yarl-category

2297 பேர் உயிரிழந்த அவலம் - பொலிஸ் ஊடக பேச்சாளர்

2297 பேர் உயிரிழந்த அவலம் - பொலிஸ் ஊடக பேச்சாளர்
 

இந்த வருடத்தில் கடந்த 10 மாதங்களில் இடம்பெற்ற வீதி விபத்துகளில் 2297 பேர் உயிரிழந்துள்ளதாக  பொலிஸ் பேச்சாளரான பொலிஸ் அத்தியட்சகர் ருவான் குணசேகர  தெரிவித்துள்ளார்.

2297 பேர் உயிரிழந்த அவலம் -  பொலிஸ் ஊடக பேச்சாளர்

பொலிஸ் தலைமையகத்தில் நேற்று நடைபெற்ற செய்தியாளர் சந்திப்பிலேயே இந்த விடயத்தைக் குறிப்பிட்டுள்ளார்.

வீதிகளில்  வீதி ஒழுங்குகளை விதிகளை மீறி  வாகனங்களை செலுத்துபவர்களுக்கு எதிராக நடவடிக்கை எடுத்துவரும் பொலிஸ் தலைமையகம், வீதி ஒழுங்குகளை பின்பற்றுபவர்களை கௌரவிக்கும் நடவடிக்கைகளையும் முன்னெடுத்து வருவதாக தெரிவித்துள்ளார்.

கொழும்பு, கண்டி மற்றும் குருநாகல் ஆகிய நகரங்களில் கடந்த காலங்களில்  இந்த கௌரவிப்பு வேலைத்திட்டங்களை முன்னெடுத்துள்ளதாகவும் அவர் தெரிவித்துள்ளார்.

உயிரிழந்தவர்களில் அதிகமாக மோட்டார் சைக்கிள்களில்  பயணித்தவர்களே என பொலிஸ் ஊடக பேச்சாளர் சுட்டிக்காட்டியுள்ளார்.

அத்துடன்,  பாதசாரிகளில் பலரும் உயிரிழந்துள்ளதாகவும் தெரிவித்துள்ளார்.

https://news.ibctamil.com/ta/internal-affairs/dead-2297-persons-in-lanka-

Categories: merge-rss, yarl-category

மர்மமானமுறையில் காணாமல்போன 3 பெண்களில் இருவர் சரண் ; தமிழ் சிறுமியை தேடும் நடவடிக்கையில் பொலிஸார்

மர்மமானமுறையில் காணாமல்போன 3 பெண்களில் இருவர் சரண் ; தமிழ் சிறுமியை தேடும் நடவடிக்கையில் பொலிஸார்

 

 

கொலன்னாவை பகுதியில் இருந்து கடந்த சனிக்கிழமை முதல் காணாமல்போயிருந்த மூன்று பெண்களில் இரு பெண்கள் பொலிஸ் நிலையத்தில் சரணடைந்துள்ளதாக பொலிஸார் தெரிவித்தனர். 

girl.jpg

இவ்வாறு சரணடைந்தவர்களில் ஒருவர் 19 வயதுடைய வத்சலா பெரேரா எனவும் மற்றையவர் அவரது கணவரின் 15 வயதுடைய சகோதரியெனவும் பொலிஸார் தெரிவித்தனர்.

இதேவேளை, இவர்களுடன் இணைந்து கடந்த சனிக்கிழமை காணாமல்போய் மீண்டும் வராத 14 வயதான தமிழ் சிறுமியை தேடும் நடவடிக்கையில் இறங்கியுள்ளதாக வெல்லம்பிட்டிய பொலிஸார் மேலும் தெரிவித்தனர்.

கொலன்னாவை பகுதியைச் சேர்ந்த, ஒன்றரை வயதுடைய குழந்தையின் தாயான 19 வயதுடைய வத்சலா பெரேரா அவரது கணவரின் 15 வயதுடைய சகோதரி மற்றும் அயல் வீட்டில் வசிக்கும் தமிழ் சிறுமி ஆகிய மூவரும் கடந்த சனிக்கிழமை முதல் காணாமல் போயிருந்தனர்.

மூன்று நாட்களாக காணாமல் போயுள்ள இளம் தாய் மற்றும் இரு சிறுமியர் குறித்து பொலிஸார் விசாரணைகளை ஆரம்பித்துள்ளனர். 

 

கொலன்னாவை பகுதியைச் சேர்ந்த, ஒன்றரை வயதான குழந்தையின் தாயான, 19 வயதுடைய வத்சலா பெரேரா அவரது கணவரின் 15 வயதுடைய சகோதரி மற்றும் அயல் வீட்டில் வசிக்கும் 14 வயதான தமிழ் சிறுமி ஒருவருமே இவ்வாறு காணாமல் போயிருந்தனர். 

 

இவர்கள் மூவரும் கடந்த சனிக்கிழமை மாலை ஆடைகளை கொள்வனவு செய்வதற்காக, வீட்டில் இருந்து புறப்பட்டுச் சென்றுள்ளனர். 

 

இந்தநிலையில், காணாமல் போனதாக கூறப்பட்ட தமிழ் சிறுமி,வத்சலா பெரேராவின் கணவருக்கு அழைப்பை மேற்கொண்டுள்ளார். குறித்த தமிழ் சிறுமியின் பெற்றோர், காணாமல்போன மூவரையும் இனந்தெரியாதோர் அடைத்து வைததுள்ளதாக சந்தேகிப்பதாக ஏற்கனவே தெரிவித்திருந்தனர்.

இதேவேளை, குறித்த பெண்களின் பெற்றோர் மற்றும் குடும்ப உறுப்பினர்கள்  வெல்லம்பிடிய மற்றும் கிராண்ட்பாஸ் பொலிஸ் நிலையங்களில் முறைப்பாடு செய்துள்ளனர்.

இந்நிலையிலேயே குறித்த 3 பெண்களில் தமிழ் சிறுமியைத் தவிர ஏனைய இருவரும் பொலிஸ் நிலையத்தில் சரணடைந்துள்ளமை குறிப்பிடத்தக்கது.

http://www.virakesari.lk/article/25939

Categories: merge-rss, yarl-category

ஊர்ப் பிள்­ளை­க­ளைச் சாவ­டித்து அதிலே அர­சி­யல் செய்­யா­தீர்­கள்!

ஊர்ப் பிள்­ளை­க­ளைச் சாவ­டித்து அதிலே அர­சி­யல் செய்­யா­தீர்­கள்!
 
ஊர்ப் பிள்­ளை­க­ளைச் சாவ­டித்து  அதிலே அர­சி­யல் செய்­யா­தீர்­கள்!
 
 

தேர்­த­லில் இழந்த பத­வி­க­ளை­யும், அர­சி­யல் கதி­ரை­க­ளை­யும் மீண்­டும் பிடிப்­ப­தற்­காக அர­சி­யல் கைதி­க­ளின் உயிரைப் பயன்­ப­டுத்தி ஊர்ப் பிள்­ளை­க­ளைச் சாவ­டித்து அதில் அர­சி­யலை செய்ய வேண்­டாம் என்று கஜேந்­தி­ர­கு­மார் அணி­யி­ன­ரைக் கேட்­டுக்­கொள்­கி­றேன்.

அர­சி­யல் கைதி­க­ளின் விடு­தலை தொடர்­பில் பேசி­வ­ரும் கஜேந்­தி­ர­கு­மார் இத்­தனை ஆண்­டு­க­ளில் ஒரு தட­வை­யா­வது சிறைச்­சா­லைக்­குச் சென்று அவர்­க­ளைச் சந்­தித்­துக் கதைத்­துள்­ளாரா? தமிழ் மக்­க­ளைச் சாவ­டித்து அதில் அர­சி­யல் இலா­பம் காணும் செயல்­களை உட­ன­டி­யாக இவர்­கள் கைவிட வேண்­டும்.

இவ்­வாறு ஆணித்­த­ர­மா­கத் தெரி­வித்­தார் வடக்கு மாகாண சபை உறுப்­பி­னர் எம்.கே.சிவா­ஜி­லிங்­கம்.

‘‘அரச தலை­வர் மைத்­தி­ரி­பா­ல­வின் யாழ்ப்­பா­ணப் பய­ணத்­தின்­போது நீதி­மன்­றம் போராட்­டங்­க­ளுக்­குத் தடை­வி­தித்து விட்­ட­தாக வந்த பத்­தி­ரி­கைச் செய்­தி­யைப் பார்த்து பம்­மிய கஜேந்­தி­ர­கு­மார், நான் போராட்­டக்­க­ளத்­துக்கு வந்­து­விட்­டேன் என்று அறிந்­த­வு­டன் ஓடி வந்து ஆட்­க­ளோடு ஆட்­க­ளாக நின்று விட்டு நான் மைத்­தி­ரி­யு­டன் இர­க­சிய தொடர்­பில் இருப்­ப­தாக ஆதா­ர­ மில்­லாத குற்­றச்­சாட்­டுக்­களை முன்­வைக் கின்­றார்’’ என்­றும் அவர் கூறி­னார்.

தமிழ் அர­சி­யல் கைதி­க­ளின் விட­யத்­தில் சிவா­ஜி­லிங்­கம் அர­சுக்­குச் சார்­பா­கச் செயற்­பட்டு வரு­கி­றார் என அகில இலங்கை தமிழ்க் காங்­கி­ர­ஸின் தலை­வ­ரும், தமிழ்த் தேசிய மக்­கள் முன்­ன­ணி­யின் தலை­வ­ரு­மான கஜேந்­தி­ர­கு­மார் பொன்­னம்­ப­லம் நேற்­று­முன்­தி­னம் குற்­றஞ்­சு­மத்­தி­யி­ருந்­தார்.

இந்­தக் குற்­றச்­சாட்­டுக்­க­ளுக்­குப் பதி­ல­ளிக்­கும் வகை­யில், யாழ்­பாடி விருந்­தி­னர் விடு­தி­யில் நேற்று பத்­தி­ரி­கை­யா­ளர்­க­ளைச் சந்­தித்­தார் சிவா­ஜி­லிங்­கம்.

அவர் அங்கு மேலும் தெரி­வித்­த­தா­வது:

ஆளு­நரைக் கடந்த வெள்­ளிக்­கி­ழமை சந்­தித்து நில­மையை எடுத்­துக் கூறி அரச தலை­வரை இந்த விட­யத்­தில் உட­ன­டி­யா­கத் தலை­யிட்­டுத் தீர்வு காணு­மாறு கோரி­னோம்.

அரச தலை­வர் இங்கு வரும்­போது அவ­ருக்கு எதி­ராகக் கவ­ன­வீர்ப்புப் போராட்­டம் மேற்­கொள்­ள­வுள்­ளோம், அதன் பின்­னர் வேண்­டு­னா­மால் நாம் அவ­ரு­டன் கதைக்­க­லாம் என்­றேன்.

