merge-rss

அண்டை வீட்டு நல்லவன்!

கதை கதையாம் - Tue, 17/10/2017 - 07:01
அண்டை வீட்டு நல்லவன்! - சிறுகதை

எழில்வரதன் - ஓவியம்: ரமணன்

 

சையாம பல மணி நேரமா காம்பவுண்டு சுவத்துக்கு முட்டுக்கொடுத்து உக்காந்திருக்காரே... அவர் பேரு111.jpg பார்த்தசாரதி. இப்ப யார்கிட்டயும் பேச மாட்டார். அவருக்கு பொண்டாட்டியோட சண்டை. ரெண்டு நாளா வயிறும் சரியில்லை; வாழ்க்கையும் சரியில்லை. அதனால, ஒருத்தர்கிட்டயும் பேசக் கூடாதுங்கற வைராக்கியம் அவருக்கு.

அவரைப் பார்க்க ரொம்ப நாள் கழிச்சு ஒரு ஃப்ரெண்டு வந்தாங்க. பேரு அமுதவள்ளி. பார்த்தசாரதியோட அந்தக் காலத்து டாவு. அவங்களுக்கு இப்ப ரெண்டு குழந்தைங்க. பார்த்தசாரதிகிட்ட, `கல்யாண வாழ்க்கை எப்படிடா போயிட்டிருக்கு?’னு கேட்டாங்க. பார்த்தசாரதிக்குக் கல்யாணம் முடிஞ்சி, ஆறு மாசம்தான் ஆச்சு. தாம்பத்ய வாழ்க்கையில பயங்கரத் தகராறு; டப்பா டான்ஸ் ஆடுது. ஆனா, சோத்துக்கு உப்புப் போட்டுத் திங்கறவன், பொண்டாட்டி சரியில்லைனு அடுத்தவன் பொண்டாட்டிகிட்ட புகார் பண்ண மாட்டான். பண்ணினா அது அசிங்கம். அதுவுமில்லாம, பேசக் கூடாதுங்கற வைராக்கியம். ஆனா, காலங்காத்தால இயற்கை உபாதை முட்டிட்டு நிக்குமே... அப்படி துக்கம் தொண்டைக்குழியில பீறிட்டு நிக்குது. அழாம இருக்க முடியாது. பார்த்தசாரதி வெடிச்சிட்டாரு. `ஓ...’னு ஒரே அழுகை.

p326a.jpg

“டேய், என்னாச்சுடா? வீட்ல ஏதாவது பிரச்னையா?” ஃப்ரெண்டு கேட்டாங்க.

“எனக்கு வீடே பிரச்னைதாண்டி. மூக்குல மொளகாப்பொடி தூவிக்கிட்டு, `ஹச்சு... ஹச்சு’னு தும்மிக்கிட்டே, ஒன்பதாயிரம் ஓட்டை இருக்கிற முண்டா பனியனைப் போட்டுக்க நீ ட்ரை பண்ணியிருக்கியா?”
``டேய்... லூசு... உன்னோட முண்டா பனியனை நான் எதுக்குடா போட்டுக்கணும்?”

“ஒரு பேச்சுக்குச் சொல்றேன்... தும்மிக்கிட்டு ஓட்டை பனியனைப் போட்டுக்கறது எவ்ளோ பெரிய கஷ்டம். எதுல கை விடறது, எதுல தலை விடறது, மிச்சமிருக்கிற ஆயிரம் ஓட்டையில எத விடறதுனு ஒரே குழப்பமா இருக்குமில்ல... அப்படி இருக்குடி என் பொண்டாட்டியோட குடும்பம் நடத்துறது”

“அப்படி என்னடா பிரச்னை?”

பார்த்தசாரதி மானஸ்தன். அந்தக் கால டாவாக இருந்தாலும் பொண்டாட்டி பத்தி வாயைத் தொறக்க மாட்டாரு. ஆனா, மூக்குல வந்த கொப்பளத்தை எத்தனை நாளைக்கு மறைக்கறது... வலி உசிர் போகுதுல்ல?
``பொண்டாட்டிங்கற பேருல முள்ளம்பன்றியைக் கையில குடுத்துட்டாங்க. பார்க்கிறவன்லாம் கேக்கறான்... `என்னாச்சி பார்த்து? பிசாசுகிட்ட அறை வாங்கின பிச்சைக்காரன் மாதிரி சுத்துறே... என்ன மேட்டர்?’னு. எல்லாருக்கும் தெரிஞ்சிபோச்சு, பார்த்தசாரதி பனியன்ல ஆயிரத்தெட்டு ஓட்டைன்னு.’’

பார்த்தசாரதி புலம்பறாரு. அதுகூடப் பரவாயில்லை. `` `ஒண்ணு உன் பனியன மாத்து... இல்ல பொண்டாட்டிய மாத்து. ஏன் இப்படி சீரியல் பார்க்குற நேரத்துல வந்து என்கிட்ட பொலம்பறே?’னு கடுப்படிச்சிட்டா சுப்புலட்சுமி.’’

``யாருடா அந்த சுப்புலட்சுமி?’’ - அமுதவள்ளி கேட்டாங்க.

``ஏய்... நீ இன்னும் கிளம்பலையாடி?”

“அடப்பாவி... முத்திப்போச்சா உனக்கு? நீ பாட்டுக்கு தனியா புலம்பறே?’’

பார்த்தசாரதிக்கு முத்தித்தாங்க போச்சு. இல்லைன்னா, சீரியல் பார்க்குற சுப்புலட்சுமிகிட்ட சொந்தக் கதையைச் சொல்லி அசிங்கப்பட்டு நிப்பாரா? ஆயிரம் ஓட்டைகள் உள்ள பார்த்தசாரதி பனியனைப் பத்தி ஊருக்குள்ள கசிய விட்டதே சுப்புலட்சுமிதான்.

பார்த்தசாரதிக்கும் அவர் பொண்டாட்டிக்கும் அப்படி என்னதான் பிரச்னை? இந்தக் கேள்விக்கு விடை தெரிஞ்சிட்டா, ராஜ்யத்துல பாதி எழுதிவெச்சு, ராஜ்யத்தோட இளவரசியைக் கல்யாணமே பண்ணிக்கலாம். அது ஒரு விடை தெரியாத சண்டை. நேத்துல இருந்து புதுசா ஒரு சண்டை. புருஷனைப் பார்த்தா சிரிக்காம, பேசாம, மொகத்தைத் திருப்பிக்கிட்டுப் போற சண்டை.

`அட கூறுகெட்ட புருஷா... இதுதான் என் பிரச்னை. அதை சரி பண்ணு’னு சொன்னா ஏதாவது செய்யலாம். பார்த்தசாரதியும், `உனக்கு என்னதாண்டி பிரச்னை?’னு நேரடியா கேட்டும் பார்த்தாச்சு. சிக்கன் சாப்பிடற நேரத்துல செத்த எலி ஞாபகத்துக்கு வந்தா ஒரு மாதிரி மூஞ்சியை வெச்சிப்பாங்கல்ல... அந்தம்மா அப்படி வெச்சிக்குது. மனுசன் என்னதான் பண்ணுவாரு. உடம்புல பிரச்னைன்னா வாய்விட்டுச் சொல்லலாம்... வாயே பிரச்னைன்னா?

பார்த்தசாரதி பஞ்சாயத்தெல்லாம் வெக்கறதில்லை. புருஷன் பொண்டாட்டிக் குள்ள சண்டைன்னதும், அமெரிக்காக்காரன் மாதிரி, அவசியமில்லாம வெடிகுண்டெல்லாம் தூக்கிட்டு வந்து, சண்டையைப் பெரிசு பண்ணி, சொந்த நாட்டுக்கு சூனியம் வெப்பாங்க. சப்பணங்கால் போட்டு, வந்த நாட்டுல சுரண்ட ஆரம்பிப்பாங்க. பாரந்தூர் பரமேசுக்கு அப்படி நடந்திருக்கு. பஞ்சாயத் துங்குற பேர்ல புருஷன் பொண்டாட்டிக்கு நடுவுல வந்து, ஒருத்தி பாய்விரிச்சுப் படுத்துட்டா. இப்ப அவனுக்கு ரெண்டு பொண்டாட்டி. ரெண்டு சண்டை. ரெண்டு பஞ்சாயத்து. ரெண்டு ஓட்டை விழுந்த பனியன். இந்தக் கஷ்டகாலம் தேவையா?

அது மணக்குதோ, நாறுதோ... நம்ம பல்லை நாமதான் தொலக்கியாகணும்னு முடிவு பண்ணி, பார்த்தசாரதி, தன் அருமைப் பொண்டாட்டிகிட்ட சமாதானம் பேசினாரு. `பிரச்னையைச் சொல்லு... பேசி முடிச்சிக்கலாம்’னாரு.

இது வீடே இல்லையாம். குடும்பமே இல்லையாம். இங்கே வர்ற மனுசங்க மனுசங்களே இல்லையாம். வர்றவங்க மூஞ்செல்லாம் அவலட்சணமா இருக்காம். இப்படி இருந்தா, எப்படிக் குடும்பம் நடத்தறதுனு கேக்கறாங்க. பார்த்தசாரதி குழம்பிப் போயிட்டாரு. வீட்டுக்கு வர்ற விருந்தாளிங்க கோணல் மாணலா மூஞ்சியை வெச்சிருந்தா அவர் என்ன பண்ணுவாரு?

`நான் சந்தைக்குப் போனேன். அங்கேருந்த பொண்ணுங்க எல்லாம் அழகாவே இல்லை. அதனால கத்திரிக்கா வாங்கலை. எனக்கு சாப்பாடே வேணாம்.’னு சொன்னா அந்தம்மா சும்மா இருப்பாங்களா? `கடைக்குப் போனா, கண்ணு கத்திரிக்கா மேல இருக்கணும். எதுக்குப் பொண்ணு மேல போச்சு?’னு குதிப்பாங் கல்ல. ஒரு வீடுன்னா பலபேர் வருவாங்க. சொந்தக்காரிங்க, விருந்துக் காரிங்க, தெரிஞ்சவ, தெரியாதவ, பொண்ணுங்க, பொம்பளைங்க, பக்கத்து வீட்டுக்காரிங்க, கல்யாண மான அழகு தேவதைங்க, கன்னிப் பொண்ணுங்க... இப்படி யார் யாரோ வருவாங்க.

“அடேய்... பார்த்த சாரதி... உன் வீட்டுக்கு லேடீஸ் மட்டும்தான் வருவாங்களா? அதுவும் உன்னைப் பார்க்கவா?’’

``என்னைப் பார்க்க எவ வந்தா? எல்லாம் என் பொண்டாட்டியப் பார்க்க வருவாங்க... எனக்குனு யார் வராங்க?’’

வந்தது யாரா இருந்தாலும், வீட்டுக்கு வந்தவங்களுக்கு விருந்து வெப்பாங்க. அவங்களும் போட்டதைத் திம்பாங்க. அதுக்கப்புறம், நல்ல அகலமா சிரிச்சு, `நல்லாருக்கு விருந்து. நீங்களும் நம்ம வீட்டுக்கு வாங்க...’னு அழைச்சிட்டுப் போவாங்க. இதுதானே நடைமுறை. அதை விட்டுட்டு, `வந்தவங்களோட மொகறை ஏன் சப்பட்டையா இருக்கு... ஏன் அழகா இல்ல... ஏன் அடிபட்ட தேவாங்கு மாதிரி முழிக்கறாங்க?’னு ஆராய்ச்சியெல்லாம் பண்ணி, அதையே ஒரு சண்டை ஆக்கினா எப்படி?

“இந்த மனுசங்களை யார் படைச்சது?” பார்த்தசாரதி, அந்தம்மாகிட்ட அறிவுபூர்வமா ஒரு கேள்வி கேட்டாரு. அதுக்கு அவரே பதிலும் சொன்னாரு.

“மனுசங்களை அந்த சாமியில்ல படைச்சான். சிலபேர் அழகா இருப்பாங்க. சிலபேர் கொஞ்சம் முன்னே பின்னேதான் இருப்பாங்க. சாமிக்கு மட்டும் தூக்கம் வராதா? ஏதோ தூக்கக் கலக்கத்துல, உப்பினாப்பல, இழுத்தாப்பல, துருத்தினாப்பல சில பேரைப் படைச்சிடுவான். மொகம் குரங்காட்டம் இருந்தாலும், `இருக்குறதுலயே இதுதான் அழகான குரங்கு’னு நாம மனசைத் தேத்திக்கணும். புருஷனோட சண்டை யெல்லாம் போடக் கூடாது.”

“யோவ், பிரச்னை மூஞ்சியில இல்ல... உன் வீட்ல. ஒண்ணு வீட்டை மாத்திக்க. இல்லை உன் பொண்டாட்டிய மாத்திக்க...”

இப்ப சொன்னது, சுப்புலட்சுமி இல்லை. பார்த்தசாரதியோட அருமைப் பொண்டாட்டி.

பொண்டாட்டியே, `பொண்டாட்டியை மாத்திக்க’னு சொல்றான்னா பிரச்னை பெரிசாத்தான் இருக்கும். ஒண்ணில்ல... ரெண்டு பிரச்னை.

வீட்டுக்கு விருந்தாளிங்க வர்றாங்க. அவங்க கோணல் மாணலா மூஞ்சியை வெச்சுக்கறாங்க. அவங்க வந்து போறப்பல்லாம் சண்டையும் வருது. இந்த மூணையும் கூட்டிக் கழிச்சு, கொழம்பு வெச்சுப் பார்த்தா, இதுல ஏதோ சதி இருக்குனு பார்த்தசாரதி முடிவு பண்ணிட்டாரு. பொண்டாட்டிக்கும் நமக்கும் நடுவுல கலவரத்தை உண்டாக்கி, பிரிக்கணுங்கற நோக்கத்தோட, நேருக்கு நேர் மோத முடியாம, குறுகிய நெஞ்சும் குட்டி சைஸ் உள்ளாடையும் போடற யாரோ ஒரு எதிரியோட திட்டம்தான் இதுனு பார்த்தசாரதி உறுதியா நம்பிட்டாரு. யார் அந்த எதிரி? ஆராய்ச்சி பண்ணினாரு.

நேத்து கிரிஜா வந்தா. அவ பொறக்கறப்பவே புள்ளப்பூச்சி. சதியெல்லாம் பண்ண மாட்டா. ரெண்டு நாளைக்கு முன்னால, ரமா வந்தா. கல்யாணத்துக்கு முன்னால நல்லாதான் இருந்தா. இப்போ, ரிப்பேரான புல்டோசருக்கு அக்காவாயிட்டா. அவளும் சதி பண்ண வாய்ப்பில்லை. போன வாரம், அகஸ்டினும் அவன் பொண்டாட்டியும் வந்தாங்க. கூடவே அவளோட தங்கச்சி. வர்றப்ப சிரிச்சிட்டு வந்து, போறப்ப வாந்தி வர்றாப்பல மூஞ்சியை வெச்சிக்கிட்டுப் போனாங்க. ஒருவேளை, சதிகாரன் அகஸ்டினாக்கூட இருக்கலாம்...

``யோவ்... உன்னோட பிரச்னைக்கு இன்னொருத்தனோட கையைப் புடிச்சி இழுக்காதே... மொதல்ல உன் மூஞ்சியைப் பாரு. அதுவே அசிங்கமாத்தான் இருக்கு.”

பா.சாரதியோட பொண்டாட்டி, சண்டைக்குக் கிளம்பிட்டாங்க. அதுக்கப்புறம்தான் கண்ணாடியைப் பார்த்தாரு. ஒரு மாதிரி மூக்கெல்லாம் புடைச்சிக்கிட்டு, வாய் கோணி, பார்க்கவே அருவருப்பா... கண்ணாடியில தெரிஞ்சது மூஞ்சியே இல்லை... அது ஒரு பயங்கரம்.

“என்னாச்சுடி என் மூஞ்சிக்கு... கொரங்கு கடிச்ச இஞ்சியாட்டம் இருக்கு. எல்லார் மூஞ்சியும் கோணலாகறபடி யாராவது வெடிகுண்டு வீசிட்டாங் களா... இல்லை மருந்து, மாயம் பண்ணிட்டாங்களா?”
“இந்த நக்கல்தானே வேண்டாங்கறது. பிரச்னை மூஞ்சியில இல்லை, வீட்ல இருக்கு. வீடுங்கற பேர்ல பெரிய குப்பைத்தொட்டியைக் காட்டி, அதுல கொண்டாந்து உக்கார வெச்சிருக்கே. நான் கல்யாணத்தப்பவே சுமாராதான் இருப்பேன். இந்த வீட்டுக்கு வந்தப்புறம், என் மூக்கைப் பாரு. ஓயாம தும்மி, தும்மி மூக்கு பிரிட்டிஷ்காரன் பீரங்கி மாதிரி பொடைச்சிப்போச்சு.”

“ஏய்... பொடைச்சிருந்தாலும் உன் மூக்கு இருக்கே, அது ஒரு பொக்கிஷம்டி.”

“அடச்சீ... மூக்கை விடு... இப்போ இந்தக் கொஞ்சல் ரொம்ப அவசியமா? இந்த வீட்டை நீ எப்பதான் சுத்தம் பண்ணுவே? ஒரே அடப்பாசாரமா இருக்கு.”

“இது பழைய வீடும்மா. பரம்பரைச் சொத்து. கடந்த நூறு வருசமா தாத்தா பாட்டி காலத்துல இருந்து அப்படியே இருக்கு. அதுவுமில்லாம பரம்பரை வீட்டைச் சுத்தம் பண்ணினா அதிர்ஷ்டம் போயிடும்னு சொல்வாங்க...”

“இதென்ன கூமுட்டைத்தனமா இருக்கு... யார் அப்படிச் சொன்னாங்க?”

“என் பாட்டிதான் சொன்னாங்க.”

“இருக்காங்களா, செத்துட்டாங்களா?”

“சின்ன வயசுலேயே செத்துட்டாங்க.”

“எப்படி இருப்பாங்க... வீட்டை இப்படி வெச்சிருந்தா அல்பாயுசுல போக வேண்டியதுதான். நூறு வருசமா ஒட்டடை கூட அடிக்காம இப்படியா வெச்சிருக்கறது? வர்றவங்க, இங்கே ஆரம்பிச்சு, வீட்டுக்குப் போற வரைக்கும் `கர்ரு... கர்ரு...’னு காறித் துப்பு றாங்க. எனக்கு அசிங்கமா இருக்கு. ஒண்ணு, வீட்டைச் சரிபண்ணு; இல்லை, என்னை மறந்துடு. நான் என் அம்மா வீட்டுக்கே போயிடறேன்.”
மொதல்ல, `வீட்டுக்கு வர்றவங்க மொகமே சரியில்லை’னு சொன் னாங்க. இப்போ, `வீடு குப்பையா இருக்கு’னு சொல்றாங்க. வீடு குப்பையா இருக்குறதுக்கும், வர்றவங்க மொகம் கோணலா இருக்குறதுக்கும் சம்பந்தம் இருக்கா? பா.சாரதி பொண்டாட்டி, `இருக்கு’னு சாதிக்கறாங்க.

“இப்படிப் பாழடைஞ்ச வீட்டுல இருந்தா, தெனத்துக்கும் நொச்சு நொச்சுனு தும்மி, சீக்கு வந்து, மண்டையில சளி கோத்து, மூஞ்சி வீங்காம என்ன பண்ணும்? வா, வந்து பாரு. வெளியே மத்தவங்கெல்லாம் எவ்ளோ தெளிவா இருக்காங்கன்னு.’’

பார்த்தசாரதி சட்டையப் பிடிச்சு இழுத்துட்டு வந்து, தெருவைக் காட்றாங்க. பார்த்தசாரதியும் பார்த்தாரு. இந்த உலகத்தில் எல்லாரும் அழகாத்தான் இருக்காங்க. எதிர்வீட்டு பைஜாமா பொண்ணு, மாடிவீட்டு தாவணி, ஸ்கூட்டரில் போகும் சுடிதார், ஜீன்ஸ் போட்ட காளியம்மா,  காய்கறி வாங்கப் போகும் நேப்பாள மங்கை, வராண்டாவில் நின்று கூந்தல் உலர்த்தும் சின்ன வயசு டீச்சரம்மா, கோயிலுக்குப் போகும் மீனாட்சி... எல்லாருமே அழகாத்தான் இருக்காங்க.

“அப்ப ஆம்பளைங்க அழகா இல்லயா?”

“ஆம்பளைங்க அழகா இருந்தா என்ன, இல்லாட்டி எனக்கென்னடி வந்துச்சு. நம்ம வீட்டுக்கு யார் சூனியம் வெச்சது? நமக்கும் வர்றவங்களுக்கும் மூஞ்சி இப்படி ஆகறதுக்கு காரணம் என்ன... மொதல்ல அதை ஆராய்ச்சி பண்ணலாம்.”

“மனுசனா பொறந்தவனுக்கு ஒண்ணு மூளை இருக்கணும், இல்லை மூக்காவது இருக்கணும். இப்படி மூக்கும் இல்லாத, மூளையும் இல்லாத ஆளுக்குப் பொண்டாட்டியா வந்து வாய்ச்சேன் பாரு... எனக்கு வேணும். செத்த எலியை அடைச்சுவெச்ச டப்பாவாட்டம் வீடு நாறிக் கெடக்குது. வீடு பூரா ஒரே ஒட்டடை. இந்தப் பாழடைஞ்ச வீட்டுல எத்தனை நாளைக்கு இருக்குறது?”

“ஏய் கோவிச்சிக்காதடி... இப்ப என்ன உன் பிரச்னை... வீட்டைச் சுத்தம் செய்யணும். அவ்ளோதானே? நீயே பண்ணிக்க..”

“ஹாங்... நல்லா சொல்வியே... வந்த புதுசுல நான் பண்ணிக்கறேன்னு சொன்னேன். விட்டியா நீ. இப்ப என்னால முடியலை. நான் பண்ணவும் மாட்டேன்.”

வீட்டைப் பராமரிக்கவேண்டியது புருஷனா பொண்டாட்டியானு திரும்பவும் சண்டை. பார்த்தசாரதியோட பரம்பரையில வீட்டைப் பராமரிக்கறது, சுத்தம் பண்றது எல்லாமே பொண்ணுங்கதான். `அதுதான் உலகத்து நியதி’னு ஊர்ஜிதப்படுத்தி, ஊறுகாய் போடப் பார்த்தாரு. வேலைக்கு ஆகலை.

