று வெளிநாட்டு பத்திரிகை ஒன்றிற்கு பெருமிதத்துடன் பேட்டியளித்தவர் எம்.ஜி.ஆர். ஆனால் 72 க்குப்பின் திமுகவை எதிர்ப்பதுதான் அவரது வாழ்க்கை என்றானது. இந்த 5 ஆண்டுகளில் புலாவரி சுகுமாரன் என்ற சேலத்து இளைஞர் உள்ளிட்ட பல இளைஞர்கள் கொல்லப்பட்டனர். 

கட்சித்துவங்கிய 5 ஆண்டுகளில் ஆட்சியைப்பிடித்தது அதிமுக. 1977-ம் ஆண்டு நடந்த பொதுத்தேர்தலில் மொத்தமுள்ள 234 இடங்களில் 144 இடங்களைப்பெற்று அதிமுக வென்றது. அருப்புக்கோட்டையில் இருந்து தேர்ந்தெடுக்கப்பட்ட எம்.ஜி.ஆர் சட்டமன்றக் கட்சியின் தலைவராகத் தேர்வு செய்யப்பட்டார். கவர்னர் பிரபுதாஸ் பட்வாரியின் அழைப்பை ஏற்று அதிமுக ஆட்சிப்பொறுப்பேற்றது. நாஞ்சில் மனோகரன். நாராயணசாமி, எட்மண்ட் , பண்ருட்டி ராமச்சந்திரன், ஆர்.எம்.வீரப்பன், அரங்கநாயகம், பெ.சவுந்தரபாண்டியன், காளிமுத்து, ராகவானந்தம்,பொன்னையன், பி.டி.சரசுவதி, ஜி.குழந்தைவேலு, கே.ராஜா முகமது போன்ற படித்த இளைஞர்கள், அனுபவமுள்ள தலைவர்களைத் தனது அமைச்சரவையில் இடம்பெறச்செய்தார் எம்.ஜி.ஆர். 

பொது நிர்வாகம், ஐ.பி.எஸ், ஐ.ஏ.எஸ், மாவட்ட ரெவின்யூ அதிகாரிகள், உதவி கலெக்டர்கள், போலீஸ், தேர்தல், பாஸ்போர்ட், மதுவிலக்கு, சுகாதாரம், மருந்து, அறநிலையத்துறை, லஞ்ச ஒழிப்பு, மற்றும் தொழிற்சாலை ஆகிய துறைகளை எம்.ஜி.ஆர் வைத்துக்கொண்டார். ராஜாஜி மண்டபத்தில் இந்தப் பதவியேற்பு வைபவம் நடந்து முடிந்ததும் நேரே எம்.ஜி.ஆர் தன் அமைச்சரவை சகாக்களோடு சென்றது அண்ணாசாலையில் அமைக்கப்பட்ட பிரமாண்ட மேடைக்கு. ஆம் தன்னை, தன் வாழ்வை இத்தனை உயரத்துக்குக் கொண்டு சென்ற மக்கள் முன்னேதான் பதவியேற்பு வைபவத்தை நிகழ்த்தி தன் ஆட்சி லஞ்ச லாவண்மயற்ற ஊழலற்ற ஆட்சியாக மக்களாட்சி புரியும் என மக்களுக்கு உறுதியளித்தார். 

எம்.ஜி.ஆர்

 

தணிக்கை செய்யப்படாமல் ஓரிரு படங்களை மட்டும் என்னை எடுக்க அனுமதித்தால் நான் திராவிடத்தை வென்று காட்டுவேன் என்றார் அண்ணா. அண்ணாவின் ஆசையைத் தணிக்கை செய்யப்பட்ட படங்களைக் கொண்டே நிகழ்த்திக்காட்டியவர் அண்ணாவால் இதயக்கனி என அழைக்கப்பட்ட எம்.ஜி.ஆர். அடுத்த 11 ஆண்டுகள் அவரே தமிழகத்தின் அசைக்கமுடியாதவராக இருந்தார் என்பது உலகமறிந்த வரலாறு.

http://www.vikatan.com/news/tamilnadu/93931-mgr-victory-in-1977-elections.html

Categories: Tamilnadu-news

சண்டை நீக்கி இணையவிருக்கும் குடும்பங்கள்?! சசிகலாவின் மாஸ்டர் ப்ளான்!