இது­தான் ஆளு­ந­ருக்­கும் எமக்­கும் இடை­யில் சந்­திப்­பில் பேசப்­பட்­டது. இதை­ய­றி­யாத சிலர் பொய்­யாக நான் பல மணி நேர­மாக ஆளு­ந­ரு­டன் உரை­யா­டி­னேன் என்­கின்­ற­னர்.

நானும் ஆளு­ந­ரும் பல மணி­நே­ரம் கதைக்க நாங்­கள் என்ன காத­லர்­களா?
தேர்­த­லில் இழந்த பத­வி­க­ளை­யும், அர­சி­யல் கதி­ரை­க­ளை­யும் மீண்­டும் பிடிப்­ப­தற்­காக அர­சி­யல் கைதி­க­ளின் உயிரைப் பயன்­ப­டுத்தி ஊர்ப் பிள்­ளை­க­ளைச் சாவ­டித்து அதில் அர­சி­யல் செய்யவேண்­டாம் என்று கஜேந்­தி­ர­கு­மார் அணி­யி­ன­ரைக் கேட்­டுக்­கொள்­கி­றேன்.

அர­சி­யல் கைதி­க­ளின் விடு­தலை தொடர்­பில் பேசி­வ­ரும் கஜேந்­தி­ர­கு­மார் இத்­தனை ஆண்­டு­க­ளில் ஒரு தட­வை­யா­வது சிறைச்­சா­லைக்­குச் சென்று அவர்­க­ளைச் சந்­தித்துக் கதைத்­துள்­ளாரா? தமிழ் மக்­க­ளைச் சாவ­டித்து அதில் அர­சி­யல் இலா­பம் காணும் செயல்­களை உட­ன­டி­யாக இவர்­கள் கைவிட வேண்­டும்.

பொது இடங்­க­ளில் சம்­பந்­த­னை­யும் சுமந்­தி­ர­ னை­யும் தூற்­று­வதை விட இவ­ருக்கு அர­சி­யல் தெரி­யுமா? தனது பேச்­சுக்­க­ளில் இந்த இரு­வ­ரின் பெயர்­க­ளை­யும் இழுக்­காது அர­சி­யல் கதைக்­கத் தெரி­யாது அவ­ருக்கு.

நாம் மறக்­க­வில்லை.

கஜேந்­தி­ர­கு­மார் கடந்த கால நிகழ்­வு­களை மறந்து அல்­லது மறைத்­துப் பொய்­யான பரப்­பு­ரை­களை மக்­கள் மத்­தி­யில் முன்­வைத்து வரு­கின்­றார். ஆனால் தமிழ் மக்­கள் அனைத்­தை­யும் அறிந்து வைத்­துள்­ள­னர்.

இலங்­கை­யில் உள்­நாட்டுப் போர் இடம்­பெற்ற 2009ஆம் ஆண்டு மே மாத காலப்­ப­கு­தி­யில் விடு­த­லைப் புலி­கள் அமைப்­பின் முக்­கிய தள­ப­தி­கள் வெள்­ளைக்­கொ­டி­யு­டன் சர­ண­டைந்­த­னர்.

இந்த விட­யம் தொடர்­பில் முன்­னாள் அரச தலை­வர் மகிந்­த­வின் சகோ­த­ரர் பசி­லு­டன் இர­க­சி­ய­மாக அலை­பே­சி­யில் உரை­யா­டிய கஜேந்­தி­ர­கு­மார் இது தொடர்­பா­கவோ அல்­லது சர­ண­டைந்­த­வர்­க­ளுக்கு என்ன நடந்­தது என்­பது தொடர்­பிலோ ஐ.நா. சபை­யில் ஒரு தட­வை­யே­னும் சாட்­சி­ய­ம­ளிக்­காமை பலத்த சந்­தே­கங்­களை எழுப்­பு­கின்­றது.

இறு­திப் போரில் நடந்­த­வற்றை மறைத்­து­வ­ரும் கஜேந்­தி­ர­கு­மார் ஜெனி­வா­வில் நாம் உரை­யாற்­றும்­போது பின்­வ­ரி­சை­யில் ஒளித்து இருந்து வேடிக்கை பார்த்­து­விட்டு இங்கு வந்து தேசி­யம் கதைத்து மக்­களை முட்­டா­ளாக்­கும் செயல்­க­ளையே செய்­து­வ­ரு­கின்­றார். மக்­கள் எல்­லா­வற்­றை­யும் அறிந்து வைத்­துள்­ள­னர்.

இங்கு இலங்கை அர­சுக்கு எதி­ரா­கக் கொக்­க­ரித்து வரும் அவர், ஒரு நாளா­வது பன்­னாட்டு அள­வி­லும் ஐ.நாவி­லும் மைத்­திரி, ரணி­லுக்கு எதி­ராக ஏதா­வது ஒரு கருத்­தை­யா­வது முன்­வைத்­தி­ருப்­பாரா? இவ்­வா­றான ஒரு­வ­ரின் அர­சி­யலை மக்­கள் நன்கு அறிந்து வைத்­தி­ருப்­பார்­கள்.

 

ஊருக்­குத்­தான் உப­தே­சம்

இலங்­கைத் தமிழ் அர­சுக் கட்­சி­யை­யும், தமிழ்த் தேசி­யக் கூட்­ட­மைப்­பை­யும் தூற்றி வரும் கஜேந்­தி­ர­கு­மார் தனது காங்­கி­ரஸ் கட்­சியை தமிழ் தேசிய மக்­கள் முன்­ன­ணி­யாக மாற்­றி­யுள்­ளார்.

அதனை இன்­று­வரை பதிவு செய்­யா­மல் இருந்து கொண்டு மற்­ற­வர்­களை இவர் தூற்­று­வது சரி­தானா ?

தனக்கு ஒரு நியா­யம் ஊருக்கு ஒரு நியா­யம் என்று அர­சி­யல் செய்து வரும் அவ­ரும் அவ­ரது குழு­வி­ன­ரும் மக்­கள் மத்­தி­யில் பொய்­யான வதந்­தி­களைப் பரப்­பு­வதை நிறுத்­த­வேண்­டும்.

அவ­ருக்கு இந்­தச் சந்­தர்ப்­பத்­தில் ஒரு சவால் விடு­க்கின்­றேன். அவர் தூய அர­சி­யல்­வாதி என்­றால் என்­னு­டன் நேரடி விவா­தத்­துக்கு வரு­மா­றும் அழைப்பு விடுக்­கின்­றேன்-– என்­றார்.

http://newuthayan.com/story/38024.html

Categories: merge-rss, yarl-category

இடைக்கால அறிக்கை பற்றி சுமந்திரன் அவர்களின் செவ்வி

இடைக்கால அறிக்கை பற்றி சுமந்திரன் அவர்களின் செவ்வி

 

 

Categories: merge-rss, yarl-category

இந்தியர்களை வெளியேற்றுமாறும் வேதனத்தை வழங்குமாறும் தெரிவித்து கல்குடா மதுபான தொழிற்சாலை முன் தொழிலாளர்கள் ஆர்ப்பாட்டம்

இந்தியர்களை வெளியேற்றுமாறும் வேதனத்தை வழங்குமாறும் தெரிவித்து கல்குடா மதுபான தொழிற்சாலை முன் தொழிலாளர்கள் ஆர்ப்பாட்டம்

 

 

சர்ச்சைக்குள்ளான கல்குடா பகுதியில் அமைக்கப்பட்டுக் கொண்டிருக்கும் மதுபானதொழிற்சாலை வாயிலை மறித்து தொழிலாளர்கள் ஆர்ப்பாட்டத்தில் ஈடுபட்டனர்.

fsfa.jpg

கல்குடா மதுபானசாலையில் தாங்கள் வேலை செய்தபோதும் கடந்த 7 ஆம் மாதத்தில் இருந்து தங்களை வேலையில் இருந்து நிறுத்தியிருந்த நிலையில் தாங்கள் வேலை செய்த சுமார் மூன்று மாதங்களுக்குரிய வேதனம், குறித்த கம்பனியின் வேலைகளை முன்னெடுத்துச் செல்லும் நிறுவனத்தால் வழங்கவேண்டிய தொகை இழுத்தடிப்பு செய்திருந்த நிலையில் நேற்றைய தினம் ஊழியர்களினால் ஆர்ப்பாட்டமொன்று முன்னெடுக்கப்பட்டிருந்தது.

22641705_1890898560938095_1427034526_o.j

ஆர்ப்பாட்டத்தில் ஈடுபட்ட ஊழியர்கள் மதுபான நிறுவனத்தின் பிரதான வாயிலை மூடிய நிலையில் ஆர்ப்பாட்டம் மேற்கொண்டபோது, குறித்த இடத்திற்கு வருகைதந்த  கல்குடா பொலிஸ் நிலைய பொறுப்பதிகாரி மற்றும் கலகத்தடுப்பு பொலிசார் வருகைதந்து பொதுப்போக்குவரத்திற்கு இடையூறு விளைவிக்கவேண்டாம் என கேட்டுக் கொண்டமைக்கு அமைய பாதை திறக்கப்பட்டது.

22635382_1890901987604419_1025436419_n.j

இருந்ததுபோதும் குறித்த மதுபான உற்பத்தி தொழிற்சாலைக்குள் வேலை செய்யவந்த கட்டிட நிர்மாண வேலையை முன்னெடுக்கும் நிறுவன ஊழியர்களை தடுத்துநிறுத்தி தங்களின் பணத்தினை வழங்கினால் மாத்திரம் உள் நுளைய அனுமதிக்கப்படும் எனத் தெரிவித்து அவர்களை பல மணி நேரங்களாக ஆர்ப்பாட்டத்தில் ஈடுபட்டவர்கள் தடுத்துவைத்திருந்தனர்.

22627567_1890902197604398_2140771764_n.j

இதன் பின்னர் உடனடியாக இந்தியாவில் இருந்து வருகைதந்து வேலை செய்யும் தொழிலாளிகளையும் வெளியேற்ற வேண்டும் என ஆர்ப்பாட்டக்காரர்கள் தெரிவித்ததையடுத்து அங்கிருந்த இந்தியர்கள் அனைவரும் வேலைத்தளத்தில் இருந்து உடனடியாக வெளியேறினர்.

22627518_1890898707604747_889958517_n.jp

இதன் பின்னர் தங்களின் பணங்கள் வழங்கப்படும் என தெரிவித்திருந்த நிலையில் உரிய கம்பனியுடன் இணக்கப்பாட்டுக்கு வந்ததினை அடுத்து ஆர்ப்பாட்டத்தில் ஈடுபட்டவர்கள் கலைந்து சென்றனர்.

