merge-rss

'ஆக்கப்பூர்வமாகச் செயற்படுங்கள்'

ஊர்ப்புதினம் - Wed, 22/02/2017 - 08:02

'ஆக்கப்பூர்வமாகச் செயற்படுங்கள்'
 

article_1487748363-IMG_2901%281%29.JPG

-எஸ்.என்.நிபோஜன்

“போராட்டங்களில் ஈடுபட்டுவரும் மக்களுடன் இணைந்து போராட்டத்தில் குதிப்பதை விடுத்து, ஆக்கப்பூர்வமான நடவடிக்கைகளை மேற்கொள்ளுங்கள்” என, தமிழ் மக்களின் அரசியல் பிரதிநிதிகளிடம், பொதுமக்கள் கோரிக்கை விடுத்தனர்.  

கிளிநொச்சி யில் கடந்த திங்கட்கிழமை ஆரம்பிக்கப்பட்ட காணாமல் ஆக்கப்பட்டவர்களின் உறவுகளின் தொடர்போராட்டமும் பரவிபாஞ்சான் மக்களின் காணி மீட்புக்கான தொடர் பேராட்டமும், இரவு பகலாகத் தொடர்கிறது.

இன்று மூன்றாவது நாளாகவும், இரண்டு போராட்டங்களிலும் ஈடுப்பட்டுள்ள அம்மக்கள் கூறியதாவது,

“நாங்கள், மக்கள் பிரதிநிதிகளால் ஏமாற்றப்பட்டுவிட்டோம்.  காணி, காணாமல்ஆக்கப்பட்டவர்கள், அரசியல் கைதிகளின் விடயங்களில், காலத்துக்குக் காலம் வெறும் வாக்குறுதிகளை வழங்கிவிட்டு, பேசாமல் இருக்கிறார்களே தவிர, இவ்விடங்கள் தொடர்பில், எவ்வித ஆக்கபூர்வமான

எங்களின் போராட்டத்துக்கு ஆதரவு தெரிவிப்பதாகக் கூறி, எங்களுடன் வந்து ஒரு சில மணித்தியாலயங்கள் இருந்துவிட்டுச் செல்வதனை நாம் விரும்பவில்லை. கடந்த காலங்கள் போன்று நடந்துகொள்ளாது, ஆக்கப்பூர்வமான செயற்பாடுகளை முன்னெடுங்கள்” என்று, அரசியல் பிரதிநிதிகளிடம், அம்மக்கள் கேட்டுக்கொண்டனர்.

- See more at: http://www.tamilmirror.lk/192028/-ஆக-கப-ப-ர-வம-கச-ச-யற-பட-ங-கள-#sthash.9YRu6Wiv.dpuf
Categories: merge-rss, yarl-category

தென்னாபிரிக்காவின் தொடர் வெற்றிக்கு முட்டுக்கட்டை போட்ட நியுஸிலாந்து : திரில் வெற்றி

தென்னாபிரிக்காவின் தொடர் வெற்றிக்கு முட்டுக்கட்டை போட்ட நியுஸிலாந்து : திரில் வெற்றி

 

 

தென்னாபிரிக்கா மற்றும் நியுஸிலாந்து அணிகளுக்கிடையிலான இரண்டாவது ஒருநாள் போட்டியில் நியுஸிலாந்து அணி 6 ஓட்டங்களால் திரில் வெற்றிபெற்றது.

259297.jpg

தொடர் வெற்றிகளை குவித்துவந்த தென்னாபிரிக்க அணி, இந்த போட்டியில் போராடி தோற்றது.

இந்த போட்டியில் முதலில் துடுப்பெடுத்தாடிய நியுஸிலாந்து அணி 4 விக்கட்டுகளை இழந்து 289 ஓட்டங்களை பெற்றுக்கொண்டது.

C5P2W-XUkAE5oTB.jpg

நியுஸிலாந்து அணி சார்பில் டெய்லர் ஆட்டமிழக்கால் 102 ஓட்டங்களை பெற்றுக்கொடுத்தார்.

290 என்ற வெற்றியிலக்கினை நோக்கி துடுப்பெடுத்தாடிய தென்னாபிரிக்க அணி 50 ஓவர்கள் நிறைவில் 9 விக்கட்டுகளை இழந்து 283 ஓட்டங்களை பெற்று தோல்வியடைந்தது.

தென்னாபிரிக்க அணி சார்பில் டி கொக் 57 ஓட்டங்களை பெற்றுக்கொண்டார்.

பந்துவீச்சில் ட்ரென்ட் போல்ட் 3 விக்கட்டுகளை கைப்பற்றியமை குறிப்பிடத்தக்கது.

C5P10w8WYAAlfC-.jpg

http://www.virakesari.lk/article/16939

Categories: merge-rss

மட்டக்களப்பில் ரி-56 ரக துப்பாக்கியுடன் இளைஞன் கைது.!

ஊர்ப்புதினம் - Wed, 22/02/2017 - 07:56
மட்டக்களப்பில் ரி-56 ரக துப்பாக்கியுடன் இளைஞன் கைது.!

 

 

வாழைச்சேனையிலிருந்து மட்டக்களப்பு நகருக்குப் பயணித்த பஸ்ஸிலிருந்து ரி-56 ரகத் துப்பாக்கியொன்றை நேற்றிரவு பொலிஸார் மீட்டுள்ளனர். அத்துடன் சந்தேக நபர் ஒருவரையும் கைதுசெய்துள்ளனர்.

black-man-arrested.jpg

இது தொடர்பில் பொலிஸாருக்குக் கிடைத்த தகவலை அடுத்து, குறித்த பஸ்ஸில் சோதனை மேற்கொண்டு இத்துப்பாக்கியை கைப்பற்றியதாக பொலிஸார் தெரிவித்தனர்.

சித்தாண்டி என்ற இடத்தில் வைத்து கைது செய்யப்பட்ட நபர் தற்போது மட்டக்களப்பு தலைமையக பொலிஸ் நிலையத்தில் மேலதிக விசாரனைகளுக்காக தடுத்து வைத்துள்ளதாக தெரிவிக்கப்படுகின்றது.

http://www.virakesari.lk/article/16942

Categories: merge-rss, yarl-category

திருவிழாவில் பயங்கரம்! 60 அடி தேர் கவிழ்ந்து கோர விபத்து: அதிர்ச்சி காணொளி

திருவிழாவில் பயங்கரம்! 60 அடி தேர் கவிழ்ந்து கோர விபத்து: அதிர்ச்சி காணொளி

 

இந்தியாவில் கோவில் திருவிழாவின் போது 60 அடி தேர் கவிழ்ந்து பக்தர்கள் மீது விழுந்த சம்பவம் வீடியோவாக வெளியாகி அதிர்ச்சியை ஏற்படுத்தியுள்ளது.

கர்நாடகா மாநிலம் பெல்லாரியில் உள்ள கொட்டுரேஸ்வர கோவில் திருவிழாவிலே இந்த பயங்கர விபத்து ஏற்பட்டுள்ளது.

 

 

குறித்த தேர் திருவிழாவில் கலந்துக்கொண்ட ஆயிரக்கணக்கானோர் பக்தியுடன் தேரை இழுத்துக்கொண்டிருந்த போது, திடீரென தேர் கவிழ்ந்து பக்தர்கள் மீது விழுந்துள்ளது. இதில் தேரின் சக்கரத்தில் சிக்கி பலர் காயமடைந்துள்ளதாக தகவல்கள் வெளியாகியுள்ளது.

இந்த விபத்தில் 6 பேர் காயமடைந்துள்ளதாக முதற்கட்ட தகவல்கள் வெளியாகியுள்ளன. எனினும், விபத்தால் ஏற்பட்ட சேதங்கள் குறித்து இதுவரை அதிகாரப்பூர்வ தகவல் ஏதும் வெளியாகவில்லை.

தேர் கவிழும் நிகழ்வை சம்பவயிடத்திலிருந்த நபர் ஒருவர் தனது கையடக்கத் தொலைபேசி கெமரா மூலம் பதிவு செய்துள்ளார். தற்போது, குறித்த அதிர்ச்சி காட்சி இணையத்தில் வெளியாகியுள்ளது.

 

 

 
 

http://www.virakesari.lk/article/16938

Categories: merge-rss, yarl-world-news

முக்கிய இரு பிரச்சினைகளுக்கு தீர்வை தரும் புதிய கருவியை கண்டுப்பிடித்த காத்தான்குடி மாணவன் : அமெரிக்கா சென்று சாதிக்க வேண்டும் என்கிறார்

ஊர்ப்புதினம் - Wed, 22/02/2017 - 06:54
முக்கிய இரு பிரச்சினைகளுக்கு தீர்வை தரும் புதிய கருவியை கண்டுப்பிடித்த காத்தான்குடி மாணவன் : அமெரிக்கா சென்று சாதிக்க வேண்டும் என்கிறார்

 

 

இலங்கையில் மட்டுமல்லாது முழு உலகிலும் காணப்படும் முக்கிய இரு பிரச்சினைகளுக்கு தீர்வை தரும் புதிய கருவியொன்றை கண்டுபிடித்து இலங்கை மாணவன் ஒருவர் சாதனை படைத்துள்ளார்.FFFf.jpg

மட்டக்களப்பு புனித மிக்கேல் கல்லூரியில் உயர்தரத்தில் கல்வி கற்கும் காத்தான்குடி நகரத்தைச் சேர்ந்த இம்ஹாத் முனாப் என்ற மாணவரே குறித்த கருவியை கண்டுபிடித்துள்ளார்.

இவர் காத்தான்குடி பிரதேசத்தைச சேர்ந்த் முஹமட் முனாப் மசூதியா தம்பதிகளின் புதல்வர் ஆவார்.

முழு உலகிலும் பரவலாக காணப்படும் இரு பிரச்சினைகளில் ஒன்று கழிவு முகாமைத்துவம், மற்றையது மின்சாரம் தட்டுப்பாடு ஆகும்.

இவ் இரு பிரச்சினைகளுக்கும் தீர்வாக கழிவுகளைக் கொண்டு மின் உற்பத்தியை உருவாக்கும் ஒரு கருவியை குறித்த மாணவன் கண்டு பிடித்துள்ளார்.FFFFFFFFFF.jpg

தேசிய விஞ்ஞான மன்றத்தினால் நடாத்தப்பட்ட விஞ்ஞான ஆராய்ச்சிகள் செயற்பாட்டு போட்டியில் அகில இலங்கை ரீதியில் 5ஆம் இடத்தை பெற்று சாதனை படைத்துள்ளான்.

இதற்காக குறித்த மாணவனுக்கு அன்றாட சேதனக் கழிவுகளில் இருந்து மின்சாரத்தை உற்பத்தி செய்யும் கலத்திற்கான சான்றிதழை விஞ்ஞான தொழில்நுட்ப மற்றும் ஆராய்ச்சி அமைச்சர் சுசில் பிரேமஜயந்த வழங்கி வைத்துள்ளார்.

மேலும் எதிர்வரும் மே மாதம் இன்டெல் நிறுவனத்தினால் அமெரிக்காவில் நடைபெறவுள்ள விஞ்ஞான ஆராய்ச்சிகள் செயற்பாட்டு போட்டிக்கு இலங்கை நாட்டை பிரதிநிதித்துவப்படுத்தும் போட்டியாளர்களை தெரிவு செய்யும் போட்டியில் பங்குபற்றி தனது பெறுபேறுகளை எதிர்பார்த்துள்ளார் இந்த இளம் விஞ்ஞானி.ffffff.jpg

http://www.virakesari.lk/article/16931

Categories: merge-rss, yarl-category

காணிகளை விடுவிக்க கோரி யாழில் போராட்டம்.!

ஊர்ப்புதினம் - Wed, 22/02/2017 - 06:53
காணிகளை விடுவிக்க கோரி யாழில் போராட்டம்.!

