வாழும்-புலம்

யாழை சேர்ந்த புலம்பெயர் தமிழருக்கு ஒரு விண்ணப்பம் - வ.ஐ.ச.ஜெயபாலன்

Fri, 08/09/2017 - 20:07

PART OF THE MONEY SENT BY YOU TO YOUR RELATIVES LIVING IN JAFFNA IS ABUSED TO RECONSTRUCT CAST HEGEMONY. PLEASE STOP SPORTING SUCH PROJECTS AGAINST SOCIAL JUSTICE AND EQUALITY OF TAMILS

யாழ்ப்பானத்தில் என்னை அதிர வைத்த விடயம் சிலர் சாதியை மீண்டும் முன்னிலைப் படுத்தி ஆதிக்கம் செலுத்த முயல்வதுதான். இதற்க்கு புலம்பெயர்ந்த தமிழர்கள் அனுப்பும் பண பலம் வீணாக்கப் படுகிறது. 
.

புலம் பெயர் தமிழர் பணத்தில் கொழுத்த பெருங்குடி மக்களின் ஆதிக்க அட்டகாசம் முழையிலேயே கிள்ளப் படவேண்டும். மீண்டெழ முனையும் சாதி ஆதிக்கத்துக்கு புலம்பெயர் தமிழர்கள் அனுப்பும் பணம் தெரிந்தோ தெரியாமலோ துணை போகக்கூடாது. 
.
உதாரணத்துக்கு ஒன்று. யாழ்பாணத்தைச் சேர்ந்த ஒரு ஊரில் பொது மயானம் இருக்கிறது. ஆனால் சற்றுத்தள்ளி நெருங்கிய குடியிருப்புகளின் மத்தியில் தனி மயானம் அமைக்கும் முயற்சியில் வெளிநாட்டு ஆதரவுள்ள பெருகுடியினர் முனைப்புக் காட்டுகின்றனர்.. இதற்க்கு வடமாகாண சபை துணைபோவதாக குற்றச் சாட்டு உள்ளது. இதனால் ஒடுக்கப் பட்ட மக்களுக்குச் சிஙகள ஆழுனரோ சிங்கள அதிகாரிகளோ உதவினால்தான் உண்டு என்கிற சூழல் உருவாகி வருகிறது.

.

புலம்பெயர்ந்த தமிழர் வாயைக் கட்டி வயிற்றைக் கட்டி அனுப்பும் பணத்தில் சாதி மற்றும் வர்க்க ஆதிக்கத்தை கட்டி எழுப்ப சிலர் முயல்கிறார்கள். புலம் பெயர் தமிழர்கள் இது தொடர்பாக விழிப்பாக இருக்க வேண்டும்
.
இனியாதுவ முதலமைச்சர் தனது நிகழ்ச்சி நிரலில் சமூக நீதியை இணைத்து முன்னிலைப் படுத்துவாரா?

 
 
 
 
Categories: merge-rss

எண்பது வயது தமிழ் மூதாட்டி நிகழ்த்திய சாதனை: தாயகம் கண்ட பெருமை!

Fri, 08/09/2017 - 10:28
எண்பது வயது தமிழ் மூதாட்டி நிகழ்த்திய சாதனை: தாயகம் கண்ட பெருமை!

 

எண்பது வயதான தமிழ் ஆசிரியை ஒருவர் முதுகலைமானி பட்டம் பெற்ற பெருமைமிகு சம்பவம் ஒன்று இடம்பெற்றுள்ளது.

யாழ்ப்பாணத்தைச் சேர்ந்த எண்பது வயது நிரம்பிய குறித்த ஆசிரியை தனது விடாமுயற்சியின் பயனால் மூத்த வயதிலும் முதுகலைமானி பட்டப்படிப்பை நிறைவு செய்து தாயகத்திற்கு பெருமை சேர்ந்துள்ளார்.

யாழ்ப்பாண மாவட்டம் தென்மராட்சியின் மீசாலைப் பகுதியைச் சேர்ந்த, திருமதி யோகரட்ணம் செல்லையா எனும் பெயர்கொண்ட குறித்த ஆசிரியை அண்ணாமலைப் பல்கலைக் கழகத்தில் முதுகலைமாணி பட்டத்தைப் பெற்றுள்ளார்.

கடந்த வாரம் இறுதிப் பகுதியில், அண்ணாமலை பல்கலைக்கழக கனடா வளாகத்தினரின் பட்டமளிப்பு விழா யோர்க்வூட் நூலக மண்டபத்தில் நடைபெற்றது.

இதன்படி, ரொறன்ரோ, 1785 பின்ச் அவெனியூவில் உள்ள யோர்க்வூட் நூல் நிலையத்தில் நடைபெற்ற குறித்த பட்டமளிப்பு விழாவில் திருமதி யோகரட்ணம் ஆசிரியை பட்டம் பெற்றார்.

மூத்த வயதிலும் முதுமானி பட்டம்பெற்ற யோகரட்ணம் ஆசிரியை, திருக்குறளிற்கு ஆங்கிலத்திலும், தமிழிலும் விளக்கவுரை தந்த ஒருவராவார். அத்துடன் பிறந்த மண்ணில் பெற்ற சுகந்தம் - 4 (மீசாலை) நூலை வெளியிட்டதோடு, மறைந்த முத்தமிழ் வித்தகர் திரு. அ.பொ. செல்லையா அவர்களின் மனைவி என்பதும் இங்கே குறிப்பிடத்தக்கது.

 தாயகம் கண்ட பெருமை!

 தாயகம் கண்ட பெருமை!

https://news.ibctamil.com/ta/internal-affairs/The-achievement-of-a-senior-Tamil-teacher

Categories: merge-rss

மனித கடத்தல்களை குறைக்கும் வகையிலான உடன்படிக்கை ஒன்று கைச்சாத்து

Wed, 06/09/2017 - 16:11
மனித கடத்தல்களை குறைக்கும் வகையிலான உடன்படிக்கை ஒன்று கைச்சாத்து
அவுஸ்திரேலியாவும் இலங்கையும் மனித கடத்தல்களை குறைக்கும் வகையிலான உடன்படிக்கை ஒன்றில் கையெழுத்திட்டுள்ளன.
 
இதன்மூலம் மனித கடத்தல்களுக்கு எதிரான நடவடிக்கைகளில் ஈடுபடவுள்ளதாக கொழும்பிலுள்ள அவுஸ்திரேலிய உயர்ஸ்தானிகரகம் தெரிவித்துள்ளது.
 
இந்த உடன்படிக்கையின் மூலம் மனித கடத்தலுக்கு உள்ளாகும் குடும்பங்கள் இலங்கைக்கு திரும்பி வர வழியேற்படுத்தப்பட்டுள்ளது.
 
இதனைதவிர, மனித கடத்தல்களை முறியடிக்கும் தகவல்களை பரிமாறிக் கொள்ளல், இடைமறிப்பு மற்றும் கடத்தலில் ஈடுபடுத்தப்படும் மக்கள் தொடர்பான விசாரணைகள் போன்றவையும் நடத்தப்படவுள்ளன.
 
இந்த உடன்படிக்கை கன்பராவில் உள்ள குடிவரவு குடியகல்வு திணைக்களத்தில் இன்று மேற்கொள்ளப்பட்டுள்ளது.
 
அவுஸ்திரேலிய எல்லை பாதுகாப்பு செயலாளர் மைக்கல் பிரசுல்லோ இலங்கையின் பாதுகாப்பு அமைச்சின் செயலாளர் கபில முதந்த வைத்தியரத்ன ஆகியோர் இந்த உடன்படிக்கையில் கைச்சாத்திட்டுள்ளனர்.
 
2013 ஆம் ஆண்டு முதல் இலங்கையும் அவுஸ்திரேலியாவும் மனித கடத்தல்களை முறியடிப்பதற்காக மேற்கொண்ட நடவடிக்கைகள் தோல்வி கண்டன
 
இந்தநிலையில் செய்து கொள்ளப்பட்டுள்ள உடன்படிக்கை பிரச்சினையை இரண்டு நாடுகளும் தீர்க்கும் வகையிலான வெற்றியை தரும் என தெரிவிக்கப்பட்டுள்ளது.
 
இதன்படி இந்த நடவடிக்கையில் ஈடுபடும் அதிகாரிகளுக்கு இரண்டு நாடுகளும் பயிற்சிகளை வழங்கவுள்ளன.
 
Categories: merge-rss

இலங்கைத் தம்பதி மீதான குற்றச்சாட்டை திரும்பப் பெற்றது கனடிய நீதிமன்றம்!

Tue, 05/09/2017 - 15:54

போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது.  2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது. கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.

போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது.  2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது.
கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.
போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது. 2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது. கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.

