merge-rss

தேசிய மட்ட மாணவர்களுக்கிடையிலான மெய்வன்மை போட்டியில் கிளிநொச்சி மாணவி முதலிடம்:

ஊர்ப்புதினம் - Fri, 26/05/2017 - 06:53
தேசிய மட்ட மாணவர்களுக்கிடையிலான மெய்வன்மை போட்டியில் கிளிநொச்சி மாணவி முதலிடம்: Top News 
[Tuesday 2015-05-26 07:00]
இலங்கையில் பியகமவில் நடைபெற்ற தேசிய மட்ட மாணவர்களுக்கிடையிலான மெய்வன்மை போட்டியில் கிளிநொச்சி மத்திய மகா வித்தியாலயம் தேசிய பாடசாலை மாணவி முதலிடம் பெற்றுள்ளார். தேவதாஸ் டென்சிகா 15 வயது பிரிவில் 800 மீற்றர் ஓட்டப் பந்தயத்தில் முதலிடத்தை பெற்று தங்கப்பதக்கத்தை வென்று சாதனை படைத்துள்ளார். போரினால் பாதிக்கப்பட்டு ஏழ்மையும் வறுமையுமாய் விரியும் எமது கிராமங்களில் ஒன்றான இரத்தினபுரம் கிராமத்தை சேர்ந்த கிளிநொச்சி மத்திய மகா வித்தியாலய மாணவச்செல்வம் தேவதாஸ் டென்சிகா இலங்கையின் மாணவர்களுக்கிடையிலான தேசிய மட்டப் போட்டியொன்றில் முதலிடம் பெற்றிருப்பது எமக்கு மிகுந்த மகிழ்ச்சியை தருகின்றது.

இலங்கையில் பியகமவில் நடைபெற்ற தேசிய மட்ட மாணவர்களுக்கிடையிலான மெய்வன்மை போட்டியில் கிளிநொச்சி மத்திய மகா வித்தியாலயம் தேசிய பாடசாலை மாணவி முதலிடம் பெற்றுள்ளார். தேவதாஸ் டென்சிகா 15 வயது பிரிவில் 800 மீற்றர் ஓட்டப் பந்தயத்தில் முதலிடத்தை பெற்று தங்கப்பதக்கத்தை வென்று சாதனை படைத்துள்ளார். போரினால் பாதிக்கப்பட்டு ஏழ்மையும் வறுமையுமாய் விரியும் எமது கிராமங்களில் ஒன்றான இரத்தினபுரம் கிராமத்தை சேர்ந்த கிளிநொச்சி மத்திய மகா வித்தியாலய மாணவச்செல்வம் தேவதாஸ் டென்சிகா இலங்கையின் மாணவர்களுக்கிடையிலான தேசிய மட்டப் போட்டியொன்றில் முதலிடம் பெற்றிருப்பது எமக்கு மிகுந்த மகிழ்ச்சியை தருகின்றது.   

டென்சிகாவின் தந்தையார் தேவதாஸ் (சின்னவன்) சிறந்த உதைபந்தாட்ட வீரர் ஆயினும் விபத்தொன்றின் காரணமாக அவர் விளையாட முடியாதவராகிவிட்டார்.

 

thevathas-densika-250515-seithy-(2).jpg

 

தன் விளையாட்டு கனவை தன் பிள்ளைகள் மூலம் அவர் காணமுனைவதன் அடையாளமே டென்சிகா. ஏழ்மையான குடும்பத்தின் நட்சத்திரமாக இப்பொழுது டென்சிகா சாதித்திருக்கின்றாள். இந்த மாணவியின் வெற்றி குறித்து வாழ்த்து தெரிவித்திருந்த கிளிநொச்சி மத்திய மகா வித்தியாலய பழைய மாணவர் சங்க நிர்வாகம் அதனது வாழ்த்துச் செய்தியில் பின்வரும் வேண்டுகோளை விடுத்து இருக்கின்றது.

"எமது அன்புக்குரிய கிளிநொச்சி மத்திய மகா வித்தியாலயத்தில் கல்வி கற்று உலகெலாம் பரந்திருக்கும் பழைய மாணவர்களே மற்றும் சமுக ஆர்வலர்களே! மாணவி டென்சிகாவை இன்னும் மேலும் சிறந்ததொரு சாதனையாளராக மாற்றவேண்டுமாயின் அவருக்கு உங்களால் முடிந்த ஊக்கத்தையும் உதவிகளையும் செய்ய வேண்டிய கடமைகள் எல்லோருக்கும் உண்டு. அவருக்கு பயிற்சிக்கும் போட்டிக்குமான விலையுயர்ந்த சப்பாத்துக்கள் துறைக்கான ஆடைகள் போஷாக்கான உணவு என்பன அவசியம் என்பதால் அவற்றை பெற்றுக்கொள்வதற்கான அனுசரணைகளை வழங்க வேண்டியது எமது கடமையென்பதையும் இங்கே பகிர்ந்து கொள்கின்றோம்." என தெரிவிக்கப்பட்டுள்ளது.

 

thevathas-densika-250515-seithy-(1).jpg

 

எம் மண்ணில் இருக்கும் மாணவர்கள் யுத்த கால வடுக்களை சுமந்து வாழும் நிலையிலும் போசாக்கு இல்லாத நிலையிலும் சாதனைகள் படைத்து வருகின்றார்கள். அவர்களை ஊக்குவிக்க வேண்டியவர்கள் புலம் பெயர்ந்து வாழும் தமிழ் மக்கள்.

எம் மாணவ செல்வங்களின் வாழ்வில் ஒளியேற்றும் பணியை அனைவருமாக ஒன்றிணைந்து ஆற்றுவோம்.

http://www.seithy.com/breifNews.php?newsID=132765&category=TopNews&language=tamil

Categories: merge-rss, yarl-category

இந்தியாவிலிருந்து ஆசிரியர்கள் வரப்போவதில்லை; இந்திய ஆசிரிய பயிற்சியாளர்கள் பற்றியே கலந்துரையாடுகிறோம் அமைச்சர் மனோ

ஊர்ப்புதினம் - Fri, 26/05/2017 - 06:26
இந்­தி­யா­வி­லி­ருந்­து ­ஆ­சி­ரி­யர்­கள் ­வ­ரப்­போ­வ­தில்லை;
p40-mano-ccc65811db7583d05573cd77237b6478af79367c.jpg

 

இந்­தி­ய­ ஆ­சி­ரி­ய­ ப­யிற்­சி­யா­ளர்­கள் பற்­றி­யே­ கலந்துரையாடுகிறோம்

அமைச்சர் மனோ

இந்­தி­யாவிலிருந்து ஆசி­ரி­யர்கள், மலை யக பாட­சா­லை­க­ளுக்கு தரு­விக்­கப்­பட போவ­  தில்லை. மலை­யக பாட­சா­லை­களில் விஞ்­ஞான,கணித பாடங்­க­ளுக்­கான ஆசி­ரியர்  பற்­றாக்­குறை கார­ண­மாக, நமது மாண­வர்கள் பெரிதும் பாதிக்­கப்­பட்டு இருப்­பதை, தமிழ் முற்­போக்கு கூட்­டணி கவ­னத்தில் எடுத்து உள்­ளது. எனவே, கணித, விஞ்­ஞான பாட ஆசி­ரியர் பற்­றாக்­கு­றையை நீக்க, சிறப்பு தமிழ் மொழி மூல ஆசி­ரியர் பயிற்சி கலா­சாலை அமைத்து அங்கே, இந்­திய பயிற்­சி­யா­ளர்­க­ளையே, பிர­தமர் நரேந்­திர மோடி­யிடம் நாம் வழங்­கிய கோரிக்­கை­களில் ஒன்­றாக கோரி­யுள்ளோம் என்று தேசிய சக­வாழ்வு கலந்­து­ரை­யாடல் மற்றும் அர­ச­க­ரும மொழிகள் அமைச்சர் மனோ கணேசன் தெரி­வித்­துள்ளார். 

இது­பற்றி நாம் பிர­தமர் ரணில் விக்­கி­ர­ம­சிங்க தலை­மையில் அமைத்­துள்ள தென்­னி­லங்கை மலை­யக தமிழர் விவ­கார நட­வ­டிக்கை குழு­விலும் பேசப்­படும். இது தொடர்பில் நமது அர­சுக்கு உள்ளே உரிய பேச்­சு­களை கல்வி ராஜாங்க அமைச்சர் இரா­தா­கி­ருஷ்ணன் ஆரம்­பித்து உள்ளார். அதே­வேளை இந்­திய அர­சுக்கு நாம் வழங்­கிய கோரிக்­கை­களை முன்­னெ­டுக்கும் கூட்­ட­ணியின் தொடர் நட­வ­டிக்கை குழு­வி­னாலும், இந்­திய அரசு அதி­கா­ரி­க­ளுடன் இது­பற்றி பேசப்­படும் என்றும் அவர் கூறினார்.

இது­பற்­றி­அ­மைச்­சர்­ம­னோ­மே­லும்­கூ­றி­யுள்­ள­தா­வது,

இந்­நாட்டில் அர­சியல் கார­ண­மாக பற்­ற­வைக்கும் இந்­திய எதிர்ப்பு வாதத்­திற்கு, இன்று இந்த “இந்­திய ஆசி­ரி­யர்கள்” என்ற ஒன்­றையும் புதிய கருப்­பொ­ரு­ளாக கொண்டு செல்ல சிலர் முயல்­கி­றார்கள். தங்கள் தேர்தல் கால பிர­சார இசை, நடன விழாக்­க­ளுக்கு, உள்­நாட்டு கலை­ஞர்­களை புறந்­தள்­ளி­விட்டு, பெருந்­தொகை கொடுத்து இந்­தி­யா­வி­லி­ருந்து, ஹிந்தி நடிக, நடி­கை­களை கொண்டு வந்­த­வர்­கள்­கூட, இன்று இதை பிடித்­துக்­கொண்டு திரி­கி­றார்கள்.

உண்­மையில், தமிழ் பாட­சா­லை­களில் நிலவும் கணித, விஞ்­ஞான பாட ஆசி­ரியர் பற்­றாக்­கு­றையை நீக்க, சிறப்பு தமிழ் மொழி மூல ஆசி­ரியர் பயிற்சி கலா­சாலை அமைத்து அங்கே இந்­திய பயிற்­சி­யா­ளர்­களை கொண்டு ஆசி­ரி­யர்­களை பயிற்­று­விக்­கலாம் என்­பதே எங்கள் நோக்கம். உள்­நாட்டில் கணித, விஞ்­ஞான பட்­ட­தா­ரிகள் இருப்­பார்­க­ளே­யானால், அவர்கள் குறைந்­த­பட்சம் ஐந்து ஆண்­டு­க­ளுக்­கா­வது தோட்­டப்­புற பாட­சா­லை­களில் கட­மை­யாற்ற தயா­ரா­கவும் இருப்­பார்­க­ளே­யானால், அவர்­களை கொண்டு கணித, விஞ்­ஞான ஆசி­ரியர் பற்­றாக்­கு­றை­களை நிரப்­பலாம். ஆகவே அத்­த­கைய தகை­மையும், விருப்பும் உள்­ள­வர்கள் தேசிய கல்வி ராஜாங்க அமைச்சை உட­ன­டி­யாக நாடலாம்.

மாறாக, நாடு முழுக்க தொழில் வாய்ப்புகளை கோரி போராடும், பட்டதாரிகள் தங்கள் போராட்ட கோஷங்களில், இதை ஒரு கோஷமாக கொள்ளக்கூடாது. இந்நாட்டில் மிகவும் பின்தங்கிய தோட்டப்புற பாடசாலைகளை கட்டியெழுப்பும் தமிழ் முற்போக்கு கூட்டணியின் நோக்கத்தை புரிந்துக்கொள்ள வேண்டும்.   

