merge-rss

பிஃபா தரவரிசையில் மீண்டும் முதலிடத்தைப் பிடித்தது ஜெர்மனி

பிஃபா தரவரிசையில் மீண்டும் முதலிடத்தைப் பிடித்தது ஜெர்மனி
39514380_403-696x392.jpg
elite-davis-cup-2017-728.jpg

சர்வதேச கால்பந்து சம்மேளனத்தின் (பிஃபா) கூட்டுறவு கிண்ணத்தை (Fifa confederations cup) வென்ற உலகக் கிண்ண நடப்புச் சம்பியன் ஜெர்மனி, பிஃபா வெளியிட்டுள்ள புதிய தரவரிசையில் 2014ஆம் ஆண்டுக்குப் பின் முதல் முறையாக மீண்டும் முதலிடத்திற்கு முன்னேறியுள்ளது.    

கூட்டுறவு கிண்ண தொடருக்கு முன்னர் ஜெர்மனி அணி தரவரிசையில் மூன்றாம் இடத்தில் இருந்தது. இந்நிலையில், கடந்த ஞாயிற்றுக்கிழமை இடம்பெற்ற இறுதிப் போட்டியில் சிலி அணியை வீழ்த்தி முதல் முறை கூட்டுறவுக் கிண்ணத்தை வென்ற ஜெர்மனி, தரவரிசையில் இரண்டு இடங்கள் முன்னேறி முதலிடத்திற்கு வந்தது. இதனால் பிரேஸில் மற்றும் ஆர்ஜன்டீன அணிகள் முறையே 2 ஆம் மற்றும் 3 ஆம் இடங்களுக்கு பின்தள்ளப்பட்டன.

முதற்தடவையாக கூட்டுறவு கிண்ண சம்பியனாக முடிசூடிய ஜேர்மனி

 இதற்கு முன் சரியாக இரண்டு ஆண்டுகளுக்கு முன்னரே ஜெர்மனி முதலிடத்தில் இருந்தது. அதற்கு பின் பிரேஸில், ஆர்ஜன்டீனா மற்றும் பெல்ஜியம் ஆகிய அணிகள் தொடர்ச்சியாக வெளிப்படுத்திய சிறந்த ஆட்டங்களின் காரணமாக, தரவரிசையில் முன்னேறி முதலிடத்தைப் பிடித்திருந்தன.

கூட்டுறவு கிண்ணத்தில், மெக்சிக்கோவை வீழ்த்தி மூன்றாவது இடத்தை பிடித்த கிறிஸ்டியானோ ரொனால்டோ தலைமையிலான போர்த்துக்கல் அணி இந்தப் புதிய தரவரிசையில் 4 இடங்கள் முன்னேறி நான்காவது இடத்தைப் பிடித்துள்ளது.

உலகக் கிண்ண தகுதிகாண் போட்டியில் பேரோ தீவுகளை வீழ்த்திய சுவிட்சர்லாந்து 5 ஆவது இடத்திற்கு முன்னேறியுள்ளது. அந்த அணியும் நான்கு இடங்கள் முன்னேற்றம் கண்டுள்ளமை குறிப்பிடத்தக்கது.

உலகக் கிண்ண தகுதிகாண் போட்டிகளில் வீழ்த்தப்படாத அணியாக இருக்கும் போலந்தும் நான்கு இடங்கள் முன்னேறி ஆறாவது இடத்தைப் பிடித்துள்ளது. இது அந்த அணி தரவரிசையில் பெறும் சிறந்த தரநிலையாகும்.

எனினும் கூட்டுறவு கிண்ண இறுதிப் போட்டியில் தோல்வியடைந்த சிலி, மூன்று இடங்கள் வீழ்ச்சி கண்டு 7 ஆவது இடத்திற்கு தள்ளப்பட்டது. கொலம்பியா, பிரான்ஸ் மற்றும் பெல்ஜியம் ஆகிய நாடுகள் முறையே 8, 9 மற்றும் 10 ஆவது இடங்களில் காணப்படுகின்றன.

ஆசிய அணிகளில் ஈரான் முன்னிலையில் உள்ளது. அந்த அணி தரவரிசையில் 24 ஆவது இடத்தில் காணப்படுகிறது.

ஆசிய சம்மேளன சம்பியன்ஷிப் தொடரிற்கான இலங்கை இளையோர் குழாம் அறிவிப்பு

 எவ்வாறாயினும் பிஃபாவின் இந்த தரவரிசையில் அதி கூடிய இடங்கள் முன்னேறிய அணியாக தென்மேற்கு ஐரோப்பாவின் அன்டோர்ரா காணப்படுகிறது. அந்த அணி 57 இடங்கள் முன்னேறி 129 ஆவது இடத்தை பிடித்துள்ளது.

இந்த தரவரிசை பட்டியலில் இலங்கை அணி எந்த மாற்றமும் இன்றி தொடர்ந்து 197 ஆவது இடத்திலேயே உள்ளது. அந்த அணியின் தரநிலை புள்ளிகள் 34 ஆகவே நீடிக்கிறது. மிக வேகமாக முன்னேற்றம் கண்டு வரும் இந்திய அணி 341 புள்ளிகளுடன் 96ஆவது இடத்திற்கு முன்னேறியுள்ளது.

பிஃபா தரவரிசை பட்டியல் மீண்டும் ஓகஸ்ட் 10 ஆம் திகதி புதுப்பிக்கப்படவுள்ளமை குறிப்பிடத்தக்கது.

புதிய தரப்படுத்தல்

நிலை அணி புள்ளிகள் 1 ஜெர்மனி 1609 2 பிரேசில் 1603 3 அர்ஜென்டினா 1413 4 போர்த்துக்கல் 1332 5 சுவிட்சர்லாந்து 1329 6 போலந்து 1319 7 சிலி 1250 8 கொலம்பியா 1208 9 பிரான்ஸ் 1199 10 பெல்ஜியம் 1194

 

http://www.thepapare.com

Categories: merge-rss

டொனால்ட் ட்ரம்ப்பின் ஊடக மோதல்கள்

அரசியல்-அலசல் - Thu, 06/07/2017 - 20:27
டொனால்ட் ட்ரம்ப்பின் ஊடக மோதல்கள்
 

ஐக்கிய அமெரிக்க ஜனாதிபதி டொனால்ட் ட்ரம்ப்பைப் பற்றி, வேறு மாதிரியான எதிர்பார்ப்புகள் பல இருந்திருந்தாலும், அவரது முழுமையான இயல்பு பற்றிய முழுமையானறிவு இருந்திருக்காவிட்டாலும், வழக்கமான ஜனாதிபதிகளைப் போல் அவர் இருப்பார் என, எவரும் எதிர்பார்த்திருக்கவில்லை. அவரை எதிர்த்தவர்களும் ஆதரித்தவர்களும், இந்த விடயத்தில் ஒற்றுமையை வெளிப்படுத்தியிருந்தனர்.

image_e846d74dd6.jpg

வெற்றிபெறுவார் எனப் பரவலாக எதிர்பார்க்கப்பட்ட ஹிலாரி கிளின்டனைத் தோற்கடித்து, நாட்டின் ஜனாதிபதியாக ட்ரம்ப் பதவியேற்று, 6 மாதங்கள் தாண்டியிருக்கின்றன. அவரது பதவிக்காலத்தில் இதுவரை அவர் ஆற்றியுள்ள பணிகள் தொடர்பாக, முரண்பாடான கருத்தே நிலவுகிறது.

ஜனாதிபதியாக அவர் ஆற்றிவரும் பணிகளை, ஐ.அமெரிக்காவிலுள்ள வெறுமனே 39 சதவீதமானவர்கள் மாத்திரமே ஆதரிக்கின்றனர். ஆனால், அவரது குடியரசுக் கட்சியைச் சேர்ந்தவர்களில் 85 சதவீதமானோர், அவர் ஆற்றிவரும் பணியை ஆதரிக்கின்றனர். 

ஜனநாயகக் கட்சியைச் சேர்ந்தவர்களில் இந்த ஆதரவு, வெறுமனே 8 சதவீதமாக இருக்கிறது. சுயாதீனமான அரசியல் கொள்கைகளைக் கொண்டவர்களில் இந்த நிலைமை, 36 சதவீதமாக இருக்கிறது. இந்த வேறுபாடுகள், எந்தளவு தூரத்துக்கு ஐ.அமெரிக்கா பிளவுபட்டுக் காணப்படுகிறது என்பதைக் காட்டுகிறது.

இவையெல்லாம் ஒருபக்கமிருக்க, வேட்பாளராக ட்ரம்ப் இருந்த காலத்திலேயே, அவர் மீது முன்வைக்கப்பட்ட முக்கியமான விமர்சனமாக, அவர் அடிக்கடி பொய் சொல்கிறார் என்பது காணப்பட்டது. ஜனாதிபதி ஆகிய பின்னரும் கூட அவர், அந்தப் பழக்கத்தை விடவில்லை என்பது, விமர்சகர்களின் கருத்தாக இருக்கிறது. அந்தப் பழக்கம், அவரது ஊழியர்களிடமும் காணப்படுவதை அவதானிக்கக் கூடியதாக உள்ளது.

உதாரணமாக, ஜனாதிபதி ட்ரம்ப்பின் பதவியேற்பு நிகழ்வுக்கு, மிகக் குறைவானோரே வந்தனரெனக் கூறப்பட்டது. முன்னாள் ஜனாதிபதி பராக் ஒபாமாவின் பதவியேற்புக்கு வந்திருந்தவர்களுடன் ஒப்பிடும் போது, அந்த எண்ணிக்கை, மிகக்குறைவாகக் காணப்பட்டது. இது தொடர்பான ஒப்பீடுகள் வெளியிடப்பட, ஊடகங்கள் பொய் சொல்கின்றன என்ற கருத்து முன்வைக்கப்பட்டது.

அதில் உச்சக் கட்டமாக, வெள்ளை மாளிகையின் ஊடகச் செயலாளர் ஷோன் ஸ்பைஸர், ஐ.அமெரிக்க வரலாற்றில், பதவியேற்பு விழாவொன்றுக்கு அதிகமானவர்கள் பங்குபற்றிய சந்தர்ப்பம் இது என, எதுவித ஆதாரங்களுமின்றிய கருத்தை வெளிப்படுத்தினார்.

இந்த நிலையில்தான், ஊடகங்களின் பொறுப்பு என்பது, முக்கியமானதாக மாறியிருக்கிறது. வெறுமனே, அரசியல்வாதிகளும் அதிகாரிகளும் கூறுவதை அறிக்கையிடுவதை விடுத்து, மக்களுக்கு அவசியமான விடயங்களை வெளிப்படுத்த வேண்டிய பொறுப்பு, ஊடகங்களுக்கு ஏற்பட்டிருக்கிறது.

