தமிழகச் செய்திகள்

தலைவர் எடப்பாடி பழனிசாமி; பொதுச் செயலாளர் பன்னீர்செல்வம்! - திருத்தப்படும் அ.தி.மு.கவின் சட்டவிதிகள்? #VikatanExclusive

Wed, 05/07/2017 - 10:14
தலைவர் எடப்பாடி பழனிசாமி; பொதுச் செயலாளர் பன்னீர்செல்வம்! - திருத்தப்படும் அ.தி.மு.கவின் சட்டவிதிகள்? #VikatanExclusive
 
 

எடப்பாடி பழனிசாமி

அ.தி.மு.கவின் இரண்டு அணிகளும் இணைவது குறித்து மறைமுக பேச்சுவார்த்தைகள் தொடங்கியிருப்பதாக நேற்று பேட்டியளித்தார் நிதி அமைச்சர் ஜெயக்குமார். இந்த அறிவிப்பு தினகரன் ஆதரவாளர்களை அதிர்ச்சியடைய வைத்திருக்கிறது. 'அணிகள் இணையாமல் இருப்பதைக் காரணம் காட்டித்தான், முதலமைச்சருக்குக் கெடு விதித்தார் தினகரன். பன்னீர்செல்வம் வந்தாலும், நிபந்தனையற்ற இணைப்பைத்தான் முதல்வர் விரும்புகிறார்' என்கின்றனர் அ.தி.மு.க அம்மா அணி நிர்வாகிகள். 

முதலமைச்சர் எடப்பாடி பழனிசாமி அணி, பன்னீர்செல்வம் அணி, தினகரன் அணி என மூன்று துண்டுகளாகப் பிளவுபட்டிருக்கிறது அ.தி.மு.க. 'இரட்டை இலைச் சின்னத்தைப் பெறுவதற்கு அணிகள் இணைப்பு அவசியம்' என்பதைப் புரிந்து கொண்டு, 'கட்சிப் பணியில் இருந்து விலகிக் கொள்கிறேன்' என அறிவித்தார் தினகரன். அதே நாள்களில் இரட்டை இலைக்கு லஞ்சம் கொடுத்த வழக்கில் டெல்லி, திகார் சிறையில் அடைக்கப்பட்டார். 42 நாள்கள் சிறைவாசத்துக்குப் பிறகு வெளியே வந்தவர், 'இரண்டு அணிகளும் இணையும் என எதிர்பார்த்தேன். அதற்கான சூழல்கள் உருவாகவில்லை. மீண்டும் கட்சிப் பணியில் ஈடுபட இருக்கிறேன்' என அறிவித்தார் தினகரன். அதற்கேற்ப, நாள்தோறும் எம்எல்ஏ-க்கள், எம்பி-க்களைச் சந்தித்து வந்தாலும், ராயப்பேட்டையில் உள்ள கட்சித் தலைமை அலுவலகத்துக்குள் அவரால் நுழைய முடியவில்லை. தன்னுடைய லெட்டர் பேடில் இருந்து அறிக்கைகளை மட்டுமே வெளியிட முடிந்தது. 'தன்னைத் தேடி எடப்பாடி பழனிசாமி வர வேண்டும்' என்பதற்காகப் பலவித யுக்திகளைப் பயன்படுத்தினாலும், சசிகலா குடும்பத்தினர் பெயரைத் தப்பித் தவறிக்கூட எடப்பாடி பழனிசாமி உச்சரிக்கவில்லை. இதனால் கொதித்துப் போன தினகரன், ‘நான் விதித்த கெடு ஆகஸ்ட் 5 ஆம் தேதிக்குள் முடிவடைகிறது. அதன்பிறகு என்னுடைய நடவடிக்கைகளைப் பாருங்கள்' என அதிர வைத்தார். 

ஓ.பன்னீர்செல்வம்எம்எல்ஏ-க்களை வைத்துக் கொண்டு ஆட்சிக்கு எதிராக ஆட்டத்தைக் காட்டுவதுதான் தினகரனின் நோக்கம். இந்த நோக்கத்தை முறியடித்து நீண்ட நாள்கள் ஆகின்றன. பன்னீர்செல்வம் அணியுடன் நாங்கள் பேச்சுவார்த்தைகளை நடத்திக் கொண்டிருப்பதை, தினகரன் எதிர்பார்க்கவில்லை. ‘எடப்பாடி பழனிசாமியோடு பன்னீர்செல்வம் கை குலுக்கினால், மக்கள் மத்தியில் கூடுதல் செல்வாக்கு ஏற்படும்' என கொங்கு மண்டல அமைச்சர்கள் நினைக்கிறார்கள். அதேநேரம், நிபந்தனையற்ற பேச்சுவார்த்தையைத்தான் முதல்வர் விரும்புகிறார்" என விவரித்த அ.தி.மு.க அம்மா அணியின் முக்கிய நிர்வாகி ஒருவர், “கட்சி அதிகாரம் பன்னீர்செல்வத்திடமும் ஆட்சி அதிகாரம் எடப்பாடி பழனிசாமியிடமும் இருக்கட்டும் என்றுதான் மூத்த நிர்வாகிகள் வலியுறுத்தி வந்தனர்.

சில வாரங்களுக்கு முன்பு இணைப்புக்கான பேச்சுவார்த்தை தொடங்கியபோது, 'முதல்வர் பதவி; முக்கிய இலாக்காக்கள்' எனப் பன்னீர்செல்வம் தரப்பினர் அதிக பேராசைப்பட்டனர். இதில், தங்களுடைய முக்கிய இலாக்காக்களை விட்டுத் தர அமைச்சர்கள் விரும்பாததால், இணைப்புப் பேச்சுவார்த்தை முடிவுக்கு வரவில்லை. ‘தற்போது தினகரன் எதிர்ப்புக்காக இரண்டு அணிகளும் இணைவது கட்டாயம்' எனப் பழனிசாமி தரப்பில் இருந்தே தூது அனுப்பப்பட்டுள்ளது. நீண்ட நாள்களாக, இந்தப் பிரச்னை இழுபறி ஆவதை பன்னீர்செல்வம் தரப்பினரும் ரசிக்கவில்லை. எனவே, தினகரன் விதித்த கெடு முடிவதற்குள் இரண்டு அணிகளும் கை குலுக்கத் தொடங்கிவிடும்" என்றார் விரிவாக. 

“அதேநேரம், கொங்கு மண்டல நிர்வாகிகளின் கணக்கு வேறாக இருக்கிறது. ‘பன்னீர்செல்வம் அணியுடன் நல்ல உறவை வளர்த்துக் கொள்வதில் தவறில்லை. சில விஷயங்களில் நாம் உறுதியாக இருக்க வேண்டும்' எனவும் அவர்கள் நினைக்கின்றனர். இணைப்பு முடிவுக்கு வந்தாலும், முதல்வர் பதவியில் பழனிசாமியே தொடர்வார். இதனால், பன்னீர்செல்வத்துக்கு எந்த லாபமும் கிடைக்கப் போவதில்லை. கட்சிப் பதவிக்குப் பன்னீர்செல்வம் வந்துவிட்டால், சட்டப் பேரவைத் தேர்தலில், ‘பழனிசாமியை முதல்வர் பதவிக்கு அவர் முன்மொழிவாரா?' என்ற கேள்வியும் எழுந்துள்ளது. இந்தக் குழப்பத்தைத் தினகரன் ஆதரவாளர்கள் பயன்படுத்திக் கொள்ளவும் வாய்ப்பு இருக்கிறது. அதேநேரம், தற்போது எடப்பாடி பழனிசாமி ஆட்சிக்கு எந்தவித இடையூறும் இல்லை. ‘பன்னீர்செல்வம் பக்கம் இருக்கும் 11 பேரும் தினகரன் பக்கம் சென்ற 34 பேரும் ஆட்சி பறிபோவதை விரும்பவில்லை. மத்திய அரசு நமக்கு எதிராக சில விஷயங்களை முன்னெடுத்தால், காங்கிரஸ் கட்சியின் எட்டு எம்.எல்.ஏக்களும் நம்மை ஆதரிப்பார்கள். பெரும்பான்மை எம்.எல்.ஏக்களின் ஆதரவு நமக்கு இருக்கிறது. எனவே, ஆட்சி முடிந்து தேர்தல் வரும்போது, எடப்பாடி பழனிசாமியே முதல்வர் வேட்பாளராகக் களத்தில் நிற்பார்' என உறுதியாகப் பேசி வருகின்றனர் கொங்கு மண்டல அமைச்சர்கள்.

 

மேலும், அ.தி.மு.கவின் சட்டவிதிகளில் திருத்தம் செய்து, தி.மு.கவில் உள்ளது போல தலைவர், பொதுச் செயலாளர் பதவிகளை உருவாக்கவும் திட்டமிட்டுள்ளனர். தலைவர் பதவிக்கு எடப்பாடி பழனிசாமியும் பொதுச் செயலாளர் பதவிக்குப் பன்னீர்செல்வத்தையும் முன்னிறுத்துவது குறித்தும் ஆலோசித்து வருகின்றனர். சசிகலா குடும்பத்தின் தயவு இல்லாமல், ஆட்சி மற்றும் கட்சியை வழிநடத்திச் செல்லும் முடிவுக்கு இருவரும் வந்திருக்கிறார்கள். இதற்கு எதிராக என்ன மாதிரியான நடவடிக்கைகளை தினகரன் முன்னெடுக்கப் போகிறார் எனவும் உன்னிப்பாகக் கவனித்து வருகின்றனர்" என்கிறார் அ.தி.மு.கவின் தலைமைக் கழக நிர்வாகி ஒருவர்.

http://www.vikatan.com/news/tamilnadu/94396-leader-edappadi-palanisamy-general-secretary-ops-are-admk-rules-being-changed.html

Categories: Tamilnadu-news

சிறைத் தண்டனை ரத்தாக வாய்ப்பில்லை

Tue, 04/07/2017 - 20:56
சிகலா, சிறை,தண்டனை,ரத்தாக,வாய்ப்பில்லை!

அ.தி.மு.க., பொதுச் செயலராக இருந்த, முன்னாள் முதல்வர், ஜெயலலிதாவின் தோழி சசிகலா தாக்கல் செய்துள்ள சீராய்வு மனு, உச்ச நீதிமன்றத்தில், நாளை விசாரணைக்கு வருகிறது. இந்த மனு தள்ளுபடியாகும் என்பதால், அவரது சிறைத் தண்டனை ரத்தாக வாய்ப்பில்லை.

 

சிகலா, சிறை,தண்டனை,ரத்தாக,வாய்ப்பில்லை!

அவர் நான்காண்டு, 'உள்ளே' இருப்பது உறுதி யாகும் என,சட்ட நிபுணர்கள் கருத்து தெரி வித்து உள்ளனர். அவர் வெளியே வந்தால், கட்சிக்கும், ஆட்சிக்கும் சிக்கல் ஏற்படும் என்ப தால், அ.தி.மு.க.,வினரும் பீதியுடன், தீர்ப்பை எதிர்பார்த்தபடி உள்ளனர்.

சொத்து குவிப்பு வழக்கில்,ஜெ., சசிகலா, இளவரசி, சுதாகரன் ஆகியோருக்கு, நான்கு ஆண்டுகள் சிறைத் தண்டனை விதித்து, பெங்களூரு சிறப்பு நீதிமன்றம் உத்தரவிட்டது. அதை, கர்நாடக உயர் நீதிமன்றம் ரத்து செய்தது. அதை எதிர்த்து, கர்நாடக அரசு, உச்ச நீதிமன்றத்தில் மேல்முறையீடு செய்தது.
 

சிறையில் அடைப்பு:

மேல்முறையீட்டு

மனுவை விசாரித்த நீதிபதிகள், பெங்களூரு சிறப்பு நீதிமன்றம் விதித்த சிறை தண்ட னையை உறுதி செய்து, பிப்., 14ல் உத்தர விட்ட னர். ஜெ., மறைந்து விட்டதால், அவருக்கு எதிரான அப்பீல் வழக்கு கைவிடப்பட்டது.

சிறைத் தண்டனை பெற்ற சசிகலா, இளவரசி, சுதாகரன் ஆகிய மூன்று பேரும், பெங்களூரு, பரப்பன அக்ரஹார சிறையில் அடைக்கப்பட்டு உள்ளனர்.கர்நாடக அரசுசார்பில், ஜெ.,க்கு விதிக்கப்பட்ட அபராதத்தை, அவரது சொத்து களை விற்று வசூலிக்க வேண்டும் என, தாக்கல் செய்யப் பட்ட மனுவை, நீதிமன்றம் தள்ளுபடி செய்தது.

இந்நிலையில்,சிறைத்தண்டனையை எதிர்த்து, சசிகலா சார்பில், சீராய்வு மனு, உச்சநீதிமன்றத் தில் தாக்கல் செய்யப்பட்டது.

அந்த மனுவில், 'ஊழல் தடுப்புச் சட்டத்தின் கீழ், எங்களை தண்டிப்பதற்கு, நாங்கள் ஒன்றும் அரசு ஊழியர் அல்ல. அந்த சட்டமானது, அரசு ஊழியர்களுக்கு மட்டுமே பொருந்தும்; எங்க ளுக்கு பொருந்தாது. 'எனவே, இந்த வழக்கில், எங்களுக்கு விதிக்கப் பட்டுள்ள,

நான்கு ஆண்டுகள் சிறை தண்ட னையை ரத்து செய்து, எங்களை விடுவிக்க வேண்டும்' என, குறிப்பிடப்பட்டு உள்ளது. இம்மனு மீதான விசாரணை, நாளை நடக்கிறது. இந்த மனு விசாரணைக்கு ஏற்கப்படுமா, நிராகரிக்கப் படுமா; விசாரணைக்கு ஏற்றுக் கொண்டாலும்,

 

சசிகலாவிடுவிக்கப்படுவாரா என, கேள்விகள் எழுந்துள்ளன.
 

எதிர்பார்ப்பு:


'மனு நிராகரிக்கப்படவே வாய்ப்பு .அதிகம். விசாரணைக்கு ஏற்றுக் கொண்டாலும், இறுதி யில் தள்ளுபடி செய்யப்படவே வாய்ப்பு அதிகம்' என, சட்ட நிபுணர்கள் கருத்து தெரிவித்து உள்ளனர். இந்த தீர்ப்பை, அ.தி.மு.க., வினர் பீதியுடன் எதிர்பார்த்தபடி உள்ளனர்.

ஏனெனில், சசிகலாவால் முதல்வராக்கப்பட்ட பழனிசாமி, அவரை சந்திக்கச் செல்லவில்லை. அவரால், அ.தி.மு.க., துணை பொதுச் செயல ராக நியமிக்கப்பட்ட, தினகரன் ஒதுக்கிவைக்கப் பட்டு உள்ளார்.இந்த சூழலில், சசிகலா வந் தால், மீண்டும் கட்சிக்குள் குழப்பமும், ஆட்சிக்கு சிக்கலும் ஏற்படும். அவரது சிறைத் தண்டனை உறுதி செய்யப்பட்டால், முதல்வர் பழனிசாமி அணியினர், துணிந்து தனித்து செயல்படத் துவங்குவர்.

எனவே, நாளைய தீர்ப்பை, அவர்கள் ஆவ லோடு எதிர்பார்க்கின்றனர். அவர் விடுதலை யானால், கட்சியும், ஆட்சியும், தங்கள் கட்டுப் பாட்டிற்குள் மீண்டும் வரும் என்ற நம்பிக்கை யில், அவரது விடுதலையை, சசிகலா குடும்பத் தினரும், அவரது ஆதரவு, எம்.எல்.ஏ.,க்களும் எதிர்பார்க்கின்றனர்.சீராய்வு மனு தீர்ப்பை, பன்னீர் அணியினரும் ஆவலோடு எதிர்பார்த்து உள்ளனர். - நமது நிருபர் -

http://www.dinamalar.com/news_detail.asp?id=1804794

Categories: Tamilnadu-news

இந்திய மீனவர்களின் வலையில் சிக்கிய மர்ம படகு : பொலிஸார் தீவிர விசாரணை

Tue, 04/07/2017 - 13:03
இந்திய மீனவர்களின் வலையில் சிக்கிய மர்ம படகு : பொலிஸார் தீவிர விசாரணை 

 

 

நடுக்கடலில் மீன்பிடித்துக் கொண்டிருந்த ராமேஸ்வரத்தைச் சேர்ந்த விசைப்படகின் வலையில் சிக்கிய மர்ம படகு குறித்து இந்தியப் பொலிஸார் தீவிர விசாரணை மேற்கொண்டு வருகின்றனர்.

india-fisher-man-boat.jpg

இராமேஸ்வரம் துறைமுகத்திலிருந்து 300 க்கும் குறைவான படகுகளில் மீனவர்கள் மின்பிடிக்கச் சென்றனர் தங்கச்சிமடத்தை சேர்ந்த ரொனால்ட் என்பவரது படகில் மின்பிடிக்கச் சென்ற முத்துராமலிங்கம், பாதாளம், சீனிவாசன், சேகர் முருகேசன் உள்ளிட்ட ஐந்து பேர் தனுஷ்கோடிக்கும் மன்னாருக்கும் இடையே மீன்பிடித்துக் கொண்டிருந்த போது நள்ளிரவில் மீன்பிடி வலையில் ஏதோ ஒரு மர்மப்பொருள் சிக்கியது கண்டுபிடிக்கப்பட்டது.  இதனையடுத்து மீனவர்கள் வலையை சோதித்த போது அதில் பைபர் கிளாஸ் படகு ஒன்று சிக்கியது தெரியவந்தது. 

