merge-rss

ஜனாதிபதியை சந்திக்க சந்தர்ப்பத்தை ஏற்படுத்தித்தரவும் : வடக்கு ஆளுநரிடம் யாழ். பல்கலை மாணவர் கேரிக்கை

ஊர்ப்புதினம் - Mon, 16/10/2017 - 11:22
ஆளுநரைச் சந்தித்தது மாணவர் ஒன்றியம்
 

image_a99256d59a.jpgimage_80f6ad9092.jpg

வட மாகாண ஆளுநர் றெஜினோல்ட் குரேயை, யாழ். பல்கலைக்கழக மாணவர் ஒன்றியம், இன்று காலை ஒன்பது மணியளவில் சந்தித்துக் கலந்துரையாடியுள்ளனர். குறித்த சந்திப்பு, சுண்டுக்குளியில் அமைந்துள்ள ஆளுநரின் பங்களாவில் நடைபெற்றது. உண்ணாவிரதத்தில் ஈடுபடும் கைதிகளின் பிரச்சினைக்கு தீர்வு காண்பதற்கு ஐனாதிபதியுடன் பேச சந்தர்பத்தைத் பெற்றுத் தருமாறு சந்திப்பின்போது மாணவர் ஒன்றியம் கோரிக்கை விடுத்துள்ளது. (படங்கள்: எஸ். நிதர்ஷன், எஸ். ஜெகநாதன்)

http://www.tamilmirror.lk/யாழ்ப்பாணம்/ஆளுநரைச்-சந்தித்தது-மாணவர்-ஒன்றியம்/71-205626

ஜனாதிபதியை சந்திக்க சந்தர்ப்பத்தை ஏற்படுத்தித்தரவும் : வடக்கு ஆளுநரிடம் யாழ். பல்கலை மாணவர் கேரிக்கை

 

 

ஜனாதிபதியுடன் உண்ணாவிரதமிருக்கும் கைதிகள் தொடர்பில் பேச்சுவார்த்தையை முன்னெடுப்பதற்கு சந்தர்ப்பத்தை ஏற்படுத்தித் தருமாறு வடக்கு மாகாண ஆளுநரிடம் யாழ்ப்பாண பல்கலைக்கழக மாணவர் ஒன்றியம் வேண்டுகோள் விடுத்துள்ளனர்.

jaffna-university.jpg

யாழ்ப்பாணப் பல்கலைக்கழக மாணவர் ஒன்றியத்தினர் இன்று காலை 9 மணியளவில் வடமாகாண ஆளுநர் ரெஜினோல்ட் குரேயை சந்தித்து கலந்துரையாடியுள்ளனர்.

 

இச் சந்திப்பு யாழ். சுண்டுக்குளியில் அமைந்துள்ள வடமாகாண ஆளுநரின் வாசஸ்தலத்தில் இடம்பெற்றுள்ளது.

 

அநுராதபுரம் சிறைச்சாலையில் தொடர் உண்ணாவிரதத்தில் ஈடுபடும் தமிழ் அரசியல் கைதிகளின் பிரச்சினைக்கு தீர்வு காண்பதற்கு ஐனாதிபதி மைத்திரிபால சிறிசேனவுடன் பேச்சுவார்த்தையில் ஈடுபடுவதற்கான சந்தர்ப்பத்தினை ஏற்படுத்தித் தருமாறு இச் சந்திப்பில் கோரிக்கை விடுத்தனர்.

http://www.virakesari.lk/article/25867

Categories: merge-rss, yarl-category

வடக்கு கிழக்கு இணைப்பு-கூட்டமைப்பு, முஸ்லிம் காங்கிரஸ் சந்தித்துப் பேச முடிவு?

ஊர்ப்புதினம் - Mon, 16/10/2017 - 11:21
வடக்கு கிழக்கு இணைப்பு-கூட்டமைப்பு, முஸ்லிம் காங்கிரஸ் சந்தித்துப் பேச முடிவு?

 

வடக்கு கிழக்கு இணைப்புத் தொடர்பாக கிழக்கு மாகாண முஸ்லிம் மக்களிடையே பல்வேறு கருத்துக்கள்  வெளியிடப்பட்டு வருகின்றன. குறிப்பாக கிழக்கு மாகாணத்தை வடபகுதியுடன் இணைப்பதற்கு பிரச்சினையில்லையென அமைச்சர் ரிஷாட் பதியுதீன மக்கள் சந்திப்பு ஒன்றில் கூறியுள்ளார்.

வடக்கு கிழக்கு இணைப்பு-கூட்டமைப்பு, முஸ்லிம் காங்கிரஸ் சந்தித்துப் பேச முடிவு?

அமைச்சர் ரிஷாட் பதியுதீன் இவ்வாறு கூறியமை தொடர்பாக ஐ.பி.சி.தமிழ் செய்தியாளரிடம் இன்று திங்கட்கிழமை கருத்து வெளியிட்ட அமைச்சர் ரவூப் ஹக்கீம், வடக்கு கிழக்கு இணைக்கப்பட வேண்டுமானால் கிழக்கில் முஸ்லிம்களுக்கு தனியலகு வேண்டும் என வலியுறுத்தியுள்ளார்.

முஸ்லிம் அலகு தொடர்பாக நல்லாட்சி அரசாங்கத்துடன் பேசியுள்ளதாகவும் அது குறித்து தொடர்ந்து வலியுறுத்தி வருவதாகவும் அமைச்சர் ரவூப் ஹக்கீம் ஐ.பி.சி.தமிழ் செய்தியாளரிடம் தெரிவித்துள்ளார்.

அதேவேளை கிழக்கு மாகாணத்தில் முஸ்லிம்களுக்கு தனி அலகு வேண்டும் என்றும் கிழக்கில் கரையோர மாவட்டம் உருவாக்கப்பட வேண்டும் எனவும் உள்ளூராட்சி சபைத் தேர்தலுக்கான விஞ்ஞாபனத்தில் கோரிக்கை முன்வைக்கப்படவுள்ளதாக முஸ்லிம் காங்கிரஸின் மூத்த உறுப்பினர் ஒருவர் ஐ.பி.சி.தமிழ் செய்தியாளரிடம் கூறியுள்ளார்.

வடக்கு கிழக்கு இணைப்பட வேண்டும் என்பது தொடர்பாக தமிழ்த்தேசியக் கூட்டமைப்பு, அழுத்தம் கொடுப்பதை முஸ்லிம் காங்கிரஸ் எதிர்க்காது எனவும் அது தமிழ் மக்களின் உரிமை என்றும் கூறிய அந்த உறுப்பினர், முஸ்லிம் தனி அலகு கோரிக்கைக்கு தமிழ்த்தேசிய கூட்டமைப்பு உடன்படும் என்றும் நம்பிக்கை வெளியிட்டதாக ஐ.பி.சி.தமிழ் செய்தியாளர் மேலும் தெரிவித்தார்.

அதேவேளை வடக்கு கிழக்கு இணைப்பு, முஸ்லிம் தனி அலகு போன்ற விடயங்கள் தொடர்பாக தமிழ்த்தேசியக் கூட்டமைப்பும் முஸ்லிம் காங்கிரஸ் உறுப்பினர்களும் சந்தித்து பேசவுள்ளதாக கட்சித் தகவல்கள் கூறுகின்றன. தேர்தலுக்கு முன்னர் சந்திப்பு இடம்பெறலாம் என ஐ.பி.சி.தமிழ் செய்தியாளர் மேலும் தெரிவித்தார்.

https://news.ibctamil.com/ta/politics/TNA--will-meet-with-the-Muslim-Congress

Categories: merge-rss, yarl-category

யாழில் 5 மணிநேரத்தில் 500 வழக்கு பதிவு: காரணம் இதுதான்- மக்களே உஷாா்!

ஊர்ப்புதினம் - Mon, 16/10/2017 - 11:20
யாழில் 5 மணிநேரத்தில் 500 வழக்கு பதிவு: காரணம் இதுதான்- மக்களே உஷாா்!

 

டெங்கு கட்டுப்பாட்டு விசேட நிகழ்ச்சி திட்டத்தின் கீழ் இன்று யாழில் இடம்பெற்ற சோதனை நடவடிக்கையில் 5 மணித்தியாலங்களுக்குள் இதுவரை 500 க்கும் மேற்பட்ட வழக்குகள் பதிவு செய்யப்பட்டுள்ளன.

டெங்கு கட்டுப்பாட்டு விசேட நிகழ்ச்சி இன்றும் நாளையும் யாழ் மாவட்டத்தில் மேற்கொள்ளப்பட்டு வருகிறது.

 காரணம் இதுதான்- மக்களே  உஷாா்!

அந்த வகையில் இன்று காலை 7 மணிக்கு அனைத்து பிரதேசங்களிலும் ஆரம்பமாகிய இந்த சோதனை நடவடிக்கையில் ஒவ்வொரு சுகாதார வைத்திய அதிகாரி பிரிவுகளிலும் அதி தீவிரமாக நடவடிக்கைகள் மேற்கொள்ளப்பட்டு வருகிறது.

தெல்லிப்பழை பிரதேசத்தில் 50 வழக்குகளுக்கு மேல் தற்போது பதிவு செய்யப்பட்டுள்ளது.
டெங்கு நுளம்பு பரவுவதற்கு ஏற்ற வகையில் சூழலை வைத்திருந்த வீட்டு உரிமையாளர்கள், பற்றைக்காணிகளை துப்பரவு செய்யாதிருந்த காணி உரிமையாளர்கள் என பலருக்கு வழக்கு பதிவு செய்யப்பட்டு வருகிறது..

வீதிகளில் குப்பைகளை போடுதல், வீட்டின் முன் பக்கத்தில் பற்றைகளை துப்பரவு செய்யாமை, நீர் தேங்கக்கூடிய வகையில் பொருட்களை பாத்திரங்களை வைத்திருத்தல், நீர்த்தொட்டிகளை பயன்படுத்தாமல் வைத்திருந்தமை போன்ற குற்றங்களுக்கு இந்த வழக்குகள் பதிவு செய்யப்பட்டு வருகிறது.

இன்றும் நாளையும் கடுமையான நடவடிக்கை எடுக்கப்படவுள்ளதாக தெரிவிக்கப்பட்டுள்ளது
இந்த அதிரடி நடவடிக்கையால் அனைத்து பிரதேசத்திலும் மக்கள் பாய்ந்து விழுந்து துப்பரவுப்பணிகளில் ஈடுபட்டுள்ளமையை அவதானிக்க முடிகிறது.

https://news.ibctamil.com/ta/internal-affairs/Dengue-eradication-in-Jaffna

Categories: merge-rss, yarl-category

இரு குடிமக்களுக்கு ஒரு இராணுவ வீரராம் முல்லைத்தீவில்

ஊர்ப்புதினம் - Mon, 16/10/2017 - 09:01
இரு குடிமக்களுக்கு ஒரு இராணுவ வீரராம் முல்லைத்தீவில்

 

 

வடமாகாணத்தில் இராணுவத்தின் அதீத பிரசன்னத்தை படிப்படியாகக் குறைத்துக் கொண்டுவருவதாக  அரசாங்கதரப்பினால் அடிக்கடி செய்யப்பட்டுவந்திருக்கும் அறிவிப்புக்களை அர்த்தமாற்றதாக்கும் வகையான புள்ளிவிபரங்களுடனான அறிக்கையொன்றை இரு சிவில் சமூக அமைப்புகள் வெளியிட்டிருக்கின்றன.

sri-lankan-army-civilians.jpg

கொள்கை ஆராய்ச்சிக்கான அடையாளம் நிலையமும், இலங்கையின் சமத்துவத்திற்கும், நிவாரணத்துக்குமான மக்கள் இயக்கமும் இணைந்து வெளியிட்டிருக்கும் அந்த அறிக்கையில் முல்லைத்தீவு மாவட்டத்தில் இரு குடிமக்களுக்கு ஒரு படை வீரர் என்ற விகிதாசாரத்தில் இராணுவத்தின் பிரசன்னம் இருப்பதாக தெரிவிக்கப்பட்டிருக்கின்றது.

