merge-rss

பிபிசி தொலைக்காட்சி செய்திகள் (06/01/2017)

 

இன்றைய நிகழ்ச்சியில்..
ஆப்கானிஸ்தானின் உள்நாட்டுமோதலில் சென்ற ஆண்டு பதினோராயிரத்து ஐநூறு பேர் கொல்லப்பட்டு அல்லது காயமடைந்திருப்பதாக ஐநா அறிவிப்பு; அதில் மூன்றில் ஒருபகுதியினர் குழந்தைகள் என்றும் கவலை.


தனது தேர்தல் பிரச்சாரத்தை துவக்கினார் பிரான்ஸின் தேசியவாத கட்சித்தலைவி மெரின் லுபென்; அவருக்கும் இம்மானுவல் மக்ரானுக்குமான ஆதரவு அதிகரிப்பதாக காட்டுகின்றன கருத்துக்கணிப்புகள்.


அரியணையில் அறுபத்தி ஐந்து ஆண்டுகள்; உலகில் நீண்டநாள் முடியாட்சி செய்யும் சாதனை படைத்தார் பிரிட்டிஷ் பேரரசி இரண்டாம் எலிசபெத்.

Categories: merge-rss, yarl-world-news

கேரளா ஸ்பெஷல் மீன் மொய்லி

நாவூற வாயூற - Mon, 06/02/2017 - 17:17
கேரளா ஸ்பெஷல் மீன் மொய்லி

கேரளாவில் மீன் குழம்பு சூப்பராக இருக்கும். அதிலும் மீன் மொய்லி இன்னும் அருமையாக இருக்கும். இப்போது கேரளா ஸ்டைல் மீன் மொய்லி செய்வது எப்படி என்று பார்க்கலாம்.

 
கேரளா ஸ்பெஷல் மீன் மொய்லி
 
தேவையான பொருட்கள் :

வாவல் மீன்/கிங்பிஷ் - 250 கிராம்
வெங்காயம் - 1
பச்சை மிளகாய - 2
தக்காளி - 1
இஞ்சி பூண்டு பேஸ்ட் - 2 டீஸ்பூன்
மிளகு தூள் - 1 டீஸ்பூன்
உப்பு - தேவையான அளவு
தேங்காய் பால் - 1 கப்
கறிவேப்பிலை - சிறிது
கடுகு - 1 டீஸ்பூன்
மஞ்சள் தூள் - 1/2 டீஸ்பூன்
எலுமிச்சை சாறு - 1 டேபிள் ஸ்பூன்
எண்ணெய் - 1 டேபிள் ஸ்பூன்
கொத்தமல்லி - 2 டேபிள் ஸ்பூன்

செய்முறை :

* வெங்காயம், கொத்தமல்லியை பொடியாக நறுக்கி கொள்ளவும்.

* ப.மிளகாயை நீளவாக்கில் வெட்டி கொள்ளவும்.

* தக்காளியை பெரிய துண்டுகளாக வெட்டி கொள்ளவும்.

* மீனை நன்கு சுத்தமாக கழுவி, அதனை ஒரு பாத்திரத்தில் போட்டு, அதில் எலுமிச்சை சாறு, உப்பு மற்றும் 1 டீஸ்பூன் இஞ்சி பூண்டு பேஸ்ட் சேர்த்து பிரட்டி 30 நிமிடம் ஊற வைக்க வேண்டும்.

* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடுகு, கறிவேப்பிலை சேர்த்து தாளித்து, பின் நறுக்கி வைத்துள்ள வெங்காயத்தைப் போட்டு பொன்னிறமாக வதக்க வேண்டும்.

* வெங்காயம் பொன்னிறமாக வதங்கியதும் அத்துடன் இஞ்சி பூண்டு பேஸ்ட், பச்சை மிளகாய், மஞ்சள் தூள், உப்பு சேர்த்து சிறிது வதக்கிய பின்னர் தேங்காய் பால், தேவையான அளவு தண்ணீர் சேர்த்து நன்றாக கொதிக்க விட வேண்டும்.

* குழம்பானது கொதிக்க ஆரம்பித்ததும், அதில் ஊற வைத்துள்ள மீன் துண்டுகள், தக்காளியை சேர்த்து, 10 நிமிடம் குறைவான தீயில் மூடி போட்டு கொதிக்க விட வேண்டும்.

* குழம்பு திக்கான பதம் வந்தவுடன் அதில் மிளகு தூள், கொத்தமல்லி தழை தூவி கிளறி, இறக்கவும்.

* சுவையான கேரளா ஸ்டைல் குழம்பான மீன் மொய்லி ரெடி!!!

* இது சாதத்திற்கு மிகவும் அருமையாக இருக்கும்.

குறிப்பு :

இந்த குழம்பிற்கு வாவல் மீன் அல்லது கிங்பிஷ் மீனைக் கொண்டு செய்யலாம். தக்காளி துண்டுகளாக இருந்தால் தான் நன்றாக இருக்கும்.

http://www.maalaimalar.com

Categories: merge-rss

வடமாகாண சபை அமைச்சர்கள் மீது சுமத்தப்படும் ஊழல் கூற்றச்சாட்டுக்கள் ! அபிவிருதிப் பணிகள் மந்தகதியில் நடைபெறுகின்றதா ?

அரசியல்-அலசல் - Mon, 06/02/2017 - 07:20

வடமாகாண சபை அமைச்சர்கள் மீது சுமத்தப்படும் ஊழல் கூற்றச்சாட்டுக்கள் ! அபிவிருதிப் பணிகள் மந்தகதியில் நடைபெறுகின்றதா ?
"தமிழ் பேசும் மக்களின் குரல்"

 

Categories: merge-rss

இரு சிறுவர்களின் இனிய நடனம்

இனிய-பொழுது - Mon, 06/02/2017 - 05:11

இரு சிறுவர்களின் இனிய நடனம்

 

 

 

Categories: merge-rss

தமிழ்கல்விக் கழகத்தினால் நடாத்தப்பட்ட கலைத்திறன்போட்டி 2017 யேர்மனி தென்மாநிலம்.

வாழும்-புலம் - Sun, 05/02/2017 - 21:47
தமிழ்கல்விக் கழகத்தினால் நடாத்தப்பட்ட கலைத்திறன்போட்டி 2017 யேர்மனி தென்மாநிலம்.

 

 

K800_DSC_2347.jpgகல்வியும் கலையும் நம்மிருகண்கள், நல் தமிழ் மொழியெங்கள் உயிராகும்.
கடந்த 27 ஆண்டுகளுக்கும் மேலாக யேர்மனியில் வாழும் தமிழ்ப் பிள்ளைகளுக்கு தமிழ் மொழியையும், எமது கலை, பண்பாடுகளையும் தமிழாலயங்கள் ஊடாகப் போதித்துவரும் தமிழ்க் கல்விக் கழகம் தனதுவளர்ச்சிப் படிகளில் மீண்டும் ஒரு அலகைப் புரட்டுகின்றது.

தமிழாலயங்களில் கல்விபயிலும் மாணவர்களுக்கு தேர்வு, தமிழ்த்திறன் போன்ற முக்கிய நிகழ்வுகளின் ஊடாக மாணவர்களின் திறனுக்கு களம் அமைத்து அவர்களின் கல்வித் திறனில் உயர்ந்து நிமிர்ந்து நிற்கும் தமிழ்க் கல்விக்கழகம், இவ்வாண்டிலிருந்து தமிழாலய மாணவர்களிடையே புதிய கலைத்திறன் என்ற போட்டியை அறிமுகம் செய்துள்ளது. அந்தவகையில் 100 க்கு மேற்பட்ட தமிழாலயங்களில் பயிலும் பல்லாயிரம் மாணவர்களிடையே எமது நுண்கலைகளையும், கிராமியக்கலை வடிவங்களையும் சிறுவயதிலிருந்தே அறிமுகம் செய்து பயிற்றுவித்து அவற்றைப் பாதுகாக்கும் ஒரு அற்புதமானபணிக்கான அத்திவாரம் இன்று அமைக்கப்படுகின்றது.

K800_DSC_2312.jpg

காவடி, கரகம், பொய்க்கால் குதிரை, கும்மிகோலாட்டம், விடுதலை நடனம்,
பரதநாட்டியம், வாய்ப்பாட்டு, விடுதலைப்பாடல், நாடகம், கூத்து போன்ற கலைகளின் திறன் இப்போட்டிகள் ஊடாக கணிக்கப்படுகின்றது. இப் போட்டியானது முதற்கட்டமாக தமிழாலயமட்டத்திலும் இரண்டாம் கட்டமாக மாநிலமட்டத்திலும் நிறைவாக நாடுதழுவிய மட்டத்தில் இறுதிப் போட்டிகளும் நடைபெறவுள்ளன.

தமிழாலயங்களின் போட்டிகள் நிறைவாகியுள்ள நிலையில் மாநிலங்களுக்கான போட்டிகள்  04.02.2017  Heilbronn  நகரில் மிகவும் சிறப்பாக ஆரம்பமாகியுள்ளன. நிகழ்வை ஆரம்பித்து வைத்து வந்தவர்களை வரவேற்ற தமிழ்க் கல்விக் கழகத்தின் கலைப்பிரிவுப் பொறுப்பாளர் திரு.நவரட்ணம் மனோகரன் இந்தநாள் கலைப் பிரிவின் முழுமைக்கான முயற்சியின் முதல் நாள் என்று மகிழ்வோடு குறிப்பிட்டார்.
இவ்வாரம்பநிகழ்வை
1. தமிழர் ஒருங்கிணைப்புக்குழுப் பொறுப்பாளர்
திரு. யோன்பிள்ளை சிறீறவீந்திரநாதன்
2. தமிழ்ப் பெண்கள் அமைப்புப் பொறுப்பாளர்
திருமதி. வசந்தி மனோகரன்

3. தமிழர் ஒருங்கிணைப்புக்குழு மாநிலப் பொறுப்பாளர்
திரு. கனகையா சிறீகாந்தன்

4. தமிழ்க் கல்விக் கழக நிதிப்பொறுப்பாளர்
திருமதி. மோகனா குணாளன்

5. கையில்புறோன் தமிழாலய நிர்வாகி
திரு. பாலகிருஸ்ணன் (செட்டி) அண்ணா

ஆகியோர் மங்கலவிளக்கேற்றி ஆரம்பித்து வைத்தார்கள்.

தென் மாநிலத்திலுள்ள 20 தமிழாலயங்களிலிருந்து 225க்கு மேற்பட்டமாணவர்கள் போட்டிகளில் கலந்து கொண்டார்கள். போட்டிகளை நடுவம் செய்வதற்கு யேர்மனியிலுள்ள ஆற்றல் மிக்க கலைவல்லுனர்கள் சிறப்பாகப்பணியமர்த்தப்பட்டதும் இங்கு குறிப்பிடத்தக்கவிடயமாகும்.

மாநிலப் போட்டிகளின் வரிசையில் 05.02.2017 தென்மேற்கு மாநிலத்திற்கான போட்டிகளும் 11.02.2017 மத்திய மாநிலத்திலும் 12.02.2017 வடமத்திய மாநிலத்திலும் 25.02.2017 வடமாநிலத்திலும் நடைபெறுவதற்கான ஒழுங்குகள் செய்யப்பட்டுள்ளதாகச் செயலகத்திலிருந்து கலைப்பிரிவினர் உறுதிப்படுத்தியுள்ளார்கள்.