19679813_10207686470434507_2023056538_n.

இந்நிலையில் கரை திரும்பிய படகு உரிமையாளர் சம்பவம் குறித்து மெரைன் பொலிஸாருக்கு தகவல் கொடுத்துள்ளார். தகவலையடுத்து சம்பவ இடத்திற்கு விரைந்த பொலிஸார் படகை மீட்டதுடன் மிட்கப்பட்ட படகு சுமார் 15 அடி நீளமும் 5 அடி அகலமும் கொண்டதும் இலங்கையைச் சேர்ந்தது எனவும் தெரியவந்தது.

19727180_10207684774432108_24568273_o.jp

கடலோர காவல்படை பொலிஸார் மீட்கப்பட்ட படகு மீது எவரும்  உரிமைகோராததால் 102 ஆவது வழக்கு பதிவு செய்து தங்களது கட்டுப்பாட்டுக்குள் கொண்டுவந்துள்ளனர்.

 மேலும் அண்மையில் இலங்கையில் ஏற்பட்ட சூறாவளிக்காற்றால் படகு நடுக்கடலில் முழ்கி இருக்கலாம் அல்லது கடத்தலுக்கு பயன்படுத்தப்பட்ட படகு பொலிஸாருக்கு பயந்து கடலில் விடப்பட்டதா என்பது குறித்து மத்திய உளவுத்துறை இந்திய கடலோரகாவல்படையினர்  மாநில உளவுத்துறை,கியூபிரிவு பொலிஸார் உள்ளிட்ட பாதுகாப்பு வட்டாரங்கள் தீவிர விசாரணை மேற்கொண்டு வருகின்றன.

http://www.virakesari.lk/article/21487

Categories: Tamilnadu-news

உண்மையில் எடப்பாடி பழனிச்சாமி 'CM' தானா? | Socio Talk

Tue, 04/07/2017 - 11:48

 

யார் தான் ஆட்சி நடத்துகின்றனர்? இது அரசியலே கிடையாது, ஆட்சியே கிடையாது, கட்சியே இல்லை! இப்போ இருக்கும் மந்திரிகள் யார் பேச்சை கேட்பார்கள்? தொழில் வளர்ச்சி மோசமாக போக காரணம் என்ன? உண்மையில் தமிழ்நாட்டுக்கு முதலமைச்சர் இருக்கிறாரா இல்லையா? மேலும் பல கேள்விகளும் அதற்கான விடைகளும்.

Categories: Tamilnadu-news

தினகரனை வீழ்த்திய செங்கோட்டையன்! - எம்.எல்.ஏக்களை திசைதிருப்பிய பின்னணி #VikatanExclusive

Tue, 04/07/2017 - 07:25
தினகரனை வீழ்த்திய செங்கோட்டையன்! - எம்.எல்.ஏக்களை திசைதிருப்பிய பின்னணி #VikatanExclusive

செங்கோட்டையன்

அ.தி.மு.க அம்மா அணிக்குள் நடக்கும் உள்கட்சி மோதலை முடிவுக்குக் கொண்டு வர இருக்கிறது எடப்பாடி பழனிசாமி அணி. ‘தினகரனின் ஆதிக்கத்தை முழுமையாகக் கட்டுப்படுத்திவிட்டார்கள். சொத்துக் குவிப்பு வழக்கின் மறுசீராய்வு மனுவின் தீர்ப்பும் சசிகலாவுக்குச் சாதகமாக வருமா என்ற சந்தேகமும் எழுந்துள்ளது' என்கின்றனர் அ.தி.மு.க தலைமைக் கழக நிர்வாகிகள். 

குடியரசுத் தலைவர் தேர்தலில் பா.ஜ.க வேட்பாளர் ராம்நாத் கோவிந்துக்கு ஆதரவு தெரிவித்து அ.தி.மு.கவின் இரண்டு அணிகளும் டெல்லி சென்றன. ‘எங்கள் ஆதரவை நீங்கள் ஏற்றுக் கொள்ளுங்கள்' என வலியச் சென்று ஆதரவு கொடுத்தனர். இதில், தன்னுடைய வலிமையைக் காட்ட அ.தி.மு.க எம்எல்ஏ- க்களில் 34 பேரைத் தன் பக்கம் வரச் செய்தார் தினகரன். இதனால் ஆட்சிக்குச் சிக்கல் என்ற தகவல் வெளியானது. இந்தப் பிரச்னையை மிக எளிதாகக் கையாண்டார் முதல்வர் எடப்பாடி பழனிசாமி. இதுகுறித்து நம்மிடம் பேசிய கொங்கு மண்டல அ.தி.மு.க அம்மா அணி நிர்வாகி ஒருவர், “எடப்பாடி பழனிசாமி இந்தளவுக்குத் தைரியமாக வலம் வருவதற்குக் காரணமே செங்கோட்டையனின் செயல்பாடுகள்தான். அவரால்தான், அனைத்து எம்எல்ஏ-க்களையும் வழிக்குக் கொண்டு வர முடிந்தது. கூவத்தூர் ஆப்ரேஷனில் அனைத்து எம்.எல்.ஏ-க்களும் ஆதாயம் அடைந்தாலும், அமைச்சரவைக்குள் ஆதாயம் அடைந்தது செங்கோட்டையனும் ஜெயக்குமாரும்தான். ‘நான்கு பேரை அமைச்சரவையில் சேர்க்க வேண்டும்' என சசிகலா கூறியபோது, ‘இதனால் தேவையற்ற குழப்பங்கள் ஏற்படும். மூத்தவர் என்ற முறையில் செங்கோட்டையன் இருக்கட்டும். ஜெயக்குமாருக்கு நிதித்துறையைக் கொடுப்போம்' என வழிமொழிந்தார் தினகரன்.

தினகரன்இதன்பிறகு தொடர்ந்து தினகரனுடன் வலம் வந்தார் செங்கோட்டையன். திகார் சிறையில் இருந்து தினகரன் திரும்பிய பிறகு, ஒவ்வொரு எம்எல்ஏக்களாக அவரைச் சென்று சந்தித்தனர். இதனால் அதிர்ந்து போன எடப்பாடி பழனிசாமி, எம்எல்ஏ-க்களை வளைக்கும் பொறுப்பை செங்கோட்டையனிடம் ஒப்படைத்தார். அவரும் ஒவ்வொரு எம்எல்ஏ-க்களையும் நேரில் சந்தித்து, ‘அம்மா வளர்த்த கட்சி நல்லா இருக்கனும். நீங்கள் இப்படிச் செய்வதால் யாருக்கு லாபம்? உங்களுக்கு எது வேண்டும் என்றாலும், நேரடியாகக் கேளுங்கள். செய்து கொடுக்கிறோம்' என உருக்கமாக வேண்டுகோள் வைக்க, ‘எங்களுக்கெல்லாம் நீங்கள் மூத்தவர். உங்கள் பேச்சைத் தட்ட மாட்டோம்' என எம்எல்ஏ-க்களும் உறுதியாகக் கூறிவிட்டனர். தினகரனால் அமைச்சர் பதவிக்கு முன்னிறுத்தப்பட்ட செங்கோட்டையனே, இப்படிச் செய்வார் என தினகரன் ஆதரவாளர்கள் எதிர்பார்க்கவில்லை. இதன் பின்னணியில் சில காரணங்கள் இருக்கின்றன" என விவரித்தவர், 

“துணைப் பொதுச் செயலாளராக தினகரன் பதவியேற்ற நாளில் இருந்து, தலைவராக உருவெடுக்கும் வேலைகளில் ஆர்வம் காட்டினார். ஆனால், அவருடன் வலது மற்றும் இடதுமாக இருந்த முன்னாள் அமைச்சர் ஒருவரும், அரசுப் பணியாளராக இருந்த உதவியாளர் ஒருவரும்தான் இந்தளவுக்கு வீழ்ச்சியடையக் காரணம். தலைமைச் செயலகத்தில் உள்ள ஓர் அறையில் அமர்ந்து கொண்டு, ஒவ்வொர் அமைச்சரையும் அழைத்து உத்தரவுகளைப் போட்டார் முன்னாள் அமைச்சர். ‘சார்...இதைச் செய்ய சொன்னார். இந்த வேலையை இவருக்குக் கொடுத்துவிடுங்கள்' என தினம் தினம் அழுத்தம் கொடுக்க, கொங்கு மண்டலத்தின் இரண்டு மணியான அமைச்சர்களும் தினகரனிடம் நேரடியாகச் சண்டை போட்டனர். இதன் தொடர்ச்சியாகத்தான், தமிழ்ப் புத்தாண்டு தினத்தில் கார்டனில் மோதல் வெடிக்கவும் காரணமாக அமைந்தது. ஏற்கெனவே, குடும்ப உறுப்பினர்களின் கோபத்தைத் தினகரன் சம்பாதித்திருந்தார். அவர்களும் கொங்கு மண்டல அமைச்சர்களுடன் கை கோர்த்தனர். 'இரண்டு அணிகளும் இணைவதில் எனக்கு மகிழ்ச்சிதான். கட்சிப் பணியில் இருந்து ஒதுங்கிக் கொள்கிறேன்' என தினகரனைப் பேச வைத்தனர். தற்போது திவாகரனின் கட்டுப்பாட்டில் கொங்கு அமைச்சர்கள் இருப்பதாகவும் பேச்சு அடிபடுகிறது. நேரடியாக, சசிகலா குடும்பத்துக்கு ஆதரவு தெரிவித்தால், டெல்லியில் இருந்து சிக்கல் வரும் என்பதால் அமைதியாக இருக்கின்றனர். இதை உணர்ந்து திரைமறைவில் காய் நகர்த்தி வருகிறார் திவாகரன். இனி தினகரன் தலையெடுப்பது சிரமம்” என்றார் விரிவாக. 

 

“பெங்களூரு சிறையில் மிகுந்த நம்பிக்கையோடு இருக்கிறார் சசிகலா. ‘மறு சீராய்வு மனுவை விசாரணைக்கு எடுத்துக் கொண்டாலே, ஜாமீன் கிடைத்துவிடும்' என தினகரன் தரப்பினர்தான் சட்டரீதியான வேலைகளைச் செய்து வந்தனர். இதைப் பற்றி சசிகலாவிடம் பேசிய திவாகரன் தரப்பினர், ‘பெயில் கிடைக்கும் என்ற நம்பிக்கை இல்லை. வழக்கின் மனுவைத் தாக்கல் செய்ததில் பல்வேறு குளறுபடிகள் உள்ளன. சட்ட நிபுணர்களைத் தவறாக வழிநடத்துகிறார் தினகரன்' என்றெல்லாம் கூறியுள்ளனர். ‘ஆறாம் தேதி உச்ச நீதிமன்றத்தில் நடக்கும் காட்சிகளைப் பொறுத்து, சசிகலா குடும்பத்தில் புயல் வீசலாம்' எனவும் பேசி வருகின்றனர். மறுபுறம், ‘ஆட்சி நீடிப்பதால்தான் கட்சி அதிகாரத்தில் இவ்வளவு குழப்பம் வருகிறது. அமைச்சர்களும் தன்னிச்சையாக ஆட்டம் போடுகின்றனர். ஆட்சி பறிபோய்விட்டால், கட்சி நம்முடைய கட்டுப்பாட்டுக்குள் வந்துவிடும். வழக்குகளில் இருந்து விடுவிக்க வேண்டும் என மத்திய அரசிடம் கோரிக்கை வைத்திருக்கிறோம். இவற்றின் மீது எந்த நடவடிக்கையும் இல்லாவிட்டால், அதற்கான பணிகளில் இறங்கலாம்' எனவும் குடும்ப உறவுகள் ஆலோசித்து வருகின்றனர். மறு சீராய்வு மனுவின் தீர்ப்பைப் பொறுத்தே, அடுத்தகட்ட நடவடிக்கைகளில் தீவிரம் காட்ட இருக்கிறது சசிகலா குடும்பம்" என்கின்றனர் மன்னார்குடி குடும்ப உறவுகள்.

http://www.vikatan.com/news/tamilnadu/94260-mlas-no-more-plan-to-support-dhinakaran-senkottaiyan-behind-this.html

Categories: Tamilnadu-news

சினிமாவைக் காப்பாற்ற ரஜினி ஏன் முன்வரவில்லை? டி.ராஜேந்தர் சுளீர் கேள்வி

Sun, 02/07/2017 - 13:26
சினிமாவைக் காப்பாற்ற ரஜினி ஏன் முன்வரவில்லை? டி.ராஜேந்தர் சுளீர் கேள்வி

 

தமிழ் சினிமாவைக் காப்பாற்ற ரஜினி என் முன்வரவில்லை என்று திரைப்பட நடிகரும், லட்சிய திராவிட முன்னேற்ற கழகத்தின் தலைவருமான டி. ராஜேந்தர் கேள்வி எழுப்பியிருக்கிறார். 

news_image_political_1_7_17.jpg

இது தொடர்பாக சென்னையில் நேற்று செய்தியாளர்களை சந்தித்து தெரிவித்ததாவது...

ஜி.எஸ்.டி இந்த சரக்கு - சேவை வரி விதிப்பு என்பது, இந்தியாவின் கனவென்று, இந்த மத்திய அரசு கூறிவிடும். ஆனால் என்னை கேட்டால், எல்லா துறைகளிலும் விலைவாசி ஏறிவிடும். நடுத்தர ஏழை மக்களின் வாழ்வு நாறி விடும். இதிலே நாட்டின் முன்னேற்றம் எங்கே மாறிவிடும்?

இந்த அரசு வந்ததிலிருந்தே எந்த திட்டத்தால் நாட்டிற்கு வந்திருக்கிறது. வளர்ச்சி? வரி.. வரி.. என்று மக்களுக்கு கொடுத்துக் கொண்டிருக்கிறார்கள். அதிர்ச்சி. இந்த பிரதமர் மோடி அரசு அமைந்ததிலிருந்தே மக்களுக்கு இல்லை மகிழ்ச்சி. இதிலே சரக்கு - சேவை வரி விதிப்புக்கு நடத்துக்கிறார்கள் பிரம்மாண்டமான நிகழ்ச்சி.

மத்திய அரசே - தமிழ், தெலுங்கு, மலையாளம், கன்னடம் எனும் பிராந்திய மொழி படங்களை ஒடுக்க நினைக்காதே - மாநில அரசுகளின் உரிமைகளை மீறி, உள்ளே நுழைய துடிக்காதே! மத்திய அரசே தென்னகத்தை நசுக்காதே! திரை உலகத்தை பொசுக்காதே!

ரஜினியும் மோடியும் நெருக்கம் என்று சொல்கிறார்கள். ஆனால் சினிமா கட்டணம் உயர்வு பற்றி ரஜினி இதுவரை வாய் திறக்கவில்லை. கமல்ஹாசன் ஏற்கனவே தனது எதிர்ப்பை தெரிவித்துவிட்டார். ரஜினி ஏன் எதுவும் பேசவில்லை? தமிழ் சினிமா எனது தாய் என்கிறார். ஆனால் இந்த சினிமாவை காப்பாற்ற ரஜினி எதுவும் செய்யவில்லை. எதிர்த்து குரல்கூட கொடுக்கவில்லை. பிரதமருடன் நெருக்கம் இருந்தும் சினிமாவை காப்பாற்ற ஏன்முன் வரவில்லை? சினிமாவை கூட காப்பாற்ற முடியாத ரஜினி அரசியலுக்கு வந்தால் எப்படி தமிழ்நாட்டை காப்பாற்றுவார்? அவர் அரசியலுக்கு வருவது பற்றி இதுவரை தெளிவாக பேசவில்லை. வந்தால் என்ன செய்யப் போகிறார்? சினிமாவுக்காக ரஜினி குரல் கொடுக்காதது கண்டிக்கத்தக்கது. ’ என்றார் டி ராஜேந்தர்.

http://www.virakesari.lk/

Categories: Tamilnadu-news

58% ஜிஎஸ்டி.. நாளை முதல் எல்லா திரையரங்களும் வேலை நிறுத்தம்.

Sun, 02/07/2017 - 10:42

திரையரங்கை எப்படி நடத்துவது?

58% ஜிஎஸ்டி.. நாளை முதல் எல்லா திரையரங்களும் வேலை நிறுத்தம். தீர்வை எட்டுமா?

தமிழகம் முழுவதும் நாளை முதல் அனைத்து திரையரங்குகளும் மூடப்படும். 58 சதவீத ஜிஎஸ்டியை எதிர்த்து திரையரங்க உரிமையாளர்கள் இந்த முடிவை எடுத்துள்ளனர்.

இந்தியா முழுவதும் நேற்று முதல் ஜிஎஸ்டி எனப்படும் சரக்கு மற்றும் சேவை வரி அமல்படுத்தப்பட்டுள்ளது. இதனால் கடுமையான விலை உயர்வு ஏற்பட்டுள்ளது என பல்வேறு தரப்பினரும் கண்டனம் தெரிவித்து வருகின்றனர்.

இந்நிலையில், 58 சதவீதி ஜிஎஸ்டியை எதிர்த்து நாளை முதல் தமிழகத்தில் உள்ள அனைத்து திரையரங்குகளும் மூடப்படும் என்று திரையரங்க உரிமையாளர்கள் அறிவித்தனர். அது திட்டமிட்டப்படி நாளை தொடங்கும் என்று அறிவிக்கப்பட்டுள்ளது.

