வாழும்-புலம்

பிரிட்டனில் ஈழத் தமிழர் கொலை மூவருக்குக் கடும் தண்டனை

Sun, 17/09/2017 - 13:44
 பிரிட்டனில்  ஈழத் தமிழர் கொலை மூவருக்குக் கடும் தண்டனை
 
 

பிரிட்டனில் தமிழ் இளைஞரைக் கொலை செய்த குற்றச்சாட்டில், ஈழத் தமிழர்கள்  மூவருக்குக் கடும் தண்டனைகளை நீதிமன்றம் விதித்துள்ளது.

கனடாவில் வசித்த சுரேன் சிவநாதன் (வயது-–32) என்ற ஈழத் தமிழர், 2017ஆம் ஆண்டு ஜனவரி மாதம் 20ஆம் திகதி பிரிட்டனின் மில்டன் கீனஸ் பகுதியில் கொலை  செய்யப்பட்டார். அவரது உடலில் 87 காயங்கள் காணப்பட்டன. தலையில் மாத்திரம் 36 காயங்கள் காணப்பட்டன.

இந்தக் கொலை தொடர்பாக, ஈழத்தமிழர்கள் உள்ளிட்ட மூவர் கைது செய்யப்பட்டு லூட்டன் கிரவுண் நீதிமன்றத்தில் வழக்குத் தொடரப்பட்டது. இந்த வழக்கில் குற்றம்சாட்டப்பட்ட மூவர் மீதான குற்றங்கள் உறுதி செய்யப்பட்ட நிலையில் நேற்றுமுன்தினம் தீர்ப்பு வழங்கப்பட்டது. ஞானச்சந்திரன் பாலச்சந்திரன் (வயது–-36) மற்றும் 17 வயதுடைய இளைஞனுக்கும் ஆயுள்த் தண்டனை விதிக்கப்பட்டது.

ஞானச்சந்திரன் பாலச்சந்திரன் ஆயுள்த் தண்டனையை, குறைந்தபட்சம் 18 ஆண்டுகள்  சிறையில் கழிக்க வேண்டும் என்று நீதிபதி உத்தரவிட்டார். மற்றைய இளைஞர் 18 வயதுக்குட்பட்டவர் என்பதால் இளைஞனின் பெயர் விபரங்கள் வெளியிடப்படவில்லை.

எனினும், அவர் 11 ஆண்டுகள் குறைந்தபட்சம் சிறையில் இருக்க வேண்டும் என்று நீதிபதி உத்தர விட்டுள்ளார். மூன்றாவது குற்றவாளி யான, பிரசாந்த் தவராசா (வயது-–24) என்ப வருக்கு 10 ஆண்டுகள் கடூழியச் சிறைத்தண் டனை விதிக்கப்பட்டுள்ளது.

http://newuthayan.com/story/29548.html

Categories: merge-rss

புலத்திலிருந்து நிலத்தை நோக்கிச் செய்யக்கூடிய செயற்திட்டங்கள் (ஆலோசனைகள், அனுபவப் பகிர்வுகள், உதவிகள்....)

Sun, 17/09/2017 - 09:34
புலத்திலிருந்து நிலத்தை நோக்கிச் செய்யக்கூடிய செயற்திட்டங்கள் (ஆலோசனைகள், அனுபவப் பகிர்வுகள், உதவிகள்....)

handshake_1.jpg?itok=cyaQ2YMR

நாம் வாழும் புலம்பெயர் தேசங்களில் பல்வேறுவகையான தொண்டு நிறுவனங்கள் இருக்கின்றன , அவர்கள் பலவெற்றிகரமான செயற்திட்டங்களை தமது நாட்டுக்கு வெளியேயும் ஏன் தமது நாடுகளிலும் செய்கிறார்கள், இவை தொடர்பான பல விளம்பரங்களை நாம் பார்த்திருப்போம் ,  பார்க்கும் போது இப்படியான திட்டங்களை  எமது நாட்டில் நாமும் செய்யலாம் எனத் தோன்றியிருக்கும், எனக்கும் பல தடவைகள் அப்படித் தோன்றியிருக்கிறது ..... அவற்றை பகிர்வதன் மூலம்  நாம் செய்து கொண்டிருக்கும் திட்டங்களுக்கு மேலும் வலுச்சேர்க்கலாம் என நினைக்கின்றேன்.

இங்கு நாம் வாழும் நாடுகளில் கூட பல நடைமுறைகளை அவதானித்து இருப்போம் , அவை எமது தாயகத்துக்கும் மிகவும் பொருத்தமானதாக இருக்கும் , இவற்றை பகிர்வதன் மூலம்  தாயகத்திலுள்ளவர்களுக்கும் சில ஐடியாக்களை வழங்கலாம்.

நாம் தாயகத்தில் செய்த சில செயற்திட்டங்கள் மூலம் பல நல்ல அனுபவங்களைப் பெற்றிருப்போம் அவற்றின் மூலம் செய்யவேண்டியவை , செய்யக் கூடாதவை என சிலவற்றைக் கண்டறிந்திருப்போம் அவற்றையும் பகிர்வதன் மூலம் மற்றவர்களுக்கும் நாம் உதவியாக இருக்கலாம்.

கள உறவுகளே உங்களுக்குக் கிடைக்கும் நேரத்திற்கு ஏற்ப , உங்கள் அனுபவங்ளை தயவு செய்து பகிருங்கள் ... இதன் மூலம் பல முன்னேற்ரங்களைப் பெறலாம் என்பது என் நம்பிக்கை

கரம் கோர்ப்போம் .....

five-men-shaking-hands-vector-id58373081

 

Categories: merge-rss

கோட்டையும் போட்டுகொண்டு நாங்களும் ஜெனீவாக்கு போறம் என்று வந்து பித்தலாட்டம் போடும் தமிழர் அரசியல்வாதிகள்.

Sun, 17/09/2017 - 04:58

கோட்டையும் போட்டுகொண்டு நாங்களும் ஜெனீவாக்கு போறம் என்று வந்து பித்தலாட்டம் போடும் தமிழர் அரசியல்வாதிகள்.

 

 

Categories: merge-rss

இலங்கை தமிழருக்கு கனடாவில் 4 ஆண்டுகள் சிறைத்தண்டனை

Thu, 14/09/2017 - 05:22
இலங்கை தமிழருக்கு கனடாவில் 4 ஆண்டுகள் சிறைத்தண்டனை
 

சட்டவிரோதமாக தமிழ் குடியேற்றவாசிகளை கனடாவுக்கு கப்பல் மூலம் அழைத்து வந்த குற்றச்சாட்டில், இலங்கைத் தமிழர் ஒருவருக்கு கனடாவின் பிரிட்டிஷ் கொலம்பிய உச்சநீதிமன்றம் 4 ஆண்டுகள் சிறைத்தண்டனையை விதித்துள்ளது.

கனடாவின் குடிவரவு மற்றும் அகதிகள் பாதுகாப்புச் சட்டத்தின் கீழ் குற்றவாளியாக காணப்பட்ட, குணரொபின்சன் கிறிஸ்துராஜா என்பவருக்கே நேற்று முன்தினம்(12) இந்த தண்டனை அறிவிக்கப்பட்டுள்ளது.

2010ஆம் ஆண்டு ஓகஸ்ட் மாதம் எம்.வி.சன்.சீ என்ற சரக்கு கப்பலில், 492 இலங்கை தமிழ் அகதிகள் வன்கூவரைச் சென்றடைந்தனர்.

இலங்கை தமிழருக்கு கனடாவில் 4 ஆண்டுகள் சிறைத்தண்டனை

இந்நிலையில் 500 இலங்கை தமிழ் அகதிகளையும் ஆபத்தான பயணத்தை மேற்கொண்டு கனடாவிற்கு அழைத்து வந்தார் என அவர் மீது குற்றச்சாட்டு முன்வைக்கப்பட்டது.

கனடாவின் குடிவரவு மற்றும் அகதிகள் பாதுகாப்புச் சட்டத்தின் கீழ் குற்றவாளியாக காணப்பட்ட, குணரொபின்சன் கிறிஸ்துராஜா மீது வழக்கு தொடரப்பட்ட நிலையில் இந்த வழக்கு நடந்த ஏழு ஆண்டுகளாக, குணரொபின்சன் கிறிஸ்துராஜா சிறையில் இருந்தார்.

இந்த வழக்கில் குறித்த கப்பலில் வந்த அடைக்கலம் கோருபவராகவே குணரொபின்சன் கிறிஸ்துராஜா தன்னை வெளிப்படுத்தியுள்ளார்.