கடந்த ஜனாதிபதித் தேர்தல் காலத்தின் போது, ஊடகங்களின் செயற்பாடுகள் தொடர்பாக விமர்சனங்கள் காணப்பட்ட போதிலும் கூட, தேர்தலுக்குப் பின்னர், தகவல்களை முடக்குவதற்கு ஜனாதிபதி ட்ரம்ப்பின் நிர்வாகம் மேற்கொள்ளும் முயற்சிகளுக்கு மத்தியில், ஊடகங்களின் செயற்பாடுகள், குறிப்பிடத்தக்க முன்னேற்றத்தை அடைந்துள்ளன என்பதை மறுக்க முடியாது.

ஜனாதிபதியின் தேசிய பாதுகாப்பு ஆலோசகராக இருந்த மைக்கல் ஃபிளின், தனக்குக் காணப்பட்ட ரஷ்யத் தொடர்புகள் தொடர்பாக, உப ஜனாதிபதியிடம் பொய் கூறினார் என்பதை வெளிப்படுத்தி, ஃபிளினின் பதவி பறிபோவதற்கு, ஊடகங்களே காரணமாக அமைந்தன; ஜனாதிபதி ட்ரம்ப்புடன், தான் மேற்கொண்ட கலந்துரையாடல்களின் குறிப்புப் புத்தகங்களை, பதவி நீக்கப்பட்ட புலனாய்வுக் கூட்டாட்சிப் பணியகத்தின் பணிப்பாளர் ஜேம்ஸ் கோமி கொண்டுள்ளார் எனத் தெரிவித்து, அதன் உள்ளடக்கங்களை வெளியிட்டு, அது தொடர்பான செனட் விசாரணையை நடத்த வழிவகுத்தவை, ஊடகங்களே.
இந்த நிலையில்தான், ஊடகங்கள் மீதான தனது தாக்குதலை, ஜனாதிபதி ட்ரம்ப், தீவிரப்படுத்தியிருக்கிறார். 

பிரசாரக் காலத்தில், பெண் ஊடகவியலாளர் ஒருவர், கடினமான கேள்விகளைக் கேட்டார் என்பதற்காக, அவருக்கு மாதவிடாய்க் காலம் என்றவாறான விமர்சனத்தை முன்வைத்திருந்த ட்ரம்ப், விசேட தேவைகளுடைய ஊடகவியலாளர் ஒருவரின் அங்கவீனத்தைக் கேலி செய்தும், சர்ச்சைகளை ஏற்படுத்தியிருந்தார். ஆனால் அப்போது, வெறுமனே வேட்பாளராக இருந்த அவர், தற்போது ஜனாதிபதியாக, பொறுப்புள்ள ஒருவராக மாறியிருக்கின்ற நிலையில், பொறுப்பான செயற்பாடுகளில் ஈடுபட வேண்டுமென்ற எதிர்பார்ப்புக் காணப்படுகின்றமையைத் தவறு என்று கூற முடியாது.

ஆரம்பத்திலிருந்தே, ஊடகங்களை, “போலிச் செய்தி” என்று அழைக்கும் வழக்கத்தைக் கொண்ட அவர், தற்போது நேரடியான விமர்சனத்தை அதிகரித்துள்ளார். தன் மீது விமர்சனங்களை முன்வைத்த, எம்.எஸ்.என்.பி.சி தொலைக்காட்சியின் இரண்டு ஊடகவியலாளர்களை, “பைத்தியம்”, “குறைந்த நுண்ணறிவு கொண்டவர்கள்” என்று விமர்சித்த ஜனாதிபதி ட்ரம்ப், அதில் பெண் ஊடகவியலாளர் மீது, தனிப்பட்ட ரீதியிலான விமர்சனங்களையும் முன்வைத்தார்.

இந்த விமர்சனம்தான், ஊடகங்கள் மீதான அவரது உச்சபட்ச விமர்சனம் என்று எல்லோரும் எண்ணிக் கொண்டிருக்கும்போது, தனது டுவிட்டர் கணக்கில் அவர் வெளியிட்ட காணொளி, அதிர்ச்சிகளை ஏற்படுத்தியது.

ஜனாதிபதி ஆகுவதற்கு முன்பாக, தொலைக்காட்சித் தொகுப்பாளராக இருந்த ட்ரம்ப், மல்யுத்தப் போட்டிகளையும் ஏற்பாடு செய்பவராகவும் இருந்தார். அவ்வாறான ஒரு மல்யுத்தத் தொடரொன்றுக்காக முன்னோட்டக் காட்சியில், அந்த அமைப்பின் தலைவரை, ட்ரம்ப் அடித்து வீழ்த்தும் காட்சியையே, அவர் டுவிட்டரில் பகிர்ந்தார். அதன்போது, அடித்து வீழ்த்தப்படுபவரின் முகத்துக்குப் பதிலாக, சி.என்.என் தொலைக்காட்சியின் இலட்சினை காணப்பட்டது.

இது, ஊடகங்களுக்கும் ஊடகவியலாளர்களுக்கும் எதிரான நேரடியான அச்சுறுத்தலாகப் பார்க்கப்பட்டது. அத்தோடு, ஊடகவியலாளர்கள் மீது தாக்குதல் நடத்துமாறு, நேரடியாக ஊக்குவித்தமையைப் போன்று காணப்பட்டது. இதனால், கடுமையான விமர்சனங்கள் எழுந்தன. ஆனால், அவற்றைக் கண்டுகொள்பவரைப் போல, ஜனாதிபதி ட்ரம்ப் காணப்படவில்லை.

தனது இந்த நடவடிக்கைகள் தொடர்பான விமர்சனங்களை, சமூக ஊடக இணையத்தளங்களிலிருந்து தன்னை வெளியேற்றும் ஒரு முயற்சியாகவே, ஜனாதிபதி ட்ரம்ப் காண்கிறார். தனது நடவடிக்கைகள் மீதான விமர்சனங்களாக, அவர் பார்க்கவில்லை. எனவே தான், இவ்விடயத்தில் சதி நடப்பதாக அவர் கூறி வருகிறார்.

ஆனால், இவ்விடயங்கள் அனைத்துமே, திட்டமிடப்பட்டு மேற்கொள்ளப்படுகின்ற விடயங்களே ஆகும். ஊடகங்கள் மீதான விமர்சனமென்பது, வெள்ளை மாளிகையின் உத்திகளில் ஒன்றாகக் கருதப்படுகிறது.

சர்வாதிகாரத் தன்மை கொண்ட நாடுகளில், முதலில் பாதிக்கப்படுவது, சுயாதீனமான ஊடகங்களே ஆகும். அவை அடக்கப்படும்/ஒடுக்கப்படும் பின்னணியில் தான், ஏனைய தவறான விடயங்கள் நடந்து செல்லும்.

இங்கும், தனக்கும் ஊடகங்களுக்குமிடையில், நேரடியான மோதலை ஏற்படுத்த, ஜனாதிபதி ட்ரம்ப் முயல்கிறார். அதன் மூலம், தனது ஆதரவாளர்கள் மத்தியில், ஒன்றில் ஜனாதிபதி ட்ரம்ப், இல்லாவிட்டால் ஊடகங்கள், இரண்டில் ஒருவரைத் தான் நம்ப முடியும் என்ற நிலைமையை ஏற்படுத்துவதற்கு அவர் முயல்கிறார். அவரது ஆதரவாளர்கள், ஊடகங்களை விடுத்து, தன்னை நம்புவார்கள் என, அவர் கணிப்பீடுகளை மேற்கொள்கிறார்.

தன்னை, கண்மூடித்தனமாக நம்பும் ஆதரவாளர்களைப் பெற்றுவிட்டால், தன் மீது ஊடகங்கள் தெரிவிக்கும் எதையும் அவர்கள் நம்பப் போவதில்லை என்பதை அவர் அறிந்துள்ளார். அதனால்தான், இவ்வாறான நடவடிக்கைகளில் அவர் ஈடுபடுகிறார்.

அவரது முயற்சி, வெற்றிபெற்று வருவதையும் காணக்கூடியதாக உள்ளது. சில நாட்களுக்கு முன்னர், ஜனாதிபதி ட்ரம்ப்பையா அல்லது சி.என்.என் தொலைக்காட்சியையா நம்புகிறீர்கள் எனக் கேட்கப்பட்டது. அதில், 43 சதவீதமான அமெரிக்கர்கள், ஜனாதிபதி ட்ரம்ப்பையும், 50 சதவீதமான அமெரிக்கர்கள், சி.என்.என் தொலைக்காட்சியையும் குறிப்பிட்டனர்.

இதே கேள்வி, குடியரசுக் கட்சி ஆதரவாளர்களிடம் கேட்கப்பட்டபோது, ஜனாதிபதி ட்ரம்ப்புக்கு ஆதரவாக 89 சதவீதமானோர் காணப்படும் நிலையில், வெறுமனே 9 சதவீதமானோரே, சி.என்.என் தொலைக்காட்சியை நம்புகின்றனர்.

ஜனநாயகக் கட்சி ஆதரவாளர்களில், ஜனாதிபதி ட்ரம்ப்பை 5 சதவீதத்தினரும் சி.என்.என் தொலைக்காட்சியை 91 சதவீதத்தினரும் நம்புகின்றனர்.

இதில், சி.என்.என் தொலைக்காட்சியை விட ஜனாதிபதி ட்ரம்ப்பை, அதிக நம்பிக்கைக்குரியவர் என்று 43 சதவீதமான அமெரிக்கர்கள் கூறியிருப்பது, ஜனாதிபதி ட்ரம்ப்பின் பணியை அங்கிகரிக்கும்/ஆதரிக்கும் 39 சதவீதமான அமெரிக்கர்களை விட அதிகமானோர் என்பது குறிப்பிடத்தக்கது.

இந்த நிலையில்தான், ஊடகங்கள் மீதான பார்வையும் அதிகரித்திருக்கிறது. அவர்கள் விடும் சிறிய தவறுகளும் ஊதிப் பெருப்பிக்கப்படும் சூழலைக் காணக்கூடியதாக உள்ளது.
இதற்கு முன்னைய ஜனாதிபதிகள், ஊடகங்களை எவ்வளவு தூரம் வெறுத்திருந்தாலும், ஊடகங்களை அச்சுறுத்துவதற்கு முயன்றதில்லை. மாறாக, தெளிவான தொடர்பாடல் மூலம், தங்கள் பக்கம் இழுத்துக் கொள்ளவே முயன்றார்கள்.