   
தம்பதியருக்கு எதிரான ஆதாரங்களை முழுமையாக மீளாய்வு செய்த பின்னர், 57 வயதான சிவகுமார் குமாரவேலு மற்றும் 54 வயதான நகுலேஸ்வரி சிவகுமார் ஆகியோருக்கு எதிராக குற்றச்சாட்டுகளை மீளப்பெற்று கொள்வதாக Crown நீதிமன்ற அரச வழக்கறிஞர் Matthew Bloch தெரிவித்துள்ளார். மொழி ஒரு தடையாக இருந்ததுடன், என்ன நடக்கிறது என்பதை இருவரும் அறிந்திருந்தார்களா, என்பது குறித்து உண்மையில் வருத்தமாக உள்ளதென அரச வழக்கறிஞர் தெரிவித்துள்ளார்.

இந்த வழக்கின் ஆரம்பத்தில் தண்டனைக்குரிய நியாயமான காரணங்கள் இருந்த போதிலும், Crown நீதிமன்ற மீளாய்வின் பின்னர் அவ்வாறான ஒன்று இல்லை என கண்டறியப்பட்டுள்ளதாக அவர் குறிப்பிட்டுள்ளார் . 2015ஆம் ஆண்டு Scarborough பகுதியில் உள்ள Warden மற்றும் Sheppard Aves என்ற இடத்திற்கு அருகில் உள்ள அடமான தரகர் அலுவலகம் ஒன்றிற்கு ஆண் ஒருவரும் பெண் ஒருவரும் சென்றுள்ளனர்.

சொத்து ஒன்றினை இரண்டாவது முறையாக அடகு வைத்து 200,000 டொலர் பெற்றுக் கொள்வதற்கு விண்ணப்பிப்பதற்காகவே இருவரும் சென்றுள்ளனர். இதன் போதே குறித்த இருவரும் Toronto பொலிஸாரிடம் மோசடி குற்றச்சாட்டில் சிக்கியுள்ளனர். பின்னர் இந்த தம்பதி, தரகர் மற்றும் இலங்கை மொழிக்காக மொழி பெயர்ப்பாளர் ஒருவரும் வழக்கறிஞர் அலுவலகத்தில் கலந்துரையாடல் ஒன்றை மேற்கொண்டுள்ளனர். அந்த சொத்தின் மீதான இரண்டாவது அடமானத்தில் 200,000 டொலர் பெற்றுக் கொள்வதற்கான நடவடிக்கை மேற்கொள்ளப்பட்டுள்ளது.

சில மாதங்கள் கழித்து, உண்மையான வீட்டு உரிமையாளர், தான் வீட்டை அடமானம் செய்யவில்லை எனவும், அவ்வாறு அறிவிக்கவில்லை எனவும் கூறி நீதிமன்றத்தில் ஆவணங்களை சமர்ப்பித்து வழக்கு தொடர்ந்துள்ளார். அதன் பின்னர் இந்த அடமான மோசடி விசாரணை ஆரம்பிக்கப்பட்டுள்ளது.

“எனது கட்சிகாரர்கள் அப்பாவியானவர், தற்போது அவர்களே பாதிக்கப்பட்டுள்ளனர்” என குறித்த தம்பதியின் வழக்கறிஞர் அக்னி பாலசந்திரன் நீதிமன்றத்தில் தெரிவித்துள்ளார். வேறு இரண்டு நபர்கள் எனது கட்சிகாரர்களின் அடையாளத்தை அவர்களின் சம்மந்தம் இன்றி பயன்படுத்தி மோசடியில் ஈடுபட்டுள்ளனர். எனது கட்சிகாரர்கள் இரு முறை பாதிக்கப்பட்டவர்களாகும். ஒரு முறை குற்றவாளிகளாக குற்றம் சாட்டப்பட்டு பாதிக்கப்பட்டனர், இரண்டாவது முறை ஊடகங்களினால் குற்றம் சாட்டப்பட்டு பாதிக்கப்பட்டனர். செய்யாத குற்றத்திற்காக அவர்களின் பெயர்களும் புகைப்படங்களும் வெளியிடப்பட்டுள்ளதாக வழக்கறிஞர் அக்னி பாலசந்திரன் குறிப்பிட்டுள்ளார்.

கணவர் உடல் குறைபாடுடையவர் மற்றும் மனைவி வேலையற்றவர். எனினும் அவர்கள் இதனை நீதிமன்றத்தில் வெளிப்படுத்தியதில்லை என தெரிவிக்கப்படுகின்றது. பாலச்சந்திரனின் அறிக்கைக்கு Crown நீதிமன்றம் எவ்வித கருத்துக்களையும் வெளியிடவில்லை. அந்த தரகர் இந்த மோசடியில் ஈடுபட்டுள்ளதாக தெரிவிக்கப்படுகின்றது. இந்த நிலையில் இந்த வழக்கு தொடர்பில் Collett Comrie என்ற பெண் தரகர் மீது பிடியாணை பிறப்பிக்கப்பட்ட பின்னர் அவரும் அவரது கணவரும் Keystone என்ற நிதி சேவை நிறுவனத்தை மூடிவிட்டு 2015 ஆம் ஆண்டு மற்றும் 2016ஆம் ஆண்டு ஜனவரி மாதத்திற்கு இடைப்பட்ட காலப்பகுதியில் கனடாவில் இருந்து, ஜமைக்காவுக்கு சென்றுள்ளனர்.

44 வயதான Collett Comrie மற்றும் 40 வயதான Khurt Comrie ஆகிய இருவரும் பலரது பணத்தினை மோசடி செய்தவர்கள் Toronto பொலிஸார் தெரிவித்துள்ளனர். சிவகுமார் குமாரவேலு மற்றும் நகுலேஸ்வரி சிவகுமார் தம்பதியினர் யாழ்ப்பாணத்தை சேர்ந்தவர்கள் என்பது குறிப்பிடத்தக்கது.

http://www.seithy.com/breifNews.php?newsID=189630&category=TamilNews&language=tamil

Categories: merge-rss

பிரென்சு திரை உலகில் கால் பதித்த ஈழத்து நட்சத்திரங்கள்!

Tue, 05/09/2017 - 05:41
பிரென்சு திரை உலகில் கால் பதித்த ஈழத்து நட்சத்திரங்கள்!

 

"Le Sens De La Fete" எனும் திரைப்படத்தின் ஊடாக புலம்பெயர் ஈழத்து நட்சத்திரங்கள் பலர் பிரென்சு திரைப்பட உலகில் கால்பதித்துள்ளனர். 

பிரென்சு திரை உலகில் கால் பதித்த ஈழத்து நட்சத்திரங்கள்!

புகழ்பெற்ற மன்மதன் பாஸ்கி, அங்கிள் சிறி உட்பட கேசவன், கிரி சுரேஸ் மற்றும் பல கலைஞர்கள் இப்படத்தில் நடித்துள்ளனர்.

தமிழகத்தில் திரைப்படமாக வெளிவந்த தோழா திரைப்படத்தின் மூலமான INTOUCHABLE எனும் படத்தினை இயக்கியிருந்த அவர்களே, இப்படத்தினை இயக்கியுள்ளார்.

பிரென்சு திரை உலகில் கால் பதித்த ஈழத்து நட்சத்திரங்கள்!

பாஸ்கி அவர்கள் றோசான் எனும் பாத்திரத்தினை ஏற்று இப்படத்தில் நடித்துள்ளார்.

எதிர்வரும் ஒக்ரோபர் 4ம் திகதி வெளிவரவுள்ள இப்படத்தின் சிறப்பு முன்னோட்டக் காட்சிகள் திரையிடப்பட்டு வருகின்றன.

பிரென்சு திரை உலகில் கால் பதித்த ஈழத்து நட்சத்திரங்கள்!

மனநிலை சோர்வாக இருக்கும் போது, ரசிகர்களின் ஆதரவும், கைதட்டல்களும் தான் எங்களை ஊக்கப்படுத்தும், உற்சாகப்படுத்தும் என்பதில் ஐயமில்லை.

அத்தகையது ஒரு தருணத்தினை பரிஸ் லே ஆல் திரையரங்கின் சிறப்புத் திரையிடல் தனக்குத் தந்ததாக மன்மதன் பாஸ்கி தெரிவித்துள்ளார்.

 

https://news.ibctamil.com/ta/world-affairs/In-the-curtain-screen-world-Foot-Eelam-stars

Categories: merge-rss

கனடாவின் மாபெரும் ‘தமிழர் தெருவிழா’ - கனடா பிரதமர் ஜஸ்டின் ரூடோவின் பங்கேற்புடன்...

Sun, 03/09/2017 - 06:46
கனடாவின் மாபெரும் ‘தமிழர் தெருவிழா’ - கனடா பிரதமர் ஜஸ்டின் ரூடோவின் பங்கேற்புடன்...