Categories: merge-rss, yarl-category

சட்டவிரோத ஆட்கடத்தலை தடுப்பது குறித்து ஜனாதிபதி – ஆஸி.பிரதமர் கலந்துரையாடல் இருதரப்பு ஒப்பந்தங்களும் கைச்சாத்து

ஊர்ப்புதினம் - Fri, 26/05/2017 - 06:25
சட்­ட­வி­ரோத ஆட்­க­டத்­தலை தடுப்­பது குறித்து ஜனா­தி­பதி – ஆஸி.பிர­தமர் கலந்­து­ரை­யாடல்

 

இரு­த­ரப்பு ஒப்­பந்­தங்­களும் கைச்­சாத்து

சட்­ட­வி­ரோத ஆட்­க­டத்தல் மற்றும் இரு தரப்பு பாது­காப்பு ஒத்­து­ழைப்­புகள் தொடர் பில் அவுஸ்­தி­ரே­லியா சென்­றுள்ள ஜனா­தி­பதி மைத்­தி­ரி­பால சிறி­சேன அந்­நாட்டு பிர­த  மர் மெல்கம் டேர்ன்­புல்­லுடன் நடத்­திய கலந்­து­ரை­யா­ட­லின்­போது கவனம் செலுத்­தப்­பட்­டுள்­ளது. இதன்­போது கல்வி, பாது­காப்பு, விஞ்­ஞானம், தொழில்­நுட்பம், பொரு­ளா­தார அபி­வி­ருத்தி மற்றும் மருத்­துவ ஆய்வு உள்­ளிட்ட பல்­வேறு துறை­களில் கூட்­டு­றவை விரி­வு­ப­டுத்த ஜனா­திபதி மற்றும் அவுஸ்­தி­ரே­லிய பிர­தமர் இணக்கம் தெரி­வித்­துள்­ளனர்.  

கென்­ப­ராவில் அமைந்­துள்ள அவுஸ்­தி­ரே­லிய பாரா­ளு­மன்­றத்தில் நேற்று வியா­ழக்­கி­ழமை இடம்­பெற்ற இரு தரப்பு கலந்­து­ரை­யா­டலின் போதே இந்த இணக்­கப்­பா­டுகள் எட்­டப்­பட்­டுள்­ள­தாக ஜனா­தி­பதி ஊடக பிரிவு தெரி­வித்­துள்­ளது.  

இரு நாட்டு தலை­வர்­க­ளுக்­கு­மி­டை­யி­லான தனிப்­பட்ட சந்­திப்பைத் தொடர்ந்து இரு­த­ரப்புப் பேச்­சு­வார்த்­தைகள் இடம்­பெற்­றன. இப்­பேச்­சு­வார்த்­தையில் இரண்டு தரப்­பு­களில் இருந்தும் அமைச்­சர்கள் மற்றும் அதி­கா­ரிகள் கலந்­து­கொண்­டனர்.

அத்­துடன் ஜனா­தி­பதி மைத்­தி­ரி­பால சிறி­சேன மற்றும் அவுஸ்­தி­ரே­லிய பிர­தமர் மெல்கம் டேர்ன்புல் முன்­னி­லையில் ஒப்­பந்­தங்கள் கைச்­சாத்­தி­டப்­பட்­டன.

அவுஸ்­தி­ரே­லி­யா­வுக்கும் இலங்­கைக்­கு­மி­டை­யி­லான கூட்­டு­றவை மேம்­ப­டுத்­து­வது தொடர்­பான இணைந்த பிர­க­ட­னத்தில் அவுஸ்­தி­ரே­லிய வெளி­வி­வ­கார அமைச்சர் ஜீலியா பிசொப் மற்றும் இலங்கை பிரதி வெளி­வி­வ­கார அமைச்சர் கலா­நிதி ஹர்ஷ டி. சில்வா ஆகியோர் கைச்­சாத்­திட்­டனர்.

சிறு­நீ­ரக நோய்த்­த­விர்ப்பு தொடர்­பான கூட்­டு­றவு நிகழ்ச்­சித்­திட்ட புரிந்­து­ணர்வு ஒப்­பந்­தத்தில் அவுஸ்­தி­ரே­லிய அணு விஞ்­ஞானம் மற்றும் தொழில்­நுட்ப நிறு­வ­னத்­திற்கும் இலங்­கையின் சிறு­நீ­ரக நோய் தவிர்ப்பு ஜனா­தி­பதி செய­ல­ணிக்­கு­மி­டையே ஒப்­பந்தம் ஒன்று கைச்­சாத்­தி­டப்­பட்­டுள்­ளது.

 அவுஸ்­தி­ரே­லிய அணு விஞ்­ஞான, தொழில்­நுட்ப நிறு­வ­னத்தின் பிர­தம நிறை­வேற்று அதி­காரி காலா­நிதி ஆதிரன் பெட்சன் மற்றும் இலங்கை உயர் ஸ்தானிகர் சோம­சுந்­தரம் ஸ்கந்­த­குமார் ஆகியோர் இந்த ஒப்­பந்­தத்தில் கைச்­சாத்­திட்­டனர். இலங்கை சுரங்கப் பணி­ய­கத்­திற்கும் அவுஸ்­தி­ரே­லிய மண்­ணியல் ஆய்வு நிலை­யத்­திற்­கு­மி­டை­யி­லான புரிந்­து­ணர்வு ஒப்­பந்­தத்தில் அவுஸ்­தி­ரே­லிய நிறு­வ­னத்தின் பிர­தம நிறை­வேற்று அதி­காரி மற்றும் இலங்கை உயர் ஸ்தானிகர் ஸ்கந்­த­குமார் ஆகியோர் கைச்­சாத்­திட்­டனர்.

அவுஸ்­தி­ரே­லிய பிர­த­மரின் செய­லாளர் கலா­நிதி மார்டீன் பார்க்­கின்சன் பிர­தமர் மற்றும் அமைச்­ச­ர­வையின் சிரேஷ்ட ஆலோ­சகர் சிஹன் ஸ்டாமர் வெளி­வி­வ­காரச் செய­லாளர் பிரான்சஸ் அடம்சன் இலங்­கைக்­கான அவுஸ்­தி­ரே­லிய உயர் ஸ்தானிகர் பிரைஸ் ஐட்சன் தேசிய பாது­காப்பு ஆலோ­சகர் ஜஸ்டின் பாஷி மற்றும் பிர­த­மரின் சிரேஷ்ட ஆலோ­சகர் பிலிப்பா கிங் ஆகியோர் நிகழ்வில் கலந்­து­கொண்­டனர்.

அத்­துடன் ஜனா­தி­பதி மைத்­தி­ரி­பால சிறி­சேன உள்­ளிட்ட குழு­வி­ன­ருக்கு உத்­தி­யோ­க­பூர்வ வரவேற்பு அரச மாளிகையில் நேற்று காலை அளிக்கப்பட்டது. ஜனாதிபதியை ஆளுநர் நாயகம் சேர் பீற்றர் குரொஸ்குரோ வரவேற்றார். ஜனாதிபதி அவர்களுக்கு அணிவகுப்பு மரியாதையும் வழங்கப்பட்டது. இரு நாடுகளினதும் தேசிய கீதங்கள் இசைக்கப்பட்டு தேசிய கொடியும் ஏற்றிவைக்கப்பட்டதுடன் 21 பீரங்கி மரியாதை வேட்டுக்களும் தீர்க்கப்பட்டமை குறிப்பிடத்தக்கது.

http://content.epaper.virakesari.lk/newspaper/Daily/main/2017-05-26#page-1

Categories: merge-rss, yarl-category

இங்கிலாந்து கால்பந்து அணியில் ரூனிக்கு இடமில்லை

இங்கிலாந்து கால்பந்து அணியில் ரூனிக்கு இடமில்லை

 

உலக கோப்பை கால்பந்து போட்டிக்கான தகுதி சுற்றில் இங்கிலாந்து அணியின் நட்சத்திர வீரர் வெய்ன் ரூனிக்கு அணியில் இடம் கிடைக்கவில்லை.

 
இங்கிலாந்து கால்பந்து அணியில் ரூனிக்கு இடமில்லை
 
லண்டன் :

உலக கோப்பை கால்பந்து போட்டிக்கான தகுதி சுற்றில் இங்கிலாந்து அணி அடுத்த மாதம் ஸ்காட்லாந்துடன் மோத இருக்கிறது. மேலும் பிரான்சுடன் நட்புறவு ஆட்டம் ஒன்றிலும் விளையாட உள்ளது.

இதற்கான இங்கிலாந்து அணி நேற்று அறிவிக்கப்பட்டது. நட்சத்திர வீரர் வெய்ன் ரூனிக்கு அணியில் இடம் கிடைக்கவில்லை. முந்தைய ஆட்டத்தின் போது காலில் ஏற்பட்ட காயத்தால் சேர்க்கப்படவில்லை. ஆனால் இப்போது முழு உடல்தகுதியை எட்டிய போதிலும் அணிக்கு அழைக்கப்படாதது ஆச்சரியம் அளிக்கிறது.

31 வயதான ரூனி தான் இங்கிலாந்து அணிக்காக அதிக கோல்கள் (53 கோல்) அடித்தவர் என்பது குறிப்பிடத்தக்கது.

http://www.maalaimalar.com/News/Sports/2017/05/26084913/1087220/Wayne-Rooney-is-not-in-the-England-football-team.vpf

Categories: merge-rss

வெள்ளத்தில் மூழ்கிய மொரகாகந்த! (படங்கள் இணைப்பு)

ஊர்ப்புதினம் - Fri, 26/05/2017 - 06:18
வெள்ளத்தில் மூழ்கிய மொரகாகந்த! (படங்கள் இணைப்பு)

 

 

மொரகாகந்த பகுதியில் பெய்ந்துவரும் கடும் மழை காரணமாக குறித்த பகுதியில் உள்ள வீடுகள் மற்றும் வர்த்தக நிலையங்கள் நீரில் மூழ்கியுள்ளன.

DAufJw7XsAAEfy0.jpg

குறித்த பகுதியிலுள்ள வீடுகள் மற்றும் வர்த்தக நிலையங்களில் சுமார் 2 மீற்றர் உயரத்திற்கு நீர் நிரம்பியுள்ளது.

இதனால் குறித்த பகுதியில் உள்ள மக்களின் இயல்பு வாழ்க்கை பாதிக்கப்பட்டுள்ளதுடன், இவர்கள் தற்காலிகமாக வேறு இடங்களுக்கு அனுப்பிவைக்கப்பட்டுள்ளனர்.

DAufJx_V0AI4rs0.jpg

DAufJxUU0AAIvMj.jpg

 

 
 

http://www.virakesari.lk/article/20378

Categories: merge-rss, yarl-category

வடக்கு, கிழக்கில் மூவாயிரம் ஏக்கர் காணிகள் விரைவில் விடுவிக்கப்படும் சபையில் அமைச்சர் கிரியெல்ல உறுதி

ஊர்ப்புதினம் - Fri, 26/05/2017 - 05:55
வடக்கு, கிழக்கில் மூவா­யிரம் ஏக்கர் காணிகள் விரைவில் விடு­விக்­கப்­படும்
Luxman-2-7d73b3e1cf2a964b413a185d4165e4468818507a.jpg

 

சபையில் அமைச்சர் கிரி­யெல்ல உறுதி

(ஆர்.ராம்,எம்.எம்.மின்ஹாஜ்)

நல்­லாட்சி அர­சாங்கம் ஆட்­சிக்கு வந்த பின்னர் வடக்கு, கிழக்கில் இது­வரை ஐந்­தா­யிரம் ஏக்கர் காணிகள் விடு­விக்­கப்­பட்­டுள்­ளன. அத்­துடன் வெகு விரைவில் 3000 ஏக்கர் காணிகள் விடு­விக்­கப்­படும் என சபை முதல்­வரும் அமைச்­ச­ரு­மான ல­க் ஷ்மன் கிரி­யெல்ல தெரி­வித்தார்.

பாரா­ளு­மன்­றத்தில் நேற்று வியா­ழக்­கி­ழமை நிலை­யி­யற்­கட்­டளை 23 இன் கீழ் இரண்டில் ஈழ மக்கள் ஜன­நா­யகக் கட்­சியின் யாழ்.மாவட்ட பாரா­ளு­மன்ற உறுப்­பினர் டக்ளஸ் தேவா­னந்த எழுப்­பிய கேள்­விக்கு அமைச்சர் கயந்த கரு­ணா­தி­லக்க பதி­ல­ளிக்கும் போது குறுக்­கீடு செய்த அமைச்சர் கிரி­யெல்ல மேற்­கண்­ட­வாறு தெரி­வித்தார்.