`ஒரு பொண்ணு பொடவை கட்டிக்கிட்டு, ஏணியில ஏறி ஒட்டடை அடிக்க முடியுமா... அது பாதுகாப்பா? கீழே விழுந்து இடுப்பு எலும்பை ஒடைச்சிக்கிட்டா என்ன பண்ணுவ? காலம் முழுக்க தனியா படுக்க உனக்கு பயமாயிருக்காதா?’னு அருமைப் பொண்டாட்டி கேட்டாங்க. இது மொதலுக்கே மோசம். பார்த்தசாரதி தரையில படுத்தாலும் தனியா படுக்க மாட்டாரு. ராத்திரி ஆனா தேவைப்படற தேவலோக மதன சுந்தரிகளின் கதையனு பவங்கள் கேக்காம அவருக்குத் தூக்கம் வராது. அதுவுமில்லாம, பொண்டாட்டி கீழே விழுந்து இடுப்பெலும்பை ஒடைச்சிக்கிட்டா சமைக்கறது, துவைக்கறது, துடைப்பமெடுத்து வாசல் கூட்டிக் கோலம் போடுறதுனு மொத்த எதிர்காலமும் பொடவை கட்டிப் பொங்கல் வெக்கிற மாதிரி ஆகிடும். அதனால, வீட்டைச் சுத்தம் பண்ற பொறுப்பைப் பார்த்தசாரதியே ஏத்துக்கிட்டாரு. ``ஒரே நாள்ல, வீட்டை ஒதுங்கவெச்சு, ஒட்டடை அடிச்சு, பளபளனு ஆக்கிக் காட்டுறேன் பாருடி’’னு சவால் விட்டாரு. பொண்டாட்டியை, சுப்புலட்சுமி யோட சேர்த்து பூங்காவுக்கு அனுப்பி, ``சோளப்பொரியும், ஐஸ்க்ரீமும் சாப்பிட்டுட்டு வா. வீட்டை மாளிகை மாதிரி ஆக்கி வெக்கிறேன்’னு வீர சபதம் பண்ணிட்டாரு.

`வீட்ல அப்படி என்னதான் குப்பை?’னு பரண்ல ஏறிப் பார்த்தப்பதான் வீட்டோட பயங்கரத்தைப் பார்த்தசாரதியால புரிஞ்சிக்க முடிஞ்சுது. அது வீடே இல்லை. `பாதாள பைரவி’ பேய்க் குகையில் வருவது மாதிரியான ஒரு பயங்கரம். ஏகப்பட்ட சிலந்திப் பூச்சிங்க  படை படையா கூடு கட்டியிருக்கு. எலி குடும்பக்கட்டுப்பாடு பண்ணிக்காம, குடும்பம் பண்ணி குட்டி போட்டிருக்கு. அதில்லாம கரப்பான்பூச்சி, மரவட்டை, கறையான், காட்டுப் பூச்சினு ஏகப்பட்ட உயிரினங்கள்.

வீ்ட்டோட மேலே இப்படின்னா, கீழே அதைவிட பயங்கரம். குடிகாரனோட சண்டை போட்ட பைத்தியக்காரன் மாதிரி, பொருள்களெல்லாம் தாறுமாறா இறைஞ்சி கிடக்கு. `இதை ரெண்டு நாளைக்குள்ள, ரெண்டு மாசத்துக்குள்ள, ரெண்டு வருசத்துக்குள்ள, இல்லை... ரெண்டு ஜென்மம் எடுத்தாலும் சரிபண்ண முடியாது’னு மலைச்சிப் போயிட்டாரு. ஒரேயடியா ஓடிப் போயிடலாமானு யோசனை பண்ணினாரு. அப்படி ஓடினாலும், வாழ்க்கை கழுவிவெச்ச வௌக்கு மாதிரி பெரிசா ஒண்ணும் மாறிடாது. வீட்டை மொத்தமாவோ, சில்லறையாவோ சுத்தப்படுத்த முடிஞ்சா அது உலக அதிசயம். அதைப் பண்ணித்தான் ஆகணும். இல்லைன்னா, பொண்டாட்டி திரும்ப வரமாட்டாங்க. சொல்லிட்டுதான் போயிருக்காங்க.

பார்த்தசாரதி வெளியே போய், ஆற்றலை ஏற்றிக்கொண்டு, திரும்ப வந்து களத்துல இறங்கிட்டாரு. எங்கே போனார் என்பது ரகசியம். பெரிய துணி எடுத்து, மூக்கு துவாரம், கண் துவாரம் இரண்டையும் விட்டு, உடம்பின் மற்ற பாகத்தில் துணியைச் சுற்றி, கண்ணாடியில் பார்த்தால், சவ அடக்கம் செய்யப்பட்ட பிணம் போலவும் தெரிகிறது, யுத்தத்துக்குக் கிளம்பிவிட்ட போர்வீரன் போலவும் தெரிகிறது.

ஒட்டடை அடிப்பது, ராக்கெட் விடுவதுபோல அத்தனை கஷ்டமானதில்லை என்ற துணிச்சலோடு, விளக்குமாற்றைச் சுழற்ற ஆரம்பித்தார் பார்த்தசாரதி. முதலில், சின்னதாகப் புகை மூட்டம்போல ஆரம்பித்த தூசுப்படலம், புழுதிப் புயலாக மாறி, வீட்டைச் சூழ்ந்துகொண்டது. பட்டப்பகலில் வீடு இருண்டே போகிறது. கண் எரிகிறது; மூக்கு அரிக்கிறது; ஓயாத தும்மல். தூசு மண்டலத்துக்கு நடுவே ஒரு போர்வீரன். அந்த இடமே, நரகத்தின் இருள்போல மாறி பயமுறுத்த ஆரம்பிக்கிறது. அப்போது, அங்கே உயரமும் அகலமும் ஒரே அளவுகொண்ட உருண்டையான ஒரு ஆள் பிரசன்னமானார்.

`பாதாள பைரவி’ குகைக்குள் தைரியமிக்க இன்னொரு மனிதனா? புகைமூட்டத்துக்கு நடுவே நின்றிருந்த அந்த அஞ்சாநெஞ்சன், பார்த்தசாரதிக்கு நன்கு அறிமுகமான மதனகோபால். அண்டைவீட்டு நல்லவன். சுப்புலட்சுமியின் புருஷன். வந்த மனிதர், பார்த்தசாரதியை அதுவரை பார்க்காத சாரதிபோல அதிசயமாகப் பார்த்தார். அதற்கு இரண்டு காரணம் இருக்கலாம். ஒன்று, `இவனெல்லாம் கடைசியில ஒட்டடை அடிச்சு வீட்டைச் சுத்தம் பண்ணக் கிளம்பிவிட்டானா?’ என்ற அதிசயமாக இருக்கலாம். `இந்த வீட்டை இந்த ஜென்மத்துல சுத்தம் பண்ணிட முடியுமா?’ங்கற ஆச்சர்யமாகவும் இருக்கலாம்.

“என்ன... பார்த்து சார்... ஒட்டடை அடிக்கறீங்களா?”

“ஒட்டடை அடிக்காம, வீட்டு மேற்கூரையில பெரிய சைஸ் தோசையா சுடறேன்? நானே தூசு தும்புல அவதிப்படறேன்... இது புரியாம...”

“கோவிச்சிக்காதீங்க சார்... நீங்க இப்படி வேலை பார்க்கறதைப் பார்க்க எனக்கு சந்தோஷமா இருக்கு.”

“உலகத்துல பாதிப்பேர் அதானே பண்றாங்க. அடுத்தவன் வேலை செய்யறதைப் பார்த்து அதுல ஒரு சந்தோஷம்... சரி, தள்ளி நில்லுங்க.”

மதனகோபால் தள்ளிப் போய், ஒரு சேரைப் போட்டு உட்கார்ந்துவிட்டார். `இந்தாளுக்கு நம்ம வீட்டுல என்ன வேலை... அதுவும் இந்த நேரத்துல?’ பார்த்தசாரதிக்குக் குழப்பம். மதனகோபாலுக்கு எப்பவும் வேட்டிதான். வெளியே வந்தாலும் வீட்டிலிருந்தாலும் வேட்டிதான். அவரின் அரிசிமூட்டை உடம்புக்கு பேன்ட் தைக்கும் டெய்லர் இனிமேல்தான் பிறந்து வர வேண்டும். குண்டா இருந்தாலும் நல்ல மனுசன். அவருக்கு மூக்கில் வாசம் பிரித்தறிய முடியாத ஒருவகை நோய் உண்டு. அவரிடம் பார்த்தசாரதி கேட்டார்...

“கோபால் சார், இப்போ வீட்டுக்குள்ள வௌவால் வீச்சம் வருதா பாருங்க...”

“சேச்சே. எனக்குப் பூ வாசம்தான் வருது. நல்லா இருக்கு சார்.”

பார்த்தசாரதி அப்போதுதான் பார்த்தார். மதனகோபாலின் முகத்தில் அப்படி ஓர் அழகு. முகம் கோணலாகவோ, சப்பட்டையாகவோ, துருத்திக்கொண்டோ இல்லை. அப்படியென்றால் வீடு தூய்மையடைந்ததாக அர்த்தமா? பார்த்தசாரதிக்குப் பரம சந்தோஷம். அதன் பிறகு, வீட்டில் இருந்த வேண்டாத குப்பைகளைத் தெருவில் கொண்டு போய்க் கொட்ட, மதனகோபால் உதவிசெய்ய, பிறகு, கோணல் மாணலாக இருந்த ஃபர்னிச்சர்களைச் சரி செய்து, துடைத்து, கழுவியானது. மதனகோபால் எல்லாவற்றுக்கும் உதவிசெய்தார். அடுத்தவர் வீடு நறுவிசாக இருக்க வேண்டும் என்று நினைத்து, வீட்டுக்கு வந்து உதவிசெய்யும் மனிதர்களும் இந்தக் காலத்தில் இருக்கிறார்கள் என்றால், அது பார்த்தசாரதி செய்த புண்ணியம். மதனகோபாலே, ஜன்னல் மற்றும் கதவில் தொங்கிய அழுக்குத் திரைச்சீலைகளை மாற்றினார். கண்கவர் பொம்மைகளைத் துடைத்து அழகாக அடுக்கிவைத்தார். இப்போது வீடு மொத்தமாக மாறிப்போனது. பக்கத்து வீட்டுக்கு வந்துவிட்டதுபோல அத்தனை எடுப்பாகவும் அடையாளம் தெரியா மலும் இருந்தது. நேற்றைக்கு மங்கலாக, அழுக்காகத் தெரிந்த அந்த வீடு இன்று புதுப்பொலிவு பெற்றிருக்கிறது.

`வீடு தேடிவந்து உதவியவருக்கு ஒரு லெமன் ஜூஸ் தரலாமே...’ என்று பார்த்தசாரதி நினைப்பதற்குள்ளாக, மதனகோபால் டம்ளரில் ஜூஸ் போட்டு எடுத்து வந்து கொடுக்கிறார். இதுதான் உத்தமமான மனிதர்களுக்கான அடையாளம். `உன் வீடு, என் வீடு’ என்று பாரபட்சம் பாராமல், ஓடியாடி வேலைசெய்து உதவுவது.

இருவரும் சேர்ந்து ஜூஸ் குடிக்கிறார்கள். அப்போது, மதனகோபாலின் பையன், `அப்பா...’ என்று ஓடி வருகிறான். ஐந்து வயது. அவர் மடியில் உட்கார்ந்துகொள்கிறான். அவனுக்கும் அவர் ஜூஸ் கொடுக்கிறார். குளிர்பானத்தைக் குடித்துவிட்டு, பையன், “அப்பா, சாக்லேட்...” என்கிறான்.

மதனகோபால், ஆர அமர எழுந்து சென்று பீரோவைத் திறந்து, பணத்தை எடுத்து பையன் கையில் கொடுத்து, “உன் அம்மாகிட்ட சொல்லாதே... சத்தம் போடுவா” என்று சொல்லி வெளியே அனுப்புகிறார்.
பார்த்தசாரதிக்குப் பொங்குகிறது; கொதிக்கிறது. அடுத்தவன் வீட்டுக்கு வந்து உதவிசெய்வதை உலகமே அனுமதிக்கும். அதற்காக, அடுத்தவன் பீரோவைத் திறந்து, உரிமையோடு பணம் எடுத்து, பையனிடம் கொடுத்து, `உன் அம்மாகிட்ட சொல்லாதே’னு சொல்றது என்ன மாதிரியான திருட்டுத்தனம். `பட்டப்பகல்ல, கண்ணைத் தொறந்துட்டு இருக்கும்போதே திருடறது’னு இதைத்தான் சொல்வார்கள்.

“எனக்கு ஒரே பிள்ளைங்கறதால செல்லம் குடுத்து வளர்த்துட்டேன். அதான்... அவன் எது கேட்டாலும், `வாங்கிக்க’னு காசு தந்துடறது.”

“ரொம்ப சந்தோஷம். ஆனா மதனகோபால் சார்... உங்க வீட்டுக்குப் போயி உங்க பீரோவைத் தொறந்து, உங்க காசை எடுத்து, உங்க பையனுக்குக் குடுத்திருக்கணும். இங்கே என் வீட்டுக்கு வந்து என் காசை ஏன் எடுக்கணும்?”

“என்னது உங்க வீடு, உங்க காசா? பார்த்து சார்... பார்த்துப் பேசுங்க சார். நீங்க இருக்கிறது எங்க வீட்ல. நீங்க ஒட்டடை அடிச்சது எங்க வீட்டுக்கு. சுப்புலட்சுமி எவ்ளோ கூலி பேசினாளோ, அதை வாங்கிட்டு எடத்தைக் காலி பண்ணுங்க.”

p326b.jpg

`அடப்பாவி பார்த்தா... சொந்த வீடுனு நெனைச்சு, அண்டை வீட்டுக்கு ஒட்டடை அடிச்சிட்டியே... பொண்டாட்டிக்குத் தெரிஞ்சா சும்மா விடுவாளா?’ பார்த்தசாரதி நொந்துபோனார். சொந்த வீடுனு நெனைச்சு அடுத்தவன் வீட்டுக்கு ஒட்டடை அடிக்கிற அளவுக்கு பார்த்தா  ஒண்ணும் பைத்தியமில்லை. இந்தத் தவறு நடந்ததற்குக் காரணமே வேறு... அதைப் புரிந்துகொள்ள ஒரு சம்பவத்தைச் சொல்ல வேண்டும்.
பார்த்தசாரதிக்குக் கடவுள் பக்தி அதிகம். நான்கு மணி நேரம்கூட வெயிலில் மண்டியிட்டு உட்கார்ந்து அவர் சாமி கும்பிடுவது வழக்கம். ஒருநாள் கோயிலுக்குப் போகும்போது, வழி மறந்துபோனது. புதிய இடம், புதிய கோயில்.

வழியில் இருந்த ஒரு ஆளிடம், “சார், சூரியநாராயணன் கோயிலுக்கு எப்படி சார் போறது?”

எதிரில் இருந்த நபர், வாய் பேசப் பிடிக்காத `உர்...’ மூஞ்சிபோல. `உர்...’ என்றுதான் பதில் வருகிறது.

“என்னங்க பேசாம நிக்கிறீங்க... நீங்க ஊருக்குப் புதுசா?’’

அதற்கும் பதில் வெறும் ``உர்...’’

“அட என்னங்க இது! நீங்க என்ன ஊமையா..?’’

அதற்கும் ``உர்...’’ என்ற பதில். அந்த நபர், மேலே போகவும் முடியாதபடி வழிமறித்து நிற்கவும், பார்த்தசாரதிக்குக் கோபம் பொங்க ஆரம்பித்து விட்டது.

“இதப் பாருங்க... எனக்குக் கெட்ட கோவம் வந்துடும். உங்களுக்கு வழி தெரியலைன்னா `தெரியலை’னு சொல்லி வழி விட்டு நில்லுங்க. நான் போய்க்கிறேன்” என்றவர், அந்த நபரின் கையைப் பிடித்து இழுத்து நகர்த்தப் பார்க்க, அதுவரை வெறும் `உர்...’ மட்டும் சொல்லிக் கொண்டிருந்த நபர், லபோதிபோவென்று கத்தியபடி, பார்த்த சாரதிமீது பாய, பார்த்த சாரதியும் அந்த நபர்மீது பாய, இருவருக்கும் தள்ளுமுள்ளு, முட்டல் மோதல். தெருவில் புரண்டு சண்டை போட்டு, நாலு சாத்து சாத்திவிட்டு, கோயிலுக்குப் போகாமலேயே திரும்பி விட்டார் பார்த்தசாரதி.

வீட்டுக்கு வந்தால், பொண்டாட்டி லபோதிபோ.

“என்னாச்சுய்யா... சட்டை பேன்ட்டெல்லாம் கிழிஞ்சிருக்கு... உடம்பெல்லாம் காயமா இருக்கு.’’

“புதுசா ஒரு கோயிலுக்குப் போனேன். வழி தெரியலை. எவனோ ஒரு `உர்ரன்னா’கிட்ட வழி கேட்டேன். கை கால் எல்லாத்தையும் புடிச்சி கடிச்சிவெச்சுட்டான்.”

 “அடப் பாவி. வழி சொல்லப் பிடிக்கலைனா, பேசாமப் போகவேண்டியதுதானே... இப்படியா கடிச்சிவெப்பான் அந்தப் பாழாய்ப்போறவன்.’’

அப்போது, பார்த்தசாரதிக்கு வேண்டப்பட்ட ஒரு அம்மா வந்து, “நிர்மலா... உன் புருஷன் இன்னைக்கு ஒரு நாயோட வாலைப் புடிச்சி தரதரனு இழுத்து, அதோட ஒரே சண்டை. அந்த நாயும் நல்லா புடிச்சி கடிச்சிவெச்சிருச்சு. நாய் கடிச்சா பின்னால பிரச்னை ஆகும். போய் ஊசி போட்டுட்டு வா” என்றாள்.

பார்த்தசாரதியின் அருமைப் பொண்டாட்டி, புருஷனை முறைத்தபடி கேட்டாள்... “யோவ்... குடிச்சிருக்கியா? நீ திருந்தவே மாட்டியா? எனக்கு வீடும் வௌங்கலை, கட்டின புருஷனும் வெளங்கலை. உன்னை எப்படித்தான் நான் திருத்தறது...” என்று சண்டையை ஆரம்பித் தாள்.

பார்த்தசாரதி, உச்சி வெயிலில் நான்கு மணிநேரம் குப்புற விழுந்து ஏன் சாமி கும்பிடுகிறார்; சொந்த வீடென்று நினைத்து பக்கத்து வீட்டுக்கு ஏன் ஒட்டடை அடிக்கிறார்; மனைவி யோடு தினம் தினம் சண்டை வருவதற்கு என்ன காரணம் என்று இப்போது புரிந்திருக்கும். பூங்காவுக்குப் போன மனைவி வந்தால், அடுத்து என்ன நடக்குமோ என்ற பயத்தில் உட்கார்ந்திருந்த பார்த்தசாரதி, சாமிக்கு முன்னால் போய், `இனிமேல் குடிப்பதில்லை’ என்று சத்தியமிட்டு சபதம் செய்தார். பார்த்த சாரதியின் கெட்ட நேரம், சத்தியம் செய்த இடத்தில் கூரான குத்துவிளக்கு இருந்தது. ஐயய்யோ ரத்தம்!

இனிமேல் பார்த்தசாரதி குடிக்க மாட்டார். அதற்கு அவரின் பொண்டாட்டியே போதும். அவளும் புதிதாக ஒரு குத்துவிளக்கை வாங்கிக்கொண்டு வீட்டுக்குத் திரும்பிக்கொண்டிருந்தாள். இப்போது ஆயுத பூஜை முடிந்தது. அடுத்து தீபாவளி வெடி. அது முடிந்து சுமங்கலி பூஜை. அதெப்படி மூன்று பூஜை ஒரே நாளில் வரும்... அதெல்லாம் தெரியாது. புருஷன் ஆரோக்கியத்துக்கு தீபாவளி வெடியும் சுமங்கலி பூஜையும் மிக நல்லது.

http://www.vikatan.com

Categories: merge-rss

புதிய தகவலொன்றை வெளியிட்டார் மஹிந்த

ஊர்ப்புதினம் - Tue, 17/10/2017 - 06:54
புதிய தகவலொன்றை வெளியிட்டார் மஹிந்த

நிறை­வேற்று அதி­கார ஜனா­தி­பதி ஆட்­சி­மு­றையை ஒழிப்­ப­தற்கு தனக்கு போது­மான கால அவ­காசம் இருக்­க­வில்­லை­யென்றும் அதை ஒழிக்கும் முக­மா­கவே தனது இரண்­டா­வது பதவிக்காலம் முடி­வ­டை­வ­தற்கு இரு வரு­டங்கள் மீதி­யாக இருந்த நிலையில், முன்­கூட்­டியே ஜனா­தி­பதித் தேர்­தலை நடத்­தி­ய­தா­கவும் முன்னாள் ஜனா­தி­பதி மஹிந்த ராஜபக்ஷ கூறி­னார்.

mahinda-rajapaksa-1.jpg

பாரா­ளு­மன்­றத்தில் மூன்றில் இரண்டு பெரும்­பான்மைப் பலமும் மக்­களின் ஆணையும் இருந்த போதிலும், நீதி­யான சமு­தா­யத்­துக்­கான தேசிய இயக்கம் கேட்­டுக்­கொண்­டதன் பிர­காரம் ஜனா­தி­பதி ஆட்சி முறையை ஏன் ஒழிக்­க­வில்லை என்று மஹிந்த ராஜபக் ஷவிடம் ஊட­க­வி­ய­லா­ளர்கள் கேட்­ட­போது அதற்கு பதி­ல­ளித்த அவர் மேற்கண்டவாறு தெரிவித்தார். “நிறை­வேற்று அதி­கார ஜனா­தி­பதி ஆட்சி முறையை ஒழிக்­கப்­போ­வ­தாக வாக்­கு­றுதி அளித்து தேர்­தலில் வெற்­றி­பெற்­ற­வர்கள் இரண்­டரை வரு­டங்­க­ளுக்கும் அதி­க­மான கால­மாக பத­வியில் இருக்­கின்ற போதிலும் கூட, அந்த ஆட்சி முறையை ஒழிக்­க­வில்லை” என்றும் குறிப்­பிட்டார்.

