Tamilnadu-news

ராஜம்மாள்... ஜெயலலிதா மரணத்தின் மர்மத்தை உடைப்பாரா? #VikatanExclusive

ராஜம்மாள்... ஜெயலலிதா மரணத்தின் மர்மத்தை உடைப்பாரா? #VikatanExclusive
 

ஜெயலலிதா

 

ஜெயலலிதா மரணத்தின் சல்லி வேரை தேடிக்கொண்டிருக்கிறது ஓய்வுபெற்ற நீதிபதி ஆறுமுகசாமி விசாரணைக் கமிஷன். டாக்டர்கள், அரசு அதிகாரிகள் ஆகியோரிடம் விசாரணை நடத்தி வந்த விசாரணைக் கமிஷன் அடுத்த கட்டத்தை நோக்கி நகர்ந்துகொண்டிருக்கிறது. ஜெயலலிதா வீட்டில் பணி செய்யும் ஊழியர்களை விசாரணைக்கு அழைத்திருக்கிறது. போயஸ் கார்டன் வீட்டில் சமையல் செய்யும் ராஜம்மாளை நாளை விசாரணைக்கு அழைத்திருக்கிறார்கள். ஜெயலலிதாவின் கார் டிரைவர் ஐயப்பனை 23-ம் தேதி நேரில் ஆஜராகி விளக்கம் அளிக்க ஆணையம் சம்மன் அனுப்பியுள்ளது. ஏற்கெனவே கார்டனில் வேலை பார்த்த சசிகலாவின் உதவியாளர் கார்த்திகேயனை விசாரணை செய்திருக்கிறார்கள். போயஸ் கார்டனில் வேலை பார்ப்பவர்களின் பட்டியலை ஜெயலலிதாவின் பி.ஜே பூங்குன்றன் விசாரணைக் கமிஷனிடம் முன்பே அளித்திருக்கிறார். அதன்படி ஒவ்வொருவராக விசாரணைக்கு அழைக்கப்பட்டு வருகிறார்கள்.

 

சமையல்காரர், வாட்ச்மேன், தோட்டக்காரர், அலுவலக உதவியாளர்கள், டிரைவர்கள், கம்ப்யூட்டர் ஆபரேட்டர் என வெளியே அதிகம் தெரியாத 15 பேர் போயஸ் கார்டன் வீட்டில் வசிக்கிறார்கள்; ஜெயலலிதா மறைந்து ஓராண்டு கடந்தும் தொடர்ந்து வசித்துவருகிறார்கள். இளவரசியின் மகன் விவேக், இவர்களுக்கு இப்போதும் மாதாமாதம் சம்பளம் கொடுத்துக்கொண்டிருக்கிறார். ஜெயலலிதாவின் நிழல்போல இருந்த, அவருடைய தனிப் பாதுகாப்பு அதிகாரி (பி.எஸ்.ஓ) பெருமாள்சாமி, பி.ஏ. பூங்குன்றன் ஆகியோர்கூட போயஸ் கார்டன் வீட்டில் வசிக்கவில்லை. ஆனால், சாதாரண வேலையாட்கள் அங்கேயே தங்க வைக்கப்பட்டனர். அவர்களுக்குத் தங்கள் முதலாளி ஜெயலலிதா மரணத்தின் மர்மம் தெரியும் என்பதால், அவர்களை விசாரிக்க முடிவு செய்திருக்கிறது நீதிபதி ஆறுமுகசாமி விசாரணைக் கமிஷன்.

ஜெயலலிதா உள்பட கார்டனில் வசித்த மற்றும் வசிக்கும் முக்கியமானவர்கள் அனைவருக்கும் சமைத்துப் போட்டவர் ராஜம்மாள். 74 வயதாகும் ராஜம்மாள், பல வருடங்களாக கார்டனிலேயே தங்கி சமையல் வேலை செய்துவருகிறார். கடந்த ஜூன் மாதம் போயஸ் கார்டன் வீட்டுக்குத் தீபா போனபோது, அங்கிருந்த ஊழியர்கள் மற்றும் சகோதரர் தீபக் ஆகியோருடன் தகராறு ஏற்பட்டது. அந்த நேரத்தில், ராஜம்மாள்தான் வெளியே வந்து தீபாவிடம் பேசியிருக்கிறார். ‘‘ஏன் இங்கே வந்த... உன்னை ஏதாவது செய்திடுவாங்க...’’ என ராஜம்மாள் தன்னிடம் சொன்னதாக தீபா சொல்லியிருந்தார். கமிஷன் முன்பு ராஜம்மாள் என்ன சொல்லப்போகிறார் எனத் தெரியவில்லை.

jayacase2_19389.jpg

 

மணி என்பவரின் மகள் லட்சுமி, ஜெயலலிதாவின் சுற்றுப்பயணங்களில் அவரின் உதவியாளராக உடன் சென்றவர். தேர்தல் பிரசாரம் மற்றும் வெளியூர் நிகழ்ச்சிகளுக்கு ஜெயலலிதா ஹெலிகாப்டரில் சென்றபோது, அவருடன் லட்சுமியும் பயணம் செய்தார். லட்சுமியைப்போல, நிறைய இளம் வயதுப் பெண்கள் கார்டனில் வேலை பார்த்தார்கள். பிறகு, அங்கிருந்து அவர்கள் சென்றுவிட்டார்கள். லட்சுமி, தொடர்ந்து அங்கேயே வேலை செய்துவருகிறார். வாட்ச்மேன் உள்பட வடமாநிலப் பணியாளர்கள் சிலரும் ஜெயலலிதா வீட்டிலேயே தங்கியுள்ளனர். வெளியே அறியப்படாத இவர்கள், ஜெயலலிதாவைப் பற்றி என்ன சொல்லப் போகிறார்கள் என்று தெரியவில்லை.

jayacase1_19009.jpg

இவர்கள் தவிர இன்னும் 14 பேர் விசாரணைக்கு அழைக்கப்படலாம். ஆறுமுகசாமி கமிஷனிடம் அளிக்கப்பட்ட பட்டியலில் உள்ள 15 பேரும், ஜெயலலிதா மருத்துவமனையில் அனுமதிக்கப்பட்டபோது, அவர் வீட்டில் வேலை செய்தவர்கள்; இப்போதும் வேலையில் தொடர்பவர்கள். அதற்கு முன்பே அங்கே வேலை செய்த பலரும் வெளியேற்றப்பட்டனர். அவர்கள் விவரம்:

வீட்டில் வேலை பார்த்த அந்த முன்னாள் ஊழியர்கள்...

1. ராமசாமி த/பெ சின்னையா (வயது 64)

2. ஐயப்பன் த/பெ மாடசாமி (வயது 47)

3. கண்ணன் த/பெ சின்னசாமி (வயது 46)

4. பொன்னுசாமி த/பெ சின்னு (வயது 46)

5. பிரபாகரன் த/பெ ராஜகோபால் (வயது 43)

6. ஞானசேகர் த/பெ பழனிசாமி (வயது 42)

7. செல்வராஜ் த/பெ லோகநாதன் (வயது 40)

8. வனிதா க/பெ கண்ணன் (வயது 39)

9. தயா த/பெ சந்திரசேகர் (வயது 39)

10. ராஜி த/பெ பிஸ்பதி (வயது 35)

11. சிங்கமுத்து த/பெ சுப்பையா (வயது 33)

12. ராதா த/பெ தனேஷ் (வயது 28)

13. ராணி த/பெ தனவேல் (வயது 28)

14. ராஜேஸ்வரி த/பெ கந்தசாமி (வயது 27)

https://www.vikatan.com/news/coverstory/116901-will-rajammal-speak-out-about-jayalalithaas-mysterious-death.html

Categories: Tamilnadu-news

இடைவெளியில்லாத 14.30 மணிநேரம்... வெளியேறாத மக்கள் கூட்டம்... இது மே 17 ஸ்டைல்!

இடைவெளியில்லாத 14.30 மணிநேரம்... வெளியேறாத மக்கள் கூட்டம்... இது மே 17 ஸ்டைல்!
 
 

மே 17

 

''இலங்கை இனப்பிரச்னை குறித்தான விவாதம் வருகிற மார்ச் மாதம் ஐ.நா மனித உரிமைகள் ஆணையத்தில் நடைபெறவிருக்கிறது. இலங்கை அரசுக்கும் விடுதலைப்புலிகளுக்கும் இடையே நடைபெற்ற இறுதிக்கட்ட போரில், லட்சக்கணக்கிலான ஈழத் தமிழர்களை ராணுவம் கொன்றொழித்தது. இந்த இன அழிப்பு குறித்தான விவாதங்களை ஐ.நா மனித உரிமை ஆணையம் நடத்தி வருகிறது. ஆனால், இலங்கையில் இனஅழிப்பு நடத்தப்பட்டதையும், தமிழர்களுக்கான உரிமை பறிக்கப்பட்டு வருவதையும் ஐ.நா மனித உரிமை ஆணையம் இன்றுவரை ஏற்க மறுக்கிறது. அங்கு நடந்தது போர்க்குற்றம்கூட அல்ல என்று உலகநாடுகளை இந்தியா, அமெரிக்கா, சீனா, இலங்கை ஆகிய நாடுகள் நம்பவைத்து வருகின்றன. வருகிற மார்ச் மாதம் நடைபெறவிருக்கிற ஐ.நா மனித உரிமை ஆணையத்தில் இதுகுறித்த விவாதங்களை எழுப்பப் போகிறோம்'' என்கிறது மே-17 இயக்கம். இந்த விஷயத்தில் உலக தமிழர்கள் அனைவரும் ஒன்றுபட வேண்டும். இலங்கையில் தமிழீழம் மலர வேண்டும் என்றால், அது அனைத்துத் தமிழர்களும் சாதி, மதம் கடந்து ஒன்றிணைந்து குரல்கொடுத்தால் மட்டுமே சாத்தியம். இதற்காக தமிழர்களை ஒன்றிணைக்கும் முன்னோட்டமாக தமிழீழ விடுதலைக்கான எழுச்சி மாநாடு சென்னைச் சேப்பாக்கத்தில் உள்ள அண்ணா அரங்கத்தில் நடைபெற்றது. 18-02-2018 அன்று 'வெல்லும் தமிழீழம்' என்ற பெயரில் இந்த மாநாட்டை பிரமாண்டமாக நடத்தியது மே17 இயக்கம்.

 

வெல்லும் தமிழீழம்

நான்கு கட்ட அமர்வுகளாக மாநாடு நடைபெற்றது. இம்மாநாட்டை மலேசியாவின் பினாங்கு மாநில துணை முதல்வர் ராமசாமி தொடங்கி வைத்தார். தமிழீழம் அமைய வேண்டி உயிர்த்தியாகம் செய்தவர்களுக்கு வீரவணக்கம் செலுத்தி மாநாடு தொடங்கப்பட்டது. ம.தி.மு.க பொதுச்செயலாளர் வைகோ, தமிழர் தேசிய முன்னணியின் தலைவர் பழ.நெடுமாறன், கவிஞர் காசி ஆனந்தன், தமிழக வாழ்வுரிமை கட்சித் தலைவர் வேல்முருகன், இந்திய கம்யூனிஸ்ட் கட்சியின் தமிழ்நாடு மாநில துணைச் செயலாளர் வீரபாண்டியன், தமிழ்த்தேசியப் பேரியக்கத் தலைவர் பெ.மணியரசன், மனித நேய மக்கள் கட்சித் தலைவர் ஜவாஹிருல்லா, எஸ்.டி.பி.ஐ. கட்சித் தலைவர் தெஹலான் பாகவி, மனிதநேய ஜனநாயக கட்சித் தலைவர் தமிமுன் அன்சாரி, இயக்குநர் அமீர், தமிழக மக்கள் முன்னணியின் ஒருங்கிணைப்பாளர் பொழிலன், மணிப்பூர் மாநிலத்தைச் சேர்ந்த சமூகச் செயற்பாட்டாளர்களும், சட்டப் பேராசிரியர்களுமான யொரெம்பே முடும் மற்றும் மாலேம் மங்கள் ஆகியோர் கலந்துகொண்டு தமிழீழ விடுதலைப் பற்றி உரையாற்றினார்கள்.

வெல்லும் தமிழீழம் மாநாடு

'தமிழீழம் பற்றிய கனவு ஒரு போதும் ஓயாது' என்பதை அப்பட்டமாகக் காட்டியது இந்த மாநாடு. காலை 9 மணிக்கு ஆரம்பிக்கப்பட்ட மாநாடு இரவு 9 மணிக்கு அதாவது 12 மணிநேரத்தில் முடிக்கப்பட வேண்டும். ஆனால், மாநாடு முடிய இரவு 11.30 மணியைத் தாண்டியது. சரியாகச் சொன்னால், 14.30 மணி நேரத்துக்கும் மேலாக இந்த மாநாடு நடைபெற்றது. அரசியல் கட்சிகள் நடத்தும் மாநாடுகளைவிட அதிகமாக, மக்கள் கூட்டம் அலைமோதியது. உண்மையைச் சொன்னால் மாநாடு நடந்த அந்த 14.30 மணி நேரமும் அரங்கத்தினுள் அமர இருக்கைகள் போதவில்லை. அதனால் அரங்கத்துக்கு உள்ளேயும், வெளியேயும் எண்ணற்றவர்கள் நின்றுகொண்டே மாநாட்டு உரைகளைக் கேட்டுக்கொண்டிருந்தனர். தற்போதைய காலகட்டத்தில் இப்படி ஒரு பிரமாண்டமான மாநாட்டை அரசியல் கட்சிகள்கூட நடத்தமுடியாது என்பதுதான் உண்மை.

வெல்லும் தமிழீழம்

தெற்காசியப் பிராந்தியத்தில், இந்தியாவின் விரிவாதிக்கக் கொள்கையும், தமிழீழ விடுதலையின் முக்கியத்துவமும். முற்போக்கு ஜனநாயக அரசியலை வென்றெடுத்த தமிழீழ அரசியல் சாசனம். தமிழீழ விடுதலைப் போராட்டத்தின் சமூகநீதியும், தமிழ்நாட்டின் எதிர்வினையும். தமிழீழ விடுதலைக்கான அரசியல் நகர்வுகளும், நம்  உடனடி கடமைகளும் என்பது போன்ற தலைப்புகளில் கருத்துகள் ஆலோசிக்கப்பட்டன. சமூக வலைதளங்களில் போராடுவதை விடுத்து உரிமையைக் காக்க வீதிக்கு வாருங்கள் என்று திருமுருகன் காந்தி மக்களுக்குக் கோரிக்கை விடுத்தார்.

காசி ஆனந்தன்

மாநாட்டில் பேசிய கவிஞர் காசி ஆனந்தன், "தமிழீழத்தை மீட்டெடுக்க வேண்டுமானால், உலகம் முழுவதும் இருக்கும் தமிழ் அமைப்புகள் ஒன்று சேர்ந்து போராட வேண்டும். ஜாதி, மதம் என்பதை மறந்து நாம் அனைவரும் ஒரே இனம் என்ற எண்ணத்தில் போராடினால் மட்டுமே தமிழீழம் சாத்தியமாகும்" என்றார்.

தமிழக வாழ்வுரிமை கட்சித் தலைவர் வேல்முருகன் பேசியபோது, "ஈழத்தில் நடந்தது இனப்படுகொலை என்று ஏற்க மறுப்பவர்களும், புலிகளுக்கு ஆதரவு அளிக்காதவர்களும் இந்த தமிழ் மண்ணில் நிலைத்து நிற்க முடியாது. எம்மினம் அழிந்தபோதும், எம்மினத்தை பிற மாநிலக்காரர்கள் தாக்கியபோதும் வாய் திறக்காதவர்கள் எல்லாம் இன்று எம்மினத்தை ஆள நினைக்கிறார்கள். அவர்களுக்கு என்ன தைரியம் இருக்கிறது? தமிழ் மாநில பிரச்னைகளுக்கு வாய் திறக்காதவனெல்லாம் இங்கு சூப்பர் ஸ்டார். வெட்கப்பட்டுக்கொள் தமிழினமே" என்றார்.

வேல்முருகன்

மாநாட்டில் பேசிய திருமுருகன் காந்தி " 'வெல்லும் தமிழீழம்' என்ற இந்த முழக்கத்தைச் சொல்லும்போது இந்திய அரசு அஞ்சுமேயானால், மீண்டும் மீண்டும் சொல்வோம் 'வெல்லும் தமிழீழம்' என்று. இன்னும் எத்தனை காலத்துக்குதான் இனப்படுகொலை நடந்துவிட்டது எனப் பேசப்போகிறோம். வெறும் சமூக வலைதளங்களில் படங்களைப் பகிர்வதோடு நம்முடைய கடமை நின்றுவிடக் கூடாது. அடுத்து என்ன செய்தால் தமிழீழம் மலரும் என்று சிந்தித்து அடுத்தகட்டத்துக்குச் செல்லவேண்டிய கட்டாயத்தில் நாம் இருக்கிறோம். எப்படி காஷ்மீர் பிரச்னை இந்தியாவின் விவாதப் பொருளாக மாறியதோ? அதுபோல தமிழீழமும் இந்தியாவின் விவாதப்பொருளாக மாற வேண்டும். அதற்கான முயற்சியை நாம்தான் எடுக்க வேண்டும். இந்தியாவிலுள்ள தேசிய இனத் தலைவர்கள், பல தேசிய இனமக்கள், இந்திய ஊடகம் என அனைத்துத் தரப்பினரும் தமிழீழத்தை விவாதப் பொருளாக எடுக்க வேண்டும். அப்போதுதான் இந்திய மக்களுக்கு இலங்கையில் நடந்த இனப்படுகொலை தெரியும். இந்தியா என்ற ஒரு நாடு இனத்துக்குச் செய்த மிகப்பெரிய துரோகத்தை இந்திய மக்கள் மட்டுமல்ல... தெற்காசிய நாடுகளில் உள்ள அனைத்து மக்களும் தெரிந்துகொள்ள வேண்டும். கடந்த 9 வருடங்களாக தமிழர்கள் குற்ற உணர்ச்சியில் வாழ்ந்துகொண்டிருக்கிறோம். இந்தியா முழுவதும் தமிழீழத்தை விவாதப்பொருளாக மாற்ற முடியவில்லை. இது நடக்க வேண்டும். அப்போதுதான் இந்தியாவுக்கு எதிராக தமிழினத்துக்கு ஆதரவாகப் பல தேசிய இனங்கள், பல நாடுகள் ஒன்று சேரும். சேனல்- 4 எடுத்த ஆவணப்படத்தைத் தவிர நம்மிடம் என்ன ஆவணம் இருக்கிறது? நம்மிடம் திறமையான கலைஞர்கள் இல்லையா? ஆஸ்கர் வாங்கும் அளவுக்குத் திரைத்துறையில் சாதித்து இருக்கிறோம். ஆனால், நம்மினம் பற்றிய ஒரு ஆவணப்படம் இல்லை. வரலாற்றைத் தெரிந்துகொண்டும் நாம் அதனை ஆவணப்படுத்தவில்லை என்றால், எவனோ ஒருவன் அவன் விருப்பத்துக்குத் தமிழினத்துக்கு தலையங்கம் எழுதிவிடுவான். தமிழகமே எழுச்சி கொள். இல்லையென்றால் இன்று தமிழீழத்துக்கு நடந்தது, நாளை தமிழ் நாட்டுக்கும் நடக்கும்!" என்று முழங்கினார்.

திருமுருகன் காந்தி

பின்னர் பேசிய பழ.நெடுமாறன் "புலிகள் இருந்தவரை இந்துமாக் கடலை எந்த நாட்டாலும் கைப்பற்ற முடியவில்லை. இன்று நிலைமை அப்படியல்ல. இந்துமாக்கடல் சீனாவின் கட்டுக்குள் சென்றுவிட்டது. இந்தியாவில் டெல்லியில் இருக்கும் புத்திசாலிகளே தெரிந்துகொள்ளுங்கள். இந்தியா மிகப்பெரும் ஆபத்தில் இருக்கிறது. பாகிஸ்தான், நேபாளம், வங்காளம், இலங்கை போன்ற நாடுகள் ஏற்கெனவே சீனாவின் ஆதிக்கத்துக்குள் சென்றுவிட்டது. தற்போது இந்தியப் பெருங்கடலும் அவர்களின் ஆதிக்கத்துக்குள் செல்லவிருக்கிறது. இதுமட்டும் நடந்துவிட்டால் இந்தியாவுக்கு மட்டுமல்ல... தெற்காசிய நாடுகளுக்கே மிகப்பெரிய அச்சுறுத்தல். இந்தக் கடல் நம்மிடம் இருக்கும் வரைக்குமே இந்தியாவுக்குப் பாதுகாப்பு. அதற்கு தமிழீழம் அமைய வேண்டும். அப்போதுதான் அது சாத்தியம்." என்றார்.

 

மாநாட்டில் ஆலோசிக்கப்பட்டது போல தமிழீழம் அமையவேண்டுமானால், அதுபற்றிய விவாதம் இந்தியா முழுவதும் நடத்தப்பட வேண்டும். தமிழீழம் அமைவதென்பது இலங்கையில் இருக்கும் தமிழர்களுக்கு மட்டும் நன்மை பயக்காது; ஒட்டுமொத்த இந்தியாவின் நன்மைக்கே அது வழி வகுக்கும் என்பதுதான் நிதர்சனமான உண்மையும் கூட!

https://www.vikatan.com/news/tamilnadu/116903-highlights-of-vellum-thamizheezham-by-may-17-movement.html

Categories: Tamilnadu-news

போரூர் ஹாசினி கொலை வழக்கு: தஷ்வந்துக்கு மரண தண்டனை

போரூர் ஹாசினி கொலை வழக்கு: தஷ்வந்துக்கு மரண தண்டனை

 

 
download%205

குற்றவாளி தஷ்வந்த், தூக்குக்கயிறு   -  கோப்புப் படம்

போரூர் சிறுமி ஹாசினியை பலாத்காரம் செய்து, எரித்துக் கொன்ற வழக்கில் கைது செய்யப்பட்ட தஷ்வந்துக்கு தூக்கு தண்டனை விதித்து செங்கல்பட்டு மகிளா நீதிமன்றம் தீர்ப்பளித்துள்ளது.

