விளையாட்டுத் திடல்

பார்சிலோனாவிற்காக மெஸ்சி 38 முறை ஹாட்ரிக் கோல் அடித்து சாதனை

Mon, 11/09/2017 - 20:42
பார்சிலோனாவிற்காக மெஸ்சி 38 முறை ஹாட்ரிக் கோல் அடித்து சாதனை
 

லா லிகாவில் எஸ்பான்யல் அணிக்கெதிராக ஹாட்ரிக் கோல்கள் அடித்ததன் மூலம் பார்சிலோனாவிற்கு மெஸ்சி 38 முறை ஹாட்ரிக் அடித்து சாதனைப் படைத்துள்ளார்.

 
 
பார்சிலோனாவிற்காக மெஸ்சி 38 முறை ஹாட்ரிக் கோல் அடித்து சாதனை
 
லா லிகா தொடரில் நேற்று முன்தினம் நடைபெற்ற போட்டியில் பார்சிலோனா - எஸ்பான்யல் அணிகள் மோதின. ஆட்டம் தொடங்கியது முதலே பார்சிலோனா வீரர்கள் சிறப்பான ஆட்டத்தை வெளிப்படுத்தினார்கள்.

குறிப்பாக நட்சத்திர வீரர் மெஸ்சி அபாரமாக விளையாடினார். ஆட்டத்தின் 26, 35 மற்றும் 67-வது நிமிடங்களில் அடுத்தடுத்து மூன்று கோல்கள் அடித்தார். இதன்மூலம் பார்சிலோனா அணிக்காக அவர் 38 முறை ஹாட்ரிட் கோல்கள் அடித்துள்ளார். இதில் யூரோப்பியன் சாம்பியன்ஸ் லீக் தொடரில் 7 முறை அடித்த ஹாட்ரிக் கோல்களும் அடங்கும்.

201709111735212285_1_3messi004-s._L_styv

87-வது நிமிடத்தில் சக வீரர் பிக்காய் ஒரு கோலும், 90-வது நிமிடத்தில் சுவாரஸ் ஒரு கோலும் அடிக்க பார்சிலோனா 5-0 என அபார வெற்றி பெற்றது.


201709111735212285_2_3messi002-s._L_styvஇந்த வெற்றியின் மூலம் இந்த சீசனில் மூன்று போட்டிகளிலும் வெற்றி பெற்று 9 புள்ளிகளுடன் முதல் இடத்தில் இருக்கிறது பார்சிலோனா.

http://www.maalaimalar.com/News/Sports/2017/09/11173518/1107506/Messi-has-scored-38-hat-tricks-for-Barcelona-including.vpf

Categories: merge-rss

2017இல் தலைவர் பதவியை இராஜினாமாச் செய்த கிரிக்கெட் நட்சத்திரங்கள்

Mon, 11/09/2017 - 20:31
2017இல் தலைவர் பதவியை இராஜினாமாச் செய்த கிரிக்கெட் நட்சத்திரங்கள்
6res.jpg
2017இல் தலைவர் பதவியை இராஜினாமாச் செய்த கிரிக்கெட் நட்சத்திரங்கள்
TP-BB-Website-Banner-visit-the-hub-728.jpg

எந்தவொரு விளையாட்டிலும் தலைமைத்துவம் என்பது இலகுவான விடயமல்ல. அதிலும் குறிப்பாக கிரிக்கெட் விளையாட்டை பொறுத்தமட்டில் போட்டியின் அரைவாசி பகுதி முழுவதும் தலைவரின் கருத்துக்கள் மற்றும் தீர்மானங்கள் படிதான் அணி வழிநடாத்தப்படுவதுடன், போட்டி நிறைவடையும் வரை அனைத்து அழுத்தங்களையும் தனது தோள்களில் சுமந்துகொண்டு அணியை வெற்றிப்பாதைக்கு இட்டுச் செல்வதில் மும்முரமாக இருப்பார்.

வானம் உயர்ந்த அளவிற்கு தலைவர்களுக்கு அழுத்தங்கள் இருந்தாலும், அதனையும் வெற்றி கொள்கின்ற தலைவர்கள் பொதுவாக எல்லா விளையாட்டுகளிலும் இருப்பது அரிது என்று சொல்லலாம். இதில் கிரிக்கெட் உலகில் நட்சத்திரங்களாக ஜொலித்துக்கொண்டிருந்த ஒரு சில முக்கிய வீரர்கள் அழுத்தங்கள், தொடர் தோல்விகள் மற்றும் உபாதைகள் உள்ளிட்ட காரணங்களால் இவ்வருட ஆரம்பத்திலிருந்து தமது தலைமைப் பதவிகளை இராஜினாமாச் செய்திருந்தனர். அவ்வாறு பதவி விலகிய 6 முக்கிய கிரிக்கெட் நட்சத்திரங்கள் தொடர்பான விபரமொன்றைப் பார்க்கலாம்.

  1. அசார் அலி

ALar Ali

பாகிஸ்தான் அணிக்காக உள்ளூர் மட்ட கிரிக்கெட் போட்டிகளில் சிறப்பாக விளையாடி வந்த அசார் அலி, வழக்கம்போல பாகிஸ்தான் அணிக்காக வீரரொருவர் ஒருநாள் போட்டிகளில் அறிமுகமாவதற்கு முன் டெஸ்ட் அறிமுகம் பெற்ற வீரராகவும் இடம்பெற்றார். இதன்படி, 2010ஆண்டு லோர்ட்ஸ் மைதானத்தில் நடைபெற்ற அவுஸ்திரேலிய அணியுடனான டெஸ்ட் போட்டிகளில் அறிமுகத்தைப் பெற்றுக் கொண்ட அவர், பாகிஸ்தான் அணியின் ராகுல் ட்ராவிட் எனவும் ஆரம்பத்தில் வர்ணிக்கப்பட்டார்.

அதனைத்தொடர்ந்து பாகிஸ்தான் அணிக்காக டெஸ்ட் போட்டிகளில் சிறப்பாக செயல்பட்ட அசார் அலி, 2011ஆம் ஆண்டு அயர்லாந்து அணியுடனான ஒருநாள் போட்டியில் அறிமுகமானார்.

அதன் பிறகு டெஸ்ட் மற்றும் ஒருநாள் போட்டிகளில் முன்னேற்றம் மற்றும் பின்னடைவை சந்தித்த அவர், 2015ஆம் ஆண்டு நடைபெற்ற உலகக் கிண்ணத்தில் பாகிஸ்தான் அணி பெற்ற தோல்வி மற்றும் மிஸ்பா உல் ஹக்கின் ஓய்வின் பிறகு பாகிஸ்தான் அணியின் அனைத்துவிதமான போட்டிகளினதும் தலைவராக நியமிக்கப்பட்டார்.

எனினும் கடந்த 2 வருடங்களாக அசார் அலிக்கு முக்கியமான போட்டித் தொடர்களின் போது அணியை வெற்றிப்பாதைக்கு இட்டுச் செல்ல முடியாமல் போனது. ஓட்டக்குவிப்பிலும் பின்னடைவை சந்தித்தார். அத்துடன் அசார் அலியின் தலைமையின் கீழ் பாகிஸ்தான் அணி பங்குபற்றிய 10 போட்டித் தொடர்களில் 5 தொடர்களில் மாத்திரம்தான் அவ்வணி வெற்றி பெற்றதுடன், இதில் 12 போட்டிகளில் வெற்றியையும், 18 போட்டிகளில் தோல்வியையும் அவர் பெற்றுக்கொண்டார்.

இதன்படி வெறும் 31 ஒருநாள் போட்டிகளுக்கு பாகிஸ்தான் அணியின் தலைவராகச் செயற்பட்ட அசார் அலி, கடந்த வருட இறுதியில் நடைபெற்ற அவுஸ்திரேலிய அணிக்கெதிரான ஒருநாள் மற்றும் T-20 போட்டித் தொடர்களில் பெற்ற தோல்விக்குப் பிறகு, தலைவர் பதவியிலிருந்து இராஜினாமாச் செய்தார்.

இதனையடுத்து இவ்வருடம் நடைபெற்ற மேற்கிந்திய தீவுகளுடான போட்டித் தொடரில் தனது இடத்தையும் இழந்தார். எனினும் ஜூன் மாதம் நடைபெற்ற சம்பியன்ஸ் கிண்ணத் தொடரில் மீண்டும் அணியில் இடம்பெற்ற அவர், இங்கிலாந்துடனான அரையிறுதி மற்றும் இந்தியாவுடனான இறுதிப் போட்டியில் அரைச் சதங்களைக் குவித்து பாகிஸ்தான் அணி சம்பியன் பட்டத்தை வெல்வதற்கு முக்கிய காரணமாகவும் இருந்தார் என்பது குறிப்பிடத்தக்கது.

  1. மிஸ்பா உல் ஹக்

Misbah-ul-Haq

பாகிஸ்தான் கிரிக்கெட் வரலாற்றில் தனக்கென பிரத்தியேக இடம் பிடித்தவர் மிஸ்பா உல் ஹக். தன் நேர்த்தியான ஆட்டத்தால் பாகிஸ்தான் கிரிக்கெட் ரசிகர்களைக் கட்டிப்போட்ட மிஸ்பா, கடந்த ஏப்ரல் மற்றும் மே மாதங்களில்  நடைபெற்ற மேற்கிந்திய தீவுகள் அணியுடனான டெஸ்ட் போட்டித் தொடருக்குப் பின் சர்வதேச போட்டிகளில் இருந்து ஓய்வு பெற்றார்.

43 வயதாகும் மிஸ்பா, 2001ஆம் ஆண்டு டெஸ்ட் போட்டிகளில் அறிமுகமானதுடன், 2010ஆம் ஆண்டு முதல் பாகிஸ்தான் டெஸ்ட் அணியின் தலைவராக நியமிக்கப்பட்டார். அன்று முதல் பாகிஸ்தான் அணியை சிறப்பாக வழி நடத்திய மிஸ்பா, ஐசிசி தரவரிசையில் வரலாற்றில் முதற்தடவையாக பாகிஸ்தான் அணியை முதல் இடத்துக்கு கொண்டு சென்ற பெருமையையும் பெற்றார்.

முன்னதாக 2015ஆம் ஆண்டு நடைபெற்ற உலகக் கிண்ணப் போட்டிக்குப் பிறகு ஒருநாள் மற்றும் T-20 போட்டிகளில் இருந்து மிஸ்பா ஓய்வுபெற்றதுடன், பாகிஸ்தான் கிரிக்கெட் சபையின் வேண்டுகோளுக்கிணங்க கடந்த 2 வருடங்களாக பாகிஸ்தான் டெஸ்ட் அணியின் தலைவராகச் செயற்பட்டிருந்தமை குறிப்பிடத்தக்கது.

பாகிஸ்தான் அணிக்காக 75 டெஸ்ட் போட்டிகளில் விளையாடியுள்ள மிஸ்பா, அதில் 53 போட்டிகளின் தலைவராகச் செயற்பட்டு 24 போட்டிகளில் வெற்றியைப் பதிவு செய்துள்ள அதேநேரம், பாகிஸ்தான் அணியை அதிகளவு போட்டிகளில் வழிநடாத்திய முதலாவது தலைவர் என்ற பெருமையையும் பெற்றிருந்தார்.

  1. அஞ்செலோ மெதிவ்ஸ்

mathews

இலங்கை அணியின் சகலதுறை ஆட்டக்காரரான மெதிவ்ஸ், மூன்று வகை கிரிக்கெட் போட்டிகளுக்குமான இலங்கை அணியின் தலைமைப் பதவியில் இருந்து கடந்த ஜூலை மாதம் பதவி விலகினார்.

ஜிம்பாப்வே அணிக்கு எதிரான ஒருநாள் போட்டியில் அதிர்ச்சி தோல்வி அடைந்து தொடரையும் 3-2 என இழந்த நிலையிலேயே மெதிவ்ஸ் இவ்வாறு இராஜினாமாச் செய்தார்.

2013 ஆம் ஆண்டு இலங்கை அணியின் இளம் டெஸ்ட் தலைவராக தனது 25ஆவது வயதில் தெரிவுசெய்யப்பட்ட மெதிவ்ஸ் 34 டெஸ்ட் போட்டிகளில் தலைவராக செயற்பட்டு 13 வெற்றி மற்றும் 15 தோல்விகளைப் பதிவு செய்துள்ளார். 2012 இல் தனது முதல் ஒருநாள் தலைமைப் பொறுப்பை வகித்தது தொடக்கம் 98 போட்டிகளில் தலைமை வகித்து 47 போட்டிகளிலேயே அணியை வெற்றி வரை அழைத்துச் சென்றுள்ளார். 45 சந்தர்ப்பங்களில் மெதிவ்ஸின் தலைமையில் இலங்கை அணி தோல்வியை சந்தித்துள்ளது.

சர்வதேச T-20 போட்டிகளில் மெதிவ்ஸ் தலைமையில் இலங்கை அணி வெறும் 4 போட்டிகளிலேயே வென்றுள்ளது. 7 போட்டிகளில் தோல்வியை சந்தித்துள்ளது.

அடிக்கடி காயங்களால் பாதிக்கப்பட்ட மெதிவ்ஸின் தலைமைப் பதவியில் கடந்த ஆண்டு அவுஸ்திரேலியாவுடனான டெஸ்ட் தொடரை இலங்கை அணி 3-0 என வெள்ளையடிப்பு செய்தது முக்கிய தருணமாக கருதப்படுகிறது.

  1. அலெஸ்டயார் குக்

cook

இங்கிலாந்து டெஸ்ட் அணித் தலைவர் பதவியிலிருந்து அவ்வணியின் ஆரம்பத் துடுப்பாட்ட வீரரான அலெஸ்டெயார் குக் கடந்த பெப்ரவரி மாதம் ஓய்வு பெற்றார்.

2010ஆம் ஆண்டு முதல் இங்கிலாந்து அணியின் அனைத்து வகையான போட்டிகளினதும் தலைவராக நியமிக்கப்பட்ட அலெஸ்டயார் குக், ஒரு சில ஒருநாள் போட்டிகளின்போது சிறப்பாக செயற்படாத காரணத்தால் 2011ஆம் ஆண்டு நடைபெற்ற உலகக் கிண்ணப் போட்டிகளின் பிறகு மட்டுப்படுத்தப்பட்ட ஓவர்களைக் கொண்ட போட்டிகளின் தலைவர் பதவியிலிருந்து விலகினார்.

எனினும், தொடர்ந்து டெஸ்ட் அணித் தலைவராக சிறப்பாகச் செயற்பட்ட அவர், 2013ஆம் ஆண்டு நடைபெற்ற ஆஷஸ் தொடரையும், 2015ஆம் ஆண்டு இந்தியா மற்றும் தென்னாபிரிக்காவில் நடைபெற்ற டெஸ்ட் தொடர்களையும் கைப்பற்றியிருந்தார்.