 

 
03chdasjustin-2

கனடியத் தமிழர் பேரவையினரால் வருடாவருடம் நடத்தப்படும் 'தமிழர் தெருவிழா' மூன்றாவது முறையாக இந்த ஆண்டும் மிகவும் சிறப்பாக ரொறொன்ரோவில் (டொரண்டோ) நடைபெற்றது. இவ்வருடம் முதன்முதலாகத் தமிழர் தெருவிழாவில் கனடா பிரதமர் ஜஸ்டின் ரூடோ கலந்துகொண்டு விழாவுக்குப் பெருமை சேர்த்தார். ஆகஸ்ட் 26, 27 ஆகிய இரு திகதிகளில் ரொறொன்ரோவின் பிரதான வீதியான மார்க்கம் ரோட்டை இருபக்கமும் அடைத்து நிகழ்த்தப்பட்ட இந்த விழாவில் இரண்டு லட்சம் மக்கள் கலந்துகொண்டது ஒரு வரலாற்று நிகழ்வு.

புலம்பெயர் மக்களின் விழா ஒன்றுக்கு, அந்த நாட்டின் பிரதமருடன் கனடாவின் மத்திய, மாநில, உள்ளூராட்சி அரசு நிலைத் தலைவர்களும், வேறுபல உயர்நிலை அரசியல்வாதிகளும் வருகை தந்தது சிறப்பான அம்சம். அத்துடன், இலங்கை வடக்கு, கிழக்கு மாகாணங்களைச் சேர்ந்த நாடாளுமன்ற உறுப்பினர்களும், அமெரிக்காவிலிருந்து வருகை தந்த தமிழ் ஆர்வலர்களும் விழாவில் பங்குபற்றினர்.

   

தமிழ் கனடியர்களின் இருப்பை கனடிய மைய நீரோட்டத்துக்கு எடுத்துச்செல்லும் முயற்சியே ‘தமிழர் தெருவிழா’. எதிர்கால தமிழ் கனடியச் சந்ததியினருக்கு ஒரு வலுவான அடித்தளத்தை அமைக்க வேண்டிய கடமையை இந்த விழா சரிவர நிறைவேற்றுகிறது. கனடாவில் வதியும் தமிழ் மக்களின் ஒற்றுமையையும் ஆற்றலையும் சக கனடியர்களுக்கு எடுத்துக்காட்டவும், தமிழ்ச் சமூகம் கனடாவின் பன்மைக்கலாச்சாரத்தில் ஒன்றிவிட்ட சான்றை வெளிக்கொணரவும் இந்தக் கொண்டாட்டம் உதவுகிறது.

03chdascanada4
 

தமிழ்ப் பாரம்பரிய நடனங்கள், இசை, தெருக்கூத்து, வில்லுப்பாட்டு, கரகாட்டம், சிலம்பாட்டம் போன்ற கலைகள் விழாவில் முக்கியத்துவம் பெற்றதுடன், வேற்றின மக்களின் கலை நிகழ்ச்சிகளும் இடம்பெற்றன. இளையோர் பலர் ஹார்வர்டு தமிழ் இருக்கை சம்பந்தமாக சனங்களிடையே விழிப்புணர்வு ஏற்படுத்துவதையும் விழாவில் அவதானிக்க முடிந்தது.

“இலங்கையில் தமிழ் மக்கள் பெரும்பான்மை இனத்தினாலும் அரசாங்கத்தாலும் அடக்கப்படுகின்ற நிலைமை மாறி, மதிக்கப்படுகின்ற நிலை உருவாக வேண்டும். அதற்கான அரசியல் உரிமைகள் தொடர்பான சட்ட மாற்றங்கள் செய்ய வலியுறுத்தி கனடிய அரசு சர்வதேச மட்டத்தில் குரல்கொடுக்கும்” என்று முதன்மை விருந்தினராகக் கலந்துகொண்டு உரையாற்றிய கனடாவின் பிரதமர் ஜஸ்டின் ரூடோ உறுதியளித்தார். பல்லாயிரக்கணக்கான மக்கள் மத்தியில் பிரதமர் உரையாற்றியபோது கனடாவின் நாடாளுமன்ற உறுப்பினர்கள் பலர் உடனிருந்தார்கள்.

“தமிழ்மொழியையும் தமிழ்ப் பண்பாட்டையும் உலகமயப்படுத்த கனடாவில் புலம்பெயர்ந்த தமிழ்ச் சமூகம் உதவியுள்ளது. கனடிய தமிழ் இனம் உலகில் மிகப் பெரிய எண்ணிக்கை கொண்ட, வெற்றியடைந்த புலம்பெயர் தமிழ்ச் சமூகமாக இருக்கிறது. அவர்களுடைய அபார வளர்ச்சியின் வெளிப்பாடுதான் இந்த விழா’ என்று கனடிய தமிழர் பேரவையின் தலைவர் மருத்துவர் வடிவேலு சாந்தகுமார் தன் வரவேற்புரையின்போது குறிப்பிட்டார்.

கனடிய நாடாளுமன்ற உறுப்பினரான கரி ஆனந்தசங்கரி, ரொறொன்ரோ மாநகர உறுப்பினர்கள் நீதன் சாண் ஆகியோர் சிறப்பு விருந்தினர்களாகக் கலந்துகொண்டு, பிற சமூகத்தினருடன் இணைந்து தமிழ் மக்கள் இயக்கும் ‘தமிழர் தெருவிழா’ வெற்றிபெற வாழ்த்தினார்கள். சிவன் இளங்கோ விழா பொறுப்பாளராக நிகழ்ச்சிகளைத் தொகுத்து வழங்கினார்.

1986-ல் 155 தமிழ் அகதிகள் ஒரு படகில் அட்லாண்டிக் கடலில் தத்தளித்தபோது கனடிய மீன்பிடிக் கப்பல் ஒன்று அவர்களைக் காப்பாற்றிக் கரைசேர்த்தது. இந்தப் படகு 30 வருடங்கள் தாண்டிய நிலையில் இன்று கனடிய தமிழர்களின் சின்னமாக மாறிவிட்டது. இந்தப் படகை விழாவில் காட்சிப்பொருளாக வைத்திருந்தார்கள். ஈழத் தமிழர்கள் 56 நாடுகளில் குடியேறி வாழ்ந்தாலும், கனடாவில் அவர்களின் எண்ணிக்கை 4 லட்சத்தை அண்மித்துக்கொண்டிருக்கிறது.

03chdascanada2
 

338 உறுப்பினர்களைக் கொண்ட கனடிய நாடாளுமன்றத்தில் ஒரேயொரு தமிழர் அங்கம் வகிக்கிறார். அப்படியிருந்தும் தமிழ் மொழி சார்பாக ஒரு தீர்மானம் சமீபத்தில் நிறைவேற்றப்பட்டிருக்கிறது: ‘இனி வரும் ஒவ்வோர் ஆண்டும் ஜனவரி மாதம் கனடாவில் தமிழ் மரபு மாதமாகக் கொண்டாடப்படும்.’ இந்த தீர்மானத்தை ஏகமனதாக ஜஸ்டின் ரூடோவின் அரசு ஏற்றுக்கொண்டிருக்கிறது. வேறு ஒரு நாடும் தமிழர்களுக்குச் செய்யாத ஒன்றை கனடிய அரசு மிகச் சாதாரணமாகச் செய்திருக்கிறது.

சில வருடங்களுக்கு முன்னர் உலக நாடுகள் அனைத்தும் கைவிட்ட நிலையில், ஈழத்தமிழர்கள் தங்கள் உடமைகள் சகலத்தையும் இழந்து தெருவில் நின்றார்கள். இன்று கனடாவில் வேற்று இனத்தினர் வியக்கும் வண்ணம் ‘தமிழர் தெருவிழா’ கொண்டாடுகிறார்கள். இது தொடக்கம்தான். இவர்களின் அமோக வளர்ச்சி வெகுவிரைவில் உலகத்தினரை பிரமிக்க வைக்கும்.

-அ. முத்துலிங்கம், கனடாவில் வசிக்கும் மூத்த ஈழத் தமிழ் எழுத்தாளர்,

http://tamil.thehindu.com/general/literature/article19614557.ece?homepage=true

Categories: merge-rss

மாவீரர் நாள் ஓரிடத்திலேயே தமிழ்செல்வனின் மனைவி கருத்து(காணொளி)

Sat, 02/09/2017 - 21:15

0-02-05-1cd0c6ea9bccecd3453934d40783f901

பிரான்சில் விடுதலைப் புலிகளிடையே, “தமிழர் ஒருங்கிணைப்புக் குழு”, “இறுதிவரை களத்தில் நின்ற போராளிகள்” என இரு பிரிவாக ஏற்பட்ட பிளவு காரணமாக, பிரான்சில் உள்ள தமிழ் மக்களிடையே உள்ள குழப்ப நிலை தொடர்பாக பிரிகேடியர் சு.ப.தமிழ்ச்செல்வன் அவர்களின் துணைவியார் இசைச்செல்வி இவ்வாறு தெரிவித்து உள்ளார்.
 
“மாவீரர் நாளை ஒரே இடத்தில் நினைவு கூருவது தான் நாங்கள் இந்த மாவீரர்களுக்கு செய்யும் பணி, அதுதான் மாவீரர்களை நினைவுபடுத்தும் நல்ல நிகழ்வாக இருக்கும்” என்று தெரிவித்தார் பிரிகேடியர் சு.ப.தமிழ்ச்செல்வன் அவர்களின் துணைவியார் இசைச்செல்வி.
 