திரு­கோ­ண­மலை புளி­யங்­குளம் , செல்­வ­நகர் காணி விடு­விப்பு தொடர்பில் டக்ளஸ் தேவ­னாந்தா எம்.பி கேள்வி எழுப்­பினார். இதன்­போது பத­ல­ளிக்கும் போது காணி மற்றும் பாரா­ளு­மன்ற மறு­சீ­ர­மைப்பு அமைச்சர் கயந்த கரு­ணா­தி­லக்க கூறு­கையில்,

திரு­கோ­ண­மலை செல்­வ­நகர் காணி விடு­விப்பு தொடர்பில் பெப்­ர­வரி மாதம் காணி கச்­சேரி நடத்தி பல காணிகள் விடு­விக்­கப்­பட்­டன. இது தொடர்­பாக அர­சாங்கம் தொடர்ந்தும் அவ­தானம் செலுத்தும். இன்­றைய தினம் நான் கட­மை­களை பொறுப்­பேற்­க­வுள்ளேன்.அதன் பின்னர் பூரண அவ­தானம் செலுத்­துவேன் என பதி­ல­ளித்தார்.

இதன்­போது குறுக்­கீடு செய்த சபை முதல்­வரும் அமைச்­ச­ரு­மான லக்ஷ்மன் கிரி­யெல்ல,  நல்­லாட்சி அர­சாங்கம் வந்த பின்னர் வடக்கு கிழக்கு 5000 காணிகள் இது­வரை விடு­விக்­கப்­பட்­டுள்ளd என்­ப­தனை நீங்கள் ஏற்­றுக்­கொள்­வீர்­களா?என்றார். 

இதன்­போது டக்ளஸ் தேவ­னாந்தா எம்.பி , ஆம் நான் அதனை ஏற்­றுக்­கொள்­கின்றேன் என்றார். அத­னை­ய­டுத்து அமைச்சர் ல­க்ஷமன் கிரி­யெல்ல மேலும் தெரி­விக்­கையில், வடக்கு கிழக்கு காணி விடு­விப்பு தொடர்பில் அமைச்சர் டி.எம் சுவா­மி­நா­த­னிடம் வின­வினேன். இதன்­பி­ர­காரம் நல்­லாட்சி அர­சாங்கம் ஆட்­சிக்கு வந்த பின்னர் இதுவரைக்கும் 5000 ஏக்கர் காணிகள் முழுமையாக விடுவிக்கப்பட்டுள்ளன. அதேபோன்று வெகு விரைவில் 3000 ஏக்கர் காணிகள் விடுவிக்கப்படும் என்றார்.

http://content.epaper.virakesari.lk/newspaper/Daily/main/2017-05-26#page-1

Categories: merge-rss, yarl-category

‘செம்பீஸ்வரர் ஆலயத்தில் சிவலிங்கம் இருக்கவில்லை’

ஊர்ப்புதினம் - Fri, 26/05/2017 - 05:38
‘செம்பீஸ்வரர் ஆலயத்தில் சிவலிங்கம் இருக்கவில்லை’
 

image_0931bd0509.jpg“திருகோணமலை, குச்சவெளி செம்பீஸ்வரர் ஆலய வளாகத்தில் கோவில் இருந்ததற்கான அடையாம் இல்லை. விகாரையொன்று இருந்தமைக்கான அடையாளமே உள்ளது” என, கல்வியமைச்சர் அகில விராஜ் காரியவசம் தெரிவித்தார்.

நாடாளுமன்ற உறுப்பினர் டக்ளஸ் தேவானந்தா, மார்ச் மாதம் 7ஆம் திகதி நாடாளுமன்றத்தில் எழுப்பிய கேள்விக்கு, நாடாளுமன்றில் நேற்று (24) பதிலளிக்கையிலேயே அவர் மேற்கண்டவாறு கூறினார். 

அவர் தொடர்ந்து கூறுகையில், “திருகோணமலை, குச்சவெளி செம்பீஸ்வரர் ஆலய வளாகத்தில் சிவலிங்கமொன்று கண்டெடுக்கப்பட்டதாக கூறப்படுவதற்கும் அங்கு புராதன கோவிலொன்று இருந்ததற்கும் எவ்வித அடையாளங்களும் இல்லை. 

குறித்த பகுதியில், புராதன விகாரை இருந்ததற்கான அடையாளம் உள்ளது. எனவேதான், அங்கு புதிய கோவிலொன்றை அமைப்பதற்கு முன்னெடுக்கப்பட்ட நடவடிக்கை தொல்பொருள் திணைக்களத்தால் தடுத்து நிறுத்தப்பட்டது. 

வடக்கு, கிழக்கிலுள்ள தமிழர்களது தொன்மைகளை வெளிப்படுத்தும் இடங்கள், ஆலயங்கள், புராதனச்சின்னங்கள், பாரம்பரியமான அடையாளங்கள், கல்வெட்டுகள் என்பன தொல்பொருள் திணைக்களத்தால் சிதைக்கப்படவில்லை.  

எனினும், அப்பகுதிகளில் வாழும் சிலரால், பௌத்த மதத்தின் தொன்மையை வெளிப்படுத்தும் இடங்களையும், புராதனச் சின்னங்களையும் அழிக்கும் அச்சுறுத்தல் இருக்கின்றது. 

வடக்கு, கிழக்கு மாகாணங்களில் தொல்பொருட்கள் தொடர்பிலான ஆய்வுகளை மேற்கொள்கின்றபோது, தமிழ் மற்றும் முஸ்லிம் சமூகங்களைச் சார்ந்த தொல்பொருட்கள் தொடர்பிலான அறிவார்ந்த அதிகாரிகளையும் இணைத்துக் கொள்வதற்கு நடவடிக்கை எடுக்கப்பட்டுள்ளது. தற்போதும் இணைந்துசெயற்பட்டுவருகின்றனர். 

கன்னியா வெந்நீரூற்று கிணறு, அங்குள்ள புராதன விவகாரை உள்ளிட்டவை தொல்பொருள் முக்கியத்துவமிக்க இடமாக வர்த்தமானியில் பிரகடனப்படுத்தப்பட்டுள்ளது. எனவே, அதை பிரதேச சபையிடம் ஒப்படைப்பதற்கு சட்டரீதியாக இடமில்லை” என்றார். 

http://www.tamilmirror.lk/செய்திகள்/‘செம்பீஸ்வரர்-ஆலயத்தில்-சிவலிங்கம்-இருக்கவில்லை’/175-197286

Categories: merge-rss, yarl-category

களுத்துறை மண்சரிவில் 6 பேர் பலி, நால்வரைக் காணவில்லை

ஊர்ப்புதினம் - Fri, 26/05/2017 - 05:36
களுத்துறை மண்சரிவில் 6 பேர் பலி, நால்வரைக் காணவில்லை

 

களுத்துறை பகுதியில் இடம்பெற்ற மண்சரிவில் சிக்கி 6 பேர் உயிரிழந்துள்ளதாகவும் நான்கு பேரைக் காணவில்லையெனவும் பொலிஸார் தெரிவித்துள்ளனர்.

landslide.jpg_1718483346.jpg

களுத்துறை மாவத்தவத்த, புளத்சிங்கள பகுதியில் இடம்பெற்ற இச் சம்பவத்தில் 5 வீடுகள் மண்ணுக்குள் புதையுண்டுள்ளதாக பொலிஸார் மேலும் தெரிவித்துள்ளனர்.

இந்நிலையில் சம்பவத்தில் காணாமல்போனவர்களை தேடும் பணியில் முப்படையினர் ஈடுபட்டுள்ளதாக பொலிஸார் மேலும் தெரிவித்தனர்.

http://www.virakesari.lk/article/20377

Categories: merge-rss, yarl-category

ரயிலில் மோதுண்டு மூன்று பிள்ளைகளின் தந்தை பலி : முறிகண்டியில் சம்பவம்

ஊர்ப்புதினம் - Fri, 26/05/2017 - 05:35
ரயிலில் மோதுண்டு மூன்று பிள்ளைகளின் தந்தை பலி : முறிகண்டியில் சம்பவம் 

 

 

முறிகண்டி பகுதியில் நேற்று இரவு 8.30 மணியளவில் ரயிலுடன் மோதுண்டு ஒருவர் உயிரிழந்துள்ளார். unnamed__1_.jpg

யாழிலிருந்து கொழும்பு நோக்கி பயணித்த தபால் ரயிலுடன் மோதுண்டதில் குறித்த குடும்பத்தர் சம்பவ இடத்திலேயே உயிரிழந்துள்ளார். 

கிளிநொச்சி, பொன்னகரை சேர்ந்த தவமன்றன் பாலசூரியர் என்ற 43 வயதான 3 பிள்ளைகளின் தந்தையே இவ்வாறு உயிரிழந்துள்ளார். 

சம்பவம் இடம்பெற்ற பகுதியிலிருந்து குறித்த நபரின் சடலம் ரயிலில் ஏற்றிச் செல்லப்பட்டு மாங்குளம் ரயில் நிலையத்தில் ஒப்படைக்கப்பட்டுள்ளது.

 சம்பவம் தொடர்பான விசாரணைகளை மாங்குளம் பொலிசார் முன்னெடுத்த வருகின்றனர்.

http://www.virakesari.lk/article/20376

Categories: merge-rss, yarl-category

வெறுப்புச் செயற்பாடுகளின் அபாயமணிச் சத்தம்

அரசியல்-அலசல் - Thu, 25/05/2017 - 22:24
வெறுப்புச் செயற்பாடுகளின் அபாயமணிச் சத்தம்
 

ஒரு கறுப்பு வெள்ளைப் புகைப்படத்தை விடவும், வர்ணப் புகைப்படமொன்று அழகாகவும் இரசனைக்குரியதாகவும் இருப்பதற்கான காரணம் என்ன என்பது பற்றி, நம்மில் எத்தனை பேர் யோசித்திருக்கின்றோம்? நிறங்களின் பன்மைத்துவம்தான் அந்த அழகுக்குக் காரணமாகும்.   

உலகில் வாழும் எல்லோரும் ஒரே முகச்சாயலுடையவர்களாக இருப்பார்களாயின் வாழ்க்கை எப்போதோ, அலுத்துப் போயிருக்கும். அழகு மற்றும் இரசனையின் அடிப்படையாக பன்மைத்துவம் உள்ளது.  

தனித்த இனமொன்று வாழும் நாட்டை விடவும், பல இனங்கள் வாழும் நாடு இரசனைக்குரியதாகும். ஒவ்வொரு சமூகத்தினதும் மாறுபட்ட இலக்கியம், கலை, கலாசாரம், விழுமியங்கள் மற்றும் மத நம்பிக்கை போன்றவற்றால், பன்மைச் சமூகங்கள் வாழும் நாடுகள், வர்ணப் புகைப்படங்களைப் போன்று அழகுகளால் நிறைந்துள்ளன.  

பல்லின மக்கள் வாழும் நாட்டின் பிரஜைகள், உளரீதியான சில அம்சங்களைத் தம்முள் வளர்த்துக் கொள்ள வேண்டிய தேவைகளும் உள்ளன. அவற்றில் முக்கியமானது சமூக நல்லிணக்கமாகும். இந்தச் சொல் நமக்கு மிகவும் பழக்கமானதாகும். என்றாலும் கூட, ‘சமூக நல்லிணக்கம்’ என்பதன் உள்ளார்ந்த அர்த்தத்தை நம்மில் எத்தனை பேர், விளங்கி வைத்திருக்கின்றோம் எனத் தெரியவில்லை.  

 ‘வேறுபாடுகளைக் கடந்து - ஒரு மனிதனை இன்னொரு மனிதன் புரிந்து கொள்வதும், ஒரு சமூகத்தின் செயற்பாடுகளை மற்றைய சமூகம் சகித்துக் கொள்வதும், ஓர் இனத்தை மற்றுமோர் இனம் அனுசரித்துச் செல்வதும்’ சமூக நல்லிணக்கமாகும்.  