22554577_1890899070938044_2034735113_n.j

இதன்போது ஒருவருக்கு 48 இலட்சம் மற்றும் 8 இலட்சம் ரூபா வழங்கவேண்டிய நிலையிலேயே தொழிலாளர்கள் குறித்த ஆர்ப்பாட்டத்தை முன்னெடுத்தமை குறிப்பிடத்தக்கது.

http://www.virakesari.lk/article/25938

Categories: merge-rss, yarl-category

தீபாவளியன்று தாயும் மகனும் கழுத்தறுத்துக் கொலை ; ஏறாவூரில் சம்பவம்

தீபாவளியன்று தாயும் மகனும் கழுத்தறுத்துக் கொலை ; ஏறாவூரில் சம்பவம்

 

 

தாயும் மகனும் கழுத்தறுத்துக்கொலை செய்யப்பட்டுள்ளதாக ஏறாவூர் பொலிஸார் தெரிவித்தனர்.

eravuoor.jpg

ஏறாவூர், புன்னக்குடா பகுதியிலுள்ள ஒரு வீட்டில் தாயும் மகனும் இவ்வாறு கழுத்தறுத்துக் கொலை செய்யப்பட்ட நிலையில் சடலங்களாரக மீட்கப்பட்டுள்ளதாக பொலிஸார் மேலும் தெரிவித்தனர்.

22554379_1891073844253900_508631582_n.jp

குறித்த தாயும் மகனும் தனிமையில் இருந்த வேளை, வீட்டுக்குள் புகுந்த கொள்ளைக் கும்பலொன்று தாயையும் மகனையும் கழுத்தறுத்துக்கொலை செய்து விட்டு அங்கிருந்து பணம் மற்றும் நகைகளை கொள்ளையிட்டுச் சென்றுள்ளதாக பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.

இவ்வாறு கொலைசெய்யப்பட்டவர் இளம் தாயெனவும் கணவன் வெளியூரில் வசிப்பதாகவும் தெரிய வருகின்றது.

இச் சம்பம் இரவு இடம்பெற்றிருக்கலாமென சந்தேகிக்கும் பொலிஸார் சம்பம் தொடர்பில் இன்று காலை 8.30 மணிளவிலேயே தகவல் கிடைத்ததாகவும் தெரிவித்தனர்.

கழுத்தறுத்துக் கொலை செய்யபட்டவர்கள் ராஜா மதுவந்தி 26 வயதெனவும் மதுசன் வயது 11 எனவும் பொலிஸார் தெரிவிக்கின்றனர்.

சம்பவம் தொடர்பில் ஏறாவூர் பொலிஸார் மேலதிக விசாரணைகளை மேற்கொண்டு வருகின்றனர்.

தீபாவளி தினமான இன்று இக் கொடூரச் சம்பவம் இடம்பெற்ற நிலையில் குறித்த பகுதியில் பெரும் பதற்றம் நிலவுவதாகவும் அப் பகுதி மக்கள் பெரும் அச்சத்துடன் இருப்பதாகவும் எமது செய்தியாளர் தெரிவித்தார்.

http://www.virakesari.lk/article/25937

Categories: merge-rss, yarl-category

வெலிக்கடை சிறைச்சாலை சம்பவம் குறித்து விசாரணை ஆரம்பம் !!

வெலிக்கடை சிறைச்சாலை சம்பவம் குறித்து விசாரணை ஆரம்பம் !!

 

2012 ம் ஆண்டு வெலிக்கடை சிறைச்சாலைக்குள் அரச பாதுகாப்பு படையினர் மேற்கொண்ட துப்பாக்கிச்சூடு காரணமாக 27 கைதிகள் மரணமடைந்ததாக கூறப்படும் சம்பவம் குறித்து தற்போது போலீசார் புதிதாக விசாரணையொன்றை ஆரம்பித்துள்ளதாக சட்ட மா அதிபர் மேல் முறையீட்டு நீதிமன்றத்தில் அறிவித்துள்ளார்.

வெலிக்கடை   சிறைச்சாலை  சம்பவம் குறித்து  விசாரணை ஆரம்பம் !!

2012ம் ஆண்டு  நவம்பர் 9ம் திகதி  அன்று வெலிக்கடை சிறைச்சாலையில் மோதல் சம்பவம் நடந்தது.

இந்த கொலைகள் குறித்து விசாரணைகளை மேற்கொண்டு சந்தேக நபர்களை கைது செய்யும்படி அரசாங்கதிற்கு உத்தரவொன்றை பிறப்பிக்குமாறு சிறை கைதிகளின் உரிமைகளுக்காக போராடும் அமைப்பின் தலைவர் சுதேஷ் நந்திமால் டி சில்வா தாக்கல் செய்த மனு விசாரணைக்கு அழைக்கப்பட்டபோதே சட்ட மா அதிபர் இதனை அறிவித்தார்.

வெலிக்கடை   சிறைச்சாலை  சம்பவம் குறித்து  விசாரணை ஆரம்பம் !!

சுமார் ஐந்து ஆண்டுகளுக்கு முன்னர் நிகழ்ந்த இந்த சம்பவம் குறித்து குற்ற புலனாய்வு திணைக்களம் விசேட விசாரணையொன்றை ஆரம்பித்துள்ளதாக தெரிவித்த அரச தரப்பின் வழக்கறிஞர் இதன்படி சில முக்கிய வாக்கு மூலங்கள் பதிவு செய்யப்பட்டுள்ளதாக அறிவித்தார்.

விசாரணைகளில் சில முன்னேற்றங்கள் காணப்படுவதாக கூறிய அவர் அதனை அடுத்த வழக்கு தினத்தன்று நீதிமன்றத்தில் அறிவிக்கவுள்ளதாக தெரிவித்தார்.

இதன்படி மனுவை அடுத்த டிசம்பர் மாதம் 6-ஆம் தேதியன்று மீண்டும் அழைக்குமாறு உத்தரவிட்ட நீதிபதிகள் அன்றைய தினம் விசாரணைகளின் முன்னேற்றங்களை அறிவிக்குமாறு அரச தரப்பிற்கு உத்தரவிட்டனர்.

வழக்கு விசாரணை முடிவடைந்த பின்னர் ஊடகங்களுக்கு கருத்து தெரிவித்த சிறை கைதிகளின் உரிமைகளுக்காக போராடும் அமைப்பின் தலைவர் சுதேஷ் நந்திமால் டி சில்வா கடந்த மகிந்த ராஜபக்ஷவின் ஆட்சிக் காலத்தில் நிகழ்ந்த இந்த கொலைகள் குறித்து முறையான விசாரணைகளை மேற்கொள்ள அந்த அரசாங்கம் தவறியதாக குற்றம்சாட்டினார்.

ஆனால் தற்போதைய அரசாங்கமும் இந்த விசாரணைகளை துரிதமாக முன்னெடுக்க தவறியுள்ளதாக குற்றம்சாட்டிய அவர், இறந்த கைதிகளுக்கு நஷ்டஈடு வழங்குவதன் மூலம் மட்டும் நியாயத்தை வழங்க முடியாதென்று கூறினார்.

இதற்கு பொறுப்புக்கூற வேண்டிய சந்தேக நபர்களை அடையாளம் கண்டு அவர்களை சட்டத்திற்கு முன் நிறுத்தும் வரை தங்களது போராட்டம் தொடருமென்றும் அவர் கூறினார்.

இந்த கொலைகளுக்கு கடந்த ஆட்சியின் பாதுகாப்பு செயலாளராக கடமையாற்றிய கோத்தாபய ராஜபக்ஷ உட்பட உயர் பாதுகாப்பு அதிகாரிகள் மீது குற்றச்சாட்டு சுமத்தப்பட்டுள்ளமை குறிப்பிடத்தக்கது.

அதே போன்று வெலிக்கடை கைதிகளின் கொலைகளுக்கு அப்போது ராணுவ தளபதியாக கடமையாற்றிய ஜெனரல் ஜகத் ஜெயசூரிய பொறுப்புக் கூற வேண்டுமென்று முன்னாள் ராணுவ தளபதியும் அமைச்சருமான சரத் பொன்சேகா அண்மையில் ஊடகங்களுக்கு கருத்து தெரிவித்திருந்தமையும்  குறிப்பிடத்தக்கது.

https://news.ibctamil.com/ta/internal-affairs/Trial-begins-in-Welikada-prisons

Categories: merge-rss, yarl-category

தமிழ் பெயர் கொண்ட ஒருவர் நியூசீலாந்திலிருந்து போலி வேலை வாய்ப்பு அறிவித்தலை விடுத்துள்ளார்?

தமிழ் பெயர் கொண்ட ஒருவர் நியூசீலாந்திலிருந்து போலி வேலை வாய்ப்பு அறிவித்தலை விடுத்துள்ளார்?

 


நியூசீலாந்தில் வேலை வாய்ப்பு தருவதாகக் கூறி பொய் விளம்பரம் ஒன்று சமூக வலைத்தளங்களில் வருவதை குறிப்பிட்ட தொழிற்சாலை நிறுவனம் மறுத்துள்ளது. Rotational Plastics என்ற நிறுவனத்தில் பணியாற்றுபவராகத் தம்மை அறிமுகப்படுத்தும் தமிழர் ஒருவர் பல தொகைப்பணத்தைக் கட்டி வருவதற்கான விண்ணப்பங்களை பூர்த்தி செய்யுமாறு கேட்கிறார்.

தங்குமிட வசதிகளும் வேறு கொடுப்பனவுகளை பற்றி அதில் விண்ணப்பம் அறிக்கைவடிவில் அவர் அனுப்புகிறார். இதுப்பற்றி நியூசீலாந்தில் வாழும் இலங்கையர் ஒருவர் நேரடியாக இந்த நிறுவனத்தை விசாரித்தபொழுது இதற்கும் தமக்கும் எவ்வித தொடர்பும் இல்லை எனது தெரிவித்துள்ளனர்.

நிறுவனம் உடனடியாக தகவல் தொழிநுட்ப புலனாய்வு நடவடிக்கைகளை மேற்கொண்டுள்ளது எனது தெரிவிக்கப்பட்டது. நியூசீலாந்து மட்டுமல்ல வேறு நாடுகளிலும் இப்படியான வேலை வாய்ப்புகள் கிடைக்கும் வகையில் அறிவிக்கப்படும் அறிவித்தல்களை சரியான ஆதாரமின்றி எவ்வித பணக்கொடுக்கலும் செய்ய வேண்டாம் என இலங்கை வாழ் இளையோர் யுவதிகள் கேட்கப்படுகின்றனர் .

http://globaltamilnews.net/archives/45829

Categories: merge-rss, yarl-category

அரசியல் கைதிகளின் வழக்கு மாற்றம் தொடர்பில் நாளை முடிவு

அரசியல் கைதிகளின் வழக்கு மாற்றம் தொடர்பில் நாளை முடிவு

 

 

அரசியல் கைதிகள் வழக்கு விசாரணைகளை வவுனியாவிற்கு இடமாற்றம் செய்வது தொடர் பில் நாளை வியாழக்கிழமை பேச்சுவார்த்தை நடத்தி உரிய தீர்மானம் எடுப்போம். இது தொடர் பில் பேசித் தீர்க்க நாம் தயாராக உள்ளோம். அத்துடன் அரசியல் கைதிகளின் வழக்கு விசார ணைகளை துரிதப்படுத்த தயாராக உள்ளோம் என சபையில் அரசாங்கம் திட்டவட்டமாக  அறிவித்தது.  

swaminathan-sagala-ratnayake.jpg

அத்துடன் உண்ணாவிரதம் இருக்கும்  அரசியல் கைதிகளுக்கு சிகிச்சை அளிப்பதற்கு தயாராக உள்ளோம். மேலும் புதிய பயங்கரவாத எதிர்ப்பு சட்டம் அடுத்த வருடம் பாராளுமன்றத்தில் சமர்ப்பிக்கப்படும் என்றும்  அரசாங்கத்தின் அமைச்சர்கள் குறிப்பிட்டனர்.