ஆனால் கடந்த வருட இறுதியில் இந்தியாவில் நடைபெற்ற டெஸ்ட் தொடரில் இங்கிலாந்து 4-0 என படுதோல்வியை சந்தித்ததும் அவர், அவ்வருடம் முழுவதும் நடைபெற்ற எந்தவொரு டெஸ்ட் போட்டிகளிலும் எதிர்பார்த்தளவு பிரகாசிக்கவில்லை. அத்துடன் கடந்த வருடம் நடைபெற்ற பாகிஸ்தான் அணியுடனான டெஸ்ட் தொடரை 2-2 சமப்படுத்தி வெற்றியை தவறவிட்ட குக்,  தனது பதவியிலிருந்து இராஜினாமாச் செய்வதாக அறிவித்தார்.

இங்கிலாந்து கிரிக்கெட் அணியின் சிறந்த துடுப்பாட்ட வீரராகக் கருதப்படுகின்ற 32 வயதான குக், இதுவரை 147 டெஸ்ட் போட்டிகளில் விளையாடி, 59 போட்டிகளில் தலைவராகச் செயற்பட்டுள்ளார்.

  1. ஏ.பி டிவில்லியர்ஸ்

www.hdnicewallpapers.com

தென்னாபிரிக்க கிரிக்கெட் அணியின் நட்சத்திர வீரரும், உலக கிரிக்கெட்டில் நேர்த்தியான, அதிரடியான ஆட்டத்தை வெளிப்படுத்தி 360 பாகை வீரர் என்று கிரிக்கெட் ரசிகர்களினால் வர்ணிக்கப்பட்ட ஏ பிடி வில்லியர்ஸ், கடந்த மாதம் தென்னாபிரிக்க அணியின் ஒருநாள் அணித் தலைவர் பதவியிலிருந்து விலகுவதாக அறிவித்தார். முன்னதாக கடந்த ஜனவரி மாதம் T-20 மற்றும் டெஸ்ட் அணித் தலைவர் பதிவிகளிலிருந்து டி வில்லியர்ஸ் விலகியிருந்தமை குறிப்பிடத்தக்கது.

தொடர் உபாதை மற்றும் போதியளவு திறமைகளை அண்மைக்காலமாக வெளிக்காட்டாத டி வில்லியர்சை டெஸ்ட் குழாமிலிருந்து நீக்குவதற்கு அந்நாட்டு கிரிக்கெட் சபை நடவடிக்கை எடுத்திருந்ததுடன், அவருடைய டெஸ்ட் மற்றும் T-20 தலைமைப் பதவியையும் பாப் டூ பிளெஸிஸுக்கு வழங்கவும் நடவடிக்கை எடுத்திருந்தது.

எனினும் 18 மாதங்களாக உபாதை காரணமாக அணியிலிருந்து விலகியிருந்த டி வில்லியர்ஸ் கடந்த ஜனவரி மாதம் நடைபெற்ற இலங்கை அணியுடனான ஒருநாள் தொடரில் மீண்டும் விளையாடியிருந்தார். அதனையடுத்து கடந்த ஜுன் மாதம் நடைபெற்ற சம்பியன்ஸ் கிண்ணப் போட்டிகளில் தென்னாபிரிக்க அணியை டி வில்லியர்ஸ் வழிநடாத்திய போதிலும், அவ்வணிக்கு இந்தியா மற்றும் பாகிஸ்தான் அணிகளுடன் தோல்வியைத் தழுவி அரையிறுதிக்கு தகுதிபெற்றுக் கொள்ள முடியாமல் போனது.

33 வயதான டி வில்லியர்ஸ் தென்னாபிரிக்க அணியின் தலைவராக சுமார் 6 வருங்களாக(2012-2017) செயற்பட்டுள்ளதுடன், 103 போட்டிகளுக்கு தலைவராகச் செயற்பட்டு 59 போட்டிகளில் அmணிக்கு வெற்றிகளைப் பெற்றுக்கொடுத்துள்ளமை குறிப்பிடத்தக்கது. எனினும் கடந்த 2016ஆம் ஆண்டிலிருந்து உபாதை மற்றும் தனிப்பட்ட காரணங்களுக்காக எந்தவொரு டெஸ்ட் போட்டியிலும் அவர் விளையாடவில்லை என்பது குறிப்பிடத்தக்கது.

  1. மஹேந்திர சிங் டோனி

India A captain Mahendra Singh Dhoni plays a shot during the first warm-up one day cricket match between India A and England XI at the Cricket Club of India (CCI) stadium in Mumbai on January 10, 2017. ----IMAGE RESTRICTED TO EDITORIAL USE - STRICTLY NO COMMERCIAL USE----- / GETTYOUT / AFP PHOTO / PUNIT PARANJPE / ----IMAGE RESTRICTED TO EDITORIAL USE - STRICTLY NO COMMERCIAL USE----- / GETTYOUT

இந்திய அணிக்கு ஒருநாள் மற்றும் T-20 உலகக் கிண்ணங்களை வென்று கொடுத்து கிரிக்கெட் உலகில் பல சாதனைகளைப் படைத்த கேப்டன் கூல் என்று வர்ணிக்கப்படுகின்ற மஹேந்திர சிங் டோனி, கடந்த ஜனவரி மாதம் ஒருநாள் மற்றும் T-20 அணிகளின் தலைவர் பதவிகளிலிருந்து இராஜினாமாச் செய்தார்.

2004ஆம் ஆண்டு சர்வதேச கிரிக்கெட் போட்டிகளில் அறிமுகமான டோனி, 2009ஆம் ஆண்டில் இந்திய அணியின் தலைவராக நியமிக்கப்பட்டார். டோனியின் தலைமையில் இந்திய அணி 2007ஆம் ஆண்டு T-20 உலகக் கிண்ணம், 2011ஆம் அண்டு உலகக் கிண்ணம் (ஒருநாள்) மற்றும் 2013ஆம் அண்டு சம்பியன்ஸ் கிண்ணம் என்பவற்றைக் கைப்பற்றியது.

இதன்மூலம், சர்வதேச கிரிக்கெட் சபையின் முக்கிய கிண்ணங்கள் மூன்றையும் கைப்பற்றிய ஒரு அணிக்கு தலைவராக இருந்தவர் என்ற பெருமையை டோனி பெற்றுக் கொண்டார்.

இந்நிலையில், 2014ஆம் ஆண்டு டிசம்பர் மாதம் திடீர் என்று டெஸ்ட் போட்டிகளில் இருந்து அவர் ஓய்வு பெற்றார். அது போன்றே, அவர் ஏனைய இரண்டு வகையான போட்டிகளுக்கான அணியின் தலைவர் பதவியில் இருந்து திடீரென பதவி விலகியிருந்தார்.

இந்திய அணிக்காக துடுப்பாட்டத்திலும், விக்கெட் காப்பிலும் பல சாதனைகளைப் படைத்த 36 வயதான டோனி, 199 ஒருநாள் போட்டிகளில் இந்திய அணியை வழிநடாத்தி 110 போட்டிகளில் வெற்றியையும், 74 போட்டிகளில் தோல்விகளையும் பெற்றுக்கொடுத்துள்ளார். அது போன்றே, 72 T-20 போட்டிகளில் தலைவராகச் செயற்பட்டு 42 போட்டிகளில் வெற்றியையும், 28 போட்டிகளில் தோல்விகளை அணிக்கு பெற்றுக்கொடுத்துள்ளமை குறிப்பிடத்தக்கது.

http://www.thepapare.com

Categories: merge-rss

இலங்கை அணியின் தலைமைப் பயிற்சியாளராக தகுதியான எட்டு கிரிக்கெட் ஆளுமைகள்

Mon, 11/09/2017 - 20:09
இலங்கை அணியின் தலைமைப் பயிற்சியாளராக தகுதியான எட்டு கிரிக்கெட் ஆளுமைகள்
8 Candidates to become next Sri Lanka Cricket Head Coach
TP-BB-Website-Banner-visit-the-hub-728.jpg

இலங்கை கிரிக்கெட் அணியின் தலைமைப் பயிற்சியாளர் பதவி என்பது அண்மைய காலங்களில் கிரிக்கெட் உலகில் விரும்பப்படாத ஒரு பொறுப்பாக மாறியுள்ளதை அவதானிக்க முடிகின்றது. ஏனெனில் கடந்த 7 வருடங்களில் (அதாவது 2011 ஆம் ஆண்டிலிருந்து) இலங்கை கிரிக்கெட் வீரர்களுக்கு வழிகாட்டல்கள் வழங்க வேண்டிய பயிற்சியாளர்கள் 10 பேர்கள் வரையில் மாற்றப்பட்டுள்ளனர்.

பயிற்சியாளர்கள் அடிக்கடி ஏன் மாற்றப்படுகின்றனர் என்கிற கேள்வியோடு இலங்கை அணியின் போராடும் தன்மையும் இப்போதைய நாட்களில் குறைந்து வருவதை பார்க்கலாம். இவ்வாறான நிலைமைகளை மாற்றி இலங்கை கிரிக்கெட் அணியின் நிரந்தர பயிற்சியாளராக செயற்பட கூடிய சிறந்த அனுபவம் கொண்ட எட்டு திறமைமிக்க கிரிக்கெட் ஆளுமைகளை ThePapare.com இன் இக்கட்டுரையின் மூலம் பார்க்கப் போகின்றது.

நிக் போத்தஸ்

Nic Pothas

இலங்கையின் பிரதான பயிற்றுவிப்பாளராக இருந்த கிரஹம் போர்ட், 2017ஆம் ஆண்டிற்கான சம்பியன்ஸ் கிண்ணத் தொடரின் குழுநிலைப் போட்டிகளோடு இலங்கை  அணி வெளியேறிய பின்னர் தனது பதவியினை இராஜினாமா செய்த பின்னர், அவரிற்குப் பதிலாக இலங்கை அணியின் தலைமைப் பயிற்றுவிப்பாளர் பொறுப்பு தற்காலிகமாக போத்தஸிற்கு வழங்கப்பட்டது.

போத்தஸின் கட்டுப்பாட்டின் கீழ் காணப்பட்ட இலங்கை, ஜிம்பாப்வே அணியுடனான ஒரு நாள் தொடரினை 3-2 எனப் பறிகொடுத்ததுடன், அவ்வணியுடனான டெஸ்ட் போட்டியை கைப்பற்றி அதற்கு அடுத்து  இந்தியாவுடன் இடம்பெற்ற மூன்று வகைப் போட்டிகள் ஒன்பதிலும் தோற்கடிக்கப்பட்டிருந்தது.

இலங்கை கிரிக்கெட் வாரியத் தலைவர் திலங்க சுமதிபால, நிக் போத்தாஸே தற்போது தாம் அணிக்காக தெரிவு செய்யவுள்ள பயிற்றுவிப்பாளர் பதவிக்கு  ‘முதன்மையாக பார்க்கப்படுபவர்’ எனக் குறிப்பிட்டுள்ளார்.

இலங்கை அணிக்காக கடமைகளை செய்வதற்கு முன்னதாக தென்னாபிரிக்க அணியின் களத்தடுப்பு பயிற்றுவிப்பாளராக காணப்பட்ட போத்தஸ் இலங்கை அணியின் தலைமைப் பயிற்றுவிப்பாளராக மாறுவதற்கு முன்னர் இலங்கையின் களத்தடுப்பு பயிற்றுவிப்பாளராகவே காணப்பட்டிருந்தார் என்பது குறிப்பிடத்தக்கது.

மஹேல ஜயவர்தன

Mumbai Indians - IPL

இலங்கை அணியின் முன்னாள் தலைவர்களில் ஒருவரான மஹேல ஜயவர்தன பணம் செழிக்கும் மும்பை இந்தியன்ஸ் அணியின் பயிற்சியாளராக கடமையேற்று கடந்த ஐ.பி.எல் பருவகாலத்தில் அவ்வணியினை சம்பியனாகவும் மாற்றியிருந்தார்.

இங்கிலாந்து அணிக்கு ஆலோசர்களில் ஒருவராகவும் வேலை செய்திருக்கும் ஜயவர்தன, அடுத்த இரண்டு பருவகாலங்களிலும் பங்களாதேஷ் பிரீமியர் லீக் தொடரில் குல்னா டைட்டன்ஸ் அணியின் பயிற்சியாளராக செயற்படுவதற்கும் ஒப்பந்தம் செய்யப்பட்டுள்ளார் என்பதும் குறிப்பிடத்தக்கது.

கடந்த காலங்களில் இலங்கை அணியின் மோசமான ஆட்டத்தினை கண்டு கவலையடைந்திருக்கும் கிரிக்கெட் இரசிகர்கள், கிரிக்கெட் ஆய்வாளர்கள் மற்றும் முன்னாள் வீரர்கள் அனைவரும் இலங்கை அணியின் தலைமை பயிற்றுவிப்பாளர் பதவியினை மஹேல பொறுப்பெடுக்க வேண்டும் என்று வேண்டுகோள் விடுத்து வருகின்றனர்.

டீன் ஜோன்ஸ்

Dean-Jones Coach

தற்போது கிரிக்கெட் வர்ணனையாளர்களில் ஒருவராக காணப்படும் டீன் ஜோன்ஸ், 2016ஆம் ஆண்டில் பாகிஸ்தான் சுபர் லீக் தொடரின் வெற்றியாளரான இஸ்லாமாபாத் அணியின் தலைமைப் பயிற்றுவிப்பாளராக செயற்பட்டிருந்தார்.

கிடைத்திருக்கும் தகவல்களின் அடிப்படையில், சொந்த மண்ணில் ஜிம்பாப்வே அணியுடனான ஒரு நாள் தொடர் தோல்வியின் பின்னர் இலங்கை அணியின் தலைமைப் பயிற்றுவிப்பாளர் பதவிக்கு ஜோன்ஸ் விண்ணப்பித்திருப்பதாக கூறப்படுகிறது. அவுஸ்திரேலிய அணியின் முன்னாள்  துடுப்பாட்ட வீரர்களில் (முன்வரிசை) ஒருவரான இவர், பாகிஸ்தான் அணியின் தலைமைப் பயிற்சியாளர் பொறுப்பிற்கும் கடந்த காலங்களில் இரண்டு தடவைகள் விண்ணப்பித்திருந்தமை குறிப்பிடத்தக்கது.

மார்வன் அத்தபத்து

Marvan Atapattu Coach

இலங்கை அணிக்கு வெளிநாட்டு பயிற்சியாளர்கள் பலர் மில்லியன் கணக்கில் ஊதியம் கொடுக்கப்பட்டு வரவழைக்கப்பட்டிருந்த போதும், அவர்களால் இலங்கை அணிக்கு போதியளவான நல்ல விடயங்களை கடந்த காலங்களில் வழங்க முடியாமல் போயிருந்தது.

இவ்வாறான நிலைமையில் அணி பற்றி அதிக விடயங்களை அறிந்து வைத்திருக்கும் உள்நாட்டினை சேர்ந்த மர்வான் அத்தபத்து இலங்கையின் தலைமைப் பயிற்றுவிப்பாளர் பதவிக்கு மீண்டும் வரவேண்டும் என அனைவராலும் கூறப்பட்டு வருகின்றது.