 

 

ஆக்கிரமிப்புக்குள்ளாகியுள்ள நிலங்களை மீளத்தரக்கோரி பல்வேறு அமைப்புகள் இணைந்து யாழில் ஆர்ப்பாட்டமொன்று முன்னெடுக்கப்பட்டுள்ளது.

C5P2fIEXUAAfwgV.jpg

யாழ். பஸ் நிலையம் முன் ஆரம்பமான மேற்படி ஆர்ப்பாட்டம், பின்னர் மகஜர் ஒன்றை கையளிக்கும் பொருட்டு யாழ். மாவட்ட செயலகத்தை நோக்கி பேரணியாக புறப்பட்டுள்ளதாக எமது செய்தியாளர் தெரிவித்தார்.

C5P2vUoWMAETUr9.jpg

முல்லைத்தீவு கேப்பாபுலவு பிலக்குடியிருப்பு மக்கள் தமது சொந்த நிலத்தை கையகப்படுத்தியுள்ள விமானப்படையினர் அதனை விடுவிக்கவேண்டுமென கோரி விமானப்படை முகாமின் முன்பாக சிறுவர்கள், குழந்தைகள், முதியவர்கள், பெண்கள் என  கடந்த மாதம் 31 ஆம் திகதி தொடக்கம் முன்னெடுத்துள்ள தொடர் கவனயீர்ப்பு போராட்டம் 23வது நாளாக இன்றுவரை தொடர்கின்றது.

இந்நிலையில் போராட்டத்தில் ஈடுபட்டுள்ள மக்களுக்கு ஆதரவு வழங்கும் நோக்கில் பல்வேறு அமைப்புகள் இணைந்து இன்றைய தினம் அமைதியான முறையில் யாழில் ஆர்ப்பாட்டமொன்றை முன்னெடுத்துள்ளனர்.

http://www.virakesari.lk/article/16936

Categories: merge-rss, yarl-category

ஜெனிவா செல்கிறது உயர்மட்ட தூதுக்குழு

ஊர்ப்புதினம் - Wed, 22/02/2017 - 06:51
ஜெனிவா செல்­கி­றது உயர்­மட்ட தூதுக்­குழு
mangala-887ad8cc73736588e5b57bb9850f051f106169c4.jpg

 

 (ரொபட் அன்­டனி)

ஐக்­கிய நாடுகள் மனித உரிமை பேர­வையின் 34 ஆவது கூட்டத் தொடர் எதிர்­வரும் 27 ஆம் திகதி முதல் மார்ச் மாதம் 24 ஆம் திக­தி­வரை நடை­பெ­ற­வுள்ள நிலையில் அக்­கூட்டத் தொடரில் இலங்­கையின் சார்பில் உயர்­மட்ட தூதுக்­கு­ழு­வினர் கலந்­து­கொள்­வ­தற்கு தயா­ரா­கி­வ­ரு­கின்­றது.  

வெளி­வி­வ­கார அமைச்சர் மங்­கள சம­ர­வீர தலை­மை­யி­லான ன குழு­வி­னரே இந்­தக்­இந்தக் கூட்டத் தொடரில் இலங்­கையின் சார்பில் தலை­மை­வ­கித்து கலந்­து­கொள்­ள­வுள்­ளனர். எதிர்­வரும் 27 ஆம் திகதி ஜெனிவா செல்­ல­வுள்ள அமைச்சர் மங்­கள சம­ர­வீர 28 ஆம் திகதி ஜெனி­வாவில் உரை­யாற்­ற­வுள்ளார்.

அத்­துடன் வெளி­வி­வ­கார அமைச்சின் உயர் அதி­கா­ரி­களும் சட்­டமா திணைக்­க­ளத்தின் உயர் அதி­கா­ரி­களும் ஐ.நா. மனித உரிமை பேர­வையின் 34 ஆவது கூட்டத் தொடரில் பங்­கேற்­க­வுள்ள இலங்­கையின் தூதுக்­கு­ழுவில் இடம்­பெ­ற­வுள்­ளனர்.

அத்­துடன் ஜெனி­வா­வி­லுள்ள ஐ.நா. மனித உரிமை பேர­வையில் இலங்கை அலு­வ­ல­கத்தின் பிர­தி­நி­தி­களும் இலங்கை தூதுக்­கு­ழு­வுடன் இணைந்­து­கொள்­ள­வுள்­ளனர்.

ஜெனி­வா­வி­லுள்ள இலங்கை அலு­வ­ல­கத்தின் பிர­தி­நி­திகள் தற்­போ­தி­ருந்தே 34 ஆவது கூட்டத் தொட­ருக்­கான ஆயத்த நட­வ­டிக்­கை­களில் ஈடு­பட்டு வரு­கின்­றனர். குறிப்­பாக மனித உரிமை பேர­வையின் உறுப்பு நாடு­களின் பிர­தி­நி­தி­க­ளுடன் இலங்கை பிர­தி­நி­திகள் கலந்­து­ரை­யாடி வரு­வ­தாக தெரி­விக்­கப்­ப­டு­கி­றது.

அதா­வது கடந்த 2015 ஆம் ஆண்டு ஒக்­டோபர் மாதம் இலங்கை தொடர்பில் நிறை­வேற்­றப்பட் பிரே­ர­ணையின் அமு­லாக்கம் தொடர்­பாக ஐக்­கிய நாடுகள் மனித உரிமை ஆணை­யாளர் செயிட் அல் ஹுசைன் எழுத்­து­மூல அறிக்­கையை வெளி­யி­ட­வி­ருக்­கிறார்.

அந்­த­வ­கையில் கூட்டத் தொடரில் கலந்­து­கொள்ளும் இலங்கை தூதுக்­கு­ழு­வா­னது செயிட் அல் ஹுசைனின் எழுத்­து­மூல அறிக்­கைக்கு பதி­ல­ளிக்கும் என எதிர்­பார்க்­கப்­ப­டு­கி­றது.

இதே­வேளை இலங்கை தொடர்பில் கடு­மை­யான அறிக்கை ஒன்றை வெ ளியிட்­டுள்ள சர்வதேச மனித உரிமை கண்காணிப்பகம் தொடர் ஆரம்பமாகப் போகின்ற நிலையில் ஜெனிவா பிரேரரணை அமுலாக்க விடயத்தில் அரசாங்கம் வழங்கிய வாக்குறுதிகள் நிறைவேற்றப்படவில்லையென குற்றம் சாட்டியுள்ளது. 

http://content.epaper.virakesari.lk/newspaper/Daily/main/2017-02-22#page-1

Categories: merge-rss, yarl-category

""இராணுவப்பிடிக்குள் ஜனாதிபதி உள்ளாரா?''

ஊர்ப்புதினம் - Wed, 22/02/2017 - 06:41
""இரா­ணு­வப்­பி­டிக்குள் ஜனா­தி­பதி உள்­ளாரா?''

 

 (ஆர்.ராம்,எம்.எம்.மின்ஹாஜ்)

பாது­காப்பு அமைச்­ச­ராக இருக்கும் ஜனா­தி­பதி மைத்­தி­ரி­பால சிறி­சேன காத்­தி­ர­மான தீர்­மானம் எடுக்க முடி­யா­தி­ருப்­ப­தா­னது அவர் இரா­ணுவ பிடிக்குள் இருக்­கின்­றாரா என்ற சந்­தே­கத்தை ஏற்­ப­டுத்­தி­யுள்­ள­தாக தமிழ்த் தேசியக் கூட்­ட­மைப்பு சபையில் சந்­தேகம் வெளி­யிட்­டது. 

 பாரா­ளு­மன்­றத்தில் நேற்று செவ்­வாய்க்­கி­ழமை ஏற்­று­மதி அபி­வி­ருத்தி சட்­டத்தின் மீதான விவா­தத்தில் கலந்து கொண்டு உரை­யாற்­றிய தமிழ்த் தேசியக் கூட்­ட­மைப்பின் வன்னி மாவட்ட பாரா­ளு­மன்ற உறுப்­பினர் சார்ள்ஸ் நிர்­ம­ல­நாதன் மேற்­கண்­ட­வாறு தெரி­வித்தார்

 அவர் தனது உரையில் மேலும் தெரி­வித்­தா­வது,

 கேப்­பா­பி­லவு மக்­களின் பிரச்­சி­னைக்கு இது­வரை தீர்வு வழங்­கப்­ப­ட­வில்லை. இது தொடர்­பாக பிர­தமர் ரணில் விக்­கி­ர­ம­சிங்­க­வுடன் பேச்­சு­வார்த்தை நடத்­திய போது விரைவில் தீர்வு வழங்­கு­வ­தாக குறிப்­பிட்டார். எனினும் தற்­போது வரையில் தீர்வு வழங்­கப்­ப­ட­வில்லை. இந்­நி­லையில் தற்­போது இப்­பி­ரச்­சினை தொடர்பில் ஜனா­தி­ப­தியோ, பிர­த­மரோ எந்­த­வொரு கருத்தும் தெரி­விப்­ப­தாக இல்லை.

 தற்­போது அப்­பி­ர­தேச மக்கள் நடுத்­தெ­ருவில் விடப்­பட்­டுள்­ளனர். இந்த பிரச்­சி­னைக்கு தீர்வு காணப்­ப­டு­வ­தாக இல்லை. பாது­காப்பு அமைச்­ச­ராக ஜனா­தி­பதி மைத்­தி­ரி­பால சிறி­சேன பதவி வகித்த போதிலும் அவ­ரினால் எந்­த­வொரு காத்­தி­ர­மான தீர்­மா­னமும் எடுக்க முடி­யாமல் உள்­ளது.

 அவ்­வா­றாயின் ஜனா­தி­பதி மைத்­தி­ரி­பால சிறி­சேன இரா­ணு­வத்தின் பிடிக்குள் இருப்­ப­தா­கவே தெரி­கின்­றது. இரா­ணு­வத்தின் ஆலோ­ச­னை­களை ஜனா­தி­பதி செவி­ம­டுப்­ப­தா­கவே தெரி­கின்­றது. எமக்கு சில முக்­கி­யஸ்­தர்கள் அவ்­வா­றான கருத்­துப்­ப­டவே தெரி­வித்­தனர்.

 தற்­போது வடக்கு மக்கள் இரா­ணு­வத்தின் சிறைக்குள் வாழ்ந்து வரு­கின்­றனர். இதற்கும் முற்­றுப்­புள்ளி வைக்க வேண்டும். அண்­மையில் மன்­னாரில் பொலிஸ் நிலை­யத்­திற்கு அருகில் இரா­ணுவ முகாமை மாற்­றி­ய­மைக்­கு­மாறு கோரி­ய­போது பொலிஸார் இரா­ணு­வத்­துடன் முரண்­பா­டுகள் ஏற்­ப­ட­வாய்ப்­புள்­ளதால் அவ்­வாறு அருகே இருக்க முடி­யாது எனக் குறிப்­பிட்­டனர்.