ஆனால் ஜனாதிபதி ட்ரம்ப், ஊடங்களை ஒதுக்குவதன் மூலமாக, ஒரு கட்டத்தில் ஊடகங்கள், தங்களின் பார்வையாளர்களுக்காக, தங்களின் வளர்ச்சிக்காக, தன்னுடைய பக்கமாகத் திரும்புவார்கள் என்று எதிர்பார்க்கிறார். இது, ஆபத்தான ஒரு நிலையாகும்.

ஏனைய நாடுகளில் இது நடைபெற்றாலும், அது சாதாரணமாக அமையும். ஆனால், ஐ.அமெரிக்காவில் இது நடைபெறுகின்ற நிலையில், உலகிலுள்ள ஏனைய தலைவர்களும், இதே முறையைப் பின்பற்றுவதற்கான அத்தனை வாய்ப்புகளும் உண்டு. அதுதான், மிகவும் ஆபத்தான ஒன்றாகும். எனவே, மக்களும் ஊடகங்களும், முன்னரைவிட அதிகமான அளவில் விழிப்புணர்வுடன் செயற்பட வேண்டிய நிலைமை, தற்போது ஏற்பட்டுள்ளது என்பது தான் கூறவேண்டிய ஒன்றாகக் காணப்படுகிறது.

http://www.tamilmirror.lk/சிறப்பு-கட்டுரைகள்/டொனால்ட்-ட்ரம்ப்பின்-ஊடக-மோதல்கள்/91-200090

Categories: merge-rss

ஆறு புதிய கட்சிகளுக்கு தேர்தல்கள் ஆணைக்குழு அனுமதி

ஊர்ப்புதினம் - Thu, 06/07/2017 - 19:21
ஆறு புதிய கட்சிகளுக்கு தேர்தல்கள் ஆணைக்குழு  அனுமதி 

 

புதிய ஆறு கட்சிகளுக்கு தேர்தலில் போட்டியிட அனுமதி வழங்கப்பட்டுள்ளதாக தேர்தல்கள் ஆணைக்குழுவின் தலைவர் மஹிந்த தேரப்பிரிய தெரிவித்துள்ளார்.

Mahinda-Deshapriya.jpg

கடந்த பெப்ரவரி மாதத்தில் தேர்தலுக்கான புதிய கட்சிகளை பதிவு செய்தற்காகன விண்ணப்பங்கள் கோரப்பட்ட போது 92 கட்சிகளின் அனுமதி கோரியிருந்த நிலையிலேயே ஆறு கட்சிகளுக்கு அனுமதி கிடைத்துள்ளதாகவும் அவர் சுட்டிக்காட்டியுள்ளார்.

http://www.virakesari.lk/article/21584

Categories: merge-rss, yarl-category

சக்தி டிவி செய்திகள் 8PM (06/07/2017)

ஊர்ப்புதினம் - Thu, 06/07/2017 - 19:17

சக்தி டிவி செய்திகள் 8PM (06/07/2017)

Categories: merge-rss, yarl-category

பிபிசி தமிழ் தொலைக்காட்சி செய்தியறிக்கை 06/07/17

 

நாளை வெள்ளிக்கிழமை துவங்கும் ஜி20 மாநாட்டை ஒட்டி ஹாம்பர்க் நகரில் பாதுகாப்பை பலப்படுத்தியது ஜெர்மனி!வன்முறை வெடிக்கலாமென காவல்துறை எச்சரிக்கை!!

ஐஎஸ் ஆதரவாளர்களின் தாக்குதல்கள் ஐக்கிய ராஜ்ஜியத்தில் அதிகரிக்கலாமென அச்சம்! அந்த அமைப்பின் மத்திய கிழக்கு தோல்வியைத் தொடர்ந்து இப்படி நடக்கலாமென எச்சரிக்கை!!

மற்றும் எதிர்கால கார்கள் எப்படி இருக்கப்போகின்றன? டீசலை கைவிட்டு மின்சார கார்களை நோக்கி திட்டமிடும் வால்வோ நிறுவன முயற்சி குறித்த ஒரு முன்னோட்டம்!!


ஆகியவை இன்றைய பிபிசி தமிழ் தொலைக்காட்சி செய்தியறிக்கையில் இடம்பெறுகின்றன.

Categories: merge-rss, yarl-world-news

மகாத்மாக்களை புரியாததால்தான் கிட்டுகள் வேறு மொழியில் பேசினர்

ஊர்ப்புதினம் - Thu, 06/07/2017 - 18:24
மகாத்மாக்களை புரியாததால்தான் கிட்டுகள் வேறு மொழியில் பேசினர்

in செய்திகள்முக்கிய செய்திகள் July 6, 2017

 

Inkaranesan.jpg

மகாத்மாக்களின் அகிம்சை மொழியை சிங்களப் பேரினவாதிகள் புரிந்து கொள்ளவில்லை. புரிந்த கொள்ள மறுத்தார்கள். இதனால்தான் ஆயுதப் போராட்டம் கருக் கொண்டது. கிட்டுகள் தோன்றி வேறுமொழியில் பேசத் தொடங்கினார்கள். என்று வடமாகாணசபை உறுப்பினர் பொ.ஐங்கரநேசன் தெரிவித்துள்ளார். சாவற்கட்டு மகாத்மா மைதானத்தில் நேற்று நடைபெற்ற மகாத்மா முன்பள்ளியின் விளையாட்டு நிகழ்ச்சியில் பிரதம விருந்தினராகக் கலந்து கொண்டு உரையாற்றிய அவர் மேலும் குறிப்பிடுகையில்,

கிட்டு முன்பள்ளி என்ற பெயரே இராணுவத்தின் நெருக்குதல் காரணமாக மகாத்மா முன்பள்ளி என்று பெயர் மாற்றப்பட்டிருக்கிறது. மகாத்மா காந்தியின் இலக்கும் கிட்டுவின் இலக்கும் ஒன்றுதான். அவரவர் தேசங்களின் விடுதலையே அவர்களின் இலட்சியங்களாக இருந்தது. ஆனால், இருவரும் தங்கள் இலட்சியங்களை அடைவதற்காக ஆட்சியாளர்களுடன் பேசிய மொழி வேறுவேறானது.
தமிழ்மக்களிடையே ஆயுதப் போராட்டம் முளை விட்டதற்கான காரணங்கள் இன்னமும் அப்படியே உள்ளன. அரசாங்கம் இடதுகையில் தூக்கிய கத்தியைத் தனது முதுகுக்குப் பின்னால் மறைத்து வைத்துக் கொண்டே இனி சமாதானம் என்று சொல்லி வலது கையால் எங்களுடன் கைகுலுக்கப் பார்க்கிறது. இதுபற்றி விழிப்புணர்வு எங்களுக்கு இல்லாவிடில் நாம் தொடர்ந்தும் எமாற்றப்படுவோம். ஆயுதங்களை நாம் மீளவும் தூக்க வேண்டாம். ஆனால், ஆயுதப் போராட்டம் நடைபெற்றதற்கான காரணங்களை ஆயுதப் போராட்டத்தின் அளப்பரிய தியாகங்களை யாரும் மறந்துவிடக் கூடாது. எமது இளைய தலைமுறையினரிடம் இவை எடுத்துச் சொல்லப்பட வேண்டும் என்றும் அவர் தெரிவித்தார்.

 

http://www.vakeesam.com/மகாத்மாக்களை-புரியாததால.html

Categories: merge-rss, yarl-category

வலிந்து காணாமலாக்கப்படுதலை தடுக்கும் சட்டமூலம் ஒத்திவைப்பு

ஊர்ப்புதினம் - Thu, 06/07/2017 - 17:49

வலுக்­கட்­டா­ய­மாக காணா­ம­லாக்­கப்­ப­டு­த­லி­லி­ருந்து ஆட்­களை பாது­காத்தல் பற்­றிய சர்­வ­தேச சம­வாயச் சட்ட மூலம் பாரா­ளு­மன்­றத்தில் நேற்­று விவா­தத்­திற்கு எடுத்­துக்­கொள்­ளப்­ப­டா­தென அர­சாங்கம் இறுதி நேரத்தில் சபையில் அறி­வித்­தி­ருந்­தது.

பாரா­ளு­மன்­றத்தில் நேற்று புதன்­கி­ழமை வலுக்­கட்­டா­ய­மாக காண­மல்­போக்­கப்­ப­டு­த­லி­லி­ருந்து ஆட்­களை பாது­காத்தல் பற்­றிய சர்­வ­தேச சம­வாயச் சட்ட மூலத்தின் இரண்­டா­வது வாசிப்பு மீதான விவாதம் நடத்­தப்­ப­டு­வ­தாக ஒழுங்­குப்­பத்­தி­ரத்தில் குறிப்­பி­டப்­பட்­டி­ருந்­தது.

இருப்­பினும் சபா­நா­யகர் அறி­விப்பு, மனுக்­களை தாக்கல் செய்தல், பிர­த­ம­ரி­டத்­தி­லான கேள்வி நேரம், வாய்­மூல விடைக்­கான கேள்­வி­நேரம் ஆகி­யன நிறை­வ­டைந்து சபையின் பிர­தான செயற்­பா­டுகள் ஆரம்­ப­மா­வ­தாக சபா­நா­யகர் கரு ஜெய­சூ­ரிய அறி­வித்தார்.

இச்­ச­ம­யத்தில் எழுந்த சபை­மு­தல்­வரும், அமைச்­ச­ரு­மான லக்ஷ்மன் கிரி­யெல்ல இலஞ்சம் மற்றும் ஊழல் பற்றி விசா­ரணை ஆணைக்­கு­ழுவின் பணிப்­பாளர் நாய­க­மான ஜனா­தி­பதி சட்­டத்­த­ரணி சரத் ஜய­மான்ன வகிக்கும் மேல­திக சொலிஷ்டர் பத­விக்­கான கொடுப்­ப­ன­வு­களை அங்­கீ­ரப்­ப­தற்­கான பிரே­ரணை முன் நகர்த்­து­வ­தாக கூறினார்.

இதன்­போது எழுந்த பிர­தமர் ரணில் விக்­கி­ர­ம­சிங்க, வலுக்­கட்­டா­ய­மாக காண­மல்­போக்­கப்­ப­டு­த­லி­லி­ருந்து ஆட்­களை பாது­காத்தல் பற்­றிய சர்­வ­தேச சம­வாயச் சட்ட மூலம் இன்று(நேற்று) எடுத்­துக்­கொள்­ளப்­ப­ட­வில்லை. வெகு­வி­ரைவில் எடுத்­துக்­கொள்­ளப்­படும் என்றார்.

