merge-rss

பாதிக்கப்பட்டோர், சாட்சியாளர்களை பாதுகாப்பதற்கு கட்டமைப்பு தேவை

ஊர்ப்புதினம் - Sat, 18/02/2017 - 05:38
பாதிக்­கப்­பட்டோர், சாட்­சி­யா­ளர்­களை பாது­காப்­ப­தற்கு கட்டமைப்பு தேவை
p11-116d1e20a06008a2f2d1d69fa06b47d34bb34e9f.jpg

 

இலங்­கைக்கு ஆலோ­சனை வழங்­கி­ய­தாக கூறு­கிறார் செய்ட் அல் ஹுசைன்

 (ரொபட் அன்­டனி)

பாதிக்­கப்­பட்­ட­வர்­க­ளுக்கு நீதி ­வ­ழங்கும் பொறி­மு­றையில் பங்­கெ­டுக்கும் பாதிக்­கப்­பட்ட மக்கள் மற்றும் சாட்­சி­யா­ளர்­களின் பாது­காப்பை உறு­திப் ப­டுத்தும் நோக்கில் கட்­ட­மைப்­பொன்றை இலங்கை  அர­சாங்கம் முன்­னெ­டுக்­க­வேண்­டு­மென ஆலோ­சனை வழங்­கி­யுள்­ள­தாக ஐக்­கிய நாடுகள் மனித உரிமை ஆணை­யாளர் செயிட் அல் ஹுசைன் தெரி­வித்­தி­ருக்­கின்றார்.  

அத்­துடன் நம்­ப­க­ர­மான செயற்­றி­றன்­மிக்க விரி­வான நிலை­மா­று­கால நீதிப்­பொ­றி­மு­றையை உரு­வாக்­கு­வ­தற்கு இலங்கை நல்­லி­ணக்க செய­ல­ணி­யூ­டாக கலந்­து­ரை­யா­டல்­களை நடத்­தி­ய­மைக்கு ஆத­ரவு வழங்­கி­ய­தா­கவும் செயிட் அல் ஹுசைன் தனது வரு­டாந்த அறிக்­கையில் சுட்­டிக்­காட்­டி­யி­ருக்­கிறார்.

ஐக்­கிய நாடுகள் பொதுச்­ச­பைக்கு முன்­வைத்­துள்ள வரு­டாந்த அறிக்­கை­யி­லேயே ஐ.நா. மனித உரிமை ஆணை­யாளர் இந்த விட­யங்­களை முன்­வைத்­தி­ருக்­கின்றார்.

 18 பக்­கங்­களைக் கொண்ட அந்த அறிக்­கையில் இலங்கை தொடர்பில் ஒரு சில விட­யங்கள் முன்­வைக்­கப்­பட்­டுள்­ளன. அது­மட்­டு­மன்றி 2016 ஆம் ஆண்டு பெப்­ர­வ­ரி­மாதம் இலங்­கைக்கு உத்­தி­யோ­கப்­பூர்வ விஜ­யத்தை மேற்­கொண்­ட­தா­கவும், செயிட் அல் ஹூசைன் தனது வரு­டாந்த அறிக்­கையில் குறிப்­பிட்­டி­ருக்­கின்றார்.

 செயிட் அல் ஹூசைன் தனது வரு­டாந்த அறிக்­கையில் இலங்கை தொடர்பில் குறிப்­பிட்­டுள்ள விட­யங்கள் வரு­மாறு:-

இலங்­கையைப் பொறுத்­த­வ­ரையில் இலங்­கையில் முன்­னெ­டுக்­கப்­பட்ட தேசிய ஆலோ­சனை செயற்­பா­டு­க­ளுக்கு ஐக்­கிய நாடுகள் மனித உரிமை அலு­வ­லகம் தனது முழு­மை­யான ஆத­ரவைத் தெரி­விக்­கி­றது. அதா­வது நம்­ப­க­ர­மான செயற்­றி­றன்­மிக்க விரி­வான நிலை­மா­று­கால நீதிப்­பொ­றி­மு­றையை உரு­வாக்­கு­வ­தற்கு இலங்­கை­யினால் முன்­னெ­டுக்­கப்­பட்ட தேசிய கலந்­து­ரை­யா­டல்கள் மற்றும் ஆலோ­ச­னை­களை நாங்கள் ஆத­ரிக்­கின்றோம்.

அதே­நேரம் இலங்­கைக்கு முக்­கி­ய­மான சில ஆலோ­ச­னை­க­ளையும் வழங்­கி­யி­ருக்­கின்றோம். அதா­வது பாதிக்­கப்­பட்­ட­வர்­க­ளுக்கு நீதி­வ­ழங்கும் பொறி­மு­றையில் பங்­கெ­டுக்கும் பாதிக்­கப்­பட்ட மக்கள் மற்றும் சாட்­சி­யா­ளர்­களின் பாது­காப்பை உறு­திப்­ப­டுத்தும் நோக்கில் கட்­ட­மைப்­பொன்றை இலங்கை அர­சாங்கம் முன்­னெ­டுக்­க­வேண்­டு­மென ஐக்­கி­ய­நா­டுகள் மனித உரிமை அலு­வ­லகம் ஆலோ­சனை வழங்­கி­யுள்­ளது என்று ஐ.நா. மனித உரிமை ஆணை­யாளர் செயிட் அல் ஹூசைன் சுட்­டிக்­காட்­டி­யி­ருக்­கிறார்.

 இதே­வேளை ஐக்­கி­ய­நா­டுகள் மனித உரிமை பேர­வையில் 34 ஆவது கூட்­டத்­தொடர் இம்­மாதம் 27 ஆம் திகதி முதல் மார்ச் மாதம் 24 ஆம் திக­தி­வரை நடை­பெ­ற­வுள்­ளது.

இதன்­போது இலங்கை தொடர்பில் ஐக்­கி­ய­நா­டுகள் மனித உரிமை ஆணை­யாளர் செயிட் அல் ஹூசைன் எழுத்­து­மூல அறிக்­கை­யொன்றை வெளி­யி­ட­வுள்ளார்.

 அதா­வது கடந்த 2015 ஆம் ஆண்டு ஜெனி­வாவில் நிறை­வேற்­றப்­பட்ட இலங்கை தொடர்­பான பிரே­ர­ணையை அர­சாங்கம் எவ்­வாறு அமுல்­ப­டுத்­தி­யது என்­பது தொடர்­பா­கவே செயிட் அல் ஹூசைன் அறிக்­கையை வெளி­யி­ட­வி­ருக்­கிறார். அந்த அறிக்­கையை அடி­யொட்­டி­ய­தாக ஐரோப்­பிய ஒன்­றி­யத்­தினால் இம்­முறை கூட்டத் தொடரில் மற்­று­மொரு பிரே­ரணை இலங்கை தொடர்­பாக கொண்­டு­வ­ரப்­ப­டலாம் என தெரி­விக்­கப்­ப­டு­கி­றது.

அந்தப் பிரே­ர­ணையை இலங்­கை­யா­னது மேலும் அமுல்­ப­டுத்­து­வ­தற்கு கால அவ­கா­சத்தை வழங்­கும்­நோக்­கி­லேயே ஐரோப்­பிய ஒன்­றி­யத்தின் புதிய பிரே­ரணை பரிந்­து­ரைக்­கு­மென தெரி­ய­வ­ரு­கி­றது.

அதே­போன்று எதிர்­வரும் 28 ஆம்­தி­கதி ஐ.நா. மனித உரிமை பேர­வையில் உரை­யாற்­ற­வுள்ள வெளி­வி­வ­கார அமைச்சர் மங்­கள சம­ர­வீர இலங்­கையின் நல்­லி­ணக்க பொறி­மு­றையை முன்­னெ­டுக்க கால அவ­கா­சத்தை வழங்­கு­மாறு கோரிக்கை விடுப்பார் எனவும் தெரி­விக்­கப்­பட்­டுள்­ளது.

அந்­த­வ­கையில் ஐரோப்­பிய ஒன்­றியம் கொண்­டு­வ­ர­வுள்­ள­தாக கூறப்­படும் பிரே­ர­ணையை இலங்கை எதிர்­காது என்றும் அறி­ய­மு­டி­கின்­றது. இம்­முறை ஐ.நா. மனித உரிமை கூட்டத் தொடரில் தமிழர் தரப்பின் பிரதிநிதிகளும் புலம்பெயர் பிரதிநிதிகளும் கலந்துகொண்டு விசேட உப குழுக்கூட்டங்களை நடத்தவுள்ளனர்.

அத்துடன் இலங்கை அரசாங்கத்தின் சார்பிலும் அமைச்சர் மங்கள சமரவீர தலைமையிலான உயர் மட்டக்குழு ஜெனிவா கூட்டத் தொடரில் கலந்துகொள்ளவுள்ளது. இலங்கை தூதுக்குழுவினரும் விசேட உபக்குழுக்கூட்டங்களை நடத்தி இலங்கையில் முன்னெடுக்கப்பட்டுள்ள நல்லிணக்க வேலைத்திட்டங்கள் தொடர்பில் விளக்கமளிக்கவுள்ளதாக தெரியவருகிறது.

http://content.epaper.virakesari.lk/newspaper/Daily/main/2017-02-18#page-1

Categories: merge-rss, yarl-category

அரச சார்பற்ற நிறுவனங்கள் தமது எல்லையை மீறி செயற்பட முயற்சி

ஊர்ப்புதினம் - Sat, 18/02/2017 - 05:37
அர­ச சார்­பற்ற நிறு­வ­னங்கள் தமது எல்­லையை மீறி செயற்­பட முயற்சி
my3-e82f6bd654dee40a9c34139f5e4da4fdd83d96ea.jpg

 

அனு­ம­திக்க முடி­யாது என்­கிறார் ஜனா­தி­பதி

(எம்.எம்.மின்ஹாஜ்)

எனது சொத்து விப­ரங்­களை  தேர்தல்கள் ஆணை­யா­ள­ரிடம் பெறலாம்

தகவல் அறியும் உரி­மையை பயன்­ப­டுத்தி அரச சார்­பற்ற அமைப்­பொன்று எனது சொத்து விப­ரங்­களை கோரி­ யுள்­ளது. எனது சொத்து விப­ரங்­களை மறைக்க வேண்­டிய எந்­த­வொரு தேவையும் எனக்கு இல்லை. ஜனா­தி­ப­தியின் சொத்து விப­ரங்­களை கோரு­வ­தற்கு தேர்தல்கள் ஆணை­யா­ள­ருக்கு அதி­காரம் இல்­லாத போதும் ஜனா­தி­ப­தி­யாக பொறுப்­பேற்று 2வரு­டங்­க­ளுக்குள் சொத்து விப  ரங்­களை சமர்ப்­பித்த நாட்டின் ஒரே ஜனா­தி­பதி நான்தான் என்று ஜனா­தி­பதி மைத்­தி­ரி­பால சிறி­சேன தெரி­வித்தார். 

அத்­துடன் தற்­போது நாட்டில் ஜன­நா­யக உரி­மையை துச்­ச­மாக மதித்து ஆர்ப்­பாட்­டங்­களும் உண்­ணா­வி­ரத போராட்­டங்­களும் நடந்து கொண்ட வண்­ணமே உள்­ளன. கொழும்பில் ஒவ்­வொரு நாளும் ஆர்ப்­பாட்­டங்கள் நடந்த வண்­ணமே உள்­ளன. நாம் வழங்­கிய சுதந்­தி­ரத்தை பிர­யோ­ச­மான முறையில் பயன்­ப­டுத்த வேண்டும் இப்­ப­டி­யொரு சுதந்­திரம் ஏன் வழங்­கப்­பட்­டது என்­ப­தனை தெரிந்து செயற்­பட வேண்டும் என்றும் அவர் கோரினார். 

அரச சார்­ப­பற்ற நிறு­வ­னங்கள் சில முறை­யற்ற விதத்­திலும் அவர்­க­ளது காரி­யங்­க­ளுக்கு அப்­பாலும் செல்­வ­தனை ஏற்­றுக்­கொள்ள முடி­யாது. தெளி­வா­கவும் தமக்கு உரிய வேலை­களை உரிய முறையில் முன்­னெ­டுக்க வேண்டும் என்றும் ஜனா­தி­பதி குறிப்­பிட்டார்.

தகவல் அறியும் உரி­மையை உத்­தி­யோ­க­பூர்­வ­மாக மக்­க­ளுக்கு வழங்கும் நிகழ்வு நேற்று அலரி மாளி­கையில் நடை­பெற்­றது. இந்­நி­கழ்வு பாரா­ளு­மன்ற மறு­சீ­ர­மைப்பு மற்றும் ஊட­கத்­துறை அமைச்சர் கயந்த கரு­ணா­தி­லக்க தலை­மையில் நடை­பெற்­றது. இந்­நி­கழ்வில் அமைச்­சர்­களும் பாரா­ளு­மன்ற உறுப்­பி­னர்­களும் அரச அதி­கா­ரிகள் பெருந்­தொ­கை­யா­னோரும் கலந்து கொண்­டனர். இந்­நி­கழ்வில் கலந்து கொண்டு உரை­யாற்­று­கை­யி­லேயே ஜனா­தி­பதி மேற்­கண்­ட­வாறு தெரி­வித்தார்.

அங்கு ஜனா­தி­பதி மைத்­தி­ரி­பால சிறி­சேன மேலும் உரை­யாற்­று­கையில், தகவல் அறியும் உரிமை ஏன் வழங்­கப்­பட்­டது? தகவல் அறியும் உரிமை சட்­ட­மூலம் அரச நிர்­வா­கத்தின் நேர்­மையை பாது­காக்­கவும் வெளிப்­படை தன்­மை­யுடன் செயற்­ப­டு­வ­தற்கே இந்த உரிமை நாட்டு மக்­க­ளுக்கு வழங்­கப்­பட்­டுள்­ளது. மனிதன் என்றால் பயமும் வெட்­கமும் இருக்க வேண்டும். பயமும் வெட்­கமும் இல்­லாது போனால் அவர்கள் மனி­தர்கள் அல்ல. மிரு­கங்­க­ளாகும். மிரு­கங்­க­ளு­டைய தன்மை அப்­ப­டி­யா­கதான் இருக்கும். எனவே அபி­வி­ருத்தி உள்­ளிட்ட அரச நிர்­வாக நட­வ­டிக்­கைகள் தொடர்பில் வெளிப்­படை தன்­மையை பாது­காக்­கவே தகவல் அறியும் உரிமை வழங்­கப்­பட்­டுள்­ளது. அர­சாங்கம் என்ற அடிப்­ப­டையில் மறை­மு­க­மாக செயற்­பட வேண்­டிய எந்­த­வொரு தேவையும் இல்லை. 