முல்லைத்தீவு மாவட்டத்தின் சனத்தொகை ஒரு இலட்சத்து 30 ஆயிரமாகும். அங்கு நிலைகொண்டிருக்கும் இராணுவத்தினரின் எண்ணிக்கை  குறைந்தது 60 ஆயிரமாகும். இது இலங்கை பூராகவுமுள்ள சுமார் 2 இலட்சத்து 43 ஆயிரம் இராணுவத் துருப்புக்களில் 25 சதவீதமாகும்.

 

2014 ஆம் ஆண்டின் புள்ளிவிபரங்களின் படி நோக்குகையில் முல்லைத்தீவு மாவட்டத்தின் சனத்தொகை (130,322) இலங்கையின் சனத்தொகையில் 0.6 சதவீதமாகும். அதாவது அந்த மாவட்டத்தில் ஒவ்வொரு இரு குடிமக்களுக்கும் ஒரு படை வீரர் என்ற விகிதாசாரத்தில் இராணுவத்தினர் நிலைகொண்டுள்ளனர்.

இது அங்கு நிலைகொண்டுள்ள கடற்படையினர், விமானப்படையினர் எண்ணிக்கைக்குப் புறம்பானதாகும். கிடைக்ககூடியதாக இருக்கின்ற தகவல்களின் அடிப்படையில், முல்லைத்தீவு மாவட்டத்தில் நிலைகொண்டுள்ள கடற்படையினரதும், விமானப்படையினரதும் எண்ணிக்கையை கணிப்பிட இயலாமல் இருக்கிறது என்று இரு சிவில் சமூக அமைப்புகளும் அறிக்கையில் தெரிவித்திருக்கின்றன. 

http://www.virakesari.lk/article/25857

Categories: merge-rss, yarl-category

இராணுவமா? கடற்படையா? பொலிஸாரா? விசாரணைகள் தீவிரம்!

ஊர்ப்புதினம் - Mon, 16/10/2017 - 08:45

இராணுவமா? கடற்படையா? பொலிஸாரா? விசாரணைகள் தீவிரம்!

ஸ்ரீலங்காவின் தலை நகர் கொழும்பில் பொலிஸ் அதிகாரி ஒருவரின் காது இராணுவத்தினன் ஒருவரால் கடிக்கப்பட்டுள்ளதாக தகவல் கிடைத்துள்ளது.

பொலிஸாரின் காதை பாய்ந்து பாய்ந்து கடித்துக் குதறிய நபர்; விலங்கியல் வினோதம்!

இந்தச் சம்பவம் கடந்த ஏழாம் திகதி கொழும்பு 7இல் அமைந்துள்ள மலலசேகர மாவத்தையில் இடம்பெற்றுள்ளது. இதனால் இந்தச் சம்பவம் குறித்து தீவிர விசாரணை ஆரம்பிக்கப்பட்டுள்ளதாக கொழும்பு ஊடகம் ஒன்று தகவல் வெளியிட்டுள்ளது.

மேலும் இந்தச் சம்பவத்துடன் பொலிஸ் அதிகாரி ஒருவர், 10 இராணுவ அதிகாரிகள், 8 கடற்படை அதிகாரிகள் ஆகியோர் சம்மந்தப்பட்டிருப்பதாக தெரிவிக்கப்படுகிறது. இவர்களுக்கெதிரான விசாரணையே ஆரம்பிக்கப்பட்டுள்ளது.

இது குறித்து மேலும் தெரியவருவதாவது,

சம்பவ தினத்தன்று இரவு மலலசேகர மாவத்தையில் அமைந்துள்ள பொலிஸ் சோதனைச்சாவடிக்கு அண்மையில் இராணுவ உயர் அதிகாரிகள் சிலரும் கடற்படை அதிகாரிகளும் மற்றும் பொலிஸ் அதிகாரி ஒருவரும் குடிபோதையில் ஆடிப் பாடிக் களித்துக்கொண்டிருந்துள்ளனர்.

இதனால் ஏற்பட்ட இடைஞ்சலைக் கருத்திற்கொண்ட சோதனைச் சாவடி பொறுப்பதிகாரி ஒருவர் குறித்த நிகழ்வை நிறுத்தச் சொல்லுமாறு இன்னொரு பொலிஸ் அதிகாரியிடம் சொல்லி அனுப்பியுள்ளார். அதன்படி குறித்த பொலிஸ் அதிகாரி அங்கே சென்று கூறியபோது சிறிது தர்க்கம் ஏற்பட்டதாகக் கூறப்பட்டுள்ளது.

பின்னர் அன்றிரவு அவர் தனது அறையில் இருந்தபோது அங்கே பிரசன்னமாகிய நபர் ஒருவர் அவரை கண்மூடித்தனமாகத் தாக்கியுள்ளதுடன் குறித்த பொலிஸ் அதிகாரியின் காதையும் கடித்துள்ளார்.

சம்பவத்தில் பாதிக்கப்பட்ட குறித்த பொலிஸ் அதிகாரி தற்பொழுது நாரஹென்பிட்டி வைத்தியசாலையில் சிகிச்சை பெற்று வருவதாக சொல்லப்பட்டுள்ளது.

இதுகுறித்த தீவிர விசாரனைகளே தற்பொழுது ஆரம்பமாகியுள்ளது.

https://news.ibctamil.com/ta/internal-affairs/The-policeman-s-ear-is-bitten

Categories: merge-rss, yarl-category

புத்த பெருமானின் சின்னங்களை அவமானப்படுத்திய தேரர் மண்டியிட்டு மன்னிப்பு கோரினார்

ஊர்ப்புதினம் - Mon, 16/10/2017 - 08:43
புத்த பெருமானின் சின்னங்களை அவமானப்படுத்திய தேரர் மண்டியிட்டு மன்னிப்பு கோரினார்

 

புத்த பெருமானின் சின்னங்களை அவமானப்படுத்திய தேரர் மண்டியிட்டு மன்னிப்பு கோரினார்

புத்த பெருமானின் புனிதச் சின்னங்களையும், தலதா மாளிகையையும் பகிரங்கமாக விமர்சனங்களை மேற்கொண்டுவந்த பிட்டிதுவே சிறிதம்ம தேரர், மல்வத்துப்பீட மகாநாயக்கரிடம் மண்டியிட்டு மன்னிப்புக்கோரிய சம்பவம் நேற்றைய தினம் இடம்பெற்றுள்ளது.

மல்வத்துப்பீட மகாநாயக்கர் முன்பாக மண்டியிட்டு மன்னிப்புக் கோரியதோடு, எழுத்து மூலமும் தனது மன்னிப்பை அவர் கேட்டதை அடுத்து மல்வத்துப்பீடம் அவருக்கான மன்னிப்பை கடும் எச்சரிக்கையுடன் வழங்கியுள்ளது.

பகிரங்க மேடைகளிலும் பல இடங்களிலும் தலதா மாளிகை, மல்வத்துப்பீடம் மற்றும் புத்த பெருமானின் புனிதச் சின்னங்களை அவமானப்படுத்தியும், பகிரங்கமாகவும் விமர்சனம் செய்த குற்றச்சாட்டு பிட்டிதுவே சிறிதம்ம தேரர் மீது காணப்படுகிறது.

இந்த நிலையில் பிட்டிதுவே சிறிதம்ம தேரருக்கு எதிராக மல்வத்துப்பீடம் உட்பட பௌத்த மக்களின் முக்கிய தலைமைப்பீடங்கள் இணைந்து நடவடிக்கை எடுக்கவுள்ளதாக தகவல்கள் வெளியாகியிருந்தன.

இதனையடுத்து பிட்டிதுவே சிறிதம்ம தேரர் நேற்றைய தினம் கண்டிக்கு விஜயம் செய்து திப்பட்டுவாவே ஸ்ரீ சுமங்கல தேரர் தலைமையிலான மல்வத்துப்பீட மகாநாயகப் பீடத்திலுள்ள முக்கிய தேரர்களை சந்தித்தார்.

எந்த விதத்திலும் தலதா மாளிகையையோ அல்லது புத்த பெருமானின் புனிதச் சின்னங்களையோ கடுமையாக விமர்சிக்கவில்லை என்றும், எந்த கையிலும் மல்வத்துப்பீடத்தை அவமானப்படுத்தும் வகையாக கருத்துக்களை வெளியிடவும் இல்லை என்று பிட்டிதுவே சிறிதம்ம தேரர் மண்டியிட்டு மன்னிப்பு கோரினார்.

எனினும் மன்னிப்பு கோரல் கடிதமொன்றை முன்வைத்தால் மட்டுமே மன்னிப்பை வழங்க முடியும் என்று மல்வத்துப்பீடம் இடித்துரைத்துள்ளது.

இதனிடையே தனக்கான எழுத்துமூல மன்னிப்பு கோரலை பிட்டிதுவே சிறிதம்ம தேரர் முன்வைத்தார்.

அதனை ஏற்றுக்கொண்ட மல்வத்துப்பீட மகாநாயகர், அவருக்கான மன்னிப்பை வழங்கினார்.

மேலும் பல தடவைகளில் மல்வத்துப்பீடம், புனித புத்தப் பெருமானின் சின்னங்கள் மற்றும் தலதா மாளிகை மீது கடுமையான விமர்சனங்களை முன்வைத்ததாகவும், ஆனால் இந்த தருணத்தில் வழங்கப்படுகின்ற மன்னிப்பானது இனியும் வழங்கப்படாது என்றும் மல்வத்துப்பீட மகாநாயகரினால் இறுதி எச்சரிக்கை விடுக்கப்பட்டது.

https://news.ibctamil.com/ta/internal-affairs/pitiduwe-siridamma-thero-apologise-

Categories: merge-rss, yarl-category

ஒருமித்த நாடு என்பதை ஒருபோதும் அனுமதியோம் தினேஷ் சூளுரை; வடக்கு,கிழக்கு பிரிந்து செல்லும் அபாயம் என்­கிறார்

ஊர்ப்புதினம் - Mon, 16/10/2017 - 08:01
ஒருமித்த நாடு என்பதை ஒருபோதும் அனுமதியோம்

 

தினேஷ் சூளுரை; வடக்கு,கிழக்கு பிரிந்து செல்லும் அபாயம் என்­கிறார்  
(ரொபட் அன்­டனி)

ஒரு­மித்த நாடு என்ற அடிப்­ப­டையில் புதிய அர­சி­ய­ல­மைப்பை முன்­வைத் தால் அதனை நிச்­ச­ய­மாக கூட்டு எதி­ரணி தோற்­க­டிக்கும். விசே­ட­மாக சர்­வ­ஜன வாக்­கெ­டுப்பின் போது நாங்கள் அதனை தோற்­க­டிப்போம் என்று கூட்டு எதி­ர­ணியின் தலை­வரும் பாரா­ளு­மன்ற உறுப்­பி­ன­ரு­மான  தினேஸ் குண­வர்த்­தன தெரி­வித்தார்.  