இவர் கப்பலின் தலைவரோ அல்லது இந்தப் பயணத்துக்கு மூளையாகச் செயற்பட்டவரோ அல்ல. இவரது குடும்பத்தினரும், ஏனையவர்களைப் போலத் தான் பயணித்துள்ளனர் என்றும் நீதிபதி கதரின் வெட்ஜ் தமது தீர்ப்பில் சுட்டிக்காட்டியுள்ளார்.

இந்நிலையில் இந்த வழக்கு நடந்த ஏழு ஆண்டுகளாக, குணரொபின்சன் கிறிஸ்துராஜா சிறையில் இருந்தார் என்பதால், நான்கு ஆண்டு சிறைத்தண்டனை விதிக்கப்பட்ட அவரை நீதிபதி விடுதலை செய்ய உத்தரவிட்டார்.

https://news.ibctamil.com/ta/world-affairs/Lankan-sentenced-to-4-years-smuggling-migrants-

Categories: merge-rss

சுவிஸ் நாட்டின் தேசிய Hockey அணியில் இடம்பெறும் வல்வை இளைஞன்

Tue, 12/09/2017 - 17:06

வல்வையில் சிவா அண்ணா என்று அன்பாக அழைக்கப்படும் திரு. நாகரெத்தினம் சிவசுப்பிரமணியம் அவர்களின் பேரன் அஷ்வின் சிவசுப்பிரமணியம் சுவிஸ் நாட்டின் தேசிய Hockey அணியில் இடம்பிடித்துள்ளார்.
சுவிஸ் நாட்டின் தேசிய InlineHockey U19 அணியில் விளையாட தெரிவாகியுள்ள முதல் தமிழ் இளைஞனாக அஷ்வின் சிவசுப்பிரமணியம் தெரிவாகியுள்ளார். 15 வயதேயான இவர் சுவிஸ் நாட்டின் InlineHockey U19 அணியின் பந்து காப்பாளராக தெரிவு செய்யப்பட்டுள்ளார்.
சிறுவயது முதல் சுவிஸ் நாட்டின் முண்ணனி Ice Hockey கழகங்களுக்கான EHC Bienne,HC AJOIE ,HC Delemont ,SHC Rossemaison ஆகிய கழகங்களுக்கு பந்து காப்பாளராக விளையாடி வருகின்றார்.
2013 ஆம் ஆண்டு ஜேர்மனியில் 2015 கனடாவில் 2017 சுவிஸில் நடைபெற்ற உலக ஐரோப்பிய சுவிஸ் சம்பியன் கிண்ணத்துக்கான சுவிஸ் அணியின் பந்து காப்பாளராக பங்குபற்றி விருதுகளை பெற்றமை குறிப்பிடத்தக்கது.
சிறிய வயதில் சுவிஸ் நாட்டின் தேசிய Hockey அணியில் பந்து காப்பாளராக இடம்பிடித்து தமிழர்களுக்கும் வல்வை மண்ணுக்கும் பெருமை சேர்த்துள்ளார்.

625.0.560.350.160.300.053.800.668.160.90.jpg625.0.560.350.160.300.053.800.668.160.90-2.jpg

http://valvainews.org/?p=60322

Categories: merge-rss

ஒரு தமிழ்க் குடும்பத்தின் பயணக் கனவுகளை துன்பத்துக்குள்ளாக்கிய எயர் கனடா நிறுவனம்!

Mon, 11/09/2017 - 11:13

தம்மை பயணிக்க அனுமதிக்காதமை மற்றும் மேலதிகமாக டொலர்கள் 4,000 செலுத்தி புதிய ரிக்கெட்டுக்களை வாங்க வைத்தமை போன்ற அசௌகரியங்களை ஏற்படுத்தியமைக்கான எயர் கனடா விமான சேவையிடம் ரொறொன்ரோவை சேர்ந்த ஒரு குடும்பத்தினர் விளக்கம் கேட்டுள்ளனர்.

   தம்மை பயணிக்க அனுமதிக்காதமை மற்றும் மேலதிகமாக டொலர்கள் 4,000 செலுத்தி புதிய ரிக்கெட்டுக்களை வாங்க வைத்தமை போன்ற அசௌகரியங்களை ஏற்படுத்தியமைக்கான எயர் கனடா  விமான சேவையிடம் ரொறொன்ரோவை சேர்ந்த ஒரு குடும்பத்தினர் விளக்கம் கேட்டுள்ளனர்.
யூன் மாதம் 27ந்திகதி திவா மகேஸ்வரன், அவரது மனைவி சாந்தி திவாகரன் இவர்களது இரண்டு இளம் பையன்கள் மகேஸ்வரனின் தாயார் அனைவரும் ரொறொன்ரோ பியர்சன் விமான நிலையத்திற்கு சென்றனர். ரொறொன்ரோவிலிருந்து லண்டன் செல்லும் எயர் கனடா விமானம் புறப்படுவதற்கு 2.5மணித்தியாலங்களிற்கு முன்னராகவே விமான நிலையம் சென்று விட்டதாக தெரிவித்தனர். லண்டனிலிருந்து எயர் இந்தியா விமானம் மூலம் சிறி லங்கா செல்வது இவர்களது பயணத்திட்டம். இது ஒரு குடும்ப விடுமுறை. 17-வருடங்களின் பின்னர் மகேஸ்வரன் முதல் தடவையாக தனது தாய்நாடு செல்லும் பயணம்.

ஆனால் இவர்களது பயண திட்டம் எயர் கனடாவின் செய்கையால் சிதைக்கப்பட்டது. எயர் கனடா ஏஜன்ட் இவர்களை தவறான செக்-இன் லைனிற்கு அனுப்பியதிலிருந்து ஆரம்பித்தது அனைத்தும் எனலாம். விமானம் புறப்படுவதற்கு ஒரு மணித்தியாலம் 40-நிமிடங்கள் இருக்கையில் சரியான வரிசைக்கு திருப்பி அனுப்பபட்டனர். அவர்களிற்கு முன்னால் லண்டன் செல்லும் மூவர் நின்றதாக தெரிவித்தனர். ஏஜன்ட் ஒருவர் இவர்களை சரிபார்த்த சமயம் ஐந்து பேர்கள் கொண்ட குடும்பம் செல்ல முடியாதென மனேஜர் அறிவித்ததாக திவாகரன் தெரிவித்தார். இவர்களிற்கு கவலை ஏற்பட்டதுடன் அழும் நிலைமைக்கு வந்து விட்டனர்.

விமானத்தில் இடம் இல்லாததால் தாங்கள் செல்ல முடியவில்லை என இவர்கள் நினைத்துள்ளனர். ஆனால் அப்படி அல்ல. இது குறித்து சிபிசியிடம் எயர் கனடா தெரிவித்ததாவது விமானம் புறப்படும் போது எட்டு இருக்கைகள் வெறுமையாக இருந்ததென தெரிவித்துள்ளது. ஆனால் திவாகரன் குடும்பத்தினர் எவருக்கேனும் இருக்கை வழங்கப்படாததற்கான காரணத்தை நிறுவனம் தெரிவிக்கவில்லை. பதிலாக குடும்பத்தினர் வேறொரு ரிக்கெட்டிங் லைனிற்கு அனுப்பப்பட்டு அவர்களது விமானத்திற்கு மீள புக் செய்யுமாறு கூறப்பட்டனர். ஒரு மணித்தியாலம் காத்து நின்ற பின்னர் இரவு 11மணியளவில் இவர்களை கைவிட்ட நிலையில் புக் செய்யும் இடம் மூடப்பட்டது.

மற்றுமொரு ஏஜன்டிடம் இவர்கள் திருப்பி அனுப்ப பட்டனர் ஆனால் அவர் தனக்கு ரிக்கெட் வழங்க பயிற்சி அளிக்கப்படவில்லை தெரிவித்துள்ளார். ஆரம்பத்தில் இவர்களுடன் தொடர்பு கொண்ட அதே மனேஜர் இவர்களை அணுகி வீடு செல்லுமாறும் அடுத்த நாள் பயணத்திற்கு மற்றொரு விமானத்திற்கு எயர் கனடா பதிவு செய்யுமென மிக சாதாரணமாக தெரிவித்துள்ளார். அதிகாலை 12.45மணிக்கு குடும்பம் விமான நிலையத்தை விட்டு வெளியேறியுள்ளது. அடுத்த நாள் பயணத்திற்காக மீண்டும் விமான நிலையம் சென்றுள்ளனர்.

