merge-rss

நான் நிர்வாணியாயிருப்பதினால் பயந்து ஒளித்துக்கொண்டேன் (ஆதியாகம் 3/10 )

கரிய முகில்களுக்கிடையில் தீச்சுவாலை பரப்பியபடி, எரியுண்ட கோளமாய் சூரியன் கிடந்த  காட்சி, அவனை எரித்துவிட்டுத் திரும்பும் போது எழுந்த கரும்புகையையும், புகையின் அடியில் ஒரு புள்ளியாய்  குமுறி எழுந்த தீயையும் நினைவுகளின் அடுக்குகளிலிருந்து இழுத்து எடுத்துவிட்டிருந்தது.

 
இன்றைக்கு மூன்று நாள்களுக்கு முன் நிகழ்ந்துகொண்டிருந்த அந்த சூரிய அஸ்தமனம், நினைவினில் மீண்டும் மீண்டும் உருவாகி அலைக்கழிக்கலாயிற்று. கடந்துபோன அன்றையை, அந்த நாள் மீண்டும் மனதில் கிளர்ந்திற்று.  ஒவ்வொருவரும் தயங்கித் தயங்கி அவ்விடத்திலிருந்து விலகிப்போன அந்த வேளையை கொஞ்சம் கொஞ்சமாக மீண்டும் பூதாகரமாக உருவாக்கிற்று. பின்னர் வந்த இந்த நாட்களில் சூனியவெளியில் அலைவுறும் எழுதப்பட்ட பழுப்புநிறக்காகிதம்போல, மனம் அலைவுறத் தொடங்கியிருந்தது.

 

அவன் கொல்லப்பட்டவன்! ஆம் ஒரு மாலையின் முடிவுக்கும் இரவின் ஆரம்பத்துக்கும் இடையில்,முகத்தில் முடியேதுமில்லாதவர்களால் கொல்லப்பட்டவன். எதற்காக கொல்லப்படுகிறோம் என்று தெரியாமலேயே கொல்லப்பட்ட ஆயிரம் ஆயிரம் பேரில் ஒருவனாக கொல்லப்பட்டவன். காற்றின் கனதிகளாய் சாவின் செய்திகள் நிறைந்துபோய் நின்ற நாட்களில், எங்காவது சென்று வாழ்ந்துவிடவேண்டும் என்று ஆசைகொண்டலைந்த நாளொன்றில் கொல்லப்பட்டவன்.

 
நான்

 
பரிசின் புறநகரொன்றில், ஓரளவு நெருக்கம் குறைந்த அடுக்குமாடிகள் கொண்ட இடத்தில் வசிக்கிறேன். இங்கேயே இந்த ஒதுக்கமான இடத்திலேயே யாருமறியாமல் இறந்துபோகவும் விரும்புகிறேன். எப்போதும் பூட்டப்பட்ட கதவுகளின் பின் ஒரு பூனையைப் போல சத்தமின்றி நடந்து பழகிய கால்கள் எனதாயின. படிகளிலோ பக்கத்து வீடுகளிலோ சப்தம் ஏதும் கேட்டால் அதே இடத்தில் அசையாமல் நின்றுகொள்ளவும்,அமைதியாக கதவின் துவாரத்தின் ஊடாக  அவதானிக்கவும் என்னைப் பழக்கப்படுத்திக்கொண்டேன்.

 
இந்த ஆண்டின் வரும் மாதத்தின் முதல் கிழமையோடு நான் பிரான்ஸில் அகதியாகி சரியாக இரண்டு வருடங்களாகின்றன. நான் குடியிருக்கும் இந்தவீடு ஒரு தமிழருடையது. ஆசிய, ஆபிரிக்க நாட்டவர்களால் இந்த அடுக்குமாடித்தொடர் நிறைந்தபோது தன்னால்,  தனது பிள்ளைகளை இனியும் இந்த இடத்தில் வைத்திருந்து வளர்க்க முடியாது  எனவும், அதனால் தான் வாடகைக்கு கொடுக்க முன் வந்ததாகவும் கூறினார். தமிழரைத்தவிர வேற்றினத்தவருக்கு வாடகைக்கு கொடுக்க விருப்பம் இல்லை என்றும் அதைஎங்கட ஆக்களுக்கு செய்யும் உதவியாகத் தான் நினைப்பதாகவும் பேச்சின் இடையில் குறிப்பிட்டதாக நினைவு.

 
இருக்கும் இடத்தை வீடென்பவர்களுக்கு மத்தியில், குடிக்கவும் படுக்கவும் நினைத்தபோது சமைக்கவும் எனக்குக் கிடைத்திருப்பது வீடென்றபோதில் பேறுதான்.

 
 வீட்டுக்குக் குடிவந்த மூன்றாவதுநாளில் மெத்தைக்கும் கட்டில் விளிம்புக்கும் இடையில் கிடந்த ஒரு கொப்பியை எடுத்து விரித்தபோது முதற்பக்கத்தில் இப்படி எழுதியிருந்தது; ”முள்ளிவாய்க்கால் முடிவல்ல ஆரம்பம்”.

 
நான் குடியிருக்கும் வீட்டுக்கு நேரே கீழ் வீட்டில் ஒரு ஆணும் பெண்ணுமாக இருவர் மட்டுமே இருக்கிறார்கள். காதலர்களோ அல்லது திருமணம் முடித்து இருப்பவர்களோ தெரியவில்லை. களையான அந்த இளம்பெண்ணின் முகத்தில் ஒருமென்மையான சிரிப்பு இருக்கும். அனேகமாக அவர்கள் இருவரும் சம வயதுடையவர்களாக இருக்கலாம். சில நாட்களில் அந்தப் பெண் என்னைக் கடக்கும்போது மட்டும்தான் மெல்லியதாகப் புன்னகைப்பதைக் கண்டுகொண்டேன்.

 
எனக்கும் அந்தப் பெண்ணைக் பார்க்கையில் பெரியம்மாவின் மகள் அமுதா அக்காவின் நினைவுகள் தான் வரும் . அவளைப் போலவே  ஒற்றைநாடி உடல். மெல்லிய கழுத்து. நடக்கும்போதும், திரும்பும்போதும் எந்த ஒரு அதிர்வுமில்லாமல் இலகுவாக திரும்புவது என இந்தப் பெண், எனக்கு என் ஒன்றுவிட்ட அக்காவை நினைவூட்டிக் கொண்டிருந்ததால் நானும் பதிலுக்கு சிரிப்பதுண்டு. என்றாவது ஒருநாள் அமுதா அக்காவின் போட்டோவினை அவளுக்குக் காட்டவேண்டும் என்றும் நினைத்ததுண்டு.

 
 ஒருநாள் மதியம், மெதுவாக  வீட்டுக்கதவினைத் தட்டும் ஓசைகேட்டது.  பூனைமாதிரி சப்தமில்லாமல் நடந்துசென்று கதவின் துளையூடாகப் பார்த்தேன். தலையை துணியினால் சுற்றி மொட்டாக்கு போட்டபடி கீழ்வீட்டில் வசிக்கும் பெண் பதற்றத்துடன் நின்றாள். கணநேர சிந்தனையின்பின் கதவினைத்திறந்தேன். சடாரென உள்ளே நுழைந்த அவள், கதவை மெல்லியதாக சாத்தி விட்டு கையில் இருந்த ஒரு பெரிய பையை இங்கே வைக்கமுடியுமா என்று கேட்டாள். நாளை காலை தான் வந்து எடுத்துக்கொள்ளுவதாகவும் அதுவரை கவனமாக வைத்திருக்கமுடியுமா என்றும் கேட்டாள். என்னை மீறி தலையை ஆட்டினேன்.

 
வீட்டின் வரவேற்பறையில் ஓட்டப்படிருந்த காலம் தந்த தலைவன் என எழுதியிருந்த பிரபாகரனின் படத்தையும், அருகிலேயே இருந்த  கேர்ணல் பருதியின் மாலைபோட்ட படத்தையும்பார்த்தவள், தன் மார்பில் கைவைத்துவிட்டு, எனது இரண்டு கைகளையும் பிடித்துக் கொண்டு "நீ செய்யும் இந்த உதவிக்காக நன்றி நன்றி" என்று பல தடவைகள் கூறினாள். சட்டென்று அவள் சப்தமில்லாமல் சென்றுவிட, கனம் மிகுந்த அந்தப் பையை இழுத்துச்சென்று கட்டிலின் கீழ் தள்ளி வைத்தேன். கீழ்வீட்டில் இரண்டு நாள்களும் புதிய புதிய மனிதர்கள் வந்து சென்று கொண்டிருந்தார்கள்.

 
சில நாள்கள் கழிந்த நிலையில், இணையத்தளமொன்றின் தமிழ் செய்தியில், கீழ்வீட்டில் வசித்த பெண்ணின் படத்துடன், பாரிஸின் புளோமினில் என்ற புறநகர்ப் பகுதியில்  யுவதி ஒருவர் சுட்டுக்கொல்லப்பட்டதாகவும்,உள் முரண்பாடுகளே கொலைக்கான காரணம் என்றும் கொலையாளிகளை தேடிவருவதாகவும் காவல்துறை அறிவித்திருப்பதாக இருந்தது.  திகைப்புடன் படத்தினைப் பார்த்தேன்.  எழுந்துசென்று அவள் கொண்டுவந்துதந்திருந்த பையை இழுத்தெடுத்துத் திறந்தேன். அதற்குள் அப்துல்லா ஒச்சலானின் புகைப்படங்களும்,  பல குறிப்புப் புத்தகங்களும் அந்தப்பெண்ணின் அல்பம் ஒன்றும் பாஸ்போட்,  வங்கி அட்டை மற்றும்  இன்னும் பல ஆவணங்களும்கிடந்தன. அல்பத்தினை புரட்டியபோது இராணுவ உடையில் மிக அழகான புன்னகையுடன் அந்தப் பெண் நின்றிருந்தாள்.

 
என்னையறியாமல் எனது விரல்கள் அந்தப் புகைப்படத்தை வருடின. எழுந்து எனது நாட்குறிப்புப்புத்தகத்திலிருந்து அமுதா அக்காவின் படத்தினை எடுத்தேன். அமுதா அக்காவும் அதேபோன்றதான ஒரு சீருடையில் அதேபோன்றதானதொரு புன்னகையுடன்  நின்றிருந்தாள்.

 
அவர்கள் 

 
அவர்கள் யாருமல்ல, எனது மொழி பேசுபவர்கள்தான். எனது இறைவனை வணங்கியவர்கள்தான். எனக்கும் - அவனுக்கும் -  அவர்களுக்கும் இடையில் இடைவெளியேதும் இருந்ததில்லை. மொழியில் நிறத்தில் மாறுபட்டிருந்ததுமில்லை.  ஆனால் அவர்கள் கொல்லத் தூண்டினார்கள்.  ஏனென்றால் அவர்களிடம் ஆயுதம் இருந்தது. ஆயுததாரிகளின் சிநேகத்தால் ஊட்டப்பட்ட தைரியம்  இருந்தது. கொலை ஒன்றை சிநேகிப்பதற்கான மனதும் இருந்தது.

 
முதல் முறை வாசிகசாலையில் நடைபெற்ற கூட்டத்திற்கு சென்றார்கள். இரண்டாம் முறை கூட்டத்தினை நடாத்த  உதவிசெய்தார்கள். மூன்றாம் முறை கூட்டத்தினை நடாத்தினார்கள். முதல்முறை மக்களுடன் இருந்தார்கள். இரண்டாம்முறை ஒரு குழுவாக இருந்தார்கள். மூன்றாம்முறை எல்லாவற்றிலிருந்தும் விலகி அப்படியாகிய எல்லாவற்றிக்கும் மேலாக தங்களை உயர்த்திக்கொண்டார்கள்.

 
அவர்கள் முதலில் மக்களிடம் உணவு கேட்டார்கள். இரண்டாம்முறை ஆடுமாடுகளை பிடித்துச் சென்றார்கள். மூன்றாம்முறை நகை, பணம், கார், சைக்கிள் என கிடைப்பதை எடுத்துச்சென்றார்கள்.