ஒரு­மித்த நாடு என்­பது சமஷ்டி முறை­மைக்கு சம­னா­ன­தாகும். எனேவ ஒரு மித்த நாடு என்ற அடிப்­ப­டையில் புதிய அர­சி­ய­ல­மைப்பை கொண்டு வந்தால் நிச்­சயம் வடக்கு, கிழக்கு மாகா­ணங்கள் இலங்­கை­யி­லி­ருந்து பிரிந்து சென்று விடும் அபாயம் ஏற்­படும். அதனை நாங்கள் மக்­க­ளுக்கு உணர்த்­துவோம் என்றும் அவர் குறிப்­பிட்டார்.

ஒரு­மித்த நாடு என்ற முறை­மைக்கு கூட்டு எதி­ரணி கடும் எதிர்ப்பை வெ ளியிட்டு வரு­கின்ற நிலையில் அடுத்த கட்ட நட­வ­டிக்கை குறித்து வின­வி­ய­போதே அவர் மேற்­கண்­ட­வாறு குறிப்­பிட்டார்.

கூடடு எதி­ர­ணியின் தலை­வரும் பாரா­ளு­மன்ற உறுப்­பி­ன­ரு­மான தினேஸ் குண­வர்த்­தன மேலும் இது தொடர்பில் குறிப்­பி­டு­கையில்,

ஒரு­மித்த நாடு என்ற முறை­மை­யுடன் புதிய அர­சி­ய­ல­மைப்பு நிறை­வேற்­றப்­ப­டு­வ­தற்று இட­ம­ளிக்க மாட்டோம். அதனை நாங்கள் நிச்­சயம் தோற்­க­டிப்போம்.

சர்­வ­ஜன வாக்­கெ­டுப்பு இதற்­காக நடத்­தப்­படும் பட்­சத்தில் அதனை கூட்டு எதி­ரணி தோற்­க­டிக்கும். எமது நாடு தற்­போது ஒற்­றை­யாட்சி முறை­யி­லேயே காணப்­ப­டு­கின்­றது.

அதனை ஒரு­மித்த நாடு என மாற்­று­வ­தா­னது ஒரு கூட்­டி­ணைந்த நாடு என்ற நிலை­மையை ஏற்­ப­டுத்­தி­விடும். ஒரு­மித்த நாடு என்ற முறை­மை­யா­னது கிட்­டத்­தட்ட சமஷ்டி முறை­மைக்கு சம­மா­ன­தாகும். இதன்கீழ் தேவை­யெனின் வடக்கு, கிழக்கு மாகா­ணங்கள் பிரிந்து செல்லும் அபா­யமும் ஏற்­ப­டலாம். எனவே இதற்கு இட­ம­ளிக்க முடி­யாது.

ஒற்­றை­யாட்சி என்று வரும்­போது எந்­த­வொரு மாகா­ணத்­தி­னாலும் தனித்த பிரிந்து செல்ல முடி­யாது. ஆனால் ஒரு­மித்த நாடு என்று வந்தால் நிச்­சயம் வடக்கு, கிழக்கு மாகா­ணங்கள் பிரிந்து செல்லும் அபாயம் ஏற்­படும். எனவே இதனை தோற்­க­டிக்க வேண்­டிய தேவை எமக்கு காணப்­ப­டு­கி­றது.

நாங்கள் மக்களிடையே இது தொடர்பில் விழிப்புணர்வை ஏற்படுத்துவோம். அதனூடாக ஒருமித்த நாடு என்ற பதத்துடன் அரசியலமைப்பு வந்தால் நிச்சயம் அதனை சர்வஜன வாக்கெடுப்பில் தேற்கடிப்போம் என்றார். 

http://epaper.virakesari.lk/newspaper/Daily/main/2017-10-16#page-1

Categories: merge-rss, yarl-category

இலங்கை கடலில் அத்துமீறினால் என்ன நடக்கும்.?

ஊர்ப்புதினம் - Mon, 16/10/2017 - 07:20
இலங்கை கடலில் அத்துமீறினால் என்ன நடக்கும்.?

 

 

எல்லைதாண்டி மீன்பிடித்தால் ரூ.6 கோடியே 75 லட்சமாக அபராத தொகை விதிக்க இலங்கை அரசு முடிவு செய்துள்ளது.

வங்காளவிரிகுடா கடலில் பாக்.ஜலசந்தி பகுதியில் தமிழக மீனவர்கள் பாரம்பரியமாக மீன்பிடித்து வருகின்றனர். ஆனால் அவர்கள் அத்துமீறி இலங்கை கடலில் மீன்பிடிப்பதாக கூறி அந்நாட்டு கடற்படையினரால் கைது செய்யப்படுகின்றனர்.

இது கடந்த சில ஆண்டுகளாக தொடர்ந்து நடைபெற்று வருகிறது. கைது செய்யப்பட்ட மீனவர்கள் சிறையில் அடைக்கப்படுவதுடன் அவர்களது படகுகளும் பறிமுதல் செய்யப்படுகிறது.

இதனால் தமிழக மீனவர்களின் வாழ்வாதாரம் பெருமளவில் பாதிக்கப்படுகிறது. இந்த நிலையில் தமிழக மீனவர்களை மிரட்டும் வகையில் இலங்கை அரசு சமீபத்தில் ஒரு சட்டம் இயற்றியது.

அதன்படி இலங்கை கடலில் வெளிநாட்டினர் அத்துமீறி நுழைந்து மீன் பிடித்தால் ரூ.4 கோடியே 50 லட்சம் அபராதம் விதிக்கப்படும். மேலும் பறிமுதல் செய்யப்படும் அவர்களின் படகுகள் திருப்பி வழங்கப்படமாட்டாது என அறிவிக்கப்பட்டது.

அதற்கு தமிழக அரசியல் கட்சிகள் கடும் கண்டனமும், எதிர்ப்பும் தெரிவித்தன. தமிழ்நாட்டு மீனவர்களின் ஒட்டு மொத்த வாழ்வாதாரத்தை அழிக்கும் நடவடிக்கையாக இலங்கை அரசு அச்சட்டம் கொண்டு வந்துள்ளதாக குற்றம் சாட்டினர்.

ஆனால் ‘வெந்த புண்ணில் வேல் பாய்ச்சுவது’ போன்று ஏற்கனவே விதித்து இருந்த அபராத தொகையை ரூ.6 கோடியே 75 லட்சமாக உயர்த்த இலங்கை அரசு முடிவு செய்துள்ளது.

அதற்கான அறிவிப்பை மீன்வள அமைச்சகம் இன்று வெளியிட்டுள்ளது. இது குறித்த மசோதா இன்னும் ஓரிரு வாரத்தில் இலங்கை பாராளுமன்றத்தில் தாக்கல் செய்யப்படுகிறது.

http://www.virakesari.lk/article/25851

Categories: merge-rss, yarl-category

தேசிய பிரச்சினைக்கு அடுத்த வருடம் தீர்வு தீபாவளி நிகழ்வில் பிரதமர் அறிவிப்பு

ஊர்ப்புதினம் - Mon, 16/10/2017 - 07:19
தேசிய பிரச்சினைக்கு அடுத்த வருடம் தீர்வு
P18-52c8cf02faec8987ff5934222d010b4634f3519f.jpg

 

தீபாவளி நிகழ்வில் பிரதமர் அறிவிப்பு
(எம்.எம்.மின்ஹாஜ்)

சுதந்திர இலங்கையின் 70 வருட பூர்த்தி யின்போது புதிய அரசியலமைப்பின் ஊடாக இனங்களுக்கு இடையில் பூரண நல்லிணக் கத்தை ஏற்படுத்துவதற்கு எதிர்பார்க்கின் றோம் என்று பிரதமர் ரணில் விக்கிரமசிங்க தெரிவித்தார். 

புதிய அரசியலமைப்பு பணிகளை வேக மாக செய்துவிட முடியாது. அனைத்து விடய  தானங்கள் குறித்தும் ஆராய்ந்து கலந்து ரையாடியதன் பின்னரே பிரச்சினைகளை தீர்க்க முடியும் என் றும் அவர் குறிப்பிட்டார்.  

தேசிய தீபாவளி விழா நேற்று அலரிமாளி கையில் நடைபெற்றது. இந்நிகழ்வில் கலந்து கொண்டு உரையாற்றுகையிலேயே பிரதமர் மேற்கண்டவாறு தெரிவித்தார்.

அங்கு அவர் மேலும் உரையாற்றுகையில்,

பல பிரதேசங்களில் இருந்து

 தேசிய தீபாவளி விழாவிற்கு பெருமளவிலான மக்கள் வருகை தந்துள்ளனர். இலங்கையில் மாத்திரமின்றி உலகம் பூராகவும் தீபாவளி பண்டிகை கொண்டாடப்படுகின்றது. இந்து சமயமானது புராதன காலம் தொட்டு காணப்பட்ட சமயமாகும். தீபாவளி பண்டிகையை இந்துக்கள் மாத்திரமின்றி ஏனைய பல மதத்தவர்களும் கொண்டாடுகின்றனர்.

இன, மத, மொழி வேறுபாடுகள் இருந்தாலும் அனைவரும் இலங்கையர் என்ற வகையில் சமய வழிபாடுகளில் பங்குபற்றும் சூழல் தற்போது நாட்டில் உருவாகியுள்ளது. இலங்கையில் அனைத்து இனங்களுக்கும் இடையில் நல்லிணக்கத்தை ஏற்படுத்துவதே எமது நோக்கமாகும்.

பெளத்த சமயமும் இந்து சமயமும் ஒன்றோடு ஒன்று பின்னி பிணைந்துள்ளன. இந்நிலையில் இலங்கையை சமாதானத்துடன் கூடிய நாடாக உருவாக்க வேண்டும். இதன் ஊடாக நாட்டை கட்டியெழுப்ப முடியும். சுதந்திரமான இலங்கையை பார்க்க முடியும் என்ற நம்பிக்கையில் முயற்சிகளை மேற்கொண்டு இருக்கின்றோம். புதிய அரசியலமைப்பினை கொண்டு வரவுள்ளோம்.

அனைத்து கட்சிகளும் ஒன்றிணைத்து செயற்பட்டு வருகின்றோம். தற்போது புதிய அரசியலமைப்புக்கான ஆரம்ப கட்ட நடவடிக்கையை ஆரம்பித்துள்ளோம். புதிய அரசியலமைப்பில் பல விடயங்கள் ஆராயப்பட்டு வருகின்றன. மத விவகாரம், கலாசாரம், நாட்டின் நன்மைகள் மற்றும் அதியுச்ச அதிகார பகிர்வு தொடர்பில் கலந்துரையாடி வருகின்றோம். இதன்படி புதிய அரசியலமைப்பினை வேகமாக செய்து விட முடியாது. கலந்துரையாடல் மூலமாக இதற்கான பணிகளை முடிக்க வேண்டும்.