இதுகுறித்து தமிழ்நாடு திரையரங்கு உரிமையாளர்கள் சம்மேளன தலைவர் அபிராமி ராமநாதன் செய்தியாளர்களிடம் கூறியதாவது: நாங்கள் ஜிஎஸ்டியை எதிர்க்கவில்லை. கேளிக்கை வரியைத்தான் எதிர்க்கிறோம்.

இதனை எதிர்த்து நாளை முதல் வேலைநிறுத்தத்தில் இறங்குகிறோம். சினிமா துறை ஜிஎஸ்டி வரி 28 சதவீதம் போடப்பட்டுள்ளது. கேளிக்கை வரி என 30 சதவீதம் வசூலிக்கப்படுகிறது.

58 சதவீத வரி என்றால் நாங்கள் எப்படி திரையரங்கை நடத்த முடியும்? எங்களுக்கு வரும் 100 ரூபாய் வருமானத்தில் 58 ரூபாயை அரசுக்கே செலுத்த வேண்டியுள்ளது. எனவே, நாளை தமிழகம் முழுவதும் சுமார் 1000 திரையரங்கள் மூடப்படும்.

கோரிக்கை நிறைவேறும் வரை படக்காட்சிகளும் ரத்து செய்யப்பட்டுள்ளன. ரூ.50ல் இருந்து ரூ.200 வரை சினிமா கட்டணத்தை நிர்ணயிக்க வேண்டும். பிற மாநிலங்கள் போன்று ஒரே வரி விதிப்பை அமல்படுத்த வேண்டும் என்று ராமநாதன் கூறியுள்ளார்.

நன்றி தற்ஸ் தமிழ்.

Categories: Tamilnadu-news

ஆகஸ்ட்-15 - “கொடியேற்ற விடுவேனா?” - சவால் தினகரன்

Sun, 02/07/2017 - 09:13
மிஸ்டர் கழுகு: ஆகஸ்ட்-15 - “கொடியேற்ற விடுவேனா?” - சவால் தினகரன்
 
 

 

‘‘ஆகஸ்ட் 15, சுதந்திர தினத்தில் கோட்டையில் முதல்வர் எடப்பாடி பழனிசாமி தேசியக் கொடியை ஏற்றுவாரா?’’ என்றபடியே வந்து அமர்ந்தார் கழுகார். எடப்பாடி - தினகரன் மோதல் செய்தியைத்தான் கழுகார் சொல்ல வருகிறார் எனப் புரிந்து கொண்டு கழுகாரைப் பார்த்தோம்.

p2c.jpg

‘‘எடப்பாடி அணியும் டி.டி.வி.தினகரன் அணியும் வெளிப்படையாக மோதி வருகிறார்கள். டி.டி.வி.தினகரன் ஆதரவாளர்கள் என்ன பேசினாலும் அதற்கு அமைதி காத்து வந்தார் எடப்பாடி. ஆனால், நடவடிக்கைகளில் தினகரனுக்கு மௌனமாக ‘செக்’ வைத்துக் கொண்டே இருந்தவர், இப்போது அந்தக் கட்டத்தைத் தாண்டிவிட்டார். எடப்பாடி அணியைச் சேர்ந்த கோ.அரி எம்.பி, ‘குற்றவாளியான சசிகலாவுக்குக் கட்சியை வழிநடத்த அதிகாரம் இல்லை. சசிகலாவும் அவரது குடும்பத்தினரும் கட்சியை விட்டு நிரந்தரமாக விலக வேண்டும்’ எனப் பேட்டி கொடுத்தது எதிர்பாராத திருப்பம்.

கோ.அரியைப் பேச வைத்ததன் மூலம் தினகரனோடு  மோத எடப்பாடி  தயாராகிவிட்டார். இது தினகரன் தரப்பை அதிர்ச்சி அடைய வைத்தது. கோ.அரியின் பேட்டிக்குத் தினகரன் ஆதரவு எம்.எல்.ஏ வெற்றிவேல் ரியாக்‌ஷன் காட்டினார்’’

‘‘எடப்பாடியிடம் இருந்து ரியாக்‌ஷன் வரவில்லையே?’’

p2e.jpg

‘‘கோ.அரி பேட்டிக்கு எடப்பாடி தரப்பில் இருந்து எந்தக் கண்டனமும் வரவில்லை என்பதுதான் தினகரன் தரப்பைக் கொதிக்க வைத்திருக்கிறது. கோ.அரியை அழைத்து தனிப்பட்ட முறையிலும் எடப்பாடி கண்டிக்கவில்லை என்ற தகவலையும் தினகரன் ஆதரவாளர்கள் உறுதிப்படுத்தியிருக்கிறார்கள். இதனால் தினகரன் காய்களை நகர்த்த ஆரம்பித்திருக்கிறார். கோ.அரி பேட்டிக்கு உடனடியாக, வெற்றிவேல் எம்.எல்.ஏ-வை வைத்துப் பதிலடி கொடுக்க வைத்தார் தினகரன். ‘சசிகலாவும் தினகரனும் இல்லையென்றால் கட்சி நடு ரோட்டுக்கு வந்திருக்கும். நன்றி மறந்து பேசக்கூடாது. எங்கள் பொறுமைக்கும் எல்லை உண்டு. சசிகலா குடும்பத்தை வெளியே போகச்சொல்ல இவர்கள் யார்? கட்சிக்கு பொதுச்செயலாளர் யார், துணைப் பொதுச்செயலாளர் யார் என்பதை எடப்பாடி விளக்க வேண்டும். அப்போதுதான் கட்சியும் ஆட்சியும் குழப்பம் இல்லாமல் செல்லும்’ எனக் காட்டமாகக் கேட்டார் வெற்றிவேல். அது வெற்றிவேலின் குரலாக இருந்தது என்பதைவிட, எடப்பாடி அரசுக்கு எச்சரிக்கை விடுக்கும் தினகரனின் குரலாகவே ஒலித்தது.’’

p2d.jpg

‘‘ஓஹோ’’

‘‘ஆட்சிக்கு எடப்பாடி... கட்சிக்குத் தினகரன் என்பதுதான் தினகரன் ஆதரவாளர்களின் கோஷம். அதையே வெற்றிவேலும் பேட்டியில் வலியுறுத்தினார். இதை வெளிப்படையாக அறிவிக்கும் வகையில் கட்சி மற்றும் ஆட்சி நடவடிக்கைகளை அமைக்க வேண்டும் என்று தினகரன் விரும்புகிறார். ‘எட்டு அமைச்சர்களின் இலாகாக்களை மாற்ற வேண்டும்; புதியவர்கள் சிலருக்கு அமைச்சரவையில் வாய்ப்புத் தர வேண்டும்’ என்ற கோரிக்கையில் தினகரன் உறுதியாக இருக்கிறார். கோ.அரி பேட்டிக்குப் பிறகு தினகரன் மீடியாவிடம் பேசியபோது ‘இரண்டு மாதங்கள் அமைதியாக இரு எனப் பொதுச்செயலாளர் சசிகலா சொல்லியிருக்கிறார். அதன்படி நான் செயல்பட்டு வருகிறேன். அந்த இரண்டு மாத காலக்கெடு ஆகஸ்ட் 5-ம் தேதி முடிகிறது. அதன்பிறகு என் செயல்பாடுகள் தீவிரமாக இருக்கும்’ எனச் சொல்லியிருக்கிறார். இந்தக் கெடு நாளை வைத்துதான் தினகரன் ஏதோ ஒரு திட்டத்தோடு இருக்கிறார்கள் எனப் பேச்சுகள் கிளம்பியிருக்கின்றன’’

‘‘சுதந்திர தினத்தில் எடப்பாடி பழனிசாமி தேசியக் கொடியை ஏற்றுவாரா? என முன்னோட்டம் கொடுத்தீரே. அதற்கு விளக்கம் ப்ளீஸ்...’’

p2a.jpg

‘‘அவசரப்படாதீர். அதைத்தான் சொல்ல வந்தேன். இரண்டு மாதம். அதாவது 60 நாள்கள் என்பதைத் தினகரன் அடிக்கடி நினைவுபடுத்திக் கொண்டே இருக்கிறார். அரசியலில் அமைதியாக இருக்க வேண்டும் என்கிற அந்த 60 நாட்களை எடப்பாடிக்கு விடப்பட்ட கெடுவாகத்தான் பலரும் பார்க்கிறார்கள். அதற்குள் தெளிவான முடிவை எடப்பாடியே அறிவித்துவிட வேண்டும் எனத் தினகரன் எதிர்பார்க்கிறார். ‘கட்சியா... ஆட்சியா?’ என்றால் கட்சிதான் முக்கியம் எனத் தினகரன் நினைக்கிறார். ‘எடப்பாடி பழனிசாமியின் மவுனம் கலைய வேண்டும். இல்லையென்றால் ஆகஸ்ட் 15-ம் தேதி கோட்டை கொத்தளத்தில் அவர் கொடியேற்றுவதைப் பார்த்துவிடலாம். ஆட்சி அதிகாரம் இருப்பதால்தானே எடப்பாடி அணியினர் ஆட்டம் போடுகிறார்கள்’ எனக் கொந்தளிக்கிறார் தினகரன்’’ 

‘‘எடப்பாடி எப்படி சமாளிக்கப் போகிறார்?’’

‘‘தினகரனின் திட்டங்களைத் தெரிந்துகொண்ட எடப்பாடி, அவசரமாக திவாகரனுக்கு ஓலை அனுப்பினார். ஆட்சிக்கும் கட்சிக்கும் இப்போது அவர்தான் இணைப்புப் பாலமாக இருக்கிறார். ஜூலை 3-ம் தேதி பெங்களூரு சென்று சசிகலாவைச் சந்திக்க திவாகரன் திட்டமிட்டு இருக்கிறார்.அதன்பிறகு சசிகலாவைத்  தினகரனும் சந்திக்கிறார். இந்தச் சந்திப்பின் போது திவாகரன் சில சமரச திட்டங்களைச் சசிகலாவிடம் சொல்ல இருக்கிறார். தினகரன் தரப்பில், எடப்பாடி அணி போடும் ஆட்டங்களைப் பட்டியலிட இருக்கிறார்கள். பெங்களூருவில் நடக்கும் சந்திப்பில் சசிகலாவை யார் சமரசப்படுத்துகிறார்களோ அவர்களது தரப்பின் கை ஓங்கும். தினகரனுக்கும் திவாகரனுக்கு இடையே இருந்து வந்த பனிப்போர் முடிவுக்கு வந்த நிலையில் இந்தச் சமரசம் பலன் அளிக்குமா என்பது பிறகுதான் தெரியும்.’’

p2.jpg

‘‘பால் கலப்படம் விவகாரத்தில் அமைச்சர் ராஜேந்திர பாலாஜி இப்போது பின்வாங்குவது போலப் பேசுகிறாரே?’’

‘‘ராஜேந்திர பாலாஜியின் அதிரடி, சுகாதாரத் துறைக்குப் பெரும் தலைவலியை ஏற்படுத்தி உள்ளது. உணவுப் பாதுகாப்புச் சட்டத்தின்படி பால் கலப்படம் குறித்து நடவடிக்கை எடுக்க வேண்டிய துறை, சுகாதாரத் துறைதான். ‘நடவடிக்கை எடுக்கிறோம். ஆதாரங்கள் கொடுங்கள்’ எனச் சுகாதாரத் துறை சார்பில் கேட்டபோதும், ‘என்கிட்ட ஆதாரம் இல்லை’ எனப் பொத்தாம்பொதுவாக ராஜேந்திர பாலாஜி பதில் சொன்னாராம்.அண்மையில், உணவுக் கலப்படம் குறித்து சென்னை டி.எம்.எஸ் வளாகத்தில் நடந்த கூட்டத்தில் ராஜேந்திர பாலாஜியின் அதிரடிகள் பற்றி சுகாதாரத் துறை அதிகாரிகள் நொந்து போய் பேசினார்களாம்’’ என்ற கழுகார், சட்டசபை மேட்டருக்குத் தாவினார்.

‘‘சட்டமன்றக் கூட்டத்தொடர், அறிவித்தபடி 19-ம் தேதிவரை நடக்குமா எனச் சந்தேகம் கிளம்பியிருக் கிறது. ஜூலை மாதம் 19 -ம் தேதி வரை சட்டசபையை நடத்த திட்டமிட்டிருந்தார்கள். ஆனால் இன்னும் சில நாட்களில் முடித்துக் கொள்ளுமாறு கவர்னர் மாளிகையில் இருந்து கட்டளை வந்ததாம். ‘ஜனாதிபதி தேர்தல் நெருங்கிவரும் வேளையில் கூட்டத்தொடரைத் தொடர்ந்து நடத்தி தேவையில்லாமல் அரசியல் பிரச்னைகளை ஏற்படுத்திவிட வேண்டாம்’ என மேலிடம் கேட்டுக் கொண்டதாம். மத்திய அரசுக்குப் போட்டி போட்டு ஆதரவு அளித்துவரும் எடப்பாடி பழனிசாமியே நொந்துபோய் ‘தமிழகத்தில் நடப்பது கவர்னர் ஆட்சி தானோ’ எனப் புலம்புகிறாராம்.

‘‘ம்’’

‘‘பான் பராக், குட்கா விவகாரத்தில் சிக்கிய டி.கே.ராஜேந்திரனுக்கும், ஜார்ஜுக்கும் சட்டம் ஒழுங்கு டி.ஜி.பி பதவி கிடைக்கும் என்ற பேச்சு இருந்த நிலையில், பொறுப்பு டி.ஜி.பி-யாக இருந்த ராஜேந்திரனுக்குச் சட்டம் ஒழுங்கு டி.ஜி.பி-யாக இரண்டு ஆண்டுகள் பணி நீட்டிப்பு வழங்கப்பட்டிருப்பதாக தகவல் வெளியாகி  இருக்கிறது. அவர் ஓய்வு பெறுவதற்கு முன்பு, அவரை டி.ஜி.பி பதவிக்குக் கொண்டு வந்துவிட்டால், அதன்பிறகு இரண்டு ஆண்டுகளுக்கு அவர்தான் நீடிப்பார். உச்ச நீதிமன்றத்தின் தீர்ப்பு அதற்கேற்ப இருக்கிறது. பான் குட்கா தயாரிப்பாளர்களிடம் லஞ்சம் வாங்கியதாகப் புகார் எழுந்திருக்கும் ராஜேந்திரனுக்குப் பதவி நீட்டிப்புத் தரப்பட்டிருப்பது மேலும் புகைச்சலை ஏற்படுத்தியிருக்கிறது. ராஜேந்திரன், ஜார்ஜ் பெயர்களைச் சட்டசபை வளாகத்தில் மீடியாவிடம் சொல்லி, அவர்கள் மீது நடவடிக்கை எடுக்க வேண்டும் என ஸ்டாலின் சொல்லியிருந்தார். இந்த நிலையில்தான் ராஜேந்திரனுக்குப் பதவி தரப்பட்டுள்ளது. டி.கே.ராஜேந்திரனுக்கு இரண்டாண்டுகளுக்கு பதவி நீட்டிப்பு வழங்கியதால் சீனியாரிட்டியுடன் காத்திருக்கும் ஜார்ஜ், அர்ச்சனா ராமசுந்தரம் உள்ளிட்ட சில ஐ.பி.எஸ்-கள் இதன்பின் சட்டம் ஒழுங்கு டி.ஜி.பி ஆக முடியாது’’ என்றபடியே பறந்தார் கழுகார்.

p2b.jpg

கோட்டையில் மூக்கை நுழைக்கும் மிலிட்டரி!

மிழக அரசின் ஸ்திரமற்ற சூழலைப் பயன்படுத்தி மத்திய அரசு எல்லை மீறிவருவதாகப் புலம்பல்கள் கேட்டு வந்த நிலையில், தலைமைச் செயலக ஊழியர்கள் வட்டாரத்திலும் இப்போது எதிரொலிக்க ஆரம்பித்திருக்கின்றன. தமிழக அரசுக்கும்  தலைமைச் செயலக ஊழியர்களுக்கும் புதுப்பிரச்னை கிளம்பியுள்ளது. தலைமைச்செயலகத்துக்கு நுழைய கடற்கரை சாலை மற்றும் கோட்டை ரயில் நிலையம் என இரண்டு வழிகள் இருக்கின்றன. கோட்டை ரயில் நிலைய வாயில் வழியாக கார், ஆட்டோ போன்ற வாகனங்களுக்கு ஒரு மாதங்களுக்கு முன்பு தடை விதித்தது கோட்டையின் ராணுவ அலுவலகம். இந்நிலையில் இருசக்கர வாகனங்களுக்கும் தடைப் போட்டுவிட்டார்கள். இதனால் அந்த வழியைப் பயன்படுத்திவந்த ஆயிரக்கணக்கான அரசு ஊழியர்கள் திண்டாட்டத்துக்கு ஆளாகியுள்ளனர். ராணுவக் கட்டுப்பாட்டில் தலைமைச் செயலகம் இருப்பதால், உள்ளே இருசக்கர வாகனங்கள் விட ஏக கெடுபிடிகளை விதித்து தங்கள் அதிகாரத்தை நிலைநாட்டுவதுபோல் நடந்துகொள்கிறார்களாம். தலைமைச்செயலக ஊழியர்கள் சங்கம் உள்துறைக்கு இதுபற்றி மனு அளித்திருக்கிறது.

http://www.vikatan.com/juniorvikatan/

Categories: Tamilnadu-news

அ.தி.மு.க., ஆட்டத்தில் அடுத்த மாதம் உச்சகட்டம்! ஜெயிக்க போவது யார்; தினகரனா... பழனிசாமியா?