நேற்று ஞாயிற்றுக்கிழமை பிரான்சு லாச்சப்பல் பகுதியில் இடம்பெற்ற புலிகளின் கேணல் ராயூ அவர்களின் 15 ஆம் ஆண்டு நினைவு வணக்க நிகழ்வில் கலந்து கொண்டு நினைவுரை ஆற்றுகையிலேயே அவர் இவ்வாறு தெரிவித்தார்.
 
தமிழீழ விடுதலைப் பயணத்திற்கு பெரும் பங்காற்றி நின்ற தளபதிகளில் ஒருவரான புலிகளின் கேணல் ராயூ அவர்களின் 15 ஆம் ஆண்டு நினைவு வணக்க நிகழ்வு பிரான்சு லாச்சப்பல் சோதியா கலைக் கல்லூரியில் நேற்று (27.08.2017) ஞாயிற்றுக்கிழமை இடம்பெற்றது.
 
இந்நிகழ்வில் ஈகைச்சுடரினை 02.11.2007 அன்று கிளிநொச்சியில் வீரச்சாவடைந்த புலிகளின் பிரிகேடியர் சு.ப.தமிழ்ச்செல்வன் அவர்களின் துணைவியார் ஏற்றிவைக்க, மலர்வணக்கத்தை 26.06.1989 அன்று ஓமந்தையில் இந்திய இராணுவத்துடனான மோதலில் வீரச்சாவடைந்த கப்டன் ரூபன் அவர்களின் சகோதரி செய்து வைத்தார்.
 
அகவணக்கத்தைத் தொடர்ந்து நிகழ்வில் கலந்து கொண்ட அனைவரும் சுடர்ஏற்றி மலர்வணக்கம் செலுத்தினர். தொடர்ந்து, பிரான்சு புலிகளின் “தமிழர் ஒருங்கிணைப்புக்குழு” பரப்புரைப் பொறுப்பாளர் திரு.சத்தியதாசன், புலிகளின் பிரிகேடியர் சு.ப.தமிழ்ச்செல்வன் அவர்களின் துணைவியார் ஆகியோர் கேணல் ராயு தொடர்பான நினைவுரைகளை ஆற்றியிருந்தனர். இந்நிகழ்வில், மாவீரர் நாள் 2017 இற்கான பங்களிப்பு அட்டையும் வெளியிட்டு வைக்கப்பட்டது.

http://www.tamilkingdom.com/2017/08/456_29.html

 

Categories: merge-rss

இலங்கை பெண்களால் லண்டனில் நடத்திச் செல்லப்படும் பிரபல உணவகம்

Sat, 02/09/2017 - 18:26
லண்டனில் உள்ளவர்கள் சிறந்த முறையில் உயிர்வாழ உதவும் இலங்கை பெண்கள்!

இலங்கை பெண்களால் லண்டனில் நடத்திச் செல்லப்படும் பிரபல உணவகம் தொடர்பில் அந்நாட்டு ஊடகம் ஒன்று தகவல் வெளியிட்டுள்ளது.

லண்டனில் Papi’s Pickles என்ற உணவகம் இயங்கி வருகின்றது. இங்கு இலங்கை மற்றும் தென்னிந்திய உணவுகள் தயாரிக்கப்பட்டு வழங்கப்படுகிறது.

இலங்கையில் இடம்பெற்ற போர் அனர்த்தங்களால் பாதிக்கப்பட்ட நிலையில், பிரித்தானியாவுக்கு புகலிடம் கோரிச் சென்ற தமிழ் பெண்கள் இங்கு பணியாற்றுகின்றனர்.

2014 ஆம் ஆண்டில் அபி ரமணன் என்ற பெண்ணினால் இந்த உணவகம் நிறுவப்பட்டுள்ளது. இங்கு வித்தியாசமான உணவுகள் தயாரிக்கப்படுகின்றன. லண்டனில் இடம்பெறும் நிகழ்வுகளுக்கு இலங்கை மற்றும் தென்னிந்திய உணவுகள் வழங்கப்படுகின்றது.

625.0.560.350.160.300.053.800.700.160.90.jpg

இலங்கையை விட்டு வெளியேறிய பெண்களால் அங்கு உணவு தயாரிக்கப்படுகின்ற நிலையில், அதன் மூலமான வருமானங்களால் அவர்களின் வாழ்க்கை நிலை மாறி விடுவதாக சுட்டிக்காட்டப்பட்டுள்ளது.

இந்த உணவகத்தின் மூலம், பெண்களுக்கு லண்டன் வாழ்க்கை ஊதியம், பயிற்சி மற்றும் ஆதரவுகளை பெற முடியும். பின்னர், அவர்கள் அனைத்து இலாபங்களையும் மீண்டும் முதலீடு செய்கிறார்கள்.

ரமணன் தனது நிறுவனத்தைப் பற்றி மிகவும் நம்பிக்கையுடன் காணப்படுகிறார். அனைவருக்கும் சமமான வாய்ப்புகள் மற்றும் தகுதிகள் உள்ளதென்பதனை அவர் நம்புகின்றார்.

625.0.560.350.160.300.053.800.700.160.90.jpg

புலம்பெயர்ந்தோர்களுக்கு லண்டன் பிரதான நகரமாக மாறியுள்ளது. எனினும் புலம்பெயர்ந்தோர் கொண்டு வரும் பெரும் நிலைப்பாடுகள் போதுமானதாக இல்லை என கூறப்படுகின்றது.

கடந்த மூன்று ஆண்டுகளாக ரமணன் 14 பெண்களுடன் பணி புரிந்து வந்தார். தற்போது அவர் நான்கு பகுதி நேர பயிற்சிப் பணியாளர்களுடன் பணியாற்றுகிறார்,

ரூபி, ராகினி, கிரிஷாந்தி மற்றும் இந்துமதி ஆகியோர் 1000 பவுண்ட் சம்பளத்துடன் 5,868 மணி நேரம் வேலை செய்து 5,000 மணி நேரம் பயிற்சி வழங்குகின்றனர்.

625.0.560.350.160.300.053.800.700.160.90.jpg

ஒரு குடிபெயர்ந்தவராகவும், ஒரு தமிழராகவும் இருக்கும் போது லண்டனில் தொழில் வாய்ப்பு பெற்று கொள்வதென்பது கடினம் என்பதனை ரமணன் அறிந்திருந்தார்.

ஆவணப்படம் தொடர்பில் ஆராயும் போதும், தொண்டு வேலைகளை மேற்கொள்ளும் போதும், அவர் பிரித்தானியாவில் பல இலங்கையர்களை சந்தித்துள்ளார்.

புலம்பெயர்ந்தோர் மற்றும் அகதிகள் சமூகங்களில் வேலைவாய்ப்பின்மை மிகவும் அதிகமாக உள்ளது, குறிப்பாக பெண்களிடையேயும், வேலைவாய்ப்பு ஒருங்கிணைப்பு என்பது செயல்பாட்டிற்கு முக்கியமானதாகும் என அவர் சுட்டிக்காட்டியுள்ளார்.

625.0.560.350.160.300.053.800.700.160.90.jpg

Papi's Picklesஇல் வேலை செய்யும் பெண்கள் ஒரு புதிய நாடு, புதிய கலாச்சாரம் மற்றும் புதிய மொழிக்கு மாற வேண்டிய நிலை காணப்பட்டது.

இருப்பினும், ரமணனின் தலைமை சமையல்காரர்களான ரதி மற்றும் ஷாந்தினி, தமிழ் மொழியையும் கலாச்சாரத்தையும் நன்கு அறிந்திருந்தார்கள்.

இது வேலையை எளிதாக்க உதவியது. எதிர்காலத்தில், அவர்களுக்கு ஆங்கிலம் மொழி வகுப்புகள் வழங்கும் நோக்கமும் காணப்படுவதாக குறித்த ஊடகம் மேலும் தகவல் வெளியிட்டுள்ளது.

625.0.560.350.160.300.053.800.700.160.90.jpg

 

625.0.560.350.160.300.053.800.700.160.90.jpg

 

 

 

http://www.tamilwin.com/uk/01/157169

Categories: merge-rss

காணாமல் ஆக்கப்பட்டோரின் உறவுகளுக்கு ஆதரவு தெரிவித்து பிரித்தானியாவில் கவனயீர்ப்பு போராட்டம்

Thu, 31/08/2017 - 08:58
காணாமல் ஆக்கப்பட்டோரின் உறவுகளுக்கு ஆதரவு தெரிவித்து பிரித்தானியாவில் கவனயீர்ப்பு போராட்டம்

 

 

சர்வதேச காணாமல் ஆக்கப்பட்டோர் தினமான நேற்று, இலங்கையில் காணாமல் ஆக்கப்பட்டோரின் உறவினர்கள் மேற்கொண்டுவரும் போராட்டங்களுக்கு வலுச்சேர்க்கும் முகமாக பிரித்தானியாவில் வாழும் புலம்பெயர் தமிழ் மக்களால் கவனயீர்ப்பு போராட்டமொன்று முன்னெடுக்கப்பட்டுள்ளது.