சிறுமி ஹாசினி கொலை வழக்கில் கொடூர குற்றவாளியான தஷ்வந்த் மீதான தீர்ப்பு இன்று வழங்கப்படும் என செங்கல்பட்டு மகிளா நீதிமன்ற நீதிபதி வேல்முருகன் அறிவித்திருந்தார். தீர்ப்பு வெளியாவதை அடுத்து தஷ்வந்தை போலீஸார் பலத்த பாதுகாப்புடன் அழைத்து வந்தனர்.

கடந்த முறை பொதுமக்கள், மாதர் அமைப்பினர் தஷ்வந்தை தாக்கியதால் தீர்ப்பு வெளியாவதை அடுத்து நீதிமன்ற வளாகத்திற்குள் பொதுமக்கள், பத்திரிகையாளர்கள் யாரையும் போலீஸார் அனுமதிக்கவில்லை. இந்நிலையில் காலை 11 மணிக்கு தீர்ப்பு வழங்கப்படும் என எதிர்ப்பார்க்கப்பட்ட நிலையில் மதியம் 3 மணிக்கு தீர்ப்பு வழங்கப்படும் என தெரிவித்தனர்.

ஹாசினியின் தந்தை உயர்ந்தப்பட்ச தண்டனையாக மரண தண்டனை வழங்கப்பட வேண்டும் என்று கோரிக்கை வைத்திருந்த நிலையில் 3 மணிக்கு தீர்ப்பை வாசித்த நீதிபதி வேல்முருகன் தனது தீர்ப்பில் தஷ்வந்த் மீதான குற்றச்சாட்டு நிரூபிக்கப்பட்டுள்ளது என்று தெரிவித்தார். அவரை குற்றவாளி என அறிவித்தார்.

பின்னர் தனது தீர்ப்பை வாசித்த நீதிபதி தஷ்வந்துக்கு அதிகபட்ச தண்டனையாக மரண தண்டனை வழங்குவதாக அறிவித்தார்.

முன்னதாக, சென்னையை அடுத்த போரூரில் வசித்த தஷ்வந்த், கடந்த ஆண்டு பிப்ரவரி மாதம், 7 வயது சிறுமி ஹாசினியை, கடத்திச் சென்று, பாலியல் பலாத்காரம் செய்து, எரித்துக் கொன்றார். சிறுமி உடலை மறைத்து வைத்துவிட்டு குழந்தையின் பெற்றோருடன் சேர்ந்து தானும் நல்லவன் போல் நடித்து தேடும் பணியில் ஈடுபட்டார்.

பின்னர் கண்காணிப்பு கேமரா பதிவுகளை வைத்து அவரது நடத்தையில் சந்தேகமடைந்து போலீஸார் பிடித்து விசாரணை நடத்தியபோது தஷ்வந்த் கொலை செய்ததும், சிறுமி உடலை மறைக்க சாக்குமூட்டையில் கட்டி எடுத்துச்சென்று எரித்ததும் தெரியவந்தது. தஷ்வந்த் தனது கொடூரமான செயலால் இந்தியா முழுதும் பிரபலமானார்.

தஷ்வந்தை கைது செய்த போலீஸார், அவரை குண்டர் சட்டத்தின் கீழ் சிறையில் அடைத்தனர். ஆனால் 3 மாதங்களுக்குள் போலீஸார் குற்றப்பத்திரிகை தாக்கல் செய்யாததால், தஷ்வந்த் மீதான குண்டர் தடுப்பு சட்டத்தை ரத்து செய்த நீதிமன்றம், அவரை ஜாமீனில் விடுவித்தது.

சிறுமியின் கொலைக்குப் பின்னர் அவமானம் அடைந்த தஷ்வந்தின் பெற்றோர் குன்றத்தூருக்கு தங்கள் வீட்டை மாற்றினர். அங்கு வசித்தபோதுதான் தன் தாயாரையே தஷ்வந்த் கொலை செய்தார்.

இந்நிலையில் இன்று ஹாசினி கொலை வழக்கில் மட்டுமே தற்போது தஷ்வந்துக்கு மரண தண்டனை வழங்கப்பட்டுள்ளது. அவரது தாயை கொலை செய்த வழக்கில் விசாரணை நடைபெற்று வருவதால் அதன் தீர்ப்பு விசாரணை முடிந்து தனியாக வரும்

Categories: Tamilnadu-news

அதிமுக அரசை வீழ்த்த தயாராகிவிட்டதா பாஜக?- எதிர்க்கும் ஓபிஎஸ்.. வலுக்கும் மோதல்

அதிமுக அரசை வீழ்த்த தயாராகிவிட்டதா பாஜக?- எதிர்க்கும் ஓபிஎஸ்.. வலுக்கும் மோதல்

 

 
admkoffice

அதிமுக தலைமை அலுவலகம் | கோப்புப் படம்

அதிமுக அரசை வீழ்த்த பாஜக தயாராகிவிட்டதை தெரிந்து கொண்டுதான் அக்கட்சிக்கு எதிராக துணை முதல்வர் ஓ.பன்னீர்செல்வம் பேசி வருவதாக கூறப்படுகிறது.

ஜெயலலிதா மறைவுக்குப் பிறகு அதிமுகவிலும் ஆட்சி நிர்வாகத்திலும் பல மாற்றங்கள் நடந்து வருகின்றன. தலைமைச் செயலகத்தில் வருமானவரித் துறை சோதனை, சசிகலாவுக்கு எதிராக ஓபிஎஸ் போர்க்கொடி, இரட்டை இலை சின்னம் முடக்கம், தேர்தல் ஆணையத்துக்கு லஞ்சம் கொடுக்க முயன்றதாக டிடிவி தினகரன் கைது, அமைச்சர் சி.விஜயபாஸ்கர் வீட்டில் சோதனை, ஆர்.கே.நகர் இடைத்தேர்தல் ரத்து, அதிமுக அணிகள் இணைப்பு, ஓபிஎஸ் துணை முதல்வரானது, முதல்வர் பழனிசாமி- ஓபிஎஸ் அணிக்கு இரட்டை இலை சின்னம் ஒதுக்கீடு என அடுத்தடுத்து நடந்துவரும் மாற்றங்களுக்கு பாஜகவே காரணம் என டிடிவி தினகரனும், திமுக உள்ளிட்ட எதிர்க்கட்சிகளும் குற்றம்சாட்டின.

 

கடந்த டிசம்பர் 21-ம் தேதி நடைபெற்ற ஆர்.கே.நகர் இடைத்தேர்தலில் அதிமுக தோல்வி அடைந்தது. சுயேச்சையாகப் போட்டியிட்ட தினகரன் அமோக வெற்றி பெற்றார். அதன்பிறகு பிரதமர் மோடிக்கு நெருக்கமான பத்திரிகையாளர் எஸ்.குருமூர்த்தி தனது ட்விட்டர் பக்கத்தில், ‘முதல்வர் பழனிசாமியும், ஓபிஎஸ்ஸும் பலவீனமான தலைவர்கள். தங்கள் தலைவரின் பாதத்தை எப்படி தொட்டு வணங்குவது என்பதையும், அவர்களுக்காக எப்படி லஞ் சம் வசூலிப்பது என்பதையும் மட்டுமே இதுவரை அவர்கள் தெரிந்து வைத்திருந்தார்கள்’ என விமர்சனம் செய்தார். இதற்கு அமைச்சர் டி.ஜெயக்குமார் கடும் கண்டனம் தெரிவித்தார். அதனைத் தொடர்ந்து பாஜக - அதிமுக உறவில் உரசல் ஏற்படத் தொடங்கியது.

அதிமுக அணிகள் இணைந்து 6 மாதங்கள் கடந்துள்ள நிலையில் விரிசல் பெரிதாகி மோதல் வெடிக்கத் தொடங்கியுள்ளது. கடந்த ஜனவரி 18-ம் தேதி பட்ஜெட் ஆலோசனைக் கூட்டத்தில் பங்கேற்பதற்காக டெல்லி சென்ற ஓபிஎஸ், பிரதமர் மோடியை சந்திக்க நேரம் கேட்டிருந்ததாகக் கூறப்படுகிறது. ஆனால், எவ்வளவு முயன்றும் அவரால் மோடியை சந்திக்க முடியவில்லை. அணிகள் இணைப்புக்கு முன்பாக 5 முறை மோடியை ஓபிஎஸ் சந்தித்துப் பேசியது குறிப்பிடத்தக்கது.

தமிழகத்தின் ஆளுநராகப் பதவியேற்ற பன்வாரிலால் புரோஹித் அரசுக்கு ஒத்துழைக்காமல் தன்னிச்சையாக செயல்பட்டு வருவதும் முதல்வர் பழனிசாமி, ஓபிஎஸ் இருவருக்கும் கோபத்தை ஏற்படுத்தியுள்ளது. ஆனாலும், இருவரும் எதையும் வெளிப்படையாகப் பேசாமல் அமைதியாக இருந்து வந்தனர்.

கடந்த 14-ம் தேதி கோவையில் நடந்த ஒரு நிகழ்ச்சியில் பேசிய மத்திய இணை அமைச்சர் பொன்.ராதாகிருஷ்ணன், ‘‘தமிழகம் அமைதிப்பூங்காவாக இல்லை. பயங்கரவாதிகளின் பயிற்சிக் களமாக மாறிவிட்டது’ என குற்றம்சாட்டினார். இதை மறுத்த ஓபிஎஸ், ‘‘பொன்.ராதாகிருஷ்ணன் கூறுவது ஜமுக்காளத்தில் வடிகட்டிய பொய்’’ என ஆவேசமாக பதிலளித்தார். கடந்த 16-ம் தேதி தேனியில் நடந்த அதிமுக செயல் வீரர்கள் கூட்டத்தில் பேசிய ஓபிஎஸ், ‘‘பிரதமர் மோடி கேட்டுக் கொண்டதாலேயே முதல்வர் பழனிசாமியுடன் இணைந்தேன். துணை முதல்வர் பதவியையும் ஏற்றுக்கொண்டேன்’’ என தெரி வித்திருந்தார்.

அதிமுகவில் நடக்கும் அனைத்து நிகழ்வுகளுக்கும் பிரதமர் மோடிதான் காரணம் என எதிர்க்கட்சிகள் குற்றம்சாட்டி வருகின்றன. இதை உறுதிப்படுத்தி ஓபிஎஸ் பேசியது அதிமுக, பாஜக கட்சியினரிடையே சலசலப்பை ஏற்படுத்தியது. கட்சியில் மோடியின் தலையீடு இருந்தது என்பதை வெளிப்படுத்தவே ஓபிஎஸ் அவ்வாறு பேசியதாக கூறப்படுகிறது. இதன்மூலம் பாஜக - ஓபிஎஸ் மோதல் பகிரங்கமாகியுள்ளது.

தினகரன் ஆதரவு எம்எல்ஏக்கள் தகுதி நீக்கம் செய்யப்பட்டது தொடர்பான வழக்கில் விரைவில் தீர்ப்பு வரவுள்ளது. அதிமுக அரசு மீது பல்வேறு ஊழல் குற்றச்சாட்டுகளும் வரத் தொடங்கியுள்ளன. எனவே, அதிமுக ஆட்சியை வீழ்த்த பாஜக தயாராகி விட்டதாகவும், இதை தெரிந்துகொண்டதாலேயே பாஜகவை விமர்சித்து ஓபிஎஸ் பேசத் தொடங்கியுள்ளதாகவும் கூறப்படுகிறது. பாஜக - ஓபிஎஸ் மோதல் தமிழக அரசியலில் அடுத்து என்ன நடக்கும் என்ற எதிர்பார்ப்பையும், பரபரப்பையும் ஏற்படுத்தியுள்ளது.

http://tamil.thehindu.com/tamilnadu/article22794328.ece?homepage=true

Categories: Tamilnadu-news

அழிவை நோக்கி 40-க்கும் அதிகமான மொழிகள்: தமிழகத்திலும் 2 வட்டார மொழிகள் உள்ளன

அழிவை நோக்கி 40-க்கும் அதிகமான மொழிகள்: தமிழகத்திலும் 2 வட்டார மொழிகள் உள்ளன

 

 
language-dialect-newjpg

கோப்புப் படம்

நாட்டில் வட்டாரங்களில் பேசப்பட்டுவரும் 40-க்கும் மேற்பட்ட மொழிகள் அழிவை நோக்கி இருக்கின்றன என்று மத்திய புள்ளியியல் துறை தெரிவிக்கிறது. இந்த மொழிகள் குறிப்பிட்ட சில ஆயிரம் மக்களால் மட்டுமே பேசப்பட்டு வருகிறது

இது குறித்து மத்திய புள்ளியியல் துறை இயக்குநரகம் வெளியிட்ட அறிவிப்பில் கூறப்பட்டு இருப்பதாவது:

நாட்டில் மொத்தம் 22 பட்டியலிடப்பட்ட மொழிகளும், பட்டியலிடப்படாமல் 100 மொழிகளும் உள்ளன. இந்த 100-க்கும் மேற்பட்ட மொழிகளை ஒரு லட்சத்துக்கும் அதிகமான மக்கள் பேசி வருகின்றனர்.

இதில் 10 ஆயிரத்துக்கும் குறைவான மக்கள் மட்டும் 42 மொழிகளைப் பேசி வருகின்றனர். இந்த மொழிகள்தான் அழிவின் தருவாயிலும், அழிவை நோக்கியும் இருக்கிறது. சமீபத்தில் யுனெஸ்கோ அமைப்பு, அழியும் தருவாயில் இருக்கும் 42 மொழிகளை பட்டியலிட்டு அறிவித்துள்ளது.

அதில் அந்தமான் நிகோபர் தீவுகளில் மக்களால் பேசப்பட்டுவரும் 11 மொழிகள் அழிவின் தருவாயில் இருக்கின்றன. குறிப்பாக கிரேட் அந்தமானீஸ், ஜார்வா, லமோங்கிஸ், லூரோ, மோட், ஓங்கே, பு, சனேன்யு, சென்டிலிஸ், சோம்பென், தகாகன்லிலாங் ஆகியசமூகத்தினர் பேசும் மொழிகள் அழிவை நோக்கி இருக்கின்றன.

ஓடிசா மாநிலத்தில் மண்டா, பர்ஜி, பெங்கோ மொழிகள், கர்நாட மாநிலத்தில் கொராகா, குருபா மொழிகள், ஆந்திர பிரதேசத்தில் கடபா, நைக்கி, தமிழகத்தில் நீலகிரி மாவட்டத்தில் பழங்குடியின மக்களால் பேசப்பட்டுவரும் கோட்டா, தோடா மொழிகள் அழிவின் பிடியில் இருக்கின்றன. இவை சில ஆயிரம் மக்களால் மட்டுமே பேச்சு வழக்கில் இருந்துவருகிறது. எழுத்து வடிவம் இல்லை.

அருணாச்சலப்பிரதேசத்தில் மிரா, நா மொழிகள், அசாமில் தாய் நோரா, தாய் ராங், உத்தரகாண்டில் பங்கானி, ஜார்கண்டில் பிர்ஹோர், மஹாராஷ்டிராவில் நிஹாலி, மேகாலயாவில் ருகா மொழி, மேற்கு வங்காளத்தில் டோடோ மொழி ஆகியவை, அழிவின் அபாயத்தில் இருக்கின்றன.

மைசூரு நகரில் உள்ள இந்திய மொழிகளுக்கான மையம், 10 ஆயிரம் மக்களுக்கு குறைவாக பேசும் அழிவின் பிடியில் இருக்கும் இந்த மொழிகளை பாதுகாக்க பல்வேறு நடவடிக்கைகளையும், சிறப்புத் திட்டங்களையும் வகுத்துவருகிறது. இந்த மொழிகளை காக்க, எழுத்துவடிவில் கொண்டுவருதல், பாடல்களை சேகரித்தல், அகராதிகள் வெளியிடுதல் உள்ளிட்ட பலபணிகளை செய்து வருகிறது என்பது குறிப்பிடத்தக்கது.

http://tamil.thehindu.com/india/article22795608.ece?homepage=true

Categories: Tamilnadu-news

அரசியல் ஒரு சாக்கடை.. இதில் யார் வந்தால் என்ன?- அழகிரி கருத்து

அரசியல் ஒரு சாக்கடை.. இதில் யார் வந்தால் என்ன?- அழகிரி கருத்து

 

 
alagirijpg

திருமண விழாவில் அழகிரி

அரசியல் ஒரு சாக்கடை.. இதில் யார் வந்தால் என்னவென்று திமுக தலைவர் கருணாநிதியின் மகன் மு.க.அழகிரி கூறியுள்ளார்.

விருதுநகர் மாவட்டம் சாத்தூர் அடுத்த தாயில்பட்டியில் திமுக பிரமுகர் இல்லத் திருமண விழாவில் அழகிரி இன்று (திங்கள்கிழமை) கலந்து கொண்டார்.

விழாவில் கலந்துகொண்டுவிட்டு அவர் காரில் ஏற முற்பட்டபோது செய்தியாளர்கள் அவரிடம் திமுக செயல்தலைவர் ஸ்டாலினின் மகன் உதயநிதி ஸ்டாலின் அரசியல் பிரவேசம் குறித்து கேள்வி எழுபினர்.

அதற்கு அழகிரி, "அரசியல் ஒரு சாக்கடை.. இதில் யார் வந்தால் என்ன" எனக் கூறினார். மேலும், சில கேள்விகளை செய்தியாளர்கள் முன்வைக்க அவற்றைப் புறக்கணித்துவிட்டு காரில் ஏறிச் சென்றுவிட்டார்.

திமுக செயல்தலைவர் ஸ்டாலினின் மகன் உதயநிதி ஸ்டாலின் கட்சியில் அண்மைக்காலமாக முன்னிலைப்படுத்தப்பட்டு வருகிறார். அண்மையில், நடந்த ஆர்ப்பாட்டம் ஒன்றில் கலந்து கொண்ட உதயநிதி "இனி என்னை அடிக்கடி பொது மேடைகளில் பார்க்கலாம்" என்று கூறினார்.

உதயநிதி ஸ்டாலினின் திடீர் அரசியல் பிரவேசம் கட்சியின் மூத்த நிர்வாகிகள் மத்தியில்கூட அதிருப்தியை ஏற்படுத்தியிருப்பதாக சலசலக்கப்படும் நிலையில் அழகிரியின் இந்தக் கருத்து முக்கியத்துவம் வாய்ந்ததாகவே கருதப்படுகிறது.

http://tamil.thehindu.com/tamilnadu/article22794784.ece?homepage=true

Categories: Tamilnadu-news

ஏரியில் மிதந்து வந்த 7 உடல்களால் பரபரப்பு !!!

ஏரியில் மிதந்து வந்த 7 உடல்களால் பரபரப்பு !!!

 

 

இந்தியா - திருப்பதி அருகே ஏரியில் 7 உடல்கள் நேற்று மிதந்து வந்ததைத் தொடர்ந்து உடல்களை மீட்ட பொலிஸார் தீவிர விசாரணைகளை நடாத்தி வருகின்றனர்.

இந்தியா - ஆந்திர மாநிலம் கடப்பா மாவட்டம் ஒண்டிமிட்டா என்ற இடம் திருப்பதி மலைப்பகுதியையொட்டி உள்ளது. இங்குள்ள மலை அடிவாரத்தில் மிகப்பெரிய ஏரி உள்ளது.

நேற்று இந்த ஏரி வழியாக சென்றவர்கள் ஏரிக்குள் 7 உடல்கள் மிதப்பதை கண்டு அதிர்ச்சியடைந்து பொலிஸாருக்கு தகவல் தெரிவித்துள்ளனர்.

தகவலறிந்த  ஒண்டிமிட்டா பொலிஸாரும், தீயணைப்புத்துறையினரும் அந்த ஏரிக்கு விரைந்து சென்று ஏரியில் மிதந்து வந்த சடலங்களை மீட்டு பிரேத பரிசோதனைக்காக அருகிலுள்ள வைத்திய சாலைக்கு அனுப்பி வைத்துள்ளனர்.

7_dead_bodys_found.jpg

சடலங்களாக மிதந்தவர்கள் யார்? எந்த ஊரைச் சேர்ந்தவர்கள்? என்ற விவரம் இது வரை கண்டறியப்படவில்லை

குறித்த  மலைப்பகுதியில் செம்மரங்கள் அதிகமாக உள்ளன. செம்மரங்கள் வெட்டப்படுவதை தடுக்க வனத்துறையினரின் ரோந்துப் பணிகள் தீவிரமாக உள்ளது. எனவே இரவு நேரத்தில் செம்மரக்கட்டைகளை கடத்த வந்த  கடத்தல் கும்பல் அங்கு வந்த வனத்துறையினரிடம் இருந்து தப்பிக்க முயன்று ஓடியபோது ஏரியில் விழுந்து இறந்திருக்கலாம் என வனத்துறையினர் கருத்து வெளியிட்டுள்ளதாக இந்திய ஊடகங்கள் செய்தி வெளியிட்டுள்ளன.

செம்மரக்கட்டை கடத்தும் கும்பலில் தமிழகத்தை சேர்ந்தவர்களே அதிகம் உள்ளனர். எனவே உயிரிழந்தவர்கள் தமிழ்நாட்டை சேர்ந்தவர்களாக இருக்கலாம் எனவும் கூறப்படுகிறது.

http://www.virakesari.lk/article/30777

      ஆந்திர ஏரியில் 5 தமிழர் சடலங்கள் மீட்பு: தொலைபேசி எண்கள் அறிவிப்பு

 

 
aplake

ஆந்திர மாநிலம், கடப்பா மாவட்டத்தில் உள்ள ராமர் கோயில் ஏரியில் தமிழ்நாட்டைச் சேர்ந்தவர்களாகக் கருதப்படும் 5 பேரின் சடலங்கள் மீட்கப்பட்டன. அவர்கள் குறித்த விவரம் அறிய ஆந்திர போலீஸார் தொலைபேசி எண்களை அறிவித்துள்ளனர்.