Sat, 01/07/2017 - 20:36
அ.தி.மு.க., ஆட்டத்தில் அடுத்த மாதம்
உச்சகட்டம்! ஜெயிக்க போவது யார்;
தினகரனா... பழனிசாமியா?
 
 
 

தினகரன் ஆதரவு எம்.எல்.ஏ.,க்களை, தங்கள் பக்கம் இழுக்கும் பணியில், முதல்வர் மற்றும் அவரது ஆதரவு அமைச்சர்கள் ஈடுபட்டுள்ளனர்.

 

அ.தி.மு.க., ஆட்டத்தில்,அடுத்த,மாதம்,உச்சகட்டம்!,ஜெயிக்க போவது யார், தினகரனா,பழனிசாமியா?

அ.தி.மு.க.,வில், தற்போது உச்சகட்ட குழப்பம் நிலவுகிறது. ஜெ., மறைவுக்கு பின், சசிகலா அணி, பன்னீர் அணி என, அ.தி.மு.க., இரண்டாக உடைந்தது. தற்போது, சசிகலா அணியில், முதல்வர் பழனிசாமி அணி, தினகரன் அணி என, பிளவு ஏற்பட்டுள்ளது.
 

அதிர்ச்சி


முதல்வர் பழனிசாமி மற்றும் அவரது ஆதரவு அமைச்சர்கள், சசிகலா மற்றும் அவரது குடும்பத்தினரை ஒதுக்கிவிட்டு, கட்சியையும், ஆட்சியையும் வழிநடத்த, முடிவு செய்து

உள்ளனர். இது, தினகரனிடம் அதிர்ச்சியை ஏற்படுத் தியது.அவர் கட்சியும், ஆட்சியும், தன் கட்டுப்பாட் டில் இருக்க வேண்டும் என, எண்ணு கிறார். அவருக்கு, 34 எம்.எல்.ஏ.,க்கள் ஆதரவு தெரிவித்த னர். அவர்களைக் கொண்டு, முதல்வர் பழனி சாமியை மிரட்டி பார்த்தார். ஆனால், அவர் அசைந்து கொடுக்கவில்லை.

யாராக இருந்தாலும், ஆட்சியை கவிழ்க்க மாட்டார் கள் என்ற நம்பிக்கை உள்ளதால், முதல்வர் தனித்து செயல்பட முடிவு செய்து விட்டார். இப்தார் நோன்பு திறப்பு நிகழ்ச்சி, எம்.ஜி.ஆர்., நுாற்றாண்டு துவக்க விழா ஆகியவற்றுக்கு, தினகரனை அழைக்க வேண்டும் என, அவரது ஆதரவு எம்.எல்.ஏ.,க்கள் வலியுறுத்தினர்; அதை, முதல்வர் ஏற்றுக் கொள்ளவில்லை.
 

எதிர்பார்ப்பு


இரண்டு நிகழ்ச்சிக்கும், தினகரன் அழைக்கப்பட வில்லை.தினகரனுக்கு ஆதரவாக பேசிய எம்.எல். ஏ.,க்களுக்கு, முதல்வர் அணியை சேர்ந்த, எம்.பி.,க் கள் மற்றும் எம்.எல்.ஏ.,க்கள் பதிலடி கொடுத்து வருகின்றனர். முதல்வரிடம் ஆட்சி அதிகாரம் உள்ளதால், எம்.எல்.ஏ.,க்கள், அவர் பக்கம் சாய்ந்து வருகின்றனர். தினகரனை சந்தித்த, எம்.எல்.ஏ.,க் க ளையும்,தங்கள் பக்கம் இழுக்கும் பணியில்,

 

முதல்வர்மற்றும் அமைச்சர்கள் ஈடுபட்டு உள்ளனர்.இதை தவிர்க்க, ஆக., 5 முதல், தமிழகம் முழுவதும் சுற்றுப் பயணம் செல்ல, தினகரன் முடிவு செய்து உள்ளார்.

அதைப் பற்றி கவலைப்படாமல், கட்சியை கைப்பற்றும் பணியில், முதல்வர் அணி மும் முரமாக இறங்கி உள்ளது.சட்டசபைகூட்ட தொடர் முடிந்த பின், இரு பிரிவினருக்கும் இடையிலான மோதல், உச்ச கட்டத்தை எட்டும் என,எதிர்பார்க்கப்படுகிறது. இந்த ஆட்டம், யாருக்கு சாதகமாக முடியும் என்ற எதிர்பார்ப்புடன், அ.தி.மு.க.,வினர், அமைதி யாக வேடிக்கை பார்க்கின்றனர்.
- நமது நிருபர் -

http://www.dinamalar.com/news_detail.asp?id=1802562

Categories: Tamilnadu-news

தி.மு.க., பவள விழாவில் அ.தி.மு.க., மும்மூர்த்திகள்!

Sat, 01/07/2017 - 20:34
தி.மு.க., பவள விழாவில்
அ.தி.மு.க., மும்மூர்த்திகள்!
 
 
 

தி.மு.க., செயல் தலைவர் ஸ்டாலினை, அ.தி.மு.க., கூட்டணி, எம்.எல்.ஏ.,க்களான கருணாஸ், தனியரசு, தமிமுன் அன்சாரி ஆகிய மும்மூர்த்திகளும், மூன்று முறை சந்தித்து பேசியுள்ளனர்.

 

தி.மு.க., பவள,விழா, அ.தி.மு.க., மும்மூர்த்திகள்!

இந்த மும்மூர்த்திகளும், ஆகஸ்ட்டில் நடக்க உள்ள, 'முரசொலி' நாளிதழ் பவள விழாவில் பங்கேற்று, தி.மு.க., ஆதரவாளர்களாக அணி மாறுவரா என்ற கேள்வி எழுந்துள்ளது.
 

வெற்றி


கடந்த, 2016ல் நடந்த, சட்டசபை தேர்தலில், அ.தி.மு.க., கூட்டணியில், கருணாஸ் தலைமை யிலான முக்குலத்தோர் புலிப்படை கட்சியும், தனியரசு தலைமையிலான கொங்கு இளைஞர் பேரவை கட்சியும், தமிமுன் அன்சாரி தலைமையிலான மனிதநேய ஜன நாயக கட்சியும் வெற்றி பெற்றன.

சட்டசபை யில், முதல்வர்பழனிசாமி அரசு நம்பிக்கை தீர்மானம் கொண்டு வந்தபோது, மூன்று எம்.எல்.ஏ.,க்களும் ஆதரித்தனர்.

கூவத்துாரில், எம்.எல்.ஏ.,க் களுக்கு பேரம் பேசிய விவகாரம் தொடர்பாக, பன்னீர் அணி எம்.எல்.ஏ., சரவணனின் வீடியோ வெளியானதும், மூவரும் கடும் எதிர்ப்பு தெரிவித்தனர்.

மாட்டிறைச்சி விவகாரத்திலும், மூவரும் ஒரே நிலைப்பாட்டை எடுத்து, சட்டசபையில் வெளிநடப்பு செய்தனர். ஜனாதிபதி தேர்தலில், முதல்வர் பழனிசாமி அணி,தினகரன் அணியினர், பா.ஜ., வேட்பாளர் ராம்நாத் கோவிந்தை ஆதரிப்பதாக அறிவித்தனர்.

ஆனால், தமிமுன் அன்சாரி, காங்கிரஸ் வேட்பாளர் மீரா குமாரை ஆதரிப்பதாக அறிவித்து, தி.மு.க., கூட்டணிக்கு அச்சாரம் போட்டுள்ளார்.மேலும், ராஜிவ் கொலை வழக்கில் தண்டனை பெற்ற பேரறிவாளன் உள்ளிட்ட, ஏழு பேரை விடுதலை செய்யக் கோரி, ஒத்திவைப்பு தீர்மானத்தை, சட்ட சபையில் கொண்டு வருவது குறித்து, ஸ்டாலினை, மூன்று எம்.எல்.ஏ.,க்களும், இரண்டு முறை நேரில் சந்தித்து பேசினர்.
 

அழைப்பிதழ்


இந்நிலையில், மூன்றாவது முறையாக, சட்டசபை யில் உள்ள எதிர்க்கட்சித் தலைவர் அலுவலகத்தில் ஸ்டாலினை, கருணாஸ், தனியரசு, தமிமுன் அன்சாரி ஆகியோர் சந்தித்துபேசினர். அப்போது, ஆகஸ்ட்டில் நடைபெற உள்ள, 'முரசொலி' நாளிதழ் பவள விழாவில், மூன்று எம்.எல்.ஏ.,க்களும் பங்கேற்க வேண்டும் என, ஸ்டாலின் அழைப்பிதழ் வழங்கி உள்ளார்.

இந்த விழாவில், 3 எம்.எல்.ஏ.,க்களும் பங்கேற்று,

 

தி.மு.க., அணியில் இணைவரா என்ற கேள்வி எழுந்துள்ளது.இது குறித்து, தி.மு.க., வட்டாரம் கூறியதாவது:சட்டசபை நடந்த ஒரு வாரத்திற்குள், மூன்று, எம்.எல். ஏ.,க் களும், மூன்று முறை ஸ்டாலினை சந்தித்து பேசியுள்ளனர். இவர்களின் சந்திப்பு, அரசியல் முக்கியத்துவம் வாய்ந்ததாக கருதப்படுகிறது.

தென் மாவட்டங்களில், முக்குலத்தோர் ஓட்டு களை கவர கருணாஸ், மேற்கு மாவட்டங் களில் கவுண்டர் சமுதாய ஓட்டுகளை கவர தனியரசு, சிறுபான்மையினர் ஓட்டுகளை பெற தமிமுன் அன்சாரி ஆகியோரை சேர்க்க வாய்ப்புள்ளது.மேலும், அவர்களுக்கு, தேர்த லில் போட்டியிட வாய்ப்பு வழங்கி, பிரசாரத் திற்கு பயன்படுத்தவும், ஸ்டாலின் திட்டமிட்டு உள்ளார். எனவே, அவர்கள் மூவரும், சட்ட
சபையில், தி.மு.க., புகழ் பாடும் வாய்ப்பும் உள்ளது.இவ்வாறு கட்சி வட்டாரம் கூறியது.

- நமது நிருபர் -

http://www.dinamalar.com/news_detail.asp?id=1802576

Categories: Tamilnadu-news

ஆயிரம் ஓல்ட் மின்சாரமும் அண்ணாசாலையில் நடந்த பதவியேற்பும்... எம்.ஜி.ஆர் எனும் ஓட்டு வேட்டைக்காரன்!

Sat, 01/07/2017 - 06:11
ஆயிரம் ஓல்ட் மின்சாரமும் அண்ணாசாலையில் நடந்த பதவியேற்பும்... எம்.ஜி.ஆர் எனும் ஓட்டு வேட்டைக்காரன்! 
 
 

எம் ஜி ஆர்

மிழக முதலமைச்சராக எம்.ஜி.ஆர் பொறுப்பேற்ற நாள் இன்று. தமிழக அரசியல் வரலாற்றில் ஜூன் 30-ம் தேதி மறக்கவியலாத தினம். 1977-ம் ஆண்டு இதே தினத்தில்தான் எம்.ஜி.ஆர் தமிழகத்தின் முதல்வராக முதன்முறை பொறுப்பேற்றார். 

சுதந்திரம் பெற்றுத்தந்த கட்சி என்ற பாரம்பர்யத்தோடு இந்தியா முழுக்க மக்களிடையே பெரும் வரவேற்போடு தன் ஆளுகையைப் பரப்பியிருந்த காங்கிரஸ் கட்சியை வீழ்த்தி 1967-ம் ஆண்டு தமிழகத்தில் ஆட்சியைப்பிடித்தவர் அண்ணாதுரை. காங்கிரஸ் கட்சி என்ற ஆலமரத்தை ஒரே ஒரு மாநிலத்தில் விரவியிருந்த திராவிடக்கட்சி ஒன்று வீழ்த்திக்கிடத்தியது இந்திய வரலாற்றில் பெரும் சாதனை. திராவிட சிந்தனை கொண்டவர்களை ஒரு குடையின் கீழ் ஒருங்கிணைத்து அதை ஒரு பலம் கொண்ட ஓர் அமைப்பாக கட்டியமைத்து ஆட்சி அதிகாரத்தைக் கைப்பற்றியது அண்ணாவின் தனிப்பெரும் சாதனை. பெரியார் தேர்தல் அரசியலை விரும்பாதவர் என்பதால் பெரியாருடன் அண்ணாவின் சாதனையை ஒப்பிடமுடியாது. ஆனால், அண்ணா ஆட்சிக்கு வந்த அடுத்த பத்தாண்டுகளில் அண்ணாவின் அந்தச் சாதனையையே முறியடிக்கும் ஒரு விஷயம் அரங்கேறியது. அது ஒரு மக்கள் அபிமானம் மிக்க நடிகர் நாடாளும் வாய்ப்பைப் பெற்றது. அந்தச் சாதனை மனிதர் எம்.ஜி.ஆர்! 

அண்ணாவின் உழைப்பு, ஓர் இயக்கமாக திராவிடச் சிந்தனையை அவர் கட்டியமைத்தது, நிர்வாக ரீதியில் அமைத்திருந்த கட்சியின் அஸ்திவாரம், அவரைப்போன்றே திராவிடச் சிந்தனையில் ஊறிப் போராட்டக் களத்தில் முன்நின்ற பலமிக்க அவரது தம்பிகள் இவற்றில் எந்த ஒன்றையும் வெற்றிகரமாகப் பெற்றிராத எம்.ஜி.ஆர் என்ற மருதுார் கோபாலமேனோன் ராமச்சந்திரன் அண்ணா பெற்ற வெற்றியை அடைந்தது எப்படி...3 வரிகளில் உள்ளது இதன் ரகசியம்...மக்களைச் சந்தி, மக்களோடு இரு, மக்கள் பிரச்னையை பேசு என அண்ணா சொன்ன மந்திரம்தான் அது...

எம் ஜி ஆர்

தமிழர் உணர்வும் தமிழ்மொழிப்பற்றும் ஊறிய ஒரு மாநிலத்தில் ஒரு நடிகர் அதுவும் இந்த மாநிலத்தைச் சாராதவர் என அறியப்பட்ட ஒரு வெற்றிகரமாக 11 ஆண்டுகள் இந்த மாநிலத்தை ஆண்டு சென்றிருக்கிறார் என்பது ஆய்வுக்குரிய விஷயம். இந்த வித்தையை அவர் வென்றெடுக்க காரணமானவை மேற்சொன்ன 3 வரிகள்தான். கொள்கை ரீதியாக மற்ற கட்சிகள் மக்களின் பிரச்னைகளைப் பேசியபோது எம்.ஜி.ஆர், அவர்களின் அடிப்படை பிரச்னைகளையும் நடைமுறை சிக்கல்களையும் பேசினார். திராவிட உணர்வையே திரும்பத் திரும்ப அவரது பங்காளியான திமுக மக்கள் முன் வைத்து அவர்களின் உணர்ச்சியை உசுப்பியபோது வெயிலில் நடக்காதீர்கள் என செருப்பை தந்து அதைத் தணியவைத்தார். ஒரு பக்கம் திராவிடத்தைப் பேசிக்கொண்டே இன்னொரு பக்கம் அந்த கொள்கையையே அடமானம் வைத்துவிட்டு மலையாளி என எம்.ஜி.ஆரை திமுக வன்மத்தை வெளிப்படுத்தியபோது சத்துணவு அந்த விமர்சனத்தில் சத்தில்லாமல் செய்தது. ஒரு பெரும் சித்தாந்தங்களுக்கு மத்தியில் தனி மனிதராக எம்.ஜி.ஆர் இப்படித்தான் வென்றார். 

எம்.ஜி.ஆர்இலங்கையில் பிறந்து கேரளாவில் வளர்ந்து தந்தையின் திடீர் மரணத்தால் வறுமைக்கு ஆளாகி அதை வென்றெடுக்க தன் சகோதரர் மற்றும் தாயுடன் ஒரு நள்ளிரவில் கும்பகோணத்துக்கு வந்திறங்கியவர் எம்.ஜி.ராம்சந்தர். 

பாய்ஸ் கம்பெனியில் சேர்ந்து பாலபார்ட் வேடங்கள் போட்டு, தன் திறமையால் ராஜபார்ட் ஆனார் சில வருடங்களில். காந்தி, நேரு மீது அளவற்ற காதலால் காங்கிரஸில் காலணா உறுப்பினராக இருந்தவர். காரைக்குடி வந்த காந்தியைக் கண்டபிறகு காந்தியின் பித்துக் கொண்டு மதுக்கடை மறியலில் ஈடுபட்டு யானைக்கவுனி காவல்நிலையத்தில் கைதாகியும் இருக்கிறார். நாடகத்திலிருந்து 'சதிலீலாவதி' படத்தில் காவல்காரர் வேடத்தில் முதல் சினிமா வாய்ப்பு. அடுத்தடுத்து சிறுசிறுவாய்ப்புகளில் பத்தாண்டுகள் கடந்தநிலையில் 1947-ம் ஆண்டு ஜூபிடர் நிறுவனம் தன் 'ராஜகுமாரி' படத்தில் கதாநாயகனாக முதல் வாய்ப்பு அளித்தது. 'மந்திரிகுமாரி' பட்டிதொட்டியெங்கும் எம்.ஜி.ஆரை கொண்டு சேர்த்தது. அடுத்தடுத்த படங்கள் மூலம் ஒரு நட்சத்திர நடிகரை அடையாளம் கண்டது தென்னிந்திய சினிமா. 