பாராளுமன்றத்தில் நேற்று செவ்வாய்க்கிழமை நடைபெற்ற  அரசியல் கைதிகள் தொடர்பான சபை ஒத்திவைப்பு வேளை மீதான விவாதத்தில் கலந்து கொண்டு உரையாற்றுகையிலேயே அமைச்சர்களான சாகல ரத்நாயக்க, டி.எம் சுவாமிநாதன் மற்றும் நீதி பிரதி அமைச்சர் சமிந்த துஷ்மந்த  ஆகியோர்  மேற்கண்டவாறு சுட்டிக்காட்டினர்.  

சட்டம் , ஒழுங்கு அமைச்சர்  சாகல ரத்நாயக்க உரையாற்றுகையில்,

புதிய பயங்கரவாத எதிர்ப்பு சட்டத்தை  கொண்டு வருவதற்கு நாம் திட்டமிட்டுள்ளோம்.  அரசியல் கைதிகள்  குறித்த  வழக்கு விசாரணை தொடர்பில் என்னால் எதுவும் கூறமுடியாது. அதற்கு நீதி அமைச்சர்தான பதில் வழங்க வேண்டும். 2015 ஜனவரி மாதமளவில் அரசியல் கைதிகள்  180 பேர் இருந்தனர். எனினும் அதில்  40 பேர் விடுதலை செய்யப்பட்டனர். 25 பேர் புனர்வாழவு அளிக்கப்பட்டனர். ஒருவர் இருதய நோயினால் உயிரிழந்துள்ளார். 74 பேர் பாரதூரமான வழக்கின் கீழ் உள்ளனர்.

 சட்டமா அதிபர் திணைக்களம் உரிய முறையில் செயற்படுவதாக இல்லை. அத்துடன் பயங்கரவாத தடை சட்டத்தின் கீழ் தமிழர் மாத்திரம் கைது செய்யப்படவில்லை. சிங்களவர்களும் முஸ்லிம்களும் கைது செய்யப்பட்டுள்ளனர். 

 புதிய பயங்கரவாத  எதிர்ப்பு சட்டமூலம் தற்போது அமைச்சரவையில் சமர்ப்பிக்கப்பட்டு சட்டவாக்க திணைக்களத்திற்கு அனுப்பி வைக்கப்பட்டுள்ளது. இதன்படி அடுத்த வருடம் குறித்த சட்டமூலம் பாராளுமன்றத்தில்  சமர்ப்பிக்கப்படும். பயங்கரவாத தடை சட்டம் தற்போது ஒத்துவராது என்றாலும் தற்போது கைது செய்யப்பட்டவர்கள் யுத்த காலப்பகுதிக்கு ஏற்றவாறு தயாரிக்கப்பட்ட பயங்கரவாத தடை சட்டத்தின் பிரகாரம் கைது செய்யப்பட்டனர்.

எனவே அரசியல் கைதிகள் தொடர்பாக நீதி அமைச்சர் வெளிநாட்டில் இருந்து வந்தவுடன் நாளை வியாழக்கிழமை பாராளுமன்றத்தில் பேச்சுவார்த்தை நடத்துவோம். அதன்போது கலந்துரையாடி முடிவுக்கு வருவோம். மேலும் அரசியல் கைதிகளின் விவகாரம் தொடர்பிலேயே கொழும்பிலும் அநுராதபுரத்திலும் விசேட நீதிமன்றம் நிறுவப்பட்டது. அரசியல் கைதிகளின் நலனுக்காகவே இவற்றை அமைத்தோம் என்றார்.

நீதி பிரதி அமைச்சர் சமிந்த துஷ்மந்த குறிப்பிடுகையில்,

அரசியல் கைதிகள் விடயத்தில் நல்ல தீர்வினை காண்பதற்காகவே வவுனியாவில் இருந்து அநராதபுரத்திற்கு வழக்கு மாற்றப்பட்டது. எனினும் இதில் சிக்கல்கள் இருந்தால் அது தொடர்பில் பேச்சுவார்த்தை நடத்த தயாராக உள்ளோம். அத்துடன அரசியல் கைதிகள் வழக்குகளை துரிதப்படுத்த நடவடிக்கை எடுப்போம் என்றார்.

இதன்போது அமைச்சர் சுவாமிநாதன் பதிலளிக்கையில்,

அரசியல் கைதிகள் விவகாரம் தொடர்பில் சட்டமா அதிபருடன் பேச்சுவார்த்தை நடத்தினோம். இதன்போது இரு வாரங்களில் பாரதூரமான வழக்குகளை முடிவுக்கு கொண்டு வர முடியும் என்று கூறினார். அத்துடன் அநுராதபுரம் நீதிமன்றத்தில் வழக்கு மாற்றப்பட்டமை குறித்தும் பேசினேன். இதன்போது மொழிபெயர்ப்பு வழங்குவதற்கு தயாராக இருப்பதாக கூறினர். மேலும் தற்போது உண்ணாவிரதம் இருக்கும் அரசியல் கைதிகள் நல்ல நிலைமையில் இல்லை. ஆகவே அவர்களுக்கான வைத்திய சிகிச்சை வழங்கி வருகின்றோம். வைத்தியர்களையும் ஈடுப்படுத்தியுள்ளோம் என்றார்.

http://www.virakesari.lk/article/25929

http://www.virakesari.lk/article/25929

Categories: merge-rss, yarl-category

அரசியல் தீர்மானம் எடுத்து அரசியல் கைதிகளை விடுவியுங்கள் : சபையில் சம்பந்தன்

அரசியல் தீர்மானம் எடுத்து அரசியல் கைதிகளை விடுவியுங்கள் : சபையில் சம்பந்தன்

 

அநுராதபுரம் சிறைச்சாலையில் தடுத்து வைக்கப்பட்டுள்ள உண்ணா விரதமிருக்கும் அரசியல் கைதிகளின் அரசியலமைப்பு உரிமை முற்றாகமறுக்கப்பட்டுள்ளதாக குற்றம் சாட்டிய தமிழ்த் தேசியக் கூட்டமைப்பின்  தலைவரும் எதிர்க்கட்சித்தலைவருமான இரா.சம்பந்தன் பயங்கரவாத தடைச்சட்டத்தின் கீழ் கைது செய்யப்பட்டுள்ள அனைவரும் அரசியல் ரீதியான தீர்மானம் எடுக்கப்பட்டு  விடுவிக்கப்படவேண்டும் என்றும்  வலியுறுத்தினார்.

sampanthan-maithri-ranil.jpg

அரசாங்கம் தமிழ் அரசியல் கைதிகள் இல்லை எனக் கூறமுடியாது எனச் சுட்டிக்காட்டிய எதிர்க்கட்சித்தலைவர் சம்பந்தன், அரசாங்கம் இப்பிரச்சினையில் தீவிரமான தன்மையைக் காட்டாமையினால் தாங்கள் மக்கள் மத்தியில் செல்வாக்கினை இழந்து வருகின்றோம் என்றும் சுட்டிக்காட்டினார். 

பாராளுமன்றத்தில் நேற்றைய தினம்  தமிழ் அரசியல் கைதிகள் விடுதலைசெய்யப்படவேண்டும், உண்ணாவிரதமிருக்கும் தமிழ் அரசியல் கைதிகளின் கோரிக்கைகள் நிறைவேற்றப்படவேண்டும், பயங்கரவாத தடைச்சட்டம் நீக்கப்படவேண்டும் ஆகிய விடயங்களை வலியுறுத்தி சபை ஒத்திவைப்பு வேளை பிரேரணையை முன்வைத்து உரையாற்றுகையிலேயே மேற்கண்டவாறு தெரிவித்தார்.

அவர் மேலும் தெரிவிக்கையில், 

சிறைச்சாலையில் தடுத்து வைக்கப்பட்டுள்ள அனைவரும் பயங்கரவாத தடைச்சட்டத்தின் கீழ் கைது செய்யப்பட்டு தடுத்து வைக்கப்பட்டுள்ளனர்.  பயங்கரவாத தடைச்சட்டம் நீக்கப்படும் என்று அரசாங்கம் உறுதிமொழி அளித்துள்ளது. பயங்கரவாதச் தடைச்சட்டத்தில் பல்வேறு தீங்குகள் காணப்படுவதால் அச்சட்டத்தினை நீக்கவேண்டும் என்பது அனைத்து தரப்பினரதும் கோரிக்கையாகும். 

அரசாங்கத்தினால் 2015ஆம் ஆண்டு ஐக்கிய நாடுகள் மனித உரிமைகள் பேரவையில் பயங்கரவாதச் தடைச்சட்டம் நீக்கப்படும் என வாக்குறுதி அளிக்கப்பட்டது. அந்த வாக்குறுதிக்கு அமைவாக அச்சட்டம் நீக்கப்பட்டு சர்வதேச நியமங்களுக்கு ஏற்ற வகையிலான சட்டம் உருவாக்கப்பட வேண்டும். 

பயங்கரவாத தடைச்சட்டத்தின் கீழ் கைதுசெய்யப்பட்டுள்ள தமிழ் அரசியல் கைதிகள் நீண்டகாலமாக சிறைச்சாலையில் வைக்கப்பட்டுள்ளார்கள். அவர்கள் கைது செய்யப்பட்ட காலப்பகுதியில் வழக்குகள் பதிவு செய்யப்பட்டு நடவடிக்கைகள் எடுக்கப்பட்டு  தண்டனை தீர்ப்பு வழங்கப்பட்டிருந்தால் தற்போது வரையில் அவர்கள் சிறைச்சாலையில் கழித்த காலத்தினை வைத்துப் பார்க்கையில் தண்டனைக் காலத்தினையே அவர்கள் அனுபவித்து நிறைவுசெய்திருப்ப்பார்கள். ஆனால் அவர்கள் தங்களுக்கான தண்டனைக் காலத்தினை விடவும் அதிகளவு காலப் பகுதியினை சிறைச்சாலையில் கழித்துள்ளார்கள். 

பயங்கரவாத தடைச்சட்டத்தின் கீழ் தடுத்து வைக்கப்பட்டுள்ள   அந்த நபர்கள் அரசியல் காரணங்களுக்காக சில செயற்பாடுகளில் ஈடுபட்டிருக்கலாம் என்பதை மறுக்க முடியாது.  தேசிய பிரச்சினைக்கு ஏற்றுக்கொள்ளப்படக்கூடிய தீர்வொன்று   வழங்கப்பட்டிருந்தால் இவ்வாறான அரசியல் ரீதியான விடயங்கள் முன்னெடுக்கப்பட்டிருக்காது. மோதல் நிலைமைகள் ஏற்பட்டிருக்காது. 