ஆந்திர மாநிலம் கடப்பா மாவட்டம் ஒண்டிமிட்டாவில் பழைமையான ராமர் கோயில் உள்ளது. ஆந்திர அரசுக்கு சொந்தமான இந்த கோயில் சமீபத்தில் திருமலை திருப்பதி தேவஸ்தானத்திடம் ஒப்படைக்கப்பட்டது. 

இதனை தற்போது திருமலை திருப்பதி தேவஸ்தானம் பராமரித்து வருகிறது. கோயிலுக்கு எதிரில் வனப் பகுதியை ஒட்டிய இடத்தில் பெரிய ஏரி உள்ளது. 

இந்நிலையில், இந்த ஏரியில் 5 பேரின் சடலங்கள் ஞாயிற்றுக்கிழமை காலை மிதிப்பதை கண்ட பொது மக்கள் அதுகுறித்து கடப்பா போலீஸாருக்கு தகவல் அளித்தனர். 

சம்பவ இடத்துக்கு சென்ற போலீஸார் சடலங்களை கைபற்றி பிரேதப் பரிசோதனைக்காக கடப்பா அரசு மருத்துவமனைக்கு அனுப்பி வைத்தனர். ஏரியில் மேலும் சடலங்கள் உள்ளதா என நீச்சல் வீரர்களின் உதவியுடன் அவற்றை தேடும் பணியில் போலீஸார் ஈடுபட்டுள்ளனர். 

அந்த ஏரியின் கரையில் கிடந்த துணிப்பை ஒன்றில் சேலம் என குறிப்பிடப்பட்டிருந்தது. எனவே இவர்கள் சேலம் மாவட்டத்தைச் சேர்ந்தவர்களாக இருக்கலாம் என போலீஸார் சந்தேகிக்கின்றனர்.

சனிக்கிழமை இரவு வனப்பகுதியில் செம்மரம் வெட்ட சிலர் சென்றனர் என்றும் அவர்களைப் பிடிக்க போலீஸார் விரட்டி சென்றபோது தப்புவதற்காக ஏரியில் குதித்திருக்கலாம் என்றும் நீச்சல் தெரியாமல் அவர்கள் நீரில் மூழ்கி அவர்கள் இறந்திருக்கலாம் என போலீஸார் சந்தேகிக்கின்றனர். 

மேலும் செம்மரம் வெட்டச் சென்றவர்களை பிடித்த ஆந்திர போலீஸார் விசாரணை என்ற பெயரில் அடித்து துன்புறுத்தியதில் அவர்கள் இறந்திருக்கலாம் என்றும், இதனை மறைக்க சடலங்களை போலீஸார் ஏரியில் வீசினார்களா? என்ற சந்தேகமும் எழுந்துள்ளது. 

இறந்தவர்கள் யார், யார்? எந்த ஊரைச் சேர்ந்தவர்கள் என்பது குறித்த விவரங்கள் உடனடியாகத் தெரியவில்லை.

இந்நிலையில், கடப்பா ஒண்டிமிட்டா ஏரியில் சடலமாக மீட்கப்பட்ட 5 தமிழர்கள் குறித்த விவரம் அறிய, ஆந்திர போலீஸார் 9121100565, 9121100581, 9121100582 என்ற தொலைபேசி எண்களை அறிவித்துள்ளனர். 

http://www.dinamani.com/latest-news/2018/feb/19/ஆந்திர-ஏரியில்-5-தமிழர்-சடலங்கள்-மீட்பு-தொலைபேசி-எண்கள்-அறிவிப்பு-2866327.html

Categories: Tamilnadu-news

கோபாலபுரம் இல்லத்தில் தி.மு.க. தலைவர் கருணாநிதியுடன் நடிகர் கமல்ஹாசன் சந்திப்பு

கோபாலபுரம் இல்லத்தில் தி.மு.க. தலைவர் கருணாநிதியுடன் நடிகர் கமல்ஹாசன் சந்திப்பு

 

தீவிர அரசியலில் இறங்கியுள்ள நடிகர் கமல்ஹாசன் கோபாலபுரம் இல்லத்தில் தி.மு.க. தலைவர் கருணாநிதியை இன்று சந்தித்து வாழ்த்து பெற்றார். #kamalhaasan #karunanidhi #gopalapuramhouse

 
 
கோபாலபுரம் இல்லத்தில் தி.மு.க. தலைவர் கருணாநிதியுடன் நடிகர் கமல்ஹாசன் சந்திப்பு
 
சென்னை:
 
நடிகர் கமல்ஹாசன் தீவிர அரசியலில் களமிறங்க இருக்கிறார். வருகிற 21-ந்தேதி ராமேசுவரத்தில் உள்ள மறைந்த அப்துல்காம் வீட்டில் இருந்து கமல் தனது அரசியல் பயணத்தை தொடங்குகிறார். அங்கிருந்து சுற்றுப்பயணம் செய்து மக்களை சந்தித்து பொதுக்கூட்டத்தில் கலந்து கொள்ள இருக்கிறார்.
 
இதற்கிடையே, நடிகர் ரஜினியை போயஸ் தோட்ட இல்லத்தில் இன்று மாலை சந்தித்தார். அப்போது, ‘ரஜினியுடனான சந்திப்பு நட்பு ரீதியானது, அரசியல் ரீதியானது இல்லை. என்னுடைய அரசியல் பயணத்திற்கு ரஜினி வாழ்த்து சொல்லியிருக்கிறார். மதுரை கூட்டத்தில் பங்கேற்க ரஜினிகாந்த்திற்கு அழைப்பு விடுத்துள்ளேன்’ என்றார்.
 
இந்நிலையில், தீவிர அரசியலில் இறங்கியுள்ள நடிகர் கமல்ஹாசன் கோபாலபுரம் இல்லத்தில் தி.மு.க. தலைவர் கருணாநிதியை இன்று இரவு சந்தித்து வாழ்த்து பெற்றார். 
 
முன்னதாக, கோபாலபுரம் இல்லத்துக்கு வந்த நடிகர் கமல்ஹாசனை தி.மு.க. செயல் தலைவர் ஸ்டாலின் வரவேற்றார்.
201802182103307520_1_kamal-1._L_styvpf.jpg
கருணாநிதியை சந்தித்தபின் நடிகர் கமல்ஹாசன் செய்தியாளர்களிடம் கூறுகையில், அரசியல் பயணத்துக்காக தி.மு.க. தலைவர் கருணாநிதியிடம் வாழ்த்து பெற்றேன். கருணாநிதியின் அறிவுக்கூர்மை, தமிழ் மற்றும் தமிழக மக்களின் பால் உள்ள அக்கறை ஆகியவற்றை கண்டு வியந்திருக்கிறேன். எனது கொள்கையை தி.மு.க. புரிந்தபின்னர் கூட்டணி குறித்து யோசிக்கலாம் என தெரிவித்துள்ளார்.
 
21-ம் தேதி அரசியல் பயணம் செய்ய இருக்கிறேன். அதற்குமுன் எனக்கு பிடித்தவர்களிடம் சொல்லிட்டு செல்கிறேன். அதற்காகத் தான் ரஜினியை சந்திக்க வந்தேன் என கமல்ஹாசன் கூறியிருந்தது குறிப்பிடத்தக்கது. கமல்ஹாசன் தீவிர அரசியலில் ஈடுபட்டிருக்கும் நிலையில் இவர்களது சந்திப்பு பெரும் பரபரப்பை ஏற்படுத்தி இருக்கிறது. #tamilnews #kamalhaasan #karunanidhi #gopalapuramhouse

https://www.maalaimalar.com/News/TopNews/2018/02/18210331/1146571/actor-kamal-haasan-meets-dmk-leader-karunanithi-in.vpf

Categories: Tamilnadu-news

'கமல் பாணி வேறு; என்னுடைய பாணி வேறு' - ரஜினிகாந்த்

'கமல் பாணி வேறு; என்னுடைய பாணி வேறு' - ரஜினிகாந்த்
 
 

சினிமாவைப் போல அரசியலிலும் என்னுடைய பாணி வேறு கமல்ஹாசனுடைய பாணி வேறு என நடிகர் ரஜினிகாந்த் தெரிவித்துள்ளார். 

 

Rajini_15446.jpeg

 

பிப்ரவரி 21ம் தேதி அரசியல் சுற்றுப் பயணத்தை ராமநாதபுரத்தில் தொடங்க இருக்கிறார் கமல்ஹாசன். அன்றே மதுரையில் பொதுக்கூட்டத்தையும் நடத்த உள்ளார். அரசியல் பயணத்தை தொடங்க உள்ள நிலையில் தனக்கு பிடித்தமான மனிதர்களை சந்திக்கிறேன் என்று கூறி நேற்று இந்திய கம்யூனிஸ்ட் மூத்த தலைவர் நல்லகண்ணுவை சந்தித்த கமல்ஹாசன் தொடர்ந்து, இன்று (18.2.2018) நடிகர் ரஜினிகாந்தை சந்தித்தார். சென்னை போயஸ் இல்லத்தில் உள்ள வீட்டில் நடைபெற்ற சந்திப்பில் மதுரைப் பொதுக்கூட்டத்தில் பங்கேற்குமாறு அப்போது ரஜினிக்கு அவர் அழைப்பு விடுத்தார். இது அரசியல்ரீதியான சந்திப்பில்லை; நட்பு ரீதியிலான சந்திப்பே என்று நடிகர் கமல் விளக்கம் கொடுத்திருந்தார்.  

 

இந்தநிலையில் செய்தியாளர்களிடம் பேசிய ரஜினி, "பணம், புகழுக்காக கமல் அரசியலுக்கு வரவில்லை என்பது அனைவருக்கும் தெரியும். தமிழக மக்களுக்கு நல்லது செய்ய வேண்டும் என்ற நோக்கத்தில் அரசியலுக்கு வருகிறார். அரசியல் பயணத்தில் அவருக்கு வெற்றி உண்டாகட்டும். ஆண்டவனின் ஆசிர்வாதம் அவருக்கு கிடைக்கும். அரசியலில் வெற்றி பெற எனது மனமார்ந்த வாழ்த்துக்களை தெரிவித்து கொள்கிறேன். சினிமாவின் கமல் பாணி வேறு, என்னுடைய பாணி வேறாக இருக்கும். அதேபோல் அரசியலிலும் கமல் பாணி வேறு, என்னுடைய பாணி வேறாக இருக்கும். அவரின் அனைத்து பயணங்களும் வெற்றிபெற ஆண்டவனிடம் வேண்டிக் கொள்கிறேன்" என்றார்.

https://www.vikatan.com/news/politics/116786-my-style-is-differ-from-kamal-style-says-rajinikanth.html

    ``நட்பே பிரதானம்!’’ - ரஜினியுடனான சந்திப்பு குறித்து நெகிழ்ந்த கமல்
 
 
Chennai: 

அரசியல் பயணத்தைத் தொடங்க உள்ள நடிகர் கமல்ஹாசன், சென்னை போயஸ்கார்டன் இல்லத்தில் நடிகர் ரஜினிகாந்தைச் சந்தித்துப் பேசினார். 

 

Kamal_New_15400.jpeg

 


ராமேஸ்வரத்தில் உள்ள அப்துல் கலாம் இல்லத்தில் இருந்து வரும் 21-ம் தேதி அரசியல் பயணத்தைத் தொடங்க இருப்பதாக நடிகர் கமல்ஹாசன் ஏற்கெனெவே அறிவித்திருந்தார். அதையடுத்து, அன்று மாலையே மதுரை ஒத்தக்கடை பகுதியில் நடைபெறும் பொதுக்கூட்டத்தில் அவர் உரையாற்றுகிறார். அப்போது, கட்சியின் பெயர் மற்றும் கொடி ஆகியவற்றை கமல்ஹாசன் அறிவிக்கிறார். அரசியல் பயணத்துக்கு முன்பாக, பல்வேறு தரப்பினரையும் கமல் நேரில் சந்தித்துப் பேசி வருகிறார். கம்யூனிஸ்ட் கட்சி மூத்த தலைவர் நல்லகண்ணு, முன்னாள் தேர்தல் ஆணையர் டி.என்.சேஷன் உள்ளிட்டோரை அவர் அண்மையில் சந்தித்துப் பேசியிருந்தார். 

 

இந்தநிலையில், சென்னை போயஸ்கார்டனில் உள்ள இல்லத்தில் ரஜினிகாந்தை கமல்ஹாசன் சந்தித்துப் பேசினார். சந்திப்புக்குப் பின்னர் செய்தியாளர்களிடம் பேசிய கமல்ஹாசன், ``அரசியல் பயணத்துக்குச் செல்வதால், அதற்கு முன்பாக பிடித்தவர்களைச் சந்தித்து வாழ்த்துப் பெற்றேன். அரசியல் பயணம் சிறப்பாக அமைய ரஜினி வாழ்த்துச் சொன்னார். இந்த சந்திப்பு அரசியல்ரீதியானது இல்லை. இந்த சந்திப்பில் அரசியல் இல்லை; நட்புரீதியிலானது. இந்த சந்திப்பில் நட்பே பிரதானமானது’’ என்றார்.   

https://www.vikatan.com/news/tamilnadu/116783-kamal-hassan-meets-rajinikanth-in-chennai.html

Categories: Tamilnadu-news

சசிகலா குடும்பத்தினரின், தமிழக சொத்து களை பறிமுதல் செய்ய நடவடிக்கை

சசி,குடும்பத்தினரின்,வெளிநாட்டு,முதலீடுகளை,வரித்துறை,தோண்டுகிறது!

சசிகலா குடும்பத்தினரின், தமிழக சொத்து களை பறிமுதல் செய்ய நடவடிக்கை எடுத்து வரும்,வருமான வரித்துறை,அவர்கள் நடத்திய போலி நிறுவனங்களின் வெளிநாட்டு முதலீடு கள் குறித்தும், விசாரணையை துவக்கியுள்ளது.

 

சசி,குடும்பத்தினரின்,வெளிநாட்டு,முதலீடுகளை,வரித்துறை,தோண்டுகிறது!


இது தொடர்பாக, அமலாக்கத் துறையும், விரைவில் களத்தில் இறங்குகிறது. அதனால், சசி உறவுகளுக்கு சிக்கல் அதிகரித்துள்ளது. மறைந்த முதல்வர், ஜெயலலிதாவின் நிழலாக, 25 ஆண்டுகளாக வாழ்ந்த சசிகலா மற்றும் அவர்களது உறவினர்கள், தமிழகத்தில், பல ஆயிரம் கோடி ரூபாய் மதிப்பிலான சொத்து களை வாங்கி குவித்துள்ளனர்.


இந்நிலையில், வருமான வரித்துறை அதிகாரிகள், சசிகலா, அவரது உறவினர்கள் மற்றும் நண்பர்களின் வீடுகள் மற்றும் அலுவலகங்கள் என, சென்னையில், 117

இடங்கள் உட்பட,தமிழகத்தில், 215 இடங்களில், 2017 நவம்பரில், ஒரே நேரத்தில் சோதனை நடத்தினர்.


மதுபான ஆலை:மேலும், ஜெயா, 'டிவி' மற்றும், 'நமது எம்.ஜி.ஆர்.,' நாளிதழ் அலுவலகம்; காஞ்சிபுரம் மாவட்டம், படப்பையில் உள்ள, 'மிடாஸ்' மதுபான ஆலை; சென்னை, வேளச்சேரியில் உள்ள, 'ஜாஸ் சினிமாஸ்' நிறுவனம்.ஜெ., உதவியாளர், பூங்குன்றனின் வீடு, இளவரசி மகன், விவேக், அவரது சகோதரிகள், கிருஷ்ணபிரியா, ஷகிலா உள்ளிட்டோரின் வீடுகள் என, ஐந்து நாட்கள், இந்த சோதனை தொடர்ந்தது.அதன் தொடர்ச்சியாக, சென்னையில், ஜெ., வசித்த போயஸ் தோட்ட இல்லத்திலும், வருமான வரித்துறையினர் சோதனை நடத்தினர்.


அங்குள்ள சசிகலா அறையில், 'லேப் - டாப், பென் டிரைவ்' மற்றும் ஜெயலலிதாவுக்கு, டி.ஜி.பி., அசோக்குமார் எழுதிய, ரகசிய கடிதம் உள்ளிட்ட ஆவணங்கள் சிக்கின. இச்சோதனை யில் இதுவரை, 5,000 கோடி ரூபாய் வரை, வரி ஏய்ப்பு கண்டறியப்பட்டுள்ளது. அதனால், சசிகலா குடும்பத்தினரின் தமிழக சொத்துகளை பறிமுதல் செய்ய, வருமான வரித்துறை நடவடிக்கை எடுத்து வருகிறது. அடுத்தகட்ட நடவடிக்கையாக, அவர்கள் நடத்திய போலி நிறுவனங்களின் வெளிநாட்டு பரிவர்த்தனை

குறித்த விசாரணையையும்துவக்கி உள்ளது. இதனால், சசி கும்பலுக்கு சிக்கல் அதிகரித்து உள்ளது.

 

முடக்கியது



இது குறித்து, தமிழக வருமான வரித்துறை புலனாய்வு பிரிவு தலைமையக அதிகாரிகள் கூறியதாவது:சசிகலா குடும்பத்தினர், 1996க்கு பின், குறிப்பாக, ஜெ., மீண்டும் ஆட்சிக்கு வந்த, 2001க்குப் பின், ஏராளமான போலி நிறுவனங் களை துவக்கியுள்ளனர். அதில், சில நிறுவனங் கள், பெயரளவுக்கு இயங்கியதால், அவற்றை மத்திய அரசு முடக்கியது. நாங்கள் நடத்திய சோதனையின் போது, சசி கும்பலுக்கு சொந்த மான, 20க்கும் மேற்பட்ட போலி நிறுவனங் களின், 100க்கும் அதிகமான வங்கிக் கணக்கு களை முடக்கினோம்.


தற்போது, அந்த போலி நிறுவனங்களின் பணப் பரிவர்த்தனைகளை ஆராயத் துவங்கியுள் ளோம். அதில், சில நிறுவனங்கள், அன்னிய பரிவர்த்தனை மேற்கொண்டிருப்பது தெரிய வந்துள்ளது. அவற்றை முழுமையாக ஆய்வு செய்யும் பணி நடந்து வருகிறது. அன்னிய பரிவர்த்தனை தொடர்பான வழக்காக இது மாறுவதால், மத்திய அமலாக்கத் துறையும், விரைவில் களத்தில் இறங்கவுள்ளது. இவ்வாறு அவர்கள் கூறினர்.

http://www.dinamalar.com/news_detail.asp?id=1961612

Categories: Tamilnadu-news

ஸ்டாலின் ரகசியமும் வைகோ பிரகடனமும்!

மிஸ்டர் கழுகு: ஸ்டாலின் ரகசியமும் வைகோ பிரகடனமும்!
 
 

 

p4b_1518775060.jpg“அ.தி.மு.க தலைமைக்கழகத்தில் இருக்கிறேன். போட்டோகிராபரை அனுப்பி வைக்கவும்’’ என்று செய்தி அனுப்பினார் கழுகார். அடுத்த அரை மணி நேரத்தில் நம்முன் ஆஜரானார் கழுகார்.

‘‘அ.தி.மு.க. தலைமைக்கழகத்தில் என்ன விசேஷம்?” என்றோம்.

“ஜெயலலிதாவின் பிறந்த நாளான பிப்ரவரி 24-ம் தேதி, அவரது உருவச்சிலை அ.தி.மு.க தலைமை அலுவலகத்தில் திறக்கப்பட உள்ளது. திருவள்ளூர் மாவட்டம், ஆர்.கே.பேட்டை பகுதியில் தயாரிக்கப்பட்ட இந்தச் சிலை, இரண்டு மாதங்களுக்கு முன்பே சென்னை வந்துவிட்டது. தலைமை அலுவலகத்தில் உள்ள எம்.ஜி.ஆர் சிலை அளவுக்கே ஜெயலலிதாவின் சிலையும் வைக்கப்பட உள்ளது. சிலையில் கண் பகுதி சரியாக அமையவில்லையென்று, தயாரித்த இடத்துக்குச் சிலையை மீண்டும் எடுத்துச் சென்றனர். ஓரிரு தினங்களில் சரிசெய்யப்பட்டு, மீண்டும் சென்னை வர உள்ளது. சிலையை முதல்வர் பழனிசாமி திறந்து வைக்கவுள்ளார்.”

‘‘சசிகலா சிறைக்குச் செல்வதற்கு முன்பே ஜெயலலிதாவுக்குச் சிலை வைப்பதற்கான வேலை நடந்ததே?”

‘‘ஆமாம். சிலைகூட தயார் செய்யப்பட்டது. தலைமை அலுவலகத்தில் வைக்கும் சிலையைப் போலவே, மாவட்டம்தோறும் சிலை வைப்பதற்கும் முடிவானது. சசிகலா சிறைக்குச் சென்றதால், அந்தத் திட்டம் கைவிடப்பட்டது. சசிகலா தரப்பு உருவாக்கிய சிலையை நிராகரித்த எடப்பாடி தரப்பு, புதிதாக சிலைக்கு ஆர்டர் கொடுத்தது.”

p4c_1518775082.jpg

‘‘முதல்வர் எடப்பாடி பழனிசாமியை எதிர்கட்சித் தலைவர் ஸ்டாலின் சந்தித்துள்ளாரே?”