 
முதல் தடவை மக்கள்  பேசினார்கள். பின்  முனுமுனுத்தார்கள்,  இறுதியாக மௌனித்தார்கள். ஆனாலும் தமக்குள் பேசிக்கொண்டார்கள் "இது ஒன்றும் மேலிடத்திற்கு தெரியாது. இவங்கள் இங்கை இருக்கிற சில்லறயள பிடிச்சுக்கொண்டு துள்ளுகினம். ஒருக்கால் அறிவிச்சால் காணும்". மக்கள் நம்பினார்கள். நம்பிக்கையோடிருந்தார்கள். பின்னொரு நாளில் துணைப்படை அணிவகுப்பில் அவர்களைப் பார்த்தபோது அவர்களே  பெருமூச்சுடன் தலைகுனிந்தனர்.

 
எங்கும் யுத்தத்தின் வேர்கள் மீண்டும் உயிர்த்தன.  பின் அது கொஞ்சம் கொஞ்சமாக ஒரு வலைபோல இறுக்கத்தொடங்கியது. நாட்டின் எந்த ஒரு மூலையிலும் எந்த நேரத்திலும் என்னவும் நடந்துவிடக்கூடும் என்ற அச்சம் மிகுந்திருந்தது. எல்லவழிகளும் துண்டாடப்பட்ட நிலையில் இராணுவத்தினர் யாழ்குடா நாட்டில் குறிகாட்டிகளை  வைத்துக் கொலைசெய்யத்தொடங்கினர்.

 
அவர்களில் சிலர் இராணுவத்துடன் நட்பாகினர். சிலர் மக்களிடம் போர்க்கால நிதி என்று மிரட்டிப்பெற்ற பணத்துடன் தலைமறைவாகினர். பணத்திற்காக, அனைத்தையும் துறந்து சிலுவை சுமந்தவர்களையும் காட்டிக் கொடுத்தார்கள்.  மிஞ்சியோரில் சிலர் கொல்லப்பட்டனர்.

 
அவன் 

 
இராணுவத்தால்  நீ கொல்லபடக்கூடும், எதற்கும் நீ  போறது நல்லம் மச்சான் அவங்கள் வேற உவங்களோட திரியுறாங்கள் - இதுதான் அவன் இறுதியாக எனக்குச் சொன்ன வார்த்தை. அன்று மாலை கிரவுண்டில் இருந்து திரும்பும் போதும் இப்படித்தான் கூறினான். எனக்கும் காரணம் தெரியும்.  அவர்கள் எல்லாவற்றையும் அறிந்தே செய்கிறார்கள். தங்களைக் காப்பாற்றிக்கொள்ள அவர்கள் நிச்சயம் இதனைச் செய்வார்கள் என்பதை அவன்  ஊகித்தே இருந்தான்.

 
எனக்கும் அவனுக்கும் இடையே எந்த ஒளிவு மறைவுகளும் இருந்ததில்லை. அவனின் காதல் கடிதத்ததைக் கூட அவன் சொல்லச்சொல்ல எழுதி இருக்கிறேன். சில சந்தர்ப்பங்களில் அவனுடன் துணைக்குச் சென்றும் இருக்கிறேன். நான் செல்லும் திசை குறித்த கேள்விகள் நிறைய அவனிடம் இருந்தது. சிலவற்றை கேட்டும் இருக்கிறான்.

 
ஆரம்பம் முதலே அவர்களின்  நடவடிக்கைகள் குறித்த அச்சத்தை மீண்டும்மீண்டும் வெளிப்படுத்திக்கொண்டே இருந்தவன், இப்போது அதிகம் என்னைத் திட்டவும் தொடங்கி இருந்தான். அப்போதெல்லாம் எல்லாம் சரி வரும், வடிவா பழகுவினம் என்று சிரித்த நான் இப்போது மௌனமாகவே இருக்கத் தொடங்கியிருந்தேன்.

 
எனது மௌனிப்பு கையறுநிலை தான் என்று தெளிவாக புரிந்துகொண்டு பேசாமல் இருப்பதும்,  எனக்காக ஏதாவது செய்யவேண்டும் என்று அந்தரப்படுவதுமாகவே அவனது பொழுதுகள் இருந்ததன.

 
அவனுடன்  பிறந்தவர்கள் எல்லோரும் வெளிநாடு சென்றுவிட, தாய் தந்தையர் தனித்துப் போவார்கள் என்று அவர்களுடனேயே இருந்தவன். கல்லூரி முடித்து வெளிவாரிப் பட்டப்படிப்பை நிறைவு செய்திருந்தான்,கிடைக்கும் முதல் வேலைக்கே செல்வது என்றும், பிற்காலத்தில் ஒரு சிறுவர் இல்லம் மற்றும் பெரியதொரு பண்ணை அமைக்கவேண்டும் என்றும் தன் கனவுகளை எப்போதாவது தன்னை மீறிச் சொல்லுவான்.

 
அந்த இரவின் ஆரம்பப் பொழுதில்,  அவனைப் பேர் சொல்லி அழைத்தவர்களுடன் அவர்களும் வந்திருந்தார்களாம். அவனை அழைத்து எனது வீட்டுக்கு போகவேண்டும் தங்களுடன் கூட வரும்படி அழைத்தார்களாம். விளக்குடன் வந்த தன்னை  "ஒன்றுமில்லை, நீங்கள் போங்கோ அம்மா இவன் இப்ப வந்திடுவான்" என்று அவர்களில் ஒருவன்தான் சொன்னானாம். அப்படிச் சொன்னவன் சிலகாலத்திற்குமுன் தினமும் வீட்டுக்கு வந்திருந்தவன் என்பதால் தான் உள்ளே சென்றுவிட்டதாக அம்மா பின்னொருநாளில் சொன்னாள். அப்படிச் சொன்னவனுக்கு, முன்பொருநாள்  தான் கடும்புப்பால் காய்ச்சி காவலிருந்து கொடுத்ததைச் சொன்னபோது ஓங்கி அழுதிருந்தாள்.

 
 அவன்  மறுத்திருக்கிறான். அவர்கள் மிரட்டியிருக்கிறார்கள். அவனுக்கும் அவர்களுக்கும் இடையில் உரையாடல் நீண்டுவலுத்த அந்தவேளையில் எழுந்த வெடியோசை எனது வீட்டின் சுவர்களில் எதிரொலித்தபோது நான் எனது வீட்டில் அறைக்குள் வைத்து அடைக்கப்பட்டேன்.

 
************************************************************

 
 
மேல் வீட்டில் ஒரு மனிதன் தனித்து  இருப்பதாகவும், அவன் சிலசமயங்களில் கூச்சலிடுவதாகவும், "கொண்டுட்டாங்கள், கொண்டுட்டாங்கள்” என்று அழுவதாகவும், ஆனால் அநேகமான வேளைகளில் தலைகுனிந்தபடி எல்லோரையும் கடந்துபோவதாகவும் அந்த மனிதரால் இதுவரை ஒருவருக்கும் பிரச்சனை வந்தது இல்லை என்றும் கீழ் வீட்டில் புதிதாக குடிவந்தவர்கள் என்னைக் குறித்து தங்களுக்குள் பேசிக்கொண்டதையும் ஒருநாள் கதவருகில் நின்று கேட்டுக்கொண்டேன்.

 
இன்னொருநாள் தபால்பெட்டிக்குள் இருந்து கடிதங்களை எடுத்தபோது எப்போதோ தடை செய்யப்பட்டதாக அறிவிக்கப்பட்ட ஒரு  இயக்கத்தின் நினைவஞ்சலிக் கூட்டத்திற்கான துண்டுப்பிரசுர அழைப்பிதழ் கிடந்தது.

 
இன்னொரு நாள், தமிழர் இனப்படுகொலைக்கு  நீதிகேட்கும்பேரணி, ஐநாவே பதில் கூறு என்ற இரு தலைப்புக்களில் தமிழிழுலும் பிரெஞ்சிலும் வெளியிடப்பட்ட ஒரு பிரசுரம் இருந்தது.

 
அன்றைய தினமே, குர்திஷ் போராளிகளுக்கு அமெரிக்கா மறைமுகமாக  உதவிசெய்வதாகவும் அதனாலேயே அவர்களின் தாக்குதல் பலம் அதிகரித்திருப்பதாகவும் இணையச்செய்தி ஒன்றில் வாசித்தேன்.

 
உலகளாவிய  பெருந்தமிழ்தேசியத்தை அமைக்க முன்வாருங்கள் நாங்கள் உங்கள் பிள்ளைகள் வந்திருக்கிறோம் என்ற கோரிக்கையோடு நாம் தமிழர் பிரான்ஸ் என்ற அமைப்பினரால்  உரிமை கோரப்பட்ட தனியான கடிதமொன்று கதவின் கீழ்இடுக்கினூடாக இன்னொருநாளில் தள்ளப்பட்டிருந்தது.

 

 

இன்று, கடந்த மூன்றுநாள்களாக அலைவுறும் அவாந்திர மனநிலையோடு மாடியில்இருந்து சூரியன் மறையும் திசையைப் பார்த்துக்கொண்டிருந்தேன். மேற்குவானம் அமைதியாக இருளடையலாயிற்று. வரவேற்பறை சுவரில் இருந்த  படங்களைப் பார்த்தேன். என்றாவது ஒருநாள் மீண்டும் கதவு தட்டப்படும் என்ற அச்சம் எழலாயிற்று. விரைந்து சென்று அறையின் மூலையில் குவித்து வைத்திருந்த உடுப்புக் குவியலுக்குள் ஒளிந்துகொள்ளத் தொடங்கினேன்..



நன்றி;  புதியசொல் சஞ்சிகை 
Categories: merge-rss

புனே தூக்கினால் என்ன?: டோனியை கேப்டனாக்கியது ஜார்கண்ட் அணி

புனே தூக்கினால் என்ன?: டோனியை கேப்டனாக்கியது ஜார்கண்ட் அணி

மாநில அணிகளுக்கு இடையில் நடைபெறும் விஜய் ஹசாரே ஒருநாள் தொடருக்கான ஜார்கண்ட் அணியின் கேப்டனாக டோனி நியமிக்கப்பட்டுள்ளார்.

 
 
புனே தூக்கினால் என்ன?: டோனியை கேப்டனாக்கியது ஜார்கண்ட் அணி
 
இந்திய அணியின் சாதனை கேப்டனாக திகழ்ந்தவர் மகேந்திர சிங் டோனி. இங்கிலாந்து தொடரின்போது தனது ஒருநாள் மற்றும் டி20 கிரிக்கெட் கேப்டன் பதவியை ராஜினாமா செய்தார். ஆனால் அணியில் தொடர்ந்து விளையாடி வருகிறார்.

இந்திய அணிக்கான கேப்டன் பதவியை ராஜினாமா செய்தாலும், ஐ.பி.எல். போன்ற அணிகளில் கேப்டனாக நீடிப்பேன் என்று கூறினார். சென்னை சூப்பர் கிங்ஸ் அணி இருக்கும்வரை தொடர்ந்து கேப்டனாக நீடித்தவர் டோனி. அந்த அணிக்கு தடை விதிக்கப்பட்டதால் ரைசிங் புனே சூப்பர் ஜெயன்ட்ஸ் அணியின் கேப்டனாக நியமிக்கப்பட்டார்.

0D00C610-DA12-43F7-999D-2E6F0151B1B5_L_s

திடீரென இரண்டு நாட்களுக்கு முன் அந்த அணி நிர்வாகம் டோனியை கேப்டன் பதவியில் இருந்து தூக்கியது. இதனால் டோனி ரசிகர்கள் அதிர்ச்சிக்குள்ளாகினார்கள். முகமது அசாருதீனும் கடும் கண்டனம் தெரிவித்திருந்தார்.