எனவே அரச நிர்­வா­கத்­தின்­போது வெளிப்­படை தன்மை மிகவும் அத்­தி­யா­வ­சி­ய­மாகும். நாட்டில் தற்­போது ஒழுங்கு முறை­மையில் பாரிய பிரச்­சி­னைகள் உள்­ளன. நாட்டில் அர­சி­யல்­வா­தி­களும் அரச அதி­கா­ரி­களும் ஒழுங்கு விதி­களை சீராக பின்­பற்­றாமல் உள்­ளனர். அர­சி­யல்­வா­தி­க­ளி­டமும் அரச அதி­கா­ரி­க­ளி­டமும் இணக்­க­பாடு இல்­லாமல் உள்­ளது. அர­சி­யல்­வா­தி­களும் அரச அதி­கா­ரி­களும் தமது சுய இலா­பத்­திற்­காக செயற்­பட்டு வரு­கின்­றனர். நாட்டு நிர்­வா­கத்தின் போது இந்த இரு தரப்பும் ஒற்­று­மை­யாக செயற்­பட வேண்­டி­யது அவ­சி­ய­மாகும். ஆனால் தற்­போது இரு தரப்பும் ஒற்­று­மை­யாக இல்லை. இந்த இரு தரப்பும் புரிந்­து­ணர்­வுடன் செயற்­ப­டாது விட்டால் நாட்டை நிர்­வ­கிப்­பது மிகவும் கடி­ன­மான காரி­ய­மாகும். நிர்­வா­கி­க­ளாக செயற்­பட வேண்­டி­ய­வர்கள் இரு தரப்­பாக பிரிந்து செயற்­பட்டு வரு­கின்­றனர். இப்­ப­டியே இருந்தால் அது நாட்­டிற்கு பாரிய கேடாகும். அத்­துடன் தற்­போது அரச அதி­கா­ரி­க­ளு­டனும் அர­சி­யல்­வா­தி­க­ளு­டனும் மக்கள் அதி­ருப்­தி­யுடன் உள்­ளனர். மக்­க­ளிடம் கருத்து கணிப்­பொன்றை நடத்தி அர­சி­யல்­வா­தி­க­ளையும் அரச அதி­கா­ரி­க­ளையும் பற்றி வின­வினால் அர­சி­யல்­வா­திகள் நூற்­றுக்கு பூச்­சி­யத்­தையே ஆத­ர­வாக பெறு­வார்கள். அரச அதி­கா­ரிகள் அவர்­களை விடவும் ஒரு படி மேல் இருந்­தாலும் நூற்­றுக்கு 20 சத­வீத ஆத­ர­வி­னையே பெறு­வார்கள். ஆகவே நாட்டின் நலனை கருத்­திற்கு கொண்டு இரு­த­ரப்பும் இணைந்து செயற்­பட வேண்டும்.

எனவே அரச அதி­கா­ரிகள் மீது எனக்கு பரந்­த­ள­வி­லான நம்­பிக்கை உள்­ளது. ஒரு சில அதி­கா­ரி­க­ளினால் பொது­வாக அரச அதி­கா­ரிகள் அனை­வ­ருக்கும் அவப்­பெயர் ஏற்­ப­டு­கின்­றது. நல்ல அதி­கா­ரி­களும் உள்­ளனர். அவர்­களை நாம் பாராட்ட வேண்டும். ஆகவே மக்கள் மத்­தியில் உள்ள தப்­பான அபிப்­பி­ரா­யங்­களை போக்கி அர­சியல் வாதி­களும் அரச அதி­கா­ரி­களும் செயற்­பட வேண்­டி­யது காலத்தின் கட்­டா­ய­மாகும்.

இதே­வேளை தற்­போது நாட்டில் ஆர்ப்­பாட்­டங்­களும் உண்­ணா­வி­ரத போராட்­டங்­க­ளுக்கும் முடி­வில்­லாமல் உள்­ளன. கொழும்பு நக­ரத்தை எடுத்­துக்­கொண்டால் ஒவ்­வொரு நாளும் போராட்­டங்­களும் ஆர்ப்­பாட்­டங்­களும் நடந்த வண்­ணமே உள்­ளன. ஜன­நா­யக உரி­மையை வழங்­கி­ய­தனை பிடித்­துக்­கொண்டு ஒவ்­வொரு நாளும் ஆர்ப்­பாட்­டங்­க­ளையும் உண்­ணா­வி­ரத போராட்­டங்­க­ளையும் நடத்­து­ப­வர்கள் அர­சாங்கம் வழங்­கிய சுதந்­தி­ரத்தை உரிய முறையில் பயன்­ப­டுத்த வேண்டும். போராட்­டங்­களை பிர­யோ­ச­ன­மாக நடத்த வேண்டும். புரிந்­து­ணர்­வுடன் செயற்­பட வேண்­டி­யது கட்­டா­ய­மாகும். வழங்­கி­யுள்ள சுதந்­தி­ரத்தை கட்டிக் காக்க வேண்­டி­யது மக்­களின் பொறுப்­பாகும்.

அத்­துடன் குற்றம் செய்ய பழ­கி­ய­வர்கள் அதனை விடு­வ­தற்கு விருப்பம் இல்­லா­த­வர்­க­ளா­கவே காணப்­ப­டு­கின்­றனர். அதற்கே அவர்கள் பழக்­கப்­பட்டு விட்­டனர். நாட்டின் கடந்த கால ஆட்­சி­களை விடவும் நேர்­மை­மிக்க மாற்று ஆட்­சியை கொண்டு செல்­வ­தற்கே மக்கள் எனக்கு வாக்­க­ளித்­துள்­ளனர். ஆகவே முன்­னைய ஆட்­சியில் நடந்த குற்­றங்கள் இந்த ஆட்­சியில் நடை­பெறா வண்ணம் பாது­காக்க வேண்டும். முன்­னைய ஆட்­சியின் குற்­றங்கள் இந்த ஆட்­சி­யிலும் இடம்­பெற கூடாது.

அதே­போன்று தகவல் அறியும் உரிமை இம்­மாதம் 2 ஆம் திக­தியில் இருந்தே அமு­லுக்கு வந்­தது. ஆனால் அந்த உரி­மையை பயன்­ப­டுத்தி முத­லா­வது தகவல் பெறு­த­லாக அரச சார்­பற்ற அமைப்­பொன்று எனது சொத்து விபரங்களை கோரியுள்ளது. எனது சொத்து விபரங்களை மறைக்க வேண்டிய எந்தவொரு தேவையும் எனக்கு கிடையாது. ஜனாதிபதியின் சொத்து விபரங்களை கோருவதற்கு தேர்தல் ஆணையாளருக்கு அதிகாரம் இல்லாத போதும் ஜனாதிபதியாக பொறுப்பேற்று 2 வருடத்திற்கான சொத்து விபரங்களை சமர்ப்பித்த நாட்டின் ஒரே ஜனாதிபதி நானேயாகும். இருப்பினும் எனது சொத்து விபரங்கள் தேவையாயின் தேர்தல் ஆணையாளரை அணுகி பெற்றுக்கொள்ள முடியும்.

எனவே அரச சார்பபற்ற நிறுவனங்கள் சில முறையற்ற விதத்திலும் அவர்களது காரியங்களுக்கு அப்பால் செல்வதனை ஏற்றுக்கொள்ள முடியாது. தெளிவாகவும் தமக்கு உரிய வேலைகளை உரிய முறையில் முன்னெடுக்க வேண்டும். 

http://content.epaper.virakesari.lk/newspaper/Daily/main/2017-02-18#page-1

Categories: merge-rss, yarl-category

விடுதலைப் புலிகளின் கடற்படை தொடர்பாக பாகிஸ்தானில் விரிவுரை நிகழ்த்திய கடற்படைத் தளபதி!

ஊர்ப்புதினம் - Sat, 18/02/2017 - 05:36
விடுதலைப் புலிகளின் கடற்படை தொடர்பாக பாகிஸ்தானில் விரிவுரை நிகழ்த்திய கடற்படைத் தளபதி! 

 

 

விடுதலைப் புலிகளின் கடற்படை தொடர்பாகவும், அவர்களின் எழுச்சி வீழ்ச்சி தொடர்பாகவும் பாகிஸ்தான் கடற்படையின் போர்க் கல்லூரியில் இலங்கையின் கடற்படைத் தளபதி வைஸ் எட்மிரல் ரவீந்திர விஜேகுணரட்ன விரிவுரை ஒன்றை நிகழ்த்தியுள்ளார்.sea-tigers-ravindra-wijegunaratne.jpg

பாகிஸ்தானுக்கு உத்தியோகபூர்வ விஜயத்தை மேற்கொண்டுள்ள இலங்கை கடற்படைத் தளபதி வைஸ் எட்மிரல் ரவீந்திர விஜேகுணரட்ன, கடந்த புதன்கிழமை (15)  லாகூரில் உள்ள பாகிஸ்தான் கடற்படையின் போர்க் கல்லுரிக்குச் சென்றிருந்தார்.

பாகிஸ்தான் கடற்படை அதிகாரிகள் மற்றும் இங்கை கடற்படை உள்ளிட்ட பல்வேறு நாடுகளின் கடற்படை அதிகாரிகள், இந்த லாகூர் கடற்படை போர்க் கல்லூரியில் அதிகாரிகளுக்கான கற்கைநெறியை பயின்று வருகின்றனர்.

இலங்கை கடற்படைத் தளபதி வைஸ் எட்மிரல் ரவீந்திர விஜேகுணரட்ன, 1995 ஆம் ஆண்டில், இந்த போர்க் கல்லூரியில் பயிற்சிகளை பெற்றிருந்தார்.

இங்கு சென்ற இலங்கை கடற்படைத் தளபதி, பயிற்சி பெற்று வரும் அதிகாரிகள் மத்தியில், ‘ மரபுசாரா எதிரியுடனான இலங்கை கடற்படையின் போர் அனுபவங்கள்’ என்ற பொருளில் உரையாற்றினார்.

மரபுசார எதிரியுடன் இலங்கை கடற்படை எவ்வாறு போரிட்டது, இந்த அச்சுறுத்தலை ஒரு மரபுசாரா கடற்படை எவ்வாறு எதிர்கொண்டது, மூன்று தசாப்தங்களாக நீடித்த போரில் வெற்றியீட்டியது எவ்வாறு என்று அவர் தனது உரையில் விரிவாக விளக்கிக் கூறினார்.

இதனை விரிவாக விளக்கும் வகையில், கடற்புலிகளின் பரிமான வளர்ச்சி, விடுதலைப் புலிகளின் தற்கொலை தாக்குதல் அச்சுறுத்தல், இலங்கை கடற்படையின் பதில் நடவடிக்கை, தற்கொலை தாக்குதல்களை முறியடிப்பதற்கான நடவடிக்கைகள், சிறிய படகுகள் கருத்திட்டம் குறித்த ஆய்வும், அபிவிருத்தியும், விடுதலைப் புலிகளின் மிதக்கும் ஆயுதக் களஞ்சியங்களின் அழிப்பு உள்ளிட்ட விடயங்கள் குறித்து இலங்கை கடற்படைத் தளபதி விளக்கமளித்துள்ளார்.

http://www.virakesari.lk/article/16783

Categories: merge-rss, yarl-category

''உங்களின் போராட்டம் நியாயமானது தென்னிலங்கைக்கு தெளிவுபடுத்துவேன்''

ஊர்ப்புதினம் - Sat, 18/02/2017 - 05:31
''உங்களின் போராட்டம் நியாயமானது தென்னிலங்கைக்கு தெளிவுபடுத்துவேன்''

 

 

சொந்த மண்ணில் மீளவும் குடியேறுவதற்காக  கேப்பாபிலவு பிலவுக் குடியிருப்பு மக்களின் தொடர்ச்சியான போராட்டம் நியாயமானது. ஊங்களின் கோரிக்கைகளை தென்னிலங்கைக்கு தெளிவு படுத்துவேன். ஜனாதிபதி மைத்திரிபால சிறிசேன, பிரதமர் ரணில் விக்கிரமசிங்க உட்பட அரசியல் பிரதிநிதிகளிடத்தில் எடுத்துரைப்பேன் என போராட்டத்தில் ஈடுபட்டு வரும் மக்களிடத்தில் தென்மாகாண சபை உறுப்பினர் பத்தேகம சமித்த தேரர் தலைமையிலான குழவினர் உறுதியளித்துள்ளனர்.

fwee.jpg

தமக்குச் சொந்தமான காணிகள் விமானப்படையினரால் ஆக்கிரமிக்கப்பட்டுள்ளமையைக் கண்டித்து முல்லைத்தீவு மாவட்டத்தின் கேப்பாபிலவு பிலவுக்குடியிருப்பைச் சேர்ந்த மக்கள் தொடர்ச்சியாக நேற்று வெள்ளிக்கிழமையும் 18ஆவது நாளாக போராட்டத்தில் ஈடுபட்டிருந்தனர். 

unnamed.jpg

இராணுவம், விமானப்படையினர், புலனாய்வாளர்கள் ஆகியோரின் பிரசன்னத்துக்கு மத்தியில் தமது நிலைப்பாட்டை மாற்றாது தொடர்ந்தும் சொந்தை மண்ணை மீட்டெடுக்கும் போராட்த்தில் ஈடுபட்டுள்ள மக்களுக்கு ஆதரவாக வடக்கு கிழக்கு பகுதிகளைச் சேர்ந்த பல்வேறு தரப்பினர்களும் கவனயீர்ப்பு பேரணிகளையும், குரல்களையும் கொடுத்து வருகின்றனர். 