சபை­மு­தல்­வரும், அமைச்­ச­ரு­மான லக்ஷ்மன் கிரி­யெல்­லவும் நாம் அதனை(வலுக்­கட்­டா­ய­மாக காண­மல்­போக்­கப்­ப­டு­த­லி­லி­ருந்து ஆட்­களை பாது­காத்தல் பற்­றிய சர்­வ­தேச சம­வாயச் சட்ட மூலத்­தினை) விரைவில் கொண்­டு­வ­ருவோம் என்றார்.

இதே­வேளை நேற்று முன்­தினம் சபா­நா­யகர் கரு­ஜ­ய­சூ­ரிய தலை­மையில் கூடிய நடை­பெற்ற பாரா­ளு­மன்ற அர­சியல் கட்­சித்­த­லை­வர்­களின் கூட்­டத்­தி­லேயே வலுக்­கட்­டா­ய­மாக காண­மல்­போக்­கப்­ப­டு­த­லி­லி­ருந்து ஆட்­களை பாது­காத்தல் பற்­றிய சர்­வ­தேச சம­வாயச் சட்ட மூலத்­தினை இரண்டாம் வாசிப்­புக்­காக முன் நகர்த்­து­வ­தில்லை என்ற தீர்­மானம் எடுக்­கப்­பட்­டுள்­ளது.

மேலும் நாட்டின் பிரதான பௌத்த பீடங்களான மல்வத்த, அஸ்கிரிய, ராமாஞ்ய நிக்காய, அமரபுர நிக்காய ஆகிய நான்கு பீடங்களும் குறித்த சட்டமூலத்தினை பாராளுமன்றத்தில் விவாதிப்பதை உடன் நிறுத்தப்படவேண்டும் என்ற ஏகோபித்த தீர்மானத்தினை எடுத்திருந்தமையும் குறிப்பிடத்தக்கது

http://content.epaper.virakesari.lk/newspaper/Daily/main/2017-07-06#page-1

Categories: merge-rss, yarl-category

புதிய அரசியலமைப்பின் மாதிரி சட்டமூலத்தை தயாரிப்பதாயினும் அது தொடர்பாக மகா சங்கத்தினருக்கு தெரியப்படுத்தப்படும்

ஊர்ப்புதினம் - Thu, 06/07/2017 - 16:23
புதிய அரசியலமைப்பின் மாதிரி சட்டமூலத்தை தயாரிப்பதாயினும் அது தொடர்பாக மகா சங்கத்தினருக்கு தெரியப்படுத்தப்படும்

 

 

புதிய அரசியலமைப்பின் மாதிரி சட்டமூலத்தை தயாரிப்பதாயினும் அது தொடர்பாக மகா சங்கத்தினருக்கு தெரியப்படுத்தி அவர்களது கருத்துக்களையும் ஆலோசனைகளையும் பெற்றுக்கொள்ளுமாறு ஜனாதிபதி தெரிவித்தார்.

கண்டி ஜனாதிபதி மாளிகையில் இன்று (06) பிற்பகல் மகாநாயக்க தேரர்கள் உள்ளிட்ட மகா சங்கத்தினருடன் நடைபெற்ற சந்திப்பின்போதே ஜனாதிபதி மைத்திரிபால சிறிசேன அவர்கள் மேற்கண்டவாறு தெரிவித்தார்.

புதிய அரசியலமைப்பு தொடர்பாக எந்தவொரு இறுதி ஆவணமும் இதுவரை தயாரிக்கப்படவில்லை என வலியுறுத்திய ஜனாதிபதி, புதிய அரசியலமைப்பு பற்றிய கலந்துரையாடல் ஒன்று தற்போது நாட்டில் நடைபெறுகிறது என்றும்,அரசினால் அத்தகைய சட்டமூலமொன்று தயாரிக்கப்படுமாயின் நாட்டின் எதிர்கால நன்மை மற்றும் ஸ்திரத்தன்மை தொடர்பாக ஆழமாக ஆய்வுசெய்யப்பட்டதன் பின்னரே அது தயாரிக்கப்படும் என்றும் குறிப்பிட்டார்.

Local_News_copy.jpg

நாட்டின் அரசியல், சமூக, பொருளாதார மற்றும் சமயம் தொடர்பாக மகா சங்கத்தினர் தமது கருத்துக்களையும்,ஆலோசனைகளையும் இக் கலந்துரையாடலின்போது முன்வைத்ததுடன், அவை தொடர்பான முன்மொழிவொன்றையும் ஜனாதிபதி கையளித்தனர்.

சியம் மகா நிக்காயவின் மல்வத்து பிரிவின் திப்பட்டுவாவே ஶ்ரீ சுமங்கல மகாநாயக்க தேரர், அஸ்கிரி பிரிவின் வரக்காகொட ஶ்ரீ ஞானரதன மகாநாயக்க தேரர், ராமஞ்ஞ நிக்காயவின் நாபான பேமசிறி மகாநாயக்க தேரர் உள்ளிட்ட பெருந்தொகையான மகா சங்கத்தினர் இக்கலந்துரையாடலில் கலந்துகொண்டனர்.

நீதி மற்றும் புத்தசாசன அமைச்சர் விஜயதாச ராஜபக்‌ஷ, மத்திய மாகாண ஆளுநர் நிலூக்கா ஏக்கநாயக்க மற்றும் மத்திய மாகாண முதலமைச்சர் சரத் ஏக்கநாயக்க ஆகியோரும் இக்கலந்துரையாடலில் கலந்துகொண்டனர்.

http://www.virakesari.lk/article/21580

Categories: merge-rss, yarl-category

“18 அமைச்சர்கள் ஒன்றிணைந்த எதிரணியில் இணைவர்”

ஊர்ப்புதினம் - Thu, 06/07/2017 - 16:21
“18 அமைச்சர்கள் ஒன்றிணைந்த எதிரணியில் இணைவர்”
 

image_dbaf909fd4.jpgஅரசாங்கத்திலுள்ள 18 அமைச்சர்கள், செப்டம்பர் மாத நடுப்பகுதியில் ஒன்றிணைந்த எதிரணியில் இணையவுள்ளதாக, நாடாளுமன்ற உறுப்பினர் சனத் நிஷாந்த இன்று (6) தெரிவித்தார்.

நெலும் மாவத்தையில் இடம்பெற்ற ஊடகச் சந்திப்பின் போதே அவர் இதைத் தெரிவித்தார்.

http://www.tamilmirror.lk/செய்திகள்/18-அமைச்சர்கள்-ஒன்றிணைந்த-எதிரணியில்-இணைவர்/175-200102

Categories: merge-rss, yarl-category

நீரும் நெய்யும்போல் நவாலி

அரசியல்-அலசல் - Thu, 06/07/2017 - 15:18
நீரும் நெய்யும்போல் நவாலி
 

- பஸ்தியாம்பிள்ளை ஜோண்சன்  

நவாலிக் கிராமத்தின் சிறப்புகள் குறித்து, பாழ்ப்பாணப் பல்கலைக்கழகம், வரலாற்றுத்துறைத் தலைவர்,  சிரேஷ்ட பேராசிரியர் ப. புஸ்பரட்ணம் அவர்கள் கருத்துரைக்கும் போது கூறியதாவது:

“மேலைத்தேய கலாசாரத்தை உள்வாங்கிய அதேவேளை, பாரம்பரிய கலாசார அம்சங்களைப் பேணிக்கொள்ளும் ஒரு கிராமமாக நவாலி காணப்படுகின்றது. வடபகுதியில் இருந்த யாழ்ப்பாண இராசதானி காலத்தில் வௌியிடப்பட்ட நாணயங்கள் பெருமளவில் நவாலியில் கண்டுபிடிக்கப்பட்டுள்ள ஓர் இடமாக, நவாலி காணப்படுகிறது.
அதுமட்டுமல்ல, பொலன்னறுவை இராசதானி கால வணிக நடவடிக்கைகள் நடைபெற்ற ஓர் இடமாகவும் நவாலி இருந்துள்ளதற்கான ஆதாரங்கள் காணப்படுகின்றன. இவ்வாறு பல்வேறு சிறப்புகள் நவாலிக்கு உண்டு.
நவாலி என்பது குளத்தை மையப்படுத்தி தோன்றிய ஓர் இடப்பெயராகும். ஆளி, வாளி, வேலி என்பவை குளத்தைக் குறிக்கும் சொற்களாகும். ஒரு மைய நகரின் எல்லைப்புறமாக இருந்தமை அல்லது ஒரு குளம் போன்ற, நீர்த்தேக்கத்தின் ஊடான நீர்ப்பாசனத்தைக் கொண்ட ஓர் இடமாக ஆதியில் இக்கிராமம் இருந்ததனால் நவாலி எனப்பெயர் தோன்றுவதற்கு காரணமாகும். 
பிரிட்டிஷ் காலப்பகுதியில் ஏற்பட்ட பல மாற்றங்கள் நவாலி, மானிப்பாய், வட்டுக்கோட்டை போன்ற பகுதிகளில்த்தான் நிகழ்ந்தன. அதாவது, ஆங்கிலக் கல்வியின் முக்கியத்துவத்தை பெரிதும் உணர்ந்தவர்களாக நவாலி மக்கள் காணப்பட்டார்கள். மிசனறி பாடசாலைகள்   நவாலியில் பெரிதும் வளர்ச்சிபெற்றன. 
ஒல்லாந்தர், பிரிட்டிஷ் காலத்தில் புரட்டஸ்தாந்து மதம் சார்ந்த துண்டுப்பிரசுரங்கள் பெருமளவில் வெற்றியளித்த கிராமங்களில் நவாலியும் ஒன்றாகும்.  நவாலியில் பாரம்பரிய விவசாயமுறை கைக்கொள்ளப்பட்டு வந்தது என்பதற்கான ஆதாரங்கள் அண்மைக்காலம் வரையில் காணப்பட்டன. துலாவில் தோட்டப் பயிர்ச்செய்கைகளுக்கு நீர்இறைக்கும் வழக்கம் அண்மைக்காலம் வரையில் காணப்பட்டது. இப்பொழுதும் துலா மிதித்து நீரிறைக்கும் மரபின் எச்சசொச்சம் அங்கே பாதுகாக்கப்பட்டு வருகிறது” என்றார். 