விமான நிறுவன ஏஜன்ட் ஒருவர் முதல் நாள் இவர்கள் பயணத்திற்காக விமான நிலையம் வரவில்லை என "no-show," காட்டுகின்றதென கூறப்பட்டுள்ளது. பயண நிறுவம் மூலம் இவர்கள் ரிக்கெட் வாங்கியிருப்பதால்"private fare," பதிவாகி இருக்கின்றதென தெரிவித்த ஏஜன்ட் இவர்கள் பயண நிறுவனத்துடன் தொடர்பு கொள்ள வேண்டும் என தெரிவிக்கப்பட்டது. குடும்பத்தினர் பயண நிறுவனத்தினர் அனைவரும் குழப்பத்திற்காளானார்கள். எயர் கனடாவின் இத்தகைய நடவடிக்கைகளிற்கு காரணம் புரியவில்லை. குடும்பத்தினர் புதிதாக பயண சீட்டுக்களை பெற்று தங்கள் பயணத்தை மேற்கொண்டனர். இவர்களது பயணத்திற்கு டொலர்கள் 12,326.38 செலவழித்துள்ளனர்.

விடுமுறை கழித்து நாடு திரும்பிய இவர்கள் தங்களிற்கு ஏற்பட்ட இன்னல்களையும் அசம்பாவிதங்களையும் எதிர்த்து சட்ட நடவடிக்கை எடுக்க போவதாக தெரிவித்துள்ளனர். பயணத்தில் தங்களிற்கு ஏற்பட்ட இன்னல்கள் சங்கடங்களிற்கு எய கனடா மன்னிப்பு கோர வேண்டும் எனவும் விரிவான விளக்கம் தர வேண்டுமெனவும் தெரிவித்துள்ளனர். "இனி ஒரு போதும் எய கனடாவில் பயணம் செய்ய மாட்டேன்" என கூறிய திவாகரன், ''நான் எனது மரண படுக்கையில் இருந்து வைத்தியத்திற்காக யு.எஸ் போக வேண்டிய கட்டாயம் ஏற்பட்டாலும் இறப்பனே தவிர எய கனடாவில் பயணிக்க மாட்டேன" என தெரிவித்தார்.

இது சம்பந்தமாக விளக்கமொன்றை சிபிசி செய்தி எயர் கனடாவிடம் கேட்ட போது நிறுவனத்தின் பேச்சாளர் பீற்றர் விற்ஸ்பற்றிக் "குறிப்பிட்ட பிரச்சனைக்குள் என்னால் வரமுடியாது" என மின் அஞ்சல் மூலம் பதிலளித்துள்ளார். இப்பதில் அவர்கள் தங்கள் தவறை ஒத்துக்கொள்ள தயாராக இல்லை என்பதை தெரிவிக்கின்றதென தெரிவிக்கப்படுகின்றது.

 

http://www.seithy.com/breifNews.php?newsID=189993&category=TamilNews&language=tamil

Categories: merge-rss

கனடா ஸ்காபுரோவில் தமிழ் இளைஞர் கொலை

Sat, 09/09/2017 - 07:20
கனடா ஸ்காபுரோவில் தமிழ் இளைஞர் கொலை
625.500.560.350.160.300.053.800.900.160.
 

கனடாவில் கடந்த ஞாயிறு அன்று கத்தியால் தாக்கப்பட்டு மருத்துவமனையில் அனுமதிக்கப்பட்டிருந்த இலங்கை குடிமகன் சிகிச்சை பலனின்றி உயிரிழந்துள்ளார்.

குறித்த சம்பவம் தொடர்பாக 18 வயது இளைஞர் மீது டொராண்டோ பொலிசார் கொலை வழக்கு பதிந்துள்ளனர்.

கடந்த ஞாயிறு அன்று உள்ளூர் நேரப்படி அதிகாலை 2 மணியளவில் Eglinton அவென்யூ பகுதியில் கொடூரமாக தாக்கப்பட்ட நிலையில் 30 வயது மதிக்கத்தக்க நபர் ஒருவர் குற்றுயிராக கிடப்பதாக பொலிசாருக்கு தகவல் வந்துள்ளது.

இதனையடுத்து சம்பவயிடத்திற்கு விரைந்த பொலிசார் குறித்த நபரை மீட்டு மருத்துவமனையில் சேர்ப்பித்துள்ளனர். குறித்த நபரை ஒன்றுக்கும் மேற்பட்ட முறை கத்தியால் தாக்கப்பட்டுள்ளதை மருத்துவர்கள் உறுதி செய்தனர்.

இந்த நிலையில் மருத்துவமனையில் சிகிச்சை பெற்று வந்த குகப்பிரியன் மகேந்திர ராஜா(33) கடந்த புதன்கிழமை உயிரிழந்துள்ளதாக வெள்ளியன்று பொலிசார் அறிவித்துள்ளனர்.

இந்த விவகாரம் தொடர்பில் Prosper Jean Laurent(18) என்பவரை பொலிசார் கைது செய்துள்ளனர்.

டொராண்டோவில் மட்டும் இந்த ஆண்டில் இதுவரை 37 நபர்கள் படுகொலை செய்யப்பட்டுள்ளதாக பொலிஸ் தரப்பு தெரிவித்துள்ளது குறிப்பிடத்தக்கது.

625.0.560.350.160.300.053.800.668.160.90.jpg

625.0.560.350.160.300.053.800.668.160.90.jpg

625.0.560.350.160.300.053.800.668.160.90.jpg

625.0.560.350.160.300.053.800.668.160.90.jpg

http://www.canadamirror.com/canada/04/140013?ref=home-canadamirror

Categories: merge-rss

யாழை சேர்ந்த புலம்பெயர் தமிழருக்கு ஒரு விண்ணப்பம் - வ.ஐ.ச.ஜெயபாலன்

Fri, 08/09/2017 - 20:07

PART OF THE MONEY SENT BY YOU TO YOUR RELATIVES LIVING IN JAFFNA IS ABUSED TO RECONSTRUCT CAST HEGEMONY. PLEASE STOP SPORTING SUCH PROJECTS AGAINST SOCIAL JUSTICE AND EQUALITY OF TAMILS

யாழ்ப்பானத்தில் என்னை அதிர வைத்த விடயம் சிலர் சாதியை மீண்டும் முன்னிலைப் படுத்தி ஆதிக்கம் செலுத்த முயல்வதுதான். இதற்க்கு புலம்பெயர்ந்த தமிழர்கள் அனுப்பும் பண பலம் வீணாக்கப் படுகிறது. 
.

புலம் பெயர் தமிழர் பணத்தில் கொழுத்த பெருங்குடி மக்களின் ஆதிக்க அட்டகாசம் முழையிலேயே கிள்ளப் படவேண்டும். மீண்டெழ முனையும் சாதி ஆதிக்கத்துக்கு புலம்பெயர் தமிழர்கள் அனுப்பும் பணம் தெரிந்தோ தெரியாமலோ துணை போகக்கூடாது. 
.
உதாரணத்துக்கு ஒன்று. யாழ்பாணத்தைச் சேர்ந்த ஒரு ஊரில் பொது மயானம் இருக்கிறது. ஆனால் சற்றுத்தள்ளி நெருங்கிய குடியிருப்புகளின் மத்தியில் தனி மயானம் அமைக்கும் முயற்சியில் வெளிநாட்டு ஆதரவுள்ள பெருகுடியினர் முனைப்புக் காட்டுகின்றனர்.. இதற்க்கு வடமாகாண சபை துணைபோவதாக குற்றச் சாட்டு உள்ளது. இதனால் ஒடுக்கப் பட்ட மக்களுக்குச் சிஙகள ஆழுனரோ சிங்கள அதிகாரிகளோ உதவினால்தான் உண்டு என்கிற சூழல் உருவாகி வருகிறது.

.

புலம்பெயர்ந்த தமிழர் வாயைக் கட்டி வயிற்றைக் கட்டி அனுப்பும் பணத்தில் சாதி மற்றும் வர்க்க ஆதிக்கத்தை கட்டி எழுப்ப சிலர் முயல்கிறார்கள். புலம் பெயர் தமிழர்கள் இது தொடர்பாக விழிப்பாக இருக்க வேண்டும்
.
இனியாதுவ முதலமைச்சர் தனது நிகழ்ச்சி நிரலில் சமூக நீதியை இணைத்து முன்னிலைப் படுத்துவாரா?

 
 
 
 
Categories: merge-rss

எண்பது வயது தமிழ் மூதாட்டி நிகழ்த்திய சாதனை: தாயகம் கண்ட பெருமை!

Fri, 08/09/2017 - 10:28
எண்பது வயது தமிழ் மூதாட்டி நிகழ்த்திய சாதனை: தாயகம் கண்ட பெருமை!

 

எண்பது வயதான தமிழ் ஆசிரியை ஒருவர் முதுகலைமானி பட்டம் பெற்ற பெருமைமிகு சம்பவம் ஒன்று இடம்பெற்றுள்ளது.

யாழ்ப்பாணத்தைச் சேர்ந்த எண்பது வயது நிரம்பிய குறித்த ஆசிரியை தனது விடாமுயற்சியின் பயனால் மூத்த வயதிலும் முதுகலைமானி பட்டப்படிப்பை நிறைவு செய்து தாயகத்திற்கு பெருமை சேர்ந்துள்ளார்.