unnamed-_11_.jpg

இந்நிலையில் நேற்றையதினம் தென்மாகாண சபையின் உறுப்பினரான பத்தேகம சமிந்த தேரர் தலைமையில் தியதந்ததேரர், தம்பராயத்த தேரர் ஆகியோர் அடங்கிய குழவினர்  கேப்பாபிலவிற்கு நேரடியாக விஜயம் செய்து அம்மக்களின் போராட்டம் தொடர்பான யதார்த்த நிலைமைகளை பார்வையிட்டதோடு மக்களின் கோரிக்கைகளையும் கேட்டறிந்து கொண்டனர்.  இச்சந்தர்ப்பத்தின் போது அம்மகளிடத்தில் கருத்து வெளியிடுகையிலேயே தென்மாகாண சபையின் உறுப்பினரான பத்தேகம சமிந்த தேரர் மேற்கண்டவாற தெரிவித்தார்.    

unnamed-_4_.jpg

தேன்னிலங்கையிலிருந்து நேற்று பிற்பகல் 3.30மணியளிவில் கேப்பாபிலவுக்குச் சென்ற தென்மாகாண சபையின் உறுப்பினரான பத்தேகம சமிந்த தேரர் தலைமையிலான குழவினர் அம்மக்களின் கோரிக்கைகளை விரிவாக கேட்டறிந்து கொண்டனர். 

ssaa.jpg

இதன்போது போராட்டத்தில் ஈடுபட்டுள்ள மக்கள் தமது நியாயமானகோரிக்கையை வெளிப்படுத்தினர். அதாவது. யுத்தம் நடைபெறுவதற்கு முன்னதாக கேப்பாபிலவு பிலவுக்குடியிருப்பிலேயே நாங்கள் பூர்வீகமாக வாழ்ந்து வந்துள்ளோம். யுத்தத்தினால் ஏற்பட்ட இடம்பெயர்வை அடுத்து நாம் மீண்டும் சொந்த இடத்திற்கு  வருகை தந்த போது எமது நிலங்களில் விமானப்படைத்தளம் அமைக்கப்பட்டிருந்தது.

fwee.jpg

ஏமக்குச் சொந்தமான காணிகளை விடுவிக்குமாறு நாம் கோரிக்கைகளை விடுத்தபோது விமானப்படையினர் சூரி கிராமம் என்ற பெயருடைய பூமியை கேப்பாபிலவு என அடையாளப்படுத்தி அங்கு எம்மை குடியேற்றுவதற்கு முயற்சிகளை செய்தார்கள். இது உண்மையிலேயே சர்வதேசத்தை ஏமாற்றுதற்கு எடுக்கப்பட்ட ஒரு நாடகமாகும். 

fsfaa.jpg

அதற்கு எதிராக நாம் குரல் கொடுத்து போராடிய தருணத்திலேயே எமது காணிகளை விடுவிப்பதாக படையினர் ஒத்துக்கொண்டனர். ஆதனையடுத்து நாம் சொந்த நிலங்களுக்கு செல்வதற்காக வந்தபோது வனவிலங்கு பரிபாலன சபையினரிடத்தில் அனுமதி பெற்றுவருமாறு காலதமாதப்படுத்த முனைந்தனர்.

fsa.jpg

யுத்தம் நிறைவடைந்து எட்டு வருடங்கள் கடந்துள்ள போதும் எமது சொந்த மண்ணில் மீண்டும் குடியேறுவதற்கு முயடிதுள்ளோம். நாம் மிகவும் வறுமைக்குள் சிக்கித் தவிக்கின்றோம். ஏமது சொந்த மண்ணிலேயே எம்மை குடியேற்ற வேண்டுமென்றே தான் கேட்கின்றோம். எமது மண்ணில் நாம் மீளவும் மீளக்காலடி எடுத்து வைக்கும் வரையில் போராட்த்திலிருந்து பின்வாங்கப்போவதில்லை என்றனர். 

fasdfa.jpg

இதனையடுத்து அம்மக்களை சமாதானம் செய்த தென்மாகாண சபையின் உறுப்பினரான பத்தேகம சமிந்த தேரர் தலைமையிலான குழுவினர், உங்களது போராட்டம் நியாயமானது தான். நுpங்கள் உங்களுடைய சொந்த மண்ணில் மீண்டும் குடியேறவேண்டுமென்பதில் உறுதியாக இருக்கின்றீர்கள்.

faaaad.jpg

உங்களுடைய போராட்டம் தொடர்பில் தென்னிலங்கைக்கும் அரசியல் வாதிகளுக்கு தெளிவற்றதொரு நிலைமை காணப்படுகின்றது. ஊங்களின் கோரிக்கையை நான் தென்னிலங்கைக்கும் அரசியல்வாதிகளுக்கும் தெளிவுபடுத்துவேன். 

faaaa.jpg

ஜனாதிபதி மைத்திரிபால சிறிசேன, பிரதமர் ரணில் விக்கிரமசிங்க ஆகியோரின் கவனத்திற்கு கொண்டு சென்று உங்களின் கோரிக்கைளை எடுத்துரைப்பேன் என உறுதி மொழி வழங்கினார்.

 

இக்கலந்துரையாடல் இடம்பெற்றபோது வடமாகாண சபை உறுப்பினர்களான அனந்தி சசிதரன், து.ரவிகரன் மற்றும் சிவன் அறக்கட்டளையின் தலைவரும் ரெலோ அமைப்பின் முக்கியஸ்தருமான கணேஷ் வேலாயுதம் ஆகியோர் உள்ளிட்டவர்களும் பிரசன்னமாகியிருந்தமை குறிப்பிடத்தக்கது.

http://www.virakesari.lk/article/16780

Categories: merge-rss, yarl-category

பிபிசி தமிழ் தொலைக்காட்சி செய்தியறிக்கை 17/02/17

 

இன்றைய பிபிசி தமிழ் தொலைக்காட்சி செய்தியறிக்கையில்,

* தேசிய பாதுகாப்பு ஆலோசகர் பதவிக்காக டிர்ம்பால் தெரிவானவர், அதனை நிராகரித்துவிட்டார். அதேவேளை பொய் சொல்வதாக ஊடகங்கள் மீது டிரம்ப் குற்றச்சாட்டு.

* சோமாலியாவில் பஞ்சம் தலைவிரித்து ஆடுவதாக ஐநா எச்சரிக்கை. மக்களும், கால்நடைகளும் உயிரிழக்க பயிர்களும் அழிகின்றன.

* கால்பந்து ஆடுவதற்கும் ஞாபக மறதி நோய்க்கும் ஆன தொடர்பு குறித்த ஆய்வுக்கு ஐரோப்பிய கால்பந்து அமைப்பு ஆதரவு.

Categories: merge-rss, yarl-world-news

யாழில் சிறுவர் துஷ்பிரயோகம் தொடர்பில் கடந்தவருடம் 207 முறைப்பாடுகள்

ஊர்ப்புதினம் - Fri, 17/02/2017 - 16:58
யாழில் சிறுவர் துஷ்பிரயோகம் தொடர்பில் கடந்தவருடம் 207 முறைப்பாடுகள்
 
 
யாழில் சிறுவர் துஷ்பிரயோகம் தொடர்பில் கடந்தவருடம் 207 முறைப்பாடுகள்
யாழ் மாவட்டத்தில் சிறுவர் துஷ்பிரயோகத்திற்கு எதிரான முறைப்பாடுகள் தொலைபேசியினூடாகவே அதிகளவில் கிடைக்கப் பெறுவதாக யாழ் மாவட்ட சிறுவர் விவகார பிரிவு வட்டாரங்கள்  தெரிவித்துள்ளன.
 
இது தொடர்பில் அவ்வட்டாரங்கள் மேலும் தெரிவிக்கையில் 
 
யாழ் மாவட்டத்தில் கடந்த வருடம் ஜனவரி தொடக்கம் ஒக்டோபர் வரை  சிறுவர் துஷ்பிரயோகத்திற்கு எதிராக  207 முறைப்பாடுகள் கிடைக்கப் பெற்றுள்ளன. இவற்றுள் 1929 எனும் தொலைபேசி இலக்கத்தினூடாக 26 முறைப்பாடுகளும் வேறு அலுவலக தொலைபேசி இலக்கத்தினூடாக 47 முறைப்பாடுகளும் என   தொலைபேசிகளினூடாக 73 முறைப்பாடுகள் கிடைக்கப்பெற்றுள்ளன.
 
இவற்றுள் பாடசாலைக்கு செல்லாத மாணவர்களுக்கு  எதிராக 32 முறைப்பாடுகளும், சிறுவயது திருமணம் தொடர்பாக 12 முறை ப்பாடுகளும், உடலியல் ரீதியான துஸ்பிரயோக முறைப்பாடுகள் 3, உளவியல் ரீதியான துஸ்பிரயோகம் 4, பாலியல் துஸ்பிரயோகம் 7,சிறுவர்  அலட்சியம் தொடர்பான முறைப்பாடு 9, குழந்தை தொழிலாளர்கள் தொடர்பாக  4 முறைப்பாடுகள், வேறு விதமான முறைப்பாடுகள் 2  என  மொத்தமாக 73 முறைப்பாடுகள் தொலைபேசிகளினூடாக பதிவு செய்யப்பட்டுள்ளன. 
 
எனவே சிறுவர்கள்  துஷ்பிரயோகத்திற்கு உட்படுத்தப்படுவது குறித்து அறிந்தால் 1929 எனும் தொலைபேசி ஊடாக அறியத்தரலாம் எனவும் தெரிவித்துள்ளனர்.

http://www.onlineuthayan.com/news/24021

Categories: merge-rss, yarl-category

போராட்டத்தின் தாற்பரியத்தை புரிந்துகொள்ளுங்கள்

அரசியல்-அலசல் - Fri, 17/02/2017 - 15:58
போராட்டத்தின் தாற்பரியத்தை புரிந்துகொள்ளுங்கள்

 

முல்­லைத்­தீவு மாவட்­டத்தில் கேப்­பாப்­பு­லவு மக்கள் அப­க­ரிக்கப்­பட்ட தமது காணி­களை மீளப் பெற்­றுக்­கொ­டுக்­கு­மாறு வலி­யுறுத்தி போராட்­டங்­களை நடத்திவரு­கின்­ற­ போ­திலும் அர­சாங்கம் அது தொடர்பில் அக்­கறை கொள்­வ­தாக தெரி­ய­வில்லை. குறிப்­பாக இந்த மக்கள் தமது நிலங்­களை மீட்­டுத்­த­ரு­மாறு வலி­யு­றுத்தி தொடர் போராட்­டங்­களை நடத்­தி­வ­ரு­கின்­ற ­போதும் அது தொடர்பில் அரசாங்கம் பாரிய கவ­னத்தை செலுத்­து­வதைக் காண­மு­டி­ய­வில்லை.

மக்கள் தொடர்ச்­சி­யாக இரவு – பகல் பாராது வெயி­லிலும் பனி­யிலும் தவித்­துக்­கொண்டு போராட்­டத்தில் ஈடு­பட்­டுள்­ள­போ­திலும் பிரச்­சி­னையைத் தீர்க்­க­வேண்­டிய அர­சாங்கம் அதனைக் கவ­னத்தில் கொள்­ளாது அலட்­சி­யப்­போக்கைக் கடைப்­பி­டித்து வரு­கி­றது. விமா­னப்­ப­டை­யினர் வசம் இருக்­கின்ற தமது காணி­களை விடு­விக்­கு­மாறு கோரி கேப்­பாப்­பு­லவு மக்கள் கடந்த 17 தினங்­க­ளாக தொடர் போராட்­டத்தை மேற்­கொண்டு வரு­கின்­றனர்.

இந்தப் போராட்­டத்­துக்கு நாட்டின் பல்­வேறு பகு­தி­களி­லு­முள்ள தரப்­பினர் தொடர்ச்­சி­யாக ஆத­ரவு தெரி­வித்து வரு­கின்­றனர். சிவில் சமூகப் பிர­தி­நி­திகள் கேப்­பாப்­பு­லவு மக்­களின் போராட்­டத்­துக்கு முழு­மை­யான ஆத­ரவை தெரி­வித்­துள்­ள­துடன், போராட்டம் நடை­பெறும் இடத்­துக்கு நேர­டி­யாக சென்று அந்த மக்­க­ளுக்கு தமது ஆத­ரவுக்கரத்தை நீட்­டி­யுள்­ளனர். அது­மட்­டு­மன்றி, யாழ். மற்றும் கிழக்கு பல்­க­லைக்­க­ழக மாண­வர்­களும் கேப்­பாப்­பு­லவு மக்­களின் காணி மீட்புப் போராட்­டத்­துக்கு தமது முழு­மை­யான ஆத­ரவைத் தெரி­வித்­துள்­ளனர்.

இதே­வேளை தொடர் போராட்­டத்தில் ஈடு­பட்­டுள்ள மக்கள் தமது காணிகள் மீளக் கைய­ளிக்­கப்­ப­டும்­வரை போராட்­டத்தை இடை ­நிறுத்தப் போவ­தில்லை என்றும் தமது கால்கள் காணி­களை தொடும்­வரை போராட்டம் தொட­ரு­மென்றும் அறி­வித்­துள்­ளனர். முல்­லைத்­தீவு மாவட்ட செய­லாளர் ஜனா­தி­ப­தி­யி­னதும் சம்­பந்­தப்­பட்ட அமைச்­சர்­க­ளி­னதும் உறு­தி­மொ­ழியை கேப்­பாப்­பு­லவு மக்­க­ளுக்கு அறியத்தந்த­போ­திலும் அந்த மக்கள் போராட்­டத்தை கைவி­டு­வ­தற்கு மறுத்­து­விட்­டனர். அது­மட்­டு­மன்றி தமது போராட்­டத்தின் நியா­ய­மான கார­ணத்தை கேப்­பாப்­பு­லவு மக்கள் தொடர்ச்­சி­யாக வெளி­யிட்டு வரு­கின்­றனர்.

எனினும் மக்­களின் போராட்­டங்கள் இந்­த­ளவு தூரம் தீவி­ர­மடைந்தும் வலுப்­பெற்றும் வரு­கின்ற நிலை­யிலும் அர­சாங்­க­மா­னது அது தொடர்பில் அதிக அக்­கறை காட்­டாமல் ஏனோ தானோ என்று கருத்­துக்­களை வெளி­யிட்டு வரு­வதை அவ­தா­னிக்க முடி­கின்­றது. விசே­ட­மாக, காணி­களை உட­ன­டி­யாக விடு­விக்க முடி­யா­தென்றும் படிப்­ப­டி­யா­கவே நட­வ­டிக்கை எடுக்­கப்­பட முடி­யு­மெ­னவும் அரசாங்கத்தின் முக்­கி­யஸ்­தர்கள் தொடர்ச்­சி­யாகக் கூறிவரு­வதை காணமுடி­கி­றது.