 இரு வருடங்களாகியும் பிரச்சினை தீர்க்கவில்லை என்று விமர்சிக்கின்றனர். எனினும் இது நாட்டின் பிரதான பிரச்சினையாகும். அதனை இலகுவில் தீர்க்க முடியாது. வேகமாக செய்து விட முடியாது.

 அடுத்த வருடத்தின் போது இலங்கைக்கு சுதந்திரம் கிடைத்து 70 வருடங்கள் பூர்த்தியாகின்றன. எனவே அடுத்த வருட 70 வருட பூர்த்தியின் போது நாட்டில் இனங்களுக்கிடையில் நல்லிணக்கத்தை கட்டியெழுப்பி பிரதான பிரச்சினைகளை தீர்க்க முடியும் என நம்புகின்றோம். அனைத்து இனமக்களுக்கு இலங்கையர்களாக வாழும் சூழலை உருவாக்குவோம் என்றார்.

http://epaper.virakesari.lk/newspaper/Daily/main/2017-10-16#page-1

Categories: merge-rss, yarl-category

நாமல் உள்ளிட்ட 8பேருக்கு பிணை

ஊர்ப்புதினம் - Mon, 16/10/2017 - 07:15
நாமல் உள்ளிட்ட 8பேருக்கு பிணை
 

image_726ad4a2cb.jpgகைது செய்யப்பட்ட நாடாளுமன்ற உறுப்பினர் நாமல் ராஜபக்ஷ  உள்ளிட்ட 8பேருக்கு ஹம்பாந்தோட்டை நீதவான் நீதிநீதிமன்ம் இன்று(16) பிணை வழங்கியுள்ளது

http://www.tamilmirror.lk/செய்திகள்/நாமல்-உள்ளிட்ட-8பேருக்கு-பிணை/175-205620

Categories: merge-rss, yarl-category

தாயகம் திரும்பிய இளைஞன் கட்டுநாயக்காவில் கைதுசெய்யப்பட்டுள்ளார்

ஊர்ப்புதினம் - Mon, 16/10/2017 - 07:09
தாயகம் திரும்பிய இளைஞன் கட்டுநாயக்காவில் கைதுசெய்யப்பட்டுள்ளார்
 

சுவிஸர்லாந்திலிருந்து பல தசாப்தங்களுக்கு பின்னர் தாயகம் திரும்பிய இளைஞர் ஒருவர் கட்டுநாயக்க சர்வதேச விமானநிலையத்தில் வைத்து கைதுசெய்யப்பட்டுள்ளார்.

தாயகம் திரும்பிய இளைஞன் கட்டுநாயக்காவில் கைதுசெய்யப்பட்டுள்ளார்

ஒக்ரோபர் 15 ஆம் திகதியான நேற்றையதினம் ஞாயிற்றுக்கிழமை இரவு சுவிட்ஸர்லாந்திலிருந்து வந்த இவரை விமான நிலையத்திலுள்ள ஸ்ரீலங்கா விஷேட குற்றப்புலனாய்வு பிரிவினர் கைதுசெய்து தடுத்து வைத்து விசாரணைக்கு உட்படுத்தி வருகின்றனர்.

யுத்தம் காரணமாக ஏழு வயதில் பெற்றோருடன், சுவிடஸர்லாந்து சென்று அங்கு அரசியல் தஞ்சம் கோரியுள்ள யாழ்ப்பாணம் சாவகச்சேரியை சொந்த இடமாக கொண்ட தேவன் கமலீசன் 27 வருடங்களுக்கு பின்னரே தெனது பூர்வீக நாட்டிற்கு திரும்பியிருக்கின்றார்.

குற்றப்புலனாய்வு பிரிவின் தடுப்பிலிருக்கும் தேவன் கமலீசனை நீதிமன்றில் முன்னிலைப்படுத்துவதற்கு தற்போது அழைத்து வரப்பட்டுள்ளதாக அவர் சார்பில் முன்னிலையாகியுள்ள சட்டத்தரணி வி.எஸ் நிரஞ்சன் ஐ.பி.சி தமிழுக்கு தெரிவித்தார்.

https://news.ibctamil.com/ta/internal-affairs/the-young-man-arrested-by-CID

Categories: merge-rss, yarl-category

பௌத்தர்கள் VS முஸ்லிம்கள்:

  • ARM INAS
 
வாகனத்தில் பெரிதாய் நாங்கள் மாஷாஅல்லா ஒட்டினோம்
அவர்கள் புதுசரணய் ஒட்டினார்கள்
 
நாங்கள் லாஹிலாஹஇல்லாவை ஒட்டினோம்
அவர்கள் தெருவன் சரணய் ஒட்டினார்கள்
 
நாங்கள் Proud to be a Muslim என்று ஒட்டினோம்
அவர்கள் சிங்கலே ஒட்டினார்கள்
 
Wahhabi-300x244.jpg
 
நாங்கள் கஃபா பொம்மையை வைத்தோம்
அவர்கள் புத்தர் சிலையை வைத்தார்கள்
 
நாங்கள் மூளை முடுக்கெல்லாம் பள்ளி கட்டினோம்
அவர்கள் சந்திகளில் எல்லாம் சிலை வைத்தார்கள்
 
நாங்கள் ஊருக்கே கேட்க பயான் போட்டோம்
அவர்கள் உலகத்துக்கே கேட்க பண போட்டார்கள்
 
நாங்கள் முஸ்லிம் காங்கிரஸ் ஆரம்பித்தோம்
அவர்கள் பூமிபுத்ரா கட்சியை ஆரம்பித்தார்கள்
 
நாங்கள் S….TJ தொடங்கினோம்
அவர்கள் பொதுபலசேனாவை தொடங்கினார்கள்.
 
நாங்கள் ஸாகிர் நாயக்கை கொண்டு வந்தோம்
அவர்கள் விராதுவை கொண்டு வந்தார்கள்.
 
முழு தவறும் நம் பக்கம் என்று சொல்ல வரவில்லை
நமது பக்கத்திலும் தவறுகள் இருக்கிறது என்றே சொல்கிறேன்
 
எமது பாதையை ஒரு முறையாவது திரும்பிப் பார்ப்போம்
தவறுகள் இருந்தால் மீள்பரிசீலனை செய்து திருத்திக்கொள்வோம்.
 
Categories: merge-rss

மைத்திரியும் பலவீனமும்

ஊர்ப்புதினம் - Mon, 16/10/2017 - 06:59
மைத்திரியும் பலவீனமும்
 

தன்­னைப் பல­வீ­னப்­ப­டுத்­தி­னால் பேய்­தான் பலம் பெறும் என்று யாழ்ப்­பா­ணத்­தில் வைத்­துத் தெரி­வித்­தார் அரச தலை­வர் மைத்­தி­ரி­பால சிறி­சேன. யாழ்ப்­பா­ணம் இந்­துக் கல்­லூ­ரி­யில் நடந்த தேசிய தமிழ் மொழித் தின விழா­வில் உரை­யாற்­று­கை­யில் அவர் இத­னைத் தெரி­வித்­தார்.

அவர் பேய் எனச் சொன்­னது முன்­னாள் அரச தலை­வர் மகிந்த ராஜ­பக்­ச­வைத்­தான் என்­பது சொல்­லித்­தான் தெரி­ய­வேண்­டும் என்­ப­தில்லை.

அவ­ரது யாழ்ப்­பா­ணம் வரு­கைக்கு முன்­பாக வடக்கு முழு­வ­தும் நடத்­தப்­பட்ட ஒரு­நாள் முழு அடைப்பு மற்­றும் அவ­ரது வரு­கை­யின் போது இடம்­பெற்ற கறுப்­புக் கொடி காட்­டும் போராட்­டம் என்­ப­வற்றை மன­தில் கொண்டே அவர் இந்­தக் கருத்­தைத் தெரி­வித்­தி­ருந்­தார்.

இந்­தப் போராட்­டங்­கள் அனைத்­தும் தன்­னைப் பல­வீ­னப்­ப­டுத்­தும் போராட்­டங்­கள் என்று அவர் கரு­து­கி­றார் என்­பது புரி­கி­றது. தமி­ழர்­கள் தன்னை எதிர்ப்­ப­தும், தனது அர­சுக்கு எதி­ரான மனோ­நி­லையை வளர்த்­துக்­கொள்­வ­தும் தனது அர­சி­ய­லுக்­குப் பாத­க­மா­னது என்­ப­தை­யும் புரிந்து வைத்­துள்­ளார்.

அத­னால்­தான், இவ்­வா­றான போராட்­டங்­க­ளா­லும் எதிர்ப்­பு­க­ளா­லும் தன்­னைப் பல­வீ­னப்­ப­டுத்­து­வது என்­பது உங் களைப் பிடித்த பேய் மீண்­டும் ஆட்­சிக்கு வந்­து­விட வழி­ வ­குப்­ப­தாக இருக்­கும் எனவே எச்­ச­ரிக்­கை­யாக இருங்­கள் என்­கி­றார் அவர்.

மைத்­திரி சொல்­லும் பேய் தமி­ழர்­க­ளுக்கு ஒன்­றும் புதி­தில்லை. 10 ஆண்­டு­கள் அந்­தப் பேயு­டன் தமி­ழர்­கள் வாழ்ந்­தி­ருக்­கி­றார்­கள். அந்­தப் பேயால் சொல்­லொ­ணாத் துன்­பத்­தை­யும் அடைந்­தி­ருக்­கி­றார்­கள். அதற்­கான படிப்­பி­னை­யை­யும் அந்­தப் பேய்க்கு வழங்­கி­யி­ருக்­கி­றார்­கள்.

அந்­தப் பேயின் நடத்தை, கொடூ­ரம் பிடிக்­கா­மல்­தான் அவர்­கள் தேவதை என்று நினைத்து மைத்­தி­ரியை ஆட்­சிக்­குக் கொண்டு வந்­தார்­கள். இப்­ப­டித்­தான் 1994ஆம் ஆண்டு சந்­தி­ரிகா பண்­டா­ர­நா­யக்க குமா­ர­ண­துங்­க­வை­யும் அமை­தித் தேவதை என்று நினைத்து ஆட்­சிக்­குக் கொண்டு வந்­தார்­கள்.

பின்­னர் அவ­ரது அமை­திக்­கான போரால் பெரும் துன்­பம் அடைந்­தார்­கள். அப்­ப­டி­யி­ருந்­த­போ­தும் மைத்­தி­ரியை மீண்­டும் தேவ­தை­யாக நம்­பிப் பத­விக்­குக் கொண்டு வந்­தார்­கள்.