40களின் இறுதியில் தனது 'சிவாஜி கண்ட இந்து சாம்ராஜ்ஜியம்' நாடகத்தில் நடிக்க கட்டுடலும் கணீர் வசனமும் பேசும் திறமையும் கொண்ட ஒரு நடிகரைத் தேடிக்கொண்டிருந்தார் அண்ணா. கழுத்தில் துளசி மாலையும் கதர் உடையோடும் காணப்பட்ட ராம்சந்தரை அதற்கு தேர்வு செய்த அண்ணாவின் நண்பர் நடிகமணி டி.வி.நாராயணசாமி ராம்சந்தரை அண்ணாவுக்கு அறிமுகப்படுத்திவைத்தார். முதற்சந்திப்பிலேயே அண்ணா மீது இனம்புரியாத காதல் பிறந்தது ராம்சந்தருக்கு. அண்ணா அன்பளிப்பாக அளித்த பணத்தோட்டம் நாவல் அவரது அறிவின் வீச்சை பறைசாற்ற, அசந்தும் அதிசயித்தும் போன ராம்சந்தர், அண்ணாவின் படைப்புகளை வாசிக்கவும் அவரை சுவாசிக்கவும் ஆரம்பித்தார். கதருக்கு விடைகொடுத்தார். துளசிமாலையைத் துாக்கி எறிந்தார். ராம்சந்தர் ராமச்சந்திரன் ஆனார். சினிமாவின் அடுத்தடுத்த வெற்றிகள் அவரை இன்னும் நெருக்கமாக எம்.ஜி.ஆர் என அழைக்க வைத்தது. (ஆனால் ஏனோ பின்னாளில் சிவாஜி கண்ட இந்து சாம்ராஜ்ஜியத்தில் சிவாஜி நடிக்க நேர்ந்தது.)

1951-ம் ஆண்டு திமுகவில் அதிகாரபூர்வமாக இணைந்தார் எம்.ஜி.ஆர். கட்சிக்காக தமிழகத்தில் சுற்றிவராத ஊர்களை விரல்விட்டுச் சொல்லிவிடலாம். எம்.ஜி.ஆர் கட்சி என்ற அந்தஸ்து திமுகவை அடித்தட்டுமக்களுக்கு அடையாளம் காட்டியது. கட்சியும் வளர்ந்தது. எம்.ஜி.ஆரும் வளர்ந்தார். எம்.ஜி.ஆரின் உழைப்பிற்கு எம்.எல்.சி பதவியைப் பரிசாகத் தந்தார் அண்ணா. கூடவே கழகத்தில் இரு அணிகளும் உருவாகின. கருணாநிதி - சம்பத் என்ற இருதலைவர்களுக்கிடையே ஏற்பட்ட மனவேறுபாடு கழகத்தில் பிளவை ஏற்படுத்தியது. தன் சினிமா பங்காளி கருணாநிதிக்கு ஆதரவாய் நின்றார் எம்.ஜி.ஆர். அண்ணாவுக்குப் பிறகு அவர் அதிசயித்த மனிதர் கருணாநிதி. கலகலத்த கழகம், சம்பத் வெளியேறியபின் கொஞ்சம் கலகலப்புக்கு வந்தது. அதுவும் நிரந்தரமில்லை. 

எம்.ஜி.ஆரின் பிரபல்யம் கட்சியின் மற்ற தலைவர்களுக்குக் கொஞ்சம் முகச் சுழிப்பை ஏற்படுத்தியது. கழகத்தில் எம்.ஜி.ஆருக்கு எதிரான அணி ஒன்று சத்தமின்றி உருவாகியிருந்தது. “அண்ணாவுக்கு எதிராக தீர்மானம் நிறைவேற்றவிருக்கிறார் சம்பத்” என அண்ணாவின் இதயத்திலிருந்து சம்பத்தைக் கழற்றிவிட்டவர்கள், எம்.ஜி.ஆரை பலிகொடுக்க 1964-ம் ஆண்டு நடந்த காமராஜர் பிறந்தநாளை கையில் எடுத்தார்கள். “காமராஜர் என் தலைவர் அண்ணா என் வழிகாட்டி” என அந்த விழாவில் உணர்ச்சிவயப்பட்டிருந்தார் எம்.ஜி.ஆர். 
பார்த்தாயா உடன்பிறப்பே, அண்ணா வழிகாட்டியாம் காமராஜர்தான் தலைவராம் என நீட்டி முழக்கி கருணாநிதியின் தயவில் ஓடிக்கொண்டிருந்த இதழ்களில் கட்டுரைகள் வெளியாகின. கட்சியின் 'வளர்ச்சி'யில் அடுத்தடுத்து தீவிரம் காட்டின அந்த இதழ்கள். அண்ணாவின் காலம் வரை நீறு பூத்த நெருப்பாக இருந்த கருணாநிதி- எம்.ஜி.ஆர் மோதல் அவரதுமறைவுக்குப்பின் அதிர்ச்சியளிக்கும்விதமாக கடைத்தெருவுக்கு வந்தது. இத்தனைக்கும் அண்ணாவின் மறைவினால் ஏற்பட்ட வெற்றிடத்தை இட்டு நிரப்ப பல்வேறு எதிர்ப்புகளையும் மீறி கருணாநிதியைத் தேர்வு செய்து அதை வெற்றிகரமாக்கியவர் எம்.ஜி.ஆர். ஒரு உறையில் இரு கத்திகள் உட்காரமுடியாது என்பது அறிவியல் மட்டுமல்ல அரசியலும் அதுவேதான்! 

எம்.ஜி.ஆர்

எம்.ஜி.ஆர் - கருணாநிதிக்கு இடையில் புகைச்சல் இருப்பதை பூடகமாகவோ வெளிப்படையாகவே இதை எழுதிவந்தன அன்றைய தினசரிகள். ஆனாலும், பொதுமேடையில் கண்ணியமாக இருதலைவர்களும் தங்களை வெளிப்படுத்திக்கொண்டனர். 'உலகம் சுற்றும் வாலிபன்' படத்தின் படப்பிடிப்புக்காக வெளிநாடு சென்ற எம்.ஜி.ஆரை கட்டித்தழுவி வாழ்த்துச்சொன்ன கருணாநிதி எம்.ஜி.ஆர் அந்த படத்தின் படப்பிடிப்பு முடிந்து வெளியான சமயம் பரம வைரியாகிப்போயிருந்தார். 

திருக்கழுக்குன்றத்தில் 1972 அக்டோபர் 8-ம் தேதி நடந்த பொதுக்கூட்டத்தில் முதன்முறை எம்.ஜி.ஆர் கருணாநிதி இடையிலான பனிப்போர் பட்டவர்த்தனமானது. அந்தக் கூட்டத்தில், “அண்ணாவின் மறைவுக்குப்பிறகு கட்சியின் சட்டமன்ற பாராளுமன்ற உறுப்பினர்கள் பெரிய அளவு சொத்து சேர்த்துவிட்டனர். திமுக மீது மக்கள் அதிருப்தியடைந்துள்ளனர். நடந்துபோய்க்கொண்டிருந்தவர்கள் சொகுசு கார்களில் செல்வதற்கான காரணத்தை மக்கள் கேட்கின்றனர். அமைச்சர்களின் மனைவி மக்கள் மற்றும் உறவினர்களின் சொத்துவிவரங்களை மக்கள் அறிய விரும்புகின்றனர். இதுபற்றி நான் செயற்குழுவில் பேசுவேன்'' எனக் கொதிப்பாகப் பேசினார். விளக்கம் கேட்டு நோட்டீஸ் அனுப்பியது திமுக தலைமை. “தவறு செய்தவர்கள்தான் மன்னிப்பு கேட்கவேண்டும். தவறு செய்யாத நான் ஏன் விளக்கம் அளிக்கவேண்டும்” என மத்தியஸ்தம் பேச வந்த முரசொலி மாறனிடம் உக்கிரம் காட்டினார் எம்.ஜி.ஆர். ஏதோ ஒரு முடிவை கருணாநிதி - எம்.ஜி.ஆர் இருவரும் எடுத்துவிட்டதாகச் சொல்லி பெரியார் உள்ளிட்ட சில மூத்த தலைவர்கள் ஒதுங்கிக்கொண்டனர். 

எம்.ஜி.ஆர் மீதான நடவடிக்கை குறித்து விவாதிப்பதற்காக திமுக செயற்குழுக் கூட்டம் கூடியது. பெண் உறுப்பினர் ஒருவர், திமுகவுக்கு எம்.ஜி.ஆர் பயன்பட்ட விதத்தை சுட்டிக்காட்டி, “எம்.ஜி.ஆரை கட்சியிலிருந்து நீக்குவது, முடிவெடுப்பது ஆயிரம் வோல்ட் மின்சாரத்தில் கைவைப்பதற்குச் சமம்" எனக் கண்ணீர்விட்டபடி கூறினார். 

எம்.ஜி.ஆர்

அதிர்ச்சி என்னவென்றால் கூட்டம் நடந்துகொண்டிருந்த அதேநேரத்தில் மாலைப்பத்திரிகை அலுவலகம் ஒன்றில், 'கட்சி நடவடிக்கைகளுக்குக் குந்தகம் விளைவித்ததால் எம்.ஜி.ஆர் கட்சியிலிருந்து நீக்கப்படுவதாக திமுக தலைமைக்கழகத்தில் இருந்து வந்த செய்தியை அச்சுக்கோர்த்துக்கொண்டிருந்ததாக சொல்வார்கள். திமுக கொடியை சென்சார் வெட்டிவிடுவார்கள் என்பதால் அந்த கொடியையே தன் அதிகாரபூர்வ தன் 'எம்.ஜி.ஆர் பிக்சர்ஸ்' நிறுவனத்தின் எம்பளமாக வைத்ததோடு தன் படங்களில் திமுகவையும் அதன் தலைவர் அண்ணாவையும் ஏதாவது ஒரு காட்சியிலாவது சென்சாரின் கழுகுக்கண்களை மீறி மக்களிடம் கொண்டுசேர்த்த எம்.ஜி.ஆர், கருவேப்பிலைபோல் துாக்கியெறியப்பட்டார். “ அண்ணாவிடம் இருந்துபெற்ற கனியை வண்டு துளைத்துவிட்டது. ஆகவே துார எறியவேண்டியதாகிவிட்டது" என தன் வாய்ஜாலத்தைக்காட்டிய  கருணாநிதி, "மத்திய அரசு விரித்த வலையில் விழுந்துவிட்டார்” எனப் பிரிவுக்குக் காரணம் சொன்னார். “தன் பிரமாண்ட வளர்ச்சியை விரும்பாமல் கருணாநிதி என்னை தூக்கியெறிந்துவிட்டார்” என்றார் எம்.ஜி.ஆர். 

கட்சியில் கிங் மேக்கராக இருந்தபடி இறுதிவரை ஒரு நடிகனாக புகழ்வெளிச்சத்தில் காலம் கழிப்பதுதான் எம்.ஜி.ஆரின் வாழ்நாள் ஆசையாக இருந்தது. ஆனால், ஒரேநாளில் கட்சி தன்னை கைவிட்டதை அவரால் பொறுத்துக்கொள்ளமுடியவில்லை. கலங்கிப்போயிருந்தவரை கழகம் கைவிட்டாலும் ரசிகர்கள் கைவிடவில்லை. எம்.ஜி.ஆர் கட்சியை விட்டு நீக்கிய நாளிலிருந்து தமிழகத்தில் ஒரு அசாதாரண சூழல் நிலவியது. திமுக தலைவர்களே கூட கறுப்பு சிகப்பு கொடியுடன் காரில் பயணிக்க அஞ்சினர். அந்தளவுக்கு நிலைமை மோசம். அரிதாரத்தின் மீது எம்.ஜி.ஆருக்கு இருந்த ஆசையை ஆட்சி அதிகாரத்தை நோக்கி மடைமாற்றினர் அவரது ரசிகர்கள். தனக்கு எழுந்த தன்னிச்சையான வரவேற்பு எம்.ஜி.ஆரை ஒரேநாள் இரவில் கட்சியைத்துவக்கும் சிந்தனையை ஏற்படுத்தியது. 

1972-ம் வருடம் அக்டோபர் மாதம் 17-ம் தேதி அதிமுக உதயமானது. கட்சியின் கொடியில் அண்ணா. கட்சியின் கொள்கை அண்ணாயிஸம். இப்படி எங்கும் எதிலும் அண்ணாவை முன்னிறுத்தினார் எம்.ஜி.ஆர். கட்சி சந்தித்த முதல் தேர்தலான திண்டுக்கல் இடைத்தேர்தலில் கட்சியின் வேட்பாளர் மாயத்தேவர் பெற்ற வாக்குகள், எம்.ஜி.ஆருக்கு கட்சியின் எதிர்காலம் குறித்த நம்பிக்கையை அதிகப்படுத்தியது. சினிமாவில் எம்.ஜி.ஆர் ஏற்றுநடித்த வேடங்கள் ஏற்படுத்தியிருந்த பிம்பம் எம்.ஜி.ஆரின் அரசியல் வெற்றிக்குப் பக்கபலமாகி நின்றது. 
ஆளும் கட்சியான திமுகவினரால் அதிமுகவினர் பெரும் தொல்லைகளுக்கு ஆளாகினர். எம்.ஜி.ஆர் மன்றத்தைச் சேர்ந்தவர்கள் மீது வழக்குகளும் கைது நடவடிக்கைகளும் எடுக்கப்பட்டன. 

எம்.ஜி.ஆர்

“நான் இறக்கும்வரை அண்ணாவின் கழகத்தில்தான் இருப்பேன். நான் இறக்கும்போது என் உடலில் கழகத்தின் கொடிதான் போர்த்தப்படவேண்டும்” என்று வெளிநாட்டு பத்திரிகை ஒன்றிற்கு பெருமிதத்துடன் பேட்டியளித்தவர் எம்.ஜி.ஆர். ஆனால் 72 க்குப்பின் திமுகவை எதிர்ப்பதுதான் அவரது வாழ்க்கை என்றானது. இந்த 5 ஆண்டுகளில் புலாவரி சுகுமாரன் என்ற சேலத்து இளைஞர் உள்ளிட்ட பல இளைஞர்கள் கொல்லப்பட்டனர். 

கட்சித்துவங்கிய 5 ஆண்டுகளில் ஆட்சியைப்பிடித்தது அதிமுக. 1977-ம் ஆண்டு நடந்த பொதுத்தேர்தலில் மொத்தமுள்ள 234 இடங்களில் 144 இடங்களைப்பெற்று அதிமுக வென்றது. அருப்புக்கோட்டையில் இருந்து தேர்ந்தெடுக்கப்பட்ட எம்.ஜி.ஆர் சட்டமன்றக் கட்சியின் தலைவராகத் தேர்வு செய்யப்பட்டார். கவர்னர் பிரபுதாஸ் பட்வாரியின் அழைப்பை ஏற்று அதிமுக ஆட்சிப்பொறுப்பேற்றது. நாஞ்சில் மனோகரன். நாராயணசாமி, எட்மண்ட் , பண்ருட்டி ராமச்சந்திரன், ஆர்.எம்.வீரப்பன், அரங்கநாயகம், பெ.சவுந்தரபாண்டியன், காளிமுத்து, ராகவானந்தம்,பொன்னையன், பி.டி.சரசுவதி, ஜி.குழந்தைவேலு, கே.ராஜா முகமது போன்ற படித்த இளைஞர்கள், அனுபவமுள்ள தலைவர்களைத் தனது அமைச்சரவையில் இடம்பெறச்செய்தார் எம்.ஜி.ஆர். 

பொது நிர்வாகம், ஐ.பி.எஸ், ஐ.ஏ.எஸ், மாவட்ட ரெவின்யூ அதிகாரிகள், உதவி கலெக்டர்கள், போலீஸ், தேர்தல், பாஸ்போர்ட், மதுவிலக்கு, சுகாதாரம், மருந்து, அறநிலையத்துறை, லஞ்ச ஒழிப்பு, மற்றும் தொழிற்சாலை ஆகிய துறைகளை எம்.ஜி.ஆர் வைத்துக்கொண்டார். ராஜாஜி மண்டபத்தில் இந்தப் பதவியேற்பு வைபவம் நடந்து முடிந்ததும் நேரே எம்.ஜி.ஆர் தன் அமைச்சரவை சகாக்களோடு சென்றது அண்ணாசாலையில் அமைக்கப்பட்ட பிரமாண்ட மேடைக்கு. ஆம் தன்னை, தன் வாழ்வை இத்தனை உயரத்துக்குக் கொண்டு சென்ற மக்கள் முன்னேதான் பதவியேற்பு வைபவத்தை நிகழ்த்தி தன் ஆட்சி லஞ்ச லாவண்மயற்ற ஊழலற்ற ஆட்சியாக மக்களாட்சி புரியும் என மக்களுக்கு உறுதியளித்தார். 