இதற்கு முன்னர், இலங்கை அணியினை பயிற்றுவித்திருந்த அத்தபத்து 2014ஆம் ஆண்டில் 16 வருடங்களின் பின்னர் இலங்கை அணிக்கு முதல் டெஸ்ட் தொடர் வெற்றியொன்றினை (1-0 என) இங்கிலாந்து மண்ணில் பெறுவதற்கு உறுதுணையாக காணப்பட்டிருந்தார்.

இவ்வாறாக சிறப்பாக இலங்கை அணியினை கொண்டு சென்ற அத்தபத்து 2015ஆம் ஆண்டில் யாருக்கும் தெரியப்படுத்த விரும்பாத சில காரணங்களிற்காக தலைமைப் பயிற்றுவிப்பாளர் பதவியினை துறந்துவிட்டு சென்றமை குறிப்பிடத்தக்கது.

போல் நிக்ஷன்

Paul Nixon

கரீபியன் பிரீமியர் லீக் தொடரில் சங்காவின் தலைமையிலான ஜமெய்க்கா தல்லாவாஸ் அணியின் தற்போதைய பயிற்சியாளர் போல் நிக்ஷன் இலங்கை அணியின் தலைமைப் பயிற்றுவிப்பாளர் பொறுப்பிற்கு விண்ணப்பத்திருப்பதாக ThePapare.com இற்கு தெரியவந்திருக்கின்றது.

இங்கிலாந்து அணியின் முன்னாள் விக்கெட் காப்பாளரும், துடுப்பாட்ட வீரருமான நிக்ஷன் இதுவரையில் 19 ஒரு நாள் போட்டிகளிலும், ஒரு T-20 போட்டியிலும் ஆடியுள்ளார். அதோடு, இவர் 2011ஆம் ஆண்டிற்கு முன்பு இங்கிலாந்தின் கவுண்டி அணியான லெய்கெஸ்டர்சைர் அணியினையும் பயிற்றுவித்த அனுபவம் கொண்டவர் என்பதும் குறிப்பிடத்தக்கது.

டொம் மூடி

Tom moody

இலங்கை அணியினை 2005ஆம் ஆண்டு தொடக்கம் 2007ஆம் ஆண்டு வரையான காலப்பகுதில் பயிற்றுவித்த மூடி, இலங்கையை 2007ஆம் ஆண்டு உலகக் கிண்ண இறுதிப் போட்டிக்கு முன்னேற்றுவதற்கு உதவி புரிந்திருந்தார். அவுஸ்திரேலிய அணியின் முன்னாள் வேகப்பந்து வீச்சாளரான இவர், இங்கிலாந்து மற்றும் அவுஸ்திரேலியா ஆகிய அணிகளை பயிற்றுவித்த அனுபவத்தினையும் கொண்டிருக்கின்றார்.

ஐ.பி.எல் தொடரில் ஆடிவரும் சன் ரைஸர்ஸ் ஹைதராபாத் அணியின் பயிற்றுவிப்பாளராக 2012ஆம் ஆண்டிலிருந்து நியமிக்கப்பட்டிருந்த மூடி, அவரது அணியினை 2016ஆம் ஆண்டின் ஐ.பி.எல் தொடரில் சம்பியனாக மாற்ற காரணமாக இருந்தமையும் குறிப்பிடத்தக்கது.

பியெர்ரே டி ப்ரய்ன்

Pierre De Bruyn

தென்னாபிரிக்காவைச் சேர்ந்த முதல்தர கிரிக்கெட் வீரர்களில் ஒருவரான பியெர்ரே, அண்மையில் லெய்கெஸ்டர்சைர் அணியின் தலைமைப் பொறுப்பினை இராஜினாமாச்  செய்திருந்தார்.

40 வயதாகும் இவரின் ஆளுமையின் கீழிருந்த லெய்கெஸ்டர்சைர் அணி இங்கிலாந்தின் உள்ளூர் போட்டிகளான T-20 பிளாஸ்ட் தொடரின் காலிறுதிக்கும், ஒரு நாள் கிண்ணத்தில் (வடக்குப் பிராந்திய குழு) ஆறாம் இடத்தினையும் பெற்றுக்கொண்டமை குறிப்பிடத்தக்கது.

2016 ஆம் ஆண்டிற்கான பருவகாலத்தில் லெய்கெஸ்டர்சைர் கழகத்திற்கு உதவி பயிற்சியாளராகவே சென்றிருந்த பியெர்ரே டி ப்ரய்ன் தனது திறமையின் கரணமாக அவ்வணியின் தலைமைப் பயிற்சியாளராக மாறியிருந்தார்.

ஸ்டீபன் பிளமிங்

Stephan Fleming Coach

நியூசிலாந்து அணியின் முன்னாள் தலைவரான ஸ்டீபன் பிளமிங் ஐ.பி.எல் தொடரில் சென்னை சுபர் கிங்ஸ் அணியின் பயிற்சியாளராக முன்னதாக செயற்பட்டிருந்தார்.

இவரது வழிகாட்டலுடன் காணப்பட்ட சென்னை அணி, 2010 ஆம் ஆண்டு மற்றும் 2011 ஆம் ஆண்டிற்கான ஐ.பி.எல் சம்பியன் கிண்ணத்தினை சுவீகரித்ததுடன் 2010 ஆம் ஆண்டு சம்பியன்ஸ் லீக்கிலும் வெற்றியாளராக மகுடம் சூடியிருந்தது.

கடந்த இரண்டு வருடங்களாக ரைஸிங் புனே சுபர்ஜயன்ட்ஸ் அணியின் பயிற்சியாளராக செயற்பட்டு வரும் பிளமிங், நியூசிலாந்து அணிக்காக இதுவரையில் 111 டெஸ்ட் போட்டிகளிலும், 280 ஒரு நாள் போட்டிகளிலும் விளையாடி 15,000 இற்கு மேலான ஓட்டங்களை குவித்திருப்பது குறிப்பிடத்தக்கது.

http://www.thepapare.com

Categories: merge-rss

அதிர்ச்சி முடிவுகளைக் கொடுத்த பிரீமியர் லீக்கின் இவ்வாரப் போட்டிகள்

Mon, 11/09/2017 - 16:05
அதிர்ச்சி முடிவுகளைக் கொடுத்த பிரீமியர் லீக்கின் இவ்வாரப் போட்டிகள்
ft.jpg
அதிர்ச்சி முடிவுகளைக் கொடுத்த பிரீமியர் லீக்கின் இவ்வாரப் போட்டிகள்
TP-BB-Website-Banner-visit-the-hub-728.jpg

உலகக் கிண்ண கால்பந்துப் போட்டிகளிற்கான தகுதிகாண் போட்டிகளின் பின்னராக, மீண்டும் தற்போது பிரீமியர் லீக் சுற்றுப் போட்டிகள் ஆரம்பமாகியுள்ளன. இதில் கடந்த நாட்களில் தமது நாட்டிற்காக எதிரணியாக இருந்து விளையாடிய பல வீரர்கள், இச்சுற்றுப் போட்டியில் மீண்டும் ஓன்றிணைத்துள்ளனர்.

ஏற்கனவே, அனைத்து அணிகளும் தலா மூன்று போட்டிகளில் விளையாடியிருந்தன. அதன் அடிப்படையில் புள்ளிப் பட்டியலில் முதல் இடத்தை மென்சஸ்டர் யுனைடட் அணி பெற்றிருந்தது. இதற்கு முன்னர் நடைபெற்று முடிந்த போட்டிகளில் சிறந்த விளையாட்டை வெளிப்படுத்திய அணிகள், இவ்வாரம் அதிர்ச்சித் தோல்விகளை அடைந்துள்ளன. அதேபோன்று, சுற்றுப் போட்டியின் முதல் வாரங்களில் சோபிக்கத் தவறிய அணிகள் இவ்வாரம் சிறந்த பெறுபேறுகளுடனான வெற்றிகளைப் பதிவு செய்துள்ளன.

கடந்த 9ஆம் திகதி நடைபெற்ற லிவர்பூல் கால்பந்துக் கழகம் மற்றும் மென்சஸ்டர் சிடி கழகம் என்பவற்றுக்கு இடையிலான போட்டியானது பலரது கவனத்தையும் ஈர்த்த போட்டியாக அமைந்தது. இரு அணிகளும் இறுதியாக நடைபெற்ற போட்டியை வென்ற நிலையிலே இப்போட்டியில் சந்தித்தன. இருந்தும் இப்போட்டியில் மென்சஸ்டர் சிடி 5-0 என்ற கோல்கள் வித்தியாசத்தில் அபார வெற்றியைப் பெற்றது.

 

போட்டியின் ஆரம்பம் முதலே மென்சஸ்டர் சிடி கழகம் லிவர்பூல் கழகத்திற்கு தனது சிறந்த பந்துப் பரிமாற்றங்கள் மூலம் சவால் கொடுத்தது. அதன் பலனாக மென்சஸ்டர் சிடி கழகத்திற்கான முதல் கோலை போட்டியின் 24ஆம் நிமிடத்தில் ஸர்ஜியோ அக்வேரோ பெற்றுக் கொடுத்தார்.

அதனைத் தொடர்ந்து கெப்ரீயல் ஜீஸஸ் 45ஆம் மற்றும் 53ஆம் நிமிடங்களிலும், லெரோய் சேன் 77ஆம் மற்றும் 91ஆம் நிமிடங்களிலும் கோல்களை பெற்றுக் கொடுத்தனர். இப்போட்டியில் லிவர்பூல் அணியின் முன்கள வீரர் ஸடியோ மெனே, போட்டியின் 37ஆம் நிமிடத்தில் சிவப்பு அட்டை காட்டப்பட்டு வெளியேற்றப்பட்டமை குறிப்பிடத்தக்கது.

அத்துடன் லயஸ்டர் சிடி மற்றும் செல்சி கால்பந்துக் கழகங்கள் மோதிய போட்டியில் 2-1 என்ற கோல் வித்தியாசத்தில் செல்சி அணி வெற்றி பெற்றது. போட்டியில் கூடுதலாக செல்சி கழகத்தின் ஆதிக்கமே தென்பட்டது.

 

அக்கழக அணிக்காக அல்வாரோ மோராடா மற்றும் கென்டே ஆகியோர் கோல்களைப் பெற்றுக்கொடுத்தனர். அத்துடன் லயஸ்டர் சிடி கழகத்திற்கு பெனால்டி முறை மூலம் ஜேமீ வார்டி ஓரு கோலைப் பெற்றுக்கொடுத்தார்.

அதே தினம் நடைபெற்ற பர்னமவுதிற்கு எதிரான போட்டியில் 3-0 என்ற கோல்கள் வித்தியாசத்தில் வெற்றி பெற்று இப்பருவகாலத்திற்கான தனது முதல் வெற்றியை பதிவு செய்தது ஆர்சனல் கழகம். அதேபோல், எவர்டன் கழகம் டொடன்கம் கழகத்துடன் தோல்வியுற்றதன் மூலம் புள்ளிப் பட்டியலில் தொடர்ச்சியான தோல்விகளை பதிவு செய்துள்ளது.

இப்பருவகாலத்தின் ஆரம்பம் முதலே பல அபார வெற்றிகளைப் பெற்ற மென்சஸ்டர் யுனைடட் அணி, ஸ்டோக் சிடிக்கு எதிரான போட்டியில் 2-2 என்ற சமநிலையான கோல் வித்தியாசத்தில் போட்டியை நிறைவு செய்தது. எனினும், இப்போட்டியின் பின்பும் மென்சஸ்டர் யுனைடட் அணியே புள்ளிப் பட்டியலில் முதலிடத்திலுள்ளது.

அத்துடன் ஸவுதம்டன் மற்றும் வொட்பூர்ட் கழகங்கள் மோதிய போட்டியில், வொர்ட்பூர்ட் 2-0 என்ற கோல்கள் வித்தியாசத்திலும், பரய்டன் மற்றும் வெஸ்ட் புரும் கழகங்கள் மோதிய போட்டியில் பரய்டன் கழகம் 3-1 என்ற கோல்கள் வித்தியாசத்திலும் வெற்றிகளைப் பதிவு செய்தன.

மேலும், 10ஆம் திகதி இரண்டு போட்டிகள் நடைபெற்றன. முதலாவதாக நடைபெற்ற போட்டியில் பர்ன்லி மற்றும் கிரிஸ்டல் பலஸ் கால்பந்துக் கழகங்கள் மோதின. இப்போட்டியில் பர்ன்லி கழகம் 1-0 என்ற கோல் வித்தியாசத்தில் வெற்றி பெற்று இப்பருவகாலத்திற்கான தனது இரண்டாவது வெற்றியைப் பதிவு செய்தது.

 

பிரீமியர் லீக் சுற்றுப் போட்டியில் இதுவரை நான்கு வாரங்கள் நிறைவடைந்துள்ள நிலையில், கிரிஸ்டல் பலஸ் மற்றும் பர்னமவுத் கழகங்கள் எந்தவித வெற்றியையும் பெறவில்லை என்பது குறிப்பிடத்தக்கது.

இரண்டாவதாக நடைபெற்ற போட்டியில் ஸீவஸேனா சிடி மற்றும் நியு காஸ்ல் கழகங்கள் மோதின. இப்போட்டியில் நியு காஸ்ல் அணி 1-0 என்ற கோல் வித்தியாசத்தில் வெற்றி பெற்றது.

இவ்வாரத்தின் இறுதிப் போட்டி 12ஆம் திகதி வெஸ்ட் ஹாம் மற்றும் ஹடர்ஸ்வீய்லட் கழகங்களுக்கு இடையிலான பலப்பரீட்சையாக இடம்பெறவுள்ளது.