 அவ்­வா­றாயின் எவ்வாறு மக்கள் இராணுவ முகாம்களுக்கு அருகில் இருக்க முடியும்? இராணுவ முகாமிற்கு அருகில் மக்களுக்கு இருக்க முடியாது அவர்களுக்கான சொந்த நிலங்கள் விடுவிக்கப்பட்டு பாதுகாப்பான வாழ்விடம் உறுதிப்படுத்தப்பட வேண்டும் என்றார்.  

http://content.epaper.virakesari.lk/newspaper/Daily/main/2017-02-22#page-1

Categories: merge-rss, yarl-category

அவலங்களுடன் தொடர்கிறது போராட்டம் யாழ்.பல்கலை மாணவர்கள் நேரில் சென்று ஆதரவு

ஊர்ப்புதினம் - Wed, 22/02/2017 - 06:41
அவ­லங்­க­ளுடன் தொடர்­கி­றது போராட்டம்
p7-f35e764da80835bdbbbd708f04f2b1ce9c7d13c3.jpg

 

யாழ்.பல்­கலை மாண­வர்கள் நேரில் சென்று ஆத­ரவு  
(கே.குமணன்)

கேப்­பாப்­பு­லவு பிலக்­கு­டி­யி­ ருப்பு மக்கள் தமது சொந்த நிலங்­களை விடு­விக்­கக்­கோரி முன்னெ­டுத்­ து­வரும் தொடர் போராட்டம் நேற் றும் தொடர்ந்­தது. போராட்­டத்தின் 22 ஆவது நாளான நேற்று யாழ்.பல்  க­லைக் ­க­ழக மருத்­து­வ­பீட மாண­வர்கள் போராட்­டக்­க­ளத்­துக்கு வரு­கை­தந்து மக்­க­ளுக்­கான ஆத­ர­வினை தெரி­வித்­தனர். அத்­துடன் உதவி பொருட்­க­ளையும் வழங்கி வைத்­தனர். தொடர்ந்து போராட்­டக்­க­ளத்தில் உள்ள மக்­க­ளுடன் இணைந்து விமா­னப்­படை முகா­முக்கு முன்­பாக கவ­ன­யீர்ப்பு ஆர்ப்­பாட்டம் ஒன்­றையும் மாண­வர்கள் முன்­னெ­டுத்­தனர். 

இந்­நி­லையில் போராட்­டத்­தின்­போது யாழ் பல்­க­லை­க­ழக மருத்­து­வ­பீட மாணவர் ஒன்­றி­யத்­த­லைவர் வைகுந்தன் குறிப்­பி­டு­கையில்

சொந்த நிலங்­களை மீட்­ப­தற்க்­கா­கவும் தமது வாழ்­வா­தா­ரத்தை மேம்­ப­டுத்­து­வ­தற்­கா­கவும் தொடர் கவ­ன­யீர்ப்பு போராட்­டத்தை மக்கள் முன்­னெ­டுத்­து­வ­ரு­கின்­றனர்.

இவர்­களின் போரா­டடம் நியா­ய­மா­னது. உண்­மை­யா­னது. இவர்­களின் நிலங்கள் விடு­விக்­கப்­ப­ட­வேண்டும். அதற்­கான வேலை­களை நல்­லாட்சி என சொல்லும் அரசு மேற்­கொள்­ள­வேண்டும். இந்த மக்­களின் நிலங்கள் விடு­விக்­கப்­படும் வரை எமது மருத்­து­வ­பீட மாண­வர்­களின் ஒத்­து­ழைப்பும் ஆத­ரவும் என்றும் இருக்கும் என்றார்.

முல்­லைத்­தீவு கேப்­பா­பு­லவு பிலக்­கு­டி­யி­ருப்பு மக்கள் தமது சொந்த நிலத்தை கைய­கப்­ப­டுத்­தி­யுள்ள விமா­னப்­ப­டை­யினர் அதனை விடு­விக்­க­வேண்­டு­மென விமா­னப்­படை முகாமின் முன்­பாக கடந்த 31 ஆம் திகதி முதல் தொடர் கவ­ன­யீர்ப்பு போராட்டம் ஒன்றை முன்­னெ­டுத்­து­வ­ரு­கின்­றனர்.

கேப்­பா­பு­லவு பிலக்­கு­டி­யி­ருப்பு கிரா­மத்தில் 84 குடும்­பங்­க­ளுக்கு சொந்­த­மான 50 ஏக்­கர்­க­ளுக்கு மேற்­பட்ட காணி­களை விமா­னப்­ப­டை­யினர் கைய­கப்­ப­டுத்தி விமா­னப்­ப­டைத்­தளம் அமைத்­துள்­ளனர்.இந்த நிலை­யி­லேயே மக்கள் காணிகளை மீட்டுத்தருமாறு வலியுறுத்தி போராட்டத்தை முன்னெடுத்துவருகின்றனர்.

நேற்றும் பல பிரதேசங்களில் இருந்து மக்களும்,சிவில் அமைப்பினரும் வருகைதந்து மக்களுடன் கலந்துரையாடியதோடு பல உதவிகளையும் வழங்கி சென்றனர்.    

http://content.epaper.virakesari.lk/newspaper/Daily/main/2017-02-22#page-1

Categories: merge-rss, yarl-category

'யுத்த அங்கவீனர்களை கணக்கிட காலம் தேவை’

ஊர்ப்புதினம் - Wed, 22/02/2017 - 06:36
'யுத்த அங்கவீனர்களை கணக்கிட காலம் தேவை’
 
 

article_1487694201-2.jpgவடக்கு, கிழக்கு மாகாணங்களில் கடந்த காலப்பகுதியில் இடம்பெற்ற யுத்தத்தின் காரணமாக அங்கவீனமடைந்தவர்கள் தொடர்பில் கணக்கிடுவதற்கு, இன்னும் இரண்டுவார கால அவகாசம் வேண்டுமென, சிறைச்சாலைகள் மறுசீரமைப்பு, புனர்வாழ்வளிப்பு, மீள்குடியேற்றம் மற்றும் இந்து சமய அலுவல்கள் அமைச்சர் டி.எம்.சுவாமிநாதன் கோரிநின்றார்.  

நாடாளுமன்றத்தில் நேற்று (21) இடம்பெற்ற வாய்மூல விடைக்கான வினாக்கள் நேரத்தின் போது, ஈ.பி.டி.பி கட்சியின் செயலாளர் நாயகமும் எம்.பியுமான டக்ளஸ் தேவானந்த கேட்டிருந்த கேள்விகளுக்கு பதிலளிக்கும் போதே அமைச்சர் மேற்கண்டவாறு தெரிவித்தார்.   

டக்ளஸ் தேவானந்தா, வடக்கு மற்றும் கிழக்கு மாகாணங்களில் இடம் பெற்ற யுத்தத்தின் காரணமாக அங்கவீனவர்களான பலர் உள்ளனர். அவர்களில், குறிப்பிடத்தக்கதொரு தொகையினரின் முள்ளந்தண்டுக்கு ஏற்பட்டுள்ள சேதத்தின் காரணமாக இடுப்புக்கு கீழ் பகுதி செயலிழந்துள்ளது என்பதை அறிவீர்களா?   

அத்துடன், இடம்பெயர்ந்துள்ள இவர்களில் பெரும்பாலானவர்கள் தற்போது மீளக் குடியமர்த்தப்பட்டுள்ளதோடு இன்னும் சிலர் இதுவரை குடியமர்த்தப்படவில்லை என்பதையும் அறிவீர்களா, அங்கவீனமுற்ற நபர்கள், வீடுகளுக்கு பிரவேசித்தல் மற்றும் மலசல கூடங்களைப் பயன்படுத்துதல் ஆகிய வசதிகள் தொடர்பாக கவனஞ் செலுத்தி அவர்களுக்கு பொருத்தமான விதத்தில் நிர்மாணங்களை மேற்கொள்வதற்கு நடவடிக்கை எடுப்பீர்களா?" என்றும் வினவியிருந்தார்.    

- See more at: http://www.tamilmirror.lk/191996/-ய-த-த-அங-கவ-னர-கள-கணக-க-ட-க-லம-த-வ-#sthash.ENwa8guy.dpuf
Categories: merge-rss, yarl-category

‘தனியார் நீதிமன்றமா, இது கூடத் தெரியாதா?’

ஊர்ப்புதினம் - Wed, 22/02/2017 - 06:35
‘தனியார் நீதிமன்றமா, இது கூடத் தெரியாதா?’
 
 

-ஜே.ஏ.ஜோர்ஜ்

‘”உலகில் எந்த நாட்டிலும் நீதித்துறையை தனியார் மயப்படுத்தும் முறை இல்லை. இதனைக் கூட அறியாதவர்கள் உள்ளமைதான், மக்கள் விடுதலை முன்னணியின் இன்றைய நிலைக்கு காரணம்” என, சபைமுதல்வரும் உயர்கல்வி அமைச்சர் லக்‌ஷ்மன் கிரியெல்ல தெரிவித்தார். 

அவர் தொடரந்து கூறுகையில், “இலங்கையில் கல்விகற்கும் மருத்துவ மாணவர்கள், பட்டம் பெற்றதும் நாட்டை கைவிட்டு வெளிநாடுகளுக்கு வேலைக்குச் சென்று விடுவதால் தான், நாட்டில் வைத்தியர்களுக்குத் தட்டுபாடு நிலவுகின்றது. அதன்காரணமாகத்தான் தனியார் மருத்துவக் கல்லூரிகளை உருவாக்க இடமளிக்க வேண்டியுள்ளது” என்றார்.  அதன்போது குறுக்கிட்டுக் கேள்வியெழுப்பிய பிமல் ரத்னாயக்க எம்.பி,

“மருத்துவர்கள் பற்றாக்குறையினால் தனியார் மருத்துவ கல்லூரி உருவாக்க அனுமதி வழங்க நடவடிக்கை எடுதால், இலங்கையில் விசாரணையின்றி காலதாமதமாகக் காணப்படும் வழக்குகளை விசாரிக்க தனியார் நீதிமன்றங்களை உருவாக்குவீர்களா?” என்றார். 

அதற்குப் பதிலளித்த உயர்கல்வியமைச்சர்,”உலகில் எந்த நாட்டிலும் நீதித்துறையை தனியார் மயப்படுத்தும் முறை இல்லை. இதனைக் கூட நீங்கள் அறிந்திருக்கவில்லை. இவ்வாறானவர்கள் இருப்பதால் தான், 35 உறுப்பினர்களை நாடாளுமன்றத்தில் கொண்டிருந்த மக்கள் விடுதலை முன்னணி, இன்று 5 உறுப்பினர்களாகக் குறைவடைந்துள்ளது” என்றார். 

- See more at: http://www.tamilmirror.lk/191987/-தன-ய-ர-ந-த-மன-றம-இத-க-டத-த-ர-ய-த-#sthash.srvTrY7a.dpuf
Categories: merge-rss, yarl-category

‘வீதியில் சமைத்து உண்பதா பாதுகாப்பு?’

ஊர்ப்புதினம் - Wed, 22/02/2017 - 06:31

‘வீதியில் சமைத்து உண்பதா பாதுகாப்பு?’
 
 

article_1487693596-0.jpgஜே.ஏ.ஜோர்ஜ்

“கேப்பாப்புலவு மக்கள் 22 நாட்களாக, வீதியில் அமர்ந்து சமைத்துச் சாப்பிட்டுக் கொண்டு, தமது காணிக்காகப் போராடிவருகின்றனர். இவ்வாறு வீதியில் சமைத்து உண்பதா பாதுகாப்பானது?” என தமிழ்த் தேசியக் கூட்டமைப்பின் எம்.பியான எஸ். சிறிதரன் கேள்வியெழுப்பினார்.

தமிழ் மக்கள் பாதுகாப்பாக இருப்பதாக, பிரதமர் ரணில் விக்கிரமசிங்க, அவுஸ்திரேலியாவில் வெளியிட்ட கருத்தை ஒருபோதும் ஏற்றுக் கொள்ள முடியாது என்றும் அவர் விசனம் தெரிவித்துள்ளார்.

நாடாளுமன்றத்தில் நேற்று (21) இடம்பெற்ற அபிவிருத்தி உபாய முறைகள் மற்றும் சர்வதேச வர்த்தக அமைச்சு தொடர்பான மூன்று சட்டங்களின் கீழான கட்டளைகளை அங்கிகரித்துக் கொள்வதற்கான பிரேரணைகள் மீதான விவாதத்தில் கலந்துகொண்டு உரையாற்றும் போதே, அவர் மேற்கண்டவாறு தெரிவித்தார்.