மாநிலப் போட்டிகள் நிறைவுபெற்றபின் 18.03.2017 சனிக்கிழமை நாடு தழுவியமட்டத்திலான இறுதிப்போட்டி யேர்மனியின் மையப்பகுதியில் நடைபெறுவதற்கான எல்லாவகையான நிர்வாகப் பொறிமுறைகளும் நிறைவாகியுள்ளதாகத் தமிழ்க் கல்விக் கழகத்தின் பொறுப்பாளர் திரு.செல்லையா லோகானந்தம் (லோகன்) அவர்கள் மனநிறைவோடு குறிப்பிட்டார்.

K800_DSC_2032.jpgK800_DSC_2036.jpgK800_DSC_2041.jpgK800_DSC_2043.jpgK800_DSC_2046.jpgK800_DSC_2048.jpgK800_DSC_2050.jpgK800_DSC_2052.jpgK800_DSC_2055.jpgK800_DSC_2059.jpgK800_DSC_2065.jpgK800_DSC_2067.jpgK800_DSC_2068.jpgK800_DSC_2069.jpgK800_DSC_2071.jpgK800_DSC_2072.jpgK800_DSC_2078.jpgK800_DSC_2081.jpgK800_DSC_2084.jpgK800_DSC_2090.jpgK800_DSC_2093.jpgK800_DSC_2097.jpgK800_DSC_2101.jpgK800_DSC_2103.jpgK800_DSC_2106.jpgK800_DSC_2110.jpgK800_DSC_2114.jpgK800_DSC_2117.jpgK800_DSC_2121.jpgK800_DSC_2122.jpgK800_DSC_2125.jpgK800_DSC_2127.jpgK800_DSC_2131.jpgK800_DSC_2150.jpgK800_DSC_2155.jpgK800_DSC_2171.jpgK800_DSC_2172.jpgK800_DSC_2174.jpgK800_DSC_2175.jpgK800_DSC_2181.jpgK800_DSC_2183.jpgK800_DSC_2186.jpgK800_DSC_2193.jpgK800_DSC_2203.jpgK800_DSC_2204.jpgK800_DSC_2208.jpgK800_DSC_2226.jpgK800_DSC_2238.jpgK800_DSC_2245.jpgK800_DSC_2253.jpgK800_DSC_2261.jpgK800_DSC_2277.jpgK800_DSC_2293.jpgK800_DSC_2300.jpgK800_DSC_2303.jpgK800_DSC_2312.jpgK800_DSC_2315.jpgK800_DSC_2324.jpgK800_DSC_2338.jpgK800_DSC_2340.jpgK800_DSC_2347.jpgK800_DSC_7871.jpgK800_DSC_7898.jpgK800_DSC_7916.jpgK800_DSC_7943.jpgK800_DSC_7968.jpgK800_DSC_7985.jpgK800_DSC_7997.jpg

 

Categories: merge-rss

10 செகண்ட் கதைகள் 7

10 செகண்ட் கதைகள்

ஓவியங்கள்: செந்தில்

 

p88_1.jpg

ஸீட்!

தன் மகன், அரசுக் கல்லூரியில் இலவச ஸீட் வாங்குவதற்காக, தனியார் பள்ளியில் அதிகப் பணம் கொடுத்து சேர்த்தார் ரமேஷ்!

 - கண்ணன்

பணம்

p88_2.jpg

பள்ளிக் கட்டணம் கட்டாததால், மாணவியை வகுப்பறை வாசலில் நிற்கவைத்தாள்... இரண்டு மாதமாக சம்பளம் வாங்காத டீச்சர்!

- கட்டுமாவடி கவி கண்மணி

தமிழன்டா!

p88_3.jpg

சென்னையைவிட்டு அமெரிக்கா சென்ற நண்பன் சந்தோஷமாகச் சொன்னான்... “அங்கே நிறைய தமிழ் ஆளுங்க இருக்காங்கடா!”

- சுந்தரம் ராமசாமி

திருட்டு!

p88_4.jpg

``பென்சில் திருடினதுக்கு மிஸ் அடிச்சிட்டாங்க’’ எனக் கேவிக்கேவி அழுத மகளிடம், `‘திருடுறது தப்பு... `பென்சில் வேணும்’னு அப்பாகிட்ட கேட்டிருந்தா ஆபீஸில் இருந்து கொண்டுவந்திருப்பேன்ல!” என்றார் அப்பா.

 - சி.சாமிநாதன்

நோ என்ட்ரி!

p88_5.jpg

மாடர்ன் டிரெஸ்ஸான ஜீன்ஸ், லெகிங்ஸ் போட்டுக்கொண்டு வந்தவர்களை அனுமதிக்காத கோயிலில், சி.டி-யில் ஓடிக்கொண்டிருந்தது நாகஸ்வர இசை!

- அஜித்

பழ(ங்)ம் கதை

p88_6.jpg

``தம்பிதானே... விட்டுக்கொடுப்பா”

என மகனிடம் சொல்லிக்கொண்டிருந்தார் பழநி மலைக்கோயில் க்யூவில் நின்றிருந்த சேகர்!

- ஸ்ரீகேஷ்

திருட்டு டிக்கெட்

p88_7.jpg

‘பிளாட்பாரம்’ டிக்கெட் இரண்டு வாங்கிக்கொண்டு ரயில் நிலையத்துக்குள் சென்றான், ‘வித்அவுட்’டில் வரும் தன் நண்பனை அழைக்க!

- கி.ரவிக்குமார்

அக்கறை

p88_8.jpg

கோயில் திருவிழாவில் தன் குழந்தையைத் தவறவிட்டு `காணவில்லை’ என அழுதபடி தேடிக்கொண்டிருந்தவளின் இடது கையில் பத்திரமாக இருந்தது கைபேசி!

- துரை.சந்தானம்

உதவி

p88_9.jpg

வங்கியில் ஃபார்ம் நிரப்பும்போது, வாலன்ட்டியராக பேனா கொடுத்து உதவியவரைத் தேடிப்போய் `நன்றி’ சொன்னேன். “சார், நான் ஒரு இன்ஷூரன்ஸ் ஏஜென்ட்...” என்று ஆரம்பித்தார் அவர்!

- எஸ்கா

விதி

p88_10.jpg

``துப்பாக்கியில் சைலன்ஸர் இருந்தும் எப்படி மாட்டிக்கிட்ட?” என்றான் சக கைதி. ``செத்தவன் கத்திட்டானே!” - சோகமாகச் சொன்னான் கொலைகாரன்!

- கெளதம்

http://www.vikatan.com

Categories: merge-rss

விசிறி வீடு: காலத்தின் வாசனை

விசிறி வீடு: காலத்தின் வாசனை

தஞ்சாவூர்க் கவிராயர்

 

 
kavirayar_3128334h.jpg
 

நாட்டு மருந்துகளும் பூஜை சாமான்களும் விற்கும் கடையில் விற்பனைக்கு வைக்கப்பட்டிருந்த பனை ஓலை விசிறி என் கவனத்தை ஈர்த்தது. நான் அப்படியே ஐம்பது வருடங்கள் பின்னால் போய்விட்டேன். ஆசையாக அதைத் தொட்டேன். என் உடம்பு சிலிர்த்தது.

பத்திரமாக அதை வீட்டுக்கு வாங்கி வந்தேன். ஓரத்தில் முக்கோணம் முக்கோணமாகப் பூ பின்னிய விசிறி. பச்சை ஓலை வாசனை இன்னும் விசிறியில் ஒட்டிக்கொண்டிருந்தது. விசிறும்போது ஆஹா.. முகத்தில் மோதும் அந்த பச்சை வாசனை!

எங்கள் வீட்டு உறுப்பினர்கள் ஒருவர் கூட எடுத்து விசிறிப் பார்க்கவில்லை. அதற்குத் தேவையும் இல்லை அல்லவா? வீட்டில் எங்கு பார்த்தாலும் மின்விசிறிகள்!

கத்தியைப் போல் நீட்டிக்கொண்டிருந்த மின்விசிறியின் றெக்கைகள் காற்றை ஏன் இப்படி வெட்டிச் சாய்க்கின்றன? மென்மையாக நம்மைச் சுற்றி மிதந்துகொண்டிருக்கும் காற்றை இப்படித்தான் வெட்டிக் கூறுபோட்டுத் தலையில் கொட்டிக்கொள்ள வேண்டுமா?

காற்றின் துண்டுகள்

என் பேரன் கேட்டான்: ‘‘தாத்தா! இந்த விசிறியில் காத்து வருமா?’’

‘‘விசிறிப் பாரேன்!’’

விசிறியின் காம்பைப் பிடித்து எப்படி விசிறுவது என்று சொல்லிக் கொடுத்தேன்.

கண் மூடி ரசித்தான்.

‘‘எப்படி இருக்கு ராசா?’’

‘‘ஒரு துண்டு காத்தைக் கட் பண்ணி எடுத்து, அதுக்குக் காம்பு வெச்சி விசிறிக்கிறாப்ல இருக்கு!’’

ஒரு ஜப்பானியக் கவிஞரின் ‘ஹைக்கூ’ ஞாபகத்துக்கு வந்தது.

தெருவில் விசிறி விற்பவன்

‘கூடை நிறைய

காற்றின் துண்டுகளைச்

சுமந்துகொண்டு போகிறான்!’

விடைபெற்றது விசிறி

இன்று வீடுகளில் இருந்து விசிறிகள் விடைபெற்றுக்கொண்டுவிட்டன. அப்போதெல்லாம் வயதானவர்கள் விசிறியும் கையுமாகத்தான் இருப்பார்கள். விசிறிக்கொள்வது மட்டுமின்றி, வேறு விசித்திரமான பயன்பாடுகளும் விசிறிக்கு உண்டு.

விசிறியின் நீளக் காம்பால் முதுகைச் சொறிந்து கொள்வது, அடுப்புத் தணலை விசிறிவிடுவது. அடம் பிடிக்கும் குழந்தைகளை அடிப்பது. கோபம் வந்துவிட்டால் விசிறிக் காம்புதான் ஆயுதம். விசிறி அடி வைபவம் அரங்கேறாத வீடுகளே கிடையாது.

அப்பா குறுக்கிட்டுத் தடுப்பார்.

‘‘விசிறி பிஞ்சு போச்சு பார்!’’

அப்போதும் அவருக்கு விசிறி மீதுதான் அக்கறை!

விசிறி வீடு

அப்போது நான் எட்டாம் வகுப்பு படித்துக் கொண்டிருந்தேன். வீட்டில் ஃபேன் கிடையாது. அம்மாவுக்குக் காற்று இல்லாவிட்டால் மூச்சுத் திணறல் வந்துவிடும். அம்மாவுக்குத் தூக்கம் வரும் வரையில் விசிறுவேன். விசிறியில் தண்ணீர் தெளித்து விசிறியபடி ‘‘இது ஊட்டிக் காத்து.. இது கொடைக்கானல் காத்து!’’ என்பேன்.

அம்மா தூங்கிவிடும். நானும் தூங்கிவிடுவேன். விசிறியும் தூங்கும்.

தஞ்சாவூர் பழைய மாரியம்மன் கோயில் ரஸ்தாவில் பாட்டி வீடு இருந்தது. பாட்டி வீட்டுக்கு எதிர் வீட்டில் விசிறிக்கு பூ பின்னுவதைத் தொழிலாகவே செய்துவந்தார்கள்.