‘ஏதேனும், பன்மைத்துவ சூழலில் நிலவும் வேறுபாடுகளைக் கடந்து ஒரு சமூகம் மற்றொரு சமூகத்தை மதித்தல், ஒன்றாகக் கூடி வாழ்தல், தாம் விரும்பும் கருத்துகள் சிந்தனைகளை மற்றவர்களுடன் பகிர்ந்து கொள்ளுதல், ஏனையவர்களுடன் விட்டுக்கொடுப்பு மற்றும் சகிப்புத்தன்மையுடன் செயற்படுதல்’ என்பதையும் சமூக நல்லிணக்கம் என்கின்றனர்.  

ஒரு சமூகத்தின் செயற்பாடுகளை மற்றைய சமூகம் ‘சகித்துக் கொள்ளுதல்’ என்று, மேலே குறிப்பிட்டுள்ள விடயத்தை விளங்கிக் கொள்ளுதல் மிகவும் அவசியமாகும். இங்கு ‘சகித்துக் கொள்ளுதல்’ என்பதை, ‘வேண்டா வெறுப்புடன் ஜீரணித்துக் கொள்ளுதல்’ என விளங்குதல் கூடாது. ‘வேறுபாடுகளின் எல்லை கடந்த புரிந்துணர்வு’தான் இங்கு சகித்துக்கொள்ளுதல் எனப்படுகிறது.  

அவ்வாறாயின், சமூக நல்லிணக்கமானது சகிப்புத் தன்மையிலிருந்தே உருவாகிறது என்பதை நாம் விளங்கிக் கொள்ள முடியும். அல்லது சகிப்புத்தன்மைதான் சமூக நல்லிணக்கத்துக்கான அடித்தளமாக இருக்கின்றது எனவும் கூறலாம்.  

பல மாறுபட்ட இனங்களையும் சமூகங்களையும் கொண்ட நமது நாட்டின், பன்மைத்துவத்துவ அழகை இரசித்து அனுபவிக்கும் பாக்கியத்தை நாம் மிக நீண்ட காலமாக இழந்து கொண்டிருக்கின்றோம். மிக அதிகமான காலங்களை மோதல்களிலும், முரண்பாடுகளிலுமே கழித்து விட்டோம். இன்னொருபுறம், நமது அரசியலும் இன ரீதியாக மக்களைப் பிளவுபடுத்தி வைத்துக் கொண்டிருக்கிறது. அதனால், ஓர் இனத்தை மற்றைய இனம் புரிந்து கொள்ளத் தவறி விட்டது.  

நாட்டில் நிலவிய யுத்தம் முடிவுக்கு வந்த பிறகு, பிரச்சினைகள் அனைத்தும் தீர்ந்து விடும் என்று ஒரு கூட்டம் நம்பியது. யுத்தம் இல்லாமலாகி எட்டு வருடங்கள் கடந்து விட்டபோதும், பிரச்சினைகள் தீர்ந்தபாடில்லை.   

யுத்தத்தை வெற்றி கொள்வதற்காக இனங்களுக்கிடையிலான வெறுப்புணர்வு மிகத் திட்டமிட்டு வளர்த்து விடப்பட்டது. அதனைத்தான் நேற்றும், நேற்றைக்கு முன்னைய தினங்களிலும் கூட, நாம் அனுபவித்துக் கொண்டிருக்கின்றோம்.  

நம்மிடையே சமூக நல்லிணக்கம் மிக நலிவடைந்து விட்டது. அடுத்த இனத்தவரின் கலாசாரங்களையும் மத அடையாளங்களையும் சகித்துக் கொள்ளும் மனப்பாங்கை நாம் தொலைத்து விட்டோம். வெளிப்படையாக சமூக நல்லிணக்கம் பற்றிப் பேசுகின்றவர்களும் மற்றைய இனங்களின் அடையாளங்களை தன்னளவில் சகித்துக் கொள்ள முடியாதவர்களாக இருக்கின்றமையை அவ்வப்போது காண முடிகிறது.  

ஆகக்குறைந்தது, யுத்தம் முடிவடைந்த கையுடனாவது, சமூக நல்லிணக்கத்தை ஏற்படுத்துவதற்கான திட்டங்களையும் செயற்பாடுகளையும் அரசு நடைமுறைப்படுத்தியிருக்க வேண்டும். சகிப்புத்தன்மையை வளர்த்துக் கொள்வதற்கான உளவியல் பயிற்சிகள் மக்களுக்கு வழங்கப்பட்டிருக்க வேண்டும்; அது நடைபெறவில்லை. 

அதனால்தான் விகாரைகளில் ஓதப்படும் ‘பணை’களும் கோவில்களில் உச்சரிக்கப்படும் மந்திரங்களும் பள்ளிவாசல்களில் கூறப்படும் ‘அதான்’களும் அவற்றைச் சாராத சமூகத்தவர்களுக்கு வெறும் இரைச்சலாகவும் கோபத்தை ஏற்படுத்தும் சத்தங்களாகவும் கேட்கின்றன.  

இந்த நிலைவரமானது ஆபத்தானதாகும். சமூக நல்லிணக்கமற்ற இனங்களுக்கிடையில், மோதலொன்று ஏற்படுவதற்கு மிக அற்பமான காரணமே போதுமானதாக இருந்து விடும். இதனை நன்றாகப் புரிந்து கொண்டவர்கள், தமது அரசியலுக்கும் நிகழ்ச்சி நிரல்களுக்கும் ஏற்றவாறு ஒரு ‘தீக்குச்சியை’ உரசிப் போட்டால் போதும். பிறகு, எல்லாமே எரிந்து சாம்பராகி விடும்.  

அந்தத் ‘தீக்குச்சி’யை மிகவும் வெளிப்படையாக கைளில் ஏந்திக் கொண்டு ஒரு கூட்டம் அலைந்து கொண்டிருக்கின்றது. அதனால், முஸ்லிம் மக்களின் வாழ்க்கை அச்சத்துக்குள் உறைந்து போயுள்ளது.   

இந்த அச்சத்தைத் தீர்த்து வைக்க வேண்டிய பொறுப்பு அரசாங்கத்துக்கு உள்ளபோதும், அதனை ஆட்சியாளர்கள் நிறைவேற்றவில்லை என்கிற ஆத்திரம் முஸ்லிம்களிடம் ஏற்பட்டுள்ளது.   

நாடாளுமன்றத்தில் 21 முஸ்லிம் உறுப்பினர்கள் உள்ளனர். அவர்கள் அத்தனை பேரும் ஆளுந்தரப்பில்தான் இருக்கின்றார்கள். ஆனாலும், முஸ்லிம்கள் மீது வலிந்து திணிக்கப்பட்டிருக்கும் அச்ச சூழ்நிலை தொடர்ந்து கொண்டேயிருக்கிறது.  

இது மிகவும் அவமானத்துக்குரிய நிலைவரமாகும். முஸ்லிம்கள் தொடர்ந்தும் நெருக்கடிக்கு உள்ளாக்கப்பட்டு வருகின்றனர். இந்தநிலையில், இது குறித்து ஜனாதிபதிக்கு கடிதம் எழுதப் போவதாக அண்மையில் கூடிக்கலைந்த முஸ்லிம் நாடாளுமன்றப் பிரதிநிதிகள் தீர்மானம் எடுத்திருக்கின்றார்கள்.  

 இது கவலையிலும் சிரிக்கத்தக்க பகிடியாகும். ‘முஸ்லிம்களுக்கு இப்போது ஏற்பட்டிருக்கும் நெருக்கடிகளுக்குத் தீர்வு காணப்படாத வரை, நாடாளுமன்ற அமர்வைப் பகிஷ்கரித்து விட்டு, சத்தியாக்கிரக நடவடிக்கையில் ஈடுபடப் போகிறோம்’ என்றாயினும் கூறுவதற்குக் கூட, முஸ்லிம் நாடாளுமன்ற பிரதிநிதிகளுக்கு இயலவில்லை.  

இவ்வாறான நிலையில், தற்போது முஸ்லிம்களுக்கு எதிராக மேற்கொள்ளப்பட்டு வரும் வெறுப்பு நடவடிக்கைகளைத் தீர்த்து வைக்கும் பொருட்டு, முன்னாள் அமைச்சர் அதாவுல்லா எடுத்துள்ள சில நடவடிக்கைகள் அதிக கவன ஈர்ப்பைப் பெற்றுள்ளன.   

மல்வத்த மகாநாயக தேரரை சில தினங்களுக்கு முன்னர் அதாவுல்லா சந்தித்திருந்தார். இதன்போது, முஸ்லிம்கள் தற்போது எதிர்கொள்ளும் பிரச்சினைக்கான பின்னணி பற்றிய தனது கருத்தை அதாவுல்லா தெரியப்படுத்தியதோடு, ஞானசார தேரர் தொடர்பாகவும் மகாநாயக தேரரிடம் முறைப்பாடு செய்திருந்தார். இலங்கையிலுள்ள பௌத்த பீடங்களின் உச்ச தலைவர்களில் மல்வத்த மகாநாயக தேரரும் ஒருவர் என்பது குறிப்பிடத்தக்கது.   

இனப் பிரச்சினைகளினால் நமது தேசம் அடைந்த இழப்புகள் ஏராளமானவையாகும். எல்லா இன மக்களும் இனப் பிரச்சினையால் இழப்புகளைச் சந்தித்திருக்கின்றனர்.   

சிங்களவர்கள், தமிழர்கள், முஸ்லிம்கள், கிறிஸ்தவர்கள் என, அனைத்து இனத்தவர்களும் இனப்பிரச்சினையின் காரணமாகவும் அதனால் ஏற்பட்ட யுத்தத்தினாலும் தமது உயிர்களைப் பலி கொடுத்திருக்கின்றனர். பிரச்சினையோடு தொடர்பற்ற சமூகங்களும் இனப் பிரச்சினையின் காரணமாக இழப்புகளைச் சந்தித்திருக்கின்றன.   

அப்படியென்றால், இனப் பிரச்சினையை மீண்டும் ஏற்படுத்த வேண்டிய தேவை, இங்கு மீண்டும் ஏன் ஏற்பட்டுள்ளது? அது யாருக்குத் தேவையாக இருக்கிறது? அதனால் பயனடைந்து கொள்ளும் தரப்பு எதுவாக இருக்கும்? என்கிற கேள்விகள் இங்கு முக்கியமானவையாகும்.  

நாட்டில் தற்போது நடக்கும் ‘விவகாரங்கள்’ இயல்பானதாகவோ, எழுந்தமானதாகவோ நடைபெறுவதாகத் தெரியவில்லை. ஓர் ஆபத்தான இலக்கை அடைந்து கொள்ளும் அவசரத்தனமாக வெஞ்சினத்துடன், முஸ்லிம்களுக்கு எதிரான வெறுப்பு நடவடிக்கைகள் மேற்கொள்ளப்பட்டுக் கொண்டிருப்பதை அவதானிக்க முடிகிறது.  

இவ்வாறான சூழ்நிலைகளில் சமூக அக்கறையாளர்களும் ஊடகங்களும் மிகவும் பொறுப்புணர்வுடன் நடந்து கொள்ளுதல் அவசியமாகும். குறிப்பாக சிங்கள சமூகத்திலுள்ள அக்கறையாளர்கள் தற்போதைய சூழலில் பரவலாக உரத்துப் பேசுவதற்கு முன்வருதல் வேண்டும்.  

முஸ்லிம்களுக்கு ஆதரவாக சிங்கள மக்களின் தரப்பிலிருந்து அதிக குரல்கள் ஒலிக்கும் போது, வெறுப்பு நடவடிக்கைகளில் ஈடுபடுகின்றவர்கள் அடங்கிப்போகும் நிலை ஏற்படும். இன்னொருபுறம் சமூக ஊடகங்களில் இப்போது எவரும், எதையும் எழுதலாம் என்பது, எரிகின்ற நெருப்புக்கு எண்ணையூற்றுகின்ற நிலைமையை ஏற்படுத்தியுள்ளது.   