 

       இன்று வரையான (2017.09.11) புள்ளிப் பட்டியல்  

நிலை ஆணி போட்டிகள் வெற்றி தோல்வி சமநிலை எ.பெ.கோல்கள் பெ.கோல்கள் புள்ளி 1 மெ. யுனைடட் 4 3 0 1 2 10 10 2 மெ. சிடி 4 3 0 1 2 8 10 3 செல்சி 4 3 1 0 5 3 9 4 வொர்ட்புட் 4 2 0 2 3 4 8 5 டொடன்ஹம் 4 2 1 1 3 4 7 6 ஹடர்ஸ்வீய்ல்ட் 3 2 0 1 0 4 7 7 பர்ன்லீ 4 2 1 1 4 1 7 8 லிவர்பூல் 4 2 1 1 8 0 7 9 வெஸ்ட்பூரும் 4 2 1 1 4 0 7 10 நியூகாஸ்ல் 4 2 2 0 3 1 6 11 ஆர்சனல் 4 2 2 0 8 -1 6 12  ஸ்டோக்சிடி 4 1 1 2 4 0 5 13 ஸவுதம்டன் 4 1 1 2 4 -1 5 14 பரய்டன் 4 1 2 1 5 -2 4 15 ஸீவஸேனாசிடி 4 1 2 1 5 -3 4 16 எவர்டன் 4 1 2 1 6 -4 4 17 லயஸ்டர்சிடி 4 1 3 0 8 -2 3 18 பர்னமவுத் 4 0 4 0 8 -7 0 19 கிரிஸ்டல்பலஸ் 4 0 4 0 7 -7 0 20 வெஸ்ட்ஹாம் 3 0 3 0 10 -8 0

http://www.thepapare.com

Categories: merge-rss

ஜக்மோகன் டால்மியாவின் நினைவுதின நிகழ்வுக்கு சங்கக்காரவுக்கு அழைப்பு

Mon, 11/09/2017 - 07:10
ஜக்மோகன் டால்மியாவின் நினைவுதின நிகழ்வுக்கு சங்கக்காரவுக்கு அழைப்பு
12095247_10154322696384251_1473362357239
TP-BB-Website-Banner-visit-the-hub-728.jpg

இலங்கை அணியின் முன்னாள் தலைவரும், நட்சத்திர துடுப்பாட்ட வீரருமான குமார் சங்கக்காரவை இந்திய கிரிக்கெட் சபை மற்றும் சர்வதேச கிரிக்கெட் பேரவையின் முன்னாள் தலைவரும், கொல்கத்தா கிரிக்கெட் சங்கத்தின் முன்னாள் தலைவருமான ஜக்மோகன் டால்மியாவின் நினைவுதின நிகழ்வில் கலந்துகொண்டு விசேட உரையொன்றை நிகழ்த்துமாறு அழைப்பு விடுக்கப்பட்டுள்ளளது.

இந்திய கிரிக்கெட் அணியின் முன்னாள் தலைவரும், கொல்கத்தா கிரிக்கெட் சங்கத்தின் தற்போதைய தலைவருமான சவ்ரவ் கங்குலி இவ் அழைப்பை விடுத்துள்ளதுடன், இதற்கு சங்கக்கார சாதகமான பதிலை வழங்கி சம்மதம் தெரிவித்துள்ளதாகவும் இந்திய ஊடகங்கள் செய்தி வெளியிட்டுள்ளன.

இது தொடர்பில் கங்குலி வெளியிட்டுள்ள அறிக்கையில், ”நான் சங்கக்காரவுடன் தொலைபேசிவாயிலாக கதைத்தேன். அதன்போது இவ்விசேட நிகழ்வில் கலந்துகொள்ளுமாறு அழைப்பு விடுத்ததுடன், அதற்கு அவர் சம்மதம் தெரிவித்திருந்தார். எனவே இதற்கான திகதியை அறிவிக்க எதிர்பார்த்துள்ளேன்” எனவும் குறிப்பிட்டார்.

இந்திய கிரிக்கெட்டின் வளர்ச்சிக்காக பாரிய சேவையை வழங்கிய ஜக்மோகன் டால்மியா, 2015ஆம் ஆண்டு தனது 75ஆவது வயதில் காலமானார். அவரது சேவையை பாராட்டி விசேட நினைவுதின நிகழ்வொன்றை நடத்துவதற்கு கொல்கத்தா கிரிக்கெட் சங்கம் பல்வேறு சந்தர்ப்பங்களில் முயற்சி செய்த போதிலும் சந்தர்ப்ப சூழ்நிலைகள் காரணமாக அவ்வாறான நிகழ்வொன்றை நடத்த முடியாமல் போனது. முன்னதாக கடந்த வருடம் செப்டம்பர் மாதம் நடைபெற்ற இந்திய – நியூசிலாந்து தொடர் மற்றும் இவ்வருட முற்பகுதியில் நடைபெற்ற இந்திய – இங்கிலாந்து தொடரின் போதும் இவ்விசேட நினைவுதின நிகழ்வை நடத்துவதற்கு நடவடிக்கைகள் எடுக்கப்பட்டிருந்தன.

இந்நிலையில் கொல்கத்தா கிரிக்கெட் சங்கத்தின் தற்போதைய தலைவராகவுள்ள சவ்ரவ் கங்குலியின் முயற்சியினால் குறித்த நினைவுதின நிகழ்வை எதிர்வரும் நவம்பர் மாதம் நடத்துவதற்கான அனைத்து ஏற்பாடுகளும் முன்னெடுக்கப்பட்டு வருகின்ற நிலையில், இலங்கை அணியின் இந்திய சுற்றுப் பயணத்தில் கொல்கத்தாவில் நடைபெறவுள்ள டெஸ்ட் போட்டி ஆரம்பமாவதற்கு முன் இந்நிகழ்வை நடத்துவதற்கு கொல்கத்தா கிரிக்கெட் தீர்மானித்துள்ளது.

2015 உலகக் கிண்ணத்திற்குப் பிறகு சர்வதேச கிரிக்கெட் அரங்கிலிருந்து குமார் சங்கக்கார ஓய்வு பெற்றாலும், தற்போது உலகம் முழுவதும் நடைபெற்று வருகின்ற டி20 லீக் போட்டிகளில் அதிரடி காட்டி வருகின்ற நிலையில், இந்த அழைப்பு விடுக்கப்பட்டுள்ளமை கிரிக்கெட் ரசிகர்கள் மத்தியில் பெரும் வரவேற்பை பெற்றுள்ளது.

முன்னதாக 2011ஆம் ஆண்டு உலக கிரிக்கெட் ஒழுங்கு விதிமுறைகளை ஒழுங்குபடுத்தும் மெல்பர்ன் கிரிக்கெட் சங்கத்தினதால் நடத்தப்பட்ட வருடாந்த கூட்டத்தில் விளையாட்டின் நற்பண்புகள் என்ற தலைப்பில் சங்கக்கார உரையாற்றியிருந்தார். இதன்போது இலங்கை கிரிக்கெட்டின் ஆரம்பம், 1996ஆம் ஆண்டு நடைபெற்ற உலகக் கிண்ண கிரிக்கெட் போட்டியில் அர்ஜுன ரணதுங்க தலைமையிலான இலங்கை அணி முதற் தடவையாக சம்பியன் பட்டம் வென்றமை, இனங்களுக்கிடையிலான நல்லிணக்கம் மற்றும் 2009ஆம் ஆண்டு இலங்கை அணி மீது லாஹூரில் மேற்கொள்ளப்பட்ட பயங்கரவாத தாக்குதல் உள்ளிட்ட முக்கிய தலைப்புகளில் அவர் உரையாற்றி உலகின் கவனத்தையும், பாராட்டையும் பெற்றிருந்தமை குறிப்பிடத்தக்கது.

http://www.thepapare.com

Categories: merge-rss

அரவிந்தவை நாடுகிறது இலங்கை கிரிக்கெட் சபை

Mon, 11/09/2017 - 06:51
அரவிந்தவை நாடுகிறது இலங்கை கிரிக்கெட் சபை
 

image_916138c72d.jpgஇலங்கை கிரிக்கெட் அணியின் அண்மைக்கால தோல்விகளிலிருந்து வெற்றிப்பாதையை நோக்கி அழைத்துச் செல்வதற்கு, முன்னாள் நட்சத்திர வீரர் அரவிந்த டி சில்வாவை நாடுவதற்கு, இலங்கை கிரிக்கெட் சபை தீர்மானித்துள்ளது.

அதன் பிரகாரம் இலங்கை கிரிக்கெட் அணியின் சர்வதேசப் போட்டிகளுக்கான பொறுப்பு, அரவிந்தவுக்கு வழங்கப்படவுள்ளதாகத் தெரியவருகிறது. இதன்படி, அப்போட்டிகளின் பயிற்றுவிப்புப் பணியில் ஈடுபடும் அனைவரும், அரவிந்தவுக்குக் கீழ் பணியாற்றும்படி செய்யப்படவுள்ளது.

முதற்கட்டமாக, இலங்கை கிரிக்கெட் அணியின் தலைமைப் பயிற்றுவிப்பாளரை தெரிவு செய்யும் பணி, இவருக்கு ஒப்படைக்கப்படவுள்ளது.

அரவிந்த டி சில்வா, ஏற்கெனவே இலங்கை கிரிக்கெட் அணியின் தெரிவுக்குழுத் தலைவராகவும் பின்னர் அணியின் வழிகாட்டுநராகவும் செயற்பட்டிருந்தமை குறிப்பிடத்தக்கது.

http://www.tamilmirror.lk/பிரசித்த-செய்தி/அரவிந்தவை-நாடுகிறது-இலங்கை-கிரிக்கெட்-சபை/150-203555

Categories: merge-rss

அமெரிக்க ஓப்பன் டென்னிஸ்: சாம்பியன் பட்டம் வென்றார் நடால்!

Mon, 11/09/2017 - 05:40
அமெரிக்க ஓப்பன் டென்னிஸ்: சாம்பியன் பட்டம் வென்றார் நடால்!
 

அமெரிக்க ஓப்பன் டென்னிஸ் ஆடவர் பிரிவில், நடால் சாம்பியன் பட்டம் வென்றுள்ளார். 

நடால்


கிராண்ட்ஸ்லாம் தொடர்களில் ஒன்றான அமெரிக்க ஓப்பன் டென்னிஸ், பரபரப்பாக நடந்து முடிந்துள்ளது. மகளிர் ஒற்றையர் பிரிவில் ஸ்டீஃபென்ஸ் சாம்பியன் பட்டம் வென்று அசத்தினார். இந்நிலையில், ஆடவர் ஒற்றையர் பிரிவில் ஸ்பெயின் நாட்டின் நடால் மற்றும் தென் ஆப்பிரிக்காவின் ஆண்டர்சன் மோதினர்.

இதில், ஆரம்பம் முதலே ஆதிக்கம் செலுத்திய நடால்  6-3, 6-3, 6-4 என்ற நேர் செட் கணக்குகளில் வென்று, அமெரிக்க ஓப்பன் பட்டத்தைக் கைப்பற்றியுள்ளார். குறிப்பாக, 58 நிமிடங்களில் போட்டியை முடித்து, தான் நம்பர் 1 பிளேயர் என்பதை நிரூபித்துள்ளார் நடால். அமெரிக்க ஓப்பனில், சாம்பியன் பட்டம் வெல்வது இது நடாலுக்கு மூன்றாவது முறையாகும்.

 


ஒட்டுமொத்தமாக, நடால் 16 கிராண்ட் ஸ்லாம்களை வென்றுள்ளார். இந்த ஆண்டில் மட்டும், இது அவருக்கு 5-வது டைட்டில். ஏற்கெனவே, கடந்த ஜூன் மாதம் ஃப்ரெஞ்ச் ஓப்பன் பட்டத்தை 10-வது முறையாகக் கைப்பற்றி சாதனை படைத்திருந்தார். தற்போது,16-வது கிராண்ட்ஸ்லாமைக் கைப்பற்றியதன் மூலம் ஃபெடரருக்கு அடுத்த இடத்தில் உள்ளார். ஃபெடரர், 19 கிராண்ட் ஸ்லாம்களைக் கைப்பற்றியுள்ளார் என்பது குறிப்பிடத்தக்கது. 

http://www.vikatan.com/news/sports/101861-nadal-wins-us-open-tittle.html

Categories: merge-rss

இந்திய வீரர்களுக்காக பிசிசிஐ சொந்தமாக விமானம் வாங்க வேண்டும்: கபில்தேவ் விருப்பம்

Sun, 10/09/2017 - 19:48
இந்திய வீரர்களுக்காக பிசிசிஐ சொந்தமாக விமானம் வாங்க வேண்டும்: கபில்தேவ் விருப்பம்

 

இடைவிடாமல் விளையாடும் இந்திய வீரர்கள் சோர்வு தெரியாமல் இருக்க பிசிசிஐ விமானம் ஒன்றை வாங்க வேண்டும் என கபில்தேவ் விருப்பம் தெரிவித்துள்ளார்.

 
 கபில்தேவ் விருப்பம்
 
சர்வதேச கிரிக்கெட் அரங்கில் அதிக அளவில் பணம் சம்பாதிக்கும் கிரிக்கெட் வாரியமாக இந்திய கிரிக்கெட் வாரியம் விளங்கி வருகிறது. வருமானம் அதிக அளவில் கிடைக்கும் என்பதால் இந்திய அணியுடன் எல்லா அணிகளும் இருநாடுகளுக்கு இடையிலான தொடரை அதிக அளவில் நடத்த விரும்புகிறது. ஐ.சி.சி. தொடர் என்றாலும் இந்தியா மோதும் போட்டிகள் மூலம் அதிக வருமானம் கிடைக்கிறது.

தற்போது இந்திய கிரிக்கெட் அணி தொடர்ச்சியாக விளையாடி வருகிறது. இந்திய மண்ணில் 17 டெஸ்ட் போட்டிகளை முடித்த இந்தியா, சாம்பியன்ஸ் டிராபி, வெஸ்ட் இண்டீஸ், இலங்கை தொடரை முடித்துள்ளது.

விரைவில் ஆஸ்திரேலியா, நியூசிலாந்து, இலங்கை அணிகளுக்கு எதிராக சொந்த மண்ணில் விளையாடுகிறது. அதன்பின் வெளிநாட்டு தொடர்களில் விளையாட இருக்கிறது.

தொடர்ச்சியாக வீரர்கள் பயணம் செய்வதால், அவர்கள் சோர்வின்றி இருக்கவும், பயண நேரத்தை குறைக்கவும் பிசிசிஐ சொந்தமாக விமானம் வாங்க வேண்டும் என்று முன்னாள் இந்திய அணி கேப்டன் கபில்தேவ் விருப்பம் தெரிவித்துள்ளார்.

201709101747491740_1_teamindia-s._L_styv

இதுகுறித்து கபில்தேவ் கூறுகையில் ‘‘தற்போது பிசிசிஐ சொந்தமாக விமானம் வைத்துக்கொள்ள வேண்டும். அதற்கு போதுமான அளவில் பணம் உள்ளது. இது அதிக அளவிலான நேரத்தை மிச்சப்படுத்தும். இந்திய வீரர்களுக்கு எளிதாக இருக்கும். பிசிசிஐ-யால் விமானம் வாங்கக்கூடிய தொகையை செலவிட முடியம். ஐந்து வருடத்திற்கு முன்பே இதை செய்திருக்கனும்.