அந்­த­வ­கையில் கேப்­பாப்­பு­லவு மக்கள் தொடர் போராட்­ட­மொன்றை நடத்திவரு­வ­தாக அறி­கின்றோம். ஆனால் அவர்கள் ஒரு ­வி­ட­யத்தை புரிந்­து­கொள்ள வேண்டும். அர­சாங்கம் காணி­களை தொடர்ச்­சி­யாக விடு­வித்து வரு­கின்­றது. தொடர்ந்தும் காணி­களை விடு­விப்போம். இந்­நி­லையில் அர­சாங்கம் காணி­களை விடு­விக்கும் என்று தெரிந்­து­கொண்டே மக்கள் போராட்டம் நடத்­திக்­கொண்­டி­ருப்­பதை நாங்கள் காண்­கின்றோம்.

இந்நிலையில் அர­சாங்கம் காணி­களை விடு­விக்க படிப்­ப­டி­யாக நட­வ­டிக்கை எடுக்கும். ஒரே தட­வையில் இவற்றை செய்­து­விட முடி­யாது. அர­சாங்கம் இது தொடர்பில் தேவை­யான நட­வ­டிக்­கை­களை எடுக்கும் என்று அமைச்­ச­ரவைப் பேச்­சாளர் சுட்­டிக்­காட்­டி­யி­ருக்­கிறார்.

மக்கள் இரவு–பக­லாக போராட்டம் நடத்­து­கின்­றனர் என்­ப­தற்­காக ஒரே இரவில் காணி­களை மீள­ வ­ழங்­கி­விட முடி­யாது. அதற்­கென்று ஒரு முறைமை காணப்­படு­கின்­றது. அதற்­கேற்­பவே காணி­களை விடு­விக்க முடியும். நாங்கள் காணி­களை விடு­வித்து வரு­கின்றோம். உரிய ஏற்­பா­டு­களை மேற்­கொண்டு மக்­களின் காணி­களை விடு­விப்போம். எனினும் அவ­ச­ர­மாக எத­னையும் செய்­து­விட முடி­யாது. கடந்த ஆட்சிக் காலத்தில் போராட்­டங்­களை நடத்­து­வ­தற்கு அஞ்­சிக்­கொண்­டி­ருந்த மக்கள் இன்று நல்­லாட்சி அர­சாங்­கத்தில் போராட்­டங்­களை நடத்தி வரு­கின்­றனர் எனவும் அமைச்­ச­ரவைப் பேச்­சா­ளரும் அமைச்­ச­ரு­மான ராஜித சேனா­ரத்ன தெரி­வித்­தி­ருக்­கிறார்.

இது இவ்­வா­றி­ருக்க, மக்கள் காணிகள் தொடர்­பான ஆவ­ணங்­களை உரிய முறை யில் கைய­ளித்தால் காணி­களை ஒப்­ப­டைக்க முடி­யு­மென கடந்த வாரம் தெரி­வித்­தி­ருந்த இரா­ணுவப் பேச்­சாளர் பிரி­கே­டியர் ரொஷான் சென­வி­ரத்ன, தற்­போது இந்தக் காணிகள் வன­வளத் திணைக்­க­ளத்­துக்குச் சொந்­த­மா­னது என மீண்டும் தெரி­வித்­தி­ருக்­கிறார். இது தொடர்பில் நேற்று முன்­தினம் அர­சாங்­கத்தின் சார்பில் கருத்து வெளி­யிட்ட இரா­ணுவப் பேச்­சாளர், விரைவில் இது தொடர்பில் சாத­க­மான தீர்வு எட்­டப்­ப­டு­மென தெரி­வித்­துள்ளார்.

அத்­துடன், 2009ஆம் ஆண்டு யுத்தம் முடி­வ­டைந்தன் பின்னர் தற்­போ­து­வரை மௌன­மாக இருந்த இந்த மக்கள் இப்­போது திடீ­ரென காணி­களை கோரி போராட்டம் நடத்­து­கின்­றனர். இந்த விட­யத்தில் நிலை­மையை புரிந்­து­கொள்­ள­வேண்­டி­யது அவ­சி­ய­மாகும். இந்தக் காணிகள் வன­வளத் திணைக்­க­ளத்­திற்கு சொந்­த­மா­னவை என அடை­யாளம் காணப்­பட்­டுள்­ளது. ஆனால் மக்கள் தமது காணிகள் என உரிமை கோரு­கின்­றனர்.

இந்­நி­லையில் இது­தொ­டர்பில் விமா­னப்­ப­டை­யி­ன­ருடன் தொடர்ச்­சி­யாக பேச்­சு­வார்த்தை நடத்­தப்­பட்டு வரு­கி­றது. விமா­னப்­ப­டை­யி­னரும் இது­தொ­டர்பில் ஆராய்ந்து வரு­கின்­றனர். விரைவில் இந்த மக்­க­ளுக்கு நல்­ல­தொரு தீர்வு கிடைக்கும் என நாங்கள் நம்­பு­கிறோம் எனவும் இரா­ணுவப் பேச்­சாளர் பிரி­கே­டியர் ரொஷான் சென­வி­ரத்ன சுட்­டிக்­காட்­டி­யி­ருக்­கிறார். இவ்­வாறு கேப்­பாப்­பு­லவு மக்­களின் போராட்­ட­மா­னது தொடர்ந்து தீர்வு எட்­டப்­ப­டாத நிலை­யி­லேயே வாக்­கு­று­தி­க­ளுக்குள் மட்டும் அடங்­கி­ய­தாக நீடிக்­கி­றது. இந்­நி­லையில் மக்­களும் தமது காணிகள் கிடைக்­கும்­வரை போராட்­டத்தை கைவி­டப்­போ­வ­தில்லை என தெரி­வித்­துள்­ள­மை­யா­னது நிலை­மையை மேலும் பார­தூ­ர­மான நிலைக்கு க்கொண்­டு­செல்­லு­மென எதிர்­பார்க்­கப்­ப­டு­கி­றது.

தமது காணி­களை விடு­விக்­கு­மாறு வலி­யு­றுத்தி மக்கள் சுழற்சி முறை­யி­லான உண்­ணா­வி­ரதப் போராட்­டத்­தையும் முன்­னெ­டுத்து வரு­கின்­றனர். இவ்­வாறு வடக்கில் பாதிக்­கப்­பட்ட மக்கள் தமது காணி­களை மீள ­வ­ழங்கக் கோரி தொடர்ச்­சி­யாக போராட்­டங்­களை முன்­னெ­டுக்க ஆரம்­பித்­துள்­ளனர். இந்த இடத்தில் அர­சாங்­க­மா­னது மக்கள் இந்த ஆட்­சி­யி­லேயே போராட்­டங்­களை நடத்­து­வ­தா­கவும் கடந்த ஆட்சிக்காலத்தில் போராட்­டங்­களை நடத்­த­வில்லை எனவும் தெரி­விக்­கின்­றது. இந்த இடத்தில் அர­சாங்கம் ஒரு விட­யத்தை நன்­றாக புரிந்­து­கொள்ள வேண்டும்.

அதா­வது, யுத்தம் முடி­வ­டைந்­ததன் பின்னர் அர­சாங்கம் தமது பிரச்­சி­னை­களை தீர்க்­கு­மென்றும் அப­க­ரிக்­கப்­பட்ட தமது காணி­களை மீள வழங்­கு­மென்றும் மக்கள் தொடர்ச்­சி­யாக காத்­துக்­கொண்­டி­ருந்­தனர். எனினும் 6 மற்றும் 7 என வரு­டங்கள் கடந்­து­கொண்­டி­ருந்­த­னவே தவிர மக்­களின் பிரச்­சி­னைகள் தீர்க்­கப்­ப­ட­வில்லை என்­ப­துடன் காணி­களும் மீள­வ­ழங்­கப்­ப­ட­வில்லை. இதனால் பொறுமை இழந்­துள்ள மக்கள் தற்­போது போராட்­டங்­களை ஆரம்­பித்­தி­ருக்­கின்­றனர். எனவே அர­சாங்­க­மா­னது மக்கள் இந்த ஆட்­சியில் தான் போராட்­டங்­களை மேற்­கொள்­வ­தா­கவும் கடந்த ஆட்­சியில் மௌன­மாக இருந்­த­தா­கவும் கூறிக்­கொண்டு மக்­களின் பிரச்­சி­னை­களைத் தீர்க்­காமல் இழுத்­த­டிப்­பது சிறந்­த­தல்ல.

இது தொடர்பில் அர­சாங்கம் மக்­களின் நியா­யத்தின் பக்கம் நின்று சிந்­திக்க வேண்­டி­யது அவ­சி­ய­மாகும். மக்கள் தமது பிரச்­சி­னைகள் தீர்க்­கப்­ப­டா­விடின் அல்­லது தமது காணிகள் மீள கையளிக்­கப்­ப­டா­விடின் ஏதோ­வொரு கட்­டத்தில் போராட்­டங்­களை கையி­லெ­டுப்­பார்கள். அவற்றை தவிர்க்க முடியாது. அந்தவகையில் தற்போது வரை இந்த மக்களின் பிரச்சினைகள் தீர்க்கப்படாததன் காரணமாகவே மக்கள் போராட்டத்தை மேற்கொள்வதற்கு ஆரம்பித்துள்ளனர். இது தொடர்பில் அம்மக்களின் பிரச்சினைகளை உண்மையாகப் புரிந்துகொண்டு செயற்படவேண்டியது அரசாங்கத்தின் கடமை யாகும்.

ஜெனிவா கூட்டத்தொடரும் நெருங்கிவருகின்ற நிலையில் இவ்வாறு மக்கள் போராட்டங்களை நடத்திக்கொண்டிருக்கும் போது வெறுமனே பார்த்துக்கொண்டிருப்பது அரசாங்கத்துக்கு ஆரோக்கியமாக அமையாது. எனவே விரைந்து கேப்பாப்புலவு மக்களின் காணிகளை மீள வழங்குவதற்கு அரசாங்கம் நடவடிக்கை எடுக்க வேண்டும்.

இந்த மக்களின் போராட்டத்துக்கு நாடு முழுவதும் தொடர்ச்சியாக ஆதரவுக் கரங்கள் நீட்டப்பட்டு வருவதை அரசாங்கம் புரிந்து கொண்டு இந்த மக்களின் பிரச்சினைக்கு தீர்வை வழங்குவதற்கு நடவடிக்கை எடுக்கவேண்டுமென்பதை சுட்டிக்காட்ட விரும்பு கின்றோம்.

http://content.epaper.virakesari.lk/newspaper/Daily/main/2017-02-17#page-4

Categories: merge-rss

வன்னிப் பெருநிலப்பரப்பில் கட்டுக்கரைக் குளத்தை அடுத்து நாகபடுவானில் கண்டுபிடிக்கப்பட்ட இன்னொரு புராதன குடியிருப்பு மையம்

பொங்கு-தமிழ் - Fri, 17/02/2017 - 15:57
வன்னிப் பெரு­நி­லப்­ப­ரப்பில் கட்­டுக்­கரைக் குளத்தை அடுத்து நாக­ப­டு­வானில் கண்­டு­பி­டிக்­கப்­பட்ட இன்­னொரு புரா­தன குடி­யி­ருப்பு மையம்
01-7e76407d6b2a127c1f9540550c857182cd0e95ca.jpg

 

நீண்­ட­கா­ல­மாக தொல்­லியல், வர­லாற்று ஆய்­வா­ளர்­களால் அதிகம் கவ­னத்தில் கொள்­ளப்­ப­டாத வன்னிப் பிராந்­தி­யத்­திற்கு தொன்­மை­யான, தொடர்ச்­சி­யான வர­லாறு உண்டு என்­பதை உறு­திப்­ப­டுத்­து­வதில் அண்­மைக்­கால­மாக மன்னார் மாவட்­டத்தில் கட்­டுக்­கரைக் குளம் என அழைக்­கப்­படும் பிர­தே­சத்தில் மேற்­கொள்­ளப்­பட்டு வரும் தொல்­லியல் அகழ்­வாய்­வு­க­ளுக்கு முக்­கிய இட­முண்டு. இங்கு தொடர்ந்தும் அகழ்வுப் பணிகள் மேற்­கொள்­ளப்­பட்­டு­வரும் நிலையில் பூந­க­ரிப்­ பி­ர­தேச சபையின் நிர்­வா­கத்­திற்கு உட்­பட்ட முழங்­காவில் குமு­ழ­முனை வட்­டா­ரங்­களை அண்­டிய நாக­ப­டு­வானில் தெரி­ய­வந்த தொல்­லியற் சின்­னங்கள் பற்­றிய செய்­தி­களை அப்­பி­ர­தேச கிராம அலு­வ­லகர்;, சமுர்த்தி உத்­தி­யோ­கத்தர், ஊட­க­வி­ய­லாளர் மற்றும் வர­லாற்று ஆர்­வ­லர்கள் எமது தொல்­லியல் இறு­தி­ வ­ருட மாணவன் பானு­சங்­க­ருக்கு தெரி­யப்­படுத்­தினர். அதன் அடிப்­ப­டையில் தொல்­லியல் திணைக்­களப் பிர­திப்­ப­ணிப்­பாளர் மற்றும் பூந­கரிப் பிர­தேச செய­லா­ளரின் அனு­ம­தி­யுடன் தொல்­லி­யல் ­தி­ணைக்­கள பிர­தேச பொறுப்­பாளர் பா. கபிலனின் உத­வி­யுடன் யாழ்ப்­பாணப் பல்­கலைக்­க­ழக தொல்­லியல் பிரிவு ஆசி­ரி­யர்கள், மாண­வர்கள் இணைந்து கடந்த­ வாரம் அவ்­வி­டத்தை அடை­யாளம் கண்டு அங்கு பரீட்ச்­ச­ார்த்தமான ஆய்வு ஒன்றை மேற்­கொண்டு வரு­கின்­றனர். இவ்­விடம் கட்­டுக்­க­ரைக்­கு­ளத்­திற்கு வட­மேற்கே 50 கி.மீற்றர் தொலைவில் நாக­ப­டு­வானில் கானா மேட்டைக் குளம் என அழைக்­கப்­படும் காட்­டுப்­ப­கு­தியில் பாழ­டைந்த குளத்தின் அணைக்­கட்­டுக்கு அருகில் அமைந்­துள்­ளது. இவ்­வி­டத்தில் இருந்த பாரிய மர­மொன்று வேருடன் விழுந்த போது அவற்றின் அடிப்­ப­கு­தியில் புதை­யுண்­டி­ருந்த வர­லாற்றுத் தொன்மை மிக்க பல சின்­னங்கள் வெளிக்­கி­ளம்­பி­யி­ருந்­தன. இச்­சின்­னங்­களை அச்­சத்­து­டனும் ஆச்­ச­ரி­ய­மா­கவும் பார்த்த மக்­களில் ஒரு பிரி­வினர் அவற்றின் வர­லாற்றுப் பெறு­ம­தியை உண­ராமல் அச்­சின்­னங்­களில் பல­வற்றை ஆல­யங்­க­ளுக்கும், தமது வீடு­க­ளுக்கும் எடுத்துச்சென்­றுள்­ளனர். எஞ்­சி­யி­ருந்­த­வற்றை அச்சம் கார­ண­மாக மக்கள் சிதை­வ­டையச் செய்து ஒதுக்­குப்­பு­றங்­களில் வீசி­யுள்­ளனர்.