 

நீதி­மன்­றத்தின் தடை­யுத்­த­ர­வையும் மீறி அம்­பாந்­தோட்­டையில் ஆர்ப்­பாட்டம் செய்­த­மைக்­காக கைது செய்­யப்­பட்டு  விளக்­க­ம­றி­யலில் வைக்­கப்­பட்­டி­ருந்த தனது மகனும் பாரா­ளு­மன்ற உறுப்­பி­ன­ரு­மான நாமல் ராஜபக்ஷவையும்  மற்­­றோ­ரையும் பார்­வை­யி­டு­வ­தற்­காக தங்­காலை சிறை­ச்சாலைக்கு சென்று திரும்­பிய முன்னாள்  ஜனா­தி­பதி, கைது செய்­யப்­பட்­ட­வர்­களில் பெரும்­பான்­மை­யா­ன­வர்கள் ஆர்ப்­பாட்­டத்தில் பங்­கேற்­கா­த­வர்­கள். அவர்களில் சிலர் மாணவர்கள். ஏனையோர் வீதியில் பார்த்துக்கொண்டு நின்றவர்கள். அப்பாவி மக்களைத் துன் புறுத்துவது ஒரு பெரிய குற்றச் செயல் என்று தெரிவித்துள்ளார்.

http://www.virakesari.lk/article/25884

Categories: merge-rss, yarl-category

அரசியல் கைதிகளுக்கு ஆதரவாக உண்ணாவிரதப் போராட்டம்

ஊர்ப்புதினம் - Tue, 17/10/2017 - 06:40
அரசியல் கைதிகளுக்கு ஆதரவாக உண்ணாவிரதப் போராட்டம்
 
- எஸ். நிதர்ஷன்
image_4913fd861b.jpg
 
அநுராதபுரத்தில், உண்ணாவிரதப் போராட்டத்தில் ஈடுபட்டுள்ள அரசியல் கைதிகளின் கோரிக்கைகளை உடனே நிறைவேற்றக் கோரியும் அரசியல் கைதிகளை விடுதலை செய்ய வேண்டும் எனக் கோரியும் சாகும் வரையிலான உண்ணாவிரதப் போராட்டத்தை, யாழ். பல்கலைக்கழக மாணவர்கள், யாழ். பல்கலைகழக முன்றலில் ஆரம்பித்துள்ளனர்.

http://www.tamilmirror.lk/யாழ்ப்பாணம்/அரசியல்-கைதிகளுக்கு-ஆதரவாக-உண்ணாவிரதப்-போராட்டம்/71-205691

Categories: merge-rss, yarl-category

தமிழ் அர­சி­யல் கைதி­க­ளு­டன் உற­வு­கள் உருக்­க­மான சந்­திப்பு

ஊர்ப்புதினம் - Tue, 17/10/2017 - 06:09
தமிழ் அர­சி­யல் கைதி­க­ளு­டன் உற­வு­கள் உருக்­க­மான சந்­திப்பு
 

உணவு ஒறுப்­புப் போராட்­டத்­தில் ஈடு­பட்­டுள்ள தமிழ் அர­சி­யல் கைதி­கள் மூவ­ரை­யும் அவர்­க­ளது உற­வி­னர்­கள் நேற்று நேரில் பார்­வை­யிட்­ட­னர்.

கைது செய்து சிறை­யில் அடைக்­கப்­பட்ட பின்­னர் அவர்­களை உற­வி­னர்­கள் நேரில் பார்ப்­பது இதுவே முதல் தடவை.

போராட்­டத்­தில் ஈடு­பட்­டுள்ள கைதி­க­ளின் கோலத்­தைக் கண்­ட­தும் உற­வி­னர்­கள் அவர்­க­ளைக் கட்­டிக்­கொண்டு கதறி அழு­த­னர்.

தமது பிள்­ளை­களை இந்­தக் கோலத்­தில் காணவா இங்கு வந்­தோம் என்று அவர்­கள் கண்­ணீர்­விட்­ட­ழுத சம்­ப­வம் பார்ப்­ப­வர்­கள் கண்­க­ளி­லும் கண்­ணீரை வர­வ­ழைத்­தது.

வவு­னி­யா­வில் முன்­னெ­டுக்­கப்­பட்ட வழக்கை அநு­ரா­த­பு­ரம் நீதி­மன்­றுக்கு மாற்­றி­யமை எதிர்த்து தமிழ் அர­சி­யல் கைதி­க­ளான ம.சுல­க்ஷன், க.தர்­ஷன், இ.திரு­வ­ருள் மூவ­ரும் 22 நாள்­க­ளாக உணவு ஒறுப்­புப் போராட்­டத்தை மேற்­கொண்டு வரு­கின்­ற­னர்.

அவர்­க­ளைப் பார்­வை­யி­டு­வ­தற்கு, இ.திரு­வ­ரு­ளின் மனைவி, ம.சுல­க்ஷ­னின் தாயார், சகோ­தரி, க.தர்­ஷ­னின் தாயார் ஆகி­யோ­ரும் வட­மா­காண சபை உறுப்­பி­னர் எம்.கே.சிவா­ஜி­லிங்­கம், ரெலோ­வின் கொள்­கைப் பரப்­புச் செய­லர் கணேஷ் வேலா­யு­தம், வல்­வெட்­டித்­துறை நக­ர­ச­பை­யின் முன்­னாள் உறுப்­பி­னர் சதீஸ் ஆகி­யோர் நேற்­றுத் திங்­கட்­கி­ழமை நான்கு மணி­ய­ள­வில் அநு­ரா­த­பு­ரம் சிறைச்­சா­லைக்­குச் சென்­றி­ருந்­த­னர்.

உணவு ஒறுப்­பினை முன்­னெ­டுப்­ப­வர்­களை பார்­வை­யி­டு­வ­தற்கு அனு­ம­திக்க முடி­யாது, அவ்­வாறு அனு­ம­திக்­கும் பட்­சத்­தில் பல்­வேறு நெருக்­க­டி­களை நாம் சந்­திக்க வேண்டி வரும் என்று சிறைச்­சாலை நிர்­வா­கத்­தி­னர் கூறி­னர்.

ஆனால், ஏற்­க­னவே அனு­மதி பெற்­றுக் கொள்­ளப்­பட்­ட­தைச் சுட்­டிக்­காட்­டிய உற­வி­னர்­கள், ஆகக் குறைந்­தது அவர்­க­ளின் தயார், மனை­விக்­கா­வது அனு­ம­தி­ய­ளி­யுங்­கள் என்று கோரிக்கை விடுத்­த­னர்.

இதை­ய­டுத்து திரு­வ­ரு­ளின் மனைவி, சுல­க்ஷ­னின் தாயார், தர்­ஷ­னின் தாயார் ஆகி­யோ­ருக்கு மட்­டும் அனு­மதி வழங்­கப்­பட்­டது.

‘‘எனது கண­வனை கண்­ட­வு­டன் என்­ன ­செய்­வ­தென்றே தெரி­ய­வில்லை. 75 கிலோ எடை­யுள்ள திட­காத்­தி­ர­மான ஆம்­பி­ளை­யாக இருந்­த­வர் தற்­போது உருக்­கு­லைந்து போயுள்­ளார். அவரை இந்­தக் கோலத்­தில் பார்ப்­ப­தற்கா இத்­தனை ஆண்­டு­க­ளாக நாம் உயி­ரு­டன் இருந்­தோம்? இன்று வரு­வார் நாளை வரு­வார் என்று ஏங்­கிக்­கொண்­டி­ருக்­கும் நிலை­யில் அவர் மீண்டு வரு­வரா என்ற சந்­தே­கம்­தான் அவ­ரின் கோலத்­தைப் பார்த்­த­போது ஏற்­பட்­டது. தயவு செய்து எனது கண­வரை மீட்­ப­தற்கு உங்­க­ளால் என்ன செய்­ய­மு­டி­யுமோ செய்து கொடுங்­கள்? அவர் உயி­ரு­ட­னா­வது இருக்­கின்­றார் என்ற நிம்­ம­தி­யை­யா­வது தாருங்­கள்’’ என்று திரு­வ­ரு­ளின் மனைவி தெரி­வித்­தார்.

‘‘என்­னைக் கண்­ட­வு­டன் ஏன் அம்மா வய­தான காலத்­தில் இங்கு வந்­தீர்­கள்? என்று கேட்­டான். அவ­னால் எழுந்­தி­ருக்­கக்­கூட முடி­யில்லை. படுத்த படுக்­கை­யில் என்னை பார்த்­துக் கண்­ணீர் சிந்­தி­னான். எனது உடல் நிலை ஆரோக்­கி­ய­மா­க­வில்லை. எனக்­கும் வய­தா­கின்­றது. என்­னு­டைய மகன் வரு­வான் என்று காத்­தி­ருந்­தேன். ஆனால் இன்று (நேற்று) எனது மகனை கண்­ட­வு­டன் என்ன சொல்­வ­தென்றே தெரி­ய­வில்லை. நான் பார்த்­துப் பார்த்து வளர்த்­த­வன் எப்­ப­டி­யா­கி­விட்­டான். தயவு செய்து எனது பிள்­ளையை எனக்­குத் திருப்­பிக் கொடுங்­கள். உரிய பதி­ல­ளி­யுங்­கள். ஏமாற்­ற­தீர்­கள். மனச்­சாட்­சி­யு­டன் செயற்­ப­டுங்­கள்’’ – என்­றார் சுல­க்ஷ­னின் தாயார்.

‘‘அண்­ணா­வைப் பார்க்­க ­வேண்­டும் என்று எந்த நாளும் கூறும் எனது இளைய மகன் இன்று (நேற்று) என்­னு­டன் நாவ­லப்­பிட்­டி­யில் இருந்து வந்­தி­ருந்­தான். பாவம் அவ­னால் இன்­றும் அண்­ணா­வைப் பார்க்க முடி­யில்லை. என்னை மட்­டுமே மகனை பார்ப்­ப­தற்கு அனு­ம­தித்­தார்­கள். 18 வரு­டங்­க­ளா­கப் பார்த்­துப்­பார்த்து வளர்த்த எனது பிள்ளை எட்டு ஆண்­டு­க­ளாக சிறை­யில் கஷ்­டப்­பட்டு இப்­போது படுத்த படு­கை­யாக இருக்­கின்­றான். எனது மகன் இப்­ப­டிப் படா­த­பா­டு­ப­டு­வ­தைப் பார்க்­கவா என்னை கட­வு­ளும் விட்டு வைத்­தி­ருக்­கின்­றார். நாங்­கள் வறி­ய­வர்­க­ளாக இருப்­ப­தால்­தான் இப்­படி நசுக்­கு­கின்­றீர்­களா? இன்று எத்­தனை வரு­டம் எனது மகன் சிறைக்­குள் அடைப்­பட்­டி­ருக்­கின்­றான். அவன் வெளி­யில் இருந்­தி­ருந்­தால் நாங்­கள் இப்­படி இருந்­தி­ருப்­போமா? தயவு செய்து அவ­னின் கோரிக்கை நிறைவு செய்­யுங்­கள். எனக்கு எனது பிள்­ளையை உயி­ரு­டன் மீட்­டுத்­த­ருங்­கள். நாங்­கள் யாரு­டைய காலில் கையில் விழ­வும் தயா­ரா­கவே இருக்­கின்­றோம்’’ என்­றார் தர்­ஷ­னின் தாய்.

http://newuthayan.com/story/37680.html

Categories: merge-rss, yarl-category

பார்த்ததில் பிடித்தவை

இனிய-பொழுது - Tue, 17/10/2017 - 06:04

ஒரு பொது மேடையில் இந்த இத்தாலியரின் திறமையை விட தன்நம்பிக்கை அதிகமாக உள்ளது. 

 

 

 

 

Categories: merge-rss

மஹிந்­தவை மீண்­டும்­ ஆட்­சிக்கு கொண்­டு­வ­ரவா முயல்கிறீர்கள்

ஊர்ப்புதினம் - Tue, 17/10/2017 - 06:03
மஹிந்­தவை மீண்­டும்­ ஆட்­சிக்கு கொண்­டு­வ­ரவா முயல்கிறீர்கள்
VD161017-PG01-R1-9f2f0123db727f212b5ec26ee0e94551221e1320.jpg

 

சுரேஷ், கஜேந்­திரன், சிவா­ஜி­லிங்­கத்­திடம் டிலான் பெரேரா கேள்வி
(ரொபட் அன்­டனி)

ஜனா­தி­ப­தியின் யாழ்.விஜ­யத்­திற்கு எதி­ராக கறுப்­புக்­கொடி போராட்டம் நடத்­திய சுரேஷ் பிரே­மச்­சந்­திரன், கஜேந்­தி­ர­குமார்

பொன்­னம்­பலம் மற்றும் சிவா­ஜி­லிங்கம் உள்­ளிட்டோர் மீண் டும் மஹிந்த ராஜ­ப­க் ஷவை பத­விக்கு கொண்­டு­வர முயற்­சிக்­கின்­றார்­களா என்று நாங்கள் நேர­டி­யா­கவே அவர்­க­ளிடம்

கேள்வி எழுப்­பு­கின்றோம் என சிறி­லங்கா சுதந்­தி­ரக்­கட்­சியின் பேச்­சா­ளரும் இரா­ஜாங்க அமைச்­ச­ரு­மான டிலான் பெரேரா தெரி­வித்தார்.

ஜனா­தி­பதி மைத்­தி­ரி­பால சிறி­சே­ன­வுடன் பேச்­சு­வார்த்தை நடத்த முடி­யா­விடின் இவர்கள் மஹிந்த ராஜ­ப­க்ஷ­வுடன் பேச்­சு­வார்த்தை நடத்த எதிர்­பார்க்­கின்­றார்­களா? எனவும் அவர் கேள்வி எழுப்­பினார்.

கடந்த சனிக்­கி­ழமை ஜனா­தி­ப­தியி்ன் யாழ். விஜ­யத்­தின்­போது அவ­ருக்கு எதி­ராக இடம்­பெற்ற கறுப்­புப்­பட்டி போராட்டம் மற்றும் போராட்­டக்­கா­ரர்­களை ஜனா­தி­பதி நேர­டி­யாக சந்­தித்­தமை தொடர்பில் விப­ரிக்­கை­யி­லேயே டிலான் பெரேரா மேற்­கண்­ட­வாறு குறிப்­பிட்டார்.

அவர் இது தொடர்பில் மேலும் குறிப்­பி­டு­கையில்:

ஜனா­தி­பதி மைத்­தி­ரி­பால சிறி­சேன தமிழ்­மொ­ழித்­தின விழாவில் கலந்­து­கொள்­வ­தற்­கா­கவே யாழ்ப்­பா­ணத்­திற்கு விஜயம் செய்தார். இதன்­போது சுரேஷ் பிரே­மச்­சந்­திரன், கஜேந்­தி­ர­குமார் பொன்­னம்­பலம் மற்றும் சிவா­ஜி­லிங்கம் ஆகிய முன்னாள் பாரா­ளு­மன்ற உறுப்­பி­னர்­க­ளுடன் பலர் இணைந்­து­கொண்டு ஜனா­தி­ப­திக்கு எதி­ராக ஆர்ப்­பாட்டம் செய்­தனர்.

இந்­நி­லையில் தனது நாட்டு பிர­ஜைகள் எதற்­காக ஆர்ப்­பாட்டம் செய்­கின்­றனர் என்­ப­தனை அறிய ஜனா­தி­பதி ஆர்ப்­பாட்­டக்­கா­ரர்­களை நேரில் சந்­தித்தார். அவர்­களை சந்­தித்த ஜனா­தி­பதி பேச்­சு­வார்த்தை நடத்­து­வ­தற்கு வரு­மாறு கோரிக்கை விடுத்தார். ஆனால் சுரேஷ் பிரே­மச்­சந்­திரன், கஜேந்­தி­ர­குமார் பொன்­னம்­பலம் மற்றும் சிவா­ஜி­லிங்கம் ஆகியோர் ஜனா­தி­ப­தி­யுடன் பேச்­சு­வார்த்தை நடத்த முடி­யாது என்ற தொனியில் கருத்து வெ ளியிட்­டி­ருக்­கின்­றனர்.

இதனை நாங்கள் மிகவும் கவ­லை­யுடன் நோக்­கு­கின்றோம். ஜனா­தி­பதி தனது நாட்டு பிர­ஜை­களின் பிரச்­சி­னைகள் என்ன என்­பதை ஆராய்­வ­தற்கே ஆர்ப்­பாட்­டக்­கா­ரர்­களை சந்­தித்தார். ஆனால் அவர்கள் ஜனா­தி­ப­தியை அசௌ­க­ரி­யப்­ப­டுத்தும் வகையில் நடந்­து­கொண்­டனர். தற்­போது தெற்கில் ஜனா­தி­பதி வடக்கில் இன­வா­தி­க­ளிடம் மண்­டி­யிட்­ட­தாக பிர­சாரம் செய்­கின்­றனர்.

இந்த நிகழ்வை தெற்கில் இன­வா­திகள் கொண்­டா­டி­யி­ருப்­பார்கள். மறு­புறம் சுரேஷ் பிரே­மச்­சந்­திரன், கஜேந்­தி­ர­குமார் பொன்­னம்­பலம் மற்றும் சிவா­ஜி­லிங்கம் ஆகி­யோ­ரிடம் நான் ஒரு கேள்­வியை எழுப்­பு­கின்றேன். அதா­வது தமிழ் மக்­களின் பிரச்­சி­னைகள் தொடர்பில் ஜனா­தி­பதி மைத்­தி­ரி­பால சிறி­சே­ன­விடம் பேச்­சு­வார்த்தை நடத்த தயார் இல்லை எனின் மஹிந்த ராஜ­ப­க்ஷ­வுடன் அவர்கள் பேச்சு நடத்த விரும்­பு­கின்­ற­னரா? என்று கேட்­கிறேன்.

அதா­வது மீண்டும் மஹிந்த ராஜ­ப­க்ஷவை ஆட்­சிக்குக் கொண்­டு­வர இவர்கள் விரும்­பு­கின்­ற­னரா? இந்தக் கேள்­விக்கு இவர்கள் மூவரும் பதி­ல­ளிக்­க­வேண்டும். நாங்கள் அதி­கா­ரத்தைப் பகி­ர­வேண்­டு­மென்றும் பொலிஸ், காணி அதி­கா­ரங்­களை வழங்­க­வேண்டும் என்றும் பிர­சாரம் செய்து வரு­கின்றோம். இவ்­வா­றான சூழ்­நி­லையில் ஜனா­தி­ப­தியின் யாழ். விஜ­யத்­திற்கு இவர்கள் தடை ஏற்­ப­டுத்­து­வது தமிழ் மக்­க­ளுக்கு அதி­கா­ரங்­களை வழங்­கக்­கூ­டாது என்ற தென்­னி­லங்கை இன­வா­தி­களின் கூற்றை வலுப்­ப­டுத்­து­வ­தாக அமைந்­து­விடும்.

தற்­போயை ஜனா­தி­ப­தியின் காலத்தில் மட்­டுமே நாட்டின் இனப்­பி­ரச்­சி­னைக்கு தீர்வைக் காண­மு­டியும். இதன் பின்னர் இது­போன்­ற­தொரு சந்­தர்ப்பம் கிடைக்­காது. அத­னால்தான் இறுதி பஸ்­ஸுக்­காக காத்து நிற்­கின்றோம் என நான் அடிக்­கடி கூறு­கின்றேன்.

ஆனால் வடக்கு அர­சி­யல்­வா­தி­களின் செயற்பாடுகளை பார்க்கும்போது இறுதி பஸ்ஸையும் தவறவிட்டுவிடுவார்கள் போல் தெரிகிறது. எனவே மீண்டும் மஹிந்த ராஜபக்ஷவை அதிகாரத்தை கொண்டுவருவதற்கா வடக்கின் ஒரு சில அரசியல்வாதிகள் முயற்சிக்கின்றனர் என்ற எனது கேள்விக்கு பதில் தேவைப்படுகின்றது.

எனது கேள்விக்கு சுரேஷ் பிரேமச்சந்திரன், கஜேந்திரகுமார் பொன்னம்பலம் மற்றும் சிவாஜிலிங்கம் ஆகிய மூவரும் பதிலளிப்பார்கள் என நம்புகின்றேன் என்றார். 

http://epaper.virakesari.lk/newspaper/Daily/main/2017-10-17#page-1

Categories: merge-rss, yarl-category

நாட்டை சீரழிக்கும் நடவடிக்கையில் தென்பகுதி இனவாதிகள்

ஊர்ப்புதினம் - Tue, 17/10/2017 - 05:49
நாட்டை சீரழிக்கும் நடவடிக்கையில் தென்பகுதி இனவாதிகள்
நாட்டை சீரழிக்கும் நடவடிக்கையில் தென்பகுதி இனவாதிகள்
 
 

சிங்­கள மக்­கள் ஆயு­தம் ஏந்த வேண்­டிய சூழல் உரு­வாகி விட்­டது.இவ்­வாறு கூறி­ய­வா் இந்த நாட் டின் இனவாத அர­சி­யல்வாதி­ ஒரு­வ­ரல்ல. அகிம்­சை­யை­யும் தா்மத்­தை­யும் போதிக்க வேண்­டிய பௌத்த தேரா் ஒரு­வரே இந்தக் கருத்தைத் தெரிவித்துள்­ளாா்.

பொதுபலசேன அமைப்­பின் பொதுச் செய­லா­ள­ரான கல­கொட அத்தே ஞான­சார தேரா் இன­வா­தக் கருத்­துக்­க­ளைத் தெரி­வி­ப்­ப­தில் பிர­சித்தி பெற்­ற­வா்.இவ­ரது நட­வ­டிக்­கை­க­ளும் தான்­தோன்­றித்­த­ன­மா­னவை.

பௌத்த மக்­க­ளின் ஆத­ரவு இவ­ருக்குப் பெரு­ம­ள­வில் இருப்­ப­தால் இவா் எவ­ருக்­குமே அஞ்­சு­வ­தில்லை.ஆட்­சி­யா­ளா்­கள்கூட இவ­ருக்கு அஞ்சி நடப்­ப­தைக் காணமுடி­ கின்­றது.

அமைச்­சா்­க­ளின் அலு­வ­ல­கங்­க­ளுக்­குள் அதிரடியாகப் புகுந்து தக­ராறு செய்­வது இவ­ருக்கு விருப்ப­ மா­ன­தொரு பொழுதுபோக்­கா­கும்.ஆனால் இது தொடா்­பாக எவ­ரா­லும் இவரை ஒன்­றும் செய்ய முடி­ய­ வில்லை.

ஜே.வி.பியினரது 
தோல்வி குறித்து
ஞானசாரதேரர் அறியாதவரல்ல

இவா்­தான் தற்­போது சிங்­க­ள­வா்­கள் ஆயு­தம் ஏந்த வேண்­டும்,சிங்­க­ளப்­பு­ரட்சி ஏற்­பட வேண்­டும் என்று கூறு­கி­றாா்.சிங்­கள இளைஞர்கள் ஏற்­க­னவே ஆயு­தம் ஏந்தி அர­சுக்கு எதி­ரா­கப் போரா­டி­ய­தை­யும்,அத­னால் ஏற் பட்ட அழி­வு­க­ளை­யும் ஞான­ச­ார­தே­ரா் அறி­யா­மல் இருந்திருக்க மாட்டார்.

1971ஆம் ஆண்டு ஆட்­சி­யில் இருந்த சிறி­லங்கா சுதந்­தி­ரக்­கட்சி தலைமை­ யி­லான அர­சுக்கு எதி­ராக இடம் பெற்ற கிளர்ச்சி முக்­கி­யத்­து­வம் வாய்ந்­தது.ஜே.வி.பி எனச் சுருக்­க­மாக அழைக்­கப்­பட்ட மக்­கள் விடு­தலை முன்­ன­ணி­யி­ன­ரால் இந்­தக்­கி­ளா்ச்சி மேற்­கொள்­ளப்­பட்­டது.