யாழ்ப்பாண மாவட்டம் தென்மராட்சியின் மீசாலைப் பகுதியைச் சேர்ந்த, திருமதி யோகரட்ணம் செல்லையா எனும் பெயர்கொண்ட குறித்த ஆசிரியை அண்ணாமலைப் பல்கலைக் கழகத்தில் முதுகலைமாணி பட்டத்தைப் பெற்றுள்ளார்.

கடந்த வாரம் இறுதிப் பகுதியில், அண்ணாமலை பல்கலைக்கழக கனடா வளாகத்தினரின் பட்டமளிப்பு விழா யோர்க்வூட் நூலக மண்டபத்தில் நடைபெற்றது.

இதன்படி, ரொறன்ரோ, 1785 பின்ச் அவெனியூவில் உள்ள யோர்க்வூட் நூல் நிலையத்தில் நடைபெற்ற குறித்த பட்டமளிப்பு விழாவில் திருமதி யோகரட்ணம் ஆசிரியை பட்டம் பெற்றார்.

மூத்த வயதிலும் முதுமானி பட்டம்பெற்ற யோகரட்ணம் ஆசிரியை, திருக்குறளிற்கு ஆங்கிலத்திலும், தமிழிலும் விளக்கவுரை தந்த ஒருவராவார். அத்துடன் பிறந்த மண்ணில் பெற்ற சுகந்தம் - 4 (மீசாலை) நூலை வெளியிட்டதோடு, மறைந்த முத்தமிழ் வித்தகர் திரு. அ.பொ. செல்லையா அவர்களின் மனைவி என்பதும் இங்கே குறிப்பிடத்தக்கது.

 தாயகம் கண்ட பெருமை!

 தாயகம் கண்ட பெருமை!

https://news.ibctamil.com/ta/internal-affairs/The-achievement-of-a-senior-Tamil-teacher

Categories: merge-rss

மனித கடத்தல்களை குறைக்கும் வகையிலான உடன்படிக்கை ஒன்று கைச்சாத்து

Wed, 06/09/2017 - 16:11
மனித கடத்தல்களை குறைக்கும் வகையிலான உடன்படிக்கை ஒன்று கைச்சாத்து
அவுஸ்திரேலியாவும் இலங்கையும் மனித கடத்தல்களை குறைக்கும் வகையிலான உடன்படிக்கை ஒன்றில் கையெழுத்திட்டுள்ளன.
 
இதன்மூலம் மனித கடத்தல்களுக்கு எதிரான நடவடிக்கைகளில் ஈடுபடவுள்ளதாக கொழும்பிலுள்ள அவுஸ்திரேலிய உயர்ஸ்தானிகரகம் தெரிவித்துள்ளது.
 
இந்த உடன்படிக்கையின் மூலம் மனித கடத்தலுக்கு உள்ளாகும் குடும்பங்கள் இலங்கைக்கு திரும்பி வர வழியேற்படுத்தப்பட்டுள்ளது.
 
இதனைதவிர, மனித கடத்தல்களை முறியடிக்கும் தகவல்களை பரிமாறிக் கொள்ளல், இடைமறிப்பு மற்றும் கடத்தலில் ஈடுபடுத்தப்படும் மக்கள் தொடர்பான விசாரணைகள் போன்றவையும் நடத்தப்படவுள்ளன.
 
இந்த உடன்படிக்கை கன்பராவில் உள்ள குடிவரவு குடியகல்வு திணைக்களத்தில் இன்று மேற்கொள்ளப்பட்டுள்ளது.
 
அவுஸ்திரேலிய எல்லை பாதுகாப்பு செயலாளர் மைக்கல் பிரசுல்லோ இலங்கையின் பாதுகாப்பு அமைச்சின் செயலாளர் கபில முதந்த வைத்தியரத்ன ஆகியோர் இந்த உடன்படிக்கையில் கைச்சாத்திட்டுள்ளனர்.
 
2013 ஆம் ஆண்டு முதல் இலங்கையும் அவுஸ்திரேலியாவும் மனித கடத்தல்களை முறியடிப்பதற்காக மேற்கொண்ட நடவடிக்கைகள் தோல்வி கண்டன
 
இந்தநிலையில் செய்து கொள்ளப்பட்டுள்ள உடன்படிக்கை பிரச்சினையை இரண்டு நாடுகளும் தீர்க்கும் வகையிலான வெற்றியை தரும் என தெரிவிக்கப்பட்டுள்ளது.
 
இதன்படி இந்த நடவடிக்கையில் ஈடுபடும் அதிகாரிகளுக்கு இரண்டு நாடுகளும் பயிற்சிகளை வழங்கவுள்ளன.
 
Categories: merge-rss

இலங்கைத் தம்பதி மீதான குற்றச்சாட்டை திரும்பப் பெற்றது கனடிய நீதிமன்றம்!

Tue, 05/09/2017 - 15:54

போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது.  2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது. கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.

போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது.  2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது.
கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.
போலி ஆவணங்களை சமர்ப்பித்து மோசடியில் ஈடுபட்டதாக இலங்கை தம்பதி மீது கனடாவில், சுமத்தப்பட்டிருந்த குற்றச்சாட்டு நீதிமன்றினால் மீளப்பெறப்பட்டுள்ளது. 2015ஆம் தமக்கு சொந்தமில்லாத வீட்டை போலி ஆவணங்கள் பயன்படுத்தி அடகு வைத்து இரண்டாவது தடவையாகவும் கடன் பெற்ற மோசடி தொடர்பில் இலங்கை தம்பதி மீது குற்றம் சுமத்தப்பட்டிருந்தது. கனடா மார்க்கம் பகுதியில் வாழும் இலங்கை தம்பதிக்கு எதிராக சுமத்தப்பட்டிருந்த இந்தக் குற்றச்சாட்டு மீளப்பெறப்பட்டுள்ளது.

   
தம்பதியருக்கு எதிரான ஆதாரங்களை முழுமையாக மீளாய்வு செய்த பின்னர், 57 வயதான சிவகுமார் குமாரவேலு மற்றும் 54 வயதான நகுலேஸ்வரி சிவகுமார் ஆகியோருக்கு எதிராக குற்றச்சாட்டுகளை மீளப்பெற்று கொள்வதாக Crown நீதிமன்ற அரச வழக்கறிஞர் Matthew Bloch தெரிவித்துள்ளார். மொழி ஒரு தடையாக இருந்ததுடன், என்ன நடக்கிறது என்பதை இருவரும் அறிந்திருந்தார்களா, என்பது குறித்து உண்மையில் வருத்தமாக உள்ளதென அரச வழக்கறிஞர் தெரிவித்துள்ளார்.

இந்த வழக்கின் ஆரம்பத்தில் தண்டனைக்குரிய நியாயமான காரணங்கள் இருந்த போதிலும், Crown நீதிமன்ற மீளாய்வின் பின்னர் அவ்வாறான ஒன்று இல்லை என கண்டறியப்பட்டுள்ளதாக அவர் குறிப்பிட்டுள்ளார் . 2015ஆம் ஆண்டு Scarborough பகுதியில் உள்ள Warden மற்றும் Sheppard Aves என்ற இடத்திற்கு அருகில் உள்ள அடமான தரகர் அலுவலகம் ஒன்றிற்கு ஆண் ஒருவரும் பெண் ஒருவரும் சென்றுள்ளனர்.

சொத்து ஒன்றினை இரண்டாவது முறையாக அடகு வைத்து 200,000 டொலர் பெற்றுக் கொள்வதற்கு விண்ணப்பிப்பதற்காகவே இருவரும் சென்றுள்ளனர். இதன் போதே குறித்த இருவரும் Toronto பொலிஸாரிடம் மோசடி குற்றச்சாட்டில் சிக்கியுள்ளனர். பின்னர் இந்த தம்பதி, தரகர் மற்றும் இலங்கை மொழிக்காக மொழி பெயர்ப்பாளர் ஒருவரும் வழக்கறிஞர் அலுவலகத்தில் கலந்துரையாடல் ஒன்றை மேற்கொண்டுள்ளனர். அந்த சொத்தின் மீதான இரண்டாவது அடமானத்தில் 200,000 டொலர் பெற்றுக் கொள்வதற்கான நடவடிக்கை மேற்கொள்ளப்பட்டுள்ளது.

சில மாதங்கள் கழித்து, உண்மையான வீட்டு உரிமையாளர், தான் வீட்டை அடமானம் செய்யவில்லை எனவும், அவ்வாறு அறிவிக்கவில்லை எனவும் கூறி நீதிமன்றத்தில் ஆவணங்களை சமர்ப்பித்து வழக்கு தொடர்ந்துள்ளார். அதன் பின்னர் இந்த அடமான மோசடி விசாரணை ஆரம்பிக்கப்பட்டுள்ளது.