Sat, 01/07/2017 - 06:06
சண்டை நீக்கி இணையவிருக்கும் குடும்பங்கள்?! சசிகலாவின் மாஸ்டர் ப்ளான்!
 
 

சசிகலா - ஜெயலலிதா

சிறையில் இருக்கும் சசிகலா, கட்சிக்குள் நிலவும் குழப்பங்களை நினைத்து வேதனையில் இருக்கிறார். கட்சி நிர்வாகிகளுக்குள் நாளுக்குநாள் விரிசல் அதிகமாகிக் கொண்டு இருப்பது கட்சிக்கும் ஆட்சிக்கும் ஆபத்தாகிவிடும் என்று குடும்ப உறவுகளைச் சந்திக்கத் திட்டமிட்டுள்ளார் சசிகலா. கசப்புகளை மறந்து ஒன்றுசேர்வதற்கான இணைப்பு வேலைகளில் மன்னார்குடி குடும்பங்கள் ஈடுபட்டுள்ளன.

ஆர்.கே.நகர் பணப்பட்டுவாடா புகாரில், வருமான வரித்துறையின் ரெய்டில் சிக்கிய அமைச்சர்கள் கிலியில் இருக்கும்போதே... 'இரட்டை இலைச் சின்னத்தை மீட்க பணம் கொடுக்க முயன்றார்' என்ற வழக்கில் டி.டி.வி.தினகரனைச் சுற்றிவளைத்தது டெல்லி போலீஸ். அதனால், அமைச்சர்கள் கூடி ஆலோசனை நடத்தி... ''டி.டி.வி.தினகரனை மட்டுமல்ல, சசிகலா குடும்பத்தையே கட்சியில் இருந்து ஒதுக்கி வைத்துவிட்டோம்'' என்று அறிவித்தனர். தலைமைக் கழகத்தில் வைக்கப்பட்டு இருந்த சசிகலா பேனர்களையும் அகற்றினர். அதே நேரத்தில், ''கட்சியில் இருந்து ஏற்கெனவே ஒதுங்கிவிட்டேன்'' என்று டி.டி.வி.தினகரன் அறிவித்து தனது ரூட்டை மாற்றினார். 

டி.டி.வி.தினகரன்

ஆனாலும், டெல்லி போலீஸ் பிடியிலிருந்து தப்ப முடியாமல் டி.டி.வி.தினகரன் திகார் ஜெயிலில் அடைக்கப்பட்டார். அதையடுத்து, முதல்வர் எடப்பாடி பழனிசாமி தலைமையில் அ.தி.மு.க அரசு நிர்வாகம் தங்குத்தடை இல்லாமல் ஓடிக்கொண்டிருந்தது. இந்தநிலையில், கட்சியிலிருந்து 45 நாள்கள் ஒதுங்கியிருந்த டி.டி.வி.தினகரன் ஜூன் 1-ம் தேதி திகார் ஜெயிலிலிருந்து வெளியே வந்தவுடன், ''அ.தி.மு.க-வில் தொடர்கிறேன். கட்சிப் பணிகளில் ஈடுபடுவேன். சசிகலாவைத் தவிர, அ.தி.மு.க-வில் இருந்து தன்னை நீக்க வேறு யாருக்கும் அதிகாரம் இல்லை'' என்று தடாலடியாகப் பேட்டியளித்தார். அவரது பேட்டி, முதல்வர் எடப்பாடி அணிக்கு அதிர்ச்சியைக் கொடுத்தது. டி.டி.வி.தினகரனின் அடையாறு இல்லாம் மீண்டும் பிஸியானது.