நல்ல பெரிய திண்ணை. நடுவில் விசிறிகள் குவிந்து கிடக்கும். சுற்றிலும் பெண்கள் உட்கார்ந்திருப்பார்கள். கல்யாணமாகாத முதிர்கன்னிகள். விசிறியில் வேகமாகப் பூ வேலை செய்வார்கள். ஏ அப்பா.. அந்த விரல்களில்தான் என்ன வேகம்!

தஞ்சாவூர் கீழவாசலில் விசிறிக்காரத் தெரு என்று ஒரு தெருவே இருக்கிறது. விசிறிகளை வைத்துதான் அந்த வீதியே பிழைத்தது. எனக்கு விசிறி பின்னுவது பிடிக்கும். விசிறி பின்னும் அக்காக்களைப் பிடிக்கும். ‘‘கோபாலா… கோபாலா’’ என்று அவர்கள் என்னைக் கொஞ்சுவது பிடிக்கும்.

என்ன விசித்திரம் என்றால், எவ்வளவு புழுக்கமானாலும் புது விசிறியை எடுத்து யாரும் விசிறிக்கொள்ளவே மாட்டார்கள். விசிறினால் போச்சு. பழைய விசிறியாகிவிடுமாம்.

விசிறிப் பாட்டு

விசிறிக்குப் பூ பின்னுகிறபோதே அக்காக்கள் அழகாகப் பாடுவார்கள். எல்லாமே சினிமாப் பாட்டுகள்தான். பாட்டின் நடுவே ஒரு தேம்பல் வரும். அப்போது ஒரு நிஜமான விசும்பலும் கேட்கும். கல்யாணமாகாத சோகம், வறுமை. வறுமையால் அவர்களின் சிரிப்பை, குதூகலத்தை ஒன்றும் செய்ய முடியவில்லை.

சென்னையிலிருந்து தஞ்சாவூர் செல்லும் போதெல்லாம் அந்த விசிறி வீட்டைப் பார்க்க ஆசைப்படுவேன். சமீபத்தில்தான் அந்த ஆசை நிறைவேறியது.

விசிறி வீடு பாழடைந்து கிடந்தது. திண்ணை காரை பெயர்ந்து இடிந்து காட்சியளித்தது.

அங்கிருந்த அக்காக்களையும், அந்த விசிறிகளையும், அந்தப் பாடல்களையும் காலம் எங்கே அடித்துக்கொண்டு போயிருக்கும்?

- தஞ்சாவூர்க் கவிராயர்,

http://tamil.thehindu.com

Categories: merge-rss

மஞ்சள் நீராட்டு புட்டு

நாவூற வாயூற - Sun, 05/02/2017 - 12:15
food image
வழங்கியவர் : DHUSHYANTHY
தேதி : வியாழன், 26/02/2009 - 13:12
ஆயத்த நேரம் : (1 - 2) மணித்தியாலம்
சமைக்கும் நேரம் : 1 மணித்தியாலம்
பரிமாறும் அளவு : 5 நபர்களுக்கு

 

  • பச்சரிசி - 500 கிராம்
  • வெல்லம் - 500 கிராம்
  • தண்ணீர் - 300 மி. லிட்டர்
  • தேங்காய் - ஒன்று
  • ஏலக்காய் - 5 கிராம்
  • உளுத்தம்மா - 100 கிராம்
  • கடலைப்பருப்பு - 100 கிராம்
  • கொதிதண்ணீர் - தேவையானளவு
  • நெய் - 250 கிராம்

 

  • ஒரு பாத்திரத்தில் பச்சரிசியை நீரில் கழுவி சுத்தம் செய்து அதில் உள்ள நீரை முழுவதும் வடித்து விடவும்.
  • அதன் பின்பு ஈரமான அரிசியை கிரைண்டரில் போட்டு அரைக்கவும். (அரைக்கும் மெஷினில் கொடுத்தும் அரைக்கலாம்).
  • அரைத்த ஈரமான(பச்சை)மாவினை தூய்மையான வெள்ளைத்துணியில் கட்டி இட்லி தட்டில் வைக்கவும்.
  • அதன் பின்பு அடுப்பில் இட்லி பாத்திரத்தை வைத்து அதனுள் பாத்திரத்தின் முக்கால் அளவு தண்ணீர் விட்டு அதன் மேல் இட்லி தட்டை வைத்து ஆவியில் வேகவிடவும்.
  • மா வெந்தவுடன் காய்ந்து இருக்கும் (ட்ரையாக இருக்கும்). அதன் பின்பு வெந்த மாவில் உப்பு, உளுத்தம்மா, கொதி தண்ணீர் சேர்த்து அதை புட்டு பதத்திற்கு குழைக்கவும் (சிறு சிறு உருண்டைகளாக).
  • குழைத்தமாவை நீத்து பெட்டியில் அல்லது புட்டுகுழலில் (ஸ்டீமரில்) வைத்து நீராவியில் அவிக்கவும்.
  • புட்டு அவிந்ததும் அதை இறக்கி ஒரு பாத்திரத்தில் போட்டு மூடி வைக்கவும்(சூட்டுடன்).
  • ஒரு பாத்திரத்தில் கடலைப்பருப்பை ஊறவைக்கவும். ஒரு பாத்திரத்தில் தேங்காயை துருவி வைக்கவும்.
  • ஒரு பாத்திரத்தில் வெல்லத்தை போட்டு அதனுடன் தண்ணீர் விட்டு அதை நன்றாக கரைக்கவும்.
  • அடுப்பில் தாட்சியை(வாணலியை) வைத்து அது சூடானதும் அதில் கரைத்த வெல்லத்தை ஊற்றி பிசுக்கு பத பாகு காய்ச்சவும்.
  • பிசுக்கு பத பாகு பதம் வந்தவுடன் அந்த பாகில் தேங்காய்துருவல், ஊறியகடலைப்பருப்பு, ஏலக்காய்த்தூள் போட்டு கிளறவும்.
  • தேங்காய்துருவலில் உள்ள தண்ணீர் வற்றி மறுபடியும் பிசுக்கு பதம் வந்தவுடன் பாகை இறக்கவும்.
  • அதன்பின்பு வெந்தபுட்டுடன் நெய் விட்டு அதனுடன் காய்ச்சிய பாகை சேர்த்து கிளறவும். இப்போது மஞ்சள் நீராட்டு புட்டு தயாராகி விட்டது. பூப்பெய்திய பெண் பிள்ளைகளுக்கு பரிமாறவும்.
இலங்கையில் உள்ள பெண்குழந்தைகள் பூப்பெய்தும் போது தினமும் மஞ்சள் நீராட்டு புட்டை சாப்பிட கொடுப்பது வழக்கம் அத்துடன் இப்புட்டை செய்து தலையை சுற்றியும் தீட்டு கழிப்பதும் வழக்கம். இப் புட்டில் கார்போஹைட்ரேட், கொழுப்பு, பொட்டாசியம், பாஸ்பரஸ், கால்சியம், வைட்டமின் A B1, B2, B3, B4, B5, B9, B11 ஆகிய பல சத்துகள் அடங்கியுள்ளது. கவனிக்க வேண்டிய விஷயங்கள் - வெந்தமாவில் உப்பு, உளுத்தம்மா, கொதிதண்ணீர் சேர்த்து புட்டுபதத்திற்கு குழைக்கவும்(சிறுசிறுஉருண்டைகளாக). அடுப்பில் தாட்சியை(வாணலியை) வைத்து அது சூடானதும் அதில் கரைத்த வெல்லத்தை ஊற்றி பிசுக்கு பத பாகு காய்ச்சவும். மாற்று முறை -குழைத்தமாவை நீத்து பெட்டியில் அல்லது புட்டுகுழலில் (ஸ்டீமரில்) வைத்து நீராவியில் அவிக்கவும். எச்சரிக்கை - சர்க்கரை நோயுள்ள குழந்தைகளுக்கும், இருதயநோயுள்ள குழந்தைகளுக்கும், வைத்தியரின் ஆலோசனைப்படி பரிமாறவும்.

 

 

 

Categories: merge-rss

பொசுங்கிய புரட்சிக் கனவு

அரசியல்-அலசல் - Sun, 05/02/2017 - 11:50
பொசுங்கிய புரட்சிக் கனவு
Page-01-image-65a12f598385b445a5a2615d63c2e2e91fec0e80.jpg

 

காணா­ம­லாக்­கப்­பட்­டோரின் உற­வு­களால் வவு­னி­யாவில் மேற்­கொள்­ளப்­பட்ட உண்­ணா­வி­ரதப் போராட்டம், நான்­கா­வது நாள், பாது­காப்பு இரா­ஜாங்க அமைச்சர் ருவான் விஜ­ய­வர்­த­ன­வினால் முடித்து வைக்­கப்­பட்­டமை பல­ருக்கு நிம்­ம­தியைக் கொடுத்­தி­ருக்­கி­றது. சில­ருக்கு ஏமாற்­றத்தை அளித்­தி­ருக்­கி­றது.

சமூக ஊட­கங்­க­ளிலும், ஏனைய ஊட­கங்­க­ளிலும் பலரும் வெளி­யி­டு­கின்ற கருத்­துக்­களில், இருந்து ஏமாற்­றத்தின் தாக்­கத்தை உணர முடி­கி­றது. மேலும், பல­ரது மனோ­நி­லையை, ஆழ்­மன விருப்­பங்­களை புரிந்து கொள்ள முடி­கி­றது.

வவு­னி­யாவில் காணா­ம­லாக்­கப்­பட்­ட­வர்­களின் உற­வுகள் மேற்­கொண்ட போராட் டம், அர­சாங்­கத்­தினால் நிறுத்­தப்­பட்­ட­தற்குப் பின்னால் ஒரு அர­சியல் இருப்­ப­தாக இவர்கள் குற்­றம்­சாட்­டு­கின்­றனர். இளை­ஞர்­களின் பேரெ­ழுச்சி ஒன்றை தடுப்­ப­தற்­கான சதித்­திட்­டமே இது என்று வாதி­டு­கின்­றனர்.

தமது உற­வுகள் காணா­ம­லாக்­கப்­பட்­டதால் வீதி வீதி­யாக அலைந்து, முகாம்கள் முகாம்­க­ளாகத் தேடி, அலு­வ­லகம் அலு­வ­ல­க­மாக பதி­வு­களைச் செய்து, வாடிப்­போன உடலில் வெறும் உயிரை மட்டும் வைத்துக் கொண்டு திரி­ப­வர்கள், உண்­ணா­வி­ரதம் இருந்து உயிரை விட்டு விட வேண்டும் என்ற குரூர சிந்­த­னையே இவர்­களின் மத்­தியில் இருந்­தி­ருக்­கி­றது.

காணா­ம­லாக்­கப்­பட்­ட­வர்­களின் விவ­கா­ரத்தை மாத்­தி­ர­மன்றி, பாதிக்­கப்­பட்­ட­வர்­களின் உண்­ணா­வி­ர­தத்தை வைத்தும், அர­சியல் நடத்த முனையும் கேவ­ல­மான நிலையில் இன்று தமி­ழரின் அர­சியல் இருக்­கி­றது.

காணா­ம­லாக்­கப்­பட்­ட­வர்கள் தொடர்­பான விட­யத்தில் ஒரு தீர்வை எட்­டு­வது தான், அர­சாங்­கத்தை நோக்கி நடத்­தப்­பட்ட இந்தப் போராட்­டத்தின் முழு­மை­யான நோக்கம்.