“எனது கட்சிகாரர்கள் அப்பாவியானவர், தற்போது அவர்களே பாதிக்கப்பட்டுள்ளனர்” என குறித்த தம்பதியின் வழக்கறிஞர் அக்னி பாலசந்திரன் நீதிமன்றத்தில் தெரிவித்துள்ளார். வேறு இரண்டு நபர்கள் எனது கட்சிகாரர்களின் அடையாளத்தை அவர்களின் சம்மந்தம் இன்றி பயன்படுத்தி மோசடியில் ஈடுபட்டுள்ளனர். எனது கட்சிகாரர்கள் இரு முறை பாதிக்கப்பட்டவர்களாகும். ஒரு முறை குற்றவாளிகளாக குற்றம் சாட்டப்பட்டு பாதிக்கப்பட்டனர், இரண்டாவது முறை ஊடகங்களினால் குற்றம் சாட்டப்பட்டு பாதிக்கப்பட்டனர். செய்யாத குற்றத்திற்காக அவர்களின் பெயர்களும் புகைப்படங்களும் வெளியிடப்பட்டுள்ளதாக வழக்கறிஞர் அக்னி பாலசந்திரன் குறிப்பிட்டுள்ளார்.

கணவர் உடல் குறைபாடுடையவர் மற்றும் மனைவி வேலையற்றவர். எனினும் அவர்கள் இதனை நீதிமன்றத்தில் வெளிப்படுத்தியதில்லை என தெரிவிக்கப்படுகின்றது. பாலச்சந்திரனின் அறிக்கைக்கு Crown நீதிமன்றம் எவ்வித கருத்துக்களையும் வெளியிடவில்லை. அந்த தரகர் இந்த மோசடியில் ஈடுபட்டுள்ளதாக தெரிவிக்கப்படுகின்றது. இந்த நிலையில் இந்த வழக்கு தொடர்பில் Collett Comrie என்ற பெண் தரகர் மீது பிடியாணை பிறப்பிக்கப்பட்ட பின்னர் அவரும் அவரது கணவரும் Keystone என்ற நிதி சேவை நிறுவனத்தை மூடிவிட்டு 2015 ஆம் ஆண்டு மற்றும் 2016ஆம் ஆண்டு ஜனவரி மாதத்திற்கு இடைப்பட்ட காலப்பகுதியில் கனடாவில் இருந்து, ஜமைக்காவுக்கு சென்றுள்ளனர்.

44 வயதான Collett Comrie மற்றும் 40 வயதான Khurt Comrie ஆகிய இருவரும் பலரது பணத்தினை மோசடி செய்தவர்கள் Toronto பொலிஸார் தெரிவித்துள்ளனர். சிவகுமார் குமாரவேலு மற்றும் நகுலேஸ்வரி சிவகுமார் தம்பதியினர் யாழ்ப்பாணத்தை சேர்ந்தவர்கள் என்பது குறிப்பிடத்தக்கது.

http://www.seithy.com/breifNews.php?newsID=189630&category=TamilNews&language=tamil

Categories: merge-rss

பிரென்சு திரை உலகில் கால் பதித்த ஈழத்து நட்சத்திரங்கள்!

Tue, 05/09/2017 - 05:41
பிரென்சு திரை உலகில் கால் பதித்த ஈழத்து நட்சத்திரங்கள்!

 

"Le Sens De La Fete" எனும் திரைப்படத்தின் ஊடாக புலம்பெயர் ஈழத்து நட்சத்திரங்கள் பலர் பிரென்சு திரைப்பட உலகில் கால்பதித்துள்ளனர். 

பிரென்சு திரை உலகில் கால் பதித்த ஈழத்து நட்சத்திரங்கள்!

புகழ்பெற்ற மன்மதன் பாஸ்கி, அங்கிள் சிறி உட்பட கேசவன், கிரி சுரேஸ் மற்றும் பல கலைஞர்கள் இப்படத்தில் நடித்துள்ளனர்.

தமிழகத்தில் திரைப்படமாக வெளிவந்த தோழா திரைப்படத்தின் மூலமான INTOUCHABLE எனும் படத்தினை இயக்கியிருந்த அவர்களே, இப்படத்தினை இயக்கியுள்ளார்.

பிரென்சு திரை உலகில் கால் பதித்த ஈழத்து நட்சத்திரங்கள்!

பாஸ்கி அவர்கள் றோசான் எனும் பாத்திரத்தினை ஏற்று இப்படத்தில் நடித்துள்ளார்.

எதிர்வரும் ஒக்ரோபர் 4ம் திகதி வெளிவரவுள்ள இப்படத்தின் சிறப்பு முன்னோட்டக் காட்சிகள் திரையிடப்பட்டு வருகின்றன.

பிரென்சு திரை உலகில் கால் பதித்த ஈழத்து நட்சத்திரங்கள்!

மனநிலை சோர்வாக இருக்கும் போது, ரசிகர்களின் ஆதரவும், கைதட்டல்களும் தான் எங்களை ஊக்கப்படுத்தும், உற்சாகப்படுத்தும் என்பதில் ஐயமில்லை.

அத்தகையது ஒரு தருணத்தினை பரிஸ் லே ஆல் திரையரங்கின் சிறப்புத் திரையிடல் தனக்குத் தந்ததாக மன்மதன் பாஸ்கி தெரிவித்துள்ளார்.

 

https://news.ibctamil.com/ta/world-affairs/In-the-curtain-screen-world-Foot-Eelam-stars

Categories: merge-rss

கனடாவின் மாபெரும் ‘தமிழர் தெருவிழா’ - கனடா பிரதமர் ஜஸ்டின் ரூடோவின் பங்கேற்புடன்...

Sun, 03/09/2017 - 06:46
கனடாவின் மாபெரும் ‘தமிழர் தெருவிழா’ - கனடா பிரதமர் ஜஸ்டின் ரூடோவின் பங்கேற்புடன்...

 

 
03chdasjustin-2

கனடியத் தமிழர் பேரவையினரால் வருடாவருடம் நடத்தப்படும் 'தமிழர் தெருவிழா' மூன்றாவது முறையாக இந்த ஆண்டும் மிகவும் சிறப்பாக ரொறொன்ரோவில் (டொரண்டோ) நடைபெற்றது. இவ்வருடம் முதன்முதலாகத் தமிழர் தெருவிழாவில் கனடா பிரதமர் ஜஸ்டின் ரூடோ கலந்துகொண்டு விழாவுக்குப் பெருமை சேர்த்தார். ஆகஸ்ட் 26, 27 ஆகிய இரு திகதிகளில் ரொறொன்ரோவின் பிரதான வீதியான மார்க்கம் ரோட்டை இருபக்கமும் அடைத்து நிகழ்த்தப்பட்ட இந்த விழாவில் இரண்டு லட்சம் மக்கள் கலந்துகொண்டது ஒரு வரலாற்று நிகழ்வு.

புலம்பெயர் மக்களின் விழா ஒன்றுக்கு, அந்த நாட்டின் பிரதமருடன் கனடாவின் மத்திய, மாநில, உள்ளூராட்சி அரசு நிலைத் தலைவர்களும், வேறுபல உயர்நிலை அரசியல்வாதிகளும் வருகை தந்தது சிறப்பான அம்சம். அத்துடன், இலங்கை வடக்கு, கிழக்கு மாகாணங்களைச் சேர்ந்த நாடாளுமன்ற உறுப்பினர்களும், அமெரிக்காவிலிருந்து வருகை தந்த தமிழ் ஆர்வலர்களும் விழாவில் பங்குபற்றினர்.

   

தமிழ் கனடியர்களின் இருப்பை கனடிய மைய நீரோட்டத்துக்கு எடுத்துச்செல்லும் முயற்சியே ‘தமிழர் தெருவிழா’. எதிர்கால தமிழ் கனடியச் சந்ததியினருக்கு ஒரு வலுவான அடித்தளத்தை அமைக்க வேண்டிய கடமையை இந்த விழா சரிவர நிறைவேற்றுகிறது. கனடாவில் வதியும் தமிழ் மக்களின் ஒற்றுமையையும் ஆற்றலையும் சக கனடியர்களுக்கு எடுத்துக்காட்டவும், தமிழ்ச் சமூகம் கனடாவின் பன்மைக்கலாச்சாரத்தில் ஒன்றிவிட்ட சான்றை வெளிக்கொணரவும் இந்தக் கொண்டாட்டம் உதவுகிறது.