8C528C55-16B9-4FFC-8694-E033C7020CDB_L_s

இந்நிலையில் 25-ந்தேதி தொடங்கும் மாநிலங்களுக்கு இடையில் நடைபெறும் விஜய் ஹசாரே 50 ஓவர் போட்டி தொடருக்கான ஜார்கண்ட் அணி இன்று அறிவிக்கப்பட்டது. அம்மாநில கிரிக்கெட் வாரியம் டோனியை கேப்டனாக நியமித்துள்ளது. இதன்மூலம் புனே அணியில் நீக்கினால் என்ன? எங்கள் மாநில கேப்டனை விடமாட்டோம் என ஜார்கண்ட் அணி அவரை கேப்டனாக நியமித்து, டோனியின் கேப்டன் பயணத்தை நீட்டித்துள்ளது.

http://www.maalaimalar.com/News/Sports/2017/02/21203018/1069668/MS-Dhoni-set-to-lead-Jharkhand-in-Vijay-Hazare-Trophy.vpf

Categories: merge-rss

மட்டக்களப்பில் அகழ்வு பணியில் மனித எச்சங்கள் கண்டுபிடிப்பு

ஊர்ப்புதினம் - Tue, 21/02/2017 - 19:41
மட்டக்களப்பில் அகழ்வு பணியில் மனித எச்சங்கள் கண்டுபிடிப்பு
 

மட்டக்களப்பு மாவட்டத்தில் முறக்கட்டான்சேனை ராணுவ முகாமுக்கு அருகாமையிலுள்ள தனியார் காணியில் மனித எச்சங்கள் என சந்தேகங்கள் எழுந்துள்ள நிலையில் நீதிவான் முன்னிலையில் நடைபெற்ற அகழ்வுப் பணிகள் இன்று இரண்டாவது நாள் செவ்வாய்க்கிழமையுடன் நிறைவுபெற்றன.

 
 

மட்டக்களப்பு மாவட்ட மேலதிக நீதிபதி எம் .ஐ.எம். ரிஸ்வி முன்னிலையில் நேற்று திங்கட்கிழமையும் இன்று செவ்வாய்க்கிழமையும் அகழ்வு பணிகள் நடைபெற்றன.

இந்த அகழ்வுப் பணிகளின் போது மனித எச்சங்கள் என சந்தேகிக்கப்படும் எலும்பு துண்டுகள் , சில கம்பி துண்டுகள் , மனித பல் மற்றும் இரு வெள்ளிச் சங்கிலி துண்டுகள் உட்பட சில தடயங்கள் மீட்கப்பட்டதாக கூறப்படுகின்றது

1990ம் ஆண்டு முதல் 1914 ம் ஆண்டு வரை 24 வருடங்களாக முறக்கட்டான்சேனை ராணுவ முகாம் பாவனையிலிருந்த காணி மற்றும் குடியிருப்புகளின் ஒரு பகுதி, யுத்தம் முடிவடைந்த நிலையில் 2014ம் ஆண்டு ஜுலை மாதம் உரிமையாளர்களிடம் மீளக் கையளிக்கப்பட்டன.

காணி உரிமையாளரொருவர் தனது வீட்டுக்கான கழிப்பறை குழி வெட்டிய போது மனித எச்சங்கள் என சந்தேகிக்கப்படும் பொருட்கள் குறித்த தடயங்கள் தென்பட்டதையடுத்து கடந்த வருடம் அக்டோபர் மாதம் 29ம் தேதி முதல் நீதிமன்ற உத்தரவின் பேரில் கட்டிட நிர்மாணப் பணிகள் இடை நிறுத்தப்பட்டன.

அகழ்வுப் பணிகள் முடிவடைந்த நிலையில் 3 மாதங்களுக்கு மேலாக இடை நிறுத்தப்பட்டுள்ள நிர்மாணப் பணிகளை தொடர நீதிமன்ற அனுமதி தங்களுக்கு கிடைத்துள்ளதாக காணி உரிமையாளரான வானதி உதயகுமார் தெரிவிக்கின்றார்.

http://www.bbc.com/tamil/sri-lanka-39038375

Categories: merge-rss, yarl-category

இறுதி ஓவரில் மலிங்க கூறியது என்ன? : “எனது மகன் திறமையானவர் என நினைக்கவில்லை” அசேலவின் தாய், தந்தை உருக்கம்

இறுதி ஓவரில் மலிங்க கூறியது என்ன? : “எனது மகன் திறமையானவர் என நினைக்கவில்லை” அசேலவின் தாய், தந்தை உருக்கம்

 

 

அவுஸ்திரேலியாவுக்கு எதிரான இரண்டாவது இருபதுக்கு-20 போட்டியின் போது இலங்கை அணியின் அசேல குணவர்தன துடுப்பெடுத்தாடிய விதம் தொடர்பில் பலரும் தமது கருத்துக்களை வெளியிட்டுள்ளனர். 

இந்நிலையில் அசேல தொடர்பில் அவரின் தாய், தந்தை உருக்கமான கருத்துக்களை பகிர்ந்துள்ளனர்.

asfasfasf1.jpg

அதுமாத்திரமின்றி இறுதி தருணத்தில் மலிங்க தனக்கு எவ்வாறான ஆலோசனைகளையும், உற்சாகத்தையும் வழங்கினார் என அசேலவும் மனந்திறந்துள்ளார்.

 

அசேல குணவர்தன தொடர்பில் அவரது தாய், தந்தை தெரிவிக்கையில்,

 

தாய்,

“நேற்றுமுன்தினம் போட்டியில் வெற்றிபெற்றமையானது சொல்ல முடியாதளவு மகிழ்ச்சியை ஏற்படுத்தியுள்ளது. எனது மகனை நினைத்து நான் மிகவும் சந்தோஷப்படுகின்றேன். யுத்தக்காலத்தில் நாம் போகவேண்டாம் என்று கூறியும் அவர் யுத்தத்துக்கு சென்றார். இன்று போட்டியை வெற்றிக்கொண்டு நாட்டுக்கு ராஜாவை போல் ஆகியுள்ளார்.”

 

தந்தை,

எனது மகன் இவ்வளவு பெரிய திறமைக்கொண்டவர் என நான் நினைக்கவில்லை.. சந்தோஷத்தை எப்படி விவரிப்பது என எனக்கு தெரியவில்லை... வீதிக்கு செல்லும் போது மக்கள் “ நாட்டுக்கு ஒரு பிள்ளையை பெற்றுள்ளீர்கள், நேற்று துடுப்பெடுத்தாய விதத்தை பாருங்கள்” என்று கூறும்போது எனது மகிழ்ச்சிக்கே அளவில்லை என்றார்.

 

அசேல குணவர்தன கருத்து தெரிவிக்கையில்,

போட்டியின் போது எமது அணி விக்கட்டுகளை அடுத்தடுத்து இழந்துக்கொண்டிருந்தது. 

இதன்போது நானும் சாமர கபுகெதரவும் களத்தில் நின்றோம். நாம் இன்னும் 10 ஓவர்களுக்கு ஆட்டமிழக்காமல் துடுப்பெடுத்தாட வேண்டும் என்று திட்டமிட்டோம். எனினும் சாமர துரதிஷ்டவசமாக ஆட்டமிழந்தார்.

இந்நிலையில் 5 பந்துகளுக்கு 14 ஓட்டங்களை பெறவேண்டிய நிலை ஏற்பட்டது. இதன்போது களத்துக்கு வந்த மலிங்க என்னை உற்சாகப்படுத்தினார். எனக்கு முடியும் என்ற நம்பிக்கையை ஏற்படுத்தினார்.

ஓட்டங்களை ஓடி பெற வேண்டாம் என்றும் தனியாளாக உன்னால் ஓட்டங்களை பெறமுடியும் என்றார்.

அதுமாத்திரமின்றி ஒவ்வொரு பந்தின்போதும் என்னை உற்சாகப்படுத்தினார். இறுதியில் 3 ஓட்டங்களை பெறவேண்டிய நிலையில், உன்னால் அடிக்க முடியும், ஆட்டமிழக்காமல் துடுப்பெடுத்தாட வேண்டும், நீ ஆட்டமிழந்தால் உன்னால் முடியாது என்று ரசிகர்கள் நினைப்பார்கள் என உற்சாகப்படுத்தியதாக” அசேல தெரிவித்தார்.

Categories: merge-rss

வடமாகாண கல்வி அமைச்சர் நாங்கள் சொல்வதை கேட்பதுமில்லை. எமக்கு பதிலளிப்பதும் இல்லை – அனந்தி கவலை

ஊர்ப்புதினம் - Tue, 21/02/2017 - 19:20
வடமாகாண கல்வி அமைச்சர் நாங்கள் சொல்வதை கேட்பதுமில்லை. எமக்கு பதிலளிப்பதும் இல்லை – அனந்தி கவலை

ananthy.jpg

வடமாகாண கல்வி மேம்பட வேண்டும். அதற்கு வடமாகாண கல்வி அமைச்சர் உரிய நடவடிக்கைகளை எடுக்க வேண்டும் என வடமாகாண ஆளும் கட்சி உறுப்பினர் அனந்தி சசிதரன் தெரிவித்து உள்ளார்,

வடமாகாண சபையின் 85அவது அமர்வு இன்றைய தினம் கைதடியில் உள்ள பேரவைக் கட்டடத்தில் நடைபெற்றது. அதன் போதே அவ்வாறு தெரிவித்தார்.

வடமாகாண கல்வியில் உள்ள குறைபாடுகளை எடுத்துக்கூறினால் அவற்றை உரிய முறையில் கல்வி அமைச்சர் செவிமடுப்பதாக எனக்கு தெரிவில்லை. நாம் ஏதேனும் கேட்டாலும் , இவர்களுக்கு என்ன பதில் சொல்வது போன்றதொரு பாணியில் எங்களை பார்த்து விட்டு அவற்றுக்கு பதில் சொல்வதில்லை என கல்வி அமைச்சர் மீது குற்றம் சாட்டினார். இவ்வாறு குற்றம் சாட்டும் வேளையில் கல்வி அமைச்சர் சபையில் இல்லை என்பது குறிபிடத்தக்கது.

http://globaltamilnews.net/archives/18601

Categories: merge-rss, yarl-category

ஜனாதிபதி மீது சந்தேகம் – சுகிர்தன்.

ஊர்ப்புதினம் - Tue, 21/02/2017 - 19:19
ஜனாதிபதி மீது சந்தேகம் – சுகிர்தன்.
sugirthan.jpg
ஜனாதிபதி மீது தனக்கு சந்தேகம் ஏற்பட்டு உள்ளதாக வடமாகாண ஆளும் கட்சி உறுப்பினர் சு.சுகிர்தன் தெரிவித்து உள்ளார்.
 
வடமாகாண சபையின் 85அவது அமர்வு இன்றைய தினம் கைதடியில் உள்ள பேரவைக் கட்டடத்தில் நடைபெற்றது. அதன் போதே அவ்வாறு தெரிவித்தார்.
 
மேலும் தெரிவிக்கையில் ,
 
இலங்கையை போதைவஸ்து இல்லாத நாடாக மற்ற வேண்டும் மதுபான நுகர்வு குறைவான நாடாக மாற்ற வேண்டும் என மேடைகளில் பேசி வருகின்றார். ஆனால் அது தொடர்பில் எந்த வினைத்திறனான செயலை அவர் முன்னெடுப்பதாக தெரியவில்லை.
 
ஆலயங்கள் , பாடசாலைகள் அருகில் மதுபான விற்பனை நிலையங்கள் காணப்படுகின்றன. அவற்றினை மூடுவதற்கு எந்த நடவடிக்கையும் எடுக்கவில்லை.மதுபானசாலைகளை மூடுவதன் ஊடாகவே மதுபான நுகர்வை குறைக்க முடியும். அதற்கான நடவடிக்கைகளை ஜனாதிபதி விரைந்து எடுக்க வேண்டும் என மேலும் தெரிவித்தார்.

http://globaltamilnews.net/archives/18607

Categories: merge-rss, yarl-category

கேப்பாப்புலவு மக்களின் மண்மீட்பு போராட்டக் கதையை தாங்கிய பிரசுரம் வெளியீடு!

ஊர்ப்புதினம் - Tue, 21/02/2017 - 19:18
கேப்பாப்புலவு மக்களின் மண்மீட்பு போராட்டக் கதையை தாங்கிய பிரசுரம் வெளியீடு!