பேய் எவ்­வ­ளவு கொடூ­ர­மா­னதோ அவ்­வ­ள­வுக்கு தேவ­தை­கள் நல்­ல­வை­கள், வரம் கொடுப்­ப­வை­கள் என்­ப­து­தானே எதிர்­பார்ப்பு. அத­னால்­தான் தமி­ழர்­க­ளும் தாங்­கள் பத­விக்­குக் கொண்டு வந்த தேவ­தை­யி­டம் இருந்து வரங்­களை எதிர்­பார்த்­தார்­கள். அது நிறை­வே­றா­த­போது ‘‘எமக்­குப் பய­னற்­ற­இந்­தத் தேவை­தையே தேவை­யில்லை’’ என்று எண்­ணத் தலைப்­பட்­டார்­கள். அந்­தக் கோபமே எதிர்ப்­பா­க­வும் போராட்­ட­மா­க­வும் மாறி­யி­ருக்­கி­றது.

எனவே இது தேவ­தை­யைப் பல­வீ­னப்­ப­டுத்­திப் பேயைப் பலப்­ப­டுத்­தும் போராட்­டம் அல்ல. தமது உரி­மை­களை, விருப்­பு­களை வலி­யு­றுத்தி வலிந்து பெறு­வ­தற்­கான போராட்­டம்.

தமி­ழர்­க­ளின் ஆகக் குறைந்­த­பட்ச எதிர்­பார்ப்­பு­க­ளை­யா­வது தேவதை நிறை­வேற்ற வேண்­டும் என்­கிற ஒரு­வ­கைத் தவம் என்­று­வேண்­டு­மா­னா­லும் வைத்­துக்­கொள்­ள­லாம். எதிர்­பார்ப்­பெல்­லாம், தாம் விரும்­பும் வரத்தை தேவதை தர­வேண்­டும் என்­ப­து­தான். பேய்­க­ளோடு கூடிக் கும்­மா­ளம் போட்­டுக் கொட்­ட­ம­டிப்­ப­தல்ல.

தமி­ழர்­க­ளின் முதன்மை வரத்தை நிறை­வேற்­றத் தேவதை கொஞ்­சம் கால அவ­கா­சம் எடுத்­துக்­கொண்­டா­லும் தமி­ழர்­க­ளின் சின்­னச் சின்­னக் கோரிக்­கை­க­ளை­யா­வது நிறை­வேற்றி வைக்க வேண்­டும்.

இன்று அது­கூட நடக்­க­வில்லை என்­ப­து­ தான் தமி­ழர்­க­ளின் பிரச்­சினை. அத­னால்­தான் அவர்­களின் ஆசை நிரா­சை­யா­கி­ அதுவே கோப­மாக வெளிப்­ப­டு­கி­றது.
பேய்­கள் வந்­து­வி­டும் என்­ப­தற்­கா­கக் கோரிக்­கையை நிறை­வேற்­றாத தேவ­தை­யைச் சகித்­துக்­கொள்ள வேண்­டிய தேவை தமி­ழர்­க­ளுக்கு இல்லை.

பேய்­க­ளின் ஆட்­சி­யி­லும் தேவ­தை­க­ளின் ஆட்­சி­யி­லும் தமது நிலை மாற­வில்லை என்­றால் எல்­லாமே தமி­ழர்­க­ளுக்­குப் பேய் ஆட்­சி­தான். அரச தலை­வர் மைத்­திரி இத­னைச் சரி­யாக விளங்­கிக்­கொள்ள வேண்­டும்.

போராட்­டங்­கள் அவ­ரைப் பல­வீ­னப்­ப­டுத்­த­வல்ல. அந்­தப் போராட்­டங்­க­ளுக்கு அவர் செவி­சாய்த் தா­ரா­னால் அவர் இன்­னும் பலம் பெறு­வார்.

http://newuthayan.com/story/37414.html

Categories: merge-rss, yarl-category

கனடாவில் கருணைக்கொலை

கனடாவில் கருணைக்கொலை

 

 

கனடாவில் கடந்த ஓராண்டில் மட்டும் இரண்டாயிரத்திற்கும் மேற்பட்ட கனேடியர்கள் கருணைக்கொலை செய்யப்பட்டுள்ளதாக ஒரு அறிக்கை தெரிவிக்கின்றது.   

Local_News.jpg

கருணைக்கொலை செய்யப்பட்ட அனைவரும் வைத்தியர்களின் உதவியுடன் சட்டபூர்வமாக தங்களது உயிரை மாய்த்துக் கொண்டுள்ளதாக அவ் அறிக்கை மேலும் தெரிவிக்கின்றது.

குறித்த  விடயம் தொடர்பாக கனேடிய சுகாதார நிறுவனம் தெரிவிக்கையில்,

பெரும்பாலும் புற்றுநோயால் அவதிப்பட்டு வருபவர்களே இவ்வாறு உயிரிழப்பதாகவும்,  வைத்தியர்களின் உதவியுடன் உயிரை மாய்த்துக் கொள்ளும் நடவடிக்கை கடந்த 2016ஆம் ஆண்டு கனடாவில் சட்டபூர்வமாக்கப்பட்டது என்பதும் குறிப்பிடத்தக்கது.

http://www.virakesari.lk/article/25847

Categories: merge-rss, yarl-world-news

சிறையில் சுந்­த­ர­காண்டம் வாசிக்கும் நாமல் எம்.பி.

ஊர்ப்புதினம் - Mon, 16/10/2017 - 06:15
சிறையில் சுந்­த­ர­காண்டம் வாசிக்கும் நாமல் எம்.பி.

 

 

தங்­காலை சிறைச்­சா­லையில் தடுத்து வைக்­கப்­பட்­டுள்ள முன்னாள் ஜனா­தி­பதி மஹிந்த ராஜ­ப­க் ஷவின் புதல்­வரும் அம்­பாந்­தோட்டை பாரா­ளு­மன்ற உறுப்­பி­ன­ரு­மான நாமல் ராஜ­பக் ஷ எம்.பி. இரா­மா­ய­ணத்தின் சுந்­தர காண்டம் பகு­தியை வாசிக்க ஆரம்­பித்­தி­ருக்­கின்­றாராம்.

namal.jpg

மத்­தள விமான நிலையம் உட்­பட நாட் டின் வளங்­களை வெளிநா­ட்டிற்கு விற்­பனை செய்­வதை கண்­டித்து கடந்த ஆறாம் திகதி அம்­பாந்­தோட்­டையில் முன்­னெ­டுக்­கப்­பட்ட ஆர்ப்­பாட்டம் தொடர்­பாக கடந்த 10ஆம் திகதி மாலை கல­கம பொலிஸ் நிலை­யத்தில் இடம்­பெற்ற மூன்று மணி நேர விசா­ர­ணை­களை அடுத்து  அரச சொத்­துக்­க­ளுக்கு சேதம் விளை­வித்த குற்­றச்­சாட்டில் ஐக்­கிய மக்கள் சுதந்­திர முன்­ன­ணியின் அம்­பாந்­தோட்டை மாவட்­டத்தின் கூட்டு எதி­ரணி ஆத­ரவு பாரா­ளு­மன்ற உறுப்­பி­னர்­க­ளான நாமல் ராஜ­பக் ஷ, டி.வி. சானக்க, கம்­பஹா மாவட்ட பாரா­ளு­மன்ற உறுப்­பினர் பிர­சன்ன ரண­வீர, மேல் மாகாண சபை உறுப்­பினர் உபாலி கொடி­கார, தென் மாகாண சபை உறுப்­பினர் சம்பத் அத்­து­கோ­ரள மற்றும் முன்னாள் மாகாண சபை உறுப்­பினர் சட்­டத்­த­ரணி அஜித் பிர­சன்ன ஆகிய அறு­வரும் கைது செய்­யப்­பட்­டி­ருந்­தனர். 

இவர்கள் அம்­பாந்­தோட்டை நீதி­மன்ற நீதிவான் முன்­னி­லையில் ஆஜர்­ப­டுத்­தப்­பட்­ட­தை­ய­டுத்து தங்­காலை சிறைச்­சா­லையில் தடுத்து வைக்­கப்­பட்­டுள்­ளனர். இவர்கள் அறு­வரும் ஒரே சிறைக்­கூ­டத்­தி­னுள்­ளேயே தடுத்து வைக்­கப்­பட்­டுள்ள நிலையில் நாமல் ராஜ­பக் ஷ எம்.பி.சிறைக்­கூ­டத்தில் இரா­மா­ய­ணத்தின் சுந்­தர காண்டம் பகு­தியை வாசிப்­ப­தற்கு ஆரம்­பித்­துள்­ளாராம்.

சுந்­தர காண்டம் பகு­தியை வாசிப்­பதால் பல்­வேறு நன்­மைகள் கிடைக்கும் என அவரின் தமிழ் நண்­ப­ர்கள் அளித்த ஆலோ­ச­னையை  அடுத்து இந்த செயற்­பாட்டை ஆரம்­பித்­துள்­ளாராம். இரா­ம­ாய­ணத்தின் ஏழு காண்­ட­களில் சுந்­தர காண்­ட­மா­னது விஷ்­ணுவின் அவ­தா­ர­மான இரா­ம­னு­டைய ஆத்­மான பக்­த­னான ஆஞ்­ச­நே­யரின் அறிவுக் கூர்மை, வீரம், சொல்­வன்மை, பெருமை, பக்தி உள்­ளிட்ட பல்­வேறு விட­யங்­களை வெளிப்­ப­டுத்­து­வ­தாக உள்­ளது. 

குறிப்­பாக சுந்­தரகாண்­டத்­தினை பாரா­யணம் செய்­வதால் அல்­லது வாசிப்­பதால், இறை­பக்தி, மனதிற்கு நிம்மதி, நெருக்கடிகளை எதிர்கொள்ளும் மனோ பலம், துன்பங்கள், துக்கம் நிறைவுக்கு வந்து தைரியம் என்பன கிடைக்கும் என முன்னோர்கள், ஆய்வாளர்கள் சுட்டிக் காட்டியுள்ளமை குறிப்பிடத்தக்கது. 

http://www.virakesari.lk/article/25841

Categories: merge-rss, yarl-category

ஒரு நிமிடக் கதை செல்லங்கள்

கதை கதையாம் - Mon, 16/10/2017 - 05:55

ஒரு நிமிடக் கதை செல்லங்கள்

 

நம்ம மிதுனுக்குப் புதுசா ஒரு ஜாதகம் கொண்டு வந்திருக்கேன். ஜோடிப் பொருத்தம் அபாரம்!’’ என்றபடி தரகர் அய்யாசாமி, மிதுனின் புகைப்படத்துடன் பெண்ணின் படத்தையும் ஜோடி சேர்த்து அவன் தாயாரிடம் நீட்டினார். முகத்தில் பரவசம் பரவ தாயார் கேட்டார், ‘‘என்ன படிச்சிருக்கா?’’
‘‘நம்ம பையனுக்கு சமமான படிப்புத்தான். எம்.ஏ., எம்.ஃபில்!’’
‘‘வசதி எப்படி?’’ - மிதுனின் தந்தை சேனாபதி கேட்டார்.
‘‘பொண்ணோட அப்பா பெரிய பஸ் கம்பெனி அதிபர். நாலஞ்சு பெட்ரோல் பங்க் இருக்கு. பத்துப் பதினைஞ்சி டேங்கர் லாரி ஓடுது. பொக்லைன் அது இதுனு நம்ம அந்தஸ்துக்குச் சமமானவங்கதான்!’’