‘‘பஸ் கட்டண உயர்வு, போக்குவரத்து தொழிலாளர்கள் பிரச்னை ஆகியவற்றை ஆய்வுசெய்து, 27 பரிந்துரைகளைத் தி.மு.க தயார் செய்திருந்தது. அதை முதல்வரிடம் அளிக்க ஸ்டாலின் தரப்பில் நேரம் கேட்கப்பட்டது. உடனே நேரம் ஒதுக்கப்பட்டது. முதல்வர் அறைக்குள் ஸ்டாலின் நுழைந்ததும், முதல்வர் எழுந்து நின்று வரவேற்றார். அப்போது துணை முதல்வர் பன்னீர்செல்வம், அமைச்சர்கள் ஜெயக்குமார், போக்குவரத்துத் துறை அமைச்சர் விஜயபாஸ்கர் உள்ளிட்டோரும் இருந்தனர். தான் கொண்டுவந்த ஃபைலை முதல்வரிடம் கொடுத்து, ‘இந்தப் பரிந்துரைகளை நீங்கள் அமல் செய்தாலே, பஸ் கட்டணத்தை உயர்த்தத் தேவை இருக்காது’ என்று ஸ்டாலின் சொன்னார். அந்த ஃபைலைத் திறந்துகூட பார்க்காமல், ‘பரிசீலனை செய்கிறேன்’ என்று எடப்பாடி சொன்னார். அருகில் இருந்த விஜயபாஸ்கரிடம், ‘நீங்களாவது படித்து இந்த விவகாரத்தில் நல்ல முடிவு எடுங்கள்’ என ஸ்டாலின் சொன்னார். அனைவருக்கும் தேனீர் பரிமாறப்பட்டது. 15 நிமிடங்களில் சந்திப்பு முடிந்தது. கண்புரை அறுவை சிகிச்சை செய்துள்ளதால் முதல்வர் அந்த அறிக்கையைப் படிக்கவில்லையாம்.” 

“மதுரையில் வைகோ பேசியிருப்பதைக் கவனித்தீரா?”

“ஆமாம். பஸ் கட்டண உயர்வைக் கண்டித்து தி.மு.க கூட்டணிக் கட்சிகள் சார்பில் மாநிலம் முழுவதும் பொதுக்கூட்டங்கள் நடந்தன. மதுரையில் நடந்த பொதுக்கூட்டத்தில் வைகோ பேசிய பேச்சு, தி.மு.க-வினரை உற்சாகமடைய வைத்தது. ‘14 ஆண்டுகள் கழித்து தி.மு.க கொடி பறக்கும் மேடையில் மதுரையில் பேசுகிறேன். திராவிட இயக்கத்தை வீழ்த்துவோம் என்று சிலர் கிளம்பியிருக்கிறார்கள். கழகங்கள் இல்லாத தமிழகம் என்கிறார்கள். இந்த நிலையில், தி.மு.க-வை ஆதரிப்பது மட்டுமே சரியானது என்ற முடிவோடு வந்திருக்கிறேன். தளபதி ஸ்டாலினை முதலமைச்சர் ஆக்குவோம். இதைத் தவிர எங்களுக்கு வேறு நோக்கம் இல்லை’ என்றார் வைகோ.”

“அப்படியா?”

“ஸ்டாலினும் வைகோவும் பழைய பகையை மறந்து ஒன்றுசேர்ந்துள்ளார்கள். யாராவது உள்ளே புகுந்து அவர்களுக்குள் குழப்பம் ஏற்படுத்தி விடக்கூடாது. அதனால்தான், வெளிப்படையாகவே இதனைச் சொல்லிவிட வைகோ முடிவெடுத்தாராம். ‘இரண்டு தலைவர்களும் தனிப்பட்ட முறையில் இதுபற்றிப் பேசிவிட்டார்கள். ஆனாலும், மீடியாவால் கிளப்பப்படும் சர்ச்சைகளுக்கு முற்றுப்புள்ளி வைக்க வைகோ நினைத்திருக்கலாம்’ என்கிறார்கள் தி.மு.க-வில். ‘வைகோவை முழுமையாக ஸ்டாலின் ஏற்றுக்கொண்டதால்தான், மதுரை மாநகரில் அவர் பேசுவதற்கான ஏற்பாடுகளைச் செய்தார். மிகப் பிரமாண்டமாக ஏற்பாடுகள் செய்யப்பட்டன. தி.மு.க-வினர் தயக்கமின்றி வேலை பார்த்தார்கள்’ என்றும் அவர்கள் சொல்கிறார்கள்!”

p4a_1518775105.jpg

‘‘ஸ்டாலின் பேச்சில் இது வெளிப்பட்டதா?”

‘‘திருவள்ளூரில் பேசிய ஸ்டாலின் இந்த மேட்டரைத் தொடாமல், அ.தி.மு.க ஆட்சியைக் காய்ச்சியெடுத்தார். ‘இந்த ஆட்சியைக் கலைக்க ஒரு நிமிடம் போதும்’ என்று சொன்னதுதான் ஹைலைட்!”

‘‘எந்த அர்த்தத்தில் அப்படிச் சொன்னார்?”

‘‘அ.தி.மு.க முன்னாள் அமைச்சர் ஒருவர் ஸ்டாலினிடம் பேசியது குறித்து சில மாதங்களுக்கு முன்பு சொன்னேன். அவர்களைத் தி.மு.க தரப்பு கொஞ்சம் அழுத்தியிருந்தால், அப்போது ஆட்சி அமைக்கப் போதுமான அளவு எம்.எல்.ஏ-க்கள் தி.மு.க பக்கம் தாவியிருப்பார்கள். அந்தப் பேச்சுவார்த்தையில் சில பசையான விஷயங்கள் பேசப்பட்டன. அதனால், தி.மு.க தரப்பு அதனை அப்படியே ஆறப்போட்டது. மூன்று மாதங்களுக்கு முன்பு நடந்த அந்த விஷயத்தைத் திருவள்ளூர் கூட்டத்தில் ஸ்டாலின் மறைமுகமாகச் சொல்லியிருக்கிறார். ‘நீங்கள் ஏன் இந்த ஆட்சியைக் கவிழ்க்கவில்லை என்று கேட்கிறார்களே, கவிழ்க்கலாம். ஆனால், அப்படிப்பட்டவர்களை விலைக்கு வாங்கி ஆட்சி அமைத்தால், மக்களுக்கான திட்டங்களைத் தீட்ட முடியுமா?’ என்று பட்டவர்த்தனமாகப் போட்டு உடைத்தார் ஸ்டாலின்!”

“இவையெல்லாம் எடப்பாடிக்குத் தெரியாதா?”

‘‘தெரியும். அதனால்தான், எம்.எல்.ஏ-க்கள் ஒவ்வொருவரையும் அவர் தனித்தனியாக வளைத்து வைத்துள்ளார். தினகரன் பக்கம் போன 18 எம்.எல்.ஏ-க்கள் தகுதிநீக்கம் தொடர்பான தீர்ப்புத் தனக்கு எதிராக வந்தாலும், அதைச் சமாளிக்கும் முடிவோடு இருக்கிறார் முதல்வர். அந்த 18 பேரில் 13 பேரை வளைக்கும் காரியங்களில் அமைச்சர்கள் இறங்கியுள்ளார்கள். ‘தங்க தமிழ்ச்செல்வனுக்கும் அமைச்சர் பதவி தர நினைத்திருந்தோம். அவர்தான் அந்தப் பக்கமாகத் தங்கிவிட்டார்’ என்று அமைச்சர் வேலுமணி சொல்லியிருப்பதும், தூண்டில் வார்த்தைகள்தான். இதைத் தெரிந்துகொண்ட தினகரனும், தன் தரப்பில் உள்ள எம்.எல்.ஏ-க்களைத் தக்கவைக்கும் காரியங்களைப் பார்த்து வருகிறார். ‘நான் முதலமைச்சர் ஆக மாட்டேன். உங்களில் ஒருவரைத்தான் முதலமைச்சர் ஆக்குவேன்’ என்று அந்த எம்.எல்.ஏ-க்களிடம் சொல்லி வருகிறாராம். இந்த ஆட்டம் எதுவரை நீடிக்குமோ தெரியவில்லை’’ என்ற கழுகார் பறந்தார்.

படங்கள்: வீ.நாகமணி, கே.ஜெரோம். வி.ஸ்ரீனிவாசுலு

p4_1518774963.jpg

ஜெயலலிதாவின் பாதுகாப்பு அதிகாரியாக இருந்த போலீஸ் அதிகாரி ஒருவர், சேலம் பெரியார் பல்கலைக்கழகத்தில், தகுதியே இல்லாத எட்டுப் பேருக்கு உதவிப் பேராசிரியர் வேலை வாங்கிக்கொடுத்துப் பல லட்சங்களை வசூலித்துவிட்டார். அந்தப் பல்கலைக்கழகத்தில், பேராசிரியர் நியமனங்களில் முறைகேடு நடந்திருப்பதாகப் புகார் கிளம்பியிருக்கும் நிலையில், இவரைச் சுற்றி வளையம் அமைத்துள்ளார்கள். விரைவில் சிக்குவார் என்கிறார்கள்.

முதல்வர் எடப்பாடி பழனிசாமி சில தினங்களுக்கு முன், புதிய இனோவா காரைப் பயன்படுத்த ஆரம்பித்தார். ‘சி.எம்’ பதிவுடன் இந்த கார் பவனி வந்தது. ஆனால், இதைப் பயன்படுத்த ஆரம்பித்ததிலிருந்து கண் ஆபரேஷன், மத்திய அரசுடன் வெளிப்படையான உரசல் என நெகடிவாக நிறைய விவகாரங்கள் நடந்தன. இதனால், மீண்டும் பழைய காரையே பயன்படுத்த ஆரம்பித்துவிட்டார் பழனிசாமி.

அ.தி.மு.க-வின் தகவல் தொழில்நுட்ப அணியில் கோஷ்டி மோதல் உச்சகட்டத்தை எட்டிவிட்டது. ‘‘அணியின் செயலாளராக இருக்கும் ராமச்சந்திரன், ஓ.பி.எஸ் அணியைச் சேர்ந்தவர் என்பதால், அந்த அணியினருக்கு மட்டுமே முக்கியத்துவம் கொடுக்கிறார்’’ என்கிறார்கள். சமீபத்தில் நடந்த ஆலோசனைக் கூட்டத்துக்கு எடப்பாடி கோஷ்டியைச் சேர்ந்த நிர்வாகிகளுக்குக்கூட அழைப்பு கொடுக்கவில்லை. எடப்பாடியிடம் இது புகாராகப் போயிருக்கிறது.

பிப்ரவரி 15-ம் தேதி நடந்த தமிழக அமைச்சரவைக் கூட்டத்தில், ‘தமிழக சட்டசபையில் ஜெயலலிதாவின் படத்தைத் திறந்ததுபோல, நாடாளுமன்றத்திலும் ஜெயலலிதாவின் படம் திறக்க வேண்டும்’ என்று ஆலோசனை நடைபெற்றுள்ளது. ‘‘முதலில் அமைச்சரவைக் கூட்டத்தில் தீர்மானம் நிறைவேற்றி, பிரதமருக்கு அனுப்பி வைக்கலாம். பிறகு, அமைச்சர்கள் குழு பிரதமரைச் சந்தித்து இந்தக் கோரிக்கையை முன்வைக்கலாம்’’ என்று முடிவாகியுள்ளது.

கவர்னர் பன்ரிவால் புரோஹித், வாரத்தில் ஒரு நாள் டின்னருக்கு ஏற்பாடு செய்கிறார். அந்த விருந்தில், தமிழகத்தின் முக்கிய மீடியா அதிபர்களைச் சந்தித்து வருகிறார். வரும் பத்திரிகை அதிபர்களிடம், ‘‘நான் ஆளுநராக இருந்தாலும், இந்த அரசை நான்தான் ஆட்சி செய்வேன். நீங்கள் எனக்கு ஒத்துழைப்பு கொடுங்கள்’’ என்று வெளிப்படையாகவே சொல்கிறார். இதைக் கேட்டு பத்திரிகை அதிபர்கள் அதிர்ந்துபோகிறார்கள். 

https://www.vikatan.com

 

Categories: Tamilnadu-news

மோடி அறிவுரையின் பேரில்தான் அதிமுகவின் இரு அணிகளை இணைக்க ஒப்புக்கொண்டேன்: ஓபிஎஸ்

மோடி அறிவுரையின் பேரில்தான் அதிமுகவின் இரு அணிகளை இணைக்க ஒப்புக்கொண்டேன்: ஓபிஎஸ்

 

 
modijpg

மோடியுடன் ஓ.பன்னீர்செல்வம் | கோப்புப் படம்.

 பிரதமர் மோடி கூறியதால்தான், அதிமுகவின் இரு அணிகளை இணைக்க ஒப்புக்கொண்டதாக, துணை முதல்வர் ஓ.பன்னீர்செல்வம் தெரிவித்துள்ளார்.

ஜெயலலிதா மறைவுக்குப் பிறகு சசிகலா முதல்வராக வேண்டும் என்ற கோரிக்கை எழுந்தது, ஓபிஎஸ் பதவி விலக நேரிட்டது. ஓபிஎஸ் தர்மயுத்தம் நடத்தி தனியாகப் பிரிந்தார். சசிகலாவுக்கு சொத்துக்குவிப்பு வழக்கில்  தண்டனை விதிக்கப்பட்ட பின்னர் எடப்பாடி பழனிசாமி முதல்வராக தேர்வு செய்யப்பட்டார்.

அதிமுக ஓபிஎஸ், ஈபிஎஸ் என இரண்டு அணிகளாகப் பிரிந்தது. ஈபிஎஸ் அணிக்கு டிடிவி தினகரன் துணைப்பொதுச்செயலாளர் ஆக்கப்பட்டார். பின்னர் டிடிவி தினகரனை நீக்கியதாக தெரிவித்தனர். அதிமுகவினர் ஓபிஎஸ் வந்தால் வரவேற்போம் என்று பேட்டி அளித்திருந்த நிலையில் திடீரென அதிமுகவின் இரு அணிகளும் இணைந்தன.

அதிமுகவை பின்னிருந்து பாஜக இயக்குவதாகவும் மோடியின் வழிகாட்டுதல்படியே அதிமுக இயங்குவதாக டிடிவி தினகரனும், எதிர்க்கட்சியினரும் குற்றம் சாட்டினர். ஆனால் அதை ஓபிஎஸ், ஈபிஎஸ் தரப்பினர் மறுத்து வந்தனர். இந்நிலையில் உண்மை என்ன என்பதை ஓபிஎஸ் பகிரங்கமாக தெரிவித்திருப்பது அரசியல் வட்டாரத்தில் பரபரப்பை ஏற்படுத்தியுள்ளது.

தேனியில் நடந்த அதிமுக நிர்வாகிகள் ஆலோசனைக் கூட்டத்தில் ஓ.பன்னீர்செல்வம் ஆவேசமாகப் பேசியதாவது:

''பிரதமர் மோடி அறிவுறுத்தியதாலேயே அமைச்சர் பதவியை ஏற்றுக்கொண்டேன். தர்மயுத்தம் தொடங்கும்போது கூறியது ஒரு சதவிகித தகவல், கோபம் வரும்போதெல்லாம் மீதமுள்ள 99 சதவிகித தகவல்களும் வெளிவரும்.

சசிகலா குடும்பத்தினர் கடும் நெருக்கடிகளை அளித்தனர், என் இடத்தில் வேறு யாராவது இருந்திருந்தால் தற்கொலை செய்து கொண்டிருப்பார்கள், அல்லது ஊரைவிட்டே ஓடியிருப்பார்கள்

நான் தவறான, அநாகரிகமான வேலை செய்து அரசியலுக்கு வரவில்லை. என்னை மீண்டும் டீ ஆற்ற அனுப்பப் போவதாக தினகரன் பேசி வருகிறார். போட்ட துணியோடு ஊருக்குப் போகச் செய்வேன் என சசிகலா கூறுகிறார். இதற்கெல்லாம் நான் பயப்பட மாட்டேன்.

கட்சி அணிகள் பிரிந்திருந்த நிலையில் பிரதமர் மோடியிடம் பேசினேன், நான் சென்னை வந்த போது கட்சி குறித்து பல தகவல்களை பேசினார், ஆகையால் நான் சொல்கிறேன் நீங்கள் கட்சியில் இணைந்து விடுங்கள் என்று தெரிவித்தார்.

கட்சியில் இணைந்து விடுகிறேன் அமைச்சர் பதவி எல்லாம் வேண்டாம் என்று தெரிவித்தேன். அமைச்சர் பதவியை ஏற்றுக்கொள்ள வேண்டும் என்று கூறினார்.''

இவ்வாறு ஓபிஎஸ் பேசினார்.

மோடி அறிவுரையின் பேரில்தான் தனது அணியை இணைத்ததாக ஓபிஎஸ் கூறுவதன் மூலம் தற்போது பாஜக அதிமுகவை இயக்குவது வெளிச்சத்திற்கு வந்துள்ளது. பாஜக தலைவர்களுடன் மோதலில் ஈடுபட்டு வரும் ஓபிஎஸ் தற்போது பாஜகதான் அதிமுகவை இயக்குகிறது என்பது போன்ற கருத்தை வெளிப்படையாக பேசத் தொடங்கி இருப்பதுஅரசியல் வட்டாரத்தில் பரபரப்பை ஏற்படுத்தியுள்ளது.

http://tamil.thehindu.com/tamilnadu/article22782844.ece?homepage=true

Categories: Tamilnadu-news

காவிரியை எந்த ஒரு மாநிலமும் உரிமை கோர முடியாது:

தலைமுறை தலைமுறையாக தொடர்ந்து வரும் விவகாரத்துக்கு முற்றுப்புள்ளி: காவிரி வழக்கில் உச்ச நீதிமன்றம் இன்று தீர்ப்பு- தமிழகம், கர்நாடகாவில் பலத்த போலீஸ் பாதுகாப்பு ஏற்பாடுகள்

 

 
cauvery1jpg

கர்நாடகா, தமிழகம் இடையே நீண்ட காலமாக தொடரும் காவிரி நதி நீர் பங்கீட்டு வழக்கில் உச்ச நீதிமன்றம் இன்று தீர்ப்பு வழங்க உள்ளது. இதனால் கர்நாடகாவில் மைசூரு, மண்டியா, கிருஷ்ணராஜசாகர் அணை உள்ளிட்ட பகுதிகளிலும் தமிழகத்திலும் பலத்த போலீஸ் பாதுகாப்பு போடப்பட்டுள்ளது.

கர்நாடகா, தமிழகம், கேரளா, புதுச்சேரி ஆகிய மாநிலங்களுக்கு இடையேயான காவிரி நதிநீர் பங்கீடு விவகாரம் கடந்த 125 ஆண்டுகளுக்கும் மேலாக நீடிக்கிறது. இது தொடர்பாக மெட்ராஸ் - மைசூரு மாகாணங்களுக்கு இடையே கடந்த 1892-ம் ஆண்டு முதல் ஒப்பந்தம் போடப்பட்டது. இந்த ஒப்பந்தத்தில் சிக்கல் ஏற்பட்டதை தொடர்ந்து 1924-ம் ஆண்டு மீண்டும் 50 ஆண்டுகளுக்கு புதிய ஒப்பந்தம் போடப்பட்டது.

நாடு சுதந்திரம் அடைந்த பிறகும் காவிரி பிரச்சினை தொடர்ந்ததால் மத்திய அரசு காவிரி நடுவர் மன்றத்தை ஏற்படுத்தியது. காவிரி வழக்கை விசாரித்த நடுவர் மன்றம் 1991-ல் இடைக்கால தீர்ப்பு வழங்கிய நிலையில், 2007-ம் ஆண்டு பிப்ரவரி 5-ம் தேதி இறுதி தீர்ப்பு வழங்கியது. அதில், கர்நாடகா, தமிழகத்துக்கு 10 மாத கால இடைவெளியில் 192 டிஎம்சி காவிரி நீரை தமிழகத்துக்கு திறந்துவிட வேண்டும் என்று தீர்ப்பளித் தது.

இதை எதிர்த்து தமிழகம், 192 டிஎம்சி நீர் போதாது என்பதால் கூடுதலாக 72 டிஎம்சி நீரை திறந்துவிட வேண்டும் என உச்ச நீதிமன்றத்தில் மேல்முறையீடு செய்தது. இதே வேளையில் கர்நாடகா, தமிழகத்துக்கு வழங்க வேண்டிய நீரை 132 டிஎம்சியாக குறைத்து உத்தரவிடக்கோரி மேல்முறையீடு செய்தது. இதே போல கேரளாவும், புதுச்சேரியும் கூடுதல் நீரை திறந்துவிடக்கோரி மேல்முறையீடு செய்தன.

காவிரி நடுவர் மன்ற இறுதி தீர்ப்புக்கு எதிராக தமிழகம், கர்நாடகா, கேரளா, புதுச்சேரி ஆகிய நான்கு மாநிலங்களும் கடந்த 20 ஆண்டுகளாக உச்ச நீதிமன்றத்தில் வழக்கை நடத்தி வந்தன. இந்நிலையில் கடந்த ஆண்டு ஜனவரி 9-ம் தேதி இவ்வழக்கை விசாரித்த உச்ச நீதிமன்றம்,'' மாநிலங்களுக்கிடையே ஒரு நூற்றாண்டுக்கும் மேலாக நடக்கும் காவிரி வழக்கை, ஒரே மாதத்தில் விசாரித்து தீர்ப்பளிக்க வேண்டும்''என உத்தரவிட்டது.