அங்கு அவர் தொடர்ந்து உரையாற்றுகையில்,

"கேப்பாப்புலவு மக்கள் வீதியிலிருந்து சமைத்து சாப்பிட்டுக் கொண்டு போராட்டத்தில் ஈடுபட்டுவரும் நிலையில், அரசாங்கம் ஏன் இன்னமும் அவர்களுக்கு தீர்வொன்றை வழங்கவில்லை என்றும் வினவினார்.

 "கேப்பாப்புலவு மக்கள் தொடர்ந்து 22 நாட்களாக போராட்டம் நடத்தி வருகின்றனர். 42 ஏக்கர் பரப்பு காணிக்காக 56 சிறுவர்களும், 13 முதியவர்களும் உள்ளடங்கலாக 84 குடும்பங்களைச் சேர்ந்தவர்கள் போராட்டத்தில் ஈடுபட்டுள்ளனர்.

இந்தப் போராட்டம் பற்றி ஜனாதிபதி, பிரதமருக்கு தெரியப்படுத்தினோம். எனினும், அவ்விருவரும்  இன்று, நாளை என, நாட்களை இழுத்தடித்து கடத்திகொண்டிருக்கின்றனரே தவிர, தீர்வெதுவும் வழங்கப்படவில்லை" என்றும் சுட்டிக்காட்டினார்.

தமிழ் மக்கள் தொடர்ந்தும் இவ்வாறு போராடிக் கொண்டா இருக்க வேண்டும். மக்களுக்கு வழங்கப்படும் உரிமை இதுதானா?" என்றும் கேட்டார்.
தமிழர்களுக்குப் பாதுகாப்பு இருப்பதாகவும், தமிழ்த் தேசியக் கூட்டமைப்புக் கூட இதனை ஏற்றுக் கொண்டிருப்பதாகவும் பிரதமர் ரணில் விக்கிரமசிங்க அவுஸ்திரேலியாவில் கூறியிருந்தார். மக்கள், காணிக்காக போராடிவரும் சூழ்நிலையில் அரசாங்கத்தின் தலைவர் ஒருவர் இவ்வாறு பொய்யான தகவலைக் கூறியிருப்பது வேதனை அளிக்கிறது. இதனை ஒருபோதும் ஏற்றுக் கொள்ள முடியாது.

கேப்பாபிலவு, புதுக்குடியிருப்பு, பரவிபாய்ஞ்சான் என பல இடங்களில் பொது மக்களின் காணிகள் பாதுகாப்புத் தரப்பினரால் கையகப்படுத்தப்பட்டுள்ளன. இது விடயத்தில் அரசாங்கம் கவனம் செலுத்தி தீர்வொன்றை உடனடியாக வழங்க வேண்டும்" என்று அவர் வலியுறுத்தினார்.

- See more at: http://www.tamilmirror.lk/191990/-வ-த-ய-ல-சம-த-த-உண-பத-ப-த-க-ப-ப-#sthash.bQCpu2tE.dpuf
Categories: merge-rss, yarl-category

‘கிளி, முல்லையில் நகர சபையே இல்லை’

ஊர்ப்புதினம் - Wed, 22/02/2017 - 06:30

‘கிளி, முல்லையில் நகர சபையே இல்லை’
 

article_1487693862-000.jpgஜே.ஏ.ஜோர்ஜ்

நாட்டில் இருக்கின்ற 25 மாவட்டங்களுக்கும் நகர சபைகள் இருக்கின்றன. எனினும், கிளிநொச்சி, முல்லைத்தீவு ஆகிய இரண்டு மாவட்டங்களிலும் ஒரு நகர சபையேனும் இல்லை என்று, தமிழ்த் தேசியக் கூட்டமைப்பின் எம்.பியான சார்ள்ஸ் நிர்மலநாதன், சபையில் சுட்டிக்காட்டினார்.  

நாடாளுமன்றத்தில் நேற்று (21) இடம்பெற்ற வாய்மூல விடைக்கான வினாக்கள் நேரத்தின் போது, மாகாண சபைகள் மற்றும் உள்ளூராட்சி அமைச்சரிடம்,   வட மாகாண சபையின் கீழுள்ள, மன்னார், முல்லைத்தீவு, கிளிநொச்சி, மற்றும் யாழ்ப்பாணம் ஆகிய மாவட்டங்களுக்குரிய மடு, ஒட்டுசுட்டான், கண்டாவளை மற்றும் மருதகேணி ஆகிய பிரதேச செயலாளர் பிரிவுகளில் பிரதேச சபைகள் ஸ்தாபிக்கப்படவில்லை என்பதை அமைச்சர் அறிவாரா?" என்று வினவியிருந்தார்.  

கேள்விகளுக்கு பதிலளித்த மாகாண சபைகள் மற்றும் உள்ளூராட்சி பைஸர் முஸ்தபா, "அங்கு பிரதேச சபைகள் ஸ்தாபிக்கப்படவில்லை என்பதை நான், அறிவேன். எனினும், சட்டத்தின் பிரகாரம் புதிய பிரதேச சபைகளை உருவாக்கமுடியாது.   

எனினும், நாடாளாவிய ரீதியில் பிரதேச சபைகள் ஸ்தாபிக்கப்பட வேண்டிய பிரதேசங்கள் தொடர்பில் ஆராய குழுவொன்றினை நியமித்துள்ளேன். இந்த விவரங்களுடன் கோரிக்கையொன்றை முன்வைத்தால், உரிய குழுவுக்கு ஆற்றுப்படுத்தலாம்" என்றார்.   

குறுக்குக் கேள்வியை எழுப்பிய சார்ல்ஸ் நிர்மலநாதன் எம்.பி, மேற்குறிப்பிட்ட இந்த நான்கு பிரதேச செயலாளர் பிரிவுகளும் கடந்த 25 வருடங்களாக இயங்குகின்ற. சுமார் 100 கிலோமீற்றர் சுற்றளவில் உள்ள பகுதியிலேயே அங்குள்ள அதிகாரிகள் கடமையாற்றவேண்டியுள்ளது என்று சுட்டிக்காட்டினார்.  

அத்துடன், மன்னார் நகர சபையை, மாநகர சபையாகவும், மன்னார் பிரதேச சபையை நகர சபையாகவும் மாற்றியமைத்து தருமாறு கோரிக்கை விடுத்த சார்ல்ஸ் நிர்மலநாதன், நாட்டில் உள்ள 25 மாவட்டங்களில், கிளிநொச்சி மற்றும் முல்லைதீவு ஆகியனவே ஒரேயொரு நகரசபையும் இல்லாத மாவட்டங்களாகும் என்றும் சுட்டிக்காட்டினார்.    

- See more at: http://www.tamilmirror.lk/191993/-க-ள-ம-ல-ல-ய-ல-நகர-சப-ய-இல-ல-#sthash.q8IPEU1v.dpuf
Categories: merge-rss, yarl-category

வடமாகாண சபையில் நிதியில் ஒரு சதம் கூட மீள திரும்புவதில்லையாம்.

ஊர்ப்புதினம் - Wed, 22/02/2017 - 06:14
வடமாகாண சபையில் நிதியில் ஒரு சதம் கூட மீள திரும்புவதில்லையாம்.
 
northern-provice.jpg
வடமாகாண சபையின் எந்த ஒரு நிதியும் இதுவரை திரும்பி செல்லவில்லை என அவைத்தலைவர் சி.வி.கே.சிவஞானம் தெரிவித்து உள்ளார் . வடமாகாண சபையின் 85 ஆவது அமர்வு நேற்றைய தினம் கைதடியில் உள்ள பேரவைக் கட்டடத்தில் நடைபெற்றது.
 
அது தொடர்பில் மேலும் தெரிவிக்கையில் ,
 
வடமாகாண சபை நிதி திரும்புவதில்லை.
 
வடமாகாண சபையின் எந்த நிதியும் எக்காலத்திலும் திரும்பி செல்லவில்லை. அது பேப்பர்காரர்களுக்கு விளங்குதில்லை. அதனை பேப்பருக்கு சொல்பவர்களுக்கும் விளக்கமில்லை. என தெரிவித்தார்.
 
என் அமைச்சில் இருந்து ஒரு சதமும் திரும்பவில்லை. 
 
அதனை தொடர்ந்து கருத்து தெரிவித்த வடமாகாண மீன்பிடி அமைச்சர் பா.டெனிஸ்வரன் கருத்து தெரிவிக்கையில் ,
 
என்னுடைய அமைச்சின் கீழ் ஒதுக்கபப்ட்ட எந்த நிதியும் திரும்பி செல்லவில்லை.  கடந்த வருடம் வந்த 438 மில்லியன் ரூபாயும் செலவழிந்து விட்டது ஒரு சதம் கூட மிச்சமில்லை. இன்னமும் நிறைய வேலை திட்டங்கள் உள்ளன அவற்றை முடிக்க நிதி போதாது உள்ளது. வேறு அமைச்சுக்களிடம் மேலதிக நிதி இருந்தால் அவற்றை எனது அமைச்சுக்கு மாற்றி தாருங்கள் என கேட்டுக்கொண்டார்.
 
மத்திய அரசாங்கம் எமக்கு 1400 மில்லியன் கடனாளி. 
 
அதனை அடுத்து கருத்து தெரிவித்த ஆளும் கட்சி உறுப்பினர் ஜி.ரி.லிங்கநாதன் தெரிவிக்கையில் கடந்த வருடம் மத்திய அரசாங்கம் 3200 மில்லியன் நிதி ஒதுக்கி இருந்தது. அதில் 1800 மில்லியன் நிதியே கொடுக்கப்பட்டது மேலும் 1400 மில்லியன் ரூபாய்க்கு உரிய வேலை திட்டங்கள் நிறைவடைந்து அவற்றுக்கான பற்று சீட்டுக்கள் கை வசம் உள்ள போதிலும் அவற்றுக்கான நிதியினை வழங்க முடியாத நிலையில் உள்ளோம். மத்திய அரசாங்கம் எமக்கு 1400 மில்லியன் கடனாளி என தெரிவித்தார்.
 
வடமாகாண சபை  சில விடயங்களில் வினைத்திறனற்றது. 
 
அதனை தொடர்ந்து கருத்து தெரிவித்த எதிர்கட்சி தலைவர் சி.தவராசா கருத்து தெரிவிக்கையில் , வடமாகாண சபை வினைத்திறனற்ற நிலையில் செயற்பட்டு வருகின்றது.  அதனால் குறித்த நிதியை குறித்த கால பகுதியில் செலவு செய்யாத நிலை காணப்படுகின்றது.
 
கடந்த 2014ம் ஆண்டுக்கான நிதி டிசம்பர் மாதம் 30ம் திகதி 60 மில்லியன் ரூபாய் செலவு செய்யாமல் இருந்தது அதனை வங்கியில் வைப்பிலிடுவது தொடர்பில் தீர்மானிக்கபட்டது.
 
அந்த நிதி செலவு செய்யபப்ட்டதா என 2015ம ஆண்டு மாசி மாதம் முதல் கேட்டு வந்தேன் ஆகஸ்ட் மாதம் தான் செலவு செய்து விட்டோம் என பதில் வந்தது.
 
இவ்வாறு மாகாண சபை வினைத்திறனற்ற நிலையில் செயற்பட்டதால் தான் மத்திய அரசு ஆரம்பத்தில் 6000 தொடக்கம் 6,500 மில்லியன் ரூபாய் ஒதுக்கீடு செயத்தது. தற்போது 3,800 தொடக்கம் 5000 மில்லியன் ஒதுக்கீடு செய்கின்றது என தெரிவித்தார்.

http://globaltamilnews.net/archives/18627

Categories: merge-rss, yarl-category

காலில் ஆணி அடித்து மர்மஉறுப்பை குறட்டால் நசுக்கினார்கள். சுமணனை அடித்தே கொன்றார்கள். சுன்னாக காவல்துறையினருக்கு எதிராக மேல் நீதிமன்றில் சாட்சியம்.