வரவிருக்கும் நாட்களில் கிரிக்கெட் வீரர்கள் தாங்களே சொந்த விமானம் வைத்திருக்கும் நிலைமைய காண விரும்புகிறேன். அமெரிக்காவில் கோல்ஃப் வீரர்கள் சொந்தமாக விமானம் வைத்திருக்கிறார்கள். நேரத்தை சேமிப்பதற்கான நமது வீரர்கள் ஏன் விமானம் வாங்கவில்லை என்பதற்கான எந்த காரணத்தையும் என்னால் பார்க்கமுடியவில்லை. பிசிசிஐ விமானம் வாங்கினால் இரண்டு போட்டிகளுக்கு இடையே வீரர்களுக்கு போதுமான நேரம் கிடைக்கும். விமானத்திற்கான பார்க்கிங் கட்டணத்தை பிசிசிஐ-யால் செலவிட முடியும்’’ என்றார்.

http://www.maalaimalar.com/News/Sports/2017/09/10174747/1107322/Kapil-Dev-wants-BCCI-to-purchase-airplane-for-India.vpf

Categories: merge-rss

கரீபியன் பிரிமீயர் லீக்: இறுதி போட்டி

Sun, 10/09/2017 - 10:03

கரீபியன் பிரிமீயர் லீக்: இறுதி போட்டி

 

CPL 2017 Final Full Highlights || T. Knight Riders vs St Kitts & Nevis Patriots Final Highlights
CPL 2017 Final Last 2 overs 12 off 22
CPL T20 2017 FINAL : Presentation Ceremony | St Kitts and Nevis Patriots vs Trinbago Knight Riders

 

 

Categories: merge-rss

நெய்மார் முதல் டெம்பல்லே வரை... இவ்ளோ விலைக்கு இவர்கள் வொர்த்தா? #Football #SummerTransfer

Sun, 10/09/2017 - 08:54
நெய்மார் முதல் டெம்பல்லே வரை... இவ்ளோ விலைக்கு இவர்கள் வொர்த்தா? #Football #SummerTransfer
 
 

ஒவ்வொரு வருடமும் கால்பந்து உலகில் போட்டிகளே இல்லாவிட்டாலும், பரபரப்பாக இருக்கும் மாதங்களில் ஆகஸ்ட் மாதமும் ஒன்று. காரணம், சம்மர் டிரான்ஸ்ஃபர். அதாவது அடுத்த சீஸனுக்காக புதிய வீரர்களைக் கால்பந்து க்ளப்புகள் ஒப்பந்தம் செய்ய, அந்த மாதம்தான் கடைசி. சீஸன் முடிந்தவுடன் ஜூலை மாதத்தின் தொடக்கத்திலிருந்தே டிரான்ஸ்ஃபர் நடைபெறும் என்றாலும், ஆகஸ்ட் மாதத்தில்தான் புதிய ஒப்பந்தங்கள் வெகுஜோராக நடைபெறும். ஏனெனில், ஐரோப்பாவில் செப்டம்பர் 1 வரைதான் சம்மர் டிரான்ஸ்ஃபர் விண்டோ உயிர்ப்புடன் இருக்கும். (இதேபோல் வருடம்தோறும் ஜனவரி மாதமும் டிரான்ஸ்ஃபர்கள் நடைபெறும். அதற்கு `வின்டர் டிரான்ஸ்ஃபர்' என்று பெயர்).

இந்த சீஸனுக்காக சம்மர் டிரான்ஸ்ஃபர்களில் அதிக தொகைக்கு வாங்கப்பட்ட வீரர்களின் விவரம்:

அதிக விலைக்கு வாங்கப்பட்ட கால்பந்து வீரர்கள்!

நெய்மார் - 222 மில்லியன் யூரோக்கள்!

பிரேசில் சூப்பர் ஸ்டாரும், லியோனல் மெஸ்சி மற்றும் கிறிஸ்டியானோ ரொனால்டாவுக்கு அடுத்த தலைசிறந்த வீரருமான நெய்மார், ஸ்பெயின் நாட்டு க்ளப்பான பார்சிலோனா அணியிலிருந்து பிரான்ஸ் நாட்டின் பாரிஸ் செயின்ட் ஜெர்மைன் (பிஎஸ்ஜி) அணியால், 222 மில்லியன் யூரோக்களுக்கு வாங்கப்பட்டார். நாடு பேதமின்றி பெரும்பாலான கால்பந்து ரசிகர்களாலும் கொண்டாடப்படும் இளம் வீரர் நெய்மா். இந்த வருடம் இவருக்கு அடித்த அதிர்ஷ்டம் அளப்பரியது. `கால்பந்து உலகின் செல்வாக்குமிக்க மனிதர்' என்ற பெருமையை, சென்ற வருடம் 105 மில்லியன் யூரோக்களுக்கு மான்செஸ்டர் யுனைடெட் அணியால் வாங்கப்பட்ட பிரான்ஸ் நாட்டு வீரர் பால் போக்பாவிடமிருந்து தன்வசமாக்கிவிட்டார். கடந்த வருட சாம்பியன்ஸ் லீக் காலிறுதியின் இரண்டாவது லெக்கில் சூப்பர் கம்பேக் கண்ட பார்சிலோனாவிடம் 6-1 என்ற கோல்கணக்கில் பி.எஸ்.ஜி தோல்வியைத் தழுவ நெய்மார்தான் முக்கியக் காரணம். அவர் இப்போது பி.எஸ்.ஜி க்ளப்பில்... வாட்டே!

அதிக விலைக்கு வாங்கப்பட்ட கால்பந்து வீரர்கள்!

பார்சிலோனாவிலிருந்து நெய்மார் விலகியதற்கு எவ்வளவோ காரணங்கள் இருந்தாலும், இது சரியா... தவறா எனச் சர்ச்சைகள் தொடர்ந்தாலும், இதுதான் கால்பந்து வரலாற்றிலேயே மிகப்பெரிய டிரான்ஸ்ஃபர்!

கைலியன் இம்பெப் - 166 மில்லியன் யூரோக்கள்!

இளம் ஸ்ட்ரைக்கர் கைலியன் இம்பெப்,  பிரான்ஸின் நடப்பு சாம்பியன் க்ளப்பான மொனாக்கோ அணியிலிருந்து 166 மில்லியன் யூரோக்களுக்கு வாங்கப்பட்டு(?)  பட்டியலில் இரண்டாவது இடத்தைப் பிடிக்கிறார். இங்கும் துண்டைப் போட்டிருப்பதும் அதே பி.எஸ்.ஜி-தான். ஆனால், இந்த முறை அதிகாரபூர்வமாக விலை கொடுத்து வாங்கவில்லை. லோன் மூலம் கைலியனை உள்ளிழுத்திருக்கிறது பி.எஸ்.ஜி. அடுத்த டிரான்ஸ்ஃபரில் மேற்சொன்ன தொகையைக் கொடுத்து, அவரை வாங்குவதே அந்த க்ளப்பின் மாஸ்டர் ப்ளான்.

APTOPIX_Soccer_WCup_2_velu_11327.jpg

ஏனெனில், ஏற்கெனவே நெய்மாரை ஒப்பந்தம் செய்த 222 மில்லியன் யூரோக்கள் தொகைக்கே, `இந்த க்ளப்பால் எப்படி இவ்வளவு செலவழிக்க முடிகிறது, எப்படி இவ்வளவு வருமானம் வருகிறது, பி.எஸ்.ஜி சட்ட ஒழுங்குமுறைகளை மீறியிருக்கிறதா... என ஐரோப்பா கால்பந்து கூட்டமைப்பின் `நிதி கட்டுப்பாட்டுக் குழு’ விசாரிக்க வேண்டும்!' என பலவித சர்ச்சைகள் எழுந்தன. இந்த நேரத்தில் `கைலியனையும் பெரும் தொகைக்கு வாங்குவது சிக்கலாகும் என்பது, பி.எஸ்.ஜி-க்குத் தெரியாதா என்ன? அதனாலே இந்த லோன் நாடகம்!' என்கின்றனர் கால்பந்து நிபுணர்கள். 

கடந்த வருடத்தில் பி.எஸ்.ஜி-யை ஓவர்டேக் செய்து மொனாக்கோ லீக் ஒன் சாம்பியன் பட்டத்தைக் கைப்பற்ற கைலியனும் ஒரு காரணம். பார்சிலோனாவைப்போலவே மொனாக்கோவும் பி.எஸ்.ஜி-யின் புது வகையான பழிவாங்கல் நடவடிக்கைக்கு ஆளானது ஆச்சர்யமே. ரியல் மாட்ரிட்டுக்குத்தான் செல்லவிருக்கிறார் என வதந்திகள் உலவிய நிலையில், கைலியன் லோன் முறையில் பி.எஸ்.ஜி-யில் இணைந்தது எதிர்பாரா ஒன்றுதான். இந்த சீஸனில் நெய்மார், கைலியன் என இரண்டு இளம் வீரர்களையும் ஒப்பந்தம் செய்து அமர்க்களப்படுத்தியிருக்கிறது பி.எஸ்.ஜி.

ஓசுமானே டெம்பல்லே - 105 மில்லியன் யூரோக்கள்!

Spain_Spotlight_Dembe_velu_11089.jpg


இவரும் பிரான்ஸ் நாட்டைச் சேர்ந்தவர்தான். வயது 20. இதுவரை ஜெர்மனியின் புருஸியா டோர்ட்மண்ட் அணிக்காகப் பட்டையைக் கிளப்பிவந்த பிளே மேக்கரான ஓசுமானே டெம்பல்லேவை, நெய்மாரின் மாற்றாக ஒப்பந்தம் செய்ய பார்சிலோனா அளித்த தொகை 105 மில்லியன் யூரோக்கள். பார்சிலோனாவின் முக்கிய இலக்காக இவரும், கோடின்ஹோவும் இருந்தனர். அநேகமாக இந்த இடத்தில் பிரேசிலின் பிலிப்பே கோடின்ஹோதான் வந்திருக்க வேண்டும். அவருக்கு அதிர்ஷ்டம் இல்லை. `இன்னும் சில மணி நேரத்தில் கையொப்பமாகும்' என, பல முறை பார்சிலோனா நிர்வாகத்தால் அறிவிக்கப்பட்டபோதும் கடைசி நேரத்தில் கை நழுவியது.  

ஏற்கெனவே 40 மில்லியன் யூரோக்களுக்கு வாங்கப்பட்ட பிரேசில் மிட்ஃபீல்டர் பாலின்ஹோவின் வருகையும் பார்சிலோனா அணியை விமர்சனத்துக்குள்ளாக்க,தொகை அதிகம் என்றாலும் வேறு வழியின்றி டெம்பல்லேவுக்கு 105 மில்லியன் யூரோக்களை வாரி இறைத்திருக்கிறது பார்சிலோனா. நெய்மார் இல்லாமல் தடுமாறிவரும் பார்சிலோனா (ஸ்பானிஷ் சூப்பர் கப் ஃபைனல் உள்பட) அணிக்கு, இந்த இளம் வீரரால் ஒரு கம்பேக் கிடைக்கும் என்ற நம்பிக்கை நிறைவேறுமா என்பதை, பொறுத்திருந்துதான் பார்க்க வேண்டும். ஏனெனில், வளர்ந்துவரும் வீரரான டெம்பல்லேவின் வேகமும் திறமையும்  நம்பிக்கையளிக்கக்கூடியதுதான். எப்படியோ, இப்போது டெம்பல்லேதான் பார்சிலோனா வரலாற்றில் காஸ்ட்லி வீரர்.

ரோமெலு லுகாகு - 85 மில்லியன் யூரோக்கள்!

Lukaku

செல்சீ அணிக்குத்தான் திரும்புவார் என எதிர்பார்க்கப்பட்ட பெல்ஜியம் நாட்டின் ஸ்ட்ரைக்கரான ரோமெலு லுகாகு, மான்செஸ்டர் யுனைடெட் அணியால் வாங்கப்பட்டது எதிர்பாராதது. கடந்த சீஸன் ப்ரீமியர் லீக்கில் எவர்டன் அணிக்காக கோல் மழை பொழிந்த லுகாகு, மான்செஸ்டர் அணியால் 85 மில்லியன் யூரோக்களுக்கு வாங்கப்பட்டுள்ளார். பதிலுக்கு யுனைடெட்டுக்கு கடந்த சீஸன்  வரை பல வருடங்கள் கேப்டனாக இருந்த வெய்ன் ரூனி மான்செஸ்டர் யுனைடெட் அணியிலிருந்து எவர்டனுக்குத் திரும்பிச் சென்றது, இந்தக் கணக்கில் வராது. அது தனி டீல். வயதான வெய்ன் ரூனி காயத்தால் வெளியேறிய ஸ்லடான் இப்ராஹிமோவிச் என பிரதான ஸ்ட்ரைக்கர் இல்லாமல் தடுமாறிய மான்செஸ்டர் யுனைடெட் அணியின் பயிற்சியாளர் ஜொசே மொரினியோவுக்கு தேவைப்பட்ட ஸ்ட்ரைக்கர் பொசிஷனுக்கு சரியான ஆள் சிக்கிவிட்டது என வண்டியில் ஏற்றப்பட்ட லுகாகு, ப்ரீ சீஸனில் மெர்சல் காட்டிவருகிறார். நெய்மாருக்கு முன் வரை உலகின் காஸ்ட்லி கால்பந்து வீரராக இருந்த பால் போக்பாதான் லுகாகுவை இந்த டீலுக்குச் சம்மதிக்கவைத்தார்  என்ற தகவலும் உலவுகிறது.

அல்வாரோ மொராட்டா - 80 மில்லியன் யூரோக்கள்!

அதிக விலைக்கு வாங்கப்பட்ட கால்பந்து வீரர்கள்!

கடந்த சீஸனில் ரியல் மாட்ரிட்டுக்காக அசத்திய அல்வாரோ மொராட்டா, இப்போது செல்சீ அணியில். என்னதான் நட்சத்திர வீரர்கள் பட்டாளத்தில் (ரியல் மாட்ரிட் அணி) ஒருவராக இருந்தாலும், சுதந்திரமான ஒரு ஸ்ட்ரைக்கராக இருக்க வேண்டும் என முடிவெடுத்து செல்சீ அணிக்கு வந்த மொராட்டாவுக்கு அளிக்கப்பட்ட தொகை 80 மில்லியன் யூரோக்கள். ஹசார்டு என்னதான் நடுகளத்தில் பட்டையைக் கிளப்பினாலும், அந்தப் பந்தை வாங்கி கோல் அடிக்க ஸ்ட்ரைக்கர் வேண்டுமே! கடந்த சீஸனில் ஆக்ரோஷம் காட்டிய  டீகோ கோஸ்டா என்ன ஆனார் எனத் தெரியவில்லை.  

செல்சீக்கு ஸ்ட்ரைக்கர் பொசினுனுக்கு ஆள் தேவைப்பட்ட நிலையில் எதிர்பார்த்த ரோமெலு லுகாகு வராமல் போன காரணத்தால், மொராட்டாவுக்கு இந்த வாய்ப்பு கிடைத்திருக்கலாம். ஆர்சனல் க்ளப்புக்கு எதிரான முக்கியமான ஒரு போட்டியில் மொராட்டா தனக்குக் கிடைத்த பெனால்டியைத் தவறவிட, அந்த ஆட்டத்தில் செல்சீ மண்ணைக் கவ்வியது. இதற்காகே அவர் விமர்சிக்கப்பட்டாலும் `இந்த சீஸனில் குறைந்தது 20 கோல்களாவது அடிப்பேன்’ என அவர் உறுதியாகச் சொல்கிறார். ஆனாலும், அந்த இடத்துக்கு மொராட்டா தகுதியானவர்தானா என்ற கேள்வி எழாமல் இல்லை. 