காணா­ம­லாக்­கப்­பட்­ட­வர்கள் பெரும்­பா­லா­னோரின் நிலை என்ன என்­பது அவர்­களின் உற­வு­க­ளுக்கு நன்­றா­கவே தெரியும். அது­பற்றி அவர்கள் அர­சாங்­கத்­திடம் இருந்து ஒரு தெளி­வான பதிலைப் பெறவே முனை­கி­றார்கள். அந்தச் சம்­ப­வத்­துக்­கான நீதியைப் பெறவே முயற்­சிக்­கி­றார்கள்.

காணா­ம­லாக்­கப்­பட்­ட­வர்கள் அனை­வ­ரையும் கொண்டு வந்து கண்­முன்னே நிறுத்தி விட்டுத் தான், உண்­ணா­வி­ர தப் போராட்­டத்தை நிறுத்த வேண்டும் என்றால், இலட்­சக்­க­ணக்­கானோர் உண்­ணா­வி­ரதம் இருந்து மடிந்­தாலும் கூட அது நடக்­காது.

நான்கு நாட்­க­ளாக உண்­ணா­வி­ரதம் இருந்­த­வர்­களின் உடல் நிலை மோச­ம­டை

யத் தொடங்­கிய நிலையில் தான், அர ­சாங்கம் பாது­காப்பு இரா­ஜாங்க அமைச்சர் ருவான் விஜ­ய­வர்­த­னவை அனுப்பி, பேச்­சுக்­களை நடத்­தி­யது.

அந்தப் பேச்­சுக்­களில் ஒரு இணக்­கப்­பாடும் எட்­டப்­பட்­டது. வரும் 9ஆம் திகதி பிர­தமர் ரணில் விக்­கி­ர­ம­சிங்­கவின் தலை­மையில், அலரி மாளி­கையில் உயர்­மட்டப் பேச்­சுக்­களை நடத்­து­வ­தென்று முடி­வெ­டுக்­கப்­பட்­டது.

அலரி மாளி­கையில் நடக்­க­வுள்ள இந்தப் பேச்­சுக்கள், காணா­ம­லாக்­கப்­பட்­டோரின் பிரச்­சி­னை­க­ளுக்கு தீர்வைத் தரும் என்று நம்ப முடி­யாது. ஏனென்றால், இந்தப் பிரச்­சி­னையைத் தீர்ப்­ப­தற்கு பல கட்­டங்க ளைக் கடக்க வேண்டும். நல்ல முடி­வு­களை எடுக்க வேண்டும். அத்­த­கைய ஆற் றல் இந்த அர­ சாங்­கத்­துக்கு இல்லை.

எந்தப் பல­மான அர­சாங்­கமும் கூட, இந்த விட­யத்தில் முடி­வு­களை எடுப்­ப­தற்கு தயங்கும். எனவே, அலரி மாளிகைப் பேச்­சுக்­களில் எல்லா கோரிக்­கை­களும் நிறை­வேற்­றப்­பட்டு விடும் என்ற எதிர்­பார்ப்பில் சென்றால் ஏமாற்றம் தான் மிஞ்சும்.

அர­சாங்கம் ஒரு கட்­டத்­துக்கு மேல் நக­ராது என்­பதை தெரிந்து கொண்டு தான், செல்ல வேண்­டி­யி­ருக்கும். ஆனால், இந்த விவ­கா­ரத்­துக்கு முடிந்­த­ள­வுக்கு தீர்­வு­களை பெற்­றுக்­கொ­டுக்க வேண்­டிய நிலைக்கு அர­சாங்­கத்தைக் கொண்டு செல்­வதே முக்­கி­ய­மா­னது.

எந்த போராட்­டத்­துக்கும் ஒரு இலக்கு இருப்­பது போலவே, அதனை முடித்து வைப்­ப­தற்­கான தரு­ணமும் இருக்­கி­றது. வவு­னியா போராட்டம் பாது­காப்பு இரா­ஜாங்க அமைச்­சரை அனுப்பி, வாக்­கு­றுதி ஒன்றை அர­சாங்கம் அளித்த போது இடை­நி­றுத்­தப்­பட்­டதால், போராட்­டத்தில் ஈடு­பட்­ட­வர்­களின் உயிர்கள் காப்­பாற்­றப்­பட்­டன. 

காணா­ம­லாக்­கப்­பட்­ட­வர்­க­ளுக்­காக, உயி­ரோடு இருப்­ப­வர்­க­ளையும் இழக்க முடி­யாது. அந்த இழப்பு ஒரு­போதும் போராட்­டத்தில் வெற்­றி­யா­கவும் அமை­யாது. முடிந்­த­ள­வுக்கு அவர்கள் காப்­பாற்­றப்­பட வேண்டும் என்­பதே முக்­கி­ய­மா­னது. அது தான் வவு­னியா போராட்­டத்தில் நடந்­தி­ருக்­கி­றது,

ஆனால், இந்தப் போராட்டம் இடை­ந­டுவில் நிறுத்­தப்­பட்­டதால், இளை­ஞர்­களின் எழுச்சி தடுக்­கப்­பட்டு விட்­ட­தாக சமூக ஊட­கங்­களில் பலரும் விமர்­சிக்­கின்­றனர்.

மெரீனா போராட்­டத்தின் பாதிப்பில் இருந்து பலரும் மீள­வில்லை என்­ப­தையே இத்­த­கைய விமர்­ச­னங்கள் காட்­டு­கின்­றன. ஜல்­லிக்­கட்­டுக்கு ஆத­ர­வாக சமூக ஊட­கங்­களின் ஊடாக தொடங்­கிய போராட்டம், மெரீனா கடற்­க­ரையை நிறைத்­தது மாத்­தி­ர­மன்றி, தமி­ழ­க­மெங்கும் அனலை வீசச் செய்­தது,

இலங்­கை­யிலும் கூட சமூக ஊட­கங்­களின் ஊடாக பலரும் அதற்கு ஆத­ர­வாகப் போராட்­டங்­களை நடத்­தி­யி­ருந்­தனர். அத்­த­கை­ய­தொரு எழுச்­சியை, வவு­னியா உண்­ணா­வி­ரதம் மூலம் ஏற்­ப­டுத்­தலாம் என்று யாரேனும் நினைத்­தி­ருந்தால் அது தவ­றா­னது.

ஜல்­லிக்­கட்டு போராட்­டத்­துக்கு ஆத­ர­வாக நல்­லூரில் திரண்ட இளை­ஞர்­களின் வேகத்தை வவு­னியா உண்­ணா­வி­ர­தத்தின் போது காண­மு­டி­ய­வில்லை. உண்­ணா­வி­ரதப் போராட்டம் நான்­கா­வது நாளை எட்­டிய போது தான், பலரும் உறக்­கத்தில் இருந்து விழித்­தனர்.

இரவில் கடும் குளிரில் நடுங்கிக் கொண்டு போதிய வெளிச்­சமும் பாது­காப்பும் இல்­லாமல் வீதி­யோ­ரத்தில் உறங்கிக் கொண்­டி­ருந்த போராட்­டக்­கா­ரர்­களை, மூன்று நாட்­க­ளாக எத்­தனை இளை­ஞர்கள் திரும்பிப் பார்த்­தனர்?

போராட்டம் முடித்து வைக்­கப்­பட்ட நாளன்று, காணா­ம­லாக்­கப்­பட்­ட­வர்­களின் உற­வுகள் நல்­லூரில் ஒரு அடை­யாள உண்­ணா­வி­ர­தத்தை மேற்­கொண்­டனர். அதில் எத்­தனை இளை­ஞர்கள் வந்து பங்­கேற்­றனர். ஜல்­லிக்­கட்­டுக்­காக வந்­த­வர்­களில் பத்தில் ஒரு பங்­கி­ன­ரா­வது அதில் பங்­கேற்­ற­னரா?

இந்த நிலையில் தான் இளை­ஞர்­களின் எழுச்சி தடுக்­கப்­பட்­ட­தாக, அமுக்­கப்­பட்­ட­தாக பிர­சா­ரங்கள் செய்­யப்­ப­டு­கின்­றன.

சரி­யான தரு­ணத்தில் – சரி­யான முறையில் மெரீனா போராட்­டத்தை முடி­வுக்கு கொண்டு வரும் சந்­தர்ப்பம் வாய்த்த போது, அதனை அங்­கி­ருந்த போராட்­டக்­கா­ரர்கள் சரி­யாக பயன்­ப­டுத்திக் கொள்­ள­வில்லை.

பேரம் என்­பது கைக்குக் கிடைக்கும் போது தான் பேச வேண்­டி­யது. கைந­ழுவிப் போன பின்னர் பேசு­வது பேர­மல்ல. மெரீ­னாவில், கைந­ழுவிப் போன பின்னர் தான் பேரம் பேச முனைந்­தார்கள்.

அதன் விளைவு, அந்தப் போராட்­டத்தின் வெற்­றியை கொண்­டாட முடி­யாத அவ­லத்­தையும், வீண் அழி­வு­க­ளையும் தான் சந்­திக்க நேரிட்­டது.

வவு­னியா போராட்­டத்­தையும், மெரீனா நிலைக்கு கொண்டு செல்­லவே பலரும் விரும்­பி­யி­ருக்­கின்­றனர் என்­பதை இப்­போது உணர முடி­கி­றது.

மெரீனா போராட்­டத்தை தொடங்­கி­ய­வர்கள், வேறு. அதனை கடை­சியில் முடிக்க விடாமல் தடுத்­த­வர்கள் வேறு.

ஆனால், வவு­னியா போராட்­டத்தில், உண்­ணா­வி­ரதம் இருந்­த­வர்கள் தான் தமது போராட்­டத்தை முடித்துக் கொள்ளும் முடிவை எடுத்­தனர். அதில் குளிர் காய முனைந்­த­வர்கள் அதனால் ஏமாற்­ற­ம­டைந்­தனர்.

உண்­ணா­வி­ரதப் போராட்டம் என்­பது சாதா­ர­ண­மான ஒன்­றல்ல. நெஞ்சில் எரியும் நெருப்­புடன், வயிற்றில் எரியும் நெருப்­பையும் ஒருங்கே கட்­டுப்­ப­டுத்த, நடத்த வேண்­டிய போராட்டம்.

இத்­த­கைய போராட்­டங்­களில் ஈடு­பட்­டதால், வாழ்நாள் முழு­வதும் நோயுடன் வாழ்­ப­வர்கள் பலர் இருக்­கி­றார்கள். அப்­ப­டிப்­பட்ட ஒரு போராட்­டத்தை வெறும் உணர்ச்சி அர­சி­ய­லுக்­காக பயன்­ப­டுத்த முனை­வது அபத்­த­மா­னது.

ஒரு உயிரின் இழப்பில் தான் எழுச்சி ஏற்­பட வேண்டும் என்­றில்லை. 1988இல், இந்­தி­யப்­ப­டை­யி­ன­ருக்கு எதி­ராக, போர்­நி­றுத்தம் உள்­ளிட்ட கோரிக்­கை­களை வைத்து, மட்­டக்­க­ளப்பில், 31 நாட்­க­ளாக உண்­ணா­வி­ரதம் இருந்த அன்னை பூபதி உயிர் துறந்தார்.

அந்த இறப்­பினால் கிழக்­கிலோ வடக்­கிலோ பேரெ­ழுச்சி ஏற்­ப­ட­வில்லை. எனவே, உயிர் இழப்பில் தான் எழுச்சி நிகழ வேண்டும் என்று எவ­ரேனும் கரு­தினால் அது தவறு.