 

குறித்த கவனயீர்ப்பு போராட்டமானது பிரித்தானிய பிரதமர் இல்லத்தின் முன்பாக நேற்று புதன்கிழமை காலை 4 மணி முதல் மாலை 7 மணிவரை இடம்பெற்றிருந்தது.

கடந்த இரு தசாப்தங்களுக்கு மேலாக பல்லாயிரக்கணக்கான தமிழ் மக்கள் காணாமல் ஆக்கப்பட்டுள்ளனர். இலங்கை அரசு காணாமல் ஆக்கப்பட்டோர் குறித்து இதுவரை எந்த ஒரு தீர்க்கமான முடிவையும் அவர்களின் உறவினர்களுக்கு வழங்கவில்லை.

இதேவேளை கடும் மழையினையும் பொருட்படுத்தாது பெரும் திரளான பிரித்தானியா வாழ் புலம்பெயர் மக்கள் இக்கவனயீர்ப்புப் போராட்டத்தில் கலந்துகொண்டு காணாமல் ஆக்கப்பட்டோரின் உறவுகள் நடாத்திவரும் போராட்டங்களிற்கு வலுச்சேர்த்தமை குறிப்பிடத்தக்கது.

http://www.virakesari.lk/article/23808

Categories: merge-rss

கனடா விபத்தில் யாழ்ப்பாண பெண் மரணம்!

Tue, 29/08/2017 - 10:46

30 மணியளவில் நடந்த விபத்தில் யாழ்ப்பாணத்தைச் சேர்ந்த பெண் ஒருவர் மரணமானார்.  யாழ்-கொய்யாத்தோட்டத்தை பிறப்பிடமாக கொண்ட ஞானபுஸ்பம் செபஸ்தியாம்பிள்ளை (77) என்பவரே உயிரிழந்தவராவார்.  ஞாயிறு இரவு ஸ்காபரோ நகரில் நடைபெற்ற தமிழர் தெருவிழாவை கண்டு களித்து விட்டு அருகில் இருக்கும் தனது இல்லத்திற்கு கணவருடன் கால் நடையாக திரும்பிய பொழுதே கார் மோதி இவர் மரணமானார்.

கனடா-ஸ்காபரோவில் நேற்று முன்தினம் இரவு 9:30 மணியளவில் நடந்த விபத்தில் யாழ்ப்பாணத்தைச் சேர்ந்த பெண் ஒருவர் மரணமானார். யாழ்-கொய்யாத்தோட்டத்தை பிறப்பிடமாக கொண்ட ஞானபுஸ்பம் செபஸ்தியாம்பிள்ளை (77) என்பவரே உயிரிழந்தவராவார். ஞாயிறு இரவு ஸ்காபரோ நகரில் நடைபெற்ற தமிழர் தெருவிழாவை கண்டு களித்து விட்டு அருகில் இருக்கும் தனது இல்லத்திற்கு கணவருடன் கால் நடையாக திரும்பிய பொழுதே கார் மோதி இவர் மரணமானார்.

http://www.seithy.com/breifNews.php?newsID=189196&category=TamilNews&language=tamil

Categories: merge-rss

உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை

Mon, 28/08/2017 - 15:02
உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை
 
 
உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை
 

சீனா நாட்டின் ஷங்காய் நகரில் நான்கு வருடங்களுக்கு ஒரு தடவை இடம்பெறும் இதோசுரியூ உலக கராத்தே சுற்றுப் போட்டியில் சுவிஸ் நாட்டைப் பிரதிநிதித்துவப்படுத்தி ஈழத்து இளந்தலைமுறையினர் சாதனை புரிந்துள்ளனர்.

இதோசுரியூ உலக கராத்தே சுற்றுப் போட்டியில் 6 பேர் கொண்ட குழுவினர் பங்கேற்று வெற்றியீட்டியுள்ளனர்.

அந்த வகையில் சுவிஸ் நாட்டிலிருந்து அந்நாட்டைப் பிரதிநிதித்துவப்படுத்தி ஈழத்து இளந்தலைமுறையினரை உள்ளடக்கிய குழுவினர் முதற்தடவையாக பங்கேற்று வெற்றியீட்டியுள்ளனர் எனத் தெரிவிக்கப்பட்டுள்டுள்ளது.

59a3f5b83268f-IBCTAMIL.jpg59a3f5b88bfc4-IBCTAMIL.jpg

http://newuthayan.com/story/23668.html

Categories: merge-rss

இலங்கையர் வீட்டின் மீது இனவெறி தாக்குதல்!

Mon, 28/08/2017 - 06:54
 இலங்கையர் வீட்டின் மீது இனவெறி தாக்குதல்!

 

லண்டனில் தமிழர்கள் வாழும் வீடொன்றில் இன வன்முறைகளை தூண்டும் வகையிலான தகாத வார்த்தைகள் எழுதப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.

liverpool பிராந்தியத்திலுள்ள Speke என்ற இடத்திலுள்ள வீட்டின் வெளியே அசிங்கமான இனவெறி தாக்குதல் மேற்கொள்ளப்பட்டுள்ளதனை காண முடிந்துள்ளதாக சுட்டிக்காட்டப்பட்டுள்ளது.

அந்த வீட்டின் வெளி பகுதி சுவரின் மீது கறுப்பு நிறத்தில் தகாத வார்த்தைகள் மற்றும் அல்லாஹு அக்பர் என இனவெறி வசனம் எழுதப்பட்டுள்ளதாக தெரிவிக்கப்படுகின்றது.

அல்லாஹு அக்பர் என்பது “அல்லாஹ்வே சிறந்தவர்” என்று மொழி பெயர்க்கப்படும் ஒரு அரபு சொற்றொடராகும்.

முஸ்லிம்கள் மற்றும் அரபு பேசுபவர்களினால் விசுவாசத்தின் வெளிப்பாடாக எழுதப்படுகின்ற ஒரு வார்த்தையாகும்.

நேற்று இரவு பிற்பகுதியில் அல்லது இன்று அதிகாலையில் இனவெறியாளர்களினால் இவ்வாறு எழுதப்பட்டிருக்கலாம் என நம்பப்படுகின்றது.

Stapleton Avenue பகுதியில் உள்ள குறித்த வீடு தற்போது வரையில் காலியாகவே உள்ளன. எனினும் லண்டனில் கடந்த 11 வருடமாக வாழ்ந்த இலங்கை குடும்பம் ஒன்று அங்கு குடியேறவுள்ளனர்.

இனவெறி தாக்குதலை மேற்கொண்டவர்கள் புதிதாக தங்கள் அண்டைய வீட்டிற்கு வருபவர்கள் இலங்கையர்கள் அல்ல பாகிஸ்தானியர் என தவறாக புரிந்து கொண்டுள்ளனர். எனினும் அவர்கள் இந்துக்களே தவிர முஸ்லிம்கள் அல்ல.

கடந்த இரண்டு வருடங்களாக Speke பகுதியில் வாழ்ந்த குறித்த இலங்கை குடும்பத்தின் 5 உறுப்பினர்கள் மீளவும் இந்த வீட்டில் குடியேறவுள்ளனர். இதற்காக வீட்டிற்கு வெள்ளை அடிக்கப்பட்டுள்ளதுடன், உடைக்கப்பட்ட ஜன்னல்கள் மீளவும் பொருத்தப்பட்டுள்ளது.

இந்த வீட்டை தற்போது மீளவும் ஆயத்தப்படுத்தி வருகின்றோம். எங்கள் குடும்பத்தினருடன் அங்கு சென்று குடியேறவுள்ளோம் என பெயர் குறிப்பிட விரும்பாத வீட்டின் தற்போதைய உரிமையாளர் தெரிவித்துள்ளார்.

நான் கடந்த 11 வருடங்களாக லண்டனில் வாழ்ந்து வருகின்றோம். எனது சகோதரனுடன் இங்கு குடியேறவுள்ளோம். இவ்வாறான சம்பவம் இதற்கு முன்னர் பார்த்ததில்லை. நாங்கள் முஸ்லிம்கள் அல்ல நாங்கள் இந்துக்கள். அத்துடன் நாங்கள் பயங்கரவாதத்தை வெறுக்கின்றோம்.

தற்போது வருத்தமாகவும், பயமாகவும் உள்ளது. எனது மனைவி மற்றும் மூன்று இளம் பிள்ளைகளுடன் இங்கு குடியேறவுள்ளோம்.

இனவெறி குழு தாக்குதல் மேற்கொண்டமை குறித்து வருத்தமடைந்த அண்டைய வீட்டார்கள் எங்களை பார்ப்பதற்கு பரிசு மற்றும் இனிப்பு பண்டங்களுடன் சந்தித்தார்கள் என அவர் குறிப்பிட்டுள்ளார்.

இனவெறி ரீதியான சம்பவம் தொடர்பில் விசாரணை நடத்துவதாக பொலிஸார் உறுதியளித்துள்ளனர்.