ஊர்ப்புதினம் - Wed, 22/02/2017 - 06:13
காலில் ஆணி அடித்து மர்மஉறுப்பை குறட்டால் நசுக்கினார்கள். சுமணனை அடித்தே கொன்றார்கள். சுன்னாக காவல்துறையினருக்கு எதிராக மேல் நீதிமன்றில் சாட்சியம்.

jaffna-court.jpg

முழங்காலில் இருத்தி , இரு கைகளையும் கால்களுடன் இணைத்து கட்டி , இரண்டு மேசைகளுக்கு இடையில் கட்டி தூக்கி உயிரிழக்கும் வரையில் அடித்தே கொன்றார்கள். உயிரிழந்த பின்னரும் அவர்கள் அடிப்பதை நிறுத்தவில்லை. என யாழ்.மேல் நீதிமன்றில் சாட்சியம் அளித்துள்ளனர்.

கடந்த 2011ஆம் ஆண்டு நவம்பர் மாதம் 25ம் திகதி சுன்னாக பகுதியை சேர்ந்த சிறிஸ்கந்தராஜா சுமணன் எனும் இளைஞரை பொய் குற்றசாட்டின் கீழ் காவல்துறையினர் கைது செய்து சித்திரவதை செய்து படுகொலை செய்தனர் எனவும், படுகொலை செய்யப்பட்டவரின் உடலை கிளிநொச்சி இரணைமடு குளத்தில் வீசி தற்கொலை செய்து கொண்டார் என காவல்துறையினர் கூறியதாகவும் , படுகொலையானவரின் நண்பர்கள் கடந்த 2015 ஆம் ஆண்டு யூலை மாதம் 25ஆம் திகதி மல்லாகம் நீதிவான் நீதிமன்றில் நீதிவான் ஏ.யூட்சன் முன்னிலையில் சாட்சியம் அளித்து இருந்தனர்.

அதனை அடுத்து சுன்னாகம் காவல் நிலையத்தை சேர்ந்த  8 காவல்துறை உத்தியோகஸ்தர்கள்  மீது குற்றம் சுமத்தப்பட்டது. அதில் 7 பேர் கைது செய்யப்பட்டு விளக்கமறியலில் வைக்கப்பட்டு உள்ளனர். அவர்களுக்கு எதிராக நீதிமன்றங்களில் வழக்கு தொடரப்பட்டு உள்ளன.

அதில் 5 காவல்துறை உத்தியோகஸ்தர்களுக்கு எதிராக கொலை குற்றசாட்டு சுமத்தப்பட்டு கிளிநொச்சி நீதிமன்றிலும் , கொலை குற்றம் சாட்டப்பட்டு உள்ள 5 பேர் உட்பட  8 பேருக்கு எதிராக சித்திரவதை குற்ற சாட்டு சுமத்தப்பட்டு யாழ்.மேல் நீதிமன்றிலும் வழக்கு தொடரப்பட்டு வழக்கு விசாரணைகள் முன்னெடுக்கப்பட்டு வருகின்றன.

குறித்த வழக்கின் சித்திரவதை தொடர்பான வழக்கு விசாரணை யாழ்.மேல் நீதிமன்றில் நீதிபதி மா.இளஞ்செழியன் முன்னிலையில் செவ்வாய்கிழமை விசாரணைக்கு எடுத்துக்கொள்ளப்பட்டது.

அதன் போது  சாட்சி பதிவுகள் ஆரம்பமானது. அதில் குறித்த வழக்கின் முதலாவது சாட்சியமான இராசதுரை சுறேஸ் என்பவரது சாட்சி பதியப்பட்டது.

காலில் ஆணி அடித்து  மர்மஉறுப்பை  குறட்டால் நசித்தார்கள். 

இதில் அவர்,  எம்மை மாவீரர் தினம் கொண்டாடியதற்காக சுன்னாகம் பொலிஸார் கைது செய்தனர். பின்னர் எம்மீது திருட்டு குற்றச்சாட்டு சுமத்தினர்.

எம்மையும் எம்முடன் சேர்த்து படுகொலை செய்யப்பட்ட சுமனன் என்பவரையும் ஒரே அறையில் அடைத்து வைத்தனர். அவ்வேளை சுமணன்  என்பவரை முழங்காலில் இருத்தி கால்களுக்குள் கைகளை விட்டு கட்டி இரண்டு மேசைகளுக்கு இடையில் கட்டித் தொங்கவிட்டு அடித்தார்கள்.

அதன்போது அவர் தாம் மருத்து பாவிப்பவர் எனவும் தம்மை அடிக்க வேண்டாம் என கூறினார். ஆனால் அதனை கருத்திலெடுக்காத பொலிஸார் தொடர்ந்து அவரை போட்டு அடித்தார்கள். இவ்வாறு (அவர் கூறும்போது குறித்த கொலை செய்யப்பட்ட நபர் கைகள் கால்கள் கட்டப்பட்ட நிலையில் எப்படி இருந்தார் என்பதை சாட்சி நீதிபதிக்கு தனது உடலால் செய்து காண்பித்திருந்தார்.)

இவ்வாறு அடிக்கும் போது சுமனன் இறந்து விட்டார். அவனது மூக்கால் இரத்தம் வந்துகொண்டிருந்தது. அதன் பின்பும் பொலிஸ் உத்தியோகத்தர்களது வெறித்தனம் அடங்காமல் இறந்த பின்பும் போட்டு அடித்தார்கள். எனக்கு ஆணிகளை காலில் இறுக்கி மின்சார கம்பியால் சுட்டார்கள். எனது ஆணுறுப்பை குறட்டால் நசித்தார்கள். பின்னர் இறந்த சுமனனது உடலை சுன்னாகம் பொலிஸ் நிலையத்தில் நின்ற புதிய ஜீப்பில் ஏற்றிக்கொண்டு போனார்கள்.

இதன்போது உமக்கும் சுமனன் என்பவருக்கும் அடித்த சித்திரவதை செய்த பொலிஸ் உத்தியோகத்தர்கள் யார் யார் என்பதை அடையாளம் காட்ட முடியுமா? என பிரதி மன்றாதிபதி வினாவியபோது சாட்சி எதிரி கூண்டில் நின்று குறித்த பொலிஸ் உத்தியோகத்தர்களை முறையே அவர்கள் என்ன என்ன செய்தார்கள் என்று கூறியிருந்தார். அத்துடன் தற்போது இதில் ஒரு பொலிஸ் உத்தியோகத்தர் நீதிமன்றில் இல்லை எனவும் கூறியிருந்தார்.

அவற்றை தொடர்ந்து அவரது சாட்சியங்களும் எதிரி தரப்பு சட்டத்தரணிகளால் குறுக்கு விசாரனை செய்யப்பட்டது.

அடுத்து,  இரண்டாவது சாட்சியமான துரைராசா லோகேஸ்வரனது சாட்சியம் பதிவு செய்யபட்டது.

தனி நாடு வேணுமா ? என கேட்டு தாக்கினார்கள். 

தாம் கடந்த 2011.11.21ஆம் திகதி தமது புன்னாலைகட்டுவன் சித்தி விநாயகர  பாடசாலையில் கற்கும்  தாய் தந்தையை இழந்த, போரால் பாதிக்கப்பட்ட சிறுவர்களுக்கு புத்தகப்பைகளை வழங்கினோம். இதன்போது அங்கு வந்த ஊரேழு இராணுவ முகாமை சேர்ந்த பிரசாத் என்பவர் நீங்கள் மாவீரர் நிகழ்வா கொண்டாடுகிறீர்கள் என கேட்டனர். அதற்கு நாம் இல்லையென பதிளித்தோம்.

இதன்பின்பு அன்றைய தினம் இரவு எனது வீட்டிற்கு வந்த சுன்னாகம் பொலிஸ் நிலையத்தை சேர்ந்த சிந்திக்கபண்டார, மயூரன், பிரசாந் ஆகியோர் என்னை திருட்டு குற்றச்சாட்டு ஒன்றில் கைது செய்து சென்றனர்.

அதன் பின்னர் 24.11.2011 அன்று சுமனன் என்பவரை சிந்திக்க , மயூரன் ஆகிய பொலிஸ் உத்தியோகத்தர்கள் கைது செய்து காலை 9க்கும் 10க்கும் இடைப்பட நேரத்தில் கொண்டு வந்திருந்தனர்.

அதன்போது சுமனது நெற்றிப் பகுதியில் இரத்தம் வடிந்துகொண்டிருந்தது. அத்துடன் தனிநாடு வேண்டுமா என கேட்டு கேட்டு எம்மை அடித்து.  எமக்கு மின்சார கம்பியினால் சுடுவைத்தனர். என சாட்சியம் அளித்தார்.

இதனை தொடர்ந்து அரச தரப்பு விசாரனையில் உங்களையும் சுமனனையும் கைது செய்த பொலிஸ் உத்தியோகத்தர்களை அடையாளம் காட்ட முடியுமா என வினவியபோது குறித்த சாட்சி அவர்களை எதிரி கூண்டில் நின்றவாறு சுட்டு விரலால் அடையாளம் காட்டி அவர்களில் இருவரது பெயர்களையும் சரியாக குறிப்பிட்டிருந்தார்.

இதன்பின்பு அவரது சாட்சியமானது எதிரி தரப்பு சட்டத்தரணிகளால் குறுக்குவிசாரனை செய்யப்பட்டது. இதன்போது அவரது மன்றில் வழங்கிய சாட்சியில் இரு விடயங்கள் பொலிஸ் தரப்பினது வாக்குமூலப் பதிவில் வேறுபட்டிருந்த நிலையில் அது மன்றால் அடையாளமிடப்பட்டிருந்தது. அதனை தொடர்ந்து அவர் சாட்சிப் பதிவில் இருந்து நீக்கப்பட்டிருந்தார்.

6ஆம் மற்றும் 8ஆம் சாட்சியும் பதிவு. 

இதன் பின்னர்  6ஆம் மற்றும் 8ஆம் சாட்சிகளும் மன்றால் பதிவு செய்யப்பட்டது.

புதிய சாட்சியங்களை அணைக்க அனுமதி. 

அதனை தொடர்ந்து இவ் வழக்கை நெறிப்படுத்தும் பிரதி மன்றாதிபதி குமார்ரட்ணம் இவ் வழக்கின் குற்றப் பத்திரிகையில் 30ஆம் 31ஆம் 32ஆம் சாட்சிகளாக மூன்று பொலிஸ் உத்தியோகத்தர்களை அணைப்பதற்கு மன்றின் அனுமதியை கோரியிருந்தார். அத்துடன் இவ் வழக்கின் சாட்சியில் இருந்து 2ஆம் 4ஆம் 5ஆம் சாட்சிகளை நீக்குவதற்கான அனுமதியையும் கோரியிருந்தார்.

இவ்விரு விண்ணப்பங்களும் மன்றானது அனுமதியளித்துடன் இவ் வழக்கின் மீதி சாட்சிப்பதிவுகளை பதிவு செய்வதற்காக எதிர்வரும் மாதம் 14ஆம் திகதி வரை ஒத்திவைத்ததுடன் அதுவரை குறித்த பொலிஸ் உத்தியோகத்தர்களை விளக்கமறியலில் வைக்கவும் யாழ்.மேல் நீதிமன்ற நீதிபதி மா.இளஞ்செழியன் உத்தரவிட்டிருந்தார்.

குறித்த வழக்கு விசாரணையில் சட்டமா அதிபர் சார்பில் அரச சட்டத்தரணி நாகரட்ணம  நிஷாந்துடன் பிரதி மன்றாதிபதி குமார் ரட்ணம் முன்னிலையாகியிருந்தார்.