ஆயினும் எமது ஆய்வின் போது இவ்­வ­கை­யான தொல்­லியற் சின்­னங்கள் அவ்­விடத்தில் பரந்த அளவில் மண்­ணினுள் புதை­யுண்­டி­ருப்­பதை உண­ர­மு­டிந்­தது. அவற்றை உறு­திப்­ப­டுத்தும் நோக்கில் அங்கு தெரிவு செய்­யப்­பட்ட ஒரு இடத்தில் 4 × 3 மீற்றர் நீள, அக­லத்தில் மாதி­ரிக்­குழி அமைத்து அகழ்வு செய்தோம். இந்த அகழ்வின் போது அடை­யாளம் காணப்­பட்ட மூன்று கலா­சார மண் அடுக்­கு­களில் பல்­வேறு கால­கட்­டத்தைச் சேர்ந்த மட்­பாண்­டங்­களைக் கண்­டு­பி­டிக்க முடிந்­தது. அவை வடிவ அமைப்­பிலும், தொழில் நுட்­பத்­தி­ற­னிலும் கட்­டுக்­கரைக் குளப்­பி­ர­தேச அகழ்­வாய்வில் கிடைத்த மட்­பாண்­டங்­களைப் பெரு­ம­ளவு ஒத்­த­தாக உள்­ளன. மூன்­றா­வது கலா­சார மண் அடுக்கில் ஒரு சில மட்­பாண்­டங்­க­ளுடன் பெரு­ம­ளவு சுடுமண் உரு­வங்­களும், கழி­வி­ரும்­பு­களும் (Iron Slakes) கண்­டு­பி­டிக்­கப்­பட்­டுள்­ளன.

இக்­க­லாச்­சார மண்­ப­டையில் கண்­டு­பி­டிக்­கப்­பட்ட சுடுமண் உரு­வங்­களும், மட்­பாண்­டங்­களும் இங்கு வாழ்ந்த பண்­டைய கால மக்­களின் சமய நம்­பிக்­கை­களைப் பிரதி­ப­லிப்­ப­தாக உள்­ளன. அச்­சு­டுமண் உரு­வங்­களில் பீடத்தின் மேல் அமர்ந்­தி­ருக்கும் இரு தெய்­வங்­களின் சிலைகள் சிறப்­பாகக் குறிப்­பி­டத்­தக்­கன. இத்­தெய்வச் சிலை­களை ஊர்­வ­ல­மாகத் தூக்கிச்செல்லும் வகையில் அதன் சது­ர­மான பீடத்தின் நான்கு பக்­கங்­க­ளிலும் முக்­கோண வடி­வி­ல­மைந்த சது­ர­மான துவா­ரங்கள் காணப்­படுகின்­றன. பீடத்தில் அமர்ந்த நிலையில் உள்ள தெய்வச் சிலை­களின் இரு கால்­களும் காற்­ச­லங்­கை­க­ளுடன் தொங்­க­வி­டப்­பட்ட நிலையில் காணப்­ப­டு­கின்­றன. சிலையின் வலது கரம் பிற்­கால தெய்வச்சிலை­களில் இருப்­பது போன்ற அப­யகரமா­கவும், இடது கரம் வர­தகரதமா­கவும் தோற்­ற­ம­ளிக்­கின்­றன. அவற்றின் வலது கரத்தின் உள்­ளங்­கையில் திரண்ட மும்­ம­ணிகள் காணப்­ப­டு­கின்­றன. இவற்றின் தோற்ற அமைப்பு பிற்­காலச் சிலைகள், செப்புத் திரு­மே­னி­களின் கலை­வ­டி­வங்­களை நினை­வு­ப­டுத்­து­வ­தாக உள்­ளன. இருப்­பினும் இச்­சி­லை­களின் தலைப்­பாகங்கள் பெரு­ம­ள­வுக்கு சிதை­வ­டைந்த நிலை­யி­லேயே காணப்­பட்­டன. அவற்­றி­டையே கிடைத்த நட்­சத்­தி­ர­ வ­டி­வி­லான தோட­ணிந்த காதுகள், தாடைப்­ப­கு­திகள் பண்­டைய கால மக்­களின் கலை­ம­ர­பையும், உயர்ந்த தொழில் நுட்பத் திற­னையும் புலப்­ப­டுத்­து­வ­தாக உள்­ளன. இச்­சிற்­பங்­க­ளுடன் சேர்ந்­த­தாக மேலும் சில கைகள் உடைந்த நிலையில் கிடைத்­துள்­ளன. அக்­கை­களில் சில­வற்றின் உள்­ளங்­கை­களில் திரண்ட மும்­ம­ணிகள் காணப்­ப­டு­கின்­றன. இவற்றை நோக்கும் போது பல கரங்கள் கொண்ட தெய்வச் சிலை­க­ளாக இவை இருந்­தி­ருக்­கலாம் என எண்ணத் தோன்­று­கி­றது.

இச்­சி­லை­க­ளுடன் இவ்­வ­கழ்­வாய்வில் கிடைத்த பிற தொல்­லியற் சின்­னங்கள் இவ்­விடம் பண்­டை­ய­கால மக்­களின் வழி­பாட்­டுக்கு­ரிய மைய­மாக இருந்­தி­ருக்­கலாம் எனக் கருத இட­ம­ளிக்­கி­றது. இதற்கு அகழ்­வாய்வின் போது கிடைத்த பல அள­வு­களிள் வடி­வங்­களில் அமைந்த நாக உரு­வங்கள், ஆமையின் வடிவம், அகல் விளக்­குகள், ஆலய மணிகள், எருதின் உருவம், யானை, குதிரை என்­ப­வற்றின் உடற்­பா­கங்கள், இலிங்க வடி­வங்கள், பல அள­வு­களில் பயன்­ப­டுத்­தப்­பட்ட சட்­டிகள், தட்­டுகள், அவற்றின் விளிம்­பு­களில் படுத்­து­றங்கும் நாகபாம்பின் உருவம் என்­ப­வற்றை உதா­ர­ணங்­க­ளாகக் குறிப்­பி­டலாம். இச்­சான்­றா­தா­ரங்­க­ளுடன் இங்கு கண்­டு­பி­டிக்­கப்­பட்ட இரு சுடுமண் அச்­சுக்கள் இங்கு சிறப்­பாகக் குறிப்­பி­டத்­தக்­கன. அவற்றின் ஒரு­பக்­கத்தில் புள்­ளி­க­ளான இலச்சினை அல்­லது பண்­டைய கால எழுத்துக்கள் காணப்­ப­டு­கின்­றன. இது அறி­ஞர்­களின் முறை­யான பொருள் விளக்க்­கத்தைப் பெறும்­பட்­சத்தில் இங்­கி­ருந்த குடி­யி­ருப்­புக்கள் மற்றும் சமயச் சின்­னங்­களின் காலத்தை நிச்­ச­யப்­ப­டுத்தக் கூடி­ய­தாக இருக்கும் என நம்­பலாம்.

தமி­ழ­கத்தில் சுடு­மண்­ணா­லான தெய்வ உரு­வங்கள், அர­சனின் சிலைகள், சமயச் சின்­னங்கள் என்­பன நீர்­நி­லை­களை மையப்­ப­டுத்தி இற்­றைக்கு 2500 ஆண்­டு­க­ளுக்கு முன்னர் தோன்­றிய குடி­யி­ருப்புப் பகு­தி­களில் கண்­டு­பி­டிக்­கப்­பட்­டுள்­ளன. அவற்றுள் தெய்வ உரு­வங்கள் கிராமி தெய்­வங்கள் அல்­லது நாட்­டுப்­புற த்தெய்வங்கள் என அழைக்கப்படுகின்றன. இம்­ம­ரபு பிற்­கா­லத்­திலும் தொடர்ந்­த­தற்கு சங்க இலக்­கி­யத்­திலும், பழந் தமிழ் இலக்­கி­யங்­க­ளிலும் பல ஆதா­ரங்கள் காணப்­ப­டு­கின்­றன. நாக­ப­டு­வானில் இவ்­வகைச் சிலைகள், சிற்­பங்கள் சின்­னங்கள் கண்­டு­பி­டிக்­கப்­பட்ட இடத்­திற்கு மிக அருகே தெற்­கிலும், மேற்­கிலும் உள்ள காட்­டுப்­ப­கு­தியில் பாழ­டைந்த இரு குளங்­களின் அணைக்­கட்­டுக்கள் காணப்­ப­டு­கின்­றன. இதனால் இங்கு கிடைத்த சம­யச்­சின்­னங்கள் கட்­டுக்­கரைக் குளத்தைப் போல் பண்­டைய காலத்தில் குளத்தை மையப்­படுத்தி தோன்­றிய குடி­யி­ருப்­புக்­க­ளுக்­கு­ரிய பெறு­ம­தி­மிக்க சான்­று­க­ளாகக் கொள்­ளத்­தக்­கன. இவை ஈழத்­த­மி­ழரின் பூர்­வீக வர­லாறு, பண்­பாடு பற்­றிய ஆய்­வு­க­ளுக்கு கிடைத்த முக்கிய சான்றுகளாகக் கொள்வதில் எதுவித சந்தேகமும் இல்லை எனலாம்.

பேரா­சி­ரியர் ப.புஷ்பரட்ணம்
(தொல்­லியல் இணைப்­பாளர் யாழ்ப்­பாணப் பல்­க­லைக்­க­ழகம்)

http://content.epaper.virakesari.lk/newspaper/Daily/main/2017-02-17#page-4

Categories: merge-rss

முல்லைத்தீவு புதுக்குடியிருப்பு பகுதியில் கேரள கஞ்சாவுடன் நபரொருவர் கைது

ஊர்ப்புதினம் - Fri, 17/02/2017 - 15:53
முல்லைத்தீவு புதுக்குடியிருப்பு பகுதியில்  கேரள கஞ்சாவுடன் நபரொருவர் கைது 

 

 

முல்லைத்தீவு புதுக்குடியிருப்பு  பகுதியில் நேற்று 14 கிலோ 250 கிராம் கேரளா கஞ்சாவை தன்னுடைய உடைமையில் வைத்திருந்த குற்றத்திற்காக நபரொருவர் கைதுசெய்யப்பட்டுள்ளார்.

unnamed__1_.jpg

வவுனியா அதிரடிப்படையினருக்கு கிடைத்த இரகசியத் தகவலை அடுத்து புதுக்குடியிருப்பு பொலிஸார் மேற்கொண்ட சுற்றிவளைப்பின் போது  குறித்த கேரள கஞ்சா கைப்பற்றப்பட்டுள்ளது.

இதேவேளை கைதுசெய்யப்பட்ட சந்தேக நபரை நீதிமன்றத்தில் ஆஜர்படுத்தும் நடவடிக்கைகள் முன்னெடுக்கப்பட்டுள்ளதாக பொலிஸார் தெரிவித்தனர்.

http://www.virakesari.lk/article/16777

Categories: merge-rss, yarl-category

திருகோணமலையில் கிருஷ்ணன் கோயிலுக்குள் இருந்து 4 கைக்குண்டுகள் மீட்பு

ஊர்ப்புதினம் - Fri, 17/02/2017 - 13:39
திருகோணமலையில் கிருஷ்ணன் கோயிலுக்குள் இருந்து 4 கைக்குண்டுகள் மீட்பு
 

hand-bomb.jpg

திருகோணமலை நகரின் மத்தியில் மடத்தடி சந்தியில் அமைந்துள்ள கிருஷ்ணன் கோயிலுக்குள் இருந்து 4 கைக்குண்டுகள் நேற்று மீட்கப்பட்டுள்ளதாக தெரிவிக்கப்பட்டுள்ளது.

பயன்படுத்தக் கூடிய நிலையில் காணப்பட்ட அந்தக்குண்டுகள் கோயிலின் பழையபொருட்கள் வைத்திருக்கும் அறையில் இருந்து மீட்கப்பட்டுள்ளதாக தெரிவிக்கப்பட்டுள்ளது.

திருகோணமலை தலைமை காவல்துறை  காரியாலயலயத்திற்கு கிடைத்த தகவலின் அடிப்படையில் மீட்கப்பட்டுள்ள இந்தக் குண்டுகளில்  குசுயுபு- ளுகுபு-87 என பெயரிடப்பட்டிருந்த அடிச்சட்ட இலக்கம் அழிக்கப்பட்டுக் காணப்பட்டதாகவும் தெரிவிக்கப்பட்டுள்ளது.

 

https://globaltamilnews.net/archives/18065

Categories: merge-rss, yarl-category

கேப்பாபுலவு மக்களுக்கு விமானப்படை எச்சரிக்கை

ஊர்ப்புதினம் - Fri, 17/02/2017 - 13:38
கேப்பாபுலவு மக்களுக்கு விமானப்படை எச்சரிக்கை
 

army-warning.jpg

முல்லைத்தீவு கேப்பாபிலவு பிலக்குடியிருப்பு மக்கள்  தங்களின் சொந்த நிலங்களில்  மீளகுடியேறுவதற்காக தொடர் கவனயீர்ப்பு போராட்டத்தில் ஈடுப்பட்டு வருகின்றார்கள்.