 

மான்செஸ்டர் யுனைடெட் பயிற்சியாளர் ஜோசே மொரினியோ சமீபத்தில், நெய்மாருக்கு அதிக விலை கொடுத்ததற்கு அதிருப்தி தெரிவிக்கும்விதமாக ``இனி எதிர்காலத்தில் சராசரி வீரர்கள்கூட அதிக தொகைக்கு விலைபோகக்கூடிய நிலை நேரிடும்'' எனக் கருத்து தெரிவித்தார். பாலின்ஹோவை 40 மில்லியன்கள் யூரோக்கள் கொடுத்து வாங்கிய பார்சிலோனா அணியை, `இவ்வளவு தொகைக்குத் தகுதியானவர்தானா?’ என விமர்சிக்கின்றனர். இந்த சம்மர் டிரான்ஸ்ஃபரும் அதைத்தான் நிரூபிக்கிறது. வளர்ந்துவரும் இளம் வீரர்கள்கூட தகுதிக்கு அதிகமான தொகைக்கு விலைபோயினர். அதற்கு களத்தில் பதில் சொல்லவேண்டியது, அவர்களின் பொறுப்பு!

http://www.vikatan.com/news/sports/101719-summer-transfer-window-top-five-players.html

Categories: merge-rss

அமெரிக்க ஓபன் டென்னிஸ்: மகளிர் ஒற்றையர் பிரிவில் சாம்பியன் பட்டம் வென்றார் ஸ்லோன் ஸ்டீபன்ஸ்

Sun, 10/09/2017 - 06:07
அமெரிக்க ஓபன் டென்னிஸ்: மகளிர் ஒற்றையர் பிரிவில் சாம்பியன் பட்டம் வென்றார் ஸ்லோன் ஸ்டீபன்ஸ்

கிராண்ட்ஸ்லாம் அந்தஸ்து பெற்ற அமெரிக்க ஓபன் டென்னிஸ் மகளிர் ஒற்றையர் இறுதிப்போட்டியில் அமெரிக்காவின் மேடிசன் கீஸை வீழ்த்தி சகநாட்டவரான ஸ்லோன் ஸ்டீபன்ஸ் சாம்பியன் பட்டம் வென்றுள்ளார்.

 
 
 
 
 மகளிர் ஒற்றையர் பிரிவில் சாம்பியன் பட்டம் வென்றார் ஸ்லோன் ஸ்டீபன்ஸ்
 
நியூயார்க்:

‘கிராண்ட்ஸ்லாம்’ என்ற உயரிய அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது. இறுதிகட்டத்தை எட்டிவிட்ட இந்த டென்னிஸ் திருவிழாவில், இந்திய நேரப்படி இன்று அதிகாலை பெண்கள் ஒற்றையர் பிரிவில் இறுதி ஆட்டங்கள் அரங்கேறின.

அமெரிக்காவைச் சேர்ந்த ஸ்லோன் ஸ்டீபன்ஸ் மற்றும் அதே நாட்டைச் சேர்ந்த மேடிசன் கீஸ் ஆகியோர் பலப்பரீட்சை நடத்தினர். ஒரே நாட்டைச் சேர்ந்த இருவர் களமிறங்கியதால் ரசிகர்கள் உற்சாகமடைந்தனர்.

அரையிறுதியில் முன்னாள் சாம்பியன் வீனஸ் வில்லியம்ஸ்-ஐ வீழ்த்திய ஸ்லோன் ஸ்டீபன்ஸ் மீது அனைவரின் பார்வையும் இருந்தது. அதற்கேற்ப வெறும் 61 நிமிடங்களில் சாம்பியன் பட்டத்தை ஸ்லோன் தட்டிப்பறித்து விட்டார். முதல் செட்டை 6-3 என்ற கணக்கில் கைப்பற்றிய ஸ்லோன், இரண்டாவது செட்டில் கீஸ்-க்கு சிறிதும் வாய்ப்பு அளிக்காமல் 6-0 என்ற கணக்கில் வெற்றி பெற்றார்.
 
201709100912327879_1_usopen1._L_styvpf.j


இதன் மூலம் 24 வயதான ஸ்லோன் ஸ்டீபன்ஸ் சாம்பியன் பட்டம் வென்றார். இடதுகாலில் ஏற்பட்ட காயம் காரணமாக 11 மாதங்கள் ஓய்வுக்கு பிறகு ஸ்லோன் கடந்த ஜூலை மாதம் தான் மீண்டும் களம் திரும்பினார்.

அதன் பிறகு எழுச்சி கண்டு வரும் அவர் அமெரிக்க ஓபனில் சாம்பியன் பட்டம் வென்று அனைவரையும் பிரமிக்க வைத்திருக்கிறார்.

http://www.maalaimalar.com/News/Sports/2017/09/10091231/1107253/US-Open-2017-Sloane-Stephens-beats-Madison-Keys-to.vpf

Categories: merge-rss

இந்தியா எதிர் அவுஸ்திரேலியா ஒருநாள் போட்டி தொடர் செய்திகள்

Sat, 09/09/2017 - 10:45
இந்தியா உடனான கிரிக்கெட் தொடர்: சென்னை வந்தடைந்தது ஆஸ்திரேலிய அணி

இந்தியா உடனான ஒருநாள் மற்றும் டி-20 கிரிக்கெட் போட்டிகளில் பங்கேற்பதற்காக ஆஸ்திரேலிய அணி சென்னை விமான நிலையத்திற்கு நேற்று வந்தடைந்தது.

 
 சென்னை வந்தடைந்தது ஆஸ்திரேலிய அணி
 
சென்னை:

ஆஸ்திரேலிய கிரிக்கெட் அணி இந்தியாவில் சுற்றுப்பயணம் மேற்கொண்டு 5 ஒரு நாள் போட்டி மற்றும் மூன்று 20 ஓவர் போட்டிகளில் பங்கேற்கிறது. இந்தியா-ஆஸ்திரேலியா அணிகள் இடையிலான முதலாவது ஒரு நாள் போட்டி சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் வருகிற 17-ந்தேதி நடக்கிறது.

இதற்கான டிக்கெட் விற்பனை தற்போது நடைபெற்று வருகின்றது. இந்நிலையில், ஆஸ்திரேலிய அணி நேற்றிரவு சென்னை விமான நிலையத்தை வந்தடைந்தது. பின்னர், அவர்கள் பேருந்து மூலம் நட்சத்திர ஓட்டலுக்கு சென்றனர். இதனால், அங்கு பலத்த போலீஸ் பாதுகாப்பு போடப்பட்டிருந்தது.

http://www.maalaimalar.com/News/Sports/2017/09/09041043/1107045/Australian-cricket-team-arrives-for-five-match-ODI.vpf

Categories: merge-rss

500 விக்கெட்டுகள் வீழ்த்தி இங்கிலாந்து வீரர் ஆண்டர்சன் சாதனை

Sat, 09/09/2017 - 06:17
500 விக்கெட்டுகள் வீழ்த்தி இங்கிலாந்து வீரர் ஆண்டர்சன் சாதனை

இங்கிலாந்து - வெஸ்ட் இண்டீஸ் இடையிலான கடைசி டெஸ்டில் பிராத்வெயிட் விக்கெட்டை வீழ்த்தியதன் மூலம் டெஸ்ட் கிரிக்கெட் வரலாற்றில் 500 விக்கெட்கள் எடுத்த 6-வது வீரர் என்ற பெருமையை ஆண்டர்சன் பெற்றார்.

 
500 விக்கெட்டுகள் வீழ்த்தி இங்கிலாந்து வீரர் ஆண்டர்சன் சாதனை
 
லண்டன்:

இங்கிலாந்து - வெஸ்ட் இண்டீஸ் அணிகள் இடையிலான 3-வது மற்றும் கடைசி டெஸ்ட் கிரிக்கெட் போட்டி லண்டன் லார்ட்சில் நடந்து வருகிறது. இதில் முதலில் பேட் செய்த வெஸ்ட் இண்டீஸ் அணி 123 ரன்னில் சுருண்டது. பின்னர் தனது முதல் இன்னிங்சை தொடங்கிய இங்கிலாந்து முதல் நாள் ஆட்ட நேர முடிவில் 4 விக்கெட்டுக்கு 46 ரன்களுடன் திணறிக்கொண்டிருந்தது.

இந்த நிலையில் 2-வது நாளான நேற்று தொடர்ந்து பேட் செய்த இங்கிலாந்து அணி முதல் இன்னிங்சில் 52.5 ஓவர்களில் 194 ரன்களுக்கு ஆல்-அவுட் ஆனது. பென் ஸ்டோக்ஸ் 60 ரன்களும், ஸ்டூவர்ட் பிராட் 38 ரன்களும் எடுத்தனர். வெஸ்ட் இண்டீஸ் தரப்பில் வேகப்பந்து வீச்சாளர்கள் கெமார் ரோச் 5 விக்கெட்டுகளும், ஜாசன் ஹோல்டர் 4 விக்கெட்டுகளும் வீழ்த்தினர்.

அடுத்து 71 ரன்கள் பின்தங்கிய நிலையில் வெஸ்ட் இண்டீஸ் அணி 2-வது இன்னிங்சை ஆடியது. தொடக்க ஆட்டக்காரர் கிரேக் பிராத்வெயிட்டை (4 ரன்), இங்கிலாந்து வேகப்பந்து வீச்சாளர் ஜேம்ஸ் ஆண்டர்சன் கிளன் போல்டு ஆக்கினார். இது டெஸ்டில் அவரது 500-வது விக்கெட் (129 டெஸ்ட்) ஆகும். இதன் மூலம் டெஸ்ட் கிரிக்கெட் வரலாற்றில் 500 விக்கெட் மைல்கல்லை கடந்த 6-வது வீரர், முதல் இங்கிலாந்து வீரர் ஆகிய சிறப்புகளை 35 வயதான ஆண்டர்சன் பெற்றார். இதே மைதானத்தில் தான் 2003-ம் ஆண்டு ஆண்டர்சன் தனது டெஸ்ட் கிரிக்கெட் வாழ்க்கையை தொடங்கியது குறிப்பிடத்தக்கது.

இந்த சாதனை பட்டியலில் முதல் 5 இடங்களில் இலங்கையின் முரளிதரன் (800 விக்கெட்), ஆஸ்திரேலியாவின் ஷேன் வார்னே (708 விக்கெட்), இந்தியாவின் அனில் கும்பிளே (619 விக்கெட்), ஆஸ்திரேலியாவின் கிளைன் மெக்ராத் (563 விக்கெட்), வெஸ்ட் இண்டீசின் கார்ட்னி வால்ஷ் (519 விக்கெட்) ஆகியோர் உள்ளனர்.

http://www.maalaimalar.com/News/Sports/2017/09/09093843/1107077/James-Anderson-reaches-500-Test-match-wickets-with.vpf

Categories: merge-rss

சிறையில் முதல் நாள் இரவே தூக்கில் தொங்க எண்ணினேன்: முன்னாள் இங்கிலாந்து கிரிக்கெட் வீரர் கிறிஸ் லூயிஸ் உருக்கம்

Fri, 08/09/2017 - 20:24
சிறையில் முதல் நாள் இரவே தூக்கில் தொங்க எண்ணினேன்: முன்னாள் இங்கிலாந்து கிரிக்கெட் வீரர் கிறிஸ் லூயிஸ் உருக்கம்

 

 
chris%20Lewis

முன்னாள் இங்கிலாந்து வீரர் கிறிஸ் லூயிஸ்   -  கோப்புப் படம்.

போதை மருந்து கடத்தல் குற்றச்சாட்டில் சிக்கி 13 ஆண்டுகள் சிறைத்தண்டனை விதிக்கப்பட்ட இங்கிலாந்து முன்னாள் வேகப்பந்து வீச்சாளர் கிறிஸ் லூயிஸ் சிறையில் தான் முதல்நாள் இரவிலேயே படுக்கை விரிப்பு மூலம் தூக்கில் தொங்க எண்ணியிருந்ததாகத் தெரிவித்துள்ளார்.

டிசம்பர் 2008-ல் கிறிஸ் லூயிஸ் செயிண்ட் லூசியாவிலிருந்து விமானத்தில் திரும்பி வந்த போது காத்விக் விமான நிலையத்தில் சுங்கத்துறை அதிகாரிகள் சோதனை செய்த போது இவர் கொண்டு வந்த பழச்சாறு நிரம்பிய 5 புட்டிகளில் கொகெய்ன் என்ற போதை மருந்து கலக்கப்பட்டிருந்தது தெரியவந்ததையடுத்து கைது செய்யப்பட்டார். மேலும் லூயிஸின் லக்கேஜில் கஞ்சா இருந்ததும் கண்டுபிடிக்கப்பட்டது, ஆனால் தான் கஞ்சா பிடிப்பேன் என்று அவர் விசாரணையில் தெரிவித்தார். இதனையடுத்து நடந்த வழக்கு விசாரணையில் குற்றவாளி என்று அறிவிக்கப்பட்ட கிறிஸ் லூயிஸ் 13 ஆண்டுகள் சிறைத்தண்டனை விதிக்கப்பட்டார்.

இவருடன் வந்த நண்பரும் கூடைப்பந்து வீரருமான சத் கிர்னன், தனக்கு 100,000 பவுண்டுகள் கொடுத்தால் தான் பழியை ஏற்று லூயிஸை விடுவிக்கச் செய்வதாக லூயிஸிடம் தெரிவித்தார். ஆனால் இருவருக்கும் 13 ஆண்டுகள் சிறைத்தண்டனை விதித்தது கோர்ட். ஆறரை ஆண்டுகள் சிறையில் இருந்தார், அந்நாட்டுச் சட்டப்படி பாதி ஆண்டுகள் தண்டனை அனுபவித்தால் போதுமானது.

இத்தனைக்கும் லூயிசிடம் அனைவரும் எச்சரிக்கை செய்திருந்தனர், அப்படியிருந்தும் தெரியாமல் சிக்கவைக்கப்பட்ட குற்றச்சாட்டில் அவர் வாழ்நாளில் தான் நினைத்துக் கூட பார்க்காத சிறைத்தண்டனையைப் பெற்றார்.

தற்போது Crazy: My Road to Redemption என்ற புத்தகத்தில் தன் வாழ்க்கையில் நடந்ததைப் பற்றி நினைவு கூர்ந்துள்ளார். செயிண்ட் லூசியாவிலிருந்து பிரிட்டனுக்கு கொகெய்னைக் கடத்த 50,000 பவுண்டுகள் பெற ஒப்புக்கொண்டதாக இவர் மீது குற்றச்சாட்டு, ஆனால் இந்தத் தொகை இவருக்கு வரவேயில்லை.

“அப்போது நான் நினைத்ததெல்லாம் பணம் இல்லாமல் போனால் என்ன செய்வது? அப்போது நான் ஒன்றை நினைத்தேன், ஒரு முறை ஒரேயொரு முறை கொஞ்சம் பணம் பார்த்து விட்டால் கொஞ்சம் நிம்மதி பிறக்கும் என்று நினைத்தேன்” என்றார்.