எதிரிகள் சார்பில் முன்னிலையாகியிருந்த சட்டத்தரணிகள் குறித்த வழக்கில் பாதிக்கப்பட்ட நபர் எந்தவொரு சந்தர்ப்பத்திலும் பொலிஸ் நிலையத்தில் முறையிடவோ அல்லது அவராலோ இவ் வழக்கு தொடுக்கப்படாதுடன் அவர் தற்போது இல்லையெனவும் குறிப்பிட்டிருந்தனர்.

அத்துடன் பாதிக்கப்பட்டதாக குறிப்பிடப்படுகின்ற சாட்சி இருந்தாலேயே அவரை எதிரி தரப்பு சட்டத்தரணிகள் குறுக்கு விசாரனை செய்கின்ற போதே குற்றச் சம்பவத்தின் உண்மை தன்மை மன்றுக்கு தெரியவரும். எனவே இவ் வழக்கில் அவ்வாறானதொரு சந்தர்ப்பம் இல்லையென குறிப்பிட்டிருந்தனர்.

உயிரிழந்தவரின் உடலில் 20க்கும் மேற்பட்ட காயங்கள் காணப்பட்டன. 

இதனை தொடர்ந்து இவ் வழக்கினை நெறிப்படுத்தும் அரச சட்டத்தரணியும் பிரதி மன்றாதிபதியுமான குமார் நாகரட்ணம்,  குறித்த சித்திரவதைக்குள்ளாகி உயிரிழந்த நபரது மரண விசாரனையில் தெளிவாக குறிப்பிடப்பட்டுள்ளது குறித்த நபரது உடலில் 20க்கு மேற்பட்ட காயங்கள் உள்ளதாகவும், அவர் சித்திரவதை செய்யப்பட்டுள்ளதாகவும் குறிப்பிடப்பட்டுள்ளது.

எனவே அவற்றை அடிப்படையாக கொண்டு இவ் வழக்கை நடாத்தமுடியும் எனவும் அவர் விண்ணப்பமொன்றை மேற்கொண்டிருந்தார்.

சித்திரவதை என்பது போர்க்குற்றம், அது மனிதவுரிமை மீறல்.

இந்நிலையில் இவ் விடயம் தொடர்பாக, குறித்த சித்திரவதை என்பது போர்க்குற்றம் எனவும், அது மனிதவுரிமை மீறல் குற்றமெனவும் குறிப்பிட்ட நீதிபதி குறித்த சித்திரவதை வழக்கினை பாதிக்கப்பட்டவரது உறவினர் பாதுகாவலர் ஆகியோரது முறைப்பாடுகளின் அடிப்படையிலும் நடாத்தமுடியும் என உச்ச நீதிமன்ற தீர்ப்பொன்றை மேற்கோள்காட்டியதுடன், சித்திரவதைக்கு உள்ளான நபர் உயிருடன் இல்லாவிட்டால் வழக்கை நடாத்த முடியாதென்றால் சித்திரவதைக்கு உள்ளான நபரை கொலை செய்துவிட்டால் வழக்கே இல்லாமல் தப்பித்துவிடலாம் என்ற நிலை ஏற்பட்டுவிடும் என்ற உயர் நீதிமன்ற நீதிபதியின் தீர்ப்பையும் சுட்டிக்காட்டி இவ் வழக்கை தொடர்ந்து நடாத்துவதற்கும், குறித்த எதிரி தரப்பு சட்டத்தரணிகளது ஆட்சேபனை விண்ணப்பத்தையும் நிராகரித்து நீதிபதி மா.இளஞ்செழியன் உத்தரவு இட்டு இருந்தார் என்பது குறிப்பிடத்தக்கது.

http://globaltamilnews.net/archives/18629

Categories: merge-rss, yarl-category

விசேட ஜனாதிபதி ஆணைக்குழுவிடம் சாட்சியமளித்தார் மத்திய வங்கி ஆளுநர்

ஊர்ப்புதினம் - Wed, 22/02/2017 - 06:09
விசேட ஜனா­தி­பதி ஆணைக்­கு­ழு­விடம் சாட்­சி­ய­ம­ளித்தார் மத்­திய வங்கி ஆளுநர்
p4-d52594a157f9e45fc75a2f4a2eccd248d0469dad.jpg

 

விசாரணைகள் இன்றும் தொடரும்  
(பா.ருத்­ர­குமார்)

மத்­திய வங்­கியின் பிணை முறி மோசடி தொடர்பில் விசா­ரணை செய்யும் ஜனா­தி­பதி விசா­ரணை ஆணைக் குழுவின் விசா­ர­ணைகள் நேற்று ஆரம்­ப­மா­கின. மத்­திய வங்கி ஆளுநர் இந்­தி­ரஜித் குமா­ர­சு­வா­மியின் சாட்சிப் பதி­வோடு இந் நட­வ­டிக்­கைகள் நேற்று ஆரம்­ப­மா­கின. பிணை முறி மோசடி தொடர்பில் விசா­ர­ணை­களை செய்­வ­ தற்­காக ஜனா­தி­ப­தி­யினால் நிய­மிக்­கப்­பட்ட விசா­ரணை

 அணைக்­கு­ழுவின் உறுப்­பி­னர்­க­ளான உயர் நீதி­மன்ற நீதி­ய­ரசர் கே.டீ. சித்­தி­ர­சிறி, பி.எஸ் ஜெய­வர்­தன மற்றும் ஓய்­வு­பெற்ற உதவி கணக்­காய்­வாளர் நாயகம் கே. வேலுப்­பிள்ளை ஆகியோர் முன்­னி­லையில் இந்த விசா­ர­ணைகள் இடம்­பெற்­றன.

 நேற்று முற்­பகல் 10.00 மணிக்கு இந்த விசா­ர­ணைகள் ஆரம்­ப­மாக இருந்த போதும், மத்­திய வங்கி ஆளுநர் இந்­தி­ரஜித் குமா­ர­சு­வாமி, சர்­வ­தேச நாண்ய நிதிய பிரதி நிதி­க­ளுடன் காலை வேளையில் சந்­திப்­பொன்றில் இருந்­ததால் 30 நிமி­டங்கள் தாம­தித்து விசா­ர­ணை­களை ஆரம்­பிக்க விசா­ரணை ஆணைக் குழு தீர்­மா­னித்­தி­ருந்­தது.

அதன் படி காலை 10. 45 அளவில் ஆரம்­பித்த விசா­ர­ணைகள் பிற்­பகல் 1.45 க்கு நிறை­வ­டைந்­தது. சுமார் மூன்று மணித்­தி­யா­லங்கள் இந்த விசா­ர­ணைகள் இடம்­பெற்ற நிலையில் மேல­திக சாட்சி விசா­ர­ணை­களை இன்று மேற்­கொள்­வ­தாக உயர் நீதி­மன்ற நீதி­ய­ரசர் கே.டீ. சித்­தி­ர­சிறி தலை­மை­யி­லான மூவ­ர­டங்­கிய குழு அறி­வித்­தது. இத­னை­ய­டுத்து இந்த விசா­ர­ணைகள் இன்­றைய தினம் காலை 10. 00 மணி வரை ஒத்தி வைக்­கப்ப்ட்ட நிலையில் இன்றும் மத்­திய வங்கி ஆளுநர் சாட்­சியம் அளிக்­க­வுள்ளார்.

நேற்­றைய சாட்சி விசா­ர­ணை­களை ஆரம்­பிக்க முன்னர் இந்த விசா­ர­ணைகள் தொடர்பில் சட்ட உத­வி­யினை வழங்க சட்ட மா அதி­பரால் நிய­மிக்­கப்­பட்­டுள்ள சிரேஷ்ட மேல­திக சொலி­சிற்றர் ஜெனரல் ஜனா­தி­பதி சட்­டத்­த­ரணி டப்­புல டி லிவே­ராவின் தலை­மையில் மேல­திக சொலி­சிற்றர் ஜெனரல் யசந்த கோதா­கொட, சிரேஷ்ட பிரதி சொலி­சிற்றர் ஜெனரல் பிரி­யந்த நாவான, பிரதி சொலி­சிற்றர் ஜெனரல் மிலிந்த குண­தி­லக, பிரதி சொலி­சிற்றர் ஜெனரல் டிலான் ரத்­நா­யக்க, சிரேஷ்ட அரச சட்­ட­வா­தி­க­ளான சஹீதா பெரீ, அவந்தி பெரேரா, நயோமி விக்­ர­ம­சே­கர, டீ. கானே­ஷ­யோகன் உள்­ளிட்ட சட்­ட­வா­திகள் ஆணைக் குழு முன் ஆஜ­ரா­கி­யி­ருந்­தனர்.

 கொழும்பு - புதுக்­க­டையில் உள்ள நீதி­ய­மைச்சின் கட்­டிடத் தொகு­தியில் அமைக்­கப்­பட்­டுள்ள விசா­ரணை ஆணைக் குழுவின் விசா­ரணை அறையில் இந்த விசா­ர­ணைகள் ஆரம்­பிக்­கப்­பட்­டன. முதலில் சிரேஷ்ட மேல­திக சொலி­சிற்றர் ஜெனரல் ஜனா­தி­பதி சட்­டத்­த­ரணி டப்­புல டி லிவேரா ஆரம்ப வாதத்தை முன்­வைத்தார்.

 இதன் போது மத்­திய வங்­கியில் இடம்­பெற்­ற­தாக கூறப்­படும் பிணை முறி மோசடி தொடர்பில், எந்­த­வொரு நபரும் அச்­ச­மின்றி சாட்­சி­ய­ம­ளிக்க முடியும் எனவும், சாட்­சி­ய­ம­ளிக்கும் அனை­வரும் பாதிக்­கப்­பட்டோர் மற்றும் சாட்­சிகள் பாது­கா­பபு கட்­டளை சட்­டத்தின் ஊடாக பாது­காக்­கப்­ப­டுவர் எனவும் தனது ஆரம்ப வாதத்தில் குறிப்­பிட்டார். அத்­துடன் அவ்­வாறு சாட்­சி­ய­ம­ளிப்­போ­ருக்கு எதி­ராக அழுத்­தங்­களோ அச்­சு­ருத்­தல்­களோ விடுக்­கப்­ப­டு­மாயின் அது தொடர்பில் மேற்­கு­றிப்­பிட்ட சட்­டத்தின் கீழ் அவ்­வாறு அச்­சு­ருத்­துவோர் தண்­டிக்­கப்­ப­டுவர் எனவும் சுட்­டிக்­காட்­டினார்.

இத­னை­விட கடந்த வருடம் பெப்­ர­வரி மாதம் 1 ஆம் திகதி முதல் மார்ச் மாதம் 31 ஆம் திக­தி­வ­ரையில் மத்­திய வங்­கி­யினால் வெளி­யி­டப்­பட்ட பிணை முறி தொடர்­பி­லேயெ இவ்­வி­சா­ர­ணைகள் இடம்­பெ­று­வ­தா­கவும் அதன் விசா­ரணை அறிக்­கையை 3 மாதங்­க­ளுக்குள் ஜனா­தி­ப­தி­யிடம் கைய­ளிக்க வேண்டும் எனவும் தனது ஆரம்ப வாதத்தில் சிரேஷ்ட மேல­திக சொலி­சிற்றர் ஜெனரல் ஜனா­தி­பதி சட்­டத்­த­ரணி டப்­புல டி லிவேரா குறிப்­பிட்டார். பிணை முறி மோசடி மற்றும் அதனால் அர­சாங்­கத்­துக்கு ஏற்­பட்ட நட்டம் ஆகி­யன தொடர்பில் இந்த விசா­ர­ணையில் அவ­தானம் செலுத்­தப்­படும் எனவும் அவர் சுட்­டிக்­காட்­டினார்.