ஆயிரக் கணக்கான கிலோமீற்றர்களுக்கு அப்பாலுள்ள ஒரு நாட்டிலிருந்து கொண்டு, தமது சமூகத்துக்கு ஆதரவாகப் ‘பொங்குகின்ற’ ஒரு முட்டாளின் நிலைத்தகவலானது, இங்கு இரண்டு சமூகங்களுக்கிடையில் கலவரத்தை ஏற்படுத்தி விடவும் கூடும்.  

இன்னொருபுறம், இந்த விவகாரத்துக்கு முஸ்லிம் அரசியல்வாதிகளால் தீர்வைப் பெற்றுக் கொடுக்க முடியாது என்பதால், தற்போது ஏற்பட்டுள்ள பிரச்சினையை, சில முஸ்லிம் அரசியல்வாதிகள் தமக்குச் சாதகமாகத் திருப்பி விடுவதற்கு முயற்சிக்கின்றமையையும் அவதானிக்க முடிகிறது.  

 ‘முஸ்லிம் மக்கள் மீது மேற்கொள்ளப்பட்டுவரும் வெறுப்பு நடவடிக்கைகள் உடனடியாக முடிவுக்குக் கொண்டுவரப்படாது விட்டால், முஸ்லிம் இளைஞர்கள் பொறுமையிழந்து, வீதிக்கு இறங்கும் விபரீதம் ஏற்படும்’ என்று, அண்மையில் முஸ்லிம் பிரதியமைச்சர் ஒருவர் அறிக்கை விட்டிருந்தமையை ஊடகங்களில் காணக்கிடைத்தது.   

தனது இயலாமையை மறைப்பதற்கான பிரதியமைச்சரின் முயற்சிதான் இதுவாகும். தற்போது முஸ்லிம்களுக்கு எதிராக, நாட்டில் மேற்கொள்ளப்படும் வெறுப்பு நடவடிக்கைகளின் போது, முஸ்லிம் இளைஞர்கள் உணர்ச்சி வசப்பட்டு எதிர்வினையாற்றி விடாமல், நெறிப்படுத்த வேண்டிய தேவையுள்ளது. 

இவ்வாறானதொரு நிலையில், மேற்படி பிரதியமைச்சர் தனது அரசியலுக்காக இப்படிக் கூறியுள்ளமை புத்திசாலித்தனமல்ல.  

இனவெறுப்புப் பேச்சுகளையும் செயற்பாடுகளையும் கருணையின்றி அடக்க வேண்டும். இன வெறுப்பு நடவடிக்கையில் ஈடுபடுகின்றவர் எந்தச் சமூகத்தவர் என்று பார்க்கத் தேவையில்லை.   

ஆனால், ‘பௌத்த மதத் துறவிகள்’ எனும் அடையாளத்துடன், இனவெறுப்பு பிரசாரங்களில் ஈடுபட்டுக் கொண்டிருக்கும் சிலர் தொடர்பில், சட்டம் தன் கடமையைச் செய்யவில்லை என்பது ஆச்சரியமாக உள்ளது. பொலிஸார் பார்த்துக் கொண்டிருக்கும் போதே, இன வெறுப்பு நடவடிக்கைகளில் ஈடுபடுகின்றவர்கள், தமது கடமையை இனிதே நிறைவு செய்து கொள்கின்றனர். 

இதன்போதுதான், முஸ்லிம்களுக்கு எதிரான இனவெறுப்பு நடவடிக்கைகளுக்கு அரசாங்கமும் துணைபோகிறதா என்று, சாதாரண மக்களும் யோசிக்கத் தொடங்குகின்றனர்.  

முஸ்லிம்கள் மீது தற்போது ஏவி விடப்பட்டுள்ள நடவடிக்கைகளை, மத ரீதியான நல்லிணக்கமின்மையாக மட்டும் பார்க்க முடியாது. இதன் பின்னால், உள்நாட்டு மற்றும் சர்வதேச அரசியல் மறை கரங்கள் உள்ளன என்றும் குற்றம் சாட்டப்படுகிறது.  

முன்னாள் அமைச்சர் அதாவுல்லா, இதுபற்றி மிகப்பகிரங்கமாகவே பேசி வருகின்றார். அவை அனைத்தும் உண்மையாக இருக்குமாயின், தற்போதைய பிரச்சினையை முஸ்லிம்களுக்கு எதிரானதாக மட்டும் எடுத்துக் கொள்ள முடியாது. நமது தேசம் எதிர்கொள்ளவுள்ள பெரும் சிக்கலுக்கான அபாய மணிச்சத்தமாகவே இந்த வெறுப்புச் செயற்பாடுகளைக் காண முடிகிறது. 

http://www.tamilmirror.lk/சிறப்பு-கட்டுரைகள்/வெறுப்புச்-செயற்பாடுகளின்--அபாயமணிச்-சத்தம்/91-197193

Categories: merge-rss

தமிழ் மக்கள் எதிர்நோக்கும் சவால்கள் குறித்து சுவீடன் தூதுவரிடம் இரா சம்பந்தன் எடுத்துரைப்பு

ஊர்ப்புதினம் - Thu, 25/05/2017 - 22:18
தமிழ் மக்கள் எதிர்நோக்கும் சவால்கள் குறித்து சுவீடன் தூதுவரிடம் இரா சம்பந்தன் எடுத்துரைப்பு

sampanthan.png
வடக்கு கிழக்கில் தமிழ் மக்கள் எதிர்நோக்கும் சவால்களை, இலங்கை, இந்தியா, பூட்டான், மாலைதீவு மற்றும் நேபாளம் ஆகிய நாடுகளுக்கான சுவீடன் தூதுவரிடம் எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான  இரா.சம்பந்தன் எடுத்துரைத்துள்ளார்.

சுவீடன் தூதுவருக்கும் எதிர்க்கட்சித் தலைவருக்கும் இடையிலான சந்திப்பு  இன்றையதினம்  நாடாளுமன்ற கட்டட தொகுதியில் அமைந்துள்ள எதிர்க்கட்சித் தலைவரின் காரியாலயத்தில் இடம்பெற்றபோதே  அவர்  மேற்குறித்த விடயத்தை எடுத்துரைத்துள்ளார்.

மேலும் , நாட்டின் தற்போதைய அரசியல் நிலவரம் தொடர்பிலும் சுவீடன் தூதுவரிடம் இரா சம்பந்தன்  எடுத்துரைத்ததாக, எதிர்க்கட்சித் தலைவர் அலுவலகம் விடுத்துள்ள செய்திக் குறிப்பில் தெரிவிக்கப்பட்டுள்ளது

http://globaltamilnews.net/archives/27967

Categories: merge-rss, yarl-category

காங்கேசன்துறை பகுதியில் மீட்கப்பட்ட மோட்டார் சைக்கிள்கள் கடத்தப்பட்டவர்களின் உடையாதா ?

ஊர்ப்புதினம் - Thu, 25/05/2017 - 22:17
காங்கேசன்துறை பகுதியில் மீட்கப்பட்ட மோட்டார் சைக்கிள்கள் கடத்தப்பட்டவர்களின் உடையாதா ?

01-1-1.jpg

யாழ்.காங்கேசன்துறை பகுதியில் கடந்த 27 வருடங்களுக்கு பின்னர் அண்மையில் மீள் குடியேற அனுமதிக்கப்பட்ட பகுதியில் கிணறு ஒன்றில் இருந்து இரண்டு மோட்டார் சைக்கிள்கள் மீட்கப்பட்டு உள்ளன.

காங்கேசன்துறை துஃ235 கிராம சேவையாளர் பிரிவில் அண்மையில் மக்கள் மீள் குடியேற அனுமதிக்கப்பட்டனர். தற்போது அப்பகுதி மக்கள் தமது வீடுகள் காணிகளை துப்பரவு செய்யும் பணியில் ஈடுபட்டு வருகின்றனர். இந்த நிலையில் இன்றைய தினம் வியாழக்கிழமை அப்பகுதியில் உள்ள கிணறு ஒன்றினை துப்பரவு செய்து இறைத்த போது கிணற்றினுள் இருந்து இரண்டு மோட்டார் சைக்கிகள் கண்டு மீட்கப்பட்டன.

அதனை கேள்வியுற்ற அருகில் இருந்த இராணுவ முகாமை சேர்ந்த இராணுவத்தினர் அப்பகுதிக்கு உடனடியாக விரைந்து மோட்டார் சைக்கிளின் இலக்க தகடுகளை கழட்டி எடுத்து சென்றுள்ளனர்.

மீட்கப்பட்ட இரண்டு மோட்டார் சைக்கிள்களும் 2003 ஆண்டின் பிற்பகுதிகளில் சந்தைக்கு விற்பனைக்கு வந்த இந்திய தயாரிப்பு மோட்டார் சைக்கிள்களான ரி.வீ. எஸ். ரக மோட்டார் சைக்கிள் , மற்றும் பஷன் ப்ளஸ் ரக மோட்டார் சைக்கிள்கள் ஆகும்.
01-2-1.jpg
குறித்த பிரதேசம் 1990களுக்கு முன்னரே அப்பகுதியில் இருந்த மக்கள் வெளியேற்றப்பட்டு இலங்கை இராணுவத்தினரால் கையகப்படுத்தி உயர் பாதுகாப்பு வலயமாக அறிவிக்கப்பட்டு இருந்த பிரதேசமாகும். அந்த பகுதிக்குள் மக்கள் உட்செல்ல அனுமதி மறுக்கப்பட்ட பிரதேசமாகும். அவ்வாறான நிலையில் குறித்த இரு மோட்டார் சைக்கிளும் அப்பகுதி  கிணற்றினுள் எவ்வாறு போடப்பட்டன எனும் கேள்வி அப்பகுதி மக்கள் மத்தியில் எழுந்துள்ளன.

ஆகவே இவை இராணுவத்தினரால் கடத்தப்பட்டவர்களின் மோட்டார் சைக்கிள்களாக இருக்கலாம் எனும் சந்தேகம் வலுவாக எழுந்துள்ளது.

இதேவேளை குறித்த மோட்டார் சைக்கிள்கள் மீட்கப்பட்டவை தொடர்பில் காங்கேசன்துறை போலிஸ் நிலையத்தில் காணி உரிமையாளர் முறைப்பாடு செய்ய சென்ற போது அது தொடர்பில் முறைப்பாடு செய்ய தேவையில்லை என காணி உரிமையாளரை போலீசார் திருப்பி அனுப்பி உள்ளனர் எனவும் தெரிவிக்கப்படுகின்றது.

http://globaltamilnews.net/archives/27979

Categories: merge-rss, yarl-category

சட்டவிரோத விகாரைகள் தொடர்பில் நடவடிக்கை எடுப்போம் – வடக்கு முதல்வர் திட்டவட்டம்.

ஊர்ப்புதினம் - Thu, 25/05/2017 - 22:16
சட்டவிரோத விகாரைகள் தொடர்பில் நடவடிக்கை எடுப்போம் – வடக்கு முதல்வர் திட்டவட்டம்.

vikki-1.jpg
வடமாகாணத்தில் பௌத்தர்கள் வாழாத பிரதேசங்களில் பௌத்த விகாரைகள் சட்ட விரோதமான முறையில் அமைக்கப்பட்டு வருகின்றன. இவை உடனடியாக தடுத்து நிறுத்தப்பட வேண்டும். அவற்றால் இனங்களுக்கு இடையில் முரண்பாடுகள் வளரும் என வடமாகாண ஆளும் கட்சி உறுப்பினர் து.ரவிகரன் தெரிவித்துள்ளார்.

வடமாகாண சபையின் 93 ஆவது அமர்வு வியாழக்கிழமை நடைபெற்றது. அதன் போது எதிர்க்கட்சி தலைவர் சி.தவராசா நாவற்குழி பகுதியில் அமைக்கப்படும் விகாரை உரிய அனுமதிகள் பெறப்படாமல் கட்டப்படுவதாக அறிந்துள்ளேன். இது தொடர்பில் ஆராய்ந்து உரிய நடவடிக்கையை உள்ளூராட்சி அமைச்சர் எனும் வகையில் முதலமைச்சர் எடுக்க வேண்டும் என விசேட கவனயீர்ப்பு ஒன்றினை சபையில் முன் வைத்தார்.