03chdascanada4
 

தமிழ்ப் பாரம்பரிய நடனங்கள், இசை, தெருக்கூத்து, வில்லுப்பாட்டு, கரகாட்டம், சிலம்பாட்டம் போன்ற கலைகள் விழாவில் முக்கியத்துவம் பெற்றதுடன், வேற்றின மக்களின் கலை நிகழ்ச்சிகளும் இடம்பெற்றன. இளையோர் பலர் ஹார்வர்டு தமிழ் இருக்கை சம்பந்தமாக சனங்களிடையே விழிப்புணர்வு ஏற்படுத்துவதையும் விழாவில் அவதானிக்க முடிந்தது.

“இலங்கையில் தமிழ் மக்கள் பெரும்பான்மை இனத்தினாலும் அரசாங்கத்தாலும் அடக்கப்படுகின்ற நிலைமை மாறி, மதிக்கப்படுகின்ற நிலை உருவாக வேண்டும். அதற்கான அரசியல் உரிமைகள் தொடர்பான சட்ட மாற்றங்கள் செய்ய வலியுறுத்தி கனடிய அரசு சர்வதேச மட்டத்தில் குரல்கொடுக்கும்” என்று முதன்மை விருந்தினராகக் கலந்துகொண்டு உரையாற்றிய கனடாவின் பிரதமர் ஜஸ்டின் ரூடோ உறுதியளித்தார். பல்லாயிரக்கணக்கான மக்கள் மத்தியில் பிரதமர் உரையாற்றியபோது கனடாவின் நாடாளுமன்ற உறுப்பினர்கள் பலர் உடனிருந்தார்கள்.

“தமிழ்மொழியையும் தமிழ்ப் பண்பாட்டையும் உலகமயப்படுத்த கனடாவில் புலம்பெயர்ந்த தமிழ்ச் சமூகம் உதவியுள்ளது. கனடிய தமிழ் இனம் உலகில் மிகப் பெரிய எண்ணிக்கை கொண்ட, வெற்றியடைந்த புலம்பெயர் தமிழ்ச் சமூகமாக இருக்கிறது. அவர்களுடைய அபார வளர்ச்சியின் வெளிப்பாடுதான் இந்த விழா’ என்று கனடிய தமிழர் பேரவையின் தலைவர் மருத்துவர் வடிவேலு சாந்தகுமார் தன் வரவேற்புரையின்போது குறிப்பிட்டார்.

கனடிய நாடாளுமன்ற உறுப்பினரான கரி ஆனந்தசங்கரி, ரொறொன்ரோ மாநகர உறுப்பினர்கள் நீதன் சாண் ஆகியோர் சிறப்பு விருந்தினர்களாகக் கலந்துகொண்டு, பிற சமூகத்தினருடன் இணைந்து தமிழ் மக்கள் இயக்கும் ‘தமிழர் தெருவிழா’ வெற்றிபெற வாழ்த்தினார்கள். சிவன் இளங்கோ விழா பொறுப்பாளராக நிகழ்ச்சிகளைத் தொகுத்து வழங்கினார்.

1986-ல் 155 தமிழ் அகதிகள் ஒரு படகில் அட்லாண்டிக் கடலில் தத்தளித்தபோது கனடிய மீன்பிடிக் கப்பல் ஒன்று அவர்களைக் காப்பாற்றிக் கரைசேர்த்தது. இந்தப் படகு 30 வருடங்கள் தாண்டிய நிலையில் இன்று கனடிய தமிழர்களின் சின்னமாக மாறிவிட்டது. இந்தப் படகை விழாவில் காட்சிப்பொருளாக வைத்திருந்தார்கள். ஈழத் தமிழர்கள் 56 நாடுகளில் குடியேறி வாழ்ந்தாலும், கனடாவில் அவர்களின் எண்ணிக்கை 4 லட்சத்தை அண்மித்துக்கொண்டிருக்கிறது.

03chdascanada2
 

338 உறுப்பினர்களைக் கொண்ட கனடிய நாடாளுமன்றத்தில் ஒரேயொரு தமிழர் அங்கம் வகிக்கிறார். அப்படியிருந்தும் தமிழ் மொழி சார்பாக ஒரு தீர்மானம் சமீபத்தில் நிறைவேற்றப்பட்டிருக்கிறது: ‘இனி வரும் ஒவ்வோர் ஆண்டும் ஜனவரி மாதம் கனடாவில் தமிழ் மரபு மாதமாகக் கொண்டாடப்படும்.’ இந்த தீர்மானத்தை ஏகமனதாக ஜஸ்டின் ரூடோவின் அரசு ஏற்றுக்கொண்டிருக்கிறது. வேறு ஒரு நாடும் தமிழர்களுக்குச் செய்யாத ஒன்றை கனடிய அரசு மிகச் சாதாரணமாகச் செய்திருக்கிறது.

சில வருடங்களுக்கு முன்னர் உலக நாடுகள் அனைத்தும் கைவிட்ட நிலையில், ஈழத்தமிழர்கள் தங்கள் உடமைகள் சகலத்தையும் இழந்து தெருவில் நின்றார்கள். இன்று கனடாவில் வேற்று இனத்தினர் வியக்கும் வண்ணம் ‘தமிழர் தெருவிழா’ கொண்டாடுகிறார்கள். இது தொடக்கம்தான். இவர்களின் அமோக வளர்ச்சி வெகுவிரைவில் உலகத்தினரை பிரமிக்க வைக்கும்.

-அ. முத்துலிங்கம், கனடாவில் வசிக்கும் மூத்த ஈழத் தமிழ் எழுத்தாளர்,

http://tamil.thehindu.com/general/literature/article19614557.ece?homepage=true

Categories: merge-rss

மாவீரர் நாள் ஓரிடத்திலேயே தமிழ்செல்வனின் மனைவி கருத்து(காணொளி)

Sat, 02/09/2017 - 21:15

0-02-05-1cd0c6ea9bccecd3453934d40783f901

பிரான்சில் விடுதலைப் புலிகளிடையே, “தமிழர் ஒருங்கிணைப்புக் குழு”, “இறுதிவரை களத்தில் நின்ற போராளிகள்” என இரு பிரிவாக ஏற்பட்ட பிளவு காரணமாக, பிரான்சில் உள்ள தமிழ் மக்களிடையே உள்ள குழப்ப நிலை தொடர்பாக பிரிகேடியர் சு.ப.தமிழ்ச்செல்வன் அவர்களின் துணைவியார் இசைச்செல்வி இவ்வாறு தெரிவித்து உள்ளார்.
 
“மாவீரர் நாளை ஒரே இடத்தில் நினைவு கூருவது தான் நாங்கள் இந்த மாவீரர்களுக்கு செய்யும் பணி, அதுதான் மாவீரர்களை நினைவுபடுத்தும் நல்ல நிகழ்வாக இருக்கும்” என்று தெரிவித்தார் பிரிகேடியர் சு.ப.தமிழ்ச்செல்வன் அவர்களின் துணைவியார் இசைச்செல்வி.
 
நேற்று ஞாயிற்றுக்கிழமை பிரான்சு லாச்சப்பல் பகுதியில் இடம்பெற்ற புலிகளின் கேணல் ராயூ அவர்களின் 15 ஆம் ஆண்டு நினைவு வணக்க நிகழ்வில் கலந்து கொண்டு நினைவுரை ஆற்றுகையிலேயே அவர் இவ்வாறு தெரிவித்தார்.
 
தமிழீழ விடுதலைப் பயணத்திற்கு பெரும் பங்காற்றி நின்ற தளபதிகளில் ஒருவரான புலிகளின் கேணல் ராயூ அவர்களின் 15 ஆம் ஆண்டு நினைவு வணக்க நிகழ்வு பிரான்சு லாச்சப்பல் சோதியா கலைக் கல்லூரியில் நேற்று (27.08.2017) ஞாயிற்றுக்கிழமை இடம்பெற்றது.
 
இந்நிகழ்வில் ஈகைச்சுடரினை 02.11.2007 அன்று கிளிநொச்சியில் வீரச்சாவடைந்த புலிகளின் பிரிகேடியர் சு.ப.தமிழ்ச்செல்வன் அவர்களின் துணைவியார் ஏற்றிவைக்க, மலர்வணக்கத்தை 26.06.1989 அன்று ஓமந்தையில் இந்திய இராணுவத்துடனான மோதலில் வீரச்சாவடைந்த கப்டன் ரூபன் அவர்களின் சகோதரி செய்து வைத்தார்.
 