தமிழ் அரசியல் கைதிகளின் விடயத்தினை வெறுமனே  சட்டப் பிரச்சினையாக மட்டும் பார்க்க முடியாது. அதற்கு அரசியல் பரிமானம் காணப்படுகின்றது. ஆகவே இந்த பிரச்சினை  அரசியல் ரீதியாக தீர்க்கப்பட வேண்டியது அவசியமாகின்றது. 

1970, 1980களில் ஜே.வி.பி.கிளர்ச்சியின் போது பாரிய குற்றச்செயல்களில்  ஈடுபட்டவர்கள் பொது மன்னிப்பின் அடிப்படையில் விடுவிக்கப்பட்டார்கள். அன்று அவ்வாறான கிளர்ச்சி மேற்கொள்ளப்படுவதற்கு அரசியல் பரிமாணமொன்று இருக்கின்றது. அந்த அரசியல் ரீதியான பரிமாணத்தின் அடிப்படையிலேயே அவர்கள் தொடர்பில் முடிவு எடுக்கப்பட்டு தீர்வு வழங்கப்பட்டது. பொதுமன்னிப்பு அடிப்படையில் அனைவரும் விடுவிக்கப்பட்டார்கள். 

அவ்வாறிருக்கையில் தமிழ் அரசியல் கைதிகள் தொடர்பில் அவ்வாறான தீர்மானம் எடுக்கப்படவில்லை. அவர்கள் விடுவிக்கப்படாது நீண்டகாலமாக சிறைச்சாலையில் தடுத்து வைக்கப்பட்டுள்ளார்கள். அவர்களின் குடும்பத்தினர் இவ்வாறு நீண்டகாலமாக சிறைச்சாலையில் தடுத்து வைக்கப்பட்டிருப்பதால் பல்வேறு பிரச்சினைகளுக்கு முகங்கொடுக்கின்றார்கள். 

தற்போது நல்லிணக்கம் தொடர்பாக பேசப்படுகின்றது. பயங்காரவாத தடைச்சட்டத்தின் கீழ் தடுத்து வைக்கப்பட்டுள்ளவர்கள் அனைவரையும் விடுவிப்பதானது நல்லிணக்கத்தின் அடிப்படையாக அமையும். நுல்லிணக்கத்தினை மையமாக வைத்து நீங்கள் செயற்படவேண்டியது அவசியமாகும். 

அவ்வாறிருக்கையில் தற்போது மூவரின் வழக்குகள் வவுனியாவிலிருந்து அநுராதபுரத்திற்கு மாற்றப்பட்டுள்ளன. அவ்வாறு மாற்றப்பட்டமைக்கு சாட்சிகளின் பாதுகாப்பே காரணமாக கூறப்பட்டுள்ளது. உண்மையிலேயே இவர்களின் வழக்குளை மாற்றாது சாட்சிகளுக்கு பாதுகாப்பினை வழங்கியிருக்க முடியும். ஆனால் அவ்வாறு செய்யப்படவில்லை. 

வழக்குகள் திடீரென மாற்றப்பட்டுள்ளமையால் அந்த நபர்களும் குடும்பத்தினரும் பல்வேறு பிரச்சினைகளுக்கு  முகங்கொடுக்கின்றனர். குறிப்பாக வழக்குகள் மாற்றப்பட்டுள்ள மூவர் தொடர்ச்சியாக உண்ணாவிரதப்போராட்டத்தினை மேற்கொண்டு வருவதால் உடல் நிலை மோசமடைந்துள்ளனர். 

வவுனியாவில் நீதிமன்றத்தின் மொழி தமிழாகும். அநுராதபுரத்தில் நீதிமன்ற மொழி சிங்களம் ஆகும். இந்த நபர்களுக்கு சிங்களம் தெரியாது. சிங்கள மொழி அறிவற்ற ஒருவர் தனது வழக்கினை தமிழில் விசாரிப்பதற்கான உரிமையைக் கொண்டிருக்கின்றார். இதற்கு அரசியலமைப்பு ரீதியான ஏற்பாடும் காணப்படுகின்றது. ஆகவே வழக்குகள் மாற்றப்பட்டமையானது அரசியலமைப்புக்கு முரணான விடயமாகும். 

அதுமட்டுமன்றி சிறைச்சாலையில் உள்ளவர்கள் விரும்பும் சட்ட உதவி  மறுப்பு செய்யப்பட்டுள்ளது. மேலும் அவர்கள் தமக்கான நீதியை அடைவதற்கான மறுப்பு ஏற்பட்டுள்ளது. பயங்கரவாத தடைச்சட்டத்தின் கீழ் கைது செய்யப்பட்டு தடுத்து வைக்கப்பட்டுள்ள கைதிகள் தனிப்பட்ட முறையில் குற்றச்செயல்களில் ஈடுபடவில்லை. அவர்கள் அத்தகைய செயல்களில் ஈடுபட அரசியல் பரிணாமம் இருக்கின்றது. அதனைப் புரிந்து கொள்ளுங்கள். அரசியல் ரீதியான பரிணமம் காணப்பட்டதால் ஜே.வி.பி.க்கு பொதுமன்னிப்பு வழங்கப்பட்டது. 

அரசாங்கத்தினை எதிர்க்கவில்லை. இந்த விடயத்தில் அரசாங்கம் உரிய நடவடிக்கை எடுக்கவேண்டியுள்ளது. இந்தப்பிரச்சினையை தீர்க்க வேண்டிய காலம் வந்து விட்டது. அரசியல் கைதிகள் எவரும் இல்லை என்று அரசாங்கத்தினால் கூறமுடியது. இந்த நாட்டில் மோதல் ஏற்பட்டிமையால் தான் அவர்கள் தடுப்புக்காவலில் இருக்கின்றார்கள். இந்த நபர்கள் அரசியல் ரீதியாக சில செயற்பாடுகளில் ஈடுபட்டமையால் தான் இவ்வாறு தடுப்புக்காவலில் இருக்க வேண்டிய நிலைமை ஏற்பட்டுள்ளது.  

அரசியல் கைதிகள் விடயம் தனியே சட்டப்பிரச்சினையல்ல.  அது  அரசியல் ரீதியாக தீர்க்கப்பட வேண்டும். அரசாங்கம் இந்த விடயத்தினை தீவிரமற்ற பிரச்சினையாக பார்க்க கூடாது. தமிழ் அரசியல் கைதிகளை ,  தீவிரமான முறையில் அரசாங்கம் பரிசீலிக்கவில்லை என்ற மன நிலையில் தமிழ் மக்கள் உள்ளார்கள். வழக்குகள் மாற்றப்பட்டமை ஏற்றுக்கொள்ளப்படமுடியாது. அரசியலமைப்பில் உள்ள உரிமை மறுக்கப்படுவதற்கு அனுமதிக்க முடியாது. இப்பிரச்சினையை மிகவும் தீவிரமாக அனுக வேண்டும் என்றார்.  

இதேவேளை சட்டம், ஒழுங்கு மற்றும் தென்மாகாண அபிவிருத்தி அமைச்சர் சாகல ரட்நாயக்க பதிலளித்து உரையாற்றுகையில் குறுக்கீடு  செய்த எதிர்க்கட்சித்தலைவர் இரா.சம்பந்தன், பயங்கரவாத தடைச்சட்டம் மிகவும் மோசமானது. அது நீக்கப்படவேண்டும் என்று வாக்குறுதி அளித்துள்ளீர்கள். அதனை ஏற்றுக்கொண்டுள்ளீர்கள். அப்படியென்றால் அந்தச் சட்டம் நீக்கப்படவேண்டும். 

அந்த சட்டத்தின் கீழ் கைது செய்யப்பட்டவர்கள் விடுவிக்கப்பட வேண்டும். அவர்கள் தொடர்ந்தும் தடுத்து வைக்கப்பட்டுள்ளமையை ஏற்றுக்கொள்ள முடியாது. இந்த பிரச்சினையில் அரசாங்கம் தீவிரமான போக்கினை காட்டாமையினால் நாங்கள் தமிழ் மக்கள் மத்தியில் செல்வாக்கினை இழந்து வருகின்றோம். ஆகவே நீங்கள்(அரசாங்கம்) காலதாமதம் செய்யாது தீவிரமான நடவடிக்கை எடுக்கப்பட வேண்டும் என்றும் குறிப்பிட்டார்.

http://www.virakesari.lk/article/25932

Categories: merge-rss, yarl-category

கூட்டு அரசின் செயற்பாடுகள் எல்லாவற்றையும் எதிர்க்கவில்லை

கூட்டு அரசின் செயற்பாடுகள் எல்லாவற்றையும் எதிர்க்கவில்லை மகிந்த அணியின் உறுப்பினர் ஜானக வகும்புர தெரிவிப்பு

நாம் அர­சின் செயற்­பா­டு­கள் அனைத்­தை­யும் எதிர்க்­க­வில்லை. நல்­ல­வற்றை ஆத­ரிக்­கி­றோம்.

அவற்­றுக்கு கை உயர்த்­தவே செய்­கின்­றோம். மக்­கள் விரோ­தச் செயற்­பா­டு­களை ஆத­ரிக்க முடி­யாது. இவ்­வாறு மகிந்த அணி­யின் நாடா­ளு­மன்ற உறுப்­பி­னர் ஜானக வகும்­புர தெரி­வித்­தார்.

அவர் மேலும் தெரி­வித்­த­தா­வது:இந்த அர­சின் அரா­ஜ­கம் நாளுக்கு நாள் அதி­க­ரித்­துக் கொண்டு செல்­கிறது. பல்­க­லைக்­க­ழக மாண­வர்­கள் தின­மும் தாக்­கப்­ப­டு­கின்­ற­னர். நாட்­டின் வளங்­க­ளைப் பாது­காப்­ப­தற்­காகப் போரா­டும் எமது நாடா­ளு­மன்ற உறுப்­பி­னர்­கள் சிறை­யில் அடைக்­கப்­ப­டு­கின்­ற­னர்.

இந்த அரசை கவிழ்ப்­ப­தன் மூலம்­தான் எல்­லாப் பிரச்­சி­னைக்­கும் தீர்வு கிடைக்­கும். உள்­ளூ­ராட்சி சபைத் தேர்­தலை அதற்­கான முதல் படி­யாக நாம் மாற்­றிக்­கொள்­வோம்.

ஜன­வ­ரி­யில் தேர்­தல் என்று அரசு அறி­வித்­துள்­ளது. அப்­படி நடந்­தால் வெற்றி எமக்கே. ஆட்சி மாற்­றம் ஏற்­பட்டு இரண்­டரை வரு­டங்­க­ளில் இந்த அரசு என்ன செய்­துள்­ளது என்­பதை அறிய முடி­யும்.