இந்த மக்களின் போராட்டத்திற்கு நாளுக்கு நாள்   பல்வேறு தரப்புக்களும் ஆதரவு தெரிவித்து வரும் நிலையில் மக்களும் தங்களுடைய காணிகள் மீண்டும் தங்களுக்கு கிடைக்காது விடின்   விமானப்படையினரின் தடையையும் தாண்டி தங்களின் காணிகளுக்குச் செல்ல வேண்டிவரும் என தெரிவித்திருந்தனர்.

இந்த நிலையில் இன்று வெள்ளிக்கிழமை  மக்களின் போராட்டம் இடம்பெறும் இடத்தில் விமானப்படையினர் எச்சரிக்கை அறிவித்தல் ஒன்றை காட்சிப்படுத்தியிருக்கின்றார்கள்

அதில் இது விமானப்படையினரின்  காணியாகும் தேவையில்லாமல் உட்செல்லல் தடை என்றும்  தேவையில்லாமல் சென்றால் துப்பாக்கிச் சூட்டிற்கு இலக்காவீர்கள் என்ற எழுத்து  பிழையுடன் அறிவித்தலை ஒன்றை காட்சிப்படுத்தியிருக்கின்றார்கள்.

இது அனைத்து தரப்பினர்களிடமும் பெரும் அதிர்வலைகளை ஏற்படுத்தியிருக்கிறது.  தங்களின்  சொந்த காணிகளுக்குச் செல்வதற்காக மக்கள் மேற்கொள்ளும்  ஜனநாயக போராட்டத்தை நல்லாட்சி அரசு ஆயுத முனையில் நசுக்க முனைக்கிறது என மக்கள் தெரிவிக்கின்றனர்.

 

https://globaltamilnews.net/archives/18071

Categories: merge-rss, yarl-category

சி.வி. விக்னேஸ்வரன் வைத்திய சாலையில் அனுமதிக்கப்பட்டுள்ளார்

ஊர்ப்புதினம் - Fri, 17/02/2017 - 13:36
சி.வி. விக்னேஸ்வரன் வைத்திய சாலையில் அனுமதிக்கப்பட்டுள்ளார்
 

vikki.jpgவடமாகாண முதலமைச்சர் சி.வி. விக்னேஸ்வரன் உடல் நலகுறைவால் சிகிச்சைக்காக வைத்திய சாலையில் அனுமதிக்கப்பட்டுள்ளார்.

https://globaltamilnews.net/archives/18069

Categories: merge-rss, yarl-category

88 பொருஷியா டோர்ட்மண்ட் ரசிகர்களுக்கு தடைவிதித்தது ஜெர்மன் கால்பந்து பெடரேஷன்

88 பொருஷியா டோர்ட்மண்ட் ரசிகர்களுக்கு தடைவிதித்தது ஜெர்மன் கால்பந்து பெடரேஷன்

கால்பந்து மைதானத்தில் கலவரத்தை ஏற்படுத்த இருந்த 88 பொருஷியா டோர்ட்மண்ட் ரசிகர்களுக்கு ஜெர்மன் கால்பந்து பெடரேஷன் தடை விதித்துள்ளது.

 
88 பொருஷியா டோர்ட்மண்ட் ரசிகர்களுக்கு தடைவிதித்தது ஜெர்மன் கால்பந்து பெடரேஷன்
 
இங்கிலாந்தில் பிரிமீயர் லீக், ஸ்பெயினில் லா லிகா, பிரான்சில் லீக் -1 கால்பந்து தொடர் நடைபெறுவது போல் ஜெர்மனியில் பண்டேஸ்லிகா தொடர் நடைபெற்று வருகிறது.

கடந்த சனிக்கிழமை பொருஷியா டோர்ட்மண்ட் - டார்ம்ஸ்டாட் அணிகள் மோதின. இந்த போட்டியைக் காண இரண்டு பேருந்துகளில் பொருஷியா டோர்ட்மண்ட் ரசிகர்கள் ஆரவாரத்துடன் வந்தனர். அப்போது போலீசார் அந்த வாகனங்களை மறித்து சோதனை செய்தனர். ரசிகர்கள் எளிதில் தீப்பற்றிக் கொள்ளும் பொருட்கள், போரின்போது பயன்படுத்தப்படும் கையுறைகள், வலிநிவாரண மருந்து மற்றும் டார்ம்ஸ்டாட் அணியின் பேனர்கள் வைத்திருந்தது தெரியவந்தது.

இதனால் ஜெர்மன் பெடரேஷனின் பாதுகாப்பு தலைவர் ஹென்ரிக் கிராஸ், பொருஷியா டோர்மண்ட் நிர்வாகத்திடம் பேச்சுவார்த்தை நடத்தினார். அப்போது அந்த குறிப்பிட்ட வாகனங்களில் வந்த 88 ரசிகர்களுக்கும் தடை விதிக்க முடிவு செய்யப்பட்டது. இதனால் 88 ரசிகர்களும் ஜெர்மனியில் நடைபெறும் போட்டிகளை மைதானத்தில் வந்து பார்க்க இயலாது.

ஏற்கனவே பொருஷியா டோர்ட்மண்ட் அணி, ரசிகர்கள் மைதானத்தில் தொல்லை கொடுத்ததாக 1 லட்சம் யூரோக்கள் அபராதம் விதிக்கப்பட்டுள்ளது.
 

http://www.maalaimalar.com/News/Sports/2017/02/17174340/1068972/German-football-federation-bans-88-Borussia-Dortmund.vpf

Categories: merge-rss

'சேர் நீங்கள் சொல்லும் எதையும் செய்கின்றேன்..' : மொஹான் பீரிஸ் பதவி நீக்கம் தொடர்பில் ரகசிய தகவலை வெளியிட்டார் ஜனாதிபதி

ஊர்ப்புதினம் - Fri, 17/02/2017 - 12:13
'சேர் நீங்கள் சொல்லும் எதையும் செய்கின்றேன்..' : மொஹான் பீரிஸ் பதவி நீக்கம் தொடர்பில் ரகசிய தகவலை வெளியிட்டார் ஜனாதிபதி

 

 

'சேர் நீங்கள் சொல்லும் எதையும் செய்கின்றேன் என்னை, இந்தப் பதவியிலிருந்து நீக்க வேண்டாம்” என முன்னாள் பிரதம நீதியரசர் மொஹான் பீரிஸ் தம்மிடம் கோரியதாகவும் இதனால் தான் இவரை பதவியிலிருந்து நீக்கியதாகவும் ஜனாதிபதி மைத்திரிபால சிறிசேன தெரிவித்துள்ளார்.mohan-peiris-maithripala-sirisena-angry.

வரகாபொல வைத்தியசாலையின் கட்டட அங்குரார்ப்பண நிகழ்விலேயே ஜனாதிபதி இதனைத் தெரிவித்துள்ளார்.

2015ஆம் ஆண்டு ஜனவரி மாதம் 10ஆம் திகதி இரவு எனது உத்தியோகபூர்வ இல்லத்திற்கு அப்போதைய பிரதம நீதியரசர் மொஹான் பீரிஸ் வந்தார். என்னை வாழ்த்துவதற்காக அவர் வந்திருக்கின்றார் என நான் நினைத்தேன்.

'சேர் என்னை நீக்கப் போவதாக தகவல் கிடைத்தது, நீங்கள் சொல்லும் வகையில் செயற்படுகின்றேன் என்னை நீக்க வேண்டாம்” என பிரதம நீதியரசர் கோரியிருந்தார்.

நான் சொல்லும் வகையில் வழக்குத் தீர்ப்புக்களை வழங்குவதாகவே அவர் வாக்குறுதியளித்தார். இதன் மூலம் கடந்த ஆட்சி காலங்களில் எவ்வாறு வழக்குத் தீர்ப்புக்கள் அளிக்கப்பட்டுள்ளன என்பதனை புரிந்து கொள்ள முடியும்.

பிரதம நீதியரசரை பணி நீக்க நான் அப்போது வரை  தீர்மானித்திருக்கவில்லை. இவரின் கோரிக்கைக்கு பின்னர் இவ்வாறான ஓர் நபரை இந்தப் பதவியில் நீடிப்பது நாட்டின் நீதிமன்றத்தின் சுயாதீனத்தன்மைக்கு பாதிப்பு ஏற்படுத்தக் கூடும் என்பதனை நான் உணர்ந்து கொண்டேன்.

இதனால் பிரதம நீதியரசரை பணி நீக்கத் தீர்மானித்தேன். நான் என்னுடைய நிறைவேற்று அதிகாரத்தைப் பயன்படுத்திய முதல் சந்தர்ப்பம் இதுவாகும் எனவும் தெரிவித்தார்.

http://www.virakesari.lk/article/16765

Categories: merge-rss, yarl-category

உலகின் 8 ஆவது கண்டமாக புதிய கண்டம் கண்டுபிடிப்பு

உலகின் 8 ஆவது கண்டமாக புதிய கண்டம் கண்டுபிடிப்பு

 

 

நியூஸிலாந்தைச் சேர்ந்த புவியியல் ஆராய்ச்சியாளரான நிக் மோர்டைமர் தலைமையிலான விஞ்ஞானிகளால் மேற்கொள்ளப்பட்ட ஆய்வில் உலகின் 8 ஆவது கண்டம் நியூஸிலாந்துக்கு அருகில் கண்டுபிடிக்கப்பட்டுள்ளது.

உலகில் 7 கண்டங்களே உள்ளதாக அனைவராலும் அறியப்பட்டுள்ள நிலையில், தென் மேற்கு சமுத்திரத்தில் மூழ்கிய நிலையில் காணப்படும் புதிய நிலப் பகுதியொன்றைக் கண்டுபிடித்துள்ளதாகவும் அதனை 8 ஆவது புதிய கண்டமாகக் கருத முடியும் எனவும் விஞ்ஞானிகள் தெரிவிக்கின்றனர். 

zealandia.jpg

ஸீலான்டியா என அழைக்கப்படும் அந்தக் கண்டத்தின் ஒரு சிறிய பகுதி மட்டும் நியூஸிலாந்துக்கு அருகில் கடலுக்கு மேலாக வெளித் தோன்றிய நிலையில் காணப்படுகிறது. அதன் ஏனைய 94 சதவீதமான பகுதி கடலுக்குள் மூழ்கிய நிலையில் உள்ளதாக தெரிவிக்கப்படுகின்றது.

அந்தக் கண்டப் பகுதி உயரமான மலைகளைக் கொண்டமைந்துள்ளது எனவும் அதன் பரப்பளவு 5 மில்லியன் சதுர கிலோமீற்றர் எனவும் விஞ்ஞானிகள் கூறுகின்றனர். அவுஸ்திரேலிய கண்டத்துடன் அதன் பரப்பளவை ஒப்பிடுகையில் மூன்றில் இரண்டு மடங்கு அளவானதாகும். 

http://www.virakesari.lk/article/16764

Categories: merge-rss, yarl-world-news

ஹம்பாந்தோட்டை துறைமுகதிட்டம் இரு நாடுகளுக்கும் முக்கியமானது ; சீன வெளிவிவகார அமைச்சின் பேச்சாளர்

ஊர்ப்புதினம் - Fri, 17/02/2017 - 12:07
ஹம்பாந்தோட்டை துறைமுகதிட்டம் இரு நாடுகளுக்கும் முக்கியமானது ; சீன வெளிவிவகார அமைச்சின்  பேச்சாளர்  

 

 

ஹம்பாந்தோட்டை துறைமுகத் திட்டம், இலங்கைக்கும் சீனாவுக்கும் முக்கியமான ஒன்று என சீன வெளிவிவகார அமைச்சின்  பேச்சாளர் ஜெங் சுவாங் தெரிவித்துள்ளார்.

W020161011684576921017.jpg

பீஜிங்கில் இன்று இடம்பெற்ற ஊடகவியலாளர் மாநாட்டில் எழுப்பப்பட்ட கேள்வி ஒன்றுக்கு பதிலளிக்கையிலேயே சீன வெளிவிவகார அமைச்சின்  பேச்சாளர்  ஜெங் சுவாங் மேற்கண்டவாறு தெரிவித்துள்ளார்.

 

 ஹம்பாந்தோட்டை துறைமுகத் திட்டம், இலங்கைக்கும் சீனாவுக்கும் முக்கியமானஒன்று. இது இலங்கையின் பொருளாதார அபிவிருத்தி மற்றும் உள்ளூர் மக்களின் வாழ்க்கைத் தரத்தை செழிப்படையச் செய்யும் நோக்கத்தைக் கொண்டது. சந்தை மற்றும் வர்த்தகக்கொள்கைகளுக்கு ஏற்ப, சமத்துவம் மற்றும் பரஸ்பர நலன்களின் அடிப்படையில் திட்டத்தை முன்னகர்த்துமாறு சம்பந்தப்பட்ட நிறுவனங்களை நாங்கள் ஊக்குவிக்கிறோம் என அவர் மேலும் தெரிவித்தார்.

 

அரசியல் மற்றும் சட்டரீதியான தடைகளை இலங்கை அகற்றும் வரையில் ஹம்பாந்தோட்டை துறைமுகத்தில் 1.1பில்லியன் டொலர் முதலீடுசெய்யும் திட்டத்தை தாமதிக்க சீனா முடிவுசெய்துள்ளதாக வெளியான செய்தி குறித்தே சீனவெளிவிவகார அமைச்சின் பேச்சாளரிடம் கேள்வி எழுப்பப்பட்டமை குறிப்பிடத்தக்கது.

http://www.virakesari.lk/article/16770

Categories: merge-rss, yarl-category

பதவிக்கு வந்து சொத்து விபரங்களை சமர்ப்பித்த ஒரே ஜனாதிபதி நானே

ஊர்ப்புதினம் - Fri, 17/02/2017 - 12:05
பதவிக்கு வந்து சொத்து விபரங்களை சமர்ப்பித்த ஒரே ஜனாதிபதி நானே

 

 

(எம்.எம்.மின்ஹாஜ்)
தகவல் அறியும் உரிமையை பயன்படுத்தி அரச சார்பற்ற அமைப்பொன்று எனது சொத்து விபரங்கள் கோரியுள்ளன. எனது சொத்து விபரங்களை மறைக்க வேண்டிய  எந்தவொரு தேவையும் எனக்கு இல்லை. ஜனாதிபதியின் சொத்து விபரங்களை கோருவதற்கு தேர்தல் ஆணையாளருக்கு அதிகாரம் இல்லாத போதும் ஜனாதிபதி பொறுப்பேற்று 2 வருடத்திற்கான சொத்து விபரங்களை சமர்ப்பித்த நாட்டின் ஒரே ஜனாதிபதி நானேயாகும். இருப்பினும் எனது சொத்து விபரங்கள் தேவையாயின் தேர்தல் ஆணையாளரை அணுகி பெற்றுக்கொள்ள முடியும் என ஜனாதிபதி மைத்திரிபால சிறிசேன தெரிவித்தார்.