அதற்கு பதிலளித்த முதலமைச்சர், நாவற்குழி விகாரை உரிய அனுமதி பெறப்பட்டா கட்டப்படுகின்றது என்பது தொடரில் நிச்சயம் ஆராய்வோம் எனவும் இதே போன்றே முல்லைத்தீவில் கொக்கிளாய் பகுதியில் விகாரை அமைக்கப்படுகின்றதென தெரிவித்தார்.

அதேவேளை இன்றைய தினம் (வியாழன்) தென்னிலங்கையில் இருந்து 300 பௌத்த பிக்குகள் நாவற்குழிக்கு வந்து பௌத்த சமய வழிப்பாட்டில் ஈடுபட உள்ளதாகவும் , எனக்கு எதிராக கறுப்பு கொடி போராட்டத்தை முன்னெடுக்க உள்ளதாகவும் அறிந்து கொண்டேன் எனவும் தெரிவித்தார்.

அதனை தொடர்ந்து கருத்து தெரிவித்த அவைத்தலைவர் , நாவற்குழி பாரம்பரியமாக தமிழ் மக்கள் வாழ்ந்த கிராமம். அங்கே புதிய சிங்கள கிராமம் ஒன்று தற்போது உருவாகி வருகின்றது. அது எமக்கு மிகுந்த கவலையை அளிக்கின்றது என தெரிவித்தார்.

http://globaltamilnews.net/archives/27989

Categories: merge-rss, yarl-category

செலவினங்களை கட்டுப்படுத்த வழிதேடுபவரா நீங்கள்?

வாழும்-புலம் - Thu, 25/05/2017 - 19:33
 
householdexpendituresmain-1180x520.jpg

 

 

செலவினங்களை கட்டுப்படுத்த வழிதேடுபவரா நீங்கள்?

ஒவ்வொரு நாளும் வெவ்வேறு விதமான செலவுகள் காரணமாக, வருமானத்தை சேமித்துக்கொள்ளமுடியாமல் உள்ளதே என திக்குமுக்காடிப் போயுள்ளவரா நீங்கள்?

வேகமாக நகரும் இன்றைய உலகில் நின்று, நிதானித்து எம்முடைய தேவைகளைக்கூட பூர்த்தி செய்துகொள்ள முடியாதவரா நீங்கள்?

எமது வளங்களை எத்தகைய வழிகளில் வினைத்திறனாக பயன்படுத்திக் கொள்ளலாம் என்பதனை மறந்துவிட்டு அதிகரிக்கும் வாழ்க்கை செலவினங்கள் மீதும், இதர விடயங்கள் மீதும் பழி சுமத்திக்கொண்டே நாட்களை நகர்த்திக்கொண்டு இருப்பவரா நீங்கள்

அப்படியாயின்,

நிச்சயமாக சுயநிதி முகாமைத்துவம் பற்றியும், அதன் பயன்தொடர்பிலும், அதனை ஏன் பின்பற்ற வேண்டும் என்பது தொடர்பிலும் அறிந்திருப்பது அவசியமாகிறது. இன்றைய தினத்தில் பலரது குறையாகவிருப்பது, வருமானத்திற்கு மேலாக செலவீனங்கள் இருக்கிறது என்பதே ஆகும். வருமானம் இதுதான் என முன்கூட்டியே தெரிந்துகொள்ளுகின்ற நாம், நமது சேமிப்புகள், முதலீடுகள், செலவுகள் என்பவற்றை முறையாக முகாமைத்துவம் செய்யாமல், தனியே எனக்கான வருமானம் போதாது என்று குறை கூறிக்கொண்டிருப்பதானது அர்த்தமற்ற செயல்பாடே ஆகும்.

சுயநிதி முகாமைத்துவம் என்றால் என்ன ?

download-701x468.jpg

நீங்கள் உழைக்கும் பணத்தினை விட, உங்களிடம் உள்ள நிகரபெறுமதியான (Net Worth) தொகையே உங்களது சேமிப்பாக அமையும். (usnews.com)

ஒவ்வொரு தனிநபரும் தனது வருமான மூலங்களை வினைத்திறன் வாய்ந்த முறையில் பயன்படுத்திகொள்வதன் மூலமாக, எதிர்காலத்துக்கான வளங்களை உருவாக்குவதோ அல்லது வருமானங்களை முதலீடாக மாற்றி மேலதிக வருமானத்தை பெற்றுக்கொள்வதையோ உறுதி செய்கின்ற முறைமையாகும். அப்படியாயின், எந்தந்த வழிமுறைகளின் ஊடாக அல்லது எவற்றை எல்லாம் கடைப்பிடிப்பதன் ஊடாக அல்லது எதனை அறிந்துகொள்வதன் மூலமாக சுயநிதியை வினைத்திறனாக பயன்படுத்திக்கொள்ள முடியும்.

வருமானம் வேறு, அதில் சேமிப்பு வேறு

சுயநிதி முகாமைத்துவத்தின் மிகப்பெரும் அடிப்படையே இதுதான். நீங்கள் உழைக்கும் பணத்தினை விட, உங்களிடம் உள்ள நிகரபெறுமதியான (Net Worth) தொகையே உங்களது சேமிப்பாக அமையும். ஒருவர் அதிகமாக வருமானம் உழைப்பதால் அவரை செல்வந்தராகவும், குறைவாக வருமானம் பெறுவதனால் ஏழையாகவும் நினைத்துகொள்வது தவறாகும். அவர்களது வருமானத்தில், செலவினங்கள் எப்படி உள்ளது என்பதனை பொறுத்தே ஒருவரது நிலையை தீர்மானிக்ககூடியதாக இருக்கும்.

சேமிப்பு இல்லாமல் முதலீடு இல்லை என்பதை உணர்க

முதலீட்டு எண்ணத்தை வளர்த்துக்கொள்ள முதல், அந்த முதலீட்டை உருவாக்கக்கூடிய சேமிப்பு பழக்கத்தை வளர்த்துக்கொள்வது அவசியமாகிறது. இந்த சேமிப்பு தன்மையில்லாமல், எந்த முதலீட்டையும் உருவாக்கிக்கொள்ள முடியாது.

கடனட்டைக்கு அடிமையாக வாழாதீர்கள்

transfer-a-credit-card-balance-iStockpho

சாதாரணமான ஒருவர் கடனட்டை பழக்கத்திற்கு அடிமையானபின்பு, இயல்பாகவே மாதாந்த குறைந்த கட்டணத்தை மாத்திரம் செலுத்தி, கடனை பிற்போடுகின்ற நிலையே காணப்படுகிறது. (creditcard.com)

இன்றைய நிலையில் மக்களால் வங்கிகளில் பெறப்படுகின்ற கடன்களுக்கு சமனாக, கடனட்டை மூலமான கடன்களின் அளவும் உள்ளது. சாதாரணமான ஒருவர் கடனட்டை பழக்கத்திற்கு அடிமையானபின்பு, இயல்பாகவே மாதாந்த குறைந்த கட்டணத்தை மாத்திரம் செலுத்தி, கடனை பிற்போடுகின்ற நிலையே காணப்படுகிறது. இது சாதாரண ஒருவர் கடனை மீள செலுத்தாமல் காவிச் செல்லும் நிலையையும், பணத்தினை சேமிக்க முடியாத நிலையையும் ஏற்படுத்தும். எனவே, கடனட்டை பயன்பாட்டை தவிர்த்தல் மிகநன்று, அல்லது வருமானத்துக்கு ஏற்ப, மாதசெலவினத்தை அடிப்படையாக கொண்டு கடனட்டையை பயன்படுத்துவது உசிதமானது.

செலவுகள் மீது கண்டிப்புடன் இருத்தல் அவசியம்

பணத்தினை சேமிக்க வேண்டும் என்கிற எண்ணம் மாத்திரமே போதுமானது அல்ல. மாறாக, செலவின கோலத்தை கட்டுப்படுத்தவும் தெரிந்திருக்க வேண்டும். ஒவ்வொரு மாதமும் ஊதாரித்தனமாக செலவு செய்வதை கட்டுப்படுத்திக் கொண்டாலே, மாத இறுதியில் ஏற்படும் இறுக்கநிலையும் குறையும். கூடவே, சேமிப்பும் உருவாகும்.

முறைமையை கையாளுதல்

கடந்தகாலத்தில், தான் மாதம்தோறும் செலுத்தவேண்டிய கட்டணங்களையும், செலவுகளையும் குறித்துவைத்துக்கொண்டு, குறித்த தினத்தில் அதனை செலுத்துவதற்கு பரபரத்துகொண்டிருக்கும் நிலையிருந்தது. ஆனால், தற்போதைய நிலையில், மாதம்தோறும் செலுத்தவேண்டிய நிலையான தொகையை வங்கிகளின் மூலமாக முன்னதாகவே முறைமைபடுத்திக்கொள்ள முடிகிறது. இது, வருமானத்தில் எவ்வளவு பணத்தினை செலவிடவேண்டும் என்பதனை முன்கூட்டியே திட்டமிட்டக் கூடியதாவும் இருக்கும்.

மிகப்பெரிய செலவுகளை அவதானமாக செய்தல்

ஆடம்பரத்துக்கும், அத்தியவசியத்திற்குமான வேறுபாடு சொல்லி தெரியவேண்டியதில்லை. ஆனால், வீடு வாங்குவதிலும், போக்குவரத்து சாதனங்கள் வாங்குவதிலும் நம்மவர்கள் ஆடம்பரத்துக்கும், அத்தியவசியத்துக்குமான இடைவெளியை மறந்து விடுவார்கள். இதன் காரணமாக, மிகப்பெரிய கடனை வாழ்நாள் முழுவதும் சுமந்து கொண்டு செல்பவர்களாகவே இருக்கிறார்கள்.

householdexpendituresmain-701x560.jpg

ஒவ்வொரு மனிதருக்கும், திட்டமிடாத செலவினங்கள் நிச்சயமாக இருக்கும். அவற்றினை கையாளக்கூடிய வகையில், திரவ பணத்தினை கொண்டிருத்தல் அவசியமாகும்.

அதாவது, மிகப்பெரிய செலவினங்களை செய்ய தயாராகும்போது, ஆடம்பரத்துக்கு அதிக முக்கியத்துவம் கொடுப்பதை பார்க்கிலும், அதன் அத்தியவசியத்தன்மையை உணர்ந்து கொள்ள வேண்டும். அதற்கு ஏற்ப செலவுகளை மேற்கொள்ளும்போது, எதிர்காலத்துக்கும் பயனுள்ளதாக அமையும்.

உடனடி செலவினங்களை கையாளுதல்

ஒவ்வொரு மனிதருக்கும், திட்டமிடாத செலவினங்கள் நிச்சயமாக இருக்கும். அவற்றினை கையாளக்கூடிய வகையில், திரவ பணத்தினை கொண்டிருத்தல் அவசியமாகும். திட்டமிட்ட செலவுகள் போக, எஞ்சிய அனைத்தையுமே சேமிப்பது என்பது முட்டாள்தனமே ஆகும். காரணம், எதிர்பாராத செலவுகளுக்கு எப்போதுமே நாம் தயாராக இருத்தல் அவசியமாகிறது. எனவே, எப்போது? எவ்வளவு? சேமிப்பது என்பது தொடர்பில் அவதானமாக இருத்தல் அவசியமாகிறது.

வருடம்தோறும் பழக்கத்தினை மாற்றல்

எப்படி ஒரு கெட்ட பழக்கத்தை உடனடியாக கைவிட முடியாமல், சிறிது சிறிதாக கைவிடுவதாக முடிவு செய்கின்றோமோ அதுபோல, எந்தவொரு சேமிப்பு மற்றும் முதலீட்டையும் உடனடியாகவே மிகப்பெரிய அளவில் செய்வதென்பதும் கடினமானதாகும். எனவே, சிறிது சிறிதாக அதிலும் மாற்றத்தை கொண்டு வருதல் அவசியம். இந்த வருடத்தில் இந்தளவு தொகையை சேமிப்பதாகவோ அல்லது முதலிடுவதாகவோ முடிவு செய்திருப்பின், அடுத்துவரும் காலங்களில் அதைவிட அதிகமாக முதலீடு செய்ய பழகிக்கொள்ள வேண்டும்.