நாம் அர­சின் செயற்­பா­டு­கள் அனைத்­தை­யும் எதிர்க்­க­வில்லை. நல்­ல­வற்றை ஆத­ரிக்­கி­றோம். அத­னால்­தான் நாம் 19ஆவது திருத்­தச் சட்­டத்தை ஆத­ரித்­தோம்.

நாம் பல­மான எதிர்க்­கட்­சி­யாக இருக்­கின்ற போதி­லும் அர­சின் நல்­ல­வற்­றுக்கு கை உயர்த்­தவே செய்­கின்­றோம்.

ஆனால், அர­சின் மக்­கள் விரோத செயற்­பா­டு­களை ஆத­ரிக்க முடி­யாது. இரண்டு பெரும் கட்­சி­கள் இணைந்து ஆட்சி அமைத்­தா­லும்­கூட இந்த அர­சுக்கு மூன்­றில் இரண்டு பெரும்­பான்மை கிடை­யாது.

உள்­ளூ­ராட்சி சபை திருத்­தச் சட்­டம் நிறை­ வேற்­றப்­பட்­ட­போது கண்­டோம் – என்­றார்.

http://newuthayan.com/

Categories: merge-rss, yarl-category

வெளியிலிருந்து வருபவர்கள் யாரையும் நாம் முதலமைச்சராக ஏற்றுக்கொள்ளப்போவதில்லை- சி.வி.கே.சிவஞானம்

வெளியிலிருந்து வருபவர்கள் யாரையும் நாம் முதலமைச்சராக ஏற்றுக்கொள்ளப்போவதில்லை- சி.வி.கே.சிவஞானம்

 

 

வெளியிலிருந்து வருபவர்கள் யாரையும் நாம்  முதலமைச்சராக ஏற்றுக்கொள்ளப்போவதில்லை- சி.வி.கே.சிவஞானம்

இனிவரும் காலங்களில் வடமாகாண முதலமைச்சராக இறக்குமதிகளைக் கொண்டு வரப்போவதில்லை என, தமிழரசுக் கட்சி முடிவெடுத்துள்ளதாக வடமாகாணசபை அவைத் தலைவர் சி.வி.கே.சிவஞானம் தெரிவித்துள்ளார்.
வடமாகாண சபைக்கான அடுத்த தேர்தலில் முதலமைச்சர் வேட்பாளராக முன்னாள் பிரதம நீதியரசர் ஸ்ரீபவனை நியமிப்பதற்கு தமிழசுக் கட்சி அவருடன் பேச்சு நடத்தியிருப்பதாக ஊடகங்களில் செய்திகள் வெளியானது. இது தொடர்பாக ஊடகம் ஒன்றுக்கு விளக்கமளிக்கையிலேயே மேற்கண்டவாறு தெரிவித்துள்ளார்.
மேலும் அவர் தெரிவிக்கையில், ஊடகங்களில் சில செய்திகள் ஊகத்தின் அடிப்படையில் வெளிவருகின்றன. இருப்பினும் இறக்குமதிகளின் அனுபவம் தமிழரசுக் கட்சிக்கு உண்டு. இனிவரும் காலங்களில் எந்தத் தேர்தலாக இருந்தாலும் தமிழரசுக் கட்சியைப் பொறுத்தவரையில், இந்த மண்ணிலே எங்களோடு நின்று, கட்சியோடு நின்று, கட்சியோடு பாடுபட்டவர்கள்தான் தேர்தல்களில் பங்குபற்றலாம். ஸ்ரீபவனுக்காக நான் இந்தக் கருத்தைக் கூறவில்லை. பொதுவாகவே வெளியிலிருந்து வருபவர்கள் யாரையும் நாம் இனிவரும் காலங்களில் முதலமைச்சராக ஏற்றுக்கொள்ளப்போவதில்லையெனத் தெளிவாக முடிவெடுத்துள்ளோம் எனத் தெரிவித்தார்.(15)

 

http://www.samakalam.com

Categories: merge-rss, yarl-category

களவாணிப் பெண்கள் செய்த மோசமான காரியம்; கதறித்துடித்து கத்திய பெண்!

ஊர்ப்புதினம் - Tue, 17/10/2017 - 22:10

வவுனியா பேருந்து ஒன்றில் கூட்டுக்களவாணி முறையில் கொள்ளையிட்ட குருநாகல் பெண்கள் தொடர்பாக தகவல் ஒன்று கிடைத்துள்ளது. இந்த சம்பவம் இன்று மதியம் இடம்பெற்றுள்ளது.

இதுகுறித்து மேலும் தெரியவருவதாவது,

சாளம்பைக் குளத்திலிருந்து வவுனியா நகர் நோக்கி தனியார் பேருந்தில் பயணித்த ஜெயக்குமார் லலிதா என்ற பெண்ணின் 15 ஆயிரம் ரூபா பணம் திடீரென்று பறிபோனமையையிட்டு அவர் பதறித்துடித்து அழுதுள்ளார்.

இதன்பின்னர் அவரைச் சுற்றி நின்ற பெண்கள்தான் பணத்தை எடுத்துள்ளதாக அவர் குற்றம் சாட்டியமையடுத்து குறித்த கூட்டுக் களவாணிகள் தாம் கொள்ளையடித்த பணத்தினை மீளக் கையளித்துள்ளனர்.

நடந்தது என்ன?

வவுனியா மாவட்டம் நெடுக்குளத்தில் குறித்த தனியார் பேருந்தில் ஆறு பெண்கள் ஏறியுள்ளனர். அவர்கள் ஒரு லலிதாவைச் சுற்றி மிக நெருக்கமாக நின்றுள்ளனர். பின்னர் குருமன்காடு என்ற இடம் வரவும் அவர்கள் அனைவரும் அந்த இடத்தில் இறங்கியுள்ளனர். குறித்த பெண்கள் குழுவால் நெருக்கமாகச் சுற்றிவளைக்கப்பட்டிருந்த லலிதா தனது கைப்பையைப் பார்த்தபோது அது திறந்த நிலையில் காணப்பட்டுள்ளது.

இதனால் பதறித்துடித்து அழுது கதறிய லலிதா, தனது பணத்தைக் களவாடியவர்கள் அந்தப் பெண்கள்தான் எனக் குற்றம்சாட்டியுள்ளார். இதன்பின்னர் சம்பவ இடத்துக்கு வந்த பொலிஸார் சம்மந்தப்பட்ட ஏழு பேரையும் பொலிஸ் நிலையம் அழைத்துச் சென்று விசாரித்துள்ளனர்.

இதற்கிடையில் பணம் திருடிய பெண்களுக்கும் பறிகொடுத்த லலிதாவுக்குமிடையில் பேரம்பேசல் ஒன்று இடம்பெற்றுள்ளது. அதாவது சுருட்டிய பணத்தை மீளக்கையளித்தால் பொலிஸ் நிலையத்தில் முறைப்பாடு பதிவு செய்யமாட்டேன் என்று பறிகொடுத்த பெண் உறுதியளித்துள்ளார்.

இதற்கு உடன்பட்ட குறித்த களவாணிக் குழு அவரது பணத்தை மீளக் கொடுத்ததனால் பாதிக்கப்பட்ட லலிதா முறைப்பாடு செய்வதிலிருந்து பின்வாங்கினார். பாதிக்கப்பட்ட பெண் இவ்வாறு பின்வாங்கியதால் தம்மால் ஆதாரமின்றி எதுவும் செய்யமுடியாதெனக்கூறி பொலிஸார் குறித்த களவாணிக் கும்பலை விசாரணைகள் ஏதுமின்றி விடுதலை செய்தனர்.

குறித்த களவாணிக் கும்பல், தாம் குருநாகல் பிரதேசத்தைச் சேர்ந்தவர்கள் என்றும் ஆயுர்வேத சிகிச்சைக்காக வவுனியா வந்ததாகவும் பொலிஸாரிடம் குறிப்பிட்டுள்ளனர்.

https://news.ibctamil.com/ta/internal-affairs/Woman's-money-robbery

Categories: merge-rss, yarl-category

இலங்கை முஸ்லிம்களுக்கு அரபுலகும் முஸ்லிம் நாடுகளும் கைகொடுத்து உதவும் என்று நினைப்பது மடமைத்தனம் ரோஹிங்யா நல்ல படிப்பினை என்கிறார் – அமைச்சர் ரிஷாத்

ஊர்ப்புதினம் - Tue, 17/10/2017 - 20:21
இலங்கை முஸ்லிம்களுக்கு அரபுலகும் முஸ்லிம் நாடுகளும் கைகொடுத்து உதவும் என்று நினைப்பது மடமைத்தனம் ரோஹிங்யா நல்ல படிப்பினை என்கிறார் – அமைச்சர் ரிஷாத்

இலங்கை முஸ்­லிம்­க­ளுக்கு இன்­னல்­களும் பிரச்­சி­னை­களும் ஏற்­படும் போது அர­பு­லகும் முஸ்லிம் நாடு­களும் கைகொ­டுத்து உத­வு­மென்று நாம் நம்­பிக்கை கொண்­டி­ருப்­பது மட­மைத்­த­ன­மா­ன­தெ­னவும் ரோஹி­ங்யா முஸ்­லிம்­களின் அவ­லங்கள் நமக்கு நல்ல படிப்­பி­னை­யாக அமைந்­துள்­ள­தெ­னவும் அகில இலங்கை மக்கள் காங்­கி­ரஸின் தலை­வரும் வர்த்­தக கைத்­தொழில் அமைச்­ச­ரு­மான ரிஷாட் பதி­யுதீன் தெரி­வித்தார்.

risad.jpg

திஹா­ரிய ஈமா­னிய அர­புக்­கல்­லூ­ரியின் பட்­ட­ம­ளிப்பு விழா ஞாயிற்­றுக்­ கி­­ழமை திஹா­ரியில் நடை பெற்ற போது பிர­தம அதி­தி­யாகக் கலந்­து­கொண்ட அமைச்­சர், பட்டம் பெறும் மாண­வர்­க­ளுக்கு சான்­றி­தழ்­க­ளையும் நினை­வுச்­சின்­னங்­க­ளையும் வழங்­கினார்.

இந்த நிகழ்வில் அமைச்சர் உரை­யாற்றும் போது கூறி­ய­தா­வது, முஸ்லிம் நாடுகள் வள­மா­கவும் பல­மா­கவும் இருக்­கின்ற அதே­வேளை, உலக நாடு­களில் சிறு­பான்­மை­யாக வாழும் நமது சமூ­கத்­த­வர்­க­ளுக்கு பிரச்­சி­னைகள் ஏற்­படும் போது அவர்கள் தட்­டிக்­கேட்­பார்கள் என்று எவரும் எதிர்­பார்க்க வேண்டாம். அவ்­வா­றான ஆளு­மையும் துணிவும் இந்த நாடு­க­ளுக்கு இருந்­தி­ருந்தால் ரோஹிங்யாவில் முஸ்­லிம்­க­ளுக்கு என்றோ விடிவு கிடைத்­தி­ருக்கும்.