அத்துடன் தற்போது நாட்டில் ஜனநாயக உரிமையை துட்சமாக மதித்து ஆர்ப்பாட்டங்களும் உண்ணாவிரத போராட்டங்களும் நடந்து கொண்ட வண்ணமே உள்ளன. கொழும்பில் ஒவ்வொரு நாளும் ஆர்ப்பாட்டங்கள் நடந்த வண்ணமே உள்ளன. நாம் வழங்கிய சுதந்திரத்தை பிரயோசமான முறையில் பயன்படுத்த வேண்டும் இப்படியொரு சுதந்திரம் ஏன் வழங்கப்பட்டது என்பதனை தெரிந்து செயற்பட வேண்டும் என்றும் அவர் கோரினார்.

நாட்டின் கடந்த கால ஆட்சிகளை பார்க்கிலும் நேர்மையுடன் கூடிய மாற்று ஆட்சியை கொண்டு செல்வதற்கே மக்கள் எனக்கு வாக்களித்துள்ளனர். ஆகவே முன்னைய ஆட்சியில் நடந்த குற்றங்கள் இந்த ஆட்சியில் நடைபெறா வண்ணம் பாதுகாக்க வேண்டும் என்றும் அவர் கோரினார்.

தகவல் அறியும் உரிமையை உத்தியோகபூர்வமாக மக்களுக்கு வழங்கும் நிகழ்வு இன்று அலரி மாளிகையில் நடைபெற்றது. இந்நிகழ்வு பாராளுமன்ற மறுசீரமைப்பு மற்றும் ஊடகத்துறை அமைச்சர் கயந்த கருணாதிலக்க தலைமையில் நடைபெற்றது. இந்நிகழ்விற்கு அமைச்சர்களும் பாராளுமன்ற உறுப்பினர்களும் அரச அதிகாரிகள் பெருந்தொகையானோர் கலந்து கொண்டனர். இந்நிகழ்வில் கலந்து கொண்டு உரையாற்றும் போதே ஜனாதிபதி மேற்கண்டவாறு தெரிவித்தார்.

http://www.virakesari.lk/article/16769

Categories: merge-rss, yarl-category

'சம்பந்தன் ஏமாற்றப்பட்டார்'

ஊர்ப்புதினம் - Fri, 17/02/2017 - 12:02

'சம்பந்தன் ஏமாற்றப்பட்டார்'
 
 

article_1486195384-1.jpg-எஸ்.நிதர்ஸன்

“எதிர்க்கட்சித் தலைவர் சம்பந்தன், அரசாங்கத்தால் ஏமாற்றப்பட்டிருக்கின்றார் அல்லது இராஐதந்திர ரீதியில் தோல்வியடைந்திருக்கிறார் ”என, முன்னாள் நாடாளுமன்ற உறுப்பினர் சுரேஸ் பிரேமச்சந்திரன் தெரிவித்தார்.

யாழ். ஊடக அமையத்தில் இன்று இடம்பெற்ற ஊடகவியலாளர் சந்திப்பின் போது இவ்வாறு தெரிவித்தார்.
அவர் மேலும் தெரிவிக்கையில், “ஐ.நா மனித உரிமைகள் ஆணையகத்தினுடைய 34 ஆவது கூட்டத்தொடர், எதிர்வரும் 27 ஆம் திகதி நடைபெறவிருக்கின்றது.

அதில் இலங்கை தொடர்பான விடயங்கள் தொடர்பாக  ஒன்றரை வருட கால அவகாசம் இலங்கை அரசால் கேட்கப்பட இருக்கின்றது. அவ்வாறு ஒன்றரை வருட கால அவகாசத்தினூடாக இலங்கை அரசாங்கம் என்ன விடயங்களைச் சாதித்துக் கொள்ளப் போகிறதென்பது மிகப்பெரும் கேள்வியாக இருக்கின்றது.

இனங்களுக்கு இடையிலான நல்லிணக்கம் தொடர்பான அந்த அலுவலகத்துக்குப் பொறுப்பாக இருக்க கூடிய முன்னாள் ஐனாதிபதி சந்திரிக்கா பண்டார நாயகக்க குமாரதுங்க, யுத்தக்குற்றங்கள் தொடர்பாக விசாரணை எதுவும் தேவையில்லை என மிகத் தெளிவாக கூறியிருக்கின்றார்.

அதாவது, ஐ.நா தீர்மானத்தில் யுத்தக் குற்றங்கள் தொடர்பாக விசாரணைக்ககு ஒரு பொறிமுறை அமைக்கப்பட வேண்டுமென்றும் அதில் சர்வதேச நீதிபதிகள் வழக்கறிஞர்கள் சேர்த்துக் கொள்ளப்பட வேண்டுமென்றும் அதனூடாகத் தான் நம்பத்தகுந்த விசாரணை நடைபெறுமென்றும் ஐ.நா தீர்மானத்தில் ஏற்கெனவே சொல்லப்பட்டிருக்கின்றது.

ஆனால், நல்லிணக்கம் தொடர்பாக, அதற்குத் தலைமை தாங்கக் கூடிய சந்திரிகா பண்டார நாயக்க, யுத்தக் குற்ற விசாரணைகள் எதுவுமே தேவையில்லை என்றும் அறிவித்திருக்கின்றார்.

அது மாத்திரமல்லாமல் ஐ.நா மனித உரிமைகள் ஆணையகமானது கால நீடிப்பபைக் கொடுத்தால் கண்காணிப்பு வேண்டுமென்றும் கூட்டமைப்பின் தலைவர் சம்மந்தன் தெரிவித்திருக்கின்றார்.

இதற்கு முன்னர் ஐனாதிபதி பிரதமர் வெளிவிவகார அமைச்சர் சர்வதேச விசாரணைகளை ஏற்றுக் கொள்ளப் போவதில்லை எனக் கூறி அதனை  மறுதலித்திருக்கின்றனர்.

இவ்வாறானதொரு சூழ்நிலையில் இந்தக் கால அவசாகம் ஏன் என்ற கேள்வி எழுகின்றது. என்ன விடயங்களைக் கையாள்வதற்காக அரசாங்கத்தால் கால நீடிப்பு என்ற கோரிக்கை முன்வைக்கப்படுகின்றது. எங்களைப் பொறுத்தவரையில் கால நீடிப்பு என்பது இலங்கை அரசாங்கத்தைப் பாதுகாத்துக் கொள்வதற்கான வழிமுறையாகவே இருக்குமென்பதே எங்கள் நிலைப்பாடு.

ஏற்கெனவே இரண்டு வருடங்கள் கடந்திருக்கின்ற நிலையில் இன்னும் இரண்டு வருடங்கள் கடக்கும் என்றால் எமது பிரச்சினை, காலாவதியான பிரச்சினை அல்லது நீர்த்துப் போன பிரச்சினையாக மாற்றமடையும் என்பதுடன் சர்வதேசத்தால் கண்டு கொள்ளாத பிரச்சினையாகவே போய்விடும்.

இவ்வாறானதொரு சூழ் நிலையில் தமிழ்த் தேசியக் கூட்டமைப்பின் தலைவராக இருக்கின்ற சம்மந்தன் அவர்கள் கால நீடிப்புக்கு எவ்வாறு சம்மதம் தெரிவிக்க முடியும்.

ஏற்கெனவே ஓரிரு வாரங்களுக்கு முன்னதாக அரசாங்கம் சில முன் நிபந்தனைகளை ஏற்றுக் கொள்ளுமாக இருந்தால் கால நீடிப்பை நாங்கள் அங்கீகரிக்க முடியுமென்ற கருத்தைக் கூறியிருந்தார்.

இப்போது சம்மந்தன் அவர்களும் கால நீடிப்பை வழங்குவதானால் ஐ.நா கண்காணிக்க வேண்டுமென்று கோரியுள்ளார். இதன் பொருள் என்னவெனில் கூட்டமைப்பில் அங்கம் வகிக்கும் தமிழரசுக் கட்சி கால நீடிப்பை ஏதோவொரு வகையில் ஏற்றுக் கொள்கிறார்கள் என்பதாகும்.

ஆனால் கூட்டமைப்பின் இணைப்புக் குழுக் கூட்டத்தில் எங்கள் கட்சி கால நீடிப்பை வழங்கக் கூடாதென்று தெளிவாக கூறியிருக்கிறோம். கடந்த சில தினங்களிற்கு முன்னர் ரெலோ வின் செயலாளரும் கால நீடிப்பை வழங்க முடியாதென்று கூறியிருக்கின்றார்.

அதே போன்று இதற்கு முன்பாக புளொட் அமைப்பின் தலைவர் சித்தார்த்தனும் கூட கால நீடிப்பை தாங்கள் ஏற்றுக் கொள்ளவில்லை என்றும் ஏற்றுக் கொள்வது சுமந்திரனின் கருத்து என்றும் கூறியிருக்கின்றார்.

ஆகவே, கூட்டமைப்பில் அங்கம் வகிக்கக் கூடிய கட்சிகள் இந்தக் கால நீடிப்பை நிராகரித்திருக்கக் கூடிய சூழ்நிலையில் கூட்டமைப்பு கால நீடிப்பை ஏற்றுக் கொள்ளவில்லை. கால நீடிப்பு தொடர்பில் சம்மந்தனோ சுமந்திரனோ பேசுவதாக இருந்தால் அது தமிழரசுக் கட்சி சார்ந்ததாகவே இருக்க வேண்டுமே தவிர கூட்டமைப்பு சார்ந்ததாக இருக்க முடியாது.
சம்மந்தன், இந்த விடயத்தில் அரசாங்கத் தரப்பினர்கள் மீது பல நம்பிக்கைகளை கொண்டிருந்தார். முக்கியமாக சந்திரிகா போன்றவர்கள், இந்தப் பிரச்சினையில் ஒத்துழைப்பார் என்று நம்பியிருந்தார். ஆனால் அவர் கூட, யுத்தக் குற்றங்கள் தொடர்பில் விசாரணை தேவையில்லை என்று கூறியிருக்கின்றார்.

உங்கள் எல்லோருக்கும் தெரியும் புதிய அரசாங்கத்தை புதிய ஜனாதிபதியை கொண்டு வந்ததில் சம்மந்தன் பெரிய பங்கை ஆற்றியிருந்தார் என்று. அதனை அவர்களே மீண்டும் மீண்டும் கூறியிருந்தனர்.

ஆனால், இன்று அவர்களது சகல கோரிக்கைகளும் நிராகரிக்கப்பட்டு அந்தக் கோரிக்கைககள் எவையும் ஏற்றுக் கொள்ளப்படாது அரசாங்கம் தான் விரும்பியவாறே செயற்பட்டு வருகின்றது. இதனை எந்த விடயத்திலும் கையாள முடியாத சூழ் நிலை தோன்றியிருக்கின்றது. இதில் ஒன்றில் சம்மந்தன் அரசாங்கத்தால் ஏமாற்றப்பட்டிருக்கின்றார் அல்லது இராஐதந்திர ரீதியில் தோல்வியடைந்திருக்கிறார் என்றே கருத வேண்டியிருக்கிறது.

ஏனெனில், நீண்டகாலமாக அரசுடன் இணக்கப்பாட்டுடன் இன்றுவரை செயற்பட்டு வருகின்ற போதும் கூட ஐ.நா மனித உரிமைகள் பேரவையில் இலங்கை அரசின் ஒப்புதலுடன் கொண்டு வரப்பட்ட தீர்மானமாக இருந்த போதும் கூட அது எவையுமே நடைமுறைப்படுத்தப்படாமல் கோரிக்கைகள் அனைத்தும் நிராகரிக்கப்பட்ட நிலையில் இன்று கால நீடிப்பைக் கோருவதானது அரசாங்கம் தன்னைப் பாதுகாத்துக் கொள்ளும் விடயாகத் தான் நாங்கள் கருதுகின்றோம்.

இவ்வாறான நிலையில் இலங்கை தொடர்பாக விடயத்தை ஐ.நா பொதுச் சபைக்குப் பாரப்படுத்தி சர்வதேச குற்றவியல் நீதிமன்றுக்கு பாரப்படுத்த வேண்டுமென்பது எங்கள் கோரிக்கை. ஆகவே மீண்டும் கால அவகாசம் வழங்கி இலங்கை அரசைப் பாதுகாப்பதை விடுத்து இதனை ஐ.நா பொதுச் சபைக்கு கையளிப்பதனூடாக எந்தவொரு கால கட்டத்திலும் விசாரணை நடைபெறுவதற்கான சாத்தியப்பாடுகள் தோன்றும். ஆகவே கால நீடிப்பை விடுத்து ஐ.நா மனித உரிமைகள் ஆணையகம் இலங்கை தொடர்பான விடயத்தை பொதுச் சபைக்கு கையளிக்க வேண்டும்” என்று தெரிவித்தார்.

- See more at: http://www.tamilmirror.lk/191730/-சம-பந-தன-ஏம-ற-றப-பட-ட-ர-#sthash.naWcp9vX.dpuf
Categories: merge-rss, yarl-category

ஒரே டி20: நியூஸிலாந்தை நொறுக்கியது தென் ஆப்பிரிக்கா

ஒரே டி20: நியூஸிலாந்தை நொறுக்கியது தென் ஆப்பிரிக்கா
 
 
ஒரே டி20 போட்டியில் நியூஸிலாந்தை நொறுக்கிய தென் ஆப்பிரிக்க அணி. | படம்| ஏ.எப்.பி.
ஒரே டி20 போட்டியில் நியூஸிலாந்தை நொறுக்கிய தென் ஆப்பிரிக்க அணி. | படம்| ஏ.எப்.பி.
 
 

ஆக்லாந்து, ஈடன்பார்க்கில் நடைபெற்ற ஒரே டி20 போட்டியில் நியூஸிலாந்து அணியை தென் ஆப்பிரிக்க அணி 78 ரன்கள் வித்தியாசத்தில் வீழ்த்தியது.