காத்விக் விமானநிலையத்தில் பிடிபட்டார். தான் குற்றவாளி இல்லை என்றார், “சிறைக்குச் செல்லும் எண்ணமே என்னை அச்சுறுத்தியது”, சிறையில் அடைக்கப்பட்டு முதல் நாள் இரவு படுக்கை விரிப்புகள் மூலம் தூக்கில் தொங்கலாம் என்ற எண்ணம் ஏற்பட்டது” என்று இப்போது எழுதியுள்ளார். மேலும் ஒரு கிரிக்கெட் வீரனாக இந்த நாடு என்னை நினைவில் கொள்வது போக, ‘போதை மருந்து கடத்தல் குற்றவாளி’ என்று என்னைப் பார்ப்பார்கள், இது எனக்கு பயமூட்டுகிறது.

ஆனால், “இதுதான் உண்மை, நான் அவமானப்பட்ட ஒரு கிரிக்கெட் வீரர், இதனை நான் மறுப்பதில் எந்தப் பயனும் இல்லை. ஆனால் இப்படி என்னை இந்தத் தேசம் நினைவில் வைத்துக் கொள்வதை நான் வெறுக்கிறேன். இதற்காக வருந்திப்பயனில்லை, என்னுடைய செயலின் விளைவுகள்தானே இவை. நான் என் தெரிவுகளை யோசிக்க வேண்டும், பொறுப்பேற்க வேண்டும்” என்கிறார் கிறிஸ் லூயிஸ்.

‘என் இனத்தவர் மீது தீராப் பழியை ஏற்படுத்தி விட்டேன்’

கறுப்பர்கள் மீதான ஒரு நிலைத்த எதிர்மறைப் படிமத்தை ஏற்படுத்தும் சொல்லாடல்களுக்கு எதிராக நான் போராடினேன். உள் நகரங்களிலிருந்து வரும் இளம் கருப்பர்கள் கடத்தல், குற்றச்செயல்களில் ஈடுபடுபவர்கள் என்ற நிலைத்த எதிர்மறைப்படிமம் இருந்தது, அது மிகப்பெரிய தவறு என்பதை நான் அறிந்திருந்தேன். ஆனால் நானே போதை மருந்துக் கடத்தல் விவகாரத்தில் சிக்கி குற்றவாளியாகி சிறை சென்று வந்துள்ளேன், இதன் மூலம் என் குடும்பம், என் இனம், என் சமூகத்தினருக்கு இழிவு தேடித்தந்து விட்டேன்.

இதன் தாக்கம் பிரிட்டனில் உள்ள ஒவ்வொரு கருப்பரையும் பாதிக்கும். நான் இவர்கள் அனைவரையும் இழிவுக்கு இட்டுச் சென்று விட்டேன். நான் இதனை தோளைக் குலுக்கி ஒன்றுமில்லை என்று கூற முடியாது. நான் செய்தது என் வாழ்க்கைக்கு ஏறபடுத்திய சேதம் என்ற அளவில் மட்டும் நான் அதைப் பார்க்கவில்லை, என் சமூகம் என் இனத்துக்கு சேதம் விளைவித்துள்ளேன்.

இனி மற்றவர்கள் இதே தவறைச் செய்ய விடாமல் நான் தடுக்க வேண்டும். நமக்கு இது நடக்காது என்று நினைக்கலாம், ஆனால் அப்படியல்ல.

உண்மையான கிறிஸ் லூயிஸ் யார் என்ற கேள்விக்கு விடை என்னுடைய இனி வரும் நடவடிக்கைகளே. வார்த்தைகள் அல்ல. என் சமூகத்துக்கு என் இனத்துக்கு நல்ல பெயரை ஏற்படுத்தும் முயற்சியில் ஈடுபடுவேன். இனி அதன் மதிப்பைக் குறைக்கும் செயல்களில் ஈடுபட மாட்டேன்.

இவ்வாறு கூறியுள்ளார் கிறிஸ் லூயிஸ்.

32 டெஸ்ட் போட்டிகளில் 93 விக்கெட்டுகளைக் கைப்பற்றிய கிறிஸ் லூயிஸ் 1105 ரன்களையும் எடுத்துள்ளார். இதில் ஒரு சதம் அடங்கும் அதுவும் இந்தச் சதம் இந்திய அணிக்கு எதிராக சென்னையில் குழிப்பிட்சில் கும்ப்ளே, வெங்கடபதி ராஜு, ராஜேஷ் சவுகான், கபில், பிரபாகர் ஆகியோருக்கு எதிராக எடுக்கப்பட்டது. 140 பந்துகளில் 15 பவுண்டரிகள் 2 சிக்சர்களுடன் 117 ரன்களை எடுத்தார் கிறிஸ் லூயிஸ்.

53 ஒருநாள் போட்டிகளில் 66 விக்கெட்டுகளையும் 374 ரன்களையும் எடுத்துள்ளார் கிறிஸ் லூயிஸ். முதல் தர கிரிக்கெட்டில் 189 போட்டிகளில் 543 விக்கெட்டுகளைக் கைப்பற்றியுள்ளார். ஒரு முறை சச்சின் டெண்டுல்கர் தன் உச்சமான பார்மில் இருந்த போது மிடில் ஸ்டம்பில் பிட்ச் செய்த லெக் கட்டரில் பவுல்டு செய்தது மறக்க முடியாததாகும்.

http://tamil.thehindu.com/sports/article19643900.ece

Categories: merge-rss

இரானுக்கு எதிராக 2-வது கோலை சிரியா அடித்த போது உணர்ச்சிவசப்பட்டு அழுத சிரியா வர்ணனையாளர்

Fri, 08/09/2017 - 14:37
இரானுக்கு எதிராக 2-வது கோலை சிரியா அடித்த போது உணர்ச்சிவசப்பட்டு அழுத சிரியா வர்ணனையாளர்

 

 
SYRIAAFP

சிரியா நாட்டு கால்பந்து ரசிகர்கள்.   -  படம். | ஏ.எஃப்.பி.

உலகக்கோப்பை 2018-க்கான தகுதிச்சுற்றுக் கால்பந்து போட்டியில் 93-வது நிமிடத்தில் ஈரானுக்கு எதிராக அந்த 2-வது கோலை சிரியா அடித்து சமன் செய்த தருணத்தில் சிரியா நாட்டைச் சேர்ந்த வர்ணனையாளர் உணர்ச்சிவசப்பட்டு அழுத காட்சி வலைத்தளங்களில் வைரலாகியுள்ளது. சுமார் 10 லட்சம் பார்வையாளர்களை ஈர்த்துள்ளது இவரது உணரர்ச்சிகரம்.

சிரியா வீரர் அல் சோமா 93-வது நிமிடத்தில் அடித்த கோலால் இரானுக்கு எதிராக 2-2 என்று டிரா சாத்தியமானதோடு, ஆசிய பிளே ஆஃப் சுற்றுக்கும் சிரியா தகுதி பெற்றது. போரினால் பாதிக்கப்பட்டு மிகவும் மோசமான அரசியல், சமூக, வாழ்வியல் சூழலில் இருந்து வரும் சிரியா அணி உலகக்கோப்பை கால்பந்தில் தகுதி பெற கடுமையாகப் போராடி வருகிறது.

இந்த 2-வது கோலை அடித்தவுடன் சிரியா வர்ணனையாளர் 2 நிமிடங்களுக்கு தன்னை மறந்து “எங்கள் தேசிய அணிக்கு 2வது கோல், 2-வதுகோல் எங்கள் தேசிய அணிக்கு! யார் ஸ்கோர் செய்தது? சோமாதான், அது சோமாவாகத்தான் இருக்க முடியும்” என்று கத்தினார்.

மேலும், “அல்லா சோமா, சமன் செய்த கொல்!!, என்னை மன்னியுங்கள், நான் தொலைந்து போனேன். அவர்களை யாரும் நிறுத்த முடியாது, என்று கத்திக் கொண்டேயிருந்தவர் ஒரு கட்டத்தில் வாய்விட்டு அழத்தொடங்கினார். யூடியூப் பதிவிலும் இதற்கு ஏகப்பட்ட வரவேற்பு கிடைத்துள்ளது.

இதுவரை சிரியா உலகக்கோப்பையை எட்டியதில்லை என்பது குறிப்பிடத்தக்கது.

http://tamil.thehindu.com/sports/article19637832.ece

Categories: merge-rss

பெடரருக்கு அதிர்ச்சியளித்த டெல் போட்ரோ: அரையிறுதியில் நடாலைச் சந்திக்கிறார்

Fri, 08/09/2017 - 14:36
பெடரருக்கு அதிர்ச்சியளித்த டெல் போட்ரோ: அரையிறுதியில் நடாலைச் சந்திக்கிறார்

 

 
federer

யு.எஸ். ஓபன் காலிறுதியில் டெல் போட்ரோவிடம் தோல்வியடைந்த பெடரர்.   -  படம்.| ஏ.பி.

யு.எஸ். ஓபன் கிராண்ட் ஸ்லாம் டென்னிஸ் அரையிறுதிக்கு அர்ஜெண்டினா வீரர் யுவான் மார்டின் டெல் போட்ரோ தகுதி பெற்றார், இன்று நடந்த காலிறுதியில் ரோஜர் பெடரரை 7-5, 3-6, 7-6, 6-4 என்ற செட்கணக்கில் வீழ்த்தி அதிர்ச்சியளித்தார்.

ரபேல் நடால் தான் பெடரருக்காகக் காத்திருப்பதாக பேட்டி அளித்திருக்கும் சமயத்தில் யுவான் டெல் போட்ரோ அபாரமான ஆட்டத்தில் பெடரரை வெளியேற்றி நடாலைச் சந்திக்க தயாராகியுள்ளார்.

யுவான் டெல் போட்ரோ 2009-ல் நடால், பெடரர் இருவரையும் வீழ்த்தி யு.எஸ். ஓபன் சாம்பியன் ஆனது தற்போது ரசிகர்களுக்கு நினைவுக்கு வந்துள்ளது.

டோமினிக் தியமுக்கு எதிராக 5 செட்களில் போராடி வென்று அடுத்ததாக பெடரர் போன்ற ஜீனியஸை எதிர்கொள்வது சாதாரண காரியமல்ல, ஆனால் பெடரர் இன்று தானாக இல்லை, அவரே கூறுவது என்னவெனில், “பாதுகாப்பான இடத்தில் நான் இல்லை என்பதை நான் போட்டிக்கு முன்னரே அறிந்திருந்தேன், இந்த உணர்வை நான் விம்பிள்டனிலோ, ஆஸ்திரேலிய ஓபனிலோ நான் வந்தடையவில்லை. அதனால்தான் மிகச்சரியாக நான் இந்தத் தொடரிலிருந்து வெளியேறியிருக்கிறேன்.” என்று தனது மன, உடல் நிலை பற்றி சரியாகக் கணித்துள்ளார் பெடரர்.

டெல் போட்ரோவின் சர்வ்கள் இடிபோல் இறங்கியது. இருவரும் தலா ஒரு செட்டை வென்ற பிறகு 3-வது செட் டைபிரேக்கருக்குச் சென்றது. இதில் பெடரர் 4 செட் பாயிண்ட்களை நழுவ விட்டார். 9-8-ல் ஒரெ செட் பாயிண்ட் வாய்ப்பைப் பெற்ற டெல் போட்ரோ பெடரர் பேக் ஹேண்ட் ஷாட்டை வெளியே அடித்தார்.

4-வது செட்டில் 2-2 என்று இருந்த போது பெடரர் ஒரு பிரேக் பாயிண்டைக் கோட்டை விட்டார். இதனைப் பயன்படுத்திய டெல் போட்ரோ அதிரடி பேக் ஹேண்ட் மூலம் முடித்து வைத்தார். பெடரர் 5-வது செட்டில் இரண்டு பிரேக் பாயிண்ட்களை காப்பாற்றினார். ஆனால் டெல் போட்ரோ இரண்டு அபாரமான ஃபோர்ஹேண்ட் ஷாட்களை டவுன் த லைனில் அடிக்க பெடரர் தோல்வி தழுவினார்.

மாறாக இன்னொரு காலிறுதியில் நடால் 6-1, 6-2, 6-2 என்று ஆந்த்ரே ருபலேவை முறியடித்து அரையிறுதிக்குத் தகுதி பெற்று டெல் போட்ரோவின் சக்தி வாய்ந்த சர்வ்களை எதிர்கொள்ளவிருக்கிறார்.

http://tamil.thehindu.com/sports/article19637935.ece

Categories: merge-rss

பிபா உலகக் கிண்ணத்திற்கு ஐந்தாவது முறையாகவும் தகுதி பெற்ற சவூதி அரேபியா

Fri, 08/09/2017 - 07:08
பிபா உலகக் கிண்ணத்திற்கு ஐந்தாவது முறையாகவும் தகுதி பெற்ற சவூதி அரேபியா
Saudi-Arabia-696x391.jpg Image courtesy - Getty Images
TP-BB-Website-Banner-visit-the-hub-728.jpg

எதிர்வரும் 2018ஆம் ஆண்டு ரஷ்யாவில் நடைபெறவுள்ள பிபா (FIFA) உலகக் கிண்ணத்திற்கு சவூதி அரேபிய தேசிய கால்பந்து அணி தகுதி பெற்றுள்ளது. இதன்படி உலகக் கிண்ணத்திற்கு 5ஆவது முறையாகவும் தகுதி பெற்ற பெருமையை அவ்வணி கொண்டுள்ளது.

கடந்த செவ்வாய்க்கிழமை இடம்பெற்ற உலகக் கிண்ண தகுதிகாண் போட்டியில் ஜப்பான் அணியை   1-௦ எனும் கோல் கணக்கில் வீழ்த்தியதன் மூலமே சவூதி அரேபிய அணி இந்த தகுதியைப் பெற்றது. இதன்படி, ஆசியாவில் இருந்து சவூதியுடன் சேர்த்து ஜப்பான், ஈரான் மற்றும் கொரியா ஆகிய அணிகள் அடுத்த வருடம் இடம்பெறவுள்ள உலகக் கிண்ணத்திற்கு தகுதி பெற்றுள்ளமை குறிப்பிடத்தக்கது.

உலகக் கிண்ண தகுதிகாண் சுற்றுப் போட்டிகளில் B பிரிவில் விளையாடிய சவூதி அணி ஜப்பான் அணியினை வீழ்த்தியதன் மூலம், போட்டி நிறைவுகளில் பெறப்பட்டுள்ள புள்ளிகளின்படி 19 புள்ளிகளைப் பெற்று ஜப்பானுக்கு அடுத்த படியாக இரண்டாம் இடத்தைப் பெற்றுக்கொண்டது.

ஜித்தாவிலுள்ள மன்னர் அப்துல்லா அரங்கில் கிட்டத்தட்ட 60,000 பார்வையாளர்கள் முன்னிலையில் ஜப்பான் அணியுடனான போட்டி நடைபெற்றமை குறிப்பிடத்தக்கது. பஹாத் அல் முவல்லாத் பெற்றுக்கொடுத்த கோலின் உதவியுடனேயே சவூதி இப்போட்டியில் வெற்றி பெற்றது.