 

சிறப்பு அமர்வு சுறுசுறுப்பு

இதையடுத்து உச்சநீதிமன்ற தலைமை நீதிபதி தீபக் மிஸ்ரா தலைமையில் நீதிபதிகள் அமித்வ ராய், கான் வில்கர் ஆகியோர் அடங்கிய சிறப்பு அமர்வு அமைக்கப்பட்டது. இந்த அமர்வு காவிரி மேல்முறையீட்டு வழக்கை வாரத்தில் 3 நாட்கள் வீதம் நாள்தோறும் வேகமாக விசாரித்தது. தமிழக அரசு தரப்பில் மூத்த வழக்கறிஞர் சேகர் நாப்டே, கர்நாடக அரசு சார்பாக மூத்த வழக்கறிஞர் ஃபாலி நாரிமன், மத்திய அரசின் சார்பாக சொலிசிட்டர் ஜெனரல் ரஞ்சித் குமார் உட்பட கேரளா, புதுச்சேரி அரசின் வழக்கறிஞர்களும் இறுதி வாதம் செய்தனர்.

அனைத்து தரப்பு வாதங்களையும் உன்னிப்பாக கேட்ட சிறப்பு அமர்வு, “காவிரி மேலாண்மை வாரியத்தை அமைக்காதது ஏன் என மத்திய அரசுக்கும், தமிழகத்துக்கு உரிய நீரை திறக்காதது ஏன் என கர்நாடக அரசுக்கும் கேள்வி எழுப்பினர். கடந்த செப்டம்பர் 20-ம் தேதி இவ்வழக்கில் அனைத்து தரப்பு வழக்கறிஞர்களும் தங்களது இறுதி வாதத்தை நிறைவு செய்தனர்.

இதையடுத்து தலைமை நீதிபதி தீபக் மிஸ்ரா தலைமையிலான சிறப்பு அமர்வு, காவிரி நடுவர் மன்ற இறுதி தீர்ப்புக்கு எதிரான மேல்முறையீட்டு வழக்கின் தீர்ப்பை தேதி குறிப்பிடாமல் ஒத்தி வைத்தது. அடுத்த சில வாரங்களில் கர்நாடகா, தமிழகம், கேரளா, புதுவை மற்றும் மத்திய நீர்வளத்துறை ஆகியவை எழுத்துப்பூர்வ வாதங்களை தாக்கல் செய்தனர்.

இதையடுத்து தலைமை நீதிபதி தீபக் மிஸ்ரா தலைமையிலான அமர்வு காவிரி வழக்கில் 4 மாநிலங்களும், மத்திய அரசும் முன் வைத்த இறுதி வாதம், எழுத்துப்பூர்வமாக தாக்கல் செய்த ஆவணங்கள், மாநிலங்களுக்கு இடையே போடப்பட்ட ஒப்பந்தங்கள், மாநிலங்களின் நீர் ஆதாரம், நீர் தேவை, வேளாண் முறை உள்ளிட்டவற்றை மூன்று நீதிபதிகளும் தீவிரமாக ஆராய்ந்து, தீர்ப்பு எழுதும் பணியை தொடங்கினர்.

இவ்வழக்கை விசாரித்த நீதிபதிகளில் ஒருவரான அமித்வ ராய் இம்மாத இறுதியுடன் ஓய்வு பெறுவதால், தீர்ப்பை வேகமாக வெளியிடுவதில் உறுதியாக இருந்தனர். இதனிடையே கடந்த சில வாரங்களுக்கு முன்பு தலைமை நீதிபதி தீபக் மிஸ்ரா, “தலைமுறை தலைமுறையாக நீளும் காவிரி விவகாரத்துக்கு முற்றுப்புள்ளி வைக்கப்படும். காவிரி மேல்முறையீட்டு வழக்கில் இன்னும் 4 வாரங்களில் தீர்ப்பளிக்கப்படும். அப்போது காவிரி தொடர்பான அனைத்து வழக்குகளும் முடிவுக்கு வரும்” என்றார்.

காவிரி வழக்கில் விசாரணை நிறைவடைந்து 150 நாட்கள் நெருங்கும் நிலையில் உச்ச நீதிமன்றம் நேற்று, “ காவிரி நடுவர் ன்ற இறுதி தீர்ப்புக்கு எதிரான மேல்முறையீட்டு வழக்கில் இன்று காலை 10 மணிக்கு (வெள்ளிக்கிழமை) தீர்ப்பு வழங்கப்படும்” என அறிவித்துள்ளது. நீண்ட காலமாக நிலுவையில் உள்ள வழக்கில் முக்கிய தீர்ப்பு வெளியாவதால் கர்நாடகா - தமிழக விவசாயிகளிடையே பெரும் எதிர்பார்ப்பு ஏற்பட்டுள்ளது.

http://tamil.thehindu.com/india/article22769368.ece?homepage=true

காவிரியை எந்த ஒரு மாநிலமும் உரிமை கோர முடியாது:

cauvery-water.jpg?resize=600%2C450
காவிரி நதிநீரை எந்த ஒரு மாநிலமும் தங்களுக்கே சொந்தம் என உரிமை கோர முடியாது என உச்சநீதிமன்றம் தீர்ப்பளித்துள்ளது. நூற்றாண்டுகளாக நீடிக்கிறது காவிரி நதிநீர் பிரச்சனை. இதற்காக அமைக்கப்பட்ட நடுவர் மன்றம் 2007-ம் ஆண்டு இறுதித் தீர்ப்பை வழங்கியது. இதில் 192 டி.எம்.சி.நீரை தமிழகத்துக்கு கர்நாடகா திறந்துவிட வேண்டும் என கூறப்பட்டிருந்தது.

இத்தீர்ப்பை எதிர்த்து கூடுதல் நீர் கோரி தமிழகம், கர்நாடகா, புதுவை, கேரளா மாநிலங்கள் உச்சநீதிமன்றத்தில் மேல்முறையீடு செய்தன. கடந்த 10 ஆண்டுகளாக நடைபெற்ற வழக்கின் விசாரணை அண்மையில் நிறைவடைந்து தீர்ப்பு திகதி குறிப்பிடப்படாமல் ஒத்தி வைக்கப்பட்டது. இன்று உச்சநீதிமன்ற தலைமை நீதிபதி தீபக் மிஸ்ரா தலைமையிலான நீதியரசர் குழு காவிரி வழக்கில் காலை 10.30 மணிக்கு தீர்ப்பளிக்க தொடங்கியது. அப்போது காவிரி நீரை எந்த ஒரு மாநிலமும் உரிமை கோர முடியாது என நீதிபதிகள் தீர்பளித்துள்ளனர்.

kaviri.jpg?resize=615%2C350

http://globaltamilnews.net/2018/67050/

Categories: Tamilnadu-news

சிறையில் சசிகலா - விதிமுறை மீறல்களின் முழுவிவரம் #RTI

சிறையில் சசிகலா - விதிமுறை மீறல்களின் முழுவிவரம் #RTI
 
 

சசிகலா

 

சசிகலா சிறைக்குச் சென்ற நாளான 15.2.2017-லிருந்து 12.06.2017 வரை சிறையிலிருந்த போது யார் யாரெல்லாம் வந்து பார்த்தார்கள். எத்தனை முறை பார்வையாளர்களுக்கு அனுமதி வழங்கப்பட்டது. என்னென்ன விதிமுறை மீறல்கள் நடந்துள்ளன என்ற தகவல்கள் ஆர்டிஐ மூலம் வெளிவந்துள்ளன. ஆர்டிஐ ஆர்வலரான நரசிம்ம மூர்த்தி பெற்ற ஆர்டிஐ தகவல்கள் இதோ...

 

ஆர்டிஐ தகவல்கள் பெறப்பட்ட நாள்களின் அளவு 117 நாள்கள். கர்நாடக உயர்நீதி மன்ற விதிகளின் படி இந்தக் காலத்தில் 15 நாள்களுக்கு ஒரு சந்திப்பு என்ற அடிப்படையில் 8 முறை மட்டுமே நபர்கள் பார்க்க அனுமதி வழங்கப்பட்டிருக்க வேண்டும் ஆனால் 32 பார்வையாளர் அனுமதி வழங்கப்பட்டுள்ளது.

ஒரு பார்வையாளர் சந்திப்புக்கு 4 நபர்களுக்கு மட்டுமே அனுமதி வழங்கப்படும் அதன்படி பார்த்தால் வெறும் 32 பார்வையாளர்கள் மட்டுமே சசிகலாவைச் சந்தித்திருக்க வேண்டும். ஆனால், சசிகலாவை சந்தித்தவர்களின் எண்ணிக்கை 82.

601வது சட்டப்பிரிவின் படி சிறையிலிருக்கும் நபரைச் சந்திக்க வழங்கப்படும் கால அவகாசம் 45 நிமிடங்கள்.  ஆனால், இந்தக் கால அவகாசங்கள் சிறை அதிகாரிகளின் உதவியோடு பார்வையாளர்களுக்கு அதிகமாக வழங்கபட்டுள்ளது.

சிறையில் உள்ள சசிகலாவைப் பார்க்க வரும் பார்வையாளர்கள் காலை 11 முதல் மாலை 5 மணி வரை மட்டுமே அனுமதிக்கப்படுவார்கள்.  மூர்த்தி ராவ் எனும் வழக்கறிஞர் சசிகலாவைப் பார்க்கச் சென்ற போது மணி மாலை 6:40 வெளியே வந்த நேரம் இரவு 7:20. 

மாத வாரியாக வழங்கப்பட்ட பார்வையாளர் அனுமதி

பிப்ரவரி 16-28
மொத்த நாள்கள் = 13
அனுமதி வழங்கப்பட்ட சந்திப்புகள் = 7

மார்ச் மாதம்
மொத்த நாள்கள் = 31
அனுமதி வழங்கப்பட்ட சந்திப்புகள் = 12

ஏப்ரல் மாதம்
மொத்த நாள்கள் = 30
அனுமதி வழங்கப்பட்ட சந்திப்புகள் = 5

மே மாதம்
மொத்த நாள்கள் = 31
அனுமதி வழங்கப்பட்ட சந்திப்புகள் = 5

ஜூன் மாதம் 12ம் தேதி வரை
மொத்த நாள்கள் = 12
அனுமதி வழங்கப்பட்ட சந்திப்புகள் = 3

சசிகலாவை சிறையில் அதிக முறை சந்தித்தவர்கள்

விவேக் - 8 முறை
அசோகன் - 7 முறை
செந்தில் - 5 முறை
டிடிவி தினகரன் - 5 முறை

இதுமட்டுமில்லாமல் அக்டோபர் மாதம் 19 தேதிகளுக்குள்ளாகவே 3 சந்திப்புகள் வழங்கப்பட்டுள்ளன. அந்த மூன்று சந்திப்புகளின் விவரம்

6.10.2017 - அனுராதா
17.10.2017 - சுரேஷ் பாபு
24.10.2017 - அனுராதா 

பெறப்பட்ட இந்தத் தகவல்கள் அனைத்திலுமே சசிகலா விதிமுறைகள் மீறியுள்ளார் என்பது தெரிகிறது.

சசிகலா

சசிகலாவின் ஒருநாள்:

இதுமட்டுமில்லாமல் சசிகலாவின் ஒரு நாள் சிறையில் எப்படி இருக்கிறது என்று பார்த்தால் அவரது ஒருநாள் ஆச்சர்யமளிக்கும் விதமாக உள்ளது.

அதிகாலை 5 மணிக்கெல்லாம் கண் விழிக்கும் பழக்கம்கொண்ட சசி வழக்கமான நடைமுறைகளை முடித்துவிட்டு, ஒரு மணிநேரம் யோகா செய்யத் தொடங்குகின்றார். அதன்பிறகு சிறைவளாகத்தில் அரைமணி நேரம் நடைப்பயிற்சி, அதன்பிறகு குளித்து முடித்துவிட்டு சிறைக்குள் ஸ்பெஷலாகக் கொண்டுவரப்பட்ட சுமார் 5 கிலோ எடை கொண்ட லிங்கத்திற்கு, அன்றைய தினம் பறிக்கப்பட்ட வில்வ இலைகள், பூக்களைக் கொண்டு பூஜை செய்கின்றார். 

இந்தப் பூஜை மனஅமைதிக்காவும், இழந்த சக்தியை மீண்டும் சக்தி பெற ஆகமவிதிபடி இந்தச் சிவலிங்கத்திற்கு ரகசியமாக தேவதிராஜ் ஐயர் மந்திரங்களை ஓதி பூஜை செய்து கொடுத்து வருகின்றார். கடந்த 2018 ஜனவரி 30-ந் தேதி சிறையில் சிவலிங்கத்திற்குப் பூஜை செய்து கொடுத்துள்ளார். 

காலை 8 மணிக்கு சசிகலாவுக்கு ஸ்பெஷலாகத் தயார் செய்யப்பட்ட உப்புமா அல்லது ரவை இட்லி தயாராக இருக்கும். சுகர் பேஷன்ட்டுகளான சசி, இளவரசி இருவருக்கும் காலை உணவு 8 மணிக்கு எல்லாம் முடிந்துவிடும். 

காலை உணவை முடித்த பிறகு தமிழகத்திலிருந்து வெளியாகும் தினசரி செய்தித்தாள்கள் படிப்பார். 15 நாள்களுக்கு ஒருமுறை மட்டுமே சந்திக்க முடியும் என்பதால் அன்றைய தேதிக்கு யார் யாரைச் சந்திக்க வேண்டும் என்று விவரம் கிடைத்தவுடன், அதை துண்டுச்சீட்டு மூலம் தகவல் அனுப்பி அவர்களைச் சந்திப்பார். 

சரியாக 11 மணிக்கு சுகர் இல்லாமல் டீ மற்றும் சுகர்ஃப்ரீ பிஸ்கெட் கிடைக்கும். மதியம் 1 மணிக்குப் பழங்கள் மற்றும் வேகவைத்த காய்கறி மட்டுமே உணவாக எடுத்துக்கொள்ளும் சசிகலா சில சமயம் வெறும் மோர்சாதம் சாப்பிடுவார். 

மாலை 5 மணிக்கு வேகவைத்த சுண்டல் அல்லது பருப்பு வகைகள் ஒரு கப், சுகர் இல்லாமல் டீ எடுத்துக்கொள்கிறார். எப்போதுமே இரவு 7 மணிக்கு இரண்டு சப்பாத்தி, ராகியில் செய்யப்பட்ட உணவு சாப்பிட்டு வருகின்றார். இதுதான் சசிகலாவின் சிறை மெனு லிஸ்ட். 

 

இப்படி ஒட்டுமொத்தமாக சிறை அதிகாரிகளின் உதவியோடு சொகுசாக வாழ்ந்து வந்த சசிகலாவுக்கு டிஜிபி ரூபா செக் வைத்தார். ஷாப்பிங் செல்லும் வீடியோ வெளியானது என ஊழல், விதிமீறல்களின் ஒட்டுமொத்த உருவமாகவே சிறைக்குள்ளும் வாழ்ந்து வருகிறார் சசிகலா. 

https://www.vikatan.com/news/coverstory/116526-misconduct-of-sasikala-in-jail.html

Categories: Tamilnadu-news

‘இது ஒரு நல்ல கேள்வி?’ - முதல்வர் பதவிகுறித்த கேள்விக்கு பன்னீர்செல்வம் சொன்ன தத்துவம்

‘இது ஒரு நல்ல கேள்வி?’ - முதல்வர் பதவிகுறித்த கேள்விக்கு பன்னீர்செல்வம் சொன்ன தத்துவம்
 
 
 

'தமிழகம், பயங்கரவாதிகளின் கூடாரமாக மாறிவருகிறது' என்று மத்திய இணையமைச்சர் பொன். ராதாகிருஷ்ணன் கூறியதற்கு, துணை முதல்வர் பன்னீர்செல்வம் பதலடிகொடுக்கும் விதமான பதில் அளித்துள்ளார். 

 

பன்னீர்செல்வம்
 

 

சென்னை ராயப்பேட்டை கட்சி அலுவலகம் முன்பு செய்தியாளர்களுக்குப் பேட்டியளித்த ஓ.பன்னீர்செல்வம், ‘ இந்தியாவிலும் சரி தமிழகத்திலும் சரி, பல்வேறு அரசியல் கட்சித் தலைவர்கள் தங்கள் பிறந்தநாளை மிகவும் ஆடம்பரமாகக் கொண்டாடுகிற நேரத்தில், ஜெயலலிதா எங்களுக்கு சொன்னது என்னவென்றால், 'என் பிறந்தநாள் அன்று என் இல்லம் தேடி வராதீர்கள். ஏழை எளிய மக்களின் இல்லம் தேடிச்சென்று உதவி செய்யுங்கள்' என்பார். அவரின் வழிநடத்துதலின் பேரில், ஜெயலலிதா பிறந்தநாள் அன்று, பல்வேறு நலத்திட்ட உதவிகளை வழங்கத் திட்டமிட்டுள்ளோம். அதற்கான ஆலோசனைக் கூட்டம்தான் இன்று நடந்தது’ என்றார்.

'தமிழகம், பயங்கரவாதிகளின் கூடாரமாக மாறிவருகிறது' என்று  பொன். ராதாகிருஷ்ணன் கூறியது பற்றி செய்தியாளர்கள் பன்னீர்செல்வத்திடம் கேள்வியெழுப்பினர். அதற்கு, ‘பொன்.ராதாகிருஷ்ணன் கூறிய கருத்து ஜமுக்காளத்தில் வடிக்கட்டிய பொய். இந்தியாவிலேயே தமிழகத்தில்தான் சட்டம் ஒழுங்கு சிறப்பாக உள்ளது. தமிழகம் அமைதிப் பூங்கா மாநிலமாக இருக்கிறது. மற்ற மாநிலங்களில் நடக்கும் சட்டம் ஒழுங்கு சம்பவங்களை ஒப்பிட்டுப்பார்த்தாலே இந்த உண்மை புரியும்’ என்றார்.

செய்தியாளர்கள் சந்திப்பு முடிந்து அவர் கிளம்பியபோது, 'முதல்வர் பதவியிலிருந்து நீங்கள் விலகி ஒரு வருடம் ஆகிறது. அதில் வருத்தம் உள்ளதா?' என்று செய்தியாளர் ஒருவர் கேள்வியெழுப்பினார். அதற்கு சிரித்துகொண்டே பதிலளித்த பன்னீர்செல்வம், ‘இது ஒரு நல்ல கேள்வி. எதைக் கொண்டுவந்தோம் இழப்பதற்கு' என்று ஒருவரியில் பதில் சொல்லிவிட்டுக் கடந்தார்.

https://www.vikatan.com/news/tamilnadu/116482-panneerselvams-one-word-answer-for-reporter-question.html

Categories: Tamilnadu-news

"வெல்லும் தமிழீழம்” - தமிழீழ விடுதலைக்கான எழுச்சி மாநாடு

"வெல்லும் தமிழீழம்” தமிழீழ விடுதலைக்கான எழுச்சி மாநாடு.
 
”வெல்லும் தமிழீழம்” தமிழீழ விடுதலைக்கான எழுச்சி மாநாட்டினை பிப்ரவரி 18 அன்று சென்னையில் நடத்த திட்டமிட்டுள்ளோம் 
 
தமிழீழ விடுதலைப் பயணத்தில் நாம் இப்போது எங்கு நின்று கொண்டிருக்கிறோம், தமிழகம் செய்ய வேண்டிய கடமைகள் என்ன, இலங்கையின் புதிய அரசியல் சாசனம் சொல்வது என்ன, தமிழீழ விடுதலை எனும் இலக்கினை நோக்கி நகர்ந்திட நாம் எவ்வாறெல்லாம் பயணத்திட வேண்டியிருக்கிறது என அனைத்தையும் குறித்த விரிவான விளக்க உரையாடல்கள் நடைபெறும்.
 
மலேசியாவின் பினாங்கு மாகாணத்தின் துணை முதல்வரான திரு.ராமசாமி அவர்கள் மாநாட்டில் சிறப்பு விருந்தினராக கலந்து கொள்ள உள்ளார்.
 
தமிழீழத்திலிருந்தும் பிரதிநிதிகள் பங்கேற்க உள்ளார்கள். இந்தியாவின் பிற மாநிலங்களைச் சேர்ந்த ஜனநாயக சக்திகள் மற்றும் மனித உரிமை செயல்பாட்டாளர்களும் கலந்து கொள்கின்றனர்.
 
தமிழ்நாட்டைச் சேர்ந்த தமிழீழ ஆதரவு கட்சிகள் மற்றும் இயக்கங்களின் தலைவர்களும் பங்கேற்கிறார்கள்.
 
திரைத்துறையினர், கலைஞர்கள், பேராசிரியர்கள், மனித உரிமை செயல்பாட்டாளர்கள் என பலரும் கலந்து கொள்கிறார்கள்.
 
”வெல்லும் தமிழீழம்” தமிழீழ விடுதலைக்கான எழுச்சி மாநாடு பற்றி விளக்கும் பத்திரிக்கையாளர் சந்திப்பு 10-2-2018 அன்று காலை சென்னை பத்திரிக்கையாளர் மன்றத்தில் மே பதினேழு இயக்கத்தினால் நடத்தப்பட்டது. 
 
பத்திரிக்கையாளர் சந்திப்பு காணொளி 
 
”தமிழீழம் என்பது தமீழீழத்தின் தேவை மட்டுமே அல்ல, அது தமிழகத்தின் தேவையும் கூட” என்ற முத்துக்குமாரின் வரிகள் ஏன் முக்கியம் வாய்ந்தவை என்பதை உரக்கப் பேசும் மாநாடு இது.
 
மீத்தேன், நியூட்ரினோ, மீனவர் பிரச்சினை, விவசாயிகள் பிரச்சினை என அனைத்துக்கும் போராடி வந்தாலும் நாம் இன்னும் தமிழீழத்தை மறக்கவில்லை எனக் காட்டுவோம்.
 
தமிழீழ இனப்படுகொலைக்கு நீதியை வலியுறுத்துகிற, தமிழீழ விடுதலையை நேசிக்கிற அனைவரும் கூடுவோம்.
 