கிளா்ச்சி நடத்­தி­ய­வர்களால் ஒரு சில நாள்களுக்கு சில இடங்­க­ளைத் தமது கட்­டுப்­பாட்­டுக்குள் வைத்தி­ருக்­க­வும் முடிந்­தது.தேசிய படை­ப­லத்­தை அவ்வேளை அதிகம் கொண்­டி­ராத இலங்கை அர­சி­னால் கிளா்ச்­சி­யா­ ளா்­களை அடக்க முடி­ய­வில்லை.இந்­திய அர­சின் உதவி அவ­ச­ர­மாகக் கோபப்­பட்­டது.இ்ந்தியப் படை­யி­னரின்வரு­கை­யின்பின்­னா்கிளர்ச்­சி­யா­ளா்­கள்ஒடுக்­கப்­பட்­ட­னா்.இதன்­பின்­னர் ஏர­ாள­மான சிங்­கள இளை­ஞா்­கள் கைது செய்­யப்­பட்­டுக் கொலை செய்­யப்­பட்­ட­னா்.

கொலைசெய்­யப்­பட்­ட­வா்­க­ளின்ஏரா­ள­மானசட­லங்­கள்ஆறு­க­ளி­லும்,நீரோ­டை­க­ளி­லும் மிதந்து சென்­றன.இதன் பின்­னா் ஆா்.பிரே­ம­தாஸ அரச தலை­வ­ராக இருந்த போது மீண்­டு­மொரு கிளர்ச்சி இடம்பெற்றது.இதன் போது ஜே.வி.பியின் முக்­கிய தலை­வா்­கள் பல­ரும் கொல்­லப்­பட்­ட­னா்.

அத்தோடு கிளா்ச்­சி­யும் முடி­வுக்கு வந்­தது. தற்­போது எமக்கு மகிந்­த­வும் வேண்­டாம்; மைத்­தி­ரி­யும் வேண்­டாம்; ரணி­லும் வேண்­டாம் எனக் கூப்பாடு போடும் ஞான­ச­ார­தே­ரா், மகா நாயக்கா்­கள் ஆட்­சி­அதிகாரத்தில் அமர வேண்­டும் என்­கி­றாா்.

இதற்­கா­கவே சிங்­க­ள­வா்­கள் ஆயு­தம் ஏந்த வேண்­டும்; சிங்­களப் புரட்சி ஏற்­பட வேண்­டும் என ஏதேதோ கூறு­கி­றாா்.புதிய அர­ச­மைப்­பில் தமி­ழா்­க­ளின் அபி­லா­சை­கள் உள்­ள­டக்­கப்­ப­ட­வில்­லை­யெ­னக் கூறும். வடக்கு முத­ல­மைச்­சா், தமி­ழா்­களைப் போரா­டு­வ­தற்­குத் தயா­ராக இருக்­கு­மாறு அறை­கூ­வல் விடுக்­கி­றாா்.

கூட்­ட­மைப்­பின் தலை­வ­ரான சம்­பந்­தன் ஒற்­றை­யாட்சிப் பதத்துக்குப் பதி­லாக ஒருமித்த நாடு எனக்­கு­றிப்­பி­டப்­பட்­டுள்­ளமை பெரி­ய­ள­வி­லான முன்­னேற்­றம் என்­கி­றாா். புெளட் அமைப்­பின் தலை­வ­ரான சிா்த்தார்த் தன், அர­சமைப்­பின் இறுதி வடி­வம் வெளி­வந்­த­தன் பின்­னா் பாா்த்துக் கொள்­ள­லாம் என்­கி­றாா்.ஆனால் புதிய அர­ச­மைப்பு எந்த வடி­வத்­தில் இருந்­தா­லும் இன­வா­தி­கள் அதை நிறை­வே­ற்று­வ­தற்கு அனு­ம­திக்க மாட்­டாா்­கள்.

சிறு பான்­மை­யின மக்­கள் எந்த வகை­யி­லே­னும் நன்மை பெறு­வதை இவா்­கள் விரும்பாமையே இதற்கு கார­ண­மா­கும்.மக்­களை ஆயு­தம் ஏந்­து­மா­றும், அர­சுக்கு
எதி­ரா­கப் புரட்­சி­யில் ஈடு­ப­டு­மா­றும் வேண்­டு­கோள் விடுப்­பது ஒரு மிகப்­பெ­ரிய குற்­றச்­செ­ய­லா­கும். பொது பல சேனாவுக்­கும் இதுதெரியும்.

ஆனால் அதன் பொதுச்­செ­ய­லாளர் இதை­யெல்­லாம்­ தெரிந்த பின்ன­ரும் பகி­ரங்­க­மான அறை­கூ­வல் விடுப்­பது எவ­ருக்­குமே அஞ்­சாத அவரது மன­நி­லையை எடுத்­துக்­காட்­டு­கின்­றது.

தமிழ் இளை­ஞா்­கள் முழு நாட்­டை­யும் தமது கட்­டுப்­பாட்­டுக்­குள் கொண்டு வந்து தமி­ழா்­க­ளின் ஆட்­சியை நிறுவ வேண்­டும் என்ற நோக்­கத்­து­டன் போராட்­டத்­தில் ஈடு­ப­ட­ வில்லை. தமது உரிமை­க­ளுக்­காக ஜன­நா­யக வழி­யில் போராடி எதை­யும் சாதிக்க முடி­யாது என்­ப­தால்­தான், ஆயு­தம் ஏந்­தி­னாா்­கள்.அது­வும் தமக்­கெ­னத் தனி­ நாடொன்றை அமைப்­பதே இவா்­க­ளின் நோக்­க­மாகக் காணப்­பட்­டது.

நாட்டின் நிர்வாகம் 
பெளத்த மத பீடத்திடம் 
ஒப்படைக்கப்பட வேண்டும் 
என்கிறார் ஞானசாரதேரர்

ஆனால் ஞான­சா­ர­தே­ரா் முழு நாட்டை யும் மகாநாயக்­கா் வசம் ஒப்படைக்க வேண்­டு­மெ­னக் கூறி­யி­ருக்­கின்­றாா்.அது­வும் வெளிப்­ப­டை­யாக இடம்­பெ­ற்ற­தொரு நிகழ்ச்­சி­யில் வைத்துக் கூறி­யி­ருக்­கி­றாா்.இதற்கு அரசு என்ன நட­வ­டிக்கை எடுக்­கப் போகின்­றது?என்­ப­து­தான்இன்றுஎழுந்­துள்ளகேள்­வி­யா­கும்.

இன­வா­த­மும்,இன­வா­தி­க­ளும் இந்த நாட்­டில் இருக்­கும் வரை­யில் இனங்க­ளுக்­கி­டை­யில் நல்­லு­றவை எதிா்­பாா்க்க முடி­யாது.

ஆனால் இந்த நாட்­டைப் பொறுத்த வரை­யில் அர­சுக்­குள்­ளேயே இன­வா­தி­கள் உள்­ள­னா்.இவா்­கள் வெளி­யி­லுள்ள இன­வா­தி­க­ளுக்­கும் தமது ஆத­ரவை நல்கி வரு­கின்­ற­னா்.ஞான­சார தேர­ரும் இதே நிலை­யில்­தான் உள்­ள­ார்.

அவ­ருக்கு எதி­ராக அரசு நட­வ­டிக்கை எடுக்­கு­மா­னால் அரசில் உள்­ள­வா்­களே அதை எதிர்க்க முற்­ப­டு­வாா்­கள். இத­னால்­தான் இந்த விடயத்தில் அரசு அஞ்சி நடக்­கின்­றது.சிறு­பான்­மை­யின மக்­கள் குறிப்­பா­கத் தமிழ் மக்­கள், இந்த நாட்­டில் சமத்­து­வ­மாக வாழ்­வ­தற்­கான சூழலை ஏற்ப­டுத்­து­வது சாதாரண விட­ய­மல்ல.

ஏனென்­றால் இந்த நாடு சிங்­க­ள­வா்­க­ளுக்கு மட்­டுமே சொந்­த­மா­னது என்ற சிங்கள மக்களது மனோ நிலையை எளி­தில் மாற்­றி­விட முடி­யாது.

இனவாதிகளை அரசால் கட்டுப்படுத்த முடியாது
ஞான­சார தேரா் போன்­ற­வா்­க­ளும் இதைத்­தான் திரும்பத் திரும்­பக் கூறி வரு­கின்­றாா்­கள்.பெரும்­பான்­மை­யின மக்­க­ளின் மனங்­க­ளில் இதுவே வேத­மா­க­வும் பதிக்­கப்­பட்­டு­விட்­டது.

இந்த நிலை­யில் அரசு நினைத்­தா ­லும் இவா்­க­ளுக்கு எதி­ராக எதை­யுமே செய்ய முடி­யாது என்ற நிலை உரு­வாகி விட்­டது. இத­னால் எதிா்­கா­லத்­தி­லும் பல ஞான­சார தேரா்­கள் உரு­வாகிவிடப் போகி­றாா்­கள்.

இதை இல்லாது செய்ய வேண்­டு­மா­னால், இவா்­க­ளின் மனங்­க­ளில் மாற்­றம் ஏற்­ப­டுத்­தப்­பட வேண்­டும்.இதற்காக எதை வேண்­டு­மா­னா­லும் செய்து கொள்ள முடி­யும்.

ஏனென்­றால் நாட்­டை­விட முக்­கி­ய­மா­ன­ தொன்று இங்கு இல்லை. நாடு சீரி­ழந்து போகு­மா­யி­ன், அங்கு வசிக்­கின்ற மக்­கள் ஒரு­வ­ருமே நிம்­ம­தி­ யா­க­வும் மகிழ்ச்­சி­யு­ட­னும் வாழ முடி­யாது.

ஞானசாரதேரர் போன்­ற­வர்களைக் கட்­டுப்­ப­டுத்த வேண்டு மென்­றால் நோ்மையும்,கொள்­கைப்­பி­டிப்­பும்,உறு­தி­யும் மிக்­க­தலைவர்களே நாட்­டுக்­குத் தேவை­.

http://newuthayan.com/story/37641.html

Categories: merge-rss, yarl-category

கேடலோனியர்கள்; குர்திஷ்களின் விடுதலைப் போராட்டம்!

கேடலோனியர்கள்; குர்திஷ்களின் விடுதலைப் போராட்டம்!

 

17CVCM-EDIT1-IRAQ-KURDS-POLITICS
17CHVCM-EDIT1-SPAIN-POLITICSCATALONIA-BA
 
 

சமீபத்தில் இராக்கில் உள்ள குர்திஷ் பிராந்திய அரசாங்கத்துக்குட்பட்ட பகுதியிலும் ஸ்பெயினில் உள்ள கேடலோனியா சுயாட்சி சமூகத்துக்குட்பட்ட பகுதியிலும் நடந்த கருத்துக்கேட்பு வாக்கெடுப்புகள் மிகுந்த முக்கியத்துவம் பெறுகின்றன. குர்திஸ்தான் தனி நாடு உருவாக வேண்டும் என்று குர்திஷ் மக்களும்; கேடலோனியா தனி நாடு உருவாக வேண்டும் என்று கேடலோனியா பிரதேச மக்களும் பெருமளவில் வாக்களித்திருக்கிறார்கள். எதிர்பார்த்தது போலவே, இந்த வாக்கெடுப்புகளை ஏற்க இராக்கும் ஸ்பெயினும் மறுத்துவிட்டன.

குர்திஷ்களும் கேடலோனியர்களும் இந்த உலகின் எதிரெதிர் துருவங்களில் வாழ்கின்ற இனங்கள் என்றாலும், அவர்களுடைய தலையெழுத்துகள் ஒரே மாதிரியாகவே இருக்கின்றன. ஒரு இனம், ஜனநாயகத் தின் தொட்டில் என தன்னைத்தானே அழைத்துக்கொள்ளும் ஐரோப்பியக் கண்டத்தில் இருக்கிறது. மற்றொரு இனம், ஜனநாயகக் காற்று வீசாத பாலை எனக் கருதப்படும் மேற்காசியாவில் இருக்கிறது. கேடலோனியர்கள் ஆயிராமாண்டு காலமாக இருந்துவரும் தமது தாயகத்துக்கான சுயாட்சியை முன்பே வென்றெடுத்தார்கள். பெற்ற சுயாட்சி உரிமைகளை ஸ்பெயின் அரசு பறிக்க முயன்றபோது, சுதந்திரத்தை நோக்கி நகர்ந்தார்கள்.

 

சுதந்திர வேட்கை

குர்திஷ் மக்களின் நிலையோ படுமோசம். குர்திஸ்தான் என்றழைக்கப்படும் அவர்களது தாயகம் இராக், ஈரான், சிரியா, துருக்கி ஆகிய நான்கு நாடுகளால் துண்டாடப்பட்டு ஆக்கிரமிக்கப்பட்டிருக்கிறது. மேற்காசியாவின் சாம்ராஜ்ய மும்மூர்த்திகளான துருக்கியர்களும் அரேபியர்களும் பாரசீகர்களும் குர்திஷ்களின் இன அடையாளத்தைக்கூட ஏற்கத் தயாராக இல்லாமல், இனப் படுகொலைகளினூடாக வும் ஒடுக்குமுறைகளினூடாகவும் அந்த இனத்தை அழித்துவந்தனர். 90-களில் இராக்கில் அமெரிக்கா நுழைந்த பிறகு, அமெரிக்காவின் உள்ளூர் வியூகத்தின் ஒரு பகுதியாகவே இராக்கிலுள்ள குர்திஷ் மக்களுக்கு என ஒரு பிராந்திய அரசு அமைந்தது. இப்போது தனி நாடாவதற்கான வாக்கெடுப்பை நடத்தியது அந்த அரசுதான்.

இராக்கில் உள்ள குர்திஷ் மக்கள் செப்டம்பர் 25-ல் நடந்த வெகுசன வாக்கெடுப்பில் கலந்துகொண்டு தங்களுக்குத் தனிநாடு வேண்டும் என வாக்களித்தார்கள். பல முறை நடத்தத் திட்டமிடப்பட்டு, ஆனால் முடியாமலேயே போயிருந்த நிலையில், இந்த முறை அது வெற்றிகரமாக நடந்தது. கேடலோனியாவைப் பொறுத்தவரை அக்டோபர் 1-ல் நடைபெற்ற வாக்கெடுப்பைச் சட்டவிரோதம் என்று ஸ்பெயின் அரசு கூறினாலும், கேடலோனிய அரசுத் தலைவர் கார்லஸ் பியூஜ்டிமாண்டின் உள்ளிட்டோர் அதைப் பற்றிக் கவலைப் படாமல் வாக்கெடுப்பை நடத்தினார்கள். ஸ்பெயின் பிரதமர் மரியானா ரஜோயின் மிரட்டல்களும் அவரது அரசின் போலீஸ் தாக்குதல்களும் ஸ்பானிய ஆளும் தலைகளின் ஆணவப்போக்கும் கேடலோனியாவில் சுதந்திரம் குறித்து முடிவெடுக்காமல் குழம்பியிருந்த மக்களைக்கூட சுதந்திரத்துக்கு ஆதரவானவர்களாக மாற்றியது. வாக்களித்த 43% மக்களில் 92% பேர் சுதந்திரம் வேண்டும் என்றே தேர்வு செய்திருந்தார்கள்.

 

எதிர்விளைவுகள்

இவ்விரு நிகழ்வுகளும் உலக அரங்கில் கடுமை யான எதிர்விளைவுகளை உருவாக்கியுள்ளன. பெரிய நாடுகள் இதுவரை கேடலோனியாவையோ குர்திஸ் தானையோ அங்கீகரித்துவிடவில்லை. குறிப்பாக, குர்திஸ்தான் வாக்கெடுப்பை முழுமையாக நிராகரித் தார் அமெரிக்க அரசுச் செயலர் ரெக்ஸ் டில்லர்சன். இன்றைய உலக ஒழுங்கில் வல்லரசுகளின் போட்டிக்களத்தில் ஏதேனும் ஒரு அணியில் இருந்தால்தான், பிரிவினைப் போராட்டங்கள் வெற்றிபெறுகின்றன என்று பொதுவாகக் கருதப்படுகிறது. சமீபகாலத்தில் தனிநாடுகளாக ஆன தெற்கு சூடான், கோசாவா போன்றவைகூட அதற்கு எடுத்துக்காட்டுகளாகச் சொல்லப்படுகின்றன. எல்லா வல்லரசுகளும் ஒன்று திரண்டு எதிராக நின்றால், ஒரு விடுதலைப் போராட்டத் தைச் சுவடின்றி அழித்துவிட முடியும் என்று தமிழ் ஈழப் போராட்டத்தின் முடிவு காட்டுகிறது.

ஐரோப்பாவில் சுயநிர்ணய உரிமைகள் என்பது வரலாற்றுரீதியாக ஏற்கப்பட்டுவிட்ட ஒரு கோட்பாடு என்று கருதப்படுகிறது. ஆனால், ஆசியாவில் எந்த நாட்டிலும் அதற்கு ஏற்பு இல்லை என்பதும் வெளிப்படை. 90-களில் சோவியத் யூனியன், யூகோஸ்லேவியா, செக்கோஸ்லோவேகியா போன்ற கூட்டமைப்புகள் தகர்ந்து, பல நாடுகள் உருவாயின. அந்தச் சம்பவங்கள், ரஷ்யப் புரட்சியினூடாக விளதிமிர் லெனினும் முதல் உலகப் போருக்குப் பின் அமெரிக்க அதிபர் உட்ரோ வில்சனும் முன்வைத்த சுயநிர்ணய உரிமைக் கோட்பாடுகள் மேற்குலகில் சட்டபூர்வமாக ஏற்கப்பட்டிருப்பதன் அடையாளம் என்றும் கருதப்பட்டது.

மத்திய, கிழக்கு ஐரோப்பாவில் சோவியத் ஆதிக்கத்தை உடைப்பதற்கு சுயநிர்ணய உரிமை என்கிற ஆயுதத்தை எடுத்த எந்த மேற்கு, தெற்கு ஐரோப்பிய நாடும் தங்கள் நாட்டில் அதே கோரிக்கை எழுகிறபோது அதை ஏற்றுக்கொள்வதில்லை. பழைய சாம்ராஜ்யங்களோ புதிய வல்லரசுகளோ தங்களுடைய தேவைக் கும் நலனுக்கும் ஏற்பவே நாடுகளை உருவாக்கத் துணைபுரிகின்றன. இந்தப் பின்னணியில்தான் கேடலோனியாவில் வாக்கெடுப்பு, ஸ்பெயினில் விடுதலைக்குப் போராடும் பாஸ்க் இனத்தவர்க்கும், அருகே பிரிட்டனில் ஸ்காட்களுக்கும் உற்சாகத்தை அளித்தது. ஆனால், ஸ்பெயின் அரசின் மனநிலையையே பிரிட்டன், ஜெர்மனி, பிரான்ஸ் போன்ற அரசுகள் பிரதிபலித்தன.

 

வல்லரசுகளுக்குச் சவால்

ஐரோப்பாவிலேயே இப்படி என்றால், குர்திஸ்தான் விவகாரத்தில் கேட்கவே வேண்டாம். உள்ளூர் தாதாக்களான இராக், ஈரான், சிரியா, துருக்கி போன்ற நாடு களுக்குள் ஆயிரம் போட்டியிருக்கலாம். ஆனால் குர்திஸ்தான் என்கிற ஒரு அரசு உருவாகிவிடக் கூடாது என்பதில் அவை ஒருமித்த கருத்தைக் கொண்டிருக்கின்றன. வாக்கெடுப்பு நடந்த நாள் முதலாகவே குர்திஸ்தான் பிராந்திய அரசாங்கத்தின் மீது அனைத்துவிதமான தடைகளையும் அவை போடத் தொடங்கின. இராக்கிய குர்து அரசின் தலைநகரமான எர்பிலுக்கு பயணியர் விமானப் போக்குவரத்தைத் தடைசெய்தது இராக். அங்கேயிருந்து வெளிவரும் எண்ணெய் குழாய்களை அடைக்கப்போவதாக மிரட்டியது துருக்கி. குர்துப் பகுதியுடனான எல்லையை மூடியது ஈரான்.

எல்லாவற்றுக்கும் மேலாக, சதாம் உசைனின் இராக்கில் இனப்படுகொலைக்கு உள்ளான குர்திஷ் மக்களுக்கு பிராந்திய அரசை ‘உருவாக்கித் தந்த’ அமெரிக்காவும் தன்னுடைய நிஜ முகத்தைக் காட்டிவிட்டது. மசூத் பர்சானி தலைமையிலான குர்திஷ் பிராந்திய அரசு அமெரிக்காவின் கைப்பாவை என்று சொல்லக்கூடிய அளவுக்கு அமெரிக்க நலன்களுக்கு ஒத்தாசை செய்துவந்தது. அமெரிக்கர்களால் நேரடியாக எதிர்கொள்ள முடியாத ஐஎஸ் பயங்கரவாதிகளை ஒழித்துக்கட்டியதில் குர்திஷ்களின் பெஷ்மெர்கா படையினரின் பங்கு அதிகம். குர்திஷ் பகுதி தனிநாடாகச் செல்லவேண்டும் என்று அவர் உறுதியாக முடிவெடுத்தபோது. அவரைக் கைகழுவியது அமெரிக்கா.

அப்படியென்றால் கேடலோனிய, குர்திஷ் கனவுகள் என்ன ஆகும்? வல்லரசியவாதிகளின் முடிவு என்னவாக இருந்தாலும், மக்கள் முடிவெடுத்துவிட்டால், நீண்ட காலம் அதை மறுத்து நிராகரிக்கும் ஆற்றல் யாருக்குமே இல்லை என்பது வரலாறு. காலனிய சகாப்தத்தில் போடப்பட்ட எல்லைக் கோடுகளை மாற்றவிடக் கூடாது என்று வல்லரசுகள் விரும்புகின்றன. அதை மீறி சுதந்திரம் வேண்டுமானால், வல்லரசுப் போட்டிக்களத்தில் ஏதேனும் ஒரு அணியை அனுசரித்து சுதந்திர யாசகம் கேட்கவேண்டிய கட்டாயத்தை அவை உருவாக்கி வைத்திருந்தன. அந்த யதார்த்தத்தைப் புரிந்துகொண்டுள்ள அதே நேரத்தில், குர்திஸ்தான்களும் கேடலோனியாக்களும் சுயநிர்ணய உரிமையை வெல்வதற்கான வழியைக்கூட சுயமாக நிர்ணயித்துக்கொள்ளத் தொடங்கிவிட்டன என்பதுதான் இப்போது வந்திருக்கும் புதிய செய்தி. இது உலக, வட்டார வல்லரசுகளுக்கு விடப்பட்டுள்ள புதிய சவாலும்கூட!

http://tamil.thehindu.com/opinion/columns/article19875305.ece

Categories: merge-rss, yarl-world-news

வீதியிலுள்ள பிள்ளையார் சிலை உடைப்பு

ஊர்ப்புதினம் - Tue, 17/10/2017 - 05:28
வீதியிலுள்ள பிள்ளையார் சிலை உடைப்பு
 
வீதியிலுள்ள பிள்ளையார் சிலை உடைப்பு
 

மன்னார் திருக்கேதீஸ்வரம் செல்லும் வீதியிலுள்ள பிள்ளையார் சிலை ஒன்று உடைக்கப்பட்டுள்ளதாகத் தெரிவிக்கப்பட்டுள்ளது.