3.jpg

‘‘பொண்ணு கூடப் பிறந்தவங்க எத்தனை பேர்?’’
‘‘ஒரே பொண்ணுதாங்க. ரொம்பச் செல்லமா வளர்த்திருக்காங்க!’’
‘‘அப்ப இந்த இடம் தோதுப்படாது தரகரே!’’
‘‘ஏனுங்க?’’
‘‘மிதுனும் எங்களுக்கு ஒரே பையன். ரொம்பச் செல்லம். செல்லமா வளர்ந்த பிள்ளைங்க நல்லபடியா வாழணும்னா அவங்க வாழ்க்கைத்துணை கொஞ்சம் அனுசரித்துப் போற கேரக்டரா இருக்கணும். ஆனா, இங்க பையன் பொண்ணு ரெண்டு பேருக்கும் விட்டுக்கொடுத்துப் போற மனப்பக்குவம் இருக்காது. எல்லாத்திலும் நானா நீயானு போட்டி போடுவாங்க. நிம்மதி இருக்காது. அண்ணன் தம்பி, அக்கா தங்கச்சிகளோட வளர்ந்த பொண்ணா பாருங்க!’’ என்றார் சேனாபதி.  

kungumam.co

Categories: merge-rss

வடக்கு - கிழக்கு தொடர்பில் எமது நோக்கம் இதுவே ; கூறுகிறார் கருணா அம்மான்

ஊர்ப்புதினம் - Mon, 16/10/2017 - 05:38
வடக்கு - கிழக்கு தொடர்பில் எமது நோக்கம் இதுவே ; கூறுகிறார் கருணா அம்மான்

 

 

வட,கிழக்கு இணைந்திருக்க வேண்டும் அதே நேரத்தில் கிழக்கு மாகாணத்தை தரம் உயர்த்த வேண்டும் என்பது எங்களது நோக்கம் என கருணா அம்மான் என அழைக்கப்படும் முன்னாள் மீள்குடியேற்ற பிரதியமைச்சரும் தமிழர் ஐக்கிய சுதந்திர முன்னணியின் தலைவருமான விநாயகமூர்த்தி முரளீதரன் தெரிவித்தார்.

karuna-amman.jpg

மட்டக்களப்பில் மதுரோயா திட்டம் என்னும் பெயரில் கீழ் பாரிய நில அபகரிப்பு செயற்பாடுகள் முன்னெடுக்கப்பட்டுவருவதாகவும் இது தொடர்பில் எதிர்க்கட்சி தலைவருக்கோ தமிழ் தேசிய கூட்டமைப்பு பாராளுமன்ற உறுப்பினர்களுக்கோ மாகாணசபை உறுப்பினர்களுக்கோ எதுவும் தெரியாது எனவும் அவர்கள் பாராளுமன்றத்திற்கு சென்று நித்திரை தூங்கிவிட்டு வருகின்றார்கள் எனவும் அவர் தெரிவித்தார்.

 

மட்டக்களப்பு கல்லடியில் நடைபெற்ற விசேட செய்தியாளர் சந்திப்பிலேயே அவர் இதனை தெரிவித்தார்.

இங்கு தொடர்ந்து கருத்து தெரிவித்த அவர்,

மதுரோயா திட்டம் என்பது மகாவலி திட்டத்தின் கீழ் நீண்டகாலமாக உள்ளடக்கப்பட்டுள்ளது. ஏற்கனவே மகாவலி திட்டத்தின் கீழ் இடதுகரை வாய்க்கால் வலதுகரை வாய்க்கால் என இரண்டு பகுதிகளாக பிரிக்கப்பட்டுள்ளது.

இடதுகரை வாய்க்கால் என்பது ஏற்கனவே புனரமைக்கப்பட்டு அரளகன்வில போன்ற பொலன்னறுவை மாவட்டத்தின் அரைவாசிக்கும் மேற்பட்ட பகுதிகள் உள்ளடக்கப்பட்டு அபிவிருத்தி செய்யப்பட்டிருந்தது.

வலதுகரை வாய்க்கால் என்பது தொப்பிகல பிரதேசமாகும். மகாவலி அபிவிருத்தி சபை எதுவித தகவல்களையும் மட்டக்களப்பு மாவட்டத்திற்கு வழங்காமல் ஆய்வுகளை மேற்கொண்டு தற்பொழுது அதை அமுலாக்குவதற்கான இறுதிக் கட்டத்திற்கு வந்திருக்கின்றார்கள். கிரான் பிரதேச சபைக்குட்பட்ட நான்கில் மூன்று பங்கு நிலப்பரப்பு உள்வாங்கப்படவிருப்பதால் பாரிய பாதிப்புகள் ஏற்படவுள்ளன.

அத்துடன் செங்கலடி, ஈரளக்குள பிரதேசங்களும் இந்த திட்டத்திற்குள் உள்வாங்கப்படவிருக்கின்றன. மொத்தமாக 15500 ஹெக்டெயர் நிலப்பரப்பு இந்தத் திட்டத்தில் உள்வாங்கப்படவிருக்கின்றன.

472.5மில்லியன் அமெரிக்க டொலர் இந்தத் திட்டத்திற்காக செலவு செய்யப்படவிருக்கின்றது. சீன வங்கியில் காசு பெறப்பட்டு சி.எம்.சி என்ஜினியரிங் என்ற கம்பனிக்கு ஒப்பந்தத்திற்கு வழங்கப்பட்டிருக்கின்றது.

மதுரோயா திட்டத்தில் நீரின் கொள்ளளவு 597 எம்.சி.எம் ஆகும். வாகனேரி குளத்தில் நீர்த்தட்டுப்பாடு ஏற்படும் சமயத்தில் நீரை கேட்டாலும் அவர்கள் பற்றாக்குறையை காரணம் காட்டி நீரை வழங்க மாட்டார்கள். இவ்வாறு நீர்ப்பற்றாக்குறை இருக்கும் தருணத்தில் இத்திட்டத்தை எவ்வாறு அமுல்படுத்துவார்கள் என்பது புரியவில்லை. ஆகவே முற்றுமுழுதாக நில அபகரிப்பிற்காக அமுல்படுத்தப்படுகின்ற திட்டமாகவே இதனை நாங்கள் பார்க்கின்றோம்.

இத்திட்டத்தினூடாக தொப்பிகல பிரதேசத்தில் 11800 குடும்பங்கள் குடியேற்றப்பட வேண்டும். இவற்றில் விவசாய குடும்பங்கள் 9000 விவசாய குடும்பங்கள். ஏனைய குடும்பங்கள் 2800 ஆகும். கோறளைப்பற்று தெற்கு கிரான் பிரதேச செயலக பிரிவில் வடமுனை, ஊத்துச்சேனை, கள்ளிச்சை, பேரலாவெளி, குடும்பிமலை, முறுத்தானை மற்றும் புனாணை போன்ற பிரதேசங்கள் முற்றுமுழுதாக உள்வாங்கப்படுகின்றது.

அதேபோன்று ஏறாவூர்பற்று பிரதேசசெயலக பிரிவில் ஈரளக்குளம் மற்றும் மகாஓயா பிரதேச செயலக பிரிவில் பொகொம்பயாய போன்ற பிரதேசங்கள் முற்றுமுழுதாக உள்வாங்கப்படுகின்றது.

 

70 வீதம் கரும்புச் செய்கைக்கும் 30 வீதம் நெற்பயிர்ச் செய்கைக்குமாக இத்திட்டத்தை அவர்கள் கொண்டுவந்திருக்கின்றார்கள். மகாவலி அதிகார சபையின் ஆய்வின்படி தற்போது அங்கு வாழ்கின்ற மக்கள் தொகை 2883 என குறிப்பிட்டிருக்கின்றார்கள். 887 வீடுகளும் 775 குடும்பங்களும் அங்கு வாழ்கின்றனர். 775 குடும்பங்களே அங்கு இருக்கின்றன என்றால் குடியேற்றப்படவிருக்கின்ற 11800 குடும்பங்களில் மிகுதி யார் என்ற கேள்வி அங்கு பாரிய பிரச்சினையாக உருவெடுத்திருக்கின்றது.

மகாவலி அபிவிருத்தி அதிகார சபையின் தற்போதைய கணக்கெடுப்பின்படி 575 ஏக்கர் மேட்டு நிலம் பயிர் செய்பவர்களுக்குத்தான் ஆவணங்கள் இருக்கின்றன என்றும் 2169 ஏக்கர் விவசாய நிலங்களுக்குத்தான் அத்தாட்சிப் பத்திரங்கள் இருக்கின்றன என்றும் சொல்லப்பட்டிருக்கின்றது.

ஏனைய காணிகளுக்கு அத்தாட்சிப் பத்திரங்கள் இல்லை என்றும் அங்கு பயிர் செய்யப்பட்டிருக்கின்ற காணிகள் கையகப்படுத்தப்படும் என்றும் கூறியிருக்கின்றார்கள்.

மட்டக்களப்பு மாவட்ட பிரதேச அதிகாரிகள், விவசாய ஆணையாளர்கள் ஊடாக ஆவணம் வழங்கப்பட்டு தற்போது தொப்பிகல் பிரதேசத்தில் தற்போது செய்கை பண்ணப்பட்டிருக்கின்ற காணிகளின் அளவு 13638 ஏக்கர் ஆகும். ஆனால் மகாவலி அபிவிருத்தி அதிகார சபையின் ஆய்வின்படி 2169 ஏக்கர் காணிகளுக்கே ஆவணம் வழங்கபட்டு பயிர் செய்யப்பட்டுள்ளதாக கூறியிருக்கின்றார்கள்.

இங்கு எழப்போகின்ற பாரிய பிரச்சினை என்னவெனில் 16382 ஏக்கர் காணிகளில் தற்போது எமது மக்கள் பயிர் செய்திருக்கின்றார்கள். இதற்கு ஆவணங்கள் வழங்கப்பட்டிருக்கின்றன. 13638 ஏக்கர் காணி இத்திட்டத்தினூடாக பறிபோகப்போகின்றது. இத்திட்டத்தினூடாக பலஏக்கர் நிலங்கள் பறிபோகப்போகின்றது.

மகாவலி அபிவிருத்தி அதிகாரசபையின் கணக்கெடுப்பின்படி தொப்பிகல பிரதேசத்தில் நிரந்தரமாக 986 சிங்கள குடும்பங்கள் வசிப்பதாக கூறியிருக்கின்றார்கள். ஆனால் இவர்கள் எங்கு இருக்கின்றார்கள் என்பது தெரியாது. இருக்கின்ற தமிழ்க் குடும்பங்களைவிட சிங்கள குடும்பங்கள் அங்கு கூடுதலாக இருப்பதாக கணக்கிடப்பட்டிருக்கின்றது. இதிலிருந்து இத்திட்டத்தை பாரிய நிலஅபகரிப்பிற்கான திட்டமாக கருத முடியும்.