யாழ்ப்பாணக் குடாநாட்டில் நவாலி என்ற கிராமத்துக்கு போற்றப்படக்கூடிய வரலாறும் அந்த மண்ணின் மைந்தர்களினால் கிடைக்கப்பெற்ற பெருமைகளும் ஒருங்கே அமைந்து சிறப்புச் சேர்க்கின்றன. யாழ்ப்பாண நகர்ப் புறத்தின் வடக்குப் பக்கத்தில் அமைந்திருக்கும் நவாலி கிராமம், வடக்குநவாலி, தெற்குநவாலி, கிழக்குநவாலி, மேற்குநவாலி என நான்கு திக்குகளிலும் இருக்கும் குறிச்சிகளைத் தன்னகத்தே கொண்டதாகும்.

image_be98a2425a.jpg

இக்கிராமம், J/136,J/135,J/134 ஆகிய மூன்று கிராமசேவையாளர் பிரிவுகளாகப் பிரிக்கப்பட்டு, சண்டிலிப்பாய் பிரதேச செயலகப் பிரிவினுள் நிர்வாக ரீதியாக உள்வாங்கப்பட்டுள்ளது.   

வடக்கிலும் வடமேற்கிலும் வழுக்கையாறும் மானிப்பாயும் தெற்கில் காக்கைதீவு கடற்கரையும் கிழக்கில் ஆனைக்கோட்டையில் எல்லைக் கோவிலாக மூத்தநைனார் (மூத்தவிநாயகர்) கோவிலும் இக்கிராமத்தின் நாற்றிசை எல்லைகளாக அமைந்துள்ளன.  

நாவலியூர் சோமசுந்தரப்புலவர் நவாலியைச் சேர்ந்தவர்; நாடகத்தந்தை கலையரசு சொர்ணலிங்கமும் நாவாலியைச் சேர்ந்தவர். ஜி.ஜி. பொன்னம்பலம், விஸ்வநாதக் குருக்கள், தம்பையா சட்டம்பியார், பரம்பரை வைத்தியர் நவாலியூர் பொன்னர் (ஆறுமுகசெந்தூரம், கருங்கோழிபஸ்மம், செந்தூபம் போன்ற மருந்துவகைகள், இவரது கைப்பட ஆக்கப்பட்டவை இந்திய நாட்டளவில் பிரபல்யம்பெற்றவை.

நோயாளி ஒருவர் இறக்கப்போகும் நாள், பொழுது ஆகியவற்றைத் துல்லியமாகக் கணித்துக் கூறக்கூடிய வல்லமை பெற்றிருந்தாராம் இவர்.இவருடைய பரம்பரை வைத்தியம் இன்றும் இங்கு தொடர்ந்து முன்னெடுக்கப்படுகின்றது) இந்தப்பட்டியல் நீண்டுவிடும் என்பதால் இதை இத்துடன் நிறுத்திவிடுவோம்.   

image_fc992b1b2e.jpg

யாழ்ப்பாண மாநகரத்தின் வடக்குப்புறத்தில், நாவாலிக் கிராமம் அமைந்துள்ளதனால் நகர்ப்புறச் சாயலுக்குரிய மாடிவீடுகள், ஓட்டுவீடுகள், ‘கார்ப்பட்’ வீதிகள், சுற்று மதில்கள், வாகனநெரிசல் போன்ற நகர்ப்புற அடையாளங்கள் காணப்படும் அதேவேளையில், வயல்வெளிகள், பனைவடலிகள், தென்னம்சோலைகள், பனைஓலை வேலிகள், தென்னோலை வேலிகள், ஓலைகளினால் வேய்ந்த குடிசை வீடுகள் மா, பலா தென்னஞ்சோலைகளின் நடுவில் அமைந்திருக்கும் கல்வீடுகள் போன்றவை கிராமப்புறச் சூழலுக்குரிய அடையாளங்களாக அமைந்துள்ளன.  

கிராமத்தில் இந்து மக்கள் பெரும்பான்மையாக, பரம்பரை பரம்பரையாக வாழ்ந்து கொண்டிருந்தாலும் அத்தொகைக்கு அண்மித்ததாக கத்தோலிக்க மக்களும் மற்றும் அமெரிக்கன் சிலோன் மிசன் திருச்சபையைச் சேர்ந்த கிறிஸ்தவர்களும் வாழ்ந்து வருகின்றார்கள். ஒரேயொரு முஸ்லிம் குடும்பம் மாத்திரமே இங்கு இறைச்சி வியாபாரத்தில் ஈடுபட்டு வாழ்ந்து வருகிறது. கிராமத்தின் மொத்தம் நான்காயிரம் குடும்பங்கள் வரையில் வாழுகின்றார்கள்.  

“அவைக்கு எந்தக் குறையும் இல்லை; அவையின்ர வாழ்க்கை 16 வருசம் போல இருக்கு. அதுதான் குடுத்து வைத்தது. அவ்வளவுதான்..... மகள் குடும்பம் - ரோஹினி, குணரட்ணம், தர்சினி, பிரணவன், விதுசன்(05 வயது) அவ்வளவுதான்” என்கிறார் இராஜதுரை என்பவர்.  
சோகத்தில் வார்த்தைகள் வரவில்லை. பெயர்களைத்தான் உதடுகள் உச்சரித்துக் கொண்டிருந்தன. மகள், மகன், மருமக்கள், பேரப்பிள்ளைகள் என குடும்பத்தில் 14 உயிர்களை ஒரு கணப்பொழுதில் பறிகொடுத்துவிட்டு, அதன் விளைவுகளைச் சுமந்து கொண்டும், தாங்கிக் கொண்டும் இவர் வாழ்ந்து வருகின்றார்.  

image_1d0447b5da.jpg

அருகிலிருந்த மனைவியைப் பார்த்து,“சம்பவத்தில் இவ நேரடியாகப் பாதிக்கப்பட்டவா; அதிலிருந்து காதுகேட்காது; தொடர்ந்து அழுதுகொண்டேயிருப்பா; இன்னொரு மகள் நடன ஆசிரியை; சம்பவத்தில் கடுமையாகப் பாதிக்கப்பட்டு தொழிலையும் இழந்துவிட்டார். குண்டுவீச்சின்போது, தூக்கிவீசப்பட்டு பலத்த காயமடைந்த அவர், இன்னமும் அந்த அதிர்ச்சியிலிருந்து மீளவில்லை.‘மருந்தால் குணப்படுத்தி விடலாம்’ என்று, 22 வருடங்களாக மருத்துவர்கள் கிளினிக்கில் கூறிக்கொண்டே, மருந்து கொடுத்துக் கொண்டிருக்கிறார்கள்; இவர்களும் தமக்குக் குணமாகிவிடும் என்ற நம்பிக்கையுடன் 22 வருடங்களாக அந்த மருந்துகளைக் குடித்துக்கொண்டே வருகின்றார்கள்”.

அருகிலிருந்த மனைவியும் தன்னைப்பற்றித்தான் இவர்கள் பேசிக்கொள்கின்றார்கள் என்பதைப் புரிந்து கொண்டாலும், அதன் அர்த்தங்களை அவரால் உணர்ந்து கொண்டிருக்க முடியாது.  

1995 ஆம் ஆண்டு, ஜூலை மாதமளவில் இராணுவத்தின் வலிகாமம் மேற்கு மற்றும் வலிகாமம் வடக்கு பகுதிகளை நோக்கி ‘முன்னேறிப் பாய்தல்’ இராணுவ நடவடிக்கை மேற்கொள்ளப்பட்டது. சண்டையின் உக்கிரம் காரணமாக, நவாலியூர் மக்கள் தேவாலயங்களிலும் பாடசாலைகளிலும் கோவில்களிலும் தமது உயிரைப் பாதுகாக்கும் பொருட்டு தஞ்சமடைந்திருந்தனர்.

நவாலி சென். பீற்றர்ஸ் தேவாலயத்தில் தஞ்சமடைந்திருந்த அகதிகள்மீது, புக்காரா குண்டுவீச்சு விமானம் ஒன்பது குண்டுகளை வீசியது. 1995 ஜூலை மாதம், 09 ஆம் திகதி, மாலை 4.30 மணியளவில் இந்தச் சம்பவம் இடம்பெற்றது.  

“அன்றைய தினம் நவாலி சென். பீற்றர்ஸ் தேவாலயத்திலும் நவாலி, கதிர்காம முருகன் ஆலயத்திலும் மக்கள் தஞ்சமடைந்தனர்”

படப்பிடிப்பு: சமன்த பெரேரா 
(நாளை தொடரும்)

http://www.tamilmirror.lk/சிறப்பு-கட்டுரைகள்/நீரும்-நெய்யும்போல்-நவாலி/91-200073

Categories: merge-rss

குழந்தைகளுக்கு விருப்பமான சைனீஸ் இறால் நூடுல்ஸ்

நாவூற வாயூற - Thu, 06/07/2017 - 14:13
குழந்தைகளுக்கு விருப்பமான சைனீஸ் இறால் நூடுல்ஸ்

 

குழந்தைகளுக்கு நூடுல்ஸ் என்றால் மிகவும் பிடிக்கும். இன்று குழந்தைகளுக்கு விருப்பமான சைனீஸ் இறால் நூடுல்ஸ் செய்வது எப்படி என்று பார்க்கலாம்.

 
குழந்தைகளுக்கு விருப்பமான சைனீஸ் இறால் நூடுல்ஸ்
 
தேவையான பொருட்கள் :

அரிசி நூடுல்ஸ் - ஒரு பாக்கெட் (500 கிராம்)
இறால் - கால் கிலோ
வெங்காயம் - ஒன்று
செலரி (நறுக்கியது) - ஒரு கப்
கேரட் - ஒன்று
வெங்காய தாள் - 2 டீஸ்பூன்
சோயா சாஸ் - 2 டீஸ்பூன்
எண்ணெய் - தேவையான அளவு
உப்பு - தேவையான அளவு
அஜினோ மோட்டோ - 1 சிட்டிகை.

201707061526098628_Chinese-prawn-noodles

செய்முறை :

* இறாலை கழுவி சுத்தம் செய்துக்கொள்ளவும்.

* வெங்காயத்தைப் பொடியாக நறுக்கவும்.

* கேரட்டை துருவிக்கொள்ளவும்.

* செலரி, வெங்காய இலைகளையும் பொடியாக நறுக்கிக் கொள்ளவும்.

* ஒரு பெரிய பாத்திரத்தில் முக்கால் பாகம் தண்ணீர் விட்டு கொதிக்கவிடவும். கொதி வந்த பின்பு அதில் நூடுல்ஸை போடவும். 5 நிமிடங்கள் வெந்தபின்பு எடுத்து நீரை வடிகட்டவும். பிறகு அதில் குளிர்ந்த நீரை ஊற்றி நன்கு அலசிவிடவும். நீர் வடிந்தபின்பு, சிறிது எண்ணெய் ஊற்றி நூடுல்ஸ் அனைத்திலும் படுமாறு தடவி வைக்கவும்.