 

 

கேப்பாப்புலவு பிலக்குடியிருப்பு மக்கள் தமது சொந்தநிலங்களை கையகப்படுத்தியுள்ள விமானப்படையினர் அதனை விடுவிக்கவேண்டுமெனக்கோரி கடந்த 22 நாட்களாக தொடர் கவனயீர்ப்பு போராட்டத்தினை இராணுவமுகாம் முன்பாக முன்னெடுத்துவருகின்றனர்.

unnamed__6_.jpg

இந்நிலையில் இந்த மக்களின் போராட்டத்தின் கதையை தாங்கிய பிரசுரம் ஒன்று இன்றையதினம் கேப்பாப்புலவு மக்களின்  போராட்டக்களத்தில் வெளியிட்டு வைக்கப்பட்டது.

unnamed__8_.jpg

இப் பிரசுரத்தினை "விதை குழுமம்"தாயாரித்திருக்கின்றது. இதனை  யாழ்ப்பாணம் முல்லைத்தீவு வவுனியா போன்ற பிரதேசங்களிலுள்ள அமைப்புகள் மற்றும் இளைஞர்களுக்கு  விநியோகம் செய்யப்பட்டு வருகின்றது. இனிவரும் நாட்களில் இந்த  மக்களின் போராட்டத்துக்கு வலுச்சேர்க்கும் வகையிலும் அழுத்தத்தை உருவாக்கும் வகையிலும் இப்பிரசுரம் தாயாரிக்கப்பட்டிருக்கிறது என் விதை குழுமம் தெரிவித்திருக்கின்றது.

unnamed__9_.jpg

unnamed__10_.jpg

http://www.virakesari.lk/article/16917

Categories: merge-rss, yarl-category

பிபிசி தமிழ் தொலைக்காட்சி செய்தியறிக்கை 21/02/17

இன்றைய பிபிசி தமிழ் தொலைக்காட்சி செய்தியறிக்கையில்,

உள்நாட்டுப் போரில் சிக்கியுள்ள தெற்கு சூடான் பஞ்சத்தால் பாதிக்கப்பட்டுள்ளதாக ஐ நா அறிவிப்பு. நாட்டில் அரைவாசி மக்களுக்கான உணவு உதவி தேவைப்படுகிறது.

அமெரிக்காவின் புதிய தேசிய பாதுகாப்பு ஆலோசகராக லெஃப்டனெண்ட் ஜெனரல் மெக்மாஸ்டரை டிரம்ப் அறிவித்துள்ளார். பதவி நீக்கப்பட்ட மைக்கில் ஃபிலினுக்கு பதிலாக இவர் பொறுப்பேற்பார்.

கெச்சப்பை அதன் பாட்டிலில் இருந்து முழுமையாக காலி செய்வது எப்படி? அதற்கு ஒரு வழி கண்டுபிடித்துள்ளனர் விஞ்ஞானிகள்.

 

Categories: merge-rss, yarl-world-news

இலங்கை யுத்தத்தை திரையில் காட்ட முனைந்த மலேசிய பெண்ணிற்கு நேர்ந்த கதி

இலங்கை யுத்தத்தை திரையில் காட்ட முனைந்த மலேசிய பெண்ணிற்கு நேர்ந்த கதி 

 

 

இலங்கையில் இடம்பெற்ற யுத்தத்தை மையமாக வைத்து எடுத்த ஆவணப்படத்திற்கு, முறையான அனுமதி பெறப்படாத குற்றத்திற்காக பெண் பட இயக்குனர் ஒருவரை மலேசிய நீதி மன்றம் குற்றவாளியாக இனம் கண்டுள்ளது. 

sri-lanka.jpg

மலேசியாவின் கோலாலம்பூர் நகரை சேர்ந்த மனித உரிமைகள் செயற்பாட்டாளரும், சமூக ஆர்வலருமான லீனா ஹென்றி என்பவர், இலங்கையில் இடம்பெற்ற 26 வருட கால யுத்தத்தை ஒரு ஆவணப்படமாக எடுத்து, பட தணிக்கை குழுவின் அனுமதி ஏதும் பெறாமல் படத்தை திரையிட்டதாக குற்றம் சுமத்தப்பட்டுள்ளார்.

lena__1_.jpg

மேலும் குறித்த ஆவணப்படத்தில், தணிக்கை கட்டுப்பாடுகளை மீறி, யுத்த நிறுத்த வலயங்கள் மற்றும் யுத்தகள கொலைகளை காண்பித்த குற்றத்தை உறுதி செய்து, பட தணிக்கை மோசடியில் கீழ் வழக்கு பதிவு செய்வதாக அறிவிக்கப்பட்டுள்ளது.

இந்நிலையில் லீனா கடந்த 2013ஆம் ஆண்டு இதே நீதிமன்றத்தினால் குற்றமற்றவராக தீர்ப்பளிக்கப்பட்டிருந்தார். குறித்த தீர்ப்பை அளித்த நீதிபதிதான் தற்போதய தீர்ப்பையும் அளித்துள்ளதாக அந்நாட்டு ஊடகங்கள் தகவல் பகிர்ந்துள்ளன. 

அத்தோடு குறித்த தணிக்கை மோசடியிற்காக லீனாவிற்கு மூன்று வருட சிறை அல்லது 17 இலட்சம் ரூபா தண்டம் விதிக்கப்படவும், அல்லது இரண்டு தண்டனையும் ஒன்றாக வழங்கப்படவும் வாய்ப்புள்ளதாக தெரிவிக்கப்பட்டுள்ளது.

மலேசிய நீதிமன்றின் தீர்ப்பினை பற்றி கருத்து தெரிவித்துள்ள லீனா, நீதி மன்றம்  தீர்ப்பு தன்னை ஏமாற்றியுள்ளதாகவும், வழக்கு குறித்த போதுமான ஆதாரங்கள் எதுவும் இருப்பதாக தெரியவில்லை, தீர்ப்பு வெறுமனே வழக்கறிஞ்சரின் குற்றசாட்டுகளை மையப்படுத்தி விளக்கப்பட்டுள்ளது. இருப்பினும் தொடர்ந்து தான் மேன்முறையீடுகளை செய்யவுள்ளதாக தெரிவித்துள்ளமை குறிப்பிடத்தக்கது  .   

http://www.virakesari.lk/article/16913

Categories: merge-rss, yarl-world-news

நோர்வே கப்பல் நிறுவனங்களில் பணியாற்ற இலங்கையர்களுக்கு சந்தரப்பம் ஏற்படுத்திக் கொடுக்கப்படும் – நோர்வே தூதுவர்

ஊர்ப்புதினம் - Tue, 21/02/2017 - 11:38
நோர்வே கப்பல் நிறுவனங்களில் பணியாற்ற இலங்கையர்களுக்கு சந்தரப்பம் ஏற்படுத்திக் கொடுக்கப்படும் – நோர்வே தூதுவர்

IMG_4710.jpg
இலங்கையின் துறைமுகம் மற்றும் கப்பற்றுறையில் முன்னேற்றங் காண வேண்டுமாயின் இத்துறைகள் தொடர்பாக விசேட அவதானம் செலுத்த வேண்டுமென இலங்கைக்கான நோர்வே தூதுவர்  Thorbjorn Gaustadsaether    தெரிவித்துள்ளார்.

துறைமுகங்கள் மற்றும் கப்பற்றுறை அமைச்சின் ஊடக பிரிவுடனாhன விசேட ஊடக சந்திப்பில் கலந்துக் கொண்டு கருத்துரைக்கையிலேயே   அவர்    இவ்வாறு தெரிவித்துள்ளார்.

மேலும் நோர்வே கப்பல் நிறுவனங்களில் பணியாற்றும் பொருட்டு இலங்கையர்களுக்கு சந்தரப்பம் ஏற்படுத்திக் கொடுக்கப்படுமெனவும் அவர்  தெரிவித்துள்ளார்.

நோர்வே நிறுவனங்களின் கப்பல்கள் உலக அங்கீகாரம் பெற்றவை எனவும்  இக்கப்பல்களில் பல்வேறு நாட்டினரும்  பணியாற்றுவதாகவும்  இலங்கையர்களும்  இக்கப்பல்களில் பணியாற்றுவதற்கான சந்தர்ப்பத்தை பெற்றுக்கொள்ளலாம எனவும் அவர் தெரிவித்துள்ளார்.

இவர்கள் தங்களுடைய அறிவை வளர்த்துக்கொள்வார்களாயின் முன்னேற்றம் காண்பதற்கான சந்தர்ப்பங்கள் அதிகமாக காணப்படுகின்றதெனவும் அவர் தெரிவித்துள்ளார்.

http://globaltamilnews.net/archives/18558

Categories: merge-rss, yarl-category

மண் மீட்பு போராட்டத்தில் ஈடுபட்டுள்ள மக்களுக்கு ஆதரவு தெரிவித்து உண்ணாவிரத போராட்டத்தில் குதித்தார் சிவமோகன் எம். பி.

ஊர்ப்புதினம் - Tue, 21/02/2017 - 11:33
மண் மீட்பு போராட்டத்தில் ஈடுபட்டுள்ள மக்களுக்கு ஆதரவு தெரிவித்து உண்ணாவிரத போராட்டத்தில் குதித்தார் சிவமோகன் எம். பி.

 

 

கேப்பாபுலவு, புதுக்குடியிருப்பில் இராணுவத்திடம் தமது நிலங்களை விடுவித்து தருமாறு கோரி மண் மீட்பு போராட்டத்தில் ஈடுபட்டுள்ள மக்களுக்கு ஆதரவு தெரிவித்து பாராளுமன்றத்துக்கு செல்லாது மக்களோடு உணவுதவிர்ப்பு போராட்டத்தில்  வன்னி மாவட்ட பாராளுமன்ற உறுப்பினர்  சிவமோகன் ஈடுபட்டுள்ளார்.

faaaaaaaaaaa.jpg

புதுக்குடியிருப்பு புதுமாத்தளன் வீதியில் பொதுமக்களின் காணிகளிலுள்ள இராணுவத்தை வெளியேறுமாறு கோரியும் தொடர் போராட்டத்தில் ஈடுபட்டுள்ள கேப்பாபுலவு மக்களுக்கு ஆதரவு தெரிவித்தும் புதுக்குடியிருப்பில் பொதுமக்கள் முன்னெடுத்துள்ள போராட்டம் இன்று பத்தொன்பதாவது நாளை  எட்டியுள்ள அதேவேளை சுழற்சி முறையிலான உணவு தவிர்ப்பு போராட்டம் இன்று எட்டாவது நாளாக இடம்பெறுகிறது.

unnamed-_5_.jpg

இந்நிலையில் முல்லைத்தீவு மாவட்டத்தில் கேப்பாபுலவு மற்றும் புதுக்குடியிருப்பில் இராணுவத்திடம் தமது நிலங்களை விடுவித்து தருமாறு கோரி மண் மீட்பு போராட்டத்தில் ஈடுபட்டுள்ள மக்களுக்கு ஆதரவு தெரிவித்து இன்று பாராளுமன்றத்துக்கு செல்லாது மக்களோடு உணவுதவிர்ப்பு போராட்டத்தில்  வன்னி மாவட்ட பாராளுமன்ற உறுப்பினர்  வைத்திய கலாநிதி  சிவமோகன் ஈடுபட்டுள்ளார்.

saa.jpg

இந்த போராட்டம் கடந்த மூன்றாம் திகதி முதல் புதுக்குடியிருப்பு பிரதேச செயலகத்திற்கு முன்னால்  இடம்பெற்று வருகின்றது. முல்லைத்தீவு மாவட்டம் புதுக்குடியிருப்பு பிரதேச செயலாளர் பிரிவிற்குட்பட்ட 49 பொதுமக்களுக்கு சொந்தமான 19 ஏக்கர் காணிகளை விடுவிக்குமாறு தெரிவித்தே, பொதுமக்கள் போராட்டத்தில் ஈடுபடுபட்டுள்ளனர்.

எனினும் கடந்த 9 ஆம் திகதி போராட்டத்தில் ஈடுபட்டுள்ள சிலர்  பிரதமர் ரணில் விக்ரமசிங்கவை சந்தித்து கலந்துரையாடிய போதும் இதுவரை எந்தவொரு தீர்வும் முன்வைக்கப்படவில்லை என மக்கள் தெரிவிக்கின்றனர்.