அமெ­ரிக்கா, இஸ்ரேல் போன்ற சதி­கா­ரர்­களின் ஆலோ­ச­னை­க­ளுடன் இன்று உல­க­மெல்லாம் அழி­வுகள் இடம்­பெற்றுக் கொண்­டி­ருக்­கின்­றன. முஸ்லிம் நாடு­க­ளுக்­கி­டையே திட்­ட­மிட்டு பிள­வு­க­ளும், பிரி­வி­னை­களும் உரு­வாக்­கப்­பட்டு வரு­கின்­றன. அதே­போன்று ஒரே நாட்­டுக்­குள்ளே பிரச்­சி­னைகள் உரு­வாக்­கப்­பட்டு சமூ­கங்­களை மோத­விடும் மிகப்­பெ­ரிய கைங்­க­ரியம் இன்று இடம்­பெற்று வரு­கின்­றது.

இந்­த­வ­கையில் இலங்கை முஸ்­லிம்­க­ளா­கிய நாம் மிகவும் கவ­ன­மா­கவும் நிதா­ன­மா­கவும் நடந்து கொள்­ள­வேண்டும். மார்க்க ரீதி­யிலோ கொள்கை ரீதி­யிலோ பிள­வுண்டு நமது ஒற்­று­மைக்கு நாமே வேட்­டு­வைத்து நமக்­கி­டையே மோதிக்­கொள்­வதைத் தவிர்த்­துக்­கொள்ள­ வேண்டும். சமுதாய ஒற்­று­மையை குலைக்க எவரும் துணை­போகக் கூடாது.

இதே­வேளை, இரண்டு வரு­ட­கா­ல­மாக ஆட்­சி­யா­ளர்­களின் நட­வ­டிக்­கையில் முஸ்லிம் சமூ­கத்­திற்கு குறிப்­பி­டத்­தக்க நன்­மைகள் கிடைக்­காமை வேத­னை­ய­ளிக்­கின்­றது.

இருந்­த­போதும் நாம் அனை­வரும் இணைந்து இத்­தனை கஷ்­டங்­க­ளுக்கு மத்­தியில் கொண்­டு­வந்த இந்த ஆட்சியை மாற்ற வேண்டுமெனவும் ஆட்சியிலிருந்து நாம் வெளியேறவேண்டுமென்றும் நம்மில் சிலர் குரல் எழுப்புவதை காணக் கூடியதாக இருக்கின்றது. இந்தக்கோரிக்கை சமூகத் துக்கு எத்தகைய பயனை அளிக்கும் என்பதை நாம் சிந்திப்பதற்கும் கடமைப் பட்டிருக்கின்றோம் என்றார்.

http://metronews.lk/?p=15748

Categories: merge-rss, yarl-category

எமக்­கு­ரிய பணி­க­ளி­லி­ருந்து விலகி முரண்­பா­டா­கவே செயற்­ப­டு­கி­றோம் இந்­தியா சென்­று­ தி­ரும்­பிய உறுப்­பி­னர் கூறு­கிறார்

ஊர்ப்புதினம் - Tue, 17/10/2017 - 19:19
எமக்­கு­ரிய பணி­க­ளி­லி­ருந்து விலகி முரண்­பா­டா­கவே செயற்­ப­டு­கி­றோம் இந்­தியா சென்­று­ தி­ரும்­பிய உறுப்­பி­னர் கூறு­கிறார்
 

வடக்கு மாகாண சபைக்­கான பணி­யி­லி­ருந்து நாம் விலகி முரண்­பா­டான செயற்­ப­பா­டு­க­ளி­லேயே நாம் ஈடு­பட்டு வரு­கின்­றோம் என்­பதை உண­ரக்­கூ­டி­ய­தாக உள்­ளது என்று வடக்கு மாகாண சபை உறுப்­பி­னர் ஒருவர் தெரி­வித்தார்.

கருத்­த­மர்வு ஒன்­றுக்­காக வடக்கு மாகாண சபை உறுப்­பி­னர்­கள் 18 பேர் அண்­மை­யில் இந்­தி­யா­வுக்­குச் சென்று திரும்­பி­னர். அங்கு இடம்­பெற்ற பயிற்­சிப்­பட்­டறை தொடர்­பில் கருத்­துக் கேட்­ட­போது இவ்­வா­றான கருத்­துக்­களை முன்­வைத்­தார்.

அவர்­கள் மேலும் தெரி­வித்­த­தா­வது:

வடக்கு மாகாண சபை­யின் ஊடாக நாம் செய்ய வேண்­டிய பணி­க­ளில் இருந்து விலகி பல முர­ணான செயற்­பா­டு­க­ளையே செய்து வரு­கின்­றோம் என்­பதை பயிற்­சி­யில் கலந்து கொண்ட பின்­னர் உணர முடிந்­தது.

அதி­லும் நாம் நிர்­வாக ரீதி­யி­லும் அர­சி­யல் ரீதி­யி­லும் பல முர­ணான செயற்­பா­டு­க­ளைச் செய்து வரு­கின்­றோம். வெளிப்­ப­டை­யாகக் கூறவேண்­டு ­மா­னால் நாம் நேர்­மா­றாக பய­ணித்­துக் கொண்­டி­ருக்­கின்­றோம். மாகாண சபையை விமர்­சிப்­ப­தற்­கான பணி­க­ளையே செய்து வந்­துள்­ளோம்.

எமக்­கான பயிற்­சிப்­பட்­ட­றை­யில் உள்­ளு­ராட்சி சார்ந்த விட­யம், உல­க­ளா­வி­ய­ரீ­தி­யான எமது அர­சி­யல் பய­ணம், வரவு செல­வுத் திட்­டம் தொடர்­பான விளக்­கங்­கள், கலந்­து­ரை­யா­டல்­கள் இடம்­பெற்­றன. இதில் உள்­ளு­ராட்சி விட­யத்­தில் இந்­தி­யா­வை­விட நாம் ஓர­ளவு முன்­னேற்­றத்­தைக் கண்­டுள்­ளோம் என்­பதை நாங்­கள் உணர்ந்து கொண்­டோம்.

இதனை அங்கு விளக்­க­ம­ளித்த பேரா­சி­ரி­யர்­க­ளும் ஏற்­றுக்­கொண்­ட­னர்.
உல­க­ளா­விய ரீதி­யில் எமது அர­சி­யல் பய­ணம் மற்­றும் எமது போராட்­டங்­கள் தொடர்­பில் பன்­னாட்டு அனு­ப­வங்­களை மைய­மாக வைத்து எமக்கு விளக்­கங்­கள் வழங்­கப்­பட்­டன.

அதில் எமது போராட்­ட­மும் அங்­கோலா நாட்­டின் போராட்­ட­மும் ஒரே மாதி­ரி­யா­னவை என்­பதை எடுத்­துக் கூறி­னார்­கள்.

இந்த இரண்டு நாட்­டின் போராட்­டங்­க­ளும் தோற்­ற­மைக்­கான கார­ணங்­கள் நாம் இனி எவ்­வா­றான அர­சி­யல் பய­ணத்தை மேற்­கொள்ளவேண்­டும் என்ற கருத்­துக்­க­ளை­யும் அவர்­கள் வழங்­கி­னார்­கள்.

எமக்­கான இந்தப் பயிற்­சிப்­பட்­ட­றை­யில் இருந்து எமது மாகா­ணத்­தின் உள்­ளு­ராட்­சி­யின் செயற்­பாடு ஓர­ளவு திருப்­தி­யாக இருந்­தா­லும் நாம் எமக்­கான செயற்­பா­டு­க­ளில் இருந்து வழி­மாறி முர­ணான பாதை­யி­லேயே பய­ணித்­துக் கொண்­டி­ருக்­கின்­றோம் என்­பதை உண­ர­மு­டி­கி­றது -– என்­ற­ார்.

http://newuthayan.com/story/37882.html

Categories: merge-rss, yarl-category

மக்களிடம் செல்வாக்கை இழந்து வருவதாக சம்பந்தன் கவலை-சபையில் மனம் திறந்து பேசினார்

ஊர்ப்புதினம் - Tue, 17/10/2017 - 19:06
மக்களிடம் செல்வாக்கை இழந்து வருவதாக சம்பந்தன் கவலை-சபையில் மனம் திறந்து பேசினார்
 

அநுராதபுரம் சிறைச்சாலையில் தடுத்து வைக்கப்பட்டுள்ள உண்ணாவிரதமிருக்கும் கைதிகளின் அடிப்படை உரிமை முற்றாக மறுக்கப்பட்டுள்ளதாக, தமிழ்த் தேசியக் கூட்டமைப்பின் தலைவரும் எதிர்க்கட்சித்தலைவருமான இரா.சம்பந்தன் குற்றம் சுமத்தியுள்ளதாக ஐ.பி.சி.தமிழ் செய்தியாளர் கூறினார்.

பயங்கரவாத தடைச்சட்டத்தின் கீழ் கைது செய்யப்பட்டுள்ள அனைத்து கைதிகளையும் அரசியல் ரீதியான தீர்மானம் ஒன்றை எடுத்து விடுதலை, செய்ய வேண்டும் என்றும் அவர் வலியுறுத்தினார்.

கைதிகளை விடுதலை செய்ய வேண்டிய அவசியம் குறித்து சர்வதேச பிரமானங்களுக்கு அமைவாக பல்வேறு காரணங்களை உதாரணம் காண்பித்து உரையாற்றிய சம்பந்தன் அரசாங்கத்தின் மீது காரசாரமான குற்றச்சாட்டுக்களையும் சுமத்தியதாக ஐ.பி.சி.தமிழ் செய்தியாளர் தெரிவித்தார்.

மூன்று அரசியல் கைதிகள் அனுராதபுரம் சிறைச்சாலையில் உண்ணாவிரம் இருக்கின்றமை தொடர்பாக பிரேரணை ஒன்றை சமர்ப்பித்து உரையாற்றும் போது சம்பந்தன் இவ்வாறு கூறினார். இனப்பிரச்சினை தீர்வில் அரசாங்கம் தீவிரமான அக்கறை செலுத்த தவறுகின்றமையினால் மக்கள் மத்தியில் செல்வாக்கை இழந்து வருவதாகவும் சம்பந்தன் கவலை வெளியிட்டதாக ஐ.பி.சி.தமிழ் செய்தியாளர் குறிப்பிட்டார்.

தமிழ் அரசியல் கைதிகள் எவரும் இல்லையென அரசாங்கம் கூறமுடியாது என்று சுட்டிக்காட்டிய எதிர்க்கட்சித்தலைவர் சம்பந்தன், பயங்கரவாத தடைச்சட்டம் நீக்கப்படவேண்டும் எனவும் வலியுறுத்தினார். ஐக்கிய நாடுகள் சபையின் ஜெனீவா மனித உரிமைச் சபையில், பயங்கரவாதச் தடைச்சட்டம் நீக்கப்படும் என 2015ஆம் ஆண்டு அரசாங்கம்  உறுதியளித்திருந்தது.