* ஒரு கடாயில் எண்ணெய் விட்டு, சூடானதும் நறுக்கின வெங்காயத்தைப் போட்டு வதக்கவும்.

* வெங்காயம் சற்று வதங்கிய பின்பு இறாலை சேர்த்து அரை நிமிடம் வதக்கவும்.

* அடுத்து அதில் துருவின கேரட், நறுக்கின செலரி ஆகியவற்றைப் போட்டு நன்றாக கிளறவும்.

* பின்பு அதில் சோயா சாஸ் விட்டு நன்றாக கிளறவும். லேசான தீயில் அடி பிடிக்காமல் வேகவிடவும். சற்று வெந்ததும் அஜினோ மோட்டோ சேர்க்கவும்.
* காய்கள் போட்டு அனைத்தும் வெந்தபிறகு வேக வைத்த நூடுல்ஸை உதிர்த்துப் போட்டு நன்றாக கிளறவும்.

* கடைசியாக நறுக்கின வெங்காய தாள் தூவி கிளறி இறக்கவும்.

* சுவையான சைனீஸ் இறால் நூடுல்ஸ் தயார்.

* இதை டொமாட்டோ சாஸ் உடன் சாப்பிட சுவை அருமையாக இருக்கும்.

http://www.maalaimalar.com

Categories: merge-rss

பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

பறவைகள் குறித்த கவிதை உவமையை யாரும் புரிந்து கொள்ளவில்லை தச்சனே! - கவிதை

கவிதை: வெய்யில், ஓவியம்: ரமணன்

 

p55a.jpg

“உழைப்பாளர்கள் சிலையிலிருப்பவர்கள்
உழைப்பாளர்களே அல்ல
ஒரு சிற்பியின் விருப்பத்திற்காக
வெறுமனே அவர்கள் பாறையைப் புரட்டுகிறார்கள்”
-கலைவிமர்சகருக்கு வணக்கம் சொல்லிவிட்டு நகர்ந்தேன்.
“பொன்னுலகுக்குச் செல்லும் வாயிலின் அடைப்பைத் திறக்கிறார்கள்
வெகுகாலமாய்”
-சரிதான். அவருக்கும் வணக்கம் தெரிவித்தேன்.
“புரட்சி என்பது காலாவதியாகிப்போன இருமல் மருந்து”
-ஓ...உங்களுக்கும் நன்றி.
கீழே இறங்குங்கள்
இதற்காகவா நண்பர்களே நாம் மெரினாவுக்கு வந்தோம்
போதும்
அந்த நீள மரத்துண்டங்களைக் கைவிடுங்கள்
உங்கள் தசை முறுக்குகள்...அய்யோ பரிதாபம்!
கலைந்து போய் காற்றில் உலாவுங்கள்
மகிழ்ச்சியாக சோம்பல் முறித்து தேறல் விற்பவர்களைத் தேடுவோம்
எலும்புகள் சிலிர்த்துக்கொண்டு எவ்வளவு காலமாகியிருக்கும்
இரவில் புதிய புதிய காதல்களைக் கண்டெடுப்போம்
மாலை கரைமணலில் கூட்டாகக் கபடி ஆடலாம்
இடையிடையே ரெட்டை அர்த்த வசவுகளைக் கூவி மகிழலாம்
‘அல்லி மலர்கள் உழைப்பதில்லை’ என்ற இயேசு,
உடனே திராட்சை ரசத்தில் நாவை நனைத்துக்கொண்டார் - மூளை நன்றி சொன்னது.
வேலை, உழைப்பு, வியர்வை, கூலி போன்ற சொற்கள் குமட்டுகின்றன
பாறைகள் சுரங்கங்கள் குறித்த கவலைகளைத் தள்ளுங்கள்
முதலாளிகளிடம் வெடிமருந்துகள் நிறைய உண்டு
எளிதாக அவர்கள் எதையும் வெடித்துத் தகர்ப்பார்கள்
மகிழ்ச்சியற்ற பலசாலிகளே
சில்லென்று மழைக்காலம் தொடங்குகிறது
நம் திணைக்குறி மலர்கள் நீலம்பொங்கப் பூக்கின்றன
வரலாற்றில் நம் கட்டைவிரல்கள்
தன் சுதந்திரத்துக்காக எத்தனை நூற்றாண்டுகள் உழைத்தன?
மெரினாவின் நெய்தல் மலர்களைக் கொடுங்கள்
அவை ஏந்திப்பிடிக்கட்டும்
‘உலகத் தொழிலாளர்களே போதும் ஓய்வெடுங்கள்’!

http://www.vikatan.com/anandavikatan

Categories: merge-rss

டோனி சம்பளம் குறித்து பேசிய பாகிஸ்தான் வீரருக்கு டோஸ் கொடுத்த டுவிட்டர்வாசிகள்

டோனி சம்பளம் குறித்து பேசிய பாகிஸ்தான் வீரருக்கு டோஸ் கொடுத்த டுவிட்டர்வாசிகள்

 

 
 

இந்திய நட்சத்திர கேப்டன் டோனியின் சம்பளம் குறித்து கேள்வி கேட்ட பாகிஸ்தான் முன்னாள் வீரர் ரமீஸ் ராஜாவிற்கு டுவிட்டர் வாசிகள் டோஸ் கொடுத்துள்ளனர்.

 
 
 
 
டோனி சம்பளம் குறித்து பேசிய பாகிஸ்தான் வீரருக்கு டோஸ் கொடுத்த டுவிட்டர்வாசிகள்
 
இந்திய கிரிக்கெட் அணியின் ராசியான கேப்டன் என்று அழைக்கப்பட்டவர் மகேந்திர சிங் டோனி. இவர் டெஸ்ட் கிரிக்கெட் போட்டியில் இருந்து ஏற்கனவே ஓய்வு பெற்றுள்ளார். ஆனால் ஒருநாள் மற்றும் டி20 கிரிக்கெட் போட்டிகளில் மட்டும் விளையாடி வருகிறார்.

201707061814227128_dhoni001-sss._L_styvp

இந்திய வீரர்கள் கிரேடு வாரியாக பிரிக்கப்பட்டு சம்பளம் வழங்கப்படும். டெஸ்ட் போட்டிகளில் விளையாடாத வீரர்கள் குறிப்பாக ‘ஏ’ கிரேடில் சேர்க்கப்படமாட்டார்கள். ஆனால், டோனி ‘ஏ’ கிரேடில் சேர்க்கப்பட்டுள்ளார்.

201707061814227128_dhoni002-ssss._L_styv

இப்படி முன்னணி வீரர்கள் சேர்க்கப்பட்டால், டெஸ்ட் போட்டிகள் கேள்விக்குறியாகிவிடும் என்று தெரிவித்திருந்தார் ரமிஸ் ராஜா.

201707061814227128_dhoni003-ssss._L_styv

இதற்கு டோனியின் பரம ரசிகர்கள் டுவிட்டரில் டோஸ் கொடுத்துள்ளனர்.

 

http://www.maalaimalar.com/

Categories: merge-rss

சிங்களம் அல்லாத ஏனைய சமூகங்கள் எங்கே போவது? ‘பாதுகாவலன்’ வாரஏட்டின் ஆசியர் தலையங்கம்

ஊர்ப்புதினம் - Thu, 06/07/2017 - 13:29
சிங்களம் அல்லாத ஏனைய சமூகங்கள் எங்கே போவது? ‘பாதுகாவலன்’ வாரஏட்டின் ஆசியர் தலையங்கம்
 

புதிய அரசியல் யாப்பு தேவையில்லையென மகாநாயக்க தேரர்கள் தீர்மானம் ஒன்றை நிறைவேற்றியதை விமர்சித்து யாழ்ப்பாணத்தில் இருந்து வெளிவரும் கத்தோலிக்க திருச்சபையின் ‘பாதுகாவலன்’ வாரஏடு ஆசியர் தலையங்கம் ஒன்றை எழுதியுள்ளது. ‘சிங்களம் அல்லாத ஏனைய சமூகங்கள் எங்கே போவது?’ என்ற தலைப்பில் எழுதப்பட்டுள்ள அந்த ஆசிரியர் தலையங்கத்தில் மகாநாயக்க தேரர்களிடமே நாட்டை ஒப்படைத்து விடுங்கள் என கூறப்பட்டுள்ளது.

ஆசிரியர் தலையங்கம் முழுமையாக கீழே தரப்பட்டுள்ளது. சிங்களம் அல்லாத ஏனைய சமூகங்கள் எங்கே போவது 1920இல் இனப்பிரச்சினை ஆரம்பிக்கப்பட்ட காலம் முதல் பௌத்தகுருமாரின் ஆதிக்கம் இலங்கை அரசியலில் கூடுதலாகவுள்ளது. பௌத்த சமயத்துக்கு அரசியலமைப்பில் கொடுக்கப்பட்டுள்ள முக்கியத்துவம் அதன் வெளிப்பாடாகும். முன்னாள் பிரதமர் எஸ்.டபிள்யு.ஆர்டி.பண்டாரநாயக்கா சுட்டுக்கொல்லப்பட்டதன்  பின்னரான நிலையிலும் ஆட்சிக்கு வரும் ஒவ்வொரு ஜனாதிபதியும் பிரதமரும் பௌத்த பிக்குகளின் ஆசியை பெறுகின்றனர். அது அவர்களுடைய சமயப்பண்பு.

ஆனால் பௌத்த பிக்குகளிடம் ஆலோசணையை பெற்று ஆட்சி நடத்துவது அல்லது பௌத்த குருமாரை திருப்திப்படுத்தி ஆட்சிபுரிவது ஏனைய சமூகங்களின் அரசியல் பொருளாதார, கலாச்சார உரிமைகளின் நிலைமை பற்றிய அச்சம் ஒன்றை வெளிப்படுத்தியுள்ளது. 2015இல் நல்லாட்சி அரசாங்கம் பதவியேற்ற காலம் முதல் பிக்குமாரின் கருத்து வெளிப்பாடுகள் பல்வேறு சந்தேகங்களை ஏற்படுத்தியிருந்தன.

மஹிந்த ராஜபக்சவின் ஆட்சியை மாற்றி நல்லாட்சி அரசாங்கத்தை கொண்டு வந்ததில் அனைவருக்கும் பெரும் பங்குண்டு. ஆனாலும் நல்லாட்சி அரசாங்கமும் எங்களை ஏமாற்றும் என்றுதான் வடக்கு கிழக்கு தமிழர்களில் பெரும்பான்மையோர் கருதினர். இருந்தாலும் விரும்பியோ விரும்பாமலோ சில நம்பிக்கை அடிப்படையில் மக்களில் கணிசமான பகுதியினர் வாக்களித்தனர்.