இதுதொடர்பாக பாராளுமன்ற உறுப்பினர் சிவமோகன்  கருத்து தெரிவிக்கையில்,

பலதடவைகள் பாராளுமன்றில் கதைத்தும் காணிப்பிரச்சினை தொடர்பாக  எந்த பதிலும் கிடைக்கவில்லை எனவே பாராளுமன்றிற்கு சென்று எந்த பலனுமில்லை. அதானால் அந்த பாராளுமன்றுக்கு சென்று எதுவும் ஆகப்போவதில்லை அதனால் நான் இன்று  விடுவிப்புக்காக உண்ணாவிரதப் போராட்டத்தில் ஈடுபட்டுள்ளேன் என்றார்.

http://www.virakesari.lk/article/16908

Categories: merge-rss, yarl-category

முதலமைச்சர் சீ.வீ.விக்னேஸ்வரன் கும்பலின் ஊழலும் திட்டமிட்ட அழிப்பும் வெளிச்சத்திற்குவர ஆரம்பித்துள்ளது!

ஊர்ப்புதினம் - Tue, 21/02/2017 - 10:37

வட மாகாண முதலமைச்சர் விக்னேஸ்வரன் மீதான ஊழல் மீண்டும் ஆதாரபூர்வமாக நிறுவப்பட்டுள்ளது. சுன்னாகம் பிரதேசத்தில் மின் உற்பத்தியை மேற்கொண்டு, யாழ்ப்பாணம் முழுமைக்கும் மின்சார சேவையை மகிந்த ஆட்சிக் காலத்தில் வழங்கிய நிறுவனமான நோதேர்ன்பவர் மற்றும் அதன் தாய் நிறுவனமான எம்.ரி.டி வோக்கஸ் ஆகியவற்றைப் பாதுகாக்கும் நோக்கில் பெரும் பணத்தொகை பரிமாறப்பட்டுள்ளதாக மல்லாகம் நீதிமன்றம் துணிகரமான தீர்ப்பு ஒன்றை வழங்கியிருந்தது.

இப் பணப்பரிமாற்றத்தில் வட மாகாண சபை முதலமைச்சர், அவரை பின்னணியில் இயக்கும் நிமலன் கார்த்திகேயன் என்ற அவுஸ்திரேலிய குடியேற்றவாசி, விவசாய அமைச்சர் ஐங்கரநேசன் போன்றவர்களே செயற்பட்டனர் என்ற தகவல்களை இனியொரு ஆரம்பம் முதல் வெளிப்படுத்தி வந்துள்ளது.

வன்னிப் படுகொலைகளின் பின்னர் நடைபெற்ற மிகப்பெரும் சுற்றாடல் அழிவாகக் கருதப்படும் சுன்னாகம் பிரதேசத்தின் நீரையும் நிலத்தையும் மாசுபடுத்திய குற்றவியல் செயற்பாட்டை மூடி மறைத்து அப்பிரதேச மக்களை சிறுகச்சிறுகக் கொல்லும் நடவடிக்கையில் வட மாகாண சபையைச் சார்ந்தவர்கள் செயற்பட்டுள்ளனர்.

இலங்கை அரசின் நீர்ப்பாசனத் திணைக்களமும், பல சமூக ஆர்வலர்களும் மேற்கொண்ட ஆய்வுகளில் சுன்னாகம் நீரில் அதிபார டீசல் மற்றும் கிறீஸ் போன்றவை கலந்துள்ளதாகவும், அது பாவனைக்கு உகந்ததல்ல எனவும் ஏற்கனவே உறுதிப்படுத்தப்பட்டிருந்தது. தவிர, இலங்கை அரசின் நீர்பாசன வடிகாலமைப்பு அமைச்சர் ராவுப் ஹக்கிம் 20151 ஆம் ஆண்டு ஏப்ரல் மாதம் பாராளுமன்றத்தில் ஒப்புக்கொண்டிருந்தார். இந்த நிலையில் வட மாகாண சபை போலி நிபுணர் குழு ஒன்றை அமைத்து சுன்னாகம் நீரில் மலக் கழிவுகளே கலந்துள்ளது எனவும் கிறீஸ் மற்றும் டீசல் கலந்திருக்கவில்லை எனவும் முடிவிற்கு வந்தது. அந்த நிபுணர்குழுவை விவசாய அமைச்சர் ஐங்கரநேசன் மற்றும் வட மாகண சபை முதலமைச்சர் விக்னேஸ்வரன் ஆகியோர் இணைந்தே அமைத்திருந்தனர்.

தாம் பெற்றுக்கொண்ட பணத்திற்காக இக் கும்பல் இரண்டு லட்சத்து ஐம்பதாயிரம் மக்களின் வாழ்க்கையைப் பணயம் வைத்தது. தமது காலடியில் வாழும் மக்களின் வாழ்க்கையை பணயம் வைத்தது. மல்லாகம் நீதிமன்றத்தின் தீர்ப்பில் கூறியிருப்பதற்கும் அப்பால் பணப் பரிமாற்றத்திற்கும் அப்பால் வேறு ஆபத்தான் அரசியல் நோகங்கள் இருந்திருக்கலாம் என்பதற்கான ஆதாரங்களும் காணப்படுகின்றன.

கடந்த 9ம் திகதி வட மாகாண சபை கூடிய போது எதிர்வரும் 23ம் திகதி நீர் நச்சடைந்தமை தொடர்பாகப் பேசுவதற்கு மாகாண சபை உறுப்பினர்கள் சிவாஜிலிங்கம் மற்றும் தவராசா ஆகியோர் அவைத்தலைவரிடம் அனுமதி கோரினர். அவர்களது கோரிக்கை கருத்தில் எடுக்கப்பட்டு அவர்களுக்கு அனுமதியும் வழங்கப்பட்டது. பின்னதாகத் தலையிட்ட வட மாகண சபையின் முதலமைச்சர் சீ.வீ.விக்னேஸ்வரன், நீர் தொடர்பான விசாரணைகள் இன்னும் நடந்துகொண்டிருப்பதால் அது தொடர்பாகப் பேசுவதற்கு அனுமதி வழங்க வேண்டாம் என்று அவைத்தலைவரிடம் கோரிக்கைவிடுத்தார்.

அதன் போது, பொதுவாக நீர் தொடர்பாகப் பேசுவதற்கு அனுமதி வழங்குவதற்கும் விசாரணைகளுக்கும் தொடர்பில்லை என சிவாஜிலிங்கம் மற்றும் தவராசா ஆகியோர் விவாதித்ததைத் தொடர்ந்து அனுமதி மீண்டும் வழங்கப்பட்டது.

அப்போது நீர் தொடர்பாக எவ்வாறன விடையங்களைப் பேசுவதாகக் குறிப்பிட்டால் மட்டுமே அனுமதி வழங்கப்பட வேண்டும் என விக்னேஸ்வரன் கூறிய போது, அது சட்டப்படி குறிப்பிட வேண்டிய தேவையற்றது என எதிர் விவாதம் செய்யப்பட்டது, அந்த நிலையில் வேறு வழியின்றி விக்னேஸ்வரன் மௌனமாக அவைத் தலைவர் எதிர்வரும் மாகாணசபைக் கூட்டத்தில் நீர் தொடர்பாகப் பேசுவதற்கு அனுமதி வழங்கினார்.

பின்னதாக நீர் மற்றும் சுற்றுச்சூழல் தொடர்பாக விக்னேஸ்வரன் குழு நடத்திய மாநாடு ஒன்றின் அறிக்கை இன்னும் சமர்ப்பிக்ப்படாத நிலையில் நீர் தொடர்பாக மாகாணசபையில் பேசுவது பொருத்தமற்றது என மீண்டும் விக்னேஸ்வரன் அடம்பிடித்தார். இறுதியாக அவைத்தலவர் அனுமதி வழங்கியிருக்கிறார்.

இந்த நிலையில் மருத்துவ விடூப்பை அறிவித்துவிட்டு முதலமைசர் விக்னேஸ்வரன் தனது கொழும்பு இல்லத்திற்கு புறப்பட்டுச் சென்றுவிட்டார்.

cvv-216x300.jpgஇவை தவிர, நீர் மாசடைந்தமை தொடர்பாகப் பல்வேறு ஆய்வுகளை மேற்கொண்ட மருத்துவ நிபுணர் முரளி வல்லிபுரநாதன் போலி நிபுணர் குழுவின் அறிக்கை தொடர்பாக முதலமைச்சரைச் சந்திப்பதற்கு அனுமதி கோரிய கடிதத்தத்திற்குப் பதிலனுப்பிய முதமைச்சர் இது தொடர்பாக பேசுவதை நிராகரித்துவிட்டார்.

தவிர, சுன்னாகம் பகுதியின் நீர் மற்றும் நில வழத்தை அழித்து மக்களை மரணத்துள் வாழ நிர்பந்தித்த அழிப்பு நடவடிக்கைகளில் நேரடியாகப் பங்காற்றிய அவுஸ்திரேலியக் குடியேற்றவாசியும், விக்னேஸ்வரனின் சட்டவிரோதப் பங்குதாரருமான நிமலன் கார்த்திகேயனுக்கு வட மாகாண சபையில் ஊழியராகப் பதவி வழங்கப்பட்டுள்ளது. வெறும் 35 ஆயிரம் ரூபா ஊதியத்திற்காக நிமலன் கார்த்திகேயன் வடக்கு நோக்கி இடம்பெயர்ந்துள்ளார். நிமலன் கார்த்திகேயன் வடக்கு மாகாண சபையில் பணியாளராக இணைந்துகொள்வார் என கடந்த ஜனவரி மாதத்தில் எதிர்வு கூறியிருந்தமை குறிப்பிடத்தக்கது.

 

inioru

Categories: merge-rss, yarl-category

பாதுகாப்பு துறையில் மறுசீரமைப்பு செய்வதாக அளிக்கப்பட்ட வாக்குறுதி நிறைவேற்றப்படவில்லை – HRW

ஊர்ப்புதினம் - Tue, 21/02/2017 - 09:39
பாதுகாப்பு துறையில் மறுசீரமைப்பு செய்வதாக அளிக்கப்பட்ட வாக்குறுதி நிறைவேற்றப்படவில்லை – HRW

hrw.jpg

பாதுகாப்புத்துறையில் மறுசீரமைப்பு செய்வதாக அளிக்கப்பட்ட வாக்குறுதி நிறைவேற்றப்படவில்லை என இலங்கை அரசாங்கம் மீது மனித உரிமை கண்காணிப்பகம் குற்றம் சுமத்தியுள்ளது.

இந்த ஆண்டு மார்ச் மாதத்திற்கு முன்னதாக காவல்துறையினரால் மேற்கொள்ளப்படும் சித்திரவதைகள் குற்றச் செயல்களை தடுக்க நடவடிக்கை எடுக்கப்படும் என ஐக்கிய நாடுகள் மனித உரிமைப் பேரவைக்கு அரசாங்கம் வாக்குறுதி அளித்திருந்த போதும் எனினும் இந்த வாக்குறுதி நிறைவேற்றப்படவில்லை என தெரிவித்துள்ளது.

2015ம் ஆண்டு ஒக்ரோபர் மாதம் நிறைவேற்றப்பட்ட தீர்மானத்தின் 25 முக்கிய விடயங்களில் பாதுகாப்புத்துறைசார் விடயங்களில் மறுசீரமைப்புச் செய்தலும் உள்ளடங்குகின்றதாகவும் பயங்கரவாதத் தடைச் சட்டத்தினை ரத்து செய்வதற்கு இதுவரையில் அரசாங்கம் நடவடிக்கை எடுக்கவில்லை எனவும் சுட்டிக்காட்டியுள்ளது.

மேலும் தடுப்புக் காவலில் வைக்கப்பட்டுள்ளவர்கள் சித்திரவதைகளுக்கு உள்ளாவதனை தடுக்கவும் நடவடிக்கை எடுக்கப்படவில்லை எனவும் பாதுகாப்புத் துறையில் மாற்றம் செய்வதாக அளித்த வாக்குறுதி நிறைவேற்றப்பட்டுள்ளதா என்பதனை ஐக்கிய நாடுகள் மனித உரிமைப் பேரவை உன்னிப்பாக கவனிக்க வேண்டுமெனவும்  குறிப்பிட்டுள்ளது.

கால மாறு நீதிப்பொறிமுறைமை உள்ளிட்ட ஏனைய விடயங்கள் தொடர்பிலான அரசாங்கத்தின் முனைப்பு குறித்தும் கண்காணிக்கப்பட வேண்டுமென மனித உரிமைக் கண்காணிப்பகத்தின் ஆசிய பிராந்திய வலய பணிப்பாளர் பிரட் அடம்ஸ் தெரிவித்துள்ளார்.