கடந்த சனிக்கிழமை இரவு 10 மணிக்கு மேல் இந்த சம்பவம் மேற்கொள்ளப்பட்டுள்ள நிலையில் பிரித்தானிய நேரப்படி நேற்று மதியம் 12.30 மணியளவில் சம்பவ இடத்திற்கு அதிகாரிகள் அழைக்கப்பட்டுள்ளனர்.

ஏற்கனவே இந்த இலங்கை குடும்பத்தின் உறவினர்கள் இந்த பகுதியில் வசிக்கும் நிலையில் இவ்வாறான தாக்குதல் மேற்கொள்ளப்பட்டமை வெறுக்கத்தக்க ஒரு விடயமாகும் என பொலிஸார் தெரிவித்துள்ளனர்.

இந்த சம்பவத்துடன் தொடர்புடையவர்களுக்கு எதிராக தீவிர விசாரணை மேற்கொண்டு நடவடிக்கை மேற்கொள்ளப்படும் என பொலிஸார் உறுதியளித்துள்ளனர்.

 

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

 

 

http://www.tamilwin.com/uk/01/156608

Categories: merge-rss

பிரான்ஸை பிரம்மிக்க வைத்த லாச்சப்பல் பிள்ளையார் ஆலய இரதோற்சவம்

Sun, 27/08/2017 - 13:21
பிரான்ஸை பிரம்மிக்க வைத்த லாச்சப்பல் பிள்ளையார் ஆலய இரதோற்சவம்
 
59a29f0ea7e6f-IBCTAMIL.jpg
59a29f0f407c7-IBCTAMIL.jpg
59a29f0f695a2-IBCTAMIL.jpg
59a29f0f862ec-IBCTAMIL.jpg

பிரான்ஸின் தலைநகர் பாரிஸின் லாச்சப்பல் பகுதியில் அமைந்துள்ள ஸ்ரீ  மாணிக்க பிள்ளையார் ஆலயத்தின் வருடாந்த இரதோற்சவம் இன்று சிறப்பாக இடம்பெறுகின்றது.

பல்லாயிரக்கணக்கான பக்தர்கள் புடை சூழ விநாயகப்பெருமான் தேரிலே பவனி வந்தார்.

கடந்த 14-08-2017 அன்று கொடியேற்றத்துடன் ஆரம்பமான ஸ்ரீ மாணிக்க பிள்ளையார் ஆலயத்தின் வருடாந்த மஹோற்சவத்தின் 22 ஆவது தேர்த்திருவிழா இடம்பெறுகின்றது.

பிள்ளையாா், முருகன் , அம்மன் உட்பட மூன்று இரதங்களில் இரத பவனி சிறப்பாக இடம்பெற்றது.

தமிழ் மக்கள் மாத்திரமன்றி வேற்றின மக்கள் உட்பட பல்லாயிரக்கணக்கான பக்தர்கள் குறித்த தேர் உற்சவத்தில் பங்கு கொண்டனர்.

அத்துடன்  கரகாட்டம், பொம்பலாட்டம் இடம்பெற்றதுடன் பெண்கள் கற்பூரச்சட்டி ஏந்தியும், ஆண்கள் காவடி எடுத்தும் தமது நேர்த்திக்கடன்களை நிறைவேற்றினர்.

அத்துடன் வீதிகள் தோறும் சிதறு தேங்காய் உடைத்தும் தாக சாந்தி நிலையங்கள் அமைத்தும் நேர்த்திக்கடன்களை நிறைவேற்றினர்.

இதேவேளை பாரிஸின் லாச்சப்பல் மாணிக்க பிள்ளையார் ஆலயம் யாழ்ப்பாண நல்லூர் ஆலயத்திருவிழாவை ஒத்த வகையில் காட்சிளித்தமை குறிப்பிடத்தக்கது.

 

https://news.ibctamil.com/ta/world-affairs/Lachupal-Pillayar-Temple-is-the--festival

Categories: merge-rss

பிரித்தானிய பிரபல உணவகத்தில் சிக்கிய இலங்கை பெண்! அதிகாரிகள் நடவடிக்கை.

Sun, 27/08/2017 - 10:53

சட்டவிரோத தொழிலாளர்களை நியமித்த காரணத்தினால் பிரித்தானியாவில் உள்ள PFC என்ற உணவகம் மூடப்படும் ஆபத்தில் உள்ளதாக தெரிவிக்கப்படுகின்றது.

உள்துறை அலுவலகத்தால் பெறப்பட்ட புலனாய்வு தகவலின் அடிப்படையில், பிரித்தானியாவின் Moulsham தெருவில் உள்ள PFC உணவகம் கடந்த ஜுன் மாதம் 2ஆம் பொலிஸ் மற்றும் குடிவரவு அதிகாரிகளினால் பார்வையிடப்பட்டுள்ளது.

பிரித்தானியாவில் பணி புரிய உரிமம் இல்லாத இரண்டு இலங்கையர்களை அங்கு அதிகாரிகள் சந்தித்ததாக கூறப்படுகின்றது.

அந்த உணவகத்தில் இந்த இரண்டு பணியாளர்களும் தங்கும் அறையில் இருந்து மூன்று இரட்டை தட்டு கட்டில்களை Essex பொலிஸார் அவதானித்துள்ளனர்.

இந்த நிலையல் அவர்களில் பெண் ஒருவர் அங்கு சம்பளம் பெற்று கொள்ளாமல் உரிமையாளருக்கு ஆதரவாக செயற்படுவதாகவும், அவர் பல வாரங்கள் அங்கு இருப்பதாக கண்டுபிடிக்கப்பட்டுள்ளதாகவும் பொலிஸாரின் அறிக்கையில் குறிப்பிடப்பட்டுள்ளது.

மற்றவர் அங்கு ஒரு வருடம் வேலை செய்வதாக உறுதி செய்யப்பட்டுள்ளது. ஒரு மணித்தியாளத்திற்கு 7.50 பவுண்ட் என்ற கணக்கில் அவருக்கு சம்பளம் வழங்கப்படுவதாகவும், குறிப்பிடப்படுகின்றது.

அவர் கைது செய்யப்பட்டு பொலிஸாரின் காவலில் வைக்கப்பட்டுள்ளார்.

இந்த உணவகத்திற்கு உரிமம் பெற்ற உரிமையாளர் ராஜ பலால் ஹுசைன், அவரது தொழிலாளர்களின் உரிமம் தொடர்பில் எந்த விடயத்தையும் கருத்திற் கொள்ளவில்லை என கூறப்படுகின்றது.

இந்த விடயம் தொடர்பில் தற்போது வரையில் வழக்கு தாக்கல் செய்யப்பட்டுள்ள நிலையில், இந்த வழக்கில், இரண்டு நபர்கள் அந்த இடத்தில் சட்ட விரோதமாக வேலை செய்தமை உறுதி செய்யப்பட்டுள்ளது.

இந்த உணவகத்தை தொடர்ந்து நடத்துவது தொடர்பில் எதிர்வரும் செப்டெம்பர் மாதம் 5ஆம் திகதி காலை 11 மணியளவில் வழக்கு விசாரணையின் பின்னர் தீர்மானிக்கப்படும் என அறிவிக்கப்பட்டுள்ளது.

http://www.tamilwin.com/uk/01/156516

Categories: merge-rss

இலங்கை பெற்றோருக்கு பெருமை சேர்த்த கனேடிய தமிழன்!

Sun, 27/08/2017 - 06:12
இலங்கை பெற்றோருக்கு பெருமை சேர்த்த கனேடிய தமிழன்!

இலங்கையில் தனது பெற்றோர் பயன்படுத்திய கார் போன்று, பல வருட முயற்சியின் பயனாக மீளவும் கனேடிய தமிழர் ஒருவர் தயாரித்துள்ளார்.

இலங்கையை சேர்ந்த ஸ்ரீ இராமலிங்கம் என்பவரே பழமை வாய்ந்த காரை தற்போது தயாரித்துள்ளார்.

கனடாவில் இன்று நடைபெறும் தமிழர் திருவிழாவின் போது அந்த காருடன் இராமலிங்கம் பெருமையாக அங்கே வந்து நிற்பார் என கனேடிய ஊடகமொன்று செய்தி வெளியிட்டுள்ளது.

பிரித்தானியாவின் Austin மோட்டார் வாகன நிறுவனத்தினால் இளம் பச்சை நிறத்திலான A40 Somerset என்ற இந்த 1950ஆம் ஆண்டு தயாரிக்கப்பட்டது.

இராமலிங்கத்தின் சிறுவனாக இருக்கும் போது, இதே போன்றதொரு காரை அவரது பெற்றோர் இலங்கையில் பயன்படுத்தியுள்ளனர்.

தற்போது கனடாவில் வசிக்கும் இராமலிங்கம் கனேடிய வானொலி ஒன்றுக்கு செவ்வி ஒன்றை வழங்கியிருந்தார்.