ஆனால் இரண்டு ஆண்டுகள் சென்ற பின்னரும் கூட மாற்றங்கள் எதனையும் காண முடியவில்லை. புதிய அரசியல் யாப்பின் மூலம் இனப்பிரச்சினைக்கு தீர்வு வரும் என்று சொன்னார்கள். ஆனால் அந்த யாப்பிலும் இனப்பிரச்சினை தீர்வு பற்றிய விடயங்கள் எதுவும் இல்லையென கூறப்பட்டது. இருந்தாலும் தமிழரசுக் கட்சியின் மூத்த சட்டவல்லுநர்கள் சிலர் இந்த புதிய யாப்பின் மூலமாக குறைந்தபட்சத் அதிகார பரவலாக்கம் ஏற்படும் என நம்பிக்கை வெளியிட்டு வருகின்றனர்.

இந்த நிலையில் புதிய அரசியல் யாப்பு தேவையில்லை என்றும் திருத்தங்கள் கூட செய்யப்பட வேண்டிய அவசியம் இல்லையெனவும் மாகாநாயக்க தேரர்கள் கூறியுள்ளனர். ஆகவே மாகாநாயக்க தேரர்கள் கூறியது அவர்களின் கருத்தா அல்லது அரசாங்கம் அவர்கள் மூலமாக எங்களுக்கு சொல்லி அனுப்பிய செய்தியா? பொதுவாகவே மாகாநாயக்க தேரர்கள் சொன்னால் அதனை அரசாங்கம் கேட்க வேண்டும் என்ற எழுதப்படாத சட்டம் ஒன்றும் உள்ளது.

இலங்கையின் வரலாறும் அதுதான். இந்த நிலையில் 70 ஆண்டுகால அரசியல் உரிமை போராட்டம் நடத்திய சமூகம் ஒன்றின் நிலைமை என்ன? கத்தோலிக்க திருச்சபை இனப்பிரச்சினை நீதியான முறையில் தீர்க்கப்பட வேண்டும் என வலியுறுத்தி வருகின்றது. வடக்கு கிழக்கு இணைந்த சுயாநிர்ணய உரிமையுடன் கூடிய கூட்டாச்சி ஒன்றுதான் சரியான தீ;ர்வு என்பது பொதுவான நிலைப்பாடு. இந்த நிலையில் மகாநாயக்க தேரர்களின் மேற்படி கருத்தை அரசாங்கம் ஏற்குமா? அப்படியானால் யுத்தத்தை அழிப்பதற்கு காரணமாக இருந்த இந்தியா, அமெரிக்கா உள்ளிட்ட சர்வதேச நாடுகளின் நிலைப்பாடு என்ன? யுத்த அழிவுகளுடன் தமிழர்களின் அரசியல் உரிமைக் கோரிக்கைகளும் புதைக்கப்பட்டுள்ளதா என்பதை இந்த நாடுகள் பகிரங்கமாகக் கூற வேண்டும்.

அதிகாரப் பங்கீட்டைத்தான் தமிழர்கள் கோரினார்கள் அதிகாரப் பகிர்வையல்ல. ஆனால் எதுவுமே இல்லாத புதிய அரசியல் யாப்புக்கு இத்தனை எதிர்ப்பு என்றால் சிங்களம் அல்லாத ஏனைய சமூகங்கள் எங்கே போவது?

மாகாநாயக்க தேரர்களின் கருத்துச் சொல்லும் உரிமையை மறுக்க முடியாது. ஆனால் தேரர்களின் மேற்படி கருத்தை அரசாங்கம் ஏற்றுக் கொண்டால் மக்கள் பிரதிநிதிகள் என்று யாரும் பதவி வகிக்க வேண்டிய அவசியம் இல்லை? மாகாநாயக்க தேரர்களிடமே நாட்டை ஒப்டைத்து விடலாம்.

http://globaltamilnews.net/archives/32028

Categories: merge-rss, yarl-category

கொழும்பிலிருந்து வெளியாகும் இன்றைய முக்கிய செய்திகளைத் தெரிந்துகொள்ள பத்திரிகைக் கண்ணோட்டம் 06-07-2017

ஊர்ப்புதினம் - Thu, 06/07/2017 - 13:06

கொழும்பிலிருந்து வெளியாகும் இன்றைய முக்கிய செய்திகளைத் தெரிந்துகொள்ள பத்திரிகைக் கண்ணோட்டம் 06-07-2017

Categories: merge-rss, yarl-category

சிங்களத்தில் சீறிய தமிழ் அமைச்சர்; சிடுசிடுத்த எதிரணி உறுப்பினர்!

ஊர்ப்புதினம் - Thu, 06/07/2017 - 13:05
 
சிங்களத்தில் சீறிய தமிழ் அமைச்சர்; சிடுசிடுத்த எதிரணி உறுப்பினர்!
 
 
சிங்களத்தில் சீறிய தமிழ் அமைச்சர்; சிடுசிடுத்த எதிரணி உறுப்பினர்!

யாழ் மாவட்ட பாராளுமன்ற உறுப்பினரும் அரசாங்கத்தின் இராஜாங்க அமைச்சருமான விஜயகலா மகேஸ்வரன் இன்றைய தினம் நாடாளுமன்றில் கடுந்தொனியில் பேசியதாகச் சொல்லப்படுகிறது.

இன்றைய தினம் ஸ்ரீலங்கா நாடாளுமன்றில் இழுவைப்படகுகள் மற்றும் சட்டவிரோத மீன்பிடி தொடர்பாக அவர் பேசியபோது, எதிரணியைச் சேர்ந்த சில உறுப்பினர்களால் இடையூறு ஏற்படுத்தப்பட்டது. இதனால் கோபமடைந்த நிலையிலேயே அவர் சிங்கள மொழியில் ஆவேசமாக பேசியதாக கூறப்படுகிறது.

எதிரணியைச் சேர்ந்த மஹிந்த ராஜபக்‌ஷ ஆதரவாளரான தினேஸ் குணவர்தன உள்ளிட்ட சிலரே இவ்வாறு இடையூறுகளை ஏற்படுத்தியிருந்தனர்.

இதனால் ஆத்திரமுற்ர அமைச்சர், “அபிட்ட கதாகரன்ன தென்ன, தினேஸ் குணவர்தன மாத்தயா அபிட்ட கதாகரன்ன தென்னகோ......” என்று ஆவேசமாக பேசியதோடு,

”நீங்கள் எப்பொழுதும் இனவாதத்தையே பேசிக்கொண்டிருக்காமல் எமக்கும் உரையாற்றுவதற்கு சந்தர்ப்பம் தாருங்கள், பொய்யாக எல்லாம் கூச்சலிடாதீர்கள். நாம் இன்றும் பல கஷ்டங்களை சுமந்து கொண்டு இருக்கின்றோம்.” என்று சிங்களத்தில் கூறினார்.

இதன்பின்னரும் எதிரணியினர் சபையில் குழப்பங்களை ஏற்படுத்தியிருந்தமை குறிப்பிடத்தக்கதாகும்.

https://news.ibctamil.com/ta/internal-affairs/srilanka-parliament-speach

Categories: merge-rss, yarl-category

வடக்கு முதல்வரை சந்தித்தார் தமிழிசை!

ஊர்ப்புதினம் - Thu, 06/07/2017 - 12:52
வடக்கு முதல்வரை சந்தித்தார் தமிழிசை!
 
வடக்கு முதல்வரை சந்தித்தார் தமிழிசை!
 

வடக்கு மாகாண முதலமைச்சர் சி.வி.விக்னேஸ்வரனுக்கும், இந்திய பாரதிய ஜனதாக் கட்சியின் தமிழ்நாடுக் கிளைத் தலைவர் தமிழிசைக்கும் இடையே இன்று சந்திப்பு நடைபெற்றது.

தமிழிசை தனிப்பட்ட பயணமாக நேற்று இலங்கைக்கு வந்திருந்தார். அவர் இன்று யாழ்ப்பாணம் வந்தார்.

வடக்கு மாகாண முதலமைச்சர், அமைச்சர்களை அவர் இன்று சந்தித்தார்.

நேற்று தமிழிசையை தமிழ்த் தேசியக் கூட்டமைப்பின் தலைவர் இரா.சம்பந்தன், தமிழ்த் தேசியக் கூட்டமைப்பின் நாடாளுமன்ற உறுப்பினர் சி.சிறிதரன் ஆகியோர் சந்தித்திருந்தனர்.

http://uthayandaily.com/story/9830.html

Categories: merge-rss, yarl-category

அரசியல் என்பது வாய்ப்புக்கு ஏற்ப வளைவதுதான்

ஊர்ப்புதினம் - Thu, 06/07/2017 - 12:51
அரசியல் என்பது வாய்ப்புக்கு ஏற்ப வளைவதுதான்
 
 
அரசியல் என்பது  வாய்ப்புக்கு ஏற்ப வளைவதுதான்
 

இது­வரை கால­மும் மாகாண சபைத் தேர்­த­லில் போட்­டி­யி­டு­வ­தில்லை என்று கூறி­வந்த தமிழ்த் தேசிய மக்­கள் முன்­னணி, இப்­போது தனது கொள்­கை­யைக் கைவிட்டு அல்­லது தளர்த்தி தேர்­த­லில் போட்­டி­யிட முன்­வந்­துள்­ளது. வடக்கு மாகாண சபை தமிழ் மக்­க­ளுக்­கான தீர்வு அல்ல என்ற கார­ணத்­தா­லேயே, அதா­வது மாகாண சபையை ஒரு தீர்­வா­கத் தாம் ஏற்­காத கார­ணத்­தா­லேயே அந்­தத் தேர்­த­லில் போட்­டி­யி­டு­வ­தில்லை என்று அந்­தக் கட்சி கூறி­வந்­தது. இப்­போது அந்த எண்­ணத்தை மாற்­றி­விட்­டது. அது நல்ல விட­யம்­தான்.

போருக்­குப் பின்­னர் இலங்­கைத் தமிழ்க் காங்­கி­ரஸ் கட்சி தமிழ்த் தேசி­யக் கூட்­ட­மைப்­பில் இருந்து வெளி­யே­றி­யது. அதன் பின்­னர் வந்த நாடா­ளு­மன்­றத் தேர்­தல்­க­ளில் எல்­லாம் தனித்தே போட்­டி­யிட்டு வந்­தது. ஆனால் ஒரு ஆச­னத்­தைக்­கூட அத­னால் பெற முடிந்­தி­ருக்­க­வில்லை.