ஐக்கிய நாடுகள் மனித உரிமைப் பேரவைக்கு வாக்குறுதி அளித்து 18 மாதங்கள் கடந்துள்ள நிலையிலும் இலங்கைத் தலைவர்கள் முக்கிய மனித உரிமை விடயங்களுக்கு தீர்வு காண முனைப்பு காட்டவில்லை என அவர் குறிப்பிட்டுள்ளார்.

http://globaltamilnews.net/archives/18546

Categories: merge-rss, yarl-category

மஹேல, சங்கா மற்றும் கெயில் பாகிஸ்தான் செல்ல மறுப்பு!

மஹேல, சங்கா மற்றும் கெயில் பாகிஸ்தான் செல்ல மறுப்பு!

 

 

பாகிஸ்தான் சுப்பர் லீக் தற்சமயம் டுபாயில் நடைபெற்று வருகின்றது.

இந்நிலையில்  பாக். சுப்பர் லீக்கின் இறுதிப்போட்டியை பாகிஸ்தானின் லாஹுர் மைதானத்தில் நடத்துவதற்கு பாக். சுப்பர் லீக் நிர்வாகம் மற்றும் அணி உரிமையாளர்கள் நடவடிக்கை எடுத்துள்ளனர்.

dfsfg1.jpg

பாகிஸ்தான் செல்வதற்கு பல வீரர்கள் ஆதரவளித்துள்ள போதும், முன்னணி வீரர்களான குமார் சங்கக்கார, மஹேல ஜயவர்தன மற்றும் கிரிஸ் கெயில் ஆகியோர் மறுப்பு தெரிவித்துள்ளதாக வெளிநாட்டு ஊடகமொன்று செய்தி வெளியிட்டுள்ளது.

பாதுகாப்பில் ஏற்பட்டுள்ள பிரச்சினைகள் காரணமாக பாகிஸ்தான் செல்வதற்கு இவர்கள் மறுப்பு தெரிவித்துள்ளனர்.

கடந்த 2009 ஆம் ஆண்டு மார்ச் மாதம் இலங்கை கிரிக்கெட் அணி வீரர்கள், லாகூரில் நடக்கவிருந்த போட்டியில் பங்கேற்க சென்ற போது தீவிரவாதிகள் தாக்குதல் நடத்தியிருந்தனர்.

இதனால் பாகிஸ்தானில் விளையாடுவதற்கு தேசிய கிரிக்கெட் அணிகள் செல்ல மறுத்திருந்தமை குறிப்பிடத்தக்கது.

http://www.virakesari.lk/article/16899

Categories: merge-rss

தகவல் அறியும் உரிமைச் சட்டத்தின் கீழ், படையினரிடம் உள்ள காணிகளின் விபரங்கள் கோரப்பட்டுள்ளது:-

ஊர்ப்புதினம் - Tue, 21/02/2017 - 07:29
தகவல் அறியும் உரிமைச் சட்டத்தின் கீழ், படையினரிடம் உள்ள காணிகளின் விபரங்கள் கோரப்பட்டுள்ளது:-

right-ti-i-formation.jpgவடக்கில் இராணுவத்தால் கையகப்படுத்தப்பட்டுள்ள காணிகள் குறித்த விபரங்கள் மற்றும் பிரதேச செயலக பிரிவுக்குட்பட்ட காணாமல் போனோரின் விபரங்களை வழங்குமாறு, இளைஞர் அமைப்பொன்று, தகவல் அறியும் உரிமைச் சட்டத்தின் கீழ் கோரிக்கை விடுத்துள்ளது. வவுனியாவை தலைமையாக கொண்டு பரந்த அளவில் செயற்படும் இளைஞர் வலையமைப்பு ஒன்று, வடபகுதியைச் சேர்ந்த 34 பிரதேச செயலகங்களுக்கும் தகவல் அறியும் உரிமைச்சட்ட விண்ணப்பப் படிவங்களை தபால் மூலம் நேற்று (திங்கட்கிழமை) அனுப்பி வைத்துள்ளது.

குறித்த விண்ணப்பத்தில், பிரதேச செயலக பிரிவில் இராணுவத்தினரால் கையகப்படுத்தப்பட்டுள்ள காணியின் அளவு, காணி உரிமையாளரின் பெயர் மற்றும் முகவரி, தனியாட்களால் கையகப்படுத்தப்பட்டுள்ள அரசகாணியின் அளவு, ராணுவம் கையகப்படுத்தியுள்ள காணியை இழந்தவர்களின் எண்ணிக்கை, பெயர் விபரம், முகவரி மற்றும் கிராம சேவையாளர் பிரிவு என்பவற்றை காணி சுவீகரிப்பு தொடர்பாக அறியும் நோக்குடன் கோரிக்கை விடுக்கப்பட்டு உள்ளது.

இது தவிர, குறித்த பிரதேச செயலகத்திற்குட்பட்ட காணாமல் போனவர்களின் பெயர், முகவரி மற்றும் குறித்த குடும்பத்துடன் தொடர்புகொள்ளக்கூடிய தொடர்பு இலக்கம் என்பவற்றை கிராம சேவையாளர் பிரிவு அடிப்படையில் தருமாறும், குறித்த குடும்பத்தின் தற்போதைய குடும்ப பிரதானியின் முழுப்பெயரையும் குடும்ப அங்கத்தவர்களின் எண்ணிக்கையையும் தருமாறும் இவ் இளைஞர் அமைப்பு கோரியுள்ளது.

http://globaltamilnews.net/archives/18523

Categories: merge-rss, yarl-category

கோலியை, இந்தியாவை எப்படி சமாளிக்கவிருக்கிறது ஆஸ்திரேலியா..? #IndVsAus #AustraliaSketch #VikatanExclusive

கோலியை, இந்தியாவை எப்படி சமாளிக்கவிருக்கிறது ஆஸ்திரேலியா..? #IndVsAus #AustraliaSketch #VikatanExclusive

இந்தியாவுக்குச் சுற்றுப் பயணம் வந்துள்ள ஆஸ்திரேலிய கிரிக்கெட் அணி,  நான்கு போட்டிகள் கொண்ட டெஸ்ட் தொடரில் பங்கேற்கிறது. முதல் டெஸ்ட் வரும் 23-ம் தேதி புனேவில் தொடங்குகிறது. ஸ்டீவ் ஸ்மித் தலைமையிலான ஆஸ்திரேலிய அணியில், நான்கு பிரதான சுழற்பந்து வீச்சாளர்கள் இடம்பெற்றுள்ளனர். கடந்த சில மாதங்களாக அந்த அணி ‛அவுட் ஆஃப் ஃபார்ம்’ல் உள்ளது. கடைசியாக, ஆசிய நாடுகளில் பங்கேற்ற ஒன்பது டெஸ்ட் போட்டிகளிலும் வெற்றி வாய்ப்பை இழந்தது. இதுவே அணியில் கணிசமான மாற்றம் செய்யக் காரணம். 

இந்தியா, ஆஸ்திரேலியா தவிர்த்து, சர்வதேச கிரிக்கெட் ரசிகர்கள் ஆவலுடன் எதிர்பார்க்கும் இந்த தொடர் குறித்து, பிரபலங்கள் என்ன சொல்கிறார்கள்?

மாஸ்டர் பேட்ஸ்மேன் சச்சின் டெண்டுல்கர்:

சச்சின் டெண்டுல்கர் - இந்தியா

“ஆஸ்திரேலிய அணி தென் ஆப்பிரிக்காவுக்கு எதிரான தொடரில் படுதோல்வியைச் சந்தித்தாலும், பாகிஸ்தானுக்கு எதிராக கடும் ஆதிக்கம் செலுத்தியது. எனவே, ஆஸ்திரேலியாவை எளிதாக எடுத்துக் கொள்ளக்கூடாது. எதிரணியின் திறமையை எப்போதும் குறைத்து மதிப்பிடக்கூடாது.  ஆஸ்திரேலிய அணி வலுவானதாக இருந்தாலும், இந்திய சூழ்நிலையில் அவர்கள் விளையாடுவது சிரமம்தான். இந்தக் கருத்தை ஆஸ்திரேலிய வீரர்களும் ஏற்றுக்கொண்டுள்ளனர். இந்திய அணிக்குக் கிடைத்துள்ள சிறந்த பாராட்டாகவே இதைக் கருதுகிறேன்.

எதிரணியின் திறமைக்கு ஏற்ப, இந்திய அணி தயாராகும் என்பதில் எந்த சந்தேகமும் இல்லை. ஆஸ்திரேலிய அணியைக் கையாள்வது எப்போதுமே கடினம். இருந்தாலும், இந்திய அணியின் மீது எனக்கு நம்பிக்கை உள்ளது.'’

ஆஸ்திரேலியா அணியின் வெற்றிக் கேப்டன் - ரிக்கி பாண்டிங்

''ஆஸ்திரேலிய அணி இந்தியாவில் திணறும். ஏனென்றால், முன்பைவிட தங்களுக்குச் சாதகமாகவே ‘பிட்ச்‘களை இந்தியா அமைக்கும். இலங்கைத் தொடரில் நடந்ததைப் பார்க்கும்போது, ஒவ்வொருமுறையும் துணைக்கண்டங்களுக்குச் செல்லும் போதெல்லாம், முதல் நாளில் இருந்தே பந்துகள் கடுமையாக ‘ஸ்பின்’ ஆகி திரும்புவதைப் பார்க்க முடிகிறது. எனவே இலங்கைத் தொடர் போல அல்லாமல், இந்தியாவில் கொஞ்சம் கூடுதலாகப் போராடிவிட்டு தோற்றால், அதைவிடப் பெரிய முன்னேற்றம் ஒன்றுமில்லை. ஆஸ்திரேலிய அணிக்கு இது கற்றுக்கொள்ளும் கட்டம்.  ஆஸ்திரேலிய பாணியில் ஆடுவதிலிருந்து இந்தியாவின் சூழ்நிலைக்கு ஏற்ப, வீரர்கள் தங்களை மாற்றிக்கொள்ளவேண்டும்.

ஆஸ்திரேலியா''ஒருநாள் ஆட்டங்களில், 27 சதங்கள் அடித்திருக்கும் கோலி, மூன்று ஃபார்மட்டுக்கும் கேப்டனாக நியமிக்கப்பட்டிருக்கிறார். என்றாலும், அவரது பேட்டிங்கின் தரம் மேலும்மேலும் கூடிக் கொண்டே இருக்கிறது. மங்கவில்லை. இருப்பினும் சச்சின், லாரா, காலிஸ் ஆகியோருடன் ஒப்பிடும் அளவுக்கு விராட் வளரவில்லை. அந்த ஜாம்பவான்கள் 100 டெஸ்ட் போட்டிகளுக்கு மேல் நிலைத்து நின்று ஆடியவர்கள். கோலி இன்னும் பாதி கிணறு கூட தாண்டவில்லை. கோலி அவர்களுக்கு இணையான புகழைப் பெற, இன்னும் சில காலம் ஆகும்.

கோலியைப் பொறுத்தவரை, சவால் என்று வந்து விட்டால், தன்னுடைய ‘கம்ஃபர்ட் ஸோனை’ விட்டு வெளியே வந்துவிடுவார். ஆக்ரோஷமடைவது அவருக்கு நல்லதாக இருக்கலாம். சில வேளைகளில் எதிரணியினருக்கு அது ப்ளஸ்ஸாக அமைந்து விடும். அவர் என்னைப்போன்ற குணாதிசியம் கொண்டவர். மனதில் நினைப்பதை வெளியில் தெரிவித்து விடும் ஒரு கேரக்டர். நான் இந்தியாவில் விளையாடும்போது ஒன்றைக் கற்றுக் கொண்டேன். அது, இந்திய அணி களத்தில் உருவாக்கிக் கொள்ளும் டீம் ஸ்பிரிட்தான். இந்த உத்வேகத்தைத் தடுத்து நிறுத்தும் அணியினால் மட்டுமே இந்தியாவில் வெற்றிபெற முடியும். ஆஸ்திரேலியாவும் அதற்கு விதிவிலக்கு அல்ல. 