எம்.ஜி.ஆர்

 

தணிக்கை செய்யப்படாமல் ஓரிரு படங்களை மட்டும் என்னை எடுக்க அனுமதித்தால் நான் திராவிடத்தை வென்று காட்டுவேன் என்றார் அண்ணா. அண்ணாவின் ஆசையைத் தணிக்கை செய்யப்பட்ட படங்களைக் கொண்டே நிகழ்த்திக்காட்டியவர் அண்ணாவால் இதயக்கனி என அழைக்கப்பட்ட எம்.ஜி.ஆர். அடுத்த 11 ஆண்டுகள் அவரே தமிழகத்தின் அசைக்கமுடியாதவராக இருந்தார் என்பது உலகமறிந்த வரலாறு.

http://www.vikatan.com/news/tamilnadu/93931-mgr-victory-in-1977-elections.html

Categories: Tamilnadu-news

சண்டை நீக்கி இணையவிருக்கும் குடும்பங்கள்?! சசிகலாவின் மாஸ்டர் ப்ளான்!

Sat, 01/07/2017 - 06:06
சண்டை நீக்கி இணையவிருக்கும் குடும்பங்கள்?! சசிகலாவின் மாஸ்டர் ப்ளான்!
 
 

சசிகலா - ஜெயலலிதா

சிறையில் இருக்கும் சசிகலா, கட்சிக்குள் நிலவும் குழப்பங்களை நினைத்து வேதனையில் இருக்கிறார். கட்சி நிர்வாகிகளுக்குள் நாளுக்குநாள் விரிசல் அதிகமாகிக் கொண்டு இருப்பது கட்சிக்கும் ஆட்சிக்கும் ஆபத்தாகிவிடும் என்று குடும்ப உறவுகளைச் சந்திக்கத் திட்டமிட்டுள்ளார் சசிகலா. கசப்புகளை மறந்து ஒன்றுசேர்வதற்கான இணைப்பு வேலைகளில் மன்னார்குடி குடும்பங்கள் ஈடுபட்டுள்ளன.

ஆர்.கே.நகர் பணப்பட்டுவாடா புகாரில், வருமான வரித்துறையின் ரெய்டில் சிக்கிய அமைச்சர்கள் கிலியில் இருக்கும்போதே... 'இரட்டை இலைச் சின்னத்தை மீட்க பணம் கொடுக்க முயன்றார்' என்ற வழக்கில் டி.டி.வி.தினகரனைச் சுற்றிவளைத்தது டெல்லி போலீஸ். அதனால், அமைச்சர்கள் கூடி ஆலோசனை நடத்தி... ''டி.டி.வி.தினகரனை மட்டுமல்ல, சசிகலா குடும்பத்தையே கட்சியில் இருந்து ஒதுக்கி வைத்துவிட்டோம்'' என்று அறிவித்தனர். தலைமைக் கழகத்தில் வைக்கப்பட்டு இருந்த சசிகலா பேனர்களையும் அகற்றினர். அதே நேரத்தில், ''கட்சியில் இருந்து ஏற்கெனவே ஒதுங்கிவிட்டேன்'' என்று டி.டி.வி.தினகரன் அறிவித்து தனது ரூட்டை மாற்றினார். 

டி.டி.வி.தினகரன்

ஆனாலும், டெல்லி போலீஸ் பிடியிலிருந்து தப்ப முடியாமல் டி.டி.வி.தினகரன் திகார் ஜெயிலில் அடைக்கப்பட்டார். அதையடுத்து, முதல்வர் எடப்பாடி பழனிசாமி தலைமையில் அ.தி.மு.க அரசு நிர்வாகம் தங்குத்தடை இல்லாமல் ஓடிக்கொண்டிருந்தது. இந்தநிலையில், கட்சியிலிருந்து 45 நாள்கள் ஒதுங்கியிருந்த டி.டி.வி.தினகரன் ஜூன் 1-ம் தேதி திகார் ஜெயிலிலிருந்து வெளியே வந்தவுடன், ''அ.தி.மு.க-வில் தொடர்கிறேன். கட்சிப் பணிகளில் ஈடுபடுவேன். சசிகலாவைத் தவிர, அ.தி.மு.க-வில் இருந்து தன்னை நீக்க வேறு யாருக்கும் அதிகாரம் இல்லை'' என்று தடாலடியாகப் பேட்டியளித்தார். அவரது பேட்டி, முதல்வர் எடப்பாடி அணிக்கு அதிர்ச்சியைக் கொடுத்தது. டி.டி.வி.தினகரனின் அடையாறு இல்லாம் மீண்டும் பிஸியானது.

ஜூன் 5-ம் தேதி பெங்களூரு ஜெயிலில் சசிகலாவைப் பார்த்துவிட்டு வெளியே வந்த டி.டி.வி.தினகரன், ''கட்சியிலும் ஆட்சியிலும் என்ன நடக்கிறது என்று இன்னும் 60 நாள்கள் பொறுத்திருந்து பார்ப்போம். அதன் பிறகு என்ன செய்ய வேண்டும் என்று சொல்கிறேன்'' என்று சசிகலா சொல்லி அனுப்பினார் என்ற தகவலைச் சொன்னார். அதன்பிறகும் எடப்பாடி அணி, டி.டி.வி.தினகரன் பேச்சை கண்டுகொள்ளவில்லை. வழக்கம்போல முதல்வரும் அமைச்சர்களும் அரசுப் பணிகளில் முழுவீச்சில் இருந்தனர். இதற்கிடையில், திருத்தணி எம்.பி கோ.அரி, ''சசிகலா குடும்பத்தை முற்றிலுமாக விலக்கிவைக்க வேண்டும்'' என்று பேட்டியளித்தார். அதற்குப் பதிலடியாக டி.டி.வி.தினகரன் ஆதரவு எம்.எல்.ஏ வெற்றிவேல், ''கட்சிக்கு டி.டி.வி.தினகரன், ஆட்சிக்கு எடப்பாடி என வெளிப்படையாகச் சொன்னால்தான் குழப்பம் இல்லாமல் இருக்கும். எடப்பாடி வாய் திறக்க வேண்டும்' என்றார். ஆனாலும் எடப்பாடி தரப்பிலிருந்து அதற்கு எந்தப் பதிலும் இல்லை.

எடப்பாடி பழனிசாமி

 

இப்படி மோதல் நாளுக்குநாள் முற்றிவரும் தகவல் சசிகலாவுக்குச் சொல்லப்பட்டுவிட்டது. அதுபோல மன்னார்குடி உறவுகளும் இந்த மோதலை ரசிக்கவில்லை. இப்போது எழுந்துள்ள பிரச்னைகளைப் பேசி தீர்க்காமல் விட்டுவிட்டால், ஆட்சிக்கும் கட்சிக்கும் பெரிய அளவில் பிரச்னை ஏற்பட்டுவிடும் என்ற கலக்கத்தில் அவர்கள் இருக்கிறார்கள். அதனால், அவர் இந்தப் பிரச்னைகளுக்கு இப்போதே ஒரு முடிவுகட்ட வேண்டும் என்று திட்டம் வகுத்திருக்கிறார்கள். இதுதொடர்பாக எடப்பாடி அணியிடம் பேச்சு நடத்தி சில நிபந்தனைகள் முன்வைக்கப்பட்டுள்ளன. அதை அவர் ஏற்றுக்கொள்ள வேண்டும். அதுபோல, டி.டி.வி.தினகரன் தரப்ப்பும் அமைதிகாக்க வேண்டும் என்று சில விஷயங்களைச் சொல்லி இருக்கிறார்கள். இந்தச் சமரசம் குறித்து ஜூலை முதல்வாரத்தில் பெங்களூரு சிறையில் சசிகலாவை மன்னார்குடி உறவுகள் சந்திக்கிறார்கள். அப்போது, சசிகலா என்ன சொல்லப்போகிறார் என்பதைப் பொறுத்துதான் டி.டி.வி.தினகரனின் அடுத்தகட்ட நகர்வுகள் இருக்கும் என்று அவரது நெருங்கிய வட்டாரங்களில் சொல்கிறார்கள்.

http://www.vikatan.com/news/coverstory/93918-this-is-the-next-master-plan-of-sasikala.html

Categories: Tamilnadu-news

கொதிப்பில் கதிராமங்கலம்... சென்னை மெரீனாவில், திடீர் போலீஸ் குவிப்பு !

Sat, 01/07/2017 - 05:47

In Chennai marina huge number of police deployed

கொதிப்பில் "கதிராமங்கலம்".... சென்னை மெரீனாவில், திடீர் போலீஸ் குவிப்பு !

சென்னை மெரினாவில் ஏராளமான போலீசார் குவிக்கப்பட்டுள்ளனர். கதிராமங்கலம் மக்களுக்கு ஆதரவாக போராட்டம் நடைபெறாமல் தடுக்க அவர்கள் தீவிர கண்காணிப்பில் ஈடபட்டுள்ளனர்.

கதிராமங்கலத்தில் 12 இடங்களில் ஓஎன்ஜிசி நிறுவனம் எண்ணெய் எடுத்து வருகிறது. இந்நிலையில் கடந்த 2 மாதங்களாக எண்ணெய் கொண்டு செல்லப்படும் குழாய்களை பராமரிக்கும் பணியில் ஈடுபட்டு வருகின்றனர்.

இதற்கு எதிர்ப்பு தெரிவித்து அப்பகுதி மக்கள் கடந்த இரண்டு மாதங்களாக தொடர் போராட்டத்தில் ஈடுபட்டு வருகின்றனர். இந்நிலையில் கதிராமங்கலம் பகுதியில் குழாய்களில் நேற்று எண்ணெய் கசிவு ஏற்பட்டது.

இதனை மாவட்ட ஆட்சியர் ஆய்வு செய்யக்கோரி கிராம மக்கள் நேற்று காலை முதல் போராட்டத்தில் ஈடுபட்டனர். ஆனால் போலீசார் மட்டுமே ஆய்வு செய்ய வந்ததால் ஆத்திரமடைந்த கிராம மக்கள் அவர்களுடன் வாக்குவாதத்தில் ஈடுபட்டனர்.

பொதுமக்கள் மீது தள்ளுபடி: வாக்குவாதம் முற்றி தள்ளுமுள்ளாக மாறியதைத் தொடர்ந்து போலீசார் தடியடி நடத்தி பொதுமக்களை கலைத்தனர். இதனால் அங்கு பெரும் பதற்றம் ஏற்பட்டது.

பொதுமக்கள் கைது: போராட்டத்தில் ஈடுபட்ட பொதுமக்கள் பலர் கைது செய்யப்பட்டனர். இதனைக் கண்டித்து அங்கு இன்றும் போராட்டம் நடைபெற்று வருகிறது.

மெரினாவில் போலீஸ் குவிப்பு: இந்நிலையில் கதிராமங்கலம் மக்களுக்கு ஆதரவாக சென்னை மெரினாவில் போராட்டம் நடத்தப்படும் என தகவல் பரவியது. இதையடுத்து அங்கு போலீசார் குவிக்கப்பட்டுள்ளனர்.

முன்னெச்சரிக்கை நடவடிக்கை: 200க்கும் மேற்பட்டட போலீசார் பாதுகாப்புக்காக நிறுத்தப்பட்டுள்ளனர். ஜல்லிக்கட்டுக்காக நடைபெற்ற போராட்டத்தை போன்று கதிராமங்கலம் மக்களுக்காக போராட்டம் நடைபெற்றுவிடக் கூடாது என முன்னெச்சரிக்கைக்காக போலீசார் குவிக்கப்பட்டுள்ளதாக தெரிவிக்கப்பட்டுள்ளது.

நன்றி தற்ஸ்  தமிழ்.

 1 Person, Text

Categories: Tamilnadu-news

"வருவான்டி, தருவான்டி மலையாண்டி" புகழ் சூலமங்கலம் ஜெயலட்சுமி காலமானார்!

Fri, 30/06/2017 - 06:37

Soolamangalam sisters Jayalakshmi passes away

"வருவான்டி, தருவான்டி மலையாண்டி" புகழ் சூலமங்கலம் ஜெயலட்சுமி காலமானார்!

சூலமங்கலம் சகோதரிகளில் இளையவரான ஜெயலட்சுமி உடல் நலக்குறைவால் காலமானார். அவருக்கு வயது 80. பெசன்ட்நகர் இல்லத்தில் அஞ்சலிக்காக வைக்கப்பட்டுள்ளது.

தஞ்சாவூர் அருகே உள்ள சூலமங்கலம் கிராமத்தில் பிறந்த சூலமங்கலம் சகோதரிகள் ராஜலட்சுமி, ஜெயலட்சுமி பாடிய பக்தி பாடல்கள் மிக பிரபலம். இவர்கள் இருவரும் இணைந்து பாடிய கந்த சஷ்டி கவசம் முருக பக்தர்களால் விரும்பி கேட்கப்பட்டு வருகிறது.

கந்த சஷ்டி கவசம் பக்திப் பாடலை இணைந்து பாடியவர்கள், சூலமங்கலம் சகோதரிகள் ஜெயலட்சுமி, ராஜலட்சுமி. சினிமா படங்களில் பல பக்திப் பாடல்களை இணைந்து பாடியுள்ள அவர்கள், பிறகு தனித்தனியாகவும் பாடியிருக்கின்றனர்.

'தெய்வம் படத்தில் ஜெயலட்சுமி, ராஜலட்சுமி இணைந்து பாடிய, 'வருவான்டி தருவான்டி மலையாண்டி பாடல் மிகவும் பிரபலம்.

ஜெயலட்சுமி, சென்னையில் வசித்து வந்தார். கடந்த 1ம் தேதி வீட்டிலுள்ள பாத்ரூமில் தவறி விழுந்த அவரை, உடனே மருத்துவமனையில் சேர்த்தனர். சில தினங்களுக்கு முன் சிகிச்சை முடிந்து வீடு திரும்பினார்.

இந்நிலையில், புதன்கிழமை நள்ளிரவு 12 மணிக்கு தூக்கத்திலேயே அவரது உயிர் பிரிந்தது. உறவினர்கள், கர்நாடக பாடகர்களின் அஞ்சலிக்குப் பின்னர் அவரது உடல் மருத்துவ ஆராய்ச்சிக்காக மருத்துவமனைக்கு தானம் செய்யப்பட்டது. சகோதரிகளில் மூத்தவர் ராஜலட்சுமி தனது 53வது வயதில் 1992ம் ஆண்டில் காலமாகிவிட்டார்.

சூலமங்கலம் சகோதரிகள் மறைந்தாலும் அவர்கள் பாடிய முருகன் பக்திப்பாடல்கள் உலகம் உள்ளவரை ஆலயங்களில் ஒலித்துக்கொண்டிருக்கும்.

- தற்ஸ்  தமிழ். -

 

 

 

Categories: Tamilnadu-news

நாற்காலிகள் காட்டிய நாகரிகம்! - சரித்திரம் படைத்தது சட்டப் பேரவை

Thu, 29/06/2017 - 20:03
நாற்காலிகள் காட்டிய நாகரிகம்! - சரித்திரம் படைத்தது சட்டப் பேரவை

 

ஜூன் 23-ம் தேதி - தமிழக சட்டப்பேரவை வரலாற்றில் மட்டுமல்ல; தமிழக அரசியல் வரலாற்றிலும் பொன் எழுத்துகளால் பொறிக்கத்தக்க முக்கியமான நாள். அரசியல் ஜனநாயக மாண்பை ஆளும் அ.தி.மு.க-வும் எதிர்க்கட்சியான தி.மு.க-வும் ஒருசேரக் காப்பாற்றி, தமது உன்னதக் கடமையை ஒருசேர ஆற்றியிருந்தன.

செய்த தவறுக்கு திராவிட முன்னேற்றக் கழகம் பகிரங்கமாக மன்னிப்புக் கேட்டதும், பரந்த மனதோடு அனைத்திந்திய அண்ணா திராவிட முன்னேற்றக் கழகம் அதை ஏற்றுக்கொண்டதும் அரசியல் ஆச்சர்யங்கள். ஜெயலலிதாவும் கருணாநிதியும் பேரவைக்குள் இருந்திருந்தால் இந்த நிகழ்வு நடந்திருக்குமா என்பது ஐயமே. ஆயிரம் விமர்சனங்கள் இருந்தாலும், இன்று முதலமைச்சர் நாற்காலியில் இருக்கும் எடப்பாடி பழனிசாமியும் எதிர்க்கட்சித் தலைவராக இருக்கும் ஸ்டாலினும் இந்த ஒரு நிகழ்வுக்காகப் பாராட்டுக்குரியவர்கள்.

p8b.jpg

கடந்த பிப்ரவரி 18-ம் நாள் தமிழ்நாடு சட்டப்பேரவையில் செய்த பாவத்தை தி.மு.க இதன்மூலம் கழுவிவிட்டது. அன்றைய தினம் அ.தி.மு.க. அரசின் மீது நம்பிக்கை வாக்கெடுப்பு நடந்தது. அ.தி.மு.க-வில் இருந்து தனி அணியாகப் பிரிந்த ஓ.பன்னீர்செல்வம் தன்னோடு பத்துக்கும் மேற்பட்ட உறுப்பினர்களைக் கொண்டு சென்றதால், ‘எடப்பாடி பழனிசாமிக்கு அறுதிப் பெரும்பான்மை இருக்கிறதா’ என்ற அச்சம் இருந்த நாள் அது. கூவத்தூர் குளிர்சாதனக் கொட்டடியில் அடைக்கப்பட்டு, அங்கிருந்தே உயர்ரகக் கூண்டு வாகனங்களில் அழைத்து வரப்பட்ட ஆளும்தரப்பு எம்.எல்.ஏ-க்கள் சுதந்திர எண்ணத்தோடு வாக்களித்தால் எடப்பாடி பழனிசாமியின் அரசு கவிழ்ந்துபோகும் என்று தி.மு.க நினைத்தது. ஓர் அரசியல் கட்சி இப்படி நினைப்பதில் தவறு இல்லை.