தியாகி திலீ­பனின் உண்­ணா­வி­ரதப் போராட்டம், உயிர் துறப்பில் தான் முடிந்­தது. அத­னாலும் கூட இளை­ஞர்­களின் பேரெ­ழுச்சி நிக­ழ­வில்லை.

தியாகி திலீ­பனின் மர­ணத்தை அடுத்து, முல்­லைத்­தீவில் உண்­ணா­வி­ரதம் இருந்த கப்டன் திருச்­செல்­வமும், வல்­வெட்­டித்­து­றையில் உண்­ணா­வி­ரதம் இருந்த நால்­வரும் தமது போராட்­டங்­களை நிறுத்தக் கொள்ள நேரிட்­டது.

ஏனென்றால், அதற்கு மேல் போராட்டம் நடத்தி எந்தப் பய­னு­மில்லை, இந்­திய- இலங்கை அர­சுகள் எதற்கும் மசியப் போவ­தில்லை என்று தெரிந்த கொண்ட பின்னர், அதனைச் செய்­வதே உசி­த­மான செய­லாக இருந்­தது.

அர­சாங்கம் இறங்கி வந்து பேச முனைந்த போது அதனைத் தட்டிக் கழித்து விட்டு, தொடர்ந்து போராட்­டத்தை நடத்தி, இளைஞர்களை எழுச்சி பெறச் செய்வதால் மட்டும், காணாமலாக்கப்பட்டவர்களை கொண்டு வந்து நிறுத்தி விட முடியுமா?

எழுச்சிப் போராட்டத்தின் மூலம் சாதிப்பதற்கு இது ஒன்றும் ஜல்லிக்கட்டு அல்ல.

தமிழ் இளைஞர்கள் தமக்கான உரிமைகளை கேட்பதற்கு காணாமலாக்கப்பட்டவர்களின் போராட்டம் தான் எழுச்சியை ஏற்படுத்த வேண்டும் என்று எதிர்பார்ப்பது மடமை.

தமது உரிமைகளுக்காக அடுத்தவரின் முதுகில் சவாரி செய்வதோ அவர்களின் பிணங்களில் அரசியல் செய்வதோ சரியானதல்ல.

தமக்கான உரிமைகளை இளைஞர்கள் எப்போது கேட்கிறார்களோ அது தான் போராட்டம். அது தான் எழுச்சி. அதற்கு ஒன்றும் தருணம் வாய்க்க வேண்டும் என்றில்லை. தானாக வரவேண்டும்.

அதை விட்டு விட்டு அண்ணன் எப்போ சாவான் திண்ணை எப்போ காலியாகும் என்ற வகையில், எழுச்சியை ஏற்படுத்தலாம் என்று கனவு கண்டால் அந்த எழுச்சியும் மெரீனாவைப் போலத் தான் பொசுங்கிப் போகும்.

http://content.epaper.virakesari.lk/newspaper/Weekly/samakalam/2017-02-05#page-1

Categories: merge-rss

சுதந்திரதேவி சிலையை டிரம்ப் வெட்டுவது போன்று கார்ட்டூன்: ஜெர்மனி பத்திரிகை பிரசுரம்

சுதந்திரதேவி சிலையை டிரம்ப் வெட்டுவது போன்று கார்ட்டூன்: ஜெர்மனி பத்திரிகை பிரசுரம்
 

டொனால்டு டிரம்பின் நடவடிக்கையை சித்தரிக்கும் வகையில் சுதந்திரதேவி சிலையை டிரம்ப் வெட்டுவது போன்று ஜெர்மனியின் பிரபல வார இதழ் ஒன்று கார்ட்டூனை வெளியிட்டு பரபரப்பை ஏற்படுத்தி உள்ளது.

 
 
 
 
 ஜெர்மனி பத்திரிகை பிரசுரம்
 
பெர்லின்:

அமெரிக்க அதிபராக டொனால்டு டிரம்ப் பதவி ஏற்ற சில நாட்களிலேயே சர்ச்சைக்குரிய அதிரடி உத்தரவுகளை பிறப்பித்து வருகிறார். இது அமெரிக்கா மற்றும் சர்வதேச நாடுகளில் பரபரப்பையும், குழப்பத்தையும் ஏற்படுத்தியுள்ளது.

இந்த நிலையில் டிரம்பின் நடவடிக்கையை சித்தரிக்கும் வகையில் ஜெர்மனியின் பிரபல வார இதழ் ‘டெர் ஸ்பைஜெல்’ ஒரு பரபரப்பு கார்ட்டூனை வெளியிட்டுள்ளது.

அதில் அமெரிக்காவின் வெட்டப்பட்ட சுதந்திரதேவி சிலையை ரத்தம் சொட்டும் நிலையில் ஒரு கையில் டிரம்ப் வைத்திருப்பது போலவும், மற்றொரு கையில் ரத்தம் தோய்ந்த கத்தி வைத்திருப்பது போன்றும் சித்தரிக்கப்பட்டுள்ளது.

அமெரிக்க பிணைக் கைதிகளை ஐ.எஸ். தீவிரவாதி ‘ஜிகாதி ஜான்’ துண்டிக்கும் படம் இதுபோன்று தான் பிரசுரிக்கப்பட்டிருந்தது. தீவிரவாதி ஜிகாதி ஜானுடன் டிரம்பை ஒப்பிட்டு தற்போது இக்கார்ட்டூன் வரையப்பட்டுள்ளது.

இப்படத்தை கார்ட்டூன் ஓவியர் ஈடல் ரோட்ரிகுயஷ் வரைந்துள்ளார். ஜனநாயகம் கொலை செய்யப்படுகிறது என்ற கருத்தை இந்த கார்ட்டூன் சித்தரிப்பதாக அவர் தெரிவித்துள்ளார்.

இந்த கார்ட்டூனை ஜெர்மனியின் சில பத்திரிகைகள் விமர்சனம் செய்துள்ளன. இதில் ஒன்றும் சுவாரசியம் இல்லை என்று ஐரோப்பிய பாராளுமன்றத்தின் ஜெர்மனி துணை தலைவர் கருத்து தெரிவித்துள்ளார்.

ஒபாமா அதிபராக இருந்த போது அமெரிக்காவுக்கும், ஜெர்மனிக்கும் இடையே நல்லுறவு இருந்தது. தற்போது டிரம்ப் அதிபராக பதவி ஏற்ற பிறகு இரு நாடுகளிடையே ஆன உறவில் பாதிப்பு ஏற்பட்டுள்ளது. அகதிகள் பிரச்சினையில் டொனால்டு டிரம்ப் ஜெர்மனி பிரதமர் ஏஞ்சலா மெர்கலை திட்டி வசைபாடியது குறிப்பிடத்தக்கது.

http://www.maalaimalar.com/News/TopNews/2017/02/05135753/1066405/German-magazine-sparks-furor-with-image-of-Trump-beheading.vpf

Categories: merge-rss, yarl-world-news

தொலைந்து வரும் அதிகாரக் கனவு

அரசியல்-அலசல் - Sun, 05/02/2017 - 06:07
தொலைந்து வரும் அதிகாரக் கனவு
 

article_1486271612-mahinda-new.jpg- கே.சஞ்சயன்  

மஹிந்த ராஜபக்ஷவை மீண்டும் அதிகாரத்துக்குக் கொண்டு வரும் நோக்கில், அவருக்கு ஆதரவான கூட்டு எதிரணியினர் கடந்த மாதம் 27ஆம் திகதி நுகேகொடையில் பேரணி ஒன்றை நடத்தியிருந்தனர்.  

இந்தப் பேரணியில், உரையாற்றிய மஹிந்த ராஜபக்ஷ, அரசாங்கத்துக்கும் வெளிநாட்டு முதலீட்டாளர்களுக்கும் இரண்டு எச்சரிக்கைகளை விடுத்திருந்தார்.  

புதிய அரசியலமைப்பை உருவாக்கும் முயற்சிகளை உடனடியாக நிறுத்த வேண்டும் என்பது அவர் அரசாங்கத்துக்கு விடுத்த எச்சரிக்கை.  

இலங்கையில் துறைமுகங்கள், விமான நிலையங்கள், நிலங்கள் எவற்றைக் கொள்வனவு செய்தாலும் அவை அரசுடமையாக்கப்படும் என்பது அவர் வெளிநாட்டு முதலீட்டாளர்களுக்கு விடுத்த எச்சரிக்கை.  

இந்த ஆண்டில் அரசாங்கத்தைக் கவிழ்த்து விட்டு, அதிகாரத்தைக் கைப்பற்றுவேன் என்று சூளுரைத்துள்ள மஹிந்த ராஜபக்ஷ, அடுத்துத் தானே ஆட்சிக்கு வருவேன் என்ற நம்பிக்கையை, உள்நாட்டிலும் வெளிநாட்டிலும் ஊட்டுவதற்கான ஒரு முயற்சியாகக் கூட, இந்த எச்சரிக்கையை விடுத்திருக்கலாம்.  

இன்னொரு பக்கத்தில், இந்த எச்சரிக்கைகளின் மூலம் மஹிந்த ராஜபக்ஷ, சிங்களத் தேசியவாத சிந்தனைகளையும் பலப்படுத்த முனைந்திருக்கிறார்.  

புதிய அரசியலமைப்பு மாற்றத்தை பிரிவினைக்கான நிகழ்ச்சி நிரல் என்றே அவர் தொடர்ச்சியாகக் குற்றம்சாட்டி வருகிறார்.  
சமஷ்டி அரசியலமைப்பை அரசாங்கம் உருவாக்க முனைவதாகவும் ஒற்றையாட்சி முறையையும் பௌத்த மதத்துக்கான முன்னுரிமையையும் நீக்குவதற்கு முயற்சிப்பதாகவும் அவர் பிரசாரம் செய்து வருகிறார்.  

புதிய அரசியலமைப்பு உருவாக்கத்தை மஹிந்த ராஜபக்ஷ எதிர்த்து வந்தாலும் அவரது ஆதரவு அணியைச் சேர்ந்தவர்கள், இந்தப் புதிய அரசியலமைப்பை உருவாக்கும் நாடாளுமன்றக் குழுக்களில் இன்னமும் கூட அங்கம் வகித்து வருகிறார்கள்.

 புதிய அரசியலமைப்பு நாட்டைப் பிளவுபடுத்தும் ஒன்றல்ல என்பதும் சமஷ்டி அரசியலமைப்பு ஒன்றை உருவாக்கும் சாத்தியம் இல்லை என்பதும் மஹிந்த ராஜபக்ஷவுக்கு நன்றாகவே தெரியும்.  

ஆனாலும், அவர் அரசாங்கத்துக்கு எதிராக இதனையே இப்போது பிரதான ஆயுதமாக மாற்ற முனைந்திருக்கிறார்.  
புதிய அரசியலமைப்பு நாட்டைப் பிளவுபடுத்தப் போகிறது என்ற கருத்தை சிங்கள மக்களிடம் தீவிரமாக எடுத்துச் செல்வதன் மூலம், அடுத்து வரக் கூடிய உள்ளூராட்சி, மாகாணசபைத் தேர்தல்களில் வெற்றியைப் பெறுவதே அவரது இலக்கு. 