கோலியைக் கட்டுப்படுத்த எதிரணியினர் செய்ய வேண்டியது ஒன்றுதான். அவர் `டிரைவ்’ அடிக்கும் இடங்களில், ஃபீல்டர்களை நிறுத்தி, வேறு இடங்களில் அவரை ரன் எடுக்கப் பணிக்க வேண்டும். ரன் எடுக்க நீண்ட நேரம் ஆடும்போது, நிச்சயம் தவறான ஷாட் ஆடி, விக்கெட்டை இழப்பார்.’’

ஆஸ்திரேலியா அணியின் கேப்டன் -  ஸ்டீவ் ஸ்மித் 

'இந்தியா சிறந்த அணி என்பதால், கண்டிப்பாக இந்தத் தொடர் எங்களுக்குச் சவாலாக இருக்கும். இது நிச்சயம் எங்களுக்கு நல்ல அனுபவமாக இருக்கும். ஆஸ்திரேலிய வீரர்கள், இந்திய சூழ்நிலைக்கு ஏற்ப விரைவில் தங்களைத் தயார்படுத்திக்கொள்ள வேண்டும்.  ஆஸ்திரேலியா

விராட் கோலி அருமையான வீரர். இந்திய அணியை அவர் சிறப்பாக வழி நடத்துகிறார். களத்திலும் அவர் ஆக்ரோஷமாகச் செயல்படுகிறார். இதனால் அவரைக் கொஞ்சம் கோபப்படுத்திப் பார்க்க வேண்டும். அவரது விக்கெட்டைக் கைப்பற்ற, நாங்கள் அவரைப்போலவே செயல்பட வேண்டும். அவரை அவுட்டாக்கினாலே இந்திய அணி தடுமாற வாய்ப்புள்ளது. 

எங்கள் மூத்த வீரர்கள் இலங்கையில் சரிவர செயல்படவில்லை. அதனால் முடிவுகள் சாதகமாக அமையவில்லை. இந்தமுறை துவக்கத்தில் இருந்தே டேவிட் வார்னர் வித்தியாசமாக ஆட வேண்டும். பொதுவாக, அடித்து ஆடுபவர்களை நான் கட்டுப்படுத்துவதில்லை. வார்னர் அத்தகைய வீரர்தான். அவர் சதம் அடிப்பதோடு நிற்காமல் 200, 300 என முன்னேறவேண்டும். அதாவது இங்கிலாந்துக்கு எதிராக, கருண் நாயர் அடித்தது போல...  இத்தகைய பெரிய ஸ்கோர்கள்தான் அணியை தலைநிமிரச் செய்யும். எனவே நாங்கள் மிகுந்த ஆவலுடன் இந்தத் தொடரில் பெரிய ஸ்கோர்களை நோக்கிச் செல்லப் போகிறோம்; நிச்சயமாகப் பின்வாங்கப்போவதில்லை. 

வெற்றிதான் முதல் இலக்கு.  இருப்பினும் தோல்வியை விட ‘டிரா’ நல்ல முடிவுதான்.  தோல்வியைத் தவிர்க்க முடியாத சமயத்தில் மட்டுமே ‘டிரா’ செய்ய முயற்சிக்க வேண்டும். இந்த முயற்சியை கடந்த தொடர்களில் செய்யத்தவறி விட்டோம். இந்தமுறை அதைச் சரிசெய்வோம்.’’

ஆஸ்திரேலியா அணியின் ஆல்ரவுண்டர் -  கிளன் மேக்ஸ்வேல்

ஆஸ்திரேலியா

“இந்தத் தொடர் சவாலாக இருக்கும். ஆஸ்திரேலிய வீரர்கள், எப்படி பேட்டிங் செய்ய வேண்டும் என்பதை, கோலியிடம் இருந்துதான் கற்றுக்கொள்ள வேண்டும்.  அஷ்வின், ஜடேஜா போன்ற உலகத்தரமான இந்திய ஸ்பின்னர்கள், எங்கள் பேட்ஸ்மென்களுக்குச் சவால் அளிப்பார்கள். தர்மசலாவில் டி-20 ஸ்பின் பெளலிங் எடுபடும். பொதுவாக, சிறிய பவுண்டரிகள் ரசிகர்களுக்கு விருந்து படைக்கும். அதன்படி பார்த்தால் பெங்களூரு நல்ல பிட்ச். எங்களுக்கு அதுபோன்ற  பிட்ச்கள் தொடர்ந்து கிடைக்கும் என்றே நினைக்கிறேன்.'' 

மிஸ்டர் கிரிக்கெட் - மைக் ஹஸ்ஸி

ஆஸ்திரேலியா

'இந்தியாவுக்கு எதிரான டெஸ்ட் போட்டிகளில், ஆஸ்திரேலிய அணி வீரர்கள் விராட் கோலியிடம் வம்பு செய்யாமல் இருப்பதே நல்லது. அப்படி செய்வது அவருக்கு மிகவும் பிடிக்கும் என்பதுடன், நிச்சயம் அவரை இன்னும் வீறு கொண்டு ஆடவைக்கும். எனவே வார்த்தைத் தாக்குதலில் கவனம் செலுத்தி, ஆட்டத்தில் கோட்டை விடுவது நல்லதல்ல. கோலி இப்போது மிகுந்த தன்னம்பிக்கையுடன் காணப்படுகிறார். இந்திய சூழ்நிலைகளில் அவர் அதிகம் புரிதலுடையவராக இருக்கிறார். எனவே அவரை விரைவாக வீழ்த்த வேண்டும் என்பதில் ஆஸ்திரேலியா குறியாக இருக்க வேண்டும். ஏனெனில் அவர் களத்தில் செட்டில் ஆகிவிட்டார் என்றால், சுலபமாக அதிக ரன்களைக் குவித்துவிடுவார்.

எங்களிடம் தெளிவான திட்டங்கள் உள்ளன. அதைக் கடைபிடிக்கவே முயற்சி செய்வோம். முக்கியமாக, நாம் நம் திறமைகளுக்கு மதிப்பளித்து அதனைக் களத்தில் ஈடுபடுத்துவதே சிறந்தது. போட்டி முடிவில் எந்த அணி வெற்றி பெறுகிறதோ, அந்த அணிதான் களத்தில் தங்களது திறமைகளை பெரிய அளவில் வெளிப்படுத்திய அணியாகும்' என ஆஸ்திரேலிய வீரர்களை எச்சரித்திருக்கிறார் முன்னாள் ஆஸி மற்றும் சிஎஸ்கே அணி வீரர்! 

ஆஸ்திரேலியா அணியின் பயிற்சியாளர் - டேரன் லெமென்

ஆஸ்திரேலியா

“விராட் கோலி எங்களுக்கு மிகப் பெரிய அச்சுறுத்தலாக இருப்பார். கடந்த சில நாட்களாக அவரது ஆட்டத்தை வீடியோவில் போட்டுப் பார்த்தோம். அவரை எப்படி விரைவில் அவுட்டாக்குவது என யோசித்தோம். இன்னும் அதற்கான வழியை கண்டுபிடிக்க முடியவில்லை.  

இந்தியாவில் இங்கிலாந்து அணி சிறப்பாக ஆடியதாகவே கருதுகிறேன். அப்படி இருந்தும் அந்த தொடரில் இங்கிலாந்து அணி 4-0 என்ற கணக்கில் படுதோல்வி அடைந்தது. எனவே இந்தத் தொடரில் ஆஸ்திரேலிய வீரர்கள் மிகுந்த கவனத்துடன் செயல்பட வேண்டும். இந்தத் தொடரில் வெற்றிபெற வேண்டுமானால் அதிக ரன்களைக் குவிக்க ஒவ்வொரு ஆஸ்திரேலிய வீரரும் முயல வேண்டும்.  பிட்ச்சின் தன்மையைப் பொறுத்தே அணித் தேர்வு அமையும். 

நான்கில், மூன்று மைதானங்களில் இப்போதுதான் முதன்முறையாக டெஸ்ட் போட்டிகள் நடக்க உள்ளன. இங்கே நீண்ட நேரம் பேட் செய்வது முக்கியம். `இந்தியாவில் நீண்ட நேரம் இங்கிலாந்து அணியால் பேட் செய்ய முடியவில்லை’ என, அலஸ்டர் குக் சொன்னது கவனிக்கத்தக்கது. இங்கிலாந்து அணி ஓரளவுக்குத் தேவையான ரன்களையே எடுத்தது. ஆனால், அதிக ஓவர்களை ஆடவில்லை. ஆஸ்திரேலியாவுக்கும் இதுதான் சவால். 150க்கும் அதிகமான ஓவர்களை ஆடும்போதுதான், ஸ்கோரை அதிகப்படுத்த முடியும். இளம் வீரர்கள் இதைப் புரிந்து செயல்பட வேண்டும்.“

இங்கிலாந்து அணியின் முன்னாள் வீரர் - கெவின் பீட்டர்சன்

ஆஸ்திரேலியா

“சுழற்பந்து வீச்சில் சிறப்பாக விளையாட, விரைவாக கற்றுக்கொள்ளுங்கள். சுழற்பந்தை உங்களால் எதிர்கொள்ள முடியாவிட்டால், தயவுசெய்து இந்தியா செல்ல வேண்டாம். எப்படி இருந்தாலும், நீங்கள் இந்தியா சென்ற பிறகு, அங்கு வலைப் பயிற்சியில் ஈடுபடுவீர்கள்; இது வழக்கமான நடைமுறைதான். ஆனால் அதனை நீங்கள் ஆஸ்திரேலியாவிலேயே செய்ய முடியும். என்னிடம் கேட்டிருந்தால், சுழற்பந்து வீச்சில் எப்படி விளையாட வேண்டும் என்பது குறித்து என்னால் ஆஸ்திரேலியாவிலேயே பயிற்சி அளித்திருக்க முடியும். சுழற்பந்து வீச்சில் முறையாக விளையாடுவதற்கு, சுழலுக்குச் சாதகமான ஆடுகளம்தான் தேவை என்றில்லை. மேலும் அதில்தான் பயிற்சி பெற வேண்டும் என்பதும் அவசியம் இல்லை. 

நீங்கள் எந்த வகையிலான ஆடுகளத்திலும் அசத்தலாம். அது நாம் கால் நகர்வுகளை எப்படி மேற்கொள்கிறோம் என்பதை பொறுத்துதான் இருக்கிறது. காலை முன்னால் கொண்டு சென்று, ஒருபோதும் பேட் செய்யக் கூடாது. பந்துக்காக காத்திருந்து பேட் செய்வதே சிறந்தது. எந்த இடத்தில் பந்து பிட்ச் ஆகிறது என்பதைச் சரியாகக் கணித்து விளையாட வேண்டும். 150 கி.மீ வேகத்தில் வீசப்படும் பந்துகளில் சிறப்பாகச் செயல்படும் உங்களால், வெறும் 80 கி.மீ வேகத்தில் வீசப்படும் பந்துகளுக்கு எதிராக சிறந்த திறனை வெளிப்படுத்துவது ஏன் கடினமாக இருக்கிறது?’’

ஆஸ்திரேலியா அணியின் முன்னாள் பவுலர் - மிட்செல் ஜான்ஸன்

ஆஸ்திரேலியா

“பந்துகள் திரும்புவதற்கு ஏற்ப இந்திய பிட்ச்கள் அமைக்கப்பட்டிருக்கும். பலம்வாய்ந்த தென் ஆப்பிரிக்கா, இங்கிலாந்து போன்ற அணிகள் இந்தியாவில் தொடரை இழந்துள்ளன. எனவே ஆஸ்திரேலிய அணி  2 அல்லது 3 ஸ்பின்னர்களுடன் களமிறங்குமா எனத் தெரியவில்லை. ஆனால் இந்தமுறை வித்தியாசமான ஆஸ்திரேலியாவை எதிர்பார்க்கலாம் என்பது மட்டும் உறுதி. எங்களிடமிருந்து சிறப்பான போட்டியை, உலகின் தலைசிறந்த டெஸ்ட் அணியான இந்திய அணி எதிர்பார்க்கலாம். இந்தியாவில் நாம் எதிர்கொள்வது அங்குள்ள பிட்ச் உள்ளிட்ட சூழ்நிலைகளைத்தான்; இதனால் அங்கே தரமான ஸ்பின்னர்களைக் களமிறக்குவதுதான் சிறந்தது. நம் வேகப்பந்து வீச்சாளர்களுக்கும் மைதானம் சாதகமாக இருக்கும்.’’