அகவணக்கத்தைத் தொடர்ந்து நிகழ்வில் கலந்து கொண்ட அனைவரும் சுடர்ஏற்றி மலர்வணக்கம் செலுத்தினர். தொடர்ந்து, பிரான்சு புலிகளின் “தமிழர் ஒருங்கிணைப்புக்குழு” பரப்புரைப் பொறுப்பாளர் திரு.சத்தியதாசன், புலிகளின் பிரிகேடியர் சு.ப.தமிழ்ச்செல்வன் அவர்களின் துணைவியார் ஆகியோர் கேணல் ராயு தொடர்பான நினைவுரைகளை ஆற்றியிருந்தனர். இந்நிகழ்வில், மாவீரர் நாள் 2017 இற்கான பங்களிப்பு அட்டையும் வெளியிட்டு வைக்கப்பட்டது.

http://www.tamilkingdom.com/2017/08/456_29.html

 

Categories: merge-rss

இலங்கை பெண்களால் லண்டனில் நடத்திச் செல்லப்படும் பிரபல உணவகம்

Sat, 02/09/2017 - 18:26
லண்டனில் உள்ளவர்கள் சிறந்த முறையில் உயிர்வாழ உதவும் இலங்கை பெண்கள்!

இலங்கை பெண்களால் லண்டனில் நடத்திச் செல்லப்படும் பிரபல உணவகம் தொடர்பில் அந்நாட்டு ஊடகம் ஒன்று தகவல் வெளியிட்டுள்ளது.

லண்டனில் Papi’s Pickles என்ற உணவகம் இயங்கி வருகின்றது. இங்கு இலங்கை மற்றும் தென்னிந்திய உணவுகள் தயாரிக்கப்பட்டு வழங்கப்படுகிறது.

இலங்கையில் இடம்பெற்ற போர் அனர்த்தங்களால் பாதிக்கப்பட்ட நிலையில், பிரித்தானியாவுக்கு புகலிடம் கோரிச் சென்ற தமிழ் பெண்கள் இங்கு பணியாற்றுகின்றனர்.

2014 ஆம் ஆண்டில் அபி ரமணன் என்ற பெண்ணினால் இந்த உணவகம் நிறுவப்பட்டுள்ளது. இங்கு வித்தியாசமான உணவுகள் தயாரிக்கப்படுகின்றன. லண்டனில் இடம்பெறும் நிகழ்வுகளுக்கு இலங்கை மற்றும் தென்னிந்திய உணவுகள் வழங்கப்படுகின்றது.

625.0.560.350.160.300.053.800.700.160.90.jpg

இலங்கையை விட்டு வெளியேறிய பெண்களால் அங்கு உணவு தயாரிக்கப்படுகின்ற நிலையில், அதன் மூலமான வருமானங்களால் அவர்களின் வாழ்க்கை நிலை மாறி விடுவதாக சுட்டிக்காட்டப்பட்டுள்ளது.

இந்த உணவகத்தின் மூலம், பெண்களுக்கு லண்டன் வாழ்க்கை ஊதியம், பயிற்சி மற்றும் ஆதரவுகளை பெற முடியும். பின்னர், அவர்கள் அனைத்து இலாபங்களையும் மீண்டும் முதலீடு செய்கிறார்கள்.

ரமணன் தனது நிறுவனத்தைப் பற்றி மிகவும் நம்பிக்கையுடன் காணப்படுகிறார். அனைவருக்கும் சமமான வாய்ப்புகள் மற்றும் தகுதிகள் உள்ளதென்பதனை அவர் நம்புகின்றார்.

625.0.560.350.160.300.053.800.700.160.90.jpg

புலம்பெயர்ந்தோர்களுக்கு லண்டன் பிரதான நகரமாக மாறியுள்ளது. எனினும் புலம்பெயர்ந்தோர் கொண்டு வரும் பெரும் நிலைப்பாடுகள் போதுமானதாக இல்லை என கூறப்படுகின்றது.

கடந்த மூன்று ஆண்டுகளாக ரமணன் 14 பெண்களுடன் பணி புரிந்து வந்தார். தற்போது அவர் நான்கு பகுதி நேர பயிற்சிப் பணியாளர்களுடன் பணியாற்றுகிறார்,

ரூபி, ராகினி, கிரிஷாந்தி மற்றும் இந்துமதி ஆகியோர் 1000 பவுண்ட் சம்பளத்துடன் 5,868 மணி நேரம் வேலை செய்து 5,000 மணி நேரம் பயிற்சி வழங்குகின்றனர்.

625.0.560.350.160.300.053.800.700.160.90.jpg

ஒரு குடிபெயர்ந்தவராகவும், ஒரு தமிழராகவும் இருக்கும் போது லண்டனில் தொழில் வாய்ப்பு பெற்று கொள்வதென்பது கடினம் என்பதனை ரமணன் அறிந்திருந்தார்.

ஆவணப்படம் தொடர்பில் ஆராயும் போதும், தொண்டு வேலைகளை மேற்கொள்ளும் போதும், அவர் பிரித்தானியாவில் பல இலங்கையர்களை சந்தித்துள்ளார்.

புலம்பெயர்ந்தோர் மற்றும் அகதிகள் சமூகங்களில் வேலைவாய்ப்பின்மை மிகவும் அதிகமாக உள்ளது, குறிப்பாக பெண்களிடையேயும், வேலைவாய்ப்பு ஒருங்கிணைப்பு என்பது செயல்பாட்டிற்கு முக்கியமானதாகும் என அவர் சுட்டிக்காட்டியுள்ளார்.

625.0.560.350.160.300.053.800.700.160.90.jpg

Papi's Picklesஇல் வேலை செய்யும் பெண்கள் ஒரு புதிய நாடு, புதிய கலாச்சாரம் மற்றும் புதிய மொழிக்கு மாற வேண்டிய நிலை காணப்பட்டது.

இருப்பினும், ரமணனின் தலைமை சமையல்காரர்களான ரதி மற்றும் ஷாந்தினி, தமிழ் மொழியையும் கலாச்சாரத்தையும் நன்கு அறிந்திருந்தார்கள்.

இது வேலையை எளிதாக்க உதவியது. எதிர்காலத்தில், அவர்களுக்கு ஆங்கிலம் மொழி வகுப்புகள் வழங்கும் நோக்கமும் காணப்படுவதாக குறித்த ஊடகம் மேலும் தகவல் வெளியிட்டுள்ளது.

625.0.560.350.160.300.053.800.700.160.90.jpg

 

625.0.560.350.160.300.053.800.700.160.90.jpg

 

 

 

http://www.tamilwin.com/uk/01/157169

Categories: merge-rss

காணாமல் ஆக்கப்பட்டோரின் உறவுகளுக்கு ஆதரவு தெரிவித்து பிரித்தானியாவில் கவனயீர்ப்பு போராட்டம்

Thu, 31/08/2017 - 08:58
காணாமல் ஆக்கப்பட்டோரின் உறவுகளுக்கு ஆதரவு தெரிவித்து பிரித்தானியாவில் கவனயீர்ப்பு போராட்டம்

 

 

சர்வதேச காணாமல் ஆக்கப்பட்டோர் தினமான நேற்று, இலங்கையில் காணாமல் ஆக்கப்பட்டோரின் உறவினர்கள் மேற்கொண்டுவரும் போராட்டங்களுக்கு வலுச்சேர்க்கும் முகமாக பிரித்தானியாவில் வாழும் புலம்பெயர் தமிழ் மக்களால் கவனயீர்ப்பு போராட்டமொன்று முன்னெடுக்கப்பட்டுள்ளது.

 

குறித்த கவனயீர்ப்பு போராட்டமானது பிரித்தானிய பிரதமர் இல்லத்தின் முன்பாக நேற்று புதன்கிழமை காலை 4 மணி முதல் மாலை 7 மணிவரை இடம்பெற்றிருந்தது.

கடந்த இரு தசாப்தங்களுக்கு மேலாக பல்லாயிரக்கணக்கான தமிழ் மக்கள் காணாமல் ஆக்கப்பட்டுள்ளனர். இலங்கை அரசு காணாமல் ஆக்கப்பட்டோர் குறித்து இதுவரை எந்த ஒரு தீர்க்கமான முடிவையும் அவர்களின் உறவினர்களுக்கு வழங்கவில்லை.

இதேவேளை கடும் மழையினையும் பொருட்படுத்தாது பெரும் திரளான பிரித்தானியா வாழ் புலம்பெயர் மக்கள் இக்கவனயீர்ப்புப் போராட்டத்தில் கலந்துகொண்டு காணாமல் ஆக்கப்பட்டோரின் உறவுகள் நடாத்திவரும் போராட்டங்களிற்கு வலுச்சேர்த்தமை குறிப்பிடத்தக்கது.

http://www.virakesari.lk/article/23808

Categories: merge-rss

கனடா விபத்தில் யாழ்ப்பாண பெண் மரணம்!