இந்தத் தேர்தல்களில் ஸ்ரீ லங்கா சுதந்திரக் கட்சியுடன் பேரம் பேசி, அதனை மடக்குவது அல்லது தனித்துப் போட்டியிட்டு, அதனைத் தோற்கடிப்பது என்று இருவேறு திட்டங்களுடன் மஹிந்த காய்நகர்த்தல்களை மேற்கொண்டு வருகிறார்.  

இத்தகைய நிலையில், புதிய அரசியலமைப்பினால் நாடு பிளவுபடப் போகிறது, என்ற பிரசாரத்தை முன்னெடுத்து, சிங்கள மக்களின் ஆதரவைப் பெறுவதற்கு முயற்சிக்கிறார்.  

இன்னொரு பக்கத்தில், அவர் கையில் எடுத்துள்ள ஆயுதம், வெளிநாட்டு முதலீட்டாளர்களுக்கு எதிரானது. துறைமுகங்கள், விமான நிலையங்கள், காணிகள் எதனை வெளிநாட்டு முதலீட்டாளர்கள் வாங்கினாலும் அவையெல்லாம் அரசுடமை ஆக்கப்படும் என்ற எச்சரிக்கையே அது.  

ஹம்பாந்தோட்டைத் துறைமுகம் மற்றும் 15 ஆயிரம் ஏக்கர் காணிகளைச் சீனாவுக்கு வழங்கும் திட்டத்தை மையப்படுத்தியே மஹிந்த ராஜபக்ஷ இந்த எச்சரிக்கையை விடுத்திருக்கிறார்.  

ஆனால், முன்னர் கொழும்புத் துறைமுக நகரத் திட்டத்தில் சீனாவுக்கு ஒரு பகுதியை முழுமையாகவும் மற்றொரு பகுதியை 99 வருட குத்தகை அடிப்படையிலும் வழங்குவதற்கு அவரே இணங்கியிருந்தார்.  

அதுமாத்திரமன்றி, இராணுவத் தலைமையகம் அமைந்திருந்த காணியை நட்சத்திர விடுதி அமைப்பதற்கு ஹொங்கொங் முதலீட்டாளருக்கு வழங்கியதும் அவரது அரசாங்கமேயாகும்.  

இப்போது, ஹம்பாந்தோட்டையில் 15 ஆயிரம் ஏக்கர் காணிகளை உள்ளடக்கிய கைத்தொழில் வலயத்தை அமைக்கும் திட்டத்துக்கு எதிராக, அவரது கவனம் திரும்பியிருப்பதற்குக் காரணம், இந்தத் திட்டத்தினால் காணிகளைப் பறிகொடுக்கலாம் என்று எதிர்பார்க்கப்படும் மக்களின் உணர்வுகளைத் தமக்குச் சார்பாகத் திருப்பிக் கொள்வதுதான்.  

வெளிநாட்டவர்களுக்கு காணி உரிமைகளை வழங்க முடியாது என்று அவர் சிங்களத் தேசியவாத உணர்வுகளுக்கு உசுப்பேற்றப் பார்க்கிறார்.  

சிறுபான்மையினரின் ஆதரவைப் பெற்றுக் கொள்ள முடியாத நிலை தமக்கு இருப்பதை மஹிந்த ராஜபக்ஷவினால் நன்றாகவே புரிந்து கொள்ள முடிந்திருக்கிறது. அதனால், அவர் சிங்கள மக்களின் ஏகோபித்த ஆதரவைப் பெற வேண்டிய கட்டாயம் இருக்கிறது.  

சிங்கள மக்களில் பெரும்பாலானோரைத் தனது பக்கத்துக்குக் கவருவதற்காக அவருக்கும் அவரது அணியினருக்கும் உதவியாக இருப்பது இனவாதம் ஒன்று தான்.  

சிங்கள மக்களுக்கான முதன்மையிடமும் அவர்களின் நிலங்களும் பறிபோகப் போகின்றன என்ற எச்சரிக்கையை விடுப்பதன் மூலம், தனக்கான வெற்றியை உறுதிப்படுத்திக் கொள்ள முடியும் என்று மஹிந்த ராஜபக்ஷ நம்புகிறார். போர் வெற்றியையும் இதனைப் போலவே தனக்கான வெற்றியாக மாற்றிக் கொண்டவர் அவர்.  

சிங்கள மக்களின் உணர்வுகளின் மீது, தனது அரசியல் வெற்றியை மீண்டும் பிரசவிக்க முனையும் மஹிந்த ராஜபக்ஷவுக்கு, தான் கையில் எடுத்திருக்கின்ற ஆயுதங்கள் இரண்டு பக்கமும் கூர்மையுள்ளவை என்பது தெரியாமல் போயிருப்பது தான் ஆச்சரியம்.  

அரசியலமைப்பு மாற்றமும் வெளிநாட்டு முதலீடுகளும் தனியே உள்நாட்டு விவகாரங்கள் அல்ல. அரசியலமைப்பு மாற்றத்தினால் மட்டும்தான், இலங்கையில் நல்லிணக்கத்தை, நிலையான அமைதியை ஏற்படுத்த முடியும் என்று வல்லமை மிக்க நாடுகள் வலுவாக நம்புகின்றன. அமெரிக்கா, ஐரோப்பிய ஒன்றிய நாடுகள் மாத்திரமன்றி இந்தியாவும் கூட அதனை உறுதியாக நம்புகிறது. 

கடந்த இரண்டு ஆண்டுகளில் வெளியாகியுள்ள ஐ.நா அறிக்கைகளில் அரசியலமைப்பு மாற்றத்துக்கு ஆதரவான கருத்துக்கள் உறுதியாக வெளிவந்திருப்பதைக் காணலாம். அதுபோலவே நாடுகளின் அறிக்கைகளிலும் அந்தக் கருத்து பிரதிபலித்திருக்கிறது. 

அமெரிக்கா, பிரித்தானியா, சுவிஸ் உள்ளிட்ட பல நாடுகள் இலங்கையின் அரசியலமைப்பு மாற்ற செயற்பாடுகளில் பல்வேறு பங்களிப்புகளை வழங்கியிருக்கின்றன. ஆலோசனைகள், தொழில்நுட்ப உதவிகளை வழங்கி இந்த முயற்சிக்கு ஊக்கமளித்திருக்கின்றன.  

கடந்த மாதம் 26ஆம் திகதி கொழும்பில், ‘இந்தியா ஹவுஸில்’ நடந்த இந்திய குடியரசு தின நிகழ்வில் உரையாற்றிய, புதிய இந்தியத் தூதுவர், தரன்ஜித் சிங் சந்துவும் கூட அரசியலமைப்பு மாற்ற முயற்சிகளுக்கு இந்தியா முழுமையான ஆதரவை வழங்குவதாகக் குறிப்பிட்டிருந்தார்.  

இப்படியான ஒரு நிலையில், இந்த அரசியலமைப்பு மாற்ற முயற்சிகளை நிறுத்த வேண்டும் என்று எச்சரிக்கும் மஹிந்த ராஜபக்ஷ, நிச்சயமாக இந்த நாடுகளின் ஆதரவைப் பெற்றுக் கொள்ள முடியாத நிலை ஒன்று ஏற்படும்.  

அதுபோலவே, வெளிநாட்டவர்களுக்கு விற்கப்படும் சொத்துக்கள் அனைத்தும் அரசுடமை ஆக்கப்படும் என்ற எச்சரிக்கை, முதலீட்டாளர்களுக்கு ஓர் அச்சுறுத்தலாகவே இருக்கலாம்.  

இலங்கையில் முதலீடு செய்வதற்கு அவர்கள் யோசித்தாலும், அது தமக்கு பெரியளவில் ஆதாயமானது என்று உணர்ந்து கொண்டால், தமது முடிவை மாற்றிக் கொள்ளமாட்டார்கள்.  

சீனாவைப் பொறுத்தவரையில், அந்த நிலையில்தான் இருக்கிறது. சீனா மஹிந்தவின் எச்சரிக்கையைக் கண்டுகொள்ளவில்லை. ஏனென்றால், இலங்கையில் சீனா தனக்கான ஒரு தளத்தை தேடிக் கொண்டிருக்கிறது.  

இப்போது கிடைத்துள்ள வாய்ப்பை நழுவ விட்டால், இன்னொரு வாய்ப்புக்காக பலகாலம் காத்திருக்க வேண்டும் அல்லது அது கிடைக்காமல் கூட போகலாம்.  

எனவே, மஹிந்தவின் எச்சரிக்கைகளைக் கருத்தில் கொள்ளாமல், சீனா தனது முதலீடுகளை மேற்கொள்ளப் போகிறது.  
இதுவரையில் சீனாவின் நண்பனாக அறியப்பட்ட மஹிந்த ராஜபக்ஷவின் நிலை இந்த விவகாரத்துக்குப் பின்னர், கேள்விக்குறியாக மாறியிருக்கிறது.  

மஹிந்த இப்போது கையில் எடுத்திருக்கும் ஆயுதங்கள் சர்வதேச மட்டத்தில், மஹிந்தவின் நண்பர்களைச் சுருக்கப் போகிறதே தவிர, அதிகரிக்காது.  

ஆட்சியைக் கவிழ்ப்பது, அதிகாரத்தைப் பிடிப்பது என்பது தனியே உள்நாட்டு விவகாரம் அல்ல; அதற்ச்கு சர்வதேச ஆதரவும் இருக்க வேண்டும். அந்த ஆதரவுத் தளத்தை மஹிந்த ராஜபக்ஷ தொலைத்துக் கொண்டிருக்கிறார்.  

மஹிந்த ராஜபக்ஷவுக்குப் பின்னால் ஒரு பெரிய ஆதரவுத் தளம் இருந்தாலும் கூட, அதனைத் தனதுபலமாக மாற்றிக் கொள்வதில் குழம்பிப் போயிருக்கிறார். அவரது இந்தக் குழப்பம், அதிகாரத்தைக் கைப்பற்றும் கனவு பற்றிய சந்தேகங்களையே எழுப்புகிறது.  

- See more at: http://www.tamilmirror.lk/190985/த-ல-ந-த-வர-ம-அத-க-ரக-கனவ-#sthash.d0u1QTh6.dpuf
Categories: merge-rss

வடமாகாண சபையால் போர்க்குற்ற விசாரணைகளை நடாத்த முடியுமா? நிலாந்தன்

அரசியல்-அலசல் - Sun, 05/02/2017 - 06:00
வடமாகாண சபையால் போர்க்குற்ற விசாரணைகளை நடாத்த முடியுமா? நிலாந்தன்:-

February 5, 2017

1 Min Read

questian.jpg

‘பன்னாட்டு சட்ட நிபுணர்களையும் நீதிபதிகளையும் வரவழைத்து வட மாகாண சபையே போர்க்குற்ற விசாரணையை நடாத்த முடியுமா? என்று ஆராயுங்கள். சட்ட ஏற்பாடுகள் அதற்கு இடம் கொடுக்குமா? என்பதைக் கண்டறியுங்கள். எமது மக்கள் நீதி பெற வேண்டுமானால் இதுவே ஒரே வழி’ இவ்வாறு கூறியிருக்கிறார் வடமாகாண முதலமைச்சர் விக்னேஸ்வரன். மன்னார் வட்டக்கண்டல் படுகொலை நினைவு நிகழ்வில் கடந்த திங்கட்கிழமை உரையாற்றிய பொழுது அவர் மேற்கண்டவாறு கூறி இருக்கிறார். 32 ஆண்டுகளுக்கு முன் மன்னாரில் வட்டக்கண்டலில் 76 பொதுமக்கள் கொத்தாகப் படுகொலை செய்யப்பட்டார்கள்.