பிப்ரவரி 18, 2018  ஞாயிறு 
காலை 9 மணி முதல் இரவு 9 மணி வரை.
அண்ணா அரங்கம், 
(சென்னை பல்கலைக்கழகம் பின்புறம், 
தூர்தர்சன் தொலைக்காட்சி நிலையம் அருகில்)
சேப்பாக்கம், சென்னை.
 
மாநாடு குறித்த விளக்க காணொளி 
 
27983403_2013594778657971_53834242367285
 
27748130_2000218073328975_31113138006940
28162099_2013999605284155_66066689033142
 
சென்னையில் சந்திப்போம்.

 

Categories: Tamilnadu-news

மௌன விரதம்... சீக்ரெட் சந்திப்புகள்... சிறப்புச் சலுகைகள்... - சசிகலாவின் ஓராண்டு சிறைவாசம் #Sasikala

மௌன விரதம்... சீக்ரெட் சந்திப்புகள்... சிறப்புச் சலுகைகள்... - சசிகலாவின் ஓராண்டு சிறைவாசம் #Sasikala
 
 


ஜெயலலிதா மரணம், ஓ.பி.எஸ் ராஜினாமா, தர்ம யுத்தம், கூவத்தூர் கலாட்டா எனப் பரபரப்பாகத் தமிழகத்தை வைத்திருந்த சசிகலாவை பெங்களூரு பரப்பன அக்ரஹாரா நீதிமன்றம் சொத்துக்குவிப்பு வழக்கில் குற்றவாளி எனக் கூறி தீர்ப்பளித்தது. சசிகலா சென்ற வருடம் இதே நாளில் சிறை சென்றது துவங்கி இன்று வரை ஒரு வருடத்தில் சசிகலாவின் டைம்லைன் இதோ...

 

சசிகலா

 

சசி சரணடைதலும், தாக்குதலும் 

`உச்ச நீதிமன்றத்தின் தீர்ப்பின் படி நான் சரணடைய பெங்களூர் வரும்போது ஓ.பன்னீர்செல்வம் தலைமையிலான அணியினர் என்னைத் தாக்க சதித்திட்டம் தீட்டியுள்ளனர்' என்று ஒரு புகாரை சசிகலா வழக்கறிஞர் செந்தில் மூலமாக கர்நாடக உயர் நீதிமன்றத்தில் மனு அளித்தார். புகார் அடிப்படையில் பெங்களூரு சிட்டி சிவில் செஷன்ஸ் கோர்ட் எண் 48-லிருந்து பரப்பன அக்ரஹாரா சிறை வளாகம் அருகாமையில் நீதிமன்றத்தை மாற்றினார்கள். நீதிமன்ற வளாகம் மற்றும் சிறை வளாகம் முழுவதும் 144 தடை உத்தரவும் பிறப்பிக்கப்பட்டது. 

2017, பிப்ரவரி 15-ந் தேதி மாலை 5.30 மணிக்குப் பரப்பன அக்ரஹாராவில் அமைக்கப்பட்ட நீதிமன்றத்திற்கு வந்தார் சசிகலா. சசிகலா பயந்ததுபோல 30-க்கும் மேற்பட்ட ரவுடி கும்பல் சசிகலாவுடன் வந்த  கார்களை அடித்து நொறுக்கினர். கர்நாடக போலீஸாரின் உதவியால் சசிகலாவின் கார் தப்பியது. 

நீதிமன்றத்தில் வந்து நின்ற சசிகலா மற்றும் இளவரசியிடம் சுதாகரன் வரவில்லையா? என்று நீதிபதி கேள்வி எழுப்பினார். அதற்கு சசிகலா வழக்கறிஞர் சுதாகரன் வந்துகொண்டிருப்பதாகத் தகவல் அளித்தார். சசிகலா எங்களுக்கு ரத்தக்கொதிப்பு, நீரிழிவு நோய்கள் உள்ளதை குறிப்பிட்டுவிட்டு நாங்கள் வருமானவரி கட்டுபவர்கள், எனவே, எங்களுக்கு சிறையில் முதல் வகுப்பு ஒதுக்க வேண்டும். வீட்டுச் சாப்பாடு தரவேண்டும் என்று வேண்டுகோள் வைத்தனர். இது குறித்து சிறைத்துறை டி.ஜி.பி. சத்யநாராயணராவ் முடிவு செய்வார் அதற்குள் வந்திருந்த சுதாகரனை உள்ளிட்ட மூவரையும் மருத்துவ பரிசோதனை செய்து சிறைக்கு அனுப்பி வைத்தார் நீதிபதி. 

பரப்பன அக்ரஹாரா சிறை கண்காணிப்பாளர் ஜெயராமன், சசிகலாவுக்கு 9234, இளவரசிக்கு 9235, சுதாகரனுக்கு 9236 என்ற கைதி எண்ணை வழங்கி சிறைக்கு அழைத்துக்கொண்டார். முதலில் சசிகலா தன்னை தமிழக சிறைக்கு மாற்றுமாறு மனு கொடுத்தார். பிறகு தமிழகத்தில் எடப்பாடி வேறுவிதமான மனநிலைக்குச் சென்றதால் தனது இமேஜுக்கு கர்நாடகா சிறையே சிறந்தது என நினைத்து சிறைமாற்றம் வேண்டாம் என்று அவரே மறுத்துவிட்டார். 

சிறையில் சசியைப் பாதுகாத்த பாலகிருஷ்ணரெட்டி 

திவாகரன் உறவினர் பரத் என்பவர் ஓசூரில் விநாயகா ஹவுசிங் ஃபைனான்ஸ் நடத்தி வருகின்றார். அவர் மூலம் பாலகிருஷ்ணரெட்டி திவாகரனிடம் நெருக்கம் ஆகின்றார். 2014-ல் ஜெ.வும், சசியும் முதல்முறை சொத்துக்குவிப்பு வழக்கில் சிறை சென்றபோது பாலகிருஷ்ணரெட்டி மூலம் சிறையில் சலுகைகள் கிடைக்கின்றன. அப்போது பாலகிருஷ்ணரெட்டி ஓசூர் நகராட்சி சேர்மன் என்று திவாகரன், சசிக்கு அறிமுகம் செய்து வைக்கின்றார். அதன் பிறகு கார்டன் நம்பிக்கையைப் பெற்ற பாலகிருஷ்ணரெட்டிக்கு 2016 சட்டமன்றத் தேர்தலில் எம். எல். ஏ சீட் கிடைக்கின்றது. எம். எல். ஏ ஆனதும் ஜெ, ரெட்டியை அமைச்சராக அறிவிக்கின்றார். 

மீண்டும் தண்டனை பெற்று சசிகலா சிறைக்கு வந்ததும் பெங்களூரூவில் ரெட்டியார் சமூக சங்கத்தில் முக்கியப் பொறுப்பில் இருக்கும் பாலகிருஷ்ணரெட்டிக்கு, கர்நாடகாவில் மூன்று முறை போக்குவரத்துத்துறை அமைச்சராக இருக்கும் தனது சமூகத்தைச் சேர்ந்த ராமலிங்கரெட்டி மூலமாக சசிகலாவிற்கு சிறையில் சகல வசதிகளையும் செய்து கொடுத்துள்ளார். 

சசிகலா


சசியை சந்தித்த அமைச்சர்கள்  

முதலில் நேரடியாகவும் பிறகு ரகசியமாகவும் பல அமைச்சர்கள் சசிகலாவைச் சந்தித்து வந்தனர். அதில் அமைச்சர் எனக் குறிப்பிடாமல் சீனிவாசன், ராஜு, காமராஜ், செங்கோட்டையன் ஆகிய நான்கு பேர் பார்க்க வந்திருக்கிறார்கள் எனச் சிறைத்துறை அதிகாரிகள் தகவல் சொல்லி 25 நிமிட நேர சந்திப்பை முடித்துவிட்டு வெளியே வந்த சம்பவம் தமிழக அரசியல் வட்டாரத்தில் பரபரப்பை ஏற்படுத்தியது. ஒரு கட்டத்தில் துணை சபாநாயகர் தம்பிதுரை ப்ரைவேட் காரில் வந்து சந்தித்துவிட்டுச் சென்றவர். பிறகு பா.ஜ.க. தூதுவராகச் சிறையில் சசியை சந்திக்க வந்தார்.  

சசிக்கு பா.ஜ.க. தந்த அழுத்தம் 

ஒரு கட்டத்தில் பா.ஜ.க-வின் பிடி இறுகியபோது, தானும் சிறைப்பட்டதுடன், இரட்டை இலையை மீட்க லஞ்சம் கொடுத்ததாக தினகரனும் சிறை சென்றது சசியை மிகுந்த மனஅழுத்தத்தில் கொண்டுபோய் விட்டது. மற்ற குடும்ப உறுப்பினர்கள் மூலம் சரியான அரசியல் நகர்வுகளைக் கச்சிதமாக முடிக்க முடியவில்லை என்று மனதளவில் பெரிதும் பாதிக்கப்பட்டு பி.பி-யின் அளவு கட்டுப்படுத்த முடியாமல் இரவு நேரத் தூக்கத்தை முழுமையாகத் தொலைத்து சராசரி மனுஷியாக சசி கத்திக் கதறிவிட்டார்.

சசிகிலாவின் கதறலைக் கண்டு மிரண்டுபோன இளவரசி சிறை மருத்துவர்களை அழைக்கவே, பரிசோதித்த மருத்துவர்களே அதிர்ந்துவிட்டனர். அளவிற்கு மீறிய பி.பி சசிக்கு எகிறி இருந்தது. இதை இப்படியே விட்டால் மூளை வரை பாதிப்பை ஏற்படுத்தும் என்று எச்சரிக்கை செய்து, “கொஞ்ச நாட்களுக்குத் தூக்க மாத்திரை” பயன்படுத்த பரிந்துரைத்தனர். சிறை விதிமுறை அளவை மீறி கூடுதல் டோஸ் தூக்க மாத்திரை சசிகலாவிற்கு வழங்கப்பட்டது. சிறைவாசம் என்பது சசி எதிர்பார்த்ததுதான் அடுத்தடுத்து ஆட்சியிலும் கட்சியிலும் ஏற்படும் மாற்றங்கள் சசியின் பி.பி-யை அதிகரிக்க வைத்துவிட்டது. 

சிறையில் சொகுசு வாழ்க்கை 

2017 மே இரண்டாவது வாரத்தில் தன்னைச் சந்திக்க வந்த அமைச்சர் பாலகிருஷ்ணரெட்டிக்கு சில உத்தரவுகளைப் பிறப்பிக்கின்றார். அதன்படி பரப்பன அக்ரஹாரா சிறை வளாகத்தில் உள்ள காவல் நிலையத்திற்கு புதிய ஃபர்னிச்சர்கள் வந்திறங்கின. அதற்குப் பிறகு சிறைக்குள் சசிகலாவை மேடம் என்று அழைக்கப்படும் அளவுக்கு சசிகலாவுக்கு மரியாதை கூடியது. அதைவிட முக்கியம், சிறைக்குள் சசிகலா இயற்கை முறையில் விளைந்த பருத்தி துணியான ஆர்கானிக் காட்டன் உடைகளை பெங்களூரில் லீடிங் டெய்லரால் ஸ்டிச்சிங் செய்து அணிந்து வந்தார்.

அந்தச் சமயத்தில் அமைச்சர் பாலகிருஷ்ணரெட்டி எந்தவிதமான மனுவும், வருகைப் பதிவும் செய்யாமல் பரப்பன அக்ரஹாரா சிறைக்குள் செல்வாக்குடன் சென்று வந்தார் என்பது குறிப்பிடத்தக்கதாகும். ஆனால், தற்போது 15 நாள்களுக்கு ஒருமுறை மட்டுமே சந்திக்க முடியும். 

ஆனாலும், சசிக்கு சிறையில் தேவையான பல முக்கியமான தேவைகள் இன்றளவும் சிறைக்கு வெகு அருகில் உள்ள அடுக்குமாடி வீட்டில் தயாராகி சிறைக்குச் செல்கின்றது. அந்த வீடு பரப்பன அக்ரஹாரா சிறைக்கு அருகாமையில் நடந்து செல்லும் தொலைவில் உள்ள நாகாபுரத்தில் 6 அபார்ட்மென்ட்டுகள் எடுத்துள்ளனர். அதில் கம்ப்யூட்டர் மற்றும் தகவல் பரிமாற்றம் செய்யும் கருவிகள், ஸ்பெஷல் சமையல் அறைகள் நிறுவப்பட்டுள்ளன. சசிகலாவுக்குத் தேவையான உடைகள், மருந்துகள், உணவுகள் இந்த அபார்ட்மென்ட்டிலிருந்து சிறைக்குச் செல்கின்றது. தற்போது இங்கு சமையலர்களும் உதவியாளர்கள் சிலரும் தங்கியுள்ளனர். 

விதிகளை மீறி சசியின் சந்திப்புகள் 

 விசாரணைக் கைதி என்றால் வாரத்துக்கு ஒருமுறையும், தண்டனைக் கைதி என்றால் 15 நாள்களுக்கு ஒருமுறை மட்டுமே பார்வையாளராக சந்தித்துப் பேச முடியும். ஆனால், சசிகலாவை 30 நாள்களில் 14 முறை பார்வையாளர்கள் சந்தித்துப் பேசி இருப்பது தகவல் சொல்கின்றது. சிறை விதிமுறைகளின்படி விதிகளை மீறிய செயல். அதேபோல காலை 11 மணியிலிருந்து மாலை 5 மணி வரைதான் சந்திக்க முடியும். ஆனால், 5 மணிக்கு மேல் சசிகலாவை சந்தித்திருப்பதும் விதி மீறலே. அதுவும் முதல் ஒரு மாதத்தில் 70 பேர் பார்வையாளர்களாக சசிகலாவை வந்து சந்தித்துள்ளனர்.  

டி.ஐ.ஜி. ரூபா விசாரணை... 

கர்நாடகா சைபர் க்ரைமில் இருந்த ஐபிஎஸ் ரூபா 2017 ஜூன் 26-ந் தேதி சிறைத்துறை டி.ஐ.ஜி-யாக பதவி ஏற்று முதலில் பரப்பன அக்ரஹாரா சிறைக்கு விசிட் அடித்தார். அப்போது சிறை சி.சி.டி.வி கேமரா எண் 6, 7, 8-ல் இருந்த சில காட்சிகள் மட்டும் அழிக்கப்பட்டிருப்பதைப் பார்த்து அதிர்ச்சி அடைந்து அலுவலகம் திரும்பியவர் கண்ணில் சிறை மருத்துவர்கள் எழுதிய புகார் மனுக்கள் பட்டன. அதில் பரப்பன அக்ரஹாரா சிறையில் சிறை தண்டனை கைதிகளிடம் எவ்விதக் கட்டுப்பாடுமின்றி போதை பொருள்கள் உலவுவதாக வந்த புகார் அது. 

மருத்துவர்கள் புகார் குறித்து சிறை மருத்துவர்களிடம் விசாரணையைத் தொடங்கிய ரூபா சிறையில் 25 கைதிகள் போதைக்கு அடிமையாகி பெரும் சங்கடம் உண்டாக்குவதைப் பற்றித் தெரிந்துகொண்டு, ஜூலை 10-ந் தேதி அதிரடியாக சிறையில் ரெய்டு நடத்தி., போதைப் பொருள்கள் மற்றும் சிறையில் சசிகலாவிற்காக சமையல் அறை உள்ளிட்டவைகளை ஆய்வு செய்து சட்டத்தை மீறி நடைபெற்ற குற்றச் சம்பவங்களைக் கண்டுபிடித்தார். 

ரூபாவிடம் சிக்கிய சசி... 

இது மட்டும் இல்லாமல் சசிகலா தரப்பு சிறைக்கு அருகே வாங்கியுள்ள அடுக்குமாடிக் குடியிருப்பில் தயாராகும் உணவுகள் தினமும் காரில் சிறைக்குக் கொண்டு வருவது... அவசரத் தேவைக்கு சிறையில் தனியாக ஒரு கிச்சனும் சசிக்காக ஒதுக்கப்பட்டது. இது தவிர சிறையில் சசிகலாவுக்கு சமையல் செய்ய பெண் கைதிகளுக்கான அறையை ஒதுக்கி அதில் உயர்தர உணவுப் பொருள்கள், புது மிக்சி, கிரைண்டர், மின்சார அடுப்பு, கேஸ் அடுப்பு, மூன்று செட் பிளேட், பால் காய்ச்சும் பாத்திரம் உள்ளிட்ட புது கலன்கள் என உயர் தரத்தில் பொருள்கள் இருந்துள்ளன. இவை சிறை விதிகளுக்கு உட்படாத பொருள்கள் என்பதால் புகைப்படம் எடுத்துள்ளார் டி.ஐ.ஜி. ரூபா, சமையல் செய்து கொடுத்த இரண்டு பெண்களில் ஒருவர் காவலர், மற்றொருவர் பெண் கைதி. கிருத்துவ சமூகத்தைச் சேர்ந்தவர். இவர், 3 வருடங்களாக சிறை தண்டனையில் வந்தவர். சிறையில் பேக்கரி பொருள்கள் தயாரிப்பவர் என்ற தகவல் வரை டி.ஐ.ஜி. ரூபா சேகரித்தார். 

சிறையில் ரூபாவின் அதிரடி ரெய்டு விவரம் அறிந்த சிறைத்துறை டி.ஜி.பி. சத்யநாராயண ராவ் அடுத்த நாள் ஜூலை 11-ந் தேதி டி.ஐ.ஜி. ரூபாவிற்கு மெமோ கொடுத்தார். பரப்பன அக்ரஹாரா சிறை விசாரணை தனக்கு எதிராகத் திரும்புவதை உணர்ந்த ரூபா பரப்பன அக்ரஹாரா சிறையில் ரெய்டு குறித்த விசாரணையை அறிக்கையாக சிறைத்துறை ஐ.ஜி., கர்நாடக மாநில டி.ஜி.பி. மற்றும் கர்நாடக உள்துறை பொறுப்பு வகிக்கும் முதல்வர் சித்தராமைய்யாவுக்கும் அனுப்பி வைத்ததுடன், இதற்காக ரூ.2 கோடி அளவிற்கு லஞ்சம் பெற்றதில்  சிறைத்துறை டிஜிபி சத்தியநாராயணா, சிறை கண்காணிப்பாளர் கிருஷ்ணகுமார், துணை கண்காணிப்பாளர் அனிதா உள்ளிட்டோருக்குத் தொடர்பு இருப்பதாகக் குறிப்பிட்டு அறிக்கை அளித்தார்.   

கர்நாடக உள்துறை பொறுப்பையும் முதலமைச்சர் சித்தராமைய்யாவே கவனிப்பதால், ரூபாவின் அறிக்கையால் பதறிப்போய் சித்தராமைய்யா ஓய்வு பெற்ற ஐ.ஏ.எஸ். அதிகாரி வினய்குமாரை விசாரணை அதிகாரியாக நியமித்து ஒரு மாதத்தில் அறிக்கை தாக்கல் செய்ய உத்தரவிட்டுள்ளார். 

வினய்குமார் விசாரணை அறிக்கை 

வினய்குமார்

சிறை குறித்த விசாரணை அறிக்கையில் சிறப்பு அதிகாரி வினய்குமார் சிறையின் விதிகளை மீறி பல்வேறு சட்டவிரோதமான சலுகைகளை சிறைக்கைதிகள் பெற்றுள்ளனர் என்று அறிக்கை கொடுத்தவர். அதில் சசிகலா தொடர்பான விதிமீறல்களைப் பார்க்கும்போது, 15 நாள்களுக்கு மூன்று பார்வையாளர்கள் என்ற விதிகளை மீறி அதிகளவு பார்வையாளர்களைச் சந்தித்தது... மாலை 5.00 மணி வரை மட்டுமே பார்வையாளர்களை சந்திக்க முடியும் என்ற விதிமுறையை மீறி இரவு 7.30 மணி வரை பார்வையாளர்களை சந்தித்துப் பேச அனுமதி அளித்தது வரை விதிமீறலாகக் குறிப்பிட்டுள்ளார். ஆனால், வினய்குமார் அறிக்கையில் பணம் கைமாறியது பற்றி எந்த இடத்திலும் குறிப்பிடவில்லை. அதை பொருளாதாரக் குற்றப் பிரிவு விசாரிக்க வேண்டும் என்று தனது அறிக்கையை வினய்குமார் முடித்துக்கொண்டார். 

ரூபா மற்றும் வினய்குமார் அறிக்கைகளுக்குப் பிறகு சிறையில் விதிகள் கடுமையாகப் பின்பற்றப்பட்டன, இதனால் எல்லா சிசிடிவி கேமராக்களும் கண்காணிக்க ஆரம்பித்துவிட்டன. சிறைவளாகம் முழுவதும் ஜாமர் செயல்பாட்டுக்கு வந்தால் முன்பைப்போல் செல்போன் பயன்படுத்த முடியவில்லை. குறிப்பிட்ட சில நேரம் மட்டும் பேச முடியும் என்ற நிலை உருவானது. அதுவும் அவுட் கோயிங் மட்டும், இன்கமிங் கால் இல்லை. 

 ஆஸ்திரேலியா பிரகாஷ்?