Tue, 29/08/2017 - 10:46

30 மணியளவில் நடந்த விபத்தில் யாழ்ப்பாணத்தைச் சேர்ந்த பெண் ஒருவர் மரணமானார்.  யாழ்-கொய்யாத்தோட்டத்தை பிறப்பிடமாக கொண்ட ஞானபுஸ்பம் செபஸ்தியாம்பிள்ளை (77) என்பவரே உயிரிழந்தவராவார்.  ஞாயிறு இரவு ஸ்காபரோ நகரில் நடைபெற்ற தமிழர் தெருவிழாவை கண்டு களித்து விட்டு அருகில் இருக்கும் தனது இல்லத்திற்கு கணவருடன் கால் நடையாக திரும்பிய பொழுதே கார் மோதி இவர் மரணமானார்.

கனடா-ஸ்காபரோவில் நேற்று முன்தினம் இரவு 9:30 மணியளவில் நடந்த விபத்தில் யாழ்ப்பாணத்தைச் சேர்ந்த பெண் ஒருவர் மரணமானார். யாழ்-கொய்யாத்தோட்டத்தை பிறப்பிடமாக கொண்ட ஞானபுஸ்பம் செபஸ்தியாம்பிள்ளை (77) என்பவரே உயிரிழந்தவராவார். ஞாயிறு இரவு ஸ்காபரோ நகரில் நடைபெற்ற தமிழர் தெருவிழாவை கண்டு களித்து விட்டு அருகில் இருக்கும் தனது இல்லத்திற்கு கணவருடன் கால் நடையாக திரும்பிய பொழுதே கார் மோதி இவர் மரணமானார்.

http://www.seithy.com/breifNews.php?newsID=189196&category=TamilNews&language=tamil

Categories: merge-rss

உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை

Mon, 28/08/2017 - 15:02
உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை
 
 
உலக கராத்தே சுற்றுப் போட்டியில் ஈழத்து இளந்தலைமுறையினர் சாதனை
 

சீனா நாட்டின் ஷங்காய் நகரில் நான்கு வருடங்களுக்கு ஒரு தடவை இடம்பெறும் இதோசுரியூ உலக கராத்தே சுற்றுப் போட்டியில் சுவிஸ் நாட்டைப் பிரதிநிதித்துவப்படுத்தி ஈழத்து இளந்தலைமுறையினர் சாதனை புரிந்துள்ளனர்.

இதோசுரியூ உலக கராத்தே சுற்றுப் போட்டியில் 6 பேர் கொண்ட குழுவினர் பங்கேற்று வெற்றியீட்டியுள்ளனர்.

அந்த வகையில் சுவிஸ் நாட்டிலிருந்து அந்நாட்டைப் பிரதிநிதித்துவப்படுத்தி ஈழத்து இளந்தலைமுறையினரை உள்ளடக்கிய குழுவினர் முதற்தடவையாக பங்கேற்று வெற்றியீட்டியுள்ளனர் எனத் தெரிவிக்கப்பட்டுள்டுள்ளது.

59a3f5b83268f-IBCTAMIL.jpg59a3f5b88bfc4-IBCTAMIL.jpg

http://newuthayan.com/story/23668.html

Categories: merge-rss

இலங்கையர் வீட்டின் மீது இனவெறி தாக்குதல்!

Mon, 28/08/2017 - 06:54
 இலங்கையர் வீட்டின் மீது இனவெறி தாக்குதல்!

 

லண்டனில் தமிழர்கள் வாழும் வீடொன்றில் இன வன்முறைகளை தூண்டும் வகையிலான தகாத வார்த்தைகள் எழுதப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.

liverpool பிராந்தியத்திலுள்ள Speke என்ற இடத்திலுள்ள வீட்டின் வெளியே அசிங்கமான இனவெறி தாக்குதல் மேற்கொள்ளப்பட்டுள்ளதனை காண முடிந்துள்ளதாக சுட்டிக்காட்டப்பட்டுள்ளது.

அந்த வீட்டின் வெளி பகுதி சுவரின் மீது கறுப்பு நிறத்தில் தகாத வார்த்தைகள் மற்றும் அல்லாஹு அக்பர் என இனவெறி வசனம் எழுதப்பட்டுள்ளதாக தெரிவிக்கப்படுகின்றது.

அல்லாஹு அக்பர் என்பது “அல்லாஹ்வே சிறந்தவர்” என்று மொழி பெயர்க்கப்படும் ஒரு அரபு சொற்றொடராகும்.

முஸ்லிம்கள் மற்றும் அரபு பேசுபவர்களினால் விசுவாசத்தின் வெளிப்பாடாக எழுதப்படுகின்ற ஒரு வார்த்தையாகும்.

நேற்று இரவு பிற்பகுதியில் அல்லது இன்று அதிகாலையில் இனவெறியாளர்களினால் இவ்வாறு எழுதப்பட்டிருக்கலாம் என நம்பப்படுகின்றது.

Stapleton Avenue பகுதியில் உள்ள குறித்த வீடு தற்போது வரையில் காலியாகவே உள்ளன. எனினும் லண்டனில் கடந்த 11 வருடமாக வாழ்ந்த இலங்கை குடும்பம் ஒன்று அங்கு குடியேறவுள்ளனர்.

இனவெறி தாக்குதலை மேற்கொண்டவர்கள் புதிதாக தங்கள் அண்டைய வீட்டிற்கு வருபவர்கள் இலங்கையர்கள் அல்ல பாகிஸ்தானியர் என தவறாக புரிந்து கொண்டுள்ளனர். எனினும் அவர்கள் இந்துக்களே தவிர முஸ்லிம்கள் அல்ல.

கடந்த இரண்டு வருடங்களாக Speke பகுதியில் வாழ்ந்த குறித்த இலங்கை குடும்பத்தின் 5 உறுப்பினர்கள் மீளவும் இந்த வீட்டில் குடியேறவுள்ளனர். இதற்காக வீட்டிற்கு வெள்ளை அடிக்கப்பட்டுள்ளதுடன், உடைக்கப்பட்ட ஜன்னல்கள் மீளவும் பொருத்தப்பட்டுள்ளது.

இந்த வீட்டை தற்போது மீளவும் ஆயத்தப்படுத்தி வருகின்றோம். எங்கள் குடும்பத்தினருடன் அங்கு சென்று குடியேறவுள்ளோம் என பெயர் குறிப்பிட விரும்பாத வீட்டின் தற்போதைய உரிமையாளர் தெரிவித்துள்ளார்.

நான் கடந்த 11 வருடங்களாக லண்டனில் வாழ்ந்து வருகின்றோம். எனது சகோதரனுடன் இங்கு குடியேறவுள்ளோம். இவ்வாறான சம்பவம் இதற்கு முன்னர் பார்த்ததில்லை. நாங்கள் முஸ்லிம்கள் அல்ல நாங்கள் இந்துக்கள். அத்துடன் நாங்கள் பயங்கரவாதத்தை வெறுக்கின்றோம்.

தற்போது வருத்தமாகவும், பயமாகவும் உள்ளது. எனது மனைவி மற்றும் மூன்று இளம் பிள்ளைகளுடன் இங்கு குடியேறவுள்ளோம்.

இனவெறி குழு தாக்குதல் மேற்கொண்டமை குறித்து வருத்தமடைந்த அண்டைய வீட்டார்கள் எங்களை பார்ப்பதற்கு பரிசு மற்றும் இனிப்பு பண்டங்களுடன் சந்தித்தார்கள் என அவர் குறிப்பிட்டுள்ளார்.

இனவெறி ரீதியான சம்பவம் தொடர்பில் விசாரணை நடத்துவதாக பொலிஸார் உறுதியளித்துள்ளனர்.

கடந்த சனிக்கிழமை இரவு 10 மணிக்கு மேல் இந்த சம்பவம் மேற்கொள்ளப்பட்டுள்ள நிலையில் பிரித்தானிய நேரப்படி நேற்று மதியம் 12.30 மணியளவில் சம்பவ இடத்திற்கு அதிகாரிகள் அழைக்கப்பட்டுள்ளனர்.

ஏற்கனவே இந்த இலங்கை குடும்பத்தின் உறவினர்கள் இந்த பகுதியில் வசிக்கும் நிலையில் இவ்வாறான தாக்குதல் மேற்கொள்ளப்பட்டமை வெறுக்கத்தக்க ஒரு விடயமாகும் என பொலிஸார் தெரிவித்துள்ளனர்.

இந்த சம்பவத்துடன் தொடர்புடையவர்களுக்கு எதிராக தீவிர விசாரணை மேற்கொண்டு நடவடிக்கை மேற்கொள்ளப்படும் என பொலிஸார் உறுதியளித்துள்ளனர்.

 

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

625.0.560.320.160.600.053.800.700.160.90.jpg

 

 

http://www.tamilwin.com/uk/01/156608

Categories: merge-rss