காணி அபகரிப்பு செய்யப்படவுள்ள இடங்கள் வன இலகாவுக்கு சொந்தமானது, அங்கு மிருகங்கள் வாழும் பகுதியாகும். இவற்றிற்கான அனுமதிப்பத்திரங்கள் உரியமுறையில் பெறப்படவில்லை. கிட்டத்தட்ட 41 தொல்பொருள் ஆராய்ச்சி இடங்கள் அடையாளப்படுத்தப்பட்டுள்ளது. இந்த திட்டம் கொண்டுவரப்படுவதனால் 18 தொல்பொருள் ஆராய்ச்சி பகுதிகள் முற்றுமுழுதாக பாதிக்கப்படுகின்றது.

13638 ஏக்கர் நிலம் பறிபோகப்போகின்றது. 11000 குடும்பங்கள் குடியேற்றப்படவேண்டும். இதில் 775 தமிழ் குடும்பங்களே அப்பகுதியில் இருக்கின்றது. 996 சிங்கள குடும்பங்கள் உள்ளதாக கூறப்படுகின்றபோதிலும் மிகுதியாகவுள்ள குடும்பங்கள் எங்கிருந்து வரப்போகின்றது என்ற கேள்வியெழுந்துள்ளது.

மகாவலி அபிவிருத்தி திட்டம் ஊடாக இரண்டரை ஏக்கர் காணி விவசாயத்திற்கும் கால் ஏக்கர் காணி வீட்டு பயிற்செய்கைக்காகவும் வழங்கப்போகின்றனர்.

இது தொடர்பில் மட்டக்களப்பில் உள்ள புத்திஜீவிகளுக்கு தெளிவினை ஏற்படுத்தியுள்ளோம். இது தொடர்பில் மட்டக்களப்பு மாவட்ட மக்கள் விழிப்படையவேண்டும். இதற்கு எதிரான போராட்டங்களை முன்னெடுக்காவிட்டால் நிலங்கள் பறிபோவதை யாரும் தடுக்கமுடியாது.

இதன்வேடிக்கையென்னவென்றால் தொப்பிக்கலை பகுதிகளில் உள்ள விவசாயிகளிடமோ, பிரதேச செயலாளகளிடத்திலோ வேறு உத்தியோகத்தர்களிடமோ எதுவித தரவுகளும் பெறப்படாமல் இந்த நடவடிக்கை மேற்கொள்ளப்பட்டுள்ளது. எழுந்தமானமாக இந்த ஆய்வுமேற்கொள்ளப்பட்டுளளது.

2012 ஆம் ஆண்டு இந்த ஆய்வுகள் மேற்கொள்ளப்பட்டு 2016 ஆம் ஆண்டு ஆய்வறிக்கைகள் முடிக்கப்பட்டுள்ளது. மட்டக்களப்பு மாவட்ட அரசாங்க அதிபருக்கே இது தொடர்பில் எதுவும் தெரியாது. இரகசியமான முறையில் மேற்கொள்ளப்பட்டு தற்போது அமுலாக்கத்திற்கு வந்துள்ளது. நான்கு வருடத்திற்குள் அமுலாக்கவேண்டும் என்பது அரசாங்கத்தின் நோக்கமாகவுள்ளது.

இதன் காரணமாக கோறளைப்பற்று தெற்கு பிரதேச செயலகத்திற்குட்பட்ட பகுதி மக்கள், செங்கலடி, கொம்மாதுறை, வந்தாறுமூலை, சித்தாண்டி, முறக்கொட்டாஞ்சேனை, கிரான், கிண்ணையடி, கருவாக்கேணி ஆகிய பகுதி மக்கள் கடும் பாதிப்புகளை எதிர்கொள்ளப்போகின்றனர்.

அப்பகுதி 120,000 மாடுகளுக்கான மேய்ச்சல் தரைக்காகவுள்ளது. இந்த திட்டத்தில் மேய்ச்சல் தரை தொடர்பில் எதுவும் குறிப்பிடப்படவில்லை. திட்டம் வரும்போது மேய்ச்சல் தரை அனைத்தும் அவர்களினால் பலவந்தமாக கையகப்படுத்தப்படும்.

இந்த திட்டம் அமுல்படுத்தப்படும்போது தமிழ் மக்களின் 16382 ஏக்கர் காணிகளும் அந்த மக்களுக்கு வழங்கப்படவேண்டும். வழங்கப்பட்டு இந்த திட்டம் வருமானால் இதனை ஓரளவு ஏற்றுக்கொள்ளமுடியும்.

மட்டக்களப்பு மாவட்டத்தினைப்பொறுத்தவரையில் மீள்குடியேற்றம் செய்துமுடிக்கப்பட்டுள்ளது. மீள்குடியேற்றம் செய்யப்படவேண்டியவர்களின் தொகை குறைவாகவே உள்ளது. ஆனால் பெரும்பான்மை மக்களைகொண்டுவந்து குடியேற்றி கல்குடா பிரதேசத்தில் தமிழர்களின் வீகிதாசாரத்தினை முற்றுமுழுதாக குறைப்பதற்காகவே இந்த திட்டம் கொண்டுவரப்படுகின்றது. இதில் கவனம் செலுத்தாவிட்டால் எதிர்காலத்தில் கல்குடா தொகுதியை முற்றுமுழுதாக இழக்கவேண்டிய நிலையேற்படும்.

இதேவேளை கோறளைப்பற்று மத்திய பிரதேச சபையினை பிரித்து ஒன்றுடன் வாகனேரி மற்றும் புனாணை மேற்கை இணைக்கும் நடவடிக்கைகள் முன்னெடுக்கப்பட்டுள்ளன. இதனைபாரிய சதித்திட்டமாக நாங்கள் பார்க்கின்றோம். அதேபோன்று காத்தான்குடியை மாநகரசபையாக மாற்றி ஆரையம்பதி மற்றும் மட்டக்களப்பு மாநகரசபைக்குட்பட்ட சில பகுதிகளை இணைத்து தனி பிரதேச சபை அமைக்கும் பணிகள் மேற்கொள்ளப்பட்டுள்ளன. இதனை எமது கட்சி வன்மையாக கண்டிக்கின்றது.

மகாவலி வலது வாய்க்கால் திட்டம் தொடர்பிலும் பிரதேசபைகள் பிரிப்பது தொடர்பிலும் ஜனாதிபதி மற்றும் பிரதமரின் கவனத்திற்கு கொண்டுசெல்லவுள்ளோம். கிரான் பிரதேச செயலகம் என்பது தேவையான விடயம். அங்கு மக்கள் பல துன்பங்களை அனுபவித்துவருகின்றனர். ஏற்கனவே பாரிய நிலப்பரம்பலுடன் உள்ள வாழைச்சேனை பிரதேச சபையுடன் கிரான் பிரதேசம் இணைக்கப்பட்டுள்ளது.

அதேபோன்று களுவாஞ்சிகுடி பிரதேசசபையினை நகரசபையாக நாங்கள் மாற்றவேண்டும். நான் பாராளுமன்றத்தில் இருக்கும்போதுகூட அது தொடர்பில் நடவடிக்கைகளை எடுத்திருந்தேன்.

இவற்றினையெல்லாம் விடுத்து காத்தான்குடியையும் கோறளைப்பற்று மத்தியையும் பிரிக்க நினைப்பது எமது நிலங்களை சூறையாட மேற்கொள்ளும் நடவடிக்கையாகவே பார்க்கின்றேன்.

இன்று வாகனேரி பகுதி மக்கள் பல பிரச்சினைகளுடன் வாழ்கின்றனர். வாகனேரி என்பது தமிழர்களின் பாரம்பரிய பிரதேசம். வாகனேரி குளத்தினையே அங்குள்ள பகுதி மக்கள் நம்பியுள்ளனர். இன்று அங்கு நிலங்கள் பறிக்கப்பட்டு வேற்று மதங்களின் மதத்தலங்கள் அமைக்கப்பட்டுள்ளன. அத்துடன் வாகனேரி குளத்தின் அரைவாசி பகுதியை தங்களுக்கு மீன்பிடிக்க தரவேண்டும் என ஓட்டமாவடி மீனவர்கள் கோரிக்கை விடுத்துள்ளனர். ஓட்டமாவடி எங்குள்ளது வாகனேரி எங்குள்ளது. அங்குள்ள மக்களிடம் எவ்வாறு இவர்கள் கோரிக்கை விடுக்கமுடியும். இதுபோன்ற பல ஆக்கிரமிப்புகள் இடம்பெற்றுவருகின்றன.

இவ்வாறான சம்பவங்களை தமிழ் தேசிய கூட்டமைப்பினர் கண்டும் காணாதவர்கள் போல் உள்ளனர். வலதுகரை வாய்க்கால் தொடர்பில் எதிர்க்கட்சி தலைவருக்கோ தமிழ் தேசிய கூட்டமைப்பு பாராளுமன்ற உறுப்பினர்களுக்கோ மாகாணசபை உறுப்பினர்களுக்கோ எதுவும் தெரியாது. பாராளுமன்றத்திற்கு சென்று நித்திரை தூங்கிவிட்டே வருகின்றார்கள்.

இதனை தடுப்பதற்கு நாங்கள் நடவடிக்கையெடுக்காவிட்டால் மட்டக்களப்பு மாவட்டத்தில் பெரும் நிலப்பரப்பினை இழக்கவேண்டிய நிலையேற்படும். யுதத்தினால் பாதிக்கப்பட்ட மக்கள் இன்று கல்வியிலும் பொருளாதாரத்திலும் படிப்படியாக முன்னேறிவரும் நிலையில் இதனை தடுக்காவிட்டால் மட்டக்களப்பு மாவட்டத்தின் விவசாயம் மற்றும் கால்நடை வளர்ப்பு முற்றுமுழுதாக பாதிக்கப்பட்டு மேலும் வறுமையான நிலைக்கு தள்ளப்படும் சூழ்நிலையேற்படும்.

அதேநேரத்தில் நான்  இந்தியாவில் இருந்து என்பது ஒரு தவறான விடயம் போராட்ட காலத்தில் தலைமறைவாகி  இருந்து என்பதுதான் உண்மையான  விடயம் எங்கு இருந்தது எவ்வாறு இருந்தது என்று நான் கூற  விரும்பவில்லை சட்டத்துக்கு முரணான பிரதேசத்திலையோ நாடுகளிலோ இருக்கவில்லை என நான் தெளிவாக கூறிக்கொள்ள  விரும்புகின்றேன்.

வடக்கு கிழக்கு இணைப்பு என்பது எமது கட்சி அடிப்படை கொள்கையாக வைத்து இருக்கின்றோம் அது கட்டாயம் இணைக்க பாடவேண்டு இதில் எந்தவிதமான மாற்று கருத்திற்கு  இடமில்லை ஆனால் சிலர் கேட்க முடியும் ஏன் கருணா அம்மான் அமைச்சரக இருக்கும் போது இதை பேசவில்லை என்று உங்களுக்கு தெரியும் ஒரு தேசிய கட்சியில் உப தலைவராக இருந்தபொழுது அந்த கட்சியின்  கொள்கையில்  திட்டம் இல்லை அதனால்தான் எனது பதவியை தூக்கி எறிந்து விட்டு  வந்து எமது தமிழர்களின் நலனுக்காகவும் வடக்கு கிழக்கு இணைய வேண்டும் என்பதற்காகவும் தான்  கட்சியை ஆரம்பித்துள்ளேன்.