வடமாகாண சபையானது இனப்படுகொலைத் தீர்மானத்தை நிறைவேற்றிய பின் இனப்படுகொலையை நிரூபிப்பதற்குத் தேவையான சான்றுகளை திரட்டும் நடவடிக்கைகளை எடுக்கத் தவறி விட்டது என்று என்னுடைய முன்னைய கட்டுரை ஒன்றில் குறிப்பிட்டிருந்தேன். இப்பொழுது விக்னேஸ்வரன் வடமாகாண சபையே போர்க் குற்ற விசாரணைகள் நடாத்தினால் என்ன? என்று கேட்கிறார். வடமாகாண சபையின் ஆட்சிக்காலம் முடிவடைய இன்னும் ஒரே ஒரு வருடம் தான் இருக்கும் ஒரு பின்னணியில் இது ஒர் அரசியல் சாகசக் கூற்றா?அல்லது நடைமுறைச் சாத்தியமான ஒரு யோசனையா?

இது தொடர்பில் யாழ்.பல்கலைக்கழக சட்டத்துறையைச் சேர்ந்த புலமைச் செயற்பாட்டாளரும், சிவில் சமூகச்செயற்பாட்டாளருமாகிய குமாரவடிவேல் குருபரனுடன் கதைத்த பொழுது அவர் பின்வருமாறு கூறினார். ‘மாகாண சபையின் அதிகார வரம்புக்குள் அவ்வாறு செய்வதில் சட்டத் தடைகள் ஏற்படலாம். ஆனால் மக்கள் ஆணையைப் பெற்ற முதலமைச்சர் என்ற அடிப்படையிலும் ஒரு முன்னாள் நீதியரசர் என்ற அங்கீகாரத்தின் அடிப்படையிலும் விக்னேஸ்வரன் மாகாண சபைக்கு வெளியே ஒரு கட்டமைப்பை உருவாக்கலாம். கிட்டத்தட்ட மக்கள் தீர்ப்பாயத்தைப் போல. அதற்கு உள்நாட்டிலிருந்தும் வெளிநாட்டிலிருந்தும் நிபுணத்துவ உதவிகளையும் பெறலாம் என்று|| அதாவது ஒரு முதலமைச்சராக இருந்து கொண்டு மாகாண சபைக்கு வெளியே வந்து தமிழ் மக்கள் பேரவைக்கு அவர் தலைமை தாங்குவது போல என்று இதை எடுத்துக் கொள்ளலாம்.

இதை இன்னும் சுட்டிப்பான வார்த்தைகளில் சொன்னால் சட்ட ரீதியாக அதைச் செய்ய முடியாது. சட்ட மறுப்பாகவே அவர் அதைச் செய்ய வேண்டி இருக்கும். அல்லது குருபரன் கூறுவது போல அவர் ‘சட்டத்தைக் கட்டுடைக்க’ வேண்டி இருக்கும். ஆனால் கடந்த ஏழாண்டுகளாக தமிழ் மிதவாதிகளில் எவருமே அரசாங்கத்துக்கு நோகத்தக்க விதத்தில் சட்ட மறுப்பு போராட்டம் எதையும் நடத்தியிருக்கவில்லை. இதை இன்னும் கூராகச் சொன்னால் அவ்வாறான ஒரு போராட்டத்ததை நடத்தியதற்காக எந்த ஒரு தமிழ் மிதவாதியும் கடந்த ஏழாண்டுகளில் கைது செய்யப்படவில்லை. அல்லது கைது செய்யப்படும் அளவுக்கு யாருமே றிஸ்க் எடுக்கவில்லை என்றும் சொல்லலாம்.

விக்னேஸ்வரன் அப்படி ஒரு றிஸ்கை எடுப்பாராக இருந்தால் எதிர்காலத்தில் தமிழ் மக்கள் அவருக்கு சிலை வைத்துக் கொண்டாடுவார்கள். அவர் அப்படி ஒரு றிஸ்கை எடுப்பாரா? அவர் அப்படி ஒரு றிஸ்கை எடுப்பாராக இருந்தால் தாயகத்திற்கு உள்ளேயும் வெளியேயும் வாழும் சட்டத்துறை வல்லுநர்கள் பலரும் அவரைப் பின்பற்றி றிஸ்க் எடுப்பார்கள்.  தமிழ் சட்டவாளர்களும் சட்ட வல்லுநர்களும் முன்னெப்பொழுதையும் விட அதிக றிஸ்க் எடுக்க வேண்டிய காலகட்டம் இது. ஒரு இனப்படுகொலையை நிரூப்பதற்குத் தேவையான அறிவு பூர்வமான விஞ்ஞான பூர்வமான தரவுகளைத் திரட்டி அவற்றை சட்ட பூர்வமாக தொகுக்க வேண்டிய ஒரு காலகட்டம் இது.

 கடந்த ஆண்டு முழுவதிலும் நிகழ்ந்த நிலைமாறு கால நீதி தொடர்பான பொதுமக்களின் சந்திப்புக்களின் பொழுது ஒரு விடயம் அவதானிக்கப்பட்டது. பாதிக்கப்பட்ட மக்களால் உருவாக்கப்பட்ட அமைப்புக்களில் பொரும்பாலானவற்றுக்குச் சட்ட ஆலோசகர் எவரும் இருக்கவில்லை. அந்த அமைப்புக்கள் பொரும்பாலும் பாதிப்புற்ற மக்களின் அமைப்புக்களாகவே காணப்பட்டன (people oriented). இது தொடர்பில் கடந்த வாரம் நான் எழுதிய கட்டுரைக்கு முகநூலில் ஒரு நண்பர் அருமையான கருத்தொன்றைத் தெரிவித்திருந்தார். அதாவது மேற்படி அமைப்புக்கள் ‘கருத்து மைய செயற்பாட்டாளர்களை”மையமாகக் கொண்டு உருவாக்கப்பட்ட அமைப்புக்களாக இருக்க வேண்டும் என்று. (concept oriented).

அவ்வாறு இல்லாத காரணத்தினால் பாதிக்கப்பட்ட மக்களுக்குரிய அமைப்புக்களில் பெரும்பாலானவை ஒரு சட்ட உதவியாளரையேனும் கொண்டிருக்கவில்லை. கடந்த ஆண்டின் இறுதிப் பகுதியில் மட்டக்களப்பில் நிகழ்ந்த ஓர் அமர்வின் போது மட்டக்களப்பு அம்பாறை மாவட்டங்களைச் சேர்ந்த காணாமல் போனோர்களுக்கான அமைப்பின் பிரதிநிதிகளை ஒரு சட்டவாளர் சந்தித்தார். இச் சந்திப்புக்கு அடுத்த நாள் அம்பாறையில் நடந்த மற்றொரு சந்திப்பின் போது மேற்படி பாதிப்புற்ற அமைப்புக்களைச் சேர்ந்த பெண்களிடம் பின்வருமாறு கேட்கப்பட்டது. ‘உங்களுடைய பல்லாண்டு கால அலைந்த சீவியத்தில் காணாமல் போனவர்களின் ஆவணங்களையும் காவிக் கொண்டு இது வரையிலும் எத்தனை பேரைச் சந்தித்திருக்கிறீர்கள்?’ என்று. அதற்கு அவர்கள் சொன்னார்கள் ‘எங்களுக்கு கணக்குத் தெரியாது. நிறையப் பேரைச் சந்தித்திருக்கிறோம்’ என்று. ‘இவ்வாறான சந்திப்புக்களில் உங்களுக்கு பிரயோசனமாக இருந்த சந்திப்புக்களைப் பற்றிச் சொல்லுங்கள் ‘; என்று கேட்கப்பட்டது. அதற்கு அவர்கள் சொன்னார்கள் ‘நேற்று மட்டக்களப்பில் அந்த பெண் சட்டவாளருடனான சந்திப்புத்தான் இருவரையிலும் நாங்கள் மேற்கொண்ட சந்திப்புக்களிலேயே நம்பிக்கையூட்டும் ஒன்றாக அமைந்திருந்தது’ என்று. அதாவது பாதிக்கப்பட்ட மக்கள் சட்ட ரீதியாக எவ்வாறு நீதியையும் இழப்பீட்டையும் பெற்றுக் கொள்ளலாம் என்பது தொடர்பில் சட்ட விழிப்பூட்டிய ஓர் அமர்வையே தங்களுக்கு நம்பிக்கையூட்டும் ஓரு சந்திப்பு என்று அந்தப் பெண்கள் குறிப்பிட்டிருந்தார்கள்.

இவ்வாறு ஒரு சட்டவாளரின் உதவி தேவை என்பதனை தமிழ் பகுதிகளில் உள்ள பாதிக்கப்பட்டவர்களின் அமைப்புக்கள் உணரத் தொடங்கி விட்டன. காணாமல் போனவர்களுக்கான சில அமைப்புக்கள் அண்மை மாதங்களில் இவ்வாறு சட்டவாளர்களை நாடி வரத் தொடங்கி விட்டன. வடமாகாண சபை இது விடயத்தில் அந்த அமைப்புக்களுக்கு ஏதும் உதவிகளைச் செய்யலாம்;.தமிழ் மக்கள் பேரவையும் செய்யலாம். தமிழ் சட்டவாளர்கள் சங்கம் அதைச் செய்யலாம்.குறிப்பாக அதிகளவு சட்டவாளர்களை தன்னுள் கொண்டிருக்கும் கூட்டமைப்பு அதைச் செய்யலாம். தமிழ்த் தேசிய மக்கள் முன்னணி அதைச் செய்யலாம்.

குமரபுரம் படுகொலை வழக்கு விசாரணைகள் தொடக்கத்தில் திருகோணமலையிலேயே இடம்பெற்றன. பின்னர் அவை அநுராதபுரத்துக்கு மாற்றப்பட்டன. விராரணைகளை மறுபடியும் திருமலைக்கு மாற்றுவதற்கு உதவுமாறு சம்பந்தப்பட்ட மக்கள் கூட்டமைப்பின் உயர் மட்டத்தைச் சேர்ந்த ஒரு சட்டவாளரை இரு தடவைகள் சந்தித்து பேசியிருக்கிறார்கள். ஆனால் அவர் உதவ முன்வரவில்லை என்று கூறுகிறார்கள்.

அது மட்டுமல்ல போரால் பாதிக்கப்பட்ட மக்கள் தொடர்பாக புள்ளி விவரங்களையும் ஆவணங்களையும் திரட்டும் நோக்கத்தோடு கூட்டமைப்பானது சில ஆண்டுகளுக்கு முன் பம்பலப்பிட்டியில் ஓர் அலுவலகத்தைத் திறந்திருக்கிறது. லண்டனில் இருந்து கிடைத்த நிதி உதவியுடன் அந்த அலுவலகம் இயங்கியிருக்கிறது. ஆனால் குறிப்பிட்டுச் சொல்லும் படியாக எதுவும் நடக்கவில்லை. வட கிழக்கில் இருந்து கொழும்புக்குச் செல்பவர்கள் தங்கிச் செல்லும் ஒரு லொட்ச் ஆகத் தான் அந்த அலுவலகம் இயங்கியது என்று ஒரு கூட்டமைப்பு நாடாளுமன்ற உறுப்பினர் தெரிவித்தார்.