சிலை இன்று அதிகாலையிலேயே உடைக்கப்பட்டுள்ளதாகவும் தெரிவிக்கப்பட்டுள்ளது.

சிலை உடைக்கப்பட்டதற்கான காரணம் என்னும் வெளியாகவில்லை. அதற்கான நடவடிக்கைகளைப் பொலிஸார் மேற்கொண்டு வருவதாகவும் தெரிவிக்கப்பட்டுள்ளது.

FB_IMG_1508209652578-1.jpg FB_IMG_1508209652578.jpg FB_IMG_1508209661237.jpg FB_IMG_1508209672152.jpg FB_IMG_1508209680393.jpg FB_IMG_1508209696177-1.jpg

http://newuthayan.com/story/37608.html

Categories: merge-rss, yarl-category

இராணுவம் மீதான யுத்த குற்­றச்­சாட்­டு­க்களை மன்­னிக்க தமிழ்க் கூட்­ட­மைப்பு தயாரா ?

ஊர்ப்புதினம் - Tue, 17/10/2017 - 05:27
இராணுவம் மீதான யுத்த குற்­றச்­சாட்­டு­க்களை மன்­னிக்க தமிழ்க் கூட்­ட­மைப்பு தயாரா ?

 

 

விடு­தலை புலி­களை அர­சியல் கைதி­க­ளாக அர்த்­தப்­ப­டுத்தி  விடு­தலை செய்­யக்­கோ­ருவோர் இரா­ணு­வத்தை  தண்­டிக்க கூறு­வது ஏற்­று­க்கொள்­ள­மு­டி­யாது. புலி­க­ளுக்கு பொது மன்­னிப்பு வழங்­கு­வ­தென்றால் இரா­ணு­வத்தின் மீதான யுத்த குற்­றச்­சாட்­க்டு­க­ளையும்  மன்­னிக்க வேண்டும். தமிழ் தேசியக் கூட்­ட­மைப்­பினர்  இந்த விவ­கா­ரத்தில் ஒரு நிலைப்­பாட்­டினை கொள்ள வேண்டும் என பிவி­துரு ஹெல உறு­மய கட்­சியின் தலைவர் உதய கம்­மன்­பில தெரி­வித்தார். 

gammanpila.jpg

மாகாண முத­ல­மைச்­சரின் விருப்­பத்­திற்கு அமைய ஆளு­நரை நிய­மிக்கும் யோசனை ஒன்று புதிய அர­சியல் அமைப்பில் உள்­வாங்­கப்­பட்­டுள்­ள­தா­னது ஈழத்­துக்­கான அடித்­தளம் எனவும் அவர் குறிப்­பிட்டார். 

பிவி­துரு ஹெல உறு­மய நேற்று கொழும்பில் நடத்­திய செய்­தி­யாளர் சந்­திப்பின் போதே அவர் இதனைக் குறிப்­பிட்டார். இது குறித்து அவர் மேலும் கூறு­கையில், 

ஜனா­தி­பதி வடக்­கிற்கு விஜயம் செய்த போது பார­ாளு­மன்ற உறுப்­பினர் சிவா­ஜி­லிங்கம் உள்­ளிட்ட சிலர் ஜனா­தி­ப­தியின் வரு­கை­யினை எதிர்த்து போராட்டம் நடத்­து­கின்­றனர். இதன்­போது அர­சியல் கைதி­களை விடு­தலை செய்­ய­வேண்டும் எனக்­கூறி போராட்டம் நடத்­து­கின்­றனர். ஆனால் இலங்­கையில் அர­சியல் கைதிகள் என யாரும் இல்லை என்­பதை நான் மிகவும் பொறுப்­புடன் தெரி­விக்­கின்றேன். 

இலங்­கையில் ஒரு காலத்தில்  அர­சியல் கைதிகள் இருந்­தனர், 1983 ஆம் ஆண்டு இலங்­கையில் ஜே.வி.பி, கொம்­யூனிஸ்ட் கட்சி, சம சமாஜ கட்­சி­களை தடை செய்த போது அதன் தலை­வர்­களை கைது­செய்து சிறையில் அடைத்­தனர். அவர்­களை அர­சியல் கைதிகள் என கூறி­னார் 

கள். அவர்கள் உண்­மை­யி­லேயே அர­சியல் கைதி கள்தான். அவர்­களை அவ்­வாறு கூறு­வதை ஏற்­று­க்கொள்ள முடியும். 

ஆனால் ஆயுதம் ஏந்தி இந்த நாட்டில் பிரி­வி­னை­யினை தூண்­டிய விடு­த­லைப்­பு­லிகள் பயங்­க­ர­வாத இயக்கம் இன்­று­வ­ரையில் தடை­செய்­யப்­பட்ட இயக்­க­மா­கவே உள்­ளது. இறுதி யுத்­தத்தில் பிடி­பட்ட புலிகள் இன்றும் சிறையில் உள்­ளனர். அவர்­களை அர­சியல் கைதிகள் என கூற­மு­டி­யாது. ஆயு­தத்­துடன் சர­ண­டைந்த 12 ஆயிரம் விடு­த­லைப்­பு­லிகள் புனர்­வாழ்வு வழங்­கப்­பட்டு இன்று சுதந்­தி­ர­மாக வாழ்ந்து வரு­கின்­றனர். 

அவர்­களை எமது அர­சாங்கம் விடு­தலை செய்­தது. ஆனால் இன்று தமிழ் தேசியக் கூட்­ட­மைப்பு  உள்­ளிட்ட தமிழர் தரப்­பினர் சிறையில் தற்­போது தடுத்து வைக்­கப்­பட்­டுள்ள  ஆயுதம் ஏந்­திய விடு­த­லைப்­பு­லி­களை அர­சியல் கைதி­க­ளாக அர்த்­தப்­ப­டுத்தி அவர்­களை விடு­தலை செய்­ய­கூறி போராட்டம் நடத்­து­கின்­றனர். தொடர்ச்­சி­யாக அவர்கள்  இதே நிலைப்­பாட்டில் இருந்து கருத்து தெரி­வித்து வரு­கின்­றனர். மறு­புறம் இல்­லாத யுத்த குற்றம் ஒன்­றினை உரு­வாக்கி அதன் மூலம் இந்த நாட்­டினை காப்­பாற்­றிய எமது இரா­ணு­வத்­தி­னரை தண்­டிக்க வேண்டும் என்ற அழுத்­தத்­தி­னையும் கொடுத்து வரு­கின்­றனர். 

தமிழ் தேசியக் கூட்­ட­மைப்பு முதலில் ஒரு நிலைப்­பாட்டில் கருத்து தெரி­விக்க வேண்டும். ஒன்று யுத்த குற்­றத்தில் இரா­ணு­வத்தை தண்­டிக்க வேண்டும் என்றால், மறு­புறம் வடக்கில் ஆயுதம் ஏந்தி கொழும்­பிலும் அனைய பகு­தி­க­ளிலும் தாக்­குதல் நடத்தி பொது­மக்­களை கொன்ற விடு­த­லைப்­பு­லி­க­ளையும் யுத்த குற்­றத்தில் தண்­டிக்க வேண்­டுமா? அல்­லது விடு­த­லைப்­பு­லி­களை அர­சியல் கைதி­க­ளாக கூறி பொது மன்­னிப்பு வழங்­கு­வதை போலவே இரா­ணு­வத்­தையும் பொது மன்­னிப்பில் விட­வேண்­டுமா என்ற ஒரு நிலைப்­பாட்­டினை தெரி­விக்க வேண்டும். இரா­ணு­வத்தை மட்­டுமே தண்­டித்து விடு­தலை புலி­களை விடு­தலை செய்ய கோரும் கருத்து நியா­ய­மற்­ற­தாகும். 

மேலும் மாகாண முத­ல­மைச்­சரின் விருப்­பத்­திற்கு அமைய ஆளு­நரை நிய­மிக்கும் யோசனை ஒன்று புதிய அர­சியல் அமைப்பில் உள்­வாங்­கப்­பட்­டுள்­ளது.  எனினும் ஆளுநர் என்­பவர் ஜனா­தி­ப­தியின் மாகாண பிர­தி­நி­தி­யாவார். அவரை நிய­மிக்கும் அதி­காரம் ஜனா­தி­ப­தியின் கீழ் உள்­ளது. இது­வரை கால­மாக இந்த வழக்­கமே உள்­ளது.  எனினும் புதிய அர­சியல் அமைப்பில் இந்த அதி­காரம் முழு­மை­யாக முத­ல­மைச்­சரின் கீழ் கொண்­டு­வ­ரப்­ப­ட­வுள்­ளது.

இவ்­வாறு செயற்­ப­டு­வதன் மூலமாக   வடக்கு பிரதேசம் ஈழநாடாக பிரிந்துசெல்ல பிரதமர் வழிசமைத்துள்ளார். மாகாணசபை அதிகாரங்களை வழங்குகின்றனர், பொலிஸ், காணி அதிகாரங்களை வழங்குகின்றனர், படிப்படியாக ஜனாதிபதியின் அதிகாரங்களை பறித்துக்கொண்டு மாகாண

சபை தன்னிச்சையாக செயற்படும் வகையில் அரசாங்கமே பாதையினை அமைத்துக் கொடுக்

கின்றது. இவற்றின் இறுதி ஈழமாகவே அமையும் எனவும் அவர் குறிப்பிட்டார்.

http://www.virakesari.lk/article/25887

Categories: merge-rss, yarl-category

ஊக்கமருந்து தடையிலிருந்து மீண்ட ஷரபோவா சம்பியனானார்

ஊக்கமருந்து தடையிலிருந்து மீண்ட ஷரபோவா சம்பியனானார்

ஊக்கமருந்து பயன்படுத்தியதால் 15 மாத தடைக்குபின்னர் திரும்பிய ரஷ்ய டென்னிஸ் வீராங்கனை மரியா ஷரபோவா, டியான்ஜின் ஓபன் சர்வதேச டென்னிஸ் இறுதிப் போட்டியில் சாம்பியன் பட்டம் வென்றார்.

mariya-sharapova.jpg

சீனாவில் இடம்பெற்றுவரும் டியான்ஜின் ஓபன் சர்வதேச டென்னிஸ் போட்டியில் முன்னாள் வீராங்கனை மரியா ஷரபோவா பெலாரஸ் வீராங்கனை அரினா சபலென்காவை எதிர்கொண்டார்.

 

ஆரம்பத்தில் 1-4 என்ற புள்ளிக் கணக்கில் பின்தங்கினாலும்இ அதன் பின்னர்  சரிவிலிருந்து மீண்டு 7-6இ 7-6 (10-8) என்ற நேர் செட்களில் அரினா சபலென்காவை வீழ்த்தி சாம்பியன் பட்டத்தினை கைப்பற்றினார்.

 

 

 

கடந்த ஏப்ரல் மாதம் ஊக்கமருத்துத் தடைக்கு பின் களத்திற்கு திரும்பிய ஷரபோவா வென்ற முதல் சாம்பியன் பட்டம் இதுவாகும். அத்துடன் 36 சர்வதேச பட்டங்களை வென்றிருக்கும் ஷரபோவா ஐந்து முறை கிராண்ட்ஸலாம் பட்டங்களையும் வென்றுள்ளமை குறிப்பிடத்தக்கது.

http://www.virakesari.lk/article/25882

Categories: merge-rss

ஹம்பாந்தோட்டைத் தாக்குதல்: தேசிய பொலிஸ் ஆணைக்குழு விசாரணை

ஊர்ப்புதினம் - Tue, 17/10/2017 - 05:10
ஹம்பாந்தோட்டைத் தாக்குதல்: தேசிய பொலிஸ் ஆணைக்குழு விசாரணை
 

 

ஹம்பாந்தோட்டையில் அண்மையில் இடம்பெற்ற ஆர்ப்பாட்டத்தின்போது, ஆர்ப்பாட்டக்காரர் ஒருவரைப் பொலிஸார் தாக்கினார் என்ற குற்றச்சாட்டுத் தொடர்பான விசாரணைகளை, தேசிய பொலிஸ் ஆணைக்குழு, நேற்று (16) ஆரம்பித்தது. 

தங்காலை உதவிப் பொலிஸ் அத்தியட்சகர் துஷார தலுவத்த மீதே, இவ்விசாரணைகள் மேற்கொள்ளப்பட்டுள்ளன.  ஹம்பாந்தோட்டைத் துறைமுகத்தை, இந்தியாவுக்கு விற்பனை செய்ய முயலப்படுகிறது எனத் தெரிவித்து, நாடாளுமன்ற உறுப்பினர் நாமல் ராஜபக்‌ஷ உள்ளிட்ட ஒன்றிணைந்த எதிர்க்கட்சியினர், ஒக்டோபர் 6ஆம் திகதி, ஆர்ப்பாட்டமொன்றை மேற்கொண்டிருந்தனர். 

நீதிமன்ற உத்தரவை மீறி இடம்பெற்ற இந்த ஆர்ப்பாட்டத்தின்போது, தடுத்து வைக்கப்பட்டிருந்த ஆர்ப்பாட்டக்காரர் ஒருவர், பொலிஸ் அதிகாரியால் தாக்கப்பட்டார் என்ற குற்றச்சாட்டு எழுந்தது. 

இது தொடர்பாக, ஒன்றிணைந்த எதிரணியின் நாடாளுமன்ற உறுப்பினர் டலஸ் அலகப்பெரும, தனது முறைப்பாட்டை முன்வைத்திருந்தார். 

இது தொடர்பான விசாரணைகளை மேற்கொள்வதற்கு, 3 பொலிஸ் அதிகாரிகள் கொண்ட குழுவொன்று, ஹம்பாந்தோட்டைக்கு நேற்று முன்தினம் (15) சென்றது. இது தொடர்பான விசாரணைகள் நேற்று ஆரம்பிக்கப்பட்ட நிலையில், ஒரு வாரகாலம் விசாரணை மேற்கொள்ளப்பட்டு, அறிக்கை சமர்ப்பிக்கப்பட வேண்டுமெனப் பணிக்கப்பட்டுள்ளது. 

ஆணைக்குழுவின், பொதுமக்கள் முறைப்பாடுகள் பிரிவின் பணிப்பாளர் எம். மொரகொல்ல, இந்த விசாரணைக்குழுவின் தலைவராக நியமிக்கப்பட்டுள்ளாரென, ஆணைக்குழுவின் செயலாளர் என். ஆரியதாஸ கூரே தெரிவித்தார். 

இச்சம்பவத்தில் காயமடைந்த ஆர்ப்பாட்டக்காரர், படுகாயமடைந்த நிலையில், வைத்தியசாலையில் அனுமதிக்கப்பட்டார் என்று அறிவிக்கப்பட்டிருந்தது. அதேபோல், சம்பவத்தில் சம்பந்தப்பட்டவர் என்று தெரிவிக்கப்படும் உதவி சிரேஷ்ட அத்தியட்சகர் தலுவத்த, மாத்தறை பொலிஸ் பிரிவுக்கு, இம்மாதம் 12ஆம் திகதியிலிருந்து இடமாற்றப்பட்டிருந்தமை குறிப்பிடத்தக்கது.   

http://www.tamilmirror.lk/செய்திகள்/ஹம்பாந்தோட்டைத்-தாக்குதல்-தேசிய-பொலிஸ்-ஆணைக்குழு-விசாரணை/175-205682

Categories: merge-rss, yarl-category

முல்லைத்தீவு பெருங்காட்டுப்பகுதியில் அபாயகரமான பொருட்கள்: பீதியில் மக்கள்

ஊர்ப்புதினம் - Tue, 17/10/2017 - 05:05
முல்லைத்தீவு பெருங்காட்டுப்பகுதியில் அபாயகரமான பொருட்கள்: பீதியில் மக்கள்

 

 பீதியில் மக்கள்

முல்லைத்தீவு பெருங்காட்டுப்பகுதியில் அபயகரமான இராணுவ வெடிபொருட்கள் கைவிடப்பட்ட நிலையில் இருப்பதாக தெரிவிக்கப்படுகின்றது.

காட்டுப்பிரதேசத்தில் நிலைகொண்டிருந்த இராணுவத்தினர் இறுதி யுத்தத்தின் போது இந்த பகுதியில் வெடிபொருள் களஞ்சியம் ஒன்றை வைத்திருந்திருந்திருக்காலாம் என்று சந்தேகம் வெளியிடப்பட்டுள்ளது.

 பீதியில் மக்கள்

இதே வேளை குறித்த காட்டடுப்பகுதியில் இருந்து வவுனியா நெடுங்கேணி மற்றும் கிளிநொச்சி ஆகிய பிரதேசங்களுக்கு கனரக வாகனங்களின் ஊடக வெடிபொருட்களை கொண்டு செல்லக்கூடிய தரைவழிப்பாதைளும் அமைக்கப்பட்டுள்ளதாகவும் தெரிவிக்கப்படுகின்றது.

எவ்வாறாயினும் யுத்தகாலத்தில் அந்த இடத்தில் நிலைகொண்டிருந்த இராணுவத்தினர் தற்பொழுது; அங்கிருந்து வெளியேறியுள்ளதாக தெரிவிக்கப்படுகின்றது.

எனினும் அப்பகுதியில் கைவிடப்பட்ட நிலையில் மீட்க்கப்படும் அபயகரமான வெடிபொருள் காரணமாக அப்பகுதி மக்கள் அச்சம் வெளியீட்டுள்ளமை குறிப்பிடத்தக்கது.

 பீதியில் மக்கள்

https://news.ibctamil.com/ta/internal-affairs/Dangerous-substances-in-Mullaitivu-forest

Categories: merge-rss, yarl-category

எங்கே செல்லும் இந்தப் பாதை?

அரசியல்-அலசல் - Tue, 17/10/2017 - 04:57
எங்கே செல்லும் இந்தப் பாதை?
 

“வடக்கு மாகாணத்தில், தூரத்து இடங்களைச் சேர்ந்த ஆசிரியர்கள் செல்ல மறுக்கும், வசதி குறைந்த பாடசாலைகளை மூடுவதுடன், நகர்ப் புறத்து பாடசாலைகளையும் ஆசிரியர்கள் வந்து செல்லக் கூடிய வசதிகள் உள்ள பாடசாலைகளையும் மட்டும் இயக்குவதே, ஆசிரியர்கள் வளப் பங்கீட்டுப் பிரச்சினைக்கான தீர்வு" என, வடக்கு மாகாண அமைச்சர் யோசனை தெரிவித்துள்ளார். வடக்கு மாகாண சபை அமர்வில், அமைச்சர் இவ்வாறான ஆலோசனை பகர்ந்துள்ளார்.   

மேலும் அமைச்சர், தான் சொன்னது என்னவென்று முழுமையாக ஆராய்ந்து பாராமல், நுனிப்புல் மேய்ந்து விட்டு, ஆசிரியர் சங்கங்கள் அறிக்கைகள் வெளியிட்டுள்ளன எனவும் மறுப்பு அறிக்கையும் வெளியிட்டுள்ளார். ஆனாலும் அமைச்சர் அவ்வாறு கூறியுள்ளார், யாழ்ப்பாணத்தில் இருந்து வௌிவரும் ஊடகம் ஒன்று, தனது பக்கத்து நியாயப்பாடுகளை வெளியிட்டுள்ளது.   

அமைச்சரது இந்தக் கருத்துக்கு எதிராகக் கண்டனங்கள் எழுந்துள்ளன. அதை வன்மையாகக் கண்டிப்பதாக, இலங்கைத் தமிழ் ஆசிரியர் சங்கம் தெரிவித்துள்ளது.  
ஆக, அமைச்சர் அவ்வாறு கூறினாரா அல்லது கூறவில்லை என்பதை ஒருபுறம் வைத்துவிட்டு, விடயத்துக்கு வரின்...   

இலங்கையில் மாகாண அடிப்படையிலான ஒன்பது நிர்வாகங்கள் உள்ளன. வடக்கு மாகாணம் கல்விப் பெறுபேறுகளின் அடிப்படையில் ஒன்பதாவது இடத்திலேயே தொடர்ந்து துயரத்துடன் பயணிக்கின்றது. 

குண்டுகள் வெடித்து, எறிகணை மழை பொழிந்த காலப் பகுதியில், குப்பி விளக்கில் சளைக்காது படித்துச் சாதனைகள் பல குவித்த தமிழ்க் கல்விச் சமூகம், இன்று அமைதி, சமாதானம் நிலவுவதாகக் கூறப்படும் காலத்தில், கல்வியில் கடைநிலை வகிப்பது மிகவும் கவலைக்குரியதாகும்.   

நகரமயமாதல்  

தற்காலத்தில், பொதுவாக ஒரு சமூகக் கட்டமைப்பு எதிர்நோக்கும் பல்வேறான பிரச்சினைகளில், மக்கள் நகரத்தை நோக்கி குடிபெயரும் நகரமயமாதல் என்பது பெரும் பிரச்சினை ஆகும். 

நகரமயமாதல் காரணமாக, ஒன்றின் பின் ஒன்றாகப் பல சிக்கல்கள் நாளாந்தம் ஏற்பட்டு வருகின்றன. மண் வாசனையுடனும் பெயருடனும் புகழுடனும் விளங்கிய பல பழம்பெரும் கிராமங்கள், சோபை களைந்து, முகவரி இழந்து தவிக்கின்றன. 

இவ்வாறு இருந்த போதிலும், மக்கள் தாங்கள் பிறந்து வளர்ந்த ஊர்களில், கிராமங்களில் சில பல அடிப்படைத் தேவைகளைப் பூர்த்தி செய்ய முடியாத வேளைகளிலேயே நகரத்தை நோக்கிப் படை எடுக்கின்றனர்.  

இந்த வகையில், மக்கள் நகரத்தை நோக்கிப் படை எடுக்கப் பல காரணங்கள் உள்ள போதிலும், தமது பிள்ளைகளை நகரத்துப் பிரபல பாடசாலைகளில் சேர்த்து விட வேண்டும் என்பது முதன்மையான விடயம் ஆகும். 

பெற்றோர்கள் தமது உச்சக் கட்ட முயற்சிகளைப் பயன்படுத்தி அல்லது இலஞ்சம் கொடுத்தாவது நகர்ப்புற பாடசாலைகளில் சேர்த்து விடுகின்றனர்.   

இதனால், கிராமப்புற பாடசாலைகளில் போதிய மாணவர்கள் இன்றி, வெறுமை நிலை காணப்படுகின்றது. சில பாடசாலைகளில் தரம் 1 அனுமதிகளில் பத்து (10) பிள்ளைகள் இல்லாத சூழ்நிலைகளும் ஏற்படுகின்றன. இதனால் பாடசாலைகளை மூட வேண்டிய நிர்ப்பந்தம் ஏற்படுகின்றது.   