எனவே, எம்.எல்.ஏ-க்களிடம் ரகசிய வாக்கெடுப்பு நடத்தினால், அவர்களில் சிலர் ஓ.பன்னீர்செல்வத்துக்கு ஆதரவாக மாறி, எடப்பாடி மீதான நம்பிக்கையை மாற்றிக்கொள்ளக் கூடும் என்றும் தி.மு.க கணக்கிட்டது. அதுவும் தவறில்லை. ‘கோடிகள் தருகிறோம், கான்ட்ராக்ட்கள் தருகிறோம், தங்கம் தருகிறோம், தீவு வாங்கித் தருகிறோம், நான்கு ஆண்டு சோறு போடுகிறோம்...’ என்கிற அளவுக்கு வாக்குறுதிகள் சசிகலா தரப்பால் தரப்பட்டன. ஓ.பன்னீர்செல்வமும் தனது ‘சக்திக்கு’ உட்பட்டு சில வாக்குறுதிகளை வழங்கினார். கருவாட்டு வாசனை இருக்கும் பக்கமெல்லாம் எம்.எல்.ஏ பூனைகள் அலைந்ததால், மதிலுக்கு எந்தப்பக்கம் குதிப்பார்கள் என்ற அச்சம் எல்லோருக்கும் இருந்தது. அது, தி.மு.க-வுக்கு அதிகமாகவே இருந்தது. நம்பிக்கை வாக்கெடுப்பில் வெல்லத் தேவையான எம்.எல்.ஏ-க்களின் எண்ணிக்கையைவிடக் கூடுதலாக ஐந்து பேர்தான் எடப்பாடி பக்கம் இருந்தார்கள். அவர்களை மனமாற்றம் செய்ய பன்னீர்செல்வத்துக்குக் கொஞ்சம் கால அவகாசம் கிடைக்கும் ஏற்பாடாக தி.மு.க சில காரியங்களைச் செய்தது.

பேரவையில் ஒரு கட்சி எந்தக் கோரிக்கையையும் வைக்கலாம். எவ்வளவு நேரம் வேண்டுமானாலும் விவாதிக்கலாம். ஆனால், பேரவைத் தலைவரின் தீர்ப்பே இறுதியானது. அந்தத் தீர்ப்பை விமர்சிக்கலாம். நீதிமன்றத்துக்கும் கொண்டு போகலாம். ஆனால், பேரவைத் தலைவரை அவையில் இருந்து பலாத்காரமாக வெளியேற்ற முடியுமா? அதை அன்று செய்தது தி.மு.க.

அவையை நடத்தவிடாத தி.மு.க உறுப்பினர்கள், பேரவைத் தலைவரின் இருக்கையை முற்றுகையிட்டதும், அவரைப் பேசவிடாமல் தடுத்ததும், அவரது நாற்காலி அருகே போய் அச்சுறுத்தியதும், நாற்காலியில் இருந்து எழுந்த அவரைக் கையைப் பிடித்து இழுத்ததும், அவரது நாற்காலியை மியூஸிக்கல் சேர் மாதிரி நினைத்துக்கொண்டு தி.மு.க உறுப்பினர்கள் சிலர் அதில் உட்கார்ந்து பார்த்ததுமான காட்சிகள் மிகமிகக் கேவலமானவை. எப்படியாவது கலவரம் ஏற்படுத்தி, சபையைக் கலைப்பதற்காகப் போட்ட திட்டம் அது. இதை முன்கூட்டியே அ.தி.மு.க தரப்பு அறிந்ததால், கைகட்டி வேடிக்கை பார்த்தது. அனைத்து தி.மு.க உறுப்பினர்களும் போய், அ.தி.மு.க உறுப்பினர்களைத் தாக்கியிருந்தாலும் திருப்பி அடித்திருக்க மாட்டார்கள். பதவியைக் காப்பாற்றிக்கொள்ள நல்ல பிள்ளையாக உட்கார்ந்து இருந்தார்கள் அவர்கள். ‘கெட்ட பிள்ளைகள்’ என்று பேர் வாங்கினார்கள் தி.மு.க உறுப்பினர்கள்.

p8a.jpg

பெரம்பூர் எம்.எல்.ஏ வெற்றிவேல் (அ.தி.மு.க.) இதுபற்றி அவை உரிமைக்குழு விசாரணைக்குப் புகார் கொடுத்தார். தி.மு.க உறுப்பினர்களான எஸ்.அம்பேத்குமார் (வந்தவாசி). கே.எஸ்.மஸ்தான் (செஞ்சி), கே.எஸ்.ரவிச்சந்திரன் (எழும்பூர்), என்.சுரேஷ்ராஜன் (நாகர்கோவில்), சு.கார்த்திகேயன் (ரிஷிவந்தியம்), பி.முருகன் (வேப்பனஹள்ளி), கு.க.செல்வம் (ஆயிரம்விளக்கு) ஆகிய ஏழு பேர் மீது உரிமைக்குழு விசாரணை நடந்தது. உரிமைக்குழுத் தலைவரும் துணை சபாநாயகருமான பொள்ளாச்சி ஜெயராமன் இதை விசாரித்தார்.

அவரது அறிக்கைப்படி, இந்த ஏழு பேரும் ஆறு மாத காலத்துக்குச் சபை நடவடிக்கைகளிலிருந்து நீக்கப்பட்டிருக்க வேண்டும். இந்த ஆறு மாத காலத்துக்கு அவர்களது ஊதியம் வராது. எம்.எல்.ஏ-வுக்கான சலுகைகளையும் இழப்பார்கள். இப்படி ஒரு தீர்ப்பு வழங்கப்பட்டு இருந்தால் தி.மு.க-வுக்கு அது மிகப் பெரிய தலைகுனிவாக இருந்திருக்கும்.

இதை முன்கூட்டியே உணர்ந்த அந்தக் கட்சியின் செயல்தலைவர் முந்திக்கொண்டுவிட்டார். தி.மு.க-வின் மூத்த பிரமுகர்கள் சிலரை, முதலமைச்சர் எடப்பாடி பழனிசாமியையும் பேரவைத் தலைவர் தனபாலையும் சந்திக்க அனுப்பினார். ‘நடந்த தவறுக்கு நாங்கள் மன்னிப்பு கேட்கத் தயாராக இருக்கிறோம். இந்த நடவடிக்கையைத் தவிர்க்கவும்’ என்று வேண்டுகோள் வைத்தார்கள். எடப்பாடியும் தனபாலும் பேசி எடுத்த முடிவின்படி தி.மு.க-வுக்கு மன்னிப்பு வழங்குவது என்று தீர்மானிக்கப்பட்டது. இதைத் தொடர்ந்து கடந்த 21-ம் தேதி பேரவைத் தலைவர் தனபாலை தி.மு.க உறுப்பினர்கள் ஏழு பேரும் சந்தித்து, ‘நடந்த நிகழ்வுக்கு மன்னிப்பு கேட்டுக்கொள்கிறோம். இனிமேல் இதுபோன்று நடந்துகொள்ள மாட்டோம்’ என்றும் எழுதிக் கொடுத்தார்கள். இதைத்தான் 23-ம் தேதி சபையில் வெளிப்படையாகச் சொன்னார் தனபால். “இதை இத்தோடு விட்டுவிடுவோம்” என்றார் தனபால்.

பொள்ளாச்சி ஜெயராமன் தாக்கல் செய்த அறிக்கை திரும்பப் பெறப்பட்டு, தனபாலின் தீர்ப்பு பேரவையின் வாக்கெடுப்புக்கு விடப்பட்டது.

‘தி.மு.க உறுப்பினர்கள்மீது நடவடிக்கை தேவையில்லை’ என்ற தீர்மானத்தை அ.தி.மு.க உறுப்பினர்கள் அனைவரும் ஒருமனதாக ஏற்று ‘ஆம்’ என்று சொன்ன காட்சி, வரலாற்று முக்கியத்துவம் வாய்ந்தது. நிகழ்வு நடந்த பிப்ரவரி 18-ம் தேதியே, பேரவைத் தலைவர் அறைக்குச் சென்று அவரிடம் மன்னிப்புக் கேட்டார் எதிர்க்கட்சித் தலைவர் ஸ்டாலின். மீண்டும் பகிரங்கமாகச் சபையிலும் ஒருமுறை வருத்தத்தையும் மன்னிப்பையும் ஸ்டாலின் பதிவுசெய்தார்.

p8.jpg

எழுத்துமூலமாகவே மான அவமானம், ஈகோ பார்க்காமல் எழுதிக் கொடுக்க முன்வந்தது தி.மு.க. இப்படி இவர்கள் கடிதம் கொடுத்தால், அதை ஏற்க வேண்டிய கடமை தனபாலுக்கோ, எடப்பாடி பழனிசாமிக்கோ இல்லை. ‘இதுதான் நேரம்’ என்று தி.மு.க-வைப் பழிவாங்கி இருக்கலாம். ஏனென்றால், ஏழு பேர் என்ற எண்ணிக்கை தி.மு.க-வுக்குக் குறைந்தால் அதனால் லாபம் அடையப்போவது எடப்பாடியும் தனபாலும்தான். நாளையே தி.மு.க ஏதாவது ஒரு தீர்மானம் கொண்டுவந்தால் அவர்களுக்கு ஏழு வாக்குகள் குறைவாகத்தான் விழும். இந்த அரசியல் கணக்குப்போடாமல் அ.தி.மு.க-வும் நடந்து கொண்டுள்ளது.

அரசியல் நாகரிகம் என்பது தமிழ்நாட்டில் அற்றுப்போன ஒரு சூழ்நிலையில், ‘எதிர்க்கட்சிகள்’ என்றால் ‘எதிரிக்கட்சிகள்’ என எலியும் பூனையுமாகத் தெருவில், திருமண வீடுகளில், சபையில் நடந்துகொள்ளும் காலத்தில்... இப்படிப்பட்ட நயத்தக்க நாகரிகத்தை இரண்டு கட்சிகளிலும் பார்க்க முடிவது பரவசத்தை ஏற்படுத்துகிறது. அரசியல் போட்டிகள் என்பவை தேர்தல் நேரத்தில் மட்டும்தான். மற்ற நேரங்களில் மக்களுக்குச் சேவை செய்வதில் போட்டி போடுங்கள். அதுதான் எடப்பாடிக்கும் நல்லது; ஸ்டாலினுக்கும் நல்லது. நீங்கள் இருவருமே உங்களை நிரூபிக்க வேண்டிய இடத்தில் நிற்கிறீர்கள்!

http://www.vikatan.com/juniorvikatan/

Categories: Tamilnadu-news

முதல்வர் எடப்பாடி பழனிசாமி உள்ளே... டி.டி.வி.தினகரன் வெளியே... சென்னை நிச்சயதார்த்த நிகழ்ச்சியில் நடந்த களேபரம் #VikatanExclusive

Thu, 29/06/2017 - 16:03
முதல்வர் எடப்பாடி பழனிசாமி உள்ளே... டி.டி.வி.தினகரன் வெளியே... சென்னை நிச்சயதார்த்த நிகழ்ச்சியில் நடந்த களேபரம் #VikatanExclusive
 

 

சென்னையில் நடந்த தளவாய்சுந்தரத்தின் மகள் நிச்சயதார்த்த நிகழ்ச்சியில் பங்கேற்க, முதல்வர் எடப்பாடி மற்றும் அமைச்சர்கள் வருவதையறிந்த டி.டி.வி.தினகரன், அங்கிருந்து புறப்பட்டுச்சென்றார். இது, கட்சியினரிடையே பெரும் பரபரப்பை ஏற்படுத்தியுள்ளது.

திருமண நிச்சயதார்த்த நிகழ்ச்சியில் தினகரன் 

தமிழக அரசின் டெல்லி பிரதிநிதியும் முன்னாள் அமைச்சருமான தளவாய்சுந்தரம் மகளின் நிச்சயதார்த்த நிகழ்ச்சி, சென்னை வேளச்சேரியில் உள்ள நட்சத்திர ஹோட்டலில் நடந்தது. அதில் பங்கேற்க, முதல்வர் எடப்பாடி பழனிசாமி, அமைச்சர்கள், எம்எல்ஏ-க்கள், கட்சியின் மூத்த நிர்வாகிகளுக்கு தளவாய்சுந்தரம் அழைப்பு விடுத்திருந்தார். அதன்பேரில், முதல்வர் எடப்பாடி பழனிசாமி உள்பட அமைச்சர்கள், கட்சியினர் நிகழ்ச்சியில் பங்கேற்றனர். இந்த நிகழ்ச்சியில், அ.தி.மு.க-வின் துணைப் பொதுச் செயலாளர் டி.டி.வி.தினகரனும் பங்கேற்றார். முதல்வர், அமைச்சர்கள் நிகழ்ச்சிக்கு வரும் தகவல் தெரிந்ததும் டி.டி.வி.தினகரன் அங்கிருந்து புறப்பட்டுச்சென்றது கட்சியினரிடையே பெரும் பரபரப்பை ஏற்படுத்தியது.

திருமண நிச்சயதார்த்த நிகழ்ச்சியில் தினகரன்

இதுகுறித்து நம்மிடம் பேசிய அ.தி.மு.க-வின் மூத்த நிர்வாகி ஒருவர், "டி.டி.வி.தினகரனின் தீவிர ஆதரவாளர்களில் ஒருவர், தளவாய் சுந்தரம். அவரது மகள் திருமண நிச்சயதார்த்த நிகழ்ச்சிக்கு முதல்வர் எடப்பாடி பழனிசாமி, அமைச்சர்கள், டி.டி.வி.தினகரனுக்கு அழைப்பு விடுக்கப்பட்டிருந்தது. நிகழ்ச்சியில் தன்னுடைய ஆதரவாளர்களுடன் டி.டி.வி.தினகரன் கலந்துகொண்டு மணமக்களை வாழ்த்தினார். பிறகு, முன்வரிசையில் அமர்ந்திருந்தார் டி.டி.வி.தினகரன். இரவு 8.30 மணியளவில் முதல்வர் எடப்பாடி பழனிசாமி, அமைச்சர்கள் செங்கோட்டையன், திண்டுக்கல் சீனிவாசன் உள்ளிட்டவர்கள் அங்கு வந்தனர். அவர்கள் வரும் தகவல் டி.டி.வி.தினகரனுக்கு தெரியவந்ததும் உடனடியாக அங்கிருந்து கிளம்பிச்சென்றுவிட்டார். அவருடைய ஆதரவாளர்களும் புறப்பட்டனர்.

அதன்பிறகு, முதல்வர் எடப்பாடி பழனிசாமி, அமைச்சர்கள் அங்கு வந்து மணமக்களை வாழ்த்திவிட்டுச் சென்றனர். ஏற்கெனவே, அ.தி.மு.க. நடத்திய இப்தார் நோன்பு நிகழ்ச்சியில் முதல்வர் எடப்பாடி பழனிசாமி பங்கேற்றதால், அந்த நிகழ்ச்சியைப் புறக்கணித்தார் டி.டி.வி.தினகரன். தளவாய்சுந்தரத்தின் வீட்டு நிகழ்ச்சி என்பதாலேயே முதல்வர், அமைச்சர்கள் வருவதற்கு முன்பாகவே அங்கு வந்த டி.டி.வி.தினகரன், அவர்கள் வருவதற்கு முன்பே சென்றுவிட்டார்"என்றனர்.

திருமண நிச்சயதார்த்த நிகழ்ச்சியில் தினகரன்

முதல்வர் எடப்பாடி பழனிசாமி தரப்பில் பேசியவர்கள், "தளவாய் சுந்தரம் அழைத்ததன்பேரில் அங்கு சென்றோம். நாங்கள் வருவதற்குள் டி.டி.வி.தினகரன் சென்றதில் எந்தவித அரசியலும் இல்லை. ஆனால், இதைச் சிலர் அரசியலாக்கிவருகின்றனர்" என்றனர். 

முன் இருக்கையில் அமருங்க...