அந்த செவ்வியில், எனக்கு 6 அல்லது 7 வயதிருக்கும் போது எனது பெற்றோர் இதே போன்றதொரு காரை பயன்படுத்தினார்கள். நான் அப்போது அந்த காரின் வேகமானியை பிடித்து கொள்வேன்.

ஒரு நாள் இந்த ரக கார் ஒன்று உடைந்த நிலையில் வீடொன்றுக்கு அருகில் நிறுத்தி வைக்கப்பட்டிருந்த போது அவதானித்தேன். நான் அங்கு சென்று இந்த காரை விற்பனை செய்வீர்களா என்று கேட்டேன்.

அந்த காருக்கான முற்பணத்தை செலுத்தி விட்டு உடனடியாக அந்த காருக்கு பொருத்தமான பாகங்களை தேடி சென்றேன். Scarborough பகுதியில் கார் சேவை வியாபாரத்தை மேற்கொள்ளும் எனக்கே அது கடினமாக ஒரு விடயமாக இருந்தது.

நான் நினைக்கின்றேன் 1998ஆம் ஆண்டு இந்த காரை கனடாவுக்கு கொண்டு வந்தேன். அந்த காலப் பகுதியில் இதற்காக பாகங்களை பெற்றுக் கொள்வதென்பது மிகவும் கடினமாக இருந்தது.

பிரித்தானியா சென்ற போது இந்த காருக்கான சில பாகங்களை கொண்டு வந்தேன். பின்னர் நான் மீளவும் இலங்கை சென்றேன். அங்கு இருந்து சில பாகங்களை கொண்டு வந்தேன். நான் இலங்கை செல்லும் ஒவ்வொரு சந்தர்ப்பத்திலும் ஒவ்வொரு பாகங்களை கொண்டு வருவேன்.

ஐந்து வருடங்களுக்கும் மேலாக, நானும் எனது ஊழியர்களும் காரை அதன் தற்போதைய நிலைக்கு மீட்டெடுக்க பணியாற்றினோம்.

எனது பெற்றோரின் காருக்கு ஒத்த வகையில் இலங்கை வாகன உரிம தகட்டுடன் வாகன தயாரிப்பு பணிகள் நிறைவுக்கு வந்ததென இராமலிங்கம் தெரிவித்துள்ளார்.

 

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

 

http://www.tamilwin.com/canada/01/156502

Categories: merge-rss

பாட்சுவல்பாக் தமிழாலய மெய்வல்லுனர் போட்டி-2017

Fri, 25/08/2017 - 10:42
பாட்சுவல்பாக் தமிழாலய மெய்வல்லுனர் போட்டி-2017

 

 

K800_DSC_0369-300x199.jpgயேர்மன் தமிழ்க்கல்விக் கழகத்தின் வழிகாட்டலோடு செயற்பட்டுவரும் தமிழாலயங்களில் ஒன்றான பாட்சுவல்பாக் தமிழாலயம் நடாத்திய மெய்வல்லுனர்ப் போட்டி 20.08.17 அன்று சிறப்பாக நடைபெற்றது. மங்கலவிளக்கேற்றல் யேர்மன் தேசியக்கொடி மற்றும் தமிழாலயக்கொடி ஏற்றல் அகவணக்கம் தமிழாலயப்பண் இசைத்தல் அணிநடை என்பவற்றைத் தொடர்ந்து விளையாட்டுப்போட்டிகள் மிகவும் விறுவிறுப்பாக உற்சாகத்தோடு இடம்பெற்றன.

பாட்சுவல்பாக் தமிழாலயம் நடாத்திய மெய்வல்லுனர்போட்டியிலே அயலிலேயுள்ள பிராங்பேர்ட் டாம்ஸ்ரட்-றோஸ்டொவ், மேர்பெல்டன்-வால்டொவ் மற்றும் பென்ஸ்கைம் தமிழாலயங்களின் மாணவர்கள் பெற்றோர்கள் பார்வையாளர்களெனப் போட்டிகளில் ஆர்வத்தோடு பங்குபற்றிச் சிறப்பித்திருந்தமை குறிப்பிடத்தக்கது.

K800_DSC_0005.jpgK800_DSC_0011.jpgK800_DSC_0012.jpgK800_DSC_0023.jpgK800_DSC_0044.jpgK800_DSC_0072.jpgK800_DSC_0079.jpgK800_DSC_0081.jpgK800_DSC_0088.jpgK800_DSC_0089.jpgK800_DSC_0114.jpgK800_DSC_0116.jpgK800_DSC_0141.jpgK800_DSC_0150.jpgK800_DSC_0158.jpgK800_DSC_0164.jpgK800_DSC_0192.jpgK800_DSC_01931.jpgK800_DSC_0193.jpgK800_DSC_0215.jpgK800_DSC_0224.jpgK800_DSC_0303.jpgK800_DSC_0357.jpgK800_DSC_0369.jpgK800_DSC_0382.jpgK800_DSC_0458.jpgK800_DSC_0464.jpgK800_DSC_0512.jpgK800_DSC_0533.jpgK800_DSC_0545.jpgK800_DSC_0585.jpgK800_DSC_0606.jpgK800_DSC_0615.jpgK800_DSC_0620.jpgK800_DSC_0624.jpgK800_DSC_0626.jpgK800_DSC_0628.jpgK800_IMG_1176.jpg

 

https://www.kuriyeedu.com/?p=88601

Share
Categories: merge-rss

கனடாவில் தமிழ்ப் பெண்ணிடம் சங்கிலி அறுக்க முனைந்த திருடன் மாட்டினார்!

Wed, 23/08/2017 - 12:24

கனடாவில் தமிழ் பெண் ஒருவரைத் தள்ளி விழுத்தி விட்டு அவரது கழுத்தில் இருந்த தங்கச் சங்கிலியை அறுக்க முயற்சித்த திருடனை வீதியால் சென்ற தமிழர்கள் மடக்கிப் பிடித்து பொலிசாரிடம் ஒப்படைத்தனர். கனடா ஸ்காபரோ (Scarborough) நகர் பகுதியில் நேற்றுமுன்தினம் இரவு 8 மணியளவில் இந்தச் சம்பவம் இடம்பெற்றது.

கனடாவில் தமிழ் பெண் ஒருவரைத் தள்ளி விழுத்தி விட்டு அவரது கழுத்தில் இருந்த தங்கச் சங்கிலியை அறுக்க முயற்சித்த திருடனை வீதியால் சென்ற தமிழர்கள் மடக்கிப் பிடித்து பொலிசாரிடம் ஒப்படைத்தனர். கனடா ஸ்காபரோ (Scarborough) நகர் பகுதியில் நேற்றுமுன்தினம் இரவு 8 மணியளவில் இந்தச் சம்பவம் இடம்பெற்றது.
கனடாவில் தமிழ் பெண் ஒருவரைத் தள்ளி விழுத்தி விட்டு அவரது கழுத்தில் இருந்த தங்கச் சங்கிலியை அறுக்க முயற்சித்த திருடனை வீதியால் சென்ற தமிழர்கள் மடக்கிப் பிடித்து பொலிசாரிடம் ஒப்படைத்தனர். கனடா ஸ்காபரோ (Scarborough) நகர் பகுதியில் நேற்றுமுன்தினம் இரவு 8 மணியளவில் இந்தச் சம்பவம் இடம்பெற்றது.

   
ஸ்காபரோ நகர் பகுதியில் பொருட்களை கொள்வனவு செய்வதற்காக குறித்த தமிழ் பெண் வந்திருந்த போது, வீதியால் சென்ற கறுப்பினத்தை சேர்ந்த ஒருவர் குறித்த பெண் அணிந்திருந்த சங்கிலியை அறுக்க முயன்றுள்ளார். எனினும் தமிழ் பெண் தனது சங்கிலியை கையால் இறுகப் பற்றிய நிலையில் அப்பெண்ணை வீதியில் தள்ளி விழுத்தி விட்டு திருடன் தப்பி சென்றுள்ளார். பெண் கீழே விழுந்ததை அவதானித்த அந்த வீதியால் சென்ற ஏனைய தமிழ் உறவுகள் தப்பி ஓடிய திருடனை துரத்திச் சென்றனர்.

அவர்களிடம் திருடன் அகப்பட்ட போது திருடனுடன் ஏனைய மூன்று கறுப்பினத்தவா்களும் ஒன்று சோ்ந்து தமிழ் இளைஞா்களிடம் தகராறில் ஈடுபட்டனா். இந்நிலையில் இந்த சம்பவம் தொடா்பில் பொலிசாருக்கு அறிவிக்கப்பட்டு உடனடியாக திருடன் பொலிசாரால் கைது செய்யப்பட்டுள்ளார். இது தொடர்பான மேலதிக விசாரணைகளை பொலிசார் மேற்கொண்டு வருகின்றனர்.

canada-thief-230817-seithy%20(1).jpg

canada-thief-230817-seithy%20(2).jpg

http://www.seithy.com/breifNews.php?newsID=188830&category=TamilNews&language=tamil

Categories: merge-rss

இனவாத சோப்பு வழங்கி.