இருந்தாலும் கிழக்கு மாகாணம் தனித்துவமாக இருக்க வேண்டும் என்பதை நான் ஏற்று கொள்கின்றேன். ஏன் என்றால் வட கிழக்கு இணைந்து இருக்க வேண்டும். அதே நேரத்தில் கிழக்கு மாகாணத்தை தரமுயர்த்த வேண்டும் என்பது  எனது கோரிக்கை ஏன் என்றால் வட மாகாணத்தை ஒப்பிடுகின்ற போது கல்வியிலும் பொருளாதாரத்திலும் எமது கிழக்கு மாகாணம் பின்தங்கியுள்ளது.

karuna-amman.jpg

ஆகவே இந்த பின்தங்கிய எமது மாவட்டத்தை பற்றி பொதுவாக கதைப்பது உண்மை. ஏன் என்றால் வடக்கில் வாழும் பெரும்  பான்மை  மக்கள் புலம்பெயர்ந்து வாழ்கின்றார்கள். கிழக்கு மாகாணத்தை ஒப்பிடுகின்றபோது 2 வீதமான  மக்களே புலம்பெயர்ந்துள்ளனர்.

 சிவநேசதுறை சந்திரகாந்தன் அவர்கள் ஜோசப் பரராஜ சிங்கம் படுகொலை தொடர்பாக தற்போது கைது செய்யப்பட்டு விளக்க மறியலில் வைக்கப் பட்டுள்ளார்.  இந்த வழக்கு விசாரணைகள் தற்போது நடந்து வந்துகொண்டு இருக்கின்றது. விசாரணை முடியும் வரை எதுவும் கூறுவது சிறந்தது அல்ல. காரணம் தற்போது நீதி மன்றத்தில் அவர்களது விசாரணை இடம்பெற்று கொண்டு வருகின்றன.

நீதிமன்றம் உண்மையில் அதை பரிசீலிக்க வேண்டும் என்பது எனது வேண்டுகோள். இருந்தாலும் இலங்கயின் சட்டத்தின் படி ஒரு கொலை குற்றத்தில் ஒருவர் கைது செய்யப்பட்டால் ஆறு மாதங்களின் பிற்பாடு அவர்கள் பிணையில் செல்ல வேண்டும் ஆனாலும் இதன் உள்நோக்கம் என்னவென்று தெரியவில்லை அனாலும் நீண்ட காலம் அவர் சிறையில் இருக்கின்றார் என அவர் மேலும் தெரிவித்துள்ளார்.

http://www.virakesari.lk/article/25843

Categories: merge-rss, yarl-category

வடக்கு கிழக்கில் துரித வீட்டுத் திட்டம்

ஊர்ப்புதினம் - Mon, 16/10/2017 - 05:20
வடக்கு கிழக்கில் துரித வீட்டுத் திட்டம்

வடக்கு கிழக்கில் துரித வீட்டுத் திட்டம்

வடகிழக்கில் 2 ஆயிரம் மில்லியன் ருபா நிதியில் 50 ஆயிரம் வீட்டுத்திட்டங்கள் உட்பட வாழ்வாதார திட்டங்களை எதிர்வரும் 2018 ஆம் ஆண்டு நடைமுறைப்படுத்தவுள்ளதாக தேசிய ஒருமைப்பாடு மற்றும் நல்லிணக்க அமைச்சின் செயலாளர் சிவஞானசோதி தெரிவித்தார்.

யாழிற்கு விஜயம் மேற்கொண்ட ஒருமைப்பாடு மற்றும் நல்லிணக்க அமைச்சின் செயலாளர் வடகிழக்கில் முன்னெடுக்கப்படவுள்ள வேலைத்திட்டங்கள் தொடர்பாக நேற்று  யாழ்.மாவட்ட செயலகத்தில் நடைபெற்ற பத்திரிகையாளர் சந்திப்பின் போதே இதனைத் தெரிவித்தார்.

அவர் அங்கு மேலும் தெரிவிக்கையில்,

ஜனாதிபதி மைத்திரிபால சிறிசேனவின் தலைமைத்துவத்தின் கீழ் பிரதமர் ரணில் விக்கிரமசிங்கவின் ஆலோசனையின் பிரகாரம், பொருளாதார அபிவிருத்திக்குழு மற்றும் வடகிழக்கு செயற்பாட்டுக் குழுவுடன் இணைந்து, 50 ஆயிரம் வீட்டுத்திட்டம் நடைமுறைப்படுத்தப்படவுள்ளதாக கூறினார்.

யாழ். மாவட்டத்தில் 12 ஆயிரம் பேர் நண்பர்கள் உறவினர்களுடன் இருக்கின்றார்கள்.

நலன்புரி நிலையங்களில் 700 ற்கும் அதிகமான குடும்பங்கள் இருக்கின்றார்கள்.

அதனால், இந்த பிரதேசத்தினை உடனடியாக தீர்க்க வேண்டிய பிரச்சினைக்குரிய இடமாக கருத்திற் கொண்டு, யாழ்.மாவட்டத்திற்கென 14 ஆயிரத்து 500 வீடுகள் ஒதுக்கப்பட்டுள்ளன.

50 ஆயிரம் வீடுகளில் அதிகமான வீடுகள் யாழ்.மாவட்டத்திற்கும், வடகிழக்கு மாகாணங்களில் ஏனைய மாவட்டங்களிலும் இந்த கருத்திட்டம் உள்ளடக்கப்பட்டுள்ளது.

இவ்வீட்டுத்திட்டங்களை வழங்குகின்ற போது, புள்ளி அடிப்படையில் தான் வழங்கப்படும். தெரிவு செய்யப்படுபவர்கள், உண்மையான தேவையுடையவர்களாகவும், நியாயப்பாடு உடையவர்களாகவும் இருக்க வேண்டும்.

இடம்பெயர்ந்தோர்கள். மற்றும் இந்தியாவில் இருந்து வருகை தந்தவர்களுக்கும் உள்வாங்கப்பட்டு புள்ளிகளின் அடிப்படையில் வழங்கப்படும்.

குறிப்பாக பெண் தலைமைத்துவ குடும்பங்கள், முன்னாள் போராளிகள் குடும்பம், புள்ளிகளின் அடிப்படையிலும், முன்னுரிமையின் அடிப்படையிலும் வழங்கப்படும்.

வரலாற்று முக்கியத்துவம் வாய்ந்த திட்டமாக கருதப்படுகின்றது. வடகிழக்கினைப் பொறுத்தவரையில் வீட்டுத் தேவை என்பது இன்றியமையாதது.

கல்வி, சுகாதாரம், அபிவிருத்தி உட்பட ஏனைய நலன் சார்ந்த திட்டங்களும் பிணைக்கப்பட்டுள்ள காரணத்தினால், ஜனாதிபதி மற்றும் பிரதமரினால் முன்னெடுக்கப்படும் இந்த திட்டம் வரப்பிரசாத திட்டமென்றும், வடகிழக்கு மாகாணங்களில் ஒன்றிணைந்த கல்வீட்டுத்திட்டமாக அமையவுள்ளது.

எனவே, இந்த வீட்டுத்திட்டத்தினை விரைவான திட்டமாக முன்னெடுப்பதற்கு, பல அரச நிறுவனங்களும், அதிகாரிகளும் ஒத்துழைப்பு வழங்கி வருகின்றார்கள்.

இவ் வேலைத்திட்டங்களை துரித வேகத்தில் செய்ய வேண்டுமென்றும் அவர் மேலும் தெரிவித்தார்.

http://www.samakalam.com

Categories: merge-rss, yarl-category

பாகிஸ்தான் வெளியுறவுச் செயலாளர் இலங்கை பயணம் செய்ய உள்ளார்

ஊர்ப்புதினம் - Mon, 16/10/2017 - 05:14
பாகிஸ்தான் வெளியுறவுச் செயலாளர் இலங்கை பயணம் செய்ய உள்ளார்

Tehmina-Janjua.jpg
குளோபல் தமிழ்ச் செய்தியாளர்

பாகிஸ்தான் வெளியுறவுச் செயலாளர் தெஹ்மினா ஜானுவா ( Tehmina Janjua   ) இலங்கைக்கு  பயணம்  செய்ய உள்ளார். பாகிஸ்தான் வெளியுறவுச் செயலாளர் தற்பொழுது ஓமானுக்கான பயணம் ஒன்றை மேற்கொண்டு வருகின்றார் என்பது குறிப்பிடத்தக்கது.

ஓமான் பயணத்தினை முடித்துக் கொண்டு அவர் இலங்கைக்கான பயணத்தினை மேற்கொள்வார் என பாகிஸ்தான் ஊடகங்கள் தெரிவிக்கின்றன. இரு நாடுகளுக்கும் இடையிலான உறவுகளை வலுப்படுத்திக்கொள்வது தொடர்பில் இந்த பயணத்தின் போது கூடுதல் கவனம் செலுத்தப்பட உள்ளதாக தெரிவிக்கப்படுகின்றது.

http://globaltamilnews.net/archives/45511

Categories: merge-rss, yarl-category

யாழ் பாசையூர் அந்தோணியார் ஆலயத்தில் இனந்தெரியாத நபர்கள் அடாவடி

ஊர்ப்புதினம் - Mon, 16/10/2017 - 05:12
யாழ் பாசையூர் அந்தோணியார் ஆலயத்தில் இனந்தெரியாத நபர்கள் அடாவடி

 

யாழ் பாசையூர் அந்தோணியார் தேவாலயத்தில் நேற்று மாலை (15) வழிபாடு இடம்பெற்றுக்கொண்டிருந்த போது இனந்தெரியாத நபர்களால் தாக்குதல் நடாத்தப்பட்டுள்ளது.

யாழ் பாசையூர் பகுதியில் கடந்த சில வருடங்களாக இரு குழுக்களுக்கிடையே முரண்பாடு இருந்து வந்துள்ளது.

இந்த நிலையில் அப்பகுதியில் நேற்று ஒரு விளையாட்டு நிகழ்வும் இடம்பெற்றுள்ளது.

யாழ் பாசையூர் அந்தோணியார் ஆலயத்தில்  இனந்தெரியாத நபர்கள் அடாவடி

அதனை தொடர்ந்து நேற்று மாலை தேவாலயத்தில் வழிபாடுகள் இடம்பெற்றிருந்த போது இனம்தெரியாத குழுக்கள், பொல்லு, வாள், கற்கள் போத்தல்கள் கொண்டு தேவாலயத்தினுள் இருந்தவர்களை நோக்கி தாக்குதல் மேற்கொண்டுள்ளனர்.

பின்னர் அவ் இடத்தை விட்டு தப்பி சென்றுள்ளனர்.

இதனால் அப்பகுதியில் பெரும் குழப்ப நிலை ஏற்பட்டதுடன், ஆலய பங்கு தந்தையால் பொலிஸாருக்கு அறிவித்தல் வழங்கப்பட்டவுடன் அப்பகுதிக்கு வந்த பொலிஸார் தடையங்களை கைப்பற்றியதுடன், மேலதிக விசாரணைகளை மேற்கொண்டுள்ளனர்.

https://news.ibctamil.com/ta/internal-affairs/At-Jaffna-Basaiyoor-Anthony-Temple

Categories: merge-rss, yarl-category