ஆஸ்திரேலிய பிரகாஷ்

ரூபாவின் அதிரடிக்குப் பிறகு 2017 கடந்த மே மாதம் 4-ம் தேதி டெல்லி சாணக்யபுரியைச் சேர்ந்த சஞ்சய்சௌராவத் துணை கமிஷனரிடம் ஆஸ்திரேலியா பிரகாஷ் அளித்துள்ள வாக்குமூலம் மிகவும் முக்கியமானது என்று டிஐஜி ரூபா கருதுகிறார். காரணம் அதில், ஆஸ்திரேலியா பிரகாஷ் தனது நண்பர் மல்லிகார்ஜூனாவுக்கு தினகரனைத் தெரியும் என்றும் அந்த வகையில் பெங்களூரு சிறையிலிருக்கும் சசிகலாவை சந்திக்கும் வகையில் ஏற்பாடுகளைச் செய்து தரும்படி மல்லிகார்ஜுனா என்னிடம் கேட்டுக் கொண்டார். எனக்கு பெங்களூரு சிறைத்துறை அதிகாரிகளை நன்கு தெரியும் என்பதால் எனது உதவியுடன் டிடிவி தினகரன், சசிகலாவை சிறையில் சந்தித்துப் பேசினார். பிறகு ஒரு சமயம் மல்லிகார்ஜூனா கேட்டுக்கொண்டதால் 2 கோடி ரூபாய் அளவிற்கு  தினகரனுக்காகப் பணத்தை இடம்மாற்றிக் கொடுத்தேன். அதற்கான வங்கி கணக்குகளை பிரகாஷ் தெரிவித்துள்ளார். ஆஸ்திரேலியா பிரகாஷ் இந்தப் பணத்தை எதற்காகக் கைமாற்றி கொடுத்தார் என்பது தினகரன், சசிகலா, பிரகாஷ்க்கு மட்டுமே தெரியும். இது குறித்து வினய்குமார் ஏன் விசாரணை செய்யவில்லை என்று ரூபா கேள்வி எழுப்பி, ஆஸ்திரேலியா பிரகாஷ் 7 முறை சிறையில் சசிகலாவை சந்தித்து பேசியுள்ளார். ஆனால், அதற்கான பதிவு எதுவும் சிறையில் இல்லை என்ற குற்றச்சாட்டையும் ரூபா முன்வைக்கின்றார். 

அசராத விவேக் டீம் 

சசிகலா அப்பார்ட்மெண்ட்

ரூபாவின் அதிரடி தாக்குதலுக்குப் பிறகும் சசிகலாவிற்காக இளவரசி மகன் விவேக் டீம் நாள்தோறும் சிறைவளாகத்தில் வேலை செய்துகொண்டு வருகின்றது இன்றளவும். பரப்பன அக்ரஹாரா சிறை வளாகத்தில் ஆனந்த், மற்றொரு ஆனந்த், வினோத் ஆகிய மூவரும் சசிகலாவிற்குத் தேவையான உதவிகளை எஸ்.ஐ. கெஜராஜ் மூலம் செய்து கொடுத்தனர். இதில் எஸ்.ஐ. கெஜராஜ் விடுமுறை நாள்களில் கூட சிறைக்கு வந்து, சசிகலாவுக்குத் தேவையான பணிகளைச் செய்து கொடுத்தார். இதற்காக எஸ். ஐ கெஜராஜிக்கு பெங்களூரு பன்னாரகட்டா சாலையில் 1,200 சதுர அடியில் வீட்டுமனையும், நாகனஹள்ளியில் இரண்டு அடுக்குமாடி வீடு கிடைத்தாக வினய்குமாரிடம் புகார் கொடுக்கப்பட்டது. இந்தக் குற்றச்சாட்டுகளுக்குப் பிறகு எஸ்.ஐ கெஜராஜ் சிறையில் வேறு பிரிவுக்கு மாற்றப்பட்டார். இந்த மூவர் டீமில் தற்போது இரண்டு பேர் மட்டுமே உள்ளனர். ஆனந்த் என்பவர் சென்னையில் கார்டனில் பணியாற்றி வருகின்றார். இந்த மூவர் எது செய்தாலும் அடுத்த நிமிடம் விவேக்கிற்குத் தெரியும். விவேக்கின் விரல் நுனியில் செயல்பட்டு வருகின்றது. இந்த மூவர் அணியை வழி நடத்தி வந்தவர் தர்மபுரி முன்னாள் அமைச்சர் பழனியப்பன் மகன் எழில்மறவன், விவேக்கின் நம்பிக்கைக்கு உரிய நபராக பெங்களூரு சிறையில் வலம் வருகிறார். 

சுதாகரன் சிறையில் எப்படி..? 

ஆண்கள் சிறையில் அதிக அளவு பார்வையாளர்கள் இருப்பதால், சுதாகரனுக்குத் தேவையான அனைத்தும் அங்குள்ள கைதிகளே செய்து கொடுத்து விடுகின்றனர். ஆனால், ஒவ்வொன்றுக்கும் தனித் தனி ரேட். சிறையில் தனக்கு எனத் தனி டீம் அமைத்துள்ள சுதாகரன் எப்போதும் பரிவாரங்களோடு வலம் வருகின்றார். மூவர் அணி சுதாகரனுக்குத் தேவையான அனைத்தும் செய்து கொடுக்கின்றது. 

சசிகலாவைத் தாண்டி சிறை சென்ற வளர்ப்புமகன் சுதாகரனைச் சந்திக்கும் விவரங்கள் அதிகமாக வெளியே கசியவில்லை. அதேபோல, அவரின் மனைவி சத்தியலட்சுமிகூட சுதாகரனைச் சந்திக்காமலேயே இருந்துவந்தார். ஆனால், 2017 நவம்பர் 8-ம் தேதி முதல்முறையாகக் கணவர் சுதாகரனைக் காண மனைவி சத்தியலட்சுமி வந்திருந்தார். சரியாக நண்பகல் 1.05 மணிக்கு சிறைக்குள் சென்றவர்கள், 2.45 மணிக்கு வெளியே வந்தனர். இருவரும் பார்த்த அடுத்த நிமிடமே உணர்ச்சிப் பெருக்கில் கண்ணீர் சிந்தி அன்பை வெளிப்படுத்திய சுதாகரனின் சிறை வாழ்க்கை, மனைவி சத்தியலட்சுமி மீதான அன்பு, பாசத்தை அதிகப்படுத்தியிருப்பதாகவே சசிகலா உள்ளிட்டவர்கள் நெகிழ்ந்தனர். 

பா.ஜ.க. விட்ட தூது... 

ஜனாதிபதி தேர்தலில் பா.ஜ.க-வை ஆதரிப்பதாக அ.தி.மு.க-வின் 3 கோஷ்டிகளும் உறுதி தந்தன., அப்போது தம்பிதுரையை அழைத்து பா.ஜ.க. தலைவர் அமித்ஷா தினகரன் ஆதரவு எம்.எல்.ஏ-க்கள் மீது வருமானவரித்துறை பாய்ச்சல்கள் என்கிற எடப்பாடியின் கோரிக்கையில் எங்களுக்கு விருப்பம் இல்லை, சிறையில் உள்ள சசிகலாவிடம் தகவல் தெரிவித்து ஜனாதிபதி தேர்தலில் ஆதரவு கேளுங்கள் என்று தூது அனுப்பியது பா.ஜ.க. அதேபோல சசிகலாவும் ஆதரவு தந்தார். 

ஒரு நாள் எப்படி இருக்கும்?

அதிகாலை 5 மணிக்கெல்லாம் கண் விழிக்கும் பழக்கம்கொண்ட சசி வழக்கமான நடைமுறைகளை முடித்துவிட்டு, ஒரு மணிநேரம் யோகா செய்யத் தொடங்குகின்றார். அதன்பிறகு சிறைவளாகத்தில் அரைமணி நேரம் நடைப்பயிற்சி, அதன்பிறகு குளித்து முடித்துவிட்டு சிறைக்குள் ஸ்பெஷலாக கொண்டுவரப்பட்ட சுமார் 5 கிலோ எடை கொண்ட லிங்கத்திற்கு, அன்றைய தினம் பறிக்கப்பட்ட வில்வ இலைகள், பூக்களைக் கொண்டு பூஜை செய்கின்றார். 

இந்தப் பூஜை மனஅமைதிக்காவும், இழந்த சக்தியை மீண்டும் சக்தி பெற ஆகமவிதிபடி இந்தச் சிவலிங்கத்திற்கு ரகசியமாக தேவதிராஜ் ஐயர் மந்திரங்களை ஓதி பூஜை செய்து கொடுத்து வருகின்றார். கடந்த 2018 ஜனவரி 30-ந் தேதி சிறையில் சிவலிங்கத்திற்குப் பூஜை செய்து கொடுத்துள்ளார். 

காலை 8 மணிக்கு சசிகலாவுக்கு ஸ்பெஷலாகத் தயார் செய்யப்பட்ட உப்புமா அல்லது ரவை இட்லி தயாராக இருக்கும். சுகர் பேஷன்ட்டுகளான சசி, இளவரசி இருவருக்கும் காலை உணவு 8 மணிக்கு எல்லாம் முடிந்துவிடும். 

காலை உணவை முடித்த பிறகு தமிழகத்தில் இருந்து வெளியாகும் தினசரி செய்தித்தாள்கள் படிப்பார். 15 நாள்களுக்கு ஒருமுறை மட்டுமே சந்திக்க முடியும் என்பதால் அன்றைய தேதிக்கு யார் யாரைச் சந்திக்க வேண்டும் என்று விவரம் கிடைத்தவுடன், அதை துண்டுச்சீட்டு மூலம் தகவல் அனுப்பி அவர்களைச் சந்திப்பார். 

சரியாக 11 மணிக்கு சுகர் இல்லாமல் டீ மற்றும் சுகர்ஃப்ரீ பிஸ்கெட் கிடைக்கும். மதியம் 1 மணிக்குப் பழங்கள் மற்றும் வேகவைத்த காய்கறி மட்டுமே உணவாக எடுத்துக்கொள்ளும் சசிகலா சில சமயம் வெறும் மோர்சாதம் சாப்பிடுவார். 

மாலை 5 மணிக்கு வேகவைத்த சுண்டல் அல்லது பருப்பு வகைகள் ஒரு கப், சுகர் இல்லாமல் டீ எடுத்துக்கொள்கிறார். எப்போதுமே இரவு 7 மணிக்கு இரண்டு சப்பாத்தி, ராகியில் செய்யப்பட்ட உணவு சாப்பிட்டு வருகின்றார். இதுதான் சசிகலாவின் சிறை மெனு லிஸ்ட். 

சசிகலாவை கணவர் நடராஜனின் தம்பி பழனிவேல் மற்றும் வழக்கறிஞர் அசோகனும் அதிக முறை சந்தித்த பார்வையாளர்கள். இவர்கள் சந்திப்புகள் மட்டும் பதிவேட்டில் குறிப்பிடப்படுவதில்லை 

சசிகலா

5 நாள் பரோல்

70 நாட்களுக்கும் மேலாக உடல்நலமில்லாமல் மருத்துவமனையில் அறுவைசிகிச்சை செய்துள்ள கணவர் நடராஜனைக் காண சசிகலா பரோலுக்கு விண்ணப்பித்து இருந்தார். அவருக்கு ஐந்து நாள்கள் பரோல் கிடைத்தது. அக்டோபர் 6-ந் தேதி காலையில் 15 நாள்கள் பரோல் கிடைக்காது 6 நாள் ஒகே என்று மாற்றி எழுதிக் கொடுங்கள் என சிறைக் கண்காணிப்பாளர் சோமசேகர் சொன்னார். ஆனால், 
வழக்கறிஞர்களுடன் சிறைக்குச் சென்ற தினகரன் `6 நாள் பரோல் என்று சொன்னீர்கள். இப்பொழுது ஐந்து நாட்கள் என்கிறீர்கள்' என்று சிறை அதிகாரிகளிடம் வாக்குவாதம் செய்தனர். சசிகலா 2017அக்டோபர் 6-ம் தேதி வெளியே அனுப்பப்படுவார். அவர் சென்னைக்குப் போய்வர ஒருநாள் ஆகும். அந்த ஒருநாள் பரோல் கணக்கில் வராது என சிறைத்துறை அளித்த விளக்கத்தை தினகரன் ஏற்றுக்கொண்டார். 

"சசிகலாவும் உறவினர்களும் அரசியல்வாதிகளாக உள்ள நிலையில், அரசியல்வாதிகளைச் சந்திக்கக் கூடாது என நிபந்தனை விதித்திருக்கிறீர்களே' என தினகரன் கேட்க, "உறவினர்களைச் சந்திக்க தடையில்லை. இதெல்லாம் சசிகலாவைப் பற்றி தமிழக போலீஸார் கொடுத்த ரிப்போர்ட்படி போடப்பட்ட கண்டிஷன்கள்' எனக் கர்நாடக சிறைத்துறை அதிகாரிகள் விளக்கம் அளிக்க வேறு வழியில்லாமல் தினகரன் ஏற்றுக்கொண்டார். கூடவே சிவில் யூனிஃபார்மில் இரண்டு காவலர்கள் சசிகலாவுடன் இருப்பார்கள் என்ற உத்தரவால் கடைசி நேரத்தில் விமானம் மூலம் சென்னை திரும்புவது கேன்சல் செய்யப்பட்டது. சர்வதேச எண் கொண்ட ரோமிங் வசதி பெற்ற, போலீசார் டேப் செய்ய முடியாத போனில் சசிகலா பேசிக்கொண்டே பயணம் செய்தார். மீண்டும் தனது 5 நாள் பரோல் முடித்து சிறை திரும்பினார். 

இதன் பிறகு நவம்பர் 28-ந் தேதி காலை 11.15 மணிக்குச் சென்றவர் நண்பகல் 2.45 மணிக்கு வெளியே வந்தார் சிறையில் மீண்டும் சசிகலா சுதந்திரமாக இருந்து வருகின்றார் என்பதற்கு இதுவே சாட்சி. 

கலைந்த மெளனவிரதம்

ஜெ இறந்து ஒரு வருட நினைவாக கடந்த ஆண்டு 2017 டிசம்பர் 5-ந் தேதி மெளனவிரதத்தை ஆரம்பித்த சசி 2018 ஜனவரி 30-ந் தேதி குடும்ப ஜோதிடம் மற்றம் குருக்கள் தேவாதிராஜ ஐயர் மூலம்  சிறையில் ஸ்பெஷலாக வைத்துள்ள சிவலிங்கத்திற்கு பூஜை செய்து மந்திரங்களை ஓதி சசியின் மெளனவிரதத்தை முடித்து வைத்துள்ளார்.

https://www.vikatan.com/news/coverstory/116357-timeline-of-vksasikala-in-jail.html

Categories: Tamilnadu-news

அல்வா கொடுத்த ‘பக்கோடா’ மோடி!

மிஸ்டர் கழுகு: அல்வா கொடுத்த ‘பக்கோடா’ மோடி!
 

 

p46a_1518527435.jpgகோட்டையிலிருந்து பறந்து வந்தார் கழுகார். ‘‘நான் சொன்னதுபோலவே நடந்ததா?” என்றபடி சிரித்தார். ‘ஆமாம்’ என்று தலையாட்டியபடியே கடந்த இதழின் அட்டைப் படத்தை எடுத்துக் காட்டினோம்.

‘‘ஜெயலலிதாவின் படத்தைத் திறந்து வைக்கப் பிரதமர் மோடி மறுத்த நிலையில், அவசர அவசரமாக இவர்களே திறந்துவைத்து விட்டார்கள்!”

‘‘இதைத்தான் நீர் சொல்லியிருந்தீரே!”

‘‘ஆமாம்! எப்படியாவது மோடியை வரவைத்து விட பகீரத முயற்சிகளை எடப்பாடி பழனிசாமியும் ஓ.பன்னீர்செல்வமும் செய்தார்கள். ஆனால் அவர்களது ஆசையில் மொத்தமாக மண் விழுந்துவிட்டது. கடந்த ஏழு மாதங்களாகப் பிரதமரை வரவைப்பதில் குறியாக இருந்தார் எடப்பாடி. 2017 மே 24-ம் தேதி பிரதமர் மோடியைச் சந்தித்த முதல்வர் எடப்பாடி பழனிசாமி, ‘ஜெயலலிதா படத்திறப்பு விழாவிலும் எம்.ஜி.ஆர் நூற்றாண்டு நிறைவு விழாவிலும் கலந்துகொள்ளுமாறு’ அழைப்பு விடுத்தார். 2017 ஜூலையில் தேதி கொடுக்குமாறு கேட்டார். ஜூலையில் பிரதமர் தேதி தரவில்லை. பிறகு, டிசம்பரில் தேதி கேட்டார்கள். அதுவும் நடக்க வில்லை. ஜனவரி 17-ம் தேதி எம்.ஜி.ஆர் நூற்றாண்டு விழாவுக்கு வரவழைத்து அதையொட்டி ஜெயலலிதா படத்தைத் திறந்து வைக்கக் கேட்டார்கள். அதற்கும் பிரதமர் தரப்பிலிருந்து பதில் இல்லை. இம்மாத இறுதியில் பிரதமர் மோடி, புதுச்சேரி வருவது உறுதியாகி உள்ளது. அந்த நாளிலாவது அவரை சென்னைக்கு அழைத்து வந்துவிடலாம் என்று நினைத்தார்கள். இலவு காத்த கிளி கதையானதால், ஜெயலலிதா படத்திறப்பை சபாநாயகரை வைத்தே முடித்து விட்டார்கள். அதுவும் மோடி, புதுவை வருவதற்கு முன்பே அந்த நிகழ்ச்சியை முடித்து இருக்கிறார்கள்.’’

‘‘பிரதமர் புதுச்சேரி வந்து செல்லும் நாள் வரைகூட ஏன் காத்திருக்கவில்லை?”

‘‘பக்கோடா வேலைவாய்ப்பு கமென்ட்டை வைத்து மோடியை எதிர்க்கட்சியினர் விமர்சித்து வரும் நேரத்தில், எடப்பாடிக்கும் பன்னீருக்கும் அல்வா கொடுத்துவிட்டார் மோடி. ‘ஜெயலலிதா படத்தை சட்டசபையில் வைப்பதில் தவறு இல்லை’ என்று தமிழக பி.ஜே.பி கருத்து கூறினாலும், டெல்லி பி.ஜே.பி இதனை ரசிக்கவில்லை என்கிறார்கள். இந்த விரிசல் போகப் போக இன்னும் பெரிதாகும்” என்ற கழுகார், ரஜினி மேட்டருக்கு வந்தார். ‘‘ரஜினி மக்கள் மன்ற புதிய நிர்வாகிகள் நியமன விஷயத்தில் திடீர் சுணக்கம் ஏற்படுள்ளதாக மன்றத்தினர் சொல்கிறார்கள்” என்றார்.

p46b_1518527421.jpg

‘‘ஏன்?”

‘‘ரஜினி மன்ற பொறுப்பாளர் சுதாகர், ரஜினியின் அலுவலகத்தைச் சேர்ந்த ராஜு மகாலிங்கம் உள்ளிட்ட சிலர் மாவட்ட வாரியாக டூர் சென்றனர். இதைத் தொடர்ந்து வேலூர், தூத்துக்குடி, நெல்லை ஆகிய மாவட்டங்களுக்கு புதிய நிர்வாகிகள் அறிவிக்கப்பட்டனர். இப்படி நியமிக்கப்பட்டவர்களைப் பற்றி பதவி கிடைக்காதவர்கள் ஏராளமான புகார்களைச் சொல்ல ஆரம்பித்துவிட்டனர். பேரம்... பதவி விற்பனை... பணப் பரிமாற்றம் என்று தினமும் ரஜினி வீட்டுக்கு போன் அழைப்புகள் பறந்தன. குழம்பிப்போனார் ரஜினி. தனக்கு அருகில் இருப்பவர் கள் பற்றி வரும் புகார்களை யாரிடம் விசாரிப்பது என்று தெரியாமல் குழம்பிப் போனார்...”

‘‘ஓஹோ!”

‘‘இந்த நிலையில், ‘கோவை மாவட்டத்துக்குச் செயலாளராக யார் வரப்போகிறார் என்று எனக்குத் தெரியும். சென்னையில் மன்ற முக்கியஸ்தரை அவர் கவனித்துவிட்டார். இதுபற்றிய விவரங்களைச் சமூக வலைதளங்களில் வெளியிடுவேன்’ என்று மன்றத்தின் பழைய நிர்வாகி ஒருவர் செய்தியை உலா விட... பதறிப் போனார்கள். அவரிடம் அன்பாகப் பேசி, அப்படி எதுவும் வராமல் பார்த்துக்கொண்டனர். ‘அவர் என்ன சொல்ல வந்தார்?’ என்பது இன்று வரை சஸ்பென்ஸாக இருக்கிறது. இதேபோல், சில இடங்களில் வசதியானவர்கள் தங்களுக்குப் பதவி வாங்கத் திட்டமிட்டு, பரிசுகளும் பணமும் கொடுத்து உறுப்பினர்களைச் சேர்ப்பதாகப் புகார் கிளம்பியது. கிருஷ்ணகிரி பிரமுகர் பெயர் இதில் அடிபட்டது. இதையெல்லாம் தாண்டி ரஜினியை ஷாக் அடைய வைத்த விஷயம் ஒன்று உண்டு...”

p46_1518527488.jpg

‘‘அது என்ன?”

‘‘அவரின் குடும்பத்தினருக்கு நெருக்கம் என்று சொல்லிச் சிலர் பந்தா செய்வதாகக் கேள்விப் பட்டார். ரஜினியின் அண்ணன் சத்யநாராயண ராவ் கெய்க்வாட் பெங்களூரில் இருக்கிறார். கர்நாடக மாநில ரஜினி மன்றத்தின் பொதுச் செயலாளராக இருப்பவர் சந்திரகாந்த். இவரின் தம்பி சூரியகாந்த். சத்யநாராயணாவின் மகளை சந்திரகாந்த் திருமணம் செய்து கொண்டார். இந்த வகையில், ரஜினியின் மருமகன் ஆகிவிட்டார் அவர். ரஜினியின் அண்ணன் எங்கு சென்றாலும் சந்திரகாந்த், சூரியகாந்த் ஆகிய இருவரும் உடன் செல்வதுண்டு. இதைக்கேட்டு அங்குள்ள ரஜினி மன்றப் பிரமுகர்கள் டென்ஷன் ஆகியிருக்கிறார்கள். ‘இந்த சகோதரர்கள் மனது வைத்தால்தான் பதவிக்கு வர முடியும்’ என்று கர்நாடகா எல்லையோர தமிழ்நாட்டு மாவட்டக்காரர்கள் சிலர் சொல்ல ஆரம்பித்திருக்கிறார்கள். இதுவே புகாராகவும் ரஜினிக்குப் போனது.”