Wed, 23/08/2017 - 00:48

இனவாத சோப்பு வழங்கி.

இணையத்தினை கலக்கிக் கொண்டிருக்கும் வீடியோ.

கைகழுவ கறுப்பருக்கு வழங்காத சோப்பை, வெள்ளையர்களுக்கு மட்டும் வழங்குகிறது இந்த உபகரணம்.

பாத்ரூம் போய் விட்டு கை கழுவ போன கறுப்பர், சோப்பு மெசினில் கையை நீட்டுகிறார்.

சோப்பு வரவில்லை. சரிதான் மெசின் பழுதாகி விட்டது என்று நினைத்துக் கொண்டே, கையைக் கழுவுகிறார்.

கழுவிக் கொண்டு இருக்கும் போது வந்த வெள்ளையர், கையை நீட்ட, சோப்பு வருகிறது.

அட, இப்ப வேலை செய்யுதே என்று இவர் மீண்டும் கையை நீட்ட.... க்கும்.. வரவில்லை.   

என்னடா இது... யோசித்தார். வெள்ளை திசு பேப்பரை எடுத்து காய் மேல் வைத்து நீட்டினார்.

வந்தது. புரிந்து விட்டது.....

மெசின்... இனவெறி காட்டுகிறது. அடப் பாவி மெஷினே என்று சொல்ல முடியாது. அடப் பாவிகளா என்று தோன்றுகின்றது.

infrared கதிர்களால் இயங்கும் மெசின்.... நாம் இந்த கோணத்தில் சிந்திக்க வில்லை என மெசின் கம்பெனி தலைமை சப்புக் கொட்டினாலும்.... சட்டம் தெரியாது என்பது மன்னிப்பு இல்லை.

வேலை செய்யும் கறுப்பர்கள், தமது நிறுவனத்தின் மீதும்... அவர்கள் இந்த மெசின் கம்பெனி மீதும் வழக்கு போட முடியும் என்பது இப்பொது உள்ள பிரச்னை.

அவசரமாக கழட்டி எறிகிறார்கள். அமெரிக்காவில்... 

கீழுள்ள வீடியோ... இது உண்மைதானோ என செக்கிங் செய்யும் நண்பர்கள். 

 

Categories: merge-rss

லண்டனில் உயிரிழந்தவர் குழந்தையாக வாழும் அதிசயம்! யாழ். பெண்ணின் அனுபவம்

Tue, 22/08/2017 - 21:54

கடலில் மூழ்கி இறந்து போன தனது சகோதரன், குழந்தை வடிவில் உயிர்வாழ்வதாக லண்டனில் வசிக்கும் இலங்கை பெண்ணொருவர் தெரிவித்துள்ளார்.

கடந்த வருடம் லண்டன் சசெக்ஸ் பிராந்தியத்தின் கெம்பர் சேண்ட்ஸ் கடலில் விளையாட சென்ற நிலையில் 5 இலங்கையை சேர்ந்த தமிழ் இளைஞர்கள் கடலில் மூழ்கி உயிரிழந்தனர்.

அவர்களில் 23 வயதுடைய இந்துஷன் ஶ்ரீஸ்கந்தராஜா என்பவரும் பலியாகி இருந்தார்.

எதிர்வரும் 24ம் திகதி ஓராண்டு நினைவஞ்சலி அனுஷ்டிக்கப்படவுள்ளது. இந்நிலையில் அவரின் மரணம் குறித்து சசோதரி கிருஷாந்தனி சர்வதேச ஊடகம் ஒன்றுக்கு கருத்து வெளியிட்டார்.

இந்துஷன் உயிரிழந்து இரண்டு மாதங்களில் எனக்கு ஆண் குழந்தை ஒன்று பிறந்துள்ளது.

எமது கலாச்சாரத்தின்படி ஒரு குழந்தை பிறக்கும் போது சடங்குகள் நடத்தப்படுகின்றது. இவ்வாறான சடங்குகள் தாய் மாமாவால் நடத்தப்படுகின்றன. ஆனால் அப்படியான எந்தவொரு சடங்கினையும் நாங்கள் செய்யவில்லை.

என் குழந்தையை பார்க்கும் போது, உயிரிழந்த எனது சகோதரனின் செயற்பாடுகளை காணமுடிந்தது. அவரே கண் முன் தோன்றியதாக உணர்வு ஏற்பட்டது. சகோதரனின் உற்சாகம், குறும்புத்தனம் மற்றும் சில முகபாவங்களை குழந்தையிடம் காண முடிந்தது.

சகோதரனின் இழப்பினால் ஏற்பட்ட வலியை குழந்தை பிறந்ததன் மூலம் ஓரளவு தாங்கிக் கொள்ள முடிந்தது. அவர் என் குழந்தையின் வடிவில் எங்களுக்கு திரும்பி வந்தார் என நினைத்தேன்.

குழந்தைக்கு பெயரிடும் சந்தர்ப்பம் வரும் போது இந்துஷன் என அழைக்க தீர்மானித்தோம். எனது குழந்தை தனது மாமாவை சந்திக்கவில்லை, எனினும் அவரின் நினைவாக இருக்க வேண்டும் என இந்துஷன் என்று பெயர் வைத்தோம் என கிருஷாந்தனி மேலும் தெரிவித்துள்ளார்.

எதிர்வரும் வியாழக்கிழமை உயிரிழந்த ஐந்து இளைஞர்களுக்கு நினைவஞ்சலி செலுத்தப்படவுள்ளது. அதற்கமைய அந்த இளைஞர்களின் குடும்பத்தினர் அவர்கள் உயிரிழந்த கடற்கரைக்கு சென்று அவர்களை நினைவு கூரவுள்ளனர்.

5 மெழுகுவர்த்திகளை ஏற்றி 5 பேரையும் ஒன்றாக நினைவு கூர நான்கு குடும்பத்தினரும் எண்ணியுள்ளதாக கூறப்படுகின்றது.

கடந்த வருடம் ஒகஸ்ட் மாதம் 24ஆம் திகதி கெம்பர் சேண்ட்ஸ் கடலில் விளையாட சென்ற ஐந்து தமிழ் இளைஞர்கள் நீரில் மூழ்கி உயிரிழந்தனர்.

இந்த அனர்த்தத்தில் 22 வயதுடைய நிதர்ஷன் ரவி, 23 வயதுடைய இந்துஷன் ஶ்ரீஸ்கந்தராஜா, 22 வயதான கோபிநாதன், 19 வயதான கெனிகன் சத்தியநாதன், 27 வயதான குருசாந்த் சிறிதவராஜா ஆகியோரே உயிரிழந்தவர்களாகும்.

625.0.560.320.160.600.053.800.700.160.90.jpg

http://www.tamilwin.com/uk/01/156017

Categories: merge-rss

ஆஸ்திரேலியா தேர்தல் களத்தில் யாழ்ப்பாணத்துத் தமிழன்

Sun, 20/08/2017 - 10:38
ஆஸ்திரேலியா தேர்தல் களத்தில் யாழ்ப்பாணத்துத் தமிழன்
 
 
ஆஸ்திரேலியா தேர்தல் களத்தில் யாழ்ப்பாணத்துத் தமிழன்
 

ஆஸ்திரேலியாவில், பசுமைக்கட்சியின் வேட்பாளராக யாழ்ப்பாணத்தைச் சேர்ந்த தமிழ் போட்டியிடவுள்ளார்.

யாழ். சாவகச்சேரி பகுதியைச் சேர்ந்த 31 வயதான சுஜன் செல்வன் எனும் குறித்த இளைஞன் 2000ஆம் ஆண்டு அகதியாக அவுஸ்திரேலியா சென்றுள்ளார்.

இறுதிப் போர் காலப்பகுதியான 2009இல் விடுதலைப்போராட்டம் தொடர்பாக அவுஸ்திரேலிய மக்களுக்கு கல்வி சார் விழிப்புணர்வை ஏற்படுத்துவதை அடிப்படையாக கொண்டு “வாய்ஸ் ஒப் தமிழ்” என்னும் அமைப்பை நிறுவியுள்ளார்.

அத்துடன் அவுஸ்திரேலியாவில் மனித உரிமை ஆர்வலராகவும், அவுஸ்திரேலியாவுக்கு தஞ்சம் கோரி செல்பவர்களின் நலன் சார் நடவடிக்கைகளில் பங்கு கொள்ளும் ஒரு முன்னணி செயற்பாட்டாளராகவும் செயற்பட்டு வந்துள்ளார்.

இந்த நிலையிலேயே அவர் பசுமைக்கட்சியின் வேட்பாளராக சிட்னி தெற்கு பிராந்தியத்தில் தமிழர்கள் அதிகம் வாழும் பிரோஸ்பெக்ட் தொகுதியில் தாம் போட்டியிடுவதாக அறிவித்துள்ளார்.

625.0.560.320.160.600.053.800.700.160.90

http://newuthayan.com/story/21139.html

Categories: merge-rss