இத்தகையதோர் பின்னணியில் கடந்த ஏழாண்டுகளாக பாதிக்கப்பட்ட மக்கள் சார்பாக வழக்குகளை முன்னெடுத்து வரும் அமைப்புக்கள் ஈழத்தமிழர் மத்தியில் மிகச் சிலவே உண்டு. மனித உரிமைகளுக்கான இல்லம் (HHR) மற்றும், மனித உரிமைகளுக்கும் அபிவிருத்திகளுக்குமான மையம் (CHRD) போன்ற சில அமைப்புக்களே ஈழத்தமிழர் மத்தியில் செயற்பட்டு வருகின்றன.

மனித உரிமைகள் இல்லம் 1977 இல் தொடங்கப்பட்டது.இலங்கைத்தீவின் மூத்த மனித உரிமைகள் அமைப்புக்களில் அதுவும் ஒன்று. அதன் ஸ்தாபகரான சேவியர் கடந்த ஆண்டு கனடாவில் உயிர் நீத்தார். ஈழத்தமிழர் மத்தியில் தோன்றிய ஒரு முன்னோடி மனித உரிமைச் செயற்பாட்டாளராகிய சேவியரின் மறைவானது அதற்குரிய முக்கியத்துவத்தோடு நினைவு கூரப்படவில்லை. சிலஊடகங்களில் அதிகம் கவனத்தை ஈர்க்காத ஒரு செய்தியாக அது பிரசுரமாகியது. லண்டனை தளமாகக் கொண்டியங்கும் பொங்குதமிழ்இணையத்தளத்தில் ஓர் இரங்கல் கட்டுரை வெளிவந்திருந்தது.

இனப்பிரச்சினை தொடர்பில் ஏறக்குறைய நான்கு தசாப்த கால தொகுக்கப்பட்ட ஆவணங்கள் எச்.எச்.ஆரிடம் உண்டு. இனப்படுகொலை எனப்படுவது நாலாம்  கட்ட ஈழப்போரின் முடிவில்தான் இடம்பெற்ற ஒன்று அல்ல. அதற்கு முன்னைய கட்டஈழப்போர்களின் போதும் அப்பாவித் தமிழ் மக்கள் கொத்துக் கொத்தாகக் கொல்லப்பட்ட பல படுகொலைச் சம்பவங்கள் உண்டு.அது மிக நீண்ட ஒரு கொடுமையான பட்டியல். இவ்வாறு தமிழ் மக்கள் கொத்துக் கொத்தாக கொல்லப்பட்ட சம்பவங்கள் தொடர்பான கணிசமான ஆவணங்கள் மனித உரிமைகள் இல்லத்திடம் உண்டு என்று நம்பப்படுகின்றது.

துரதிஸ்ட வசமாக கடந்த செப்ரம்பர் மாதத்தில் இருந்து இந்த நிறுவனத்தின் செயற்பாடுகளில் ஒரு வித தேக்கத்தை அவதானிக்கக் கூடியதாக உள்ளது. இந்த நிறுவனமும் செயற்படாத ஒரு பின்னணியில் வழக்கறிஞர் ரட்ணவேலின் மனித உரிமைகளுக்கும் அபிவிருத்திகளுக்குமான அமைப்பு (CHRD) ஒன்று தான் தற்பொழுது பாதிக்கப்பட்ட மக்கள் தொடர்பான வழக்குகளை முன்னெடுத்து வருகிறது. நிதிப்பற்றாக்குறை காரணமாக அதன் பணிகளைப் பரவலாக்க முடியாதிருப்பதாகக் கூறப்படுகிறது. சி.எச்.ஆர்.டி. பெருமளவிற்கு பயங்கரவாத தடைச்சட்டத்தோடு தொடர்புடைய வழக்குகளையும் சில காணி சம்பந்தமான வழக்குகளையும் கையாண்டு வருவதாகவும் ஏனைய வழக்குகளைக் கையாள்வதற்கு உரிய நிறுவனங்கள் தமிழ் மக்கள் மத்தியில் இல்லை என்றும் சுட்டிக்காட்டப்படுகிறது. ஒரு சி.எச்.ஆர்.டி மட்டும் கையாள முடியாத அளவுக்கு எங்களிடம் வழக்குகள் உண்டு என்று குமரபுரம் படுகொலை தொடர்பில் பாதிக்கப்பட்ட மக்களோடு சேர்ந்து செயற்படும்ஒரு செயற்பாட்டாளர் தெரிவித்தார்.

எச்.எச்.ஆரும் சி.எச்.ஆர்.டியும் தமது வழக்குகளுக்காக சட்டவாளர்களுக்கு சம்பளம் கொடுக்கின்றன. எனினும் வருமானத்தை எதிர்பாராது அதை ஒரு தொண்டாக முன்னெடுக்கும் சட்டவாளர்களும் உண்டு.எச்.எச்.ஆருடன் சேர்ந்து செயற்பட்ட கிட்டத்தட்ட ஏழு அல்லது எட்டுக்குக் குறையாத சட்ட செயற்பாட்டாளர்களில் சிலர் இப்பொழுது சில வேறு நிறுவனங்களோடு சேர்ந்து செயற்படுகிறார்கள். இவர்களைப் போன்ற அனைவரையும் ஒன்று திரட்டி ஒரு சட்டச் செயற்பாட்டு அமைப்பாக இயங்குவதற்கு சம்பந்தப்பட்ட துறைசார் வல்லுநர்கள் முன்வர வேண்டும். முன்னாள் நீதியரசரான விக்னேஸ்வரன் இது தொடர்பில் கவனம் செலுத்துவாரா?

எச்.எச்.ஆர்.பெருமளவுக்குச் செயற்படாத ஒரு பின்னணியில் அது கிராமங்கள் தோறும் பின்னி வைத்திருந்த ஒரு வலைப்பின்னல் அறுபடக் கூடிய ஓர் ஆபத்து உண்டு. அந்த அமைப்பில் செயற்பட்ட சிலர் இப்பொழுது வேறு அரச சார்பற்ற நிறுவனங்களை நோக்கி நகரத் தொடங்கி விட்டார்கள். அதோடு சுமார் 40 ஆண்டு காலமாக தொகுக்கப்பட்ட சான்றாதாரங்களை அந்த நிறுவனம் வைத்திருக்கிறது. இலங்கைத் தீவில் தமிழ் மக்களுக்கான நீதியைப் பெற்றுக் கொடுப்பதற்கு அந்த ஆவணங்கள் இன்றியமையாதவை.

தமிழ் மிதவாத அரசியலைக் குறித்து எழுதும் பொழுது அதை அப்புக்காத்து அரசியல் என்றும் கறுப்புக் கோட்டு அரசியல் என்றும் எள்ளலாக எழுதுவது உண்டு. ஆனால் அதிகம் விமர்சிக்கப்படும் இந்த அப்புக்காத்துப் பாரம்பரியத்துக்குள் ஒரு புனிதமான மெல்லிய இழையாக மனித உரிமைச் செயற்பாட்டாளர்களின் தொடர்ச்சியைக் காண முடியும். தொடர்ச்சி அறாத ஒரு மெல்லிழையாகக் காணப்படும் இச்செயற்பாட்டுப் பாரம்பரியத்தைச் சேர்ந்த வழக்கறிஞர்கள் பணத்துக்கோ பிரபல்யத்துகோ ஆசைப்பட்டது இல்லை. இதில் சம்பந்தப்பட்ட வழக்கறிஞர்களின் பெயர்கள் வெகுசனப்பரப்பில் அதிகம் பிரசித்தமாகவும் இல்லை. ஆனால் சட்டத்துறைக்கூடாக தாம் பெற்ற பணத்தையும் புகழையும் அரசியலில் முதலீடு செய்யும் சட்டவாளர்களின் பெயர்களே தமிழ் மக்கள் மத்தியில் பிரசித்தமாகி உள்ளன.

அதிகம் பிரசித்தம் அடையாத சட்டச் செயற்பாட்டாளர்களே தமிழ் மக்களுக்குரிய நீதியைப் பெற்றுத் தரவல்ல ஆவணங்களைத் தொகுப்பதற்கு அதிக பங்களிப்பை வழங்கி யிருக்கிறார்கள. இவ்வாறான சட்ட செயற்பாட்டளர்களை ஒன்று திரட்டும் வேலையை விக்னேஸ்வரன் செய்வாரா? பாதிக்கப்பட்ட மக்கள் தொடர்பில் அதிக பட்சம் அறிவுபூர்வமான விஞ்ஞான பூர்வமான தரவுகளை திரட்டும் வேலையை அவர் நிறுவனமயப்படுத்துவாரா? இது தொடர்பில் எனது முன்னைய கட்டுரை ஒன்றில் குறிப்பிட்டிருந்த மனித உரிமைகளுக்கான தகவல்களை ஆய்வு செய்யும் அமைப்பு (HRDAG) போன்ற அமைப்புக்களின் உதவிகளை அவர் பெறுவாரா? அரசியல் கைதிகள், தடுப்பிலிருப்பவர்கள் மற்றும் தடுப்பிலிருந்து விடுவிக்கப்பட்டவர்களுக்கான சட்ட உதவிகளை வழங்க வல்ல அமைப்புக்களை அவர் உருவாக்குவாரா? குறைந்த பட்சம் உடனடிக்கு தமிழ் மக்கள் பேரவையை இது தொடர்பில் நெறிப்படுத்துவாரா?

முள்ளிவாய்க்காலைக் கடந்து வந்த ஒரு மக்கள் கூட்டத்துக்கு,வட்டுவாகல் பாலத்தைக் கடந்து வந்த ஒரு மக்கள் கூட்டத்துக்கு தீர்மானங்களும் துணிச்சசலான உரைகளும் மட்டும் தீர்வாக அமையாது.

ஒரு நீதியரசராக இருந்து அரசியல்வாதியாக மாறியவர் அவர்.தமிழ் மக்களுக்குச் சட்டச்செயற்பாட்டாளர்கள் அதிகமாகத் தேவைப்படும் ஒரு காலகட்டத்தில் தனக்குள்ள மூப்பு, தகமை, அங்கீகாரம், மக்கள் ஆணை என்பவற்றின் அடிப்படையில் சட்டச்செயற்பாட்டாளர்களை ஒருங்கிணைத்து நிறுவனமயப்படுத்தும் றிஸ்க்கை அவர் ஏற்பாரா? ஒரு முன்னாள் நீதியரசர் என்ற அடிப்படையில் அவருக்கே உரிய ஒரு செயற்பாட்டுப் பரப்பு அது.பெரும்பாலும் அது ஒரு சட்ட மறுப்பாகவே அமைய முடியும். அது விக்னேஸ்வரனின் தலைமைத்துவத்தை நிறுவுவதற்கான ஒரு சோதனையாகவும் அமையும்.அதே சமயம் ஆட்சி மாற்றத்தின் பின்னரான நிலைமாறு கால நீதியின் பிரயோக விரிவைச் சோதிக்கும் ஒரு பரிசோதனையாகவும் அமையும்.

 

http://globaltamilnews.net/archives/16374

Categories: merge-rss

யாழ்ப்பாணத்தில் அதிர்ச்சிக்குள்ளாக்கும் சம்பவம்

அரசியல்-அலசல் - Sat, 04/02/2017 - 19:00
யாழ்ப்பாணத்தில் அதிர்ச்சிக்குள்ளாக்கும் சம்பவம்

 

Categories: merge-rss