சிரேஷ்ட மேல­திக சொலி­சிற்றர் ஜெனரல் ஜனா­தி­பதி சட்­டத்­த­ரணி டப்­புல டி லிவே­ராவின் ஆரம்ப உரையைத் தொடர்ந்து மத்­திய வங்­கியின் ஆளுநர் இந்­திர ஜித் குமா­ர­சு­வா­மியின் சாட்சிப் பதிவு ஆரம்­ப­மா­னது. மத்­திய வங்­கியின் பினை முறி, பினை முறி விற்­பனை செய்­யப்­படும் முறைமை உள்­ளிட்ட மத்­திய வங்­கியின் நடை முறை­களை இதன் போது அவர் அரச சட்­ட­வாதி சிரேஷ்ட மேல­திக சொலி­சிற்றர் ஜெனரல் ஜனா­தி­பதி சட்­டத்­த­ரணி டப்­புல டி லிவே­ராவின் கேள்­வி­க­ளுக்கு பதி­ல­ளித்­த­வாறு சாட்­சி­ய­மாக பதிவு செய்தார். இந் நிலை­யி­லேயே மேல­திக சாட்சிப் பதி­வுகள் இன்­றைய தினத்­துக்கு ஒத்தி வைக்­கப்­பட்­டன.

 நேற்­றைய தினம் இந்த சாட்சிப் பதி­வுகள் இடம்­பெறும் போது, ஆணைக் குழுவின் நட­வ­டிக்­கை­களை கண்­கா­ணிக்க இந்த மத்­திய வங்கி பிணை முறி மோசடி தொடர்பில் பேசப்­படும் பேப்­ப­சுவல் ட்ரசிரீஸ் நிறு­வனம் சார்பில் இரு சட்­டத்­த­ர­ணிகள் அங்கு பிர­சன்­ன­மா­கி­யி­ருந்தை அவ­தா­னிக்க முடிந்­தது.

மத்­திய வங்கி பிணை முறி தொடர்பில் விசா­ரணை நடத்தும் நோக்கில் ஜனா­தி­பதி மைத்­தி­ரி­பால சிறி­சேன அண்­மையில் விசேட ஜனா­தி­பதி ஆணைக்­குழு ஒன்றை கடந்த மாதம் நிறுவியிருந்தார். மத்திய வங்கியின் ஆளுநரிடம் பல தடவைகள் விசாரணை நடத்தப்பட நேரிடும் எனவும், அவ்வாறு சாட்சியங்களை திரட்டியதன் பின்னர் மத்திய வங்கியின் ஏனைய அதிகாரிகளிடமும் சாட்சியங்கள் திரட்டப்படவுள்ளன.

மத்திய வங்கியின் ஆளுநரை விசாரணைகளின் முன்னிலையாகுமாறு ஆணைக்குழுவின் செயலாளர் சுமதிபால உடுகம்சூரிய, மத்திய வங்கியின் ஆளுநருக்கு எழுத்து மூலம் அறிவித்திருந்தார். இந்த நிலையில் நேற்று இந்திரஜித் குமாரசுவாமி அங்கு முன்னிலையாகியிருந்தார்.

http://content.epaper.virakesari.lk/newspaper/Daily/main/2017-02-22#page-1

Categories: merge-rss, yarl-category

அரசியல் தீர்வு விடயத்தில் உறுதியான நிலைப்பாடு தேவை

ஊர்ப்புதினம் - Wed, 22/02/2017 - 06:09
அரசியல் தீர்வு விடயத்தில் உறுதியான நிலைப்பாடு தேவை
p13-338a1be4023628a228ad2983cd01108dda75b930.jpg

 

அமெரிக்க காங்கிரஸ் குழுவிடம் சம்பந்தன் வலியுறுத்தல்
(ஆர்.ராம், எம்.எம்.மின்ஹாஜ்)

உங்­களின் கோரிக்­கைகள், இலங்கை குறித்த அவ­தா­னங்கள் உள்­ளிட்ட விட­ய­தா­னங்­க­ள­டங்­கிய முழு­மை­யான அறிக்கை­யொன்றை வாஷிங்­ட­னுக்கு சமர்ப்­பிப்போம் என இலங்­கைக்கு விஜயம் மேற்­கொண்­டுள்ள அமெ­ரிக்க காங்­கி­ரஸ்­குழு எதிர்க்­கட்­சித்­த­லை­வரும் தமிழ்த் தேசியக் கூட்­ட­மைப்பின் தலை­வ­ரு­மான இரா.சம்­பந்­த­னி­டத்தில் உறு­தி­படத் தெரி­வித்­துள்­ளது. 

மூன்று நாள் உத்­தி­யோக பூர்வ விஜ யம் மேற்­கொண்டு நேற்று முன்­தினம் திங்­கட்­கி­ழமை அமெ­ரிக்க காங்­கிரஸ் குழு இலங்­கைக்கு வருகை தந்­துள்­ளது. அமெ­ரிக்க சபை ஜன­நா­யக கூட்­டு­றவின் தலைவர் பீற்றர் ரொஸ்கம் தலை­மை

யில் இணைத்­த­லைவர் டேவிட் பிரைஸ்

மற்றும் ஜெரி கொனோலி, அட்­ரியன் ஸ்மித் ஆகி­யோரே இலங்­கைக்கு விஜ யம் மேற்­கொண்­டனர்.

பாரா­ளு­மன்­றத்­திற்கு நேற்று

செவ்­வாய்க்­கி­ழமை விஜயம் செய்த இக்­கு­ழு­வினர் எதிர்க்­கட்­சித்­த­லை­வரும் தமிழ்த் தேசியக் கூட்­ட­மைப்பின் தலை­வ­ரு­மான இரா.சம்­பந்­தனை பாரா­ளு­மன்­றத்தில் உள்ள எதிர்க்­கட்­சித்­த­லைவர் அலு­வ­ல­கத்தில் சந்­தித்து விசேட கலந்­து­ரை­யா­டலில் ஈடு­பட்­டனர். இதன் போது இலங்­கைக்­கான அமெ­ரிக்க தூதுவர் அதுல்­கேசாப் மற்றும் தூத­ரக அதி­கா­ரி­களும் பங்­கேற்­றி­ருந்­தனர்.

இச்­சந்­திப்பு குறித்து கருத்­து­வெளி­யிட்ட போதே எதிர்­க்கட்­சித்­த­லை­வரும் தமிழ்த் தேசியக் கூட்­ட­மைப்பின் தலை­வ­ரு­மான இரா.சம்­பந்தன் மேற்­கண்­ட­வாறு தெரி­வித்தார்.

அவர் மேலும் தெரி­வித்த­தா­வது,

அமெ­ரிக்க காங்­கிரஸ் குழு­வி­ன­ரு­டனான சந்­திப்பு மிகவும் சமு­க­மா­ன­தாக இருந்­தது. அவர்­க­ளிடத்தில் பல்­வே­று­வி­ட­யங்கள் தொடர்­பாக கலந்­து­ரை­யா­டி­யிருந்தோம். குறிப்­பாக ஆட்சி மாற்­றத்தின் பின்னர் நிரந்­த­ர­மா­ன­தொரு அர­சியல் தீர்­வினை அடிப்­ப­டை­யாகக் கொண்டு பல நட­வ­டிக்­கைகள் மேற்­கொள்­ளப்­பட்­டன.

நிரந்­தர அர­சியல் தீர்­வுக்­கான கட்­டாயம், அவ­சியம் என்­பன குறித்து குறிப்­பிட்டேன். நிரந்­தர அர­சியல் தீர்­வினை அடை­வ­தற்­கான பய­ணத்தில் தற்­போது ஏற்­பட்­டுள்ள மந்­த­நி­லைமை குறித்தும் அவர்­க­ளி­டத்தில் குறிப்­பிட்டேன். அந்த மந்த நிலை­மையை போக்­கப்­ப­ட­வேண்டும். தீர்வு விடயத்தில் உறுதியான நிலைப்பாடு தேவை. அதற்கு அமெ­ரிக்கா தொடர்ந்தும் தனது கரி­ச­னையை செய்­ய­வேண்­டு­மென கேட்­டுக்­கொண்டேன்.

அத்­துடன் வடக்­கிலும் கிழக்­கிலும் தற்­போது நடை­பெற்று வரும் போராட்­டங்கள் குறித்தும் குறிப்­பிட்டேன். வடக்கு கிழக்கு தமிழ் மக்­களின் உட­ன­டிப்­பி­ரச்­சி­னைகள் தீர்க்­கப்­பட வேண்டும்.

குறிப்­பாக காணி­களை விடு­விக்கக் கோரி போராட்­டங்கள் இடம்­பெ­று­கின்­றன. மக்­க­ளு­டைய காணிகள் அனைத்தும் விடு­விக்­கப்­பட வேண்டும்.

காண­மல்­போ­ன­வர்கள், அர­சியல் கைதி­களின் கோரிக்­கைகள் நியா­ய­மா­னவை. அவர்கள் பல பிரச்­சி­னை­க­ளுக்கு முகங்­கொ­டுக்­கின்­றார்கள். ஆகவே அத்­த­ரப்­பி­னரின் விட­யத்­திற்கு தீர்வு வழங்­கப்­ப­ட­வேண்டும் என்­பதை அமெ­ரிக்க அர­சாங்­கத்­திற்கு வலி­யு­றுத்த வேண்­டு­மெனக் கேட்­டுக்­கொண்டேன்.

அத்­துடன் கடந்­த­கால, சம­கால விட­யங்கள் தொடர்­பா­கவும் பேசப்­பட்­ட­தோடு எனது கருத்­துக்கள் அனைத்­தையும் அவர்கள் அவ­தா­ன­மாக செவி­ம­டுத்­தி­ருந்­தனர். இச்­சந்­திப்பின் ஈற்றில் எமது கருத்­துக்கள் உட்­பட இலங்கை விஜ­யத்தில் தமது அவ­தானம் குறித்த விட­யங்கள் அடங்­கிய முழு­மை­யான அறிக்­கை­யொன்றை வாஷிங்­ட­னுக்கு சமர்ப்­பிப்­ப­தாக உறு­தி­யாக தெரி­வித்­துள்­ளனர் என்றார்.

அமெ­ரிக்­காவின் பிர­தான கட்­சி­க­ளான குடி­ய­ரசுக் கட்சி மற்றும் ஜன­நாயக் கட்சி ஆகிய இரண்டு கட்­சி­க­ளையும் உள்­ள­டக்­கி­ய­தான அமெ­ரிக்க சபை ஜன­நா­யக கூட்­டு­றவு ஆணைக்­கு­ழுவில் இரு­பது உறுப்­பி­னர்கள் உள்­ளனர்.

இக்­கட்­ட­மைப்­பிற்கும் இலங்கை பாரா­ளு­மன்­றத்­திற்கும் இடையில் கடந்த ஆண்டு செப்டம்பர் 14ஆம் திகதி ஒப்பந்தம் வாஷிங்டனில் கைச்சாத்திடப்பட்டிருந்தது. அவ்வொப்பந்ததத்தின் பிரகாரம் சபை ஜனநாயக கூட்டுறவு கட்டமைப்பானது ஏனைய நாடுகளுடன் இருதரப்பு உறவுகளை வலுப்படுத்துவதோடு சட்டமன்ற நிறுவனங்களின் பதிலளிக்கும் தன்மை, சுதந்திரம், வினைத்திறன் மிக்க அபிவிருத்தி ஆகிய விடயங்களை மேம்படுத்துவதையும் இலக்காக கொண்டிருக்கின்றமை குறிப்பிடத்தக்கது.

http://content.epaper.virakesari.lk/newspaper/Daily/main/2017-02-22#page-1

Categories: merge-rss, yarl-category

'படம்பிடித்து அச்சுறுத்தவில்லை'

ஊர்ப்புதினம் - Wed, 22/02/2017 - 06:07

'படம்பிடித்து அச்சுறுத்தவில்லை'
 

article_1487680570-LEAD.jpgமேனகா மூக்காண்டி

போராட்டங்களில் ஈடுபட்டுள்ள மக்களைப் படம்பிடிக்கவோ அல்லது வீடியோப் பதிவு செய்யவோ, பாதுகாப்புத் தரப்பு உத்தரவிடவில்லை. அத்துடன், முகாம் தேவைக்காக, அங்கிருக்கும் படையினர் புகைப்படம் எடுத்திருக்கலாமே தவிர, அது பொதுமக்களை அச்சுறுத்தும் நோக்கில் எடுக்கப்பட்டதல்ல என்று, பாதுகாப்புத் தரப்பு, நேற்றுத் தெரிவித்தது.