‘‘தூத்துக்குடியிலும் ஏதோ பிரச்னை என்றார்களே?”

‘‘அங்கே புதிய மாவட்டச் செயலாளராக நியமிக்கப் பட்டிருப்பவர் ஸ்டாலின். இவர் நாக்பூரில் பிசினஸ் செய்கிறார். இவரை போனில் பிடிக்கவே முடியாது. எப்போதும் தனியார் செக்யூரிட்டி பாதுகாப்புடன் வலம் வருகிறவர். ‘அப்படிப் பட்டவருக்கு எப்படி பதவி கொடுக்கலாம்?’ என்பது மாவட்டத்தின் ஒரு சாரரின் குற்றச்சாட்டு. அதேபோல், வேலூர் மாவட்டத்திலும் மன்ற நடவடிக்கைகளில் அதிகம் ஈடுபடாத இரண்டு பேருக்குப் பதவி தரப்பட்டுள்ளதாம். இதுவும் பூசலை உண்டாக்கிவிட்டது.”

‘‘ரஜினி ஏதாவது அதிரடி நடவடிக்கை எடுத்திருப்பாரே?”

‘‘ஆமாம்! நிர்வாகிகள் சென்ற மாவட்ட டூரை நிறுத்தச் சொல்லிவிட்டார். மாவட்டத்துக்கு சுமார் ஆயிரம் பேர் வீதம் சென்னைக்கு விரைவில் அழைக்கப்படவுள்ளனர். மாவட்ட அளவில் ஆறு பதவிகள். ஒரு பதவிக்கு ஐந்து பேரை சிபாரிசு செய்யச் சொல்லி பழைய நிர்வாகிகளிடம் லிஸ்ட் வாங்கு கிறார்கள். இந்த லிஸ்ட்டை அலசி ஆராய்ந்து சென்னைக் கூட்டத்தில் இறுதிச் சுற்று பெயர்களை அறிவிக்கப்போகிறார்கள். ஆதரிப்பவர்கள் எத்தனை பேர், எதிர்ப்பவர்கள் எத்தனை பேர் என்று கை தூக்கச் சொல்லப்போகிறார்கள். அதன் அடிப்படையில் நியமனம் இருக்குமாம்.”

p46c_1518527465.jpg

‘‘பார்ப்போம்.”

‘‘33 வருடங்களாக திருச்சி மாவட்ட ரஜினி ரசிகர் மன்றச் செயலாளராக இருந்த சாகுல் ஹமீது இறந்துவிட்டார். உடல்நிலை சரியில்லாமல் இருந்துவந்தார். அவர் கோமா நிலைக்குப் போனதைக் கேள்விப்பட்ட ரஜினி, சென்னை யிலிருந்து போனில் அவரின் மனைவி, மகனிடம் பேசி ஆறுதல் சொன்னார். சாகுலின் இறுதிச்சடங்கில் கலந்துகொள்ள தமிழகம் முழுவதும் இருந்து ரஜினி மன்ற முக்கியஸ்தர்கள் திரண்டு வந்தனர். ரஜினி வருவார் என்று நிர்வாகிகள் எதிர்பார்த்தனர். வரவில்லை. மாநில மன்றப் பொறுப்பாளர் சுதாகரும் வரவில்லை. ரஜினியின் இரங்கல் கடிதத்தை யாரோ ஒருவர் எடுத்து வந்தாராம். ‘சுதாகர் வர இஷ்டமில்லாமல், யாரோ ஓர் அலுவலகப் பணியாளரிடம் கொடுத்தனுப்பிவிட்டார்’ என மன்றப் பிரமுகர்கள் குமுறுகிறார்கள்.’’

‘‘கட்சி ஆரம்பிப்பதற்குள் இவ்வளவு பிரச்னைகளா... ரஜினி இதை எப்படித் தாங்குவார்?” என்றோம்.

சிரித்தபடி பறந்தார் கழுகார்.

படம்: கே.ஜெரோம்

p46d_1518527355.jpg

dot_1518527373.jpg பி.ஆர்.ஓ-வாக இருந்த தினகரனின் கோஷ்டியைச் சேர்ந்தவர் களின் உறவினர்கள் இருவர் திடீரென்று மாற்றப்பட்டுள்ளனர். ஒருவர், கலை நேசன். தலைமைச்செயலக பி.ஆர்.ஓ-வாக இருந்த இவர், முன்னாள் எம்.எல்.ஏ கலைராஜனின் தம்பி. இன்னொருவர், கலைச்செல்வன். வள்ளுவர் கோட்டத்தின் பி.ஆர்.ஓ-வாக இருந்தவர். இவர், தங்க தமிழ்ச்செல்வனின் தம்பி. 

dot_1518527373.jpg தமிழக கவர்னர் அலுவலக பி.ஆர்.ஓ-வாக இருந்தவர் ஹேமநாதன். ஓய்வுக்குப் பிறகு அவருக்கு மூன்று மாதங்கள் பதவி நீட்டிப்பு தரப்பட்டது. ஆனால், எட்டாவது நாளே அதை ரத்துசெய்து வீட்டுக்கு அனுப்பிவிட்டார்கள். அந்த இடத்தில் சரவணன் என்பவர் நியமிக்கப்பட்டிருக்கிறார். இவர் பெயரை டிக் செய்தவர், கவர்னரின் செயலாளர் ராஜகோபால் ஐ.ஏ.எஸ்.

dot_1518527373.jpg  உள்ளாட்சித் தேர்தல் வேலைகளில் தினகரன் கோஷ்டி பிஸியாகிவிட்டது. சென்னை மாநகராட்சி மேயர் பதவிக்கு முன்னாள் அமைச்சர் செந்தமிழனை நிறுத்தப்போவதாகப் பேச்சு. இதேபோல், எடப்பாடி கோஷ்டி சார்பில் பழைய மேயர் சைதை துரைசாமியை நிறுத்தப்போகிறார்கள்.
 
dot_1518527373.jpg காங்கிரஸ்காரர்களில் சிலர், மாநிலத் தலைவர் திருநாவுக்கரசரின் புகைப்படத்தைச் சட்டை பாக்கெட்டில் வைத்தபடிவலம் வர ஆரம்பித்திருக்கிறார்கள். கழக கலாசாரம் இப்போது கதர் கலாசாரம் ஆகியுள்ளது.

https://www.vikatan.com/

Categories: Tamilnadu-news

நளினியை விடுவிக்க முடியாது! - தமிழக அரசின் திடீர் விளக்கம்

நளினியை விடுவிக்க முடியாது! - தமிழக அரசின் திடீர் விளக்கம்
 
 

நளினி

 
Chennai: 

எம்.ஜி.ஆரின் 100 வது பிறந்தநாளை முன்னிட்டு தமிழக அரசு 10 ஆண்டு, 20 ஆண்டு தண்டனை முடித்த ஆயுள் தண்டனைக் கைதிகளை வரும் 25-ம் தேதி விடுவிக்க கடந்த1-ம் தேதி தமிழக அரசு ஓர் அரசாணையை வெளியிட்டது. அதில், எம்.ஜி.ஆர் நூற்றாண்டு விழாவையொட்டி, 10 ஆண்டுகளுக்கும் மேல் சிறைத்தண்டனை அனுபவித்த கைதிகளை முன்கூட்டியே விடுதலை செய்வதற்கான வழிகாட்டுதல்கள், நிபந்தனைகள் குறித்த விவரங்கள் குறிப்பிடப்பட்டிருந்தன. 

 

தமிழக அரசின் அரசாணையைத் தொடர்ந்து தமிழக உள்துறைச் செயலாளர் நிரஞ்சன் மார்டி, தமிழகத்தில் உள்ள 9 மத்திய சிறை அதிகாரிகளுக்கும் ஒரு சுற்றறிக்கை அனுப்பி வைத்தார். `10 ஆண்டுகளுக்கும் மேல் தண்டனை அனுபவித்து வரும் கைதிகளை நல்லொழுக்கம் மற்றும் மனிதாபிமான அடிப்படையில் விடுதலை செய்ய தமிழக அரசு முடிவு செய்துள்ளது. அதற்கான பட்டியலைத் தயாரித்து வழங்க வேண்டும்’ என்று குறிப்பிட்டிருந்தார். 10 ஆண்டுகளுக்கும் மேல் தண்டனை அனுபவித்து வரும் கைதிகள் பற்றிய கணக்கெடுப்பு நடைபெற்று வருகிறது. அரசுக்குப் பரிந்துரைக்கப்பட்டுள்ள கைதிகள் பட்டியலில் ராஜீவ்காந்தி கொலை வழக்கில்  ஆயுள் தண்டனை அனுபவித்துவரும் முருகன், பேரறிவாளன், சாந்தன், நளினி ஆகியோர் பெயரும் இடம் பெற்றிருந்தன. 

ஆனால், பிரிவு 435-ன்படி (சி.பி.ஐ விசாரணை செய்த வழக்கு) நளினியை விடுதலை செய்ய முடியாது என்று தமிழக அரசுக் கூறியுள்ளது.  `தன்னை விடுதலை செய்ய தடையாக உள்ள 435 (1)(அ) பிரிவு சட்ட விரோதமானது. அடிப்படை உரிமைகளுக்கு எதிரானது என அறிவித்து என்னை விடுதலை செய்ய வேண்டும்’ என்று சென்னை உய‌ர் நீ‌திம‌ன்ற‌த்த‌ி‌ல் நளினி ரிட் வழக்குப்பதிவு செய்துள்ளார். இவ்வழக்கு நாளை விசாரணைக்கு வருகிறது.      

https://www.vikatan.com/news/tamilnadu/116287-nalini-files-petition-in-high-court.html

Categories: Tamilnadu-news

எடப்பாடி அரசைக் காப்பாற்றும் காங்கிரஸ் எம்.எல்.ஏ-க்கள்! - ஸ்லீப்பர் செல்களால் உறைந்த மேலிடம்

எடப்பாடி அரசைக் காப்பாற்றும் காங்கிரஸ் எம்.எல்.ஏ-க்கள்! - ஸ்லீப்பர் செல்களால் உறைந்த மேலிடம் 
 
 

எடப்பாடி பழனிசாமி

 

முன்னாள் முதல்வர் ஜெயலலிதா படத்திறப்பு விழாவை முன்னிறுத்தி காங்கிரஸ் கட்சிக்குள் சலசலப்பு உருவாகியுள்ளது. `அ.தி.மு.க-வின் விசுவாசியாகவே மாறிவிட்டார் விஜயதரணி. உச்ச நீதிமன்றத்தால் குற்றவாளி என அறிவிக்கப்பட்ட ஜெயலலிதாவுக்கு ஆதரவாக அவர் பேசியது எந்தவகையிலும் சரியானது அல்ல. இதற்காக அவர் ராகுல்காந்தியைத் துணைக்கு அழைத்திருப்பது ஏற்புடையதல்ல' எனக் கொதிக்கின்றனர் காங்கிரஸ் தலைவர்கள். 

 

தமிழக சட்டமன்றத்தில் நேற்று முன்னாள் முதல்வர் ஜெயலலிதாவின் உருவப்படம் திறக்கப்பட்டது. அப்போது பேசிய முதல்வர் எடப்பாடி பழனிசாமி, 'மறைந்த முதல்வர் ஜெயலலிதாவின் அரசியல் வளர்ச்சி அக்னியிலிருந்து புறப்பட்ட பீனிக்ஸ் பறவை போன்றது. இந்தியாவின் அரசியல் பக்கங்களில் தென்னகத்திலிருந்து இடம் பிடித்த முக்கியமான தலைவர் ஜெயலலிதா. ஜெயலலிதாவின் மறைவு இந்திய அரசியலில் வெற்றிடத்தை உருவாக்கியுள்ளது' என்றார். இந்தக் கருத்தையொட்டிப் பேசிய காங்கிரஸ் எம்.எல்.ஏ விஜயதரணி, 'இந்திரா காந்திக்குப் பிறகு, நாட்டின் மிகப்பெரிய தலைவராகத் திகழ்ந்தவர் ஜெயலலிதா. அவரது படத்தைத் திறப்பதில் தவறு இல்லை. வழக்கு விவகாரத்துக்கும் இதற்கும் முடிச்சு போடக் கூடாது. தண்டனையை எதிர்த்துமேல் முறையீடு செய்வதற்குள் அவர் மரணமடைந்து விட்டார். எனவே, வழக்கைப் பற்றி யோசிக்க வேண்டியதில்லை. தனிப்பட்ட முறையில் எனக்கு ஜெயலலிதாவைப் பிடிக்கும். அவர் முதல்வராக இருந்தவர். சட்டமன்றத்துக்குள் ஆண் தலைவர்களின் படங்கள்தாம் நிரம்பியிருக்கின்றன. ஒரு பெண் தலைவரின் படம் இடம்பெறுவதில் என்ன தவறு' என்றார். படத்திறப்பு விழாவைப் புறக்கணிப்பதாகத் தி.மு.க செயல் தலைவர் ஸ்டாலினும் காங்கிரஸ் கமிட்டியின் மாநிலத் தலைவர் திருநாவுக்கரசரும் அறிவித்த பிறகு, விஜயதரணி எடுத்த நிலைப்பாட்டை அதிர்ச்சியுடன் கவனிக்கின்றனர் காங்கிரஸ் நிர்வாகிகள். 'விஜயதரணிமீது நடவடிக்கை உறுதி' எனத் தெரிவித்திருக்கிறார் திருநாவுக்கரசர். 

கோபண்ணாகாங்கிரஸ் செய்தித் தொடர்பாளர் கோபண்ணாவிடம் பேசினோம். "ஒட்டுமொத்த காங்கிரஸ் தொண்டர்களின் உணர்வுகளைப் புண்படுத்திவிட்டார் விஜயதரணி. இந்தக் கட்சியில் இனி அவர் ஒரு நிமிடம் நீடிப்பதற்குக்கூட தகுதியில்லை. இந்திராகாந்திக்குப் பிறகு, ஜெயலலிதாதான் என்னைக் கவர்ந்த தலைவர் என்று கூறியிருக்கிறார். இதற்கு அவர் மிகக் கௌரவமாக அ.தி.மு.க-வுடன் இணைந்து சோரம் போய்விடலாம். காங்கிரஸில் அவர் நீடிக்க வேண்டிய அவசியமில்லை. அ.தி.மு.க-வின் செயல்பாடுகளுக்கு அவர் துணை போய்விட்டார். காங்கிரஸ் கட்சியில் பெரியளவில் எந்தப் பங்களிப்பும் அளிக்காத அவருக்குப் பதவி கொடுத்தது சோனியா காந்தி. அப்படியோர் இயக்கத்துக்குத் துரோகம் செய்யும் வகையில் இத்தகைய கருத்தைக் கூறுவது பச்சைத் துரோகம். 'ஜெயலலிதா இறந்தபோது ராகுல்காந்தி, திருநாவுக்கரசர், முகுல் வாஸ்னிக் ஆகியோர் ஏன் வந்தார்கள்' எனக் கேட்கிறார். அன்றைக்கு அவர்கள் வரும்போது ஜெயலலிதா நிரபராதி.

அதன்பிறகு, வந்த உச்ச நீதிமன்றத் தீர்ப்பு, அவரைக் குற்றவாளி என அறிவித்தது. ஆனால், இறந்துவிட்டதால் அந்தத் தண்டனையைச் செயல்படுத்த முடியவில்லை. அவர் நிரபராதி எனக் கூறவில்லை. அவர் நிரபராதி என்றால் சசிகலாவை எப்படித் தண்டிக்க முடியும்? ஜெயலலிதா உயிரோடு இருந்திருந்தால் நிச்சயம் அவர் சிறையில்தான் இருந்திருப்பார். ஜெயலலிதாவும் சசிகலாவும் கூட்டு சேர்ந்து ஊழல் செய்தனர் என்றுதான் உச்ச நீதிமன்றம் அறிவித்தது. ஜெயலலிதா புனிதமானவர்; சசிகலா குற்றவாளி என்று சொல்வதைவிட ஒரு மோசடி எதுவும் இருக்க முடியாது. இருவரும் சதி செய்துதான் சொத்து சேர்த்தார்கள்; ஒரே வீட்டில் இருந்துகொண்டு கூச்சமில்லாமல் ஊழல் செய்தார்கள் என்று நீதிமன்றம் கூறியது. அப்படிப்பட்டவருக்குப் புனித வேடம் போடும் வேலையை விஜயதரணி செய்வதைவிட இழிவான அரசியல் இருக்க முடியாது" என்றார் கொதிப்புடன். 

விஜயதரணிகோபண்ணாவின் கருத்து குறித்து நம்மிடம் பேசிய விஜயதரணி எம்.எல்.ஏ, "ஜெயலலிதாவைக் குற்றவாளி எனக் கொச்சைப்படுத்துக் கூடாது. அவர் ஒரு பெண் என்பதால் இதைச் சொல்கிறேன். நான் மறைந்த தலைவர்களைப் பற்றித்தான் பேசுகிறேன். அந்தவகையில் இந்திராகாந்திக்குப் பிறகு, ஜெயலலிதாவை முன்னிறுத்திப் பேசினேன். உயிருடன் உள்ள தலைவர்களில் என்னைக் கவர்ந்தவர் சோனியா காந்தி. அவர் தாமதமாக வந்தாலும் என்னுடைய வாழ்க்கையில் மிகப் பெரிய மாற்றத்தைத் தந்தவர் அவர். அதில் எந்தவித மாற்றுக் கருத்தும் இல்லை. இந்தக் கட்சியில் 23 ஆண்டுகளாகப் பாடுபட்டு வருகிறேன். அதைக் கருத்தில் கொண்டுதான் எனக்கு எம்.எல்.ஏ சீட் கொடுத்தார். அதை நான் பெருமையாகப் பார்க்கிறேன். தன் கணவரைக் கொன்றவருக்குக்கூட இரக்கத்தைக் காண்பித்த பண்புள்ள தலைவர் சோனியா காந்தி. நான் சொல்வது ஆளும்கட்சிக்குச் சாதகமான கருத்து அல்ல. 

ஜெயலலிதா படம் திறக்கவில்லையென்றால், எதிர்காலத்தில் எந்தப் பெண் தலைவரின் படமும் இடம் பெறப் போவதில்லை என்பதை உணர்ந்திருக்கிறேன். பெண் தலைவரை அங்கீகாரப்படுத்தும் பணியில் தி.மு.க-வும் ஈடுபட்டிருக்க வேண்டும். அ.தி.மு.க கூட்டணியில் காங்கிரஸ் சேருமா என்பதை காலம்தான் பதில் சொல்ல வேண்டும். காங்கிரஸ் மேலிடம்தான் முடிவு செய்யும். அதில் கருத்துச் சொல்ல எனக்கு எந்த உரிமையும் இல்லை. ஜெயலலிதா படத்திறப்பு விழா குறித்து கருத்துச் சொன்னதற்காக என்மீது நடவடிக்கை எடுக்கப்பட்டால், அதை நிச்சயம் எதிர்கொள்வேன். இந்திராகாந்தி, ராஜீவ்காந்தியோடு தான் இருந்த படங்களைப் போயஸ் தோட்டத்து வீட்டிலும் அலுவலத்திலும் வைத்திருந்தார் ஜெயலலிதா. அவர் இறக்கும் வரையில் இந்தப் படங்கள் அவரது அறையை அலங்கரித்தன. பிரதமர் மோடி வந்தபோதும், அந்தப் படங்களை அவர் அகற்றவில்லை. அந்தத் துணிச்சல் எனக்குப் பிடித்திருந்தது. எங்கள் கட்சியின் தலைவர்களைப் பெருமைப்படுத்தியவர் அவர். அப்படிப்பட்டவரின் படத்தைத் திறப்பதில் என்ன தவறு. மூன்று முறை தமிழக முதல்வராக இருந்தவர், இறந்துவிட்டார். அவருக்கான அங்கீகாரத்தைக்கூடவா நான் மறுக்க வேண்டும்" என்றார் நிதானமாக. 

 

காங்கிரஸ் கட்சிக்குள் எழுந்துள்ள மோதல் குறித்து நம்மிடம் பேசிய அ.தி.மு.க நிர்வாகி ஒருவர், "காங்கிரஸ் கட்சியின் தற்போதுள்ள எம்.எல்.ஏ-க்களில் நான்கு பேர், எடப்பாடி பழனிசாமி அரசை ஆதரிக்கின்றனர். இதேபோல், தி.மு.க-வில் உள்ள சில எம்.எல்.ஏ-க்களும் ஆதரவுக்கரம் நீட்டியுள்ளனர். சசிகலா தரப்பில் உள்ள 18 எம்.எல்.ஏ-க்கள் தகுதிநீக்க வழக்கின் தீர்ப்பு அரசுக்கு எதிராக வந்தாலும் மாற்றுக் கட்சிகளில் உள்ள எம்.எல்.ஏ-க்கள் எடப்பாடி பழனிசாமி அரசுக்கு ஆதரவு தருவார்கள். இதற்கான பேச்சுவார்த்தைகள் தொடர்ந்து கொண்டிருக்கின்றன. ஆட்சி கலைந்து தேர்தல் வருவதை, பெரும்பாலான எம்.எல்.ஏ-க்கள் விரும்பவில்லை. எதிர் முகாம்களில் மறைந்திருக்கும் ஸ்லீப்பர் செல்கள் யார் என்பதை நம்பிக்கை வாக்கெடுப்பு நடந்தால் வெளியில் வரும். இதன் சிறு வெளிப்பாடுதான் விஜயதரணி வடிவில் வெளியாகியுள்ளது" என்கிறார். 

https://www.vikatan.com/news/tamilnadu/116285-new-controversy-in-tamilnadu-congress.html

Categories: Tamilnadu-news