புள்ளிகளின் அடிப்படையில் சவூதி மற்றும் அவுஸ்திரேலிய அணிகள் ஒரே புள்ளியை பெற்றிருந்தாலும், அணிகள் பெற்ற கோல்களின் அடிப்படையில் சவூதி அணி உலகக் கிண்ணத்திற்கு தகுதி பெற்றது.

சவூதி அரேபிய அணி முதன் முறையாக 1994ம் ஆண்டு பிபா உலகக் கிண்ணத்திற்கு தகுதி பெற்றது. அதனைத் தொடர்ந்து 1998, 2002 மற்றும் 2006 ஆகிய 3 உலகக் கிண்ண போட்டிகளுக்கும் தொடர்ச்சியாக தகுதி பெற்றது. எனினும் இறுதியாக 2௦1௦ஆம் ஆண்டு தென்னாபிரிக்காவிலும் 2௦14ஆம் ஆண்டு பிரேசிலிலும் நடைபெற்ற உலகக் கிண்ண தொடர்களுக்கு சவூதி அரேபிய அணி தகுதி பெறவில்லை என்பதும் குறிப்பிடத்தகது.

http://www.thepapare.com

Categories: merge-rss

தமிழ்மகள் தங்கப்பதக்கம் பெற்று சாதனை

Fri, 08/09/2017 - 05:48
தமிழ்மகள் தங்கப்பதக்கம் பெற்று சாதனை

 

43 ஆவது தேசிய விளையாட்டு விழாவில் டைக்கொண்டோ போட்டியில் முதன்முதலாக கிளிநொச்சி பெண் தங்கப்பதக்கம் பெற்று சாதனை 43 ஆவது தேசிய விளையாட்டுப் பொட்டியில் இடம்பெற்ற தைக் கென்டோ போட்டியில் கிளிநொச்சி பெண் தங்கப் பதக்கம் பெற்று சாதனை படைத்துள்ளார்.

tamilmagal.jpg

கொழும்பு, ரொறின்டன் உள்ளக விளையாட்டு அரங்கில் கடந்த செவ்வாய்கிழமை நடைபெற்ற  43 ஆவது தேசிய விளையாட்டு விழாவில் டைக்கொண்டோ போட்டியில் 57-62 கிலோகிராம் நிறைப் பிரிவில் வடமாகாணத்தின் கிளிநொச்சியைச் சேர்ந்த ஆர். தமிழ்மகள் தங்கப்பதக்கத்தை பெற்று கொண்டார். 

 

இவர் மேல் மாகாணத்தை சேர்ந்த வீராங்கனையுடன் 28:17 என்ற புள்ளிகள் அடிப்படையில் வெற்றிபெற்றார். விளையாட்டு திணைக்களத்தினால் தேசிய ரீதியாக திறந்த முறையில் நடந்தப்படும் மார்ஷல் ஆட் (வீர  விளையாட்டு) போட்டிகளில் வடக்கு மாகாணத்தை  சேர்ந்த தமிழர்கள் நீண்ட காலம் தங்கப்பதக்கம் பெறவில்லை என்பதும், பெண்கள் தரப்பில்  தேசிய ரீதியிலான மார்ஷல் ஆட்  போட்டியில் முதல் தங்கப்பதக்கம் வென்ற தமிழ் பெண் ஆர்.தமிழ்மகள் என்பது குறிப்பிடத்தக்கது.

http://www.virakesari.lk/article/24138

Categories: merge-rss

இருபதுக்கு 20 போட்டியில் நாணய சுழற்சியில் சூழ்ச்சி ; இலங்கை அணிக்கு நடந்த அநீதி (வீடியோ இணைப்பு)

Thu, 07/09/2017 - 16:29
இருபதுக்கு 20 போட்டியில் நாணய சுழற்சியில் சூழ்ச்சி ; இலங்கை அணிக்கு நடந்த அநீதி (வீடியோ இணைப்பு)

 

 
 

இலங்கை மற்றும் இந்திய அணிகளுக்கிடையில் நேற்று இடம்பெற்ற இருபதுக்கு இருபது போட்டியின் போது நாணய சுழற்சியில் இலங்கை அணியே வெற்றிப் பெற்றதாகவும், அதை இந்திய அணிக்கு வழங்கியதாக சர்வதேச செய்திகள் தெரிவிக்கின்றன.

நேற்று போட்டி ஆரம்பிப்பதற்கு முன்னர் வர்ணனையாளர் முரளி கார்த்திக்கால் இந்த நாணய சுழற்சி மேற்கொள்ளப்பட்ட போது,உபுல் தரங்க நாயணத்தை சுழற்றிய வேளையில் இந்திய அணித்தலைவர் விராட் கோலி தலையென (HEAD) என கோரினார்.

பின்னர், போட்டி தீர்மானிப்பாளரான ஹேன்ட் பிக்ரொப்ட் பூ (TRAIL) என அறிவித்து உபுல் தரங்கவை நோக்கி கையை காட்டினார்.எனினும், மீண்டும் அவர் எதையோ கூற முயற்சித்த போதும், வர்ணனையாளரான முரளி கார்த்திக் தலை (IT'S HEAD) என அறிவித்து கோலி நாணய சுழற்சியில் வெற்றி பெற்றதாக அறிவித்தார்.

நாணய சுழற்சியில் வென்ற இந்திய அணித்தலைவர் முதலில் களத்தடுப்பினை தெரிவுசெய்தார். எனினும்,இலங்கை அணித்தலைவர் நாணயச்சுழற்சியில் வெற்றி பெற்றிருந்தால் முதலில் களத்தடுப்பினை தெரிவுச்செய்யவே இருந்ததாக வர்ணணையாளரிடம் தெரிவித்திருந்தார்.

குறித்த போட்டியில் இந்திய அணி 7 விக்கெட்டுக்களால் வெற்றி பெற்றது.இருபதுக்கு20  போட்டிகளின் போது நாணய சுழற்சியின் வெற்றியானது அணியின் வெற்றிக்கு முக்கிய காரணியாக அமையும் என்பது குறிப்பிடத்தக்கது.

 

http://www.virakesari.lk/article/24123

Categories: merge-rss

சங்காவின் அதிரடி வீண் : CPL தொடரிலிருந்து ஜமெய்க்க அணி வெளியேற்றம்

Thu, 07/09/2017 - 10:41
சங்காவின் அதிரடி வீண் : CPL தொடரிலிருந்து ஜமெய்க்க அணி வெளியேற்றம்
Sanga-Getty-696x453.jpg Image Courtesy - Getty image
TP-BB-Website-Banner-visit-the-hub-728.jpg

மேற்கிந்திய தீவுகளின் கிரிக்கெட் திருவிழாக்களில் ஒன்றான கரீபியன் பிரீமியர் லீக் தொடரின், பிளே ஒப் சுற்று தற்போது நடைபெற்று வருகின்றது.

இச்சுற்றில் நடைபெற்று முடிந்திருக்கும் வெளியேறல் (Eliminator) நொக்அவுட் போட்டியில் கயானா அமேசான் வோரியர்ஸ் அணியினால் 5 விக்கெட்டுக்களால் வீழ்த்தப்பட்டிருக்கும் நடப்புச் சம்பியன் ஜமெய்க்கா தல்லாவாஸ் அணி தொடரில் இருந்து வெளியேறுகின்றது.

 

கடந்த மாத ஆரம்பத்திலிருந்து மேற்கிந்திய தீவுகளில் நடைபெற்று வரும் ஐ.பி.எல் போட்டிகளை ஒத்த கரீபியன் பிரீமியர் லீக் தொடரின் பிளே ஒப் போட்டிகள் செப்டம்பர் 5 ஆம் திகதியில் இருந்து தொடங்கியிருந்தன. உள்ளூர் மற்றும் வெளிநாட்டு வீரர்களின் பிரசன்னத்துடன், ஆறு அணிகள் பங்குபெறும் இத்தொடரில் ஏற்கனவே நடைபெற்று முடிந்த குழுநிலை போட்டிகளின் முடிவுகள் அடிப்படையில் முதல் நான்கு இடங்களினைப் பெற்றுக்கொண்ட அணிகள் தீர்மானமிக்க பிளே ஒப் சுற்றிற்கு தெரிவாகியிருந்தன.

அந்த வகையில், தொடரின் இறுதிப் போட்டிக்கு முதலில் தெரிவாகும் அணியினை தேர்ந்தெடுக்கும் பிளே ஒப் சுற்றின், தகுதிபெறல் 1 (Qualifier 1) போட்டி புள்ளிகள் அட்டவணையில் முதலாவது மற்றும் இரண்டாவது இடத்தினைப் பெற்றுக்கொண்ட திரின்பாகோ நைட் ரைடர்ஸ் – சென். கிட்ஸ் மற்றும் நெவிஸ் பேட்ரியட்ஸ் அணிகள் இடையில் நடைபெற்றிருந்தது.

இப்போட்டியில் 38 ஓட்டங்களால் வெற்றி பெற்ற கிரிஸ் கெயில் தலைமையிலான சென். கிட்ஸ் மற்றும் நெவிஸ் பேட்ரியட்ஸ் அணி இறுதிப் போட்டிக்கு முதலாவது தெரிவாகும் அணியாக தம்மை பதிவு செய்துகொண்டிருந்தது.

தொடரில் புள்ளிகள் அடிப்படையில் மூன்றாம், நான்காம் இடங்களினை முறையே பெற்றுக்கொண்ட ஜமெய்க்கா தல்லாவாஸ் மற்றும் கயானா அமேசான் வோரியர்ஸ் அணிகள் தொடரில் இரண்டாவதாக இறுதிப் போட்டியில் இணையப்போகும் அணியினை தேர்வு செய்யும் பிளே ஒப் சுற்றின் தகுதிபெறல் 2 (Qualifier 2) போட்டியில் விளையாடும் வாய்ப்பினைப் பெற எலிமினேட்டர் போட்டியில் மோதியிருந்தன.

த்ரினேடாட் பிரைன் லாரா மைதானத்தில் ஆரம்பமாகியிருந்த இந்த ஆட்டத்தில் ரயாட் எர்மிட் தலைமையிலான கயானா அமேசான் வோரியர்ஸ் தரப்பு குமார் சங்கக்கார தலைமையிலான ஜமெய்க்கா தல்லாவாஸ் அணியினை முதலில் துடுப்பாடுமாறு பணித்திருந்தது.

இந்த அடிப்படையில் தமது துடுப்பாட்டத்தினை முதலில் தொடங்கிய ஜமெய்க்கா அணிக்கு லென்ட்டல் சிம்மோன்ஸ் நல்லதொரு ஆரம்பத்தினை தந்திருந்தார். சிம்மோன்ஸ் 25 பந்துகளுகளில் வேகமான முறையில் பெற்றுக்கொண்ட 34 ஓட்டங்களால் அணியின் ஓட்ட எண்ணிக்கை உயர்ந்தாலும் எதிரணிப் பந்து வீச்சாளர்கள் ஜமெய்க்காவின் ஏனைய முன்வரிசை வீரர்களினை கட்டுக்குள் கொண்டுவந்தனர்.

இவ்வாறானதொரு நிலையில், மத்திய வரிசை வீரராக களமிறங்கிய ஜமெய்க்கா அணியின் தலைவர் குமார் சங்கக்கார பொறுப்பாக ஆடி அணியினை மீட்டெடுத்தார்.

எனினும், கயானா அணிக்காக விளையாடியிருந்த ஆப்கானிஸ்தானின் வலதுகை சுழல் வீரர் ராசித் கான் ஹட்ரிக் ஒன்றினை கைப்பற்ற ஜமெய்க்கா மீண்டும் சரிவுப்பாதையினை நோக்கி நகர்ந்திருந்தது. இதனை உணர்ந்த குமார் சங்கக்கார அதிரடியான முறையில் ஆடி அரைச்சதம் கடக்க 20 ஓவர்கள் முடிவில் ஜமெய்க்கா தல்லாவாஸ் அணி 8 விக்கெட்டுக்களை இழந்து 168 ஓட்டங்களினைப் பெற்றுக்கொண்டது.  

 

இதில் இறுதிவரை களத்தில் நின்ற சங்கக்கார 38 பந்துகளில் 7 பெளண்டரிகளுடன் 57 ஓட்டங்களினைப் பெற்றிருந்தார். கயானா அணியின் பந்து வீச்சில் ராசித் கான் 3 விக்கெட்டுக்களையும், ஸ்டீவன் ஜேக்கப்ஸ் 2 விக்கெட்டுக்களையும் கைப்பற்றியிருந்தனர்.

இதனையடுத்து வெற்றியிலக்காக நிர்ணயம் செய்யப்பட்ட சவாலான 169 ஓட்டங்களினைப் பெறுவதற்கு பதிலுக்கு ஆடிய கயானா அணி, நியூசிலாந்து வீரர் லூக் ரோன்ச்சியின் அபார ஆட்டத்துடன், வெற்றி இலக்கை வெறும் 5 விக்கெட்டுக்களை மாத்திரம் இழந்து 17.5 ஓவர்களில் அடைந்தது.

இதில் ரோன்ச்சி வெறும் 33 பந்துகளினை மாத்திரம் எதிர்கொண்டு 5 அபார சிக்ஸர்கள் மற்றும் 5 பெளண்டரிகள் அடங்கலாக 70 ஓட்டங்களினைப் பெற்றிருந்தார். அதோடு, ஆரம்ப வீரராக வந்திருந்த சட்விக் வால்டனும் பெறுமதிமிக்க 39 ஓட்டங்களினைப் பெற்றிருந்தமையும் குறிப்பிடத்தக்கது.

பங்களாதேஷ் அணியின் சுழல் வீரர் மஹமதுல்லாஹ் மூன்று விக்கெட்டுக்களை ஜமெய்க்கா அணிக்காக கைப்பற்றியிருந்த போதும் அது எதிரணியினை வீழ்த்த போதுமாக அமைந்திருக்கவில்லை.

இப் போட்டியில் வெற்றிபெற்றிருக்கும் கயானா அணி குவாலிபயர் 2 (Qualifier 2) போட்டியில் இலங்கை நேரப்படி நாளை (8) இடம்பெறும் போட்டியில் திரின்பாகோ நைட்ரைடர்ஸ் அணியுடன் இறுதிப் போட்டிக்கான தெரிவுக்காக மோதுகின்றது.

போட்டியின் சுருக்கம்

ஜமெய்க்கா தல்லாவாஸ் – 168/8 (20) குமார் சங்கக்கார 57(38)*, லென்ட்ல் சிம்மோன்ஸ் 34(25), ராசித் கான் 3-32 (4)

கயானா அமேசான் வோரியர்ஸ் – 169/5 (17.5) லூக் ரோன்ச்சி 70(33), சட்விக் வோல்ட்டன் 39(23), மஹமதுல்லாஹ் 3-25 (4)

போட்டி முடிவுகயானா வோரியர்ஸ் அணி 5 விக்கெட்டுக்களால் வெற்றி

http://www.thepapare.com/

 

 

Categories: merge-rss