 

முதல்வர் எடப்பாடி பழனிசாமி, தளவாய் சுந்தரத்தின் மகள் நிச்சயதார்த்த நிகழ்ச்சிக்குச் செல்லும்போது, அமைச்சர் செங்கோட்டையனுக்கு அதிக முக்கியத்துவம் கொடுத்துள்ளார். அதாவது, தலைமைச் செயலகத்திலிருந்து முதல்வரின் கான்வாய் புறப்படத் தயாராக இருந்தது. அப்போது, முதல்வர் எடப்பாடி பழனிசாமி, காரின் பின் இருக்கையில் அமர்ந்திருந்தார். அவரது பக்கத்தில் அமைச்சர் திண்டுக்கல் சீனிவாசன் அமர்ந்தார். அப்போது, அமைச்சர் செங்கோட்டையன் அங்கு வந்துள்ளார். அதைப் பார்த்த முதல்வர் எடப்பாடி பழனிசாமி, தன்னுடைய காரின் முன் இருக்கையில் அமைச்சர் செங்கோட்டையனை அமருமாறு தெரிவித்தார். அதற்கு சிரித்துக்கொண்டே, அமைச்சர் செங்கோட்டையன் முன் இருக்கையில் அமராமல் முதல்வர் எடப்பாடி பழனிசாமி அருகில் அமர்ந்தார். அதன்பிறகே முதல்வரின் கார், தலைமைச் செயலகத்திலிருந்து புறப்பட்டது. 

http://www.vikatan.com/news/tamilnadu/93772-hide-and-seek-game-between-edappadi-and-ttv-dinakaranchaos-arised-in-a-wedding-meet.html

Categories: Tamilnadu-news

தினகரன் அணியுடன் மோதல் முற்றுகிறது: வாரிசு அரசியலை சசிகலா உருவாக்கியதை ஏற்க மாட்டோம் - முதல்வர் பழனிசாமி ஆதரவு எம்எல்ஏக்கள் திட்டவட்டம்

Thu, 29/06/2017 - 05:47
தினகரன் அணியுடன் மோதல் முற்றுகிறது: வாரிசு அரசியலை சசிகலா உருவாக்கியதை ஏற்க மாட்டோம் - முதல்வர் பழனிசாமி ஆதரவு எம்எல்ஏக்கள் திட்டவட்டம்

 

 
 
 
 ம.பிரபு
நாடாளுமன்ற துணைத் தலைவர் தம்பிதுரை மற்றும் வெற்றிவேல் எம்எல்ஏ ஆகியோரின் செயல்பாடுகளைக் கண்டித்து தலைமைச் செயலகத்தில் செய்தியாளர்களிடம் பேசும் முதல்வர் கே.பழனிசாமி ஆதரவு அதிமுக எம்எல்ஏக்கள் | படம்: ம.பிரபு
 
 

வாரிசு அரசியலை சசிகலா உருவாக் கியதை நாங்கள் ஏற்கவில்லை. எனவேதான் நாங்கள் புறக்கணிக் கிறோம் என்று அதிமுகவில் முதல்வர் பழனிசாமி ஆதரவு எம்எல்ஏக்கள் தெரிவித்துள்ளதால், முதல்வர் பழனிசாமி - தினகரன் இடையில் மோதல் உச்சத்தை அடைந்துள்ளது.

முன்னாள் முதல்வர் ஜெயலலிதாவின் மறைவுக்குப் பின், அதிமுகவில் 3 அணிகள் உருவாகி, ஒருவரை ஒருவர் தொடர்ந்து விமர்சித்து வருகின்றனர். இதில் சமீபகாலமாக, ஓபிஎஸ் அணியை தவிர்த்து தினகரன் மற்றும் முதல்வர் கே.பழனிசாமி அணியைச் சேர்ந்தவர்கள் தங்கள் பலத்தை நிரூபிக்கும் வகையில் விமர்சித்து வருகின்றனர். இந்த விமர்சனம் தற்போது உச்சகட்டத்தை எட்டியுள்ளது.

அதிமுகவில் சசிகலாவை ஒதுக்கிவைத்த பின்னணியையும் தற்போது எம்எல்ஏக்களில் சிலர் வெளியிட்டு வருகின்றனர். நேற்று பொதுப்பணித்துறை மானியக் கோரிக்கை விவாதத்தின் இடையில், காட்டுமன்னார்கோவில் எம்எல்ஏ முருகுமாறன், குன்னம் எம்எல்ஏ ராமச்சந்திரன் உள்ளிட்ட 7 பேர் பத்திரிகையாளர்களை சந்தித்தனர். அப்போது முருகுமாறன் கூறியதாவது:

சமீபத்தில் நாடாளுமன்ற துணைத் தலைவர் தம்பிதுரை, சிறையில் உள்ள அதிமுக பொதுச் செயலாளர் சசிகலாவை சந்தித்தார். அப்போது பத்திரிகையால் முகத்தை மறைத்தபடி சென்றுவந்தார். அவரிடம் இது தொடர்பாக முதல்வர் கே.பழனிசாமி, “தங்கள் சந்திப்பில் அரசியல் முக்கியத்துவம் உள்ளதா?” என்று கேட்டார். ஆனால், அவர் மரியாதை நிமித்தமாக சந்தித்துப் பேசியதாக தெரிவித்தார்.

அதன்பின், முதல்வர் கே.பழனிசாமி தலைமையில், அமைச்சர்கள், நிர்வாகிகள், எம்பி, எம்எல்ஏக்கள் பங்கேற்ற கூட்டம் நடந்தது. இக்கூட்ட முடிவில், பிரதமர் கோரிக்கையை ஏற்று குடியரசுத் தலைவர் தேர்தலில் ராம்நாத் கோவிந்தை ஆதரிப்பதாக முதல்வர் அறிவித்தார். அப்போது பொதுச் செயலாளரிடம் கேட்டுத்தான் அறிவிக்கப்பட்டதா என செய்தியாளர்கள் கேட்டனர். ஆனால், முதல்வரை தம்பிதுரை அழைத்துச் சென்றுவிட்டார். ஆனால், சில தினங்களில், டெல்லியில் பொதுச் செயலாளரும், முதல்வரும் சேர்ந்துதான் முடிவெடுத்ததாக தம்பிதுரை தெரிவித்தார்.

அவரது இந்த இரட்டை நிலை அறிக்கையை நிறுத்திக்கொள்ள வேண்டும் என்று நாங்கள் தெரிவித்தோம். இக்கருத்தை தவறாக புரிந்துகொண்ட எம்எல்ஏ வெற்றிவேல், ‘எங்களுக்கு கட்சி விதிகள் தெரியாது’ என்று கூறியுள்ளார். ஆர்.கே.நகர் இடைத்தேர்தலின் போது மாவட்டச் செயலாளராக இருந்த அவர், பொதுச் செயலாளர் படம், பெயரைக் குறிப்பிடாதது ஏன்? கட்சியின் நலன் சார்ந்துதான் இந்த முடிவுகள் எடுக்கப்படுகின்றன. பொதுச் செயலாளரை பொது உறுப்பினர்கள்தான் தேர்வு செய்ய வேண்டும் என்பதுகூட தெரியாமலா நாங்கள் இருக்கிறோம்.

இவ்வாறு அவர் தெரிவித்தார்.

தொடர்ந்து குன்னம் எம்எல்ஏ ராமச்சந்திரன் கூறும்போது, ‘‘ஆர்.கே.நகர் தேர்தலில் எந்த அடிப்படையில் அவர்கள் கூறும் பொதுச் செயலாளர் பெயரை, துணைப் பொதுச் செயலாளர், வெற்றிவேல் ஆகியோர் வெளிப்படுத்தவில்லையோ அதே அடிப்படையில்தான் நாங்களும் புறக்கணிக்கிறோம். நாங்கள் கட்சிக்கு பொதுச் செயலாளர் இல்லை என்று கூறவில்லை. இயக்கத்தை உருவாக்கிய எம்ஜிஆர் தனக்குப் பின் மனைவியையோ, அண்ணன் மகன், பேரப் பிள்ளைகளையோ வாரிசாக அறிவிக்கவில்லை. ஜானகியும் கட்சியை வழிநடத்தும் தகுதி கொள்கை பரப்புச் செயலாளர் ஜெயலலிதாவிடம் இருப்பதாக அவரிடம் ஒப்படைத்துவிட்டு, ஒதுங்கிக் கொண்டார்.

அதன்பின் மறைந்த முதல்வர் ஜெயலலிதாவும் தன் உறவினர்களை கட்சிக்கு கொண்டுவரவில்லை. அதே நேரம், 33 ஆண்டுகளால் குடும்பத்தை விடுத்து உடன் இருந்த சசிகலாவை பொதுச் செயலாளராக நாங்கள் அனைவரும் ஏற்றுக் கொண்டோம். ஆனால், அவருக்கு இடையூறு ஏற்பட்ட காலத்தில் கட்சியின் தொண்டர்களில் ஒருவரிடம் ஒப்படைத்திருந்தால் நாங்கள் ஏற்றுக் கொண்டிருப்போம். ஆனால், வாரிசு அரசியலை சசிகலா ஏற்படுத்தியதைத்தான் நாங்கள் ஏற்றுக்கொள்ளவில்லை.

இவ்வாறு அவர் தெரிவித்தார்.

http://tamil.thehindu.com/tamilnadu/தினகரன்-அணியுடன்-மோதல்-முற்றுகிறது-வாரிசு-அரசியலை-சசிகலா-உருவாக்கியதை-ஏற்க-மாட்டோம்-முதல்வர்-பழனிசாமி-ஆதரவு-எம்எல்ஏக்கள்-திட்டவட்டம்/article9740658.ece?homepage=true

Categories: Tamilnadu-news

‘பொதுச் செயலாளர் நானா? தினகரனா?’ - சிறையில் கொந்தளித்த சசிகலா #VikatanExclusive

Wed, 28/06/2017 - 09:51
‘பொதுச் செயலாளர் நானா? தினகரனா?’ - சிறையில் கொந்தளித்த சசிகலா #VikatanExclusive
 

சசிகலா

எம்.ஜி.ஆர் நூற்றாண்டு விழா கொண்டாட்டத்துக்குத் தயாராகி வருகிறார் முதலமைச்சர் எடப்பாடி பழனிசாமி. ‘கட்சி அதிகாரம் யார் கையில் இருக்கிறது?’ என்ற சந்தேகம் தொண்டர்கள் மத்தியில் வலம் வருகிறது. ‘தினகரனின் செயல்பாடுகளால் மிகுந்த கோபத்தில் இருக்கிறார் சசிகலா. ‘இனியும் தினகரனுக்காக அணி திரட்டும் வேலைகளைத் தொடங்கினால், விளைவுகள் வேறு மாதிரி இருக்கும்' என நிர்வாகிகளிடம் கோபத்தை வெளிப்படுத்தியிருக்கிறார் சசிகலா’ என்கின்றனர் அ.தி.மு.க வட்டாரத்தில். 

‘பொதுக்குழு உறுப்பினர்களால் தேர்வு செய்யப்பட்ட சசிகலாவை, கட்சிப் பதவியில் இருந்து யாராலும் நீக்க முடியாது. கட்சியின் தலைமைப் பதவியில் அவர்தான் இருக்கிறார். தற்போது அவர் எங்கு இருக்கிறார் என்பது அனைவருக்கும் தெரியும். எனவே, தலைமைக் கழக நிர்வாகிகள் கட்சியை வழிநடத்தி வருகின்றனர்' என நேற்று நடந்த பத்திரிகையாளர் சந்திப்பில் தெளிவுபடுத்தினார் மக்களவை துணை சபாநாயகர் தம்பிதுரை. அதேநேரம், எம்எல்ஏ-க்களில் ஒரு சிலரும் தினகரனை தொடர்ந்து சந்தித்துப் பேசி வருகின்றனர். இன்று காலை நெல்லை மாவட்ட எம்.பி பிரபாகரன், தினகரனை சந்தித்துப் பேசினார். “எம்.பி-க்கள் அன்வர் ராஜா, பிரபாகரன், விஜிலா சத்தியானந்த் ஆகியோர், தினகரனை சந்திப்பதற்குக் காரணம், இந்த மாவட்டங்களில் சசிகலா சமூகத்துக்கு வேண்டப்பட்ட நிர்வாகிகள் அதிகம் இருப்பதுதான். இந்த மாவட்டங்களில் உள்ள சாதிரீதியான செல்வாக்கை மனதில் வைத்துக் கொண்டே, அவர்கள் சசிகலா குடும்பத்தினரை சந்தித்து வருகின்றனர். ஆனால், இதுபோன்ற சந்திப்புகள் நடப்பதை சசிகலா ரசிக்கவில்லை" என விவரித்த அ.தி.மு.க-வின் முக்கிய நிர்வாகி ஒருவர், 

தினகரன்“சொத்துக் குவிப்பு வழக்கில் சிறை சென்ற நாளில் இருந்தே, கட்சியை தன்னுடைய கட்டுப்பாட்டுக்குள் கொண்டு வரும் வேலைகளில் தினகரன் இறங்கிவிட்டார். ஆர்.கே.நகர் இடைத்தேர்தலில், சசிகலா பெயரை தினகரன் தரப்பினர் இருட்டடிப்பு செய்தனர். தேர்தல் பிரசாரத்தின் எந்த இடத்திலும் சசிகலா என்ற பெயரை தினகரனும் அமைச்சர்களும் உச்சரிக்கவில்லை. இந்தக் கோபம் இன்னும் சசிகலாவிடம் இருந்து மறையவில்லை. ‘ஜெயலலிதா இறந்தபோது, உடைந்து போக இருந்த கட்சியை நான்தான் ஒற்றுமையோடு வழிநடத்தினேன். இதை டெல்லியில் விரும்பாததால்தான், நான் சிறைக்குச் செல்ல வேண்டிய நிலை ஏற்பட்டது. நான் இல்லாவிட்டால், கட்சி பல துண்டுகளாக உடைந்து சிதறியிருக்கும். அனைவரையும் அரவணைத்துக் கொண்டு தினகரன் வழிநடத்துவார் என்றுதான் நம்பினேன். இந்தளவுக்குச் செயல்படுவார் என எதிர்பார்க்கவில்லை’ என அப்போதே வேதனையை வெளிப்படுத்தினார். 

இந்நிலையில், ‘குடியரசுத் தலைவர் தேர்தலில் பா.ஜ.க வேட்பாளரை ஆதரிப்பது குறித்து, சசிகலாவிடம் பேசி முடிவு செய்தோம்’ எனப் பேட்டி அளித்தார் தம்பிதுரை. தினகரன் ஆதரவு எம்எல்ஏ-க்களில் சிலர் தனி அணியாக உருவாகி, ‘கட்சியின் துணைப் பொதுச் செயலாளரிடம் பா.ஜ.க தலைமை பேசினால், ஆதரவு அளிப்பது குறித்து முடிவெடுப்போம்' என நேரடியாகப் பேசியுள்ளனர். இதனை பா.ஜ.க தலைமை ரசிக்கவில்லை. இதைப் பற்றி தம்பிதுரையிடம் அவர்கள் பேசியுள்ளனர். அவரும் சசிகலாவின் கவனத்துக்கு இந்த விவகாரத்தைக் கொண்டு சென்றார். ‘நான் சொல்லும் வரையில் எந்த நடவடிக்கையிலும் இறங்க வேண்டாம்' என தினகரனிடம் கண்டிப்புடன் கூறிவிட்டார் சசிகலா.

தம்பிதுரைஇதன் பின்னரும் கர்நாடக மாநில அ.தி.மு.க செயலாளர் புகழேந்தி, எம்எல்ஏ-க்கள் வெற்றிவேல், தங்க.தமிழ்ச்செல்வன் உள்ளிட்டவர்கள் தினகரன் ஆதரவு மனநிலையில் பேசி வந்தனர். ‘தொடர்ச்சியாக இதுபோன்ற சம்பவங்கள் நடப்பது நல்லது அல்ல’ என குடும்பத்தினரும் கவலை தெரிவித்துள்ளனர். இதையடுத்து, சில நாள்களுக்கு முன்பு சிறையில் சசிகலாவை சந்திக்கச் சென்றிருக்கிறார் அ.தி.மு.க பேச்சாளர் ஒருவர். அவரிடம் பேசிய சசிகலா, ‘தினகரனுக்கு ஆள் திரட்டும் வேலைகளில் ஈடுபட்டால், நான் வேறு மாதிரி செயல்பட வேண்டியது வரும். கட்சிக்கு நான் பொதுச் செயலாளரா? தினகரன் பொதுச் செயலாளரா? எங்கு மேடை கிடைத்தாலும், இப்படித்தான் பேசுவீர்களா? இனியும் தினகரனுக்கு ஆதரவாக அணி திரட்டும் வேலைகளில் இறங்கினால், கட்சியை விட்டு நீக்கவும் தயங்க மாட்டேன். எப்போது வேண்டுமானாலும் அறிவிப்பு வரும்' எனக் கடுமையாக எச்சரித்திருக்கிறார். இந்த அதிரடிக்குப் பிறகு, தினகரன் புகழ்பாடுவதை பேச்சாளர்கள் குறைத்துக் கொண்டுவிட்டனர். கட்சியில் நடக்கும் நிலவரங்களையும் அவர்கள் உணரத் தொடங்கியுள்ளனர்" என்றார் விரிவாக. 

 

“தினகரனுக்கு எதிராக சசிகலா இந்தளவுக்குக் கோபத்தை வெளிப்படுத்துவதற்குக் காரணமே, அவருடைய குடும்ப உறவுகள்தான். தினகரனின் தன்னிச்சையான செயல்பாடுகளும் இளவரசி குடும்பத்து உறுப்பினர்களின் நடவடிக்கைகளையும் அவருடைய கவனத்துக்கு உடனுக்குடன் கொண்டு செல்லப்படுகிறது. ‘கட்சியின் முழு அதிகாரமும் உங்கள் கையில்தான் இருக்கிறது. நீங்கள் வெளியில் வரும்போது, அந்த அதிகாரம் தொடர வேண்டும் என நினைக்கிறோம். தினகரனை இனியும் செயல்பட அனுமதித்தால், பொதுச் செயலாளர் பதவியும் கையைவிட்டுப் போய்விடும். நாங்களும் ஒதுங்கிக் கொள்ள வேண்டியதுதான். பணத்தை வைத்து மொத்த எம்எல்ஏ-க்களையும் விலை பேசிவிடுவார்’ என எச்சரித்துள்ளனர். இதன்பிறகே, தினகரன் ஆதரவு நிர்வாகிகளிடம் கடுமையைக் காட்டினார் சசிகலா” என்கிறார் மன்னார்குடி அ.தி.மு.க பிரமுகர் ஒருவர்.

http://www.vikatan.com/news/tamilnadu/93633-who-is-the-general-secretary-of-admk---me-or-ttv-dinakaran---sasikala.html

Categories: Tamilnadu-news