‘ஒரு பாடசாலையைத் திறப்பது ஆயிரம் சிறைச்சாலைகளை மூடுவதற்கு சமம்’ எனக் கூறுவது உண்டு. இந்நிலையில் வளப்பற்றாக்குறை காரணமாகப் பாடசாலைகளை மூடின், மீள் ஆரம்பிப்பது மிகவும் சவாலான விடயம் ஆகும். உண்மையில் வளப்பங்கீட்டில் நகர்ப்புற, கிராமப்புற பாடசாலைகளுக்கு இடையில் ஏற்ற தாழ்வுகள் காணப்படுகின்றன.   

பல பெற்றோர்கள், தமது பிள்ளைகளின் கற்றல் செயற்பாடுகளுக்காகப் பெரும் சிரமங்களின் மத்தியிலேயே நகரில் வாழ்கின்றனர். பலர் விருப்பம் இன்றியே, நகருக்குள் தள்ளப்படுகின்றனர். 

என்னால் எனது கிராமிய வாசனையை அனுபவிக்க முடியாமல் போய் விட்டதே எனப் பல பெற்றோர்கள் நாளாந்தம் ஏங்கித் தவிர்க்கின்றனர். இருந்தும் எனது மகனி(ளி)ன் கல்வி உயர்வானது முக்கியமானது என்ற வார்த்தைகள், இவர்களின் ஏக்கத்தைச் சற்றுத் தீர்ப்பதாக உள்ளது.   

பறிபோகும் கிராமங்கள்  

அடுத்து, இவ்வாறாக கல்வி மற்றும் இதர தேவைகளின் பொருட்டு நகரத்தை நோக்கி நகரநகர, நம் எல்லைக் கிராமங்கள் பறிபோய்க் கொண்டிருக்கின்றன. உதாரணமாக, முல்லைத்தீவு மாவட்டத்தில், கொக்கிளாய் தமிழ் மக்களது பூர்வீக கிராமம். இன்று இக்கிராமம், விரைவாகப் பறிபோகும் நிலையில் உள்ளது.  

தென்னிலங்கை மீனவர்களது அதிகரித்த வருகை, அவர்களின் அதிகரித்த அத்துமீறல்கள், இதை எள்ளளவும் கண்டு கொள்ளாத மறைமுகமாக ஊக்குவிக்கும் கொழும்பு, தடுத்து நிறுத்த முடியாத நிலையில் தமிழ் அரசியல்வாதிகள் எனத் தொடரும் நடவடிக்கைகள், கொக்கிளாய் தமிழ்க் கிராமத்துக்கு ஆபத்து மணி அடித்துள்ளன.   

இந்த நிலையில், கொடிய யுத்தத்தால் பல பாதிப்புகளைச் சந்தித்து, மீள முடியாமல் இருக்கின்றன இக்கிராமங்கள். அதற்குள் இக்கிராமங்களை முழுமையாக விழுங்க மும்முரமாக முயன்று கொண்டிருக்கின்றனர். 

இவ்வாறான விடயங்களைப் பல முறை தெரிவித்தும், எவ்வித நடவடிக்கைகளையும் வடக்கு மாகாண சபை எடுக்கவில்லை என மாகாண சபை உறுப்பினர் து.ரவிகரன் குற்றம் சாட்டி உள்ளார். அத்துடன் அண்மையில் கொக்கிளாய் பகுதி பாடசாலை ஒன்றுக்கு நியமனம் கிடைக்கப் பெற்ற ஆசிரியர் ஒருவர், உடனடியாகவே பிறிதொரு பாடசாலைக்கு மாற்றலாகிச் சென்று விட்டதாகத் தனது ஆதங்கத்தையும் மாகாண சபையில் வெளிப்படுத்தி உள்ளார்.  

இவ்வாறான சந்தர்ப்பங்களில், ஏற்கெனவே வாழ்வாதாரத்தை இழந்து தவிக்கும் தமிழ் மக்கள், தம் பிள்ளைகளின் கல்வியையும் இழக்கக் கூடாது என நகரத்தை நோக்கி இடம் பெயரலாம். அதன் நீட்சியாகத் தமிழ்க் கிராமங்களின் இருப்புகள் இயல்பாகவே சுலபமாகக் கை நழுவும் சந்தர்ப்பங்கள் அதிகரிக்கும்.   

அவை விரைவில், அழகான சிங்களக் கிராமங்களாகத் தோற்றம் பெறும். ஆகவே இவ்வாறான பிரச்சினைகள், தமிழ் இனத்தின் இருப்பையே வேரோடு சாய்த்து விடக் கூடியதாக உள்ளதையும் அவதானிக்க வேண்டி உள்ளது.  

ஆகவே, இவை சிவப்பு சமிக்ஞைகள். இவ்வாறான, ஆபத்தான கை நழுவ ஏதுவாக உள்ள இடங்களை நோக்கிய, வள ஒதுக்கீடு, வளப்பங்கீடு மற்றும் அவை தொடர்பான தொடர் கண்காணிப்புகள் விரைவு படுத்தப்பட வேண்டும்; ஆக்கபூர்வமாக்கப்பட வேண்டும். பிரேரணைகள் பல முன்மொழிவதில் காட்டப்படும் ஆர்வங்கள் போல, நடைமுறைப்படுத்துவதிலும் காட்டப்பட வேண்டும்.   

அறப்பணி  

ஆசிரியப் பணி அறப்பணி ஆகும். மாதா, பிதா, குரு, தெய்வம் என்பார்கள். ஆகவே, பெற்றோர்களுக்கு அடுத்த படியாக குருவுக்குக் கௌரவம் வழங்கப்படுகின்றது. வன்னிப் பகுதியில் பல சிறார்கள், யுத்தத்தில் பெற்றோர்களை இழந்து தவிக்கின்றனர்.   

இந்நிலையில், மாதா, பிதா, குரு என அனைத்தும் அவன(ள)து ஆசிரியரே ஆவார். ஆகவே, அங்கே சராசரி கற்றல் செயற்பாடுகளுக்கு அப்பால், அன்னையாகவும் அந்த பிள்ளையை அணைக்க வேண்டிய பெரும் பொறுப்பை ஆசிரியர் பணி தாங்கி உள்ளது.   

இறுதிக் கட்ட யுத்தத்தில், தனது பெற்றோரை இழந்த முல்லைத்தீவு ஒலுமடுவைச் சேர்ந்த சிறுவன் (வயது 13) தனது மாமனாருடன் வசித்து வந்துள்ளார். இந்நிலையில் கடந்த ஒரு மாதத்துக்கு முன்னர், திடீரென மயக்கி விழுந்து, மரணமான சம்பவம் பதிவாகி உள்ளது.   

பரீட்சை பெறுபேறு  

வடக்கு மாகாணத்தில் உள்ள 12 கல்வி வலயங்களில் 891 பாடசாலைகள் இயங்கி வருகின்றன. நடப்பு வருடம் நடைபெற்ற தரம் 5 புலமைப் பரிசில் பரீட்சைக்கு அனைத்து வலயங்களிலும் இருந்த 20 ஆயிரத்து 506 மாணவர்கள் தோற்றி உள்ளனர். அவர்களில் 1,727 மாணவர்கள் வெட்டுப்புள்ளியைத் தாண்டி சித்தி பெற்றுள்ளனர். அதாவது எட்டு (8) வீதமானோரே சித்தி பெற்றுள்ளனர். அத்துடன் 513 பாடசாலைகளில் ஒருவர் கூட சித்தி பெறவில்லை.   

தரம் 5 புலமைப் பரிசில் பரீட்சையை மட்டும் மையமாகக் கொண்டு மாணவர்களின் திறமையை அளவிட முடியாது. இருப்பினும் எட்டு சதவீதமான மாணவர்களே சித்தி அடைந்துள்ளனர் என்ற செய்தி கல்விக் கண்களை அனைவரும் விரைவாக திறக்க வேண்டியதன் அவசியத்தை உணர்த்துகின்றது.   

சுகாதார சேவை  

அடுத்து, வடக்கு மாகாணத்தில் உள்ள அரச வைத்தியசாலைகளில் தாதியர் பற்றாக்குறை என்பது பெரும் பிரச்சினை ஆகும். இதற்கான பிரதான காரணமாக, வடக்கு மாகாண பாடசாலைகளில் உயர்தரத்தில் உயிரியல், பௌதீக விஞ்ஞானப் பாடங்களுக்கு தோற்றும் மாணவர்களின் எண்ணிக்கை வீழ்ச்சி கண்டுள்ளமை ஆகும்.   

அதிலும், கிராமப்புற பாடசாலைகளில் உயர்தரத்தில் விஞ்ஞான பாடங்களைப் போதிக்க ஆசிரியர்கள் மருந்துக்கும் இல்லாத நிலை நீடிக்கின்றது.   

சில மாணவர்களுக்கு விஞ்ஞான பாடங்கள் கற்க விருப்பமும் ஆர்வமும் தகுதியும் இருந்தாலும் தொடர முடியாத நிலை. ஆகவே, அம்மாணவன் நகரத்துக்குச் செல்ல வேண்டும் அல்லது கலை, வர்த்தகப் பாடங்களைப் பயில வேண்டிய ஒரு வித துயர நிலை. 

எனவே, மாணவர்கள் தங்களுக்கு விருப்பமான பாடநெறியைப் பயில ஒழுங்குகள் செய்யப்பட வேண்டும். அதன் ஊடாக, உயிர் காப்புப் பணிக்கு, உயிர் கொடுக்க வேண்டிய தலையாய பொறுப்பும் உள்ளது.   

கணிசமான வடக்கு மாகாண பாடசாலைகள், பௌதீக வள அபிவிருத்தியில் முன்னேற்றம் கண்டுள்ளன. ஆனால், மறுபுறத்தே ஆசிரியர் பற்றாக்குறையும் ஆசிரியர் வளப் பங்கீட்டுச் சீரின்மையும் என மனித வள பிரச்சினை நீண்ட கால சிக்கலாகவே உள்ளது.   

வடக்கு மாகாண சபை, கடந்த நான்கு வருடங்களாக ஆட்சியை ஆள்கின்றது. துறை சார்ந்த அனுபவம் பெற்றோர் அமைச்சுப் பதவியை அலங்கரித்தனர்; அலங்கரிக்கின்றனர். 

வெறுமனே தமது இருப்புக்காகவே மாத்திரம் முட்டி மோதும் இவர்கள் தம் இனத்தின் இருப்புக்காக என்ன செய்தார்கள் என வாக்களித்த மக்கள் சலித்துக் கொள்கின்றனர்.   

எனவே, தமிழ் இனத்தின் விடிவுக்காக வெறுமனே மாகாண சபையில் மாத்திரம் தங்கியிராது, ஒட்டு மொத்தமாக அனைவரும் அறிவார்ந்த ரீதியாகவும் செயல் திறன்மிக்கதாகவும் விரைவாகவும் சிந்திக்க வேண்டியதுமான விடயம்; இது சிந்திக்க வேண்டிய தருனம் இது.  

http://www.tamilmirror.lk/சிறப்பு-கட்டுரைகள்/எங்கே-செல்லும்-இந்தப்-பாதை/91-205664

Categories: merge-rss

இடைக்கால அறிக்கைக்கு மஹிந்த எதிர்ப்பு

ஊர்ப்புதினம் - Tue, 17/10/2017 - 04:54
இடைக்கால அறிக்கைக்கு மஹிந்த எதிர்ப்பு
 

 

அரசமைப்புச் சபையின் வழிகாட்டல் குழுவால் சமர்ப்பிக்கப்பட்டுள்ள இடைக்கால வரைவு அறிக்கையின் பல்வேறான விடயங்களுக்கு, தாம் எதிர்ப்புத் தெரிவிப்பதாக, முன்னாள் ஜனாதிபதியும் குருநாகல் மாவட்ட நாடாளுமன்ற உறுப்பினருமான மஹிந்த ராஜபக்‌ஷ தெரிவித்துள்ளார். 

இடைக்கால அறிக்கை தொடர்பாக, அறிக்கையொன்றை நேற்று (16) வெளியிட்ட அவர், தற்போதைய அரசாங்கத்துக்கு, தேர்தல் முறைமையை மாற்றவும் நிறைவேற்று ஜனாதிபதி முறையை ஒழிப்பதற்கும் மாத்திரமே மக்களாணை கிடைத்தது எனவும், இருக்கின்ற அரசமைப்பை இல்லாது செய்து, புதிய அரசமைப்பைக் கொண்டுவருவதற்கு ஆணை கிடைத்திருக்கவில்லை என்றும் குறிப்பிட்டுள்ளார். 

நாட்டின் தன்மை தொடர்பில், ஒற்றையாட்சி என்பதை நீக்கி, “ஒருமித்த நாடு/ஏகிய இராஜ்ஜிய” என்ற என்ற வார்த்தைப் பிரயோகத்தைப் பயன்படுத்துவதற்கு எதிர்ப்பு வெளியிட்ட அவர், சர்வதேச அளவில், ஒற்றையாட்சியைக் கைவிட்ட நாடாக, இலங்கை கருதப்படுமெனத் தெரிவித்துள்ளார். 

தற்போதைய அரசமைப்பில், இலங்கையின் ஆள்புலம் பற்றிய உறுப்புரையில், 25 மாவட்டங்கள் உள்ளடங்கிய நாடு எனக் குறிப்பிடப்பட்டுள்ள போதிலும், இடைக்கால அறிக்கையில், எண்ணிக்கை குறிப்பிடப்படாத மாகாணங்களாக அவை மாற்றப்பட்டுள்ளமை, வடக்கையும் கிழக்கையும் இணைப்பதற்கான முயற்சி என, அவர் குற்றஞ்சாட்டினார். 

செனட் சபை போன்று, புதிய நாடாளுமன்றச் சபையொன்றை அமைத்து, அரசமைப்பை மாற்றுவதற்கு, அச்சபையின் மூன்றிலிரண்டு பங்கு ஆதரவு தேவை என்ற முன்மொழிவைக் கடுமையாக எதிர்த்துள்ளார். 

அந்தச் சபையின் 55 உறுப்பினர்களில் 45 பேர், மாகாண சபைகளிலிருந்து தெரிவுசெய்யப்படவுள்ள நிலையில், நாடாளுமன்றத்தைத் தாண்டி, மாகாண சபை உறுப்பினர்களுக்கு வீற்றோ அதிகாரம் வழங்குவதே இதன் நோக்கமென, அவர் குற்றஞ்சாட்டினார். 

தவிர, விகிதாசாரப் பிரதிநிதித்துவ முறை, சிறுபான்மையினக் கட்சிகளுக்குச் சார்பானது என வர்ணித்த அவர், அம்முறை மூலம் தெரிவுசெய்யப்படும் உறுப்பினர்களின் எண்ணிக்கை 40 சதவீதமாக அதிகரிக்கப்பட்டுள்ளதையும் சுட்டிக்காட்டி, போர் காரணமாக வெளிநாடுகளுக்குச் சென்றோருக்காக, வட மாகாணத்துக்கு மேலதிக ஆசனங்களை வழங்குவதற்கு ஏற்பாடுகள் உள்ளதாகவும் குறிப்பிட்டுள்ளார். இன, மத அடிப்படையிலான அரசியலை ஊக்குவிப்பதற்கு, தேர்தல் கட்டமைப்புகளில் மாற்றங்களை ஏற்படுத்துவது, பயன்தராது என்றும் அவர் தெரிவித்துள்ளார். 

மாகாண சபை ஆளுநர்களுக்கான அதிகாரங்களைக் குறைத்தல்; மத்திய அரசாங்கத்தின் கீழுள்ள காணி அதிகாரங்களை, மாகாண சபைக்கு வழங்குதல்; அரசமைப்பு நீதிமன்றமொன்றை உருவாக்குதல் உள்ளிட்ட விடயங்கள் சம்பந்தமாகவும், அவர் தனது எதிர்ப்பை வெளியிட்டுள்ளார். 

அவரது அறிக்கையின் முக்கியமான பகுதியாக, பௌத்தத்துக்கு முன்னுரிமை வழங்குவது தொடர்பான உறுப்புரையில் மாற்றம் ஏற்படுத்தப்பட முன்மொழியப்பட்டுள்ள மாற்றத்தை, அரசாங்கம் கைவிடுமென, அவர் எதிர்வுகூறியுள்ளமை அமைகின்றது. இறுதி நேரத்தில், மகா சங்கத்தினரைச் சமாளிப்பதற்காக, இந்த ஏற்பாட்டைக் கைவிட்டுவிட்டு, மாற்றம் செய்ததாக அரசாங்கம் காட்டிக் கொள்ளுமென அவர் தெரிவித்துள்ளார். தமிழில் தேசிய கீதம் என்ற விடயமும், இதே நிலையையே எதிர்கொள்ளுமெனவும் அவர் குறிப்பிட்டுள்ளார்.   

http://www.tamilmirror.lk/செய்திகள்/இடைக்கால-அறிக்கைக்கு-மஹிந்த-எதிர்ப்பு/175-205683

Categories: merge-rss, yarl-category

கூட்­ட­மைப்பு இன்று சபை ஒத்தி­வைப்பு வேளை பிரே­ரணை

ஊர்ப்புதினம் - Tue, 17/10/2017 - 04:53
‘அரசியல் கைதிகள் விவகாரம் சட்டமா அதிபருக்கு மாத்திரமல்ல’
 

 

அரசியல் கைதிகளின் விடயத்தில், அரசியல் அடையாளங்களும் காணப்படும் நிலையில், இவர்கள் தொடர்பான வழக்குகள், சட்டமா அதிபருக்கு மாத்திரம் பொறுப்பானவையாகக் கருதப்பட முடியாது என, எதிர்க்கட்சித் தலைவர் இரா. சம்பந்தன், நாடாளுமன்றத்தில் இன்று சமர்ப்பிக்கவுள்ள சபை ஒத்திவைப்புவேளைப் பிரேரணையின் வலியுறுத்தவுள்ளார். 

இப்பிரேரரணை சமர்ப்பிக்கப்படுமென, ஏற்கெனவே செய்தி வெளியாகியிருந்த நிலையில், பிரேரணையின் உள்ளடக்கங்கள், நேற்று (16) வெளியிட்பட்டுள்ளன. 

“பயங்கரவாதத் தடுப்புச் சட்டத்தின் கீழ் தடுப்புக்காவலில் வைக்கப்பட்டுள்ள இந்தக் கைதிகள் அனைவரும், பயங்கரவாதத் தடுப்புச் சட்டத்தின் கீழேயே கைது செய்யப்பட்டார்கள் என்பதுடன், அவர்களுக்கு எதிரான சகல நடவடிக்கைகளும் அச்சட்டத்தின் கீழேயே மேற்கொள்ளப்பட்டன. இந்தச் சட்டம் கொடூரமான, வெறுக்கத்தக்க ஒரு சட்டம் என்பதும், அது காலத்துக்குப் பொருத்தமற்றதென்பதும், இலங்கை அரசாங்கத்தால், உள்நாட்டிலும் சர்வதேச ரீதியிலும் ஏற்றுக்கொள்ளப்பட்டுள்ளது. இச்சட்டத்தை நீக்கிவிட்டு, அதற்குப் பதிலாக உள்நாட்டு, சர்வதேச நியமங்களுக்கு ஏற்புடைய வகையில் புதிய சட்டமொன்றை உருவாக்கப் போவதாக, உள்நாட்டிலும் சர்வதேச மட்டத்திலும் அரசாங்கம் உறுதி வழங்கியிருந்தது.  

“இந்த உறுதியளிக்கப்பட்ட கடப்பாட்டை, இலங்கை அரசாங்கம் இன்னமும் நிறைவேற்றவில்லை. ஆனாலும், இதன்மூலம் குறித்த சட்டம், சட்டப் புத்தகங்களில் தொடர்ந்திருக்க மாட்டாதென்ற இலங்கை அரசாங்கத்தின் உறுதியளிக்கப்பட்ட கடப்பாட்டிலிருந்து தவற முடியாது” எனக் குறிப்பிடுவார். 

தொடர்ந்து அவர், கிளர்ச்சியில் ஈடுபட்ட மக்கள் விடுதலை முன்னணியினர் போன்று, இக்கைதிகளும் ஏன் மன்னிப்பளிக்கப்பட்டு விடுவிக்கப்பட முடியாதவர்களாக உள்ளனர் என்பதைப் புரிந்துகொள்ள முடியாமலிருப்பதாக, சபையில் தெரிவிப்பார். 

மேலும், இக்கைதிகள் விடயத்தில், அரசியல் தலையீட்டையும் அவர் வலியுறுத்தவுள்ளார். “இந்த வழக்குகள், சட்டமா அதிபர் திணைக்களத்தின் பொறுப்பில் முழுமையாக உள்ளவையென்பதாகக் கருத முடியாது. இவ்வழக்குகள், அரசியல் அடையாளங்களைக் கொண்டிருப்பதனால், இவை முழுமையாகச் சட்டம் சம்பந்தப்பட்டவையென்று கருதிவிட முடியாது. இலங்கையின் தேசிய பிரச்சினைக்கு உரிய நேரத்தில் தீர்வு காணப்பட்டிருந்தால், கைதிகளாக உள்ளவர்களில் அநேகமானவர்களுக்கு, தற்போது ஏற்பட்டுள்ள நிலைமை ஏற்பட்டிருக்க மாட்டாதென்பதும், அவர்கள் பயனுள்ள பிரஜைகளாக இருந்திருப்பார்கள் என்று கூறுவதில் நியாயமிருப்பதைத் தெரிவிக்க முடியும். இத்தகைய சூழ்நிலையில், தாங்கள் இந்த விடயத்தை அரசியல் ரீதியாகவும் நோக்க வேண்டிய கடப்பாட்டை உருவாக்கியுள்ளது. இந்த விடயம், அரசியல் ரீதியாகக் கையாளப்படாமலிருப்பது இன இணக்கத்தை ஏற்படுத்துவதிலும், நன்மதிப்பையும் அமைதி நிலைமையையும் மீள ஏற்படுத்துவதிலும் வலுவான தடையாகவே அமையும்” என்று அவர் குறிப்பிடுவார். 

தவிர, இவர்கள் மீது குற்றஞ்சாட்டப்பட்டுள்ள விடயங்களுக்காக, இவர்களுக்குத் தண்டனை வழங்கப்படும் போது அனுபவிக்கும் சிறைத்தண்டனையை விட அதிக காலம், ஏற்கெனவே இவர்கள் சிறையில் காணப்பட்டுள்ளனர் என்பதைச் சுட்டிக்காட்டவுள்ள எதிர்க்கட்சித் தலைவர், இவர்களின் குடும்பங்கள், இவர்களின்றி வேதனையில் வாடுவதையும் குறிப்பிடுவார். 