“படை முகாம் என்பது பாதுகாப்பை உறுதிப்படுத்துவதற்காகவே அமைக்கப்பட்டுள்ளது. அதேவேளை, வெளியிலிருந்து படை முகாமுக்கு வரும் அச்சுறுத்தல்களை எதிர்கொள்ளும் தேவையும், அம்முகாமில் உள்ள அதிகாரிகள் வசம் உள்ளது. அதனால், தங்களது பாதுகாப்புக்காக அவர்கள் புகைப்படம் எடுத்திருக்கலாம்” என்று, விமானப்படையின் பேச்சாளர் குரூப் கெப்டன் சந்திம அல்விஸ் தெரிவித்தார்.

முல்லைத்தீவு, கேப்பாப்புலவில் காணி விடுவிப்பை வலியுறுத்தி மேற்கொள்ளப்பட்டு வரும் போராட்டத்தை, விமானப் படையினர் அச்சுறுத்தும் வகையில் புகைப்படம் எடுத்ததாக, போராட்டத்தில் ஈடுபட்டுள்ள மக்களால் குற்றச்சாட்டு முன்வைக்கப்பட்டது. இது தொடர்பில் கேட்டபோதே, அவர் மேற்கண்டவாறு தெரிவித்தார்.

“படை முகாமுக்கு முன்னால், பிரிதொரு தரப்பினர் ஆர்ப்பாட்டமொன்றையோ அல்லது வேறேதேனும் நடவடிக்கையிலோ ஈடுபட்டிருந்தால், அது தொடர்பில் பொறுப்புக்கூற வேண்டிய பொறுப்பு, அந்தப் படை முகாம் தளபதிக்குரியது. அதனால், தங்களுக்குரிய தேவையைத் திரட்டி வைத்துக்கொள்வதற்காக, போராட்டத்தில் ஈடுபட்டிருந்த மக்களை, புகைப்படமோ அல்லது வீடியோப் பதிவோ செய்திருக்கலாம்.

படைத்தரப்பினர் எடுத்ததை விட, ஊடகவியலாளர்கள் பலர், போராட்டத்தில் ஈடுபட்டிருந்த மக்களைப் புகைப்படம் எடுத்துள்ளனரே, அதனால், அம்மக்களுக்கு அச்சுறுத்தல் ஏற்பட்டதா? அது போலத்தான், தங்களது தகவல் திரட்டுக்கா எடுக்கப்பட்ட புகைப்படங்களால், பொதுமக்களுக்கு எவ்வித அச்சுறுத்தலும் ஏற்படப்போவதில்லை. அது குறித்து, அம்மக்கள் அச்சமடையத் தேவையில்லை” என்று, அவர் மேலும் கூறினார்.

- See more at: http://www.tamilmirror.lk/191961#sthash.cUZEKym8.dpuf
Categories: merge-rss, yarl-category

"தமிழ் பிரிவினை வாதிகளே சுமந்திரனை கொல்வதற்கு முயற்சிக்கின்றனர்"

ஊர்ப்புதினம் - Wed, 22/02/2017 - 06:05
"தமிழ் பிரி­வி­னை­ வா­திகளே சுமந்­தி­ரனை கொல்­வ­தற்கு முயற்­சிக்­கின்­றனர்"

 

Image result for சுமந்­திரன் virakesari

அர­சி­யலமைப்பின் 13 ஆவது திருத்தச் சட்­டத்­தினை மீண்டும் அமுல்­ப­டுத்த அர­சாங்கம் முயற்­சிக்­கின்­றது. அதனை பாரா­ளு­மன்ற உறுப்­பினர் சுமந்­திரன்  ஆத­ரிக்­கின்­ற­மை­யி­னா­லேயே தமிழ் பிரி­வி­னை­ வா­திகள் அவரை கொலை செய்ய முயற்­சிக்­கின்­றனர் என தேசிய ஒருங்­கி­ணைப்பு ஒன்­றி­யத்தின் ஊட­கப்­ பேச்­சாளர் வசந்த பண்­டார தெரி­வித்தார்.

நல்­லாட்சி அர­சாங்­கத்தின் செயற்­பா­டு­க­ளி னால் நாடு பிள­வு­பட்டு மிகப்­ பெ­ரிய அச்­சு­றுத்­தலை சந்­திக்க போகின்­றது. நாட்டில்  சமஷ்டி ஆட்­சியும் உரு­வா­கி­ விடும்  என்றும் அவர் குறிப்­பிட்டார். 

தேசிய ஒருங்­கி­ணைப்பு ஒன்­றி­யத்தின் ஏற்­பாட்டில்  தேசிய நூல­கத்தில் நேற்று இடம்­பெற்ற ஊட­க­வி­ய­லாளர் சந்­திப்பில் கலந்­து­கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார்,

அவர் மேலும் தெரி­விக்­கையில்,

ஒரு­பு­றத்தில் ஜனா­தி­பதி மைத்­தி­ரி­பால சிறி­சேன சர்­வ­ஜன வாக்­கெ­டுப்பு வேண் டாம் என்­கிறார். ஐக்­கிய தேசியக் கட்சி வேண்டும் என்­கி­றது. ஆனால் இது அர­சி­ய­லமைப்­பினை 3  இல் 2 பெரும்­பான்­மையை பெற்று நிறை­வேற்­றிக் ­கொள்­வ­தற்­கான நாடகம் என்றே நாம் பார்க்­கின்றோம்.

மேலும் தமிழ்த் தேசியக் கூட்­ட­மைப்பின் பாரா­ளு­மன்ற உறுப்­பினர் எம்.ஏ. சுமந்­திரன் 13 ஆவது திருத்­தத்­தினை வலுப்­ப­டுத்­தினால் அதனை ஏற்­றுக் ­கொள்ள தாங்கள் தயார் என்ற நிலைப்­பாட்டில் உள்ளார்.   அதனால் கடு­மை­ யாக தமிழ் இன­வாதம் பேசு­கின்­ற­வர்கள் அவரை கொலை செய்ய முயற்­சிக்­கின்­றனர்.

மறு­பு­றத்தில் சுதந்­திரக் கட்­சியில் உள்ள ஜனா­தி­பதி மைத்­தி­ரி­பால சிறி­சே­னவின் அணியும் கூட தற் ­போது 13 ஆவது திருத்­தத்தினை மீண்டும் உயிர்ப்­பித்து மாகாண சபைக்­கான காணி, பொலிஸ் மற்றும்   நிதி கையா­ளு­கைக் ­கான அதி­கா­ரங்­களை முத­ல­மைச்­சர்கள் வச­மாக்க ஆத­ர­வா­கவே உள்­ளது.

இதனால் நல்­லா ட்சி அர­சாங்கம் தமிழ் பிரி­வி­னை­ வா­தி­களை முழு­மை­யாக திருப்­தி­ய­டையச் செய்ய முயற்­சித்து வரு­கின்­றது. அதனால் தான் அண்­மையில் முன்னாள் ஜனா­தி­பதி சந்­தி­ரிகா பண்­டா­ர­நா­யக்க குமா­ர­துங்க சிங்­க­ள­வர்­களை புதிய அர­சி­ய­லமைப்­பின் ஊடாக மண்­டி­யிட வைக்க வேண்டும் என்று குறிப்­பிட்­டுள்ளார்.

முன்னாள் ஜனா­தி­பதி மஹிந்த ராஜ­ப­க் ஷ போரில் தமிழ் மக்­களை கொன்று குவிக்­க ­வில்லை. மாறாக தீவி­ர­வா­தி­க­ளையே கொன்றார். எனவே அதற்­காக  சிங்­கள மக்­க ளை குறை கூறு­வது அர்த்­த­மற்­ற­தாகும். 

யார் என்ன கூறி­னாலும் மாகாண சபை­களின் அதி­கா­ரங்­களை வலுப்­ப­டுத்தி ஜனா­தி­ப­தியின் நிறை­வேற்று அதி­கா­ரத்­தினை குறைத்து மறு­பு­றத்தில் திட்­ட­மிட்ட வகை யில் முன்னாள் ஜனா­தி­பதி மஹிந்த ராஜ­ப­க் ஷவின் அர­சியல் வாழ்க்­கையை அஸ்­த­ம­ன­மாக்கும் முயற்­சியில் நல்லாட்சியினர் ஈடுப ட்டுள்ளனர். 

அதனால் வட்டுக்கோட்டை தீர்மானம் நிறைவேற்றப்பட்ட நாள் தொடக்கம் சகல விதமான கோரிக்கைகளும் தமிழ் பிரிவினை வாதிகளுக்கு மீள வழங்கப் படப் போகின்றன. அதனால் புதிய அரசி யலமைப்பினால் தேசம் மிகப் பெரிய அச் சுறுத்தலை  எதிர் கொள்ள போகின்றது என் றார். 

http://www.virakesari.lk/

Categories: merge-rss, yarl-category

புலம் பெயர் கள்ள கூட்டத்தின் காணி சுவீகரிப்பு.

வாழும்-புலம் - Wed, 22/02/2017 - 05:54

வட கிழக்கில் புலம்பெயர் தமிழர்கள் காணிகளை வேண்டுவதனால் உண்டான பாதக விளைவுகளால் என் நண்பன் மிகவும் மன வேதனை கொண்டு என்னுடன் பகிர்ந்த விடயங்களை இங்கு எழுத விரும்புகிறேன்.

நானும் அவனும் ஒரே ஊர் தான். இராணுவம் கொஞ்சம் கொஞ்சமாக இப்பதான் விடுறாங்கள். விட்ட உடன் காணிக்காரன் வெளிநாட்டில் இருந்து வந்து திருத்தி போட்டு இன்னொரு வெளிநாட்டு காரனுக்கு நல்ல விலைக்கு வித்து போட்டு போறான். என் நண்பன் ஒரு ஆசிரியர். மேலதிக வருமானத்துக்கு வெங்காயம் மிளகாய் செய்யுறான். ஆனால் அவனிடம் போதிய காணி இல்லை. என்னிடம் கேட்டான் காணி வேண்டி குத்தகைக்கு தர முடியுமா என்று? எனக்கு அதில் உடன்பாடு இல்லை.

காணி வேண்டும் புலம் பெயர் ஆட்கள் யார் என்று பார்த்தால் புலத்தில் உருட்டு மாட்டு விளையாட்டுகள் செய்து காசு சேர்த்து போட்டு அதை என்ன செய்வது என்று தெரியாமல் தாய் தந்தை உறவுகள் பெயரில் காணி வீடு வேண்டி விருதுகள்.

இதனால் வட கிழக்கில் உள்ள சாதாரண குடிமகன் பாதிக்க படுகிறான் என்பதை புரியும் பக்குவம் இருக்குமா தெரியவில்லை.

வட கிழக்கின் எல்லை புற கனிகளை வேண்டி விடடால் பரவாயில்லை. சிங்கள குடியேற்றங்களை தடுக்க வாவது உதவும்.

Categories: merge-rss