போருக்­குப் பின்­ன­ரான தேர்­தல்­க­ளில் ஈபி­டிபி மற்­றும் ஐக்­கிய தேசி­யக் கட்சி என்­ப­வற்­றால்­கூட நாடா­ளு­மன்ற ஆச­னங்­களை வெல்ல முடிந்­த­போ­தும், முன்­ன­ணி­யால் ஒரே­யொரு ஆச­னத்­தைக்­கூ­டப் பெற முடிந்­தி­ருக்­க­வில்லை.

இத்­த­னைக்­கும், தமிழ்த் தேசி­யக் கூட்­ட­மைப்­புப் பேசி வரும் கூட்­டாட்­சித் தத்­து­வத்­தி­லி­ருந்து விலகி ஒரு நாடு இரு தேசம் என்­கிற தீவிர தமிழ் அர­சி­ய­லைப் பேசு­வ­தாக அந்­தக் கட்சி உரிமை கோரி வந்­த­போ­தும் தமிழ் மக்­கள் சில ஆயி­ரம் பேரைத் தவிர பெரும்­பான்­மை­யா­னோர் அந்­தக் கட்­சியை ஆத­ரிக்­கத் தயா­ராக இருக்­க­வில்லை.

2015ஆம் ஆண்­டில் நடந்து முடிந்த நாடா­ளு­மன்­றத் தேர்­த­லில்­கூட அந்­தக் கட்­சிக்கு 15ஆயி­ரம் வாக்­கு­களே வீழ்ந்­தன. சமூக ஊட­கங்­கள் மற்­றும் புலம்­பெ­யர்ந்­த­வர்­க­ளின் ஆத­ர­வு­ட­னான பரப்­பு­ரை­கள் ஊடாக அந்­தக் கட்­சிக்­குக் கணி­ச­மான வாக்­கு­கள் கிடைக்­கும், தமிழ்த் தேசி­யக் கூட்­ட­மைப்­புக்­குத் தகுந்த மாற்று அர­சி­யல் சக்­தி­யாக அது வள­ரும் என்ற மாயை ஒன்று ஏற்­ப­டுத்­தப்­பட்­ட­போ­தும் அந்­தக் கட்சி நாடா­ளு­மன்ற ஆச­னம் ஒன்­றைத் தானும் கைப்­பற்­ற­வில்லை.

தமிழ்த் தேசி­யக் கூட்­ட­மைப்­பி­லி­ருந்து வெளி­யே­றிய தமிழ்க் காங்­கி­ர­சும், கூட்­ட­மைப்­பின் ஊடா­கத் தேர்­த­லில் வாய்ப்பு மறுக்­கப்­பட்ட தனி­ந­பர்­கள் சில­ரும் சேர்ந்தே தமிழ்த் தேசிய மக்­கள் முன்­னணி என்ற கூட்டை உரு­வாக்­கி­னார்­கள். இந்­தக் கூட்டு தொடர்ச்­சி­யாக 3 நாடா­ளு­மன்­றத் தேர்­தல்­க­ளில் தோற்­றது. ஒரே­யொரு ஆச­னத்­தை­யா­வது பெறு­வ­தற்கு நெருக்­க­மான வாக்­கு­க­ளைப் பெற­வும் தவ­றி­யி­ருந்­தது.

இந்­தப் பின்­ன­ணி­யில்­தான் மாகாண சபைத் தேர்­த­லில் போட்­டி­யி­டப்­போ­வ­தாக அந்­தக் கட்சி இப்­போது அறி­வித்­துள்­ளது.
வடக்கு மாகாண சபை ஒரு ஏமாற்று என்­பதை அம்­ப­லப்­ப­டுத்­து­வ­தற்­கா­க­வும் மாகாண சபை முறைமை தமி­ழர்­க­ளின் அர­சி­யல் தீர்­வுக்­கான ஆரம்­பப் புள்­ளி­யாக இருக்க முடி­யாது என்­பதை நிரூ­பிப்­ப­தற்­கா­க­வும் தாம் மாகாண சபை­யி­லும் உள்­ளு­ராட்சி சபை­யி­லும் போட்­டி­யி­டு­வோம் என்று அந்­தக் கட்சி அறி­வித்­துள்­ளது.

விழுந்­தா­லும் மீசை­யில் மண் பட­வில்லை என்ற ரீதி­யில் இந்த அறி­வித்­தலை அந்­தக் கட்சி விடுத்­தா­லும் , மாகாண சபை­யி­லும் உள்­ளு­ராட்சி சபை­யி­லும் போட்­டி­யி­டு­வ­தற்கு அந்­தக் கட்சி எடுத்­தி­ருக்­கும் முடிவு நல்­லதே. இந்­தச் சபை­க­ளில் ஆக்­க­பூர்­வ­மான எதி­ர­ணிக்கு இருக்­கக்­கூ­டிய வாய்ப்பை பயன்­ப­டுத்­து­வ­தற்கு மக்­க­ளும் அவர்­க­ளுக்­குச் சில­வே­ளை­க­ளில் இட­ம­ளிக்­கக்­கூ­டும். அது அவர்­கள் எதிர்­கா­லத்­தில் செய்­யப்­போ­கும் அர­சி­ய­லைப் பொறுத்­தது.

எப்­ப­டி­யி­ருந்­தா­லும், அர­சி­யல் என்­பது வாய்ப்­புக்கு ஏற்ப வளை­வ­து­தான் என்­பதை அந்­தக் கட்சி இப்­போ­தா­வது புரிந்­தி­ருப்­ப­தும், சப்­பைக்­கட்­டுக் கார­ணங்­க­ளு­டன் அதற்கு முன்­வந்­தி­ருப்­ப­தும் நல்­ல­தொரு பட்­ட­றி­வு­தான்.

அதே வாய்ப்­புக்­கேற்ப வளை­யும் அர­சி­ய­லைத்­தான் தமிழ்த் தேசி­யக் கூட்­ட­மைப்­பும் செய்­கி­றது என்­கிற பட்­ட­றி­வை­யும் அந்­தக் கட்சி பெறும்­போது கூட்­ட­மைப்­பு­டன் சேர்ந்து பய­ணிக்­கும் புள்­ளியை அது அடை­யும் என்று எதிர்­பார்க்­க­லாம்.

 

http://uthayandaily.com/story/9827.html

Categories: merge-rss, yarl-category

திடீரெனத் தீப்பற்றிய பனை வடலிகள்

ஊர்ப்புதினம் - Thu, 06/07/2017 - 12:50
திடீரெனத் தீப்பற்றிய பனை வடலிகள்
 
திடீரெனத் தீப்பற்றிய பனை வடலிகள்
 
  •  

தென்மராட்சி – எழுதுமட்டுவாழ் பகுதியில் திடீரென பனை வடலிகளில் நேற்றுமுன்தினம் தீப்பற்றி பெரும் பகுதி காடு அழிந்துள்ளதென அப் பகுதி மக்கள் தெரிவித்தனர்.

வடலிப் பனைகளில் பற்றிய தீயை யாழ்.மாநகர தீயணைப்பு படையினரும் அப் பகுதியில் நிலை கொண்டுள்ள படையினரும் இணைந்து மூன்று மணி போhராட்டத்திற்குப் பின்னர் தீயைக் கட்டுப்பாட்டுக்குள் கொண்டு வந்தனர்.

கொழுந்துவிட்டு எரிந்த தீயினால் அப் பகுதியில் பெரும் பரபரப்பு ஏற்பட்டதெனவும் தெரிவி்க்கப்படுகிறது.

 

 
 

unnamed-16-1.jpg

http://uthayandaily.com/story/9820.html

Categories: merge-rss, yarl-category

இலங்கையின் மிகப்பெரிய மாற்றுசக்தி மின் நிலையம்! கிளிநொச்சியில்

ஊர்ப்புதினம் - Thu, 06/07/2017 - 12:48
இலங்கையின் மிகப்பெரிய மாற்றுசக்தி மின் நிலையம்! கிளிநொச்சியில்
DSC04488-1024x576.jpg

இலங்கையின் மிகப்பெரிய மாற்றுசக்தி மின் நிலையத்துக்கான வேலைத்திட்டம், கிளிநொச்சியில் இன்று (வியாழக்கிழமை) ஆரம்பித்து வைக்கப்பட்டது.

மின்சக்தி மற்றும் புதுப்பிக்கத்தக்க சக்தி அமைச்சர் ரஞ்சித் சியம்பலாப்பிட்டிய தலைமையில் இன்று காலை பூநகரி கௌதாரிமுனை  மன்னித்தலை செபஸ்ரியார்  ஆலயத்தில்  குறித்த  நிகழ்வு இடம்பெற்றது.  அதனைத் தொடர்ந்து குறித்த மாற்றுசக்தி மின் நிலையம் அமைய இருக்கின்ற  இடத்தையும்  அமைச்சர் தலைமையிலான  குழுவினர் நேரில் சென்று பார்வையிட்டனர்

காற்று, சூரிய ஒளி ஆகியவற்றைகொண்டு மாற்று மின்சக்தி நிலையங்களை உருவாக்குவதே குறித்த திட்டத்தின் நோக்கமாகும்.

மேலும் சூரியசக்தி மூலம் எண்ணூறு மெஹா வோல்ட்டும் காற்றலை மூலம் இருநூற்று நாற்ப்பது மெஹா வோல்ட்டும் பெறக் கூடிய திட்டமே நடைமுறைப்படுத்தப்பட்டுள்ளதுடன் மூன்று பிரிவுகளாக இவ் வேலைத்திட்டம் நடைபெற உள்ளது அத்துடன் முதற்கட்டமாக ஒகஸ்ட் மாதம் சுமார் இருநூற்று எழுபது மெஹா வோல்ட்   பெறக்கூடியவாறு  மாற்றுசக்தி திட்டம் ஆரம்பிக்கப்பட உள்ளமை  குறிப்பிடத்தக்கது

இந்நிகழ்வில் மின் சக்தி மற்றும் புதுப்பிக்கத்தக்க அமைச்சின் அதிகாரிகள், மாவட்ட அரச அதிகாரிகள், பொதுமக்கள் என பலர் கலந்துகொண்டுள்ளனர்.

DSC04453-1-1024x576.jpg
 
DSC04455-1024x576.jpg
 
DSC04458-1024x576.jpg
 
DSC04459-1024x576.jpg
DSC04463-1024x576.jpg
 
DSC04470-1024x576.jpg
DSC04472-1024x576.jpg
 
 

DSC04479-1024x576.jpg

DSC04480-1024x576.jpg

DSC04483-1024x576.jpg

http://globaltamilnews.net/archives/32012

Categories: merge-rss, yarl-category