ஆஸ்திரேலியா அணியின் முன்னாள் வீரர் -  இயான் சாப்பல்

''இந்தியாவில் ஆஸ்திரேலிய அணிக்கு ஏதாவது வாய்ப்புகள் உண்டானால், அது டேவிட் வார்னர் பேட்டிங்கினால் மட்டுமே சாத்தியமாகும். ஏனென்றால் இலங்கை மற்றும் இந்தியாவில், வார்னர் 26 ரன்களுக்கும் கீழ் சராசரி வைத்திருந்தாலும், அவர் அதிரடி ஆட்டம் ஆடும்போது, அவரையொட்டி மற்ற வீரர்களும் சிறப்பாக ஆட முடியும். இது இந்திய ஸ்பின்னர்களை யோசிக்க வைப்பதுடன், அவர்கள் தவறு செய்யவும் சாத்தியம் இருக்கிறது. அப்போது நிச்சயம் இந்திய ஸ்பின்னர்களை ஆக்ரோஷமாக அடித்து ஆடுவதையே வார்னர் விரும்புவார். இதுபோன்ற தாக்குதல் ஆட்டத்தை, இந்திய பவுலர்கள் தங்களது சொந்த மண்ணில் அதிகம் சந்தித்ததில்லை'' என்றார்.

ஆஸ்திரேலியா பேட்ஸ்மேன் டேவிட் வார்னர்

ஆஸ்திரேலியா

''இந்தியப் பயணத்திற்காக, ஆஸ்திரேலிய கிரிக்கெட் வாரியம் எனக்கு ஓய்வு அளித்ததற்கு நன்றி. இந்தியாவில் கிரிக்கெட் ஆடுவதைப் பற்றித் திட்டமிடுவதற்கு முன்பாக, வீரர்கள் தங்களை உடல் மற்றும் மன ரீதியாக நன்கு தயார்படுத்திக் கொள்ள வேண்டும். இந்தியாவில் வெயில் அதிகம். உஷ்ணத்தையும் சமாளிக்க வேண்டும். நமக்கு இந்த சூழல் சகஜமாகும்வரை போராட வேண்டும்” 


ஆஸ்திரேலியா அணியின் முன்னாள் பவுலர் - ஜெஃப் லாசன்

ஆஸ்திரேலியா

'''இந்திய அணியை அதன் சொந்த மண்ணில் வீழ்த்த, ஆஸ்திரேலியாவுக்கு என்ன தேவை என்பதில் தேர்வுக்குழுவினர் சொதப்பி உள்ளனர்.  மாறாக, தொடரை வெல்வதற்கு என்ன செய்ய வேண்டுமோ, அதை இந்தியா சரியாகச் செய்திருக்கிறது. ஆஸ்திரேலியா வேகப்பந்து வீச்சில்தான், முழுக்கவனத்தையும் செலுத்த வேண்டும். ஹாசில்வுட், மிட்செல் ஸ்டார்க் என்று நம்மிடம் உலகத்தரமான பவுலர்கள் உள்ளனர். இவர்களால் எங்கு வேண்டுமானாலும் சிறப்பாகப் பந்துவீச முடியும். 

தங்களுக்கு சாதகமாக ஸ்பின் ஆகும் பிட்ச்களை அமைப்பது அவர்கள் உரிமை. அங்கு அஷ்வின், ஜடேஜா போன்றோரை அடித்து ஆடவே முடியாது. இந்தியாவை அதன் சொந்த மன்ணில் வீழ்த்த, ஆஸ்திரேலியாவின் வழிமுறைதான் சரிப்பட்டு வருமே தவிர இந்திய முறைகள் சரிப்படாது. அதிகளவில் சுழற்பந்து வீச்சாளர்களைத் தேர்வு செய்யக் கூடாது. 2004-ல் கிளென் மெக்ராத், ஜேசன் கில்லெஸ்பி, மைக்கேல் காஸ்பரோவிச் போன்ற வேகப்பந்து வீச்சாளர்களால்தான், இந்தியாவில் ஆஸ்திரேலியா டெஸ்ட் தொடரை வென்றது. சுழல் ஜாம்பவன் ஷேன் வார்னே கூட அப்போது திணறினார் என்பதைப் புரிந்துகொள்ள வேண்டும்’' 

ஆஸ்திரேலியா அணியின் பேட்ஸ்மேன் - உஸ்மான் கவாஜா

ஆஸ்திரேலியா''2013-ம் ஆண்டில் நடைபெற்ற இந்திய டெஸ்ட் தொடர், எங்களுக்கு மிகவும் கடினமானதாக அமைந்தது. நாங்கள் அனைத்து ஆட்டங்களிலும் தோல்வியை சந்தித்திருந்தோம் என்பதுடன், நாங்கள் நினைத்தபடி எதுவும் எங்கள் வழியில் நடைபெறவில்லை. தற்போது நாங்கள் முற்றிலுமாக மாறுபட்ட அணியாக உள்ளோம்.

அஷ்வின், ஜடேஜா பந்துவீச்சு வீடியோவை எல்லோருமே பார்த்து வருகிறோம். இதில் ஒருசில வீரர்கள், அதிகமுறை அந்த வீடியோக்களைப் பார்க்கின்றனர். கிரிக்கெட் என்பது நவீன விளையாட்டாக மாறிவிட்டதால், இப்போது அனைவருக்கும் அனைத்தும் தெரிகிறது. இது ஆட்டத்தின் ஒரு அங்கமே.'’ 

http://www.vikatan.com/news/sports/81515-how-australia-going-to-manage-kohli-and-india---australia-series.html

Categories: merge-rss

கஷ்டம் என்றால் என்ன என்பதை உங்கள் பிள்ளைகள் உணர வேண்டும்

சமூகச் சாளரம் - Tue, 21/02/2017 - 06:53

கஷ்டம் என்றால் என்ன என்பதை உங்கள் பிள்ளைகள் உணர வேண்டும்

 

Categories: merge-rss

ஐ.நா அலுவலகத்தில் உயிரிழந்த ரஷ்ய தூதுவர்..

ஐ.நா அலுவலகத்தில் உயிரிழந்த ரஷ்ய தூதுவர்.. 

 

 

ஐக்கிய நாடுகள் சபைக்கான ரஷ்யாவின் வதிவிட தூதுவர் விடாலி ஜுர்க்கின், அவரது அலுவலகத்தில் பணியாற்றிய நிலையில் உயிரிழந்துள்ளார்.

churkin-3.jpg

நேற்று (20ஆம் திகதி) தனது அலுவலகத்தில் பணியாற்றிக் கொண்டிருந்த போதே, விடாலி ஜுர்க்கின் இறந்துள்ளதாக,  ரஷ்யாவின் நிரந்தர ஐ.நா அமைப்பு வெளியிட்டுள்ள அறிக்கையில் குறிப்பிடப்பட்டுள்ளது.

ஜுர்க்கின் சுமார் 40 வருடங்களை ரஷ்யாவின் தேசிய பணிக்காக அர்பணித்துள்ள நிலையில், 20 வருடங்கள் பெல்ஜியம் மற்றும் கனடாவிற்கான  உயர்ஸ்தானிகராகவும் பணியாற்றியுள்ளதோடு, கடந்த 2006 ஆம் ஆண்டு முதல் ரஷ்யாவின்  ஐ.நாவிற்கான வதிவிட தூதராக பணியாற்றி வந்துள்ளார்.

மேலும் விடாலி  ஜுர்க்கின் உயிரிழந்த சம்பவம், ஐ.நா அலுவலகத்தில் பெரும் சோகத்தை ஏற்படுத்தியுள்ளதாக ஐநா அலுவலக அதிகாரிகள் தெரிவித்துள்ளமை குறிப்பிடத்தக்கது.  

Categories: merge-rss, yarl-world-news

மட்டக்களப்பில் 1500 வேலையற்ற பட்டதாரிகள் சத்தியாக்கிரகப் பேராட்டம் (படங்கள்)

ஊர்ப்புதினம் - Tue, 21/02/2017 - 06:46
மட்டக்களப்பில் 1500 வேலையற்ற பட்டதாரிகள் சத்தியாக்கிரகப் பேராட்டம் (படங்கள்)

 

 

மட்டக்களப்பு மாவட்ட வேலையற்ற பட்டதாரிகள் ஏற்பாடு செய்துள்ள சத்தியாக்கிரகப் போராட்டம் இன்று காலை மகாம்மா காந்தி பூங்காவில் மணிக்கூட்டுக் கோபுரம் முன்னால் ஆரம்பமானது.

unnamed__1_.jpg

மாவட்டத்தில் கடந்த 2012 ஆம் ஆண்டு முதல் நியமனம் வழங்கப்படாமலுள்ள சுமார் 1500 பட்டதாரிகள் இதில் இணைந்திருந்தனர்.

நிரந்த நியமனம் வழங்குமாறு மாகாண முதலமைச்சரைக் கோரும் வாசகங்கள் அடங்கிய பதாதைகளையும் ஏந்தியிருந்தனர்.

unnamed__2_.jpg

அதிகளவிலான பெண் பட்டதாரிகளும் இதில் கலந்து கொண்டமை விசேட அம்சமாகும்.

காலவரையறையின்றி எமது போராட்டம் தொடருமென பட்டதாரிகள் சங்க தலைவர் கே.கிரிசாந்த் தெரிவித்தார்.

unnamed__3_.jpg

unnamed__4_.jpg

unnamed__5_.jpg

unnamed.jpg

http://www.virakesari.lk/article/16897

Categories: merge-rss, yarl-category

வடக்கு மாகாண சபை அமர்வில் அமளி: நீர் பிரச்சினை குறித்த அமர்வு பிற்போடப்பட்டது

ஊர்ப்புதினம் - Tue, 21/02/2017 - 06:30
வடக்கு மாகாண சபை அமர்வில் அமளி: நீர் பிரச்சினை குறித்த அமர்வு பிற்போடப்பட்டது

NPC (1)

 

நாளைய தினம் நடத்துவதற்கு உத்தேசிக்கப்பட்டிருந்த வடக்கு மாகாண நீர் பிரச்சினை தொடர்பான விசேட அமர்வு பிற்போடப்பட்டதைத் தொடர்ந்து, மாகாண சபை உறுப்பினர்களுக்கு இடையே கடும் வாக்குவாதம் இடம்பெற்றுள்ளது.

வடக்கு மாகாண சபையின் 85ஆவது அமர்வு அவைத்தலைவர் சீ.வீ.கே.சிவஞானம் தலைமையில் இன்று (செவ்வாய்க்கிழமை) காலை 9.30இற்கு ஆரம்பமாகி நடைபெற்று வருகின்றது.

கடந்த அமர்வின்போது, வடக்கின் நீர்வழங்கல் மற்றும் வடிகாலமைப்பு தொடர்பில் பாரிய பிரச்சினைகள் காணப்படுவதாகவும் இப்பிரச்சினை குறித்து ஆராயும் வகையில் மாகாண சபையில் விசேட அமர்வை கூட்டுமாறும் மாகாண எதிர்க்கட்சித் தலைவர் தவராசா மற்றும் மாகாண சபை உறுப்பினர் சிவாஜிலிங்கம் ஆகியோர் கேட்டுக்கொண்டனர். இதனையடுத்து நாளைய தினம் விசேட அமர்வாக நடைபெறுமென அறிவிக்கப்பட்டது.

எனினும், வடக்கு முதல்வர் சி.வி.விக்னேஸ்வரன் விடுமுறையில் இருப்பதாலும் விவசாய அமைச்சர் பொ.ஐங்கரநேசன் வெளிநாடு சென்றுள்ளதாலும் நாளைய தினம் குறித்த அமர்வை நடத்த முடியாதென இன்றைய தினம் அறிவிக்கப்பட்டது. இதனையடுத்தே உறுப்பினர்களிடையே வாய்த்தர்க்கம் ஏற்பட்டுள்ளது.

எவ்வாறெனினும், நீர் பிரச்சினை தொடர்பான விசேட அமர்வை எதிர்வரும் மார்ச் மாதம் 7ஆம் திகதி நடத்துவதாக மாகாண சபை தீர்மானித்துள்ளது.

http://athavannews.com/?p=421799

Categories: merge-rss, yarl-category