டாஸ் வென்று முதலில் தென் ஆப்பிரிக்காவை பேட் செய்ய அழைத்த தவறைச் செய்தவர் நியூஸிலாந்து கேப்டன் கேன் வில்லியம்சன். தென் ஆப்பிரிக்கா ஹஷிம் ஆம்லா அதிரடி அரைசதத்துடன் 20 ஓவர்களில் 6 விக்கெட்டுகள் இழப்புக்கு 185 ரன்கள் எடுக்க தொடர்ந்து ஆடிய நியூஸிலாந்து 14.5 ஓவர்களில் 107 ரன்களுக்கு அனைத்து விக்கெட்டுகளையும் இழந்தது, கிறிஸ் மோரிஸ் அற்புதமான தொடக்க ஓவர்களில் பாய்ச்சலை நிகழ்த்த பிறகு இம்ரான் தாஹிர் 5 விக்கெட்டுகளைக் கைப்பற்றி ஆட்ட நாயகன் விருதுக்குரியவரானார்.

இலங்கைக்கு எதிராக டி20-யில் ஓய்வு அளிக்கப்பட்ட ஆம்லா தொடக்கத்தில் களமிறங்கி நியூஸிலாந்து பந்து வீச்சை பிரித்து மேய்ந்தார். குறிப்பாக நியூஸிலாந்தின் பென் வீலர் பந்து வீச்சை அவர் மிகவும் ரசித்திருக்க வேண்டும், காரணம் 6 பவுண்டரிகளை 2 ஓவர்களில் விளாசினார், இதில் தொடர்ச்சியாக 4 பவுண்டரிகள் என்பதும் கவனிக்கத்தக்கது. 32 பந்துகளில் ஆம்லா அரைசதம் கண்டார், நியூஸி தரப்பில் 61 ரன்களில் ஆம்லாவுக்கு ஸ்டம்பிங்கை ரோங்கி விட்டார், ஆனால் ஆம்லா உடனேயே, 43 பந்துகலில் 9 பவுண்டரிகள் 1 சிக்சருடன் 62 ரன்கள் எடுத்து அதே வீலர் பந்தில் டீப்பில் கேட்ச் கொடுத்து வெளியேறினார்.

டுபிளெசிஸ் (25 பந்துகளில் 36, 1 பவுண்டரி 3 சிக்சர்), ஆம்லா இணைந்து 2-வது விக்கெட்டுக்காக 57 பந்துகளில் 81 ரன்களை விளாசினர். ஏ.பி.டிவில்லியர்ஸ் 17 பந்துகளில் 3 பவுண்டரிகள் 1 சிக்சருடன் 26 ரன்கள் எடுத்து போனால் போகிறது என்று விட்டுவிட்டார் போலும் இதனால் தென் ஆப்பிரிக்கா 200 ரன்களுக்கும் மேல் செல்லும் வாய்ப்பு தடுக்கப்பட்டது. ‘டுமீல்’ டுமினி 2 பவுண்டரிகள் 2 சிக்சர்களுடன் 16 பந்துகளில் 29 ரன்களை விளாசித் தள்ளினார்.

கடைசி 5 ஒவர்களில் 46 ரன்கள் எடுக்கப்பட்டது, ஆனால் இந்த களேபரத்திலும் டிரெண்ட் போல்ட் 4 ஓவர்களில் 8 ரன்களை மட்டுமே கொடுத்து 2 விக்கெட்டுகளைக் கைப்பற்றினார். டிகிராண்ட் ஹோம் 22 ரன்களுக்கு 2 விக்கெட்டுகளைக் கைப்பற்றினார். தொடக்கத்தில் குவிண்டன் டி காக் ரன் எடுக்காமல் போல்ட்டிடம் அவுட் ஆனார்.

186 ரன்கள் இலக்கைத் துரத்திய நியூஸிலாந்து அணி கிறிஸ் மோரிஸின் அற்புதமான பந்து வீச்சுக்கு 3-வது ஓவரில் அறிமுக வீரர் பிலிப்ஸ் (5), அடுத்த பந்தே அதிரடி வீரர் மன்ரோ (0) ஆகியோரை இழந்தது. வில்லியம்சன் 13 ரன்களில் வெளியேறினார், புரூஸ் மட்டுமே அதிகபட்சமாக 27 பந்துகளில் 3 பவுண்டரிகள் 2 சிக்சர்களுடன் 33 ரன்கள் எடுத்தார்.

10 வது ஓவரில் 55/3 என்று இருந்த நியூஸிலாந்து இம்ரான் தாஹிரின் அருமையான பவுலிங்கிற்கு அடுத்த 4.5 ஓவர்களில் 7 விக்கெட்டுகளை இழந்தது.

தென் ஆப்பிரிக்க அணியில் மோரிஸ் 2 விக்கெட்டுகளையும் பெலுக்வாயோ 3 விக்கெட்டுகளையும், இம்ரான் தாஹிர் 5 விக்கெட்டுகளையும் கைப்பற்றினர். டி20 கிரிக்கெட்டில் 5 விக்கெட்டுகள் கைப்பற்றும் 3-வது தென் ஆப்பிரிக்க பவுலர் இம்ரான் தாஹிர் என்பது குறிப்பிடத்தக்கது.

http://tamil.thehindu.com/sports/ஒரே-டி20-நியூஸிலாந்தை-நொறுக்கியது-தென்-ஆப்பிரிக்கா/article9548874.ece?homepage=true

Categories: merge-rss

54 ஆண்டுகளாக சீன வீரரை சீனாவுக்கு அனுப்பாத இந்திய அரசு!

54 ஆண்டுகளாக சீன வீரரை சீனாவுக்கு அனுப்பாத இந்திய அரசு!

வாங் க்யூ

'தமிழக மீனவர்கள் எல்லை தாண்டியதால் சிறைப்பிடிப்பு' என்பது நமக்கு ரொம்பவே பழக்கப்பட்ட சர்வ சாதாரணமான செய்தியாகிவிட்டது. சில நேரங்களில் சிறைப்பிடிக்கப்பட்டவர்கள் விடுவிக்கப்பட்டனர் என்ற விஷயத்தையும் சின்னப் பெட்டிச் செய்தியாக கடந்துசெல்கிறோம். ஆனால், எல்லை தாண்டிய குற்றத்துக்கு விடுதலை, அவ்வளவு எளிதாக அனைவருக்கும் கிடைத்துவிடுவதில்லை. வழிதவறி இந்திய எல்லைக்குள் வந்த சீனாவைச் சேர்ந்த வாங் க்யூ என்பவர், கிட்டத்தட்ட 54 ஆண்டுகளை இங்கேயே கழித்துள்ளார். அதுபற்றிய சுவையான சம்பவம் இதோ...

சீனாவைச் சேர்ந்த இந்த ராணுவ வீரர், 1963-ம் ஆண்டு இந்தோ - சீனப் போரின் பணியில் இருந்த சமயத்தில்... வழிதவறி நம் எல்லைக்குள் நுழைந்ததால் நம் நாட்டு ராணுவத்தால் சிறைப்பிடிக்கப்பட்டு 7 ஆண்டுகள் சிறைவைக்கப்பட்டார். அந்தத் தண்டனை முடிந்ததும் தன் நாட்டுக்குச் சென்றுவிடலாம் என்ற நம்பிக்கையுடன் இருந்தவரை ராணுவத்தினர் மத்தியப் பிரதேசத்தில் உள்ள டிரோடி என்னும் கிராமத்தில் கொண்டு போய்விட்டனர். பாஸ்போர்ட், விசா போன்ற எந்த ஆவணங்களும் இல்லாத நிலையில் அவர் அங்கேயே வாழ ஆரம்பித்தார். அந்த ஊரைச் சேர்ந்த பெண்மணியையே திருமணம் செய்துகொண்டார். காலச்சக்கரம் சுழன்றோடியது, வாங் க்யூ 4 பிள்ளைகளுக்கு தந்தையானார். கொஞ்ச காலம் சென்றதும்... பேரப்பிள்ளைகளுக்குத் தாத்தாவும் ஆனார். தன் குடும்பத்துடன் மகிழ்ச்சியான வாழ்க்கையை வாழ்ந்தாலும், அவர் உள்ளத்தின் ஓரத்தில் ஓர் ஆசை அவரைத் தூங்கவிடாமல் செய்தது. தான் பிறந்த மண்ணையும், தன் ரத்த சொந்தங்களையும் காண வேண்டும் என்று அவர் ஏங்க ஆரம்பித்தார். 1980-களில் சீனாவில் உள்ள தன் சொந்தங்களுடன் கடிதப் போக்குவரத்தை அமைத்துக்கொண்டார். இது, அவரது சொந்தங்களைக் காண வேண்டும் என்ற ஆசையை இன்னும் தூண்டியது. பல மனுக்கள் கொடுத்தும் இந்திய அரசுக்கு இந்தச் சீன வீரனின் கதறல் கேட்கவே இல்லை.

2009-ல் வாங் க்யூவின் மைத்துனர் இந்தியா வந்து அவரைச் சந்தித்துச் சென்றுள்ளார். 2013-ல் சீன அரசு, வாங் க்யூவுக்கு பாஸ்போர்ட் வழங்கி அனுமதித்தது. ஆனால், இந்திய தரப்பில் அவருக்கு விசா வழங்கப்படவில்லை. தன்னால் சீனா போய் தான் பிறந்த ஊரின் காற்றைச் சுவாசிக்க முடியவில்லையே என்ற பரிதவிப்புடன் இருந்த வாங் க்யூவை, பிரபல செய்தி நிறுவனம் ஒன்று அடையாளம் கண்டு அவரின் 54 ஆண்டுக் கால போராட்டத்தைச் செய்தியாக வெளியிட்டது. இந்தச் செய்தி, இரண்டு நாடுகளிலும் பெரும் சலசலப்பை ஏற்படுத்தியது. சீனாவில் செய்தி ஊடகங்கள் மட்டுமல்லாமல் சமூக வலைதளங்களிலும் வாங் க்யூவுக்கு ஆதரவுக் குரல்கள் கூடின. இதனையுணர்ந்த இந்திய வெளியுறவுத் துறை, மத்திய உள்துறை அமைச்சகத்தை அணுகி... வாங் க்யூவை, சீனாவுக்கு அனுப்புவதற்கு வேண்டிய நடவடிக்கைகளை எடுத்தது.

இந்த நிலையில், கடந்த 9-ம் தேதி  தன் மகன், மருமகள் மற்றும் பேத்தியுடன் சீனாவுக்குப் பறந்தார் வாங் க்யூ. சீன விமான நிலையத்தில் அவரின் உறவினர்கள், பத்திரிகையாளர்கள் எனப் பலர் காத்திருந்தனர். அன்றைய தினம் சீனர்களின் முக்கியப் பண்டிகையான lantern festival என்றழைக்கப்படும் விளக்குத் திருவிழா நடைபெற்றது. விமான நிலையம் சென்ற வாங் க்யூவை அவரின் உறவினர்கள், சகோதரர்கள் கட்டித் தழுவிக்கொண்டனர். 54 வருட ஏக்கங்கள், ஆசைகள் அங்கே சிறு கண்ணீர்த் துளிகளால் கரைக்கப்பட்டது. 

பத்திரிகைக்கு பேட்டி அளித்த வாங் க்யூ, "இந்த நாள் என் வாழ்வில் சந்தோஷமான நாள். என் பால்ய நண்பர்களை, என்னுடன் ராணுவத்தில் பணியாற்றிய சகவீரர்களை நான் தேடிப்போய்  சந்திக்கப் போகிறேன்" என்றார். அவருக்கு சீன அரசாங்கம் அவரின் சொந்த ஊரில் வாழ்வதற்கு இலவசமாக நிலம் வழங்குவதாகவும் அறிவித்துள்ளது.

வாங் க்யூ சீனாவுக்குத் திரும்பியதை, சீன - இந்திய நல்லுறவை வலுப்படுத்தும் ஒரு நிகழ்வாக இரு நாடுகளும் நினைக்கின்றன. ஆனால், பரவலாக எழுப்பப்படும் கேள்வி என்னவென்றால், 40 வருடங்களுக்கு மேலாக வாங் க்யூவின் போராட்டம் சமூக வலைதளங்களை எட்டியதும், அரசு நடவடிக்கை எடுத்து 10 நாட்களில் அவரின் கோரிக்கையை நிறைவேற்றியுள்ளது. சாமான்ய மக்கள் போடும் மனுக்கள் அனைத்தும் சாமான்யமான ஒன்று என்ற எண்ணப்போக்கை அரசு அலுவலகங்கள் விட்டொழித்து இருந்தால் வாங் க்யூ, அரை நூற்றாண்டுகள் தன் தாய்மண்ணையும், தன் உறவினர்களையும் பிரிந்து இருக்க நேர்ந்திருக்காது. வாங் க்யூவின் தாயும் மரணப்படுக்கையின் கடைசி நிமிடம்வரை தன் செல்ல மகனின் வருகையை நோக்கிக் காத்திருந்து உயிர் விட்டிருக்க மாட்டார். ஆம், வாங் க்யூவின் தாய் தன் மகனை 43 ஆண்டுகளாகப் பார்க்காமலேயே இறந்துபோனார்.

மத்தியப் பிரதேச நாளிதழ் ஒன்று வெளியிட்டுள்ள செய்தியில், 'டிரோடி கிராமத்தில் மேலும் ஒரு சீன ராணுவ அகதியான லியு ஸுரோங், சீனாவில் உறவினர்கள் யாரும் இல்லாத நிலையில் இங்கே திருமணம் செய்துகொண்டு பெரிய குடும்பத்துடன் வாழ்ந்து வருவதாகக் கூறியுள்ளது. இவரைப் பற்றி இன்றுவரை எந்த அரசு அமைப்புகளுக்கும் தெரியவில்லை. இன்னும் எத்தனை வாங் க்யூக்களும், லியு ஸுரோங்க்களும் தன் வாழ்நாள் முழுக்க அரசின் இரும்புக் கதவுகளுக்குள் அடைபட்டிருக்கிறார்களோ?

http://www.vikatan.com/news/india/81123-chinese-military-man-goes-home-after-50-years-trapped-in-india.html

Categories: merge-rss, yarl-world-news