தவிர, வவுனியாவிலிருந்து அநுராதபுரத்துக்கு வழக்கு மாற்றப்படுவதற்கு, சாட்சிகளின் பாதுகாப்பே காரணமாகக் கூறப்படும் நிலையில், சாட்சிகளுக்குப் பாதுகாப்புப் பிரச்சினை எனில், வழக்குகளை இடமாற்றாமல், சாட்சிகளுக்கான பாதுகாப்பை அதிகரித்திருக்க முடியும் எனக் கூறவுள்ள எதிர்க்கட்சித் தலைவர், வழக்குகள் இடமாற்றப்பட்டமையால், சந்தேகநபர்களுக்கு ஏற்பட்டுள்ள மொழிப்பிரச்சினை குறித்தும், சபையின் கவனத்துக்குக் கொண்டுவரவுள்ளார். 

இறுதியாக அவர், “வழக்கு இடமாற்றத்துக்கு எதிராகக் கைதிகள், தொடர்ச்சியாக உண்ணாவிரதத்தில் ஈடுபட்டு வருகின்றார்கள். இந்த நிலைமையானது, அவசரமான அடிப்படையில் கையாளப்பட வேண்டியதாகும். அத்துடன் மேற்குறிப்பிட்ட காரணங்களை அடிப்படையாகக் கொண்டு இக் கைதிகள் எவ்வித தாமதமுமின்றி விடுவிக்கப்பட வேண்டும் என்பதை நான் மிக ஆணித்தரமாக வலியுறுத்த விரும்புகின்றேன்” என்று வலியுறுத்தவுள்ளார்.   

http://www.tamilmirror.lk/செய்திகள்/அரசியல்-கைதிகள்-விவகாரம்-சட்டமா-அதிபருக்கு-மாத்திரமல்ல/175-205684

Categories: merge-rss, yarl-category

The Ultimate DUBAI FOOD TOUR - Street Food and Emirati Cuisine in Dubai, UAE!

நாவூற வாயூற - Mon, 16/10/2017 - 21:25

 

The Ultimate DUBAI FOOD TOUR - Street Food and Emirati Cuisine in Dubai, UAE!
Categories: merge-rss

பொருத்து வீட்டுத் திட்டத்தில் மறைமுக நிகழ்ச்சிநிரல்

அரசியல்-அலசல் - Mon, 16/10/2017 - 20:27
பொருத்து வீட்டுத் திட்டத்தில் மறைமுக நிகழ்ச்சிநிரல்
 

புலனாய்வு

- நிர்மலா கன்னங்கர

பொருத்து வீடுகளை நிர்மாணிப்பதற்காக, பிரான்ஸ் நிறுவனமொன்றுக்கு, சர்ச்சைகளை ஏற்படுத்தியுள்ள ஒப்பந்தத்தை வழங்குவதற்கு, புனர்வாழ்வு மற்றும் மீள்குடியேற்ற அமைச்சால் முன்மொழியப்பட்டுள்ள திட்டத்துக்குப் பின்னால், மறைமுக நிகழ்ச்சிநிரல் ஒன்று காணப்படுகிறது என்ற ஊகம், பரந்தளவில் ஏற்பட்டுள்ளது.

வடக்கு, கிழக்கில், போரால் பாதிக்கப்பட்ட மக்களை மீள்குடியேற்றுவதற்காகப் பயன்படுத்தப்படவுள்ள இந்தப் பொருத்து வீடுகள், அதிக செலவில், குறைந்த தரமுடைய பொருட்களைக் கொண்டு நிர்மாணிக்கப்படவுள்ளன என்ற கரிசனையும் ஏற்பட்டுள்ளது.

குறைந்த செலவுடைய, செங்கற்களாலும் சீமெந்தாலும் கட்டப்படும் வீடுகளை விடுத்து, மோசமான காற்றோட்டம் கொண்ட இந்தப் பொருத்து வீடுகளை வழங்குவதற்கு, புனர்வாழ்வு மற்றும் மீள்குடியேற்ற அமைச்சு, எதற்காக இத்தனை “ஆர்வத்தை” வெளிப்படுத்துகிறது எனக் கேள்விகள் எழுப்பப்பட்டுள்ளன.

மொறட்டுவைப் பல்கலைக்கழகத்தைச் சேர்ந்த, பொதுப்பணிப் பொறியியலாளரும் பட்டயக் கட்டடப் பொறியியலாளருமான பேராசிரியர் பிரியன் டயஸ், பொதுப்பணிப் பொறியியலாளரும் பட்டயப் பொறியியலாளருமான கலாநிதி ரங்கிக ஹல்வதுர, பட்டயக் கட்டடக் கலைஞரான  வருண டி சில்வா ஆகியோரால், மாதிரி வீடுகளில் மேற்கொள்ளப்பட்ட ஆராய்ச்சியின் ஆரம்பநிலை அறிக்கைகளின்படி, கூரைகளுக்கு இடையிலும் கதவுகளுக்கு இடையிலும் ஜன்னல்களுக்கு இடையிலும் வலைத்தட்டுகள் காணப்படாத நிலையில், பொருத்து வீடுகளில் போதியளவு காற்றோட்டம் இருக்காது என்ற பொதுவான முடிவுக்கு வரப்பட்டுள்ளது. 

வெப்பமான காற்றை வெளியேற்றுவதற்கு அனுமதிப்பதில்லை என்ற அடிப்படையில், இந்தப் பொருத்து வீடுகள், வெப்பமான காலநிலை கொண்ட பகுதிகளுக்கு பொருந்தாது என, அவ்வறிக்கை குறிப்பிடுகிறது. மேலதிகமாக, குளிரான காலநிலை கொண்ட இடங்களுக்கோ அல்லது வெப்பமான காலநிலையில் வளி பதனப்படுத்தி பொருத்தப்படுவதற்கோ, இவ்வீடுகள் பொருத்தமானவை என்றும், அவ்வறிக்கை மேலும் தெரிவிக்கிறது.

வடக்கிலும் கிழக்கிலும் வீடுகளை நிர்மாணிப்பதற்கு ஆர்வமுள்ள தரப்பினரிடமிருந்து, 2015ஆம் ஆண்டு, புனர்வாழ்வு மற்றும் மீள்குடியேற்ற அமைச்சால் கேள்விப்பத்திரங்கள் கோரப்பட்டன. முப்பத்தைந்துக்கும் மேற்பட்டோர், விலைக்கூற்றுகளைச் சமர்ப்பித்தனர்.

ஆனால், அரசாங்கத்தால் கோரப்பட்ட மிகப்பெரிய விலை-கேட்புப் பிணைமுறி காரணமாக, இரண்டு தரப்புகள் மாத்திரமே, அவற்றை வழங்கக்கூடியவாறு அமைந்தன.

பிரான்ஸைச் சேர்ந்த ஆர்செலர்மிட்டல், இந்தியாவைச் சேர்ந்த கூட்டு நிறுவனமான ஈ.பி.ஐ-ஓ.சி.பி.எல் கொன்சோர்ட்டியம் ஆகியனவே அந்த இரண்டு தரப்புகளுமாகும்.

முன்வந்த ஏனைய தரப்புகள் அனைத்தும் தமது விண்ணப்பங்களை வாபஸ் பெற்று, பிரான்ஸ் நிறுவனத்துக்கு இந்த ஒப்பந்தத்தை வழங்குவதற்கான சூழலை ஏற்படுத்துவதற்காக, அனைத்து ஆவணப் பணிகளையும், புனர்வாழ்வு மற்றும் மீள்குடியேற்ற அமைச்சின் செயலாளராக அப்போது இருந்தவர் செய்தார் என, தகவல் மூலங்கள் தெரிவிக்கின்றன.

கேள்விப்பத்திரங்கள் சமர்ப்பிப்பு

ஆரம்பத்தில், 65,000 வீடுகளை அமைப்பதற்கான கேள்விப்பத்திரங்கள் கோரப்பட்டன. அதற்கான விலை-கேட்புப் பிணைமுறியாக, 650 மில்லியன் ரூபாய் நிர்ணயிக்கப்பட்டிருந்தது. அவ்வாறான மிகப்பெரிய தொகை காரணமாக, 2 நிறுவனங்களைத் தவிர ஏனைய அனைத்துத் தரப்பினரும், தமது விண்ணப்பங்களை வாபஸ் பெற்றனர்.

பின்னர், வீடுகளின் எண்ணிக்கை 6,000ஆகக் குறைக்கப்பட்டதைத் தொடர்ந்து, குறைந்த விலை-கேட்புப் பிணைமுறித் தொகையுடன், புதிய கேள்விப்பத்திரங்களுக்குக் கோருமாறு, தமிழ்த் தேசியக் கூட்டமைப்பின் நாடாளுமன்ற உறுப்பினர் எம்.ஏ. சுமந்திரன், அமைச்சிடம் கோரினார்.

ஆர்வமுள்ள ஏராளமான தரப்புகள், குறைந்த செலவுடைய, செங்கல்லாலும் சீமெந்தினாலும் ஆன வீடுகளை நிர்மாணிப்பதற்குத் தயாராக இருந்த நிலையிலேயே இக்கோரிக்கை முன்வைக்கப்பட்டாலும், எவ்விதப் பயனும் கிட்டவில்லை.

புனர்வாழ்வு மற்றும் மீள்குடியேற்ற அமைச்சு, தனது உள்ளூர் ஏற்பாட்டியல் பங்காளியாக, ஆர்செலொர்மிட்டல் நிறுவனத்தையே தெரிவுசெய்தது. இந்த நிறுவனம், அமைச்சருக்கு நெருக்கமானது என்று கூறப்படுகிறது.

ஆன்செலொர்மிட்டல் நிறுவனத்தை விடக் குறைவான தொகைக்குக் கேள்விப்பத்திரங்களைச் சமர்ப்பித்த இரண்டாவது நிறுவனமான ஈ.பி.ஐ-ஓ.சி.பி.எல் கொன்சோர்ட்டியம் நிறுவனமும், அமைச்சின் அதிகாரிகளுக்கு மாத்திரமே புலப்படுகின்ற சில காரணங்களுக்காக, தமது கேள்விப்பத்திரத்தை வாபஸ் பெற்றனர்.

இந்நிறுவனம், தேவையான நிதியியல் வசதிகளை அளிக்கத் தவறிவிட்டன என, அமைச்சின் சிரேஷ்ட அதிகாரியொருவர் தெரிவித்தார்.

உயர் அழுத்தம்

நம்பத்தகுந்த தகவல் மூலங்களின்படி, நிராகரிக்கப்பட்ட இந்திய கூட்டு நிறுவனத்தின் உள்ளூர்ப் பங்காளர், அமைச்சர் தயா கமகேயுடன் தொடர்புகளைக் கொண்டுள்ளார் என்று கூறப்படுகிறது.

ஆனால், அந்த நிறுவனம் மீது முன்வைக்கப்பட்ட கடுமையான அழுத்தம் காரணமாக, இச்செயற்றிட்டத்திலிருந்து அவர்கள் பின்வாங்க வேண்டியேற்பட்டது என்று தெரிவிக்கப்படுகிறது. “கமகேயின் குடும்பம், எந்தளவுக்குச் செல்வந்தக் குடும்பம் என்பதை அறியும் போது, இவ்விடயத்தில் அமைச்சின் கருத்தை, எவரும் நம்பவில்லை.

விசேட பணிப்பொறுப்புகளுக்கான அமைச்சர் சரத் அமுனுகம தலைமையில், மீள்குடியேற்ற அமைச்சர் டி.எம். சுவாமிநாதன், அப்போதைய பாதுகாப்புச் செயலாளர், பிரதமரின் ஆலோசகர் ஆர். பாஸ்கரலிங்கம் ஆகியோரடங்கிய அமைச்சரவை பொருளாதாரக் குழுவே, ஆரம்பத்தில் 65,000ஆகக் காணப்பட்ட வீடுகளின் எண்ணிக்கையை, 6,000 பொருத்து வீடுகளென 2016இல் மாற்றியது” என, தம்மை அடையாளங்காட்ட விரும்பாத தகவல் மூலங்கள் தெரிவித்தன.

குறித்த இந்திய நிறுவனம், எதற்காக இதிலிருந்து விலகியது என அறிந்து கொள்வதற்காக, அமைச்சர் தயா கமகேயைத் தொடர்புகொண்ட போது, அதுபற்றிக் கருத்துத் தெரிவிக்க, அமைச்சர் மறுத்துவிட்டார். ஆனால், அந்த நிறுவனம், தன்னால் உரிமைப்படுத்தப்படவில்லை எனவும், தனது குடும்ப உறுப்பினர் ஒருவராலேயே உரிமைப்படுத்தப்பட்டுள்ளது என்றும் தெரிவித்தார்.

அமைச்சரவையின் பொருளாதாரச் செயற்குழு, வீடுகளின் எண்ணிக்கையைக் குறைப்பதற்கு முடிவெடுத்த பின்னர், புதிதாகக் கேள்விப் பத்திரங்கள் கோரப்படாமைக்குக் காரணங்கள் என வினவியபோது, சில அரசியல்வாதிகளின் தனிப்பட்ட நலனுக்காகவே அவ்வாறு செய்யப்பட்டது என, தகவல்கள் மூலங்கள் குறிப்பிட்டன.

நிபுணர் குழு

இந்நிலையில் பொறியியல், கட்டடக்கலை, திட்டமிடல், சமுதாய வீடமைப்பு, நிதியியல், பொருளாதாரம், சட்டம், சமுதாய ஒழுங்குபடுத்தல், செயற்றிட்ட முகாமைத்துவம் போன்றவற்றில் நிபுணத்துவ அறிவைக் கொண்ட, யாழ்ப்பாணத்திலும் கொழும்பிலும் உள்ள தனிநபர்களின் குழுவொன்று, முன்மொழியப்பட்டுள்ள பொருத்து வீட்டுத்திட்டத்துக்கு மாற்றீடான முன்மொழிவொன்றை, மே 19, 2015இல், அமைச்சர் மலிக் சமரவிக்கிரமவிடம் கையளித்தது. உத்தியோகபூர்வமான நிதியியல் முன்மொழிவு, விரிவான அமுல்படுத்தல் முறைமை ஆகியவற்றுடன், அம்முன்மொழிவைச் சமர்ப்பிக்குமாறு கோரினார்.

“கேட்டுக்கொண்டதன்படி, உத்தியோகபூர்வமான நிதியியல் முன்மொழிவோடு, அறிக்கையை நாங்கள் சமர்ப்பித்தோம். இதற்கு, அமைச்சர் சமரவிக்கிரமவும் (பிரதமரின் சிரேஷ்ட ஆலோசகர்) சரித்த ரத்வத்தயும், தமது பரிந்துரைகளை வழங்கினர். ஆனால் பின்னர், அமைச்சரவையால் நியமிக்கப்பட்ட இன்னொரு செயற்குழுவால், எமது முன்மொழிவுகள் ஏதோவொரு காரணத்தால் நிராகரிக்கப்பட்டு, 6,000 பொருத்து வீட்டுத் திட்டத்தை முன்னெடுப்பதற்குத் தீர்மானிக்கப்பட்டது” என, வடக்கைச் சேர்ந்த ஆராய்ச்சியாளரான நியாந்தினி கதிர்காமர் தெரிவித்தார்.

நியாந்தினியின் கருத்துப்படி, போதுமான காற்றோட்டம் இன்மை, மேற்பூச்சுக் காணப்படுகின்றபோது கூட உருக்கு அரிப்படைதல், போதுமான கூரைத் தாங்குதல் இன்மை, போதுமான அத்திபாரம் இன்மை, அடுப்பங்கரையும் புகைக்கூண்டும் இன்மை ஆகியன, பொருத்து வீடுகளின் பிரதான பிரதிகூலங்களாக உள்ளன.

“ஓட்டு வீடுகளையும் கதவுகளில் வலைத்தட்டுகளையும் கொண்டு கட்டப்படும் செங்கல் வீடுகள், வெப்பமான காற்று வெளியேற அனுமதிக்கின்றன. ஆனால் உருக்கு வீடுகளில், வலைத்தட்டுகள் இல்லை.

இவை, குளிரான காலநிலைகளுக்காக வடிவமைக்கப்பட்ட வீடுகள் ஆகும். ஒப்பந்தகாரருக்கு வழங்குவதற்காக, வெளிநாட்டுக் கடனொன்றைப் பெறுவதற்கு அரசாங்கம் திட்டமிட்டுள்ளது என நாம் அறிகிறோம்.

நிதியமைச்சால் கூறப்படுவது போல, வெளிநாடுகளிலிருந்து பெறப்பட்ட கடன்கள் காரணமாக இலங்கையில் பொருளாதார நெருக்கடி காணப்பட்டால், இன்னொரு வெளிநாட்டுக் கடனைப் பெறுவதன் மூலமாக, பொருளாதார நெருக்கடி அதிகரிக்கும்.

எங்களுடைய முன்மொழிவு, உள்ளூர் நிதியியல் வாய்ப்பைக் கொண்டிருந்தது. முன்னணி உள்ளூர் முதலீட்டு வங்கியிடமிருந்து, உத்தியோகபூர்வமான முன்மொழிவையும் சமர்ப்பித்திருந்தோம்.

“உள்ளூரில் நிர்மாணிக்கப்படும் செங்கல் வீடுகள், வேலைவாய்ப்பை வழங்குவதோடு, உள்ளூர்த் தொழிற்சந்தையை ஊக்கப்படுத்துவதோடு, பொருளாதாரத்துக்கும் பலனளிக்கும் என்ற நிலையில், இறக்குமதி செய்யப்படும் பொருத்து வீடுகளை, அரசாங்கம் ஏன் தெரிவுசெய்ய வேண்டும்? 6,000 உருக்கு வீடுகளுக்காக அரசாங்கம் செலவிடப்போகும் பணத்தில், 15,000க்கும் மேற்பட்ட வீடுகள் நிர்மாணிக்கப்படலாம்.

புனர்வாழ்வு மற்றும் வீடமைப்பு அமைச்சால், வடக்கு, கிழக்கில் கடந்தாண்டு, ஒரு வீட்டுக்கு 850,000 ரூபாய் என்ற அடிப்படையில், 10,000 வீடுகள் நிர்மாணிக்கப்பட்டன. 

அப்படியாயின், ஒரு வீட்டுக்காக மேலதிகமாக 650,000 ரூபாய் செலவிடுவதற்கான தேவை என்ன? அந்த வீடு, நிலைத்திருக்கக்கூடிய வாய்ப்புகளைக் கொண்டிருக்கவில்லை என்பதோடு, அதைப் பெறக்கூடியவர்கள், அதை விரும்பாத போதிலும், வேறு வழிகளின்றி அதைப் பெற்றுக் கொள்ளக்கூடிய நிலையே காணப்படுகிறது” என்று, நியாந்தினி தெரிவித்தார்.

காட்சிக்காக வைக்கப்பட்டிருக்கும் பொருத்து வீட்டு மாதிரிகளில் இரண்டு வீடுகளுக்கு விஜயம் செய்ததாகத் தெரிவித்த நியாந்தினி, அவற்றில் ஒன்றுக்குத் தளவாடங்கள் காணப்பட்டன எனவும், மற்றையதில் தளவாடங்கள் இருந்திருக்கவில்லை என்றும் குறிப்பிட்டார்.

“முழுமையாகத் தளவாடமிடப்பட்ட உருக்கு வீடு, 2.1 மில்லியன் ரூபாய் அளவில் செலவாகுமெனவும், தளவாடமில்லாத வீடு, 1.5 மில்லியன் ரூபாய் அளவில் செலவாகுமெனவும் அரசாங்கம் கூறுகின்ற போதிலும், தளவாடமிடப்பட்ட வீட்டில், பிளாஸ்டிக் தளவாடங்களே காணப்பட்டன.

தளவாடமிடப்பட்ட வீடுகளில் காணப்படும் தளவாடங்களும் ஏனைய கருவிகளும், தரத்தில் குறைந்தவையாகக் காணப்படும் நிலையில், அவற்றுக்கு 600,000 ரூபாய்க்கும் மேற்பட்டளவு பணம் செலவாகாது” என்று, நியாந்தினி தெரிவித்தார்.
நெருங்கியவர்

தனியான ஒரு பல்தேசிய நிறுவனமான ஆர்செலொர்மிட்டல் நிறுவனத்துக்கு ஒப்பந்தத்தை வழங்குவதற்கான முடிவுக்கு எதிராக, குற்றச்சாட்டுகள் முன்வைக்கப்பட்டுள்ளன.

குறித்த நிறுவனத்தின் உள்ளூர் முகவர் அமைப்பின் பணிப்பாளர்,  சிறைச்சாலைகள் மறுசீரமைப்பு, புனர்வாழ்வு, மீள்குடியேற்ற மற்றும் இந்துசமய விவகாரங்கள் அமைச்சர் டி.எம். சுவாமிநாதனுடன் மாத்திரமல்லாமல், மேலும் பல முக்கியமான அமைச்சர்களுக்கும் அரசாங்கத் தரப்பு நாடாளுமன்ற உறுப்பினர்களுக்கும் நெருக்கமான ஒருவர் என்பதாலேயே, குறித்த ஒப்பந்தம் வழங்கப்பட்டது என்று தெரிவிக்கப்படுகிறது.

“ரவி வெத்தசிங்க என அழைக்கப்படும் ரவீந்திர புத்ததாச வெட்டசிங்க, அரசாங்கத்திலுள்ள பலமான சில அமைச்சர்களுடன் தொடர்புகளைக் கொண்டிருக்கிறாரெனக் கூறப்படுகிறது.

கேள்விக்குட்படுத்தப்படக்கூடிய கடந்த காலத்தைக் கொண்ட வெத்தசிங்கவுக்கு எதிராக, குற்றவியல் நம்பிக்கை மீறல் ஒன்று, சுங்கம் சம்பந்தமானது ஒன்று ஆகியன உட்பட, 3 வழக்குகள் அவர் மீது காணப்படுகின்றன.

இவ்வாறான சர்ச்சைக்குரிய கடந்தகாலத்தை அவர் கொண்டிருப்பதன் காரணமாக, திட்டமிடப்பட்டுள்ள 6,000 பொருத்து வீடுகள், தரங்குறைந்தவையாக இருக்குமென, புனர்வாழ்வு மற்றும் மீள்குடியேற்ற அமைச்சின் சில ஊழியர்கள் கவலையடைகின்றனர்” என, தகவல் மூலங்கள் தெரிவித்தன.

நீதிமன்ற ஆவணங்கள்

சரக்குப் போக்குவரத்து, சரக்கை விடுவித்தல், போக்குவரத்து, வேலைத்திட்டத்துக்கான ஆட்சேர்ப்பு, உள்ளூர்ப் பொருட்களை விநியோகித்தல், உப ஒப்பந்தக்காரர்களைத் தெரிவுசெய்தல், பொருத்து வீட்டுத் திட்டத்தில் ஒட்டுமொத்த மேற்பார்வை ஆகியவற்றைக் கையாளும் குறித்த ஏற்பாட்டியல் நிறுவனம்,குமார்கா பொறியியல் மற்றும் முகாமைத்துவ (தனியார்) வரையறுக்கப்பட்ட நிறுவனம் (நிறுவனப் பதிவு இலக்கம்: பி.வி 109103) ஆகும்.