அருகிலிருப்பவர்களுக்கும் கற்றுகொடுத்தல்

தனியாக நீங்கள் மட்டும் சுய முகாமைத்துவத்தை கடைப்பிடிப்பதன் மூலமாக,  உங்கள் நிதியை வளமாகப் பயன்படுத்திக்கொள்ள முடியாது. மாறாக, உங்கள் அருகிலிருக்கும் குடும்ப அங்கத்தவர்கள் மற்றும் நண்பர்கள் மத்தியிலும் இந்த பழக்கத்தை கற்றுகொடுக்க முயற்சியுங்கள். அப்போதுதான், மிகச்சிறந்த முறையில் நிதியைக் கையாளக்கூடியதாக அமையும்.

பொருத்தமானவர்களிடம் ஆலோசனை கேட்பதில் தவறில்லை

நம் சமூகத்தை பொறுத்தவரை, நமது சொத்துக்கள் தொடர்பிலோ,வருமானம் தொடர்பிலோ அடுத்தவருக்கு தெரிந்துவிடக் கூடாது என்கிற எண்ணத்தை கொண்டவர்களாகவே இருக்கிறோம். இதனால்தான், பல சந்தர்ப்பங்களில் பொருத்தமான ஆலோசனைகளை பெறத்தவறிவிட்டு, வருமானம் உழைக்கும் வழிகளையும், மூலதனங்களையும் இழந்து நிற்போம். எனவே, பொருத்தமானவர்களிடம் தேவையான தகவல்களை வழங்கி ஆலோசனைகளை பெறுவதில் தவறில்லை. இது உங்கள் செல்வத்தை மேலும் பெருக்குவதாகவே அமையுமே தவிர, பாதிப்படையச் செய்யாது.

தற்போதைய நிலை என்ன என்பதனை உணர்தல்

188210-636167159883190922-16x9-701x394.j

நமது தற்போதைய நிலை என்ன? நமது சேமிப்பு மற்றும் செலவின சக்தி என்ன? பலம், பலவீனம் என்ன? என்பது தொடர்பில் ஆராய்வது அவசியமாகிறது. (cdn.lynda.com)

சுயநிதி முகாமைத்துவ செயல்பாட்டில் ஈடுபட முதலோ அல்லது அதனை நடைமுறைப்படுத்த ஆரம்பிக்க முதலோ, நாம் என்ன நிலையில் இருக்கிறோம் என்பதனை அறிந்துகொள்வது அவசியமாகிறது. காரணம், நமது தற்போதைய நிலை என்ன என்பதனை அறியாமல் எதிர்காலத்தை திட்டமிடுவதுபோல முட்டாள்தனம் வேறெதுவுமில்லை. எனவே, நமது தற்போதைய நிலை என்ன? நமது சேமிப்பு மற்றும் செலவின சக்தி என்ன? பலம், பலவீனம் என்ன? என்பது தொடர்பில் ஆராய்வது அவசியமாகிறது.

வரிகள் தொடர்பில் அறிந்து வைத்திருத்தல்

கடந்தகாலங்களில் இலங்கையில் தனிநபர் வருமானம் சார்ந்த வரிகளில் இறுக்கமான நடைமுறைகள் இருந்ததில்லை. ஆனால், தற்போதய  அரசாங்கம் தனிநபர்களிடமிருந்து எவ்வாறு வருமானத்துக்கு ஏற்ற வரிகளை அறவிடலாம் என்பது தொடர்பில் கவனம் செலுத்தி வருகிறது. இது எதிர்காலத்தில் நிச்சயம் வருமான வரிகளில் இறுக்கமான நடைமுறை கடைப்பிடிக்கப்படப் போகின்றதென்பதை உறுதி செய்வதாக அமைந்துள்ளது. எனவே, ஒவ்வொரு தனிநபரும் தனது வருமான மூலங்களை முதலீட்டு நடைமுறைகளுக்கு பயன்படுத்தும்போது, எவ்வாறு வரி வினைத்திறன் தன்மையை கையாள முடியும் என்பதனை அறிந்திருத்தல் அவசியமாகிறது. இல்லாவிடின், தேவையற்றவகையில் வீணாக நிறைய வரியினை செலுத்துகின்ற நிலை உருவாகக்கூடும்.

மேலேகூறிய வழிமுறைகள் அனைத்துமே, தற்சமயம் உழைக்கும் வருமானத்தை மிக சிறப்பாக பயன்படுத்தி மேலதிகமாக எதிர்காலத்தில் எத்தகைய நலன்களை பெறலாம் என்பதனையே தெளிவுபடுத்துகின்றன. இதன் மூலமாக, உழைக்கும் வருமானத்தை வினைத்திறனாக பயன்படுத்தி மேலதிக பணத்தினை உழைக்க கூடியதாக இருக்கும்.உண்மையில், ஒவ்வரு தனிநபருக்குமே இயலுமை காலம் என்கிற ஒன்று கட்டாயமாக இருக்கும். அதற்குள் முடிந்தவரை உழைத்துவிட வேண்டும் எனவும், தனக்கும் எதிர்கால சந்ததிக்கும் தேவையானவற்றை சேர்த்துவிட வேண்டும் என்கிற சுமையும் நிச்சயமாக இருக்கும். ஆனால், ஒவ்வொருவருமே தமக்கான சுயநிதி முகாமைத்துவத்தை சரியாக பின்பற்றும் போதுதான், மனதிலே ஓய்வுகால பயம் என்பதனை தாண்டிய, நிதி சுதந்திரம் கண்டிப்பாக இருக்கும்.

 

https://roar.media/tamil/tech/income-saving/

Categories: merge-rss

முதலமைச்சர் விக்னேஸ்வரனின் பேட்டியிலிருந்து

அரசியல்-அலசல் - Thu, 25/05/2017 - 19:30

இன்றைய வலைத்தளத்தில் வடமாகான முதலமைச்சர் திரு விக்னேஸ்வரன் அவர்களின் பேட்டியை பார்த்தேன். அந்த பேட்டியில் முதலமைச்சர் என்ன கூறுகின்றார் என்று பார்ப்போம் முதலாவதாக வடக்கு கிழக்கு தமிழர்கள் தொடர்பாக இந்தியாவின் கொள்கையில் ஏதாவது மாற்றம் இருக்குமென தான் நினைக்கவில்லை என்கிறார் அத்துடன் இரண்டாவதாக பெரியண்ணனாக இந்தியா விளங்கவேண்டும் என தமிழர்கள் விரும்புகின்றனர் என கூறுகின்றார். அவர் கூறிய இரண்டு விடயங்கள் குறித்து உங்களுக்கு எழுதலாமென நிணைக்கிறேன்.

 முதலமைச்சரின் பேட்டிக்கு வருவோம் அவர் முதலில் என்ன கூறுகின்றார் தமிழர்கள் தொடர்பாக இந்தியாவின் கொள்கையில் ஏதாவது மாற்றம் இருக்குமென நினைக்கவில்லை என்கிறார். ஐயா முதலமைச்சரே தமிழர்கள் தொடர்பான இந்தியாவின் கொள்கை என்னவெண்று சற்று விளக்கிவீர்களா? இந்த கொள்கையைத்தான் நானும் பலகாலமாக பலரிடம் கேட்டுக்கொண்டிருக்கின்றேன் அனால் யாரும் இதுவரை கூறவில்லை. இந்தியாவிடம் கொள்கையிருந்தால்தான் ஐயா கொள்கை மாறுவதற்கு. ஐயா முதலமைச்சரே  இந்தியாவின் கொள்கை தமிழர்களைவைத்து தங்கள் வியாபாரத்தை பெருக்குவதுதான் அதைத்தவிர வேறொன்றுமில்லை.

இரண்டாவதாக இந்தியாவை பெரியண்ணா என்கிறார் அப்படியானால் சின்னண்ணா  யார் இலங்கை அரசாங்கமா?, முதலில்  தமிழர்கள் ஒன்றை புரிந்துகொள்ள வேண்டும் இந்தியா எங்களுடைய பெரியண்ணாவும் இல்லை தொப்புள்கொடியுறவும் இல்லை தமிழ்நாட்டு மக்களைத்தான் எங்கள் தொப்புள்கொடியுறவென்று கூறமுடியும். இந்தியா   பொருளாதாரத்தில் முன்னேறுகின்ற ஒரு பெரிய நாடு அவ்வளவுதான். இந்தியாவை கையால்வதில் தமிழர்தரப்பு தோல்வியடைந்து விட்டதென்றுதான் சொல்லவேண்டும், இந்தியா நிழழைப்போன்றது அதாவது நாங்கள் நிழழை நோக்கிசென்றால் நிழல் எங்களை விட்டு விலகிச்செல்லும் அதே நேரதில் நாங்கள் நிழழை விட்டு விலகிச்சென்றால் நிழல் எங்களை நோக்கிவரும் இப்படித்தான் இந்தியாவும். இதனடிப்படையில் தமிழர்தரப்பு இந்தியாவோடுமட்டும் உறவை பேனாமல் சீனாவோடும் உறவை பேனவேண்டும். இதன் மூலம் தமிழர்தரப்பு தங்களை விட்டு விலகுகின்றதோ என இந்தியாவை நினைக்கவைக்கமுடியும். இதனால் தமிழர்தரப்புக்கு நிறைய நன்மைகள் ஏற்படுவதற்கு வாய்ப்புண்டு என நான் திடமாக நம்புகின்றேன்.  அதைவிட்டுவிட்டு பெரியண்ணா முறை சொல்லி அழைப்பதும் இந்தியா இல்லாவிட்டால் பிரச்சினையை தீக்கமுடியாது என்று கூறுவதன் மூலம் நாங்கள் இந்தியாவின் அடிமைகளாக இருக்கிறோம் என்ற செய்தியை இந்தியாவுக்கு அனுப்புகின்றோம் இதன் மூலம் தமிழர்களின் பிரச்சினை இன்னும் 100 வருடங்கள் சென்றாலும் தீரப்போவதில்லை என்பதுதான் உண்மை,   

இந்தியா பக்கத்திலுள்ள பெரிய நாடு ஆனபடியால் இந்தியாவுடன் அனுசரித்து செல்ல வேண்டுமென்கிறார்கள். உங்களுக்கு 1971ம் ஆண்டை ஞாபகப்படுத்த விரும்புகின்றேன்  பங்களாதேஷ் பாகிஸ்தானிலிருந்து பிரிவதற்கு சுதந்திரபிரகடணம் செய்கின்றது அப்பொழுது பாகிஸ்தானை சீனா ஆதரிக்கின்றது இந்தியாவை ரஸ்சியா ஆதரிக்கின்றது இக்கட்டத்தில் சீனா பாகிஸ்தானுக்கு சார்பாக தலையிடலாம் என்ற நிலை வந்த பொழுது ரஸ்சியா தனது துருப்புக்களை சீனா எல்லைக்கு  நகர்த்தியதன் மூலம் சீனாவை அமைதிகாக்கவைத்தது. அத்துடன் இன்னொரு உதாரணம் முன்னையகாலத்தில் குதிரை, யாணை, ஈட்டி, அம்பு கொண்டு போராடியபொழுது உதவிக்கு பக்கத்தில் உள்ள நாடுகளை நம்பியிருந்தார்கள் ஆனால் இன்று தொழில் நுட்பம் முன்னேறிய காலதில் நிலைமை வேறு உதாரணமாக தென் கொரியாவின் நண்பனான அமெரிக்கா எவ்வளவு தூரத்திலிருந்து வந்து தென் கொரியாவுக்கு பாதுகாப்பு கொடுக்கின்றார்கள். இதே போல் எத்தணையோ உதாரணங்களை கூறமுடியும்.

இதிலிருந்து என்ன தெரிவதென்றால் பெரிய நாடு சிறிய நாடு என்பதில் ஒன்றுமில்லை ஆனால் எப்படி நாங்கள் காய்களை நகர்த்துகின்றோமென்பதில்தான் வெற்றி தோல்வி நிச்சயிக்கப்படுகின்றது என்பதுதான் உண்மை.. அரசியல்வாதிகள் இந்தியாவை விட்டு வேறு நாடுகளுடன் தொடர்பை பேனுவதற்கு பின் நிற்பதன் காரணம் அவர்களின் சோபேறித்தனமும் ஊக்கமின்மையும்தான்.