ஜூன் 5-ம் தேதி பெங்களூரு ஜெயிலில் சசிகலாவைப் பார்த்துவிட்டு வெளியே வந்த டி.டி.வி.தினகரன், ''கட்சியிலும் ஆட்சியிலும் என்ன நடக்கிறது என்று இன்னும் 60 நாள்கள் பொறுத்திருந்து பார்ப்போம். அதன் பிறகு என்ன செய்ய வேண்டும் என்று சொல்கிறேன்'' என்று சசிகலா சொல்லி அனுப்பினார் என்ற தகவலைச் சொன்னார். அதன்பிறகும் எடப்பாடி அணி, டி.டி.வி.தினகரன் பேச்சை கண்டுகொள்ளவில்லை. வழக்கம்போல முதல்வரும் அமைச்சர்களும் அரசுப் பணிகளில் முழுவீச்சில் இருந்தனர். இதற்கிடையில், திருத்தணி எம்.பி கோ.அரி, ''சசிகலா குடும்பத்தை முற்றிலுமாக விலக்கிவைக்க வேண்டும்'' என்று பேட்டியளித்தார். அதற்குப் பதிலடியாக டி.டி.வி.தினகரன் ஆதரவு எம்.எல்.ஏ வெற்றிவேல், ''கட்சிக்கு டி.டி.வி.தினகரன், ஆட்சிக்கு எடப்பாடி என வெளிப்படையாகச் சொன்னால்தான் குழப்பம் இல்லாமல் இருக்கும். எடப்பாடி வாய் திறக்க வேண்டும்' என்றார். ஆனாலும் எடப்பாடி தரப்பிலிருந்து அதற்கு எந்தப் பதிலும் இல்லை.

எடப்பாடி பழனிசாமி

 

இப்படி மோதல் நாளுக்குநாள் முற்றிவரும் தகவல் சசிகலாவுக்குச் சொல்லப்பட்டுவிட்டது. அதுபோல மன்னார்குடி உறவுகளும் இந்த மோதலை ரசிக்கவில்லை. இப்போது எழுந்துள்ள பிரச்னைகளைப் பேசி தீர்க்காமல் விட்டுவிட்டால், ஆட்சிக்கும் கட்சிக்கும் பெரிய அளவில் பிரச்னை ஏற்பட்டுவிடும் என்ற கலக்கத்தில் அவர்கள் இருக்கிறார்கள். அதனால், அவர் இந்தப் பிரச்னைகளுக்கு இப்போதே ஒரு முடிவுகட்ட வேண்டும் என்று திட்டம் வகுத்திருக்கிறார்கள். இதுதொடர்பாக எடப்பாடி அணியிடம் பேச்சு நடத்தி சில நிபந்தனைகள் முன்வைக்கப்பட்டுள்ளன. அதை அவர் ஏற்றுக்கொள்ள வேண்டும். அதுபோல, டி.டி.வி.தினகரன் தரப்ப்பும் அமைதிகாக்க வேண்டும் என்று சில விஷயங்களைச் சொல்லி இருக்கிறார்கள். இந்தச் சமரசம் குறித்து ஜூலை முதல்வாரத்தில் பெங்களூரு சிறையில் சசிகலாவை மன்னார்குடி உறவுகள் சந்திக்கிறார்கள். அப்போது, சசிகலா என்ன சொல்லப்போகிறார் என்பதைப் பொறுத்துதான் டி.டி.வி.தினகரனின் அடுத்தகட்ட நகர்வுகள் இருக்கும் என்று அவரது நெருங்கிய வட்டாரங்களில் சொல்கிறார்கள்.

http://www.vikatan.com/news/coverstory/93918-this-is-the-next-master-plan-of-sasikala.html

Categories: Tamilnadu-news