மேலதிக நிறுவனப் பதிவாளரால் உறுதிப்படுத்தப்பட்ட, நிறுவனப் பதிவாளர் ஆவணம், இப்பத்திரிகையிடம் உள்ளது. மே 26, 2017இல் பெறப்பட்ட இந்த ஆவணம், நிறுவனத்தின் முகவரியையும் பணிப்பாளர் சபை உறுப்பினர்களையும் காட்டுகிறது. இதன்படி, நிறுவனத்தின் வருடாந்த அறிக்கைகளில் வழங்கப்பட்ட மேற்படி தகவல்கள், சரியான முறையில் இல்லை என்பதைக் காணக்கூடியதாக உள்ளது.

அத்தோடு ரவி வெத்தசிங்க, கடந்த ஆட்சிக் காலத்தின் போது வெளிநாட்டில் வாழ்ந்தார் எனவும், தற்போதைய அரசாங்கம் ஆட்சிக்கு வந்த பின்னரே நாட்டுக்குத் திரும்பினார் எனவும் காட்டும் நீதிமன்ற ஆவணங்களையும், இப்பத்திரிகை கொண்டுள்ளது.

“2001 முதல் 2004 வரை நீடித்த முன்னை ஐக்கிய தேசியக் கட்சியின் ஆட்சிக்காலத்தில், இலங்கை போக்குவரத்துச் சபையின் வெரஹெர, கெப்பெட்டிபொல, கஹகொல ஆகிய இடங்களில் காணப்பட்ட பணிமனைகளின் பொறுப்பாளராக இவர் இருந்தார். சுமார் 75 மில்லியன் ரூபாய் பெறுமதியிலான 143 இ.போ.ச பஸ்களை ஒப்படைக்காமை குறித்தும், இந்தப் பணிமனைகளில் ஊழியர் சேமலாப நிதி, ஊழியர் நம்பிக்கைப் பொறுப்பு நிதி ஆகியவற்றை ஊழியர்களுக்குச் செலுத்தாமை குறித்தும் (வழக்கு இல.: 5647/05) வழக்குகள் காணப்படுகின்றன. முதலாவது வழக்கு (HC 3604/2007) கொழும்பு மேல் நீதிமன்றத்திலும், இரண்டாவது வழக்கு பண்டாரவளை நீதவான் நீதிமன்றத்திலும் காணப்படுகின்றன. அவர் இல்லாத நிலையிலேயே வழக்குகள் நடைபெறுகின்றன. அவரைக் கைதுசெய்வதற்கான பிடியாணைகளை, நீதிமன்றம் ஏற்கெனவே விடுத்திருந்தது” என, தகவல்கள் தெரிவிக்கின்றன.

பிடியாணை வாபஸ்

தகவல்களின்படி, கட்டுப்படுத்தப்பட்ட பொருளான பித்தளைச் சீவல்களை, பிளாஸ்டிக் உடைகொழுவிகள் எனத் தெரிவித்து ஏற்றுமதி செய்து, இலங்கைச் சுங்கத்துக்கு 176 மில்லியன் ரூபாய் நட்டத்தை ஏற்படுத்தினார் என்றும் தெரிவிக்கப்படுகிறது.

“மேலே குறிப்பிட்டவற்றில் ஒரு வழக்கில், தனது சேவைபெறுநர், இலங்கைக்கு மீளவும் வருவதற்குத் தயாராக இருக்கிறார் என, வெத்தசிங்கவின் சட்டத்தரணி, நீதிமன்றத்துக்கு அறிவித்தார். வெத்தசிங்க மீதான பிடியாணை, வாபஸ் பெறப்பட வேண்டுமென அவர் கோரினார். அவர் மீதான பிடியாணையை, மேல் நீதிமன்றம் வாபஸ் பெற்ற போதிலும், நீதிமன்றில் அவர் ஆஜராகவில்லை. நீதிமன்றத்தில் அவர் ஆஜராக வேண்டுமென வழங்கப்பட்ட திகதிக்குச் சில தினங்கள் முன்பாக, நாட்டை விட்டுத் தப்பியோட முயன்றபோது, 5647/05 என்ற வழக்கின் பிடியாணையின் கீழ், விமான நிலையத்தில் வைத்து அவர் கைதுசெய்யப்பட்டார். அதைத் தொடர்ந்து, பண்டாரவளை நீதவான் நீதிமன்றத்தில் அவர் ஆஜர்படுத்தப்பட்டார். அவருக்குப் பிணை வழங்குவதற்கு, மேல் நீதிமன்றம் மறுத்தது.

“பாரதுரமான நோயொன்றால் அவர் அவதியுறுகிறார் எனத் தெரிவித்து, நீதிமன்றத்தைத் தவறான வழிநடத்தக்கூடிய முயற்சிகள் மேற்கொள்ளப்பட்டன எனக் கூறப்படுகின்ற போதிலும், அவ்வாறான பாரதுரமான நோயெதுவும் கிடையாது எனவும், சந்தேகநபருக்கு உடனடியாக மருந்து வழங்குவதற்கான தேவை கிடையாது எனவும், கொழும்பின் பிரதம சட்ட வைத்திய அதிகாரி டொக்டர் அஜித் தென்னக்கோன், ஏப்ரல் 28, 2015இல், நீதிமன்றத்துக்கு அறிவித்தார்.

“பின்னர், மாதத்தின் இறுதி ஞாயிற்றுக்கிழமைகளில், குற்றப் புலனாய்வுப் பிரிவில் கையெழுத்திட வேண்டும் உள்ளிட்ட கடுமையான நிபந்தனைகளின் கீழ், வெத்தசிங்கவுக்குப் பிணை வழங்கப்பட்டது” என்று, தகவல் மூலங்கள் குறிப்பிட்டன.

இதேவேளை, தனக்கு உடல்நலமில்லை எனத் தெரிவித்து, சுங்கம் தொடர்பான விசாரணையிலிருந்தும், வெத்தசிங்க தப்பித்துக் கொண்டார் எனத் தெரிவிக்கப்படுகிறது.

“பித்தளைச் சீவல், கட்டுப்படுத்தப்பட்ட பொருள் என்பதால், அவ்வாறான பொருட்களை ஏற்றுமதி செய்ய வேண்டிய தேவை இருந்தால், ஏற்றுமதிக் கட்டுப்பாட்டை அனுமதிப்பத்திரத்தைக் கொண்டிருக்க வேண்டிய தேவை காணப்படுவதோடு, சரக்குத் தொகுதியின் பெறுமதியின் 50 சதவீதத்தை, செஸ் வரியாகவும் செலுத்த வேண்டும். பித்தளைச் சீவலை ஏற்றுமதி செய்வதற்கு, கைதிலிருந்து தப்பித்து, அப்போது சிங்கப்பூரில் காணப்பட்ட வெத்தசிங்க, உள்ளூரிலுள்ள தனது குடும்பத்தினரையும் நண்பர்களையும் பயன்படுத்தி, பிரபலமான ஒரு நிறுவனம் மூலம், பிளாஸ்டிக் பொருட்கள் எனத் தெரிவித்து, சிங்கப்பூருக்கு ஏற்றுமதி செய்தார். இந்த மோசடியை, சுங்கம் கண்டுபிடிப்பதற்கு முன்பாக, அவ்வாறான 8 கொள்கலன்கள், ஏற்கெனவே சிங்கப்பூருக்குச் சென்றுவிட்டன. இரண்டு கொள்கலன்கள், பஹ்ரைனுக்கும் ஹொங் கொக்கும் அனுப்பப்படவிருந்தன.

“பிளாஸ்டிங் உடை கொழுவிகள் என, இலங்கையில் அவை குறிப்பிடப்பட்டிருந்தாலும், சிங்கப்பூர் ஆவணங்களில் அவை, பித்தளைச் சீவல்கள் எனக் குறிப்பிடப்பட்டிருந்தன. சுங்கத்துக்கு, எவ்வளவு தொகையை, வெத்தசிங்க மோசடி செய்துள்ளார் எனக் கணிக்கப்பட்ட போது, 176 மில்லியன் ரூபாய் எனக் கணிப்பிடப்பட்டது. இந்தத் தொகையைச் செலுத்துமாறு, இது தொடர்பாக விசாரணை செய்த குழுவால், வெத்தசிங்கவுக்கு உத்தரவிடப்பட்டது. சந்தேகநபர், இதற்கெதிராக மேன்முறையீட்டு நீதிமன்றத்துக்குச் சென்று, வழக்கை மீண்டும் விசாரணை செய்யக் கோரினார். சுங்கத் திணைக்கள அதிகாரிகள், அதற்கு தயாராக, தேவையான ஆவணங்களுடன் காணப்படுகின்றனர்” என, தகவல் மூலங்கள் தெரிவிக்கின்றன.

“சுங்கத் தீர்வையைத் தவிர்ப்பதற்காக, தேவையான வேலைத்திட்டத்தோடு சம்பந்தப்படாத பொருட்கள், நாட்டுக்குள் கொண்டுவரப்பட்டமை இடம்பெற்றிருந்தது. 6,000 வீடுகளை நிர்மாணிப்பதற்கான திட்டத்துக்கான கேள்விப்பத்திரங்களை மீளக் கோருமாறு, தமிழ்த் தேசியக் கூட்டமைப்பு விடுத்த கோரிக்கையை நிராகரித்ததோடு, சிவில் சமூகத்தினரால் வழங்கப்பட்டு, அமைச்சர் மலிக் சமரவிக்கிரமவால் ஏற்றுக்கொள்ளப்பட்ட முன்மொழிவையும் நிராகரித்த புனர்வாழ்வு மற்றும் மீள்குடியேற்ற அமைச்சு, குற்றஞ்சாட்டப்படும் சந்தேகத்துக்கிடமான நடத்தை காரணமாக, நிதியியல் நெருக்கடியை எதிர்கொள்ளும் இந்த உள்ளூர் ஏற்பாட்டியல் நிறுவனத்துக்கு, உதவ விரும்புகிறதா என்ற சந்தேகம் ஏற்படுகிறது” என, தகவல் மூலங்கள் குற்றஞ்சாட்டின.

தொடர்புகொள்ளப்பட்ட போது, இந்த ஊடகவியலாளரைச் சந்திப்பதற்குப் பொருத்தமான நேரத்தையும் இடத்தையும் தருவதாக, ரவி வெத்தசிங்க வாக்குறுதியளித்த போதிலும், அதன் பின்னர் அவரைத் தொடர்புகொள்ள முடிந்திருக்கவில்லை. கடந்த வாரம், அவரைத் தொடர்புகொள்ள முயன்றபோது, அவர் நாட்டுக்கு வெளியே இருக்கிறார் என, அவரது அதிகாரிகளுள் ஒருவர் தெரிவித்தார்.

அமைச்சர் மறுக்கிறார்

எனினும், புனர்வாழ்வு மற்றும் மீள்குடியேற்ற அமைச்சர் டி.எம். சுவாமிநாதனை, அவரது அமைச்சில் வைத்து, சில வாரங்களுக்கு முன் நாம் சந்தித்தோம். அப்போது, இக்குற்றச்சாட்டுகளை அவர் மறுத்தார். “சுற்றுச்சூழலுக்கு நேயமான வேலைத்திட்டமாக அமையவுள்ள திட்டத்துக்காக, பிரான்ஸ் நிறுவனத்துடன், ஒப்பந்தத்தைக் கைச்சாத்திடவுள்ளோம். வீடுகளை நிர்மாணிப்பதற்கு மணலையும் மரப்பலகைகளையும் வாங்க வேண்டிய தேவையிருக்காது என்பதால், சுற்றுச்சூழலை எம்மால் பாதுகாக்க முடியும். அரச கொள்முதல் வழிகாட்டுதலைப் பின்பற்றிய நாங்கள், உலகிலுள்ள மிகச்சிறந்த நிறுவனத்தைத் தெரிவுசெய்துள்ளோம். புதிதாக முளைத்த நிறுவனமொன்றுக்கு, நாங்கள் ஒப்பந்தத்தை வழங்கப்போவதில்லை. நாட்டின் நிதியியல் நிலையைக் கருத்திற்கொண்டு, 65,000 வீடுகள் திட்டத்துக்கு நாங்கள் செல்லவில்லை. இந்த வீடுகள், சிறப்பான களஞ்சிய அறை, நீர் வசதியுடன் கூடிய மலசலகூடங்களைக் கொண்டிருக்கும்” என்று அவர் தெரிவித்தார்.

6,000 வீடுகளை நிர்மாணிப்பதற்கு, பல நிறுவனங்கள் முன்வந்த நிலையில், புதிதாக ஏன் கேள்விப்பத்திரங்கள் கோரப்படவில்லை எனக் கேட்டபோது, ஏற்கெனவே தெரிவுசெய்யப்பட்ட நிறுவனத்துக்கு, அமைச்சரவை அங்கிகாரம் வழங்கப்பட்டுள்ளது என்று தெரிவித்தார்.

ஆர்செலொர்மிட்டல் நிறுவனத்தின் உள்ளூர் முகவர், அரச நிறுவனங்கள் உள்ளிட்ட பல்வேறு தரப்புகளுடன் பணியாற்றும் போது, ஒழுங்கற்ற கடந்தகாலத்தைக் கொண்டிருக்கும் நிலையில், அம்முகவர் மீது எவ்வளவு நம்பிக்கை இருக்கிறது எனக் கேட்டபோது, இந்தச் செயற்றிட்டத்தில், மறைவான நிகழ்ச்சிநிரல் எதுவும் கிடையாது என, அமைச்சர் குறிப்பிட்டார்.

“உள்ளூர், வெளிநாட்டு ஊடகங்களின் வாயிலாகவும், வெளிநாடுகளிலுள்ள இலங்கைத் தூதரகங்கள் வாயிலாகவும், கேள்விப்பத்திரங்களுக்குக் கோரிக்கை விடுத்தோம். 35 நிறுவனங்களிடமிருந்து விருப்பு வெளியான நிலையில், அவர்களது நிதியியல் கொள்ளவைக் கருத்திற்கொண்டு, 15 நிறுவனங்கள் தெரிவுசெய்யப்பட்டன. அவற்றில் 13 நிறுவனங்கள், மீளளிக்கப்படாத வைப்பை மேற்கொண்டதோடு, 8 நிறுவனங்கள், தமது முன்மொழிவுகளைச் சமர்ப்பித்தன. 

“எட்டு நிறுவனங்களையும், அமைச்சரவையால் அமைக்கப்பட்ட பேரம்பேசல் செயற்குழுவும் செயற்றிட்டச் செயற்குழுவும் ஆராய்ந்த பின்னர், ஏற்றுக்கொள்ளப்படக்கூடிய கேள்விப்பத்திரப் பிணைகளைச் சமர்ப்பித்த இரண்டு நிறுவனங்கள் தெரிவுசெய்யப்பட்டன. அவற்றில், ஆர்செலொர்மிட்டல் நிறுவனம் மாத்திரம், உறுதிப்படுத்தப்பட்ட முழுமையான நிதியியல் வசதிகளை வழங்கியது.

வெற்றிபெற்ற ஒப்பந்தக் கோரிக்கையாளருக்கு, இத்திட்டத்தை வழங்குவதற்கான திட்டங்கள், தற்போது காணப்படுகின்றன” என்று, அமைச்சர் குறிப்பிட்டார்.

ஆனால், வெத்தசிங்கவுடன், அமைச்சருக்குக் காணப்படும் நட்புக் குறித்துக் கேட்டபோது, அமைச்சர் அதை விரும்பியிருக்கவில்லை. வெத்தசிங்க, அமைச்சரின் அலுவலகத்திலேயே எப்போதும் காணப்படுகிறார் எனக் குற்றஞ்சாட்டப்படுகிறது. “இந்த வெத்தசிங்க யாரென்று எனக்குத் தெரியாது.அலுவலக வேலைகளுக்காக, எனது அலுவலகத்துக்கு வந்திருக்கலாம். ஆனால், தனிப்பட்டரீதியில் சந்திப்பதற்காக, ஒவ்வொரு நாளும் அவர் வரவில்லை” என, அமைச்சர் குறிப்பிட்டார்.

http://www.tamilmirror.lk/சிறப்பு-கட்டுரைகள்/பொருத்து-வீட்டுத்-திட்டத்தில்-மறைமுக-நிகழ்ச்சிநிரல்/91-205655

Categories: merge-rss

சக வீரருடன் மோதி இந்தோனேஷpய கோல் காப்பாளர் திடீர் மரணம்

சக வீரருடன் மோதி இந்தோனேஷpய கோல் காப்பாளர் திடீர் மரணம்
Indonesian-goal-keeper.jpg

கால்பந்து போட்டியின்போது சக வீரருடன் மோதுண்ட இந்தோனேஷpய கோல் காப்பாளர் ஒருவர் மரணித்துள்ளார். இந்தோனேஷpயாவின் முதல் பிரிவு கால்பந்து தொடரில் பங்கேற்ற 38 வயதான சொய்ருல் ஹுதா நேற்று (15) நடைபெற்ற போட்டியிலேயே இந்த பரிதாபத்திற்கு முகம்கொடுத்தார்.

பெர்சலா கால்பந்து கழகத்திற்கு விளையாடி வருகின்ற அவர் செமன் படங் கழகத்துடனான போட்டியின் பாதிநேர ஆட்டத்திற்கு முன்னர் ஏற்பட்ட மோதலின் போது இவ்வாறு மரணித்துள்ளார்.

இந்தோனேஷpய சுப்பர் லீக் தொடரில் நடைபெற்ற இந்த போட்டியின் முதல் பாதி ஆட்டம் முடிவை நோக்கி செல்லும் வேளையில் எதிரணி வீரர் கோலை நோக்கி பந்தை எடுத்துவரும்போது அதனை தடுக்கும் முயற்சியாக ஹுதா பந்தை நோக்கி பாய்ந்தார். அப்போது சக அணியின் பின்கள வீரர் ரமோன் ரொட்ரிகஸ் மற்றும் எதிரணியின் முன்கள வீரர் மார்செல் சக்ரமென்டோவுடன் நேருக்கு நேர் மோதுண்டார்.

இந்த சம்பவத்திற்கு பின்னரும் தொடர்ந்து உணர்வுடன் இருந்த கோல் காப்பாளர் தனது நெஞ்சை பிடித்தக்கொண்டு திகைப்பில் தரையை பார்த்தபடி இருந்தார். எனினும் பின்னர் அவரது நிலைமை மோசமடைந்தது.  

‘தொடர்ந்து உணர்வுடன் இருந்த அவர் நெஞ்சு வலிப்பதாக முறையிட்டார்‘ என்று மருத்துவ குழுவைச் சேர்ந்த ஒருவர் குறிப்பிட்டுள்ளார். ‘இதனை அடுத்து அவர் மயக்கம் அடைந்தார்‘ என்று கூறினார்.

எனினும், ஹுதாவை அருகில் இருக்கும் மருத்துவமனைக்கு அவசரமாக அழைத்துச் செல்லப்பட்டபோதும் அவர் சிகிச்சை பலனின்றி உயிரிழந்தார்.

இந்த மோதல் சம்பவத்தால் ஹுதாவின் மூச்சு நின்றிருப்பதாகவும் திடீர் மாரடைப்பு ஏற்பட்டிருப்பதாகவும் அந்த மருத்துவமனையின் மருத்துவர் யுடிஸ்டிரோ அன்ட்ரி நுக்ரோஹோ தெரிவித்துள்ளார்.

இந்த சம்பவத்திற்கு பின்னரும் போட்டி தொடர்ந்து நடைபெற்றதோடு ஹுதாவின் பெர்சலா அணி 2-0 என்ற கோல் வித்தியாசத்தில் போட்டியை வென்றது.

ஹுதா தனது கால்பந்து வாழ்வில் பெர்சலா அணிக்கு மாத்திரம் விளையாடி இருப்பதோடு அவர் 500க்கும் அதிகமான லீக் போட்டிகளில் பங்கேற்றுள்ளார். அவரது மரணத்தை அடுத்து ஆயிரக்கணக்கான பெர்சலா ரசிகர்கள் மெழுவர்த்தி ஏற்றி மரியாதை செலுத்தியிருந்தனர்.

 

http://www.thepapare.com

Categories: merge-rss

2017ம் ஆண்டுக்கான சமாதான தூதுவர் விருது இம்முறை வீ.ஆனந்த சங்கரிக்கு

ஊர்ப்புதினம் - Mon, 16/10/2017 - 20:01
2017ம் ஆண்டுக்கான சமாதான தூதுவர் விருது இம்முறை வீ.ஆனந்த சங்கரிக்கு

001-1-1024x682.jpg
குளோபல் தமிழ்ச் செய்தியாளர்

ஊழரnஉடை ழக துரளவiஉந ழக Pநயஉந வின் 2017ம் ஆண்டுக்கான சமாதான தூதுவர் விருது  இம்முறை வீ.ஆனந்த சங்கரிக்கு வழங்கப்பட்டது. கடந்த 14.10.2017 அன்று மாலை அக்கரைப்பற்று மெங்கோ கார்டன் ஹோட்டலில் இடம்பெற்ற தேசகீர்த்தி விருதுகள் வழங்கும் நிகழ்வில் குறித்த விருது அவருக்கு வழங்கி வைக்கப்பட்டது.

நல்லிணக்க மற்றும் சமத்துவத்துக்காக பாடுபட்ட ஏனைய 30க்கும் மேற்பட்ட சமாதான நீதவான்களுக்கும் கவுன்சிலின் தலைவர் மஹேஸ்வரன் ஆகியோருக்கும் தேசகீர்த்தி விருதுகள் வழங்க்கப்பட்டது. நீதியையும் சமாதானத்தையும் நிலைநாட்ட கூலியற்று வேலைசெய்யும் சமாதான தொண்டர்களான (ஜே.பி) உத்தமர்களை போற்றும் கௌரவிக்கம் நிகழ்வாக இது இடம்பெற்றது.

சமாதான நீதவான்களின் பேரவையின் தெற்காசசியாவிற்கான இலங்கை வலையமமைப்பின் ஏற்பாட்டில் இடம்பெற்ற குறிதத்த நிகழ்வில் சமாதானத்திற்காக பணியாற்றியவர்களை கௌரவிக்கும் நோக்குடன் குறித்த விருது வழங்கும் நிகழ்வு ஏற்பாடு செய்யப்பட்டிருந்தது.

2006ம் ஆண்டு யுனெஸ்கோவினால் அதி உயர் விருதான சமாதானத்திற்கும் சகிப்பு தன்மைக்குமான விருது வீ.ஆனந்தசங்கரி அவர்களிற்கு வழங்கியிருந்தது. இலங்கை தீவில் சமாதானத்திற்காக உழைத்த இவருக்கு சமாதான தூதுவர் விருது வழங்கப்பட்டு கௌவிக்கப்பட்டுள்ளமை குறிப்பிடதக்கதாகும்.

002-1-1024x682.jpg005-1-1024x682.jpg006-1-1024x682.jpg08-3-1024x681.jpg

http://globaltamilnews.net/archives/45553

Categories: merge-rss, yarl-category