ஆகவே அந்த வாக்குறுதிக்கு அமைவாக அச்சட்டம் நீக்கப்பட்டு, சர்வதேச நியமங்களுக்கு ஏற்ற வகையிலான புதிய சட்டம் ஒன்றை உருவாக்க வேண்டும் என சம்பந்தன் அறிவுறுத்தியதாக ஐ.பி.சி.தமிழ் செய்தியாளர் தெரிவித்தார்.
பயங்கரவாத தடைச்சட்டத்தின் கீழ் கைதுசெய்யப்பட்டுள்ள தமிழ் அரசியல் கைதிகள் நீண்டகாலமாக சிறைச்சாலையில் தடுத்து வைக்கப்பட்டுள்ளார்கள். கைது செய்யப்பட்ட காலத்தில் தன்டனை வழங்கப்பட்டிருந்தால் அவர்கள் இன்று விடுதலை பெற்றிருப்பர். 

ஆனால் அவ்வாறு உரிய காலத்தில் தன்டனை வழங்கப்படாததால், அவர்கள் இன்று தன்டனைக்காலத்திற்கும் மேலாக சிறையில் அடைக்கப்பட்டிருப்பதாகவும் சம்பந்தன் சுட்டிக்காட்டியதாக ஐ.பி.சி.தமிழ் செய்தியாளர் தெரிவித்தார்.

பயங்கரவாத தடைச்சட்டத்தின் கீழ் தடுத்து வைக்கப்பட்டுள்ள நபர்கள் அரசியல் காரணங்களுக்காக சில செயற்பாடுகளில் ஈடுபட்டிருக்கலாம் என்பதை மறுக்க முடியாது. ஆனால் தேசிய இனப் பிரச்சினைக்கு ஏற்றுக்கொள்ளக் கூடிய தீர்வொன்றை வழங்கியிருந்தால், அரசியல் கைதிகளின் பிரச்சினைகள் ஏற்பட்டிருக்காது எனவும் சம்பந்தன் சுட்டிக்காட்டியதாக ஐ.பி.சி.தமிழ் செய்தியாளர் மேலும் குறிப்பிட்டார்.

https://news.ibctamil.com/ta/politics/TNA-lost-influence-among-the-people

Categories: merge-rss, yarl-category

சக்தி டிவி செய்திகள் 8PM (17-10-2017)

ஊர்ப்புதினம் - Tue, 17/10/2017 - 18:34

சக்தி டிவி செய்திகள்  8PM (17-10-2017)

Categories: merge-rss, yarl-category

யாழ்ப்­பா­ணத்­தில் 5,000, வடக்­கில் 7,000 பேர் டெங்­குத் தொற்­றி­னால் பாதிக்­கப்­பட்­டுள்­ள­னர்

ஊர்ப்புதினம் - Tue, 17/10/2017 - 18:17
யாழ்ப்­பா­ணத்­தில் 5,000, வடக்­கில் 7,000 பேர் டெங்­குத் தொற்­றி­னால் பாதிக்­கப்­பட்­டுள்­ள­னர் இந்­த­ மா­தம் இது அதி­க­ரித்து வரு­வ­தா­க­வும் எச்­ச­ரிக்கை
 
 
 

யாழ்ப்­பாண மாவட்­டத்­தில் இந்த வரு­டம் இது­வ­ரை­யான காலப்­ப­கு­தி­யில் 4 ஆயி­ரத்து 999 பேர் டெங்கு நோய்த் தாக்­கத்­துக்கு ஆளா­கி­யுள்­ள­னர்.

4 பேர் உயி­ரி­ழந்­துள்­ள­னர். என்று மாவட்ட சுகா­தா­ரத் திணைக்­க­ளம் தெரி­வித்­தது. வடக்கு மாகா­ணத்­தில் இந்த வரு­டம் இது­வரை 7 ஆயி­ரத்து 8 பேர் டெங்கு தொற்­றுக்கு ஆளா­கி­யுள்­ள­னர் என்று மாகா­ணத் திணைக்­க­ளம் தெரி­வித்­தது.

யாழ்ப்­பா­ணக் குடா­நாட்­டில் இயங்­கும் 14 பிராந்­திய சுகா­தார வைத்­திய அதி­கா­ரி­கள் பணி­ம­னை­கள் பிரி­வின் கீழ் இந்த எண்­ணிக்கை கண்­ட­றி­யப்­பட்­டுள்­ளது.

டெங்­குத் தொற்று ஏற்­பட்­ட­வர்­கள் உட­ன­டி­யாக வைத்­தி­ய­சா­லையை நாட­வேண்­டும். அவ்­வாறு செல்­லத் தாம­தம் ஏற்­பட்­ட­தன் விளை­வா­கவே இந்த வரு­டம் 4 பேர் உயி­ரி­ழந்­துள்­ள­னர்.

டெங்­குக் காய்ச்­ச­லைப் பரப்­பும் நுளம்பு இனங்­கள் கடந்த இரு மாதங்­க­ளா­கச் சற்­றுக் குறை­வ­டைந்­தி­ருந்­த­போ­தும் இந்­த ­மா­தத்­தில் மழை கார­ண­மாக மீண்­டும் டெங்கு பர­வும் வேகம் அதி­க­ரித்­துள்­ளது.

இதன் அடிப்­ப­டை­யில் இந்த மாதத்­தின் முதல் 15 நாள்­க­ளில் மட்­டும் 259 பேர் டெங்­குத் தொற்­றுக்கு இலக்­கா­கி­யுள்­ள­னர்.

வடக்­கில் ஏனைய மாவட்­டங்­க­ளை­விட யாழ்ப்­பா­ணத்­தில் டெங்கு பர­வல் அதி­க­மா­கவே காணப்­ப­டு­கிறது. கிளிநொச் சியில் 444 பேரும், மன்­னா­ரில் 508 பேரும், வவு­னி­யா­வில் 761 பேரும், முல்­லைத்­தீ­வில் 296 பேரும் டெங்­குத் தொற்­றுக்கு ஆளா­கி­யுள்­ள­னர் என்று மாகாண சுகா­தார அமைச்­சின் புள்­ளி­ வி­வ­ரங்­கள் கூறு­கின்­றன.

இதே­வேளை, டெங்கு தொற்று தடுப்பு நட­வ­டிக்­கை­க­ளும் இடம்­பெற்­றுக் கொண்­டி­ருக்­கின்­றன.

இதற்­கென மேல­தி­க­மாக ஆள­ணி­யி­னர் ஈடு­ப­டுத்­தப்­ப­டு­கின்­ற­னர் என்று திணைக்­க­ளத்­தி­னர் தெரி­வித்­த­னர்.

http://newuthayan.com/story/37890.html

Categories: merge-rss, yarl-category

‘மகிழ்ச்சியை பெற்றுக்கொடுக்க வேண்டும்’

ஊர்ப்புதினம் - Tue, 17/10/2017 - 17:29
‘மகிழ்ச்சியை பெற்றுக்கொடுக்க வேண்டும்’
 

image_a1c07afb6e.jpg“தீபத்திருநாளானது, அதனைக் கொண்டாடும் அனைவரது வாழ்விலும் மகிழ்ச்சியையும் சுபீட்சத்தையும் பெற்றுக்கொடுக்க வேண்டும் எனப் பிரார்த்திப்பதுடன், அனைவருக்கும் எனது இனிய தீபாவளி வாழ்த்துகளையும் தெரிவித்துக்கொள்கின்றேன்” என, ஜனாதிபதி மைத்திரிபால சிறிசேன தெரிவித்துள்ளார்.  

அவர் விடுத்துள்ள வாழ்த்துச் செய்தியில் மேலும் குறிப்பிடப்பட்டுள்ளதாவது,  

“மனிதனின் ஆன்மீக வாழ்க்கைக்கும் லௌகீக வாழ்க்கைக்கும் ஒளியின் பங்கு மிக முக்கியமாக அமைகின்றது. அந்தவகையில், தீபாவளி தினத்தன்று இந்து பக்தர்களால் ஏற்றப்படும் தீப ஒளியானது, அவர்களது உள்ளங்களில் பிரகாசத்தை ஏற்படுத்துவதைப் போன்றே நம் நாட்டின் அனைத்து மக்களின் இதயங்களிலும் ஒளியேற்றி சகல இனங்களையும் ஒன்றிணைக்கும் ஒளிப்பாலமாக அது அமைய வேண்டுமென்பதே எனது பிரார்த்தனையாகும்.   

“மேலும், ஒற்றுமை என்பது நமது நாட்டுகு மாத்திரமன்றி முழு உலகத்தினதும் இருப்புக்கு கட்டாயத் தேவையாக அமைந்துள்ள இன்றைய பொழுதில், இலங்கையர் என்ற வகையில் நாமும் இன, மத என பிரிவடைந்து காணப்படுவதற்கு பதிலாக சகவாழ்வு, நல்லிணக்கம் ஆகியவற்றை அடிப்படையாகக் கொண்டு ஆழமான பிணைப்பு மிக்க புரிந்துணர்வை ஏற்படுத்திக் கொள்வதற்கு அர்ப்பணிப்புடன் செயற்பட, இவ்வாறான கலாசார விழாக்கள் பெரும் ஆதாரமாக அமையுமென்பதே எனது எண்ணமாகும்” எனவும் குறிப்பிடப்பட்டுள்ளது.    

http://www.tamilmirror.lk/யாழ்ப்பாணம்/மகிழ்ச்சியை-பெற்றுக்கொடுக்க-வேண்டும்/71-205711

Categories: merge-rss, yarl-category

கட்டுநாயக்கவில் சுற்றித்திரிந்த 60 பேர் கைது

ஊர்ப்புதினம் - Tue, 17/10/2017 - 17:27
கட்டுநாயக்கவில் சுற்றித்திரிந்த 60 பேர் கைது
 

-ஐ. ஏ. காதிர் கான்
கட்டுநாயக்க விமான நிலையத்தில் சந்தேகத்துக்கிடமான முறையில் சுற்றித்திரிந்த 60 பேரை, கட்டுநாயக்க குற்றத்தடுப்புப் பொலிஸார் கைது செய்து, மினுவாங்கொடை மாவட்ட நீதிமன்றில் ஆஜர்படுத்தியுள்ளனர்.   

இவர்கள் ஒவ்வொருவருக்கும், தலா 1, 500 ரூபாய் வீதம், 90 ஆயிரம் ரூபாயை அபராதமாகத் தொகையாக செலுத்துமாறு, மினுவாங்கொடை நீதவான் நீதிமன்ற பதில் நீதவான் உத்தரவு பிறப்பித்துள்ளார்.   

நாட்டின் பல பாகங்களிலுமிருந்தும் கட்டுநாயக்க வந்து சுற்றித்திரிந்த நிலையில் கைது செய்யப்பட்டுள்ள இவர்கள் ஆண்கள் என, நீதிமன்ற பதிவேட்டில் முறைப்பாடு செய்யப்பட்டிருந்தது. 

http://www.tamilmirror.lk/செய்திகள்/கட்டுநாயக்கவில்-சுற்றித்திரிந்த-60-பேர்-கைது/175-205721

Categories: merge-rss, yarl-category