முதலில் தமிழர்களாகிய நாம் ஒரு திடமான முடிவை எடுக்கவேண்டும். அதாவது சிங்களவர்கள் சொல்வதையெல்லாம்  கேட்டு அவர்களோடு சேர்ந்து வாழ்வதா அல்லது தமிழர்களின் உரிமைகளை வென்றெடுப்பதற்காக பாடுபடுவதா என்பதுதான். இந்த இரண்டு தெரிவில் ஏதாவது ஒன்றை  தவிர இரண்டுக்கும் நடுவே நிற்கமுடியாது. ஆனால் அரசியல்வாதிகள் மூன்றாவதாக கூறிய வகையை சேர்ந்தவர்கள் அதாவது சிங்களவர்களுடன் சேர்ந்து வாழவும் விரும்பமாட்டார்கள் அத்துடன் தமிழர் உரிமைக்கு போராடவுமாட்டார்கள் ஏதோ சாக்குபோக்கு சொல்லி பதவியை தக்கவைத்துக்கொண்டு காலத்தை கடத்துவதுவார்கள்.

Categories: merge-rss

60 வயது கோடீஸ்வரரின் வெளிப்படை.

ஊர்ப்புதினம் - Thu, 25/05/2017 - 19:23

60 வயது கோடீஸ்வரரின் வெளிப்படை.

dc76_Gz_Gzi.gif

ஒவொரு மனிதரும் ஒருவகை. இவரோ இப்படி ஒரு வகை.

கொழும்பு பொரளை போலீசாருக்கு வந்த ஒரு பெண், தனக்கும், தனது ஒன்றரை வயது பிள்ளைக்கும், வயித்தில் வளரும் பிள்ளைக்கும், பிள்ளைகளின் அப்பாவான 60 வயது கோடீஸ்வர வியாபாரியிடம் இருந்து  ஜீவனாம்சம் வாங்கி தருமாறு முறைப்பாடு செய்தார்.

கோடீஸ்வரரை, உனது மனைவி இங்கே முறைபாடுடன் வந்து இருக்கிறா, விசாரணைக்கு வாருங்கள் என போலீசார் அழைக்க, 

'மனைவியா.... டுபுக்கு... அது நம்ம 4வது வைப்பு. கொஞ்சம் இருங்கோ நேர்ல வாறேன்.. என்று ஒரு பெரிய பஸ்சில் அப்படியே இன்னும் 5 பெண்களையும், மொத்தமாக ஏழு பிள்ளைகளையும் கொண்டு வந்து இறங்கி, வரிசை கட்டி... நல்லா பாத்துக்க கொள்ளுங்கோ, இன்ஸ்பெக்டர் அய்யா... 'இது மூத்தது... சட்டப்படி மனைவி'.

ரொம்ப வாய், துரத்தி விட்டேன்.

மத்தது எல்லாம் வைப்புகள். முறைப்பாடு தந்தவோ, நாலாவது. இதுவும், ஐந்தாவதும் கர்ப்பிணிகள்.

நாம இப்ப மூணாவதோட வாழுறேன். அதுக்கும் குழந்தை கிடைக்கும் நிலைமை என்றா.... மத்தது கூட போய் இருப்பேன். ஏழாவது ஒன்றும் சிக்குது... பார்க்கலாம்...

எல்லாத்தையுமே பார்க்கிறேன். என்ன... நம்ம வைப்புகளும்... பிள்ளைகளும் தானே... நான் பார்க்காம யாரு பார்க்கிறது... கழுதைங்க..

இவ.. என்ன... ரொம்ப வாய் காட்டினா.... கொஞ்சம் அடங்கட்டும் என்று பணம் கொடுக்க வில்லை... அம்புட்டுதான்.

வாம்மா... செல்லம் போலாம், இதுக்கெல்லாம் போயி, இன்ஸ்பெக்டர் அய்யாவிடம், முறைப்பாடு சொல்லுவியா, ஐயோ, ஐயோ... என்று கூட்டிக்கிட்டு போய் விட்டார். 

கோடீஸ்வரரின், வெகு வெளிப்படையான பேச்சினால் மயங்கி விழுந்த பொரளை போலீஸ் இன்ஸ்பெக்டர் அய்யா இன்னும் எழும்பவில்லை. அவர் சட்டத்தினை மீறவில்லை.

அம்புட்டு வைப்புகளும், அவரது கொம்பனில வேலை செய்ய வந்தவையள்....

கொழும்பு ஆங்கில பத்திரிகையில் வந்த இந்த செய்திக்கு, பின்னூட்டங்களில்....

** ஆளை பிடித்து, வண்டில் மாட்டுக்கு செய்வது போல செய்து விடுங்கள், இல்லாவிடில், நாட்டினையே நாசம் பண்ணி முடித்து விடுவார்...

** படுபாவிக்கு, ஆணுறை பாவிக்கத் தெரியாவிட்டாலும், வைப்புகளுக்காவது மாத்திரைகளை வாங்கி கொடுங்கோ...

Categories: merge-rss, yarl-category

விக்னேஸ்வரனைக் கைதுசெய்தால்தான் ஞானசாரதேரர் சரணடைவார்!

ஊர்ப்புதினம் - Thu, 25/05/2017 - 19:05
விக்னேஸ்வரனைக் கைதுசெய்தால்தான் ஞானசாரதேரர் சரணடைவார்!
விக்னேஸ்வரனைக் கைதுசெய்தால்தான் ஞானசாரதேரர் சரணடைவார்!
 

வடக்கு மாகாண முதலமைச்சர் சி.வி.விக்னேஸ்வரன், வடக்கு மாகாணசபை உறுப்பினர் எம்.கே.சிவாஜிலிங்கம் ஆகியோரைக் கைதுசெய்யவேண்டுமென பொதுபலசேனா அமைப்பு கோரிக்கைவிடுத்துள்ளது.

ஞானசார தேரரைக் கைதுசெய்யும் தேடுதல் நடவடிக்கையில் காவல்துறையினர் ஈடுபட்டுவரும் நிலையில், ஊடகங்களுக்குக் கருத்துத் தெரிவித்த மாகல்கந்தே சுகந்ததேரர் இக்கோரிக்கையை விடுத்துள்ளார்.

ஞானசார தேரரைக் கைதுசெய்யுமுன்னர் வடக்கு மாகாண முதலமைச்சர் மற்றும் மாகாணசபை உறுப்பினர் சிவாஜிலிங்கம் ஆகியோரைக் கைதுசெய்யவேண்டும். அத்துடன் முஸ்லிம் காங்கிரஸ் தலைவர் ரவூம் ஹக்கீம் மற்றும் றிசாட் பதியுதீன் ஆகியோரையும் கைது செய்;தால்தான் ஞானசார தேரர் சிறிலங்கா காவல்துறையினரிடம் சரணடைபார் எனத் தெரிவித்தார்.

http://thuliyam.com/?p=68777

Categories: merge-rss, yarl-category

சக்தி டிவி செய்திகள் 25th May 2017, 8PM

ஊர்ப்புதினம் - Thu, 25/05/2017 - 17:55

 

சக்தி டிவி செய்திகள் 25th May 2017, 8PM

Categories: merge-rss, yarl-category

புலந்த்சாஹர் நெடுஞ்சாலையில் பயங்கரம்: 4 பெண்கள் பலாத்காரம்; தட்டிக்கேட்ட உறவினர் கொலை- 6 பேருக்கு போலீஸ் வலை

 
பாதிக்கப்பட்டவர்கள் சென்ற கார்
பாதிக்கப்பட்டவர்கள் சென்ற கார்
 
 

உத்தரப் பிரதேச மாநிலம் புலந்த்சாஹரில் தேசிய நெடுஞ்சாலையில் சென்ற காரை வழிமறித்து அதிலிருந்த 4 பெண்களை 6 பேர் கொண்ட கும்பல் பாலியல் பலாத்காரம் செய்தது.

மேலும் இதைத் தடுக்க முயன்ற அக்குடும்பத்தைச் சேர்ந்த ஆண் ஒருவரை அக்கும்பல் படுகொலை செய்தது. பின்னர் அவர்களிடம் இருந்து நகை, பணம் உள்ளிட்ட பொருட்களைத் திருடிவிட்டு அக்கும்பல் தப்பிச் சென்றுள்ளது. பலாத்காரம் செய்யப்பட்ட பெண்கள் 4 பேர் நொய்டா மருத்துவமனையில் மருத்துவ பரிசோதனைக்காக அனுமதிக்கப்பட்டுள்ளனர்.

இச்சம்பவம் குறித்து தகவலறிந்த போலீஸார் சம்பவ இடத்துக்கு விரைந்தனர். உள்ளூர் எம்.எல்.ஏ.வும் சம்பவ இடத்துக்கு நேரில் சென்று பார்வையிட்டார். பின்னர் மருத்துவமனையில் பாதிக்கப்பட்ட பெண்களை நேரில் சென்று சந்தித்து ஆறுதல் கூறினார்.

எம்.எல்.ஏ., தீரேந்திர சிங், "ஜேவாரில் இருந்து புலந்த்சாஹர் நோக்கி ஒரு குடும்பத்தினர் காரில் சென்றனர். வியாழக்கிழமை அதிகாலை 1.30 மணியளவில் புலந்த்சாஹர் தேசிய நெடுஞ்சாலையில் அவர்களது வாகனம் வந்தபோது அவர்களது வாகனம் திடீரென நின்றது. அப்போது அவர்கள் வாகனத்தை 6 பேர் கொண்ட கும்பல் சூழ்ந்துகொண்டது. வாகனத்தில் இருந்தவர்களை அக்கும்பல் கீழே இறக்கியுள்ளது. 50 வயது பெண் உள்பட 4 பெண்களை அவர்கள் பலாத்காரம் செய்துள்ளனர். இதைத் தடுக்க முயன்ற நபரை துப்பாக்கியால் சுட்டுக் கொலை செய்துள்ளனர். பின்னர், அவர்களிடமிருந்த நகை, பணத்தையும் கொள்ளையடித்துள்ளனர். அங்கிருந்து தப்பிச் சென்ற அக்கும்பலை கைது செய்ய போலீஸ் தனிப்படை அமைத்துள்ளது" என்றார்.

காவல்துறை உறுதி:

"இந்த கொடூரச் சம்பவத்தில் ஈடுபட்ட குற்றவாளிகள் நிச்சயம் பிடிபடுவார்கள். அவர்களைப் பிடிக்க தனிப்படை அமைக்கப்பட்டுள்ளது. கொள்ளையர்களால் கொலை செய்யப்பட்ட நபரின் உடல் பிரேத பரிசோதனைக்கு அனுப்பிவைக்கப்பட்டுள்ளது" என்று காவல்துறை உயரதிகாரி லவ் குமார் தெரிவித்தார்.

2016 சம்பவத்தைப் போலவே..

கடந்த 2016-ம் ஆண்டு உத்தரப் பிரதேச மாநிலம் நொய்டாவைச் சேர்ந்த குடும்பத்தினர் தங்களது உறவினரின் துக்க நிகழ்ச்சியில் பங்கேற்பதற்காக ஷாஜஹான்பூருக்கு காரில் சென்றனர். அப்போது நள்ளிரவு நேரத்தில் டெல்லி கான்பூர் நெடுஞ்சாலையில் புலந்த்சாஹர் என்ற இடத்தில் அவர்களது காரை கொள்ளை கும்பல் வழிமறித்தது.

பின்னர் காரில் இருந்த இரு ஆண்களை கயிற்றால் கட்டிவிட்டு, தாயையும் (35) அவரது 14 வயது மகளையும் ஆள் இல்லாத பகுதிக்கு இழுத்துச் சென்று கூட்டு பாலியல் பலாத்காரம் செய்தது.

தற்போது மீண்டும் அதேபோல் ஒரு சம்பவம் நடந்துள்ளது.

http://tamil.thehindu.com/india/புலந்த்சாஹர்-நெடுஞ்சாலையில்-பயங்கரம்-4-பெண்கள்-பலாத்

Categories: merge-rss, yarl-world-news